Varun Tej’s 1st Pan India Film Titled as Matka - Sakshi
Sakshi News home page

Varun Tej Pan India Movie: వరుణ్‌ తేజ్‌ పాన్‌ ఇండియా మూవీకి ఇంట్రెస్టింగ్‌ టైటిల్‌!

Published Thu, Jul 27 2023 2:05 PM

VT14:Varun Tej, Karuna Kumar Pan India Movie Titled Matka Launched - Sakshi

మెగా ఫ్యామిలీ నుంచి వచ్చినా.. విభిన్నమైన కథలను ఎంచుకుంటూ టాలీవుడ్‌లో తనకంటూ ఓ ప్రత్యేక గుర్తింపు  తెచ్చుకున్నాడు వరుణ్‌ తేజ్‌. చేసినవి తక్కువ సినిమాలే అయినా.. ప్రతి సినిమాలో వైవిధ్యం ఉండేలా చూసుకుంటాడు. ప్రస్తుతం  ఈ మెగా ప్రిన్స్‌ ‘గాండీవధారి అర్జున’అనే సినిమాలో నటిస్తున్నాడు. ప్రవీణ్‌ సత్తారు దర్శకత్వం వహిస్తున్న ఈ చిత్రం ఆగస్ట్‌ 25న ప్రేక్షకుల ముందుకు రానుంది. ఇప్పటికే షూటింగ్‌ పూర్తయింది. ప్రస్తుతం నిర్మాణానంతర కార్యక్రమాలు జరుగుతున్నాయి. ఇంతలోనే తన కొత్త సినిమా అప్‌డేట్‌ ఇచ్చాడు వరుణ్‌ తేజ్‌.

(చదవండి: ఈ హీరోయిన్‌ని గుర్తుపట్టారా? తెలుగులో చేసింది ఒకటే సినిమా!)

‘గాండీవధారి అర్జున’తర్వాత వరుణ్‌, ‘పలాస’ ఫేమ్‌ కరుణకుమార్‌ దర్శకత్వంలో ఓ సినిమా చేస్తున్నాడు. తాజాగా ఈ చిత్రం టైటిల్‌ని అనౌన్స్‌ చేశారు. కొత్త సినిమాకు ‘మట్కా’అనే టైటిల్‌ని ఖరారు చేసినట్లు వెల్లడించారు. 1975 నేపథ్యంలో ఈ చిత్రం తెరకెక్కుతున్నట్లు తెలుస్తోంది. మట్కా ఆట ప్రధానంగా ఈ సినిమా తెరకెక్కుతుందని చిత్ర యూనిట్‌ పేర్కొంది. పాన్‌ ఇండియా స్థాయిలో తెరకెక్కుతున్న ఈ చిత్రంలో మీనాక్షి చౌదరి హీరోయిన్‌గా నటించగా, నోరా ఫతేహి కీలక పాత్ర పోషించారు.

Advertisement
 
Advertisement
 
Advertisement