లైవ్‌ మ్యాచ్‌.. ప్ర‌త్య‌ర్థి గూబ గుయ్‌మనిపించిన మెస్సీ!

Photo Credit: Twitter

అర్జెంటీనా స్టార్ లియోన‌ల్ మెస్సీ వివాదంలో చిక్కుకున్నాడు. మేజ‌ర్ లీగ్ సాక‌ర్‌లో భాగంగా ఇంట‌ర్ మియామి, ఫిల‌డెల్ఫియా క్లబ్స్‌ మ‌ధ్య జ‌రిగిన మ్యాచ్ 2-2తో డ్రాగా ముగిసింది. అయితే మ్యాచ్ సమయంలో  మెస్సీ ఫిలడెల్ఫియా ఆటగాడు క్విన్ సుల్లివన్ మెడ వెనుక భాగంలో చాచిపెట్టి ఒకటిచ్చాడు. దీనికి సంబంధించిన వీడియో సోషల్‌ మీడియాలో వైరల్‌గా మారింది.

మేజర్ లీగ్ సాకర్ నిబంధనల ప్రకారం ‘ప్రత్యర్థి ముఖం/తల/మెడపై చేతులు వేయడం నిషిద్ధం. నిబంధనలు ఉల్లంఘించిన కారణంగా మెస్సీకి భారీ జరిమానా విధిస్తున్నాం. మ్యాచ్‌లో ఇదే ఉల్లంఘనకు పాల్పడిన మరో ఇంటర్ మియామి ఆటగాడు ఇయాన్ ఫ్రేకు కూడా జరిమానా విధిస్తున్నాం’ అని చెప్పుకొచ్చింది.

అసలేం జరిగింది?
ఉద్రిక్తంగా సాగుతున్న పోరులో స్టాపేజ్ టైమ్ చివర్లో సుల్లివన్‌ను ఎదుర్కోవడానికి మెస్సీ సెంటర్ సర్కిల్ వద్దకు వెళ్లాడు. ఈ సమయంలో ఇద్దరి మధ్య మాటల యుద్ధం నడిచింది. దీంతో చిర్రెత్తుకొచ్చిన మెస్సీ సుల్లివన్‌పై దాడికి దిగాడు. ఈ సమయంలో వెనకే ఉన్న రిఫరీ ఫిలిప్ డుజిక్ ఆటగాళ్లను విడదీసే ప్రయత్నం చేశాడు. 

అయితే ఇద్దరికి ఎలాంటి కార్డు చూపించలేదు. ఇక ఫిఫా ప్ర‌పంచ‌క‌ప్ అనంత‌రం ఇంట‌ర్ మియామి క్ల‌బ్ త‌ర‌ఫున ఫుట్‌బాల్ ఆడుతూ మెస్సీ బిజీగా గడుపుతున్నాడు. ఫిఫా ప్రపంచకప్ 2026 ఫైనల్లో అ‍ర్జెంటీనాను 0-1తో మట్టికరిపించిన స్పెయిన్ రెండోసారి టైటిల్‌ను అందుకుంది.

Lionel Messi slapping 22-year-old USMNT and Philadelphia Union forward Quinn Sullivan in the back of the head 😮 pic.twitter.com/E87sMnhvng

— USMNT Only (@usmntonly) August 20, 2026

🚨Lionel Messi explains the incident with Quinn Sullivan that led to him tapping Sullivan on the back of the neck before confronting him head-on.

• Reporter: Leo, can you explain the moment with Quinn Sullivan… the contact on the neck and the confrontation that followed?… pic.twitter.com/Lj9dBTk57R

— Vfynn_🥷🏼 𐙚 (@Vfynn_) August 20, 2026

Read: 'వెన‌క్కి త‌గ్గం.. భార‌త్‌తో ఫ్రెండ్లీ మ్యాచ్ ఆడుతాం'