రాజ్‌గిర్‌ (బిహార్‌): మ్యాచ్‌ మ్యాచ్‌కూ రాటుదేలిన భారత పురుషుల హాకీ జట్టు అసలు సిసలు సమరంలోనూ తమ ఆధిపత్యాన్ని చాటుకుంది. సొంతగడ్డపై జరిగిన ఆసియా కప్‌ టోర్నీలో హర్మన్‌ప్రీత్‌ సింగ్‌ నాయకత్వంలోని భారత జట్టు చాంపియన్‌గా నిలిచింది. ఆదివారం జరిగిన ఫైనల్లో భారత జట్టు 4–1 గోల్స్‌ తేడాతో డిఫెండింగ్‌ చాంపియన్‌ దక్షిణ కొరియా జట్టును ఓడించింది. ఈ విజయంతో ఆసియా కప్‌ విజేత హోదాలో... భారత జట్టు వచ్చే ఏడాది ఆగస్టులో బెల్జియం–నెదర్లాండ్స్‌లో జరిగే ప్రపంచ కప్‌ టోర్నీకి నేరుగా అర్హత సాధించింది. కొరియాతో జరిగిన ఫైనల్లో భారత్‌ తరఫున దిల్‌ప్రీత్‌ సింగ్‌ (28వ, 45వ నిమిషాల్లో) రెండు గోల్స్‌ చేయగా... సుఖ్‌జీత్‌ సింగ్‌ (1వ నిమిషంలో), అమిత్‌ రోహిదాస్‌ (50వ నిమిషంలో) ఒక్కో గోల్‌ సాధించారు. కొరియా జట్టుకు డెయిన్‌ సన్‌ (51వ నిమిషంలో) ఏకైక గోల్‌ అందించాడు. విజేతగా నిలిచిన భారత జట్టుకు హాకీ ఇండియా నజరానా ప్రకటించింది. జట్టులోని ప్రతి సభ్యుడికి రూ. 3 లక్షల చొప్పున... సహాయక సిబ్బందికి రూ. 1 లక్ష 50 వేల చొప్పున నగదు పురస్కారం అందజేయనుంది. ఆసియా కప్‌ను అత్యధికంగా ఐదుసార్లు నెగ్గిన కొరియా జట్టును ఏమాత్రం తక్కువ అంచనా వేయకుండా ఫైనల్లో భారత్‌ పక్కా వ్యూహంతో ఆడింది. తొలి నిమిషం నుంచే సమన్వయంతో కదులుతూ దాడులు చేసింది. ఫలితంగా తొలి నిమిషంలోనే భారత్‌ ఖాతా తెరిచింది. ఆ తర్వాత భారత్‌ జోరు కొనసాగించగా... ఆతిథ్య జట్టు దాడులను అడ్డుకోవడంలోనే కొరియాకు సమయం సరిపోయింది. మ్యాచ్‌ మొత్తం భారత్‌ ఒకేతీరుగా ఆడటంతో కొరియాకు తేరుకునే అవకాశం లేకుండా పోయింది. నాలుగు గోల్స్‌ సమర్పించుకున్నాక కొరియా ఖాతా తెరిచినా అప్పటికే ఆలస్యమైపోయింది. మ్యాచ్‌ మొత్తంలో భారత్‌కు రెండు పెనాల్టీ కార్నర్‌లు రాగా ఒక దానిని సద్వినియోగం చేసుకుంది. ఒక పెనాల్టీ స్ట్రోక్‌ను వృథా చేసింది. కొరియా జట్టుకు లభించిన మూడు పెనాల్టీ కార్నర్‌లలో ఒక దానిని గోల్‌గా మలిచింది. అంతకుముందు మూడో స్థానం కోసం జరిగిన మ్యాచ్‌లో మలేసియా 4–1తో చైనాపై గెలిచింది.4: ఆసియా కప్‌ టైటిల్‌ సాధించడం భారత్‌కిది నాలుగోసారి. గతంలో భారత్‌ 2003, 2007, 2017లలో విజేతగా నిలిచింది. కొరియా అత్యధికంగా ఐదుసార్లు ఆసియా కప్‌ విజేతగా నిలిచింది.164: తాజా ఆసియా కప్‌లో నమోదైన మొత్తం గోల్స్‌. ఇందులో 97 ఫీల్డ్‌ గోల్స్‌ కాగా... 59 పెనాల్టీ కార్నర్‌ల ద్వారా, 8 పెనాల్టీ స్ట్రోక్‌ల ద్వారా వచ్చాయి. మలేసియా ప్లేయర్‌ అఖీముల్లా 12 గోల్స్‌తో టోర్నీ టాప్‌ స్కోరర్‌గా నిలిచాడు. భారత్‌ తరఫున అభిõÙక్, హర్మన్‌ప్రీత్, సుఖ్‌జీత్‌ 6 గోల్స్‌ చొప్పున చేశారు.39: తాజా ఆసియా కప్‌లో అత్యధిక గోల్స్‌ చేసిన జట్టుగా భారత్‌ (39) నిలిచింది. ఈ టోర్నీలో భారత్‌ ఆరు మ్యాచ్‌ల్లో గెలిచి, ఒక మ్యాచ్‌ను ‘డ్రా’ చేసుకొని అజేయంగా నిలిచింది.

రాజ్‌గిర్‌ (బిహార్‌): ఆసియా కప్‌ పురుషుల హాకీ టోర్నమెంట్‌లో ఆతిథ్య భారత జట్టు ఫైనల్‌కు దూసుకెళ్లింది. ‘సూపర్‌–4’ దశ చివరి మ్యాచ్‌ను ‘డ్రా’ చేసుకున్నా ముందంజ వేసే స్థితిలో బరిలోకి దిగిన టీమిండియా భారీ విజయం ఖాతాలో వేసుకుంది. ‘సూపర్‌–4’ ఆఖరి పోరులో శనివారం భారత్‌ 7–0 గోల్స్‌ తేడాతో చైనాను చిత్తుచేసింది. భారత్‌ తరఫున అభిషేక్‌ (46వ, 50వ నిమిషాల్లో) డబుల్‌ గోల్స్‌తో సత్తా చాటగా... శిలానంద్‌ లక్డా (4వ నిమిషంలో), దిల్‌ప్రీత్‌ సింగ్‌ (7వ నిమిషంలో), మన్‌దీప్‌ సింగ్‌ (18వ నిమిషంలో), రాజ్‌ కుమార్‌ పాల్‌ (37వ నిమిషంలో), సుఖ్‌జీత్‌ సింగ్‌ (39వ నిమిషంలో) తలా ఒక గోల్‌ చేశారు. ‘సూపర్‌–4’ దశ ముగిసేసరికి భారత్‌ 7 పాయింట్లతో పట్టిక అగ్ర స్థానంలో నిలవగా... డిఫెండింగ్‌ చాంపియన్‌ కొరియా 4 పాయింట్లతో రెండో స్థానంలో ఉంది. ఈ రెండు జట్ల మధ్య ఆదివారం టైటిల్‌ సమరం జరగనుంది. ఇందులో గెలిచిన జట్టు వచ్చే ఏడాది బెల్జియం, నెదర్లాండ్స్‌ వేదికగా జరగనున్న ప్రపంచకప్‌నకు నేరుగా అర్హత సాధించనుంది. మూడో స్థానం కోసం మలేసియాతో చైనా తలపడుతుంది. చైనాతో పోరులో టీమిండియా పూర్తి ఆధిపత్యం కనబర్చింది. భారత స్ట్రయికర్ల ధాటికి చైనా ప్లేయర్లు ఆత్మరక్షణలో పడిపోయారు. ఈ మ్యాచ్‌లో భారత జట్టు ప్రత్యర్థికి ఒక్క పెనాల్టీ కార్నర్‌ అవకాశం కూడా ఇవ్వలేదు. మ్యాచ్‌ ఆరంభమైన నాలుగో నిమిషంలో శిలానంద్‌ గోల్‌తో ఖాతా తెరిచిన భారత్‌... ఇక చివరి వరకు అదే జోరు కొనసాగించింది. మరో మ్యాచ్‌లో కొరియా 4–3 గోల్స్‌ తేడాతో మలేసియాపై గెలిచింది.

రాజ్‌గిర్‌ (బిహార్‌): తొలి రెండు లీగ్‌ మ్యాచ్‌ల్లో ఒక్కో గోల్‌ తేడాతో నెగ్గిన భారత హాకీ జట్టు... చివరి లీగ్‌ మ్యాచ్‌లో మాత్రం చెలరేగిపోయింది. ఆసియా కప్‌ పురుషుల హాకీ టోరీ్నలో భాగంగా... కజకిస్తాన్‌ జట్టుతో సోమవారం జరిగిన పూల్‌ ‘ఎ’ ఆఖరి మ్యాచ్‌లో హర్మన్‌ప్రీత్‌ సింగ్‌ నాయకత్వంలోని భారత జట్టు 15–0 గోల్స్‌ తేడాతో ఘనవిజయం సాధించింది. ఈ మ్యాచ్‌లో భారత్‌ తరఫున ఎనిమిది మంది ఆటగాళ్లు గోల్స్‌ చేశారు. టీమిండియా సగటున నాలుగు నిమిషాలకు ఒక్కో గోల్‌ సాధించడం విశేషం. లీగ్‌ దశలో ఆడిన మూడు మ్యాచ్‌ల్లోనూ గెలిచి టీమిండియా అజేయంగా నిలిచింది. తొమ్మిది పాయింట్లతో పూల్‌ ‘ఎ’లో అగ్రస్థానం పొందిన భారత బృందం ‘సూపర్‌–4’ సెమీఫైనల్‌ దశకు అర్హత సాధించింది. అంతర్జాతీయస్థాయిలో తొలిసారి కజకిస్తాన్‌తో పోటీపడ్డ భారత్‌ ప్రత్యర్థి జట్టుపై ఎడతెరిపిలేని దాడులు నిర్వహించి హడలెత్తించింది. ఐదో నిమిషంలో భారత్‌ నుంచి తొలి గోల్‌ నమోదుకాగా... మ్యాచ్‌ ముగియడానికి మరో నిమిషం వరకు ఈ గోల్స్‌ వేట కొనసాగింది. భారత్‌ తరఫున అభిõÙక్‌ (5వ, 8వ, 20వ, 59వ నిమిషాల్లో) అత్యధికంగా నాలుగు గోల్స్‌ చేశాడు. సుఖ్‌జీత్‌ సింగ్‌ (15వ, 32వ, 38వ నిమిషాల్లో), జుగ్‌రాజ్‌ సింగ్‌ (24వ, 31వ, 47వ నిమిషాల్లో) మూడు గోల్స్‌ చొప్పున సాధించారు. కెపె్టన్‌ హర్మన్‌ప్రీత్‌ సింగ్‌ (26వ నిమిషంలో), అమిత్‌ రోహిదాస్‌ (29వ నిమిషంలో), రాజిందర్‌ సింగ్‌ (32వ నిమిషంలో), సంజయ్‌ (54వ నిమిషంలో), దిల్‌ప్రీత్‌ సింగ్‌ (55వ నిమిషంలో) ఒక్కో గోల్‌ చేశారు. భారత జట్టుకు 13 పెనాల్టీ కార్నర్‌లు, 2 పెనాల్టీ స్ట్రోక్‌లు లభించాయి. 13 పెనాల్టీ కార్నర్‌లలో కేవలం నాలుగింటిని మాత్రమే భారత ఆటగాళ్లు గోల్స్‌గా మలిచారు. లేదంటే భారత్‌ ఖాతాలో మరిన్ని గోల్స్‌ చేరేవి. కజకిస్తాన్‌ జట్టు తమకు లభించిన మూడు పెనాల్టీ కార్నర్‌లను వృథా చేసుకుంది. చైనా ముందుకు... పూల్‌ ‘ఎ’లో భాగంగా చైనా, జపాన్‌ జట్ల మధ్య జరిగిన మరో మ్యాచ్‌ 2–2తో ‘డ్రా’గా ముగిసింది. చైనా, జపాన్‌ జట్లు నాలుగు పాయింట్లతో సమంగా నిలిచినా... గోల్స్‌ అంతరంలో జపాన్‌ను (6 గోల్స్‌) వెనక్కి నెట్టిన చైనా (11 గోల్స్‌) జట్టుకు ‘సూపర్‌–4’ బెర్త్‌ దక్కింది. పూల్‌ ‘బి’ నుంచి డిఫెండింగ్‌ చాంపియన్‌ దక్షిణ కొరియా, మలేసియా జట్లు కూడా ‘సూపర్‌–4’ దశకు అర్హత పొందాయి. నేడు విశ్రాంతి దినం. బుధవారం నుంచి భారత్, కొరియా, చైనా, మలేసియా జట్ల మధ్య ‘సూపర్‌–4’ దశ మ్యాచ్‌లు మొదలవుతాయి. బుధవారం జరిగే మ్యాచ్‌ల్లో దక్షిణ కొరియాతో భారత్‌ (రాత్రి గం. 7:30 నుంచి), మలేసియాతో చైనా (సాయంత్రం గం. 5 నుంచి) తలపడతాయి.

స్వదేశంలో ఈనెల 29 నుంచి జరిగే ఆసియాకప్‌ పురుషుల హాకీ టోర్నమెంట్‌లో పాల్గొనే భారత జట్టును బుధవారం ప్రకటించారు. 18 మంది సభ్యులతో కూడిన భారత జట్టుకు ‘డ్రాగ్‌ ఫ్లికర్‌’ హర్మన్‌ప్రీత్‌ సింగ్‌ నాయ కత్వం వహిస్తాడు. సెప్టెంబరు 7వ తేదీ వరకు జరిగే ఈ టోర్నీలో ఎనిమిది దేశాలు పోటీపడతాయి. విజేతగా నిలిచిన జట్టు వచ్చే ఏడాది బెల్జియం–నెదర్లాండ్స్‌లలో జరిగే ప్రపంచకప్‌ టోర్నీకి నేరుగా అర్హత సాధిస్తుంది.టైటిల్‌ పోరు బాట ఇలాచైనాతో ఈనెల 29న జరిగే గ్రూప్‌ ‘ఎ’ మ్యాచ్‌తో భారత్‌ తమ టైటిల్‌ వేటను మొదలుపెడుతుంది. అనంతరం ఆగస్టు 31న జపాన్‌తో, సెప్టెంబరు 1న కజకిస్తాన్‌తో భారత్‌ ఆడుతుంది. గ్రూప్‌ ‘బి’లో డిఫెండింగ్‌ చాంపియన్‌ దక్షిణ కొరియా, మలేసియా, చైనీస్‌ తైపీ, బంగ్లాదేశ్‌ జట్లు ఉన్నాయి. లీగ్‌ దశ మ్యాచ్‌లు ముగిశాక రెండు గ్రూప్‌లలో తొలి రెండు స్థానాల్లో నిలిచిన నాలుగు జట్లు ‘సూపర్‌–4’ దశకు చేరుకోనున్నాయి. ‘సూపర్‌–4’లో తొలి రెండు స్థానాల్లో నిలిచిన జట్లు సెప్టెంబరు 7న టైటిల్‌ కోసం తలపడతాయి. ఇదిలా ఉంటే.. భారత్‌లో జరిగే ఈ ఆసియాకప్‌ టోర్నీ నుంచి పాకిస్తాన్‌ వైదొలిగింది. ఆ జట్టు స్థానంలో బంగ్లాదేశ్‌ గ్రూప్‌-‘బి’లో చేరింది.భారత పురుషుల హాకీ జట్టు: కృషన్‌ పాఠక్, సూరజ్‌ కర్కేరా (గోల్‌ కీపర్లు), సుమిత్, జర్మన్‌ప్రీత్‌ సింగ్, సంజయ్, హర్మన్‌ప్రీత్‌ సింగ్, జుగ్‌రాజ్‌ సింగ్, అమిత్‌ రోహిదాస్‌ (డిఫెండర్లు), రాజిందర్‌ సింగ్, రాజ్‌కుమార్‌ పాల్, హార్దిక్‌ సింగ్, మన్‌ప్రీత్‌ సింగ్, వివేక్‌ సాగర్‌ ప్రసాద్‌ (మిడ్‌ఫీల్డర్లు), మన్‌దీప్‌ సింగ్, శిలానంద్‌ లాక్రా, అభిషేక్, సుఖ్‌జీత్‌ సింగ్, దిల్‌ప్రీత్‌ సింగ్‌ (ఫార్వర్డ్స్‌).

బెంగళూరు: ఆసియా కప్‌ టోర్నమెంట్‌ ప్రారంభానికి ముందు ఆస్ట్రేలియా వంటి మేటి జట్టుతో తలపడితే లోపాలు సవరించుకొని మరింత మెరుగయ్యే అవకాశం ఉంటుందని భారత పురుషుల హాకీ జట్టు కెప్టెన్ హర్మన్‌ప్రీత్‌ సింగ్‌ అభిప్రాయపడ్డాడు. ఈ నెల 29 నుంచి రాజ్‌గిర్‌ వేదికగా పురుషుల ఆసియా కప్‌ హాకీ టోర్నమెంట్‌ ప్రారంభం కానుండగా... అంతకుముందు భారత జట్టు ఆ్రస్టేలియాలో పర్యటిస్తోంది. ఈ టూర్‌లో భాగంగా పెర్త్‌లోని హాకీ స్టేడియంలో ఆతిథ్య ఆ్రస్టేలియాతో హర్మన్‌ప్రీత్‌ సింగ్‌ సారథ్యంలోని టీమిండియా నాలుగు మ్యాచ్‌లు ఆడనుంది. దీని కోసం శుక్రవారం బెంగళూరు నుంచి జట్టు ఆ్రస్టేలియాకు పయనమైంది. ఈ సందర్భంగా కెప్టెన్‌ హర్మన్‌ప్రీత్‌ సింగ్‌ మాట్లాడుతూ... ‘ఆ్రస్టేలియా వంటి బలమైన ప్రత్యర్థితో వారి సొంతగడ్డపై మ్యాచ్‌లు ఆడటం సవాలుతో కూడుకున్నది. ఆసియా కప్‌ ప్రారంభానికి ముందు ఇలాంటి క్లిష్టమైన సిరీస్‌ ఆడనుండటం జట్టుకు ఎంతగానో ఉపయోగపడుతుంది. మేమంతా ఇలాంటి సన్నద్ధతే కోరుకున్నాం. ఆసియా కప్‌ కోసం జట్టును సిద్ధం చేసుకునేందుకు ఈ సిరీస్‌ ఉపయోగపడనుంది. బలమైన ప్రత్యర్థితో తలపడినప్పుడే మన లోపాలు బయటపడతాయి. వాటిని ఎలా అధిగమించాలో మార్గాలు వెతికి మరింత మెరుగైన ప్రదర్శన చేయవచ్చు. జట్టు మొత్తం సమష్టిగా రాణించాలని భావిస్తున్నాం. ఈ సన్నద్ధత ఆసియా కప్‌లో తప్పక ఉపయోగపడుతుంది’ అని అన్నాడు. ఆగస్టు 15, 16, 19, 21న పెర్త్‌లో భారత్, ఆ్రస్టేలియా మధ్య హాకీ మ్యాచ్‌లు జరగనున్నాయి. ప్రదర్శన ఆధారంగా ఆసియాకప్‌ తుది జట్టు కూర్పు ఉండనుంది. మెరుగైన ఆటతీరు కనబర్చిన ప్లేయర్లనే ఆసియాకప్‌నకు ఎంపిక చేయనున్నారు. ప్రస్తుత జట్టులో అటు అనుభవజ్ఞు, ఇటు యువకులు ఉండటంతో... ఆ్రస్టేలియాపై వారి ఆటతీరును అంచనా వేసిన తర్వాతే ఆసియాకప్‌నకు జట్టును ఎంపిక చేయనున్నారు. ఈ టోర్నీలో సత్తా చాటిన జట్టు వరల్డ్‌కప్‌నకు నేరుగా అర్హత సాధించనుంది.

న్యూఢిల్లీ: ఆసియా కప్‌ టోర్నమెంట్‌కు సన్నాహాల్లో భాగంగా భారత పురుషుల హాకీ జట్టు ఈ నెలలో ఆ్రస్టేలియాలో పర్యటించనుంది. ఆగస్టు 15 నుంచి 21 వరకు జరిగే ఈ పర్యటనలో టీమిండియా నాలుగు మ్యాచ్‌లు ఆడుతుంది. ఈ సిరీస్‌లో పాల్గొనే భారత జట్టును సోమవారం ప్రకటించారు. 24 మంది సభ్యులతో కూడిన భారత జట్టుకు హర్మన్‌ప్రీత్‌ సింగ్‌ సారథ్యం వహిస్తాడు. కర్ణాటకకు చెందిన డిఫెండర్‌ సీబీ పూవణ్ణ తొలిసారి జాతీయ సీనియర్‌ జట్టులోకి ఎంపికయ్యాడు. ప్రస్తుతం బెంగళూరులోని భారత స్పోర్ట్స్‌ అథారిటీ (సాయ్‌) కేంద్రంలో భారత జట్టుకు శిక్షణ శిబిరం జరుగుతోంది. ఈ పర్యటన కోసం భారత జట్టు శుక్రవారం బెంగళూరు నుంచి ఆస్ట్రేలియాకు బయలుదేరుతుంది. భారత పురుషుల హాకీ జట్టు: కృషన్‌ పాఠక్, సూరజ్‌ (గోల్‌కీపర్లు), సుమిత్, జర్మన్‌ప్రీత్‌ సింగ్, హర్మన్‌ప్రీత్‌ సింగ్‌ (కెపె్టన్‌), సంజయ్, అమిత్‌ రోహిదాస్, నీలం సంజీప్, జుగ్‌రాజ్‌ సింగ్, పూవణ్ణ (డిఫెండర్లు), రాజిందర్‌ సింగ్, రాజ్‌కుమార్‌ పాల్, హార్దిక్‌ సింగ్, మన్‌ప్రీత్‌ సింగ్, వివేక్‌ సాగర్‌ ప్రసాద్, రబిచంద్ర సింగ్, విష్ణుకాంత్‌ సింగ్‌ (మిడ్‌ఫీల్డర్లు), మన్‌దీప్‌ సింగ్, శిలానంద్‌ లాక్రా, అభిõÙక్, సుఖ్‌జీత్‌ సింగ్, దిల్‌ప్రీత్‌ సింగ్, సెల్వం కార్తీ, ఆదిత్య లలాగే (ఫార్వర్డ్స్‌).

భువనేశ్వర్‌: అంతర్జాతీయ హాకీ సమాఖ్య ప్రొ లీగ్‌లో భారత పురుషుల జట్టుకు మరో విజయం లభించింది. శుక్రవారం జరిగిన మ్యాచ్‌లో హర్మన్‌ప్రీత్‌ సింగ్‌ నాయకత్వంలోని టీమిండియా 3–1 గోల్స్‌ తేడాతో ఐర్లాండ్‌ జట్టును ఓడించింది. భారత్‌ తరఫున మన్‌దీప్‌ సింగ్‌ (22వ నిమిషంలో), జర్మన్‌ప్రీత్‌ సింగ్‌ (45వ నిమిషంలో), సుఖ్‌జీత్‌ సింగ్‌ (58వ నిమిషంలో) ఒక్కో గోల్‌ చేశారు. ఐర్లాండ్‌ జట్టుకు జెరెమీ డంకన్‌ (8వ నిమిషంలో) ఒక గోల్‌ అందించాడు. మరోవైపు జర్మనీతో జరిగిన మ్యాచ్‌లో భారత మహిళల జట్టు 0–4 గోల్స్‌ తేడాతో పరాజయం పాలైంది.

భువనేశ్వర్‌: ఎఫ్‌ఐహెచ్‌ పురుషుల ప్రొ లీగ్‌లో భారత జట్టు పరాజయం పాలైంది. భారత అంచె పోటీల్లో భాగంగా శనివారం జరిగిన తొలి మ్యాచ్‌లో హర్మన్‌ప్రీత్‌ సింగ్‌ సారథ్యంలోని భారత్‌ 1–3 గోల్స్‌ తేడాతో స్పెయిన్‌ చేతిలో ఓడింది. 2024 పారిస్‌ ఒలింపిక్స్‌ కాంస్య పతక పోరులో భారత జట్టు చేతిలో ఎదురైన పరాజయానికి స్పెయిన్‌ బదులు తీర్చుకున్నట్లైంది. భారత్‌ తరఫున సుఖ్‌జీత్‌సింగ్‌ (25వ నిమిషంలో) ఏకైక గోల్‌ సాధించాడు. స్పెయిన్‌ తరఫున బోర్జా లాకల్లె (28వ నిమిషంలో), ఇగ్నాషియా కొబొస్‌ (38వ ని.లో), బ్రూనో అవిలా (56వ ని.లో) తలా ఒక గోల్‌ చేశారు. భారత జట్టు పదే పదే దాడులు చేసినా స్పెయిన్‌ రక్షణ పంక్తి సమర్థవంతంగా అడ్డుకుంది. తొలి క్వార్టర్‌లో ఇరు జట్లు ఎంత ప్రయత్నించినా... గోల్‌ చేయలేకపోయాయి. రెండో క్వార్టర్‌ను ఇరు జట్లు మరింత దూకుడుగా ప్రారంభించాయి. ఈ క్రమంలో సుఖ్‌జీత్‌ సింగ్‌ గోల్‌తో భారత్‌ ఆధిక్యంలోకి వెళ్లగా... మూడు నిమిషాల వ్యవధిలోనే గోల్‌ కొట్టిన స్పెయన్‌ స్కోరు సమం చేసింది. ఆ తర్వాత వరుసగా రెండు క్వార్టర్స్‌లో ఒక్కో గోల్‌ బాదిన స్పెయిన్‌ మ్యాచ్‌ను చేజిక్కించుకుంది. ఆదివారం మరోసారి స్పెయిన్‌తో భారత్‌ ఆడనుంది. హోరాహోరీ పోరులో భారత అమ్మాయిల విజయం ఎఫ్‌ఐహెచ్‌ మహిళల ప్రొ లీగ్‌లో భారత మహిళల జట్టు శుభారంభం చేసింది. భారత అంచె పోటీల్లో భాగంగా శనివారం హోరాహోరీగా సాగిన తొలి పోరులో భారత్‌ 3–2 పాయింట్ల తేడాతో ఇంగ్లండ్‌పై విజయం సాధించింది. కళింగ స్టేడియంలో జరిగిన పోరులో తమకన్నా మెరుగైన ర్యాంక్‌ ఉన్న ఇంగ్లండ్‌ జట్టుపై భారత్‌ స్ఫూర్తిదాయకమైన ప్రదర్శన కనబర్చింది. భారత్‌ తరఫున వైష్ణవి (6వ నిమిషంలో), దీపిక (25వ ని.లో) నవ్‌నీత్‌ కౌర్‌ (59వ ని.లో) తలా ఒక గోల్‌ చేశారు. వైష్ణవి, దీపిక పెనాల్టీ కార్నర్‌లను గోల్స్‌గా మలచగా... ఆట ఆఖరి నిమిషంలో అదిరిపోయే ఫీల్డ్‌గోల్‌తో నవ్‌నీత్‌ జట్టుకు విజయాన్ని అందించింది. ఇంగ్లండ్‌ తరఫున డార్సీ బౌర్నె (12వ నిమిషంలో), ఫియానా క్రాక్లెస్‌ (58వ ని.లో) చెరో గోల్‌ కొట్టారు. ఎఫ్‌ఐహెచ్‌ ర్యాంకింగ్స్‌లో తొమ్మిదో స్థానంలో ఉన్న భారత్‌.. వైష్ణవి గోల్‌తో తొలి క్వార్టర్‌లోనే ఖాతా తెరిచింది. అయితే కాసేపటికే ఏడో ర్యాంక్‌లో ఉన్న ఇంగ్లండ్‌ స్కోరు సమం చేసింది. రెండో క్వార్టర్‌లో దీపిక గోల్‌తో ఆధిక్యంలోకి వెళ్లిన భారత్‌... సునాయాసంగానే మ్యాచ్‌ గెలిచేలా కనిపించింది. ఈ క్రమంలో గోల్‌కీపర్‌ సవిత పూనియా కొన్ని చక్కటి సేవ్‌లతో ప్రత్యర్థికి స్కోరు చేసే అవకాశం ఇవ్వలేదు. చివర్లో ఇంగ్లండ్‌ స్కోరు సమం చేసినా... నిమిషం వ్యవధిలోనే మరో గోల్‌ కొట్టిన భారత్‌ విజయం సాధించింది. ఆదివారం జరగనున్న మ్యాచ్‌లో మరోసారి ఇంగ్లండ్‌తో భారత అమ్మాయిల జట్టు తలపడుతుంది.

భువనేశ్వర్‌: వచ్చే ఏడాది హాకీ ప్రపంచకప్‌ జరగనున్న నేపథ్యంలో... నేరుగా మెగా టోర్నీకి అర్హత సాధించేందుకు ఎఫ్‌ఐహెచ్‌ ప్రొ లీగ్‌లో ప్రతీ మ్యాచ్‌ గెలవాలనుకుంటున్నామని భారత హాకీ జట్టు కెప్టెన్ హర్మన్‌ప్రీత్‌ సింగ్‌ పేర్కొన్నాడు. లీగ్‌లో మంచి ప్రదర్శన కనబర్చి అగ్రస్థానంలో నిలవడమే తమ ముందున్న ప్రధాన లక్ష్యమని హర్మన్‌ప్రీత్‌ అన్నాడు. లీగ్‌లో భాగంగా శనివారం తొలి పోరులో స్పెయిన్‌తో భారత్‌ తలపడుతుంది. అనంతరం ఆదివారం స్పెయిన్‌తో మరో మ్యాచ్‌ ఆడుతుంది. ఈ నెల 18న, 19న జర్మనీతో 21, 22న ఐర్లాండ్‌తో... 24, 25న ఇంగ్లండ్‌తో మ్యాచ్‌లు ఆడుతుంది. ‘హాకీ ఇండియా లీగ్‌ నుంచి మా శిక్షణ సాగుతూనే ఉంది. ఫిట్‌నెస్‌ కాపాడుకుంటూ ప్రాక్టీస్‌ చేస్తున్నాం. ఆటగాళ్లంతా మంచి ఉత్సాహంగా ఉన్నారు. ప్రపంచకప్‌ను దృష్టిలో పెట్టుకొని ప్రొ లీగ్‌లో అన్నీ మ్యాచ్‌లు గెలవడమే మా ప్రధాన లక్ష్యం’ అని హర్మన్‌ప్రీత్‌ అన్నాడు. 2026 ఆగస్టులో బెల్జియం, నెదర్లాండ్స్‌ వేదికగా హాకీ వరల్డ్‌ కప్‌ జరగనుంది. ‘హాకీ ఇండియా లీగ్‌ ద్వారా దేశవాళీ ఆటగాళ్ల ప్రతిభ వెలుగులోకి వచ్చింది. వారిని సక్రమంగా వినియోగించుకుంటే భవిష్యత్తులో మరింత మంచి ప్లేయర్లుగా ఎదుగుతారు. స్పెయిన్‌ గట్టి ప్రత్యర్థి, వారిని తక్కువ అంచనా వేయడం లేదు. మా వరకు అత్యుత్తమ ప్రదర్శన కనబర్చడంపైనే దృష్టి పెడతాం’అని హర్మన్‌ప్రీత్‌ పేర్కొన్నాడు.

న్యూఢిల్లీ: అంతర్జాతీయ హాకీ సమాఖ్య (ఎఫ్‌ఐహెచ్‌) పురుషుల ప్రొ లీగ్‌లో పాల్గొనే భారత ప్రాబబుల్స్‌ను ప్రకటించారు. ప్రస్తుత కెప్టెన్‌ హర్మన్‌ప్రీత్‌ సింగ్‌ సారథ్యంలోనే భారత బృందం తొలి అంచె పోటీల్లో బరిలోకి దిగనుంది. హాకీ ఇండియా లీగ్, జూనియర్‌ టోర్నీలలో ఆయా ఆటగాళ్లు కనబరిచిన ప్రదర్శన ఆధారంగా మొత్తం 32 మందిని ఈ టోర్నీ కోసం ఎంపిక చేశారు. ఫిబ్రవరి 15 నుంచి 25వ తేదీ వరకు జరిగే మ్యాచ్‌ల్లో స్పెయిన్, జర్మనీ, ఐర్లాండ్, ఇంగ్లండ్‌ జట్లతో భారత జట్టు రెండేసి మ్యాచ్‌లు ఆడుతుంది. 2023–2024 ప్రొ లీగ్‌ సీజన్‌లో భారత జట్టు ఏడో స్థానంలో నిలిచింది. భారత హాకీ ప్రాబబుల్స్‌: కృషన్‌ బహదూర్‌ పాఠక్, సూరజ్‌ కర్కెరా, ప్రిన్స్‌దీప్‌ సింగ్‌ (గోల్‌కీపర్లు). డిఫెండర్లు: హర్మన్‌ప్రీత్‌ సింగ్, జర్మన్‌ప్రీత్‌ సింగ్, అమిత్‌ రోహిదాస్, సుమిత్, సంజయ్, జుగ్‌రాజ్‌ సింగ్, నీలం సంజీప్‌ జెస్, వరుణ్‌ కుమార్, యశ్‌దీప్‌ సివాచ్‌. మిడ్‌ఫీల్డర్లు: రాజ్‌కుమార్‌ పాల్, షంషేర్‌ సింగ్, మన్‌ప్రీత్‌ సింగ్, హార్దిక్‌ సింగ్, వివేక్‌ సాగర్‌ ప్రసాద్, నీలకంఠ శర్మ, రబిచంద్ర సింగ్, రాజిందర్‌ సింగ్‌. ఫార్వర్డ్స్‌: అభిషేక్, సుఖ్‌జీత్‌ సింగ్, లలిత్‌ కుమార్‌ ఉపాధ్యాయ్, మన్‌దీప్‌ సింగ్, గుర్జంత్‌ సింగ్, అంగద్‌బీర్‌ సింగ్, బాబా సింగ్‌ ధామి, శిలానంద్‌ లాక్రా, దిల్‌ప్రీత్‌ సింగ్, అరిజిత్‌ సింగ్‌ హుండల్, ఉత్తమ్‌ సింగ్, అర్ష్ దీప్‌ సింగ్‌.

భారత దేశపు అత్యున్నత క్రీడా పురస్కారం అయిన "మేజర్ ధ్యాన్ చంద్ ఖేల్ రత్న అవార్డు" గతేడాది (2024) నలుగురిని వరించింది. చెస్‌లో డి గుకేశ్‌, పురుషుల హాకీలో హర్మన్‌ప్రీత్‌ సింగ్‌, మహిళల షూటింగ్‌లో మనూ బాకర్‌, పారా-అథ్లెట్ (హై జంప్‌) ప్రవీణ్ కుమార్ ప్రతిష్టాత్మక అవార్డుకు ఎంపికయ్యాడు. ఈ నలుగురు ఇవాళ (జనవరి 17) రాష్ట్రపతి ద్రౌపది ముర్ము చేతుల మీదుగా ఖేల్ రత్న అవార్డులు అందుకున్నారు. అవార్డుల ప్రధానోత్సవ కార్యక్రమం రాష్ట్రపతి భవన్‌లో జరిగింది.A historic moment for 🇮🇳 Indian chess! 🏆Congratulations to 🇮🇳 GM Gukesh on receiving the prestigious Major Dhyan Chand Khel Ratna Award from Hon’ble President Droupadi Murmu👏Your hard work and passion continue to inspire us all—onward and upward 🥳👏@DGukesh📹Doordarshan pic.twitter.com/4AMZ8ClZD9— Chess.com - India (@chesscom_in) January 17, 2025గుకేశ్‌ అతి చిన్న వయసులో (18) ప్రపంచ చెస్‌ ఛాంపియన్‌గా అవతరించిన విషయం తెలిసిందే. విశ్వనాథన్‌ ఆనంద్‌ తర్వాత ప్రపంచ చెస్‌ ఛాంపియన్‌గా నిలిచిన రెండవ భారతీయుడు గుకేష్. గుకేశ్‌ గత నెలలో చైనా గ్రాండ్‌మాస్టర్‌ డింగ్ లిరెన్‌ను ఓడించి వరల్డ్‌ ఛాంపియన్‌షిప్‌ను కైవసం చేసుకున్నాడు.హర్మన్‌ప్రీత్ సింగ్ భారత పురుషుల హాకీ జట్టు కెప్టెన్‌. హర్మన్‌ సారథ్యంలో భారత్‌ గతేడాది ఒలింపిక్స్‌ కాంస్య పతకాన్ని గెలుచుకుంది. భారత్‌ పతకం సాధించడంలో హర్మన్‌ కీలకపాత్ర పోషించాడు.మ‌నూ భాక‌ర్ .. ఒకే ఒలింపిక్స్‌లో రెండు మెడ‌ల్స్ సాధించిన తొలి భార‌తీయ అథ్లెట్‌గా రికార్డు నెలకొల్పింది. మనూ బాకర్‌ గ‌తేడాది ఆగ‌స్టులో జ‌రిగిన విశ్వక్రీడ‌ల్లో రెండు కాంస్య పతకాలు (10మీ ఎయిర్ పిస్తోల్‌, 10మీ ఎయిర్ పిస్తోల్ మిక్స్‌డ్ టీం ఈవెంట్ల‌లో) గెలుచుకుంది.ప్రవీణ్‌ కుమార్‌.. గతేడాది జరిగిన పారాలింపిక్స్‌లో పురుషుల హై జంప్‌ విభాగంలో స్వర్ణ పతకం సాధించాడు.పై నలుగురు భారత క్రీడా రంగంలో చేసిన విశేష కృషికి గాను ఖేల్‌ రత్న అవార్డులు అందుకున్నారు.

న్యూఢిల్లీ: ఐర్లాండ్‌తో స్వదేశంలో జరిగే మూడు వన్డేల సిరీస్‌లో పాల్గొనే భారత మహిళల క్రికెట్‌ జట్టును సెలక్టర్లు ప్రకటించారు. 15 మంది సభ్యుల ఈ టీమ్‌కు స్మృతి మంధాన కెప్టెన్‌గా వ్యవహరిస్తుంది. మోకాలి గాయం నుంచి కోలుకుంటున్న రెగ్యులర్‌ కెప్టెన్‌ హర్మన్‌ప్రీత్‌ సింగ్‌కు ఈ సిరీస్‌ నుంచి విశ్రాంతి కల్పించారు. వెస్టిండీస్‌తో ఇటీవల జరిగిన టి20 సిరీస్‌లో చివరి రెండు మ్యాచ్‌లకు స్మృతినే కెప్టెన్‌గా బాధ్యతలు నిర్వర్తించింది. విండీస్‌తో వన్డే పోరులో ‘ప్లేయర్‌ ఆఫ్‌ ద సిరీస్‌’గా నిలిచిన పేస్‌ బౌలర్‌ రేణుకా సింగ్‌కు కూడా విరామం ఇచ్చారు. విండీస్‌తో సిరీస్‌లో అరంగేట్రం చేసిన ప్రతీక, తనూజ తమ స్థానాలను నిలబెట్టుకోగా... రాఘ్వీ బిస్త్‌కు తొలిసారి వన్డే టీమ్‌ పిలుపు దక్కింది. భారత వన్డే టీమ్‌లోకి ఎంపికైనా మ్యాచ్‌ ఆడని సయాలీ సత్‌ఘరేకు మరో అవకాశం దక్కింది. మరోవైపు ఇప్పటికే స్థానం కోల్పోయిన షఫాలీ వర్మ, అరుంధతి రెడ్డి, రాధా యాదవ్‌లపై మాత్రం సెలక్టర్లు ఇంకా విశ్వాసం ఉంచలేదు. రాజ్‌కోట్‌లో ఈ నెల 10, 12, 15 తేదీల్లో మూడు వన్డేలు జరుగుతాయి. ఇప్పటి వరకు భారత్, ఐర్లాండ్‌ మధ్య 12 వన్డేలు జరగ్గా...అన్నీ భారత్‌ గెలిచింది. జట్టు వివరాలు: స్మృతి మంధాన (కెప్టెన్‌), దీప్తి శర్మ (వైస్‌కెప్టెన్‌), ప్రతీక రావల్, హర్లీన్‌ డియోల్, జెమీమా రోడ్రిగ్స్, ఉమా ఛెత్రి, రిచా ఘోష్, తేజల్‌ హసబ్‌నిస్, రాఘ్వీ బిస్త్, మిన్ను మణి, ప్రియా మిశ్రా, తనూజ కన్వర్, టిటాస్‌ సాధు, సైమా ఠాకూర్, సయాలీ సత్‌ఘరే.

హాకీలో.. జట్టు విజయంలో డ్రాగ్‌ఫ్లికర్‌ పాత్ర ఎంతో కీలకం. పెనాల్టీలను గోల్స్‌గా మలచడానికి ఉండాల్సిన అసాధారణ నైపుణ్యం వారిని ప్రత్యేకంగా నిలబెడుతుంది. సుదీర్ఘ కాలం హాకీని శాసించిన యూరోపియన్‌ టీమ్‌లు అత్యుత్తమ డ్రాగ్‌ఫ్లికర్‌లతో ఫలితాలు సాధించాయి. మన జట్టు కూడా ఒక దశలో జుగ్‌రాజ్‌ సింగ్, సందీప్‌ సింగ్‌లాంటి ఆటగాళ్లతో దూసుకుపోయింది. అయితే వీరిద్దరూ నిష్క్రమించిన తర్వాత మన టీమ్‌లో ఒకరకమైన స్తబ్దత ఆవరించింది. కొందరు ఆటగాళ్లతో చేసిన ప్రయోగాలు విఫలం కావడంతో.. భారత్‌ విజయాల్లో వెనుకబడిపోయింది. ఇలాంటి సమయంలో దూసుకొచ్చిన ఆటగాడు హర్మన్‌ప్రీత్‌ సింగ్‌. జూనియర్‌ స్థాయి పోటీల్లో సత్తా చాటి తన ప్రతిభను ప్రపంచానికి ప్రదర్శించిన అతను ఆ తర్వాత సీనియర్‌ టీమ్‌లోకి వచ్చి డ్రాగ్‌ఫ్లికర్‌గా తన బాధ్యతను సమర్థంగా నెరవేరుస్తున్నాడు. గత కొన్నేళ్లలో హర్మన్‌ ఆటతోనే భారత్‌ పలు కీలక విజయాలు సాధించింది. ఇందులో రెండు ఒలింపిక్స్‌ పతకాలు కూడా ఉండటం విశేషం. ఆటగాడిగానే కాదు గత రెండేళ్లుగా భారత జట్టు కెప్టెన్‌గా కూడా హర్మన్‌ తనదైన ముద్రతో జట్టును విజయవంతంగా నడిపిస్తున్నాడు. కెప్టెన్‌గా మిశ్రమ ఫలితాలతో..రెండేళ్ల క్రితం హర్మన్‌ప్రీత్‌ సింగ్‌ భారత హాకీ జట్టు కెప్టెన్‌గా ఎంపికయ్యాడు. నాయకుడిగా బాధ్యతలు చేపట్టిన తర్వాత చైనాలో జరిగిన ప్రతిష్ఠాత్మక ఆసియా క్రీడల్లో హర్మన్‌ప్రీత్‌ జట్టును సమర్థంగా నడిపించాడు. ఆ మెగా ఈవెంట్‌లో భారత్‌ స్వర్ణపతకం గెలుచుకోవడంతో పాటు పారిస్‌ ఒలింపిక్స్‌కూ అర్హత సాధించింది. దాంతో హర్మన్‌కు మంచి ప్రశంసలు లభించాయి. అయితే కొద్ది రోజులకే వరల్డ్‌ కప్‌ రూపంలో మరో సవాలు వచ్చిపడింది. పరిస్థితి ఒక్కసారిగా ప్రతికూలంగా మారిపోయింది. సొంతగడ్డపై పేలవ ప్రదర్శనతో జట్టు క్వార్టర్‌ ఫైనల్‌కు ముందే నిష్క్రమించింది. 9వ స్థానంతో సరిపెట్టుకోవాల్సి వచ్చింది. దాంతో హర్మన్‌ నాయకత్వంపై విమర్శలు మొదలయ్యాయి. ఒలింపిక్స్‌ పతకాన్ని అందించి..వరల్డ్‌ కప్‌లో జట్టు ఓడినా నిజానికి ఆ ఏడాదంతా హర్మన్‌ ప్రదర్శన చాలా బాగుంది. 33 మ్యాచ్‌లలో అతను 42 గోల్స్‌తో సత్తా చాటాడు. ఇదే ప్రేరణగా అతను పారిస్‌ ఒలింపిక్స్‌కు సిద్ధమయ్యాడు. వరల్డ్‌ కప్‌ ఓటమి తర్వాత.. ఒక పెద్ద విజయం సాధిస్తేనే జట్టు స్థాయి నిలబడుతుందని, అందుకు కెప్టెన్‌గా తన వంతు పాత్ర పోషించాల్సి ఉందని హర్మన్‌ గట్టిగా నమ్మాడు. అతని కెప్టెన్సీలో భారత్‌ పూర్తి స్థాయిలో సన్నద్ధమైంది. ఆ ప్రతిష్ఠాత్మక ఈవెంట్‌లో అతను చెలరేగాడు. సహచరులూ హర్మన్‌ నమ్మకాన్ని వమ్ము చేయలేదు. దాంతో పారిస్‌ క్రీడల్లో భారత్‌ కాంస్య పతకాన్ని అందుకొని సగర్వంగా నిలిచింది. 10 గోల్స్‌తో హర్మన్‌ టాప్‌ స్కోరర్‌గా నిలిచాడు. వాటిల్లో ఆస్ట్రేలియాపై 1972 తర్వాత ఒలింపిక్స్‌లో గెలిచేందుకు ఉపకరించిన రెండు గోల్స్‌తో పాటు కాంస్య పతక పోరులో స్పెయిన్‌పై అతను సాధించిన రెండు కీలక గోల్స్‌ కూడా ఉండటం విశేషం. ఇదే ఫామ్‌ను ఆసియా చాంపియన్స్‌ ట్రోఫీలో కూడా కొనసాగించి భారత్‌ను విజేతగా నిలిపాడు. అప్పుడు కూడా 7 గోల్స్‌తో అతను టాప్‌స్కోరర్‌గా నిలవడం విశేషం. సంగీతం నుంచి హాకీ వైపు..హర్మన్‌ప్రీత్‌ స్వస్థలం అమృత్‌సర్‌ సమీపంలోని టిమ్మోవాల్‌. వ్యవసాయ కుటుంబం. హర్మన్‌కు చిన్నప్పటి నుంచి సంగీతం అంటే బాగా ఇష్టం. ఊర్లో జాతర మొదలు ఎక్కడికి వెళ్లినా హార్మోనియం లేదా మరేదైనా సంగీత పరికరాన్ని కొనిపెట్టమని పోరు పెట్టేవాడట. హర్మన్‌ వాళ్ల నాన్న సరబ్‌జిత్‌ సింగ్‌ కూడా కొడుకు కోరికను ఎప్పుడూ కాదనలేదు. ఆ సంగీతపరికరాలను వాయిస్తూ తనకు నచ్చిన పాటలు పాడుకుంటూ మైమరచిపోయేవాడు. అయితే స్కూల్‌లో పీఈటీ టీచర్‌ హర్మన్‌ను మార్చాడు. పాటలు గీటలు జీవితంలో పనికొచ్చేవి కావు.. ఏదైనా ఆటలోకి ప్రవేశించు, భవిష్యత్తు బాగుంటుందంటూ సూచించాడు. అంతేకాదు అప్పటికే భారత హాకీలో దిగ్గజాలుగా నిలిచిపోయిన పలువురు పంజాబ్‌ ఆటగాళ్ల గురించి వివరించి అతనిలో స్ఫూర్తి నింపాడు. దాంతో పదేళ్ల వయసులో హర్మన్‌ చేతిలోంచి హార్మోనియం పెట్టె పోయి హాకీ స్టిక్‌ వచ్చింది. స్కూల్‌లో సాధనతోనే సరిపెట్టకుండా హర్మన్‌ను పూర్తిస్థాయి ఆటగాడిగా తీర్చిదిద్దేందుకు తండ్రీ సిద్ధమైపోయాడు. ఫలితంగా పంజాబ్‌లోని ప్రముఖ శిక్షణా కేంద్రం సుర్జీత్‌ సింగ్‌ అకాడమీలో అతడిని చేర్పించాడు. అక్కడే హర్మన్‌ ఆటగాడిగా రాటుదేలాడు. హర్మన్‌ డ్రాగ్‌ఫ్లికర్‌గా రాణించడం వెనుక ఆసక్తికర నేపథ్యం ఉంది. చిన్న వయసులోనే పొలాల్లో అతను ట్రాక్టర్‌తో వ్యవసాయం చేస్తున్నప్పుడు బలమైన గేర్‌ రాడ్‌ను పదేపదే వాడాల్సి వచ్చేది. దాంతో అతని భుజాలు మరింత బలంగా మారాయి. అదే డ్రాగ్‌ఫ్లికింగ్‌లో ఉపయోగపడిందని కోచ్‌లు చెబుతారు. సాధన సమయంలోనూ సాధారణ బంతి కంటే బరువైన బంతులతో హర్మన్‌ ప్రాక్టీస్‌ చేయడం కూడా అతని సాఫల్యానికి మరో కారణం. తిరుగులేని కెరీర్‌..భారత జూనియర్‌ జట్టులో 15 ఏళ్ల వయసులో మొదటిసారి స్థానం దక్కిన తర్వాత హర్మన్‌ప్రీత్‌ మళ్లీ వెనుదిరిగి చూడలేదు. యూత్‌ టోర్నీ సుల్తాన్‌ జౌహర్‌ కప్‌లోనే 2014లో 9 గోల్స్‌ కొట్టి భారత్‌ను విజేతగా నిలపడంలో కీలక పాత్ర పోషించాడు. ఆ తర్వాత భారత జూనియర్‌ జట్టు ఆసియా కప్‌ను, వరల్డ్‌ కప్‌ను గెలుచుకోవడంలో కూడా హర్మన్‌ కీలక పాత్ర పోషించాడు. సహజంగానే ఈ ప్రదర్శనలు అతడిని సీనియర్‌ టీమ్‌లోకి ఎంపికయ్యేలా చేశాయి. 2015లో 19 ఏళ్ల వయసులో హర్మన్‌ మొదటిసారి జపాన్‌పై భారత్‌ తరఫున అరంగేట్రం చేశాడు. ఆ తర్వాత గత తొమ్మిదేళ్లుగా ఇంతింతై వటుడింతై అంటూ తన ఆటకు మెరుగులు దిద్దుకుంటూ ఇప్పుడు టీమ్‌లో అత్యుత్తమ ఆటగాడిగా కొనసాగుతున్నాడు. సుదీర్ఘ కెరీర్‌లో హర్మన్‌ ఇప్పటికే ఎన్నో ఘనతలు సాధించాడు. టీమ్‌ సభ్యుడిగా అతను 2 ఒలింపిక్స్‌ పతకాలు, 2 చాంపియన్స్‌ ట్రోఫీ పతకాలు, కామన్వెల్త్‌ క్రీడలు, ఆసియా క్రీడలు, ఆసియా కప్, ఆసియా చాంపియన్స్‌ ట్రోఫీ, జూనియర్‌ వరల్డ్‌ కప్‌లలో అతను భాగస్వామి కావడం విశేషం. మూడుసార్లు ప్రపంచ అత్యుత్తమ ఆటగాడిగా అంతర్జాతీయ హాకీ సమాఖ్య అవార్డునూ అందుకున్నాడు.

అమృత్‌సర్‌ శివారు గ్రామంలోని రైతు బిడ్డ హర్మన్‌ప్రీత్‌ సింగ్‌. హాకీలో మేటి ఆటగాడిగా ఎదిగాడు. దశాబ్దాల తర్వాత ఒలింపిక్స్‌ చరిత్రలో వరుస పతకాలు సాధించిన జట్టును నడిపించిన అతన్ని ప్రతిష్టాత్మక ‘మేజర్‌ ధ్యాన్‌చంద్‌ ఖేల్‌రత్న’ అవార్డుకు ఎంపిక చేశారు. ఈసారి హర్మన్‌తో పాటు ప్రపంచ చెస్‌ చాంపియన్‌ గుకేశ్, ఒలింపిక్స్‌ ‘డబుల్‌ ధమాకా’ మనూ భాకర్‌ (షూటింగ్‌), పారాలింపిక్‌ చాంప్‌ ప్రవీణ్‌లను ఆ అవార్డుకు ఎంపిక చేశారు. ఈ సందర్భంగా తన హాకీ ప్రయాణం, ప్రతిష్టాత్మక అవార్డు సాఫల్యంపై హర్మన్‌ హర్షం వ్యక్తం చేశాడు. న్యూఢిల్లీ: అత్యున్నత క్రీడా పురస్కారం ‘మేజర్‌ ధ్యాన్‌చంద్‌ ఖేల్‌రత్న’కు ఎంపికైన భారత హాకీ కెప్టెన్‌ హర్మన్‌ప్రీత్‌ సింగ్‌ తన కెరీర్‌లో ఇదో గొప్ప సాఫల్యమన్నాడు. అయితే ఈ ప్రతిష్టాత్మకమైన అవార్డుతోనే మురిసిపోనని, కెరీర్‌లో మరెన్నో మైలురాళ్లు సాధించాలని ఉవ్విళ్లూరుతున్నట్లు చెప్పాడు. టోక్యో–2020, పారిస్‌–2024 ఒలింపిక్స్‌లలో భారత హాకీ జట్టు వరుసగా కాంస్య పతకాలు సాధించింది. ఇందులో స్టార్‌ డ్రాగ్‌ ఫ్లికర్‌ హర్మన్‌ కీలక భూమిక పోషించాడు. భారత అత్యున్నత క్రీడా పురస్కారానికి ఎంపికైన హర్మన్‌ మీడియాతో తన ఆనందాన్ని పంచుకున్నాడు. ఆ విశేషాలు అతని మాటల్లోనే... ఈ పయనం ఎంతో నేర్పింది హాకీలో నా ప్రయాణం నాకెంతో నేరి్పంది. ఎన్నో ఎత్తుపల్లాలు చూశాను. కొన్నింటా గెలిచాం. మరికొన్ని మ్యాచ్‌ల్లో ఓడాం. కానీ ఫలితాలేవైనా నాకన్నీ అవి అనుభవ పాఠాలే. కెరీర్‌ మొదలైన రోజే నేనెలా ఎలా మెరుగవ్వాలి. ఏం చేయాలని నా మనసుకు స్వీయ లక్ష్యాన్ని పెట్టుకున్నాను. ఇప్పుడు జట్టుగా... సహచరులతో కలిసికట్టుగా విజయవంతమైనందుకు చాలా సంతోషంగా ఉంది. ఒలింపిక్స్‌ పతకాల్లో, నా ‘ఖేల్‌రత్న’లో సహచరుల అండదండలున్నాయి. ప్రపంచకప్‌ పతకమే లక్ష్యం హాకీలో అడుగు పెట్టిన 2014 నుంచి ఇప్పటి వరకు ప్రతీ మ్యాచ్‌ను అస్వాదించాను. విజయానుభూతిని అనుభవించాను. ఓటమిని జీర్ణించుకున్నాను. ఇలా నేనెంచుకున్న క్రీడలో ప్రతీక్షణం సంతృప్తికరంగానే గడిచింది. అయితే ఇప్పుడు నా ప్రధాన లక్ష్యం ప్రపంచకప్‌ పతకమే! బెల్జియంలో వచ్చే ఏడాది జరిగే ఈవెంట్‌లో భారత్‌ను సన్నద్ధం చేయడానికి తగిన సమయం లభించింది. ఒలింపిక్స్‌లో స్వర్ణం, మేజర్‌ టోర్నీల్లో విజయాలే మా జట్టు లక్ష్యాలు. దీనికోసం ఒక్కోఅడుగు ముందుకు వేయాల్సి ఉంటుంది. ఇప్పుడప్పుడే రిటైర్మెంటా? ఇప్పుడైతే దృష్టంతా ఆటపైనే ఉంది. రిటైర్మెంట్‌కు చాలా సమయం ఉంది. ప్రపంచకప్, ఆసియా క్రీడలు, ఒలింపిక్స్‌లలో స్వర్ణాలు మిగిలే ఉన్నాయి. జట్టును పరిస్థితులకు తగ్గట్లుగా తయారు చేసి మేజర్‌ ఈవెంట్లలో గట్టి ప్రత్యర్థిగా బరిలోకి దించే కసరత్తు నిరంతరం చేస్తూనే ఉంటాం.ముఖ్యంగా మ్యాచ్‌ల్లో టీమ్‌ కాంబినేషనే అత్యంత కీలకమవుతుంది. గెలిచినపుడు పొంగిపోయినట్లే ఓడినపుడు కుంగిపోకుండా ఎక్కడ లోపం జరిగిందో దృష్టిపెట్టి అధిగమించాల్సి ఉంటుంది.

సాక్షి, న్యూఢిల్లీ: విశ్వవేదికపై మువ్వన్నెల జెండాను రెపరెపలాడించిన మేటి క్రీడాకారులకు ‘ఖేల్‌ రత్న’ అవార్డు వరించింది. పారిస్‌ ఒలింపిక్స్‌లో రెండు పతకాలతో మెరిసిన మహిళా షూటర్‌ మనూ భాకర్‌... పిన్న వయసులో చెస్‌ ప్రపంచ చాంపియన్‌గా అవతరించిన తమిళనాడు గ్రాండ్‌మాస్టర్‌ దొమ్మరాజు గుకేశ్‌... భారత పురుషుల హాకీ జట్టు కెప్టెన్ హర్మన్‌ప్రీత్‌ సింగ్‌... పారాథ్లెట్‌ ప్రవీణ్‌ కుమార్‌... 2024 సంవత్సరానికి దేశ అత్యున్నత క్రీడా పురస్కారం ‘మేజర్‌ ధ్యాన్‌చంద్‌ ఖేల్‌రత్న’ పురస్కారానికి ఎంపికయ్యారు. వీరితోపాటు మరో 32 మంది ప్లేయర్లకు ‘అర్జున అవార్డు’ దక్కింది. ఇందులో 17 మంది పారాథ్లెట్లు కూడా ఉండటం విశేషం. ఈ మేరకు కేంద్ర క్రీడా మంత్రిత్వ శాఖ గురువారం అవార్డుకు ఎంపికైన వారి జాబితాను విడుదల చేసింది. ఈ నెల 17న రాష్ట్రపతి భవన్‌లో జరగనున్న కార్యక్రమంలో రాష్ట్రపతి ద్రౌపది ముర్ము చేతుల మీదుగా క్రీడాకారులు ఈ పురస్కారాలు అందుకోనున్నారు. » స్వతంత్ర భారత దేశంలో ఒకే ఒలింపిక్స్‌లో రెండు పతకాలు సాధించిన తొలి ప్లేయర్‌గా మనూ రికార్డు నెలకొల్పింది. 2024 పారిస్‌ ఒలింపిక్స్‌లో హరియాణాకు చెందిన 22 ఏళ్ల మనూ 10 మీటర్ల ఎయిర్‌ పిస్టల్‌ వ్యక్తిగత విభాగంలో, 10 మీటర్ల మిక్స్‌డ్‌ టీమ్‌ విభాగంలో కాంస్యాలు నెగ్గింది. కొన్ని రోజుల క్రితం ఈ అవార్డు కోసం మనూ భాకర్‌ దరఖాస్తు చేసుకోలేదనే వార్తలు వచి్చనా... చివరకు ‘పారిస్‌’లోని ఆమె ప్రదర్శనకు అవార్డు దక్కింది. » గత ఏడాది చెస్‌ ఒలింపియాడ్‌లో భారత పురుషుల జట్టుకు స్వర్ణ పతకం దక్కడంలో కీలకపాత్ర పోషించిన గుకేశ్‌ ఆ తర్వాత సింగపూర్‌లో జరిగిన ప్రపంచ చెస్‌ చాంపియన్‌షిప్‌లో డిఫెండింగ్‌ చాంపియన్‌ డింగ్‌ లిరెన్‌ను ఓడించి జగజ్జేత అయ్యాడు. విశ్వనాథన్‌ ఆనంద్‌ తర్వాత (1991–1992లో) ‘ఖేల్‌ రత్న’ అవార్డు పొందనున్న రెండో చెస్‌ ప్లేయర్‌ గుకేశే కావడం విశేషం. » 2024 పారిస్‌ ఒలింపిక్స్‌లో హర్మన్‌ప్రీత్‌ సింగ్‌ నాయకత్వంలో భారత పురుషుల హాకీ జట్టు కాంస్యం సాధించింది. 2020 టోక్యో ఒలింపిక్స్‌లో కాంస్యం గెలుచుకున్న జట్టులోనూ సభ్యుడైన 28 ఏళ్ల హర్మన్‌ప్రీత్‌ సింగ్‌... ఆసియా క్రీడలు, కామన్వెల్త్‌ క్రీడలు, చాంపియన్స్‌ ట్రోఫీ తదితర ప్రధాన ఈవెంట్లలో భారత్‌ పతకాలు గెలుచుకోవడంలో కీలకపాత్ర పోషించాడు. మూడుసార్లు అతను అంతర్జాతీయ హాకీ సమాఖ్య అత్యుత్తమ ఆటగాడిగా నిలిచాడు. » పారా అథ్లెట్‌ ప్రవీణ్‌ కుమార్‌ పేరును కూడా కమిటీ ‘ఖేల్‌రత్న’ కోసం సిఫారసు చేసింది. పారిస్‌ పారాలింపిక్స్‌ హైజంప్‌ (టి64 క్లాస్‌)లో ప్రవీణ్‌ స్వర్ణ పతకం గెలుచుకున్నాడు. 2020 టోక్యో ఒలింపిక్స్‌లో ప్రవీణ్‌ ఇదే విభాగంలో కాంస్యం సాధించాడు. »‘ఖేల్‌ రత్న’ అవార్డు గ్రహీతలకు అవార్డుతో పాటు రూ. 25 లక్షల నగదు ప్రోత్సాహకం, అర్జున అవార్డీలకు రూ. 15 లక్షల నగదు బహుమతి లభించనుంది. జ్యోతి, దీప్తిలకు ‘అర్జున’ ఆంధ్రప్రదేశ్‌ వర్ధమాన అథ్లెట్‌ జ్యోతి యర్రాజీ...తెలంగాణ పారాథ్లెట్‌ దీప్తి జివాంజిలకు ఉత్తమ క్రీడాకారులకు అందించే ‘అర్జున అవార్డు’ లభించింది. వైజాగ్‌కు చెందిన 25 ఏళ్ల జ్యోతి పారిస్‌ ఒలింపిక్స్‌లో 100 మీటర్ల హర్డిల్స్‌లో పోటీపడింది. 2023 హాంగ్జౌ ఆసియా క్రీడల్లో రజత పతకం గెలిచింది. 2023 ఆసియా అథ్లెటిక్స్‌ చాంపియన్‌íÙప్‌లో 100 మీటర్ల హర్డిల్స్‌లో స్వర్ణం, 200 మీటర్లలో రజతం సాధించింది. 2023, 2024లలో జరిగిన ఆసియా ఇండోర్‌ చాంపియన్‌షిప్‌లో జ్యోతి 60 మీటర్ల హర్డిల్స్‌లో స్వర్ణ, రజతాలు గెలిచింది. వరంగల్‌ జిల్లా కల్లెడ గ్రామానికి చెందిన 21 ఏళ్ల దీప్తి 2024 పారిస్‌ పారాలింపిక్స్‌లో 400 మీటర్ల టి20 కేటగిరీలో కాంస్యం... 2024 ప్రపంచ పారాథ్లెటిక్స్‌ చాంపియన్‌షిప్‌లో స్వర్ణం సాధించింది. 2023 హాంగ్జౌ పారా ఆసియా క్రీడల్లో దీప్తి బంగారు పతకం గెలిచింది. దీప్తికి భారత స్పోర్ట్స్‌ అథారిటీ కోచ్‌ నాగపురి రమేశ్‌ కోచ్‌గా వ్యవహరిస్తున్నారు.అవార్డీల వివరాలు‘ధ్యాన్‌చంద్‌ ఖేల్‌రత్న’: దొమ్మరాజు గుకేశ్‌ (చెస్‌), హర్మన్‌ప్రీత్‌ సింగ్‌ (హాకీ), ప్రవీణ్‌ కుమార్‌ (పారా–అథ్లెటిక్స్‌), మనూ భాకర్‌ (షూటింగ్‌). అర్జున అవార్డు (రెగ్యులర్‌): జ్యోతి యర్రాజీ, అన్ను రాణి (అథ్లెటిక్స్‌), నీతు, స్వీటీ బూరా (బాక్సింగ్‌), వంతిక అగర్వాల్‌ (చెస్‌), సలీమా టెటె, అభిషేక్, సంజయ్, జర్మన్‌ప్రీత్, సుఖ్‌జీత్‌ సింగ్‌ (హాకీ), రాకేశ్‌ కుమార్‌ (పారా ఆర్చరీ), దీప్తి జివాంజి, ప్రీతి పాల్, అజీత్‌ సింగ్, సచిన్‌ ఖిలారి, ధరమ్‌వీర్, ప్రణవ్‌ సూర్మ, హొకాటో సీమ, సిమ్రన్, నవ్‌దీప్‌ (పారా అథ్లెటిక్స్‌), నితీశ్, తులసిమతి, నిత్యశ్రీ, మనీషా (పారా బ్యాడ్మింటన్‌), కపిల్‌ పర్మార్‌ (పారా జూడో), మోనా అగర్వాల్, రుబీనా (పారా షూటింగ్‌), స్వప్నిల్‌ కుసాలే, సరబ్‌జోత్‌ (షూటింగ్‌), అభయ్‌ సింగ్‌ (స్క్వాష్‌), సజన్‌ ప్రకాశ్‌ (స్విమ్మింగ్‌), అమన్‌ సెహ్రావత్‌ (రెజ్లింగ్‌). అర్జున అవార్డు (లైఫ్‌టైమ్‌): సుచా సింగ్‌ (అథ్లెటిక్స్‌), మురళీకాంత్‌ పేట్కర్‌ (పారా స్విమ్మింగ్‌). ద్రోణాచార్య అవార్డు (రెగ్యులర్‌): సుభాశ్‌ రాణా (పారా షూటింగ్‌), దీపాలి దేశ్‌పాండే (షూటింగ్‌), సందీప్‌ సాంగ్వాన్‌ (హాకీ). ద్రోణాచార్య అవార్డు (లైఫ్‌టైమ్‌): మురళీధరన్‌ (బ్యాడ్మింటన్‌), అర్మాండో అనెలో కొలాకో (ఫుట్‌బాల్‌).

న్యూఢిల్లీ: కేంద్ర ప్రభుత్వం అందించే ప్రతిష్టాత్మక జాతీయ క్రీడా పురస్కారాల ప్రకటనకు రంగం సిద్ధమైంది. సుప్రీంకోర్టు మాజీ న్యాయమూర్తి జస్టిస్‌ వి.రామసుబ్రహ్మణ్యం నేతృత్వంలోని 12 మంది సభ్యుల సెలక్షన్‌ కమిటీ అర్జున, ఖేల్‌రత్న, ద్రోణాచార్య, ధ్యాన్‌చంద్‌ తదితర అవార్డులకు సంబంధించిన నామినేషన్ల జాబితాను ప్రభుత్వానికి అందించింది. మార్పులు లేకుండా దాదాపు ఇదే జాబితా ఖాయమయ్యే అవకాశం ఉంది. 2024 పారిస్‌ ఒలింపిక్స్‌లో కాంస్యం సాధించిన భారత పురుషుల హాకీ జట్టు కెపె్టన్‌ హర్మన్‌ప్రీత్‌ సింగ్‌ పేరును ‘ఖేల్‌రత్న’ పేరు కోసం ప్రతిపాదించారు. 2020 టోక్యో ఒలింపిక్స్‌లో కాంస్యం గెలుచుకున్న జట్టులోనూ సభ్యుడైన 28 ఏళ్ల హర్మన్‌ప్రీత్‌... ఆసియా క్రీడలు, కామన్వెల్త్‌ క్రీడలు, చాంపియన్స్‌ ట్రోఫీ తదితర ప్రధాన ఈవెంట్లలో భారత్‌ పతకాలు గెలుచుకోవడంలో కీలకపాత్ర పోషించాడు. హర్మన్‌తో పాటు పారా అథ్లెట్‌ ప్రవీణ్‌ కుమార్‌ పేరును కూడా కమిటీ ‘ఖేల్‌రత్న’ కోసం సిఫారసు చేసింది. పారిస్‌ పారాలింపిక్స్‌ హైజంప్‌ (టి64 క్లాస్‌)లో ప్రవీణ్‌ స్వర్ణ పతకం గెలుచుకున్నాడు. 2020 టోక్యో ఒలింపిక్స్‌లో ప్రవీణ్‌ ఇదే విభాగంలో కాంస్యం సాధించాడు. మరోవైపు పారిస్‌ ఒలింపిక్స్‌లో రెండు కాంస్యాలు సాధించిన షూటర్‌ మనూ భాకర్‌ పేరు ఖేల్‌రత్న జాబితాలో లేకపోవడం ఆశ్చర్యం కలిగించింది. ఒలింపిక్స్‌లో పతకాలు గెలుచుకున్న ప్లేయర్‌గా మరో చర్చ లేకుండా ‘ఖేల్‌ రత్న’ అవార్డుకు ఆమె అర్హురాలు. అయితే మనూ అవార్డు కోసం దరఖాస్తు చేసుకోలేదని క్రీడా మంత్రిత్వశాఖ వర్గాలు వెల్లడించాయి. దానిని మనూ తండ్రి రామ్‌కిషన్‌ ఖండించారు. తాను సరైన ఫార్మాట్‌లోనే అప్లికేషన్‌ అందించామని స్పష్టం చేశారు. ఒకవేళ దరఖాస్తు చేసుకోకపోయినా ... ప్రదర్శనను బట్టి అవార్డుకు ఎంపిక చేసే అధికారం జ్యూరీకి ఉంది. కాబట్టి మనూ సాధించిన ‘డబుల్‌ ఒలింపిక్‌ మెడల్‌’ ఘనతను బట్టి చూస్తే ఆలస్యంగానైనా ఆమె పేరు ఈ జాబితాలో చేరవచ్చు. ‘అర్జున’ జాబితాలో 30 మంది కమిటీ ప్రతిపాదించిన ‘అర్జున’ అవార్డీల జాబితాలో 13 మంది రెగ్యులర్‌ ఆటగాళ్లు, మరో 17 మంది పారా ఆటగాళ్లు ఉన్నారు. పారిస్‌ ఒలింపిక్స్‌లో పతకాలు గెలుచుకున్న అమన్‌ (రెజ్లింగ్‌), సరబ్‌జోత్, స్వప్నిల్‌ కుసాలే (షూటింగ్‌) పేర్లు ఈ జాబితాలో ఉన్నాయి. పారా ఆటగాళ్లలో తెలంగాణకు చెందిన దీప్తి జివాంజికి ‘అర్జున’ దక్కనుండటం విశేషం. వరంగల్‌ జిల్లాకు చెందిన దీప్తి పారిస్‌ పారాలింపిక్స్‌లో 400 మీటర్ల పరుగు (టి20)లో కాంస్యం గెలుచుకుంది. అంతకుముందు ఆసియా పారా క్రీడలు, వరల్డ్‌ చాంపియన్‌షిప్‌లలో ఆమె ఖాతాలో రెండు స్వర్ణాలు ఉన్నాయి. పారా షూటింగ్‌ కోచ్‌ సుభాష్‌ రాణా పేరును ‘ద్రోణాచార్య’ అవార్డు కోసం కమిటీ సిఫారసు చేసింది. ఈ జాబితాలో మరో కోచ్‌ అమిత్‌ కుమార్‌ సరోహా పేరు కూడా ఉండటం చర్చకు దారి తీసింది. అతను ఎప్పుడూ అధికారికంగా కోచ్‌గా పని చేయలేదని... పైగా ఇటీవల పారిస్‌లోనూ ఆటగాడిగా బరిలోకి దిగాడు కాబట్టి ద్రోణాచార్య అవార్డుకు అర్హుడు కాదని విమర్శలు వస్తున్నాయి.

న్యూఢిల్లీ: భారత హాకీ జట్టు కెప్టెన్‌ హర్మన్‌ప్రీత్‌ సింగ్‌కు హాకీ ఇండియా లీగ్‌ (హెచ్‌ఐఎల్‌) వేలంలో భారీ ధర పలికింది. ఆదివారం ప్రారంభమైన హెచ్‌ఐఎల్‌ లీగ్‌ తొలి రోజు జేఎస్‌డబ్ల్యూ గ్రూప్‌కు చెందిన సూర్మా హాకీ క్లబ్‌ రూ. 78 లక్షలు పెట్టి హర్మన్‌ప్రీత్‌ సింగ్‌ను కొనుగోలు చేసుకుంది. వేలం మొదటి రోజు భారత జాతీయ జట్టుకు ప్రాతినిధ్యం వహిస్తున్న ఆటగాళ్ల కోసం ఎనిమిది ఫ్రాంచైజీలు పోటీ పడ్డాయి. అభిషేక్ కోసం బెంగాల్‌ టైగర్స్‌ ఫ్రాంచైజీ రూ. 72 లక్షలు వెచ్చించగా.. యూపీ రుద్రాస్‌ ఫ్రాంచైజీ హార్దిక్‌ సింగ్‌ను రూ. 70 లక్షలకు పెట్టి కొనుగోలు చేసుకుంది. తమిళనాడు డ్రాగన్స్‌ జట్టు అమిత్‌ రోహిదాస్‌ కోసం రూ. 48 లక్షలు వెచి్చంచగా... బెంగాల్‌ టైగర్స్‌ ఫ్రాంచైజీ జుగ్‌రాజ్‌కు అంత మొత్తమే ఇచ్చి తీసుకుంది. హైదరాబాద్‌ తూఫాన్స్‌ ఫ్రాంచైజీ తొలి రోజు వేలంలో అత్యధికంగా సుమిత్‌ కోసం రూ. 46 లక్షలు ఖర్చు చేసింది. తొలి రోజు వేలంలో భారత్‌ నుంచి 54 మంది ప్లేయర్లతో పాటు 18 మంది విదేశీ ప్లేయర్లు అమ్ముడుపోయారు. మొత్తం ఎనిమిది ఫ్రాంచైజీలు 16 కోట్ల 88 లక్షల 50 వేలు ఖర్చు చేశాయి. ఎనిమిది ఫ్రాంచైజీల్లో కళింగ లాన్సర్స్‌ వద్ద అత్యధికంగా రూ. 2.57 కోట్లు ఇంకా మిగిలి ఉండగా... అత్యల్పంగా బెంగాల్‌ టైగర్స్‌ వద్ద రూ. 1.44 కోట్లు పర్స్‌ మనీ ఉంది. హైదరాబాద్‌ తూఫాన్స్‌ ఫ్రాంచైజీ వద్ద ఇంకా రూ. 2.04 కోట్లు ఉన్నాయి. జర్మనీకి చెందిన గొంజలో పైలట్‌ అత్యధిక ధర పలికిన విదేశీ ప్లేయర్‌గా నిలిచాడు. అతడికోసం తమిళనాడు డ్రాగన్స్‌ జట్టు రూ. 68 లక్షలు వెచ్చించింది. నెదర్లాండ్స్‌కు చెందిన జిప్‌ జాన్‌సెన్‌ను రూ. 54 లక్షలు పెట్టి తమిళనాడు ఫ్రాంచైజీ సొంతం చేసుకుంది.

ఢిల్లీలో హాకీ మ్యాచ్‌ ఆడనుండటం ఎంతో సంతోషంగా ఉందని భారత జట్టు కెప్టెన్‌ హర్మన్‌ప్రీత్‌ సింగ్‌ అన్నాడు. ఇది కేవలం రెండు జట్ల మధ్య పోటీ కాదని.. దేశ రాజధానిలోని యువత హాకీ వైపు ఆకర్షితులయ్యేలా స్ఫూర్తి నింపేందుకు తమకు దక్కిన గొప్ప అవకాశమని పేర్కొన్నాడు. కాగా ప్యారిస్‌ ఒలింపిక్స్‌ రజత పతక విజేత జర్మనీ హాకీ జట్టు వచ్చే నెలలో భారత్‌లో పర్యటించనుంది. ప్యారిస్‌లో కాంస్యం నెగ్గిన భారత జట్టుతో రెండు మ్యాచ్‌లు ఆడనుంది. అక్టోబర్‌ 23, 24న ఈ మ్యాచ్‌లు నిర్వహించేందుకు షెడ్యూల్‌ ఖరారైంది. న్యూఢిల్లీలోని మేజర్‌ ధ్యాన్‌ చంద్‌ జాతీయ స్టేడియంలో ఈ మ్యాచ్‌లు జరగనున్నాయి. కాగా దాదాపు దశాబ్ద కాలం తర్వాత తొలిసారి ఢిల్లీ అంతర్జాతీయ హాకీ మ్యాచ్‌లకు ఆతిథ్యం ఇవ్వనుండటం విశేషం. ప్రపంచ హాకీలో జర్మనీ అగ్రశ్రేణి జట్టుఈ నేపథ్యంలో భారత పురుషుల హాకీ జట్టు కెప్టెన్‌ హర్మన్‌ప్రీత్‌ సింగ్‌ మాట్లాడుతూ.. ‘‘దేశ రాజధానిలో.. చారిత్రాత్మక మేజర్‌ ధ్యాన్‌చంద్‌ జాతీయ స్టేడియంలో ఆడనుండటం మాకు దక్కిన గొప్ప గౌరవం. ఎంతో ప్రత్యేకం కూడా! దేశ రాజధానిలో మరోసారి హాకీ స్ఫూర్తిని జ్వలింపచేసే అవకాశం రావడం.. ఆ జట్టుకు నేను సారథిగా ఉండటం నా అదృష్టం.ప్రపంచ హాకీలో జర్మనీ అగ్రశ్రేణి జట్టుగా ఉంది.వారితో పోటీ పడటం అంటే కఠిన సవాలుకు ఎదురీదడమే. అయితే, ప్రత్యర్థి ఎంత పటిష్టంగా ఉంటే మాలోని అత్యుత్తమ ప్రదర్శన అంతగా బయటకు వస్తుంది’’ అని పేర్కొన్నాడు. కాగా భారత హాకీ జట్టు ఇటీవలే ఆసియా చాంపియన్స్‌ ట్రోఫీ గెలిచిన విషయం తెలిసిందే.హాకీలో ఇరు జట్లకు గొప్ప వారసత్వం ఉంది‘భారత్, జర్మనీ హాకీ జట్ల మధ్య రెండు మ్యాచ్‌ల సిరీస్‌ నిర్వహించనున్నాం. ఇది ఆట ఉన్నతితో పాటు ఇరు దేశాల మధ్య సంబంధాలు మరింత దృఢమయ్యేందుకు తోడ్పడుతుంది’ అని హాకీ ఇండియా అధ్యక్షుడు దిలిప్‌ టిర్కీ పేర్కొన్నాడు. ఇరు జట్ల మధ్య సమరం రసవత్తరంగా సాగడం ఖాయమని హాకీ ఇండియా కార్యదర్శి భోళానాథ్‌ సింగ్‌ పేర్కొన్నాడు. ‘భారత్, జర్మనీ మధ్య హాకీ మ్యాచ్‌ అంటే ఎప్పుడూ ఆసక్తికరమే. హాకీలో ఇరు జట్లకు గొప్ప వారసత్వం ఉంది. జర్మనీ వంటి పటిష్ట జట్టుతో తలపడేందుకు టీమిండియా ప్లేయర్లు ఉత్సుకతతో ఎదురు చూస్తున్నారు’ అని భోళానాథ్‌ సింగ్‌ అన్నాడు.చదవండి: Ind vs Ban: అతడికి రెస్ట్‌.. టీమిండియాలోకి ఇషాన్‌ ఎంట్రీ!

భారత దిగ్గజం, మాజీ గోల్‌కీపర్‌ పీఆర్‌ శ్రీజేశ్, కెప్టెన్‌ హర్మన్‌ప్రీత్‌ సింగ్‌ అంతర్జాతీయ హాకీ సమాఖ్య (ఎఫ్‌ఐహెచ్‌) స్టార్స్‌ అవార్డుల రేసులో నిలిచారు. ఎఫ్‌ఐహెచ్‌ విడుదల చేసిన తుది జాబితాలో భారత పురుషుల జట్టు నుంచి వీరిద్దరిరు మాత్రమే నామినేట్‌ అయ్యారు. ఇక మహిళల జట్టులో ఏ ఒక్కరు రేసులో నిలువలేకపోయారు. ఎవరు ఏ కేటగిరీలో అంటే?కాగా.. ఇటీవల ప్యారిస్‌లో జరిగిన ఒలింపిక్స్‌లో భారత జట్టు కాంస్యం గెలవడంలో కెప్టెన్‌‌ హర్మన్‌తో పాటు గోల్‌కీపర్‌ శ్రీజేశ్‌లు కీలక పాత్ర పోషించిన విషయం తెలిసిందే. ఈ నేపథ్యంలో.. ‘ప్లేయర్‌ ఆఫ్‌ ద ఇయర్‌’ కేటగిరీలో హర్మన్‌ప్రీత్‌తో పాటు బ్రింక్‌మన్, జోప్‌ డి మోల్‌ (నెదర్లాండ్స్‌), ముల్లర్‌ (జర్మనీ), వాలెస్‌ (ఇంగ్లండ్‌) నామినేట్‌య్యాడు.ఇక.. ‘బెస్ట్‌ గోల్‌కీపర్‌ ఆఫ్‌ ద ఇయర్‌’ అవార్డు కోసం పీఆర్‌ శ్రీజేశ్, పిర్మన్‌ బ్లాక్‌ (నెదర్లాండ్స్‌), కాల్‌జడో (స్పెయిన్‌), డేన్‌బర్గ్‌ (జర్మనీ), శాంటియగో (అర్జెంటీనా) పోటీపడుతున్నారు. ఎఫ్‌ఐహెచ్‌ నియమించిన నిపుణుల ప్యానెల్‌ వీరిని తుది జాబితాకు ఎంపిక చేసింది. ఈ ప్యానెల్‌లో పలువురు ప్లేయర్లు, కోచ్‌లు, వివిధ దేశాలకు చెందిన సమాఖ్యల్లోని సీనియర్‌ అధికారులు సభ్యులుగా ఉన్నారు. విజేతల్ని ఎంపిక చేస్తారిలా!ఈ ఏడాది ప్రపంచ వ్యాప్తంగా జరిగిన ఎఫ్‌ఐహెచ్‌ హాకీ ప్రొ లీగ్, నేషన్స్‌ కప్‌ హాకీ, ఒలింపిక్‌ క్వాలిఫయర్స్, ఒలింపిక్స్‌లలో కనబరిచిన ప్రదర్శన ఆధారంగా నిపుణుల ప్యానెల్‌... ఆటగాళ్లను అవార్డుల కోసం నామినేట్‌ చేసింది. ఇక వచ్చే నెల 11 వరకు జరిగే ఓటింగ్‌లో పోల్‌ అయిన ఓట్ల శాతంతో విజేతల్ని ప్రకటిస్తారు. కాగా ప్యారిస్‌లో భారత్‌ కాంస్యం గెలిచిన తర్వాత శ్రీజేశ్‌ తన అంతర్జాతీయ కెరీర్‌కు ఘనంగా వీడ్కోలు పలికిన విషయం తెలిసిందే. హర్మన్‌ప్రీత్‌ తాజాగా ఆసియా చాంపియన్స్‌లో భారత్‌కు టైటిల్‌ అందించిన జోష్‌లో ఉన్నాడు.చదవండి: అజేయంగా ‘ఆసియా’ విజేతగా

ఆద్యంతం తమ ఆధిపత్యం కనబరిచిన భారత పురుషుల హాకీ జట్టు ఆసియా చాంపియన్స్‌ ట్రోఫీ టైటిల్‌ను నిలబెట్టుకునేందుకు విజయం దూరంలో నిలిచింది. కెపె్టన్‌ హర్మన్‌ప్రీత్‌ సింగ్‌ మరోసారి జట్టును ముందుండి నడిపించగా... ఇతర ఆటగాళ్లు కూడా రాణించడంతో ఆసియా చాంపియన్స్‌ ట్రోఫీలో భారత జైత్రయాత్ర కొనసాగుతోంది. లీగ్‌ దశలో ఆడిన ఐదు మ్యాచ్‌ల్లోనూ నెగ్గిన టీమిండియా నాకౌట్‌ దశ సెమీఫైనల్‌ మ్యాచ్‌లోనూ అదే జోరు కనబరిచింది. తనదైన రోజున ఎంతటి మేటి జట్టునైనా ఓడించే సత్తాగల దక్షిణ కొరియాతో జరిగిన సెమీఫైనల్‌ పోరులో భారత్‌ ఏకపక్ష విజయాన్ని అందుకుంది. 13 ఏళ్ల చరిత్ర కలిగిన ఆసియా చాంపియన్స్‌ ట్రోఫీలో ఆరోసారి ఫైనల్లోకి దూసుకెళ్లింది. నేడు జరిగే టైటిల్‌ పోరులో చైనాతో భారత్‌ అమీతుమీ తేల్చుకుంటుంది. హులున్‌బుయిర్‌ (చైనా): డిఫెండింగ్‌ చాంపియన్‌ హోదాకు తగ్గట్టు ఆడిన భారత పురుషుల హాకీ జట్టు ఆసియా చాంపియన్స్‌ ట్రోఫీలో అంతిమ సమరానికి అర్హత సాధించింది. సోమవారం జరిగిన సెమీఫైనల్లో హర్మన్‌ప్రీత్‌ సింగ్‌ నాయకత్వంలోని భారత జట్టు 4–1 గోల్స్‌ తేడాతో దక్షిణ కొరియా జట్టును ఓడించింది. భారత్‌ తరఫున కెప్టెన్‌ హర్మన్‌ప్రీత్‌ సింగ్‌ రెండు గోల్స్‌ (19వ, 45వ నిమిషంలో) సాధించగా... ఉత్తమ్‌ సింగ్‌ (13వ నిమిషంలో), జర్మన్‌ప్రీత్‌ సింగ్‌ (32వ నిమిషంలో) ఒక్కో గోల్‌ చేశారు. కొరియా జట్టుకు యాంగ్‌ జిహున్‌ (33వ నిమిషంలో) ఏకైక గోల్‌ అందించాడు. ఆరంభం నుంచే... అటాకింగ్‌ ఆటకు ప్రసిద్ధి అయిన కొరియాతో మ్యాచ్‌లో భారత్‌ పక్కా వ్యూహంతో ఆడింది. ప్రత్యర్థి జట్టుకు ఎదురుదాడులు చేసే అవకాశం ఇవ్వకుండా హర్మన్‌ప్రీత్‌ బృందం ఆరంభం నుంచే సమన్వయంతో ముందుకు కదులుతూ కొరియా గోల్‌పోస్ట్‌ లక్ష్యంగా దాడులు చేసింది. దాంతో భారత ఫార్వర్డ్‌ ఆటగాళ్లను నిలువరించడంపైనే కొరియా ఆటగాళ్లు ఎక్కువ దృష్టి పెటాల్సి వచి్చంది. ఆట నాలుగో నిమిషంలోనే భారత్‌ ఖాతా తెరిచేది. అభిషేక్‌ కొట్టిన రివర్స్‌ షాట్‌ను కొరియా గోల్‌కీపర్‌ కిమ్‌ జేహన్‌ నిలువరించాడు. ఆ తర్వాత కూడా భారత్‌ తమ దాడులు కొనసాగించగా 13వ నిమిషంలో ఫలితం వచి్చంది. అరిజిత్‌ సింగ్‌ హుండల్‌ అందించిన పాస్‌ను ‘డి’ ఏరియాలో అందుకున్న ఉత్తమ్‌ సింగ్‌ దానిని లక్ష్యానికి చేర్చాడు. ఆ తర్వాత కొరియా దూకుడు పెంచి నిమిషం వ్యవధిలో రెండు పెనాల్టీ కార్నర్‌లు సంపాదించింది. అయితే ఈ రెండింటిని భారత రక్షణపంక్తి ఆటగాళ్లు నిర్వీర్యం చేశారు. రెండో క్వార్టర్‌లో నాలుగు నిమిషాలు గడిచాక భారత్‌కు లభించిన తొలి పెనాల్టీ కార్నర్‌ను హర్మన్‌ప్రీత్‌ గోల్‌గా మలచడంతో భారత ఆధిక్యం 2–0కు పెరిగింది. మూడో క్వార్టర్‌లో సుమిత్‌ అందించిన పాస్‌ను సర్కిల్‌ బయట అందుకున్న జర్మన్‌ప్రీత్‌ సింగ్‌ ‘డి’ ఏరియాలోనికి వచ్చి కొరియా గోల్‌కీపర్‌ను బోల్తా కొట్టించడంతో భారత్‌ ఖాతాలో మూడో గోల్‌ చేరింది. ఈ గోల్‌ తర్వాత కొరియాకు దక్కిన పెనాల్టీ కార్నర్‌ను యాంగ్‌ జిహున్‌ లక్ష్యానికి చేర్చాడు. కొరియా ఖాతా తెరిచినప్పటికీ భారత్‌ తమ దాడులను యధేచ్చగా కొనసాగించింది. 45వ నిమిషంలో భారత్‌కు లభించిన పెనాల్టీ కార్నర్‌ను హర్మన్‌ గోల్‌గా మలిచాడు. దాంతో భారత ఆధిక్యం 4–1కు చేరుకుంది. మూడు గోల్స్‌ ఆధిక్యం పొందిన భారత్‌ ఆ తర్వాత నియంత్రణతో ఆడి కొరియాను కట్టడి చేసి విజయాన్ని ఖరారు చేసుకుంది. పాక్‌కు చైనా షాక్‌ అంతకుముందు జరిగిన తొలి సెమీఫైనల్లో ఆతిథ్య చైనా జట్టు అద్భుతం చేసింది. రెండుసార్లు చాంపియన్‌ పాకిస్తాన్‌ జట్టును మట్టికరిపించి తొలిసారి ఈ టోరీ్నలోఫైనల్‌కు చేరుకుంది. నిరీ్ణత సమయం ముగిసేసరికి రెండు జట్లు 1–1తో సమంగా నిలిచాయి. విజేతను నిర్ణయించేందుకు ‘షూటౌట్‌’ నిర్వహించగా పాకిస్తాన్‌ ఆటగాళ్లు వరుసగా నాలుగు షాట్‌లలో విఫలమయ్యారు. చైనా రెండు షాట్‌లను వృథా చేసినా మిగతా రెండు షాట్‌లను గోల్‌గా మలిచి చిరస్మరణీయ విజయాన్ని అందుకుంది.

ఆసియా పురుషుల చాంపియన్స్‌ ట్రోఫీ హాకీ టోర్నీలో భారత జట్టు మరోసారి దుమ్ములేపింది. ఈ ప్రతిష్టాత్మక టోర్నమెంట్లో ఏకంగా ఆరోసారి ఫైనల్‌కు చేరుకుంది. చైనా వేదికగా సోమవారం జరిగిన సెమీస్‌ మ్యాచ్‌లో సౌత్‌ కొరియాను 4-1తో చిత్తు చేసింది. ఆద్యంతం ప్రత్యర్థిపై పైచేయి సాధిస్తూ.. గెలుపు జెండా ఎగురవేసింది. భారత ఆటగాళ్లలో ఉత్తమ్‌ సింగ్‌, జర్మన్‌ప్రీత్‌ సింగ్‌ చెరొక గోల్‌ చేయగా.. కెప్టెన్‌ హర్మన్‌ప్రీత్‌ సింగ్‌ రెండు గోల్స్‌తో మెరిశాడు. ఆట తొలి క్వార్టర్‌ చివరలో ఉత్తమ్‌ భారత్‌కు తొలి గోల్‌ అందించగా.. హర్మన్‌ప్రీత్‌ రెండో క్వార్టర్‌ ఆరో నిమిషంలో పెనాల్టీ కార్నర్‌ కిక్‌ను గోల్‌గా మలిచాడు. కొరియా ఒక గోల్‌ కొట్టిందిఆ తర్వాత జర్మన్‌ గోల్‌ సాధించగా.. మూడో క్వార్టర్‌లో హర్మన్‌ మరోసారి గోల్‌తో అదరగొట్టాడు. ఈ మూడూ కూడా ఫీల్డ్‌ గోల్సే(ప్రత్యర్థి గోల్‌పోస్టు ముందున్న స్ట్రైకింగ్‌ సర్కిల్‌ నుంచి) కావడం విశేషం. అయితే, మూడో క్వార్టర్‌లోనే కొరియా కూడా గోల్‌ కొట్టి పుంజుకునేందుకు ప్రయత్నించింది. అయితే, భారత డిఫెన్స్‌ వారిని కట్టడిచేయడంతో పరాజయం తప్పలేదు. భారత్‌ అజేయంగా ఫైనల్‌కుకాగా ఈ ఆసియా చాంపియన్స్‌ తాజా ఎడిషన్‌లో భారత్‌ ఇంత వరకు ఒక్క మ్యాచ్‌లోనూ ఓడిపోలేదు. ఇక లీగ్‌ దశలో చైనాను 3-0తో, జపాన్‌ను 5-1తో, మలేషియాను 8-1తో, పాకిస్తాన్‌ను 2-1తో ఓడించింది. సెమీ ఫైనల్లో కొరియాను 4-1తో ఓడించి ఫైనల్లో అడుగుపెట్టింది. టైటిల్‌ పోరులో ఆతిథ్య చైనాతో తలపడనుంది.చదవండి: పాకిస్తాన్‌కు షాకిచ్చిన చైనా.. తొలిసారి ఫైనల్‌కుPicture perfect team goal by the #MenInBlue 🤩#TeamIndia sizzle & notch up their 3️⃣rd with the finish from Jarmanpreet Singh 🔥Watch 🇮🇳 🆚 🇰🇷, LIVE NOW on #SonyLIV 📲 pic.twitter.com/Gw3v6A04ZW— Sony LIV (@SonyLIV) September 16, 2024

హులున్‌బుయిర్‌ (చైనా): పలువురు కీలక ఆటగాళ్లు లేకుండానే ఆసియా పురుషుల చాంపియన్స్‌ ట్రోఫీ హాకీ టోర్నీలో బరిలోకి దిగిన భారత జట్టు లీగ్‌ దశను అజేయంగా ముగించింది. చిరకాల ప్రత్యర్థి పాకిస్తాన్‌తో శుక్రవారం జరిగిన చివరి లీగ్‌ మ్యాచ్‌లో టీమిండియా 2–1 గోల్స్‌ తేడాతో విజయం సాధించింది. భారత కెప్టెన్, డ్రాగ్‌ఫ్లికర్‌ హర్మన్‌ప్రీత్‌ సింగ్‌ (13వ, 19వ నిమిషాల్లో) రెండు గోల్స్‌ సాధించి జట్టును గెలిపించాడు. పాకిస్తాన్‌ తరఫున అహ్మద్‌ నదీమ్‌ (8వ నిమిషంలో) ఏకైక గోల్‌ చేశాడు. శనివారమే జరిగిన ఇతర లీగ్‌ మ్యాచ్‌ల్లో చైనా 2–0తో జపాన్‌ జట్టును ఓడించగా... మలేసియా, దక్షిణ కొరియా జట్ల మధ్య మ్యాచ్‌ 3–3తో ‘డ్రా’గా ముగిసింది. వరుసగా ఐదో విజయం నమోదు చేసిన భారత జట్టు 15 పాయింట్లతో లీగ్‌ దశలో టాపర్‌గా నిలిచింది. 8 పాయింట్లతో పాకిస్తాన్‌ రెండో స్థానంలో, 6 పాయింట్లతో చైనా, దక్షిణ కొరియా వరుసగా మూడు, నాలుగు స్థానాల్లో నిలిచాయి. ఆదివారం విశ్రాంతి దినం. సోమవారం జరిగే సెమీఫైనల్స్‌లో దక్షిణ కొరియాతో భారత్‌; చైనాతో పాకిస్తాన్‌ తలపడతాయి. 5 పాయింట్లతో ఐదో స్థానంలో నిలిచిన మలేసియా, ఒక పాయింట్‌తో ఆరో స్థానంలో నిలిచిన జపాన్‌ 5–6 స్థానాల కోసం పోటీపడతాయి. ఆసియా చాంపియన్స్‌ ట్రోఫీ ఇప్పటి వరకు ఎనిమిదిసార్లు జరగ్గా... భారత జట్టు ఏడుసార్లు కనీసం సెమీఫైనల్‌కు చేరుకుంది. 2013లో మాత్రమే భారత జట్టు సెమీఫైనల్‌ చేరుకోలేకపోయింది. ఆరంభంలో గోల్‌ ఇచ్చినా... పాక్‌తో మ్యాచ్‌కు ముందు ఆడిన నాలుగు మ్యాచ్‌ల్లోనూ నెగ్గిన భారత జట్టుకు చిరకాల ప్రత్యర్థి నుంచి గట్టిపోటీనే ఎదురైంది. ఆట ఎనిమిదో నిమిషంలో భారత డిఫెండర్లను బోల్తా కొట్టిస్తూ మిడ్‌ఫీల్డ్‌ నుంచి దూసుకొచ్చిన హన్నాన్‌ షాహిద్‌ అందించిన పాస్‌ను ‘డి’ ఏరియాలో అహ్మద్‌ నదీమ్‌ లక్ష్యానికి చేర్చాడు. ఆరంభంలోనే గోల్‌ సమర్పించుకున్నా భారత జట్టు ఆందోళనకు గురి కాలేదు. వెంటనే తేరుకొని తమ దాడుల్లో పదును పెంచింది. 13వ నిమిషంలో లభించిన పెనాల్టీ కార్నర్‌ను... 19వ నిమిషంలో లభించిన మరో పెనాల్టీ కార్నర్‌ హర్మన్‌ప్రీత్‌ సింగ్‌ గోల్స్‌గా మలిచాడు. దాంతో రెండు క్వార్టర్‌లు ముగిసేసరికి భారత్‌ 2–1తో ఆధిక్యంలోకి వెళ్లింది. మూడో క్వార్టర్‌లో పాకిస్తాన్‌ దూకుడుగా ఆడుతూ ఏకంగా 10 పెనాల్టీ కార్నర్‌లు సంపాదించింది. అయితే ఈ 10 పెనాల్టీ కార్నర్‌లను భారత గోల్‌కీపర్, డిఫెండర్లు అడ్డుకోవడం విశేషం. చివరి క్వార్టర్‌లో భారత్‌ జోరు పెంచి పాక్‌ను కట్టడి చేసి విజయాన్ని ఖరారు చేసుకుంది. మ్యాచ్‌ మొత్తంలో భారత్‌కు 10, పాకిస్తాన్‌కు 13 పెనాల్టీ కార్నర్‌లు వచ్చాయి. 17 గత ఎనిమిదేళ్ల కాలంలో అంతర్జాతీయ టోర్నీల్లో పాకిస్తాన్‌ జట్టుపై భారత్‌కిది 17వ విజయం కావడం విశేషం. చివరిసారి భారత్‌ 2016 దక్షిణాసియా క్రీడల ఫైనల్లో పాకిస్తాన్‌ చేతిలో ఓడిపోయింది. దక్షిణాసియా క్రీడల ఫైనల్‌ అనంతరం భారత్, పాకిస్తాన్‌ జట్లు 18 సార్లు తలపడ్డాయి. 2018 ఆసియా చాంపియన్స్‌ ట్రోఫీ ఫైనల్‌ వర్షం కారణంగా రద్దు కావడంతో ఫలితం రాలేదు.203 అంతర్జాతీయ హాకీలో భారత కెప్టెన్‌ హర్మన్‌ప్రీత్‌ సింగ్‌ చేసిన గోల్స్‌ సంఖ్య. ధ్యాన్‌చంద్, బల్బీర్‌ సింగ్‌ సీనియర్‌ తర్వాత భారత్‌ తరఫున 200 గోల్స్‌ మైలురాయి దాటిన మూడో ప్లేయర్‌గా హర్మన్‌ప్రీత్‌ గుర్తింపు పొందాడు. అంతర్జాతీయ హాకీలో 12 మంది క్రీడాకారులు 200 అంతకంటే ఎక్కువ గోల్స్‌ చేశారు.

ఆసియా చాంపియన్స్‌ ట్రోఫీ హాకీ టోర్నమెంట్‌లో భారత్‌.. చిరకాల ప్రత్యర్థి పాకిస్తాన్‌ను చిత్తు చేసింది. టోర్నీ ఆఖరి లీగ్‌ మ్యాచ్‌లో దాయాదిని 2-1తో ఓడించింది. తద్వారా లీగ్‌ దశలో ఓటమన్నదే లేకుండా.. సెమీస్‌ వరకు అజేయంగా నిలిచింది. కాగా ఆసియా చాంపియన్స్‌ ట్రోఫీలో భారత్‌- పాకిస్తాన్‌ ఇప్పటికే సెమీ ఫైనల్‌ చేరుకున్న విషయం తెలిసిందే.చిరకాల ప్రత్యర్థిపై మరోసారి పైచేయిటీమిండియా పన్నెండు పాయింట్లతో.. పాక్‌ ఎనిమిది పాయింట్లతో టాప్‌-4 బెర్తులను ఖరారు చేసుకున్నాయి. అయితే, లీగ్‌ దశలో నామమాత్రపు పోరులో దాయాదులు పోటీపడటం అభిమానుల్లో ఆసక్తిని పెంచింది. ఈ నేపథ్యంలో ఆది నుంచి వరుస విజయాలతో జోరు మీదున్న హర్మన్‌ప్రీత్‌ సింగ్‌ సేన.. నామమాత్రపు మ్యాచ్‌లోనూ దుమ్ములేపింది. చిరకాల ప్రత్యర్థిపై 2-1తో పైచేయి సాధించి జయభేరి మోగించింది. ఆదిలో పాక్‌కు ఆధిక్యంచైనాలోని మోకీ వేదికగా శనివారం మధ్యాహ్నం జరిగిన మ్యాచ్‌లో.. తొలి గోల్‌ పాక్‌ కొట్టింది. ఆట ఎనిమిదవ నిమిషంలో అహ్మద్‌ నదీం తమ జట్టుకు తొలి పాయింట్‌ అందించాడు. అయితే, భారత జట్టు కెప్టెన్‌, ఉత్తమ డ్రాగ్‌ఫికర్లలో ఒకడైన హర్మన్‌ప్రీత్‌ సింగ్‌ దాయాదిని పైచేయి సాధించనివ్వలేదు. హర్మన్‌ చేసెను అద్భుతం మ్యాచ్‌ తొలి అర్ధభాగంలోనే పెనాల్టీ కార్నర్‌ ద్వారా రెండు గోల్స్‌ కొట్టి భారత్‌ను ఆధిక్యంలో నిలిపాడు. మిగిలిన ఆటగాళ్లంతా సమిష్టిగా రాణించి.. మ్యాచ్‌ ముగిసే వరకు పాక్‌కు మరో గోల్‌ చేసే అవకాశం ఇవ్వలేదు. ఫలితంగా 2-1తో భారత్‌ గెలుపొందింది.ఇక ఈ టోర్నీలో భారత్‌ అంతకుముందు చైనాను 3–0తో, జపాన్‌ను 5–1తో, మలేషియాను 8–1, కొరియాను 3–1తో ఓడించింది. ఇక భారత్‌తో పాటు పాకిస్తాన్‌, సౌత్‌ కొరియా సెమీ ఫైనల్‌ బెర్తులను ఇప్పటికే ఖరారు చేసుకున్నాయి. మలేషియా, చైనాలలో ఏదో ఒక జట్టు వీటితో పాటు సెమీస్‌లో నిలిచే అవకాశం ఉంది.చదవండి: టెన్నిస్‌ టోర్నమెంట్‌.. హెలికాప్టర్లలో స్టేడియానికిCaptain Harmanpreet gets us 🔙 in the game 🔥Harmanpreet led the Indian attack from the front with 2️⃣ beautiful penalty corner conversions which gave the #MenInBlue a well-deserved lead 💪Watch the intense clash LIVE on #SonyLIV 📲 pic.twitter.com/VINOMUPqbR— Sony LIV (@SonyLIV) September 14, 2024

ప్యారిస్‌ ఒలింపిక్స్‌లో కాంస్య పతకం గెలిచిన తర్వాత భారత పురుషుల హాకీ జట్టు మరో టోర్నీకి సిద్ధమైంది. సెప్టెంబరు 8 నుంచి 17 వరకు చైనాలో జరిగే ఆసియా చాంపియన్స్‌ ట్రోఫీలో భారత జట్టు బరిలోకి దిగనుంది. ఈ టోర్నీలో పాల్గొనే 18 మంది సభ్యులతో కూడిన భారత జట్టుకు హర్మన్‌ప్రీత్‌ సింగ్‌ నాయకత్వం వహిస్తాడు. వివేక్‌ సాగర్‌ ప్రసాద్‌ వైస్‌ కెప్టెన్‌గా వ్యవహరిస్తాడు.కృషన్‌ బహదూర్‌ పాఠక్‌కు అవకాశంఇక దిగ్గజ గోల్‌కీపర్‌ పీఆర్‌ శ్రీజేశ్‌ రిటైర్మెంట్‌ ప్రకటించడంతో... చాలా కాలం నుంచి భారత జట్టుకు స్టాండ్‌బై గోల్‌కీపర్‌గా వ్యవహరిస్తున్న కృషన్‌ బహదూర్‌ పాఠక్‌ ఇప్పుడు ప్రధాన గోల్‌కీపర్‌గా జట్టులో స్థానాన్ని సుస్థిరం చేసుకున్నాడు. మరో గోల్‌కీపర్‌ సూరజ్‌ కర్కేరా రిజర్వ్‌గా ఉంటాడు. 2018 నుంచి సీనియర్‌ జట్టులో గోల్‌కీపర్‌గా ఉన్న కృషన్‌ ఇప్పటి వరకు 125 మ్యాచ్‌లు ఆడాడు.డిఫెండింగ్‌ చాంపియన్‌ హోదాలో భారత్‌కాగా 2016లో జూనియర్‌ ప్రపంచకప్‌ టైటిల్‌ నెగ్గిన భారత జట్టుకు గోల్‌కీపర్‌గా ఉన్న కృషన్‌... రెండుసార్లు ఆసియా క్రీడల్లో, రెండుసార్లు ప్రపంచకప్‌లో, రెండుసార్లు ఆసియా క్రీడల్లో పాల్గొన్నాడు. ఇక డిఫెండింగ్‌ చాంపియన్‌ హోదాలో భారత్‌ పోటీపడనుండగా... దక్షిణ కొరియా, మలేసియా, పాకిస్తాన్, జపాన్, చైనా జట్లు కూడా టైటిల్‌ కోసం తలపడతాయి.ప్యారిస్‌ ఒలింపిక్స్‌లో కాంస్య పతకం గెలిచిన భారత జట్టులో సభ్యులుగా ఉన్న హార్దిక్‌ సింగ్, మన్‌దీప్‌ సింగ్, లలిత్‌ ఉపాధ్యాయ్, షంషేర్‌ సింగ్, గుర్జంత్‌ సింగ్‌లకు ఆసియా చాంపియన్స్‌ ట్రోఫీ నుంచి విశ్రాంతి ఇచ్చారు. భారత జట్టు తమ తొలి మ్యాచ్‌ను సెప్టెంబరు 8న చైనాతో ఆడుతుంది. ఆ తర్వాత 9న జపాన్‌తో... 11న మలేసియాతో... 12న దక్షిణ కొరియాతో తలపడుతుంది. ఒకరోజు విశ్రాంతి తర్వాత సెపె్టంబర్‌ 14న చిరకాల ప్రత్యర్థి పాకిస్తాన్‌తో భారత్‌ ఆడుతుంది. సెమీఫైనల్స్‌ 16న, ఫైనల్‌ 17న నిర్వహిస్తారు.భారత పురుషుల హాకీ జట్టు: కృషన్‌ బహదూర్‌ పాఠక్, సూరజ్‌ కర్కేరా (గోల్‌కీపర్లు), హర్మన్‌ప్రీత్‌ సింగ్‌ (కెప్టెన్‌), వివేక్‌ సాగర్‌ ప్రసాద్‌ (కెప్టెన్‌), జర్మన్‌ప్రీత్‌ సింగ్, అమిత్‌ రోహిదాస్, జుగ్‌రాజ్‌ సింగ్, సంజయ్, సుమిత్, రాజ్‌కుమార్‌ పాల్, నీలకంఠ శర్మ, మన్‌ప్రీత్‌ సింగ్, మొహమ్మద్‌ రాహీల్‌ మౌసీన్, అభిషేక్, సుఖ్‌జీత్‌ సింగ్, అరిజిత్‌ సింగ్, ఉత్తమ్‌సింగ్, గుర్జోత్‌ సింగ్‌.

ప్యారిస్‌ ఒలింపిక్స్‌-2024లో భారత పురుషుల హాకీ జట్టు జైత్రయాత్రకు బ్రేక్‌ పడింది. బెల్జియంతో హోరాహోరీగా సాగిన గురువారం నాటి మ్యాచ్‌లో హర్మన్‌ప్రీత్‌ సింగ్‌ సేన ఓటమిపాలైంది. దీంతో పూల్‌-బిలో భారత్‌ రెండోస్థానానికి పడిపోగా.. తాజా విజయంతో బెల్జియం టాప్‌లోకి దూసుకువెళ్లింది.కాగా భారత పురుషుల హాకీ జట్టు ఇప్పటికే క్వార్టర్‌ ఫైనల్‌కు చేరుకున్న విషయం తెలిసిందే. అయితే, బలాబలాలను పరీక్షించుకునే క్రమంలో గ్రూపు దశలో.. నాలుగో మ్యాచ్‌లో భాగంగా వరల్డ్‌ నంబర్‌ వన్‌ బెల్జియంతో తలపడింది. నాకౌట్‌ దశకు ముందు ధీటైన ప్రత్యర్థిని ఎదుర్కొన్న భారత్‌.. గెలుపొంది ఉంటే ఆత్మవిశ్వాసం ఇనుమడించి ఉండేది.ఉత్కంఠగా సాగిన మ్యాచ్‌అయినప్పటికీ టోక్యో గోల్డ్‌ మెడలిస్ట్‌ బెల్జియంకు భారత్‌ గట్టిపోటీనిచ్చింది. భారత్‌ తరఫున అభిషేక్‌ గోల్‌(18వ నిమిషంలో)తో మెరవగా.. బెల్జియం ప్లేయర్లలో తిబియూ స్టాక్‌బ్రోక్స్‌(33వ నిమిషంలో), జాన్‌-జాన్‌ డొమెన్‌(44వ నిమిషం) చెరో గోల్‌ సాధించారు. ఫలితంగా 1-2తో భారత జట్టు బెల్జియం చేతిలో ఓటమిపాలైంది. ఇక బెల్జియం కూడా ఇప్పటికే క్వార్టర్‌ ఫైనల్‌ చేరింది. ఇదిలా ఉంటే.. తదుపరి మ్యాచ్‌లో భారత్‌ ఆఖరిగా ఆస్ట్రేలియాతో తలపడనుంది.ఐర్లాండ్‌ను ఓడించి క్వార్టర్‌ ఫైనల్లోగత ఒలింపిక్స్‌లో కాంస్య పతకం సాధించి... పూర్వవైభవాన్ని గుర్తు చేసిన భారత పురుషుల హాకీ జట్టు ప్యారిస్‌లోనూ శుభారంభం అందుకుంది. ఆడిన తొలి మూడు మ్యాచ్‌ల్లో రెండు విజయాలు, ఒక ‘డ్రా’ నమోదు చేసుకున్న టీమిండియా 7 పాయింట్లతో క్వార్టర్‌ ఫైనల్‌కు చేరింది. పూల్‌ ‘బి’లో భాగంగా మంగళవారం జరిగిన పోరులో హర్మన్‌ప్రీత్‌ సింగ్‌ సారథ్యంలోని భారత హాకీ జట్టు 2–0తో ఐర్లాండ్‌ను ఓడించింది.ఇక మంగళవారం ఐర్లాండ్‌తో మ్యాచ్‌లో కెప్టెన్‌ హర్మన్‌ప్రీత్‌ (13వ, 19వ నిమిషాల్లో) రెండు గోల్స్‌తో సత్తా చాటాడు. మ్యాచ్‌ మొత్తంలో భారత్‌కు 9 పెనాల్టీ కార్నర్‌ అవకాశాలు రాగా.. అందులో కేవలం ఒక్క దాన్ని మాత్రమే గోల్‌గా మలచగలిగింది. మరోవైపు ఐర్లాండ్‌ 10 పెనాల్టీ కార్నర్‌ లను వృథా చేసింది. తొలి రెండు క్వార్టర్స్‌లో ఒక్కో గోల్‌ చేసిన టీమిండియా... ద్వితీయార్థంలో గోల్‌ కొట్టలేకపోయింది. మన డిఫెండర్లు మెరుగైన ప్రదర్శన కనబర్చగా.. గోల్‌ కీపర్‌ శ్రీజేశ్‌ అడ్డుగోడలా నిలిచి ప్రత్యర్థి ప్రయత్నాలను భగ్నం చేశాడు. గ్రూప్‌లో ఆడిన మూడు మ్యాచ్‌ల్లోనూ ఓడిన ఐర్లాండ్‌ నాకౌట్‌ రేసు నుంచి నిష్క్రమించింది. కాగా రెండు గ్రూప్‌ల్లో తొలి నాలుగు స్థానాల్లో నిలిచిన జట్లు క్వార్టర్స్‌కు చేరుతాయి.ప్యారిస్‌ ఒలింపిక్స్‌-2024 పురుషుల హాకీ పూల్స్‌పూల్‌-ఏ: నెదర్లాండ్స్‌, జర్మనీ, గ్రేట్‌ బ్రిటన్‌, స్పెయిన్‌, ఫ్రాన్స్‌, సౌతాఫ్రికాపూల్‌-బి: బెల్జియం, భారత్‌, ఆస్ట్రేలియా, అర్జెంటీనా, న్యూజిలాండ్‌, ఐర్లాండ్‌.చదవండి: Paris Olympics 2024: షూటింగ్‌లో కాంస్య పతకం.. ఎవరీ స్వప్నిల్‌ కుసాలె..?

న్యూఢిల్లీ: వచ్చే నెలలో జరగనున్న పారిస్‌ ఒలింపిక్స్‌లో పాల్గొనే భారత పురుషుల హాకీ జట్టును ప్రకటించారు. 16 మంది సభ్యులతో కూడిన టీమిండియాకు కెపె్టన్‌గా హర్మన్‌ప్రీత్‌ సింగ్‌... వైస్‌ కెప్టెన్‌గా హార్దిక్‌ సింగ్‌ వ్యవహరిస్తారు. గత టోక్యో ఒలింపిక్స్‌లో భారత జట్టు కాంస్య పతకం సాధించింది. గ్రూప్‌ ‘బి’లో డిఫెండింగ్‌ చాంపియన్‌ బెల్జియం, ఆస్ట్రేలియా, అర్జెంటీనా, న్యూజిలాండ్, ఐర్లాండ్‌ జట్లతో భారత్‌ ఆడుతుంది. గ్రూప్‌ ‘ఎ’లో నెదర్లాండ్స్, జర్మనీ, బ్రిటన్, స్పెయిన్, ఫ్రాన్స్, దక్షిణాఫ్రికా జట్లున్నాయి. గోల్‌కీపర్‌ శ్రీజేశ్, మిడ్‌ ఫీల్డర్‌ మన్‌ప్రీత్‌ సింగ్‌ వరుసగా నాలుగో ఒలింపిక్స్‌ ఆడనున్నారు. భారత హాకీ జట్టు: హర్మన్‌ప్రీత్‌ సింగ్‌ (కెపె్టన్‌), హార్దిక్‌ సింగ్‌ (వైస్‌ కెపె్టన్‌), శ్రీజేశ్‌ (గోల్‌ కీపర్‌), జర్మన్‌ప్రీత్‌ సింగ్, అమిత్‌ రోహిదాస్, సుమిత్, సంజయ్, రాజ్‌కుమార్, షంషేర్‌ సింగ్, మన్‌ప్రీత్‌ సింగ్, వివేక్‌ ప్రసాద్, అభిషేక్, సుఖ్‌జీత్‌ సింగ్, లలిత్‌ ఉపాధ్యాయ్, మన్‌దీప్‌ సింగ్, గుర్జంత్‌ సింగ్, క్రెయిగ్‌ ఫుల్టన్‌ (హెడ్‌ కోచ్‌).

పారిస్‌ ఒలింపిక్స్‌-2024లో పాల్గొనబోయే భారత పురుషుల హాకీ జట్టును బుధవారం ప్రకటించారు. విశ్వ క్రీడల్లో ఆడబోయే 16 మంది సభ్యులతో కూడిన జట్టు వివరాలను వెల్లడించారు.కెప్టెన్‌గా అతడేడ్రాగ్‌ ఫ్లికర్‌ హర్మన్‌ప్రీత్‌ సింగ్‌ కెప్టెన్‌గా వ్యవహరించనుండగా.. మిడ్‌ ఫీల్డర్‌ హార్దిక్‌ సింగ్‌ను అతడికి డిప్యూటీగా ఎంపిక చేశారు. ఇక ఈ జట్టులో ఐదుగురు కొత్త ఆటగాళ్లకు తొలిసారిగా చోటు దక్కింది. కాగా 2016లో మొదటిసారిగా ఒలింపిక్స్‌(రియో) జట్టులో చోటు దక్కించుకున్న హర్మన్‌ప్రీత్‌ సింగ్‌.. 2020 టోక్యో క్రీడల జట్టులోనూ భాగమయ్యాడు. అదే విధంగా.. వెటరన్‌ గోల్‌ కీపర్‌ పీఆర్‌ శ్రీజేశ్‌, మాజీ కెప్టెన్‌, మిడ్‌ ఫీల్డర్‌ మన్‌ప్రీత్‌ సింగ్‌కు ఇవి నాలుగో ఒలింపిక్స్‌. భారత హాకీ జట్టు డిఫెన్స్‌ విభాగం హర్మన్‌ప్రీత్‌ సింగ్‌, జర్మన్‌ప్రీత్‌ సింగ్‌, అమిత్‌ రోహిదాస్‌, సుమిత్‌, సంజయ్‌లతో పటిష్టంగా ఉంది. ఇక మిడ్‌ ఫీల్డర్లుగా రాజ్‌ కుమార్‌ పాల్‌, షంషేర్‌ సింగ్‌, మన్‌ప్రీత్‌ సింగ్‌, హార్దిక్‌ సింగ్‌, వివేక్‌ సాగర్‌ ప్రసాద్‌ సత్తా చాటుతున్నారు.అదే విధంగా ఫార్వర్డ్‌ లైన్‌లో అభిషేక్‌ , సుఖ్‌జీత్‌ సింగ్‌, లలిత్‌ కుమార్‌ ఉపాధ్యాయ్‌, మన్‌దీప్‌ సింగ్‌, గుజ్రాంత్‌ సింగ్‌ తదితరులు ఉండనే ఉన్నారు.ఇక వీరితో పాటు అదనపు ఆటగాళ్లుగా గోల్‌కీపర్‌ క్రిషన్‌ బహదూర్‌ పాఠక్‌, మిడ్‌ ఫీల్డర్‌ నీలకంఠ శర్మ, డిఫెండర్‌ జుగ్రాజ్‌ సింగ్‌ అందుబాటులో ఉండనున్నారు. కాగా తమ జట్టు అనుభవజ్ఞులైన, యువ ప్రతిభావంతులైన ఆటగాళ్లతో సమతూకంగా ఉందని చీఫ్‌ కోచ్‌ క్రెయిగ్‌ ఫాల్టన్‌ పేర్కొన్నాడు. ఇక జూలై 29 నుంచి ఒలింపిక్‌ క్రీడలు ఆరంభం కానున్నాయి.పారిస్‌ ఒలింపిక్స్‌కు భారత పురుషుల హాకీ జట్టుగోల్ కీపర్: శ్రీజేష్ పరాట్టు రవీంద్రన్డిఫెండర్లు: జర్మన్‌ప్రీత్‌ సింగ్‌, అమిత్ రోహిదాస్, హర్మన్‌ప్రీత్‌ సింగ్‌(కెప్టెన్‌), సుమిత్, సంజయ్మిడ్ ఫీల్డర్లు: రాజ్‌ కుమార్‌ పాల్, షంషేర్ సింగ్, మన్‌ప్రీత్‌ సింగ్, హార్దిక్ సింగ్, వివేక్ సాగర్ ప్రసాద్ఫార్వర్డ్స్: అభిషేక్, సుఖ్జీత్ సింగ్, లలిత్ కుమార్ ఉపాధ్యాయ్, మన్‌దీప్‌ సింగ్, గుర్జాంత్‌ సింగ్ప్రత్యామ్నాయ ఆటగాళ్లు: నీలకంఠ శర్మ, జుగ్రాజ్ సింగ్, క్రిషన్ బహదూర్ పాఠక్.తొలిసారి ఒలింపిక్స్‌ హాకీ జట్టులో చోటు దక్కించుకున్నది వీళ్లేజర్మన్‌ప్రీత్‌ సింగ్‌, సంజయ్‌, రాజ్‌ కుమార్‌ పాల్‌, అభిషేక్‌, సుఖ్‌జీత్‌ సింగ్‌.

FIH Pro League 2023-24- భువనేశ్వర్‌: పురుషుల ప్రొ హాకీ లీగ్‌ టోర్నీలో భారత జట్టు నాలుగో విజయం అందుకుంది. స్పెయిన్‌తో సోమవారం జరిగిన మ్యాచ్‌లో టీమిండియా సడెన్‌డెత్‌ ‘షూటౌట్‌’లో 8–7తో గెలిచింది. నిర్ణీత సమయం ముగిసేసరికి రెండు జట్లు 2–2తో సమంగా నిలిచాయి. భారత్‌ తరఫున జర్మన్‌ప్రీత్‌ సింగ్‌ (1వ ని.లో), అభిషేక్‌ (35వ ని.లో)... స్పెయిన్‌ తరఫున జోస్‌ బస్టెరా (3వ ని.లో), బొర్యా లకెలా (15వ ని.లో) ఒక్కో గోల్‌ చేశారు. స్కోర్లు సమమయ్యాక విజేతను నిర్ణయించడానికి ‘షూటౌట్‌’ను నిర్వహించారు. ‘ షూటౌట్‌’లో తొలి ఐదు ప్రయత్నాల్లో ఇరు జట్ల ఆటగాళ్లు సఫలమయ్యారు. దాంతో ‘సడెన్‌డెత్‌’ షూటౌట్‌ను నిర్వహించారు. ‘సడెన్‌డెత్‌’లో స్పెయిన్‌ ప్లేయర్‌ మిరాలెస్‌ తీసుకున్న మూడో షాట్‌ను భారత గోల్‌కీపర్‌ శ్రీజేష్‌ నిలువరించాడు. ఆ వెంటనే భారత్‌ తరఫున లలిత్‌ ఉపాధ్యాయ్‌ గోల్‌ చేయడంతో టీమిండియా విజయం ఖరారైంది. తొమ్మిది జట్లు పోటీపడుతున్న ఈ లీగ్‌లో భారత్‌ ఐదు మ్యాచ్‌ల ద్వారా 10 పాయింట్లు సాధించి నాలుగో స్థానంలో ఉంది. రేపు జరిగే మ్యాచ్‌లో నెదర్లాండ్స్‌తో భారత్‌ ఆడుతుంది. హైదరాబాద్‌ బ్లాక్‌ హాక్స్‌ బోణీ చెన్నై: ప్రైమ్‌ వాలీబాల్‌ లీగ్‌లో హైదరాబాద్‌ బ్లాక్‌ హాక్స్‌ జట్టు గెలుపు బోణీ కొట్టింది. సోమవారం జరిగిన మ్యాచ్‌లో బ్లాక్‌ హాక్స్‌ 7–15, 12–15, 15–10, 15–11, 20–18తో ముంబై మెటోర్స్‌ జట్టును ఓడించింది. తొలి రెండు సెట్‌లు ఓడిపోయిన బ్లాక్‌ హాక్స్‌ ఆ తర్వాత అద్భుత ఆటతీరుతో పుంజుకొని వరుసగా మూడు సెట్‌లు నెగ్గి విజయాన్ని అందుకుంది. భ్లాక్‌ హాక్స్‌ విజయంలో అష్మతుల్లా, హేమంత్, లాల్‌ సుజన్‌ కీలకపాత్ర పోషించారు. గుల్‌వీర్‌ సింగ్‌కు స్వర్ణం టెహ్రాన్‌: ఆసియా ఇండోర్‌ అథ్లెటిక్స్‌ చాంపియన్‌íÙప్‌ను భారత్‌ స్వర్ణ పతకంతో ముగించింది. సోమవారం జరిగిన పురుషుల 3000 మీటర్ల రేసులో భారత అథ్లెట్‌ గుల్‌వీర్‌ సింగ్‌ (8ని:07.48 సెకన్లు) పసిడి పతకం గెలిచాడు. మహిళల 3000 మీటర్లలో అంకిత (9ని:26.22 సెకన్లు) రజత పతకం సాధించింది. ఈ పోటీల్లో భారత్‌కు మొత్తం నాలుగు స్వర్ణాలు, ఒక రజతం లభించాయి.    

Asian Games 2023 Opening Ceremony: చైనాలోని హాంగ్జౌ వేదికగా ఆసియా క్రీడలకు తెర లేచింది. చైనా అధ్యక్షుడు జిన్‌పింగ్‌ శనివారం సాయంత్రం ఈ మెగా ఈవెంట్‌ ప్రారంభమైనట్లు అధికారికంగా ప్రకటించారు. 19వ ఆసియా క్రీడల ఆరంభోత్సవంలో.. పురుషుల హాకీ జట్టు కెప్టెన్‌ హర్మన్‌ప్రీత్‌ సింగ్, మహిళా స్టార్‌ బాక్సర్‌ లవ్లీనా బొర్గోహైన్‌ భారత బృందానికి పతాకధారులుగా వ్యవహరించారు. సంప్రదాయ దుస్తుల్లో ఈ వేడుకలో భారత క్రీడాకారులంతా ఖాఖీ రంగు ప్రధానంగా ఉన్న సంప్రదాయ దుస్తులు ధరించారు. మహిళా ప్లేయర్లు చీరలో మెరిసిపోగా.. పురుష క్రీడాకారులు కుర్తా.. పైజామా ధరించి హుందాగా కనిపించారు.  చైనా ప్రెసిడెంట్‌ జిన్‌పింగ్‌ ముఖ్య అతిథిగా హాజరైన ఈ కార్యక్రమంలో ఆసియా క్రీడల ఆర్గనైజింగ్‌ కమిటీ అధ్యక్షుడు జావో ఝిదాన్‌, ఒలింపిక్‌ కౌన్సిల్‌ ఆఫ్‌ ఆసియా తాత్కాలిక అధ్యక్షుడు రణ్‌ధీర్‌ సింగ్‌ తదితరులు పాల్గొన్నారు.  ఈసారి క్రికెట్‌ జట్లు కూడా ఇక ఈసారి భారత్‌ నుంచి అత్యధికంగా 655 మంది క్రీడాకారులు ఆసియా క్రీడల బరిలోకి దిగుతున్న విషయం తెలిసిందే. అథ్లెట్ల, హాకీ జట్లతో పాటుగా.. భారత మహిళా, పురుష క్రికెట్‌ జట్లు తొలిసారిగా ఈ మెగా ఈవెంట్‌లో పాల్గొనబోతున్నాయి. ఇప్పటి వరకు 18 ఆసియా క్రీడల్లో పోటీపడి భారత్‌ మొత్తంగా 671 పతకాలు గెలవగా.. ఇందులో కేవలం 155 మాత్రమే స్వర్ణాలు ఉన్నాయి. అత్యధికంగా 316 కాంస్యాలు భారత్‌ ఖాతాలో ఉన్నాయి. అయితే, ఈసారి ఒలింపిక్స్‌ గోల్డెన్‌ బాయ్‌ నీరజ్‌ చోప్రా స్పెషల్‌ అట్రాక్షన్‌గా నిలవనున్నాడు. ఇదిలా ఉంటే.. ఆతిథ్య చైనా ఇప్పటి వరకు ఏ​కంగా 3187 పతకాలు గెలిచి తనకు తానే సాటి అన్నట్లుగా ముందుకు సాగిపోతోంది. ఇక హాంగ్జౌ ఏసియన్‌ గేమ్స్‌లో తెలుగు రాష్ట్రాల నుంచి మొత్తంగా 30 మంది క్రీడాకారులు పాల్గొంటున్నారు. ఆంధ్రప్రదేశ్‌ నుంచి.. ధీరజ్‌ బొమ్మదేవర, వెన్నం జ్యోతి సురేఖ (ఆర్చరీ), జ్యోతి యర్రాజీ (అథ్లెటిక్స్‌), కిడాంబి శ్రీకాంత్, పీవీ సింధు, సాతి్వక్‌ సాయిరాజ్‌ (బ్యాడ్మింటన్‌), బాచిరాజు సత్యనారాయణ (బ్రిడ్జి), పెంటేల హరికృష్ణ, కోనేరు హంపి, ద్రోణవల్లి హారిక (చెస్‌), నేలకుడితి అనూష (సాఫ్ట్‌ టెన్నిస్‌), సాకేత్‌ మైనేని (టెన్నిస్‌), ఆకుల సాయిసంహిత, దొంతర గ్రీష్మ (స్కేటింగ్‌), బారెడ్డి అనూష (క్రికెట్‌), శివ కుమార్‌ (సెపక్‌తక్రా).  తెలంగాణ నుంచి.. వ్రితి అగర్వాల్‌ (స్విమ్మింగ్‌), అగసార నందిని (అథ్లెటిక్స్‌), పుల్లెల గాయత్రి, సిక్కి రెడ్డి (బ్యాడ్మింటన్‌), నిఖత్‌ జరీన్‌ (బాక్సింగ్‌), గురుగుబెల్లి గీతాంజలి (రోయింగ్‌), కైనన్‌ చెనాయ్, ఇషా సింగ్‌ (షూటింగ్‌), ఆకుల శ్రీజ (టేబుల్‌ టెన్నిస్‌), ఇరిగేశి అర్జున్‌ (చెస్‌), ప్రీతి కొంగర (సెయిలింగ్‌), బత్తుల సంజన (స్కేటింగ్‌), గుగులోత్‌ సౌమ్య (ఫుట్‌బాల్‌), తిలక్‌ వర్మ (క్రికెట్‌). 𝑺𝒂𝒃𝒔𝒆 𝑨𝒂𝒈𝒆 𝑯𝒐𝒈𝒂 𝑩𝒉𝒂𝒓𝒂𝒕💪🏻 The excitement & energy of the 🇮🇳 contingent is contagious as they walk into the opening ceremony of #AsianGames2022🔥 This edition of #BharatAtAG22 will rock for sure! #Cheer4India#HallaBol#JeetegaBharat pic.twitter.com/cnY5M0r2pN — SAI Media (@Media_SAI) September 23, 2023 The moment we've all been waiting for is almost here! 🌟 In just a few minutes, the Indian team will proudly march into the Asian Games opening ceremony at Hangzhou, China. 🎉 Let's unite, show our support, and create unforgettable memories together. 🙌🏆 #Cheer4India… pic.twitter.com/6PBePg9bMi — SAI Media (@Media_SAI) September 23, 2023

ఆసియా క్రీడల ప్రారంభ వేడుకల్లో భారత బృందానికి పతాకధారులగా పురుషుల హాకీ జట్టు కెప్టెన్‌ హర్మన్‌ప్రీత్‌ సింగ్, మహిళా స్టార్‌ బాక్సర్‌ లవ్లీనా బొర్గోహైన్‌ వ్యహరించనున్నారు. ఈనెల 23న చైనాలోని హాంగ్జూ నగరంలో ఆసియా క్రీడలకు తెర లేవనుంది. అస్సాంకు చెందిన 25 ఏళ్ల లవ్లీనా టోక్యో ఒలింపిక్స్‌లో కాంస్యం, ఈ ఏడాది ప్రపంచ చాంపియన్‌షిప్‌లో స్వర్ణం సాధించింది. పంజాబ్‌కు చెందిన హర్మన్‌ భారత్‌ తరఫున 191 మ్యాచ్‌లు ఆడి 155 గోల్స్‌ చేశాడు. 

Men's Pro Hockey League:- రూర్కెలా: కెప్టెన్‌ హర్మన్‌ప్రీత్‌ సింగ్‌ ‘హ్యాట్రిక్‌’ నమోదు చేయడంతో... ప్రొ హాకీ లీగ్‌లో భారత జట్టు 5–4 గోల్స్‌ తేడాతో ఆస్ట్రేలియా జట్టును బోల్తా కొట్టించింది. టీమిండియా సారథి హర్మన్‌ప్రీత్‌ సింగ్‌ 13, 14, 55వ నిమిషాల్లో పెనాల్టీ కార్నర్‌లను గోల్స్‌గా మలచగా... జుగ్‌రాజ్‌ సింగ్‌ (17వ ని.లో), సెల్వం కార్తీ (25వ ని.లో) ఒక్కో గోల్‌  సాధించారు. ఆస్ట్రేలియా తరఫున జోషువా బెల్ట్‌జ్‌ (3వ ని.లో), విలోట్‌ (43వ ని.లో), బెన్‌ స్టెయినెస్‌ (53వ ని.లో), టిమ్‌ హోవర్డ్‌ (57వ ని.లో) ఒక్కో గోల్‌ చేశారు. రెండు జట్లకు పది చొప్పున పెనాల్టీ కార్నర్‌లు రాగా... భారత్‌ మూడింటిని, ఆసీస్‌ రెండింటిని గోల్స్‌గా మలిచాయి. సోమవారం జరిగే మరో లీగ్‌ మ్యాచ్‌లో జర్మనీతో భారత్‌ ఆడుతుంది.   చదవండి: Virat Kohli 75th Century: కింగ్‌ ఈజ్‌ బ్యాక్‌.. ఆ ఇద్దరు దిగ్గజాల తర్వాత కోహ్లికే సాధ్యమైంది!

ఎఫ్‌ఐహెచ్‌ ప్రొ లీగ్‌ హాకీ టోర్నీలో భారత్‌ ఖాతాలో కీలక గెలుపు చేరింది. రూర్కెలాలో శుక్రవారం జరిగిన మ్యాచ్‌లో భారత్‌ 3–2 గోల్స్‌ తేడాతో ప్రపంచ చాంపియన్‌ జర్మనీపై సంచలన విజయం సాధించింది. భారత్‌ తరఫున హర్మన్‌ప్రీత్‌ సింగ్‌ (30వ నిమిషం) పెనాల్టీ కార్నర్‌ ద్వారా గోల్‌ సాధించగా... సుఖ్‌జీత్‌ సింగ్‌ రెండు ఫీల్డ్‌ గోల్స్‌ (31వ ని., 42వ ని.) నమోదు చేశాడు. జర్మనీ నుంచి రెండూ ఫీల్డ్‌ గోల్స్‌ వచ్చాయి. 44వ నిమిషంలో కాఫ్‌మన్‌ పాల్‌ ఫిలిప్, 57వ నిమిషంలో స్ట్రత్‌ఆఫ్‌ మైకేల్‌ గోల్స్‌ కొట్టారు. మూడో క్వార్టర్‌ ముగిసే సరికి భారత్‌ 3–1తో ఆధిక్యంలో నిలిచినా...చివరి క్వార్టర్‌లో జర్మనీ గోల్‌ చేసి ఆధిక్యాన్ని తగ్గించగలిగింది. తమకు లభించిన ఏకైక పెనాల్టీని భారత్‌ సద్వినియోగం చేసుకోగలిగింది. భారత్‌ తమ తర్వాతి పోరులో ఆదివారం ఆస్ట్రేలియాతో తలపడుతుంది.   

Men's Hockey World Cup: ఒడిశాలో వచ్చే నెలలో 13 నుంచి 29 వరకు జరిగే పురుషుల ప్రపంచకప్‌ హాకీ టోర్నమెంట్‌లో పాల్గొనే భారత జట్టును ప్రకటించారు. 18 మంది సభ్యులతో కూడిన భారత జట్టుకు స్టార్‌ డిఫెండర్‌ హర్మన్‌ప్రీత్‌ సింగ్‌ కెప్టెన్‌గా... అమిత్‌ రోహిదాస్‌ వైస్‌ కెప్టెన్‌గా వ్యవహరిస్తారు. ఈ మెగా టోర్నీలో మొత్తం 16 జట్లు పాల్గొంటున్నాయి. పూల్‌ ‘డి’లో ఇంగ్లండ్, వేల్స్, స్పెయిన్‌లతో కలిసి భారత జట్టు ఉంది.  భారత హాకీ జట్టు: శ్రీజేశ్, కృషన్‌ పాఠక్‌ (గోల్‌కీపర్లు), హర్మన్‌ప్రీత్‌ సింగ్, అమిత్‌ రోహిదాస్, జర్మన్‌ప్రీత్‌ సింగ్, సురేందర్, వరుణ్, నీలం సంజీప్‌ జెస్, మన్‌ప్రీత్‌ సింగ్, హార్దిక్‌ సింగ్, నీలకంఠ శర్మ, షంషేర్‌ సింగ్, వివేక్‌ సాగర్‌ ప్రసాద్, ఆకాశ్‌దీప్‌ సింగ్, మన్‌దీప్‌ సింగ్, లలిత్‌ ఉపాధ్యాయ్, అభిషేక్, సుఖ్‌జీత్‌ సింగ్‌.    చదవండి: Ranji Trophy: వాషింగ్టన్‌ సుందర్‌ పోరాటం వృథా.. ఉత్కంఠ పోరులో ఆంధ్ర విజయం IPL 2023 Auction: ఆ ముగ్గురూ సూపర్‌.. ఐపీఎల్‌ వేలం విశేషాలు

India Vs Australia- Hockey Series: ఆస్ట్రేలియా పురుషుల హాకీ జట్టుతో జరిగిన ఐదు మ్యాచ్‌ల సిరీస్‌ను భారత జట్టు 1–4తో కోల్పోయింది. అడిలైడ్‌లో జరిగిన చివరి మ్యాచ్‌లో భారత్‌ 4–5తో ఓడింది. భారత్‌ తరఫున కెప్టెన్‌ హర్మన్‌ప్రీత్‌ (24వ, 60వ ని.లో) రెండు గోల్స్‌... అమిత్‌ రోహిదాస్‌ (34వ ని.లో), సుఖ్‌జీత్‌ (55వ ని.లో) ఒక్కో గోల్‌ సాధించారు. ఆస్ట్రేలియా తరఫున విఖామ్‌ (2వ, 17వ ని.లో) రెండు గోల్స్‌.. జలెవ్‌స్కీ (30వ ని.లో), అండర్సన్‌ (40వ ని.లో), వెటన్‌ (54వ ని.లో) ఒక్కో గోల్‌ చేశారు. కాగా ఈ సిరీస్‌లో భారత్‌కు ఒకే ఒక్క విజయం దక్కింది. మూడో మ్యాచ్‌లో టీమిండియా గెలుపొందింది. తద్వారా ప్రపంచ నంబర్‌వన్, కామన్వెల్త్‌ గేమ్స్‌ చాంపియన్‌ ఆస్ట్రేలియా పురుషుల హాకీ జట్టుపై ఆరేళ్ల విరామం తర్వాత తొలి విజయం నమోదు చేసిన జట్టుగా హర్మన్‌ప్రీత్‌ బృందం చరిత్ర సృష్టించింది. అయితే తొలి, చివరి రెండు మ్యాచ్‌లలో ఓడి ఆతిథ్య జట్టుకు సిరీస్‌ను అప్పగించింది. చదవండి: Ind Vs Ban: రాహుల్‌ క్యాచ్‌ డ్రాప్‌ చేయడం వల్ల కాదు.. బంగ్లా చేతిలో ఓటమికి కారణం వాళ్లే: భారత దిగ్గజం మా ఓటమికి కారణం అదే.. కానీ వారు అద్భుతంగా పోరాడారు: రోహిత్‌ శర్మ

అడిలైడ్‌: ప్రపంచ నంబర్‌వన్, కామన్వెల్త్‌ గేమ్స్‌ చాంపియన్‌ ఆస్ట్రేలియా పురుషుల హాకీ జట్టుపై భారత జట్టు ఆరేళ్ల విరామం తర్వాత తొలి విజయం నమోదు చేసింది. ఐదు మ్యాచ్‌ల సిరీస్‌లో భాగంగా తొలి రెండు మ్యాచ్‌ల్లో ఓడిన భారత్‌... సిరీస్‌లో నిలబడాలంటే తప్పనిసరిగా గెలవాల్సిన మ్యాచ్‌లో అద్భుత ప్రదర్శన చేసింది. చివరకు 4–3 గోల్స్‌ తేడాతో ఆస్ట్రేలియాపై గెలిచి సిరీస్‌లో ఆతిథ్య జట్టు ఆధిక్యాన్ని 1–2కి తగ్గించింది. నాలుగో మ్యాచ్‌ శనివారం జరుగుతుంది. భారత్‌ తరఫున కెప్టెన్‌ హర్మన్‌ప్రీత్‌ సింగ్‌ (12వ ని.లో), అభిషేక్‌ (47వ ని.లో), షంషేర్‌ సింగ్‌ (57వ ని.లో), ఆకాశ్‌దీప్‌ సింగ్‌(60వ ని.లో) ఒక్కో గోల్‌ చేశారు. ఆకాశ్‌దీప్‌ చివరి నిమిషంలో.. మ్యాచ్‌ చివరి నిమిషంలో ఆకాశ్‌దీప్‌ గోల్‌ చేసి భారత విజయంలో కీలకపాత్ర పోషించాడు. ఆస్ట్రేలియా తరఫున జాక్‌ వెల్చ్‌ (25వ ని.లో), ఆరాన్‌ జలెవ్‌స్కీ (32వ ని.లో), నాథన్‌ ఎఫరాముస్‌ (59వ ని.లో) ఒక్కో గోల్‌ సాధించారు.   నిర్ణీత సమయంలోపు ఫలితం తేలిన మ్యాచ్‌ల్లో భారత్‌ చివరిసారి 2016 నవంబర్‌ 29న ఆస్ట్రేలియాపై 3–2తో గెలిచింది. అనంతరం ఈ రెండు జట్ల మధ్య 13 మ్యాచ్‌లు జరిగాయి. ఇందులో 10 సార్లు ఆసీస్‌ నిర్ణీత సమయంలోపు నెగ్గగా... నిర్ణీత సమయంలోపు మ్యాచ్‌లు ‘డ్రా’గా ముగిసి వర్గీకరణ పాయింట్ల కోసం పెనాల్టీ షూటౌట్‌ ద్వారా ఫలితం నిర్ణయించిన రెండు మ్యాచ్‌ల్లో భారత్‌ గెలిచింది. మరో మ్యాచ్‌ 1–1తో ‘డ్రా’గా ముగిసింది.     చదవండి: Lionel Messi: ప్రిక్వార్టర్స్‌లో అర్జెంటీనా! అయినా.. మెస్సీ అభిమానులకు తప్పని నిరాశ! Ind Vs NZ: 12 బంతుల తేడాతో టీమిండియాకు తప్పిన పరాజయం! ఎలాగంటే..

న్యూఢిల్లీ: భారత స్టార్‌ డిఫెండర్‌ హర్మన్‌ప్రీత్‌ సింగ్‌ వరుసగా రెండో ఏడాది కూడా అంతర్జాతీయ హాకీ సమాఖ్య (ఎఫ్‌ఐహెచ్‌) ‘ప్లేయర్‌ ఆఫ్‌ ద ఇయర్‌’ అవార్డుకు ఎంపికయ్యాడు. అతను నిలకడైన ఆటతీరుతో ఇంటాబయటా జట్టు విజయాల్లో కీలకభూమిక పోషిస్తున్నాడు. ఈ భారత వైస్‌కెప్టెన్‌ 2021–22 ఎఫ్‌ఐహెచ్‌ హాకీ ప్రో లీగ్‌లో విశేషంగా రాణించాడు. 16 మ్యాచ్‌లాడిన హర్మన్‌ప్రీత్‌ 18 గోల్స్‌ చేశాడు. దీంతో ఒక సీజన్‌లో అత్యధిక గోల్స్‌ చేసిన భారత ఆటగాడిగా రికార్డులకెక్కాడు. గతేడాది ఢాకాలో జరిగిన ఆసియా చాంపియన్స్‌ ట్రోఫీలో అతని (6 మ్యాచ్‌ల్లో 8 గోల్స్‌) ప్రదర్శన వల్లే భారత జట్టు కాంస్యం గెలిచింది. ప్రతీ మ్యాచ్‌ లోనూ గోల్‌ చేయడం విశేషం. ఈ ఏడాది బర్మింగ్‌హామ్‌లో జరిగిన ప్రతిష్టాత్మక ‘కామన్వెల్త్‌ గేమ్స్‌’లో భారత్‌ రన్నరప్‌గా నిలువడంలోనూ అతని పాత్ర ఉంది. ‘హర్మన్‌ప్రీత్‌ ఆధునిక హాకీ క్రీడలో సూపర్‌స్టార్‌. అతని డిఫెన్స్‌ అద్భుతం. ప్రత్యర్థుల రక్షణపంక్తిని బోల్తా కొట్టించడంలో అతను ఘనాపాటి. తన స్టిక్‌కు అందిన బంతిని చకచకా ఆడిస్తూ తీసుకెళ్లే సామర్థ్యం అతని సొంతం. అదే వేగంతో గోల్‌పోస్ట్‌లోకి పంపడంలోనూ హర్మన్‌ దిట్ట. అందుకే వరుసగా ఈ ఏడాది కూడా అతన్నే అవార్డు వరించింది’ అని ఎఫ్‌ఐహెచ్‌ ఒక ప్రకటనలో కొనియాడింది. పురుషుల హాకీలో వరుసగా ఇలా అవా ర్డులు పొందిన నాలుగో ఆటగాడిగా హర్మన్‌ ఘనత వహించాడు. గతంలో డి నూయిజెర్‌ (నెదర్లాండ్స్‌), జేమీ డ్వెయర్‌ (ఆస్ట్రేలియా), ఆర్థర్‌ వాన్‌ డొరెన్‌ (బెల్జియం)లు రెండేళ్లు ‘ప్లేయర్‌ ఆఫ్‌ ద ఇయర్‌’గా నిలిచారు. తాజా అవార్డు బరిలో ప్యానెల్‌...    హర్మన్‌   ప్రీత్‌ సింగ్‌కు 29.4 పాయింట్లు ఇవ్వగా, రేసులో ఉన్న బ్రింక్‌ మన్‌ (నెదర్లాండ్స్‌; 23.6), టామ్‌ బూన్‌ (బెల్జియం; 23.4) వెనుకబడ్డారు.

భారత పురుషుల హాకీ జట్టు స్టార్‌ డ్రాగ్‌ ఫ్లికర్‌ హర్మన్‌ప్రీత్‌ సింగ్‌ అంతర్జాతీయ హాకీ సమాఖ్య (ఎఫ్‌ఐహెచ్‌) 2021–2022 ‘ప్లేయర్‌ ఆఫ్‌ ద ఇయర్‌’ అవార్డుకు నామినేట్‌ అయ్యాడు. హర్మన్‌తోపాటు ఆర్థర్‌ డి స్లూవర్, టామ్‌ బూన్‌ (బెల్జియం), బ్రింక్‌మన్‌ (నెదర్లాండ్స్‌), నిక్లాస్‌ వెలెన్‌ (జర్మనీ) కూడా ఈ అవార్డు రేసులో ఉన్నారు. భారత్‌కే చెందిన పీఆర్‌ శ్రీజేష్, సవిత పూనియా ‘బెస్ట్‌ గోల్‌కీపర్‌’ అవార్డు బరిలో ఉన్నారు. ఈనెల 30 వరకు ఆన్‌లైన్‌ ఓటింగ్‌ కొనసాగుతుంది. వచ్చే నెలలో విజేతలను ప్రకటిస్తారు. చదవండి: Asia Cup 2022: ఏం చేస్తున్నావు రోహిత్‌.. ఇదేనా నీ కెప్టెన్సీ? నిజంగా సిగ్గు చేటు!

న్యూజిలాండ్‌ మహిళలతో జరగిన రెండో వన్డేలో భారత స్టార్‌ బ్యాటర్‌ హర్మన్‌ప్రీత్ కౌర్ అనూహ్య రీతిలో రనౌటైంది. భారత ఇన్నింగ్స్‌ 28 ఓవర్‌ వేసిన ఫ్రాన్సెస్ మాకై బౌలింగ్‌లో..  హర్మన్‌ప్రీత్  ఫ్రంట్‌ ఫుట్‌కు వచ్చి బౌలర్‌ దిశగా షాట్‌ ఆడటానికి ప్రయత్నించింది.  ఈ క్రమంలో బంతి  బౌలర్‌ మాకై చేతికి వెళ్లింది. వెంటనే మాకై వేగంగా బంతిని కీపర్‌కి త్రో చేసింది. అయితే క్రీజులోకి తిరిగి చేరుకోవడానికి హర్మన్‌ప్రీత్ కొంచెం ఇబ్బంది పడింది. కాగా కీపర్‌ వెంటనే స్టంప్స్‌ పడగొట్టడంతో హర్మన్‌ప్రీత్ రనౌట్‌ రూపంలో పెవిలియన్‌కు చేరింది. రనౌట్‌కు సంబంధించిన వీడియో సోషల్‌ మీడియాలో వైరల్‌గా మారింది. ఇక మ్యాచ్‌ విషయానికి వస్తే.. భారత్‌పై న్యూజిలాండ్‌ 7 వికెట్ల తేడాతో విజయం సాధించింది. టాస్‌ ఓడి బ్యాటింగ్‌కు దిగిన భారత్‌ 49.3 ఓవర్లలో 279 పరుగులకు ఆలౌటైంది. భారత బ్యాటర్లలో మేఘన(61), షఫాలీ వర్మ(51), దీప్తి శర్మ(69) పరుగులతో టాప్‌ స్కోరర్‌లుగా నిలిచారు. న్యూజిలాండ్‌ బౌలర్లలో హన్నా రోవ్, మైర్‌ చెరో రెండు వికెట్లు పడగొట్టగా, మాకై, కేర్‌ చెరో వికెట్‌ సాధించారు. 280 పరుగుల లక్ష్యంతో బరిలోకి దిగిన న్యూజిలాండ్‌ 7 వికెట్లు కోల్పోయి టార్గెట్‌ను ఛేదించింది. చదవండి: తొలి మ్యాచ్‌లోనే ట్రిపుల్‌ సెంచరీ.. ప్రపంచంలోనే మొదటి ఆటగాడిగా! an unfortunate wicket of Harmanpreet Kaur, team India down by 4 wickets! 🏏 #NZvIND #LiveCricketOnPrime pic.twitter.com/mjI4wbz1ou — amazon prime video IN (@PrimeVideoIN) February 18, 2022

Harmanpreet Singh, Gurjit Kaur Win FIH Awards: అంతర్జాతీయ హాకీ ఫెడరేషన్ (ఎఫ్‌ఐహెచ్‌) స్టార్స్ అవార్డ్స్ 2020-21లో భారత్‌ ఆధిపత్యం చెలాయించింది. పురుషులు, మహిళల విభాగాల్లో నలుగురు క్రీడాకారులు అంతర్జాతీయ అవార్డులను గెలుచుకున్నారు. వీరితో డ్రాగ్ ఫ్లికర్స్ హర్మన్ ప్రీత్ సింగ్‌, గుర్జిత్ కౌర్‌లు "ప్లేయర్ ఆఫ్ ది ఇయర్" అవార్డులను గెలుచుకోగా.. పీఆర్ శ్రీజేష్, సవితా పునియాలు "ఉత్తమ గోల్ కీపర్ ఆఫ్ ది ఇయర్" అవార్డులను దక్కించుకున్నారు.  కాగా, భారత పురుషుల, మహిళల హాకీ జట్లు టోక్యో ఒలింపిక్స్‌లో అబ్బురపడే ప్రదర్శనతో అలరించిన సంగతి తెలిసిందే. పురుషుల జట్టు 41 సంవత్సరాల ఒలింపిక్ పతకాల కరువుకు తెరదించుతూ.. జర్మనీపై 5-4 గోల్స్‌తో విజయం సాధించి కాంస్య పతకం నెగ్గింది. మహిళల జట్టు నాలుగో స్థానంలో సరిపెట్టుకున్నప్పటికీ ప్రపంచవ్యాప్తంగా అభిమానులను సంపాదించుకుంది.  చదవండి: ఒమన్‌లో తుఫాను బీభత్సం.. టీ20 ప్రపంచకప్‌ మ్యాచ్‌లపై ప్రభావం..!

భువనేశ్వర్‌: గోల్‌ కీపర్‌ శ్రీజేశ్‌ అడ్డుగోడగా నిలవడంతో ప్రపంచ రెండో ర్యాంకర్‌ ఆస్ట్రేలియాపై భారత హాకీ జట్టు అద్భుత విజయాన్ని నమోదు చేసింది. ప్రొ హాకీ లీగ్‌ సీజన్‌–2లో భాగంగా శనివారం ఇక్కడి కళింగ స్టేడియంలో జరిగిన రెండో లీగ్‌ మ్యాచ్‌లో భారత్‌ 3–1తో పెనాల్టీ షూటౌట్‌లో ఆస్ట్రేలియాపై గెలుపొందింది. దాంతో శుక్రవారం ఎదురైన ఓటమికి ప్రతీకారం తీర్చుకుంది. నిర్ణీత 60 నిమిషాల ఆటలో ఇరు జట్లు కూడా 2–2 గోల్స్‌తో సమంగా నిలిచాయి. భారత తరఫున రూపిందర్‌ పాల్‌ సింగ్‌ (25వ నిమిషంలో), హర్మన్‌ప్రీత్‌ సింగ్‌ (27వ నిమిషంలో) చెరో గోల్‌ చేయగా... ఆసీస్‌ ఆటగాళ్లలో ట్రెంట్‌ మిట్టన్‌ (23వ నిమిషంలో), అరాన్‌ జలేవ్‌స్కీ (46వ నిమిషంలో) చెరో గోల్‌ సాధించారు. ఫలితంగా మ్యాచ్‌ షూటౌట్‌కు దారి తీసింది.

ఆంట్‌వర్ప్‌: బెల్జియం పర్యటనను భారత పురుషుల హాకీ జట్టు క్లీన్‌ స్వీప్‌తో ముగించింది. గురువారం జరిగిన చివరి మ్యాచ్‌లో భారత్‌ 5–1తో ప్రస్తుత ప్రపంచ చాంపియన్‌ బెల్జియంపై ఘన విజయం సాధించింది. భారత ఆటగాళ్లు సిమ్రన్‌ జీత్‌ సింగ్‌ (7వ నిమిషంలో), లలిత్‌ (35వ ని.లో), వివేక్‌ సాగర్‌ (36వ ని.లో), హర్మన్‌ప్రీత్‌ సింగ్‌ (42వ ని.లో), రమణ్‌దీప్‌ సింగ్‌ (43వ ని.లో) తలా ఓ గోల్‌ సాధించారు. ప్రత్యర్థి తరఫున హెన్రిక్స్‌ (39వ ని.లో) ఏకైక గోల్‌ చేశాడు. ఈ పర్యటనలో భారత్‌ తన తొలి మ్యాచ్‌లో 2–0తో బెల్జియంపై, అనంతరం రెండు, మూడు మ్యాచ్‌ల్లో 6–1తో, 5–1తో స్పెయిన్‌పై, నాలుగో మ్యాచ్‌లో 2–1తో బెల్జియంపై విజయాలను సాధించింది.  

అంట్‌వెర్ప్‌ (బెల్జియం): డ్రాగ్‌ఫ్లికర్‌ హర్మన్‌ప్రీత్‌ సింగ్‌ అద్భుతంగా రాణించడంతో భారత పురుషుల హాకీ జట్టు 6–1తో స్పెయిన్‌పై ఘనవిజయం సాధించింది. బెల్జియం పర్యటనలో భాగంగా శనివారం జరిగిన మ్యాచ్‌లో ప్రపంచ ఐదో ర్యాంకర్‌ టీమిండియా... ప్రపంచ ఎనిమిదో ర్యాంకు జట్టును చిత్తుగా ఓడించింది. హర్మన్‌ప్రీత్‌ 28వ, 32వ నిమిషాల్లో గోల్స్‌ సాధించగా, మన్‌ప్రీత్‌ సింగ్‌ (24వ ని.), నీలకంఠ శర్మ (39వ ని.), మన్‌దీప్‌ సింగ్‌ (56వ ని.), రూపిందర్‌పాల్‌ సింగ్‌ (59వ ని.) తలా ఒక గోల్‌ చేశారు. ఆట ఆరంభం నుంచే భారత్‌ ప్రత్యర్థి గోల్‌పోస్ట్‌పై దాడులకు పదునుపెట్టింది. రెండో క్వార్టర్‌లో గోల్స్‌ చేయడంలో భారత ఆటగాళ్లు సఫలమయ్యారు. ఆ తర్వాత జోరు పెంచడంతో ఆధిక్యం పెరుగుతూ వచ్చింది.  ఆదివారం మూడో మ్యాచ్‌ జరుగనుంది.   గెలిపించిన గుర్జీత్‌ గోల్‌   మార్లో (ఇంగ్లండ్‌): ఇంగ్లండ్‌పై ఐదు మ్యాచ్‌ల హాకీ సిరీస్‌లో భారత మహిళల జట్టు శుభారంభం చేసింది. శనివారం  తొలి మ్యాచ్‌లో 2–1తో మన జట్టు విజయం సాధించింది. మ్యాచ్‌ మరో 48 క్షణాల్లో ముగుస్తుందనగా గుర్జీత్‌ కౌర్‌ (60వ ని.) అద్భుత గోల్‌తో ఫలితాన్ని మార్చింది. 46వ నిమిషంలో ఎమిలీ డెఫ్రాండ్‌ గోల్‌తో 1–0తో ఇంగ్లండ్‌ ఆధిక్యంలోకి వెళ్లింది. వెంటనే షరి్మలా దేవి గోల్‌తో స్కోరు 1–1తో సమమైంది.

బ్రెడా (నెదర్లాండ్స్‌): స్వదేశీ కోచ్‌ హరేంద్ర సింగ్‌ ఆధ్వర్యంలో చాంపియన్స్‌ ట్రోఫీ హాకీ టోర్నీలో భారత జట్టు దూసుకెళ్తోంది. తొలి మ్యాచ్‌లో పాకిస్తాన్‌పై నెగ్గిన టీమిండియా ఆదివారం రెండో మ్యాచ్‌లో రియో ఒలింపిక్స్‌ చాంపియన్, రెండో ర్యాంకర్‌ అర్జెంటీనాపై 2–1తో విజయం సాధించింది. భారత్‌ తరఫున హర్మన్‌ప్రీత్‌ సింగ్‌ (17వ నిమిషంలో), మన్‌దీప్‌ సింగ్‌ (28వ ని.లో) ఒక్కో గోల్‌ చేశారు. అర్జెంటీనా తరఫున నమోదైన ఏకైక గోల్‌ డ్రాగ్‌ఫ్లికర్‌ గొంజాలో పెలాట్‌ (30వ నిమిషంలో) చేశాడు. ఆరు జట్లు పాల్గొంటున్న ఈ టోర్నీలో రెండు విజయాలు నమోదు చేసిన భారత్‌ ప్రస్తుతం ఆరు పాయింట్లతో అగ్రస్థానంలో ఉంది. బుధవారం తదుపరి మ్యాచ్‌లో ఆస్ట్రేలియాతో టీమిండియా ఆడనుంది.   రెండో క్వార్టర్‌లో రెండు గోల్స్‌...  తొలి క్వార్టర్‌లో గోల్‌ కాకపోయినా... రెండో క్వార్టర్‌ ప్రారంభం నుంచే దాడులు ఉధృతం చేసిన భారత్‌కు 17వ నిమిషంలో తొలి పెనాల్టీ కార్నర్‌ (పీసీ) దక్కింది. దాన్ని హర్మన్‌ప్రీత్‌ సింగ్‌ గోల్‌ పోస్ట్‌లోకి పంపి భారత్‌కు 1–0తో ఆధిక్యాన్ని అందించాడు. ఆ తర్వాత 28వ నిమిషంలో దిల్‌ప్రీత్‌ ఇచ్చిన పాస్‌ను మన్‌దీప్‌ అద్భుత గోల్‌గా మలిచి ఆధిక్యాన్ని రెట్టింపు చేశాడు. కాపేసటికే అర్జెంటీనాకు పీసీ లభించగా... దాన్ని గొంజాలో గోల్‌గా మలిచి ఆధిక్యాన్ని 2–1కి తగ్గించాడు. అనంతరం భారత్‌ జోరు కొనసాగించడంతో ప్రత్యర్థికి ఎలాంటి అవకాశం చిక్కలేదు. ఈ మ్యాచ్‌ భారత వెటరన్‌ ప్లేయర్‌ సర్దార్‌ సింగ్‌కు 300వ అంతర్జాతీయ మ్యాచ్‌ కావడం విశేషం.   

చండీగఢ్‌: భారత మహిళా టి20 జట్టు కెప్టెన్‌ హర్మన్‌ప్రీత్‌ కౌర్‌ పంజాబ్‌ పోలీసు శాఖలో చేరేందుకు రంగం సిద్ధమైంది. వచ్చే నెల 1న ఆమె డిప్యూటీ సూపరిటెండెంట్‌ ఆఫ్‌ పోలీస్‌ (డీఎస్పీ)గా ఉద్యోగ బాధ్యతలు చేపట్టనుంది. రైల్వే ఉద్యోగి అయిన ఆమె ఇదివరకే డీఎస్పీ కావాల్సింది. కానీ తమతో కనీస ఒప్పంద ప్రమాణం (ఐదేళ్ల బాండ్‌) గడువు పూర్తికాకపోవడంతో భారతీయ రైల్వే సంస్థ... ఆమె గతేడాదే రాజీనామా చేసినప్పటికీ రిలీవ్‌ చేయలేదు. దీంతో పంజాబ్‌ ముఖ్యమంత్రి అమరీందర్‌ సింగ్‌ స్వయంగా రైల్వే మంత్రిత్వశాఖతో మాట్లాడి ఇంతకుముందు కుదుర్చుకున్న నియామక ఒప్పందాన్ని సడలించి రిలీవ్‌ చేయాలని కోరారు. దీనికి స్పందించిన రైల్వే శాఖ తాజాగా హర్మన్‌ప్రీత్‌ను రిలీవ్‌ చేయడంతో త్వరలోనే డీఎస్పీ కానుంది. ఈ సందర్భంగా పంజాబ్‌ సీఎం అమరీందర్‌ కేంద్ర రైల్వే మంత్రి పీయూష్‌ గోయెల్‌కు కృతజ్ఞతలు తెలిపారు. అలాగే తమ రాష్ట్ర పోలీస్‌ శాఖలో చేరనున్న హర్మన్‌కు శుభాకాంక్షలు చెప్పారు. ప్రస్తుతం ఆమె దక్షిణాఫ్రికాతో జరుగుతున్న సిరీస్‌లో పాల్గొంటోంది.    

దక్షిణాఫ్రికా పర్యటనలో ఆడనున్న రెండు ప్రాక్టీస్‌ మ్యాచ్‌లు తమ ఆత్మవిశ్వాసాన్ని పెంచుతాయని భారత మహిళా క్రికెటర్‌ హర్మన్‌ప్రీత్‌ సింగ్‌ వ్యాఖ్యానించింది.  ఫిబ్రవరి 5తో ప్రారంభమవనున్న 3 వన్డేలు, 5 టి20ల సిరీస్‌లో పాల్గొనేందుకు త్వరలోనే మహిళల జట్టు దక్షిణాఫ్రికా వెళ్లనుంది. ‘సిరీస్‌ ప్రారంభం కావడానికి ముందే మేం అక్కడికి వెళ్తున్నాం. 4–5 రోజుల పాటు క్యాంప్‌లో పాల్గొననున్నాం. దీంతోపాటు రెండు ప్రాక్టీస్‌ మ్యాచ్‌లు ఆడనున్నాం’ అని హర్మన్‌ తెలిపింది. 


 డసెల్‌డార్ఫ్‌ (జర్మనీ): మూడు దేశాల అంతర్జాతీయ హాకీ టోర్నమెంట్‌లో భారత్‌కు తొలి విజయం దక్కింది. బెల్జియంతో సోమవారం జరిగిన రెండో లీగ్‌ మ్యాచ్‌లో టీమిండియా 3–2తో గెలిచింది. భారత్‌ తరఫున హర్మన్‌ప్రీత్‌ సింగ్‌ (34వ, 38వ నిమిషాల్లో) రెండు గోల్స్‌ చేయగా... రమణ్‌దీప్‌ సింగ్‌ (49వ నిమిషంలో) ఒక గోల్‌ అందించాడు.


 ఆస్ట్రేలియా చేతిలో 1–3తో ఓటమి
 అజ్లాన్‌ షా హాకీ టోర్నీ
 
 ఐపో (మలేసియా): సుల్తాన్‌ అజ్లాన్‌షా కప్‌ హాకీ టోర్నీలో భారత్‌కు తొలి పరాజయం ఎదురైంది. డిఫెండింగ్‌ చాంపియన్‌ ఆస్ట్రేలియా 3–1తో భారత్‌ను కంగుతినిపించింది. భారత్‌ తరఫున హర్మన్‌ప్రీత్‌ సింగ్‌ (26వ ని.) ఫీల్డ్‌ గోల్‌ చేయగా, ఆస్ట్రేలియా జట్టుకు ఎడీ ఒకెండెన్‌ (30వ ని.), టామ్‌ క్రెయిగ్‌ (34వ ని.), టామ్‌ విక్‌హమ్‌ (51వ ని.) తలా ఒక ఫీల్డ్‌ గోల్‌ సాధించిపెట్టారు. మంగళవారం జరిగిన ఈ మ్యాచ్‌ ఆసీస్‌ దూకుడుతో మొదలైనా... భారత డిఫెండర్లు ఎక్కడికక్కడ నిలువరించడంలో సఫలమయ్యారు. తొలిక్వార్టర్‌లో భారత గోల్‌పోస్ట్‌పై గురిపెట్టిన దాడుల్ని చాకచక్కంగా అడ్డుకున్నారు. భారత ఆటగాళ్ల ప్రయత్నాలను ఆసీస్‌ ఆటగాళ్లు అడ్డుకోవడంతో తొలి క్వార్టర్‌ గోల్‌ లేకుండానే ముగిసింది. ఇక రెండో క్వార్టర్‌లో కూడా భారత ఆటగాళ్లు చెమటోడ్చినప్పటికీ అందివచ్చిన అవకాశాల్ని గోల్‌గా మలచలేకపోయారు.
 
 ఎట్టకేలకు ఆట 26వ నిమిషంలో హర్మన్‌ప్రీత్‌ సింగ్‌ ‘డి’ సర్కిల్‌ కుడివైపు నుంచి కొట్టిన షాట్‌ ప్రత్యర్థి ఆటగాళ్లను బోల్తాకొట్టిస్తూ గోల్‌పోస్ట్‌లోకి దూసుకెళ్లింది. దీంతో భారత్‌ 1–0తో ఆధిక్యాన్ని పొందినప్పటికీ నాలుగు నిమిషాల వ్యవధిలోనే ఈ స్కోరు 1–1తో సమమైంది. ఆట 30వ నిమిషంలో జెరెమీ హేవర్డ్‌ ఇచ్చిన లాంగ్‌పాస్‌ను ఒకెండెన్‌ చక్కని షాట్‌తో గోల్‌గా మలిచాడు. దీంతో రెండో క్వార్టర్‌ 1–1తో ముగిసింది. ఇక తర్వాతి మూడు, నాలుగు క్వార్టర్లలో భారత ఆటగాళ్లకేదీ కలసిరాలేదు. టీమిండియా రక్షణ పంక్తిని ఛేదిస్తూ ఆస్ట్రేలియన్లు క్వార్టర్‌కు ఒకటి చొప్పున గోల్‌ చేయడంతో భారత్‌కు పరాజయం తప్పలేదు.
 
 క్రెయిగ్‌ 34వ నిమిషంలో, విక్‌హమ్‌ 51వ నిమిషంలో చెరో గోల్‌ చేశారు. తొమ్మిది సార్లు అజ్లాన్‌ షా విజేత అయిన ఆసీస్‌ ప్రస్తుతం 7 పాయింట్లతో అగ్రస్థానంలో ఉంది. ఇంగ్లండ్, న్యూజిలాండ్‌లపై గెలుపొందిన భారత్‌ ఖాతాలో ఇప్పుడు 4 పాయింట్లున్నాయి. నేడు (బుధవారం) జరిగే పోరులో భారత్‌...జపాన్‌తో తలపడనుంది. మ్యాచ్‌ ఫలితంపై భారత కోచ్‌ ఓల్ట్‌మన్స్‌ మాట్లాడుతూ ‘అనుకున్న గేమ్‌ప్లాన్‌ను ఆచరణలో పెట్టలేకే జట్టు ఓడింది. మ్యాచ్‌లో తొలి గోల్‌తో ఆధిక్యంలోకి వచ్చేదాకా మావాళ్లు బాగానే ఆడారు. కానీ ఆ తర్వాతే ఆదమరిచారు. ఇదే మ్యాచ్‌ను మా నుంచి దూరం చేసింది’ అని అన్నారు.


 ఇపో (మలేసియా): తొలి మ్యాచ్‌లో విజయావకాశాలను వదులుకుని ‘డ్రా’తో సరిపెట్టుకున్నా... ఆదివారం న్యూజిలాండ్‌తో జరిగిన మ్యాచ్‌లో భారత జట్టు చెలరేగింది. సుల్తాన్‌ అజ్లాన్‌ షా కప్‌ హాకీ టోర్నీలో భాగంగా జరిగిన ఈ మ్యాచ్‌లో టీమిండియా 3–0తో ఘనవిజయం సాధించింది. డిఫెండర్‌ హర్మన్‌ప్రీత్‌ సింగ్‌ రెండు పెనాల్టీ కార్నర్‌లను గోల్స్‌గా మలిచి భారత్‌ విజయంలో కీలకపాత్ర వహించాడు.  అంతకుముందు 23వ నిమిషంలో మన్‌దీప్‌ సింగ్‌ చేసిన గోల్‌తో భారత్‌ ఖాతా తెరిచింది. అయితే తొలి క్వార్టర్‌లో కివీస్‌ చేసిన మూడు గోల్‌ ప్రయత్నాలను కీపర్‌ శ్రీజేష్‌ వమ్ము చేశాడు.
 
 ఇక 27వ నిమిషంలో లభించిన తొలి పెనాల్టీ కార్నర్‌ను హర్మన్‌ప్రీత్‌ గోల్‌గా మలచడంతో భారత్‌ ఆధిక్యం 2–0కి పెరిగింది. అలాగే 47వ నిమిషంలోనూ హర్మన్‌ప్రీత్‌ పెనాల్టీ కార్నర్‌ను లక్ష్యానికి చేర్చి భారత్‌ ఖాతాలో మూడో గోల్‌ చేర్చి విజయం ఖాయం చేశాడు. రెండు మ్యాచ్‌లు పూర్తి చేసుకున్న భారత్‌ ఖాతాలో నాలుగు పాయింట్లు ఉన్నాయి. సోమవారం విశ్రాంతి దినం. మంగళవారం జరిగే మూడో లీగ్‌ మ్యాచ్‌లో ఆస్ట్రేలియాతో భారత్‌ తలపడుతుంది.  
 ఎస్వీ సునీల్‌ ః 200  
 భారత హాకీ ప్లేయర్‌ ఎస్వీ సునీల్‌ అరుదైన ఘనతను సొంతం చేసుకున్నాడు. మలేసియాలో జరుగుతున్న అజ్లాన్‌షా హాకీ టోర్నీలో న్యూజిలాండ్‌తో మ్యాచ్‌ ద్వారా 200 అంతర్జాతీయ మ్యాచ్‌ల్ని పూర్తి చేసుకున్నాడు. 2007 ఆసియా కప్‌ సందర్భంగా అరంగేట్రం చేసిన సునీల్‌..పదేళ్ల వ్యవధిలో ఈ ఘనతను పూర్తి చేశాడు. 2016 ఉత్తమ ఆసియా ప్లేయర్‌గా నిలిచాడు. ఈక్రమంలో 2014 ఆసియా గేమ్స్‌లో భారత్‌ చాంపియన్‌గా నిలిచిన జట్టులో సభ్యుడైన సునీల్‌.. 2015 వరల్డ్‌ లీగ్‌ ఫైనల్‌ టోర్నీలో జట్టు కాంస్యం సాధించడంలో పాత్ర పోషించాడు. మరోవైపు 2012, 2016 ఒలింపిక్స్‌ల్లో జట్టు తరఫున పాల్గొన్నాడు. 


 మస్కట్‌: భారత హాకీ ఆటగాళ్లు ఎస్‌.వి.సునీల్, హర్మన్‌ప్రీత్‌ సింగ్‌ ఆసియా హాకీ సమాఖ్య (ఏహెచ్‌ఎఫ్‌) అవార్డులు అందుకున్నారు. స్టార్‌ ఫార్వర్డ్‌ ఎస్‌.వి.సునీల్‌కు సీనియర్‌ కేటగిరీలో ‘ప్లేయర్‌ ఆఫ్‌ ద ఇయర్‌’, యువ డ్రాగ్‌ఫ్లికర్‌ హర్మన్‌ప్రీత్‌ సింగ్‌కు ‘ప్రామిసింగ్‌ ప్లేయర్‌ ఆఫ్‌ ద ఇయర్‌’ అవార్డులు లభించాయి. 2016లో వీరిద్దరూ కనబరిచిన ప్రదర్శనకు గాను ఈ అవార్డులు దక్కాయి.
 
 గతేడాది లక్నోలో ముగిసిన జూనియర్‌ ప్రపంచకప్‌లో యువ భారత్‌ టైటిల్‌ గెలవడంలో హర్మన్‌ప్రీత్‌ కీలకభూమిక పోషించాడు. లండన్‌లో జరిగిన ఎఫ్‌ఐహెచ్‌ చాంపియన్స్‌ ట్రోఫీలో సునీల్‌ అసాధారణ ప్రదర్శన కనబరిచాడు. ఈ టోర్నీలో భారత్‌ రజతం గెలిచిన సంగతి తెలిసిందే. హాకీ ఇండియా (హెచ్‌ఐ) సీఈఓ ఎలీనా నార్మన్‌కు ఏహెచ్‌ఎఫ్‌ మెరిట్‌ అవార్డు లభించింది.


 ► నేడు చిరకాల ప్రత్యర్థుల పోరు
 ► అజ్లాన్‌షా కప్ హాకీ టోర్నీ
  
  
 ఇపో (మలేసియా): సుల్తాన్ అజ్లాన్ షా కప్‌లో ఐదుసార్లు చాంపియన్‌గా నిలిచిన భారత్ నేడు తన చిరకాల ప్రత్యర్థి పాకిస్తాన్‌తో కీలక సమరానికి సిద్ధమవుతోంది. గతేడాది కాంస్యంతో సరిపెట్టుకున్న సర్దార్ సింగ్ సేన ఈసారి మెరుగైన ఫలితం సాధించాలనే కసితో ఉంది. ఇప్పటికి ఆడిన మూడు మ్యాచ్‌ల్లో రెండు విజయాలు సాధించిన జట్టు పాక్‌తో మాత్రం పూర్తి స్థాయిలో రాణించాల్సిన అవసరం ఉంది. తొలి మ్యాచ్‌లో జపాన్‌పై నెగ్గినా రెండో మ్యాచ్‌లో ఆసీస్‌తో దారుణంగా ఓడింది. అలాగే ఆదివారం కెనడాపై నెగ్గేందుకు చెమటోడ్చాల్సి వచ్చింది. చివరకు 3-1తో గట్టెక్కింది. అయితే పాక్‌తో మ్యాచ్ అంటే భావోద్వేగాలు తారాస్థాయిలో ఉంటాయి కాబట్టి ఏమాత్రం అలక్ష్యం లేకుండా ఆడాల్సి ఉంటుంది.
 
 రౌండ్ రాబిన్ లీగ్ పద్దతిన జరుగుతున్న ఈ టోర్నీలో భారత్ ప్రస్తుతం ఆరు పాయింట్లతో మూడో స్థానంలో ఉంది. అటు పాక్ మూడు మ్యాచ్‌ల్లో ఒక్క విజయమే సాధించింది. అయినా భారత్‌తో మ్యాచ్ అనగానే సమీకరణాలు మారిపోతాయి. విజయమే లక్ష్యంగా ఆ జట్టు పోరాడుతుంది. భారత జట్టులో హర్మన్‌ప్రీత్ సింగ్, తల్విందర్, తిమ్మయ్య ఫామ్‌లో ఉన్నారు. మిడ్‌ఫీల్డ్‌లో సర్దార్ సింగ్ అద్భుత ప్రదర్శన కనబరుస్తున్నాడు. ఇటీవలి దక్షిణాసియా క్రీడల ఫైనల్లో భారత్‌ను ఓడించి స్వర్ణం సాధించిన పాక్ జట్టులోని ఎనిమిది మంది యువ ఆటగాళ్లు ఈ టోర్నీలో ఆడుతున్నారు. ఆ ఈవెంట్‌లో భారత్ పూర్తి స్థాయి జట్టును ఆడించలేదు.


 అదే జోరు.. అదే ఫలితం.. టోర్నీ ఆద్యంతం దూకుడే మంత్రంగా చెలరేగిపోయిన భారత యువ ఆటగాళ్లు ఆఖరి అడ్డంకిని అద్వితీయంగా అధిగమించారు. చిరకాల ప్రత్యర్థి పాకిస్తాన్‌పై ఎలాంటి ఒత్తిడి లేకుండా ఆడుతూ అంతిమ సమరంలోనూ తమ తడాఖా చూపించారు. ఆసియా జూనియర్ పురుషుల హాకీ చాంపియన్‌షిప్‌లో విజేతగా నిలిచారు.
  
 ఆసియా జూనియర్ హాకీ చాంపియన్ భారత్  
 * ఫైనల్లో పాకిస్తాన్‌పై 6-2తో ఘనవిజయం  
 * హర్మన్‌ప్రీత్ సింగ్ ‘హ్యాట్రిక్’
 క్వాంటన్ (మలేసియా): లీగ్ మ్యాచ్‌లలో తాము ప్రదర్శించిన ఆటతీరు గాలివాటం కాదని భారత హాకీ జట్టు నిరూపించింది. ఆసియా జూనియర్ పురుషుల హాకీ చాంపియన్‌షిప్‌లో చాంపియన్‌గా నిలిచింది. ఆదివారం జరిగిన ఫైనల్లో భారత్ 6-2 గోల్స్ తేడాతో పాకిస్తాన్‌ను చిత్తు చేసింది.
 
 భారత్ తరఫున హర్మన్‌ప్రీత్ సింగ్ ‘హ్యాట్రిక్’తో కలిపి నాలుగు గోల్స్ (10, 15, 30, 53వ నిమిషాల్లో) చేయగా... అర్మాన్ ఖురేషీ (44వ నిమిషంలో), మన్‌ప్రీత్ జూనియర్ (50వ నిమిషంలో) ఒక్కో గోల్ అందించారు. పాకిస్తాన్ జట్టులో మొహమ్మద్ యాకూబ్ (28వ నిమిషంలో), మొహమ్మద్ దిల్‌బర్ (68వ నిమిషంలో) ఒక్కో గోల్ సాధించారు. దక్షిణ కొరియా జట్టుకు మూడో స్థానం లభించింది. వర్గీకరణ మ్యాచ్‌లో కొరియా 2-1తో జపాన్‌ను ఓడించింది.
  
 పాక్ జట్టును ఏమాత్రం తక్కువ అంచనా వేయని భారత ఆటగాళ్లు పక్కా ప్రణాళికతో బరిలోకి దిగారు. సమన్వయంతో ముందుకు కదులుతూ అవకాశం దొరికినపుడల్లా ప్రత్యర్థి వలయంలోకి దూసుకెళ్లారు. నిరంతర దాడుల ఫలితంగా భారత్‌కు పదో నిమిషంలో తొలి పెనాల్టీ కార్నర్ లభించింది. దానిని హర్మన్‌ప్రీత్ లక్ష్యానికి చేర్చడంతో భారత్ ఖాతా తెరిచింది.
 
 ఐదు నిమిషాల తర్వాత లభించిన మరో పెనాల్టీ కార్నర్‌ను కూడా హర్మన్‌ప్రీత్ సింగ్ గోల్‌గా మలచడంతో భారత్ ఆధిక్యం 2-0కు చేరింది. 28వ నిమిషంలో యాకూబ్ గోల్‌తో పాక్ ఖాతా తెరిచినా... వారి ఆనందం రెండు నిమిషాల్లోనే ఆవిరైంది. 30వ నిమిషంలో లభించిన పెనాల్టీ కార్నర్‌ను హర్మన్‌ప్రీత్ సద్వినియోగం చేసుకోవడంతో అతని ఖాతాలో ‘హ్యాట్రిక్’ చేరింది. విరామ సమయానికి భారత్ 3-1తో ఆధిక్యంలో నిలిచింది.
  
 ద్వితీయార్ధంలోనూ భారత్ దూకుడుగా ఆడింది. తొమ్మిది నిమిషాల వ్యవధిలో మూడు గోల్స్ సాధించి 6-1తో తిరుగులేని ఆధిక్యంలోకి వెళ్లింది. ఇక మ్యాచ్ ముగియడానికి రెండు నిమిషాలముందు పాక్ జట్టుకు దిల్‌బర్ గోల్ అందించినా అప్పటికే ఆలస్యమైపోయింది.
 * 28 ఏళ్ల ఆసియా జూనియర్ హాకీ కప్ చరిత్రలో భారత్ విజేతగా నిలువడం ఇది మూడోసారి. గతంలో భారత్ 2004, 2008లలో టైటిల్‌ను సొంతం చేసుకుంది. 1987, 2012లలో మూడో స్థానం పొందిన భారత్ 1996, 2000లలో రెండో స్థానాన్ని కైవసం చేసుకుంది. 1992లో మాత్రం నాలుగో స్థానానికి పరిమితమైంది.
 * ఓవరాల్‌గా ఈ టోర్నమెంట్‌లో భారత్ అజేయంగా నిలిచింది. లీగ్ దశలో 2-1తో జపాన్‌పై, 5-4తో మలేసియాపై, 4-1తో చైనాపై గెలిచిన టీమిండియా... క్వార్టర్ ఫైనల్లో 9-0తో ఒమన్‌పై, సెమీఫైనల్లో 6-1తో జపాన్‌పై విజయం సాధించింది.
 * కోచ్ హరేంద్ర సింగ్ పర్యవేక్షణలో హర్జీత్ సింగ్ నాయకత్వంలో ఈ టోర్నీలో మొత్తం ఆరు మ్యాచ్‌లు ఆడిన భారత్ 32 గోల్స్ చేసి తొమ్మిది గోల్స్‌ను ప్రత్యర్థి జట్లకు సమర్పించుకుంది.
 * భారత్ విజేతగా నిలువడంలో ‘డ్రాగ్ ఫ్లికర్’ హర్మన్‌ప్రీత్ సింగ్ కీలకపాత్ర పోషించాడు. అతను ఈ టోర్నీలో మొత్తం 14 గోల్స్ చేయగా... అందులో పెనాల్టీ కార్నర్‌ల ద్వారానే 13 గోల్స్ రావడం విశేషం.
  
 ఫైనల్ ఉత్కంఠభరితంగా సాగింది. కుర్రాళ్లు సంయమనం కోల్పోకుండా ఆద్యంతం ఏకాగ్రతతో ఆడారు. సుల్తాన్ జొహర్ కప్ టోర్నీలో రన్నరప్‌గా నిలిచాం. దాంతో ఇక్కడ విజేత కావాలనే పట్టుదలతో ఆడాం. ప్రేక్షకుల నుంచి ఊహించని మద్దతు లభించింది. స్వదేశంలో ఆడుతున్నట్లే అనిపించింది. భవిష్యత్‌లో ఇదే జోరును కొనసాగించి మరిన్ని విజయాలు సాధిస్తాం.            
 -కోచ్ హరేంద్ర సింగ్