Nov 20th: చంద్రబాబు కేసు అప్‌డేట్స్‌

TDP Chandrababu Cases Petitions And Political Updates 20th November - Sakshi

చంద్రబాబుకు రెగ్యులర్‌ బెయిల్‌ ఇచ్చిన హైకోర్టు

సుప్రీంకోర్టులో క్వాష్‌ పిటిషన్‌పై త్వరలోనే తీర్పు

నవంబర్‌ 24 నుంచి నారా లోకేశ్‌ యువగళం

ఫైబర్‌నెట్‌ కేసులో ఆస్తుల అటాచ్‌మెంట్‌పై ఏసీబీ కోర్టులో విచారణ

TDP Chandrababu Cases Petitions And Political Updates..

4:35PM, Nov 20, 2023
చంద్రబాబుకు బెయిలే వచ్చింది.. నిర్దోషి అని తీర్పు కాదు: మంత్రి అంబటి
వచ్చింది బెయిలే... నిర్దోషి అని తీర్పు కాదు రెచ్చిపోయి ప్రభుత్వాన్నీ , ముఖ్యమంత్రి ని దూషిస్తున్నారు......... మూల్యం చెల్లిస్తారు !
 

4:25PM, Nov 20, 2023
చంద్రబాబు డైరెక్షన్‌లోనే స్కిల్‌ స్కామ్‌:  సజ్జల రామకృష్ణారెడ్డి
►చంద్రబాబుకు బెయిల్‌ రావడంతో ఎల్లో మీడియా హడావుడి చేస్తోంది
►​కోర్టు చేసిన వ్యాఖ్యలను ఎల్లో మీడియా చూపించడం లేదు
►ఎల్లో మీడియా ప్రజలకు తప్పుడు సమాచారాన్ని ఇస్తోంది
►స్కిల్‌ స్కామ్‌తో సంబంధం లేదని చంద్రబాబు నిరూపించుకోవాలి
►రాజకీయ సానుభూతి కోసం చంద్రబాబు ప్రయత్నిస్తున్నారు
►స్కిల్‌ డెవలప్‌మెంట్‌ స్కామ్‌ ఎలా జరిగిందో ఆధారాలున్నాయి
►ఆధారాలన్నీ సీఐడీ తరపు లాయర్లు కోర్టులో సమర్పించారు
►ప్రజల సొమ్మును షెల్‌ కంపెనీల పేరుతో దోచేశారు
►షెల్‌ కంపెనీల పేరుతో అవినీతి జరిగింది
►ఫేక్‌ ఇన్వాయిస్‌లతో రూ. 241 కోట్లు దోచేశారు
►కిలారి రాజేశ్‌, పెండ్యాల శ్రీనివాస్‌లకు నోటీసులిచ్చారు
►ఐటీ శాఖ నోటీసుల్లో అన్ని లింకులు బయటపడ్డాయి
►చంద్రబాబు డైరెక్షన్‌లోనే స్కిల్‌ స్కామ్‌ జరిగింది
►వివిధ స్టేజీల్లో స్కిల్‌ స్కామ్‌ ఫైళ్లపై చంద్రబాబు సంతకాలు పెట్టారు
►ఏ రోజు కూడా స్కిల్‌ స్కామ్‌ జరగలేదని చంద్రబాబు లాయర్లు వాదించలేదు
►గంటా సుబ్బారావును ఐదు పదవుల్లో కూర్చోబెట్టారు

3:40PM, Nov 20, 2023

చంద్రబాబు బెయిల్‌ ఆర్డర్‌లో ఏపీ హైకోర్టు కీలక వ్యాఖ్యలు
►స్కిల్‌ స్కాంలో చంద్రబాబు అరెస్టు రాజకీయ కక్ష అనడం సరికాదు
►చంద్రబాబు ముఖ్యమంత్రిగా ఉన్నప్పుడే స్కిల్‌ స్కామ్‌ కేసు వెలుగులోకి వచ్చిందన్న సీఐడీ వాదనతో ఏకీభవించిన హైకోర్టు
►ఇది బెయిల్‌ పిటిషన్‌ మాత్రమే కాబట్టి స్కిల్‌ స్కామ్‌ కేసు లోతుల్లోకి వెళ్లి పూర్తి విచారణ చేయాల్సిన అవసరం లేదు
►ట్రయల్‌ కోర్టులో కేసు విచారణ సందర్భంగా అన్ని అంశాలు లోతుగా విచారణకు వస్తాయి
►ఈ కేసులో పరారీలో ఉన్న చంద్రబాబు పీఏ పెండ్యాల శ్రీనివాస్‌ను చట్ట ప్రకారం విచారించాలి.

2:15 PM, Nov 20, 2023
స్కిల్‌ కేసులో చంద్రబాబుకు రెగ్యులర్‌ బెయిల్‌
►స్కిల్‌ కుంభకోణంలో చంద్రబాబు నాయుడికి రెగ్యులర్‌ బెయిల్‌
►రెగ్యులర్‌ బెయిల్‌ మంజూరు చేసిన రాష్ట్ర హైకోర్టు
►ఇప్పటికే ఆరోగ్య కారణాలతో బెయిల్‌ మీదున్న చంద్రబాబు
►పాత బెయిల్‌ ప్రకారం నవంబర్‌ 28న జైలుకు వెళ్లాల్సిన చంద్రబాబు
►నవంబర్‌ 28న వెళ్లాల్సిన అవసరం లేకుండా రెగ్యులర్‌ బెయిల్‌
►నవంబర్‌ 30న ACB కోర్టు ముందు చంద్రబాబు హాజరు కావాలని సూచించిన హైకోర్టు
►మధ్యంతర బెయిల్ మంజూరు సమయంలో షరతులు ఈనెల 28 వరకే వర్తిస్తాయి
►చికిత్సకు సంబంధించిన నివేదికను ఏసీబీ కోర్టులో అందించాలి
►ఈనెల 29 నుంచి రాజకీయ ర్యాలీలు, సభల్లో పాల్గొనవచ్చు
►సాక్షులను ప్రభావితం చేస్తారన్న ప్రాసిక్యుషన్ వాదనకు ఆధారాల్లేవు
►నిధులు విడుదల చేయమన్నంత మాత్రాన నేరంలో పాత్ర ఉందని చెప్పలేం
►ఉల్లంఘనలపై అధికారులు సీఎంకు చెప్పినట్లు ప్రాథమిక ఆధారాల్లేవు
►ఈ కేసు విచారణ మొదలయ్యాక 22 నెలలు చంద్రబాబు బయటే ఉన్నారు
►కొద్ది రోజుల ముందే కేసు నమోదు చేసి అరెస్ట్‌ చేశారు
►విచారణ కాలంలో కేసును ప్రభావితం చేశారనేందుకు ఒక్క ఆధారం లేదు

►స్కిల్‌ డెవలప్‌మెంట్‌ కుంభకోణంలో చంద్రబాబును సెప్టెంబర్‌ 9న అరెస్టు చేశారు. అదే రోజు ఏసీబీ కోర్టు రిమాండ్‌ విధించింది
►రిమాండ్‌ ఖైదీగా సెప్టెంబర్‌ 10 అర్ధరాత్రి 1.30 గంటలకు రాజమహేంద్రవరం సెం­ట్రల్‌ జైలుకు తరలించారు
►జైల్లో ఆయనకు ప్రత్యేకంగా స్నేహ బ్లాక్‌ కేటా­యించారు. ఏ గదిలో ఉంచారో భద్రతా కారణాల రీత్యా గోప్యంగా ఉంచారు
►కోర్టు ఆదేశాలతో రోజూ ఇంటి భోజనం, మందులు, అల్పాహారం ఆయ­­న ఇంటి నుంచే అందించే వెసులుబాటు కల్పించారు
►మొదట సెప్టెంబరు 22 వరకు చంద్రబాబు రిమాండ్‌లో ఉన్నారు. అనంతరం రెండు రోజులపాటు సీఐడీ కస్టడీకి అప్పగించారు 
►రాజమహేంద్రవరంసెంట్రల్‌ జైల్లోనే రెండురోజుల పాటు ఆయనను సీఐడీ అధికారులు విచారించారు. అన్నింటికీ ‘తెలియదు.. గుర్తులేదు.. మరిచిపోయా’ అనే తీరులో చంద్రబాబు సమాధానం చెప్పారు
►సెప్టెంబర్‌ 24న మరోసారి బాబుకు రిమాండ్‌. దీన్ని అక్టోబర్‌ 5 వరకు కొనసాగించారు
►జైల్లో దోమలు ఉన్నాయని, చంద్రబాబుకు ముప్పు పొంచి ఉందని ఎల్లో మీడియా దుష్ప్రచారానికి దిగింది
►చంద్రబాబుకు ముందు నుంచే ఉన్న చర్మ సమస్య జైల్లో ఇంకా పెరిగిపోయిందని ఎల్లో మీడియా కథనాలు అల్లింది. ఆయనకు వైద్యులతో ప్రత్యేక వైద్య బృందం ఏర్పాటు చేశారు.
►కోర్టు ఆదేశాల మేరకు చంద్రబాబుకు జైల్లో టవర్‌ ఏసీ వసతి కల్పించారు
►నిత్యం మూడుసార్లు వైద్య పరీక్షలతోపాటు ఒకసారి ఆయన కోసం ఏర్పాటు చేసిన ప్ర­త్యే­­క వైద్య బృందంతో పరీక్షలు
►చంద్రబాబు రిమాండ్‌ మరోసారి పొడిగింపు. అక్టోబర్‌ 5 నుంచి 19 వరకు ఏసీబీ కోర్టు జ్యుడిషియల్‌ రిమాండ్‌ పొడిగించింది
►వారానికి రెండుసార్లు బాబుతో ములాఖత్‌ అయిన ఆయన సతీమణి భువనేశ్వరి, కుమారుడు నారా లోకేశ్, కోడలు బ్రాహ్మణి
►తన కుడి కంటికి కాటరాక్ట్‌ సర్జరీ అవసరమని జైలు అధికారులకు తెలిపిన చంద్రబాబు. ఆయనకు జీజీహెచ్‌ వైద్యులతో పరీక్షలు చేయించిన అధికారులు
►బాబు ఆరోగ్య పరిస్థితి దృష్ట్యా  అక్టోబర్‌ 31వ తేదీన చంద్రబాబుకు మధ్యంతర బెయిల్‌ మంజూరు చేసిన హైకోర్టు.

2:15 PM, Nov 20, 2023
స్కిల్‌ స్కాంలో ఇప్పటివరకు ఏం జరిగింది?
►టీడీపీ ప్రభుత్వ హయాంలో జరిగిన స్కిల్‌ స్కాం
►నిరుద్యోగులకు శిక్షణ పేరిట తెరపైకి ఓ ఒప్పందం
►జర్మనీ కేంద్రంగా ఉన్న ప్రఖ్యాత టెక్నాలజీ కంపెనీ సీమెన్స్‌తో ఒప్పందం అంటూ ప్రచారం
►సీమెన్స్‌ 90% ఇస్తుందని, తాము కేవలం 10% మాత్రమే చెల్లించాలని అప్పటి టిడిపి ప్రభుత్వం ప్రచారం
►ఆఘామేఘాల మీద 10% వాటా కింద రూ.371 కోట్లు మధ్యవర్తి కంపెనీలకు చెల్లింపు
►అధికారులు అంగీకరించకపోయినా బలవంతం చేసిన చంద్రబాబు, స్వయంగా 13 చోట్ల సంతకాలు, ఇదే విషయాన్ని ఫైళ్లలో రాసిన అధికారులు
►షెల్ కంపెనీల ద్వారా  రూ 241 కోట్ల పక్కదారి
►విచారణలో అసలు తమకు ఒప్పందంతో సంబంధమే లేదని లిఖిత పూర్వకంగా తెలిపిన సీమెన్స్‌
►పన్ను చెల్లించకపోవడంతో కుట్రను గమనించిన డైరెక్టరేట్ జనరల్ (GST ఇంటెలిజెన్స్)
►ఆధారాలు సేకరించి నాటి చంద్రబాబు ప్రభుత్వానికి కుంభకోణం జరిగిందని తెలిపిన GST
►విషయం బయటకు రావడంతో తేలు కుట్టిన దొంగలా చంద్రబాబు
►స్వయంగా దర్యాప్తు చేయడంతో పాటు రాష్ట్ర ప్రభుత్వాన్ని అప్రమత్తం చేసిన GST శాఖ
►నిధులన్నీ సూట్‌కేస్‌ కంపెనీల ద్వారా పక్కదారి పట్టాయని గుర్తించిన ఇన్‌కమ్‌టాక్స్‌ శాఖ
►కొల్లగొట్టిన సొమ్ములో రూ. 27 కోట్లు నేరుగా టీడీపీ బ్యాంకు ఖాతాకు చేరినట్టు బ్యాంకు స్టేట్‌మెంట్లను గుర్తించిన CID
►రికార్డులను ఏసీబీ కోర్టుకు సమర్పించిన సీఐడి
►ఈ కుంభకోణంపై జాతీయ దర్యాప్తు సంస్థ ఈడీ విచారణ చేపట్టి పలువురి అరెస్ట్
►చంద్రబాబుపై 120(బి), 166, 167,418, 420, 465, 468, 201, 109, రెడ్‌ విత్‌ 34 and 37 ఐపీసీ సెక్షన్ల కింద కేసు నమోదు
►సీఆర్‌పీసీ సెక్షన్ 50(1) కింద నోటీస్ ఇచ్చిన సీఐడీ
►1988 ప్రివెన్షన్ ఆఫ్ కరెప్షన్ చట్టం కింద సెప్టెంబర్‌ 9వ తేదీన నంద్యాలలో చంద్రబాబును అరెస్ట్‌ చేసిన సీఐడీ పోలీసులు
►సెప్టెంబర్‌ 10న రాజమండ్రి సెంట్రల్‌ జైలుకు తరలింపు
►ఐదు పర్యాయాలు జ్యుడీషియల్‌ రిమాండ్‌ పొడిగింపు
►రిమాండ్‌ ఖైదీగా 7691 నెంబర్‌తో 52 రోజులపాటు చంద్రబాబు
►కంటికి శస్త్ర చికిత్స అభ్యర్థన మేరకు మానవతా దృక్ఫథంతో అక్టోబర్‌ 31వ తేదీన నాలుగు వారాల పాటు మధ్యంతర బెయిల్‌ మంజూరు చేసిన ఏపీ హైకోర్టు
►నవంబర్‌ 20న రెగ్యులర్‌ బెయిల్‌ మంజూరు చేసిన హైకోర్టు

2:05 PM, Nov 20, 2023
ఫైబర్‌నెట్‌ కేసులో విచారణ వాయిదా
►విజయవాడ : ఏపీ ఫైబర్ నెట్ కేసును విచారించిన ఏసీబీ కోర్టు
►టెరాసాఫ్ట్ ఎండీ వేమూరి హరిప్రసాద్ ఆస్తులు అటాచ్ చేయాలని సీఐడీ దాఖలు చేసిన పిటిషన్ ను విచారించిన ఏసీబీ కోర్టు
►తదుపరి విచారణను రేపటికి వాయిదా వేసిన విజయవాడ ఏసీబీ కోర్టు

1:55 PM, Nov 20, 2023
చంద్రబాబు మాకు మద్ధతు తెలపడం సంతోషకరం : రేణుకా చౌదరీ
►తెలంగాణలో టిడిపి పోటీ చేయలేదు : రేణుకా చౌదరీ
►టిడిపి పోటీ చేయకుండా మాకు మద్దతు తెలపడం సంతోషం : రేణుకా చౌదరీ
►ఏపీలో ప్రచారానికి నన్ను పిలుస్తున్నారు : రేణుకా చౌదరీ
► రాష్ట్ర విభజన జరిగినా సంబంధాలు కొనసాగుతున్నాయి : రేణుకా చౌదరీ

1:10 PM, Nov 20, 2023
ఆస్తుల అటాచ్‌పై విచారణ
►నేడు సిఐడి పిటిషన్ పై ఏసీబి కోర్టులో విచారణ
►ఏపీ ఫైబర్ గ్రిడ్ కేసులో అక్రమాలకు పాల్పడిన వారి ఆస్తులు అటాచ్ మెంట్ చేయాలని ఏసీబి కోర్టులో సిఐడీ పిటిషన్
►ACB కోర్టు ముందు ఇరుపక్షాల వాదనలు

1:05 PM, Nov 20, 2023
ఇవ్వాళ బెయిల్‌ పిటిషన్‌పై తీర్పు.?
►స్కిల్ కేసులో చంద్రబాబు రెగ్యులర్‌ బెయిల్ పిటిషన్‌పై నేడు తీర్పు ఇచ్చే అవకాశం
►మధ్యాహ్నం 2.15 గంటలకు హైకోర్టు ఉత్తర్వులు ఇచ్చే అవకాశం
►బెయిల్ పిటిషన్ పై ఇటీవల పూర్తయిన వాదనలు, తీర్పు రిజర్వ్
►చంద్రబాబు తరఫున వాదనలు వినిపించిన సిద్ధార్ధ లూథ్రా
►సిఐడీ తరపున వాదనలు వినిపించిన ఏఏజీ పొన్నవోలు సుధాకర్ రెడ్డి

12:45 PM, Nov 20, 2023
కొల్లు పిటిషన్‌ వాయిదా
►మాజీ మంత్రి కొల్లు రవీంద్ర ముందస్తు బెయిల్ పిటిషన్ పై విచారణ వాయిదా
►విచారణ రేపటికి వాయిదా వేసిన ఏపీ హైకోర్టు

12:36 PM, Nov 20, 2023
లోకేష్‌ పాదయాత్ర హడావిడి దేనికి సంకేతం
►సెప్టెంబర్‌ 9న బాబు అరెస్ట్ తర్వాత అర్థంతరంగా పాదయాత్ర ఆపేసిన లోకేష్‌
►ఆ తర్వాత నెల రోజులు ఢిల్లీకి పరిమితమైన లోకేష్‌
►ఇప్పుడు నవంబర్‌ 24నుంచి ప్రజల్లోకి లోకేష్‌ వస్తాడంటూ ఎల్లో మీడియా ప్రచారం
►చంద్రబాబు విడుదలై మూడు వారాలవుతోంది.
►చిక్కు ప్రశ్నలకు సమాధానాలు చెప్పకుండా పచ్చమీడియా పాదయాత్ర ప్రచారం
►మరి ఇన్నాళ్లు లోకేష్‌ ఏం చేశాడు?
►హఠాత్తుగా ఇప్పుడెందుకు పాదయాత్ర గుర్తుకొచ్చింది?
►ఢిల్లీలో చాలా రోజుల పాటు లోకేష్‌ చేసిన కార్యక్రమాలేంటీ?
►అత్యంత రహస్యంగా లోకేష్‌ చక్కదిద్దిన పనులేంటీ?
►తెలంగాణలో ఎన్నికల కోసం ఢిల్లీ నుంచి లోకేష్‌ ఎవరెవరిని కలిసాడు?
►రేవంత్‌ కోసం అర్థరాత్రిళ్లు ఎవరెవరి దగ్గరకు లోకేష్‌ వెళ్తున్నాడు?
►ఇప్పుడు పాదయాత్ర కేవలం విశాఖ వరకే అని ఎందుకు పరిమితి?
►దానికి చంద్రబాబు పాదయాత్రకు లింకు ఎందుకు?
►రాష్ట్రం అంటే విశాఖ వరకేనా?
►ఉత్తరాంధ్రలో భాగమైన విజయనగరం, శ్రీకాకుళం జిల్లాలు మీకు కనిపించవా?

12:03 PM, Nov 20, 2023
నారా చంద్రబాబు నాయుడు.. కొన్ని అసలు సిసలు వాస్తవాలు
మా బాబు చాలా మంచోడు, రాజకీయ కక్షతో కేసులు పెట్టారు : ఎల్లో మీడియా
మరి చంద్రబాబు నిజంగా మంచోడేనా? చంద్రబాబుపై ఎలాంటి కేసులు లేవా?
►వేర్వేరు సందర్భాల్లో చంద్రబాబు గురించి బాగా తెలిసిన వాళ్లు ఇప్పటివరకు ఏమన్నారు?
►చంద్రబాబు కీలకమైన/వివాదస్పదమైన అంశాల గురించి ఏమన్నాడు? ఆ తర్వాత ఏం జరిగింది?

తోడల్లుడు దగ్గుబాటి వెంకటేశ్వరరావు
►మొదటి నుంచి చంద్రబాబుది నేరప్రవృత్తే
►ధర్నాలప్పుడు ప్రభుత్వ బస్సులు తగలబెట్టాలని చంద్రబాబు చెప్పేవాడు

టిడిపి సీనియర్‌ నాయకులు, మాజీ వ్యవసాయశాఖ మంత్రి వడ్డే శోభనాద్రీశ్వరరావు
►అమరావతిలో  భూములు ఇవ్వడానికి ఇష్టపడని రైతుల పొలాలను  చంద్రబాబు తగలబెట్టించారని అక్కడి స్థానిక అధికారులు నాకు చెప్పారు

ఆనాటి స్పీకర్‌ కోడెల చౌదరి
చంద్రబాబు కట్టిన తాత్కాలిక భవనాల్లో ఒకటైన అసెంబ్లీలో వర్షం వచ్చినప్పుడు నీళ్లు కారితే ...
►"ఇది విపక్షాలు చేయించిన పనే అని  సీసీటీవీ ఫుటేజి ఉంది, రెండు రోజుల్లో ఆధారాలు బయటపెడతా" అని మీడియా ముందు ప్రకటనలు చేశారు. ఆ తరువాత మూడేళ్లు స్పీకర్‌గా ఉండికూడా  చూపలేదు.
►నిజంగా కుట్రే అయితే.. ఎందుకు బయటపెట్టలేదు?
►అంటే చేయించింది చంద్రబాబు, తెలుగుదేశం నేతలా?

కాపు ఉద్యమ సమయంలో  తునిలో  రత్నాచల్‌ రైలు తగలబడినప్పుడు చంద్రబాబు వెంటనే ప్రెస్‌మీట్‌ పెట్టారు
►"రైలు తగలబెట్టింది రాయలసీమ రౌడీలు, పులివెందుల రౌడీలు" అని చెప్పాడు, కానీ అరెస్ట్‌ చేసింది మాత్రం కోస్తా జిల్లాకు చెందిన కాపులను.?
►ముందు చంద్రబాబు ఎందుకు ప్రకటన చేశాడు? ఆ తర్వాత పోలీసులెందుకు అరెస్ట్‌లు చేశారు?
►అంటే రైలు తగలబెట్టే విషయం ముందే చంద్రబాబుకు తెలిసిందా? ఓట్ల కోసం మాట మడతేశారా?

చిత్తూరు జంట హత్యల కేసులో మరీ విడ్డూరం
►నవంబర్ 17 , 2015న చంద్రబాబు ముఖ్యమంత్రిగా ఉన్న సమయంలో చిత్తూరు మేయ‌ర్ దంప‌తుల హ‌త్య జరిగింది. వారిద్దరు తెలుగుదేశం పార్టీకి చెందినవారు.
►ఆ వెంటనే చంద్రబాబు ఆదేశాల మేరకు వెంట‌నే విజ‌య‌వాడ‌లో టీడీపీ ఎమ్మెల్యే బోండా ఉమ ప్రెస్‌మీట్ పెట్టాడు. ఇది `బ‌లిజ‌ల మీద రెడ్ల దాడి.. విపక్షనేతలే ఈ హ‌త్య చేయించారు` అని ఆరోపణలు చేశారు.
సీన్‌ క‌ట్ చేస్తే ..
►మేయ‌ర్ దంప‌తుల‌ హ‌త్య ఆస్థి త‌గాదాల కోసం జ‌రిగింద‌ని, అది చేసింది మేయ‌ర్ మేన‌ల్లుడు చింటూ అని చిత్తూరు జిల్లా ఎస్పీ స్వ‌యంగా ప్ర‌క‌టించారు.

మొత్తమ్మీద అన్ని పరిశీలన చేసి చెప్పే విషయం ఏంటంటే..
►ఏం జరిగినా.. దాన్ని స్వప్రయోజనాల కోసం, తన సామాజిక ప్రయోజనాల కోసం వాడుకునే అలవాటు చంద్రబాబుదే
►బట్టకాల్చి ఇతరుల ముఖాన వేసి మసి తుడుచుకోండి అనడం  బాబుకు వెన్నతో పెట్టిన విద్యే

ఇక చంద్రబాబుపై కేసుల గురించి వ్యాఖ్యలు చేసే వారు ఒకసారి ఆయన చరిత్ర చూడండి.
►15 సార్లు వేర్వేరు కేసుల్లో దర్యాప్తు జరగకుండా స్టే తెచ్చుకున్న చరిత్ర చంద్రబాబుది
►తన కోసం, తన వాళ్ల కోసం ఖజానాను దోచిన కేసులో అనూహ్యంగా అరెస్టయ్యారు
►ఇది అనూహ్యం అని ఎందుకు అంటారంటే.. ఏ పని చేసినా సాక్ష్యాలు లేకుండా చేస్తారన్నది చంద్రబాబుకు ఉన్న పేరు
►అందుకే మా బాబుకు ఎలా అరెస్ట్‌ చేస్తారంటూ ఎల్లో మీడియా ఎగిరెగిరి పడేది.!

11:30 AM, Nov 20, 2023
నేడు సుప్రీంకోర్టులో యూరీ రెడ్డి కేసు విచారణ
►నేడు సుప్రీంకోర్టులో యూరీ రెడ్డి కేసుపై విచారణ జరుగనుంది. 
►యూరీ రెడ్డి పిటషన్‌పై విచారణ చేపట్టనున్న హృషికేశ్‌ రాయ్‌, జస్టిస్‌ సంజయ్‌ కరోల్‌. 
►మార్గదర్శిలో షేర్లను రామోజీరావు బలవంతంగా బదలాయించారని ఏపీ సీఐడీకి యూరీరెడ్డి.
►సీఐడీ దర్యాప్తుపై స్టే విధించిన ఏపీ హైకోర్టు. 
►హైకోర్టు విధించిన స్టేను సుప్రీంకోర్టులో సవాల్‌ చేసిన యూరీరెడ్డి. 

11:20 AM, Nov 20, 2023
స్కిల్‌ స్కాంలో బాబు పిటిషన్‌పై నేడు హైకోర్టు తీర్పు
►స్కిల్‌ స్కాంలో చంద్రబాబు బెయిల్‌ పిటిషన్‌పై ఈరోజు మధ్యాహ్నం తీర్పు
►నాలుగు రోజుల క్రితం ఇరుపక్షాల వాదనలు విని తీర్పు రిజర్వ్‌ చేసిన హైకోర్టు
►ఈరోజు మధ్యాహ్నం 2:15 గంటలకు తీర్పు వెల్లడించనున్న ఏపీ హైకోర్టు. 

9:45 AM, Nov 20, 2023
ఫైబర్‌నెట్‌ కేసులో ఆస్తుల అటాచ్‌మెంట్‌పై నేడు ఏసీబీ కోర్టులో విచారణ
►ఫైబర్ నెట్ స్కాంలో నిందితుల ఆస్తుల అటాచ్‌మెంట్ కోరుతూ సీఐడీ పిటిషన్‌పై నేడు ఏసీబీ కోర్టులో విచారణ
►ఫైబర్ నెట్ స్కాంలో నిందితులకి సంబంధించిన ఏడు స్థిరాస్తులను అటాచ్‌ చేయాలని సీఐడీ ప్రతిపాదన
►ఇప్పటికే సీఐడీ ప్రతిపాదనకు హోంశాఖ ఆమోదం
►అనుమతి కోసం ఇప్పటికే ఏసీబీ కోర్టులో పిటిషన్‌ దాఖలు చేసిన సీఐడీ
►టెరాసాఫ్ట్‌ కంపెనీ, చంద్రబాబు సన్నిహితులకు చెందిన ఏడు స్థిరాస్తులను అటాచ్‌ చేయాలని కోరుతూ ఏసీబీ కోర్టులో సీఐడీ పిటిషన్ 
►ఫైబర్ నెట్ కుంభకోణంలో రూ.114 కోట్లు దుర్వినియోగమయ్యామని ఇప్పటికే ఎఫ్ఐఆర్ నమోదు
►ఈ కేసులో ఏ-1గా వేమూరి హరికృష్ణ, ఏ-11గా టెర్రా సాఫ్ట్ ఎండీ తుమ్మల గోపీచంద్, ఏ-25గా చంద్రబాబు పేర్లు
►ఫైబర్ నెట్ స్కాంలో నిందితులైన టెర్రా సాఫ్ట్ ఎండీ తుమ్మల గోపీచంద్‌కి ఆస్తులతో పాటు పలు కంపెనీల ఆస్తుల అటాచ్ చేయాలని ప్రతిపాదన
►తుమ్మల గోపీచంద్, ఆయన భార్య పావని పేర్లపై హైదరాబాద్ శ్రీనగర్ కాలనీ, యూసఫ్ గూడ, జూబ్లీహిల్స్ కాలనీ, చిన్నమంగళారంలలో ఉన్న ఇల్లు, వ్యవసాయ క్షేత్రాలు అటాచ్
►ఈ కుంభకోణంలో నిందితులైన నెటాప్స్ ఫైబర్ సొల్యూషన్స్ డైరక్టర్ కనుమూరి కోటేశ్వరరావుకి చెందిన గుంటూరు, విశాఖ కిర్లంపూడి లే అవుట్‌లోని ఇల్లులు అటాచ్
►మొత్తంగా అటాచ్‌ ఆస్తుల్లో గుంటూరులో ఇంటి స్థలం, విశాఖపట్నంలో ఓ ఫ్లాట్, హైదరాబాద్‌లోని నాలుగు ఫ్లాట్లు, తెలంగాణలోని రంగారెడ్డి జిల్లాలో వ్యవసాయ భూమి
►హోంశాఖ ఉత్తర్వుల నేపథ్యంలో ఆ స్థిరాస్తుల అటాచ్‌మెంట్‌కు అనుమతించాలని కోరుతూ విజయవాడ ఏసీబీ న్యాయస్థానంలో పిటిషన్‌ను దాఖలు చేసిన సీఐడీ
►ఈ కేసు విచారణలో భాగంగా నిందితుల ఆస్తుల అటాచ్‌మెంట్‌పై ఇప్పటికే సీఐడీ పరిధిని ప్రశ్నించిన న్యాయస్ధానం
►నిందితుల ఆస్తులను జప్తు చేయడానికి సీఐడీకి పూర్తి అధికారాలున్నాయని ఏసీబీ కోర్టుకి స్పష్టం చేసిన సీఐడీ తరపు న్యాయవాదులు
►సీఐడీ పిటిషన్‌పై నేడు కొనసాగనున్న విచారణ. 

7:00 AM, Nov 20, 2023
లోకేశ్‌ యువగళం పున:ప్రారంభం?
►ఈనెల 24 నుంచి లోకేశ్‌ యువగళం పునఃప్రారంభం?
►పార్టీ కార్యకర్తల నుంచి ప్రజల నుంచి తీవ్ర ఒత్తిడి రావడంతో పాదయాత్ర ప్రారంభించాలని లోకేశ్‌ యోచన
►చంద్రబాబు అరెస్టు కారణంగా చూపి యువగలం యాత్రకు మంగళం పాడిన లోకేశ్‌
►విశాఖలో ముగించే యోచనలో టీడీపీ అధిష్టానం 
►టీడీపీ అధినేత అరెస్టుతో సెప్టెంబర్ 9న నిలిచిన యువగళం పాదయాత్ర 
►పాదయాత్ర నిలిచిపోయిన చోట నుంచే తిరిగి ప్రారంభించాలని నిర్ణయం 
►చంద్రబాబు గతంలో విశాఖలో ముగించిన వస్తున్నా మీకోసం పాదయాత్ర 
►అదే సెంటిమెంటుతో విశాఖలోనే లోకేష్ పాదయాత్ర ముగించాలని నిర్ణయం 
►ఎన్నికలు వేళ పాదయాత్రను కుదించే యోచనలో పార్టీ వర్గాలు

6:50 AM, Nov 20, 2023
టీడీపీ సీనియర్లలో అంతర్మథనం..!
►టీడీపీ యువనేతల్లో తమ భవిష్యత్తుపై చిగురించని ఆశలు..!
►టీడీపీ పని అయిపోయింది.. టీడీపీ సీనియర్లలో అంతర్గతంగా జరుగుతోన్న చర్చ ఇది.
►టీడీపీలో ఉంటే..లోకేష్‌ను నమ్ముకుంటే మనకు భవిష్యత్తు ఉండదు
►టీడీపీ యువ నేతల్లో అంతర్గత చర్చ
►ఈ రెండు చర్చల సబ్జక్ట్ వేరైనా లైన్ ఒక్కటే
►టీడీపీని చంద్రబాబు కాదు కదా..ఎవరూ బతికించలేరనేది
►టీడీపీ నేతల అంతర్గత చర్చల సారాంశం.
►చంద్రబాబుపై కేసులు పుట్టగొడుగుల్లా పుట్టుకొస్తున్నాయి.
►మరోవైపు.. బెయిల్ షరతులు బేఖాతరు చేయడం కోర్టు ధిక్కరణ కిందకే వస్తుంది.
►చంద్రబాబు అరెస్ట్ సమయంలో హడావుడి చేసిన భువనేశ్వరి ఏమయ్యారు..?
►చంద్రబాబును అరెస్ట్ చేయగానే ఢిల్లీ పారిపోయి దాక్కున్న లోకేష్‌పై టీడీపీ క్యాడర్‌లో నమ్మకం ఏమాత్రం లేదు.
►చంద్రబాబు అరెస్ట్ తదనంతర పరిణామాలు..భువనేశ్వరి తీరు..లోకేష్ చేతులెత్తేసి ఢిల్లీ పారిపోవడం చూసిన..
►టీడీపీ నేతలు మింగలేక కక్కలేక టీడీపీలో ఉంటున్నారు.
►తెలంగాణ తరహాలోనే.. 2024 తరువాత ఏపీలో జెండా పీకేయాల్సి వస్తుందని..
►టీడీపీ నేతలే బహిరంగంగా వ్యాఖ్యానిస్తున్నారు.
►నవంబర్ 28న చంద్రబాబు జైలుకు వెళ్తే... వాట్ నెక్ట్స్‌..?
►భువనేశ్వరికి మాట్లాడటమే తెలియడం లేదు
►లోకేష్‌కు రాజకీయాలు ఏమాత్రం తెలియదు
►మరీ ఎవరు అనే ప్రశ్న వచ్చినప్పుడు బీజేపీ రాష్ట్ర అధ్యక్షురాలు పురందేశ్వరి వైపు వేళ్లు చూపెడుతున్నాయి..!!
►పురందేశ్వరి అధికారికంగా ఏపీ బీజేపీ అధ్యక్షురాలు అయినప్పటికీ ఆమె.. టీడీపీ గౌరవ అధ్యక్షురాలిగా ఉన్నట్లు మాట్లాడుతున్నారు.

6:45 AM, Nov 20, 2023
బాబు క్వాష్‌ కొట్టేయడమే మిగిలిందా.?
►సుప్రీంకోర్టుకు ముగిసిన సెలవులు 
►గత వారమంతా దీపావళి సందర్భంగా సుప్రీంకోర్టుకు సెలవులు
►17ఏ సెక్షన్‌ను తనకు అనుకూలంగా మార్చుకుని చంద్రబాబు క్వాష్‌ పిటిషన్‌
►చంద్రబాబు పిటిషన్‌పై సుప్రీంకోర్టులో సుదీర్ఘంగా వాదనలు
►చంద్రబాబు తరపున సీనియర్‌ లాయర్లు హరీష్‌ సాల్వే, సిద్ధార్థ లూథ్రా వాదనలు
►CID తరపున ముకుల్‌ రోహత్గీ వాదనలు
►17ఏ సెక్షన్‌ ప్రకారం తనను అరెస్ట్‌ చేయాలంటే గవర్నర్‌ అనుమతి తప్పని సరి అన్న బాబు లాయర్లు
►ఏ చట్టం అయినా, ఏ సెక్షన్‌ అయినా అవినీతిని అడ్డుకునేదే తప్ప.. సమర్థించేది కాదన్న CID లాయర్లు
►నేరం ముందే జరిగింది, దర్యాప్తు ముందే మొదలయింది, కాబట్టి చంద్రబాబుకు ఎలాంటి మినహాయింపు అవసరం లేదన్న CID లాయర్లు
►సుదీర్ఘ వాదనల తర్వాత తీర్పును రిజర్వ్ లో పెట్టిన సర్వోన్నత న్యాయస్థానం
►సుప్రీంకోర్టు తీర్పుపై చంద్రబాబు బృందం కోటి ఆశలు
►చంద్రబాబు క్వాష్‌ పిటిషన్‌ను సుప్రీంకోర్టు తిరస్కరిస్తే.. మిగిలింది బెయిల్‌ పిటిషన్‌ మాత్రమే.

Read latest Andhra Pradesh News and Telugu News | Follow us on FaceBook, Twitter, Telegram



 

Read also in:
Back to Top