సోలార్‌ కాంట్రాక్టుల్లో అవకతవకలేమీ జరగలేదు

న్యూఢిల్లీ: సౌర విద్యుత్‌ కాంట్రాక్టులు దక్కించుకునే విషయంలో తాము ఎలాంటి అవకతవకలకు పాల్పడలేదంటూ స్వతంత్ర దర్యాప్తులో తేలిందని అదానీ గ్రీన్‌ వెల్లడించింది. 

సౌర విద్యుత్‌ కాంట్రాక్టుల కోసం భారత్‌లో ప్రభుత్వ వర్గాలకు లంచాలిచ్చారని, అమెరికన్‌ ఇన్వెస్టర్ల నుంచి నిధులు సమీకరించే క్రమంలో ఆ విషయాన్ని దాచిపెట్టారని అదానీ గ్రూప్‌ చైర్మన్‌ గౌతం అదానీ, ఆయన సోదరుడి కుమారుడు సాగర్‌ అదానీ, ఎండీ వినీత్‌ జైన్‌లపై అమెరికాలో అభియోగాలు మోపారు. అదానీ గ్రూప్‌ ఈ ఆరోపణలను ఖండించింది. స్వతంత్ర దర్యాప్తులో అవకతవకలు జరగలేదని వెల్లడైనట్లు అదానీ గ్రీన్‌ పేర్కొంది.