రోడ్డు భద్రతకు సేఫ్టీ మిర్రర్‌

సమాజంలో ప్రతి ఒక్కరికీ ఒక కుటుంబం ఉంటుంది. భార్యాపిల్లలు, తల్లిదండ్రులు, అన్నా చెల్లెల్లు ఉంటారు. వారి మధ్య మమకారాలు, అనుబంధాలు ఉంటాయి. భావోద్వేగాలు ఉంటాయి. కుటుంబంలో దురదృష్టవశాత్తూ ఏదైనా ప్రమాదం జరిగితే కుటుంబ యజమానికో, చేతికందివచ్చిన కొడుకుకో జరగరానిది జరిగితే ఆ కుటుంబం పరిస్థితి తలకిందులవుతుంది. ఆర్థికంగా నిలదొక్కుకోని కుటుంబమైతే భార్యాబిడ్డలు రోడ్డున పడతారు. రోడ్డు ప్రమాదాలలో చాలా కుటుంబాలు ఇలాగే నష్టపోతున్నాయి. ఆ విషాదం నుంచి కోలుకోలేని కుటుంబాలెన్నో ఉన్నాయి. ఒక్కొక్కరిని కదిలిస్తే చాలు.. కన్నీటి ప్రవాహాలవుతుంటారు. వారిని చూసినప్పుడల్లా గుండె తరుక్కుపోతుంటుంది. ప్రయాణాలు చేసే సమయంలో ఏ చిన్న పొరపాటు కూడా జరగకుండా ముందస్తు జాగ్రత్తలు తీసుకోవాలని చెబుతుంటాను. రోడ్డు ప్రమాదాలను అరికట్టేందుకు ఇటీవల అనేక చర్యలు తీసుకున్నానన్నారు ఎస్పీ హర్షవర్థన్‌రాజు.