సాదాసీదా గోడలను కళాత్మకంగా అలంకరించడానికి వివిధ పద్ధతులను అవలంబిస్తుంటారు. వాటిలో వాల్‌ పోస్టర్లు, ఫొటో ఫ్రేమ్‌లు, హ్యాంగింగ్స్, పెయింటింగ్స్‌– ఇలా విభిన్న రకాల వాటితో ఇంటిని అందంగా తీర్చిదిద్దుతుంటారు. ఈ జాబితాలో వుడెన్‌ ఫ్రేమ్స్‌ది ప్రత్యేకమైన స్థానం. ఇంటికి వింటేజ్‌ కళకు వుడెన్‌ ఆర్ట్‌ స్పెషల్‌ లుక్‌తో అట్రాక్ట్‌ చేస్తుంది. ఇంట్లో సాదా గోడలు చూడటానికి కళావిహీనంగా ఉంటాయి. వాటిని కళాత్మకంగా మార్చడానికి వుడెన్‌ ఆర్ట్‌ వాల్స్‌ చక్కగా ఉపయోగపడతాయి. పక్షులు, ఫలాలు, లతలు, పువ్వులు వంటివన్నీ నింపుకున్న డిజైన్లలో ఇవి లభిస్తున్నాయి. ఎవరికి వారు సొంతంగా కొంచెం క్రియేటివిటీతో వీటిని తయారు చేసుకోవచ్చు. వుడెన్‌ వాల్‌ డిజైన్లను సృష్టించడానికి అనేక సృజనాత్మక ఆలోచనలతో అనేక రకాల డిజైన్లను ప్రయత్నించవచ్చు. ఫొటోగ్రాఫ్‌ ప్యాటర్న్స్‌వుడెన్‌ స్లాబ్స్‌ లేదా ఫ్రేమ్స్‌పైన పెయింటింగ్‌ లేదా వేర్వేరు ప్యాటర్న్స్‌ లేదా జామెట్రిక్‌ రూపాలను రూపొందించవచ్చు. బేసి సంఖ్య లేదా సరి సంఖ్యలో గోడ పొడవు వెడల్పులను బట్టి ఎంత మేర డిజైన్‌ చేయాలనుకుంటున్నారో అన్ని ఫ్రేమ్స్‌ తీసుకోవచ్చు. చిన్నా పెద్ద, వెడల్పు వుడెన్‌ క్యూబిక్స్‌ను ఎంచుకోవచ్చు. పక్షులు, పూల చిత్రాలువుడెన్‌ స్లాబ్స్‌పైన పక్షులు, చెట్లు, పూలు చెక్కించవచ్చు. లేదా చెక్కినవి మార్కెట్లో ఎంపిక చేసుకోవచ్చు. ట్రయాంగిల్, స్క్వేర్, డైమండ్‌వుడెన్‌ టైల్స్‌లో త్రికోణం, చతురస్రం, డైమండ్‌ ఆకారాలు వచ్చేలా కట్‌ చేసుకొని, పెయింట్‌ వేసి లేదా వేయకుండా కూడా వాల్‌ డెకర్‌లో ఉపయోగించవచ్చు, వుడెన్‌ ప్యానెల్స్‌ ఒక దిశలో అమర్చినప్పుడు వాటి మధ్య పూర్తి విరుద్ధమైన డిజైన్‌ని ఉంచడం వల్ల కూడా ప్రత్యేకమైన లుక్‌ వస్తుంది. లైనింగ్‌ ఇన్‌ లెటర్స్‌ ఇంటి పేర్లు, హ్యాపీనెస్‌ లేదా చిన్న చిన్న కోట్స్‌ వంటివి వుడెన్‌ ఫ్రేమ్స్‌ మీద డిజైన్‌ చేయించి కూడా వాల్‌ డెకర్‌గా ఉపయోగించవచ్చు. కుటుంబ సభ్యుల ఫొటోలను కూడా ఈ ఫ్రేమ్స్‌కి వాడవచ్చు. ఫ్యాబ్రిక్‌ ప్రింటింగ్‌ అచ్చులు చీరలు, దుపట్టాల మీద వేసే వుడెన్‌ అచ్చులను కూడా వాల్‌ డెకర్‌కి ఉపయోగించవచ్చు. వీటిలో మామిడి పిందెలు, మండలాకార డిజైన్లు వంటివి లభిస్తాయి. (చదవండి: అక్కడ ప్రతిరోజూ.. క్రిస్మస్‌ వేడుకే..!)

వేసవిలో పండ్లు, కూరగాయల జ్యూస్‌ల వాడకం సహజంగానే ఎక్కువ. ఆరోగ్యం గురించే కాదు, వీటిని ఇంటి అలంకరణలోనూ వాడచ్చు. సహజమైన పండ్లు, కూరగాయలు ఎక్కువ రోజులు నిల్వ ఉండవు. కాబట్టి కృత్రిమమైన పండ్లు, కూరగాయలు, వనమూలికలతో ఇంటిని అలంకరించవచ్చు. ఇంటి వాతావరణం చల్లగా, సహజత్వానికి దగ్గరగా ఫామ్‌హౌస్‌ వాతావరణాన్ని సృష్టించాలనుకున్నా, సమృద్ధిగా పంటల థీమ్‌ను సృష్టించాలనుకున్నా, వనమూలికల ఉపయోగాలు తెలుసుకుంటూ ఆరోగ్యాన్ని పెంచుకోవాలన్నా, ఫ్రూట్‌ అండ్‌ వెజిటబుల్‌ డెకర్‌ ఈ సీజన్‌కి సరైన ఎంపిక అవుతుంది.కిచెన్‌ డెకర్‌గిన్నెల్లో, వంటగది కౌంటర్‌టాప్‌ లేదా డైనింగ్‌ టేబుల్‌పై పండ్లబుట్ట ఉంచి, వాటిలో కృత్రిమ పండ్లు, కూరగాయలను ప్రదర్శించవచ్చు. ఆర్టిఫిషియల్‌ పండ్లు, కూరగాయలు, మూలికలు, పువ్వులు లేదా పచ్చదనంతో సెంటర్‌ టేబుల్‌పైన సెంటర్‌ పీస్‌ను క్రియేట్‌ చేయండి. మరింత అందంగా కనిపించడానికి ఓ వెదురు బుట్ట లేదా జాడీ ఉంచండి. ఫామ్‌హౌస్‌ శైలిపట్టణవాసులు ఇటీవల ఫామ్‌ హౌస్‌లను బాగా ఇష్టపడుతున్నారు. అందుకని, ఫామ్‌హౌస్‌ అలంకరణను మన ఇంట్లోకి తీసుకురావచ్చు. వెదురు లేదా తీగలతో అల్లిన బుట్టలు, జ్యూట్‌ బ్యాగుల్లో మీకు నచ్చిన చెర్రీ, బెర్రీ, నిమ్మ, ఆరెంజ్, అరటి, మామిడి.. వంటి కృత్రిమ పండ్లు, కూరగాయలు, మూలికలను చేర్చండి. హెర్బల్‌ గార్డెన్‌కృత్రిమ మూలికలతో ఇండోర్‌ హెర్బల్‌ గార్డెన్‌ను సృష్టించవచ్చు. తాజా అనుభూతి కోసం వంటగదిలో కుండలు లేదా వేలాడే బుట్టలనూ ఉంచవచ్చు. నిమ్మ, నారింజ చెట్లు వంటి కృత్రిమ పండ్ల చెట్లను పెద్ద కుండలలో ఉంచి ప్రదర్శించవచ్చు. ఎన్‌.ఆర్‌(చదవండి: వేసవి అంటే సెలవులేనా?)

హైదరాబాద్‌కు చెందిన ప్రముఖ టెక్స్‌టైల్ డిజైనర్ గౌరంగ్‌ సరికొత్త కలెక్షన్‌ను లాంచ్‌ చేశారు. జాతీయ అవార్డు ఫ్యాషన్ డిజైనర్ గౌరంగ్ షా, సాంప్రదాయ భారతీయ వస్త్రాలు , హస్తకళలు, జమ్దానీ కళను పునరుద్ధరించే ప్రక్రియలో భాగంగా "గౌరంగ్ హోమ్"లోని "నీల్" పేరుతో తొలి కలెక్షన్‌ను ప్రారంభించినట్లు ప్రకటించారు. ఇందులో ప్రత్యేకంగా డిజైన్‌ చేసిన ఫర్నిచర్, ఫర్నీషింగ్‌లు , పింగాణీ వస్తువులు ప్రదర్శనకుంటాయి. నాణ్యత, టైమ్‌లెస్ డిజైన్‌కు ప్రాధాన్యతినిస్తూ, సాంప్రదాయ హస్తకళ లేటెస్ట్‌ ట్రెండ్‌ మిళితమై ఈ వస్తువులు కొలువు దీరతాయి."గౌరంగ్ హోమ్" ద్వారా ఇంటీరియర్ డిజైన్ సేవల్లోకి ప్రవేశిస్తూ, కాన్సెప్ట్-టు-ఫినిష్ స్టైల్‌లో ఇంటిని అందంగా తీర్చిదిద్దు కోవడంలో పాపులర్‌ డిజైన్ ఫిలాసఫీని ప్రతిబింబించేలా హైదరాబాద్‌లోని హైటెక్స్‌లో “గౌరంగ్ హోమ్” కలెక్షన్‌ ఎగ్జిబిషన్‌ అక్టోబరు 4న ప్రారంభం కానుంది. ఉదయం 10:30 నుండి సాయంత్రం 6:00 వరకు అందుబాటులో ఉంటుంది.'నీల్' కలెక్షన్‌లోని ప్రతి భాగం ఆ కళ గురించి మాత్రమే కాకుండా, దానిని తయారు చేసిన శిల్పి నైపుణ్యాన్ని తెలిపుతూ,ఈ కలెక్షన్‌ మీ ఇంటిని నిజంగా ప్రత్యేకంగా చేస్తుంది అంటారు గౌరాంగ్‌. ఇండియన్ ఇంటీరియర్స్ కోసం ఇదొక కొత్త అధ్యాయమన్నారు. నీల్‌ కలెక్షన్స్‌లో ఫర్నిషింగ్స్‌, బెడ్‌స్ప్రెడ్‌లు, కంఫర్టర్‌లు, దిండు కవర్లు , టేబుల్ లినైన్స్‌ సిగ్నేచర్ స్టైల్‌లో ఉంటాయి. ఇందులో జమ్‌దానీ నేత, హ్యాండ్‌ ఎంబ్రాయిడరీ చికాన్, కసౌటి, సుజినీ కళాత్మకతతో ఇండిగో (నీలిరంగు)కలర్‌లో ఆకట్టుకుంటాయి.అందానికి, ఆరోగ్యానికి తగినట్టుగా శతాబ్దాల రాగి ,తగరంతో తయారు చేసిన శతాబ్దాల నాటి వస్తువలను సిరామిక్‌తో తయారు చేసిన క్రోకరి మరో ప్రత్యేక ఆకర్షణగా ఉండబోతున్నాయి. ఇందులో పురాతన కుండల వినియోగానికి ప్రతీకగా, చేతితో తయారు చేసిన డిన్నర్‌వేర్ ఉంటుంది. ప్రతీ వస్తువును ప్రపంచవ్యాప్తంగా లభించే మట్టితో తయారు చేయడం విశేషం.ఈ వెంచర్ ద్వారా, తన ప్రసిద్ధ డిజైన్ ఫిలాసఫీని జీవితానికి తీసుకురావాలనేదే గౌరంగ్ లక్ష్యం. భారతదేశ చేనేత సంప్రదాయాలను పరిరక్షించడం, పర్యావరణ అనుకూల పదార్థాలు, సహజ రంగులు, సాంప్రదాయ పద్ధతులు,కళాకారుల నైపుణ్యాన్ని మెచ్చుకునేలా పర్యావరణ స్పృహ ఉన్న ఔత్సాహిక గృహాలంకరణ వినియోగదారులను ఆకట్టుకోనుంది.

సాక్షి, సిటీబ్యూరో: ఇళ్లయినా, స్టార్‌ హోటలైనా.. మిరుమిట్లుగొలిపే షాండ్లియర్స్‌ వినియోగం తప్పనిసరి. పైకప్పు నుంచి వేలాడే ఈ దీపాలంకరణ చూపర్లను మంత్రముగ్ధుల్ని చేసేస్తుంది. వెలుగుతో పాటూ వినసొంపైన సంగీతాన్ని వినిపించడమే షాండ్లియర్స్‌ ప్రత్యేకత. గృహాలంకరణలో దీనికి ప్రాధాన్యం పెరిగిపోయింది. షాండ్లియర్స్‌ వినియోగం కొత్తమీ కాదు.. నిజాం నవాబుల కాలం నుంచే దీనికి ప్రాధాన్యత ఉంది. కానీ, తాజాగా స్మార్ట్‌ టెక్నాలజీతో వినూత్న రీతిలో, ఫీచర్లతో మార్కెట్‌లో హల్‌చల్‌ చేస్తున్నాయి.కలల గృహాన్ని మరింత అందంగా తీర్చిదిద్దేందుకు నగరవాసులు ఎంతైనా ఖర్చు చేస్తున్నారు. ఈక్రమంలో ఇంట్లో విద్యుత్తు వెలుగులకు ప్రాధాన్యత సంతరించుకుంటోంది. కళ్లు మిరిమిట్లుగొలిపే షాండ్లియర్స్‌ను ఎంపిక చేసుకుంటున్నారు. ప్రస్తుతం నగరంలో 5 అడుగుల నుంచి 7 అడుగుల ఎత్తు గల షాండ్లియర్స్‌ ఎక్కువ అమ్ముడవుతున్నాయి. షాండ్లియర్స్‌ రూ.5 వేల నుంచ రూ.50 లక్షల వరకు అందుబాటులో ఉన్నాయి. ఇందులోని విద్యుత్తు దీపాలను రిమోట్, సెన్సార్‌ సిస్టం, మొబైల్‌ ఆపరేటింగ్‌ సిస్టం, మాన్యువల్‌గాను ఆపరేట్‌ చేయవచ్చు.వినియోగం పెరిగింది..డూప్లెక్స్‌ హౌస్‌ కట్టుకుంటున్న ప్రతి కుటుంబం షాండ్లియర్స్‌ను వినియోగిస్తున్నారు. ఉన్నత స్థాయి కుటుంబాలు, స్టార్‌ హోటల్స్, లగ్జరీ లైఫ్‌లో షాండ్లియర్‌ తప్పనిసరి అయ్యింది. కొత్తకొత్త మోడల్స్‌ కోరుకుంటున్నారు. రూ.లక్ష నుంచి షాండ్లియర్స్‌ అందుబాటులో ఉంటాయి. కె9 క్రిస్టల్, ఏక్రలిక్, సిరామిక్, వంటివి ఎక్కువ మంది అడుగుతున్నారు. ఇప్పుడు నెలకు కనీసం 100 వరకు సరఫరా చేస్తున్నాం. అత్యాధునిక కలెక్షన్స్, వస్తువులో నాణ్యత, వినియోగదారుడికి సమస్య వచ్చినప్పుడు మేం అందించే సేవలు మాకంటూ మార్కెట్‌లో ప్రత్యేక గుర్తింపు తెచ్చిపెట్టాయి. జీవితకాలం సరీ్వస్‌ ఇస్తున్నాం.– రిషబ్‌ తివారీ, లైట్స్‌ లైబ్రరీ, మాదాపూర్‌విదేశాల నుంచి దిగుమతి..షాండ్లియర్స్‌ తయారీలో వినియోగించే ముడిసరుకును మలేషియా, ఇటలీ, చైనా, సింగపూర్, ఈజిప్టు, మన దేశంలోని ఢిల్లీ, ముంబై తదితర ప్రదేశాల నుంచి దిగుమతి చేసుకుంటున్నారు. హైదరాబాద్‌లో ప్రధానంగా మాదాపూర్, బేగంబజార్, కోటి, ఉస్మాన్‌గంజ్‌ తదితర ప్రాంతాలు షాండ్లియర్స్‌కు కేరాఫ్‌ అడ్రస్‌గా కనిపిస్తున్నాయి. మొరాకిన్, ఇండియన్, యాంటిక్, నిజాంలు వినియోగించిన రస్టిక్‌ తదితర మోడల్స్‌కు ఇక్కడ మంచి ఆదరణ ఉంది. మనసు ప్రశాంతంగా..క్రిస్టల్‌ మేడ్‌ షాండ్లియర్‌ తీసుకున్నాను. రూ.7 లక్షలు అయ్యింది. ఎన్నో పనులపై బయట తిరిగి ఇంటికి చేరుకున్నాక సోఫాలో కూర్చుని షాండ్లియర్‌ నుంచి వచ్చే డిఫరెంట్‌ లైటింగ్, మనసుకు నచ్చిన పాటలు చిన్నగా సౌండ్‌ పెట్టుకుని వింటాను. మనసుకు ప్రశాంతంగా ఉంటుంది. ఒకరకంగా షాండ్లియర్‌ ఒత్తిడిని తగ్గిస్తుందనడంలో ఎలాంటి సందేహం లేదు.– టి.ప్రణీత్‌రెడ్డి, హైదరాబాద్‌

ఇంట్లో పెద్దవాళ్లు ఎవరైనా మరణిస్తే వారు వాడిన వస్తువులను జ్ఞాపకంగా భద్రపరచుకుంటాం. కొందరు ఆ వస్తువులు ఎందుకులే అని ఎవరికైనా ఇవ్వటమో.. అమ్మేయడమో చేస్తుంటారు. మీరట్‌కు చెందిన సురభి యాదవ్‌ మాత్రం తన అత్తగారు మరణించాక ఆమె గుర్తుగా ఉన్న వస్తువులను ఉపయోగంలోకి తెచ్చి, వాటికి తిరిగి జీవం పోయాలనుకుంది. అత్తగారి జ్ఞాపకాలుగా మిగిలిన వస్తువుల్లో 300 రకాల మొక్కలను పెంచుతూ.. ఇంటికి కొత్త కళను తీసుకొచ్చింది. ఆ వివరాలు ఆమె మాటల్లోనే..‘మా అత్తగారు కోవిడ్‌ సెకండ్‌ వేవ్‌లో పోయారు. ఆవిడ లేని మా ఇల్లు కళ కోల్పోయినట్టు.. దిగులుగా అనిపించేది. ఇంట్లో మా అత్తగారు ఉపయోగించినవి, ఆమె సేకరించిన పాత్రలు చాలా ఉన్నాయి.అవి ఆమె 30ఏళ్ల కష్టానికి ప్రతీకలు. ఆవిడ జ్ఞాపకాలు. వాటికి కొత్తరూపం ఇచ్చి రోజువారీ వాడకంలోకి తెస్తే ఆవిడ మా మధ్య తిరిగినట్టే ఉంటుంది కదా.. ఎప్పటిలాగే ఇల్లు కళకళలాడుతుంది కదా అనిపించింది. అంతేకాదు దానివల్ల ఎంతోకొంత పర్యావరణానికి మా వంతు సాయం చేసినట్టవుతుంది అనిపించింది. అందుకే మా అత్తగారి కాలంనాటి సీసాలు, పాత్రలు, లాంతర్లు, ఫ్యాన్‌.. వంటివాటిని అందమైన ప్లాంటర్స్‌గా మార్చాను. నాకు ఎంతో ఊరట కలిగింది. ఒక అవగాహనా వచ్చింది.దాంతో మిగిలిన వస్తువుల్లో కొన్నిటిని అందమైన బొమ్మలుగా మార్చాను. ఇంకొన్నిట్లో మొక్కలను పెంచడం మొదలుపెట్టాను. ఇప్పుడు మా టెర్రస్‌ గార్డెన్‌లో పూలు, కూరగాయలు సహా 300 రకాల మొక్కలున్నాయి. నేనేం పెద్ద గార్డెనర్‌ని కాదు. నాకు తోచినట్టుగా ఓ చిన్నతోటతో మా అత్తగారి ప్రపంచాన్ని సజీవంగా మార్చేశాను!’ అని చెబుతుంది సురభి యాదవ్‌.

చలికాలం పొద్దు తగ్గుతుంది. వాతావరణం డల్‌గా మారుతుంది. ఆ దిగులు ఇంటికీ చేరుతుంది. ఇంట్లో వాళ్ల ఉత్సాహాన్ని తగ్గిస్తుంది. సో.. కాలాన్ని బట్టి దుస్తులే కాదు ఇంటి అలంకరణనూ మార్చాలి.. హుషారురేకెత్తించేలా.. ఇలా.. ►చీకటి మూలలను బ్రైట్‌ చేసేయాలి. అందుకు ఫ్లోర్‌ ల్యాంప్‌లు ఎంతగానో ఉపయోగపడతాయి. ఉల్లాసం.. ఉత్సాహం కోసం ఇండోర్‌ మొక్కల అలంకరణ తప్పనిసరి. ► అల్లికలతో ఉన్న బెడ్‌షీట్స్, దిండు కవర్లు శీతాకాలాన్ని బ్రైట్‌గా మార్చేస్తాయి. అలాగే వెచ్చదనం కావాలన్నా.. విలాసంగా కనిపించాలన్నా.. వెల్వెట్‌ క్లాత్స్, సాఫ్ట్‌  ఫర్‌ ఉండే పిల్లోస్‌ బాగా ఉపయోగపడతాయి. ► సహజమైన కాంతి కోసం.. ఖాళీగా ఉన్న గోడపైన పెద్ద నిలువుటద్దాన్ని వేలాడదీయాలి. ఫ్రేమ్‌కి ఆకట్టుకునే రంగును వేయడం ద్వారా అద్దాన్ని అందంగా మార్చేయవచ్చు. దీని వల్ల ఇల్లు విశాలంగా, కాంతిమతంగానూ కనిపిస్తుంది.  ► వింటర్‌ ఫ్యాషన్‌లాగానే వింటర్‌ హోమ్‌ డెకరేటింగ్‌ని ఫాలో అవ్వాల్సిందే. కుర్చీలను స్లిప్‌ కవర్లతో కవర్‌ చేయడం ద్వారా డైనింగ్‌ రూమ్‌కి వెచ్చదనాన్ని తీసుకురావచ్చు. ► విండోస్‌కి మందపాటి కర్టెన్లు వేసి, షీర్‌ డ్రేపరీలతో భర్తీ చేయవచ్చు. దీని వల్ల ఉష్ణోగ్రతలు పడిపోయినా వెచ్చదనం ఉంటుంది. ►  శీతాకాలపు సువాసనల్లో సుగంధ ద్రవ్యాల పాత్ర అమోఘం. ముఖ్యంగా దాల్చిన చెక్క సువాసన వింటర్‌ని ఉత్సాహంగా మారుస్తుంది. సుగంధ పరిమళాల డ్రై ఫ్లవర్‌ బాస్కెట్‌ని అమర్చుకోవచ్చు. సెంటెడ్‌ క్యాండిల్స్‌ కూడా ఉల్లాసంగా ఉంచుతాయి.

వందే భారత్‌ ఎక్స్‌ప్రెస్‌ వచ్చిన తరువాత చాలా ప్రాంతాల మధ్య దూరం తగ్గిపోయింది. కానీ టికెట్‌ ఖరీదు కాస్త ఎక్కువగా ఉండడంతో కొంతమంది దాని దరిదాపుల్లోకి కూడా వెళ్లడం లేదు. ఇలా వందేభారత్‌కు దూరంగా ఉన్న గ్రామానికి వందే భారత్‌ ఎక్స్‌ప్రెస్‌ను తీసుకొచ్చి అబ్బుర పరుస్తోంది పూర్ణిమా ముర్ము. అవును మీరు కరెక్ట్‌గానే చదివారు. మారుమూల గ్రామానికి వందే భారత్‌ను తీసుకొచ్చి అందర్నీ ఆశ్చర్యపరుస్తోంది పూర్ణిమ. జార్ఖండ్‌లోని జంషెడ్‌పూర్‌కు పక్కనే ఉన్న ఓ గ్రామం పేరు జొండరాగోడ. ఈ గ్రామానికి చెందిన విద్యార్థే పూర్ణిమా ముర్ము. గిరిజనులు ఎక్కువ ఉండే ఈప్రాంతంలో దీపావళి సమయంలోనే సోహ్రాయ్‌ పండుగను ఎంతో వేడుకగా జరుపుకుంటారు. దీపావళి రెండో రోజున జరుపుకునే ఈ పండక్కి గిరిజనులంతా... తమ మట్టి ఇళ్లను శుభ్రం చేసి, రకరకాల సాంప్రదాయ డిజైన్లతో పెయింట్‌ వేస్తారు. ఈ సందర్భాన్ని పురస్కరించుకుని పూర్ణిమ తన ఇంటిని వందే భారత్‌ చిత్రంతో నింపేసింది. మట్టింటికి ముచ్చటగా.. గ్రామంలో ఎంతో సంతోషంగా ఆర్భాటంగా జరుపుకునే పండగను మరింత బాగా జరుపుకోవాలన్న ఉద్ధేశ్యంతో హైస్పీడ్‌ ట్రైన్‌తో ఇంటిని అలంకరించాలనుకుంది పూర్ణిమ. గ్రామవాసులు సహజసిద్ధ పదార్థాలతో తయారు చేసే రంగుల నుంచి.. తెలుపు, నీలం, నల్లరంగులు తీసుకుని ఇంటి గోడపైన వందేభారత్‌ రైలు బొమ్మను చక్కగా చిత్రించింది. రైలు బొమ్మ ఆకర్షణీయంగా ఉండడంతో గ్రామస్థులు పూర్ణిమ ఇంటిని చూసేందుకు ఎగబడుతున్నారు. ‘‘గ్రామంలోని చాలామందికి ‘వందేభారత్‌ రైలు’ ఎలా ఉంటుందో తెలియదు. దీని గురించి వినడమేగాని చూసింది లేదు. అందుకే అందరికీ వందేభారత్‌ను పరిచయం చేయాలన్న ఉద్దేశ్యంతో రైలు బొమ్మను చిత్రించాను. నిజానికి నేను కూడా ఇప్పటిదాకా వందేభారత్‌ చూసింది లేదు. ఫోన్‌లో వందేభారత్‌ బొమ్మను చూసి గీశాను. అచ్చం వందేభారత్‌ను పోలి ఉండడంతో నా పెయింటింగ్‌ గురించి తెలిసిన వారంతా చూడడానికి వస్తున్నారు. రైలు పెయింటింగ్‌ వేసిన తరువాత ఇంట్లో ఉన్నట్టుగా గాక, ట్రైన్‌లో ఉన్నట్టు ఉంది’’ అని సంతోషంగా చెబుతోంది పూర్ణిమ. వేడుకల్లో వందేభారత్‌ రైలు ప్రత్యేక ఆకర్షణగా నిలుస్తోంది. ఈ పెయింటింగ్‌ను చూసిన గ్రామస్థులంతా.. ‘‘మేమయితే ఇంతవరకు ఈ రైలు ఎక్కలేదు. కనీసం ఇలాగైనా చూడగలుగుతున్నాం. వందే భారత్‌ను పూర్ణిమ చక్కగా వేసింది’’ అని మెచ్చుకుంటున్నారు. పిల్లలైతే కొత్త రైలు తమ ఊరు వచ్చిందని తెగ సంబరపడిపోతున్నారు.

అరకొర ఆర్థిక పరిస్థితులు బాల్యాన్ని సర్దుకు పొమ్మన్నాయి. ఏమీ తెలియని పసిమనసు కూడా పరిస్థితులకు తలొంచక తప్పలేదు. తన వయసుతో పాటు కుటుంబ ఆర్థికభారం పెరిగిపోతుంటే చూడలేకపోయింది. డిగ్రీలోనే సంపాదనకు నడుం బిగించి, 28 ఏళ్లకే సక్సెస్‌పుల్‌ ఎంట్రప్రెన్యూర్‌గా రాణిస్తోంది ప్రాచీ భాటియా. ఘజియాబాద్‌కు చెందిన ప్రాచీ భాటియా దిగువ మధ్యతరగతి కుటుంబంలో పుట్టింది. తండ్రి జర్నలిస్టు, తల్లి గృహిణి. తండ్రికొచ్చే కొద్దిపాటి ఆదాయమే కుటుంబానికి ఆధారం.  ఆ ఆదాయం ఏమూలకూ సరిపోయేది కాదు. ప్రాచీ స్కూలు ఫీజులు కట్టడం కూడా చాలా కష్టంగా ఉండేది. ఎప్పుడూ స్కూల్లో అందరికంటే ఆలస్యంగా ఫీజు చెల్లించేవారు. ఇంతటి గడ్డు పరిస్థితుల్లో సైతం ఇంటర్మీడియట్‌ పూర్తిచేసిన ప్రాచీ ... తనకెంతో ఇష్టమైన డిజైనింగ్‌ డిగ్రీ చేయాలనుకుంది. అనుకున్నట్టుగానే ఢిల్లీ నేషనల్‌ ఇన్‌స్టిట్యూట్‌ ఆఫ్‌ ఫ్యాషన్‌ టెక్నాలజీ (ఎన్‌ఐఎఫ్‌టీ) లో సీటు సంపాదించింది. కానీ అక్కడ హాస్టల్‌ ఫీజు, ఇతర ఖర్చులకు డబ్బులు లేక ఎన్‌ఐఎఫ్‌టీలో చేరలేదు. గురుగామ్‌లోని జీడీ గోయెంకా యూనివర్శిటీలో చేరింది. ► సంపాదిస్తూనే కాలేజీ టాపర్‌ అతి కష్టంమీద డిగ్రీలో చేరిన ప్రాచీ.. ఒకపక్క చదువుకుంటూనే మరోపక్క చిన్న వ్యాపారం ప్రారంభించింది. కుటుంబానికి ఆర్థి కంగా సాయపడేందుకు.. గిఫ్ట్స్‌ తయారు చేసి విక్రయించేది. ఫొటో ఆల్బమ్స్, ఫొటో ప్రింటెడ్‌ ల్యాంప్స్, హ్యాండ్‌మేడ్‌ కార్డ్స్, రోజెస్‌ వంటివి తయారు చేసి ఫేస్‌బుక్‌ పేజీలో పోస్టు చేసేది. ఇలా విక్రయిస్తూ నెలకు ఐదువేల రూపాయల దాకా సంపాదించేది. వాటిలో కొంత ఇంట్లో ఇచ్చి మిగతావి దాచుకునేది. ఆర్ట్స్, క్రాఫ్ట్స్‌ మీద ఆసక్తి ఉండడంతో సర్టిఫికెట్‌ కోర్సులు చేసేది. మరోపక్క డిగ్రీ చదువుతూ వచ్చే స్కాలర్‌షిప్‌తో తన ఎడ్యుకేషన్‌ లోన్‌ కట్టేది. ఇవన్నీ చేస్తూ కూడా డిగ్రీలో కాలేజ్‌ టాపర్‌గా నిలిచింది ప్రాచీ. ► ఎంప్లాయీ నుంచి ఎంట్రప్రెన్యూర్‌గా డిగ్రీ పూర్తవగానే ప్రాచీ గురుగామ్‌లోని ఓ ఎక్స్‌పోర్ట్స్‌ కంపెనీలో అసిస్టెంట్‌ డిజైనర్‌గా చేరింది. కొన్నాళ్లు పనిచేశాక.. మరో బహుళ జాతి కంపెనీలో డిజైనర్‌గా ఉద్యోగావకాశం వచ్చింది. అందులోచేరిన కొద్దిరోజులకే ‘‘ఒకరి కింద నేనెందుకు పనిచేయాలి? నేనే ఏదైనా కొత్తగా ప్రారంభించవచ్చు కదా!’’ అనుకుని వెంటనే ఉద్యోగం వదిలేసింది. అప్పటిదాకా  చేసిన ఉద్యోగ అనుభవ పాఠాలతో 24 ఏళ్ల వయసులో సొంతంగా ‘చౌఖట్‌’ పేరిట హోండెకార్‌ బ్రాండ్‌ను స్థాపించింది. అప్పటివరకు దాచుకున్న లక్ష రూపాయలను పెట్టుబడిగా పెట్టి.. ఇంటి అలంకరణలో ఉపయోగించే∙ఉత్పత్తులను పేపర్‌ మీద డిజైన్‌ చేసి, మొరాదాబాద్, జైపూర్, నోయిడాలలోని కళాకారులతో రకరకాల కళాఖండాలను తయారు చేయించేది. తయారైన ఉత్పత్తులను ఫోటోషూట్‌ చేసి తన సొంత వెబ్‌సైట్‌లో పెట్టి విక్రయించడం మొదలు పెట్టింది. విక్రయాలు కాస్త మందకొడిగా ఉండడంతో.. ఫేస్‌బుక్, ఇన్‌స్టాగ్రామ్‌లలో ప్రకటనలు ఇచ్చింది. వీటిద్వారా చౌఖట్‌కు గుర్తింపు రావడంతో వ్యాపారం ఊపందుకుంది. దీంతో తన మార్కెటింగ్‌ బడ్జెట్‌ నెలకు యాభైవేలకు చేరింది. తొలిఏడాది మూడు లక్షలు, రెండో ఏడాది పదకొండు లక్షలు. దురదృష్టవశాత్తూ మూడో ఏడాది కరోనా కారణంగా ఆశించినంత ఆదాయం రాలేదు. దాంతో ప్రాచీ తన ఐడియాలతో వ్యాపారం పుంజుకునేలా చేయడంతో... గతేడాది (నాలుగో సంవత్సరం) ఒక్కసారిగా 35.5 లక్షలకు చేరింది. ఐదు వందల నుంచి ఇరవై వేల రూపాయల ధరల్లో ఉన్న 70 రకాల ఛౌఖట్‌ ఉత్పత్తులకు దేశవ్యాప్తంగా ఆర్డర్లు వస్తున్నాయి. తను డిజైన్‌ చేసిన వస్తువులను స్కూటీ మీద మోసుకెళ్లిన ప్రాచీ ఇటీవలే తన సొంత డబ్బులతో కారు కొనుక్కుంది. ► రాయి శిల్పంగా మారినట్టు.. ‘‘నేను నడిచిన దారిలో అనేక బెదిరింపులు, వయసు వివక్షలు వంటి అనేక ఇబ్బందులు, సమస్యలు, ఒత్తిళ్లు ఎదురయ్యేవి. అయితే ఉలి దెబ్బలకు రాయి శిల్పంగా మారినట్లు వీటన్నింటిని భరిస్తూనే ఈ స్థాయికి వచ్చాను. భవిష్యత్‌లో చౌఖట్‌ టర్నోవర్‌ను నాలుగు వందల కోట్లకు తీసుకెళ్లాలి. ఇంటి అలంకరణ వస్తువులు కావాలంటే కస్టమర్లు నా చౌఖట్‌ను ఎంచుకునే స్థాయికి ఎదుగుతాను’’ అని ప్రాచీ సగర్వంగా చెబుతోంది.

ఒత్తిడిగా ఉన్నప్పుడు, ప్రశాంతత కావాలనుకున్నప్పుడు ప్రకృతికి దగ్గరగా ఉండాలన్న ఆరాటం పెరుగుతుంది. ఇంటి వాతావరణాన్నే అలా మార్చుకుంటే అనే ఆలోచన వస్తుంది. అలా ప్రకృతి ఇంటి అలంకరణలో భాగమై నేచురల్‌ థీమ్‌గా ఇలా సెటిల్‌ అయింది.   పెద్ద పెద్ద బ్రాండ్లు ప్రకృతిని మరిపించే వస్తువులను తయారుచేయడానికి ప్రపంచ ప్రసిద్ధ కంపెనీలు ముందుకు వస్తున్నాయి. మన దేశీ వస్తువులు కూడా ‘మేడ్‌ ఇన్‌ ఇండియా’ ట్యాగ్‌తో హుందాగా ప్రపంచ మార్కెట్లో దర్శనమిస్తున్నాయి.  కళాత్మక వస్తువులు రాజస్థాన్, జైపూర్‌ కళాకృతులు గ్లోబల్‌ ట్రెండ్‌గా ఆకట్టుకుంటున్నాయి. వీటి నుంచి కొత్త తరహా డిజైన్లనూ సృష్టిస్తున్నారు. కుషన్‌ కవర్లు, క్విల్ట్‌లు, టెర్రకోట వస్తువులు, బ్యాగ్‌లు, ఖరీదైన బొమ్మలు, సిరామిక్స్, కర్ర, మెటల్‌.. ఇలా ఇల్లు, వంటగది, తోట కోసం కళాఖండాల సేకరణ ఊపందుకుంటోంది. విషయమైన పింక్‌లే బ్రాండ్‌ సృష్టికర్త తన్వానీ మాట్లాడుతూ ‘మా కంపెనీ హోమ్‌ మేడ్‌ వస్తువుల తయారీని ఏడేళ్ల కిందటే మొదలుపెట్టింది. నాటి నుంచి ఏనాడూ వెనుదిరిగి చూసుకోనంత ముందుకు వెళ్తోంది’ అని చెబుతుంది. ఆన్‌లైన్‌లో నేచర్‌.. గతంతో పోల్చితే ప్రకృతి సిద్ధమైన వాటితో తయారైన వస్తువులను ఆన్‌లైన్‌ ద్వారా తెప్పించుకోవడానికి వినియోగదారులు ఎక్కువ శాతం ఉత్సాహం చూపుతున్నట్టు నివేదికలు తెలుపుతున్నాయి. వీటిలో బ్రాండ్‌ కన్నా ఆ వస్తువు కళాత్మకతపైనే ఎక్కువ దృష్టి పెడుతున్నట్టూ తెలుస్తోంది.  ఖరీదైన వస్తువుగా! ‘సరసమైన ధరలకే సస్టైనబుల్‌ ఫర్నిషింగ్‌ను సృష్టించడం మా లక్ష్యం’ అంటున్నారు బెంగుళూరులో ది ఎల్లో డ్వెల్లింగ్‌ కంపెనీ అధినేత అభినయ సుందరమూర్తి. పత్తి, నార, గడ్డి, వెదురు వంటి సహజమైనవాటిని ఉపయోగించి ఫంక్షనల్‌ హోమ్‌ డెకర్‌ ఉత్పత్తులను రూపొందిస్తోందీ కంపెనీ. ఔట్‌డోర్, బాల్కనీలను డిజైన్‌ చేయడానికి మంచి శిల్పాలు, వెదురుతో చేసిన వస్తువులను అమర్చుతున్నారు.  చదవండి: Samantha: దేవనాగరి చీరలో సమంత! సంపన్నుల బ్రాండ్‌.. కోటి రూపాయల విలువైన ఫ్రేమ్స్‌ కూడా..! Pratiksha Soni: మహాత్ముడే మాకు ఉపాధి కల్పించాడు.. బాపూజీ బాటలో..

పండగను ప్రత్యేకంగా జరుపుకోవాలనే తపన అందరిలోనూ ఉంటుంది. అందుకు తగినట్టుగా ఇంటి అలంకరణను ఎంచుకుంటారు. అయితే, పండగ కళ అందరికన్నా బాగా కనపడాలని కోరుకునేవారికి డెకార్‌ నిపుణులు ఈ సూచనలు చేస్తున్నారు.  ఫ్యాబ్రిక్‌తో డిజైన్‌..  కర్టెన్లు, చీరలు, దుపట్టాలు లేదా ఏదైనా ఫాబ్రిక్‌ని ఉపయోగించి మీ లివింగ్‌రూమ్‌ని అందంగా మార్చుకోవచ్చు. ఇందుకు పండగ థీమ్‌తో బాగా సరియే డిజైన్‌ లేదా ప్రింట్‌ని ఎంచుకోవాలి. రంగవల్లికలైనా, ఇంటి అలంకరణలో డిజైన్‌ని మెరుగుపరచడానికైనా పువ్వులు, లైటింగ్‌ ఎంపికలు, బెలూన్‌ లను వాడచ్చు.  గాలిపటం గాలిపటాలు ఎగురవేసిన జ్ఞాపకాలు మీలో ఉండే ఉంటాయి. అయితే, గాలిపటాలు ఎగురవేయడాన్ని మీ ఇంటి వెలుపలికి ఎందుకు పరిమితం చేయాలి? ఈసారి ఇంటిని పండగ కళ నింపేలా ఒక వాల్‌ని పతంగులతో అలంకరించండి.  ఆకులతో.. భోగి, సంక్రాంతి శ్రేయస్సుకు వేడుకలు. అందుకే ప్రధాన రంగు ఆకుపచ్చ తప్పక ఉంటుంది. మామిడి ఆకులు పొంగల్‌ వేడుకలలో అత్యంత ముఖ్యమైన అంశాలలో ఒకటి. వీటిని మీ ద్వారం వద్ద వేలాడదీయచ్చు. మామిడి ఆకులు శుభప్రదానికి, సంతోషానికి సూచికలు. పర్యావరణ అనుకూలమైనవి. మామిడి ఆకులు, ఇతర పువ్వులతో కలిపి చేసే అలంకరణ కూడా చూడముచ్చటగా ఉంటుంది.  వెదురు బుట్టలు కొన్నిరకాల చిన్న చిన్న బుట్టలను ఎంపిక చేసుకోవాలి. వాటి చివర్లను పువ్వులు లేదా ఇతర టాసిల్స్‌తో జత చేయాలి. వాటిని గొడుగులా ఔట్‌ డోర్‌ లేదా బాల్కనీ ఏరియాలో వేలాడదీయవచ్చు.   తక్కువ బడ్జెట్‌ అలంకరణకు తక్కువ బడ్జెట్‌లో పర్యావరణకు అనుకూలమైనవి, తిరిగి భద్రపరుచుకునేవి ఎంపిక చేసుకుంటే పండగ సంబరం మరింత పెరుగుతుంది. ఇందుకు ఖరీదైన వస్తువులను కొనడం అవసరం లేదు. ప్రాథమిక అలంకరణలపై దృష్టి పెడితే చాలు. వాటిలో...  స్కాచ్‌ టేప్, సేఫ్టీ పిన్స్‌ లేదా అతికించడానికి గ్లూ, కట్టర్‌ లేదా కత్తెర వంటివి సిద్ధం చేసుకోవాలి.  ప్రతి ప్రయత్నమూ మిమ్మల్ని విసిగిస్తే సింపుల్‌గా బెలూన్లను ఎంపిక చేసుకోవచ్చు. వీటి నిర్వహణ కూడా పెద్ద కష్టం కాదు. రంగు రంగుల బెలూన్లు రెండు మూడు కలిపి, గుచ్చంలా వాల్‌కి ఒక్కో చోట అతికించవచ్చు. లేదా హ్యాంగ్‌ చేయవచ్చు.   ప్రతి పూజలో పువ్వులు ముఖ్యమైన భాగం. కాబట్టి, మీ ఇంటికి కొన్ని తాజాపూలను ముందుగానే కొనుగోలు చేయండి. పూలతో ఎన్ని అలంకరణలైనా చేయచ్చు.  పండుగలలో ఏదైనా తీపిని తినడం మంచి శకునంగా భావిస్తారు. అలాగే, స్వయంగా చేసినవైనా, కొనుగోలు చేసినవైనా కొన్ని రకాల తీపి పదార్థాలను అందుబాటులో ఉంచాలి.  పండగ సమయాల్లో ప్రకాశంతమైన రంగు దుస్తులు బాగుంటాయి. వాటిలో మంచి పచ్చ, పసుపు, మెరూన్, పింక్‌.. ఎంచుకోవాలి. (క్లిక్ చేయండి: పండగ రోజు ట్రెడిషనల్‌ లుక్‌ కోసం ఇలా చేయండి..)

Ganesh Chaturthi- Decoration Ideas: వినాయక చవితికి గణేష్‌ మూర్తిని పెట్టే చోట, ప్రతిమకు వెనుకవైపు మండపంలా అనిపించే అలంకరణ ఎలా ఉండాలో ఇప్పటికే ఓ ఆలోచన చేసి ఉంటారు. వాటిలో గ్రాండ్‌గా కనిపించేవే కాదు, సింపుల్‌గానూ, సూపర్బ్‌గానూ అనిపించే అలంకరణలూ ఉన్నాయి. పూల దారాలు.. పువ్వుల దండలు నాలుగు లైన్లుగా అమర్చి సెట్‌ చేసినా చాలు అలంకరణకు ఒక రూపం వస్తుంది. అయితే, వీటికి ఏ విధమైన పూలు వాడాలో కూడా తెలిసి ఉండాలి. బయటి మండపాల్లో అయితే పెద్ద పెద్ద దండలతో అలంకరిస్తారు. ఇంట్లో చిన్న ప్లేస్‌ ఉంటుంది కాబట్టి కార్నర్‌ ఏరియాను ఎంచుకోవాలి. త్వరగా వాడిపోనివి, బరువు లేని పూలను వాడడం ఉత్తమం.  హ్యాంగింగ్స్‌  కాగితాలను తామర, గులాబీ రూపు వచ్చేలా కత్తిరించాలి. దారానికి సెట్‌ చేస్తూ, మధ్య మధ్య పూసలతో అలంకరించవచ్చు. రెండు నుంచి ఎన్ని వరుసలైనా డిజైన్‌ చేసుకోవచ్చు. గట్టి అట్టముక్కలతో చేసిన ఈ హ్యాంగింగ్స్‌ ఆన్‌లైన్‌ లేదా మార్కెట్‌లోనూ అందుబాటులో ఉంటున్నాయి. బ్యాక్‌ డ్రాప్‌ అలంకరణలో వీటిని ఎంచుకోవచ్చు.  బ్రాస్‌ బెల్స్‌ ఇవి కొంచెం ఖరీదు ఎక్కువ. కానీ, ఎప్పుడైనా హస్తకళల ఎగ్జిబిషన్స్, ఏదైనా ప్రత్యేక సందర్శనీయ స్థలాలకు వెళ్లినప్పుడు ఇలాంటి బ్రాస్‌ హ్యాంగింగ్స్‌ను కొనుగోలు చేయొచ్చు. దేవతా మూర్తులు, చిహ్నాలతో ఉన్న హ్యాంగర్స్‌ను బ్యాక్‌ డ్రాప్‌ అలంకరణలో ఉపయోగిస్తే ఆధ్యాత్మిక భావన వెల్లివిరుస్తుంది.  మిర్రర్‌ వర్క్‌ హ్యాండ్‌ ఎంబ్రాయిడరీ చేసిన స్టార్‌ షేప్‌ క్లాత్స్, ప్యాచ్‌ వర్క్, అద్దాలతో కుట్టిన హ్యాంగర్స్‌ ప్రత్యేక కళతో ఆకట్టుకుంటాయి. వీటిని కూడా బ్యాక్‌ డ్రాప్‌ అలంకరణకు వాడవచ్చు. కళాత్మకమైన ఇలాంటి అలంకరణ కావాలనుకుంటే రాజస్థానీ, గుజరాతీ ట్రైబల్‌ ఎంబ్రాయిడరీతో దొరికే హ్యాంగింగ్స్‌ను కొనుగోలు చేయవచ్చు. ఆసక్తి సొంతంగానూ తయారుచేసుకోవచ్చు.  ముగ్గుల అలంకరణ ఒక ప్లెయిన్‌ క్లాత్‌ లేదా రంగు పేపర్‌పైన మెలికల ముగ్గు (కోలమ్‌)ను డిజైన్‌ చేసుకుని, బ్యాక్‌ డ్రాప్‌గా వాడితే చాలు ఏ ఇతర అలంకరణ అక్కర్లేదనిపిస్తుంది. ఈ ముగ్గు కనిపించేలా పువ్వుల దండ వేలాడదీస్తే  వ్రతం, వేడుక చేసే స్థలం అందంగా మారిపోతుంది. ఇలాంటి అలంకరణలో చూపే ఏ చిన్న సృజనాత్మకతైనా చూపరులను మళ్ళీ మళ్లీ వెనక్కి తిరిగి చూసేలా చేస్తుంది. చదవండి: Ganesh Chaturthi- Palavelli: వినాయక చవితి.. ఇంతకీ పాలవెల్లిని ఎందుకు కడతారంటే!   Ganesh Chaturthi 2022: వరసిద్ధి వినాయక పూజ, విఘ్నేశ్వరుని కథ.. పూర్తి పూజా విధానం

ఇంటి కళ పెరగడంలో గోడల రంగులు, ఫర్నిచర్‌ మాత్రమే కాదు చిన్న చిన్న వస్తువులు కూడా ముఖ్య పాత్ర పోషిస్తాయి. వాటిలో ప్రధానంగా చెప్పుకోదగినవి కుషన్స్‌. ఇల్లు క్యాజువల్‌గా ఉండాలా, లేక పండగ వేళ కళ రెట్టింపు అవ్వాలా అంటే.. సింపుల్‌ చిట్కా అందమైన కుషన్స్‌తో సోఫా లేదా చెయిర్స్‌ను అలంకరించడం.  కుషన్స్‌ కోసం అదనంగా ఖర్చు పెట్టాలా అని ఆలోచించనక్కర్లేదు. ఇంట్లో ఇప్పటికే ఉన్న పాత కుషన్స్‌కి కొత్త కవర్స్‌ వేసేస్తే సరి. ఈ కవర్స్‌ని కూడా ఎవరికి వారు స్వయంగా డిజైన్‌ చేసుకోవచ్చు కూడా.  బ్రొకేడ్‌ సిల్క్‌ కవర్స్‌ జరీతో ఉన్న ఏ క్లాత్‌తోనైనా కుషన్‌ కవర్స్‌ని కుట్టొచ్చు లేదా బడ్జెట్‌ను బట్టి కొనుగోలు చేయవచ్చు. ఇవి పండగ వేళ ప్రత్యేకమైన శోభను తీసుకువస్తాయి.  అమ్మ చీర చెంగే కవర్‌ అమ్మ పాత చీరలను కుషన్‌ కవర్లుగా మార్చేయవచ్చు. కొన్ని చీరలు కొని కట్టకుండా పక్కన పెట్టేస్తుంటాం. లేదంటే, ఎవరైనా కానుకగా ఇచ్చిన చీరలు నచ్చక, అవి అల్మరాలో అడుగుకు చేరి ఉంటాయి. వీటిలో జరీ అంచు ఉన్న చీరలను కుషన్‌ కవర్స్‌గా మార్చుకుంటే ఉపయోగంగానూ, కళగానూ ఉంటాయి. అంతే కాదు, అమ్మ ప్రేమ కుషన్‌ కవర్లపై మరింత ఆకర్షణీయంగా అమరిపోతుంది. పెయింటింగ్‌ కవర్‌ ఇది కొంచెం కష్టంగానే అనిపిస్తుంది. కానీ, ప్రయత్నిస్తే సాధించలేనిదేమీ లేదు కాబట్టి ఏదైనా ఫ్యాబ్రిక్‌ పెయింట్‌ను ప్లెయిన్‌ కుషన్‌ కవర్‌మీద వేసి అలంకరించుకోవచ్చు. దీనితో మీ అభిరుచికీ ప్రశంసల వర్షం కురుస్తుంది.  కలంకారీ కవర్‌ కొన్నింటిని ఏ విధంగానూ మార్చేయాలనిపించదు. వాటిల్లో కలంకారీ ఆర్ట్‌ ఒకటి. కలంకారీ ప్రింట్‌ చీరలు ఉంటే వాటిని కుషన్‌ కవర్‌గా మార్చేసుకోవచ్చు.  అల్లికల కవర్‌ క్రోషెట్, ప్యాచ్‌ వర్క్‌ కుషన్‌ కవర్స్‌ కూడా ఎంబ్రాయిడరీ పనితనానికి పెట్టింది పేరు. వీటిని మీరుగా తయారుచేయలేకపోయినా ఎప్పుడైనా ఎగ్జిబిషన్స్‌కు వెళ్లిన ప్పుడు కొనుగోలు చేస్తే, వాటిని ప్రత్యేక సందర్భాలప్పుడు అలకంరించి లివింగ్‌ రూమ్‌కు కొత్త అందం తీసుకురావచ్చు.  రౌండ్‌ కుషన్‌ కవర్స్‌.. ఫ్లోర్‌ మీద వేసుకుని, కూచునే కుషన్స్‌ ఇప్పుడు మార్కెట్లో లభిస్తున్నాయి. వీటి కవర్లు మల్టీ కలర్‌తో ఉంటే గది అందం రెట్టింపు కాకుండా ఉండదు. ఇవి లివింగ్, డైనింగ్‌ హాల్‌కి అనువుగానూ, అట్రాక్షన్‌గానూ ఉంటాయి.  

రాబోయే రోజులన్నీ రీ సైక్లింగ్‌ డేసే. ఉన్నవాటిని పొదుపుగానే కాదు కళాత్మకంగా వాడుకునే నైపుణ్యాన్ని సొంతం చేసుకోవాలని గతానుభవాలు కళ్లకు కడుతున్నాయి. వాటిలో ఇంటిని శారీ‘కళ’తో ఇంపుగా తీర్చిదిద్దడం ప్రస్తుత ట్రెండ్‌. అది ఎలా శోభిల్లుతుందో చూద్దాం.. వాల్‌ డెకర్‌ ఎంబ్రాయిడరీ చేసే ఫ్రేమ్స్‌ మార్కెట్‌లో లభిస్తాయి. వీటికి మీ పాత చీరలను డిజైన్లను బట్టి ఎంచుకొని, వాటిపై ఉన్న ఎంబ్రాయిడరీ వర్క్‌ను కావల్సిన విధంగా కట్‌ చేసుకొని, ప్యాచ్‌ వర్క్‌ చేసుకోవచ్చు. ఈ ఫ్యాబ్రిక్‌ ఎంబ్రాయిడరీ ఫ్రేమ్స్‌ మీ ఇంటి వాల్‌ను ప్రత్యేకంగా మార్చేస్తాయి. ఎవరి అభిరుచిని బట్టి వారు ఫ్యాబ్రిక్‌ డిజైన్, కలర్‌ కాంబినేషన్స్‌ ఎంచుకోవచ్చు.  టేబుల్‌ మ్యాట్‌ ఉడెన్‌ లేదా గ్లాస్‌ టేబుళ్లు బోసిగా ఉంటే వాటిని చీర అంచులతో మెరిపించవచ్చు. సగం శారీని టేబుల్‌ కవర్‌గానూ, మిగతా భాగాన్ని ప్లేట్స్‌ పెట్టుకునే మ్యాట్స్‌గానూ డిజైన్‌ చేసుకోవచ్చు. డైనింగ్‌ టేబుల్‌ మాత్రమే కాదు సెంటర్‌ టేబుల్, సైడ్‌ టేబుల్‌ సోఫా కవర్‌గానూ జరీ అంచు చీరను అందంగా మలచవచ్చు. ఆ కళను కళ్లారా చూసుకోవచ్చు. ఇంటికి వచ్చిన అతిథుల మన్ననలూ పొందవచ్చు. కాటన్‌ ఇక్కత్‌ల కళ టేబుల్‌ మ్యాట్స్‌లో విశేషంగా ఆకట్టుకుంటున్న డిజైన్స్‌ ఇక్కత్‌ కాటన్‌ శారీతో రూపొందినవి. గ్లాస్‌ హోల్డర్స్, బౌల్‌ మ్యాట్స్‌గానూ తమకు నచ్చిన విధంగా క్రియేట్‌ చేసుకునే అవకాశాన్ని కలిగిస్తుంది చక్కటి ఈ ఫ్యాబ్రిక్‌.  కిటికీ తెరలు పాత జరీ అంచు చీరలు ఉంటే, వాటిని ఎవరికి ఇవ్వాలా అని ఆలోచించనక్కర్లేదు. చిన్నపాటి మార్పులతో విండోస్‌కి కర్టెన్స్‌గా వాడుకోవచ్చు. శారీ కొనుగోలు చేసిన సందర్భం లేక ఎవరైనా కానుకగా ఇచ్చుంటే ఆ జ్ఞాపకాలను గాలితో పాటు మోసుకొచ్చి మీ మనసును తడతాయి తెరలు తెరలుగా.  కుషన్‌ కవర్‌ మార్కెట్లో లభించే కవర్స్‌తోనే కుషన్స్‌ని అలంకరించాలని రూలేం లేదు. ఇప్పుడు జరీ చీరల కవర్లు కుషన్స్‌ని మరింత కళగా మార్చేస్తున్నాయి. వీటి మోతాదు ఎంత ఎక్కువ ఉంటే ఇంట్లో ఆ కళాత్మకత అంతగా పెరుగుతందనేది నేటి హోమ్‌ డెకర్‌ లవర్స్‌ మాట.  

ఇంటిని డిజైన్‌ చేయడానికి అనేక మార్గాలు ఉన్నాయి. వాటిలో పూసల ఆభరణాలు ఒకటి. రంగురంగుల పూసలతో సాధారణంగా కనిపించే టేబుల్‌ని అందంగా అలంకరించవచ్చు. కిటికీలో నుంచి గదిలోకి పడే సూర్యకిరణాలకూ హంగులు అద్దవచ్చు.  ఇంటీరియర్‌ డెకరేషన్‌కు చేర్చే సులువైన మార్గాలు.. టేబుల్‌ అలంకరణ డైనింగ్‌ టేబుల్‌ పైన రంగుల పూసల గొలుసులను అలంకరించవచ్చు. హ్యాండ్‌ న్యాప్‌కిన్‌లకు లేదా గాజు గ్లాస్‌లకు చుడితే చాలు టేబుల్‌కి కొత్త హంగు చేరుతుంది.  పూసల వేజ్‌ గ్లాస్‌ను ఫ్లవర్‌వేజ్‌గా తీర్చిదిద్దడంలో పూసలు కూడా దోహదపడతాయి. ఒకే రకరమైన రంగు, ఆకారం, కొలత గల పూసల గొలుసులను చుడితే మనం కోరుకున్న అందమైన వేజ్‌ కళ్ల ముందుంటుంది. గాజు బాటిళ్లను అల్యూమినియం తీగను చుట్టేటప్పుడు కొన్ని పెద్ద పూసలను కూడా గుచ్చి, హ్యాంగింగ్‌ వేజ్‌లను తయారుచేయవచ్చు. కొమ్మలు, రెమ్మలు, పువ్వులు, నెమలి ఈకలను జోడిస్తే పూసల వేజ్‌  అందం మరింత పెరుగుతుంది.   స్వరాలు పలికే కర్టెన్లు పూసల గొలుసులను కర్టెన్లతో పాటు లేదంటే కర్టెన్‌గా వరసలు వరసలుగా వేలాడదీయడం ద్వారా కూడా ఇంటిని కళాత్మకంగా మార్చవచ్చు. అంతేకాదు లివింగ్‌రూమ్‌లో కొంత భాగాన్ని పార్టిషన్‌గా చేయాలనుకుంటే పూసల గొలుసుల కర్టెన్‌ను ఉపయోగించవచ్చు.   పూసల ముడి పూసల కర్టెన్‌ది ఒక అందమైతే పూసల గొలుసులను కర్టెన్‌ రాడ్‌ల చుట్టూ తిప్పి మరో అందాన్ని తీసుకురావచ్చు. అలాగే ప్లెయిన్‌ కర్టెన్‌కు కుచ్చులు పెడుతూ, రంగురంగు పూసల ఓ గట్టి గొలుసును మధ్యలో  జత చేర్చితే చాలు ఆ సోకు  సింప్లీసూపర్బ్‌ అనిపిస్తుంది. కిరణాలకు పూసల హంగు కిటికీల హంగును పెంచడానికి కొన్ని పూసల గొలుసులను వేలాడదీయవచ్చు. క్రిస్టల్‌ పూసల గొలుసును కిటికీ అలంకరణలో భాగం చేయడం వల్ల సూర్యకాంతి నేరుగా పడి, ఆ  కాంతి  గదికి మరింత అందాన్ని తీసుకొస్తుంది. కర్టెన్‌ అంచులకు కుట్టి, పూసలను వేలాడదీసినా బాగుంటుంది.  టేబుల్‌ ల్యాంప్‌కు జిలుగులు కొన్ని క్రిస్టల్స్, పూసల గొలుసులను గొడుగుగా ఉండే టేబుల్‌ ల్యాంప్‌ మీదుగా వేలాడదీయడం ద్వారా వినూత్న సోయగాన్ని ఆస్వాదించవచ్చు. అయితే  ల్యాంప్‌కు తగినట్టుగా పూసల గొలుసులను ఎంచుకోవాలి.  పూసల ప్రతిబింబం అద్దాలను మన ప్రతిబింబాన్ని చూసుకోవడానికే కాదు ఇంటి అలంకరణలోనూ ఉపయోగించుకోవచ్చు. గది అందాన్ని ఉత్తేజంగా మార్చడానికి వాల్‌ మిర్రర్‌కు పూసల గొలుసును జత చేయవచ్చు.  

ఇప్పటి వరకు నేలపైన ఉన్న తోటలనే చూశారు. ఇప్పుడు నిలువుగా ఉండే తోటలను కూడా చూడవచ్చు. బయటే కాదు ఇంటి లోపల కూడా ఒక ఆకుపచ్చని గోడను సృష్టించవచ్చు. ఇది సులభం కూడా. ఒక నిజమైన ఇండోర్‌ నిలువు తోట కావాలనుకుంటే మాత్రం కొన్ని ప్రత్యేకమైన విషయాలు తెలుసుకోవాలి.  ఇండిపెండెంట్‌ హౌస్‌ అయినా, అపార్ట్‌మెంట్లలో అయినా ఇంట్లో పచ్చదనం ఉంటే ఆ కళే వేరు. కొన్ని పూల కుండీలతోనైనా ఆకుపచ్చనిదనాన్ని ఆస్వాదించాలనుకుంటారు. ఇక ఇంట్లో ఒక గోడ మొత్తం పచ్చదనం నింపుకుంటే ఎంత అందంగా ఉంటుందో ఈ గ్రీన్‌వాల్స్‌ ఏర్పాటు చూస్తే అర్థమైపోతుంది. హోమ్‌ క్రియేషన్స్‌లో గ్రీన్‌వాల్‌ ట్రెండ్‌ ఎప్పుడూ ఎవర్‌గ్రీన్‌. లతలతో అమరిక.. వేలాడే పచ్చదనం కోసం అందమైన క్రీపర్స్‌ను గోడల మీదకు పాకించవచ్చు. లేదంటే ఇండోర్‌ ప్లాంట్స్‌తో గోడకు గ్రీనరీ ఏర్పాటు చేసుకోవచ్చు.  ఔషధ మొక్కలతో గ్రీన్‌ వాల్‌ గ్రీన్‌ వాల్‌ని ఎవ్వరైనా ఇష్టపడతారు. అందుకే ఇది ఇంటీరియర్‌ ట్రెండ్‌లో ఎప్పుడూ రిపీట్‌ అవుతూనే ఉంటుంది. అందులోనూ ఈ మహమ్మారి కాలంలో రకరకాల ఔషధ మొక్కల పెంపకం ఇంట్లోæగాలిని ప్యూరిఫై చేస్తుంది. కొన్ని మొక్కలు మాత్రమే గ్రీన్‌వాల్‌కి బాగా సూట్‌ అవుతాయి. వాటిలో కొన్ని రకాల ఔషధ మొక్కలు, ఆర్కిడ్స్, మనీప్లాంట్‌ లాంటి తీగ జాతి మొక్కలను ఎంచుకోవాలి. వీటి ఎంపికలో నిపుణుల సాయం తీసుకోవచ్చు. కృత్రిమమైన పచ్చని తీగలతో .. మొక్కలతో ఏర్పాటు, మెయింటెనెన్స్‌ కొంచెం కష్టం అనుకున్నవారు ఆర్టిఫిషియల్‌ హ్యాంగింగ్‌ తీగలు, లతలతో లివింగ్‌ రూమ్‌ లేదా బాల్కనీలో ఒక గోడకు పచ్చదనాన్ని నింపవచ్చు. హాయిగొలిపే ఆనందాన్ని ఆస్వాదించవచ్చు.  గ్రీన్‌ ఫ్రేమ్‌ పూర్తి గోడను ప్లాంటేషన్‌తో నింపితే బాగుండదు అనుకుంటే ఫ్రేమ్‌ పరిమాణంలోనూ ఆకుపచ్చని మొక్కలతో గదికి కొత్త అందాన్ని తీసుకురావచ్చు.  కొన్ని అమరికలు.. కొన్ని జాగ్రత్తలు ►స్ట్రెయిట్, వెర్టికల్‌ గార్డెన్స్‌కి ప్రత్యేకమైన కుండీలు అవసరం. ఇవి మార్కెట్లోనూ, ఆన్‌లైన్‌ మార్కెట్లోనూ అందుబాటులో ఉన్నాయి.  ►మీ గోడను నీటì  చెమ్మ నుంచి కాపాడుకోవాలి. అందుకు గోడను ఫ్లైవుడ్‌ లేదా ఇతరత్రా సెట్‌ చేసుకోవాలి.  ►కింద ఫ్లోర్‌ కూడా తేమ లేకుండా పొడిగా ఉండేలా మ్యాట్‌ వేసుకోవాలి. మీ గ్రీన్‌ వాల్‌కు తగినంత సూర్యకాంతి పడేలా చూసుకోవాలి. అదనంగా కాంతినిచ్చే ఫ్లోరోసెంట్‌ ట్యూబ్స్‌ను వాడాలి.  చదవండి: The New York Earth Room: ‘చెత్త’ అపార్ట్‌మెంట్‌ రికార్డు.. భూ ఉపరితలంపై అడుగుపెట్టిన మొదటి మనిషి నేనే!!

రాబోయేది చలికాలం. వర్షాలు తగ్గిపోయాక ఇంటికి కొత్తగా పెయింట్‌ వేసే కాలం. ఇప్పటి నుంచి వేసవి కాలం ముందు వరకు కాస్త కాంతిమంతమైన రంగులతో ఇంటిని కళాత్మకంగా తీర్చిదిద్దుకుంటే డల్‌ వాతావరణాన్ని మరింత వర్ణమయంగా మార్చుకోవచ్చు. అందుకు ఎక్కువ డబ్బు కేటాయించక్కర్లేదు. వాడని డ్రెస్సులు, దుపట్టాలు, చీరలు, షర్ట్‌లనూ ఇంటి అలంకరణలో ఉపయోగించవచ్చు.  ఈ మాసంలో పూజలు, నోములు, వ్రతాలు, పెళ్లి వంటి వేడుకలతో లోగిళ్లు సందడి చేస్తుంటాయి. ఇలాంటప్పుడు లివింగ్‌ రూమ్‌కి కళ తెచ్చేలా చిన్న చిన్న చిట్కాలు పాటించవచ్చు.  డ్రెస్‌ కుషన్‌ కవర్స్‌ కొన్ని డ్రెస్సులు పాతవైనా వాటిలోని ప్రింట్లు, జరీ బాగుండటంతో పడేయాలనిపించదు. ఇలాంటప్పుడు అంతమేరకు డ్రెస్‌ క్లాత్‌ తీసుకొని, ప్యాచ్‌ వర్క్‌ లేదా చిన్న–పెద్ద కుషన్స్‌కి కవర్స్‌లా డిజైన్‌ చే సుకోవచ్చు.  సెంటర్‌ టేబుల్‌ దుపట్టా మన చేనేతలను ధరించినా, ఇంటి అలంకరణలో ఉపయోగించినా కొంగొత్త కళను మోసుకువస్తాయి. సెంటర్‌ టేబుల్‌ని డ్రెస్‌ దుపట్టాతో అలంకరించవచ్చు. దానిపైన ఉపయోగించే షో పీసులు ఇత్తడి లేదా వింటేజ్‌ లుక్‌ ఉన్నవి ఎంచుకుంటే ఇంటి అలంకరణ ముఖ్యంగా లివింగ్‌ రూమ్‌ మరింత ఆకర్షణీయంగా కనిపిస్తుంది.  ప్రింటెడ్‌ శారీ కర్టెన్స్‌  చాలా సందర్భాలలో ఈ ట్రిక్‌ కొన్ని ఇళ్లలో గమనిస్తుంటాం. అయితే, ఇంట్లో అన్ని కిటికీలకు, డోర్లకు శారీ కర్టెన్స్‌ వాడితే భిన్నమైన లుక్‌తో ఆకట్టుకుంటుంది.  సప్తవర్ణాల శోభ ఏడు రంగుల కాంబినేషన్‌ క్లాత్‌ మెటీరియల్‌తో కుషన్‌ కవర్స్‌ని డిజైన్‌ చేసి, అలంకరించుకోవచ్చు. దీని వల్ల ఇంద్రధనుస్సు నట్టింట్లో ఉన్న అనుభూతి కలగకమానదు. ఇలా రంగుల కాంబినేషన్‌తో చేసుకున్న డిజైన్ల వల్ల డల్‌గా ఉన్న వాతావరణం ఒక్కసారిగా కాంతిమంతంగా మారిపోతుంది.  పాత షర్ట్‌లతో కొత్త మెరుపు కుషన్‌ కవర్స్‌కి పాత డ్రెస్సులు, శారీస్‌ మాత్రమే కాదు షర్ట్స్‌ కూడా ఉపయోగించవచ్చు. కొత్తవాటితోనే ఈ తరహా డిజైన్స్‌కు సృజనాత్మకంగా ఆలోచన చేసి, వాటిని అమలులో పెడుతున్నారు. పొట్టిగా అయినవి, నప్పనివి, వాడనివి.. షర్ట్స్‌ ఏవి ఉన్నా ఇలా విన్నూతంగా కుషన్‌ కవర్స్‌కి వాడేయొచ్చు.  ఇంటికి సున్నాలు, రంగులు వేసి కొత్త కాంతి తీసుకురావడానికి కష్టపడుతున్నట్టే... రీ యూజ్‌ ఆలోచనతో వాడిన డ్రెస్సులను ఇలా వినూత్న డిజైన్లతో ఇంటి అలంకరణలో వాడేయొచ్చు. కొత్త కళను ఇంటికి తీసుకురావచ్చు.  చదవండి: హృదయవిదారక మిస్టరీ..! కన్న బిడ్డలు బతికున్నారోలేదో తెలియక..

పొలంలో ఉన్న మంచె రూపం ఇంట్లో విశ్రాంతి తీసుకోవడానికి ఉపయోగిస్తే.. పాత టీ కెటిల్‌ పువ్వుల గుచ్ఛాన్ని అలంకరించుకుంటే, తోపుడు బండి కాస్తా మన ఇంటి టేబుల్‌ మీద ట్రే అయితే, తాగేసిన కొబ్బరిబోండాలు మొక్కలకు కుండీలు అయితే, ఇత్తడి జల్లెడ గోడ మీద సీనరీగా అమరితే.. ఎంత అందంగా ఉంటుందో.. కాదేదీ ఇంటి అలంకరణకు అనర్హం అన్నట్టు మీరూ ఇలా ఎన్నో రకాల ప్రయత్నించవచ్చు.  వేలాడే కొబ్బరి బోండాం తియ్యని కొబ్బరినీళ్లు తాగేస్తాం. లేత కొబ్బరి తినేస్తాం. ఆ తర్వాత ఆ బోండాన్ని పడేస్తాం. ఈసారి మాత్రం అలా పడేయకుండా కొంచెం థింక్‌ చేయండి. పెయింట్‌ బ్రష్, నచ్చిన పెయింట్‌ తీసుకొని రంగులు అద్దేయండి. ఆ తర్వాత ఇండోర్‌ మొక్కలను పెంచేయండి. వాటిని తాళ్లతో హ్యాంగ్‌ చేయండి. ఈ ఐడియాకు ఇంకెంచెం పదును పెడితే మరెన్నో కొత్త కొత్త ఆలోచనలు పుట్టుకురావచ్చు. మరిన్ని అలంకరణ వస్తువులు తయారుచేయవచ్చు.  ఇంట్లో కుదిరిన మంచె పొలంలో ఉండాల్సింది ఇంట్లో ఎలా ఉంటుందనే నెగిటివ్‌ ఆలోచనలకు స్వస్తిచెప్పచ్చు ఇక. దీని తయారీని ఓ విదేశీ కంపెనీ చేపట్టింది. మన మంచె విదేశీయుల ఇంట్లో ఉంటే, మనమెందుకు ఊరుకుంటాం. ఇంకొచెం కొత్తగా ఆలోచించి వెదురుతో అందమైన విశ్రాంతి తీసుకునే మంచెను తయారుచేయించుకొని ఇంట్లో అలంకరించుకుంటాం. అతిథుల మనసు ఇట్టే మంచెకు కట్టిపడేయచ్చు. ఇంటికే వినూత్న కళ తీసుకురావచ్చు. బాల్కనీ లేదా డాబా గార్డెన్‌ వంటి చోట ఈ మంచె ఐడియా సూపర్బ్‌గా సెట్‌ అవుతుంది. టేబుల్‌ మీద తోపుడి బండి  టీపాయ్, టేబుల్‌ వంటి వాటి మీద అలంకరణకు ఓ ఫ్లవర్‌వేజ్‌ను ఉంచుతారు. కానీ, తోపుడు బండిని ఉంచితే.. అదేనండి, తోపుడుబండి స్టైల్‌ షో పీస్‌ అన్నమాట. దీని మీద మరికొన్ని అలంకరణ వస్తువులు కూడా పెట్టచ్చు. చూడటానికి ప్రత్యేకంగా ఉంటుంది. రోజువారీగా వాడుకునే ట్రేగానూ ఈ బుజ్జి తోపుడుబండిని ఉపయోగించవచ్చు. ఇవి ఆన్‌లైన్‌ మార్కెట్లోనూ దర్శనమిస్తున్నాయి. ఆసక్తి ఉంటే ప్రత్యేకంగానూ తయారుచేయించుకోవచ్చు. ఓపిక ఉంటే, చెక్క, కొన్ని ఇనుప రేకులను వాడి  ఈ మోడల్‌ పీస్‌ను స్వయంగా తయారుచేసుకోవచ్చు.  గోడ మీద ఇత్తడి జల్లెడ ధాన్యాన్ని జల్లెడ పట్టడం గురించి మనకు తెలిసిందే. ఇప్పుడంటే ప్లాస్టిక్, అల్యూమినియం జల్లెడలను వాడుతున్నారు కానీ మన పెద్దలు వెదురుతో చేసినవి లేదా ఇనుము, ఇత్తడి లోహాల పెద్ద పెద్ద జల్లెడలను వాడేవారు. ఉపయోగించడం పూర్తయ్యాక గోడకు కొట్టిన మేకుకు తగిలించేవారు. గొప్పగా ఉండే ఆ పనితనాన్ని ఎక్కడో మూలన పెడితే ఎలా అనుకున్నవారు ఇలా ఇంటి గోడకు బుద్ధుడి బొమ్మతో అలంకరించి, అందంగా మార్చేశారు. ఇంటికీ వింటేజ్‌ అలంకరణగా ఉండే ఈ స్టైల్‌ను మీరూ ఫాలో అవ్వచ్చు.  మొక్కలను నింపుకున్న టీ కెటిల్‌  నేటి తరానికి ప్లాస్క్‌లు బాగా తెలుసు కానీ, టీ కెటిల్‌ గురించి అంతగా తెలియదు. ఓల్డ్‌ ఈజ్‌ గోల్డ్‌గా భావించే నిన్నటి తరం వస్తువులను ఇలా అందమైన గృహాలంకరణగా అమర్చుకోవచ్చు. పువ్వులతోనూ, ఇండోర్‌ ప్లాంట్స్‌ తోనూ, ఆర్షిఫియల్‌ ప్లాంట్స్‌తోనూ పాత టీ కెటిల్‌ను కొత్తగా అలంకరించవచ్చు.  చదవండి: మీకు ఎడమచేతివాటం ఉందా?.. ఇవి తప్పక తెలుసుకోండి.!

దీపాల పండగ అనగానే మనకు మట్టి ప్రమిదలే గుర్తుకువస్తాయి. కానీ, ఇప్పుడీ దివ్వెల అలంకరణలో ఎన్నో అందమైన సృజనాత్మక రూపాలు బంగారు కాంతులను విరజిమ్ముతున్నాయి. ఆ కాంతుల వెలుగుల్లో ఆనందాల దీపావళి మరింత అలంకారంగా, రంగుల హరివిల్లుగా మన కళ్లను కట్టిపడేస్తుంది.  ప్రమిదలకు ఆభరణాల సొగసును అద్ది, కాంతిని గ్లాసుల్లో నింపి, కుండల్లో మెరిపించి, ఆరోగ్యాన్ని పంచి, రంగులను వెదజల్లేలా ఈ దీపావళిని ఓ అందమైన కథలా మరింత అర్థవంతంగా జరుపుకోవచ్చు.  ఆభరణాల వెలుగు: మట్టి ప్రమిదలకు న చ్చిన పెయింట్‌ వేసి, వాటికి పూసల హారాలను గమ్‌తో అతికించి జిలుగు పూల కాంతులను పూయించవచ్చు. కొన్నేళ్లుగా వస్తున్న ఈ ప్రమిదల అలంకరణ ప్రతి యేటా కొత్తదనాన్ని నింపుతూనే ఉంది. అలంకరణలో ఎన్నో ప్రయోగాలు చేయిస్తోంది. మగ్గం వర్క్‌లో ఉపయోగించే మెటీరియల్‌తో ప్రమిదలను అందంగా అలంకరించవచ్చు.  గ్లాస్‌లో కాంతి: ప్లెయిన్‌గానూ, క్లాస్‌గాను ఉండే గ్లాస్‌ కాంతి ఇంటికి, కంటికి కొత్త వెలుతురును తీసుకువస్తుంది. కొన్ని గులాబీ పూల రేకులను ప్లేట్‌లో పరిచి, గ్లాస్‌లో క్యాండిల్‌ అమర్చి వెలిగిస్తే చాలు కార్నర్‌ ప్లేస్‌లు, టేబుల్, టీపాయ్‌పైన ఈ తరహా అలంకరణ చూపులను ఇట్టే ఆకర్షిస్తుంది. పండగల కళను రెట్టింపు చేస్తుంది.  చిట్టి కుండల గట్టి కాంతి: కుండల దొంతర్లు దీపావళి పండగ వేళ ఐశ్వర్యానికి ప్రతీకగా ఉపయోగిస్తారు. ఎక్కువ సేపు దీపాలు వెలగడానికి, డెకొరేటివ్‌ పాట్‌ క్యాండిల్స్‌ను ఉపయోగించవచ్చు. ఇంట్లోనే తయారుచేసుకోవచ్చు అనుకునేవారు చిట్టి చిట్టి కుండలు కొనుగోలు చేసి, నచ్చిన అలంకారం చేసుకొని, వాటిలో మైనం నింపి దీపం వత్తితో వెలిగించుకోవచ్చు. లేదంటే కుండల మీద ప్రమిదలు పెట్టి, మరొక అలంకారం చేయచ్చు.  ఆరోగ్యకాంతి: ఇది గ్లాస్‌ అలంకారమే. పానీయాలు సేవించే గాజు గ్లాస్‌లో నిమ్మ, ఆరెంజ్‌ తొనలు, పుదీనా ఆకులు, లవంగ మొగ్గలు, దాల్చిన చెక్క ముక్కలు వేసి, ఆపైన సగానికి పైగా నీళ్లు పోసి, ఫ్లోటెడ్‌ క్యాండిల్‌ను వేసి వెలిగించవచ్చు. ఈ కాంతి చుట్టూ కొన్ని పరిమళలాను వెదజల్లుతుంది. హెర్బల్స్‌ నుంచి వచ్చే ఆ సువాసన ఆరోగ్యానికి మేలు చేకూరుస్తుంది.  ఇంద్రధనస్సు కాంతి: ఎరుపు, పసుపు, నీలం .. ఇంద్రధనుస్సు కాంతులు ఇంట్లో వెదజల్లాలంటే రంగురంగుల గాజు గ్లాసులను తీసుకోండి. వాటిల్లో ఫ్లోటెడ్‌ క్యాండిల్స్‌ అమర్చి, వెలిగించండి. చీకటి వేల వేళ రంగులు పూయిస్తాయి ఈ కాంతులు.  కథ చెప్పే కాంతి: దీపావళి వేళ తోరణాలుగా ఎలక్ట్రిక్‌ దీపాలను చాలా మంది ఉపయోగిస్తుంటారు. వాటిని చాలా మంది గుమ్మాలకు వేలాడదీస్తుంటారు. దీనినే కొంచెం సృజనాత్మకంగా ఆలోచిస్తే ఓ కొత్త దీపాల వెలుగులను ఇంటికి తీసుకురావచ్చు. ఒక గాజు ఫ్లవర్‌వేజ్‌ లేదా వెడల్పాటి గాజు పాత్ర తీసుకొని అడుగున పచ్చ రంగు అద్దిన స్పాంజ్‌ ముక్కలను పరిచి, ఆ పైన ఎలక్ట్రిక్‌ బల్పులు గొలుసు, మధ్యన పూల కాంబినేషన్‌తో ఓ అందమైన లోకాన్ని నట్టింట్లో సృష్టించిన అనుభూతిని పొందవచ్చు.    చదవండి: పాపం.. ఒంటరైన తిమింగలం..తలను గోడకేసి బాదుకుని..!

మహమ్మారి కారణంగా పండగల సమయాలను కుటుంబసభ్యులు మరింత సన్నిహితంగా జరుపుకోవడం పెరిగింది. అందుకు తగినట్టుగా తక్కువ ఖర్చుతో ఎక్కువ కళ ఉట్టిపడేలా ఇంటి అలంకరణ పట్ల శ్రద్ధ తీసుకోవడమూ పెరిగింది. సాధారణ జీవనశైలి పట్ల సానుకూలంగా వ్యవహరించడం ఎలాగో అందరికీ అనుభవంలోకి వచ్చింది. అయినప్పటికీ ఈ కొత్త జీవనశైలిలో కొత్త ఉత్సాహాన్ని, హుషారును నింపడానికి ఎప్పటికప్పుడు ప్రయత్నిస్తూనే ఉండాలి. అతి అర్భాటాలకు పోకుండా ఆనందాల ప్యాకేజీతో ఇంటిని ఎలా అలంకరించాలో చూద్దాం.. కొత్త–పాతల సమతుల్యత సంప్రదాయ వేడుకల సమయాల్లో ఇల్లు నిన్న–నేడులను సమతుల్యం చేసేదిగా ఉండాలి. నిన్నటి తరం హుందాతనం, నేటి తరపు ఆలోచనలను కళ్లకు కట్టినట్టుగా ఉండాలి. దూరంగా ఉన్నవారికి వీడియోలు, ఫొటోల ద్వారా పండగ శుభాకాంక్షలు తెలియజేస్తుంటారు. ఇలాంటప్పుడు మీరు ఉన్న బ్యాక్‌గ్రౌండ్‌ అలంకరణ అంతే వేడుకగా ఉండాలి. అందుకు, ఇంటి లోపల ఏదైనా ఒక గోడ లేదా తలుపు భాగాన్ని పూలతో, దీప కాంతుల వెలుగులతో అలంకరించుకోవాలి. అలంకరణలో శిల్పకళా స్పర్శ మండపాలు, తోరణాలు పూజా అలంకరణలో ప్రధానంగా ఉంటాయి కాబట్టి పండగలు తమదైన సౌందర్యంతో వెలిగిపోతాయి. వాటికి జతగా మనవైన పసుపు, ఎరుపు ఇంద్రధనుస్సు రంగుల టేబుల్‌ క్లాత్‌లు, పాతవైన చెక్క, రాతి శిల్పాలు, సంప్రదాయ వాల్‌ ఆర్ట్, మనవైన అల్లికలు అలంకరణలో మరింత అందాన్ని తీసుకువస్తాయి.  మనదైన కళ అలంకరణలో ఒక్కరికీ ఒక్కో అభిరుచి ఉంటుంది. ఆ అభిరుచి తెలియజేసేలా స్టేట్‌మెంట్‌ యాక్సెసరీస్‌ పట్ల శ్రద్ధ తీసుకోవాలి. ఇండోర్‌ ప్లాంట్లు, రాగి, ఇత్తడి వంటి మెటాలిక్‌ వస్తువుల ఎంపిక, అలంకరణలో ఈ స్పష్టత సులువుగా తెలిసిపోతుంది.   ఫ్లవర్‌ పవర్‌ ఇత్తడి చెంబులు, బిందెలు వంటి నిన్నటి తరం వాడుకున్న వస్తువులను తాజా పూలతో అలంకరించి, ఒక చెక్క ట్రే లేదా టేబుల్‌ మీద ఉంచండి. ఈ అలంకరణ ఆ గది అందాన్ని రెట్టింపు చేస్తుంది. పూల మొక్కలతో అలంకరించాలనుకుంటే మిగతా ఫర్నిషింగ్‌ రంగుల పట్ల ప్రత్యేక శ్రద్ధ తీసుకోవాలి. అన్నీ గాఢమైన రంగులవి కాకుండా లేత రంగులు ఉండేలా ఎంపిక చేయాలి. మొత్తం పూలతో కాకుండా తీగలు, ఆకుల మేళవింపుతోనూ అందాన్ని తీసుకురావచ్చు.  సువాసనలతో నింపేయచ్చు గంధం, మల్లె లేదా ఇతర సువాసనలు నింపేలా గదుల అలంకరణలో జాగ్రత్త తీసుకోవాలి. తాజా పువ్వులతో పాటు తమ ప్రత్యేకత తెలిసేలా లైటింగ్, ఫ్లోర్‌ ల్యాంప్స్, హ్యాంగింగ్‌ లైట్స్, సువాసన గల కొవ్వొత్తుల కలయికతోనూ ఇంటికి, కంటికీ కళను తీసుకురావచ్చు.  హస్తకళాకృతులు గృహాలంకరణలో ఎన్ని ఖరీదైన వస్తువులను తెచ్చినా, మరెన్ని హంగులు అమర్చినా మన చేత్తో తయారుచేసిన కొన్ని వస్తువులనైనా అలంకరణలో ఉపయోగిస్తే ఆ ఆనందమే వేరు. ప్రమిదల కూర్పు, గంటల సంఖ్య, పువ్వుల మాలలు, చెక్క ఫ్రేమ్స్‌.. పండగల సౌందర్యాన్ని మరింతగా పెంచుతాయి.  శానిటైజింగ్‌ పాయింట్లు మహమ్మారి కాలం కాబట్టి మనవైన జాగ్రత్తలు తప్పనిసరి అనేది ఇంటిల్లిపాదికి గుర్తుచేయాలి. అందుకు, శానిటైజర్లు, మాస్కులు ఉన్న సెటప్‌ను తప్పక ఓ వైపు చేసి ఉంచాలి. ఈ జాగ్రత్తలు మీకు మాత్రమే కాదు, మీ ఇంట్లో అందరి పట్ల తీసుకున్న శ్రద్ధ స్పష్టమవుతుంది.  ఇంటి అలంకరణతో పాటు పండగల వేళ మిమ్మల్ని మీరు అలంకరించుకుంటేనే సంబరం మరింత కళగా వెలిగిపోతుందనే విషయాన్ని ఎట్టి పరిస్థితుల్లోనూ మర్చిపోవద్దు. 

సాక్షి, హైదరాబాద్‌: పండుగ వేళ మీ ఇంటి శోభను రెట్టింపు చేయాలంటే ఇల్లును, ఇంట్లోని వస్తువులను శుభ్రం చేయడమే కాదు.. చిన్న చిన్న మెళకువలతో ట్రెండీ లుక్‌ తీసుకురావచ్చని నిపుణులు సూచిస్తున్నారు. సంప్రదాయ అలంకరణ స్థానంలో ట్రెండీ లుక్‌ రావాలంటే ఎక్స్‌టీరియర్, ఇంటీరియర్‌ రెండు చోట్లా డెకరేటివ్‌ చేస్తే ఎకో–ఫ్రెండ్లీగా మారుతుందంటున్నారు. ► సంప్రదాయమైన దీపాంతులు, కొవ్వొత్తులకు కాలం చెల్లింది. వీటి స్థానంలో సిరామిక్‌ లేదా మార్బుల్‌ పల్లెంలో మట్టి దీపాంతలను వెలిగించండి. వీటిని హాల్, పూజ గదిలో పెట్టండి. డిస్కౌంట్‌ ధరల్లో వినూత్న డిజైన్స్‌ మార్కెట్లో అందుబాటులో ఉన్నాయి. మరింత సృజనాత్మకత కావాలంటే బంగారపు వర్ణం ఉండే ఎలక్ట్రిక్‌ దీపాంతలు కూడా లభ్యమవుతాయి.   ► ప్రముఖ ఎల్రక్టానిక్‌ కంపెనీలు బహుళ రంగుల లైట్లు, పోర్టబుల్‌ లైట్లు, లాంతర్లు వంటి వినూత్న లైటింగ్‌ ఉత్పత్తులను మార్కెట్లోకి తీసుకొచ్చాయి. వీటిని స్మార్ట్‌ఫోన్‌తో ఆపరేట్‌ చేసుకోవచ్చు కూడా. వైర్‌లెస్‌ ఉత్పత్తులు కావటంతో మొబైల్‌తో మనకు ఎంత కావాలంటే అంత కాంతి స్థాయి, రంగులను ఎంపిక చేసుకోవచ్చు. ► రంగు రంగుల బాటిల్స్‌లో కొవ్వొత్తులను పెట్టి గోడల మూలల్లో లేదా ప్రధాన ద్వారానికి ఇరు వైపులా, ఇంటి చుట్టూ వేలాడదీయవచ్చు. దీంతో ఇల్లు రకరకాల వర్ణాల్లో అందంగా దర్శనమిస్తుంటుంది. ► చేతితో తయారు చేసిన మట్టి దీపాంతలు, లాంతర్లు చాలా కామన్‌. వీటికి బదులుగా అకార్డియన్‌ పేపర్‌ లాంతర్లు మార్కెట్లో లభ్యమవుతున్నాయి. ఇవి పగటి పూట సూర్య రశి్మని సేకరించి.. రాత్రి సమయాల్లో ప్రకాశిస్తాయి. వీటిని హెవీ డ్యూటీ నైలాన్‌తో తయారు చేస్తారు. ఈ లాంతర్‌ సెట్‌లు వివిధ డిజైన్స్, రంగుల్లో దొరుకుతాయి. ► ఈ మధ్య కాలంలో నీళ్లల్లో తేలియాడే కొవ్వొత్తులు బాగా ప్రాచుర్యం పొందాయి. అలంకరణ ప్రాయంగా వీటిని పూల కుండీల్లో, మొక్కలున్న ప్రాంతాల్లో, స్విమ్మింగ్‌పూల్, ఫౌంటేన్‌ వంటి మీద అమర్చుకోవచ్చు.


 అందమైన ఇంటికి మరిన్ని అందాలు అద్దాలని ఎవరికి మాత్రం ఉండదు. తమ కలల లోగిలిని కళల నెలవుగా మార్చుకోవాలని కోరుకునేవారు ఎందరో. ఇంటీరియర్స్‌కు భారీ మొత్తం వెచ్చించలేని వారికి టైట కళాకృతులు వరంగా మారాయి. తక్కువ బడ్జెట్‌లో గృహాన్ని కళల సీమగా మార్చేస్తున్నాయి.
  
  అందంగా తీర్చిదిద్దిన కుండలు..
  మట్టితో మలచిన శిల్పాలు, బొమ్మలు, ఇతర అలంకరణ వస్తువులు టైట కళావైభవాన్ని నగరం ముందుంచుతున్నాయి. ధ్యానంలో ఉన్న బుద్ధ ప్రతిమ ఇంట్లో ప్రశాంతతను కలిగిస్తుంది. సూర్య భగవానుడి  రూపం, కూర్మం, మీనం ప్రతిమలు వాస్తు సెట్ చేస్తాయనే నమ్మకం కొందరిది. ఉత్తరప్రదేశ్ నుంచి తరలివచ్చిన ఈ కళాకృతులు ప్రస్తుతం హైదరాబాదీల  ఇళ్లలో కొలువుదీరుతున్నారుు. డిఫరెంట్ హ్యాంగింగ్స్, ఫొటో ఫ్రేమ్స్ అందరినీ అలరిస్తున్నాయి.
  
  ఇలా చేస్తారు
  ఈ కళాకృతుల తయారీకి కావాల్సిన మట్టిని నదులు, కాల్వల గట్ల నుంచి సేకరిస్తారు. దీనికి తగిన మోతాదులో నీరు, ఇసుక, గుర్రం లద్దె కలిపి బాగా మిక్స్ చేస్తారు. ఆ ముద్దను కుమ్మరి చక్రంపై ఉంచి కుండలను తయారు చేస్తారు. వివిధ ఆకారాల్లో ఉన్న కుండలైతే, తొలుత రెండు, మూడు భాగాలుగా చేసి వాటిని కలిపి అనుకున్న రీతిలోకి మలుస్తారు. తర్వాత వాటికి రంగులద్ది వన్నె తీసుకొస్తారు. ఇతర ప్రతిమలను, గృహోపకరణాలను అచ్చులలో వేసి రూపొందిస్తారు. సృజనాత్మకత, ఏకాగ్రత లేకపోతే ఈ బొమ్మలను అందంగా తీర్చిదిద్దలేం.
  - శ్రీనివాస్, విక్రేత, సుచిత్ర క్రాస్ రోడ్స్
  
  విరివిగా అమ్మకాలు
  ప్రపంచ వ్యాప్తంగా పేరొందిన టైట కళాకృతుల అమ్మకాలు నగరంలో చాలా ప్రాంతాల్లో సాగుతున్నాయి. వంద రూపాయల నుంచి రెండు వేల రూపాయల వరకు వివిధ ధరల్లో దొరుకుతున్నాయి. కేవలం గృహాలంకరణ వస్తువులే కాదు.. టైట ఫ్యాన్సీ ఐటమ్స్‌కు కూడా ఫుల్ క్రేజ్ ఉంది. గాజులు, లోలాకులు, నగలు ఇలా ఎన్నో వెరైటీలు మగువల మనసును దోచేస్తున్నాయి.
 -  శిరీష చల్లపల్లి


  తాజా పువ్వులతో ఇంటిని అలంకరించుకోవడం అందరికీ తెలిసిందే. ఆ పువ్వులు వాడిపోతే పారేయడమూ మామూలే. కాని ఎండిపోయిన పువ్వులను కూడా ఇంటి అలంకరణలో వాడచ్చు. అదెలాగో చూద్దాం.
  
   సాధారణంగా పువ్వులలో తేమ తగ్గిపోతే అవి వాడిపోతాయి. ఈ పువ్వులను చాలా బరువుగా ఉన్న పుస్తకంలో మధ్యలో ఉంచాలి. పైన ఏదైనా పెద్ద బరువు పెట్టాలి. లేదా రెండు వెడల్పాటి చెక్కల మధ్య న్యూస్‌పేపర్ లేదా టిష్యూ పేపర్ పరిచి దాని మధ్యలో పువ్వులను చక్కగా విడదీసి గట్టిగా ప్రెస్ చేసి, అలాగే ఉంచాలి.
  
   రెండు వారాల తర్వాత తీసి చూస్తే తేమంతా పోయిన పువ్వులు బాగా ఎండిపోయి కనిపిస్తాయి. ఇలాగే ఆకులు, కొమ్మలు, తీగలను ఎండిపోయే విధంగా తయారుచేసుకోవచ్చు. లేదంటే ఎండినవాటినే సేకరించవచ్చు.
  
   ఎండిన పువ్వులు చాలా సున్నితంగా ఉంటాయి కాబట్టి జాగ్రత్తలు పాటిస్తూ వాల్ ఫొటోఫ్రేమ్‌లకు, ఫ్లవర్ బొకేలకు వాడుకోవచ్చు.
  
  ఫ్లవర్‌వేజ్‌లలో రకరకాల ఎండు గడ్డి మొక్కలు, ఎండిన పువ్వులతో అలంకరించవచ్చు.
  
   ఎండిన కంకులు, గడ్డి తీగలు, పోచలు.. కలిపి బొకేలా తయారుచేసి, ఇంటి మూలల్లో అలంకరించుకుంటే లుక్కే మారిపోతుంది.
  
   పెద్ద పెద్ద క్యాండిల్స్ సైడ్‌లను వేడితో కొద్దిగా మెత్తబరిచి, ఎండుపువ్వులను, ఆకులను అతికించి, గాలికి ఉంచాలి. చూడచక్కని పువ్వుల డిజైన్లతో క్యాండిల్స్ కొత్త కళను నింపుకుంటాయి.
  
  ఇంటి అలంకరణలో నచ్చిన రీతిలో ఉపయోగిస్తే ఎండు పువ్వుల సొగసులు ఎప్పటికీ వాడిపోవు. ఇంటి అందాన్ని ఎప్పుడూ వడలిపోనీయవు.
  


 ఇంటి అలంకరణ ఎలా ఉండాలి? ఒకసారి చూసినవాళ్లు తల తిప్పి మళ్లీ చూసేలా ఉండాలి. ఇప్పుడు ఇళ్లకు పాలరాతి ఫ్లోరింగ్ చాలా సాధారణమైన విషయమైంది. మరి పాలరాతి నేలకు దీటుగా కనిపించాలంటే... ఇంటి అలంకరణ ఎలా ఉండాలి? అది పాలరాతి బొమ్మలతో అయితేనే సాధ్యం. ఇక్కడ కనిపిస్తున్న పాలరాతి టైమ్‌పీస్, ఫ్లవర్‌వాజ్, పెన్‌స్టాండ్, వాల్ హ్యాంగింగ్ ... వగైరా పాలరాతితో తయారైనవి.
 
  మార్బుల్ ఫ్లోరింగ్‌కు మ్యాచింగ్‌గా మార్బుల్ టాప్ డైనింగ్ టేబుల్స్ వచ్చేశాయి. మరి ఆ టేబుల్ మీద ఉపయోగించే టిష్యూ పేపర్ హోల్డర్, మంచి నీటిగ్లాసుల మూతలు, జ్యూస్ గ్లాసుల వంటివి కూడా మార్బుల్‌వే. అలాగే సోఫా సెట్ కార్నర్‌లో పెట్టిన పాలరాతి అమ్మాయి... ఇంటికి వచ్చిన అతిథులను ఆశ్చర్యంగా చూస్తుంటారు. బెడ్‌రూమ్‌లోకి అడుగుపెడితే బెడ్‌ల్యాంపు కూడా అంతే స్టయిల్‌గా ఉండాలి కదా! అందుకే ఈ లాంతరు మోడల్ ల్యాంప్.