టీడీపీలో భగ్గుమన్న విభేదాలు

పాతపట్నం,న్యూస్‌లైన్: నియోజకవర్గ కేంద్రమైన పాతపట్నం మండలంలో గత కొద్ది కాలంగా టీడీపీ శ్రేణుల మధ్య వర్గపోరు ఊపందుకొంది. దీనికి తోడు నియోజకవర్గ ఇన్‌చార్జి నియామకంలో ఆ పార్టీ అధినేత చంద్రబాబు నాయుడు చేసిన తాత్సారం టీడీపీ అభిమానులకు నిరాశ కలిగించింది. పంచాయతీ ఎన్నికల కోసం పార్టీ మద్దతుదారులను ఎన్నుకోలేని పరిస్థితి చాలా చోట్ల ఏర్పడింది. దీంతో పంచాయతీలో విజయం కోసం హడావుడిగా కొవగాపు సుధాకర్ రావును నియోజక వర్గ ఇన్‌చార్జిగా నియమించారు. ఐతే సుధాకర్‌రావు సర్పంచ్ అభ్యర్థులుగా పోటీచేసిన టీడీపీ మద్దతుదారుల గెలుపునకు ఏ మాత్రం కృషి చేయలేదని పాతపట్నం మండల టీడీపీ అధ్యక్షుడు కొంచాడ వీరభద్రరావుతో పాటు పలువరు టీడీపీ సీనియర్ నాయకులు బాహాటంగానే విమర్శించారు.