కొంతమంది చిన్నారులు అత్యంత చిన్న వయసులో అపారమైన ప్రతిభా పాటవాలను ప్రదర్శిస్తుంటారు. వారి అద్భుతమైన ప్రతిభ ఎవ్వరినైనా ఆశ్చర్యంలో ముంచెత్తడమే గాక కట్టిపడేస్తాయి. అంతేగాదు వాళ్లని చూడగానే "పిట్ల కొంచెం కూత ఘనం" అనే ఆర్యోక్తి గుర్తుకురాక మానదు. అలాంటి ప్రతిభ పాటవాలనే ప్రదర్శిస్తోంది ఈ చిన్నారి. చిన్న వయసులో అత్యంత క్లిష్టమైన విద్యలో ఆరితేరి శెభాష్‌ అనిపించుకుంటోంది.ఆ చిన్నారే మధురైకి చెందిన ఏడేళ్ల సంయుక్త నారాయణన్. అసాధారణమైన తైక్వాండో నైపుణ్యాలతో యావత్తు ప్రపంచాన్నే ఆశ్చర్యపరిచింది. ఆ అసాధారణమైన ప్రతిభతో గిన్నిస్‌ వరల్డ్‌ రికార్డులకెక్కింది కూడా. అంతేగాదు గిన్నిస్‌ వరల్డ్‌ రికార్డు ఇన్‌స్టా పోస్ట్‌లో ఏడేళ్ల 270 రోజుల వయసులో అతి పిన్న వయస్కురాలైన తైక్వాండో బోధకురాలిగా చరిత్ర సృష్టించిందని పేర్కొంది. ఈ చిన్నారి ఎంతో మంది పిల్లలకు ప్రేరణ. పిల్లలను క్రీడలకు సంబంధించిన వాటిల్లో ప్రోత్సహిస్తే వారిలోని అపారమైన నైపుణ్యాలు వెలికివస్తాయనేందుకు ఈ చిన్నారే నిదర్శనం. అయితే నెటిజన్లు ఈ గిన్నిస్‌ పోస్ట్‌పై రకరకాలుగా స్పందించారు. కొందరేమో చిన్న వయసులో తైక్వాండో సాధన చేయడం హానికరం అని ఆందోళన వ్యక్తం చేయగా, మరికొందరు మాత్రం పిల్లలు అసాధారణమై విజయాలు అందుకోగలరని ప్రూవ్‌ చేసింది ఆ చిన్నారి అంటూ ప్రశంసల జల్లు కురిపిస్తున్నారు. View this post on Instagram A post shared by Guinness World Records (@guinnessworldrecords) (చదవండి: ఆ పెర్ఫ్యూమ్‌ ప్రతి గంటకు 108 బాటిళ్లు సేల్‌ అవుతాయ్‌..! తయారీ వెనుకున్న ఇంట్రస్టింగ్‌ స్టోరీ ఇదే..)

లండన్‌: జేడ్‌ జోన్స్‌... బ్రిటన్‌ ప్రొఫెషనల్‌ తైక్వాండో ప్లేయర్‌. అంతేకాదు! స్వదేశంలో జరిగిన 2012 లండన్‌ ఒలింపిక్స్‌ క్రీడల్లో... 2016 రియో ఒలింపిక్స్‌ క్రీడల్లో... మహిళల తైక్వాండో ఈవెంట్‌లో స్వర్ణ పతకాలు గెలుచుకుంది. తదనంతరం 2020 టోక్యో, 2024 పారిస్‌ విశ్వక్రీడల్లోనూ జేడ్‌ పాల్గొంది. 2010లో యూత్‌ ఒలింపిక్స్‌ స్వర్ణం మొదలు, ప్రపంచ జూనియర్‌ చాంపియన్‌షిప్, ప్రపంచ చాంపియన్‌షిప్, యూరోపియన్‌ గేమ్స్, యూరోపియన్‌ చాంపియన్‌షిప్, గ్రాండ్‌ప్రి ఈవెంట్లలో 36 (19 స్వర్ణాలు, 11 రజతాలు, 6 కాంస్యాలు) పతకాలు గెలుచుకుంది. జేడ్‌ జోన్స్‌ పతకాల సంఖ్య ఆమె వయసు (31 ఏళ్లు)ను ఎప్పుడో మించిపోయింది. బహుశా ‘కిక్‌’ కొడితే పతకాలు రాలుతున్న తైక్వాండో క్రీడాంశం బోర్‌ కొట్టించిదేమో తెలియదు కానీ ఈ బ్రిటన్‌ క్రీడాకారిణి ఇప్పుడు కొత్త ‘పంచ్‌’కు సిద్ధమైంది. బాక్సింగ్‌ను తెగ ఇష్టపడటం వల్లే 20 ఏళ్ల తర్వాత కొత్త కెరీర్‌లోకి అడుగుపెడుతున్నట్లు జోన్స్‌ చెప్పింది. రింగ్‌లో ఆమె అపుడే లక్ష్యాన్ని కూడా నిర్దేశించుకుంది. ‘ఇప్పటికే తైక్వాండోలో ప్రపంచ చాంపియన్‌ అయ్యాను. త్వరలో బాక్సింగ్‌లోనూ ప్రపంచ చాంపియన్‌ కావాలని ఆశిస్తున్నాను. రెండు వేర్వేరు క్రీడల్లో ఈ ఘనత సాధిస్తే గొప్పగా ఉంటుంది కదూ’ అని చెప్పింది. బ్రిటిష్, కామన్వెల్త్‌ ఫెదర్‌వెయిట్‌ మాజీ చాంపియన్‌ స్టీఫెన్‌ స్మిత్‌ కోచింగ్‌లో తీవ్రస్థాయిలో కసరత్తులు కూడా చేస్తోంది.అయితే మూడు పదుల వయసు దాటిన తర్వాత పూర్తిగా కొత్త క్రీడలో పతకాలు సాధించడం పెద్ద సవాల్‌ అని చెప్పొచ్చు. 19 ఏళ్ల టీనేజ్‌లోనే జోన్స్‌ లండన్‌ విశ్వక్రీడల్లో బంగారు పతకం గెలిచింది. మళ్లీ నాలుగేళ్ల తర్వాత ‘రియో’లో నిలబెట్టుకుంది.

జాతీయ స్థాయి స్కూల్ గేమ్స్ “తైక్వాండో” అండర్ – 14,17, 19 బాల, బాలికల విభాగంలో ఆంధ్రప్రదేశ్ బృందానికి పతకాలు లభించాయి. స్కూల్ గేమ్స్ ఫెడరేషన్ ఆఫ్ ఇండియా ఆధ్వర్యంలో జరుగుతున్న ఈ క్రీడల్లో ఏపీ టీమ్‌ మొత్తంగా ఒక రజతం, మూడు కాంస్య పతకాలు గెలుచుకుంది.  ఈ సందర్భంగా పాఠశాల విద్యాశాఖ కమిషనర్ ఎస్.సురేష్ కుమార్, సమగ్ర శిక్ష రాష్ట్ర పథక సంచాలకులు బి.శ్రీనివాసరావు విజేతలను అభినందించారు. ఇక.. మధ్యప్రదేశ్‌లోని ‘బీటల్’ వేదికగా డిసెంబరు 31 నుంచి జనవరి 5 వరకు ఈ పోటీలు జరిగాయని ఆంధ్రప్రదేశ్ స్కూల్ గేమ్స్ ఫెడరేషన్ కార్యదర్శి జి.భానుమూర్తి రాజు తెలిపారు.  విజేతలు వీరే: ►అండర్ 19 బాలికల (52-55 కేజీలు) విభాగంలో- హస్తి తేజస్విని (యస్.వి.జూనియర్ కాలేజీ ,కోడూరు ఆర్.యస్. అన్నమయ్య జిల్లా)కి రజత పతకం ►అండర్ 19 బాలికల (46-49 కేజీలు ) విభాగంలో వారణాసి హిమ శ్రీ (మున్సిపల్ హై స్కూల్ , కస్పా, విజయనగరం)కి కాంస్య  పతకం ►అండర్ 14 బాలికల (16-18  కేజీలు) విభాగంలో ఆకుల సమీరా (జెడ్పీహెచ్ఎస్, భాగ్యనగరం, దొర్నిపాడు, మండలం, నంద్యాల జిల్లా)కి     కాంస్య  పతకం  ►అండర్ 17 బాలురు (73-78  కేజీలు) విభాగంలో పెదగాడి ధనుష్ తేజ(ఆక్స్‌ఫర్డ్ ఇంగ్లీష్ మీడియం స్కూల్ అశోక్ నగర్, కాకినాడ, కాకినాడ జిల్లా)కు     కాంస్య  పతకం 

Putin Loses Honorary Black Belt By World Taekwondo: ఉక్రెయిన్‌పై దాడుల‌ నేపథ్యంలో క్రీడారంగానికి సంబంధించి ర‌ష్యా అధ్యక్షుడు వ్లాదిమిర్‌ పుతిన్‌కు వరుస షాక్‌లు తగుతున్నాయి. ఇప్ప‌టికే అంతర్జాతీయ జూడో ఫెడరేషన్ అధ్యక్ష పదవిని కోల్పోయిన పుతిన్‌కు తాజాగా వరల్డ్‌ తైక్వాండో ఫెడరేషన్‌ షాకిచ్చింది. రష్యా అధ్యక్షుడికి అందించిన‌ గౌరవ తైక్వాండో బ్లాక్ బెల్ట్‌ను తొల‌గించింది. అలాగే రష్యా, బెలారస్‌లో ఎటువంటి తైక్వాండో ఈవెంట్‌లను నిర్వహించ‌బోమ‌ని అధికారికంగా వెల్ల‌డించింది. ఈ విషయాన్ని ట్విటర్‌ వేదికగా ప్రకటిస్తూ.. ఉక్రెయిన్‌పై రష్యా దాడుల‌ను తీవ్రంగా ఖండిస్తున్నామని పేర్కొంది. కాగా, 2013 నవంబర్‌లో తైక్వాండో సమాఖ్య పుతిన్‌కు గౌరవ 9వ డాన్ బ్లాక్ బెల్ట్‌ను అందించింది.  World Taekwondo strongly condemns the brutal attacks on innocent lives in Ukraine, which go against the World Taekwondo vision of “Peace is More Precious than Triumph” and the World Taekwondo values of respect and tolerance.#PeaceIsMorePreciousThanTriumphhttps://t.co/nVTdxDdl2I — World Taekwondo (@worldtaekwondo) February 28, 2022 ఇదిలా ఉంటే, ప్రముఖ ఫుట్‌బాల్ సంస్థలు ఫిఫా, UEFA రష్యా జాతీయ జట్టుతో పాటు ఆ దేశ క్లబ్‌లను పోటీల నుండి బహిష్కరించిన విషయం తెలిసిందే. దీంతో పాటు సెయింట్ పీటర్స్‌బర్గ్‌లో జరగాల్సిన యూరోపియన్ ఫుట్‌బాల్‌ లీగ్ ఫైనల్‌ను యూరోపియన్ ఫుట్‌బాల్ గవర్నింగ్ బాడీ రద్దు చేసింది.  కాగా, రష్యా-ఉక్రెయిన్ యుద్ధం యావత్ ప్రపంచాన్ని కలవరపెడుతోంది. ఉక్రెయిన్‌పై యుద్దం విషయంలో రష్యా అధ్యక్షుడు పుతిన్ ఏమాత్రం తగ్గట్లేదు. ఒక వైపు చర్చలకు సిద్ధమంటూనే.. రష్యా దళాలు భీకర దాడులు జరుపుతున్నాయి. ఉక్రెయిన్‌పై రష్యా దాడుల్లో వందల సంఖ్యలో సామాన్య పౌరులు మరణించినట్లు తెలుస్తోంది. మరోవైపు ఈ దాడుల్లో రష్యా కూడా తీవ్రంగా నష్టపోతోంది. ఈ యుద్దంలో ఉక్రెయిన్‌కు యావత్‌ క్రీడాలోకం మద్దతుగా నిలుస్తోంది. చదవండి: పుతిన్‌కు జూడో ఫెడరేషన్ షాక్‌!

Bindeshwar Rai Foundation Teaches Taekwondo And Painting To Girls: మెండైన ఆత్మవిశ్వాసంతో ఉండాలి. ఆడపిల్ల అంటే ఎలా ఉండాలి? దాడికి పాల్పడిన వారిని మట్టికరిపించాలి. ఆడపిల్ల అంటే ఎలా ఉండాలి? సమాజానికి కరదీపికగా ఉండాలి.ఆడపిల్లల్ని ఇలా తీర్చిదిద్దుతోంది పూనమ్‌ రాయ్‌.                                                         పూనమ్‌ రాయ్‌ అది 1997, ఫిబ్రవరి 2. పూనమ్‌ రాయ్‌ జీవితంలో మరచిపోలేని రోజు. మరిచిపోలేని రోజు అనడం కంటే మరపుకు రాని విషాదానికి గురి చేసిన రోజు అనడమే కరెక్ట్‌. ఆమె జీవితాన్ని అచేతనంగా మార్చి వేసిన దుర్దినం అది. అలాంటి అచేతన స్థితి నుంచి తనను తాను చైతన్యవంతం చేసుకుంది. అంతేకాదు... ఇప్పుడామె వేలాది మంది ఆడపిల్లల్ని చైతన్యవంతం చేసి ధీరవనితలుగా మలిచే ప్రయత్నంలో నిమగ్నమై ఉంది. ఇప్పటికే మూడు వేల మందికి తైక్వాండోలో శిక్షణ ఇప్పించింది. ఈ మహిళా జాగృతోద్యమ కాగడా వెలుగుతూనే ఉండాలని, తన దేహంలో ప్రాణం ఉన్నంత వరకు ఉంటుందని, తన తర్వాత ఈ జ్యోతిని అందుకునే మరో చెయ్యి తప్పకుండా వస్తుందని ఆత్మవిశ్వాసంతో చెబుతోందామె. ఆడపిల్ల తండ్రి బీహార్‌లోని వైశాలిలో పుట్టింది పూనమ్‌ రాయ్‌. తండ్రి పీడబ్యుడీలో ఇంజనీర్, తల్లి గృహిణి. ఇంట్లో ఏ విధమైన వివక్ష లేకుండా సోదరులిద్దరితో కలిసి పెరిగింది పూనమ్‌. బనారస్‌ హిందూ యూనివర్శిటీ నుంచి పెయింటింగ్‌ లో ఆనర్స్‌ చేసింది. తండ్రి ఉద్యోగరీత్యా వాళ్ల కుటుంబం వారణాసికి మారాల్సి వచ్చింది. ఆ వెంటనే ఆమెకు వారణాసికి చెందిన అబ్బాయితో పెళ్లయింది. బీహార్, యూపీల్లో ఆడపిల్లల తండ్రి అంటే వియ్యంకుల ఆధిపత్యానికి తలవంచాల్సిందే. నేటికీ పరిస్థితిలో పెద్ద మార్పు లేదు. తమ బిడ్డల భవిష్యత్తు కోసం ఆడపిల్లల తల్లిదండ్రులు అన్నింటికీ తలవంచుతుంటారు. పూనమ్‌ పెళ్లి విషయంలోనూ అంతే జరిగింది. వరుడు మణిపాల్‌ యూనివర్సిటీలో ఇంజినీరింగ్‌ చేశాడని చెప్పి పెళ్లి చేశారు. పెళ్లి సందర్భంగా భారీగా లాంఛనాలు పుచ్చుకున్నారు. పూనమ్‌కి తన భర్త ఇంటర్‌ కూడా పూర్తి చేయలేదనే ఓ చేదునిజం పెళ్లయిన రెండు వారాలకు తెలిసింది. పైగా ఆమెకు భర్త, అత్తమామల నుంచి సరైన ఆదరణ లభించలేదు. చదవండి: అబల కాదు.. ఐరన్‌ లేడీ! ఆమె చేతిలో పడితే చిత్తు చిత్తే!! మానసిక, భౌతిక వేధింపులు మొదలయ్యాయి. ఓ రోజు... 1997, ఫిబ్రవరి 2వ తేదీన పూనమ్‌ భర్త రకరకాలుగా దూషిస్తూ ఆమె మరణిస్తే మరో పెళ్లి చేసుకుంటానంటూ, ఆమెను బాల్కనీలో నుంచి కిందకు తోసేశాడు. ఆమెకు ఆ రోజు ఆ పడిపోవడం మాత్రమే తెలుసు. కోమా నుంచి తిరిగి స్పృహ వచ్చేటప్పటికి ఆరు నెలలు గడిచిపోయాయి. స్పృహ వచ్చిన తర్వాత తెలిసిన విషయం... తాను ఇక ఎప్పటికీ నడవలేదని. శరాఘాతం వంటి ఆ వాస్తవం ఆమెను కుంగదీసింది. అయితే... సోదరులు, తల్లిదండ్రుల ప్రేమ, క్రమం తప్పని ఫిజియోథెరపీతో ఆమె లేచి నిలబడడం, వాకర్‌ సహాయంతో నడవడం సాధ్యమైంది. పూనమ్‌లో ధైర్యం ప్రోది చేసుకోవడం మొదలైంది. ఇంతలో వాళ్ల నాన్నగారు కాలం చేశారు. ఆమె మానసికంగా కదలిపోయిందాక్షణంలో. ‘‘బాల్యంలో అందరినీ తండ్రి చేయి పట్టుకుని నడిపిస్తాడు. కానీ మా నాన్న నలభై ఏళ్ల వయసులో నన్ను రోజూ చేయి పట్టుకుని నడిపించాడు. కొండంత అండగా ఉన్న నాన్న పోయారు. నా గతంతోపాటు నాన్న జ్ఞాపకాలు నన్ను వెంటాడుతూ ఉన్నాయి. నన్ను మామూలు మనిషిని చేయడానికి ఆయన పడిన తపన నన్ను హెచ్చరించసాగింది. మా నాన్నలాగ ప్రతి ఆడపిల్లనూ కంటిపాపలా చూసుకునే తండ్రి ఉంటే సమాజం ఎంత అందంగా ఉంటుందో కదా అనిపించేది. ఆడపిల్ల తనకు ఎదురైన సమస్యను ధైర్యంగా ఎదుర్కోవాలని ఆయన నాకు చెప్పిన మాటలను స్ఫూర్తిగా తీసుకుని సమాజంలో ఆడపిల్లలను చైతన్యవంతం చేయాలనుకున్నాను. స్వీయ రక్షణలో ప్రాథమిక శిక్షణ కూడా తీసుకున్నాను. నాన్న జ్ఞాపకాలను సజీవంగా ఉంచుకోవడం కోసం ఆయన పేరుతో బిందేశ్వరీ రాయ్‌ ఫౌండేషన్‌ను స్థాపించాను. ‘వారణాసి తైక్వాండో అసోసియేషన్‌’తో కలిసి పని చేస్తున్నాను. ఇప్పటికీ ఆడపిల్లలకు చదువుకు ఖర్చు చేయడానికే ముందు వెనుకలు ఆలోచించే తల్లిదండ్రులున్న సమాజం మనది. వాళ్ల స్వీయరక్షణ కోసం ఫీజులు కట్టాలంటే ముందుకు రారు. అందుకోసం నేను ఉచితంగా తైక్వాండో శిక్షణ ఇప్పించే ఏర్పాటు చేశాను. మా దగ్గర శిక్షణ తీసుకున్న మూడు వేల మందిలో ఇరవై మందికి పైగా జాతీయస్థాయి టోర్నమెంట్‌లలో పాల్గొన్నారు.  భయం పోయింది తైక్వాండో నేర్చుకున్న తర్వాత ఆడపిల్లల్లో వచ్చిన మార్పు చూసి చాలా సంతోషంగా ఉంది. స్కూలుకు, కాలేజ్‌కి వెళ్లే దారిలో ఆకతాయిలు ఏడిపిస్తే వీళ్లు మార్షల్‌ ఆర్ట్‌కు పని చెప్తున్నారు. దాంతో తైక్వాండో నేర్చుకున్న పిల్లలను ఒకమాట అనడానికి ఆకతాయిలు కూడా సందేహిస్తున్నారు. ఈ పరిణామంతో మొదట్లో పెద్దగా ఆసక్తి చూపని పేరెంట్స్‌ కూడా ముందుకు వస్తున్నారు. వారంలో మూడు రోజులు తైక్వాండో, మరో మూడు రోజులు పెయింటింగ్‌ లో శిక్షణ ఇస్తున్నాం. మా పిల్లలు వేసిన ప్రధాని మోదీ చిత్రపటాన్ని ఆయనకు బహూకరించాం. అలాగే బేటీ బచావో, బేటీ పఢావో అంశంతో తల్లి కడుపులో రూపుదిద్దుకున్నప్పటి నుంచి చివరి వరకు సాగే ఆడబిడ్డ జీవిత ప్రయాణాన్ని 648 బొమ్మలతో చిత్రిస్తున్నాం’’ అని చెప్పింది పూనమ్‌రాయ్‌. చదవండి: Side Effects Of Wearing Jeans: ఆ జీన్స్‌ ధరించిన 8 గంటల తర్వాత.. ఐసీయూలో మృత్యువుతో..

ముంబై: బాలీవుడ్ హీరో టైగ‌ర్ ష్రాఫ్ యాక్ష‌న్ ఫీట్ల‌కు బోలెడంత‌మంది అభిమానులు ఉన్నాడు. ఎన్నో ర‌కాల‌ విన్యాసాల‌ను సైతం ఆయ‌న అల‌వోకగా చేసేవాడు. ఈ క్ర‌మంలో ఓ టోర్న‌మెంటులో తైక్వాండో విన్యాసాలు చేసిన పాత వీడియోను టైగ‌ర్ సోమ‌వారం సోషల్ మీడియాలో పోస్ట్ చేశాడు. ఇందులో అక్ష‌య్ కుమార్ కూడా ఉండ‌టం విశేషం. టైగ‌ర్ తైక్వాండో చేస్తుండ‌గా అక్ష‌య్ మ‌రిన్ని కిక్కులు కొట్ట‌మంటూ అత‌న్ని ప్రోత్స‌హించాడు. అక్క‌డున్న అభిమానులు సైతం అత‌నిలోని ప్ర‌తిభ‌కు అబ్బుర‌ప‌డిపోతూ చ‌ప్ప‌ట్లు, ఈల‌ల‌‌తో ఉత్తేజాన్ని నింపారు. (టైగర్‌ ష్రాఫ్‌ ఫ్యామిలితో దిశా పటానీ టిక్‌టాక్‌) ఆనాటి ఈ సంఘ‌ట‌న గురించి యాక్ష‌న్ హీరో త‌న అనుభ‌వాల‌ను గుర్తు చేసుకుంటూ.. "స‌హ‌జంగానే నాకు స్టేజ్ ఎక్కాలంటేనే భ‌యం. అలాంటిది లెజెండ‌రీ హీరో అక్ష‌య్‌.. న‌న్ను ప్రేక్ష‌కుల‌కు కొన్ని కిక్స్ చూపించ‌మ‌ని అడుగుతుంటే మ‌రింత భ‌య‌ప‌డిపోయాను. కానీ ఎలాగోలా త‌డ‌బ‌డ‌కుండా విన్యాసాలు చేసినందుకు సంతోషించాను" అని చెప్పుకొచ్చాడు. ఈ వీడియోను ఇప్ప‌టివ‌ర‌కు ఆరు ల‌క్ష‌ల మందికి పైగా వీక్షించారు. లాక్‌డౌన్ కాలంలో షూటింగ్స్‌కు బ్రేక్ ప‌డ‌టం, త‌న‌కు కావాల్సిన‌ స‌మ‌యం దొర‌క‌డంతో ఈ హీరో సోష‌ల్ మీడియాలో అభిమానుల‌కు మ‌రింత చేరువ‌య్యాడు. (సుధీర్‌ డ్యాన్స్‌ స్టెప్పులకు టైగర్‌ ఫిదా)

టెహ్రాన్‌ : ఇరాన్‌కు ఒలింపిక్‌ పతకాన్ని అందించిన మొదటి, ఏకైక మహిళా క్రీడాకారిణి కిమియా అలీజాడే తమ దేశంపై తీవ్ర విమర్శలు చేశారు. ఇరాన్‌లో క్రీడాకారులపై.. ముఖ్యంగా మహిళా క్రీడాకారులపై జరుగుతున్న వేధింపుల పర్వాన్ని ఇన్‌స్టాగ్రామ్‌ వేదికగా వెల్లడించారు. పతకాలు సాధించిన ఆటగాళ్లకు సైతం కనీస గౌరవం ఉండదని వాపోయారు. అందుకనే దేశాన్ని విడిచి యూరప్‌ వచ్చినట్టు స్పష్టం చేశారు. యూరప్‌నకు తననెవరూ ఆహ్వానించలేదని.. తానే వచ్చానని తెలిపారు. 2016 రియో ఒలింపిక్స్‌లో అలీజాడే తైక్వాండోలో కాంస్య పతకం సాధించారు. 57 కేజీల కేటగిరీలో ఆమె ఈ పతకం సాధించారు.  (చదవండి : పొరపాటున కూల్చేశాం) ‘దేశం విడిచి వస్తున్నప్పుడు చాలా బాధపడ్డా. కానీ, వంచన, అన్యాయానికి గురవుతూ.. అబద్ధాలు, పొగడ్తలు ప్రకటిస్తూ బతకలేను. పతకం సాధించి దేశ గౌరవాన్ని పెంచితే.. దానిని రాజకీయాల కోసం కొందరు వాడుకుంటారు. వెన్నుతట్టి ప్రోత్సహించాల్సిన అధికారులు.. మహిళలు తైక్వాండో లాంటి ఆటలు ఆడరాదు అని నీచంగా మాట్లాడతారు. మా కష్టాన్ని గుర్తించకపోగా.. అవమానిస్తారు. వంచనకు గురవుతున్న ఎందరో క్రీడాకారిణుల్లో నేనొరిని. మేనేజ్‌మెంట్‌ నిర్ణయాలతో మాకు ఏమాత్రం స్వేచ్ఛ ఉండదు.  మమ్మల్ని కేవలం వస్తువులుగానే చూస్తారు. అయినా, వారి ఆదేశాల్ని పాటించా. దేశంలో పీడనకు గురయ్యే వారికి హలో..! ‘ఉన్నత స్థానం’ లో ఉన్నవారికి గుడ్‌బై, తమవారిని కోల్పోయి శోకంలో ఉన్నవారికి సంతాపాన్ని తెలుపుతున్నా’అని అలీజాడే పేర్కొన్నారు. (చదవండి : ‘భారత్‌ ముందుకొస్తే స్వాగతిస్తాం’!) కాగా, అలీజాడే నిర్ణయంపై ఇరాన్‌ క్రీడాశాఖ సహాయ మంత్రి మహిన్‌ ఫర్హాదిజాడే మాట్లాడుతూ.. ‘అలీజాడే ఇన్‌స్టాగ్రామ్‌ పోస్టు చూడలేదు. అయితే, ఆమె విదేశాల్లో ఫిజియోథెరఫీ చదవాలనుకునేది. బహుశా అదే కారణం కావొచ్చు’అన్నారు. ఇక ఇరాన్‌ సైనిక జనరల్‌ ఖాసీం సులేమానీ హత్యతో మొదలైన ఉద్రిక్తలు అంతకంతకూ తీవ్రమైన సంగతి తెలిసిందే. సులేమానీ అంత్యక్రియల్లో తొక్కిసలాట జరగడంతో 56 మంది మరణించగా..  ఉక్రెయిన్‌ విమానాన్ని ఇరాన్‌ మిలటరీ కూల్చడంతో మరో 176 మంది మరణించారు. ఇప్పటికే.. చెస్‌ ఆటగాడు అలీరెజా ఫిరౌజా ఇరాన్‌ తరపున ఆడనని చెప్పగా.. జూడో ఆటగాడు సయీద్‌ మొలాయి దేశ విడిచి వెళ్లడం గమనార్హం. (చదవండి : ట్రంప్‌నకు ఇరాన్‌ గట్టి కౌంటర్‌!)

గురుగ్రామ్‌ : హరియాణాలోని గురుగ్రామ్‌లో 25 ఏళ్ల భారత యువ క్రీడాకారిణిని కాల్చివేతకు గురైంది. తైక్వాండో క్రీడాకారిణి అయిన సరితను మంగళవారం మధ్యాహ్న సమయంలో ఒక యువకుడు సరితను కాల్చి చంపాడని సమాచారం. అయితే ఈ హత్య వెనుక సరిత కోచ్ హస్తం దాగుందని ఆమె కుటుంబ సభ్యులు ఆరోపిస్తున్నారు. కుటుంబ సభ్యులు మాట్లాడుతూ.. 'గతంలో సరిత కోచ్ ఆమెను వివాహం చేసుకోవాలని పలుమార్లు వెంటపడగా సరిత చాలాసార్లు తిరస్కరించింది. దీంతో పెళ్లి విషయమై వీరివురి మధ్య కొన్ని రోజులుగా గొడవలు జరుగుతున్నాయి. పెళ్లికి నిరాకరించడంతోనే కోచ్ ఈ ఘాతుకానికి పాల్పడ్డాడు' అని సరిత కుటుంబ సభ్యులు ఆరోపించారు. గురుగ్రామ్‌లోని బోరాఖుర్ద్ గ్రామంలో ఓ యువతి కాల్చివేతకు గురైనట్టు మంగళవారం సాయంత్రం నాలుగు గంటల సమయంలో స్థానిక పోలీసులకు సమాచారం అందింది. విషయం తెలిసిన వెంటనే పోలీసులు సంఘటన జరిగిన స్థలానికి చేరుకున్నారు. రక్తపు మడుగులో పడిఉన్న ఆమెను తైక్వాండో క్రీడాకారిణి సరితగా గుర్తించారు. ఒక యువకుడు మహిళను కాల్చి చంపి పరారైనట్టు స్థానికులు పోలీసులకు తెలిపారు. సరిత హత్య వెనుక కోచ్‌ హస్తం ఉందని ఆమె కుటుంబ సభ్యులు పోలీసులకు ఫిర్యాదు చేశారు. వారి ఫిర్యాదుపై కేసు నమోదు చేసుకున్న పోలీసులు దర్యాప్తు చేస్తున్నారు. కోచ్ సరితకు 2013 నుంచి తెలుసని కుటుంబ సభ్యులు తెలిపారు. అయితే హత్య తర్వాత కోచ్ పరారీలో ఉన్నట్లు తెలుస్తోంది. అతడి కోసం పోలీసులు గాలింపు చర్యలు చేపట్టారు.

సాక్షి, హైదరాబాద్‌: హైదరాబాద్‌ జిల్లా పాఠశాల క్రీడా సమాఖ్య (ఎస్‌జీఎఫ్‌) జిల్లా స్థాయి తైక్వాండో చాంపియన్‌íÙప్‌లో రోజరీ కాన్వెంట్‌కు చెందిన వడ్డేటి చందన సత్తా చాటింది. దోమలగూడ జీసీపీఈ వేదికగా జరిగిన ఈ టోరీ్నలో అండర్‌–17 బాలికల 49–52 కేజీల వెయిట్‌ కేటగిరీలో చందన విజేతగా నిలిచి స్వర్ణాన్ని సాధించింది. బీవీబీపీఎస్‌కు చెందిన బి. అగర్వాల్‌ రజతాన్ని గెలుచుకోగా... మదీనా హైసూ్కల్‌ విద్యార్థి రీడా మీర్జా కాంస్యాన్ని సాధించింది. బహుమతి ప్రదాన కార్యక్రమంలో నిజాం కాలేజి ప్రిన్సిపాల్‌ ఎన్‌. లక్ష్మీకాంత్‌ రాథోడ్‌ ముఖ్య అతిథిగా విచ్చేశారు. ఇతర వెయిట్‌ కేటగిరీల విజేతల వివరాలు 25–27 కేజీల బాలురు: 1. ఆనంద్, 2. అక్షయ్, 3. నిఖిల్‌ తేజ్‌; 20–22 కేజీల బాలికలు: 1. సింధూజ, 2. మాన్వి యాదవ్‌. 29–32 కేజీల బాలురు: 1. బి. అరవింద్‌ కుమార్, 2. సంపత్‌ కుమార్, 3. అజయ్, మణిమాన్విత్‌. 24–26 కేజీల బాలికలు: 1. స్ఫూర్తి, 2. సుమయ్యా అంజుమ్, 3. చంచల్‌ యాదవ్‌. 27–29 కేజీల బాలురు: 1. సాయి సంవిత్, 2. మొహమ్మద్‌ రహమాన్, 3. ఆదిత్య వ్యాస్, కల్యాణ్‌. 26–29 కేజీల బాలికలు: 1. వర్ష, 2. జియా.

హైదరాబాద్‌: ఇంటర్నేషనల్‌ తైక్వాండో పోటీల్లో కుత్బుల్లాపూర్‌ బాలికలు శ్రీజరెడ్డి, లక్ష్మీ తులసి రాణించారు. భారత తైక్వాండో సమాఖ్య ఆధ్వర్యంలో గచ్చిబౌలి ఇండోర్‌ స్టేడియంలో  జరిగిన ఈ పోటీల్లో లక్ష్మీ తులసి రజత పతకాన్ని గెలుచుకోగా... శ్రీజరెడ్డి కాంస్యాన్ని సాధించింది. కొంపల్లికి చెందిన శ్రీజరెడ్డి 47 కేజీల విభాగంలో మూడో స్థానంలో నిలిచింది. లక్ష్మీ తులసి 51 కేజీల విభాగంలో రన్నరప్‌గా నిలిచింది. ఐదు రోజుల పాటు పోటీలు జరుగగా.. పదిహేను దేశాలకు చెందిన దాదాపు 2500 మంది క్రీడాకారులు పాల్గొన్నారు.  

సాక్షి, హైదరాబాద్‌: జాతీయ సబ్‌ జూనియర్‌ తైక్వాండో చాంపియన్‌షిప్‌లో పాల్గొనే తెలంగాణ రాష్ట్ర జట్టును మంగళవారం ప్రకటించారు. హరియాణాలోని రోహ్‌తక్‌లో ఈనెల 26 నుంచి 30 వరకు జాతీయ తైక్వాండో టోర్నీ జరుగుతుంది.   జట్టు వివరాలు: జి. రాహుల్, ఎ. నిఖిల్, ఎం. అఖిల్, జి. సాత్విక్, ఎన్‌. సుధీర్‌ కుమార్, విశ్వ ఆదిత్య, విజయ్, శ్రీనివాస్‌ రెడ్డి, సాయి వరుణ్, విశాల్, తనీష్, చైతన్య, విప్రస్‌ రెడ్డి, సుజన్, బి. సాయి రిత్విక్, బి. సాయి సాత్విక్, శివమణి, అజయ్, తరుణ్, సాయి ఈశ్వర్, రాహుల్‌ యాదవ్, ప్రణవ్‌ ఆదిత్య, వేదాంత్, లలిత్‌ సాయి.  

సాక్షి, హైదరాబాద్‌: కొరియన్‌ కల్చరల్‌ సెంటర్‌ డైరెక్టర్స్‌ కప్‌ తైక్వాండో చాంపియన్‌షిప్‌లో తెలంగాణ క్రీడాకారుడు కరణ్‌ టీకారామ్‌ చాంపియన్‌గా నిలిచాడు. న్యూఢిల్లీలోని ఇందిరాగాంధీ స్టేడియంలో జరిగిన క్యాడెట్‌ బాలుర 35 కేజీల విభాగంలో కరణ్‌ స్వర్ణాన్ని కైవసం చేసుకున్నాడు. ఇదే టోర్నీలో రాష్ట్రానికి చెందిన ఎన్‌ఎన్‌ లీలావతి,  టి. గౌతమి, సిమ్రన్‌ కె. జైన్‌ రాణించారు. జూనియర్‌ బాలికల విభాగంలో లీలావతి (46 కేజీలు), సీనియర్‌ బాలికల కేటగిరీలో గౌతమి (57 కేజీలు), సిమ్రన్‌ జైన్‌ (67 కేజీలు) మూడో స్థానంలో నిలిచి తలో కాంస్య పతకాన్ని గెలుచుకున్నారు. ఈ సందర్భంగా వైఎంసీఏ నారాయణగూడ కార్యదర్శి బీజే వినయ్‌ స్వరూప్, అధ్యక్షుడు ఆర్‌కే కృష్ణ పతకాలు సాధించిన క్రీడాకారులను అభినందించారు. వారు భవిష్యత్‌లో మరిన్ని పతకాలు సాధించాలని ఆకాంక్షించారు.   

సాక్షి, హైదరాబాద్‌: సీకే క్లాసిక్‌ మలేసియా ఓపెన్‌ అంతర్జాతీయ తైక్వాండో చాంపియన్‌షిప్‌లో భారత్‌కు ప్రాతినిధ్యం వహించిన తెలంగాణ క్రీడాకారులు ఐదు పతకాలను సాధించారు. మలేసియాలో జరిగిన ఈ టోర్నీలో హైదరాబాద్‌కు చెందిన పొన్నపల్లి శ్రీలేఖ హెవీవెయిట్‌ కేటగిరీలో స్వర్ణ పతకం సాధించగా... సాయి దీపక్‌ పటేల్‌ పూమ్సే విభాగంలో మూడో స్థానంలో నిలిచి కాంస్య పతకాన్ని దక్కించుకున్నాడు. మరోవైపు యామగుచి తైక్వాండో అకాడమీ వైఎంసీఏకి చెందిన పి. సంధ్య స్మిత, వితేశ్‌ చారి, బి. అభిషేక్‌ లాల్‌ కూడా ఈ టోర్నీలో ఆకట్టుకున్నారు. క్యోరుగి (ఫైట్‌) ఈవెంట్‌లో  వితేశ్‌ రన్నరప్‌గా నిలిచి రజతాన్ని సాధించాడు. అభిషేక్‌ మూడో స్థానంలో నిలిచి కాంస్యాన్ని అందుకున్నాడు. మరోవైపు మహిళల పూమ్సే (కటాస్‌–గ్రూప్‌ ఫైట్‌) ఈవెంట్‌లో సంధ్య కాంస్య పతకాన్ని సాధించింది. ఈ సందర్భంగా పతకాలు సాధించిన క్రీడాకారులను వైఎంసీఏ కార్యదర్శి వినయ్‌ స్వరూప్‌ అభినందించారు.  

అనంతపురం సప్తగిరి సర్కిల్‌: రాష్ట్ర తైక్వాండో అసోసియేషన్‌లో నిధుల గోల్‌మాల్‌ అంశంపై రాష్ట్ర వ్యాప్తంగా చర్చ జరుగుతోంది. శుక్రవారం వివిధ సామాజిక మాధ్యమాల్లో రాష్ట్ర తైక్వాండో అసోసియేషన్‌ ట్రెజరర్‌ జగన్‌మోహన్‌(గుంటూరు) వాటిని వైరల్‌ చేయడంతో అది హాట్‌ టాపిక్‌గా మారింది. తైక్వాండో అసోసియేషన్‌ రాష్ట్ర కార్యదర్శి అచ్యుత్‌రెడ్డి తన స్వార్థ ప్రయోజనాల కోసం అసోసియేషన్‌కు సంబంధించిన నిధులను పక్కదారి పట్టించారనే ఆరోపణలతో కూడిన కాల్‌ రికార్డులను ఆయన బహిర్గతం చేశారు. దీంతో ఆయా క్రీడాకారులకు అందించాల్సిన కనీస సౌకర్యాలను, వారికి అందించాల్సిన క్రీడా దుస్తులను సైతం అందించకుండా మోసం చేస్తున్నారని ఆయన ఆరోపించారు. ఆరోపణలు ఇలా... అచ్యుత్‌రెడ్డి 2006 నుంచి రాష్ట్ర తైక్వాండో అసోసియేషన్‌కు కార్యదర్శిగా వ్యవహరిస్తున్నారు. జగన్‌మోహన్‌తో కలిసి అచ్యుత్‌రెడ్డి సంయుక్త బ్యాంకు ఖాతాను తెరిచారు. అయితే తన ప్రమేయం లేకుండానే అచ్యుత్‌రెడ్డి నిధులను వాడుకున్నారని జగన్‌మోహన్‌ ఆరోపిస్తున్నారు. గతేడాది ఫిబ్రవరిలో నిర్వహించిన జాతీయస్థాయి టోర్నీకి రాష్ట్ర క్రీడా ప్రాధికార సంస్థ (శాప్‌) రూ. 10 లక్షల నిధులను కేటాయించిందని దానికి సంబంధించి ఎలాంటి లావాదేవీలు తన దృష్టికి రాలేదన్నారు. అసోసియేషన్‌ ఖాతాను తన వ్యక్తిగత ఖాతాగా మార్చుకుని కార్యకలాపాలు సాగిస్తున్నారని విమర్శించారు. గత పదేళ్లుగా ఇలాంటి కార్యకలాపాలను కొనసాగిస్తున్నారన్నారు. జిల్లా అసోసియేషన్లకు బెదిరింపులు ఆయా జిల్లాల్లో కొనసాగుతున్న అసోసియేషన్లలో తనకు విరుద్ధంగా ఎలాంటి చర్యలు తీసుకున్నా జిల్లా అసోసియేషన్లకు అఫ్లియేషన్‌ను రద్దు చేస్తామని బెదిరింపు చేస్తున్నారని, దీంతో ఆయా సంఘాల ప్రతినిధులు ఆయన పై ఎలాంటి చర్యలు తీసుకునేందుకు ముందుకు రావడం లేదని పలువురు ఆవేదన వ్యక్తం చేస్తున్నారు. అచ్యుత్‌రెడ్డి విధానాల వల్లనే అసోసియేషన్‌ నాలుగు విభాగాలుగా చీలిందని అంటున్నారు. క్రీడాకారులకు అవకాశాలు నిరాకరణ ఆయా జిల్లా అసోసియేషన్లలో శిక్షణ తీసుకుంటున్న క్రీడాకారులకు జిల్లాస్థాయి టోర్నీల్లో ఆడేందుకు అవకాశాన్ని అచ్యుత్‌రెడ్డి నిరాకరిస్తున్నారన్న ఆరోపణలున్నాయి. గత నెలలో కడపలో జరిగిన టోర్నీలో కర్నూలు స్పోర్ట్స్‌ అథారిటీ ఆఫ్‌ ఇండియా(సాయి) క్రీడాకారులకు అవకాశం కల్పించలేదు. దీంతో ఆయా క్రీడాకారులు జిల్లా కలెక్టర్‌ను సైతం ఆశ్రయించారు. దీంతో ఆయన ఆయా జిల్లాల క్రీడా ప్రాధికార సంస్థకు సమాచారాన్ని అందించి వారిని ఆడించేందుకు అవకాశాన్ని తీసేస్తున్నామని ఆయన రాత పూర్వకంగా నివేదికలను పంపారు. దీంతో కడప జిల్లాకు చెందిన అల్తాఫ్‌ హుస్సేన్‌ అనే క్రీడాకారుడు డిక్లరేషన్‌ను సమర్పించుకోవాల్సి వచ్చింది. తాను తదుపరి స్పోర్ట్స్‌ అథారిటీ ఆఫ్‌ ఇండియాలో ప్రాతినిధ్యం వహించనని, ఏ ఇతర అసోసియేషన్ల నుంచి ప్రాతినిధ్యం వహించనని రూ. 10 బాండు మీద రాయించుకున్నారు. ఈ వ్యవహారంపైన ఆయా సంఘాలు తీవ్ర అసంతృప్తిని వ్యక్తం చేస్తున్నాయి.

న్యూఢిల్లీ: గువాహటి నుంచి బుధవారం మధ్యాహ్నం ఢిల్లీకి వచ్చిన ఎయిర్‌ ఏసియా విమానం టాయిలెట్‌లో మృత పిండం కనిపించడం ప్రయాణికులను విస్మయానికి గురిచేసింది. పిండం వయసు దాదాపు ఆరు నెలలు ఉండొచ్చని సమాచారం. విమాన టాయిలెట్‌లో పేపర్లలో చుట్టి ఉన్న పిండాన్ని గమనించిన సిబ్బంది.. ఈ పని ఎవరు చేశారో చెప్పాలంటూ మహిళా ప్రయాణికులను ప్రశ్నిస్తుండగా తనకు గర్భస్రావం అయినట్లు 19 ఏళ్ల వయసున్న తైక్వాండో క్రీడాకారిణి వెల్లడించింది. ఆమె ఓ టోర్నమెంట్‌ కోసం గురువారం తన కోచ్‌తో కలసి దక్షిణ కొరియా వెళ్లాల్సి ఉంది. టాయిలెట్‌లో సిబ్బంది సాధారణ తనిఖీలు నిర్వహిస్తుండగా, పిండం కనిపించిందని ఎయిర్‌ ఏసియా అధికారులు తెలిపారు. పోలీసులు పిండాన్ని పోస్ట్‌మార్టం కోసం తరలించి, క్రీడాకారిణికి ఆసుపత్రిలో చికిత్స ఇప్పిస్తున్నారు. అయితే ఆమె గర్భంతో ఉన్న విషయమే తనకు తెలియదనీ, విమానమెక్కే ముందు విమానయాన సంస్థకు సమర్పించిన వివరాల్లోనూ ఈ విషయం లేదని ఆమె కోచ్‌ చెప్పారు. 

భువనగిరి : తైక్వాండో ఆత్మరక్షణకు ఎంతగానో దోహదపడుతుందని తైక్వాండో జిల్లా అధ్యక్షుడు సోలిపురం శ్రీకాంత్‌రెడ్డి అన్నారు. ఆదివారం జిల్లా కేంద్రంలోని ఇండోర్‌ స్టేడియంలో తెలంగాణ తైక్వాండో అసోసియేషన్‌ ఆధ్వర్యంలో జిల్లా స్థాయి పోటీలను నిర్వహించారు. ఈ కార్యక్రమానికి ముఖ్య అతిథిగా విచ్చేసి మాట్లాడారు.  విద్యార్థుల మానసికోల్లాసంతోపాటు విద్యా, ఉద్యోగాల్లో తైక్వాండో ఉపయోగపడుతుందన్నారు. అనంతరం తైక్వాండో అసోసియేషన్‌ జిల్లా కార్యదర్శి గుర్రం కృష్ణ మాట్లాడుతూ జిల్లా స్థాయిలో గెలుపొందిన క్రీడాకారులు ఈనెలలో మేడ్చల్‌ జిల్లాలో జరిగే సీనియర్, సబ్‌జూనియర్, వికారాబాద్‌లో క్యాడేట్, మహబూబాబాద్‌లో జూనియర్‌ విభాగం పోటీల్లో పాల్గొంటారన్నారు. సబ్‌జూనియర్, సీనియర్, క్యాడేట్‌ సీనియర్‌ విభాగాల్లో బాలబాలికలకు జిల్లా స్థాయి పోటీలు నిర్వహిస్తారని పేర్కొన్నారు. సుమారు 200 మంది పాల్గొన్న ఈ పోటీల్లో గెలుపొందిన వారికి బంగారు, వెండి, కాంస్య పతకాలతోపాటు ప్రశంసాపత్రాలను అందజేశారు. ఈ కార్యక్రమంలో తైక్వాండో అసోసియేషన్‌ జిల్లా కోశాధికారి మీసాల వెంకటేశం, ఉపాధ్యక్షులు కోట్ల సుధాకర్, శిక్షకులు కోన్‌రెడ్డి శ్రీకాంత్, శివ, శివసాయి, పర్యవేక్షకులు సుధీర్, గోపాలకృష్ణ, సీనియర్‌ క్రీడాకారులు పాల్గొన్నారు.

సాక్షి, న్యూఢిల్లీ:  పదుల సంఖ్యలో లైంగిక వేధింపుల కేసులు. జైలుకు వెళ్లటం.. బెయిల్‌పై రావటం... మళ్లీ అదే తరహా నేరాలకు పాల్పడటం ఆ కామాంధుడికి అలవాటుగా మారిపోయింది. ఈ క్రమంలో ఒంటరిగా ఉంటున్న ఓ యువతిపై ఆ కిరాతకుడు అఘాయిత్యానికి పాల్పడ్డాడు. ఆరు గంటలపాటు మృగ చేష్టలతో ఆమెకు నరకాన్ని చూపించాడు. దేశ రాజధానిలో జరిగిన ఈ దారుణ ఘటన వివరాల్లోకి వెళ్తే...  వసంత్‌ కుంజ్‌లోని రంగ్‌పూరి పహారిలో ఓ యువతి(27) ఒంటరిగా నివసిస్తోంది. మే 29వ తేదీన రాత్రి 10 గంటల సమయంలో ఆఫీస్‌ నుంచి ఇంటికి తిరిగొచ్చింది. తాళం తీస్తున్న సమయంలో  వెనకాల నుంచి వచ్చి ఓ వ్యక్తి అమాంతం ఆమెను ఇంట్లోకి ఈడ్చుకెళ్లాడు. మంచానికి కట్టేసి ఆమెతో బలవంతగా మందు తాగించి, ఆపై అత్యాచారానికి పాల్పడ్డాడు. అలా ఆరు గంటలపాటు అతని వికృత క్రీడలు కొనసాగాయి. చివరకు ఉదయం నాలుగు గంటల సమయంలో ఆమె ఫోన్‌ తీసుకుని అక్కడి నుంచి పారిపోయాడు. స్నేహితురాలి సాయంతో వసంత్‌ కుంజ్‌ పోలీసులకు యువతి ఫిర్యాదు చేసింది. అయితే ఆమె చెప్పిన ఆనవాళ్లతో పోలీసులు ఓ వ్యక్తి ఫోటోను చూపించారు. ఫోటోలో ఉన్నదే నిందితుడిగా ఆమె అతన్ని గుర్తించటంతో గాలింపు చేపట్టారు. చివరకు నిందితుడైన సందీప్‌ చౌహాన్‌ను జూన్‌1న పోలీసులు అరెస్ట్‌ చేశారు. సందీప్‌ నేర చరిత్ర... పశ్చిమ్‌ విహార్‌కు చెందిన 38 ఏళ్ల సందీప్‌ వివాహితుడు. ఓ పాప కూడా ఉంది. గతంలో తైక్వాండో ట్రైనర్‌గా పని చేసేవాడు. ఏడాదిన్నర క్రితం ఓ యువతిని లైంగికంగా వేధించిన కేసులో మొదటిసారి అరెస్ట్‌ అయ్యాడు. దాంతో ఉద్యోగం ఊడింది. అప్పటి నుంచి తప్పుడు మార్గంలోనే ప్రయాణిస్తూ వస్తున్నాడు. కంటికి కనిపించిన మహిళలతో అసభ్యంగా ప్రవర్తించటం, వారి వెంటపడి వేధింపులకు గురిచేయటం, దాడి చేసి వాళ్ల దగ్గరి నుంచి గొలుసులు, ఫోన్లు దొంగతనం చేయటం... అలవర్చుకున్నాడు. ఈ క్రమంలో చాలాసార్లు జైలుకు వెళ్లి, బెయిల్‌పై బయటికొచ్చేవాడు. ఇప్పటిదాకా అతనిపై 30 కేసుల దాకా నమోదయినట్లు తెలుస్తోంది.  ‘సందీప్‌ దాడి చేసిన మహిళలెవరూ అతనికి తెలీదు. అప్పటికప్పుడే వారిని లక్ష్యంగా చేసుకుని వారిపై దాడికి పాల్పడుతుంటాడు. కానీ, అత్యాచారం కేసులో అరెస్ట్‌ కావటం మాత్రం ఇదే తొలిసారి’ అని వసంత్‌ కుంజ్‌ ఎస్సై చెబుతున్నారు. ఇదిలా ఉంటే రెండు నెలల క్రితం తాను ఉండే ప్రాంతంలోనే ఓ మహిళ ఇంటి ముందు సందీప్‌ వికృత చేష్టలకు పాల్పడిన నేరంలో జైలుపాలయ్యాడు. బెయిల్‌పై బయటకు వచ్చిన కొద్ది రోజులకే ఇలా అత్యాచారం కేసులో ఇప్పుడు మళ్లీ ఊచలు లెక్కిస్తున్నాడు. పోలీసులేం చేస్తున్నారు?.. కాగా, ఈ ఘటనపై పలు మహిళా సంఘాలు ఆగ్రహం వ్యక్తం చేస్తున్నాయి. వరుసగా నేరాలకు పాల్పడుతున్న వ్యక్తిని కఠినంగా శిక్షించకపోవటం, సమాజంలో తిరుగుతున్న అతనిపై నిఘా వేయకపోవటం ముమ్మాటికీ పోలీసుల నిర్లక్ష్యమేనని విమర్శిస్తున్నారు. శనివారం ఓ ఎన్జీవో ఆధ్వర్యంలో మహిళలు, విద్యార్థినులు పట్టణంలో ర్యాలీ నిర్వహించి, సందీప్‌ను కఠినంగా శిక్షించాలని డిమాండ్‌ చేశారు.

కొనకనమిట్ల: మహిళల రక్షణ ఇప్పుడు ప్రశ్నార్థకంగా మారింది.. ఆడవాళ్లపై జరుగుతున్న నేరాలు, ఘోరాలు అంతులేకుండా పోతున్నాయి.  సమాజంలో నేర స్వభావం పెరుగుతున్న కొద్ది..  ఆడవారి జీవితాలపై ప్రభావం చూపుతుంది. ఈ పరిస్థితుల్లో ఆడపిల్లలకు ఆత్మరక్షణ విద్యలు నేర్పటం అవసరం. బాలికలు అన్ని రంగాల్లో ముందుండాలని కోరుకుంటారు.. ఆ కోవలోనే అక్కాచెల్లెళ్లు లహరి అనిత, లిలతా భవానిలు తైక్వాండో (కరాటే) రాష్ట్ర స్థాయి పోటీలకు ఎంపికైన ఇటీవల విశాఖపట్టణంలో నిర్వహించిన పోటీల్లో మంచి ప్రతిభ కనబరిచి సత్తాచాటారు. ఉపాధ్యాయుల ప్రోత్సాహమే కొనకనమిట్ల మండలం గొట్లగట్టు కస్తూరిభా గాంధీ బాలికల పాఠశాలలో తొమ్మిది, పదో తరగతి చదువుతున్న లహరి అనిత, లలితా భవానిలు క్రీడలలో మంచి ప్రతిభ కనబరచడంతో పాఠశాల ప్రత్యేకాధికారి ఆర్‌.సురేఖ, పాఠశాల పీఈటీ వనజలతలు తమ విద్యార్థినులను కరాటే దిశగా ప్రోత్సహించి వారికి మంచి తర్ఫీదునిచ్చారు. అంతకు ముందు కరాటేలో రాజు మాస్టర్‌ దగ్గర మెళకువలు నేర్చుకున్న అహరి అనిత, లలితా భవానిలు కరాటే విద్యపై మక్కువ చూపించారు. ఇటీవల ఒంగోలులో జరిగిన పోటీలతో పాటు రాష్ట్ర స్థాయిలో వైజాగ్‌లో జరిగిన 13 జిల్లాల కేజీబీవీల కరాటే (తైక్వాండో) పోటీల్లో గొట్లగట్టు కేజీబీవి బాలికలు అత్యుత్తమ ప్రదర్శన కనబరిచి సత్తాచాటారు. అక్కడ కేజీబీవీ రాష్ట్ర ప్రాజెక్ట్‌ డైరెక్టర్‌ జి.శ్రీనివాస్, కామేపల్లిలో జరిగిన సంక్రాంతి సంబరాల్లో రాష్ట్ర మంత్రులు గంటా శ్రీనివాసరావు, శిద్దా రాఘవరావు, నారాయణ, విద్యాశాఖ జేడీ శ్రీనివాసులు, సర్వశిక్ష అభియాన్‌ పీఓ ఎం.వెంకటేశ్వరరావు చేతుల మీదుగా కేజీబీవీ బాలికలు అవార్డులు మెమెంటోలు అందుకున్నారు. జాతీయస్థాయిలో పేరు తెచ్చుకోవాలి.. జాతీయస్థాయి పోటీలలో పాల్గొనాలనేది తమ లక్ష్యమని అక్కాచెల్లెళ్లు లహరి అనిత, లలితా భవాని అన్నారు. కరాటేతో పాటు కబడ్డీ అంటే ఇష్టమని కబడ్డీ పోటీల్లో కూడా ప్రావీణ్యం ఉంది. పాఠశాల జోనల్‌ స్థాయి పోటీలకు ప్రాతినిధ్యం వహించాం. మంచి క్రీడాకారిణిలుగా పేరుతెచ్చుకోవాలన్నదే లక్ష్యం..  తైక్వాండోలో అత్యుత్తమ ప్రతిభ కనబరిచిన లహరి అనిత, లలిత భవానిలను, తర్ఫీదునిచ్చిన పీఈటీ వనజలతను, పాఠశాల ప్రత్యేకాధికారి సురేఖను పలువురు అభినందించారు.

న్యూఢిల్లీ: సీసీటీవీ కెమెరాలో రికార్డైన ఆ మార్షల్‌ ఆర్ట్స్‌ మాస్టర్‌ వికృత చర్యను చూసి పోలీసులూ నిర్ఘాంతపోయారు. బాధితురాలి ఫిర్యాదుమేరకు బలమైన చట్టాల కిందట అతణ్ని అరెస్టు చేసి కటకటాల్లోకి నెట్టారు. దేశరాజధానిలో సంచలనం రేపిన ఈ ఘటన గురించి పోలీసులు చెప్పిన వివరాలిలాఉన్నాయి.. తైక్వాండో ట్రైనర్‌గా పనిచేస్తోన్న వ్యక్తి ఒకరు.. వసంత్‌ కుంజ్‌ ప్రాంతానికి చెందిన పరిచయస్తురాలిని కలుసుకునేందుకు వెళ్లాడు. దర్వాజ దగ్గర నిలబడి బెల్‌ కొట్టాడు.. ఆ వెంటనే ప్యాంట్‌ విప్పేసి వికృతచర్యను మొదలుపెట్టాడు. తలుపు తెరిశాక ఆ దృశ్యాన్ని చూసి షాక్‌కు గురైన మహిళను చెరపట్టేప్రయత్నం చేశాడా మాస్టర్‌. క్షణాల్లో తేరుకున్న మహిళ గట్టిగా కేకలు వేయడంతో మాస్టర్‌ అక్కడి నుంచి పరారయ్యాడు. ఆలస్యం చెయ్యకుండా సమీపంలోని పోలీస్‌ స్టేషన్‌కు వెళ్లిన మహిళ.. తాను ఎదుర్కొన్న భయానక అనుభవాన్ని వివరించింది. బాధితురాలు అందించిన సమాచారంతో నిందితుడిని పట్టుకున్న పోలీసులు.. మహిళ ఇంటి సీసీటీవీ కెమెరా దృశ్యాలనూ సేకరించారు. డోర్‌బెల్‌ కొట్టి వికృతానికి పాల్పడిన దృశ్యాలన్నీ కెమెరాలో రికార్డయ్యాయని, లైంగికదాడి యత్నం, అసభ్యప్రవర్తన కింద నిందితుడిపై కేసులు నమోదు చేశామని పోలీసులు తెలిపారు.

బాక్సింగ్, కరాటే, కుంగ్‌ఫు, తైక్వాండో లాంటి క్రీడలు పురుషులకే సొంతం అనుకుంటే పొరపాటే. వీటిలోనూ మగవారికి సమానంగా మహిళలు రాణిస్తున్నారు..తమ ప్రతిభను చూపుతున్నారు. రామంతాపూర్‌కు చెందిన కవిత(23) తైక్వాండోలో బ్లాక్‌ బెల్ట్‌ఐదో డాన్‌ సాధించి... ఈ ఘనత అందుకున్న మొట్టమొదటి మహిళగా రికార్డులకు ఎక్కింది.    రామంతాపూర్‌: కవితకు తైక్వాండో అంటే ఆసక్తి. పాఠశాలలో చదువుకుంటున్నప్పుడే ఈ క్రీడను నేర్చుకోవాలని అనుకుంది. శిక్షణకు వెళ్తానంటే.. ‘ఆడపిల్లకు ఆటలు ఎందుకు?’ అని వారించారు. అయినా వినకుండా, వారిని ఎదిరించి గురువు జయంత్, సంపూర్ణ లింగంల దగ్గర శిక్షణలో చేరింది. పదో ఏటనే బ్లాక్‌బెల్ట్‌ సాధించింది. ఈ క్రీడలో జాతీయ స్థాయిలో ఐదో డాన్‌ సాధించిన పురుషులే చాలా తక్కువ మంది ఉంటారు. దేశంలోనే ఈ ఘనత సాధించిన ప్రథమ మహిళగా కవిత గిన్నిస్‌ బుక్‌ ఆఫ్‌ రికార్డు సృష్టించింది. ప్రపంచవ్యాప్తంగా ముగ్గురు మహిళలే ఈ బెల్ట్‌ సాధించగా... అందులో కవిత ఒక్కరు కావడం విశేషం.    2004లో కొరియాలో జరిగిన అంతర్జాతీయ తైక్వాండో పోటీలో పాల్గొని మూడో డాన్‌ విజేతగా నిలిచింది. 2008లో అమెరికాలో జరిగిన అంతర్జాతీయ తైక్వాండో పోటీలో భారత్‌ తరఫున పాల్గొని పలు పతకాలు సాధించింది. భారత్‌లో జరిగిన వరల్డ్‌ తైక్వాండో పోటీలో ఐదో డాన్‌ విజేతగా నిలిచింది. దేశవిదేశాల్లో జరిగిన పోటీల్లో పాల్గొని వందకు పైగా పతకాలు, 30కి పైగా ట్రోఫీలు గెలుచుకుంది. ఐదుసార్లు గిన్నిస్‌ బుక్‌ ఆఫ్‌ వరల్డ్‌ రికార్డు సాధించింది. ప్రస్తుతం కవిత రామంతాపూర్‌లో తైక్వాండో అకాడమీని ప్రారంభించి శిక్షణనిస్తున్నారు.   ఒలింపిక్స్‌లోపతకమేధ్యేయం..    1994 ఒలింపిక్స్‌లో తైక్వాండో క్రీడ చూసి స్ఫూర్తి పొందాను. నేనూ తైక్వాండో నేర్చుకోవాలని అప్పుడే నిర్ణయించుకున్నాను. పట్టుదలతో ఈ విద్యనభ్యసించాను. ఒలింపిక్స్‌లో పాల్గొని పతకం సాధించడమే లక్ష్యంగా నైపుణ్యాలు పెంపొందించుకుంటున్నాను. 

డల్లాస్ : డల్లాస్‌లో జరిగిన అంతర్జాతీయ తైక్వాండో ఛాంపియన్ షిప్ పోటీలలో భారత క్రీడాకారులు అద్భుత విజయం సాధించారు. తెలుగు తేజాలైన కొండాసహదేవ్, అబ్దుల్ కలీల్, సింధు తపస్విలు బంగారు, రజత, కాంస్య పతకాలు సాధించారు. విజేతలకు స్థానిక తెలుగు సంస్థ టాంటెక్స్ (ఉత్తర టెక్సాస్ తెలుగు సంఘం), తెలంగాణ ఎన్.ఆర్.ఐ. విభాగం సంయుక్తంగా సత్కరించింది. ఇర్వింగ్ లోని అవర్ ప్లేస్ రెస్టారెంట్‌లో ఈ సత్కార కార్యక్రమం జరిగింది. తెలుగు భాష , సంస్కృతులను డల్లాస్ పరిసర ప్రాంతాల్లో  32 సంవత్సరాలకు పైగా పరిరక్షిస్తూ, వివిధ కార్యక్రమాలను నిర్వహిస్తున్న టాంటెక్స్ సంస్థ ప్రస్తుత అధ్యక్షురాలు శీలం కృష్ణవేణి మాట్లాడుతూ తైక్వాండో పోటీల్లో విజయం సాధించి భారత దేశ కీర్తిని  చాటిన విజేతలను సత్కరించడం తమ బాధ్యత అని తెలిపారు. సంవత్సరం పొడుగునా వివిధ క్రీడా కార్యక్రమాలను నిర్వహించనున్నట్టు పేర్కొన్నారు. తెలుగు వారందరికీ గర్వ కారణమైన తైక్వాండో విజేతలను, ఈ క్రీడాకారులను ప్రత్యేక శిక్షణ ఇస్తూ తీర్చిదిద్దిన వారి కోచ్ జయంత్ రెడ్డి లను టాంటెక్స్ సంస్థ సభ్యులు జ్ఞాపికలతో సత్కరించారు. డా. మోహన్ గోలి, రఘు చిట్టిమల్లలు, తెలంగాణా ఎన్.ఆర్.ఐ. విభాగ సభ్యులకు, కార్యక్రమం జరిగిన అవర్ ప్లేస్ రెస్టారెంట్ యజమాని నరేంద్ర బాబులకు అభినందనలు తెలిపారు. వీర్నపు చినసత్యం, కోడూరు క్రిష్ణారెడ్డి, కోశాధికారి పాలేటి లక్ష్మి, కార్యవర్గ సభ్యులు శరత్ ఎర్రం, సమీర ఇల్లెందుల, బండారు సతిష్మరియుపాలక మండలి అధిపతి కన్నెగంటి చంద్ర, సభ్యుడు పవన్ నెల్లుట్ల ఈకార్యక్రమంలో పాల్గొన్నారు.


 అనంతపురం సప్తగిరి సర్కిల్‌ :
 తైక్వాండో ఫెడరేషన్‌ ఆఫ్‌ ఇండియా, కేరళ తైక్వాండో అసోసియేషన్‌ సంయుక్తంగా నిర్వహిస్తున్న 6వ దక్షిణ భారత తైక్వాండో చాంపియన్‌షిప్‌ పోటీలకు జిల్లాకు చెందిన 13 మంది ఎంపికయ్యారని కోచ్‌ రామాంజనేయులు తెలిపారు. ఈ సందర్భంగా స్థానిక ఇండోర్‌ స్టేడియంలో క్రీడాకారులను డీఎస్‌డీఓ బాషామోహిద్దీన్‌ అభినందించారు. 2016లో రాష్ట్రస్థాయి క్రీడా పోటీల్లో ప్రథమ, ద్వితీయ స్థానాల్లో నిలిచిన సబ్‌–జూనియర్, క్యాడెట్, జూనియర్, సీనియర్‌ క్రీడాకారులను దక్షిణ భారత తైక్వాండో క్రీడా పోటీలకు ఎంపిక చేశామన్నారు. పోటీలు కేరళ రాష్ట్రంలోని కోజికోడ్‌ వీకే కృష్ణమీనన్‌ ఇండోర్‌ స్టేడియంలో ఈ నెల 20 నుంచి 23వ తేది వరకు జరుగుతాయన్నారు. ఈ సందర్భంగా డీఎస్‌డీఓ మాట్లాడుతూ జాతీయస్థాయి క్రీడా పోటీల్లో విజయంతో తిరిగి రావాలని పిలుపునిచ్చారు.  కార్యక్రమంలో కోచ్‌లు మహేష్‌ తదితరులు పాల్గొన్నారు.
 ఎంపికైన క్రీడాకారుల వివరాలు
 సబ్‌–జూనియర్‌ విభాగం(అండర్‌–11) బాలురు
 
 18 కిలోలు–గౌతంకృష్ణారెడ్డి
 
 41 లోలు–రిషీచౌహాన్‌
 
 బాలికల విభాగం
 
 18 కిలోలు–నిహారిక
 
 20 కిలోలు–నీతు శ్రీ సాయి
 
 24 కిలోలు–జోహ్న
 
 26 కిలోలు–వెన్నెల
 
 29 కిలోలు–నిఖీత సోరేలు
 
 క్యాడెట్‌ విభాగం(అండర్‌–14) బాలురు
 
 65 కిలోలు–జయేష్‌
 
 65 కిలోలు–దత్తుసాయి
 
 బాలికలు
 
 33 కిలోలు–రోజా
 
 41 కిలోలు–సాయిదీప్తి
 
 47 కిలోలు–హేమ
 
 జూనియర్‌ విభాగం(అండర్‌–17)
 
 68 కిలోలు–ఆశాదీక్షిత


 సాక్షి, హైదరాబాద్‌: రాష్ట్ర స్థాయి తైక్వాండో చాంపియన్‌షిప్‌లో హైదరాబాద్‌ జట్టు సత్తా చాటింది. హైదరాబాద్‌ తైక్వాండో సంఘం ఆధ్వర్యంలో ఘట్‌కేసర్‌లోని ఎన్‌ఎఫ్‌సీ నగర్‌లో జరిగి న ఈ టోర్నీలో హైదరాబాద్‌ జట్టు ఓవరాల్‌ చాం పియన్‌గా నిలిచింది. మొత్తం 500 మంది క్రీడాకారులు తలపడిన ఈ పోటీల్లో హైదరాబాద్‌ 27 స్వర్ణాలను గెలుచుకొని అగ్రస్థానాన్ని దక్కించుకుంది.
  
 ఇందులో రాణించిన జూనియర్‌  క్రీడాకారులు మార్చి 2 నుంచి 5 వరకు కాన్పూర్‌లో జరిగే సబ్‌ జూనియర్‌ నేషనల్‌ చాంపియన్‌షిప్‌ లో... సీనియర్‌ క్రీడాకారులు మార్చి 17 నుంచి 19 వరకు విశాఖపట్నంలో జరిగే సీనియర్‌ నేషనల్‌ చాంపియన్‌షిప్‌లో పాల్గొంటారు.
  
  


 భానుగుడి (కాకినాడ) :
 రాష్ట్ర స్థాయి 34వ సబ్‌ జూనియర్, 35వ సీనియర్‌ తైక్వాండో టోర్నమెంట్‌ శనివారం ఘనంగా ప్రారంభమైంది. కాకినాడ రూరల్‌ ఎమ్మెల్యే పిల్లి అనంతలక్ష్మి ఈ పోటీలను ప్రారంభించారు. కాకినాడలో జిల్లా క్రీడా ప్రాధికార సంస్థ ఇండోర్‌ స్టేడియంలో నిర్వహించిన తొలిరోజు పోటీల్లో సబ్‌జూనియర్‌ విభాగంలో 13 జిల్లాల నుంచి వచ్చిన 150 మందికిపైగా క్రీడాకారులు తలపడ్డారు.ఆటలో చిన్నారులు చూపించిన పోరాట పటిమ అబ్బురపరిచింది. 
 తొలిరోజు విజేతలు వీరే
 18 నుంచి 50 కేజీల వరకు ఉన్న సబ్‌ జూనియర్‌ విభాగంలో పోటీలు నిర్వహించారు. 18 కేజీల విభాగంలో ఎల్‌.గౌతమ్‌కృష్ణారెడ్డి, అనంతరపురం)(గోల్డ్‌), వి.లిఖిత్‌ , చిత్తూరు (సిల్వర్‌), 21కేజీల విభాగంలో ఎ¯ŒS.చైతన్య దుర్గాప్రసాద్, విశాఖపట్నం( గోల్డ్‌), బి.జశ్వంత్‌ చిత్తూరు, í(Üసిల్వర్‌), 23 కేజీల విభాగంలో సిహెచ్‌ లోహి™Œ, కర్నూలు (గోల్డ్‌), కె.అవినాష్, విజయనగరం(సిల్వర్‌), 25 కేజీల విభాగంలో జి.దినేష్‌ అదిత్య, తూర్పుగోదావరి(గోల్డ్‌), ఎస్‌.సాయిగణేష్, చిత్తూరు(సిల్వర్‌), 27 కేజీల విభాగంలో దేవ్‌ భరత్‌ సాçహు, శ్రీకాకుళం(గోల్డ్‌), జి.తేజ, తూర్పుగోదావరి(సిల్వర్‌), 29 కేజీల విభాగంలో ఎ¯ŒSఎం దిలీప్, వైఎస్సార్‌ కడప (గోల్డ్‌), రెడ్డి లోవరాజు, విశాఖపట్నం( సిల్వర్‌), 32 కేజీల విభాగంలో బి.కాశీబాబా, వైఎస్సార్‌ కడప, (గోల్డ్‌), ఎస్‌.దేవీ శ్రీ«కర్, గుంటూరు(సిల్వర్‌), 35 కేజీల విభాగంలో ఎం.వెంకట కార్తీక్‌ , విశాఖపట్నం (గోల్డ్‌), సీఎస్‌ సమరత్, చిత్తూరు(సిల్వర్‌), 38 కేజీల విభాగంలో కృష్ణబాబు (వైఎస్సార్‌ స్పోరŠట్స్‌ స్కూల్‌) గోల్డ్, జి.వేద కార్తీక్, కర్నూల్‌(సిల్వర్‌), 41 కేజీల విభాగంలో ఎం.రిషీ చోహాన్, అనంతపూర్‌(గోల్డ్‌), కె.పరశురామ్‌( వైఎస్సార్‌ స్పోరŠట్స్‌ స్కూల్‌), (సిల్వర్‌), 44 కేజీల విభాగంలో రిషప్‌ సింగ్, విశాఖపట్నం (గోల్డ్‌), బద్రీనాధ్, వైఎస్సార్‌ కడప, í(Üసిల్వర్‌), 50 కేజీల విభాగంలో ఆర్‌.యశ్వంత్, విశాఖ పట్నం, (గోల్డ్‌), బి.యశ్వంత్‌ రెడ్డి, తూర్పుగోదావరి(సిల్వర్‌) పతకాలను గెలుచుకున్నట్లు ఆర్గనైజింగ్‌ సెక్రటరీ బి.అర్జున రావు తెలిపారు. ప్రారంభ కార్యక్రమంలో జిల్లా తైక్వాండో సంఘ అధ్యక్షుడు ఆకుల మధుసూధనరావు, కస్టమ్స్‌ అండ్‌ సెంట్రల్‌ ఎక్సైజ్‌ సూపరింటెండెంట్‌ వై.భాస్కరరావు, ప్రొహిబిష¯ŒS అండ్‌ ఎక్సైజ్‌ డిప్యూటీ కమిషనర్‌ ఎం.సత్యనారాయణ, కె.పద్మనాభం తదితరులు పాల్గొన్నారు. 
  


 కాకినాడ సిటీ :
 తైక్వాండో అసోసియేష¯ŒS రాష్ట్రస్థాయి పోటీలకు వివిధ వెయిట్‌లలో జిల్లా నుంచి 40 మంది ఎంపికయ్యారు. స్థానిక జిల్లా క్రీడామైదానంలో వివిధ కేటగిరీల్లో జిల్లాస్థాయి తైక్వాండో పోటీలు ఆదివారం జరిగాయి. జిల్లా అసోసియేష¯ŒS ఆధ్వర్యాన నిర్వహించిన ఈ పోటీలను జిల్లా క్రీడాభివృద్ధి అధికారి మురళీధరరావు, సీబీసీఎ¯ŒSసీ అధ్యక్షుడు ఎం.రత్నకుమార్‌ ప్రారంభించారు. ఉదయం నుంచి రాత్రి వరకూ ఉత్సాహభరిత వాతావరణంలో జరిగిన ఈ పోటీల్లో 20 వెయిట్‌లలో బాల బాలికల విభాగాల్లో 160 మంది క్రీడాకారులు స్వర్ణ, రజత, కాంస్య పతకాలు సాధించారు. స్వర్ణ పతకాలు సాధించినవారు నవంబర్‌ 11, 12, 13 తేదీల్లో కాకినాడలో జరిగే రాష్ట్రస్థాయి తైక్వాండో పోటీల్లో పాల్గొంటారని జిల్లా తైక్వాండో అసోసియేష¯ŒS కార్యదర్శి బి.అర్జు¯ŒSరావు తెలిపారు.
  


  కల్లూరు: జాతీయ తైక్వాండో రెఫరీలుగా జిల్లా క్రీడాకారులు దాదాబాషా (ఆదోని), ఎంబి రాముబాబు (నందికొట్కూరు), డిఎం బిలాల్‌ నూర్‌బాషా (నంద్యాల), ఓబులేసు (ఆళ్లగడ్డ) ఎంపికయ్యారు. విశాఖపట్నం ఏయూ జిమ్నాజియం ఇండోర్‌ స్టేడియంలో ఈ నెల 13 నుంచి 16వ తేదీ వరకు జాతీయ స్థాయి తైక్వాండో సెమినార్‌ జరిగింది. ఈ సెమీనార్‌లో జిల్లా క్రీడాకారులు పాల్గొని ఉత్తమ ప్రతిభతో జాతీయ స్థాయి రెఫరీలుగా అర్హత సాధించారు. వీరిని తైక్వాండో సంఘం జిల్లా అధ్యక్షకార్యదర్శులు డీఎం గౌస్, శోభన్‌బాబు.. సోమవారం అభినందించారు.
  


 సిరికొండ :
  మండల కేంద్రంలోని కామధేను జూనియర్‌ కళాశాలకు చెందిన విద్యార్థి జీ కావ్య జాతీయస్థాయి తైక్వాండో పోటీలకు ఎంపికైనట్లు ప్రిన్సిపాల్‌ బాశెట్టి లింబాద్రి తెలిపారు. స్కూల్‌ గేమ్స్‌ ఫెడరేషన్‌ అండర్‌–19 జూనియర్‌ కళాశాలల విభాగంలో  రాష్ట్రస్థాయి పోటీలకు కళాశాల విద్యార్థినులు జీ కావ్య, టీ లత, ఎం దేవిక ఎంపికై గతనెల 30న రంగారెడ్డి జిల్లాలో నిర్వహించిన రాష్ట్ర స్థాయి పోటీల్లో పాల్గొన్నారు. కావ్వ గోల్డ్‌మెడల్‌ సాధించి జాతీయస్థాయి పోటీలకు ఎంపిక కాగా,  లత, దేవికలు సిల్వర్‌ మెడల్స్‌ సాధించారు. క్రీడాకారిణులను బుధవారం జిల్లా జూనియర్‌ కళాశాలల క్రీడల నిర్వహణ కార్యదర్శి మహ్మద్‌ షకీల్, కోచ్‌ పీఈటీ ఈశ్వర్‌ తదితరులు కళాశాలలో అభినందించారు. 
  


 నంద్యాల:  రాష్ట్రస్థాయి స్కూల్‌ గేమ్స్‌ ఫెడరేషన్‌ (ఎస్‌జీఎఫ్‌) అండర్‌–19 తైక్వాండో టోర్నమెంట్‌ను స్థానిక పద్మావతినగర్‌లోని ఇండోర్‌ స్టేడియంలో  బుధవారం నిర్వహిస్తామని  ఎస్‌జీఎఫ్‌ జిల్లా కార్యదర్శి చలపతిరావు తెలిపారు. ఆయన మంగళవారం విలేకరులతో మాట్లాడుతూ 13 జిల్లాలకు చెందిన బాలురు, బాలికల జట్లు హాజరవుతాయని, ఒక్కో జట్టులో 8మంది క్రీడాకారులు కోచ్, మేనేజర్‌ ఉంటారని చెప్పారు. మూడు రోజుల పాటు టోర్నీ నిర్వహిస్తామన్నారు. టోర్నీలో ప్రతిభ చూపిన వారిని వచ్చే ఏడాది జనవరి 2 నుంచి 8వరకు ఢిల్లీలో జరిగే జాతీయ స్థాయి పోటీలకు ఎంపిక చేస్తామన్నారు.  
  


 అనంతపురం సప్తగిరి సర్కిల్‌: స్థానిక ఇండోర్‌ స్టేడియంలో సీనియర్‌ తైక్వాండో జిల్లా జట్టు ఎంపిక చేసినట్లు జిల్లా తైక్వాండో అసోసియేషన్‌ జిల్లా అధ్యక్షులు గురుస్వామి తెలిపారు.  ఎంపికైన జట్టు అక్టోబర్‌లో తూర్పుగోదావరి జిల్లా కాకినాడ లో జరిగే సీనియర్‌ అంతర్‌ జిల్లాల పోటీలలో పాల్గొంటుందన్నారు. 
 ఎంపికైన క్రీడాకారుల వివరాలు        బాలురు
 54 కేజీల విభాగం      పి. బవాసీ
 58 కేజీల విభాగం      రామాంజినేయులు
 63 కేజీల విభాగం      వెంకటరమణ
 68 కేజీల విభాగం      శర్మాస్‌వలి
 74 కేజీల విభాగం     జయరాం కుమార్‌
 80 కేజీల విభాగం     సురేంద్ర
 87 కేజీల విభాగం    ఉమా మహేష్‌
  
 బాలికలు
 46 కేజీల విభాగం   ముబీనా ఖానుమ్‌
  
  


 కల్లూరు: జాతీయ తైక్వాండో పోటీలకు జిల్లాకు చెందిన వరిశెట్టి లవకుమార్‌ ఎంపికైనట్లు జిల్లా తైక్వాండో సంఘం ప్రధాన కార్యదర్శి శోభన్‌బాబు మంగళవారం ఒక ప్రకటనలో తెలిపారు. విజయనగరంలో నిర్వహించిన 36వ రాష్ట్ర స్థాయి జూనియర్స్‌ తైక్వాండో పోటీల్లో ఉత్తమ ప్రతిభ కనబచర్చి జాతీయ స్థాయి పోటీలకు ఎంపికయ్యాడన్నారు. ఈనెల 22 నుంచి 25వ తేదీ వరకు పంజాబ్‌ రాష్ట్రం ఆనందపూర్‌సాహెబ్‌లో నిర్వహిస్తున్నట్లు 36వ జాతీయ స్థాయి తైక్వాండో పోటీల్లో లవకుమార్‌ పాల్గొంటారని పేర్కొన్నారు.


 సంగారెడ్డి టౌన్: తైక్వాండో క్రీడా అండర్‌ 14,17,19 జిల్లా జట్ల ఎంపిన ఈ నెల 8న సంగారెడ్డిలోని డాక్టర్‌ బీఆర్‌ అంబేద్కర్‌ స్టేడియంలో నిర్వహిస్తామని స్కూల్‌ గేమ్స్‌ ఫెడరేషన్‌ (ఎస్‌జీఎఫ్‌) కార్యనిర్వాహక కార్యదర్శి మధుసూదన్‌రెడ్డి మంగళవారం ఒక ప్రకటనలో పేర్కొన్నారు. ఆసక్తి గల క్రీడాకారులు యూనిఫామ్‌తోపాటు బోనాఫైడ్, ఆధార్‌కార్డులతో గురువారం ఉదయం 10 గంటలకు మైదానంలో హాజరు కావాలన్నారు. జిల్లా జట్టుకు ఎంపికైన క్రీడాకారులు ఈ నెల 10 నుంచి 12 వరకు రంగారెడ్డి జిల్లా బండ్లగూడలో జరిగే రాష్ట్ర స్థాయి పోటీలలో పాల్గొంటారని పేర్కొన్నారు. ఇతర వివరాలకు 9866140016, 9493676216లను సంప్రదించాలని సూచించారు.
  


 కాకినాడ సిటీ : 
 విజయనగరం జిల్లాలో ఆగస్టు 27 నుంచి 29 వరకు జరిగిన తైక్వాండో అసోసియేషన్‌ రాష్ట్ర స్థాయి పోటీల్లో జిల్లాకు 10 మెడల్స్‌ వచ్చాయి. క్యాడెట్, జూనియర్‌ స్థాయిల్లో 28 కేటగిరీల్లో క్రీడాకారులు రెండు గోల్డ్, రెండు సిల్వర్, ఆరు బ్రాంజ్‌ మెడల్స్‌ సాధించారు. శుక్రవారం జిల్లా క్రీడామైదానంలో జరిగిన కార్యక్రమంలో డీఎస్‌డీఓ మురళీధరరావు క్రీడాకారులను అభినందించారు. 55 కిలోల వెయిట్‌లో యు.సుష్మా, 68 కిలోల వెయిట్‌లో జి.మేరీగోల్డ్‌.. గోల్డ్‌ మెడల్స్‌ పొంది జాతీయ స్థాయి పోటీలకు ఎంపికయ్యారు. అలాగే 63 కిలోల్లో ఎస్‌ఎంవీవీ సాయి, 78 కిలోల్లో ఎం.భానుప్రసాద్‌ సిల్వర్‌ మెడల్స్, 63 కిలోల్లో పళ్ల శ్రీసత్య ఆకాంక్ష, 59 కిలోల్లో కె.రేష్మా, 57 కిలోల్లో ఎల్‌జీఈ నితిన్, 55 కిలోల్లో వి.తరుణ్‌ వరప్రసాద్, 37 కిలోల్లో టి.చరణ్, 29 కిలోల్లో పి.భార్గవీశ్రీకళ బ్రాంజ్‌ మెడల్స్‌ సాధించారు. జాతీయ స్థాయికి ఎంపికైన వారికి ఈ నెల 23 నుంచి మూడు రోజుల పాటు పంజాబ్‌ రాష్ట్రంలోని లుధియానాలో జరిగే తైక్వాండో పోటీల్లో పాల్గొంటారని జిల్లా తైక్వాండో అసోసియేషన్‌ కార్యదర్శి బి.అర్జున్‌రావు తెలిపారు.
  


 ♦ ఒలంపిక్ క్రీడల్లో ఒకేఒక్క మార్షల్ ఆర్ట్
 ♦ ప్రభుత్వ గుర్తింపు పొందిన తైక్వాండో
 ♦ 150 దేశాల్లో అధికారికంగా పోటీలు
 ♦ సర్టిఫికెట్ ఉంటే విద్య, ఉద్యోగాల్లో రిజర్వేషన్లు
  సంగారెడ్డి టౌన్:  ‘కెయ్...’ అంటూ గాల్లోకి ఎగిరి రెప్పపాటులో కిక్ ఇవ్వడం తైక్వాండో టెక్నిక్. అంతేకాదు ప్రత్యర్థిపై తొడగొట్టి.. పడగొట్టి.. పథకాలు కూడా ఎగరేసుకుపోవచ్చు. మార్షల్‌ఆర్ట్స్‌లో ఒలంపిక్ మెడల్స్ ఏంటా! అని ఆశ్చర్యపోతున్నారా? ఏ సంప్రదాయ యుద్ధకళకు లేని స్థానం తైక్వాండోకు దక్కింది. అందుకే ఒలంపిక్ క్రీడగా 150 దేశాల్లో దేదీప్యమానంగా వెలిగిపోతోంది. సర్టిఫికెట్ ఉంటే విద్య, ఉద్యోగాల్లో రిజర్వేషన్లు కూడా పొందొచ్చు. రాష్ట్ర ప్రభుత్వం గుర్తించిన ఈ కళ గ్రామీణులకు పెద్దగా చేరువ కాకపోవడం కొంత నిరాశ కలిగించే విషయం. 
  ఐటీఎఫ్ ఏర్పడి అర్ధశతాబ్దం
 ఇంటర్నేషనల్ తైక్వాండో ఫెడరేషన్(ఐటీఎఫ్) ఏర్పడి అర్ధశతాబ్దం అవుతోంది. యుద్ధకళకు క్రీడా హోదా సాధించడంలో ఐటీఎఫ్ పాత్ర మరువ లేనిది. ఆస్ట్రేలియాలోని వియాన్నా ప్రధాన కార్యాలయంగా 1966 మార్చి 22న చోయ్ హాంగ్ హి(ఛిజిౌజీ ఏౌజ ఏజీ) ఆధ్వర్యంలో ఐటీఎఫ్ ప్రారంభమైంది.
  ఫెడరేషన్ విధులు
 ప్రపంచ వ్యాప్తంగా జరిగే టోర్నమెంట్లు, శిక్షణ, సెమినార్లకు అనుమతి ఇవ్వడం, గుర్తింపున్న ఫెడరేషన్ల మధ్య సత్సంబంధాలు నెలకొల్పడం, అభ్యర్థులకు ర్యాంకులు, ధ్రువపత్రాలు అందించడం. తైక్వాండోకు అంతర్జాతీయ క్రీడాస్థాయిని ఇవ్వడంలో, ఒలంపిక్ గేమ్‌గా తీసుకురావడంలో ఐటీఎఫ్ కృషి అమోఘం. కాబట్టే దాదాపు 150 దేశాల్లో నేడు తైక్వాండో వెలుగుతోంది. సంస్థ 50 వసంతాలు పూర్తిచేసుకున్న నేపథ్యంలో ఆస్ట్రేలియాలోని కరోలిన్ స్ప్రింగ్, విక్టోరియాలో జాతీయ పోటీలు ప్రారంభమయ్యాయి. అంతేకాకుండా కజకిస్తాన్ టైక్వాండో ఫెడరేషన్ ఆధ్వర్యంలో మార్చి 26వ తేదీ నుంచి 30 వరకు అల్మటీ, ఖజకిస్తాన్‌లో 8వ ఏషియన్ పోటీలు జరుగుతున్నాయి.
  ప్రపంచ క్రీడగా అవతరణ
 యుద్ధకళా నైపుణ్యమే కాకుండా అంతకు మించి మానసిక శక్తిని పెంపొందించి, జీవన విధానాన్ని, క్రమ శిక్షణను బోధించే ఆర్ట్‌గా తైక్వాండో ప్రసిద్ధి చెందింది. ‘తై’ అంటే ఫుట్(కాలు), ‘క్వాన్’ అంటే ఫిస్ట్(పిడికిలి), ‘డూ’ అంటే వే(క్రమశిక్షణ) ఈ మూడు భాగాల కలయికే ‘తైక్వాండో’. కాళ్లు, చేతుల కదలికలతో మొత్తం శరీరాన్ని, మనస్సును అదుపులో ఉంచుకోవడమే ఈ క్రీడ ప్రత్యేకత.
  కొరియన్ యుద్ధకళ
 కొరియాలో ఆయుధాలతో, అవి లేకుండా పోరాడే యుద్ధకళగా సుబాకు(టెక్కియాన్) ప్రాచుర్యం పొందింది. కీ.శ.1392-1910 వరకు కొరియాను పరిపాలించిన చొసున్ రాజ్యంలో సుబాకుకు అధిక ప్రాధాన్యం ఇచ్చారు. కళతో పాటు జీవన విధానాన్ని బోధించేవారు. ముఖ్యంగా మిలటరీ వ్యక్తులకు ఈ కళలో తర్ఫీదు ఇచ్చేవారు. రెండో ప్రపంచ యుద్ధానంతరం జపాన్ కొలోనల్ పరిపాలన నుంచి కొరియా స్వాతంత్య్రం పొందింది. మొదటి అధ్యక్షుడు సింగమ్‌రీ ఆధ్వర్యంలో ఈ విద్య కళలకు పునరుజ్జీవం పోశారు. దీంతో టెక్కియాన్ మార్షల్‌ఆర్ట్ తైక్వాండ్‌గా రూపాంతరం చెందింది. 1950-1953 మధ్య తైక్వాండో పూర్తిస్థాయిలో వెలుగులోకి వచ్చింది. 1971లో కొరియా జాతీయ క్రీడాగా గు ర్తింపు పొందింది. 1972లో కొరియా అధ్యక్షుడు కుక్కివాన్ తైక్వాండోకు సంబంధించి జాతీయస్థాయిలో కార్యాలయాలను ఏర్పాటు చేయడంతో పాటు పోటీలకు అనుమతిని చ్చాడు. 1966 మార్చి 22న ఇంటర్నేషనల్ తైక్వాండో ఫెడరేషన్(ఐటీఎఫ్)ను ఏర్పాటు చేశారు. ఆ తర్వాత 1973లో వల్డ్ తైక్వాండో ఫెడరేషన్(డబ్ల్యూటీఓ)ఏర్పాటైంది. అదే సంవత్సరం నుంచి ప్రపంచ తైక్వాండో పోటీలు ప్రారంభమైంది.
  ఒలంపిక్ ఆట
 అతి తక్కువ కాలంలోనే ఆసియా దేశాల్లో తైక్వాండో ప్రజాదరణ పొందింది. 1975లో అమెరికాకు చెందిన అమెచూర్ అథ్లెట్ యూనియన్‌లో సభ్యత్వం, 1976లో అంతర్జాతీయ మిలటరీ క్రీడలలో భాగస్వామ్యమైంది. 1984లో ఆసియా క్రీడల్లో అధికారిక క్రీడగా గుర్తింపు లభించింది. 1980లో ఇంటర్నేషన్ ఒలంపిక్ కౌన్సిల్(ఐఓసీ) స్పోర్ట్ ఫెడరేషన్ డబ్ల్యూటీఓను గుర్తించింది. ఐఓసీ గుర్తుంపు లభించిన తర్వాత 1981లో వల్డ్ గేమ్స్‌లో అధికారిక క్రీడగా అడుగుపెట్టింది. 1986లో పాన్ అమెరికా క్రీడల్లో స్థానం సంపాదించింది. ఆసియా ఖండం నుంచి ఒకేఒక్క మార్షల్ ఆర్ట్ క్రీడగా సిడ్నిలో 2000లో జరిగిన ఒలంపిక్ క్రీడలలో పాల్గొంది. 2010లో కామన్వెల్త్ క్రీడల్లో గుర్తింపు లభించింది. 
  నైపుణ్యానికి గ్రేడింగ్
 06 సంవత్సరాల వయస్సు నుంచి 60 సంవత్సరాల వారు తైక్వాండోను నేర్చుకోవచ్చు. ప్రాథమిక శిక్షణ తర్వాత నైపుణ్యాలను పెంచుతూ గ్రేడింగులు(బెల్టులతో) ఇస్తారు. వైట్ బెల్టుతో మొదలై ఎల్లో, గ్రీన్, గ్రీన్ 1, బ్లూ, బ్లూ 1, రెడ్, రెడ్ 1 తర్వాత బ్లాక్‌బెల్ట్ ఇస్తారు. ఒక్కో బెల్టుకు కనీసం నాలుగు నెలల శిక్షణ ఉంటుంది. బ్లాక్‌బెల్ట్ సాధించాలంటే దాదాపు మూడు సంవత్సరాల సమయం పడుతుంది. రెడ్ 1 బెల్డ్ సాధిస్తే మాస్టర్‌గా గుర్తింపు లభిస్తుంది.
  భిన్నమైన పోటీలు
 తొంబై శాతం స్టాండింగ్, ఫ్లయింగ్ కిక్‌లు, పది శాతం చేతి కదలికలతో ఉండే తైక్వాండో.. పో టీల్లో మాత్రం కిక్‌లు మాత్రమే ఉపయోగిం చాలి. పంచ్‌లకు స్థానం లేదు. నడుముకు కట్టుకునే బెల్టు నుంచి తల వరకు స్పారింగ్‌లో కిక్‌లను ఉపయోగించాల్సి ఉంటుంది. బెల్టు కింద కిక్‌లు తగిలితే పరిగణనలోకి తీసుకోరు. నిబంధనలకు అనుగుణంగా వేగంగా, సరైన పద్ధతిలో ఉపయోగించిన కిక్‌లకు మాత్రమే పాయింట్స్ ఉంటాయి.
  ఐదుగురు జడ్జిలు
 పోటీల్లో నలుగురు రెఫరీలు, ఒక జడ్జి ఉంటారు. బౌట్ నాలుగు వైపులా నలుగురు రెఫరీలు ఉంటారు. జడ్జి బౌట్‌ను పర్యవేక్షిస్తుంటాడు. మూడు నిమిషాల సమయం ఇచ్చి గేమ్ స్టార్ట్ చేస్తారు. నలుగురు రెఫరీలు నాగులు కోణాల్లో అభ్యర్థులను గమనిస్తారు. మూడు నిమిషాల అనంతరం రెఫరీలు రహస్యంగా చీటీపై రాసి జడ్జికి ఇస్తారు. ఎవరికి ఎక్కువ పాయింట్లు వస్తే వారు విజైతలవుతారు. నాక్‌ఔట్ అయితే అంతటితో ఆగిపోతుంది.
  గార్డ్స్ ముఖ్యం
 ఇతర క్రీడలకు భిన్నంగా రక్షణకు వివిధ రకాల గార్డ్స్ ఉపయోగిస్తారు. తలకు రక్షణ కోసం గార్డ్, చెస్ట్, గ్లాయిన్స్, ఎల్బో గార్డులను ఉపయోగిస్తారు. లేకుంటే వేగంగా కిక్‌లు తగిలితే చాలా ప్రమాదం.


 మహబూబ్‌నగర్ : ఓ చిన్నారి ఆరేళ్లకే తైక్వాండోలో బ్లాక్ బెల్ట్ సాధించింది. మహబూబ్‌నగర్ జిల్లాలోని అయోధ్యనగర్ కాలనీకి చెందిన చిన్నారి కోట్ల సాయి సంస్కృతి తైక్వాండోలో బ్లాక్ బెల్ట్ సాధించింది. ఈ సందర్భంగా సోమవారం ఎంపీ జితేందర్‌రెడ్డి తన నివాసంలో చిన్నారిని సన్మానించారు. ఈ సందర్భంగా ఎంపీ మాట్లాడుతూ.. చిన్న వయస్సులోనే బ్లాక్ బెల్ట్‌ను సాధించడం జిల్లాకే గర్వకారణమన్నారు. భవిష్యత్తులో మరిన్న విజయాలు సాధించి ఉన్నత శిఖరాలకు చేరుకోవాలని ఆకాంక్షించారు. సాయి సంస్కృతి విజయాన్ని లిమ్కా బుక్‌ ఆఫ్ రికార్డులో ఎక్కించేందుకు తన వంతుగా ప్రయత్నం చేస్తామన్నారు.


 పోరుమామిళ్ల: ఢిల్లీలో నిర్వహించనున్న జాతీయస్థాయి తైక్వాండో పోటీలకు పోరుమామిళ్లకు చెందిన క్రీడాకారులు ఎంపికైనట్లు తైక్వాండో అసోషియేషన్ జిల్లా జాయింట్ సెక్రటరీ నాయబ్స్రూల్ తెలిపారు. సోమవారం ఆయన విలేకరులతో మాట్లాడుతూ ఈనెల 3, 4 తేదీల్లో తిరుపతిలో నిర్వహించిన రాష్ట్రస్థాయి తైక్వాండో జూనియర్స్ పోటీల్లో పోరుమామిళ్లకు చెందిన శ్రీవిద్య 44 కేజీల బాలికల విభాగంలో బంగారు పతకం, 42 కేజీల విభాగంలో వీరవందన రజత పతకం, 55 కేజీల బాలుర విభాగంలో అబ్దుల్‌కలామ్ రజత పతకం సాధించారని వివరించారు. వీరు ఈనెల 28 నుంచి 31 వరకు ఢిల్లీలో జరిగే జాతీయ స్థాయి తైక్వాండో పోటీలకు ఎంపికయ్యారన్నారు. కడప జిల్లా టీమ్ కోచ్‌గా బాలు, రెఫరీలుగా మహబూబ్‌బాషా, నరసింహప్రసాద్ వ్యవహరించారన్నారు.


 అనూరాధ ఒక ఉన్నత ఆశయంతో...
  తన కూతుర్ని పెంచుతున్నారు.
  ఉదయశ్రీ తన తల్లి కోసం...
  ఒక అందమైన కలను కంటోంది!
  తల్లి ఆశయం ఫలిస్తే...
  ‘పుట్టింది ఆడపిల్లా!’ అన్న నోళ్లు మూతపడతాయి.
  కూతురి కల నెరవేరితే...
  ఒబామా మెచ్చుకోలుగా అమ్మవైపు చూస్తారు.
  ఆశయం, కల... ఒకటే అయినట్లు...
  ఈ తల్లీకూతుళ్లు ఒకరి కోసం ఒకరు పట్టినదీక్షలోని కఠోర సాధనే...
  నేటి మన ‘లాలిపాఠం’.
  
  ‘కరాటేలో చిన్నారుల ప్రతిభ’ అనే హెడ్డింగ్‌తో పెద్ద ఫొటోతో వార్తలు ప్రచురితమవుతుంటాయి. తైక్వాండో విజేతలు అంటూ మరో వార్త, అబాకస్ విన్నర్ అంటూ మరోటి... ఇలా ప్రచురితమైన ప్రతి వార్తనీ చదువుతాం, కానీ వార్తల్లో ఒక అమ్మాయి తరచూ కనిపిస్తుంటే... మరికొద్దిరోజుల్లో అదే అమ్మాయి స్పెల్‌బీ పోటీల్లో సర్టిఫికేట్‌తో కనిపిస్తే ఎలా ఉంటుంది? ఒకదానికొకటి పొంతనలేని పోటీల్లో కనిపిస్తుందేమిటి? అనే సందేహం వస్తుంది. ఆ సందేహానికి సమాధానమే ఉదయశ్రీ. ఇన్ని రంగాల్లో ప్రతిభావంతురాలిని చేయడంలో ని తమ అనుభవాలను చెప్పారు ఉదయశ్రీ తల్లి అనూరాధ.
  
  కంటికి రెప్పలాగ...
 
  ‘‘ఉదయ... మేము అమెరికాలో ఉండగా పుట్టింది. పాప మొదటి పుట్టినరోజుకి కుటుంబ సమేతంగా ఇండియాకి వచ్చాం. ఆ తర్వాత ఏడాదికి మా వారు గోపాలకృష్ణ అమెరికా వెళ్లారు. హైదరాబాద్‌లో నేను పాపకు తల్లీదండ్రీ అయి పెంచుతున్నాను. ఉదయ ఆరోగ్యం నాకు ఎప్పుడూ పెద్ద సవాల్ అనే చెప్పాలి. ఎత్తుకుని భుజం మీద పడుకోబెట్టుకుంటే బుగ్గ కందిపోయి ఎర్రగా ర్యాష్ వచ్చేది, అది అంతటితో ఆగిపోక పుండయ్యేది. డెర్మటాలజిస్టుకి చూపిస్తే మరీ సున్నితమైన చర్మం అని చాలా నియమాలు చెప్పారు. పెర్‌ఫ్యూమ్‌లు కాదు కదా పౌడర్ కూడా వాడకూడదు. సబ్బు కూడా ‘సెన్సిటివ్ స్కిన్’నే వాడాలి.
 ఏడాదికి కావల్సిన సబ్బులను అమెరికా నుంచే తెప్పించుకుంటాను. వాతావరణం మారితే ఆస్త్మా ఇబ్బంది పెట్టేది. ఉదయకు అకస్మాత్తుగా జ్వరం వచ్చేది. ఏ క్షణాన జ్వరం వస్తుందోననే భయంతోనే గడిపేదాన్ని. అర్ధరాత్రి హాస్పిటల్‌కి తీసుకెళ్లాల్సి వచ్చేది. వీటికి తోడు ముక్కు నుంచి రక్తం ధారగా కారేది. సర్జరీ చేసిన తర్వాత కూడా పూర్తిగా తగ్గలేదు. సాక్షి స్పెల్ బీ ఇంటర్ స్కూల్ కాంపిటీషన్ జరిగిన రోజు ఉదయం కూడా ఇదే తంతు. ఆ పరిస్థితిలో కాంటెస్ట్‌కి వెళ్లవద్దు అంటే వినలేదు, నాకంటే మొండిది ఉదయ. అలాగే రాసింది. ఇంతకంటే పెద్ద సాహసం తైక్వాండో పోటీలప్పుడు జరిగింది. కోట్ల విజయభాస్కర రెడ్డి స్టేడియంలో పోటీలు జరుగుతున్నాయి. ఉదయకు ఆస్త్మా తీవ్రంగా ఉంది. మాస్టారు ‘ఈ కండిషన్‌లో చేయవద్దు’ అంటే వినక, ఆయాసం తగ్గిన తర్వాత చేసి గెలిచింది’’ అన్నారు అనూరాధ.
  
  పట్టు వదలదు!
 
  బ్రాంకైల్ ఆస్త్మా, నాజల్ బ్లీడింగ్ సమస్యలు ఉన్న అమ్మాయిని తైక్వాండో వంటి యుద్ధకళలు సాధన చేయించడం అంటే పెద్ద సాహసమే కదా అన్నప్పుడు అనూరాధ ‘‘నిజమే, కానీ ఉదయ మూడేళ్ల వయసు నుంచి టీవీలో తైక్వాండో, కరాటే ప్రోగ్రాములు చూసినప్పుడు ‘నేనూ అలా చేస్తా’ అంటూ గాల్లోకి చేతులు ఊపుతూ అనుకరించేది. తనకి అంత ఇష్టం ఉంది కదా అని నేర్పించాను. కరాటేలో బ్లాక్ బెల్ట్ ఈ ఏడాది వస్తుంది’’ అన్నారామె. అబాకస్, తైక్వాండో, ఒకాబులరీ క్లాసులు ఇన్నింటిని ఎలా సమన్వయం చేసేవారన్నప్పుడు... ‘‘వారంలో ఒక్కొక్కటి రెండు రోజులు ఉండేవి, శని, ఆదివారాల్లో స్పెషల్‌క్లాసులుండేవి. ఇన్నింటినీ చూసుకుంటూనే స్కూల్లో ఏప్లస్ గ్రేడ్‌లోనే ఉంటోంది. ఆరోగ్య సమస్యల మధ్య తనను ఇంతలా ప్రాక్టీస్ చేయించడం ఎందుకని కొన్నింటిని తగ్గిద్దాం అని నేను అనుకున్నా ఉదయ ఒప్పుకోదు.
  
  ఆడపిల్ల... అన్నింటా మిన్న!
 
  మీ అమ్మాయిని అందరిలో ఒకటిగా కాకుండా కొందరిలో ఒకటిగా తీర్చిదిద్దాలనే కోరిక మీ దంపతుల్లో ఎవరిది అన్నప్పుడు ‘‘నా దృష్టిలో ఆడపిల్ల దేనిలోనూ తక్కువ కాదు. ఆడపిల్ల పుట్టిందని ఆ బిడ్డను వివక్షకు గురిచేసేవాళ్లకు, జాతకం మంచిది కాదని ఒక వ్యక్తిని నిర్లక్ష్యంగా చూసే మనస్తత్వాలకు చెంప పెట్టుగా నా బిడ్డను చూపించాలనుకున్నాను. మహిళ సాధించలేనిదంటూ ఏదీ ఉండదని సమాజానికి చెప్పాలనుకున్నాను. ఆ కసి నాలో మొండితనాన్ని కూడా పెంచింది. అందుకే ఎంత ఖర్చవుతున్నా నా అవసరాలు మానుకుని మరీ తనకి కోచింగ్ ఇప్పిస్తున్నాను. పోయినేడాది దీపావళికి ముందు ఇంటర్నేషనల్ స్పెల్‌బీ నోటిఫికేషన్ వచ్చింది. ఆ కోచింగ్‌కి పన్నెండు వేలు ఖర్చవుతుంది. ఈ ఖర్చుని భరించడం ఇబ్బంది అనిపించి ఇంట్లోనే ప్రాక్టీస్ చేయిద్దామని పుస్తకాల కోసం బుక్‌షాపుల్లో వెతుకుతున్నాను. ఉదయకు కూడా పరిస్థితి అర్థం అయిందనుకుంటా. అప్పుడు నాతో ‘ఈ సారి టపాకాయలు మానేసి ఈ బుక్ కొనుక్కుంటాను’ అని కేంబ్రిడ్జి ఇంగ్లిష్ ప్రనన్సియేషన్ డిక్షనరీ కొనుక్కుంది. దాంతోనే స్పెల్ బీ పోటీలకు ప్రిపేరయింది’’ అన్నారు అనూరాధ.
  
  రోజుకో స్తోత్రం!
 
  ఉదయలో గ్రహించే శక్తి ఎక్కువని చెప్తూ... ‘‘పాప పుట్టినతర్వాత ప్రశాంతంగా పూజ చేసుకునే తీరిక ఉండేది కాదు. దాంతో పాపను ఆడిస్తూ, ఉయ్యాల ఊపుతూ స్తోత్రాలు పాడేదాన్ని. ఒకసారి తను కూడా తిరిగి పలకసాగింది. అప్పటికి ఇంకా ఉదయకి రెండేళ్లు కూడా నిండలేదు. వచ్చీరాని మాటలతో సహస్రనామాలను పలుకుతుండడంతో రోజుకో స్తోత్రం చొప్పున నేర్పించాను. అలాగే రాత్రి కరెంటు పోతే రామాయణ, భారతాలు చెప్పేదాన్ని. స్పెల్ బీ కాంపిటీషన్‌కి ప్రిపేరయ్యేటప్పుడు నేను పగలు సీడీ విని ఉచ్చారణ నేర్చుకుని, సాయంత్రం పాపతో ప్రాక్టీస్ చేయించేదాన్ని. తనలో స్కిల్ ఉంది. శిక్షణ ఇస్తే రాణిస్తుందని లాయర్‌గా ప్రాక్టీస్ మానేసి నా జీవితాన్ని తనకోసం మలుచుకున్నాను’’ అన్నారు.
  
  తల్లిగా బిడ్డ భవిష్యత్తు ప్రణాళికల గురించి అడిగినప్పుడు అక్కడే ఉన్న ఉదయ ‘‘అమెరికాలో స్పెల్‌బీ కాంపిటీషన్‌లో పార్టిసిపేట్ చేయాలి. అమ్మను అమెరికాకు తీసుకెళ్లాలి. అమ్మ చూస్తుండగా నేను ఒబామా చేతులమీదుగా అవార్డు తీసుకోవాలి’’ అని చెప్పింది. పదకొండేళ్ల అమ్మాయిలో ఇంత పెద్ద కల, అంతకు మించిన ఆత్మవిశ్వాసం పెంపకంలో రావల్సిందేనేమో. ఉదయ కల నెరవేరాలని ఆశిద్దాం.
  
  - వాకా మంజులారెడ్డి, సాక్షి ఫీచర్స్ ప్రతినిధి
  
  ఇష్టం అన్న ప్రతిదీ నేర్పిస్తున్నాను!
  ఇప్పుడు అబాకస్ క్లాస్ లేదు. తనకి కొంచెం ఖాళీ వస్తుందనుకుంటే చెస్ నేర్చుకుంటానంది ఉదయ. ఈ మధ్యలో డ్రాయింగ్ క్లాసులకూ వెళ్తోంది. బొమ్మలు చాలా బాగా వేస్తుంది. యూరప్‌లో జరిగే జూనియర్ లెవెల్ పెయింటింగ్ కాంపిటీషన్‌కి పంపించారు డ్రాయింగ్ మాస్టారు. నేను నేర్పించినవన్నీ ఉదయ కావాలని అడిగినవే. నాకు ఇష్టమైన వీణ, నాట్యం నేర్పిద్దాం అనుకున్నాను. కానీ తనకవి ఏ మాత్రం ఇష్టం లేదు. నేను వీణ మీటినప్పుడు వినడానికి కూడా ఇష్టపడదు.
  - అనూరాధ, ఉదయశ్రీ తల్లి
  
  ఉదయశ్రీ విజయాలు  అబాకస్‌లో...
  ఎనిమిది లెవెల్స్‌లో ఫస్ట్ ప్రైజ్
  2012 - స్టేట్ చాంపియన్‌షిప్
  2011- అబాకస్ ట్రోఫీ రన్నర్ అప్
  
  తైక్వాండోలో...
  2010లో రెండు బంగారు పతకాలు
  2011, 2012లో బంగారు పతకాలతో హ్యాట్రిక్
  
  స్పెల్ బీ...
  ఈ ఏడాది ఏప్రిల్‌లో బెంగళూరులో మార్స్ సంస్థ నిర్వహించిన ‘ఇంటర్నేషనల్ స్పెల్ బీ 2013’లో ‘బడ్డింగ్ స్టార్’ అవార్డు.