TV
‘ఫ్యాషన్‌ అనేది ఫ్యాబ్రిక్‌ స్టోర్‌ నుంచి కాదు మన ఊహాల నుంచి మొదలవుతుంది’ అంటారు. సిమ్రాన్‌ క్రియేటివిటీని చూస్తే ‘నిజమే సుమీ’ అనిపిస్తుంది. ఢిల్లీకి చెందిన కంటెంట్‌ క్రియేటర్‌ సిమ్రాన్‌ ఆనంద్‌ ఇరవై కిలోల బెడ్‌ షీట్‌ను ఆకట్టుకునే లెహంగాగా మార్చి ఔరా..! అనిపించుకుంది.
చక్కటి ఎంబ్రాయిడిరీతో అందంగా ఉన్న ఈ బెడ్‌షీట్‌ని ఇలా కూడా ఉపయోగించొచ్చు అనే ట్రెండ్‌కి తెరతీసింది. అదేనండి మనసుంటే మార్గం ఉంటుంది. అన్నట్లుగా ఈ అమ్మడు తన సృజనాత్మకతకు పదునుపెట్టి మరీ మనకు సరికొత్త ఫ్యాషన్‌ని పరిచేయం చేసింది సిమ్రాన్‌
‘ఔట్‌ఫిట్‌ ఫ్రమ్‌ స్క్రాచ్‌’ కాప్షన్‌తో ఒక వీడియోను ఇన్‌స్టాగ్రామ్‌లో పోస్ట్ చేసింది సిమ్రాన్‌.‘ఎందుకు ఇలా?’ అనే ప్రశ్నకు ఆమె ఇచ్చిన జవాబు... ‘బెడ్‌ షీట్‌లలో నాకు ఫ్యాషన్‌ కనిపించింది’ ‘లెహంగాగా మార్చడం ద్వారా దుప్పట్లకు సెకండ్‌ లైఫ్‌ కూడా ఇవ్వవచ్చు’ అంటుంది సిమ్రాన్‌.
ఇక నెటిజనుల స్పందన విషయానికి వస్తే... ‘దుప్పటితో లేహంగా ఏమిటీ!’ అనే వెక్కిరింపుల కంటే.. ‘క్రియేటివ్‌ ఐడియా’ అనే ప్రశంసలే ఎక్కువగా కనిపించాయి.
(చదవండి: ‘పేరెంట్‌ షాలా’: పేరెంటింగ్‌కు సరికొత్త దిక్సూచి..!)
