హైదరాబాద్‌ టు ముస్సోరీ

ముస్సోరీలో ల్యాండ్‌ అయ్యారు చిరంజీవి. ఆయన హీరోగా అనిల్‌ రావిపూడి దర్శకత్వంలో ‘మెగా 157’ (వర్కింగ్‌ టైటిల్‌) అనే సినిమా తెరకెక్కుతున్న సంగతి తెలిసిందే. ఈ చిత్రంలో నయనతార హీరోయిన్‌గా నటిస్తున్నారు. వీటీవీ గణేశ్‌ ఓ కీలక పాత్రలో నటిస్తున్నారు. ఇతర కీలక పాత్రల్లో వెంకటేశ్, కేథరిన్‌ నటిస్తారనే ప్రచారం సాగుతోంది. అర్చన సమర్పణలో షైన్‌ స్క్రీన్స్, గోల్డ్‌ బాక్స్‌ ఎంటరై్టన్మెంట్స్‌ పతాకాలపై సాహు గారపాటి, సుష్మిత కొణిదెల ఈ సినిమాను నిర్మిస్తున్నారు. 

ఈ సినిమా తొలి షెడ్యూల్‌ హైదరాబాద్‌లో జరిగింది. మలి షెడ్యూల్‌ ముస్సోరీలో ప్రారంభమైందని, పది రోజుల పాటు ఈ షూటింగ్‌ షెడ్యూల్‌ జరుగుతుందని బుధవారం మేకర్స్‌ అధికారికంగా తెలిపి, ఓ వీడియోను విడుదల చేశారు. ఈ షెడ్యూల్‌లో చిరంజీవి, నయనతార, వీటీవీ గణేశ్‌ పాల్గొనగా కొన్ని కీలక,  వినోదాత్మక సన్నివేశాలను చిత్రీకరించడానికి ΄్లాన్‌ చేశారు. ‘‘1990, 2000లలో చిరంజీవి గోల్డెన్‌ ఎరాలో కనిపించిన వింటేజ్‌ కామెడీ టైమింగ్‌ను ఈ సినిమాలో   మళ్లీ ప్రేక్షకులు చూడబోతున్నారు. ఇది అభిమానులకు ఒక విజువల్‌ ట్రీట్‌. వచ్చే సంక్రాంతికి ఈ సినిమాను రిలీజ్‌ చేస్తాం’’ అని చిత్రబృందం  పేర్కొంది.