ఓటీటీలో విజయ్‌ సేతుపతి 'సార్‌ మేడమ్‌' సినిమా.. అప్పటినుంచే స్ట్రీమింగ్‌

డిఫరెంట్‌ రోల్స్‌తో ప్రేక్షకులను అలరిస్తున్నాడు విజయ్‌ సేతుపతి (Vijay Sethupathi). ఈయన నటించిన లేటెస్ట్‌ మూవీ సార్‌ మేడమ్‌ (Sir Madam Movie). నిత్యామీనన్‌ (Nithya Menen) కథానాయికగా యాక్ట్‌ చేసింది. పాండిరాజ్‌ దర్శకత్వం వహించిన ఈ మూవీ తమిళంలో తలైవాన్‌ తలైవి పేరిట జూలై 25న రిలీజైంది. సార్‌ మేడమ్‌ పేరిట తెలుగులో ఆగస్టు 1న ప్రేక్షకుల ముందుకు వచ్చింది.  

ఓటీటీలో సార్‌ మేడమ్‌
దాదాపు నెల రోజుల తర్వాత ఈ మూవీ డిజిటల్‌ ప్లాట్‌ఫామ్‌లోకి వచ్చేస్తోంది. ఈ మేరకు ప్రముఖ ఓటీటీ ప్లాట్‌ఫామ్‌ అమెజాన్‌ ప్రైమ్‌ వీడియో సోషల్‌ మీడియా వేదికగా ఓ పోస్ట్‌ పెట్టింది. సార్‌ మేడమ్‌ ఆగస్టు 22 నుంచి అమెజాన్‌ ప్రైమ్‌లో అందుబాటులోకి రానున్నట్లు అధికారిక ప్రకటన వచ్చింది. తమిళంతో పాటు తెలుగు, హిందీ, మలయాళ, కన్నడ భాషల్లో అందుబాటులోకి రానుంది.

భార్యాభర్తల స్టోరీ
ఈ మూవీలో నిత్యామీనన్‌- విజయ్‌ భార్యాభర్తలుగా నటించారు. దాంపత్య జీవితంలో వచ్చే సమస్యలను ఫన్నీగా చూపించారు. ఫ్యామిలీ ఎమోషన్స్‌తోపాటు కామెడీ ఎంటర్‌టైనర్‌గా ఈ సినిమా తెరకెక్కించారు. పెళ్లి చేసుకునేవారు, చేసుకున్నవారు ఈ సినిమాను ఓసారి ఓటీటీలో చూడాల్సిందే!

 

Get ready to fall in love with Aagasaveeran and Perarasi... twice 👀#ThalaivanThalaiviiOnPrime, Aug 22@VijaySethuOffl @MenenNithya @pandiraaj_dir @iYogiBabu@Music_Santhosh @SathyaJyothi @Lyricist_Vivek @studio9_suresh@Roshni_offl @kaaliactor @MynaNandhini @ActorMuthukumar pic.twitter.com/VqI3bn7zqP

— prime video IN (@PrimeVideoIN) August 15, 2025

చదవండి: పెళ్లిపందిట్లో టాలీవుడ్‌ హీరో చిరుదరహాసం.. ఆ చూపుల్లోనే..!