యూపీ వారియర్స్‌ హెడ్‌ కోచ్‌ లూయిస్‌పై వేటు..

మహిళల ప్రీమియర్‌ లీగ్‌ (డబ్ల్యూపీఎల్‌)లో యూపీ వారియర్స్‌ ఫ్రాంచైజీ తమ హెడ్‌ కోచ్‌ జాన్‌ లూయిస్‌కు ఉద్వాసన పలికింది. లీగ్‌ మొదలైన 2023లో ఆయనతో కుదుర్చుకున్న మూడేళ్ల ఒప్పందం గడువు ఈ సీజన్‌తోనే ముగియడంతో మళ్లీ పోడిగింపునివ్వలేదు.

ప్రారంభ సీజన్‌ (2023)లో లూయిస్‌ కోచింగ్‌లోని యూపీ వారియర్స్‌ ప్లేఆఫ్స్‌ దశకు చేరింది. అన్ని మ్యాచ్‌లు గెలిచిన యూపీ... ప్లేఆఫ్స్‌లో ఒక్క ముంబై ఇండియన్స్‌ చేతిలో ఓడింది. ఆ సీజన్‌ చాంపియన్‌ కూడా ముంబైయే! తదుపరి 2024 సీజన్‌లో పాయింట్ల పట్టికలో వారియర్స్‌ నాలుగో స్థానంలో నిలిచింది. 

అయితే ఈ సీజన్‌లో అట్టడుగున నిలువడంతో కాంట్రాక్టు ముగియగానే సాగనంపింది. మూడేళ్ల పాటు తమ జట్టుకు సేవలందించిన లూయిస్‌కు సోషల్‌ మీడియా వేదికగా యూపీ యాజమాన్యం ధన్యవాదాలు తెలిపింది.
చదవండి: MLC 2025: ఉత్కంఠ పోరు.. ఆఖ‌రి బంతికి సిక్స్ కొట్టి గెలిపించిన హెట్‌మైర్‌