జ‌స్ప్రీత్ బుమ్రా.. ప్ర‌పంచ క్రికెట్‌లో అత్య‌త్తుమ బౌల‌ర్ల‌లో అగ్ర‌స్ధానంలో కొన‌సాగుతున్నాడు. బుమ్రా బౌలింగ్ చేస్తున్నాడంటే ప్ర‌త్య‌ర్ధి గుండెల్లో వ‌ణుకు పుట్టాల్సిందే. అత‌డు మ‌రోసారి త‌న స‌త్తా ఎంటో నిరూపించుకున్నాడు.లార్డ్స్ వేదికగా ఇంగ్లండ్‌తో జరుగుతున్న మూడో టెస్టులో జస్ప్రీత్ బంతితో మ్యాజిక్ చేస్తున్నాడు. రెండో రోజు ఆటలో ఇంగ్లండ్ కెప్టెన్ బెన్ స్టోక్స్‌ను బుమ్రా ఔట్ చేసిన విధానం గురుంచి ఎంతచెప్పుకున్న తక్కువే. స్టోక్స్‌ను అద్బుత‌మైన బంతితో జ‌స్ప్రీత్ క్లీన్ బౌల్డ్ చేశాడు.స్టోక్స్ మైండ్ బ్లాంక్‌..ఇంగ్లండ్ తొలి ఇన్నింగ్స్ 86 ఓవ‌ర్ వేసిన బుమ్రా.. రెండో బంతిని రౌండ్‌ది వికెట్ నుంచి గుడ్ లెంగ్త్ డెలివ‌రీగా సంధించాడు. ఆ బంతిని స్టోక్స్ డిఫెన్స్ ఆడ‌టానికి ప్ర‌య‌త్నించాడు. ఔట్ సైడ్ ఆఫ్ దిశ‌గా ప‌డిన బంతి కొంచెం స్వింగ్ అవుతూ ఆఫ్ స్టంప్‌ను గిరాటేసింది.దీంతో ఒక్క‌సారిగా స్టోక్స్ బిత్త‌ర‌పోయాడు. ఇందుకు సంబంధించిన వీడియో ప్ర‌స్తుతం సోష‌ల్ మీడియాలో వైర‌ల‌వుతోంది. తొలి రోజు ఆట‌లో కూడా ఇదే త‌ర‌హాలో హ్యారీ బ్రూక్‌ను బుమ్రా క్లీన్ బౌల్డ్ చేశాడు. స్టోక్స్‌ను ఔట్ చేసిన అనంతరం జో రూట్‌(104), క్రిస్ వోక్స్‌ను పెవిలియ‌న్‌కు పంపాడు. మొత్తంగా ఇప్ప‌టివ‌ర‌కు బుమ్రా నాలుగు వికెట్లు ప‌డ‌గొట్టాడు.Jasprit Bumrah takes three big wickets Root, Stokes & Woakes in just 7 balls.He flipped the match in a single spell.⁰Game-changer. Match-winner. Jasprit Bumrah 🐐⁰#INDvsENG #ENGvINDpic.twitter.com/Wq19z1glb5— Kavya Maran (@Kavya_Maran_SRH) July 11, 2025

England vs India, 3rd Test- Lord's Day 1: టీమిండియా- ఇంగ్లండ్‌ మధ్య ప్రఖ్యాత లార్డ్స్‌ మైదానంలో మూడో టెస్టుకు రంగం సిద్ధమైంది. ఈ మ్యాచ్‌లో టాస్‌ గెలిచిన ఇంగ్లండ్‌ తొలుత బ్యాటింగ్‌ ఎంచుకుంది. ఈ సందర్భంగా ఇంగ్లండ్‌ సారథి బెన్‌ స్టోక్స్‌ మాట్లాడుతూ.. పిచ్‌ స్వభావాన్ని బట్టి తాను ఈ నిర్ణయం తీసుకున్నట్లు తెలిపాడు.మరోవైపు.. టీమిండియా కెప్టెన్‌ శుబ్‌మన్‌ గిల్‌.. తాను టాస్‌ గెలిస్తే తొలుత బౌలింగ్‌ ఎంచుకునేవాడినని తెలిపాడు. తమ బౌలర్లు పూర్తి విశ్వాసంతో బరిలోకి దిగుతున్నారని పేర్కొన్నాడు. మిడిలార్డర్‌లో బ్యాటింగ్‌ చేయడం తనకు సంతోషంగా ఉందన్న గిల్‌.. తాము ఒకే ఒక్క మార్పుతో బరిలోకి దిగుతున్నట్లు తెలిపాడు. యువ పేసర్‌ ప్రసిద్‌ కృష్ణ స్థానంలో పేస్‌ దళ నాయకుడు జస్‌ప్రీత్‌ బుమ్రాను ఆడిస్తున్నట్లు వెల్లడించాడు. కాగా టెండుల్కర్‌- ఆండర్సన్‌ ట్రోఫీలో భాగంగా ఐదు టెస్టులు ఆడేందుకు టీమిండియా ఇంగ్లండ్‌లో పర్యటిస్తోంది. ఈ క్రమంలో ఇరుజట్ల మధ్య లీడ్స్‌లో తొలి టెస్టు జరుగగా.. ఆతిథ్య ఇంగ్లండ్‌ ఐదు వికెట్ల తేడాతో గెలిచింది. అయితే, ఎడ్జ్‌బాస్టన్‌లో భారత్‌ ఇందుకు ప్రతీకారం తీర్చుకుంది. స్టోక్స్‌ బృందాన్ని ఏకంగా 336 పరుగుల తేడాతో చిత్తుగా ఓడించి.. ఈ వేదికపై తొలి గెలుపు నమోదు చేసింది. ఇక ఇరుజట్ల మధ్య లార్డ్స్‌లో ఇప్పటి వరకు 19 టెస్టులు జరుగగా ఇంగ్లండ్‌ 12, భారత్‌ మూడు టెస్టు గెలువగా.. నాలుగు డ్రా అయ్యాయి. కాగా 2021లో చివరగా ఇక్కడ టీమిండియా గెలుపుబావుటా ఎగురవేసింది. తుదిజట్లుభారత్‌శుబ్‌మన్‌ గిల్‌ (కెప్టెన్), యశస్వి జైస్వాల్, కేఎల్‌ రాహుల్, కరుణ్‌ నాయర్, రిషభ్‌ పంత్, రవీంద్ర జడేజా, వాషింగ్టన్‌ సుందర్, ఆకాశ్‌దీప్, మహ్మద్‌ సిరాజ్, జస్‌ప్రీత్‌ బుమ్రా, నితీశ్‌ కుమార్‌ రెడ్డి.ఇంగ్లండ్‌బెన్‌ స్టోక్స్‌ (కెప్టెన్), జాక్‌ క్రాలీ, బెన్‌ డకెట్, ఓలీ పోప్, జో రూట్, హ్యారీ బ్రూక్, జేమీ స్మిత్, క్రిస్‌ వోక్స్, బ్రైడన్‌ కార్స్, జోఫ్రా ఆర్చర్, షోయబ్‌ బషీర్‌.

ఎడ్జ్‌బాస్ట‌న్ వేదిక‌గా జ‌రిగిన రెండో టెస్టులో ఇంగ్లండ్‌ను 336 ప‌రుగుల తేడాతో టీమిండియా చిత్తు చేసిన సంగ‌తి తెలిసిందే. బ్యాటింగ్‌, బౌలింగ్ రెండింటిలోనూ అద‌ర‌గొట్టిన భార‌త జ‌ట్టు.. ఎడ్జ్‌బాస్ట‌న్ మైదానంలో త‌మ తొలి టెస్టు విజ‌యాన్ని న‌మోదు చేసింది.దీంతో ఐదు మ్యాచ్‌ల సిరీస్‌ను 1-1తో గిల్ సేన స‌మం చేసింది. ఈ క్ర‌మంలో ఇంగ్లండ్ కెప్టెన్ బెన్ స్టోక్స్ ఆదేశ మాజీ క్రికెట‌ర్ మైఖేల్ అథర్టన్ విమ‌ర్శ‌ల వ‌ర్షం కురిపించాడు. స్టోక్స్ పేల‌వ ఫామ్‌తో ఇబ్బంది ప‌డుతున్నాడ‌ని, కెప్టెన్‌గా త‌న మార్క్ చూపించ‌లేక‌పోతున్నాడ‌ని అథర్టన్ మండిప‌డ్డాడు. కాగా తొలి టెస్టులో ప‌ర్వాలేద‌న్పించిన స్టోక్స్‌.. రెండో టెస్టులో మాత్రం పూర్తిగా తేలిపోయాడు. అటు వ్య‌క్తిగత ప్ర‌ద‌ర్శ‌న ప‌రంగా.. ఇటు కెప్టెన్సీలోనూ విఫ‌ల‌మ‌య్యాడు."ఈ సిరీస్‌కు బెన్ స్టోక్స్‌కు క‌ఠిన ప‌రీక్ష వంటింది. స్టోక్స్ గ‌త కొంత కాలంగా గ‌డ్డు ప‌రిస్థితుల‌ను ఎదుర్కొంటున్నాడు. ముఖ్యంగా అత‌డి బ్యాటింగ్ ఫామ్ జ‌ట్టుపై తీవ్ర ప్ర‌భావం చూపుతోంది. రోజు రోజుకు అత‌డి బ్యాటింగ్ ఫామ్ దిగ‌జారుతూ వ‌స్తోంది.వ‌న్డే, టీ20లకు దూరంగా ఉంటూ స్టోక్స్ కేవ‌లం టెస్టుల్లో ఆడుతూ వన్-ఫార్మాట్ ప్లేయ‌ర్‌గా కొన‌సాగుతున్నాడు. అత‌డు జ‌ట్టును ఒక ప్ర‌ణాళిక‌ప‌రంగా ముందుకు న‌డిపించలేక‌పోతున్నాడు. అత‌డి పేల‌వ ఫామ్ కెప్టెన్సీపై ఇంపాక్ట్ చూపుతోంది. అంతేకాకుండా స్పిన్న‌ర్ల‌ను ఆడ‌టానికి ఇబ్బంది ప‌డుతున్నాడు.కానీ ప్ర‌త్య‌ర్ధి కెప్టెన్ శుబ్‌మ‌న్ గిల్ మాత్రం అద్బుతంగా రాణిస్తున్నాడు. తొలిసారి కెప్టెన్‌గా వ్య‌వ‌హ‌రిస్తున‌ప్ప‌ట‌కి జ‌ట్టును ముందుండి నడిపిస్తున్నాడు. లార్డ్స్‌లో జ‌ర‌గ‌నున్న మూడో టెస్టులో కూడా భార‌త్ నుంచి ఇంగ్లండ్‌కు గ‌ట్టి స‌వాల్‌ ఎదురుకానుంది.ఈ మ్యాచ్‌లో స్టోక్స్ కెప్టెన్‌గా ఎలా రాణిస్తాడన్న‌ది చాలా ముఖ్యంమ‌ని" ది టైమ్స్ కాల‌మ్‌లో అథర్టన్ పేర్కొన్నాడు. కాగా టెస్టుల్లో స్టోక్స్ సెంచ‌రీ చేసి దాదాపు రెండేళ్లు అవుతోంది. ఇక ఇంగ్లండ్‌-భార‌త్ మ‌ధ్య మూడో టెస్టు గురువారం నుంచి ప్రారంభం కానుంది.చదవండి: IND vs ENG: భార‌త్‌తో వ‌న్డే సిరీస్‌.. ఇంగ్లండ్ జ‌ట్టు ప్ర‌క‌ట‌న‌! కెప్టెన్‌ ఈజ్‌ బ్యాక్‌

ఇంగ్లండ్‌ టెస్టు జట్టు కెప్టెన్‌ బెన్‌ స్టోక్స్‌ (Ben Stokes)పై టీమిండియా అభిమానులు మండిపడుతున్నారు. ఓడిపోయిన తర్వాత ఇలాంటి కుంటిసాకులు చెప్పడం అస్సలు బాగాలేదంటూ ట్రోల్‌ చేస్తున్నారు. ‘‘అందని ద్రాక్ష పుల్లన’’ అనుకునే ‘నక్క’ మాదిరి వేషాలు వేయొద్దంటూ తమదైన శైలిలో చురకలు అంటిస్తున్నారు. రెండో టెస్టులో ఇంగ్లండ్‌పై భారత్‌ భారీ విజయం సాధించిన విషయం తెలిసిందే.ఎడ్జ్‌బాస్టన్‌లో చరిత్ర తిరగరాస్తూ తొలిసారి ఆతిథ్య జట్టు (IND Beat ENG)పై విజయ ఢంకా మోగించింది. రెండు ఇన్నింగ్స్‌లో కలిపి వెయ్యికి పైగా పరుగులు సాధించి.. ఇంగ్లండ్‌ను ఏకంగా 336 పరుగుల తేడాతో చిత్తు చేసింది. తద్వారా తొలి టెస్టు ఓటమికి ప్రతీకారం తీర్చుకుని ఐదు మ్యాచ్‌ల సిరీస్‌ను 1-1తో సమం చేసింది.ఉపఖండ పిచ్‌ మాదిరే ఉందిఈ నేపథ్యంలో ఓటమి అనంతరం ఇంగ్లండ్‌ కెప్టెన్‌ బెన్‌ స్టోక్స్‌ స్పందిస్తూ.. ఎడ్జ్‌బాస్టన్‌ పిచ్‌ గురించి చేసిన వ్యాఖ్యలు వైరల్‌ అవుతున్నాయి. ‘‘నిజం చెప్పాలంటే.. ఈ వికెట్‌ ఉపఖండ పిచ్‌ మాదిరే ఉంది. ఆట సాగుతున్న కొద్దీ పరుగులు రాబట్టడం కష్టతరంగా మారింది.పర్యాటక జట్టుకు అలవాటైన పిచ్‌లా మారిపోయిందనిపించింది. భారత బౌలింగ్‌ దళం తమకు అనుకూలమైన మాదిరి పిచ్‌పై బాగా ఆడింది’’ అని స్టోక్స్‌ పేర్కొన్నాడు. కాగా ఉపఖండ పిచ్‌లు స్పిన్‌కు అనుకూలంగా ఉంటాయన్న విషయం తెలిసిందే.పేసర్లకు 18 వికెట్లుఅయితే, ఎడ్జ్‌బాస్టన్‌ పిచ్‌ పొడిగా ఉంటుంది కాబట్టి బంతి టర్న్‌ అవుతుందనుకున్నా.. ఈ మ్యాచ్‌లో భారత పేసర్లే 18 వికెట్లు పడగొట్టారు. స్పిన్‌ ఆల్‌రౌండర్లైన రవీంద్ర జడేజా, వాషింగ్టన్‌ తలా ఒక్క వికెట్‌ మాత్రమే తీశారు. దీనిని బట్టి టీమిండియా కొత్త బంతితో ఎంత అద్భుతంగా రాణించిందో అర్థమవుతోంది. అయినప్పటికీ స్టోక్స్‌ ఇలా పిచ్‌ను సాకుగా చూపి.. టీమిండియా గెలుపును తక్కువ చేసేలా మాట్లాడటం అభిమానులకు రుచించలేదు. దీంతో.. ‘‘ఇంత ఏడుపు దేనికి?.. హుందాగా ఓటమిని అంగీకరించవచ్చు కదా’’ అంటూ అతడిని పెద్ద ఎత్తున ట్రోల్‌ చేస్తున్నారు.వరల్డ్‌ క్లాస్‌ టీమ్‌ ఇక ఏదేమైనా భారత్‌ వరల్డ్‌ క్లాస్‌ టీమ్‌ అంటూ ప్రశంసించిన స్టోక్స్‌.. శుమ్‌మన్‌ గిల్‌ అసాధారణ బ్యాటింగ్‌తో ఆకట్టుకున్నాడని కొనియాడటం విశేషం. కాగా ఈ మ్యాచ్‌లో భారత జట్టు కెప్టెన్‌ శుబ్‌మన్‌ గిల్‌ ద్విశతకం (269), శతకం (161) బాదగా... పేసర్‌ ఆకాశ్‌ దీప్‌ పది వికెట్లతో చెలరేగాడు. కాగా భారత్‌- ఇంగ్లండ్‌ మధ్య జూలై 10- 14 మధ్య జరుగనున్న మూడో టెస్టుకు లండన్‌లోని ప్రఖ్యాత లార్డ్స్‌ మైదానం వేదిక.భారత్‌ వర్సెస్‌ ఇంగ్లండ్‌ రెండో టెస్టు- సంక్షిప్త స్కోర్లు👉భారత్‌: 587 & 427/6 డిక్లేర్డ్‌👉ఇంగ్లండ్‌: 407 & 271👉ఫలితం: ఇంగ్లండ్‌పై 336 పరుగుల తేడాతో భారత్‌ జయభేరి.చదవండి: ప్రాణం పెట్టి ఆడాడు.. అతడొక అద్భుతం అంతే: శుబ్‌మన్‌ గిల్‌

భారత స్టార్‌ క్రికెటర్‌ రిషభ్‌ పంత్‌ (Rishabh Pant) సరికొత్త చరిత్ర సృష్టించాడు. ఇంగ్లండ్‌ గడ్డపై ధనాధన్‌ ఆటతో అలరిస్తున్న ఈ వికెట్‌ కీపర్‌ బ్యాటర్‌.. రెండో టెస్టు సందర్భంగా ఓ అరుదైన రికార్డు సాధించాడు. విదేశీ గడ్డపై టెస్టుల్లో అత్యధిక సిక్సర్లు బాదిన తొలి క్రికెటర్‌గా అవతరించాడు.ఈ క్రమంలో బెన్‌ స్టోక్స్‌ (Ben Stokes) పేరిట ఉన్న ఆల్‌టైమ్‌ వరల్డ్‌ రికార్డు (World Record)ను పంత్‌ బద్దలు కొట్టాడు. కాగా టెండుల్కర్‌- ఆండర్సన్‌ ట్రోఫీ ఆడేందుకు టీమిండియా ఇంగ్లండ్‌కు వెళ్లిన విషయం తెలిసిందే. ఈ క్రమంలో లీడ్స్‌ వేదికగా తొలి టెస్టులో రెండు ఇన్నింగ్స్‌లోనూ రిషభ్‌ పంత్‌ శతకాలతో చెలరేగాడు.వరుసగా రెండు శతకాలుతొలి ఇన్నింగ్స్‌లో 178 బంతుల్లో 12 ఫోర్లు, ఆరు సిక్సర్ల సాయంతో 134 పరుగులు చేసిన పంత్‌.. రెండో ఇన్నింగ్స్‌లో 140 బంతుల్లో 15 ఫోర్లు, మూడు సిక్సర్ల సాయంతో 118 పరుగులు సాధించాడు. అయితే, ఎడ్జ్‌బాస్టన్‌ వేదికగా బుధవారం మొదలైన రెండో టెస్టులో ఈ ఎడమచేతి వాటం బ్యాటర్‌ ఆరంభంలో విఫలమయ్యాడు.దూకుడుగా ఆడుతూరెండో టెస్టు తొలి ఇన్నింగ్స్‌లో 42 బంతుల్లో ఒక ఫోర్‌, ఒక సిక్సర్‌ బాది 25 పరుగులు చేసిన పంత్‌.. షోయబ్‌ బషీర్‌ బౌలింగ్‌లో జాక్‌ క్రాలేకు క్యాచ్‌ ఇచ్చి పెవిలియన్‌ చేరాడు. అయితే, రెండో ఇన్నింగ్స్‌లో మాత్రం తనలోని దూకుడైన ఆటను మరోసారి వెలికితీశాడు. శనివారం నాటి నాలుగో రోజు ఆట భోజన విరామ సమయానికి పంత్‌ 35 బంతులు ఎదుర్కొని ఐదు ఫోర్లు, రెండు సిక్సర్ల సాయంతో 41 పరుగులతో అజేయంగా ఉన్నాడు.ఈ క్రమంలోనే పంత్‌ స్టోక్స్‌ ప్రపంచ రికార్డును బద్దలుకొట్టాడు. ఇంగ్లండ్‌లో టెస్టు ఫార్మాట్లో మొత్తంగా 23 సిక్సర్లు పూర్తి చేసుకున్న పంత్‌.. విదేశీ గడ్డ(ఒకే దేశం)పై అత్యధిక సిక్స్‌లు నమోదు చేసిన క్రికెటర్‌గా నిలిచాడు. అంతకుముందు బెన్‌ స్టోక్స్‌ సౌతాఫ్రికాలో 21 సిక్సర్లు బాదాడు. ఇక ఇంగ్లండ్‌పై పంత్‌ తర్వాత అత్యధిక సిక్స్‌లు కొట్టిన రెండో పర్యాటక బ్యాటర్‌గా.. వెస్టిండీస్‌ దిగ్గజం సర్‌ వివియన్‌ రిచర్డ్స్‌ (16 సిక్సర్లు) నిలిచాడు.విదేశీ గడ్డపై టెస్టుల్లో అత్యధిక సిక్సర్లు బాదిన క్రికెటర్లు🏏రిషభ్‌ పంత్‌ (ఇండియా)- ఇంగ్లండ్‌పై 23 సిక్సర్లు🏏బెన్‌ స్టోక్స్‌ (ఇండియా)- సౌతాఫ్రికాపై 21 సిక్సర్లు🏏మాథ్యూ హెడెన్‌ (ఆస్ట్రేలియా)- టీమిండియాపై 19 సిక్సర్లు🏏వివియన్‌ రిచర్డ్స్ (వెస్టిండీస్‌)- ఇంగ్లండ్‌పై 16 సిక్సర్లు🏏హ్యారీ బ్రూక్‌ (ఇంగ్లండ్‌)- న్యూజిలాండ్‌పై 16 సిక్సర్లు.భారత్‌ 177/3 @ లంచ్‌ బ్రేక్‌ఇక ఓవర్‌నైట్‌ స్కోరు 64/1తో శనివారం నాటి ఆట మొదలుపెట్టిన టీమిండియా.. భోజన విరామ సమయానికి 38 ఓవర్ల ఆటలో మూడు వికెట్ల నష్టానికి 177 పరుగులు సాధించింది. ఓపెనర్‌ కేఎల్‌ రాహుల్‌ అర్ధ శతకం (55) చేయగా.. వన్‌డౌన్‌ బ్యాటర్‌ కరుణ్‌ నాయర్‌ (26) మరోసారి స్వల్ప స్కోరుకే వెనుదిరిగాడు. కెప్టెన్‌ శుబ్‌మన్‌ గిల్‌ 24, పంత్‌ 41 పరుగులతో క్రీజులో ఉన్నారు. నాలుగో రోజు లంచ్‌ బ్రేక్‌ సమయానికి తొలి ఇన్నింగ్స్‌ ఆధిక్యం (180) కలుపుకొని భారత జట్టుకు ఇంగ్లండ్‌పై 357 పరుగుల ఆధిక్యం లభించింది. కాగా తొలి టెస్టులో ఐదు వికెట్ల తేడాతో ఓడిన గిల్‌ సేన.. ఎడ్జ్‌బాస్టన్‌ టెస్టులో గెలిచి సిరీస్‌ 1-1తో సమం చేయాలని పట్టుదలగా ఉంది.పంత్‌ 65 పరుగులు చేసి...కాగా 51 బంతుల్లోనే 50 పరుగులు చేసిన పంత్‌.. 65 పరుగుల వ్యక్తిగత స్కోరు వద్ద వెనుదిరిగాడు. షోయబ్‌ బషీర్‌ బౌలింగ్‌లో బెన్‌ డకెట్‌కు క్యాచ్‌ ఇచ్చి పెవిలియన్‌కు చేరాడు.చదవండి: వైభవ్‌ సూర్యవంశీ విధ్వంసకర శతకం.. ఇంగ్లండ్‌ బౌలర్లపై విరుచుకుపడిన చిచ్చరపిడుగుIt’s Rishabh’s world and we’re just living in it! 😌#SonySportsNetwork #GroundTumharaJeetHamari #ENGvIND #NayaIndia #DhaakadIndia #TeamIndia #ExtraaaInnings pic.twitter.com/d1V9UBz17b— Sony Sports Network (@SonySportsNetwk) July 5, 2025

ఎడ్జ్‌బాస్టన్ వేదికగా భారత్‌తో జరుగుతున్న రెండో టెస్టులో ఇంగ్లండ్ కెప్టెన్ బెన్ స్టోక్స్ తన సహనాన్ని కోల్పోయాడు. ఫీల్డ్ అంపైర్‌తో స్టోక్స్ తీవ్ర వాగ్వాదానికి దిగాడు. అసలేమి ఏమి జరిగిందంటే.. టీమిండియా సెకెండ్ ఇన్నింగ్స్ ఎనిమిదో ఓవర్‌లో పేసర్‌ జోష్ టంగ్ వేసిన బంతి జైస్వాల్ ప్యాడ్‌ను తాకింది.దీంతో ఇంగ్లండ్ ఆటగాళ్లతో పాటు బౌలర్ కూడా ఎల్బీ కోసం అప్పీల్ చేశాడు. వెంటనే అంపైర్ షర్ఫుద్దౌలా ఔట్ అంటూ వేలు పైకెత్తాడు. ఈ క్రమంలో జైశ్వాల్ డీఆర్‌ఎస్ తీసుకోవాలా? వద్దా అని? నాన్‌స్ట్రైకర్‌లో ఎండ్‌లో ఉన్న కేఎల్ రాహుల్‌తో చర్చించాడు. కొద్దిసేపు మాట్లాడకున్నాక జైశ్వాల్ చివరకు రివ్యూ కోసం వెళ్లాడు.అయితే జైస్వాల్ రివ్యూ అడగడానికి ముందే 15 సెకన్ల టైమర్ ముగిసినట్లు బిగ్ స్క్రీన్‌పై కన్పించింది. అయినప్పటికి అంపైర్ మాత్రం రివ్యూకు అనుమతి ఇవ్వాలని నిర్ణయించుకున్నాడు. దీంతో స్టోక్స్‌ అంపైర్ నిర్ణయంపై అసహనం వ్యక్తం చేస్తూ వాగ్వాదానికి దిగాడు.మైదానంలో ఉన్న ఇంగ్లండ్ అభిమానులు సైతం అంపైర్ నిర్ణయాన్ని వ్యతిరేకించారు. ఆ సమయంలో స్టాండ్స్ నుంచి బిగ్గరగా అరుపులు వినిపించాయి. అ‍యితే రిప్లేలో మాత్రం బంతి స్టంప్స్‌ను హిట్‌చేస్తున్నట్లు తేలడంతో జైశ్వాల్(28) మైదానాన్ని వీడక తప్పలేదు. ఇందుకు సంబంధించిన వీడియో ప్రస్తుతం సోషల్ మీడియాలో వైరలవుతోంది.చదవండి: IND vs ENG: ఉత్కంఠ పోరు.. ఇంగ్లండ్ చేతిలో భారత్ ఓటమిpic.twitter.com/fJTJeyRZ4n— Drizzyat12Kennyat8 (@45kennyat7PM) July 4, 2025Josh Tongue gets Jaiswal trapped in front! ☝️🇮🇳 5️⃣1️⃣-1️⃣ pic.twitter.com/raWBqQXjv4— England Cricket (@englandcricket) July 4, 2025

ఎడ్జ్‌బాస్టన్‌ టెస్ట్‌ మూడో రోజు ఆట ప్రారంభం కాగానే టీమిండియా పేసర్‌ మహ్మద్‌ సిరాజ్‌ ఇంగ్లండ్‌ను భారీ దెబ్బేశాడు. రెండో ఓవర్‌లోనే వరుస బంతుల్లో స్టార్‌ బ్యాటర్లు జో రూట్‌ (22), బెన్‌ స్టోక్స్‌లను (0) ఔట్‌ చేశాడు. దీంతో ఇంగ్లండ్‌ 88 పరుగులకే సగం వికెట్లు కోల్పోయి పీకల్లోతు కష్టాల్లో కూరుకుపోయింది. DSP SIRAJ HAS TAKEN CHARGE AT EDGBASTON 🥶 pic.twitter.com/ycxlvrtuMC— Johns. (@CricCrazyJohns) July 4, 2025ప్రస్తుతం​ హ్యారీ బ్రూక్‌ (31), జేమీ స్మిత్‌ (4) క్రీజ్‌లో ఉన్నారు. భారత తొలి ఇన్నింగ్స్‌ స్కోర్‌కు ఇంగ్లండ్‌ ఇంకా 499 పరుగులు వెనుకపడి ఉంది. భారత బౌలర్లలో సిరాజ్‌ 3, ఆకాశ్‌దీప్‌ 2 వికెట్లు తీశారు. ఏదైనా అద్భుతం జరిగితే తప్ప ఈ మ్యాచ్‌లో ఇంగ్లండ్‌ గట్టెక్కలేదు.ముందు రోజు (రెండో రోజు) టీ విరామం తర్వాత తొలి ఇన్నింగ్స్‌ ప్రారంభించిన ఇంగ్లండ్‌.. ఆట ముగిసే సమయానికి 3 వికెట్ల నష్టానికి 77 పరుగులు చేసింది. ఇంగ్లండ్‌కు ఇన్నింగ్స్‌ ప్రారంభించగానే వరుస షాక్‌లు తగిలాయి. బుమ్రా స్థానంలో ఈ మ్యాచ్‌ ఆడుతున్న ఆకాశ్‌దీప్‌ వరుస బంతుల్లో తొలి టెస్ట్‌ సెంచరీ హీరోలు బెన్‌ డకెట్‌, ఓలీ పోప్‌లను డకౌట్‌ చేశాడు. అప్పటికి ఇంగ్లండ్‌ స్కోర్‌ 13 పరుగులు మాత్రమే. 25 పరుగుల వద్ద ఇంగ్లండ్‌కు మరో ఎదురుదెబ్బ తగిలింది. సిరాజ్‌ బౌలింగ్‌లో కరుణ్‌ నాయర్‌ క్యాచ్‌ పట్టడంతో జాక్‌ క్రాలే (19) ఔటయ్యాడు.ఈ మ్యాచ్‌లో టాస్‌ ఓడి తొలుత బ్యాటింగ్‌ చేసిన భారత్‌.. కెప్టెన్‌ శుభ్‌మన్‌ గిల్‌ రికార్డు డబుల్‌ సెంచరీతో (387 బంతుల్లో 269; 30 ఫోర్లు, 3 సిక్సర్లు) చెలరేగడంతో 587 పరుగులకు ఆలౌటైంది.భారత ఇన్నింగ్స్‌లో గిల్‌తో పాటు యశస్వి జైస్వాల్‌ (87), రవీంద్ర జడేజా (89), వాషింగ్టన్‌ సుందర్‌ (42) రాణించారు. గిల్‌.. జడేజాతో ఆరో వికెట్‌కు 203 పరుగులు , వాషింగ్టన్‌ సుందర్‌తో (42) ఏడో వికెట్‌కు 144 పరుగులు జోడించాడు.మిగతా భారత ఆటగాళ్లలో కేఎల్‌ రాహుల్‌ 2, కరుణ్‌ నాయర్‌ 31, రిషబ్‌ పంత్‌ 25, నితీశ్‌ కుమార్‌ రెడ్డి 1, ఆకాశ్‌దీప్‌ 6, సిరాజ్‌ 8, ప్రసిద్ద్‌ కృష్ణ 5 (నాటౌట్‌) పరుగులు చేశారు. ఇంగ్లండ్‌ బౌలర్లలో షోయబ్‌ బషీర్‌ 3, క్రిస్‌ వోక్స్‌, జోష్‌ టంగ్‌ తలో 2, బ్రైడన్‌ కార్స్‌, బెన్‌ స్టోక్స్‌, జో రూట్‌ చెరో వికెట్‌ పడగొట్టారు.

ఇంగ్లండ్‌ కెప్టెన్‌ బెన్‌ స్టోక్స్‌ (Ben Stokes) తనపై చేసిన ఆరోపణలపై టీమిండియా ఆల్‌రౌండర్‌ రవీంద్ర జడేజా (Ravindra Jadeja) స్పందించాడు. తాను ఉద్దేశపూర్వకంగా పిచ్‌ మధ్యలోకి వెళ్లలేదని.. ఇంగ్లండ్‌ బౌలింగ్‌ విధానమే తనను అందుకు పురిగొల్పిందని పేర్కొన్నాడు. తాను ఎలాంటి తప్పు చేయకపోయినా ఇంగ్లండ్‌ ఆటగాళ్లు పదే పదే అంపైర్‌ దగ్గరకు వెళ్లి ఫిర్యాదు చేశారని.. కానీ తాము మాత్రం ఇలాంటి తప్పులు చేయమని తెలిపాడు.కాగా ఐదు మ్యాచ్‌ల సిరీస్‌లో భాగంగా భారత్‌- ఇంగ్లండ్‌ (Ind vs Eng) మధ్య ఎడ్జ్‌బాస్టన్‌ వేదికగా బుధవారం రెండో టెస్టు మొదలైంది. ఇందులో టాస్‌ ఓడిన భారత్‌ తొలుత బ్యాటింగ్‌ చేసింది. కెప్టెన్‌ శుబ్‌మన్‌ గిల్‌ భారీ డబుల్‌ సెంచరీ (269)తో పాటు రవీంద్ర జడేజా (89), యశస్వి జైస్వాల్‌ (87 అద్భుతంగా రాణించగా.. తొలి ఇన్నింగ్స్‌లో 587 పరుగులు చేసింది.అంపైర్‌కు ఫిర్యాదుఇక గురువారం నాటి రెండో రోజు ఆట సందర్భంగా జడ్డూపై ఇంగ్లండ్‌ పేసర్‌ క్రిస్‌వోక్స్‌, కెప్టెన్‌ స్టోక్స్‌ పిచ్‌ను పాడుచేస్తున్నాడంటూ అంపైర్‌కు ఫిర్యాదు చేశారు. కావాలనే పదే పదే పిచ్‌ మధ్యలోకి పరిగెత్తుకు వచ్చి డ్యామేజ్‌ చేస్తున్నాడంటూ ఆరోపించారు.స్టోక్స్‌కు ఇచ్చిపడేసిన జడ్డూఇదే విషయంపై స్టోక్స్‌ జడ్డూతో.. ‘‘చూడు మేట్‌.. నువ్వేం చేస్తున్నావో కనబడుతోందా?’’ అంటూ మైదానంలోనే వాగ్వాదానికి దిగాడు కూడా!.. ఇందుకు జడ్డూ గట్టిగానే బదులిచ్చాడు. ‘‘నేను ఎక్కడి నుంచి వస్తున్నానో చూస్తూనే ఉన్నావు కదా!..నేనైతే ఇలాంటి ఏరియాల్లో బౌలింగ్‌ చేయను. అయినా నా దృష్టి మొత్తం ఇప్పుడు బ్యాటింగ్‌ మీదే ఉంది’’ అని కౌంటర్‌ ఇచ్చాడు. ఇక ఇదే విషయంపై మ్యాచ్‌ అనంతరం జడేజా స్పందించాడు.మీడియా సమావేశంలో మాట్లాడుతూ.. ‘‘నేనేదో కావాలనే పిచ్‌ను తొక్కుతున్నట్లు వారు భావించారు. నిజానికి ఫాస్ట్‌ బౌలర్ల బౌలింగ్‌ను ఎలా ఎదుర్కోవాలో నేను అదే పని చేశాను. కానీ వాళ్లు ప్రతిసారి అంపైర్‌ దగ్గరకు వెళ్లి ఫిర్యాదు చేశారు.నాకైతే పిచ్‌ మధ్యలోకి వెళ్లాలన్న ఉద్దేశం ఎంతమాత్రమూ లేదు. పరుగులు తీసే క్రమంలో నేను ముందుకు సాగిపోతూ ఉన్నానంతే!.. ఏదేమైనా నాకు అవకాశం వస్తే గనుక... నేను వాళ్లలా బౌల్‌ చేయను. సరైన లైన్‌ అండ్‌ లెంగ్త్‌తో.. సరైన చోటే బంతిని వేస్తాను’’ అని జడ్డూ చెప్పుకొచ్చాడు. కాగా గురువారం నాటి ఆట ముగిసే సరికి ఇంగ్లండ్‌ మూడు వికెట్ల నష్టానికి 77 పరుగులు చేసింది. చదవండి: IND vs ENG 2nd Test: వైభవ్‌ సూర్యవంశీని పిలిపించిన బీసీసీఐ! Sir Jadeja classic on the Stumps Mic. 😂 pic.twitter.com/SqhuVJqq4f— Mufaddal Vohra (@mufaddal_vohra) July 4, 2025

England vs India 2nd Test Birmingham: టీమిండియాతో రెండో టెస్టులో టాస్‌ గెలిచిన ఇంగ్లండ్‌ తొలుత బౌలింగ్‌ ఎంచుకుంది. ఎడ్జ్‌బాస్టన్‌ పిచ్‌ పరిస్థితులకు అనుగుణంగా తాను ఈ నిర్ణయం తీసుకున్నట్లు ఇంగ్లండ్‌ కెప్టెన్‌ బెన్‌ స్టోక్స్‌ (Ben Stokes) తెలిపాడు. మరోవైపు.. టీమిండియా కెప్టెన్‌ శుబ్‌మన్‌ గిల్‌ (Shubman Gill) సైతం ఇదే అభిప్రాయం వ్యక్తం చేశాడు.బుమ్రాకు విశ్రాంతితాను టాస్‌ గెలిస్తే తప్పక తొలుత బౌలింగే ఎంచుకునేవాడినని తెలిపాడు. ఇక రెండో టెస్టులో తాము మూడు మార్పులతో బరిలోకి దిగినట్లు గిల్‌ వెల్లడించాడు. ప్రధాన పేసర్‌ జస్‌ప్రీత్‌ బుమ్రాకు విశ్రాంతినిచ్చామని.. పేస్‌ బౌలింగ్‌ ఆల్‌రౌండర్‌ నితీశ్‌ కుమార్‌ రెడ్డితో పాటు స్పిన్‌ బౌలింగ్‌ ఆల్‌రౌండర్‌ వాషింగ్టన్‌ సుందర్‌ను తుదిజట్టులోకి తీసుకున్నట్లు తెలిపాడు.ఆ ఇద్దరిపై వేటుకాగా ఇంగ్లండ్‌తో తొలి టెస్టు ఆడిన పేస్‌ బౌలింగ్‌ ఆల్‌రౌండర్‌ శార్దూల్‌ ఠాకూర్‌తో పాటు.. ఈ మ్యాచ్‌తో అరంగేట్రం చేసిన సాయి సుదర్శన్‌పై వేటు పడింది. శార్దూల్‌ తొలి టెస్టులో కేవలం ఐదు పరుగులు చేయడంతో పాటు.. రెండు వికెట్లు మాత్రమే తీయగలిగాడు.కరుణ్‌ నాయర్‌కు రెండో అవకాశంమరోవైపు.. వన్‌డౌన్‌ బ్యాటర్‌ సాయి తొలి ఇన్నింగ్స్‌లో డకౌట్‌ కాగా.. రెండో ఇన్నింగ్స్‌లో ముప్పై పరుగులు చేయగలిగాడు. అయితే, సాయి సుదర్శన్‌తో పాటే విఫలమైన సీనియర్‌ కరుణ్‌ నాయర్‌పై మేనేజ్‌మెంట్‌ మరోసారి నమ్మకం ఉంచింది. అతడికి రెండో ఛాన్స్‌ ఇచ్చింది. కాగా కరుణ్‌ తొలి ఇన్నింగ్స్‌లో పరుగుల ఖాతా తెరవకుండానే నిష్క్రమించాడు. అదే విధంగా రెండో ఇన్నింగ్స్‌లోనూ 20 పరుగులు మాత్రమే చేయగలిగాడు. కాగా టెండుల్కర్‌- ఆండర్సన్‌ ట్రోఫీ ఆడేందుకు భారత జట్టు ఇంగ్లండ్‌ పర్యటనకు వెళ్లింది. ఇందులో భాగంగా ఆతిథ్య జట్టుతో ఐదు టెస్టులు ఆడనుంది. ఈ క్రమంలో లీడ్స్‌లోని హెడింగ్లీ మైదానంలో తొలి టెస్టు జరుగగా.. గిల్‌ సేన ఐదు వికెట్ల తేడాతో ఓటమి పాలైంది.ఫలితంగా ఇంగ్లండ్‌ ఈ సిరీస్‌లో 1-0తో ముందంజలో నిలిచింది. ఇరుజట్ల మధ్య బర్మింగ్‌హామ్‌లోని ఎడ్జ్‌బాస్టన్‌ స్టేడియంలో జూలై 2-6 రెండో టెస్టుకు షెడ్యూల్‌ ఖరారైంది. ఈ మ్యాచ్‌లో గెలిచి సిరీస్‌ను 1-1తో సమం చేయాలని పట్టుదలగా ఉంది.భారత్‌ వర్సెస్‌ ఇంగ్లండ్‌ రెండో టెస్టు తుదిజట్లుభారత్‌యశస్వి జైస్వాల్, కేఎల్ రాహుల్, కరుణ్ నాయర్, శుభ్‌మన్ గిల్(కెప్టెన్‌), రిషబ్ పంత్(వికెట్‌ కీపర్‌), నితీశ్‌ కుమార్ రెడ్డి, రవీంద్ర జడేజా, వాషింగ్టన్ సుందర్, ఆకాశ్‌ దీప్, మహ్మద్ సిరాజ్, ప్రసిద్‌ కృష్ణ.ఇంగ్లండ్‌జాక్ క్రాలే, బెన్ డకెట్, ఓలీ పోప్, జో రూట్, హ్యారీ బ్రూక్, బెన్ స్టోక్స్(కెప్టెన్), జామీ స్మిత్(వికెట్‌ కీపర్‌), క్రిస్ వోక్స్, బ్రైడన్ కార్స్, జోష్ టంగ్, షోయబ్ బషీర్.చదవండి: చరిత్ర సృష్టించిన భారత బ్యాటర్‌.. తొలి ప్లేయర్‌గా ప్రపంచ రికార్డు

జులై 2వ తేదీ నుంచి బర్మింగ్హమ్‌ వేదికగా టీమిండియాతో జరుగబోయే రెండో టెస్ట్‌ కోసం ఇంగ్లండ్‌ తుది జట్టును ఇవాళ (జూన్‌ 30) ప్రకటించారు. ఈ మ్యాచ్‌లో ఇంగ్లండ్‌ తొలి టెస్ట్‌లో ఆడిన జట్టునే యథాతథంగా కొనసాగించింది. రెండో టెస్ట్‌ కోసం ప్రత్యేకంగా ఎంపిక చేసిన స్టార్‌ పేసర్‌ జోఫ్రా ఆర్చర్‌కు తుది జట్టులో చోటు దక్కలేదు. తొలి టెస్ట్‌లో రాణించిక పోయినా ఇంగ్లండ్‌ మేనేజ్‌మెంట్‌ క్రిస్‌ వోక్స్‌పై నమ్మకం ఉంచింది. అతనితో పాటు జోష్‌ టంగ్‌, బ్రైడన్‌ కార్స్‌ను కొనసాగించింది. నాలుగో పేసర్‌గా కెప్టెన్‌ బెన్‌ స్టోక్స్‌ వ్యవహరించనున్నాడు. స్పెషలిస్ట్‌ స్పిన్నర్‌గా షోయబ్‌ బషీర్‌ కొనసాగనున్నాడు. బ్యాటింగ్‌ విభాగంలో జాక్‌ క్రాలే, బెన్‌ డకెట్‌, ఓలీ పోప్‌,జో రూట్‌, హ్యారీ బ్రూక్‌ తమ యధా స్థానాల్లో బరిలోకి దిగనున్నారు. వికెట్‌కీపర్‌గా జేమీ స్మిత్‌ వ్యవహరించనున్నాడు.రెండో టెస్ట్‌ జులై 2న భారతకాలమానం ప్రకారం మధ్యాహ్నం 3:30 గంటలకు ప్రారంభం కానుంది. ఐదు మ్యాచ్‌ల ఈ టెస్ట్‌ సిరీస్‌లో ఇంగ్లండ్‌ 1-0 ఆధిక్యంలో కొనసాగుతుంది. లీడ్స్‌ వేదికగా జరిగిన తొలి టెస్ట్‌లో ఇంగ్లండ్‌ 5 వికెట్ల తేడాతో విజయం సాధించింది. చివరి రోజు వరకు ఉత్కంఠగా సాగిన ఈ మ్యాచ్‌లో భారత్‌ 371 పరుగుల భారీ లక్ష్యాన్ని కూడా కాపాడుకోలేక పరాజయంపాలైంది.ఛేదనలో బెన్‌ డకెట్‌ (149) సూపర్‌ సెంచరీ చేసి ఇంగ్లండ్‌ను గెలిపించాడు. జాక్‌ క్రాలే (65), జో రూట్‌ (53 నాటౌట్‌), బెన్‌ స్టోక్స్‌ (33), జేమీ స్మిత్‌ (44 నాటౌట్‌) తలో చేయి వేశారు. భారత బౌలర్లు సెకెండ్‌ ఇన్నింగ్స్‌లో ఇంగ్లండ్‌ బ్యాటర్లను ఏమాత్రం కట్టడి చేయలేకపోయారు. ఇంగ్లండ్‌ బ్యాటర్లు భారత బౌలర్లను సునాయాసంగా ఎదుర్కొని పరుగులు చేశారు. ప్రసిద్ద్‌ కృష్ణ, శార్దూల్‌ ఠాకూర్‌ తలో 2 వికెట్లు తీసినా ధారాళంగా పరుగులు సమర్పించుకున్నారు. అనుభవజ్ఞుడైన స్పిన్నర్‌ రవీంద్ర జడేజాది కూడా అదే పరిస్థితి.ఈ మ్యాచ్‌లో భారత బ్యాటర్లు రెండు ఇన్నింగ్స్‌ల్లో అద్బుతంగా ఆడారు. అయినా సెకెండ్‌ ఇన్నింగ్స్‌లో బౌలర్లు ప్రభావం చూపలేకపోవడంతో టీమిండియాకు ఓటమి తప్పలేదు. ఈ మ్యాచ్‌లో భారత్‌ తరఫున ఐదు శతకాలు నమోదైన ప్రయోజనం లేకుండా పోయింది. తొలి ఇన్నింగ్స్‌లో జైస్వాల్‌ (101), గిల్‌ (147), పంత్‌ (134) సెంచరీలు చేశారు. రెండో ఇన్నింగ్స్‌లో కేఎల్‌ రాహుల్‌ (137), పంత్‌ (118) శతకాలు చేశారు. ఇంగ్లండ్‌ తరఫున తొలి ఇన్నింగ్స్‌లో ఓలీ పోప్‌ (106) సెంచరీ చేయగా.. హ్యారీ బ్రూక్‌ (99) తృటిలో ఆ అవకాశాన్ని చేజార్చుకున్నాడు. తొలి ఇన్నింగ్స్‌లో బుమ్రా 5 వికెట్ల ప్రదర్శన చేసినప్పటికీ ఇంగ్లండ్‌ భారీ స్కోర్ చేసింది.టీమిండియాతో రెండో టెస్ట్‌ కోసం ఇంగ్లండ్‌ తుది జట్టు..జాక్ క్రాలే, బెన్ డకెట్, ఓలీ పోప్, జో రూట్, హ్యారీ బ్రూక్, బెన్ స్టోక్స్ (కెప్టెన్), జేమీ స్మిత్ (వికెట్ కీపర్), క్రిస్ వోక్స్, బ్రైడాన్ కార్స్, జోష్ టంగ్, షోయబ్ బషీర్

లీడ్స్‌: తొలి టెస్టులో భారత జట్టు లోయర్‌ ఆర్డర్‌ను కట్టడి చేయడం కూడా తమ విజయానికి ప్రధాన కారణమని ఇంగ్లండ్‌ కెప్టెన్‌ బెన్‌ స్టోక్స్‌ అభిప్రాయపడ్డాడు. బ్యాటింగ్‌కు అనుకూలంగా ఉన్న పిచ్‌పై కూడా తమ బౌలర్లు ప్రత్యర్థి చివరి వరుస బ్యాటర్లను తొందరగా అవుట్‌ చేయడంలో సఫలమయ్యారని అతను ప్రశంసించాడు. తొలి ఇన్నింగ్స్‌లో 41 పరుగుల వ్యవధిలో చివరి 7 వికెట్లు కోల్పోయిన భారత్‌... రెండో ఇన్నింగ్స్‌లో 31 పరుగుల వ్యవధిలో చివరి 6 వికెట్లు చేజార్చుకుంది. ‘ఇరు జట్లు నమోదు చేసిన స్కోర్లు చూస్తే మంచి బ్యాటింగ్‌ పిచ్‌ అని అర్థమవుతోంది. అయితే ఈ మ్యాచ్‌లో పలు మలుపులున్నా అన్నింటికంటే ప్రధానమైన కారణం రెండుసార్లూ భారత్‌ లోయర్‌ ఆర్డర్‌ను మేం కట్టడి చేయడమే అని నేను భావిస్తున్నా. రెండో ఇన్నింగ్స్‌లో అయితే భారత్‌ స్కోరు కనీసం 500 వరకు చేరే అవకాశం కనిపించింది. అలా జరిగితే మాకు ఛేదన కష్టమయ్యేది. కానీ మా బౌలర్లు వారికి ఆ అవకాశం ఇవ్వలేదు. చక్కటి ఆటతో పాటు ప్రతీ సెషన్‌లో మా ఆటగాళ్లు చూపిన పట్టుదల కూడా ప్రశంసనీయార్హం’ అని స్టోక్స్‌ అన్నాడు. 371 పరుగుల ఛేదనలో శుభారంభం అందించిన ఓపెనర్లు డకెట్, క్రాలీలను కెపె్టన్‌ ప్రత్యేకంగా అభినందించాడు. ముఖ్యంగా జడేజా బౌలింగ్‌లో డకెట్‌ రివర్స్‌ స్వీప్‌లతో భారీగా పరుగులు రాబట్టడం అద్భుతమని... అతని సలహాతోనే తాను కూడా స్పిన్‌ను ఎదుర్కొనేందుకు రివర్స్‌ స్వీప్‌ వైపే మొగ్గు చూపానని ఇంగ్లండ్‌ కెపె్టన్‌ చెప్పాడు. హెడింగ్లీ మైదానంలో సాధారణంగా అవుట్‌ఫీల్డ్‌ చాలా వేగంగా ఉంటుందని, అందుబాటులో ఉన్న ఓవర్లన్నీ ఆడగలిగితే తాము విజయం సాధిస్తామనే గట్టి నమ్మకంతో ఉన్నామన్న స్టోక్స్‌... టాస్‌ గెలిచి ఫీల్డింగ్‌ తీసుకున్న నిర్ణయం చివరకు తప్పు కాకపోవడం పట్ల సంతృప్తి వ్యక్తం చేశాడు.

Ind vs Eng 1st Test: ఇంగ్లండ్‌ పర్యటనలో టీమిండియాకు ఆరంభంలోనే ఎదురుదెబ్బ తగిలింది. లీడ్స్‌ వేదికగా తొలి టెస్టులో ఆతిథ్య జట్టు చేతిలో గిల్‌ సేన ఐదు వికెట్ల తేడాతో ఓటమిపాలైంది. టెండుల్కర్‌-ఆండర్సన్‌ ట్రోఫీలో భాగంగా ఐదు టెస్టులు ఆడేందుకు భారత జట్టు ఇంగ్లండ్‌కు వెళ్లింది. ఈ క్రమంలో హెడింగ్లీ మైదానంలో శుక్రవారం తొలి టెస్టు మొదలుకాగా.. టాస్‌ గెలిచిన ఇంగ్లండ్‌ తొలుత బౌలింగ్‌ ఎంచుకుంది.తొలి ఇన్నింగ్స్‌లో మూడు శతకాలుబ్యాటింగ్‌కు దిగిన భారత్‌కు ఓపెనర్లు కేఎల్‌ రాహుల్‌ (42), యశస్వి జైస్వాల్‌ (101) శుభారంభం అందించారు. జైసూతో పాటు కెప్టెన్‌ శుబ్‌మన్‌ గిల్‌ (147), వికెట్‌ కీపర్‌ బ్యాటర్‌ రిషభ్‌ పంత్‌ (134) సెంచరీతో చెలరేగారు. ఫలితంగా టీమిండియా తొలి ఇన్నింగ్స్‌లో 471 పరుగులకు ఆలౌట్‌ అయింది.ఇంగ్లండ్‌ బౌలర్లలో జోష్‌ టంగ్‌, కెప్టెన్‌ బెన్‌ స్టోక్స్‌ చెరో నాలుగు వికెట్లు తీయగా.. షోయబ్‌ బషీర్‌, బ్రైడన్‌ కార్స్‌ తలా ఓ వికెట్ తమ ఖాతాలో వేసుకున్నారు. ఈ క్రమంలో తొలి ఇన్నింగ్స్‌ మొదలుపెట్టిన ఆతిథ్య జట్టు.. 465 పరుగులు చేసింది.ఆరు పరుగుల ఆధిక్యంఓపెనర్‌ బెన్‌ డకెట్‌ (62) హాఫ్‌ సెంచరీతో మెరవగా.. వన్‌డౌన్‌ బ్యాటర్‌ ఓలీ పోప్‌ సెంచరీ (106)తో ఆకట్టుకున్నాడు. ఇక మరో కీలక బ్యాటర్‌ హ్యారీ బ్రూక్‌ 99 పరుగులతో అదరగొట్టగా... మిగతా వాళ్లలో వికెట్‌ కీపర్‌ బ్యాటర్‌ జేమీ స్మిత్‌ 40, టెయిలెండర్‌ క్రిస్ వోక్స్‌ 38 పరుగులతో రాణించారు.భారత బౌలర్లలో ప్రధాన పేసర్‌ జస్‌ప్రీత్‌ బుమ్రా ఐదు వికెట్లు కూల్చగా.. మిగిలిన పేసర్లలో ప్రసిద్‌ కృష్ణ మూడు, సిరాజ్‌ రెండు వికెట్లు పడగొట్టారు. ఇక ఇంగ్లండ్‌ తొలి ఇన్నింగ్స్‌లో465 పరుగులకే ఆలౌట్‌ కావడంతో టీమిండియాకు ఆరు పరుగుల స్వల్ప ఆధిక్యం లభించింది.ఆదుకున్న రాహుల్‌, పంత్‌.. కానీఈ క్రమంలో రెండో ఇన్నింగ్స్‌ మొదలుపెట్టిన గిల్‌ సేన శుభారంభం అందుకోలేకపోయింది. ఈసారి ఓపెనర్‌ యశస్వి జైస్వాల్‌ (4) పూర్తిగా విఫలమయ్యాడు. నాలుగో నంబర్‌ బ్యాటర్‌, కెప్టెన్‌ గిల్‌ (8) కూడా నిరాశపరిచాడు. ఇక వన్‌డౌన్‌ బ్యాటర్‌ సాయి సుదర్శన్‌ 30 పరుగులు చేశాడు.ఈ దశలో మరో ఓపెనర్‌ కేఎల్‌ రాహుల్‌ (137), రిషభ్‌ పంత్‌ (118) శతకాలు సాధించి ఇన్నింగ్స్‌ చక్కదిద్దారు. అయితే, ఆ తర్వాత వచ్చిన కరుణ్‌ నాయర్‌ (20) ఎక్కువ సేపు నిలవలేకపోయాడు. శార్దూల్‌ ఠాకూర్‌ (4), సిరాజ్‌ (0), బుమ్రా (0), ప్రసిద్‌ కృష్ణ (0) చేతులెత్తేశారు. రవీంద్ర జడేజా (25 నాటౌట్‌) కాసేపు ఒంటరి పోరాటం చేశాడు. ఈ క్రమంలో 96 ఓవర్లలో 364 పరుగులకు టీమిండియా ఆలౌట్‌ అయింది.శతక్కొట్టిన డకెట్‌ఈ స్కోరుకు తొలి ఇన్నింగ్స్‌ ఆధిక్యం ఆరు పరుగులు కలుపుకొని.. ఇంగ్లండ్‌ లక్ష్యాన్ని 371 పరుగులుగా నిర్దేశించింది గిల్‌ సేన. సోమవారం నాటి నాలుగో రోజు ఆట పూర్తయ్యేసరికి ఇంగ్లండ్‌ వికెట్‌ నష్టపోకుండా 21 పరుగులు చేసింది. ఈ క్రమంలో మంగళవారం ఓవర్‌ నైట్‌ స్కోరు 21/0తో ఆట మొదలుపెట్టిన ఇంగ్లండ్‌ ఆది నుంచే ఆధిపత్యం కనబరిచింది. తొలి సెషన్‌లో వికెట్‌ నష్టపోకుండా ఆడిన స్టోక్స్‌ బృందం.. ఆ తర్వాత వికెట్లు కోల్పోయినా టార్గెట్‌ను పూర్తి చేసింది.ఓపెనర్లలో జాక్‌ క్రాలే అర్ద శతకం (65) చేయగా.. ప్లేయర్‌ ఆఫ్‌ ది మ్యాచ్‌ బెన్‌ డకెట్‌ అద్భుత శతకం (149)తో మెరిశాడు. ఓలీ పోప్‌ (8), హ్యారీ బ్రూక్‌ (0) విఫలమైనా.. జో రూట్‌ (53 నాటౌట్‌), జేమీ స్మిత్‌ (44 నాటౌట్‌) పని పూర్తి చేశారు. ఇక కెప్టెన్‌ స్టోక్స్‌ 33 పరుగులు చేశాడు. భారత బౌలర్లలో జడేజా ఒక వికెట్‌ తీయగా.. ప్రసిద్‌, శార్దూల్‌ ఠాకూర్‌ చెరో రెండు వికెట్లు తీశారు. కాగా, ఈ ఓటమితో కెప్టెన్‌గా గిల్‌కు తొలి ప్రయత్నంలోనే చేదు అనుభవం ఎదురైంది.టీమిండియా వర్సెస్‌ ఇంగ్లండ్‌- తొలి టెస్టు🏏షెడ్యూల్‌: జూన్‌ 20- 24🏏వేదిక: హెడింగ్లీ, లీడ్స్‌🏏టీమిండియా తొలి ఇన్నింగ్స్‌: 471 ఆలౌట్‌🏏ఇంగ్లండ్‌ తొలి ఇన్నింగ్స్‌: 465 ఆలౌట్‌🏏తొలి ఇన్నింగ్స్‌లో టీమిండియాకు ఆరు పరుగుల ఆధిక్యం🏏టీమిండియా రెండో ఇన్నింగ్స్‌: 364 ఆలౌట్‌🏏ఇంగ్లండ్‌ లక్ష్యం: 371🏏ఆఖరిదైన ఐదో రోజు ఆటలో భాగంగా 373 పరుగులు సాధించి లక్ష్యాన్ని ఛేదించిన స్టోక్స్‌ బృందం🏏ఫలితం: ఐదు వికెట్ల తేడాతో టీమిండియాపై ఇంగ్లండ్‌ విజయం

లీడ్స్ వేదిక‌గా భార‌త్‌-ఇంగ్లండ్ మ‌ధ్య తొలి టెస్టు నువ్వా నేనా అన్న‌ట్లు సాగుతోంది. టాస్ ఓడి బ్యాటింగ్‌కు దిగిన భార‌త్ త‌మ తొలి ఇన్నింగ్స్‌లో 471 ప‌రుగులు చేసింది. అనంత‌రం ఇంగ్లండ్ సైతం తొలి ఇన్నింగ్స్‌లో 465 ప‌రుగులు చేసి టీమిండియాకు ధీటైన సమాధానం ఇచ్చింది.మూడో రోజు ఆట ముగిసే సమయానికి భారత్ రెండో ఇన్నింగ్స్‌లో 2 వికెట్ల నష్టానికి 90 పరుగులు చేసింది. గిల్ సేన ప్రస్తుతం 96 పరుగుల ఆధిక్యంలో కొనసాగుతోంది. ఇంగ్లండ్ ముందు భారీ టార్గెట్ ఉంచాలంటే నాలుగో రోజు మొత్తం భారత్ బ్యాటిం‍గ్ చేయాల్సిందే. క్రీజులో కేఎల్ రాహుల్‌(47), శుబ్‌మన్ గిల్‌(6) ఉన్నారు.స్టోక్స్ స్ధానంలో భార‌త సంత‌తి ఆట‌గాడు..ఇక నాలుగో రోజు ఆటలో ఓ ఆసక్తికర సంఘటన చోటు చేసుకుం‍ది. భారత రెండో ఇన్నింగ్స్ సందర్బంగా ఇంగ్లండ్ స్క్వాడ్‌లో లేని ఓ ఆటగాడు ఫీల్డింగ్‌కు వచ్చి అందరిని ఆశ్చర్యపరిచాడు. ఇంగ్లండ్ కెప్టెన్ బెన్ స్టోక్స్ సబ్‌స్ట్యూట్‌గా యార్క్‌షైర్ క్లబ్ ఆటగాడు యష్ వగాడియా మైదానంలో అడుగుపెట్టాడు.భారత సంతతికి చెందిన 21 ఏళ్ల వగాడియా రెండు ఓవర్ల పాటు ఫీల్డింగ్ చేశాడు. అయితే జట్టులో లేని ఆటగాడు ఫీల్డింగ్‌కు రావడమేంటని నెటిజన్లు చర్చించుకుంటున్నారు. కాగా లీడ్స్ టెస్టు కోసం వగాడియాతో పాటు జవాద్ అక్తర్, నోహ్ కెల్లీను 12వ ఆటగాడిగా ఎంపికయ్యాడు. ఈ క్రమంలోనే అంపైర్ అనుమతి తీసుకుని వగాడియా సబ్‌స్ట్యూట్‌గా బరిలోకి దిగాడు.ఎవరీ వగాడియా?21 ఏళ్ల యష్ వగాడియా.. దేశవాళీ క్రికెట్‌లో యార్క్‌షైర్ కౌంటీ క్రికెట్ క్లబ్‌కు ప్రాతినిథ్యం వహిస్తున్నాడు. యష్‌కు బ్యాటింగ్‌తో పాటు ఆఫ్ స్పిన్ బౌలింగ్ చేసే సత్తా కూడా ఉంది. ఈ టాప్ ఆర్డర్ బ్యాటర్ డర్హామ్ విశ్వవిద్యాలయంలో గ్రాడ్యుయేషన్ చదువుతున్నాడు. వ‌గాడియా పదకొండేళ్ల వయసులోనే యార్క్‌షైర్ క్రికెట్ ఆకాడ‌మీలో చేరాడు.అకాడమీ, అండర్-18 జట్లకు ప్రాతినిథ్యం వ‌హించాడు. దీంతో తొలిసారి 2023 సంవత్సరంలో యార్క్‌షైర్ క్రికెట్ క్ల‌బ్ ప్రొఫెషనల్ కాంట్రాక్టును పొందాడు. వ‌గాడియా 2024లో వార్విక్‌షైర్‌పై త‌న లిస్ట్‌-ఎ అరంగేట్రం చేశాడు. త‌న కెరీర్‌లో ఇప్ప‌టివ‌ర‌కు రెండు లిస్ట్‌-ఎ మ్యాచ్‌లు ఆడిన వ‌గాడియా.. 22 ప‌రుగులు చేశాడు.ఇంకా ఫస్ట్-క్లాస్ అరంగేట్రం చేయనప్పటికీ, అతను యార్క్‌షైర్‌ సెకండ్ ఎలెవన్ మ్యాచ్‌లలో క్రమం తప్పకుండా ఆడుతాడు. కాగా వగాడియాకు గుజ‌రాతీ మూలాలు ఉన్నాయి. వగాడియా మాత్రం ఇంగ్లండ్‌లోని న్యూకాజిల్‌లో జ‌న్మించాడు.చదవండి: IND vs ENG: జస్ప్రీత్ బుమ్రా సరికొత్త చరిత్ర.. కపిల్ దేవ్ రికార్డు బ్రేక్‌

India vs England 1st Test Day 3 Report: టీమిండియా- ఇంగ్లండ్‌ మధ్య తొలి టెస్టు మూడో రోజు ఆటకు వర్షం ఆటంకం కలిగించింది. దీంతో నిర్ణీత సమయం కంటే కాస్త ముందుగానే అంపైర్లు ఆటను నిలిపివేశారు. ఆదివారం నాటి మూడో రోజు ఆట పూర్తయ్యేసరికి భారత్‌ 23.5 ఓవర్లు ఆడి రెండు వికెట్ల నష్టానికి 90 పరుగులు చేసింది. అంతకు ముందు ఇంగ్లండ్‌ 465 పరుగులకు ఆలౌట్‌ అయింది. ఫలితంగా.. తొలి ఇన్నింగ్స్‌ ఆధిక్యం కలుపుకొని‌ ప్రస్తుతం టీమిండియా ఇంగ్లండ్‌ కంటే 96 పరుగుల ఆధిక్యంలో ఉంది.కాగా భారత్‌- ఇంగ్లండ్‌ మధ్య ఐదు మ్యాచ్‌ల టెస్టు సిరీస్‌లో భాగంగా శుక్రవారం మొదటి టెస్టు ఆరంభమైన విషయం తెలిసిందే. లీడ్స్‌లోని హెడింగ్లీ మైదానంలో జరుగుతున్న ఈ మ్యాచ్‌లో టాస్‌ గెలిచిన ఆతిథ్య ఇంగ్లండ్‌ తొలుత బౌలింగ్‌ ఎంచుకోగా.. గిల్‌ సేన తొలి ఇన్నింగ్స్‌లో 471 పరుగులకు ఆలౌట్‌ అయింది.భారత తొలి ఇన్నింగ్స్‌లో ఓపెనర్‌ యశస్వి జైస్వాల్‌ (101), కెప్టెన్‌ శుబ్‌మన్‌ గిల్‌ (147)లతో పాటు.. వికెట్‌ కీపర్‌ బ్యాటర్‌ రిషభ్‌ పంత్‌ (134) సెంచరీతో చెలరేగాడు. మిగతా వారిలో ఓపెనర్‌ కేఎల్‌ రాహుల్‌ (42) ఒక్కడే చెప్పుకోదగ్గ స్కోరు చేశాడు. ఇంగ్లండ్‌ బౌలర్లలో జోష్‌ టంగ్‌, కెప్టెన్‌ బెన్‌ స్టోక్స్‌ నాలుగేసి వికెట్లు కూల్చగా.. షోయబ్‌ బషీర్‌, బ్రైడన్‌ కార్స్‌ ఒక్కో వికెట్‌ తీశారు.ఈ క్రమంలో బ్యాటింగ్‌కు దిగిన ఇంగ్లండ్‌ టీమిండియాకు దీటుగా బదులిచ్చింది. ఓపెనర్‌ బెన్‌ డకెట్‌ (62) అర్ధ శతకంతో రాణించగా.. ఓలీ పోప్‌ (106) శతక్కొట్టాడు. మరోవైపు.. హ్యారీ బ్రూక్‌ 99 పరుగులతో రాణించాడు. మిగతా వాళ్లలో జేమీ స్మిత్‌ 40, క్రిస్ వోక్స్‌ 38 పరుగులతో ఆకట్టుకున్నారు. ఫలితంగా ఇంగ్లండ్‌ మొదటి ఇన్నింగ్స్‌లో 465 పరుగులు చేసింది.భారత బౌలర్లలో జస్‌ప్రీత్‌ బుమ్రా ఐదు వికెట్లతో చెలరేగగా.. ప్రసిద్‌ కృష్ణ మూడు, సిరాజ్‌ రెండు వికెట్లు దక్కించుకున్నారు. ఈ క్రమంలో ఆరు పరుగుల స్వల్ప ఆధిక్యంతో రెండో ఇన్నింగ్స్‌ మొదలుపెట్టిన టీమిండియా మూడో రోజు ఆట ముగిసే సరికి మొత్తంగా 96 పరుగుల లీడ్‌లో ఉంది. ఓపెనర్‌ యశస్వి జైస్వాల్‌ (4) ఈసారి నిరాశపరచగా.. వన్‌డౌన్‌ బ్యాటర్‌ సాయి సుదర్శన్‌ 30 పరుగులు చేశాడు. ఓపెనర్‌ కేఎల్‌ రాహుల్‌ 47, కెప్టెన్‌ గిల్‌ 6 పరుగులతో క్రీజులో ఉన్నారు.‌

టీమిండియాతో తొలి టెస్టులో తొలి రోజు ఇంగ్లండ్‌కు భంగపాటే ఎదురైంది. లీడ్స్‌ వేదికగా టాస్‌ గెలిచి తొలుత బౌలింగ్‌ ఎంచుకున్న ఇంగ్లండ్‌ బౌలింగ్‌ను భారత బ్యాటర్లు చితక్కొట్టారు. ఓపెనర్లలో కేఎల్‌ రాహుల్‌ (Kl Rahul- 42) రాణించగా.. యశస్వి జైస్వాల్‌ శతకం (101)తో చెలరేగాడు. ఇక ఈ సిరీస్‌తో భారత టెస్టు జట్టు కెప్టెన్‌గా ప్రయాణం మొదలుపెట్టిన శుబ్‌మన్‌ గిల్‌ (Shubman Gill) కూడా సెంచరీతో కదం తొక్కాడు.అదే విధంగా.. వైస్‌ కెప్టెన్‌, వికెట్‌ కీపర్‌ బ్యాటర్‌ రిషభ్‌ పంత్‌ (Rishabh Pant) కూడా అర్ధ శతకంతో మెరిశాడు. వెరసి శుక్రవారం నాటి తొలిరోజు ఆట పూర్తయ్యేసరికి 85 ఓవర్లు ఆడిన టీమిండియా మూడు వికెట్లు నష్టపోయి 359 పరుగులు సాధించింది. తద్వారా ఆతిథ్య జట్టుపై పర్యాటక టీమ్‌ మొదటి రోజు పూర్తి ఆధిపత్యం కనబరిచింది.కామన్‌ సెన్స్‌ ఉన్నవాళ్లు ఇలా చేయరుఈ నేపథ్యంలో టాస్‌ గెలిచి తొలుత బౌలింగ్‌ ఎంచుకున్న ఇంగ్లండ్‌ కెప్టెన్‌ బెన్‌ స్టోక్స్‌ నిర్ణయంపై విమర్శలు వస్తున్నాయి. ఇంగ్లండ్‌ మాజీ సారథి మైకేల్‌ ఆథర్టన్ కూడా ఈ విషయంలో స్టోక్స్‌ను ఉద్దేశించి ఘాటు వ్యాఖ్యలు చేశాడు.‘‘టాస్ గెలిచిన కెప్టెన్‌ తీసుకున్న నిర్ణయం ఆసక్తికరంగా అనిపించింది. గత ఆరు మ్యాచ్‌లలో తొలుత బౌలింగ్‌ చేసిన జట్టే విజయం సాధించిందని గణాంకాలు చెబుతున్నాయి. అయితే, కాస్త కామన్‌ సెన్స్‌ ఉన్నవాళ్లు.. క్రికెట్‌ బుర్ర వాడేవారు ఎవరైనా ఇక్కడ టాస్‌ గెలిస్తే బ్యాటింగ్‌ తీసుకుంటారు.ఎందుకంటే.. ఇక్కడ ఇప్పుడు తీవ్రమైన ఎండ ఉంది. రానున్న రెండు రోజుల్లో 30 డిగ్రీలకు పైగానే ఉంటుంది. స్టోక్స్‌ కేవలం గత రికార్డు ఆధారంగానే తొలుత బౌలింగ్‌ ఎంచుకుని ఉంటాడు’’ అని ఆథర్టన్‌ స్టోక్స్‌ నిర్ణయాన్ని తప్పుబట్టాడు. అయితే, భారీ లక్ష్యాన్ని కూడా ఛేదించగల సత్తా ఇంగ్లండ్‌కు ఉందని ఈ సందర్భంగా ధీమా వ్యక్తం చేశాడు.ఇంగ్లండ్‌ పశ్చాత్తాపం!కాగా ఇంగ్లండ్‌ మరో మాజీ కెప్టెన్‌ అలిస్టర్‌ కుక్‌ కూడా టాస్‌ విషయంలో ఇదే తరహా అభిప్రాయం వ్యక్తం చేశాడు. ఇక తీవ్రమైన ఎండ, పొడిగా ఉన్న పిచ్, స్వింగ్‌కు ఏమాత్రం అవకాశం లేని వాతావరణం, పెద్దగా అనుభవం లేని బౌలర్లు... ఇలాంటి స్థితిలో టాస్‌ గెలిచి స్టోక్స్‌ బౌలింగ్‌ ఎంచుకునే సాహసం చేయడంతో ఇంగ్లండ్‌ పశ్చాత్తాపపడాల్సిన పరిస్థితి తలెత్తింది.నిజమే... హెడింగ్లీ మైదానంలో గత ఆరు టెస్టుల్లో ముందుగా బౌలింగ్‌ చేసిన జట్టే గెలిచింది. కానీ శుక్రవారం పరిస్థితి వాటికి భిన్నం. బ్యాటింగ్‌కు అనుకూలంగా ఉన్న పిచ్‌పై భారత బ్యాటర్లు స్వేచ్ఛగా ఆడటం చూస్తే తాము చేసిన తప్పేమిటో ఇంగ్లండ్‌కు అర్థమై ఉంటుంది. కాగా టెండుల్కర్‌-ఆండర్సన్‌ ట్రోఫీలో భాగంగా టీమిండియా ఐదు టెస్టులు ఆడేందుకు ఇంగ్లండ్‌కు వెళ్లింది.ఇంగ్లండ్‌ చేజారిన అవకాశాలు.. పెనాల్టీ పరుగులు👉45 పరుగుల వద్ద జైస్వాల్‌కు అదృష్టం కలిసొచ్చింది. కార్స్‌ వేసిన యార్కర్‌ను అతను చివరి నిమిషంలో నిలువరించగలిగాడు. ఇంగ్లండ్‌ అప్పీల్‌కు సిద్ధమైన తరుణంలో అంపైర్‌ దానిని ‘నోబాల్‌’గా ప్రకటించాడు. ఆ తర్వాత రీప్లే చూస్తే బంతి ముందుగా అతని ప్యాడ్‌కు తాకినట్లు తేలింది. ‘నోబాల్‌’ కాకపోతే అది కచ్చితంగా అవుట్‌గా తేలేది. 👉గిల్‌ 1 పరుగు వద్ద ఉన్నప్పుడు కార్స్‌ బౌలింగ్‌లో కష్టసాధ్యమైన సింగిల్‌ కోసం ప్రయత్నించాడు. అయితే గిల్‌ చాలా దూరంలోనే ఉన్నా... పోప్‌ వేసిన త్రో నేరుగా వికెట్లకు తాకకపోవడంతో రనౌట్‌ కాకుండా తప్పించుకున్నాడు. ఓవర్‌త్రో బౌండరీని చేరడంతో మరో నాలుగు పరుగులు జట్టు ఖాతాలో చేరాయి. 👉టీ విరామానికి ముందు స్టోక్స్‌ వేసిన చివరి ఓవర్లో స్లిప్‌ ఫీల్డర్‌ రూట్‌ బంతిని ఆపే క్రమంలో దానిని పక్కకు తోశాడు. అది అక్కడే పెట్టిన వికెట్‌ కీపర్‌ హెల్మెట్‌ను తాకడంతో భారత్‌కు ఐదు పెనాల్టీ పరుగులు అదనంగా లభించాయి. ఈ గందరగోళంలో అంపైర్‌ లెక్క తప్పడంతో ఈ ఓవర్లో స్టోక్స్‌ 7 బంతులు వేశాడు. చదవండి: నాకు అది అలవాటు..! నువ్వే గుర్తు చేస్తూ ఉండాలి!.. నో చెప్పడం వల్లే ఇలా..

టీమిండియా టెస్టు కెప్టెన్‌గా యువ ఆటగాడు శుబ్‌మన్‌ గిల్‌ ప్రయాణం మొదలైంది. ఇంగ్లండ్‌ (Ind vs Eng)తో ఐదు మ్యాచ్‌ల సిరీస్‌లో భాగంగా శుక్రవారం నాటి తొలి టెస్టుతో గిల్‌ పగ్గాలు చేపట్టాడు. ఈ నేపథ్యంలో భారత జట్టు మాజీ క్రికెటర్‌ యువరాజ్‌ సింగ్‌(Yuvraj Singh) తండ్రి, కోచ్‌ యోగ్‌రాజ్‌ సింగ్‌ ఆసక్తికర వ్యాఖ్యలు చేశాడు.శుబ్‌మన్‌ గిల్‌ సారథ్యంలో టీమిండియా ఇంగ్లండ్‌ గడ్డ మీద గెలిచి.. ట్రోఫీతో తిరిగి వస్తుందని యోగ్‌రాజ్‌ సింగ్‌ ధీమా వ్యక్తం చేశాడు. అయితే, బ్యాటర్‌గానూ కెప్టెన్‌ గిల్‌ ముందుండి జట్టును నడిపిస్తేనే ఇది సాధ్యమవుతుందని పేర్కొన్నాడు.యువీతో మాట్లాడినపుడు ఇదే అన్నాడు‘‘కొన్ని రోజుల క్రితం.. అభిషేక్‌ శర్మ (Abhishek Sharma), శుబ్‌మన్‌ గిల్‌ల గురించి నేను యువరాజ్‌ సింగ్‌తో మాట్లాడాను. ఆ సమయంలో.. ‘గిల్‌ నాయకుడిగా జట్టును ముందుండి నడిపిస్తాడు’ అని యువరాజ్‌ అన్నాడు. అవును.. శుబ్‌మన్‌ గిల్‌ బ్యాటింగ్‌కు వెళ్లినపుడు వీలైనంత ఎక్కువసేపు క్రీజులో ఉండాలి.కపిల్‌ దేవ్‌ మాదిరికెప్టెన్‌ మెరుగైన ప్రదర్శన చేస్తే జట్టులోనూ జోష్‌ నిండుతుంది. శుబ్‌మన్‌ సహచరులకు 100, 200 లేదంటే 300 స్కోరును టార్గెట్‌గా పెట్టాలి. తనే బాధ్యత తీసుకోవాలి. 1983 వన్డే వరల్డ్‌కప్‌లో కపిల్‌ దేవ్‌ మాదిరి ఆటగాడిగానూ జట్టును ముందుండి నడిపించాలి’’ అని యోగ్‌రాజ్‌ సింగ్‌ ANIతో పేర్కొన్నాడు. ఇక ఈ సిరీస్‌లో టీమిండియా కచ్చితంగా విజయం సాధిస్తుందని ఈ సందర్భంగా ఆశాభావం వ్యక్తం చేశాడు.జైసూ అర్ధ శతకం పూర్తికాగా ప్రపంచ టెస్టు చాంపియన్‌షిప్‌ 2025-27 సైకిల్‌లో భాగంగా టీమిండియా తొలుత ఇంగ్లండ్‌తో తలపడుతోంది. స్టోక్స్‌ బృందంతో ఐదు టెస్టులు ఆడేందుకు అక్కడికి వెళ్లింది. ఈ క్రమంలో లీడ్స్‌లోని హెడింగ్లీ మైదానంలో తొలి టెస్టు శుక్రవారం ఆరంభమైంది. టాస్‌ గెలిచిన స్టోక్స్‌ తొలుత బౌలింగ్‌ ఎంచుకోగా.. టీమిండియా బ్యాటింగ్‌ చేస్తోంది.ఓపెనర్లు కేఎల్‌ రాహుల్‌ (42)- యశస్వి జైస్వాల్‌ కలిసి తొలి వికెట్‌కు 91 పరుగుల భాగస్వామ్యం నెలకొల్పారు. అయితే, భారీ అంచనాలతో బరిలోకి దిగిన అరంగేట్ర ప్లేయర్‌ సాయి సుదర్శన్‌ మాత్రం నిరాశపరిచాడు. వన్‌డౌన్‌లో బ్యాటింగ్‌కు దిగిన అతడు డకౌట్‌ అయ్యాడు.ఇక మరో ఓపెనర్‌ యశస్వి జైస్వాల్‌- కెప్టెన్‌ శుబ్‌మన్‌ గిల్‌ కలిసి స్కోరు బోర్డును పరుగులు పెట్టించే బాధ్యత తీసుకున్నారు. 42 ఓవర్ల ఆట పూర్తయ్యేసరికి జైసూ 78 పరుగులతో ఉండగా.. గిల్‌ 42 పరుగులు సాధించాడు. టీమిండియా స్కోరు: 172-2 (42). చదవండి: వాళ్లని మెచ్చుకోవడంలో తప్పులేదు.. అతడిని ఇప్పటికైనా వదిలేయ్‌!

క్రికెట్‌ ప్రేమికులు ఆసక్తిగా ఎదురుచూస్తున్న టెస్టు సమరానికి సమయం ఆసన్నమైంది. లీడ్స్‌ వేదికగా ఇంగ్లండ్‌- టీమిండియా (Eng vs Ind) మధ్య టెండుల్కర్‌-ఆండర్సన్‌ ట్రోఫీ (Tendulkar-Anderson Trophy)లో భాగంగా శుక్రవారం తొలి టెస్టు మొదలైంది. టాస్‌ గెలిచిన ఇంగ్లండ్‌ కెప్టెన్‌ బెన్‌ స్టోక్స్‌ (Ben Stokes) తొలుత బౌలింగ్‌ ఎంచుకుని.. గిల్‌ సేనను బ్యాటింగ్‌కు ఆహ్వానించాడు.ఇక ఈ సిరీస్‌తో భారత టెస్టు జట్టు కెప్టెన్‌గా శుబ్‌మన్‌ గిల్‌ ప్రస్థానం మొదలు కాగా.. చెన్నై చిన్నోడు సాయి సుదుర్శన్‌ టెస్టుల్లో అరంగేట్రం చేశాడు. టీమిండియా నయా వాల్‌, వెటరన్‌ క్రికెటర్‌, ప్రస్తుత కామెంటేటర్‌ ఛతేశ్వర్‌ పుజారా చేతుల మీదుగా ఈ ఎడమచేతి వాటం బ్యాటర్‌ క్యాప్‌ అందుకున్నాడు.ఈ సందర్భంగా భారత కెప్టెన్‌ శుబ్‌మన్‌ గిల్‌ మాట్లాడుతూ.. టాస్‌ గెలిస్తే తాను కూడా బౌలింగే ఎంచుకునే వాడినని తెలిపాడు. బెకింగ్‌హామ్‌లో ప్రాక్టీస్‌ మ్యాచ్‌ ఆడటం అద్బుతంగా అనిపించిందని.. సిరీస్‌లో శుభారంభం అందుకుంటామనే ఆశాభావం వ్యక్తం చేశాడు.అదే విధంగా సాయి సుదర్శన్‌ మూడో స్థానంలో బ్యాటింగ్‌కు వస్తాడని.. కరుణ్‌ నాయర్‌కు కూడా తుది జట్టులో చోటు ఇచ్చినట్లు తెలిపాడు. కాగా దశాబ్ద కాలం తర్వాత విరాట్‌ కోహ్లి, రోహిత్‌ శర్మ లేకుండా భారత్‌ టెస్టు సిరీస్‌ ఆడటం ఇదే తొలిసారి. ఇంగ్లండ్‌తో సిరీస్‌కు ముందే ఈ ఇద్దరూ సంప్రదాయ ఫార్మాట్‌కు రిటైర్మెంట్‌ ప్రకటించిన విషయం తెలిసిందే.విమాన ప్రమాద మృతులకు నివాళిగాకాగా తొలి టెస్టు సందర్భంగా అహ్మదాబాద్‌ విమాన ప్రమాద బాధితులకు ఇరుజట్ల ఆటగాళుల సంతాపం ప్రకటించారు. నిమిషం పాటు మౌనం పాటించడంతో పాటు.. బ్లాక్‌ ఆర్మ్‌బ్యాండ్లతో బరిలోకి దిగారు. జూన్‌ 12న అహ్మదాబాద్‌ నుంచి లండన్‌కు బయల్దేరిన విమానం టేకాఫ్‌ అయిన కాసేపటికే కుప్పకూలింది. ఈ దుర్ఘటనలో 181 మంది భారత ప్రయాణికులతో పాటు 53 మంది బ్రిటిష్‌ పౌరులు మృతి చెందారు.భారత్‌ వర్సెస్‌ ఇంగ్లండ్‌ తొలి టెస్టువేదిక: హెడింగ్లీ మైదానం, లీడ్స్‌టాస్‌: ఇంగ్లండ్‌.. తొలుత బౌలింగ్‌తుదిజట్లుభారత్‌🏏యశస్వి జైస్వాల్‌, కేఎల్‌ రాహుల్‌, సాయి సుదర్శన్‌, శుబ్‌మన్‌ గిల్‌ (కెప్టెన్‌), రిషభ్‌ పంత్‌ (వికెట్‌ కీపర్‌), కరుణ్‌ నాయర్‌, రవీంద్ర జడేజా, శార్దూల్‌ ఠాకూర్‌, జస్‌ప్రీత్‌ బుమ్రా, మహ్మద్‌ సిరాజ్‌, ప్రసిద్‌ కృష్ణ.ఇంగ్లండ్‌🏏జాక్‌ క్రాలే, బెన్‌ డకెట్‌, ఓలీ పోప్‌, జో రూట్‌, హ్యారీ బ్రూక్‌, బెన్‌ స్టోక్స్‌, జేమీ స్మిత్‌ (వికెట్‌ కీపర్‌), క్రిస్‌ వోక్స్‌, బ్రైడన్‌ కార్సే, జోష్‌ టంగ్‌, షోయబ్‌ బషీర్‌.

టీమిండియా(Ind vs Eng 1st Test)తో తొలి టెస్టుకు ఇంగ్లండ్‌ తమ తుదిజట్టును ప్రకటించింది. జాక్‌ క్రాలేతో పాటు బెన్‌ డకెట్‌ ఇన్నింగ్స్‌ ఆరంభించనుండగా.. మూడో స్థానంలో ఓలీ పోప్‌ బరిలోకి దిగనున్నాడు. ఇటీవల జింబాబ్వేతో జరిగిన ఏకైక టెస్టులో భారీ శతకం (171)తో విరుచుకుపడిన పోప్‌నకు సెలక్టర్లు మరో అవకాశం ఇవ్వగా.. జేకబ్‌ బెతెల్‌ (Jacob Bethell)కు నిరాశే మిగిలింది.ఇక బెన్‌ స్టోక్స్‌ సారథ్యంలోని ఈ జట్టులో క్రిస్‌ వోక్స్‌కు స్థానం దక్కింది. డిసెంబరు తర్వాత అతడు ఇంగ్లండ్‌ తరఫున పునరాగమనం చేయనున్నాడు. ఇక దుర్హం సీమర్‌ బ్రైడన్‌ కార్సే కూడా భారత్‌తో తొలి టెస్టులో భాగం కానున్నాడు. సొంతగడ్డపై అతడికి ఇదే మొదటి టెస్టు కావడం విశేషం.చివరగా అతడు పాకిస్తాన్‌, న్యూజిలాండ్‌ జట్లతో ఆయా దేశాల్లో జరిగిన సిరీస్‌లలో పాల్గొన్నాడు. మరోవైపు.. జేమీ స్మిత్‌ వికెట్‌ కీపర్‌గా కొనసాగనున్నాడు.కాగా సొంతగడ్డపై ఇంగ్లండ్‌ టీమిండియాతో ఐదు మ్యాచ్‌ల టెస్టు సిరీస్‌ ఆడనుంది. ఇరుజట్లకు ప్రపంచ టెస్టు చాంపియన్‌షిప్‌ 2025-27 సీజన్‌లో ఇదే తొలి సిరీస్‌. శుక్రవారం (జూన్‌ 20) నుంచి తొలి టెస్టు ఆరంభం కానుంది. లీడ్స్‌లోని హెడ్డింగ్లీ మైదానం ఇందుకు వేదిక.టీమిండియాతో తొలి టెస్టుకు ఇంగ్లండ్‌ తుదిజట్టుజాక్‌ క్రాలే, బెన్‌ డకెట్‌, ఓలీ పోప్‌, జో రూట్‌, హ్యారీ బ్రూక్‌, బెన్‌ స్టోక్స్‌, జేమీ స్మిత్‌ (వికెట్‌ కీపర్‌), క్రిస్‌ వోక్స్‌, బ్రైడన్‌ కార్సే, జోష్‌ టంగ్‌, షోయబ్‌ బషీర్‌.భారత్‌తో టెస్టులకు ఇంగ్లండ్‌ జట్టుబెన్ స్టోక్స్ (కెప్టెన్), షోయబ్ బషీర్, జేకబ్‌ బెతెల్‌, హ్యారీ బ్రూక్, బ్రైడన్‌ కార్సే, సామ్ కుక్, జాక్ క్రాలే, బెన్ డకెట్, జామీ ఓవర్టన్, ఓలీ పోప్, జో రూట్, జామీ స్మిత్ (వికెట్ కీపర్), జోష్ టంగ్, క్రిస్ వోక్స్.సిరీస్‌ పేరు అదే.. గెలిచిన కెప్టెన్‌కు పటౌడీ పతకంటీమిండియా- ఇంగ్లండ్‌ జట్ల మధ్య జరిగే టెస్టు సిరీస్‌కు ఇరు దేశాల దిగ్గజాలను గుర్తు చేసేలా టెండూల్కర్‌–అండర్సన్‌ ట్రోఫీ (Tendulkar-Anderson Trophy) పేరు ఖరారైంది. ఇప్పటి వరకు ‘పటౌడీ ట్రోఫీ’గా ఉన్న పేరును మారుస్తున్నట్లు ఇంగ్లండ్‌ క్రికెట్‌ బోర్డు (ఈసీబీ) గతంలోనే ప్రకటించింది. దాంతో పటౌడీ పేరు తొలగించడంపై విమర్శలు వచ్చి చర్చ జరిగింది. కానీ ఈసీబీ మాత్రం వెనక్కి తగ్గలేదు.తాము అనుకున్న పేరునే ఖాయం చేసింది. తొలి టెస్టుకు ముందు రోజు ఈ నెల 19న ఈ ట్రోఫీని ఆవిష్కరిస్తారు. అయితే పటౌడీని ఏదో ఒక రూపంలో గౌరవించేలా నిర్ణయం తీసుకోవాలంటూ బీసీసీఐ చేసిన విజ్ఞప్తికి మాత్రం ఈసీబీ సానుకూలంగా స్పందించింది. టెస్టు సిరీస్‌లో విజేతగా నిలిచే కెప్టెన్‌కు ‘పటౌడీ మెడల్‌’ను అందజేస్తారు.కాగా భారత అత్యుత్తమ కెప్టెన్‌లలో ఒకడిగా గుర్తింపు తెచ్చుకున్న పటౌడీ ససెక్స్, ఆక్స్‌ఫర్డ్‌ యూనివర్సిటీ జట్ల తరఫున కూడా ఆడగా... ఆయన తండ్రి ఇఫ్తికార్‌ అలీఖాన్‌ పటౌడీ భారత్, ఇంగ్లండ్‌ జట్లకు ప్రాతినిధ్యం వహించారు. దాంతో వారి గౌరవార్ధం ఇప్పటి వరకు ‘పటౌడీ ట్రోఫీ’గా పిలిచారు. అత్యధిక టెస్టులు ఆడిన క్రికెటర్లుగా సచిన్‌ టెండూ ల్కర్‌ (200), జేమ్స్‌ అండర్సన్‌ (188) తొలి రెండు స్థానాల్లో ఉన్నారు. చదవండి: చరిత్ర సృష్టించిన ముష్ఫికర్‌ రహీం.. వరల్డ్‌ రికార్డు బద్దలు

ఇంగ్లండ్‌తో ప్రతిష్టాత్మక టెస్టు సిరీస్‌కు టీమిండియా సిద్ధమైంది. ఇరుజట్ల మధ్య శుక్రవారం (జూన్‌ 20) నుంచి ఐదు మ్యాచ్‌ల సిరీస్‌ ఆరంభం కానుంది. కొత్త కెప్టెన్‌ శుబ్‌మన్‌ గిల్‌ (Shubman Gill) సారథ్యంలో భారత జట్టు స్టోక్స్‌ బృందంతో తలపడనుంది. దిగ్గజ బ్యాటర్‌ విరాట్‌ కోహ్లి (Virat Kohli), మాజీ సారథి రోహిత్‌ శర్మ (Rohit Sharma) రిటైర్మెంట్‌ తర్వాత టీమిండియా ఆడే తొలి టెస్టు సిరీస్‌ కావడంతో గిల్‌ సేన ఎలా ఆడబోతుందన్న అంశంపైనే క్రికెట్‌ ప్రేమికుల దృష్టి కేంద్రీకృతమైంది.అతడికి ఎవరూ సాటిరారుఈ నేపథ్యంలో సిరీస్‌ ఆరంభానికి ముందు ఇంగ్లండ్‌ కెప్టెన్‌ బెన్‌ స్టోక్స్‌ విరాట్‌ కోహ్లి గురించి ఆసక్తికర వ్యాఖ్యలు చేశాడు. టీమిండియా కోహ్లి సేవలను కచ్చితంగా మిస్‌ అవుతుందని.. అతడి పోరాటపటిమ, పట్టుదలకు ఎవరూ సాటిరారని పేర్కొన్నాడు. క్లాస్‌ ప్లేయర్‌ లేకుండా బరిలోకి దిగడం భారత జట్టుకు కాస్త కష్టంగానే ఉంటుందని తెలిపాడు.ఈ మేరకు.. ‘‘పోరాటతత్వం గల.. అదే విధంగా క్రీడాస్పూర్తిని రగిల్చే కోహ్లిని టీమిండియా మిస్‌ అవుతుందనడంలో సందేహం లేదు. గెలుపు కోసం అతడు పడే తాపత్రయం, అందుకోసం అతడు చేసే పోరాడే విధానానికి ఎవరూ సాటిరారు.18వ నంబర్‌ను అతడు తన గుర్తింపుగా మార్చుకున్నాడు. వేరొక భారత ఆటగాడి జెర్సీపై నంబర్‌ 18ను చూడటం కాస్త చిత్రంగానే అనిపించవచ్చు. సుదీర్ఘకాలంగా అతడు టీమిండియా క్లాస్‌ ప్లేయర్‌గా కొనసాగిన తీరు అమోఘం’’ అని బెన్‌ స్టోక్స్‌ పేర్కొన్నాడు.కోహ్లి ఉంటేనే మజాఅదే విధంగా కోహ్లి రిటైర్మెంట్‌ ప్రకటించిన తర్వాత.. తాను అతడి మెసేజ్‌ చేశానన్న స్టోక్స్‌... అతడు లేని టెస్టు క్రికెట్‌ ఆడటం అంత గొప్పగా ఉండదని చెప్పానన్నాడు. ‘‘ విరాట్‌ కోహ్లికి ప్రత్యర్థిగా ఆడటంలో ఎంతో మజా ఉంటుంది. కానీ ఇకపై అది జరుగబోదని తెలిసి నాకు కాస్త విచారంగా అనిపించింది.మైదానంలో ఉన్నప్పుడు యుద్ధరంగంలో ఉన్నట్లే నేను, కోహ్లి భావిస్తాం. ఆట విషయంలో మా ఇద్దరి ఆలోచనా విధానం ఒకే విధంగా ఉంటుంది. ఇంగ్లండ్‌ జట్టు మీద అతడు ఎంతో గొప్పగా ఆడాడు. అతడొక క్లాస్‌ ప్లేయర్‌’’ అని స్టోక్స్‌ కోహ్లిపై ప్రశంసలు కురిపించాడు. ఇందుకు సంబంధించిన వీడియోను ఇంగ్లండ్‌ క్రికెట్‌ సోషల్‌ మీడియాలో షేర్‌ చేసింది.దిగ్గజ కెప్టెన్‌ కూడా!కాగా టీమిండియా దిగ్గజ బ్యాటర్‌ విరాట్‌ కోహ్లి తన పద్నాలుగేళ్ల టెస్టు కెరీర్‌లో.. 123 మ్యాచ్‌లు ఆడి 9230 పరుగులు సాధించాడు. ఇందులో ముప్పై శతకాలు ఉన్నాయి. అంతేకాదు.. టీమిండియా టెస్టు కెప్టెన్‌గా కోహ్లి ఎన్నో చిరస్మరణీయ విజయాలు అందుకున్నాడు. అంతేకాదు.. గ్రేమ్‌ స్మిత్‌ (53 విజయాలు), రిక్కీ పాంటింగ్‌ (48 విజయాలు), స్టీవ్‌ వా(41 విజయాలు) తర్వాత అత్యధిక టెస్టు విజయాలు (40) అందుకున్న సారథిగా నిలిచాడు. ఇంగ్లండ్‌ గడ్డ మీద కెప్టెన్‌గా పది టెస్టులు ఆడిన కోహ్లి.. మూడింట జట్టును గెలిపించాడు.చదవండి: ఇంగ్లండ్‌తో తొలి టెస్ట్‌కు భారత బ్యాటింగ్‌ లైనప్‌ ఇదే.. రోహిత్‌, కోహ్లికి ప్రత్యామ్నాం వీళ్లే..!

జూన్‌ 20 నుంచి ప్రారంభం కాబోయే ఐదు మ్యాచ్‌ల టెస్ట్‌ సిరీస్‌కు ముందు భారత్‌, ఇంగ్లండ్‌కు చెందిన స్టార్‌ ఆటగాళ్లు కేఎల్‌ రాహుల్‌, బెన్‌ స్టోక్స్‌ పలు వినూత్న సవాళ్లను ఎదుర్కొన్నారు. అల్టిమేట్‌ క్రికెటింగ్‌ ఛాలెంజెస్‌ పేరుతో రెడ్‌ బుల్‌ సంస్థ ఈ పోటీలను నిర్వహించింది. ఇందులో రాహుల్‌, బెన్‌ నాలుగు కఠినమైన క్రికెటింగ్‌ ఛాలెంజ్‌లు ఎదుర్కొన్నారు. ఇవి వారి ఖచ్చితత్వం మరియు శక్తిని పరీక్షించేందుకు సరదాగా నిర్వహించబడ్డాయి. ఈ పోటీల్లో ఇరువురు బౌలింగ్‌ యంత్రాలను నుంచి వచ్చే బంతులను ఎదుర్కొని సవాళ్లను స్వీకరించారు.మొదటి ఛాలెంజ్‌లో రాహుల్‌ ఓ భారీ ట్రక్‌పై బౌలింగ్‌ మిషన్‌ నుంచి వచ్చే పదునైన బంతులను ఎదుర్కొని భారీ షాట్ల ఛాలెంజ్‌ను ఫేస్‌ చేశాడు. ఈ ఛాలెంజ్‌లో రాహుల్‌ 8 బంతుల్లో కలిపి 500 మీటర్ల దూరం షాట్లు ఆడాలి. ఇందులో రాహుల్‌ చివరి బంతికి టార్గెట్‌ను రీచ్‌ అయ్యాడు.రెండో చాలెంజ్‌లో బెన్ స్టోక్స్ ఓ సరస్సులో బోటుపై నిలబడి నీటిపై తేలియాడుతున్న ఆరు టార్గెట్లను బంతులతో హిట్ చేయాలి. ఇది కచ్చితమైన లక్ష్య నిర్దేశంతో కూడిన సవాలు. మూడో ఛాలెంజ్‌లో రాహుల్, స్టోక్స్ ప్రత్యేకంగా రూపొందించిన గదుల్లోకి వివిధ రకాలైన ఛాలెంజ్‌లను ఎదుర్కొన్నారు.చివరిగా ఫైనల్ బాస్ పేరుతో ఇరువురికి ఓ కఠినమైన సవాలు ఎదురైంది. కదులుతూ, నిలకడగా ఉన్న లక్ష్యాలను బౌలింగ్‌ యంత్రాల నుంచి వచ్చే బంతులను ఎదుర్కొంటూ హిట్‌ చేయాలి. ఈ పోటీల్లో రాహుల్‌, స్టోక్స్‌ సమంగా రాణించారు. ఈ ఛాలెంజ్‌లకు సంబంధించిన వీడియో భారత్‌, ఇంగ్లండ్‌ టెస్ట్‌ సిరీస్‌కు ముందు క్రికెట్‌ అభిమానులను విపరీతంగా ఆకర్శిస్తుంది. ఈ వీడియో సోషల్‌మీడియాలో వైరలవుతుంది.

ఇంగ్లండ్‌తో 22 ఏళ్ల తర్వాత టెస్టు మ్యాచ్‌ ఆడుతున్న జింబాబ్వే జట్టుకు ఓటమి తప్పేలా లేదు. నాటింగ్‌హామ్‌ వేదికగా జరుగుతున్న నాలుగు రోజుల ఈ ఏకైక టెస్టులో రెండో రోజు కూడా ఇంగ్లండ్‌దే పైచేయిగా నిలిచింది. ఓవర్‌నైట్‌ స్కోరు 498/3తో శుక్రవారం తొలి ఇన్నింగ్స్‌ కొనసాగించిన ఇంగ్లండ్‌ 96.3 ఓవర్లలో 6 వికెట్లకు 565 పరుగులవద్ద డిక్లేర్‌ చేసింది. తన ఓవర్‌నైట్‌ స్కోరుకు మరో రెండు పరుగులు జోడించి ఓలీ పోప్‌ (166 బంతుల్లో 171; 24 ఫోర్లు, 2 సిక్స్‌లు) అవుటయ్యాడు. హ్యారీ బ్రూక్‌ (50 బంతుల్లో 58; 6 ఫోర్లు, 3 సిక్స్‌లు) అర్ధ సెంచరీ సాధించాడు. జింబాబ్వే బౌలర్లలో ముజరబాని 3 వికెట్లు తీయగా... చివాంగ, సికందర్‌ రజా, మధెవెరెలకు ఒక్కో వికెట్‌ లభించింది.అనంతరం తొలి ఇన్నింగ్స్‌ ప్రారంభించిన జింబాబ్వే జట్టు 63.2 ఓవర్లలో 265 పరుగులకు ఆలౌటైంది. ఓపెనర్‌ బ్రియాన్‌ బెనెట్‌ (143 బంతుల్లో 139; 26 ఫోర్లు) వీరోచిత సెంచరీ చేశాడు. కెపె్టన్‌ క్రెయిగ్‌ ఇరి్వన్‌ (64 బంతుల్లో 42; 6 ఫోర్లు), సీన్‌ విలియమ్స్‌ (41 బంతుల్లో 25; 4 ఫోర్లు) ఫర్వాలేదనిపించారు. ఇంగ్లండ్‌ బౌలర్లలో స్పిన్నర్‌ షోయబ్‌ బషీర్‌ 3 వికెట్లు తీయగా... అట్కిన్‌సన్, బెన్‌ స్టోక్స్‌లకు రెండు వికెట్ల చొప్పున లభించాయి. స్యామ్‌ కుక్, జోష్‌ టంగ్‌ ఒక్కో వికెట్‌ పడగొట్టారు. 300 పరుగుల తొలి ఇన్నింగ్స్‌ ఆధిక్యం సంపాదించిన ఇంగ్లండ్‌ జట్టు రెండో ఇన్నింగ్స్‌ ప్రారంభించకుండా జింబాబ్వేకు ఫాలోఆన్ ఇచ్చింది. ఫలితంగా రెండో ఇన్నింగ్స్‌ ఆరంభించిన జింబాబ్వే రెండో రోజు ఆట ముగిసే సమయానికి 10 ఓవర్లలో 2 వికెట్లు కోల్పోయి 30 పరుగులు చేసింది. మరో రెండు రోజుల ఆట మిగిలి ఉన్న ఈ మ్యాచ్‌లో జింబాబ్వే ఇన్నింగ్స్‌ ఓటమి తప్పించుకోవాలంటే మరో 270 పరుగులు చేయాలి.

ట్రెంట్‌బ్రిడ్జ్‌ వేదికగా జింబాబ్వేతో రేపటి నుండి (మే 22) ప్రారంభం కాబోయే నాలుగు రోజుల టెస్ట్‌ మ్యాచ్‌ కోసం ఇంగ్లండ్‌ తుది జట్టును ప్రకటించారు. ఈ జట్టుకు సారధిగా బెన్‌ స్టోక్స్‌ వ్యవహరించనున్నాడు. ఈ మ్యాచ్‌తో ఎసెక్స్‌ సీమర్‌ సామ్‌ కుక్‌ టెస్ట్‌ అరంగేట్రం చేయనున్నాడు. ఈ మ్యాచ్‌లో జేమీ స్మిత్‌ ఇంగ్లండ్‌ వికెట్‌కీపర్‌గా వ్యవహరించనున్నాడు. యువ స్పిన్నర్‌ షోయబ్‌ బషీర్‌ తుది జట్టులో చోటు దక్కించుకున్నాడు. టాపార్డర్‌లో జాక్‌ క్రాలే, బెన్‌ డకెట్‌, ఓలీ పోప్‌, జో రూట్‌, హ్యారీ బ్రూక్‌ కొనసాగనున్నారు. పేస్‌ విభాగంలో గస్‌ అట్కిన్సన్‌, జోష్‌ టంగ్‌, సామ్‌ కుక్‌ ఉండనున్నారు. ఇంగ్లండ్‌ జింబాబ్వేతో చివరిసారిగా 2003లో టెస్ట్‌ మ్యాచ్‌ ఆడింది. ఇంగ్లండ్‌ హోం సమ్మర్‌లో ఇదే తొలి టెస్ట్‌ మ్యాచ్‌ కానుంది.ఈ టెస్ట్‌ మ్యాచ్‌ తర్వాత ఇంగ్లండ్‌ ‍స్వదేశంలో వెస్టిండీస్‌తో పరిమిత ఓవర్ల సిరీస్‌లు ఆడనుంది. ఈ సిరీస్‌లు మే 29 నుంచి ప్రారంభమవుతాయి. ఈ సిరీస్‌ల్లో మొదటిగా వన్డేలు (3), ఆతర్వాత టీ20లు (3) జరుగనున్నాయి. ఈ సిరీస్‌ల కోసం కూడా ఇంగ్లండ్‌ జట్టును ఇదివరకే ప్రకటించారు. విండీస్‌తో సిరీస్‌ల తర్వాత ఇంగ్లండ్‌ స్వదేశంలోనే భారత్‌తో ఐదు మ్యాచ్‌ల టెస్ట్‌ సిరీస్‌ ఆడనుంది. ఈ సిరీస్‌ జూన్‌ 12 నుంచి ప్రారంభం కానుంది. అనంతరం ఈ ఏడాది నవంబర్‌లో ఇంగ్లండ్‌ ఆస్ట్రేలియాతో యాషెస్‌ సిరీస్‌లో తలపడుతుంది.జింబాబ్వేతో టెస్ట్‌ మ్యాచ్‌కు ఇంగ్లండ్ ప్లేయింగ్ XI: జాక్ క్రాలే, బెన్ డకెట్, ఓలీ పోప్, జో రూట్, హ్యారీ బ్రూక్, బెన్ స్టోక్స్, జేమీ స్మిత్, గస్ అట్కిన్సన్, సామ్ కుక్, జోష్ టంగ్, షోయబ్ బషీర్.

లండన్‌: ఇంగ్లండ్‌ టెస్టు జట్టు కెప్టెన్‌ బెన్‌ స్టోక్స్‌ ఐదు నెలల విరామం తర్వాత మళ్లీ మైదానంలోకి దిగేందుకు సిద్ధమయ్యాడు. తరచు గాయాల బారిన పడుతూ మళ్లీ మళ్లీ ఆటకు దూరమవుతున్న 33 ఏళ్ల స్టోక్స్‌ గత ఏడాది డిసెంబర్‌ తర్వాత అసలు ఏ స్థాయి మ్యాచ్‌ కూడా ఆడలేదు. తొడ కండరాల గాయంతో తప్పుకున్న అతను ఇప్పుడు పూర్తిగా కోలుకున్నాడు. వేగంగా ఫిట్‌నెస్‌ అందుకునే క్రమంలో భాగంగా ‘రీహాబిలిటేషన్‌’ సమయంలో మద్యానికి దూరంగా ఉన్నట్లు వెల్లడించాడు. ‘నాకు తొలిసారి గాయమైనప్పుడు నా శరీరం చికిత్సకు సరిగా స్పందించలేదు. ఇది ఎలా జరిగిందని ఆలోచిస్తే వారం రోజుల క్రితం బాగా మద్యం తాగిన విషయం గుర్తుకొచి్చంది. బహుశా అది కూడా కారణం కావచ్చనిపించింది. దాంతో ఈసారి గాయం తర్వాత చాలా జాగ్రత్తగా ఉన్నాను. నేను మారితే మంచిదని భావించా. అయితే పూర్తిగా అది సాధ్యం కాదు కాబట్టి రీహాబిలిటేషన్‌ వరకు నియంత్రణలో ఉండేందుకు ప్రయత్నించా. మైదానంలోకి దిగే వరకు దీనిని పాటించాలని ప్రయతి్నస్తున్నా. అందుకే ఈ ఏడాది జనవరి నుంచి మద్యం మానేశా. అప్పటి నుంచి ఇప్పటి వరకు దానిని ముట్టలేదు’ అని స్టోక్స్‌ చెప్పాడు. గురువారం నుంచి జింబాబ్వేతో జరిగే ఏకైక టెస్టులో బరిలోకి దిగనున్న స్టోక్స్‌...ఆ తర్వాత భారత్‌తో టెస్టు సిరీస్, యాషెస్‌ సిరీస్‌ కోసం సిద్ధంగా ఉన్నట్లు వెల్లడించాడు.

‍జింబాబ్వే (England Vs Zimbabwe)తో ఏ​కైక టెస్టు మ్యాచ్‌కు ఇంగ్లండ్‌ క్రికెట్‌ బోర్డు తమ జట్టును ప్రకటించింది. ఇందుకు సంబంధించి పదమూడు మంది సభ్యులతో కూడిన వివరాలను శుక్రవారం వెల్లడించింది. కాగా.. 27 ఏళ్ల పేసర్‌ సామ్‌ కుక్‌ (Sam Cook)కు తొలిసారి జాతీయ జట్టులో చోటు దక్కడం విశేషం.ఇప్పటికే 318 వికెట్లుకుక్‌తో పాటు జోర్డాన్‌ కాక్స్‌ను కూడా ఈ మ్యాచ్‌కు ఎంపిక చేసిన ఇంగ్లిష్‌ జట్టు సెలక్టర్లు.. జోష్‌ టంగ్‌ (Josh Tongue)కు కూడా తిరిగి పిలుపునిచ్చారు. కాగా కౌంటీ క్రికెట్‌లో సామ్‌ కుక్‌ అద్భుత ప్రదర్శనతో ఆకట్టుకుంటున్నాడు. నిలకడైన ఆటకు మారుపేరైన ఈ ఎస్సె.క్స్‌పేస్‌ బౌలర్‌ కౌంటీల్లో ఇప్పటికే 318 వికెట్లు తీశాడు.మరోసారి పిలుపుఅదే విధంగా ఇంగ్లండ్‌ లయన్స్‌ తరఫున ఆస్ట్రేలియా-ఎ జట్టుతో మూడు మ్యాచ్‌లలో కలిపి సామ్‌ కుక్‌ 13 వికెట్లు పడగొట్టాడు. మరోవైపు.. జోర్డాన్‌ కాక్స్‌ 2024లోనే అరంగేట్రం చేయాల్సింది. న్యూజిలాండ్‌తో నవంబర్‌ నాటి మ్యాచ్‌లో అతడు ఆడాల్సి ఉండగా.. ప్రాక్టీస్‌ సెషన్‌లో కుడిచేతి బొటనవేలికి గాయమైంది. దీంతో అప్పుడు అవకాశం కోల్పోయిన అతడికి మళ్లీ సెలక్టర్లు పిలుపునిచ్చారు.ఇక జోష్‌ టంగ్‌ విషయానికొస్తే.. 2023లో ఆస్ట్రేలియాతో యాషెస్‌ సిరీస్‌లో భాగంగా లార్డ్స్‌ టెస్టు తర్వాత మళ్లీ జాతీయ జట్టుకు ఆడలేదు. కాగా స్వదేశంలో జింబాబ్వేతో టెస్టుతో కెప్టెన్‌ బెన్‌ స్టోక్స్‌ తిరిగి ఆటలో అడుగుపెట్టనున్నాడు.33 ఏళ్ల స్టోక్స్‌ గత కొంతకాలంగా పిక్కల్లో గాయంతో బాధపడుతున్న విషయం తెలిసిందే. గతేడాది డిసెంబరులో న్యూజిలాండ్‌తో మ్యాచ్‌ సందర్భంగా గాయపడిన అతడు.. సర్జరీ తర్వాత కోలుకున్నాడు.కాగా మే 22-25 వరకు సొంతగడ్డపై ఇంగ్లండ్‌ జింబాబ్వేతో నాలుగు రోజుల టెస్టు మ్యాచ్‌ ఆడనుంది. గాయాల కారణంగా మార్క్‌ వుడ్‌, బ్రైడన్‌ కార్స్‌,క్రిస్‌ వోక్స్‌, ఓలీ స్టోన్‌ ఈ మ్యాచ్‌కు దూరమయ్యారు. ఇక జోఫ్రా ఆర్చర్‌ ఇప్పట్లో టెస్టుల్లో రీఎంట్రీ ఇచ్చే పరిస్థితి కనబడటం లేదు.జింబాబ్వేతో టెస్టు మ్యాచ్‌కు ఇంగ్లండ్‌ జట్టు:జాక్ క్రాలే, బెన్ డకెట్, ఓలీ పోప్, జో రూట్, హ్యారీ బ్రూక్, బెన్ స్టోక్స్ (కెప్టెన్), జామీ స్మిత్ (వికెట్‌ కీపర్‌), జోర్డాన్ కాక్స్ (వికెట్‌ కీపర్‌), సామ్ కుక్, గస్ అట్కిన్సన్, షోయబ్ బషీర్, మాథ్యూ పాట్స్, జోష్ టంగ్.చదవండి: ఇంగ్లండ్‌తో టెస్టుల్లో అతడిని ఆడించండి.. అదరగొడతాడు: టీమిండియా మాజీ కోచ్‌

టీమిండియాతో స్వ‌దేశంలో జ‌ర‌గ‌నున్న ఐదు మ్యాచ్‌ల టెస్టు సిరీస్‌కు ముందు ఇంగ్లండ్ క్రికెట్ జ‌ట్టును గాయాల బెడ‌ద వెంటాడుతోంది. ఇప్ప‌టికే స్టార్ పేస‌ర్ మార్క్ వుడ్ సేవ‌ల‌ను కోల్పోయిన ఇంగ్లండ్‌.. తాజాగా మ‌రో ఫాస్ట్ బౌల‌ర్ ఈ జాబితాలో చేరాడు.ఓలీ స్టోన్ గాయం కార‌ణంగా భార‌త్‌తో సిరీస్‌కు దూర‌మ‌య్యాడు. ఈ విష‌యాన్ని ఇంగ్లండ్ అండ్‌ వేల్స్ క్రికెట్ బోర్డు (ECB) ధ్రువీక‌రించింది. స్టోన్ ఇంగ్లండ్ త‌ర‌పున ఇప్ప‌టివ‌ర‌కు ఐదు టెస్టులు ఆడాడు. గ‌త వేస‌విలో ఇంగ్లండ్ జ‌ట్టులో రెగ్యూల‌ర్‌గా స్టోన్ ఉన్నాడు. అయితే గ‌త నెల‌లో అత‌డి కుడి మోకాలికి గాయ‌మైంది.దీంతో రాబోయే 14 వారాల పాటు ఆటకు దూరంగా ఉండ‌నున్నాడు. ఈ ఏడాది ఆగస్టు నాటికి స్టోన్ కోలుకుంటాడ‌ని ఈసీబీ పేర్కొంది. కానీ భార‌త్‌-ఇంగ్లండ్ మ‌ధ్య సిరీస్ ఆగ‌స్టు 4తో ముగియ‌నుంది. మ‌రోవైపు కెప్టెన్ బెన్ స్టోక్స్ ఫిట్‌నెస్ కూడా ఇంగ్లండ్ జ‌ట్టు మెనెజ్‌మెంట్‌ను క‌ల‌వ‌ర‌పెడుతోంది. స్టోక్స్ ప్ర‌స్తుతం తొడకండరాల గాయంతో బాధ‌ప‌డుతున్నాడు. గ‌తేడాది ఆఖ‌రిలో త‌న గాయానికి శ‌స్త్ర‌చికిత్స చేయించుకున్నాడు. అత‌డు ఇంకా పూర్తి ఫిట్‌నెస్ సాధించ‌లేదు. ఈ స్టార్ ఆల్‌ రౌండర్ వ‌చ్చే నెల‌లో కౌంటీ ఛాంపియన్‌షిప్‌లో ఉండాల్సి ఉంది.కానీ తొలి రౌండ్ మ్యాచ్‌ల‌కు స్టోక్స్ దూరం కానున్నాడ‌ని డర్హామ్ ప్రధాన కోచ్ ర్యాన్ కాంప్‌బెల్ వెల్ల‌డించాడు. క‌నీసం భార‌త్‌తో సిరీస్ నాటికైనా అత‌డి ఫిట్‌నెస్ సాధించాల‌ని ఇంగ్లండ్ అభిమానులు కోరుకుంటున్నారు.భార‌త్‌, ఇంగ్లండ్ టెస్టు సిరీస్ షెడ్యూల్ ఇదే..తొలి టెస్టు – జూన్ 20 నుంచి జూన్‌ 24 వ‌ర‌కు – హెడింగ్లీరెండో టెస్టు – జూలై 2 నుంచి జూలై 6 వ‌ర‌కు – ఎడ్జ్‌బాస్టన్మూడో టెస్టు – జూలై 10 నుంచి జూలై 14 వ‌ర‌కు – లార్డ్స్‌నాలుగో టెస్టు – జూలై 24 నుంచి జూలై 27 వ‌ర‌కు – ఓల్డ్ ట్రాఫోర్డ్ఐదో టెస్టు – జూలై 31 నుంచి ఆగ‌స్టు 4 వ‌ర‌కు – కెన్నింగ్టన్ ఓవల్చదవండి: అప్పట్లో పంజాబ్‌.. ఇప్పుడు సన్‌రైజర్స్‌: సెహ్వాగ్‌ ఘాటు విమర్శలు

వన్డే క్రికెట్‌లో ఇంగ్లండ్‌ జట్టు గత కొంతకాలంగా గడ్డు పరిస్థితులు ఎదుర్కొంటోంది. ముఖ్యంగా ఐసీసీ టోర్నమెంట్లలో ఘోర పరాభవాలు చవిచూసింది. భారత్‌ వేదికగా వన్డే వరల్డ్‌కప్‌-2023 (ICC ODI World Cup)లో డిఫెండింగ్‌ చాంపియన్‌గా బరిలోకి దిగిన బట్లర్‌ బృందం... కనీసం సెమీస్‌ చేరకుండానే నిష్క్రమించింది.చరిత్రలోనూ ఎన్నడూ లేని విధంగా అఫ్గనిస్తాన్‌ జట్టు చేతిలోనూ ఓటమిపాలై విమర్శలు మూటగట్టుకుంది. ఇక ఇటీవల ముగిసిన ఐసీసీ చాంపియన్స్‌ ట్రోఫీ-2025 (ICC Champions Trophy) టోర్నీలోనూ ఇదే ఫలితాన్ని పునరావృతం చేసింది. గ్రూప్‌-బి మ్యాచ్‌లలో భాగంగా ఆస్ట్రేలియా, అఫ్గనిస్తాన్‌ సౌతాఫ్రికా చేతిల్లో హ్యాట్రిక్‌ ఓటములు చవిచూసి.. టోర్నీ నుంచి నిష్క్రమించింది.అంతకు ముందు టీమిండియాతో వన్డే సిరీస్‌లోనూ ఇంగ్లండ్‌ 3-0తో క్లీన్‌స్వీప్‌నకు గురైంది. ఈ పరిణామాల నేపథ్యంలో జోస్‌ బట్లర్‌ (Jos Buttler) ఇంగ్లండ్‌ టీ20, వన్డే జట్ల సారథ్య బాధ్యతల నుంచి తప్పుకొన్నాడు. చాంపియన్స్‌ ట్రోఫీలో జట్టు దారుణ వైఫల్యానికి బాధ్యత వహిస్తూ కెప్టెన్సీకి రాజీనామా చేశాడు.బట్లర్‌ వారసుడిగా స్టోక్స్‌? ఈ నేపథ్యంలో బట్లర్‌ స్థానంలో యువ బ్యాటర్‌, వైస్‌ కెప్టెన్‌ హ్యారీ బ్రూక్‌ నియామకం దాదాపు ఖరారైందనే వార్తలు రాగా.. ఇంగ్లండ్‌ జట్టు మేనేజింగ్‌ డైరెక్టర్‌ రాబర్ట్‌ కీ మాత్రం భిన్నంగా స్పందించాడు. బట్లర్‌ వారసుడిగా బెన్‌ స్టోక్స్‌ పగ్గాలు చేపట్టే అవకాశం ఉందని తెలిపాడు. ఈ అంశంపై ఇంగ్లండ్‌ దిగ్గజ పేసర్‌ స్టువర్ట్‌ బ్రాడ్‌ తాజాగా స్పందించాడు.బెన్‌ స్టోక్స్‌ను గనుక వన్డే జట్టు కెప్టెన్‌ను చేస్తే అంతకంటే అనాలోచిత నిర్ణయం మరొకటి ఉండదని బ్రాడ్‌ అభిప్రాయపడ్డాడు. ఒకవేళ అదే జరిగితే ఈ విషయం గురించి మాట్లాడటం కూడా వృథా ప్రయాసేనని పేర్కొన్నాడు. ఇప్పటికే స్టోక్స్‌పై పనిభారం ఎక్కువై.. గాయాల బారిన పడుతున్నాడని.. అలాంటిది అదనపు బాధ్యతలు అప్పగిస్తే అతడి పరిస్థితి ఏమిటని ప్రశ్నించాడు.అంతకంటే చెత్త నిర్ణయం మరొకటి ఉండదుఈ మేరకు... ‘‘స్టోక్స్‌ను కెప్టెన్‌గా నియమిస్తే అంతకంటే నిరాశ కలిగించే విషయం మరొకటి ఉండదు. ఇంగ్లండ్‌ బోర్డు గనుక ఈ పని చేస్తే.. అప్పుడు స్పందించడానికి నా దగ్గర మాటలు ఉండవు. ముందుగా షెడ్యూల్‌ను దృష్టిలో పెట్టుకోవాలి.టెస్టు క్రికెట్‌కు ప్రాధాన్యం ఇచ్చే క్రమంలో అతడు ఐపీఎల్‌ను వదిలేశాడు. కీలక సిరీస్‌లలో సత్తా చాటాలనే ఉద్దేశంతో ఫిట్‌గా ఉండేందుకు తగిన జాగ్రత్తలు తీసుకుంటున్నాడు. గడిచిన మూడేళ్లలో స్టోక్స్‌ ఎన్ని ఓవర్లు బౌల్‌ చేశాడో గుర్తుందా?మోకాలి గాయం వల్ల అతడు సతమతమైపోతున్నాడు. ఇలాంటి సమయంలో యాభై ఓవర్ల ఫార్మాట్లో ఎనిమిది నుంచి తొమ్మిది ఓవర్ల వేయాలంటూ అతడిపై అదనపు భారం మోపడం ఏమాత్రం సరికాదు. గణాంకాలతో పనిలేదు.121 వన్డే ఇంటర్నేషనల్స్‌ ఆడిన క్రికెటర్‌గా చెబుతున్నా.. టెస్టు మ్యాచ్‌ ఆడటం కంటే యాభై ఓవర్ల ఫార్మాట్‌లో మ్యాచ్‌ ఆడటం వల్లే ఆటగాళ్లు ఎక్కువగా అలసిపోతారు’’ అని స్టువర్ట్‌ బ్రాడ్‌ పేర్కొన్నాడు. స్టోక్స్‌పై అదనపు భారం మోపితే.. పరిస్థితులు మరింత దిగజారిపోతాయంటూ ఇంగ్లండ్‌ బోర్డును ఈ సందర్భంగా హెచ్చరించాడు.గాయాలతో సావాసంకాగా 33 ఏళ్ల సీమ్‌ బౌలింగ్‌ ఆల్‌రౌండర్‌ స్టోక్స్‌ ప్రస్తుతం టెస్టు జట్టు కెప్టెన్‌గా ఉన్నాడు. ఇక జూలై 2022లో వన్డే క్రికెట్‌కు రిటైర్మెంట్‌ ప్రకటించిన అతడు.. వన్డే వరల్డ్‌కప్‌-2023కి ముందు తన నిర్ణయాన్ని మార్చుకున్నాడు. అయితే, ఈ మెగా టోర్నీ తర్వాత మళ్లీ స్టోక్స్‌ ఇంగ్లండ్‌ తరఫున వైట్‌బాల్‌ క్రికెట్‌ ఆడనేలేదు. గత రెండేళ్లుగా అతడు మోకాలి నొప్పితో ఇబ్బందులు పడుతున్నాడు. 2024 ది హండ్రెడ్‌ లీగ్‌ సమయంలో మరోసారి గాయపడ్డ స్టోక్స్‌.. శ్రీలంకతో టెస్టు సిరీస్‌కు దూరమయ్యాడు. అనంతరం న్యూజిలాండ్‌తో సిరీస్‌కూ గైర్హాజరైన స్టోక్స్‌.. సర్జరీ చేయించుకున్నాడు. ఈ నేపథ్యంలో స్టోక్స్‌ను పరిమిత ఓవర్ల క్రికెట్‌ కెప్టెన్‌గా తీసుకువస్తే అతడి కెరీర్‌కే ప్రమాదమని స్టువర్ట్‌ బ్రాడ్‌ అభిప్రాయపడ్డాడు.చదవండి: CT 2025: కేఎల్‌ రాహుల్‌, శ్రేయస్‌ అయ్యర్‌లకు దక్కని చోటు.. కెప్టెన్‌గా అతడు!

లండన్‌: ఇంగ్లండ్‌ టెస్టు క్రికెట్‌ జట్టు కెప్టెన్‌ బెన్‌ స్టోక్స్‌ మూడు నెలల పాటు ఆటకు దూరం కానున్నాడు. ఇటీవల న్యూజిలాండ్‌తో మూడో టెస్టు సందర్భంగా గాయపడ్డ స్టోక్స్‌... వచ్చే నెలలో శస్త్రచికిత్స చేయించుకోనున్నాడు. దీంతో మరో మూడు నెలల పాటు అతడు మైదానంలోకి దిగబోడని ఇంగ్లండ్, వేల్స్‌ క్రికెట్‌ బోర్డు వెల్లడించింది. వచ్చే ఏడాది జరగనున్న ఐసీసీ చాంపియన్స్‌ ట్రోఫీకి స్టోక్స్‌ దూరం కానున్నాడు. ఇప్పటికే ఆ టోర్నీ కోసం ఇంగ్లండ్‌ బోర్డు జట్టును ప్రకటించగా... అందులో 33 ఏళ్ల స్టోక్స్‌కు చోటు కల్పించలేదు. గతంలోనూ కండరాల గాయంతో ఇబ్బంది పడ్డ స్టోక్స్‌... శ్రీలంక, పాకిస్తాన్‌తో సిరీస్‌లకు దూరమయ్యాడు. ఇప్పుడు మరోసారి అదే గాయం తిరగబెట్టడంతో శస్త్రచికిత్స చేయించుకోవాలని నిర్ణయించుకున్నాడు.

ఛాంపియన్స్‌ ట్రోఫీ-2025, దానికి ముందు టీమిండియాతో జరిగే కీలకమైన వైట్‌బాల్‌ సిరీస్‌లకు ముందు ఇంగ్లండ్‌ జట్టుకు అతి భారీ షాక్‌ తగిలింది. ఆ జట్టు స్థార్‌ ఆటగాడు, టెస్ట్‌ జట్టు కెప్టెన్‌ బెన్‌ స్టోక్స్‌ గాయం కారణంగా పై రెండు ఈవెంట్‌లకు దూరమయ్యాడు. 33 ఏళ్ల స్టోక్స్‌ ఇటీవల న్యూజిలాండ్‌తో జరిగిన టెస్ట్‌ సిరీస్‌ సందర్భంగా హ్యామ్‌స్ట్రింగ్‌ ఇంజ్యూరికి గురయ్యాడు. భారత్‌తో జరిగే టెస్ట్‌ సిరీస్‌, యాషెస్‌ సిరీస్‌ 2025-26 దృష్ట్యా స్టోక్స్‌కు విశ్రాంతి కల్పించారని తెలుస్తుంది.కాగా, ఛాంపియన్స్‌ ట్రోఫీ-2025, దానికి ముందు టీమిండియాతో జరిగే వైట్‌బాల్‌ సిరీస్‌ల కోసం ఇంగ్లండ్‌ జట్టును ఇవాళ (డిసెంబర్‌ 22) ప్రకటించారు. వన్డే, టీ20 జట్లకు కెప్టెన్‌గా జోస్‌ బట్లర్‌ ఎంపికయ్యాడు. టెస్ట్‌ జట్టు కీలక​ సభ్యుడు జో రూట్‌, 2023 వన్డే ప్రపంచకప్‌ తర్వాత తొలి సారి వన్డే జట్టుకు ఎంపికయ్యాడు. గాయం కారణంగా గత కొంతకాలంగా జట్టుకు దూరంగా ఉన్న ఫాస్ట్‌ బౌలర్‌ మార్క్‌ వుడ్‌ వన్డే, టీ20 జట్లలో చోటు దక్కించుకున్నాడు. వికెట్‌కీపర్లు జేమీ స్మిత్‌, ఫిల్‌ సాల్ట్.. రైజింగ్‌ స్టార్‌ జేకబ్‌ బేతెల్‌ కూడా ‌రెండు జట్లలో చోటు దక్కించుకున్నారు.భారత్‌తో సిరీస్‌లు, ఛాంపియన్స్‌ ట్రోఫీలో ఇంగ్లండ్‌ జట్టు హెడ్‌ కోచ్‌ బ్రెండన్‌ మెక్‌కల్లమ్‌ వ్యవహరిస్తాడు. ఇంగ్లండ్‌ పరిమిత ఓవర్ల జట్ల హెడ్‌ కోచ్‌గా మెక్‌కల్లమ్‌కు ఇవే తొలి అసైన్‌మెంట్స్‌ అవుతాయి. ఇప్పటివరకు మెక్‌కల్లమ్‌ కేవలం టెస్ట్‌ జట్టుకు మాత్రమే హెడ్‌ కోచ్‌గా ఉన్నాడు.భారత్‌తో జరిగే వన్డే సిరీస్‌ మరియు ఛాంపియన్స్‌ ట్రోఫీల కోసం ఇంగ్లండ్‌ జట్టు..జోస్‌ బట్లర్‌ (కెప్టెన్‌), జోఫ్రా ఆర్చర్‌, గస్‌ అట్కిన్సన్‌, జేకబ్‌ బేతెల్‌, హ్యారీ బ్రూక్‌, బ్రైడన్‌ కార్స్‌, బెన్‌ డకెట్‌, జేమీ ఓవర్టన్‌, జేమీ స్మిత్‌, లియామ్‌ లివింగ్‌స్టోన్‌, ఆదిల​్‌ రషీద్‌, జో రూట్‌, సకీబ్‌ మహమూద్‌, ఫిల్‌ సాల్ట్‌, మార్క్‌ వుడ్‌భారత్‌తో జరిగే టీ20 సిరీస్‌ కోసం ఇంగ్లండ్‌ జట్టు..జోస్‌ బట్లర్‌ (కెప్టెన్‌), రెహాన్‌ అహ్మద్‌, జోఫ్రా ఆర్చర్‌, గస్‌ అట్కిన్సన్‌, జేకబ్‌ బేతెల్‌, హ్యారీ బ్రూక్‌, బ్రైడన్‌ కార్స్‌, బెన్‌ డకెట్‌, జేమీ ఓవర్టన్‌, జేమీ స్మిత్‌, లియామ్‌ లివింగ్‌స్టోన్‌, ఆదిల్‌ రషీద్‌, సకీబ్‌ మహమూద్‌, ఫిల్‌ సాల్ట్‌, మార్క్‌ వుడ్‌భారత్‌లో ఇంగ్లండ్‌ పర్యటన షెడ్యూల్‌ వివరాలు..జనవరి 22- తొలి టీ20 (కోల్‌కతా)జనవరి 25- రెండో టీ20 (చెన్నై)జనవరి 28- మూడో టీ20 (రాజ్‌కోట్‌)జనవరి 31- నాలుగో టీ20 (పూణే)ఫిబ్రవరి 2- ఐదో టీ20 (ముంబై)ఫిబ్రవరి 6- తొలి వన్డే (నాగ్‌పూర్‌)ఫిబ్రవరి 9- రెండో వన్డే (కటక్‌)ఫిబ్రవరి 12- మూడో వన్డే (అహ్మదాబాద్‌)ఛాంపియన్స్‌ ట్రోఫీలో భారత్‌, పాకిస్తాన్‌, ఇంగ్లండ్‌, ఆస్ట్రేలియా, న్యూజిలాండ్‌, సౌతాఫ్రికా, ఆఫ్ఘనిస్తాన్‌, బంగ్లాదేశ్‌ జట్లు పోటీపడనున్నాయి. ఈ టోర్నీ ఫిబ్రవరి 19 నుంచి మార్చి 9 వరకు పాకిస్తాన్‌ వేదికగా జరుగనుంది. టోర్నీకి సంబంధించిన మ్యాచ్‌ తేదీలను, వేదికలను ప్రకటించాల్సి ఉంది. ఈ టోర్నీలో భారత్‌ ఆడే మ్యాచ్‌లు తటస్థ వేదికలపై జరుగనున్నాయి.

న్యూజిలాండ్‌ గడ్డపై ఇంగ్లండ్‌ జట్టు తమ జోరును కొనసాగిస్తోంది. వెల్లింగ్టన్‌ వేదికగా జరిగిన రెండో టెస్టులో ఆతిథ్య కివీస్‌ను 323 పరుగుల తేడాతో ఇంగ్లండ్‌ చిత్తు చేసింది. దీంతో మూడు మ్యాచ్‌ల సిరీస్‌ను మరో మ్యాచ్‌ మిగిలూండగానే 2-0 తేడాతో ఇంగ్లండ్‌ కైవసం చేసుకుంది.కాగా న్యూజిలాండ్‌ గడ్డపై ఇంగ్లండ్‌ టెస్టు సిరీస్‌ సొంతం చేసుకోవడం 16 ఏళ్ల తర్వాత ఇదే తొలిసారి కావడం గమనార్హం. ఇక మ్యాచ్‌ విషయానికి వస్తే.. 583 పరుగుల భారీ లక్ష్యంతో బరిలోకి దిగిన బ్లాక్‌ క్యాప్స్‌ 259 పరుగులకు ఆలౌటైంది.న్యూజిలాండ్‌ బ్యాటర్లలో టామ్‌ బ్లండెల్‌(115) టాప్‌ స్కోరర్‌గా నిలిచాడు. ఇంగ్లండ్‌ బౌలర్లలో బెన్‌ స్టోక్స్‌ 3 వికెట్లు పడగొట్టగా.. క్రిస్‌ వోక్స్‌, కార్సే తలా రెండు వికెట్లు సాధించారు.హ్యారీ బ్రూక్ సూపర్‌ సెంచరీ.. అంతకుముందు ఇంగ్లండ్‌ సెకెండ్‌ ఇన్నింగ్స్‌లో 6 వికెట్ల నష్టానికి 427 పరుగుల భారీ స్కోర్‌ చేసింది. ఇంగ్లండ్‌ బ్యాటర్లలో జో రూట్‌(106) సూపర్‌ సెంచరీతో చెలరేగాడు. అదే విధంగా బెన్‌ డకెట్‌(92), జాకెబ్‌ బెతల్‌(96) తృటిలో సెంచరీ చేసే అవకాశాన్ని చేజార్చుకున్నారు.మ్యాచ్‌ స్కోర్లు..ఇంగ్లండ్‌ తొలి ఇన్నింగ్స్‌: 280/10న్యూజిలాండ్‌ తొలి ఇన్నింగ్స్‌: 125/10ఇంగ్లండ్‌ రెండో ఇన్నింగ్స్‌: 424/6 డిక్లేర్‌కివీస్‌ రెండో ఇన్నింగ్స్‌: 259/10ఫలితం: 323 పరుగుల తేడాతో ఇంగ్లండ్‌ ఘన విజయంప్లేయర్‌ ఆఫ్‌ది మ్యాచ్‌: హ్యారీ బ్రూక్‌

అంతర్జాతీయ క్రికెట్‌ మండలి(ఐసీసీ) తీరుపై ఇంగ్లండ్‌ టెస్టు జట్టు కెప్టెన్‌ బెన్‌ స్టోక్స్‌ విమర్శలు గుప్పించాడు. ఓవర్‌ రేటు విషయంలో తమకు అన్యాయం జరిగిందనే అర్థం స్ఫురించేలా సోషల్‌ మీడియా వేదికగా వ్యంగ్య వ్యాఖ్యలు చేశాడు. ఆతిథ్య కివీస్‌ జట్టుపై గెలుపుకాగా ప్రపంచ టెస్టు చాంపియన్‌షిప్‌(డబ్ల్యూటీసీ) 2023-25లో భాగంగా మూడు టెస్టులు ఆడేందుకు ఇంగ్లండ్‌ న్యూజిలాండ్‌ పర్యటనకు వెళ్లింది. ఇరుజట్ల మధ్య క్రైస్ట్‌చర్చ్‌ వేదికగా జరిగిన తొలి టెస్టులో పర్యాటక ఇంగ్లండ్‌ ఆతిథ్య కివీస్‌ జట్టుపై ఎనిమిది వికెట్ల తేడాతో గెలుపొందింది.పెనాల్టీ వేసిన ఐసీసీఅయితే, ఈ మ్యాచ్‌లో స్లో ఓవర్‌ రేటు నమోదైందన్న కారణంగా ఐసీసీ ఇంగ్లండ్‌- న్యూజిలాండ్‌లకు పెనాల్టీ వేసింది. డబ్ల్యూటీసీ పాయింట్లలో మూడు పాయింట్ల మేర కోత పెట్టింది. ఈ నేపథ్యంలో స్టోక్స్‌ స్పందిస్తూ.. ‘చాలా మంచిది ఐసీసీ... మరో పది గంటల ఆట మిగిలి ఉండగానే టెస్టు ముగిసింది’... అని సెటైర్‌ వేశాడు.స్టోక్స్‌కు ఆగ్రహానికి కారణం?ఇదిలా ఉంటే.. 2021–23 డబ్ల్యూటీసీ ఎడిషన్‌లోనూ ఇంగ్లండ్‌ ఇదే కారణంగా ఏకంగా 22 పాయింట్లు కోల్పోయింది. గత ఏడాది యాషెస్‌ సిరీస్‌ ఫలితం తర్వాత ఇంగ్లండ్‌ ఖాతాలో 28 పాయింట్లు చేరగా... పెనాల్టీ రూపంలోనే 19 పాయింట్లు పోయాయి! సహజంగానే ఇది స్టోక్స్‌కు ఆగ్రహం తెప్పిస్తోంది. అసలు ఓవర్‌ రేట్‌ శిక్షలు అనేవే అత్యంత గందరగోళంగా ఉన్నాయని అతడు అన్నాడు.గతంలోనూ తాను ఈ అంశాన్ని లేవనెత్తిన విషయాన్ని స్టోక్స్‌ గుర్తు చేశాడు. టెస్టు మ్యాచ్‌ నిర్ణీత సమయంకంటే చాలా ముందే ముగిసిపోయినా... ఓవర్‌ రేట్‌ శిక్షలు వేయడం ఏమిటని అతను ప్రశ్నించాడు. ‘రెండు జట్ల కోణంలో ఈ మొత్తం వ్యవహారాన్ని చూస్తే టెస్టు మ్యాచ్‌ చాలా ముందుగానే ముగిసింది. మ్యాచ్‌లో ఫలితం కూడా వచ్చింది. అసలు ఏమాత్రం అవగాహన లేకుండా వేస్తున్న పెనాల్టీలు తీవ్ర అసహనం కలిగిస్తున్నాయి.ఉపఖండంలో ఇలాంటి సమస్య రాదుప్రపంచంలో మనం ఎక్కడ క్రికెట్‌ ఆడుతున్నామనేది కూడా ముఖ్యం. ఉపఖండంలో జరిగే మ్యాచ్‌లలో ఎప్పుడూ ఈ సమస్య రాదు. ఎందుకంటే అక్కడ స్పిన్నర్లు ఎక్కువ ఓవర్లు బౌల్‌ చేస్తారు. మైదానంలో బౌలర్‌తో మళ్లీ మళ్లీ మాట్లాడటంతో పాటు ఓవర్ల తర్వాత ఫీల్డింగ్‌ మార్పులు, వ్యూహాల్లో మార్పులు వంటి చాలా నిర్ణయాలు తీసుకోవాల్సి ఉంటుంది.ఒక కెప్టెన్‌గా నేను ఇదే పని చేస్తాను. ఇవన్నీ పట్టించుకోకుండా తొందరపెడితే ఎలా?.. మేం అక్కడ ఉన్నది మ్యాచ్‌ ఆడటానికి అనే విషయం మరచిపోవద్దు. చాలా మంది ఆటగాళ్లది ఇదే అభిప్రాయం. ఐసీసీ ఈ విషయంలో మరింత స్పష్టతనివ్వాల్సిన అవసరం ఉంది. ఐసీసీ నుంచి స్పందన రాలేదుఏడాది క్రితం కూడా నేను దీనిపై మాట్లాడాను. కానీ ఐసీసీ నుంచి స్పందన రాలేదు. అందుకే అప్పటి నుంచి ఓవర్‌ రేట్‌ పెనాల్టీ షీట్‌లపై సంతకం పెట్టలేదు. కానీ ఐసీసీ జరిమానా విధించి పాయింట్లతో కోత ఎలాగూ విధిస్తుంది’ అని స్టోక్స్‌ తన అభిప్రాయాన్ని నిక్కచ్చిగా వెల్లడించాడు. చదవండి: ‘ధోనితో నాకు మాటల్లేవు.. పదేళ్లకు పైగానే అయింది.. అయినా అలాంటి వాళ్లకు’

క్రైస్ట్‌చర్చ్‌: జాతీయ జట్టు తరఫున సాధ్యమైనంత ఎక్కువ కాలం ఆడాలని తాను కోరుకుంటున్నానని... ఈ క్రమంలోనే ఇండియన్‌ ప్రీమియర్‌ లీగ్‌ (ఐపీఎల్‌) లాంటి ఇతర టోర్నీలకు దూరంగా ఉంటున్నానని ఇంగ్లండ్‌ టెస్టు కెపె్టన్‌ బెన్‌ స్టోక్స్‌ అన్నాడు. ఇటీవల జరిగిన ఐపీఎల్‌ వేలం కోసం తన పేరును నమోదు చేసుకోకుండా స్టోక్స్‌ ముందే తప్పుకున్నాడు. గతంలో పుణే, చెన్నై, రాజస్తాన్‌ జట్ల తరఫున ఆడిన స్టోక్స్‌కు లీగ్‌లో మంచి విలువే పలికింది. అయితే ప్రస్తుత స్థితిలో ఇంగ్లండ్‌ జట్టు తరఫున కెరీర్‌ను పొడిగించుకోవడమే తన ప్రథమ ప్రాధాన్యత అని అతను స్పష్టం చేశాడు. ఐపీఎల్‌ తాజా నిబంధన ప్రకారం 2026 వరకు కూడా అతని లీగ్‌లో ఆడే అవకాశం లేదు. ‘నా కెరీర్‌లో ఇప్పుడు చివరి దశకు చేరుకుంటున్నాననేది వాస్తవం. సాధ్యమైనంత ఎక్కువ కాలం ఆడేందుకు నేను ప్రయత్నిస్తా. నా ఫిట్‌నెస్‌ను చూసుకోవడం కూడా చాలా కీలకం. ఈ దశలో ఎప్పుడు ఆడాలనే అంశంపై నా ప్రాధాన్యతలు నిర్ణయించుకోవాల్సి ఉంటుంది. కెరీర్‌ పొడిగించుకోవాలంటే జాగ్రత్తలు తీసుకోవాలి. వేర్వేరు చోట్ల వరుసగా క్రికెట్‌ సాగుతున్న ప్రస్తుత దశలో ఇంగ్లండ్‌ తరఫున ఎక్కువ కాలం ఆడాలనేది నా కోరిక. అందుకే ఐపీఎల్‌ నుంచి తప్పుకున్నా’ అని స్టోక్స్‌ వెల్లడించాడు. సుదీర్ఘ మోకాలి గాయం నుంచి ఇటీవలే కోలుకొని మళ్లీ బరిలోకి దిగిన స్టోక్స్‌కు అక్టోబర్‌ 2026 వరకు ఇంగ్లండ్‌ బోర్డు కాంట్రాక్ట్‌ ఉంది. నేటి నుంచి న్యూజిలాండ్‌తో జరిగే మూడు టెస్టుల సిరీస్‌లో జట్టుకు సారథ్యం వహిస్తున్న స్టోక్స్‌కు వచ్చే ఏడాది స్వదేశంలో భారత్‌తో ఐదు టెస్టుల సిరీస్, ఆపై యాషెస్‌ సిరీస్‌ కీలకం కానున్నాయి. గత ఏడాది వరల్డ్‌ కప్‌ తర్వాత వన్డేలకు దూరంగా ఉంటున్న స్టోక్స్‌ త్వరలో జరిగే చాంపియన్స్‌ ట్రోఫీలో మళ్లీ వన్డేలు ఆడే అవకాశం ఉంది.

ఐపీఎల్‌-2025 సీజ‌న్‌కు ఇంగ్లండ్ స్టార్ ఆల్‌రౌండ‌ర్‌, టెస్టు కెప్టెన్ బెన్ స్టోక్స్ దూరం కానున్న‌ట్లు తెలుస్తోంది. ఈ ఏడాది ఆఖ‌రిలో జ‌ర‌గనున్న మెగా వేలంలో త‌న పేరును న‌మోదు చేయ‌కూడ‌ద‌ని స్టోక్స్ నిర్ణ‌యించుకున్న‌ట్లు వార్తలు వినిపిస్తున్నాయి. వ‌చ్చే ఏడాది బిజీ టెస్టు షెడ్యూల్ కారణంగా స్టోక్స్ ఈ నిర్ణయం తీసుకున్నట్లు టెలిగ్రాఫ్ తమ కథనంలో పేర్కొంది. టెలిగ్రాఫ్ రిపోర్ట్ ప్రకారం.. వచ్చే ఏడాది క్యాష్‌రిచ్ లీగ్ సీజన్‌ వేలానికి స్టోక్స్‌తో పాటు మరికొంతమంది ఇంగ్లీష్ ఆటగాళ్లు సైతం దూరంగా ఉండనున్నట్లు సమాచారం. కాగా స్టోక్సీ చివరగా ఐపీఎల్‌-2023 సీజన్‌లో ఆడాడు. సీఎస్‌కే అతడిని రూ.16.25 కోట్ల భారీ ధ‌ర వెచ్చించి మ‌రి కొనుగోలు చేసింది. కానీ త‌న ధ‌ర‌కు త‌గ్గ న్యాయం స్టోక్స్ చేయ‌లేక‌పోయాడు. కేవ‌లం రెండు మ్యాచ్‌లు మాత్ర‌మే ఆడిన స్టోక్స్ గాయం కార‌ణంగా మిగిలిన సీజ‌న్ మొత్తానికి బెంచ్‌కే ప‌రిమిత‌మ‌య్యాడు. ఈ క్ర‌మంలోనే ఐపీఎల్‌-2024 సీజ‌న్‌కు ముందు స్టోక్సీను చెన్నై ఫ్రాంచైజీ విడిచిపెట్టింది. ఐపీఎల్‌-2024 వేలంలోనూ ఈ ఇంగ్లీష్ క్రికెట‌ర్ వ్య‌క్తిగ‌త కార‌ణాల‌తో పాల్గోలేదు. ఇప్పుడు ఐపీఎల్‌-2025 మెగా వేలం కూడా దూరం కానున్నాడు.రేపే లాస్ట్‌.. ఇక ఐపీఎల్‌-2025 మెగా వేలంలో ఆట‌గాళ్లు త‌మ పేర్ల‌ను న‌మోదు చేసుకునేందుకు గ‌డువు ఆదివారం(న‌వంబ‌ర్ 3)తో ముగియ‌నుంది. అయితే వ‌చ్చే ఏడాది సీజ‌న్ వేలానికి ముందు బీసీసీఐ రూల్స్‌ను మ‌రింత క‌ఠినం చేసిన సంగ‌తి తెలిసిందే. ఒక్కసారి వేలంలో ఏదైనా జట్టు ఆటగాడిని తీసుకుంటే కనీసం మూడేళ్లపాటు ఉండాల్సిందేనని షరతు విధించింది. దీంతో చాలా మంది ఆట‌గాళ్లు విదేశీ ఆట‌గాళ్లు త‌మ పేర్ల‌ను న‌మోదు చేసుకోవాల వ‌ద్ద అన్న సందిగ్ధంలో ప‌డ్డారు. కాగా మెగా వేలం నవంబ‌ర్ ఆఖ‌రిలో సౌథీ అరేబియా వేదిక‌గా జ‌రిగే ఛాన్స్ ఉంది.చదవండి: IND vs UAE: టీమిండియాకు హార్ట్ బ్రేక్‌.. ఒక్క పరుగు తేడాతో ఓటమి

ఇంగ్లండ్‌ టెస్టు జట్టు కెప్టెన్‌ బెన్‌ స్టోక్స్‌ ఇంట్లో భారీ చోరీ జరిగింది. పలు ఆభరణాలతో పాటు విలువైన వస్తువులను దొంగలు ఎత్తుకెళ్లారు. స్టోక్స్‌ పాకిస్తాన్‌ పర్యటనలో ఉన్న సమయంలో ఈ ఘటన జరిగింది. ఈ విషయాన్ని ఇంగ్లండ్‌ సారథి సోషల్‌ మీడియా వేదికగా వెల్లడించాడు.ముసుగు దొంగలు తన ఇంట్లో ప్రవేశించి దొంగతనానికి పాల్పడ్డారని స్టోక్స్‌ తెలిపాడు. ఆ సమయంలో తన భార్య, ఇద్దరు పిల్లలు ఇంట్లోనే ఉన్నారని.. అదృష్టవశాత్తూ వారికి ఎలాంటి హానీ జరగలేదన్నాడు. ఈ పని ఎవరు చేశారో తెలియాల్సి ఉందని.. త్వరగా దొంగలను పట్టుకోవడంలో తమకు సహకరించాలని కోరాడు. పాక్‌ పర్యటనలో ఉన్న సమయంలోఏదేమైనా కష్ట సమయంలో తన కుటుంబానికి పోలీసులు అండగా ఉన్నారని.. వారికి ఈ సందర్భంగా ధన్యవాదాలు తెలిపాడు. ఈ మేరకు.. ‘‘అక్టోబరు 17, గురువారం.. ముసుగు ధరించిన కొందరు వ్యక్తులు నార్త్‌ ఈస్ట్‌లో గల కాసిల్‌ ఈడెన్‌ ఏరియాలో ఉన్న మా ఇంట్లోకి చొరబడ్డారు. నా భార్యా పిల్లలకు భయానక అనుభవంర్యా నగలు, విలువైన వస్తువులు ఎత్తుకుపోయారు. అందులో మా కుటుంబానికి అతి ముఖ్యమైన వస్తువులు కూడా ఉన్నాయి. దొంగలను పట్టుకునేందుకు దయచేసి నాకు సహాయం చేయండి. నిజానికి ఈ దుర్ఘటన జరిగినపుడు నా భార్య, ఇద్దరు చిన్న పిల్లలు ఇంట్లోనే ఉన్నారు. అయితే, వారిపై దొంగలు ఎలాంటి భౌతిక దాడికి పాల్పడలేదు. కానీ.. ఆ సమయంలో వారి మనఃస్థితి ఎంత ఆందోళనకరంగా ఉంటుందో.. దాని ప్రభావం ఎలా ఉంటుందో అర్థం చేసుకోవచ్చు.అందుకే ఫొటోలు షేర్‌ చేస్తున్నానా ఇంట్లో చోరీకి గురైన వస్తువుల ఫొటోలు విడుదల చేస్తున్నాను. వాటిని ఎవరైనా సులువుగా గుర్తించవచ్చు. తద్వారా దొంగలను పట్టుకునే వీలు కలుగుతుంది. మాకెంతో ముఖ్యమైన వస్తువులు పోయినప్పటికీ.. కేవలం వాటిని రికవరీ చేసుకోవాలనే ఉద్దేశంతో మాత్రమే ఈ పోస్టు పెట్టడం లేదు.ఈ పని చేసిన దుండగులు ఎవరో కనిపెట్టడం కోసమే వాటి ఫొటోలు షేర్‌ చేస్తున్నా. విపత్కరకాలంలో మా కుటుంబానికి స్థానిక పోలీసులు అండగా నిలిచారు. వారి మేలు మర్చిపోలేనిది. ఆ దొంగలను పట్టుకునేందుకు మేమంతా తీవ్రం శ్రమిస్తున్నాం’’ అని స్టోక్స్‌ ఎక్స్‌ వేదికగా తన ఆవేదనను పంచుకున్నాడు.పాక్‌ చేతిలో ఘోర ఓటమికాగా మూడు మ్యాచ్‌ల టెస్టు సిరీస్‌ ఆడేందుకు స్టోక్స్‌ ఇటీవల పాకిస్తాన్‌ పర్యటనకు వెళ్లాడు. గాయం నుంచి పూర్తిగా కోలుకోని కారణంగా తొలి మ్యాచ్‌కు అతడు దూరంగా ఉన్నాడు. అయితే, ఆ తర్వాత అతడు తిరిగి వచ్చినప్పటికీ ఫలితం లేకపోయింది. తొలి టెస్టులో ఘన విజయం సాధించిన ఇంగ్లండ్‌.. ఆఖరి రెండు టెస్టుల్లో పాకిస్తాన్‌ చేతిలో దారుణంగా ఓడిపోయింది. తద్వారా సిరీస్‌ను 1-2తో కోల్పోయింది.చదవండి: Aus A vs Ind A: రుతు, నితీశ్‌ డకౌట్‌.. అభిమన్యు, ఇషాన్‌ విఫలంpic.twitter.com/1nEmNcrnjQ— Ben Stokes (@benstokes38) October 30, 2024

పాకిస్తాన్‌లో చేదు అనుభవం చవిచూసిన ఇంగ్లండ్‌ తదుపరి మరో పర్యటనకు సిద్ధమైంది. మూడు మ్యాచ్‌ల టెస్టు సిరీస్‌ ఆడేందుకు న్యూజిలాండ్‌కు వెళ్లనుంది. ఈ నేపథ్యంలో ఇంగ్లండ్‌ క్రికెట్‌ బోర్డు మంగళవారం తమ జట్టును ప్రకటించింది. వికెట్‌ కీపర్‌ జేమీ స్మిత్‌ ఈ టూర్‌కు దూరం కాగా.. అతడి స్థానంలో జాకోబ్‌ బెతెల్‌ తొలిసారి టెస్టు జట్టుకు ఎంపికయ్యాడు.కాగా బెన్‌ స్టోక్స్‌ బృందం ఇటీవల పాకిస్తాన్‌లో మూడు టెస్టులు ఆడిన విషయం తెలిసిందే. పాక్‌ గడ్డపై జరిగిన ఈ సిరీస్‌లో తొలి మ్యాచ్‌ గెలిచిన ఇంగ్లండ్‌.. రెండు, మూడో టెస్టుల్లో ఊహించని రీతిలో పరాజయం పాలైంది. ‘బజ్‌బాల్‌’కు కళ్లెం వేసిన పాక్‌ స్పిన్నర్లు ఇంగ్లండ్‌ బ్యాటర్లను ఓ ఆట ఆడుకున్నారు. దీంతో 1-2తో ఇంగ్లండ్‌ పాకిస్తాన్‌కు సిరీస్‌ను కోల్పోయింది.కివీస్‌తో మూడు టెస్టులుఈ ‍క్రమంలో నవంబరు 28 నుంచి ఇంగ్లండ్‌ న్యూజిలాండ్‌ పర్యటనలో భాగంగా మూడు టెస్టులు ఆడేందుకు షెడ్యూల్‌ ఖరారైంది. క్రైస్ట్‌చర్చ్‌ వేదికగా ఆరంభం కానున్న ఈ సిరీస్‌కు ఇటీవలే తండ్రిగా ప్రమోషన్‌ పొందిన జేమీ స్మిత్‌ దూరమయ్యాడు. అతడు పెటర్నిటీ సెలవులో వెళ్లిన కారణంగా.. జోర్డాన్‌ కాక్స్‌ వికెట్‌ కీపర్‌గా వ్యవహరించే అవకాశం ఉంది.మరోవైపు.. ఇటీవల ఆస్ట్రేలియాతో పరిమిత ఓవర్ల సిరీస్‌లో రాణించిన ఆల్‌రౌండర్‌ జాకోబ్‌ బెతెల్‌ తొలిసారి టెస్టు జట్టులో చోటు దక్కించుకున్నాడు. ఫస్ట్‌క్లాస్‌ క్రికెట్‌లో 20 మ్యాచ్‌లు ఆడిన జాకోబ్‌ 738 పరుగులు చేశాడు. అదే విధంగా లెఫ్టార్మ్‌ స్పిన్నర్‌ అయిన అతడు ఏడు వికెట్లు కూడా తన ఖాతాలో వేసుకున్నాడు.ఈసారి అరంగేట్రం పక్కామరోవైపు.. కాక్స్‌ 53 ఫస్ట్‌క్లాస్‌ మ్యాచ్‌లలో 3194 పరుగులతో రాణించాడు. దేశవాళీ క్రికెట్లో పరుగులు వరద పారించినప్పటికీ అతడు ఇంతవరకు ఇంగ్లండ్‌ తరఫున అరంగేట్రం చేయలేకపోయాడు. శ్రీలంక సిరీస్‌ నుంచి జట్టుతోనే ఉన్నా ప్లేయింగ్‌ ఎలెవన్‌లో మాత్రం చోటు దక్కించుకోలేకపోయాడు. ఈసారి మాత్రం ఈ వికెట్‌ కీపర్‌ బ్యాటర్‌ టెస్టు క్యాప్‌ అందుకునే సూచనలు ఎక్కువగానే కనిపిస్తున్నాయి. ఇక కివీస్‌తో సిరీస్‌ ఆడే జట్టులో ముగ్గురు స్పిన్నర్లు జాక్‌ లీచ్‌, షోయబ్‌ బషీర్‌, రేహాన్‌ అహ్మద్‌లకు కూడా చోటిచ్చారు సెలక్టర్లు. కాగా 2008 తర్వాత ఇంగ్లండ్‌ ఒక్కసారి కూడా న్యూజిలాండ్‌ గడ్డపై టెస్టు సిరీస్‌ గెలవకపోవడం గమనార్హం. ఇక కివీస్‌ జట్టు ప్రస్తుతం భారత పర్యటనలో ఉంది. టీమిండియాతో మూడు టెస్టుల సిరీస్‌ను ఇప్పటికే 2-0తో కైవసం చేసుకుంది.న్యూజిలాండ్‌తో టెస్టులకు ఇంగ్లండ్‌ జట్టుబెన్‌ స్టోక్స్‌(కెప్టెన్‌), రేహాన్‌ అహ్మద్‌, గస్‌ అట్కిన్సన్‌, షోయబ్‌ బషీర్‌, జాకోబ్‌ బెతెల్‌, హ్యారీ బ్రూక్‌, బ్రైడన్‌ కార్స్‌, జోర్డాన్‌ కాక్స్‌, బెన్‌ డకెట్‌, జాక్‌ క్రాలే, జాక్‌ లీచ్‌, ఒలీ పోప్‌, మాథ్యూ పాట్స్‌, జో రూట్‌, ఓలీ స్టోన్‌, క్రిస్‌ వోక్స్‌.చదవండి: Mumbai Pitch: కివీస్‌తో మూడో టెస్టు.. తొలిరోజు వారికే అనుకూలం!?

రావల్పిండి వేదికగా అక్టోబర్‌ 24 నుంచి పాకిస్తాన్‌తో జరుగబోయే మూడో టెస్ట్‌ కోసం ఇంగ్లండ్‌ తుది జట్టును ఇవాళ (అక్టోబర్‌ 22) ప్రకటించారు. ఈ జట్టులో ముగ్గురు స్పెషలిస్ట్‌ స్పిన్నర్లకు చోటు దక్కింది. రావల్పిండి పిచ్‌ స్లో బౌలర్లకు అనుకూలించనుందన్న అంచనాతో ఇంగ్లండ్‌ మేనేజ్‌మెంట్‌ ఈ నిర్ణయం తీసుకుంది. రెండో టెస్ట్‌ ఆడిన జట్టులో ఇద్దరు పేసర్లను ఈ మ్యాచ్‌ నుంచి తప్పించారు. మాథ్యూ పాట్స్‌, బ్రైడన్‌ కార్స్‌ స్థానాల్లో రెహాన్‌ అహ్మద్‌, గస్‌ అట్కిన్సన్‌ తుది జట్టులోకి వచ్చారు. జాక్‌ లీచ్‌.. షోయబ్‌ బషీర్‌తో కలిసి మూడో స్పిన్నర్‌గా కొనసాగుతాడు. బ్యాటింగ్‌ విభాగంలో ఇంగ్లండ్‌ ఎలాంటి మార్పులు చేయలేదు. జాక్‌ క్రాలే, బెన్‌ డకెట్‌, ఓలీ పోప్‌, జో రూట్‌, హ్యారీ బ్రూక్‌ వరుస స్థానాల్లో కొనసాగనున్నారు. ఆల్‌రౌండర్‌ కోటాలో బెన్‌ స్టోక్స్‌, వికెట్‌కీపర్‌గా జేమీ స్మిత్‌ తుది జట్టులో చోటు దక్కించుకున్నారు.పాకిస్తాన్‌తో మూడో టెస్ట్‌ కోసం ఇంగ్లండ్‌ తుది జట్టు..జాక్‌ క్రాలే, బెన్‌ డకెట్‌, ఓలీ పోప్‌, జో రూట్‌, హ్యారీ బ్రూక్‌, బెన్‌ స్టోక్స్‌ (కెప్టెన్‌), జేమీ స్మిత్‌, రెహాన్‌ అహ్మద్‌, గస్‌ అట్కిన్సన్‌, జాక్‌ లీచ్‌, షోయబ్‌ బషీర్‌కాగా, మూడు మ్యాచ్‌ల టెస్ట్‌ సిరీస్‌ కోసం ఇంగ్లండ్‌ జట్టు పాక్‌లో పర్యటిస్తున్న విషయం తెలిసిందే. ఈ సిరీస్‌లోని తొలి మ్యాచ్‌లో ఇంగ్లండ్‌ ఇన్నింగ్స్‌ 47 పరుగుల తేడాతో ఘన విజయం సాధించగా.. రెండో మ్యాచ్‌లో పాక్‌ 152 పరుగుల తేడాతో గెలుపొందింది. చదవండి: వారెవ్వా బదోని.. వాటే క్యాచ్‌! మైండ్ బ్లోయింగ్‌(వీడియో)

ముల్తాన్‌ వేదికగా పాకిస్తాన్‌, ఇంగ్లండ్‌ మధ్య రెండో టెస్ట్‌ రేపటి నుంచి (అక్టోబర్‌ 15) ప్రారంభం కానుంది. ఈ మ్యాచ్‌తో ఇంగ్లండ్‌ రెగ్యులర్‌ కెప్టెన్‌ బెన్‌ స్టోక్స్‌ రీఎంట్రీ ఇవ్వనున్నాడు. స్టోక్స్‌ గాయం కారణంగా ఇంగ్లండ్‌ ఆడిన గత నాలుగు టెస్ట్‌ మ్యాచ్‌లకు దూరంగా ఉన్నాడు. స్టోక్స్‌ గైర్హాజరీలో ఇంగ్లండ్‌ జట్టుకు ఓలీ పోప్‌ నాయకత్వం వహించాడు. పోప్‌ నాయకత్వంలో ఇంగ్లండ్‌ నాలుగింట మూడు మ్యాచ్‌లు గెలిచింది. తాజాగా స్టోక్స్‌ చేరికతో ఇంగ్లండ్‌ జట్టు బలం మరింత పెరిగినట్లైంది. స్టోక్స్‌ను తుది జట్టులోకి తీసుకున్న క్రమంలో క్రిస్‌ వోక్స్‌కు తప్పించించి ఇంగ్లండ్‌ మేనేజ్‌మెంట్‌. ఈ మార్పుతో పాటు ఇంగ్లండ్‌ మేనేజ్‌మెంట్‌ మరో మార్పు కూడా చేసింది. తొలి టెస్ట్‌లో ఆడిన గస్‌ అట్కిన్సన్‌ స్థానంలో మాథ్యూ పాట్స్‌ను తుది జట్టులోకి తీసుకుంది. స్టోక్స్‌ జట్టులో చేరిన క్రమంలో ఓలీ పోప్‌ కెప్టెన్సీ బాధ్యతలను తిరిగి స్టోక్స్‌కే అప్పజెప్పాడు.మరోవైపు రెండో టెస్ట్‌కు ముందు పాకిస్తాన్‌ జట్టు కూడా భారీ మార్పులు చేసింది. ఆ జట్టు స్టార్‌ ఆటగాళ్లు బాబర్‌ ఆజమ్‌, షాహీన్‌ అఫ్రిది, నసీం షాలను పక్కకు పెట్టింది. ఇంగ్లండ్‌తో తదుపరి ఆడే రెండు టెస్ట్‌లకు వీరు దూరంగా ఉంటారు. వీరితో పాటు డెంగ్యూతో బాధపడుతున్న అబ్రార్‌ అహ్మద్‌ కూడా రెండో టెస్ట్‌ జట్టులో చోటు దక్కించుకోలేకపోయాడు.పాక్‌తో రెండో టెస్ట్‌ కోసం ఇంగ్లండ్‌ తుది జట్టు..జాక్‌ క్రాలే, బెన్‌ డకెట్‌, ఓలీ పోప్‌, జో రూట్‌, హ్యారీ బ్రూక్‌, బెన్‌ స్టోక్స్‌, జేమీ స్మిత్‌, బ్రైడన్‌ కార్స్‌, మాథ్యూ పాట్స్‌, జాక్‌ లీచ్‌, షోయబ్‌ బషీర్‌కాగా, మూడు మ్యాచ్‌ల టెస్ట్‌ సిరీస్‌ కోసం ఇంగ్లండ్‌ జట్టు పాక్‌లో పర్యటిస్తున్న విషయం తెలిసిందే. ఈ సిరీస్‌లోని తొలి మ్యాచ్‌లో ఇంగ్లండ్‌ ఇన్నింగ్స్‌ 47 పరుగుల తేడాతో గెలుపొందింది.ఈ మ్యాచ్‌లో పాక్‌ తొలి ఇన్నింగ్స్‌లో 500కుపైగా పరుగులు చేసినప్పటికీ ఇన్నింగ్స్‌ తేడాతో ఓటమిపాలైంది. తొలుత బ్యాటింగ్‌ చేసిన పాక్‌.. అబ్దుల్లా షఫీక్‌ (102), షాన్‌ మసూద్‌ (151), అఘా సల్మాన్‌ (104 నాటౌట్‌) సెంచరీలతో కదం తొక్కడంతో 556 పరుగులు చేసింది.అనంతరం తొలి ఇన్నింగ్స్‌ ప్రారంభించిన ఇంగ్లండ్‌.. జో రూట్‌ డబుల్‌ సెంచరీ (262), హ్యారీ బ్రూక్ ట్రిపుల్‌ సెంచరీతో‌ (317) విరుచుకుపడటంతో రికార్డు స్కోర్‌ (823/7 డిక్లేర్‌) చేసింది. 267 పరుగులు వెనుకపడి సెకెండ్‌ ఇన్నింగ్స్‌ ప్రారంభించిన పాక్‌ ఊహించని విధంగా పతనానికి (220 ఆలౌట్‌) గురై ఘోర పరాజయాన్ని మూటగట్టుకుంది. అఘా సల్మాన్‌ (63), ఆమెర్‌ జమాల్‌ (55 నాటౌట్‌) పాక్‌ పతనాన్ని కాసేపు అడ్డుకున్నారు.చదవండి: బాబర్‌ కాదు!.. వాళ్ల అసలు టార్గెట్‌ అతడే: పాక్‌ మాజీ క్రికెటర్‌

పాకిస్తాన్‌తో మూడు మ్యాచ్‌ల టెస్టు సిరీస్‌కు ఇంగ్లండ్ సన్నద్దమవుతోంది. ఇప్పటికే పాక్ గడ్డపై అడుగుపెట్టిన ఇంగ్లీష్ జట్టు నెట్స్‌లో తీవ్రంగా శ్రమిస్తోంది. ఆక్టోబర్ 7 నుంచి ముల్తాన్ వేదికగా జరగనున్న తొలి టెస్టుతో ఈ సిరీస్ ప్రారంభం కానుంది. ఈ క్రమంలో ఫస్ట్ టెస్టుకు తమ ప్లేయింగ్ ఎలెవన్‌ను ఇంగ్లండ్ క్రికెట్ ప్రకటించింది.ముల్తాన్ టెస్టుకు ఇంగ్లండ్ కెప్టెన్ బెన్ స్టోక్స్ గాయం కారణంగా దూరమయ్యాడు. మోకాలి గాయం నుంచి కోలుకుంటున్న స్టోక్స్‌.. పూర్తి ఫిట్‌నెస్ సాధించడానికి మరికొంత సమయం పట్టనుంది. దీంతో తొలి టెస్టులో ఇంగ్లండ్ కెప్టెన్‌గా ఓలీ పోప్ వ్యవహరించనున్నాడు. అదేవిధంగా ఫాస్ట్ బౌలర్ బ్రైడన్ కార్సే ఇంగ్లండ్ తరపున టెస్టు క్రికెట్‌లో అడుగుపెట్టనున్నాడు. మరోవైపు ఈ సిరీస్‌తో స్టార్ ఆల్‌రౌండర్ క్రిస్ వోక్స్ టెస్టుల్లో రీఎంట్రీ ఇచ్చాడు. దాదాపు రెండున్నరేళ్ల తర్వాత అతడు ఇంగ్లండ్ టెస్టు జట్టులో చోటు దక్కించుకున్నాడు. శ్రీలంకపై బ్యాట్‌, బాల్‌తో సత్తాచాటిన గుస్ అట్కిన్సన్‌కు కూడా ఇంగ్లండ్ మెనెజ్‌మెంట్ తొలి టెస్టుకు చోటు కల్పించింది.పాక్‌తో తొలి టెస్టుకు ఇంగ్లండ్ తుది జ‌ట్టు ఇదే..జాక్ క్రాలీ, బెన్ డకెట్, ఒల్లీ పోప్ (కెప్టెన్‌), జో రూట్, హ్యారీ బ్రూక్, జామీ స్మిత్, క్రిస్ వోక్స్, గుస్ అట్కిన్సన్, బ్రైడన్ కార్సే , జాక్ లీచ్, షోయబ్ బషీర్చదవండి: అశ్విన్ వారసుడు దొరికిన‌ట్లేనా?

పాకిస్తాన్‌తో తొలి టెస్టుకు ఇంగ్లండ్‌ కెప్టెన్‌ బెన్‌ స్టోక్స్‌ దూరం కానున్నట్లు తెలుస్తోంది. ఈ ఆల్‌రౌండర్‌ ఇంకా మ్యాచ్‌ ఫిట్‌నెస్‌ సాధించలేదని సమాచారం. దీంతో ఒలీ పోప్‌ మరోసారి స్టోక్స్‌ స్థానంలో జట్టును ముందుకు నడిపించనున్నట్లు వార్తలు వినిపిస్తున్నాయి.కాగా ది హండ్రెడ్‌ లీగ్‌ 2024 సందర్భంగా బెన్‌ స్టోక్స్‌ గాయపడిన విషయం తెలిసిందే. నార్తర్న్‌ సూపర్‌చార్జెర్స్‌కు ప్రాతినిథ్యం వహించిన అతడు తొడకండరాల నొప్పితో జట్టుకు దూరమయ్యాడు. దీంతో స్వదేశంలో శ్రీలంకతో జరిగిన టెస్టు సిరీస్‌ కూడా ఆడలేకపోయాడు.ఈ క్రమంలో ఒలీ పోప్‌ సారథ్య బాధ్యతలు చేపట్టగా.. ఇంగ్లండ్‌ శ్రీలంకపై మూడు టెస్టుల సిరీస్‌ను 2-1తో కైవసం చేసుకుంది. అయితే, కెప్టెన్సీ పోప్‌ వ్యక్తిగత ప్రదర్శనపై ప్రభావం చూపగా.. అతడు విమర్శల పాలయ్యాడు. ఇదిలా ఉంటే.. ఇంగ్లండ్‌ జట్టు అక్టోబరు 7 నుంచి పాకిస్తాన్‌తో మూడు మ్యాచ్‌ల టెస్టు సిరీస్‌ మొదలుపెట్టనుంది.ముల్తాన్‌ వేదికగా ఇరుజట్ల మధ్య తొలి టెస్టుఇందుకోసం ఇప్పటికే అక్కడికి చేరుకుంది. ముల్తాన్‌ వేదికగా ఇరుజట్ల మధ్య తొలి టెస్టు జరుగనుంది. ఈ నేపథ్యంలో ఇంగ్లండ్‌ ఓపెనర్‌ జాక్‌ క్రాలే మాట్లాడుతూ.. స్టోక్స్‌ గాయం గురించి అప్‌డేట్‌ ఇచ్చాడు. ‘‘ఇంకో రెండు మూడు వైద్య పరీక్షల తర్వాత అతడు మ్యాచ్‌ ఫిట్‌నెస్‌ సాధించాడో లేదో తెలుస్తుంది. పూర్తిగా కోలుకున్నాడనే అనుకుంటున్నాం.రిస్క్‌ తీసుకోవడం అనవసరంమ్యాచ్‌ ఆడేందుకు తను సిద్ధంగా ఉన్నాడు. అయితే, రిస్క్‌ తీసుకోవడం అనవసరం. మా జట్టు పటిష్టంగా ఉంది. ఎన్నో ఆప్షన్లు అందుబాటులో ఉన్నాయి. ఆల్‌రౌండర్లుగా రాణించగల సమర్థులు ఉన్నారు. అందుకే.. అతడిపై మేనేజ్‌మెంట్‌ ఒత్తిడి పెట్టదలచుకోలేదు’’ అని జాక్‌ క్రాలే మీడియాతో పేర్కొన్నాడు. కాగా క్రాలే సైతం చేతి వేలికి గాయంతో బాధపడుతున్నాడు. ఈ కారణంగా అతడు శ్రీలంకతో టెస్టులు మిస్సయ్యాడు. అతడి స్థానంలో డాన్‌ లారెన్స్‌ ఓపెనింగ్‌ చేశాడు. పాక్‌తో టెస్టులకు ఇంగ్లండ్‌ జట్టుబెన్ స్టోక్స్, గస్ అట్కిన్సన్, హ్యారీ బ్రూక్, బ్రైడన్ కార్సే, జోర్డాన్ కాక్స్, జాక్ క్రాలే, బెన్ డకెట్, జోష్ హల్, జాక్ లీచ్, ఓలీ పోప్, మాథ్యూ పాట్స్, రెహాన్ అహ్మద్, జో రూట్, షోయబ్ బషీర్, జేమీ స్మిత్, ఓలీ స్టోన్, క్రిస్ వోక్స్.చదవండి: ఇషాన్‌ కిషన్‌ ఆశలపై నీళ్లు చల్లిన టీమిండియా స్టార్‌

పాకిస్తాన్‌ పర్యటనకు ముందు ఇంగ్లండ్‌ క్రికెట్‌ జట్టుకు ఎదురుదెబ్బ తగిలింది. యువ బౌలర్‌ జోష్‌ హల్‌(Josh Hull).. పాక్‌తో టెస్టు సిరీస్‌ మొత్తానికి అతడు దూరమయ్యాడు. ఈ విషయాన్ని ఇంగ్లండ్‌ క్రికెట్‌ బోర్డు నిర్దారించింది. తొడ కండరాల నొప్పి కారణంగా.. పాకిస్తాన్‌ టూర్‌కు జోష్‌ దూరమయ్యాడని తెలిపింది. అతడు త్వరలోనే కోలుకోవాలని ఆకాంక్షించింది.అరంగేట్రంలో రాణించికాగా లీసస్టర్‌ఫైర్‌కు చెందిన లెఫ్టార్మ్‌ పేసర్‌ జోష్‌ హల్‌ ఇటీవలే ఇంగ్లండ్‌ తరఫున టెస్టుల్లో అరంగ్రేటం చేశాడు. సొంతగడ్డపై శ్రీలంకతో ఓవల్‌ టెస్టు(సెప్టెంబరు 6, 2024) సందర్భంగా అంతర్జాతీయ క్రికెట్‌లో అడుగుపెట్టాడు. తొలి మ్యాచ్‌ తొలి ఇన్నింగ్స్‌లో బౌలింగ్‌ చేసి 53 పరుగులు ఇచ్చి మూడు వికెట్లు తీశాడు.గాయం కారణంగాఅయితే, ఈ మ్యాచ్‌ తర్వాత జోష్‌ తొడ కండరాల నొప్పి కారణంగా ఆస్ట్రేలియాతో పరిమిత ఓవర్ల సిరీస్‌లకు దూరంగా ఉన్నాడు. పాకిస్తాన్‌తో టెస్టు సిరీస్‌ నాటికి అతడు ఫిట్‌నెస్‌ సాధిస్తాడని భావించిన సెలక్టర్లు జట్టుకు ఎంపిక చేశారు. కానీ.. జోష్‌ ఇంకా కోలుకోలేదు. ఈ నేపథ్యంలో ఇంగ్లండ్‌ 16 మంది సభ్యుల జట్టుతోనే పాకిస్తాన్‌కు వెళ్లనుంది. ఆరు ఫీట్ల ఏడు అంగుళాల ఎత్తు ఉండే జోష్‌ హల్‌కు ఇంగ్లండ్‌ బోర్డు ప్రత్యామ్నాయ బౌలర్‌ను ప్రకటించకపోవడం ఇందుకు కారణం.వుడ్‌ కూడా లేడుకాగా దిగ్గజ ఫాస్ట్‌బౌలర్‌ జేమ్స్‌ ఆండర్సన్‌ రిటైర్మెంట్‌ తర్వాత ఇంగ్లండ్‌ పేస్‌ దళంలో క్రిస్‌ వోక్స్‌, మార్క్‌ వుడ్‌, గస్‌ అట్కిన్సన్‌ తమ స్థానాన్ని సుస్థిరం చేసుకున్నారు. ముఖ్యంగా సొంతగడ్డపై మెరుగైన ప్రదర్శనలతో ఆకట్టుకుంటున్నారు. అయితే, మార్క్‌ వుడ్‌ శ్రీలంకతో సిరీస్‌ తర్వాత ఈ ఏడాది తదుపరి సిరీస్‌లన్నింటికి దూరం కాగా.. ఇప్పుడు జోష్‌ కూడా అందుబాటులో లేకపోవడం ప్రభావం చూపే అవకాశం ఉంది. ఇక అక్టోబరు 7 నుంచి 28 వరకు పాకిస్తాన్‌- ఇంగ్లండ్‌ మధ్య మూడు టెస్టు మ్యాచ్‌లు జరుగనున్న విషయం తెలిసిందే. ముల్తాన్‌, రావల్పిండి ఇందుకు వేదికలు.పాకిస్తాన్‌తో టెస్టులకు ఇంగ్లండ్‌ జట్టుబెన్‌ స్టోక్స్‌(కెప్టెన్‌), రెహాన్‌ అహ్మద్‌, గస్‌ అట్కిన్సన్‌, షోయబ్‌ బషీర్‌, హ్యారీ బ్రూక్‌, బ్రైడన్‌ కార్సే, జోర్డాన్‌ కాక్స్‌, జాక్‌ క్రాలే, బెన్‌ డకెట్‌, జాక్‌ లీచ్‌, ఓలీ పోప్‌, మాథ్యూ పాట్స్‌, జో రూట్‌, జేమీ స్మిత్‌, ఓలీ స్టోన్‌, క్రిస్‌ వోక్స్‌.చదవండి: టీ10 క్రికెట్‌లో సంచలనం.. స్కాట్లాండ్‌ క్రికెటర్‌ సుడిగాలి శతకం

ఇంగ్లండ్‌ టెస్ట్‌ జట్టు సారధి బెన్‌ స్టోక్స్‌ పరిమిత ఓవర్ల ఫార్మాట్లకు రిటైర్మెంట్‌ ప్రకటించిన విషయం తెలిసిందే. అయితే 2023 వన్డే ప్రపంచకప్‌ దృష్ట్యా స్టోక్స్‌ తన రిటైర్మెంట్‌ నిర్ణయాన్ని వెనక్కు తీసుకుని బరిలోకి దిగాడు. వరల్డ్‌కప్‌లో ఇంగ్లండ్‌ ఘోర పరాభవం నేపథ్యంలో స్టోక్స్‌ అప్పటి నుంచి పరిమిత ఓవర్ల ఫార్మాట్లకు దూరంగా ఉన్నాడు. తాజాగా స్టోక్స్‌ లిమిటెడ్‌ ఓవర్స్‌ క్రికెట్‌లోని మళ్లీ రీఎంట్రీ ఇచ్చేందుకు సిద్దంగా ఉన్నానని క్లూ ఇచ్చాడు. ఈ విషయమై జట్టు కోచ్‌ బ్రెండన్‌ మెక్‌కల్లమ్‌ తనను సంప్రదిస్తే తాను రెడీ అంటూ సంకేతాలు పంపాడు.రిటైర్మెంట్‌ విషయమై ఆటగాళ్లు మనసు మార్చుకోవడం ఇటీవలికాలంలో పరిపాటిగా మారింది. చాలా మంది క్రికెటర్లు స్టోక్స్‌ లాగే తొలుత రిటైర్మెంట్‌ ప్రకటిస్తారు.. ఆతర్వాత ఆ కారణం.. ఈ కారణం చెప్పి తమ నిర్ణయాన్ని వెనక్కు తీసుకుంటారు. ఈ విషయాన్ని ఇటీవలే టీమిండియా కెప్టెన్‌ రోహిత్‌ శర్మ ప్రస్తావించాడు. రిటైర్మెంట్‌పై యూ టర్న్‌ తీసుకోవడం ఆటగాళ్లకు ఫ్యాషన్‌గా మారిపోయిందని హిట్‌మ్యాన్‌ వ్యాఖ్యానించాడు.స్టోక్స్‌ విషయానికొస్తే.. ఈ ఇంగ్లండ్‌ టెస్ట్‌ సారధి వచ్చే ఏడాది జరిగే ఛాంపియన్స్‌ ట్రోఫీ దృష్ట్యా రిటైర్మెంట్‌ నిర్ణయాన్ని వెనక్కు తీసుకోవాలని భావిస్తున్నట్లు తెలుస్తుంది. ఐసీసీ మెగా టోర్నీ కావడంతో స్టోక్స్‌ ఈ టోర్నీలో పాల్గొనాలని భావిస్తుండవచ్చు. మళ్లీ ఈ టోర్నీ అయిపోయిన వెంటనే స్టోక్స్‌ రిటైర్మెంట్‌ ప్రకటించినా ఆశ్యర్యపోనక్కర్లేదు. 33 ఏళ్ల స్టోక్స్‌ ఫిట్‌నెస్‌ పరంగానూ పెద్దగా పర్ఫెక్ట్‌గా లేడు. టెస్ట్‌ల్లో కేవలం బ్యాటర్‌గా మాత్రమే కొనసాగుతున్నాడు. బౌలింగ్‌ చేసినా పెద్దగా ప్రభావం చూపలేకపోతున్నాడు. ఈ నేపథ్యంలో అతను తిరిగి పరిమిత ఓవర్ల ఫార్మాట్‌లో బరిలోకి దిగినా పెద్దగా ప్రయోజనం ఉండదు. టెస్ట్‌ల్లో మాత్రం అతన్ని మ్యాచ్‌ విన్నర్‌గా తీసిపారేయడానికి వీళ్లేదు. జట్టును ఒంటిచేత్తో గెలిపించగల సామర్థ్యం అతనికి ఇంకా ఉంది.స్టోక్స్‌ ఇంగ్లండ్‌ తరఫున 105 టెస్ట్‌లు, 114, 43 టీ20లు ఆడాడు. పరిమిత ఓవర్ల ఫార్మాట్లలో అతను గత కొంతకాలం యాక్టివ్‌గా లేడు. మెక్‌కల్లమ్‌ ఇంగ్లండ్‌ ఫుల్‌టైమ్‌ హెడ్‌ కోచ్‌గా నియమితుడైన తర్వాత స్టోక్స్‌ పరిమిత ఓవర్ల ఫార్మాట్లలోకి రీఎంట్రీ ఇవ్వాలని భావిస్తున్నాడు. చదవండి: మెరుగుపడిన యశస్వి, గిల్‌ ర్యాంక్‌లు.. తలో ఐదు స్థానాలు కోల్పోయిన రోహిత్‌, విరాట్‌

రిటైర్మెంట్‌పై యూటర్న్‌ తీసుకునే ఆటగాళ్లపై టీమిండియా కెప్టెన్‌ రోహిత్‌ శర్మ విమర్శలు గుప్పించాడు. ఆటకు వీడ్కోలు పలికిన తర్వాత మళ్లీ తిరిగి రావడంలో అర్థం లేదన్నాడు. విదేశీ ఆటగాళ్లలో చాలా మంది ఇలా రిటైర్మెంట్‌ను ఓ జోక్‌లా మార్చేశారని.. అయితే, భారత్‌లో మాత్రం ఇలాంటివి జరగవని అభిప్రాయపడ్డాడు.టీమిండియాను చాంపియన్‌గా నిలిపితాను ఎట్టిపరిస్థితుల్లోనూ అంతర్జాతీయ టీ20లలో పునరాగమనం చేయబోనని రోహిత్‌ శర్మ స్పష్టం చేశాడు. కాగా 2007లో టీమిండియా తరఫున అరంగేట్రం చేసిన హిట్‌మ్యాన్‌.. ఇప్పటి వరకు జరిగిన అన్ని ఐసీసీ టీ20 ప్రపంచకప్‌ టోర్నీల్లో ఆడాడు. తాజా.. తొమ్మిదో పొట్టి వరల్డ్‌కప్‌ టోర్నమెంట్లో కెప్టెన్‌ హోదాలో బరిలోకి దిగి టీమిండియాను చాంపియన్‌గా నిలిపాడు. అంతర్జాతీయ టీ20 ఫార్మాట్‌కు గుడ్‌బైఅనంతరం అంతర్జాతీయ టీ20 ఫార్మాట్‌కు రిటైర్మెంట్‌ ప్రకటించాడు. అయితే, రోహిత్‌ శర్మ టీమిండియా తరఫున పొట్టి క్రికెట్‌లో రీఎంట్రీ ఇచ్చే అవకాశం ఉందనే వార్తలు వినిపించాయి. ఈ నేపథ్యంలో అతడు ఇటీవల చేసిన వ్యాఖ్యలు వైరల్‌గా మారాయి. జియో సినిమా షోలో మాట్లాడుతూ.. ‘‘ఈ రోజుల్లో రిటైర్మెంట్‌ పెద్ద జోక్‌లా తయారైంది. చాలా మంది క్రికెటర్లు ఆటకు వీడ్కోలు పలుకుతున్నారు. నేను గుడ్‌బై చెప్పాను.. నా నిర్ణయంలో మార్పు లేదుఆ వెంటనే మళ్లీ తిరిగి వస్తున్నారు. అయితే, ఇండియాలో అలా జరుగదు. ఇతర దేశాల ఆటగాళ్లను నేను గమనిస్తున్నాను. వారిలో చాలా మంది రిటైర్మెంట్‌పై యూటర్న్‌ తీసుకుంటున్నారు. కాబట్టి ఓ ఆటగాడు రిటైర్‌ అయ్యాడో లేదనన్న అంశంపై మనకు స్పష్టత ఉండదు. అయితే, నా విషయంలో అలా జరుగదు. అంతర్జాతీయ టీ20 క్రికెట్‌కు నేను గుడ్‌బై చెప్పాను. నా ఈ నిర్ణయంలో ఎటువంటి మార్పు ఉండదు. ఈ విషయంలో నాకు పూర్తి స్పష్టత ఉంది’’ అని రోహిత్‌ శర్మ చెప్పుకొచ్చాడు. కాగా ఇంగ్లండ్‌ ఆల్‌రౌండర్‌ బెన్‌ స్టోక్స్‌ గతంలో వన్డేలకు వీడ్కోలు పలికిన విషయం తెలిసిందే.గతంలో చాలా మంది ఇలాగేఅయితే, వన్డే ప్రపంచకప్‌-2023కి ముందు తాను యూటర్న్‌ తీసుకుంటున్నట్లు ప్రకటించాడు. భారత్‌ వేదికగా జరిగిన ఈ మెగా టోర్నీలో అతడు పాల్గొన్నాడు. ఇక పాకిస్తాన్‌ పేసర్‌ మహ్మద్‌ ఆమిర్‌ సైతం కొన్నేళ్ల క్రితం అంతర్జాతీయ క్రికెట్‌కు రిటైర్మెంట్‌ ప్రకటించగా.. మేనేజ్‌మెంట్‌ అతడిని వెనక్కి రప్పించింది. ఇటీవలి టీ20 ప్రపంచకప్‌ టోర్నీలో ఆమిర్‌ ఆడాడు. అదే విధంగా గతంలో షాహిద్‌ ఆఫ్రిది కూడా పలుమార్లు రిటైర్మెంట్‌​ ప్రకటించి రీఎంట్రీ ఇచ్చిన విషయం తెలిసిందే. ఇదిలా ఉంటే.. రోహిత్‌ శర్మ గురువారం(సెప్టెంబరు 19) నుంచి బంగ్లాదేశ్‌తో టెస్టు సిరీస్‌తో బిజీ కానున్నాడు. చదవండి: వరల్డ్‌ నంబర్‌ వన్‌గా ఇంగ్లండ్‌ విధ్వంసకర వీరుడు.. ఏకంగా..

ఇంగ్లండ్ పురుషుల జ‌ట్టు ప‌రిమిత ఓవ‌ర్ల హెడ్‌కోచ్‌గా న్యూజిలాండ్ దిగ్గ‌జం బ్రెండ‌న్ మెకల్ల‌మ్ ఎంపికైన సంగ‌తి తెలిసిందే. ప్ర‌స్తుతం టెస్టుల్లో ఇంగ్లండ్ ప్ర‌ధాన కోచ్‌గా ఉన్న మెక‌ల్ల‌మ్‌కు ఆదేశ క్రికెట్ బోర్డు(ఈసీబీ) ప్ర‌మోష‌న్ ఇచ్చింది. ఇకపై మూడు ఫార్మాట్ల‌లో ఇంగ్లీష్ జ‌ట్టు హెడ్‌కోచ్‌గా మెక‌ల్ల‌మ్ వ్య‌వ‌హ‌రించ‌నున్నాడు. స్వ‌దేశంలో ఆస్ట్రేలియాతో జ‌ర‌గ‌నున్న టీ20 సిరీస్‌తో వైట్‌బాల్ కోచ్‌గా మెక‌ల్ల‌మ్ త‌న ప్ర‌య‌ణాన్ని ప్రారంభించ‌నున్నాడు.టీ20 వ‌ర‌ల్డ్‌క‌ప్‌లో వైఫ‌ల్యం త‌ర్వాత ఇంగ్లండ్ హెడ్‌కోచ్ ప‌ద‌వి నుంచి మాథ్యూ మోట్ త‌ప్పుకోవ‌డంతో కొత్త కోచ్ ఎంపిక అనివార్య‌మైంది. ఇక వైట్‌బాల్ కోచ్ మెక‌ల్ల‌మ్‌ ఎంపికపై ఇంగ్లండ్ టెస్టు కెప్టెన్ బెన్ స్టోక్స్ తాజాగా స్పందించాడు. ఇదొక సంచ‌ల‌న నిర్ణయ‌మ‌ని స్టోక్స్ అన్నాడు."మెక‌ల్ల‌మ్ మా జ‌ట్టు వైట్ బాల్ కోచ్‌గా బాధ్య‌త‌లు చేప‌ట్ట‌డం చాలా సంతోషంగా ఉంది. తొలుత ఈ వార్త విని చాలా ఆశ్చ‌ర్య‌పోయాను. అన్ని ఫార్మాట్ల‌లో మెకల్ల‌మ్ కోచ్‌గా ఎంపిక అవ్వ‌డం ఇంగ్లండ్ క్రికెట్ ప్ర‌పంచంలో తిరిగిలేని శ‌క్తిగా అవ‌త‌రిస్తుంది.ఇదొక అద్భుత‌మైన నిర్ణ‌యం. అత‌డు ఇప్ప‌టికే కోచ్‌గా టెస్టుల్లో ఏమి సాధించాడో మ‌నం చూశాం. ప‌రిమిత ఓవ‌ర్ల క్రికెట్‌లో కూడా బాజ్‌(మెక‌ల్ల‌మ్‌)తో క‌లిసి పనిచేసేందుకు ఆతృతగా ఎదురుచూస్తున్నాను. అతడికి వైట్‌బాల్ క్రికెట్‌లో చాలా అనుభవం ఉంది.అదే విధంగా బట్లర్ కూడా మెక‌ల్ల‌మ్‌తో కలిసి పనిచేయడానికి సిద్దంగా ఉన్నడాని నేను భావిస్తున్నాను. చాలా మంది కొత్త ఆటగాళ్లు కూడా మెకల్లమ్ గైడన్స్‌లో ఆడేందుకు సముఖత చూపుతారు. ఇది యువ ఆటగాళ్లకు మంచి అవకాశమని" ఈఎస్పీఎన్ క్రిక్ ఇన్ ఫోకు ఇచ్చిన ఇంటర్వ్యూలో స్టోక్సీ పేర్కొన్నాడు.

సౌతాఫ్రికా టీ20 లీగ్‌ 2025 ఎడిషన్‌ కోసం ఎంపిక చేసిన ముంబై ఇండియన్స్‌ కేప్‌టౌన్‌ జట్టుకు ఇంగ్లండ్‌ టెస్ట్‌ జట్టు కెప్టెన్‌ బెన్‌ స్టోక్స్‌ ఎంపికయ్యాడు. స్టోక్స్‌తో పాటు ఆఫ్ఘనిస్తాన్‌ ఆల్‌రౌండర్‌ అజ్మతుల్లా ఒమర్‌జాయ్‌ను కూడా ఎంపిక చేసుకుంది ఎంఐ కేప్‌టౌన్‌ యాజమాన్యం. ఈ జట్టులో రషీద్‌ ఖాన్‌, ట్రెంట్‌ బౌల్ట్‌, కగిసో రబాడ, రస్సీ వాన్‌ వర్‌ డస్సెన్‌, డెవాల్డ్‌ బ్రెవిస్‌, నువాన్‌ తషార లాంటి ఇంటర్నేషనల్‌ స్టార్స్‌ ఉన్నారు. 14 మంది సభ్యుల​ జట్టును ఎంఐ కేప్‌టౌన్‌ యాజమాన్యం ఇవాళ (ఆగస్ట్‌ 14) ప్రకటించింది. కాగా, బెన్‌ స్టోక్స్‌ తాజాగా హండ్రెడ్‌ లీగ్‌ ఆడుతూ గాయపడిన విషయం తెలిసిందే. తొడ కండరాలు పట్టేయడంతో స్టోక్స్‌ శ్రీలంకతో టెస్ట్‌ సిరీస్‌కు కూడా దూరమయ్యాడు.ఇదిలా ఉంటే, ఆరు ఫ్రాంచైజీలు పాల్గొనే సౌతాఫ్రికా టీ20 లీగ్‌లో ఇప్పటివరకు రెండు ఎడిషన్లు జరిగాయి. రెండు ఎడిషన్లలో సన్‌రైజర్స్‌ ఈస్ట్రన్‌కేప్‌ ఫ్రాంచైజీనే విజేతగా నిలిచింది. ఎస్‌ఏ20 2025 సీజన్‌ వచ్చే ఏడాది జనవరి 9న మొదలై ఫిబ్రవరి 8న జరిగే ఫైనల్‌తో ముగుస్తుంది. ఈ లీగ్‌లో సన్‌రైజర్స్‌ ఈస్ట్రన్‌కేప్‌తో పాటు ఎంఐ కేప్‌టౌన్‌, డర్బన్‌ సూపర్‌ జెయింట్స్‌, జోబర్గ్‌ సూపర్‌ కింగ్స్‌, పార్ల్‌ రాయల్స్‌, ప్రిటోరియా క్యాపిటల్స్‌ ఫ్రాంచైజీలు పాల్గొంటాయి.ఎస్‌ఏ20 2025 ఎడిషన్‌ కోసం ఎంఐ కేప్‌టౌన్‌ జట్టు..బెన్‌ స్టోక్స్‌, రషీద్‌ ఖాన్‌, ట్రెంట్‌ బౌల్ట్‌, అజ్మతుల్లా ఒమర్‌జాయ్‌, నువాన్‌ తుషార, క్రిస్‌ బెంజమిన్‌, కగిసో రబాడ, డెవాల్డ్‌ బ్రెవిస్‌, రస్సీ వాన్‌ డర్‌ డస్సెన్‌, ర్యాన్‌ రికెల్టన్‌, జార్జ్‌ లిండే, డెలానో పాట్‌గెయిటర్‌, థామస్‌ కేబర్‌, కానర్‌ ఎస్టర్‌హ్యుజెన్‌

శ్రీలంకతో టెస్టు సిరీస్‌కు ముందు ఇంగ్లండ్‌కు ఊహించని ఎదురు దెబ్బ తగిలింది. ఆ జ‌ట్టు కెప్టెన్‌, స్టార్ ఆల్‌రౌండ‌ర్ బెన్ స్టోక్స్ గాయం కార‌ణంగా దూర‌మ‌య్యాడు. ది హండ్ర‌డ్ లీగ్‌లో నార్తర్న్ సూపర్‌చార్జర్స్‌కు ప్రాతినిథ్యం వ‌హిస్తున్న స్టోక్స్‌.. మాంచెస్టర్ ఒరిజినల్స్‌తో జ‌రిగిన మ్యాచ్‌లో గాయ‌ప‌డ్డాడు. పేస‌ర్ ఆలీ రాబిన్‌సన్‌ బౌలింగ్ లో స్కూప్ షాట్ ఆడే ప్రయత్నంలో స్టోక్స్ తొడ కండ‌రాలు ప‌ట్టేశాయి. ఈ క్ర‌మంలో పరిగెత్తలేక గ్రౌండ్ లోనే పడిపోయి వైద్య సహాయాన్ని కోరాడు. దీంతో ఫిజియోలు వెంటనే పరిగెత్తుకొచ్చి అతనికి చికిత్స అందించారు.అనంత‌రం అస్ప‌త్రికి తీసుకువెళ్లి స్కాన్ చేయ‌గా అత‌డి గాయం తీవ్ర‌మైన‌దిగా తేలింది. ఈ క్ర‌మంలోనే శ్రీలంక‌తో టెస్టు సిరీస్‌తో పాటు ఈ వేస‌విలో మిగిలిన మ్యాచ్‌ల‌న్నింటికి ఈ దిగ్గ‌జ ఇంగ్లండ్ ఆల్‌రౌండ‌ర్ దూర‌మ‌య్యాడు.ఇంగ్లండ్ కెప్టెన్ ఓలీ పోప్‌..ఇక శ్రీలంక‌తో టెస్టు సిరీస్‌కు ఇంగ్లండ్ తాత్కాలిక‌ కెప్టెన్‌గా మిడిలార్డ‌ర్ స్టార్ బ్యాట‌ర్ ఓలీ పోప్ ఎంపిక‌య్యాడు. స్టోక్సీ డిప్యూటీగా ఉన్న పోప్‌కు మ‌రోసారి కెప్టెన్సీ చేసే అవకాశం ల‌భించింది. అయితే పోప్ కెప్టెన్సీ బాధ్య‌త‌లు అప్ప‌గించిన ఇంగ్లండ్ క్రికెట్ బోర్డు.. ఇంకా స్టోక్స్ స్ధానాన్ని మాత్రం భ‌ర్తీ చేయ‌లేదు. ఇక ఇంగ్లండ్‌-శ్రీలంక మూడు మ్యాచ్‌ల టెస్టు సిరీస్ ఆగ‌స్టు 21 నుంచి ప్రారంభం కానుంది. స్టోక్స్ తిరిగి మ‌ళ్లీ పాకిస్తాన్‌తో టెస్టు సిరీస్‌కు అందుబాటులో వ‌చ్చే అవ‌కాశ‌ముంది.శ్రీలంకతో మూడు మ్యాచ్‌ల టెస్ట్‌ సిరీస్‌కు ఇంగ్లండ్‌ జట్టు..ఓలీ పోప్‌ (కెప్టెన్‌), గస్‌ అట్కిన్సన్‌, షోయబ్‌ బషీర్‌, హ్యారీ బ్రూక్‌, జోర్డన్‌ కాక్స్‌, బెన్‌ డకెట్‌, డాన్‌ లారెన్స్‌, మాథ్యూ పాట్స్‌, జో రూట్‌, జేమీ స్మిత్‌ (వికెట్‌కీపర్‌), ఓలీ స్టోన్‌, క్రిస్‌ వోక్స్‌, మార్క్‌ వుడ్‌

శ్రీలంక‌తో టెస్టు సిరీస్‌కు ముందు ఇంగ్లండ్‌కు బిగ్ షాక్ త‌గిలింది. ఆ జ‌ట్టు కెప్టెన్, స్టార్ ఆల్‌రౌండ‌ర్‌ బెన్ స్టోక్స్ గాయ‌కార‌ణంగా లంక‌తో టెస్టు సిరీస్‌కు దూర‌మ‌య్యే సూచ‌నలు క‌న్పిస్తున్నాయి. ది హాండ్ర‌డ్ లీగ్‌లో నార్తర్న్ సూపర్‌ఛార్జర్స్‌కు బెన్ స్టోక్స్ ప్రాతినిథ్యం వ‌హిస్తున్నాడు. ఈ క్ర‌మంలో ఆదివారం(ఆగస్టు 11) ఓల్డ్ ట్రాఫోర్డ్‌లో మాంచెస్టర్ ఒరిజినల్స్‌తో జ‌రిగిన మ్యాచ్‌లో స్టోక్స్ గాయ‌ప‌డ్డాడు. ఈ మ్యాచ్‌లో సింగిల్ కోసం వేగంగా ప‌రిగెత్త‌డంతో స్టోక్సీ తొడ కండ‌రాలు ప‌ట్టేశాయి. దీంతో తీవ్ర‌మైన నొప్పితో అత‌డు విల్ల‌విల్లాడు. వెంట‌నే ఫిజియో వ‌చ్చి చికిత్స అందించిన‌ప్ప‌ట‌కి అత‌డి నొప్పి మాత్రం త‌గ్గ‌లేదు. ఈ క్ర‌మంలో ఫిజియో సాయంతో స్టోక్స్ మైదానాన్ని వీడాడు. అయితే అత‌డి గాయంపై నార్తర్న్ సూపర్‌ఛార్జర్స్ కెప్టెన్‌, సహ‌చ‌రుడు హ్యారీ బ్రూక్ అప్‌డేట్ ఇచ్చాడు."ఈ మ్యాచ్‌లో దుర‌దృష్టవశాత్తూ స్టోక్సీ గాయపడ్డాడు. అతడిని సోమవారం(ఆగస్టు 12) స్కానింగ్‌కు తీసుకువెళ్లనున్నాము. ఆ తర్వాత స్టోక్స్ గాయంపై ఓ అంచనా వస్తుంది. అయితే అతడు మాత్రం తీవ్రమైన నొప్పితో బాధపడతున్నాడు. నిజంగా మాకు గట్టి ఎదురు దెబ్బ" అని బ్రూక్ మ్యాచ్ అనంతరం పేర్కొన్నాడు.కాగా ఇంగ్లండ్ జట్టు స్వదేశంలో శ్రీలంకతో మూడు మ్యాచ్‌ల టెస్టు సిరీస్ ఆడనుంది. వరల్డ్ టెస్టు ఛాంపియన్ షిప్‌లో భాగంగా జరగనున్న ఈ సిరీస్ ఆగస్టు 21 నుంచి ప్రారంభం కానుంది. కాగా ఈ సిరీస్‌కు ఇప్పటికే స్టార్ ఓపెన్ జాక్ క్రాలీ గాయం కారణంగా దూరమయ్యాడు. ఇప్పుడు కెప్టెన్ స్టోక్స్ కూడా గాయపడటం ఇంగ్లండ్ జట్టు మెనెజ్‌మెంట్‌ను కలవరపెడుతోంది

ఈ నెల (ఆగస్ట్‌) 21 నుంచి స్వదేశంలో శ్రీలంకతో జరిగే మూడు మ్యాచ్‌ల టెస్ట్‌ సిరీస్‌ కోసం 14 మంది సభ్యుల ఇంగ్లండ్‌ జట్టును ఇవాళ (ఆగస్ట్‌ 4) ప్రకటించారు. ఈ జట్టుకు బెన్‌ స్టోక్స్‌ కెప్టెన్‌గా వ్యవహరించనుండగా.. జోర్డన్‌ కాక్స్‌, మాథ్యూ పాట్స్‌, ఓలీ స్టోన్‌ కొత్తగా ఎంపికయ్యారు. లంకతో సిరీస్‌లో తొలి టెస్ట్‌ ఆగస్ట్‌ 21న (ఓల్డ్‌ ట్రాఫోర్డ్‌).. రెండో టెస్ట్‌ ఆగస్ట్‌ 29న (లార్డ్స్‌).. మూడో టెస్ట్‌ సెప్టంబర్‌ 6న (కెన్నింగ్‌స్టన్‌ ఓవల్‌) మొదలుకానున్నాయి. ఇంగ్లండ్‌ ఇటీవలే స్వదేశంలో వెస్టిండీస్‌తో జరిగిన మూడు మ్యాచ్‌ల టెస్ట్‌ సిరీస్‌ను 3-0 తేడాతో క్లీన్‌ స్వీప్‌ చేసిన విషయం తెలిసిందే.శ్రీలంకతో మూడు మ్యాచ్‌ల టెస్ట్‌ సిరీస్‌కు ఇంగ్లండ్‌ జట్టు..బెన్‌ స్టోక్స్‌ (కెప్టెన్‌), గస్‌ అట్కిన్సన్‌, షోయబ్‌ బషీర్‌, హ్యారీ బ్రూక్‌, జోర్డన్‌ కాక్స్‌, బెన్‌ డకెట్‌, డాన్‌ లారెన్స్‌, ఓలీ పోప్‌, మాథ్యూ పాట్స్‌, జో రూట్‌, జేమీ స్మిత్‌ (వికెట్‌కీపర్‌), ఓలీ స్టోన్‌, క్రిస్‌ వోక్స్‌, మార్క్‌ వుడ్‌

స్వదేశంలో వెస్టిండీస్‌తో జరిగిన మూడు మ్యాచ్‌ల టెస్ట్‌ సిరీస్‌ను ఇంగ్లండ్‌ 3-0 తేడాతో క్లీన్‌ స్వీప్‌ చేసింది. నిన్న (జులై 28) ముగిసిన మూడో టెస్ట్‌లో ఇంగ్లండ్‌ 10 వికెట్ల తేడాతో ఘన విజయం సాధించింది. ఈ మ్యాచ్‌లో ఇంగ్లండ్‌ అన్ని విభాగాల్లో సత్తా చాటి పర్యాటక జట్టును చిత్తుగా ఓడించింది. మార్క్‌ వుడ్‌ (14-1-40-5) సెకెండ్‌ ఇన్నింగ్స్‌లో విండీస్‌ను కకావికలం (175 ఆలౌట్‌) చేశాడు. అనంతరం 81 పరుగుల స్వల్ప లక్ష్యాన్ని ఇంగ్లండ్‌ కేవలం 7.2 ఓవర్లలో ఛేదించింది. బెన్‌ స్టోక్స్‌ ఓపెనర్‌గా బరిలోకి దిగి విండీస్‌ బౌలర్లను ఊచకోత కోశాడు. కేవలం 24 బంతుల్లోనే హాఫ్‌ సెంచరీ పూర్తి చేసి ఇంగ్లండ్‌ తరఫున టెస్ట్‌ల్లో ఫాస్టెస్ట్‌ ఫిఫ్టి నమోదు చేశాడు. గతంలో ఇంగ్లండ్‌ తరఫున ఫాస్టెస్ట్‌ ఫిఫ్టి రికార్డు ఇయాన్‌ బోథమ్‌ (28 బంతులు) పేరిట ఉండేది. ఓవరాల్‌గా టెస్ట్‌ల్లో ఫాస్టెస్ట్‌ ఫిఫ్టి రికార్డు పాక్‌ ఆటగాడు మిస్బా ఉల్‌ హక్‌ (21) పేరిట ఉంది. BEN STOKES - Fastest fifty in England Test history. 🔥🥶 pic.twitter.com/Lphj1mAap5— Johns. (@CricCrazyJohns) July 28, 2024మ్యాచ్‌ విషయానికొస్తే.. స్వల్ప లక్ష్య ఛేదనలో స్టోక్స్‌కు జతగా బెన్‌ డకెట్‌ (16 బంతుల్లో 25 నాటౌట్‌; 4 ఫోర్లు) కూడా చెలరేగాడు. ఓవర్‌నైట్‌ స్కోర్‌ 33/2 వద్ద మూడో రోజు ఆటను ప్రారంభించిన విండీస్‌.. మరో 142 పరుగులు జోడించి మిగిలిన ఎనిమిది వికెట్లు కోల్పోయింది (175 పరుగులకు ఆలౌట్‌). మార్క్‌ వుడ్‌ ఐదేసి విండీస్‌ను కుప్పకూల్చాడు. అట్కిన్సన్‌ 2, వోక్స్‌, షోయబ్‌ బషీర్‌, స్టోక్స్‌ తలో వికెట్‌ పడగొట్టారు. విండీస్‌ బ్యాటర్లలో మికైల్‌ లూయిస్‌ (57), కవెమ్‌ హాడ్జ్‌ (55) హాఫ్‌ సెంచరీలు చేశాడు.అంతకుముందు ఇంగ్లండ్‌ తొలి ఇన్నింగ్స్‌లో 376 పరుగులకు ఆలౌటైంది. జో రూట్‌ (87) కెరీర్‌లో 63వ హాఫ్‌ సెంచరీతో రాణించగా.. ఎనిమిదో స్థానంలో బ్యాటింగ్‌కు దిగిన వికెట్‌ జేమీ స్మిత్‌ (95) తృటిలో సెంచరీ చేజార్చుకున్నాడు. బెన్‌ స్టోక్స్ (54), క్రిస్‌ వోక్స్‌ (62) అర్ద సెంచరీలతో ఆకట్టుకున్నారు. విండీస్‌ బౌలర్లలో అల్జరీ జోసఫ్‌ 4, జేడన్‌ సీల్స్‌ 3, షమార్‌ జోసఫ్‌ 2, గుడకేశ్‌ మోటీ ఓ వికెట్‌ పడగొట్టారు.ఈ మ్యాచ్‌లో తొలుత బ్యాటింగ్‌ చేసిన విండీస్‌ తొలి ఇన్నింగ్స్‌లో ‌282 పరుగులకు ఆలౌటైంది. క్రెయిగ్‌ బ్రాత్‌వైట్‌ (61), జేసన్‌ హోల్డర్‌ (59) అర్ద సెంచరీలతో రాణించగా.. జాషువ డసిల్వ (49) పర్వాలేదనిపించాడు. ఇంగ్లండ్‌ బౌలర్లలో అట్కిన్సన్‌ 4, క్రిస్‌ వోక్స్‌ 3, మార్క్‌ వుడ్‌ 2, షోయబ్‌ బషీర్‌ ఓ వికెట్‌ పడగొట్టారు.

స్వదేశంలో వెస్టిండీస్‌తో జరిగిన మూడు మ్యాచ్‌ల టెస్ట్‌ సిరీస్‌ను ఇంగ్లండ్‌ క్లీన్‌ స్వీప్‌ చేసింది. ఇవాళ (జులై 28) ముగిసిన మూడో టెస్ట్‌లో ఇంగ్లండ్‌ 10 వికెట్ల తేడాతో గెలుపొందింది. బ్యాటింగ్‌, బౌలింగ్‌ విభాగాల్లో సత్తా చాటిన ఇంగ్లండ్‌ కేవలం రెండున్నర రోజుల్లోనే మ్యాచ్‌ను ముగించింది. ఆట మూడో రోజు విండీస్‌ను 175 పరుగులకే ఆలౌట్‌ (సెకెండ్‌ ఇన్నింగ్స్‌) చేసిన ఇంగ్లండ్‌.. 81 పరుగుల స్వల్ప లక్ష్యాన్ని కేవలం 7.2 ఓవర్లలోనే ఛేదించింది. ఛేదనలో ఓపెనర్‌గా బరిలోకి దిగిన స్టోక్స్‌.. కేవలం 24 బంతుల్లోనే హాఫ్‌ సెంచరీ బాదాడు. స్టోక్స్‌ వీరబాదుడు ధాటికి విండీస్‌ నిర్దేశించిన స్వల్ప లక్ష్యం కళ్లు మూసుకుని తెరిచే లోగా హాం ఫట్‌ అయ్యింది. స్టోక్స్‌కు జతగా బరిలోకి దిగిన బెన్‌ డకెట్‌ (16 బంతుల్లో 25 నాటౌట్‌; 4 ఫోర్లు) సైతం మరో ఎండ్‌లో చెలరేగాడు. స్టోక్స్‌ బజ్‌బాల్‌ గేమ్‌ను చూసిన వారు "టెస్ట్‌ మ్యాచ్‌ అనుకున్నావా లేక టీ20 అనుకున్నావా" అంటూ కామెంట్లు చేస్తున్నారు. ఓవర్‌నైట్‌ స్కోర్‌ 33/2 వద్ద మూడో రోజు ఆటను ప్రారంభించిన విండీస్‌.. మరో 142 పరుగులు జోడించి మిగిలిన ఎనిమిది వికెట్లు కోల్పోయింది. మార్క్‌ వుడ్‌ (5/40) ఐదేసి విండీస్‌ను కుప్పకూల్చాడు. అట్కిన్సన్‌ 2, వోక్స్‌, షోయబ్‌ బషీర్‌, స్టోక్స్‌ తలో వికెట్‌ పడగొట్టారు. విండీస్‌ బ్యాటర్లలో మికైల్‌ లూయిస్‌ (57), కవెమ్‌ హాడ్జ్‌ (55) హాఫ్‌ సెంచరీలు చేశాడు. ఈ మ్యాచ్‌లో తొలుత బ్యాటింగ్‌ చేసిన విండీస్‌ తొలి ఇన్నింగ్స్‌లో ‌282 పరుగులకు ఆలౌటైంది. క్రెయిగ్‌ బ్రాత్‌వైట్‌ (61), జేసన్‌ హోల్డర్‌ (59) అర్ద సెంచరీలతో రాణించగా.. జాషువ డసిల్వ (49) పర్వాలేదనిపించాడు. ఇంగ్లండ్‌ బౌలర్లలో అట్కిన్సన్‌ 4, క్రిస్‌ వోక్స్‌ 3, మార్క్‌ వుడ్‌ 2, షోయబ్‌ బషీర్‌ ఓ వికెట్‌ పడగొట్టారు. అనంతరం తొలి ఇన్నింగ్స్‌ ప్రారంభించిన ఇంగ్లండ్‌ 376 పరుగులకు ఆలౌటైంది. జో రూట్‌ (87) కెరీర్‌లో 63వ హాఫ్‌ సెంచరీతో రాణించగా.. ఎనిమిదో స్థానంలో బ్యాటింగ్‌కు దిగిన వికెట్‌ జేమీ స్మిత్‌ (95) తృటిలో సెంచరీ చేజార్చుకున్నాడు. బెన్‌ స్టోక్స్ (54), క్రిస్‌ వోక్స్‌ (62) అర్ద సెంచరీలతో ఆకట్టుకున్నారు. విండీస్‌ బౌలర్లలో అల్జరీ జోసఫ్‌ 4, జేడన్‌ సీల్స్‌ 3, షమార్‌ జోసఫ్‌ 2, గుడకేశ్‌ మోటీ ఓ వికెట్‌ పడగొట్టారు.

బర్మింగ్హమ్‌ వేదికగా వెస్టిండీస్‌తో జరుగుతున్న చివరి టెస్ట్‌ మ్యాచ్‌లో ఇంగ్లండ్‌ టెయిలెండర్లు సత్తా చాటారు. ఫలితంగా ఆ జట్టు తొలి ఇన్నింగ్స్‌లో 376 పరుగులకు ఆలౌటైంది. జో రూట్‌ (87) కెరీర్‌లో 63వ హాఫ్‌ సెంచరీతో రాణించగా.. ఎనిమిదో స్థానంలో బ్యాటింగ్‌కు దిగిన వికెట్‌ జేమీ స్మిత్‌ (95) తృటిలో సెంచరీ చేజార్చుకున్నాడు. బెన్‌ స్టోక్స్ (54), క్రిస్‌ వోక్స్‌ (62) అర్ద సెంచరీలతో ఆకట్టుకున్నారు. జాక్‌ క్రాలే 18, బెన్‌ డకెట్‌ 3, మార్క్‌ వుడ్‌ 0, ఓలీ పోప్‌ 10, హ్యారీ బ్రూక్‌ 2 నిరాశపర్చగా.. పదో నంబర్‌ ఆటగాడు గస్‌ అట్కిన్సన్‌ 21 పరుగులు చేశాడు. విండీస్‌ బౌలర్లలో అల్జరీ జోసఫ్‌ 4, జేడన్‌ సీల్స్‌ 3, షమార్‌ జోసఫ్‌ 2, గుడకేశ్‌ మోటీ ఓ వికెట్‌ పడగొట్టారు. ఇంగ్లండ్‌ ఆలౌటైన అనంతరం సెకెండ్‌ ఇన్నింగ్స్‌ ప్రారంభించిన వెస్టిండీస్‌ రెండో రోజు ఆట ముగిసే సమయానికి 2 వికెట్ల నష్టానికి 33 పరుగులు చేసింది. ప్రస్తుతం ఆ జట్టు ఇంగ్లండ్‌ తొలి ఇన్నింగ్స్‌ స్కోర్‌కు ఇంకా 61 పరుగులు వెనుకపడి ఉంది. క్రెయిగ్‌ బ్రాత్‌వైట్‌ (0), కిర్క్‌ మెక్‌కెంజీ (8) ఔట్‌ కాగా.. మికైల్‌ లూయిస్‌ (18), అలిక్‌ అథనాజ్‌ (5) క్రీజ్‌లో ఉన్నారు. క్రిస్‌ వోక్స్‌, గస్‌ అట్కిన్సన్‌ తలో వికెట్‌ పడగొట్టారు. అంతకుముందు వెస్టిండీస్‌ తొలి ఇన్నింగ్స్‌లో ‌282 పరుగులకు ఆలౌటైంది. క్రెయిగ్‌ బ్రాత్‌వైట్‌ (61), జేసన్‌ హోల్డర్‌ (59) అర్ద సెంచరీలతో రాణించగా.. జాషువ డసిల్వ (49) పర్వాలేదనిపించాడు. ఇంగ్లండ్‌ బౌలర్లలో అట్కిన్సన్‌ 4, క్రిస్‌ వోక్స్‌ 3, మార్క్‌ వుడ్‌ 2, షోయబ్‌ బషీర్‌ ఓ వికెట్‌ పడగొట్టారు. కాగా, మూడు మ్యాచ్‌ల ఈ సిరీస్‌లో ఇంగ్లండ్‌ తొలి రెండు టెస్ట్‌ల్లో విజయం సాధించి, సిరీస్‌ను ఇదివరకే కైవసం చేసుకుంది.

ట్రెంట్‌బ్రిడ్జ్‌ వేదికగా ఇంగ్లండ్‌, వెస్టిండీస్‌ మధ్య జరిగిన రెండో టెస్ట్‌ మ్యాచ్‌ సందర్భంగా ఓ ఆసక్తికర సన్నివేశం చోటు చేసుకుంది. నాలుగో రోజు ఆటలో ఇంగ్లండ్‌ కెప్టెన్‌ బెన్‌ స్టోక్స్‌ను పోలిన ఓ వ్యక్తి స్టాండ్స్‌లో తారసపడ్డాడు. సదరు వ్యక్తిని చూసి బెన్‌ స్టోక్స్‌ ఆశ్చర్యపోయాడు. గడ్డం, హెయిర్‌ స్టయిల్‌, ముఖ ఆకృతి తనలాగే ఉండటంతో స్టోక్స్‌ కళ్లప్పగించి చూశాడు. దీనికి సంబంధించిన వీడియో సోషల్‌మీడియాలో వైరలవుతుంది.TWO BEN STOKES IN THE TEST MATCH....!!!! 🤯 pic.twitter.com/qU3kQm9Zyy— Johns. (@CricCrazyJohns) July 21, 2024ఇదిలా ఉంటే, రెండో టెస్ట్‌లో వెస్టిండీస్‌పై ఇంగ్లండ్‌ 241 పరుగుల తేడాతో గెలుపొందింది. ఈ గెలుపుతో ఇంగ్లండ్‌ మూడు మ్యాచ్‌ల సిరీస్‌ను మరో మ్యాచ్‌ మిగిలుండగానే 2-0 తేడాతో కైవసం చేసుకుంది.ఈ మ్యాచ్‌లో తొలుత బ్యాటింగ్‌ చేసిన ఇంగ్లండ్‌ తొలి ఇన్నింగ్స్‌లో 416 పరుగులు, సెకెండ్‌ ఇన్నింగ్స్‌లో 425 పరుగులు చేయగా.. విండీస్‌ తొలి ఇన్నింగ్స్‌లో 457, రెండో ఇన్నింగ్స్‌లో 143 పరుగులకు ఆలౌటైంది. ఈ మ్యాచ్‌లో ఇంగ్లండ్‌ ఆటగాళ్లు ఓలీ పోప్‌ (121), హ్యారీ బ్రూక్‌ (109), జో రూట్‌ (122).. విండీస్‌ ఆటగాడు కవెమ్‌ హాడ్జ్‌ (120) సెంచరీలు చేశారు. సిరీస్‌లో నామమాత్రపు మూడో టెస్ట్‌ జులై 26న మొదలవుతుంది.

సౌతాఫ్రికా టీ20 లీగ్‌లో ఇంగ్లండ్ టెస్టు కెప్టెన్ బెన్ స్టోక్స్ భాగం కానున్నాడు. సౌతాఫ్రికా టీ20 లీగ్‌-2024లో ముంబై ఇండియ‌న్స్ కేప్‌టౌన్ త‌ర‌పున స్టోక్స్ ఆడ‌నున్న‌ట్లు తెలుస్తోంది. ఎంఐ కేప్‌టౌన్ ఫ్రాంచైజీతో రూ. 8.5 కోట్ల భారీ ధ‌ర‌కు స్టోక్స్ ఒప్పందం కుదుర్చుకున్న‌ట్లు స‌మాచారం. స్టోక్సీ ప్ర‌స్తుతం స్వ‌దేశంలో వెస్టిండీస్‌తో జ‌రుగుతున్న టెస్టు సిరీస్‌లో బీజీబీజీగా ఉన్నాడు. అయితే గత కొన్ని రోజులగా స్టోక్స్‌ పొట్టి క్రికెట్‌కు దూరంగా ఉన్నాడు. రెడ్‌బాల్‌ క్రికెట్‌పై దృష్టిసారించేందుకు ఈ ఏడాది ఐపీఎల్‌ సీజన్‌కు కూడా దూరమయ్యాడు. గత సీజన్‌లో చెన్నై సూపర్‌ కింగ్స్‌కు ప్రాతినిథ్యం వహించిన స్టోక్స్‌.. ఈ ఏడాది మినీ వేలానికి ముందు తన నిర్ణయాన్ని సీఎస్‌కే ఫ్రాంచైజీకి తెలియజేశాడు. దీంతో అతడిని సీఎస్‌కే రిటైన్‌ చేసుకోలేదు. ఒకవేళ ఎంఐ కేప్‌టౌన్ ఫ్రాంచైజీతో స్టోక్స్‌ చేరితో ఆ జట్టు మరింత పటిష్టంగా మారనుంది. ఇప్పటికే ఆ జట్టులో కిరాన్‌ పొలార్డ్‌, రషీద్‌ఖాన్‌, రబాడ వంటి స్టార్‌ క్రికెటర్లు ఉన్నారు. అయినప్పటకి గత రెండు సీజన్లలో కేప్‌టౌన్‌ జట్టు చెప్పుకొదగ్గ ప్రదర్శన చేయలేకపోయింది. స్టోక్సీ రాకతోనైనా ముంబై ఇండియన్స్‌ కేప్‌టౌన్‌ తలరాత మారుతుందో లేదో వేచి చూడాలి. అదేవిధంగా ఈ ఏడాది ది హాండ్రడ్‌ లీగ్‌లో కూడా స్టోక్స్‌ ఆడనున్నట్లు వార్తలు వినిపిస్తున్నాయి. మరోవైపు ఇంగ్లండ్‌ వెటరన్‌ క్రికెటర్‌ జో రూట్‌తో సౌతాఫ్రికా టీ20 లీగ్‌ ఫ్రాంచైజీ పార్ల్‌ రాయల్స్‌ ఒప్పందం కుదర్చుకుంది.

ఇంగ్లండ్‌ టెస్టు జట్టు కెప్టెన్‌ బెన్‌ స్టోక్స్‌ సరికొత్త చరిత్ర సృష్టించాడు. టెస్టు క్రికెట్‌లో ఇంత వరకు ఏ ఇంగ్లిష్‌ ఆటగాడికీ సాధ్యం కాని ఘనత తన ఖాతాలో వేసుకున్నాడు.కాగా సొంతగడ్డపై ఇంగ్లండ్‌ ప్రస్తుతం వెస్టిండీస్‌తో సిరీస్‌ ఆడుతోంది. ఈ క్రమంలో ఇరు జట్ల మధ్య బుధవారం తొలి టెస్టు మొదలైంది.తొలి ఇన్నింగ్స్‌లో 121 పరుగులకేఆతిథ్య జట్టు ఆది నుంచి ఆధిపత్యం కొనసాగిస్తూ ఇన్నింగ్స్‌ విజయంపై కన్నేసింది. తొలి ఇన్నింగ్స్‌లో 121 పరుగులకే వెస్టిండీస్‌ను ఆలౌట్‌ చేసిన ఇంగ్లండ్‌.. 371 పరుగుల వద్ద తమ మొదటి ఇన్నింగ్స్‌ ముగించింది.ఈ క్రమంలో రెండో ఇన్నింగ్స్‌ మొదలుపెట్టిన విండీస్‌ జట్టుకు ఇంగ్లండ్‌ బౌలర్లు చుక్కలు చూపించారు. కెరీర్‌లో చివరి టెస్టు ఆడుతున్న దిగ్గజ పేసర్‌ జేమ్స్‌ ఆండర్సన్‌, అరంగేట్ర బౌలర్‌ గుస్‌ అట్కిన్సన్‌, కెప్టెన్‌ బెన్‌ స్టోక్స్‌ రెండేసి వికెట్లు కూల్చారు.ఇన్నింగ్స్‌ ఓటమి దిశగా విండీస్‌ఈ క్రమంలో రెండో రోజు ఆట ముగిసే సరికే వెస్టిండీస్‌ ఆరు వికెట్లు కోల్పోయి 79 పరుగులు మాత్రమే చేసింది. ఫలితంగా.. ఇన్నింగ్స్‌ ఓటమి తప్పించుకోవాలంటే వెస్టిండీస్‌ మరో 171 పరుగులు చేయాలి. అయితే, ఇంగ్లండ్‌ బౌలర్ల ధాటికి ఇది సాధ్యమయ్యేలా కనిపించడం లేదు.ఇదిలా ఉంటే.. విండీస్‌ రెండో ఇన్నింగ్స్‌లో స్టోక్స్‌ ఓపెనర్‌ మిక్లే లూయీస్‌(14), వన్‌డౌన్‌ బ్యాటర్‌ కిర్క్‌ మెకాంజీ(0) వికెట్లు తన ఖాతాలో వేసుకున్నాడు. అంతకు ముందు మొదటి ఇన్నింగ్స్‌లోనూ మిక్లే లూయీస్‌(27) స్టోక్సే అవుట్‌ చేయడం విశేషం.చరిత్ర సృష్టించిన బెన్‌ స్టోక్స్‌.. అరుదైన రికార్డుఈ క్రమంలో స్టోక్స్‌ టెస్టుల్లో అరుదైన ఫీట్‌ నమోదు చేశాడు. ఇంగ్లండ్‌ తరఫున ఆరు వేలకు పైగా పరుగులు సాధించడంతో పాటు రెండు వందలకు పైగా వికెట్లు తీసిన తొలి ఆల్‌రౌండర్‌గా చరిత్రకెక్కాడు.ఓవరాల్‌గా.. వెస్టిండీస్‌ దిగ్గజం గ్యారీ సోబర్స్‌, సౌతాఫ్రికా లెజెండ్‌ జాక్వెస్‌ కలిస్‌ తర్వాత ఈ ఘనత సాధించిన మూడో క్రికెటర్‌గా నిలిచాడు.కాగా 103 టెస్టుల్లో స్టోక్స్‌ ఇప్పటి వరకు 6320 పరుగులు సాధించాడు. ఇందులో 13 సెంచరీలు, 31 అర్ధ శతకాలు ఉన్నాయి. అత్యుత్తమ స్కోరు 258. ఇక టెస్టుల్లో తీసిన వికెట్లు 201.ఇదిలా ఉంటే.. వెస్టిండీస్‌తో తొలి టెస్టులో పేస్‌ ఆల్‌రౌండర్‌ స్టోక్స్‌ బంతితో రాణించినా.. బ్యాట్‌తో మ్యాజిక్‌ చేయలేకపోయాడు. ఇంగ్లండ్‌ తొలి ఇన్నింగ్స్‌లో కేవలం నాలుగు పరుగులే చేసి గుడకేశ్‌ మోటీ బౌలింగ్‌లో బౌల్డ్‌ అయ్యాడు. చదవండి: KKR: ద్రవిడ్‌ కాదు.. కోల్‌కతా కొత్త మెంటార్‌గా దిగ్గజ బ్యాటర్‌?Kallis. Sobers. Stokes. Legends only, please. #EnglandCricket | #ENGvWI pic.twitter.com/zQADWlbOnJ— England Cricket (@englandcricket) July 11, 2024

లార్డ్స్‌ వేదికగా వెస్టిండీస్‌తో జరుగుతున్న టెస్ట్‌ మ్యాచ్‌లో ఇంగ్లండ్‌ భారీ ఆధిక్యం సాధించింది. ఇంగ్లండ్‌ తొలి ఇన్నింగ్స్‌లో 371 పరుగులకు ఆలౌటై, 250 పరుగుల లీడ్‌లో కొనసాగుతుంది. ఇంగ్లండ్‌ ఇన్నింగ్స్‌లో ఐదుగురు (క్రాలే (76), పోప్‌ (57), రూట్‌ (68), బ్రూక్‌ (50), జేమీ స్మిత్‌ (70)) అర్ద సెంచరీలు సాధించారు. విండీస్‌ బౌలర్లలో జేడన్‌ సీల్స్‌ 4, జేసన్‌ హోల్డర్‌, గుడకేశ్‌ మోటీ తలో 2, అల్జరీ జోసఫ్‌ ఓ వికెట్‌ పడగొట్టారు. అంతకుముందు వెస్టిండీస్‌ తొలి ఇన్నింగ్స్‌లో 121 పరుగులకే కుప్పకూలింది. ఇంగ్లండ్‌ అరంగేట్రం బౌలర్‌ గస్‌ అట్కిన్సన్‌ (7/45) విండీస్‌ పతనాన్ని శాశించాడు. ఆండర్సన్‌, వోక్స్‌, స్టోక్స్‌ తలో వికెట్‌ పడగొట్టారు. విండీస్‌ ఇన్నింగ్స్‌లో మిఖైల్‌ లూయిస్‌ (27) టాప్‌ స్కోరర్‌గా నిలిచాడు.AN ABSOLUTE CHERRY FROM MOTIE. - The reaction of Ben Stokes says all. 😲pic.twitter.com/NTnSvRQXhJ— Mufaddal Vohra (@mufaddal_vohra) July 11, 2024మోటీ మాయాజాలంఈ మ్యాచ్‌లో విండీస్‌ బౌలర్‌ గుడకేశ్‌ మోటీ రెండు వికెట్లే తీసినా రెండూ హైలైట్‌గా నిలిచాయి. మోటీ తన స్పిన్‌ మాయాజాలంతో ఇంగ్లండ్‌ స్టార్‌ బ్యాటర్లు స్టోక్స్‌, రూట్‌లను బోల్తా కొట్టించాడు. ఈ ఇద్దరిని మోటీ అద్భుతమైన బంతులతో క్లీన్‌ బౌల్డ్‌ చేశాడు. ముఖ్యంగా స్టోక్స్‌ బౌల్డ్‌ అయిన బంతి నమ్మశక్యంకాని రితీలో టర్నై మిడిల్‌ స్టంప్‌ను గాల్లోకి లేపింది. ఈ బంతికి స్టోక్స్‌ వద్ద సమాధానం లేక నోరెళ్లబెట్టాడు. దీనికి సంబంధించిన వీడియో నెట్టింట వైరలవుతుంది.

వన్డే వరల్డ్‌కప్‌-2019 ఫైనల్లో తమ తప్పిదం వల్లే న్యూజిలాండ్‌ మూల్యం చెల్లించిందన్న విషయాన్ని దిగ్గజ అంపైర్‌ మరైస్‌ ఎరాస్మస్‌ అంగీకరించాడు. ఆరోజు ఇంగ్లండ్‌కు ఆరు పరుగులకు బదులు ఐదు పరుగులు ఇచ్చి ఉండాల్సిందని అభిప్రాయపడ్డాడు.సహచర అంపైర్‌ కుమార్‌ ధర్మసేన చెప్పే వరకు తమ తప్పిదాన్ని గుర్తించలేకపోయానని ఎరాస్మస్‌ తెలిపాడు. కాగా లండన్‌లోని లార్డ్స్ వేదికగా 2019 వరల్డ్‌కప్‌ ఫైనల్లో న్యూజిలాండ్‌- ఇంగ్లండ్‌ పోటీపడిన విషయం తెలిసిందే.ఆద్యంతం ఉత్కంఠ రేపిన ఈ మ్యాచ్‌ టై కాగా.. సూపర్‌ ఓవర్‌ ద్వారా ఫలితాన్ని తేల్చారు. ఈ మెగా టోర్నీలో ఇంగ్లండ్‌ చాంపియన్‌గా అవతరించి తొలిసారి ప్రపంచకప్‌ను ముద్దాడింది. అయితే, ఫైనల్‌కు సంబంధించి నాటి అంపైర్లు ఎరాస్మస్‌, ధర్మసేన తీసుకున్న ఓ నిర్ణయం వివాదస్పదమైన సంగతి తెలిసిందే.న్యూజిలాండ్‌ విధించిన 242 పరుగుల లక్ష్య ఛేదనలో ఆతిథ్య ఇంగ్లండ్‌ ఆఖరిదాకా అద్బుతంగా పోరాడింది. తొలి టైటిల్‌ అందుకోవాలన్న పట్టుదలతో న్యూజిలాండ్‌ కూడా తీవ్రంగా శ్రమించింది. ఈ క్రమంలో ఆఖరి ఓవర్‌ వేసిన ట్రెంట్‌ బౌల్ట్‌ బౌలింగ్‌లో నాలుగో బంతిని బెన్‌ స్టోక్స్‌ షాట్‌ ఆడాడు.మరో ఎండ్‌లో ఉన్న ఆదిల్‌ రషీద్‌ పరుగుకు వచ్చాడు. ఒక రన్‌ పూర్తి చేసి రెండో రన్‌ కోసం పరుగు తీశారు. అప్పటికే బంతిని అందుకున్న ఫీల్డర్‌ మార్టిన్‌ గఫ్టిల్‌ దానిని స్ట్రైకర్‌ ఎండ్‌కు త్రో చేశాడు. అయితే, అది స్టోక్స్‌ బ్యాట్‌ను తాకుతూ బౌండరీకి వెళ్లింది. దీంతో ఇంగ్లండ్‌కు ఆరు పరుగులు(2+4) వచ్చినట్లు అంపైర్లు ప్రకటించారు.నిజానికి పరుగు పూర్తి చేసే క్రమంలో స్టోక్స్‌ పూర్తిగా క్రీజులోకి రాకముందే బంతి ఓవర్‌ త్రో అయింది. కాబట్టి ఐసీసీ నిబంధనల ప్రకారం ఐదు పరుగులే(1+4) ఇవ్వాలి. కానీ ఈ విషయాన్ని సరిగ్గా గమనించలేకపోయిన అంపైర్లు ఆరు పరుగులు ఇవ్వడం.. ఆ తర్వాత ఇంగ్లండ్‌ మరో రెండు పరుగులు సాధించడంతో మ్యాచ్‌ టై(241 రన్స్‌) అయింది.అనంతరం సూపర్‌ ఓవర్‌లో గెలిచిన ఇంగ్లండ్‌ టైటిల్‌ గెలిచింది. ఈ విషయం గురించి తాజాగా స్పందించిన ఎరాస్మస్‌.. ‘‘ఫైనల్‌ జరిగిన మరుసటి రోజు.. నా హోటల్‌ గది తలుపు తెరిచి బ్రేక్‌ఫాస్ట్‌కు వెళ్తున్నా.అంతలోనే కుమార్‌ కూడా తన రూం నుంచి బయటకు వచ్చాడు. ‘మనం ఒక పెద్ద పొరపాటు చేశాం చూశావా?’ అని ప్రశ్నించాడు. అప్పుడు గానీ మా నిర్ణయం వల్ల ఏం జరిగిందో తెలుసుకోలేకపోయాను.ఇద్దరం అప్పుడు సిక్స్‌.. సిక్స్‌.. సిక్స్‌ అనే అనుకున్నాం. కానీ వాళ్లు లైన్‌ క్రాస్‌ చేయని విషయాన్ని క్షుణ్ణంగా పరిశీలించలేకపోయాం’’ అని టెలిగ్రాఫ్‌ క్రికెట్‌తో వ్యాఖ్యానించాడు. కాగా గతంలో కుమార్‌ ధర్మసేన కూడా ఈవిషయం గురించి మాట్లాడుతూ తమ పొరపాటును అంగీకరించాడు. అయితే, అప్పట్లో సాంకేతికత ఇంతగా అభివృద్ధి చెందలేని పేర్కొన్నాడు. కానీ.. తన నిర్ణయం వల్ల పశ్చాత్తాపపడటం లేదని తెలిపాడు.

ఇంగ్లండ్‌ టెస్ట్‌ జట్టు కెప్టెన్‌ బెన్‌ స్టోక్స్‌ సంచలన నిర్ణయం తీసుకున్నాడు. ఈ ఏడాది జరుగనున్న టీ20 వరల్డ్‌కప్‌ నుంచి తప్పుకుంటున్నట్లు ప్రకటించాడు. టెస్ట్‌ క్రికెట్‌పై దృష్టి సారించేందుకు ఈ నిర్ణయం తీసుకున్నట్లు తెలిపాడు. సుదీర్ఘ ఫార్మాట్‌లో పూర్తి స్థాయి ఆల్‌రౌండర్‌గా సేవలందించడం కోసం వరల్డ్‌కప్‌ నుంచి తప్పుకోవాలని నిర్ణయించుకున్నట్లు వెల్లడించాడు. టెస్ట్‌ క్రికెట్‌కే తన మొదటి ప్రాధాన్యత అని స్పష్టం చేశాడు.  కాగా, ఇంగ్లండ్‌ ఈ ఏడాది మొత్తం 12 టెస్ట్‌ మ్యాచ్‌లు ఆడాల్సి ఉంది. ఇంగ్లండ్‌ టెస్ట్‌ల షెడ్యూల్‌ బిజీగా ఉండటంతో పూర్తి స్థాయి ఆల్‌రౌండర్‌గా సేవలందించడం కోసం స్టోక్స్‌ ఐపీఎల్‌, టీ20 వరల్డ్‌కప్‌ నుంచి తప్పుకున్నాడు. జులైలో వెస్టిండీస్‌తో సిరీస్‌ నుంచి ఇంగ్లండ్‌ టెస్ట్‌ ప్రయాణం మొదలవుతుంది. అనంతరం ఈ జట్టు స్వదేశంలో భారత్‌తో టెస్ట్‌ సిరీస్‌ ఆడుతుంది.  దీని తర్వాత ఆసీస్‌లో యాషెస్‌ సిరీస్‌.. ఇలా ఈ వార్షిక సంవత్సరంలో ఇంగ్లండ్‌ 12 టెస్ట్‌ మ్యాచ్‌లు ఆడాల్సి ఉంది. స్టోక్స్‌ నేతృత్వంలోని ఇంగ్లండ్‌ ఇటీవల భారత్‌తో జరిగిన టెస్ట్‌ సిరీస్‌లో ఘోర పరాజయాన్ని ఎదుర్కొంది. మోకాలి శస్త్ర చికిత్స కారణంగా స్టోక్స్‌ బ్యాటింగ్‌కు మాత్రమే పరిమితమయ్యాడు. భారత్‌తో తాజాగా జరిగిన సిరీస్‌లో స్టోక్స్‌ చాలాకాలం తర్వాత బంతి పట్టాడు.  ఇదిలా ఉంటే యుఎస్‌ఏ, వెస్టిండీస్‌ వేదికలుగా జరిగే టీ20 వరల్డ్‌కప్‌ జూన్‌ 1 నుంచి ప్రారంభంకానున్న విషయం తెలిసిందే. ఈ మెగా టోర్నీలో డిఫెండింగ్‌ ఛాంపియన్‌ అయిన ఇంగ్లండ్‌ జూన్‌ 4న తమ తొలి మ్యాచ్‌ ఆడుతుంది. బార్బడోస్‌లో జరిగే ఆ మ్యాచ్‌లో ఇంగ్లండ్‌ను స్కాట్లాండ్‌ ఢీకొంటుంది. 

భారత గడ్డపై టెస్టు సిరీస్‌ను గెలిచి తమ 12 ఏళ్ల నీరిక్షణకు తెరదించాలని భావించిన ఇంగ్లండ్‌ జట్టుకు మరోసారి నిరాశే ఎదురైంది. సిరీస్‌ విజయమే లక్ష్యంగా భారత గడ్డపై అడుగు పెట్టిన ఇంగ్లండ్‌ కనీస పోటీ ఇవ్వకుండా టీమిండియా ముందు మోకారిళ్లింది. బజ్‌బాల్‌ అంటూ వరల్డ్‌ క్లాస్‌ జట్లను గడగడలాంచిన ఇంగ్లండ్‌.. భారత్‌ దెబ్బకు పసికూనలా వణకిపోయింది. అసలైన టెస్టు క్రికెట్‌ మజా ఎలా ఉంటుందో ఇంగ్లండ్‌ జట్టుకు రోహిత్‌ సేన చూపించింది. ఘన విజయంతో భారత్‌ టూర్‌ను ముగించాలని భావించిన స్టోక్స్‌ సేన.. ఆఖరికి ఘోర పరాభావంతో తమ దేశానికి తిరుగు పయనమైంది. ధర్మశాల వేదికగా జరిగిన ఆఖరి టెస్టులో ఇన్నింగ్స్‌ 64 పరుగుల తేడాతో ఇంగ్లండ్‌ ఓటమి పాలైంది. భారత గడ్డపై ఇంగ్లండ్‌ ఘోర ఓటమికి గల ఐదు కారణాలను పరిశీలిద్దాం. బెడిసి కొట్టిన బజ్‌ బాల్‌.. ఇంగ్లండ్‌ ఓటమికి ప్రధాన కారణం వారి బ్యాటింగ్‌ వైఫల్యమే. వారు అవలంభిస్తున్న బజ్‌బాల్‌ విధానమే వారి కొంపముంచింది. సాధరణంగా జట్టు కష్టాల్లో ఉన్నప్పుడు ఏ బ్యాటరైనా ఆచతూచి ఆడి ఇన్నింగ్స్‌ను చక్కదిద్దాలని ప్రయత్నిస్తాడు. కానీ ఇంగ్లండ్‌ జట్టుది మాత్రం వేరే లెక్క. వచ్చామా ఫోరో, సిక్స్‌ కొట్టి ఔటయ్యామా అన్నట్లు ఇంగ్లండ్‌ బ్యాటర్ల ఆట కొనసాగింది. ఆఖరి వరల్డ్‌ క్లాస్‌ బ్యాటర్‌ జో రూట్‌ సైతం అదే తీరును కనబరిచాడు. పరుగులు వేగంగా సాధించాలనే ఉద్దేశ్యంతో తనకు రాని షాట్లను ఆడి పెవిలియన్‌కు చేరిన సందర్భాలు ఉన్నాయి. ప్రతికూల పరిస్థితుల్లో కూడా ప్రత్యర్థి బౌలర్లపై దాడికి ప్రయత్నించి వికెట్లను కోల్పవడం సంప్రదాయ క్రికెట్‌ ఉద్దేశ్యం కాదు కద. ఈ సిరీస్‌లో భారత 9వ నెంబర్‌ ఆటగాడు కుల్దీప్‌ యాదవ్‌ ఎదుర్కొన్న బంతులు కూడా ఏ ఇంగ్లండ్‌ ఆటగాడు ఎదుర్కోలేకపోయాడు. టెస్టు క్రికెట్‌ అంటే కనీస ఓపికతో బ్యాటింగ్‌ చేయాలనే కామన్‌ సెన్స్‌ ఇంగ్లండ్‌ బ్యాటర్లలో కొరవడింది. బజ్‌బాల్‌ అంటూ టెస్టు క్రికెట్‌ రూపు రేఖలను మార్చేసిన ఇంగ్లండ్‌కు భారత్‌ మాత్రం సరైన గుణపాఠం చెప్పిందని క్రికెట్‌ విశ్లేషకులు అభిప్రాయపడుతున్నారు. ఓవర్‌ కాన్ఫిడెన్స్‌ ఇంగ్లండ్‌ ఘోర పరభావానికి మరో కారణం ఓవర్‌ కాన్ఫిడెన్స్‌. హైదరాబాద్‌ వేదికగా జరిగిన తొలి టెస్టులో విజయం సాధించిన ఇంగ్లండ్‌.. ఇక తమకు తిరుగులేదని, ఏకంగా సిరీస్‌ వైట్‌ వాష్‌ చేసినట్లు బిల్డప్‌ ఇచ్చింది. కానీ అక్కడ ప్రత్యర్ధి భారత్‌ అన్న విషయం బహుశా ఇంగ్లండ్‌ మార్చిపోయిందేమో. ఆ తర్వాత వైజాగ్‌ టెస్టులో దెబ్బతిన్న సింహంలా భారత్‌ పంజా విసిరింది. ఇంగ్లండ్‌ను చిత్తు చేసింది. అప్పటికి ఇంగ్లండ్‌ ఓవర్‌ ‍కాన్ఫిడెన్స్‌ మాత్రం ఏమాత్రం పోలేదు. ఇంకా మూడు టెస్టులు ఉన్నాయి కదా చూసుకోవచ్చులా అన్నట్లు ఇంగ్లండ్ థీమా వ్యక్తం చేసింది. ఈ క్రమంలో వైజాగ్‌ టెస్టు అనంతరం భారత్‌ నుంచి దుబాయ్‌ వేకేషన్‌కు ఇంగ్లండ్‌ జట్టు వెళ్లిపోయింది. అక్కడికి వెళ్లిన ఇంగ్లండ్‌ ఆటను మర్చిపోయి ఎంజాయ్‌ చేస్తూ దాదాపు వారం రోజులు గడిపింది. ఆ తర్వాత రాజ్‌కోట్‌కు చేరుకున్న ఇంగ్లండ్‌ ఎలాంటి ప్రాక్టీస్‌ లేకుండా మూడో టెస్టులో బరిలోకి దిగింది. రాజ్‌కోట్‌లో కూడా ఇంగ్లండ్‌ తీరు ఏ మాత్రం మారలేదు. మరోసారి ఇంగ్లండ్‌ను టీమిండియా చిత్తు చేసింది. ఏకంగా 434 పరుగుల తేడాతో ఇంగ్లండ్‌ ఓటమి పాలైంది. అయితే అప్పటికి ఇంగ్లండ్‌ మాత్రం సిరీస్‌ తామే గెలుస్తామన్న థీమాగా కన్పించింది. ఇంగ్లండ్‌ కెప్టెన్‌ స్టోక్సీ, కోచ్‌ మెకల్లమ్‌ ఆఖరి రెండు టెస్టుల్లో భారత్‌ను చిత్తు చేస్తామని గొప్పలు పలికారు. కానీ భారత్‌ ముందు ఇంగ్లండ్‌ ఎత్తులు చిత్తు అయ్యాయి. ఆఖరి రెండు టెస్టుల్లోనూ భారత్‌ విజయ భేరి మ్రోగించింది. బౌలింగ్‌ వైఫల్యం. స్పిన్నర్లు కాస్తో కూస్త అకట్టుకున్నప్పటికి ఫాస్ట్‌ బౌలర్లు మాత్రం దారుణంగా విఫలమయ్యారు. జేమ్స్‌ ఆండర్సన్‌, వుడ్‌ వంటి వరల్డ్‌ క్లాస్‌ పేసర్లు సైతం భారత బ్యాటర్లు ముందు దాసోహం అయ్యారు. ఆండర్సన్‌ను అయితే భారత యువ ఓపెనర్‌ జైశ్వాల్‌ ఊచకోత కోశాడు. స్పిన్నర్ల ప్రదర్శన కూడా అంతంతమాత్రమే. ఇంగ్లండ్‌ బౌలింగ్‌లో ఎటాక్‌లో స్పష్టంగా అనుభవం లేమి కన్పించింది. జాక్‌ లీచ్‌ వంటి స్టార్‌ స్పిన్నర్‌ తొలి టెస్టు తర్వాత జట్టు నుంచి తప్పుకోవడం ఇంగ్లండ్‌ను బాగా దెబ్బతీసింది. టామ్‌ హార్లీ, బషీర్‌ వంటి యువ స్పిన్నర్లు ఆడపదడప వికెట్లు తీసినప్పటికి పరుగులు మాత్రం భారీ సమర్పించుకున్నారు. స్టోక్సీ మిస్‌ ఫైర్‌.. తన కెప్టెన్సీతో ప్రపంచవ్యాప్తంగా ప్రశంసలు అందుకున్న బెన్‌ స్టోక్స్‌.. భారత్‌లో మాత్రం తన మార్క్‌ను చూపించలేకపోయాడు.  ఈ సిరీస్‌లో బెన్‌ స్టోక్స్‌ దారుణంగా విఫలమయ్యాడు. అస్సలు ఈ సిరీస్‌లో అతడి వ్యూహం ఎవరికీ అర్ధం కాలేదు. కెప్టెన్సీతో పాటు బ్యాటింగ్‌లో కూడా నిరాశపరిచాడు. బౌలర్లను సరిగ్గా ఉపయోగించడంలో కూడా స్టోక్సీ ఫెయిల్‌ అయ్యాడు. సిరీస్‌ మొత్తంగా 5 టెస్టుల్లో 199 పరుగులు స్టోక్స్‌ చేశాడు. ఇది కూడా ఇంగ్లండ్‌ ఓటమికి ఓ కారణం. కుర్రాళ్లు కొట్టిపాడేశారు..? కోహ్లి, రాహుల్‌ వంటి స్టార్‌ ఆటగాళ్లు దూరం కావడంతో జట్టులోకి వచ్చిన యువ క్రికెటర్లను ఇంగ్లండ్‌ తక్కువగా అంచనా వేసింది. వారికి పెద్దగా అనుభవం లేనందన తమ బౌలర్లు పై చేయి సాధిస్తారని ఇంగ్లండ్‌ మేనెజ్‌మెంట్‌ భావించింది. కోహ్లిని ఎలా ఔట్‌ చేయాలి? రాహుల్‌ను ఎలా ఔట్‌ చేయాలని ప్రణాళికలు రచించిన ఇంగ్లండ్‌.. యువ ఆటగాళ్లు విషయంలో మాత్రం ఎటువంటి ఆలోచన చేయలేదు. అదే వారి కొంపముంచింది. జైశ్వాల్‌, సర్ఫరాజ్‌, ధ్రవ్‌ జురల్‌ యువ సంచలనాలు ఇంగ్లండ్‌ బౌలర్లకు చుక్కలు చూపించారు. జైశ్వాల్‌ అయితే ఏకంగా రెండు డబుల్‌ సెంచరీలు బాదేశాడు. 𝐑𝐨𝐡𝐢𝐭 & 𝐂𝐨. conquered the series with ease💪#IDFCFirstBankTestSeries #INDvENG #JioCinemaSports #BazBowled pic.twitter.com/a6HsT0Ikbe — JioCinema (@JioCinema) March 9, 2024

India vs England 5th Test Day 3: ఇంగ్లండ్‌తో నామమాత్రపు ఐదో టెస్టులో టీమిండియా ఘన విజయం సాధించింది. పర్యాటక జట్టును ఇన్నింగ్స్‌ 64 పరుగుల తేడాతో చిత్తుగా ఓడించింది. ఉపఖండ పిచ్‌లపై ‘బజ్‌బాల్‌’ ఆటలు చెల్లవంటూ మూడు రోజుల్లోనే మ్యాచ్‌ ముగించి దిమ్మతిరిగేలా షాకిచ్చింది. భారత స్పిన్నర్లు కుల్దీప్‌ యాదవ్‌, రవిచంద్రన్‌ అశ్విన్‌తో పాటు.. బ్యాటర్లు కెప్టెన్‌ రోహిత్‌ శర్మ(103), శుబ్‌మన్‌ గిల్‌(110) అద్భుత ప్రదర్శనల కారణంగా ఈ విజయం సాధ్యమైంది. ఫలితంగా సొంతగడ్డపై ఆధిపత్యాన్ని కొనసాగిస్తూ 4-1తో సిరీస్‌ కైవసం చేసుకుంది. విరాట్‌ కోహ్లి, కేఎల్‌ రాహుల్‌ వంటి ప్రధాన బ్యాటర్లు లేకుండానే యువ క్రికెటర్లతో కూడిన జట్టుతోనే భారీ విజయం అందుకుని తమ స్థాయిని చాటుకుంది టీమిండియా. That series winning feeling 😃#TeamIndia 🇮🇳 complete a 4⃣-1⃣ series victory with a remarkable win 👏👏 Scorecard ▶️ https://t.co/OwZ4YNua1o#INDvENG | @IDFCFIRSTBank pic.twitter.com/vkfQz5A2hy — BCCI (@BCCI) March 9, 2024 స్పిన్నర్ల ఆధిపత్యం ఇక ఈ మ్యాచ్‌లో అశ్విన్‌ కెరీర్‌లో వందో టెస్టు. ఇందులో అశూ మొత్తంగా 9 వికెట్లు పడగొట్టి సత్తా చాటగా.. ఓవరాల్‌గా కుల్దీప్‌ యాదవ్‌ 7, రవీంద్ర జడేజా రెండు, జస్‌ప్రీత్‌ బుమ్రా రెండు వికెట్లు దక్కించుకున్నారు. ఇదిలా ఉంటే.. కుల్దీప్‌ యాదవ్‌కు ప్లేయర్‌ ఆఫ్‌ ది మ్యాచ్‌, డబుల్‌ సెంచరీల వీరుడు యశస్వి జైస్వాల్‌కు ప్లేయర్‌ ఆఫ్‌ ది సిరీస్‌ అవార్డులు దక్కాయి. ధర్మశాలలో మ్యాచ్‌ సాగిందిలా గురువారం మొదలైన ధర్మశాల టెస్టులో టాస్‌ గెలిచిన ఇంగ్లండ్‌ తొలుత బ్యాటింగ్‌ చేసింది. టీమిండియా స్పిన్నర్ల దెబ్బకు 218 పరుగులకే కుప్పకూలింది. కుల్దీప్‌ యాదవ్‌ ఐదు(5/72) వికెట్లతో చెలరేగగా.. వందో టెస్టు వీరుడు రవిచంద్రన్‌ అశ్విన్‌ నాలుగు (4/51) వికెట్లతో దుమ్ములేపాడు. రవీంద్ర జడేజా తాను సైతం అంటూ ఒక వికెట్‌(1/17) దక్కించుకున్నాడు. ఈ క్రమంలో తొలి రోజే బ్యాటింగ్‌ మొదలుపెట్టిన టీమిండియాకు ఓపెనర్లు యశస్వి జైస్వాల్‌(57), రోహిత్‌ శర్మ శుభారంభం అందించారు. ఇక రెండో రోజు ఆటలో భాగంగా రోహిత్‌ శర్మ సెంచరీ(103) పూర్తి చేసుకోగా.. వన్‌డౌన్‌ బ్యాటర్‌ శుబ్‌మన్‌ గిల్‌(110) సైతం శతక్కొట్టాడు. వీరిద్దరికి తోడు అరంగేట్ర బ్యాటర్‌ దేవ్‌దవ్‌ పడిక్కల్‌(65), సర్ఫరాజ్‌ ఖాన్‌(56) అర్ధ శతకాలతో రాణించారు. ఫలితంగా శుక్రవారం నాటి ఆట ముగిసే సరికి టీమిండియా ఎనిమిది వికెట్ల నష్టానికి 473 పరుగులు స్కోరు చేసి పటిష్ట స్థితిలో నిలిచింది. ఈ క్రమంలో..  473/8 ఓవర్‌నైట్‌ స్కోరుతో శనివారం నాటి ఆట మొదలుపెట్టి.. కేవలం నాలుగు పరుగులు జతచేసి భారత్‌ ఆలౌట్‌ అయింది. 477 పరుగుల వద్ద తొలి ఇన్నింగ్స్‌ ముగించి.. 259 పరుగుల ఆధిక్యం సంపాదించింది. అనంతరం రెండో ఇన్నింగ్స్‌ మొదలుపెట్టిన ఇంగ్లండ్‌.. టీమిండియా స్పిన్నర్ల ధాటిని తట్టుకోలేకపోయింది. 195 పరుగులకే ఆలౌట్‌ అయింది. ఫలితంగా ఇన్నింగ్స్‌ 64 పరుగుల తేడాతో భారత్‌ జయభేరి మోగించింది. ఐదుగురి అరంగేట్రం ఇంగ్లండ్‌తో ఐదు మ్యాచ్‌ల సిరీస్‌ సందర్భంగా రెండో టెస్టులో మధ్యప్రదేశ్‌ బ్యాటర్‌ రజత్‌ పాటిదార్‌.. మూడో టెస్టులో ముంబై బ్యాటర్‌ సర్ఫరాజ్‌ ఖాన్‌, ఉత్తరప్రదేశ్‌ యువ వికెట్‌ కీపర్‌ ధ్రువ్‌ జురెల్‌.. నాలుగో టెస్టులో బెంగాల్‌ పేసర్‌ ఆకాశ్‌ దీప్‌.. ఐదో టెస్టులో దేవ్‌దత్‌ పడిక్కల్‌ అంతర్జాతీయ క్రికెట్‌లో అడగుపెట్టారు. వీరిలో రజత్‌ పాటిదార్‌ మినహా మిగిలిన నలుగురు తమదైన ముద్ర వేయగలిగారు. ముఖ్యంగా ధర్మశాలలో జరిగిన ఐదో టెస్టులో సర్ఫరాజ్‌ ఖాన్‌ మెరుపు అర్ధ శతకం(56) సాధించగా.. అరంగేట్రంలోనే పడిక్కల్‌ సైతం హాఫ్‌ సెంచరీ(65)తో మెరిశాడు. టీమిండియా వర్సెస్‌ ఇంగ్లండ్‌ ఐదో టెస్టు స్కోర్లు ►టాస్‌: ఇంగ్లండ్‌.. తొలుత బ్యాటింగ్‌ ►ఇంగ్లండ్‌ తొలి ఇన్నింగ్స్‌ స్కోరు: 218 ►భారత్‌ తొలి ఇన్నింగ్స్‌లో చేసిన పరుగులు: 477 (ఓవరాల్‌గా 259 పరుగుల ఆధిక్యం) ►ఇంగ్లండ్‌ రెండో ఇన్నింగ్స్‌: 195 ►విజేత: టీమిండియా.. ఇన్నింగ్స్‌ 64 పరుగుల తేడాతో గెలుపు ►ఐదు మ్యాచ్‌ల సిరీస్‌ 4-1తో టీమిండియా కైవసం ►హైదరాబాద్‌లో తొలి టెస్టు గెలిచిన ఇంగ్లండ్‌.. ఆ తర్వాత విశాఖపట్నం, రాజ్‌కోట్‌, రాంచి.. తాజాగా ధర్మశాలలో టీమిండియా వరుస విజయాలు.    పూర్తి అప్‌డేట్స్‌ కోసం ఇక్కడ క్లిక్‌ చేయండి!

India vs England 5th Test Day 3 Updates: టీమిండియా ఘన విజయం ధర్మశాల వేదికగా  ఇంగ్లండ్‌తో జరిగిన ఐదో టెస్టులో టీమిండియా ఘన విజయం సాధించింది. ఇన్నింగ్స్‌ 64 పరుగుల తేడాతో ఇంగ్లండ్‌ను భారత్‌ చిత్తు చేసింది. 259 పరుగుల వెనకంజతో రెండో ఇన్నింగ్స్‌ను ఆరంభించిన ఇంగ్లండ్‌.. 195 పరుగులకే కుప్పకూలింది. భారత బౌలర్లలో వెటరన్‌ స్పిన్నర్‌ రవిచంద్రన్‌ అశ్విన్‌ 5 వికెట్లతో చెలరేగాడు. ఇంగ్లండ్‌ బ్యాటర్లలో జో రూట్‌(84) ఒక్కడే ఒంటరి పోరాటం చేశాడు. టీమిండియా- ఇంగ్లండ్‌ మధ్య ఐదో టెస్టు మూడో రోజు ఆట ప్రారంభమైంది. ధర్మశాలలో 473/8 ఓవర్‌నైట్‌ స్కోరుతో భారత్‌ శనివారం నాటి ఆట మొదలుపెట్టింది. ఇక భారత కెప్టెన్‌ రోహిత్‌ శర్మ వెన్నునొప్పితో బాధపడుతున్న నేపథ్యంలో బుమ్రా తాత్కాలిక కెప్టెన్‌గా వ్యవహరిస్తున్నాడు. ఇదిలా ఉంటే.. భారత​ తొలి ఇన్నింగ్స్‌లో 124.1 ఓవర్లలో 477 పరుగులకు ఆలౌట్‌ అయింది. ఇంగ్లండ్‌ తమ రెండో ఇన్నింగ్స్‌ మొదలుపెట్టింది.  45.5: తొమ్మిదో వికెట్‌ కోల్పోయిన ఇంగ్లండ్‌ జడేజా బౌలింగ్‌లో షోయబ్‌ బషీర్‌(13) బౌల్డ్‌. స్కోరు: 189/9 (45.5). ఆండర్సన్‌ క్రీజులోకి వచ్చాడు. రూట్‌ 78 పరుగులతో ఆడుతున్నాడు.   రూట్‌ అర్ధ శతకం 36.2: బుమ్రా బౌలింగ్‌లో ఫోర్‌ కొట్టి హాఫ్‌ సెంచరీ పూర్తి చేసుకున్న జో రూట్‌ ఎనిమిదో వికెట్‌ కోల్పోయిన ఇంగ్లండ్‌ 34.4: బుమ్రా బౌలింగ్‌లో మార్క్‌ వుడ్‌(0) ఎల్బీడబ్ల్యూ. ఎనిమిదో వికెట్‌ కోల్పోయిన ఇంగ్లండ్‌. షోయబ్‌ బషీర్‌ క్రీజులోకి వచ్చాడు. ఏడో వికెట్‌ కోల్పోయిన ఇంగ్లండ్‌ 34.2: టామ్‌ హార్లే(20) రూపంలో ఇంగ్లండ్‌ ఏడో వికెట్‌ కోల్పోయింది. మార్క్‌వుడ్‌క్రీజులోకి వచ్చాడు. రూట్‌ 44 పరుగులతో ఉన్నాడు. స్కోరు: 141/7 (34.3) ఆరో వికెట్‌ కోల్పోయిన ఇంగ్లండ్‌ 26.4: అశ్విన్‌ బౌలింగ్‌లో బౌల్డ్‌ అయిన బెన్‌ ఫోక్స్‌(8). ఫలితంగా ఇంగ్లండ్‌ ఆరో వికెట్‌ కోల్పోయింది. స్కోరు: 113/6 (26.4). టామ్‌ హార్లే క్రీజులోకి వచ్చాడు. రూట్‌ 36 పరుగులతో ఆడుతున్నాడు. టీమిండియా కంటే 146 పరుగులు వెనుకబడి ఉన్న ఇంగ్లండ్‌ 26 ఓవర్లలో ఇంగ్లండ్‌ స్కోరు: 113/5 భోజన విరామ సమయానికి ఇంగ్లండ్‌ స్కోరు: 103/5 (22.5) జో రూట్‌ 34 పరుగులతో ఆడుతున్నాడు. టీమిండియా కంటే ఇంగ్లండ్‌ ఇంకా 156 పరుగులు వెనుకబడి ఉంది. అశ్విన్‌ తిప్పేస్తున్నాడు.. ఐదో వికెట్‌ డౌన్‌ 22.5: అశ్విన్‌ బౌలింగ్‌ స్టోక్స్‌(2) బౌల్డ్‌ కావడంతో ఇంగ్లండ్‌ ఐదో వికెట్‌ కోల్పోయింది.  17.4: నాలుగో వికెట్‌ కోల్పోయిన ఇంగ్లండ్‌ దూకుడుగా ఆడుతున్న బెయిర్‌ స్టోకు భారత స్పిన్నర్‌ కుల్దీప్‌ యాదవ్‌ కళ్లెం వేశాడు. వికెట్ల ముందు అతడిని దొరకబుచ్చుకుని పెవిలియన్‌కు సాగనంపాడు. 31 బంతుల్లో 3 ఫోర్లు, 3 సిక్సర్లతో 39 పరుగులు చేసిన బెయిర్‌ స్టో రివ్యూకు వెళ్లగా.. ఫలితం అతడికి అనుకూలంగా రాలేదు. స్కోరు: 94-4(18). బెన్‌ స్టోక్స్‌ క్రీజులోకి వచ్చాడు. నిలకడగా బెయిర్‌ స్టో, రూట్‌ ఇన్నింగ్స్‌ 17 ఓవర్లలో ఇంగ్లండ్‌ స్కోరు: 90/3. బెయిర్‌ స్టో, రూట్‌ నిలకడగా ఆడుతుండటంతో ఇంగ్లండ్‌ తిరిగి పుంజుకుంది. బెయిర్‌ స్టో 28 బంతుల్లో 38 పరుగులతో ‘బజ్‌బాల్‌’ క్రికెట్‌ ఆడుతున్నాడు. దూకుడుగా ఆడుతున్న బెయిర్‌ స్టో వందో టెస్టు వీరుడు బెయిర్‌ స్టో దూకుడుగా ఆడుతున్నాడు. 15వ ఓవర్‌ ముగిసే సరికి 21 బంతుల్లో 26 పరుగులు పూర్తి చేసుకున్నాడు. మరోవైపు జో రూట్‌ 25 బంతుల్లో 22 పరుగులతో క్రీజులో ఉన్నాడు. 9.2: మూడో వికెట్‌ డౌన్‌ అశ్విన్‌ తన స్పిన్‌ మాయాజాలంతో ఇంగ్లండ్‌కు చుక్కలు చూపిస్తున్నాడు. రెండో ఇన్నింగ్స్‌ మొదలుపెట్టిన కాసేపటికే బెన్‌ డకెట్‌(2)ను అవుట్‌ చేసిన అశూ.. అనంతరం మరో ఓపెనర్‌ క్రాలే(1)ను కూడా వెనక్కి పంపాడు. తాజాగా.. వన్‌డౌన్‌ బ్యాటర్‌ ఒలీ పోప్‌(19) రూపంలో మూడో వికెట్‌ కూడా తానే దక్కించుకున్నాడు. ఇంగ్లండ్‌ టాపార్డర్‌ను కుప్పకూల్చాడు. స్కోరు:  41-3(10) . రూట్‌ 12, బెయిర్‌ స్టో ఒక పరుగుతో ఆడుతున్నారు. 5.3: రెండో వికెట్‌ కోల్పోయిన ఇంగ్లండ్‌ అశ్విన్‌ బౌలింగ్‌లో సర్ఫరాజ్‌ ఖాన్‌కు క్యాచ్‌ ఇచ్చి వెనుదిరిగిన క్రాలే(1). జో రూట్‌ క్రీజులోకి వచ్చాడు. స్కోరు: 23-2(6). పోప్‌ 17 పరుగులతో ఆడుతున్నాడు. 1.5: తొలి వికెట్‌ కోల్పోయిన ఇంగ్లండ్‌ అశ్విన్‌ బౌలింగ్లో ఇంగ్లండ్‌ ఓపెనర్‌ బెన్‌ డకెట్‌(2) బౌల్డ్‌. స్కోరు:  2-1. ఒలీ పోప్‌ క్రీజులోకి వచ్చాడు. మరో ఓపెనర్‌ క్రాలే సున్నా పరుగులతో ఉన్నాడు. View this post on Instagram A post shared by JioCinema (@officialjiocinema) టీమిండియా ఆలౌట్‌ మూడో రోజు ఆట ఆరంభమైన కాసేపటికే ఇంగ్లండ్‌ లెజెండరీ పేసర్‌ కుల్దీప్‌ యాదవ్‌(30)ని వెనక్కి పంపగా.. షోయబ్‌ బషీర్‌ బౌలింగ్‌లో జస్‌ప్రీత్‌ బుమ్రా(20) స్టంపౌట్‌గా వెనుదిరిగాడు. దీంతో మూడో రోజు ఆటలో.. ఓవర్‌నైట్‌ స్కోరుకు కేవలం నాలుగు పరుగులు మాత్రమే జత చేసి టీమిండియా తమ తొలి ఇన్నింగ్స్‌ ముగించింది. 124.1 ఓవర్లలో 477 పరుగులకు ఆలౌట్‌ అయింది. ఫలితంగా ఇంగ్లండ్‌ కంటే 259 పరుగుల ఆధిక్యంలో నిలిచింది. ఇంగ్లండ్‌ బౌలర్లలో స్పిన్నర్లలో షోయబ్‌ బషీర్‌ అత్యధికంగా ఐదు వికెట్లు దక్కించుకోగా..  టామ్‌ హార్లే రెండు వికెట్లు తీశాడు. ఇక పేసర్లు జేమ్స్‌ ఆండర్సన్‌ రెండు, కెప్టెన్‌ స్టోక్స్‌ ఒక వికెట్‌ పడగొట్టారు.  ఇక గురువారం నాటి తొలి రోజు ఆటలోనే ఇంగ్లండ్‌ 218 పరుగులకే కుప్పకూలిన విషయం తెలిసిందే. ఇదిలా ఉంటే.. ఇప్పటికే ఐదు మ్యాచ్‌ల సిరీస్‌ను టీమిండియా 3-1తో గెలుచుకుంది. 124.1: టీమిండియా ఆలౌట్‌ జస్‌ప్రీత్‌ బుమ్రా రూపంలో భారత్‌ ఆఖరి వికెట్‌ కోల్పోయింది. ఇంగ్లండ్‌ స్పిన్నర్‌  షోయబ్‌ బషీర్‌ బౌలింగ్‌లో బుమ్రా స్టంపౌట్‌ అయ్యాడు. ఫలితంగా  477 (124.1) స్కోరు వద్ద టీమిండియా తొలి ఇన్నింగ్స్‌ ముగిసింది. ఇంగ్లండ్‌ మీద 259 పరుగలు ఆధిక్యం సంపాదించింది. 123.4: తొమ్మిదో వికెట్‌ కోల్పోయిన టీమిండియా మూడో రోజు ఆట ఆరంభంలోనే ఇంగ్లండ్‌ దిగ్గజ పేసర్‌ జేమ్స్‌ ఆండర్సన్‌ టీమిండియాకు షాకిచ్చాడు. అతడి బౌలింగ్‌లో నైట్‌ వాచ్‌మన్‌ కుల్దీప్‌ యాదవ్‌(30) వికెట్‌ కీపర్‌క్యాచ్‌గా వెనుదిరిగాడు. ఫలితంగా భారత్‌ తొమ్మిదో వికెట్‌ కోల్పోయింది. మహ్మద్‌ సిరాజ్‌ క్రీజులోకి వచ్చాడు. స్కోరు: 477/9 (124). బుమ్రా 20, సిరాజ్‌ సున్నా పరుగులతో ఉన్నారు. View this post on Instagram A post shared by JioCinema (@officialjiocinema) ►ఇదిలా ఉంటే.. జేమ్స్‌ ఆండర్సన్‌కు ఇది 700వ టెస్టు వికెట్‌ కావడం విశేషం. రెండో రోజు ఆటలో హైలైట్స్‌ ►తొలి ఇన్నింగ్స్‌లో భారత్‌ 473/8(120 ఓవర్లలో)   ►రోహిత్ శర్మ(103), శుబ్‌మన్‌ గిల్‌(110) సెంచరీలు  ►రెండో రోజు ఆట ముగిసే సరికి భారత్‌ ఆధిక్యం 255 పరుగులు   ►అరంగేట్రంలో రాణించిన దేవ్‌దత్‌ పడిక్కల్(65) ►సర్ఫరాజ్‌ ఖాన్‌ మెరుపు అర్ధ శతకం(56) ఇండియా వర్సెస్‌ ఇంగ్లండ్‌ ఐదో టెస్టు- ధర్మశాల- తుదిజట్లు ఇండియా యశస్వి జైస్వాల్, రోహిత్ శర్మ (కెప్టెన్), శుబ్‌మన్‌ గిల్, దేవ్‌దత్ పడిక్కల్, రవీంద్ర జడేజా, సర్ఫరాజ్ ఖాన్, ధ్రువ్ జురెల్ (వికెట్ కీపర్), రవిచంద్రన్ అశ్విన్, కుల్దీప్ యాదవ్, మహ్మద్ సిరాజ్, జస్‌ప్రీత్‌ బుమ్రా. ఇంగ్లండ్‌ జాక్ క్రాలే, బెన్ డకెట్, ఓలీ పోప్, జో రూట్, బెన్ స్టోక్స్ (కెప్టెన్), జానీ బెయిర్‌స్టో, బెన్ ఫోక్స్ (వికెట్ కీపర్), టామ్ హార్లే, షోయబ్ బషీర్, మార్క్ వుడ్, జేమ్స్ అండర్సన్.

ఇంగ్లండ్‌తో ధర్మశాల టెస్టులో సెంచరీతో అదరగొట్టాడు భారత జట్టు కెప్టెన్‌ రోహిత్‌ శర్మ. వన్‌డౌన్‌ బ్యాటర్‌, శతక వీరుడు శుబ్‌మన్‌ గిల్‌తో కలిసి రెండో వికెట్‌కు 171 పరుగుల విలువైన భాగస్వామ్యం నమోదు చేశాడు. ఈ క్రమంలో.. 135/1 ఓవర్‌నైట్‌ స్కోరుతో శుక్రవారం నాటి రెండో రోజు ఆట మొదలుపెట్టిన టీమిండియా.. భోజన విరామ సమయానికి పటిష్ట స్థితిలో నిలిచింది. మరో వికెట్‌ నష్టపోకుండా 264 పరుగుల వద్ద నిలిచి.. ఓవరాల్‌గా అప్పటికి 46 పరుగుల ఆధిక్యం సంపాదించింది. అయితే, లంచ్‌ బ్రేక్‌ తర్వాత మళ్లీ మైదానంలో దిగిన టీమిండియాకు ఆదిలోనే షాక్‌ తగిలింది. విరామం తర్వాత తొలి బంతికే ఇంగ్లండ్‌ కెప్టెన్‌ బెన్‌ స్టోక్స్‌.. రోహిత్‌ శర్మ(103)ను అనూహ్య రీతిలో బౌల్డ్‌ చేశాడు. దాదాపు ఏడాది తర్వాత మళ్లీ బంతి అందుకున్న పేస్‌ ఆల్‌రౌండర్‌ స్టోక్స్‌.. ‘మ్యాజిక్‌’ బాల్‌తో హిట్‌మ్యాన్‌ను పెవిలియన్‌కు పంపాడు. స్టోక్స్‌ సంధించిన గుడ్‌లెంగ్త్‌ బాల్‌ను షాట్‌ ఆడేందుకు ప్రయత్నించిన రోహిత్‌ విఫలమయ్యాడు. బ్యాట్‌ అంచును తాకిన బంతి అనూహ్యంగా స్టంప్స్‌ను ఎగురగొట్టింది. ఊహించని ఈ పరిణామంతో రోహిత్‌ అవాక్కు కాగా.. ఇంగ్లండ్‌ శిబిరంలోనూ ఆశ్చర్యం వ్యక్తమైంది. ఐపాడ్‌లో మ్యాచ్‌ చూస్తున్న కోచ్‌ బ్రెండన్‌ మెకల్లమ్‌ నోటిపై చేతిని ఆనించి విస్మయం వ్యక్తం చేయగా.. ఫీల్డ్‌లో ఉన్న పేసర్‌ మార్క్‌ వుడ్‌ తలపై రెండు చేతులు పెట్టుకుని.. ‘‘ఏంటిది? నిజమేనా? నమ్మలేకపోతున్నా!’’ అన్నట్లుగా ఎక్స్‌ప్రెషన్‌ ఇచ్చాడు. ఇందుకు సంబంధించిన దృశ్యాలు నెట్టింట వైరల్‌ అవుతున్నాయి. కాగా రోహిత్‌ శర్మ అవుటైన మరుసటి ఓవర్‌(63)లోనే శుబ్‌మన్‌ గిల్‌(110) కూడా పెవిలియన్‌ చేరాడు. జేమ్‌ ఆండర్సన్‌ వికెట్ల ఖాతాలో 699వ వికెట్‌గా వెనుదిరిగాడు. 𝐈𝐍𝐒𝐓𝐀𝐍𝐓 𝐈𝐌𝐏𝐀𝐂𝐓 ft. skipper Stokes 🤯#IDFCFirstBankTestSeries #BazBowled #INDvENG #JioCinemaSports pic.twitter.com/DPHz8Bfdvl — JioCinema (@JioCinema) March 8, 2024

ధర్మశాల వేదికగా ఇంగ్లండ్‌తో జరుగుతున్న ఐదో టెస్ట్‌లో టీమిండియా కెప్టెన్‌ రోహిత్‌ శర్మ రికార్డుల మీద రికార్డులను కొల్లగొడుతున్నాడు. ఈ మ్యాచ్‌లో ఇప్పటికే ఓ ప్రపంచ రికార్డు (అంతర్జాతీయ క్రికెట్‌లోని మూడు ఫార్మాట్లలో 60కు పైగా క్యాచ్‌లు అందుకున్న తొలి ప్లేయర్‌) నెలకొల్పిన హిట్‌మ్యాన్‌.. తాజాగా బ్యాటింగ్‌లో మరో రికార్డు సాధించాడు. తొలి ఇన్నింగ్స్‌ నాలుగో ఓవర్‌లో మార్క్‌ వుడ్‌ బౌలింగ్‌లో సిక్సర్‌ బాదిన రోహిత్‌.. వరల్డ్‌ టెస్ట్‌ ఛాంపియన్‌షిప్‌లో 50 సిక్సర్ల మార్కును అందుకున్నాడు. తద్వారా డబ్యూటీసీ చరిత్రలో ఈ ఘనత సాధించిన తొలి ఆసియా క్రికెటర్‌గా.. ఓవరాల్‌గా రెండో ఆటగాడిగా రికార్డుల్లోకెక్కాడు.  డబ్యూటీసీ హిస్టరీలో అత్యధిక సిక్సర్ల రికార్డు ఇంగ్లండ్‌ కెప్టెన్‌ బెన్‌ స్టోక్స్‌ పేరిట ఉంది. స్టోక్స్‌ డబ్యూటీసీలో 45 మ్యాచ్‌ల్లో 78 సిక్సర్లు కొట్టాడు. స్టోక్స్‌ తర్వాత అత్యధికంగా హిట్‌మ్యాన్‌ 32 ఇన్నింగ్స్‌ల్లో 50 సిక్సర్లు బాదాడు. ఈ జాబితాలో స్టోక్స్‌, రోహిత్‌ తర్వాత రిషబ్‌ పంత్‌ (38), జానీ బెయిర్‌స్టో (29), జైస్వాల్‌ (26) ఉన్నారు. కాగా, ధర్మశాల టెస్ట్‌లో టాస్‌ గెలిచి తొలుత బ్యాటింగ్‌ చేసిన ఇంగ్లండ్‌.. కుల్దీప్‌ యాదవ్‌ (5/72), అశ్విన్‌ (4/51), జడేజా (1/17) దెబ్బకు 218 పరుగులకే కుప్పకూలింది. ఇంగ్లండ్‌ ఇన్నింగ్స్‌లో జాక్‌ క్రాలే (79) మినహా ఎవ్వరూ రాణించలేదు. డకెట్‌ 27, పోప్‌ 11, రూట్‌ 26, బెయిర్‌స్టో 29, స్టోక్స్‌ 0, ఫోక్స్‌ 24, హార్ట్లీ 6, వుడ్‌ 0, ఆండర్సన్‌ 0 పరుగులు చేసి ఔటయ్యారు. షోయబ్‌ బషీర్‌ 11 పరుగులతో అజేయంగా నిలిచాడు.  అనంతరం తొలి ఇన్నింగ్స్‌ ప్రారంభించిన భారత​.. దూకుడుగా ఆడుతుంది. 15 ఓవర్లలో టీమిండియా వికెట్‌ నష్టపోకుండా 72 పరుగులు చేసింది. ఓపెనర్లు రోహిత్‌ శర్మ (39; 5 ఫోర్లు, 2 సిక్సర్లు), యశస్వి (33; ఫోర్‌, 3 సిక్సర్లు) పరిమిత​ ఓవర్ల క్రికెట తరహాలో రెచ్చిపోతున్నారు. ఇంగ్లండ్‌ తొలి ఇన్నింగ్స్‌ స్కోర్‌కు భారత్‌ ఇంకా 146 పరుగులు మాత్రమే వెనుకపడి ఉంది. ఐదు మ్యాచ్‌ల ఈ టెస్ట్‌ సిరీస్‌ను భారత్‌ ఇదివరకే 3-1 తేడాతో కైవసం చేసుకున్న విషయం తెలిసిందే.

రాంచి టెస్టు సందర్భంగా ఇంగ్లండ్‌ ఆటగాళ్లు వ్యవహరించిన తీరుపై టీమిండియా అభిమానులు ఆగ్రహం వ్యక్తం చేస్తున్నారు. కనీస క్రీడా స్ఫూర్తి కూడా ప్రదర్శించడం చేతకాదా అని మండిపడుతున్నారు.  ప్రత్యర్థి జట్టు బ్యాటర్‌ను గందరగోళంలో పడేయాలనే తలంపుతో ఇంతకు దిగజారుతారా అంటూ ట్రోల్‌ చేస్తున్నారు. అసలు విషయమేమిటంటే.. నాలుగో టెస్టు రెండో రోజు ఆటలో భాగంగా ఇంగ్లండ్‌ 353 పరుగుల వద్ద ఆలౌట్‌ అయి తొలి ఇన్నింగ్స్‌ ముగించింది. ఈ క్రమంలో బ్యాటింగ్‌కు దిగిన టీమిండియా ఆదిలోనే ఓపెనర్‌, కెప్టెన్‌ రోహిత్‌ శర్మ(2) వికెట్‌ కోల్పోయింది. ఈ దశలో వన్‌డౌన్‌ బ్యాటర్‌ శుబ్‌మన్‌ గిల్‌(38)తో కలిసి మరో ఓపెనర్‌ యశస్వి జైస్వాల్‌ మెరుగైన భాగస్వామ్యం నెలకొల్పేందుకు ప్రయత్నించాడు. ఈ నేపథ్యంలో 20వ ఓవర్‌లో ఇంగ్లండ్‌ పేసర్‌ ఒలీ రాబిన్సన్‌ వేసిన ఆరో బంతిని తప్పుగా అంచనా వేసిన జైస్వాల్‌.. షాట్‌ ఆడటంలో విఫలమయ్యాడు. ఈ క్రమంలో బంతి బ్యాట్‌ ఎడ్జ్‌ తీసుకుని వికెట్‌ కీపర్‌ బెన్‌ ఫోక్స్‌ చేతిలో పడ్డట్లుగా అనిపించింది. దీంతో జైస్వాల్‌ అవుటైనట్లేనంటూ ఇంగ్లండ్‌ ఆటగాళ్లు పెద్ద ఎత్తున సెలబ్రేట్‌ చేసుకున్నారు. అయితే, రివ్యూలో భాగంగా తొలి రీప్లేలో ఫలితం సరిగ్గా తేలకపోయినా అలాగే సంబరాలు చేసుకున్నారు. అయితే, ఫలితాన్ని సరిగ్గా అంచనా వేసేందుకు థర్డ్‌ అంపైర్‌ ఒకటికి రెండుసార్లు బాల్‌ ట్రాకింగ్‌ చేశాడు. ఈ క్రమంలో బాల్‌ తొలుత నేలను తాకి.. ఆ తర్వాత వికెట్‌ కీపర్‌ చేతుల్లో పడినట్లు తేలింది. దీంతో జైస్వాల్‌ నాటౌట్‌గా తేలగా.. ఇంగ్లండ్‌ ఆటగాళ్లు ముఖ్యంగా కెప్టెన్‌ స్టోక్స్‌ తల పట్టుకుంటూ అసహనం వ్యక్తం చేశాడు. ఈ నేపథ్యంలో ఇంగ్లిష్‌ ఆటగాళ్లు ఓవరాక్షన్‌ చేస్తూ అతిగా సెలబ్రేట్‌ చేసుకున్నారంటూ టీమిండియా ఫ్యాన్స్‌ మండిపడుతున్నారు. ఎలాగోలా ఒత్తిడి పెంచి జైస్వాల్‌ను అవుట్‌గా ప్రకటింపజేయడంలో భాగంగానే ఇలా ‘చీటింగ్‌’కు పాల్పడేందుకు కూడా వెనుకాడలేదని నెట్టింట ట్రోల్‌ చేస్తున్నారు. England thought they had Yashasvi Jaiswal dismissed caught behind, but replays showed the ball hit the ground, putting a halt to the celebrations.#INDvENG pic.twitter.com/RgDhy7qOF5 — CricBlog ✍ (@cric_blog) February 24, 2024 England players are so rattled by Yashasvi Jaiswal that they sacrificed all their principles regarding Spirit Of Cricket and started appealing for a grounded catch. Next, they may finally try to run someone out at the non striker's end. — Sameer Allana (@HitmanCricket) February 24, 2024 ఇదిలా ఉంటే.. ఈ ఘటన సమయానికి జైస్వాల్‌ 40 పరుగుల వ్యక్తిగత స్కోరు వద్ద ఉండగా.. టీమిండియా స్కోరు 68-1. ఇక రెండో రోజు ఆట ముగిసే సరికి టీమిండియా ఏడు వికెట్ల నష్టానికి 219 పరుగులు చేసింది. జైస్వాల్‌(73) అర్ధ శతకంతో ఆకట్టుకున్నాడు.  Jaiswal has cracked the code for run-making! 🙌🏻 He brings up his fiery 5️⃣0️⃣ in style to keep #TeamIndia's momentum. 🔥#INDvENG #IDFCFirstBankTestSeries #BazBowled #JioCinemaSports pic.twitter.com/nFAmYZPaX4 — JioCinema (@JioCinema) February 24, 2024

రాంఛీ వేదికగా టీమిండియాతో జరుగుతున్న నాలుగో టెస్టులో ఇంగ్లండ్‌ కెప్టెన్‌ బెన్‌ స్టోక్స్‌ విఫలమయ్యాడు. తొలి ఇన్నింగ్స్‌లో కేవలం 3 పరుగులు మాత్రమే చేసి స్టోక్స్‌ ఔటయ్యాడు. భారత స్టార్‌ ఆల్‌రౌండర్‌ రవీంద్ర జడేజా అద్బుతమైన బంతితో స్టోక్సీని బోల్తా కొట్టించాడు.  ఇంగ్లండ్‌ ఇన్నింగ్స్‌ 25వ ఓవర్‌ వేసిన జడేజా తొలి బంతిని గుడ్‌ లెంగ్త్‌ డెలివరీగా సంధించాడు. ఆ బంతిని స్టోక్సీ డిఫెన్స్‌ ఆడటానికి ప్రయత్నించాడు. అయితే బంతి తక్కువ ఎత్తులో బౌన్స్‌ అయ్యి స్టోక్స్‌ ఫ్రంట్‌ప్యాడ్‌ను తాకింది. వెంటనే ఎల్బీకి అప్పీల్‌ చేయగా.. అంపైర్‌ సైతం అంతే వేగంగా ఔట్‌ అంటూ వేలు పైకెత్తాడు. స్టోక్స్‌ కనీసం రివ్యూ కూడా తీసు​కోకుండానే మైదానాన్ని వీడాడు. ఇందుకు సంబంధించిన వీడియో ప్రస్తుతం సోషల్‌ మీడియాలో వైరల్‌గా మారింది. కాగా తొలి ఇన్నింగ్స్‌లో 40 ఓవర్లకు ఇంగ్లండ్‌ 5 వికెట్ల నష్టానికి 149 పరుగులు చేసింది. భారత బౌలర్లలో అరంగేట్ర పేసర్‌ ఆకాష్‌ దీప్‌ 3 వికెట్లు పడగొట్టి ఆరంభంలోనే ఇంగ్లండ్‌ను దెబ్బతీశాడు. pic.twitter.com/nNAMrv788e — Sitaraman (@Sitaraman112971) February 23, 2024

India vs England, 4th Test Ranchi Day 1 Updates: టీమిండియా- ఇంగ్లండ్‌ మధ్య నాలుగో టెస్టులో తొలి రోజు ఆట ముగిసింది. రాంచి వేదికగా శుక్రవారం మొదలైన ఈ మ్యాచ్‌ సందర్భంగా భారత్‌ తరఫున బెంగాల్‌ పేసర్‌ ఆకాశ్‌ దీప్‌ అరంగేట్రం చేశాడు. టాస్‌ గెలిచి తొలుత బ్యాటింగ్‌ ఎంచుకున్న ఇంగ్లండ్‌కు ఆదిలోనే చుక్కలు చూపించాడు. ఓపెనర్లు జాక్‌ క్రాలే(42), బెన్‌ డకెట్‌(11), ఒలీ పోప్‌(0)లను పెవిలియన్‌కు పంపి టాపార్డర్‌ను కుదేలు చేశాడు. ఆకాశ్‌ దెబ్బకు 57 పరుగులకే 3 వికెట్లు కోల్పోయి కష్టాల్లో పడిన ఇంగ్లండ్‌ను జో రూట్‌ తన అద్భుత ఇన్నింగ్స్‌తో గట్టెక్కించాడు. వికెట్లు పడుతున్నా పట్టుదలగా నిలబడి అజేయ సెంచరీతో మెరిశాడు. మిగతా వాళ్లలో జానీ బెయిర్‌స్టో(38), బెన్‌ ఫోక్స్‌(47) మాత్రమే రాణించారు. తొలి రోజు ఆట పూర్తయ్యేసరికి ఇంగ్లండ్‌ ఏడు వికెట్ల నష్టానికి 302 పరుగులు చేసింది. జో రూ రూట్‌ 106(226 బంతుల్లో), ఓలీ రాబిన్సన్‌ 31(60 బంతుల్లో) పరుగులతో క్రీజులో ఉన్నారు. భారత బౌలర్లలో ఆకాశ్‌ దీప్‌ మూడు, మహ్మద్‌ సిరాజ్‌ రెండు, అశ్విన్‌, రవీంద్ర జడేజా ఒక్కో వికెట్‌ పడగొట్టారు. మొత్తానికి.. టీమిండియా బౌలర్ల దెబ్బకు ఆరంభంలో తడబడ్డా రూట్‌  ఇన్నింగ్స్‌ కారణంగా ఇంగ్లండ్‌ తిరిగి పుంజుకుంది. 83.6: సెంచరీ కొట్టిన జో రూట్‌ బజ్‌బాల్‌ అంటూ దూకుడుగా ఆడకుండా తనదైన సహజ శైలిలో ఆడిన జో రూట్‌ సెంచరీ పూర్తి చేసుకున్నాడు. ఆకాశ్‌ దీప్‌ బౌలింగ్‌లో ఫోర్‌ బాది వంద పరుగుల మార్కు అందుకున్నాడు. కష్టాల్లో పడ్డ ఇంగ్లండ్‌ను గట్టెక్కించే బాధ్యతను తీసుకున్న రూట్‌.. ఆచితూచి నిలకడగా ఆడుతూ 219 బంతుల్లో 103 పరుగులతో ఉన్నాడు. స్కోరు: 279-7(84) ఏడో వికెట్‌ కోల్పోయిన ఇంగ్లండ్‌ 245 పరుగుల వద్ద ఇంగ్లండ్‌ ఏడో వికెట్‌ కోల్పోయింది. టామ్‌ హార్ట్లీని (13) సిరాజ్‌ క్లీన్‌ బౌల్డ్‌ చేశాడు. రూట్‌తో (82) పాటు రాబిన్సన్‌ క్రీజ్‌లో ఉన్నాడు.  ఆరో వికెట్‌ కోల్పోయిన ఇంగ్లండ్‌ 225 పరుగుల వద్ద ఇంగ్లండ్‌ ఆరో వికెట్‌ కోల్పోయింది. సిరాజ్‌ బౌలింగ్‌లో రవీంద్ర జడేజాకు క్యాచ్‌ ఇచ్చి బెన్‌ ఫోక్స్‌ (47) ఔటయ్యాడు. జో రూట్‌ (75), టామ్‌ హార్ట్లీ క్రీజ్‌లో ఉన్నారు.  62.2: 200 పరుగులు పూర్తి చేసిన ఇంగ్లండ్‌ టీ బ్రేక్‌ సమయానికి ఇంగ్లండ్‌ స్కోరు: 198/5 (61) జో రూట్‌ 67, ఫోక్స్‌ 28 పరుగులతో ఆచితూచి ఆడుతున్నారు. ఇంగ్లండ్‌ స్కోరు: 184/5 (54) ఎట్టకేలకు రూట్‌ ఫిఫ్టీ 48.5: టీమిండియాతో తాజా టెస్టు సిరీస్‌లో ఇంగ్లండ్‌ సీనియర్‌ బ్యాటర్‌ జో రూట్‌ ఎట్టకేలకు అర్ధ శతకం సాధించాడు.  నిలకడగా రూట్‌ ఇన్నింగ్స్‌ రూట్‌ 86 బంతుల్లో 40, ఫోక్స్‌ 56 బంతుల్లో 14 పరుగులతో ఆచితూచి ఆడుతున్నారు. ఇంగ్లండ్‌ స్కోరు:  150-5(41) ఇంగ్లండ్‌ స్కోరు: 137/5 (36)  రూట్‌ 32, ఫోక్స్‌ 9 పరుగులతో ఆడుతున్నారు. లంచ్‌ తర్వాత ఆట మొదలుపెట్టిన ఇంగ్లండ్‌.. స్కోరు: 129-5. రూట్‌ 27, ఫోక్స్‌ ఆరు పరుగులతో ఆడుతున్నారు. కష్టాల్లో ఇంగ్లండ్‌.. లంచ్‌ విరామానికి స్కోర్‌: 112/5 ఇంగ్లండ్‌ తొలి ఇన్నింగ్స్‌లో 112 పరుగులకే 5 వికెట్లు కోల్పోయింది. కెప్టెన్‌ బెన్‌ స్టోక్స్‌ రూపంలో ఇంగ్లండ్‌ ఐదో వికెట్‌ కోల్పోయింది. జడేజా బౌలింగ్‌లో ఎల్బీగా వెనుదిరిగాడు. నాలుగో వికెట్‌ డౌన్‌.. జానీ బెయిర్‌ స్టో రూపంలో ఇంగ్లండ్‌ నాలుగో వికెట్‌ కోల్పోయింది. 38 పరుగులు చేసిన జానీ బెయిర్‌ స్టో.. అశ్విన్‌ బౌలింగ్‌లలో ఎల్బీగా వెనుదిరిగాడు. క్రీజులో కెప్టెన్‌ బెన్‌ స్టోక్స్‌ వచ్చాడు. 23 ఓవర్లకు ఇంగ్లండ్‌ స్కోర్‌: 111/4  19 ఓవర్లకు ఇంగ్లండ్‌ స్కోర్‌: 89/3 తొలి ఇన్నింగ్స్‌లో 19 ఓవర్లు ముగిసే సరికి ఇంగ్లండ్‌ 3 వికెట్ల నష్టానికి 89 పరుగులు చేసింది. క్రీజులో జానీ బెయిర్‌ స్టో(23), జో రూట్‌(11) పరుగులతో ఉన్నారు. మూడో వికెట్‌ డౌన్‌ 11.5: అరంగేట్ర పేసర్‌ ఆకాశ్‌ దీప్‌ ఆకాశమే హద్దుగా దూసుకుపోతున్నాడు. ఇప్పటికే రెండు వికెట్లు తీసిన  ఈ బెంగాల్‌ బౌలర్‌.. జాక్‌ క్రాలే(42) రూపంలో మూడో వికెట్‌ దక్కించుకున్నాడు. తొలుత నో బాల్‌ కారణంగా మిస్సయిన క్రాలేను ఈసారి బౌల్డ్‌ చేయడంలో ఆకాశ్‌ ఎలాంటి పొరపాటు చేయలేదు. ఇంగ్లండ్‌ స్కోరు: 57-3. బెయిర్‌ స్టో, జో రూట్‌ క్రీజులో ఉన్నారు. ఒకే ఓవర్లో ఆకాశ్‌ దీప్‌నకు రెండు వికెట్లు 9.4: రెండో వికెట్‌ కోల్పోయిన ఇంగ్లండ్‌. ఆకాశ్‌ దీప్‌ బౌలింగ్‌లో ఇంగ్లండ్‌ వన్‌డౌన్‌ బ్యాటర్‌ ఒలీ పోప్‌ డకౌట్‌ అయ్యాడు. ఎల్బీడబ్ల్యూగా వెనుదిరిగాడు. జో రూట్‌ క్రీజులోకి వచ్చాడు. స్కోరు: 47/2 (9.4)  తొలి వికెట్‌ కోల్పోయిన ఇంగ్లండ్‌ 9.2: అరంగేట్ర పేసర్‌ ఆకాశ్‌ దీప్‌ బౌలింగ్లో ఇంగ్లండ్‌ ఓపెనర్‌ బెన్‌ డకెట్‌(11) వికెట్‌ కీపర్‌ క్యాచ్‌గా వెనుదిరిగాడు. ఒలీ పోప్‌ క్రీజులోకి వచ్చాడు. ఇంగ్లండ్‌ స్కోరు: 47/1 (9.2). జాక్‌ క్రాలే 35 పరుగులతో ఆడుతున్నాడు. 7 ఓవర్లకు ఇంగ్లండ్‌ స్కోర్‌: 31/0 7 ఓవర్లు ముగిసే సరికి ఇంగ్లండ్‌ వికెట్‌ నష్టపోకుండా 37 పరుగులు చేసింది. క్రీజులో క్రాలే(32), బెన్‌ డకెట్‌(4) పరుగులతో ఉన్నారు. 4 ఓవర్లకు ఇంగ్లండ్‌ స్కోర్‌: 9/0 4 ఓవర్లు ముగిసే సరికి ఇంగ్లండ్‌ వికెట్‌ నష్టపోకుండా 9 పరుగులు చేసింది.  టాస్‌ గెలిచిన ఇంగ్లండ్‌ రాంచి వేదికగా భారత్‌- ఇంగ్లండ్‌ మధ్య నాలుగో టెస్టు ప్రారంభమైంది. ఈ మ్యాచ్‌లో టాస్‌ గెలిచిన ఇంగ్లండ్‌ తొలుత బ్యాటింగ్‌ ఎంచుకుంది. ఈ మ్యాచ్‌తో పేసర్‌ ఆకాష్‌ దీప్‌ భారత తరపున అంతర్జాతీయ అరంగేట్రం చేశాడు. పేస్‌ గుర్రం జస్ప్రీత్‌ బుమ్రా స్ధానంలో ఆకాష్‌ దీప్‌ జట్టులోకి వచ్చాడు. మరోవైపు ఇంగ్లండ్‌ కూడా రెండు మార్పులతో బరిలోకి దిగింది. మార్క్‌ వుడ్‌ స్ధానంలో పేసర్‌ ఓలీ రాబిన్సన్‌ తుది జట్టులోకి రాగా..  రెహాన్‌ ఆహ్మద్‌ స్ధానంలో యువ స్పిన్నర్‌ షోయబ్‌ బషీర్‌ రీ ఎంట్రీ ఇచ్చాడు. కాగా ఈ సిరీస్‌లో టీమిండియా ఇప్పటికే 2-1 ఆధిక్యంలో ఉంది. ఈ మ్యాచ్‌లో గెలిచి సిరీస్‌ను సొంతం చేసుకోవాలని భారత జట్టు పట్టుదలతో ఉంది. తుది జట్లు భారత్: యశస్వి జైస్వాల్, రోహిత్ శర్మ(కెప్టెన్‌), శుభమన్ గిల్, రజత్ పటీదార్, సర్ఫరాజ్ ఖాన్, రవీంద్ర జడేజా, ధ్రువ్ జురెల్(వికెట్‌ కీపర్‌), రవిచంద్రన్ అశ్విన్, ఆకాశ్ దీప్, కుల్దీప్ యాదవ్, మహ్మద్ సిరాజ్ ఇంగ్లండ్ : జాక్ క్రాలీ, బెన్ డకెట్, ఆలీ పోప్, జో రూట్, జానీ బెయిర్‌స్టో, బెన్ స్టోక్స్(కెప్టెన్‌), బెన్ ఫోక్స్(వికెట్‌ కీపర్‌), టామ్ హార్ట్లీ, ఆలీ రాబిన్సన్, షోయబ్ బషీర్, జేమ్స్ ఆండర్సన్

Ind vs Eng Test series 2024: భారత గడ్డపై కూడా ‘బజ్‌బాల్‌’ అంటూ దూకుడు ప్రదర్శించిన ఇంగ్లండ్‌కు రెండో టెస్టులోనే తత్వం బోధపడింది. హైదరాబాద్‌ టెస్టులో విజయం తర్వాత అదే జోరును కొనసాగిద్దామని భావించిన స్టోక్స్‌ బృందానికి దిమ్మతిరిగే షాకిచ్చింది రోహిత్‌ సేన. విశాఖపట్నం, రాజ్‌కోట్‌ టెస్టుల్లో ఇంగ్లండ్‌ను చిత్తు చేసి.. ఐదు మ్యాచ్‌ల సిరీస్‌లో 2-1తో ముందంజలో ఉంది. ముఖ్యంగా విరాట్‌ కోహ్లి, కేఎల్‌ రాహుల్‌ వంటి సీనియర్లు లేకున్నా ఆ లోటు కనబడనివ్వకుండా వరుస విజయాలతో జోష్‌లో ఉంది. ఈ క్రమంలో ఇరుజట్ల మధ్య శుక్రవారం నుంచి జార్ఖండ్‌ వేదికగా నాలుగో టెస్టు మొదలుకానుంది. ఈ నేపథ్యంలో ఇంగ్లండ్‌ కెప్టెన్‌ బెన్‌ స్టోక్స్‌ రాంచి పిచ్‌ గురించి కీలక వ్యాఖ్యలు చేశాడు. తానెన్నడూ ఇలాంటి పిచ్‌ చూడలేదని ఆశ్చర్యం వ్యక్తం చేశాడు. నాలుగో టెస్టు కోసం ఎలాంటి ట్రాక్‌ రూపొందించారో అర్థం చేసుకోలేకపోతున్నానని.. ఆ పిచ్‌ను అంచనా వేయడం కష్టంగా ఉందని స్టోక్స్‌ పేర్కొన్నాడు. బీబీసీ స్పోర్ట్‌తో మాట్లాడుతూ.. ‘‘ఇలాంటి పిచ్‌ ముందెన్నడూ చూడలేదు. అసలు అక్కడ మ్యాచ్‌ ఎలా సాగనుందో అంచనా వేయలేకపోతున్నా. ఒకవైపు నుంచి పచ్చగా.. గ్రాసీగా కనిపిస్తోంది. మరోవైపు ఎండ్‌ నుంచి చూస్తే.. అదీ నిశితంగా గమనిస్తే.. చిన్న చిన్న పగుళ్లు కనిపిస్తున్నాయి. ఆ పిచ్‌పై ఎలా ఆడాలో నాకైతే అర్థం కావడం లేదు’’ అని బెన్‌ స్టోక్స్‌ వ్యాఖ్యానించాడు. కాగా హైదరాబాద్‌లో కాస్త స్పిన్‌కు అనుకూలించిన పిచ్‌.. విశాఖ, రాజ్‌కోట్‌లో జరిగిన తదుపరి రెండు మ్యాచ్‌లలో స్పిన్నర్లతో పాటు పేసర్లకూ మేలు చేకూర్చింది.  తొలి టెస్టులో ఇరు జట్ల స్పిన్నర్లు కలిపి 32 వికెట్లు తీస్తే.. పేసర్లకు ఆరు వికెట్లు మాత్రమే దక్కాయి. ఇక రెండో టెస్టులో స్పిన్‌ బౌలర్లకు 21 వికెట్లు దక్కితే.. ఫాస్ట్‌బౌలర్లు 15 వికెట్లు తమ ఖాతాలో వేసుకున్నారు. ఇక మూడో మ్యాచ్‌లో స్పిన్నర్లు 24, పేసర్లు 11 వికెట్లు పడగొట్టారు. చదవండి: వారి శరీరాల్లో కొవ్వు పేరుకుపోయింది: బాబర్‌పై మండిపడ్డ హఫీజ్‌

టీమిండియాతో తొలి టెస్టులో విజయం సాధించిన ఇంగ్లండ్‌.. ఆ తర్వాత మ్యాచ్‌ల్లో తమ జోరును కొనసాగించలేకపోయింది. వరుస మ్యాచ్‌ల్లో భారత చేతిలో దారుణ ఓటమి పాలై తీవ్ర విమర్శలు ఎదుర్కొంటుంది. రాజ్‌కోట్‌ వేదికగా జరిగిన మూడో టెస్టులో అయితే ఏకంగా 434 పరుగుల తేడాతో ఘోర ఓటమి పాలైంది. టీమిండియా దెబ్బకు గత 90 ఏళ్లలో ఎన్నడూ చూడని ఓటమిని ఇంగ్లండ్‌ చవిచూసింది. అయితే ఓటమి బాధలో ఉన్న ఇంగ్లండ్‌ జట్టుకు, అభిమానులకు ఓ గుడ్‌ న్యూస్‌. వెన్ను గాయం కారణంగా దాదాపు ఏడాది నుంచి బౌలింగ్‌కు దూరంగా ఉన్న ఇంగ్లండ్‌ కెప్టెన్‌ బెన్‌ స్టోక్స్‌ తిరిగి బంతి పట్టేందుకు సిద్దమైనట్లు వార్తలు వినిపిస్తున్నాయి. తాజాగా స్టోక్స్‌ చేసిన వ్యాఖ్యలు ఈ వార్తలకు మరింత ఊతమిస్తున్నాయి. మూడో టెస్టు అనంతరం స్టోక్సీ ప్రముఖ క్రీడా వెబ్‌సైట్‌ ఈఎస్పీఎన్‌క్రిక్‌ఇన్‌ఫోకు ఇంటర్వ్యూ ఇచ్చాడు. ఈ సందర్భంగా మీరు బౌలింగ్‌ చేయడానికి సిద్దంగా ఉన్నారా అన్న ప్రశ్న ఇంగ్లీష్‌ కెప్టెన్‌కు ఎదురైంది. అందుకు బదులుగా.. "నేను కచ్చితంగా బౌలింగ్‌ చేస్తానని చెప్పలేను. అలా అని చేయని కూడా చెప్పలేను. నేను బౌలింగ్‌ చేయాలా వద్దా అన్న విషయం కోసం మా వైద్య బృందంతో ఇంకా చర్చిస్తున్నాను. కానీ ప్రాక్టీస్‌ సెషన్స్‌లో అయితే నేను 100కు 100 శాతం బౌలింగ్‌ చేయగల్గుతున్నాను. ఆ సమయంలో నాకు ఎటువంటి సమస్యలేదు. త్వరలో తిరిగి మళ్లీ బౌలింగ్‌ చేయగలనని" ఆశిస్తున్నానని స్టోక్స్‌ చెప్పుకొచ్చాడు. కాగా ఫిబ్రవరి 23 నుంచి రాంఛీ వేదికగా నాలుగో టెస్టు ప్రారంభం కానుంది. చదవండి: Ranchi Test: టీమిండియాకు బిగ్‌ షాక్‌.. డబుల్‌ సెంచరీల వీరుడు దూరం!?

India vs England, 3rd Test: ఇంగ్లండ్‌ ‘బజ్‌బాల్‌’ను టీమిండియా చితక్కొట్టింది. ఏకంగా 434 పరుగుల తేడాతో స్టోక్స్‌ బృందాన్ని ఓడించి రాజ్‌కోట్‌లో రాజసం చిందించింది. ఫలితంగా కనీవినీ ఎరుగని రీతిలో ఇంగ్లిష్‌ జట్టు ఘోర ఓటమిని చవిచూసింది. తద్వారా.. తమ క్రికెట్‌ చరిత్రలోనే పరుగుల పరంగా రెండో అతిపెద్ద పరాజయం మూటగట్టుకుంది స్టోక్స్‌ బృందం. అదే విధంగా ఐదు మ్యాచ్‌ల సిరీస్‌లో 2-1తో వెనుకబడింది. ఈ విషయంపై ఇంగ్లండ్‌ కెప్టెన్‌ బెన్‌ స్టోక్స్‌ స్పందించాడు. అతడి ఇన్నింగ్స్‌ అద్భుతం మ్యాచ్‌ అనంతరం మాట్లాడుతూ.. ‘‘బెన్‌ డకెట్‌ అద్భుత, అద్వితీయ ఇన్నింగ్స్‌ ఆడాడు. ఇన్నింగ్స్‌ ఆసాంతం ఇలాంటి జోరే కొనసాగించాలని మేము భావించాం.  టీమిండియా విధించిన లక్ష్యాన్ని ఛేదించాలనుకున్నాం. భారత రెండో ఇన్నింగ్స్‌లో మేము ఎక్కువ సేపు బౌలింగ్‌ చేయాలని భావించాం. కానీ అలా జరుగలేదు. అనుకున్న దాని కంటే ముందుగానే బ్యాటింగ్‌ చేయాల్సి వచ్చింది. కొన్నిసార్లు ప్రణాళికలను పక్కాగా అమలు చేయడం సాధ్యం కాదు. ఏదేమైనా మా ఆటగాళ్లకు అండగా నిలవడం ముఖ్యం. ప్రస్తుతం మేము 1-2తో వెనుకబడి ఉన్నాం. అయితే, ఈ మ్యాచ్‌ నుంచి నేర్చుకున్న పాఠాలతో తిరిగి పుంజుకుంటాం. సిరీస్‌ గెలుస్తాం ఈ ఓటమి నుంచి తేరుకుని తదుపరి రెండు మ్యాచ్‌లపై దృష్టి సారిస్తాం. కచ్చితంగా సిరీస్‌ గెలిచేందుకు ప్రయత్నిస్తాం’’ అని బెన్‌ స్టోక్స్‌ పేర్కొన్నాడు. కాగా మూడో టెస్టు తొలి ఇన్నింగ్స్‌లో ఇంగ్లండ్‌ ఓపెనర్‌ బెన్‌ డకెట్‌ ధనాధన్‌ సెంచరీ(153)తో అలరించాడు. అయితే, రెండో ఇన్నింగ్స్‌లో మాత్రం 4 పరుగులకే రనౌట్‌ అయ్యాడు. ఇక టీమిండియా- ఇంగ్లండ్‌ మధ్య రాజ్‌కోట్ టెస్టు నాలుగు రోజుల్లోనే ముగిసిపోగా.. ఇరు జట్ల మధ్య ఫిబ్రవరి 23 నుంచి నాలుగో టెస్టు ఆరంభం కానుంది. పరుగుల పరంగా ఇంగ్లండ్‌కు అతిపెద్ద టెస్టు ఓటములు ►562- వర్సెస్ ఆసీస్- ది ఓవల్ 1934 ►434- వర్సెస్‌ భారత్- రాజ్ కోట్- 2024 ►425- వర్సెస్ వెస్టిండీస్‌- మాంచెస్టర్ 1976 ►409- వర్సెస్ ఆసీస్- లార్డ్స్ 1948 ►405- వర్సెస్ ఆసీస్- లార్డ్స్ 2015 చదవండి: IND vs ENG: ఇంగ్లండ్‌తో నాలుగో టెస్టు.. టీమిండియాలో ఊహించని మార్పు! స్టార్‌ ప్లేయర్‌ దూరం

రాజ్‌కోట్‌ వేదికగా టీమిండియాతో జరిగిన మూడో టెస్టులో ఇంగ్లండ్‌కు ఘోర పరాభావం ఎదురైంది. భారత్‌ చేతిలో ఏకంగా 434 పరుగుల తేడాతో ఇంగ్లండ్‌ ఓటమి పాలైంది. 557 పరుగుల భారీ లక్ష్యంతో బరిలోకి దిగిన ఇంగ్లండ్‌.. భారత బౌలర్ల దాటికి 122 పరుగులకే కుప్పకూలింది. రవీంద్ర జడేజా 5 వికెట్లతో ఇంగ్లండ్‌ను దెబ్బతీశాడు. సెకెండ్‌ ఇన్నింగ్స్‌లో ఇంగ్లండ్‌ బౌలింగ్‌, బ్యాటింగ్‌ పరంగా దారుణంగా విఫలమైం‍ది. కనీసం పోటీ ఇవ్వకుండానే ఇంగ్లీష్‌ జట్టు  చేతులేత్తేసింది. ఇంగ్లండ్‌ బ్యాటర్లలో లోయార్డర్‌ ఆటగాడు మార్క్‌ వుడ్‌(33) టాప్‌ స్కోరర్‌గా నిలిచాడు. ఇక ఈ మ్యాచ్‌లో ఘోర ఓటమిని చవిచూసిన ఇంగ్లండ్‌ అత్యంత చెత్త రికార్డును నెల​కొల్పింది.  టెస్టులలో ఇంగ్లండ్‌ జట్టుకు పరుగుల పరంగా ఇది రెండో అతిపెద్ద ఓటమి. ఇంతకుముందు ఆ జట్టు 1934లో ఆస్ట్రేలియా చేతిలో 562 రన్స్‌ తేడాతో ఓడింది. అయితే 21వ శతాబ్దంలో మాత్రం ఇంగ్లండ్‌ ఇదే  అతి పెద్ద ఓటమి.  మరోవైపు భారత్‌ మాత్రం టెస్టు క్రికెట్‌ చరిత్రలోనే పరుగుల పరంగా అతి పెద్ద విజయం సాధించింది. ఈ మ్యాచ్‌ కంటే ముందు 2021లో న్యూజిలాండ్‌పై సాధించిన 372 పరుగుల విజయమే అత్యధికం. ఇక ఫిబ్రవరి 23 నుంచి రాంఛీ వేదికగా నాలుగో టెస్టు ఆరంభం కానుంది. చదవండి: అతడొక సంచలనం.. ఎంత చెప్పుకున్నా తక్కువే: రోహిత్‌ శర్మ

IND VS ENG 3rd Test Day 4 Updates And Highlights:  రాజ్‌కోట్‌ టెస్టులో భారత్‌ ఘన విజయం..  రాజ్‌కోట్‌ వేదికగా ఇంగ్లండ్‌తో జరిగిన మూడో టెస్టులో 434 పరుగుల తేడాతో టీమిండియా ఘన విజయం సాధించింది. 557 పరుగుల లక్ష్యంతో బరిలోకి దిగిన ఇంగ్లండ్‌ భారత బౌలర్ల దాటికి.. కేవలం 122 పరుగులకే కుప్పకూలింది. ఈ విజయంతో ఐదు టెస్టుల సిరీస్‌లో 2-1 ఆధిక్యంలోకి భారత్‌ దూసుకెళ్లింది.  భారత స్పిన్నర్‌ రవీంద్ర జడేజా 5 వికెట్లతో ఇంగ్లీష్‌ జట్టు పతనాన్ని శాసించగా.. కుల్దీప్‌ యాదవ్‌ రెండు, అశ్విన్‌ ఒక్క వికెట్‌ సాధించారు. ఒక్క వికెట్‌ దూరంలో.. రాజ్‌కోట్‌ టెస్టులో విజయానికి భారత్‌ కేవలం ఒక్క వికెట్‌ దూరంలో నిలిచింది. వరుస క్రమంలో ఇంగ్లండ్‌ రెండు వికెట్లను కోల్పోయింది. జడేజా బౌలింగ్‌లో ఫోక్స్‌ ఔట్‌ కాగా.. అశ్విన్‌ బౌలింగ్‌లో హార్ట్‌లీ పెవిలియన్‌కు చేరాడు. ఓటమి దిశగా ఇంగ్లండ్‌.. ఇంగ్లండ్‌ బ్యాటర్లు పెవిలియన్‌కు క్యూ కడుతున్నారు. రెహాన్‌ అహ్మద్‌ రూపంలో ఇంగ్లండ్‌ ఏడో వికెట్‌ కోల్పోయింది. కుల్దీప్‌ యాదవ్‌ బౌలింగ్‌లో భారీ షాట్‌కు ప్రయత్నించి సిరాజ్‌కు క్యాచ్‌ ఇచ్చి ఔటయ్యాడు. 28 ఓవర్లకు ఇంగ్లండ్‌ స్కోర్‌: 53/7 విజయం దిశగా భారత్‌.. రాజ్‌కోట్‌ టెస్టులో టీమిండియా విజయం వైపు అడుగులు వేస్తోంది.  557 పరుగుల లక్ష్యంతో బరిలోకి దిగిన ఇంగ్లండ్‌.. 50 పరుగులకే 6 వికెట్లు కోల్పోయి పీకల్లోతు కష్టాల్లో పడింది. ఇంగ్లండ్‌ కెప్టెన్‌ బెన్‌ స్టోక్స్‌ ఆరో వికెట్‌గా వెనుదిరిగాడు. భారత్‌ విజయానికి కేవలం 4 వికెట్ల దూరంలో నిలిచింది. ఐదో వికెట్‌ డౌన్‌.. జో రూట్‌ రూపంలో ఇంగ్లండ్‌ ఐదో వికెట్‌ కోల్పోయింది. 7 పరుగులు చేసిన రూట్‌.. జడేజా బౌలింగ్‌లో రూట్‌ ఎల్బీగా వెనుదిరిగాడు. 22 ఓవర్లకు ఇంగ్లండ్‌ స్కోర్‌: 50/5. క్రీజులో బెన్‌ స్టోక్స్‌, బెన్‌ ఫోక్స్‌ ఉన్నారు. పీకల్లోతు కష్టాల్లో ఇంగ్లండ్‌.. 557 పరుగుల లక్ష్యంతో బరిలోకి దిగిన ఇంగ్లండ్‌.. 28 పరుగులకే 4 వికెట్లు కోల్పోయి పీకల్లోతు కష్టాల్లో పడింది. జడేజా బౌలింగ్‌లో జానీ బెయిర్‌ స్టో.. నాలుగో వికెట్‌గా వెనుదిరిగాడు. ఇంగ్లండ్‌ విజయానికి ఇంకా 519 పరుగులు కావాలి. మూడో వికెట్‌ డౌన్‌.. 20 పరుగుల వద్ద ఇంగ్లండ్‌ మూడో వికెట్‌ కోల్పోయింది. 3 పరుగులు చేసిన ఓలీ పోప్‌.. జడేజా బౌలిం‍గ్‌లో రోహిత్‌కు క్యాచ్‌ ఇచ్చి ఔటయ్యాడు. 10 ఓవర్లకు ఇంగ్లండ్‌ స్కోర్‌: 24/3 రెండో వికెట్‌ డౌన్‌.. జాక్‌ క్రాలే రూపంలో ఇంగ్లండ్‌ రెండో వికెట్‌ కోల్పోయింది. 11 పరుగులు చేసిన క్రాలే.. బుమ్రా బౌలింగ్‌లో ఎల్బీగా వెనుదిరిగాడు. తొలి వికెట్‌ కోల్పోయిన ఇంగ్లండ్‌.. 557 పరుగుల లక్ష్యంతో బరిలోకి దిగిన ఇంగ్లండ్‌కు ఆదిలోనే బిగ్‌ షాక్‌ తగిలింది. స్టార్‌ బ్యాటర్‌ బెన్‌ డకెట్‌(4) రనౌటయ్యాడు. క్రీజులోకి ఓలీ పోప్‌ వచ్చాడు.7 ఓవర్లకు ఇంగ్లండ్‌ స్కోర్‌: 18/1 ఇన్నింగ్స్‌ను డిక్లేర్‌ చేసిన భారత్‌ భారత్‌ సెకెండ్‌ ఇన్నింగ్స్‌ను 430/4 స్కోర్‌ వద్ద డిక్లేర్‌ చేసింది. టీమిండియా.. ఇంగ్లండ్‌కు 557 పరుగుల లక్ష్యాన్ని నిర్దేశించింది. యశస్వి జైస్వాల్‌ 214, సర్ఫరాజ్‌ ఖాన్‌ 68 పరుగులతో అజేయంగా నిలిచారు.  మరో డబుల్‌ సెంచరీ చేసిన యశస్వి జైస్వాల్‌ రెండో టెస్ట్‌లో డబుల్‌ సెంచరీతో చెలరేగిన యశస్వి జైస్వాల్‌.. మూడో టెస్ట్‌లో మరో డబుల్‌ సెంచరీతో విరుచుకుపడ్డాడు. ఈ డబుల్‌ను యశస్వి 231 బంతుల్లో పూర్తి చేశాడు. ఇందులో 10 సిక్సర్లు, 14 ఫోర్లు ఉన్నాయి. ప్రస్తుతం టీమిండియా స్కోర్‌ 411/3గా ఉంది. లీడ్‌ 537 పరుగులుగా ఉంది. మరో హాఫ్‌ సెంచరీ చేసిన సర్పరాజ్‌ ఖాన్‌ తొలి ఇన్నింగ్స్‌లో 62 పరుగుల వద్ద పొరపాటున రనౌటైన సర్ఫరాజ్‌ ఖాన్‌ సెకెండ్‌ ఇన్నింగ్స్‌లో మరో హాఫ్‌ సెంచరీ చేశాడు. ఈ ఇన్నింగ్స్‌లో 66 బంతులు ఎదుర్కొన్న సర్ఫరాజ్‌.. 5 ఫోర్లు, సిక్సర్‌ సాయంతో హాఫ్‌ సెంచరీ పూర్తి చేశాడు.  మరో డబుల్‌ దిశగా దూసుకుపోతున్న యశస్వి భారత యువ ఓపెనర్‌ యశస్వి జైస్వాల్‌ మరో డబుల్‌ సెంచరీ దిశగా దూసకుపోతున్నాడు. నిన్న రిటైర్డ్‌ హర్ట్‌గా వెనుదిరిగి ఇవాళ తిరిగి బరిలోకి దిగిన యశస్వి.. ధాటిగా ఆడుతున్నాడు. ప్రస్తుతం యశస్వి 182 పరుగుల వద్ద ఉన్నాడు. అతనికి జతగా సర్ఫరాజ్‌ ఖాన్‌ (33) క్రీజ్‌లో ఉన్నాడు.  సెకెండ్‌ ఇన్నింగ్స్‌లో టీమిండియా స్కోర్‌ 359/4గా ఉంది.  440 పరుగుల ఆధిక్యంలో టీమిండియా నాలుగో రోజు లంచ్‌ విరామం సమయానికి టీమిండియా ఆధిక్యం 440 పరగులుగా ఉంది. సెకెండ్‌ ఇన్నింగ్స్‌లో టీమిండియా 4 వికెట్ల నష్టానికి 314 పరుగులు చేసింది. యశస్వి జైస్వాల్‌ (149), సర్ఫరాజ్‌ ఖాన్‌ (22) క్రీజ్‌లో ఉన్నారు. నాలుగో వికెట్‌ కోల్పోయిన టీమిండియా 258 పరుగుల వద్ద టీమిండియా నాలుగో వికెట్‌ కోల్పోయింది. రెహాన్‌ అహ్మద్‌ బౌలింగ్‌లో జో రూట్‌కు క్యాచ్‌ ఇచ్చి కుల్దీప్‌ యాదవ్‌ (27) ఔటయ్యాడు. యశస్వి జైస్వాల్‌ (115), సర్ఫరాజ్‌ ఖాన్‌ క్రీజ్‌లో ఉన్నారు.  91 పరుగుల వద్ద ఔటైన శుభ్‌మన్‌ గిల్‌ శుభ్‌మన్‌ గిల్‌ సెంచరీకి చేరువలో (91) రనౌటాయ్యడు. కుల్దీప్‌ తప్పిదం కారణంగా గిల్‌ ఔటయ్యాడు. నిన్న రిటైర్ట్‌ హర్ట్‌గా వెనుదిరిగిన యశస్వి (107) క్రీజ్‌లోకి వచ్చాడు. రాజ్‌కోట్‌ వేదికగా ఇంగ్లండ్‌తో జరుగుతున్న మూడో టెస్ట్‌లో టీమిండియా పటిష్ట స్థితిలో ఉంది. మూడో రోజు ఆట ముగిసే సమయానికి భారత్‌ స్కోర్‌ సెకెండ్‌ ఇన్నింగ్స్‌లో 192/2గా ఉంది. శుభ్‌మన్‌ గిల్‌ (65), కుల్దీప్‌ యాదవ్‌ (3) క్రీజ్‌లో ఉన్నారు. ప్రస్తుతం టీమిండియా 322 పరుగుల లీడ్‌లో ఉంది. సెకెండ్‌ ఇన్నింగ్స్‌లో యశస్వి జైస్వాల్‌ అద్బుతమైన సెంచరీతో (107) ఆకట్టుకోగా.. రోహిత్‌ శర్మ (19), రజత్‌ పాటిదార్‌ (0) నిరాశపరిచారు. యశస్వి జైస్వాల్‌ సెంచరీ అనంతరం రిటైర్డ్‌ హర్ట్‌గా వెనుదిరిగాడు. ఇంగ్లండ్‌ బౌలర్లలో జో రూట్‌, టామ్‌ హార్ట్లీ తలో వికెట్‌ పడగొట్టారు.  స్కోర్‌ వివరాలు.. భారత్‌ తొలి ఇన్నింగ్స్‌: 445 ఆలౌట్‌ (రోహిత్‌ 131, జడేజా 112) ఇంగ్లండ్‌ తొలి ఇన్నింగ్స్‌: 319 ఆలౌట్‌ (బెన్‌ డకెట్‌ 153)  

Ind vs Eng 3rd Test Day 3 Updates: టీమిండియా- ఇంగ్లండ్‌ మధ్య రాజ్‌కోట్‌ టెస్టులో మూడో రోజు ఆట ఆరంభమైంది. 207/2 ఓవర్‌ నైట్‌ స్కోరుతో శనివారం ఆట మొదలుపెట్టింది ఇంగ్లండ్‌. ఈ మ్యాచ్‌లో టీమిండియా మొదటి ఇన్నింగ్స్‌లో 445 పరుగులకు ఆలౌట్‌ కాగా.. మూడో రోజు ఆటలో ఇంగ్లండ్‌ 319 పరుగుల వద్ద  తొలి ఇన్నింగ్స్‌ ముగించింది. మూడో రోజు ముగిసిన ఆట..  మూడో రోజు ఆటలో ఇంగ్లీష్‌ జట్టుపై టీమిండియా పైచేయి సాధించింది. మూడో రోజు ఆట ముగిసే సమయానికి రెండో ఇన్నింగ్స్‌లో భారత్‌ 2 వికెట్ల నష్టానికి 196 పరుగులు చేసింది. క్రీజులో శుబ్‌మన్‌ గిల్‌(65), కుల్దీప్‌ యాదవ్‌(3) పరుగులతో ఉన్నారు. అదే విధంగా యువ ఓపెనర్‌ యశస్వీ జైశ్వాల్‌(104) సెంచరీతో మెరిశాడు. అయితే వెన్ను నొప్పి కారణంగా ఆట మధ్యలోనే రిటైర్డ్‌ హార్ట్‌గా వెనుదిరిగాడు. ప్రస్తుతం 322 పరుగుల భారీ అధిక్యంలో భారత్‌ కొనసాగుతోంది. కాగా అంతకముందు ఇంగ్లండ్‌ తమ తొలి ఇన్నింగ్స్‌లో 319 పరుగులకు ఆలౌటైంది. జైశ్వాల్‌ రిటైర్డ్‌ హార్ట్‌.. టీమిండియాకు గట్టి ఎదురుదెబ్బ తగిలింది. సెంచరీతో చెలరేగిన యువ ఓపెనర్‌ యశస్వీ జైశ్వాల్‌ రిటైర్డ్‌ హార్ట్‌గా వెనుదిరిగాడు. వెన్ను నొప్పి కారణంగా జైశ్వాల్‌ మూడో రోజు ఆట ఆఖరి సెషన్‌లో మైదానాన్ని వీడాడు. జైశ్వాల్‌(104) పరుగులు చేశాడు. 47 ఓవర్లకు భారత్‌ స్కోర్‌: 190/1. టీమిండియా ప్రస్తుతం 321 పరుగుల అధిక్యంలో కొనసాగుతోంది. శుబ్‌మన్ గిల్‌ హాఫ్‌ సెంచరీ.. జైశ్వాల్‌తో పాటు క్రీజులో ఉన్న మరో టీమిండియా యువ ఆటగాడు శుబ్‌మన్‌ గిల్‌ తన హాఫ్‌ సెంచరీ మార్క్‌ను అందుకున్నాడు. రెండో వికెట్‌కు వీరిద్దరూ ఇప్పటివరకు 153 పరుగుల భాగస్వామ్యాన్ని నెలకొల్పారు. సెకెండ్‌ ఇన్నింగ్స్‌లో భారత్‌ స్కోర్‌: 184/1. భారత్‌ ప్రస్తుతం 310 పరుగుల ఆధిక్యంలో కొనసాగుతోంది. జైశ్వాల్‌ సూపర్‌ సెంచరీ..  ఇంగ్లండ్‌తో మూడో టెస్టులో జైశ్వాల్‌ అద్బుతమైన సెంచరీతో మెరిశాడు. 121 బంతుల్లో జైశ్వాల్‌ తన సెంచరీ మార్క్‌ను అందుకున్నాడు. జైశ్వాల్‌కు ఇది మూడో టెస్టు సెంచరీ. జైశ్వాల్‌ ప్రస్తుతం 102 పరుగులతో క్రీజులో ఉన్నాడు. అతడితో పాటు గిల్‌(45) పరుగులతో నాటౌట్‌గా ఉన్నాడు. 41 ఓవర్లకు టీమిండియా స్కోర్‌: 171/1. భారత్‌ ప్రస్తుతం 297 పరుగుల అధిక్యంలో కొనసాగుతోంది. హాఫ్‌ సెంచరీతో చెలరేగిన జైశ్వాల్‌.. సెకెండ్‌ ఇన్నింగ్స్‌లో యశస్వీ జైశ్వాల్‌ హాఫ్‌ సెంచరీతో చెలరేగాడు. 80 బంతుల్లో 5 ఫోర్లు, రెండు సిక్స్‌లతో జైశ్వాల్‌ తన హాఫ్‌ సెంచరీ మార్క్‌ను అందుకున్నాడు. యశస్వీ తనదైన స్టైల్‌లో సిక్స్‌ కొట్టి అర్ధ శతకాన్ని పూర్తి చేసుకున్నాడు. 30 ఓవర్లకు భారత్‌ స్కోర్‌: 116/1, క్రీజులో జైశ్వాల్‌(65)తో పాటు శుబ్‌మన్‌ గిల్‌(26) ఉన్నారు. నిలకడగా ఆడుతున్న గిల్‌, జైశ్వాల్‌.. టీమిండియా యువ ఆటగాళ్లు శుబ్‌మన్‌ గిల్‌(8), యశస్వీ జైశ్వాల్‌(23) నిలకడగా  ఆడుతున్నారు. 19 ఓవర్లకు భారత్‌ స్కోర్‌: 50/1 టీ విరామానికి భారత్‌ స్కోర్‌: 44/1 16 ఓవర్లు ముగిసే సరికి టీమిండియా సెకెండ్‌ ఇన్నింగ్స్‌లో వికెట్‌ నష్టానికి 44 పరుగులు చేసింది. క్రీజులో యశస్వీ జైశ్వాల్‌(19), శుబ్‌మన్‌ గిల్‌(5) పరుగులతో ఉన్నారు. ప్రస్తుతం భారత్‌ 170 పరుగుల అధిక్యంలో కొనసాగుతోంది. తొలి వికెట్‌ కోల్పోయిన భారత్‌ 11.3: జో రూట్‌ బౌలింగ్‌లో లెగ్‌ బిఫోర్‌ వికెట్‌గా రోహిత్‌ శర్మ(19) వెనుదిరిగాడు. ఫలితంగా టీమిండియా తొలి వికెట్‌ కోల్పోయింది. గిల్‌ క్రీజులోకి వచ్చాడు. స్కోరు: 34-1(12). జైస్వాల్‌ 10 పరుగులతో ఆడుతున్నాడు. బ్యాటింగ్‌ మొదలుపెట్టిన టీమిండియా యశస్వి జైస్వాల్‌, రోహిత్‌ శర్మ భారత రెండో ఇన్నింగ్స్‌ ఆరంభించారు. స్కోరు: 13/0 (4) ఈ క్రమంలో మూడో రోజు ఆటలో భాగంగా తమ స్కోరుకు 112 పరుగులు చేసి ఆలౌట్‌ అయింది. దీంతో 319 పరుగుల వద్ద మొదటి ఇన్నింగ్స్‌ ముగిసింది. టీమిండియా కంటే ఇంగ్లండ్‌ ఇంకా 126 పరుగులు వెనుకబడి ఉంది. ►టీమిండియా తొలి ఇన్నింగ్స్‌- 445 ►ఇంగ్లండ్‌ తొలి ఇన్నింగ్స్‌- 319 పదో వికెట్‌ డౌన్‌ 71.1: సిరాజ్‌ బౌలింగ్‌ ఆండర్సన్‌ బౌల్డ్‌. పదో వికెట్‌గా  ఆండర్సన్‌ వెనుదిరగడంతో... ఇంగ్లండ్‌ తొలి ఇన్నింగ్స్‌కు తెర పడింది. 71.1 ఓవర్లలో 319 పరుగులకు ఇంగ్లండ్‌ ఆలౌట్‌ అయింది.  మరో షాక్‌.. తొమ్మిదో వికెట్‌ కోల్పోయిన ఇంగ్లండ్‌ 70.2: జడేజా బౌలింగ్‌లో టామ్‌ హార్లే(9)ను వికెట్‌ కీపర్‌ ధ్రువ్‌ జురెల్‌ స్టంపౌట్‌ చేశాడు. ఆండర్సన్‌ క్రీజులోకి వచ్చాడు. స్కోరు: 314/9 (70.2) ఎనిమిదో వికెట్‌ డౌన్‌ 69.5: సిరాజ్‌ బౌలింగ్‌లో రెహాన్‌  అహ్మద్‌ బౌల్డ్‌(6). ఎనిమిదో వికెట్‌ కోల్పోయిన ఇంగ్లండ్‌. మార్క్‌ వుడ్‌ క్రీజులోకి వచ్చాడు. హార్లే తొమ్మిది పరుగులతో ఉన్నాడు. ఇంగ్లండ్‌ స్కోరు:  314-8(70) వరుస షాకులు.. ఏడో వికెట్‌ కోల్పోయిన ఇంగ్లండ్‌ స్టోక్స్‌ అవుటైన మరుసటి బంతికే బెన్‌ ఫోక్స్‌ కూడా పెవిలియన్‌ చేరాడు. సిరాజ్‌ బౌలింగ్‌లో రోహిత్‌కు క్యాచ్‌ ఇచ్చి అవుటయ్యాడు. దీంతో ఇంగ్లండ్‌ ఏడో వికెట్‌ కోల్పోయింది. రెహాన్‌ అహ్మద్‌ , టామ్‌ హార్లే క్రీజులో ఉన్నారు. స్కోరు: 299/7 (65.3).టీమిండియా కంటే 146 పరుగులు వెనుకబడి ఉంది. భోజన విరామం తర్వాత వికెట్‌ బెన్‌ స్టోక్స్‌ రూపంలో ఇంగ్లండ్‌ ఆరో వికెట్‌ కోల్పోయింది. జడేజా బౌలింగ్‌లో బుమ్రాకు క్యాచ్‌ ఇచ్చి స్టోక్స్‌ 41 పరుగుల వ్యక్తిగత స్కోరు వద్ద పెవిలియన్‌ చేరాడు.  నిలకడగా ఇంగ్లండ్‌ ఇన్నింగ్స్‌ ఇంగ్లండ్‌ 61వ ఓవర్‌ పూర్తయ్యేసరికి స్టోక్స్‌ 39, ఫోక్స్‌ ఆరు పరుగులతో క్రీజులో ఉన్నారు. ఈ క్రమంలో భోజన విరామ సమయానికి  ఇంగ్లండ్‌ 5 వికెట్ల నష్టానికి 290 పరుగుల వద్ద నిలిచింది. 56వ ఓవర్‌ ముగిసే సరికి ఇలా ఆచితూచి ఆడుతున్న స్టోక్స్‌, ఫోక్స్‌. ఇంగ్లండ్‌ స్కోరు: 275/5 (56). స్టోక్స్‌ 28, ఫోక్స్‌ రెండు పరుగులతో ఆడుతున్నారు. ఐదో వికెట్‌ కోల్పోయిన ఇంగ్లండ్‌ 50.1: ఎట్టకేలకు సెంచరీ వీరుడు బెన్‌ డకెట్‌ అవుటయ్యాడు. కుల్దీప్‌ యాదవ్‌ బౌలింగ్‌లో శుబ్‌మన్‌ గిల్‌కు క్యాచ్‌ ఇచ్చి ఐదో వికెట్‌గా వెనుదిరిగాడు ఈ ఓపెనింగ్‌ బ్యాటర్‌. 151 బంతుల్లోనే 23 ఫోర్లు, ఆరు సిక్సర్ల సాయంతో 153 పరుగులు చేసిన డకెట్‌.. శతకాన్ని ద్విశతకంగా మార్చాలని భావించగా.. కుల్దీప్‌ అతడి జోరుకు బ్రేక్‌ వేశాడు.  బెన్‌ ఫోక్స్‌ క్రీజులోకి వచ్చాడు. స్టోక్స్‌ 20 పరుగులతో ఉన్నాడు. ఇంగ్లండ్‌ స్కోరు:  260-5(51) నిలకడగా ఆడుతున్న డకెట్‌, స్టోక్స్‌ 48 ఓవర్లలో ఇంగ్లండ్‌ స్కోరు: 247/4 . డకెట్‌ 153, స్టోక్స్‌ ఏడు పరుగులతో క్రీజులో ఉన్నారు. టీమిండియా కంటే ఇంగ్లండ్‌ ఇంకా 198 పరుగులు వెనుబడి ఉంది. నాలుగో వికెట్‌ డౌన్‌ ఆట మొదలెట్టిన కాసేపటికే భారత బౌలర్లు ఇంగ్లండ్‌ను దెబ్బకొట్టారు. బుమ్రా రూట్‌ను అవుట్‌ చేయగా.. కుల్దీప్‌ యాదవ్‌ దెబ్బకు బెయిర్‌ స్టో పరుగుల ఖాతా తెరవకుండానే వెనుదిరిగాడు. బెయిర్‌ స్టో రూపంలో ఇంగ్లండ్‌ నాలుగో వికెట్‌ కోల్పోయింది. బెన్‌ స్టోక్స్‌ క్రీజులోకి వచ్చాడు. డకెట్‌ 142 పరుగులతో ఆడుతున్నాడు. స్కోరు: 225-4(41) మూడో వికెట్‌ కోల్పోయిన ఇంగ్లండ్‌ 207/2 ఓవర్‌ నైట్‌ స్కోరుతో శనివారం ఆట మొదలుపెట్టిన కాసేపటికే ఇంగ్లండ్‌ మూడో వికెట్‌ కోల్పోయింది. బుమ్రా బౌలింగ్‌లో జో రూట్‌(18) జైస్వాల్‌కు క్యాచ్‌ ఇచ్చి వెనుదిరిగాడు. జానీ బెయిర్‌ స్టో  క్రీజులోకి వచ్చాడు. బెన్‌ డకెట్‌ 141 పరుగులతో ఆడుతున్నాడు. స్కోరు:  224-3. అశ్విన్‌ లేకుండానే ఇక కీలక స్పిన్నర్‌ రవిచంద్రన్‌ అశ్విన్‌ లేకుండానే భారత్‌ శనివారం బరిలో దిగింది. ఐసీసీ నిబంధనల ప్రకారం.. కన్‌కషన్‌ సబ్‌స్టిట్యూట్‌(ఆటగాడి తలకు దెబ్బతగిలినపుడు), కోవిడ్‌-19 వంటి విపత్కర పరిస్థితుల్లో మాత్రమే మ్యాచ్‌ మధ్యలో వైదొలిగిన ఆటగాడి స్థానాన్ని భర్తీ చేయాలి. అది కూడా సదరు సబ్‌స్టిట్యూట్‌ ఫీల్డింగ్‌ వరకు మాత్రమే పరిమితం కావాల్సి ఉంటుంది. అయితే, అశ్విన్‌ తన తల్లి అనారోగ్య కారణాల దృష్ట్యా వైదొలిగినందున అతడి స్థానంలో వేరే ప్లేయర్‌ను తీసుకునే అవకాశం లేదు. ఫలితంగా మూడో రోజు ఆటలో టీమిండియా పది మంది యాక్టివ్‌ ప్లేయర్లతో మైదానంలో దిగింది. రెండో రోజు హైలైట్స్‌ ►ఇంగ్లండ్‌ ఓపెనర్‌ బెన్‌ డకెట్‌ మెరుపు సెంచరీ ►తొలి ఇన్నింగ్స్‌లో 207/2 ►భారత్‌ 445 ఆలౌట్‌ ►అశ్విన్‌కు 500వ వికెట్‌  తుదిజట్లు: భారత్‌ యశస్వి జైస్వాల్, రోహిత్ శర్మ(కెప్టెన్‌), శుభమన్ గిల్, రజత్ పాటిదార్‌, సర్ఫరాజ్ ఖాన్(అరంగేట్రం), రవీంద్ర జడేజా, ధృవ్ జురెల్(వికెట్‌ కీపర్‌- అరంగేట్రం), కుల్దీప్ యాదవ్, జస్‌ప్రీత్‌ బుమ్రా, మహ్మద్ సిరాజ్. ఇంగ్లండ్: జాక్ క్రాలే, బెన్ డకెట్, ఆలీ పోప్, జో రూట్, జానీ బెయిర్‌స్టో, బెన్ స్టోక్స్(కెప్టెన్‌), బెన్ ఫోక్స్(వికెట్‌ కీపర్‌), రెహాన్ అహ్మద్, టామ్ హార్లే, మార్క్ వుడ్, జేమ్స్ ఆండర్సన్.

India vs England 3rd Test Day 2 Updates: టీమిండియా- ఇంగ్లండ్‌ మధ్య రాజ్‌కోట్‌ టెస్టులో రెండో రోజు ఆట ముగిసింది. టీమిండియా 445 పరుగులకు ఆలౌట్‌ కాగా.. అనంతరం ఇంగ్లండ్‌ తమ తొలి ఇన్నింగ్స్‌ మొదలుపెట్టింది. ఈ క్రమంలో.. శుక్రవారం నాటి ఆట పూర్తయ్యే సరికి ఇంగ్లండ్‌ 35 ఓవర్లలో రెండు వికెట్ల నష్టానికి 207 పరుగులు చేసింది.  టీమిండియా కంటే 238 పరుగులు వెనుకబడి ఉంది. ఓపెనర్‌, సెంచరీ వీరుడు బెన్‌ డకెట్‌ 133, నాలుగో నంబర్‌ బ్యాటర్‌ జో రూట్‌ 9 పరుగులతో క్రీజులో ఉన్నారు. అంతకు ముందు భారత ఆటగాళ్లలో ధ్రువ్‌ జురెల్‌(46), జస్‌ప్రీత్‌ బుమ్రా(28 బంతుల్లో 26 పరుగులు) బ్యాటింగ్‌తో ఆకట్టుకున్నారు. టీమిండియా తొలి ఇన్నింగ్స్‌లో 445 పరుగులు చేయగా.. ఇంగ్లండ్‌ బౌలర్లలో మార్క్‌ వుడ్‌ అత్యధికంగా నాలుగు, రెహాన్‌ అహ్మద్‌ రెండు.. అదే విధంగా జేమ్స్‌ ఆండర్సన్‌ , టామ్‌ హార్లే, జో రూట్‌ ఒక్కో వికెట్‌ తీశారు.   రెండు వందల పరుగుల మార్కు అందుకున్న ఇంగ్లండ్‌ 34: డకెట్‌ 131, జో రూట్‌ 4 పరుగులతో క్రీజులో ఉన్నారు. రెండో వికెట్‌ కోల్పోయిన ఇంగ్లండ్‌ 29.6: సిరాజ్‌ బౌలింగ్‌లో ఒలీ పోప్‌(39) ఎల్బీడబ్ల్యూగా వెనుదిరిగాడు. దీంతో ఇంగ్లండ్‌ రెండో వికెట్‌ కోల్పోయింది. జో రూట్‌ క్రీజులోకి వచ్చాడు. స్కోరు: 182-2(30). బెన్‌ డకెట్‌ సెంచరీ 25.5: సిరాజ్‌ బౌలింగ్‌లో ఫోర్‌ బాది ఇంగ్లండ్‌ ఓపెనర్‌ బెన్‌ డకెట్‌ సెంచరీ పూర్తి చేసుకున్నాడు. ఇంగ్లండ్‌ స్కోరు: 148-1(26). డకెట్‌ 106, పోప్‌ 20 పరుగులతో క్రీజులో ఉన్నారు. 20వ ఓవర్‌ ముగిసే సరికి ఇంగ్లండ్‌ స్కోరు:115/1 (20) డకెట్‌ 78, పోప్‌ 16 పరుగులతో క్రీజులో ఉన్నారు.  తొలి వికెట్‌ కోల్పోయిన ఇంగ్లండ్‌.. 500 వికెట్ల క్లబ్‌లో అశ్విన్‌ 89 పరుగుల వద్ద ఇంగ్లండ్‌ తొలి వికెట్‌ కోల్పోయింది. అశ్విన్‌ బౌలింగ్‌లో రజత్‌ పాటిదార్‌కు క్యాచ్‌ ఇచ్చి జాక్‌ క్రాలే (15) ఔటయ్యాడు. అశ్విన్‌కు ఇది 500వ టెస్ట్‌ వికెట్‌. బెన్‌ డకెట్‌కు (68) జతగా ఓలీ పోప్‌ క్రీజ్‌లోకి వచ్చాడు. Etched in history🎯5⃣0⃣0⃣*#INDvENGpic.twitter.com/vKKoMxlPDM — Chennai Super Kings (@ChennaiIPL) February 16, 2024 టీ బ్రేక్‌ సమయానికి ఇంగ్లండ్‌ స్కోరు: 31/0 (6) డకెట్‌ 19, క్రాలే 6 పరుగులతో క్రీజులో ఉన్నారు.  5 ఓవర్లలో ఇంగ్లండ్‌ స్కోరు: 25-0 డకెట్‌ 14, క్రాలే ఐదు పరుగులతో క్రీజులో ఉన్నారు. ముగిసిన టీమిండియా  తొలి ఇన్నింగ్స్‌ 326/5 ఓవర్‌నైట్‌ స్కోరుతో భారత జట్టు శుక్రవారం నాటి ఆట మొదలుపెట్టింది. ఆరంభంలోనే కుల్దీప్‌ యాదవ్‌(4), రవీంద్ర జడేజా(112) వికెట్లు కోల్పోయింది టీమిండియా. ఈ క్రమంలో ధ్రువ్‌ జురెల్‌(46), రవిచంద్రన్‌ అశ్విన్‌(37) ఇన్నింగ్స్‌ను మళ్లీ గాడిన పడేశారు. చివర్లో బుమ్రా 28 బంతుల్లో 26 పరుగులు(3 ఫోర్లు, ఒక సిక్స్‌) చేసి మెరుపు ఇన్నింగ్స్‌ ఆడాడు. అయితే, మార్క్‌ వుడ్‌ బౌలింగ్‌లో బుమ్రా ఎల్బీడబ్ల్యూగా వెనుదిరగడంతో టీమిండియా ఆఖరి వికెట్‌ కోల్పోయింది. 130.5 ఓవర్లలో 445 పరుగుల వద్ద తొలి ఇన్నింగ్స్‌ ముగించింది. ఇంగ్లండ్‌ బౌలర్లలో పేసర్లు మార్క్‌ వుడ్‌ 4, ఆండర్సన్‌ ఒకటి.. స్పిన్నర్లు రెహాన్‌ అహ్మద్‌ రెండు, టామ్‌ హార్లే ఒకటి, జో రూట్‌ ఒక వికెట్‌ దక్కించుకున్నారు. 💥 goes Bumrah, this time with the BAT 🤩#INDvENG #JioCinemaSports #BazBowled #IDFCFirstBankTestSerie pic.twitter.com/zq1VB1vmZw — JioCinema (@JioCinema) February 16, 2024 తొమ్మిదో వికెట్‌ కోల్పోయిన టీమిండియా 123.5: హాఫ్‌ సెంచరీకి చేరువలో ఉన్న అరంగేట్ర ఆటగాడు ధ్రువ్‌ జురెల్‌ అవుటయ్యాడు. 46 పరుగుల వ్యక్తిగత స్కోరు వద్ద రెహాన్‌ అహ్మద్‌ బౌలింగ్‌లో వికెట్‌ కీపర్‌ క్యాచ్‌గా వెనుదిరిగాడు. ఫలితంగా టీమిండియా తొమ్మిదో వికెట్‌ కోల్పోయింది. మహ్మద్‌ సిరాజ్‌ క్రీజులోకి వచ్చాడు. స్కోరు: 415/9 (124) ఎనిమిదో వికెట్‌ డౌన్‌ 119.6: అశ్విర్‌ రూపంలో టీమిండియా ఎనిమిదో వికెట్‌ కోల్పోయింది. రెహాన్‌ అహ్మద్‌ బౌలింగ్‌లో ఆండర్సన్‌కు క్యాచ్‌ ఇచ్చి అశూ(37) నిష్క్రమించాడు. జస్‌ప్రీత్‌ బుమ్రా క్రీజులోకి వచ్చాడు. జురెల్‌ 39 పరుగులతో ఆడుతున్నాడు. స్కోరు:  408-89(120). నాలుగు వందల పరుగుల మార్కు అందుకున్న టీమిండియా అశ్విన్‌ 36, జురెల్‌ 32 పరుగులతో నిలకడగా ఆడుతున్నారు. భారత్‌ స్కోరు 400-7(117) లంచ్‌ బ్రేక్‌ ఇంగ్లండ్‌తో మూడో టెస్టు రెండో రోజు భోజన విరామ సమయానికి టీమిండియా 7 వికెట్ల నష్టానికి 388 పరుగుల వద్ద నిలిచింది. ఆల్‌రౌండర్‌ అశ్విన్‌ 25, అరంగేట్ర వికెట్‌ కీపర్‌ ధ్రువ్‌ జురెల్‌ 31 పరుగులతో క్రీజులో ఉన్నారు. వీరిద్దరూ కలిసి ప్రస్తుతం 133 బంతుల్లో 57 పరుగుల భాగస్వామ్యం నెలకొల్పారు. 109 ఓవర్లలో టీమిండియా స్కోరు:  375-7 అశ్విన్‌ 24, జురుల్‌ 20 పరుగులతో ఆడుతున్నారు. 110 బంతుల్లో 44 పరుగుల భాగస్వామ్యం నెలకొల్పి నిలకడగా ముందుకు సాగుతున్నారు. ఆచితూచి ఆడుతున్న అశ్విన్‌, జురెల్‌ రెండోరోజు ఆదిలోనే రెండు వికెట్లు కోల్పోవడంతో టీమిండియా ఆటగాళ్లు ఆల్‌రౌండర్‌ అశ్విన్‌, వికెట్‌ కీపర్‌ ధ్రువ్‌ జురెల్‌ ఆచితూచి ఆడుతున్నారు. వికెట్‌ పడకుండా జాగ్రత్త పడుతూ.. అశూ 18, జురెల్‌ 10 పరుగులతో క్రీజులో ఉన్నారు. స్కోరు: 359/7 (103) ఏడో వికెట్‌ డౌన్‌ సెంచరీ వీరుడు రవీంద్ర జడేజా రూపంలో టీమిండియా ఏడో వికెట్‌ కోల్పోయింది. జో రూట్‌ బౌలింగ్‌లో 112 పరుగుల వ్యక్తిగత స్కోరు వద్ద జడ్డూ బౌల్డ్‌ అయ్యాడు. రవిచంద్రన్‌ అశ్విన్‌ క్రీజులోకి వచ్చాడు. స్కోరు: 331-7(91) ఆరో వికెట్‌ కోల్పోయిన టీమిండియా రెండో రోజు ఆట ఆరంభమైన కాసేపటికే టీమిండియాకు షాకిచ్చాడు ఇంగ్లండ్‌ పేసర్‌ జేమ్స్‌ ఆండర్సన్‌. అతడి బౌలింగ్‌లో కుల్దీప్‌ యాదవ్‌ 4 పరుగుల వ్యక్తిగత స్కోరు వద్ద అవుటయ్యాడు. ధ్రువ్‌ జురెల్‌ క్రీజులోకి వచ్చాడు. స్కోరు: 331/6 (90)  మొదటిరోజు హైలైట్స్‌ రోహిత్ శర్మ(131), రవీంద్ర జడేజా(110- నాటౌట్‌) సెంచరీలు అరంగేట్రంలోనే అర్ధ సెంచరీతో అదరగొట్టిన సర్ఫరాజ్‌(62) వీలుకాని పరుగుకు పిలుపునిచ్చిన జడేజా కారణంగా సర్ఫరాజ్‌ రనౌట్‌ ఇంగ్లండ్‌ బౌలర్లలో పేసర్‌ మార్క్‌వుడ్‌కు మూడు, స్పిన్నర్‌ టామ్‌ హార్లేకు ఒక వికెట్‌ కుల్దీప్‌ యాదవ్‌ 1, రవీంద్ర జడేజా 110 పరుగులతో క్రీజులో ఉన్నారు. తుదిజట్లు: భారత్‌ యశస్వి జైస్వాల్, రోహిత్ శర్మ(కెప్టెన్‌), శుభమన్ గిల్, రజత్ పాటిదార్‌, సర్ఫరాజ్ ఖాన్(అరంగేట్రం), రవీంద్ర జడేజా, ధృవ్ జురెల్(వికెట్‌ కీపర్‌- అరంగేట్రం), రవిచంద్రన్ అశ్విన్, కుల్దీప్ యాదవ్, జస్‌ప్రీత్‌ బుమ్రా, మహ్మద్ సిరాజ్. ఇంగ్లండ్: జాక్ క్రాలే, బెన్ డకెట్, ఆలీ పోప్, జో రూట్, జానీ బెయిర్‌స్టో, బెన్ స్టోక్స్(కెప్టెన్‌), బెన్ ఫోక్స్(వికెట్‌ కీపర్‌), రెహాన్ అహ్మద్, టామ్ హార్లే, మార్క్ వుడ్, జేమ్స్ ఆండర్సన్.

India vs England 3rd Test 2024- 3rd Test Day 1 Updates: ఇంగ్లండ్‌తో రాజ్‌కోట్‌ టెస్టులో టాస్‌ గెలిచిన టీమిండియా తొలుత బ్యాటింగ్‌ చేస్తోంది. గురువారం నాటి ఆట పూర్తయ్యేసరికి 86 ఓవర్లలో ఐదు వికెట్ల నష్టానికి టీమిండియా 326 పరుగులు స్కోరు చేసింది. కెప్టెన్‌ రోహిత్‌ శర్మ(131), ఆల్‌రౌండర్‌ రవీంద్ర జడేజా(110- నాటౌట్‌) శతకాలతో మెరిశారు. అయితే, అరంగేట్ర బ్యాటర్‌ సర్ఫరాజ్‌ ఖాన్‌ మెరుపు హాఫ్‌ సెంచరీతో మ్యాచ్‌కే హైలైట్‌గా నిలిచాడు. కానీ దురదృష్టవశాత్తూ జడేజాతో సమన్వయలోపం కారణంగా రనౌట్‌ అయ్యాడు. 62 పరుగుల వ్యక్తిగత స్కోరు వద్ద నిష్క్రమించాడు. ఇక ఈ మ్యాచ్‌లో ఓపెనర్‌ యశస్వి జైస్వాల్‌(10), శుబ్‌మన్‌ గిల్‌(0), రజత్‌ పాటిదార్‌(5) పూర్తిగా నిరాశపరిచారు. ఇంగ్లండ్‌ బౌలర్లలో పేసర్‌ మార్క్‌ వుడ్‌ మూడు వికెట్లు తీయగా.. స్పిన్నర్‌ టామ్‌ హార్లేకు ఒక వికెట్‌ దక్కింది. మొత్తానికి మూడో టెస్టు తొలి రోజు ఆటలో ఆరంభంలో టీమిండియా తడబడినా.. రోహిత్‌, జడ్డూ, సర్ఫరాజ్‌ ఇన్నింగ్స్‌ కారణంగా పుంజుకుని ఆధిపత్యం కనబరిచిందని చెప్పవచ్చు. జడ్డూ 110, కుల్దీప్‌ యాదవ్‌ ఒక పరుగుతో క్రీజులో ఉన్నారు. 𝑹𝒂𝒋𝒌𝒐𝒕 𝒌𝒂 𝑹𝒂𝑱𝒂 👑 Jadeja slams his fourth Test 💯 to keep #TeamIndia on the front foot ⚡#INDvENG #BazBowled #JioCinemaSports #TeamIndia #IDFCFirstBankTestSeries pic.twitter.com/RSHDu8MMAD — JioCinema (@JioCinema) February 15, 2024 జడేజా సెంచరీ రవీంద్ర జడేజా సెంచరీ పూర్తి చేసుకున్నాడు. టీమిండియా స్కోరు: 315-5(82). కుల్దీప్‌ సున్నా పరుగులతో క్రీజులో ఉన్నాడు. సర్ఫరాజ్‌ రనౌట్‌.. ఐదో వికెట్‌ డౌన్‌ 81.5: జడ్డూతో సమన్వయ లోపం కారణంగా సర్ఫరాజ్‌ ఖాన్‌ దురదృష్టవశాత్తూ రనౌట్‌ అయ్యాడు. 66 బంతుల్లోనే 62 పరుగులు చేసి జోష్‌లో ఉన్న అతడు నిరాశగా పెవిలియన్‌ చేరాడు. కుల్దీప్‌ యాదవ్‌ క్రీజులోకి వచ్చాడు. అరంగేట్రంలోనే హాఫ్‌ సెంచరీ సర్ఫరాజ్‌ ఖాన్‌ అరంగేట్రంలో అదరగొట్టాడు. 48 బంతుల్లోనే హాఫ్‌ సెంచరీ మార్కు అందుకున్నాడు. సర్ఫరాజ్‌ ఖాన్‌ ధనాధన్‌ ఇన్నింగ్స్‌ అరంగేట్ర బ్యాటర్‌ సర్ఫరాజ్‌ ఖాన్‌ ధనాధన్‌ ఇన్నింగ్స్‌ ఆడుతున్నాడు. 45 బంతుల్లోనే 7 ఫోర్ల సాయంతో 43 పరుగులు సాధించి అర్ధ శతకానికి చేరువయ్యాడు. మరోవైపు.. జడ్డూ 95 పరుగులతో ఆడుతున్నాడు. స్కోరు: 291/4 (76)  66 ఓవర్లు ముగిసే సరికి టీమిండియా స్కోరు: 242-4 జడేజా 86, సర్ఫరాజ్‌ మూడు పరుగులతో క్రీజులో ఉన్నారు. రోహిత్‌ శర్మ అవుట్‌ 63.3: ‍సెంచరీ వీరుడు రోహిత్‌ శర్మ(131) రూపంలో టీమిండియా నాలుగో వికెట్‌ కోల్పోయింది. ఇంగ్లండ్‌ పేసర్‌ మార్క్‌ వుడ్‌ బౌలింగ్‌లో హిట్‌మ్యాన్‌ కెప్టెన్‌ ఇన్నింగ్స్‌కు తెరపడింది.‍ అరంగేట్ర బ్యాటర్‌ సర్ఫరాజ్‌ ఖాన్‌ క్రీజులోకి వచ్చాడు. సెంచరీ పూర్తి చేసిన రోహిత్‌ శర్మ  టీమిండియా కెప్టెన్‌ రోహిత్‌ శర్మ చాలాకాలం తర్వాత టెస్ట్‌ల్లో సెంచరీ చేశాడు. ఇంగ్లండ్‌తో జరుగుతున్న మూడో టెస్ట్‌లో హిట్‌మ్యాన్‌ 157 బంతుల్లో 11 ఫోర్లు, 2 సిక్సర్ల సాయంతో కెరీర్‌లో 11వ సెంచరీ పూర్తి చేశాడు. హిట్‌మ్యాన్‌తో పాటు జడేజా (68) క్రీజ్‌లో ఉన్నాడు. భారత్‌ స్కోర్‌ 190/3గా ఉంది. టీ బ్రేక్‌ సమయానికి టీమిండియా స్కోరు: 185/3 (52) రోహిత్‌ శర్మ సెంచరీకి మూడు పరుగుల దూరంలో ఉండగా.. జడేజా 68 పరుగులతో ఆడుతున్నాడు. జడ్డూ హాఫ్‌ సెంచరీ గాయం కారణంగా జట్టుకు దూరమై మూడో టెస్టుతో తిరిగి వచ్చిన స్పిన్‌ ఆల్‌రౌండర్‌ రవీంద్ర జడేజా అర్ధ శతకంతో మెరిశాడు. 33 పరుగులకే మూడు వికెట్లు కోల్పోయి కష్టాల్లో పడ్డ టీమిండియాను ఆదుకునే క్రమంలో విలువైన యాభై పరుగులు జత చేశాడు. టెస్టుల్లో అతడికి 21వ ఫిఫ్టీ. ఈ క్రమంలో తనదైన శైలిలో కత్తిసాము చేస్తున్నట్లుగా సెలబ్రేడ్‌ చేసుకున్నాడు జడ్డూ. రోహిత్‌ 79 పరుగులతో ఆడుతున్నాడు. టీమిండియా స్కోరు: 150/3 (44) వందకు పైగా పరుగుల భాగస్వామ్యం 33 పరుగులకే 3 వికెట్లు కోల్పోయి కష్టాల్లో పడ్డ టీమిండియాను కెప్టెన్‌ రోహిత్‌ శర్మ, ఆల్‌రౌండర్‌ రవీంద్ర జడేజా ఆదుకుంటున్నారు. తొలి రోజు 41 ఓవర్ల ఆట పూర్తయ్యే సరికి 110 పరుగుల భాగస్వామ్యం నెలకొల్పారు. రోహిత్‌ 77, జడ్డూ 47 పరుగులతో నిలకడగా ఆడుతున్నారు. నిలకడగా ఆడుతున్న రోహిత్‌, జడ్డూ  రోహిత్‌ శర్మ 53, రవీంద్ర జడేజా 39 పరుగులతో నిలకడగా ఆడుతున్నారు. స్కోరు: 111/3 (32)  సెంచరీ కొట్టిన టీమిండియా రోహిత్‌ శర్మ 52, రవీంద్ర జడేజా 31 పరుగులతో నిలకడగా ఆడుతున్నారు. వీరిద్దరి మెరుగైన భాగస్వామ్యం కారణంగా టీమిండియా వంద పరుగుల మార్కును అందుకుంది. స్కోరు: 100-3(26) లంచ్‌ బ్రేక్‌ రోహిత్‌ శర్మ 52, రవీంద్ర జడేజా 24 పరుగులతో క్రీజులో ఉన్నారు. భోజన విరామ సమయానికి టీమిండియా స్కోరు: : 93/3 (25) రోహిత్‌ శర్మ అర్ధ శతకం 22.5: టామ్‌ హార్లే బౌలింగ్‌లో రెండు పరుగులు తీసి భారత సారథి రోహిత్‌ శర్మ అర్ధ శతకం పూర్తి చేసుకున్నాడు. రోహిత్‌ 51, జడ్డూ 13 పరుగులతో క్రీజులో ఉన్నారు. స్కోరు: 81-3(23). టీమిండియా హాఫ్‌ సెంచరీ 13.2: ఆండర్సన్‌ బౌలింగ్‌ రవీంద్ర జడేజా ఒక పరుగు తీయడంతో.. టీమిండియా 50 పరుగుల మార్కు అందుకుంది. జడ్డూ 4, రోహిత్‌ 29 పరుగులతో క్రీజులో ఉన్నారు. మూడో వికెట్‌ డౌన్‌ 8.5: రజత్‌ పాటిదార్‌ రూపంలో టీమిండియా మూడో వికెట్‌ కోల్పోయింది. ఇంగ్లండ్‌ స్పిన్నర్‌ టామ్‌ హార్లీ బౌలింగ్‌లో.. 5 పరుగుల వ్యక్తిగత స్కోరు వద్ద రజత్‌ అవుటయ్యాడు. రోహిత్‌ శర్మ 17, రవీంద్ర జడేజా 0 పరుగులతో క్రీజులో ఉన్నారు. స్కోరు:  33-3(9) రెండో వికెట్‌ కోల్పోయిన భారత్‌ 5.4: ఇంగ్లండ్‌ పేసర్‌ మార్క్‌ వుడ్‌ టీమిండియాను మరోసారి దెబ్బకొట్టాడు. భారత వన్‌డౌన్‌ బ్యాటర్‌ శుబ్‌మన్‌ గిల్‌ను అవుట్‌ చేశాడు. ఫలితంగా టీమిండియా రెండో వికెట్‌ కోల్పోయింది. తొమ్మిది బంతులు ఎదుర్కొన్న గిల్‌ పరుగుల ఖాతా తెరవకుండానే డకౌట్‌గా వెనుదిరిగాడు. రజత్‌ పాటిదార్‌ క్రీజులోకి వచ్చాడు. స్కోరు: 24/2 (6) తొలి వికెట్‌ కోల్పోయిన టీమిండియా 3.5: యశస్వి జైస్వాల్‌ రూపంలో టీమిండియా తొలి వికెట్‌ కోల్పోయింది. మార్క్‌వుడ్‌ బౌలింగ్‌లో ఈ లెఫ్టాండ్‌ బ్యాటర్‌ జో రూట్‌కు క్యాచ్‌ ఇచ్చి పెవిలియన్‌ చేరాడు. 10 బంతులు ఎదుర్కొన్న యశస్వి 10 పరుగులు చేసి మైదానం వీడాడు. శుబ్‌మన్‌ గిల్‌ క్రీజులోకి వచ్చాడు. 4 ఓవర్లలో భారత్‌ స్కోరు: 22-1 మొదటి ఓవర్లో భారత్‌ స్కోరు:  6-0 రోహిత్‌ శర్మ, యశస్వి జైస్వాల్‌ టీమిండియా ఇన్నింగ్స్‌ ఆరంభించారు. వాళ్లిద్దరి అరంగేట్రం టీమిండియా- ఇంగ్లండ్‌ మధ్య మూడో టెస్టు మొదలైంది. రాజ్‌కోట్‌ వేదికగా గురువారం ఆరంభమైన ఈ మ్యాచ్‌లో టాస్‌ గెలిచిన భారత్‌ తొలుత బ్యాటింగ్‌ చేస్తోంది. ఈ టెస్టు ద్వారా ముంబై బ్యాటర్‌ సర్ఫరాజ్‌ ఖాన్‌, ఉత్తరప్రదేశ్‌ వికెట్‌ కీపర్‌ ధ్రువ్‌ జురెల్‌ అంతర్జాతీయ క్రికెట్‌లో అడుగుపెట్టారు. తుదిజట్లు: టీమిండియా: యశస్వి జైస్వాల్, రోహిత్ శర్మ(కెప్టెన్‌), శుభమన్ గిల్, రజత్ పాటీదార్‌, సర్ఫరాజ్ ఖాన్, రవీంద్ర జడేజా, ధృవ్ జురెల్(వికెట్‌ కీపర్‌), రవిచంద్రన్ అశ్విన్, కుల్దీప్ యాదవ్, జస్ప్రీత్ బుమ్రా, మహ్మద్ సిరాజ్ ఇంగ్లండ్: జాక్ క్రాలే, బెన్ డకెట్, ఆలీ పోప్, జో రూట్, జానీ బెయిర్‌స్టో, బెన్ స్టోక్స్(కెప్టెన్‌), బెన్ ఫోక్స్(వికెట్‌ కీపర్‌), రెహాన్ అహ్మద్, టామ్ హార్లే, మార్క్ వుడ్, జేమ్స్ ఆండర్సన్.

భారత్‌-ఇంగ్లండ్‌ జట్ల మధ్య రాజ్‌కోట్‌ వేదికగా రేపటి నుంచి ప్రారంభంకాబోయే మూడో టెస్ట్‌ మ్యాచ్‌ ముగ్గురు ఆటగాళ్లకు చాలా ప్రత్యేకంగా మారింది. రేపటి మ్యాచ్‌లో భారత వెటరన్‌ రవిచంద్రన్‌ అశ్విన్‌ మరో వికెట్‌ తీస్తే టెస్ట్‌ల్లో 500 వికెట్ల అరుదైన మైలురాయిని చేరుకోనుండగా.. ఇదే మ్యాచ్‌లో ఇంగ్లండ్‌ వెటరన్‌ పేసర్‌ జిమ్మీ​ ఆండర్సన్‌ మరో ఐదు వికెట్లు తీస్తే టెస్ట్‌ల్లో 700 వికెట్ల అత్యంత అరుదైన మైలురాయిని చేరుకుంటాడు. రేపటి మ్యాచ్‌ ఇంగ్లండ్‌ కెప్టెన్‌ బెన్‌ స్టోక్స్‌కు 100వ టెస్ట్‌ కావడంతో ఈ మ్యాచ్‌ అతనికి చిరకాలం గుర్తిండిపోతుంది. ఈ మూడు ప్రత్యేకతలే కాకుండా  రేపటి మ్యాచ్‌ ఇద్దరు టీమిండియా ఆటగాళ్లకు చిరస్మరణీయంగా మారే అవకాశం ఉంది. రాజ్‌కోట్‌ టెస్ట్‌తో యువ ఆటగాళ్లు సర్ఫరాజ్‌ అహ్మద్‌, దృవ్‌ జురెల్‌ టెస్ట్‌ అరంగేట్రం చేయడం దాదాపుగా ఖరారైపోయింది. ఆఖరి నిమిషంలో ఏదైనా జరిగితే తప్ప ఈ ఇద్దరి టెస్ట్‌ అరంగేట్రాన్ని ఎవ్వరూ ఆపలేరు. ఇలా  రేపటి నుంచి ప్రారంభంకాబోయే రాజ్‌కోట్‌ టెస్ట్‌ మ్యాచ్‌ ఐదుగురు ఆటగాళ్లకు చాలా ప్రత్యేకంగా మారనుంది.  ఇదిలా ఉంటే, భారత్‌-ఇంగ్లండ్‌ జట్ల మధ్య ఐదు మ్యాచ్‌ల సిరీస్‌లో ఇరు జట్లు చెరో మ్యాచ్‌లో గెలిచిన విషయం​ తెలిసిందే. హైదరాబాద్‌ వేదికగా జరిగిన మ్యాచ్‌లో ఇంగ్లండ్‌ గెలువగా.. విశాఖ వేదికగా జరిగిన రెండో టెస్ట్‌లో టీమిండియా విజయం​ సాధించింది. ఈ సిరీస్‌లో ఇరు జట్లు సమంగా ఉండటంతో రాజ్‌కోట్‌ మ్యాచ్‌ ఆసక్తికరంగా మారింది. ఈ మ్యాచ్‌లో గెలిచి ఆధిక్యతను పెంచుకోవాలని ఇరు జట్లు భావిస్తున్నాయి. టీమిండియాను సీనియర్ల గైర్హాజరీ సమస్య కలవరపెడుతున్నప్పటికీ యువ ఆటగాళ్లు ఉత్సాహంగా కనిపిస్తూ గెలుపుపై ఆశలు సజీవంగా ఉంచారు. మరోపక్క ఇంగ్లండ్‌ టీమ్‌​.. భారత్‌ను దెబ్బకొట్టేందుకు ఇదే సరైన సమయమని భావిస్తూ ప్రణాళికలు రచిస్తుంది. మరి రేపటి నుంచి ప్రారంభంకాబోయే మ్యాచ్‌లో ఏ జట్టు పైచేయి సాధిస్తుందో వేచి చూడాలి.

India vs England, 3rd Test: టీమిండియాతో మూడో టెస్టుకు ఇంగ్లండ్‌ తమ తుదిజట్టును ప్రకటించింది. రాజ్‌కోట్‌ మ్యాచ్‌లో తాము ఒక మార్పుతో బరిలోకి దిగనున్నట్లు వెల్లడించింది. ఈ మేరకు బుధవారం ప్రకటన విడుదల చేసింది. కాగా యువ స్పిన్నర్‌ షోయబ్‌ బషీర్‌పై వేటు పడగా.. రైటార్మ్‌ పేసర్‌ మార్క్‌ వుడ్‌ తిరిగి జట్టులో చోటు దక్కించుకున్నాడు. ఇక ఐదు మ్యాచ్‌ల సిరీస్‌లో భాగంగా హైదరాబాద్‌లో జరిగిన తొలి టెస్టులో ఇంగ్లండ్‌ గెలుపొందిన విషయం తెలిసిందే. ఈ మ్యాచ్‌లో.. ఒకే ఒక్క ఫాస్ట్‌బౌలర్‌ మార్క వుడ్‌తో బరిలోకి దిగిన ఇంగ్లండ్‌.. తర్వాతి మ్యాచ్‌లో దిగ్గజ బౌలర్‌ జేమ్స్‌ ఆండర్సన్‌కు పిలుపునిచ్చింది. మార్క్‌వుడ్‌ స్థానాన్ని ఆండర్సన్‌తో భర్తీ చేయడంతో పాటు.. గాయపడిన సీనియర్‌ స్పిన్నర్‌ జాక్‌ లీచ్‌ స్థానంలో షోయబ్‌ బషీర్‌తో అరంగేట్రం చేయించింది. ఈసారి ఇద్దరు పేసర్లతో ఈ క్రమంలో విశాఖపట్నంలో జరిగిన రెండో టెస్టులో ఆండర్సన్‌ ఐదు వికెట్లు తీయగా.. బషీర్‌ నాలుగు వికెట్లతో అదరగొట్టాడు. కానీ ఈ మ్యాచ్‌లో టీమిండియా చేతిలో ఇంగ్లండ్‌ 106 పరుగుల తేడాతో చిత్తుగా ఓడింది. ఈ నేపథ్యంలో.. రాజ్‌కోట్‌ వేదికగా ఇద్దరు ఫాస్ట్‌బౌలర్లతో బరిలో దిగాలని భావించిన ఇంగ్లండ్‌.. బషీర్‌పై వేటు వేసి మార్క్‌ వుడ్‌ను మళ్లీ పిలిపించింది. ఇక టీమిండియా- ఇంగ్లండ్‌ మధ్య గురువారం(ఫిబ్రవరి 15) నుంచి గుజరాత్‌లోని రాజ్‌కోట్‌ వేదికగా మూడో టెస్టు ఆరంభం కానుంది. టీమిండియాతో మూడో టెస్టుకు ఇంగ్లండ్‌ తుది జట్టు: జాక్ క్రాలీ, బెన్ డకెట్, ఓలీ పోప్, జో రూట్, జానీ బెయిర్‌ స్టో, బెన్ స్టోక్స్ (కెప్టెన్), బెన్ ఫోక్స్, రెహాన్ అహ్మద్, టామ్ హార్లే, మార్క్ వుడ్, జేమ్స్ అండర్సన్. చదవండి: Virat Kohli-Anushka Sharma: ఓ బ్యాడ్‌ న్యూస్‌.. ఓ ‘గుడ్‌’ న్యూస్‌!

మార్చి 7, 8 తేదీల్లో నలుగురు అంతర్జాతీయ క్రికెటర్లు సెంచరీలు కొట్టనున్నారు. ఇదేంటని అనుకుంటున్నారా..? అయితే ఇది చూడండి. పై పేర్కొన్న తేదీల్లో ఓ భారత ఆటగాడు, ఓ ఇంగ్లండ్‌ ఆటగాడు, ఇద్దరు న్యూజిలాండ్‌ ఆటగాళ్లు టెస్ట్‌ల్లో వందో మ్యాచ్‌ ఆడనున్నారు. భారత్‌-ఇంగ్లండ్‌ జట్ల మధ్య మార్చి 7న మొదలయ్యే ఐదో టెస్ట్‌ మ్యాచ్‌ రవిచంద్రన్‌ అశ్విన్‌, జానీ బెయిర్‌స్టోలకు వందో టెస్ట్‌ మ్యాచ్‌ కానుండగా.. న్యూజిలాండ్‌-ఆస్ట్రేలియా జట్ల మధ్య మార్చి 8న మొదలయ్యే రెండో టెస్ట్‌ మ్యాచ్‌ కివీస్‌ ఆటగాళ్లు కేన్‌ విలియమ్సన్‌, టిమ్‌ సౌథీలకు సెంచరీ మ్యాచ్‌ అవుతుంది. ఈ తేదీల కంటే ముందు ఫిబ్రవరి 15న మరో ఆటగాడు కూడా సెంచరీ టెస్ట్‌ మ్యాచ్‌ ఆడనున్నాడు. భారత్‌-ఇంగ్లండ్‌ మధ్య మూడో టెస్ట్‌ మ్యాచ్‌ ఇంగ్లండ్‌ సారధి బెన్‌ స్టోక్స్‌కు వందో టెస్ట్‌ మ్యాచ్‌ కానుంది. రోజుల వ్యవధిలో ఐదుగురు ఆటగాళ్లు వంద టెస్ట్‌ల మార్కును తాకడం చాలా అరుదుగా జరుగుతుంది. ఈ ఆటగాళ్లతో పాటు మరికొందరు శతాధిక టెస్ట్‌ ప్లేయర్లు ఒకేసారి రిటైరైతే టెస్ట్‌ క్రికెట్‌లో ఓ శకం ముగిసినట్లవుతుంది. నేటి వరకు (ఫిబ్రవరి 13) పై పేర్కొన్న ఐదుగురు ఆటగాళ్ల గణాంకాలు ఇలా ఉన్నాయి.   బెన్‌ స్టోక్స్‌- 99 టెస్ట్‌ల్లో 13 సెంచరీలు, 6251 పరుగులు, 197 వికెట్లు జానీ బెయిర్‌స్టో- 97 టెస్ట్‌ల్లో 12 సెంచరీలు, 5902 పరుగులు రవింద్రన్‌ అశ్విన్‌- 97 టెస్ట్‌ల్లో 5 సెంచరీలు, 3271 పరుగులు, 499 వికెట్లు కేన్‌ విలియమ్సన్‌- 98 టెస్ట్‌ల్లో 31 సెంచరీలు, 8490 పరుగులు, 30 వికెట్లు టిమ్‌ సౌథీ-98 టెస్ట్‌ల్లో 6 హాఫ్‌ సెంచరీలు, 2059 పరుగులు, 375 వికెట్లు టెస్ట్‌ల్లో ఇప్పటివరకు 75 మంది 100 టెస్ట్‌ల మార్కును తాకారు. ఆస్ట్రేలియా, ఇంగ్లండ్‌ తరఫున 15 మంది, భారత్‌ తరఫున 13, వెస్టిండీస్‌ నుంచి 9, సౌతాఫ్రికా 8, శ్రీలంక 6, పాకిస్తాన్‌ 5, న్యూజిలాండ్‌ తరఫున నలుగురు 100 టెస్ట్‌ల మార్కును తాకారు. 

విశాఖ వేదికగా టీమిండియాతో జరిగిన రెండో టెస్ట్‌లో ఇంగ్లండ్‌ 106 పరుగుల తేడాతో చిత్తుగా ఓడింది. తొలి టెస్ట్‌లో అన్ని విభాగాల్లో రాణించి టీమిండియాను ఓడించిన ఇంగ్లండ్‌.. ఈ మ్యాచ్‌లో అన్ని విభాగాల్లో దారుణంగా విఫలమై ఓటమిపాలైంది. ఇంగ్లండ్‌ ఆటగాళ్లు తేలిపోయిన వేల  బుమ్రా (9/91), యశస్వి జైస్వాల్‌ (209), శుభ్‌మన్‌ గిల్‌ (104) అద్భుత ప్రదర్శనలతో సత్తా చాటి టీమిండియాకు అపురూప విజయాన్ని అందించారు. ముఖ్యంగా బుమ్రా స్పిన్నర్లకు అనుకూలించే పిచ్‌పై చెలరేగి ఇంగ్లండ్‌ ఓటమికి ప్రధాన కారకుడయ్యాడు.  Technology got it wrong on this occasion: England skipper Ben Stokes on Zak Crawley's lbw dismissal in second innings of second Test #INDvsENGTest — Press Trust of India (@PTI_News) February 5, 2024 మ్యాచ్‌ అనంతరం ప్రజెంటేషన్‌ సెర్మనీ సందర్భంగా ఇంగ్లండ్‌ కెప్టెన్‌ బెన్‌ స్టోక్స్‌ తమ వైఫల్యాలను అంగీకరించినప్పటికీ, ఓ విషయంలో మాత్రం తీవ్ర అసహనం వ్యక్తం చేశాడు. సహచర ఆటగాడు జాక్‌ క్రాలే ఎల్బీడబ్ల్యూ విషయంలో సాంకేతికతను తప్పుబడుతూ తన అభిప్రాయాన్ని వ్యక్త పరిచాడు. గేమ్‌లో సాంకేతికత స్పష్టంగా ఉంది. ఇది ఎప్పటికీ 100 శాతం కాకూడదనే  అంపైర్ కాల్ అనే ఆప్షన్‌ను ఉంచారు. ఇలాంటి సందర్భంలో పూర్తిగా సాంకేతికతపై ఆధారపడి థర్డ్‌ అంపైర్‌ నిర్ణయం తీసుకోవడం కరెక్ట్‌ కాదన్నది నా వ్యక్తిగత అభిప్రాయమని స్టోక్స్‌ అన్నాడు.  Review.....successful! ✅☝️ Kuldeep Yadav picks up the big wicket of Crawley to keep #TeamIndia in the driving seat 👊⚡️#BazBowled #IDFCFirstBankTestsSeries #JioCinemaSports#INDvENG pic.twitter.com/c4hMunPVSP — JioCinema (@JioCinema) February 5, 2024 ఇంతకీ ఏం జరిగిందంటే.. జాక్‌ క్రాలే (73) మాంచి జోరుమీదున్న సమయంలో కుల్దీప్‌ యాదవ్‌ బౌలింగ్‌లో సందేహాస్పదంగా ఉన్న డీఆర్‌ఎస్‌ అప్పీల్‌ను థర్డ్‌ అంపైర్‌ ఔట్‌గా ప్రకటించాడు. ఫీల్డ్‌ అంపైర్‌ నాటౌట్‌గా ప్రకటించినా, సందర్భం సందేహాస్పదంగా ఉన్నా థర్డ్‌ అంపైర్‌ క్రాలేను ఔట్‌గా ప్రకటించడంతో వివాదం మొదలైంది. వాస్తవానికి ఇలాంటి సందర్భంలో థర్డ్‌ అంపైర్‌ అంపైర్స్‌ కాల్‌తో వెళ్తారు. కానీ ఈ సందర్భంలో థర్డ్‌ అంపైర్‌ అలా చేయకుండా సాంకేతికత ఆధారంగా క్రాలేను ఔట్‌గా ప్రకటించాడు. రీప్లేలో బంతి లెగ్‌ సైడ్‌ వెళ్తున్నట్లు అనిపించినా, చివరకు లెగ్‌ స్టంప్‌కు తగులుతున్నట్లు డీఆర్‌ఎస్‌ చూపించింది. ఈ సాంకేతికత ఆధారంగానే థర్డ్‌ అంపైర్‌ క్రాలేను ఔట్‌గా ప్రకటించాడు. థర్డ్‌ అంపైర్‌ నిర్ణయంతో క్రాలే సహా ఇంగ్లీష్‌ బృందం మొత్తం ఆశ్యర్యం వ్యక్తం చేసింది. డ్రెస్సింగ్‌ రూమ్‌లో ఉన్న ఇంగ్లండ్‌ కోచ్‌ బ్రెండన్ మెక్‌కల్లమ్ సైతం థర్డ్‌ అంపైర్‌ నిర్ణయం పట్ల తీవ్ర అసహనం వ్యక్తం చేశాడు. 

Ind vs Eng 2nd Test: పటిష్ట జట్ల మధ్య పోటీ అంటే క్రికెట్‌ అభిమానులకు ఎల్లప్పుడూ ఆసక్తే! ముఖ్యంగా ఆస్ట్రేలియా, ఇంగ్లండ్‌, సౌతాఫ్రికా తదితర జట్లతో స్వదేశంలో అయినా.. విదేశంలో అయినా ఫార్మాట్‌తో సంబంధం లేకుండా టీమిండియా మ్యాచ్‌ అంటే టీవీలకు అతుక్కుపోతారు వీరాభిమానులు. ప్రేక్షకుల పరిస్థితి ఇలా ఉంటే.. మైదానంలో ఆటగాళ్లు కూడా పోటీ తీవ్రమవుతున్న కొద్దీ ఒత్తిడికి లోనవడం ఎంత సహజమో.. కీలక సమయంలో ప్రత్యర్థిని దెబ్బకు దెబ్బ తీస్తే సంబరాలు చేసుకోవడం కూడా అంతే సహజం. ముఖ్యంగా తమను ట్రోల్‌ చేసేలా వ్యవహరించిన ప్రత్యర్థి ప్లేయర్‌కు కౌంటర్‌ ఇచ్చే అవకాశం వస్తే అస్సలు చేజార్చుకోరు. టీమిండియా ఆటగాడు శ్రేయస్‌ అయ్యర్‌.. ఇంగ్లండ్‌ కెప్టెన్‌ బెన్‌ స్టోక్స్‌ విషయంలో అదే పని చేశాడు. వైజాగ్‌లో రెండో టెస్టు సందర్భంగా టీమిండియా రెండో ఇన్నింగ్స్‌లో.. మిడిలార్డర్‌ బ్యాటర్‌ శ్రేయస్‌ అయ్యర్‌.. టామ్‌ హార్లీ బౌలింగ్‌లో ఇచ్చిన క్యాచ్‌ను స్టోక్స్‌ పట్టుకున్నాడు. దీంతో మూడో రోజు ఆట(ఆదివారం)లో 29 పరుగుల వ్యక్తిగత స్కోరు వద్ద అయ్యర్‌ పెవిలియన్‌కు చేరాడు. ఈ క్రమంలో స్టోక్స్‌ అయ్యర్‌కు సెండాఫ్‌ ఇస్తూ ఓవర్‌గా సెలబ్రేట్‌ చేసుకున్న తీరు అతడికి కోపం తెప్పించింది. అయితే, అందుకు బదులు తీర్చుకునే అవకాశం అయ్యర్‌కు నాలుగో రోజు ఆట సందర్భంగా వచ్చింది. ఇంగ్లండ్‌ రెండో ఇన్నింగ్స్‌లో 52.4వ ఓవర్‌ వద్ద అశ్విన్‌ బౌలింగ్‌లో బెన్‌ ఫోక్స్‌ సింగిల్‌ తీశాడు. అయితే, మరో ఎండ్‌లో ఉన్న బెన్‌ స్టోక్స్‌ పరుగు తీయడంలో బద్దకం ప్రదర్శించాడు. ఈ క్రమంలో బంతిని అందుకున్న అయ్యర్‌ వికెట్లకు డైరెక్ట్‌గా త్రో చేయగా.. స్టోక్స్‌ రనౌట్‌ అయ్యాడు. దీంతో శ్రేయస్‌ అయ్యర్‌ సైతం.. స్టోక్స్‌ తన క్యాచ్‌ అందుకున్నపుడు ఎలా సెలబ్రేట్‌ చేసుకున్నాడో అదే తరహాలో వేలు చూపిస్తూ.. ‘‘తిరిగి చెల్లించేశాను’’ అన్నట్లు సైగ చేశాడు. వీరిద్దరి ఫొటోలను కలిపి షేర్‌ చేస్తున్న టీమిండియా అభిమానులు.. ‘‘మా వాళ్లతో పెట్టుకుంటే ఇలాగే ఉంటది. ఏదీ దాచుకోరు. తిరిగి ఇచ్చేస్తారు’’ అంటూ ఇంగ్లండ్‌ ప్లేయర్లపై సెటైర్లు వేస్తున్నారు. చదవండి: IND VS ENG 2nd Test: అతనో ఛాంపియన్‌ ప్లేయర్‌.. కుర్రాళ్లు అద్భుతం: రోహిత్‌  Ben Stokes after taking Shreyas Iyer's catch. Shreyas Iyer after running out Ben Stokes. pic.twitter.com/xpp8lF6N62 — Mufaddal Vohra (@mufaddal_vohra) February 5, 2024 ఇక వైజాగ్‌ టెస్టులో భారత జట్టు 106 పరుగుల తేడాతో ఘన విజయం సాధించింది. తద్వారా హైదరాబాద్‌లో ఎదురైన పరాభవానికి బదులు తీర్చుకుని సిరీస్‌ను 1-1తో సమం చేసింది. ఇరు జట్ల మధ్య ఫిబ్రవరి 15 నుంచి మూడో టెస్టు ఆరంభం కానుంది. View this post on Instagram A post shared by JioCinema (@officialjiocinema)

Ind vs Eng 2nd Test- India won by 106 runs: ఇంగ్లండ్‌తో రెండో టెస్టులో టీమిండియా ఘన విజయం సాధించింది. విశాఖపట్నం మ్యాచ్‌లో పర్యాటక జట్టును ఏకంగా 106 పరుగుల తేడాతో చిత్తు చేసింది. తద్వారా హైదరాబాద్‌ టెస్టు పరాభవానికి బదులు తీర్చుకుని... ఐదు మ్యాచ్‌ల సిరీస్‌ను ప్రస్తుతం 1-1తో సమం చేసింది. యశస్వి ‘డబుల్‌’ కారణంగా విశాఖ వేదికగా శుక్రవారం మొదలైన ఈ టెస్టులో టాస్‌ గెలిచిన భారత సారథి రోహిత్‌ శర్మ తొలుత బ్యాటింగ్‌ ఎంచుకున్నాడు. ఓపెనర్‌ యశస్వి జైస్వాల్‌ డబుల్‌ సెంచరీ(209) కారణంగా.. టీమిండియా తొలి ఇన్నింగ్స్‌లో 396 పరుగులు స్కోరు చేయగలిగింది. ‘ఆరే’సిన బుమ్రా అద్భుత ప్రదర్శనతో ఈ క్రమంలో రెండో రోజు బ్యాటిం‍గ్‌ మొదలుపెట్టిన ఇంగ్లండ్‌కు భారత బౌలర్లు చుక్కలు చూపించారు. ప్రధాన పేసర్‌ జస్‌ప్రీత్‌ బుమ్రా ఆరు వికెట్లతో చెలరేగగా.. స్పిన్నర్లు కుల్దీప్‌ యాదవ్‌ మూడు, అక్షర్‌ పటేల్‌ ఒక వికెట్‌ పడగొట్టారు. దీంతో 55.5 ఓవర్లలోనే ఇంగ్లండ్‌ 253 పరుగులకు ఆలౌట్‌ కాగా.. భారత్‌కు 143 పరుగుల ఆధిక్యం లభించింది. ప్రిన్స్‌ ఈజ్‌ బ్యాక్‌.. గిల్‌ సెంచరీ ఈ నేపథ్యంలో రెండో రోజే రెండో ఇన్నింగ్స్‌ మొదలుపెట్టిన భారత్‌.. 5 ఓవర్లలో వికెట్‌ నష్టపోకుండా 28 పరుగులు చేసింది. అయితే, మూడో రోజు టీమిండియాకు పెద్దగా కలిసి రాలేదు. ఆరంభంలోనే ఓపెనర్లు యశస్వి జైస్వాల్‌(17), రోహిత్‌ శర్మ(13) వికెట్లు కోల్పోయింది. శుబ్‌మన్‌ గిల్‌ సెంచరీతో ఒంటరి పోరాటం చేయగా.. స్పిన్‌ ఆల్‌రౌండర్లు అక్షర్‌ పటేల్‌(45), అశ్విన్‌(29) అతడికి అండగా నిలబడ్డారు. ప్రతీకారం తీర్చుకున్న రోహిత్‌ సేన ఈ క్రమంలో 255 పరుగులకు రెండో ఇన్నింగ్స్‌ ముగించిన టీమిండియా.. ఇంగ్లండ్‌కు 399 పరుగుల లక్ష్యాన్ని విధించింది. అయితే, నాలుగో రోజు ఆట ఆరంభం నుంచే చెలరేగిన భారత బౌలర్లు 292 పరుగులకే ఇంగ్లండ్‌ను కట్టడి చేశారు. దీంతో నాలుగో రోజు ఆట కూడా పూర్తికాకుండానే.. టీమిండియా 106 పరుగుల తేడాతో గెలుపొందింది. ఇక బుమ్రా, అశ్విన్‌లకు తలా మూడు వికెట్లు దక్కగా.. అక్షర్‌ పటేల్‌, కుల్దీప్‌ యాదవ్‌, ముకేశ్‌ ఒక్కో వికెట్‌ తీశారు. ఇంగ్లండ్‌ సారథి బెన్‌ స్టోక్స్‌ను రనౌట్‌ చేయడంలో టీమిండియా మిడిలార్డర్‌ బ్యాటర్‌ శ్రేయస్‌ అయ్యర్‌ భాగమయ్యాడు. భారత్‌ వర్సెస్‌ ఇంగ్లండ్‌ ►వేదిక: డాక్టర్‌ వైఎస్‌ రాజశేఖర్‌రెడ్డి స్టేడియం, విశాఖపట్నం ►టాస్‌: టీమిండియా... బ్యాటింగ్‌ ►టీమిండియా స్కోరు(మొదటి ఇన్నింగ్స్‌): 396-10 (112 ఓవర్లలో) ►ఇంగ్లండ్‌ స్కోరు(మొదటి ఇన్నింగ్స్‌): 253-10 (55.5 ఓవర్లలో) ►టీమిండియా స్కోరు(రెండో ఇన్నింగ్స్‌): 255-10 (78.3 ఓవర్లలో) ►ఇంగ్లండ్‌ విజయ లక్ష్యం: 399 రన్స్‌. ►లక్ష్యాన్ని ఛేదించలేక 292 పరుగులకే రెండో ఇన్నింగ్స్‌లో ఇంగ్లండ్‌ ఆలౌట్‌ ►విజేత: టీమిండియా ►ప్లేయర్‌ ఆఫ్‌ ది మ్యాచ్‌: జస్‌ప్రీత్‌ బుమ్రా(తొమ్మిది వికెట్లు)- కెరీర్‌లో రెండో అత్యుత్తమ గణాంకాలు(9/91). చదవండి: ఒకే ఒక్క పరుగు.. 80 ఏళ్ల టోర్నీ చరిత్రలో ఇదే తొలిసారి View this post on Instagram A post shared by JioCinema (@officialjiocinema)

India vs England, 2nd Test Day 4 Vizag: ఇంగ్లండ్‌తో రెండో టెస్టులో బ్యాటింగ్‌లో విఫలమైనా తన ఫీల్డింగ్‌ నైపుణ్యాలతో ఆకట్టుకుంటున్నాడు టీమిండియా క్రికెటర్‌ శ్రేయస్‌ అయ్యర్‌. వైజాగ్‌ మ్యాచ్‌లో ఈ మిడిలార్డర్‌ బ్యాటర్‌ రెండు ఇన్నింగ్స్‌లో కలిపి కేవలం 56 (27, 29) పరుగులు మాత్రమే చేశాడు. అయితే, ఇంగ్లండ్‌ తొలి ఇన్నింగ్స్‌లో ప్రమాదకరంగా మారుతున్న ఓపెనర్‌ జాక్‌ క్రాలే(76) ఇచ్చి క్యాచ్‌ను అద్భుత రీతిలో అందుకున్నాడు అయ్యర్‌. అక్షర్‌ పటేల్‌ బౌలింగ్‌లో కాలే షాట్‌ ఆడేందుకు విఫలయత్నం చేశాడు. అప్పటికి బంతి గాల్లోకి లేవగానే బ్యాక్‌వర్డ్‌ పాయింట్‌లో ఫీల్డింగ్‌ చేస్తున్న అయ్యర్‌.. వెనక్కి పరిగెత్తి డైవ్‌ చేసి బంతిని ఒడిసిపట్టాడు. ఇలా రెండో రోజు ఆటలో... కీలక వికెట్‌ పడగొట్టడంలో తన వంతు పాత్ర పోషించిన శ్రేయస్‌ అయ్యర్‌.. తాజాగా సోమవారం నాటి ఆటలో అద్భుతమైన ఫీల్డింగ్‌ నైపుణ్యం ప్రదర్శించాడు. ఇంగ్లండ్‌ రెండో ఇన్నింగ్స్‌లో 52.4 ఓవర్‌ వద్ద అశ్విన్‌ బౌలింగ్‌లో వికెట్‌ కీపర్‌ బెన్‌ ఫోక్స్‌ సింగిల్‌ తీసేందుకు ప్రయత్నించాడు. అయితే, నాన్‌స్ట్రైకర్‌ ఎండ్‌లో ఉన్న కెప్టెన్‌ బెన్‌ స్టోక్స్‌ బద్దకంగా కదిలాడు. ఈ క్రమంలో మిడ్‌ వికెట్‌ మీదుగా వచ్చిన బంతిని ఒంటిచేత్తో అందుకున్న శ్రేయస్‌ అయ్యర్‌.. నేరుగా దానిని వికెట్లకు గిరాటేశాడు. అప్పటికి స్టోక్స్‌ ఇంకా క్రీజులోకి చేరుకోకపోవడంతో రనౌట్‌గా వెనుదిరిగాడు. దీంతో ఇంగ్లండ్‌ ఏడో వికెట్‌ కోల్పోగా.. టీమిండియా విజయానికి ఇంకా మూడు వికెట్ల దూరంలో నిలిచింది.  View this post on Instagram A post shared by JioCinema (@officialjiocinema) భారత్‌ వర్సెస్‌ ఇంగ్లండ్‌ ►టాస్‌: టీమిండియా... బ్యాటింగ్‌ ►మొదటి ఇన్నింగ్స్‌లో టీమిండియా స్కోరు: 396-10 (112 ఓవర్లలో) ►ఇంగ్లండ్‌ తొలి ఇన్నింగ్స్‌ స్కోరు: 253-10 (55.5 ఓవర్లలో) ►రెండో ఇన్నింగ్స్‌లో టీమిండియా స్కోరు: 255-10 (78.3 ఓవర్లలో) ►ఇంగ్లండ్‌ విజయ లక్ష్యం: 399 రన్స్‌. చదవండి: Ind vs Eng: 0.45 సెకన్లలో మెరుపు వేగంతో రోహిత్‌.. రెప్పపాటులో క్యాచ్‌!

India vs England, 2nd Test At Vizag Day 4 Updates:  వైజాగ్‌ టెస్ట్‌లో టీమిండియా ఘన విజయం విశాఖ వేదికగా ఇంగ్లండ్‌తో జరిగిన రెండో టెస్ట్‌లో టీమిండియా 106 పరుగుల తేడాతో ఘన విజయం సాధించింది. తద్వారా ఐదు మ్యాచ్‌ల సిరీస్‌లో 1-1తో సమానంగా నిలిచింది. టామ్‌ హార్ట్లీని (36) బుమ్రా క్లీన్‌ బౌల్డ్‌ చేయడం ద్వారా టీమిండియా గెలుపు ఖరారైంది. ఈ మ్యాచ్‌లో బుమ్రా తొమ్మిది వికెట్లు (6/45, 3/46) తీసి టీమిండియా గెలుపులో ప్రధానపాత్ర పోషించాడు. తొలి ఇన్నింగ్స్‌లో యశస్వి జైస్వాల్‌ డబుల్‌ సెంచరీతో (209), సెకెండ్‌ ఇన్నింగ్స్‌లో శుభ్‌మన్‌ గిల్‌ (104) సెంచరీతో సత్తా చాటారు. మొత్తంగా ఈ మ్యాచ్‌లో భారత ఆటగాళ్లు సమిష్టిగా రాణించి అపురూప విజయాన్ని అందించారు.   స్కోర్‌ వివరాలు.. భారత్‌: 396 & 255 ఇంగ్లండ్‌: 253 & 292 తొమ్మిదో వికెట్‌ కోల్పోయిన ఇంగ్లండ్‌ 281 పరుగుల వద్ద ఇంగ్లండ్‌ తొమ్మిదో వికెట్‌ కోల్పోయింది. ముకేశ్‌ కుమార్‌ బౌలింగ్‌లో  శ్రీకర్‌ భరత్‌కు క్యాచ్‌ ఇచ్చి షోయబ్‌ బషీర్‌ (0) ఔటయ్యాడు. ఈ మ్యాచ్‌లో భారత్‌ గెలుపు ఖరారైపోయింది. ఇంగ్లండ్‌ లక్ష్యానికి ఇంకా 118 పరుగుల దూరంలో ఉంది. ఎనిమిదో వికెట్‌ డౌన్‌.. 275 పరుగుల వద్ద ఇంగ్లండ్‌ ఎనిమిదో వికెట్‌ కోల్పోయింది. 36 పరుగుల చేసిన బెన్‌ ఫోక్స్‌.. బుమ్రా బౌలింగ్‌లో రిటర్న్‌ క్యాచ్‌ ఇచ్చి పెవిలియన్‌కు చేరాడు. భారత్‌ విజయానికి ఇంకా రెండు వికెట్లు కావాలి. నిలకడగా ఆడుతున్న బెన్‌ ఫోక్స్‌.. ఇంగ్లండ్‌ స్కోరు: 261-7(62 ఓవర్లలో) టీమిండియా గెలుపునకు మూడు వికెట్లు అవసరం కాగా.. ఇంగ్లండ్‌ గెలవాలంటే 134 పరుగులు కావాలి. గెలుపు దిశగా టీమిండియా.. ఏడో వికెట్‌ కోల్పోయిన ఇంగ్లండ్‌ 52.4: ఏడో వికెట్‌గా వెనుదిరిగిన ఇంగ్లండ్‌ కెప్టెన్‌ బెన్‌ స్టోక్స్‌(11).  అశ్విన్‌ బౌలింగ్‌లో ఫోక్స్‌ సింగిల్‌కు యత్నించగా.. స్టోక్స్‌ బద్దకంగా పరుగుకు వచ్చాడు. ఈ క్రమంలో బంతిని అందుకున్న శ్రేయస్‌ అయ్యర్‌ డైరెక్ట్‌ త్రోతో స్టోక్స్‌ను రనౌట్‌ చేశాడు. టామ్‌ హార్లీ క్రీజులోకి వచ్చాడు. స్కోరు:  220-7(53). టీమిండియా విజయానికి ఇంకా మూడు వికెట్ల దూరంలో ఉంది. 49 ఓవర్లకు ఇంగ్లండ్‌ స్కోర్‌: 210/6 49 ఓవర్లు ముగిసే సరికి ఇంగ్లండ్‌ రెండో ఇన్నింగ్స్‌లో 6 వికెట్ల నష్టానికి 210 పరుగులు చేసింది. ఇంగ్లండ్‌ విజయానికి ఇంకా 189 పరుగుల దూరంలో ఉంది.  లంచ్‌ బ్రేక్‌ సమయానికి ఇంగ్లండ్‌ స్కోరు: 194/6 (42.4) టీమిండియా విధించిన 399 పరుగుల లక్ష్యానికి.. ఇంగ్లండ్‌ ఇంకా 205 పరుగుల దూరంలో ఉంది. ఇక రోహిత్‌ సేన మరో నాలుగు వికెట్లు తీస్తే గెలుపు భారత్‌ సొంతమవుతుంది. రసవత్తరంగా మ్యాచ్‌.. ఆరో వికెట్‌ కోల్పోయిన ఇంగ్లండ్‌ 42.4: జానీ బెయిర్‌ స్టో రూపంలో ఇంగ్లండ్‌ ఆరో వికెట్‌ కోల్పోయింది. బుమ్రా బౌలింగ్‌లో బెయిర్‌ స్టో(26) లెగ్‌ బిఫోర్‌ వికెట్‌(ఎల్బీడబ్ల్యూ)గా వెనుదిరిగాడు. బెన్‌ స్టోక్స్‌ సున్నా పరుగులతో క్రీజులో ఉన్నాడు. ఇంగ్లండ్‌ ఐదో వికెట్‌ డౌన్‌.. క్రాలీ ఔట్‌ ఇంగ్లండ్‌ ఐదో వికెట్‌ కోల్పోయింది. 73 పరుగులు చేసిన జాక్‌ క్రాలే.. కుల్దీప్‌ యాదవ్‌ బౌలింగ్‌లో ఎల్బీగా ఔటయ్యాడు. ఇంగ్లండ్‌ విజయానికి ఇంకా 205 పరుగులు కావాలి ►42 ఓవర్లకు ఇంగ్లండ్‌ స్కోర్‌: 194/4.  ఇంగ్లండ్‌ విజయానికి ఇంకా 205 పరుగులు కావాలి ఇంగ్లండ్‌ మూడో వికెట్‌ డౌన్‌.. రూట్‌ అవుట్‌ 154 పరుగుల వద్ద ఇంగ్లండ్‌ నాలుగో వికెట్‌ కోల్పోయింది. 16 పరుగులు చేసిన జో రూట్‌.. అశ్విన్‌ బౌలింగ్‌లో ఔటయ్యాడు. క్రీజులోకి జానీ బెయిర్‌ స్టో వచ్చాడు. రోహిత్‌ సూపర్‌ క్యాచ్‌.. ఓలీ పోప్‌ రూపంలో ఇంగ్లండ్‌ మూడో వికెట్‌ కోల్పోయింది. 23 పరుగులు చేసిన పోప్‌.. అశ్విన్‌ బౌలింగ్‌లో ఔటయ్యాడు. రోహిత్‌ శర్మ అద్బుత క్యాచ్‌తో పోప్‌ను పెవిలియన్‌కు పంపాడు. క్రీజులో జాక్‌ క్రాలే(53), జో రూట్‌(4) ఉన్నారు. 29 ఓవర్లకు ఇంగ్లండ్‌ స్కోర్‌: 143/3 జాక్‌ క్రాలీ ఫిప్టీ.. సెకెండ్‌ ఇన్నింగ్స్‌లో ఇంగ్లండ్‌ ఓపెనర్‌ జాక్‌ క్రాలే హాఫ్‌ సెంచరీ సాధించాడు. క్రాలీ ప్రస్తుతం 51 పరుగులతో బ్యాటింగ్‌ చేస్తున్నాడు. ఇంగ్లండ్‌ విజయానికి ఇంకా 274 పరుగులు కావాలి. 27 ఓవర్లకు ఇంగ్లండ్‌ స్కోర్‌: 125/2 21.5: రెండో వికెట్‌ కోల్పోయిన ఇంగ్లండ్‌ అక్షర్‌ పటేల్‌ బౌలింగ్‌లో రెహాన్‌ అహ్మద్‌(23) లెగ్‌ బిఫోర్‌ వికెట్‌గా వెనుదిరిగాడు. క్రాలే 39 పరుగులతో ఆడుతున్నాడు. ఒలీ పోప్‌ క్రీజులోకి వచ్చాడు. వచ్చీ రాగానే ఫోర్‌ బాదాడు. ఇంగ్లండ్‌ స్కోరు:  99-2(22) నిలకడగా ఆడుతున్న క్రాలే, రెహాన్‌ అహ్మద్‌ 19 ఓవర్లలో ఇంగ్లండ్‌ స్కోరు:  82-1 9 వికెట్ల దూరంలో టీమిండియా విశాఖపట్నం వేదికగా భారత్‌-ఇంగ్లండ్‌ మధ్య రెండో టెస్టు నాలుగో రోజు ఆట ప్రారంభమైంది. ఇంగ్లండ్‌ విజయానికి 332 పరుగులు అవసరమవ్వగా.. భారత్‌ గెలుపొందాలంటే ఇంకా 9 వికెట్లు పడగొట్టాలి. 399 పరుగుల భారీ లక్ష్యంతో బరిలోకి దిగిన ఇంగ్లండ్‌.. మూడో రోజు ఆట ముగిసే సరికి 14 ఓవర్లలో వికెట్‌ నష్టానికి 67 పరుగులు చేసింది.  ఇండియా వర్సెస్‌ ఇంగ్లండ్‌ ►టాస్‌: టీమిండియా... బ్యాటింగ్‌ ►తొలి ఇన్నింగ్స్‌లో టీమిండియా స్కోరు: 396-10 (112 ఓవర్లలో) ►ఇంగ్లండ్‌ మొదటి ఇన్నింగ్స్‌ స్కోరు: 253-10 (55.5 ఓవర్లలో) ►రెండో ఇన్నింగ్స్‌లో టీమిండియా స్కోరు: 255-10 (78.3 ఓవర్లలో) ►ఇంగ్లండ్‌ విజయ లక్ష్యం: 399 రన్స్‌. తుది జట్లు: భారత్: యశస్వి జైస్వాల్, రోహిత్ శర్మ(కెప్టెన్‌), శుభ్‌మన్‌ గిల్, రజత్ పాటిదార్, శ్రేయస్ అయ్యర్, శ్రీకర్ భరత్(వికెట్‌కీపర్‌), రవిచంద్రన్ అశ్విన్, అక్షర్ పటేల్, జస్ప్రీత్ బుమ్రా, ముకేష్ కుమార్, కుల్దీప్ యాదవ్. ఇంగ్లండ్: జాక్ క్రాలే, బెన్ డకెట్, ఒలీ పోప్, జో రూట్, జానీ బెయిర్‌స్టో, బెన్ స్టోక్స్(కెప్టెన్‌), బెన్ ఫోక్స్(వికెట్‌ కీపర్‌), రెహాన్ అహ్మద్, టామ్ హార్లీ, షోయబ్ బషీర్, జేమ్స్ ఆండర్సన్.

వైజాగ్‌ వేదికగా భారత్‌తో జరుగుతున్న రెండో టెస్ట్‌లో టీమిండియా పట్టుబిగించింది. ఈ మ్యాచ్‌లో భారత్‌ 377 పరుగుల ఆధిక్యంలో కొనసాగుతుంది. మూడో రోజు మూడో సెషన్‌ సమయానికి భారత్‌ 8 వికెట్ల నష్టానికి 234 పరుగులు (సెకెండ్‌ ఇన్నింగ్స్‌) చేసింది. అశ్విన్‌ (8), బుమ్రా క్రీజ్‌లో ఉన్నారు. ఈ ఇన్నింగ్స్‌లో శుభ్‌మన్‌​ గిల్‌ (104) సెంచరీతో కదంతొక్కాడు. అక్షర్‌ పటేల్‌ (45) పర్వాలేదనిపించాడు. రోహిత్‌ (13), శ్రేయస్‌ (29), కేఎస్‌ భరత్‌ (6) మరోసారి నిరాశపరిచారు. తొలి ఇన్నింగ్స్‌ సెన్సేషన్‌, డబుల్‌ సెంచరీ హీరో యశస్వి జైస్వాల్‌ 17 పరుగులు చేసి ఔటయ్యాడు. అరంగేట్రం ఆటగాడు రజత్‌ పాటిదార్‌ 9 పరుగులకు ఔటయ్యాడు. ఈ మ్యాచ్‌లో భారత్‌ తొలి ఇన్నిం​గ్స్‌లో 396 పరుగులకు ఆలౌటైంది. యశస్వి 209 పరుగులు చేశాడు. అనంతరం బ్యాటింగ్‌కు దిగిన ఇంగ్లండ్‌.. బుమ్రా (6/45), కుల్దీప్‌ (3/71) ధాటికి 253 పరుగులకే ఆలౌటైంది.   A STUNNER FROM STOKES. 🔥🫡pic.twitter.com/7Ml2YADBEE — Johns. (@CricCrazyJohns) February 4, 2024 కళ్లు చెదిరే క్యాచ్‌.. మూడో రోజు ఆటలో ఇంగ్లండ్‌ కెప్టెన్‌ బెన్‌ స్టోక్స్‌ కళ్లు చెదిరే క్యాచ్‌ పట్టుకున్నాడు. స్టోక్స్‌ దాదాపు 23 మీటర్లు పరిగెడుతూ అద్భుతమైన క్యాచ్‌ను అందుకున్నాడు. స్టోక్స్‌ క్యాచ్‌ పట్టిన తీరును చూసి బ్యాటర్‌ శ్రేయస్‌ అయ్యర్‌ నిశ్రేష్ఠుడిగా ఉండిపోయాడు. టామ్‌ హార్ట్లీ బౌలింగ్‌లో స్టోక్స్‌ ఈ క్యాచ్‌ను అందుకున్నాడు. ఈ క్యాచ్‌కు సంబంధించిన వీడియో నెట్టింట వైరలవుతుంది. 

India vs England, 2nd Test- #Bumrah: ఇంగ్లండ్‌తో రెండో టెస్టు సందర్భంగా టీమిండియా ప్రధాన పేసర్‌ జస్‌ప్రీత్‌ బుమ్రా సరికొత్త చరిత్ర సృష్టించాడు. వైజాగ్‌ మ్యాచ్‌లో శనివారం నాటి ఆటలో ఆకాశమే హద్దుగా చెలరేగిన ఈ ఫాస్ట్‌బౌలర్‌.. అంతర్జాతీయ టెస్టుల్లో 150 వికెట్ల మైలురాయిని అందుకున్నాడు. అంతేకాదు.. అతి తక్కువ బంతుల్లోనే ఈ ఘనత సాధించిన భారత తొలి బౌలర్‌గా రికార్డులకెక్కాడు. రెండో రోజు ఆటలో భాగంగా ఇంగ్లండ్‌ కెప్టెన్‌ బెన్‌ స్టోక్స్‌(47)ను అవుట్‌ చేసి బుమ్రా ఈ ఫీట్‌ నమోదు చేశాడు.  𝘚𝘵𝘰𝘬𝘦𝘴' 𝘳𝘦𝘢𝘤𝘵𝘪𝘰𝘯 𝘴𝘢𝘺𝘴 𝘪𝘵 𝘢𝘭𝘭 😱 1⃣5⃣0⃣ Test wickets for the Wrecker-in-chief! 🤌#Bumrah #INDvENG #BazBowled #IDFCFirstBankTestsSeries #JioCinemaSports pic.twitter.com/cWG7HfKqir — JioCinema (@JioCinema) February 3, 2024 ఇక ఈ మ్యాచ్‌లో తన అద్భుత నైపుణ్యాలతో ఆకట్టుకున్న పేస్‌ గుర్రం బుమ్రా.. మొత్తంగా ఆరు వికెట్లు తన ఖాతాలో వేసుకున్నాడు. కాగా రెండో రోజు ఆటలో భాగంగా జో రూట్‌తో వికెట్ల వేట మొదలుపెట్టిన బుమ్రా.. తర్వాత ఒలీ పోప్‌, జానీ బెయిర్‌ స్టో, బెన్‌ స్టోక్స్‌, టామ్‌ హార్లీలను కూడా అవుట్‌ చేసి.. జేమ్స్‌ ఆండర్సన్‌తో ముగించాడు.  ఇతర బౌలర్లలో స్పిన్నర్లు కుల్దీప్‌ యాదవ్‌ మూడు, అక్షర్‌ పటేల్‌ ఒక వికెట్‌ తీయగా.. ఇంగ్లండ్‌ 253 పరుగులకు ఆలౌట్‌ అయింది. ఈ క్రమంలో రెండో ఇన్నింగ్స్‌ మొదలుపెట్టిన టీమిండియా ఆట పూర్తయ్యేసరికి 5 ఓవర్లలో వికెట్‌ నష్టపోకుండా 28 పరుగులు చేసింది. ఓపెనర్లు యశస్వి జైస్వాల్‌ 15, రోహిత్‌ శర్మ 13 పరుగులతో క్రీజులో ఉన్నారు. ఇక అంతకుముందు టీమిండియా 396 పరుగుల వద్ద తొలి ఇన్నింగ్స్‌ను ముగించిన విషయం తెలిసిందే.   Memorable Performance ✅ Special Celebration 🙌 Well bowled, Jasprit Bumrah! 🔥 🔥 Follow the match ▶️ https://t.co/X85JZGt0EV #TeamIndia | #INDvENG | @Jaspritbumrah93 | @IDFCFIRSTBank pic.twitter.com/bRYTf68zMN — BCCI (@BCCI) February 3, 2024 అంతర్జాతీయ టెస్టుల్లో... తక్కువ బంతుల్లోనే 150 వికెట్ల క్లబ్‌లో చేరిన భారత బౌలర్లు 6781 బాల్స్‌- జస్‌ప్రీత్‌  బుమ్రా 7661 బాల్స్‌- ఉమేశ్ యాదవ్ 7755 బాల్స్‌- మహ్మద్ షమీ 8378 బాల్స్‌- కపిల్ దేవ్ 8380 బాల్స్‌- రవిచంద్రన్‌ అశ్విన్  చదవండి: ఇలాంటి బాల్‌ ఎలా ఆడాలి బుమ్రా?.. స్టోక్స్‌ బౌల్డ్‌.. రియాక్షన్‌ వైరల్‌

ఇంగ్లండ్‌తో రెండో టెస్టులో టీమిండియా పేస్‌దళ నాయకుడు జస్‌ప్రీత్‌ బుమ్రా ఆకాశమే హద్దుగా చెలరేగాడు. ఇంగ్లిష్‌ బ్యాటర్లను ముప్పుతిప్పలు పెడుతూ చుక్కలు చూపించాడు. వైజాగ్‌లో జరుగుతున్న ఈ మ్యాచ్‌లో రెండో రోజు ఆటలో భాగంగా.. తొలుత జో రూట్‌(5)ను పెవిలియన్‌కు పంపిన ఈ పేస్‌ గుర్రం.. ఆ తర్వాత ఒలీ పోప్‌(23)నకు వీడ్కోలు పలికాడు. అద్భుతమైన ఇన్‌స్వింగింగ్‌ యార్కర్‌తో పోప్‌ను బౌల్డ్‌ చేశాడు. అనంతరం.. బెయిర్‌ స్టో(25) రూపంలో తన ఖాతాలో మూడో వికెట్‌ జమచేసుకున్న బుమ్రా.. ఇంగ్లండ్‌ సారథి బెన్‌ స్టోక్స్‌(47)ను సంచలన రీతిలో బౌల్డ్‌ చేసి.. మరోసారి తన బౌలింగ్‌ నైపుణ్యాన్ని ప్రదర్శించాడు. శనివారం నాటి ఆటలో ఇంగ్లండ్‌ ఇన్నింగ్స్‌ 49.2వ ఓవర్లో నమ్మశక్యం కాని రీతిలో కట్టర్‌ సంధించి స్టోక్స్‌ను బోల్తా కొట్టించాడు. ఊహించని పరిణామానికి కంగుతిన్న స్టోక్స్‌ తన బ్యాట్‌ కిందపడేసి.. ‘‘ఇలాంటి బాల్‌ వేస్తే నేను ఎలా ఆడేది?’’ అన్నట్లుగా సైగ చేయడం విశేషం. దీంతో బుమ్రా ముఖంలో నవ్వులు పూయగా.. సహచరులంతా పరిగెత్తుకు వచ్చి బుమ్రాతో కలిసి బిగ్‌ వికెట్‌ను సెలబ్రేట్‌ చేసుకున్నారు. ఇక అంతర్జాతీయ టెస్టుల్లో బుమ్రాకు స్టోక్స్‌ రూపంలో 150వ వికెట్‌ దక్కింది. స్టోక్స్‌ తర్వాత ఈ మ్యాచ్‌లో టామ్‌ హార్లీని అవుట్‌ చేసిన బుమ్రా తన కెరీర్‌లో టెస్టు కెరీర్‌లో పదోసారి ఫైవ్‌- వికెట్‌ హాల్‌ నమోదు చేశాడు. ఇక రెండో రోజు ఆటలో బుమ్రా ఆఖరిగా జేమ్స్‌ ఆండర్సన్‌ వికెట్‌ దక్కించుకున్నాడు. కాగా వైజాగ్‌లో జరుగుతున్న రెండో టెస్టులో ఇంగ్లండ్‌ మొదటి ఇన్నింగ్స్‌లో 253 పరుగులకు ఆలౌట్‌ అయింది. బుమ్రా మొత్తంగా ఆరు వికెట్లతో మెరవగా.. కుల్దీప్‌ యాదవ్‌ మూడు, అక్షర్‌ పటేల్‌ రెండు వికెట్లు పడగొట్టారు. 𝘚𝘵𝘰𝘬𝘦𝘴' 𝘳𝘦𝘢𝘤𝘵𝘪𝘰𝘯 𝘴𝘢𝘺𝘴 𝘪𝘵 𝘢𝘭𝘭 😱 1⃣5⃣0⃣ Test wickets for the Wrecker-in-chief! 🤌#Bumrah #INDvENG #BazBowled #IDFCFirstBankTestsSeries #JioCinemaSports pic.twitter.com/cWG7HfKqir — JioCinema (@JioCinema) February 3, 2024

Ind vs Eng 2nd Test Vizag: టీమిండియాతో రెండో టెస్టుకు ఇంగ్లండ్‌ తమ తుదిజట్టును ప్రకటించింది. శుక్రవారం మొదలుకానున్న ఈ మ్యాచ్‌లో యువ స్పిన్నర్‌ షోయబ్‌ బషీర్‌ అరంగేట్రం చేయనున్నట్లు వెల్లడించింది. జాక్‌ లీచ్‌ స్థానంలో అతడిని ఎంపిక చేసినట్లు తెలిపింది. అదే విధంగా మార్క్‌వుడ్‌ని తప్పించి.. అతడి స్థానంలో దిగ్గజ పేసర్‌ జేమ్స్‌ ఆండర్సన్‌ను జట్టులోకి తీసుకువచ్చింది మేనేజ్‌మెంట్‌. ఈ మ్యాచ్‌లో తాము ఈ మేరకు రెండు మార్పులతో బరిలోకి దిగనున్నట్లు తెలిపింది. కాగా తొలి టెస్టులో మార్క్‌వుడ్‌ ఒక్క వికెట్‌ కూడా తీయలేకపోయాడు. మరోవైపు.. హైదరాబాద్ టెస్టు సందర్భంగా ఫీల్డింగ్‌ చేస్తున్న సమయంలో జాక్‌ లీచ్‌ మోకాలికి గాయమైన విషయం తెలిసిందే. దీంతో బుధవారం జరిగిన ట్రెయినింగ్‌ సెషన్‌లో అతడు పాల్గొనలేదు. గాయం తీవ్రత ఎక్కువగా ఉండటంతో అతడికి విశ్రాంతినిచ్చిన సెలక్టర్లు బషీర్‌కు గ్రీన్‌సిగ్నల్‌ ఇచ్చారు.  విశాఖలో గెలిచేందుకు కాగా విశాఖపట్నంలోని డాక్టర్‌ వైఎస్సార్‌ స్టేడియం వేదికగా భారత్‌- ఇంగ్లండ్‌ మధ్య రెండో టెస్టు జరుగనుంది. ఫిబ్రవరి 2న ఆరంభం కానున్న ఈ మ్యాచ్‌ కోసం ఆంధ్ర క్రికెట్‌ అసోసియేషన్‌ ఇప్పటికే ఏర్పాట్లు పూర్తి చేసింది. మరోవైపు.. మంగళవారమే నగరానికి చేరుకున్న ఇరు జట్ల ఆటగాళ్లు ప్రాక్టీస్‌ మొదలుపెట్టారు. కాగా ఐదు మ్యాచ్‌ల సిరీస్‌లో భాగంగా హైదరాబాద్‌లో జరిగిన తొలి టెస్టులో ఇంగ్లండ్‌ టీమిండియా మీద 28 పరుగుల తేడాతో గెలిచింది. ఈ క్రమంలో విశాఖలో విజయం సాధించి 1-1తో సమం చేయాలని టీమిండియా పట్టుదలగా ఉంది.  అయితే, వ్యక్తిగత కారణాల దృష్ట్యా స్టార్‌ బ్యాటర్‌ విరాట్‌ కోహ్లి ఇప్పటికే జట్టుకు దూరం కాగా.. ఆల్‌రౌండర్‌ రవీంద్ర జడేజా, కేఎల్‌ రాహుల్‌ గాయాల వల్ల విశాఖ టెస్టుకు అందుబాటులో ఉండటం లేదు. ఈ క్రమంలో సర్ఫరాజ్‌ ఖాన్‌, సౌరభ్‌ కుమార్‌, వాషింగ్టన్‌ సుందర్‌లను జట్టులో చేర్చింది బీసీసీఐ. టీమిండియాతో రెండో టెస్టుకు ఇంగ్లండ్‌ తుదిజట్టు జాక్ క్రాలీ, బెన్ డకెట్, ఓలీ పోప్, జో రూట్, జానీ బెయిర్‌స్టో, బెన్ స్టోక్స్ (కెప్టెన్), బెన్ ఫోక్స్, రెహాన్ అహ్మద్, టామ్ హార్లీ, షోయబ్ బషీర్, జేమ్స్ అండర్సన్. చదవండి: IND vs ENG: ఇంగ్లండ్‌తో రెండో టెస్టు.. సర్ఫరాజ్‌కు ఛాన్స్‌! సిరాజ్‌కు నో ప్లేస్‌?

టీమిండియాతో ఇంగ్లండ్‌కు ఊహించని షాక్‌ తగిలింది. ఆ జట్టు స్టార్‌ స్పిన్నర్‌ జాక్‌ లీచ్‌ గాయం కారణంగా రెండు టెస్టుకు దూరమయ్యాడు. ఈ విషయాన్ని ఇంగ్లండ్‌ కెప్టెన్‌ బెన్‌ స్టోక్స్‌ అధికారికంగా దృవీకరించాడు. తో యువ స్పిన్నర్ షోయబ్ బషీర్ ఇంగ్లండ్‌ తరపున అంతర్జాతీయ అరంగేట్రం చేయడం దాదాపు ఖాయమైంది. వీసా సమస్య కారణంగా తొలి టెస్టుకు దూరమైన బషీర్.. ఇప్పుడు అంతర్జాతీయ క్రికెట్‌లో అడుగుపెట్టేందుకు సిద్దమవుతోన్నాడు.  ఇప్పటికే జట్టుతో కలిసిన బషీర్‌ తన సహాచర ఆటగాళ్లతో కలిసి నెట్స్‌లో తీవ్రంగా శ్రమిస్తున్నాడు. ఈ నేపథ్యంలో ఇంగ్లండ్‌ కెప్టెన్‌ విలేకరుల సమావేశంలో మాట్లాడుతూ.. జాక్‌ లీచ్‌ దురదృష్టవశాత్తూ వైజాగ్‌ టెస్టుకు దూరమయ్యాడు. అతడి కుడి కాలిలో వాపు వచ్చింది. జాక్‌ దూరం కావడం​ మాకు గట్టి ఎదురుదెబ్బ. చాలా రోజుల తర్వాత జట్టులోకి వచ్చాక అతడికి ఇలా జరగడం బాధాకరమని చెప్పకొచ్చాడు. ఇక బషీర్‌ అరంగేట్రం కోసం స్టోక్సీ మాట్లాడుతూ.. షోయబ్ బషీర్ డెబ్యూపై మేము ఇంకా ఎటువంటి నిర్ణయం తీసుకోలేదు. కానీ అతడికి అవకాశం వస్తే మాత్రం దీనిని తన కెరీర్‌లో మరుపురాని టెస్టుగా మార్చేందుకు ప్రయత్నిస్తాం. ఎందుకంటే ఏ ఆటగాడికైనా  అరంగేట్ర టెస్టు ఆడే అవకాశం ఒక్కసారి మాత్రమే వస్తుంది కదా. పిచ్‌ పరిస్థితిని అంచనా వేసి కోచ్‌ బ్రెండన్ మెక్‌కల్లమ్, వైస్‌ కెప్టెన్‌ ఓలీ పోప్‌తో చర్చించి తుది జట్టుపై నిర్ణయం తీసుకుంటాం. బషీర్‌ స్క్వాడ్‌లో ఉన్నాడు. అతడిని మేము అనుభవం కోసం ఇక్కడకు తీసుకురాలేదు. అతడి అవసరం మాకుందని భావిస్తే కచ్చితంగా తుది జట్టులో ఛాన్స్‌ ఇస్తామని పేర్కొన్నాడు. చదవండి: Sachin Tendulkar: వరుసగా రెండుసార్లు డకౌట్‌.. సాకులు చెప్పా.. ఆ ఒక్క పరుగు వల్ల

సాక్షి, విశాఖపట్నం: టీమిండియా – ఇంగ్లండ్‌తో రెండో టెస్టు మ్యాచ్‌కు నగరంలోని డాక్టర్‌ వైఎస్సార్‌ ఏసీఏ – వీడీసీఏ అంతర్జాతీయ క్రికెట్‌ స్టేడియం వేదిక కానుంది. ఫిబ్రవరి 2- 6 వరకు నిర్వహించనున్న ఈ మ్యాచ్‌ కోసం ఏర్పాట్లు చేసినట్లు ఏసీఏ కార్యదర్శి ఎస్‌.ఆర్‌.గోపినాథ్‌రెడ్డి వెల్లడించారు. ఇరు జట్ల ఆటగాళ్లు జనవరి 30న విశాఖపట్నానికి చేరుకుంటారని తెలిపారు. హైదరాబాద్‌ నుంచి విమానంలో బయలుదేరి మంగళవారం మధ్యాహ్నం 3.25 గంటలకు విశాఖపట్నం చేరుకుంటారని గోపినాథ్‌రెడ్డి పేర్కొన్నారు. ఆటగాళ్ల వెంట మ్యాచ్‌ అధికారులు, ఇతర సిబ్బంది రానున్నట్లు వెల్లడించారు. పనులన్నీ పూర్తి చేయాలి ఈ నేపథ్యంలో మ్యాచ్‌ నిర్వహణలో భాగంగా స్థానిక స్టేడియంలో చేపడుతున్న వివిధ అభివృద్ధి పనులను ఏసీఏ ట్రెజరర్‌ ఎ.వి.చలంతో కలిసి గోపినాథ్‌రెడ్డి ఆదివారం పరిశీలించారు. స్టేడియం లోపల, బయట చేపడుతున్న పనులను రెండు రోజుల్లోగా పూర్తి చేయాలని ఆదేశించారు. స్టేడియం పరిసర ప్రాంతాల్లో పోలీసుల సమన్వయంతో అవసరమైన భద్రతాపరమైన చర్యలు తీసుకోవాలని సిబ్బందికి సూచించారు. విద్యార్థులతో పాటు వాళ్లకూ ఫ్రీ ఎంట్రీ అదే విధంగా... వాహనాల పార్కింగ్‌ వద్ద తగిన సిబ్బందిని నియమించి ప్రేక్షకులకు ఎలాంటి ఇబ్బందులు లేకుండా చూడాలని గోపీనాథ్‌రెడ్డి ఆదేశించారు. రోజుకు 2 వేల మంది చొప్పున 5 రోజులకు 10 వేల మంది విద్యార్థులకు ఉచిత ఎంట్రీ ఇవ్వనున్న దృష్ట్యా వారి ఐడీ కార్డులను పరిశీలించి స్టేడియంలోకి పంపాలన్నారు. ఇక విద్యార్థులతో పాటు.. రోజుకు 2,850 మంది చొప్పున.. 5 రోజులకు 14,250 మంది రాష్ట్రంలో ఉన్న క్లబ్‌ క్రీడా కారులకు ఉచిత ప్రవేశం కల్పించనున్నట్లు ఏసీఏ కార్యదర్శి గోపినాథ్‌రెడ్డి ఈ సందర్భంగా తెలిపారు. ఇదిలా ఉంటే.. హైదరాబాద్‌లో జరిగిన తొలి టెస్టులో టీమిండియా ఓడిపోయిన విషయం తెలిసిందే. ఉప్పల్‌ మ్యాచ్‌లో రోహిత్‌ సేన స్టోక్స్‌ బృందం చేతిలో 28 పరుగుల తేడాతో పరాజయం పాలైంది. ఈ క్రమంలో ఐదు మ్యాచ్‌ల టెస్టులో 0-1తో వెనుకబడింది. చదవండి: శతక్కొట్టిన బెంగాల్‌ మంత్రి.. చెలరేగిన షమీ తమ్ముడు

India vs England, 1st Test: టీమిండియాతో తొలి టెస్టులో విజయంపై ఇంగ్లండ్‌ కెప్టెన్‌ బెన్‌ స్టోక్స్‌ హర్షం వ్యక్తం చేశాడు. భారత గడ్డపై సాధించిన ఈ గెలుపు వందకు వంద శాతం ఎంతో గొప్పదని వ్యాఖ్యానించాడు. ప్రతికూల పరిస్థితులను అధిగమించి సాధించిన పరిపూర్ణ విజయమని పేర్కొన్నాడు.  నాలుగో రోజే ముగిసిన టెస్టు అదే విధంగా.. ఉపఖండంలో తొలిసారి కెప్టెన్‌ హోదాలో అడుగుపెట్టానని.. తొలి మ్యాచ్‌లోనే ఆతిథ్య జట్టును ఓడించడం సంతోషంగా ఉందన్నాడు. కాగా ఐదు మ్యాచ్‌ల సిరీస్‌లో భాగంగా హైదరాబాద్‌ టెస్టులో ఇంగ్లండ్‌ టీమిండియాను 28 పరుగుల తేడాతో ఓడించింది. ఉప్పల్‌లో తొలి రెండు రోజులు వెనుకబడ్డ స్టోక్స్‌ బృందం.. అనూహ్యంగా పుంజుకుని నాలుగో రోజే ఖేల్‌ ఖతం చేసి విజయం అందుకుంది. పరిపూర్ణ విజయం.. ఒలీ పోప్‌ అద్భుత శతకం(196), అరంగేట్ర స్పిన్నర్‌ టామ్‌ హార్లీ(మొత్తం తొమ్మిది వికెట్లు) కారణంగా ఊహించని రీతిలో టీమిండియాను ఓడించింది. ఈ నేపథ్యంలో స్టోక్స్‌ మాట్లాడుతూ.. ‘‘కెప్టెన్‌గా నేను బాధ్యతలు చేపట్టిన తర్వాత మా జట్టు విజయాలు కొనసాగుతూనే ఉన్నాయి. ఇప్పటి వరకు ఎన్నో అద్భుతమైన ప్రదర్శనలతో ఆకట్టుకున్నాం. ఇప్పుడు ఇక్కడ ఇలాంటి ఘన విజయం మరింత గొప్పగా అనిపిస్తోంది. ఇండియాలో కెప్టెన్‌గా నా తొలి ప్రయత్నంలోనే గెలుపు దక్కింది. తొలి ఇన్నింగ్స్‌లో మేము పొరపడ్డ మాట వాస్తవం. అయితే, టీమిండియా స్పిన్నర్లు ఆడుతున్న తీరు.. రోహిత్‌ ఫీల్డింగ్‌ సెట్‌ చేస్తున్న విధానాన్ని గమనిస్తూ చాలా విషయాలు నేర్చుకున్నా. వాటిని మా వ్యూహాలకు అనుగుణంగా అమలు చేసి ఫలితం రాబట్టడం ఎంతో థ్రిల్లింగ్‌గా ఉంది’’ అని ఆనందం వ్యక్తం చేశాడు. వాళ్లిద్దరు అత్యద్భుతం అదే విధంగా తమ విజయంలో కీలక పాత్ర పోషించిన ఒలీ పోప్‌, టామ్‌ హార్లీ గురించి ప్రస్తావిస్తూ.. ‘‘భుజానికి సర్జరీ చేయించుకున్న తర్వాత ఒలీ పోప్‌ రీ ఎంట్రీలో ఇలా అదరగొట్టాడు. టామ్‌కు ఇదే అరంగేట్ర మ్యాచ్‌. అయినప్పటికీ తన మీద నమ్మకంతో వరుసగా ఓవర్లు వేయించాను. ప్రతికూల ఫలితం వచ్చినా పర్లేదని ముందే నిశ్చయించుకున్నా.  View this post on Instagram A post shared by JioCinema (@officialjiocinema) అయితే, అతడు నా నమ్మకాన్ని నిజం చేశాడు. ఉపఖండంలో అనేక టెస్టులు ఆడిన అనుభవం నాకు ఉంది. అయితే, ఓ ఇంగ్లిష్‌ బ్యాటర్‌ ఇక్కడ ఆడిన అత్యద్భుత ఇన్నింగ్స్‌ ఏదంటే.. ఒలీ పోప్‌ పేరు చెప్పొచ్చు.  నిజానికి ఒకవేళ మేము ఈ మ్యాచ్‌లో ఓడిపోయినా నేను పెద్దగా బాధపడే వాడిని కాదు. వైఫల్యాలకు భయపడే వాడిని కానేకాను. ఆటగాళ్లను కావాల్సినంత ప్రోత్సాహం అందిస్తూ.. ఎల్లవేళలా వాళ్లకు మద్దతుగా నిలిస్తే ఫలితాలు వాటంతట అవే వస్తాయని నమ్ముతాను’’ అని బెన్‌ స్టోక్స్‌ ఈ సందర్భంగా వ్యాఖ్యానించాడు. చదవండి: IND Vs ENG: ఇంట్లోనే తలవంచారు... భారత్‌ వర్సెస్‌ ఇంగ్లండ్‌ మ్యాచ్‌ పూర్తి వివరాలు

హైదరాబాద్‌ వేదికగా టీమిండియాతో జరుగుతున్న తొలి టెస్టులో ఇంగ్లండ్‌ పట్టు బిగించింది. 230 పరుగుల లక్ష్యంతో బరిలోకి దిగిన టీమిండియా 119 పరుగులకే 7 వికెట్లు కోల్పోయి పీకల్లోతు కష్టాల్లో పడింది. ఇంగ్లండ్‌ స్పినర్లు భారత బ్యాటర్లను ముప్పుతిప్పలు పెడుతున్నారు. హార్ట్‌లీ 4 వికెట్లు పడగొట్టగా.. జాక్‌ లీచ్‌, రూట్‌ తలా వికెట్‌ సాధించారు. భారత విజయానికి 111 పరుగులు కావాలి. ఇంగ్లండ్‌ గెలుపొందాలంటే మరో 3 వికెట్లు పడగొడితే చాలు. స్టోక్సీ బుల్లెట్‌ త్రో.. ఇక ఇది ఉండగా.. నాలుగో రోజు ఆట సందర్భంగా ఇంగ్లండ్‌ కెప్టెన్‌ బెన్‌ స్టోక్స్‌ అద్భుతమైన ఫీల్డింగ్‌ ప్రదర్శన కనబరిచాడు. సంచలన త్రోతో టీమిండియా స్టార్‌ ఆల్‌రౌండర్‌ రవీంద్ర జడేజాను రనౌట్‌ రూపంలో పెవిలియన్‌కు పంపాడు. భారత ఇన్నింగ్స్‌ 39 ఓవర్‌లో తొలి బంతిని జో రూట్‌ ఫుల్‌ టాస్‌గా సంధించాడు. అయితే జడేజా ఆ డెలివరీని మిడ్-ఆన్ వైపు ఆడాడు. దీంతో సింగిల్‌ కోసం నాన్‌స్ట్రైక్‌ వైపు పరిగెత్తాడు. ఈ క్రమంలో వేగంగా పరిగెత్తుకుంటూ వచ్చి బంతిని అందుకున్న స్టోక్సీ.. రివర్స్‌లో త్రో చేసి స్టంప్స్‌ను పడగొట్టాడు. జడ్డూ క్రీజులోకి రాకముందే బంతి స్టంప్స్‌ను గిరాటు వేయడంతో పెవిలియన్‌కు చేరక తప్పలేదు. కాగా స్టోక్స్‌ విన్యాసం చూసిన అభిమానులు ఒక్కసారిగా షాక్‌కు గురయ్యారు. ఇందుకు సంబంధించిన వీడియో ప్రస్తుతం సోషల్‌ మీడియాలో వైరల్‌గా మారింది. కాగా టెస్టు క్రికెట్‌లో జడేజా రనౌట్‌ అవ్వడం ఇదే తొలిసారి. చదవండి: AUS vs WI: 27 ఏళ్ల తర్వాత తొలి విజయం.. కన్నీళ్లు పెట్టుకున్న బ్రియాన్‌ లారా! వీడియో Bro wtf was that 🤯 Benjamin Stokes - what a runout #INDvsENGTest #INDvsENG pic.twitter.com/l0IIEY3FY2 — Cheems Bond (@Cheems_Bond_007) January 28, 2024

Ind Vs Eng 1st Test Day 4 Live Updates: తొలి టెస్టులో టీమిండియా ఓటమి.. హైదరాబాద్‌ వేదికగా ఇంగ్లండ్‌తో జరిగిన తొలి టెస్టులో 28 పరుగుల తేడాతో బారత్‌ ఓటమి పాలైంది. 230 పరుగుల లక్ష్యంతో బరిలోకి దిగిన టీమిండియా 202 పరుగులకు ఆలౌటైంది. ఇంగ్లండ్‌ బౌలర్లలో స్పిన్నర్‌ టామ్‌ హార్ట్‌లీ 7 వికెట్లతో చెలరేగాడు. అతడితో పాటు జో రూట్‌, జాక్‌ లీచ్‌ తలా వికెట్‌ సాధించారు. భారత బ్యాటర్లలో రోహిత్‌ శర్మ(39) పరుగులతో టాప్‌ స్కోరర్‌గా నిలిచాడు. ఓటమి అంచుల్లో టీమిండియా.. అశ్విన్‌ ఔట్‌ ఇంగ్లండ్‌తో జరుగుతున్న తొలి టెస్టులో టీమిండియా ఓటమి అంచుల్లో నిలిచింది. రవి చంద్రన్‌ అశ్విన్‌(28) రూపంలో టీమిండియా తొమ్మిదో వికెట్‌ కోల్పోయింది. భారత విజయానికి ఇంకా 49 పరుగులు కావాలి. ఎనిమిదో వికెట్‌ డౌన్‌.. 176 పరుగుల వద్ద భారత్‌ ఎనిమిదో వికెట్‌ కోల్పోయింది. 28 పరుగులు చేసిన శ్రీకర్‌ భరత్‌ను.. హార్ట్‌లీ క్లీన్‌ బౌల్డ్‌ చేశాడు.  భారత్‌ విజయానికి ఇంకా 54 పరుగులు కావాలి. క్రీజులో అశ్విన్‌, శ్రీకర్‌ భరత్‌ ఉన్నారు. నిలకడగా ఆడుతున్న అశ్విన్‌, శ్రీకర్‌.. 119 పరుగులకే 7 వికెట్లు కోల్పోయి పీకల్లోతు కష్టాల్లో పడిన టీమిండియాను రవిచంద్రన్‌ అశ్విన్‌(13), శ్రీకర్‌​ భరత్‌(9) అదుకునే ప్రయత్నం చేస్తున్నారు. 53 ఓవర్లకు 7 వికెట్ల నష్టానికి 142 పరుగులు చేసింది. భారత్‌ విజయానికి ఇంకా 89 పరుగులు కావాలి. ఓటమి దిశగా భారత్‌.. ఉప్పల్‌ వేదికగా ఇంగ్లండ్‌తో జరుగుతున్న తొలి టెస్టులో టీమిండియా ఓటమి దిశగా పయనిస్తోంది. 230 పరుగుల లక్ష్యంతో బరిలోకి దిగిన టీమిండియా 119 పరుగులకే 7 వికెట్లు కోల్పోయి పీకల్లోతు కష్టాల్లో పడింది. శ్రేయస్‌ అయ్యర్‌ రూపంలో ఏడో వికెట్‌ కోల్పోయింది. భారత విజయానికి ఇంకా 111 పరుగులు కావాలి. క్రీజులో ప్రస్తుతం రవిచంద్రన్‌ అశ్విన్‌, శ్రీకర్‌ భరత్‌ ఉన్నారు. పీకల్లోతు కష్టాల్లో టీమిండియా.. 230 పరుగుల లక్ష్యంతో బరిలోకి దిగిన టీమిండియా తడబడుతోంది. 119 పరుగుల వద్ద జడేజా రూపంలో భారత్‌ 6 వికెట్‌ కోల్పోయింది. 2 పరుగులు చేసిన జడేజా రనౌట్‌ రూపంలో పెవిలియన్‌కు చేరాడు. భారత విజయానికి ఇంకా 112 పరుగులు కావాలి. క్రీజులో ప్రస్తుతం శ్రేయస్‌ అయ్యర్‌, శ్రీకర్‌ భరత్‌ ఉన్నారు. ఐదో వికెట్‌ డౌన్‌.... కేఎల్‌ రాహుల్‌ ఔట్‌ నాలుగో ఇన్నింగ్స్‌లో 108 పరుగులకే ఐదు వికెట్లు కోల్పోయి టీమిండియా కష్టాల్లో పడింది. కేఎల్‌ రాహుల్‌ టీమిండియా ఐదో వికెట్‌ కోల్పోయింది. నాలుగో వికెట్‌ డౌన్‌.. అక్షర్‌ పటేల్‌ ఔట్‌ 95 పరుగుల వద్ద భారత్‌ నాలుగో వికెట్‌ కోల్పోయింది. 17 పరుగులు చేసిన అక్షర్‌ పటేల్‌.. టామ్‌ హార్ట్‌లీ బౌలింగ్‌లో రిటర్న్‌ క్యాచ్‌ ఇచ్చి ఔటయ్యాడు. క్రీజులోకి శ్రేయస్‌ అయ్యర్‌ వచ్చాడు.  భారత విజయానికి ఇంకా 136 పరుగులు కావాలి టీ విరామానికి భారత్‌ స్కోర్‌: 95/3 నాలుగో రోజు టీ విరామానికి భారత జట్టు 3 వికెట్ల నష్టానికి 95 పరుగులు చేసింది. క్రీజులో అక్షర్‌ పటేల్‌(17), కేఎల్‌ రాహుల్‌(21) పరుగులతో ఉన్నారు. టీమిండియా విజయానికి 136 పరుగులు కావాలి. రోహిత్‌ శర్మ (39) ఔట్‌.. కష్టాల్లో భారత్‌ కెప్టెన్‌ రోహిత్‌ శర్మ 39 పరుగుల వ్యక్తిగత స్కోర్‌ వద్ద ఔటయ్యాడు. టామ్‌ హార్ట్లీ బౌలింగ్‌లో హిట్‌మ్యాన్‌ ఎల్బీడబ్యూగా వెనుదిరిగాడు. 230 పరుగుల లక్ష్య ఛేదనలో 63 పరుగులకే 3 వికెట్లు కోల్పోయి టీమిండియా కష్టాల్లో పడింది. కేఎల్‌ రాహుల్‌కు జతగా అక్షర్‌ పటేల్‌ క్రీజ్‌లోకి వచ్చాడు.    ఒకే స్కోర్‌ వద్ద రెండు వికెట్లు కోల్పోయిన భారత్‌ 230 పరుగుల లక్ష్యాన్ని ఛేదించేందుకు బరిలోకి దిగిన భారత్‌.. 42 పరుగుల వద్ద రెండు వికెట్లు కోల్పోయి కష్టాల్లో పడింది. ఇంగ్లండ్‌ స్పిన్నర్‌ టామ్‌ హార్ట్లీ ఒక్కసారిగా రెచ్చిపోయి యశస్వి జైస్వాల్‌ (15), శుభ్‌మన్‌ గిల్‌ను (0) ఒకే ఓవర్‌లో పెవిలియన్‌కు పంపాడు. రోహిత్‌ శర్మ, కేఎల్‌ రాహుల్‌ క్రీజ్‌లో ఉన్నారు.  తృటిలో డబుల్‌ సెంచరీ మిస్‌ చేసుకున్న పోప్‌.. ఇంగ్లండ్‌ 420 ఆలౌట్‌ ఇంగ్లండ్‌ ఆటగాడు ఓలీ పోప్‌ తృటిలో డబుల్‌ సెంచరీ మిస్‌ చేసుకున్నాడు. 196 పరుగుల వ్యక్తిగత స్కోర్‌ వద్ద పోప్‌ బుమ్రా బౌలింగ్‌లో క్లీన్‌ బౌల్డ్‌ అయ్యాడు. పోప్‌ ఔట్‌ కావడంతో ఇంగ్లండ్‌ ఇన్నింగ్స్‌కు 420 పరుగుల వద్ద తెర పడింది. ఆ జట్టు భారత్‌ ముందు 230 పరుగుల లక్ష్యాన్ని ఉంచింది.  తొమ్మిదో వికెట్‌ కోల్పోయిన ఇంగ్లండ్‌ 420 పరుగుల వద్ద ఇంగ్లండ్‌ తొమ్మిదో వికెట్‌ కోల్పోయింది. జడేజా బౌలింగ్‌లో మార్క్‌ వుడ్‌ (0) ఔటయ్యాడు. పోప్‌ 196 పరుగుల వద్ద క్రీజ్‌లో ఉన్నాడు.  ఎనిమితో వికెట్‌ కోల్పోయిన ఇంగ్లండ్‌ 419 పరుగుల వద్ద ఇంగ్లండ్‌ ఎనిమిదో వికెట్‌ కోల్పోయింది. అశ్విన్‌.. టామ్‌ హార్ట్లీని (34) క్లీన్‌ బౌల్డ్‌ చేశాడు.  ఏడో వికెట్‌ కోల్పోయిన ఇంగ్లండ్‌ ఓవర్‌నైట్‌ స్కోర్‌ 316/6తో నాలుగో రోజు ఆటను ప్రారంభించిన ఇంగ్లండ్‌ ఆదిలోనే వికెట్‌ కోల్పోయింది. బుమ్రా బౌలింగ్‌లో వికెట్‌కీపర్‌ శ్రీకర్‌ భరత్‌కు క్యాచ్‌ ఇచ్చి రెహాన్‌ అహ్మద్‌ (28) ఔటయ్యాడు. ప్రస్తుతం ఇంగ్లండ్‌ స్కోర్‌ 352/7గా ఉంది. 162 పరుగుల ఆధిక్యంలో కొనసాగుతుంది. ఓలీ పోప్‌ (166), టామ్‌ హార్ట్లీ (3) క్రీజ్‌లో ఉన్నారు.  ఈ మ్యాచ్‌లో టాస్‌ గెలిచి తొలుత బ్యాటింగ్‌ చేసిన ఇంగ్లండ్‌ తొలి ఇన్నింగ్స్‌లో 246 పరుగులకు ఆలౌటైంది. కెప్టెన్‌ బెన్‌ స్టోక్స్‌ (70) టాప్‌ స్కోరర్‌గా నిలిచాడు.భారత బౌలర్లలో అశ్విన్‌, జడేజా తలో 3 వికెట్లు.. అక్షర్‌, బుమ్రా చెరో 2 వికెట్లు పడగొట్టారు. అనంతరం భారత్‌ తొలి ఇన్నింగ్స్‌లో 436 పరుగులు చేసి ఆలౌటైంది. జడేజా (87), కేఎల్‌ రాహుల్‌ (86), యశస్వి జైస్వాల్‌ (80) రాణించారు. ఇంగ్లండ్‌ బౌలర్లలో రూట్‌ 4, రెహాన్‌ అహ్మద్‌, హార్ట్లీ తలో 2 వికెట్లు, లీచ్‌ ఓ వికెట్‌ పడగొట్టారు.   

India vs England, 1st Test: ఇంగ్లండ్‌తో తొలి టెస్టు సందర్భంగా టీమిండియా స్టార్‌ స్పిన్నర్‌ రవిచంద్రన్‌ అశ్విన్‌ అరుదైన రికార్డు సాధించాడు. టెస్టుల్లో ఒకే బ్యాటర్‌ను అత్యధికసార్లు అవుట్‌ చేసిన భారత బౌలర్‌గా నిలిచాడు. తద్వారా లెజెండరీ ఆల్‌రౌండర్‌ కపిల్‌ దేవ్‌ పేరిట ఉన్న రికార్డును సమం చేశాడు. కాగా హైదరాబాద్‌లో గురువారం మొదలైన టెస్టులో ఇంగ్లండ్‌ తొలి ఇన్నింగ్స్‌లో అశ్విన్‌ మూడు వికెట్లు తీశాడు.  ఈ క్రమంలో శనివారం నాటి మూడో రోజు ఆటలో భాగంగా మరోసారి అద్భుత ప్రదర్శనతో మెరిశాడు అశ్విన్‌. ఇంగ్లండ్‌ రెండో ఇన్నింగ్స్‌ మొదలుపెట్టగా.. ఓపెనర్‌ జాక్‌ క్రాలే(31)ను అవుట్‌ చేసి భారత్‌కు తొలి వికెట్‌ అందించాడు. 📽️ R Ashwin to Ben Stokes What a delivery 🙌#TeamIndia | #INDvENG | @ashwinravi99 | @IDFCFIRSTBank pic.twitter.com/sxBGnhmhl0 — BCCI (@BCCI) January 27, 2024 అప్పట్లో కపిల్‌ దేవ్‌ ఆ తర్వాత బెన్‌ స్టోక్స్‌ను అద్భుత రీతిలో బౌల్డ్‌ చేశాడు. తద్వారా తన ఖాతాలో రెండో వికెట్‌ను జమ చేసుకున్నాడు. కాగా టెస్టుల్లో అశూ.. స్టోక్స్‌ వికెట్‌ పడగొట్టడం ఇది పన్నెండోసారి. గతంలో కపిల్‌ దేవ్‌.. ముదాసర్‌ నాజర్‌ను 12సార్లు పెవిలియన్‌కు పంపాడు. ఇక ఈ జాబితాలో కపిల్‌ దేవ్‌(12), అశ్విన్‌ (12) సంయుక్తంగా అగ్ర స్థానంలో కొనసాగుతుండగా... ఇషాంత్‌ శర్మ అలిస్టర్‌ కుక్‌ను 11 సార్లు అవుట్‌ చేసి మూడో స్థానంలో నిలిచాడు. ఇదిలా ఉంటే.. కపిల్‌ దేవ్‌.. గూచ్‌ను 11 సార్లు, డేవిడ్‌ వార్నర్‌ను అశ్విన్‌ 11 సార్లు అవుట్‌ చేయడం విశేషం. ఇండియా వర్సెస్‌ ఇంగ్లండ్‌ హైదరాబాద్‌ టెస్టు తుదిజట్లు: టీమిండియా రోహిత్ శర్మ (కెప్టెన్‌), యశస్వి జైస్వాల్, శుభమన్ గిల్, శ్రేయస్ అయ్యర్, కేఎల్‌ రాహుల్, రవీంద్ర జడేజా, శ్రీకర్ భరత్, అక్షర్ పటేల్‌, రవిచంద్రన్ అశ్విన్, జస్ప్రీత్ బుమ్రా,మహ్మద్ సిరాజ్. ఇంగ్లండ్‌ జాక్ క్రాలే, బెన్ డకెట్, ఒలీ పోప్, జో రూట్, జానీ బెయిర్‌ స్టో, బెన్ స్టోక్స్ (కెప్టెన్‌), బెన్ ఫోక్స్ (వికెట్‌ కీపర్‌), రెహాన్ అహ్మద్, టామ్ టామ్‌ హార్ట్లే, మార్క్ వుడ్, జాక్ లీచ్.

India vs England 1st Test Day 3 Updates: టీమిండియాతో తొలి టెస్టు మూడో రోజు ఆటలో ఇంగ్లండ్‌ మెరుగైన ప్రదర్శన కనబరిచింది. హైదరాబాద్‌లో శనివారం నాటి ఆట పూర్తయ్యే సరికి 77 ఓవర్లలో ఆరు వికెట్ల నష్టానికి 316 పరుగులు చేసింది. వన్‌డౌన్‌ బ్యాటర్‌ ఒలీ పోప్‌ అద్భుత సెంచరీ కారణంగా ఈ మేరకు మెరుగైన స్కోరు సాధించింది. మూడో రోజు హైదరాబాద్‌ టెస్టు ఆసక్తికరమైన మలుపులు తిరిగింది. ఆరంభంలో టీమిండియా, ఆ తర్వాత ఇంగ్లండ్‌ అడ్వాంటేజ్‌ తీసుకున్నారు. ఓ దశలో మ్యాచ్‌ ఇండియా వైపే మొగ్గు చూపినా.. ఇంగ్లండ్‌ బ్యాట్స్ మన్‌ పోరాడడంతో ఆ జట్టుకు 126 పరుగుల స్వల్ప ఆధిక్యం దక్కింది. మూడో రోజు ఆట ముగిసే సరికి పోప్‌ 148, రెహాన్‌ అహ్మద్‌ 16 పరుగులతో క్రీజులో ఉన్నారు. ఇక ఇంగ్లండ్‌ రెండో ఇన్నింగ్స్‌లో భారత బౌలర్లు రవిచంద్రన్‌ అశ్విన్‌ రెండు, జస్‌ప్రీత్‌ బుమ్రా రెండు వికెట్లు తీయగా.. రవీంద్ర జడేజా, అక్షర్‌ పటేల్‌ చెరో వికెట్‌ తీశారు. కాగా టీమిండియా తొలి ఇన్నింగ్స్‌లో 436 పరుగులకు ఆలౌట్‌ అయింది. ఇక రెండో ఇన్నింగ్స్‌లో 316/6 స్కోరు చేసిన ఇంగ్లండ్‌ ప్రస్తుతం భారత జట్టు కంటే 126 పరుగుల ఆధిక్యంలో ఉంది.  ఆరో వికెట్‌ డౌన్‌.. 275 పరుగుల వద్ద ఇంగ్లండ్‌ ఆరో వికెట్‌ కోల్పోయింది.  34 పరుగులు చేసిన బెన్‌ ఫోక్స్‌ను.. అక్షర్‌ పటేల్‌ క్లీన్‌ బౌల్డ్‌ చేశాడు. క్రీజులోకి రెహాన్‌ ఆహ్మద్‌ వచ్చాడు. అతడితో పాటు ఓలీ పోప్‌(125) పరుగులతో ఉన్నాడు. ఒలీ పోప్‌ టాప్‌ క్లాస్‌ సెంచరీ 60.2: జడేజా బౌలింగ్‌లో మూడు పరుగులు తీసి శతకం పూర్తి చేసుకున్న ఇంగ్లండ్‌ వన్‌డౌన్‌ బ్యాటర్‌ ఒలీ పోప్‌. ఇంగ్లండ్‌ స్కోరు: 245/5 (61) 200 పరుగుల మార్కు అందుకున్న ఇంగ్లండ్‌ 52 ఓవర్లలో ఇంగ్లండ్‌ స్కోరు:  200-5 ఆధిక్యంలోకి ఇంగ్లండ్‌.. టీమిండియాతో జరుగుతున్న తొలి టెస్టులో ఇంగ్లండ్‌ రెండో ఇన్నింగ్స్‌లో 5 పరుగుల ఆధిక్యంలోకి వచ్చింది. 50 ఓవర్లు ముగిసే సరికి 5 వికెట్ల నష్టానికి 195 పరుగులు చేసింది. క్రీజులో పోప్‌(81), బెన్‌ ఫోక్స్‌(10) పరుగులతో ఉన్నారు. టీ బ్రేక్‌ సమయానికి ఇంగ్లండ్‌ స్కోరు: 172/5 (42) ఒలీ పోప్‌ 67, బెన్‌ ఫోక్స్‌ రెండు పరుగులతో క్రీజులో ఉన్నారు. టీమిండియా కంటే ఇంగ్లండ్‌ ఇంకా 18 పరుగులు వెనుబడి ఉంది. స్టోక్స్‌ అవుట్‌ 36.5: అశ్విన్‌ బౌలింగ్‌లో ఐదో వికెట్‌గా వెనుదిరిగిన ఇంగ్లండ్‌ కెప్టెన్‌ బెన్‌స్టోక్స్‌(6). ఇంగ్లండ్‌ స్కోరు: 163/5 (36.5). టీమిండియా ఇంకా 27 పరుగుల ఆధిక్యంలో కొనసాగుతోంది. స్టోక్స్‌ స్థానంలో బెన్‌ ఫోక్స్‌ క్రీజులోకి వచ్చాడు. పోప్‌ 60 పరుగులతో ఆడుతున్నాడు. 28.3: పోప్‌ హాఫ్‌ సెంచరీ నాలుగో వికెట్‌ కోల్పోయిన ఇంగ్లండ్‌ 27.4: .జడేజా బౌలింగ్‌లో బెయిర్‌స్టో బౌల్డ్‌(10). బెన్‌స్టోక్స్‌ క్రీజులోకి వచ్చాడు. స్కోరు: 140/4 (27.4)   27 ఓవర్లలో ఇంగ్లండ్‌ స్కోరు: 136/3 బెయిర్‌ స్టో ఆరు, పోప్‌ 46 పరుగులతో క్రీజులో ఉన్నారు. టీమిండియా ఆధిక్యం 54 పరుగులు ఇంగ్లండ్‌ స్కోరు: 122/3 (24).. టీమిండియాకు 68 పరుగుల ఆధిక్యం బెయిర్‌స్టో 3, ఒలీ పోప్‌ 35 పరుగులతో క్రీజులో ఉన్నారు.  దెబ్బకు దెబ్బ కొట్టిన బుమ్రా రెండో ఇన్నింగ్స్‌లో బుమ్రా బౌలింగ్‌లో రూట్‌(2) ఎల్బీడబ్ల్యూగా వెనుదిరిగాడు. దీంతో ఇంగ్లండ్‌ మూడో వికెట్‌ కోల్పోయింది. బెయిర్‌స్టో క్రీజులోకి వచ్చాడు. 21 ఓవర్లలో ఇంగ్లండ్‌ స్కోరు: 117-3. కాగా అంతకు ముందు రూట్‌ బుమ్రాను బౌల్డ్‌ చేసిన సంగతి తెలిసిందే. బుమ్రా మ్యాజిక్‌.. రెండో వికెట్‌ కోల్పోయిన ఇంగ్లండ్‌ 18.5: బుమ్రా బౌలింగ్‌లో బెన్‌ డకెట్‌(47) క్లీన్‌బౌల్డ్‌. దెబ్బకు ఎగిరిపడ్డ వికెట్‌. రెండో వికెట్‌ కోల్పోయిన ఇంగ్లండ్‌. జో రూట్‌ క్రీజులోకి వచ్చాడు. పోప్‌ 31 పరుగులతో ఆడుతున్నాడు. ఇంగ్లండ్‌ స్కోరు: 113/2 (18.5). టీమిండియాకు ఇంకా 77 పరుగుల ఆధిక్యం నిలకడగా ఆడుతున్న డకెట్‌, పోప్‌  16.3: డకెట్‌, పోప్‌ కలిసి 43 బంతుల్లో 50 పరుగుల భాగస్వామ్యం నమోదు చేశారు. స్కోరు:  97-1(17). టీమిండియా ఆధిక్యం 93 రన్స్‌. భోజన విరామ సమయానికి ఇంగ్లండ్‌ స్కోరు: 89/1 (15) ఒలీ పోప్‌ 16, బెన్‌ డకెట్‌ 38 పరుగులతో క్రీజులో ఉన్నారు. టీమిండియా కంటే ఇంగ్లండ్‌ ఇంకా 101 పరుగులు వెనుకబడి ఉంది  12 ఓవర్లలో ఇంగ్లండ్‌ స్కోరు: 67/1 డకెట్‌ 30, పోప్‌ ఆరు పరుగులతో క్రీజులో ఉన్నారు. క్రాలే దూకుడుకు బ్రేక్‌.. తొలి వికెట్‌ కోల్పోయిన ఇంగ్లండ్‌ 9.2: అశ్విన్‌ బౌలింగ్‌లో రోహిత్‌ శర్మకు క్యాచ్‌ ఇచ్చి అవుటైన ఇంగ్లండ్‌ ఓపెనర్‌ జాక్‌ క్రాలే. 33 బంతుల్లోనే 31 పరుగులతో జోరు మీదున్న క్రాలేకు అశూ అడ్డుకట్ట వేయడంతో ఇంగ్లండ్‌ తొలి వికెట్‌ కోల్పోయింది. అతడి స్థానంలో ఒలీ పోప్‌ క్రీజులోకి వచ్చాడు. స్కోరు: 45/1 (9.2) 7 ఓవర్లలో స్కోరు: 33-0 క్రాలే 25, డకెట్‌ 8 పరుగులతో క్రీజులో ఉన్నారు. 6.3: అక్షర్‌ పటేల్‌ బౌలింగ్‌లో సిక్సర్‌ కొట్టిన క్రాలే 5.5: అశ్విన్‌ బౌలింగ్‌లో ఫోర్‌ బాదిన క్రాలే 5 ఓవర్లలో ఇంగ్లండ్‌ స్కోరు: 13-0 ఓపెనర్లు జాక్‌ క్రాలే 10, బెన్‌ డకెట్‌ 3 పరుగులతో క్రీజులో ఉన్నారు. టీమిండియా కంటే ఇంగ్లండ్‌ ఇంకా 177 పరుగులు వెనుకబడి ఉంది. హైలైట్స్‌ ఇంగ్లండ్‌ తొలి ఇన్నింగ్స్‌ స్కోరు: 246 టీమిండియా మొదటి ఇన్నింగ్స్‌ స్కోరు: 436 టీమిండియా ఆలౌట్‌.. ఓవరాల్‌గా 190 పరుగుల ఆధిక్యం 120.6: రెహాన్‌ అహ్మద్‌ బౌలింగ్‌లో అక్షర్‌ పటేల్‌ బౌల్డ్‌. పదో వికెట్‌ కోల్పోయిన టీమిండియా. తొలి ఇన్నింగ్స్‌లో భారత్‌ స్కోరు: 436 (121). మూడో రోజు ఆటలో ఇంగ్లండ్‌ ఆటగాడు జో రూట్‌ రెండు వికెట్లు తీయగా... రెహాన్‌ అహ్మద్‌ ఒక వికెట్‌ తన ఖాతాలో వేసుకున్నాడు. వచ్చీ రాగానే బుమ్రా బౌల్డ్‌ 119.4: జడ్డూ స్థానంలో క్రీజులోకి వచ్చిన బుమ్రా జో రూట్‌ బౌలింగ్‌ క్లీన్‌బౌల్డ్‌ అయ్యాడు. దీంతో టీమిండియా తొమ్మిదో వికెట్‌ కోల్పోయింది. సిరాజ్‌ క్రీజులోకి వచ్చాడు. అక్షర్‌ పటేల్‌ 44 పరుగులతో ఆడుతున్నాడు. టీమిండియా స్కోరు: 436/9 (120). 190 పరుగుల ఆధిక్యంలో టీమిండియా జడ్డూ అవుట్‌.. ఎనిమిదో వికెట్‌ డౌన్‌ 119.3: జో రూట్‌ బౌలింగ్‌లో లెగ్‌ బిఫోర్‌ వికెట్‌గా వెనుదిరిగిన రవీంద్ర జడేజా. 87 పరుగుల వ్యక్తిగత స్కోరు వద్ద జడ్డూ ఇన్నింగ్స్‌ ముగిసిపోయింది. అతడి స్థానంలో జస్‌ప్రీత్‌ బుమ్రా క్రీజులోకి వచ్చాడు. టీమిండియా ఆధిక్యం 190 రన్స్‌ 118.6: ఫోర్‌ బాదిన అక్షర్‌ 179 పరుగుల ఆధిక్యంలో టీమిండియా 113: జడేజా 84, అక్షర్‌ పటేల్‌​ 36 పరుగులతో క్రీజులో ఉన్నారు. భారత్‌- ఇంగ్లండ్‌ మధ్య మొదలైన మూడో రోజు ఆట రవీంద్ర జడేజా 83, అక్షర్‌ పటేల్‌ 35 పరుగులతో క్రీజులో ఉన్నారు. స్కోరు:  423-7(112). రెండో రోజు హైలైట్స్‌ ►శుక్రవారం నాటి ముగిసే సరికి తొలి ఇన్నింగ్స్‌లో టీమిండియా స్కోరు: 421/7 ►కేఎల్‌ రాహుల్(86), జడేజా అర్ధ సెంచరీలు  ►రాణించిన కేఎస్‌ భరత్(41), అక్షర్‌ పటేల్‌   ఆధిక్యంలో కొనసాగుతున్న భారత్‌ టీమిండియా- ఇంగ్లండ్‌ మధ్య తొలి టెస్టు మూడో రోజు ఆట ఆరంభమైంది. హైదరాబాద్‌ వేదికగా గురువారం మొదలైన ఈ మ్యాచ్‌లో టాస్‌ గెలిచిన ఇంగ్లండ్‌ తొలుత బ్యాటింగ్‌ చేసిన విషయం తెలిసిందే. భారత బౌలర్ల విజృంభణతో 246 పరుగులకు ఆలౌట్‌ అయింది. ఈ ‍క్రమంలో తొలి రోజే బ్యాటింగ్‌ మొదలుపెట్టిన రోహిత్‌ సేన ప్రస్తుతం 175కు పైగా పరుగుల ఆధిక్యంలో కొనసాగుతోంది. తుదిజట్లు: టీమిండియా రోహిత్ శర్మ (కెప్టెన్‌), యశస్వి జైస్వాల్, శుభమన్ గిల్, శ్రేయస్ అయ్యర్, కేఎల్‌ రాహుల్, రవీంద్ర జడేజా, శ్రీకర్ భరత్, అక్షర్ పటేల్‌, రవిచంద్రన్ అశ్విన్, జస్ప్రీత్ బుమ్రా,మహ్మద్ సిరాజ్. ఇంగ్లండ్‌ జాక్ క్రాలే, బెన్ డకెట్, ఒలీ పోప్, జో రూట్, జానీ బెయిర్‌ స్టో, బెన్ స్టోక్స్ (కెప్టెన్‌), బెన్ ఫోక్స్ (వికెట్‌ కీపర్‌), రెహాన్ అహ్మద్, టామ్ టామ్‌ హార్ట్లే, మార్క్ వుడ్, జాక్ లీచ్. చదవండి: మొదటి టెస్టు మన చేతుల్లోకి...

‘బజ్‌బాల్‌’... దూకుడైన ఆటకు మారుపేరు అంటూ ఇంగ్లండ్‌ జట్టు గత కొంత కాలంగా ప్రచారం చేసింది. అయితే భారత్‌లో ఇది సాధ్యమా అనే సందేహాలు వినిపించాయి. ఇంగ్లండ్‌ ఆశించినట్లుగా ఆ ధాటి పని చేసింది... అయితే అది తొలి ఎనిమిది ఓవర్ల వరకే... ఆ తర్వాత భారత ‘స్పిన్‌ బాల్‌’ దెబ్బకు లెక్క మారిపోయింది... వరుసగా వికెట్లు కోల్పోయిన ఇంగ్లండ్‌ చివర్లో స్టోక్స్‌ ఆదుకోవడంతో కాస్త కోలుకుంది. అక్కడక్కడ ఇంగ్లండ్‌ కాస్త మెరుగైన స్థితిలోనే నిలిచినా చివరకు సాధారణ స్కోరుకే పరిమితమైంది. ఆపై మన గడ్డపై ‘బజ్‌బాల్‌’ ఎలా ఆడాలో భారత ఓపెనర్లు చూపించారు. యశస్వి ధాటికి ఆరంభంలో స్కోరు ఆరుకు పైగా రన్‌రేట్‌తో సాగింది. తొలి రోజే ప్రత్యర్థి స్కోరులో దాదాపు సగం స్కోరును జట్టు అందుకుంది... మొత్తంగా అన్ని విధాలా మొదటి రోజు మనదిగా ముగిసింది. సాక్షి, హైదరాబాద్‌: ఇంగ్లండ్‌తో గురువారం ప్రారంభమైన తొలి టెస్టులో భారత్‌ మొదటి రోజు పైచేయిని ప్రదర్శించింది. టాస్‌ ఓడిపోవడం మినహా దాదాపు మిగతా రోజంతా టీమిండియాకే అనుకూలంగా సాగింది. టాస్‌ గెలిచి ముందుగా బ్యాటింగ్‌కు దిగిన ఇంగ్లండ్‌ 64.3 ఓవర్లలో 246 పరుగులకు ఆలౌటైంది. కెప్టెన్‌ బెన్‌ స్టోక్స్‌ (88 బంతుల్లో 70; 6 ఫోర్లు, 3 సిక్స్‌లు) అర్ధసెంచరీ సాధించగా... బెయిర్‌స్టో (58 బంతుల్లో 37; 5 ఫోర్లు) ఫర్వాలేదనిపించాడు. స్పిన్నర్లు అశ్విన్  జడేజా చెరో 3 వికెట్లు పడగొట్టగా...అక్షర్‌ పటేల్‌ ఖాతాలో 2 వికెట్లు చేరాయి. పేసర్‌ బుమ్రాకు రెండు వికెట్లు దక్కాయి. అనంతరం ఆట ముగిసే సమయానికి భారత్‌ తమ తొలి ఇన్నింగ్స్‌లో 23 ఓవర్లలో ఒక వికెట్‌ నష్టానికి 119 పరుగులు సాధించింది. యశస్వి జైస్వాల్‌ (70 బంతుల్లో 76 బ్యాటింగ్‌; 9 ఫోర్లు, 3 సిక్స్‌లు) దూకుడుగా ఆడగా... రోహిత్‌ శర్మ (27 బంతుల్లో 24; 3 ఫోర్లు) రాణించాడు. ప్రస్తుతం భారత్‌ మరో 127 పరుగులు వెనుకబడి ఉండగా... క్రీజ్‌లో యశస్వితో పాటు గిల్‌ (43 బంతుల్లో 14 బ్యాటింగ్‌; 1 ఫోర్‌) ఉన్నాడు. నేడు రెండో రోజూ పూర్తిగా బ్యాటింగ్‌ చేసి టీమిండియా భారీ స్కోరు సాధిస్తే మ్యాచ్‌ చేతుల్లోకి వచ్చి నట్లే.   ఓపెనర్ల శుభారంభం...  బుమ్రా, సిరాజ్‌ బౌలింగ్‌ను సమర్థంగా ఎదుర్కొంటూ క్రాలీ (40 బంతుల్లో 20; 3 ఫోర్లు), డకెట్‌ (39 బంతుల్లో 35; 7 ఫోర్లు) వేగంగా పరుగులు రాబట్టారు. 8 ఓవర్లలో వీరు 41 పరుగులు జత చేశారు. తర్వాతి ఓవర్‌ జడేజా మెయిడిన్‌గా వేయడంతో దూకుడుకు అడ్డుకట్ట పడింది. అశ్విన్ , జడేజా చెలరేగడంతో 5 పరుగుల వ్యవధిలో 3 వికెట్లు కోల్పోయి ఇంగ్లండ్‌ కష్టాల్లో పడింది. ఈ దశలో రూట్‌ (60 బంతుల్లో 29; 1 ఫోర్‌), బెయిర్‌స్టో కలిసి 61 పరుగుల భాగస్వామ్యంతో జట్టును ఆదుకున్నారు. అయితే 4 పరుగుల వ్యవధిలో వీరిద్దరు వెనుదిరిగారు. అక్షర్‌ అద్భుత బంతితో బెయిర్‌స్టోను బౌల్డ్‌ చేయగా, రూట్‌ స్వయంకృతంతో వెనుదిరిగాడు. 137/6తో ఇన్నింగ్స్‌ ముగిసేందుకు ఇంగ్లండ్‌ చేరువైంది. అయితే స్టోక్స్‌ తన విలువను చూపించాడు. ఈ స్థితిలో స్టోక్స్‌ స్కోరు 8 పరుగులు మాత్రమే. కానీ టెయిలెండర్ల సహాయంతో అతను చెలరేగిపోయాడు. జట్టు సాధించిన తర్వాతి 109 పరుగుల్లో 62 అతని బ్యాట్‌ నుంచే రాగా... హార్లీ (24 బంతుల్లో 23; 2 ఫోర్లు, 1 సిక్స్‌) తన కెప్టెన్ కు  అండగా నిలిచాడు. జడేజా ఓవర్లో స్టోక్స్‌ వరుస బంతుల్లో కొట్టిన రెండు సిక్సర్లు, అతని ఓవర్లోనే బాదిన మూడు ఫోర్లు హైలైట్‌గా నిలిచాయి. చివరకు చక్కటి బంతితో స్టోక్స్‌ ఆటను బుమ్రా కట్టించాడు. తొలి రెండు సెషన్లలో వందకు పైగా పరుగులు సాధించి ఇంగ్లండ్‌ మెరుగ్గానే ఆడినా... చివరకు వచ్చేసరికి ఆ జట్టు ఆశించిన భారీ స్కోరు మాత్రం సాధ్యం కాలేదు.   మెరుపు ఆరంభం...  వుడ్స్‌ వేసిన ఇన్నింగ్స్‌ తొలి బంతినే ఫోర్‌తో మొదలు పెట్టిన యశస్వి, అరంగేట్ర బౌలర్‌ హార్లీ తొలి టెస్టు బంతిని సిక్సర్‌ బాది స్వాగతం పలికాడు. మరోవైపు రోహిత్‌ అండగా నిలవడంతో 6.3 ఓవర్లలోనే టీమిండియా స్కోరు 50 పరుగులకు చేరింది. అనంతరం 47 బంతుల్లోనే యశస్వి అర్ధసెంచరీ పూర్తయింది. అయితే జట్టుకు అంతా అనుకూలంగా ఉండి టెస్టులో ఇంకా ఎంతో సమయం మిగిలి ఉన్నా... అనవసరంగా అత్యుత్సాహానికి పోయి చెత్త షాట్‌ ఆడిన రోహిత్‌ వికెట్‌ పారేసుకున్నాడు. అనంతరం గిల్‌ బాగా జాగ్రత్త ప్రదర్శించడంతో వేగం తగ్గింది. అయినా చివరకు 5.17 రన్‌రేట్‌తో భారత్‌ రోజును ముగించింది. స్కోరు వివరాలు ఇంగ్లండ్‌ తొలి ఇన్నింగ్స్‌: క్రాలీ (సి) సిరాజ్‌ (బి) అశ్విన్‌ 20; డకెట్‌ (ఎల్బీ) (బి) అశ్విన్  35; పోప్‌ (సి) రోహిత్‌ (బి) జడేజా 1; రూట్‌ (సి) బుమ్రా (బి) జడేజా 29; బెయిర్‌స్టో (బి) అక్షర్‌ 37; స్టోక్స్‌ (బి) బుమ్రా 70; ఫోక్స్‌ (సి) భరత్‌ (బి) అక్షర్‌ 4; రేహన్‌ (సి) భరత్‌ (బి) బుమ్రా 13; హార్లీ (బి) జడేజా 23; వుడ్‌ (బి)అశ్విన్  11; లీచ్‌ (నాటౌట్‌) 0; ఎక్స్‌ట్రాలు 3; మొత్తం (64.3 ఓవర్లలో ఆలౌట్‌) 246. వికెట్ల పతనం: 1–55, 2–58, 3–60, 4–121, 5–125, 6–137, 7–155, 8–193, 9–234, 10–246. బౌలింగ్‌: బుమ్రా 8.3–1–28–2, సిరాజ్‌ 4–0–28–0, జడేజా 18–4–88–3, అశ్విన్  21–1–68–3, అక్షర్‌ 13–1–33–2. భారత్‌ తొలి ఇన్నింగ్స్‌: యశస్వి (బ్యాటింగ్‌) 76; రోహిత్‌ (సి) స్టోక్స్‌ (బి) లీచ్‌ 24; గిల్‌ (బ్యాటింగ్‌) 14; ఎక్స్‌ట్రాలు 5; మొత్తం (23 ఓవర్లలో వికెట్‌ నష్టానికి) 119. వికెట్ల పతనం: 1–80. బౌలింగ్‌: వుడ్‌ 2–0–9–0, హార్లీ 9–0 –63–0, లీచ్‌ 9–2–24–1, రేహన్‌ 3–0–22–0.

సాక్షి, విశాఖపట్నం: టీమిండియా- ఇంగ్లండ్‌ రెండో టెస్టుకు నగరం ఆతిథ్యం ఇవ్వనుంది. విశాఖపట్నం వేదికగా ఫిబ్రవరి 2 నుంచి 6 వరకు మ్యాచ్‌ నిర్వహణకు షెడ్యూల్‌ ఖరారైంది. ఈ నేపథ్యంలో శుక్రవారం(జనవరి 26) నుంచి ఆఫ్‌లైన్‌లో టికెట్లు అందుబాటులోకి రానున్నాయి. ఈ మేరకు టికెట్ల విక్రయాలు ప్రారంభించనున్నట్లు ఏసీఏ కార్యదర్శి ఎస్‌.ఆర్‌.గోపినాథ్‌రెడ్డి వెల్లడించారు.  ఇందులో భాగంగా ఫిబ్రవరి 6 వరకు పీఎం పాలెంలోని డాక్టర్‌ వైఎస్సార్‌ ఏసీఏ–వీడీసీఏ క్రికెట్‌ స్టేడియం, ఫిబ్రవరి 1 వరకు స్వర్ణభారతి ఇండోర్‌ స్టేడియంలో ప్రత్యేకంగా ఏర్పాటు చేసిన కౌంటర్లలో టికెట్లు విక్రయించనున్నట్లు తెలిపారు. రోజూ ఉదయం 10 గంటల నుంచి సాయంత్రం 6 గంటల వరకు టికెట్లు విక్రయించేలా ఏర్పాట్లు చేశామన్నారు. తొలి రోజు టీమిండియాదే కాగా.. ఈ నెల 15 నుంచి ఆన్‌లైన్‌లో టికెట్లు విక్రయిస్తున్న విషయం తెలిసిందే. ఇదిలా ఉంటే.. హైదరాబాద్‌ వేదికగా టీమిండియా- ఇంగ్లండ్‌ మధ్య గురువారం(జనవరి 25) తొలి టెస్టు ఆరంభమైంది. స్పిన్నర్లు చెలరేగడంతో ఇంగ్లండ్‌ను 246 పరుగులకే ఆలౌట్‌ చేసిన టీమిండియా.. ఆ తర్వాత బ్యాటింగ్‌కు దిగింది. ఓపెనర్‌ యశస్వి జైస్వాల్‌ దూకుడుగా ఆడటంతో మొదటి రోజు ఆట ముగిసే సరికి ఒక వికెట్‌ నష్టానికి 119 పరుగులు చేసింది. మొత్తానికి తొలి రోజు పర్యాటక స్టోక్స్‌ బృందంపై రోహిత్‌ సేన పైచేయి సాధించింది.   ఆఫ్‌లైన్‌లో అందుబాటులో ఉన్న టికెట్ల ధరల వివరాలు..   ►రోజుకు రూ.100+సీజన్‌కు రూ.400                  ►రోజుకు రూ.200+సీజన్‌కు రూ.800                  ►రోజుకు రూ.300+సీజన్‌కు రూ.1,000              ►రోజుకు రూ.500+సీజన్‌కు రూ.1,500                                                                                               రోజుకు 2,850 మంది క్లబ్‌ క్రీడాకారులకు ఉచిత ఎంట్రీ..  రాష్ట్రంలో రోజుకు 2,850 మంది క్రికెట్‌ క్లబ్‌ క్రీడాకారులన చొప్పున ఐదు రోజులకు 14,250 మందికి ఉచిత ప్రవేశం కల్పించనున్నారు.      రోజుకు 2 వేల మంది విద్యార్థులకు ఉచిత ఎంట్రీ..  రోజుకు 2 వేల మంది చొప్పున ఐదు రోజులకు 10,000 మంది విద్యార్థులకు ఉచిత ఎంట్రీకి ఏర్పాట్లు చేశారు. అయితే విద్యార్థులు ఐడీ కార్డులు తప్పనిసరిగా తీసుకురావాల్సి ఉంటుంది.   దేశంలో ఏ రాష్ట్రంలో లేనివిధంగా తక్కువ ధరలు..  దేశంలో ఏ రాష్ట్రంలో లేనివిధంగా లోయర్‌ పెవిలియన్‌ సీజన్‌ టికెట్లను విశాఖపట్నంలో కేవలం రూ. 1500లకు అందుబాటులో ఉంచినట్లు ఏసీఏ కార్యదర్శి ఎస్‌.ఆర్‌.గోపినాథ్‌రెడ్డి ఈ సందర్భంగా తెలిపారు. చదవండి: INDA& U19 WC: టెస్టులో అన్న.. వరల్డ్‌కప్‌లో తమ్ముడి సెంచరీలు

ఉప్పల్‌ వేదికగా ఇంగ్లండ్‌తో జరుగుతున్న తొలి టెస్టులో టీమిండియా పేస్‌ గుర్రం జస్ప్రీత్‌ బుమ్రా అద్భుతమైన బంతితో మెరిశాడు. ఓ సంచలన బంతితో ఇంగ్లండ్‌ కెప్టెన్‌ బెన్‌ స్టోక్స్‌ను బుమ్రా బోల్తా కొట్టించాడు. ఏమైందంటే.. ఓ ఎండ్‌లో వికెట్లు పడుతున్నప్పటికీ స్టోక్స్‌ మాత్రం భారత స్పిన్నర్లను టార్గెట్‌ చేస్తూ బౌండరీలు వర్షం ​కురిపించాడు. ఈ క్రమంలో భారత కెప్టెన్‌ రోహిత్‌ శర్మ.. ప్రీమియర్‌ బౌలర్‌ బుమ్రాను ఎటాక్‌లోకి తీసుకు వచ్చాడు. రోహిత్‌ నమ్మకాన్ని జస్ప్రీత్‌ వమ్ము చేయలేదు. ఇంగ్లండ్‌ ఇన్నింగ్స్‌65 ఓవర్‌లో బుమ్రా వేసిన మూడో బంతిని స్టోక్స్‌.. ఫ్రంట్‌ ఫుట్‌కు వచ్చి వికెట్లను వదిలేసి షాట్ ఆడేందుకు ప్రయత్నించాడు. అయితే బంతి మాత్రం అనూహ్యంగా టర్న్‌ అయ్యి స్టంప్స్‌ను గిరాటేసింది. దీంతో బిత్తర పోయిన స్టోక్స్.. ఏమి బాల్‌ వేశావు బ్రో అన్నట్లు రియాక్షన్‌ ఇచ్చాడు. ఇందుకు సంబంధించిన వీడియో ప్రస్తుతం సోషల్‌ మీడియాలో వైరల్‌గా మారింది. కాగా అంతకుముందు గతేడాది జరిగిన వన్డే వరల్డ్‌కప్‌లో మహ్మద్‌ షమీ కూడా ఈ విధంగానే స్టోక్స్‌ను ఔట్‌ చేశాడు. కాగా ఈ మ్యాచ్‌లో బుమ్రా రెండు వికెట్లు పడగొట్టాడు. తొలి రోజు మనదే.. ఇక తొలి రోజు ఆటలో ఇంగ్లండ్‌పై టీమిండియా పైచేయి సాధించింది. మొదటి రోజు ఆట ముగిసే సమయానికి తొలి ఇన్నింగ్స్‌లో భారత్‌ వికెట్‌ నష్టానికి 119 పరుగులు చేసింది. క్రీజులో యశస్వీ జైశ్వాల్‌(76), శుబ్‌మన్‌ గిల్‌(14) పరుగులతో ఉన్నారు. రోహిత్‌ శర్మ 24 పరుగులు చేసి ఔటయ్యాడు. అంతకుముందు ఇంగ్లండ్‌ తమ తొలి ఇన్నింగ్స్‌లో 246 పరుగులకు ఆలౌటైంది.ఇంగ్లండ్‌ బ్యాటర్లలో బెన్‌ స్టోక్స్‌ 70 పరుగులతో కెప్టెన్‌ ఇన్నింగ్స్‌ ఆడాడు. భారత బౌలర్లలో రవీంద్ర జడేజా, అశ్విన్‌ తలా 3 వికెట్లతో ఇంగ్లండ్‌ పతనాన్ని శాసించగా.. అక్షర్‌ పటేల్‌, బుమ్రా చెరో రెండు వికెట్లు పడగొట్టారు. What a beauty from Bumrah 😍 Ben Stokes gives his appreciation and England are all out for 246 🏏#INDvENG pic.twitter.com/cWktwuB42B — Cricket on TNT Sports (@cricketontnt) January 25, 2024

ఐదు మ్యాచ్‌ల టెస్ట్‌ సిరీస్‌లో భాగంగా హైదరాబాద్‌లోని ఉప్పల్‌ స్టేడియం వేదికగా భారత్‌, ఇంగ్లండ్‌ జట్ల మధ్య ఇవాళ (జనవరి 25) తొలి టెస్ట్‌ మ్యాచ్‌ ప్రారంభమైంది. ఈ మ్యాచ్‌లో ఇంగ్లండ్‌ కెప్టెన్‌ బెన్‌ స్టోక్స్‌ టాస్‌ గెలిచి తొలుత బ్యాటింగ్‌ ఎంచుకున్నాడు.  భారత తుది జట్టు: రోహిత్ శర్మ (కెప్టెన్‌), యశస్వి జైస్వాల్,  శుభమన్ గిల్, శ్రేయస్ అయ్యర్, కేఎల్‌ రాహుల్, రవీంద్ర జడేజా, శ్రీకర్ భరత్, అక్షర్ పటేల్‌, రవిచంద్రన్ అశ్విన్, జస్ప్రీత్ బుమ్రా, మహ్మద్ సిరాజ్ ఇంగ్లండ్‌ తుది జట్టు:  జాక్ క్రాలీ, బెన్ డకెట్, ఒల్లీ పోప్, జో రూట్, జానీ బెయిర్‌స్టో, బెన్ స్టోక్స్ (కెప్టెన్‌), బెన్ ఫోక్స్ (వికెట్‌ కీపర్‌), రెహాన్ అహ్మద్, టామ్ హార్ట్లీ, మార్క్ వుడ్, జాక్ లీచ్

భారత వీసా లభించకపోవడంతో తొలి టెస్టుకు దూరమైన ఇంగ్లండ్‌ స్పిన్నర్‌ షోయబ్‌ బషీర్‌కు ఊరట లభించింది. వీసా లేకపోవడంతో అతను జట్టుతో పాటు భారత్‌కు ప్రయాణించకుండా యూఏఈ నుంచి ఇంగ్లండ్‌కు వెనక్కి వెళ్లిపోయాడు. అయితే ఇప్పుడు బషీర్‌కు వీసా మంజూరైందని గురువారం ఇంగ్లండ్‌ క్రికెట్‌ బోర్డు (ఈసీబీ) ప్రకటించింది. ‘బషీర్‌ తన వీసా అందుకున్నాడు. ఈ వారాంతంలో భారత్‌కు వచ్చి అతను జట్టుతో కలుస్తాడు. సమస్య పరిష్కారం కావడంతో సంతోషంగా ఉంది’ అని ఈసీబీ వెల్లడించింది. ఇంగ్లండ్‌లో పుట్టినా... పాకిస్తాన్‌ మూలాలు ఉన్న కారణంగానే బషీర్‌ వీసాను భారత ప్రభుత్వం ఆలస్యం చేసిందని గత రెండు రోజులుగా విమర్శలు వచ్చాయి. ఇంగ్లండ్‌ ప్రభుత్వ అధికారి కూడా ఒకరు దీనిపై అసంతృప్తి వ్యక్తం చేయగా... ఇప్పుడు అంతా సుఖాంతమైంది. 20 ఏళ్ల ఆఫ్‌ స్పిన్నర్‌ బషీర్‌ ఇప్పటి వరకు ఒక్క టెస్టు కూడా ఆడలేదు. ఒకవేళ బషీర్‌ జట్టుతో పాటు భారత్‌కు చేరుకుని ఉంటే ఇంగ్లండ్‌ తుది జట్టులో అతను ఉండేవాడు. ఇదిలా ఉంటే, ఐదు మ్యాచ్‌ల టెస్ట్‌ సిరీస్‌లో భాగంగా హైదరాబాద్‌లోని ఉప్పల్‌ స్టేడియం వేదికగా భారత్‌ వర్సెస్‌ ఇంగ్లండ్‌ టెస్ట్‌ మ్యాచ్‌ ఇవాల్టి నుంచి ప్రారంభం కానున్న విషయం తెలిసిందే. ఈ మ్యాచ్‌ కోస​ం ఇంగ్లండ్‌ తమ తుది జట్టును నిన్ననే ప్రకటించింది. ఈ మ్యాచ్‌లో ఇంగ్లండ్‌ ముగ్గురు స్పిన్నర్లతో బరిలోకి దిగనుంది. రెహన్‌ అహ్మద్‌, జాక్‌ లీచ్‌, టామ్‌ హర్ట్‌లీలతో కూడిన ఇంగ్లండ్‌ స్పిన్‌ త్రయం భారత బ్యాటర్లను ఢీ కొట్టనుంది.  భారత్‌తో తొలి టెస్టుకు ఇంగ్లండ్‌ జట్టు:  జాక్ క్రాలీ, బెన్ డకెట్, ఒల్లీ పోప్, జో రూట్, జానీ బెయిర్‌స్టో, బెన్ స్టోక్స్ (కెప్టెన్‌), బెన్ ఫోక్స్ (వికెట్‌ కీపర్‌), రెహాన్ అహ్మద్, టామ్ హార్ట్లీ, మార్క్ వుడ్, జాక్ లీచ్  

భారత్‌-ఇంగ్లండ్‌ జట్ల మధ్య ఐదు మ్యాచ్‌ల టెస్ట్‌ సిరీస్‌లో భాగంగా హైదరాబాద్‌ వేదికగా గురువారం నుంచి తొలి టెస్ట్‌ ప్రారంభంకానుంది. ఈ మ్యాచ్‌ కోసం హైదరాబాద్‌ క్రికెట్‌ అసోసియేషన్‌ అధికారులు ఇప్పటికే అన్ని ఏర్పాట్లు పూర్తి చేశారు. ఇరు జట్ల ఆటగాళ్లు ప్రాక్టీస్‌లో నిమగ్నమై ఉన్నారు. ఐదేళ్ల తర్వాత జరుగుతున్న టెస్ట్‌ మ్యాచ్‌ కావడంతో హైదరాబాద్‌ నగర వాసులు ఈ మ్యాచ్‌ చూసేందుకు ఎంతో ఆసక్తిగా ఎదురుచూస్తున్నారు. ఉప్పల్‌ మైదానంలో టీమిండియాకు ఘనమైన ట్రాక్‌ రికార్డు ఉంది.  పరుగుల వరద...వికెట్ల జాతర.. ఉప్పల్‌ స్టేడియంలో జరిగిన ఐదు టెస్టులు అభిమానులకు పసందైన క్రికెట్‌ అందించాయి. ఒకవైపు పరుగుల వరద  పారడంతో పాటు వికెట్ల జాతర కూడా కనిపించింది. ఈ వేదికపై తొలిసారిగా 2010 నవంబర్‌ 12 నుంచి 16 వరకు భారత్, న్యూజిలాండ్‌ జట్ల మధ్య తొలి టెస్టు జరిగింది. అయితే ఈ టెస్టు ‘డ్రా’గా ముగిసింది. ఆ మ్యాచ్‌లో న్యూజిలాండ్‌ తొలి ఇన్నింగ్స్‌లో 117.3 ఓవర్లలో 350 పరుగులకు ఆలౌటైంది. టిమ్‌ మెకింటోష్‌ (102; 10 ఫోర్లు, 1 సిక్స్‌) సెంచరీ చేశాడు. భారత బౌలర్లలో జహీర్‌ ఖాన్, హర్భజన్‌ సింగ్‌ నాలుగేసి వికెట్లు తీశారు. ధోని కెపె్టన్సీలో భారత జట్టు తొలి ఇన్నింగ్స్‌లో 143.4 ఓవర్లలో 472 పరుగులకు ఆలౌటైంది. హర్భజన్‌ సింగ్‌ (111 నాటౌట్‌; 7 ఫోర్లు, 7 సిక్స్‌లు) అజేయ సెంచరీతో అదరగొట్టి అందర్నీ ఆశ్చర్యపరిచాడు. 122 పరుగులతో వెనుకబడి రెండో ఇన్నింగ్స్‌ ప్రారంభించిన న్యూజిలాండ్‌ జట్టును ఓపెనర్‌ బ్రెండన్‌ మెకల్లమ్‌ (225; 22 ఫోర్లు, 4 సిక్స్‌లు) డబుల్‌ సెంచరీతో ఆదుకున్నాడు. న్యూజిలాండ్‌ 135 ఓవర్లలో 8 వికెట్లు కోల్పోయి 448 పరుగులు చేసి భారత జట్టుకు 327 పరుగుల విజయలక్ష్యాన్ని నిర్దేశించింది. భారత జట్టు రెండో ఇన్నింగ్స్‌లో 17 ఓవర్లలో వికెట్‌ నష్టపోకుండా 68 పరుగులు చేసింది.  అశ్విన్‌ మాయాజాలం..  2012 ఆగస్టు 23 నుంచి 26 వరకు ఉప్పల్‌ స్టేడియంలో న్యూజిలాండ్‌ జట్టుతో భారత జట్టు రెండో టెస్టు ఆడింది. స్పిన్నర్‌ రవిచంద్రన్‌ అశి్వన్‌ (6/31, 6/54) మ్యాచ్‌ మొత్తంలో 12 వికెట్లు తీసి భారతజట్టు ఇన్నింగ్స్‌ 115 పరుగుల తేడాతో గెలుపొందడంలో కీలకపాత్ర పోషించాడు. ముందుగా భారత్‌ తొలి ఇన్నింగ్స్‌లో 134.3 ఓవర్లలో 438 పరుగులకు ఆలౌటైంది. చతేశ్వర్‌ పుజారా (159; 19 ఫోర్లు, 1 సిక్స్‌) భారీ సెంచరీ చేశాడు. అనంతరం న్యూజిలాండ్‌ తొలి ఇన్నింగ్స్‌లో 61.3 ఓవర్లలో 159 పరుగులకు ఆలౌటైంది. ఫాలోఆన్‌ ఆడిన న్యూజిలాండ్‌ రెండో ఇన్నింగ్స్‌లో 79.5 ఓవర్లలో 164 పరుగులకే ఆలౌటై ఓడిపోయింది.  పుజారా ధమాకా..  2013 మార్చి 2 నుంచి 5 వరకు భారత్, ఆ్రస్టేలియా జట్ల మధ్య ఈ వేదికపై మూడో టెస్టు జరిగింది. ఈ మ్యాచ్‌లో టీమిండియా ఇన్నింగ్స్‌ 135 పరుగుల తేడాతో గెలిచింది. ముందుగా ఆస్ట్రేలియా తొలి ఇన్నింగ్స్‌ను 9 వికెట్లకు 237 పరుగులవద్ద డిక్లేర్‌ చేసింది. భువనేశ్వర్, రవీంద్ర జడేజా మూడేసి వికెట్లు తీశారు. అనంతరం భారత జట్టు తొలి ఇన్నింగ్స్‌లో 154.1 ఓవర్లలో 503 పరుగులకు ఆలౌటైంది. చతేశ్వర్‌ పుజారా (204; 30 ఫోర్లు, 1 సిక్స్‌) డబుల్‌ సెంచరీ... మురళీ విజయ్‌ (167; 23 ఫోర్లు, 2 సిక్స్‌లు) సెంచరీ సాధించారు. 266 పరుగులతో వెనుకబడిన రెండో ఇన్నింగ్స్‌ ప్రారంభించిన ఆ్రస్టేలియా అశి్వన్‌ (5/63), రవీంద్ర జడేజా (3/33) దెబ్బకు 67 ఓవర్లలో 131 పరుగులకే ఆలౌటై ఓడిపోయింది.  కోహ్లి కేక.. 2017 ఫిబ్రవరి 9 నుంచి 13 వరకు భారత్, బంగ్లాదేశ్‌ జట్ల మధ్య ఈ వేదికపై నాలుగో టెస్టు జరిగింది. ఈ మ్యాచ్‌లో భారత్‌ 208 పరుగుల తేడాతో ఘనవిజయం సాధించింది. విరాట్‌ కోహ్లి (204; 24 ఫోర్లు) డబుల్‌ సెంచరీ... మురళీ విజయ్‌ (108; 12 ఫోర్లు, 1 సిక్స్‌), వృద్ధిమాన్‌ సాహా (106 నాటౌట్‌; 7 ఫోర్లు, 2 సిక్స్‌లు) సెంచరీలు సాధించారు. దాంతో భారత్‌ తొలి ఇన్నింగ్స్‌ను 166 ఓవర్లలో 6 వికెట్లకు 687 పరుగులవద్ద డిక్లేర్‌ చేసింది. అనంతరం బంగ్లాదేశ్‌ తొలి ఇన్నింగ్స్‌లో 127.5 ఓవర్లలో 388 పరుగులకు ఆలౌటైంది. 299 పరుగుల తొలి ఇన్నింగ్స్‌ ఆధిక్యం పొందిన భారత్‌ రెండో ఇన్నింగ్స్‌ను 4 వికెట్లకు 159 పరుగుల వద్ద డిక్లేర్‌ చేసి బంగ్లాదేశ్‌కు 459 పరుగుల విజయలక్ష్యాన్ని నిర్దేశించింది. బంగ్లాదేశ్‌ రెండో ఇన్నింగ్స్‌లో 100.3 ఓవర్లలో 250 పరుగులకు ఆలౌటై ఓడిపోయింది. అశ్విన్‌ (4/73), జడేజా (4/78) బంగ్లాదేశ్‌ను దెబ్బ కొట్టారు.  పది వికెట్లతో విజయం.. 2018 అక్టోబర్‌ 12 నుంచి 14 వరకు భారత్, వెస్టిండీస్‌ జట్ల మధ్య ఈ వేదికపై ఐదో టెస్టు జరిగింది. ఈ మ్యాచ్‌లో భారత్‌ 10 వికెట్లతో ఘనవిజయం నమోదు చేసింది. ముందుగా విండీస్‌ తొలి ఇన్నింగ్స్‌లో 311 పరుగులకు ఆలౌటైంది. ఉమేశ్‌ యాదవ్‌ 6 వికెట్లు పడగొట్టాడు. అనంతరం భారత్‌ తొలి ఇన్నింగ్స్‌లో 367 పరుగులకు ఆలౌటైంది. రిషభ్‌ పంత్‌ (92), అజింక్య రహానే (80), పృథ్వీ షా (70) అర్ధ సెంచరీలు చేశారు. 56 పరుగులతో వెనుకబడి రెండో ఇన్నింగ్స్‌ ప్రారంభించిన వెస్టిండీస్‌ 127 పరుగులకే కుప్పకూలింది. ఉమేశ్‌ యాదవ్‌ (4/45), అశి్వన్‌ (2/24), జడేజా (3/12) విండీస్‌ను కట్టడి చేశారు. అనంతరం విండీస్‌ నిర్దేశించిన 72 పరుగుల లక్ష్యాన్ని భారత్‌ వికెట్‌ కోల్పోకుండా ఛేదించి గెలిచింది.    

భాగ్యనగరం వాకిట్లో క్రికెట్‌ పండుగ వచ్చేసింది. అభిమానులందరికీ ప్రపంచ క్రికెట్‌లోని అగ్రశ్రేణి ఆటగాళ్లు తమ ఆటతీరుతో కనువిందు చేయడానికి ‘సై’ అంటున్నారు. గురువారం నుంచి ఉప్పల్‌ స్టేడియం వేదికగా భారత్, ఇంగ్లండ్‌ జట్లు టెస్టు సమరానికి సిద్ధమయ్యాయి. ఐదు టెస్టుల సిరీస్‌లో భాగంగా తొలి టెస్టు ఈనెల 25 నుంచి 29 వరకు హైదరాబాద్‌లో జరగనుండగా..రెండో టెస్టుకు ఫిబ్రవరి 2 నుంచి 6 వరకు విశాఖపట్నం ఆతిథ్యమివ్వనుంది. ఉప్పల్‌ స్టేడియంలో భారత జట్టు ఇప్పటి వరకు ఆరు టెస్టులు ఆడింది. ఇందులో నాలుగు టెస్టుల్లో గెలుపొంది, ఒక టెస్టును ‘డ్రా’ చేసుకుంది. ఈ మైదానంలో భారత జట్టు తమ అజేయ రికార్డును కొనసాగించాలని మరో విజయాన్ని తమ ఖాతాలో జమ చేసుకోవాలని ఆశిద్దాం.   కోహ్లి లేడు.. వ్యక్తిగత కారణాలరీత్యా భారత స్టార్‌ విరాట్‌ కోహ్లి తొలి రెండు టెస్టులకు దూరం కావడం తెలుగు క్రికెట్‌ అభిమానులకు కాస్త నిరాశ కలిగించే అంశం. అయితే రోహిత్‌ శర్మ, కేఎల్‌ రాహుల్, శుభ్‌మన్‌ గిల్, శ్రేయస్‌ అయ్యర్‌ బ్యాట్‌తో... జస్‌ప్రీత్‌ బుమ్రా, సిరాజ్‌ వాడివేడి పేస్‌తో..అశ్విన్, రవీంద్ర జడేజా, అక్షర్‌ పటేల్, కుల్దీప్‌ యాదవ్‌ తమ స్పిన్‌ మాయాజాలంతో అలరించేందుకు సిద్ధంగా ఉన్నారు. ఇటీవల కాలంలో టెస్టుల్లోనూ టి20 తరహా దూకుడైన ఆటతో అదరగొడుతున్న ఇంగ్లండ్‌ జట్టు భారత గడ్డపై అదే జోరు కొనసాగిస్తుందో లేదో వేచి చూడాలి. ఇంగ్లండ్‌ బృందంలో బెన్‌ స్టోక్స్, జో రూట్, బెయిర్‌స్టో, ఒలీ పాప్, జేమ్స్‌ అండర్సన్, మార్క్‌ వుడ్‌ ప్రధాన ఆకర్షణగా నిలువనున్నారు.   లోకల్‌ స్టార్‌ సిరాజ్‌ రె‘ఢీ’.. ఇప్పటికే భారత్, ఇంగ్లండ్‌ జట్లు హైదరాబాద్‌కు చేరుకున్నాయి. మంగళవారం రెండు జట్లు ముమ్మరంగా సాధన చేశాయి. ‘లోకల్‌ స్టార్‌’ మొహమ్మద్‌ సిరాజ్‌ సొంత మైదానంలో తొలి టెస్టు ఆడటం ఖాయమైంది. ఇప్పటి వరకు సిరాజ్‌ 23 టెస్టులు ఆడాడు. ఇందులో 6 టెస్టులు (చెన్నై, అహ్మదాబాద్, ముంబై, నాగ్‌పూర్, న్యూఢిల్లీ, ఇండోర్‌) భారత గడ్డపై, మిగతా 17 టెస్టులు విదేశాల్లో ఆడాడు.   వ్యూహ రచనలో జడేజా, అశ్విన్‌.. టీమిండియా స్పిన్‌ ద్వయం​ రవిచంద్రన్‌ అశ్విన్‌, రవీంద్ర జడేజా తొలి టెస్ట్‌లో ఇంగ్లండ్‌ బ్యాటర్ల భరతం పట్టేందుకు సిద్దంగా ఉన్నారు. ఉప్పల్‌ పిచ్‌ స్పిన్‌కు అనుకూలించే అవకాశం ఉండటంతో వీరిద్దరు వ్యూహరచనల్లో నిమగ్నమై ఉన్నారు. ఇంగ్లండ్‌ను రెండు ఇన్నింగ్స్‌ల్లో మడతపట్టేందుకు వీరిద్దరూ కఠోరంగా సాధన చేస్తున్నారు.  ఇంగ్లండ్‌ ఆటగాళ్లు సైతం.. భారత్‌ను స్వదేశంలో ఓడించాలంటే ఎంత కష్టమో ఇంగ్లండ్‌ ఆటగాళ్లు బాగా తెలుసు. అందుకే వారు మూడు రోజుల ముందుగానే తొలి టెస్ట్‌ వేదిక అయిన హైదరాబాద్‌కు చేరుకుని కఠోరంగా సాధన చేస్తున్నారు.  అనుభవమే ఆయుధంగా.. భారత్‌పై ఆడిన అనుభవం ఎక్కువగా ఉన్న వెటరన్‌ పేసర్‌ ఆండర్సన్‌ అందరికంటే ఎక్కువగా ప్రాక్టీస్‌ చేస్తూ చెమటోడుస్తున్నాడు. ఈ సిరీస్‌లో టీమిండియాను ఇబ్బంది పెట్టే బౌలర్‌ ఎవరైనా ఉన్నారా అంటే అది ఆండర్సనే​ అని చెప్పాలి. అతని అనుభవం ముందు టీమిండియా బ్యాటర్లు నిలబడతారో లేక ఆండర్సన్‌ కెరీర్‌కు చేదు అనుభవంతో ముగింపు పలుకుతారో వేచి చూడాలి. నాడు ప్లేయర్‌గా... నేడు కోచ్‌గా.. 2010లో ఉప్పల్‌ స్టేడియంలోనే భారత్‌తో జరిగిన టెస్టులో న్యూజిలాండ్‌ జట్టు తరఫున ‘డబుల్‌ సెంచరీ’ సాధించిన బ్రెండన్‌ మెకల్లమ్‌ ప్రస్తుతం ఇంగ్లండ్‌ జట్టుకు హెడ్‌ కోచ్‌గా మళ్లీ హైదరాబాద్‌కు రావడం విశేషం. 

భారత్‌- ఇంగ్లండ్‌ మధ్య ఐదు మ్యాచ్‌ల టెస్టు సిరీస్‌కు సమయం అసన్నమవుతోంది. ఈ సిరీస్‌లో భాగంగా తొలి టెస్టు జనవరి 25 నుంచి హైదరాబాద్‌ వేదికగా ప్రారంభం కానుంది. ఈ హైవోల్టేజ్‌ మ్యాచ్‌ కోసం ఇంగ్లండ్‌ జట్టు ఆదివారం హైదరాబాద్‌కు చేరుకుంది. హైదరాబాద్‌కు చేరుకున్న ఇంగ్లీష్‌ ఆటగాళ్లకు ఘన స్వాగతం లభించింది. ఇందుకు సంబంధించిన వీడియో ఒకటి సోషల్‌ మీడియాలో వైరల్‌గా మారింది. ఈ వీడియోలో ఇంగ్లండ్‌ టెస్టు జట్టు హెడ్‌ కోచ్‌ బ్రెండన్ మెకల్లమ్, కెప్టెన్‌ బెన్‌ స్టోక్స్‌, జో రూట్‌ వంటి ఆటగాళ్లు కన్పించారు. హైదరాబాద్‌కు చేరుకున్న ఇంగ్లీష్‌ జట్టు సోమవారం నుంచి ఉప్పల్‌లోని  రాజీవ్ గాంధీ అంతర్జాతీయ క్రికెట్‌ స్టేడియంలో తమ ప్రాక్టీస్‌ను మొదలు పెట్టనుంది. అయితే తొలి టెస్టుకు ముందు ఇంగ్లండ్‌కు భారీ షాక్‌ తగిలింది. మిడిలార్డర్‌ బ్యాటర్‌ హ్యారీ బ్రూక్‌ వ్యక్తిగత కారణాలతో సిరీస్‌ మొత్తానికి దూరమయ్యాడు. అతడి స్ధానాన్ని లారెన్స్‌తో ఇంగ్లండ్‌ క్రికెట్‌ భర్తీ చేసింది. మరోవైపు భారత జట్టు సోమవారం హైదరబాద్‌కు చేరుకునే ఛాన్స్‌ ఉంది. భారత్‌తో సిరీస్‌కు ఇంగ్లండ్‌ జట్టు: జాక్‌ క్రాలే (కెప్టెన్‌), బెన్‌ డకెట్‌, జో రూట్‌, బెన్‌ స్టోక్స్‌ (కెప్టెన్‌), రెహాన్‌ అహ్మద్‌, జానీ బెయిర్‌స్టో, బెన్‌ ఫోక్స్‌, ఓలీ పోప్‌, జేమ్స్‌ ఆండర్సన్‌, గస్‌ అట్కిన్సన్‌, షోయబ్‌ బషీర్‌, టామ్‌ హార్ట్లీ, జాక్‌ లీచ్‌, ఓలీ రాబిన్సన్‌, మార్క్‌ వుడ్‌ ఇంగ్లండ్‌తో తొలి రెండు టెస్ట్‌లకు భారత జట్టు: రోహిత్‌ శర్మ (కెప్టెన్‌), యశస్వి జైస్వాల్‌, శుభ్‌మన్‌ గిల్‌, విరాట్‌ కోహ్లి, శ్రేయస్‌ అయ్యర్‌, రవిచంద్రన్‌ అశ్విన్‌, రవీంద్ర జడేజా, అక్షర్‌ పటేల్‌, కేఎల్‌ రాహుల్‌, కేఎస్‌ భరత్‌, దృవ్‌ జురెల్‌, కుల్దీప్‌ యాదవ్‌, ముకేశ్‌ కుమార్‌, మొహమ్మద్‌ సిరాజ్‌, జస్ప్రీత్‌ బుమ్రా, ఆవేశ్‌ ఖాన్‌ VIDEO | England Cricket team arrives in Hyderabad for the 5-match Test series. The first Test is scheduled to be played from January 25 at the Rajiv Gandhi International Stadium. pic.twitter.com/YzGknyrSPw — Press Trust of India (@PTI_News) January 21, 2024

స్వదేశంలో ఇంగ్లండ్‌తో ఐదు మ్యాచ్‌ల టెస్టు సిరీస్‌లో తలపడేందుకు టీమిండియా సిద్దమవుతోంది. ఈ హైవోల్టేజ్‌ సిరీస్‌లో భాగంగా ఇరు జట్ల మధ్య తొలి టెస్టు జనవరి 25 నుంచి హైదరాబాద్‌ వేదికగా ప్రారంభం కానుంది. ఈ నేపథ్యంలో తొలి టెస్టుకు ముందు ఇంగ్లండ్‌ మాజీ స్పిన్నర్‌  మాంటీ పనేసర్‌ కీలక వ్యాఖ్యలు చేశాడు. ఈ సిరీస్‌లో టీమిండియా స్టార్‌ బ్యాటర్‌ విరాట్‌ కోహ్లితో మైండ్‌ గేమ్స్‌ ఆడాలని, అతడి ఈగోపై దెబ్బ కొట్టాలని ఇంగ్లండ్‌ కెప్టెన్‌ బెన్‌ స్టోక్స్‌ను పనేసర్‌ సూచించాడు.  విరాట్‌తో మైండ్‌ గేమ్స్‌ ఆడాలి. అతడిని మానసికంగా దెబ్బతీయాలి. గత 10 ఏళ్లగా ఐసీసీ టైటిల్స్‌ను గెలవకపోయిన విషయాన్ని అతడికి పదేపదే గుర్తు చేయాలి.  ఐసీసీ టోర్నీల్లో ఫైనల్‌కి వచ్చేసరికి మీరు ఓడిపోతారు, ఛోకర్స్‌ అంటూ అతడిని స్లెడ్జ్‌  చేయాలి. అప్పుడు విరాట్‌ తన ఏకగ్రాతను కోల్పోతాడు. దీంతో అతడిని అవుట్‌ చేయడం సులభం అవుతుందని ఇండియా.కామ్‌కు ఇచ్చిన ఇంటర్వ్యూలో పనేసర్‌ పేర్కొన్నాడు. అదే విధంగా ఈ సిరీస్‌లో కోహ్లికి, ఇంగ్లండ్‌ వెటరన్‌ జేమ్స్‌ అండర్సన్‌కు మధ్య తీవ్రమైన పోటీ ఉంటుందని పనేసర్‌ అభిప్రాయపడ్డాడు. కాగా టెస్టుల్లో విరాట్‌పై పనేసర్‌కు మంచి రికార్డు ఉంది. టెస్టుల్లో కోహ్లిని అండర్సన్‌ ఇప్పటివరకు 7 సార్లు ఔట్‌ చేశాడు. చదవండి: Sania Mirza: సానియా మీర్జాకు విడాకులు?.. నటిని పెళ్లాడిన షోయబ్‌ మాలిక్‌!  

వచ్చే ఏడాది భారత్‌తో జరిగే టెస్ట్‌ సిరీస్‌కు సంబంధించి ఇంగ్లండ్‌ జట్టుకు ఓ చేదు వార్త తెలిసింది. ఆ జట్టు సారధి, స్టార్‌ ఆల్‌రౌండర్‌ బెన్‌ స్టోక్స్‌ భారత్‌తో సిరీస్‌లో బౌలింగ్‌ చేయడని ఇంగ్లండ్‌ డైరక్టర్‌ ఆఫ్‌ క్రికెట్‌ రాబ్‌ కీ స్పష్టం చేశాడు. భారత్‌తో సిరీస్‌కు ఇంగ్లండ్‌ జట్టును ప్రకటిస్తున్న సందర్భంగా కీ ఈ విషయమై క్లారిటీ ఇచ్చాడు. భారత్‌తో సిరీస్‌లో స్టోక్స్‌ చేత బౌలింగ్‌ చేయించడం మొదటి నుంచి తమ ప్రణాళికల్లో లేదని కీ వివరణ ఇచ్చాడు. స్టోక్స్‌ ఇటీవలే మోకాలికి శస్త్రచికిత్స చేయించుకున్నాడని.. ప్రస్తుతం అతను రీహ్యాబ్‌లో ఉన్నాడని.. భారత్‌తో సిరీస్‌ సమయానికంతా అతను పూర్తిగా కోలుకుంటాడని కీ తెలిపాడు. భారత్‌లో స్టోక్స్‌ బౌలింగ్‌ చేయడన్న విషయం తెలిసి ఇంగ్లండ్‌ అభిమానులు నిరాశ చెందుతున్నారు. స్టోక్స్‌ బంతితో రాణిస్తే తమ విజయావకాశాలు మరింత మెరుగుపడేవని వారు అభిప్రాయపడుతున్నారు.  కాగా, 2024 జనవరి 25 నుంచి మార్చి 11 వరకు భారత్‌తో జరిగే ఐదు మ్యాచ్‌ల టెస్ట్‌ సిరీస్‌ కోసం 16 మంది సభ్యుల జట్టును ఇంగ్లండ్‌ క్రికెట్‌ బోర్డు (ఈసీబీ) నిన్న (డిసెంబర్‌ 11) ప్రకటించింది. ఈ జట్టుకు సారధిగా బెన్‌ స్టోక్స్‌ను ఎంపిక చేసిన ఈసీబీ.. ముగ్గురు అన్‌క్యాప్డ్‌ ప్లేయర్లకు (గస్‌ అట్కిన్సన్‌ (పేస్‌ బౌలర్‌), టామ్‌ హార్ట్లీ (ఆఫ్‌ స్పిన్నర్‌), షోయబ్‌ బషీర్‌ (ఆఫ్‌ స్పిన్నర్‌)) అవకాశం కల్పించింది. ఈ సిరీస్‌ కోసం భారత జట్టును ప్రకటించాల్సి ఉంది.  భారత్‌తో సిరీస్‌కు ఇంగ్లండ్‌ జట్టు: బెన్ స్టోక్స్ (కెప్టెన్‌), రెహాన్ అహ్మద్, జేమ్స్ ఆండర్సన్, గస్ అట్కిన్సన్, జానీ బెయిర్‌స్టో, షోయబ్ బషీర్, హ్యారీ బ్రూక్, జాక్ క్రాలే, బెన్ డకెట్, బెన్ ఫోక్స్, టామ్ హార్ట్లీ, జాక్ లీచ్, ఒల్లీ పోప్, ఓలీ రాబిన్సన్, జో రూట్, మార్క్ వుడ్ షెడ్యూల్‌.. తొలి టెస్ట్‌: జనవరి 25-29 (హైదరాబాద్‌) రెండో టెస్ట్‌: ఫిబ్రవరి 2-6 (వైజాగ్‌) మూడో టెస్ట్‌: ఫిబ్రవరి 15-19 (రాజ్‌కోట్‌) నాలుగో టెస్ట్‌: ఫిబ్రవరి 23-27 (రాంచీ) ఐదో టెస్ట్‌: మార్చి 7-11 (ధర్మశాల)  

వచ్చే ఏడాది (2024) జనవరి 25 నుంచి మార్చి 11 వరకు భారత్‌తో జరిగే ఐదు మ్యాచ్‌ల టెస్ట్‌ సిరీస్‌ కోస​ం 16 మంది సభ్యుల జట్టును ఇంగ్లండ్‌ క్రికెట్‌ బోర్డు (ఈసీబీ) ఇవాళ (డిసెంబర్‌ 11) ప్రకటించింది. ఈ జట్టుకు సారధిగా బెన్‌ స్టోక్స్‌ను ఎంపిక చేసిన ఈసీబీ.. ముగ్గురు అన్‌క్యాప్డ్‌ ప్లేయర్లకు (గస్‌ అట్కిన్సన్‌ (పేస్‌ బౌలర్‌), టామ్‌ హార్ట్లీ (ఆఫ్‌ స్పిన్నర్‌), షోయబ్‌ బషీర్‌ (ఆఫ్‌ స్పిన్నర్‌)) అవకాశం కల్పించింది. గాయం కారణంగా గత కొంతకాలంగా జట్టుకు దూరంగా ఉన్న జాక్‌ లీచ్‌ భారత్‌తో సిరీస్‌తో టెస్ట్‌ క్రికెట్‌లోకి రీఎంట్రీ ఇవ్వనున్నాడు. ఈ సిరీస్‌ కోసం భారత జట్టును ప్రకటించాల్సి ఉంది.  భారత్‌తో సిరీస్‌కు ఇంగ్లండ్‌ జట్టు: బెన్ స్టోక్స్ (కెప్టెన్‌), రెహాన్ అహ్మద్, జేమ్స్ ఆండర్సన్, గస్ అట్కిన్సన్, జానీ బెయిర్‌స్టో, షోయబ్ బషీర్, హ్యారీ బ్రూక్, జాక్ క్రాలే, బెన్ డకెట్, బెన్ ఫోక్స్, టామ్ హార్ట్లీ, జాక్ లీచ్, ఒల్లీ పోప్, ఓలీ రాబిన్సన్, జో రూట్, మార్క్ వుడ్ షెడ్యూల్‌.. తొలి టెస్ట్‌: జనవరి 25-29 (హైదరాబాద్‌) రెండో టెస్ట్‌: ఫిబ్రవరి 2-6 (వైజాగ్‌) మూడో టెస్ట్‌: ఫిబ్రవరి 15-19 (రాజ్‌కోట్‌) నాలుగో టెస్ట్‌: ఫిబ్రవరి 23-27 (రాంచీ) ఐదో టెస్ట్‌: మార్చి 7-11 (ధర్మశాల)

ఇంగ్లండ్‌ క్రికెట్‌ జట్టు ఐదు మ్యాచ్‌ల టెస్టు సిరీస్‌ కోసం వచ్చే ఏడాది జనవరిలో భారత్‌లో పర్యటించనుంది. హైదరాబాద్‌ వేదికగా జనవరి 25 నుంచి ఇరు జట్లు మధ్య తొలి టెస్టు ప్రారంభం కానుంది. వరల్డ్‌ టెస్టు ఛాంపియన్‌ షిప్‌ 2023-2025లో భాగంగా ఈ సిరీస్‌ జరగనుంది. అయితే ఈ హైప్రొఫైల్ సిరీస్‌ ఆరంభానికి ముందు ఇంగ్లండ్‌ టెస్టు బ్యాటర్‌ ఓలీ పోప్ కీలక వ్యాఖ్యలు చేశాడు. భారత్‌తో టెస్టు సిరీస్‌లో కూడా 'బాజ్‌బాల్'ను కొనసాగిస్తామని పోప్‌ థీమా వ్యక్తం చేశాడు. కాగా గత కొంతకాలంగా టెస్టుల్లో ఇంగ్లండ్‌  'బాజ్‌బాల్(దూకుడుగా ఆడటం)' విధానాన్ని అనుసరిస్తున్న సంగతి తెలిసిందే.  మేము ఇప్పటి వరకు టెస్టుల్లో ఏ విధంగా ఆడామో అదే కొనసాగిస్తాము. ప్రతీ మ్యాచ్‌లోనూ సెంచరీలు చేయాలని మాపై చాలా అంచనాలు ఉంటాయి. మేము సెంచరీలు చేయకపోతే విఫలమైనట్లు భావిస్తారు. కానీ భారత్‌ వంటి పరిస్ధితుల్లో అన్ని మ్యాచ్‌ల్లొ అది జరగకపోవచ్చు. కొన్ని పిచ్‌ల్లో 200 కొట్టినా మంచి స్కోరఖ్‌ అవ్వవచ్చు. భారత స్పిన్నర్ల నుంచి మా రైట్‌ హ్యాండ్‌ బ్యాటర్లకు గట్టి సవాలు ఎదురుకానుంది. అశ్విన్‌ ప్రపంచంలోనే అత్యుత్తమ స్పిన్నర్‌. అతడితో పాటు రవీంద్ర జడేజా, అక్షర్‌ వంటి అద్బుతమైన స్పిన్నర్లు ఉన్నారు. మేము పరుగులు సాధించాలంటే బౌలర్లను ఒత్తిడిలోకి నెట్టడమే ఒక్కటే మార్గం. భారత్‌ పరిస్థితుల్లో మ్యాచ్‌లను గెలవడం అంత సులభం కాదు. కానీ గెలిచేందుకు మేము అన్ని విధాల ప్రయత్నిస్తామని ది టెలిగ్రాఫ్‌కు ఇచ్చిన ఇంటర్వ్యూలో పోప్‌ పేర్కొన్నాడు. చదవండి: IND vs SA: టీమిండియా హెడ్‌ కోచ్‌ పదవిపై ద్రవిడ్‌ షాకింగ్‌ కామెంట్స్‌..

IPL 2024- MS Dhoni- CSK: చెన్నై సూపర్‌కింగ్స్‌ భావి కెప్టెన్‌ ఎవరన్న అంశంపై టీమిండియా వెటరన్‌ స్పిన్నర్‌ రవిచంద్రన్‌ అశ్విన్‌ ఆసక్తికర వ్యాఖ్యలు చేశాడు.  మహేంద్ర సింగ్‌ ధోని తర్వాత చెన్నై జట్టు‌ను ముందుకు నడిపించగల సత్తా రుతురాజ్‌ గైక్వాడ్‌కు మాత్రమే ఉందని అభిప్రాయపడ్డాడు. ధోని రిటైర్మెంట్‌ తర్వాత ఇంగ్లండ్‌ ఆల్‌రౌండర్‌, టెస్టు సారథి బెన్‌స్టోక్స్‌కు కెప్టెన్సీ అప్పగించాలనే ఉద్దేశంతో సీఎస్‌కే ఫ్రాంఛైజీ భారీగా ఖర్చు పెట్టిందని.. అయితే, అనుకున్న ఫలితాలు మాత్రం రాబట్టలేకపోయిందని పేర్కొన్నాడు. అందుకే వేలానికి ముందు అతడిని వదిలేసిందని అశ్విన్‌ అభిప్రాయపడ్డాడు. ముగిసిన రిటెన్షన్‌ ప్రక్రియ కాగా ఐపీఎల్‌-2024 వేలానికి సమయం ఆసన్నమవుతున్న తరుణంలో ఆటగాళ్లను రిటెయిన్‌ (అట్టిపెట్టుకోవడం) చేసుకునే గడువు ఆదివారంతో ముగిసింది. ఈ క్రమంలో.. కెరీర్‌కు గుడ్‌బై చెప్పిన తెలుగు క్రికెటర్‌ అంబటి రాయుడును, ఆల్‌రౌండర్‌ బెన్‌ స్టోక్స్‌ సహా డ్వేన్‌ ప్రిటోరియస్‌, భగత్‌ వర్మ, సుభ్రాన్షు సేనాపతి, ఆకాశ్‌ సింగ్‌, కైలీ జెమీసన్‌, సిసంద మగలను చెన్నై విడుదల చేసింది.   (PC: CSK/IPL) ఈ లిస్టులో ఖరీదైన ప్లేయర్‌ బెన్‌స్టోక్స్‌ అని ప్రత్యేకంగా చెప్పక్కర్లేదు. గత వేలంలో రూ. 16.25 కోట్ల భారీ మొత్తానికి అతడిని కొనుగోలు చేసిన సీఎస్‌కే.. ధోని తర్వాత తదుపరి కెప్టెన్‌ చేయాలని భావించినట్లు తెలిసింది. అయితే, గాయాల కారణంగా తుదిజట్టులో కూడా అందుబాటులో లేకుండా పోయిన స్టోక్స్‌ పూర్తిగా నిరాశపరిచాడు. తప్పుకొంటాననగానే వదిలేసిన సీఎస్‌కే ఈ క్రమంలో తాను ఐపీఎల్‌ నుంచి తప్పుకొంటున్నట్లు స్టోక్స్‌ ప్రకటించగా.. సీఎస్‌కే కూడా అందుకు అంగీకరించి అతడిని వదిలేసింది. ఈ నేపథ్యంలో అశ్విన్‌ మాట్లాడుతూ.. ‘‘సీఎస్‌కే పూర్తి చేయాలని భావిస్తున్న పనుల్లో ముఖ్యమైనది కెప్టెన్సీ. ధోని తర్వాత రుతురాజ్‌ గైక్వాడ్‌ పగ్గాలు చేపడతాడనే భావిస్తున్నా. అంబటి రాయుడు చెప్పినట్లు రుతుకు ఆ అర్హత ఉంది. బెన్‌స్టోక్స్‌ విషయంలో కెప్టెన్సీ కోసం ఆలోచించిన సీఎస్‌కే అందుకోసం భారీగా ఖర్చుపెట్టింది. స్టోక్స్‌ ఉంటే మంచిదే గానీ.. నిజానికి అతడు సమర్థవంతమైన నాయకుడు. అలాంటి అనుభవజ్ఞుడు కెప్టెన్‌గా ఉంటే జట్టుకు ఉపయోగకరం. కానీ ఇప్పుడు అతడు టీమ్‌తో లేడు’’ అని పేర్కొన్నాడు. ఇక మరో ఆల్‌రౌండర్‌ను వెదికే క్రమంలో చెన్నై మరోసారి శార్దూల్‌ ఠాకూర్‌ వైపు మొగ్గు చూపడం ఖాయం అని అశ్విన్‌ అభిప్రాయపడ్డాడు. కాగా ఐపీఎల్‌లో అశూ రాజస్తాన్‌ రాయల్స్‌కు ప్రాతినిథ్య వహిస్తున్నాడు. ఇదిలా ఉంటే.. దేశవాళీ పరిమిత ఓవర్ల క్రికెట్‌లో మహారాష్ట్ర జట్టు విజయవంతమైన కెప్టెన్‌గా రుతురాజ్‌ దూసుకుపోతున్నాడు. బ్యాటర్‌గానూ ఈ ఓపెనర్‌ అద్బుత ప్రదర్శనతో ఆకట్టుకుంటున్నాడు. ప్రస్తుతం అతడు ఆస్ట్రేలియాతో టీ20 సిరీస్‌తో బిజీగా ఉన్నాడు. చదవండి: చరిత్ర సృష్టించిన సికందర్‌ రజా.. కోహ్లి రికార్డు సమం

ఐపీఎల్‌ 2024కి సంబంధించి ఆటగాళ్ల రిటెన్షన్‌ (నిలబెట్టుకోవడం), రిలీజ్‌ (వదిలించుకోవడం) ప్రక్రియకు ఇవాళ (నవంబర్‌ 26) ఆఖరి తేదీ కావడంతో అన్ని ఫ్రాంచైజీలు  తాము నిలబెట్టుకునే ఆటగాళ్ల జాబితాను, వదిలించుకునే ఆటగాళ్ల జాబితాను ప్రకటించాయి. అన్ని ఫ్రాంచైజీల కంటే ముందుగా చెన్నై సూపర్‌ కింగ్స్‌ తాము వదిలించుకోబోయే ఆటగాళ్ల జాబితాను ప్రకటించింది. ముందుగా అనుకున్న ప్రకారం సీఎస్‌కే ముగ్గురు స్టార్‌ ఆటగాళ్లకు అల్విదా చెప్పింది. కోట్లు కుమ్మరించి కొనుక్కున్న బెన్‌ స్టోక్స్‌ (16.25 కోట్లు), అంబటి రాయుడు (6.75), కైల్‌ జేమీసన్‌ను (1 కోటి) వివిధ కారణాల చేత రిలీజ్‌ చేసింది. వీరితో పాటు సీఎస్‌కే మరో ఐదుగురికి కూడా గుడ్‌బై చెప్పింది. విదేశీ ఆటగాళ్లు డ్వేన్‌ ప్రిటోరియస్‌ (50 లక్షలు), సిసండ మగాల (50 లక్షలు)తో పాటు లోకల్‌ ప్లేయర్స్‌ ఆకాశ్‌ సింగ్‌ (20 లక్షలు), భగత్‌ వర్మ (20 లక్షలు), సుభ్రాన్షు సేనాపతిలను (20 లక్షలు) సీఎస్‌కే రిలీజ్‌ చేసింది. ఈ ఎనిమిది మందిని రిలీజ్‌ చేశాక సీఎస్‌కే పర్స్‌లో 32.2 కోట్లు మిగిలాయి. ప్రస్తుతం ఆ జట్టుకు ఆరుగురిని కొనుగోలు చేసే వెసులుబాటు ఉంది. ఇందులో ముగ్గురు విదేశీ ఆటగాళ్లను తీసుకోవచ్చు.  కెప్టెన్‌గా మళ్లీ ధోనినే.. చెన్నై సూపర్‌ కింగ్స్‌ ఫ్రాంచైజీ టీమిండియా మాజీ సారధి మహేంద్ర సింగ్‌ ధోనిని రికార్డు స్థాయిలో 15వ సారి తమ కెప్టెన్‌గా ఎంపిక  చేసింది. రిలీజ్‌ చేసే ఆటగాళ్ల జాబితాతో పాటు తాము నిలబెట్టుకునే ఆటగాళ్ల జాబితాను కూడా ప్రకటించిన సీఎస్‌కే ముందుగా ధోని పేరును ప్రకటించి, అతడే 2024 సీజన్‌కు కూడా మా కెప్టెన్‌ అని స్పష్టం చేసింది. ధోని ఐపీఎల్‌ మొదలైనప్పటి (2008) నుంచి (మధ్యలో 2016, 2017 సంవత్సరాలు మినహా) సీఎస్‌కే కెప్టెన్‌గా కొనసాగుతున్నాడు.  చెన్నై సూపర్‌ కింగ్స్‌ రిలీజ్‌ చేసిన ఆటగాళ్లు వీరే..  బెన్‌ స్టోక్స్‌ (16.25 కోట్లు) అంబటి రాయుడు (6.75 కోట్లు) కైల్‌ జేమీసన్‌ (కోటి) డ్వేన్‌ ప్రిటోరియస్‌ (50 లక్షలు) సిసండ మగాల (50 లక్షలు) ఆకాశ్‌ సింగ్‌ (20 లక్షలు) భగత్‌ వర్మ (20 లక్షలు) సుభ్రాన్షు సేనాపతి (20 లక్షలు) సీఎస్‌కే రీటైన్‌ చేసుకున్న ఆటగాళ్లు వీరే.. ఎంఎస్‌ ధోని (కెప్టెన్‌), డెవాన్‌ కాన్వే, రుతురాజ్‌ గైక్వాడ్‌, అజింక్య రహానే, షేక్‌ రషీద్‌, రవీంద్ర జడేజా, మిచెల్‌ సాంట్నర్‌, మొయిన్‌ అలీ, శివమ్‌ దూబే, నిషాంత్‌ సింధు, అజయ్‌ మండల్‌, రాజ్‌వర్ధన్‌ హంగార్గేకర్‌, దీపక్‌ చాహర్‌, మహీష తీక్షణ, ముకేశ్‌ చౌదరీ, ప్రశాంత్‌ సోలం​కి, సిమ్రన్‌జీత్‌ సింగ్‌, తుషార్‌దేశ్‌ పాండే, మతీశ పతిరణ  

ఐపీఎల్‌-2024 సీజన్‌కు ముందు చెన్నై సూపర్‌ కింగ్స్‌కు బిగ్‌ షాక్‌ తగిలింది. ఆ జట్టు స్టార్ ఆల్‌రౌండర్‌, ఇంగ్లండ్‌ కెప్టెన్‌ బెన్‌ స్టోక్స్‌ రాబోయే ఐపీఎల్‌ ఎడిషన్‌ నుంచి తప్పుకున్నాడు. ఈ విషయాన్ని చెన్నై సూపర్‌ కింగ్స్‌ ఫ్రాంచైజీ అధికారికంగా దృవీకరించింది. ఇంగ్లండ్ టెస్ట్ కెప్టెన్, ఆల్ రౌండర్ బెన్ స్టోక్స్ వర్క్‌లోడ్‌, ఫిట్‌నెస్‌ దృష్ట్యా ఐపీఎల్‌-2024 అందుబాటులో లేడు. ఐపీఎల్‌కు ముందు భారత్‌తో టెస్టు సిరీస్‌, టీ 20 ప్రపంచకప్‌తో తన పనిభారాన్ని దృష్టిలో పెట్టుకుని స్టోక్స్‌ ఈ నిర్ణయం తీసుకున్నాడు. బెన్‌కు చెన్నై సూపర్ కింగ్స్ మేనేజ్‌మెంట్ ఎప్పుడు మద్దతుగా ఉంటుంది అని సీఎస్‌కే ఫ్రాంచైజీ ఓ ప్రకటనలో పేర్కొంది.  కాగా బెన్‌ స్టోక్స్‌ గత కాలంగా మోకాలి గాయంతో బాధపడతున్నాడు. ఈ క్రమంలో భారత్‌తో టెస్టు సిరీస్‌కు ముందు తన మోకాలికి శస్త్ర చికిత్స చేయించుకోనున్నట్లు తెలుస్తోంది. వచ్చే ఏడాది జనవరిలో ఐదు టెస్టుల సిరీస్‌లో తలపడేందుకు ఇంగ్లండ్‌ జట్టు భారత్‌కు రానుంది. ఇక ఐపీఎల్‌-2023 సీజన్‌ వేలంలో సీఎస్‌కే అతడిని ఏకంగా రూ. 16.25 కోట్ల భారీ ధరకు కొనగోలు చేసింది. కానీ అతడు మోకాలి గాయం కారణంగా గత సీజన్‌లో కేవలం రెండు మ్యాచ్‌లు మాత్రమే ఆడాడు.  చదవండి: టీ20 ప్రపంచకప్‌-2024లో టీమిండియా కెప్టెన్‌గా అతడే ఉండాలి: గంభీర్‌

వన్డే ప్రపంచకప్‌-2023లో ఇంగ్లండ్‌ ఎట్టకేలకు తమ బ్యాటింగ్‌ విశ్వరూపం చూపించింది. ఈ మెగా టోర్నీలో భాగంగా తమ ఆఖరి లీగ్‌ మ్యాచ్‌లో కోల్‌కతా వేదికగా పాకిస్తాన్‌తో తలపడుతోంది. ఈ మ్యాచ్‌లో టాస్‌ గెలిచి తొలుత బ్యాటింగ్‌ చేసిన ఇంగ్లండ్‌ నిర్ణీత 50 ఓవర్లలో 9 వికెట్ల నష్టానికి 337 పరుగులు చేసింది. ఇంగ్లండ్‌ బ్యాటర్లలో బెన్‌ స్టోక్స్‌(84) పరుగులతో మరోసారి అద్బుత ఇన్నింగ్స్‌ ఆడగా.. జోరూట్‌(60), జానీ బెయిర్‌ స్టో(59) పరుగులతో రాణించారు. ఆఖరిలో హ్యారీ బ్రూక్‌(17 బంతుల్లో 2 ఫోర్లు, 2 సిక్స్‌లతో 30), డేవిడ్‌ విల్లీ(5 బంతుల్లో 2 ఫోర్లు, 1 సిక్సర్‌తో 15) మెరుపులు మెరిపించాడు.  పాకిస్తాన్‌ బౌలర్లలో హ్యారీస్‌ రవూఫ్‌ మూడు వికెట్లు పడగొట్టగా.. షాహీన్‌ అఫ్రిది, వసీం తలా రెండు వికెట్లు సాధించారు. ఇఫ్తికర్‌ అహ్మద్‌కు ఒక వికెట్‌ దక్కింది. చదవండి: WC 2023: వరల్డ్‌కప్‌లో దారుణ ప్రదర్శన.. పాకిస్తాన్‌ కెప్టెన్సీకి బాబర్‌ ఆజం గుడ్‌బై..!

టీమిండియా స్టార్‌ విరాట్‌ కోహ్లి విషయంలో పాకిస్తాన్‌ మాజీ కెప్టెన్‌ మహ్మద్‌ హఫీజ్‌కు ఇంగ్లండ్‌ మాజీ సారథి మైకేల్‌ వాన్‌ దిమ్మతిరిగేలా కౌంటర్‌ ఇచ్చాడు. కోహ్లి బౌలింగ్‌లో హఫీజ్‌ అవుట్‌ చేసిన విషయాన్ని గుర్తుచేస్తూ అతడిని ట్రోల్‌ చేశాడు. కాగా సొంతగడ్డపై వన్డే వరల్డ్‌కప్‌-2023లో విరాట్‌ కోహ్లి అద్భుత ఇన్నింగ్స్‌తో దూసుకుపోతున్న విషయం తెలిసిందే. ఇప్పటి వరకు ఆడిన ఎనిమిది మ్యాచ్‌లలో నాలుగు అర్ధ శతకాలు సహా రెండు సెంచరీలు సాధించి జోష్‌లో ఉన్నాడు. చివరగా సౌతాఫ్రికాతో మ్యాచ్‌లో శతకం ద్వారా వన్డేల్లో క్రికెట్‌ లెజెండ్‌ సచిన్‌ టెండుల్కర్‌ పేరిట ఉన్న సెంచరీల రికార్డు(49)ను సమం చేసి చరిత్ర సృష్టించాడు.  ఈ నేపథ్యంలో రన్‌మెషీన్‌ కోహ్లిపై ప్రశంసల వర్షం కురుస్తుండగా... పాక్‌ మాజీ క్రికెటర్‌ మహ్మద్‌ హఫీజ్‌ మాత్రం భిన్నంగా స్పందించాడు. ‘‘కోల్‌కతాలో విరాట్‌ కోహ్లి బ్యాటింగ్‌ చేస్తున్నపుడు స్వార్థపూరితంగా వ్యవహరిస్తున్నాడని నాకు అనిపించింది. ఈ వరల్డ్‌కప్‌లో ఇప్పటికిది మూడోసారి. సింగిల్‌తో అతడు 49వ వన్డే శతకాన్ని అందుకున్న తీరు చూస్తే.. జట్టుకోసం కాకుండా కేవలం తన సెంచరీ కోసం మాత్రమే ఆడినట్లు అనిపించింది’’ అని హఫీజ్‌ వ్యాఖ్యానించాడు. ఈ నేపథ్యంలో కోహ్లి అభిమానులతో పాటు వెంకటేశ్‌ ప్రసాద్‌, మైకేల్‌ వాన్‌ వంటి మాజీ క్రికెటర్ల నుంచి హఫీజ్‌ తీవ్ర విమర్శలు ఎదుర్కొన్నాడు. అయినప్పటికీ మరోసారి పరోక్షంగా కోహ్లి పేరును ప్రస్తావిస్తూ ట్వీట్‌ చేశాడు. ఇంగ్లండ్‌ ఆల్‌రౌండర్‌ బెన్‌స్టోక్స్‌ను ప్రశంసించే క్రమంలో మరోసారి ‘సెల్ఫిష్‌’ కామెంట్స్‌ చేశాడు. View this post on Instagram A post shared by ICC (@icc) ప్రపంచకప్‌-2023లో నెదర్లాండ్స్‌తో బుధవారం నాటి మ్యాచ్‌లో స్టోక్స్‌ సెంచరీని ప్రశంసిస్తూ.. ‘‘జట్టును గట్టెక్కించే రక్షకుడు. తీవ్ర ఒత్తిడిలోనూ దూకుడైన ఆట తీరుతో కావాల్సినన్ని పరుగులు రాబట్టి చివరికి జట్టును గెలిపించాడు. స్వార్థపూరిత, స్వార్థ రహిత ఇన్నింగ్స్‌కు తేడా ఇదే’’ అంటూ హఫీజ్‌.. మైకేల్‌ వాన్‌ను ట్యాగ్‌ చేశాడు. ఇందుకు బదులుగా.. ‘‘స్టోక్సీ గొప్ప ఇన్నింగ్స్‌ ఆడాడనడంలో ఎలాంటి సందేహం లేదు హఫీజ్‌..  అయితే, కోల్‌కతా వంటి కఠినతర పిచ్‌పై విరాట్‌ ఇంకాస్త మెరుగ్గా అటాకింగ్‌ చేశాడు. విరాట్‌ కోహ్లి నిన్ను బౌల్డ్‌ చేసిన విషయాన్ని మనసులో పెట్టుకుని ప్రతిసారి అతడి పేరును ఇలా ప్రస్తావిస్తున్నావేమో అనిపిస్తోంది’’ అని మైకేల్‌ వాన్‌ దిమ్మతిరిగే కౌంటర్‌ ఇచ్చాడు. కాగా 2012లో ఇండియా- పాకిస్తాన్‌ మ్యాచ్‌ సందర్భంగా కోహ్లి(రైటార్మ్‌ పేసర్‌) హఫీజ్‌ను బౌల్డ్‌ చేశాడు. Seems to me @MHafeez22 you were bowled by @imVkohli !!! Is this the reason you constantly have a pop at him .. 😜😜 #CWC2023 #India #Pakistan pic.twitter.com/m3BOaCxOB7 — Michael Vaughan (@MichaelVaughan) November 8, 2023 Great innings from Stokesy @MHafeez22 .. As was Virats on a difficult pitch in Kolkata against a better attack .. 👍 https://t.co/KFpNIafgVK — Michael Vaughan (@MichaelVaughan) November 8, 2023 View this post on Instagram A post shared by ICC (@icc)

ప్రస్తుత వన్డే వరల్డ్‌కప్‌లో డిఫెండింగ్‌ ఛాంపియన్ ఇంగ్లండ్‌ ముక్కీ మూలిగి రెండో విజయం సాధించింది. బుధవారం జరిగిన మ్యాచ్‌లో ఆ జట్టు పసికూన నెదర్లాండ్స్‌పై గెలుపొందింది. ఈ వరల్డ్‌కప్‌లో నెదర్లాండ్స్‌ కాక బంగ్లాదేశ్‌పై మాత్రమే విజయం సాధించిన ఇంగ్లండ్‌.. నిన్న లభించిన చిన్నపాటి విజయానికే ఉబ్బితబ్బిబ్బైపోతుంది. నెదర్లాండ్స్‌పై విజయాన్ని ఇంగ్లండ్‌ అభిమానులు కూడా ఆస్వాధిస్తున్నారు. ఈ గెలుపుతో ప్రస్తుత వరల్డ్‌కప్‌లో ఇంగ్లండ్‌కు ఒరిగేదేమీ లేనప్పటికీ వారి ఖుషీకి కారణం వేరే ఉంది. నెదర్లాండ్స్‌పై 160 పరుగుల భారీ తేడాతో గెలుపొందడంతో ఇంగ్లండ్‌ పాయింట్ల పట్టికలో అట్టడుగు స్థానం నుంచి ఏడో స్థానానికి ఎగబాకింది. ఛాంపియన్స్‌ ట్రోఫీ 2025కు అర్హత సాధించాలంటే వరల్డ్‌కప్‌లో టాప్‌-7లో (లీగ్‌ దశ మ్యాచ్‌ల తర్వాత) ఉండాలని ఐసీసీ మెలిక పెట్టిన నేపథ్యంలో ఈ గెలుపు ఇంగ్లండ్‌కు అతి ముఖ్యమైంది. ఇదే ఇంగ్లండ్‌కు, ఆ జట్టు అభిమానులకు సంతోషాన్ని కలిగిస్తుంది. నెదర్లాండ్స్‌పై గెలుపుతో ఇంగ్లండ్‌ ఏడో స్థానానికి వెళ్లడమే కాకుండా మెరుగైన రన్‌రేట్‌ సాధించి, ఆ స్థానానికి ఢోకా లేకుండా చేసుకుంది. దీంతో ఆ జట్టు ఛాంపియన్స్‌ ట్రోఫీ 2025కు అర్హత సాధించడం దాదాపుగా ఖాయమైపోయింది. ప్రస్తుతం పాయింట్ల పట్టికలో ఉన్న వరుస ఇలాగే కొనసాగితే బంగ్లాదేశ్‌, శ్రీలంక, నెదర్లాండ్స్‌ జట్లు ఛాంపియన్స్‌ ట్రోఫీకి అర్హత సాధించనట్టే. కాగా, నిన్నటి మ్యాచ్‌లో ఇంగ్లండ్‌.. నెదర్లాండ్స్‌పై కంటితుడుపు విజయాన్ని నమోదు చేసింది. ఈ మ్యాచ్‌లో తొలుత బ్యాటింగ్‌ చేసిన ఆ జట్టు బెన్‌ స్టోక్స్‌ సెంచరీతో (84 బంతుల్లో 108; 6 ఫోర్లు, 6 సిక్సర్లు) విరుచుకుపడటంతో నిర్ణీత ఓవర్లలో 9 వికెట్ల నష్టానికి 339 పరుగులు చేసింది. మలాన్‌ (87), క్రిస్‌ వోక్స్‌ (51) హాఫ్‌ సెంచరీలతో రాణించారు. అనంతరం బ్యాటింగ్‌కు దిగిన నెదర్లాండ్స్‌ ఛేదనలో చేతులెత్తేసి ఓటమిపాలైంది. ఆ జట్టు 37.2 ఓవర్లలో 179 పరుగులకే ఆలౌటైంది. ఇంగ్లండ్‌ స్పిన్నర్లు మొయిన్‌ అలీ (3/42), ఆదిల్‌ రషీద్‌ (3/54) నెదర్లాండ్స్‌ను దెబ్బకొట్టారు. నెదర్లాండ్స్‌ ఇన్నింగ్స్‌లో తెలుగు ఆటగాడు తేజ నిడమనూరు (41 నాటౌట్‌) టాప్‌ స్కోరర్‌గా నిలిచాడు.   

పుణే: వరల్డ్‌కప్‌లో వరుసగా ఐదు మ్యాచ్‌లలో ఓడి సెమీఫైనల్‌ అవకాశాలు కోల్పోయిన తర్వాత ఇంగ్లండ్‌ టోర్నీలో తమ రెండో విజయాన్ని నమోదు చేసింది. టోర్నీ తొలి పోరులో న్యూజిలాండ్‌ చేతిలో ఓడి, అనంతరం బంగ్లాదేశ్‌పై నెగ్గిన ఇంగ్లండ్‌... ఆపై వరుసగా అఫ్గానిస్తాన్, దక్షిణాఫ్రికా, శ్రీలంక, భారత్, ఆ్రస్టేలియా జట్ల చేతిలో చిత్తయింది. బుధవారం జరిగిన మ్యాచ్‌లో ఇంగ్లండ్‌ 160 పరుగుల తేడాతో నెదర్లాండ్స్‌పై ఘన విజయం సాధించింది. టాస్‌ గెలిచి ముందుగా బ్యాటింగ్‌కు దిగిన ఇంగ్లండ్‌ 50 ఓవర్లలో 9 వికెట్ల నష్టానికి 339 పరుగులు చేసింది. ‘ప్లేయర్‌ ఆఫ్‌ ద మ్యాచ్‌’ బెన్‌ స్టోక్స్‌ (84 బంతుల్లో 108; 6 ఫోర్లు, 6 సిక్స్‌లు) సెంచరీ సాధించగా... డేవిడ్‌ మలాన్‌ (74 బంతుల్లో 87; 10 ఫోర్లు, 2 సిక్స్‌లు), క్రిస్‌ వోక్స్‌ (45 బంతుల్లో 51; 5 ఫోర్లు, 1 సిక్స్‌) రాణించారు. ఒకదశలో 133/1తో మెరుగైన స్థితిలో కనిపించిన ఇంగ్లండ్‌... తర్వాతి 15 ఓవర్లలో 59 పరుగులకే 5 వికెట్లు కోల్పోయి 192/6 స్కోరుతో కష్టాల్లో పడింది. ఈ దశలో స్టోక్స్, వోక్స్‌ ఏడో వికెట్‌కు 13.3 ఓవర్లలోనే 129 పరుగులు జోడించి జట్టును ఆదుకున్నారు. అనంతరం నెదర్లాండ్స్‌ 37.2 ఓవర్లలో 179 పరుగులకే ఆలౌటైంది. తేజ నిడమనూరు (34 బంతుల్లో 41 నాటౌట్‌; 2 ఫోర్లు, 3 సిక్స్‌లు) టాప్‌ స్కోరర్‌గా నిలవగా... స్కాట్‌ ఎడ్వర్డ్స్‌ (38), వెస్లీ బరేసి (37), సైబ్రాండ్‌ (33) ఫర్వాలేదనిపించారు. తాజా విజయంతో ఏడో స్థానానికి చేరిన ఇంగ్లండ్‌ 2025 చాంపియన్స్‌ ట్రోఫీకి అర్హత సాధించే అవకాశాలను ప్రస్తుతానికి సజీవంగా ఉంచుకుంది.   స్కోరు వివరాలు   ఇంగ్లండ్‌ ఇన్నింగ్స్‌: బెయిర్‌స్టో (సి) మీకెరెన్‌ (బి) దత్‌ 15; మలాన్‌ (రనౌట్‌) 87; రూట్‌ (బి) వాన్‌ బీక్‌ 28; స్టోక్స్‌ (సి) సైబ్రాండ్‌ (బి) వాన్‌ బీక్‌ 108; బ్రూక్‌ (సి) అకెర్‌మన్‌ (బి) డి లీడ్‌ 11; బట్లర్‌ (సి) తేజ (బి) మీకెరెన్‌ 5; అలీ (సి) డి లీడ్‌ (బి) దత్‌ 4; వోక్స్‌ (సి) ఎడ్వర్డ్స్‌ (బి) డి లీడ్‌ 51; విల్లీ (సి) సైబ్రాండ్‌ (బి) డి లీడ్‌ 6; అట్కిన్సన్‌ (నాటౌట్‌) 2; రషీద్‌ (నాటౌట్‌) 1; ఎక్స్‌ట్రాలు 21; మొత్తం (50 ఓవర్లలో 9 వికెట్లకు) 339. వికెట్ల పతనం: 1–48, 2–133, 3–139, 4–164, 5–178, 6–192, 7–321, 8–327, 9–334. బౌలింగ్‌: ఆర్యన్‌ దత్‌ 10–0–67–2, వాన్‌ బీక్‌ 10–0–88–2, మీకెరెన్‌ 10–0–57–1, డి లీడ్‌ 10–0–74–3, వాన్‌డర్‌ మెర్వ్‌ 3–0–22–0, అకెర్‌మన్‌ 7–0–31–0.   నెదర్లాండ్స్‌ ఇన్నింగ్స్‌: వెస్లీ బరేసి (రనౌట్‌) 37; మ్యాక్స్‌ ఒ డౌడ్‌ (సి) అలీ (బి) వోక్స్‌ 5; అకెర్‌మన్‌ (సి) బట్లర్‌ (బి) విల్లీ 0; సైబ్రాండ్‌ (సి) వోక్స్‌ (బి) విల్లీ 33; ఎడ్వర్డ్స్‌ (సి) మలాన్‌ (బి) అలీ 38; డి లీడ్‌ (బి) రషీద్‌ 10; తేజ నిడమనూరు (నాటౌట్‌) 41; వాన్‌ బీక్‌ (సి) మలాన్‌ (బి) రషీద్‌ 2; వాన్‌డర్‌ మెర్వ్‌ (సి) రషీద్‌ (బి) అలీ 0; దత్‌ (బి) రషీద్‌ 1; మీకెరెన్‌ (స్టంప్డ్‌) బట్లర్‌ (బి) అలీ 4; ఎక్స్‌ట్రాలు 8; మొత్తం (37.2 ఓవర్లలో ఆలౌట్‌) 179. వికెట్ల పతనం: 1–12, 2–13, 3–68, 4–90, 5–104, 6–163, 7–166, 8–167, 9–174, 10–179. బౌలింగ్‌: వోక్స్‌ 7–0–19–1, విల్లీ 7–2–19–2, అట్కిన్సన్‌ 7–0–41–0, మొయిన్‌ అలీ 8.2–0–42–3, ఆదిల్‌ రషీద్‌ 8–0–54–3.    ప్రపంచకప్‌లో నేడు న్యూజిలాండ్‌   x  శ్రీలంక వేదిక: బెంగళూరు మధ్యాహ్నం 2 గంటల నుంచి స్టార్‌ స్పోర్ట్స్, హాట్‌స్టార్‌ యాప్‌లో ప్రత్యక్ష ప్రసారం

ICC WC 2023- Eng Vs Ned: వన్డే ప్రపంచకప్‌-2023లో ఇంగ్లండ్‌ స్టార్‌ ఆల్‌రౌండర్‌ బెన్‌ స్టోక్స్‌ అద్భుత ఇన్నింగ్స్‌తో మెరిశాడు. నెదర్లాండ్స్‌తో మ్యాచ్‌ సందర్భంగా వరల్డ్‌కప్‌ టోర్నీలో తన తొలి శతకం నమోదు చేశాడు. పుణె వేదికగా నెదర్లాండ్స్‌తో మ్యాచ్‌లో టాస్‌ గెలిచిన ఇంగ్లండ్‌ తొలుత బ్యాటింగ్‌ చేసింది. ఓపెనర్‌ జానీ బెయిర్‌స్టో(15) విఫలం కాగా.. మరో ఓపెనర్‌ డేవిడ్‌ మలన్‌ 87 పరుగులతో రాణించాడు. వన్‌డౌన్‌ బ్యాటర్‌ జో రూట్‌ చెత్త షాట్‌ సెలక్షన్‌తో 28 పరుగులకే వెనుదిరగగా.. నాలుగో స్థానంలో బ్యాటింగ్‌కు వచ్చిన స్టోక్స్‌ ఆకాశమే హద్దుగా చెలరేగాడు. మొత్తంగా 84 బంతులు ఎదుర్కొని 6 ఫోర్లు, 6 సిక్సర్ల సాయంతో 108 పరుగులు రాబట్టాడు. ఈ క్రమంలో వరల్డ్‌కప్‌లో తన పేరిటా ఓ సెంచరీని లిఖించుకున్నాడు. మిగతా వాళ్లలో క్రిస్‌ వోక్స్‌ అర్ద శతకం(51) బాదాడు. దీంతో నిర్ణీత 50 ఓవర్లలో ఇంగ్లండ్‌ 9 వికెట్ల నష్టానికి 339 పరుగులు సాధించింది. డచ్‌ బౌలర్లలో బాస్‌ డి లిడే మూడు, ఆర్యన్‌ దత్‌, లోగన్‌ వాన్‌ బీక్‌ చెరో రెండు, పాల్‌ వాన్‌ మెకెరన్‌ ఒక వికెట్‌ దక్కించుకున్నారు. కాగా డిఫెండింగ్‌ చాంపియన్‌గా భారత్‌ వేదికగా ప్రపంచకప్‌ బరిలో దిగిన ఇంగ్లండ్‌ ఇప్పటికే సెమీస్‌ రేసు నుంచి నిష్క్రమించిన విషయం తెలిసిందే. మరోవైపు.. నెదర్లాండ్స్‌కు కూడా సెమీ ఫైనల్‌ అవకాశాలు లేవు. ఈ క్రమంలో పాయింట్ల పట్టికలో 9, 10 స్థానాల కోసం అన్నట్లుగా ఈ నామమాత్రపు మ్యాచ్‌ జరుగుతోంది. ఇదిలా ఉంటే.. గాయం కారణంగా ఆరంభ మ్యాచ్‌లకు దూరమైన స్టోక్స్‌ పునరాగమనంలోనూ  పెద్దగా ఆకట్టుకోలేదు. అయితే, ఈ నామమాత్రపు మ్యాచ్‌లో మాత్రం సెంచరీ చేయడం విశేసం. కాగా 2019లో ఇంగ్లండ్‌ ట్రోఫీ గెలవడంలో స్టోక్స్‌దే కీలక పాత్ర అన్న విషయం తెలిసిందే. View this post on Instagram A post shared by ICC (@icc)

వన్డే ప్రపంచకప్‌-2023లో టీమిండియా స్టార్‌ పేసర్‌ మహ్మద్‌ షమీ అదరగొడుతున్నాడు. ఈ మెగా టోర్నీలో ఇప్పటివరకు కేవలం మూడు మ్యాచ్‌లు మాత్రమే ఆడిన షమీ.. 14 వికెట్లు పడగొట్టాడు. అందులో రెండు ఫైవ్‌ వి​కెట్ల హాల్స్‌.. ఒ​క 4 వికెట్ల హాల్‌ ఉంది. తాజాగా శ్రీలంకతో మ్యాచ్‌లో షమీ ఐదు వికెట్లతో చెలరేగాడు. తద్వారా వన్డే వరల్డ్‌కప్‌ టోర్నీల్లో అత్యధిక వికెట్లు పడగొట్టిన భారత బౌలర్‌గా షమీ రికార్డులకెక్కాడు. షమీ ఇప్పటివరకు వరల్డ్‌కప్‌ టోర్నీల్లో 45 వికెట్లు పడగొట్టాడు. ఈ క్రమంలో భారత బౌలింగ్‌ దిగ్గజాలు జహీర్‌ ఖాన్‌, జవగాల్‌ శ్రీనాథ్‌ను షమీ అధిగమించాడు. బెన్‌​ స్టోక్స్‌ ప్రశంసలు.. ఇక ఈ టోర్నీలో అద్భుతప్రదర్శన కనబరుస్తున్న షమీపై ఇంగ్లండ్‌ స్టార్‌ ఆల్‌రౌండర్‌ బెన్‌ స్టోక్స్‌ ప్రశంసల వర్షం కురిపించాడు. షమీని బౌలర్‌ ఆఫ్‌ది టోర్నమెంట్‌గా స్టోక్స్‌ కొనియాడాడు. కాగా ఇంగ్లండ్‌తో జరిగిన మ్యాచ్‌లో స్టోక్స్‌ను ఓ అద్బుతమైన బంతితో షమీ క్లీన్‌ బౌల్డ్‌ చేశాడు. దీంతో స్టోక్స్‌ ఒక్కసారిగా తెల్లముఖం వేశాడు. కాగా ఈ మెగా ఈవెంట్‌లో భాగంగా అహ్మదాబాద్‌ వేదికగా నవంబర్‌ 4న ఇంగ్లండ్‌- ఆస్ట్రేలియా జట్లు తలపడనున్నాయి. ఈ నేపథ్యంలో  ప్రీ-మ్యాచ్ ప్రెస్ కాన్ఫరెన్స్‌లో స్టోక్స్ మాట్లాడుతూ.. "నేను షమీకి ప్రత్యర్ధిగా చాలా క్రికెట్‌ ఆడాను. అతడొక అద్బుతమైన బౌలర్‌. శ్రీలంకపై కూడా అతడి బౌలింగ్‌ను చూశాం. అతడు ఛాంపియన్‌ బౌలర్‌. వరల్డ్‌కప్‌లో కూడా మంచి రికార్డు ఉంది. అతడు ఈ టోర్నీలో మొత్తం మ్యాచ్‌లు ఆడకపోవచ్చు. కానీ అతడు ఆడిన మూడు మ్యాచ్‌ల్లోనూ నమ్మశక్యం కానీ బౌలింగ్‌ చేశాడు. ప్రత్యర్ధి బ్యాటర్లను ఎలా ఔట్‌ చేయాలో అతడికి బాగా తెలుసు. మా పై కూడా అద్బుతమైన స్పెల్‌ వేశాడు. ఈ వరల్డ్‌కప్‌లో ‍మమ్మల్ని ఇబ్బంది పెట్టిన బౌలర్లలో షమీ ఒకడని" పేర్కొన్నాడు. చదవండి: IPL 2024 Auctions: ఐపీఎల్‌ 2024కు ముందు ముంబై ఇండియన్స్‌​ కీలక నిర్ణయం..

ఇంగ్లండ్‌ స్టార్‌ ఆల్‌రౌండర్‌, టెస్టు కెప్టెన్‌ బెన్‌ స్టోక్స్‌ త్వరలోనే తన మోకాలికి శస్త్ర చికిత్స చేయించుకోనున్నాడు. వన్డే ప్రపంచకప్‌-2023 ముగిసిన తర్వాత స్వదేశంలో మోకాలి సర్జరీ చేసుకోనున్నట్లు స్టోక్స్‌ తెలిపాడు. అంతర్జాతీయ వన్డేలకు రిటైర్మెంట్‌ ప్రకటించిన స్టోక్స్‌.. వరల్డ్‌కప్‌కు ముందు తన నిర్ణయాన్ని మార్చుకున్నాడు. ఈ క్రమంలో వరల్డ్‌కప్‌ ఆడేందుకు భారత గడ్డపై అడుగుపెట్టిన స్టోక్స్‌.. మోకాలి నొప్పి కారణంగా తొలి మూడు మ్యాచ్‌లకు బెంచ్‌కే పరిమితమయ్యాడు. ఆ తర్వాత జట్టులోకి వచ్చినప్పటికీ స్టోక్స్‌ తన స్ధాయికి తగ్గ ప్రదర్శన చేయడంలో విఫలమయ్యాడు. ఇక ఇది ఇలా ఉండగా.. వచ్చే ఏడాది జనవరిలో ఇంగ్లండ్‌ జట్టు ఐదు మ్యాచ్‌ల టెస్టు సిరీస్‌ కోసం భారత్‌కు రానుంది. ఈ నేపథ్యంలో స్టోక్స్‌ విలేకరులో మాట్లాడుతూ.. "టీమిండియాతో జరిగే టెస్టు సిరీస్‌కు నేను పూర్తి ఫిట్‌నెస్‌తో ఉంటాను. ప్రపంచ కప్ తర్వాత నేను మోకాలి సర్జరీ చేసుకోనున్నాను. గత 18 నెలలగా మెకాలి నొప్పితో బాధపడుతున్నాను. అయితే ప్రస్తుతం తీవ్రమైన నొప్పి లేనప్పటికీ.. బౌలింగ్‌కు మాత్రం కష్టంగా ఉందని" పేర్కొన్నాడు. చదవండి: World cup 2023: వరల్డ్‌కప్‌లో న్యూజిలాండ్‌కు భారీ షాక్‌..

ICC ODI WC 2023 Eng Vs Afg: వన్డే వరల్డ్‌కప్‌-2023లో డిఫెండింగ్‌ చాంపియన్‌గా బరిలోకి దిగిన ఇంగ్లండ్‌ అనుకున్న రీతిలో రాణించలేకపోతోంది. ఆరంభ మ్యాచ్‌లోనే న్యూజిలాండ్‌ చేతిలో చిత్తుగా ఓడిన బట్లర్‌ బృందం.. తమ తదుపరి మ్యాచ్‌లో బంగ్లాదేశ్‌ను మట్టికరిపించి గాడిలో పడ్డట్లు కనిపించింది. కానీ.. మూడో మ్యాచ్‌కు వచ్చేసరికి కథ తలకిందులైంది. తమ వన్డే చరిత్రలో ఎన్నడూ లేని విధంగా అనూహ్య రీతిలో అఫ్గనిస్తాన్‌ ముందు తలవంచింది. ఢిల్లీలోని అరుణ్‌జైట్లీ స్టేడియం వేదికగా సమిష్టి వైఫల్యంతో 69 పరుగుల తేడాతో పరాజయం పాలైంది. సొంతగడ్డపై హాట్‌ ఫేవరెట్‌ టీమిండియా, గత ఎడిషన్‌ రన్నరప్‌ న్యూజిలాండ్‌ హ్యాట్రిక్‌ విజయాలతో దూసుకుపోతున్న వేళ మాజీ చాంపియన్‌ ఇంగ్లండ్‌ ఆడిన మూడు మ్యాచ్‌లలో రెండు ఓడి పరాభవం మూటగట్టుకుంది.  అతడు లేనిలోటు స్పష్టంగా కనిపించింది కాగా ఇంగ్లండ్‌ ఇప్పటి వరకు ఆడిన మూడు మ్యాచ్‌లలోనూ 2019 వరల్డ్‌కప్‌ హీరో ఆల్‌రౌండర్‌ బెన్‌ స్టోక్స్‌ లేని లోటు స్పష్టంగా కనిపించింది. ఈ నేపథ్యంలో టీమిండియా మాజీ ఆల్‌రౌండర్‌ ఇర్ఫాన్‌ పఠాన్‌ ఇంగ్లండ్‌ మేనేజ్‌మెంట్‌కు కీలక సూచనలు చేశాడు. వంద శాతం ఫిట్‌గా లేకున్నా సరే ‘‘బెన్‌ స్టోక్స్‌ 99 శాతం ఫిట్‌గా ఉన్నా సరే అతడిని తుదిజట్టులోకి తీసుకోండి. మీకు అతడి అవసరం ఎంతగానో ఉంది. తన అనుభవాన్ని దృష్టిలో పెట్టుకునే కదా వెనక్కి పిలిపించారు. ఒకవేళ ఇంగ్లండ్‌ గనుక తదుపరి మ్యాచ్‌ ఓడిపోతే.. తిరిగి పుంజుకోవడం చాలా కష్టం. గతంలో జరిగినట్లే ప్రతిసారి జరుగుతుందని అనుకోవడం పొరపాటే అవుతుంది’’ అని పఠాన్‌ పేర్కొన్నాడు. ప్రతిసారీ అలాగే జరుగదు అదే విధంగా... ‘‘2019 ప్రపంచకప్‌ టోర్నీలో ఇంగ్లండ్‌.. శ్రీలంక, పాకిస్తాన్‌తో పాటు మరో జట్టుతో మ్యాచ్‌లోనూ ఓటమి పాలైంది. వరుస పరాజయాల నుంచి కోలుకుని ఏకంగా చాంపియన్‌గా అవతరించింది.  అయితే, ప్రతిసారి ఇలాగే జరగదు కదా!’’ అంటూ ఇంగ్లండ్‌ తమ లోపాలు సరిదిద్దుకోవాల్సిన ఆవశ్యకతను ఇర్ఫాన్‌ పఠాన్‌ నొక్కివక్కాణించాడు. కాగా ప్రపంచకప్‌-2023 టోర్నీ ఆడాలన్న మేనేజ్‌మెంట్‌ విజ్ఞప్తి మేరకు ఆల్‌రౌండర్‌ స్టోక్స్‌ తన వన్డే రిటైర్మెంట్‌ నిర్ణయాన్ని వెనక్కి తీసుకున్న విషయం తెలిసిందే.  అయితే, గాయం కారణంగా అతడు తొలి మూడు మ్యాచ్‌లకూ అందుబాటులో ఉండలేకపోయాడు. అనుభవజ్ఞుడైన ఆటగాడు ఇలా జట్టుకు దూరం కావడం ఇంగ్లండ్‌ ఫలితాలను ప్రభావితం చేసిందనడంలో సందేహం లేదు. చదవండి: Ind vs Pak: ఎదుటి వాళ్లను అన్నపుడు నవ్వి.. మనల్ని అంటే ఏడ్చి గగ్గోలు పెట్టడం ఎందుకు? View this post on Instagram A post shared by ICC (@icc)

వన్డే వరల్డ్‌కప్‌ 2023లో భాగంగా ధర్మశాల వేదికగా ఇవాళ (అక్టోబర్‌ 10) ఇంగ్లండ్‌-బంగ్లాదేశ్‌ జట్లు తలపడుతున్నాయి. ఉదయం 10:30 గంటలకు ప్రారంభంకానున్న ఈ మ్యాచ్‌లో బంగ్లాదేశ్‌ టాస్‌ గెలిచి ఫీల్డింగ్‌ ఎంచుకుంది. ఈ మ్యాచ్‌లో ఇరు జట్లు చెరో మార్పుతో బరిలోకి దిగుతున్నాయి. ఈ మ్యాచ్‌లో కూడా స్టోక్స్‌ బెంచ్‌కే పరిమితమయ్యాడు. మొయిన్‌ అలీ స్థానంలో రీస్‌ టాప్లే బరిలోకి దిగుతుండగా.. బంగ్లాదేశ్‌ ఆల్‌రౌండర్‌ మహ్మదుల్లా స్థానంలో మెహది హసన్‌ జట్టులోకి వచ్చాడు.  తుది జట్లు.. ఇంగ్లండ్: జానీ బెయిర్‌స్టో, డేవిడ్ మలన్, జో రూట్, హ్యారీ బ్రూక్, జోస్ బట్లర్(కెప్టెన్‌/వికెట్‌కీపర్‌), లియామ్ లివింగ్‌స్టోన్, సామ్ కర్రన్, క్రిస్ వోక్స్, ఆదిల్ రషీద్, మార్క్ వుడ్, రీస్ టాప్లే బంగ్లాదేశ్: తంజిద్ హసన్, లిట్టన్ దాస్, నజ్ముల్ హొస్సేన్ షాంటో, షకీబ్ అల్ హసన్(కెప్టెన్‌), మెహిదీ హసన్ మిరాజ్, ముష్ఫికర్ రహీమ్(వికెట్‌కీపర్‌), తౌహిద్ హృదొయ్, మెహది హసన్, తస్కిన్ అహ్మద్, షోరిఫుల్ ఇస్లాం, ముస్తాఫిజుర్ రహ్మాన్

వన్డే ప్రపంచకప్‌-2023లో ఇవాళ (అక్టోబర్‌ 10) రెండు మ్యాచ్‌లు జరుగనున్నాయి. ఉదయం 10:30 గంటలకు ప్రారంభమయ్యే తొలి మ్యాచ్‌లో ఇంగ్లండ్‌-బంగ్లాదేశ్‌లు ధర్మశాల వేదికగా తలపడనుండగా.. హైదరాబాద్‌లోని రాజీవ్‌ గాంధీ ఇంటర్నేషనల్‌ స్టేడియం (ఉప్పల్‌ స్టేడియం) వేదికగా మాధ్యాహ్నం 2 గంటలకు ప్రారంభమయ్యే మ్యాచ్‌లో శ్రీలంక-పాకిస్తాన్‌ జట్లు పోటీపడతాయి. డిఫెండింగ్‌ ఛాంపియన్‌ హోదాలో ప్రస్తుత ప్రపంచకప్‌ బరిలోకి దిగిన ఇంగ్లండ్‌ తొలి మ్యాచ్‌లో న్యూజిలాండ్‌ చేతిలో చావుదెబ్బ తిని బోణీ విజయం కోసం ఎదురుచూస్తుండగా.. బంగ్లాదేశ్‌ తమ తొలి మ్యాచ్‌లో ఆఫ్ఘనిస్తాన్‌పై విజయం సాధించి మరో విజయం కోసం కసిగా ఎదురుచూస్తుంది.   మరోవైపు తమ తొలి మ్యాచ్‌లో నెదర్లాండ్స్‌ను మట్టికరిపించిన ఉత్సాహంలో ఉన్న పాక్‌.. ప్రపంచకప్‌లో రెండో విజయంపై కన్నేయగా.. తొలి మ్యాచ్‌లో సౌతాఫ్రికా చేతిలో అపజయాన్ని ఎదుర్కొన్న శ్రీలంక.. పాక్‌పై ఎలాగైనా గెలిచి బోణీ కొట్టాలని భావిస్తుంది.  స్టోక్స్‌ ఎంట్రీ.. న్యూజిలాండ్‌తో జరిగిన తొలి మ్యాచ్‌లో బెంచ్‌కే పరిమితమైన బెన్‌ స్టోక్స్‌.. బంగ్లాదేశ్‌ మ్యాచ్‌లో బరిలోకి దిగే అవకాశం ఉన్నట్లు తెలుస్తుంది. స్టోక్సీ గత రెండు రోజులుగా నెట్స్‌లో కఠోరంగా శ్రమిస్తున్నట్లు సమాచారం. శ్రీలంక జోరు కొనసాగించేనా.. సౌతాఫ్రికాతో జరిగిన మ్యాచ్‌లో శ్రీలంక పరాజయంపాలైనప్పటికీ, ఆ జట్టులోని బ్యాటర్లంతా ఫామ్‌లోకి వచ్చారు. 429 పరుగుల కష్టసాధ్యమైన లక్ష్య ఛేదనలో లంక బ్యాటర్లు అసమానమైన తెగువను చూపి భారీగా పరుగులు సాధించారు. కుశాల్‌ మెండిస్‌ (76), అసలంక (79), కెప్టెన్‌ షనక (68) మెరుపు అర్ధసెంచరీలతో విరుచుకుపడటంతో శ్రీలంక 44.5 ఓవర్లలో 326 పరుగులకు ఆలౌటైంది. పాక్‌తో జరిగే మ్యాచ్‌లోనూ లంక బ్యాటర్లు ఇదే జోరును కొనసాగిస్తే పాక్‌కు కష్టాలు తప్పవు.

అహ్మదాబాద్‌లోని నరేంద్ర మోదీ స్టేడియంలో రేపు (అక్టోబర్‌ 5) జరుగబోయే వరల్డ్‌కప్‌ 2023 ఆరంభ మ్యాచ్‌కు ముందు డిఫెండింగ్‌ ఛాంపియన్‌ ఇంగ్లండ్‌కు భారీ షాక్‌ తగిలినట్లు తెలుస్తుంది. తుంటి నొప్పి (Hip Pain) కారణంగా ఆ జట్టు స్టార్‌ ఆల్‌రౌండర్‌ బెన్‌ స్టోక్స్‌ ఇబ్బంది పడుతున్నాడని సమాచారం. న్యూజిలాండ్‌తో రేపు జరుగబోయే మ్యాచ్‌ సమయానికి స్టోక్స్‌ నొప్పి నుంచి తేరుకోవడం అనుమానమనని తెలుస్తుంది. రేపటి మ్యాచ్‌కు స్టోక్స్‌ అందుబాటులో ఉండటం అనుమానమని సోషల్‌మీడియా కోడై కూస్తుంది. బంగ్లాదేశ్‌తో జరిగిన వార్మప్‌ మ్యాచ్‌కు స్టోక్స్‌ బెంచ్‌కు పరిమితం కావడంతో ఈ అనుమానాలు మరింత బలపడుతున్నాయి. స్టోక్స్‌ గాయంపై ఇంగ్లండ్‌ క్రికెట్‌ ప్రతినిధులు ఎలాంటి ప్రకటన చేయనప్పటికీ, ఈ వార్త సోషల్‌మీడియాలో  వైరలవుతుంది. ఒకవేళ స్టోక్స్‌ గాయం నిజమై రేపటి మ్యాచ్‌కు అతను దూరమైతే, అది ఇంగ్లండ్‌ విజయావకాశాలను తప్పకుండా ప్రభావితం చేస్తుంది. వార్మప్‌ మ్యాచ్‌ల్లో వరుస విజయాలు సాధించి జోరుమీదున్న న్యూజిలాండ్‌ ఈ అవకాశాన్ని తప్పకుండా సద్వినియోగం చేసుకుని, గత వరల్డ్‌కప్‌ ఫైనల్లో ఎదురైన పరాభవానికి ప్రతీకారం తీర్చుకోవాలని భావిస్తుంది. కాగా, గతంలో వన్డే క్రికెట్‌కు రిటైర్మెంట్‌ ప్రకటించిన స్టోక్స్‌ ఇటీవలే ఈ ఫార్మాట్‌లోకి రీఎంట్రీ ఇచ్చి, వచ్చీ రావడంతోనే న్యూజిలాండ్‌పై భారీ సెంచరీతో విరుచుకుపడిన విషయం తెలిసిందే.  ఇదిలా ఉంటే, రేపటి నుంచి ప్రారంభమయ్యే వన్డే వరల్డ్‌కప్‌ నవంబర్‌ 19 వరకు సాగుతుంది. మెగా టోర్నీలో భారత్‌ తమ తొలి మ్యాచ్‌ను అక్టోబర్‌ 8న ఆడుతుంది. చెన్నైలో జరిగే ఈ మ్యాచ్‌లో టీమిండియా.. ఆసీస్‌తో తలపడుతుంది. ఆతర్వాత భారత్‌ అక్టోబర్‌ 11న ఆఫ్ఘనిస్తాన్‌తో (న్యూఢిల్లీ) తమ రెండో మ్యాచ్‌ ఆడుతుంది. దీని తర్వాత టీమిండియా.. అక్టోబర్‌ 14న చిరకాల ప్రత్యర్థి పాక్‌ను ఢీకొంటుంది.

Ben Stokes- Ravindra Jadeja: ‘‘రవీంద​ జడేజా అద్భుతంగా ఆడుతున్నాడు. ఏడో స్థానంలో బ్యాటింగ్‌ దిగుతాడు. అంతేనా.. 10 ఓవర్ల పాటు(వన్డేలో) బౌలింగ్‌ చేయడం కూడా గ్యారెంటీ. ఇక టెస్టుల్లో కేవలం టీమిండియా తరఫున మాత్రమే కాదు.. ప్రపంచం మొత్తంలో ప్రస్తుతం అతడే అత్యుత్తమ ఆల్‌రౌండర్‌.. బెన్‌ స్టోక్స్‌ కంటే కూడా జడేజా బెస్ట్‌. ఎందుకంటే స్టోక్స్‌ ఎక్కువగా బౌలింగ్‌ చేయలేడు. ఒంటిచేత్తో మ్యాచ్‌లు గెలిపించగల సత్తా జడేజాకు సొంతం.   కానీ రావాల్సినంత గుర్తింపు రాలేదు కానీ అనుకున్నంత స్థాయిలో అతడికి రావాల్సినంత గుర్తింపు రాలేదు. ఏదేమైనా టెస్టుల్లో జడేజా బెస్ట్‌ ఆల్‌రౌండర్‌ అని కచ్చితంగా చెప్పగలను’’ అంటూ టీమిండియా మాజీ బ్యాటర్‌ ఆకాశ్‌ చోప్రా.. ఆల్‌రౌండర్‌ రవీంద్ర జడేజాపై ప్రశంసలు కురిపించాడు. టెస్టుల్లో ఇద్దరూ.. కాగా ప్రస్తుతం టీమిండియా స్టార్‌ జడేజా, ఇంగ్లండ్‌ టెస్టు జట్టు సారథి బెన్‌ స్టోక్స్‌.. ఇద్దరూ టెస్టుల్లో అత్యుత్తమ ఆల్‌రౌండర్లుగా కొనసాగుతున్నారు. ఐసీసీ ర్యాంకింగ్స్‌లో జడ్డూ గత కొంతకాలంగా నంబర్‌ 1లో కొనసాగుతుండగా.. స్టోక్స్‌ నాలుగో స్థానంలో ఉన్నాడు. జడ్డూ, స్టోక్స్‌ గణాంకాలు ఇలా ఇక ఇప్పటి వరకు 67 అంతర్జాతీయ టెస్టులాడిన జడేజా.. 2804 పరుగులు చేయడంతో పాటు.. 275 వికెట్లు పడగొట్టాడు. స్టోక్స్‌ 97 టెస్టుల్లో 6117 పరుగులు సాధించడంతో పాటు 197 వికెట్లు తీశాడు.  ఈ నేపథ్యంలో వీరిద్దరిలో బెస్ట్‌ ఎవరంటే తాను జడ్డూ వైపే మొగ్గు చూపుతానని ఆకాశ్‌ చోప్రా పేర్కొన్నాడు. ఇందుకు గల కారణాలు విశ్లేషిస్తూ పైవిధంగా స్పందించాడు. కాగా ప్రపంచ టెస్టు చాంపియన్‌షిప్‌ 2021-23 సైకిల్‌లో జడ్డూ 13 టెస్టుల్లో 47 వికెట్లు పడగొట్టాడు. ఇందులో మూడు 5- వికెట్‌ హాల్స్‌ ఉన్నాయి. ఇక లెఫ్టార్మ్‌ స్పిన్నర్‌ అత్యుత్తమ గణాంకాలు 7/42. అదే విధంగా.. రెండు సెంచరీలు.. మూడు ఫిఫ్టీలతో 721 పరుగులు రాబట్టాడు.    వన్డేల్లో రీఎంట్రీ.. రికార్డు సృష్టించి ఇక స్టోక్స్‌ విషయానికొస్తే.. ఈ లెఫ్టాండ్‌ బ్యాటర్‌ 18 మ్యాచ్‌లలో.. రెండు శతకాలు, నాలుగు హాఫ్‌ సెంచరీల సాయంతో 971 పరుగులు సాధించాడు. అదే విధంగా 30 వికెట్లు తన ఖాతాలో వేసుకున్నాడీ రైట్‌ ఆర్మ్‌ పేసర్‌. కాగా ఇంగ్లండ్‌ క్రికెట్‌ బోర్డు విజ్ఞప్తి మేరకు స్టోక్స్‌ వన్డేల్లో తన రిటైర్మెంట్‌ను వెనక్కి తీసుకున్నాడు. న్యూజిలాండ్‌తో సిరీస్‌లో ఎంట్రీ ఇచ్చిన అతడు.. మూడో వన్డేలో ఏకంగా 182 పరుగులతో చెలరేగి ఇంగ్లండ్‌ తరఫున వన్డేల్లో అత్యధిక స్కోరు సాధించిన బ్యాటర్‌గా నిలిచాడు. మరోవైపు.. జడ్డూ ఆసియా వన్డే కప్‌-2023 ఆడాడు. వీరిద్దరు భారత్‌ వేదికగా వన్డే ప్రపంచకప్‌-2023లో ఎలా ఆడాతారో చూడాలిక! చదవండి: Ind vs Aus: కనీసం ఆ జట్టులో కూడా పనికిరాడా? కెప్టెన్‌ కావాల్సినోడు.. 

England vs New Zealand Ben Stokes Record: ఇంగ్లండ్‌ ఆల్‌రౌండర్‌ బెన్‌ స్టోక్స్‌ చరిత్ర సృష్టించాడు. న్యూజిలాండ్‌తో మూడో వన్డేలో విధ్వంసకర శతకంతో చెలరేగి పలు అరుదైన ఘనతలు సాధించాడు. కాగా వరల్డ్‌కప్‌-2023 నేపథ్యంలో 50 ఓవర్ల ఫార్మాట్‌లో రిటైర్మెంట్‌ నిర్ణయాన్ని వెనక్కి తీసుకున్న స్టోక్స్‌ రీఎంట్రీలో తొలిసారి బ్యాట్‌ ఝులిపించాడు. నాలుగు మ్యాచ్‌ల సిరీస్‌లో భాగంగా కివీస్‌తో తొలి వన్డేతో పునరాగమనం చేసిన స్టోక్స్‌ 52 పరుగులతో రాణించాడు. అయితే, తదుపరి మ్యాచ్‌లో కేవలం ఒకే ఒక్క పరుగు తీసి అవుటయ్యాడు. ఈ క్రమంలో.. మూడో వన్డేలో సిక్సర్ల వర్షం కురిపిస్తూ సుడిగాలి ఇన్నింగ్స్‌తో చెలరేగాడు. సంచలన ఇన్నింగ్స్‌తో నాలుగో స్థానంలో బ్యాటింగ్‌కు వచ్చి 124 బంతుల్లో 15 ఫోర్లు, 9 సిక్సర్లతో 182 పరుగులు సాధించాడు. తద్వారా వన్డేల్లో నాలుగో సెంచరీ చేసిన స్టోక్సీ.. ఈ ఫార్మాట్‌లో ఇంగ్లండ్‌ తరఫున అత్యధిక వ్యక్తిగత స్కోరు చేసిన ప్లేయర్‌గా చరిత్రకెక్కాడు.  ఆ రికార్డులు బద్దలు.. ప్రపంచంలో రెండో క్రికెటర్‌గా ఈ క్రమంలో జేసన్‌ రాయ్‌ (180; 2018లో ఆస్ట్రేలియాపై) పేరిట ఉన్న ఈ రికార్డును స్టోక్స్‌ బద్దలు కొట్టాడు. అదే విధంగా.. బ్యాటింగ్‌ ఆర్డర్‌లో నాలుగు లేదంటే ఆ తర్వాతి స్థానంలో వచ్చి వన్డేల్లో అత్యధిక వ్యక్తిగత స్కోరు నమోదు చేసిన రెండో క్రికెటర్‌గా చరిత్ర సృష్టించాడు.  తద్వారా వెస్టిండీస్‌ దిగ్గజం సర్‌ వివియన్‌ రిచర్డ్స్ తర్వాత ప్రపంచంలో ఈ ఘనత సాధించిన ఆటగాడిగా రికార్డులకెక్కాడు. ఈ క్రమంలో రాస్‌ టేలర్‌, ఏబీ డివిలియర్స్‌, టీమిండియా లెజెండ్‌ కపిల్‌ దేవ్‌లను అధిగమించాడు. వన్డేల్లో నాలుగు లేదంటే ఆ తర్వాతి స్థానాల్లో వచ్చి అత్యధిక పరుగులు సాధించిన టాప్‌-5 క్రికెటర్లు వీరే! ►వివియన్‌ రిచర్డ్స్‌- 189 ►బెన్‌ స్టోక్స్‌- 182 ►వివియర్‌ రిచర్డ్స్‌- 181 ►రాస్‌ టేలర్‌- 181 ►ఏబీ డివిలియర్స్‌- 176 ►కపిల్‌ దేవ్‌- 175 ఒక్క రన్‌తో ధోని, కోహ్లి రికార్డు మిస్‌ కివీస్‌పై ఇన్నింగ్స్‌(182)తో.. వన్డేల్లో నాన్‌ ఓపెనర్‌గా బరిలోకి దిగి అత్యధిక స్కోరు సాధించిన ఆరో ఆటగాడిగా స్టోక్స్‌ నిలిచాడు. చార్ల్స్‌ కొవంట్రీ(194), వివియన్‌ రిచర్డ్స్‌(189), ఫాఫ్‌ డుప్లెసిస్‌(185), మహేంద్ర సింగ్‌ ధోని(183), విరాట్‌ కోహ్లి(183) ఈ జాబితాలో స్టోక్స్‌ కంటే ముందున్నారు.  ఇదిలా ఉంటే మూడో వన్డేలో ఇంగ్లండ్‌ 181 పరుగుల తేడాతో న్యూజిలాండ్‌పై విజయం సాధించి 2-1తో ఆధిక్యంలోకి వెళ్లింది. చదవండి: Asia Cup: ఫైనల్లో భారత్‌ వర్సెస్‌ పాక్‌ లేనట్లే! మూటాముల్లె సర్దుకోండి.. One of the greatest of this generation. PERIOD. 🐐 📹 | @BenStokes38 sent New Zealand bowlers to the cleaners, scoring 182 in just 124 balls 🥵#SonySportsNetwork #ENGvsNZ #BenStokes pic.twitter.com/OytoOEqNOb — Sony Sports Network (@SonySportsNetwk) September 13, 2023

England vs New Zealand, 3rd ODI- లండన్‌: న్యూజిలాండ్‌తో మూడో వన్డేలో ఇంగ్లండ్‌ ఆల్‌రౌండర్‌ బెన్‌ స్టోక్స్‌ (124 బంతుల్లో 182; 15 ఫోర్లు, 9 సిక్స్‌లు) విధ్వంసం సృష్టించాడు. 13 పరుగులకే 2 వికెట్లు కోల్పోయిన దశలో క్రీజులోకి వచ్చిన స్టోక్స్‌ ఓపెనర్‌ డేవిడ్‌ మలాన్‌ (96; 12 ఫోర్లు, 1 సిక్స్‌)తో కలిసి మూడో వికెట్‌కు 199 పరుగులు జోడించాడు. 368 పరుగులకు ఇంగ్లండ్‌ ఆలౌట్‌ డబుల్‌ సెంచరీ దిశగా సాగుతున్న దశలో స్టోక్స్‌ 45వ ఓవర్‌లో ఆరో వికెట్‌గా వెనుదిరిగాడు. స్టోక్స్‌ అవుటయ్యాక ఇంగ్లండ్‌ 48.1 ఓవర్లలో 368 పరుగుల వద్ద ఆలౌటైంది. ఇక లక్ష్య ఛేదనకు దిగిన న్యూజిలాండ్‌ ఇంగ్లండ్‌ బౌలర్ల ధాటికి 187 పరుగులకే కుప్పకూలింది. ఫిలిప్స్‌ 72 పరుగులతో రాణించినా దీంతో.. ఆతిథ్య జట్టు విధించిన టార్గెట్‌ను ఛేదించే క్రమంలో గ్లెన్‌ ఫిలిప్స్‌(72) ఒంటరి పోరాటం వృథాగా పోయింది. ఇంగ్లండ్‌ బౌలర్లలో క్రిస్‌ వోక్స్‌.. లియామ్‌ లివింగ్‌స్టోన్‌ మూడేసి వికెట్లు తీయగా.. రీస్‌ టోప్లే రెండు వికెట్లతో రాణించాడు. అదే విధంగా సామ్‌ కరన్‌, మొయిన్‌ అలీ ఒక్కో వికెట్‌ తమ ఖాతాలో వేసుకున్నారు. ఈ మేరకు ఓవల్‌ మైదానంలో 181 పరుగుల తేడాతో భారీ గెలుపు అందుకున్న ఇంగ్లండ్‌ నాలుగు మ్యాచ్‌ల వన్డే సిరీస్‌లో  2-1తో ఆధిక్యంలో నిలిచింది. వన్డేల్లో ఇంగ్లండ్‌ ముందంజ కాగా నాలుగు టీ20, నాలుగు వన్డేలు ఆడే నిమిత్తం న్యూజిలాండ్‌ ఇంగ్లండ్‌ పర్యటనకు వెళ్లిన విషయం తెలిసిందే. ఈ క్రమంలో.. ఇరు జట్లు చెరో రెండు విజయాలు నమోదు చేయగా టీ20 సిరీస్‌ డ్రాగా ముగిసింది. ఇక తొలి వన్డేలో పర్యాటక కివీస్‌ 8 వికెట్ల తేడాతో గెలుపొందగా.. ఇంగ్లండ్‌ వరుసగా రెండు మ్యాచ్‌లు గెలిచింది. ఇదిలా ఉంటే... గత ఏడాది జూలైలో వన్డేలకు వీడ్కోలు పలికిన స్టోక్స్‌ ప్రపంచకప్‌ కోసం తన రిటైర్మెంట్‌ను వెనక్కి తీసుకున్నాడు.  చదవండి: ‘టీమిండియా మ్యాచ్‌ ఫిక్స్‌ చేశారు’.. మండిపడ్డ అక్తర్‌! మనోళ్లకు చేతకాదు.. One of the greatest of this generation. PERIOD. 🐐 📹 | @BenStokes38 sent New Zealand bowlers to the cleaners, scoring 182 in just 124 balls 🥵#SonySportsNetwork #ENGvsNZ #BenStokes pic.twitter.com/OytoOEqNOb — Sony Sports Network (@SonySportsNetwk) September 13, 2023

వరల్డ్‌కప్‌ కోసం రిటైర్మెంట్‌ నిర్ణయాన్ని వెనక్కు తీసుకుని జట్టులో చేరిన ఇంగ్లండ్‌ స్టార్‌ ఆటగాడు బెన్‌ స్టోక్స్‌ వన్డేల్లో తన పునరాగమనాన్ని ఘనంగా చాటాడు. 2022 జులైలో వన్డేలకు గుడ్‌బై చెప్పిన స్టోక్సీ.. ప్రస్తుతం స్వదేశంలో న్యూజిలాండ్‌తో జరుతున్న సిరీస్‌తోనే వన్డే క్రికెట్‌లోకి రీఎంట్రీ ఇచ్చాడు. వచ్చీ రాగానే తొలి మ్యాచ్‌లో హాఫ్‌ సెంచరీతో చెలరేగిన స్టోక్స్‌.. రెండో వన్డేలో ఒక్క పరుగు మాత్రమే చేసి నిరాశపరిచాడు.  The highest individual ODI score for England 🙌 1⃣8⃣2⃣ runs 1⃣2⃣4⃣ balls Sixes 9⃣ Fours 1⃣5⃣ See them all here 👇 — England Cricket (@englandcricket) September 13, 2023 లండన్‌లోని కెన్నింగ్‌స్టన్‌ ఓవల్‌ వేదికగా ఇవాళ (సెప్టెంబర్‌ 14) జరుగుతున్న మూడో వన్డేలో తొలి బంతి నుంచి పూనకం వచ్చినట్లు ఊగిపోయిన స్టోక్స్‌ పట్టపగ్గాల్లేకుండా పేట్రేగిపోయాడు. కేవలం 124 బంతుల్లోనే 15 ఫోర్లు, 9 సిక్సర్ల సాయంతో 182 పరుగులు చేశాడు. వన్డే క్రికెట్‌లో ఇంగ్లండ్‌ తరఫున ఇదే అత్యుత్తమ వ్యక్తిగత స్కోర్‌ కావడం విశేషం. 1⃣8⃣2⃣ reasons to catch up on that simply incredible innings 😱 We put 3⃣6⃣8⃣ on the board 🏏💥 See the best of the action here 👇 — England Cricket (@englandcricket) September 13, 2023 తొలుత డేవిడ్‌ మలాన్‌ (95 బంతుల్లో 96; 12 ఫోర్లు, సిక్స్‌) రెచ్చిపోతున్న సమయంలో ఆచితూచి ఆడిన స్టోక్స్‌.. అర్ధసెంచరీ పూర్తి చేశాక ఆకాశమే హద్దుగా చెలరేగిపోయాడు. మలాన్‌ 4 పరుగుల తేడాతో సెంచరీ మిస్‌ చేసుకున్నప్పటికీ ఏమాత్రం తగ్గని స్టోక్స్‌, రెట్టింపు ఉత్సాహంతో బౌండరీలు, సిక్సర్లు బాది సెంచరీ, ఆతర్వాత 150 పరుగులు పూర్తి చేశాడు. మధ్యలో కాసేపు కెప్టెన్‌ బట్లర్‌ (38; 6 ఫోర్లు, సిక్స్‌) అతనికి జత కలిశాడు. Ridiculous. Scorecard/clips: https://t.co/Pd380O21mn@IGCom | #EnglandCricket pic.twitter.com/6FGco9sV24 — England Cricket (@englandcricket) September 13, 2023 182 పరుగుల వద్ద మరో భారీ సిక్సర్‌కు ప్రయత్నించి స్టోక్స్‌ ఔటయ్యాడు. స్టోక్స్‌ ఔటయ్యాక ఆఖర్లో వికెట్లు వెనువెంటనే పడిపోవడంతో ఇంగ్లండ్‌ ఇన్నింగ్స్‌ 368 పరుగుల వద్ద ముగిసింది. 11 బంతులు వేస్ట్‌ అయ్యాయి. ఒకవేళ స్టోక్స్‌ ఔట్‌ కాకుండా ఉండివుంటే, అతను డబుల్‌ సెంచరీ, ఇంగ్లండ్‌ 450కిపైగా పరుగులు తప్పక చేసుండేది. స్టోక్స్‌, మలాన్‌, బట్లర్‌ మినహా ఇంగ్లండ్‌ ఇన్నింగ్స్‌లో అందరూ తేలిపోయారు. ODI 💯 #4 🙌 Just 76 balls! 😅@IGCom | @benstokes38 pic.twitter.com/FaVlwikMbB — England Cricket (@englandcricket) September 13, 2023 ఓ పక్క స్టోక్స్‌ తాండవం చేస్తున్నా కివీస్‌ పేసర్‌ ట్రెంట్‌ బౌల్ట్‌ ఏమాత్రం తగ్గకుండా 5 వికెట్లతో చెలరేగాడు. స్టోక్స్‌ అందరు బౌలర్లకు చుక్కలు చూపించినప్పటికీ బౌల్ట్‌ తప్పించుకున్నాడు. స్టోక్స్‌ను ఔట్‌ చేసిన బెన్‌ లిస్టర్‌ ఆఖర్లో 3 వికెట్లు పడగొట్టగా.. ఫెర్గూసన్‌, గ్లెన్‌ ఫిలిప్స్‌ తలో వికెట్‌ దక్కించుకన్నారు. కాగా, 4 మ్యాచ్‌ల ఈ సిరీస్‌లో తొలి వన్డేలో న్యూజిలాండ్‌, రెండో వన్డేలో ఇంగ్లండ్‌ గెలుపొందాయి. అంతకుముందు జరిగిన 4 మ్యాచ్‌ల టీ20 సిరీస్‌ 2-2తో సమంగా ముగిసింది. Reaching 50 in style! 😍 Scorecard/clips: https://t.co/Pd380O21mn@IGCom | @benstokes38 pic.twitter.com/QKo94vqknl — England Cricket (@englandcricket) September 13, 2023

ఐపీఎల్‌-2024 సీజన్‌కు ముందు డిఫెండింగ్‌ ఛాంపియన్స్‌ చెన్నై సూపర్‌ కింగ్స్‌ ఓ కీలక నిర్ణయం తీసుకోనున్నట్లు తెలుస్తోంది. రూ.16 కోట్ల 25 లక్షల రికార్డు ధరకు కొనుగోలుచేసిన ఇంగ్లాండ్ టెస్టు కెప్టెన్ బెన్ స్టోక్స్‌ని సీఎస్‌కే విడిచిపెట్టాలని భావిస్తున్నట్లు సమాచారం. ఐపీఎల్‌ 2023 సీజన్‌లో  సీఎస్‌కేతో జతకట్టిన స్టోక్స్‌ గాయం కారణంగా కేవలం రెండు మ్యాచ్‌లు మాత్రమే ఆడాడు. ఆ రెండు మ్యాచ్‌ల్లో కేవలం 15 పరుగులు మాత్రమే చేసి తీవ్ర నిరాశపరిచాడు. బౌలింగ్‌లో కూడా ఒకే ఒక్క ఓవర్‌ వేశాడు. ఆల్‌రౌండ్‌ర్‌గా తన సేవలు అందిస్తాడని కోట్లు ఖర్చుచేసిన సీఎస్‌కేకు ఈ ఇంగ్లీష్‌ ఆటగాడు బొమ్మ చూపించాడు. ఇక ఇది ఇలా ఉండగా.. వన్డే ప్రపంచకప్‌ 2023కు ముందు స్టోక్స్‌ తన రిటైర్మెంట్‌ను వెనక్కి తీసుకున్నాడు. దీంతో అతడి మళ్లీ వన్డేల్లో ఆడనున్నాడు. అయితే ప్రస్తుతం వెన్ను గాయంతో బాధపడుతున్న స్టోక్స్‌ కొన్నాళ్ల పాటు కేవలం బ్యాటర్‌గా మాత్రమే జట్టులో కొనసాగనున్నాడు. అదే విధంగా వరల్డ్‌కప్‌ ముగిసిన అనంతరం రెండు నెలల వ్యవధిలో తిరిగి మళ్లీ భారత్‌కు రానున్నాడు. వచ్చే ఏడాది జనవరి ఆఖరిలో  ఇంగ్లండ్‌ జట్టు ఐదు మ్యాచ్‌ల టెస్టు సిరీస్‌లో తలపడేందుకు భారత్‌కు రానుంది. ఈ సిరీస్‌ మార్చి మధ్య వరకు జరగనుంది. ఈ క్రమంలో వర్క్‌లోడ్‌ కారణంగా అదే నెలలో ఆరంభం కానున్న ఐపీఎల్‌-2024కు స్టోక్స్‌ దూరంగా ఉండాలని నిర్ణయించకున్నట్లు వార్తలు వినిపిస్తున్నాయి. దీంతో సీఎస్‌కే మెనెజ్‌మెంట్‌ కూడా స్టోక్స్‌నే వదులుకోవడమే బెటన్‌ అని  భావిస్తోందట. అతడి స్ధానంలో ఆస్ట్రేలియా కెప్టెన్‌ ప్యాట్‌ కమ్మిన్స్‌ను జట్టులోకి తీసుకోవడానికి వ్యూహాలు రచిస్తున్నట్లు వినికిడి. కాగా ఐపీఎల్ 2020 సీజన్‌లో కమ్మిన్స్‌ని కోల్‌కతా నైట్‌రైడర్స్‌  రూ.15.50 కోట్లకు కొనుగోలు చేసింది. అనంతరం ఐపీఎల్‌-2023 మినీవేలంకు ముందు విడిచిపెట్టింది. అయితే  బీజీబీజీ షెడ్యూల్‌ కారణంగా అతడు ఐపీఎల్‌ వేలం నుంచి తన పేరును వెనుక్కి తీసుకున్నాడు. అయితే ఈ సారి ఐపీఎల్‌-2024 వేలంలో కమ్మిన్స్‌ పాల్గోనున్నాడు. దీంతో  కమ్మిన్స్‌ని కొనుగోలు చేయడానికి సీఎస్‌కే గట్టిగా ప్రయత్నించనున్నట్లు తెలుస్తోంది. చదవండి: Asia Cup 2023 Team India Squad: అందుకే చాహల్‌కు జట్టులో చోటివ్వలేదు.. ఆ విషయంలో కుల్దీప్ బెటర్‌!

Ben Stokes' ODI Retirement Backflip For WC 2023: ఇంగ్లండ్‌ ఆల్‌రౌండర్‌ బెన్‌ స్టోక్స్‌కు ఆ జట్టు మాజీ కెప్టెన్‌ మైకేల్‌ వాన్‌ అండగా నిలిచాడు. స్టోక్స్‌పై విమర్శలు గుప్పించిన ఆస్ట్రేలియా మాజీ సారథి టిమ్‌ పైన్‌కు గట్టి కౌంటర్‌ ఇచ్చాడు. చెత్త సలహాలు మానుకోవాలంటూ హితవు పలికాడు. కాగా వన్డే వరల్డ్‌కప్‌-2019 హీరో స్టోక్స్‌ ఇటీవలే తన రిటైర్మెంట్‌ నిర్ణయాన్ని వెనక్కి తీసుకున్న విషయం తెలిసిందే. హీరో వచ్చేస్తున్నాడు.. మెగా ఈవెంట్‌ నేపథ్యంలో అతడిని మళ్లీ వన్డేల్లో ఆడించేందుకు ఇంగ్లండ్‌ క్రికెట్‌ బోర్డు చేసిన ప్రయత్నాలు సఫలం కావడంతో అభిమానులు సంతోషంలో మునిగిపోయారు. భారత్‌ వేదికగా అక్టోబరు 5 నుంచి ఆరంభం కానున్న వన్డే ప్రపంచకప్‌-2023 టోర్నీలో స్టోక్స్‌ బరిలోకి  దిగనుండటంతో హర్షం వ్యక్తం చేశారు. అయితే, స్టోక్స్‌ యూటర్న్‌పై ఆసీస్‌ మాజీ కెప్టెన్‌ టిమ్‌ పైన్‌ స్పందించిన తీరు క్రికెట్‌ వర్గాల్లో చర్చనీయాంశమైంది. SEN టాస్మానియాతో మాట్లాడుతూ.. ‘‘వన్డేల్లో రిటైర్మెంట్‌పై బెన్‌ స్టోక్స్‌ తన నిర్ణయాన్ని వెనక్కి తీసుకోవడం ఆసక్తి కలిగించింది. మీరు బెంచ్‌పై కూర్చోండి! అంటే ప్రతిచోటా నేనే.. నేనే.. నేనే అన్నట్లుగా ఉంది కదా! నాకు ఇష్టం వచ్చినపుడు ఆడతా.. అది కూడా మేజర్‌ ఈవెంట్లలో మాత్రమే ఆడతా అంటే.. ఏడాది పాటు కష్టపడ్డ ఆటగాళ్లు ఎక్కడికిపోవాలి? ఇప్పుడు నేను ఆడతాను.. మీరు బెంచ్‌కే పరిమితం కావాలి అని వాళ్లకు చెప్తాడా?’’ అంటూ స్టోక్స్‌ స్వార్థపరుడన్న ఉద్దేశంలో ఘాటు వ్యాఖ్యలు చేశాడు. ఈ నేపథ్యంలో టిమ్‌ పైన్‌ మాటలు నెట్టింట వైరల్‌ కాగా మైకేల్‌ వాన్‌ తనదైన శైలిలో స్పందించాడు. టిమ్‌కు కౌంటర్‌ ఇచ్చిన వాన్‌ ‘‘ఇంతవరకు బెన్‌ స్టోక్స్‌ లాంటి నిస్వార్థపరుడైన క్రికెటర్‌ను నేనింత వరకు చూడలేదు. తనకంటే జట్టు ప్రయోజనాలకే పెద్ద పీట వేస్తాడు. మిగతా ఏ క్రికెటర్‌తో పోల్చినా ఈ విషయంలో తనే ముందుంటాడు.  టిమ్‌.. ఇలాంటి హాస్యాస్పద సలహాలు ఇవ్వడం మానుకో!’’ అంటూ దిమ్మతిరిగే ట్వీట్‌తో టిమ్‌ పైన్‌కు కౌంటర్‌ వేశాడు. కాగా 32 ఏళ్ల స్టోక్స్‌ ప్రస్తుతం ఇంగ్లండ్‌ టెస్టు జట్టు కెప్టెన్‌గా ఉన్న విషయం తెలిసిందే. ఇక వన్డే కెరీర్‌లో ఇప్పటి వరకు 105 మ్యాచ్‌లు ఆడిన ఈ ఆల్‌రౌండర్‌ 2924 పరుగులు చేశాడు. ఎవరిపై వేటు? ఇందులో మూడు సెంచరీలు, 21 ఫిఫ్టీలు ఉన్నాయి. ఇక ఈ ఫార్మాట్లో ఈ రైట్‌ ఆర్మ్‌ పేసర్‌ మొత్తంగా 74 వికెట్లు పడగొట్టాడు. ఇందులో ఓ 5- వికెట్‌ హాల్‌ కూడా ఉంది. ఇదిలా ఉంటే.. స్టోక్స్‌ రీఎంట్రీతో ఎవరిపై వేటు పడనుందన్న అంశం ప్రస్తుతం క్రికెట్‌ వర్గాల్లో చర్చనీయమైంది. చదవండి: IPL 2024: ముంబై ఇండియన్స్‌లో మలింగ రీఎంట్రీ! అతడి స్థానంలో.. Ben stokes is the most selfless cricketer I have ever known .. He puts Team before himself more than any other player .. Ridiculous suggestion from Tim .. https://t.co/jUXwzl1z2e — Michael Vaughan (@MichaelVaughan) August 19, 2023

2019 వరల్డ్‌కప్‌ విన్నింగ్‌ హీరో, ఇంగ్లండ్‌ టెస్టు కెప్టెన్‌ బెన్‌స్టోక్స్‌ తన వన్డే రిటైర్మెంట్‌ నిర్ణయాన్ని వెనక్కి తీసుకున్న సంగతి తెలిసిందే. ఇంగ్లండ్‌ క్రికెట్‌ బోర్డు విజ్ఞప్తి మేరకు స్టోక్స్‌ తన నిర్ణయాన్ని  మార్చుకున్నాడు. ఈ క్రమంలో న్యూజిలాండ్‌తో వన్డేలతో పాటు వరల్డ్‌కప్‌కు ప్రకటించిన ఇంగ్లండ్‌ ప్రిలిమనరీ జట్టులో స్టోక్స్‌కు చోటుదక్కింది. ఇక ఇది ఇలా ఉండగా.. స్టోక్స్‌ తన నిర్ణయాన్ని మార్చుకోవడాన్ని ఆస్ట్రేలియా మాజీ కెప్టెన్‌ టిమ్ పైన్ తప్పుపట్టాడు. స్టోక్స్‌ యూటర్న్‌ తీసుకోవడంతో ఒక ఆటగాడు ప్రపంచకప్‌లో ఆడే అవకాశాన్ని కోల్పోయాడని పైన్‌ అభిప్రాయపడ్డాడు. "బెన్‌ స్టోక్స్‌ తన వన్డే రిటైర్మెంట్ నిర్ణయాన్ని వెనుక్కి తీసుకోవడం నాకు ఆశ్చర్యం కలిగించింది. అతడు తీసుకున్న నిర్ణయం సరైనది కాదు. ఎందుకంటే ప్రపంచకప్‌ వంటి టోర్నీలో ఆడేందుకు ఆటగాళ్లు దాదాపు ఏడాది నుంచి కష్టపడతున్నారు. అటువంటిది సడన్‌గా మనసు మార్చుకోని వరల్డ్‌కప్‌ వంటి పెద్దటోర్నీలో ఆడుతానంటే ఎలా కుదురుతుంది? ఇప్పటివరకు వరల్డ్‌కప్‌లో ఆడాలని కలలు కన్న ఆటగాళ్లు బెంచ్‌లో కూర్చోవాలా? అంటూ పైన్‌ ప్రశ్నలవర్షం కురిపించాడు. అదే విధంగా ఇంగ్లండ్‌ విధ్వంసకర ఆటగాడు హ్యారీ బ్రూక్‌కు  న్యూజిలాండ్‌ సిరీస్‌తో పాటు వరల్డ్‌కప్‌ జట్టులో చోటు దక్కలేదు.  ఇదే విషయంపై పైన్‌ మాట్లాడుతూ.. స్టోక్స్‌ బౌలింగ్‌ చేస్తాడో లేదో నాకు తెలియదు. కేవలం బ్యాటర్‌గా అయితే సెలక్టర్లు తీసుకున్న నిర్ణయం 100 శాతం తప్పు అవుతోంది. స్టోక్స్‌ కోసం హ్యారీ బ్రూక్‌ను బలిచేశారు. అది సరైన నిర్ణయం కాదు. ఎందకంటే బ్రూక్స్‌ మిడిలార్డర్‌లో అద్బుతంగా రాణిస్తున్నడని అతడు పేర్కొన్నాడు. చదవండి: World Cup 2023: వన్డే ప్రపంచకప్‌కు భారత జట్టు.. ఎవరూ ఊహించని ఆటగాడు ఎంట్రీ!

Who Reversed Retirement Decision: వరల్డ్‌ కప్‌ ఫైనల్‌-2019 హీరో బెన్‌ స్టోక్స్‌ తమ బోర్డు విజ్ఞప్తి మేరకు మళ్లీ వన్డేలు ఆడేందుకు సిద్ధమైన విషయం తెలిసిందే. ఏడాది క్రితం వన్డే క్రికెట్‌కు గుడ్‌బై చెప్పిన ఈ స్టార్‌ ఆల్‌రౌండర్‌ తన నిర్ణయాన్ని వెనక్కి తీసుకునేలా చేయడంలో ఇంగ్లండ్‌ క్రికెట్‌ బోర్డు (ఈసీబీ) సఫలమైంది. దాంతో న్యూజిలాండ్‌తో వచ్చే నెలలో జరిగే వన్డే సిరీస్‌కు అతడిని ఎంపిక చేశారు.  15 మందితో కూడిన టీమ్‌ను ఈ సిరీస్‌ కోసం ఈసీబీ ప్రకటించింది. వరల్డ్‌ కప్‌ కోసం టీమ్‌ను ప్రకటించేందుకు మరింత సమయం ఉన్నా... సెలక్టర్‌ ల్యూక్‌ రైట్‌ చెప్పిన దాని ప్రకారం మార్పుల్లేకుండా ఇదే బృందం వరల్డ్‌ కప్‌కూ కొనసాగే అవకాశం ఉంది. మరి దేశం కోసం.. స్టోక్స్‌ మాదిరే తమ రిటైర్మెంట్‌ నిర్ణయాలు వెనక్కి తీసుకున్న ఆటగాళ్ల గురించి తెలుసా? షాహిద్‌ ఆఫ్రిది పాకిస్తాన్‌ మాజీ కెప్టెన్‌ షాహిద్‌ ఆఫ్రిది తన కెరీర్‌లో ఏకంగా ఐదుసార్లు రిటైర్మెంట్‌ ప్రకటనలు ఇచ్చాడు. 2006లో టెస్టు క్రికెట్‌కు గుడ్‌బై చెప్తున్నట్లు ప్రకటించాడు. అయితే, రెండు వారాల్లోనే తన నిర్ణయం మార్చుకున్నాడు మరోసారి సంప్రదాయ క్రికెట్‌లో పాక్‌ తరఫున బరిలోకి దిగాడు. ఎట్టకేలకు 2010లో టెస్టు కెరీర్‌కు వీడ్కోలు పలికాడు. అదే విధంగా.. 2011, మేలో అన్ని ఫార్మాట్ల నుంచి వైదొలుగుతున్నట్లు ప్రకటించిన ఆఫ్రిది.. నెలల వ్యవధిలోనే తన నిర్ణయాన్ని వెనక్కి తీసుకున్నాడు. 2015 వన్డే వరల్డ్‌కప్‌ తర్వాత వన్డేల నుంచి తప్పుకొన్న ఆఫ్రిది.. 2017లో అంతర్జాతీయ టీ20 కెరీర్‌కూ స్వస్తి పలికాడు. మొయిన్‌ అలీ ఇంగ్లండ్‌ ఆల్‌రౌండర్‌ మొయిన్‌ అలీ 2021 సెప్టెంబరులో టెస్టులకు వీడ్కోలు పలుకుతున్నట్లు ప్రకటించాడు. అయితే, ఆస్ట్రేలియాతో ప్రతిష్టాత్మక యాషెస్‌ సిరీస్‌-2023 నేపథ్యంలో తన నిర్ణయాన్ని మార్చుకున్నాడు. సొంతగడ్డపై ఆసీస్‌తో పోరులో జట్టుకు అండగా నిలిచే క్రమంలో బోర్డు విజ్ఞప్తి మేరకు మళ్లీ మైదానంలో దిగాడు. బజ్‌బాల్‌ విధానంతో దూకుడు ప్రదర్శిస్తున్న ఇంగ్లండ్‌.. ఆస్ట్రేలియాతో ఐదు మ్యాచ్‌ల యాషెస్‌ సిరీస్‌ డ్రాతో గట్టెక్కడంలో తన వంతు సహకారం అందించాడు. ఇక ఈ టెస్టు సిరీస్‌ ముగిసిన తర్వాత మరోసారి తన రిటైర్మెంట్‌ గురించి క్లారిటీ ఇచ్చాడు. ఇకపై ఇంగ్లండ్‌ తరఫున సంప్రదాయ క్రికెట్‌ ఆడబోవడం లేదని స్పష్టం చేశాడు. తమీమ్‌ ఇక్బాల్‌ బంగ్లాదేశ్‌ స్టార్‌ ఓపెనర్‌ తమీమ్‌ ఇక్బాల్‌ ఇటీవలే అన్ని ఫార్మాట్ల నుంచి వైదొలుగుతున్నట్లు ప్రకటించిన విషయం తెలిసిందే. ఆసియా వన్డే కప్‌, వన్డే వరల్డ్‌కప్‌-2023 వంటి మెగా ఈవెంట్లకు ముందు ఈ మేరకు తన నిర్ణయాన్ని వెల్లడించి బంగ్లాను సందిగ్దంలో పడేశాడు. అయితే, ప్రధాని షేక్‌ హసీనా జోక్యంతో రిటైర్మెంట్‌ నిర్ణయాన్ని వెనక్కి తీసుకున్నాడు. ఇకపై కూడా సెలక్షన్‌కు అందుబాటులో ఉంటానని తమీమ్‌ చెప్పుకొచ్చాడు. డ్వేన్‌ బ్రావో వెస్టిండీస్‌ ఆల్‌రౌండర్‌ డ్వేన్‌ బ్రావో 2018, అక్టోబరులో అన్ని ఫార్మాట్లకు గుడ్‌ బై చెబుతున్నట్లు ప్రకటించాడు. అయితే, ఆ మరుసటి ఏడాది డిసెంబరులో తన నిర్ణయాన్ని మార్చుకున్నాడు. కీరన్‌ పొలార్డ్‌ కెప్టెన్‌గా బాధ్యతలు చేపట్టిన తర్వాత.. బ్రావో తాను సెలక్షన్‌కు అందుబాటులో ఉంటానని స్వయంగా ప్రకటించాడు. టీ20 వరల్డ్‌కప్‌-2021లో విండీస్‌ తరఫున బరిలోకి దిగిన ఈ స్టార్‌ ఆల్‌రౌండర్‌.. ఈ ఐసీసీ ఈవెంట్‌ ముగిసిన తర్వాత అంతర్జాతీయ క్రికెట్‌కు శాశ్వతంగా వీడ్కోలు పలికాడు.  చదవండి: జట్టులో చోటు లేకున్నా పర్లేదు.. వాటి కారణంగా రిటైర్‌ అవ్వను: టీమిండియా స్టార్‌

భారత్‌ వేదికగా అక్టోబర్‌-5 నుంచి ప్రారంభమయ్యే వన్డే వరల్డ్‌కప్‌ కోసం అగ్రశ్రేణి జట్లు ఆస్ట్రేలియా, ఇంగ్లండ్‌లు ఇప్పటికే తమతమ ప్రొవిజనల్‌ జట్లను (దాదాపుగా ఇవే జట్లు వరల్డ్‌కప్‌ బరిలో నిలిచే అవకాశం ఉంటుంది) ప్రకటించాయి. ఆసీస్‌ తమ ప్రొవిజనల్‌ జట్టును ఆగస్ట్‌ 7న ప్రకటించగా.. ఇంగ్లండ్‌ తమ ప్రొవిజనల్‌ టీమ్‌ వివరాలను ఇవాళ (ఆగస్ట్‌ 16) వెల్లడించింది. ఆసీస్‌ జట్టులో లబూషేన్‌ను ఎంపిక చేయకపోవడం మినహాయించి ఎలాంటి సంచలనాలు నమోదు కాకపోగా.. అందరూ ఊహించిన విధంగానే బెన్‌ స్టోక్స్‌ ఇంగ్లండ్‌ జట్టులోకి రీఎంట్రీ ఇచ్చాడు.  ఆస్ట్రేలియా, ఇంగ్లండ్‌లతో పాటు సౌతాఫ్రికా (ఆస్ట్రేలియాతో వన్డే సిరీస్‌కు ప్రకటించిన జట్టు) కూడా పరోక్షంగా తమతమ ప్రొవిజనల్‌ జట్టును ప్రకటించిన నేపథ్యంలో క్రికెట్‌ సర్కిల్స్‌ ఓ ఆసక్తికర చర్చ మొదలైంది. ఈ జట్లలో ఏ జట్టు అత్యుత్తమంగా ఉందని అభిమానులు చర్చించుకుంటున్నారు. సోషల్‌మీడియాలో జరుగుతున్న డిస్కషన్‌ ప్రకారమయితే ఆస్ట్రేలియా, సౌతాఫ్రికాలతో పోలిస్తే ఇంగ్లండ్‌ టీమ్ అత్యంత పటిష్టంగా కనిపిస్తుంది. డిఫెండింగ్‌ ఛాంపియన్స్‌ అయిన ఇంగ్లీష్‌ టీమ్‌ అన్ని విభాగాల్లో ఇతర జట్ల కంటే చాలా రెట్లు మెరుగ్గా ఉంది. ఆ జట్టులో విధ్వంసకర బ్యాటర్లు (బట్లర్‌, బెయిర్‌స్టో, లివింగ్‌స్టోన్‌, మలాన్‌, రాయ్‌), అరివీర భయంకరులైన పేసర్లు (మార్క్‌ వుడ్‌, వోక్స్‌, స్టోక్స్‌, సామ్‌ కర్రన్‌), తమ స్పిన్‌ బౌలింగ్‌తో మాయాజాలం చేసే బౌలర్లు (మొయిన్‌ అలీ, ఆదిల్‌ రషీద్‌,  ఉన్నారు. వీళ్లు చాలదన్నట్లు వీరికి టాప్‌ క్లాస్‌ ఆల్‌రౌండర్‌ బెన్‌ స్టోక్స్‌ జతయ్యాడు. ఇలాంటి జట్టును కలిగిన ఇంగ్లండ్‌ను వరల్డ్‌కప్‌లో ఆపడం సాధ్యమా అని ఫ్యాన్స్‌ చర్చించుకుంటున్నారు.  వరల్డ్‌కప్‌ కోసం ఇంగ్లండ్‌ ప్రొవిజనల్‌ జట్టు.. జోస్ బట్లర్ (కెప్టెన్‌), మొయిన్ అలీ, గుస్ అట్కిన్సన్, జానీ బెయిర్‌స్టో, సామ్ కర్రన్, లియామ్ లివింగ్‌స్టోన్, డేవిడ్ మలన్, ఆదిల్ రషీద్, జో రూట్, జేసన్ రాయ్, బెన్ స్టోక్స్, రీస్ టాప్లే, డేవిడ్ విల్లే, మార్క్ వుడ్, క్రిస్ వోక్స్ వరల్డ్‌కప్‌ కోసం ఆస్ట్రేలియా ప్రొవిజనల్‌ జట్టు.. పాట్ కమిన్స్ (కెప్టెన్‌), డేవిడ్ వార్నర్, స్టీవ్ స్మిత్, మిచెల్ స్టార్క్, సీన్ అబాట్, అష్టన్ అగర్, అలెక్స్ కారీ, నాథన్ ఎల్లిస్, కామెరాన్ గ్రీన్, ఆరోన్ హార్డీ, జోష్ హేజిల్‌వుడ్, జోష్ ఇంగ్లిస్, మిచెల్ మార్ష్, గ్లెన్ మాక్స్‌వెల్, తన్వీర్ సంఘా , ఆడమ్ జంపా, ట్రావిస్ హెడ్. ఆసీస్‌తో వన్డే సిరీస్‌కు సౌతాఫ్రికా జట్టు.. టెంబా బవుమా (కెప్టెన్‌), డెవాల్డ్ బ్రెవిస్, గెరాల్డ్ కోయెట్జీ, క్వింటన్ డికాక్, జోర్న్ ఫార్టుయిన్, రీజా హెండ్రిక్స్, మార్కో జన్సెన్, హెన్రిచ్ క్లాసెన్, సిసంద మగాలా, కేశవ్ మహరాజ్, ఎయిడెన్ మార్క్రమ్, డేవిడ్ మిల్లర్, లుంగి ఎంగిడి, అన్రిచ్‌ నోర్జే, తబ్రేజ్‌ షంషి, వేన్‌ పార్నెల్‌, కగిసో రబాడ, ట్రిస్టన్‌ స్టబ్స్‌, రస్సీ వాన్ డెర్ డస్సెన్

వరల్డ్‌కప్‌ నేపథ్యంలో ఇంగ్లండ్‌ టెస్ట్‌ జట్టు కెప్టెన్‌ బెన్‌ స్టోక్స్‌ వన్డేల్లోకి రీఎంట్రీ ఇచ్చాడన్న శుభవార్త తెలిసిన నిమిషాల వ్యవధిలోనే ఇంగ్లండ్‌ జట్టుకు ఓ బాధాకరమైన వార్త కూడా తెలిసింది. ఆ జట్టు స్టార్‌ పేసర్‌ జోఫ్రా ఆర్చర్‌ ఇంగ్లండ్‌ వరల్డ్‌కప్‌ ప్లాన్స్‌లో లేడని ఇంగ్లండ్‌ సెలెక్టర్‌ లూక్‌ రైట్‌ చెప్పకనే చెప్పాడు. మోచేతి గాయం నుంచి పూర్తిగా కోలుకోని కారణంగా ఆర్చర్‌ను న్యూజిలాండ్‌ సిరీస్‌కు కూడా ఎంపిక చేయలేదని.. ఆర్చర్‌తో తమకు ఉన్న దీర్ఘకాలిక అవసరాల దృష్ట్యా అతని విషయంలో హడావుడి నిర్ణయాలు తీసుకోలేమని రైట్‌ తెలిపాడు. ఆర్చర్‌ను న్యూజిలాండ్‌ సిరీస్‌కు ఎంపిక చేయనప్పటికీ, అతను ట్రావెలింగ్ రిజర్వ్‌గా (రిజర్వ్‌ ఆటగాడి) ఇంగ్లండ్‌ జట్టుతో పాటు ఇండియాకు బయల్దేరతాడని పేర్కొన్నాడు. ఆర్చర్‌ విషయంలో ఇంగ్లండ్‌ క్రికెట్‌ బోర్డు చాలా జాగ్రత్తగా ఉందని, ఒకవేళ అతను వరల్డ్‌కప్‌ సెకండాఫ్‌ సమయానికి ఫిట్‌నెస్‌ నిరూపించుకోగలిగితే జట్టుతో జాయిన్‌ అయ్యే అవకాశాలు ఉన్నాయని అన్నాడు. న్యూజిలాండ్‌తో వన్డే సిరీస్‌కు ఎంపిక చేసిన జట్టునే దాదాపుగా వరల్డ్‌కప్‌కు కూడా ఎంపిక చేయవచ్చని  హింట్‌ ఇచ్చాడు. ఇదే వరల్డ్‌కప్‌కు తమ ప్రొవిజనల్‌ స్క్వాడ్‌ అని కూడా తెలిపాడు.  ఇదిలా ఉంటే, డిఫెండింగ్‌ ఛాంపియన్‌ ఇంగ్లండ్‌ వరల్డ్‌కప్‌లో తమ తొలి మ్యాచ్‌ను అహ్మదాబాద్‌ వేదికగా అక్టోబర్‌ 5న గత ఎడిషన్‌ రన్నరప్‌ న్యూజిలాండ్‌తో ఆడుతుంది. దీనికి ముందు ఆ జట్టు స్వదేశంలో న్యూజిలాండ్‌తోనే 4 మ్యాచ్‌ల టీ20 సిరీస్‌, తదుపరి 4 మ్యాచ్‌ల వన్డే సిరీస్‌ ఆడుతుంది. ఈ సిరీస్‌ల కోసం​ ఇంగ్లండ్‌ సెలెకర్లు రెండు వేర్వేరు జట్లను కొద్దిసేపటి క్రితమే ప్రకటించారు.  ఈ పర్యటనలో తొలి టీ20 ఆగస్ట్‌ 30న, రెండోది సెప్టెంబర్‌ 1న, మూడోది సెప్టెంబర్‌ 3న, నాలుగో టీ20 సెప్టెంబర్‌ 5న జరుగనున్నాయి. అనంతరం సెప్టెంబర్‌ 8న తొలి వన్డే, సెప్టెంబర్‌ 10న రెండో వన్డే, సెప్టెంబర్‌ 13న మూడో వన్డే, సెప్టెంబర్‌ 15న నాలుగో వన్డే జరుగనున్నాయి. న్యూజిలాండ్‌ పర్యటన కోసం ఇంగ్లండ్‌ టీ20 జట్టు.. జోస్ బట్లర్ (కెప్టెన్‌), రెహాన్ అహ్మద్, మొయిన్ అలీ, గుస్ అట్కిన్సన్, జానీ బెయిర్‌స్టో, హ్యారీ బ్రూక్, సామ్ కర్రన్, బెన్ డకెట్, విల్ జాక్స్, లియామ్ లివింగ్‌స్టోన్, డేవిడ్ మలన్, ఆదిల్ రషీద్, జోష్ టంగ్, జాన్ టర్నర్, ల్యూక్ వుడ్ న్యూజిలాండ్‌ పర్యటన కోసం ఇంగ్లండ్‌ వన్డే జట్టు.. జోస్ బట్లర్ (కెప్టెన్‌), మొయిన్ అలీ, గుస్ అట్కిన్సన్, జానీ బెయిర్‌స్టో, సామ్ కర్రన్, లియామ్ లివింగ్‌స్టోన్, డేవిడ్ మలన్, ఆదిల్ రషీద్, జో రూట్, జేసన్ రాయ్, బెన్ స్టోక్స్, రీస్ టాప్లే, డేవిడ్ విల్లే, మార్క్ వుడ్, క్రిస్ వోక్స్ వన్డే వరల్డ్‌కప్‌కు ఇంగ్లండ్‌ ప్రొవిజనల్‌ స్క్వాడ్‌.. జోస్ బట్లర్ (కెప్టెన్‌), మొయిన్ అలీ, గుస్ అట్కిన్సన్, జానీ బెయిర్‌స్టో, సామ్ కర్రన్, లియామ్ లివింగ్‌స్టోన్, డేవిడ్ మలన్, ఆదిల్ రషీద్, జో రూట్, జేసన్ రాయ్, బెన్ స్టోక్స్, రీస్ టాప్లే, డేవిడ్ విల్లే, మార్క్ వుడ్, క్రిస్ వోక్స్  

వన్డే ప్రపంచకప్‌-2023కు ముందు డిఫెండింగ్‌ ఛాంపియన్స్‌​కు ఇంగ్లండ్‌కు శుభవార్త అందింది. ఆ జట్టు టెస్టు కెప్టెన్‌, స్టార్‌ ఆల్‌ రౌండర్‌ బెన్ స్టోక్స్ తన రిటైర్మెంట్‌ (వన్డే) నిర్ణయాన్ని వెనక్కి తీసుకున్నాడు. ఇంగ్లండ్‌ మేన్‌జ్‌మెంట్‌ విజ్ఞప్తి మేరకు స్టోక్స్‌ మళ్లీ వన్డేల్లో ఆడేందుకు సిద్దమయ్యాడు. ఈ విషయాన్ని ఇంగ్లండ్‌ క్రికెట్‌ బోర్డు ఇవాళ (ఆగస్ట్‌ 16) అధికారికంగా ప్రకటించింది.  వరల్డ్‌కప్‌ సన్నాహకాల్లో భాగంగా ఇంగ్లండ్‌ సెలెక్టర్లు స్టోక్స్‌కు వన్డే జట్టులో స్థానం కల్పించారు. త్వరలో జరుగనున్న న్యూజిలాండ్‌ సిరీస్‌ కోసం స్టోక్స్‌ను వన్డే జట్టుకు ఎంపిక చేశారు. ఇంగ్లండ్‌ సెలెక్టర్లు న్యూజిలాండ్‌ సిరీస్‌ కోసం టీ20, వన్డే జట్లను ఇవాళే ప్రకటించారు. 4 టీ20లు, 4 వన్డే సిరీస్‌ల కోసం ఇంగ్లండ్‌లో పర్యటించే న్యూజిలాండ్‌ జట్టు తొలుత టీ20 సిరీస్‌ (ఆగస్ట్‌ 30 నుంచి సప్టెంబర్‌ 5 వరకు), ఆతర్వాత వన్డే సిరీస్‌ ఆడనుంది. ఈ పర్యటనలో తొలి టీ20 ఆగస్ట్‌ 30న, రెండోది సెప్టెంబర్‌ 1న, మూడోది సెప్టెంబర్‌ 3న, నాలుగో టీ20 సెప్టెంబర్‌ 5న జరుగనున్నాయి. అనంతరం సెప్టెంబర్‌ 8న తొలి వన్డే, సెప్టెంబర్‌ 10న రెండో వన్డే, సెప్టెంబర్‌ 13న మూడో వన్డే, సెప్టెంబర్‌ 15న నాలుగో వన్డే జరుగనున్నాయి. న్యూజిలాండ్‌ పర్యటన కోసం ఇంగ్లండ్‌ టీ20 జట్టు.. జోస్ బట్లర్ (కెప్టెన్‌), రెహాన్ అహ్మద్, మొయిన్ అలీ, గుస్ అట్కిన్సన్, జానీ బెయిర్‌స్టో, హ్యారీ బ్రూక్, సామ్ కర్రన్, బెన్ డకెట్, విల్ జాక్స్, లియామ్ లివింగ్‌స్టోన్, డేవిడ్ మలన్, ఆదిల్ రషీద్, జోష్ టంగ్, జాన్ టర్నర్, ల్యూక్ వుడ్ న్యూజిలాండ్‌ పర్యటన కోసం ఇంగ్లండ్‌ వన్డే జట్టు.. జోస్ బట్లర్ (కెప్టెన్‌), మొయిన్ అలీ, గుస్ అట్కిన్సన్, జానీ బెయిర్‌స్టో, సామ్ కర్రన్, లియామ్ లివింగ్‌స్టోన్, డేవిడ్ మలన్, ఆదిల్ రషీద్, జో రూట్, జేసన్ రాయ్, బెన్ స్టోక్స్, రీస్ టాప్లే, డేవిడ్ విల్లే, మార్క్ వుడ్, క్రిస్ వోక్స్

వన్డే ప్రపంచకప్‌-2023కు ముందు డిఫెండింగ్‌ ఛాంపియన్స్‌​కు ఇంగ్లండ్‌కు గుడ్‌న్యూస్‌ అందే అవకాశం ఉంది. ఆ జట్టు టెస్టు కెప్టెన్‌, వరల్డ్‌ స్టార్‌ ఆల్‌ రౌండర్‌ బెన్ స్టోక్స్ తన రిటైర్మెంట్‌ నిర్ణయాన్ని వెనక్కి తీసుకోనున్నట్లు తెలుస్తోంది. ఇంగ్లండ్‌ మెన్‌జ్‌మెంట్‌ విజ్ఞప్తి మేరకు స్టోక్స్‌ మళ్లీ వన్డేల్లో ఆడేందుకు సిద్దమైనట్లు ప్రముఖ ఇంగ్లీష్‌ దినపత్రిక  'ది టెలిగ్రాఫ్' తమ కథనంలో పేర్కొంది. అయితే వన్డే ప్రపంచకప్‌ తర్వాత అతడు మళ్లీ 50 ఓవర్ల ఫార్మాట్‌కు విడ్కోలు పలకనున్నట్లు సమాచారం. "బెన్‌ స్టోక్స్‌ తన రిటైర్మెంట్‌ విషయంలో యూ టర్న్‌ తీసుకోవడానికి సిద్దమయ్యాడు. భారత్‌ వేదికగా జరగనున్న వరల్డ్ కప్‌లో ఇంగ్లండ్‌ తరపున మళ్లీ బరిలోకి దిగనున్నాడు. ఇందుకోసం వచ్చే ఏడాది ఐపీఎల్‌ సీజన్‌ను త్యాగం చేయనున్నాడు. ఇంగ్లండ్‌ వైట్‌ బాల్‌ కెప్టెన్‌ జోస్ బట్లర్‌తో సంప్రదింపులు తర్వాత స్టోక్స్ తన నిర్ణయాన్ని మార్చుకున్నాడని" 'ది టెలిగ్రాఫ్' వెల్లడించింది.  2019లో స్టోక్స్‌ అద్భుత ఆటతీరుతోనే తొలిసారిగా ఇంగ్లండ్‌ తొలి సారిగా వన్డే ప్రపంచకప్‌ను సొంతం చేసుకుంది. అనంతరం తన ఫిట్‌నెస్‌ కారణంగా గతేడాది వన్డేలకు గుడ్‌బై చెప్పిన సంగతి తెలిసిందే. ఇక వన్డే ప్రపంచకప్‌కు తమ జట్టును ఇంగ్లండ్‌ క్రికెట్‌ మంగళవారం ప్రకటించనుంది. మరి ఈ జట్టులో స్టోక్స్‌ ఉంటాడో లేదో వేచి చూడాలి. ఇక ఈ మెగా టోర్నీలో ఇంగ్లండ్‌ తమ తొలి మ్యాచ్‌లో ఆక్టోబర్‌5న న్యూజిలాండ్‌తో తలపడనుంది. చదవండి: తిలక్‌ వర్మ... పేరు గుర్తుంచుకోండి!

క్రికెట్‌ అభిమానులు ఎంతో అతృతగా ఎదురుచూస్తున్న వన్డే ప్రపంచకప్-2023 దగ్గరపడుతోంది. అహ్మాదాబాద్‌ వేదికగా ఇంగ్లండ్‌-న్యూజిలాండ్‌ మధ్య జరగనున్న తొలి మ్యాచ్‌తో ఈ మెగా టోర్నీలో షురూ కానుంది. ఈ మెగా ఈవెంట్‌ కోసం క్రికెట్‌ ఆస్ట్రేలియా తమ ప్రిలిమనరీ జట్టును కూడా ప్రకటిచింది.  ఈ క్రమంలో డిఫెండింగ్‌ ఛాంపియన్స్‌ ఇంగ్లండ్‌ కూడా ప్రపంచకప్‌ కోసం తమ జట్టును ప్రకటించేందుకు సిద్దమైంది. ఈ మెగా టోర్నీ కోసం  18 మంది సభ్యులతో కూడిన ప్రిలిమనరీ జట్టును ఇంగ్లండ్‌ క్రికెట్‌ సెలక్టర్లు మంగళవారం ఎంపిక చేయనున్నట్లు తెలుస్తోంది.  ఫిట్‌నెస్‌ లేమి కారణంగా గత కొంత కాలంగా జట్టుకు దూరంగా ఉన్న పేసర్‌ జోఫ్రా అర్చర్‌పై సెలక్టర్లు ఓ నిర్ణయం తీసుకోనున్నారు. అతడికి అవకాశం ఇవ్వాలా వద్ద అన్నది సెలక్టర్లు నిర్ణయించనున్నారు. ప్లీజ్‌ స్టోక్స్‌ వచ్చేయ్‌.. ఇక 2019 వన్డే ప్రపంచకప్‌ హీరో, ఇంగ్లండ్‌ టెస్టు కెప్టెన్‌ బెన్‌ స్టోక్స్‌.. గతేడాది వన్డేలకు గుడ్‌బై చెప్పిన సంగతి తెలిసిందే. అయితే అతడు తన రిటైర్మెంట్‌ నిర్ణయాన్ని వెనుక్కి తీసుకుని మళ్లీ వన్డేల్లో ఎంట్రీ ఇస్తాడని ఇటీవల కాలంలో  వార్తలు వినిపించాయి. కానీ యాషెస్‌ సిరీస్‌-2023 అనంతరం స్టోక్స్‌ మాట్లాడుతూ.. ‘నేను రిటైర్‌ అయ్యాను. ఈ టెస్టు ముగిసిన తర్వాత నేను సెలవులు తీసుకుంటాను. ఇప్పటికైతే ఇంతవరకే నేను ఆలోచిస్తున్నాను’ అని స్టోక్స్‌ చెప్పుకొచ్చాడు. దీంతో స్టోక్స్‌ వన్డే వరల్డ్‌కప్‌ ఆడే ఛాన్స్‌ లేదని స్పష్టమైంది. అయితే ఇంగ్లండ్‌ జట్టు మెనెజ్‌మెంట్‌ మాత్రం తమ పట్టు వీడలేదు. స్టోక్స్‌ను వన్డే ప్రపంచకప్‌లో ఎలాగైనా భాగం చేయాలని ఇంగ్లండ్‌ క్రికెట్‌ భావిస్తోంది. ఇదే విషయంపై ఇంగ్లండ్‌ వైట్‌బాల్‌ కోచ్‌ మాథ్యూ మాట్‌ స్పందించాడు. "జోస్‌ బట్లర్‌ ఇప్పటికే స్టోక్స్‌తో టచ్‌లో ఉన్నాడు. అతడి రీ ఎంట్రీ కోసం చర్చిస్తున్నాడు. కానీ స్టోక్స్‌ మాత్రం తన తీసుకున్న నిర్ణయానికి కట్టుబడి ఉంటాడు. అతడి సమాధానం కోసం ఎదురుచూస్తున్నాము. అయితే స్టోక్స్‌ భవిష్యత్తులో ఏమి చేయబోతున్నాడనే దానిపై ఇంకా స్పష్టత లేదు. కానీ ఇంకా మేము అతడిపై ఆశలు పెట్టుకుని ఉన్నాము. అతడొక అద్భుతమైన ఆల్‌రౌండర్‌. అటువంటి ఆటగాడు జట్టులో కచ్చితంగా ఉండాలని" మాథ్యూ మాట్‌ పేర్కొన్నాడు. చదవండి: #Stuart Broad: ఆస్తమాను అధిగమించి.. ప్రపంచ క్రికెట్‌లో రారాజుగా! 600 వికెట్లతో..

ఆస్ట్రేలియా- ఇంగ్లండ్‌ మధ్య జరిగిన యాషెస్‌ సిరీస్‌-2023 డ్రాగా ముగిసిన సంగతి తెలిసిందే. లండన్‌ వేదికగా జరిగిన ఆఖరి టెస్టులో ఇంగ్లండ్‌ విజయం సాధించడంతో సిరీస్‌ 2-2తో సమమైంది. చివరి టెస్టు అనంతరం ఇరు జట్ల ఆటగాళ్లు వారి గమ్యస్ధానాలకు పయనమయ్యారు. ఈ క్రమంలో ఇంగ్లండ్‌  టెస్టు కెప్టెన్‌ బెన్‌ స్టోక్స్‌కు చేదు అనుభవం ఎదురైంది. అతడు లండన్‌ నుంచి డర్హామ్‌కు బ్రిటీష్‌ ఎయిర్‌వేస్‌లో ప్రయాణం చేశాడు. ఈ సందర్భంగా అతడి లగేజి బ్యాగ్‌లు కన్పించకుండా పోయాయి. ఈ విషయాన్ని సిబ్బంది దృష్టికి కూడా తీసుకువెళ్లాడు. వెంటనే సమస్యను పరిష్కరిస్తామని చెప్పినప్పటికీ.. ఇంతవరకు లగేజీ  అందించలేదని స్టోక్స్‌  ట్విటర్‌ వేదికగా తన ఆవేదనను తెలియజేశాడు.విమానంతో పాటు నా లగేజి రాలేదు. నేను మీ సహాయం ​కోసం ఎదురుచూస్తున్నా అని బ్రిటీష్‌ ఎయిర్‌వేస్‌ను ట్యాగ్‌  చేస్తూ స్టోక్స్‌ ట్వీట్‌ చేశాడు. వెంటనే దానికి సదరు విమానయాన సంస్థ కూడా స్పందించింది. "హాయ్ బెన్, మీకు ఆసౌకర్యం కలిగినందుకు చింతుస్తున్నాం. మీ వివరాలను మాకు పంపించండి. మేము పరిశీలిస్తాము" అని బ్రిటీష్‌ ఎయిర్‌వేస్‌ రిప్లే ఇచ్చింది. ఇక యాషెస్‌ తర్వాత స్టోక్స్‌ సుదీర్ఘ విరామం తీసుకోనున్నాడు. అతడు తిరిగి మళ్లీ వచ్చే ఏడాది జనవరిలో భారత్‌తో జరిగే టెస్టు సిరీస్‌తో ఎంట్రీ ఇచ్చే అవకాశం ఉంది. కాగా స్టోక్స్‌ ఇప్పటికే వైట్‌బాల్‌ క్రికెట్‌కు రిటైర్మెంట్‌ ప్రకటించిన సంగతి తెలిసిందే. చదవండి: IND vs WI: విండీస్‌తో రెండో టీ20.. శుబ్‌మన్‌ గిల్‌పై వేటు! విధ్వంసకర ఓపెనర్‌ ఎంట్రీ Bags not turned up off the plane @British_Airways and help would be greatly appreciated — Ben Stokes (@benstokes38) August 2, 2023

బజ్‌బాల్‌ ఆటతీరుతో టెస్టు క్రికెట్‌కు కొత్త నిర్వచనం చెప్పింది ఇంగ్లండ్‌ జట్టు. కెప్టెన్‌గా స్టోక్స్‌, హెడ్‌కోచ్‌గా బ్రెండన్‌ మెక్‌కల్లమ్‌ బాధ్యతలు తీసుకున్నాకా బజ్‌బాల్‌ ఆటకు మరింత పదును పెట్టింది. సౌతాఫ్రికా, పాకిస్తాన్‌లతో జరిగిన టెస్టు సిరీస్‌లో బజ్‌బాల్‌ దూకుడుతో సిరీస్‌ విజయాలను సొంతం చేసుకున్న ఇంగ్లండ్‌ యాషెస్‌ సిరీస్‌లోనూ అదే దూకుడు చూపెట్టాలని భావించింది. అయితే తొలి రెండు టెస్టుల్లో బజ్‌బాల్‌ ఆటతీరుతో ఇంగ్లండ్‌ చేతులు కాల్చుకుంది. అప్పటికే డబ్ల్యూటీసీ టైటిల్‌ గెలిచి డిపెండింగ్‌ చాంపియన్‌గా నిలిచిన ఆస్ట్రేలియా ఇంగ్లండ్‌కు ముకుతాడు వేసింది. తొలి రెండు టెస్టులను గెలిచి ఆసీస్‌ 2-0తో ఆధిక్యంలోకి వెళ్లింది. అయితే ఓటమిపాలైన తమ బజ్‌బాల్‌ దూకుడు మాత్రం ఆపమని కెప్టెన్‌ స్టోక్స్‌ కుండబద్దలు కొట్టాడు. అదే బజ్‌బాల్‌ ఆటతీరుతో మూడో టెస్టును గెలిచిన ఇంగ్లండ్‌ ఆధిక్యాన్ని 2-1కి తగ్గించింది. నాలుగో టెస్టు డ్రాగా ముగిసినా ఐదో టెస్టు గెలిచి 2-2తో సిరీస్‌ను సమం చేసింది. ఇక వచ్చే ఏడాది టీమిండియా గడ్డపై నాలుగు టెస్టు మ్యాచ్‌ల సిరీస్‌ ఆడేందుకు ఇంగ్లండ్‌ వస్తోంది. బజ్‌బాల్‌ ఆటతీరును టీమిండియాకు పరిచయం చేస్తామని స్టోక్స్‌ పేర్కొనడం ఆసక్తి కలిగించింది. అయితే ఇదే బజ్‌బాల్‌ స్టైల్ ను ఇండియన్ టీమ్ కూడా ఫాలో అయితే ఎలా ఉంటుందన్న సందేహాలు అభిమానుల్లో మొదలయ్యాయి. ఈ విషయంపై అశ్విన్ స్పందించాడు. "మేము టెస్ట్ క్రికెట్ బాగా ఆడుతున్నాం. కానీ త్వరలోనే పరివర్తన దిశగా వెళ్తున్నాం. ఆ దశలో పరిస్థితులు అంత సులువుగా ఉండవు. కొన్ని సమస్యలు తలెత్తుతాయి. ఒకవేళ ఈ దశలో ఇండియా బజ్‌బాల్ స్టైల్ అడాప్ట్ చేసుకుందని అనుకుందాం. హ్యారీ బ్రూక్ లాగా మన ప్లేయర్స్ కూడా బ్యాట్ ఝుళిపించడానికి ప్రయత్నించారని అనుకుందాం. రెండు మ్యాచ్ లు ఓడిపోతాం. మనం ఏం చేస్తాం? బజ్‌బాల్ కు, ప్లేయర్స్ కు మద్దతిస్తామా? కనీసం నలుగురు ప్లేయర్స్ పై వేటు వేస్తాం. మన సంస్కృతి ఎప్పుడూ ఇలాగే ఉంది. ఇతరుల స్టైల్ వాళ్లకు మంచి ఫలితాలు ఇచ్చింది కదా అని మనం కాపీ చేయలేం. వాళ్లకు అది పని చేసింది ఎందుకంటే వాళ్ల మేనేజ్‌మెంట్, సెలక్టర్లు ఈ స్టైల్ ను ఆమోదించారు. మద్దతిచ్చారు. వాళ్ల అభిమానులు కూడా ఆమోదించారు. మనం అది చేయలేం" అని అశ్విన్ స్పష్టం చేశాడు. ఇక వన్డే వరల్డ్ కప్ పై కూడా అశ్విన్ స్పందించాడు. అభిమానులు ఇండియన్ టీమ్ కు సానుకూలంగా మద్దతివ్వాలని కోరాడు. "వరల్డ్ కప్ గెలవడం అంత సులువు కాదు. 12 ఏళ్ల తర్వాత మళ్లీ వన్డే వరల్డ్‌కప్‌ మన దేశంలో జరుగుతుంది. గతాన్ని గుర్తుచేయొద్దు.. అప్పుడు ధోని సేన మ్యాజిక్‌ చేసింది. ఇప్పుడు అదే రిపీట్‌ అవుతుందని కచ్చితంగా చెప్పలేం. దాదాపు ప్రతి మేజర్ టోర్నమెంట్లో మనం సెమీఫైనల్ చేరాం. ఆ రోజు సరిగా ఆడలేకపోయాం అంతే" అని అశ్విన్ అన్నాడు.

Ben Stokes Reply on England Bazball Tactics Against Rohit Sharma's Side: ‘బజ్‌బాల్‌’ ఇంగ్లండ్‌ తదుపరి గమ్యస్థానం భారత్‌. 177 రోజుల తర్వాత అది కూడా హైదరాబాద్‌లో టీమిండియాతో స్టోక్స్‌ బృందం తొలి టెస్టు ఆడనుంది. ప్రపంచ టెస్టు చాంపియన్‌షిప్‌ 2023-25లో భాగంగా ఐదు టెస్టులు ఆడేందుకు భారత పర్యటనకు రానుంది.  ఈ నేపథ్యంలో ఇంగ్లండ్‌ టెస్టు జట్టు కెప్టెన్‌ బెన్‌ స్టోక్స్‌ ఆసక్తికర వ్యాఖ్యలు చేశాడు. కాగా ప్రతిష్టాత్మక యాషెస్‌ సిరీస్‌లో భాగంగా ఆస్ట్రేలియాతో ఇంగ్లండ్‌ ఆఖరి టెస్టులో అద్భుత విజయం సాధించింది. లండన్‌లో ప్రఖ్యాత ఓవల్‌ మైదానంలో ఉత్కంఠగా సాగిన మైదానంలో 49 పరుగుల తేడాతో ప్యాట్‌ కమిన్స్‌ బృందంపై గెలుపొందింది.  తద్వారా సిరీస్‌ను 2-2తో సమం చేసుకుంది. అయితే, గత సిరీస్‌లో ఆస్ట్రేలియా గెలిచిన కారణంగా ట్రోఫీ మాత్రం కంగారూల వద్దనే ఉండనుంది. ఇదిలా ఉంటే.. ప్రతిష్టాత్మక యాషెస్‌ తర్వాత టీమిండియాతో జనవరి నుంచి మరో టెస్టు సిరీస్‌కు ఇంగ్లండ్‌ సిద్ధమవుతోంది. ఇక న్యూజిలాండ్‌ మాజీ క్రికెటర్‌ బ్రెండన్‌ మెకల్లమ్‌ ఇంగ్లండ్‌ టెస్టు జట్టు కోచ్‌గా వచ్చిన తర్వాత స్టోక్స్‌ సారథ్యంలో బజ్‌బాల్‌ పేరిట దూకుడైన ఆటతో అలరిస్తోంది. మెకల్లమ్‌ మార్గదర్శనంలో స్టోక్స్‌ కెప్టెన్సీలో టెస్టుల్లో అగ్రెసివ్‌ క్రికెట్‌తో వరుస విజయాలు సాధించింది. అయితే, ఆసీస్‌తో మాత్రం ఇంగ్లండ్‌ అనుసరించి ఈ విధానం బెడిసికొట్టింది. ఫలితంగా సిరీస్‌ గెలిచే అవకాశం చేజారింది. ఈ క్రమంలో ఐదో టెస్టులో విజయానంతరం మీడియాతో మాట్లాడిన బెన్‌ స్టోక్స్‌కు టీమిండియాతో సిరీస్‌ గురించి ప్రశ్న ఎదురైంది. రోహిత్‌ సేనతో సిరీస్‌లోనూ బజ్‌బాల్‌ కంటిన్యూ చేస్తారా అని అడుగగా.. ‘‘మేము న్యూజిలాండ్‌ను 3-0తో క్లీన్‌స్వీప్‌ చేశాం.  అయితే, సౌతాఫ్రికాపై అదే ఫలితాన్ని పునరావృతం చేయలేకపోయాం. మళ్లీ పాకిస్తాన్‌ను ఓడించాం. కానీ ఆ తర్వాత.. ఆస్ట్రేలియాపై కూడా ఇలాంటి ఫీట్‌ అందుకోలేకపోయాం. ఏమో ఒకవేళ టీమిండియాతో సిరీస్‌లో ఇలాంటి విజయం అందుకుంటామేమో! కాలమే అన్నిటికీ సమాధానం చెబుతుంది’’ అంటూ స్టోక్స్‌ బదులిచ్చాడు. కాగా బజ్‌బాల్‌తో కివీస్‌ను 3-0తో వైట్‌వాష్‌ చేసిన ఇంగ్లండ్‌.. సౌతాఫ్రికాపై 2-1తో గెలిచింది. అనంతరం పాకిస్తాన్‌ను క్లీన్‌స్వీప్‌ చేసింది. భారత పర్యటనలో భాగంగా ఇంగ్లండ్‌.. టీమిండియాతో జనవరి 25- మార్చి 24 వరకు ఐదు టెస్టులు ఆడేందుకు షెడ్యూల్‌ ఖరారైంది. ఇక స్టోక్స్‌ వ్యాఖ్యల నేపథ్యంలో.. ‘‘ఓవరాక్షన్‌ వద్దు.. ఇక్కడికి వచ్చాక ద్రవ్‌బాల్‌ దెబ్బ రుచిచూద్దురు కానీ..’’ అంటూ టీమిండియా అభిమానులు కామెంట్‌ చేస్తున్నారు. చదవండి: టీమిండియాతో టీ20 సిరీస్‌.. విండీస్‌ జట్టు ప్రకటన! సిక్సర్ల వీరుడు వచ్చేశాడు

ఇంగ్లండ్‌, ఆస్ట్రేలియాలు ప్రతిష్టాత్మకంగా భావించే యాషెస్‌ సిరీస్‌ 2-2తో డ్రాగా ముగిసింది. తొలి రెండు టెస్టుల్లో ఆసీస్‌ గెలవడంతో ఇంగ్లండ్‌ కథ ముగిసేనట్లేనని అంతా భావించారు. కానీ మూడో టెస్టులో గెలిచిన ఇంగ్లండ్‌ 2-1తో ఆధిక్యాన్ని తగ్గించింది. ఆ తర్వాత నాలుగో టెస్టు డ్రాగా ముగియడంతో ఐదోటెస్టు ఇంగ్లండ్‌కు కీలకంగా మారింది. చివరి టెస్టు గెలిచి సొంతగడ్డపై పరువు నిలుపుకోవాలని భావించిన ఇంగ్లండ్‌ అందుకు తగ్గట్లుగానే బజ్‌బాల్‌ ఆటతీరుతో ఆసీస్‌ను కట్టడి చేసింది. కానీ 384 పరుగుల టార్గెట్‌ను ఆసీస్‌ చేధించేలా కనిపించింది. కానీ ‍ఇంగ్లండ్‌ కొత్త బంతి తీసుకోవడంతో ఆట ఐదోరోజు తొలి సెషన్‌లో కథ మొత్తం మారిపోయింది. ఆసీస్‌ తొందరగా వికెట్లు కోల్పోవడంతో 49 పరుగుల తేడాతో ఓటమి పాలయ్యింది.  కాగా మ్యాచ్‌ ముగిసిన అనంతరం ఆసీస్‌ ఆటగాళ్లు, ఇంగ్లండ్‌ ఆటగాళ్లు ఒక దగ్గర చేరి డ్రెస్సింగ్‌రూమ్‌లోనే మందు కొట్టినట్లు వార్తలు వచ్చాయి. ఈ వార్తలను ఇంగ్లండ్‌ కెప్టెన్‌ బెన్‌ స్టోక్స్‌ ఖండించాడు. స్టోక్స్‌ మాట్లాడుతూ.. ''పార్జీ జరిగిన మాట నిజమే.. కానీ మీరు అనుకుంటున్నట్లు డ్రెస్సింగ్‌ రూమ్‌లో ఆసీస్‌ ఆటగాళ్లతో కలిసి మందు కొట్టలేదు. నిజానికి మ్యాచ్‌ ముగిసిన తర్వాత కరచాలనం అనంతరం ఆసీస్‌ ఆటగాళ్లు మా దగ్గరకు వచ్చారు. కానీ మా ప్రధాన ఆటగాళ్లు స్టువర్ట్‌ బ్రాడ్‌, మొయిన్‌ అలీ రిటైర్మెంట్‌పై స్పెషల్‌ స్పీచ్‌లతో చిన్న పార్టీ చేసుకున్నాం. ఈ నేపథ్యంలో ఆసీస్‌ ఆటగాళ్లు ఒక గంటపాటు వెయిట్‌ చేయాల్సి వచ్చింది. మేం బిజీగా ఉండడంతో మమ్మల్ని కలవకుండానే ఆసీస్‌ ఆటగాళ్లు అక్కడి నుంచి వెళ్లిపోయారు. నిజానికి యాషెస్‌ సిరీస్‌ ముగిశాక ఆసీస్‌ ఆటగాళ్లతో కలిసి సంప్రదాయ సెలబ్రేషన్స్‌ చేసుకోవాలి. కానీ బ్రాడ్‌, మొయిన్‌ అలీ రిటైర్మెంట్‌, ఇతర కార్యక్రమాల వల్ల కలవడం కుదరలేదు. అయితే ఆసీస్‌ ఆటగాళ్లతో కలిసి నైట్‌క్లబ్‌కు వెళ్లి పార్టీ ఎంజాయ్‌ చేయాలని నిశ్చయించుకున్నాం. నెలరోజుల పాటు యాషెస్‌ ఆడాం. ఎన్ని గొడవలు జరిగినా అది మ్యాచ్‌ల వరకే పరిమితం. బయట ఆ విషయాలు ఎట్టి పరిస్థితుల్లోనూ చర్చించుకోం.. సరదాగా ఎంజాయ్‌ చేయడానికి చూస్తాం'' అంటూ చెప్పుకొచ్చాడు. చదవండి: Ricky Ponting: 'బంతిని మార్చడం వల్లే ఆసీస్‌ ఓటమి.. విచారణ చేపట్టండి'  ఉస్మాన్‌ ఖవాజా అరుదైన ఘనత! యాషెస్‌ చరిత్రలో 26 ఏళ్ల తర్వాత..

ఇంగ్లండ్ స్టార్‌ ఆల్ రౌండర్ మొయిన్ అలీ టెస్టు క్రికెట్‌కు మరోసారి విడ్కోలు పలికాడు. లండన్‌ వేదికగా జరిగిన యాషెస్‌ ఆఖరి టెస్టు అనంతరం మొయిన​ అలీ ఈ నిర్ణయం తీసుకున్నాడు. ఈ మ్యాచ్‌లో ఆస్ట్రేలియాపై 49 పరుగుల తేడాతో ఇంగ్లండ్‌ ఘన విజయం సాధించింది. దీంతో ఐదు మ్యాచ్‌ల టెస్టు సిరీస్‌ 2-2తో సమమైంది. ఇంగ్లండ్‌ విజయంలో అలీ కీలక పాత్ర పోషించాడు. మూడు వికెట్లు పడగొట్టి జట్టుకు అద్భుతమైన విజయం అందించాడు. తొలిసారి అలా.. కాగా అంతకుముందు మొయిన్ అలీ 2021 సెప్టెంబర్‌లో టెస్టులకు రిటైర్మెంట్ ప్రకటించాడు. కానీ యాషెస్‌ సిరీస్‌-2023కు ముందు ఇంగ్లండ్‌ స్పిన్నర్‌ జాక్‌ లీచ్‌ గాయపడ్డాడు. గాయం తీవ్రత ఎక్కువగా ఉండటంతో యాషెస్ మొత్తానికి అతడు దూరమయ్యాడు. ఈ క్రమంలో ఇంగ్లండ్‌ క్రికెట్ బోర్డు, టెస్టు జట్టు కెప్టెన్ బెన్ స్టోక్స్, కోచ్ మెక్‌కల్లమ్‌ నచ్చచెప్పడంతో మెయిన్‌ అలీ టెస్టు రిటైర్మెంట్‌పై తన నిర్ణయాన్ని వెనక్కి తీసుకున్నాడు. దీంతో అతడిని ఈ ఏడాది యాషెస్‌ సిరీస్‌కు ఇంగ్లండ్‌ సెలక్టర్లు ఎంపిక చేశారు. జట్టులోకి రీ ఎంట్రీ ఇచ్చిన అలీ అద్భుతమైన ప్రదర్శన కనబరిచాడు. ఓవరాల్‌గా యాషెస్‌ 2023లో నాలుగు మ్యాచ్‌లో ఆడిన మొయిన్‌.. 180 పరుగులతో పాటు 9 వికెట్లు సాధించాడు. ఓ వైపు చేతి గాయంతో బాధపడుతున్నప్పటికీ తన వంతు సేవలను అలీ అందించాడు. ఇదే చివరి మ్యాచ్‌.. ఇక మ్యాచ్‌ అనంతరం మొయిన్‌ అలీ మాట్లాడుతూ.. "రిటైర్మెంట్‌ విషయం గురించి స్టోక్స్‌ నాకు మళ్లీ  మెసేజ్ చేస్తే, వెంటనే డిలీట్‌ చేస్తాను. నేను వచ్చిన పని పూర్తి చేశాను. ఈ సిరీస్‌ను బాగా ఎంజాయ్‌ చేశాను. చివరి మ్యాచ్‌ను విజయంతో ముగించడం చాలా సంతోషంగా ఉంది.  స్టోక్సీ నన్ను రీ ఎంట్రీ ఇవ్వమని అడిగినప్పుడు తొలుత నో చెప్పాను. ఎందకంటే నేను ఇప్పటివరకు ఆస్ట్రేలియాపై ఎప్పుడూ బాగా ఆడలేదు. అందుకే నేను మళ్లీ ఆడను అని చెప్పా. స్టోక్స్‌ మాత్రం నాకు సపోర్ట్‌గా నిలిచి, నీవు అద్భుతంగా రాణించగలవని నేను ఇప్పటికీ నమ్ముతున్నాను అని అన్నాడు. దీంతో మళ్లీ రెడ్‌ బాల్‌ క్రికెట్‌లో ఆడేందుకు ఒప్పుకున్నాను. మళీ​ జిమ్మీ,బ్రాడ్‌తో కలిసి డ్రెస్సింగ్‌ రూమ్‌ పంచుకున్నందుకు చాలా సంతోషంగా ఉంది. ఇంగ్లండ్‌ వంటి జట్టుకు జాతీయ స్ధాయిలో ప్రాతినిథ్యం వహించినందుకు గర్వంగా ఉందని చెప్పుకొచ్చాడు. చదవండి:IND Vs WI: టీమిండియాతో టీ20 సిరీస్‌.. విండీస్‌ జట్టు ప్రకటన! సిక్సర్ల వీరుడు వచ్చేశాడు

యాషెస్‌ సిరీస్‌ 2023 ఐదో టెస్ట్‌ చివరి రోజు ఇంగ్లండ్‌ కెప్టెన్‌ బెన్‌ స్టోక్స్‌ ఘోర తప్పిదం చేశాడు. కీలక సమయంలో (లంచ్‌కు ముందు ఓవర్‌ తొలి బంతికి) మ్యాచ్‌ ఫలితాన్ని తారుమారు చేసే స్టీవ్‌ స్మిత్‌ (40) క్యాచ్‌ను జారవిడిచాడు. మొయిన్‌ అలీ బౌలింగ్‌లో స్మిత్‌ గ్లవ్స్‌ను తాకిన బంతిని లెగ్‌ గల్లీలో ఫీల్డింగ్‌ చేస్తున్న స్టోక్స్‌ అతికష్టం మీద (చాలా ఎత్తుకు ఎగిరి) పట్టుకున్నట్లే పట్టుకుని వదిలేశాడు. STOKES 😒pic.twitter.com/OUD88ZWZkF — CricTracker (@Cricketracker) July 31, 2023 సంబురాలు చేసుకునే తొందరలో స్టోక్స్‌ మోకాలికి తగిలి బంతి నేలపాలైంది. ఇంతటితో ఆగకుండా స్టోక్స్‌ రివ్యూకి వెళ్లి ఇంకో ఘోర తప్పిదం చేశాడు. రీప్లేలో బంతి స్మిత్‌ గ్లవ్స్‌కు తాకినట్లు స్పష్టంగా కనిపిస్తున్నప్పటికీ..  బంతి నిర్దిష్ట సమయం పాటు స్టోక్స్‌ చేతిలో లేకపోవడంతో థర్డ్‌ అంపైర్‌ నితిన్‌ మీనన్‌ ఇంగ్లండ్‌ అప్పీల్‌కు నాటౌట్‌ అని సమాధానం ఇచ్చాడు. దీంతో కీలక సమయంలో ఇంగ్లండ్‌కు వికెట్‌ దక్కకపోగా, రివ్యూ కోల్పోయింది.  It's lunch on Day 5. Steve Smith and Travis Head keep Australia steady as teams head for Lunch. pic.twitter.com/8mTKpA0eXZ — CricTracker (@Cricketracker) July 31, 2023 కాగా, స్టోక్స్‌.. స్టీవ్‌ స్మిత్‌ క్యాచ్‌ జారవిడిచాక ఆట మరో 5 బంతుల పాటు సాగింది. అనంతరం అంపైర్లు లంచ్‌ విరామం ప్రకటించారు. ఇదే సమయంలో వర్షం కూడా మొదలైంది. లంచ్‌ విరామం సమయానికి ఇంగ్లండ్‌ స్కోర్‌ 238/3గా ఉంది. స్టీవ్‌ స్మిత్‌ (40), ట్రవిస్‌ హెడ్‌ (31)  క్రీజ్‌లో ఉన్నారు. ప్రస్తుతానికి ఆసీస్‌ గెలవాలంటే 146 పరుగులు, ఇంగ్లండ్‌ విజయానికి 7 వికెట్లు కావాల్సి ఉంది. లంచ్‌ విరామ సమయం పూర్తయ్యాక కూడా వర్షం పడుతుండటంతో అంపైర్లు మ్యాచ్‌ను పాక్షికంగా నిలిపివేశారు.  ఇదిలా ఉంటే, 384 పరుగుల భారీ లక్ష్యాన్ని ఛేదించే క్రమంలో 135/0 ఓవర్‌నైట్‌ స్కోర్‌ వద్ద ఆఖరి రోజు ఆటను ప్రారంభించిన ఆస్ట్రేలియా, తొలి సెషన్‌లోనే 3 వికెట్లు కోల్పోయి కష్టాల్లో పడింది. కొత్త బంతితో ఇంగ్లండ్‌ పేసర్లు రెచ్చిపోయారు. ముఖ్యంగా క్రిస్‌ వోక్స్‌, మార్క్‌ వుడ్‌లు ఆసీస్‌ ఆటగాళ్లను వణికించారు.  ఓపెనర్లు డేవిడ్‌ వార్నర్‌ (60), ఉస్మాన్‌ ఖ్వాజా (72).. తమ ఓవర్‌నైట్‌ స్కోర్లకు రెండు, మూడు పరుగుల చొప్పున జోడించి ఔట్‌ కాగా.. లబూషేన్‌ 13 పరుగులు చేసి పెవిలియన్‌కు చేరాడు. 

యాషెస్‌ సిరీస్‌లో భాగంగా ఆస్ట్రేలియాతో జరుగుతున్న ఐదో టెస్టులో ఇంగ్లండ్‌ పట్టు బిగిస్తోంది. మూడోరోజు ఆటలో మూడో సెషన్‌లో బ్యాటింగ్‌ ఆడుతున్న ఇంగ్లండ్‌ ప్రస్తుతం నాలుగు వికెట్ల నష్టానికి 294 పరుగులు చేసింది. జో రూట్‌ 71, జానీ బెయిర్‌ స్టో 56 పరుగులతో క్రీజులో ఉన్నారు. ఓవరాల్‌గా ఇంగ్లండ్‌ 286 పరుగుల ఆధిక్యంలో ఉంది. ఆటకు ఇంకా రెండు రోజుల సమయం ఉండడంతో నాలుగో రోజు తొలి సెషన్‌లో ఇంగ్లండ్‌ బ్యాటింగ్‌ చేసే అవకాశం ఉంది. ఆసీస్‌ ముంగిట ఇంగ్లండ్‌ కనీసం 400 పరుగుల టార్గెట్‌ను పెట్టాలని భావిస్తోంది. ఇక ఇంగ్లండ్‌ కెప్టెన్‌ బెన్‌ స్టోక్స్‌ రెండో ఇన్నింగ్స్‌లో బ్యాటింగ్‌ ఆర్డర్‌లో ముందు వచ్చాడు. మూడో స్థానంలో బ్యాటింగ్‌కు వచ్చిన స్టోక్స్‌ 67 బంతుల్లో 42 పరుగులు చేసి ఔటయ్యాడు. అతని ఇన్నింగ్స్‌లో మూడు ఫోర్లు, ఒక సిక్సర్‌ ఉన్నాయి. ఈ క్రమంలో స్టోక్స్‌ ఒక అరుదైన ఘనత సాధించాడు. ఒక టెస్టు సిరీస్‌లో అత్యధిక సిక్సర్లు బాదిన జాబితాలో స్టోక్స్‌ చోటు సంపాదించాడు. ఆసీస్‌తో జరుగుతున్న యాషెస్‌ సిరీస్‌ 2023లో స్టోక్స్‌ ఇప్పటివరకు 15 సిక్సర్లు బాదాడు. 2018-19లో బంగ్లాదేశ్‌తో జరిగిన టెస్టు సిరీస్‌లో వెస్టిండీస్‌ ఆటగాడు హెట్‌మైర్‌ కూడా 15 సిక్సర్లు బాదాడు. ఇక తొలి స్థానంలో టీమిండియా కెప్టెన్‌ రోహిత్‌ శర్మ ఉన్నాడు. హిట్‌మ్యాన్‌ 2019-20లో సౌతాఫ్రికాతో టెస్టు సిరీస్‌లో 19 సిక్సర్లు బాది తొలి స్థానంలో ఉన్నాడు. ఇక యాషెస్‌ చరిత్రలో  ఇప్పటివరకు జరిగిన టెస్టు సిరీస్‌లు కలిపి ఎక్కువ సిక్సర్లు బాదిన తొలి బ్యాటర్‌గా స్టోక్స్‌ రికార్డులకెక్కాడు. స్టోక్స్‌ తర్వాతి స్థానంలో కెవిన్‌ పీటర్సన్‌(2005 యాషెస్‌లో) 14 సిక్సర్లు బాదగా, 2019 యాషెస్‌లో మళ్లీ బెన్‌ స్టోక్స్‌ 13 సిక్సర్లతో మూడో స్థానంలో ఉండగా.. 2005 యాషెస్‌లో ఆండ్రూ ఫ్లింటాఫ్‌ 11 సిక్సర్లు బాది నాలుగో స్థానంలో ఉన్నాడు. Ben Stokes straightaway in the mood. Smashes Josh Hazlewood for a six in the first over after Lunch. pic.twitter.com/z9Di8YY4PM — Mufaddal Vohra (@mufaddal_vohra) July 29, 2023 చదవండి: Cristiano Ronaldo: 'అవతలికి పో'.. కెమెరామన్‌పై రొనాల్డో అసహనం వాళ్లు లేరు.. వీళ్లకు ఛాన్స్‌.. బెడిసికొట్టిన ప్రయోగం! 8 బంతుల్లో ఒక్క పరుగు చేసి..

యాషెస్‌ సిరీస్‌లో భాగంగా ఇంగ్లండ్‌, ఆస్ట్రేలియా మధ్య జరుగుతున్న చివరి టెస్టు ఆసక్తికరంగా సాగుతుంది. తొలి రోజు ఇంగ్లండ్‌ ఆలౌట్‌ అయితే.. రెండోరోజు ఆటలో ఆస్ట్రేలియాను ఇంగ్లండ్‌ బౌలర్లు ఆలౌట్‌ చేశారు. కాగా ఆసీస్‌ కేవలం 12 పరుగుల స్వల్ప ఆధిక్యం సాధించింది. మూడోరోజు ఆటలో లంచ్‌ విరామ సమయానికి ఇంగ్లండ్‌ వికెట్‌ నష్టానికి 138 పరుగులు చేసింది. జాక్‌ క్రాలీ 75 బంతుల్లో 73 పరుగులతో వేగంగా ఆడుతుండగా.. స్టోక్స్‌ కూడా 30 బంతుల్లో 20 పరుగులతో దాటిగా ఆడుతూ అతనికి సహకరిస్తున్నాడు. ప్రస్తుతం ఇంగ్లండ్‌ 128 పరుగుల ఆధిక్యంలో ఉంది. ఇక మూడో రోజు ఆటలో  ఇంగ్లండ్ ఆట‌గాళ్లు ఒక‌రి జెర్సీని మ‌రొక‌రు ధరించారు. ఇది చూసిన అభిమానులకు కాసేపు అర్థం కాలేదు. ఇంగ్లండ్‌ ఆటగాళ్లు మరిచిపోయి ఒకరి జెర్సీ ఒకరు వేసుకున్నారేమోనని అభిప్రాయపడ్డారు. నిజానికి ఇంగ్లండ్‌ ఆటగాళ్లు ఇలా జెర్సీలను మార్చుకోవడానికి ఒక కారణం ఉంది. అల్జీమర్స్‌(Dementia-మతిమరుపు)వ్యాధితో బాధ‌ప‌డుతున్న వాళ్ల‌కు మ‌ద్ద‌తుగా బెన్ స్టోక్స్ బృందం ఒకరి జెర్సీలు మరొకరు ధరించారు. కెప్టెన్ స్టోక్స్ వికెట్ కీప‌ర్ జానీ బెయిర్‌స్టో జెర్సీ వేసుకున్నాడు. మోయిన్ అలీ మాజీ కెప్టెన్ జోరూట్ జెర్సీతో వ‌చ్చాడు. జేమ్స్ అండ‌ర్స్ మ‌రో పేస‌ర్ స్టువార్ట్ బ్రాడ్ జెర్సీతో ద‌ర్శ‌న‌మిచ్చాడు. ఆ త‌ర్వాత ఆస్ట్రేలియా, ఇంగ్లండ్ ఒక్క చోట చేరారు. అల్జీమ‌ర్స్ సొసైటీ స‌భ్యులు ఆల‌పించిన పాట విన్నారు. ఆ తర్వాత మూడోరోజు ఆటను ప్రారంభించారు. అల్జీమ‌ర్స్ అనేది ఒక వృద్దాప్య స‌మ‌స్య‌. 60 ఏళ్లు పైబ‌డిన వాళ్ల‌లో రోజు రోజుకు మ‌తిమ‌రుపు పెరుగుతుంటుంది. దాంతో, వాళ్లు అన్ని విష‌యాలు మ‌ర్చిపోతారు. కుటుంబ‌సభ్యుల‌ను, ప్రాణ స్నేహితుల‌ను కూడా గుర్తుప‌ట్టలేని ప‌రిస్థితిలో ఉంటారు. డిమెన్షియా వల్ల వాళ్ల ఆరోగ్యం కూడా దెబ్బతినే అవకాశం ఉంటుంది. A moving and powerful rendition of Jerusalem 👏@alzheimerssoc | #CricketShouldBeUnforgettable pic.twitter.com/cMC37JWC96 — England Cricket (@englandcricket) July 29, 2023 Today is the day! It's the @lv=Men's Ashes Test Match: Day 3 Supporting Alzheimer’s Society. 🏏 Huge thanks to the Kia Oval (@surreycricket) and @englandcricket - and sending lots of luck to our boys! 🤞 Great #CricketShouldBeUnforgettable https://t.co/oFsZXP1wXb pic.twitter.com/vbFrIO8HXj — Alzheimer's Society (@alzheimerssoc) July 29, 2023 చదవండి: ICC ODI WC 2023: గుడ్‌న్యూస్‌.. ఆగస్టు 10 నుంచి వన్డే వరల్డ్‌కప్‌ టికెట్లు అందుబాటులో!

The Ashes, 2023- England vs Australia, 5th Test: యాషెస్‌ సిరీస్‌-2023 ఐదో టెస్టులో ఆస్ట్రేలియా బ్యాటింగ్‌ తీరుపై ఇంగ్లండ్‌ మాజీ కెప్టెన్‌ మైకేల్‌ వాన్‌ విమర్శలు గుప్పించాడు. కంగారూ జట్టు ఇంత బెరుగ్గా, భయం భయంగా బ్యాటింగ్‌ చేయడం ఎన్నడూ చూడలేదన్నాడు. ఓవల్‌ మైదానంలో ఆసీస్‌ ప్రదర్శన చెత్తగా ఉందంటూ ఘాటు వ్యాఖ్యలు చేశాడు. కాగా ఇప్పటికే 5 మ్యాచ్‌ల టెస్టు సిరీస్‌లో 2-1తో ఆధిక్యంలో ఉన్న ఆస్ట్రేలియా.. ట్రోఫీ తమ వద్దే పెట్టుకునే అర్హత సాధించింది. ఈ నేపథ్యంలో సొంతగడ్డపై.. ఆఖరి మ్యాచ్‌లో గెలిచి 2-2తో సిరీస్‌ను డ్రా చేసుకోవాలని ఇంగ్లండ్‌ పట్టుదలగా ఉంది.  స్వల్ప ఆధిక్యంలో ఇక బజ్‌బాల్‌ విధానం పేరిట దూకుడుగా ఆడుతున్న స్టోక్స్‌ బృందం.. ఓవల్‌ మ్యాచ్‌లో టాస్‌ ఓడి తొలుత బ్యాటింగ్‌కు దిగింది. హ్యారీ బ్రూక్‌(85) మెరుగైన ప్రదర్శన కారణంగా తొలి ఇన్నింగ్స్‌లో 283 పరుగులకు ఆలౌట్‌ అయింది. ఈ క్రమంలో.. బ్యాటింగ్‌కు వచ్చిన ఆసీస్‌.. రెండో రోజు ఆట ముగిసే సరికి 295 పరుగుల వద్ద తమ మొదటి ఇన్నింగ్స్‌ ముగించింది. ఇంత చెత్తగా ఆడటం ఎప్పుడూ చూడలేదు స్టీవ్‌ స్మిత్‌ అర్ధ శతకం(71) కారణంగా 12 పరుగుల స్వల్ప ఆధిక్యం సాధించగలిగింది. ఆచితూచి ఆడుతూ ఈ మేరకు స్కోరు సాధించింది. వన్‌డౌన్‌లో వచ్చిన మార్నస్‌ లబుషేన్‌ 82 బంతులు ఎదుర్కొని 9 పరుగులు మాత్రమే చేశాడంటే కంగారూల బ్యాటింగ్‌ ఎలా ఉందో అర్థం చేసుకోవచ్చు. ఈ నేపథ్యంలో మైకేల్‌ వాన్‌ స్పందిస్తూ.. ‘‘ఆస్ట్రేలియా ఇంత డిఫెన్సివ్‌గా ఆడటం ఎప్పుడూ చూడలేదు. సాధారణంగా వాళ్లు దూకుడుగా ఆడతారు. మ్యాచ్‌ చూసే వాళ్లకు మజా అందిస్తారు. కానీ ఈసారి.. బౌలర్లపై ఏమాత్రం ఒత్తిడి పెంచలేకపోయారు. నేనైతే ఆస్ట్రేలియా ఇంత చెత్తగా ఆడటం నా జీవితంలో ఇంతవరకు ఎన్నడూ చూడలేదు. నిజం.. వాళ్లు గతంలో ఇలా అస్సలు ఆడలేదు’’ అని బీబీసీ మ్యాచ్‌ స్పెషల్‌ ప్రోగ్రామ్‌లో చెప్పుకొచ్చాడు.  చదవండి: అస్సలు నేను ఊహించలేదు.. అతడు ఓపెనర్‌గా వస్తాడని! కచ్చితంగా జట్టులో ఉండాలి

యాషెస్‌ సిరీస్‌లో భాగంగా ఇంగ్లండ్‌, ఆస్ట్రేలియాల మధ్య ఓవల్‌ వేదికగా ఐదో టెస్టు గురువారం ప్రారంభమయింది. టాస్‌ గెలిచిన ఆస్ట్రేలియా బౌలింగ్‌ ఎంచుకుంది. ఈ మ్యాచ్‌కు ఇంగ్లండ్‌ ఎలాంటి మార్పులు చేయలేదు. అయితే ఆస్ట్రేలియా మాత్రం ఒక మార్పుతో బరిలోకి దిగింది. కామెరాన్‌ గ్రీన్‌ ఈ టెస్టుకు దూరం కావడంతో అతని స్థానంలో స్పిన్నర్‌ టాడ్‌ మర్ఫీ తుదిజట్టులోకి వచ్చాడు. ప్రస్తుతం ఇంగ్లండ్‌ జట్టు ఏడు ఓవర్లు ముగిసేసరికి వికెట్‌ నష్టపోకుండా 39 పరుగులు చేసింది. బెన్‌ డకెట్‌ 29, జాక్‌ క్రాలీ 10 పరుగులతో ఆడుతున్నారు. ఇంగ్లండ్ (ప్లేయింగ్ XI): జాక్ క్రాలే, బెన్ డకెట్, మొయిన్ అలీ, జో రూట్, హ్యారీ బ్రూక్, బెన్ స్టోక్స్(కెప్టెన్‌), జానీ బెయిర్‌స్టో(వికెట్‌ కీపర్‌), క్రిస్ వోక్స్, మార్క్ వుడ్, స్టువర్ట్ బ్రాడ్, జేమ్స్ ఆండర్సన్ ఆస్ట్రేలియా (ప్లేయింగ్ XI): డేవిడ్ వార్నర్, ఉస్మాన్ ఖవాజా, మార్నస్ లాబుషాగ్నే, స్టీవెన్ స్మిత్, ట్రావిస్ హెడ్, మిచెల్ మార్ష్, అలెక్స్ కారీ(వికెట్‌ కీపర్‌), మిచెల్ స్టార్క్, పాట్ కమిన్స్(కెప్టెన్‌), జోష్ హేజిల్‌వుడ్, టాడ్ మర్ఫీ ఇంగ్లండ్‌ గెలిచినా ఆసీస్‌దే యాషెస్‌.. ఇప్పటివరకు జరిగిన నాలుగు టెస్టుల్లో 2-1తో ఆస్ట్రేలియా ఆధిక్యంలో ఉంది. ఒకవేళ చివరి టెస్టులో ఇంగ్లండ్‌ గెలిచి 2-2తో సిరీస్‌ సమం అయినా యాషెస్‌ ట్రోఫీ మాత్రం ఆస్ట్రేలియా వద్దనే ఉంటుంది. చివరగా 2021లో జరిగిన యాషెస్‌ సిరీస్‌లో ఆస్ట్రేలియా 4-1తో ఇంగ్లండ్‌పై నెగ్గింది. రూల్‌ ప్రకారం యాషెస్‌ సిరీస్‌ ఎప్పుడు జరిగినా సిరీస్‌ డ్రాగా ముగిస్తే గత ఎడిషన్‌లో ట్రోఫీ సాధించిన జట్టు వద్దే యాషెస్‌ ఉంటుంది. ఈ లెక్కన ఆస్ట్రేలియా చివరి టెస్టులో ఓడినా, డ్రా అయినా యాషెస్‌ మాత్రం వారి వద్దే ఉంటుంది. ఇక ఇంగ్లండ్‌ చివరిసారి 2015లో యాషెస్‌ దక్కించుకుంది. స్టోక్స్‌ సారధ్యంలో బజ్‌బాల్‌ ఆటతీరుతో దూకుడుగా కనిపిస్తున్న ఇంగ్లండ్‌ ఈసారి కచ్చితంగా యాషెస్‌ గెలుస్తుందని అంతా భావించారు. కానీ డిఫెండింగ్‌ ఛాంపియన్‌ ఆటతీరు ప్రదర్శించిన ఆస్ట్రేలియా తొలి రెండు టెస్టుల్లో నెగ్గి ఇంగ్లండ్‌పై ఆధిపత్యం ప్రదర్శించింది. మూడో టెస్టులో ఓడినప్పటికి.. నాలుగో టెస్టులో ఇంగ్లండ్‌ దూకుడు చూపించినా.. వరుణుడి ఆటంకం, లబుషేన్‌ అద్భుత సెంచరీతో మ్యాచ్‌ డ్రాగా ముగిసింది. చదవండి: Kylian Mbappe: మొన్న 9వేల కోట్లు.. ఇవాళ 2700 కోట్లు; ఎవరికి అర్థంకాని ఎంబాపె! World cup 2023: భారత్, పాకిస్తాన్ మ్యాచ్‌కు ఫుల్‌ డిమాండ్‌.. 10 సెకన్లకు 30 లక్షలు!

Ben Stokes Ends Retirement U-turn speculation: ఇంగ్లండ్‌ అభిమానుల ఆశలపై వన్డే వరల్డ్‌కప్‌-2019 హీరో బెన్‌ స్టోక్స్‌ నీళ్లు చల్లాడు. ఈ ఏడాది జరుగనున్న మెగా టోర్నీకి అందుబాటులో ఉండే అవకాశమే లేదని కుండబద్దలు కొట్టాడు. యాషెస్‌ సిరీస్‌ ముగిసిన తర్వాత తాను హాలిడే ట్రిప్‌నకు వెళ్లనున్నట్లు తెలిపాడు. కాగా స్వదేశంలో 2019లో జరిగిన ప్రపంచకప్‌ ఈవెంట్లో ఇంగ్లండ్‌ తొలిసారి చాంపియన్‌గా అవతరించిన విషయం తెలిసిందే. లండన్‌లో న్యూజిలాండ్‌తో జరిగిన ఫైనల్‌లో నరాలు తెగే ఉత్కంఠ నడుమ.. స్టోక్స్‌ సూపర్‌ ఇన్నింగ్స్‌ కారణంగా మ్యాచ్‌ టై అయింది. దీంతో సూపర్‌ ఓవర్‌ నిర్వహించగా విజయం ఇంగ్లండ్‌ను వరించింది. అదే మొదటిసారి ఈ నేపథ్యంలో ఇయాన్‌ మోర్గాన్‌ సారథ్యంలోని ఇంగ్లిష్‌ జట్టు మొట్టమొదటిసారి ప్రపంచకప్‌ ట్రోఫీని ముద్దాడింది. ఈసారి భారత్‌ వేదికగా అక్టోబరు 5 నుంచి మొదలుకానున్న ఈ ఐసీసీ టోర్నీలో డిఫెండింగ్‌ చాంపియన్‌గా బరిలోకి దిగనుంది.  ఊహించని నిర్ణయంతో ఇదిలా ఉంటే.. అభిమానులు, జట్టుకు ఊహించని షాకిస్తూ స్టోక్స్‌ గతేడాది వన్డేలకు గుడ్‌ బై చెప్పిన సంగతి తెలిసిందే. దీంతో అతడు లేకుండానే ఈసారి ఇంగ్లండ్‌ ప్రపంచకప్‌ ఆడనుంది. అయితే, ఇటీవల.. ఇంగ్లండ్‌ పరిమిత ఓవర్ల కోచ్‌ మాథ్యూ మాట్‌, కెప్టెన్‌ జోస్‌ బట్లర్‌.. ఈ ఆల్‌రౌండర్‌ను ఉద్దేశించి చేసిన వ్యాఖ్యలు అభిమానుల్లో ఆశలు రేపాయి. రిటైర్మెంట్‌ వెనక్కి బెన్‌ స్టోక్స్‌ తన రిటైర్మెంట్‌ను వెనక్కి తీసుకునే అవకాశాలు ఉన్నాయట్లు వాళ్లు సంకేతాలు ఇచ్చారు. ఈ విషయమై తాజాగా స్టోక్స్‌ను ప్రశ్నించగా.. ‘‘నేను రిటైర్‌ అయ్యాను. ఈ టెస్టు ముగిసిన తర్వాత నేను సెలవులు తీసుకుంటాను. ఇప్పటికైతే ఇంతవరకే నేను ఆలోచిస్తున్నాను’’ అని సమాధానమిచ్చాడు. దీంతో స్టోక్స్‌ వన్డే వరల్డ్‌కప్‌ ఆడే ఛాన్స్‌ లేదని స్పష్టమైంది.  యాషెస్‌లో మాత్రం కాగా ఇంగ్లండ్‌ టెస్టు సారథిగా జో రూట్‌ నుంచి పగ్గాలు చేపట్టిన తర్వాత బజ్‌బాల్‌ విధానంతో స్టోక్స్‌ జట్టును ముందుకు నడిపిస్తున్నాడు. కోచ్‌ బ్రెండన్‌ మెకల్లమ్‌తో కలిసి దూకుడైన ఆటతో ప్రత్యర్థులను వణికిస్తున్నారు. అయితే, స్వదేశంలో ఆస్ట్రేలియాతో ప్రతిష్టాత్మక యాషెస్‌ సిరీస్‌లో మాత్రం వారి పప్పులు ఉడకలేదు. ఇప్పటికే 2-1తో ఆధిక్యంలో ఉన్న ఆసీస్‌ ట్రోఫీని తమ వద్దే పెట్టుకునే అర్హత సాధించింది. ఇదిలా ఉంటే.. ఇంగ్లండ్‌- ఆసీస్‌ మధ్య గురువారం నిర్ణయాత్మక ఐదో టెస్టు జరుగనుంది. లండన్‌లోని ప్రఖ్యాత ఓవల్‌ మైదానం ఇందుకు వేదిక.  చదవండి: చరిత్రకు అడుగు దూరంలో రోహిత్‌ శర్మ.. అలా అయితే సచిన్‌, గంగూలీ!

5 మ్యాచ్‌ల యాషెస్‌ సిరీస్‌లో చివరి టెస్ట్‌కు ముందు టీమ్‌ ఇంగ్లండ్‌ కీలక నిర్ణయం తీసుకుంది. నాలుగో టెస్ట్‌లో ఆడిన 14 మంది సభ్యుల జట్టునే ఐదో టెస్ట్‌లోనూ కొనసాగిస్తున్నట్లు ప్రకటించింది. సిరీస్‌లో 1-2తో వెనుపడినప్పటికీ ఎలాంటి మార్పులు చేయకుండా మొండిగా ముందుకెళ్తుంది. గత మ్యాచ్‌లో ఎలాంటి ప్రభావం చూపలేకపోయిన జేమ్స్‌ ఆండర్సన్‌ను సైతం కొనసాగించి సాహసోపేతమైన నిర్ణయం తీసుకుంది. వయసు మీద పడి జట్టుకు ఏమాత్రం ఉపయోగపడలేకపోతున్న ఆండర్సన్‌ను అయినా తప్పిస్తారని అంతా ఊహించినప్పటికీ.. ఇంగ్లీష్‌ మేనేజ్‌మెంట్‌ మాత్రం అనుభవజ్ఞుడైన ఆండర్సన్‌ను జట్టులో కొనసాగించేందుకు మొగ్గు చూపింది. తుది జట్టులో ఆండర్సన్‌కు అవకాశం ఇస్తుందో లేదో తెలీదు కానీ, 14 మంది సభ్యుల జట్టులో అతన్ని కొనసాగించి సంచలన నిర్ణయమే తీసుకుంది. ఎలాగూ యాషెస్‌ చేజారింది ​కాబట్టి, ఆండర్సన్‌ను ఆఖరి టెస్ట్‌ బరిలోకి దించి అతనిచే బలవంతంగా రిటైర్మెంట్‌ ప్రకటన చేయించాలని అనుకుంటుదేమో కాని, మొత్తానికి ఆండర్సన్‌ను కొనసాగించి ఇంగ్లండ్‌ టీమ్‌ పెద్ద సాహసమే చేసింది.  కాగా, నాలుగో టెస్ట్‌లో ఇంగ్లండ్‌ చేతి దాకా వచ్చిన గెలుపు వరుణుడి కారణంగా చేజారింది. ఆఖరి రోజు ఇంగ్లండ్‌ బౌలర్లు మరో 5 వికెట్లు తీస్తే మ్యాచ్‌ గెలిచే అవకాశంతో పాటు సిరీస్‌ అవకాశాలు కూడా సజీవంగా ఉండేవి. అయితే ఎడతెరిపి లేని వర్షం కారణంగా ఆఖరి రోజు ఆట పూర్తిగా తుడిచిపెట్టుకుపోయింది. దీంతో అంపైర్లు మ్యాచ్‌ను డ్రా గా ప్రకటించారు. డిఫెండింగ్‌ ఛాంపియన్‌ హోదాలో ఆసీస్‌ యాషెస్‌ను నిలబెట్టుకుంది. అంతకుముందు తొలి రెండు టెస్ట్‌ల్లో ఓటమిపాలైన ఇంగ్లండ్‌.. ఆతర్వాత అనూహ్యంగా పుంజుకుని మూడో టెస్ట్‌ల్లో విజయం సాధించి, నాలుగో టెస్ట్‌లో గెలుపు అంచుల వరకు వచ్చింది. నాలుగో టెస్ట్‌లో వరుణుడి పుణ్యమా అని ఆసీస్‌ ఓటమి బారి నుంచి తప్పించుకుని యాషెస్‌ను నిలబెట్టుకుంది. చివరిదైన ఐదో యాషెస్‌ టెస్ట్‌ కియా ఓవల్‌ వేదికగా జులై 27 నుంచి ప్రారంభమవుతుంది.  ఐదో యాషెస్‌ టెస్ట్‌ కోసం ఇంగ్లండ్‌ జట్టు.. బెన్‌ స్టోక్స్‌ (కెప్టెన్‌), మొయిన్‌ అలీ, జేమ్స్‌ ఆండర్సన్‌, జానీ బెయిర్‌స్టో, స్టువర్ట్‌ బ్రాడ్‌, హ్యారీ బ్రూక్‌, జాక్‌ క్రాలే, బెన్‌ డకెట్‌, డాన్‌ లారెన్స్‌, ఓలీ రాబిన్సన్‌, జో రూట్‌, జోష్‌ టంగ్‌, క్రిస్‌ వోక్స్‌, మార్క్‌ వుడ్‌

Ashes- 2023- England vs Australia, 4th Test: యాషెస్‌ సిరీస్‌లో భాగంగా ఆస్ట్రేలియాతో నాలుగో టెస్టులో ఇంగ్లండ్‌ ఓపెనర్‌ జాక్‌ క్రాలీ అద్భుతం చేశాడు. బజ్‌బాల్‌ విధానానికి అర్థం చెబుతూ 182 బంతుల్లో 189 పరుగులు సాధించాడు. అతడి ఇన్నింగ్స్‌లో 21 ఫోర్లు, 3 సిక్సర్లు ఉండటం విశేషం. మాంచెస్టర్‌లో వందకు పైగా స్ట్రైక్‌రేటుతో పరుగుల వరద పారించడం ద్వారా క్రాలీ వ్యక్తిగతంగా ఇప్పటికే ఎన్నో అరుదైన ఘనతలు సాధించాడు. ఇక నాలుగో స్థానంలో బ్యాటింగ్‌ చేసిన జో రూట్‌(84)తో కలిసి ఏకంగా ప్రపంచ రికార్డు సృష్టించాడు. కాగా ఈ మ్యాచ్‌లో మొయిన్‌ అలీ(54)తో కలిసి రెండో వికెట్‌కు 121 పరుగులు జోడించిన క్రాలీ.. మాజీ సారథి జో రూట్‌తో కలిసి 206 పరుగుల భాగస్వామ్యం నమోదు చేశాడు. అయితే, 178 బంతుల్లోనే ఈ మేరకు మూడో వికెట్‌కు భారీగా పరుగులు జోడించడం విశేషం. ఈ క్రమంలో క్రాలీ- రూట్‌ జోడీ వరల్డ్‌ రికార్డు సాధించింది. టెస్టు క్రికెట్‌ చరిత్రలో అత్యంత వేగంగా డబుల్‌ సెంచరీ పార్ట్‌నర్‌షిప్‌ సాధించిన జంటగా నిలిచింది. ఈ క్రమంలో తమ సహచర ఆటగాళ్లు జానీ బెయిర్‌స్టో- బెన్‌స్టోక్స్‌ పేరిట ఉన్న రికార్డు బద్దలు కొట్టింది. టెస్టు క్రికెట్‌లో అత్యంత వేగంగా డబుల్‌ సెంచరీ పార్ట్‌నర్‌షిప్‌ నమోదు చేసిన జోడీలివే! 1.జాక్‌ క్రాలీ- జో రూట్‌: మాంచెస్టర్‌, 2023- ఆస్ట్రేలియా మీద 206(178) 2.జానీ బెయిర్‌స్టో- బెన్‌ స్టోక్స్‌: కేప్‌టౌన్‌, 2016- సౌతాఫ్రికా మీద- 399 (306) 3.ఆడం గిల్‌క్రిస్ట్‌- మాథ్యూ హెడెన్‌: పెర్త్‌, 2002- జింబాబ్వే మీద- 233 (203) 4.జాక్‌ క్రాలీ- బెన్‌ డకెట్‌- రావల్పిండి: 2022- పాకిస్తాన్‌ మీద- 233 (214) 5.జో బర్న్స్‌- డేవిడ్‌ వార్నర్‌- బ్రిస్బేన్‌:  2015- న్యూజిలాండ్‌ మీద- 237 (226) 6. ఏబీ డివిల్లియర్స్‌- గ్రేమ్‌ స్మిత్‌- కేప్‌టౌన్‌: 2005- జింబాబ్వే మీద- 217 (209). చదవండి: మొన్న రుతురాజ్‌ గైక్వాడ్‌.. ఇప్పుడు టీమిండియాకు మరో కొత్త కెప్టెన్‌! ఆసియా కప్‌-2023 ఫైనల్‌కు చేరిన పాకిస్తాన్‌.. A fourth Test century, coming in just 93 balls 💯 Take a bow, Zak Crawley! 👏 🏴󠁧󠁢󠁥󠁮󠁧󠁿 #ENGvAUS 🇦🇺 | @IGcom pic.twitter.com/25Nah8QBTh — England Cricket (@englandcricket) July 20, 2023

బజ్‌బాల్‌ అప్రోచ్‌ విషయంలో, యాషెస్‌ సిరీస్‌ నెగ్గే విషయంలో ఇంగ్లండ్‌ కెప్టెన్‌ బెన్‌ స్టోక్స్‌ ఏమాత్రం తగ్గేదేలేదంటున్నాడు. ఎట్టి పరిస్థితుల్లో యాషెస్‌ సిరీస్‌ గెలుస్తామని ధీమాగా చెబుతున్నాడు. నాలుగో టెస్ట్‌కు ముందు ఏర్పాటు చేసిన మీడియా సమావేశంలో స్టోక్స్‌ మాట్లాడుతూ.. సిరీస్‌ అవకాశాలు సజీవంగా ఉంచే నాలుగో టెస్ట్‌లో ఎలాగైనా గెలిచి తీరతామని.. ఆసీస్‌ ఆధిక్యాన్ని 0-2 నుంచి 1-2కు తగ్గించాం, దీన్ని 2-2కు తీసుకువచ్చి, 3-2గా ముగిస్తామని విశ్వాసం వ్యక్తం చేశాడు. నాలుగో టెస్ట్‌ మొత్తానికి వర్షం ముప్పు పొంచి ఉందన్న వాతావరణ శాఖ హెచ్చరికలపై స్పందిస్తూ.. వాస్తవానికి మేము వాతావరణం గురించి ఆలోచించం. అయితే ప్రస్తుతం మేమున్న పరిస్థితుల్లో ఈ అంశాన్ని కూడా పరిగణలోకి తీసుకుంటాం. వరుణుడు ఇబ్బంది పెడితే తమ సాధారణ ఆటలో శృతి పెంచి, ఫలితం సాధిస్తామని  చెప్పాడు. తప్పక గెలవాల్సిన మూడో టెస్ట్‌కు ముందు కూడా వర్షం ఇలానే మమ్మల్ని బయపెట్టిందని, అదే తమలోని అత్యుత్తమ ఆటతీరును వెలికి తీసి విజయం సాధించేలా చేసిందని తెలిపాడు.   కాగా, నాలుగో టెస్ట్‌కు వేదిక అయిన ఓల్డ్‌ ట్రాఫర్డ్‌, మాంచెస్టర్‌లో మరో వారం రోజుల పాటు వర్షాలు కురుస్తాయని వాతావరణ శాఖ హెచ్చరికలు జారీ చేసింది. మ్యాచ్‌ తొలి రోజు (జులై 19) వర్షం పడే అవకాశాలు కాస్త అటు ఇటుగా ఉన్నా, మిగతా నాలుగు రోజుల్లో మ్యాచ్‌కు ముందు, మ్యాచ్‌ జరిగే సమయంలో ఓ మోస్తరుకు మించి భారీ వర్షాలు కురుస్తాయని వాతావరణ శాఖ తమ నివేదికలో పేర్కొంది. వర్షం కురువని సమయంలో గాలి వేగం అధికంగా ఉంటుందని తెలిపింది.  ఇదిలా ఉంటే, వర్షం కురువకుండా గాలి వేగం అధికంగా ఉంటే ఫాస్ట్‌ బౌలర్లు రెచ్చిపోతారు. ముందస్తు వాతావరణ హెచ్చరికల కారణంగానే ఇరు జట్లు స్పిన్నర్లను పక్కకు పెట్టి, కేవలం పేస్‌ దళంతోనే బరిలో​కి దిగుతున్నారు. ఆల్‌రౌండర్లతో కలిపి ఇరు జట్లు ఐదుగురు పేసర్లతో కత్తులు దూసేందుకు సిద్ధమవుతున్నారు.  ఇంగ్లండ్‌: బెన్‌ డకెట్‌, జాక్‌ క్రాలే, మొయిన్‌ అలీ, జో రూట్‌, హ్యారీ బ్రూక్‌, బెన్‌ స్టోక్స్‌, జోనాథన్‌ బెయిర్‌స్టో, క్రిస్‌ వోక్స్‌, మార్క్‌ వుడ్‌, స్టువర్ట్‌ బ్రాడ్‌, జేమ్స్‌ ఆండర్సన్‌  ఆస్ట్రేలియా: డేవిడ్‌ వార్నర్‌, ఉస్మాన్‌ ఖ్వాజా, లబూషేన్‌, స్టీవ్‌ స్మిత్‌, ట్రవిస్‌ హెడ్‌, మిచెల్‌ మార్ష్‌, కెమరూన్‌ గ్రీన్‌, అలెక్స్‌ క్యారీ, మిచెల్‌ స్టార్క్‌, పాట్‌ కమిన్స్‌, జోష్‌ హాజిల్‌వుడ్‌

యాషెస్‌ సిరీస్‌ ఆశలను ఇంగ్లండ్‌ సజీవంగా నిలుపుకుంది. లీడ్స్‌ వేదికగా జరిగిన యాషెస్‌ మూడో టెస్టులో ఆస్ట్రేలియాపై 3 వికెట్ల తేడాతో ఇంగ్లండ్‌ విజయం సాధించింది. తద్వారా ఆస్ట్రేలియా అధిక్యాన్ని 2-1కు ఇంగ్లండ్‌  తగ్గించింది. ఇంగ్లండ్‌ విజయంలో ఆ జట్టు మిడిలార్డర్‌ బ్యాటర్‌ హ్యారీ బ్రూక్‌(75) కీలక పాత్ర పోషించాడు. అతడితో పాటు ఆల్‌రౌండర్‌ క్రిస్‌ వోక్స్‌(32 నాటౌట్‌) కీలక ఇన్నింగ్స్‌ ఆడాడు. ఇక ఈ విజయంతో ఇంగ్లండ్‌ కెప్టెన్‌ బెన్‌ స్టోక్స్‌ ప్రపంచరికార్డు. టెస్టు క్రికెట్‌లో 250 ప్లస్‌ టార్గెట్‌ను అత్యధిక సార్లు ఛేజింగ్‌ చేసిన జట్టుకు కెప్టెన్‌గా స్టోక్స్‌ నిలిచాడు. ఇప్పటివరకు స్టోక్స్‌ సారధ్యంలో ఇంగ్లండ్‌ జట్టు ఐదు సార్లు 250 పైగా లక్ష్యాన్ని ఛేదించింది. అంతకుముందు ఈ రికార్డు భారత మాజీ కెప్టెన్‌ ఎంఎస్‌ ధోని పేరిట ఉండేది. ధోని సారధ్యంలో టీమిండియా నాలుగు సార్లు  250 పైగా టార్గెట్‌ను ఛేజ్‌ చేసింది. తాజా మ్యాచ్‌తో ధోని రికార్డును స్టోక్స్‌ బ్రేక్‌ చేశాడు. ఆ తర్వాతి స్ధానంలో ఆసీస్‌ మాజీ కెప్టెన్ రికీ పాంటింగ్‌, వెస్టిండీస్‌ దిగ్గజం బ్రియాన్‌ లారా ఉన్నారు. వీరిద్దరూ మూడు సార్లు 250 పైగా పరుగులు ఛేజింగ్‌ చేసిన జట్లకు కెప్టెన్‌లగా నిలిచారు.

లీడ్స్‌: ‘యాషెస్‌’ సిరీస్‌ మూడో టెస్టు రసవత్తర ముగింపునకు సిద్ధమైంది. 251 పరుగుల లక్ష్యంతో రెండో ఇన్నింగ్స్‌ బరిలోకి దిగిన ఇంగ్లండ్‌ మ్యాచ్‌ మూడో రోజు ఆట ముగిసే సమయానికి 5 ఓవర్లలో వికెట్‌ నష్టపోకుండా 27 పరుగులు చేసింది. డకెట్‌ (18 నాటౌట్‌), క్రాలీ (9 నాటౌట్‌) క్రీజ్‌లో ఉన్నారు. ఆ జట్టు మరో 224 పరుగులు చేయాల్సి ఉంది. లక్ష్యం చిన్నదిగానే కనిపిస్తున్నా పిచ్‌ బ్యాటింగ్‌కు కష్టంగా మారుతున్న స్థితిలో ఆసీస్‌ పదునైన బౌలింగ్‌ను ఎదుర్కొని ఇంగ్లండ్‌ ఎలా ఛేదిస్తుందనేది ఆసక్తికరం. శనివారం వాన టెస్టుకు తీవ్ర అంతరాయం కలిగించింది. వర్షం కారణంగా తొలి సెషన్‌లో ఆట పూర్తిగా తుడిచిపెట్టుకుపోగా... మొత్తం 25.1 ఓవర్ల ఆట మాత్రమే సాధ్యమైంది. ఓవర్‌నైట్‌ స్కోరు 116/4తో ఆట కొనసాగించిన ఆ్రస్టేలియా తమ రెండో ఇన్నింగ్స్‌లో 224 పరుగులకు ఆలౌటైంది. ఇంగ్లండ్‌ బౌలర్లు చెలరేగిపోవడంతో ఆసీస్‌కు పరుగులు రావడం కష్టంగా మారింది. 20.1 ఓవర్లలోనే ఆ జట్టు మిగిలిన 6 వికెట్లు కోల్పోయింది.  అయితే ప్రతికూల పరిస్థితుల్లోనూ ట్రవిస్‌ హెడ్‌ (112 బంతుల్లో 77; 7 ఫోర్లు, 3 సిక్స్‌లు) పట్టుదలగా ఆడి అర్ధ సెంచరీ సాధించాడు. అతనికి కొద్ది సేపు మిచెల్‌ మార్‌‡్ష (28) అండగా నిలిచాడు. ఇంగ్లండ్‌ బౌలర్లలో బ్రాడ్, వోక్స్‌ చెరో 3 వికెట్లు పడగొట్టగా...మొయిన్‌ అలీ, మార్క్‌వుడ్‌ చెరో 2 వికెట్లు తీశారు.  

The Ashes, 2023- England vs Australia, 3rd Test- Day 2- లీడ్స్‌: యాషెస్‌ సిరీస్‌ మూడో టెస్టు ఆసక్తికర మలుపులతో సాగుతోంది. రెండో రోజు కూడా ఇంగ్లండ్, ఆస్ట్రేలియా పోటాపోటీగా పోరాడాయి. రెండో రోజు నాటి శుక్రవారం ఆట ముగిసే సమయానికి ఆస్ట్రేలియా తమ రెండో ఇన్నింగ్స్‌లో 4 వికెట్లు కోల్పోయి 116 పరుగులు చేసింది. ఉస్మాన్‌ ఖవాజా (43), డేవిడ్‌ వార్నర్‌ (1), మార్నస్‌ లబుషేన్‌ (33), స్టీవ్‌ స్మిత్‌ (2) పెవిలియన్‌ చేరారు. ప్రస్తుతం ఆసీస్‌ ఓవరాల్‌ ఆధిక్యం 142 పరుగులకు చేరింది.  స్టోక్స్‌ దూకుడు అంతకుముందు ఓవర్‌నైట్‌ స్కోరు 68/3తో ఆట కొనసాగించిన ఇంగ్లండ్‌ తమ తొలి ఇన్నింగ్స్‌లో 237 పరుగులకు ఆలౌటైంది. ఫలితంగా ఆస్ట్రేలియాకు 26 పరుగుల స్వల్ప ఆధిక్యం లభించింది. కెప్టెన్‌ బెన్‌ స్టోక్స్‌ (80; 6 ఫోర్లు, 5 సిక్స్‌లు)  ఒంటిచేత్తో జట్టుకు గౌరవప్రదమైన స్కోరు అందించాడు. చివర్లో మార్క్‌ వుడ్‌ (8 బంతుల్లో 24; 1 ఫోర్, 3 సిక్స్‌లు) మెరుపులు ఇంగ్లండ్‌ భారీ ఆధిక్యం కోల్పోకుండా కాపాడాయి. ఇక ఆసీస్‌ కెప్టెన్‌ కమిన్స్‌ (6/91) రాణించాడు. రెండో రోజు ఆట ముగిసే సరికి నాలుగు వికెట్లు కోల్పోయిన ఆసీస్‌ 142 పరుగుల ఆధిక్యంలో ఉంది.  గెలవగలిగే స్థితిలోనే ఉన్నాం ఈ నేపథ్యంలో ఇంగ్లండ్‌ స్పిన్‌ ఆల్‌రౌండర్‌ మొయిన్‌ అలీ బీబీసీతో మాట్లాడుతూ ఆసక్తికర వ్యాఖ్యలు చేశాడు. యాషెస్‌ సిరీస్‌ మూడో టెస్టులో తామింకా గెలవగలిగే స్థితిలోనే ఉన్నామని ధీమా వ్యక్తం చేశాడు. వికెట్‌ బాగుందని.. తమ జట్టు కచ్చితంగా ఈ మ్యాచ్‌లో పైచేయి సాధిస్తుందని పేర్కొన్నాడు.  తొలి ఇన్నింగ్స్‌లో 200 మార్కు దాటడం తమలో సానుకూల దృక్పథం నింపిందన్నాడు. ఐదు మ్యాచ్‌ల సిరీస్‌లో తిరిగి పుంజుకుంటామని విశ్వాసం వ్యక్తం చేశాడు. రెండు వికెట్లు పడగొట్టి ఇక ఆసీస్‌ రెండో ఇన్నింగ్స్‌లో ఆరంభం నుంచే తాను దూకుడు ప్రదర్శించాలని నిర్ణయించుకున్నానన్న అలీ.. రెండు వికెట్లు తీయడం సంతోషంగా ఉందని హర్షం వ్యక్తం చేశాడు. కాగా రెండో రోజు ఆటలో మొయిన్‌ అలీ లబుషేన్‌, స్మిత్‌ వికెట్లు పడగొట్టగా.. ఓపెనర్లు ఉస్మాన్‌ ఖవాజాను క్రిస్‌ వోక్స్‌, డేవిడ్‌ వార్నర్‌ను స్టువర్ట్‌ బ్రాడ్‌ పెవిలియన్‌కు పంపారు. ఇదిలా ఉంటే.. యాషెస్‌ తొలి రెండు టెస్టుల్లో పర్యాటక ఆసీస్‌ విజయం సాధించి 2-0తో ముందంజలో ఉన్న విషయం తెలిసిందే. చదవండి: టీమిండియాతో సిరీస్‌కు జట్టును ప్రకటించిన విండీస్‌.. ఆ ఇద్దరు తొలిసారి