చరిత్ర సృష్టించిన వెస్టిండీస్‌.. ఆసీస్‌, భారత్‌కు కూడా సాధ్యం కాలేదు West Indies set the record for the highest powerplay score in T20 World Cup history against Afghanistan. Sakshi
Sakshi News home page

చరిత్ర సృష్టించిన వెస్టిండీస్‌.. ఆసీస్‌, భారత్‌కు కూడా సాధ్యం కాలేదు

Published Tue, Jun 18 2024 1:10 PM | Last Updated on Tue, Jun 18 2024 1:31 PM

West Indies create history with highest powerplay score in T20 WC

టీ20 వరల్డ్‌కప్‌-2024లో వెస్టిండీస్‌ జట్టు తమ జైత్రయాత్రను కొనసాగిస్తోంది. మంగళవారం తమ చివరి లీగ్‌ మ్యాచ్‌లో అఫ్గానిస్తాన్‌ను 104 పరుగులతో విండీస్‌ చిత్తు చేసింది. ఈ మ్యాచ్‌లో తొలుత బ్యాటింగ్‌ చేసిన కరేబియన్‌ జట్టు నిర్ణీత 20 ఓవర్లలో 5 వికెట్ల నష్టానికి 218 పరుగుల భారీ స్కోర్‌ సాధించింది. 

విండీస్‌ బ్యాటర్లు ఆకాశమే హద్దుగా చెలరేగిపోయారు. ఆరంభంలోనే ఓపెనర్‌ కింగ్‌ వికెట్‌ కోల్పోయినప్పటకి.. పూరన్‌, చార్లెస్‌ మాత్రం విండీస్‌ స్కోర్‌ బోర్డును పరుగులు పెట్టించారు. ఈ క్రమంలో పవర్‌ప్లే ముగిసే సరికి విండీస్‌ స్కోర్‌ బోర్డు 92 పరుగులకు చేరింది.

చరిత్ర సృష్టించిన విండీస్‌..
తద్వారా వెస్టిండీస్‌ ఓ అరుదైన రికార్డును తమ పేరిట లిఖించుకుంది. టీ20 వరల్ఢ్‌కప్‌ మ్యాచ్‌లో పవర్‌ ప్లేలో అత్యధిక స్కోర్‌ సాధించిన జట్టుగా విండీస్‌ రికార్డులకెక్కింది. ఇంతకుముందు ఈ రికార్డు నెదర్లాండ్స్‌ పేరిట ఉండేది. 

టీ20 వరల్డ్‌కప్‌-2024లో ఐర్లాండ్‌పై పవర్‌ప్లేలో నెదర్లాండ్స్ 91 పరుగులు చేసింది. తాజా మ్యాచ్‌లో అఫ్గాన్‌పై పవర్‌ప్లేలో 92 పరుగులు చేసిన విండీస్‌.. డచ్‌ ఆల్‌టైమ్‌ రికార్డును బ్రేక్‌ చేసింది. కాగా ఈ మెగా టోర్నీ తొలి రౌండ్‌లో ఆడిన నాలుగు మ్యాచ్‌ల్లోనూ విజయం సాధించిన కరేబియన్‌ జట్టు గ్రూపు-సి నుంచి అగ్రస్ధానంలో నిలిచింది. 

No comments yet. Be the first to comment!
Add a comment
Advertisement
 
Advertisement
 
Advertisement