టీ20 వరల్డ్‌కప్‌ 2024లో తొలి హ్యాట్రిక్‌ నమోదు Pat Cummins made history with the first hat-trick of the T20 World Cup 2024. Sakshi
Sakshi News home page

టీ20 వరల్డ్‌కప్‌ 2024లో తొలి హ్యాట్రిక్‌ నమోదు

Published Fri, Jun 21 2024 8:26 AM | Last Updated on Fri, Jun 21 2024 2:09 PM

T20 World Cup 2024: Pat Cummins Picks Hat Trick Against Bangladesh, First In The Edition

టీ20 వరల్డ్‌కప్‌ 2024లో తొలి హ్యాట్రిక్‌ నమోదైంది. ఆస్ట్రేలియా పేసర్‌ పాట్‌ కమిన్స్‌ ఈ ఘనత సాధించాడు. సూపర్‌-8 మ్యాచ్‌ల్లో భాగంగా బంగ్లాదేశ్‌తో జరుగుతున్న మ్యాచ్‌లో కమిన్స్‌ ఈ ఫీట్‌ను నమోదు చేశాడు. పొట్టి ప్రపంచకప్‌ చరిత్రలో హ్యాట్రిక్‌ నమోదు చేసిన రెండో ఆస్ట్రేలియన్‌ బౌలర్‌గా కమిన్స్‌ రికార్డుల్లోకెక్కాడు. 2007 ఎడిషన్‌లో బ్రెట్‌ లీ ఆసీస్‌ తరఫున తొలి హ్యాట్రిక్‌ సాధించాడు.

బంగ్లాదేశ్‌తో మ్యాచ్‌లో కమిన్స్‌ ఇన్నింగ్స్‌ 18వ ఓవర్‌ ఐదు (మహ్మదుల్లా), ఆరు  బంతులకు (మెహిది హసన్‌).. ఆతర్వాత 20వ ఓవర్‌ తొలి బంతికి (తౌహిద్‌ హ్రిదోయ్‌) వికెట్లు తీశాడు. ఈ మ్యాచ్‌లో 4 ఓవర్లు వేసిన కమిన్స్‌ 29 పరుగులిచ్చి 3 వికెట్లు పడగొట్టాడు. 

కమిన్స్‌తో పాటు ఆడమ్‌ జంపా (4-0-24-2), మిచెల్‌ స్టార్క్‌ (4-0-21-1), మ్యాక్స్‌వెల్‌ (2-0-14-1) రాణించడంతో టాస్‌ ఓడి తొలుత బ్యాటింగ్‌కు దిగిన బంగ్లాదేశ్‌ 8 వికెట్ల నష్టానికి 140 పరుగులు చేయగలిగింది. బంగ్లా ఇన్నింగ్స్‌లో కెప్టెన్‌ షాంటో (41), తౌహిద్‌ హ్రిదోయ్‌ (40) ఓ మోస్తరు స్కోర్లు చేయగా..మిగతా ఆటగాళ్లంతా విఫలమయ్యారు. తంజిద్‌ హసన్‌ 0, లిటన్‌ దాస్‌ 16, రిషద్‌ హొసేన్‌ 2, షకీబ్‌ 8, మహ్మదుల్లా 2, మెహిది హసన్‌ 0 పరుగులకు ఔటయ్యారు. తస్కిన్‌ అహ్మద్‌ 13, తంజిమ్‌ హసన్‌ సకీబ్‌ 4 పరుగులతో అజేయంగా నిలిచారు.

 

 

No comments yet. Be the first to comment!
Add a comment
Advertisement
 
Advertisement
 
Advertisement