Chandrababu Naidu

సాక్షి, అమరావతి: రాష్ట్రంపై అర్నబ్, మురసు తుపాన్ల ప్రభావంపై ప్రధాని నరేంద్ర మోదీ ఆరా తీశారు. ముఖ్యమంత్రి చంద్రబాబుకు బుధవారం ఆయన ఫోన్‌ చేశారు. వారం రోజుల వ్యవధిలో రాష్ట్రానికి రెండు తుపాన్ల తాకిడి నేపథ్యంలో ప్రభావిత ప్రాంతాల్లో పరిస్థితిని అడిగి తెలుసుకున్నారు. అర్నబ్, మురసు తుపాన్ల ప్రభావం.. ఆయా ప్రాంతాల్లో జరిగిన నష్టాన్ని సీఎం వివరించారు. భారీ వర్షాలు, ఈదురు గాలుల కారణంగా రైతులకు భారీనష్టం వాటిల్లిందని చెప్పారు. కేంద్ర ప్రభుత్వం రాష్ట్రానికి తగిన సాయం అందించాలని ప్రధానికి విజ్ఞప్తి చేశారు. సీఎం ఏరియల్‌ వ్యూ మరోవైపు.. మురసు తుపాను ప్రభావిత ప్రాంతాలను సీఎం చంద్రబాబు ఏరియల్‌ వ్యూలో పరిశీలించారు. అనంతరం సచివాలయంలోని ఆర్టీజీఎస్‌లో ఉన్నతాధికారులతో సమీక్షించారు. భారీ వర్షాలకు వరద ప్రవాహాలు వస్తున్నాయని అధికారులు తెలిపారు. కారంచేడు నుంచి కొత్తపట్నం, చీరాల, చిలకలూరిపేట, పర్చూరు ముంపు ప్రాంతాల్ని త్వరితగతిన క్లియర్‌ చేసేందుకు కార్యాచరణ చేపట్టాలని సీఎం సూచించారు. రహదారులపై రాకపోకలకు అంతరాయం లేకుండా చూడాలని ఆయా జిల్లాల కలెక్టర్లను ఆదేశించారు. ఏలూరు జిల్లాలోని గిరిజన ప్రాంతాలైన బుట్టాయగుడెం, వేలేరుపాడు, పోలవరం మండలం, జీలుగుమిల్లి, కొయ్యలగూడెం తదితర గిరిజన ప్రాంతాల్లో భారీ వర్షాలు కురుస్తున్నట్టు అధికారులు తెలిపారు.

సాక్షి, అమరావతి/సాక్షి, పాడేరు: ఆంధ్రప్రదేశ్‌–ఒడిశా సరిహద్దులోని కొటియా గ్రామాల్లో మరో­సారి ఆధిపత్య పోరు భగ్గుమంది. స్థానిక సంస్థల ఎన్నికల నేపథ్యంలో రెండు రాష్ట్రాల మధ్య దశా­బ్దా­లుగా కొనసాగుతున్న సరిహద్దు వివాదం ఇప్పు­డు గిరిజనుల ఓటు హక్కుకు అడ్డంకిగా మారి­ంది. 21 గ్రామాలపై హక్కుల కోసం ఏపీ, ఒడిశా ప్రభుత్వాలు పంతాలకు పోతుంటే.. మధ్య­లో దశాబ్దాలుగా గిరిజనులే నలిగిపోతున్నారు. ఈనెల 5న ఏపీ పరిషత్‌ ఎన్నికల నిర్వహణకు ఏర్పాట్లు జరుగుతున్న వేళ.. కొటియా ఓటర్లు పోలి­ంగ్‌ కేంద్రాలకు చేరుకోగలరా? అన్న ఆందోళన నెలకొంది. ఏపీలోనే కొనసాగాలన్న స్థానిక గిరిజనుల ఆకాంక్షకు అండగా నిలవాల్సిన కూటమి ప్రభుత్వం ప్రేక్షకపాత్రకే పరిమితమైందన్న విమర్శలు వెల్లువెత్తుతున్నాయి. స్థానిక ఎమ్మెల్యే, రాష్ట్ర మంత్రి గుమ్మడి సంధ్యారాణి నిర్లక్ష్యంపై కూడా ప్రశ్నలు వినిపిస్తున్నాయి. 21 గ్రామాలపై ఏడున్నర దశాబ్దాల వివాదం కొటియా పంచాయతీ పరిధిలో మొత్తం 28 గ్రామాలు ఉండగా.. వాటిలో 21 గ్రామాలపై ఏపీ, ఒడిశా మధ్య హక్కుల వివాదం కొనసాగుతోంది. ఈ గ్రామాలు ఒడిశాలోని కొరాపుట్‌ జిల్లా పొట్టంగి బ్లాక్‌ పరిధిలోకి వస్తాయని ఆ రాష్ట్రం వాదిస్తోంది. మరోవైపు ఏపీ ప్రభుత్వం వీటిని పార్వతీపురం మన్యం జిల్లా సాలూరు మండల పరిధిలోని గ్రామాలుగా పరిగణిస్తోంది. 1936లో ఒడిశా ప్రత్యేక రాష్ట్రంగా ఏర్పడినప్పటి నుంచే ఈ వివాదం కొనసాగుతోంది. 1968లో ఒడిశా సుప్రీంకోర్టును ఆశ్రయించగా.. 2006లో యథాతథ స్థితిని కొనసాగించాలని కోర్టు ఆదేశించింది. 2022 జనవరిలో ఒడిశా మరోసారి సుప్రీంకోర్టును ఆశ్రయించింది. అయినా సమస్యకు శాశ్వత పరిష్కారం లభించలేదు. ఏడు దశాబ్దాలకు పైగా వివాదం కొనసాగుతున్నా.. 21 గ్రామాల భవిష్యత్తుపై స్పష్టత కరువైంది. ఎన్నికలతో మళ్లీ భగ్గుమన్న వివాదం కొటియాలోని 21 వివాదాస్పద గ్రామాలకు చెందిన సుమారు 2,883 మంది ఓటర్లు ఏపీ ఓటరు జాబితాలో నమోదయ్యారు. ఫగుణసినేరి, గంజాయిపదర్, ఫటుసినేరి గ్రామాల్లో పరిషత్‌ ఎన్నికల నిర్వహణకు ఏపీ ప్రభుత్వం నోటిఫికేషన్‌ జారీ చేసింది. దీనిపై ఒడిశా తీవ్ర అభ్యంతరం వ్యక్తం చేస్తూ.. సుప్రీంకోర్టు ఆదేశాలను ఉల్లంఘిస్తున్నారంటూ అక్టోబర్‌ 27న ఏపీ అధికారులపై ధిక్కరణ పిటిషన్‌ దాఖలు చేసింది. పిటిషన్‌పై తుది ఉత్తర్వులు వెలువడకపోవడంతో ఏపీ ఎన్నికల ఏర్పాట్లు కొనసాగిస్తోంది. మరోవైపు ఏపీ ఎన్నికల ప్రక్రియను అడ్డుకునేందుకు ఒడిశా ప్రభుత్వం చర్యలు చేపట్టింది. అక్టోబర్‌ 30న కొరాపుట్‌ జిల్లా యంత్రాంగం అత్యవసర సమావేశం నిర్వహించి కొటియా పరిధిలోని గ్రామాల్లో ఆంక్షలు విధించాలని నిర్ణయించింది. నవంబర్‌ 1 నుంచి బీఎన్‌ఎస్‌ఎస్‌ సెక్షన్‌ 163 అమల్లోకి తెచి్చంది. ఎన్నికల్లో పాల్గొనేలా ప్రలోభపెట్టడం, ఆంక్షలు ఉల్లంఘించడం వంటి చర్యలకు పాల్పడితే అరెస్టులు తప్పవని హెచ్చరించింది. సరిహద్దు గ్రామాల్లో భారీగా పోలీసు బలగాలను మోహరించి, ప్రతి గ్రామం వద్ద నిఘా ఏర్పాటు చేసింది. ఇళ్ల వద్ద సైతం పోలీసు పహారా కొనసాగుతోంది. రాకపోకలపై ఆంక్షలతో కొండలు, గుట్టలు దాటి ప్రత్యామ్నాయ మార్గాల్లో పోలింగ్‌ కేంద్రాలకు చేరుకోవాల్సిన పరిస్థితి గిరిజనులకు ఎదురవుతోంది. పట్టించుకోని కూటమి కొటియా గ్రామాల నుంచి ఓటర్లు ఏపీ పోలింగ్‌ బూత్‌లకు వచ్చి ఓటు వేసే అవకాశం లేకుండా ఒడిశా అష్టదిగ్భందనం చేస్తోంది. గిరిజనులు రాకపోకలు సాగించే రహదారుల్లో చెట్లు నరికి ఒడిశా పోలీసులు అడ్డంగా పడేశారు. ఇంత జరుగుతున్నా సీఎం చంద్రబాబు, సాలూరు ఎమ్మెల్యే, రాష్ట్ర మంత్రిగా ఉన్న గుమ్మడి సంధ్యారాణి మాత్రం నిమ్మకునీరెత్తినట్లు వ్యవహరిస్తున్నారనే ఆరోపణలు వినిపిస్తున్నాయి. కేవలం పత్రికా ప్రకటనలకే పరిమితమైన మంత్రి కొటియా ఓటర్లను పోలింగ్‌కు రప్పించేందుకు ఏమాత్రం ప్రయత్నం చేయకపోవడం విమర్శలకు తావిస్తోంది. దివంగత వైఎస్‌ రాజశేఖరెడ్డి ముఖ్యమంత్రిగా ఉన్నప్పుడు కొటియా పల్లెలపై ప్రత్యేకంగా దృష్టి సారించారు. రేషన్‌ కార్డులు, ఆరోగ్యశ్రీ కార్డులు, పింఛన్లు వంటి సంక్షేమ పథకాలను వారికి అందించారు. అప్పటి నుంచీ అక్కడి గిరిజనులంతా వైఎఎస్‌ఆర్‌ను దేవుడిలా భావిస్తుంటారు. వైఎస్‌ జగన్‌మోహన్‌రెడ్డి పార్టీ పెట్టిన నాటి నుంచి వారంతా వైఎస్సార్‌సీపీకి జై కొడుతున్నారు. ప్రతి ఎన్నికల్లోనూ ఆ పార్టీ అభ్యర్ధులకే పట్టం కడుతున్నారు. ఈ నేపధ్యంలో వారు పోలింగ్‌కు వచి్చనా తమకు ఓటు వేయరని భావిస్తున్న కూటమి ప్రభుత్వం ఒడిశా అడ్డుకోవడమే మంచిదనే ధోరణిలో చోద్యం చూస్తోందనే వాదనలు వినిపిస్తున్నాయి. గిరిజనుల ఓటుపై ఒడిశా పహారా.. కూటమి మౌనం! కొటియా గ్రామాల నుంచి ఏపీ పోలింగ్‌ కేంద్రాలకు ఓటర్లు చేరుకోకుండా ఒడిశా ప్రభుత్వం అష్టదిగ్బంధనం చేస్తోంది. గిరిజనులు రాకపోకలు సాగించే మార్గాల్లో చెట్లు నరికి అడ్డంకులు సృష్టించారు. వందలాది మంది పోలీసులతో సరిహద్దులను దిగ్బంధించినా.. ఏపీ ప్రభుత్వం మాత్రం ఓటర్లకు భరోసా కల్పించడంలో విఫలమైందన్న ఆగ్రహం వ్యక్తమవుతోంది. ముఖ్యమంత్రి చంద్రబాబు, స్థానిక ఎమ్మెల్యే, మంత్రి గుమ్మడి సంధ్యారాణి ఈ వ్యవహారంలో క్రియాశీలంగా వ్యవహరించడం లేదన్న విమర్శలు వెల్లువెత్తుతున్నాయి. ప్రకటనలకే పరిమితమైన మంత్రి.. గిరిజన ఓటర్లు నిర్భయంగా పోలింగ్‌లో పాల్గొనేందుకు ఎలాంటి చర్యలు తీసుకుంటున్నారన్న ప్రశ్నలు తలెత్తుతున్నాయి. వైఎస్సార్‌ సంక్షేమానికి గుర్తుగా కొటియా గిరిజనులు దివంగత వైఎస్‌ రాజశేఖరరెడ్డి ముఖ్యమంత్రిగా ఉన్న సమయంలో కొటియా గ్రామాలపై ప్రత్యేక దృష్టి సారించి రేషన్‌ కార్డులు, ఆరోగ్యశ్రీ కార్డులు, పింఛన్లు వంటి సంక్షేమ పథకాలను గిరిజనులకు అందించారు. దీంతో అక్కడి ప్రజల్లో వైఎస్సార్‌పై ప్రత్యేక అభిమానం ఏర్పడింది. వైఎస్‌ జగన్‌మోహన్‌రెడ్డి పార్టీ స్థాపించిన తర్వాత కొటియా గిరిజనులు వైఎస్సార్‌సీపీకి మద్దతుగా నిలుస్తున్నారు. ప్రతి ఎన్నికల్లోనూ ఆ పార్టీ అభ్యర్థులకే మద్దతు తెలుపుతున్న నేపథ్యంలో.. ఈసారి కూడా వారు వైఎస్సార్‌సీపీకే ఓటు వేస్తారన్న భయంతోనే కూటమి ప్రభుత్వం నిర్లక్ష్యంగా వ్యవహరిస్తోందన్న ఆరోపణలు వినిపిస్తున్నాయి.

సాక్షి, అమరావతి: రాజధాని అమరావతిలో అప్పటి ప్రభుత్వ పెద్దలు చంద్రబాబు, పొంగూరు నారాయణ, పలువురు అధికారులు, ప్రముఖ వ్యాపారులు కుమ్మక్కై. ఎస్సీ, ఎస్టీ బలహీన వర్గాలకు చెందిన అసైన్డ్‌ భూములను మోసపూరితంగా బదలాయించిన వ్యవహారంలో కీలక పరిణామం చోటు చేసుకుంది. చంద్రబాబు, నారాయణలతో సహా 60 మంది వరకు నిందితులుగా ఉన్న ఈ కేసును సీఐడీ అధికారులు ‘మిస్టేక్‌ ఆఫ్‌ ఫ్యాక్ట్‌’ కింద పేర్కొంటూ దాఖలు చేసిన తుది నివేదికను నిరసిస్తూ ఫిర్యాదుదారు ప్రసాద్‌ కుమార్‌ విజయవాడ ఏసీబీ కోర్టులో ప్రొటెస్ట్‌ పిటిషన్‌ దాఖలు చేశారు. సీఐడీ అధికారులు తనను, తన కుటుంబాన్ని బెదిరించి, ప్రాణ భయం చూపించి, బలవంతంగా నోటరీ అఫిడవిట్‌పై సంతకం తీసుకుని, దాని ఆధారంగా తుది నివేదిక దాఖలు చేశారని ప్రసాద్‌ కుమార్‌ తన పిటిషన్‌లో పేర్కొన్నారు. ప్రాణభయం కారణంగా సంతకం చేశానే తప్ప, అది ఇష్టపూర్వకంగా చేసిన సంతకం కాదని పేర్కొన్నారు. ఈ కేసులో సీఐడీ అధికారులు నమోదు చేసిన సెక్షన్ల ప్రకారం నేరం రుజువు కావడానికి తగిన ఆధారాలు ఉన్నాయని తెలిపారు. 26.10.2026న ఏసీబీ కోర్టు నుంచి సర్టిఫైడ్‌ కాపీలు పొందిన తర్వాతే తనకు జరిగిన అన్యాయం అర్థమైందని, ఈ నేపథ్యంలో సీఐడీ తుది నివేదికను వ్యతిరేకిస్తూ, ఈ ప్రొటెస్ట్‌ పిటిషన్‌ను దాఖలు చేస్తున్నానని ప్రసాద్‌ కుమార్‌ తెలిపారు. ఈ పిటిషన్‌ నేరస్థులు తప్పించుకోకూడదనే..షెడ్యూల్డ్‌ కుల సంఘాలకు చెందిన వేల కోట్ల రూపాయల విలువైన భూములను అప్పటి ప్రభుత్వ పెద్దలు, రాజకీయ నాయకులు, అధికార పార్టీ నేతలు, ప్రభుత్వ ఉద్యోగులు తమ అధికారాలను, హోదాలను దుర్వినియోగం చేస్తూ చట్టవిరుద్ధంగా తప్పుడు డాక్యుమెంట్లు సృష్టించి కాజేశారు. ఇటువంటి క్షమార్హం కాని, చట్టవిరుద్ధమైన చర్యలకు శిక్ష పడాల్సిందేనన్న ఉద్దేశంతోనే ఈ పిటిషన్‌ను దాఖలు చేశాను. అసైన్డ్‌ భూములను కాజేసిన వ్యవహారంలో ఎలాంటి మోసం జరగలేదన్న సీఐడీ వాదనను అంగీకరించలేం. ఇది ఎస్సీ, ఎస్టీ వర్గాలకు చెందిన అసైన్డ్‌ భూములను అక్రమంగా కాజేసిన స్పష్టమైన కేసు. ఎస్సీ, ఎస్టీ (అట్రాసిటీల నిరోధక) చట్టం 1989 కింద ఇది తీవ్రమైన నేరం. – పిటిషనర్‌చార్జ్‌షీట్‌ వేసిన సీఐడీ ఆ తర్వాత మాట మార్చింది ప్రసాద్‌ కుమార్‌ ఫిర్యాదు ఆధారంగా సీఐడీ అధికారులు కేసు నమోదు చేశారు. 2014–19 మధ్య కాలంలో ముఖ్యమంత్రిగా ఉన్న నారా చంద్రబాబు నాయుడు, మంత్రిగా ఉన్న పొంగూరు నారాయణలతో పాటు పలువురు అధికారులు, వ్యాపారవేత్తలను నిందితులుగా పేర్కొన్నారు. గుంటూరు సీఐడీ ఏఎస్పీ దర్యాప్తు పూర్తి చేసి 11.3.2024న విజయవాడ ఏసీబీ కోర్టులో ప్రాథమిక చార్జ్‌షీట్‌ దాఖలు చేశారు. అందులో అసైన్డ్‌ భూములను కొల్లగొట్టిన వ్యవహారంపై పూర్తి ఆధారాలను కోర్టుకు సమర్పించారు. కాగా, 2024లో చంద్రబాబు సీఎంగా బాధ్యతలు స్వీకరించాక సీఐడీ అధికారులు దర్యాప్తును అటకెక్కించారు. బలమైన సాక్ష్యాధారాలు ఉన్నప్పటికీ వాటిని పక్కన పెట్టి ప్రసాద్‌ కుమార్‌ ఫిర్యాదును ‘మిస్టేక్‌ ఆఫ్‌ ఫ్యాక్ట్‌’గా పేర్కొంటూ విజయవాడ ఏసీబీ కోర్టులో తుది నివేదిక దాఖలు చేశారు. ప్రసాద్‌ కుమార్‌ నుంచి ‘కేసును మూసివేసేందుకు ఎలాంటి అభ్యంతరం లేదంటూ’ సంతకాలు చేయించారు. దానిని కోర్టు ముందుంచారు. సీఐడీ దాఖలు చేసిన తుది నివేదిక ఆధారంగా ఏసీబీ కోర్టు అప్పటి న్యాయాధికారి మిస్టేక్‌ ఆఫ్‌ ఫ్యాక్ట్‌గా పరిగణిస్తూ కేసును మూసివేశారు. ఈ మేరకు 2025 నవంబర్‌లో ఉత్తర్వులిచ్చారు. అయితే ఆ ఉత్తర్వుల కాపీని బయటకు రాకుండా తొక్కిపెట్టారు. ఇటీవల ఏసీబీ కోర్టుకు కొత్త న్యాయా ధికారి రావడంతో గతంలో ఇచ్చిన ఉత్తర్వులన్నీ వెలుగులోకి వస్తున్నాయి. ‘కేసును మూసివేసేందుకు ఎలాంటి అభ్యంతరం లేదంటూ’ ప్రసాద్‌ కుమార్‌ ఇచ్చిన స్టేట్‌మెంట్‌ వెనుక భారీ కుట్ర, ప్రభుత్వ పెద్దల హస్తం ఉన్నట్లు ఆయన తాజాగా ఏసీబీ కోర్టులో దాఖలు చేసిన పిటిషన్‌ స్పష్టంచేస్తోంది. ప్రొటెస్ట్‌ పిటిషన్‌లో ముఖ్యాంశాలు..» ప్రభుత్వ పెద్దలకు సన్నిహితుడు, మంగళగిరికి చెందిన రియల్‌ ఎస్టేట్‌ వ్యాపారి రియల్టర్‌ కొమ్మారెడ్డి బ్రహా్మనందరెడ్డి, ఇతరులు నన్ను, ఇతర అసైన్డ్‌ భూ యజమానులను ప్రేరేపించి, సంబంధిత సబ్‌ రిజిస్ట్రార్ కార్యాలయాల్లో సేల్‌డీడ్లపై సంతకాలు చేసేలా చేశారు. ప్రభుత్వ అసైన్డ్‌ భూములను పట్టా భూములుగా చూపిస్తూ మోసపూరితంగా తప్పుడు పత్రాలను సృష్టించారు. అలాగే వివిధ ప్రభుత్వ శాఖల నుంచి తీసుకోవాల్సిన ఎన్‌ఓసీలను జతచేయకపోవడం ద్వారా చట్టపరమైన నిబంధనలను అతిక్రమించారు. » పెదపాలెం గ్రామంలో దాదాపు 25 సంవత్సరాలుగా వివాదంలో ఉన్న 6.5 ఎకరాల భూమిని సెటిల్‌ చేస్తానని చెప్పి, బ్రహ్మానందరెడ్డి ఆ భూమిని తన భార్య కొమ్మారెడ్డి ఛాయాదేవి పేరున రిజిస్ట్రేషన్ చేయించుకున్నారు. నాతో పాటు ఇతరులకు సమాన వాటాలు ఇస్తానని చెప్పి మోసం చేసి, ఎలాంటి డబ్బు ఇవ్వలేదు. » అంతేకాక నన్ను బెదిరించి పెదపాలెంలో నాకున్న 45 సెంట్ల భూమిని జీపీఏ–కమ్‌–సేల్‌ ద్వారా బ్రహ్మానందరెడ్డి కుమారుడు కొమ్మారెడ్డి హేమ రామిరెడ్డి పేరున మంగళగిరి సబ్‌ రిజిస్ట్రార్ కార్యాలయంలో రిజిస్ట్రేషన్ చేయించుకున్నారు. అంతేకాకుండా ప్రామిసరీ నోట్లు, ల్యాండ్‌ రికార్డులు, పాస్‌ పుస్తకాలు, టైటిల్‌ డీడ్లను తన వద్దే ఉంచుకుని వెనక్కి ఇవ్వకుండా వేధించారు. » బ్రహ్మానందరెడ్డి (భూమిపుత్ర రెడ్డి అని కూడా పిలుస్తారు) రాజధాని ప్రాంత గ్రామాలలో, రాయపూడిలోని అంబేడ్కర్‌ సొసైటీకి చెందిన 160 ఎకరాలు, లెనిన్‌ సొసైటీకి చెందిన 100 ఎకరాలు, మంగళగిరి దగ్గర బాపూజీ నగర్‌ ఎస్సీ భూములు, జగ్గప్ప చెరువు అసైన్డ్‌ భూములతో పాటు సుమారు 1,000 ఎకరాల అసైన్డ్‌ భూములను అక్రమంగా చేజిక్కించుకుని రూ.వేల కోట్లు ఆర్జించారు. » నాటి తుళ్లూరు తహసీల్దార్‌ సు«దీర్‌ బాబు, ఇతర రెవెన్యూ, సీఆర్‌డీఏ అధికారులకు భారీగా లంచాలు ఇవ్వడం ద్వారా ఈ అక్రమ బదలాయింపులు జరిగాయి. ఇందులో పలువురు ప్రభుత్వ పెద్దలు, ఉన్నతాధికారులు, వ్యాపారవేత్తలకు భాగం ఉంది. ఎస్సీ, ఎస్టీ రైతుల అసైన్డ్‌ భూములను ప్రభుత్వం తీసుకుంటే ఎలాంటి నష్టపరిహారం రాదని మభ్యపెట్టి, తక్కువ ధరలకే మా భూములు లాక్కున్నారు. పెద్ద మొత్తంలో భూములను బినామీ పేర్ల బదలాయించారు. » ఈ అక్రమాలపై 2020 ఫిబ్రవరి 14న మంగళగిరి సీఐడీ పోలీసులకు ఫిర్యాదు చేశాను.

కరువు కోరల్లో చిక్కి వాన చినుకు కోసం తహతహలాడిన నేలతల్లి గుండెలపై ఇప్పుడు వరుస ప్రకృతి విపత్తులు కన్నీళ్లు పారిస్తున్నాయి. పాడిపంటలతో కళకళలాడాల్సిన పల్లెలోగిళ్లు నేలవాలిన పైర్లు, ముంపుచేలతో విలవిల్లాడుతున్నాయి. పుట్టెడు శోకంతో అన్నదాతకు బాధల గరళాన్ని పంచుతున్నాయి. ఆదుకోవాల్సిన చంద్రబాబు సర్కారు నేలవిడిచి ‘సేద్యం’ చేయడంతో కర్షకుల ఆర్తనాదాలు అరణ్యరోదనలా మారాయి. కర్కశ పాలకుల తీరును నిస్సహాయంగా గర్హిస్తున్నాయి.సాక్షి, అమరావతి: చంద్రబాబు ప్రభుత్వ నిర్వాకానికి తోడు వరుస విపత్తులు అన్నదాతలను కోలుకోలేని దెబ్బతీస్తున్నాయి. ఓ వైపు కరువు.. మరో వైపు భారీ వర్షాలు.. వరుస తుపానులు సంభవిస్తుండడంతో రైతన్నలు విలవిల్లాడిపోతున్నారు. తొలుత వర్షాభావం.. ఆ తర్వాత అడపాదడపా కురిసిన భారీ వర్షాలు.. అనంతరం అర్నబ్‌ తుపాను, ఇప్పుడు తాజాగా మురసు తుపాను.. ఇలా ఒకదాని వెంట మరొకటి విపత్తులు రైతుల జీవితాలను అతలాకుతలం చేస్తున్నాయి. తొలుత వర్షం కోసం ఆకాశం వైపు ఆశగా ఎదురు చూసిన రైతులు.. నేడు కురుస్తున్న కుండపోత వర్షాలను చూసి బెంబేలెత్తుతున్నారు. వర్షాభావంతో మొదలైన కష్టాలుఖరీఫ్‌ ఆరంభంలోనే వర్షాలు ముఖం చాటేయడంతో కరువు కోరలు చాచింది. దీంతో రైతులు తీవ్ర ఇబ్బందులు ఎదుర్కొన్నారు. విత్తనాలు వేయడం ఆలస్యమైంది. విత్తిన పంటలు తేమలేక ఎండిపోయే పరిస్థితి నెలకొంది. బోర్లు, బావుల ద్వారా నీటిని తోడి పంటలను కాపాడుకునేందుకు అదనపు ఖర్చులు చేయాల్సి వచ్చింది. వర్షాలు వస్తాయో రావో అన్న అనిశ్చితితో కొందరు రైతులు సాగు విస్తీర్ణాన్ని తగ్గించుకోగా, మరికొందరు అప్పులు చేసి పరిస్థితులకు ఎదురొడ్డి మరీ సాగును కొనసాగించారు. ఎలాగొలా పంటలను గట్టెక్కించారు. అయితే చివరి దశలో నెల రోజులుగా వెంటాడుతున్న ప్రకృతి విపత్తులు కర్షకులు కంటిమీద కునుకు లేకుండా చేస్తున్నాయి. సెప్టెంబర్‌లో కురిసిన భారీ వర్షాలు కొత్త సమస్యలు తెచి్చపెట్టాయి. ఎడతెరిపి లేని వర్షాలతో పొలాల్లో నీరు నిలిచిపోయింది. అధిక తేమ కారణంగా పంట ఎదుగుదల దెబ్బతినడం, వేరుకుళ్లు, తెగుళ్లు పెరగడం వంటి సమస్యలు ఎదురయ్యాయి. కొన్ని ప్రాంతాల్లో విత్తిన పంటలు దెబ్బతినడంతో తిరిగి విత్తనాలు వేయాల్సిన పరిస్థితి ఏర్పడింది. ఇప్పటికే రెండోసారి పెట్టుబడి పెట్టిన రైతులకు అదనపు భారం తప్పలేదు.మురసుకు 3లక్షల ఎకరాలకుపైగా...పంటలకు నష్టం అర్నబ్‌ తుపాను నష్టాల నుంచి బయటపడకముందే తాజాగా మురసు తుపాను రైతులను మరింత కుంగదీస్తోంది. వెన్ను, పొట్ట దశల్లో ఉన్న పైర్లలో నీరు నిలిచిపోవడంతో నేలకొరిగిన పనలు పూర్తిగా కుళ్లిపోతున్నాయి. మరోవైపు అధిక వర్షాలకు పత్తి కాయలు కుళ్లిపోవడం, పూత రాలిపోతున్నాయి. మొక్కజొన్నలో నీరు నిలవడం వల్ల వేర్లు కుళ్లిపోయే ప్రమాదం ఉంది. పప్పుధాన్యాలు, వేరుశనగ, కూరగాయల పంటలు కూడా అధిక తేమతో దెబ్బతినే అవకాశం ఉంది. అరటి తోటలు ఈదురుగాలులకు నేలకొరిగితే రైతులకు కోలుకోలేని నష్టం వాటిల్లుతోంది. గుంటూరు, బాపట్ల, కృష్టా, ఏలూరు, ఎన్టీఆర్, పల్నాడు, తూర్పు గోదావరి, ప్రకాశం జిల్లాల్లో కుండపోతగా కురుస్తున్న వర్షాలకు పంటలకు అపార నష్టం వాటిల్లింది. ఆయా జిల్లాల్లో దాదాపు 129 మండలాల పరిధిలోని 1257 గ్రామాల్లో 1,58,162 మంది రైతులకు చెందిన 3 లక్షల ఎకరాలు పూర్తిగా దెబ్బతిన్నట్టు ప్రాథమికంగా గుర్తించారు. 2.50 లక్షల ఎకరాలు వరి పంట కాగా, ఆ తర్వాత 30 వేల ఎకరాల్లో పత్తి, 11,540 ఎకరాల్లో మినుము, 2,250 ఎకరాల్లో కందులు, 1,512 ఎకరాల్లో మొక్కజొన్న, వెయ్యి ఎకరాల్లో జూట్, 500 ఎకరాల్లో వేరుశనగ, మరో 500 ఎకరాల్లో పొగాకు, 250 ఎకరాల్లో జొన్నలతో పాటు ముందస్తు రబీ సీజన్‌ సాగు చేసిన పంటల్లో 1,577 ఎకరాల్లో శనగ పంట కూడా దెబ్బతింది. వాస్తవానికి అర్నబ్‌ తుపాను దెబ్బకు 12 లక్షల ఎకరాల్లో పంటలు దెబ్బతినగా, మురసు ప్రభావానికి దాదాపు 6 లక్షల ఎకరాలకు పైగా పంటలు ముంపునకు గురైనట్టు చెబుతున్నారు.అధికారికంగానే లక్షలాది ఎకరాల్లో పంటలు మునక భారీ వర్షాల నుంచి కోలుకోకముందే అర్నబ్‌ తుపాను రైతులపై విరుచుకుపడింది. రాష్ట్రంలో 9.38 లక్షల ఎకరాల్లో పంటలు నీట మునిగి దెబ్బతిన్నట్లు ప్రభుత్వం ప్రకటించింది. సుమారు 6.21 లక్షల మంది రైతులపై అర్నబ్‌ తుపాను ప్రభావం పడినట్లు అంచనా వేసింది. అత్యధికంగా 8.60 లక్షల ఎకరాల్లో వరి పంట తుడుచు పెట్టుకుపోయింది. ఆ తర్వాత పెద్ద ఎత్తున పత్తి, మొక్కజొన్న, ఉద్యాన పంటలతో పాటు తీరప్రాంతాల్లో ఆక్వా సాగుపైనా తుపాను ప్రభావం పడింది. పొలాల్లో నిలిచిన నీటిని బయటకు పంపలేక రైతులు ఇబ్బందులు పడ్డారు. పంటల్లో చేరిన ముంపునీరు దిగే పరిస్థితి లేదు. నేలకొరిగిన పంట చేలును ఒబ్బిడి చేసుకునే పరిస్థితి లేకుండానే ‘మురసు’ రూపంలో మరో ప్రకృతి విపత్తు రైతన్నలను ముంచేసింది. ఏరియల్‌ సర్వేలు.. సమీక్షలతోనే సరివరుస విపత్తుల వేళ రైతులకు సాంత్వన చేకూర్చేలా ఆర్ధిక చేయూతనివ్వాల్సిన వేళ ఏరియల్‌ సర్వేలు, సమీక్షలు, కేంద్రానికి నివేదికలతో సీఎం చంద్రబాబు కాలక్షేపం చేస్తున్నారు. పంట నష్టపరిహారం, పంటల బీమా పరిహారం, 100 శాతం సబ్సిడీపై విత్తనాల పంపిణీ, రుణాల రీషెడ్యూల్, కొత్త రుణాల మంజూరు ఊసెత్తకపోవడం పట్ల రైతులు మండి పడుతున్నారు.

సాక్షి, అమరావతి: ఊళ్లో జనం లేని సమయం చూసి, ఇళ్లకు తాళాలు వేసినప్పుడు కాపుకాచి.. దొంగల ముఠాలు పంజా విసిరి ప్రజల విలువైన సంపదను కొల్లగొట్టుకు పోవడం చూస్తుంటాం. అచ్చం అదే రీతిలో ‘మురసు’ తుపాను బీభత్సంతో ఓటర్లు వరద ముంపులో చిక్కుకుని, కనీసం ఇళ్ల నుంచి బయటకు అడుగు పెట్టలేని నిస్సహాయ స్థితిని పచ్చ పార్టీ ముఠాలు ఆసరాగా చేసుకుని కుటిల రాజకీయం చేస్తున్నాయి. ఈ క్రమంలో గురువారం జెడ్పీటీసీ, ఎంపీటీసీ పోలింగ్‌ సందర్భంగా తుపాన్‌ విరుచుకు పడుతున్న వేళ ప్రజలు ఇళ్ల నుంచి బయటకు రాలేని, ఆలస్యంగా వచ్చే వారి ఓటు హక్కును హైజాక్‌ చేయడానికి దొంగల ముఠా పక్కా స్కెచ్‌ వేసింది. ఇందుకు రాష్ట్ర ఎన్నికల కమిషన్‌ (ఎస్‌ఈసీ)ను మరోమారు పావుగా వాడుకుంది. భారీ వర్షాలకు ఊళ్లకు ఊళ్లు జలమయమైన నేపథ్యంలో ఎంపీటీసీ, జెడ్పీటీసీ ఎన్నికలను వాయిదా వేయాలని భావించిన ఎస్‌ఈసీని సైతం వెనక్కు తగ్గేలా ఒత్తిడి తెచ్చింది. యధావిధిగా ఎన్నికలు జరుగుతాయని ఎస్‌ఈసీ ప్రకటించడం వెనుక ఉన్న వ్యూహం ఇదేనని రాజకీయ పరిశీలకులు భావిస్తున్నారు. ఇప్పటికే పోలీసులు, పచ్చ పార్టీ గూండాలు జట్టు కట్టి జెడ్పీటీసీ, ఎంపీటీసీ ఎన్నికల్లో వైఎస్సార్‌సీపీ అభ్యర్థుల నామినేషన్‌లను అడ్డుకోవడం, వేసిన నామినేషన్‌లను విత్‌డ్రా చేయించడం ద్వారా పలు చోట్ల బలవంతపు ఏకగ్రీవాలకు పాల్పడ్డారు. మున్సిపల్‌ పోలింగ్‌ సందర్భంగా వైఎస్సార్‌ కడప, తిరుపతి, చిత్తూరు సహా అనేక జిల్లాల్లో పోలీసులు, పచ్చ పార్టీ గూండాలు ఓటర్లను పోలింగ్‌ కేంద్రాలకు వెళ్లకుండా అడ్డుకుని యథేచ్ఛగా రిగ్గింగ్‌కు పాల్పడ్డారు. మున్సిపల్‌ ఎన్నికల తరహాలోనే జెడ్పీటీసీ, ఎంపీటీసీ పోలింగ్‌లోనూ రిగ్గింగ్‌కు పాల్పడేందుకు వ్యూహ రచన చేసినట్లు సమాచారం. ఈ క్రమంలో వరదలు, వర్షాల దెబ్బకు ఓటర్లు సైతం ఇళ్ల నుంచి బయటకు రాకుంటే బూత్‌లను ఆక్రమించి ఏకపక్షంగా ఓట్లన్నీ గుద్దేసుకోవచ్చనే పన్నాగానికి తెరలేపారు. ఇందుకు ఎస్‌ఈసీ సైతం పచ్చజెండా ఊపడంపై ప్రజాస్వామ్య వాదులు ఆగ్రహం వ్యక్తం చేస్తున్నారు. క్షేత్ర స్థాయిలో పర్యటించే వీల్లేకుండా ఏరియల్‌ సర్వే: గత వారంలో అర్నబ్, ఈ వారంలో మురసు తుపాన్ల దెబ్బకు శ్రీకాకుళం జిల్లా నుంచి నెల్లూరు జిల్లా వరకు అంటే రాష్ట్రంలో మూడొంతుల ప్రాంతం అతలాకుతలమైంది. మూడు రోజులుగా మురసు తుపాను ధాటికి కాకినాడ, అంబేడ్కర్‌ కోనసీమ, కృష్ణ, ఎన్టీఆర్, గుంటూరు, పల్నాడు, బాపట్ల, ప్రకాశం జిల్లాల్లో వర్షాలు బీభత్సం సృష్టించాయి. ఊళ్లన్నీ జల దిగ్బంధంలో ఉన్నాయి. ఈ క్రమంలో తుపాను ప్రభావిత ప్రాంతాల్లో పర్యటించాలని సీఎం చంద్రబాబు నిర్ణయించారు. అయితే, అక్కడ హెలికాప్టర్‌ ల్యాండింగ్, క్షేత్ర స్థాయి పరిశీలనకు అనుకూల పరిస్థితులు లేవని.. కేవలం ఏరియల్‌ సర్వే చేశారు. ఇంతటి ప్రతికూల పరిస్థితుల్లో ఓటర్లు ఎలాగూ పోలింగ్‌ బూత్‌లకు రారని, దాన్ని ఆసరాగా చేసుకుని, పచ్చ గూండాలను బరిలోకి దించి బూత్‌లను ఏకపక్షంగా ఆక్రమించుకోవాలని పార్టీ శ్రేణులకు దిశా నిర్దేశం చేసినట్లు సమాచారం. వాయిదా అన్నారు.. వెంటనే కాదన్నారు.. తుపాను కారణంగా తమ పరిధిలోని కొన్ని మండలాల్లో పోలింగ్‌ నిర్వహించే పరిస్థితి లేదని గుంటూరు, బాపట్ల జిల్లాల జెడ్పీ సీఈవోలు ఎస్‌ఈసీ­కి సమాచారం ఇచ్చారు. గుంటూరు జిల్లాలోని కాకుమాను, పెదనందిపాడు, ఫిరంగిపురం మండలాల్లో గురువారం కాకుండా శుక్రవారం ఎన్ని­క­లు నిర్వహిస్తామని జిల్లా కలెక్టర్‌ బుధవారం విలేకరుల సమావేశంలో ప్రకటించారు. మళ్లీ కొద్ది సే­పటికే వాయిదా నిర్ణయాన్ని విరమించుకున్నామని, యథావిధిగా గురువారమే జిల్లాలోని అన్ని మండలాల్లో ఎన్నికలు ఉంటాయని స్పష్టం చేశారు. దీని వెనుక టీడీపీ కూటమి రిగ్గింగ్‌ వ్యూహం స్పష్టమవుతోందని రాజకీయ పరిశీలకులు చెబుతున్నారు.

సాక్షి, అమరావతి : ‘మురసు’ తుపాను విరుచుకు పడటంతో రాష్ట్రంలోని సగం గ్రామాలు, పట్టణాలు జలమయమై జన జీవన స్రవంతికి ఇబ్బందులెదురైన పరిస్థితి కళ్లకు కడుతున్నా, ముఖ్యమంత్రి చంద్రబాబు మాత్రం వీలైనన్ని ఓట్లు గుద్దిపోసుకోవడానికి ఇదే సరైన తరుణమని భావించడం విస్తుగొలుపుతోంది. పలు జిల్లాల కలెక్టర్లు తుపాను వేళ పోలింగ్‌ వాయిదా వేయాలని కోరినా ససేమిరా అంటూ.. అనుకున్నది అనుకున్నట్లు జరగాలని పట్టుబట్టి నివేదికలను మార్పించడం అధికార వర్గాల్లో తీవ్ర చర్చనీయాంశమైంది. స్థానిక ఎన్నికల ప్రక్రియ మొదలైనప్పటి నుంచి అడుగడుగునా అక్రమాలు, దౌర్జన్యాలు, బెదిరింపులతో.. డజన్‌ కుట్రలతో అడ్డగోలుగా విజయం సాధించేలా కుతంత్రాలు పన్నిన విషయం విదితమే. ఈ క్రమంలో మున్సిపల్‌ ఎన్నికల్లో వైఎస్సార్‌సీపీ అభ్యర్థులు నామినేషన్‌ వేయకుండా ఆదిలోనే అడ్డుకోవడం.. టీడీపీ గూండాలు పత్రాలు లాక్కొని చింపేయడం.. ఈ అడ్డంకులు దాటుకుని ఎవరైనా నామినేషన్‌ దాఖలు చేసి ఉంటే.. ఏకంగా ఆర్వోల వద్దకే వెళ్లి వారి వద్ద ఉన్న పత్రాలు ఎత్తుకెళ్లడం.. ఆపై ఎవరైనా పోటీలో నిలిచి ఉంటే బెదిరింపులకు గురిచేయడం కళ్లకు కట్టినట్లు చూశాం. ఇందుకు సంబంధించి వందలాది వీడియోలు, ఫొటోలు సోషల్‌ మీడియాలో వైరల్‌ అయ్యాయి. అన్ని అడ్డంకులను అధిగమించి పోలింగ్‌ దాకా వచ్చిన చోట్ల ఏకంగా ప్రత్యర్థి పార్టీ ఏజెంట్లనే గెంటి వేయడమూ చూశాం. ఇప్పుడూ అదే పంథా జిల్లా, మండల పరిషత్‌ ఎన్నికల్లోనూ ఇదే దౌర్జన్యం కొనసాగింది. నేడు (గురువారం) పోలింగ్‌ జరగనుంది. అయితే మురసు తుపాను కారణంగా వాతావరణ శాఖ రాష్ట్రంలోని పలు జిల్లాలకు ఆరెంజ్, రెడ్‌ అలెర్ట్‌లను జారీ చేసింది. ఈ క్రమంలో భారీ వర్షాలు కురుస్తున్న ప్రాంతాల్లో ఆయా జిల్లాల కలెక్టర్లు పోలింగ్‌ను వాయిదా వేయాలంటూ ఎస్‌ఈసీకి లేఖ రాశారు. ఈ విషయం సీఎం చంద్రబాబుకు తెలియడంతో వెంటనే రంగంలోకి దిగిపోయారు. ఆయా జిల్లాల కలెక్టర్లతో మాట్లాడి.. గురువారం పోలింగ్‌ నిర్వహించేందుకు అనుకూల పరిస్థితులు ఉన్నాయంటూ వెంటనే మరో నివేదిక తెప్పించారు. దీంతో పోలింగ్‌ను ఎస్‌ఈసీ వాయిదా వేయలేక పోయింది. వాస్తవానికి ప్రజలు ఓటు వేసే పరిస్థితి లేదని స్వయంగా సీఎం చంద్రబాబు సైతం తన ఏరియల్‌ సర్వేలో గుర్తించారు. అయినప్పటికీ తుపాను వేళ అయితే రిగ్గింగ్, సైక్లింగ్‌కు పూర్తి అనుకూలంగా ఉంటుందని పార్టీ శ్రేణులకు దిశా నిర్దేశం చేస్తూ ఈ నిర్ణయం తీసుకున్నారు. అయితే ప్రజలను మభ్యపెట్టడానికన్నట్లు తూతూ మంత్రంగా కేవలం నాలుగైదు చోట్ల మాత్రమే వాయిదా వేశారు. ముఖ్యమంత్రి స్థానంలో ఉన్న వ్యక్తి ఇంత కుంచిత బుద్ధితో వ్యవహరించడం దేశంలో ఎప్పుడూ, ఎక్కడా చూడలేదని అధికార వర్గాల్లో ఈ విషయం తీవ్ర చర్చనీయాంశమైంది.

సాక్షి,హైదరాబాద్‌ : చంద్రబాబు,లోకేష్‌ తనపై కుట్రపూరితంగా వ్యవహరిస్తున్నారని మాజీ మంత్రి అంబటి రాంబాబు ఆగ్రహం వ్యక్తం చేశారు. బుధవారం మద్యం అక్రమ కేసులో హైదరాబాద్‌లో ఎన్‌ఫోర్స్‌మెంట్‌ డైరెక్టరేట్‌ (ఈడీ) ఎదుట విచారణకు హాజరయ్యారు. ఈడీ విచారణ అనంతరం,అంబటి మీడియాతో మాట్లాడారు. రాజకీయ కుట్రతోనే ఈడీ నోటీసులు జారీ చేసింది. చంద్రబాబు,లోకేష్‌ కక్షతో వ్యవహరిస్తున్నారు. లిక్కర్‌ ట్రాన్స్‌పోర్టుకు సంబంధించి ఈడీ నోటీసులు ఇచ్చింది. ఇద్దరి పేర్లను రికమండ్‌ చేయడం తప్పని నేను అనుకోను. విచారణలో నాకు తెలిసిన సమాచారాన్ని చెప్పా’నని తెలిపారు.

సాక్షి, అమరావతి: రాష్ట్రంలో స్థానిక ఎన్నికల సందర్భంగా అధికార పార్టీ బరి తెగించి అక్రమాలకు పాల్పడుతున్నా రాష్ట్ర ఎన్నికల కమిషన్‌ నిర్లిప్తంగా వ్యవహరించడం.. సుప్రీంకోర్టు ఆదేశాలనూ బేఖాతర్‌ చేయడంపై వైఎస్సార్‌సీపీ తీవ్రంగా పరిగణించింది. ఎస్‌ఈసీ నిర్లక్ష్యం కారణంగా మున్సిపల్‌ ఎన్నికల కౌంటింగ్‌ సందర్భంగా చోటు చేసుకుంటున్న ఘటనలపై ప్రతి స్పందించింది. కుప్పం మున్సిపాలిటీలో ఓట్ల లెక్కింపు సందర్భంగా.. వైఎస్సార్‌సీపీ అభ్యర్థులు, కౌంటింగ్‌ ఏజెంట్లను బయటకు పంపించడం, పోలీసుల లాఠీచార్జి.. అనంతపురం జిల్లా కళ్యాణదుర్గం మున్సిపాలిటీలో ఓట్ల లెక్కింపు సందర్భంగా వైఎస్సార్‌సీపీ గెలిచిన వార్డుల్లోనే రీకౌంటింగ్‌కు అనుమతి ఇవ్వడంపై ఎన్నికల కమిషన్‌ తక్షణ జోక్యం చేసుకోవాలని వైఎస్సార్‌సీపీ కోరింది. ఈ నేపథ్యంలో సుప్రీంకోర్టు ఆదేశాల మేరకు ఇప్పటికైనా స్పందించి చర్యలు తీసుకోవాలని సూచిస్తూ వైఎస్సార్‌సీపీ మంగళవారం 16 వేర్వేరు ఫిర్యాదులు చేసింది. ఈ మేరకు పార్టీ ఎమ్మెల్సీ లేళ్ల అప్పిరెడ్డి ఎస్‌ఈసీకి లేఖలు రాశారు. అందులో వివరాలివీ... సమస్యాత్మక కేంద్రాల్లో ప్రత్యేక భద్రతా ఏర్పాట్లు.. రాష్ట్రంలోని పలు జిల్లాల్లో సమస్యాత్మక ప్రాంతాల్లో గతంలో చోటు చేసుకున్న ఘటనలను దృష్టిలో ఉంచుకుని సుప్రీంకోర్టు ఆదేశాల ప్రకారం సీసీటీవీ, వీడియోగ్రఫీ ఏర్పాటుతోపాటు అదనపు పోలీసు బలగాలను మోహరించాలి. శ్రీసత్యసాయి జిల్లా ధర్మవరం రూరల్‌ మండలం, ధర్మవరం అసెంబ్లీ నియోజకవర్గ పరిధిలోని ముదిగుబ్బ, తాడిమర్రి మండలాలు, ఇదే జిల్లాలోని బత్తలపల్లి మండలంలో తగిన ఏర్పాట్లు చేయాలి. తిరుపతి జిల్లా పెల్లకూరు మండలం పునబాక, చిల్లకూరు గ్రామాల ఎస్సీ, ఎస్టీ ఓటర్లకు రక్షణతోపాటు అన్ని పోలింగ్‌ కేంద్రాల్లో ఏజెంట్లకు తగిన పోలీసు భద్రత కల్పించాలి. శ్రీకాకుళం జిల్లా నందిగాం మండలంలోని 56, 57, 58, 59 పోలింగ్‌ కేంద్రాల వద్ద, మార్కాపురం జిల్లా హనుమంతునిపాడు మండలంలోని సమస్యాత్మక కేంద్రాల్లో ప్రత్యేక భద్రతా ఏర్పాట్లు చేయాలి. 100 శాతం వెబ్‌కాస్టింగ్, సీసీటీవీలు.. తిరుపతి జిల్లా చినగొట్టిగల్లు, రామచంద్రాపురం మండలాల్లోని కీలక, అత్యంత కీలకమైన పోలింగ్‌ కేంద్రాల్లో కేంద్ర సాయుధ పోలీసు బలగాల మోహరింపు, వెబ్‌కాస్టింగ్, ప్రత్యేక భద్రతా ఏర్పాట్లు చేయాలి. చిత్తూరు జిల్లా పలమనేరు నియోజకవర్గంలోని సమస్యాత్మక, అత్యంత సమస్యాత్మక పోలింగ్‌ కేంద్రాల్లో అదనపు బలగాలు, కేంద్ర సాయుధ పోలీసు బలగాలు, 100 శాతం వెబ్‌కాస్టింగ్, సీసీటీవీలు ఏర్పాట్లు చేయాలి. దీంతో పాటు తిరుపతి జిల్లా పెల్లకూరు మండలంలో అధికారికంగా నియమించిన ఏజెంట్లను అన్ని పోలింగ్‌ కేంద్రాల్లోకి అనుమతించి స్వేచ్ఛాయుత, నిష్పక్షపాత ఎన్నికలు జరిగేలా చూడాలి. కుప్పంలో విపక్ష అభ్యర్థులు, ఏజెంట్లను గెంటేసి కౌంటింగ్‌... మున్సిపల్‌ ఎన్నికల కౌంటింగ్‌ సందర్భంగా పలుచోట్ల చోటు చేసుకున్న ఘటనలపై ఎన్నికల కమిషన్‌ తక్షణం చర్యలు తీసుకోవాలి. కుప్పం మున్సిపాలిటీలో ఓట్ల లెక్కింపు సందర్భంగా వైఎస్సార్‌సీపీ అభ్యర్థులు, కౌంటింగ్‌ ఏజెంట్లను బయటకు పంపించడం, పోలీసుల లాఠీచార్జి, అనంతపురం జిల్లా కళ్యాణదుర్గం మున్సిపాలిటీలో ఓట్ల లెక్కింపు సందర్భంగా అక్రమాలకు తెర తీస్తూ.. వైఎస్సార్‌సీపీ గెలిచిన వార్డుల్లోనే రీకౌంటింగ్‌కు అనుమతి ఇవ్వడంపై ఎన్నికల కమిషన్‌ తక్షణ జోక్యం చేసుకోవాలి. వీటితో పాటు ప్రకాశం జిల్లా చీమకుర్తి కౌంటింగ్‌ కేంద్రంలో టీడీపీ నాయకులు, వారి అనుచరులు వైఎస్సార్‌సీపీ కౌంటింగ్‌ ఏజెంట్లను అడ్డుకోవడం, పోలీసులు స్పందించకపోవడంపై తక్షణ జోక్యం చేసుకోవాలి. ఆత్మకూరు మున్సిపాలిటీలో 26, 27 వార్డుల్లో రీకౌంటింగ్‌ సందర్భంగా చోటు చేసుకున్న అక్రమాలు, అనధికార వ్యక్తులు కౌంటింగ్‌ హాల్‌లోకి ప్రవేశించడంపై స్వతంత్ర బృందం పర్యవేక్షణలో తిరిగి లెక్కింపు జరపాలి. ఆ అధికారులపై చర్యలు తీసుకోవాలి... గతంలో పులివెందుల జెడ్పీటీసీ ఉపఎన్నికల సందర్భంగా జిల్లా ఎన్నికల అధికారిగా వ్యవహరించిన కడప కలెక్టర్‌ చెరుకూరి శ్రీధర్‌ ఎన్నికల ప్రక్రియను అధికార పార్టీకి అనుకూలంగా నిర్వహించేలా అవకాశం కల్పించారు. ఆ ఉపఎన్నిక సందర్భంగా జరిగిన చోటు చేసుకున్న అక్రమాల గురించి తెలిసి కూడా పట్టించుకోలేదు. ఓటరు స్లిప్పుల పంపిణీలో అక్రమాలు, పెద్ద సంఖ్యలో ఓటర్లను ఒక ప్రాంతం నుంచి మరొక ప్రాంతానికి తరలించడం లాంటి అంశాలపై ఫిర్యాదులు అందినా తగిన చర్యలు తీసుకోలేదు. దీనిపై స్వతంత్ర విచారణ జరిపించడంతో పాటు పక్షపాతంగా వ్యవహరించిన అధికారులపై చర్యలు తీసుకోవాలి. వారిని ఎన్నికల విధుల నుంచి తప్పించి స్థానిక సంస్థల ఎన్నికలు నిష్పక్షపాతంగా జరిగేలా చర్యలు తీసుకోవాలి. పోలింగ్‌ రికార్డింగ్‌లు భద్రపరచాలని ఆదేశం.. వైఎస్సార్‌సీపీ ఎమ్మెల్సీ లేళ్ల అప్పిరెడ్డి ఫిర్యాదులపై స్పందించిన రాష్ట్ర ఎన్నికల కమిషన్‌ తాజాగా కీలక ఆదేశాలు జారీ చేసింది. సుప్రీంకోర్టు ఆదేశాల ప్రకారం ఎంపీటీసీ, జెడ్పీటీసీ ఎన్నికల్లో అన్ని పోలింగ్‌ కేంద్రాలు, స్ట్రాంగ్‌ రూములు, కౌంటింగ్‌ కేంద్రాల్లో సీసీటీవీ లేదా వీడియోగ్రఫీ ఏర్పాట్లు చేయాలని అన్ని జిల్లాల కలెక్టర్లు, జిల్లాల ఎన్నికల అధికారులు, ఎస్పీలు, పోలీసు కమిషనర్లను ఆదేశించింది. ఎన్నికల పిటిషన్‌ దాఖలు చేసే గడువు ముగిసే వరకు లేదా దానిపై తుది పరిష్కారం అయ్యేవరకు రికార్డింగ్‌లను భద్రపరచాలని స్పష్టం చేసింది. అలాగే ఆయా ఫిర్యాదులపై తీసుకున్న చర్యల నివేదికను ఈ నెల 4వ తేదీ సాయంత్రం 4 గంటలలోపు సమర్పించాలని ఆదేశించింది.

సాక్షి, అమరావతి: ప్రజాస్వామ్యాన్ని నిలువునా సమాధి చేశారు. ఎన్నికలంటే ప్రజాతంత్ర ప్రక్రియ కాదు.. అధికార పార్టీ ఆడే కుతంత్రాల ఆట అని నిర్లజ్జగా చాటిచెప్పారు. రెండున్నరేళ్ల పాలనపై వెల్లువెత్తుతున్న ప్రజావ్యతిరేకతతో బెంబేలెత్తిన చంద్రబాబు.. తన మార్కు అధికార దౌర్జన్యానికి తెరలేపారు. ప్రజాతీర్పును ఎదుర్కొనే ధైర్యం లేక ప్రజాస్వామ్య వ్యవస్థలనే తన రాజకీయ ప్రయోజనాలకు పావులుగా మార్చుకున్నారు. మున్సిపల్‌ ఎన్నికల ప్రక్రియ మొత్తాన్ని టీడీపీ కూటమి తన గుప్పిట్లోకి తీసుకుంది. నామినేషన్ల దశ నుంచి స్రూ్కటినీ, ఉపసంహరణలు, పోలింగ్, పోలింగ్‌ శాతం నమోదు, కౌంటింగ్‌ వరకు అడుగడుగునా అక్రమాలు, అధికార దుర్వినియోగం, బెదిరింపులు, దాడులతో ఎన్నికల వ్యవస్థను భ్రషు్టపట్టించారు. కీలకమైన పోలింగ్‌ రోజున రిగ్గింగ్, బూత్‌ల ఆక్రమణలు, వైఎస్సార్‌సీపీ నేతలు, అభ్యర్థులు, ఏజెంట్లపై దాడులతో భయానక వాతావరణం సృష్టించారు. స్వేచ్ఛగా, నిష్పక్షపాతంగా ఎన్నికలు నిర్వహించాల్సిన ఎన్నికల సంఘం ప్రేక్షకపాత్రకు పరిమితమైంది. శాంతిభద్రతలను కాపాడాల్సిన పోలీసు యంత్రాంగం అధికార పార్టీ కొమ్ముకాసింది. ప్రజాస్వామ్యాన్ని పరిరక్షించాల్సిన వ్యవస్థలే అధికార పార్టీ రాజకీయ ప్రయోజనాలకు వేదికలుగా మారాయి. ప్రజల ఓటుతో గెలవడం కష్టమని.. దండోపాయాన్నే ఏకైక ఎన్నికల వ్యూహంగా మార్చుకున్నారు. బెదిరింపులు, దాడులు, దౌర్జన్యాలతో ప్రతిపక్షాన్ని అణచివేసి, ప్రజాతీర్పును పక్కదారి పట్టించే ప్రయత్నం చేశారు. అడుగడుగునా అక్రమాలు.. ప్రతి మలుపులోనూ అధికార బలప్రయోగం.. చివరకు అన్నీ ముగిశాక ‘కూటమి ఘనవిజయం’ అంటూ ప్రకటించుకున్నారు. ఇది ప్రజాస్వామ్య విజయం కాదు.. ప్రజాస్వామ్య వ్యవస్థలపై సాగిన అధికార దాడి. ఎన్నికల ప్రక్రియను కబ్జా చేసి సాధించిన ఫలితాలను ప్రజాతీర్పుగా ఎలా చెప్పుకుంటారు? ప్రజల ఓటు స్వేచ్ఛను హరించి, వ్యవస్థల విశ్వసనీయతను దెబ్బతీసి సాధించిన గెలుపులో ప్రజాస్వామ్య విలువలకు చోటెక్కడ? కరకట్ట నివాసంలోనే దశకుట్రల స్కెచ్‌ రెండున్నరేళ్ల పాలనపై వెల్లువెత్తుతున్న ప్రజావ్యతిరేకతను చూసి బెంబేలెత్తిన చంద్రబాబు.. మున్సిపల్‌ ఎన్నికలను అధికార దౌర్జన్యానికి వేదికగా మార్చుకున్నారు. ప్రజాస్వామ్యాన్ని పాతరేసి, ఎన్నికల ప్రక్రియనే కబ్జా చేసే రాజకీయ కుతంత్రానికి తెరతీశారు. చంద్రబాబు సూత్రధారిగా.. ఎన్నికల సంఘం, పోలీసు యంత్రాంగం పాత్రధారులుగా భారీ రాజకీయ పన్నాగానికి రూపకల్పన చేశారు. నామినేషన్ల నుంచి కౌంటింగ్‌ వరకు ఏ దశలో ఎలా అడ్డుకోవాలి.. ఎక్కడ బెదిరించాలి.. ఎక్కడ దాడులకు దిగాలి.. ఎక్కడ ఫలితాలను తారుమారు చేయాలి అన్నట్లుగా కరకట్ట నివాసంలోనే దశకుట్రల స్కెచ్‌ వేశారు. ఆ పథకాన్ని అమలు చేసేందుకు అధికార యంత్రాంగం నుంచి టీడీపీ శ్రేణుల వరకు రంగంలోకి దిగాయి. ప్రజల ఓటుతో గెలవాల్సిన ఎన్నికలను అధికార బలంతో కైవసం చేసుకునేందుకు కూటమి బరితెగించింది. నామినేషన్ల దశలోనే ప్రజాస్వామ్యానికి సంకెళ్లు! స్థానిక ఎన్నికల ప్రక్రియ ప్రారంభం నుంచీ దశకుట్రలను పకడ్బందీగా అమలు చేస్తూ వచ్చారు. ఎన్నికల అక్రమాలకు తొలి అడుగే నామినేషన్ల అడ్డగింత. వైఎస్సార్‌సీపీ అభ్యర్థులు బరిలో నిలవకుండా అధికార యంత్రాంగాన్ని దుర్వినియోగం చేశారు. టీడీపీ శ్రేణులు మారణాయుధాలతో దాడులకు దిగుతూ బీభత్సం సృష్టించాయి. పలుచోట్ల వైఎస్సార్‌సీపీ అభ్యర్థులు, వారి కుటుంబ సభ్యులను అపహరించారు. పుంగనూరు, రాయచోటి, ప్రొద్దుటూరు వంటి వైఎస్సార్‌సీపీ బలంగా ఉన్న మున్సిపాలిటీల్లోనూ అభ్యర్థులు నామినేషన్లు వేయకుండా అడ్డంకులు సృష్టించారు. వైఎస్‌ కుటుంబానికి కంచుకోటగా, మాజీ సీఎం వైఎస్‌ జగన్‌మోహన్‌రెడ్డి ప్రాతినిధ్యం వహిస్తున్న పులివెందులలో ఏకంగా 20 డివిజన్లలో వైఎస్సార్‌సీపీ అభ్యర్థులు నామినేషన్లు వేయనీయలేదు. పోలీసు వ్యవస్థ మొదలుకొని ఎన్నికల కమిషనర్, కలెక్టర్లు, జాయింట్‌ కలెక్టర్లు, ఆర్డీవోలు, తహశీల్దార్లు, మున్సిపల్‌ కమిషనర్ల వరకు యావత్‌ అధికార యంత్రాంగం టీడీపీ అక్రమాలకు అండగా నిలిచింది. ప్రతిపక్ష అభ్యర్థులను బరి నుంచి తప్పించి, వీలైనన్ని స్థానాలను కూటమి ఖాతాలో ఏకగ్రీవాలుగా వేసుకునే ప్రయత్నం చేశారు. స్క్రూటినీ, ఉపసంహరణల్లో కుట్రల పర్వం! బెదిరింపులు, దాడులను ఎదురొడ్డి వైఎస్సార్‌సీపీ అభ్యర్థులు భారీ సంఖ్యలో నామినేషన్లు దాఖలు చేయడంతో రెండో దశలో అక్రమాలకు తెరతీశారు. పలు మున్సిపాలిటీల్లో రిటరి్నంగ్‌ అధికారులు ఏకపక్షంగా వైఎస్సార్‌సీపీ అభ్యర్థుల నామినేషన్లను తిరస్కరించారు. నామినేషన్ల ఉపసంహరణ ప్రక్రియను సైతం అక్రమాలకు వేదికగా మార్చారు. అభ్యర్థుల సంతకాలను ఫోర్జరీ చేసి, వారే స్వచ్ఛందంగా నామినేషన్లు ఉపసంహరించుకున్నట్లు ప్రకటించారు. బాధిత అభ్యర్థులు అభ్యంతరాలు వ్యక్తం చేసినా పట్టించుకోలేదు. పోలింగ్‌ రోజున రిగ్గింగ్‌.. బూత్‌లపై దండయాత్ర! ఇన్ని అడ్డంకులను అధిగమించి వైఎస్సార్‌సీపీ అభ్యర్థులు 92 పట్టణ స్థానిక సంస్థల్లో పోటీలో నిలవడంతో కూటమి నేతలు ఆందోళనకు గురయ్యారు. స్వేచ్ఛగా ఎన్నికలు జరిగితే ఫలితాలు ప్రతికూలంగా వస్తాయన్న భయంతో పోలింగ్‌ రోజున బలప్రయోగానికి రంగం సిద్ధం చేశారు. సుప్రీంకోర్టు ఆదేశాల మేరకు అవసరమైన భద్రతా ఏర్పాట్లు చేయలేదు. వైఎస్సార్‌సీపీ అభ్యర్థులు, పోలింగ్‌ ఏజెంట్లకు రక్షణ కల్పించలేదు. పోలింగ్‌ కేంద్రాల్లో సీసీటీవీ కెమెరాలు ఏర్పాటు చేయలేదు. పోలింగ్‌ రోజున పలుచోట్ల అపహరణలు, దాడులు, బెదిరింపులు చోటుచేసుకున్నాయి. బూత్‌లలో ఉన్న వైఎస్సార్‌సీపీ ఏజెంట్లను బలవంతంగా బయటకు పంపి, టీడీపీ వర్గీయులు పోలింగ్‌ కేంద్రాలను తమ ఆధీనంలోకి తీసుకుని రిగ్గింగ్‌కు పాల్పడ్డారు. ప్రజలు స్వేచ్ఛగా ఓటు వేసే హక్కును హరించారు. పోలైన ఓట్ల గణాంకాల్లో రాత్రికి రాత్రే మార్పులెలా? పోలింగ్‌ ముగిసిన తర్వాత కూడా అక్రమాల పర్వం ఆగలేదు. ఆదివారం పోలింగ్‌ ముగిసిన అనంతరం వెల్లడించిన పోలైన ఓట్ల గణాంకాలకు, సోమవారం అధికారికంగా ప్రకటించిన గణాంకాలకు మధ్య తేడా ఉండటం తీవ్ర అనుమానాలకు తావిచ్చింది. ఒకరోజు వ్యవధిలోనే పోలైన ఓట్ల సంఖ్య ఎలా పెరిగింది? బ్యాలెట్‌ బాక్సుల్లోకి అదనపు ఓట్లు ఎలా వచ్చాయి? ఈ మార్పులకు బాధ్యులెవరు? అన్న ప్రశ్నలు ఉత్పన్నమయ్యాయి. పోలింగ్‌ గణాంకాల్లో చోటుచేసుకున్న ఈ వ్యత్యాసంపై ఎన్నికల సంఘం సమగ్ర వివరణ ఇవ్వాల్సిన అవసరం ఉంది. ఈ వ్యవహారం వెనుక ఎవరున్నారు? ఎవరి ఆదేశాలతో గణాంకాలు మారాయి? అన్నది తేల్చాల్సిందే. రీకౌంటింగ్‌ పేరుతో ఫలితాల తారుమారు! ఎన్నికల ప్రక్రియ చివరి అంకమైన ఓట్ల లెక్కింపులోనూ వివాదాలు చెలరేగాయి. వైఎస్సార్‌సీపీ అభ్యర్థులు ఆధిక్యంలో ఉన్న కార్పొరేషన్‌ డివిజన్లు, మున్సిపల్‌ వార్డుల్లో కౌంటింగ్‌కు ఆటంకాలు సృష్టించారు. రీకౌంటింగ్‌ పేరుతో పదేపదే లెక్కింపులు జరిపించి, తొలుత ఆధిక్యంలో ఉన్న వైఎస్సార్‌సీపీ అభ్యర్థులకు బదులుగా కూటమి అభ్యర్థులు గెలిచినట్లు ప్రకటించేవరకు ఒత్తిడి తెచ్చారు. అనంతపురం కార్పొరేషన్‌: రెండు రౌండ్ల కౌంటింగ్‌ పూర్తయ్యేసరికి వైఎస్సార్‌సీపీ మేయర్‌ అభ్యర్థి రమేశ్‌ గౌడ్‌ దాదాపు 3,200 ఓట్ల ఆధిక్యంలో ఉన్నారు. దాంతో మంత్రులు పయ్యావుల కేశవ్, సత్యకుమార్‌ యాదవ్, సవిత తదితరులు అక్కడికి చేరుకుని కౌంటింగ్‌ నిలిపివేయించారు. దీనిపై తీవ్ర వివాదం చెలరేగింది. నందికొట్కూరు మున్సిపాలిటీ: ఇక్కడ వైఎస్సార్‌సీపీ మున్సిపల్‌ చైర్మన్‌ పదవితోపాటు మెజార్టీ వార్డులను గెలుచుకుంది. ఈ ఫలితాల నేపథ్యంలో కూటమి నేతలు, శ్రేణులు అభ్యంతరాలు వ్యక్తం చేస్తూ హంగామా సృష్టించారు, ఫలితాన్ని తారుమారు చేసేందుకు పోలీసు ఉన్నతాధికారులు జోక్యం చేసుకున్నారు. విశాఖపట్నం, విజయనగరం, విజయవాడ కార్పొరేషన్లు: వైఎస్సార్‌సీపీ అభ్యర్థులు ఆధిక్యంలో ఉన్న డివిజన్లలో ఓట్ల లెక్కింపునకు కూటమి నేతలు అడ్డంకులు సృష్టించారు. ఐదారు సార్లు రీకౌంటింగ్‌ నిర్వహించాలని ఒత్తిడి తెచ్చి, చివరకు కూటమి అభ్యర్థులు గెలిచినట్లు ప్రకటించే వరకు అధికారులపై ఒత్తిడి కొనసాగించారు. ప్రజాతీర్పును గౌరవించాల్సిన ఎన్నికల వ్యవస్థ ఎటు దారి తీసింది? నామినేషన్ల అడ్డగింత నుంచి కౌంటింగ్‌ వివాదాల వరకు ప్రతి దశలోనూ వైఎస్సార్‌సీపీ చేసిన ఆరోపణలు, అభ్యర్థుల ఫిర్యాదులు ఎన్నికల ప్రక్రియ పారదర్శకతపై తీవ్రమైన ప్రశ్నలను లేవనెత్తుతున్నాయి. ఓటరు స్వేచ్ఛగా తన అభిప్రాయాన్ని వ్యక్తం చేసే హక్కును కాపాడాల్సిన వ్యవస్థలు వివాదాల కేంద్రంగా మారడం ప్రజాస్వామ్యానికి ఆందోళనకరం. ఈ ఆరోపణలన్నింటిపై నిష్పక్షపాత విచారణ జరిపి, బాధ్యులపై చర్యలు తీసుకోవాల్సిన బాధ్యత ఎన్నికల సంఘంపై ఉంది.పులివెందులపై పగ.. ప్రజాస్వామ్యంపై దాడి మాజీ సీఎం వైఎస్‌ జగన్‌మోహన్‌రెడ్డి ప్రాతినిధ్యం వహిస్తున్న పులివెందులపై చంద్రబాబు రాజకీయ కుట్రలు పరాకాష్టకు చేరాయి. టీడీపీ ఆవిర్భావం నుంచి ఆ పార్టీకి ఒక్కసారి కూడా విజయం దక్కని పులివెందుల.. వైఎస్సార్‌ కుటుంబానికి తిరుగులేని కంచుకోటగా నిలుస్తోంది. అలాంటి చోట ఎలాగైనా గెలిచామని చెప్పుకోవాలన్న దురాశతో చంద్రబాబు అధికార దౌర్జన్యానికి పచ్చజెండా ఊపారు. వైఎస్సార్‌సీపీ నేతలు, కార్యకర్తలే లక్ష్యంగా దాడులు, దౌర్జన్యాలకు తెగబడ్డారు. ఏకంగా 20 డివిజన్లలో వైఎస్సార్‌సీపీ అభ్యర్థులు నామినేషన్లు వేయకుండా అడ్డుకున్నారు. పోలింగ్‌ రోజున అభ్యర్థులు, ఏజెంట్లను పోలింగ్‌ కేంద్రాలకు దూరం చేసి, బూత్‌లను తమ ఆధీనంలోకి తీసుకుని యథేచ్ఛగా రిగ్గింగ్‌కు పాల్పడ్డారు. మాజీ సీఎం వైఎస్‌ జగన్‌మోహన్‌రెడ్డి పులివెందుల పర్యటనను అడ్డుకునేందుకు ఆయన హెలికాప్టర్‌ ల్యాండింగ్‌కు అనుమతి నిరాకరించడం మరో వివాదానికి దారితీసింది. శనివారం ల్యాండింగ్‌కు అనుమతించిన అధికారులు.. ఆదివారం మాత్రం నిరాకరించడం వెనుక చంద్రబాబు రాజకీయ కుట్ర ఉంది. దీంతో పైలట్‌ హెలికాప్టర్‌ను అత్యవసరంగా ల్యాండ్‌ చేయాల్సి వచ్చింది. ఇక పులివెందులలోని 80 పోలింగ్‌ కేంద్రాలకు గాను ఏకంగా 70 కేంద్రాల నుంచి వైఎస్సార్‌సీపీ ఏజెంట్లను బలవంతంగా తరిమివేయడంపై వైఎస్‌ జగన్‌ తీవ్రంగా స్పందించారు.బహిష్కరణకు గురైన 70 మంది ఏజెంట్లను స్వయంగా వెంటబెట్టుకుని రిటర్నింగ్‌ అధికారి కార్యాలయం వద్ద ధర్నాకు దిగారు. పులివెందులలో రీపోలింగ్‌ నిర్వహించాలని డిమాండ్‌ చేశారు. రిటర్నింగ్‌ అధికారి అందుకు అంగీకరించకపోవడంతో నిరసనగా తన ఓటు హక్కును వినియోగించుకోకుండానే వెనుదిరిగారు. నామినేషన్ల నుంచి పోలింగ్‌ వరకు సాగిన అక్రమాల పర్వం కౌంటింగ్‌ ప్రక్రియలోనూ కొనసాగింది. టీడీపీ కూటమి యథేచ్ఛగా అక్రమాలకు పాల్పడింది.

సాక్షి, అమరావతి: ఎన్నికల ప్రక్రియలో అడుగడుగునా అక్రమాలు, అరాచకాలతో ప్రజాస్వామ్యాన్ని ఖూనీ చేసిన చంద్రబాబు, పోలీసులు, రాష్ట్ర ఎన్నికల కమిషన్‌ (ఎస్‌ఈసీ)కు అభినందనలు తెలుపుతూ వైఎస్సార్‌సీపీ అధ్యక్షుడు, మాజీ సీఎం వైఎస్‌ జగన్‌మోహన్‌రెడ్డి ఎద్దేవా చేశారు. మీరంతా కలిసి ఎన్నికల్లో ప్రతిపక్షానికి ఎన్నికల్లో పోటీపడే అవకాశమే ఇవ్వకుండా అద్భుతంగా ఎలా గెలవాలో నిరూపించారని వ్యంగ్యాస్త్రాలు విసిరారు. ప్రజాస్వామ్యాన్ని పరిరక్షించడానికి, ఎన్నికల ప్రక్రియను సమూలంగా ప్రక్షాళన చేయడానికి సంస్కరణలు తేవాల్సిన ఆవశ్యకతను నొక్కి చెబుతూ ‘చంద్రబాబు జంగిల్‌రాజ్‌’ హ్యాష్‌ ట్యా­గ్‌తో.. కేంద్ర ఎన్నికల సంఘం (ఈసీఐ)ను ట్యాగ్‌ చేస్తూ మంగళవారం సామాజిక మాధ్యమం ‘ఎక్స్‌’లో పోస్టు చేశారు. ఆ పోస్టు­లో వైఎస్‌ జగన్‌ ఏమన్నారంటే.. ‘‘అభినందనలు.. నారా చంద్ర­బాబునాయుడి బృందానికి, పోలీసులకు, రాష్ట్ర ఎన్నికల కమిషన్‌కు! ప్రతిపక్షానికి అసలు పోటీ చేసే అవకాశం కూడా లేకుండా చేసి, ఎన్నికల్లో అద్భుతంగా ఎలా గెలవవచ్చో మీరు నిరూపించారు. ఎన్నికల ప్రక్రియలో ప్రతి దశనూ హైజాక్‌ చేశారు. నామినేషన్లు హైజాక్‌! నామినేషన్ల పరిశీలన హైజాక్‌! నామినేషన్ల ఉపసంహరణ హైజాక్‌! పోలింగ్‌ ఏజెంట్లు అందరినీ అడ్డుకున్నారు.. బలవంతంగా బయటకు లాగేశారు! పోలింగ్‌ రోజున రిగ్గింగ్‌ చేశారు! పోలింగ్‌ శాతం తారుమారు చేశారు! ఓట్ల లెక్కింపునూ హైజాక్‌ చేశారు! అభ్యర్థులను మీరే ఎంపిక చేసుకున్నారు. ప్రజలు వారిని ఎన్నుకోలేదు! అందుకే ఇవి ఇక ఎన్నికలు కావు.. ఎంపికలు మాత్రమే!’ అని వైఎస్‌ జగన్‌ స్పష్టం చేశారు.

సిగ్గు సిగ్గు.. నంద్యాల జిల్లా డోన్‌ మున్సిపాలిటీలో టీడీపీ చైర్మన్‌ అభ్యర్థి కోట్ల సుజాతమ్మను గెలిపించేందుకు పచ్చ పార్టీ ఏజెంట్లు, పోలింగ్‌ అధికారులు కలిసి లెక్కించిన ఓట్లనే మళ్లీ లెక్కించి గెలిపించిన దౌర్భాగ్యం విస్తుపోయేలా చేసింది. డోన్‌ మున్సిపల్‌ చైర్‌పర్సన్‌ వైఎస్సార్‌సీపీ అభ్యర్థి దూదేకుల దస్తగిరి మూడో రౌండ్‌లో టీడీపీ అభ్యర్థి కోట్ల సుజాతమ్మపై 543 ఓట్ల ఆధిక్యంలో ఉన్నారు. ఇంకా లెక్కించాల్సిన ఓట్లు రెండు మూడు వందల్లోపే ఉండటంతో ఓటమి ఖాయమని తెలిసిన సుజాతమ్మ బెంబేలెత్తిపోయి ఎలాగైనా గెలిచేందుకు అక్రమాలకు తెర తీశారు. ఇందులో భాగంగా వైఎస్సార్‌సీపీ ఏజెంట్లపై టీడీపీ ఏజెంట్లు, పచ్చ నేతలు దాడికి తెగబడ్డారు. ఇదే సమయంలో టీడీపీ నేతల ఒత్తిడితో అధికారులు టీ బ్రేక్‌ ప్రకటించారు. ఇంతలో కరెంట్‌ పోయింది. పచ్చ గూండాలు అప్పటికే కౌంటింగ్‌ పూర్తయిన ఆరు టేబుళ్లలోని 900 ఓట్ల బండిల్స్‌ను కౌంటింగ్‌ చేయాల్సిన ఓట్లలో కలిపారు. ఒకరిద్దరు అధికారులు దీనిని ప్రశ్నించే ప్రయత్నం చేసినా, పచ్చ గూండాలు వారిని బెదిరించారు. టీ బ్రేక్‌ అనంతరం మిగిలిన ఓట్ల లెక్కింపు మొదలెట్టి కోట్ల సుజాతమ్మ 375 ఓట్లతో నెగ్గినట్లు అధికారులు ప్రకటించి డిక్లరేషన్‌ ఫాం అందజేశారు. రీ కౌంటింగ్‌ చేయాలని వైఎస్సార్‌సీపీ అభ్యర్థి పట్టుపట్టినా ఎవరూ పట్టించుకోలేదు. ఈ అన్యాయంపై వైఎస్సార్‌సీపీ ఎస్‌ఈసీకి ఫిర్యాదు చేసింది. న్యాయ పోరాటం చేయనుంది.ఇటు రెండు తగ్గించి.. అటు రెండు పెంచి.. అమలాపురం మున్సిపాలిటీ 35వ వార్డు ఓట్ల లెక్కింపులో అధికార కూటమి ఒత్తిడికి తలొగ్గిన అధికారులు.. వైఎస్సార్‌సీపీకి వచ్చిన ఓట్లలో రెండింటిని చెల్లనివిగా ప్రకటించి, జనసేన అభ్యర్థి గెలిచినట్లు ప్రకటించారు. ఈ వార్డులో వైఎస్సార్‌ సీపీ అభ్యర్థి కముజు లక్ష్మి, జనసేన అభ్యర్థి కొప్పిశెట్టి క్రాంతి కుమారికి సమానంగా 376 చొప్పున ఓట్లు వచ్చాయి. పోస్టల్‌ బ్యాలెట్‌లోనూ ఇద్దరికీ చెరో ఓటు వచ్చింది. వీటితో కలిపితే మళ్లీ ఇద్దరికీ 377 ఓట్లు సమానంగా వచ్చాయి. దీంతో రీ కౌంటింగ్‌ పెట్టారు. ఆ తర్వాత డిటైల్డ్‌ కౌంటింగ్‌ అంటూ అధికార కూటమి నేతల తీవ్ర ఒత్తిడికి అధికారులు తలొగ్గారు. వైఎస్సార్‌సీపీ అభ్యర్థికి వచ్చిన ఓట్లలో రెండు ఇన్‌వాలిడ్‌ (స్వస్తిక్‌ గుర్తు సగమే ఉందని) అని ప్రకటించారు. దీంతో జనసేన అభ్యర్థికి 2 ఓట్ల మెజారిటీ వచ్చిందని, ఆమె గెలుపొందారని ప్రకటించారు. చిత్తూరులో 6 వేల ఓట్లు అదనం చిత్తూరు మునిసిపల్‌ కార్పొరేషన్‌లో మంగళవారం జరిగిన ఓట్ల లెక్కింపులో అధికార పార్టీ కుట్ర, కుతంత్రాలు బట్టబయలయ్యాయి. ఈ నెల 1వ తేదీన జరిగిన పోలింగ్‌లో చిత్తూరు కార్పొరేషన్‌లో మొత్తం 92,910 ఓట్లు పోలైనట్లు అధికారులు ప్రకటించారు. మేయర్‌ అభ్యర్థి ఓట్లను లెక్కిస్తుండగా అధికారులు ఒక్క సారిగా షాక్‌కు గురయ్యారు. ఓట్ల లెక్కింపులో తొలి రౌండ్‌లో 21 వేలు, రెండో రౌండ్‌లో 31 వేలు, మూడో రౌండ్‌లో 31 వేల ఓట్ల చొప్పున ఓట్లు లెక్కించి అధికారులు ఫలితాలు ఇచ్చారు. చివరి నాలుగో రౌండ్‌లో మిగిలిన 8,910 ఓట్ల ఫలితాలు ప్రకటించాలి. అయితే వీటికి అదనంగా దాదాపు 6 వేల ఓట్లు బ్యాలెట్‌ బాక్సుల్లో ప్రత్యక్షమయ్యాయి. దీంతో గంటన్నరసేపు అధికారులు కౌంటింగ్‌ ప్రక్రియను ఆపేశారు. అప్పటికే ఈ విషయం సామాజిక మాధ్యమాల ద్వారా దావానంలా వ్యాపించింది. అధికార పార్టీ నేతలు దొంగ ఓట్లు.. లెక్క జమ లేకుండా రిగ్గింగ్‌ చేశారనడానికి అదనంగా ప్రత్యక్ష్యమైన 6 వేల ఓట్లే నిదర్శనమని తేలింది. గంటన్నర తర్వాత 8,912 ఓట్లకు ఫలితాలు వెల్లడించారు. అంటే ఇక్కడ కూడా గతంలో అధికారులు ప్రకటించిన సంఖ్య కంటే రెండు ఓట్లు అదనంగా చూపించడం కొసమెరుపు. గెలిచినా ఓడించారు..నాయుడుపేట మున్సిపాలిటీ 2వ వార్డులో వైఎస్సార్‌ కాంగ్రెస్‌ పార్టీ కౌన్సిలర్‌ అభ్యర్థి సగుటూరు మాధవి మొదట 3 ఓట్ల మెజారిటీతో విజయం సాధించారు. అయితే, అధికార టీడీపీ నేతల ఒత్తిడితో అధికారులు ఏకపక్షంగా వ్యవహరించి రీకౌంటింగ్‌ జరిపారు. వైఎస్సార్‌సీపీకి చెందిన 9 బ్యాలెట్‌ పత్రాలపై స్వస్తిక్‌ గుర్తులు సరిగా పడలేదని చెబుతూ ఆమె ఓడినట్టు చెబుతూ.. టీడీపీ అభ్యర్థి గెలిచినట్లు ప్రకటించారు. ఆరుసార్లు కౌంటింగ్‌ అనంతరం ఎట్టకేలకు.. మొత్తం 36 వార్డులు ఉన్న పలమనేరు మున్సిపాలిటీలో 34వ వార్డుకు జరిగిన పోలింగ్‌లో వైఎస్సార్‌సీపీ అభ్యర్థి షేక్‌ షల్మా 15 ఓట్లతో గెలిచారు. అయితే, టీడీపీ అభ్యర్థి రీ కౌంటింగ్‌కు పట్టుబట్టడంతో అధికారులు రీ కౌంటింగ్‌ చేపట్టారు. వైఎస్సార్‌సీపీకి వచ్చిన ఓట్లలో మూడు చెల్లనివి, ఒకటి నోటాగా రీ కౌంటింగ్‌లో తేల్చారు. అప్పటికీ 11 ఓట్ల మెజార్టీ ఉండడంతో వైఎస్సార్‌సీపీ అభ్యర్థి గెలిచినట్లు అధికారికంగా ప్రకటించమని కోరినా అధికారులు ఆ పని చేయలేదు. టీడీపీ నేతల ఒత్తిడితో ఏకంగా ఆరు సార్లు కౌంటింగ్‌ చేశారు. ప్రతిసారీ వైఎస్సార్‌సీపీ అభ్యర్థి మెజార్టీలో కొనసాగారు. అదే సమయంలో టీడీపీ నేతలు దౌర్జన్యంగా వైఎస్సార్‌సీపీ అభ్యర్థి షేక్‌ షల్మాను బయటకు గెంటేశారు. గతంలో నాలుగుసార్లు వార్డు కౌన్సిలర్‌గా గెలిచిన షల్మా.. లోపల జరిగిన దౌర్జన్యాన్ని మీడియాకు వివరించి కన్నీళ్లు పెట్టుకున్నారు. అనంతరం ఎట్టకేలకు షల్మా 2 ఓట్ల మెజారిటీతో గెలిచినట్లు ప్రకటించాల్సి వచ్చింది.సాక్షి, అమరావతి / సాక్షి నెట్‌వర్క్‌: ప్రజా తీర్పును సైతం అపహస్యం చేస్తూ చివరకు ఓట్ల లెక్కింపులోనూ అధికార తెలుగుదేశం పార్టీ గూండాలు దుర్మార్గాలు, దౌర్జన్యాలతో పలుచోట్ల ఫలితాలను తారుమారు చేశారు. కర్నూలు, డోన్, అనంతపురం తదితర ప్రాంతాల్లో వైఎస్సార్‌సీపీ తుది వరకు ముందంజలో ఉన్నప్పటికీ.. రీ పోలింగ్‌ పేరుతో మాయ చేశారు. పలు చోట్ల ఆధిక్యంలో కొనసాగుతున్న వైఎస్సార్‌సీపీ అభ్యర్థులను, ఏజెంట్లను అధికార బలంతో బెదిరించి కౌంటింగ్‌ కేంద్రాల్లోంచి బయటకు పంపి, ఆ తర్వాత ఫలితాలను తమకు అనుకూలంగా మార్చుకున్నారు. వైఎస్సార్‌సీపీ అభ్యర్థులు గెలిచిన చోట్ల కూడా రీ కౌంటింగ్‌ పేరిట అధికారులపై ఒత్తిడి తెచ్చి, ఫలితాలు తారుమారు చేశారని స్పష్టమవుతోంది. నామినేషన్ల దగ్గరి నుండి కౌంటింగ్‌ హాల్‌ దాకా సాగిన అధికార టీడీపీ కూటమి అరాచక పర్వం, చివరకు వారి ‘నైతిక ఓటమి’ని స్పష్టం చేస్తూ ప్రజా తీర్పును అపహాస్యం చేసింది. స్థానిక సంస్థల ఎన్నికల ప్రక్రియ ప్రారంభం నుంచే టీడీపీ గూండాల దౌర్జన్యాలు కొనసాగుతున్న విషయం తెలిసిందే. జనం తిరగబడి పలుచోట్ల ప్రతిపక్షానికి పట్టం కడుతుంటే, తట్టుకోలేక కౌంటింగ్‌ కేంద్రాల్లో దౌర్జన్యానికి దిగి, గెలవబోతున్న అభ్యర్థుల గొంతు నొక్కారు. సీఎం సొంత నియోజకవర్గంలోనే దౌర్జన్యం కుప్పం మున్సిపాలిటీ ఓట్ల లెక్కింపులో టీడీపీ అధికార బలాన్ని ఉపయోగించి తమ పార్టీ అభ్యర్థులు ఏకపక్షంగా గెలిచినట్లు ఫలితాలు విడుదల చేసుకుంది. 32 వార్డులకు గాను నామినేషన్ల సందర్భంగా కుట్రలు, కుతంత్రాలకు పాల్పడి 13 ఏకగ్రీవం చేసుకున్న విషయం విదితమే. మిగిలిన 19 వార్డులు, చైర్మన్‌ పదవికి మాత్రమే ఎన్నికలు జరిగాయి. మంగళవారం ఓట్ల లెక్కింపులో భాగంగా 3వ వార్డు, 7వ వార్డుల్లో వైఎస్సార్‌సీపీ అభ్యర్థులు హనుమంతు, సీపీ మనోహర్‌లకు స్పష్టమైన ఆధిక్యత లభించింది. దీన్ని జీర్ణించుకోలేక అధికార పార్టీ ఏజెంట్లు, అభ్యర్థులు కౌంటింగ్‌ హాల్‌ నుంచి మూకుమ్మడిగా వైఎస్సార్‌సీపీ అభ్యర్థులు, ఏజెంట్లను అధికారులు, పోలీసుల సమక్షంలోనే గెంటివేశారు. తమను ఎందుకు బయటికి పంపుతున్నారని వైఎస్సార్‌సీపీ ఏజెంట్లు ప్రశ్నిస్తున్నా, ఏకపక్షంగా వ్యవహరించి నిర్దాక్షిణ్యంగా బయటికి తోసేసి.. అధికార పార్టీ ఏజెంట్లు, అభ్యర్థులు సమక్షంలో ఓట్ల లెక్కింపు కొనసాగించారు. 3వ వార్డులో 650 ఓట్ల ఆధిక్యంలో ఉన్న వైఎస్సార్‌సీపీ అభ్యర్థి హనుమంతు తుదకు 50 ఓట్లతో ఓడిపోయినట్లు ఫలితాలు విడుదల చేశారు. 7వ వార్డు అభ్యర్థి సీపీ మనోహర్‌కు 750 ఓట్ల ఆధిక్యం వచ్చినట్లు అధికారులు చెప్పినా, తుది ఫలితాల్లో 86 ఓట్లతో ఓడినట్లు ఫలితాలు విడుదల చేశారు. 12వ వార్డు లెక్కింపులోనూ తారుమారు చేసి.. 112 ఓట్ల మెజార్టీతో టీడీపీ అభ్యర్థి గెలిచిట్లు ప్రకటించుకున్నారు. తిరుపతి కౌంటింగ్‌ కేంద్రంలో రౌడీయిజం వైఎస్సార్‌సీపీ అభ్యర్థి, ఏజెంట్‌పై భౌతిక దాడి తిరుపతి మున్సిపల్‌ కార్పొరేషన్‌ ఎన్నికల లెక్కింపు కేంద్రంలో అధికార టీడీపీ కూటమి నేతలు బరితెగించారు. కార్పొరేషన్‌ పరిధిలోని 33వ డివిజన్‌ లెక్కింపులో వైఎస్సార్‌ కాంగ్రెస్‌ పార్టీ అభ్యర్థి పునీత 53 ఓట్ల స్పష్టమైన మెజారిటీతో విజయం సాధించారు. అయితే, ఈ ఓటమిని జీర్ణించుకోలేని శాప్‌ చైర్మన్‌ రవి నాయుడు, టీడీపీ నేత జేబీ శ్రీనివాస్‌ తమ అనుచరులతో కలిసి కౌంటింగ్‌ హాల్‌లోకి దూసుకొచ్చారు. గెలిచిన అభ్యర్థి పునీతతో పాటు ఆమె కౌంటింగ్‌ ఏజెంట్‌ శివపై దురుసుగా ప్రవర్తించి, బలవంతంగా బయటకు గెంటివేశారు. విజయం సాధించిన అభ్యర్థిని హాల్‌ నుండి పంపించేసి.. అక్కడ ఏకపక్షంగా ‘రీ కౌంటింగ్‌’ జరపాలని టీడీపీ నేతలు పట్టుబడుతూ అధికారులపై తీవ్ర ఒత్తిడి తెచ్చారు. అల్లరి మూకల గెంటివేతతో బయటకు వచ్చిన వైఎస్సార్‌సీపీ అభ్యర్థి లోపల జరిగిన దౌర్జన్యం గురించి మీడియాకు వెల్లడించడంతో గత్యంతరం లేక అధికారులు వైఎస్సార్‌సీపీ అభ్యర్థి గెలిచినట్టు ప్రకటించారు. రీ కౌంటింగ్‌ పేరిట నాలుగు గంటలు ఉత్కంఠ బుచ్చిరెడ్డిపాళెం మున్సిపల్‌ ఎన్నికల ఓట్ల లెక్కింపులో నాలుగో వార్డులో వైఎస్సార్‌సీపీ అభ్యర్థి ఆరుమర్ల సతీష్‌ 11 ఓట్ల ఆధిక్యంతో విజయం సాధించారు. ఈ ఫలితంపై అభ్యంతరం వ్యక్తం చేస్తూ బీజేపీ అభ్యర్థి రామిశెట్టి కేతన్, ఇతర కూటమి నేతలు రీ కౌంటింగ్‌ కోరారు. అనంతరం మెజారిటీ 7 ఓట్లకు తగ్గినట్లు పేర్కొన్నారు. కూటమి నాయకులు మరోసారి రీకౌంటింగ్‌ కోరడంతో మళ్లీ లెక్కించారు. ఈ దఫా మరో రెండు ఓట్లు చెల్లనివిగా తేల్చారు. వైఎస్సార్‌సీపీ అభ్యర్థి సతీష్‌కు మూడు ఓట్ల ఆధిక్యం ఉన్నట్లు తేలినప్పటికీ ఫలితాన్ని వెంటనే ప్రకటించలేదు. ఫలితాన్ని ప్రకటించకపోతే న్యాయస్థానాన్ని ఆశ్రయిస్తానని అభ్యర్థి స్పష్టం చేయడంతో అధికారులు దాదాపు నాలుగు గంటల తాత్సారం తర్వాత ఆయన విజయం సాధించినట్లు ప్రకటించారు. ఆఖరి వరకు ఉత్కం‘టై’.. పలాస–కాశీబుగ్గ మున్సిపాలిటీ ఎన్నికలో 35వ వార్డు ఫలితం చివరి వరకు ఉత్కంఠ మధ్య కొనసాగింది. వైఎస్సార్‌సీపీ, టీడీపీ అభ్యర్థులకు ఆఖరి వరకు ఓట్లు సమానంగా రావడంతో అందరిలోనూ ఆసక్తి నెలకొంది. ఈ వార్డులో మొత్తం 680 ఓట్లు పోలవ్వగా, వైఎస్సార్‌సీపీ అభ్యర్థి మార్పు అరుణ, టీడీపీ అభ్యర్థి జోగ త్రివేణికి చెరి సమానంగా 340 ఓట్లు పడ్డాయి. దీంతో అధికారులు టాస్‌ వేయగా, వైఎస్సార్‌సీపీ అభ్యర్థి మార్పు అరుణను అదృష్టం వరించి విజేతగా నిలిచింది.కాకినాడ జిల్లా ఏలేశ్వరం మున్సిపాలిటీలో చైర్మన్‌ ఓట్ల లెక్కింపులో పోలైన ఓట్ల సంఖ్య కన్నా 18 ఓట్లు ఎక్కువ లెక్కింపునకు ఎలా వచ్చాయని వైఎస్సార్‌సీపీ నేతలు ప్రశ్నించారు.ఆధిక్యంలో ఉన్నారని ఆగిన కౌంటింగ్‌ నంద్యాల మున్సిపాలిటీ ఓట్ల లెక్కింపు సమయంలో టీడీపీ నేతలు వైఎస్సార్‌సీపీ ఏజెంట్లపై ఘర్షణకు దిగడంతో కౌంటింగ్‌ ప్రక్రియ నిలిచిపోయింది. ఆ సమయంలో వైఎస్సార్‌సీపీ చైర్‌పర్సన్‌ అభ్యర్థి లీడింగ్‌లో ఉన్నారు. అదే సమయంలో కౌంటింగ్‌ కేంద్రంలో కరెంటు తీసేశారు. రాత్రి 10.30 గంటలకు ఓట్ల లెక్కింపు ఆగిపోగా, రాయలసీమ ఐజీ కోయ ప్రవీణ్‌ చౌదరి ఆ సమయంలో అక్కడకు చేరుకున్నారు. అర్థరాత్రి దాటినా కౌంటింగ్‌పై వివాదం కొనసాగుతూనే ఉంది. భారీ ఆధిక్యంలో ‘అనంత’ మేయర్‌ వైఎస్సార్‌సీపీ అభ్యర్థినాలుగు రౌండ్లు పూర్తయ్యే సరికి 4,391 ఓట్ల మెజారిటీఅనంతపురం : అనంతపురం మేయర్‌ స్థానానికి వైఎస్సార్‌సీపీ అభ్యర్థిగా పోటీచేసిన చిట్లూరు రమేష్‌గౌడ్‌ భారీ ఆధిక్యంలో ఉన్నారు. తన సమీప ప్రత్యర్థి, బీజేపీఅభ్యర్థి కె.అజేష్‌ బాబుపై ఘన విజయం సాధించే దిశగా స్పష్టమైన ఆధిక్యాన్ని కనబరుస్తున్నారు. నాలుగు రౌండ్లు పూర్తయ్యే సరికి రమేష్‌ గౌడ్‌ 4,391 ఓట్ల భారీ ఆధిక్యం సాధించారని అధికారికంగానే ప్రకటించారు. ఈయన మొదటి రౌండ్‌ నుంచే ఆధిక్యాన్ని ప్రదర్శిస్తూ వచ్చారు. ఇప్పటిదాకా లెక్కించిన ఓట్లలో రమేష్‌గౌడ్‌కు 45,240 ఓట్లు, బీజేపీ అభ్యర్థి కె.అజేష్‌ బాబుకు 40,849 ఓట్లు పడ్డాయి. అలాగే కాంగ్రెస్‌ అభ్యర్థి షాలీ దాదా గాంధీకి 3,426 ఓట్లు, బీఎస్పీ అభ్యర్థి గుత్తి జీలాన్‌ బాషాకు 288 ఓట్లు, ఆమ్‌ ఆద్మీ పార్టీ అభ్యర్థి చిడిగె నాగరాజుకు 108 ఓట్లు పోలయ్యాయి. కాగా, వైఎస్సార్‌సీపీకి ఆధిక్యం పెరుగుతున్నకొద్దీ టీడీపీ కూటమి శ్రేణులు అడ్డంకులు సృష్టిస్తుండటంతో అర్ధరాత్రి కొంత సేపు ఓట్ల లెక్కింపు ఆగిపోయింది. అర్ధరాత్రి 1.30 గంటలకు తిరిగి లెక్కింపు ప్రారంభమైంది. ఇదిలా ఉండగా కడపటి వార్తలందేసరికి వైఎస్సార్‌సీపీ అభ్యర్థి స్పష్టమైన ఆధిక్యంతో గెలుపు వాకిట నిలిచినట్లు సమాచారం. అయితే డిక్లరేషన్‌ ఫాం ఇవ్వకూడదని కూటమి శ్రేణులు అడ్డుకోనున్నట్లు తెలిసింది. కడప 33వ వార్డులో మూడు గంటలు కౌంటింగ్‌ నిలిపివేత కడప నగర మున్సిపల్‌ కార్పొరేషన్‌ ఎన్నికల లెక్కింపు కేంద్రంలో అధికార పక్షం ఒత్తిళ్లతో అధికారులు బరితెగించారు. 33వ వార్డులో వైఎస్సార్‌ కాంగ్రెస్‌ పార్టీ అభ్యర్థి స్పష్టమైన ఆధిక్యంలో దూసుకుపోతుండటాన్ని జీర్ణించుకోలేక, ఏకంగా మూడు గంటలపాటు కౌంటింగ్‌ను నిలిపి వేసి హైడ్రామా సృష్టించారు. మొదటి రౌండ్‌ లెక్కింపు పూర్తి అయ్యే సరికి వైఎస్సార్‌ కాంగ్రెస్‌ పార్టీ అభ్యర్థి మద్దిక సంధ్యారాణి 167 ఓట్ల స్పష్టమైన మెజారిటీలో ఉన్నట్లు తేలింది. దీంతో టీడీపీ కూటమి నేతల ఒత్తిళ్లకు తలొగ్గి అధికారులు లెక్కింపు ప్రక్రియను మూడు గంటల పాటు నిలిపివేశారు. వైఎస్సార్‌సీపీ అభ్యర్థి, కౌంటింగ్‌ ఏజెంట్లు ఓట్ల లెక్కింపు కొనసాగించాలని పట్టుబట్టడంతో తిరిగి లెక్కింపు చేపట్టారు. తుదకు అక్కడ వైఎస్సార్‌సీపీ అభ్యర్థికి 139 ఓట్ల మెజార్టీ దక్కింది. నాలుగు గంటల అనంతరం అధికారికంగా ప్రకటించారు. 1930 ఓట్లను ఉదయం 7 గంటల నుంచి రాత్రి 7 గంటల వరకు లెక్కించారా.. అని వైఎస్సార్‌సీపీ నేత దేవిరెడ్డి ఆదిత్య ఆగ్రహం వ్యక్తం చేశారు. కడపలో కౌంటింగ్‌ కేంద్రం వద్ద వైఎస్సార్‌సీపీ ఏజెంట్‌పై టీడీపీ గూండాల దాడి ఆ 6 ఓట్లు ఏమయ్యాయి? విశాఖ మహానగర పాలక సంస్థ (జీవీఎంసీ) ఎన్నికల్లో గాజువాక జోన్‌ పరిధిలోని 91వ వార్డు కౌంటింగ్‌లో గోల్‌మాల్‌ జరిగింది. 6 ఓట్లు తేడా వచ్చినా.. రీకౌంటింగ్‌ పేరుతో వైఎస్సార్‌సీపీ అభ్యర్థిని నమ్మించి, బలవంతంగా సంతకాలు చేయించుకుని టీడీపీ అభ్యర్థి గెలిచినట్లు డిక్లరేషన్‌ ఫారం ఇచ్చేశారు. గాజువాక జోన్‌లో 91వ వార్డులో మొత్తం 8443 (8,431 ఓట్లు, బ్యాలెట్‌ ఓట్లు 12) పోలయ్యాయి. వైఎస్సార్‌సీపీ అభ్యర్థి మద్దాల అప్పారావుకు 1,975 ఓట్లు, టీడీపీ అభ్యర్థి బొడ్డు నర్సింహపాత్రుడు (కేబుల్‌ మూర్తి)కు 1,980 ఓట్లు, ఇండిపెండెంట్‌ అభ్యర్థి తిప్పల వంశీరెడ్డికి 1,880, ఇండిపెండెంట్‌ అభ్యర్థులు రెయ్యి రత్నకు 1,319, బొట్ట నరసింహారెడ్డికి 19, పెంటకోట సన్యాసిరావుకు 2, సనపల దిల్లేశ్వరరావుకు 702, మల్లాది హేమలతకు 27, కశిరెడ్డి సత్యనారాయణకు 106 ఓట్లు వచ్చాయి. మిగిలిన ఓట్లలో 375 రిజెక్ట్‌ కాగా, 52 ఓట్లు నోటాకు పడ్డాయి. ఇవన్నీ పోగా ఇంకా 7 ఓట్లు మాయం అయ్యాయి. మొత్తం లెక్కింపులో 7 ఓట్లకు సంబంధించి స్పష్టత లేకపోవడంతో, వైఎస్సార్‌సీపీ అభ్యర్థి మద్దాల అప్పారావు ’ఆ 7 ఓట్లు ఏమయ్యాయి?’ అని నిలదీసి రీకౌంటింగ్‌ కోరారు. అయితే, టీడీపీ ప్రజాప్రతినిధుల నుంచి వచ్చిన తీవ్ర ఒత్తిళ్లతో ఆర్‌ఓ మరియు సిబ్బంది తెరవెనుక నాటకానికి తెరలేపారు. రీకౌంటింగ్‌కు అంగీకరిస్తున్నట్లు సంతకం పెట్టమని చెప్పి, దాన్ని కాస్తా ’టీడీపీ అభ్యర్థి గెలుపును అంగీకరిస్తున్నట్లు’ చిత్రీకరించి మోసపూరితంగా సంతకం చేయించుకున్నారు. ఆ వెంటనే హడావుడిగా టీడీపీ అభ్యర్థికి డిక్లరేషన్‌ ఫారం అందజేసేశారు. ఈ అక్రమాలపై బాధితులు వెంటనే స్పందించి జిల్లా కలెక్టర్‌ అభిషిక్త్‌ కిశోర్‌కు ఫిర్యాదు చేసినా ఎలాంటి ప్రయోజనం లేకపోయింది. చివరకు సాయంత్రం 4:49 గంటలకు రాష్ట్ర ఎన్నికల అధికారికి సైతం ఫిర్యాదు చేసినప్పటికీ, అక్కడి నుంచి కూడా ఎటువంటి స్పందన రాలేదని వైఎస్సార్‌సీపీ అభ్యర్థి ఆవేదన వ్యక్తం చేశారు. ప్రజాస్వామ్యాన్ని అపహాస్యం చేస్తూ అధికారులు వ్యవహరించిన తీరుపై సర్వత్రా విమర్శలు వ్యక్తమవుతున్నాయి.తిరుపతి, చిత్తూరు జిల్లాల్లో అంతా మా ఇష్టం» మంగళవారం నిర్వహించిన కార్పొరేషన్, మున్సిపల్‌ ఎన్నికల కౌంటింగ్‌ సమయంలో తిరుపతి, చిత్తూరు జిల్లాల్లో అధికార పార్టీ నేతలు బరితెగించారు. చంద్రబాబు ప్రాతినిధ్యం వహిస్తున్న కుప్పం మున్సిపాలిటీలోని 3, 7 వార్డుల్లో వైఎస్సార్‌సీపీ అభ్యర్థులు విజయం సాధించారు. ఓటమిని జీర్ణించుకోలేని టీడీపీ నేతలు.. వైఎస్సార్‌సీపీ అభ్యర్థులు, ఏజెంట్లను బయటకు గెంటివేశారు. అనంతరం ఎన్నికల అధికారులపై ఒత్తిడిచేసి టీడీపీ అభ్యర్థులు గెలుపొందినట్లు ప్రకటించుకున్నారు. ఈ పరిణామాలపై వైఎస్సార్‌సీపీ అభ్యర్థులు ఆందోళనకు దిగితే.. వారిపై పోలీసులు ప్రతాపం చూపించారు. » నగరి 18, 38వ వార్డుల్లో వైఎస్సార్‌సీపీ అభ్యర్థులు విజయం సాధించారు. రెండింటిలోనూ టీడీపీ రీ కౌంటింగ్‌కి డిమాండ్‌ చేసినా ప్రయోజనం లేకపోవటంతో టీడీపీ దౌర్జన్యాలకు దిగారు. తిరుపతి జిల్లా సూళ్లూరుపేట నియోజకవర్గం నాయుడుపేట మున్సిపాలిటీలో వైఎస్సార్‌సీపీ చైర్మెన్‌ అభ్యర్థి తంబిరెడ్డి రాజేశ్వరమ్మతో పాటు.. 13 మంది వైఎస్సార్‌సీపీ వార్డు అభ్యర్థులు గెలుపొందారు. ఈ పరిణామాన్ని జీర్ణించుకోలేని పోలీసులు, టీడీపీ మూకలు దాడులు, దౌర్జన్యాలకు తెగబడ్డారు. » నాయుడుపేట మున్సిపాలిటీ 2వ వార్డు వైఎస్సార్‌సీపీ అభ్యర్థి మాధవి 3 ఓట్ల తేడాతో గెలుపొందారు. ఎన్నికల అధికారి కూడా ప్రకటించారు కూడా. అయితే టీడీపీ అభ్యర్థి పసల వాణి భర్త ఎన్నికల అధికారులను బెదిరించి రీ కౌంటింగ్‌కి డిమాండ్‌ చేశారు. ఆ రీకౌంటింగ్‌లో 9 ఓట్లు చెల్లనివిగా చూపించి టీడీపీ అభ్యర్థి గెలుపొందినట్లు ప్రకటించుకున్నారు. టీడీపీ అక్రమాల గురించి తెలుసుకున్న మాజీ ఎమ్మెల్యే కిలివేటి సంజీవయ్య కౌంటింగ్‌ కేంద్రానికి చేరుకునేందుకు ప్రయత్నించారు. డీఎస్పీ, సీఐ తమ బృందంతో మాజీ ఎమ్మెల్యేని అడ్డుకున్నారు. పోలీసులు, టీడీపీ గూండాలు చుట్టుముట్టి ఎమ్మెల్యేపై దాడికి యత్నించారు. మాజీ ఎమ్మెల్యేని తోసుకుంటూ వెళ్లి బలవంతంగా పోలీసు జీపులోకి నెట్టేసి.. దొరవారిసత్రం స్టేషన్‌కు తరలించి నిర్భంధించారు. » తిరుపతి జిల్లా నాయుడుపేట పట్టణంలోని జిల్లా పరిషత్‌ హైస్కూల్‌లో నిర్వహించిన మున్సిపల్‌ ఎన్నికల ఓట్ల లెక్కింపు సందర్భంగా సీఐ తురక వెంకటరమణ వైఎస్సార్‌సీపీ నాయకులపైన, విలేకరుల మీద నానా దుర్భాషలాడి దురుసుగా వ్యవహరించారు. కౌంటింగ్‌ కార్యక్రమంలో భాగంగా విలేకరులకు ఒక గదిని కేటాయించారు. అయితే ఎవరో కిటికీ తలుపు తెరిచారని అమాంతంగా విలేకరులను బూతులు తిడుతూ రెచ్చిపోయి దూషించారు. ఆయన మాట్లాడిన భాషను తట్టుకోలేక ఓ రిపోర్టర్‌ ప్రశ్నించడంతో పైపైకి దూసుకు వచ్చి ఏకవచనంతో మాట్లాడడమే కాకుండా కేసు నమోదు చేస్తామని హెచ్చరించారు. » తిరుపతిలో 33వ డివిజన్‌ వైఎస్సార్‌సీపీ అభ్యర్థి ఎన్‌ పునీత 58 ఓట్లతో గెలుపొందినట్లు అధికారులు ప్రకటించారు. అయితే టీడీపీ నేతలు వైఎస్సార్‌సీపీ అభ్యర్థి గెలుపుని ప్రకటించటానికి వీల్లేదంటూ.. అభ్యర్థి, ఏజెంట్‌ని బయటకు పంపించివేశారు. ఈ విషయాన్ని బయటకు వచ్చిన ఏజెంట్‌ శివకుమార్‌ కౌంటింగ్‌ కేంద్రంలో జరిగిన టీడీపీ అక్రమాలను బయటపెట్టారు. ఏజెంట్‌ వీడియో వైరల్‌ కావటంతో టీడీపీ నేతలు యూటర్న్‌ తీసుకోవడంతో సాయంత్రం వైఎస్సార్‌సీపీ అభ్యర్థి గెలుపొందినట్లు డిక్లరేషన్‌ ఇచ్చారు. » నాయుడుపేట మున్సిపల్‌ చైర్‌ పర్సన్‌ ఓట్ల లెక్కింపులో ఇంకా 1,300 ఓట్లు కౌంటింగ్‌ చేయాల్సి ఉన్న సమయంలో అప్పటికి జరిగిన ఓట్ల లెక్కింపులో వైఎస్‌ఆర్‌ కాంగ్రెస్‌ పార్టీ అభ్యర్థి తమ్మిరెడ్డి రాజేశ్వరమ్మకు 1,473 ఓట్ల మెజారిటీ ఉంది. ఈ విషయాన్ని సీఐ తురక వెంకటరమణ బయట ఉన్న టీడీపీ నాయకులకు చేరవేశారు. దీంతో టీడీపీ నేతలు కౌంటింగ్‌ కేంద్రం వద్దకు చేరుకుని గందరగోళం సృష్టించారు. కౌంటింగ్‌ çకేంద్రంలోకి చొరబడేందుకు ప్రయత్నించారు. దీంతో ఓట్ల లెక్కింపు నిలిచిపోయింది. పోలీసు బలగాలను అడ్డుపెట్టుకొని కౌంటింగ్‌ కేంద్రం వద్ద దౌర్జన్యం చేశారు. కౌంటింగ్‌లోనూ కూటమి కుతంత్రాలే వైఎస్సార్‌ కడప జిల్లాలో టీడీపీ అభ్యర్థులు చైర్మన్లుగా, మేయర్‌గా విజయం వరించినా నైతిక విజయం మాత్రం వైఎస్సార్‌సీపీ దేనని విశ్లేషకులు వెల్లడిస్తున్నారు. కడప కార్పొరేషన్‌ పరిధిలో 361 పోలింగ్‌ బూత్‌లుంటే 350 పోలింగ్‌ కేంద్రాలల్లో వైఎస్సార్‌సీపీ ఏజెంట్లను కూర్చోనివ్వకుండా పోలీసులను ముందు పెట్టి తెలుగుదేశం నేతలు అడ్డుకున్నారు. 18 మంది కార్పొరేటర్‌ అభ్యర్థులు సుప్రీంకోర్డును ఆశ్రయించి నామినేషన్లకు అవకాశం ఇవ్వాల్సిందిగా కోరారు. ఆ మేరకు వైఎస్సార్‌సీపీ అభ్యర్థులకు భద్రత కల్పించి నామినేషన్లు స్వీకరించాల్సిందిగా సుప్రీంకోర్టు ఆదేశించింది. అయితే 11 డివిజన్లలో మాత్రమే ఎస్‌ఈసీ రీ నామినేషన్లకు అవకాశం కల్పించింది. మొత్తంగా వైఎస్సార్‌సీపీ అభ్యర్థులు 12 మంది మాత్రమే బరిలో ఉన్నారు. పోలింగ్‌ ప్రక్రియలో వైఎస్సార్‌సీపీ ఏజెంట్లును అనుమతించలేదు. పోలింగ్‌ ఏకపక్షం అయినప్పటికీ 6 డివిజన్లలో వైఎస్సార్‌సీపీ కార్పొరేటర్‌ అభ్యర్థులు ముందంజలోకి వచ్చారు. వారిలో ప్రధానంగా 33వ డివిజన్‌ సంధ్యారాణి, 46వ డివిజన్‌ జమీల్‌ ముందంజలోకి రాగానే, కౌంటింగ్‌ ప్రక్రియ 3 గంటల సేపు నిలిపేశారు. తర్వాత కౌంటింగ్‌లోను కూటమి నేతలు కుయుక్తులు పన్నారు. దగ్గరుండి మరీ వైఎస్సార్‌సీపీ అభ్యర్థి ఓట్లను ఇన్‌వ్యాలిడ్‌గా అని చెప్పి పక్కన పెట్టేశారు. పులివెందులలో పోలింగ్‌ ఏజెంట్లు లేకుండా ఎన్నికలు నిర్వహించడం, ప్రత్యక్ష హింసాత్మక చర్యలకు పాల్పడి ఇతర ప్రాంతాల నుంచి వచ్చిన రౌడీలు, గూండాలతో ఓట్లు వేయించిన పరిస్థితుల్లో వైఎస్సార్‌సీపీ కౌంటింగ్‌ ప్రక్రియను బహిష్కరించింది. జమ్మలమడుగులో సైతం కౌంటింగ్‌ ప్రక్రియను బహిష్కరించారు. కడప కౌంటింగ్‌ కేంద్రంలో 46వ డివిజన్‌ కౌంటింగ్‌ ఏజెంటు అప్రోజ్‌పై టీడీపీ అభ్యర్థి హానీఫ్‌తోపాటు మరో ముగ్గురు కౌంటింగ్‌ కేంద్రం ప్రాంగణంలో ప్రత్యక్ష దాడికి పాల్పడ్డారు. పోలీసులు ప్రేక్షకపాత్ర పోషించారు. 33వ డివిజన్‌ వైఎస్సార్‌సీపీ అభ్యర్థి సంధ్యారాణి భర్త దేవిరెడ్డి ఆదిత్యను పోలీసులు వాహనంలో ఎక్కించుకెళ్లారు. హిందూపురంలో పచ్చనేతల ఆరాచకం మున్సిపల్‌ ఎన్నికల్లో వైఎస్సార్‌సీపీ అభ్యర్థులు విజయం సాధించడాన్ని టీడీపీ నేతలు జీర్ణించుకోలేకపోయారు. ముఖ్యంగా శ్రీసత్యసాయి జిల్లా హిందూపురంలో ఎమ్మెల్యే బాలకృష్ణ పీఏలు రౌడీల్లా వ్యవహరించారు. హిందూపురం 12వ వార్డు నుంచి వైఎస్సార్‌సీపీ అభ్యర్థిగా పోటీ చేసిన బాబా 10 ఓట్లతో విజయం సాధించడంతో టీడీపీ నాయకులు రీకౌంటింగ్‌కు పట్టుబట్టారు. దీంతో అధికారులు మరోసారి లెక్కించగా 6 ఓట్లతో బాబా విజయం సాధించారు. అయినా మళ్లీ రీ కౌంటింగ్‌కు ‘పచ్చ’నేతలు డిమాండ్‌ చేశారు. అధికార పార్టీ నేతల ఒత్తిళ్లకు తలొగ్గిన అధికారులు మరోసారి ఓట్లు లెక్కించగా బాబా ఒక్క ఓటుతో విజయం సాధించారు. ఇక హిందూపురం 41వ వార్డులో వైఎస్సార్‌సీపీ అభ్యర్థి అనిల్‌ కుమార్‌ 18 ఓట్లతో విజయం సాధించగా, అధికారులు డిక్లరేషన్‌ ఫారం కూడా అందించారు. అదే వార్డుకు చెందిన టీడీపీ నేత చంద్రమోహన్‌ యాదవ్‌ డిక్లరేషన్‌ ఫారాన్ని చించివేశారు. రీ కౌంటింగ్‌ నిర్వహించాలంటూ పట్టుట్టారు. డిక్లరేషన్‌ తర్వాత రీకౌంటింగ్‌ అనుమతించడం అధికార దుర్వినియోగానికి నిదర్శనంగా నిలిచింది. చివరకు విలేకరులు అక్కడకు చేరుకోగా అధికారులు 41 వార్డుకు సంబంధించి డిక్లరేషన్‌ ఫారం అందించారు.

అధికారాన్ని అడ్డుపెట్టుకుని పట్టపగలు ప్రజాస్వామ్యాన్ని భ్రష్టుపట్టించదల్చుకుంటే సకల వ్యవస్థలూ సాగిలబడి సహకరిస్తాయని ఆంధ్రప్రదేశ్‌లో ‘సజావుగా’ సాగిన నగరపాలక, పట్టణ, నగర పంచాయతీ ఎన్నికల ప్రహసనం నిరూపించింది. నామినేషన్ల ఘట్టం తొలిరోజు మొదలైన హింసాకాండ, దౌర్జన్యం ఫలితాల నాడు కూడా యథాప్రకారం కొనసాగాయి. ఇక గురువారం జరిగే జడ్‌పీటీసీ, ఎంపీటీసీ పోలింగ్‌తంతు మిగిలింది. దాదాపు అన్నిచోట్లా నామినేషన్ల దాఖలుకు వచ్చేవారిపై దాడులు, మహిళలని చూడకుండా తోడేళ్లలా మీదబడి నామినేషన్‌ పత్రాలు లాక్కొనటం, తమవారినే వైఎస్సార్‌ కాంగ్రెస్‌ అభ్యర్థులుగా ఫేక్‌ నామినేషన్లు దాఖలు చేయించి ఉపసంహరింపజేయటం, అన్నీ దాటుకుని అభ్యర్థులైనవారి ఇళ్లపై పోలీసులు, గూండాలతో దాడులు చేయించి ఉపసంహరింపజేయటం, సాధ్యంకాకపోతే వారి సంతకాలు ఫోర్జరీ చేయటం, నామినేషన్లు చెల్లబోవని అధికారులతో చెప్పించటం, పోలింగ్‌నాడు అడ్డ గోలుగా ఓట్లేసుకుని బ్యాలెట్‌ బాక్సులు నింపడం, ఫలితాల రోజున వైఎస్సార్‌ కాంగ్రెస్‌ నెగ్గినట్టుగా డిక్లరేషన్లిచ్చినచోట చించి పోగులు పెట్టడం... ఆంధ్రప్రదేశ్‌ ముఖ్యమంత్రి చంద్రబాబు ఆడించిన డ్రామాలకు అంతూ పొంతూ లేదు. మూడు దశాబ్దాల క్రితం మాయమాటలతో, తప్పుడు ఆరోపణలతో, ఫోర్జరీ సంతకాలతో, స్వయానా మామ అయిన స్వర్గీయ ఎన్టీఆర్‌నుంచి అధికారాన్నీ, పార్టీనీ కూడా సంగ్రహించిన బాబు అచ్చం తనలాంటి వారినే ఊరూరా ప్రతిష్ఠించటానికి ఈ ఎన్నికల్లో పట్టపగ్గాల్లేకుండా చెలరేగి పోయారు. అంతా అయినాక ప్రజాస్వామ్యంపై నారాస్వామ్యం గెలిచిందని ఈ క్షీణచంద్రుడు నూలుపోగు సైతం వదిలేసి మరీ ప్రకటించదల్చుకున్నట్టు కనబడుతోంది. ‘ప్రజాస్వామ్యాన్ని రక్షిద్దాం... అరాచకత్వాన్ని అంతం చేద్దాం’ నినాదంతో కేంద్ర హోంమంత్రి అమిత్‌ షా సారథ్యంలో బీజేపీ హైదరాబాద్‌లో సోమవారం నిర్వహించిన మహా పాదయాత్ర విజయవంతమైందని ఆ పార్టీ శ్రేణులు సంబరపడ్డాయి. కానీ అంతకు పక్షం రోజుల్నించి పొరుగునున్న ఏపీలో జరుగుతున్నదేమిటో తెలంగాణ వాసులు గమనించరనుకున్నారా? తమ కూటమి ప్రభుత్వం విధ్వంసక శక్తిగా మారి పోలీసుల్నీ, గూండాలనూ వీధుల్లో స్వైరవిహారం చేయించి ప్రజాస్వామ్యాన్ని భ్రష్టుపట్టించిన వైనం, అరాచకత్వాన్ని ప్రతిష్ఠించిన తీరు చూసి జనం విస్తుబోతున్నారు. వారికేం చెబుతారు? ఇందులో పాలుపంచుకున్న తమ పార్టీ నేతలనైనా మందలించారా? అక్కడి పరిస్థితుల గురించి కేంద్ర నిఘా సంస్థలు ఎలాంటి నివేదికలిచ్చాయి? తమవారే ఇలా చేస్తుంటే ప్రజాస్వామ్యాన్ని ఎవరినుంచి రక్షిద్దామనుకుంటున్నారని సూటిగా ప్రశ్నిస్తే అమిత్‌ షా అయినా, ఆ పార్టీ ఇతర నేతలైనా జవాబివ్వగలరా?రాజ్యం వీరభోజ్యమనే రోజులు పోయాయని అందరూ అనుకుంటున్న తరుణంలో అది అబద్ధమని బాబు అండ్‌ కో నిరూపించారు. అసలు నామినేషన్ల పర్వం ప్రారంభానికి ముందే బెదిరింపులు మొదలెట్టారు. అప్పనంగా వచ్చిన అధికారంవల్ల అమాత్యుడైన ఒక దౌర్భాగ్యుడు నామినేషన్‌ వేయొద్దంటూ ఫోన్‌లో బెదిరిస్తాడు. అలాంటి పదవి కోసం కాచుక్కూర్చున్న అదే బాపతు నాయకుడు ఇంకోచోట ఇళ్లకు గూండాల్ని పంపి, అభ్యర్థిత్వం ఉపసంహరించుకుంటున్నట్టు మైనారిటీ మహిళతో చెప్పిస్తాడు. ‘మీతో భద్రంగా నామినేషన్లు వేయిస్తాం రండ’oటూ వ్యాన్‌లో తీసుకెళ్లే పోలీసులు ముందే ఆ సమాచారాన్ని టీడీపీ గూండాలకు చేరేస్తారు. కార్యాలయం ముందు దిగగానే వారిపై గూండాల దాడులు మొదలై, నెత్తుటి గాయాలతో వెనుదిరుగుతారు. ఎన్నికల్లో విచ్చలవిడి హింసకు తెరలేపి, ఆ నెపంతో కాల్పులు జరిపించి జనాన్ని పొట్టనబెట్టుకోవటానికి... ఆ బాధ్యతను వైఎస్సార్‌ కాంగ్రెస్‌పైకి నెట్టడానికి ప్రభుత్వ యంత్రాంగం చేయని ప్రయత్నమంటూ లేదు. మాజీ ముఖ్యమంత్రి వైఎస్‌ జగన్‌ మోహన్‌రెడ్డి సొంత నియోజకవర్గం పులివెందులలో ఆయన కాన్వాయ్‌కి ఎదురెళ్లమని వివేకా హత్య కేసు ప్రధాన నిందితుడు దస్తగిరిని ఉసిగొల్పడం సైతం ఈ కుట్రలోభాగం. ఈ సోకాల్డ్‌ ఎన్నికల ప్రక్రియ పొడవునా ప్రతి దాడులకు దిగకుండా, మాట తూలకుండా ఉన్నందుకు వైఎస్సార్‌ కాంగ్రెస్‌ శ్రేణుల్ని అభినందించాలి. ఇవాళ ఏపీ ప్రశాంతంగా ఉందంటే ఆ పార్టీ శ్రేణుల సంయమనమే కారణం. అసలు వీటిని ఎన్నికలనొచ్చా? న్యాయవ్యవస్థ తేల్చాలి.

సాక్షి, అమరావతి: ముఖ్యమంత్రి చంద్రబాబు, ఆయన తనయుడు, మంత్రి లోకేశ్‌ కళ్లల్లో ఆనందం చూడటం కోసం ముఖ్య స్థానాల్లో ఉన్న ఐఏఎస్, ఐపీఎస్‌ అధికారులు తమ స్థాయిని దిగజార్చుకుని.. బరితెగించి.. నిస్సిగ్గుగా.. నిర్భీతిగా పని చేసిన తీరు రాష్ట్ర­ంలోనే కాకుండా దేశ వ్యాప్తంగా చర్చనీయాంశమైంది. రాష్ట్రంలో స్థానిక ఎన్నికల్లో చంద్రబాబు, లోకేశ్‌లు కోరుకుంటున్న ఫలితాల కోసం ఏకంగా ప్రజాస్వా­మ్యాన్నే ఖూనీ చేసేందుకు వెనుకాడని వైనం విస్తుగొ­లుపుతోంది. ఏమీ తెలియనట్లు పైకి అమాయకంగా కనిపిస్తూ కొందరు ఐఏఎస్‌లు వెనుక నుంచి అక్రమాలకు పచ్చ జెండా ఊపగా.. ఖాకీ చొక్కా వేసుకున్న పెద్దలే ముందుండి ఆ అరాచకాలకు ఊతమివ్వడం విస్తుగొలుపుతోంది. ఈ క్రమంలో గూండాలు, రౌడీ­లు, గంజాయి బ్యాచ్‌లు విచ్చలవిడి­గా పేట్రేగిపోయి వైఎస్సార్‌ జిల్లాలో.. ప్రత్యేకించి పులివెందులలో అరాచకం సృష్టించడం కలకలం రేపుతోంది. రాష్ట్ర వ్యాప్తంగా స్థానికంగా పైచేయి సాధించడానికి తాలిబన్లను మించిన దాష్టీకాలకు తెర లేపడం ప్రజలను, ప్రజాస్వామ్యవాదులను భయభ్రాంతుల­కు గురిచేస్తోంది. పచ్చ మూక అరాచకాలు, దౌర్జ­న్యాలకు సంబంధించి వేలాది వీడియోలు, ఫొటోలు సోష­ల్‌ మీడియాలో వైరల్‌ అవుతున్నా వీరంతా చోద్యం చూడటం విశ్లేషకులను సైతం ఆందోళనకు గురిచేస్తోంది.అన్నీ తెలిసినా ఏమీ తెలియనట్లు..కడప కలెక్టర్‌ చెరుకూరి శ్రీధర్‌ చౌదరి పైకి మాత్రం ఏమీ తెలియని అమాయక చక్రవర్తి అన్నట్లు వ్యవహరిస్తారు. లోపల మాత్రం పట్టపగలే ప్రజాస్వామ్యాన్ని ఖూనీ చేయడానికి ఎత్తుకు పైఎత్తులు వేస్తారు. మొన్న టీడీపీ గూండాలు నామినేషన్‌ పత్రాలను లాక్కొన్నా.. చింపేసినా.. ఏకంగా ఆర్వోల చేతుల్లోంచి సైతం ఆ పత్రాలు లాక్కొని చింపేసినా తనకేమీ తెలియనట్లు.. జిల్లాలో ఏమీ జరగనట్లు వ్యవహరించారు. పోలింగ్‌ రోజున పొరుగు ప్రాంతాల నుంచి వచ్చిన గూండాలు యథేచ్ఛగా బూత్‌లను ఆక్రమించడం.. రిగ్గింగ్‌ చేయడం కళ్లెదుటే కనిపిస్తున్నా.. ప్రతిపక్ష పార్టీ ఫిర్యాదు చేసినా.. ఏమీ జరగనట్లు ఉలుకు పలుకు లేకుండా ఉండిపోయారు.ఆదివారం పులివెందులలో చోటుచేసుకున్న పరిణామాల గురించి రాష్ట్ర వ్యాప్తంగా ప్రజలు ఉత్కంఠతో ఎదురు చూసినా కలెక్టర్‌ మాత్రం మూడు నాలుగు చోట్ల మినహా అంతా ప్రశాంతం అంటూ క్లీన్‌చిట్‌ ఇస్తూ నివేదించడం దుర్మార్గానికి పరాకాష్టగా నిలిచింది. ఏకంగా 70 మంది వైఎస్సార్‌సీపీ ఏజెంట్లను బలవంతంగా పోలింగ్‌ కేంద్రాల్లోంచి బయటకు గెంటేసినా కలెక్టర్‌ నుంచి ఏమాత్రం స్పందన లేకపోవడం నివ్వెర పరుస్తోంది. వైఎస్సార్‌సీపీ నేతలు సాక్ష్యాధారాలతో సహా ఫిర్యాదు చేసినా, వాటిని బుట్ట దాఖలు చేయడం ఈయనకే చెల్లింది. ఇప్పటి దాకా ఏ కలెక్టర్‌ వ్యవహరించనంత దారుణంగా పనిచేసిన ఘనత సదరు కలెక్టర్‌ చెరుకూరి శ్రీధర్‌ చౌదరికి మాత్రమే దక్కింది. ‘పచ్చ’ బొట్టు పొడిపించుకున్నట్టు పోలీసు విధులు కడప జిల్లాలో, పులివెందులలో వైఎస్సార్‌సీపీని పూర్తి­గా దెబ్బతీయడానికి ‘పచ్చ’»ొట్టు పొడిపించుకున్నట్టు జిల్లా ఎస్పీ షెల్కే నచికేత్‌ విశ్వనాథ్‌ చెలరేగిపోయారు. శాంతిభద్రతలను కాపాడాల్సిన స్థానంలో ఉన్న ఆయన ప్రజాస్వామ్యాన్ని ఖూనీ చేసే ప్రక్రియలో తన వంతు పాత్ర పోషించారు. పోలింగ్‌ జరుగుతున్న రోజు ఆయా ప్రాంతాలకు ఇతర ప్రాంతాల వారు వస్తుంటే అడ్డుకోవాల్సింది పోయి.. వారికి ఆశ్రయం కల్పించేలా పోలీసులకు దిశా నిర్దేశం చేయడం విస్తుగొలుపుతోంది. నామినేషన్ల ప్రక్రియలోనే మూడు రోజుల పాటు టీడీపీ మూకలు వైఎస్సార్‌సీపీ నేతలు, కార్యకర్తలపై దాడులకు దిగుతూ నామినేషన్లను అడ్డుకున్నా ఎస్పీగా పరిస్థితిని అదుపు చేయలేకపోయారు. బీఎన్‌ఎస్‌ సెక్షన్‌ 163 అమల్లో ఉన్నా గుంపులను చెదరగొట్టలేదు. మరోవైపు వైఎస్సార్‌సీపీ నేతలకు నోటీసులు, హౌస్‌ అరెస్టులు.. దాడులకు దిగిన మూకలకు మాత్రం అడ్డుకట్ట లేకుండా పోయింది. వైఎస్సార్‌సీపీ అభ్యర్థులు నామినేషన్లు వేయడానికి వెళ్తే దాడులు ఎదుర్కొనే పరిస్థితి ఏర్పడింది. వరుస ఘటనలు జరిగినా పరిస్థితిని అదుపు చేయలేకపోయారు. వైఎస్సార్‌సీపీ నేతలకు నోటీసులు జారీ చేసి హౌస్‌ అరెస్టులు చేయడంలో చురుగ్గా వ్యవహరించిన పోలీసులు, నామినేషన్లను అడ్డుకున్న మూకలను నియంత్రించడంలో మాత్రం విఫలమయ్యారు.పులివెందులలో 70 మంది వైఎస్సార్‌సీపీ ఏజెంట్లను పోలింగ్‌ కేంద్రాల నుంచి వెళ్లగొట్టారనే విషయం తెలిసినా ఏమీ పట్టించుకోలేదు. పైగా తమకు ఫిర్యాదు రాలేదంటూ అమాయకంగా చెప్పడం కొసమెరుపు. ఎస్పీ ఆదేశాల మేరకే పులివెందుల డీఎస్పీ మురళీనాయక్‌ వైఎస్సార్‌సీపీ నేతలను అడుగడుగునా అణచి వేయడానికి శక్తివంచన లేకుండా కృషి చేశారు. ఓటు వేయడానికి వెళ్తున్న మహిళలను సైతం నిస్సిగ్గుగా అడ్డుకున్న పోలీసు ఎవరైనా ఉన్నారా.. అంటే అది డీఎస్పీ మురళీ నాయక్‌ అని రాష్ట్ర మంతా కోడై కూస్తోంది. సీఎం చంద్రబాబు, మంత్రి లోకేశ్‌ మెప్పు పొందడం కోసం ఒక ఎస్పీగా దిగజారకూడనంతగా దిగజారి పని చేశారని పోలీసుల్లో తీవ్ర చర్చ జరుగుతోంది. ఎస్పీలకు పచ్చ చొక్కాలేయించిన ఇంటెలిజెన్స్‌ చీఫ్‌ఆంధ్రప్రదేశ్‌ ఇంటెలిజెన్స్‌ చీఫ్‌గా సీనియర్‌ ఐపీఎస్‌ అధికారి మహేష్‌ చంద్ర లడ్డా చంద్రబాబు ఏజెంట్‌గా మారిపోయారు. రాష్ట్రంలో పచ్చ మూక దురాగతాల్లో తన వంతు పాత్ర పరోక్షంగా పోషించారు. రాష్ట్రంలో ఎప్పటికప్పుడు జరిగే పరిణామాలను బట్టి.. ఏం చేస్తే టీడీపీకి ఉపకరిస్తోందో చంద్రబాబుకు, లోకేశ్‌కు వెనువెంటనే చెబుతూ అక్రమాల్లో భాగం పంచుకున్నారు. మరోవైపు ఆయా జిల్లాల ఎస్పీలకు వైఎస్సార్‌సీపీ శ్రేణులపై తప్పుడు కేసులకు పురమాయించారు. వందలాదిగా టీడీపీ మూకలు నామినేషన్‌ కేంద్రాల వద్దకు వచ్చిన, పోలింగ్‌ కేంద్రాల వద్దకు వచ్చినా లడ్డా ఆదేశాల వల్లే జిల్లా ఎస్పీలు పట్టించుకోలేదు. అదే సమయంలో వైఎస్సార్‌సీపీ శ్రేణులు ఐదారు మంది వచ్చినా అడ్డుకున్నారు. పలుచోట్ల లాఠీలు సై­తం ఝు­ళి­పించారు. గంజాయి మూకలు యథేచ్ఛగా రెచ్చిపోయినా ఏమాత్రం పట్టించుకోలేదు. నామి­నేషన్‌ పత్రాలను పోలీసుల ఎదుటే చింపేసినా, మహిళ అభ్యర్థుల చేతుల్లోంచి పత్రాలను గూండాలు లాక్కెళ్తున్నా పోలీసులు కళ్లప్పగించి చూశా­రు తప్ప అడ్డుకునే ప్రయత్నం చేయ లేదంటే ఈయన నుంచి ఎంత గట్టిగా ఆదేశాలు వెళ్లి ఉంటాయో అర్థమవుతోంది. ఎలాగైనా సరే టీడీపీ­కి స్థానిక ఎన్నికల్లో విజయం సాధించి పెట్టా­లనే లక్ష్య­ంతో పోలీసు యంత్రాంగంపై ఎంతగా విమర్శలు వచ్చినా పట్టించుకోలేదు.గూండా రాజ్‌లో కీలక పాత్రధారికర్నూలు రేంజ్‌ డీఐజీగా చంద్రబాబు, లోకేశ్‌లు ఉంటే కూడా టీడీపీ కోసం అంతగా చేయరేమో అన్నట్లు డీఐజీ కోయ ప్రవీణ్‌ చౌదరి రెచ్చిపోయారు. వైఎస్సార్‌సీపీ పేరు వింటేనే అంతెత్తున ఎగిరిపడే ఆయన ఆ పార్టీని అణచి వేయడానికి గంజాయి మూకలకు మించిన రీతిలో దౌర్జన్యాలకు దిశా నిర్దేశం చేశారు. స్థానిక ఎన్నికల వేళ ప్రత్యేకంగా కడప, పులివెందులలో పర్యటించి అక్కడ వైఎస్సార్‌సీపీని అడ్డుకోవడానికి పచ్చ పార్టీ గూండాలతో కలిసి మంతనాలు చేశారు. నామినేషన్లు మొదలు కౌంటింగ్‌ వరకు ఎప్పుడు, ఎక్కడ ఏం చేయాలో దశల వారీగా టీడీపీ గూండాలకు స్క్రిప్ట్‌ ఇచ్చారు.ఆపై ఆ స్క్రిప్ట్‌ పక్కాగా అమలయ్యేలా పర్యవేక్షించారు. అందువల్లే ఎక్క­డా లేని విధంగా వైఎస్సార్‌ కడప జిల్లాలో దాడు­లు, దౌర్జన్యాలు, ప్రజాస్వామ్య హననం చోటు­చేసుకుంది. పులివెందులలో టీడీపీని గెలిపించి చంద్రబాబు, లోకేశ్‌ కళ్లల్లో ఆనందం చూడాలనే తాపత్రయంతో పని చేయడం అడుగడుగునా కనిపిస్తోంది. ఏఎస్పీ ప్రకాశ్‌బాబు ద్వారా తన వ్యూ­హాన్ని అమలు చేశారు. అరాచకాలకు పెద్దపీట వేయడం, అధికార పక్షానికి కొమ్ముకాస్తూ ప్రతిపక్షానికి నరకం చూపించడమే ఆయన లక్ష్యమైంది. ఈ క్రమంలోనే నామినేషన్‌ ప్రక్రియను రణరంగంగా మార్చేశారు. అర్హత ఉన్న ప్రతిపక్ష అభ్యర్థులు నామినేషన్‌ వేయకుండా సమర్థవంతంగా అడ్డుకోగలిగారు. పచ్చ మూకలను తొలుతే రిటర్నింగ్‌ అధికారి కార్యాలయంలోకి అనుమతించారు. కళ్ల ముందే దాడులు జరుగుతున్నా.. ఎన్ని వినతిపత్రాలు ఇచ్చినా పట్టించుకోలేదు. పైగా ప్రశ్నించిన వారిపైనే తిరిగి కేసులు పెట్టేలా కింది సిబ్బందికి ఆదేశాలిచ్చారు. ప్రతిపక్ష సభ్యులపై దాడి చేయడంలో టీడీపీ రౌడీలు వెనుకబడినప్పుడు పోలీసులే ఆ బాధ్యతను నిర్వర్తించేలా పకడ్బందీగా సీన్‌ను నడిపించారు. ప్రతిపక్ష సభ్యులెవరూ నామినేషన్‌ వేయకూడదు.. ఒక వేశ వేసినా పోలింగ్‌ సవ్యవంగా జరగకూడదు.. అదీ దాటు­కుని ముందుకు వెళ్లినా కౌంటింగ్‌ రోజు గొడవలు చేసేలా టీడీపీ మూకలకు దిశా నిర్దేశం చేశారు. ఇంత నిస్సిగ్గుగా పని చేసిన ఐపీఎస్‌ అధికారి భారతదేశ చరిత్రలోనే ఉండరని పోలీసులే బాహాటంగా మాట్లాడుకుంటున్నారు.కలెక్టర్లకు కళ్లెం వేసిన సీఎంవో కార్యదర్శి 2004 బ్యాచ్‌కు చెందిన ఐఏఎస్‌ అధికారి పీఎస్‌ ప్రద్యుమ్న సీఎంవో కార్యదర్శిగా సీఎం చంద్రబాబు, మంత్రి లోకేశ్‌ చెప్పింది చెప్పినట్లుగా పొల్లు పోకుండా చేసి వారి కళ్లల్లో ఆనందం చూశారు. స్థానిక ఎన్నికల్లో ఆయా జిల్లాల కలెక్టర్లు ఎలాంటి అక్రమాలు చేయకూడదో.. వాటన్నింటినీ వారి ద్వారా చేయించారు. ఎన్నికలు సవ్యంగా జరిగేలా తీసుకోవాల్సిన చర్యల ముసుగులో వైఎస్సార్‌సీపీ అభ్యర్థులకు న్యాయం జరగకుండా చక్రం తిప్పారు. నామినేషన్లు వేయనివ్వలేదని, తమ నామినేషన్‌ పత్రాలను చింపేశారని.. ఫలానా పోలింగ్‌ బూత్‌లో రిగ్గింగ్‌ జరుగుతోందని.. ఫలానా చోట వైఎస్సార్‌సీపీ ఏజెంట్లను బయటకు తోసేశారని ఎన్ని ఫిర్యా­దులు వెళ్లినా జిల్లా కలెక్టర్లు స్పందించక పోవడానికి ప్రద్యుమ్న ఆదేశాలే కారణమని స్పష్టమవుతోంది. బాధిత అభ్యర్థులు చెప్పింది విని తలూపారే తప్ప.. కలెక్టర్లు ఎక్కడా ఉన్నది ఉన్నట్లు నివేదించక పోవడమే ఇందుకు నిదర్శనం. ఎస్‌ఈసీ ఏమో కలెక్టర్‌ ఇచ్చే నివేదికలపైనా తాము నిర్ణయాలు తీసుకుంటామని స్పష్టంగా చెబు­తున్నా, ఆ పనిని నిస్వార్థంగా చేయ­డంలో కలెక్టర్లు విఫలమయ్యారని కళ్లెదుటే స్పష్టంగా కనిపిస్తోంది. వందల సంఖ్యలో అక్రమాలు, దౌర్జన్యాలు జరిగినా.. అంతా ప్రశాంతం అంటూ పైకి నివేదికలు పంపడంలో ప్రద్యుమ్న ఒత్తిడే కారణమని బ్యూరోక్రాట్‌ వర్గాలు చర్చించుకుంటున్నాయి. పంచ‘తంత్రం’కు డీజీపీ, ఎస్‌ఈసీ సహకారం రాష్ట్రంలో టీడీపీకి స్థానిక ఎన్నికల్లో ఏకపక్ష విజయం సాధించిపెట్టడానిక కంకణం కట్టుకున్న ఈ ఐదుగురు అధికారులకు ఓ వైపు నుంచి డీజీపీ హరీష్‌ కుమార్‌ గుప్తా.. మరో వైపు నుంచి ఎస్‌ఈసీ అనిల్‌ చంద్ర పునేఠా తోడయ్యారు. వీరిద్దరూ పక్కా చంద్రబాబు మనుషులు కావడంతో రాష్ట్రంలో ఎంతటి దారుణాలు చోటుచేసుకున్నా మిన్నకుండిపోయారు. ఏం జరిగినా కింది నుంచి నివేదికలు వస్తే చర్యలు తీసుకుంటామంటూ పాడిన పాట పాడుతూ కాలం గడుపుతున్నారు. ఎన్నికల వేళ ప్రజాస్వామ్యాన్ని కాపాడాల్సిన కీలక బాధ్యతల్లో ఉన్న వీరు అడుగడుగునా పచ్చ బ్యాచ్‌కు అండగా నిలవడం రాష్ట్ర ప్రజలను నివ్వెర పరిచింది. వీరంతా చంద్రబాబు ప్రయోజనాల కోసమే పని చేశారని రాష్ట్ర వ్యాప్తంగా ప్రజలు బాహాటంగా చర్చించుకుంటున్నారు. సుప్రీంకోర్టు ఆదేశాలు, హైకోర్టు ఉత్తర్వులను సైతం బేఖాతర్‌ చేస్తూ అరాచకాలకు ఆజ్యం పోశారు.

సాక్షి, అమరావతి: ప్రజాస్వామ్యాన్ని పరిరక్షించాల్సిన రాష్ట్ర ఎన్నికల కమిషన్‌ (ఎస్‌ఈసీ) చంద్రబాబుకు తొత్తుగా మారిందని వైఎస్సార్‌సీపీ అధ్యక్షుడు, మాజీ సీఎం వైఎస్‌ జగన్‌మోహన్‌రెడ్డి ఆగ్రహం వ్యక్తం చేశారు. చంద్రబాబు ఎన్నికల అక్రమాలకు ఎస్‌ఈసీ ఎంతలా అండగా నిలుస్తోందో చెప్పడానికి.. పులివెందుల సహా రాష్ట్ర వ్యాప్తంగా జరిగిన మున్సిపల్‌ పోలింగ్‌లో చోటుచేసుకున్న దారుణ ఘటనలే ప్రత్యక్ష సాక్ష్యమన్నారు. ఎన్నికల్లో అక్రమాలపై న్యాయ పోరాటం చేస్తామని చెప్పారు. చివరకు న్యాయం, ధర్మమే గెలుస్తాయన్నారు. ఈ మేరకు సోమవారం ఆయన సామాజిక మాధ్యమం ఎక్స్‌లో పోస్టు చేశారు. ఆ పోస్టులో వైఎస్‌ జగన్‌ ఇంకా ఏమన్నారంటే.. కేవలం 4 బూత్‌ల్లో రీపోలింగ్‌ ఎంత వరకు న్యాయం? పోలింగ్‌ రోజున పులివెందులలో 80 పోలింగ్‌ బూత్‌ల్లో 70 చోట్ల వైఎస్సార్‌సీపీ ఏజెంట్లను లేకుండా చేశారు. ఎన్నికల అధికారులు, పోలీసుల అండదండలతో బయటి ప్రాంతాల నుంచి వచి్చన టీడీపీ గూండాలు స్వైర విహారం చేశారు. మా పార్టీ కి చెందిన ఏజెంట్లు బూత్‌ల లోకి పోకుండా దాడులు చేశారు. ఇంకొన్ని చోట్ల మా ఏజెంట్లను పోలింగ్‌ కేంద్రాల నుంచి బయటకు లాగేశారు. ఇవన్నీ పోలీసుల సహకారంతోనే జరిగాయి. ఓటర్ల నుంచి స్లిప్పులు లాక్కుని, బూత్‌లను ఆక్రమించి రిగ్గింగ్, సైక్లింగ్‌ చేశారు. ఈ దారుణాలకు సంబంధించిన వీడియో ఆధారాలు చాలా స్పష్టంగా ఉన్నాయి. ఆ 70 బూత్‌లలో మా పార్టీ కి చెందిన ఏజెంట్లు నేరుగా నా సమక్షంలోనే అధికారులకు ఏజెంట్ల ఫారాలు చూపుతూ ఫిర్యాదు చేసి, నిరసన తెలిపారు. రాష్ట్రం మొత్తం దీన్ని చూసింది. అయినా ఎస్‌ఈసీ స్పందించిన తీరు అత్యంత దారుణం. 80 బూత్‌లకు గాను, 70 బూత్‌ల్లో అక్రమాలు జరిగితే.. దాడులు చేసి, అక్కడి నుంచి ఏజెంట్లనే తరిమేస్తే.. కేవలం 4 బూత్‌లలో మాత్రమే రీ పోలింగ్‌కు ఆదేశించి చేతులు దులుపుకోవడం ఎంత వరకు న్యాయం? ఎన్నికల అక్రమాలపై న్యాయ పోరాటం చేస్తాం ఎస్‌ఈసీ చేసింది ప్రజలను మభ్యపెట్టడానికి చేసిన కంటి­తుడుపు చర్య కాదా? వీటిని స్వేచ్ఛాయుత, నిష్పక్షపాత ఎ­న్నికలని అంటామా? ప్రజాస్వామ్యాన్ని కాపాడాల్సిన ఎన్నికల సంఘమే అధికార పార్టీ అక్రమాలపై కళ్లు మూ­సుకుంటే, ఇక ప్రజల ఓటు హక్కుకు రక్షణ ఎక్కడ? ఎన్నికల వ్యవస్థపై ప్రజలకు నమ్మకం ఎలా ఉంటుంది? పులివెందులలోనే కాదు.. రాష్ట్ర వ్యాప్తంగా ఇలాంటి ఘటనలే జరిగా­యి. కడప, అనంతపురం, తిరుపతి, కర్నూలు, చి­త్తూ­రు, ఒంగోలు, గుంటూరు, నెల్లూరు, విశాఖపట్నం, విజయ­వా­డ కార్పొరేషన్లలో.. మాచర్ల, చిలకలూరిపేట, వినుకొండ, జమ్మలమడుగు, నంద్యాల, చీమకుర్తి, గిద్ద­లూ­రు, ఎమ్మిగనూరు, నంద్యాల, సూళ్లూరుపేట, పలాస, డోన్, నాయుడుపేట, నందిగామ, జగ్గయ్యపేట, కుప్పం, పుత్తూరు, పార్వతీపురం సహా పలు మున్సిపాల్టీల్లోనూ యథేచ్ఛగా ఎన్నికల అక్రమాలు జరిగాయి. ప్రజాస్వామ్య పరిరక్షణలో భాగంగా ఎన్నికల అక్రమాలపై న్యాయ పోరాటం చేస్తాం. వీటికి సంబంధించిన ప్రతి ఆధారాన్ని కోర్టుల దృష్టికి తీసుకెళ్తాం. ఆలస్యం కావొచ్చేమోగానీ, చివరకు న్యాయం, ధర్మమే గెలుస్తాయి’ అని ఆ పోస్టులో పేర్కొన్నారు.

పాఠశాలతో ఎలాంటి సంబంధం లేని వ్యక్తి ఏకంగా విద్యుత్‌ రంపం తీసుకుని హైస్కూల్‌లోకి ప్రవేశించి, బాలికలపై దాడి చేసిన పరిస్థితి చూస్తుంటే ఇక స్కూళ్లలో చదువుకునే పిల్లల భద్రత మాటేమిటి? రాష్ట్రంలో ఇలాంటి దారుణ పరిస్థితులు నెలకొనడానికి ప్రధాన కారణం కూటమి ప్రభుత్వమే. ప్రతి గ్రామంలో, ప్రతి వీధిలో విచ్చలవిడిగా గంజాయి, మద్యం అందుబాటులోకి రావడంతో యువత వ్యసనాలకు బానిసలవుతున్నారు. వాటిని అరికట్టాల్సిన ప్రభుత్వం పూర్తిగా విఫలమైంది. ఈ పరిస్థితుల వల్లే ఇలాంటి ఘటనలు చోటుచేసుకుంటున్నాయి. వీటిని నియంత్రించలేక పోతున్నందుకు ప్రభుత్వం సిగ్గుతో తలదించుకోవాలి. - వైఎస్‌ జగన్‌ సాక్షి, బెంగళూరు: జెడ్పీ ఉన్నత పాఠశాలలోకి.. స్కూల్‌కు ఎలాంటి సంబంధం లేని వ్యక్తి ఏకంగా ఒక ఎలక్ట్రిక్‌ రంపం తీసుకుని వచ్చి తనకు ఇష్టమొచ్చినట్లు ఆడపిల్లలపై దాడి చేస్తే స్కూళ్లలో చదివే పిల్లల పరిస్థితి ఏమిటని ఆంధ్రప్రదేశ్‌ మాజీ ముఖ్యమంత్రి, వైఎస్సార్‌సీపీ అధ్యక్షుడు వైఎస్‌ జగన్‌మోహన్‌రెడ్డి ఆందోళన వ్యక్తం చేశారు. ఆంధ్రప్రదేశ్‌లో ఇలాంటి పరిస్థితి రావడానికి ప్రధాన కారణం రా­ష్ట్రంలోని ప్రతి గ్రామంలో, ప్రతి వీధిలో విచ్చలవిడిగా బెల్టుషాపులు, గంజాయి అందుబాటులోకి రావడమేనని నిప్పులు చెరిగారు. విచ్చలవిడిగా బెల్టుషాపులు, గంజాయిని అందుబాటులోకి తీసుకొచ్చి పిల్లలను వాటికి బానిసలు చేస్తున్నారని ఆవేదన వ్యక్తం చేశా­రు. ఆంధ్రప్రదేశ్‌లో జరుగుతున్న అరిష్టాల్లో ఇదొకటని తెలిపారు. గంజాయి, బెల్టుషాపులను అరికట్టే విషయంలో కూటమి ప్రభుత్వం పూర్తిగా విఫలమైనందుకు సిగ్గుతో తలవంచుకోవాలని హితవు పలికారు. అనంతపురం జిల్లా రాప్తాడు జెడ్పీ హై­సూ్కల్‌లో ఉన్మాది హేమంత్‌ చేతిలో తీవ్ర గాయాలపాలై బెంగళూరు ఓల్డ్‌ హెచ్‌ఏఎల్‌ రోడ్డులోని మణిపాల్‌ ఆస్పత్రిలో చికిత్స పొందుతున్న పదో తరగతి బాలిక గోపికను సోమవారం ఆయన పరామర్శించారు. ఆమె ఆరోగ్య పరిస్థితిపై వైద్యులతో మాట్లాడా­రు. గోపిక త్వరగా కోలుకోవాలని ఆకాంక్షించారు. బాలిక కుటుంబ సభ్యులను పరామర్శించి, వారికి ధైర్యం చెప్పారు. వైఎస్సార్‌సీపీ తరఫున అన్ని రకాలుగా అండగా ఉంటామని భరోసానిచ్చారు. అనంతరం మణిపాల్‌ ఆస్పత్రి ఆవరణలో మీడియాతో మాట్లాడారు. ఆ వివరాలు ఆయన మాటల్లోనే.. విద్యార్థిని గోపిక తల్లిదండ్రులను పరామర్శించి, ఆమె ఆరోగ్య పరిస్థితిపై వైద్యులను ఆరా తీసిన అనంతరం పార్టీ నేతలకు సూచనలు ఇస్తున్న మాజీ సీఎం వైఎస్‌ జగన్‌.. ఆ తరువాత ఆస్పత్రి ముందు మీడియాతోమాట్లాడుతున్న వైఎస్‌ జగన్‌ ఒక్క రాప్తాడులోనే 9 దారుణ ఘటనలు ఇంత విచ్చలవిడిగా రెడ్‌బుక్‌ రాజ్యాంగం అమలు చేస్తున్నారు కాబట్టి ఇలాంటి దారుణాలు జరుగుతున్నాయి. ఒక్క రాప్తాడు నియోజకవర్గంలోనే గత 15–16 నెలల్లో ఇలాంటి తరహా ఘటనలు జరగడం ఇది తొమ్మిదోసారి. వాటిలో ఆరు ఘటనలు మహిళలు, బాలికలకు సంబంధించినవే కావడం ఆందోళనకరం. ఇప్పుడు గోపిక అనే బాలికపై జరిగిన దాడితో పాటు అనూష, సావిత్రిబాయి, సావిత్రమ్మలకు సంబంధించిన ఘటనలు, అలాగే 14 ఏళ్ల ఎస్సీ మైనర్‌ బాలికపై సామూహిక అత్యాచారం, కురువ లింగయ్య హత్య, బోయ నాగేశ్‌ హత్య, నారాయణ రెడ్డి హత్య, స్పందన అనే యువతి ఆత్మహత్య వంటి ఘటనలు రాప్తాడులో చోటుచేసుకున్నాయి. ప్రతి గ్రామంలో యథేచ్ఛగా గంజాయి, మద్యం అందుబాటులోకి తీసుకురావడంతో పాటు రెడ్‌బుక్‌ పాలన పేరుతో పోలీసు వ్యవస్థను రాజ­కీయ అవసరాల కోసం వినియోగిస్తున్నారు. రెడ్‌బుక్‌ రాజ్యాంగం నడపడం వల్ల పోలీసులు కూడా శాంతిభద్రతలపై దృష్టి పెట్టలేని పరిస్థితి ఏర్పడటంతో ఇలాంటి దారుణ ఘటనలు జరుగుతున్నాయి. ప్రజల ప్రాణాలకు, ముఖ్యంగా మహిళలు, బాలికల భద్రతకు రక్షణ లేకుండా పోతోంది. కోలుకుంటున్న బాలిక దేవుడి దయ వల్ల పాప పరిస్థితి ప్రస్తుతం మెరుగ్గా ఉందని వైద్యులు చెప్పారు. 11 గంటల పాటు ఆపరేషన్‌ జరిగిందని.. మరో 48 గంటలు ఎంతో కీలకమని.. గోపిక త్వరగా కోలుకుంటుందని తెలిపారు. ఒకవైపు చిన్నారికి జరిగిన దారుణాన్ని తలచుకుంటే తీవ్ర ఆవేదన కలుగుతోంది. మరో వైపు బాలిక ప్రమాదం నుంచి బయట పడుతుందని వైద్యులు తెలుపడం మనసును కాస్తా కుదుట పరిచే విషయం. ఈ సమాచారం సంతోషాన్ని కలిగిస్తోంది. ఆ పాప పూర్తిగా కోలుకుని క్షేమంగా ఇంటికి తిరిగి రావాలని ఆకాంక్షిస్తున్నా. చావు బతుకుల మధ్య పోరాటం చేస్తున్న బాధిత బాలిక గోపిక చిన్నాన్న వైఎస్సార్‌సీపీ మండల కన్వీనర్‌’ అని వైఎస్‌ జగన్‌మోహన్‌రెడ్డి అన్నారు. ఈ కార్యక్రమంలో రాప్తాడు నియోజకవర్గ మాజీ ఎమ్మెల్యే తోపుదుర్తి ప్రకాశ్‌ రెడ్డి, మాజీ మంత్రి కేవీ ఉషశ్రీ చరణ్, మాజీ ఎంపీ గోరంట్ల మాధవ్‌ ఇతర నాయకులు ఉన్నారు. పొరుగు రాష్ట్రంలోనూ అదే అభిమానం తమ అభిమాన నాయకుడు మణిపాల్‌ ఆస్పత్రికి వస్తున్నారని సమాచారం అందుకున్న వైఎస్‌ జగన్‌ అభిమానులు ఆస్పత్రి వద్దకు పోటెత్తారు. కేవలం తెలుగు రాష్ట్రాల్లోనే కాకుండా పొరుగు రాష్ట్రం కర్ణాటకలో కూడా భారీగా తరలివచ్చారు. వైఎస్‌ జగన్‌ను చూసేందుకు, ఆయనతో కరచాలనం చేసేందుకు పోటీ పడ్డారు. దూసుకొస్తున్న అభిమానులను కట్టడి చేసేందుకు బెంగళూరు పోలీసులు తీవ్రంగా శ్రమించాల్సి వచ్చింది. ఇది కచ్చితంగా ప్రభుత్వ తప్పిదమే ‘ఆంధ్రప్రదేశ్‌లో దారుణంగా క్షీ­ణించిన శాంతి భద్రతలకు అనంతపురం జిల్లా రాప్తాడు జెడ్పీ హైసూ్కల్‌లో విద్యార్థినిపై జరిగిన దాడి ప్రత్యక్ష ఉదాహరణ. రాప్తాడు ఘటన ప్రభుత్వం తప్పిదం వల్లే జరిగింది. స్కూల్‌తో సంబంధం లేని, ఒక తెలియని వ్యక్తి ఏకంగా ఎలక్ట్రిక్‌ రంపం తీసుకొచ్చి బాలికలపై దాడి చేసే పరిస్థితి నెలకొంటే ఇక స్కూళ్లలో చదువుకునే పిల్లలకు ఎంత వరకు భద్రత ఉంటుంది? అసలు పాఠశాలలోకి ఒక వ్యక్తి విద్యుత్‌ రంపంతో వస్తుంటే అడ్డుకునే పరిస్థితి లేక పోవడం అత్యంత దారుణం. చివరకు స్కూళ్లలో కూడా పిల్లలకు రక్షణ లేకుండా పోయింది. రాష్ట్రంలో ఇలాంటి దారుణ పరిస్థితులు నెలకొనడానికి ప్రధాన కారణం కూటమి పార్టీ వైఫల్యమే. ప్రభుత్వ వైఫల్యం కారణంగా ఒక అమాయక బాలిక నేడు చావు బతుకుల మధ్య పోరాడాల్సిన పరిస్థితి ఏర్పడింది. ఇందుకు బాధితురాలి కుటుంబానికి రూ.50 లక్షలు పరిహారం ఇవ్వాలి. వైద్యానికి సంబంధించి పూర్తిగా అన్ని రకాలుగా తోడుగా నిలవాలి. ప్రభుత్వం నుంచి స్పందన రాకపోతే వైద్య పరంగా, ఇంకా అన్ని రకాలుగా వైఎస్సార్‌సీపీ అండగా ఉంటుంది. కూటమి ప్రభుత్వం నుంచి ఎలాంటి పరిహారం రాకపోతే వైఎస్సార్‌సీపీ అధికారంలోకి వచ్చిన నెల రోజుల్లోపే బాధిత కుటుంబానికి రూ.50 లక్షల పరిహారం అందిస్తాం.

సాక్షి,పల్నాడు: స్థానిక సంస్థల ఎన్నికల్లో చంద్రబాబు దాడులను ఎదుర్కొంటూనే ప్రజల పక్షాన పోరాడుతున్నామని మాజీ మంత్రి విడుదల రజిని స్పష్టం చేశారు. సోమవారం మున్సిపల్‌ ఎన్నికల్లో జరిగిన అక్రమాలపై ఆమె మీడియాతో మాట్లాడారు. ‘ఎన్నికల షెడ్యూల్‌ విడుదలైనప్పటి నుంచే దాడులు మొదలయ్యాయి. చంద్రబాబు అధికారంలోకి వచ్చాక రాష్ట్రంలో ప్రజాస్వామ్యం విధ్వంసమైంది. చంద్రబాబు పాలనలో ఏపీ బిహార్‌ అయింది. పోలీసుల అండదండలతో టీడీపీ రౌడీలు దాడులు చేస్తున్నారు.అధికారుల ఎదుట,అధికారుల సాక్షిగా బి ఫారాలు చించేశారు. నామినేషన్లు విత్‌డ్రా చేయడానికి,చించడానికి రాత్రి వేళ ఆఫీసుల్లో పోలీసుల అండదండలతో టీడీపీ రౌడీలు దాడులు చేస్తున్నారు.ఓటర్ల హక్కులను అధికారులు,పోలీసులు చంపేశారు. స్టేట్‌ ఎలక్షన్‌ కాదు.. స్టేట్‌ క్యాప్చర్డ్‌ ఎలక్షన్‌. వైఎస్సార్‌సీపీ నేతల హౌస్‌ అరెస్టులు, టీడీపీ గూండాలకు పోలీసుల రక్షణ. బూతులు హైజాక్‌,రిగ్గింగ్‌,సైక్లింగ్‌.. దాడులు,దౌర్జన్యాలు, అక్రమాలతో ఏపీలో జంగిల్‌ రాజ్‌ పాలన కొనసాగుతోందని దుయ్యబట్టారు. ఇదీ చదవండి : విడదల రజినీని నెట్టేసిన ఎస్‌ఐ.. కింద పడ్డ మాజీ మంత్రి!

సాక్షి, వైఎస్సార్‌ జిల్లా: మహిళలపై దాడులు చేస్తున్నా పోలీసులు పట్టించుకోలేదని.. అసలు వీటిని ఎన్నికలంటారా? అంటూ వైఎస్సార్‌సీపీ నేత పి.రవీంద్రనాథ్ రెడ్డి తీవ్ర స్థాయిలో మండిపడ్డారు. సోమవారం ఆయన మీడియా సమావేశంలో మాట్లాడుతూ స్థానిక ఎన్నికల్లో టీడీపీ గూండాల అరాచకాలపై ధ్వజమెత్తారు. చంద్రబాబు బజార్‌ రౌడీల ప్రవర్తిస్తున్నాడు. చంద్రబాబు మాటలకు, ఆచరణకు సంబంధం ఉండదు. మేక తోలు కప్పుకున్న తోడేలు చంద్రబాబు’’ అంటూ ఆయన దుయ్యబట్టారు.‘‘రాష్ట్రంలో అన్ని వ్యవస్థలను ధ్వంసం చేశారు. ఎన్నికల్లో అంతులేని దుర్మార్గాలకు చంద్రబాబు తెరలేపారు. చంద్రబాబు తీరును ప్రజాస్వామ్యవాదులు హర్షించరు. మీడియా మీద కూడా దాడులు చేశారు. ముఖ్యమంత్రిగా చంద్రబాబుకు కొనసాగే అర్హత లేదు’’ అంటూ రవీంద్రనాథ్‌రెడ్డి ఆగ్రహం వ్యక్తం చేశారు.ఎక్కడైనా ప్రజాస్వామ్యం కనిపించిందా?: అంజాద్‌ బాషా ధైర్యంగా నిలబడి పోరాడిన వైఎస్సార్‌సీపీ కార్యకర్తలకు ధన్యవాదాలు. వైఎస్సార్‌సీపీ నేతలు, కార్యకర్తలు విరోచితంగా పోరాడారు. ఎన్నికల్లో హింస జరిగితే.. చాలా ‍ ప్రశాంతంగా జరిగాయని చెబుతున్నారు. ఎన్నికల ప్రక్రియలో ఎక్కడైనా ప్రజాస్వామ్యం కనిపించిందా?’’ అంటూ మాజీ డిప్యూటీ సీఎం అంజాద్‌ బాషా ప్రశ్నించారు.ఇదీ చదవండి: ఏపీకి బిగ్‌ అలర్ట్‌.. తీవ్ర తుపాన్‌గా ‘మురసు’

సాక్షి, అమరావతి: యువతకు 20 లక్షల ఉద్యోగాలు లేదంటే నెలకు రూ.3 వేల చొప్పున నిరుద్యోగ భృతి చెల్లిస్తామన్న సూపర్‌ సిక్స్‌ హామీని ఎగ్గొట్టిన చంద్రబాబు సర్కార్‌.. ప్రభుత్వం ఉద్యోగాల భర్తీలో అత్యంత కీలకమైన ఆంధ్రప్రదేశ్‌ పబ్లిక్‌ సర్వీస్‌ కమిషన్‌ (ఏపీపీఎస్సీ)ను నీరుగార్చి నిర్వీర్యం చేసింది. అధికారంలోకి వచ్చిన వెంటనే ఏపీపీఎస్సీ చైర్మన్‌ను తొలగించింది. ఏడాదిగా పూర్తిస్థాయి చైర్మన్‌ను సైతం నియమించలేదు. కార్యదర్శిని కూడా నియమించకుండా ఇన్‌చార్జీతోనే కాలం గడుపుతోంది. మొత్తంగా చంద్రబాబు సర్కార్‌ 29 నెలల పాలనలో ఏకంగా 21 నెలల పాటు ఏపీపీఎస్సీకి అసలు చైర్మనే లేకుండా చేసింది. రాజ్యాంగ బద్ధమైన పదవి ఇంతకాలం ఖాళీగా ఉండటం ఇదే తొలిసారి అని కమిషన్‌ వర్గాలు చెబుతున్నాయి. కీలకమైన విధులు పర్యవేక్షించాల్సిన కార్యదర్శి మొక్కుబడిగా ఎఫ్‌ఏసీతో నడిపించడం విస్మయం కలిగిస్తోంది. సర్వీస్‌ కమిషన్‌ పూర్తిగా నిర్లక్ష్యం కేంద్రంలో యూనియన్‌ పబ్లిక్‌ సర్వీస్‌ కమిషన్‌ (యూపీఎస్సీ) తరహాలోనే రాష్ట్రంలో ప్రభుత్వ శాఖల్లో కీలక ఉద్యోగాల భర్తీని ఏపీపీఎస్సీ ద్వారా చేపడతారు. రాజ్యాంగబద్ధమైన హోదా కలిగిన కమిషన్‌కు చైర్మన్, బోర్డు సభ్యులతో పాటు కార్యదర్శి కీలకం. నిరుద్యోగ అభ్యర్థులకు నష్టం జరకుండా అవసరమైన చట్ట సవరణలు, పరీక్షల తీరును చైర్మన్‌ నేతృత్వంలోని సభ్యులు పర్యవేక్షిస్తారు. నోటిఫికేషన్లు జారీ, పరీక్షల నిర్వహణ, సర్టిఫికెట్ల పరిశీలన తదితర బాధ్యతలను కార్యదర్శి నిర్వర్తిస్తారు. డిపార్ట్‌మెంటల్‌ టెస్టుల నిర్వహణ కూడా కమిషన్‌ పరిధిలోనే ఉంటుంది. ఏ నోటిఫికేషన్‌ ఇచ్చినా.. పరీక్షలు నిర్వహించినా కార్యదర్శి సంతకం లేకుండా ఒక్క ఫైలు కూడా కదిలే పరిస్థితి లేదు. అలాంటి కీలకమైన ఏపీపీఎస్సీని చంద్రబాబు సర్కార్‌ నిర్వీర్యం చేసింది. అటు చైర్మన్‌ ఇటు కార్యదర్శి లేకపోవడంతో కమిషన్‌ పూర్తిగా గాడి తప్పింది. 21 నెలలుగా చైర్మన్‌ పోస్టు ఖాళీ.. చంద్రబాబు ప్రభుత్వం 2024 జూన్‌లో అధికారంలోకి రాగానే ఏపీపీఎస్సీపై కక్ష సాధింపు చర్యలకు దిగింది. కమిషన్‌ చైర్మన్‌గా ఉన్న గౌతమ్‌ సవాంగ్‌ పదవీ కాలం మరో ఏడాది ఉన్నప్పటికీ రాజకీయ కుట్రలతో అదే ఏడాది జూలైలో బలవంతంగా రాజీనామా చేయించింది. దీంతో గతంలో ఇచ్చిన గ్రూప్‌ 2, గ్రూప్‌ 1 మెయిన్స్‌తో పాటు 19 నోటిఫికేషన్లకు సంబంధించి పరీక్షల నిర్వహణకు బ్రేక్‌ పడింది. నిరుద్యోగుల నుంచి తీవ్ర వ్యతిరేకత పెల్లుబుకడంతో నాలుగు నెలల అనంతరం మరో ఐపీఎస్‌ అధికారి అనురాధను 2024 అక్టోబర్‌లో చైర్మన్‌గా నియమించారు. ఆమె పదవీ కాలం పూర్తవడంతో 2025 అక్టోబర్‌ 9న బాధ్యతల నుంచి తప్పుకున్నారు. అనంతరం సర్వీస్‌ కమిషన్‌లో అత్యంత జూనియర్‌ సభ్యుడిగా ఉన్న ప్రాఫెసర్‌ సి.శశిధర్‌కు చంద్రబాబు ప్రభుత్వం పూర్తి అదనపు బాధ్యతలు అప్పగించింది. ఆయన ఏడాదికిపైగా ఎఫ్‌ఏసీ చైర్మన్‌గా కొనసాగుతుండగా, పూర్తిస్థాయి చైర్మన్‌ నియామకంపై ప్రభుత్వం దృష్టి పెట్టలేదు. కార్యదర్శి పోస్టు పరిస్థితీ అదే.. మరోపక్క కీలకమైన ఏపీపీఎస్సీ కార్యదర్శి పోస్టు పరిస్థితి కూడా అదే. 2025 అక్టోబర్‌ 10న ఐఏఎస్‌ అధికారి రవిసుభాష్‌ పట్టన్‌శెట్టిని కార్యదర్శిగా చంద్రబాబు ప్రభుత్వం నియమించింది. అయిష్టంగానే బాధ్యతలు తీసుకున్న ఆయన కమిషన్‌తో అంటీముట్టనట్టుగానే వ్యవహరించారు. ఈ ఏడాది మార్చిలో వ్యవసాయ మార్కెటింగ్‌ శాఖ డైరెక్టర్‌గా అదనపు బాధ్యతలు స్వీకరించిన ఆయన అధిక సమయం అదే శాఖకు కేటాయించారు. ఆగస్టులో ఆయన ఏపీ టీడీసీ ఎండీగా బదిలీ అయ్యారు. అయితే ఏపీపీఎస్సీకి కార్యదర్శిని నియమించకుండా రవి సుభాష్‌కే అదనపు బాధ్యతలు అప్పగించారు. ఆయన టూరిజంకే అధిక ప్రాధాన్యం ఇస్తుండడంతో ఏపీపీఎస్సీలో పాలన గాడి తప్పింది. తీవ్రంగా నష్టపోతున్న నిరుద్యోగులు ఏపీపీఎస్సీ ద్వారా వెలువడే అన్ని నోటిఫికేషన్లు, పరీక్షల నిర్వహణకు చైర్మన్‌ అనుమతి తప్పనిసరి. చైర్మన్‌ ఇచ్చే ఆదేశాల మేరకు పరీక్షల నిర్వహణకు కార్యదర్శి చర్యలు తీసుకుంటారు. ప్రస్తుతం ఏపీపీఎస్సీ 40 వరకు నోటిఫికేషన్లు ప్రకటించినా గ్రూప్‌ 1కి మినహా దేనికీ పరీక్షల షెడ్యూల్‌ ప్రకటించలేదు. ఇన్‌చార్జి చైర్మన్‌ అనుభవ రాహిత్యం, కార్యదర్శి లేకపోవడం నిరుద్యోగులకు శాపంలా మారింది. సర్వీస్‌ కమిషన్‌ ఇచ్చే నోటిఫికేషన్లపై తలెత్తే అనుమానాలు నివృత్తి చేసేవారుగాని, సమస్యలు పరిష్కరించే దిక్కుగానీ లేకుండా పోయింది. అభ్యర్థులు దరఖాస్తు చేసుకునేందుకు ప్రయత్నిస్తే పలు సాంకేతిక సమస్యలు వెంటాడుతున్నాయి. ముఖ్యంగా ఈడబ్లు్యఎస్, స్థానికత, మైగ్రేషన్, లోకల్‌ స్టేటస్‌ తదితర అంశాలపై అభ్యర్థుల సందేహాలను తీర్చే నాథుడు లేరు. అభ్యర్థులకు వివరణ ఇచ్చేందుకు కనీసం రిడ్రెస్సెల్‌ సెల్‌ కూడా ఏర్పాటు చేయలేదంటే ఏపీపీఎస్సీ దుస్థితి ఎలా ఉందో ఊహించవచ్చు.

సాక్షి, అమరావతి/పులివెందుల: ప్రశ్నిస్తే దేశ ద్రోహం.. నిలదీస్తే దాడులు.. ఎదురు తిరిగితే అణచివేత.. సూత్రంతో రాష్ట్రంలో వెన్నుపోటు టీడీపీ ప్రభుత్వం రెచ్చిపోతోంది. అధికార మదం.. తోలుబొమ్మల్లా ఆడుతున్న పోలీసుల అండతో ఎల్లో తాలిబన్‌ ముఠా స్థానిక ఎన్నికల నామినేషన్లు, పరిశీలన, విత్‌డ్రా సమయాల్లో పెద్దఎత్తున పేట్రేగిపోయిన విషయం తెలిసిందే. పోలింగ్‌ రోజున వీరి అరాచకాలను బట్టబయలు చేస్తున్న మీడియాపైనా పచ్చ గూండాలు దాడులు, హింసకు పాల్పడ్డారు. ఆదివారం మున్సిపల్‌ ఎన్నికల పోలింగ్‌ సందర్భంగా ఏకంగా జాతీయ మీడియా ప్రతినిధులపైనా దాడులకు తెగబడటం విస్తుగొలుపుతోంది. వైఎస్సార్‌ జిల్లా పులివెందుల మున్సిపాలిటీలో ప్రజలు ప్రశాంతంగా ఓటు హక్కు వినియోగించుకోకుండా పచ్చమూకలు సృష్టించిన భయానక వాతావరణాన్ని కవర్‌ చేస్తున్న ఇండియా టుడే ప్రతినిధులపై విరుచుకుపడ్డారు. పులివెందులలో హింస సృష్టించి రిగ్గింగ్‌ చేసుకునేందుకు వీలుగా శనివారమే పట్టణంలో పచ్చమూకలు పెద్దఎత్తున మోహరించాయి. సినీఫక్కీలో కర్రలు, కత్తులు, రాడ్లతో ఆదివారం తెల్లవారుజామున పట్టణాల్లో హల్‌చల్‌ చేశాయి. ప్రజలు ఓటు వేయడానికి ఇళ్ల నుంచి బయటకు రాకుండా భయానక పరిస్థితులను సృష్టించాయి. వీటిపై రిపోర్ట్‌ చేస్తున్న ఇండియా టుడే టీవీ రిపోర్టర్‌ బషీర్, కెమెరామెన్‌ విజయ్, ఎన్టీవీ రిపోర్టర్‌ సురేశ్‌పై పచ్చ గూండాలు దాడులు చేశారు. ఇండియా టుడే కెమెరామెన్‌ కెమెరా లాక్కుని అందులో రికార్డైన పచ్చమూకల వీడియోలను తొలగించడంతో పాటు, కెమెరాను ధ్వంసం చేశారు. అలాగే, ఎన్టీవీ రిపోర్టర్‌ సురేశ్‌పైనా దాడిచేసి సెల్‌ఫోన్‌ లాక్కుని వెళ్లిపోయారు. ఓట్లు వేయడానికి ఇళ్ల నుంచి బయటకొచ్చే మహిళా ఓటర్లను భయభ్రాంతులకు గురిచేస్తున్న పరిస్థితులను రిపోర్ట్‌ చేస్తున్న సాక్షి టీవీ ఎగ్జిక్యూటివ్‌ ఎడిటర్‌ ఇస్మాయిల్‌ పైనా రాళ్లు రువ్వారు. గొంతునొక్కడమే పనిగా.. నిజానికి.. చంద్రబాబు గద్దెనెక్కిన నాటి నుంచి ఎన్నికల హామీలను అమలు చేయలేకపోవడంతో కూటమి ప్రభుత్వ అరాచకాలు, అక్రమాలు, అవి­నీతిని ప్రశ్నిస్తున్న మీడియాను అణిచి వేయడమే పనిగా పెట్టుకున్నారు. ఈ పరంపరలో సాక్షి మీడియాపైనా ఇప్పటికే అనేక వేధింపులకు దిగారు. పత్రిక ఎడిటర్‌ ఆర్‌.ధనంజయరెడ్డిపై అనేక అక్రమ కేసులు బనాయించారు. విచారణల పేరిట వేధించారు. ఈ క్రమంలో స్థానిక సంస్థల ఎన్నికల సందర్భంగా జాతీయ మీడియాపైనా టీడీపీ గ్యాంగ్‌ దాడులు చేయడం మేధావి వర్గాల్లో తీవ్ర చర్చనీయాంశమైంది. చంద్రబాబు ప్రభుత్వ నియంత పోకడలపై జర్నలిస్టు సంఘాలు మండి పడుతున్నాయి. ఇది కేవలం మీడియాపై దాడి కాదని, భావ ప్రకటన స్వేచ్ఛపై, రాజ్యాంగం కల్పించిన హక్కులపై జరిగిన దాడిగా ఆయా సంఘాలు అభివర్ణిస్తున్నాయి.వైఎస్‌ జగన్‌ పరామర్శపులివెందుల మునిసిపల్‌ ఎన్నికల పోలింగ్‌ ప్రక్రియను చిత్రీకరిస్తున్న మీడియా ప్రతినిధులపై దాడిని వైఎస్సార్‌సీపీ అధ్యక్షుడు వైఎస్‌ జగన్‌ తీవ్రంగా ఖండించారు. టీడీపీ మూక దాడిలో గాయపడిన ఇండియా టుడే టీవీ రిపోర్టర్‌ బషీర్, కెమెరామెన్‌ విజయ్, ఎన్టీవీ రిపోర్టర్‌ సురేష్‌లను కలిసి పరామర్శించారు. వారి ఆరోగ్య పరిస్థితిని అడిగి తెలుసుకున్నారు. ఈ సందర్భంగా మీడి­యా ప్రతినిధులపై దాడులను వైఎస్‌ జగన్‌ తీవ్రంగా ఖండించారు. ప్రజాస్వామ్యంలో మీడియాకు స్వేచ్ఛగా పనిచేసే హక్కు ఉందని, ఎన్నికల ప్రక్రియను ప్రజలకు తెలియజేసే జర్నలిస్టులపై దాడులు ఎంత మాత్రం ఆమోదయోగ్యం కాదన్నారు. ఎన్నికల సమయంలో మీడి­యా ప్రతినిధులకు తగిన భద్రత కల్పించాల్సిన బా«­ద్య­­త ప్రభుత్వంపై, పోలీసు యంత్రాంగంపై ఉందని చెప్పారు. జర్నలిస్టులపై దాడులకు సంబంధించిన ఘ­ట­నలపై నిష్పక్షపాతంగా విచారణ జరిపి బాధ్యులపై కఠిన చర్యలు తీసుకోవాలని డిమాండ్‌ చేశారు.హే రామ్‌.. ప్రజాస్వామ్యాన్ని కాపాడండి» రాష్ట్రంలో స్థానిక ఎన్నికల తీరుపై వైఎస్‌ జగన్‌» ఇవి ఎన్నికలు కావు.. మీకు నచ్చిన వారిని మీరే ఎంపిక చేసుకునే ప్రక్రియ » ప్రజల తీర్పును తారుమారు చేసేందుకు బరి తెగించి చేస్తున్న ప్రయత్నం » ఇది ప్రజాస్వామ్య చరిత్రలో మరో చీకటి అధ్యాయం » చివరి నిమిషం వరకు పోరాడిన మహిళలు, కార్యకర్తలకు సెల్యూట్‌ సాక్షి, అమరావతి: పట్టపగలే ఎన్నికల్లో రిగ్గింగ్, పోలింగ్‌ ఏజెంట్లను అడ్డుకోవడం, వారిని బలవంతంగా బయటకు లాగేయడం, ఓటర్లను బహిరంగంగా బెదిరించడం, ఓటు హక్కు వినియోగించుకోకుండా అడ్డుకోవడం.. ఇవన్నీ పోలీసుల సమక్షంలోనే జరగడం అత్యంత దారుణం అని వైఎస్సార్‌సీపీ అధ్యక్షుడు, మాజీ ముఖ్యమంత్రి వైఎస్‌ జగన్‌మోహన్‌రెడ్డి పేర్కొన్నారు. పులివెందుల మున్సిపల్‌ (యూఎల్‌బీ) ఎన్నికల్లో మొత్తం 80 పోలింగ్‌ కేంద్రాలకు గాను 70 కేంద్రాల్లో వైఎస్సార్‌సీపీ పోలింగ్‌ ఏజెంట్లను లోపలికి అనుమతించలేదని, మరి అలాంటప్పుడు ఓటర్లను గుర్తించేది ఎవరని ప్రశ్నించారు. ఈ మేరకు ఆదివారం ఆయన సామాజిక మాధ్యమం ‘ఎక్స్‌’లో పోస్టు చేశారు. ‘పారదర్శకంగా ఎన్నికలు జరిగితే గెలవలేమనే భయంతోనే వెన్నుపోటు పార్టీ దౌర్జన్యాలకు పాల్పడింది. నా సొంత నియోజకవర్గమైన పులివెందులలోనే కాకుండా కడప, అనంతపురం, తిరుపతి, కర్నూలు, చిత్తూరు, ఒంగోలు, గుంటూరు, నెల్లూరు, విశాఖపట్నం (జీవీఎంసీ), విజయవాడ, మాచర్ల, చిలకలూరిపేట, వినుకొండ, జమ్మలమడుగు, నంద్యాల, చీమకుర్తి, ఎమ్మిగనూరు, సూళ్లూరుపేట, పలాస, నాయుడుపేట, నందిగామ, జగ్గయ్యపేట, కుప్పం, పుత్తూరు, భీమునిపట్నం, పార్వతీపురం తదితర మున్సిపాలిటీల (యూఎల్‌బీ) పోలింగ్‌లో ఇలాంటి ఘటనలే చోటు చేసుకున్నాయి. చంద్రబాబు పాలనలో ఆంధ్రప్రదేశ్‌లో ఎన్నికల వ్యవస్థ అత్యంత దారుణంగా మారింది. ఈ వ్యవస్థ ఆందోళనకరంగా కుప్పకూలుతోంది. ఇంకా చెప్పాలంటే రాష్ట్రంలో ప్రజాస్వామ్య వ్యవస్థలన్నీ పూర్తిగా హైజాక్‌కు గురయ్యాయి. ఇవి ఇక ఎన్నికలు కావు.. మీకు (చంద్రబాబు) నచ్చిన వారిని మీరే ఎంపిక చేసుకునే ప్రక్రియ మాత్రమే. ఇది ప్రజాస్వామ్యంపై జరుగుతున్న దాడి. ప్రజల తీర్పును తారుమారు చేసేందుకు బరి తెగించి చేస్తున్న ప్రయత్నం. ఇది ప్రజాస్వామ్య చరిత్రలో మరో చీకటి అధ్యాయం. హే రామ్‌.. ప్రజాస్వామ్యాన్ని కాపాడండి. ఈ సందర్భంగా ప్రజాస్వామ్యాన్ని కాపాడేందుకు చివరి నిమిషం వరకు వెనక్కు తగ్గకుండా, ధైర్యంగా నిలబడి పోరాడిన మహిళలను, పార్టీ కోసం అంకిత భావంతో పని చేసిన కార్యకర్తలను ప్రత్యేకంగా అభినందిస్తున్నాను. వారి ధైర్యసాహసాలకు సెల్యూట్‌ చేస్తున్నాను’ అని వైఎస్‌ జగన్‌ ఆ పోస్టులో పేర్కొన్నారు.

సాక్షి ప్రతినిధి, కడప : పులివెందుల్లో ఎలాగైనా గెలవాలని పచ్చ తోడేళ్లు గుంపులు గుంపులుగా వచ్చి విధ్వంసం సృష్టించాయి. ఖాకీల మాటున దౌర్జన్యకాండ సాగించాయి. తెల్లారకముందే అరాచకానికి తెరతీస్తూ.. ప్రజాస్వామ్యంపై మూకుమ్మడిగా దాడి చేశాయి. ఫలితంగా ప్రజాస్వామ్యం అపహాస్యం పాలైంది. స్థానిక ఎన్నికలను ధైర్యంగా ఎదుర్కోలేని వెన్నుపోటు ప్రభుత్వం గూండాలను మోహరించి దొడ్డి దారిని గెలుపు కోసం కుట్రలు, కుతంత్రాలు, దౌర్జన్యాలకు తెర లేపింది. ఈ క్రమంలో వైఎస్సార్‌సీపీ నేతలను ఎక్కడికక్కడ గృహ నిర్బంధాలు చేసి.. ఓటు హక్కును హరించేశారు. ఏజెంట్లను అడుగడుగునా అడ్డుకున్నారు. సామాన్య ఓటరును ఆంక్షల సంకెళ్లలో బంధించి వారి ఓటుకూ పచ్చపోటు పొడిచారు. ఖాకీల సమక్షంలో దర్జాగా పోలింగ్‌ బూత్‌లను క్యాప్చర్‌ చేసి.. యథేచ్ఛగా రిగ్గింగ్‌ చేసుకున్నారు. ఏకంగా వైఎస్సార్‌సీపీ అధ్యక్షుడు, మాజీ సీఎం వైఎస్‌ జగన్‌ను పులివెందుల్లో అడుగుపెట్టనీయకుండా చివరి వరకు కుట్రలుపన్నారు. మునుపెన్నడూ లేని విధంగా వెన్నుపోటు పార్టీ సాగించిన అరాచకం జుగుప్సాకర స్థాయికి చేరింది. తెలుగుదేశం పార్టీ అల్లరిమూకలు ఆదివారం ఉదయం 5 గంటల నుంచే పోలింగ్‌ కేంద్రాలను ఆక్రమించారు. శాంతిభద్రతలను కాపాడాల్సిన పోలీసు యంత్రాంగం ఏకపక్షంగా కూటమి శ్రేణులకు వంత పాడుతూ ప్రజాస్వామ్యాన్ని నడిరోడ్డుపై ఖూనీ చేయడానికి పూర్తిగా సహకరించాయి. బెంగళూరు నుంచి పులివెందుల చేరుకున్న అనంతరం కాన్వాయ్‌లో వెళ్తున్న వైఎస్‌ జగన్‌ భద్రతా వలయాన్ని దాటుకుని, వివేకా హత్య కేసు నిందితుడు/అప్రూవర్‌ దస్తగిరి తన కారుతో ఒక్కసారిగా కాన్వాయ్‌ ముందుకు దూసుకురావడం కలకలం రేపింది. స్వయంగా పోలీసుల ప్రొటెక్షన్‌ మధ్యే దస్తగిరితో టీడీపీ ఈ హైడ్రామాకు తెరలేపిందని, కావాలనే కాన్వాయ్‌లోకి అనుమతించి ఆ తర్వాత పక్కకు తప్పించినట్లు డ్రామాలు ఆడారని వైఎస్సార్‌సీపీ నేతలు మండిపడుతున్నారు.తమను పోలింగ్‌ బూత్‌లోకే రానివ్వలేదని ఆవేదన వ్యక్తం చేస్తున్న పులివెందుల 9వ వార్డు అభ్యర్థి, ఏజెంట్, ఓటర్లు 14 మందికి 681 ఓట్లు ఎలా? పచ్చమూకలు యథేచ్ఛగా సాగించిన మాస్‌ రిగ్గింగ్‌ బాగోతం ఎన్నికల అధికారుల అధికారిక గణాంకాల సాక్ష్యాలతో బట్టబయలైంది. ఉదయం 11 గంటల సమయానికి పులివెందులలో ’ఇతరులు’ కేటగిరీలో 1.25 శాతం పోలింగ్‌ జరిగిందని, అంటే 681 ఓట్లు పోలయ్యాయని అధికారులు ప్రకటించారు. వాస్తవానికి రాష్ట్ర ఎన్నికల కమిషన్‌ అధికారిక రికార్డుల ప్రకారం పులివెందుల మున్సిపాలిటీ మొత్తం మీద ’ఇతరుల’ కేటగిరీలో ఉన్న ఓటర్లు కేవలం 14 మంది మాత్రమే. ఇలాంటప్పుడు 681 ఓట్లు ఎలా పోలవుతాయో అధికారులకే ఎరుక. ఉదయం నుంచే బూత్‌లను ఆక్రమించి టీడీపీ శ్రేణులు ఎడాపెడా దొంగ ఓట్లు గుద్దడం వల్లే ఈ అంకెలు తారుమారయ్యాయని స్పష్టమవుతోంది. కాగా కేవలం 4 గంటల్లోనే పులివెందులలో దాదాపు 40 శాతం పోలింగ్‌ నమోదు కావడం మాస్‌ రిగ్గింగ్‌కు అద్దం పడుతోంది. ఆర్వో ఆఫీస్‌కు తాళాలు.. చరిత్రలో ఎన్నడూ లేని విధంగా 80 పోలింగ్‌ కేంద్రాల్లో 70 చోట్ల ఏజెంట్లు లేకుండా ఎన్నికలు నిర్వహించారు. పులివెందుల మున్సిపాలిటీ పరిధిలోని మొత్తం 80 పోలింగ్‌ బూత్‌లలో దాదాపు 70 బూత్‌ల నుంచి వైఎస్సార్‌సీపీ పోలింగ్‌ ఏజెంట్లను పోలీసులు, టీడీపీ గూండాలు బయటకు తోసేయడంతో వైఎస్‌ జగన్‌ స్వయంగా ఆ ఏజెంట్లను వెంటబెట్టుకుని రిటర్నింగ్‌ అధికారి కార్యాలయానికి చేరుకున్నారు. అభ్యర్థులు వస్తున్నారని తెలిసి అధికారులు ఆర్వో ఆఫీస్‌ ప్రధాన గేట్లకు తాళాలు వేశారు. లోపలికి వెళ్లకుండా కడప ఎంపీ వైఎస్‌ అవినాష్‌ రెడ్డిని పోలీసులు అడ్డుకోవడంతో తీవ్ర తోపులాట జరిగింది. అనంతరం వైఎస్‌ జగన్‌ ఏజెంట్లతో కలిసి ఆర్వో ఆఫీస్‌ ఎదుట రోడ్డుపైనే బైఠాయించి తీవ్ర నిరసన తెలిపారు. ఆర్వో శ్రీనివాస్, ఆర్డీవో చిన్నయ్యలను నిలదీస్తూ.. ‘ఓడిపోతామనే భయం ఉన్నప్పుడు ఈ దొంగ ఎన్నికలు ఎందుకు? మాజీ సీఎం నియోజకవర్గంలోనే ఏజెంట్లు లేకుండా ఏకపక్షంగా రిగ్గింగ్‌ చేసుకుంటారా? లాఠీచార్జ్‌ చేస్తారా.. చేయనీయండి.. అదొక్కటే మిగిలింది‘ అంటూ జగన్‌ గర్జించారు. జగన్‌ ప్రాణాలతో చెలగాటం వైఎస్‌ జగన్‌ పులివెందుల పర్యటనను అడ్డుకునేందుకు కూటమి ప్రభుత్వం ఆఖరి నిమిషం వరకు కుట్రలు పన్నింది. శనివారమే హెలికాఫ్టర్‌ ల్యాండింగ్‌కు అనుమతి ఇచ్చిన పోలీసులు, ఆదివారం హఠాత్తుగా మాట మార్చారు. మధ్యాహ్నం 2:30 గంటల తర్వాతే ల్యాండింగ్‌కు అనుమతిస్తామని కలెక్టర్‌ శ్రీధర్‌ చెరుకూరి ఆకస్మికంగా కొత్త ఆదేశాలు జారీ చేశారు. అప్పటికే బెంగళూరు నుంచి విచ్చేస్తూ.. మార్గం మధ్యలో ఉన్న హెలికాప్టర్‌ పైలెట్‌ను తీవ్ర ఒత్తిడి, గందరగోళానికి గురి చేశారు. పైలట్‌ తీవ్ర ఉత్కంఠ మధ్య పులివెందులలోనే హెలికాప్టర్‌ను ఎమర్జెన్సీ ల్యాండ్‌ చేయాల్సి వచ్చింది. ఒక మాజీ సీఎం ప్రాణాలతో ప్రభుత్వం ఇంత దారుణంగా చెలగాటమాడటంపై ప్రజాస్వామ్యవాదులు, వైఎస్సార్‌సీపీ శ్రేణులు నిప్పులు చెరుగుతున్నాయి. పులివెందులలో దాడులకు కర్రలను సిద్ధం చేస్తున్న టీడీపీ గూండాలు అభ్యర్థులపై దాడులు.. ప్రశ్నిస్తే లాఠీచార్జ్‌!పులివెందుల మున్సిపల్‌ చైర్‌పర్సన్‌ అభ్యర్థి వైఎస్‌ ప్రమీలమ్మ బూత్‌ నంబర్‌ 21 వద్దకు వెళ్లగా, ఆమెపై టీడీపీ రౌడీలు భౌతిక దాడికి తెగబడటమే కాకుండా, ఆమె ప్రయాణిస్తున్న అధికారిక వాహనాన్ని కర్రలతో కొట్టి పూర్తిగా ధ్వంసం చేశారు. పోలింగ్‌ బూత్‌లో వైఎస్సార్‌సీపీ ఏజెంట్లు రాకుండా అడ్డుకుని, టీడీపీ ఏజెంట్లతో ఏకపక్షంగా పోలింగ్‌ నిర్వహించడాన్ని ప్రశ్నించిన వైఎస్సార్‌సీపీ శ్రేణులపై పోలీసులు, టీడీపీ శ్రేణులు దాడి చేశాయి. పులివెందులలో చెన్నారెడ్డి కాలనీ, ఇస్లాంపురం, పెద్ద రంగాపురం, ఐదో వార్డు పోలింగ్‌ బూత్‌ల వద్ద దౌర్జన్యాలు పతాక స్థాయికి చేరాయి. తమ ఓటు హక్కు వినియోగించుకోవడానికి వచ్చిన వృద్ధులను, మహిళలను పోలీసులు లోపలికి వెళ్లనివ్వకుండా క్యూలైన్ల నుంచి బలవంతంగా వెనక్కు తోసేశారు. దారుణంగా లాగి అవతలకు పడేశారు. ‘మర్యాదగా ఇక్కడి నుండి వెళ్లిపోండి.. మీకు ఓటు వేసే హక్కే లేదు.. మీ ఓట్లు మేము ముందే వేసేసుకున్నాం‘ అంటూ డీఎస్పీ మురళీ నాయక్‌ ఓటర్లకు వార్నింగ్‌ ఇచ్చారు. ఈ అరాచకాలపై సాక్షి టీవీ ఇన్‌ఫుట్‌ ఎడిటర్‌ ఇస్మాయిల్, మహిళా ఓటర్లు ఒక్కసారిగా డీఎస్పీని నిలదీయడంతో ఆయన సమాధానం చెప్పలేక పరారయ్యారు. అక్కడ విధుల్లో ఉన్న మహిళా కానిస్టేబుళ్లే స్వయంగా కట్టెలను సమకూర్చుకుని ఓటర్లను బెదిరిస్తున్నారని మహిళలు ఆధారాలు బయటపెట్టారు. పులివెందులలో పచ్చగూండాల వీరంగం 27వ వార్డులో ఒక వృద్ధురాలి నుంచి బ్యాలెట్‌ పేపర్లను లాక్కొని టీడీపీ ఏజెంటే స్వయంగా ఓటు వేశాడు. ఈ అన్యాయాలపై పులివెందుల బాలుర జూనియర్‌ కాలేజీ వద్ద సుమారు 400 మందికి పైగా సామాన్య ఓటర్లు రోడ్డుపైనే బైఠాయించి తీవ్ర నిరసనకు దిగారు. ఈ దారుణాలను చిత్రీకరిస్తున్న జాతీయ మీడియా ప్రతినిధులపై కూడా పచ్చ మూకలు దాడికి పాల్పడటం విస్తుగొలుపుతోంది. మొత్తంగా పులివెందుల మున్సిపల్‌ ఎన్నికల పోలింగ్‌ ప్రక్రియ ప్రజాస్వామ్య వ్యవస్థలో ఒక చీకటి రోజుగా మిగిలిపోయింది.

ఈ రోజు మాజీ ముఖ్యమంత్రి, ప్రతిపక్ష నాయకుడి నియోజకవర్గంలోనే ఇంత దారుణంగా ఎన్నికలు జరిగితే ఇక ప్రజాస్వామ్యం ఎక్కడ బతుకుతుంది?నేను తలచుకుంటే ఈ రోజు ఎన్నికల ప్రక్రియను పూర్తిగా నిలిపివేయగలిగేవాడిని. మా కార్యకర్తలు కూడా తిరగబడే పరిస్థితి రావచ్చు. కానీ నేను అలా చేయడం లేదు. ఎందుకంటే ప్రజాస్వామ్యాన్ని నేనే గౌరవించకపోతే, ఎన్నికల ప్రక్రియను నేనే గౌరవించకపోతే ప్రజలకు ఎలాంటి సందేశం ఇచ్చినట్లవుతుంది? అందుకే బాధితులైన పోలింగ్‌ ఏజెంట్లను, రిలీవింగ్‌ ఏజెంట్లను మాత్రమే మీ ముందుకు తీసుకొచ్చి, ఆధారాలతో సహా జరిగిన అన్యాయాన్ని వివరిస్తున్నాను.సాక్షి, కడప / పులివెందుల: ‘మీ చేతుల్లో అధికారం ఉంది. మీ మనస్సాక్షి ప్రకారం నిర్ణయం తీసుకోండి. ఈరోజు మీరు తీసుకునే నిర్ణయం కేవలం పులివెందుల ఎన్నికలకే పరిమితం కాదు. రాష్ట్రంలో, దేశంలో భవిష్యత్తు ఎన్నికలు ఎలా జరగాలన్న దానికి కూడా ఒక ప్రమాణంగా నిలుస్తుంది. ప్రజాస్వామ్యాన్ని కాపాడే బాధ్యత మీపై ఉంది. 70 మంది పోలింగ్‌ ఏజెంట్లు, రిలీవింగ్‌ ఏజెంట్లు మీ ముందుకు వచ్చి తమకు జరిగిన అన్యాయాన్ని వివరిస్తున్నారు. ఇంతకంటే ఏం ఆధారాలు కావాలి? నిష్పక్షపాత విచారణ జరిపించి, ప్రజాస్వామ్యాన్ని పునరుద్ధరించేందుకు రీ పోల్‌కు ఆదేశాలు ఇవ్వండి. మీరు ఈరోజు న్యాయం చేయకపోతే ప్రజాస్వామ్యం శాశ్వతంగా దెబ్బ తింటుంది. ఇది మీ చేతుల్లోనే ఉంది. నిర్ణయం మీరే తీసుకోండి’ అని వైఎస్సార్‌సీపీ అధ్యక్షుడు, మాజీ సీఎం వైఎస్‌ జగన్‌మోహన్‌రెడ్డి పులివెందుల రిటర్నింగ్‌ (ఆర్వో) అధికారిని కోరారు. వైఎస్సార్‌ జిల్లా పులివెందులలో మున్సిపల్‌ ఎన్నికల పోలింగ్‌ సందర్భంగా టీడీపీ మూకల దౌర్జన్యాలు, అవన్నీ చూస్తూ కూర్చున్న అధికారుల నిర్లక్ష్యాన్ని ఎలుగెత్తి చాటుతూ.. 70 పోలింగ్‌ బూత్‌ల నుంచి వైఎస్సార్‌సీపీ ఏజెంట్లను తరిమి వేయడాన్ని ప్రశ్నిస్తూ ఆర్‌ఓ కార్యాలయం వద్ద ఆదివారం ఆయన ధర్నాకు దిగారు. బాధిత పోలింగ్‌ ఏజెంట్లు, రిలీవింగ్‌ ఏజెంట్లతో కలిసి రిటర్నింగ్‌ అధికారిని కలిసి టీడీపీ మూకల అరాచకాలను వివరించారు. ఈ సందర్భంగా వైఎస్‌ జగన్‌ ఇంకా ఏమన్నారంటే.. మీ మనస్సాక్షిని అడగండి ‘మీ మనస్సాక్షిని ఒక్కసారి ప్రశ్నించుకోండి. ఇంతమంది ఆధారాలతో సహా వచ్చి జరిగిన అన్యాయాన్ని వివరిస్తున్నప్పుడు దానిని అడ్డుకోవడం ధర్మమా? లేక న్యాయం చేయడం ధర్మమా? మీపై ఎవరి ప్రభావం ఉండకూడదు. మీకు ఉన్న అధికారాన్ని ఉపయోగించి న్యాయం చేయాలి. కనీసం ఇప్పుడు న్యాయం చేయకపోతే భవిష్యత్తులో ప్రజాస్వామ్యాన్ని ఎవరు కాపాడుతారు? మీకు (ఆర్‌ఓ) పైస్థాయి నుంచి ఒత్తిళ్లు రావచ్చు. కానీ మీ చేతుల్లో ఉన్న అధికారంతో న్యాయం చేయవచ్చు. మీరు ఈరోజు మౌనంగా ఉంటే ప్రజాస్వామ్యం శాశ్వతంగా చితికిపోతుంది. రేపు భవిష్యత్తులో ఎన్నికలే జరగని పరిస్థితి వస్తుంది. ఈ రోజు మాజీ ముఖ్యమంత్రి, ప్రతిపక్ష నాయకుడి నియోజకవర్గంలోనే ఇంత దారుణంగా ఎన్నికలు జరిగితే ఇక ప్రజాస్వామ్యం ఎక్కడ బతుకుతుంది? మేము 70 బూత్‌లకు సంబంధించిన ఏజెంట్లు, రిలీవింగ్‌ ఏజెంట్లందర్నీ మీ ముందుకు తీసుకొచ్చాం. ఒక్కొక్కరిని విచారించండి. అవసరమైతే విచారణ జరిపించండి. మేము ఇక్కడే కూర్చుంటాం. జరిగిన అక్రమాలకు సంబంధించి మా దగ్గర వందలాది వీడియో ఆధారాలు ఉన్నాయి. కొన్ని ప్రాంతాల్లో సీసీ టీవీ ఫుటేజ్‌ కూడా ఉంది. మరికొన్ని ప్రాంతాల్లో సీసీ టీవీలు లేకపోయినా పోలింగ్‌ సరళిని పరిశీలిస్తే రిగ్గింగ్, ఓట్ల రీసైక్లింగ్‌ జరిగిన విషయం స్పష్టమవుతుంది. పులివెందులలో దౌర్జన్యాలను సాక్ష్యాలతో ఎన్నికల అధికారికి వివరిస్తున్న వైఎస్‌ జగన్‌మోహన్‌రెడ్డి ప్రజాస్వామ్యాన్ని గౌరవించేవాడిని కాబట్టి వైఎస్సార్‌సీపీకి చెందిన ఏజెంట్లను పోలింగ్‌ కేంద్రాల నుంచి బయటకు పంపించడం, వారి ఏజెంట్‌ కార్డులను లాక్కోవడం వంటి ఘటనలు పోలీసుల సహకారంతోనే జరిగాయి. తెల్లవారుజామున ఐదు గంటలకే కొన్ని బూత్‌లను తమ ఆధీనంలోకి తీసుకుని, తమ మనుషులను ముందుగానే పెట్టుకున్నారు. ఓటు వేయడానికి వచ్చి­న వారిని అడ్డుకోవడమే కాకుండా, ఓటర్‌ స్లిప్పులను చింపేసి, ఓటు వేసేశారని చెప్పి వెనక్కి పంపిస్తున్నారు. ఓటర్లను గుర్తించి, అక్రమాలను ప్రశ్నించాల్సిన పోలింగ్‌ ఏజెంట్లనే లేకుండా చేస్తున్నారు.నేను తలచుకుంటే ఈ రోజు ఎన్నికల ప్రక్రియను పూర్తిగా నిలిపివేయగలిగేవాడిని. మా కార్యకర్తలు కూడా తిరగబడే పరిస్థితి రావచ్చు. కానీ నేను అలా చేయడం లేదు. ఎందుకంటే ప్రజాస్వామ్యాన్ని నేనే గౌరవించకపోతే, ఎన్నికల ప్రక్రియను నేనే గౌరవించకపోతే ప్రజలకు ఎలాంటి సందేశం ఇచ్చినట్లవుతుంది? అందుకే బాధితులైన పోలింగ్‌ ఏజెంట్లను, రిలీవింగ్‌ ఏజెంట్లను మాత్రమే మీ ముందుకు తీసుకొచ్చి, ఆధారాలతో సహా జరిగిన అన్యాయాన్ని వివరిస్తున్నాను. ఎన్నికల ప్రక్రియపై మాకు నమ్మకం ఉండాలంటే అధికారులు నిష్పక్షపాతంగా వ్యవహరించాలి.ప్రజల్లో వ్యతిరేకతతోనే అరాచకంప్రభుత్వానికి ప్రజల మద్దతు లేదనే విషయం వారికి కూడా తెలుసు. సూపర్‌ సిక్స్‌లు లేవు, సూపర్‌ సెవెన్‌లు లేవు. ఇంటింటికీ బాండ్లు ఇచ్చి ప్రజలను మభ్యపెట్టే ప్రయత్నం చేశారు. ప్రజల్లో వ్యతిరేకత ఉందనే భయంతోనే ఎన్నికలను స్వేచ్ఛగా నిర్వహించలేని పరిస్థితి తెచ్చారు. ఎన్నికలంటే పోటీ జరగాలి.. ప్రజలు తమ తీర్పు చెప్పాలి. కానీ ఇక్కడ టీడీపీ గూండాలు బూత్‌లను ఆక్రమించుకోవడం, పోలీసుల సహకారంతో ప్రత్యర్థి ఏజెంట్లను బయటకు పంపించడం జరుగుతోంది. ఇది ఎన్నికల నిర్వహణ కాదు. ప్రజాస్వామ్యాన్ని కళ్ల ముందే కూల్చి వేయడం. ఈ వ్యవహారంపై మరింత లోతైన విచారణ జరగాలి. మా దగ్గర ఉన్న అన్ని వీడియో ఆధారాలను అందిస్తాం’ అని వైఎస్‌ జగన్‌ స్పష్టం చేశారు.

సిగ్గుండాలయ్యా నీకు చంద్రబాబునాయుడూ.. ఇదే ఎస్‌ఈసీని కూడా అడుగుతున్నా. టీడీపీకి సహకరిస్తున్న కలెక్టర్లు, ఎస్పీలనూ అడుగుతున్నాను. ఇప్పుడు మీరు సెట్‌ చేస్తున్న ఒక తప్పుడు సంప్రదాయం, రేపు పొద్దున రాబోయే రోజుల్లో ఎలా ఉండబోతుంది? భావితరానికి మీరు పంపిస్తున్న మెసేజ్‌ ఏమిటి? రేపు రాష్ట్రంలో ఎన్నికలు అనేవి జరగవు.70 బూత్‌ల్లో నుంచి మా పార్టీ ఏజెంట్లను తరిమేశారు. ఇదే విషయం ఎస్పీకి ఫోన్‌ చేసి అడిగాను. ఆయనకన్నీ తెలుసు. అన్నీ చూస్తూ అలాగే ఊరకుంటారు. కలెక్టర్‌కు కూడా అన్నీ తెలుసు. అయినా ఆయన అలాగే అన్నీ చూస్తూ కూర్చుంటారు. మరి ఇది ఏ రకంగా నిజమైన ఎన్నిక?మీ పాలన బాగుంటే, నిజంగా మీరు ప్రజలకు మంచి చేశారని అనుకుంటే, ఎందుకు ఇంతగా దిగజారాల్సిన పరిస్థితి? స్థానిక ఎన్నికలు ఎందుకు సాఫీగా నిర్వహించడం లేదు? ఎందుకిన్నిన్ని అక్రమాలు చేస్తున్నారు?సాక్షి, కడప / పులివెందుల: స్థానిక ఎన్నికల్లో మున్సి­­పల్‌ పోలింగ్‌ సందర్భంగా పట్టపగలు ప్రజాస్వామ్యాన్ని ఖూనీ చేస్తున్నారని వైఎస్సార్‌సీపీ అధ్యక్షుడు, మాజీ ముఖ్యమంత్రి వైఎస్‌ జగన్‌మోహన్‌­రెడ్డి మండిపడ్డారు. పులివెందులలో బరి తెగించిన టీడీపీ తెల్లవారుజాము నుంచే పోలింగ్‌ బూత్‌లు స్వాధీనం చేసుకుందని, పట్టణంలో మొత్తం 80 బూత్‌లు ఉంటే, ఏకంగా 70 బూత్‌ల నుంచి వైఎస్సార్‌సీపీ ఏజెంట్లను తరిమేశారని ఆగ్రహం వ్యక్తం చేశారు. పులివెందులలో ఇన్ని అరాచకాలు జరుగుతున్నాయి కాబట్టి, ఇక్కడ రీపోలింగ్‌ జరపాలని డిమాండ్‌ చేశారు. ఇంత అప్రజాస్వామికంగా జరిగే ఎన్నికలు.. అసలు ఎన్నికలేనా? అని నిలదీశారు.వైఎస్సార్‌సీపీ ఏజెంట్లు లేకుండా పోలింగ్‌ ఎలా నిర్వహిస్తున్నారని ప్రశ్నించారు. పులివెందులలో ఓటు వేయడానికి వచ్చిన ఆయన మీడియాతో మాట్లాడారు. పులివెందులలో టీడీపీ గూండాలు దగ్గరుండి వైఎస్సార్‌సీపీ ఏజెంట్లను పోలింగ్‌ బూత్‌ల నుంచి లాగి బయటకు పంపేశారని, పోలీసులు దగ్గరుండి వారికి సహకరిస్తున్నారని.. అసలు ఇది ప్రజాస్వామ్యమేనా? మనం ప్రజాస్వామ్య వ్యవస్థలోనే ఉన్నామా? అన్న సందేహం కలుగుతోందన్నారు. ఈ సందర్భంగా వైఎస్‌ జగన్‌ ఇంకా ఏమన్నారంటే.. పులివెందులలో ఇదీ అరాచక పర్వం పులివెందులలో ఇన్ని జరుగుతున్నా కనీసం అడిగే నాథుడు లేడు. ఎస్పీకి, కలెక్టర్‌కు ఫోన్‌ చేశాం. కానీ ఏ మాత్రం ప్రయోజనం లేదు. పొద్దున నుంచి పులివెందులలో జరిగిన ఘటనల క్రమం చూస్తే.. తెల్లవారుజామున 4 గంటల నుంచే తెలుగుదేశం పార్టీ వాళ్లు బూత్‌లు ఆక్రమించారు. అలా పోలింగ్‌ కేంద్రాలు ఆక్రమించి, ఓటర్లను భయభ్రాంతులను గురి చేస్తున్నారు. మా పార్టీ ఛైర్‌పర్సన్‌ అభ్యర్థి ప్రమీలమ్మపై దాడి చేశారు. పోలింగ్‌ ఏజెంట్‌ సునంద చెయ్యి విరగ్గొట్టారు. ఓటు వేయడానికి వచ్చిన ప్రజలను పోలింగ్‌ కేంద్రాల వద్దే అడ్డుకున్నారు.మహిళలను బెదిరించారు. ఓటర్‌ స్లిప్‌లను బలవంతంగా లాక్కొని వెనక్కి పంపించారు. అలా పోలింగ్‌ బూతులను ఆక్రమించి దొంగ ఓట్లు వేస్తున్నారు. అసలు ఓటరు వచ్చే సరికే, దొంగ ఓట్లు వేసేస్తున్నారు. మరోవైపు పోలీసులు టీడీపీ కార్యకర్తలకు సహకరిస్తూ, వైఎస్సార్‌సీపీ పోలింగ్‌ ఏజెంట్లను అడ్డుకుంటున్నారు. పలుచోట్ల లాఠీఛార్జ్‌ చేశారు. మా పార్టీ కౌన్సిలర్‌ అభ్యర్థిని బలవంతంగా పోలీసులు జీప్‌లో ఎక్కించుకొనిపోయారు. ఎన్నికల్లో అక్రమాలు చిత్రీకరిస్తున్న ఇండియా టుడే ఛానల్, ఎన్టీవీ ఛానల్‌ రిపోర్టర్లు, కెమెరామెన్ల మీద దాడి చేశారు. వారి కెమెరాలు, సెల్‌ ఫోన్లు ధ్వంసం చేశారు. తమను ఓటు వేయనీయడం లేదని చివరకు ఓటర్లు ధర్నాకు దిగుతున్నా పట్టించుకునే నాథుడు లేడు. కనీసం వారిని తీసుకెళ్లి ఓట్లు వేయించే కార్యక్రమం కూడా చేయలేదు. అంత దారుణమైన పరిస్థితి ఉంది. ఇక్కడ నా ఇల్లు, ఓటు ఉంది కాబట్టి, ఈ బూత్‌లో మాత్రమే మా పార్టీ ఏజెంట్లను కూర్చోబెట్టారు. పులివెందులతో పాటు, కడప, జమ్మలమడుగు, చిత్తూరు, మాచర్ల, చిలకలూరిపేట, తాడిపత్రి, మదనపల్లి, చీమకుర్తి, కుప్పంలో కూడా ఇవే పరిస్థితులు కనిపిస్తున్నాయి. పులివెందులలో మీడియాతో మాట్లాడుతున్న మాజీ ముఖ్యమంత్రి వైఎస్‌ జగన్‌మోహన్‌రెడ్డి ఇది తప్పుడు సంప్రదాయం.. మరి రేపు? సిగ్గుండాలయ్యా నీకు చంద్రబాబునాయుడూ.. ఇదే ఎస్‌ఈసీని కూడా అడుగుతున్నా. టీడీపీకి సహకరిస్తున్న కలెక్టర్లు, ఎస్పీలనూ అడుగుతున్నాను. ఇప్పుడు మీరు సెట్‌ చేస్తున్న ఒక తప్పుడు సంప్రదాయం, రేపు పొద్దున రాబోయే రోజుల్లో ఎలా ఉండబోతుంది? భావితరానికి మీరు పంపిస్తున్న మెసేజ్‌ ఏమిటి? రేపు రాష్ట్రంలో ఎన్నికలు అనేవి జరగవు. ఈ మాదిరిగా కక్షలు, కార్పణ్యాలతో ఇలా ఎలక్షన్లు నిర్వహిస్తే రేపు ఇంకొక పార్టీ అధికారంలోకి వచ్చినప్పుడు, మీరు గతంలో ఇదే మాదిరిగా చేస్తే తప్పు లేనప్పుడు, మేము చేస్తే తప్పు ఏముంది అని.. కార్యకర్తలు కూడా తిరగబడతారు. అలా ఇప్పుడు మీరు ఒక తప్పుడు సంప్రదాయం మొదలు పెడుతున్నారు.చంద్రబాబునాయుడు దాదాపు 80 ఏళ్ల వయసులోకి వచ్చిన తర్వాత కూడా ఇటువంటి దరిద్రమైన పనులు చేస్తూ, ప్రజాస్వామ్యాన్ని ఖూనీ చేస్తున్న పరిస్థితులు చూస్తే, అసలు ఈ మనిషి ముఖ్యమంత్రిగా కొనసాగడానికి ఒక్క రోజు కూడా అర్హుడు కాదు. రొటేషన్‌ పద్ధతిలో ఓట్లన్నీ వీళ్లంతకు వీళ్లే గుద్దుకుంటా ఉన్నారు. కళ్ల ముందే ఇలా ప్రజాస్వామ్యం అపహాస్యం పాలవుతోంది. ఇక్కడ బందోబస్తు కోసం 1,000 మంది పోలీసులను తీసుకొచ్చినట్లు చెప్పారు. అసలు ఆ పోలీసులను ఎందుకు తీసుకొచ్చారంటే ఈ అక్రమాలకు సపోర్ట్‌ చేయడం కోసం. కళ్లెదుటే అన్నీ.. సుప్రీం ఆదేశాలూ బేఖాతరు మన కళ్లెదుటే ఇన్ని వందల మంది ప్రతి బూత్‌ దగ్గర కనిపిస్తున్నారు. పక్కాగా తెలుగుదేశం పార్టీ గూండాలు కనిపిస్తున్నారు. అయినా వారిపై ఎలాంటి చర్యలు తీసుకోరు. 70 బూత్‌ల్లో నుంచి మా పార్టీ ఏజెంట్లను తరిమేశారు. ఇదే విషయం ఎస్పీకి ఫోన్‌ చేసి అడిగాను. ఆయనకన్నీ తెలుసు. అన్నీ చూస్తూ అలాగే ఊరకుంటారు. కలెక్టర్‌కు కూడా అన్నీ తెలుసు. అయినా ఆయన అలాగే అన్నీ చూస్తూ కూర్చుంటారు. మరి ఇది ఏ రకంగా నిజమైన ఎన్నిక? పోలింగ్‌ కేంద్రాల్లో సీసీ కెమెరాలు అమర్చాలని సుప్రీంకోర్టు ఆదేశించింది. ఎన్ని చోట్ల ఆ ఏర్పాట్లు చేశారు? సీసీ టీవీ లైవ్‌ ఫుటేజ్‌ లేకుండా మీరు ఏ రకంగా ఎన్నికలు నిర్వహిస్తున్నారు? నా ఛాపర్‌ ప్రయాణంపైనా కుట్రబెంగళూరు నుంచి పులివెందులకు నేను ఛాపర్‌లో బయలుదేరాను. ఇక్కడికి రావడానికి నిన్న అనుమతి కూడా ఇచ్చారు. కానీ, నా ఛాపర్‌ ప్రయాణం మధ్యలో ఉండగా, పులివెందులలో ఛాపర్‌ ల్యాండింగ్‌కు అనుమతి నిరాకరించారు. పులివెందులలో జగన్‌ ఛాపర్‌ ల్యాండ్‌ కాకూడదని కుట్ర చేశారు. 3 గంటల తర్వాతే నేను ఇక్కడికి రావాలని చెప్పారు. నిన్న ఇచ్చి­న పర్మిషన్‌ రద్దు చేసినట్లు ప్రకటించారు. దీంతో విషయాన్ని నేరుగా పౌర విమానయాన శాఖకు చెప్పాను. దాంతో వారు అధికారుల నిర్ణయాన్ని తీవ్రంగా తప్పుపట్టారు. ఛాపర్‌ ల్యాండింగ్‌కు నిన్న పర్మిషన్‌ ఇచ్చి, హఠాత్తుగా ఈరోజు దాన్ని రద్దు చేయడం సరికాదని ఆ శాఖ అధికారులు తప్పు బట్టారు. ఛాపర్‌ మార్గంమధ్యలో ఉన్నప్పుడు ఇలా ల్యాండింగ్‌ పర్మిషన్‌ రద్దు చేయడం సరికాదని వారు తేల్చి చెప్పడంతో, ఎట్టకేలకు ఇక్కడ ఛాపర్‌ ల్యాండింగ్‌కు ఒప్పుకున్నారు. అంటే ఏ స్థాయిలో కుట్ర జరుగుతోందన్న విషయం అర్థం చేసుకోవచ్చు. పెద్దలంతా కలిసి ప్రజాస్వామ్యాన్ని ఇలా ఖూనీ చేస్తుంటే ఎలా? నక్సలిజం అనేది ఎక్కడి నుంచి పుడుతుంది? ప్రజలను కాపాడాల్సిన వాళ్లే, ప్రజలను భక్షించే కార్యక్రమాలు చేసినప్పుడు, ప్రజలను కాపాడాల్సిన వారే, ప్రజలకు అన్యాయం చేసినప్పుడు నక్సలిజం పుడుతుంది, కాక్రోచ్‌లు పుడతాయి. రాష్ట్రంలో దయనీయ పరిస్థితి ప్రస్తుత పాలకుల వల్ల ఈ రోజు రాష్ట్రంలో పరిస్థితి దయనీయంగా మారింది. పాలన ఎలా ఉందో వారు వారి మనస్సాక్షిని అడగాలి. పాలన బాగుంటే, మరీ ఈ స్థాయికి దిగజారాల్సిన అవసరం ఉందా? సూపర్‌ సిక్స్‌లు లేవు. సూపర్‌ సెవెన్లు లేవు. ప్రజలకు ఇచ్చిన బాండ్లు అన్నీ ఉత్తుత్తే. దీంతో ఎక్కడికక్కడ ప్రజలు నిలదీస్తున్నారు. మరోవైపు వ్యవస్థలన్నీ కుప్పకూలాయి. ఫీజు రీయింబర్స్‌మెంట్‌ లేక.. విద్యా దీవెన, వసతి దీవెన రాక పిల్లలు తిరగబడుతున్నారు. ఉద్యోగస్తులకు మేనిఫెస్టోలో చెప్పి­నవి ఏవీ అమలు కాక, వారూ తిరగబడుతున్నారు. మహిళలకు చివరికి సున్నా వడ్డీ కూడా రద్దు చేశారు. దాంతో వారూ తిరగబడుతున్నారు. రైతులకు ఏ ఒక్కరికి గిట్టుబాటు ధర రావడం లేదు. రైతులకు ఇచ్చిన హామీలన్నీ మోసాలుగా తేలడంతో వారూ తిరగబడుతున్నారు. అందుకే చంద్రబాబుకు ఎన్నికలంటే భయం రాష్ట్రంలో ఏ ఒక్క వర్గం కూడా చంద్రబాబునాయు­డి పాలనతో సంతోషంగా లేదు. అందుకే ఎన్నికలు జరగకూడదన్న కుట్ర. అలా ఎన్నికలను బుల్డో­జ్‌ చేసే ప్రయత్నం చేస్తున్నారు. మీ పాలన బాగుంటే, నిజంగా మీరు ప్రజలకు మంచి చేశారని అనుకుంటే, ఎందుకు ఇంతగా దిగజారాల్సిన పరిస్థితి? స్థా­ని­క ఎన్నికలు ఎందుకు సాఫీగా నిర్వహించడం లే­దు? ఎందుకిన్నిన్ని అక్రమాలు చేస్తున్నారు? ప్రజాస్వామ్యంలో ఉన్న వాళ్లంతా ఒక్కసారి ఆలోచించాలి. అది మా హక్కు.. అందుకే అడుగుతాంఎన్నికలు సజావుగా జరగనప్పుడు ఆర్‌ఓ దగ్గరికి వెళ్లి అడిగే హక్కు మాకుంది. దాన్ని అడ్డుకునే కార్యక్రమం ఎవరైనా చేస్తే, ఇంతకన్నా ఇంకా దారుణం అనేది ఉండదు. రాష్ట్రంలో దారుణ పరిస్థితిపై ఎన్డీఏ కూడా స్పందించాలి. ఎందుకంటే వారి భాగస్వామ్య పార్టీనే ఇక్కడ ఇన్ని అరాచకాలు చేస్తోంది కాబట్టి. వెంటనే స్పందించాల్సిన అవసరం ఉంది’ అని వైఎస్‌ జగన్‌ అన్నారు. ఈ కార్యక్రమంలో ఎంపీ వైఎస్‌ అవినాష్‌రెడ్డి, పార్టీ రాష్ట్ర ప్రధాన కార్యదర్శి ఎస్వీ సతీష్‌కుమార్‌రెడ్డి, పార్టీ పులివెందుల ఇన్‌ఛార్జి చవ్వా దుష్యంత్‌రెడ్డి, ఛైర్‌పర్సన్‌ అభ్యర్థి వైఎస్‌ ప్రమీలమ్మ, టీడీపీ మూకలు దౌర్జన్యం వల్ల బయటకు వచ్చిన 70 మంది వైఎస్సార్‌సీపీ పోలింగ్‌ ఏజెంట్లు పాల్గొన్నారు.రీపోలింగ్‌ నిర్వహిస్తేనే వచ్చి ఓటు వేస్తాపులివెందులలో ఏం జరిగిందో అందరూ చూశారు. ఈ పరిస్థితుల్లో నేను ఓటు వేయను. ఇప్పుడు నేను ఓటు వేస్తే, ఎన్నికల ప్రక్రియ అంతా బాగున్నట్లు ఒప్పుకున్నట్టే. అందుకే నా ఓటు వేయకుండా, ఇక్కడ పరిస్థితి ఎంత దారుణంగా ఉందన్న విషయాన్ని అందరికీ చెప్పాలనుకుంటున్నా. మేము అడిగినట్లుగా ఇక్కడ 80 బూత్‌లలో రీపోలింగ్‌ పెడితే.. న్యాయం, ధర్మం అనేది ఒకటి బతికి ఉండి.. మనస్సాక్షి అనేది ఒకటి బతికి ఉండి.. వాటికి అనుగుణంగా రీపోలింగ్‌కు ఆదేశిస్తే, అప్పుడు వచ్చి కచ్చితంగా ఓటు వేస్తాను. ఎన్నికల ప్రక్రియ, వ్యవస్థ మొత్తం దిగజారిపోయినప్పుడు, అంతా బాగుందని ఒప్పుకోవడం ఏ మాత్రం సరికాదు. ఈ ఎన్ని­కల్లో జరుగుతున్న దారుణాలన్నింటిపై తప్పకుండా కోర్టును ఆశ్రయిస్తాం. న్యాయ పోరాటం కూడా చేస్తాం. రాష్ట్రంలో ప్రజాస్వామ్యాన్ని ఖూనీ చేస్తున్నారు. ఈ పరిస్థితి కచ్చితంగా మారాల్సి ఉంది. ఈ రోజు ఇక్కడ నామినేషన్‌ హక్కు, ఓటు హక్కు పోతోంది. ఇప్పుడు మనం ప్రజాస్వామ్యాన్ని కాపాడుకోలేకపోతే.. రేపు కూడా ప్రజాస్వామ్య వ్యవస్థ ఇలాగే ఉంటే.. ఆస్తి హక్కులు కూడా ప్రజలకు లేకుండా పోతాయి.అంతా చంద్రబాబుతోలు బొమ్మలురాష్ట్ర ఎన్నికల కమిషన్‌(ఎస్‌ఈసీ) మొదలు, ఆర్‌ఓలు, ఎస్పీ­లు, కలెక్టర్లు అంతా దురదృష్టవశాత్తు చంద్రబాబునాయుడు చేతిలో తోలు బొమ్మలుగా మా­రారు. ఇది వ్యవస్థలో ఒక పెద్ద లోపం. ఎప్పు­డైతే ఎస్‌ఈసీ ప్రజాస్వామ్యబద్ధంగా, పారదర్శకంగా, ఏ ఒత్తిళ్లు లేకుండా స్వేచ్ఛగా పని చేయ­డం మొదలు పెడుతుందో, అప్పుడు ఇలాంటి పరిస్థితి ఉత్పన్నం కాకుండా ఉంటుంది. మేము అధికారంలో ఉన్నప్పుడు నిమ్మగడ్డ రమేష్‌ ఎస్‌ఈసీగా ఉన్నాడు. ఆయన్ను అంతకు ముందు చంద్రబాబు నియమించారు. ఆయన ఆధ్వర్యంలో మేము ఎన్నికలకు పోయాం కాబట్టే, అప్పుడు కూడా చంద్రబాబు కోరుకున్నట్లుగా ఎన్నికలు జరిగాయి. మాకు నచ్చినా, నచ్చక­పోయినా.. అధికారులందరినీ ఇష్టారాజ్యంగా ఎన్నికల విధు­ల నుంచి తప్పించారు. అది మంచో, చెడో అన్నది పక్కన పెడితే అప్పుడు చంద్రబాబునాయుడు మాత్రం బాగా తృప్తి చెందారు. చంద్రబాబు తన స్వార్థం, ప్రయోజనాల కోసం తన వీరాభిమాని అయిన వ్యక్తిని ఎస్‌ఈసీగా నియమించారు. అక్కడి నుంచే వ్యవస్థ దిగజారిపోయింది. ఇప్పుడు మిగతా వాళ్లంతా కూడా చంద్రబాబు చేతిలో తోలు బొమ్మలు కాబట్టి, ఈ వ్యవస్థ అంతకంతకూ దిగజారి కుప్పకూలుతో­ం­ది.పులివెందులలో మొత్తం పోలింగ్‌ ప్రక్రియనురద్దు చేయాలి» సమగ్ర విచారణ చేపట్టాలి.. 80 బూత్‌లలో రీపోలింగ్‌ నిర్వహించాలి » బాధిత పోలింగ్‌ ఏజెంట్లు, ప్రిసైడింగ్‌ అధికారుల వాంగ్మూలాలను నమోదు చేయాలి » రీపోలింగ్‌ నిర్వహించాలనే సిఫార్సుతో ఎస్‌ఈసీకి తక్షణమే నివేదిక పంపాలి » పులివెందుల మున్సిపాలిటీ రిటర్నింగ్‌ అధికారికి లేఖ రాసిన వైఎస్‌ జగన్‌ ఎస్‌ఈసీ, జిల్లా కలెక్టర్, ఎస్పీలకు లేఖ ప్రతులు అందజేతపులివెందుల మున్సిపాలిటీ పరిధిలో జరిగిన మొత్తం ఎన్నికల పోలింగ్‌ ప్రక్రియను రద్దు చేసి, 80 పోలింగ్‌ బూత్‌లలో మళ్లీ ఎన్నికలు నిర్వహించాలని మాజీ ముఖ్యమంత్రి వైఎస్‌ జగన్‌ డిమాండ్‌ చేశారు. ఈ మేరకు పులివెందుల మున్సిపాలిటీ రిటర్నింగ్‌ అధికారికి ఆదివారం ఆయన లేఖ అందజేశారు. 80 పోలింగ్‌ బూత్‌లలో కేవలం 10 బూత్‌లలో మాత్రమే వైఎస్సార్‌సీపీ పోలింగ్‌ ఏజెంట్లను అనుమతించారని లేఖలో వెల్లడించారు. మిగిలిన 70 బూత్‌లలో వైఎస్సార్‌సీపీ ఏజెంట్లను టీడీపీకి చెందిన వ్యక్తులు బలవంతంగా అడ్డుకున్నారని, వారి ఆథరైజేషన్‌ పత్రాలను చించివేశారని తెలిపారు. రాష్ట్ర వ్యాప్తంగా టీడీపీ గూండాలను పులివెందులకు తరలించి ఎన్నికల ప్రక్రియకు ఆటంకాలు సృష్టించారని చెప్పారు.టీడీపీ దౌర్జన్యాలకు పోలీసులు సహకరించారని, అధికారులు ప్రేక్షకపాత్ర పోషించారని ఆక్షేపించారు. ఎన్నికల అక్రమాలు కేవలం 70 బూత్‌లకే పరిమితం కాలేదని, మొత్తం మున్సిపాలిటీ ఎన్నికల ప్రక్రియ విశ్వసనీయతపైనే తీవ్ర సందేహాలు తలెత్తాయని స్పష్టం చేశారు. స్వేచ్ఛాయుత, నిష్పక్షపాత, పారదర్శక ఎన్నికలకు అవసరమైన ప్రాథమిక రక్షణ వ్యవస్థలనే ఉల్లంఘించారని ఆందోళన వ్యక్తం చేశారు. పులివెందుల మున్సిపాలిటీ వ్యాప్తంగా జరిగిన ఘటనలపై తక్షణమే సమగ్ర విచారణ చేపట్టాలని డిమాండ్‌ చేశారు. అన్ని పోలింగ్‌ కేంద్రాల సీసీటీవీ ఫుటేజీ, పోలింగ్‌ రికార్డులు, సంబంధిత సాక్ష్యాధారాలను భద్రపరచాలని విజ్ఞప్తి చేశారు. బాధిత పోలింగ్‌ ఏజెంట్లు, ప్రిసైడింగ్‌ అధికారుల వాంగ్మూలాలను నమోదు చేయాలని డిమాండ్‌ చేశారు. మొత్తం 80 బూత్‌లలో రీపోలింగ్‌ నిర్వహించాలనే సిఫార్సుతో రాష్ట్ర ఎన్నికల సంఘానికి తక్షణమే నివేదిక పంపాలని కోరారు. విచారణలో బాధ్యులుగా తేలిన వారందరిపైనా చట్టపరమైన చర్యలు తీసుకోవాలని డిమాండ్‌ చేశారు. రీ పోలింగ్‌ సమయంలో పోలింగ్‌ ఏజెంట్లకు తగిన భద్రత, రక్షణ కల్పించాలని విజ్ఞప్తి చేశారు. తన లేఖపై తక్షణమే లిఖిత పూర్వక నిర్ణయం తీసుకుని, సంబంధిత ఎన్నికల అధికారులకు సమాచారం ఇవ్వాలన్నారు. ఈ లేఖ ప్రతులను రాష్ట్ర ఎన్నికల కమిషనర్, వైఎస్సార్‌ కడప జిల్లా కలెక్టర్, జిల్లా ఎన్నికల అధికారి, జిల్లా ఎస్పీలకు పంపించారు.

సాక్షి, అమరావతి: ‘నారా’రూప రాక్షస రాజ్యంలో ప్రజాస్వామ్యాన్ని పట్టపగలే ఖూనీ చేశారు. చంద్రబాబు పెంచిపోషిస్తున్న రౌడీ మూకలు రాజ్యాంగం కల్పించిన ప్రజాస్వామ్య హక్కులను నిలువునా పాతరేశాయి. మారీచ, సుబాహుల మాదిరిగా చెలరేగిన టీడీపీ కిరాయి మూకలు ప్రజాస్వామ్య యజ్ఞవాటికలైన పోలింగ్‌ కేంద్రాలపై మారణాయుధాలతో విరుచుకుపడ్డాయి. వైఎస్సార్‌సీపీ ఏజెంట్లను బలవంతంగా బయటకు తరిమేశాయి. అభ్యర్థులపై దాడులకు తెగబడి బీభత్సం సృష్టించాయి. ప్రజాతీర్పునకు ప్రతీక అయిన బ్యాలెట్‌ పత్రాల సాక్షిగా ప్రజాస్వామ్యాన్ని కాలరాశాయి. ఆదివారం తెల్లవారుజాము నుంచే టీడీపీ రౌడీ మూకలు ఆయుధాలతో పట్టణాలపై దండెత్తాయి. తాలిబన్‌ ముష్కర మూకలను తలపించేలా దాడులు, దౌర్జన్యాలతో భయానక వాతావరణాన్ని సృష్టించాయి. ప్రజలు నిర్భయంగా ఓటు హక్కు వినియోగించుకునేలా భద్రత కల్పించాల్సిన పోలీసు యంత్రాంగం నిస్సిగ్గుగా టీడీపీ గూండాగిరీకి వత్తాసు పలికింది. అడ్డూ అదుపూ లేకుండా సాగిన విధ్వంసకాండకు అండగా నిలిచింది. నిష్పక్షపాతంగా ఎన్నికలు నిర్వహించాల్సిన అధికార యంత్రాంగం సైతం టీడీపీ కూటమి అక్రమాలకు కొమ్ముకాసిందన్న విమర్శలు వెల్లువెత్తాయి. సాక్షాత్తూ మాజీ ముఖ్యమంత్రి వైఎస్‌ జగన్‌మోహన్‌రెడ్డినే లక్ష్యంగా చేసుకుని కుట్రలకు తెగబడటం చంద్రబాబు ప్రభుత్వ దుర్మార్గానికి పరాకాష్టగా నిలిచింది. జడ్‌ ప్లస్‌ భద్రతలో ఉన్న ఆయన హెలికాప్టర్‌ ప్రమాదానికి గురయ్యే పరిస్థితి తలెత్తేలా ల్యాండింగ్‌ అనుమతిలో జాప్యం చేయడం తీవ్ర ఆందోళనకు దారితీసింది. పులివెందుల కేంద్రంగా టీడీపీ ఫ్యాక్షన్‌ మూకలు నడివీధుల్లో స్వైరవిహారం చేశాయి. ప్రజల ఓటు హక్కును కాపాడాలని వైఎస్‌ జగన్‌ రిటర్నింగ్‌ అధికారి కార్యాలయం ఎదుట ధర్నా చేయాల్సిన పరిస్థితి నెలకొంది. ఎన్నికల అక్రమాలపై న్యాయమైన రీపోలింగ్‌ డిమాండ్‌ను అధికారులు బేఖాతరు చేశారు. దీంతో వైఎస్‌ జగన్‌ తన ఓటు హక్కును వినియోగించుకోకుండా వెనుదిరిగారు. పురపాలక ఎన్నికల పోలింగ్‌ సందర్బంగా శ్రీకాకుళం జిల్లా నుంచి శ్రీసత్యసాయి జిల్లా వరకు టీడీపీ కూటమి రౌడీ మూకలు విచ్చలవిడిగా చెలరేగిపోయాయి. దాడులు, దౌర్జన్యాలు, హత్యాయత్నాలు, పోలింగ్‌ కేంద్రాల ఆక్రమణలు, యథేచ్ఛగా రిగ్గింగ్‌తో ఎన్నికల ప్రక్రియను అపహాస్యం చేశాయి. ఓటర్లను భయభ్రాంతులకు గురిచేసి, ప్రతిపక్ష ఏజెంట్లను తరిమేసి, ప్రజాతీర్పును తమకు అనుకూలంగా మలుచుకునేందుకు బరితెగించాయి. ఎన్నికలు ప్రజాస్వామ్యానికి పండుగ కావాలి.. కానీ టీడీపీ కూటమి పాలనలో అవి దాడులు, దౌర్జన్యాలు, దమనకాండకు వేదికలయ్యాయి. మున్సిపల్‌ ఎన్నికలు జరిగిన ఆదివారం రాష్ట్ర ప్రజాస్వామ్య చరిత్రలో ఒక చీకటి రోజుగా మిగిలిపోయింది. పులివెందులలో పచ్చమూకల మాస్‌ రిగ్గింగ్‌.. మాజీ ముఖ్యమంత్రి వైఎస్‌ జగన్‌ సొంత నియోజకవర్గం పులివెందులలో శనివారం అర్ధరాత్రే నుంచే అలజడి మొదలైంది.అరాచకం జుగుప్సాకర స్థాయికి చేరింది. పచ్చ మూకలు అడ్డుఅదుపులేకుండా మాస్‌ రిగ్గింగ్‌కు పాల్పడితే.. అందుకు సహకరించిన ఖాకీలు విలువలను వలువల్లా విడిచేశారు. వెన్నుపోటుపార్టీ రౌడీ మూకలు ఉదయం 5 గంటల నుంచే పోలింగ్‌ కేంద్రాలను ఆక్రమించారు. శాంతిభద్రతలను కాపాడాల్సిన పోలీసు యంత్రాంగం ఏకపక్షంగా టీడీపీ శ్రేణుల కొమ్ముకాస్తూ ప్రజాస్వా­మ్యాన్ని నడిరోడ్డుపై ఖూనీ చేసింది. తెల్లవారుజాము నాలుగు గంటలకు వేముల, చక్రాయపేట, వేంపల్లి నుంచి వచ్చిన మూకలు బూత్‌ల దగ్గర మోహరించాయి. పోలింగ్‌ కేంద్రాలకు వెళ్తున్న వైఎస్సార్‌సీపీ ఏజెంట్లు, అభ్యర్థులపై దారిలోనే కర్రలు, రాళ్లతో దాడి చేశాయి. 80 బూత్‌లలో 70 బూత్‌ల నుంచి ఏజెంట్లను తరిమేశాయి. 31వ వార్డు మహిళా ఏజెంట్‌ సునంద చేయి విరిగింది. మరో ఏజెంట్‌ లక్ష్మీదేవి రాళ్ల దాడిలో గాయపడింది. 21వ వార్డులో నరసింహారెడ్డిని గాయపరిచారు. 11, 12 బూత్‌ల దగ్గర ఏజెంట్లు, ఓటర్లపై రాళ్ల వర్షం కురిపించారు. ఎర్రగుడిపల్లి దగ్గర ఇద్దరు వైఎస్సార్‌సీపీ కార్యకర్తలను చితకబాదారు. 18వ వార్డు దగ్గర చైర్మన్‌ అభ్యర్థి కారు ధ్వంసం చేశారు. ఈ దాడులకు ఎమ్మెల్యే ఆదినారాయణరెడ్డి, ఎమ్మెల్సీ బీటెక్‌ రవి వర్గాలు నేతృత్వం వహించాయని ఎంపీ అవినాష్‌రెడ్డి పేర్కొన్నారు. మేయర్‌ అభ్యర్థి బండి దీప్తి రెడ్డి నిరసన.. కడప ఉమెన్స్‌ కాలేజీ బూత్‌ వద్ద వైఎస్సార్‌సీపీ ఏజెంట్లను పోలీసులు లోపలికి రానివ్వకుండా గేట్లు వేయడంతో వైఎస్సార్‌సీపీ మేయర్‌ అభ్యర్థి బండి దీప్తి రెడ్డి నిరసనకు దిగారు. పాస్‌లు ఉన్నా అడ్డుకోవడంపై పోలీసులపై ఆగ్రహం వ్యక్తం చేశారు. అక్కడే ఓటర్లుకు ఇవ్వాల్సిన స్లిప్‌లు చెత్తకుప్పలో పడేయాడాన్ని అమె స్వయంగా చూపెట్టారు. మరోవైపు, నగరంలోని 8వ డివిజన్‌లో వైఎస్సార్‌సీపీ ఏజెంట్ల ఫామ్‌లను టీడీపీ గూండాలు చించేశారు. పాత కడప జెడ్పీ హైస్కూల్‌ బూత్‌కు ఓటు వేయడానికి వెళ్లిన మహిళా ఓటర్లను అడ్డుకున్న పచ్చ శ్రేణులు.. ‘మీ ఓట్లు మేము ముందే వేసేసుకున్నాం, ఇక మీరు వెళ్ళిపోండి‘అని బహిరంగంగా చెప్పడంతో వారు నిరాశతో, కన్నీళ్లతో వెనుదిరిగారు. జమ్మలమడుగులో ప్రజాస్వామ్యం ఖూనీ జమ్మలమడుగు పురపాలక సంఘం పరిధిలో పోలింగ్‌ ప్రారంభమైన తొలి గంట నుంచే కూటమి శ్రేణులు పక్కా ప్లాన్‌తో బూత్‌లను తమ గుప్పిట్లోకి తెచ్చుకునేందుకు ప్రయత్నించడంతో హైటెన్షన్‌ వాతావరణం ఏర్పడింది. వైఎస్సార్‌సీపీ అభ్యర్థులు, ఏజెంట్లను లక్ష్యంగా చేసుకుని దాడులకు తెగబడటంతో పలు వార్డుల్లో పోలింగ్‌ ప్రక్రియ వివాదాస్పదంగా మారింది. మున్సిపల్‌ చైర్‌పర్సన్‌న్‌అభ్యర్థి హైమావతితో, వైఎస్సార్‌సీపీ ఎమ్మెల్సీ రామసుబ్బారెడ్డి పోలింగ్‌ సరళిని పరిశీలించేందుకు బూత్‌ వద్దకు వెళ్లగా, కూటమి శ్రేణులు వారిని లోపలికి వెళ్లకుండా దారుణంగా అడ్డుకున్నాయి. ప్రజాస్వామ్యబద్ధంగా బూత్‌లను సందర్శించే హక్కు ఉన్న అభ్యర్థులను గేట్ల ముందే నిలువరించడంతో తోపులాట జరిగింది. అదే సమయంలో బీజేపీ ఎమ్మెల్యే ఆదినారాయణరెడ్డి తన భారీ అనుచరగణంతో ఎత్తపు వారి కాలనీ, జూనియర్‌ కాలేజ్‌ బూత్‌ల వద్దకు చేరుకుని హల్‌చల్‌ చేశారు. పల్నాడులో వైఎస్సార్‌సీపీ అభ్యర్థులు, ఏజెంట్లపై దాడులు.. పల్నాడు జిల్లాలో చిలకలూరిపేట, వినుకొండలో వైఎస్సార్‌సీపీ అభ్యర్థులు, ఏజెంట్లను లక్ష్యంగా చేసుకుని దాడులు, నిర్బంధాలు కొనసాగాయి. వినుకొండ 8వ వార్డు వైఎస్సార్‌సీపీ అభ్యర్థి పోలూరు అర్చన మూర్తిని, ఆమె భర్త నరసింహమూర్తిని పోలింగ్‌ కేంద్రం లోపలి నుంచి ఈడ్చుకొచ్చి విచక్షణారహితంగా కొట్టారు. పక్కనే ఉన్న పోలీసులు పట్టించుకోలేదు. సీఐ ప్రభాకర్‌ అభ్యర్థిని ఏకవచనంతో దూషించారు. 5వ వార్డు ఏజెంట్‌ కొత్త కోటేశ్వరరావును బూత్‌లోంచి బయటకు లాగేశారు. మాచర్ల 31వ వార్డులో రిగ్గింగ్‌ అడ్డుకునేందుకు వెళ్లిన కార్యకర్తలపై మూకుమ్మడిగా దాడి చేశారు. 23వ వార్డు బూత్‌లోని సీసీ కెమెరాలను పగలగొట్టారు.చిలకలూరిపేట 28వ వార్డు అభ్యర్థి చిన్నం లలిత కుమారుడు చిన్నం వెంకటేష్‌ను అర్ధరాత్రి 12.30 గంటలకు పోలీసులు అరెస్టు చేశారు. 27వ వార్డు అభ్యర్థి అన్నపురెడ్డి శ్రీలక్ష్మి కోసం అర్ధరాత్రి ఆమె ఇంటికి వెళ్లి, ఆచూకీ చెప్పాలంటూ బంధువులను బెదిరించారు. 4వ వార్డు అభ్యర్థి కవల నాగయ్య కుమారుడు కవల దినకర్‌ను పోలింగ్‌ కేంద్రం వద్ద అరెస్టు చేసి పోలీస్‌స్టేషన్‌కు తరలించారు. 6, 14, 17, 23, 27, 32, 36, 40, 41, 44వ వార్డుల్లో వైఎస్సార్‌సీపీ అభ్యర్థులు, ఏజెంట్లను పోలింగ్‌ కేంద్రాల్లోకి వెళ్లకుండా అడ్డుకున్నారు. వినుకొండలో 8వ వార్డు అభ్యర్థి పోలూరు అర్చనమూర్తి, ఆమె భర్త నరసింహమూర్తిపై పోలింగ్‌ కేంద్రం వద్ద టీడీపీ మూకలు దాడి చేశాయి. సగానికిపైగా పోలింగ్‌ కేంద్రాల్లో వైఎస్సార్‌సీపీ ఏజెంట్లను బలవంతంగా బయటకు లాగి దాడులకు పాల్పడ్డారు. గుంటూరు కార్పొరేషన్‌లోనూ పోలింగ్‌ కేంద్రాలన్నింటిలో టీడీపీ భారీగా దొంగ ఓట్లు వేయించింది. సగానికిపైగా కేంద్రాల్లో వైఎస్సార్‌సీపీ ఏజెంట్లను పోలీసులే బలవంతంగా బయటకు పంపించారు. కార్పొరేటర్లుగా పోటీ చేస్తున్న వైఎస్సార్‌సీపీ అభ్యర్థులు ధనావత్‌ వెంకటేశ్వర నాయక్, బోడపాటి కిషోర్, మాజీ కార్పొరేటర్‌ బోడపాటి ఉషారాణి తదితరులపై టీడీపీ రౌడీలు దాడులకు పాల్పడ్డారు. అనంతపురంలో యథేచ్ఛగా రిగ్గింగ్‌.. అనంతపురం మున్సిపల్‌ కార్పొరేషన్‌లో పలు పోలింగ్‌ కేంద్రాల్లో వైఎస్సార్‌సీపీ ఏజెంట్లను పోలీసులు బలవంతంగా బయటకు తరలించి టీడీపీ రిగ్గింగ్‌కు సహకరించారు. ఎమ్మెల్యే దగ్గుపాటి ప్రసాద్‌ నేతాజీ స్కూల్‌ పోలింగ్‌ కేంద్రం వద్ద పోలీసులను దూషించి, ఏజెంట్ల ఐడీ కార్డులు చించివేశారు. 1, 23, 30, 61వ డివిజన్లలో ఏజెంట్లను బయటకు నెట్టివేసి టీడీపీ గూండాలు రిగ్గింగ్‌కు పాల్పడ్డారు. 40వ డివిజన్‌ గుడ్‌ ఛిల్డ్రన్స్‌ స్కూల్‌ వద్ద ఏజెంట్‌ లోకనాథ్‌పై దాడి జరిగింది. అనంతపురంలో టీడీపీ ఎమ్మెల్యే దగ్గుపాటి ప్రసాద్‌ ఆదేశాలతో పోలింగ్‌ కేంద్రంలోకి చొచ్చుకొచ్చి యథేచ్ఛగా రిగ్గింగ్‌కు పాల్పడుతున్న టీడీపీ గూండాలు 45వ డివిజన్‌ జ్ఞాన సరస్వతి స్కూల్‌ వద్ద దౌర్జన్యాన్ని అడ్డుకున్న విశ్వనాథరెడ్డి, కార్పొరేటర్‌ అభ్యర్థి అనిల్‌ కుమార్‌రెడ్డిపై దాడి చేయగా అనిల్‌ గాయపడ్డారు. 39వ డివిజన్‌ అభ్యర్థి సాకే చంద్రశేఖర్‌ ఇంటిపై మాజీ డిప్యూటీ మేయర్‌ గంపన్న వర్గీయులు రాళ్లు, ఇటుకలతో దాడి చేశారు. ఈ ఘటనలో గాయపడిన శ్రీనివాసులు, సాకే ఈశ్వరయ్యలను ప్రభుత్వ సర్వజనాస్పత్రికి తరలించారు. అనంత వెంకటరామిరెడ్డి, మేయర్‌ అభ్యర్థి రమేష్‌ గౌడ్‌ ఆస్పత్రికి వెళ్లి బాధితులను పరామర్శించారు. కర్నూలు జిల్లాలో టీడీపీ బరితెగింపు.. కర్నూలు జిల్లాలో డోన్, బేతంచెర్ల మున్సిపాలిటీల్లో టీడీపీ కూటమి యథేచ్ఛగా రిగ్గింగ్‌కు పాల్పడింది. డోన్‌లో టీడీపీ చైర్‌పర్సన్‌ అభ్యర్థి కోట్ల సుజాతమ్మ పోలీసుల అండతో వైఎస్సార్‌సీపీ మహిళా అభ్యర్థుల భర్తలు, కుటుంబ సభ్యులను పోలీస్‌స్టేషన్‌కు పిలిపించి డీఎస్పీ శ్రీనివాసులు ఎదుట బెదిరింపులకు దిగారు. పోలింగ్‌ ఏజెంట్లను అక్రమంగా నిర్బంధించి కేంద్రాలకు వెళ్లకుండా అడ్డుకున్నారు. కొందరిపై పోలీసులు చేయి చేసుకున్నారు. బేతంచెర్లలోనూ టీడీపీ నేతలు ఇదే తరహాలో రిగ్గింగ్‌కు పాల్పడ్డారు. ఈ అక్రమాలను నిరసిస్తూ మాజీ మంత్రి బుగ్గన రాజేంద్రనాథ్‌రెడ్డి ఉదయం 11 నుంచి మధ్యాహ్నం 1 గంట వరకు డోన్‌ టౌన్‌ పోలీస్‌స్టేషన్‌ ఎదుట వైఎస్సార్‌సీపీ శ్రేణులతో కలిసి ఆందోళన నిర్వహించారు. డోన్, బేతంచెర్లలో రీపోలింగ్‌ నిర్వహించాలని డిమాండ్‌ చేశారు. టీడీపీ ఎన్నికల అక్రమాలపై న్యాయస్థానాన్ని ఆశ్రయిస్తామని ప్రకటించారు. మరోవైపు ఎమ్మిగనూరులో వైఎస్సార్‌సీపీ సమన్వయకర్త ఎర్రకోట రాజీవ్‌రెడ్డిని, నంద్యాల జిల్లాలో మాజీ ఎమ్మెల్యే శిల్పా రవిచంద్ర కిశోర్‌రెడ్డిని పోలీసులు హౌస్‌ అరెస్ట్‌ చేశారు. కర్నూలు కార్పొరేషన్‌ ఎన్నికల్లోనూ టీడీపీ రిగ్గింగ్, రీసైక్లింగ్‌కు తెగబడింది. వైఎస్సార్‌సీపీ మాజీ ఎమ్మెల్యేలు ఎస్వీ మోహన్‌రెడ్డి, కాటసాని రాంభూపాల్‌రెడ్డిలను పోలీసులు అడ్డుకుని వారి వాహనాలను సీజ్‌ చేశారు. మరోవైపు మంత్రి టీజీ భరత్‌ వాహనంతోపాటు ఆయన కాన్వాయ్‌ను మాత్రం పోలీసులు అడ్డుకోలేదు. దీంతో మంత్రి నగరంలో యథేచ్ఛగా పర్యటిస్తూ పోలింగ్‌ బూత్‌లలోకి వెళ్లి దగ్గరుండి రిగ్గింగ్‌ చేయించారు. కర్నూలు కార్పొరేషన్‌ పరిధిలోని 30 డివిజన్లలో టీడీపీ గుండాలు భారీగా దొంగ ఓట్లు వేశారు. చిత్తూరు, తిరుపతి జిల్లాల్లో యథేచ్ఛగా రిగ్గింగ్‌..చిత్తూరు, తిరుపతి జిల్లాల్లోని కార్పొరేషన్లు, మున్సిపాలిటీల్లో టీడీపీ శ్రేణులు పోలీసుల, ఎన్నికల అధికారుల సహకారంతో యథేచ్ఛగా రిగ్గింగ్‌కు పాల్పడ్డారు. చిత్తూరు వళ్లియప్ప నగర్‌ 21/1 పోలింగ్‌ కేంద్రంలో వైఎస్సార్‌సీపీ ఏజెంట్లను బయటకు పంపించి, బ్యాలెట్‌ పత్రాలపై ఫోర్జరీ సంతకాలు, స్వస్తిక్‌ ముద్రలతో రిగ్గింగ్‌ చేశారు. ఈ దృశ్యాలు సోషల్‌ మీడియాలో వైరల్‌ అయ్యాయి. తిరుపతి 36వ వార్డులో జనసేన నేత పసుపులేటి హరిప్రసాద్‌ అనుచరులు సీసీ కెమెరాలు ధ్వంసం చేసి, వైఎస్సార్‌సీపీ ఏజెంట్లు, అభ్యర్థి ఇమామ్‌పై దాడి చేశారు. 500కు పైగా ఓట్లు రిగ్గింగ్‌ చేశారు. కుప్పంలో వైఎస్సార్‌సీపీ ఏజెంట్లను అడ్డుకుని, విద్యుత్‌ సరఫరా నిలిపివేసి రిగ్గింగ్‌ పూర్తి చేశారు. పలమనేరులో స్థానికేతరులతో దొంగ ఓట్లు వేయించారు. నాయుడుపేటలో దొంగ ఓట్లను అడ్డుకున్న ఏజెంట్లను పోలీసులు నిర్బంధించారు. వెంకటగిరిలో గుర్తుల కేటాయింపు గందరగోళంతో 35వ వార్డు పోలింగ్‌ వాయిదా పడింది. పుత్తూరులో రిగ్గింగ్‌ను ప్రశ్నించిన వైఎస్సార్‌సీపీ నేత మనోజ్‌రెడ్డిపై దాడి చేశారు. ప్రకాశం జిల్లాలో ఏజెంట్లపై దాడులు ప్రకాశం జిల్లాలో టీడీపీ ఎన్నికల అక్రమాలను అడ్డుకునేందుకు ప్రయత్నించిన వైఎస్సార్‌సీపీ నేతలను పోలీసులు నిర్బంధించారు. దర్శి ఎమ్మెల్యే బూచేపల్లి శివప్రసాద్‌ను ఆదివారం తెల్లవారుజామునే హౌస్‌ అరెస్ట్‌ చేశారు. అద్దంకిలో టీడీపీ దొంగ ఓట్లను అడ్డుకునేందుకు వెళ్తున్న వైఎస్సార్‌సీపీ సమన్వయకర్త చింతలపూడి అశోక్‌కుమార్‌ను సింగరాయకొండ వద్ద పోలీసులు అడ్డుకుని హౌస్‌ అరెస్ట్‌ చేశారు. చీమకుర్తి మున్సిపాలిటీలో వైఎస్సార్‌సీపీ ఏజెంట్లు, నాయకులను ఉదయాన్నే సంతనూతలపాడు పోలీస్‌స్టేషన్‌లో నిర్బంధించారు.గిద్దలూరులోని సెయింట్‌ పాల్‌ కళాశాల పోలింగ్‌ కేంద్రంలో రెండో వార్డు ఏజెంట్లు అమీర్‌ భాష, నరసింహారెడ్డిపై విచక్షణారహితంగా దాడి చేశారు. శెట్టిరెడ్డిపల్లెలో టీడీపీ దొంగ ఓట్లను అడ్డుకునేందుకు ప్రయత్నించిన వైఎస్సార్‌సీపీ ఏజెంట్‌ చంద్రశేఖర్‌పైనా దాడికి తెగబడ్డారు. మార్కాపురంలో వైఎస్సార్‌సీపీ పట్టణ శాఖ అధ్యక్షుడు షేక్‌ సలీమ్‌ను పోలీసులు అరెస్టు చేశారు. ఈ అరెస్టును నిరసిస్తూ మాజీ ఎమ్మెల్యే అన్నా రాంబాబు, మున్సిపల్‌ చైర్‌పర్సన్‌ అభ్యర్థి కనకదుర్గ పోలీస్‌స్టేషన్‌ ఎదుట ధర్నా నిర్వహించారు. గుంటూరులో బ్యాలెట్‌ బాక్సులు ధ్వంసంగుంటూరు 57వ డివిజన్‌ లిటిల్‌ ఫ్లవర్‌ స్కూల్‌ ఐదో బూత్‌లో బ్యాలెట్‌ బాక్సులను పగలగొట్టారు. దొంగ ఓట్లను అడ్డుకున్న వైఎస్సార్‌సీపీ నేత భాస్కర్‌రెడ్డిపై దాడి చేశారు. 59వ డివిజన్‌ అభ్యర్థి ధనావత్‌ వెంకటేశ్వర్లు నాయక్‌ను కొట్టారు. తెనాలిలో వైఎస్సార్‌సీపీ పట్టణ మహిళా అధ్యక్షురాలు నాగమంజరిపై దాడికి యత్నించారు. ప్రకాశం జిల్లా గిద్దలూరు శెట్టిరెడ్డిపల్లెలో దొంగ ఓట్లను అడ్డుకున్న ఏజెంట్‌ చంద్రశేఖర్‌పై దాడి జరిగింది. విశాఖలో పలు పోలింగ్‌ బూత్‌లలో రిగ్గింగ్‌ విశాఖలోని గాజువాక, భీమిలి, విశాఖ దక్షిణ, తూర్పు నియోజకవర్గాల్లో పలు పోలింగ్‌ బూత్‌లలో రిగ్గింగ్‌ జరిగింది. తమ ఓట్లను ఇతరులు వేసేయడంతో పలువురు ఓటర్లు ఆందోళన వ్యక్తం చేశారు. విశాఖ మేయర్‌ అభ్యర్థి వరుదు కల్యాణి ఓటు వేసిన అనంతరం మీడియాతో మాట్లాడుతుండగా టీడీపీ శ్రేణులు వైఎస్సార్‌సీపీ కార్యకర్తలతో వాగ్వాదానికి దిగి తోపులాటకు పాల్పడ్డారు. 37వ వార్డులో రిగ్గింగ్‌ జరుగుతోందన్న సమాచారంతో మాజీ ఎమ్మెల్యే వాసుపల్లితో కలిసి అక్కడికి వెళ్లిన వరుదు కల్యాణితో జనసేన నేతలు వాగ్వాదానికి దిగారు. మదనపల్లెలో వైఎస్సార్‌సీపీ నేతలపై, ఏజెంట్లపై దాడులు.. అన్నమయ్య జిల్లా మదనపల్లెలో పలు పోలింగ్‌ కేంద్రాల్లో దాడులు, రిగ్గింగ్‌ యత్నాలు చోటుచేసుకున్నాయి. 16వ పోలింగ్‌ కేంద్రంలో మాక్‌ పోలింగ్‌ సమయంలో వైఎస్సార్‌సీపీ ఏజెంట్‌ లేకపోవడాన్ని ప్రశ్నించిన చైర్మన్‌ అభ్యర్థి జింకా వెంకట చలపతిపై ఎస్‌ఐ శివకుమార్‌ లాఠీతో దాడి చేయడంతో గాయపడ్డారు. 12వ కేంద్రంలో చైర్మన్‌ బ్యాలెట్‌ పేపర్లను ఎత్తుకెళ్లేందుకు మాస్కులు ధరించిన వ్యక్తులు ప్రయత్నించగా అడ్డుకున్నారు. 19వ వార్డులో పోలింగ్‌ కేంద్రంలోకి టీడీపీ కార్యకర్తల ప్రవేశాన్ని ప్రశ్నించిన వైఎస్సార్‌సీపీ నేత రఫీపై దాడి చేశారు. దక్నిపేట, మేదరవీధి, రామారావు కాలనీ పోలింగ్‌ కేంద్రాల వద్ద కూడా వైఎస్సార్‌సీపీ నేతలపై దాడులకు పాల్పడ్డారు. పలువురు ఏజెంట్ల పాసులను లాక్కెళ్లడంతో పాటు పలు కేంద్రాల్లో రిగ్గింగ్‌కు యత్నించినట్లు ఆరోపణలు వచ్చాయి.‘సుప్రీం’ ఆదేశాలు సైతం బేఖాతరుసుప్రీంకోర్టు స్పష్టమైన ఆదేశాలు జారీ చేసినప్పటికీ, వాటి అమలును పర్యవేక్షించాల్సిన రాష్ట్ర ఎన్నికల సంఘం, పోలీసు యంత్రాంగం పట్టించుకోలేదు. వైఎస్సార్‌సీపీ అభ్యర్థులకు తగిన భద్రత కల్పించాలని, పోలింగ్‌ కేంద్రాల్లో తప్పనిసరిగా సీసీటీవీ కెమెరాలు ఏర్పాటు చేయాలని సుప్రీంకోర్టు ఆదేశించింది. కానీ క్షేత్రస్థాయిలో ఈ ఆదేశాలు అమలైన దాఖలాలు కనిపించలేదు. వైఎస్సార్‌సీపీ అభ్యర్థులకు ఎక్కడా తగిన భద్రత కల్పించలేదు. ఇదే పరిస్థితిని ఆసరాగా చేసుకుని పలు ప్రాంతాల్లో టీడీపీ శ్రేణులు వైఎస్సార్‌సీపీ మేయర్, మున్సిపల్‌ చైర్‌పర్సన్, కార్పొరేటర్, కౌన్సిలర్‌ అభ్యర్థులపై దాడులకు దిగాయి. పోలింగ్‌ సరళిని పర్యవేక్షించేందుకు కూడా వారికి అవకాశం లేకుండా అడ్డుకున్నాయి. అభ్యర్థులపై దాడులు జరుగుతున్నా, వారిని రక్షించాల్సిన పోలీసులు తగిన చర్యలు తీసుకోకపోవడం పలు ప్రశ్నలకు తావిచ్చింది. ఇక ఎన్నికలు నిర్వహించిన 92 పట్టణ స్థానిక సంస్థల్లో అత్యధిక పోలింగ్‌ కేంద్రాల్లో సీసీటీవీ కెమెరాలు ఏర్పాటు చేయకపోవడం మరింత ఆందోళనకరం. కడప, పులివెందుల, అనంతపురం, తిరుపతి, కర్నూలు, డోన్, బేతంచర్ల, గుంటూరు, విజయవాడ, నెల్లూరు సహా అనేక ప్రాంతాల్లో ఇదే పరిస్థితి నెలకొంది. సీసీటీవీ నిఘా కొరవడిన చోట్ల వైఎస్సార్‌సీపీ పోలింగ్‌ ఏజెంట్లను బలవంతంగా బయటకు పంపించి, ఇతర ప్రాంతాల నుంచి వచ్చిన వ్యక్తులతో దొంగ ఓట్లు వేయించారు. టీడీపీ నేతలు, కార్యకర్తలు పోలింగ్‌ కేంద్రాల్లోకి చొరబడి రిగ్గింగ్‌కు పాల్పడ్డారు. పలు చోట్ల సీసీటీవీ కెమెరాలను ధ్వంసం చేశారు. అర్ధరాత్రి అరెస్టులు.. పోలింగ్‌కు ముందురోజు రాత్రే పోలీసులు వైఎస్సార్‌సీపీ శ్రేణులే లక్ష్యంగా వేట మొదలుపెట్టారు. శాంతిభద్రతల విషయంలో నిష్పక్షపాతంగా వ్యవహరించాల్సిన పోలీసులు పక్షపాత ధోరణితో వైఎస్సార్‌సీపీ నాయకులను కట్టడి చేసి కూటమి అభ్యర్థులకు అనుకూలంగా రిగ్గింగ్‌కు లైన్‌క్లియర్‌ చేశారు. చిలకలూరిపేటలో అర్ధరాత్రి 12:30 గంటలకు 28వ వార్డు అభ్యర్థి చిన్నం లలిత కుమారుడు వెంకటేష్‌ను, 4వ వార్డు అభ్యర్థి కవల నాగయ్య కుమారుడు దినకర్‌ను స్టేషన్‌కు తరలించారు. 27వ వార్డు అభ్యర్థి శ్రీలక్ష్మి కోసం అర్ధరాత్రి ఇంటికి వెళ్లారు. ఆమె కనిపించకపోవడంతో బంధువులను స్టేషన్‌కు తీసుకెళ్తామని బెదిరించారు. సత్తెనపల్లి 12వ వార్డు అభ్యర్థి గోవిందమ్మ భర్త వెంకటేశ్వర్లును రాత్రి 11:30 గంటలకు తీసుకెళ్లారు. మాచర్ల 32వ వార్డు అభ్యర్థి భర్త షేక్‌ మస్తాన్‌ను అర్ధరాత్రి ఇంటి నుంచి తీసుకెళ్లారు. ఈ ఇద్దరి ఆచూకీ ఆదివారం సాయంత్రం వరకు కుటుంబాలకు చెప్పలేదు. మాచర్లలో 12 మంది అభ్యర్థులు, నేతలను నాలుగు గంటలపాటు స్టేషన్‌లో కూర్చోబెట్టారు. చిత్తూరులో అర్ధరాత్రి ఒంటిగంటకు వార్డు ఇన్‌ఛార్జులు, బూత్‌ ఏజెంట్లను బైండోవర్‌ పేరుతో స్టేషన్లలో నిర్బంధించారు. డోన్‌లో పోలింగ్‌ మొదలవకముందే పట్టణ అధ్యక్షుడు మల్లికార్జునరెడ్డితోపాటు ఐదుగురు అభ్యర్థులను అదుపులోకి తీసుకున్నారు. ఒంగోలు 55వ డివిజన్‌ అభ్యర్థి పల్నాటి రవీందర్‌రెడ్డిని తాలూకా సీఐ అరెస్ట్‌ చేసి స్టేషన్‌లో ఉంచారు.కడపలో బరితెగించిన ‘కౌరవ’..‘సేన’.. వైఎస్సార్‌ కడప జిల్లాలో కౌరవ సేన బరితెగించింది. తీవ్ర ఉద్రిక్తతలు, రాజకీయ ఘర్షణల మధ్య పోలింగ్‌ సాగింది. కడప నాగరాజుపేట పోలింగ్‌ కేంద్రం వద్ద ఉదయం నుంచే హైడ్రామా మొదలైంది. నగరంలోని కోటిరెడ్డి ప్రభుత్వ మహిళా డిగ్రీ కళాశాల బూత్‌లోకి వైఎస్సార్‌సీపీ ఏజెంట్లను ప్రత్యర్థులు అడ్డుకోవడంతో ఒక్క ఏజెంట్‌ కూడా లోపల లేని పరిస్థితి ఏర్పడింది. ఈ సమాచారం అందుకున్న వైఎస్సార్‌సీపీ జిల్లా అధ్యక్షుడు పోచంరెడ్డి రవీంద్రనా«థరెడ్డి నేరుగా బూత్‌ లోపలికి వెళ్లి.. తానే స్వయంగా ఏజెంట్‌గా కూర్చున్నారు. ‘జిల్లా ఎన్నికల అధికారి కలెక్టర్‌ వచ్చి సమాధానం చెప్పే వరకు బూత్‌ నుండి కదిలేది లేదు’ అనడంతో పొలిటికల్‌ హీట్‌ ఒక్కసారిగా పెరిగింది. కడప నగరంలో 361 పోలింగ్‌ కేంద్రాల్లోనూ వైఎస్సార్‌సీపీ ఏజెంట్లు ఎక్కడా లేకుండా పచ్చమూకలకు పోలీసులు పూర్తి సహకారం అందించారు. కడప మోచంపేట పోలింగ్‌ బూత్‌లో టీడీపీ నేత శ్రీనివాసులరెడ్డి బూత్‌ లోపలికి చొరబడి వైఎస్సార్‌సీపీ ఏజెంట్ల ఫారాలను ముక్కలు ముక్కలుగా చించివేసి వారిని గెంటేశారు. పోలింగ్‌ కేంద్రానికి 100 మీటర్ల పరిధిలో ఎలాంటి ప్రచారం చేయరాదనే ఎన్నికల కోడ్‌ నిబంధనలను బూడిదలో పోసి.. ఏకంగా బూత్‌ ఆవరణలోనే మీడియా సమావేశం పెట్టి ‘అభివృద్ధికి పట్టం కట్టాలి’అంటూ ఓటర్లను ప్రలోభపెట్టేలా మాట్లాడారు. పులివెందులలో ఓటర్లను బెదిరించి వెనక్కి పంపుతున్న డీఎస్పీ మురళీ నాయక్‌ నెల్లూరులో మంత్రి నారాయణ ఆధ్వర్యంలో దొంగ ఓట్ల దందా.. నెల్లూరు మున్సిపల్‌ కార్పొరేషన్‌లో మంత్రి నారాయణ తన విద్యాసంస్థల విద్యార్థులను బస్సుల్లో తరలించి దొంగ ఓట్లు వేయించారు. నగరంలోని 14, 16, 17వ డివిజన్లలో విద్యార్థులతో దొంగ ఓట్లు వేయించేందుకు వచ్చిన నారాయణ విద్యాసంస్థల బస్సులను వైఎస్సార్‌సీపీ శ్రేణులు అడ్డుకున్నాయి. దొంగ ఓట్లు ఎందుకు వేస్తున్నారని ప్రశ్నించిన వారిపై టీడీపీ శ్రేణులు దాడులకు దిగాయి. నెల్లూరు కార్పొరేషన్‌తోపాటు ఆత్మకూరు, బుచ్చిరెడ్డిపాలెం మున్సిపాలిటీల్లో వైఎస్సార్‌సీపీ అభ్యర్థులు, నేతలపై పోలీసులు ఆంక్షలు విధించారు. వారిని పోలింగ్‌ కేంద్రాల్లోకి కూడా వెళ్లనివ్వలేదు. మరోవైపు టీడీపీ కూటమి నేతలు పోలింగ్‌ బూత్‌లలోకి యథేచ్ఛగా చొరబడి రిగ్గింగ్‌కు పాల్పడుతున్నా పోలీసులు అడ్డుకోలేదు. పోలీసుల ఏకపక్ష వైఖరిపై ఆత్మకూరు మాజీ ఎమ్మెల్యే మేకపాటి విక్రమ్‌రెడ్డి తీవ్ర ఆగ్రహం వ్యక్తం చేశారు. వైఎస్సార్‌సీపీ ఎమ్మెల్సీ చంద్రశేఖర్‌రెడ్డిని సైతం పోలీసులు అడ్డుకున్నారు. నెల్లూరు రూరల్‌ నియోజకవర్గం 4వ డివిజన్‌ పెద్దచెరుకూరు పోలింగ్‌ బూత్‌ వద్ద వైఎస్సార్‌సీపీ ఏజెంట్‌ యర్రంరెడ్డి రామ్‌మోహన్‌రెడ్డిపై 25 మందికి పైగా టీడీపీ శ్రేణులు దాడికి పాల్పడ్డాయి. టీడీపీ ఏఎంసీ చైర్మన్‌ మనుబోలు శ్రీధర్‌రెడ్డి సోదరుడు మనుబోలు రామ్‌మోహన్‌రెడ్డి తన అనుచరులతో కలిసి పోలింగ్‌ బూత్‌ వద్ద హంగామా సృష్టించారు. ఈ క్రమంలో పోలీసులతో మాట్లాడేందుకు బయటకు వచ్చిన యర్రంరెడ్డి రామ్‌మోహన్‌రెడ్డిపై మూకుమ్మడిగా దాడి చేశారు. దాడిని అడ్డుకోవాల్సిన పోలీసులు ప్రేక్షకపాత్ర వహించారు.ఓటమి భయంతోనే ‘నారా’సుర కుతంత్రం! రెండున్నరేళ్ల టీడీపీ కూటమి రాక్షస పాలనపై రాష్ట్రవ్యాప్తంగా ప్రజావ్యతిరేకత వెల్లువెత్తుతుండటంతో ముఖ్యమంత్రి చంద్రబాబు తీవ్ర భయాందోళనలకు గురవుతున్నారు. మున్సిపల్‌ ఎన్నికలు స్వేచ్ఛగా, నిష్పక్షపాతంగా జరిగితే ప్రజలు కూటమిని నిర్ద్వంద్వంగా తిరస్కరిస్తారన్న భయం ఆయనను వెంటాడుతోంది. అందుకే ప్రజాతీర్పును ఎదుర్కొనే ధైర్యం లేక, ఎన్నికల ప్రక్రియనే తమకు అనుకూలంగా మలుచుకుని ప్రజల తీర్పును హైజాక్‌ చేసేందుకు పక్కా కుట్రకు తెరతీశారు. రాష్ట్ర ఎన్నికల సంఘం, డీజీపీతో పాటు పోలీసు యంత్రాంగాన్ని కూడా ఈ కుట్రలో భాగస్వాములను చేసుకుని ప్రజాస్వామ్యాన్ని ఖూనీ చేసే పన్నాగానికి శ్రీకారం చుట్టారు. టీడీపీ గూండాలు, రౌడీ మూకలు, గంజాయి బ్యాచ్‌లు, ఇతర రాష్ట్రాల నుంచి రప్పించిన మాఫియా బలగాలను శనివారం నుంచే ఎన్నికలు జరుగుతున్న పట్టణ స్థానిక సంస్థల్లో మోహరించారు. చంద్రబాబు రచించిన ఈ పథకాన్ని ఆదివారం తెల్లవారుజాము నుంచే అమల్లోకి తెచ్చారు. వైఎస్సార్‌సీపీ అభ్యర్థులు పోలింగ్‌ కేంద్రాలకు చేరుకోకుండా పోలీసులే అడ్డంకులు సృష్టించారు. టీడీపీ రౌడీ మూకలు వైఎస్సార్‌సీపీ పోలింగ్‌ ఏజెంట్లపై దాడులకు తెగబడుతున్నా పోలీసులు ప్రేక్షకపాత్రకే పరిమితమయ్యారు. పోలీసుల అండతో టీడీపీ గూండాగిరీ మరింతగా రెచ్చిపోయింది. దాడులు, దౌర్జన్యాలతో పోలింగ్‌ కేంద్రాల వద్ద భయానక వాతావరణాన్ని సృష్టించారు.వైఎస్సార్‌సీపీ ఓటర్లతో పాటు తటస్థ ఓటర్లను కూడా లక్ష్యంగా చేసుకుని వారిని భయభ్రాంతులకు గురిచేశారు. ఓటు హక్కును వినియోగించుకునేందుకు బయటకు వచ్చిన సామాన్యులపై దాడులకు దిగారు. అసభ్య పదజాలంతో దూషించారు. ఓటర్ల చేతుల్లోని ఓటరు స్లిప్పులను బలవంతంగా లాక్కుని చింపివేసి, వారిని వెనక్కి పంపించారు. పోలింగ్‌ కేంద్రాలకు వెళ్లాలంటేనే భయపడేలా నడిరోడ్లపై రౌడీ మూకలతో బీభత్స వాతావరణాన్ని సృష్టించారు. ప్రజల మద్దతుతో గెలవలేమన్న భయంతోనే ఓటర్లను ఓటు వేయకుండా అడ్డుకోవడం.. ప్రజాతీర్పును దౌర్జన్యంతో హైజాక్‌ చేయడమే చంద్రబాబు కూటమి ఎన్నికల వ్యూహంగా మారింది. సీఎంఓ డైరెక్షన్‌లో అధికారులు టీడీపీ కార్యకర్తల్లా పనిచేశారు. సీఎం సెక్రటరీ ప్రద్యుమ్న కలెక్టర్లను ఇష్టారాజ్యంగా వాడేశారని అధికారవర్గాల్లో వినిపిస్తోంది. ఇక డీఐజీ కోయ ప్రవీణ్‌ చౌదరి, జిల్లాల ఎస్‌పీలంతా డీజీపీ పర్యవేక్షణలో చెలరేగి పోయారు. కలెక్టర్‌ చెరుకూరి శ్రీధర్‌ చౌదరి, ఎస్‌పీ నచికేత విశ్వనాథ్, అడిషనల్‌ ఎస్‌పీ ప్రకాష్‌ చౌదరి కడప, పులివెందుల లక్ష్యంగా పనిచేశారు. పోలీసులను అధికారపార్టీ కోసం పనిచేయించారు. నేతలను ఇళ్ల నుంచి కదలనివ్వలేదు..పోలింగ్‌ రోజు ప్రతిపక్ష నేతలెవరూ బయట కాలు పెట్టకుండా పోలీసులు తీవ్ర నిర్భంధం అమలు చేశారు. కడప మాజీ మేయర్‌ పాకా సురేష్‌ను ఇంటి నుంచే అరెస్ట్‌ చేశారు. జిల్లా అధ్యక్షుడు రవీంద్రనాథ్‌రెడ్డి, మాజీ డిప్యూటీ సీఎం అంజాద్‌ బాషా గృహనిర్బంధం చేశారు. పులివెందులలో దుష్యంత్‌రెడ్డి గృహనిర్బంధం. ఎంపీ వైఎస్‌ అవినాష్‌రెడ్డిని పార్టీ కార్యాలయం గేటు దగ్గరే అడ్డుకున్నారు. ఆయన వస్తున్నారని మున్సిపల్‌ కార్యాలయం గేట్లకు తాళాలు వేశారు. పల్నాడు జిల్లాలో మాజీ ఎమ్మెల్యే పిన్నెల్లి రామకృష్ణారెడ్డి ఇంటి చుట్టూ ముళ్లకంచెలు వేశారు. మాజీ మంత్రి విడదల రజిని, మాజీ ఎమ్మెల్యే బొల్లా బ్రహ్మనాయుడు, అద్దంకి ఇన్‌ఛార్జ్‌ చింతలపూడి అశోక్‌కుమార్‌లను గృహనిర్బంధం చేశారు. తాడిపత్రి మాజీ ఎమ్మెల్యే కేతిరెడ్డి పెద్దారెడ్డిని పది రోజులుగా గృహనిర్బంధంలోనే ఉన్నారు. నాయుడుపేట మాజీ ఎమ్మెల్యే కిలివేటి సంజీవయ్య, నేతలు హౌస్‌ అరెస్ట్‌ చేశారు. 14వ వార్డు నేత కిషోర్‌రెడ్డిని బయటకు రావొద్దని ఇంటికి వెళ్లి మరీ పోలీసులు హుకుం జారీ చేశారు. కుప్పం మున్సిపల్‌ అధ్యక్షుడు హఫీజ్‌ను అదుపులోకి తీసుకున్నారు. మాజీ కౌన్సిలర్‌ ఇళయరాజా హౌస్‌ అరెస్ట్‌ చేశారు. నెల్లూరులో ఎమ్మెల్సీ పర్వతరెడ్డి చంద్రశేఖర్‌రెడ్డిని రోడ్డుపైనే ఆపి నోటీసులిచ్చారు. పలాసలో సీనియర్‌ నేత బోనెల బాలకృష్ణ అరెస్ట్‌ చేశారు. తిరుపతిలో కలెక్టర్‌ను కలిసేందుకు వెళ్లిన ఎంపీ గురుమూర్తి, మాజీ ఎమ్మెల్యే బియ్యపు మధుసూదన్‌రెడ్డి, ఎమ్మెల్సీ సిపాయి సుబ్రహ్మణ్యంను కలెక్టరేట్‌ గేటు దగ్గరే నిలిపేశారు. బాధితులపైనే లాఠీలు, కేసులు.. దాడులు చేసిన అధికారపక్షం వాళ్లను వదిలేసిన పోలీసులు బాధితులైన వైఎస్సార్‌సీపీ శ్రేణులపైనే లాఠీలు ఝుళిపించారు. పులివెందుల బూత్‌ 17 దగ్గర వైఎస్సార్‌సీపీ కార్యకర్తలపై లాఠీచార్జ్‌ చేశారు. 13వ వార్డు అభ్యర్థి కలందర్‌ను బలవంతంగా జీపులో ఎక్కించి స్టేషన్‌కు తరలించారు. మదనపల్లెలో చైర్మన్‌ అభ్యర్థి జింకా వెంకటచలపతిని సీఐ లాఠీతో కొట్టి కాళ్లతో తన్నారు. సత్తెనపల్లి మండల పరిషత్‌ కేంద్రంలో వైఎస్సార్‌సీపీ ఏజెంట్‌పై ఎస్సై చేయి చేసుకున్నారు. అనంతపురం 61వ డివిజన్‌లో అభ్యర్థి వాసంతి కుటుంబంపై దౌర్జన్యం చేసిన తర్వాత, ఆమె కుటుంబం మీదే రివర్స్‌ కేసు పెట్టారు. చీమకుర్తిలో దాడికి గురైన ఏజెంట్లనే సీఐ స్టేషన్‌కు తీసుకెళ్లారు.నాయుడుపేటలో దొంగ ఓట్లను అడ్డుకున్న ఏజెంట్లను డీఎస్పీ ఎత్తుకెళ్లారు. డోన్‌లో హలచల్‌ చేసిన టీడీపీ వాళ్లను ప్రశ్నించిన వైఎస్సార్‌సీపీ నేతలనే స్టేషన్‌కు తరలించారు. విజయవాడ 43వ డివిజన్‌లో డబ్బు పంపిణీని నిలదీసిన నేతలను అదుపులోకి తీసుకున్నారు. బేతంచెర్లలో రీపోలింగ్‌ కోసం మాజీ మంత్రి బుగ్గన పోలీస్‌ స్టేషన్‌ ఎదుట బైఠాయించాల్సి వచ్చింది. పులివెందులలో రాళ్ల దాడి జరిగిందని కర్నూలు రేంజ్‌ డీఐజీ స్వయంగా అంగీకరించారు. అయినా ఆదివారం సాయంత్రం వరకు ఒక్క దాడికి పాల్పడిన వ్యక్తి అరెస్ట్‌ అయినట్లు సమాచారం లేదు. దాడి చేసినవాళ్లు బయట దర్జాగా తిరుగుతున్నారు. దెబ్బలు తిన్నవాళ్లు స్టేషన్లలో, ఆసుపత్రుల్లో ఉన్నారు.

సాక్షి, వైఎస్సార్‌ జిల్లా: పులివెందుల ఆర్వో కార్యాలయం ముందు వైఎస్సార్‌సీపీ అధినేత, మాజీ ముఖ్యమంత్రి వైఎస్‌ జగన్‌మోహన్‌రెడ్డి నిరసన తెలిపారు. 70 మంది వైఎస్సార్‌సీపీ ఏజెంట్లతో కలిసి బైఠాయించారు. ఆర్వో శ్రీనివాస్‌, ఆర్డీవో చిన్నయ్యతో మాట్లాడిన వైఎస్‌ జగన్‌.. వైఎస్సార్‌సీపీ ఏజెంట్లను అడ్డుకోవడంపై ప్రశ్నించారు. ఎన్నికల అక్రమాలపై ఆయన ఫిర్యాదు చేశారు.‘‘ఎలక్షన్‌ అంటే పోటీ జరగాలి. ఎక్కడ చూసినా టీడీపీ గూండాలే కనబడుతున్నారు. పోలింగ్‌ కేంద్రాల్లో సీసీ కెమెరాలు లేవు’’ అంటూ అధికారులను వైఎస్‌ జగన్‌ నిలదీశారు. ‘‘అధికారులు మౌనంగా ఉంటే ప్రజాస్యామ్యానికే ప్రమాదం. ఇలా జరిగితే వీటిని ఎన్నికలంటారా?. ఎన్నికల్లో అక్రమాలపై ఆధారాలన్నీ ఉన్నాయి. బిహార్‌ పరిస్థితులను ఏపీలో చూస్తున్నాం. మాజీ సీఎం నియోజకవర్గంలో ఈ పరిస్థితులేంటి?’’ అంటూ వైఎస్‌ జగన్‌ ఆగ్రహం వ్యక్తం చేశారు.‘‘పులివెందులలో వాళ్లకు నచ్చినట్టు ఓట్లు వేసుకుంటున్నారు. మాజీ సీఎంను కొట్టామని అనిపించుకోవాలంటే చేయండి. లాఠీఛార్జ్‌ చేస్తారా చేయనీయండి.. అదొక్కటే మిగిలింది. స్వేచ్ఛగా, పారదర్శకంగా ఎన్నికలు ఎందుకు జరపడం లేదు. ఎన్నికలు జరపడానికి చంద్రబాబుకు ఎందుకంత భయం. ప్రతిపక్షానికి అవకాశం ఇవ్వకుండా ఏకగ్రీవాలు చేసుకుంటారా?. బూత్‌లను క్యాప్చర్‌ చేసి రిగ్గింగ్‌ చేసుకుంటున్నారు. ఓడిపోతామనే భయం ఉన్నప్పుడు ఎన్నికలు ఎందుకు?’’ అంటూ వైఎస్‌ జగన్‌ తీవ్రస్థాయిలో మండిపడ్డారు.అంతకుముందు.. వైఎస్సార్‌సీపీ నేతలు ఆందోళనకు దిగారు. ఏజెంట్లను అనుమతించకుండా, దాడులకు దిగడంపై చైర్‌పర్సన్ అభ్యర్థి వైఎస్ ప్రమీలమ్మ, ఇతర అభ్యర్థులు నిరసన చేపట్టారు. రిపోలింగ్ జరిపించాలని డిమాండ్ చేశారు. ఉదయాన్నే బూత్‌లను ఆక్రమించుకుని రిగ్గింగ్ చేసుకున్నారన్న వైఎస్సార్‌సీసీ నేతలు.. ఏజెంట్లు, ఓటర్లు, మీడియా అనేది లేకుండా ఇష్టారీతిన దాడులు చేశారని ఆగ్రహం వ్యక్తం చేశారు.ఆర్వో కార్యాలయంలోకి వెళ్లకుండా అవినాష్ రెడ్డిని పోలీసులు అడ్డుకున్నారు. అభ్యర్థులు వస్తున్నారని తెలిసి ఆర్వో కార్యాలయానికి తాళం వేశారు. జరిగిన అక్రమాలు దేశమంతా చూసిందని.. వెంటనే ఎస్‌ఈసీ చర్యలు తీసుకోవాలని వైఎస్సార్‌సీపీ డిమాండ్‌ చేస్తోంది.ఇదీ చదవండి: వైఎస్‌ జగన్‌పై చంద్రబాబు సర్కార్‌ కుట్రలు

సాక్షి, వైఎస్సార్‌ జిల్లా: వైఎస్సార్‌సీపీ అధినేత, మాజీ ముఖ్యమంత్రి వైఎస్‌ జగన్‌మోహన్‌రెడ్డిపై కూటమి సర్కార్‌ కుట్రలకు తెరలేపింది. పులివెందులలో హెలికాప్టర్‌ ల్యాండింగ్‌కు ఆటంకాలు సృష్టించింది. నిన్న(శనివారం) హెలికాప్టర్‌ ల్యాండింగ్‌కు అనుమతి ఇచ్చిన పోలీసులు.. చివరి నిమిషంలో అధికారులు మాట మార్చారు. మధ్యాహ్నం 2:30 తర్వాతే హెలికాఫ్టర్‌ ల్యాండింగ్‌కు అనుమతిస్తామంటూ కలెక్టర్‌ చెరుకూరి శ్రీధర్‌ కొత్త ఆదేశాలు జారీ చేశారు.అయితే, అప్పటికే బెంగళూరు నుంచి హెలికాఫ్టర్‌లో వైఎస్‌ జగన్‌ బయలేర్దారు. వెనక్కి వెళ్లాలని హెలికాఫ్టర్‌ ఆపరేటర్‌కు అధికారులు ఫోన్‌ చేశారు. ఇంధన కొరతతో పులివెందులలో హెలికాఫ్టర్‌ను పైలట్‌.. ఎమర్జెన్సీ ల్యాండ్‌ చేశారు. ఆఖరి నిమిషంలో అనుమతి ఇవ్వకపోవడంతో వైఎస్సార్‌సీపీ ఆగ్రహం వ్యక్తం చేసింది.పులివెందులలో పచ్చమూకలు అరాచకం సృష్టిస్తున్నారు. మున్సిపల్‌ ఎన్నికల్లో పోలింగ్‌ రోజు అల్లర్లు సృష్టించేందుకు రెండు రోజుల ముందే నుంచే పచ్చ నేతలు కుట్రలకు తెరలేపారు. పులివెందుల, కడప, జమ్మలమడుగులో అరాచకాలు సృష్టించేందుకు అల్లరిమూకలు ఆయా ప్రాంతాల్లో తిష్ట వేశారు. టీడీపీ రౌడీల వైపు.. పోలీసులు కన్నెత్తి కూడా చూడడం లేదు. పోలింగ్‌ బూత్‌లను ఆక్రమించిన టీడీపీ గూండాలు.. ఓటర్లపై బెదిరింపులకు దిగుతున్నారు. ఇదీ చదవండి: డీఎస్పీ బెదిరింపులు.. తిరగబడ్డ మహిళలు

వేంపల్లె: స్థానిక సంస్థల ఎన్నికల్లో ఓటమి భయంతోనే చంద్రబాబు కూటమి ప్రభుత్వం అధికార దుర్వినియోగానికి పాల్పడుతోందని వైఎస్సార్‌సీపీ రాష్ట్ర ప్రధాన కార్యదర్శి ఎస్వీ సతీష్‌కుమార్‌రెడ్డి ఆరోపించారు. పులివెందులలో వైఎస్సార్‌సీపీ అభ్యర్థులను ఎన్నికల ప్రక్రియకు దూరం చేసేందుకు నామినేషన్ల నుంచి పోలింగ్‌ వరకు అడుగడుగునా అడ్డంకులు సృష్టిస్తున్నారని మండిపడ్డారు. వైఎస్సార్‌ కడప జిల్లా వేంపల్లెలో శనివారం ఆయన మీడియాతో మాట్లాడుతూ.. చంద్రబాబు, లోకేశ్‌ తీరుపై తీవ్ర స్థాయిలో ధ్వజమెత్తారు. ప్రజాస్వామ్యంలో అత్యంత దౌర్భాగ్యకర స్థితిలో రాష్ట్రంలో రాజకీయాలు ఉన్నాయని ఆవేదన వ్యక్తం చేశారు. కూటమి నాయకులు ప్రజల్లోకి వెళ్లి ఓట్లు అడిగే ధైర్యం లేక పోలీసు, రెవెన్యూ, ప్రభుత్వ అధికారులు, రాష్ట్ర ఎన్నికల కమిషన్‌ వ్యవస్థలను తమకు అనుకూలంగా ఉపయోగించుకుంటున్నారని ధ్వజమెత్తారు. అధికారం అడ్డుపెట్టుకొని ప్రజల నుంచి లక్షల కోట్ల రూపాయలు ముఖ్యమంత్రి చంద్రబాబు, ఆయన కుమారుడు మంత్రి లోకేశ్‌ దోచుకున్నారని విమర్శించారు. చిన్న వయసులో రాజకీయాల్లోకి వచ్చిన లోకేశ్‌.. మంచి పద్ధతిలో నడుచుకోవాలని హితవు పలికారు. చంద్రబాబు నాయుడు వైఎస్సార్‌సీపీ అధ్యక్షుడు వైఎస్‌ జగన్‌మోహన్‌రెడ్డి కుటుంబ విషయాలను మాట్లాడటం రాష్ట్ర ప్రజలందరూ గమనిస్తున్నారని తెలిపారు. పులివెందులలో వైఎస్సార్‌సీపీ అభ్యర్థులను నామినేషన్లు వేయనివ్వకుండా అడ్డుకోవడం, కార్యకర్తలపై 307 సెక్షన్‌ కింద కేసులు నమోదు చేయడం, అర్ధరాత్రి అరెస్టులు చేయడం వంటి దుర్మార్గ చర్యలకు పాల్పడుతున్నారని ఆగ్రహం వ్యక్తం చేశారు. అల్లరి మూకలకు పోలీసుల రక్షణా?పులివెందులలో పుట్టి పెరిగిన తనకే అక్కడికి వెళ్లవద్దంటూ పోలీసులు నోటీసులు ఇవ్వడం దారుణమని సతీష్‌ కుమార్‌రెడ్డి మండిపడ్డారు. కౌన్సిలర్‌ అభ్యర్థులకు చెందిన లారీలు, మోటార్‌ సైకిళ్లను తగలబెట్టినా కేసులు నమోదు చేయకపోవడం పోలీసుల ద్వంద్వ వైఖరికి నిదర్శనమన్నారు. మరోవైపు వైఎస్సార్‌సీపీ నాయకులు, కార్యకర్తలపై మాత్రం అక్రమ కేసులు బనాయిస్తున్నారని ఆవేదన వ్యక్తం చేశారు. కూటమి నాయకులు, అల్లరి మూకలను ప్రొద్దుటూరు, జమ్మలమడుగు, కమలాపురం తదితర ప్రాంతాల నుంచి స్వేచ్ఛగా పులివెందులకు రప్పించడం.. పోలీసులు వారికి రక్షణ కల్పించడం ఎంత వరకు సమంజసమని నిలదీశారు. పోలీసుల ప్యాకేజీలపై విచారణ జరిపించాల్సిన అవసరం ఉందన్నారు. పులివెందులలో సుమారు 2 వేల మంది పోలీసులను మోహరించడంపై అనుమానాలు వ్యక్తం చేశారు. డీఎస్పీకి రూ.25 లక్షలు, సీఐకి రూ.10 లక్షలు, ఎస్‌ఐకి రూ.5 లక్షల చొప్పున ప్యాకేజీలు ఇచ్చారనే సమాచారం ఉందన్నారు. ఈ ఆరోపణలపై సమగ్ర విచారణ జరిపి వాస్తవాలను వెలుగులోకి తేవాలని డిమాండ్‌ చేశారు. వైఎస్‌ జగన్‌ రాజకీయ ప్రభావాన్ని తగ్గించేందుకు ఎన్ని కుట్రలు చేసినా ప్రజల మద్దతును దూరం చేయలేరన్నారు.ప్రజాస్వామ్యంపై జరుగుతున్న దాడులను ఓటు అనే ఆయుధంతో తిప్పికొట్టాలని ప్రజలకు పిలుపునిచ్చారు. ఈ కార్యక్రమంలో మాజీ జెడ్పీటీసీ సభ్యులు రవికుమార్‌ రెడ్డి, షబ్బీర్‌ వలి, వైఎస్సార్‌సీపీ మండల కన్వీనర్‌ చంద్ర ఓబుల్‌ రెడ్డి, మండల ఉపాధ్యక్షుడు మునీర్‌ బాష, పార్టీ నేతలు రవిశంకర్‌ గౌడ్, మాజీ సర్పంచ్‌ విష్ణువర్ధన్‌ రెడ్డి, తదితరులు పాల్గొన్నారు.

సాక్షి, అమరావతి: తనను తాను విజనరీగా చెప్పుకునే చంద్రబాబు ఓటు వేయకముందే ఎన్నికలను ఎలా ఖూనీ చేయొచ్చో రాష్ట్రానికి చూపించారు. రక్తపాతం, రౌడీయిజం, అధికార దుర్వినియోగంతో ప్రతిపక్ష అభ్యర్థులను బరిలోకి రానివ్వకుండా అడ్డుకుని, ఇప్పుడు పోలింగ్‌ బూత్‌లపై కన్నేశారు. తాను ప్రజాస్వామ్య రక్షకుడినని కలరింగ్‌ ఇచ్చుకుంటూనే ప్రజాస్వామ్య భక్షకుడిగా మారారు.నామినేషన్‌ కేంద్రాలే రణరంగాలునామినేషన్ల పర్వంలో వైఎస్సార్‌సీపీ ముఖ్య నేతలను ముందుగానే గృహ నిర్బంధం చేశారు. బైండోవర్‌ కేసులు పెట్టారు. నామినేషన్‌ కేంద్రాల వద్ద టీడీపీ కార్యకర్తలు గుంపులుగా తిరిగేందుకు అనుమతిచ్చి, వైఎస్సార్‌సీపీ అభ్యర్థి వెంట ఇద్దరు ముగ్గురినే పంపారు. ఆ అదనుతో టీడీపీ మూకలు దాడులు చేశా­యి. నామినేషన్‌ పత్రాలు లాక్కుని చించేశాయి. మహిళా అభ్యర్థులనూ వదల్లేదు. పోలీసులు, ఆర్వో­ల కళ్లెదుటే ఎంపీలు, మాజీ మంత్రులపైనా దాడులు జరిగినా అధికారులు చూస్తూ ఉండిపోయారు.ప్రతిపక్షం పేరుతో నకిలీలుటీడీపీ సానుభూతిపరులే తాము వైఎస్సార్‌సీపీ అభ్యర్థులమంటూ నామినేషన్లు వేశారు. అసలు అభ్యర్థులను అడ్డుకుని, నకిలీలను నిలబెట్టి.. అందరికీ పోటీ అవకాశం దక్కిందన్న భ్రమ కల్పించారు. అధికారిక అభ్యర్థిని తేల్చే ఫారం–ఏ, బీలనూ అధికారులు పట్టించుకోలేదు.స్క్రూటినీలో కుట్ర.. ఫోర్జరీతో ఉపసంహరణబెదిరింపులకు లొంగని వారి నామినేషన్లను చిన్నచిన్న సాకులతో తిరస్కరించారు. సమర్పించిన ధ్రువపత్రాలు మాయం చేసి పత్రాలు లేవనే సాకుతో వేటు వేశారు. మరికొన్నిచోట్ల అభ్యర్థులకు తెలియకుండానే సంతకాలు ఫోర్జరీ చేసి ఉపసంహరణ పత్రాలు ఇచ్చారు. వాటిని అధికారులు గుడ్డిగా ఆమోదించారు.ఇప్పుడు బూత్‌ల ఆక్రమణకు స్కెచ్‌...నామినేషన్ల సమయంలో ఇన్ని అరాచకాలు చేసి ఆదివారం పోలింగ్‌ రోజు మరింత రాక్షసకాండకు స్కెచ్‌ వేశారు. బూత్‌ క్యాప్చరింగ్‌కు పక్కా ప్రణాళిక సిద్ధమైనట్లు క్షేత్రస్థాయి పరిస్థితులను చూస్తే ఇట్టే తెలిసిపోతోంది. పోలింగ్‌ కేంద్రాల్లో వైఎస్సార్‌సీపీ ఏజెంట్లు లేకుండా చేసి, బూత్‌లను గూండాల చేతుల్లో పెట్టేందుకు ఏజెంట్ల నియామక నిబంధనలనే మార్చేశారు. వైఎస్సార్‌సీపీ అధినేత, మాజీ ముఖ్యమంత్రి వైఎస్‌ జగన్‌ నియోజకవర్గంలోని పులివెందులకు ప్రొద్దుటూరు, జమ్మలమడుగు, కమలాపురం తదితర ప్రాంతాల నుంచి తెల్లవారుజామునే రౌడీమూకలను, కిరాయి గూండాలను తరలించారు. పల్నాడు జిల్లా మాచర్లలో వైఎస్సార్‌సీపీ ఏజెంట్ల ఫారాలు తీసుకోకుండా అడ్డుకుంటున్నారన్న ఆరోపణలు వచ్చాయి. ఈ నేపథ్యంలో ప్రతి బూత్‌లో సీసీ ఫుటేజీ రికార్డు చేయాలని సుప్రీంకోర్టు ఆదేశించినా రాష్ట్ర ఎన్నికల కమిషనర్‌ సమయం లేదని చేతులెత్తేయడం చంద్రబాబు అక్రమాలకు గేట్లు బార్లా తెరిచినట్టయింది.గెలుపుపై నమ్మకం ఉంటే భయమెందుకు?ప్రజల మద్దతు తమకే ఉందని చంద్రబాబుకు నమ్మకం ఉంటే..ప్రతిపక్ష అభ్యర్థులను ఎందుకు అడ్డుకుంటున్నారనే దానికి నేటికీ సమాధానం లేదు.

‘టీడీపీ కూటమికి ఎందుకు ఓటు వేయాలి చంద్రబాబూ...?’రాష్ట్ర ప్రజానీకం సూటిగా అడుగుతున్న ప్రశ్న ఇదీ...!‘రెండున్నరేళ్లలో మీరు ఏం చేశారని మున్సిపల్, స్థానిక సంస్థల ఎన్నికల్లో ఓటు వేయాలి...?’వెల్లువెత్తుతున్న ప్రజా చైతన్యం కూటమి సర్కార్‌ను కుదిపి వేస్తున్న ప్రశ్న ఇదీ... సాక్షి, అమరావతి: సర్వత్రా వెల్లువెత్తుతున్న ప్రజాగ్రహంతో ఉక్కిరిబిక్కిరి అవుతున్న సీఎం చంద్రబాబు నుంచి కనీస స్పందన లేకపోగా ఉప ముఖ్యమంత్రి పవన్‌ కల్యాణ్‌ కిమ్మనడం లేదు. మున్సిపల్‌ ఎన్నికల్లో ఓటర్లకు సమాధానం చెప్పలేక ముఖం చాటేస్తున్నారు. ఇదిగో..! ఇది చేశాం కాబట్టి మాకు ఓటు వేయండి! అని ఒక్క మాట చెప్పలేక చల్లగా జారుకుంటున్నారు. రాష్ట్రంలో పోలీసు మార్కు గూండాయిజం, టీడీపీ రౌడీమూకలతో బీభత్సం సృష్టించి బలవంతంగా చేయించుకున్న ఏకగ్రీవాలపై ప్రజలు సూటిగా నిలదీస్తుండటంతో ప్రభుత్వ పెద్దలు బెంబేలెత్తుతున్నారు. మరోవైపు పచ్చముఠాల అరాచకాలు, దౌర్జన్య కాండకు ఎదురొడ్డి రాష్ట్రంలో మెజార్టీ స్థానాల్లో స్థానిక ఎన్నికల్లో వైఎస్సార్‌సీపీ అభ్యర్థులు ధీరోదాత్తంగా బరిలో నిలిచారు. ఆదివారం మున్సిపల్‌ ఎన్నికల పోలింగ్‌ జరగనున్న నేపథ్యంలో పట్టణ ఓటర్లు తీర్పు చెప్పేందుకు సిద్ధమయ్యారు. ప్రజాభిప్రాయాన్ని బ్యాలెట్‌ బాక్సులో నిక్షిప్తం చేయనున్నారు. అధికారాన్ని దుర్వినియోగం చేయకుండా.. ప్రజాస్వామ్యయుతంగా, నిష్పక్షపాతంగా ఎన్నికల ప్రక్రియ నిర్వహిస్తే అసలు సిసలైన ప్రజా తీర్పు వెలువడుతుంది. అందుకే ఎంతటి విధ్వంసమైనా సృష్టించి ఎన్నికల అక్రమాలకు బరి తెగించాలని చంద్రబాబు ముఠా కుట్రలకు పదును పెడుతోంది.పోలింగ్‌ ముంగిట సామాన్య ఓటరు అడుగుతున్న ఒకే ఒక ప్రశ్న సర్వత్రా చర్చనీయాంశంగా మారింది. అసలు టీడీపీ కూటమికి ఎందుకు ఓటు వేయాలి..? రాష్ట్రంలో 28 నెలలుగా సాగుతు­న్న టీడీపీ సర్కార్‌ అసమర్థ, అవినీతి, అరాచక పాలనను ఆమోదించటానికి కూటమికి ఓటు వేయాలా? అని ప్రజలు నిగ్గదీస్తున్నారు. ప్రజలు అంటే మరీ అంత చులకనా? అని ఆగ్రహావేశాలు వ్యక్తం చేస్తున్నారు. దీనికి జవాబు చెప్పే ధైర్యం లేక చంద్రబా­బు తనకు అలవాటైన రీతిలో కుట్రపూరిత రాజకీయాలకు పదును పెడుతున్నట్లు పరిశీలకులు విశ్లేషిస్తున్నారు.నామినేషన్లు కూడా వేయనివ్వకుండా..రెండున్నరేళ్ల పాలనలో పూర్తిగా వైఫల్యం చెందిన చంద్రబాబు ఎన్నికలు అంటేనే హడలెత్తిపోతున్నారు. తప్పనిసరి పరిస్థితుల్లో మున్సిపల్, స్థానిక సంస్థల ఎన్నికలు నిర్వహించాల్సి రావడంతో దండోపాయానికి తెరతీశారు. పోలీసు యంత్రాంగాన్ని టీడీపీ రౌడీమూకల మాదిరిగా తయారు చేసి అరాచకాలకు తెర తీశారు. బెదిరింపులు, దాడులు, విధ్వంసానికి తెగబడ్డారు. డీజీపీ నుంచి ఎస్సై వరకూ యావత్తు పోలీసు యంత్రాంగం టీడీపీ గూండాగిరీకి ఊడిగం చేసిందన్నది బహిరంగ రహస్యంగా మారింది. ఇక రాష్ట్ర ఎన్నికల కమిషనర్‌ కార్యాలయం టీడీపీ ప్రధాన కార్యాలయంగా మారిపోయిందన్నది నగ్న సత్యం. వైఎస్సార్‌సీపీ అభ్యర్థులు నామినేషన్లు కూడా వేయకుండా అడ్డుకునేందుకు పోలీసులు, ఇతర అధికార యంత్రాంగాన్ని నిస్సిగ్గుగా దుర్వినియోగం చేశారు. టీడీపీ గూండాలు కాలకేయుల మాదిరిగా మారణాయుధాలతో విరుచుకుపడ్డారు. టీడీపీ వీర విధేయ పోలీసులు అధికారిక రౌడీలుగా మారి ప్రభుత్వ ప్రాయోజిత రౌడీయిజా­నికి తెగబడ్డారు. టీడీపీ గూండాలు, కూటమి ప్రభుత్వం పెంచి పోషిస్తున్న గంజాయి బ్యాచ్‌ల దాడులు, దౌర్జన్యాలు, హత్యా యత్నాలు అడ్డూ అదుపూ లేకుండా సాగాయి. ఎన్నికల కమిషనర్‌ నుంచి కలెక్టర్లు, జేసీలు, ఆర్డీవోలు, తహశీల్దార్లు, మున్సిపల్‌ కమిషనర్లు... ఇలా మొత్తం అధికార యంత్రాంగం టీడీపీ ఎన్నికల అక్రమాలకు వత్తాసు పలికింది. రాయలసీమ, నెల్లూరు, ప్రకాశం, పల్నాడు జిల్లాల్లో టీడీపీ మూకలు విచ్చలవిడిగా దాడులు, దౌర్జన్యాలకు తెగబడ్డాయి. ఇతర జిల్లాల్లోనూ టీడీపీ రౌడీయిజం వెర్రితలలు వేసింది. అటు శ్రీకాకుళం నుంచి ఇటు సత్యసాయి జిల్లా వరకు టీడీపీ రౌడీలు, పచ్చ ఖాకీ మూకలు యథేచ్ఛగా సాగించిన విధ్వంసకాండ చూసి యావత్‌ దేశం నివ్వెరపోయింది. ఇప్పటికే రూ.2,06,744.46 కోట్లు ఎగ్గొట్టినందుకు ఓటేయాలా?కూటమి ప్రజా కంటక పాలనతో విసుగెత్తిపోయిన ప్రజానీకం స్థానిక ఎన్నికల పోలింగ్‌ ముంగిట సూ­టి­గా సంధిస్తున్న ప్రశ్నలు చంద్రబాబును కలవరపాటుకు గురి చేస్తున్నాయి. టీడీపీ కూటమి ఎన్నికల మేనిఫెస్టోలోని హామీలు, సూపర్‌ సిక్స్‌లను గుర్తు చూస్తూ ఎందుకు నెరవేర్చలేదని నిలదీస్తున్నారు. సూపర్‌ సిక్స్‌ పథకాలు అమలు చేయకుండా చంద్రబాబు ప్రభుత్వం ఇప్పటికే రూ.2,06,744.46 కోట్ల మేర ప్రజలకు ఎగ్గొట్టి దారుణంగా వంచించింది. విద్యార్థులు, ఉద్యోగులకు దగారూ.40 వేల కోట్ల బకాయిల సంగతేంటన్న ఉద్యోగుల ప్రశ్నకు కూటమి అభ్యర్థుల నుంచి సమాధానం కరువైంది. ఐఆర్‌ లేదు.. ఐదు డీఏలు పెండింగ్‌.. పైగా వేధింపులంటూ ఆగ్రహం వ్యక్తం చేస్తున్నారు. ‘ఫీజు రీయింబర్స్‌మెంట్‌ అసలే లేదు.. వసతి దీవెనా లేదని.. కూటమి ప్రభుత్వ నిర్వాకం వల్ల చదువులు మానేయాల్సి వస్తుంది’ అని విద్యార్థులు తీవ్ర ఆవేదన వ్యక్తం చేశారు.చంద్రబాబు సర్కార్‌ దారుణ వైఫల్యాలు, మోసాలను నిలదీస్తూ ప్రజలు సంధిస్తున్న కొన్ని ప్రశ్నలివీ...!సూపర్‌ సిక్స్‌ పేరిట నిలువునా మోసం..» ఇప్పటికే ప్రజలకు రూ.2.06 లక్షల కోట్లు ఎగవేత, సూపర్‌ సిక్స్, సూపర్‌ సెవెన్‌ హామీల పేరిట చంద్రబాబు మోసాలపై ప్రజలు మండిపడుతున్నారు. హామీలిచ్చి అమలు చేయనందుకు ఓటు వేయాలా బాబూ? అని ఆగ్రహం వ్యక్తం చేస్తున్నారు. ఒక్కో పథకాన్ని లెక్కలతో గుర్తు చేసి చంద్రబాబు మోసాలను ఎండగడుతున్నారు. » 2024 జనవరి నాటికి రాష్ట్రంలో 66.34 లక్షల మంది పింఛన్‌దారులు ఉంటే... 2026 అక్టోబరులో కూటమి ప్రభుత్వం 60.13 లక్షలమందికే పింఛన్‌ పింపిణీ చేసింది. అంటే చంద్రబాబు వచ్చాక ఏకంగా 6.21 లక్షల మంది పింఛన్లను రద్దు చేశారన్నది స్పష్టమవుతోంది. » 20 లక్షల మందికి ఉద్యోగాలు ఇస్తాం... ఇవ్వలేకపోతే నెలకు రూ.3 వేలు చొప్పున నిరుద్యోగ భృతి ఇస్తామన్న హామీని చంద్రబాబు గాలికి వదిలేశారు. రాష్ట్రంలో 20 లక్షల మంది నిరుద్యోగులకు నెలకు రూ.3 వేలు చొప్పున ప్రతి నెలా రూ.600 కోట్లు చెల్లించాలి. కానీ చంద్రబాబు ప్రభుత్వం 2024–25, 2025–26, 2026–27 బడ్జెట్‌లలో నిరుద్యోగ భృతికి ఒక్క రూపాయి కూడా కేటాయించలేదు. అంటే మూడేళ్లలో రా­ష్ట్రంలో నిరుద్యోగులను కూటమి ప్రభుత్వం ఏ­కంగా రూ.21,600 కోట్ల మేర మోసం చేసింది!» 18 నుంచి 59 ఏళ్ల మధ్య ఉన్న మహిళలకు ఆడబిడ్డ నిధి పథకం కింద ఏటా రూ.18 వేలు చొప్పున ఇస్తామన్న హామీని చంద్రబాబు తుంగలో తొక్కారు. హామీ ప్రకారం రాష్ట్రంలో 1.80 కోట్ల మంది మహిళలకు ఏడాదికి రూ.32,400 కోట్లు ఇవ్వాలి. కానీ మూడేళ్లుగా బడ్జెట్‌లో పైసా కేటాయించకుండా కూటమి ప్రభుత్వం మొత్తం రూ.97,200 కోట్లు మహిళలకు ఎగ్గొట్టింది. » ఎస్సీ, ఎస్టీ, బీసీ, మైనార్టీలకు 50 ఏళ్లకే పింఛన్‌ ఇస్తామన్న హామీ కూడా నీటిమూటే అయ్యింది. ఆ కేటగిరీలో రాష్ట్రంలో 20 లక్షల మందికిపైగా ఉన్నారు. వారికి నెలకు రూ.4 వేలు చొప్పున ఏడాదికి రూ.9,600 కోట్లు ఇవ్వాలి. కానీ మూడేళ్లలో ఒక్క రూపాయి కూడా కేటాయించలేదు. తద్వారా మూడేళ్లలో మొత్తం రూ.28,800 కోట్లు ఎగ్గొట్టారు.» తల్లికి వందనం పథకం అమలులో చంద్రబాబు తన వక్రబుద్ధిని చూపారు. ఎంతమంది పిల్లలు ఉంటే అంతమందికీ ఏడాదికి రూ.15,000 చొప్పున ఆర్థిక సహాయం చేస్తామని కూటమి హామీ ఇచ్చింది. రాష్ట్రంలో 87,41,885 మంది పిల్లలు చదువుతున్నారు. ఏడాదికి రూ.15 వేలు చొప్పున మొత్తం రూ.13,112.82 కోట్లు పంపిణీ చేయాలి. కానీ చంద్రబాబు అధికారంలోకి వచ్చిన తొలి ఏడాది 2024–15లో ఈ పథకం అమలు చేయకుండా డబ్బులు ఎగ్గొట్టారు. ఇక 2025–26లో 67,27,124 మందికి రూ.10,090 కోట్లు పంపిణీ చేశామని సీఎం చంద్రబాబే స్వయంగా ప్రకటించారు. కానీ వాస్తవానికి ఇప్పటికీ 66 లక్షల మందికి రూ.6,377 కోట్లు మాత్రమ చెల్లించారు. అంటే ఒక్కొక్క విద్యార్థికి రూ.8 వేలు, రూ.9 వేలు, రూ.10 వేలు చొప్పునే చెల్లించినట్టు స్పష్టమవుతోంది. ఇక 2026–27లో జమ చేస్తోంది దాదాపు రూ.6,377 కోట్లే. అంటే ఈ పథకం కింద ఇప్పటికే తల్లులకు ప్రభుత్వం రూ.26,554 కోట్లు బకాయి పెట్టి నిలువునా మోసం చేసింది. » రైతులను చంద్రబాబు ప్రభుత్వం నిలువునా ముంచేసింది. కేంద్ర పథకం పీఎం కిసాన్‌తో నిమిత్తం లేకుండా అన్నదాతా సుఖీభవ కింద ఒక్కో రైతుకు ఏడాదికి రూ.20 వేలు చొప్పున పెట్టుబడి సహాయం అందిస్తామని ఎన్నికల ముందు చంద్రబాబు హామీ ఇచ్చారు. రాష్ట్రంలో 53,58,266 మంది రైతులు ఉన్నారు. వారికి ఏడాదికి రూ.10,716.53 కోట్లు పెట్టుబడి సహాయం కింద అందించాలి. మూడేళ్లలో మొత్తం రూ.32,149.59 కోట్లు కేటాయించాలి. కానీ తొలి ఏడాది ఇవ్వకుండా ఎగ్గొట్టారు. 2025–26లో 46,85,838మంది రైతులకు ఒక్కొక్కరికీ రూ.14 వేలే ఇచ్చారు. 2026–27లో 46.85 లక్షల మంది రైతులకు సగటున రూ.పది వేలే విదిల్చారు. చంద్రబాబు ప్రభుత్వం రైతులకు అన్నదాతా సుఖీభవ కింద ఇప్పటికి రూ.20,905 కోట్లు బకాయి పెట్టింది. ఇక కౌలు రైతులకు పూర్తిగా సాయాన్ని ఎగ్గొట్టింది. » దీపం పథకం కింద రాష్ట్రంలో 1,59,20,000 గ్యాస్‌ కనెక్షన్లు ఉన్నాయి. ఏడాదికి మూడు సిలిండర్లు ఉచితంగా ఇస్తామని చంద్రబాబు హామీ ఇచ్చారు. సిలిండర్‌ ధర రూ.855. ఆ లెక్కన ఏడాదికి మూడు సిలిండర్ల చొప్పున ఇవ్వలంటే రూ.4,083.48 కోట్లు కేటాయించాలి. కానీ తొలి ఏడాది ఒక సిలిండర్‌ చొప్పున మాత్రమే రూ.865 కోట్లు ఇచ్చారు. అంటే రూ.3,218.48 కోట్లు ఎగ్గొట్టారు. ఇక 2025–26 బడ్జెట్‌లో ఈ పథకం కోసం రూ.2,601 కోట్లు కేటాయించారు. అంటే రెండో ఏడాది రూ.1,482.48 కోట్లు బకాయి పెట్టారు. 2026–27 బడ్జెట్‌లో రూ.2,601 కోట్లే కేటాయించారు. తద్వారా మూడేళ్లలో మొత్తం రూ.6,143.96 కోట్ల మేర కూటమి ప్రభుత్వం దీపం లబ్ధిదారులను మోసం చేసింది. » మహిళలు అందరికీ ఉచిత బస్సు ప్రయాణ పథకం అంటూ కూటమి ప్రభుత్వం మరో మో­సం చేసింది. ఈ పథకం అమలు కోసం ఏడాదికి రూ.3,200 కోట్లు కేటాయించాలి. 2024–25లో అసలు ఈ పథకం అమలు చేయలేదు. 2025 ఆగస్టు 15 నుంచి అమలు చేస్తున్నట్టు ప్రకటించినా కనికట్టు చేశారు. మొత్తం 16 రకాల ఆర్టీసీ బస్‌ సర్వీసులు ఉండగా కేవలం 5 రకాల సర్వీ­సుల్లోనే ఈ పథకం వర్తింపజేశారు. తద్వారా మ­హిళలను సైతం చంద్రబాబు మోసం చేశారు. బెదిరింపులు.. కిడ్నాప్‌లు.. ఫోర్జరీలు..స్థానిక ఎన్నికల్లో వార్డు సభ్యులు, ఎంపీటీసీ సభ్యులు, జెడ్పీటీసీ సభ్యులు, మున్సిపల్‌ చైర్మన్‌ స్థానాలకు వైఎస్సార్‌సీపీ అభ్యర్థులు నామినేషన్లు కూడా వేయకుండా అడ్డుకునేందుకు పచ్చముఠాలు బరితెగించి దాడులకు పాల్పడ్డాయి. ఆయుధాలు చేతబట్టి విధ్వంసం సాగించిన టీడీపీ గూండాలకు పోలీసులు వెన్నుదన్నుగా నిలిచి ప్రజాస్వామ్యం పీక నులిమారు. ఈ దౌర్జన్యాలకు ఎదురొడ్డి నామినేషన్లు వేసిన వైఎస్సార్‌సీపీ అభ్యర్థులపై టీడీపీ రౌడీమూకలు విరుచుకుపడ్డాయి. విపక్ష అభ్యర్థులు, వారి కుటుంబ సభ్యులను బెదిరించి... కిడ్నాప్‌లకు పాల్పడి మరీ నామినేషన్లు ఉపసంహరించుకునేలా చేశారు. కొన్నిచోట్ల అధికారులే ఫోర్జరీ సంతకాలతో విపక్ష అభ్యర్థుల నామినేషన్లు ఉపసంహరించడం ఎన్నికల అక్రమాలకు పరాకాష్ట. శాంతియుత జిల్లాగా పేరుపొందిన శ్రీకాకుళంలో ఐదుగురు వైఎస్సార్‌సీపీ ఎంపీటీసీ అభ్యర్థుల సంతకాలను ఫోర్జరీ చేసి నామినేషన్లు ఉపసంహరించుకున్నట్లు ప్రకటించడం దీనికి మచ్చుతునక. ఇక వైఎస్సార్‌సీపీ అభ్యర్థులకు నేరుగా పోలీసు అధికారులే ఫోన్లు చేసి మరీ నామినేషన్లు ఉపసంహరించుకోవాలని ఒత్తిడి చేయడం వ్యవస్థల దిగజారుడుతనానికి నిదర్శనం. గూడూరు డీఎస్పీ నరసింహమూర్తి, నెల్లూరు సీఐ సీతారాం తదితరులు వైఎస్సార్‌సీపీ నేతలను బెదిరించిన ఆడి­యో రికార్డులు వెలుగులోకి రావడం చంద్రబాబు ప్రభుత్వ బరితెగింపును బట్టబయలు చేసింది. రాష్ట్రంలో టీడీపీ కూటమికి అన్ని స్థానాలు ఏకగ్రీవమయ్యాయి... ఇన్ని స్థానాలు ఏకగ్రీవమయ్యాయంటూ చంద్రబాబు చెప్పుకుంటున్న మాటల వెనుక లోగుట్టు, కుతంత్రం ఇదే!రెడ్‌బుక్‌ అరాచకం... కాలకేయుల పైశాచికం2024 వరకూ ప్రశాంతంగా ఉన్న రాష్ట్రాన్ని రావణకాష్టంగా చేసినందుకు కూటమి ప్రభుత్వానికి ఓటు వేయాలా? అని ప్రజలు చంద్రబాబును నిగ్గదీసి అడుగుతున్నారు. కాలకేయు­ల రాక్షసత్వాన్ని తలదన్నేలా కూటమి పార్టీల గూండాలు సాగిస్తున్న దారుణాలు, మారణకాండను గుర్తు చేస్తున్నారు. రాష్ట్రంలో చంద్రబాబు రెడ్‌బుక్‌ పాలన అరాచకం సృష్టిస్తోంది. 28 నెలల్లో ఏకంగా 1,002 హత్యలు జరగడం రాష్ట్రంలో దిగజారిన శాంతిభద్రతలకు నిదర్శనం. వాటిలో 31 రాజకీయ హత్యలే. మహిళలపై అత్యాచారాలతో రాష్ట్రం హడలెత్తిపోతోంది. రెండున్నరేళ్లలో 379 మంది మహిళలు, బా­లికలపై అత్యాచారాల ఘటనలు దిగ్భ్రాంతికర వాస్తవం. వీరిలో 17 మందిపై హత్యాచారాలు వెలుగులోకి వచ్చాయి. ఇక రెడ్‌బుక్‌ వేధింపులు, దాడులు, దౌర్జన్యాలు, విధ్వంసకాండ అంతూ పొంతూ లేకుండా సాగుతోంది. ఇప్పటికే 10 వేలకు పైగా దాడులు, దౌర్జన్యాలకు తెగబడటం రాష్ట్రంలో కొనసాగుతున్న విధ్వంసకర పాలనకు తార్కాణం. కూటమికి ఓటు వేయడం ద్వారా తాము ఆ అరాచకాలకు ఆమోదముద్ర వేయాలా? అని ప్రజలు నిలదీస్తున్నారు.» రాష్ట్ర చరిత్రలో ఎన్నడూ లేని రీతిలో ప్రభుత్వ ఉపాధ్యాయుల నియామకాల్లో చంద్రబాబు ప్రభుత్వం బరితెగించి అక్రమాలకు పాల్పడింది. మంత్రి లోకేశ్‌ సర్వం తానై ఈ భారీ కుంభకోణానికి కర్త, కర్మ, క్రియగా నిలిచారు. స్పోర్ట్స్‌ కోటా ముసుగులో రాత పరీక్ష అవసరం లేకుండా ఉపాధ్యాయ పోస్టులు కట్టబెట్టేందుకు జీవో జారీ చేశారు. అనంతరం నకిలీ స్పోర్ట్స్‌ సర్టిఫికెట్లతో ఉపాధ్యాయ పోస్టులను అమ్ముకున్నారు. టీడీపీ ఎంపీ ఎం.శ్రీభరత్, మంత్రి టీజీ భరత్, టీడీపీ ఎమ్మెల్యే కూన రవి కుమార్, శాప్‌ చైర్మన్‌ రవి నాయుడు... ఇలా మొత్తం లోకేశ్‌ కోటరీనే డీఎస్సీ స్కామ్‌ను సాగించింది. దీనిపై నిలదీసిన నిరుద్యోగ యువతను అక్రమ కేసులతో వేధించారు. ఉద్యోగ నియామకాల్లో ఇంతటి దారుణమైన అక్రమాలకు పాల్పడిన కూటమి ప్రభుత్వానికి ఎందుకు ఓటు వేయాలి? అని ప్రజలు నిలదీస్తున్నారు. కూటమికి ఓటు వేస్తే డీఎస్సీ అక్రమాలను సమ్మతించినట్టు అవుతుంది కదా అని ప్రశ్నిస్తున్నారు. » అన్నదాతలను చంద్రబాబు ప్రభుత్వం నిలువునా ముంచేసింది. ఉచిత పంటల బీమాను ఎత్తేశారు. సున్నా వడ్డీకి చాపచుట్టేశారు. రెండున్నరేళ్లుగా ఏ ఒక్క పంటకూ మద్దతు ధర లేకున్నా రైతులను ఆదుకునేందుకు కనీస ప్రయత్నం చేయలేదు. దాదాపు 18 సార్లు ప్రకృతి వైపరీత్యాలు విరుచుకుపడి లక్షలాది ఎకరాల్లో పంటలు దెబ్బతిన్నా ఏ ఒక్క రైతుకు పైసా పరిహారం ఇవ్వలేదు. రెండున్నరేళ్లుగా రైతులకు పంటల బీమా పరిహారం కూడా అందకుండా మోకాలడ్డారు. ఇంతటి అమానవీయ ప్రభుత్వానికి మద్దతు తెలిపేందుకు తాము కూటమికి ఓటు వేయాలా? అని ప్రజలు విరుచుకుపడుతున్నారు. » రాష్ట్రంలో మద్యం, సారాయి, డ్రగ్స్‌ మాఫియా బరితెగించి దోపిడీ సాగిస్తోంది. మరెందుకు మీకు ఓటు వేయాలని చంద్రబాబును ప్రజలు నిలదీస్తున్నారు. మాజీ సీఎం వైఎస్‌ జగన్‌మోహన్‌రెడ్డి భూస్థాపితం చేసిన మద్యం సిండికేట్‌ భూతాన్ని చంద్రబాబు మళ్లీ బయటకు తీశారు. టీడీపీ సిండికేట్‌ రాష్ట్రంలో మద్యం దుకాణాలను ఏకపక్షంగా సొంతం చేసుకుని ఏటా రూ.5 వేల కోట్ల దోపిడీకి పాల్పడుతోంది. పర్మిట్‌ రూమ్‌లు, లక్షకు పైగా బెల్ట్‌ దుకాణాలతో ఊరూవాడా మద్యం ఏరులై పారుతోంది. టీడీపీ పెద్దలు రాష్ట్రంలో నకిలీ మద్యం రాకెట్‌ను వ్యవస్థీకృతం చేశారు. అన్నమయ్య జిల్లా ములకల చెరువులో బయటపడిన నకిలీ మద్యం దందా వెనుక టీడీపీ పెద్దలే ఉన్నారని వెల్లడైంది. వైఎస్సార్‌సీపీ హయాంలో రాష్ట్రంలో గంజాయి దందాను రూపుమాపింది. టీడీపీ కూటమి ప్రభుత్వం రాగానే ఏఎస్‌ఆర్‌ జిల్లాలో గంజాయి సాగు మళ్లీ జోరందుకుంది. ఏకంగా డోర్‌ డెలివరీ సాగిస్తూ గంజాయి, డ్రగ్స్‌ దందా యథేచ్ఛగా సాగుతోంది. టీడీపీ పెద్దల కుటుంబాలే వెన్నుదన్నుగా గంజాయి మాఫియా ఏటా రూ.10 వేల కోట్ల దోపిడీకి పాల్పడుతోంది. రాష్ట్రంలో కాలేజీలు, యూనివర్సిటీల వరకూ గంజాయి సరఫరా చెయిన్‌ను విస్తరించినందుకా టీడీపీకి ఓటు వేయాలి అని ప్రజలు నిలదీస్తున్నారు. యువత, భావి తరాల ఉజ్వల భవిష్యత్‌ను నాశనం చేస్తున్న టీడీపీ కూటమి మాఫియా ఆగడాలను సమ్మతించాలా...? అందుకే కూటమికి ఓటు వేయాలా? అని ప్రజలు ఆగ్రహావేశాలు వ్యక్తం చేస్తున్నారు. » రాష్ట్రంలో పారిశ్రామికాభివృద్ధి పూర్తిగా పడకేసింది. మరోవైపు చంద్రబాబు, లోకేశ్‌ బినామీలకు పరిశ్రమల పేరుతో ప్రభుత్వ భూములను ధారాదత్తం చేస్తున్నారు. రాష్ట్ర ఆర్థిక రాజధాని విశాఖపట్నంలో గంపగుత్తగా భూములను 99 పైసలకే కట్టబెట్టడం విభ్రాంతి కలిగిస్తోంది. ఆంధ్ర ప్రదేశ్‌లో కూటమి ప్రభుత్వం ఆర్థిక ఉగ్రవాదానికి బరితెగిస్తోందని జాతీయ స్థాయిలో విమర్శలు వెల్లువెత్తుతున్నాయి. కూటమి పెద్దలు రెవెన్యూ రికార్డులను తారుమారు చేస్తూ భూకుంభకోణాలకు తెగబడుతున్నారు. ఈ భూదందాలకు ఆమోదం తెలిపేందుకు తాము టీడీపీ కూటమికి ఓటు వేయాలా అని ప్రజలు ప్రశ్నిస్తున్నారు. » చంద్రబాబు ప్రభుత్వ అసమర్థ పాలనతో సామాన్యుడి జీవనం దుర్భరంగా మారింది. ధరలు ఆకాశాన్ని అంటుతున్నాయి. టీడీపీ సిండికేట్‌ కృత్రిమ కొరత సృష్టించి మరీ ధరలను అమాంతంగా పెంచేసి దోపిడీకి పాల్పడుతోంది. కేజీ బియ్యం రూ.100కు చేరడం గమనార్హం. దాంతోపాటు కిలో కందిపప్పు రూ.190, చింతపండు రూ.­350కు చేరితే ఇక ఏం కొనాలి... ఏం తినాలి? అని పేద, మధ్యతరగతి వర్గాలు వాపోతున్నాయి. లీటర్‌ పెట్రోల్‌ రూ.117కు చేరింది. అధికారంలోకి వస్తే వంద రోజుల్లో నిత్యావసర వస్తువులు, పెట్రో ధరలు తగ్గిస్తామని చంద్రబాబు ఎన్నికల ముందు నమ్మబలికారు. కానీ ప్రస్తుతం ధరలు చుక్కలను తాకుతున్నా చేష్టలుడిగి చూస్తున్నారు. ఈ నిర్వాకాలకు ఆమోదం తెలిపేందుకా తాము కూటమికి ఓటు వేయాలి అని సామాన్యులు సూటిగా నిలదీస్తున్నారు. » మున్సిపాలిటీలు, పంచాయతీల్లో పాలన పడకేసింది. కనీసంనిర్వహణ ఖర్చులకు కూడా నిధులు కేటాయించకుండా కూటమి ప్రభుత్వం మొహం చాటేసింది. మరోవైపు చంద్రబాబు, పవన్‌ కళ్యాణ్, లోకేశ్‌ ప్రత్యేక విమానాల్లో తరచూ దేశ, విదేశీ పర్యటనలు చేస్తూ ప్రజాధనాన్ని దుబారా చేస్తున్నారు. టీడీపీ కార్యకర్తలు, సోషల్‌ మీడియా ఇన్‌ఫ్లుయెన్సర్లకు ప్రభుత్వ నిధులు ధారపోస్తున్నారు. విద్య, వైద్య–ఆరోగ్య, రవాణా, మున్సి­³ల్, పంచాయతీరాజ్, విద్యుత్, సంక్షేమం.. ఇలా అన్ని శాఖల్లోనూ అవినీతి విచ్చలవిడిగా సాగుతోంది. అన్ని రంగాల్లో ఇంతటి ఘోర వైఫల్యం చెందిన కూటమి ప్రభుత్వానికి మున్సి­పల్, స్థానిక సంస్థల ఎన్నికల్లో ఎందుకు ఓటు వేయాలి? అని ప్రజలు ప్రశ్నిస్తున్నారు.

సాక్షి, అమరావతి: నారా చంద్రబాబు నాయుడి పాలనలో ఆంధ్రప్రదేశ్‌లో ప్రజాస్వామ్యం అత్యంత ఆందోళనకరమైన పరిస్థితిని ఎదుర్కొంటోందని వైఎస్సార్‌సీపీ అధ్యక్షుడు, మాజీ ముఖ్యమంత్రి వైఎస్‌ జగన్‌మోహన్‌రెడ్డి ఆగ్రహం వ్యక్తం చేశారు. స్థానిక సంస్థల ఎన్నికల్లో జరుగుతున్న వరుస ఉల్లంఘనలను ఆయన గుర్తు చేశారు. స్థానిక ఎన్నికల్లో జరుగుతున్న ఉల్లంఘనలన్నీ నామినేషన్ల దశలోనే జరుగుతున్నాయన్న విషయాన్ని మరచిపోకూడదన్నారు. పోలింగ్‌ ముగిసి, ఫలితాలు ప్రకటించే సమయానికి ఇంకెంతటి పరిణామాలు చోటుచేసుకోవచ్చో ఊహించుకోవచ్చనే ఆందోళన వ్యక్తం చేశారు. స్థానిక ఎన్నికల్లో టీడీపీ పార్టీ కూటమి పాల్పడిన అక్రమాలు, అకృత్యాలకు సంబంధించి వీడియోలు, ఫొటోలు, ఆధారాలను జతచేస్తూ వైఎస్‌ జగన్‌ తన ‘ఎక్స్‌’ ఖాతాలో శనివారం పోస్టు చేశారు. అందులో ఆయన ఏమన్నారంటే.. ఇది అత్యంత ప్రమాదకరమైన సంప్రదాయానికి నాంది ఎన్నికల్లో పోలింగ్‌ కూడా ప్రారంభం కాకముందే మొత్తం ప్రక్రియను ఎలా నిర్వీర్యం చేయవచ్చో ‘విజనరీ’ అని చెప్పుకునే చంద్రబాబు నాయుడు చూపించారు. ప్రతిపక్ష అభ్యర్థులను అసలు ఎన్నికల బరిలోకేరానివ్వకుండా అడ్డుకోవడం అత్యంత ప్రమాదకరమైన సంప్రదాయానికి నాంది పలుకుతోంది. ఇలాంటి విధానాలు దేశమంతటా విస్తరిస్తే ప్రజాస్వామ్య పునాదులకే ముప్పు వాటిల్లుతుంది. ఇదంతా కేవలం నామినేషన్ల దశలోనే జరిగిందన్న విషయాన్ని మరచిపోకూడదు. ఇక పోలింగ్‌ పూర్తయి, ఫలితాలు ప్రకటించే నాటికి ఇంకెన్ని దారుణాలు చోటు చేసుకోవచ్చో ఊహించుకోవచ్చు. నామినేషన్ల ప్రక్రియ హైజాక్‌ ఏ ఎన్నికలైనా నామినేషన్లతోనే ప్రారంభమవుతాయి. నామినేషన్‌ లేకపోతే పోటీ ఉండదు. పోటీ లేకపోతే ఓటరుకు ఎవరిని ఎన్నుకోవాలనే అవకాశం ఉండదు. ఇప్పుడు మన రాష్ట్రంలో ఆ ప్రక్రియలోనే దౌర్జన్యాల పర్వం మొదలైంది. వైఎస్సార్‌సీపీకి చెందిన ముఖ్యనేతలు, సీనియర్‌ నాయకులను గృహ నిర్బంధంలో ఉంచడం, వారిపై బైండోవర్‌ చర్యలు చేపట్టడం, వైఎస్సార్‌సీపీ అభ్యర్థులకు మద్దతుగా వారెవరూ బయటకు వెళ్లకుండా నిరోధించడంతోనే అక్రమాలు మొదలయ్యాయి. మరోవైపు నామినేషన్‌ కేంద్రాల చుట్టూ పెద్దసంఖ్యలో టీడీపీ కార్యకర్తలు స్వేచ్ఛగా గుమిగూడేందుకు అనుమతించారు. వైఎస్సార్‌సీపీ అభ్యర్థులపై మాత్రం ఆంక్షలు విధించి, వారితో పాటు కేవలం ఇద్దరు లేదా ముగ్గురిని మాత్రమే వెళ్లనిచ్చారు. దీంతో అప్పటికే అక్కడ గుమిగూడిన టీడీపీ మూకల మధ్య వైఎస్సార్‌సీపీ అభ్యర్థులకు రక్షణ లేకుండా పోయింది. నామినేషన్లు దాఖలు చేసేందుకు వెళ్లిన వైఎస్సార్‌సీపీ అభ్యర్థులపై యథేచ్ఛగా దాడులు చేశారు. వారి నామినేషన్‌ పత్రాలను లాక్కుని చించివేశారు. చివరికి మహిళా అభ్యర్థులను కూడా వదిలి పెట్టలేదు. పోలీసులు, రిటర్నింగ్‌ అధికారుల సమక్షంలోనే ఏకంగా ఎంపీలు, మాజీ మంత్రులపైనా దాడులు జరిగాయి. ఈ ఘటనలన్నీ తమ కళ్లెదుటే జరుగుతున్నా పోలీసులు, రిటర్నింగ్‌ అధికారులు చూస్తూ ఉండిపోయారు. టీడీపీ గూండాలకు వారు సహకరించడంతో అవన్నీ కొనసాగాయి. ఫలితంగా వైఎస్సార్‌సీపీ అభ్యర్థులు తమ నామినేషన్లు దాఖలు చేసే అవకాశాన్ని కోల్పోయారు. వైఎస్సార్‌సీపీ పేరుతో నకిలీ నామినేషన్లు గతంలో ఎప్పుడూ చూడని మరో ఆందోళనకరమైన పరిణామం చూశాం. టీడీపీ సానుభూతిపరులు తాము వైఎస్సార్‌సీపీ తరఫున నిలబెట్టిన అభ్యర్థులమని తప్పుడు ప్రకటనలు చేస్తూ నామినేషన్లు దాఖలు చేయడం. ఒకవైపు వైఎస్సార్‌సీపీ నిజమైన అభ్యర్థులను నామినేషన్లు వేయకుండా అడ్డుకుంటూనే, మరోవైపు ఇలాంటి నకిలీ నామినేషన్ల ద్వారా ప్రతిపక్ష పార్టీ కూడా స్వేచ్ఛగా ఎన్నికల్లో పాల్గొనే అవకాశం పొందిందనే భ్రమ కల్పించారు. అన్ని పార్టీలకూ ఎన్నికల్లో పోటీ చేసేందుకు సమాన అవకాశాలు కల్పించినట్లు ప్రజలను, న్యాయ వ్యవస్థను తప్పుదోవ పట్టించడమే దీని ఉద్దేశం. పార్టీ అధికారిక అభ్యర్థులను నామినేషన్లు వేయకుండా అడ్డుకున్నప్పుడు, కేవలం వైఎస్సార్‌సీపీ పేరుతో నామినేషన్లు ఉన్నంత మాత్రాన అక్కడ నిష్పక్షపాతమైన ఎన్నిక జరుగుతుందని చెప్పలేం. పార్టీ అసలైన అధికారిక అభ్యర్థి ఎవరనేది నిర్ధారించే ఫారం–ఏ, ఫారం–బీలను కూడా పట్టించుకోలేదు. పక్షపాత స్క్రూటినీ.. బలవంతపు ఉపసంహరణలు అన్ని అడ్డంకులు ఎదుర్కొని ఎక్కడైనా వైఎస్సార్‌సీపీ అభ్యర్థులు నామినేషన్లు దాఖలు చేస్తే.. ఆ తర్వాత వారిపై విపరీతమైన ఒత్తిళ్లు కొనసాగాయి. నామినేషన్లు ఉపసంహరించుకోవాలని అభ్యర్థులను బెదిరించారు. బలవంతం చేశారు. ఆ బెదిరింపులకు లొంగని అభ్యర్థుల నామినేషన్లను స్క్రూటినీ పేరుతో చిన్నచిన్న, అర్థంలేని కారణాలు చూపిస్తూ తిరస్కరించారు. నామినేషన్‌ పత్రాలతో పాటు సమర్పించిన ధ్రువీకరణ పత్రాలు తొలగించడం లేదా వాటిని తారుమారు చేయడం జరిగింది. అనంతరం అవసరమైన పత్రాలు లేవనే కారణంతో రిటర్నింగ్‌ అధికారులు ఆ నామినేషన్లను తిరస్కరించారు. అన్ని పత్రాలను పూర్తిగా సమర్పించి, వాటికి అధికారిక రసీదు కూడా పొందిన అభ్యర్థులనే, ఆ పత్రాలు అధికారుల ఆధీనంలోకి వెళ్లిన తర్వాత ఏర్పడిన లోపాలకు బాధ్యులను చేశారు.ప్రజల మద్దతు ఉందనే నమ్మకం చంద్రబాబుకు ఉంటే.. ప్రజల మద్దతు తమకే ఉందని చంద్రబాబు నాయుడుకి నమ్మకం ఉంటే, మరి ఆయన ప్రభుత్వం వైఎస్సార్‌సీపీ అభ్యర్థులను ఎందుకు అడ్డుకుంటోంది? తమకు నచ్చిన అభ్యర్థిని ఎన్నుకునే అవకాశాన్ని ఓటర్లకు ఎందుకు నిరాకరిస్తోంది? నామినేషన్ల దాఖలు, ఆ తర్వాత ఉపసంహరణ దశలోనే ఇంతటి అరాచక పరిస్థితులు నెలకొంటే.. ఇక పోలింగ్, ఓట్ల లెక్కింపు, ఫలితాల ప్రకటన సమయంలో ఇంకేం జరుగుతుందోనన్న తీవ్రమైన ఆందోళనలు తలెత్తుతున్నాయి. ఈనెల 1వ తేదీ( ఆదివారం) నుంచే స్థానిక ఎన్నికల పోలింగ్‌ ప్రారంభం కానున్న నేపథ్యంలో అభ్యర్థులు ఎన్నికల్లో పాల్గొనేలా, పోలింగ్‌ ఏజెంట్లు తమ విధులను నిర్వర్తించేలా, ఓటర్లు ఎలాంటి భయం లేకుండా స్వేచ్ఛగా ఓటుహక్కు వినియోగించుకునేలా పటిష్టమైన, స్వతంత్ర పర్యవేక్షణ అత్యంత అవసరం. ఇన్ని దౌర్జన్యాలతో ఎన్నికల ప్రక్రియను ఇంత దారుణంగా ఎక్కడికక్కడ అడ్డుకుంటే, ప్రమాదంలో పడేది ప్రజాస్వామ్యమే అనేది వాస్తవం. ఫోర్జరీ సంతకాలు.. వేరే వ్యక్తులతో నామినేషన్ల ఉపసంహరణమరికొన్ని ఘటనల్లో అభ్యర్థులు తాము అంగీకరించకపోయినా నామినేషన్లు ఉపసంహరించుకున్నట్లు చూపించారు. అందుకు అభ్యర్థుల సంతకాలను ఫోర్జరీ చేసి ఉపసంహరణ పత్రాలను చూపారు. వాటిని అధికారులు గుడ్డిగా ఆమోదించారు. దీంతో అసలైన అభ్యర్థులకు తెలియకుండానే, వారి సమ్మతి లేకుండానే ఎన్నికల్లో పోటీ చేసే హక్కును హరించారు. అంటే బెదిరింపులు, దాడులు, స్క్రూటినీ పేరుతో ఎదురైన అడ్డంకులన్నింటినీ అధిగమించిన అభ్యర్థిని కూడా చివరకు మోసపూరిత ఉపసంహరణ ద్వారా ఎన్నికల బరి నుంచి తొలగించే పరిస్థితి ఏర్పడింది. ఈ ప్రక్రియ మొత్తంలో పోలీసులు, రిటర్నింగ్‌ అధికారులు, ఎన్నికల యంత్రాంగం కుమ్మక్కయ్యారు. అలా ప్రతిపక్ష అభ్యర్థులను ఎన్నికల బరినుంచి తప్పించేందుకు టీడీపీ చేసిన కుట్రకు అంతా సహకరించారు. వాస్తవానికి ప్రతి అభ్యర్థికి ఎన్నికల్లో పోటీచేసే హక్కు, ప్రతి ఓటరుకు తనకు నచ్చిన అభ్యర్థిని ఎన్నుకునే హక్కు పరిరక్షించాల్సిన బాధ్యత వారిపైనే ఉంది. అందుకే ప్రతి ఫిర్యాదుపైనా స్వతంత్ర దర్యాప్తు జరగాలి. నామినేషన్‌ పత్రాలు, స్క్రూటినీ రికార్డులు, ఉపసంహరణ పత్రాలు, వీడియో ఫుటేజీని భద్రపరిచి క్షుణ్ణంగా పరిశీలించాలి. తప్పు చేసిన అధికారులపై చర్యలు తీసుకోవాలి. అన్యాయంగా ఎన్నికల బరినుంచి తప్పించబడిన అభ్యర్థులకు పోటీ చేసేందుకు అవకాశం కల్పించాలి.

అమరావతి అభివృద్ధి పేరుతో చంద్రబాబు చేస్తున్న నిర్లక్ష్యం కారణంగా ఒకప్పుడు విద్య, వైద్యం, వ్యాపార, వాణిజ్య, రవాణా, రైల్వే, రాజకీయ, ఉద్యమ, సాంçస్కతిక, సాహిత్య కేంద్రంగా ఉన్న విజయవాడ అభివృద్ధికి ఆమడ దూరాన నిలుస్తోంది. ఇదే కొనసాగితే విజయవాడ డెడ్‌ సిటీగా మారిపోతుందని మేధావులు సైతం ఆందోళన వ్యక్తం చేస్తున్నారు. ఒక పథకం ప్రకారమే విజయవాడను దెబ్బతీసే కుట్రలు జరుగుతున్నాయన్న ఆరోపణలు ఉన్నాయి. 2014 నుంచి 2019 వరకూ, మళ్లీ 2024 నుంచి ఇప్పటి వరకూ ‘అమరావతి’ అభివృద్ధి పేరుతో విజయవాడ భవిష్యత్తును పూర్తిగా పణంగా పెట్టడం ఆందోళన కలిగిస్తోంది. దసరా వచ్చినప్పుడల్లా ఒక ఈవెంట్‌ మేనేజ్‌మెంట్‌ చేయడం తప్ప నగర అభివృద్ధి కోసం ఒక తట్టెడు మట్టి కూడా కూటమి ప్రభుత్వం వేయలేదన్న విమర్శలున్నాయి. సాక్షి ప్రతినిధి, విజయవాడ: 15లక్షల 56వేల జనాభాతో రాష్ట్రంలో రెండో అతిపెద్ద నగరంగా ఉన్న విజయవాడ ముఖ్యమంత్రి చంద్రబాబునాయుడి వివక్ష కారణంగా పురోగమనం నుంచి తిరోగమనం దిశగా పయనిస్తోంది. గ్రేటర్‌ విజయవాడ అని ఊదరగొట్టడమే తప్ప, నగర సమగ్ర అభివృద్ధికి చంద్రబాబు నిధులు కేటాయించడం లేదు. విభజన చట్టంలో స్పష్టంగా పేర్కొన్న మెట్రో రైలు (ప్రజారవాణా) ప్రాజెక్టుకు గత 12 ఏళ్లుగా ఒక్క రూపాయి విదల్చలేదు. దశాబ్దాలుగా వేధిస్తున్న వంతెనల సమస్య పరిష్కారానికి నోచుకోలేదు. ప్రభుత్వ నిర్లక్ష్యం కారణంగా బుడమేరు వరద ముంపుతో లక్షలాది మంది ప్రజలు నిరాశ్రయులైనా పట్టించుకోలేదు. ఆ ముంపు సహాయక చర్యలకు రూ.6,500కోట్లు కావాలని కేంద్రాన్ని కోరినా, నయా పైసా విడుదల కాలేదు. చిన్నపాటి వర్షాలకే నగరం ముంపునకు గురవుతోంది. 2015లోనే వరద కాలువల నిర్మాణానికి రూ. 461 కోట్లు కేటాయించినా ఆ నిధులను దారి మళ్లించేశారు. యథేచ్ఛగా ఆస్తుల పంపకం.. గన్నవరం(విజయవాడ) విమానాశ్రయాన్ని విస్తరించారు. భూములు ఇచ్చిన రైతులకు ఇప్పటికీ న్యాయం జరగలేదని వారు నిరసన దీక్షలు చేస్తున్నారు. దాన్ని వదిలేసి ఇప్పుడు అమరావతిలో వేలాది ఎకరాల్లో గ్రీన్‌ ఫీల్డ్‌ ఇంటర్నేషనల్‌ ఎయిర్‌పోర్టు కడతామంటున్నారు. నగర ఆస్తులను బడా కంపెనీలకు కట్టబెడుతున్నారు. పాత బస్టాండ్‌ స్థలాన్ని లులూ సంస్థకు కారు చౌకగా లీజుకు ఇస్తూ జీవోలు విడుదల చేశారు. అది తాత్కాలికంగా ఆగినా ప్రమాదం పొంచి ఉంది. భవానీ ఐల్యాండ్‌ ప్రైవేట్‌ సంస్థలకు లీజుకు ఇచ్చారు. విద్యాధరపురం ఆర్టీసీ డిపో విద్యుత్‌ బస్సుల పేరుతో ప్రైవేట్‌ కంపెనీకి కట్టబెట్టారు. డిస్నీ ల్యాండ్‌ 57ఎకరాల స్థలాన్ని ప్రైవేటు సంస్థలకు ఇవ్వడానికి ప్రయత్నిస్తున్నారు. తాజాగా విడుదల చేసిన 673 జీవో ఆధారంగా మునిసిపల్‌ మార్కెట్లు, కాంప్లెక్సు క్రమంగా కూల్చుతున్నారు. ప్రైవేట్‌ సంస్థలకు కట్టబెట్టే కుట్రలు చేస్తున్నారు.బుడమేరు వరదలకు నీటమునిగిన సింగ్‌నగర్‌ ప్రాంతంలో జనాల అవస్థలు(ఫైల్‌) తాగునీటికీ కటకటే.. కృష్ణానది పక్కనే ఉన్నా స్వచ్ఛమైన తాగునీటిని సరఫరా చేయలేకపోవడంతో పదుల సంఖ్యలో డయేరియా మరణాలు, వందలమంది ఆసుపత్రుల పాలు అవ్వడం చంద్రబాబు ముఖ్యమంత్రి అయినప్పుడల్లా జరుగుతూనే ఉంది. క్యాపిటల్‌ రీజియన్లో విజయవాడ భాగమైనప్పటికీ సీఆర్‌డీఏ విజయవాడ అభివృద్ధికి నిరి్ధష్ట ప్రణాళిక రూపొందించలేదు. నిధులు కేటాయించడం లేదు. విజయవాడ పరిధిలో ఒక్క నూతన ప్రాజెక్టు, పరిశ్రమ, సంస్థ ఏర్పాటు కాలేదు. మరోవైపు నగరపాలక సంస్థ అప్పుల ఊబిలో కూరుకుపోతోంది. ఆస్తులు తాకట్టులోకి వెళ్తున్నాయి. ఫైనాన్స్‌ కమిషన్‌ గ్రాంట్లు, వినోదపు పన్ను, వృత్తి పన్ను, మోటార్‌ వాహనాల పన్ను, తలసరి గ్రాంట్లు, స్టాంప్‌ డ్యూటీ, ప్రకటనలు పన్ను ఇలా దాదాపు రూ.1000కోట్లకు పైగా రాష్ట్రం నగర పాలకసంస్థకు బకాయి పడింది. దీంతో అభివృద్ధి పనులు నిలిచిపోవడమే కాకుండా కాంట్రాక్టర్లు బిల్లుల కోసం సమ్మెకు దిగాల్సిన పరిస్థితి నెలకొంది. వైఎస్సార్‌ సీపీ ప్రభుత్వంలో వెస్ట్‌ బైపాస్‌ రాగా ఈ ప్రభుత్వం రాగానే ఈస్ట్‌ బైపాస్‌ను రద్దు చేసింది.న్యూ రాజరాజేశ్వరీపేటలో డయేరియా కారణంగా స్పృహ కోల్పోయిన మహిళను భుజాలపై ఆస్పత్రికి తరలిస్తున్న వ్యక్తి(ఫైల్‌) వైఎస్సార్‌ సీపీకి ఎడ్జ్‌..గత ఐదేళ్లపాటు మేయర్‌గా విజయవాడ నగరాభివృద్ధికి కృషి చేసిన బీసీ సామాజికవర్గానికి చెందిన రాయన భాగ్యలక్ష్మిని వైఎస్సార్‌ సీపీ మళ్లీ పోటీలో నిలిపింది. తెలుగుదేశంపార్టీ నుంచి ఆఖరిలో పార్టీ మారి జనసేన తీర్థం పుచ్చుకున్న వంగవీటి రాధాకృష్ణ కూటమి అభ్యరి్థగా బరిలో దిగగా, వామపక్షాలు, కాంగ్రెస్‌ తరపున ఉమ్మడి అభ్యరి్థగా మాజీ పోలీసు అధికారి ఏబీ వెంకటేశ్వరరావు పోటీ లో ఉన్నారు. ఈ త్రిముఖ పోటీలో వైఎస్సార్‌ సీపీ అభ్యర్థికే మెరుగైన అవకాశాలున్నట్లు రాజకీయ విశ్లేషకులు భావిస్తున్నారు.విజయవాడ రాణీగారితోట వద్ద నిర్మించిన రిటైనింగ్‌ వాల్, రివర్‌ ఫ్రంట్‌ పార్కు(ఫైల్‌) వైఎస్సార్‌ సీపీ పాలనలో ప్రగతి పరుగులు.. విజయవాడలో గత వైఎస్సార్‌ సీపీ పాలనలో చేపట్టిన వివిధ అభివృద్ధి పనులు పరుగులు పెట్టాయి. రోడ్ల నిర్మాణం నుంచి మురుగునీటి నిర్వహణ వరకు, పార్కుల అభివృద్ధి నుంచి పట్టణ ప్రాథమిక ఆరోగ్య కేంద్రాల ఏర్పాటు వరకు పలు కార్యక్రమాలకు శ్రీకారం చుట్టారు. పారిశుద్ధ్య నిర్వహణను మెరుగుపరచడంతోపాటు క్రీడా మౌలిక వసతుల అభివృద్ధిపైనా దృష్టి సారించారు. కనకదుర్గ గుడి ఫ్లై ఓవర్, బెంజిసర్కిల్‌ ఫ్లై ఓవర్‌ను వైఎస్సార్‌ సీపీ ప్రభుత్వ హయాంలోనే పూర్తి చేశారు. రూ.110కోట్లతో బెంజిసర్కిల్‌ వద్ద రెండో వైపు ఫ్లై ఓవర్‌ను ప్రారంభించి, పూర్తి చేశారు. రూ. 370 కోట్లతో కృష్ణానది వరదల నుంచి నగర వాసులను రక్షించేందుకు రిటైనింగ్‌వాల్‌ను పూర్తి చేశారు. దీనివల్ల 2024లో 12 లక్షల క్యూసెక్కుల వరద వచ్చినా నగర ప్రజలకు కొంచెం కూడా ఇబ్బంది కలగని పరిస్థితి వచ్చింది. కృష్ణమ్మ జలవిహారం పార్కు కోసం రూ. 12.5కోట్లు ఖర్చు చేశారు. పేద ప్రజల కోసం మూడు దశల్లో 90 వేల మందికి పట్టాలు ఇవ్వగా, 30వేల మందికి ఇళ్ల నిర్మాణం కూడా పూర్తి చేశారు. రామవరప్పాడు రింగ్‌ నుంచి గన్నవరం ఎయిర్‌పోర్టు వరకూ ఎయిర్‌పోర్టు కారిడార్‌ పనులను కూడా వైఎస్సార్‌ సీపీ హయాంలో పూర్తి చేశారు. నగరం నడి»ొడ్డులో 125 అడుగుల ఎత్తయిన అంబేడ్కర్‌ విగ్రహంతో స్మృతి వనం, అంబేడ్కర్‌ కళావేదికను కూడా నిర్మించారు. నైట్‌ఫుడ్‌ అందించే ఈట్‌స్ట్రీట్‌ ఆధునికీకరణ కూడా ప్రభుత్వ హయాంలోనే పూర్తి చేశారు. రాచబాటలు.. సకల హంగులు.. నగరంలో 47.46కిలోమీటర్ల సీసీ రోడ్ల నిర్మాణానికి రూ.40.90 కోట్లు కేటాయించారు. మరో 4.33కిలోమీటర్ల బీటీ రోడ్ల నిర్మాణానికి రూ.6.80 కోట్లు కేటాయించారు. ఐదేళ్ల వ్యవధిలో నగరంలో వందకుపైగా పార్కులను అభివృద్ధి చేశారు. మినీ పార్కుల ఏర్పాటు, పాత పార్కుల ఆధునికీకరణ తోపాటు రాఘవయ్య పార్కు, గాం«దీహిల్‌ వంటి ప్రాంతాల్లోనూ అభివృద్ధి కార్యక్రమాలు చేపట్టారు. 40 పార్కులలో ఓపెన్‌ జిమ్‌లను ఏర్పాటు చేశారు. ప్రజారోగ్యానికీ ప్రాధాన్యం.. ప్రజలకు స్థానికంగానే ప్రాథమిక వైద్య సేవలు అందించాలనే లక్ష్యంతో పట్టణ ఆరోగ్య కేంద్రాల ఏర్పాటుకు ప్రాధాన్యమిచ్చారు. నగరంలో 11 కొత్త పట్టణ ప్రాథమిక ఆరోగ్య కేంద్రాల నిర్మాణం పూర్తయింది. యువతకు క్రీడా సదుపాయాలు కలి్పంచేందుకు నగరంలోని పలు క్రీడా ప్రాంగణాల అభివృద్ధికి నిధు లు కేటాయించారు. చెన్నుపాటి రామకోటయ్య స్టేడియం అభివృద్ధికి రూ.8.9కోట్లు, దండమూడి రామ్మోహనరావు ఇండోర్‌ స్టేడియం అభివృద్ధికి రూ.4కోట్లు కేటాయించారు. మూడు స్విమ్మింగ్‌ పూల్స్‌ ఆధునికీకరణకు సుమారు రూ.4.19 కోట్లతో పనులు ప్రతిపాదించారు.

సాక్షి, అమరావతి: ఆగ్రిగోల్డ్‌ బాధితులకు గత చంద్రబాబు ప్రభుత్వంలో ఎంత అన్యాయం జరిగిందో.. ఇప్పుడూ అదే జరుగుతోంది. అగ్రిగోల్డ్‌ భూములను విక్రయించి, బాధితులకు న్యాయం చేయాలని కోర్టు ఆదేశాలిస్తే.. ఆ పేరుతో విలువైన భూములను టీడీపీ నేతలు అతి చవగ్గా కొట్టేస్తున్నారు. భూముల అమ్మకం ద్వారా డిపాజిటర్లకు వారి డబ్బు చెల్లించి న్యాయం చేయాల్సిన ప్రభుత్వం.. సొంత పార్టీ నేతలకు సహకరించి, భూములను దోచిపెడుతోంది. ఇందుకు తాజా ఉదాహరణే కడప నగరానికి సమీపంలోని అగ్రిగోల్డ్‌ భూముల అమ్మకం. బహిరంగ మార్కెట్‌లో దాదాపు రూ. 75 కోట్లు విలువ చేసే 10.28 ఎకరాల వ్యవసాయేతర భూమి­ని తెలుగుదేశం పార్టీ ఎమ్మెల్యే కుమారుడు కేవలం రూ. 5.67 కోట్లకే చేజిక్కించుకోవడంపై అగ్రిగోల్డ్‌ బాధితులు ఆగ్రహం వ్యక్తం చేస్తున్నారు.ఇలాగైతే తమకు న్యాయం ఎప్పుడు జరుగుతుందని ఆవేదన వ్యక్తం చేస్తున్నారు. కడప నగరానికి సమీపంలో చింతకొమ్మదిన్నె మండలం పబ్బాపురం సర్వే నంబరు 36/1లో 9.92 ఎకరాలు, 36/2లో 0.36 ఎకరాలు కలిపి మొత్తం 10.28 ఎకరాల వ్యవసాయేతర భూమి విలువ ప్రభుత్వం నిర్ణయించిన ధర ప్రకారమే రూ.8,95,59,360. కడప రింగ్‌ రోడ్డుకు సమీపంలో ఉన్న ఆ భూమి ధర బహిరంగ మార్కెట్‌లో ఎకరం రూ.7 కోట్లకుపైగా ఉంది.అంటే.. ఆ భూమి ధర రూ.75 కోట్లపైమాటే. కానీ.. కరూర్‌ వైశ్యా బ్యాంక్‌ (జూబ్లిహిల్స్‌ బ్రాంచ్‌) ఫిబ్రవరిలో నిర్వహించిన వేలంలో ఆ భూమిని కేవలం రూ.5.67 కోట్లకే కడప టీడీపీ ఎమ్మెల్యే ఆర్‌.మాధవి రెడ్డి, టీడీపీ పొలిట్‌ బ్యూరో సభ్యుడు ఆర్‌.శ్రీనివాసులురెడ్డిల కుమారుడు ఆర్‌.శ్రవణ్‌రాజ్‌ రెడ్డి డైరెక్టర్‌గా ఉన్న ఆర్కే ఇన్‌ఫ్రా సంస్థ దక్కించుకుంది. ఈ భూమిని జూలై 16న రిజిస్ట్రేషన్‌ కూడా చేసుకున్నారు. బాధితుల నోట్లో మట్టి అగ్రిగోల్డ్‌ యాజమాన్యం డిపాజిటర్ల నుంచి సేకరించిన సొమ్ముతో పలు చోట్ల వివిధ సంస్థల పేరుతో భూములు కొన్నది. అదే విధంగా ఈ భూమిని అగ్రిగోల్డ్‌ ఛైర్మన్‌ అవ్వా సీతారామారావు డైరెక్టర్‌గా ఉన్న క్రిస్టల్‌ విజన్‌ ప్రాజెక్ట్స్‌ ప్రైవేట్‌ లిమిటెడ్‌ పేరుతో కొన్నారు. అనంతరం కరూర్‌ వైశ్యా బ్యాంక్‌ జూబ్లిహిల్స్‌ బ్రాంచ్‌లో తనఖా పెట్టి అవ్వా సీతారామారావు రుణం తీసుకున్నారు. ఆ రుణాన్ని చెల్లించలేదు. హైకోర్టు ఆదేశాల మేరకు అగ్రిగోల్డ్‌ ఆస్తులను ప్రభుత్వం 2015–16లో జప్తు చేసిన ఆస్తుల్లో ఈ భూమి కూడా ఉంది. ఆ భూములను వేలం వేయగా వచ్చే మొత్తం నుంచి బ్యాంకుకు రావాల్సిన సొమ్మును మినహాయించుకుని, మిగతా మొత్తాన్ని బాధితులకు చెల్లించడానికి ప్రభుత్వ ఖజానాలో జమ చేయాలి. కానీ, వచ్చింది బ్యాంకు రుణానికే సరిపోతుందని, తమకు ఒక్క రూపాయి కూడా రాదని బాధితులు తీవ్ర ఆవేదన వ్యక్తం చేస్తున్నారు. 2014–19 మధ్యలో చేసిన తరహాలోనే ఇప్పుడూ తమ నోట్లో మట్టి కొట్టి టీడీపీ నేతలు అగ్రిగోల్డ్‌ భూములను అత్తెసరు ధరలకే కాజేస్తున్నారని మండిపడుతున్నారు. కరూర్‌ వైశ్యా బ్యాంక్‌ అధికారులపై టీడీపీ ఎమ్మెల్యే మాధవిరెడ్డి, ఆమె భర్త శ్రీనివాసులురెడ్డి ఉన్నత స్థాయిలో ఒత్తిడి తెచ్చి కేవలం రూ.5.67 కోట్లకే భూమిని కాజేసి.. తమ నోట్లో మట్టి కొట్టారని ఆగ్రహం వ్యక్తం చేస్తున్నారు. అప్పుడూ ఇప్పుడూ అగ్రిగోల్డ్‌ ఆస్తులపై టీడీపీ నేతల కన్నుఅగ్రిగోల్డ్‌ సంస్థ 8 రాష్ట్రాల్లో 19,18,865 మంది నుంచి రూ.6,380 కోట్లను డిపాజిట్లుగా సేకరించింది. వాటిని చెల్లించలేక 2015లో చేతులెత్తేసింది. ఒక్క మన రాష్ట్రంలోనే 11 .57 లక్షల మంది బాధితులు ఉన్నారు. హైకోర్టు ఆదేశాల మేరకు అగ్రిగోల్డ్‌ ఆస్తులను ప్రభుత్వం 2015–16లో జప్తు చేసింది. కోర్టు ఆదేశాల మేరకు ఆ ఆస్తులు అమ్మి డిపాజిటర్లకు చెల్లించాలి. కానీ.. చంద్రబాబు సర్కార్‌ అప్పట్లో తద్భిన్నంగా వ్యవహరించింది. అగ్రిగోల్డ్‌ యాజమాన్యంతో కుమ్మక్కై పలువురు టీడీపీ ప్రజాప్రతినిధులు ఆ సంస్థ భూములను కాజేశారు. ఈ వ్యవహారంపై అప్పట్లో బాధితులు తీవ్ర స్థాయిలో ఉద్యమాలు చేశారు. 2019–24 మధ్య వైఎస్సార్‌సీపీ ప్రభుత్వం రూ. 20 వేలు లోపు డిపాజిట్‌ చేసిన వారిలో 10.37 లక్షల మందికి రూ.930 కోట్లు చెల్లించి న్యాయం చేసింది. 2024లో చంద్రబాబు సర్కార్‌ అధికారంలోకి వచ్చాక బాధితులకు ఒక్క పైసా కూడా చెల్లించిన దాఖలాలు లేకపోగా, అగ్రిగోల్డ్‌ ఆస్తులను మాత్రం అత్తెసరు ధరలకే టీడీపీ నేతలు కాజేస్తుండటం గమనార్హం. 2017 నుంచే ఆ భూమిపై పన్ను ఈ భూమిపై 2017 నుంచే కడప ఎమ్మెల్యే మాధవి రెడ్డి భర్త శ్రీనివాసులురెడ్డి కన్ను వేశారని అగ్రిగోల్డ్‌ బాధితులు చెబుతున్నారు. తమ అప్పు తీర్చడానికి ఆ భూమిని రూ.5.67 కోట్లకు అమ్మేయడానికి అవ్వా సీతారామారావు అనుమతి ఇస్తూ 2016 డిసెంబర్‌ 6న ఒప్పందపత్రం రాసిచ్చారని బ్యాంకు పేర్కొంది. ఆ బ్యాంకు విజ్ఞప్తి మేరకు ఆ భూమిని జప్తు చేసిన జాబితా నుంచి తొలగిస్తూ 2017 జనవరి 31న ప్రభుత్వం ఉత్తర్వులు జారీ చేసింది. ఈ వ్యవహారంలో టీడీపీ పొలిట్‌బ్యూరో సభ్యుడు శ్రీనివాసులురెడ్డి పాత్ర ఉన్నట్లు డిపాజిటర్లు ఆరోపిస్తున్నారు. ఇప్పుడు ఏకంగా భూమిని కొట్టేశారని, దీనివెనుక ఏం జరిగిందన్నది బహిరంగ రహస్యమేనని మండిపడుతున్నారు.

సాక్షి,అమరావతి: ‘రాష్ట్రంలోని ఉద్యోగులారా మేలు­కోండి.. ఎన్నికల ముందు ఉద్యోగులు, ఉపాధ్యాయులు, పెన్షనర్లు, కాంట్రాక్ట్, ఔట్‌సోర్సింగ్‌ ఉద్యోగులకు ఇచ్చిన హామీలను విస్మరించిన కూట­మి సర్కార్‌కు స్థానిక సంస్థల ఎన్నికల్లో గుణపాఠం చెప్పండి.. అని ఆంధ్రప్రదేశ్‌ సచివాలయ సంఘం మాజీ అధ్యక్షుడు ⁠కాకర్ల వెంకటరామిరెడ్డి ఒక ప్రకటనలో పిలుపునిచ్చారు. చంపా వైరస్‌ (చంద్రబాబు పాలన)కు మీ ఓటే వ్యాక్సిన్‌ అని స్పష్టం చేశారు. చంపా ఒక వైరస్‌లా మారి రాష్ట్రాన్ని అతలాకుతలం చేస్తోందన్నారు. ఉద్యోగులు, ఉపాధ్యాయులు, పెన్షనర్లు, కాంట్రాక్ట్, ఔట్‌సోర్సింగ్‌ ఉద్యోగులను భయంకరంగా పీడిస్తోందని చెప్పారు. ఉద్యోగులు బిక్కుబిక్కుమంటూ జీవించాల్సిన పరిస్థితి ఏర్పడిందన్నారు. చంపా వైరస్‌ వచ్చాక రాష్ట్ర ప్రభుత్వం ఆదాయం పూర్తిగా పడిపోయిందన్నారు. స్థానిక సంస్థల ఎన్నికలలో మీ ఓటు చంద్రబాబు పాలనకు వ్యతిరేకంగా వేయడం ద్వారా చంపా వైరస్‌ ప్రభావాన్ని తగ్గించవచ్చని సూచించారు. మునిసిపల్, జెడ్పీటీసీ, ఎంపీటీసీ, సర్పంచ్‌ ఎన్నికలలో మీ ఓటు ద్వారా చంపా వైరస్‌కు మొదటి డోసు వ్యాక్సిన్‌ ఇవ్వాలని ఉద్యోగులను కోరుతున్నట్లు చెప్పారు. చంపా వైరస్‌ వల్ల ఒక్కో ఉద్యోగికి ఎంత నష్టం జరిగిందో లెక్కగట్టి ఒక పట్టిక రూపొందించినట్లు తెలిపారు. బేసిక్‌ పే బట్టి ఎంత నష్టం జరిగిందో తెలుసుకోవచ్చన్నారు. ఈ విషయం గుర్తు పెట్టుకుని ఓటు వేయాలని చేతులు జోడించి కోరుతున్నట్లు వెంకటరామిరెడ్డి పేర్కొన్నారు. ఆయన ఇంకా ఏమన్నారంటే..కరోనాలోనూ 27 శాతం ఐఆర్‌ ఇచ్చిన వైఎస్సార్‌సీపీ ప్రభుత్వంకరోనా వైరస్‌ వల్ల ఇబ్బందులు ఉన్నప్పటికీ వైఎస్సార్‌సీపీ ప్రభుత్వ హయాంలో ఉద్యోగులకు 27 శాతం ఐఆర్‌ ఇచ్చింది. కానీ చంపా వైరస్‌ వచ్చాక గత 28 నెలలుగా ఉద్యోగులకు ఐఆర్‌ లేదు. గత ప్రభుత్వం ఉద్యోగులకు 23 శాతం ఫిట్‌మెంట్‌తో పీఆర్‌సీ అమలు చేసింది. చంపా వైరస్‌ వచ్చాక స్థానిక ఎన్నికలలో ఓట్ల కోసం 27 నెలల తర్వాత ఇపుడు పీఆర్‌సీ కమిషన్‌ వేశారు. అది రిపోర్ట్‌ ఇచ్చేది ఎప్పడు? ఉద్యోగులకు పీఆర్‌సీ వచ్చేది ఎప్పడు?గత ప్రభుత్వం ఉద్యోగులకు డీఏలు పెండింగ్‌ పెట్టకుండా అన్నీ ఇచ్చింది. ఐదేళ్లలో గత ప్రభుత్వం 11 డీఏలు ఇచ్చింది. కానీ చంపా వైరస్‌ వచ్చాక 5 డీఏలు పెండింగ్‌లో పడ్డాయి. ఇప్పుడు స్థానిక సంస్థల ఎన్నికలు రావడంతో ఓట్ల కోసం డీఏలు ఇచ్చారు. ఇంకా 3 డీఏలు పెండింగ్‌ లో ఉన్నాయి. చంపా వైరస్‌ వచ్చాక ఉద్యోగులకు చెల్లించాల్సిన బకాయిలు రూ. 45 వేల కోట్ల నుంచి రూ.50 వేల కోట్ల వరకు చేరుకున్నాయి.జీపీఎస్‌ పక్కన పెట్టారు..కోవిడ్‌ లాంటి ఇబ్బందులున్నా గత ప్రభుత్వం సీపీఎస్‌ ఉద్యోగులకు పెన్షన్‌ గ్యారంటీ ఇచ్చేలా జీపీఎస్‌ విధానం తెచ్చింది. అది బాగుందని కేంద్ర ప్రభుత్వం కూడా అదే తరహా­లో యూపీఎస్‌ విధానం తీసుకొచ్చింది. చంపా వై­రస్‌ వ­చ్చాక జీపీఎస్‌ అ­మలు చేయకుండా పక్క­న పెట్టారు. గత ప్రభుత్వం కొత్తగా 5 లక్షల ఉ­ద్యోగాలు ఇచ్చింది. చంపా వైరస్‌ వచ్చాక 2.7 లక్షల మంది వలంటీర్లు, 27 వేల మంది ఎండీయూ ఆపరేటర్లు, 12 వేల మంది ఎక్సైజ్‌ ఉద్యోగులు ఉద్యోగాలు కోల్పోయారు. గత ప్రభుత్వం కాంట్రాక్ట్‌ ఉద్యోగుల క్రమబద్ధీకరణకు చట్టం చేసి సుమారు 4,500 మంది ఉద్యోగులను రెగ్యులర్‌ చేసింది. చంపా వైరస్‌ వచ్చాక కాంట్రాక్ట్‌ ఉద్యోగుల రెగ్యులరైజేషన్‌ ఆగిపోయింది. వైఎస్‌ జగన్‌ ప్రభుత్వం మాట ప్రకారం ఆర్టీసీ ఉద్యోగులను ప్రభుత్వంలో విలీనం చేసి వారి జీవితాలలో వెలుగులు నింపింది. చంపా వైరస్‌ వచ్చాక ఎలక్ట్రిక్‌ బస్సుల పేరుతో ఆర్టీసీని ప్రైవేటు పరం చేస్తోంది. ఇప్పటికే 15 డిపోలు ప్రైవేట్‌కు అప్పగించింది బాబు రూపాయైనా జీతం పెంచలేదువైఎస్‌ జగన్‌ ప్రభుత్వం ఆశా వర్కర్లకు జీతం రూ.3 వేల నుంచి రూ.10 వేలు పెంచింది. శానిటేషన్‌ వర్కర్లకు రూ.18 వేలు పెంచింది. చంపా వైరస్‌ వచ్చాక ఆశా వర్కర్లకు గానీ శానిటేషన్‌ వర్కర్లకు గానీ ఒక్క రూపాయి జీతం పెరగలేదు. జగన్‌ ప్రభుత్వం వెలుగు ఎన్యుమరేటర్లకు జీతం రూ.3 వేల నుంచి రూ.8 వేలకు పెంచింది. హోంగార్డులకు, సమగ్రశిక్ష ఉద్యోగులకు, అంగన్‌వాడీలకు జీతాలు పెంచింది. చంపా వైరస్‌ వచ్చాక వెలుగు ఎన్యుమరేటర్లకు, హోంగార్డులకు, సమగ్రశిక్ష ఉద్యోగులకు, అంగన్‌ వాడీలకు, కాంట్రాక్టు ఉద్యోగులకు, ఔట్‌ సోర్సింగ్‌ ఉద్యోగులకు ఒక్క రూపాయి కూడా జీతం పెంచలేదు టార్చర్‌ భరించలేక ఉద్యోగుల ఆత్మహత్యలు..కరోనా సమయంలో వైరస్‌ సోకి అనారోగ్యంతో ఉద్యోగులు మరణించారు. కానీ చంపా వైరస్‌ వ­చ్చాక ప్రభుత్వ టార్చర్‌ భరించలేక మానసిక ఒత్తిడితో ఆత్మహత్యలు, హార్ట్‌ ఎటాక్‌లతో ఉద్యోగులు చ­నిపోయారు. ఉద్యోగులకు ప్రమోషన్లు లేవు, మనశ్శాంతి లేదు, గౌరవం లేదు. సీనియర్‌ ఐపీఎస్‌లపై­నే తప్పుడు కేసులు పెట్టి జైలుకు పంపారు. ఉద్యోగులను ఆర్థికంగా, మానసికంగా తీవ్ర ఇబ్బందుల­కు గురి చేస్తున్న చంపా వైరస్‌ను ఎంత త్వరగా త­రిమి కొడితే అంత త్వరగా రాష్ట్రం బాగుపడుతుంది. మొదటి డోసు వ్యాక్సిన్‌.. రేపటి స్థానిక ఎన్నికలేచంపా వైరస్‌ను నిర్మూలించే వ్యాక్సిన్‌ మన చేతుల్లోనే ఉంది. మన ఓటే.. చంపా వైరస్‌ను కట్టడి చేసే బలమైన వాక్సిన్‌. కరోనా నియంత్రణకు రెండు డోసుల వ్యాక్సిన్‌ ఇచ్చినట్లే.. చంపా వైరస్‌ను నిర్మూలించడానికి రెండు డోసుల వ్యాక్సిన్‌ అవసరం. రేపటి స్థానిక సంస్థల ఎన్నికలలో మీరు వేసే ఓటే చంపా వైరస్‌కు మొదటి డోసు వ్యాక్సిన్‌. చంపా వైరస్‌కు రెండో డోసు 2029 ఎన్నికలలో మీరు వేసే ఓటు. స్థానిక సంస్థల ఎన్నికలలో మీ ఓటు చంద్రబాబు పాలనకు వ్యతిరేకంగా వేయడం ద్వారా చంపా వైరస్‌ ప్రభావాన్ని తగ్గించవచ్చు.

సాక్షి, అమరావతి : రాష్ట్రంలో నిత్యావసర సరుకుల ధరలు భగ్గుమంటున్నా చంద్రబాబు సర్కారు మొద్దు నిద్ర వీడటం లేదు. ఎక్కడికక్కడ ప్రభుత్వం మాఫియాకు మద్దతు పలుకుతుండటంతో ప్రజలు ఆగ్రహంతో రగిలిపోతున్నారు. ఇది రాష్ట్ర వ్యాప్తంగా స్థానిక ఎన్నికల ప్రచారంలో స్పష్టంగా కనిపించింది. కేజీ వంద రూపాయలు పెట్టి బియ్యం ఎలా కొనాలి.. ఏం తినాలంటూ అధికార పార్టీ నేతలను ఓటర్లు ఎక్కడికక్కడ నిలదీశారు. సార్వత్రిక ఎన్నికల్లో నిత్యావసర సరుకుల ధరలు తగ్గిస్తామంటూ ఊరు వాడా హామీ ఇచ్చి అధికారం చేపట్టిన చంద్రబాబు సర్కారు.. ఇప్పుడు ధరల బాదుడుతో తమ నడ్డి విరిచిందంటూ సామాన్యులు ఆగ్రహం వ్యక్తం చేశారు. అడ్డూ అదుపు లేకుండా బియ్యం మొదలు ఉల్లిపాయల వరకు.. పెట్రోల్‌ దగ్గర నుంచి వంట గ్యాస్‌ వరకు అన్ని వస్తువుల ధరలు చుక్కల్ని అంటుతున్నా, చంద్రబాబు సర్కారులో చలనం లేకపోవడంపై సామాన్యుడు రగలిపోతున్నాడు. రోజూ వంటలో వినియోగించే నూనెల దగ్గర నుంచి పప్పు దినుసులు, కూరగాయలు.. ఇలా అన్ని రకాల వస్తువులు దేశంలో కంటే మన రాష్ట్రంలోనే అధికంగా ఉన్నాయంటూ కేంద్ర గణాంకాలు ప్రతి వారం వెల్లడిస్తున్నా చంద్రబాబు సర్కారుకు చీమ కుట్టినట్లు కూడా లేదు. ప్రజలకు కేజీ బియ్యం రూ.100.. కార్పొరేట్లకు 99 పైసలకే భూములు ప్రజల కడుపుకొట్టి కార్పొరేట్లకు దోచి పెడుతున్న చంద్రబాబు సర్కారుపై ప్రజలు నిప్పులు చెరుగుతున్నారు. పేదలకు కడుపు నిండటానికి అవసరమైన బియ్యం కేజీ రూ.100కు చేరితే పట్టించుకోని చంద్రబాబు సర్కారు.. రూ.కోట్ల కోట్ల లాభాలు గడించే కార్పొరేట్లకు మాత్రం కేవలం 99 పైసలకే గంపగుత్తగా భూములు ఇవ్వడాన్ని ప్రజలు ప్రశ్నిస్తున్నారు. నూనెలు, పçప్పుల ధరలు చుక్కలనంటుతూ నెల వారీ ఆదాయంలో ఆహార పదార్థాలకే అధిక మొత్తం వెచ్చించాల్సి వస్తోందని సామాన్య మధ్య తరగతి ప్రజలు ఆవేదన వ్యక్తం చేస్తున్నారు. గడిచిన రెండు నెలల్లో బియ్యం ధరలు రెట్టింపు అవుతున్నా చంద్రబాబు సర్కారులో ఉలుకూ పలుకూ లేదు. కనీసం ఒక్కసారి కూడా సమీక్ష చేయలేదు. గత ప్రభుత్వంలో రూ.1,400గా ఉన్న సన్నరకం పాత బియ్యం 25 కిలోల బస్తా ధర ఇప్పుడు రూ.2,375 దాటేసింది. కరువు పేరు చెప్పి సిండికేట్‌గా ఏర్పడిన మిల్లర్లు కృత్రిమ కొరత సృష్టిస్తూ రిటైల్‌ మార్కెట్‌లో ధరలను పెంచేస్తుంటే చంద్రబాబు సర్కారు చర్యలు తీసుకోకుండా నిమ్మకు నీరెత్తినట్లు ఉంటోంది. కృత్రిమ కొరత సృష్టిస్తున్న వ్యాపారులపై కానీ, ఇష్టారాజ్యంగా ధరలు పెంచేస్తున్న మిల్లర్లపైగానీ ఎలాంటి చర్యలు తీసుకోవడం లేదు. విజిలెన్స్‌ అండ్‌ ఎన్‌ఫోర్స్‌మెంట్‌ బృందాలు ఉన్నాయో లేదో కూడా తెలియని పరిస్థితి. రోజువారీ తనిఖీల జోలికి పోవడం లేదు. మార్కెట్‌లో బియ్యం, ఇతర నిత్యావసరాల నిల్వలను పరిశీలించడం, కృత్రిమ కొరతను అరికట్టడం, మిల్లర్ల ధరల నిర్ణయ విధానాలను పర్యవేక్షించడంలో ప్రభుత్వం ఘోరంగా విఫలమవుతోంది. రైతు బజార్లలో ప్రత్యేక కౌంటర్ల ఏర్పాటు మొక్కుబడి తంతుగా మారింది. స్థానిక ఎమ్మెల్యేల నుంచి ముఖ్య నేత వరకు భారీగా నెలవారీ ముడుపులు అందుతుండడం వల్లే ప్రభుత్వం ధరల పెరుగుదలను అరికట్టడం లేదన్న వాదన వినిపిస్తోంది. మంట పుట్టిస్తున్న ఉల్లి సామాన్యులకు ఉల్లిపాయ, టమాటా లేనిదే పూట గడవదు. అలాంటిది కోయకుండానే ఉల్లి కన్నీరు తెప్పిస్తోంది. గత ప్రభుత్వ హయాంలో రూ.15గా ఉన్న ఉల్లి రేటు ఇప్పుడు కేజీ రూ.80 దాటడంతో కొనడానికే ప్రజలు భయపడిపోతున్నారు. టమాటా అయితే కొన్ని నెలలుగా రూ.55 దిగి రావడం లేదు. ఇక పాలు, కోడిగుడ్లు, కందిపప్పు, చికెన్, పంచదార ఇలా అన్నింటి ధరలు విపరీతంగా పెరిగి పోవడంతో మధ్య తరగతి ప్రజలు పెరిగిన బడ్జెట్‌తో అప్పులపాలవుతున్న పరిస్థితి. చంద్రబాబు అధికారం చేపట్టిన తర్వాత పాలు ధర లీటరుకు రూ.36పైనే పెరిగింది. 4.5 రూపాయ­లకు దొరికే కోడిగుడ్డు ఇప్పుడు రూ.8 దాటింది.పంచదార కూడా కిలో రూ.30 నుంచి రూ.65కు పెరిగిపోయిందని జనం దుమ్మెత్తి పోస్తున్నారు. చివరకు కూరగాయల ధరలు కూడా సామాన్యు­లకు అందుబాటులో లేకుండా పోతున్నాయి. బీ­న్స్, చిక్కుడు, బీరకాయ, కాకరకాయ ఇలా ఏ కూ­ర­గాయ ధర చూసినా మార్కెట్లో మండిపోతోంది. రోజు వారీ నిత్యావసర వస్తువులు భారీగా పెరి­గినా పట్టించుకోకుండా నీకింత నాకింత అంటూ రా­ష్ట్రాన్ని అడ్డంగా దోచుకుంటున్న వెన్నుపోటు పార్టీకి బ్యాలెట్‌ ద్వారా గట్టిగా సమాధానం చెప్తామంటూ ప్రజలు ఊరూరా హెచ్చరిస్తున్నారు.దోచుకునేందుకు ఈ ప్రభుత్వం వచ్చిందా! కూటమి ప్రభుత్వం వచ్చినప్పటి నుంచి అన్ని రకాల నిత్యావసర సరుకుల ధరలు విపరీతంగా పెరిగిపోయి పేదల బతుకులు ఛిద్రమయ్యాయి. గతంలో 26 కిలోల బియ్యం బస్తా ధర రూ.1,400 ఉండగా ఇప్పుడు రూ.2,400 వెచ్చించాల్సి వస్తోంది. పప్పుల ధరలు కూడా భారీగా పెరిగాయి. కూరగాయల ధరలు ఎన్నడూ లేనివిధంగా కిలోకు రూ.60 నుంచి రూ.70 పెరిగాయి. ప్రజలను దోచుకునేందుకే కూటమి ప్రభుత్వం వచ్చిందా.. అనిపిస్తోంది. రోజురోజుకూ ప్రభుత్వంపై వ్యతిరేకత పెరుగుతోంది. – కాకర్లమూడి చంద్రకళ, గృహిణి, ఏలూరుచాలా ఇబ్బంది పడుతున్నాం బియ్యం, పప్పుల ధరలు దారుణంగా పెరిగిపోతున్నాయి. చాలా ఇబ్బంది పడుతున్నాం. కుటుంబ జీవనం కష్టంగా మారింది. అన్నింటి ధరలు పెరిగిపోతే పేదలు బతికేదెలా? రేషన్‌ షాపుల్లో తక్కువ ధరలకు నిత్యావసర సరుకులను ప్రభుత్వం పూర్తి స్థాయిలో అందించాలి. బియ్యం ధరలు చూస్తే భయమేస్తోంది. ఈ ప్రభుత్వం చెబుతున్నది ఒకటి.. చేస్తున్నది మరొకటి. – కె.కృష్ణవేణి, కొండేపూడి, పాలకోడేరు మండలం, పశ్చిమగోదావరి జిల్లా సరకులు కొనాలంటే అప్పులు చేయాల్సిందే.. బియ్యం 26 కిలోల బస్తా ధర రెట్టింపు అయ్యింది. నూనె ధరలు కిలోకు రూ.60 వరకు పెరిగింది. దీంతో కూరలు వండుకునే పరిస్థితులు కూడా లేకుండా పోయాయి. నిత్యం ఉపయోగించే టమాట, ఉల్లిపాయల ధరలు కూడా చుక్కలనంటుతున్నాయి. పనులు లేకపోవటంతో ఒకపూట కూర, మరోపూట పచ్చడితో గడపాల్సి వస్తోంది. అన్ని సరకులు కొందామంటే అప్పు చేయాల్సిన పరిస్థితి ఏర్పడింది. ధరలు అదుపు చేయలేకపోతున్నారు.. ఇదేమి ప్రభుత్వం? – పి.శ్రీలక్ష్మీకాంతం, గృహిణి, అన్నవరప్పాడు, పెరవలి మండలం, తూర్పుగోదావరి జిల్లాపేదల జీవనం దారుణం పరిస్థితులు దారుణంగా తయారయ్యాయి. రెక్కాడితే గాని డొక్కాడని పేదల జీవనం దయనీయంగా తయారైంది. గత రెండేళ్ల నుంచి విపరీతంగా కూరగాయలు, వంట నూనెలు, ఇంటి సరుకుల ధరలు పెరుగుతున్నా పట్టించుకున్న నాథుడు లేడు. బియ్యం కేజీ రూ.100 పైన పలుకుతోంది. ఇలాగైతే మాలాంటి కూలి చేసుకునే వారి పరిస్థితి ఏమిటి? ప్రభుత్వం ఇప్పటికైనా కళ్లు తెరిచి నిత్యావసర వస్తువుల ధరలను తగ్గించే ప్రయత్నం చేయాలి. – సుభద్రమ్మ, గృహిణి, తిరుపతివామ్మో! నారా చంద్రబాబు పాలనలో ధరలు చూస్తే షాక్‌ కరెంటు ఛార్జీలు, ఆర్టీసీ ఛార్జీలు, ఇలా అన్ని ఛార్జీలు, ధరల పెంపుతో బాదుడే బాదుడు ‘ఎక్స్‌’లో వైఎస్సార్‌సీపీ అధ్యక్షుడు, మాజీ సీఎం వైఎస్‌ జగన్‌ పోస్టు సాక్షి, అమరావతి: ఎన్నికలకు ముందు వంద రోజుల్లో ధరలు తగ్గిస్తామని చెప్పి, ఇప్పుడు నిత్యావసర వస్తువుల ధరలు, గ్యాస్, పెట్రోల్, డీజిల్‌ ధరలు పెంచి ప్రజల నడ్డి విరిచింది చంద్రబాబు కూటమి ప్రభుత్వం. విద్యుత్‌ ఛార్జీలు అమాంతం పెంచేశారు. ఇలా అన్నింటి ధరల పెరుగుదలపై మాజీ ముఖ్యమంత్రి, వైఎస్సార్‌సీపీ అధ్యక్షుడు వైఎస్‌ జగన్‌మోహన్‌రెడ్డి శుక్రవారం సామాజిక మాధ్యమం ‘ఎక్స్‌’లో చంద్రబాబు ప్రభుత్వాన్ని కడిగిపారేశారు. ‘‘వామ్మో నారా చంద్రబాబు పాలనలో ధరలు చూస్తే షాక్‌ కొడుతున్నాయి. గ్యాస్‌ బండ రేటు, కరెంటు ఛార్జీలు, ఆర్టీసీ ఛార్జీలు, ఇలా అన్ని ఛార్జీలు, ధరల పెంపుతో బాదుడే బాదుడు’’ అని పోస్టు చేశారు. 2024లో తన పాలనలో ధరలు, 2026లో కూటమి ప్రభుత్వంలో ధరల పెరుగుదలతో కూడిన ఓ పట్టికను వైఎస్‌ జగన్‌ ఆ పోస్టుతో జత చేశారు.

సాక్షి, అమరావతి: రాష్ట్రంలో వెన్నుపోటు పార్టీ ప్రభుత్వం అన్ని వర్గాల ప్రజలను నమ్మించి నిండా ముంచిందని ప్రజలు మండిపడ్డారు. మేనిఫెస్టోలో ఇచ్చిన సూపర్‌ సిక్స్‌.. సూపర్‌ సెవన్‌ సహా 143 హామీలు అమలు చేయకుండానే.. అన్నీ చేసేసినట్లు నిస్సిగ్గుగా ఎలా చెబుతున్నారని నిలదీశారు. రాష్ట్రంలోని కార్పొరేషన్లు, మున్సిపాలిటీలు, నగర పంచాయతీల్లో ప్రచార పర్వం శుక్రవారం సాయంత్రం 5 గంటలకు ముగిసింది. ఆరు రోజులపాటు సాగిన మున్సిపల్‌ ఎన్నికల ప్రచారంలో ప్రజలు ఎక్కడికక్కడ టీడీపీ కూటమి నేతలను, అభ్యర్థులను హామీలు, వివిధ సమస్యలపై నిలదీశారు. వెన్నుపోటు పార్టీ అభ్యర్థులకు ప్రజలు చెమటలు పట్టించారు. తల్లికి వందనం సరిగ్గా అమలు చేయకపోవడం, రెండున్నరేళ్లయినా కొత్తగా ఒక్కరికి కూడా వృద్ధాప్య పింఛన్‌ ఇవ్వకపోవడాన్ని ఎత్తి చూపారు. ఉద్యోగులు, విద్యార్థులు, రైతులు, మహిళలు.. ఇలా ఏ ఒక్క వర్గాన్నీ వదలకుండా ఈ ప్రభుత్వం మోసం చేసిందని మండిపడ్డారు. రూ.40 వేల కోట్ల బకాయిల సంగతేంటన్న ఉద్యోగుల ప్రశ్నకు కూటమి అభ్యర్థుల నుంచి సమాధానం కరువైంది. ఐఆర్‌ లేదు.. ఐదు డీఏలు పెండింగ్‌.. పైగా వేధింపులంటూ ఆగ్రహం వ్యక్తం చేశారు. 50 ఏళ్లు దాటిన బీసీ, ఎస్సీ, ఎస్టీ, మైనార్టీలకు పింఛన్‌ మాటే­మైందని మహిళలు మండిపడ్డారు.18 ఏళ్లు దాటిన అక్కచెల్లెమ్మలకు నెలకు రూ.1,500 చొప్పున ఏటా రూ.18 వేలు ఎందుకివ్వడం లేదని నిలదీశారు. ఉద్యో­గం లేదా ప్రతి నెలా రూ.3 వేలు నిరుద్యోగ భృతి ఇప్ప­టి వరకు ఎంత మందికి ఇచ్చారని యువత నిలదీసింది. డ్వాక్రా మహిళలకు, రైతులకు సున్నా వడ్డీ లేదని ఊరూరా ఎత్తి చూపారు. ఫీజు రీయింబర్స్‌మెంట్‌ అసలే లేదు.. వసతి దీవెనా లేదని.. కూటమి ప్రభుత్వ నిర్వాకం వల్ల చదువులు మానేయాల్సి వస్తుందని విద్యార్థులు తీవ్ర ఆవేదన వ్యక్తం చేశారు. కేంద్రంతో సంబంధం లేకుండా రైతు భరోసా కింద రూ.20 వేలు ఇస్తామన్న మాటా నిలుపుకోలేదని రైతులు మండిపడ్డారు. ఆర్బీకే వ్యవస్థను నీరు గార్చారని, రైతులను ఏ విధంగానూ ఆదుకోవడం లేదని ఆగ్రహం వ్యక్తం చేశారు. నీకు రూ.పది వేలు, నీకు రూ.పదిహేను వేలంటూ గతంలో టీడీపీ నాయకులు చేసిన ప్రచార వీడియోలను ఫోన్లలో చూపిస్తూ ప్రజలు నిలదీస్తుండేసరికి కూటమి అభ్యర్థులు ప్రచారం నుంచి జారుకున్నారు. ముఖ్యంగా నిత్యావసర వస్తువుల ధరలు ఆకాశానికి ఎగబాకుతుంటే.. వాటిని కట్టడి చేయడంలో చంద్రబాబు సర్కారు ఘోరంగా విఫలమవ్వడాన్ని ప్రజ­లు ప్రశ్నించారు. ఇదే సమయంలో మరోవైపు రూ.కోట్లాది విలువైన భూములను చంద్రబాబు ప్రభు­త్వం కారు చౌకగా కట్టబెడుతున్న వైనాన్ని గుర్తుచేస్తూ వైఎస్సార్‌సీపీ నాయకులు ప్రజల్లోకి వెళ్లారు. చంద్రబాబు పాలనలో ‘కిలో బియ్యం రూ.100.. ఎకరం భూమి 99 పైసలే’ అన్న నినాదం బాగా ప్రాచుర్యం పొందడం అధికారపార్టీ నేతలను కలవరపెడుతోంది. రెండున్నరేళ్ల పాలనలో టీడీపీ కూటమి పాల్పడిన అవినీతి, అక్రమాలు, అరాచకాలను వైఎస్సార్‌సీపీ నాయకులు ప్రజలకు కళ్లకు కట్టినట్లు వివరించారు.

సాక్షి, అమరావతి/పులివెందుల రూరల్‌/విజయనగరం టౌన్‌ : వైఎస్సార్‌సీపీ అభ్యర్థులు నామినేషన్లు వేయకుండా అడ్డుకున్నారు.. వేసిన నామినేషన్లను స్క్రూటీనీలో ఇష్టానుసారం ఏకపక్షంగా తీసేశారు.. ఈ అడ్డంకులు దాటుకుని బరిలో నిలిచిన వారిని కూడా ప్రచారం చేయనీయకుండా టీడీపీ గూండాలు పచ్చ ప్రతాపం చూపించారు. రాష్ట్రంలో మున్సిపల్‌ ఎన్నికల పోరుకు శుక్రవారం ప్రచారం ముగిసింది. ఎంపీటీసీ, జెడ్పీటీసీ ఎన్నికల ప్రచారం మొదలైంది. ఈ రెండు స్థానిక సంస్థలకు సంబంధించి ఎన్నికల బరిలో నిలిచిన వైఎస్సార్‌సీపీ అభ్యర్థులకు కనీసం ఓటు అడిగే అవకాశం కూడా లేకుండా అధికార పార్టీ నేతలు దారుణంగా అడ్డుకున్నారు.వెన్నుపోటు పార్టీకి వెన్నుదన్నుగా నిలిచిన పోలీసులు అనేక సాకులు చూపి వైఎస్సార్‌సీపీ నేతలు, అభ్యర్థులను ఇబ్బందులపాలు చేస్తున్నారు. ఎన్నికల సమయంలో శాంతిభద్రతలను కాపాడాల్సిన పోలీసులు ఏకపక్షంగా వ్యవహరిస్తున్నారనేందుకు ఎన్నో ఘటనలు నిదర్శనంగా నిలిచాయి. పల్నాడు జిల్లా వినుకొండలో ప్రచార వాహనాల డ్రైవర్ల మధ్య జరిగిన గొడవకు రాజకీయ రంగు పులిమిన పోలీసులు వైఎస్సార్‌సీపీ నేతలపై కేసులు పెట్టి అరెస్టుల వరకు వెళ్లడం ఉద్రిక్తతకు దారితీసింది. వినుకొండలో టీడీపీ ఎమ్మెల్యే జీవీ ఆంజనేయులు ప్రచార రథం డ్రైవర్‌కు, వైఎస్సార్‌సీపీ అభ్యర్థి ప్రచార ఆటో డ్రైవర్‌కు మధ్య గొడవ జరిగింది. ఈ ఘటనను ఆసరాగా చేసుకుని వైఎస్సార్‌సీపీ నాయకులపై హత్యాయత్నం నేరం మోపేందుకు పోలీసులు రంగం సిద్ధం చేశారు. టీడీపీ ప్రచార వాహన డ్రైవర్‌ను హత్య చేయించేందుకు వైఎస్సార్‌సీపీ నాయకులు ప్రయత్నించారంటూ ప్రచారం చేశారు. ఈ వ్యవహారంలో వినుకొండ టౌన్‌ సీఐ ప్రభాకర్‌ వైఎస్సార్‌సీపీ నాయకులను అరెస్టు చేయడంతో పోలీస్‌స్టేషన్‌ వద్ద ఉద్రిక్త పరిస్థితులు నెలకొన్నాయి. పోలీసుల తీరును నిరసిస్తూ మహిళలు పోలీస్‌స్టేషన్‌ ఎదుట బైఠాయించి ఆందోళనకు దిగారు. డ్రైవర్ల మధ్య జరిగిన గొడవకు రాజకీయ రంగు పులిమి వైఎస్సార్‌సీపీ నాయకులపై కేసులు నమోదు చేస్తున్నారని మహిళలు మండిపడ్డారు. ఈ క్రమంలో సీఐ ప్రభాకర్‌ ఒక చేతిలో రివాల్వర్, మరో చేతిలో లాఠీ పట్టుకుని నిరసనకారులను భయభ్రాంతులకు గురిచేస్తూ బెదిరింపులకు దిగడం శోచనీయం. వినుకొండలో ముస్లిం యువకులను అరెస్టు చేసిన సీఐ ప్రభాకర్‌.. వారిని బొల్లాపల్లి పోలీస్‌ స్టేషన్‌కు తీసుకెళ్లి చిత్రహింసలు పెట్టారని వైఎస్సార్‌సీపీ నేతలు ఆరోపించారు. కాగా, తిరుపతి జిల్లా నాయుడుపేట అర్బన్‌ సీఐ వెంకటరమణ పచ్చ చొక్కాలకు దాసోహం అంటున్నారు. ఈ క్రమంలో గురువారం రాత్రి ఆయన వైఎస్సార్‌సీపీ జిల్లా ఆర్గనైజింగ్‌ సెక్రటరీ కామిరెడ్డి రాజారెడ్డి నివాసంలో 87 మద్యం బాటిళ్లను తన సిబ్బందితో పెట్టించి, అక్రమ కేసు బనాయించారు. తన ఇంట్లో ఏం జరిగిందో సీసీటీవీ ఫుటేజ్‌లో స్పష్టంగా ఉందని రాజారెడ్డి పేర్కొనడం.. వైఎస్సార్‌సీపీ శ్రేణులు అక్కడికి చేరుకోవడంతో సీఐ ఉడాయించారు. జమ్మలమడుగులో దాడులు వైఎస్సార్‌ జిల్లా జమ్మలమడుగులో తీవ్ర ఉద్రిక్త వాతావరణం నెలకొంది. వైఎస్సార్‌సీపీ నేతలను లక్ష్యంగా చేసుకుని టీడీపీ గూండాలు దాడులకు తెగబడ్డారు. ఈ ఘటనలో వైఎస్సార్‌సీపీ నేతల కార్లను ధ్వంసం చేశారు. ఈ దాడులకు నిరసనగా జమ్మలమడుగులోని పాతబస్టాండ్‌ సర్కిల్‌ వద్ద వైఎస్సార్‌సీపీ శ్రేణులు పెద్దఎత్తున ఆందోళన చేపట్టాయి. ఎమ్మెల్సీ రామసుబ్బారెడ్డి, చైర్‌పర్సన్‌ అభ్యర్థి హైమావతి తదితరులు పాల్గొని ప్రభుత్వ తీరుపై, దాడులపై తీవ్ర ఆగ్రహం వ్యక్తం చేశారు. జమ్మలమడుగులో 8వ వార్డుకు చెందిన వైఎస్సార్‌సీపీ అభ్యర్థికి ఓటెయ్యాలని ఎస్సీ కాలనీలో ప్రచారం నిర్వహిస్తుండగా కూటమి కౌన్సిలర్‌ అభ్యర్థితోపాటు పలువురు మూకుమ్మడి దాడి చేశారు. ఈ ఘటనలో 15 మంది గాయపడ్డారు. ఎన్నికల ప్రచారం నిర్వహిస్తున్న వైఎస్సార్‌సీపీ శ్రేణులను అడ్డుకుని, దాడులకు పాల్పడటంపై వైఎస్సార్‌సీపీ తీవ్రంగా తప్పుబట్టింది. అన్యాయంగా అరెస్టు చేశారు పులివెందుల పట్టణంలోని బ్రాహ్మణపల్లె రోడ్డు శేషారెడ్డి పాఠశాల సమీపంలో వైఎస్సార్‌సీపీ కార్యకర్తలు ఇబ్రహీం, మారుతిలను శుక్రవారం రాత్రి పోలీసులు అరెస్టు చేశారు. తన భర్తను పోలీసులు అన్యాయంగా అరెస్ట్‌ చేసి తీసుకెళ్లారని ఇబ్రహీం భార్య ఆయేషా, బంధువులు ఆవేదన వ్యక్తం చేశారు. వైఎస్సార్‌ కాంగ్రెస్‌ పార్టీ తరఫున ఏజెంట్లుగా కూర్చుంటున్నారని తెలుసుకుని టీడీపీ నాయకులు చిన్న గూగూడు, హోలీ బాబాలతోపాటు కెరికిరి బాషాలు పోలీసులను వారి ఇంటి వద్దకు పంపి అరెస్ట్‌ చేయించారని ఆగ్రహం వ్యక్తం చేశారు. తన భర్తను చూపించాలని ఆయేషాతోపాటు బంధువులు పోలీస్‌ స్టేషన్‌ ఎదుట ఆందోళనకు దిగారు. కార్పొరేటర్‌ అభ్యర్థిపై దాడి విజయనగరం కార్పొరేషన్‌ ఐదో డివిజన్‌లో వైఎస్సార్‌ కాంగ్రెస్‌ పార్టీ తరఫున పోటీ చేస్తున్న కోట మహంతి శ్రీనివాసరావుపై గుర్తు తెలియని దుండగులు శుక్రవారం రాత్రి దాడికి పాల్పడ్డారు. ఆయన కేకలు వేయడంతో దుండగులు పరారయ్యారు. ఎడమ చేతిపై బ్లేడులతో కోయడంతో రక్తస్రావం అయింది. ఈ ఘటనపై కార్యకర్తలు, కుటుంబ సభ్యులు టూటౌన్‌ పోలీస్‌స్టేషన్‌లో ఫిర్యాదు చేశారు. బైక్‌పై వస్తుండగా గుర్తు తెలియని వ్యక్తులు వ్యాసనారాయణ మెట్ట వద్ద దాడికి పాల్పడినట్లు ఫిర్యాదులో పేర్కొన్నారు. ‘నీ కెందుకురా పోటీ.. అవసరమా?’ అంటూ దుండగులు బ్లేడ్‌లతో దాడి చేశారని, గట్టిగా కేకలు వేయడంతో స్థానికులు రావడం చూసి బైక్‌పై పరారయ్యారని శ్రీనివాసరావు తెలిపారు. మహారాజా ప్రభుత్వాస్పత్రిలో ఆయన చికిత్స పొందుతున్నారు. హొళగుందలో టీడీపీ హైడ్రామాకర్నూలు జిల్లా హొళగుందలో ఎన్నికల రాజకీయాలు ఉద్రిక్తతకు దారితీశాయి. టీడీపీ రెబల్‌ అభ్యర్థిగా జెడ్పీటీసీ స్థానానికి పోటీ చేస్తున్న ఈడిగ గోవిందుగౌడ్‌ ఇంటి వద్ద పోలీసుల హంగామా వివాదాస్పదమైంది. గోవిందు గౌడ్‌ ఎన్నికల బరిలో ఉండటంతో ఆయన కుటుంబాన్ని లక్ష్యంగా చేసుకుని పోలీసులు బెదిరింపులకు దిగారు. తండ్రి ఎన్నికల్లో పోటీ చేస్తున్నారనే కారణంతో ఆయన కుమారుడిని అరెస్టు చేసేందుకు ఎస్‌ఐ దిలీప్‌కుమార్‌ వెళ్లడం కలకలం రేపింది. పోలీసుల తీరును నిరసిస్తూ గ్రామస్తులు వాహనాన్ని అడ్డుకున్నారు. దీంతో పోలీసులకు, గ్రామస్తులకు మధ్య వాగ్వాదం చోటుచేసుకుంది. అభ్యర్థి కుటుంబ సభ్యుల వద్దకు వెళ్లి అరెస్టు చేసేందుకు ప్రయత్నించిన పోలీసులను స్థానికులు అడ్డుకున్నారు. దీంతో పరిస్థితి ఉద్రిక్తంగా మారింది. ఆందోళనకారులపై ఎస్సై లాఠీచార్జి చేసేందుకు ప్రయత్నించారు. తమ విధులకు అడ్డుపడితే పరిణామాలు తీవ్రంగా ఉంటాయని హెచ్చరించారు.

సాక్షి, నెట్‌వర్క్‌: స్థానిక ఎన్నికల్లో తెలుగుదేశం గూండాలు, కిరాయి మూకలు, గంజాయి బ్యాచ్‌లు చేసిన దురాగతాలు అన్నీ ఇన్నీ కావు. వాళ్ల సంగతలా ఉంచితే పోలింగ్‌ కేంద్రాలలో ఉన్న కొందరు రిటర్నింగ్‌ అధికారులు (ఆర్వోలు) కూడా తెలుగుదేశం కార్యకర్తలను, కిరాయి మూకలను మించి ప్రభుభక్తిని ప్రదర్శించారు. తమ చేతిలోని నామినేషన్‌ పత్రాలను టీడీపీ గూండాలు లాక్కుని చించుతుంటే బొమ్మల్లా నిలబడిపోయారు.ప్రతిపక్ష పార్టీ అభ్యర్థులు నిబంధనల ప్రకారం ఇద్దరు, ముగ్గురు నాయకులతో కలసి పోలింగ్‌ కేంద్రాలకు వస్తే.. అప్పటికే పోలింగ్‌ కేంద్రాలలో మారణాయుధాలతో వందల మంది టీడీపీ గూండాలు ఉన్నారు. వారిని ఎలా అనుమతించారు? ఎందుకు అదుపు చేయలేదు? ఎన్నికలు జరుగుతున్నపుడు ఎన్నికల సంఘమే సుప్రీం కదా..? పై అధికారులకు వెంటనే తెలియజేసి అక్రమాలను ఎందుకు అడ్డుకోలేదు? ఇదంతా ఒక ఎత్తయితే తమను నమ్మి నామినేషన్‌ పత్రాలను ఇచ్చిన అభ్యర్థులకు కొందరు ఆర్వోలు మరింత ద్రోహం చేశారు. అధికార పార్టీకి అమ్ముడుపోయి తమ వృత్తికి కూడా ద్రోహం చేశారు. నీతి నిజాయితీలకు నీళ్లొదిలేశారు. ఏకగ్రీవం చేయడం కోసం ప్రతిపక్ష పార్టీ అభ్యర్థుల నామినేషన్‌ పత్రాలను చెల్లనీయకుండా చేశారు. చెక్‌లిస్ట్‌ ఇచ్చి అన్నీ బాగున్నాయని చెప్పి సంతకం చేసి మరీ అక్‌నాలెడ్జ్‌ స్లిప్పులు ఇచ్చి.. ఆ తర్వాత కొన్ని పత్రాలు చించేసి అవిలేవంటూ నామినేషన్లు తిరస్కరించారు. అభ్యర్థుల సంతకాలు ఫోర్జరీ చేసి విత్‌డ్రాలు చేసేశారు. అలాంటి అమ్ముడుపోయిన, దిగజారిపోయిన ఆర్వోలలో కొందరి గురించి చూద్దామా? గిద్దలూరులో ఐదుగురి నామినేషన్లు మాయం! నామినేషన్‌ పత్రాలు మాయం చేసి ప్రజాస్వామ్య హక్కులకే తూట్లు పొడిచిన ఆర్‌ఓ ఆర్‌వో: వంగా జ్యోతి ప్రాంతం: కొమరోలు మండలం, గిద్దలూరు నియోజకవర్గం, ప్రకాశం జిల్లా ఏం జరిగిందంటే: ఐదుగురు వైఎస్సార్‌సీపీ ఎంపీటీసీ అభ్యర్థుల నామినేషన్‌ పత్రాలు మాయం! పత్రాలు కనిపించడం లేదంటూ ఐదుగురి నామినేషన్లూ తిరస్కరణ. ఫలితం: ఎంపీటీసీ అభ్యర్థులు షేక్‌ తస్లీమా, కామూరి అమూల్య, సారె ఓబులమ్మ, కరిస్మా, కామూరి శ్రీనివాసరెడ్డి నామిషన్ల తిరస్కరణ. జెడ్పీటీసీ అభ్యర్థి సారె వెంకటనాయుడు ఎన్నికల ఖర్చుల డిక్లరేషన్‌ తొలగింపు.. నామినేషన్‌ తిరస్కరణ!పొందూరులో ఫేక్‌ విత్‌డ్రాలు! అభ్యర్థుల ప్రమేయం లేకుండానే ఐదు నామినేషన్ల ఉపసంహరణ.. ఐదు స్థానాలు టీడీపీకి ఏకగ్రీవం చేసిన ఆర్‌ఓ! ఆర్‌వో: సూర్యప్రకాశరావు ప్రాంతం: పొందూరు మండలం, శ్రీకాకుళం జిల్లా ఏం జరిగిందంటే: మొదట 21 ఎంపీటీసీ స్థానాల్లో వైఎస్సార్‌సీపీ అభ్యర్థుల నామినేషన్లఆమోదం. 21 మందికి బీ ఫారాలు స్వీకరించి రసీదులు జారీ. కానీ, విత్‌డ్రా రోజు రాత్రి 8 గంటలకు ఐదుగురు అభ్యర్థులు ఉపసంహరించుకున్నట్లు నమోదు. విత్‌డ్రా ప్రక్రియకు సంబంధించిన సీసీటీవీ ఫుటేజీ అడిగితే కెమెరాలే లేవంటూ సమాధానం! ఫలితం: వైఎస్సార్‌సీపీ అభ్యర్థుల ప్రమేయం లేకుండానే నామినేషన్ల ఉపసంహరణ. ఐదు స్థానాలు టీడీపీకి ఏకగ్రీవం! దర్శిలో వైఎస్సార్‌సీపీ నామినేషన్లు చించివేత! ఎన్నికల అధికారిగా కాకుండా టీడీపీ కార్యకర్తలా వ్యవహరించిన దర్శి ఆర్‌ఓ! ఆర్‌వో: ఎంఈఓ–2 రమాదేవి ప్రాంతం: దర్శి మున్సిపాలిటీ, ప్రకాశం జిల్లా ఏం జరిగిందంటే: టీడీపీ అభ్యర్థుల నామినేషన్ల స్వీకరణకు ప్రాధాన్యం. వైఎస్సార్‌సీపీ నేతల నామినేషన్ల స్వీకరణలో ఉద్దేశపూర్వక జాప్యం. సమయం వృథా చేస్తూ నామినేషన్లు దాఖలు చేయకుండా అడ్డంకులు. ఈలోపు టీడీపీ గూండాల దాడి.. వైఎస్సార్‌సీపీ నేతల నామినేషన్‌ పత్రాలు చించివేత. ఎన్నికల అధికారి ప్రేక్షకపాత్రకే పరిమితం! ఫలితం: వైఎస్సార్‌సీపీ అభ్యర్థులు నామినేషన్‌ వేసే అవకాశం కోల్పోయారు.కురిచేడులో అభ్యర్థులు రాకుండానే విత్‌డ్రాలు! అభ్యర్థుల ప్రమేయం లేకుండానే నామినేషన్ల ఉపసంహరణ.. టీడీపీకి ఏకగ్రీవాలను కట్టబెట్టిన ఆర్‌ఓ ఆర్‌వో: పురుషోత్తమరాజు ప్రాంతం: కురిచేడు మండలం, దర్శి నియోజకవర్గం, ప్రకాశం జిల్లా ఏం జరిగిందంటే: నామినేషన్ల ఉపసంహరణ సమయంలో అభ్యర్థులు హాజరుకాకుండానే విత్‌డ్రాలు నమోదు. అభ్యర్థుల ప్రమేయం లేకుండానే నామినేషన్ల ఉపసంహరణ. ఫలితం: టీడీపీ నాయకుల కనుసన్నల్లో ఏకగ్రీవాల ప్రక్రియ జరిగింది. ప్రతిపక్ష అభ్యర్థుల ఎన్నికల హక్కులకు తీవ్ర విఘాతం. తిరుపతి రూరల్‌లో పత్రాలు చించేసి.. పేజీలు మార్చేసి..! ఆస్తుల వివరాల పత్రాలు మాయం.. నామినేషన్‌ పేజీల మార్పు.. నాలుగు అభ్యర్థుల నామినేషన్ల తిరస్కరణ.. 10 ఎంపీటీసీ స్థానాలను కూటమికి ఏకగ్రీవం చేసేందుకు ఆర్‌ఓ యశ్వంత్‌ యత్నం! ఆర్‌వో: యశ్వంత్‌ ప్రాంతం: తిరుపతి రూరల్‌ మండలం ఏం జరిగిందంటే: సి.మల్లవరం ఎంపీటీసీ అభ్యర్థి మొక్కల తిమ్మారెడ్డి నామినేషన్‌లో ఆస్తుల వివరాల పత్రం చించివేసి, ఆస్తుల వివరాలు లేవంటూ తిరస్కరణ. అప్పీల్‌లోనూ అదే పత్రం లేదంటూ నామినేషన్‌ తిరస్కరణ. వైఎస్సార్‌సీపీ ఎంపీపీ అభ్యర్థి వై.నాగలక్ష్మి నామినేషన్‌ పత్రాల్లోని పేజీలు మార్చేసి, ఆస్తుల వివరాలు లేవంటూ మూడు సెట్ల నామినేషన్ల తిరస్కరణ. పూర్తి వివరాలతో నామినేషన్‌ సమర్పించినట్లు వీడియో ఆధారం ఉందని చెప్పినా పట్టించుకోని అధికారి. వైఎస్సార్‌సీపీ మద్దతుతో ఇండిపెండెంట్‌లుగా పోటీ చేసిన బి.శారద, ఎం.నారాయణమ్మ నామినేషన్లూ తిరస్కరణ. ఫలితం: ఇలా మొత్తం 10 ఎంపీటీసీ స్థానాలను కూటమికి ఏకగ్రీవం చేసేందుకు అధికార యంత్రాంగం పని చేసింది. దుగ్గిరాలలో వార్డు నంబరు తప్పుతో నామినేషన్‌ ఔట్‌! 6 కు బదులు 7 రాశారని వైఎస్సార్‌సీపీ అభ్యర్థి నామినేషన్‌ తిరస్కరణ.. కూటమి అభ్యర్థుల తప్పులకు మాత్రం సవరణలతో ఆమోదం! ఆర్‌వో: టి.నరసింహారెడ్డి ప్రాంతం: చిలువూరు–1, దుగ్గిరాల మండలం, గుంటూరు జిల్లా ఏం జరిగిందంటే: వైఎస్సార్‌సీపీ ఎంపీటీసీ అభ్యర్థి ఓటరు జాబితాలో వార్డు నంబరు 6కు బదులు 7గా నమోదు. చిన్న పొరపాటును కారణంగా చూపి నామినేషన్‌ తిరస్కరణ. అదే సమయంలో కూటమి అభ్యర్థుల నామినేషన్‌ పత్రాల్లో తప్పులను కొట్టివేసి సరిచేసుకునే అవకాశం. వారి నామినేషన్లకు మాత్రం ఆమోదముద్ర. ఫలితం: వైఎస్సార్‌సీపీ అభ్యర్థి నామినేషన్‌ తిరస్కరణ. పోటీకి దూరమైన వైఎస్సార్‌సీపీ అభ్యర్థి తనకు జరిగిన అన్యాయంపై న్యాయస్థానాన్ని ఆశ్రయించేందుకు సిద్ధం. చేబ్రోలులో ఏకపక్షంగా 19 నామినేషన్లు ఔట్‌! 19 వైఎస్సార్‌సీపీ నామినేషన్ల తిరస్కరణ.. అప్పీల్‌లో ఆర్‌ఓ నిర్ణయాలకు ఎదురుదెబ్బ.. ఆర్‌వో: కోమలి పద్మ ప్రాంతం: చేబ్రోలు మండలం, గుంటూరు జిల్లా ఏం జరిగిందంటే: 19 వైఎస్సార్‌సీపీ నామినేషన్లను చిన్నచిన్న కారణాలతో తిరస్కరించిన ఆర్‌ఓ కోమలి పద్మ. ఆమె నిర్ణయాలపై నిర్ణయాలపై తెనాలి ఆర్‌డీఓకు అప్పీల్‌. ఫలితం: ఆర్డీఓ విచారణలో నాలుగు నామినేషన్ల తిరస్కరణ.. ఆరు నామినేషన్ల ఆమోదం. తెనాలి, శేకూరులో ఓటు హక్కు ఉందనే కారణంతో ఒక అభ్యర్థి నామినేషన్‌ తిరస్కరణ. ఆర్‌ఓ నిర్ణయాల్లో కొన్ని అప్పీల్‌ స్థాయిలో మారడం అధికారుల పరిశీలనా తీరుపై ప్రశ్నలు లేవనెత్తింది. చిత్తూరులో ఫోర్జరీ విత్‌డ్రాలు.. 51 డివిజన్లు ఏకగ్రీవం! అభ్యర్థుల సంతకాల ఫోర్జరీతో ఉపసంహరణ లేఖల సృష్టి.. వాటిని ఆమోదించి ఏకగ్రీవాలు ప్రకటించిన ఆర్‌ఓ ఆర్‌వో: సోమశేఖర్‌ప్రాంతం: చిత్తూరు కార్పొరేషన్‌ ఏం జరిగిందంటే: మొత్తం 60 డివిజన్లలో ఏకంగా 51 డివిజన్లకు ఏకగ్రీవాల ప్రకటన. టీడీపీకి 47, జనసేనకు 2, బీజేపీకి 1, వైఎస్సార్‌సీపీకి 1 స్థానం కేటాయింపు. అభ్యర్థులు, ప్రతిపాదకులు ఉపసంహరించుకోకుండానే వారి సంతకాలతో ఫోర్జరీ విత్‌డ్రా లేఖల సృష్టి. అసలు సంతకాల ప్రామాణికతను నిర్ధారించకుండానే ఉపసంహరణలు ఆమోదించిన ఆర్‌ఓలు. ఫలితం: ఫోర్జరీ లేఖల ఆధారంగా 51 డివిజన్లకు ఏకగ్రీవ డిక్లరేషన్లు! నగరిలో ముందు ధ్రువీకరణ.. తర్వాత నామినేషన్‌ తిరస్కరణ! ఫారం–7 ఇచ్చి మరీ మాట మార్చిన ఆర్‌ఓ.. టీడీపీకి ఏకగ్రీవ పట్టం! ఆర్‌వో: సంజీవకుమార్‌ ప్రాంతం: నగరి మున్సిపాలిటీ, చిత్తూరు జిల్లా ఏం జరిగిందంటే: వైఎస్సార్‌సీపీ చైర్మన్‌ అభ్యర్థి బాలకృష్ణన్‌ నామినేషన్‌ పరిశీలన అనంతరం పోటీలో ఉన్నట్లు ఫారం–7 జారీ. కొద్దిసేపటికే అదే నామినేషన్‌ చెల్లదంటూ తిరస్కరణ. పోటీలో ఉన్నట్లు ధ్రువీకరించిన నామినేషన్‌ను కొద్దిసేపటికే ఎలా తిరస్కరించారు? ఫలితం: టీడీపీ అభ్యర్థి చైర్మన్‌గా ఏకగ్రీవంగా ఎన్నికైనట్లు ప్రకటన.ఆలూరులో కారణాలు చెప్పకుండానే నామినేషన్లు ఔట్‌! ముగ్గురు వైఎస్సార్‌సీపీ అభ్యర్థుల నామినేషన్లు తిరస్కరణ.. లోపాలు సరిదిద్దుకునే అవకాశం కూడా ఇవ్వని ఆర్‌ఓ ఆర్‌వో: ఆనంద్‌ రాజ్‌కుమార్‌ ప్రాంతం: ఆలూరు, కర్నూలు జిల్లా ఏం జరిగిందంటే: పెద్దహోతూరు–2 ఎంపీటీసీ అభ్యర్థి లక్ష్మి, మొలగవల్లి–2లో నరసమ్మ, ఆలూరు–3 వినోద్‌కుమార్‌ నామినేషన్లలో తప్పులున్నాయంటూ స్పష్టమైన వివరాలు ఇవ్వకుండా ఆర్‌డీఓ వద్దకు పంపించడం. చెక్‌లిస్ట్, ఫారం–5 ఇవ్వకుండానే నరసమ్మ నామినేషన్‌ తిరస్కరణ. ఆర్‌డీఓ వద్ద కూడా తిరస్కరణకు స్పష్టమైన కారణాలు వెల్లడించకపోవడం. లోపాలు సరిదిద్దుకునేందుకు కార్యాలయంలోకి వెళ్లే అవకాశం కూడా నిరాకరణ. ఫలితం: చివరకు ముగ్గురు వైఎస్సార్‌సీపీ అభ్యర్థులు ఎన్నికల బరిలో లేకుండా పోవడం!నారాయణవనంలో ఐదు ఎంపీటీసీలు టీడీపీకి ధారాదత్తం! అర్ధరాత్రి ఫోన్‌కాల్స్‌ తర్వాత విత్‌డ్రాల ప్రకటన ఆర్‌వో: విజయానంద్‌ ప్రాంతం: నారాయణవనం మండలం, తిరుపతి జిల్లా ఏం జరిగిందంటే: మండలంలోని 11 ఎంపీటీసీ స్థానాల్లో ఐదు స్థానాలకు చెందిన వైఎస్సార్‌సీపీ అభ్యర్థుల నామినేషన్ల తిరస్కరణ. డిక్లరేషన్‌ ఫారంలో సంతకం లేదంటూ నామినేషన్లు తిరస్కరించిన ఆర్‌ఓ విజయానంద్‌. సంతకాలు లేని నామినేషన్‌ పత్రాలనే స్వీకరించి రసీదులు ఎలా ఇచ్చారు? అంటే సమాధానం లేదు. టీడీపీ రెబల్, డమ్మీ అభ్యర్థుల విత్‌డ్రాల కోసం రాత్రి 7.30 వరకు వేచి ఉన్నారు. అభ్యర్థుల నుంచి నేరుగా ఉపసంహరణ పత్రాలు తీసుకోకుండానే టీడీపీ నాయకుల ఫోన్‌కాల్స్‌ కోసం నిరీక్షణ. ఫలితం: రాత్రి 7.40 గంటలకు వైఎస్సార్‌సీపీ అభ్యర్థులు నామినేషన్లు ఉపసంహరించుకున్నట్లు ప్రకటించి... ఐదు స్థానాల్లో ఏకగ్రీవాల ప్రకటన!కోటబొమ్మాళిలో టీడీపీ అభ్యర్థులకే వెసులుబాటు! వైఎస్సార్‌సీపీ అభ్యర్థి నామినేషన్‌ తిరస్కరణ.. టీడీపీ అభ్యర్థుల తప్పులకు అక్కడికక్కడే సవరణలు చేసిన ఆర్‌ఓ! ఆర్‌వో: కె.జగన్మోహన్‌రావు ప్రాంతం: కోటబొమ్మాళి మండలం, శ్రీకాకుళం జిల్లా ఏం జరిగిందంటే: దంత ఎంపీటీసీ స్థానం నుంచి వైఎస్సార్‌సీపీ అభ్యర్థి హేమసుందర్‌రాజు నామినేషన్‌ దాఖలు. పరిశీలనకు పిలిపించి చిన్నచిన్న కారణాలు చూపిస్తూ నామినేషన్‌ తిరస్కరణ. టీడీపీ అభ్యర్థుల పత్రాల్లో ఎన్ని తప్పులున్నా వెసులుబాటు. పత్రాల్లో లోపాలున్నా అక్కడికక్కడే సరిదిద్దుకునే అవకాశం. ప్రతిపక్ష అభ్యర్థికి ఒక నిబంధన.. టీడీపీ అభ్యర్థులకు మరో నిబంధన! ఫలితం: వైఎస్సార్‌సీపీ అభ్యర్థి హేమసుందర్‌రాజు పోటీకి విత్‌డ్రా పేరుతో వంచన.. ఒక నామినేషన్‌ ఉపసంహరించుకోమని చెప్పి.. మొత్తం నామినేషన్‌నే లేకుండా చేసిన ఆర్‌ఓ ఆర్‌వో: కె.జగన్మోహన్‌రావు ప్రాంతం: చిన్నసాన ఎంపీటీసీ, కోటబొమ్మాళి మండలం, టెక్కలి నియోజకవర్గం, శ్రీకాకుళం జిల్లా ఏం జరిగిందంటే: రొక్కం శ్రావణి పేరుతో వేర్వేరు ప్రతిపాదకులతో రెండు నామినేషన్లు దాఖలు. ఒక నామినేషన్‌ ఉపసంహరించుకోవాలని అధికారుల సూచన. అధికారుల సూచన మేరకు ఒక నామినేషన్‌ విత్‌డ్రా. ఫలితం: బీ.ఫారం సమర్పించేందుకు శ్రావణి వెళితే మొత్తం నామినేషన్‌ తిరస్కరణకు గురైందంటూ సమాధానం!. మార్కాపురంలో వైట్‌నర్‌ సాకు.. నామినేషన్‌ ఔట్‌! వైట్‌నర్‌ వాడొచ్చని చెప్పి.. అదే కారణంతో నామినేషన్‌ తిరస్కరించిన ఆర్‌ఓ ఆర్‌వో: డి.రవిప్రసాద్‌ ప్రాంతం: భూపతిపల్లి ఎంపీటీసీ స్థానం, మార్కాపురం మండలం ఏం జరిగిందంటే: వైఎస్సార్‌సీపీ అభ్యర్థి భవనం వెంకట రామిరెడ్డి నామినేషన్‌ దాఖలు. ఫారం నింపే సమయంలో వైట్‌నర్‌ వాడవచ్చని అధికారుల సూచన. ఫలితం: స్క్రూటినీ సమయంలో అదే వైట్‌నర్‌ను కారణంగా చూపి నామినేషన్‌ తిరస్కరణ. ముందుగా అనుమతి.. తర్వాత అదే అంశంపై అభ్యంతరం.. చివరకు అభ్యర్థి పోటీకి దూరం! వైఎస్సార్‌సీపీకి ఒక న్యాయం.. టీడీపీకి మరో న్యాయం! ఒకే తరహా జిరాక్స్‌ సర్టిఫికెట్‌.. వైఎస్సార్‌సీపీ అభ్యర్థి నామినేషన్‌ ఔట్‌.. టీడీపీ అభ్యర్థికి మాత్రం అప్పీల్‌లో ఆమోదం! ఆర్‌వో: నారాయణస్వామి ప్రాంతం: అనంతపురం రూరల్‌ మండలం ఏం జరిగిందంటే: కందుకూరు–1 వైఎస్సార్‌సీపీ అభ్యర్థి కామక్కగారి మురళి ఒరిజినల్‌ కుల ధ్రువీకరణపత్రం టీడీపీ వ్యక్తులు చించేయడంతో జిరాక్స్‌ కాపీతో నామినేషన్‌ దాఖలు. ఫలితం: స్క్రూటినీ సమయంలో ఒరిజినల్‌ పత్రం సమర్పించినా, జిరాక్స్‌ కాపీ జత చేశారనే కారణంతో నామినేషన్‌ తిరస్కరణ. ఆర్‌డీఓను ఆశ్రయించినా మురళికి న్యాయం జరగలేదు. అదే మండలం రాచాననపల్లి–1 టీడీపీ అభ్యర్థి డి.రమ్య కూడా జిరాక్స్‌ కాపీనే సమర్పించారు. ఆమె నామినేషన్‌ను తొలుత తిరస్కరించినా, అప్పీల్‌లో ఆర్‌డీఓ ఆమోదం. నామినేషన్‌ పత్రం చించేసి తిరస్కరణ! ముందు రాళ్ల దాడితో నామినేషన్‌కు అడ్డంకులు.. మరుసటి రోజు పత్రం చించేసి నామినేషన్‌ ఔట్‌.. చివరకు టీడీపీకి ఏకగ్రీవం! ఆర్‌వో: గోపాల్‌నాయక్‌ ప్రాంతం: బండారుపల్లి, ఏర్పేడు మండలం, తిరుపతి జిల్లా ఏం జరిగిందంటే: మాజీ వైస్‌ ఎంపీపీ, వైఎస్సార్‌సీపీ ఎంపీటీసీ అభ్యర్థి టి.జనార్ధన్‌రెడ్డి నామినేషన్‌ దాఖలుకు వెళ్తుండగా ఏర్పేడు కేంద్రం వద్ద సుమారు 500 మంది టీడీపీ మూకల రాళ్ల దాడి. అభ్యర్థితోపాటు ఇద్దరు నామినీలపై దాడి.. ప్రాణభయంతో వెనుదిరగడం. ఎంపీ డాక్టర్‌ మద్దెల గురుమూర్తి చొరవతో మరుసటి రోజు నామినేషన్‌ దాఖలు. ఫలితం: పరిశీలన సమయంలో నామినేషన్‌ పత్రాల్లో ఒకటి చించేసి, దాని స్థానంలో ఖాళీ ఫారం పెట్టడం. సంతకం లేదనే కారణంతో నామినేషన్‌ తిరస్కరణ. చివరకు ఆ స్థానం టీడీపీకి ఏకగ్రీవం.ఏర్పేడులో బలవంతపు విత్‌డ్రాలు! ఎనిమిది వైఎస్సార్‌సీపీ నామినేషన్ల తిరస్కరణ.. మరో రెండింటిపై బలవంతపు విత్‌డ్రాలు.. ఆర్‌ఓ గోపాల్‌నాయక్‌ వ్యవహారం! ఆర్‌వో: గోపాల్‌నాయక్‌ ప్రాంతం: ఏర్పేడు మండలం, తిరుపతి జిల్లా ఏం జరిగిందంటే: మండలంలోని 16 ఎంపీటీసీ స్థానాలకు గాను 10 స్థానాల్లో వైఎస్సార్‌సీపీ అభ్యర్థుల నామినేషన్లు. వాటిలో ఎనిమిది నామినేషన్లను కుంటి సాకులతో తిరస్కరించిన ఆర్‌ఓ. మిగిలిన రెండు స్థానాల్లోనూ టీడీపీ నాయకుల ఒత్తిళ్లతో బలవంతపు ఉపసంహరణలు. ఫలితం: 16 స్థానాల్లో 15 స్థానాలు కూటమికి ఏకగ్రీవం. రామచంద్రాపురంలో ఏకపక్షంగా తిరస్కరణ! కనీస తనిఖీ లేదు.. వివరణకు అవకాశం లేదు.. వైఎస్సార్‌సీపీ అభ్యర్థుల నామినేషన్లకు వరుసగా తిరస్కరణలు..ఆర్‌వో: వసంత్‌ బాయ్‌ ప్రాంతం: రామచంద్రాపురం మండలం, తిరుపతి జిల్లా ఏం జరిగిందంటే: నామినేషన్ల పరిశీలనను ఏకపక్షంగా నిర్వహించిన ఆర్‌ఓ. ఫలితం: కనీస తనిఖీ, వివరణకు అవకాశం లేకుండానే వైఎస్సార్‌సీపీ అభ్యర్థుల నామినేషన్ల తిరస్కరణ.

సాక్షి, అమరావతి: పల్నాడు జిల్లా మాచర్ల మున్సిపల్‌ ఆఫీసులో తమ అభ్యర్థులు సమర్పించిన బీఫారాలను బలవంతంగా లాక్కుని చింపేసి, మహిళా అభ్యర్థులపై దాడిచేసిన తెలుగుదేశం పార్టీ నేతలపై కేసు నమోదు చేసి, సీనియర్‌ అధికారి చేత విచారణ జరిపించేలా ఆదేశాలు జారీచేయాలని కోరుతూ వైఎస్సార్‌సీపీ ఇచ్చిన వినతిపత్రాన్ని పరిగణనలోకి తీసుకోవాలని హైకోర్టు శుక్రవారం రాష్ట్ర ఎన్నికల కమిషనర్‌ను ఆదేశించింది. ఆ వినతిపై తగిన నిర్ణయం వెలువరించాలని స్పష్టం చేసింది.ఈ మేరకు న్యాయమూర్తి జస్టిస్‌ మండవ కిరణ్మయి శుక్రవారం ఉత్తర్వులు జారీచేశారు. ఈ నెల 21న మాచర్ల మున్సిపల్‌ ఆఫీసులో వైఎస్సార్‌సీపీ అభ్యర్థుల బీఫారాలను సిట్టింగ్‌ ఎమ్మెల్యే బ్రహ్మరెడ్డి కుమారుడు గౌతమ్‌రెడ్డి ఆధ్వర్యంలో తెలుగుదేశం పార్టీ వ్యక్తులు లాక్కుని చించేశారు. అంతేగాక మహిళా అభ్యర్థులపై కూడా దాడులు చేశారు. దీంతో వైఎస్సార్‌సీపీ అభ్యర్థులకు పార్టీ గుర్తు దక్కలేదు. వీరికి కప్‌బోర్డు గుర్తు లభించింది. మరోసారి రౌడీయిజం ఇదిలా ఉండగానే ఈ నెల 29న మధ్యాహ్నం 3 గంటల ప్రాంతంలో మాచర్ల మున్సిపల్‌ ఆఫీసులో వైఎస్సార్‌సీపీ చైర్‌పర్సన్‌ అభ్యర్థులు సమర్పించిన ఏజెంట్‌ ఫారాలను కూడా తెలుగుదేశం పార్టీ నేతలు చించేశారు. అంతేకాక కర్రలతో దాడిచేసేందుకు వచ్చి బెదిరించి వెళ్లారు. ఈ ఘటనపై సీనియర్‌ అధికారి ద్వారా తక్షణ విచారణ జరిపించి, బాధ్యులపై కేసులు నమోదు చేసేలా ఆదేశాలు ఇవ్వాలని కోరుతూ వైఎస్సార్‌సీపీ అభ్యర్థి షేక్‌ ఆషా రాష్ట్ర ఎన్నికల కమిషనర్‌కు వినతిపత్రం సమర్పించారు. 29వ తేదీ మధ్యాహ్నం 12 గంటల నుంచి సాయంత్రం 5 గంటల వరకు ఉన్న సీసీటీవీ ఫుటేజీని భద్రపరిచి, విచారణ నిమిత్తం దాన్ని పరిగణనలోకి తీసుకోవాలని రాష్ట్ర ఎన్నికల కమిషన్‌కు విజ్ఞప్తి చేశారు. అలాగే అక్టోబర్‌ 21 నాటి సీసీటీవీ రికార్డులను, కెమెరాలు ఎవరు ఆపారనే దానిపై విచారణ జరిపి చర్యలు తీసుకోవాలని అభ్యర్థించారు. మున్సిపల్‌ ఆఫీసు వద్ద తగినంత పోలీసు భద్రతను ఏర్పాటు చేసి, అనధికార వ్యక్తులు గుమికూడకుండా చూడాలని కోరారు. అంతేగాక అభ్యర్థులకు, ముఖ్యంగా మహిళా అభ్యర్థులు, వారి ఏజెంట్లు, మద్దతుదారులకు తగిన భద్రత కల్పించాలని ఎన్నికల కమిషన్‌ను కోరారు. అయితే యథాతథంగా కమిషన్‌ స్పందించలేదు. దీంతో షేక్‌ ఆషా హైకోర్టును ఆశ్రయించారు. ఈ వ్యాజ్యంపై శుక్రవారం జస్టిస్‌ కిరణ్మయి విచారణ జరిపారు. వాదనలు విన్న న్యాయమూర్తి.. పిటిషనర్‌ సమర్పించిన వినతిపత్రాన్ని పరిగణనలోకి తీసుకోవాలని ఎన్నికల కమిషనర్‌ను ఆదేశించారు.

మాచర్ల: రాష్ట్ర ప్రజలకు సూపర్‌ సిక్స్‌ హామీలిచ్చి ఏ హామీనీ అ­మ­లు చేయకుండా స్థానిక ఎన్నిక­లలో సీఎం చంద్రబాబు నీచ రాజకీయాలు చేస్తున్నారని వైఎస్సార్‌ సీపీ పల్నాడు జిల్లా అధ్య­క్షు­డు, మాచర్ల మాజీ ఎమ్మెల్యే పి­న్నెల్లి రామకృష్ణారెడ్డి విమర్శించారు. మాచర్లలోని తన కార్యాలయంలో శుక్రవారం ఆయన మున్సిపల్‌ చైర్‌పర్సన్‌ అభ్యర్థి షేక్‌ సుల్తానా, కౌన్సిలర్‌ అభ్యర్థులతో కలిసి విలేకరులతో మాట్లాడారు. తనపైనా, తన సోదరుడిపైనా పోలీసులు అక్రమంగా కేసులు నమోదు చేశారని, తాము 98 రోజులు జైలులో ఉన్నామని వివరించారు. స్థానిక ఎన్నికల్లో పోలీసులు పక్షపాతంగా వ్యవహరిస్తున్నారని ధ్వజమెత్తారు.వైఎస్సార్‌సీపీ మహిళా అభ్యర్థులపై టీడీపీ మూకల దాడిని నిరసిస్తూ మాచర్లలో శాంతియుత ప్రదర్శన చేస్తే తిరిగి తన బెయిల్‌ రద్దు చేయాలని పోలీసులు గురజాల కోర్టులో కేసు వేసి కుట్రలు చేస్తున్నారని దుయ్యబట్టారు. రాష్ట్రంలో టీడీపీ అరాచకాలకు వంతపాడుతున్న పోలీసులు, అధికారులపై తాము అధికారంలోకి వచ్చాక చర్యలు తీసుకుంటామని స్పష్టం చేశారు. వైఎస్సార్‌సీపీ అధికారంలోకి వచ్చిన వెంటనే సిట్‌ వేసి బాధ్యులపై చట్టపరమైన చర్యలు తప్పవని హెచ్చరించారు. మాచర్ల మున్సిపల్‌ ఎన్నికల్లో అధికారపార్టీ అరాచకాలకు పాల్పడుతోందని మండిపడ్డారు. వైఎస్సార్‌సీపీ మున్సిపల్‌ చైర్‌పర్సన్‌ అభ్యర్ధి సుల్తానాను పచ్చమూకలు బెదిరించారని ధ్వజమెత్తారు. మహిళా కౌన్సిలర్‌ అభ్యర్థి రామతులసిపై గంజాయి బ్యాచ్, తెలుగుదేశం రౌడీలు, బ్లేడులు, కత్తులతో దాడికి పాల్పడి బీఫాం లాక్కున్నారని దుయ్యబట్టారు. ఇది అధికారులు, పోలీసుల ముందే జరిగినా చూసీచూడనట్టు వ్యవహరించారని విమర్శించారు. మున్సిపల్‌ కమిషనర్‌ కూడా టీడీపీ అనుకూలంగా వ్యవహరిస్తూ వైఎస్సార్‌సీపీని ఇబ్బంది పెడుతున్నారని పిన్నెల్లి ఆగ్రహం వ్యక్తం చేశారు.

సాక్షి, అమరావతి : పోలింగ్‌ కేంద్రాల్లో వైఎస్సార్‌సీపీ ఏజెంట్లు లేకుండా చేసి, అధికార పార్టీ గూండాలు బూత్‌లను పూర్తిగా అక్రమించుకొని ఎన్నికలను ఏకపక్షంగా జరిపేందుకు ప్రభుత్వ పెద్దలు కొత్త దుర్మార్గాలకు తెరతీశారు. పోలీసులు, ఎన్నికల అధికారులను అడ్డుపెట్టుకుని పోలింగ్‌ ఏజెంట్ల నియామక నిబంధనలను సైతం ఇష్టారాజ్యంగా మార్చేస్తున్నారు. పోలింగ్‌ బూత్‌లో పార్టీ తరుఫున ఉండే ఏజెంట్లకు పోలీసు క్లియరెన్స్‌ సర్టిఫికెట్‌ ఉండాలనే నిబంధన లేదని రాష్ట్ర ఎన్నికల కమిషన్‌ ఇప్పటికే పలుమార్లు స్పష్టం చేసినా, వైఎస్సార్‌సీపీ అభ్యర్థులను మాత్రం ఆ సర్టిఫికెట్లు కావాలని ఒత్తిడి తెస్తున్నారు. మున్సిపల్‌ ఎన్నికల పోలింగ్‌ ఏజెంట్ల నియామకంపై రాష్ట్ర ఎన్నికల కమిషన్‌ సెప్టెంబర్‌ 18న జారీ చేసిన మార్గదర్శకాలను పూర్తిగా పక్కన పెట్టి, వైఎస్సార్‌సీపీ అభ్యర్థులు నియమించుకునే పోలింగ్‌ ఏజెంట్ల పేర్లను తమకు ముందే ఇవ్వాలంటూ పలుచోట్ల వేధిస్తున్నారు. బూత్‌ ఏజెంట్ల పేర్లను ఆర్వోల ద్వారా తెలుసుకుని వారి మీద పోలీసుల ద్వారా తీవ్ర ఒత్తిడికి గురిచేస్తున్న దుస్థితి నెలకొంది. కొన్ని చోట్ల టీడీపీ గూండాలు పోలీసులను అడ్డంపెట్టుకొని ఆయా పోలింగ్‌ ఏజెంట్లను కిడ్నాప్‌ చేస్తున్నారని వైఎస్సార్‌సీపీ అభ్యర్థులు వాపోతున్నారు. మొత్తంగా పోలింగ్‌ కేంద్రాల్లో వైఎస్సార్‌సీపీ ఏజెంట్లను లేకుండా చేయడం ద్వారా రిగ్గింగ్‌ చేసుకోవాలన్నదే ప్రభుత్వ పెద్దల ఎత్తుగడ అని స్పష్టమవుతోంది. అక్రమాలనే నమ్ముకున్న ప్రభుత్వ పెద్దలు ఎన్నికల మేనిఫెస్టోలో ఇచ్చిన సూపర్‌ సిక్స్, తదితర హామీలేవీ నెరవేర్చక పోవడంతో చంద్రబాబు ప్రభుత్వం ప్రజల నుంచి తీవ్ర వ్యతిరేకత ఎదుర్కొంటోంది. ఈ పరిస్థితిలో స్థానిక ఎన్నికల్లో గట్టెక్కడానికి పూర్తిగా అక్రమాలనే నమ్ముకుంది. ప్రతిపక్ష వైఎస్సార్‌సీపీ అభ్యర్థులు నామినేషన్లు కూడా వేయకుండా అల్లరి మూకల ద్వారా అడ్డుకుని చింపివేసిన ఘటనలు కోకొల్లలుగా వెలుగు చూడటం తెలిసిందే. ఈ అవాంతరాలను దాటుకుని పోటీలో నిలిచిన చోట్ల పోలింగ్‌ రోజున బూత్‌ ఆక్రమణలు, రిగ్గింగ్‌ దురాగతాలకు పాల్పడేలా కూటమి ప్రభుత్వం రంగం సిద్ధం చేసింది. కాగా, మున్సిపల్‌ ఎన్నికల్లో పోటీలో ఉండే రాజకీయ పార్టీ అభ్యర్థులు రిటర్నింగ్‌ అధికారులకు ముందుగా ఇచ్చిన పోలింగ్‌ ఏజెంట్లను.. ఆ తర్వాత వివిధ కారణాలతో పోలింగ్‌ ముగిసే వరకు ఎప్పుడైనా మార్చుకోవచ్చు. ‘అపాయింట్‌మెంట్‌ ఆఫ్‌ పోలింగ్‌ ఏజెంట్స్‌ – డైరక్షన్స్‌’ పేరిట ఎస్‌ఈసీ జారీ చేసిన సర్క్యులర్‌లో ఏజెంట్ల నియామకానికి ముందస్తుగా పేర్లను రిటర్నింగ్‌ అధికారులకు ఇవ్వడానికి ప్రత్యేకంగా నిర్దిష్ట గడువును పేర్కొనలేదు. అభ్యర్థులు తమ ఎన్నికల ఏజెంట్‌ నియామకాన్ని రద్దు చేసి, వేరొకరిని ఎన్నికల ఏజెంట్‌గా నియమించుకోవడానికి పూర్తి స్వేచ్ఛ ఉంటుంది. రిటర్నింగ్‌ అధికారికి, బూత్‌ ఎన్నికల అధికారికి నోటీసు ఇచ్చి మార్చుకోవచ్చు. పల్నాడు జిల్లా మాచర్ల మున్సిపాలిటీలో ఏజెంట్ల ఫారాలను ఎన్నికల అధికారికి ఇచ్చేందుకు వెళ్లిన స్థానిక వైఎస్సార్‌సీపీ పట్టణ అధ్యక్షుడు పోలా శ్రీనివాసరావుపై టీడీపీ అల్లరి మూకలు దాడి చేసి, ఆ ఫారాలు లాక్కొని చింపేశాయి. ఒంగోలు కార్పొరేషన్‌లో ఏజెంట్లకు పోలీసు వెరిఫికేషన్‌ సర్టిఫికెట్‌ అడుగుతున్నట్లు వైఎస్సార్‌సీపీ అభ్యర్థులు చెబుతున్నారు. తాడిపత్రిలోనూ ఈ తరహా ఘటనలు చోటుచేసుకున్నాయి.

సాక్షి,తాడేపల్లి: ఏపీలో సామాన్యులకు దడ పుట్టిస్తున్న అన్ని రకాల చార్జీలు, ధరల పెరుగుదలపై వైఎస్సార్‌సీపీ అధ్యక్షుడు, మాజీ సీఎం వైఎస్‌ జగన్‌మోహన్‌రెడ్డి ఆందోళన వ్యక్తం చేశారు. చంద్రబాబు పాలనలో ప్రస్తుత ధరలు చూస్తే షాక్‌ కొడుతున్నాయన్నారు. ఏపీలో అంతకంతకూ పెరుగుతున్న ధరలపై వైఎస్‌ జగన్‌ ఎక్స్‌ వేదికగా ట్వీట్‌ చేశారు. ఈ మేరకు తమ ప్రభుత్వ హయాంలోని ధరలకు, ప్రస్తుత చంద్రబాబు పాలనలోని ధరలకు మధ్య వ్యత్యాసాన్ని వివరించారు. 2024లో జగన్‌ ప్రభుత్వంలో ఉన్న నిత్యావసర వస్తువుల ధరలు.. ప్రస్తుత చంద్రబాబు ప్రభుత్వంలోని ధరలను పోలుస్తూ ట్వీట్‌ చేశారు. ‘‘మా హయాంలో సోనామసూరి బియ్యం రూ.1400 ఉంటే.. చంద్రబాబు పాలనలో రూ.2,375కు పెరిగింది. మా హయాంలో పామాయిల్‌ వంటనూనె రూ.85 ఉంటే.. చంద్రబాబు పాలనలో రూ.165కు పెరిగింది.మా హయాంలో సన్‌ఫ్లవర్‌ వంటనూనె రూ.110 ఉంటే.. చంద్రబాబు పాలనలో రూ.189కి పెరిగింది. మా హయాంలో కిలో ఉల్లిపాయలు రూ.15 ఉంటే.. చంద్రబాబు పాలనలో రూ.80కి పెరిగింది’’ అని ఇలా నిత్యావసర వస్తువుల ధరలతో పాటు కరెంట్ ఛార్జీలు, ఆర్టీసీ ఛార్జీలు తదితర అన్నీ పెంచేసిన చంద్రబాబు.. ప్రజల వెన్ను విరుస్తున్నారని వైఎస్ జగన్ పేర్కొన్నారు. వామ్మో! @ncbn గారి పాలనలో ధరలు చూస్తే షాక్ కొడుతున్నాయి. #BaadudeBaaduduByCBN https://t.co/CDp4rzLHtH— YS Jagan Mohan Reddy (@ysjagan) October 30, 2026 ఇదీ చదవండి : ‘పార్టీ అవినీతిని బట్టబయలు చేస్తా’.. జనసేన నేత రాజేష్ సంచలన శపథం!

సాక్షి, పల్నాడు: తప్పుడు వాగ్ధానాలు చేసి కూటమి ప్రభుత్వం అధికారంలోకి‌ వచ్చిందని ఆరోపించారు మాజీ ఎమ్మెల్యే పిన్నెల్లి రామకృష్ణారెడ్డి. స్థానిక సంస్థలను కూటమి ప్రభుత్వం నిర్వీర్యం చేసింది. గడిచిన పది రోజులుగా పోలీసులను అడ్డం పెట్టుకుని దౌర్జన్యం చేస్తున్నారు. పోలీసులు యూనిఫామ్ కింద పచ్చ చొక్కాలు వేసుకుని ఉద్యోగాలు చేస్తున్నారని మండిపడ్డారు. అరాచకాలు చేసే అందరి డేటా ఉంది. అధికారంలోకి వచ్చాక ఎవరిని వదిలిపెట్టమంటూ హెచ్చరించారు. మాచర్లలో పల్నాడు జిల్లా అధ్యక్షుడు, మాజీ ఎమ్మెల్యే పిన్నెల్లి రామకృష్ణారెడ్డి తాజాగా మీడియాతో మాట్లాడుతూ.. టీడీపీ గూండాలు దాడులు చేస్తున్నా అధికారులు చోద్యం చూస్తున్నారు. వైఎస్సార్‌సీపీ నేతలపై అక్రమ కేసుటు పెట్టి జైలుకు పంపించాలనే కుట్ర చేస్తున్నారు. మాచర్ల మున్సిపాలిటీల్లో జగనన్న ఆదేశాల మేరకు ముస్లిం మహిళకు అవకాశం ఇచ్చాం. మా కౌన్సిలర్‌ అభ్యర్థిని టీడీపీ గూండాలు రక్తమొచ్చేలా కొట్టారు. పల్నాడు జిల్లాలో పోలీసు వ్యవస్థ పూర్తిగా దిగజారిపోయింది. ఆధారాలతో సహా ఎస్‌ఈసీకి మెయిల్‌ చేశాం. దారుణమైన కుట్రలతో ప్రజాస్వామ్యాన్ని ఖూనీ చేస్తున్నారు. అందరికీ పెన్షన్లు ఇస్తున్నామంటూ కూటమి దారుణమైన మోసం చేస్తోంది. అడుగడుగునా ప్రజలను కూటమి ప్రభుత్వం మోసం చేస్తోంది.కూటమి అనుకూల మీడియాలో అన్ని అబద్ధాలే ప్రచారం చేస్తున్నారు. బీ ఫారమ్ ఇవ్వడానికి వెళ్తే మున్సిపల్ కమిషనర్ కార్యాలయంలోనే గంజాయి బ్యాచ్ దాడి చేసింది. పేపర్లు చించివేసి దాడులు చేశారు. ఈ దాడులపై శాంతియుత నిరసన వ్యక్తం చేస్తే 33 మందిపై కేసులు పెట్టారు. కౌన్సిలర్ అభ్యర్థులను టీడీపీ గూండాలు రక్తం వచ్చినట్లు కొడితే మాపైనే కేసులు పెట్టారు. దాడులు చేసి, ఎన్నికల్లో దౌర్జన్యాలు చేసి మాపై కేసులు పెట్టాలని చూస్తున్నారు. దీనిపై ఎస్పీ, ఎన్నికల సంఘం అధికారులకు ఫిర్యాదు చేశాం. మా అభ్యర్థులకు బీరువా గుర్తు కేటాయించినా ప్రజల దగ్గరకు వెళ్తున్నాం.మా ప్రభుత్వ హయాంలో మాచర్లలో 5400 మంది పేదలకు ఇళ్ల పట్టాలు ఇచ్చాం. మాచర్ల చుట్టూ రింగ్ రోడ్డు నిర్మించాం. వేలాది ఇళ్ల పట్టాలను అందించాం. గత 40 ఏళ్లుగా సౌకర్యాలు లేని ఆసుపత్రిని యాభై బెడ్లుగా మార్చి అత్యాధునిక సదుపాయాలు అందించాం. అరాచకాలు సృష్టించిన ఎవరినీ వదిలిపెట్టం. తప్పకుండా సినిమా చూపిస్తాం. కారంపూడి ఎస్‌ఐని గతంలో ఉద్యోగం నుంచి తొలగించినా బుద్ధి మారలేదు. దుర్గి, వెల్దుర్తి, నాగార్జున సాగర్ ఎస్‌ఐలు టీడీపీ ఏజెంట్లుగా వ్యవహరిస్తూ బెదిరింపులకు దిగుతున్నారు. పోటీ చేయడానికి వీల్లేద‌ని గంజాయి కేసులు పెడతామని హెచ్చరిస్తున్నారు. ప్రజల సొమ్ముతో జీతాలు తీసుకుంటూ పచ్చ చొక్కా వేసుకుని‌ బెదిరింపులకు దిగడం గతంలో ఎప్పుడూ లేదు.టీడీపీ అధికారంలో ఉండేది రెండేళ్లు మాత్రమే. మహిళలను కూడా పోలీసులు బైండోవర్ల పేరుతో బెదిరిస్తున్నారు. ఇప్పటికీ 19 అక్రమ కేసులు పెట్టారు. ఎన్ని కేసులు పెట్టినా వెనకడుగు వెసే సమస్యే లేదు. బెయిల్ రద్దు చేస్తామని అంటున్నారు. అయినా వెనకడుగు వేయం. టీడీపీ బెదిరింపులకు లొంగకుండా పోటీలో ఉన్న అభ్యర్థులకు అభినందనలు. మాచర్లలో అరాచకాలు సృష్టించిన వారిపై అధికారంలోకి రాగానే‌ సిట్ వేసి‌ శిక్షిస్తాం’ అని హెచ్చరించారు.ఇదీ చదవండి: కూటమి ఓటమికి రె‘బెల్స్‌’

సాక్షి, వైఎస్సార్‌ జిల్లా: మీరు ఏం చేశారని ప్రజలు ఓట్లు వేస్తారంటూ చంద్రబాబు సర్కార్‌ను వైఎస్సార్‌సీపీ ఎంపీ వైఎస్‌ అవినాష్‌రెడ్డి నిలదీశారు. శుక్రవారం ఆయన మీడియా సమావేశంలో మాట్లాడుతూ.. హౌసింగ్‌ కాలనీల్లో ఒక్క రూపాయి పనులైనా చేశారా?. పులివెందులకు మెడికల్‌ కాలేజీ వస్తే మీరే వద్దన్నారు. ఎన్నికల్లో ఇస్తామన్న హామీలు ఏమయ్యాయి?. ఈ మూడేళ్లల్లో ఏం చేశారో చెప్పి ఓట్లు అడగగలరా?’’ అంటూ అవినాష్‌రెడ్డి ప్రశ్నించారు.‘‘చంద్రబాబు ఎంత బలహీనుడో రాష్ట్రం మొత్తానికి అర్థమైంది. బీటెక్‌ రవి ప్రచారం వింతగా, ఆశ్చర్యకరంగా ఉంది. ఏ హామీ నెరవేర్చారని టీడీపీ నేతలు ఓట్లు అడుగుతున్నారు?. వైఎస్సార్‌సీపీ కార్పొరేట్‌, కౌన్సిలర్‌ అభ్యర్థులను నామినేషన్‌లు వేయకుండా అడ్డుకున్నారు. మధ్యాహ్నం 1:30కు నామినేషన్లు వేసుకోవచ్చని చెప్పి పోలీసులే అడ్డుకున్నారు. మున్సిపల్‌ ఆఫీస్‌ ముందు ఆగి నామినేషన్లు వేసుకోవడానికి అనుమతి అడిగాం. నామినేషన్లకు అనుమతివ్వమని పోలీసులు స్పష్టంగా చెప్పారు’’ అని వైఎస్‌ అవినాష్‌రెడ్డి పేర్కొన్నారు.‘‘ప్రచారం కూడా వైఎస్సార్‌సీపీ నేతలను ప్రశాంతంగా చేసుకోనివ్వడం లేదు. ప్రచారంలో పాల్గొన్న వైఎస్సార్‌సీపీ నేతల ఆస్తులపై దాడులు చేస్తున్నారు. వైఎస్సార్‌సీపీ నేతల ఆస్తులపై దాడులు చేసిన వారికి కనీసం నోటీసులు కూడా ఇవ్వలేదు. పనికి మాలిన పనుల్నీ చంద్రబాబు హయాంలో జరుగుతున్నాయి. ఇలాంటి దాడులు గతంలో ఏనాడూ జరగలేదు..వేలాది మందిని బయట నుంచి తీసుకొస్తున్నారు. బయట నుంచి వచ్చిన వారికి పోలీసులే సదుపాయాలు కల్పిస్తున్నారు. ఏజెంట్లను, ఓటర్లను బ్లాక్‌ చేసి దొంగ ఓట్లు వేసుకోవడానికి స్కెచ్‌. టీడీపీ నీచ ప్రణాళికలకు కోయ ప్రవీణ్‌ పూర్తిగా సహకరిస్తున్నాడు. టీడీపీ కుట్రలను ఎస్‌ఈసీ దృష్టికి వైఎస్సార్‌సీపీ తీసుకెళ్లింది. ఫ్యాక్షనిజాన్ని చంద్రబాబు తట్టి లేపుతున్నాడు. చంద్రబాబు.. నీవు చేసే తప్పుడు పనులు చాలా దూరం వెళ్తాయి’ అని వైఎస్‌ అవినాష్‌రెడ్డి ఆగ్రహం వ్యక్తం చేశారు.ఇదీ చదవండి: ఏంటి బాబూ.. ఈ పచ్చి అబద్ధాలు!

సాక్షి, అమరావతి: పోలింగ్‌ తేదీలు సమీపిస్తున్న కొద్దీ మున్సిపల్, స్థానిక సంస్థల ఎన్నికల ముఖచిత్రం నారా వారి రాక్షస క్రీడగా మారుతోంది. సామాన్య ఓటర్లు పోలింగ్‌ బూత్‌లోకి వెళితే.. కచ్చితంగా ప్రభుత్వానికి వ్యతిరేకంగా ఓటు వేస్తారనే విషయం స్పష్టమవుతోంది. దాంతో బెంబేలెత్తుతున్న చంద్రబాబు, టీడీపీ కూటమి పెద్దలు అక్రమాల కుట్రలకు మరింత పదును పెడుతున్నారు. అసలు సామాన్య ఓటర్లను పోలింగ్‌ బూత్‌లలోకి అనుమతించకుండా అల్లర్లు, అరాచకం సృష్టించేందుకు పన్నాగం పన్నుతున్నారు. పోలింగ్‌ కేంద్రాల చుట్టూ టీడీపీ రౌడీమూకలతోపాటు ప్రత్యేకించి గంజాయి బ్యాచ్‌లను మోహరించి శాంతిభద్రతలకు విఘాతం కలిగించేందుకు స్కెచ్‌ వేశారు. సీఎంవో, డీజీపీ కార్యాలయం కేంద్ర బిందువుగా ఈ కుట్రకు పకడ్బందీగా పావులు కదుపుతున్నారు. ప్రశాంత పోలింగ్‌కు బాధ్యత వహించాల్సిన పోలీసు యంత్రాంగం టీడీపీ పెద్దల రాజకీయ కుట్రలో పాత్రధారిగా మారుతోంది. అందుకోసం ఎన్నికల కమిషన్‌ నిబంధనల్లోని లొసుగులను అవకాశంగా చేసుకుంటూ.. చట్టాన్ని బరితెగించి ఉల్లంఘించి మరీ టీడీపీ పెద్దలు నడుపుతున్న కుతంత్రం రాష్ట్రంలో రాజకీయ రాక్షసానికి నిదర్శనంగా నిలుస్తోంది. ఆవల అంతా పచ్చ రౌడీలు.. గంజాయి గ్యాంగ్‌లు పోలింగ్‌ కేంద్రానికి 100 మీటర్ల పరిధి వరకు ఎన్నికల కమిషన్‌ నియంత్రణలో ఉంటుంది. ఓటరు స్లిప్పు ఉన్నవారిని మాత్రమే ఆ వంద మీటర్లు దాటి పోలింగ్‌ కేంద్రంలోకి అనుమతిస్తారు. వృద్ధులు, దివ్యాంగ ఓటర్లు అయితే వారికి సహాయంగా ఒకరిని వెళ్లనిస్తారు. అంతేతప్ప ఇతరులెవరూ ఆ వంద మీటర్ల పరిధిని నిర్దేశిస్తూ మార్క్‌ చేసిన గీతను దాటకూడదు. ఇదీ నిబంధన. అందుకే ఆ వంద మీటర్ల బయట మొత్తం ప్రాంతాన్ని తమ ఆధీనంలోకి తీసుకోవాలని టీడీపీ పెద్దలు కుట్ర పన్నారు. అందుకోసం ఇతర ప్రాంతాల నుంచి రప్పించిన రౌడీలు, అసాంఘిక శక్తులను మోహరించాలని నిర్ణయించారు. అంతర్‌రాష్ట నేరస్తులు, రౌడీషీటర్లతోపాటు గంజాయి బ్యాచ్‌లను సమీకరిస్తోంది. టీడీపీ పెద్దల పన్నాగం ప్రకారం.. పోలింగ్‌ ప్రారంభానికి ముందే ఆ బ్యాచ్‌లు తమకు కేటాయించిన పోలింగ్‌ కేంద్రాల బయట తిష్టవేస్తాయి. మద్యం సేవిస్తూ.. గంజాయి దమ్ము పీలుస్తూ ఆ ప్రాంతంలో అసాంఘిక పరిస్థితులను ఉద్దేశపూర్వకంగా సృష్టిస్తాయి. ఆ ఆకతాయి, గంజాయి గుంపులు ఓట్లు వేసేందుకు వచ్చే వైఎస్సార్‌సీపీ ఓటర్లు, తటస్థ ఓటర్లను లక్ష్యంగా చేసుకుంటాయి. వారిని కవ్విస్తూ.. కించపరుస్తూ.. దుర్భాషలాడుతూ.. అవసరమైతే కొడుతూ మరీ ఆ ప్రాంతంలో ప్రశాంత పరిస్థితులకు విఘాతం కలిగిస్తాయి. ఇదేమిటని ఎవరైనా ప్రశ్నిస్తే వారిపై విచక్షణారహితంగా దాడులకు పాల్పడాలని కూడా ప్రభుత్వ పెద్దలు ఆదేశించినట్టు సమాచారం. అందుకోసం కర్రలు, కత్తులు, ఇతర ఆయుధాలతోసహా పోలింగ్‌ కేంద్రాల వద్ద తిష్ట వేయమన్నారు. తద్వారా పోలింగ్‌ కేంద్రాల చుట్టూ భీతావహ పరిస్థితులు సృష్టించాలన్నది ప్రభుత్వ పెద్దల లక్ష్యం. దాంతో వైఎస్సార్‌సీపీ అనుకూల ఓటర్లు, తటస్థ ఓటర్లు అసలు పోలింగ్‌ కేంద్రాల వద్దకు వెళ్లేందుకే వెనుకంజ వేసే అనివార్య పరిస్థితులను కల్పించాలన్నది ఉద్దేశం. ప్రధానంగా మహిళా, యువ ఓటర్లు ఎవరూ తమ ఓటు హక్కును వినియోగించుకోకుండా అడ్డుకోవాలన్నది ప్రభుత్వ పెద్దల విస్పష్ట ఆదేశం. ఎందుకంటే.. 2024 ఎన్నికల సందర్భంగా కూటమి మేనిఫెస్టోలో మహిళలు, యువతకు ఇచ్చిన ఒక్క హామీని కూడా చంద్రబాబు ప్రభుత్వం నెరవేర్చలేదు. ప్రభుత్వం అనుసరిస్తున్న ప్రజా వ్యతిరేక విధానాలపై ఆ వర్గాలు తీవ్ర ఆగ్రహంతో ఉన్నాయి. ఈ నేపథ్యంలో మున్సిపల్, స్థానిక సంస్థల ఎన్నికల్లో ఓటు హక్కు వినియోగించుకోకుండా అడ్డుకోవాలని ప్రభుత్వ పెద్దలు పన్నాగం పన్నారు. కూటమి అక్రమాలకు పోలీసుల వత్తాసు పోలింగ్‌ కేంద్రాలకు వంద మీటర్ల వరకు ఎన్నికల కమిషన్‌ పరిధి. అంతమాత్రానా ఆ పరిధి బయట ఎవరు ఎలా అయినా ప్రవర్తించవచ్చు.. ఎన్నికల అక్రమాలకు పాల్పడవచ్చని కాదు అర్థం. ఆ పరిధి దాటాకా శాంతిభద్రతల పరిరక్షణ, ప్రశాంత పరిస్థితులు కొనసాగేలా చూడటం పోలీసుల విధి. ఆ వంద మీటర్ల పరిధి బయట కూడా పోలీసు యాక్ట్, సెక్షన్‌ 144 అమలులో ఉంటాయి. ఇతర పోలీసు నిబంధనలు, నియంత్రణలు వర్తిస్తాయి. వాటిని కచ్చితంగా పాటిస్తూ ప్రశాంత పరిస్థితులు కొనసాగేలా పోలీసులు పర్యవేక్షించాలి. అసాంఘిక కార్యకలాపాలు, అల్లర్లు, దాడులకు పాల్పడేవారిపై కఠిన చర్యలు చేపట్టాలి. పోలింగ్‌ ముగిసేవరకు మొత్తం మున్సిపల్, స్థానిక సంస్థల పరిధిలో శాంతిభద్రతలు, ప్రశాంత పరిస్థితుల పరిరక్షణ పోలీసుల బాధ్యత. అందుకోసం చట్టంలో స్పష్టంగా నిర్దేశించిన నిబంధనలివీ సెక్షన్‌ 126, ఆర్‌పీ యాక్ట్‌–1951ఈ చట్టం ప్రకారం సంబంధిత మున్సిపల్, స్థానిక సంస్థల పరిధిలోని ప్రజలు, ఓటర్లు కానివారు రాకుండా పోలీసులు అడ్డుకోవాలి. పులివెందులలో ఎన్నికల అక్రమాల కోసం జమ్మలమడుగు, కమలాపురం తదితర నియోజకవర్గాల నుంచి రౌడీలను టీడీపీ పెద్దలు రప్పిస్తున్నారు. వారిని పోలీసులు అడ్డుకోవాలి. అదేవిధంగా ఇతర మున్సిపల్, స్థానిక సంస్థలలో కూడా బయట వ్యక్తులు రాకుండా పోలీసులు కఠిన చర్యలు చేపట్టాలి. కానీ టీడీపీ అక్రమాలకు కొమ్ముకాస్తున్న పోలీసు యంత్రాంగం తమ బాధ్యతను విస్మరిస్తోంది. రూల్‌ 49 జే, రూల్‌ 49 ఎన్, ఎన్నికల చట్టం–1961ఈ నిబంధన ప్రకారం బోగస్‌ ఓటర్లను అడ్డుకోవాలి. అలా అడ్డుకునే హక్కు పోలింగ్‌ ఏజెంట్లకు ఉంది. అందుకోసం అన్ని పార్టీల పోలింగ్‌ ఏజెంట్లను తప్పనిసరిగా పోలింగ్‌ బూత్‌లలో అనుమతించేలా పోలీసులు చర్యలు చేపట్టాలి. ఇక బోగస్‌ ఓటర్లపై పోలింగ్‌ ఏజెంట్లు లేవనెత్తిన అభ్యంతరాలను ఎన్నికల అధికారులు, పోలీసులు పరిగణనలోకి తీసుకోవాలి. కానీ.. అసలు వైఎస్సార్‌సీపీ పోలింగ్‌ ఏజెంట్లే లేకుండా అడ్డుకునేందుకు టీడీపీ బరితెగిస్తున్నా పోలీసు యంత్రాంగం నిమ్మకు నీరెత్తినట్టు వ్యవహరిస్తోంది. ఇక ఉన్న ఏజెంట్లు బోగస్‌ ఓటర్లపై అభ్యంతరం తెలిపితే పోలీసులు ఎలా స్పందిస్తారన్నది సందేహాస్పదంగా ఉంది. సెక్షన్‌ 130, ఆర్‌పీ యాక్ట్‌–1951పోలింగ్‌ కేంద్రాల వద్ద అన్ని పార్టీల అభ్యర్థులు, ఏజెంట్లు, ఓటర్లకు పూర్తి భద్రత కల్పించాలి. అందుకోసం అవసరమైన స్థాయిలో భద్రతా సిబ్బందిని నియోగించాలి. మొత్తం ఎన్నికల ప్రక్రియను పూర్తిగా వెబ్‌ కాస్టింగ్‌ రికార్డ్‌ చేయాలి. కానీ.. అసలు పోలింగ్‌ కేంద్రాల వద్ద భద్రతా ఏర్పాట్లపై పోలీసు యంత్రాంగం నిర్లక్ష్యంగా వ్యవహరిస్తోంది. రాష్ట్రంలో ప్రశాంతంగా పోలింగ్‌ నిర్వహించేందుకు ఎంతమంది భద్రతా సిబ్బందిని వినియోగిస్తున్నదీ ఇప్పటివరకు వెల్లడించకపోవడం గమనార్హం. పోలీస్‌ యాక్ట్‌ 30, సెక్షన్‌ 144ఎన్నికలు జరుగుతున్న మున్సిపల్, స్థానిక సంస్థల పరిధిలో పోలీస్‌ యాక్ట్‌ 30, సెక్షన్‌ 144 అమలులో ఉంటాయి. అంటే కేవలం పోలింగ్‌ కేంద్రానికి వంద మీటర్ల లోపేకాదు.. బయట కూడా పోలీసు నిబంధనలు, నియంత్రణలు వర్తిస్తాయి. పోలింగ్‌ రోజుల్లో ప్రజలు ఎవరూ గుమిగూడకూడదు. ర్యాలీలు ఊరేగింపులు నిర్వహించకూడదు. ఎటువంటి మారణాయుధాలు కలిగి ఉండకూడదు. కానీ.. టీడీపీ పెద్దలు రప్పిస్తున్న రౌడీలు, గంజాయి బ్యాచ్‌లు పోలింగ్‌ కేంద్రాల వంద మీటర్ల పరిధి బయట తిష్ట వేసేందుకు సిద్ధపడుతున్నాయి. సామాన్య ఓటర్లు ఓటు వేయకుండా అడ్డుకుని భీతావహ పరిస్థితులు సృష్టించేందుకు కుట్రలు పన్నుతున్నాయి. ఆ ఆకతాయి, అరాచక మూకలను అడ్డుకోవాల్సిన పోలీసు యంత్రాంగం మాత్రం ప్రభుత్వ పెద్దల పచ్చ కుట్రలకు వత్తాసు పలకుతుండటం విస్మయపరుస్తోంది.

సాక్షి, అమరావతి: ఏమైనా చేయండి.. స్థానిక సంస్థల ఎన్నికల్లో మనమే గెలవాలి... అంటూ సీఎం చంద్రబాబు మంత్రులకు స్పష్టం చేసినట్లు తెలిసింది. కూటమి అభ్యర్థుల గెలుపే లక్ష్యంగా పనిచేయాలని, అవసరమైన చోట్ల పోలీసుల సహకారంతో పాటు అధికార యంత్రాంగాన్ని పూర్తిగా వినియోగించుకోవాలని చెప్పినట్లు సమాచారం. మంత్రివర్గ సమావేశం ముగిసిన తర్వాత స్థానిక ఎన్నికలు, తాజా రాజకీయ పరిణామాలపై చంద్రబాబు మంత్రులతో చర్చించారు. ‘సీట్ల సర్దుబాటును అమలు చేయాలి. మూడు పార్టీల నేతలు సమన్వయంతో ముందుకు వెళ్లాలి. మంత్రులు తమ నియోజకవర్గాలతో పాటు ఇన్‌చార్జ్‌లుగా ఉన్న జిల్లాలపైనా ప్రత్యేక దృష్టి పెట్టాలి. అభ్యర్థుల గెలుపు బాధ్యత మంత్రులదే అన్న విషయం గుర్తుంచుకోవాలి. ఎన్నికల నిర్వహణలో అవసరమైన సమన్వయం కోసం సంబంధిత అధికారులతో మాట్లాడాలి. క్షేత్రస్థాయిలో తలెత్తే సమస్యలను వెంటనే పరిష్కరించాలి. ఎన్నికల ప్రక్రియ పూర్తయ్యే వరకు మంత్రులు పూర్తి అప్రమత్తంగా ఉండాలి. ఎన్నికలకు సంబంధించి ఎక్కడైనా వివాదాలు ఉంటే వెంటనే పరిష్కరించాలి. కూటమి పార్టీల నుంచి ఎవరైనా రెబల్‌ అభ్యర్థులుగా బరిలో ఉంటే వెంటనే వారిని సస్పెండ్‌ చేయాలి. పట్టణ స్థానిక సంస్థలు, జెడ్పీటీసీ, ఎంపీటీసీ ఎన్నికలు పూర్తయిన తర్వాత పంచాయతీ ఎన్నికలు, ఆ వెంటనే సొసైటీ ఎన్నికలు ఉంటాయి. ఈ ఎన్నికలకు సైతం గెలుపే లక్ష్యంగా ఇప్పటి నుంచే ఏర్పాట్లు చేసుకోవాలి’ అని చంద్రబాబు మంత్రులకు సూచించినట్లు సమాచారం. కాగా పవన్‌ కళ్యాణ్‌ మాట్లాడుతూ జనసేన, బీజేపీకి సంబంధించి స్థానికంగా ఉన్న చిన్న చిన్న సమస్యలను పరిష్కరిస్తున్నామని చెప్పినట్లు తెలుస్తోంది. పార్టీ నిర్ణయానికి వ్యతిరేకంగా పోటీలో కొనసాగేవారిని ఉపేక్షించేది లేదని అన్నట్లు సమాచారం.

సాక్షి, అమరావతి: మొంథా తుపాను బాధిత రైతులకు పరిహారం ఇవ్వకుండానే చెల్లించేసినట్లు సీఎం చంద్రబాబు చెప్పడంతో రైతులు అవాక్కయ్యారు. కేవలం పరిహారం మంజూరు చేస్తున్నట్లు జీవో ఇచ్చిన సర్కార్‌ ఇప్పటి వరకు ఒక్క పైసా విదల్చ­లేదు. దీనిపై ఇప్పటికే రైతులు చంద్రబాబుపై రుసరుసలాడుతున్నారు. అర్నబ్‌ తుపాను వల్ల జరిగిన పంట నష్టాలను పరిశీలించేందుకు గురువారం అంబేడ్కర్‌ కోనసీమ జిల్లాలో పర్యటించిన చంద్రబాబు.. మీడియాతో మాట్లాడుతూ మొంథా తుపాను పంట నష్టపరిహారం ఇచ్చేశామని అదే తరహాలో అర్నబ్‌ బాధితులను ఆదుకుంటామని చెప్పడంతో రైతులు విస్తుపోయారు. నష్టం అంచనాలో కోతల మీద కోతలు మొంథా తుపాను విరుచుకుపడి ఏడాది గడిచింది. గత ఏడాది ఇదే నెలలో అన్నదాతకు అపారనష్టం వాటిల్లింది. 24 జిల్లాల్లో 15 లక్షల ఎకరాలపై తీవ్ర ప్రభావం ఉంటుందని తొలుత ప్రభుత్వమే అధికారికంగా ప్రకటించింది. ప్రభుత్వ పెద్దల నుంచి ఒత్తిళ్లకు తలొగ్గి తొలుత 4.40 లక్షల ఎకరాల్లో ప్రాథమిక నష్టం జరిగినట్టుగా అధికారులు ప్రకటించగా, ఆ తర్వాత 3.45 లక్షల ఎకరాలకు కుదించారు. ఈ క్రమంలో బాధిత రైతులకు వైఎస్సార్‌సీపీ అధినేత, మాజీ సీఎం వైఎస్‌ జగన్‌ బాసటగా నిలవడంతో రైతుల నుంచి వచ్చిన ఒత్తిడి మేరకు 4.27 లక్షల ఎకరాల్లో పంట నష్టం జరిగినట్టు లెక్కతేల్చారు. ఇదే రీతిలో ఇన్‌పుట్‌ సబ్సిడీ(పెట్టుబడి రాయితీ)ని చివరకు 3.23 లక్షల మందికి రూ.411కోట్లకు కుదించారు. ఇందులో వ్యవసాయ పంటలకు రూ.390 కోట్లు, ఉద్యాన పంటలకు రూ.20.92 కోట్లు, మల్బరీ తోటలకు రూ.4.43 కోట్లుగా లెక్కతేల్చారు. తీరా నిధుల విడుదల విషయానికి వచ్చేసరికి మళ్లీ కోతలు పెడుతూ రూ.280.68 కోట్లకు పరిమితం చేశారు. ఇందులో వ్యవసాయ పంటలకు రూ.266.41 కోట్లు, ఉద్యాన పంటలకు రూ.14.26 కోట్లు, పట్టు పరిశ్రమకు కేవలం రూ.1.06 లక్షల చొప్పున లెక్కతేల్చారు. కాగా మత్స్యశాఖకు రూ.3.79 కోట్లు, పశుసంవర్ధక శాఖకు రూ.81 లక్షల మాత్రమే నష్టం వాటిల్లినట్టు ప్రకటించారు. ఆ మేరకు నిధులు మంజూరు చేస్తూ జూన్‌ 30వ తేదీన జీవో ఆర్టీ నెం.70ను ప్రభుత్వ స్పెషల్‌ సీఎస్‌ జి.సాయిప్రసాద్‌ ఉత్తర్వులు జారీ చేశారు.రూ.వెయ్యి కోట్లకుపైగా బకాయిలుమొంథా తుపాను బాధిత రైతులకు నిధులు మంజూరు చేస్తూ ఉత్తర్వులు విడుదలై దాదాపు నాలుగు నెలలు గడిచినా ఏ ఒక్క బాధిత రైతుకు పైసా కూడా జమ కాలేదు. వీటితో పాటు గడిచిన 18 నెలల్లో సంభవించిన వరుస వైపరీత్యాలు, కరువు సాయం బకాయిలు కలిపి రూ.వెయ్యి కోట్లకు పైగా జమ చేయాల్సి ఉండగా, వాటి ఊసెత్తకుండా చంద్రబాబు ప్రభుత్వం కాలక్షేపం చేస్తూ రైతుల ఉసురు పోసుకుంటోంది. తాజాగా అర్నబ్‌ తుపాన్‌ దెబ్బకు రైతులను తీవ్రంగా నష్టపోతే నివేదికలంటూ కాలక్షేపం చేస్తూ వారిని ఏమార్చే కార్యక్రమానికి తెగబడుతోంది.

సాక్షి, అమరావతి/సాక్షి, నెట్‌వర్క్‌: అర్నబ్‌ తుపాను అన్నదాతకు పుట్టెడు శోకాన్ని మిగిల్చింది. ఉత్తరాంధ్ర, ఉమ్మడి ఉభయగోదావరి, కోస్తాంధ్రలో అపార నష్టాన్ని మిగిల్చింది. ప్రాథమిక లెక్కల ప్రకారం దాదాపు 6.21 లక్షల మంది రైతులకు చెందిన 9.38 లక్షల ఎకరాల్లో పంటలు దెబ్బతిన్నట్టు ప్రభుత్వం అంచనా వేసింది. ఇందులో 8.80 లక్షల ఎకరాల్లో వ్యవసాయ, 58వేల ఎకరాల్లో ఉద్యాన పంటలు దెబ్బతిన్నట్టు గుర్తించారు. కానీ క్షేత్రస్థాయిలో పరిస్థితి చూస్తుంటే.. 12 లక్షల ఎకరాలకు పైగా పంటలు ఈ తుపాను ప్రభావానికి గురై..తీవ్రంగా నష్టం వాటిల్లినట్లు రైతులు చెబుతున్నారు. ప్రాథమికంగా 291 మండలాల పరిధిలోని 7613 గ్రామాల్లో 5.42 లక్షల మంది రైతులకు చెందిన 8.80 లక్షల ఎకరాల్లో వ్యవసాయ పంటలు, 215 మండలాల పరిధిలోని 1310 గ్రామాల్లో 78,967 మంది రైతులకు చెందిన 58,029 ఎకరాల్లో ఉద్యాన పంటలు దెబ్బతిన్నట్టు వ్యవసాయ, ఉద్యాన శాఖ అధికారులు ప్రకటించారు. అత్యధికంగా 8.64 లక్షల ఎకరాల్లో వరి, 38,874 ఎకరాల్లో అరటి, 10 వేల ఎకరాల్లో కూరగాయలు, మరో 10 వేల ఎకరాల్లో మినుము, 4,498 ఎకరాల్లో పత్తి, 3,189 ఎకరాల్లో కొబ్బరి, 1,790 ఎకరాల్లో బొప్పాయి. 1,094 ఎకరాల్లో పసుపు, 966 ఎకరాల్లో పూల తోటలు దెబ్బతిన్నట్టు గుర్తించారు. మొక్కజొన్న, టమాటా, మిరప, పామాయిల్, పండ్ల తోటలకు కూడా అపార నష్టం వాటిల్లినట్టు అధికారులు తేల్చారు. ఉద్యాన పంట వరకు ఎస్‌డీ ఆర్‌ఎఫ్‌ నిబంధనల ప్రకారం రూ.739.75 కోట్లు, వ్యవసాయ పంటలకు సుమారుగా రూ.వెయ్యి కోట్లు నష్టం వాటిల్లినట్టు చెబుతున్నారు. ఇక 12 జిల్లాల్లో 46 ఆవులు, గేదెలు, 63 గొర్రెలు, మేకలు, 32 దూడలు, 7656 కోళ్లు మృతి చెందాయని లెక్కతేల్చారు. కాగా 140 షెడ్లు దెబ్బతిన్నట్టు గుర్తించారు. మరొకవైపు 9 జిల్లాల్లో 1884 పడవలు, 3224 వలలు దెబ్బతినగా, 11,483.39 ఎకరాల్లో ఆక్వా సాగుౖపై ఈ తుపాను తీవ్ర ప్రభావాన్ని చూపిందని ప్రకటించారు. పశుసంవర్ధక శాఖకు రూ.50.38 లక్షలు, మత్స్యశాఖకు రూ.176.82 కోట్లు నష్టం వాటిల్లినట్టు అంచనా వేశారు. ఇదిలా ఉంటే ఒక్క తూర్పు గోదావరి జిల్లాలో 49,915 హెక్టార్లలోని వరి పంట నేలవాలి నీటిపాలైంది. 6,500 హెక్టార్లలోని అరటిపంట దెబ్బతింది. మినుములు 810 హెక్టార్లలో, ఇతర పంటలు 30 హెక్టార్లలో, ఉద్యానవన పంటలు 1,500 హెక్టార్లలో నీట మునిగాయి. మొత్తంగా జిల్లాలోని 80 వేల మందికిపైగా రైతులు తీవ్రంగా నష్టపోయారు. కోలుకోని కోనసీమ అర్నబ్‌ సృష్టించిన విలయం నుంచి కోనసీమ ఇంకా కోలుకోలేదు. వేలాదిగా విద్యుత్‌ స్తంభాలు కూలడం, వైర్లు తెగిపోవడంతో విద్యుత్‌ సరఫరా నిలిచిపోయింది. పల్లెలు, పట్టణాలు ఇంకా అంధకారంలోనే మగ్గుతున్నాయి. ఇళ్లల్లో దీపాలు వెలగక, ఫ్యాన్లు తిరగక ప్రజలు అవస్థలు పడుతున్నారు. గురువారం నాటికి డాక్టర్‌ బీఆర్‌ అంబేడ్కర్‌ కోనసీమ జిల్లా కేంద్రమైన అమలాపురంతో పాటు మూడు నాలుగు మండల కేంద్రాల్లో కొన్ని ప్రాంతాలకు మాత్రమే విద్యుత్‌ సరఫరాను సిబ్బంది పునరుద్ధరించగలిగారు. తీర ప్రాంత మండలాల్లోని శివారు గ్రామాల్లో విద్యుత్‌ పునరుద్ధరణకు మరో రెండు రోజులు పట్టే అవకాశం ఉంది. మరోవైపు పట్టణాలు, పల్లెల్లో కరెంటు లేక, మోటార్లు పని చేయక తాగునీటి సరఫరాకు అంతరాయం ఏర్పడింది. మరోవైపు ఇళ్లు దెబ్బతిన్న ప్రజలు ప్రభుత్వ సాయం కోసం ఆశగా ఎదురుచూస్తున్నారు. వరద ముంపులో ఇచ్ఛాపురం అర్నబ్‌ తుపాను శ్రీకాకుళంపై తీవ్ర ప్రభావం చూపింది. ముఖ్యంగా ఒడిశాకు ఆనుకుని ఉన్న ఇచ్ఛాపురం ప్రాంతాన్ని వరద ముంచెత్తింది. ఒడిశాలోని భగలట్టీ డ్యామ్‌ నుంచి నీరు కిందకు విడుదల చేయడంతో గురువారం ఉదయం 11 గంటల సమయానికి బాహుదా నదిలో వరద 86,458 క్యూసెక్కులకు చేరింది. బుధవారం అర్ధరాత్రి నుంచి బాహుదానది, పద్మనాభపురం(దండు) గెడ్డలు ఉప్పొంగడంతో ఇన్నేశుపేట, డొంకూరు, లక్ష్మీపురం, జగన్నాథపురం, శాసనాం, బిర్లంగి, బి.తోటూరు గ్రామాలు జలదిగ్బంధంలో చిక్కుకున్నాయి. లొద్దపుట్టి, తేలుకుంచి, రత్తకన్న, మశాఖపురం, బొడ్డబడ గ్రామాల్లోకి నీరు చొచ్చుకురావడంతో ఇళ్లు మునిగిపోయాయి.దాదాపు 30 ఏళ్లు తర్వాత మళ్లీ ఇంత ఉపద్రవం వచ్చిందని చెబుతున్నారు. స్థానిక 16వ నంబర్‌ జాతీయ రహదారి పూర్తిగా జలమయం కావడంతో కోల్‌కత్తా నుంచి చెన్నై రాకపోకలు సాగించే లారీలు, బస్సులు ఎక్కడకక్కడే నిలిచిపోయాయి. మిగతా ప్రాంతాల్లోనూ పంటలు నీటమునిగాయి. బుధవారం వరకు వరి పంటకు 12921.37 హెక్టార్లలో నష్టం జరిగినట్లు అధికారులు అంచనా వేశారు. ముఖ్యంగా రైల్వే ట్రాక్‌ల మీదకు నీరు చేరడంతో జిల్లా మీదుగా రాకపోకలు సాగించాల్సిన పలు రైళ్లను రద్దు చేశారు. మరికొన్నింటిని దారి మళ్లించారు. హిరమండలంలోని వంశధార గొట్టా బ్యారేజీ వద్ద మొదటి ప్రమాద హెచ్చరిక జారీ చేశారు.విశాఖలో విధ్వంసంవిశాఖలోనూ అర్నబ్‌ తుపాను విధ్వంసం సృష్టించింది. జిల్లాలో 1130కిపైగా వృక్షాలు నేలమట్టమయ్యాయి. 309 విద్యుత్‌ స్తంభాలు నేలకొరిగిపోయాయి. 34.4 హెక్టార్లలో వరి, ఇతర పంటలు ధ్వంసమవ్వగా.. 53.42 హెక్టార్లలో ఉద్యానపంటలు నాశనమయ్యాయి. అయితే.. ఇంతవరకూ పంట నష్టం అంచనా వేసేందుకు అధికారులు ఎవ్వరూ వ్యవసాయ క్షేత్రాల్ని సందర్శించలేదని రైతులు చెబుతున్నారు.

స్థానిక సంస్థల ఎన్నికల్లో ఇప్పటివరకు ప్రతిపక్ష వైఎస్సార్‌సీపీ అభ్యర్థులు, వారి అనుచరులపై టీడీపీ గూండాలతో కలిసి దాష్టీకాలకు పాల్పడ్డ పోలీసులు.. ఇప్పుడు అరాచకాలను మరో స్థాయికి పెంచి, అభ్యర్థుల ఇళ్లపై పడుతున్నారు. వైఎస్సార్‌సీపీ ఎంపీటీసీ, జెడ్పీటీసీ అభ్యర్థులు పోటీ నుంచి విరమించుకోవాలంటూ టీడీపీ గూండాలు, కొందరు పోలీసు అధికారులు ఒత్తిడి తెస్తున్నారు. అందుకోసం ఎంతకైనా తెగిస్తున్నారు. పోలింగ్‌ బూత్‌ల దగ్గర కనిపిస్తే చంపేస్తామని అభ్యర్థులను, వారి ఏజెంట్లను బెదిరిస్తున్నారు. అభ్యర్థుల ఇళ్లపైకీ తెగబడుతున్నారు. ఇళ్లలోకి చొరబడి, మహిళలను కూడా బయటకు లాగి, బూతులు తిడుతూ పోలీసు స్టేషన్లకు లాక్కెళ్లే ప్రయత్నం చేస్తున్నారు. మహిళలపైనా బైండోవర్‌ కేసులు పెట్టడానికి సిద్ధపడుతున్నారు. రాష్ట్రంలో చంద్రబాబు ప్రభుత్వ నిరంకుశ, అప్రజాస్వామిక రెడ్‌బుక్‌ రాజ్యాంగాన్ని నిస్సిగ్గుగా అమలు చేస్తున్నారు. స్థానిక సంస్థల ఎన్నికల్లో టీడీపీ గూండాలు, పోలీసుల తాజా అరాచకాలు నిరాటంకంగా కొనసాగుతున్నాయి. సాక్షి, అమరావతి/ఆలూరు రూరల్‌: ఎన్నికల్లో అక్రమాలను అడ్డుకోవాల్సిన పోలీసులే సామాన్యులపై ప్రతాపం చూపుతున్నారు. వెన్నుపోటుపార్టీకి వెన్నుదన్నుగా నిలిచి వైఎస్సార్‌సీపీ అభ్యర్థులను అడుగడుగునా అడ్డుకుంటు­న్నారు. చివరకు మహిళలపైనా బైండోవర్‌ అస్త్రాన్ని ప్రయోగిస్తున్నారు. కర్నూలు జిల్లా చిప్పగిరి మండలం నగరడోణ గ్రామానికి చెందిన మహిళలపై గురువారం బైండోవర్‌ చర్యలకు చిప్పగిరి ఎస్సై ప్రయత్నించడం పట్ల విమర్శలు వెల్లువెత్తుతున్నాయి. మరోవైపు మున్సిపల్, ఎంపీటీసీ, జెడ్పీటీసీ ఎన్నికల ప్రచారంలోనూ వైఎస్సార్‌సీపీ అభ్యర్థులు, శ్రేణులపై దాడులు, బెదిరింపులు, అక్రమ కేసులు కొనసాగుతున్నాయి. టీడీపీ దౌర్జన్యాలపై ఫిర్యాదు చేయడానికి వెళ్తున్న వారిని దారి కాచి మరీ టీడీపీ గూండాలు కత్తులతో పొడుస్తామంటూ బెదిరింపులకు దిగుతున్నారు. వైఎస్సార్‌సీపీ నేత ఇంట్లో సోదాలు అనంతపురం జిల్లాలో వైఎస్సార్‌సీపీ నేత నాగార్జునరెడ్డి ఇంట్లో సోదాల పేరుతో రాద్ధాంతం చేశారు. ఓటరు జాబితాను స్లిప్పుల రూపంలో ఇవ్వొద్దని ఆంక్షలు పెట్టారు. అధికారుల తీరుపై వైఎస్సార్‌సీపీ నేతలు మండిపడ్డారు. మంత్రి సత్యకుమార్‌ ఆదేశాలతోనే అధికారులు ఏకపక్షంగా వ్యవహరిస్తూ వైఎస్సార్‌సీపీ అభ్యర్థులు, నాయకులపై కక్ష సా«ధింపులకు పాల్పడుతున్నారని మండిపడ్డారు. ఘటనాస్థలికి చేరుకున్న వైఎస్సార్‌సీపీ జిల్లా అధ్యక్షుడు, మాజీ ఎమ్మెల్యే అనంత వెంకటరామిరెడ్డి, మేయర్‌ అభ్యర్థి రమేష్‌గౌడ్‌ మునిసిపల్‌ అధికారుల తీరుపై అభ్యంతరం వ్యక్తం చేశారు. ఓటర్లకు సమాచారం ఇవ్వడంలో తప్పేముందని ప్రశ్నించారు. డబుల్‌ ఓట్లు కలిగిన టీడీపీ, బీజేపీ నేతలపై చర్యలు తీసుకోవాలని డిమాండ్‌ చేశారు. మంత్రి సత్యకుమార్‌ ఆదేశాలతో పని చేయవద్దని, నిష్పక్షపాతంగా వ్యవహరించాలని హెచ్చరించారు. విస్సన్నపేటలో అర్ధరాత్రి బెదిరింపులు ఎన్టీఆర్‌ జిల్లా విస్సన్నపేటలో పచ్చ మూకలు అర్థరాత్రి వేళ బెదిరింపులకు దిగాయి. విస్సన్నపేట సెగ్మెంట్‌–1 వైఎస్సార్‌సీపీ ఎంపీటీసీ అభ్యర్థి చెరుకు సుజాత ఇంటి తలుపులను బాదుతూ టీడీపీ గూండాలు భయాందోళనలు సృష్టించారు. వైఎస్సార్‌సీపీ ఫిర్యాదుతో అక్కడికి వచ్చిన పోలీసులు బాత్రూంలో దాక్కున్న ఓ వ్యక్తిని అదుపులోకి తీసుకున్నారు. మిగతా వారు ఎవరనే విషయం పోలీసులు చెప్పడంలేదని చెబుతున్నారు. వైఎస్సార్‌సీపీ అభ్యర్థిగా సుజాత నామినేషన్‌ వేసినప్పటి నుంచి బెదిరింపులు వస్తున్నాయి. ఇప్పుడు ఏకంగా దాడికే తెగబడ్డారు. పద్మశాలి ఆడబిడ్డకు అన్యాయం జరిగితే సహించేది లేదని వైఎస్సార్‌సీపీ నాయకులు హెచ్చరించారు. ఈ ఘటనపై సమగ్ర విచారణ జరపాలని పోలీసులకు వైఎస్సార్‌సీపీ నాయకులు ఫిర్యాదు చేశారు. విజయవాడలో వైఎస్సార్‌సీపీ అభ్యర్థిపై దాడికి యత్నం విజయవాడ 43వ డివిజన్‌లో పచ్చ మూకలు ఉద్రిక్తతలు సృష్టించేందుకు యత్నించాయి. వైఎస్సార్‌సీపీ అభ్యర్థిపై దాడికి యత్నించారు. పోటీ నుంచి తప్పుకోవాలని బెదిరింపులకు దిగారు. వైఎస్సార్‌సీపీ అభ్యర్థికి మద్దతుగా ప్రచారం చేస్తున్న మహిళలను బుధవారం రాత్రి బైక్‌లతో అడ్డగించి టీడీపీ అభ్యర్థి భర్త గుర్రంకొండకు చెందిన మనుషులు బెదిరించారు. వైఎస్సార్‌సీపీ అభ్యర్థి తరపున ప్రచారం చేస్తున్న ఆటోను అడ్డుకుని పెన్‌డ్రైవ్‌ ఎత్తుకెళ్లిపోయారు. ఈ విషయంపై ఎన్నికల అధికారి(ఆర్వో)కి గురువారం ఫిర్యాదు చేసేందుకు ర్యాలీగా వెళ్లిన వైఎస్సార్‌సీపీ అభ్యర్థి కర్నాటి రమాదేవి, భర్త కర్నాటి రాంబాబు, కార్యకర్తలను గర్రంకొండ మనుషులు అడ్డుకొని అసభ్య పదజాలంతో బూతులు తిట్టారు. కళ్యాణదుర్గంలో టీడీపీ ఎమ్మెల్యే అమిలినేని దౌర్జన్యాలు అనంతపురం జిల్లా కళ్యాణదుర్గం నియోజకవర్గంలో టీడీపీ ఎమ్మెల్యే అమిలినేని సురేంద్రబాబు ప్రలోభాలు, దౌర్జన్యాలు పెచ్చుమీరాయి. కళ్యాణదుర్గం మండలం కొండాపురం గ్రామంలో టీడీపీ నేతలు బరితెగించి వైఎస్సార్‌సీపీ నాయకుడు ఆంజనేయులు బైక్‌ను తగలబెట్టారు. టీడీపీ గూండాలు దాడులకు తెగబడుతున్నా.. పోలీసులు పట్టించుకోకపోవడం పట్ల వైఎస్సార్‌సీపీ శ్రేణులు ఆగ్రహం వ్యక్తం చేస్తున్నాయి. దొడగట్ట గ్రామంలో ప్రజలు రెండున్నరేళ్లుగా తాగునీటి సమస్య చెబుతున్నా పట్టించుకోని ఎమ్మెల్యే.. స్థానిక ఎన్నికల నేపథ్యంలో ఆయన అనుచరులతో బోరు వేయించి ప్రలోభాలకు గురిచేసే ప్రయత్నాలు చేస్తున్నారు. వినుకొండలో పచ్చనేతల అరాచకం పల్నాడు జిల్లా వినుకొండలో పచ్చ గూండాల అరాచకాలు అడ్డుఅదుపులేకుండా సాగుతున్నాయి. వైఎస్సార్‌సీపీ నేతలపై భౌతికదాడులకు దిగుతున్నారు. గతంలో వైఎస్సార్‌సీపీ నాయకుడు రషీద్‌ను కూటమి మూకలు నడిరోడ్డుపై నరికి చంపాయి. రషీద్‌ హత్య కేసులో నిందితుడిగా ఉన్న వ్యక్తికి టీడీపీ ఛైర్మన్‌ అభ్యర్థిత్వం ఇవ్వడం హత్యారాజకీయాలను ప్రోత్సహించినట్టే అయ్యింది. టీడీపీ అభ్యర్థి షమీమ్‌ ఖాన్‌కు పోటీగా వైఎస్సార్‌సీపీ పీఎస్‌ ఖాన్‌ను రంగంలోకి దింపింది. ఇదే సమయంలో టీడీపీ ఛైర్మన్‌ అభ్యర్థిపై ఆర్యవైశ్యులు తిరుగుబాటు బావుటా ఎగరేశారు. దీంతో టౌన్‌ సీఐ ప్రభాకరరావు టీడీపీ అభ్యర్థిని వ్యతిరేకిస్తున్న ఆర్యవైశ్యులతో పాటు వైఎస్సార్‌సీపీ నేతలను బెదిరిస్తున్నారు. చివరకు ప్రచారం చేస్తున్న వైఎస్సార్‌సీపీ శ్రేణులపైనా కేసులు పెడతానని బెదిరిస్తున్నారు. సీఐని ఎన్నికల విధుల నుంచి తప్పించాలని వైఎస్సార్‌సీపీ నేతలు కోరుతున్నారు. ఏజెంట్‌ ఫారాలు ఇవ్వకుండా పచ్చమూకల దౌర్జన్యం మాచర్ల మున్సిపల్‌ పోలింగ్‌లో వైఎస్సార్‌సీపీ ఏజెంట్లుగా ఉండేవాళ్లు ఎన్నికల అధికారికి ఏజెంట్‌ ఫారాలు ఇవ్వకుండా టీడీపీ గూండాలు అడ్డుకుంటున్నారు. ఏజెంట్‌ ఫారాలు ఇవ్వడానికి మున్సిపల్‌ కార్యాలయానికి వెళ్లిన వారిని 200 మందికిపైగా టీడీపీ గూండాలు కర్రలు, రాడ్లతో అడ్డుకున్నారు. వైఎస్సార్‌సీపీ ఏజెంట్లపై దాడి చేసి వారి వద్ద ఉన్న ఫారాలు లాక్కుని చించేశారు. పోలీసుల సమక్షంలోనే పచ్చ మూకలు దాడులు చేసినా ప్రేక్షకపాత్ర పోషించారు. పోలింగ్‌ బూత్‌లలో వైఎస్సార్‌సీపీ ఏజెంట్లు లేకుండా చేసి రిగ్గింగ్‌కు పాల్పడే కుట్రతో పచ్చ గూండాలు ఇలా వ్యవహరిస్తున్నారని వైఎస్సార్‌సీపీ నేతలు ఆగ్రహం వ్యక్తం చేశారు. వైఎస్సార్‌సీపీ నేతలకు సీఐ వేధింపులు వినుకొండ మున్సిపల్‌ ఎన్నికల్లో వైఎస్సార్‌సీపీ కీలక నేతలకు వినుకొండ సీఐ ప్రభాకర్‌ వేధింపులు తీవ్రమయ్యాయి. గురువారం ఉదయం నుంచి రాత్రి వరకు వినుకొండలో ఉన్న 22 మంది వైఎస్సార్‌సీపీ నాయకులకు ఫోన్లు చేసి చెప్పినట్టు వినకపోతే బైండోవర్‌ చేస్తామంటూ సీఐ బెదిరించడం తీవ్ర కలకలం రేపింది. బైండోవర్‌ చేస్తాం శుక్రవారం ఉదయం10 గంటలకల్లా 22 మంది వైఎస్సార్‌సీపీ నాయకులు పోలీస్‌ స్టేషన్‌లో ఉండాలని ఆయన హుకుం జారీ చేశారు. స్టేషన్‌కు రాకపోతే ఎక్కడ కనబడితే అక్కడ కొట్టుకుంటూ తీసుకు వస్తానని వార్నింగ్‌ ఇచ్చారు. టౌన్‌ సీఐ ప్రభాకరరావు వేధింపులపై జిల్లా కలెక్టర్, ఎస్పీతోపాటు ఎస్‌ఈసీకి కూడా వైఎస్సార్‌సీపీ ఫిర్యాదు చేసింది. వినుకొండ టౌన్‌ సీఐ ప్రభాకరరావును ఎన్నికల విధుల నుంచి తప్పించాలని వైఎస్సార్‌సీపీ డిమాండ్‌ చేసింది. మహిళల బైండోవర్‌కు అభ్యర్థి ఇంటి వద్ద పోలీసుల రభసతాము చెప్పినా పోటీ నుంచి విరమించుకోవడం లేదన్న అక్కసుతో కర్నూలు జిల్లా చిప్పగిరి మండలంలో నగరడోణ వైఎస్సార్‌సీపీ ఎంపీటీసీ అభ్యర్థి ఆంజినేయులు కుటుంబంలోని మహిళలు, గ్రామ మహిళలపైనా బైండోవర్‌ అస్త్రాన్ని ప్రయోగించేందుకు పోలీసులు బరితెగించారు. ఇందుకోసం గురువారం అభ్యర్థి ఇంటి వద్ద చిప్పగిరి ఎస్సై నర్సింహులు, పోలీసులు పెద్ద రభసే సృష్టించారు. ఆంజినేయులు నామినేçషన్‌ వేసినప్పటి నుంచి విరమించుకోవాలని టీడీపీ గూండాలు, పోలీసులు ఒత్తిడి తెస్తున్నారు. అయినా ఆయన ససేమిరా అనడంతో వారం రోజులుగా పగలు, రాత్రి తేడా లేకుండా నగరడోణలోని ఆయన ఇంటి వద్దకు వెళ్లి పోటీ నుంచి తప్పుకోవాలని ఒత్తిడి చేస్తున్నారు. గురువారం ఆంజినేయులు లేని సమయంలో చిప్పగిరి ఎస్సై నర్సింహులు, పోలీసులు ఆయన ఇంటిపై పడ్డారు. ఇంట్లోకి చొచ్చుకెళ్లి మహిళలను బూతులు తిడుతూ బయటకు లాగి, బైండోవర్‌ కోసం స్టేషన్‌కు, తహసీల్దార్‌ కార్యాలయానికి రావాలని దబాయించారు. వారు ఒప్పుకోకపోవడంతో ఆంజినేయులు భార్య ఎల్లమ్మ, కుమార్తె శైలమ్మ, కుమారుడు జయరాముడిని, మరికొందరు గ్రామ మహిళలను బలవంతంగా లాక్కెళ్లే ప్రయత్నం చేశారు. మహిళలని చూడకుండా చితకబాదారు. ఈ దాడిలో శైలమ్మకు గాయాలయ్యాయి. పోలీసుల దాడిని గమనించిన గ్రామస్థులు పెద్ద ఎత్తున తరలివచ్చి ఎస్‌ఐ నర్సింహులు, పోలీసులను గట్టిగా ఎదిరించారు. వారం రోజులుగా వైఎస్సార్‌సీపీ ఎంపీటీసీ అభ్యర్థి ఆంజినేయులు కుటుంబాన్ని పోలీసులు వేధిస్తుండటం, మహిళలపైనా దాడికి దిగడంతో ఆగ్రహించిన నగరడోణ గ్రామస్థులు మండల కేంద్రం చిప్పగిరికి తరలివెళ్లారు. తహసీల్దార్‌ కార్యాలయానికి చేరుకుని తహసీల్దార్‌ను ఎందుకు బైండోవర్‌ చేస్తారంటూ నిలదీశారు. ఎస్‌ఐ, పోలీసుల తీరును నిరసిస్తూ ఆంజినేయులు కుటుంబ సభ్యులతో పాటు గ్రామస్థులంతా చిప్పగిరిలోని ఆలూరు–గుంతకల్లు ప్రధాన రహదారిపై ధర్నా చేశారు. ఎస్‌ఐ వేధింపుల నుంచి విముక్తి కలిగించాలని డిమాండ్‌ చేశారు. చివరకు సీఐ రవిశంకర్‌రెడ్డి అక్కడికి చేరుకుని వారికి సర్దిచెప్పడంతో ధర్నా విరమించారు. పోలీసుల తీరుపై ఎమ్మెల్యే మండిపాటు ఎన్నికల్లో పోలీసులు అవలంబిస్తున్న తీరుపై ఆలూరు ఎమ్మెల్యే విరూపాక్షి మండిపడ్డారు. ముఖ్యమంత్రి చంద్రబాబు పోలీసులను అడ్డుపెట్టుకుని రాజకీయం చేస్తున్నాడని, పోలీసుల జులుం నశించాలని అన్నారు. నగరడోణ ఎంపీటీసీ అభ్యర్థి ఆంజినేయులు కుటుంబ సభ్యులపై దాడి చేయడం దారుణమన్నారు. రాష్ట్రంలో చంద్రబాబు ప్రభుత్వ అరాచకాలను ప్రజలు గమనించాలని కోరారు. నియోజకవర్గ ప్రజలు, అక్కాచెల్లెమ్మలు వైఎస్సార్‌సీపీ అభ్యర్థులకు ఓటు వేయాలని కోరారు. బైండోవర్‌ ‘ఎలా’ చేస్తారు? వాస్తవానికి బైండోవర్‌ అనేది సాధారణ చర్య కాదు. సంబంధిత వ్యక్తి నుంచి శాంతిభద్రతలకు ముప్పు ఉందనే కారణాలు చూపాలి. ఎన్నికల సమయంలో రాజకీయ ప్రత్యర్థులను ఇబ్బంది పెట్టేందుకు ఈ చర్యలను ఉపయోగిస్తే అది అధికార దుర్వినియోగమే. నగరడోణ మహిళల విషయంలో అసలు కారణాలను పోలీసులు వెల్లడించకుండా బైండోవర్‌ పేరుతో బెదిరింపులకు దిగడం విమర్శలకు తావిస్తోంది. మహిళలపై బైండోవర్‌ చర్యలకు ప్రతిపాదించిన కారణాలేమిటి? వారిని తహసీల్దార్‌ కార్యాలయానికి తీసుకెళ్లే ముందు ఎలాంటి నోటీసులు ఇచ్చారు? సంబంధిత ఎగ్జిక్యూటివ్‌ మేజిస్ట్రేట్‌ ముందు ఏ నివేదిక సమర్పించారు? ఈ వివరాలను పోలీసులు ఎందుకు వెల్లడించలేదనే ప్రశ్నలు వెల్లువెత్తుతున్నాయి. రాష్ట్రంలోని పలు ప్రాంతాల్లో పోలీసులు పెట్టిన బైండోవర్‌ కేసులు పరిశీలిస్తే వెన్నుపోటు పార్టీ ప్రయోజనాల కోసమే వారు పనిచేస్తున్నారనే విషయం తేటతెల్లమవుతోంది.

సాక్షి, అమరావతి: స్థానిక సంస్థల ఎన్నికల్లో విపక్ష అభ్యర్థులు కనీసం నామినేషన్లు దాఖలు చేయకుండా దశ కుట్రలతో ప్రజాస్వామ్యం పీక నులిమి దండయాత్ర సాగించిన చంద్రబాబు చివరి అంకంలో కోడ్‌కు తూట్లు పొడుస్తూ మరో కుతంత్రానికి తెర తీశారు. వైఎస్సార్‌సీపీ అభ్యర్థులు నామినేషన్‌ వేయకముందే బెదిరింపులు.. నాయకులకు గృహ నిర్బంధాలు.. నామినేషన్‌ కేంద్రాల వద్ద దౌర్జన్యాలు.. పత్రాలు లాక్కోవడం, చించేయడం.. స్క్రూటినీ పేరుతో తిరస్కరణలు.. బలవంతపు ఉపసంహరణలు.. బెదిరించి ఏకగ్రీవాలతో పచ్చ ముఠాలు అరాచకంగా వ్యవహరించగా తాజాగా ఓటర్లను ప్రలోభ పెట్టే ఎత్తుగడ వేశారు. ఒకవైపు ఎన్నికల నియమావళి (కోడ్‌ ఆఫ్‌ కండక్ట్‌) అమలులో ఉన్నప్పటికీ ఓటర్లను ప్రలోభపెట్టడమే లక్ష్యంగా హడావుడిగా అన్నదాతా సుఖీభవ పెట్టుబడి సాయంతో పాటు సామాజిక పింఛన్ల పంపిణీకి సిద్ధమయ్యారు. పోలింగ్‌కు ముందు అధికార టీడీపీ నేతలు పింఛన్ల ముసుగులో ఓటర్లను ప్రలోభాలకు గురి చేస్తూ తాయిలాలు ఎర వేసేందుకు పచ్చ జెండా ఊపారు. పోలింగ్‌కు కొద్ది గంటల ముందు 1.06 కోట్ల మందికి దాదాపు రూ.5,718 కోట్లు జమ చేసేందుకు సన్నాహాలు చేశారు. అయినా సరే చంద్రబాబు అడుగులకు మడుగులొత్తుతున్న రాష్ట్ర ఎన్నికల కమిషన్‌ (ఎస్‌ఈసీ) నోరు మెదపకపోవడం విభ్రాంతి కలిగిస్తోందని రాజకీయ పరిశీలకులు, ప్రజాస్వామ్యవాదులు పేర్కొంటున్నారు. నగదు రూపంలో నేరుగా లబ్ధిదారుల ఖాతాల్లో జమ చేస్తున్నందున ఇది కచ్చితంగా ఓటర్లను ప్రభావితం చేయడం కిందకే వస్తుందని స్పష్టం చేస్తున్నారు. పోలింగ్‌ ముగిసిన తరువాత జమ చేస్తే ఇబ్బంది ఏమిటని ప్రశ్నిస్తున్నారు. తక్షణమే ఈ ప్రత్యక్ష నగదు పంపిణీ కార్యక్రమాలను నిలుపుదల చేయాలని, ఈమేరకు ఎస్‌ఈసీ చర్యలు తీసుకోవాలని సూచిస్తున్నారు. స్థానిక ఎన్నికల్లో ఓటమి భయంతోనే చంద్రబాబు సర్కార్‌ యథేచ్చగా కోడ్‌ ఉల్లంఘనలకు పాల్పడుతోందని, అడ్డగోలుగా అధికార దుర్వినియోగానికి తెగిస్తోందని తేల్చి చెబుతున్నారు. 2024 సాధారణ ఎన్నికల నోటిఫికేషన్‌కు ముందు ఇన్‌పుట్‌ సబ్సిడీ బకాయిలు జమ చేసేందుకు వైఎస్సార్‌సీపీ ప్రభుత్వం ఏర్పాట్లు చేయగా నాడు టీడీపీ నేతలు ఈసీకి ఫిర్యాదు చేసి అడ్డుకున్న విషయాన్ని గుర్తు చేస్తున్నారు.ఓటర్లను ప్రలోభాలకు గురిచేయడానికే..సామాజిక పింఛన్ల పంపిణీలోనూ ఎన్నికల నియమావళికి బాబు సర్కార్‌ తూట్లు పొడుస్తోంది. ప్రతి నెలా ఒకటో తేదీన పింఛన్లు పంపిణీ చేయడం ఆనవాయితీ. అయితే నవంబర్‌ 1వ తేదీన మున్సిపల్‌ ఎన్నికల పోలింగ్‌ జరుగుతోందంటూ ఆగమేఘాలపై ముందే పంపిణీకి చంద్రబాబు ప్రభుత్వం సన్నద్ధమైంది. రాష్ట్రంలో దాదాపు 59.70 లక్షల మందికి రూ.2,593 కోట్లు పంపిణీకి ఏర్పాట్లు చేసింది. మరికొద్ది గంటల్లో పోలింగ్‌ జరగనున్న తరుణంలో పింఛన్ల పంపిణీ కచ్చితంగా ఓటర్లను ప్రలోభానికి గురి చేయడమేనని పరిశీలకులు పేర్కొంటున్నారు. పైగా పింఛన్ల పంపిణీ ముసుగులో ఓటర్లను ప్రలోభ పెట్టేందుకు టీడీపీ కూటమి అభ్యర్థులు నగదుతో పాటు ఇతర తాయిలాలు పంపిణీ చేసే అవకాశాలున్నాయని స్పష్టం చేస్తున్నారు. పోలింగ్‌ తర్వాత రోజు పింఛన్లు పంపిణీ చేస్తే ఇబ్బందేమిటని ప్రశ్నిస్తున్నారు. ఈ నేపథ్యంలో ఎస్‌ఈసీ తక్షణమే స్పందించి ఓటర్లను ప్రభావితం చేసే నగదు పంపిణీ కార్యక్రమాలను నిలిపివేయాలని డిమాండ్‌ చేస్తున్నారు.మూడేళ్లలో రూ.20,905 కోట్లు ఎగనామం..అన్నదాతా సుఖీభవ పథకం ద్వారా కేంద్రంతో సంబంధం లేకుండానే ఏటా రూ.20 వేలు చొప్పున పెట్టుబడి సాయం అందిస్తామని సార్వత్రిక ఎన్నికల ముందు ఇచ్చిన హామీని నెరవేర్చకుండా చంద్రబాబు దారుణంగా దగా చేశారు. తొలి ఏడాది నిస్సిగ్గుగా ఎగ్గొట్టగా.. రెండో ఏడాది అరకొరగా విదిలించారు. వాస్తవానికి ఏటా నవంబర్‌లో రెండో విడత సాయం జమ చేస్తుంటారు. కానీ ఇప్పుడు స్థానిక ఎన్నికల్లో లబ్ధి పొందడమే లక్ష్యంగా మున్సిపల్‌ పోలింగ్‌కు రెండు రోజుల ముందు అన్నదాతా సుఖీభవ పంపిణీకి సిద్ధమయ్యారు.2023–24లో రైతు భరోసా కింద 53.58 లక్షల మంది లబ్ధి పొందగా, ఆ మేరకు ఒక్కొక్కరికీ రూ.20వేల చొప్పున చంద్రబాబు సర్కార్‌ రైతన్నలకు రూ.10,717 కోట్లు జమ చేయాల్సి ఉంది. కానీ 2024–25 సీజన్‌లో ఏ ఒక్కరికీ పైసా కూడా విదల్చలేదు. 2025–26లో దాదాపు ఏడు లక్షల మందికి కోత పెట్టిన కూటమి ప్రభుత్వం కేవలం 46.86 లక్షల మందికి రూ.14 వేల చొప్పున రూ.6560.18 కోట్లతో సరిపెట్టింది. 2026–27 సీజన్‌ తొలివిడతలో 46.86 లక్షల మందికి కేంద్రం పీఎం కిసాన్‌ కింద రూ.2 వేల చొప్పున రూ.782.55 కోట్లు జమ చేయగా, అన్నదాతా సుఖీభవ కింద ఒక్కొక్కరికి రూ.5 వేల చొప్పున రూ.2,342.92 కోట్లు జమ చేశారు. కాగా రెండో విడతగా 46.86 లక్షల మందికి కేంద్రం తాజాగా రూ.2 వేల చొప్పున రూ.782.55 కోట్లు జమ చేస్తుండగా, చంద్రబాబు ప్రభుత్వం రూ.5 వేల చొప్పున రూ.2342.92 కోట్లు జమ చేయనుంది. మూడేళ్లలో అన్నదాతా సుఖీభవ పథకం కింద రూ.32,151 కోట్లు ఇవ్వాల్సి ఉండగా.. చంద్రబాబు సర్కార్‌ తాజాగా జమ చేయనున్న సాయం కూడా కలిపితే రూ.11,246 కోట్లు జమ చేసినట్లవుతుంది. ఈ లెక్కన మూడేళ్లలో చంద్రబాబు అక్షరాలా రూ.20,905 కోట్లు రైతన్నలకు ఎగ్గొట్టారు! ఇక వరుసగా మూడో ఏడాది కూడా కౌలు రైతులకు మొండిచెయ్యి చూపారు. భూ యజమానులతో సమానంగా కౌలు రైతులకు కూడా రూ.20 వేల చొప్పున పెట్టుబడి సాయం అందిస్తామని ఎన్నికల్లో ఇచ్చిన హామీకి తూట్లు పొడుస్తూ వారి నోట్లో మట్టికొట్టారు.

ఈ స్థానిక ఎన్నికల్లో అభ్యర్థులు నామినేషన్‌ వేయడానికి పోలింగ్‌ కేంద్రాల వరకు వెళ్లనీయకుండా కిరాయి గూండాలను, గంజాయి ముఠాలను, పోలీసులను చంద్రబాబు అండ్‌ కో యథేచ్ఛగా వాడడాన్ని రాష్ట్రమంతా చూసింది. ఇవన్నీ దాటుకుని పోలింగ్‌ కేంద్రాలకు చేరుకుని రిటర్నింగ్‌ అధికారుల చేతిలో నామినేషన్‌ పత్రాలు పెట్టినా పోలీసుల కళ్లెదుటే టీడీపీ గూండాలు వాటిని చించి ముక్కలు చేశారు. అసలు పోలింగ్‌ కేంద్రాలలోకి అంతమంది గూండాలు ఎలా చేరుకున్నారు? కలెక్టర్లకు ఫిర్యాదు చేసి వారిని అడ్డుకోవలసిన ఆర్వోలు ఎందుకు మిన్నకుండా ఉండిపోయారు? వాటిని కూడా దాటుకుని ఎలాగోలా పత్రాలను అందించాం కదా అని కొందరు అభ్యర్థులు ఊపిరి పీల్చుకున్నా అమ్ముడుపోయిన అధికారులు చాలాచోట్ల అసలు పోటీయే లేకుండా చేశారు.అధికార పార్టీకి ఏకగ్రీవాలు అందించడానికి నీతి నిజాయితీలను వదిలేశారు. చెక్‌లిస్ట్‌ ఇచ్చి అన్నీ బాగున్నాయని చెప్పి సంతకం చేసి మరీ అక్‌నాలెడ్జ్‌ స్లిప్పులు ఇచ్చి.. ఆతర్వాత కొన్ని పత్రాలు చించేసి అవిలేవంటూ నామినేషన్లు తిరస్కరించారు. అభ్యర్థుల సంతకాలు ఫోర్జరీ చేసి విత్‌డ్రాలు చేసేశారు. ఇంత నీచనికృష్ట పనులకు దిగజారిన అధికారులను ఏమనాలి? చంద్రబాబు ఒత్తిడికి రిటర్నింగ్‌ అధికారులు తలొగ్గితే ప్రజాస్వామ్యానికి రక్షణ ఎక్కడ? నిష్పాక్షికంగా వ్యవహరించాల్సిన అధికారులు అధికార పార్టీకి కీలుబొమ్మలుగా మారితే ఇక ఎన్నికలు స్వేచ్ఛగా, న్యాయంగా ఎలా జరుగుతాయి? పోలింగ్‌ కేంద్రాలలో జరిగిన మోసాలు, అమ్ముడుపోయిన ఆర్వోల చేసిన దిగజారుడు పనుల గురించి తిరస్కరణకు గురైన అభ్యర్థులేమంటున్నారో చూద్దామా..దొంగ సంతకాలతో నామినేషన్ల ఉపసంహరణ..!‘‘మాతో ఎన్నికల్లో పోటీ పడలేక టీడీపీ నాయకులు, ఆర్వోతో కుమ్మక్కయి దొంగ సంతకాలతో మా నామినేషన్లను ఉపసంహరించినట్టు నాటకాలు ఆడారు. నామినేషన్లు వేసిన తర్వాత మేం ఆర్‌ఓ కార్యాలయానికి వెళ్లలేదు. ప్రజల్లో ప్రచారంలో ఉంటే, మా ప్రమేయం లేకుండానే ఉపసంహరణ చేసుకున్నట్టు ఎలా ప్రకటిస్తారు? కూటమి నాయకులతో చేతులు కలిపి రిటర్నింగ్‌ అధికారులు మా అభ్యర్థిత్వాలను అడ్డుకోవడం ప్రజాస్వామ్యాన్ని ఖూనీ చేయడమే. మహిళా అభ్యర్థులతో కూడా పోటీలో గెలవలేక ఫోర్జరీ సంతకాలతో అడ్డదారులు తొక్కడం సిగ్గుచేటు.మా సంతకాలు లేకుండా నామినేషన్లను ఎలా ఉపసంహరించారు? ఎవరు ఫోర్జరీ చేశారు? సీసీటీవీ ఫుటేజీ పరిశీలించి, బాధ్యులపై చర్యలు తీసుకోవాలి. నిష్పక్షపాతంగా ఎన్నికలు జరపాల్సిన అధికారులే అక్రమాలకు పాల్పడితే సామాన్యులకు న్యాయం ఎక్కడ? ఈ అన్యాయాన్ని వదిలిపెట్టేది లేదు. కోర్టును ఆశ్రయించి, బాధ్యులపై చర్యలు తీసుకునే వరకు న్యాయపోరాటం చేస్తాం!’’ – కాలెపు శ్రీదేవి, పొందూరు–3, పప్పల రాజ్యలక్ష్మీ, బాణాం, కూన శోభారాణి, కోటిపల్లి, లింగాల అరుణకుమారి, నందివాడ, ఎచ్చెర్ల పద్మావతి, రాపాక–1, వైఎస్సార్‌సీపీ ఎంపీటీసీ అభ్యర్థులు, శ్రీకాకుళం జిల్లాన్యాయస్థానాన్ని ఆశ్రయించేఅవకాశం కూడా లేకుండా చేశారు..‘‘నేను వైఎస్సార్‌సీపీ తరఫున శేకూరు–1 ఎంపీటీసీ అభ్యర్థిగా నామినేషన్‌ వేశాను. స్క్రూటినీ సమయంలో టీడీపీ నాయకులు రిటర్నింగ్‌ అధికారిపై ఒత్తిడి తీసుకొచ్చి నా నామినేషన్‌ను తిరస్కరించేలా చేశారు. తెనాలి, శేకూరు రెండు చోట్ల ఓటు హక్కు ఉందనే కారణాన్ని చూపించి నా నామినేషన్‌ను తిరస్కరించారు. దీనిపై తెనాలిలో అప్పీలు చేసినా నాకు న్యాయం జరగలేదు. న్యాయస్థానాన్ని ఆశ్రయించే అవకాశం కూడా లేకుండా ఉదయం నుంచి ఎలాంటి సమాచారం ఇవ్వకుండా, అర్ధరాత్రి దాటిన తర్వాత నా నామినేషన్‌ తిరస్కరణ నిర్ణయాన్ని ప్రకటించారు. ఈ ప్రాంతంలో వైఎస్సార్‌సీపీకి మంచి పట్టు ఉంది. ఇక్కడ గెలవలేమన్న భయంతోనే టీడీపీ నాయకులు అధికారులను అడ్డుపెట్టుకుని నా నామినేషన్‌ను తిరస్కరించే కుట్రకు పాల్పడ్డారు.’’ – మన్నెం ఉషారాణివైఎస్సార్‌సీపీ ఎంపీటీసీ అభ్యర్థిని, శేకూరు–1, చేబ్రోలు మండలం, గుంటూరు జిల్లానా పత్రాల్లో కొట్టివేతల కుట్ర!‘‘నేను వైఎస్సార్‌సీపీ తరఫున కాకర్ల ఎంపీటీసీ అభ్యర్థిగా నామినేషన్‌ వేశాను. మొదటిరోజు నామినేషన్‌ పత్రాలను రిటర్నింగ్‌ అధికారి అర్జున్‌ నాయక్‌కు ఇచ్చాను. కొన్ని పత్రాలు ఖాళీగా ఉన్నాయని, వాటిని నింపుకుని రావాలని చెప్పారు. న్యాయవాది సలహా మేరకు అన్ని పత్రాలను పూర్తిగా నింపి నామినేషన్‌ కేంద్రంలో సమర్పించాను. కొట్టివేతలు ఉన్నాయనే సాకుతో నా నామినేషన్‌ను తిరస్కరించారు. కానీ నేను ముందుగా జిరాక్స్‌ తీసుకున్న నామినేషన్‌ పత్రాల్లో ఎలాంటి కొట్టివేతలు లేవు. మరి నేను తీసుకున్న పత్రాల్లో లేని కొట్టివేతలు, అధికారులు పరిశీలించిన పత్రాల్లోకి ఎలా వచ్చాయి? ఎవరు ఆ మార్పులు చేశారు? ఎప్పుడు చేశారు? ఇది సాధారణ తప్పిదం కాదు.. నా అభ్యర్థిత్వాన్ని అడ్డుకోవడానికి జరిగిన వ్యవహారం. కూటమి నాయకులు, అధికారులు కుమ్మక్కై నా నామినేషన్‌ను తిరస్కరించేందుకు కుట్ర చేశారు. ప్రజల్లోకి వెళ్లి ఎన్నికల్లో పోటీ చేయాల్సిన నన్ను, పత్రాల్లో కొట్టివేతల పేరుతో ఎన్నికల బరి నుంచి తప్పించారు. నా నామినేషన్‌ పత్రాల్లో జరిగిన మార్పులపై సమగ్ర విచారణ జరపాలి. అసలు పత్రాలను, నేను తీసుకున్న జిరాక్స్‌ ప్రతులను పోల్చి చూసి నిజానిజాలు బయటపెట్టాలి. నా నామినేషన్‌ తిరస్కరణ వెనుక ఉన్న వాస్తవాలను ప్రజల ముందు ఉంచాలి.’’– మునపాటి నరసింహారావు, వైఎస్సార్‌సీపీ ఎంపీటీసీ అభ్యర్థి, కాకర్ల, మర్రిపూడి మండలం, ప్రకాశం జిల్లాటీడీపీ అభ్యర్థికి ఒక న్యాయం.. నాకు మరో న్యాయమా?‘‘పోలీసుల ఎదుటే టీడీపీ వాళ్లు నా ఒరిజినల్‌ కులధ్రువీకరణ పత్రాన్ని చింపేశారు. ఈ విషయాన్ని అధికారులకు చెప్పి జిరాక్స్‌ ప్రతిని సమర్పించాను. స్క్రూటినీ సమయానికి ఒరిజినల్‌ తీసుకురావాలని అధికారులు నోటిమాటగా చెప్పడంతో అలాగే తీసుకెళ్లాను. అయినా నా నామినేషన్‌ను తిరస్కరించారు. ఆర్డీఓకు అప్పీలు చేసినా న్యాయం జరగలేదు. ఇదే సమస్య ఉన్న టీడీపీ అభ్యర్థి నామినేషన్‌ను మాత్రం ఆమోదించారు. టీడీపీ అభ్యర్థికి ఒక న్యాయం.. వైఎస్సార్‌సీపీ అభ్యర్థికి మరో న్యాయమా? అందరినీ సమానంగా చూడాల్సిన అధికారులు అధికార పార్టీ అభ్యర్థికి ఒకలా, నాకు మరోలా ఎందుకు వ్యవహరించారు? నా నామినేషన్‌ విషయంలో జరిగిన అన్యాయానికి ఎవరు సమాధానం చెబుతారు? నాకు న్యాయం జరిగే వరకు వదిలిపెట్టను!’’– కామక్కగారి మురళీ, వైఎస్సార్‌సీపీ ఎంపీటీసీ అభ్యర్థి, కందుకూరు–1, అనంతపురం రూరల్‌ మండలంసంతకం మ్యాచ్‌ కాలేదనే సాకుతో..!‘‘నేను ఎంఎస్సీ మ్యాథ్స్‌ చదువుకున్నాను. ప్రొద్దుటూరు మండలం గోపవరం–1 ఎంపీటీసీ స్థానానికి వైఎస్సార్‌సీపీ తరఫున నామినేషన్‌ వేశాను. స్క్రూటినీ సమయంలో నా సంతకం మ్యాచ్‌ కావడం లేదనే కారణంతో నామినేషన్‌ తిరస్కరించారు. పీజీ చదువుకున్న నాకు నా సంతకం పెట్టడం రాదా? సంతకం సరిపోలేదనే సాకుతో నా నామినేషన్‌ను ఉద్దేశపూర్వకంగా తిరస్కరించారు. నా అభ్యర్థిత్వాన్ని అడ్డుకోవడమే లక్ష్యంగా వ్యవహరించినఅధికారుల నిర్ణయానికి ఎవరు సమాధానం చెబుతారు? నా నామినేషన్‌ తిరస్కరణపై విచారణ జరిపి నాకు న్యాయం చేయాలి!’’ – సాకే ఉమామహేశ్వరి, వైఎస్సార్‌సీపీ ఎంపీటీసీ అభ్యర్థి, గోపవరం–1, ప్రొద్దుటూరు మండలంకారణం కూడా చెప్పలేదు !‘‘నేను, నా సోదరుడు పిట్టు కృష్ణారెడ్డి అగతవరపాడు ఎంపీటీసీ సెగ్మెంట్‌ నుంచి నామినేషన్లు వేశాం. మేం గెలుస్తామనే భయంతోనే కక్షగట్టి మా ఇద్దరి నామినేషన్లను తిరస్కరించారు. మరోవైపు, మా గ్రామంలో ఓటు ఉండి గుంటూరులో నివసిస్తున్న వ్యక్తితో టీడీపీ వాళ్లు నామినేషన్‌ వేయించారు. మా నామినేషన్లు ఎందుకు తిరస్కరించారో అధికారులు సరైన కారణం చెప్పలేదు. ఆర్డీఓ కార్యాలయానికి వెళ్తే రెండు రోజులు కాలయాపన చేసి అక్కడా తిరస్కరించారు. న్యాయస్థానాన్ని ఆశ్రయిస్తే ఎన్నికలు పూర్తయ్యాక రావాల్సిందని చెప్పి రెండో రోజే మా పిటిషన్‌ను కొట్టివేశారు.’’ – పిట్టు దుర్గారెడ్డి, అగతవరపాడు ఎంపీటీసీ అభ్యర్థి, పెదకాకాని మండలం, గుంటూరు జిల్లారాత్రికి రాత్రి పత్రాలు మాయం!‘‘నామినేషన్‌ వేయడానికి వెళ్తుంటే గూండాలు, రౌడీలు మా కారుపై పడి నామినేషన్‌ పత్రాలను లాక్కొని చించేశారు. ఎలాగోలా నామినేషన్‌ కేంద్రానికి చేరుకుని పత్రాలను అధికారులకు సమర్పించాను. అన్ని పత్రాలను పరిశీలించిన అధికారులు అన్నీ సరిగ్గానే ఉన్నాయని చెప్పి పంపించారు. మరుసటి రోజు ఫామ్‌–2 ఇవ్వలేదనే కారణంతో నా నామినేషన్‌ను తిరస్కరించారు. ముందురోజు అన్ని పత్రాలు సరిగ్గా ఉన్నాయని చెప్పిన అధికారులు, మరుసటి రోజే ఫామ్‌–2 పేరుతో నా నామినేషన్‌ ఎలా తిరస్కరించారు? రాత్రికి రాత్రే మా పత్రాలను మాయం చేసి, ఎన్నికల్లో పోటీ చేయకుండా అడ్డుకున్నారు. ఆర్డీఓ కోర్టును ఆశ్రయించినా న్యాయం జరగలేదు. జరిగిన వ్యవహారంపై విచారణ జరిపి నిజాలను బయటపెట్టాలి!’’ – అరవ లక్ష్మీ ప్రసన్న, ఎంపీటీసీ అభ్యర్థి,ముక్కావారిపల్లి, ఓబులవారిపల్లి మండలం, తిరుపతి జిల్లానామినేషన్‌ రోజు ఇచ్చిన ఎస్సీ సర్టిఫికెట్‌ మరుసటి రోజు మాయం!‘‘నా 64 ఏళ్ల జీవితంలో ఇలాంటి దౌర్జన్యాలు, హింసాకాండ ఎప్పుడూ చూడలేదు. దొంగచాటుగా నామినేషన్‌ వేయాల్సిన పరిస్థితి కల్పించారు. నేను అన్ని నామినేషన్‌ పత్రాలతో పాటుఎస్సీ కులధ్రువీకరణ పత్రాన్ని కూడా అధికారులకు సమర్పించాను. అయినా ఆ సర్టిఫికెట్‌ ఇవ్వలేదనే కారణంతో నా నామినేషన్‌ను తిరస్కరించారు. నామినేషన్‌ రోజు అధికారులకు ఇచ్చిన ఎస్సీ సర్టిఫికెట్‌ మరుసటి రోజు ఎక్కడికి పోయింది? పత్రాలు సమర్పించినా లేవని చెప్పి నా నామినేషన్‌ను ఎలా తిరస్కరిస్తారు? ఆర్డీఓకు అప్పీలు చేసినా న్యాయం జరగలేదు. రిటర్నింగ్‌ అధికారి అక్కడే ఉండి నా నామినేషన్‌ తిరస్కరణ చేయించారు. టీడీపీ నాయకులకు ఎన్నికల్లో గెలిచే ధైర్యం ఉంటే ప్రజల్లో పోటీ చేసి గెలవాలి. పత్రాలు మాయం చేయడం, నామినేషన్లు తిరస్కరించడం ఎందుకు? నా నామినేషన్‌ తిరస్కరణపై విచారణ జరిపి నాకు న్యాయం చేయాలి!’’ – పాణ్యం జయరాం, వైఎస్సార్‌సీపీ ఎంపీటీసీ అభ్యర్థి, చిన్నంపల్లి, ఓబులవారిపల్లి మండలం, తిరుపతి జిల్లాప్రతిపాదకుడి సంతకం లేదంటూ తిరస్కరించారు!‘‘నామినేషన్‌ కేంద్రం బయట కూటమి నాయకులు ఇతర ప్రాంతాల నుంచి వందలాది మంది రౌడీలు, గూండాలను మోహరించి నా నామినేషన్‌ పత్రాలను బలవంతంగా లాక్కొని చించేశారు. ఎలాగోలా వారి నుంచి తప్పించుకుని, హడావుడిగా మరోసారి పత్రాలు సమర్పించాను. అయినా ప్రతిపాదకుడి సంతకం లేదనే కారణంతో అధికారులు నా నామినేషన్‌ను తిరస్కరించారు. కూటమి నాయకుల మనుషులు నా పత్రాలను చించేస్తే నేను ఏం చేయాలి?ఆ దాడిని పట్టించుకోకుండా, సంతకం లేదనే సాకుతో నా నామినేషన్‌ ఎలా తిరస్కరిస్తారు? వైఎస్సార్‌సీపీ అభ్యర్థిననే కారణంతోనే నాపై వివక్ష చూపించారు. దాడులకు పాల్పడిన వారిపై చర్యలు తీసుకోకుండా, బాధితురాలినైన నన్నే ఎన్నికలకు దూరం చేయడం ఏమిటి? ఎన్నికల్లో నాతో పోటీ పడాలి కానీ, నామినేషన్‌ పత్రాలు చించేసి నన్ను అడ్డుకోవడం ఏం ప్రజాస్వామ్యం? నా నామినేషన్‌ తిరస్కరణపై విచారణ జరిపి నాకు న్యాయం చేయాలి!’’ – ఎల్‌. స్వాతి, వైఎస్సార్‌సీపీ ఎంపీటీసీ అభ్యర్థి, బొమ్మవరం, ఓబులవారిపల్లి మండలం, తిరుపతి జిల్లాపత్రాలు చించేసి నామినేషన్‌ తిరస్కరించారు!‘‘బండారుపల్లి ఎంపీటీసీ స్థానానికి వైఎస్సార్‌సీపీ తరఫున నామినేషన్‌ వేసేందుకు వెళ్తుంటే ఏర్పేడు నామినేషన్‌ కేంద్రం వద్ద టీడీపీ గుండాలు రాళ్లతో దాడి చేశారు. ప్రాణభయంతో నామినేషన్‌ వేయకుండానే వెనుదిరగాల్సి వచ్చింది. మరుసటి రోజు ఎట్టకేలకు నామినేషన్‌ వేశాను. కానీ స్క్రూటినీ సమయంలో నా నామినేషన్‌ పత్రాల్లో ఒక పేపర్‌ను చించేసి, దాని స్థానంలో ఖాళీ ఫారం పెట్టి, సంతకం లేదనే కారణంతో నా నామినేషన్‌ను తిరస్కరించారు. నామినేషన్‌ పత్రాలను మార్చేసి, సంతకం లేదనే సాకుతో నన్ను ఎన్నికల బరి నుంచి తప్పించారు. నామినేషన్‌ కేంద్రంలోనే దాడులు.. ఆ తర్వాత పత్రాలపై అనుమానాస్పద వ్యవహారం.. చివరకు టీడీపీకి ఏకగ్రీవం! ఎన్నికల్లో పోటీ చేసే హక్కును ఇలా అడ్డుకుంటే ప్రజాస్వామ్యానికి విలువ ఎక్కడ? నా నామినేషన్‌ పత్రాలపై జరిగిన వ్యవహారంపై విచారణ జరిపి బాధ్యులపై చర్యలు తీసుకోవాలి!’’ – టి. జనార్ధన్‌ రెడ్డి,మాజీ వైస్‌ ఎంపీపీ, వైఎస్సార్‌సీపీ ఎంపీటీసీ అభ్యర్థి, బండారుపల్లి, ఏర్పేడు మండలం, తిరుపతి జిల్లానా వివరణ వినే అవకాశం కూడా ఇవ్వలేదు‘‘నారాయణవనం మండలం పాలమంగళం నార్త్‌ ఎంపీటీసీ స్థానానికి వైఎస్సార్‌సీపీ తరఫున నామినేషన్‌ వేశాను. అన్ని వివరాలు పూర్తి చేసినా, నామినేషన్‌ ఫారం సరైన ప్రింటెడ్‌ ఫార్మాట్‌లో లేదనే సాకుతో నా నామినేషన్‌ను తిరస్కరించారు. కనీసం నా వివరణ వినే అవకాశం కూడా ఇవ్వలేదు. పేరున్న లాయర్‌ తయారు చేసిన పత్రంలో ప్రింటెడ్‌ కాలమ్‌ హెడ్డింగ్‌ అసంపూర్తిగా ఉందంటూ నన్ను వెనక్కి పంపించారు.పత్రాల్లో చిన్న లోపం ఉందనే కారణంతో నా నామినేషన్‌ను తిరస్కరించిన అధికారులు, టీడీపీ అభ్యర్థుల పత్రాలను మాత్రం పరిశీలించకుండానే ఎలా ఆమోదించారు? ఎన్నికల అధికారులు అధికార పార్టీకి తలొగ్గి పనిచేస్తే ప్రతిపక్ష అభ్యర్థులకు న్యాయం ఎక్కడ? నిబంధనలు అందరికీ ఒకేలా వర్తించాలి. నా నామినేషన్‌ తిరస్కరణపై విచారణ జరిపి నిజాలను బయటపెట్టాలి!’’ – ఉదయకుమార్, వైఎస్సార్‌సీపీ ఎంపీటీసీ అభ్యర్థి, పాలమంగళం నార్త్, నారాయణవనం మండలం, తిరుపతి జిల్లానా సంతకం వాళ్లే చేసి విత్‌డ్రా!‘‘నేను అరికెర గ్రామ ఎంపీటీసీగా వైఎస్సార్‌సీపీ తరఫున నామినేషన్‌ వేశాను. మంగళవారం బీ–ఫారం ఇవ్వడానికి ఎంపీడీఓ కార్యాలయానికి వెళ్తే, అక్కడే ఉన్న ఆలూరు ఎస్‌ఐ మన్మథ విజయ్‌ నన్ను బలవంతంగా పోలీస్‌ స్టేషన్‌కు తీసుకెళ్లాడు. నా ఇష్టంతో సంబంధం లేకుండా, నా ప్రమేయం లేకుండానే రిటర్నింగ్‌ అధికారి ఆనంద్‌ రాజ్‌కుమార్‌ పోలీసుల సమక్షంలో నా సంతకం వాళ్లే చేసి నా నామినేషన్‌ను విత్‌డ్రా చేశారు. నా సంతకంతో ఉపసంహరణ జరిగినట్లు చూపించడానికి వీళ్లకు ఎవరు అనుమతి ఇచ్చారు? నా నామినేషన్‌ ఉపసంహరణతో అరికెర ఎంపీటీసీ స్థానం టీడీపీకి ఏకగ్రీవమైంది. నా ఎన్నికల హక్కును కాలరాసిన ఈ వ్యవహారంపై విచారణ జరిపి, బాధ్యులపై చర్యలు తీసుకోవాలి!’’ – తిమ్మప్ప, వైఎస్సార్‌సీపీ ఎంపీటీసీ అభ్యర్థి, అరికెర, కర్నూలు జిల్లానామినేషన్‌ ఎందుకు తిరస్కరించారో చెప్పలేదు.. ‘‘నేను ఆలూరు ఎంపీటీసీ–3 స్థానానికి నామినేషన్‌ వేశాను. శనివారం (అక్టోబర్‌ 24) మధ్యాహ్నం నా నామినేషన్‌ను పరిశీలించిన అధికారులు, పత్రాల్లో తప్పులున్నాయని చెప్పి మరుసటి రోజు చెక్‌లిస్ట్, ఫారం–5 ఇస్తామని చెప్పారు. కానీ నా నామినేషన్‌ను ఏ కారణంతో తిరస్కరిస్తున్నారో స్పష్టంగా చెప్పలేదు. ఆదివారం (అక్టోబర్‌ 25) సాయంత్రం ఆర్డీఓ కార్యాలయంలో ఆర్వో ఆనంద్‌ రాజ్‌కుమార్‌ నాకు ఫారం–5 ఇచ్చారు. ఆదివారం సాయంత్రం ఇచ్చిన ఫారం–5పై శనివారం తేదీ ఎందుకు ఉంది? నామినేషన్‌ తిరస్కరణకు కారణాలను ముందే ఎందుకు తెలియజేయలేదు?ఈ వ్యవహారంపై విచారణ జరిపి, నామినేషన్‌ తిరస్కరణకు సంబంధించిన పూర్తి వివరాలు వెల్లడించాలి!’’ – వినోద్‌ కుమార్, వైఎస్సార్‌సీపీ ఎంపీటీసీ అభ్యర్థి, ఆలూరు–3, కర్నూలు జిల్లాటీడీపీకి ఒక న్యాయం.. మాకు మరో న్యాయమా?‘‘నేను కోటబొమ్మాళి మండలం దంత ఎంపీటీసీ ప్రాదేశికం నుంచి వైఎస్సార్‌సీపీ అభ్యర్థిగా నామినేషన్‌ వేశాను. పరిశీలన కోసం మండల పరిషత్‌ కార్యాలయానికి పిలిచి, పత్రాల్లో చిన్నచిన్న కారణాలు చూపిస్తూ నా నామినేషన్‌ను తిరస్కరించారు. కానీ టీడీపీ అభ్యర్థుల పత్రాల్లో తప్పులుంటే అక్కడికక్కడే సరిచేసుకునే అవకాశం కల్పించారు. వైఎస్సార్‌సీపీ అభ్యర్థులకు నామినేషన్‌ తిరస్కరణ.. టీడీపీ అభ్యర్థులకు తప్పులు సరిదిద్దుకునే వెసులుబాటు... ఇదేనా ఎన్నికల న్యాయం? కోటబొమ్మాళి ఆర్‌ఓ కె. జగన్మోహన్‌రావు అధికార పార్టీకి అనుకూలంగా ఏకపక్షంగా వ్యవహరించారు. చిన్నసాన, పెద్దబమ్మిడి ప్రాదేశికాల్లోనూ ఎన్నికల నిబంధనలను పక్కనపెట్టారు. అభ్యర్థుల జాబితాలను సైతం సక్రమంగా ఇవ్వలేకపోయారు. గతంలో నామినేషన్‌ పత్రాల్లో ఖాళీలు ఉంటే పరిశీలన సమయంలో సరిచేసుకునే అవకాశం ఇచ్చేవారు. ఇప్పుడు మాత్రం ప్రతిపక్ష అభ్యర్థుల విషయంలో నిబంధనలను కఠినంగా అమలు చేస్తూ, టీడీపీ అభ్యర్థులకు మినహాయింపులు ఇచ్చారు. ఎన్నికల అధికారులు అధికార పార్టీకి అనుకూలంగా కాకుండా నిష్పక్షపాతంగా పనిచేయాలి. నా నామినేషన్‌ తిరస్కరణపై విచారణ జరిపి నాకు న్యాయం చేయాలి!’’ – సంపతిరావు హేమసుందర్‌రాజు, వైఎస్సార్‌సీపీ ఎంపీటీసీ అభ్యర్థి, దంత ప్రాదేశికం, కోటబొమ్మాళి మండలం, శ్రీకాకుళం జిల్లాఅధికారుల మాట నమ్మితే పోటీ నుంచే దూరం చేశారు!‘‘నేను కోటబొమ్మాళి మండలం చిన్నసాన ప్రాదేశికం నుంచి వైఎస్సార్‌సీపీ అభ్యర్థిగా నామినేషన్‌ వేశాను. నా పేరుతో వేర్వేరు ప్రతిపాదనలతో రెండు నామినేషన్లు దాఖలయ్యాయి. వాటిలో ఏదో ఒకటి విత్‌డ్రా చేసుకోవాలని అధికారులు చెప్పడంతో ఒక నామినేషన్‌ను ఉపసంహరించుకున్నాను. కానీ బీ–ఫారం అందజేయడానికి వెళ్తే నా నామినేషన్‌ పూర్తిగా తిరస్కరించినట్లు చెప్పారు. ఒక నామినేషన్‌ విత్‌డ్రా చేసుకోమని చెప్పి, చివరకు మొత్తం నామినేషన్‌నే రద్దు చేయడం ఏమిటి?అధికారుల మాట నమ్మినందుకు నన్ను ఎన్నికల పోటీకి దూరం చేస్తారా?రిటర్నింగ్‌ అధికారి కె. జగన్మోహన్‌రావు వ్యవహారశైలితోనే నేను నామినేషన్‌ కోల్పోయాను. విత్‌డ్రా విషయంలో తప్పుదారి పట్టించి నా అభ్యర్థిత్వాన్ని దెబ్బతీశారు. ఎన్నికల అధికారులు స్పష్టమైన సమాచారం ఇవ్వకుండా అభ్యర్థులను అయోమయానికి గురిచేస్తే న్యాయం ఎక్కడ? నా నామినేషన్‌ తిరస్కరణపై విచారణ జరిపి బాధ్యులపై చర్యలు తీసుకోవాలి!’’ – రొక్కం శ్రావణి, వైఎస్సార్‌సీపీ అభ్యర్థి, చిన్నసాన ప్రాదేశికం, కోటబొమ్మాళి మండలం, శ్రీకాకుళం జిల్లా

సాక్షి, అమరావతి: అధికారాన్ని అడ్డుపెట్టుకుని మున్సిపల్, పరిషత్‌ ఎన్నికల నామినేషన్ల దశలో దౌర్జన్యాలు, అరాచకాలతో ప్రత్యర్థులను కట్టడి చేయాలని చూసిన చంద్రబాబు సర్కారు ఇప్పుడు ఓటర్లను గుప్పిట్లో పెట్టుకోవడానికి బరితెగించింది. ఏ ఇంట్లో ఎవరున్నారు, మహిళల వయసు, ఫోన్‌ నంబర్‌ వంటి ఓటర్ల డేటా కూటమి ప్రత్యేకంగా రూపొందించిన వెబ్‌సైట్‌లో దర్శనమిస్తోంది. విజయవాడలోని 8 లక్షలమంది ఓటర్ల జాతకాలు votershelp.in లో పొందుపరిచారు. రాష్ట్రంలోని అన్ని పట్టణ స్థాని­క సంస్థలు, జెడ్పీటీసీ, ఎంపీసీటీ స్థానాల పరిధిలోని ఓటర్ల డేటా మొత్తం ఇప్పుడు కూటమి కొత్త వెబ్‌సైట్‌లో బహిర్గతమైంది. ఈ వివరాలతో కూటమి నేతలు పార్టీ గుర్తులతో అనధికారికంగా ఓటరు స్లిప్‌లు పంచుతూ ఎన్నికల నిబంధనలను తుంగలో తొక్కుతున్నారు. ఎస్‌ఐఆర్‌ ఫారాలు ఇప్పటికే టీడీపీ యాప్‌లోకి చేరగా, ఇప్పుడు ఓటర్ల ఫోన్‌ నంబర్లు పార్టీ ఎన్నికల వెబ్‌సైట్‌ votershelp.in లో ప్రత్యక్షం కావడం కలకలం రేపుతోంది. 2019లో సేవామిత్ర, 2024లో వీయాప్, ఇప్పుడు వోటర్స్‌ హెల్ప్‌.. ప్రజల డేటాను పార్టీ ఆస్తిగా మార్చుకోవడం చంద్రబాబుకు అలవాటుగా మారింది. నవంబర్‌ ఒకటిన 13 కార్పొరేషన్లు, 87 మున్సిపాలిటీలు, నగర పంచాయతీల్లో పోలింగ్‌ జరగనున్న వేళ ఈ డేటా దందా బయటపడింది.ప్రభుత్వ పోర్టల్‌లా భ్రమ: ఈ వెబ్‌సైట్‌ పైభాగంలో ఎన్నికల సంఘం హెల్ప్‌లైన్‌ 1950, కింద రాష్ట్ర ఎన్నికల సంఘం ప్రచురించిన జాబితా అని ఉంది. చూసినవారెవరైనా ప్రభు­త్వ పోర్టల్‌ అనుకుంటారు. కానీ లోగోలో టీడీపీ, జనసే­న, బీజేపీ. హోమ్‌ పేజీలో చంద్రబాబు, మోదీ, పవన్‌కళ్యాణ్‌ ఫొటో­లు, కూటమి మేయర్‌ అభ్యర్థి వంగవీటి రాధా, 86 వార్డు­ల అభ్యర్థుల ఫొటోలు, గుర్తులు ఉన్నా­యి. ఓటరు ప్రభుత్వ సైట్‌ అనుకుని వివరాలు వెతుకుతుంటే ఆ సమా­చారం టీడీపీకి చేరిపోతోంది. అన్ని జిల్లాల్లోను ఇవే తరహా పోర్టల్స్‌ తయారు చేసి కార్యకర్తల ద్వారా నిర్వహిస్తున్నారు. ఫోన్‌ నంబర్లతో సహా ఇంటింటి జాతకం..: సైట్‌లో విజయ­వాడ నగరపాలక సంస్థ పరిధిలోని 8,05,797 మంది ఓటర్లు, 848 పోలింగ్‌ కేంద్రాల సమాచారం ఉంది. గురు­వారం సాయంత్రానికే 6.49 లక్షలకు పైగా సెర్చ్‌లు జరి­గాయి. పేరు, ఓటరు ఐడీ లేదా ఇంటి నంబరు కొడితే వార్డు, క్రమసంఖ్య, వయసు, పోలింగ్‌ కేంద్రం, క్యూఆర్‌ కోడ్‌ వస్తున్నాయి. ఆ ఇంట్లోని ఇతర ఓటర్ల పేర్లు, వయసు, తండ్రి లేదా భర్త పేర్లు ప్రత్యక్షమవుతున్నాయి. పీడీఎఫ్‌ రూపంలోని ఓటర్ల జాబితాను డేటాబేస్‌గా మార్చి, ఇళ్ల వారీగా విడదీసి, మున్సిపల్‌–అసెంబ్లీ జాబితాలను అను­సంధానించి ఫోన్‌ నంబర్లు జతచేశారు. అసలు విషయం ‘వాట్సాప్‌లో పంపండి’ బటన్‌లో ఉంది. నొక్కితే నేరుగా ఆ ఓటరు నంబర్‌కే వాట్సాప్‌ చాట్‌ తెరుచుకుంటోంది. ఎన్ని­కల సంఘం జాబితాలో ఫోన్‌ నంబర్లు ఉండవు. పార్టీలకు ఇవ్వదు. మరి ఈ నంబర్లు కూటమి సైట్‌కు ఎక్కడి నుంచి వచ్చాయి? ఎస్‌ఐఆర్‌తోనే పునాది: ఈ దందాకు పునాది జూలైలో జరిగిన ఓటర్ల జాబితా ప్రత్యేక సమగ్ర సవరణ (ఎస్‌ఐఆర్‌) సమయంలోనే పడింది. బీఎల్‌వోలు సేకరించిన ఎన్యూమ­రేషన్‌ ఫారాలను ప్రైవేట్‌ వ్యక్తులు మైటీడీపీ యాప్‌లోకి ఎక్కించారని వైఎస్సార్‌సీపీ అప్పుడే ఎన్నికల సంఘానికి ఫిర్యాదు చేసింది. ఓటరు ఫొటో, కుటుంబ వివరాలు, ఫోన్‌ నంబరు ఉండే ఆ అధికారిక రికార్డు టీడీపీకి చేరిపోయింది. ఆ డేటాతోనే ఈ వెబ్‌సైట్‌ను తయారు చేశారు.నిర్వాహకులెవరో రహస్యం డొమైన్‌ వివరాల ప్రకారం ఈ సైట్‌ అక్టోబర్‌ 19న.. నామినేషన్ల గడువు ముగిసిన మరుసటి రోజు తెలంగాణలో రిజిస్టర్‌ అయింది. ఓనర్‌ పేరు, ఫోన్, ఈ–మెయిల్‌ దాచేశారు. సర్వర్‌ ఎక్కడుందో తెలియకుండా క్లౌడ్‌ఫ్లేర్‌ ముసుగు వేశారు. నిర్వాహకుడి పేరు, ప్రైవసీ పాలసీ లేవు. ఉన్నది ఒక్క అడ్మిన్‌ లింక్‌ మాత్రమే. అక్టోబర్‌ 25–27 మధ్య అభ్యర్థుల ఫొటోలు అప్‌లోడ్‌ చేశారు. అంటే కోడ్‌ అమల్లో ఉండగానే నిబంధనలకు విరుద్ధంగా దీన్ని తయారు చేశారు. తప్పు చేయకపోతే పేరు దాచాల్సిన అవసరమేంటి? బూత్‌ దందా.. భద్రతకే ముప్పు ఈ వెబ్‌సైట్‌ ఓటర్ల సహాయం కోసం కాదు.. టీడీపీ నేతలు, ఏజెంట్ల బూత్‌ నిర్వహణ కోసమని స్పష్టమ­వుతోంది. ఏ ఇంట్లో ఎన్ని ఓట్లు, ఎవరి నంబర్‌ ఏంటో తెలిస్తే ఓటరు­ను నేరుగా ప్రలోభ­పెట్టొచ్చు, ఒత్తిడి చేయవచ్చు. ప్రత్యర్థి సానుభూ­తిపరులను గుర్తిం­చడం, పోలింగ్‌ రోజు ఎవరు ఓటేశారో ట్రాక్‌ చేయడం, తమవారిని బూత్‌కు తరలించడం సులభమవు­తుంది. ఇది ఓటరును గుప్పిట్లో పెట్టుకునేందుకు చేస్తున్న ప్రయత్నమని తెలుస్తోంది. నిబంధనల ఉల్లంఘన ప్రతి ఓటరుకు ఇస్తున్న డిజిటల్‌ స్లిప్‌ కింద వార్డు అభ్యర్థి, మేయర్‌ అభ్యర్థి ఫొటోలు, పార్టీ గుర్తు ముద్రించారు. వాటితో ప్రచారాన్ని ఇంటింటికీ, వాట్సాప్‌ గ్రూపులకు పంపిస్తున్నారు. అనధికారిక స్లిప్‌­లపై అభ్యర్థి పేరు, పార్టీ గుర్తు ఉండకూడదని కేంద్ర ఎన్నికల సంఘం దశాబ్దాల కిందటే నిర్దేశించింది. స్లిప్‌పై ‘అనధికారిక స­మా­చార స్లిప్‌’ అని వాళ్లే రాసుకుని గుర్తులు, నినాదం ముద్రించారు. ఈ డేటా చోరీతో మహిళల భద్రత ప్రశ్నార్థకం ఎవరైనా ఏ ఇంటినైనా వెతికి అక్కడ మహిళల వయసు, ఒంటరి వృద్ధులు, ఆడపిల్లలు ఉన్నారా వంటి వివరాలు క్షణాల్లో తెలుసు­కోవచ్చని నిపుణులు హెచ్చరిస్తున్నారు. వేధింపులు, వెంబడింపులకు ఇది తలుపులు తెరిచినట్లేనని ఆందోళన వ్యక్తం చేస్తున్నారు. పేరు, చిరునామా, ఓటరు ఐడీ, ఫోన్‌ నంబర్‌ ఒకేచోట దొరకడం సైబర్‌ నేరగాళ్లకు బంగారు గని. ఓటు వేయనివారి వివరాలు, క్యూఆర్‌ కోడ్‌ ఒక్క స్లిప్‌లో దొరికితే దొంగ ఓట్లకూ ఆస్కారం ఉంటుంది. ఎన్నికల సంఘం పేరుతో పార్టీ సైట్‌ను ప్రభుత్వసేవగా భ్రమింపజేయడం ఓటర్లను మోసం చేయడమేనని నిపుణులు స్పష్టం చేస్తున్నారు. పేర్లు మారుతున్నాయి.. దందా అదే.. 2019 ఎన్నికల ముందు టీడీపీ యాప్‌ సేవామిత్ర వ్యవహారం రెండు రాష్ట్రాలను కుదిపేసింది. యాప్‌ తయారుచేసిన హైదరాబాద్‌ సంస్థ ఐటీ గ్రిడ్స్‌పై తెలంగాణ పోలీసులు డేటా చోరీ కేసు నమోదు చేసి, ఏపీ ఓటర్ల డేటా ఉన్న హార్డ్‌ డిస్కులు స్వాధీనం చేసుకున్నారు. అప్పట్లో ఓటర్ల జాబితాలో పేర్లు ఇష్టానుసారం చేర్చడం, తొలగించడం చేశారు. ప్రజాధనంతో చేసిన ప్రజా సాధికార సర్వే డేటా, ఫైబర్‌గ్రిడ్, ఆర్టీజీఎస్, 1100 కాల్‌ సెంటర్‌ డేటా పార్టీ యాప్‌కు చేరిందని, విదేశీ అమెజాన్‌ సర్వర్లలో నిల్వచేశారని ఆరోపణలు వచ్చాయి. 2024లో వీయాప్‌ ద్వారా ఓటర్ల కులం, రాజకీయ మొగ్గుతో సహా వివరాలు సేకరిస్తున్నారని వైఎస్సార్‌సీపీ కేంద్ర ఎన్నికల సంఘానికి ఫిర్యాదు చేసింది. 2026 ఎస్‌ఐఆర్‌లో మైటీడీపీ, ఇప్పుడు వోటర్స్‌ హెల్ప్‌. అప్పుడు హైదరాబాద్‌ సంస్థ, విదేశీ సర్వర్లు. ఇప్పుడు తెలంగాణ రిజిస్ట్రేషన్, క్లౌడ్‌ఫ్లేర్‌ ముసుగు. ఇప్పుడు చంద్రబాబు మళ్లీ అధికారంలో ఉన్నారు. సంక్షేమ పథకాలు, సచివాలయ సర్వేలు, ఆధార్‌ అనుసంధానంతో ప్రతి కుటుంబం వివరాలు ప్రభుత్వం దగ్గర ఉన్నాయి. అదే ప్రభుత్వాన్ని నడుపుతున్న పార్టీ ఎన్నికల వెబ్‌సైట్లలో ఓటర్ల ఫోన్‌ నంబర్లు కనిపిస్తున్నాయి. 2019లో చేసిన తప్పునే మళ్లీ చేస్తూ చంద్రబాబు అధికారాన్ని అడ్డుపెట్టుకుని ప్రజల సమాచారాన్ని పార్టీ ఆస్తిగా మార్చుకున్నారు. పోలింగ్‌కు ముందే ఈ వెబ్‌సైట్లను నిలిపేసి, నిర్వాహకులపై కేసులు నమోదు చేయాలని, డేటా ఎక్కడి నుంచి వచ్చిందో తేల్చాలని నిపుణులు డిమాండ్‌ చేస్తున్నారు.

సాక్షి, అమరావతి: గ్రామీణ, మారుమూల గిరిజన ప్రాంతాల్లో సేవలు అందించే ఎంబీబీఎస్‌ వైద్యులకు పీజీ ఇన్‌–సర్వీస్‌ కోటాలో చంద్రబాబు ప్రభుత్వం కత్తెర వేసింది. క్లినికల్‌ పీజీ కోర్సుల్లో కోటాను ఏకంగా 15 నుంచి 5 శాతం వరకు కోత పెట్టింది. ఈ మేరకు గురువారం వైద్య శాఖ కార్యదర్శి జి.వీరపాండియన్‌ ఉత్తర్వులు ఇచ్చారు. 2026–27 విద్యా సంవత్సరానికి మెడికల్‌ పీజీ ప్రవేశాల్లో అనస్థీషియా, పీడియాట్రిక్స్, ఓబీజీ, జనరల్‌ మెడిసిన్, సర్జరీ, రేడియాలజీ, ఎమర్జెన్సీ మెడిసిన్, రేడియోథెరపి, న్యూక్లియర్‌ మెడిసిన్‌ విభాగాల్లో 15 శాతం ఇన్‌–సర్వీస్‌ కోటా కల్పించారు. హాస్పిటల్‌ అడ్మినిస్ట్రేషన్, ఆర్థోపెడిక్స్, పాథాలజీ, ప్రివెంటివ్‌ మెడిసిన్‌లలో 10 శాతం డీవీఎల్, ఈఎన్‌టీ, ఆప్తమాలజీ, సైకియాట్రీ విభాగాల్లో 5 శాతం చొప్పున కోటా కల్పించనున్నట్టు వివరించారు. మైక్రోబయాలజీ, ఫార్మకాలజీ వంటి నాన్‌ క్లినికల్‌ కోర్సుల్లో 30 శాతం కోటా ఉంటుందని ఉత్తర్వుల్లో పేర్కొన్నారు. కాగా, చంద్రబాబు ప్రభుత్వం మొదటి నుంచీ ఇన్‌–సర్వీస్‌ కోటాకు కోత పెడుతూనే వస్తోంది. గతేడాది క్లినికల్‌ కోర్సుల్లో 20 శాతం, నాన్‌ క్లినికల్‌ కోర్సుల్లో 30 శాతం మేర ఇన్‌సర్వీస్‌ కోటా ఇచ్చారు. ఈ దఫా అందులోనూ కోత పెట్టారు. ప్రస్తుతం పీజీ డిప్లొమా కోర్సులు చేసి ప్రభుత్వ సేవల్లో ఉన్న వైద్యులు పీజీ మెడికల్‌ డిగ్రీ చదవడానికి ఏడాది పాటు డిప్యుటేషన్‌కు అనుమతిస్తున్నారు. దీన్ని ప్రభుత్వం సవరించింది. ప్రభుత్వం స్పాన్సర్‌ చేయని పీజీ డిప్లొమా అర్హతతో ప్రభుత్వ సేవలో చేరిన వైద్యులు అదే స్పెషాలిటీలో పీజీ డిగ్రీ చేయడానికి రెండేళ్లు, వేరే స్పెషాలిటీలో అయితే 36 నెలలు డిప్యుటేషన్‌కు అనుమతించేలా నిబంధనల్లో సవరణ చేశారు.

సాక్షి, అమరావతి: వైఎస్సార్‌సీపీ కంచుకోట పులివెందులలో టీడీపీకి అనుకూలంగా భారీ రిగ్గింగ్‌కు ముఖ్యమంత్రి చంద్రబాబు బరితెగిస్తున్నారు. సజావుగా పోలింగ్‌ జరిగితే పులివెందులలో వైఎస్సార్‌సీపీ ఘన విజయం ఖాయమన్నది బహిరంగ రహస్యమే. అందుకే అసలు పోలింగ్‌ ప్రక్రియను పూర్తిగా హైజాక్‌ చేసేందుకు టీడీపీ కూటమి పక్కా పన్నాగానికి తెరతీసింది. సామాన్య ఓటరు అన్నవారు ఎవరూ కనీసం పోలింగ్‌ బూత్‌ దరిదాపులకూ వెళ్లకుండా బీభత్సం సృష్టించాలని లక్ష్యంగా పెట్టుకుంది. మరోవైపు పోలింగ్‌ బూత్‌లను పూర్తిగా ఆధీనంలోకి తీసుకోవాలని, యథేచ్ఛగా రిగ్గింగ్‌కు పాల్పడేందుకు కుట్రపన్నింది. దీనికోసం ఇతర నియోజకవర్గాల నుంచి టీడీపీ రౌడీమూకలను ఇప్పటికే మోహరించింది. ఇతర ప్రాంతాల నుంచి వచ్చిన టీడీపీ రౌడీ మూకలే అల్లర్లు సృష్టించి.. ఇదంతా వైఎస్సార్‌సీపీ కార్యకర్తలే చేస్తున్నారని దుష్ప్రచారం చేయాలన్నది కుట్రలో ప్రధాన భాగం. వెంటనే ఎల్లో మీడియా, టీడీపీ సోషల్‌ మీడియా అదే దుష్ప్రచారంతో ప్రజలను తప్పుదోవ పట్టించేందుకు రంగంలోకి దిగేందుకు వ్యూహం పన్నుతున్నాయి. అందుకోసమే కాచుకుని ఉన్న పోలీసులు వెంటనే వైఎస్సార్‌సీపీ నేతలు, కార్యకర్తలను కట్టడి చేసేందుకు విరుచకుపడాలని ప్రణాళిక రచించినట్టు సమాచారం. మాజీ ముఖ్యమంత్రి వైఎస్‌ జగన్‌మోహన్‌రెడ్డికి నోటీసులు ఇవ్వడంతోపాటు హౌస్‌ అరెస్టు చేసేందుకు కూడా సన్నద్ధమవుతుండడం ప్రభుత్వ కుట్రకు పరాకాష్ట. ఇక ఎంపీ అవినాశ్‌ రెడ్డి, ఇతర కీలక నేతలు, ప్రధాన కార్యకర్తలను అక్రమ అరెస్టులతో కట్టడి చేసేందుకు రంగం సిద్ధం చేస్తోంది. ముఖ్యమంత్రి కార్యాలయం, డీజీపీ కార్యాలయం పర్యవేక్షణలో.. డీఐజీ కోయ ప్రవీణ్, ఎస్పీ విశ్వనాథ్‌ సూత్రధారులుగా... టీడీపీ రౌడీ మూకలు పాత్రధారులుగా పోలింగ్‌ రోజు బీభత్సం సృష్టించేందుకు సన్నద్ధమవుతోంది. రాష్ట్ర చరిత్రలోనే కనీవినీ ఎరుగని రీతిలో రిగ్గింగ్‌తో బెంబెలెత్తించేందుకు చంద్రబాబు ప్రభుత్వ పక్కా స్కెచ్‌ ఇలా ఉంది. పోలింగ్‌ ప్రక్రియ హైజాక్‌కు చంద్రబాబు కుట్ర పులివెందుల మున్సిపాలిటీలో టీడీపీ ఎన్నికల అక్రమాలు అంతూపొంతూ లేకుండా సాగుతున్నాయి. మున్సిపాలిటీ పరిధిలోని 40 వార్డుల్లో వైఎస్సార్‌సీపీ అభ్యర్థుల నామినేషన్లను అడ్డుకునేందుకు టీడీపీ బరితెగించి గూండాగిరీతో బెంబేలెత్తించిన విషయం తెలిసిందే. టీడీపీ ఆవిర్భావం నుంచి పులివెందుల నియోజకవర్గంలో ఆ పార్టీ ఒక్కసారి కూడా గెలవనే లేదు. గతంలో పులివెందుల మేజర్‌ పంచాయతీలో, అనంతరం మున్సిపాలిటీగా మారిన తరువాత కూడా టీడీపీ ఒక్కసారి కూడా విజయం సాధించలేకపోయింది. వైఎస్‌ రాజశేఖరరెడ్డి కుటుంబానికి పులివెందుల పెట్టని కోటగా నిలుస్తోంది. అటువంటి పులివెందుల మున్సిపాలిటీలో సక్రమంగా ఎన్నికలు నిర్వహిస్తే ఈసారి కూడా టీడీపీ అభ్యర్థి డిపాజిట్‌ గల్లంతే అవుతుందన్నది సుస్పష్టం. అందుకే అసలు ఎన్నికల ప్రక్రియనే హైజాక్‌ చేసి అడ్డదారిలో విజయం సాధించేందుకు చంద్రబాబు కుతంత్రానికి తెరతీశారు. మున్సిపాలిటీ నామినేషన్ల ప్రక్రియకు ముందు నుంచే టీడీపీ గూండాలు దాడులు, దౌర్జన్యాలతో భీతావహ పరిస్థితులు సృష్టించారు.మొత్తం 40 వార్డులలో కూడా వైఎస్సార్‌సీపీ అభ్యర్థులు కనీసం నామినేషన్‌ కూడా వేయకుండా అడ్డుకోవడమే లక్ష్యంగా విధ్వంసకాండకు పాల్పడ్డారు. యావత్‌ పోలీసు యంత్రాంగం టీడీపీ గూండాగిరీకి కొమ్ముకాసింది. వైఎస్సార్‌సీపీకి తిరుగులేని పట్టున్న పులివెందుల మున్సిపాలిటీలో 20 వార్డులలో ఆ పార్టీ అభ్యర్థులు నామినేషన్‌ వేయకుండా అడ్డుకోవడమే అందుకు తార్కాణం.అయినా సరే టీడీపీ, పోలీసుల బెదిరింపులు, దాడులను ఎదురొడ్డి మరీ 20 వార్డులలో వైఎస్సార్‌సీపీ అభ్యర్థులు నామినేషన్లు వేశారు.ఘర్షణలు సృష్టిద్దాం... అక్రమ అరెస్టులు చేసేద్దాం...ఇదీ చంద్రబాబు పన్నాగం వైఎస్‌ జగన్, ఎంపీ అవినాశ్‌లపై పోలీసుల గురి భారీ ఎత్తున అక్రమ అరెస్టులకు కుతంత్రం పులివెందులలో పోలింగ్‌ రోజు అంటే నవంబరు 1న తెల్లవారుజామునే ఘర్షణలు సృష్టించేందుకు టీడీపీ, పోలీసు యంత్రాంగం కుతంత్రం పన్నింది. అందుకోసం ప్రత్యేకంగా 500మంది గూండాలను ఇతర ప్రాంతాల నుంచి రప్పించినట్టు విశ్వసనీయ సమాచారం. మున్సిపాలిటీ పరిధిలో రెండు మూడు చోట్ల టీడీపీ గూండాలు ఉద్దేశపూర్వకంగానే వైఎస్సార్‌సీపీ నేతలు, కార్యకర్తలతోపాటు సామన్యులపై దాడులకు తెగబడేందుకు సన్నద్ధమవుతున్నారు. తద్వారా మున్సిపాలిటీలో ఘర్షణలు సృష్టించాలన్నది లక్ష్యం. అందుకోసమే కాచుకుని ఉన్న టీడీపీ వీర విధేయ పోలీసు అధికారులు రంగ ప్రవేశం చేస్తారు. వాస్తవంగా దాడులు, ఘర్షణలకు పాల్పడిన టీడీపీ గూండాలపై మాత్రం ఎటువంటి చర్యలూ తీసుకోరు. కానీ శాంతిభద్రతల సమస్య తలెత్తింది. ముందస్తు చర్యల పేరుతో వైఎస్సార్‌సీపీ నేతలు, కార్యకర్తలను అక్రమంగా అరెస్టు చేయాలన్నది అసలు పన్నాగం. ముందుగా వైఎస్సార్‌సీపీ అధినేత. మాజీ ముఖ్యమంత్రి వైఎస్‌ జగన్‌ మోహన్‌ రెడ్డినే అక్రమంగా అరెస్టు చేయాలన్నది పోలీసు శాఖ లక్ష్యమని విశ్వసనీయ సమాచారం. ఆయన తన ఓటు హక్కు వినియోగించుకున్న తరువాత హౌస్‌ అరెస్టు చేయాలన్నది ప్రభుత్వ పెద్దల పన్నాగంగా ఉంది. అదే ఊపులో ఎంపీ అవినాశ్‌ రెడ్డితోపాటు వైఎస్సార్‌సీపీ ప్రధాన నేతలు, ద్వితీయ శ్రేణినేతలు, కార్యకర్తలను భారీస్థాయిలో ముందస్తు అరెస్టులు చేయాలన్నది కుతంత్రం. భారీ సంఖ్యలో వైఎస్సార్‌సీపీ నేతలను అదుపులోకి తీసుకుని తరలించేందుకు పులివెందులలో ఓ కల్యాణ మండపాన్ని కూడా ఇప్పటికే గుర్తించి సిద్ధం చేశారు. ఆ విధంగా వైఎస్‌ జగన్‌మోహన్‌ రెడ్డి, ఎంపీ అవినాశ్‌రెడ్డిలతోపాటు వైఎస్సార్‌సీపీ నేతలు, శ్రేణులను సాయంత్రం పోలింగ్‌ ముగిసే వరకు బయటకు రాకుండా కట్టడి చేయడమే ప్రభుత్వ పెద్దల లక్ష్యమన్నది సుస్పష్టమవుతోంది.బాబులో గుబులు..మున్సిపల్‌ చైర్‌పర్సన్‌ అభ్యర్థిగా వైఎస్‌ ప్రమీలమ్మ నామినేషన్‌ వేసి బరిలో నిలిచారు. దాంతో నవంబరు 1న పోలింగ్‌ నిర్వహించక తప్పనిసరి పరిస్థితి ఎదురవడంతో చంద్రబాబులో గుబులు మొదలైంది. సజావుగా పోలింగ్‌ నిర్వహిస్తే వైఎస్సార్‌సీపీ విజయం ఖాయమని ఆయనకు తెలుసు. అందుకే రెండో దశ విధ్వంసకాండకు పక్కా పన్నాగం పన్నారు. దాడులు, దౌర్జన్యాలతో వైఎస్సార్‌సీపీ అభ్యర్థులు, నేతలు, కార్యకర్తలతోపాటు సామాన్య ఓటర్లను బెంబేలెత్తించడం... తద్వారా మొత్తం పోలింగ్‌ ప్రక్రియనే హైజాక్‌ చేసేయడం... అదే అదనుగా టీడీపీకి అనుకూలంగా భారీ రిగ్గింగ్‌కు పాల్పడేందుకు పక్కాగా పన్నాగం పన్నారు. ఈ మొత్తం ఎన్నికల అక్రమాల బాధ్యతను డీఐజీ కోయ ప్రవీణ్‌కు అప్పగించింది ముఖ్యమంత్రి కార్యాలయం. టీడీపీ వీర విధేయ ఐపీఎస్‌గా గుర్తింపు పొందిన ఆయన రెండున్నరేళ్లుగా రాయలసీమలో దందా సాగిస్తూ బెంబేలెత్తిస్తున్న విషయం తెలిసిందే. ప్రస్తుతం పులివెందుల మున్సిపల్‌ ఎన్నికల రిగ్గింగ్‌ బాధ్యతను కూడా ఆయన భుజానికెత్తుకున్నట్టు పోలీసువర్గాలే వ్యాఖ్యానిస్తున్నాయి. డీజీపీ కార్యాలయం పర్యవేక్షణలో కడప ఎస్పీ విశ్వనాథ్, ఇతర పోలీసు అధికారులను పాత్రధారులుగా చేసుకుని కోయ ప్రవీణ్‌ పోలింగ్‌ ప్రక్రియను టీడీపీకి అనుకూలంగా హైజాక్‌ చేసేందుకు పక్కా స్కెచ్‌ వేశారు. యథేచ్ఛగా రిగ్గింగ్‌ స్కెచ్‌మొత్తం వైఎస్సార్‌సీపీ నేతలు, శ్రేణుల అక్రమ అరెస్టుతో టీడీపీ ఎన్నికల అక్రమాలకు మార్గం సుగమం చేయాలన్నది పోలీసు పెద్దల కుతంత్రం. ఈ క్రమంలో ఇతర ప్రాంతాల నుంచి ముందుగా రప్పించిన టీడీపీ గూండాలను రంగంలోకి దించుతారు. ఎన్నికల నిబంధనల ప్రకారం మున్సిపాలిటీ పరిధిలో ప్రజలు కానివారు.. పోలింగ్‌ రోజున అక్కడ ఉండ కూడదు. కానీ బీజేపీలో టీడీపీ కోవర్ట్‌ ఎమ్మెల్యేగా ఉన్న ఆదినారాయణరెడ్డి, టీడీపీ మాజీ ఎమ్మెల్సీ బీటెక్‌ రవి మాత్రం ఈ నిబంధనలను పట్టించుకోవడమే లేదు. జమ్మలమడుగు, కమలాపురం తదితర నియోజకవర్గాల నుంచి టీడీపీ గూండాలు, కార్యకర్తలను భారీస్థాయిలో రప్పిస్తున్నారు. ఒక్కో పోలింగ్‌ బూత్‌కు 100 మంది చొప్పున మోహరించాలన్నది లక్ష్యం. మొత్తం 80 పోలింగ్‌ బూత్‌లను తమ ఆధీనంలోకి తీసుకునేందుకు అన్ని ఏర్పాట్లూ చేశారు. పోలింగ్‌కు ముందు రోజు అంటే అక్టోబరు 31 సాయంత్రానికే వారంతా పులివెందులలో తిష్ట వేస్తారు. పోలింగ్‌ రోజున అంటే నవంబరు 1న వైఎస్సార్‌సీపీ నేతలను అక్రమంగా అరెస్టు చేయగానే.. వారంతా రంగంలోకి దిగుతారు. బూత్‌లను క్యాప్చర్‌ చేయడం.. వైఎస్సార్‌సీపీ ఏజెంట్లను బెదిరించడం.. వైఎస్సార్‌సీపీ ఓటర్లు, తటస్థ ఓటర్లను పోలింగ్‌ బూత్‌ల వద్ద అడ్డుకోవడం.. వారు ఎవరూ ఓటు వేసేందుకు అనుమతించక పోవడం.. ఓటరు స్లిప్పులను చింపి వేయడం.. దాడులకు పాల్పడటం...తరిమి కొట్టడం.. ఇలా దేనికైనా సరే బరితెగిస్తారు. తటస్థ ఓటర్లను సైతం ఓటు హక్కు వినియోగించుకోనివ్వకూడదని ప్రభుత్వ పెద్దలు ఆదేశించినట్లు తెలిసింది. మరోవైపు టీడీపీ గూండాలే పోలింగ్‌ బూత్‌లలో దూరి టీడీపీకి అనుకూలంగా రిగ్గింగ్‌కు పాల్పడాలన్నది పన్నాగం. జమ్మలమడుగు, కమలాపురం ప్రాంతాల నుంచి భారీగా మహిళలను కూడా తీసుకొచ్చి వారిని స్థానిక ఓటర్లుగా చూపిస్తూ దొంగ ఓట్లు వేయించాలన్నది టీడీపీ పన్నాగంలో ఓ కీలక అంశం.పోలీసులతో కలిసి పక్కా కుతంత్రం అన్ని వార్డుల్లో బరితెగించి రిగ్గింగ్‌కు పాల్పడి టీడీపీని అడ్డదారిలో గెలిపించేందుకు ప్రభుత్వ పెద్దలు, పోలీసు బాస్‌లు పక్కా కుతంత్రానికి పదును పెడుతున్నారు. అందుకోసం ఎంతటి విధ్వంసానికైనా పాల్పడండి... ఎందరిపైనా అయినా దాడులు, దౌర్జన్యాలకు తెగబడండి...మేం అండగా ఉంటామని గూండాలు, సంఘ విద్రోహ శక్తులకు పచ్చజెండా ఊపారు. పులివెందులలో టీడీపీ రిగ్గింగ్‌కు సన్నద్ధమవుతున్న తీరుపై వైఎస్సార్‌సీపీ ఎన్నికల కమిషన్‌తోపాటు పోలీసు అధికారుల దృష్టికి తీసుకువెళ్లింది. కానీ చంద్రబాబు మాటే శిరోధార్యంగా అటు ఎన్నికల కమిషన్‌ ఇటు పోలసు యంత్రాంగం టీడీపీ రిగ్గింగ్‌కు వత్తాసు పలుకుతుండటం విభ్రాంతి కలిగిస్తోంది. పులివెందుల మున్సిపాలిటీలో అడ్డదారిలో విజయం సాధించేందుకు చంద్రబాబు బరితెగించి సాగిస్తున్న విధ్వంసకాండ దిగజారుడు రాజకీయాలకు నిదర్శనంగా నిలుస్తోంది.

సాక్షి, అమరావతి: అర్నబ్‌ తుపాను వల్ల రైతులు తీవ్రంగా నష్టపోయినా వారిని ఆదుకోవడంలో చంద్రబాబు సర్కార్‌ తీవ్ర నిర్లక్ష్యం ప్రదర్శిస్తోందని మాజీ ముఖ్యమంత్రి, వైఎస్సార్‌సీపీ అధ్యక్షుడు వైఎస్‌ జగన్‌మోహన్‌రెడ్డి ధ్వజమెత్తారు. ఆర్టీజీఎస్‌లో సమీక్షల పేరుతో డ్రామా చేస్తున్న సీఎం చంద్రబాబు అబద్ధాలు ప్రచారం చేస్తూ కేవలం ఆర్భాటానికే పరిమితం అవుతున్నారని ఆగ్రహం వ్యక్తం చేశారు. ఆర్‌టీజీఎస్‌లోని సీసీ కెమెరాల ఫుటేజ్‌తో పంట నష్టం అంచనా ఎలా సాధ్యం? అని చంద్రబాబును వైఎస్‌ జగన్‌ నిలదీశారు. అర్నబ్‌ తుపాను ప్రభావిత జిల్లాల పార్టీ అధ్యక్షులతో గురువారం తాడేపల్లిలోని వైఎస్సార్‌సీపీ కేంద్ర కార్యాలయం నుంచి వీడియో కాన్ఫరెన్స్‌ నిర్వహించారు. ఆయా జిల్లాల్లో తుపాను ప్రభావం, రైతులకు కలిగిన నష్టం... ప్రజలు, రైతులను ఆదుకోవడంలో ప్రభుత్వ నిర్లక్ష్యం వివరాలు తెలుసుకున్న వైఎస్‌ జగన్‌.... పార్టీ పరంగా చేపట్టాల్సిన, చేయాల్సిన వాటిపై నాయకులకు, శ్రేణులకు దిశానిర్దేశం చేశారు. గ్రామాల్లో క్షేత్రస్థాయిలో పర్యటించి ప్రజలు, రైతులకు తోడుగా, అండగా నిలబడాలని, వారితో ఉన్నామన్న భరోసా కల్పించాలని సూచించారు. తడిసిన, రంగు మారిన ధాన్యం కొనుగోళ్లు జరిగేలా చూడాలని వైఎస్సార్‌సీపీ నాయకులు, కార్యకర్తలకు వైఎస్‌ జగన్‌ పిలుపునిచ్చారు. ఈ సందర్భంగా వైఎస్‌ జగన్‌ ఏమన్నారంటే.. వ్యవస్థలన్నీ దిగజారాయి.. అంతా డ్రామా అర్నబ్‌ తుపాను ఇంకా పూర్తిగా తగ్గలేదు. ఎక్కడా నష్టం అంచనా జరగలేదు. ఎక్కడా పూర్తిగా సహాయ కార్యక్రమాలు లేవు. విద్యుత్‌ సరఫరా కూడా పునరుద్ధరణ కాలేదు. వలంటీర్లు లేకపోవడం వల్ల గ్రామాల్లో పరిస్థితి దారుణంగా మారింది. ఆర్బీకేలు నిర్వీర్యం. ఉచిత పంటల బీమా లేదు. దీంతో వ్యవస్థలన్నీ దిగజారిపోయాయి. ఇంత జరుగుతున్నా చంద్రబాబు ఏమంటున్నారు..? సీసీ కెమెరాల ద్వారా పంట నష్టం అంచనా చేస్తున్నారంట! ఇక్కడ ఆర్టీజీఎస్‌లో కూర్చుని మానిటర్‌ చేస్తే సరిపోతుందా? మరోవైపు పంట నష్టాలపై ఇష్టానుసారం లెక్కలు చెబుతున్నారు. ఒకసారి వరి 1.70 లక్షల ఎకరాల్లోనూ, ఉద్యాన పంటలు 24 వేల ఎకరాల్లోనూ నష్టపోయాయని చెబుతారు. మళ్లీ సాయంత్రానికి ఆ లెక్కలన్నీ మారిపోతున్నాయి. ఎక్కడా సీరియస్‌నెస్‌ లేదు. నష్టాన్ని తక్కువగా చూపే యత్నం.. ప్రాథమిక సమాచారం ప్రకారం దాదాపు 12 లక్షల ఎకరాల్లో పంటలకు తీవ్ర నష్టం జరిగింది. కోనసీమ, ఉభయ గోదావరి, అనకాపల్లి జిల్లాల్లో వరి పంట నష్టం చాలా ఎక్కువగా ఉంది. వరి ఇప్పుడు పొట్టకొచ్చింది. తుపాను వల్ల పంటలు మునిగిపోగా రైతులకు చాలా నష్టం కలుగుతోంది. ఉచిత పంటల బీమా లేక నష్టం మరింత ఎక్కువైంది. ఇంకా కొబ్బరి, అరటి.. ఆక్వాకు చాలా నష్టం కలిగింది. ఏరియేటర్లు నడవక ఆక్వా పంట దెబ్బ తింది. ఇవన్నీ కళ్లెదుటే కనిపిస్తున్నా నష్టం పెద్దగా జరగలేదని ప్రచారం చేస్తున్నారు. అసలు పట్టించుకోవడం లేదు. వరి పంటలో ఎకరాకు రూ.40 వేలు, అరటిపై ఎకరాకు రూ.2 లక్షలు, ఆక్వాలో ఎకరాకు దాదాపు రూ.45 లక్షల వరకు రైతులు నష్టపోతున్నా ప్రభుత్వం చాలా తక్కువగా చూపే ప్రయత్నం చేస్తోంది. రైతులను ఆదుకోని కూటమి ప్రభుత్వం గతేడాది మొంథా తుపాను వల్ల కలిగిన నష్టానికి సంబంధించి దాదాపు రూ.600 కోట్ల ఇన్‌పుట్‌ సబ్సిడీ ఇప్పటికీ ఇవ్వలేదు. సున్నా వడ్డీ పంట రుణాలు లేవు. ఉచిత పంటల బీమా లేదు. మొన్నటిదాకా కరువు... ఇప్పుడు తుపాను. రెండింటి వల్ల రైతులకు చాలా నష్టం కలిగింది. తీవ్ర ప్రతికూల పరిస్థితుల్లో బలవన్మరణాలకు పాల్పడిన రైతుల కుటుంబాలకు ఈ కూటమి ప్రభుత్వం వచ్చిన నాటి నుంచి అంటే 2024 జూన్‌ నుంచి ఒక్క రూపాయి సాయం చేయలేదు. నాడు మన ప్రభుత్వ హయాంలో ఏదైనా సీజన్‌లో పంట నష్టం జరిగితే, ఆ తర్వాత పంటకు ఉచిత విత్తనాలు ఇచ్చాం. ఇప్పుడు అది లేదు. అన్నదాతా సుఖీభవతో మూడేళ్లలో రూ.60 వేలు ఇస్తామని చెప్పి కేవలం రూ.19 వేలు ఇచ్చి, రూ.41 వేలు బకాయి పడ్డారు. ఆర్బీకేలతో పాటు ఈ–క్రాప్‌ నిర్వీర్యం చేశారు. సిండికేట్‌గా మారి దోపిడీ..మరోవైపు కేజీ బియ్యం రూ.80 నుంచి రూ.90 వరకు ఉంది. మొత్తం సిండికేట్‌గా మారి బియ్యం ఎగుమతి చేస్తున్నారు. సీజ్‌ ది షిప్‌ అన్నారు...సీజ్‌ లేదు. షిప్‌ లేదు. నాదెండ్ల మనోహర్‌. చినబాబుకు కమీషన్లు! వ్యాపారం చేసేది పయ్యావుల కేశవ్‌ తదితరులు. కృష్ణా, గోదావరి డెల్టాలో పండించిన పంటలు చేతికి రాక ఇంకా నష్టం జరుగుతోంది. దీంతో బియ్యం ధరలు ఇంకా ఎంత పెరుగుతాయో అన్న భయం అందరిలో ఉంది. తుపాను బాధితుల చేయి పట్టుకుని నడిపించాలి మనం ప్రతి అడుగులో తుపాన్‌ బాధితులైన ప్రజలు, రైతులకు అండగా ఉండి చేయి పట్టుకుని నడిపించాల్సిన అవసరం ఉంది. మరీ ముఖ్యంగా జోన్‌–1 లో ప్రభావం చాలా ఎక్కువగా ఉంది. ప్రతి చోటా మనం ప్రజలు, రైతులకు అండగా నిలబడాలి. రంగు మారిన ధాన్యం, తడిసిన ధాన్యం కొనిపించే ప్రయత్నం చేయాలి. తుపాను వస్తే ఒక్కరూ చనిపోకూడదని అంటారు. కానీ ఇక్కడ 8 మంది చనిపోయినా చంద్రబాబు మాత్రం అంతా సవ్యంగా ఉందంటాడు. ఆర్‌టీజీఎస్‌లో కూర్చుని సీసీ కెమెరాల్లో చూసి, పంట నష్టం తెలుసుకున్నా అంటాడు. మొత్తం సహాయ కార్యక్రమాలు చూశానంటాడు. ఇంత దారుణమైన పాలన గతంలో ఎక్కడా చూడలేదు. అందుకే గ్రామాల్లో రైతులు, ప్రజలకు తోడుగా, అండగా నిలవాలి. ఈ విషయంలో పార్టీ నాయకులు, కార్యకర్తలు ప్రతి ఒక్కరూ చొరవ చూపాలి.హాజరైన పార్టీ నేతలు..వీడియో కాన్ఫరెన్స్‌లో పార్టీ స్టేట్‌ కో–ఆర్డినేటర్‌ సజ్జల రామకృష్ణారెడ్డి, రాష్ట్ర ప్రధాన కార్యదర్శి (వ్యవసాయం, రైతు సంక్షేమం) ఎంవీఎస్‌ నాగిరెడ్డి, ఎమ్మెల్సీ లేళ్ల అప్పిరెడ్డి, పార్టీ లీగల్‌సెల్‌ రాష్ట్ర అధ్యక్షుడు ఎం.మనోహర్‌రెడ్డి, పార్టీ ప్రధాన కార్యదర్శి చెవిరెడ్డి భాస్కర్‌రెడ్డి, మండలి డిప్యూటీ ఛైర్మన్‌ తూమాటి మాధవరావు తదితరులు వైఎస్సార్‌సీపీ కేంద్ర కార్యాలయం నుంచి హాజరు కాగా.. పార్టీ రీజినల్‌ కో–ఆర్డినేటర్లు వైవీ సుబ్బారెడ్డి, పెద్దిరెడ్డి రామచంద్రారెడ్డి, పీవీ మిథున్‌రెడ్డి, కురసాల కన్నబాబు, గుడివాడ అమర్‌నాథ్, బూడి ముత్యాలనాయుడు, ఆళ్ల అయోధ్యరామిరెడ్డితో పాటు పార్టీ జిల్లాల అధ్యక్షులు చిర్ల జగ్గిరెడ్డి (కోనసీమ), దాడిశెట్టి రాజా (కాకినాడ), చెల్లుబోయిన వేణుగోపాలకృష్ణ (తూర్పు గోదావరి), ముదునూరి ప్రసా­ద­రాజు (పశ్చిమ గోదావరి), బి.ప్రసాద్‌ (అనకాపల్లి), పేర్ని వెంకట్రామయ్య (నాని) (కృష్ణా), మత్స్య విశ్వేశ్వరరాజు (అల్లూరి సీతారామరాజు), పరీక్షిత్‌రాజు (పార్వతీపురం మన్యం), బెల్లాన చంద్రశేఖర్‌ (విజయనగరం), ధర్మాన కృష్ణదాస్‌ (శ్రీకాకుళం), అంబటి రాంబాబు (గుంటూరు), మేరుగు నాగార్జున (బాపట్ల), దేవినేని అవినాష్‌ (ఎన్టీఆర్‌), కెకె రాజు (విశాఖ) తదితరులు కాన్ఫరెన్స్‌లో పాల్గొన్నారు.

సాక్షి, అమరావతి: స్థానిక సంస్థల ఎన్నికల పోలింగ్‌ రోజున మరింత అప్రమత్తం అవసరమని... పోలింగ్‌ ఏజెంట్లు అత్యంత జాగ్రత్తగా వ్యవహరించాలని పార్టీ శ్రేణులకు వైఎస్సార్‌సీపీ అధ్యక్షుడు, మాజీ సీఎం వైఎస్‌ జగన్‌మోహన్‌రెడ్డి సూచించారు. ప్రతి అంశంపై పక్కా సాక్ష్యాధారాలు ఉండేలా చూడాలని.. అప్పుడే ఈ ఎన్నికలను సమర్థంగా ఎదుర్కోగలమని పార్టీ శ్రేణులకు స్పష్టం చేశారు. నామినేషన్ల పర్వంలోనే యథేచ్ఛగా రిగ్గింగ్‌ చేశారని గుర్తు చేశా­రు.ఈ ఎన్నికలను సజావుగా నిర్వహిస్తారన్న నమ్మకం లేదని, పోలింగ్‌ రోజు మరిన్ని అరాచకాలకు అవకాశం ఉందన్నారు. కాబట్టి ప్రతి అడుగులో మరింత జాగ్రత్త అవసరమని.. మనమంతా చంద్రబాబు లాంటి రాక్షసుడితో పోరాడుతున్నామన్న విష­యం మరవొద్దని పార్టీ శ్రేణులకు స్పష్టం చేశారు. స్థానిక ఎన్నికల నేపథ్యంలో గురువారం తాడేపల్లిలోని పార్టీ కేంద్ర కార్యాలయం నుంచి పార్టీ రీజినల్‌ కోఆర్డినేటర్లు, జిల్లాల అధ్యక్షులతో వైఎస్‌ జగన్‌ వీడియో కాన్ఫరెన్స్‌ నిర్వహించారు. పోలింగ్‌ రోజు తీసుకోవాల్సిన జాగ్రత్తలపై నేతలకు దిశానిర్దేశం చేశారు. ఈ సందర్భంగా వైఎస్‌ జగన్‌ ఏమన్నారంటే.. ఎప్పుడూ చూడని దారుణాలు ఇప్పుడు చూస్తున్నాం.. స్థానిక ఎన్నికలకు సంబంధించి చాలా జాగ్రత్తలు తీసుకోవాల్సిన అవసరం ఉంది. నవంబరు 1న మున్సిపల్‌ ఎన్నికలు, 5న ఎంపీటీసీ, జడ్పీటీసీ ఎన్నికలు ఉన్నాయి. స్థానిక ఎన్నికల నామినేషన్ల పర్వంలో జరిగిన ఘటనలు దృష్టిలో పెట్టుకుని కొన్ని జాగ్రత్తలు తీసుకోవాలి. గతంలో రాష్ట్రంలో ఎప్పుడూ చూడని దారుణాలు ఇప్పుడు చూశాం. నిజానికి దేశంలో కూడా ఎక్కడా ఈ స్థాయిలో అరాచకాలు జరిగి ఉండకపోవచ్చు. ఏకంగా నామినేషన్‌ కేంద్రాలను ఆక్రమించడం... ఆ దశలోనే రిగ్గింగ్‌ చేయడం... అభ్యర్థులపై దాడులు... నామినేషన్‌ పత్రాలు లాక్కుని చింపేయడం... పోలీసుల సమక్షంలోనే దాడులతో సహా అన్నీ! చివరకు ఆర్‌ఓలు కూడా అచ్చం పార్టీ నాయకుల్లా పని చేయడం... వారే సర్టిఫికెట్లు చింపేసి, నామినేషన్లు తిరస్కరించడం. కొన్నిచోట్ల ఫోర్జరీ సంతకాలు చేసి, నామినేషన్లు ఉపసంహరించుకున్నట్లు చెప్పడం. ఇంకా కొన్నిచోట్ల ఏకంగా బీ–ఫామ్స్‌ కూడా చింపేశారు. ఇక అధికార పార్టీ వాళ్లు కొన్నిచోట్ల ఓసీలకు బీసీ సర్టిఫికెట్లు ఇచ్చి పోటీలో నిలిపారు. ఇంత దౌర్భాగ్యంగా ఏ ఎన్నికల్లోనూ, దేశంలో ఎక్కడా జరిగి ఉండకపోవచ్చు. ఇన్నిన్ని అరాచకాలు, దౌర్జన్యాలు చేసి మళ్లీ నిస్సిగ్గుగా ఏకగ్రీవంగా ఎన్నికైనట్లు ప్రచారం చేసుకుంటున్నారు. అందుకే ఇంత దారుణమైన పరిస్థితి ఉన్నప్పుడు కొన్ని జాగ్రత్తలు తీసుకోవాలి. నామినేషన్‌ ఒక హక్కు.. ఓటు మరో హక్కు ఎన్నికల్లో నామినేషన్ల పర్వం.. ఆ తర్వాత పోలింగ్‌ రెండూ ముఖ్యం. నామినేషన్‌ ఒక హక్కు అయితే, ఓటు మరో హక్కు. కానీ ఇప్పుడు రాష్ట్రంలో అధికార పార్టీ, ఆ పార్టీకి నిత్యం జాకీలు పెట్టి ఎత్తే ఎల్లో మీడియా ఒక మాఫియాలా మారాయి. ఇష్టానుసారం దౌర్జన్యాలు. అరాచకాలు చేస్తున్నారు. ఇప్పటికే భూములు నిషేధిత జాబితా 22–ఏలో పెట్టి లాక్కుంటున్నారు. ఇదే పరిస్థితి కొనసాగితే రేపు ఆస్తుల పేపర్లు కూడా లాక్కుని, అవి తమవే అని చెప్పుకుంటారు. కాబట్టి అంతా జాగ్రత్త పడాల్సిన అవసరం ఉంది. పోలింగ్‌ ఏజెంట్లు మరింత అప్రమత్తం.. చంద్రబాబు పోలీసులను స్వప్రయోజనాల కోసం వాడుకుంటున్నారు. ఇంకా చెప్పాలంటే ఎన్నికల రిటర్నింగ్‌ అధికారులు, పోలీసులు, మొత్తం వ్యవస్థ చంద్రబాబు నియంత్రణలో ఉంటున్నాయి. కాబట్టి, నవంబరు 1న జరిగే మున్సిపల్‌ ఎన్నికలు, ఆ తర్వాత 5న జరిగే ఎంపీటీసీ, జడ్పీటీసీ ఎన్నికల ప్రక్రియలో జాగ్రత్తలు తీసుకోవాలి. పోలింగ్‌ బూత్‌ల్లో కూర్చునే ఏజెంట్లు కచ్చితంగా ప్రతి ఓటును ప్రశ్నించాలి. ఎక్కడ సందేహం ఉన్నా.. ఎలా స్పందించాలి? ఎలా ఫిర్యాదు చేయాలి? అనేది తెలుసుకోండి. వీలుంటే ప్రతిదీ వీడియో తీయాలి. ప్రతి అంశానికి పక్కా ఆధారాలు ఉండేలా చూడాలి.పోలింగ్‌ రోజు అరాచకాలకు అవకాశం కాబట్టి ప్రతి దానిపై పక్కా ఆధారాలుండాలినామినేషన్ల పర్వంలోనే ఇన్ని అరాచకాలు చేసిన చంద్రబాబు రేపు పోలింగ్‌ రోజు ఇంకా ఎక్కువ అరాచకాలు చేయొచ్చు. చివరకు బ్యాలెట్‌ బాక్సుల రూమ్‌లనూ ఏదైనా చేయొచ్చు. అందుకే పోలింగ్‌ బూత్‌ల్లోకి ఏజెంట్లను పంపకపోతే ఎలా ఎదుర్కోవాలి? అనేది తెలుసుకోండి. ప్రతిదీ వీడియో తీయండి. మీరు అక్కడికి పోయే ముందే ఆ ఎంట్రీ లెటర్‌ను వీడియో తీయాలి. ఎందుకంటే.. మీరు అక్కడికి పోయే దోవలో మొన్న నామినేషన్ల మాదిరిగా, వాటిని కూడా లాక్కుని చింపే అవకాశం ఉంది. ఎక్కడ, ఏ అన్యాయం, అరాచకం జరిగినా వీడియో ఆధారాలు చాలా ముఖ్యం. సుప్రీంకోర్టు చెప్పినా, మనం ఎన్నిసార్లు కోరినా.. సీసీ కెమెరాలు పెట్టడంలో రాష్ట్ర ఎన్నికల కమిషన్‌ (ఎస్‌ఈసీ) ఏ మాత్రం చొరవ చూపడం లేదు. కాబట్టి, మనం అప్రమత్తంగా ఉండాలి.పార్టీ నేతల మధ్య సమన్వయం ఇలా.. పార్టీ జిల్లా అధ్యక్షుడు ప్రతిరోజూ రెండుసార్లు అసెంబ్లీ కో–ఆర్డినేటర్లతో మాట్లాడాలి. అలాగే ఎప్పటికప్పుడు పార్టీ కేంద్ర కార్యాలయంతో టచ్‌లో ఉండాలి. అవసరం అయితే లీగల్‌ సెల్‌ సహాయం తీసుకోవాలి. పార్టీ జిల్లా అధ్యక్షులు, రీజినల్‌ కోఆర్డినేటర్లు, అసెంబ్లీ, పార్లమెంటరీ నియోజకవర్గాల ఇన్‌ఛార్జ్‌లు పూర్తి సమన్వయంతో పని చేయాలి. ఎందుకంటే నామినేషన్ల పర్వంలోనే ఎన్నో అరాచకాలు చేశారు. రేపు అవి ఇంకా కొనసాగుతాయి. కాబట్టి, ఏ పరిస్థితిని అయినా ఎదుర్కోవడానికి నియోజకవర్గం ఇన్‌ఛార్జ్‌లు సిద్ధంగా ఉండాలి.ఈ ఎన్నికల్లో వీరే పార్టీ దళపతులు..ఈ స్థానిక ఎన్నికల్లో పార్టీ జిల్లాల అధ్యక్షులు, రీజినల్‌ కోఆర్డినేటర్లు దళపతులు. వారు అసెంబ్లీ, పార్లమెంటరీ నియోజకవర్గాల ఇన్‌ఛార్జ్‌లతో మమేకమై పని చేసుకోవాలి. ఎందుకంటే.. చంద్రబాబు లాంటి ఒక రాక్షసుడితో మనం యుద్దం చేస్తున్నాం. ఇది ఏ మాత్రం ఫెయిర్‌గా ఉండదు కాబట్టి మనం చాలా జాగ్రత్తగా ఉండాలి. ప్రతిది రికార్డు చేయడానికి ప్రయత్నించాలి. అప్పుడే మనకు పక్కాగా సాక్ష్యాలు, ఆధారాలు ఉంటాయి. నామినేషన్ల పర్వంలో ఉన్న సాక్ష్యాధారాలు ఇప్పుడు కూడా అవసరమైతే వినియోగించాలి. చంద్రబాబు ప్రభుత్వం ప్రతిదీ బుల్డోజ్‌ చేస్తుంది. కాబట్టి చాలా అలర్ట్‌గా ఉండండి. మీరు మీ జిల్లాల్లో చేసే ఫిర్యాదులన్నీ ఇక్కడికి కూడా పంపండి. ఇక్కడి నాయకులు వాటిని ఎస్‌ఈసీకి కూడా ఇస్తారు. ఇలా ప్రతి చోటా అప్రమత్తంగా ఉండి పని చేయాల్సిన అవసరం ఉంది. హాజరైన పార్టీ నేతలు.. పార్టీ స్టేట్‌ కోఆర్డినేటర్‌ సజ్జల రామకృష్ణారెడ్డి, రాష్ట్ర ప్రధాన కార్యదర్శి (వ్యవసాయం, రైతు సంక్షేమం) ఎంవీఎస్‌ నాగిరెడ్డి, ఎమ్మెల్సీ లేళ్ల అప్పిరెడ్డి, పార్టీ లీగల్‌సెల్‌ రాష్ట్ర అధ్యక్షుడు ఎం.మనోహర్‌రెడ్డి, పార్టీ ప్రధాన కార్యదర్శి చెవిరెడ్డి భాస్కర్‌రెడ్డి, మండలి డిప్యూటీ ఛైర్మన్‌ తూమాటి మాధవరావు తదితరులు వైఎస్సార్‌సీపీ కేంద్ర కార్యాలయం నుంచి హాజరు కాగా.. పార్టీ రీజినల్‌ కోఆర్డినేటర్లు వైవీ సుబ్బారెడ్డి, పెద్దిరెడ్డి రామచంద్రారెడ్డి, పీవీ మిథున్‌రెడ్డి, కురసాల కన్నబాబు. గుడివాడ అమర్‌నాథ్, బూడి ముత్యాలనాయుడు. ఆళ్ల అయోధ్యరామిరెడ్డితో పాటు పార్టీ అన్ని జిల్లాల అధ్యక్షులు వీడియో కాన్ఫరెన్స్‌లో పాల్గొన్నారు.

ఆంధ్రప్రదేశ్‌లో మున్సిపాలిటీలు, ఎంపీటీసీ, జెడ్‌పీటీసీ ఎన్నికలకు నామినేషన్ల పర్వంనుంచీ కూటమి మూకలు చెలరేగి సృష్టించిన భీతావహ పరిస్థితులు సద్దుమణగక ముందే ఆంధ్రప్రదేశ్‌పై పెను తుపాను అర్నబ్‌ విరుచుకుపడింది. వివిధ ఘటనల్లో ఏడుగురు ప్రాణాలు కోల్పోయారు. ఉత్తరాంధ్రపైనా, గోదావరి జిల్లాలపైనా దీని ప్రభావం ఎక్కు వుంది. కోతకొచ్చిన లక్షలాది హెక్టార్ల వరి పంట నీట మునగడం, అరటి, మొక్కజొన్న తీవ్రంగా దెబ్బతినడం, వేలాది కొబ్బరి చెట్లు, మహావృక్షాలు కుప్పకూలడం తుపాను బీభత్సం ఏ స్థాయిలో ఉన్నదో వెల్లడిస్తుంది. తీరం దాటిన సమయంలో దాదాపు 150 కిలోమీటర్ల వేగంతో వీచిన పెనుగాలులతో విజయనగరం, శ్రీకాకుళం, విశాఖపట్నం, ఉమ్మడి పశ్చిమ గోదావరి, పార్వతీపురం, మన్యం జిల్లాలతోపాటు కాకినాడ, కోనసీమ జిల్లాలు చిగురుటాకుల్లా వణికాయి. భారీవర్షాలతో వాగులు, వంకలు ఉప్పొంగి జనం తీవ్ర ఇబ్బందులు పడ్డారు. ఈ తుపాను బీభత్సం సృష్టించిన భారీ నష్టాలనుంచి ఇంకా కోలుకోకముందే అండమాన్‌ దగ్గర మరో అల్పపీడనం ఏర్పడిందన్న వార్తలు సహజంగానే ఆందోళన కలిగిస్తున్నాయి. అదింకా బలపడి వాయుగుండమై, తుపానుగా మారు తుందా అన్నది వాతావరణ విభాగం ఇంకా చెప్పలేకపోతోంది. కుండపోత వర్షాలైతే తప్పక పోవచ్చంటున్నారు. తుపాను తీరం దాటకముందే వందిమాగధ బృందాల భజన మొదలైంది. సీఎంచంద్రబాబు తెల్లవార్లూ నిరంతరాయంగా టెలీకాన్ఫరెన్స్‌లు నిర్వహించారని కూడా చెప్పుకున్నారు. కూటమిలో పరస్పరం అభినందనల పర్వం, తమను తాము వేనోళ్ల పొగుడుకోవటం వగైరాలన్నీ సరేసరి. కానీ తన సుదీర్ఘ పాలనలో పదులకొద్దీ తుపానులు చూసిన ముఖ్యమంత్రిగా ముందస్తు ఆలోచనతో చంద్రబాబు రైతులకు చేసిందేమిటి? ఒక లెక్క ప్రకారం సుమారు 34 లక్షల ఎకరాల్లో వరిపంట దెబ్బతిన్నది. ఒక్కో రైతు ఎకరానికి సగటున రూ. 40,000 పెట్టుబడి పెట్టారనుకున్నా, ఇన్ని లక్షల ఎకరాల్లో రైతులు ఎంత నష్టపోయి ఉంటారు? ఆ నష్టాన్ని గరిష్ఠంగా పూడ్చడానికి ఏం చేయాలన్న ఆలోచనేదీ లేకుండా... పంటల బీమా పథకాన్ని పక్కనపెట్టినందుకు పశ్చాత్తాపపడకుండా ఈ స్తోత్రపాఠాలేమిటి? వైఎస్సార్‌ కాంగ్రెస్‌ ప్రభుత్వం అయిదేళ్లూ అమలు చేసిన ఉచిత పంటల బీమా పథకం సౌకర్యాన్ని కొనసాగించివుంటే రైతులకు కలిగిన నష్టం పూడ్చుకొనేందుకు అవకాశం ఉండేది. అది లేదు సరిగదా... ఇన్‌పుట్‌ సబ్సిడీలు సైతం నిర్లక్ష్యం చేయటంవల్ల రైతులకు సాగు వ్యయం అపారంగా పెరిగింది. దీన్నెలా భర్తీ చేస్తారు? నిరుడొచ్చిన మొంథా తుపానుకు రూ. 5,244 కోట్ల నష్టం వచ్చిందన్న సర్కారు ఈనాటికీ రైతులకు పైసా పరిహారం ఇవ్వలేదు.కృష్ణా గోదావరి డెల్టాలో కోతకు సిద్ధంగా ఉన్న వరిపంట నీట మునిగింది. డ్రైయినేజి వ్యవస్థలు సక్రమంగా ఉంటే ఈ నీటిని వెంటనే బయటకు పంపటం సాధ్యమయ్యేది. కానీ అన్నిచోట్లా ఆ పరిస్థితి ఉందా? ఈసారి సూపర్‌ ఎల్‌నినో ముంచుకొస్తున్నదనీ, వర్షాభావ పరిస్థితులతోపాటు తుపానువంటి ప్రకృతి వైపరీత్యాలు, వరదల తీవ్రత కూడా ఎక్కువే ఉండొచ్చనీ వాతావరణ శాస్త్రవేత్తలు ఏడెనిమిది నెలలుగా హెచ్చరిస్తున్నారు. కానీ ఆ విషయంలో ఏం చేయగలమన్న ఆలోచనే కూటమి సర్కారుకు కరువైంది. ఎంతసేపూ ప్రత్యర్థుల్ని కష్టాలుపాలు చేయడం ఎలాగన్న వ్యూహాలతోనే దానికి పొద్దుపోతోంది. పర్యవసానంగా డ్రయినేజీ వ్యవస్థ అస్తవ్యస్థంగా ఉంది. తుపాను విపత్తు విషయంలో ఆదుకుంటామని కేంద్ర హోంమంత్రి అమిత్‌ షా హామీ ఇచ్చారని లీకులీయటం కాదు. నష్టపోయిన రైతులకు తక్షణం చేసేదేమిటో చెప్పాలి. వరితోపాటు కోనసీమలో కోటికిపైగా ఉండే కొబ్బరిచెట్లలో లక్షల చెట్లు నేలకొరిగాయి. అరటి తోటలు, మొక్కజొన్న తీవ్రంగా దెబ్బతిన్నాయి. మొత్తం అయిదున్నర లక్షల ఎకరాల ఆక్వా సాగు పైనా ప్రభావం పడిందంటున్నారు. తుపాను ఉపశమించి 24గంటలు గడిచినా చాలాచోట్ల విద్యుత్‌ పునరుద్ధరణ జరగక ఆక్వా సాగు దెబ్బతింటు న్నదని రైతులు మొత్తుకుంటున్నారు. తక్షణం పంటల నష్టాన్ని మండలాలవారీగాఅంచనా వేసి త్వరగా పరిహారం అందిస్తే తదుపరి సీజన్‌కు రైతు కోలుకునే అవకాశంఉంటుంది. స్వోత్కర్షలవల్ల ప్రజానీకానికి ఒరిగేదేమీ ఉండదని గుర్తించాలి.

విజయవాడ: తాను చేయనిది చేశానంటూ నిత్యం అబద్ధాలు వల్లెవేసే చంద్రబాబు.. మరో అబద్ధాన్ని కూడా అలవోకగా నమ్మించే యత్నం చేశారు. గతేడాది వచ్చిన మొంధా తుపాన్‌కు నష్ట పరిహారం ఇవ్వకుండానే ఇచ్చేశామంటూ అబద్ధం చెప్పేశారు. అది కూడా అర్నబ్‌ తుపాన్‌ సాక్షిగా ఆయన అబద్ధం ఆడేశారు. గతేడాది తుపాన్‌ నష్ట పరిహారం ఇవ్వలేదని బాధితులకు తెలిసినా వారినే బురిడీ కొట్టించే యత్నం చేశారు. మొంధా తుపాన్‌ కారణంగా ఒక్క రూపాయి పరిహారం ఇవ్వకుండా రైతులకు ఎగనామం పెట్టిన చంద్రబాబు.. తాజాగా అర్నబ్‌ తుపాన్‌ ప్రభావిత ప్రాంతాల్లో పర్యటించిన సందర్భంలో ‘మొంధా తుపాన్‌ పరిహారం ఇచ్చేశాం’ అనే వ్యాఖ్యలు చేశారు. ఇది విన్న బాధితులు.. ‘పరిహారం ఎప్పుడు వచ్చింది.. ఎక్కడ వచ్చింది?’ అని ముక్కున వేలేసుకుంటున్నారు. ఇదే విషయాన్ని మీడియా ప్రశ్నించగా, ‘ఇచ్చేశాం’ అంటూ మేకపోతు గాంభీర్యాన్ని ప్రదర్శించారు చంద్రబాబు. అదే సమయంలో ఏవో లెక్కలు కూడా చెప్పేశారు. కేవలం జీవోలకు మాత్రమే పరిమితమైన నష్ట పరిహారాన్ని, బాధితుల ఖాతాలో వేసే యత్నం చేశారు. గతేడేది ఇవే రోజుల్లో వచ్చిన మొంధా తుపాన్‌ కారణంగాగా రూ. 411 కోట్ల నష్టం వాటిల్లినట్లు అప్పట్లో ప్రభుత్వం ప్రకటించింది. అయితే బాధిత అన్నదాతలకు మాత్రం పరిహారం ఇప్పటికీ అందలేదు. ఏడాదైనా రైతులకు పరిహారం ఇవ్వకుండా ఎగ్గొట్టే యత్నం చేస్తున్నారు. ఇప్పుడు ఆ పరిహారం ఇచ్చేశామని చంద్రబాబు చెబుతుండటంపై బాధితులు మండిపడుతున్నారు. ఆ పరిహారం ఎలాగూ రాలేదు.. ఇప్పుడైనా వస్తుందో.. లేదో అనే ఆందోళనలో ఉన్నారు.ఇదీ చదవండి: సైకిల్‌ను తుక్కు తుక్కుగా ఓడించాలి: ఆర్కే రోజా

సాక్షి, కాకినాడ‌: తుపాన్ ప్ర‌భావంతో జ‌న‌జీవ‌నం అస్త‌వ్య‌స్తమైతే సీఎం చంద్ర‌బాబు ప్రజలను, రైతులను గాలికొదిలేసి.. కేవలం ప్రచార ఆర్భాటాలతో కంప్యూట‌ర్ల ముందు కూర్చుని టైంపాస్ చేస్తున్నాడ‌ని మాజీ మంత్రి కుర‌సాల క‌న్న‌బాబు తీవ్ర‌స్థాయిలో ధ్వ‌జ‌మెత్తారు. కాకినాడ‌లోని త‌న క్యాంప్ కార్యాల‌యంలో ఆయ‌న మీడియాతో మాట్లాడుతూ క్షేత్రస్థాయిలో బాధితుల పరిస్థితిని తెలుసుకుని వారికి అండగా నిలవాల్సిన ప్రభుత్వం ఫొటోలు, వీడియోలు, సమీక్షల పేరుతో ప్రచారం చేసుకుంటోందని మండిప‌డ్డారు.తుపాన్ హెచ్చరిక‌లు ముందుగానే ఉన్నా క‌నీసం తుపాన్ ప్ర‌భావిత ప్రాంతాలకు మంత్రుల‌ను ఎందుకు పంపించ‌లేద‌ని నిల‌దీశారు. రైతులు తమ పంట నష్టం ఫొటోలను యాప్‌లో అప్‌లోడ్‌ చేసుకోవాలని చెబుతున్నారనీ, ఎంతమంది రైతులకు ఆ యాప్‌ను ఉపయోగించే అవగాహన ఉంటుంద‌ని ప్ర‌శ్నించారు. రైతుల దగ్గరకు వెళ్లి నష్టాన్ని అంచనా వేయాల్సిన వ్యవసాయ, రెవెన్యూ శాఖల అధికారులు ఏం చేస్తున్నారో చెప్పాల‌న్నారు.ప్ర‌జలు కన్నీళ్లు పెడుతుంటే చంద్రబాబుకు రాజకీయాలు, ఎన్నికలే ముఖ్యమయ్యాయని, వైఎస్‌ జగన్ ప్రభుత్వంలో రైతులకు కల్పించిన భరోసాను దెబ్బతీసి, ఇప్పుడు వారిని బీమా లేకుండా, ఇన్‌పుట్‌ సబ్సిడీ లేకుండా వదిలేయడం చంద్రబాబు ప్రభుత్వ వైఫల్యానికి నిదర్శనమ‌ని స్ప‌ష్టం చేశారు. విజయవాడ ముంపు సమయంలో సహాయక చర్యల పేరుతో రూ. 500 కోట్లు ఖర్చు పెట్టామని చెప్పి, అందులో కొవ్వొత్తులు, అగ్గిపెట్టెలకే రూ. 23 కోట్లు ఖర్చు చేశామని లెక్కలు చూపిన ఘనత ఈ ప్రభుత్వానిదని ఎద్దేవా చేశారు. అలాగే ఇప్పుడు అర్నబ్ తుపాన్ విపత్తును సైతం బాధితులకు న్యాయం చేయడానికి కాకుండా పబ్లిసిటీకి వాడుకుంటున్నారని కురసాల క‌న్న‌బాబు ఆగ్రహం వ్యక్తం చేశారు.రైతులకు యాప్‌ల‌పై అవ‌గాహ‌న ఉంటుందా?:అర్న‌బ్ తుపాను బాధితులకు తక్షణ సహాయం అందించడంలో, పంట నష్టాన్ని అంచనా వేయడంలో, పరిహారం చెల్లించడంలో మీ ప్రభుత్వం విఫలమైంది. తుపాన్లు వచ్చిన ప్రతిసారీ చంద్రబాబు ప్రజలను, రైతులను గాలికొదిలేసి కేవలం ప్రచార ఆర్భాటాలతో కాలం వెళ్లదీస్తున్నారు. రైతులు పంట నష్టం ఫొటోలను యాప్‌లో అప్‌లోడ్‌ చేయాలంటున్నారు, అసలు ఎంతమంది రైతులకు ఆ యాప్‌పై అవగాహన ఉంది? క్షేత్రస్థాయికి వెళ్లి నష్టాన్ని అంచనా వేయాల్సిన వ్యవసాయ, రెవెన్యూ శాఖల అధికారులు ఏం చేస్తున్నారు?విజయవాడలో బుడమేరు వరదల సమయంలో ప్రజలు పడవల్లో తిరగాల్సిన పరిస్థితి ఏర్పడింది. సహాయక చర్యలకు రూ.500 కోట్లు ఖర్చు చేశామని చెప్పిన ప్రభుత్వం, కొవ్వొత్తులు, అగ్గిపెట్టెలకే రూ.23 కోట్లు ఖర్చయినట్లు లెక్కలు చూపించింది. వరద బాధితులకు అందించిన సహాయం ఎంత, వాహనాలు కోల్పోయిన వారికి ప్రకటించిన పరిహారం ఎంతమందికి అందిందో చెప్పాలి. తుపాను హెచ్చరికలు వచ్చినా బాధిత ప్రాంతాల్లో సమర్థంగా సహాయక చర్యలు చేపట్టలేకపోతున్నారు. సమీక్షలు, ఫొటోలు, వీడియోలతో సరిపెట్టకుండా ప్రజలకు తక్షణ సహాయం అందించాలి. చంద్రబాబు, నారా లోకేష్‌ రాజకీయ ప్రచారాన్ని పక్కనపెట్టి బాధితుల సమస్యలపై దృష్టి పెట్టాలి.తుపాను నష్టపరిహారాన్ని ఎప్పటిలోగా చెల్లిస్తారో చెప్పాలి:వైఎస్‌ జగన్‌ ముఖ్యమంత్రిగా ఉన్నప్పుడు రైతు భరోసా కేంద్రాల ద్వారా ప్రతి ఎకరానికీ ఈ-క్రాప్‌ నమోదు చేసి, రైతులకు ఉచిత పంటల బీమా పథకాన్ని అమలు చేశాం. 2019–2024 మధ్య ఈ ప్రాంతంలోనే ఎకరానికి రూ.23 వేల నుంచి రూ.29 వేల వరకు బీమా పరిహారం అందించిన చరిత్ర మా ప్రభుత్వానిది. పంట నష్టపోయిన రైతులకు తదుపరి పంట సీజన్‌లోపు ఇన్‌పుట్‌ సబ్సిడీ చెల్లించాం. నేడు కూట‌మి ప్రభుత్వంలో ఉచిత పంటల బీమా లేదు, ఇన్‌పుట్‌ సబ్సిడీ సకాలంలో అందడం లేదు.ప్రభుత్వం తన వాటా ప్రీమియం చెల్లించకపోవడంతో ప్రీమియం కట్టిన రైతులు కూడా నష్టపోయారు. పాత ఇన్‌పుట్‌ సబ్సిడీ బకాయిలతో పాటు తాజా తుపాను నష్ట పరిహారాన్ని ఎప్పటిలోగా చెల్లిస్తారో ప్రకటించాలి. సుమారు 8.30 లక్షల ఎకరాల్లో పంట నష్టం జరిగితే, అందులో 7.60 లక్షల ఎకరాల్లో వరి దెబ్బతిన్నట్లు చెబుతున్న ప్రభుత్వం వరి రైతులకు పరిహారం ఎందుకు పెంచడం లేదు? వైఎస్సార్‌సీపీ ప్రభుత్వ హయాంలో 2023 నవంబర్‌ 14న జీవో నంబర్‌ 5 ద్వారా పెంచిన స్కేల్‌ ఆఫ్‌ అసిస్టెన్స్‌ ప్రకారం వరి రైతులకు కూడా పరిహారం పెంచాలి. కౌలు రైతులను గుర్తించి, నష్టపోయిన ప్రతి రైతుకూ న్యాయం చేయాలని డిమాండ్‌ చేస్తున్నాం.బాధితుల‌కు న్యాయ‌మైన ప‌రిహారం అందించాలి:తుపాను బాధితులకు నిత్యవసరాలు ఇస్తామని ప్రకటనలు చేయడం మాత్రమే సహాయక చర్యలు కాదు, బాధిత కుటుంబాల జాబితా, సహాయం అందించిన వివరాలను ప్రభుత్వం వెల్లడించాలి. పడవలు, వలలు కోల్పోయిన మత్స్యకారులకు, విద్యుత్‌ అంతరాయాలు, చెరువులకు గండ్ల వల్ల నష్టపోయిన చేపలు, రొయ్యల రైతులకు న్యాయమైన పరిహారం చెల్లించాలి. వైఎస్‌ జగన్‌ ప్రభుత్వంలో ఇంటింటికీ వైద్య సిబ్బందిని పంపించి పరీక్షలు, చికిత్స అందించాం, ఇప్పుడు కూడా తుపాను ప్రభావిత ప్రాంతాల్లో వైద్య శిబిరాలు నిర్వహించాలి.కాకినాడ మున్సిపల్‌ కార్పొరేషన్‌ పరిధిలో తుపాను కారణంగా క్షేత్రస్థాయి పరిశీలనకు ఆటంకం ఏర్పడినప్పుడు ఓటర్ల గుర్తింపు, అభ్యంతరాల స్వీకరణ షెడ్యూల్‌ను మార్చాలి. ఎస్సీ, ఎస్టీ, బీసీ, మహిళా ఓటర్ల గుర్తింపు, గ్రామాల విలీనం, వార్డుల పరిధి అంశాల్లో పారదర్శకత పాటించాలి. కొత్త నోటిఫికేషన్‌ ఇచ్చి ప్రజల అభ్యంతరాలను స్వీకరించిన తర్వాతే ఎన్నికల ప్రక్రియను కొనసాగించాలి.ఎన్నికలు ఎప్పుడు వచ్చినా వైఎస్సార్‌సీపీ పోటీకి సిద్ధంగా ఉంది, కానీ ప్రజలు తుపాను బాధల్లో ఉన్నప్పుడు ఎన్నికలే ముఖ్యమన్నట్లు వ్యవహరించడం సరికాదు. చంద్రబాబు ప్రభుత్వం కాకి లెక్కలు మానేసి వాస్తవ నష్టాన్ని ప్రకటించి, ప్రతి రైతుకు, కౌలు రైతుకు, మత్స్యకార కుటుంబానికి న్యాయమైన పరిహారం అందించాలి. ప్రచార స్టంట్లకు స్వస్తి చెప్పి బాధితులను ఆదుకోవాలి, ప్రజలకు న్యాయం జరిగే వరకు వైఎస్సార్‌సీపీ వారి పక్షాన నిలబడి పోరాడుతుందని కుర‌సాల క‌న్న‌బాబు స్ప‌ష్టం చేశారు.ఇదీ చదవండి: ఏపీకి పొంచిఉన్న మరో ముప్పు..

సాక్షి, వైఎస్సార్‌ జిల్లా: కూటమి సర్కార్‌ అధికారం దుర్వినియోగం చేస్తోందని.. ఇలానే కొనసాగితే రాష్ట్రంలో ప్రజల ఆస్తి, మాన ప్రాణాలకు ముప్పు అంటూ వైఎస్సార్‌సీపీ రాష్ట్ర ప్రధాన కార్యదర్శి ఎస్వీ సతీష్ రెడ్డి మండిపడ్డారు. వేంపల్లి ఆంజనేయస్వామి ఆలయంలో పూజలు చేసి జడ్పీటీసీ ఎన్నికల ప్రచారాన్ని ఆయన ప్రారంభించారు. ఈ సందర్భంగా ఆయన మాట్లాడుతూ.. చంద్రబాబు మీడియా సమావేశాలు చూస్తే అసహ్యం వేస్తోందన్నారు.‘‘ప్రజలకు ఇచ్చిన హామీలను గాలికి వదిలేసి డైవర్షన్‌ పాలిటిక్స్‌ చేస్తున్నారు. చంద్రబాబు వ్యక్తిగత విమర్శలకు దిగడం దుర్మార్గం. రాష్ట్రంలో జరుగుతున్న పరిస్థితులను ప్రజలు గమనించాలి. ప్రజలకు ఇచ్చిన హామీలను గాలికి వదిలేశారు...రాష్ట్రంలో నిత్యావసర వస్తువుల ధరలు ఆకాశాన్ని అంటుతున్నాయి. ప్రజా సమస్యలను పక్కనపెట్టి వైఎస్‌ జగన్‌ కుటుంబ విషయాలు మాట్లాడే స్థాయికి చంద్రబాబు దిగజారారు. అహంకారం, నియంతృత్వ ధోరణితో లోకేష్ పాలిస్తుంటే చంద్రబాబు కళ్లు లేని కబోదిలా చూస్తున్నారు. ఎన్నికలు స్వేచ్ఛాయుత వాతావరణంలో జరిగేలా అధికారులు.. ప్రజలకు సహకరించాలని సతీష్ రెడ్డి కోరారు.ఇదీ చదవండి: తిరుపతిలో వైఎస్సార్‌సీపీ నిరసన

సాక్షి, అల్లూరి సీతారామరాజు జిల్లా: పాడేరు జెడ్పీటీసీ స్థానాన్ని తన కుమార్తెకు ఇప్పించి, జడ్పీ చైర్‌పర్సన్‌ పదవిని దక్కించుకోవాలనుకున్న మాజీ ఎమ్మెల్యే, పాడేరు టీడీపీ ఇన్‌చార్జి గిడ్డి ఈశ్వరి ఆశలు నెరవేరలేదు. టీడీపీ అధినేత, సీఎం చంద్రబాబుతో పాటు కూటమి పెద్దల వద్ద చేసిన ప్రయత్నాలు ఫలించకపోవడంతో ఆమెకు నిరాశ ఎదురైంది.తన కుమార్తె కీర్తి మధుమితను పాడేరు జెడ్పీటీసీ స్థానానికి టీడీపీ అభ్యర్థిగా బరిలోకి దింపాలని భావించిన గిడ్డి ఈశ్వరి.. నామినేషన్‌ కార్యక్రమాన్ని పాడేరులో అట్టహాసంగా నిర్వహించారు. ముందు జాగ్రత్తగా నామినేషన్ల చివరి రోజున తాను కూడా పాడేరు జెడ్పీటీసీ స్థానానికి నామినేషన్‌ దాఖలు చేశారు.ఎన్నికల ప్రచారం కోసం రూ.లక్షలు వెచ్చించి ప్రచార రథాన్ని సైతం సిద్ధం చేసుకున్నారు.అయితే, ఇదే స్థానానికి కూటమిలోని బీజేపీ, జనసేన పార్టీల నుంచి ఇద్దరేసి అభ్య ర్థులు నామినేషన్లు దాఖలు చేయడంతో పరి స్థితి మారింది. తన కుమార్తె టీడీపీ అభ్యర్థిగా నామినేషన్‌ వేసిన స్థానంలోనే బీజేపీ, జనసేన అభ్యర్థులు బరిలోకి దిగడంతో ఈశ్వరిలో ఆందోళన మొదలైంది. తన కుమార్తెకు టీడీపీ నుంచి బీ–ఫారం వస్తుందనే ఆశతో సీఎం చంద్రబాబుతో పాటు మంత్రి లోకేష్, ఇతర టీడీపీ ముఖ్య నేతలను ఆమె అభ్యర్థించినా ఫలితం లేకపోయింది. బీజేపీ, జనసేన నేతలను సైతం కలిసి తన కుమార్తెకు న్యాయం చేయాలని కోరినట్లు ప్రచారం జరిగింది. నామినేషన్‌ దాఖలు చేసిన రోజు నుంచి బీ–ఫారం అందజేయడానికి గడువు ముగిసిన మంగళవారం వరకు గిడ్డి ఈశ్వరి చేసిన ప్రయత్నాలేవీ ఫలించలేదు. నియోజకవర్గ ఇన్‌చార్జిగా ఉన్నప్పటికీ తన కుమార్తెకు జెడ్పీటీసీ టికెట్‌ ఇప్పించుకోలేని పరిస్థితి ఆమెకు ఎదురైంది. చివరకు పాడేరు జెడ్పీటీసీ స్థానాన్ని బీజేపీ అభ్యర్థి నందోలి ఉమామహేశ్‌ దక్కించుకున్నారు. కూటమి నేతలు చంద్రబాబు, పవన్‌ కల్యాణ్, మాధవ్‌ పాడేరు జెడ్పీటీసీ స్థానాన్ని బీజేపీకి కేటాయించడంతో గిడ్డి ఈశ్వరి రాజకీయంగా ఇబ్బందికర పరిస్థితిని ఎదుర్కోవాల్సి వచ్చింది. ఇదీ చదవండి: శ్రీలంక పౌరురాలికి మున్సిపల్‌ చైర్‌పర్సన్‌ టికెట్టా?

సాక్షి, అమరావతి: ఎన్ని ప్రయత్నాలు చేసినా అర్నబ్‌ తుపానుకు ఐదుగురు మృతిచెందారని సీఎం చంద్రబాబు వెల్లడించారు. విద్యుత్‌ షాక్,, గోడ కూలిన ఘటనల్లో వీరు చనిపోయారని చెప్పారు. వీరి కుటుంబాలకు రూ.5 లక్షల చొప్పు­న పరిహారం చెల్లిస్తామన్నారు. జన జీవనాన్ని తుపాను అతలాకుతలం చేయడంతో పాటు పంటలకు భారీ నష్టం మిగిలి్చందన్నారు. తుపాను ప్రభావిత ప్రాంతాల్లో బాధితులను ఆదుకోవడానికి, రహదారులు, విద్యుత్‌ సరఫరా పునరుద్ధరణకు వెంటనే చర్యలు చేపట్టినట్లు ఆయన చెప్పా­రు. సీఎం చంద్రబాబు బుధవారం మీడియాతో మాట్లాడుతూ ఏమన్నారంటే..కోనసీమ, పశ్చిమ గోదావరి జిల్లాల్లో 30వ తేదీ సాయంత్రానికిగానీ విద్యుత్‌ సరఫరా పునరుద్ధరించలేం. అక్కడ పరిస్థితులు అనుకూలించడంలేదు. మిగతా జిల్లాల్లో బుధవారం రాత్రికల్లా వి­ద్యుత్‌ సరఫరా పునరుద్ధరిస్తాం. తుపాను నష్టంపై కేంద్రానికి లేఖ రాయడంతో పాటు కేంద్ర హోంమంత్రి అమిత్‌ షాతో కూడా ఫోన్‌లో మా­ట్లాడాను. కొబ్బరి, ఇతర ఉద్యాన పంటలు దెబ్బ­తిన్నాయి. పూర్తిస్థాయి సమగ్ర నివేదికను కూడా త్వరలోనే పంపేలా చర్యలు చేపడతాం. ముంపు ప్రాంతాల్లో ఇళ్లలోకి నీరు చేరితే 25 కేజీల బి­య్యం ఇవ్వాలని ఆదేశించాం.చేనేత మగ్గాలు, మ­త్స్యకారులకు 50 కే­జీ­ల బియ్యం, కేజీ చొప్పు­న ఉల్లిపాయలు, వంట­నూ­నె, కందిపప్పు, బంగాళాదుంపలు రేషన్‌ ఇస్తాం. పునరావాస కేంద్రాల్లో తలదాచుకున్న వా­రికి రూ.వెయ్యి చొప్పున ఆర్థిక సాయం.. ఇల్లు పా­క్షికంగా ధ్వంసమైతే రూ.­10 వేలు, దుకా­ణాలకు రూ.25 వేలు సాయం అందిస్తాం. ఎంఎస్‌­ఎంఈల­కు కేటగి­రీల వారీగా ఆర్థిక సాయం, ద్విచక్ర వాహనానికి రూ.3 వేల సాయం చెల్లిస్తాం.త్రిచక్ర వాహనాలకు 10 వేలు, పుష్కార్ట్‌లకు 20 వేలు, వీవర్‌ కమ్యూని­టీకి రూ.­25 వేలు, ఫిషింగ్‌ బోట్, వలలు ధ్వంసమై­తే రూ.­25 వేలు సాయం ఇస్తాం. హెక్టారు­కు వరి, పత్తికి రూ.25 వేలు, చెరకుకు రూ.­25 వేల చొప్పున, ఇతర పంటలకు ఆ­యా కేటగిరీ­ల వారీ­గా ఆర్థిక సాయం అందిస్తాం. అరటి పంట­కు హె­క్టా­రుకు రూ.35 వేల చొప్పున ఇస్తాం. టమోటాకు రూ.25 వేలు చొప్పున.. కొబ్బరి చెట్టు, పా­మాయి­ల్‌ చెట్టు­కు రూ.15 వేలు చొప్పున అంది­స్తాం. అలా­గే, మృతిచెందిన పశువులకూ ఆర్థిక సా­యం అందిస్తాం. పంట నష్టాల ఎన్యూమరేషన్‌కు టైం పడుతుంది..వ్యవసాయ, ఉద్యాన పంటల నష్టాల ఎన్యూమరేషన్‌కు సమయం పడుతుంది. అది పూర్తయ్యాక రైతులకు సాయం అందిస్తాం. ఇక గురువారం వర్చువల్‌గా జరిగే కేబినెట్‌ సమావేశంలో ఆర్థిక సాయంపై నిర్ణయాలు తీసుకుని బాధితులకు ఆర్థిక సాయం అందిస్తాం. కోనసీమ, పశ్చిమ గోదావరి జిల్లాల పర్యటనకు గురువారం మధ్యాహ్నం నుంచి వెళ్తా. అలాగే, శుక్రవారం కూడా జిల్లాల పర్యటనలోనే ఉంటాను.

సాక్షి, టాస్క్ ఫోర్స్‌/నెట్‌వర్క్‌: ఎన్నికలంటే ప్రజల తీర్పు.. ప్రతి అభ్యర్థికీ పోటీ చేసే హక్కు.. ఆ హక్కుకు రక్షణగా నిలవాల్సింది ఎన్నికల సంఘం, దాని అధికార యంత్రాంగం! మరి రాష్ట్రంలో స్థానిక ఎన్నికల వేళ ఏం జరిగింది? ప్రతిపక్ష అభ్యర్థుల నామినేషన్‌ పత్రాలను లాక్కుని చించేస్తుంటే రిటర్నింగ్‌ అధికారులు ఏం చేశారు? పోలీసు యంత్రాంగాన్ని అదిలించి అభ్యర్థులకు రక్షణ కల్పించాల్సిన అధికారులు ప్రేక్షకపాత్రకు ఎందుకు పరిమితమయ్యారు? ఎన్నికల ప్రక్రియను నిష్పక్షపాతంగా నిర్వహించాల్సిన బాధ్యతను పక్కనపెట్టి, అధికార పార్టీకి అనుకూలంగా వ్యవహరించడమేనా వారి విధి? చంద్రబాబు కోరుకున్న ఏకగ్రీవాల కోసం ప్రతిపక్ష అభ్యర్థుల నామినేషన్లకు అడ్డంకులు సృష్టించడం, పత్రాలు చించేయడం, స్రూ్కటినీ పేరుతో తిరస్కరణలు, బలవంతపు ఉపసంహరణలు.. ఇలా ఒక్కో దశలో ప్రజాస్వామ్య ప్రక్రియనే ప్రశ్నార్థకం చేసే పరిణామాలనేకం చోటుచేసుకున్నాయి.నామినేషన్‌ పత్రాలను కాపాడలేని అధికారులు ఎన్నికలను ఎలా కాపాడతారు? అధికార పార్టీ ఒత్తిళ్లకు తలవంచితే ప్రజాస్వామ్యానికి ఇక రక్షణ ఎక్కడ? అసలు ఎన్నికల సంఘం ఎవరి కోసం? రిటర్నింగ్‌ అధికారులు ఎవరి ఆదేశాల కోసం? ప్రజాస్వామ్యాన్ని కాపాడటానికా.. అధికార పార్టీకి మార్గం సుగమం చేయటానికా? ఈ ప్రశ్నలకు సమాధానం చెప్పాల్సిన బాధ్యత ఎన్నికల యంత్రాంగంపైనా, ప్రభుత్వంపైనా ఉంది. ఎన్నికల అధికారులు గుర్తుంచుకోవాల్సింది ఒక్కటే. వారు అధికార పార్టీకి సేవకులు కాదు.ప్రజాస్వామ్యానికి కాపలాదారులు! నామినేషన్‌ పత్రాన్ని కాపాడలేని వ్యవస్థ, ఓటు హక్కును ఎలా కాపాడుతుంది? నామినేషన్ల తొలి రోజు నుంచి ఉపసంహరణల వరకు జరిగిన అక్రమాలన్నిటికీ ఆర్వోలే ప్రత్యక్ష సాక్షులు. వారిలో కొందరి గురించి చూద్దామా... గిద్దలూరులో నామినేషన్లు మాయం..మార్కాపురం జిల్లా గిద్దలూరు నియోజకవర్గంలోని ఆరు మండలాల్లో 75 ఎంపీటీసీ స్థానాలకు వైఎస్సార్‌సీపీ అభ్యర్థులను నామినేషన్లు వేయకుండా అడ్డుకున్నారు. కొమరోలు మండలంలో ఐదుగురు అభ్యర్థులు నామినేషన్లు వేస్తే.. ఐదుగురి పత్రా­లూ మాయమయ్యాయి! పత్రాలు కనిపించడం లేదంటూ ఆర్‌ఓ వంగా జ్యోతి వారి నామినేషన్లను తిరస్కరించారు. కొమరోలు­–1 షేక్‌ తస్లీమా, కొమరోలు–2 మాజీ ఎంపీపీ కామూరి అమూల్య, చింతలపల్లి సారె ఓబులమ్మ, రెడ్డిచర్ల కరిస్మా, అల్లినగరం కామూరి శ్రీనివాసరెడ్డి నామినేషన్లకు ఇదే పరిస్థితి.మరోవైపు, జెడ్పీటీసీ అభ్యర్థి సారె వెంకటనాయుడు సమర్పించిన ఎన్నికల ఖర్చుల డిక్లరేషన్‌ను తొలగించి, ఆయన నామినేషన్‌నూ తిరస్కరించారు. నామినేషన్లు స్వీకరించిన అధికారులు వాటిని భద్రపరచలేకపోయారా? ఐదుగురి పత్రాలూ ఒకేసారి ఎలా మాయమయ్యాయి? పత్రాలను కాపాడాల్సిన ఆర్‌ఓలే అవి కనిపించడం లేదంటూ నామినేషన్లు తిరస్కరిస్తే బాధ్యత ఎవరిది?టీడీపీకి కోసం తాత్సారంప్రకాశం జిల్లా దర్శి మున్సిపాలిటీ ఆర్వోగా ఉన్న ఎంఈఓ–2 రమాదేవి పసుపు చొక్కా వేసుకున్న టీడీపీ నేతలా వ్యవహరించారు. లోపల టీడీపీకి చెందిన వారి నామినేషన్‌లు తీసుకుని వైఎస్సార్‌సీపీ వారివి తీసుకోకుండా సమయం వృథా చేశారు. ఈలోపు టీడీపీ గూండాలు అక్కడకు వచ్చి వైఎస్సార్‌ సీపీనేతలపై దాడి చేసి వారి నామినేషన్లు చించేశారు.విత్‌డ్రా పేరుతో వంచన.. చివరకు నామినేషన్‌ గల్లంతు!టెక్కలి నియోజకవర్గం కోట»ొమ్మాళి మండలం చిన్నసాన ప్రాదేశికంలో రొక్కం శ్రావణి పేరుతో వేర్వేరు ప్రతిపాదకులతో రెండు నామినేషన్లు దాఖలయ్యాయి. రెండింటిలో ఒకటి ఉపసంహరించుకోవాలని అధికారులు సూచించడంతో, ఆ మేరకు ఒక నామినేషన్‌ను విత్‌డ్రా చేసుకున్నారు. బీ ఫారం సమర్పించేందుకు వెళితే.. నామినేషన్‌ పూర్తిగా తిరస్కరించబడిందని అధికారులు చెప్పారు. ఒక నామినేషన్‌ ఉపసంహరించుకోవాలని చెప్పి.. చివరకు మొత్తం నామినేషనే లేకుండా చేశారా? అభ్యర్థికి సరైన సమాచారం ఇచ్చి, నిబంధనల ప్రకారం మార్గనిర్దేశం చేయాల్సిన అధికారులే ఇలా వ్యవహరిస్తే ఆమెకు న్యాయం చేసేది ఎవరు?పత్రం చించేసి నామినేషన్‌ తిరస్కరణ!తిరుపతి జిల్లా బండారుపల్లి మాజీ వైస్‌ ఎంపీపీ, వైఎస్సార్‌సీపీ ఎంపీటీసీ అభ్యర్థి టి. జనార్ధన్‌ రెడ్డి నామినేషన్‌ వేయడానికి వెళ్తే.. ఏర్పేడు కేంద్రం వద్ద సుమారు 500 మంది టీడీపీ మూకలు ఆయనపై, ఇద్దరు నామినీలపై రాళ్లతో దాడి చేశారు. ప్రాణభయంతో వెనుదిరిగిన ఆయన, ఎంపీ డాక్టర్‌ మద్దెల గురుమూర్తి చొరవతో మరుసటి రోజు నామినేషన్‌ వేశారు. అయితే, నామినేషన్‌ పరిశీలనలో ఆయన పత్రాల్లో ఒకదాన్ని చించేసి, దాని స్థానంలో ఖాళీ ఫారం పెట్టి, సంతకం లేదనే కారణంతో నామినేషన్‌ను తిరస్కరించారు.చివరకు ఆ స్థానాన్ని టీడీపీ ఏకగ్రీవం చేసుకుంది. మొదట నామినేషన్‌ వేయకుండా దాడులు.. తర్వాత వేసిన నామినేషన్‌ పత్రాన్ని చించేసి తిరస్కరణ! అభ్యర్థి పత్రాలను భద్రపరచాల్సిన ఆర్‌ఓల పర్యవేక్షణలోనే ఇదంతా ఎలా జరిగింది? దాడులను అడ్డుకోలేని వ్యవస్థ, నామినేషన్‌ పత్రాలను కూడా కాపాడలేకపోతే ఎన్నికల నిష్పక్షపాతానికి భరోసా ఎక్కడ?సిల్లీ రీజన్‌తో నామినేషన్‌ ఔట్‌!గుంటూరు జిల్లా దుగ్గిరా­ల మండలం చిలువూరు–1 నుంచి వైఎస్సార్‌సీపీ ఎంపీటీసీ అభ్యర్థిగా నామినేషన్‌ వేసిన అభ్యర్థి ఓటరు జాబితాలో తన వార్డు నంబరు 6కు బదులు 7గా రాశారనే కారణంతో నామినేషన్‌ తిరస్కరణకు గురైంది. అదే సమయంలో కూటమి అభ్య­ర్థులు నామినేషన్‌ పత్రాల్లో తప్పులను కొట్టివేసి సరిచేసినా వారి నామినేషన్లు ఆమోదించారు. వార్డు నంబరులో పొరపాటు­కు ఒకరి నా­మినేషన్‌ తిరస్కరణ.. ఇతరు­ల తప్పులకు మిన­హాయింపులా? నిబంధనలు అందరికీ ఒకేలా వర్తించాలా, పార్టీని బట్టి మారాలా? ఈ వ్యవహారంపై న్యాయస్థానాన్ని ఆశ్రయించేందుకు అభ్యర్థి సిద్ధమయ్యారు.పొందూరులో ఫేక్‌ విత్‌డ్రాలు..శ్రీకాకుళం జిల్లా పొందూరు మండలంలో 21 ఎంపీటీసీ స్థానాల్లో వైఎస్సార్‌సీపీ అభ్యర్థుల నామినేషన్లను ఆర్‌ఓ సూర్యప్రకాశరావు ఆమోదించారు. 21 మందికి బీ ఫారాలు తీసుకుని, రసీదులు కూడా ఇచ్చారు. కానీ విత్‌డ్రా రోజు రాత్రి 8 గంటలకు సీన్‌ మారిపోయింది! వైఎస్సార్‌సీపీ అభ్యర్థులు ఉపసంహరించుకోకపోయినా, ఐదుగురు విత్‌డ్రా చేసుకున్నట్లు చూపించి ఐదు స్థానాలను టీడీపీకి ఏకగ్రీవం చేశారు! అభ్యర్థులు తమ నామినేషన్లు ఉపసంహరించుకోలేదని ప్రశ్నించి, విత్‌డ్రాలు చేసినవారిని సీసీటీవీ ఫుటేజీలో చూపించాలని అడిగితే.. కెమెరాలే లేవని ఆర్‌ఓ సమాధానమిచ్చారు. నామినేషన్లు ఆమోదించి రసీదులు ఇచ్చిన ఆర్‌ఓ.. అభ్యర్థుల ప్ర­మే­యం లేకుండానే విత్‌డ్రాలు ఎలా నమోదు చేశారు? ఉపసంహరణ పత్రాలను ఎవరు సమర్పించారు? సీసీ కెమెరాలు లేని కేంద్రంలో ఈ ప్రక్రియకు ఆధారాలేమిటి?అభ్యర్థులు రాకుండానే విత్‌డ్రాలుప్రకాశం జిల్లా దర్శి నియోజకవర్గం కురిచేడు మండలం ఎన్నికల అధికారి పురుషోత్తమరాజు టీడీపీ కార్యకర్తలా పనిచేశారు. టీడీపీకి ఏకగ్రీవం చేయాలనే దురుద్దేశంతో నామినేషన్ల ఉపసంహరణ సందర్భంగా అభ్యర్థులు రాకుండానే ఉపసంహరణ చేసి టీడీపీ నాయకుల కనుసన్నల్లో వారికి ఏకగ్రీవం చేశారు.వైట్‌నర్‌ వాడొచ్చని చెప్పి.. అదే కారణంతో నామినేషన్‌ తిరస్కరణ!మార్కాపురం మండలం భూపతిపల్లి ఎంపీటీసీ స్థానానికి వైఎస్సార్‌సీపీ అభ్యర్థి భవనం వెంకట రామిరెడ్డి నామినేషన్‌ దాఖలు చేశారు. ఫారం నింపే సమయంలో వైట్‌నర్‌ వాడవచ్చని చెప్పిన ఎన్నికల అధికారులే, స్రూ్కటినీ సమయంలో అదే వైట్‌నర్‌ను సాకుగా చూపి నామినేషన్‌ను తిరస్కరించారు. ముందు అనుమతించి.. తర్వాత అదే కారణంతో తిరస్కరించడం! ఆర్‌ఓల ద్వంద్వ వైఖరికి ఇదే నిదర్శనం.చిత్తూరులో ఫోర్జరీ విత్‌డ్రాలు.. 51 ఏకగ్రీవాల ప్రకటన!చిత్తూరు కార్పొరేషన్‌లో మొత్తం 60 డివిజన్లు ఉంటే.. ఏకంగా 51 డివిజన్లలో ఏకగ్రీవాలంటూ ఆర్వోలు డిక్లరేషన్లు ఇచ్చేశారు. వీటిలో టీడీపీకి 47, జనసేనకు 2, బీజేపీకి 1, వైఎస్సార్‌సీపీకి 1 స్థానం దక్కినట్లు ప్రకటించారు. అసలు కుట్ర ఇక్కడే! అభ్యర్థులు, ప్రతిపాదకులు ఎవరూ నామినేషన్లు ఉపసంహరించుకోకపోయినా, వారి సంతకాలను ఫోర్జరీ చేసి విత్‌డ్రా లేఖలు సృష్టించారు.ఆ లేఖలను పరిశీలించి నిజానిజాలు నిర్ధారించాల్సిన ఆర్‌వోలు, ఉపసంహరణలు జరిగినట్లు ప్రకటించి 51 స్థానాలను ఏకగ్రీవం చేశారు. అభ్యర్థులు ఉపసంహరించుకోకుండానే ఉపసంహరణలు ఎలా జరిగినట్లు? సంతకాలు చేయకుండానే విత్‌డ్రా లేఖలు ఎలా వచ్చాయి? ఈ ప్రశ్నలకు సమాధానాలు చెప్పాల్సిన ఆర్‌వోలు, ఏకగ్రీవాల ప్రకటనలకు ఎలా ఆమోదముద్ర వేశారు?చెక్‌లిస్ట్‌ లేదు.. ఫారం–5 లేదు.. కారణాలు చెప్పకుండానే నామినేషన్లు ఔట్‌!కర్నూలు జిల్లా ఆలూరులో ఆర్వో ఆనంద్‌ రాజ్‌కుమార్‌ వ్యవహారంతో ముగ్గురు వైఎస్సార్‌సీపీ ఎంపీటీసీ అభ్యర్థులు ఎన్నికలకు దూరమయ్యారు. పెద్దహోతూరు–2 నుంచి లక్ష్మి, మొలగవల్లి–2 నుంచి నరసమ్మ, ఆలూరు–3 నుంచి వినోద్‌కుమార్‌ నామినేషన్లు దాఖలు చేశారు. నామినేషన్లలో తప్పులున్నాయంటూ పత్తికొండ ఆర్‌డీవో చిన్న ఓబులేసు వద్దకు వెళ్లాలని చెప్పిన ఆర్‌వో.. ఏ తప్పులున్నాయో స్పష్టంగా వివరించలేదు. చెక్‌లిస్ట్, ఫారం–5 ఇవ్వకుండానే నరసమ్మ నామినేషన్‌ను తిరస్కరించారు. ఆర్‌డీవో కూడా స్పష్టమైన కారణాలు వెల్లడించకుండా నామినేషన్లను తిరస్కరించడంతో ముగ్గురూ పోటీకి దూరమయ్యారు.చేబ్రోలులో ఏకపక్షంగా 19 నామినేషన్లు ఔట్‌!గుంటూరు జిల్లా చేబ్రోలు మండలంలో రిటర్నింగ్‌ అధికారి కోమలి పద్మ 19 వైఎస్సార్‌సీపీ నామినేషన్లను చిన్నచిన్న కారణాలతో తిరస్కరించారు. ఈ నిర్ణయాలపై తెనాలి ఆర్డీఓకు అప్పీల్‌ చేయగా, కొన్ని నామినేషన్ల విషయంలో నిర్ణయాలు మారాయిౄనాలుగు తిరస్కరించగా, ఆరు నామినేషన్లను ఆమోదించారు. తెనాలి, శేకూరులో ఓటు హక్కు కలిగి ఉన్నారనే కారణంతో ఒక అభ్యర్థి నామినేషన్‌ను తిరస్కరించారు.నామినేషన్ల తిరస్కరణలో ఏకపక్షంగా వ్యవహరించారన్న విమర్శలు, అప్పీల్‌ స్థాయిలో కొన్ని నిర్ణయాలు మారడం ఆర్‌ఓ నిర్ణయాలపై ప్రశ్నలు లేవనెత్తుతున్నాయి. ఒకే మండలంలో 19 నామినేషన్ల తిరస్కరణ.. అప్పీల్‌లో కొన్ని నిర్ణయాల మార్పు! నామినేషన్లను పరిశీలించాల్సిన అధికారి నిబంధనలను నిష్పక్షపాతంగా అమలు చేశారా? లేక అభ్యర్థుల పోటీ హక్కును దెబ్బతీసేలా వ్యవహరించారా? టీడీపీ అభ్యర్థులకే వెసులుబాటుశ్రీకాకుళం జిల్లా కోట»ొమ్మాళి మండలం రిటర్నింగ్‌ అధికారి కె.జగన్మోహన్‌రావు ఏక పక్షంగా టీడీపీ అభ్యర్థుల కోసం పనిచేశారు. మంత్రి అచ్చెన్నాయుడు చెప్పినట్లు చేస్తూ ఎన్నికల నిబంధనలకు తూట్లు పొడిచారు. దంత ఎంపీటీసీ ప్రాదేశికం నుంచి వైఎస్సార్‌సీపీ అభ్యరి్ధగా నామినేషన్‌ వేసిన హేమసుందర్‌రాజును పరిశీలన కోసం మండల పరిషత్‌ కార్యాలయానికి పిలిపించారు. నామినేషన్‌ పత్రాల్లో చిన్న చిన్న కారణాలు చూపించి నామినేషన్‌ను తిరస్కరించేశారు. ఎన్ని తప్పులున్నా, పత్రాలు లేకపోయినా టీడీపీ అభ్యర్థులకు మాత్రం వెసులుబాటు కలి్పంచి అక్కడికక్కడే తప్పులు సరిదిద్దేశారు. అనంతపురం రూరల్‌లో వైఎస్సార్‌సీపీకి ఒక న్యాయం.. టీడీపీకి మరో న్యాయం! కందుకూరు–1 ఎంపీటీసీ వైఎస్సార్‌సీపీ అభ్యర్థి కామక్కగారి మురళి ఒరిజినల్‌ కుల ధ్రువీకరణ పత్రాన్ని టీడీపీ వ్యక్తులు చించేయడంతో జిరాక్స్‌ కాపీతో నామినేషన్‌ వేశారు. స్రూ్కటినీ సమయానికి ఒరిజినల్‌ పత్రం తీసుకురావాలని అధికారులు చెప్పడంతో ఆయన అలాగే సమర్పించారు. అయినా జిరాక్స్‌ కాపీ జత చేశారనే కారణంతో నామినేషన్‌ తిరస్కరించారు. ఆర్‌డీఓను ఆశ్రయించినా న్యాయం జరగలేదు.అదే రూరల్‌ మండలం రాచాననపల్లి–1లో టీడీపీ అభ్యర్థి డి. రమ్య నామినేషన్‌లోనూ కుల ధ్రువీకరణ పత్రం జిరాక్స్‌ కాపీనే సమర్పించారు. ఆమె నామినేషన్‌ను తొలుత తిరస్కరించినా, అప్పీల్‌లో ఆర్‌డీఓ ఆమోదించారు. ఒకే తరహా తప్పు.. వైఎస్సార్‌సీపీ అభ్యర్థికి తిరస్కరణ, టీడీపీ అభ్యర్థికి ఆమోదం! ఇదేనా ఎన్నికల అధికారుల నిష్పక్షపాత ధోరణి? నిబంధనలు పార్టీని బట్టి మారతాయా?ముందు పోటీలో ఉన్నట్లు ధ్రువీకరణ.. తర్వాత నామినేషన్‌ తిరస్కరణ!చిత్తూరు జిల్లా నగరి మునిసిపాలిటీలో వైఎస్సార్‌సీపీ చైర్మన్‌ అభ్యర్థి బాలకృష్ణన్‌ నామినేషన్‌ పరిశీలన అనంతరం పోటీలో ఉన్నట్లు ఆర్‌ఓ ఫారం–7 ఇచ్చారు. కొద్దిసేపటికే సీన్‌ మారిపోయింది! ఆయన నామినేషన్‌ చెల్లదంటూ తిరస్కరించి, టీడీపీ అభ్యర్థి చైర్మన్‌గా ఏకగ్రీవంగా గెలిచినట్లు ప్రకటించారు. పోటీలో ఉన్నట్లు ధ్రువీకరించిన నామినేషన్‌ కొద్దిసేపటికే ఎలా చెల్లకుండాపోయింది? నిర్ణయం మార్చడానికి కారణమేంటి? ఆర్‌ఓ సంజీవకుమార్, మునిసిపల్‌ కమిషనర్‌ బాలాజీ నాయక్‌ అధికార పార్టీకి అనుకూలంగా పనిచేశారనేందుకు ఈ ఉదాహరణ సరిపోదా?పేజీ తొలగించి నామినేషన్‌కు మంగళం!ఆలూరులో స్థానిక ఎన్నికల వేళ అధికార యంత్రాంగం తీరుపై తీవ్ర ప్రశ్నలు! ఆలూరు–3, పెద్దహోతూరు–2, మొలగవల్లి–2 స్థానాల్లో అభ్యర్థుల నామినేషన్లలో తప్పులు లేకున్నా, అప్పీళ్ల పేరుతో ఉపసంహరణలకు దారితీశారు. ఆలూరు–3 నుంచి నామినేషన్‌ వేసిన వినోద్‌ పత్రాల్లో నాలుగో పేజీ తొలగించి, నామినేషన్‌ను తిరస్కరించారు. అరికెర గ్రామం నుంచి నామినేషన్‌ వేసిన తిమ్మప్ప బీ ఫారం సమర్పించేందుకు ఆలూరు ఎంపీడీఓ కార్యాలయానికి వస్తే, ఎస్‌ఐ మన్మథ విజయ్‌ బలవంతంగా తీసుకెళ్లి నామినేషన్‌ ఉపసంహరింపజేశారు. పత్రాలు తొలగించి నామినేషన్ల తిరస్కరణ.. పోలీసుల బలంతో ఉపసంహరణలు! అభ్యర్థుల పోటీ హక్కును కాపాడాల్సిన అధికారులే అడ్డంకులుగా మారితే ఎన్నికల స్వేచ్ఛకు రక్షణ ఎక్కడ?

సాక్షి, అమరావతి: సీఎం చంద్రబాబు నేతృత్వంలోని కూటమి ప్రభుత్వానికి స్థానిక సంస్థల ఎన్నికల్లో ఉద్యోగులు బుద్ధి చెప్పాలని ఆంధ్రప్రదేశ్‌ గవర్నమెంట్‌ ఎంప్లాయీస్‌ ఫెడరేషన్‌ చైర్మన్‌ కాకర్ల వెంకటరామిరెడ్డి పిలుపునిచ్చారు. ఇప్పుడు మేల్కోకపోతే ఉద్యోగుల భవి­ష్యత్‌ అంధకారమేనని స్పష్టం చేశారు. తాడేపల్లిలో బుధ­వారం ఆయన మీడి­యాతో మాటా­్లడారు. రాష్ట్ర ప్రభుత్వ ఉద్యోగుల్లో భాగ­మైన పోలీసులు స్థానిక సంస్థల ఎన్ని­కల్లో ప్రభుత్వానికి వత్తాసు పలకటం ఆశ్చర్యకరం అన్నారు.పోలీసులకు వీక్‌ ఆఫ్‌ లేదని, వారికి ఇచ్చిన ఏ ఒక్క హామీ చంద్ర బాబు నెరవేర్చలేదని చెప్పారు. ఏ కోణంలో వారు చంద్రబాబు ప్రభుత్వానికి కొమ్ము కాశారో అర్థం కావడం లేదన్నారు. చంద్రబాబు ప్రభుత్వం ఉద్యోగులకు, పోలీసులకు ఎలాంటి మేలు చేయలేదని చెప్పారు. ఈ ప్రభుత్వం వివిధ రకాల ఉద్యోగులను ఎలా మోసం చేసింది.. ఒక్కో ఉద్యోగికి ఎంత నష్టం కలిగిందనేది గణాంకాలతో సహా విడుదల చేశారు.‘ఉద్యోగులకు డీఏలు లేవు, ఐఆర్‌ లేదు. పీఆర్‌సీ లేదు. పెండింగ్‌ బిల్లులు లేవు. కాంట్రాక్టు ఉద్యోగుల రెగ్యులరైజేషన్‌ ఆగిపోయింది. సీపీఎస్‌ ఉద్యోగులకు ఓపీఎస్‌ లేదు. కనీసం పెన్షన్‌ గ్యారంటీ ఇచ్చే జీపీఎస్‌ కూడా లేదు. పెన్షనర్లకు కార్పొరేషన్‌ లేదు. పోలీసులకు శని, ఆదివారాలు సెలవులు లేవు. ఔట్‌ సోర్సింగ్‌ ఉద్యోగులకు పథకాలు లేవు. వలంటీర్లకు 10 వేల జీతం దేవుడెరుగు.. అసలు ఉద్యోగమే లేదు.వీఆర్‌ఏలకు జీతం పెంచలేదు. సమగ్ర శిక్ష ఉద్యోగులకు, ఏఏఎస్‌హెచ్‌ఏ వర్కర్లకు రూపాయి జీతం పెంచలేదు. హోంగార్డులకు జీతం పెరగలేదు. అంగన్‌ వాడీలకు గ్రాట్యుటీ ఇవ్వలేదు. గ్రామ, వార్డు సచివాలయ ఉద్యోగులకు గౌరవం లేదు.. నోషనల్‌ ఇంక్రిమెంట్లు, ప్రమోషన్లు లేవు. జీవో నెంబర్‌ 11 తెచ్చి గ్రామ, వార్డు సచివాలయ ఉద్యోగులకు జాబ్‌ చార్ట్‌ లేకుండా చేశారు. అసెంబ్లీ ఉద్యోగులకు ప్రమోషన్లు లేవు. ఉద్యోగుల హెల్త్‌ కార్డులు పని చేయవు. టీచర్లకు యాప్‌ల గోల తగ్గలేదు.. ప్రమోషన్లు లేవు. టీచర్ల నెత్తిన టెట్‌ అనే గుదిబండ తెచ్చి పెట్టారు. పోలీసులకు 5 సరెండర్‌ లీవ్‌ బిల్లులు పెండింగ్‌లో ఉన్నాయి. అప్కోస్‌ రద్దు చేసి, ఔట్‌ సోర్సింగ్‌ ఉద్యోగులను మళ్లీ దళారుల పాలు చేశారు. రేషనలైజేషన్‌ పేరుతో సచివాలయ వ్యవస్థను నిర్వీర్యం చేసే కుట్రకు సీఎం చంద్రబాబు శ్రీకారం చుట్టారు. ఆర్టీసీ ప్రైవేటీకరణకు కుట్రలు చేస్తున్నారు. విద్యుత్‌ ఉద్యోగులకు పీఆర్‌సీ లేదు. ఈ రకంగా ఉద్యోగులను వేధిస్తున్న ఈ ప్రభుత్వానికి బుద్ధి చెప్పాల్సిన తరుణం ఇదే.స్థానిక ఎన్నికల్లో ఉద్యోగులు సహకారం అందిస్తే ఇంకా అహంకారం పెరుగుతుంది. ఈ ఎన్నికలు పూర్తయితే 2029 ఎన్నికల వరకు పట్టించుకోదు. అందుకే ఈ ఎన్నికల్లో ప్రభుత్వానికి బుద్ధి వచ్చేలా ఉద్యోగులు వ్యవహరించాలి. అప్పుడే ప్రభుత్వం ఉద్యోగుల వైపు చూస్తుంది’ అని స్పష్టం చేశారు.

సాక్షి, అమరావతి: చంద్రబాబు ప్రభుత్వానికి మద్యంపై ఆదాయం తప్ప ప్రజల మానప్రాణాలు గురించి పట్టడం లేదు. లైసెన్స్‌ మద్యం షాపులతోపాటు విచ్చలవిడిగా బెల్ట్‌షాపులను ప్రోత్సహిస్తోంది., గంజాయి, మత్తు పదార్థాలు యథేచ్ఛగా రవాణా అవుతున్నా.. చేష్టలుడిగి చోద్యం చూస్తోంది. ఫలితంగా మత్తుపదార్థాలు సేవించిన కామాంధులు రాష్ట్రంలో చిన్నారులు, మహిళలపై ఆఘాయిత్యాలకు పాల్పడుతున్నారు. ]అయినా సర్కారులో చలనం లేదు. తీవ్ర నిర్లక్ష్యాన్ని ప్రదర్శిస్తోంది. బాలికలు, మహిళలకు రక్షణ కవచంగా వైఎస్‌ జగన్‌మోహన్‌రెడ్డి పాలనలో తెచ్చిన దిశ బిల్లునూ రద్దు చేసిన బాధ్యాతరాహిత్యంగా వ్యవహరిస్తోంది. ఆడపిల్ల జోలికి వస్తే అదే ఆఖరి రోజని మాటలు చెప్పిన చంద్రబాబు ధృతరాష్ట్ర పాత్ర పోషిస్తున్నారు. ఒకవైపు స్థానిక ఎన్నికల్లో మహిళలపై పచ్చ మూకలు అసభ్యంగా ప్రవర్తిస్తుంటే.. చూస్తూ పైశాచికానందం పొందుతున్నారు. మరోవైపు విచ్చలవిడి మద్యం అమ్మకాలతో జనం ప్రాణాలు తీస్తున్నారు.బాబు మార్క్‌ సిండికేట్‌ బరితెగింపుచంద్రబాబు ప్రభుత్వం తన ట్రేడ్‌ మార్క్‌ మద్యం దోపిడీకి మరోసారి బరితెగించింది. వైఎస్సార్‌సీపీ ప్రభుత్వం సమర్థంగా అమలు చేసిన దశలవారీ మద్య నియంత్రణ విధానాన్ని చంద్రబాబు ప్రభుత్వం రద్దు చేసింది. మద్యం మాఫియాకు తలుపులు బార్లా తెరిచింది. ప్రైవేట్‌ మద్యం దుకాణాల వ్యవస్థను తీసుకువచ్చింది. 4,336 మద్యం దుకాణాలను ఏకపక్షంగా టీడీపీ సిండికేట్‌కు కట్టబెట్టింది. బార్లను కూడా టీడీపీ సిండికేటే ఏకపక్షంగా దక్కించుకుంది. వాటికి అనుసంధానంగా దాదాపు 75వేల అనధికార బెల్ట్‌ దుకాణాలు ఏర్పాటుకు పరోక్ష సహకారం అందించింది. 2014–19నాటి మద్యం దోపిడీకి మించి మహాదోపిడీకి సర్కారు తెగబడుతోంది. ప్రివిలేజ్‌ ఫీజు రద్దు, ఎమ్మార్పీ కంటే 20శాతం అధిక ధరలతో 2014–19లో రూ.25వేలు కోట్లు కొల్లగొట్టిన టీడీపీ పెద్దలు.. 2024–29లో అంతకు రెట్టింపు అంటే రూ.50వేల కోట్ల దోపిడీకి తెరతీశారు. అందుకోసం లాభాల మార్జిన్‌ పెంపు, ఎమ్మార్పీ కంటే అధిక ధరలకు విక్రయాల ద్వారా దాదాపు రూ.లక్ష కోట్ల భారీ దోపిడీకి మద్యం సిండికేట్‌ బరితెగించిందని సమాచారం. ప్రజలతో మద్యం తాగించడమే పనిగా పెట్టుకున్న ప్రభుత్వం రికార్డు స్థాయిలో మద్యం అమ్మకాలు సాగిస్తోంది. ఎక్సైజ్‌ అధికారులను వెంటపడి వేధించి మరీ మద్యాన్ని ఏరులైపారిస్తోంది. 2024–25 సంవత్సరంలో రూ.29,440 కోట్ల మద్యం విక్రయించగా, ఇవి 2025–26లో రూ.31,237 కోట్లకు చేరాయి. దీంతో గత ఏడాది కంటే 6.11శాతం మద్యం అమ్మకాలు పెరిగాయి. మద్యానికి తోడు గంజాయి, డ్రగ్స్‌ దందారాష్ట్రంలో గంజాయి, డ్రగ్స్‌ మాఫియా రాజ్యమేలుతోంది. గంజాయి దందాను అరికడతామంటూ చంద్రబాబు మాటలు కోటలు దాటినా.. చేతలు మాత్రం గడప దాటడం లేదు. తాము అధికారంలోకి వచ్చిన రెండు నెలల్లో గంజాయి రహిత రాష్ట్రంగా చేస్తామని ఎన్నికల్లో ఊదరగొట్టిన చంద్రబాబు రెండేళ్ల పాలనలో రాష్ట్రం గంజాయి దందాకు గేట్‌ వేగా మారినా చోద్యం చూస్తున్నారు. టీడీపీ కూటమి నేతలే రింగ్‌ మాస్టర్లుగా మత్తు మాఫియా రాష్ట్రాన్ని శాసిస్తున్నారు. టీడీపీ కీలక నేతల కుటుంబాలే ప్రాంతాల వారీగా డ్రగ్స్, గంజాయి, కల్తీ మద్యం దందాను పర్యవేక్షిస్తుండటంతో పోలీసు శాఖ చోద్యం చూస్తుండిపోవాల్సి వస్తోంది. ఏవోబీలో యథేచ్ఛగా గంజాయి సాగు చంద్రబాబు ప్రభుత్వం అధికారంలోకి రాగానే అల్లూరి సీతారామరాజు(ఏఎస్‌ఆర్‌) జిల్లా కేంద్రంగా గంజాయి మాఫియా చెలరేగింది. మొత్తం ఆంధ్రా–ఒడిశా సరిహద్దు(ఏవోబీ)లో గంజాయి సాగు చేయిస్తుండటంతోపాటు ఒడిశా, చత్తీస్‌ఘడ్‌ల నుంచి భారీగా గంజాయి కొని ఏపీ పరిధిలోనే అక్రమార్కులు నిల్వ చేస్తున్నారు. కుటీర పరిశ్రమ తరహాలో లిక్విడ్‌ గంజాయి యూనిట్లను ఏర్పాటు చేశారు. ఏజెంట్ల వ్యవస్థను నెలకొల్పి భారీ స్థాయిలో గంజాయి స్మగ్లింగ్‌ సాగిస్తున్నారు. దక్షిణ, ఉత్తర భారత రాష్ట్రాలకు దర్జాగా తరలిస్తున్నారు. డ్రగ్స్‌ దందాలో టీడీపీ ఎంపీ దేశంలో ఎక్కడ డ్రగ్స్, గంజాయి దందా బయటపడినా వాటి మూలాలు ఆంధ్ర ప్రదేశ్‌లోనే ఉంటున్నాయి. దేశంలో ఎక్కడ డ్రగ్స్‌ పార్టీని పోలీసులు ఛేదించినా టీడీపీ కూటమి పెద్దలే చిక్కుతున్నారు. ఏలూరు ఎంపీ పుట్టా మహేశ్‌ డ్రగ్స్‌ సేవిస్తూ హైదరాబాద్‌ పోలీసులకు చిక్కిన విషయం తెలిసిందే. జమ్మలమడుగు ఎమ్మెల్యే ఆదినారాయణ రెడ్డి కుమారుడు సుధీర్‌రెడ్డి డ్రగ్స్‌ దందాలో అడ్డంగా దొరకడం గమనార్హం. మద్యాసుర పాలనలో మగువ నలిగిపోతోంది. మానవతుల శీలం మంటగలిసిపోతోంది. అన్నపూర్ణ ఆంధ్రప్రదేశ్‌ మద్యాంధ్రప్రదేశై ఆర్తనాదం చేస్తోంది. హత్యలు, దాడులతో అట్టుడుకుతోంది. మత్తెక్కిన మగ పశువులు తలవిసిరి రంకెలేస్తున్నాయి. అసహాయుల దీనఘోషతో దిశలు మార్మోగుతున్నాయి. ధనమైకంలో సర్కారు ‘మత్తు’నిద్రపోతోంది. మద్యం అమ్మకాలతో కాసులు పిండిస్తూ.. వందిమాగధుల దాష్టీకాలను చూస్తూ రాక్షసానందం పొందుతోంది. అఘాయిత్యాల కట్టడిలో ఘోరంగా విఫలమవుతోంది. మహిళలపై జరిగిన నేరాల్లో 17మంది ఎమ్మెల్యేలు, ఒక ఎంపీ టీడీపీ వారేనని, ఈ నేరాల్లో ఆ పార్టీ దేశంలోనే మూడో స్థానంలో ఉందని ‘అసోసియేషన్‌ ఫర్‌ డెమోక్రటిక్‌ రిఫార్మ్‌(ఏడీఆర్‌)’ తాజా నివేదిక సంచలన నిజాలు వెల్లడించింది. దీంతో ఏపీ ప్రభుత్వం జాతీయస్థాయిలోనూ అభాసుపాలైంది. టీడీపీ కార్యకర్త అఘాయిత్యం అనంతపురం జిల్లా పామిడిలో ఐదేళ్ల చిన్నారిపై టీడీపీ కార్యకర్త షెక్షావలి లైంగిక దాడికి పాల్పడ్డాడు. మద్యం తాగిన మత్తులో షెక్షావలి ఆ చిన్నారికి చాక్లెట్‌ కొని ఇస్తానని మాయమాటలు చెప్పి తీసుకెళ్లి కాలనీలోని ఒక ఇంటి మిద్దెపైకి తీసుకెళ్లాడు. లైంగిక వేధింపులకు పాల్పడటంతో ఆ చిన్నారి కేకలు వేసింది. దీంతో స్థానికులు గుర్తించి గట్టిగా కేకలు వేయడంతో పరుగుతీశాడు. అయినా స్థానికులు అతన్ని పట్టుకుని దేహశుద్ధి చేసి పోలీసులకు అప్పగించారు. అతన్ని కనీసం పార్టీ నుంచి కూడా సస్పెండ్‌ చేసే ధైర్యం చంద్రబాబు చేయలేకపోయారు. మత్తు పాశవికానికి వైద్యవిద్యార్థిని బలి ఈ ఏడాది ఆగస్టు 3న రాజమహేంద్రవరంలోని ప్రసాద్‌ ఆదిత్యా మాల్‌ వద్ద మద్యం మత్తులో ఉన్న ఇద్దరు యువకులు (సురవరపు దుష్యంత్, ఆండ్రూ జోసెఫ్‌ ఎడ్వర్డ్స్‌) కారుతో పీజీ మెడికల్‌ విద్యార్థి కె.ప్రియాంక స్కూటీని ఢీకొట్టారు. ఈ దాడిలో ప్రియాంక తీవ్రంగా గాయపడి బ్రెయిన్‌ డెడ్‌ అవడంతో ఆరు రోజులపాటు మృత్యువుతో పోరాడింది. చివరకు చికిత్స పొందుతూ మరణించింది. అప్పటి వరకు పంటి బిగువున భరించిన ఆమె తండ్రి వేదన ఒక్కసారిగా కట్టలు తెంచుకుంది. మానవత్వంలేని ప్రభుత్వం అని ఆక్రోశించారు. డాక్టర్‌గా సమాజానికి వైద్య సేవలు అందించాల్సిన మెడికో ప్రియాంక మందుబాబుల చేతిలో హత్యకు గురైన ఘటన దేశ వ్యాప్తంగా ప్రజలను కదిలించినా చంద్రబాబు మనసు మాత్రం కరిగించలేకపోయింది.బాబు పాలనలో గుండెలను పిండేసే మద్యం ఘోరాలివీ.. ⇒ కర్నూలు జిల్లా కల్లూరు మండలం చిన్నటే కూరు వద్ద గత ఏడాది అక్టోబర్‌ 24న మద్యం సేవించిన యువకుడు బైక్‌ నడుపుతూ వెళ్లి ఢీకొట్టడంతో ఓ బస్సు అగ్నిప్రమాదానికి గురై మరో 20 మంది సజీవ దహనమైన ఘటన దేశ వ్యాప్తంగా సంచలనం సృష్టించింది. ఈ ప్రమాదానికి కారణమైన బైకర్‌ మద్యం సేవించినట్టు ఫోరెన్సిక్‌ రిపోర్ట్‌లోనూ తేలింది⇒ విజయవాడలో ఈ ఏడాది జూన్‌లో మద్యం మ­తు­్తలో అన్నదమ్ములు పోలీసులపై దాడి చేశా­రు. ⇒ కడప జిల్లాలో ఒక వ్యక్తి మద్యం మత్తులో మూడే­ళ్ల బాలికపై లైంగిక దాడి చేసి ఆపై హత్య చేశాడు⇒ కృష్ణా జిల్లాలో మద్యం మత్తులో ఓ తండ్రి తన కొడుకును హత్య చేశాడు⇒ అనంతపురంలో మద్యం మత్తులో ఒక వ్యక్తి బీర్‌ బాటిళ్లు, సిమెంట్‌ ఇటుకలతో 17 ఏళ్ల మైనర్‌ను హత్య చేశాడు.⇒ అన్నమయ్య జిల్లాలో ఇద్దరు సాఫ్ట్‌వేర్‌ ఇంజినీర్లు బీర్‌ తాగి మరణించారు.⇒ గతేడాది నవంబర్‌ 7న గుంటూరు జిల్లా దుగ్గిరాలలో మద్యం మత్తులో నిందితులు కన్నతల్లి ముందే కొడుకుని పాశవికంగా హత్య చేశారు. ⇒ గుంటూరులో గతేడాది ఏప్రిల్‌ 8న ఫుల్లుగా మద్యం సేవించిన కొందరు హర్షద్‌ అనే వ్యక్తి ఇంటిపై బ్లేడ్లు, కర్రలతో దాడి చేశారు. ఈ ఘటనలో హర్షద్‌ నాయనమ్మ పఠాన్‌ ఖాజాబీ (70) తీవ్రంగా గాయపడి మతి చెందారు. ⇒ గుంటూరులో విద్యార్థినికి మద్య­ం అలవాటు చేసి పలువురు లైంగిక దాడికి పా­ల్ప­­డ్డారు. ⇒ వైఎస్సార్‌ జిల్లా కడపలో వెంకటేశ్‌ అనే వ్యక్తిని మద్యం మత్తులో ఉన్న ఓ వ్యక్తి మద్యం బాటిల్‌ పగలగొట్టి కడుపులో పొడిచి హత్యచేశాడు. ⇒ ప్రొద్దుటూరులోని ఒక లాడ్జిలో ముగ్గురు స్నేహితులు రాఘవేంద్రకుమార్‌(పప్పి)ని మద్యం సీసాలతో పొడిచి హత్య చేశారు. ⇒ రామేశ్వరంరోడ్డులోని ఓ మద్యం షాపు వద్ద జరిగిన గొడవలో షేక్‌ అర్షద్‌ అనే ఆటోడ్రైవర్‌ను అతని స్నేహితుడే బండరాయితో కొట్టిచంపాడు. ⇒ అన్నమయ్య జిల్లా కురబలకోట మండలం పిచ్చలవాండ్లపల్లి గ్రామం మేకలవారిపల్లిలో భార్య రమణమ్మను ఆమె భర్త లక్ష్మిరెడ్డి కొడవలితో దారుణంగా హత్య చేశాడు. కోళ్లు చనిపోయిన విషయం తనకు చెప్పలేదన్న కారణంగా తాగిన మైకంలో ఈ దారుణానికి ఒడిగట్టాడు.⇒ నిమ్మనపల్లె మండలంలోని కొండయ్యగారి పల్లెలో బోయకొండ అనే వ్యక్తి మద్యం మత్తులో తన కుమార్తెపైనే లైంగిక దాడికి పాల్పడ్డాడు. ⇒ కోడుమూరు మండలం వెంకటగిరి గ్రామానికి చెందిన గిరిని అతడి స్నేహితులే మద్యం మత్తులో కత్తితో పొడిచి చంపారు. ⇒ రాజమహేంద్రవరంలో ఎర్ర గణేష్‌ అనే రౌడీషీటర్‌ను అతని వ్యాపార భాగస్తులు మద్యం తాగి హత్యచేశారు. ⇒ రాజమండ్రిలో ఆటోడ్రైవర్‌ బుజ్జిబాబును ముగ్గు­రు మద్యం మత్తులో రాడ్డుతో కొట్టి చంపారు. ⇒ కడప జిల్లా అలంఖాన్‌పల్లె సమీపంలో గంజాయి గ్యాంగ్‌ పెద్ద దస్తగిరిని నరికి చంపిన ఘటన సంచలనం సృష్టించింది.

సాక్షి, అమరావతి : తెలుగుదేశం బలమైన పార్టీ అని, ఆ స్థాయికి జనసేన రావడానికి ఇంకా పాతికేళ్లు పడుతుందని జనసేన అధ్యక్షుడు పవన్‌ కళ్యాణ్‌ అన్నారు. ఒక పార్టీ ఎదుగుదల రాత్రికి రాత్రి జరగదని, ఆ ప్రాక్టికాలిటీ తనకు బలంగా ఉందని తెలిపారు. ఉండవల్లిలోని సీఎం క్యాంపు కార్యాలయం వద్ద సీఎం చంద్రబాబు, బీజేపీ అధ్యక్షుడు మాధవ్‌తో కలిసి మంగళవారం ఆయన స్థానిక ఎన్నికల్లో సీట్ల సర్దుబాటు భేటీ అనంతరం మీడియా సమావేశంలో మాట్లాడారు. గత ఎన్నికల్లో ప్రధాని అండగా ఉండడం, టీడీపీకి ఉన్న సంస్థాగత నిర్మాణం, అనుభవం వల్ల గెలిచామన్నారు. జనసేనకు ఉండే బలం ఉన్నా, అది అన్ని స్థాయిల్లో లోతుగా వెళ్లడానికి ఇంకా సమయం ఉందని చెప్పారు. పార్టీ పెట్టినప్పుడే ఇది పాతికేళ్ల ప్రయాణం అని చెప్పానని గుర్తు చేశారు. స్థానిక ఎన్నికల సీట్ల సర్దుబాటులో తలనొప్పులు, ఇబ్బందులు వచ్చాయన్నారు. అదే సమయంలో తుపాను ఒత్తిడి కూడా ఉందన్నారు. అయినా చంద్రబాబు నచ్చజెప్పి సర్దుబాటు చేశారని తెలిపారు. స్థానిక ఎన్నికలు కూటమి ప్రభుత్వానికి రిఫరెండం కావని, కాబోవని చెప్పారు. ఔత్సాహికులంతా నామినేషన్లు వేశారని, అయితే తాము ఖరారు చేసిన వారికే బీ ఫారాలు ఇస్తామన్నారు. బి ఫారం తీసుకున్న వాళ్లకే పని చేయాలన్నారు. ఎక్కడా స్నేహ పూర్వక పోటీ ఉండదు : చంద్రబాబు ఎన్నికల్లో ఇచ్చిన సూపర్‌ సిక్స్‌ సహా అన్ని హామీలు అమలు చేశామని, అయినా స్థానిక సంస్థల ఎన్నికలు తమ పాలనకు రిఫరెండం కాదని సీఎం చంద్రబాబు అన్నారు. ఈ ఎన్నికల వల్ల తాము ఏ ప్రాంతంలో ఎలా ఉన్నామో తెలుసుకునే అవకాశం కలుగుతుందన్నారు. అయితే ఎక్కడా స్నేహ పూర్వక పోటీ ఉండదన్నారు. తన రాజకీయ జీవితంలో సీట్ల సర్దుబాటుపై ఇంత కసరత్తు ఎప్పుడూ చేయలేదన్నారు. ఎన్నికలు పెట్టడం వైఎస్సార్‌సీపీకి ఇష్టం లేదని.. వాళ్లే హింస చేసి, మళ్లీ వాళ్లే కోర్టులకు వెళ్లారని తెలిపారు. ఎన్నికలు ప్రకటించాక 62 పిటిషన్లు వేశారన్నారు. నామినేషన్ల సమయంలో పోలీసులు మైకులు పెట్టి నామినేషన్లు వేసే వాళ్లను పోలీసు జీపుల్లో తీసుకెళతామని చెప్పినా ఎవరూ ముందుకు రాలేదన్నారు. కార్పొరేషన్లు, మున్సిపాలిటీలకు టీడీపీ 9,800, వైఎస్సార్‌సీపీ 8,800, జనసేన 2,400, ఎంపీటీసీ అభ్యర్థులుగా 46 వేల మంది, జెడ్పీటీసీ అభ్యర్థులుగా 4,770 మంది నామినేషన్లు వేశారని తెలిపారు. వైఎస్సార్‌సీపీ నామినేషన్లు కూడా తమ వాళ్లే వేశారంటున్నారని, బి ఫారం ఇచ్చినప్పుడే ఏ పార్టీ అన్నది తెలుస్తుందన్నారు. తన రాజకీయ జీవితంలో హింసకు తావులేదన్నారు. ఎన్నికల కమిషన్, ఈవీఎంలు, ఎస్‌ఐఆర్‌ (సర్‌)పై ప్రతిపక్షాల ఆరోపణలపై స్పందిస్తూ.. గెలిచినప్పుడు ఎవరూ మాట్లాడరని, ఓడిపోయినప్పుడు రాజకీయం కోసం మాట్లాడుతారని అన్నారు. కర్ణాటక, తెలంగాణ, కేరళ, తమిళనాడుల్లో వాళ్లు గెలిస్తే ఈవీఎంలు సక్రమంగా పనిచేసినట్టని, పశ్చిమ బెంగాల్‌లో బీజేపీ గెలిస్తే సరిగా పనిచేయనట్టా అని ప్రశి్నంచారు.

సాక్షి, అమరావతి : రాష్ట్రంలో ప్రజల మద్దతు తమకు లేదని చంద్రబాబు సారథ్యంలోని కూటమి స్వయంగా అంగీకరించింది. స్థానిక ఎన్నికలను ప్రజాభిప్రాయంగా (రిఫరెండంగా) తీసుకోలేమని చెప్పడం ద్వారా రెండున్నరేళ్ల పాలనలో చేసిందేమీ లేదని పరోక్షంగా ఒప్పేసుకొంది. అనేక వివాదాలు, గొడవల నేపథ్యంలో స్థానిక ఎన్నికల్లో సీట్ల సర్దుబాటు పూర్తయిందని చెప్పుకోవడం కోసం టీడీపీ అధినేత, సీఎం చంద్రబాబు, జనసేన అధినేత, డిప్యూటీ సీఎం పవన్, బీజేపీ రాష్ట్ర అధ్యక్షుడు మాధవ్‌ మంగళవారం నిర్వహించిన మీడియా సమావేశంలో కూటమి ప్రభుత్వ బేలతనం బయటపడిపోయింది. తమ పాలన అద్భుతమని పైకి చెప్పుకున్నా, ఈ ఎన్నికలు రిఫరెండం కాదని పవన్, మిడ్‌టర్మ్‌ అప్రైజల్‌ (మధ్యంతర సమీక్ష) కాదని చంద్రబాబు తేల్చి చెప్పడాన్ని బట్టి గెలుపుపై వారికి నమ్మకం లేదని రూఢీ అవుతోంది. దేశంలోనే నంబర్‌ వన్‌ అయితే అంత జంకెందుకో..? రెండున్నరేళ్లలో రాష్ట్రాన్ని మార్చేశామని, సంక్షేమంలో దేశంలోనే నంబర్‌ వన్‌ అని సొంత డప్పు కొట్టుకుంటున్న చంద్రబాబు.. ఆ పాలనకు స్థానిక ఎన్నికలను తీర్పుగా స్వీకరించడానికి ఎందుకు జంకుతున్నారని విశ్లేషకులు ప్రశ్నిస్తున్నారు. నిజానికి చంద్రబాబు ప్రభుత్వంపై ప్రజల్లో వ్యతిరేకత పెల్లుబుకుతోంది. ఎన్నికల్లో ఇచి్చన సూపర్‌ సిక్స్‌ సహా ఏ హామీ అమలు చేయకుండా మోసం చేయడం, రాష్ట్రంలో ఏమాత్రం అభివృద్ధి లేకపోవడంతో చంద్రబాబు ప్రభుత్వంపై ఆగ్రహం ప్రజల్లో స్పష్టంగా కనిపిస్తోంది. దీనికితోడు ప్రభుత్వ స్థాయి నుంచి కింది స్థాయి వరకు అవినీతి విలయ తాండవం చేస్తుండటం ప్రజలకు కళ్లకు కట్టినట్లు కనిపిస్తోంది. ప్రజా సమస్యలు పరిష్కారం కాకపోగా.., వేధింపులు, బెదిరింపులు, అధికార పార్టీ నేతల అరాచకాలు, పెరిగిపోయిన నేరాలు, ఘోరాలు, ప్రశ్నిస్తే కేసులు, అరెస్టులతో రాష్ట్రాన్ని చంద్రబాబు నయా బిహార్‌గా మార్చేశారనే ఆందోళన సామాన్య ప్రజల నుంచి మేధావి వర్గాల్లోనూ వ్యక్తమవుతోంది. ఈ నేపథ్యంలో స్థానిక ఎన్నికల్లో గెలుపుపై వారిలో ధీమా కనిపించడం లేదు. ఓటమి భయంతోనే దౌర్జన్యాలు జనం ఓట్లేయరనే భయంతోనే స్థానిక సంస్థల ఎన్నికల్లో నామినేషన్ల దశ నుంచే ప్రతిపక్ష అభ్యర్థులపై కూటమి నేతలు దాడులు, అరాచకాలు, దౌర్జన్యాలకు తెగబడుతున్నారు. నామినేషన్లు వేయనీయకుండా బెదిరింపులు, కిడ్నాపులు.. పోలీసులను అడ్డుపెట్టుకుని టీడీపీ సాగించిన గూండాయిజాన్ని రాష్ట్రమంతా చూసింది. ప్రతిపక్ష అభ్యర్థులను బరిలో లేకుండా చేసి అనేకచోట్ల ఏకగ్రీవాలు చేసుకున్నారు. ప్రతిపక్ష పార్టీ ఎంపీలపైనే హత్యాయత్నాలు, ఆ పార్టీ నేతల కార్ల దగ్ధం, ధ్వంసం, మహిళా అభ్యర్థులపై కీచకపర్వం.. ఈ ఎన్నికల్లో టీడీపీ మూకలు చేసిన అరాచకం అంతా ఇంతా కాదు. ఒకవైపు స్థానిక ఎన్నికలను రక్తసిక్తం చేసి హింసాత్మకంగా మార్చిన చంద్రబాబు.. మీడియా సమావేశాల్లో మాత్రం తన రాజకీయ జీవితంలో హింసకు తావే లేదని చెబుతుండటం చూసి మహానటులే నివ్వెరపోతున్నారు. తమ అభ్యర్థులకు రక్షణ లేదని ప్రతిపక్షం న్యాయస్థానాలను ఆశ్రయిస్తే దాన్ని కూడా నేరంగా చిత్రీకరించడం చంద్రబాబు నైజాన్ని పట్టిచూపుతోంది. హింసకు తావు లేదని నీతులు చెప్పిన పవన్‌.. అదే నోటితో ప్రతిపక్షం 2.0 చూపిస్తే తాము పది రెట్లు చూపిస్తామని హెచ్చరించడం ఏమిటని విశ్లేషకులు ప్రశ్నిస్తున్నారు. సూపర్‌ సిక్స్‌ అమలు చేయకుండానే.. సూపర్‌ సిక్స్‌ అమలు చేశామంటూ చంద్రబాబు, పవన్‌ మళ్లీ అబద్ధాలు వల్లె వేశారు. 18 ఏళ్లు నిండిన ప్రతి మహిళకు ఆడబిడ్డ నిధి కింద నెలకు రూ.1,500 ఇస్తామన్న హామీ ఏమైంది? నిరుద్యోగులకు నెలకు రూ.3 వేల చొప్పున భృతి ఎక్కడ? 50 ఏళ్లు నిండిన ఎస్సీ, ఎస్టీ, బీసీలకు రూ.4 వేల పింఛన్‌ ఊసేది? ఇలాంటివి ఇంకా ఎన్నో అమలు చేయకుండానే సూపర్‌ సిక్స్‌ అమలు చేశామని చెప్పి జనాన్ని నిలువునా మోసం చేస్తున్నారు. వీటని ప్రజలు ప్రశ్నిస్తూనే ఉన్నారు. బీసీలకు వెన్నుపోటు జనాభా దామాషా ప్రకారం రాజ్యాధికారం, సోషల్‌ రీ­ఇంజినీరింగ్‌.. అంటూ బాబు ఉపన్యాసాలు దంచినా, సా­్థనిక ఎన్నికల్లో బీసీలకు 34 శాతం రిజర్వేషన్లు ఇ­వ్వకుండా మంగళం పాడేశారు. బీసీ రిజర్వేష­న్లు ఇ­చ్చా­కే ఎన్నికలకు వెళ్తామని చెప్పి.. ఆ హామీని గంగలో కలిపేశారు. సమన్వయం ఉందంటూనే.. సర్దుబాటులో తలనొప్పులట! దేశంలో ఎక్కడా లేని సమన్వయం తమ కూటమిలో ఉందని ఒకవైపు చెబుతున్న కూటమి నేతలు.. మరోవైపు సీట్ల సర్దుబాటులో తలనొప్పులు వచ్చాయని, చంద్రబాబు, లోకేశ్‌ నలిగిపోయారని చెప్పడాన్ని బట్టి వారి మాటలకు ఒకదానికొకటి పొంతన లేదని స్పష్టమవుతోంది. తన 45 ఏళ్ల రాజకీయ జీవితంలో ఇంత కసరత్తు ఎప్పుడూ చేయలేదని చంద్రబాబే ఒప్పుకున్నారు. ఐక్యత అంత బలంగా ఉంటే.. సహకరించని వారిని పార్టీ నుంచి బహిష్కరిస్తామని ఎందుకు హెచ్చరించాల్సి వచ్చిందన్న ప్రశ్నకు వారి వద్ద జవాబు లేదు. ఇదో విడ్డూరం..! తుపాను వల్ల సీట్ల సర్దుబాటు మరింత కష్టమైందని పవన్‌ చెప్పడం మరో విడ్డూరం. నెల రోజులుగా సీట్ల చర్చలు జరుపుతూ, రెండు రోజుల క్రితం వచ్చిన తుపానును సాకుగా చూపడం అబద్ధం కాక మరేమిటని విశ్లేషకులు ప్రశ్నిస్తున్నారు. పైగా మర్నాడే తుపాను తీరం దాటనున్న వేళ, ఉదయం నుంచే వర్షాలు మొదలైనా, సీఎం, డిప్యూటీ సీఎం ఇద్దరూ గంటల తరబడి ఎన్నికల ప్రెస్‌మీట్‌లోనే గడ³డాన్ని తప్పుపడుతున్నారు. మొత్తంగా చూస్తే.. పాలనపై నమ్మకం లేదు, హామీలపై సమాధానం లేదు, కూటమిలో సఖ్యత లేదు. అందుకే పోలింగ్‌కు ముందే రిఫరెండం కాదంటూ కూటమి నేతలు చేతులెత్తేశారు.

సాక్షి, అమరావతి: సార్వత్రిక ఎన్నికల్లో నిత్యావసర సరుకుల ధరలు తగ్గిస్తామంటూ ఊరువాడా హామీ ఇచ్చి అధికారం చేపట్టిన చంద్రబాబు సర్కారు ఇప్పుడు ధరల బాదుడుతో సామాన్యుడి నడ్డి విరుస్తోంది. అడ్డూ అదుపులేకుండా బియ్యం దగ్గర నుంచి ఉల్లిపాయ వరకు.. పెట్రోల్‌ దగ్గర నుంచి వంట గ్యాస్‌ వరకు అన్ని వస్తువుల ధరలు చుక్కల్ని అంటుతున్నా చంద్రబాబు సర్కారులో చలనం లేకపోవడంపై సామాన్యుడు రగలిపోతున్నాడు. రెండు­నెలల క్రితం కేజీ రూ.56గా ఉన్న సన్నరకం పాతబియ్యం ఇప్పుడు ఏకంగా సెంచరీ దాటిపోవడంతో సామాన్యులు ఏం కొనాలి.. ఏం తినాలంటూ తలబాదుకుంటున్నారు. రోజు వంటలో వినియోగించే నూనెలు దగ్గర నుంచి పప్పు దినుసులు, కూరగాయలు ఇలా అన్ని రకాల వస్తువులు దేశంలో కంటే మన రాష్ట్రంలోనే అత్యధికంగా ఉన్నాయంటూ కేంద్ర గణాంకాలు ప్రతీవారం వెల్లడిస్తున్నా చంద్రబాబు సర్కారుకు చీమకుట్టినట్లు కూడా లేదు. దీంతో ఇప్పుడు స్థానిక ఎన్నికల్లో ఓట్ల కోసం వస్తున్న కూట­మి అభ్యర్థులను ఓటర్లు కాలర్‌ పట్టుకున్నంత పనిచేస్తున్నారు. సాధారణ ఎన్నికల్లో ధరలు తగ్గిస్తామని చెప్పి ఇప్పుడిలా పెరిగిపోతుంటే ఏం చేస్తున్నారంటూ ఎక్కడికక్కడ నిలదీస్తున్నారు. దీంతో వారు ఇంటింటి ప్రచారం చేయాలంటే బెంబేలెత్తిపోతున్నారు. సెంచరీ దాటేసిన బియ్యం ధరలు.. గడిచిన రెండు నెలల్లో బియ్యం ధరలు రెట్టింపు అవుతున్నా చంద్రబాబు సర్కారులో ఉలుకూ లేదు పలుకూ లేదు. కనీసం ఒక్కసారి కూడా సమీక్ష చేయలేదు. రెండు నెలల క్రితం రూ.1,450గా ఉన్న సన్నరకం పాత బియ్యం 26 కిలోల బస్తా ధర ఇప్పుడు రూ.2,538 దాటేసింది. కేజీ రూ.100 పెడితేగానీ బియ్యం దొరక్కపోతే ఏం తినాలి ఎలా బతకాలంటూ జనం గుండెలు బాదుకుంటున్నారు. కరువు పేరు చెప్పి సిండికేట్‌గా ఏర్పడిన మిల్లర్లు కృత్రిమ కొరత సృష్టిస్తూ రిటైల్‌ మార్కెట్‌లో ధరలను పెంచేస్తుంటే చంద్రబాబు సర్కారు చర్యలు తీసుకోకుండా నిమ్మకు నీరెత్తినట్లు ఉంటోంది. కృత్రిమ కొరత సృష్టిస్తున్న వ్యాపారులపై కానీ, ఇష్టారాజ్యంగా ధరలు పెంచేస్తున్న మిల్లర్లపైగానీ ఎలాంటి చర్యలు తీసుకోవడంలేదు. విజిలెన్స్‌ అండ్‌ ఎన్‌ఫోర్స్‌మెంట్‌ బృందాలు ఉన్నాయో లేదో కూడా తెలీని పరిస్థితి. రోజువారీ తనిఖీల జోలికి పోవడంలేదు. మార్కెట్‌లో బియ్యం, ఇతర నిత్యావసరాల నిల్వలను పరిశీలించడం, కృత్రిమ కొరతను అరికట్టడం, మిల్లర్ల ధరల నిర్ణయ విధానాలను పర్యవేక్షించడంలో ప్రభు­త్వం ఘోరంగా విఫలమవుతోంది. రైతుబజార్లలో ప్రత్యేక కౌంటర్ల ఏర్పాటు మొక్కుబడి తంతుగా మారింది. స్థానిక ఎమ్మెల్యేల నుంచి ముఖ్యనేత వరకు భారీగా నెలవారీ ముడుపులు అందుతుండడంవల్లే ప్రభుత్వం ధరల పెరుగుదలను అరికట్టడంలేదన్న వాదన వినిపిస్తోంది. పిల్లలకు కడుపు నిండేదెలా?.. ఇక పాలు, కోడిగుడ్లు, కందిపప్పు, చికెన్, పంచదార ఇలా అన్ని ధరలు విపరీతంగా పెరిగిపోవడంతో పిల్లలకు బలవర్థకమైన ఆహారం ఎలా పెట్టేదంటూ తల్లిదండ్రులు వాపోతున్నారు. చంద్రబాబు అధికారం చేపట్టిన తర్వాత పాలు లీటరుకు రూ.12పైనే పెరిగిందని.. అలాగే, ఐదు రూపాయలకు దొరికే కోడిగుడ్డు ఇప్పుడు రూ.8 పెట్టినా దొరకడంలేదని, చివరకు పంచదార కూడా రూ.30 నుంచి రూ.75కి పెరిగిపోయిందని వారు దుమ్మెత్తిపోస్తున్నారు. చివరకు కూరగాయల ధరలు కూడా సామాన్యులకు అందుబాటులో లేకుండాపోతున్నాయి. టమాటా, వంకాయ, బీరకాయ, కాకరకాయ ఇలా ఏ కూరగాయ ధర చూసినా బహిరంగ మార్కెట్లో మండిపోతున్నాయి. ఉల్లి సైతం కిలో రూ.70–80 వరకు పలుకుతోంది. ఇది రూ.100కు చేరే అవకాశాలు లేకపోలేదని వ్యాపారస్తులు చెబుతున్నారు.బడాబాబులకు మాత్రం కారుచౌకగా భూములు..మరోవైపు నూనెలు, పçప్పుల ధరలు కూడా చుక్కలంటుతున్నాయి. నెలవారీ ఆదాయంలో ఆహార పదార్థాలకే అధిక మొత్తం వెచ్చించాల్సి వస్తోందని సామాన్య మధ్యతరగతి ప్రజలు ఆవేదన వ్యక్తంచేస్తున్నారు. ఇలా అన్ని ధరలు దడపుట్టిస్తున్నా పట్టించుకోని చంద్రబాబు సర్కారు కార్పొరేట్‌ సంస్థలకు మాత్రం రూ.కోట్ల విలువైన భూములను గంపగుత్తగా 99 పైసలకే కట్టబెడుతోంది. కేజీ బియ్యం రూ.100 పలుకుతుంటే.. అదే కార్పొరేట్లకు చంద్రబాబు సర్కారు ఎన్ని ఎకరాలైనా 99 పైసలకే ధారాదత్తం చేయడంపై ప్రజలు శాపనార్థాలు పెడుతున్నారు.షాక్‌ కొడుతున్న సన్న బియ్యం ధరలు.. మాది వ్యవసాయ కుటు­ంబం. బియ్యం ధరలు రోజు­రోజుకూ చుక్కలనం­టు­తు­న్నాయి. సన్న బియ్యం ధరలు షాక్‌ కొడుతున్నాయి. 26 కేజీ­ల బస్తా రూ.1,900–2,500 మధ్య పలుకు­తో­ంది. ఇలా అయితే ఏం తిని బతాకాలి? ధరల నియంత్రణను ప్రభుత్వం పట్టించుకోవడంలేదు. పప్పులు, నూనె ధరలూ మండిపోతున్నాయి. కూరగాయలైతే కొనలేని పరిస్థితి. – పగిడిపల్లి వినోద్, విశదల గ్రామం, గుంటూరు జిల్లా బియ్యం ధరలు ఇలా పెరిగితే ఎలా?బియ్యం 26 కిలోల బస్తాను గత నెలలో రూ.1700కు కొన్నాం. ఈనెలలో అది 2,500 అయింది. నెలలోనే రూ.800 పెరిగితే ఎలా బతకాలో మీరే చెప్పండి. అన్ని ధరలూ పెరిగాయి. ధరలను అదుపు చేయడంలో ఈ ప్రభుత్వం పూర్తిగా విఫలమైంది. వెంటనే బియ్యం ధరలు తగ్గించాలి. లేకుంటే పేదలు బతకలేరు. – బోరుగడ్డ భాగ్యమ్మ, మేడికొండూరు, గుంటూరు జిల్లాసామాన్యుడు బతకలేని పరిస్థితి.. రెండేళ్లలో అన్ని రకాల నిత్యావసర వస్తువుల రేట్లు రెట్టింపయ్యాయి. పావు బస్తా బియ్యం రూ.2,500, పప్పులు రూ.150–200 పెట్టందే దొరకడంలేదు. గతంలో వంద రూపాయలిస్తే పండ్లు వచ్చేవి. ఇప్పుడు అన్నీ కేజీలు లెక్కనే అమ్ముతున్నారు. కూలినాలీ చేసుకునే వారే కాదు.. సామాన్యులు కూడా బతకలేని పరిస్థితులున్నాయి. పాలకులకు ఇవేమీ పట్టడంలేదు. – బగాది పద్మ, మధురవాడ, విశాఖ

సాక్షి, అమరావతి: నామినేషన్‌ వేయనీయకుండా అడ్డుకోవడం ఒక దౌర్జన్యం.. నానా అవరోధాలను దాటుకుని నామినేషన్‌ సమర్పిస్తే, ఆ పత్రాలనే మాయం చేసి తిరస్కరించడం మరో దారుణం! అన్ని డాక్యుమెంట్లను స్వీకరించి, పరిశీలించి, సంతకాలు చేసి ఇచ్చిన తర్వాత అవే పత్రాలు లేవంటూ నామినేషన్‌ను తిరస్కరిస్తే దాన్ని ఏమనాలి? ఇది ఎన్నికల ప్రక్రియనా? అధికార దుర్వినియోగమా? లేక ప్రజాస్వామ్యాన్ని అపహాస్యం చేయడమా? ఆంధ్రప్రదేశ్‌లో స్థానిక ఎన్నికలను చంద్రబాబు సర్కార్‌ ఏ స్థాయికి దిగజార్చిందో తెలుసుకోవడానికి ఇదో ప్రబల నిదర్శనం.చంద్రబాబు డైరెక్షన్‌లో ప్రతిపక్ష అభ్యర్థులు నామినేషన్లు వేయనీయకుండా అడ్డుకోవడం నుంచి, నామినేషన్లు సమర్పించిన తర్వాత పత్రాలు లేవంటూ తిరస్కరించడం వరకు సాగుతున్న పరిణామాలు ఇందుకు ఉదాహరణ. తమ వద్ద అన్ని పత్రాలు సమర్పించినట్లు ఆధారాలు ఉన్నాయని అభ్యర్థులు చెబుతున్నా, నామినేషన్లు తిరస్కరణకు గురైతే వారికి న్యాయం చేసేదెవరు? రిటర్నింగ్‌ అధికారుల నిర్ణయాలపై అప్పీళ్లు చేసినా పరిష్కారం లభించకపోతే ప్రజాస్వామ్య ప్రక్రియపై ప్రజలకు విశ్వాసం ఎలా నిలుస్తుంది? మీరే పత్రాలు తీసేసి.. తిరస్కరించడం న్యాయమా? స్థానిక ఎన్నికల్లో ప్రతిపక్ష అభ్యర్థులు నామినేషన్లు వేయనీయకుండా ఎల్లో మూకలు, గంజాయి ముఠాలు, పోలీసులు కలిసి కాలకేయుల్లా అడ్డుకున్నారు. వారందరినీ దాటుకుని ఈ అరాచకాన్ని ఎదిరించి ఎలాగోలా నామినేషన్‌ సెంటర్లకు వచ్చి రిటర్నింగ్‌ అధికారికి నామినేషన్లను అందించారు. నామినేషన్‌ పేపర్లకు సంబంధించి అన్ని డాక్యుమెంట్లు సరిగ్గా ఉన్నాయని చెక్‌చేసి ధృవీకరించి అధికారికంగా రిటర్నింగ్‌ అధికారి సంతకం చేసి మరీ ఇచ్చారు. అంటే దానర్థం ఏమిటి? నామినేషన్‌ సరిగా ఉందనే కదా? కానీ అభ్యర్థులు వెళ్లిపోయిన తర్వాత కాలకేయులు, పచ్చమూకలు మళ్లీ రంగంలోకి వచ్చాయి. వాళ్లు సూచించిన నామినేషన్లలో కొన్ని పేపర్లను తీసేశారు. కొన్ని డాక్యుమెంట్లు మాయం చేసేశారు. చివరకు అవి లేవంటూ ఆ నామినేషన్లను తిరస్కరించారు. ఇది ‘సర్‌’ కన్నా ఘోరం. ఇంతకన్నా దుర్మార్గం ఉంటుందా? ఇంతకన్నా ఘోరం ఉంటుందా? ఇది ‘సర్‌’ కన్నా దారుణం. మాటలలో వర్ణించలేని ద్రోహం. సర్‌ ప్రక్రియ వల్ల ఒక ఓటు పోతుందంటే ఎంతో ఘోరం అని మనం అంటున్నాం. అలాంటిది ఒక ఎంపీటీసీ లేదా జడ్‌పీటీసీ లేదంటే ఒక వార్డు కౌన్సిలర్‌ అయినా ఏవో దుర్మార్గమైన, దొంగ కారణాలు చెప్పి నామినేషన్‌ లేదంటే ఎంత ఘోరం? ఎన్ని వేలమందికి చేసిన అన్యాయమది? ఒక ఎంపీటీసీ నామినేషన్‌ తీసేయడమంటే మొత్తం మండలంలోని ఓటర్లందరినీ తీసేసినట్టే. ఎందుకంటే పోటీలేదంటే ఇక ప్రజాభిప్రాయానికిచోటు లేనట్లే కదా.. ఆర్డీవోల వద్దా అదే అన్యాయం తాము ఎంచుకున్న నామినేషన్లను తీసేయడానికి రిటర్నింగ్‌ అధికారులను పచ్చమూకలు పచ్చిగా వాడుకున్నాయి. నామినేషన్‌ వేసేటపుడే అన్నీ ఇచ్చామని, తాము అన్నీ ఇచ్చినట్లు ఆర్‌వోలు ఇచ్చిన లేఖలు ఇవిగో అంటూ ఆర్డీవోల వద్దకు అభ్యర్థులు అప్పీలుకు వెళితే అక్కడా ఇదే రకమైన అన్యాయం. అధికారాన్ని అడ్డుపెట్టుకుని ఆర్‌వోలను వాడుకుని ఇలా నామినేషన్లను తిరస్కరించడం అత్యంత దుర్మార్గమని ప్రజాస్వామికవాదులంతా ముక్తకంఠంతో ఖండిస్తున్నారు.ఇంత పతనం.. సమాజానికే ప్రమాదం..ఉన్నత చదువులు చదివిన అధికారులు.. ఉన్నతంగా బ్రతకాలి.. మనస్సాక్షిని, నైతిక విలువలను వదిలిపెట్టి దిగజారకూడదు. కిరాయి గూండాలు, రౌడీలు వైఎస్సార్‌సీపీ అభ్యర్థుల నామినేషన్‌ పత్రాలను బయట చించివేస్తే.. మీరు అభ్యర్థుల నామినేషన్‌ పత్రాలను అధికారికంగా మీ ఆఫీసులో చించేశారు.. మీకు వాళ్లకు తేడా ఏముంది. భవిష్యత్తులో మీ మీద మీరే నమ్మకం కోల్పోయే స్థితి వస్తుంది. ఒక ఉన్నతాధికారి ఇంత నైతికంగా పతనమై ఉద్యోగం చేయడం సమాజానికే ప్రమాదం. ఈ రోజు ఎందరో రాజకీయ భవిష్యత్తును దెబ్బకొట్టిన మీరు కూడా భవిష్యత్తులో పశ్చాత్తాపం పడే రోజు తప్పక వస్తుంది. ఈ రోజు తప్పు చేసిన మీ అందరిపై మా శక్తి మేరకు న్యాయ పోరాటం కొనసాగుతుంది. – చెవిరెడ్డి భాస్కరరెడ్డి, వైఎస్సార్‌సీపీ రాష్ట్ర ప్రధాన కార్యదర్శి