భోజనం కోసం విద్యార్థుల పాట్లు

డుంబ్రిగుడ: మండలంలోని దిగువ కొల్లాపుట్టు గ్రామంలోని పాఠశాలలో చదువుతున్న గొల్లూరివలస గ్రామ విద్యార్థులు మధ్యాహ్న భోజనం కోసం ఇబ్బందులు ఎదుర్కొంటున్నారు. సుమారు రెండు కిలోమీటర్ల దూరంలోని గొల్లూరివలస నుంచి విద్యార్థులు పాఠశాలకు మధ్యాహ్న భోజనంతోపాటు పుస్తకాల బ్యాగులు, వాటర్‌ బాటిళ్లు, క్యారేజీలను మోసుకుంటూ కాలినడకన వెళ్లాల్సి వస్తోంది. గత రెండు రోజులుగా పాఠశాలలో మధ్యాహ్న భోజనం అందకపోవడంతో విద్యార్థులు ఇళ్ల వద్ద భోజనం సిద్ధం చేసుకుని క్యారేజీల్లో తీసుకువెళ్తున్నారు. దీంతో పుస్తకాల బ్యాగులతోపాటు భోజనం, వాటర్‌ బాటిళ్లు మోసుకుంటూ సుమారు రెండు కిలోమీటర్లు నడిచి పాఠశాలకు చేరుకోవాల్సిన పరిస్థితి నెలకొంది. చుట్టుపక్కల గ్రామాల్లోని పాఠశాలలకు సెంటర్‌ పాయింట్‌గా ఉండటంతో ఈ పాఠశాలలో ప్రభుత్వం మధ్యాహ్న భోజన పథకాన్ని అమలు చేస్తోంది. అయితే గత రెండు రోజులుగా భోజనం అందకపోవడంతో విద్యార్థులు ఇబ్బందులు పడుతున్నారని తల్లిదండ్రులు తెలిపారు. ప్రభుత్వం, సంబంధిత అధికారులు వెంటనే స్పందించి పాఠశాలలో మధ్యాహ్న భోజనాన్ని పునరుద్ధరించాలని తల్లిదండ్రులు కోరుతున్నారు. విద్యార్థులు ప్రతిరోజూ పుస్తకాల బ్యాగులు, క్యారేజీలు, వాటర్‌ బాటిళ్లు మోసుకుంటూ దూరం నడవాల్సిన పరిస్థితికి పరిష్కారం చూపాలని విజ్ఞప్తి చేస్తున్నారు.