మరమ్మతు చేయాలని ధర్నా

కేజీఎఫ్‌: నగరంలోని బోరిలాల్‌ పేట, అశ్వత్‌ కాలనీలను కలిపే లింక్‌ రోడ్డుకు మరమ్మతు చేయాలని ఆర్‌కె ఫౌండేషన్‌ అధ్యక్షుడు మోహన కృష్ణ డిమాండ్‌ చేశారు. మంగళవారం స్థానిక కాలనీవాసులతో కలిసి ప్రతిఘటన నిర్వహించారు. ఈ సందర్భంగా ఆయన మాట్లాడుతూ.. రహదారి పూర్తిగా అధ్వానంగా ఉండటంతో రెండు రోజుల క్రితమే ఓ మహిళ కిందపడి చేయి విరిగిందన్నారు. ఈ విషయాన్ని నగరసభ అధికారుల దృష్టికి తీసుకెళ్లినా ఫలితం కనిపించలేదన్నారు. యూజీడీకి మూత వేయకపోవడంతో ప్రజలు పట్టుతప్పి అందులో పడి గాయాల పాలైనట్లు పేర్కొన్నారు. నగరసభ అధికారులు ఇప్పటికై నా కళ్లు తెరిచి రోడ్డుకు మరమ్మతు చేయాలని డిమాండ్‌ చేశారు.