TDP

సాక్షి, కర్నూలు: పారిశ్రామిక స్థాపన పేరుతో చంద్రబాబు కామెడీ షోను నిర్వహించారని వైఎస్సార్‌సీపీ రాష్ట్ర అధికార ప్రతినిధి బివై రామయ్య మండిపడ్డారు. విశాఖ వేదికగా చంద్రబాబు సోషల్ మీడియా ఇన్‌ఫ్లుయెన్సర్లతో పబ్లిసిటీ చేసుకున్నారు. చంద్రబాబు, లోకేష్ విశాఖపట్నం పరిశ్రమ సదస్సు పేరుతో అన్ని అబద్ధాలు ఆడారు’’ అంటూ రామయ్య దుయ్యబట్టారు.‘‘సదస్సుల పేరుతో ప్రజాధనాన్ని దుర్వినియోగం చేస్తున్నారు. ఎన్ని ఉద్యోగాలు వచ్చాయో చెప్పడం లేదు. సీని నటుడు రామ్ చరణ్ భార్య ఉపాసన, రాణాతో చిట్ చాట్ తప్ప పరిశ్రమలు తీసుకొని రాలేదు. ప్రజల ఇచ్చిన హామీలను అమలు చేయడం లేదు. రైతులను పట్టించుకోవడం లేదు. లేజర్ ద్వారా ఇంటి ఇంటికి విద్యుత్ అందిస్తామని చెబుతున్న చంద్రబాబు.. రైతులకు ఉచిత విద్యుత్ ఇవ్వడం లేదు...పారిశ్రామిక స్థూపం పేరుతో చంద్రబాబు డైవర్షన్ పాలిటిక్స్ చేస్తున్నారు. పరిశ్రమల ఒప్పందం కార్యక్రమంలో రాష్ట్ర మంత్రి టీజీ భరత్ కనిపించలేదు. అన్ని శాఖలను నారా లోకేష్ నడిపిస్తున్నారు. రాష్ట్ర స్థానిక సంస్థల ఎన్నికల్లో కూటమి ప్రభుత్వం దౌర్జన్యం, దాడులతో కొనసాగాయి. ఇష్టారాజ్యంగా పోలీసులు, ఎలక్షన్ కమిషన్‌ను ఎలా వాడుకున్నారో ప్రజలకు తెలుసు’’ అని బీవై రామయ్య పేర్కొన్నారు.ఇదీ చదవండి: పులివెందుల రిజర్వేషన్‌లో ట్విస్ట్‌.. ఈసీ ఇదేం లెక్క?

సాక్షి,కృష్ణా: జిల్లాలో కూటమి నేతల అసల రంగులు బయటపడుతున్నాయి. గుడివాడ నియోజకవర్గం గుడ్లవల్లేరు మండలం కూరాడ గ్రామంలో జనసేన పార్టీ గుర్తుతో ఎంపీటీసీగా కళ్యాణపు నవాబ్ గెలిచాడు. అయితే పంచాయతీ ఎన్నికల్లో తన భార్యను టీడీపీ సర్పంచ్‌ అభ్యర్ధిగా పోటీకి దించే ప్రయత్నం చేస్తున్నాడు. దీంతో కూరాడ గ్రామ జనసేన కార్యకర్తలు కళ్యాణపు నవాబ్‌ను నిలదీశారు. జనసేన సింబల్‌ మీద ఉన్నావా?.. సైకిల్‌ సింబల్‌ మీద ఉన్నావా? అని ఆగ్రహం వ్యక్తం చేశారు. దీంతో కల్యాణ్‌ నవాబ్‌ టీడీపీ పార్టీకే కట్టుబడి ఉన్నానని చెప్పడంతో జనసేన కార్యకర్తలు మండిపడ్డారు. నిన్ను ఎంపీటీసీగా గెలిపించుకున్నందుకు మమ్మల్ని మేం చెప్పుతో కొట్టుకోవాలి అంటూ ఎంపీటీసీ ముందే చెప్పుతో కొట్టుకున్నారు.ఎన్నికల ముందు టీడీపీ నుంచి జనసేనలో చేరారు కళ్యాణపు నవాబ్‌. అతడికి ఎంపీటీసీ టికెట్‌ ఇవ్వడం కోసం పార్టీ కోసం కష్టపడిన వారిని పక్కన పెట్టి మరీ అతన్ని గెలిపిస్తే ఇప్పుడు టీడీపీ గుర్తుతో గెలిచానని చెప్పడంతో జనసేన కార్యకర్తలు ఇలాంటి వారి వల్లే తమకు అన్యాయం జరుగుతుందని ఆవేదన వ్యక్తం చేస్తున్నారు జనసేన కార్యకర్తలు ఇదీ చదవండి : ఈ దారుణానికి కారణం మీరూ, మీ సుపుత్రుడే

తాడేపల్లి: చంద్రబాబు నాయుడి సొంత జిల్లాలోనే విద్యార్థులు రోడ్డెక్కారని ఎమ్మెల్సీ కల్పలతారెడ్డి ధ్వజమెత్తారు. శుక్రవారం ఆమె తాడేపల్లిలో మీడియా సమావేశంలో మాట్లాడుతూ.. విద్యార్థుల భవిష్యత్తు కూటమి ప్రభుత్వానికి ముఖ్యం కాదా? అని అన్నారు. పేద విద్యార్థులు ఉన్నత చదువులు చదవాలని వైఎస్సార్‌సీపీ అధినేత, మాజీ ముఖ్యమంత్రి వైఎ‍స్‌ జగన్‌మోహన్‌రెడ్డి కలలు కన్నారని చెప్పారు. వైఎస్సార్‌సీపీ ప్రభుత్వ హయాంలో వసతి దీవెన, విద్యాదీవెన పెండింగే లేదని తెలిపారు. విద్యార్థుల సమస్యల గురించి మంత్రి లోకేశ్‌కు తెలియదా అని కల్పలతారెడ్డి ప్రశ్నించారు.‘‘విద్యార్థులను కూడా చంద్రబాబు వెన్నుపోటు పొడిచారు. ఫీజు రియంబర్స్‌మెంట్ బకాయిలు ఇవ్వకుండా వేధిస్తున్నారు. చిన్న వర్షానికే నీట మునిగే అమరావతికి వేల కోట్ల రూపాయలు ఖర్చు చేస్తున్నారు. కానీ, విద్యార్థులకు మాత్రం ఫీజు రియింబర్స్‌మెంట్ చెల్లించటం లేదు. అమరావతి అద్దాల విలువ కూడా విద్యార్థులకు లేదా? వైఎస్ జగన్ హయాంలో సమయం ప్రకారం రియింబర్స్‌మెంట్ ఇచ్చారు. కానీ, చంద్రబాబు వచ్చాకే ఫీజు రియింబర్స్‌మెంట్ ఎగ్గొట్టారు. పేద కుటుంబంలంటే చంద్రబాబుకు ఎందుకంత చిన్నచూపు? మంత్రి నారా లోకేశ్‌కు విద్యార్థుల సమస్యలు పట్టవా? స్టూడెంట్స్ కు ఆత్మహత్య చేసుకోవాలన్న ఆలోచన రావటం ఆందోళన కలిగిస్తోంది. చంద్రబాబు ఫీజులు చెల్లిస్తే ఈ సమస్య వచ్చేదే కాదు. విద్యార్థులను వేధిస్తున్న కాలేజీలపై చర్యలు తీసుకోవాలి. ఫీజు రియింబర్స్‌మెంట్, విద్యా దీవెన నిధులను వెంటనే రిలీజ్ చెయాలి. ఎప్పటిలోగా చెల్లిస్తారో ప్రభుత్వం ప్రకటించాలి. వైఎస్ జగన్ విద్యార్థులకు బంగారు బాట వేస్తే, చంద్రబాబు వారి భవిష్యత్తును నాశనం చేశారు’’ అని తెలిపారు. ఇదీ చదవండి: లాహోర్‌ను దాటేసి అగ్రస్థానంలో నిలిచిన ఢిల్లీ

ఆంధ్రప్రదేశ్ ప్రభుత్వం విశాఖపట్నం భాగస్వామ్య సదస్సు సందర్భంగా ఇచ్చిన ప్రచార ప్రకటనను గమనించారా? అందులో కొన్ని పరిశ్రమల ఫోటోలు ప్రచురించారు. వాటిలో మొదటిది గ్రీన్ కో కంపెనీది కావడం విశేషం. ఈ సంస్థకు శ్రీకారం చుట్టింది గత ముఖ్యమంత్రి వైఎస్ జగన్‌మోహన్‌ రెడ్డి.ముఖ్యమంత్రి చంద్రబాబు నాయుడు, ఉప ముఖ్యమంత్రి పవన్ కళ్యాణ్, మంత్రి నారా లోకేష్‌లు నిత్యం గత వైఎస్సార్‌సీపీ ప్రభుత్వంపై ఏవేవో ఆరోపణలు చేస్తుంటారు. అప్పట్లో పరిశ్రమలను తరిమేశారని అసత్యాలు చెబుతుంటారు. కాని వారి ప్రస్తుత ప్రచార ప్రకటనలో వైఎస్‌ జగన్ తీసుకువచ్చిన వేల కోట్ల పెట్టుబడి కలిగిన గ్రీన్ కో సంస్థకే అగ్ర తాంబూళం ఇవ్వక తప్పలేదు. నిజానికి అప్పట్లో ఈ గ్రీన్ కో కంపెనీకి వ్యతిరేకంగా టీడీపీకి మద్దతు ఇచ్చే ఈనాడు వంటి మీడియా పలు వ్యతిరేక కథ‌నాలు ప్రచారం చేసింది. అయినా జగన్ వాటిని పట్టించుకోకుండా ముందుకు తీసుకువెళ్లారు. 2022 మే 17 వ తేదీన జగన్ ఉమ్మడి కర్నూలు జిల్లా పిన్నాపురం వద్ద ఈ రెన్యుబుల్ ఎనర్జీ ప్రాజెక్టుకు శంకుస్థాపన చేశారు. మూడేళ్లలో ఈ ప్రాజెక్టు ఒక దశకు చేరుకోవాలని ఆకాంక్షించారు. తదనుగుణంగా జగన్ ప్రభుత్వం వారికి సహకరించింది. 4766 ఎకరాల భూమిని జగన్ ప్రభుత్వం కేటాయించగా, 2800 ఎకరాలలో ప్రాజెక్టు నిర్మాణం చేపట్టారు. సుమారు 15 వేల కోట్ల పెట్టుబడిని ప్రతిపాదించిన ఈ ప్రాజెక్టు రెన్యుబుల్ ఎనర్జీ రంగంలో దేశంలోనే అత్యంత భారీ పరిశ్రమగా చెబుతున్నారు.హైడల్, సోలార్, విండ్ పవర్ ప్రాజెక్టులు ఇందులో ఉంటాయి. ఈ ప్రాజెక్టుకు నీటి కేటాయింపులపై కూడా అప్పట్లో ఎల్లో మీడియాకు చెందిన కొందరు విమర్శలు చేశారు. ప్రస్తుతం ఏపీ ప్రభుత్వానికి అది ప్రధాన ప్రాజెక్టుగా మారింది. తద్వారా జగన్ పరిశ్రమలకు ఇచ్చిన ప్రాధాన్యత అర్ధం చేసుకోవచ్చు.వైఎస్సార్‌సీపీ ప్రభుత్వం డ్రగ్ పార్క్‌ను కేంద్రం నుంచి తీసుకువస్తే... మాజీ మంత్రి, టీడీపీ సీనియర్ నేత యనమల రామకృష్ణుడు అప్పట్లో దానిని వ్యతిరేకిస్తూ కేంద్రానికి లేఖ రాశారు. ఈ మధ్య‌కాలంలో జమ్మలమడుగు, శ్రీకాకుళం వంటి కొన్నిచోట్ల పారిశ్రామికవేత్తలకు కూటమి ఎమ్మెల్యేల నుంచి, నేతల నుంచి బెదిరింపు వార్తలు వచ్చాయి. ముడుపుల కోసం వారిని ఇబ్బంది పెట్టిన ఆరోపణలు వచ్చాయి. జగన్ టైమ్‌లో అలాంటివి పెద్దగా లేకపోయినా, ఏదో తప్పు జరిగిపోతుందన్నట్లుగా అబద్దాలు ప్రచారం చేసేవారు. ఇదే అడ్వర్టైజ్ మెంట్‌లో ఇచ్చిన రెండో ఫోటో గోద్రేజ్ అగ్రోవెట్ సంస్థది.ఈ కంపెనీ ప్రస్తుతం కొత్త యూనిట్‌లను ఏర్పాటు చేయడం కాకుండా, ఉన్న ప్లాంట్ల విస్తరణను 70 కోట్లతో చేపడుతోంది. ఈ సంస్థ ఏలూరు జిల్లా చింతలపూడి మండలం సీతానగరం వద్ద ఎడిబిల్ ఆయిల్ రిఫైనరీని వంద కోట్లతో ఏర్పాటు చేసింది. అది ప్రారంభమైంది కూడా గత ప్రభుత్వ హయాంలోనే అని చెప్పాలి.జగన్ ప్రభుత్వం టైమ్‌లో 2023 జూన్ 22న ఈ సంస్థ అక్కడ కార్యకలాపాలను ఆరంభించింది. ఆ కంపెనీ హనుమాన్ జంక్షన్ సమీపంలోని కానుమోలు వద్ద ఎప్పటి నుంచో పశువుల మేత తయారీ ప్లాంట్‌ను నడుపుతోంది. ఆస్ట్రో బేస్ అనే కంపెనీ తొట్టంబేడు వద్ద స్పేస్ ఇందనానికి సంబంధించిన యూనిట్‌ను ఏర్పాటు చేస్తోంది. ఇప్పటికే బెంగుళూరులో ఈ సంస్థ పనిచేస్తోంది. శ్రీకాళహస్తి సమీపంలో ఉన్న ఈ యూనిట్ 22 ఎకరాలలో ఏర్పాటవుతోంది. ఉద్యోగావకాశాలు ప్రస్తుతానికైతే వందలోపే అన్నట్లుగా గూగుల్‌లో సమాచారం వస్తోంది. ఆదిత్య బిర్లా హిండాల్కో ప్రాజెక్టును తమ ప్రచారంలో వాడుకున్నారు. 2021 -2022 లో అప్పటికే కుప్పం వద్ద ఉన్న అల్యూమినియం ప్లాంట్‌ను ఈ సంస్థ తీసుకుంది. ప్రస్తుతం 586 కోట్లతో విస్తరించాలని ప్రతిపాదించారు.జగన్ ప్రభుత్వం ఉన్నప్పుడు ఆదిత్య బిర్లా పులివెందుల, రాజమండ్రి సమీపంలోను కొన్ని పరిశ్రమలు స్థాపించిన సంగతి తెలిసిందే. ఎల్‌జీ సంస్థ శ్రీ సిటీలో తన ప్లాంట్లను ఏర్పాటు చేయాలని సంకల్పించింది. శ్రీసిటీ గతంలో వైఎస్ రాజశేఖరరెడ్డి హయాంలో ఏర్పడిన సంగతి విదితమే. విశాఖలో ఎల్‌జీ పాలిమర్స్ సంస్థ నుంచి వెలువడిన కాలుష్యంతో 13 మంది మరణించిన తర్వాత అప్పట్లో ఆ సంస్థపై టీడీపీతో సహా ఆయా పార్టీలు తీవ్ర విమర్శలు చేశాయి. ఆ కంపెనీకి చెందినవారు అరెస్టు కూడా అయ్యారు. విశాఖ యూనిట్‌ను మూసివేశారు. తదుపరి జగన్ టైమ్‌లో ఆ కంపెనీని శ్రీ సిటీలో ఏర్పాటుకు చర్యలు తీసుకోవడం జరిగింది.ఇదీ చ‌ద‌వండి: ట్రంప్‌కు.. చంద్రబాబు పాఠాలు!తిరుపతి జిల్లా నాయుడుపేట ప్రీమియర్ ఎనర్జీస్ సంస్థకు కూటమి ప్రభుత్వ హయాంలోనే శంకుస్థాపన జరిగింది. ఈ ప్రాజెక్టుకు సుమారు ఆరువేల కోట్ల పెట్టుబడి పెడుతున్నారు. ఏది ఏమైనా ప్రభుత్వాలు అన్నవి ఒక నిరంతర ప్రక్రియ. గత ప్రభుత్వాలకు సంబంధించి లోటుపాట్లు ఉంటే చెప్పవచ్చు. సరిచేయవచ్చు. అలాకాకుండా విధ్వంసం అని, తరిమేశారు అని పచ్చి అబద్దాలు ప్రచారం చేయడం దుర్మార్గం. దానివల్ల పారిశ్రామిక వాతావరణం దెబ్బతింటుంది. దానికి తోడు ఏపీలో కూటమి ప్రభుత్వం వచ్చిన తర్వాత, అలాగే ఇటీవలి స్థానిక సంస్థల ఎన్నికలలో జరిగిన హింసాకాండ దేశవ్యాప్తంగా చంద్రబాబు సర్కార్ ప్రతిష్టను బాగా దెబ్బతీసింది.సహజంగానే పారిశ్రామికవేత్తలపై ఈ ప్రభావం పడుతుంది. ఈనాడు, ఆంధ్రజ్యోతి తదితర ఎల్లో మీడియా విశాఖ సదస్సు గురించి శరభ, శరభ అని, పెట్టుబడుల పండగ అని, జాతర అని చిందులు తొక్కుతోంది. గత సదస్సుల ద్వారాకాని, ఇతరత్రాకాని 23 నెలల్లో 23 లక్షల కోట్ల పెట్టుబడులు వచ్చాయని ఊదరగొడుతుంటారు. కేవలం నిరుద్యోగ భృతి హామీని కప్పిపుచ్చడానికి ఇలాంటి ప్రచారం చేస్తున్నారని నిరుద్యోగులు అర్థం చేసుకుంటున్నారు. నిజంగా లక్షల ఉద్యోగాలు వచ్చి ఉంటే ఆ కంపెనీల పేర్లు, అందులో ఉద్యోగాలు పొందిన వారి వివరాలు తెలియచేయాలని మాజీ మంత్రి పేర్ని నాని సవాల్ చేశారు.ఇదీ చ‌ద‌వండి: అది సరే బాబూ.. ఓట్ల మిస్టరీపై ఎందుకు మాట్లాడరు?తాజాగా మరో పది లక్షల కోట్ల పెట్టుబడులు వస్తాయని, లక్షల్లో ఉద్యోగాలు వస్తాయని ప్రచారం చేస్తూ ప్రజలను మభ్యపెట్టాలని చూడడంతో ప్రయోజనం ఉండదు. వాస్తవాలకు అనుగుణంగా పెట్టుబడుల గురించి చెబితే మంచిది.కాగా విశాఖ సదస్సులో పాత పెట్టుబడులతోనే ప్రభుత్వం మళ్లీ మళ్లీ ఎంఓయులు చేసుకుంటోందన్న విమర్శలు వస్తున్నాయి. కారణం ఏమో కాని హోం మంత్రి అమిత్ షా వస్తారనుకుంటే ఆయన రావడం లేదు. ఏది ఏమైనా రియాల్టి షోగా ఈ భాగస్వామ్య సదస్సు మారకుండా రియలిస్టిక్ సదస్సుగా ఉండాలని ఆకాంక్షించడం తప్పు కాదు.- కొమ్మినేని శ్రీనివాసరావు, సీనియర్‌ జర్నలిస్ట్‌, రాజకీయ వ్యవహారాల వ్యాఖ్యాత.

సాక్షి ప్రతినిధి, విజయవాడ: పరిషత్‌ ఎన్నికల్లో జనసేన అభ్యర్థుల ఓటమితో ఆ పార్టీ నేతలు, కార్యకర్తలు రగిలిపోతున్నారు. ఎన్టీఆర్ జిల్లాలో ఇచ్చిన రెండు సీట్లలోనూ ఓటమి పాలుకావడం, దానికి టీడీపీ నేతల తీరే కారణం కావడంతో వారు ఆగ్రహంగా ఉన్నారు. పొత్తు ధర్మాన్ని పక్కన పెట్టి జనసేన, బీజేపీ అభ్యర్థులు పోటీ చేసిన చోట్ల వారిని ఓడించడంలో టీడీపీ స్థానిక నేతలు కీలకంగా పనిచేశారన్న అనుమానాలు ఆ రెండు పార్టీల్లో వ్యక్తమవుతున్నాయి. ఒకసారి మిత్రపక్షాలు గెలిస్తే భవిష్యత్‌లో ఆ సీట్లు తమకు దక్కకుండా పోతాయన్న దుగ్ధతో ఈ పని చేశారని జనసేన కార్యకర్తలు భావిస్తున్నారు. తమకు తక్కువ స్థానాలు కేటాయించినా ఆ అసంతృప్తిని బయట పెట్టకుండా కూటమి గెలుపు కోసం పనిచేస్తే, టీడీపీ మాత్రం తమ ఓటమిలో పెద్దన్న పాత్ర వహించిందన్న భావన వారిలో వ్యక్తం అవుతోంది. కావాలనే ఓడించారని.. ఎన్టీఆర్ జిల్లాలో రెండు జెడ్పీటీసీ స్థానాలను కేటాయించగా రెండింటిలో జనసేన ఓటమి చవి చూసింది. కృష్ణా జిల్లాలో మొవ్వ స్థానం జనసేనకు కేటాయించగా అక్కడ టీడీపీ నేత రెబల్‌గా పోటీ చేసి గెలుపొందాడు. దీంతో జనసేనకు ఇచ్చిన సీట్లను టీడీపీ నేతలే కావాలని ఓడించారన్న భావనలో జనసేన ఉంది. పామర్రు నియోజకవర్గంలో ఐదు జెడ్పీటీసీలు, ఐదు ఎంపీపీలు ఉండగా మొవ్వ ఒక్కటే జనసేనకు కేటాయించారు. అక్కడ కూడా టీడీపీ రెబల్‌గా నన్నపనేని వీరేంద్ర పోటీలో నిలుచున్నారు. టీడీపీ నేతలు కావాలని జనసేనకు వెన్నుపోటు పొడిచి తమ పార్టీ అభ్యర్థిని గెలిపించారన్న భావనలో వారు ఉన్నారు. టీడీపీ రెబల్‌ 6,668 ఓట్ల భారీ మెజారీ్టతో గెలిచారు. బీజేపీలోనూ ఇదే అసంతృప్తి బీజేపీ అభ్యర్థి బరిలోకి దిగిన గన్నవరం కూడా ఓడిపోవడంతో స్థానిక ఎమ్మెల్యేపై అనుమానాలను ఆ పార్టీ నేతలు వ్యక్తం చేస్తున్నారు. విజయవాడ పశ్చిమలో ఇద్దరు బీజేపీ అభ్యర్థులు ఓటమి చవిచూశారు. 53, 58 డివిజన్లలో బీజేపీ కార్పొరేటర్‌ అభ్యర్థులు భారీ తేడాతో ఓటమి చవిచూశారు. ఈ పరిణామాలు కూటమి స్థానిక సమన్వయంపై ప్రశ్నలు లేవనెత్తింది. పొత్తులో భాగంగా ఒక పార్టీకి కేటాయించిన స్థానంలో, మరో పార్టీకి చెందిన రెబల్‌ అభ్యర్థులు పోటీ చేయడం, పోటీ లేనిచోట కూడా సహకరించకుండా ఓడించడంతో చర్చ జరుగుతోంది. స్థానిక సంస్థల ఎన్నికల్లో తమకు అవకాశం ఉన్న చోట్ల తాము కూడా సహాయ నిరాకరణ చేస్తామంటూ జనసేన నేతలు నేరుగా టీడీపీ ఎమ్మెల్యేల వద్ద స్పష్టం చేస్తుండటంతో వారు నష్ట నివారణ కోసం ప్రయత్నాలు మొదలుపెట్టారు. టీడీపీ వెన్నుపోటు ఇప్పుడు పమిడిముక్కల ఎంపీపీ కోసం జనసేన పట్టుపడుతోంది. ఆ సీటు అయినా ఇస్తారా లేదా అన్న అనుమానాలను జనసేన కార్యకర్తలు వ్యక్తం చేస్తున్నారు. పొత్తులో తక్కువ సీట్లు ఇవ్వడమే కాకుండా ఇచ్చిన చోట్ల కూడా వెన్నుపోటు పొడవడాన్ని వారు జీరి్ణంచుకోలేకపోతున్నారు. జగ్గయ్యపేట జెడ్పీటీసీ కేటాయించినా అక్కడ కూడా టీడీపీ నేతలు సహకరించలేదని సమాచారం. జనసేనలో కీలకంగా ఉన్న ఉదయభాను సొంత మండలంలో జనసేన అభ్యర్థికి సహాయ నిరాకరణ చేశారని ఆ పార్టీ నేతలు భావిస్తున్నారు. మరోవైపు నందిగామ నియోజకవర్గంలో కూడా వీరులపాడు జెడ్పీటీసీలో జనసేనకు ఓటమి ఎదురైంది. పలు ఎంపీటీసీ స్థానాల్లో కూడా స్థానిక టీడీపీ నేతల సహాయ నిరాకరణ కారణంగా ఓటమి ఎదురవ్వడంతో అసంతృప్తిగా ఉన్నారు. విజయవాడలో 26వ డివిజన్‌లో కూడా జనసేన అభ్యర్థి ఓటమి పాలయ్యారు. ఇదీ చదవండి: ముక్కా శ్రావణిని డమ్మీ చేసే వ్యూహం?

విజయనగరం జిల్లా: టీడీపీ వ్యవస్థాపకుడు ఎన్‌టీఆర్‌తో నేను సమకాలీనుడిని. ఆయన నేను కలిసి ఒకే టేబుల్‌పై భోజనం కూడా చేసేవారం. టీడీపీ ఆవిర్భావంలో ఎన్నో సంక్షేమ పథకాల రూపకల్పనలో నా భాగస్వామ్యం కూడా ఉంది. ప్రస్తుత నాలుగోసారి ముఖ్యమంత్రిగా ఉన్న చంద్రబాబు కూడా నాకంటే పార్టీలో జూనియర్‌ అంటూ ఎన్నో సమావేశాల్లో చెబుతున్న మాజీ మంత్రి, సీనియర్‌ నాయకుడు, స్థానిక ఎమ్మెల్యే కిమిడి కళా వెంకటరావు మాట చెల్లడం లేదా? ఆయన నిర్ణయాలకు సొంత పార్టీ నేతల నుంచే గౌరవం లభించడం లేదా? అంటే అవుననే సమాధానం వినిపిస్తోంది. పార్టీ అధికారంలో ఉండి సిటింగ్‌ ఎమ్మెల్యేగా ఉంటూ నిన్నగాక మొన్న జరిగిన జెడ్పీటీసీ ఎన్నికల్లో స్వయాన కోడలి ఓటమిని తట్టుకోలేక మధనపడుతున్న తరుణంలో నియోజవకర్గంలోని మెరకముడిదాం మండలం టీడీపీ నేతలు తిరుగుబావుటా ఎగురవేయడంతో కళావెంకటరావు వైభవం చీపురుపల్లి నియోజక వర్గంలో మసకబారుతోంది. ఎంపీపీ విషయంలో ఎమ్మెల్యే కళా వెంకటరావు నిర్ణయాన్ని వ్యతిరేకిస్తూ సాక్షాత్తు ఆ పార్టీ మెరకముడిదాం మండల అధ్యక్షుడు, తాజా జెడ్పీటీసీ భర్త, సీనియర్‌ నాయకుడు తాడ్డి సన్యాశినాయుడు(సన్ని) పొరుగు రాష్ట్రంలో ప్రత్యేక ‘క్యాంప్‌’ ఫైర్‌ రగిలించారు. దీంతో ఈ టాపిక్‌ జిల్లా వ్యాప్తంగా హాట్‌హాట్‌గా మారి చర్చనీయాంశమవుతోంది.9 మంది ఎంపీటీసీలతో క్యాంప్‌..మెరకముడిదాం మండలానికి చెందిన పార్టీ అధ్యక్షుడు, సీనియర్‌ నాయకుడు తాడ్డి సన్యాశినాయుడు అదే పార్టీకి చెందిన 9 మంది ఎంపీటీసీలతో, ఎమ్మెల్యే ‘కళా వెంకటరావుకు తెలియకుండా పొరుగు రాష్ట్రంలో ప్రత్యేక క్యాంప్‌ పెట్టిన విషయం గురువారం ఉదయానికి గుప్పుమంది. బుధవారం రాత్రి 9 మంది ఎంపీటీసీలను తీసుకుని సోమలింగాపురం ఎంపీటీసీ నానితో కలిసి పొరుగు రాష్ట్రానికి వెళ్లినట్లు తెలిసింది. మెరకముడిదాం మండలంలో 16 ఎంపీటీసీ స్థానాలు ఉండగా అందులో కూటమి అభ్యర్థులు 14 ఎంపీటీసీ స్థానాలు గెలుపొందగా వారిలో 9 మంది ఎంపీటీసీలను తీసుకుని ప్రత్యేక క్యాంప్‌కు వెళ్లడం సర్వత్రా చర్చనీయాంశమైంది. అయితే ఈ రహస్య క్యాంప్‌ బెంగళూరులో నడుస్తోందని కొంతమంది చెబుతుండగా ఒడిశాలో ఉందని మరికొంత మంది చర్చించుకుంటున్నారు. ఎమ్మెల్యే నిర్ణయానికి వ్యతిరేకంగా..మెరకముడిదాం మండల ఎంపీపీగా కోట్ల మోతీలాల్‌నాయుడు పేరును ఎమ్మెల్యే కళా వెంకటరావు ఎన్నికల ముందే ప్రకటించారు. మోతీలాల్‌నాయుడు 2024 అసెంబ్లీ ఎన్నికల్లో టీడీపీలో చేరారు. గత రెండున్నరేళ్లుగా టీడీపీలోనే కొనసాగుతున్నారు. అయితే టీడీపీ మండల పార్టీ అధ్యక్షుడిగా, మాజీ ఎంపీపీగా, సీనియర్‌ నాయకుడిగా టీడీపీ అనగానే మెరకముడిదాం మండలంలో గుర్తచ్చేది తాడ్డి సన్యాశినాయుడి పేరు. అలాంటి సన్యాశినాయుడు ఎంపీపీ పదవిని తనకివ్వాలని ఎమ్మెల్యేను కోరినప్పటికీ కుదరదని జెడ్పీటీసీగా పోటీకి దిగాలని ఎన్నికల ముందు స్పష్టం చేసినట్లు తెలిసింది. ఎంపీపీ ఇవ్వకుండా అవమానిస్తున్నారంటూ జెడ్పీటీసీ పోటీకి వెళ్లేందుకు ఇష్టం లేని సన్యాశినాయుడు కొద్ది రోజులు తాత్సారం చేశారు. ఇంతలో ఎమ్మెల్యే కార్యాలయం నుంచి జెడ్పీటీసీ అభ్యర్థిగా మరొకరి పేరు కూడా పంపినట్లు ఆయన వర్గీయులు చెప్పుకుంటున్నారు. ఇంతలో ఏమైందో గానీ సన్యాశినాయుడు భార్యతో జెడ్పీటీసీ అభ్యర్థిగా నామినేషన్‌ వేయించి గెలుపొందారు. తనకు జరిగిన అవమానానికి ఎమ్మెల్యేకు దీటైన సమాధానం ఇచ్చేందుకు సిద్ధమైన సన్యాశినాయుడు 9 మంది ఎంపీటీసీలను తీసుకుని క్యాంప్‌కు వెళ్లారు. పట్టు కోల్పోతున్న ఎమ్మెల్యే.. పార్టీ ఇంకా రెండున్నరేళ్లు అధికారంలో ఉంటుంది, ఎమ్మెల్యేగా ఉన్నప్పటికీ స్వయాన ఆయన కోడలు గరివిడి జెడ్పీటీసీగా ఓటమి పాలవడంతో పాటు గరివిడి మండలంలోని ఎంపీటీసీలను కూడా వైఎస్సార్‌సీపీ కైవసం చేసుకుంది. అలాగే గుర్ల మండలంలో జెడ్పీటీసీ, ఎంపీటీసీలు కూడా వైఎస్సార్‌సీపీకి దక్కడంతోనే నియోజకవర్గంలో ఎమ్మెల్యే పట్టు కోల్పోతున్నట్లు చర్చ మొదలైంది. దీనికి తోడు మెరకముడిదాం మండలంలో ఇలా సొంత పార్టీ నాయకులే ఆయనను ఎదిరించి ఎంపీటీసీలను ప్రత్యేక క్యాంప్‌కు తీసుకెళ్లిపోవడంతో ఆ చర్చలకు మరింత బలాన్ని చేకూర్చుతున్నాయనే వాదన వినిపిస్తోంది. అంతేకాకుండా ఇటీవల జరిగిన ఎంపీటీసీ, జెడ్పీటీసీ ఎన్నికల్లో నియోజకవర్గంలో ఎన్నో చోట్ల కూటమిలో రెబల్స్‌ బరిలో ఉన్నప్పటికీ వారిని బుజ్జగించి నామినేషన్లు ఉపసంహరిచుకునే విధంగా చర్యలు చేపట్టడంలో కూడా విఫలమయ్యారనే చర్చ సొంత పార్టీలోనే జరుగుతోంది. ఇదీ చదవండి: ‘నీ ఇష్టం వచ్చింది చేసుకో’..!

తిరుపతి రూరల్‌: చంద్రగిరి నియోజకవర్గ వ్యాప్తంగా టీడీపీలో అసంతృప్తి సెగలు రాజుకున్నాయి. ఎమ్మెల్యే పులివర్తి నాని, ఆయన కుటుంబ సభ్యుల వ్యవహారశైలిపై తీవ్ర అసంతృప్తి వ్యక్తం చేస్తూ మూడు దశాబ్దాలుగా పార్టీ కోసం పనిచేస్తున్న ఐదుగురు సీనియర్‌ నాయకులు పార్టీకి రాజీనామా చేస్తున్నట్లు ప్రకటించారు. ఆ మేరకు సీఎం నారా చంద్రబాబు నాయుడుకు గురువారం లేఖ రాశారు. చంద్రగిరి ఎమ్మెల్యేగా పులివర్తి నాని బాధ్యతలు చేపట్టిన తర్వాత నిజాయితీగా పనిచేసే కార్యకర్తలకు గౌరవం, గుర్తింపు లేకుండా పోయాయని ఆవేదన వ్యక్తం చేశారు. నాయకులు, కార్యకర్తల పట్ల చులకన భావంతో మాట్లాడుతూ మానసిక వేదనకు గురిచేస్తున్నట్టు వాపోయారు. మూడు దశాబ్దాల తర్వాత చంద్రగిరి నియోజకవర్గంలో టీడీపీని గెలిపించుకుంటే.. ఎమ్మెల్యే పులివర్తి నాని, ఆయన కుటుంబీకుల వ్యవహారశైలి కారణంగా మరో 30 ఏళ్లపాటు పార్టీ చంద్రగిరి నియోజకవర్గంలో గెలవలేని పరిస్థితి ఏర్పడిందని ఆ లేఖలో ప్రస్తావించారు. ఇటీవల జరిగిన జెడ్పీటీసీ ఎన్నికల్లో ఆరు జెడ్పీటీసీలకు మూడు జెడ్పీటీసీ స్థానాలను వైఎస్సార్‌సీపీ కైవసం చేసుకోవడమే ఇందుకు నిదర్శనమని పేర్కొన్నారు. ఇది టీడీపీకి వ్యతిరేకంగా వచ్చిన తీర్పు కాదని, ఎమ్మెల్యే పులివర్తి నాని, ఆయన కుటుంబ సభ్యుల వ్యవహారశైలికి వ్యతిరేకంగా ప్రజలు ఇచ్చిన తీర్పు అని పేర్కొన్నారు. రాజీనామా లేఖలో సంతకం చేసిన వారిలో తిరుపతి రూరల్‌ మండల టీడీపీ మాజీ కార్య దర్శి బిరుదాల భాస్కర్‌రెడ్డి, మాజీ ఎంపీటీసీ సరస్వతి, టీడీపీ సీనియర్‌ నేతలు ఎస్‌.వెంకటేష్‌ నాయుడు, టి.లక్ష్మినారాయణ, పి.మనోహర్‌ ఉన్నారు.ఇదీ చదవండి: ‘నీ ఇష్టం వచ్చింది చేసుకో’..!టీడీపీకి రాజీనామా చేస్తున్నట్టు టీడీపీ సీనియర్‌ నేతలు పార్టీ అధినేత చంద్రబాబుకు రాసిన లేఖ

విశాఖపట్నం: గ్రేటర్‌ విశాఖ మున్సిపల్‌ కార్పొరేషన్‌ రెండో సాధారణ ఎన్నికలు ముగిశాయి. ఎన్నికల ఫలితాల్లో టీడీపీ, జనసేన, బీజేపీ కూటమి 98 స్థానాలను కైవసం చేసుకుంది. మేయర్‌ పీఠాన్ని తెలుగుదేశం పార్టీ దక్కించుకుంది. అయితే ఇప్పుడు కూటమిలో అసలు రాజకీయ పోరు మొదలైంది. మేయర్‌ పదవి టీడీపీకి దక్కిన నేపథ్యంలో డిప్యూటీ మేయర్‌ పదవిపై జనసేన, బీజేపీ ఆశలు పెట్టుకున్నాయి. పొత్తులో భాగస్వాములుగా తాము కూడా మేయర్‌ అభ్యర్థి విజయానికి సహకరించామని, తమకు కూడా సముచిత ప్రాధాన్యం ఇవ్వాలని రెండు పార్టీల కార్పొరేటర్లు పట్టుబడుతున్నారు. అయితే ఈ రెండు పార్టీల ఆశలపై నీళ్లు చల్లుతూ.. డిప్యూటీ మేయర్‌ పదవిని కూడా టీడీపీ ఖాతాలో వేసుకునేందుకు తెరవెనుక ప్రయత్నాలు జరుగుతున్నాయనే ప్రచారం ఇప్పుడు కూటమిలో ఆసక్తికర చర్చకు దారితీస్తోంది. డిప్యూటీ మేయర్‌పై పల్లా పట్టు మేయర్‌ పీఠం టీడీపీకి దక్కినప్పటికీ డిప్యూటీ మేయర్‌ పదవిని జనసేన లేదా బీజేపీకి కేటాయిస్తారన్న అంచనాలు మొదటి నుంచీ ఉన్నాయి. కానీ టీడీపీ రాష్ట్ర అధ్యక్షుడు, గాజువాక ఎమ్మెల్యే పల్లా శ్రీనివాసరావు మాత్రం డిప్యూటీ మేయర్‌ పదవిని కూడా తమ పార్టీలో యాదవ సామాజిక వర్గ సీనియర్‌ కార్పొరేటర్‌కు దక్కేలా ప్రయత్నాలు చేస్తున్నట్లు గుసగుసలు వినిపిస్తున్నాయి. మేయర్‌గా ఎన్నిౖకన ముక్కా శ్రావణికి సమాంతరంగా మరో అధికార కేంద్రాన్ని ఏర్పాటు చేయాలనే వ్యూహం ఉందన్న విమర్శలు వినిపిస్తున్నాయి. దీనిపై జనసేన ఎమ్మెల్యే వంశీకృష్ణ శ్రీనివాస్‌తోనూ మంతనాలు సాగుతున్నట్లు ప్రచారం జరుగుతోంది. ఎంపీకి చెక్‌ పెట్టాలనే వ్యూహం! మేయర్‌ పదవి ఎంపీ శ్రీభరత్‌ ప్రతిపాదించిన ముక్కాశ్రావణికి దక్కడంతో టీడీపీలో మరో వర్గం గుర్రుగా ఉంది. దీంతో ఎంపీకి చెక్‌ పెట్టాలన్న ఆలోచనతోనే జీవీఎంసీలో మరో పవర్‌ సెంటర్‌ను తయారు చేయాలన్న వ్యూహాలు పన్నుతున్నట్లు పార్టీలో చర్చ జరుగుతోంది. మొత్తానికి 98 స్థానాలతో కూటమి అధికార పీఠాన్ని దక్కించుకున్నా.. ఇప్పుడు మేయర్, డిప్యూటీ మేయర్‌ పదవుల పంపకం కూటమి పార్టీల మధ్య కొత్త వివాదానికి కేంద్రంగా మారింది. మిత్రపక్షాల మధ్య సాగుతున్న ఈ పదవుల పంచాయితీ చివరకు ఎటు దారితీస్తుందో వేచి చూడాలి. జనసేనలో ఉండి.. టీడీపీకి మద్దతా? డిప్యూటీ మేయర్‌ పదవిని జనసేనకు కేటాయించాలని ఆ పార్టీ కార్పొరేటర్లు ఆశిస్తున్న తరుణంలో ఎమ్మెల్యే వంశీకృష్ణ శ్రీనివాస్‌ వైఖరిపై పార్టీలోనే చర్చ జరుగుతున్నట్లు తెలుస్తోంది. యాదవ సామాజిక వర్గానికి చెందిన వ్యక్తికి డిప్యూటీ మేయర్‌ పదవి ఇవ్వాలన్న వాదనను ఆయన తెరపైకి తెస్తున్నట్లు సమాచారం. అయితే అదే సామాజిక వర్గానికి చెందిన టీడీపీ సీనియర్‌ కార్పొరేటర్‌ పల్లా శ్రీనివాసరావుకు ఈ పదవి కట్టబెట్టే దిశగా ఆయన మొగ్గు చూపుతున్నారనే ప్రచారం జనసేన వర్గాల్లో అసంతృప్తికి కారణమవుతోంది. తమ పార్టీ ఎమ్మెల్యేనే టీడీపీ అభ్యర్థికి మద్దతుగా వ్యవహరిస్తున్నారనే వార్తలు ఆ పార్టీ నేతలను కలవరానికి గురిచేస్తున్నాయి.

సాక్షి, అమరావతి: రాజకీయాల్లో జుగుప్సాకర విష సంస్కృతికి టీడీపీ, జనసేన కూటమి బరి తెగించింది. అధికారంలో ఉన్నామనే అహంకారంతో దిగజారుడు రాజకీయాలతో కూటమి వెర్రితలలు వేస్తోంది. సోషల్‌ మీడియా వేదికల ద్వారా రాజకీయ ప్రత్యర్థులపై దుష్ప్రచార, వ్యక్తిత్వ హనన కుతంత్రాలకు తెగబడుతోంది. టీడీపీ మొదటి నుంచీ పెంచి పోషించిన సోషల్‌ మీడియా పచ్చ మూకల పైశాచికత్వాన్ని జనసేన కూడా నిలువెల్లా ఒంటబట్టించుకుంది. పవనిజం అంటూ చేస్తున్న రాజకీయ రాద్ధాంతం సోషల్‌ మీడియా సైకోయిజంగా మారింది.దీనికి టీడీపీ సోషల్‌ మీడియా విభాగం ఐ–టీడీపీ వత్తాసు పలుకుతూ రాక్షసత్వాన్ని ప్రదర్శిస్తోంది. వైఎస్సార్‌సీపీ అధినేత, మాజీ ముఖ్యమంత్రి వైఎస్‌ జగన్‌మోహన్‌రెడ్డి కుటుంబ సభ్యులను లక్ష్యంగా చేసుకుని జనసేన సోషల్‌ మీడియా కార్యకర్తలు, కిరాయి రాజకీయ కూలీలు జుగుప్సాకర పోస్టులు పెడుతుండటం విభ్రాంతి కలిగిస్తోంది. వైఎస్‌ జగన్‌ కుటుంబంలోని మహిళలు, చిన్న పిల్లలు అనే కనీస విచక్షణ కూడా లేకుండా అసభ్యకర పోస్టులు పెడుతూ రాక్షసానందం పొందుతుండటం జనసేన వికృత రూపాన్ని బట్టబయలు చేస్తోంది.బాధ్యతాయుంగా వ్యవహరించిన వైఎస్సార్‌సీపీ పవన్‌ కళ్యాణ్‌ ఇటీవల తన మూడో భార్య అన్నా కొణిదెలకు విడాకులు ఇచ్చారు. ఈమేరకు వారిద్దరూ సంయుక్త ప్రకటన విడుదల చేశారు. ఆ నిర్ణయం పూర్తిగా పవన్‌ కళ్యాణ్‌ వ్యక్తిగత అంశం. వైఎస్సార్‌సీపీ అధిష్టానం అదే విషయాన్ని తమ పార్టీ నేతలు, కార్యకర్తలతోపాటు ప్రధానంగా సోషల్‌ మీడియా విభాగానికి స్పష్టం చేసింది. ఈ అంశంపై ఎవరూ మాట్లాడొద్దని.. సోషల్‌ మీడియా వేదికల ద్వారా కూడా స్పందించవద్దని ఆదేశించింది. వైఎస్సార్‌ సీపీ నేతలు, శ్రేణులు, సోషల్‌ మీడియా కార్యకర్తలు పార్టీ అధిష్టానం ఆదేశాలను శిరసావహించారు. ఈ వ్యవహారంలో ఓ బాధ్యతాయుత రాజకీయ పార్టీగా వైఎస్సార్‌సీపీ పరిణితితో వ్యవహరించిన తీరు పట్ల సర్వత్రా ప్రశంసలు వ్యక్తమయ్యాయి. రాష్ట్ర రాజకీయాల్లో సత్సంప్రదాయానికి వైఎస్సార్‌సీపీ చొరవ చూపిందని పరిశీలకులు వ్యాఖ్యానించారు.జనసేన పిశాచాల పైశాచికత్వం...జనసేన సోషల్‌ మీడియా పిశాచ గణం మాత్రం అందుకు పూర్తి విరుద్ధంగా జుగుప్సాకరంగా బరి తెగించడం విస్మయపరుస్తోంది. విడాకుల ప్రకటన చేసిన పవన్‌ కళ్యాణ్‌కు సంఘీభావంగా జనసేన సోషల్‌ మీడియా కార్యకర్తలు తాజాగా ఓ జూమ్‌ సమావేశాన్ని నిర్వహించారు. ఆ పార్టీ సోషల్‌ మీడియా కార్యకర్తలు దాదాపు 350 మంది ఆ సమావేశంలో పాల్గొన్నారు. పవన్‌ కళ్యాణ్‌కు బాసటగా నిలుస్తామని చెప్పేందుకు ఉద్దేశించిన ఆ సమావేశాన్ని ఉద్దేశపూర్వకంగా గాడి తప్పించారు. మాజీ సీఎం వైఎస్‌ జగన్‌ కుటుంబ సభ్యులను ఉద్దేశించి అసభ్యకర, జుగుప్సాకర వ్యాఖ్యలు చేశారు.ముందుగానే అందుకు తగిన ఏర్పాట్లు చేసుకున్న అనంతరమే తమ పార్టీ సోషల్‌ మీడియా కార్యకర్తలతో జనసేన సమావేశాన్ని నిర్వహించినట్టు స్పష్టమవుతోంది. అప్పటికే రూపొందించిన సోషల్‌ మీడియా పిశాచ గణానికి అందించారు. ఆ వెను వెంటనే ఫేక్‌ ఐడీలతో కూడిన సోషల్‌ మీడియా ఖాతాల నుంచి లెక్కకు మించి అసభ్యకర పోస్టులను సోషల్‌ మీడియాలో వైరల్‌ చేశారు. జనసేన ప్రధాన కార్యాలయం ఆదేశాలు, పర్యవేక్షణ ద్వారానే సోషల్‌ మీడియాలో పక్కా కుతంత్రానికి పాల్పడినట్టు స్పష్టమవుతోంది.జుగుప్సాకర కుట్రకు ఐ–టీడీపీ వత్తాసు...టీడీపీ సోషల్‌ మీడియా విభాగం ఐ–టీడీపీ.. సోషల్‌ మీడియా వేదికగా జుగుప్సాకర పోస్టులకు బ్రాండ్‌ అంబాసిడర్‌ అన్నది బహిరంగ రహస్యమే. అలాంటి రాక్షస గణాన్ని టీడీపీ ప్రధాన కార్యాలయం 2014 నుంచే పెంచి పోషిస్తూ వ్యవస్థీకృతం చేసింది. ప్రస్తుతం జనసేన సోషల్‌ మీడియా పిశాచగణం అసభ్యకర పోస్టులను ఐ–టీడీపీ తమ భుజానికెత్తుకుంది. తమ సోషల్‌ మీడియా ఖాతాల ద్వారా మరింతగా వైరల్‌ చేస్తోంది. ముఖ్యమంత్రి చంద్రబాబు, పవన్‌ కళ్యాణ్‌ కుటుంబాల్లోనూ మహిళలు, పిల్లలు ఉన్నారు. కానీ వారిద్దరూ తమ పార్టీల సోషల్‌ మీడియా విభాగాల పైశాచికత్వాన్ని అడ్డుకునేందుకు కనీసం యత్నించ లేదు. ఉద్దేశపూర్వకంగానే ప్రేక్షక పాత్ర పోషించారు. తద్వారా జనసేన, టీడీపీ సోషల్‌ మీడియా పిశాచగణాల పైశాచిక పోస్టులకు తమ మద్దతు ఉందని పరోక్షంగా స్పష్టం చేశారు. చంద్రబాబు, పవన్‌ కళ్యాణ్‌ వెన్నుదన్నుతోనే టీడీపీ, జనసేన సోషల్‌ మీడియా విభాగాలు అసభ్యకరపోస్టులతో సోషల్‌ మీడియాలో విషం కక్కుతున్నాయన్నది తేటతెల్లమైంది. దీన్ని పరిశీలకులు తీవ్రంగా తప్పుబడుతున్నారు. పవన్, చంద్రబాబు వైఖరి రాష్ట్ర రాజకీయాలను మరింతగా భ్రష్టు పట్టిస్తోందని హెచ్చరిస్తున్నారు.

సాక్షి, గుంటూరు: ఎమ్మెల్సీ లేళ్ల అప్పిరెడ్డిపై తప్పుడు కేసులు బనాయించి అక్రమంగా జైల్లో పెట్టారని వైఎస్సార్‌సీపీ నేతలు తీవ్ర ఆగ్రహం వ్యక్తం చేశారు. ఇవాళ(గురువారం) లేళ్ల అప్పిరెడ్డితో వైఎస్సార్‌సీపీ నేతలు ములాఖత్‌ అయ్యారు. గుంటూరు జైల్లో ఆయన్ని పరామర్శించారు. అనంతరం వైఎస్సార్‌సీపీ నేతలు మీడియాతో మాట్లాడుతూ.. పరిషత్‌ ఎన్నికల సమయంలో లేళ్ల అప్పిరెడ్డిపై అక్రమ కేసు పెట్టారని.. అన్యాయమైన కేసులో అప్పిరెడ్డిని చంద్రబాబు సర్కార్‌ ఇరికించిందని మండిపడ్డారు.ఎమ్మెల్సీ అప్పిరెడ్డిపై అక్రమ కేసు నమోదు చేసి తప్పుడు సెక్షన్లు పెట్టారు. పోలింగ్‌ బూత్‌ నుంచి స్ట్రాంగ్‌ రూమ్‌ను తీసుకొస్తున్న బ్యాలెట్‌ బాక్స్‌ను మార్గ మధ్యలో అధికారులు ఎందుకు దించారు?. వెంగళాయపాలెంలో ఓటమి భయంతో కూటమి కుట్రలు చేసింది. రాష్ట్రంలో ఎప్పుడూ ఇలాంటి ఎన్నికలు జరగలేదు. కూటమి నేతలు ప్రజాస్వామ్యాన్ని అపహాస్యం చేశారు. 2029లో వైఎస్‌ జగన్‌ సీఎం కావడం తథ్యం. వైఎస్సార్‌సీపీ నేతలపై అక్రమ కేసులు పెట్టిన అధికారులకు రిటర్న్‌ గిఫ్ట్‌లు ఇస్తాం’’ అని వైఎస్సార్‌సీపీ నేతలు హెచ్చరించారు.అక్రమాలను ప్రశ్నించిన వారిపై కేసులు పెడతారా?: ఎమ్మెల్సీ తోట త్రిమూర్తులుకూటమి ప్రభుత్వం దుర్మార్గంగా వ్యవహరిస్తోంది. వెంగళాయపాలెం బ్యాలెట్ బాక్సుల్లో నల్లపాడు వద్ద ఒక బాక్స్ దించేశారు. వైఎస్సార్‌సీపీ అభ్యర్థి, మరో ఇండిపెండెంట్ అభ్యర్థి పోలింగ్ సిబ్బందిని ప్రశ్నించారు. ఆ తర్వాత అప్పిరెడ్డి అక్కడకు చేరుకున్నారు. నిరసన చేస్తున్న వైఎస్సార్‌సీపీ శ్రేణులు, అప్పిరెడ్డి పై లాఠీ ఛార్జ్‌ చేశారు. అప్పిరెడ్డి పై రేప్, మర్డర్ కేసు తప్ప అన్ని సెక్షన్ల కింద కేసు పెట్టారు.బ్యాలెట్ బాక్సులు పక్కదారి పట్టిస్తున్నవారి పై కేసులు పెడతారా?. అక్రమాలను ప్రశ్నించిన వారి పై కేసులు పెడతారా?. ఈ ప్రభుత్వం అహంకారంతో వ్యవహరిస్తోంది. రెడ్ బుక్ రాజ్యాంగాన్ని అమలు చేస్తున్నారు. చిన్న గొడవ అని చెప్పి అనేక రకాల కేసులు పెట్టారు. రాబోయే రోజుల్లో మూల్యం చెల్లించుకోకతప్పదు. మీరు తలకిందులుగా తపస్సు చేసినా 2029లో వైఎస్సార్‌సీపీ గెలుపును ఆపలేరు. వైఎస్‌ జగన్‌ సీఎం అవ్వడం ఖాయంకక్ష పూరితంగా అక్రమ కేసు: ఎమ్మెల్సీ వరుదు కళ్యాణిఈ ప్రభుత్వం అప్పిరెడ్డిని కేసుల్లో ఇరికిద్దామని రెండున్నరేళ్లుగా ప్రయత్నిస్తోంది. ఇప్పుడు కక్ష పూరితంగా అక్రమ కేసు పెట్టి జైల్లో పెట్టారు. బ్యాలెట్ బాక్సులకు భద్రత కల్పించలేని పోలీసులపై కేసులు పెట్టాలి. బ్యాలెట్ బాక్సులు పక్కదారి పట్టించిన ఎన్నికల సిబ్బంది పై కేసులు పెట్టాలి. కానీ అక్రమాన్ని ప్రశ్నించిన అప్పిరెడ్డి పై కేసు పెట్టారు. ప్రజా వ్యతిరేకత వచ్చిందని కూటమి నేతలకు అర్థమైపోయింది. అందుకే నామినేషన్ల వేసిన దగ్గర్నుంచి చేయని దుర్మార్గాలు లేవు. ఎన్నికల్లో ఎలాగైనా గెలవాలని ప్రజాస్వామ్యాన్ని ఖూనీ చేశారు. 2029లో వైఎస్ జగన్‌ సీఎం అవుతారు. అక్రమాలు, అన్యాయాలు చేసిన అధికారులకు చట్ట ప్రకారం రిటర్న్ గిఫ్ట్ ఇస్తాం. ప్రతీ ఒక్కరికీ బుద్ధి చెప్పడం ఖాయం.ఇప్పటివరకూ ఒక్కరైనా సమాధానం చెప్పారా?: అంబటి రాంబాబుఎమ్మెల్సీ అప్పిరెడ్డిపై తప్పుడు కేసు పెట్టారు. అప్పిరెడ్డికి రక్షణ కల్పించలేనని జైలు సూపరింటెండెంట్ లెటర్ రాశారు. రక్షణ కల్పించలేకపోతే మీరెందుకు గుడ్డి గుర్రం పళ్లు తోముతారా? బ్యాలెట్ బాక్సు ఎందుకు బస్సులో నుంచి కిందకు దించారు?. బ్యాలెట్ బాక్సు వెంట పోలీసులు ఎందుకు లేరు. ఇప్పటివరకూ ఒక్కరైనా సమాధానం చెప్పారా?. పట్టాభిపురం సిబ్బంది గంగా వెంకటేశ్వర్లుపై ఎస్పీకి ఫిర్యాదు చేస్తున్నా. బ్యాలెట్ బాక్సు పగలగొట్టి రిగ్గింగ్ కు పాల్పడిన టీడీపీ వారిపై కేసులు లేవు. తన సామాజిక వర్గానికి చెందిన కొమ్మినేని కోటేశ్వరరావుకు మేలు చేయాలని సీఐ ప్రయత్నించారు.ఖాకీ బట్టలేసుకున్న పోలీసులకు కులపిచ్చేంటి?. కోయ ప్రవీణ్, చెరుకూరి శ్రీధర్, గంగా వెంకటేశ్వర్లు, వంశీ కులపిచ్చితో కొట్టుకుచస్తున్నారు. 2029లో కచ్చితంగా రియాక్షన్ ఉంటుంది. మా రియాక్షన్‌ను మీరు తట్టుకోలేరు. అప్పిరెడ్డికి జైల్లో ఎలాంటి సౌకర్యాలు లేవు. రెండు బారికేడ్ల అవతల అప్పిరెడ్డిని చూపించారు. గుంటూరు జైల్లో చాలా ప్రత్యేకమైన నిబంధనలు అమలు చేస్తున్నారు. చట్టం ప్రకారం ఎమ్మెల్సీగా ఉన్న వ్యక్తికి కల్పించవలసిన సౌకర్యాలు కూడా కల్పించలేదు.ఇదీ చదవండి: పంచాయతీ ఎన్నికల్లోనూ పచ్చ కుట్రలు

అప్పు చేసి పప్పుకూడు అన్నది పాత సామెత.. అప్పుచేసి అమరావతిలో పొయ్యి అన్నది కొత్త సామెత!. ఆంధ్రప్రదేశ్‌లో టీడీపీ, జనసేన, బీజేపీ కూటమి ఇచ్చిన హామీల అమలుకు డబ్బులు లేవని, ప్రభుత్వరంగంలో మెడికల్ కాలేజీలు నిర్వహించలేమని ఆయా సమయాలలో ప్రభుత్వ పెద్దలు చెబుతుంటారు. స్వయంగా ముఖ్యమంత్రి చంద్రబాబు నాయుడు కొన్నినెలల క్రితం తనకు హామీలు అమలు చేయాలని ఉందని, కాని డబ్బులు లేవని, అప్పు చేద్దామన్న పుట్టడం లేదని చెప్పారు.అందులో నిజం ఉందా? లేదా? అన్నది తెలియదు కాని, రాజధాని అమరావతి పేరుతో కేవలం ఒక ముప్పై గ్రామాలలో లక్ష కోట్లు ఖర్చు చేయడానికి మాత్రం నిధుల కొరత ఉన్నట్లు కనపడడం లేదు. వేల కోట్ల అప్పు తెచ్చి విలాసవంతంగా వ్యయం చేస్తున్న తీరు అందరిని విస్తుపరుస్తోంది. మొత్తం సుమారు రెండు లక్షల ఎకరాల భూమి సమీకరిస్తే, ఎకరాకు రెండు కోట్ల చొప్పున ఇంకెన్ని లక్షల కోట్ల నిధులు అభివృద్ధికి అవసరం అవుతాయో అంచనా వేసుకోవచ్చు.వడ్డీతో సహా అసలు కలిపి రుణం తీర్చే సమయానికి అదంతా తడిసి మోపెడంత అవుతుంది. దీనిని రాష్ట్ర ప్రజలంతా భరించాల్సిందే. కేవలం వరద కాల్వల లైనింగ్ కోసం ఎన్టీఆర్‌ ప్రాజెక్టు, భవనాల అద్దాల కోసం ఎన్ని వేల కోట్లు వ్యయం చేస్తున్నారో తెలిస్తే గుండె ఆగినంత పని అవుతుంది. దాంతో 'అప్పుచేసి పప్పుకూడు అన్నది పాత సామెత. అప్పుచేసి అమరావతిలో పొయ్యి' అన్నది కొత్త సామెతగా కనిపిస్తుంది.ప్రభుత్వం వద్ద అవసరమైనన్న నిధులు ఉంటే ఎంత వ్యయం చేసినా ఎవరూ కాదనరు. కాని ఒకపక్క ప్రతిదానికి నిధుల కొరత అని చెబుతూ.. మరో వైపు ఇలా ఇష్టారీతిన ధారాళంగా ఖర్చు చేస్తున్న వైనం సహజంగానే ఇతర ప్రాంతాల ప్రజలలో తీవ్రమైన అసంతృప్తి రగిల్చే అవకాశం ఉంటుంది. దీనిని కప్పిపుచ్చేందుకు రాయలసీమలో, ఉత్తరాంధ్రలో ఏవేవో చేసేస్తున్నట్లు బిల్డప్ ఇస్తే జనం నమ్మేస్తారా? రాయలసీమలో లక్షకోట్ల ఉద్యాన హబ్ అని ఊదరగొట్టారు. ప్రారంభోత్సవం చేశామన్నారు. కాని ఆ తర్వాత నిధులు ఇవ్వండి అని కేంద్ర ఆర్థిక మంత్రి నిర్మలా సీతారామన్‌ను కలిసి చంద్రబాబు అర్ధించారు. మరి అదే అమరావతి విషయంలో కేంద్రాన్ని ఎందుకు నిధులు అడగలేకపోతున్నారో తెలియదు.కేవలం అప్పులకు కేంద్రం అనుమతిస్తే చాలన్నట్లుగా ప్రభుత్వం వ్యవహరిస్తోంది. ఇప్పటికే ఏభైవేల ఎకరాల భూమి ప్రభుత్వం చేతిలో ఉంది. ఎల్లో మీడియాలో వచ్చిన ఒక కథనం ప్రకారం ఆ భూమిలో లక్షకోట్ల రూపాయల విలువైన పనులు చేపట్టారట. ఇందుకోసం టెండర్లు కూడా పిలిచారు. కొన్ని పనులు కూడా జరుగుతున్నాయి. సుమారు ఏభై వేల కోట్ల రుణం తీసుకున్న ఏపీ ప్రభుత్వం తాజాగా మరో 15వేల కోట్ల రుణం తీసుకుంటోంది. ఇందుకు సంబంధించి ఎల్లో మీడియాలో ఒక కథనం వచ్చింది. అది చదివితే ఎవరికైనా మతిపోవల్సిందే.టీడీపీ కోసమే పనిచేసే ఈనాడు దినపత్రికలో రాసిన ఈ వార్త చూడండి.. ప్రపంచ బ్యాంక్, ఆసియా అభివృద్ధి బ్యాంకు కలిపి ఈ మొత్తాన్ని రుణంగా ఇస్తున్నాయట. 2031 వరకు ఈ అప్పు ఇస్తుంటారు. ఇప్పటికే ఈ రెండు బ్యాంకులు కలిపి 15వేల కోట్లు ఇచ్చాయి. ఈ నిధుల వ్యయాన్ని పర్యవేక్షించేందుకు ఒక యాజమాన్య కన్సల్టెన్సీ ఏర్పాటు చేయడానికి సీఆర్‌డీఏ టెండర్లు పిలిచింది. రాజధానిలో 100912 కోట్ల విలువైన పనుల కోసం సీఆర్‌డీఏ ప్రణాళిక రెడీ చేసింది. వాటిలో 52362 కోట్ల పనులు ఇప్పటికే జరుగుతున్నాయి.ప్రభుత్వ భవనాలు, మౌలిక వసతులు మినహా మిగిలిన ప్రాజెక్టులను పీపీపీ మోడల్‌లో, హైబ్రిడ్ యాన్యుటి, బిల్డ్ ఫైనాన్స్, ఆపరేట్ విధానాలలో చేపడతారట. ఈ ప్రాజెక్టులలో ఏది ఎలా నిర్మిస్తారో తెలియదు కాని ప్రభుత్వం వేల కోట్లు వ్యయం చేసిన తర్వాత వాటిని ప్రైవేటువారికి అప్పగిస్తారేమో అన్న సందేహం రావచ్చు. ఈ ప్రాజెక్టులను ప్రైవేటువారే చేపట్టి, మొత్తం ఖర్చు అంతా భరిస్తే అదొక పద్దతి. అలాకాకుండా ఖర్చు ప్రభుత్వానిది, పెత్తనం ప్రైవేటువారిది అయితే ప్రజలకు ఎంత మేలు జరుగుతుందన్నది సంశయమే.ఇదీ చదవండి: ‘అది సరే బాబూ.. ఓట్ల మిస్టరీపై ఎందుకు మాట్లాడరు’అమరావతిలో నిర్మించబోయే కొన్ని ప్రాజెక్టులను చూడండి... కొండవీటి వాగు, పాలవాగు గ్రావిటీ కెనాల్ లైనింగ్ పనుల కోసం 1496 కోట్లు వ్యయం చేస్తారట. ఈ వాగులు పొంగినప్పుడు అమరావతి గ్రామాలలో పలుప్రాంతాలు వరదబారిన పడుతున్న సంగతి తెలిసిందే. ఈ మధ్య కూడా ఈ పరిస్థితి ఎదురైంది. ఇప్పటికే కొన్ని వందల కోట్ల రూపాయలను ఈ వరద మళ్లింపు ప్రాజెక్టుల కోసం, లిఫ్ట్‌ల కోసం ఖర్చు చేశారు. ఇప్పుడు లైనింగ్ పేరుతో ఇంత మొత్తం వ్యయం చేయడాన్ని బట్టే ఈ ప్రాంతం రాజధానికి అనువైనది కాదని ఒకటికి, పదిసార్లు రుజువు అవుతున్నట్లు అనిపించదా!ఇదే కాదు... వైకుంఠపురం వద్ద వరద నీటిని ఎత్తిపోయడానికి మరో లిప్టింగ్ స్టేషన్ కోసం 298 కోట్లు, లాం, పెదపరిమి, వైకుంఠపురంలలో రిజర్వాయర్లు, 29 కిలోమీటర్ల కాల్వల కోసం సుమారు 3500 కోట్లు అవసరమని అంచనా వేశారు. నిజంగా ఈ మొత్తాన్ని పూర్తి కాని సాగునీటి ప్రాజెక్టులకు వ్యయం చేస్తే లక్షల ఎకరాల భూమికి నీటి సదుపాయం కలుగుతుంది. కాని అమరావతి రాజధానిలో చేసే ఈ వ్యయం అవసరమా? వృధానా అంటే ఏమి చెబుదాం. ప్రభుత్వం తాను పట్టిన కుందేటికి మూడేకాళ్లు అన్నట్లుగా ప్రవర్తిస్తోందని అనిపించదా!గ్రీన్ బఫర్‌ల కోసం 181 కోట్లు, అమరావతి, ఇతర పర్యాటక ప్రాజెక్టుల కోసం 160 కోట్లు పెడతారట. వీటిని ప్రైవేటువారు ఏర్పాటు చేస్తారని ప్రచారం చేశారు. కాని ప్రభుత్వం ఈ మొత్తం ఖర్చు చేస్తోందన్న సంగతి ఇప్పుడు వెల్లడవుతోంది. ఐకానిక్ భవనాల ఇంటీరియర్స్, ల్యాండ్ స్కేపింగ్‌కు 3297 కోట్ల నిధులు కేటాయించారంటే ఎంత లావిష్‌గా ఇక్కడ ఖర్చు పెట్టబోతున్నారో అర్థం అవుతుంది. ఇప్పటికే భవనాల అద్దాల కోసం 2500 కోట్లు కేటాయించారని వార్తలు వచ్చాయి. ఐకానిక్ భవనాల ఫసాడ్‌కు మరో 2540 కోట్లు ఇస్తున్నారు. దీనిని భవనాల అద్దాలగా తీసుకోవాలా? లేక మరో ఖర్చా అన్నది తెలియదు.భవనాలకు అద్దాలు అమర్చే ఖర్చు 4800 కోట్లకు పెరుగుతోందంటూ వార్తలు వచ్చాయి. ఇన్నర్ రింగ్ రోడ్డు వరకు ప్రధాన రహదారుల పొడిగింపు సుమారు 94 కిలోమీటర్లు ఉంటుంది. దీనికి 3200 కోట్లు వ్యయం చేయబోతున్నారు. అంటే కిలో మీటర్‌కు సుమారు 35 కోట్లే పెడతారన్నమాట. ఇది కాకుండా ఇన్నర్ రోడ్డు మొదటి దశకు 8800 కోట్లు కేటాయించారు. ఇప్పటికే వెస్ట్ బైపాస్ ఉంది. కేంద్రానికి పంపిన అవుటర్ రింగ్ రోడ్డు ప్రతిపాదన ఉంది. అయినా ఇన్నర్ రింగ్ రోడ్డు పేరుతో ఇన్నివేల కోట్లు వ్యయం చేయబోతున్నారంటే ఏపీ ప్రభుత్వం వద్ద ఇబ్బడి ముబ్బడిగా డబ్బు ఉందని అనుకోవాలా? దానిని ఏమి చేసుకోవాలో తెలియక ఇలాంటి నిర్మాణాలు చేస్తున్నారా అన్న సందేహం రావచ్చు.ఎన్టీఆర్‌ విగ్రహం ప్రాజెక్టు కోసం 2500 కోట్లు ఇస్తారట. ఇది ప్రైవేటువారు టూరిజం కింద తీసుకుంటే ఫర్వాలేదు. కాని ప్రభుత్వమే ఇంత మొత్తం వ్యయం చేయడం అవసరమా? ఎన్టీఆర్‌పై అనేక విమర్శలు చేసి, ముఖ్యమంత్రి పదవినుంచి దించేసిన చంద్రబాబు ప్రభుత్వం ఈ స్థాయిలో ఖర్చు చేయబోతోందట. ఇదంత రాజకీయ అవసరమా అన్న భావన కలగవచ్చు. కన్వెన్షన్, ఎక్జిబిషన్ సెంటర్‌ను ఏర్పాటు చేయడానికి పలు ప్రైవేటు సంస్థలు ముందుకు వస్తున్నాయని గతంలో ఎల్లో మీడియా ప్రచారం చేసింది. ఇప్పుడేమో ఇన్నివందల కోట్లు వ్యయం చేస్తారట.గతంలో జగన్ ప్రభుత్వం అప్పు చేసినప్పుడల్లా రాష్ట్రం శ్రీలంక అయిపోతోందంటూ తప్పుడు ప్రచారం చేసిన టీడీపీ, జనసేన కాని, ఎల్లో మీడియా కాని, ఇప్పుడు కేవలం రెండేళ్లలోనే నాలుగు లక్షల కోట్ల అప్పు చేసి చంద్రబాబు ప్రభుత్వం రికార్డు సృష్టిస్తే మాత్రం ఆహా, ఓహో అని డప్పు కొడుతున్నారు. అప్పుడేమో అప్పుల కుప్ప అని రాశారు. ఇప్పుడేమో పనులు భేష్ అని, అప్పులు ఇవ్వడానికి ఆర్థిక సంస్థలు ఎగబడుతున్నాయని మరో ఎల్లో మీడియా పొంగిపోయింది. ఇది అప్పు కాదన్నమాట. ఏది ఏమైనా ఇవన్ని చూశాక... గతంలో సంగతేమోకాని, నిజంగానే చంద్రబాబు సారధ్యంలో ఏపీ మరో శ్రీలంక అవుతుందన్న ఆందోళన కలగదా!- కొమ్మినేని శ్రీనివాసరావు, సీనియర్‌ జర్నలిస్ట్‌, రాజకీయ వ్యవహారాల వ్యాఖ్యాత.

సాక్షి, అమరావతి: ముఖ్యమంత్రి చంద్రబాబు పాలనలో మన రాష్ట్రం నిరుద్యోగితలో దేశంలోనే రెండోస్థానంలో ఉంది. నిరుద్యోగితలో మన రాష్ట్రం 7.8 శాతంతో కేరళం తరువాత స్థానంలో ఉంది. ఈ ఏడాది జూలై–సెప్టెంబర్‌ మధ్య వివిధ రాష్ట్రాల్లో నిరుద్యోగిత గణాంకాలను లేబర్‌ ఫోర్స్‌ సర్వే బులెటిన్‌ వెల్లడించింది. దీన్ని కేంద్ర గణాంకాలు, కార్యక్రమాల అమలుశాఖ బుధవారం విడుదల చేసింది. ఆంధ్రప్రదేశ్‌లో నిరుద్యోగిత జాతీయస్థాయిని మించి ఉందని ఆ బులెటిన్‌ తెలిపింది. జాతీయస్థాయిలో నిరుద్యోగిత 5.1 శాతం ఉండగా ఆంధ్రప్రదేశ్‌లో 7.8 శాతం ఉందని పేర్కొంది. ఆ బులెటిన్‌ ప్రకారం.. రాష్ట్రంలో పురుషుల కన్నా మహిళల్లో నిరుద్యోగిత శాతం ఎక్కువగా ఉంది. నిరుద్యోగిత పురుషుల్లో 6.8 శాతం ఉండగా.. మహిళల్లో 9.6 శాతం ఉంది. రాష్ట్రంలో గ్రామీణ ప్రాంతాల కన్నా పట్టణ ప్రాంతాల్లోనే నిరుద్యోగిత ఎక్కువగా ఉంది. గ్రామీణ ప్రాంతాల్లో 7.8 శాతం ఉన్న నిరుద్యోగిత పట్టణ ప్రాంతాల్లో 8.0 శాతం ఉంది. పురుషుల నిరుద్యోగిత పట్టణ ప్రాంతాల్లో ఎక్కువ ఉండగా.. మహిళల నిరుద్యోగిత గ్రామీణ ప్రాంతాల్లో ఎక్కువగా ఉంది. నిరుద్యోగ పురుషులు గ్రామీణ ప్రాంతాల్లో 6.6 శాతం మంది ఉండగా పట్టణ ప్రాంతాల్లో 7.3 శాతం మంది ఉన్నారు. నిరుద్యోగ మహిళలు గ్రామీణ ప్రాంతాల్లో 9.7 శాతం మంది ఉండగా పట్టణ ప్రాంతాల్లో 9.5 శాతం మంది ఉన్నారు. 2024లో జరిగిన ఎన్నికల ముందు చంద్రబాబు నిరుద్యోగ యువతకు 20 లక్షల ఉద్యోగాలు కల్పిస్తామని లేదంటే అప్పటివరకు నెలకు రూ.3 వేల చొప్పున నిరుద్యోగభృతి ఇస్తామని హామీ ఇచ్చారు. అధికారంలోకి వచ్చి 29 నెలలైనా ఆ హామీని అమలు చేయలేదు. ఉద్యోగాలు కల్పించకపోగా నిరుద్యోగభృతికి ఎగనామం పెట్టారు. దీంతో రాష్ట్రంలో యువతీ, యువకులకు ఉపాధి లభించక నిరుద్యోగిత పెరిగిపోతోంది.

ఏయూ ఇంజినీరింగ్‌ కళాశాల మైదానం పెట్టుబడుల సదస్సుకు ముస్తాబైంది.. కానీ తెరవెనుక ఏర్పాట్లు మాత్రం ప్రచార పండుగ కోసమే సాగుతున్నాయి. కెమెరాలు, డ్రోన్లు, సోషల్‌ మీడియా బృందాలతో విశాఖలో సందడి నెలకొంది. పరిశ్రమలు ఎన్ని వస్తాయి? యువతకు ఎన్ని ఉద్యోగాలు వస్తాయి? అన్నదానికంటే.. చంద్రబాబుతో ఎన్ని రీల్స్‌ తీయాలి? ‘బ్రాండ్‌ సీబీఎన్‌’ను సోషల్‌ మీడియాలో ఎలా ఆకాశానికెత్తాలి? అన్నదానిపైనే అధికార పార్టీ దృష్టి పెట్టిందన్న విమర్శలున్నాయి. ఇందుకోసం లోకేష్‌ టీమ్‌ ప్రత్యేకంగా సిద్ధం చేసిన ప్రచార బృందం ఇప్పటికే విశాఖలో మోహరించింది. పారిశ్రామిక భాగస్వామ్యానికి వేదిక కావాల్సిన 36వ సీఐఐ సమ్మిట్‌.. రాజకీయ ప్రచారానికి, ఫొటోషూట్లకు వేదికగా మారుతోందన్న విమర్శలు వ్యక్తమవుతున్నాయి. నేటి నుంచి రెండు రోజుల పాటు జరగనున్న ఈ సదస్సులో పెట్టుబడుల కంటే ప్రచార ఆర్భాటమే హైలైట్‌ కానుందా అన్న చర్చ సాగుతోంది.సాక్షి, విశాఖపట్నం: ప్రతి సదస్సులోనూ లక్షల కోట్ల పెట్టుబడులు, లక్షలాది ఉద్యోగాలంటూ భారీ ప్రకటనలు చేయడం.. ఆ తర్వాత వాటి అమలుపై స్పష్టత లేకపోవడం పరిపాటిగా మారిందన్న విమర్శలున్నాయి. ఈసారి ఒక్క సదస్సు ద్వారానే రూ.10 లక్షల కోట్ల పెట్టుబడులు సాధించడమే లక్ష్యమని ప్రభుత్వం నెల రోజులుగా ప్రచారం చేస్తోంది. 58 దేశాల నుంచి సుమారు 3,800 మంది ప్రతినిధులు హాజరవుతున్న ఈ సదస్సులో భారీగా ఎంవోయూలు కుదరనున్నాయని ప్రకటిస్తోంది. ఇప్పటికే కేంద్ర, రాష్ట్ర మంత్రులు విశాఖ చేరుకున్నారు. కేంద్ర మంత్రి పీయూష్‌ గోయల్‌ సదస్సును ప్రారంభించనున్నారు. 12, 13 తేదీల్లో జరిగే ఈ సమావేశాల్లో భారీ పెట్టుబడుల ఒప్పందాలు జరగనున్నట్లు ప్రభుత్వం చెబుతోంది. అయితే గతంలో కుదిరిన ఒప్పందాల్లో ఎన్ని కార్యరూపం దాల్చాయి? ఎన్ని పరిశ్రమలుగా మారాయి? స్థానిక యువతకు ఎన్ని ఉద్యోగాలు వచ్చాయి? అన్న ప్రశ్నలకు మాత్రం స్పష్టమైన సమాధానాలు లేవు. మరోసారి అంకెల గారడీనా..చంద్రబాబు ప్రభుత్వ ప్రచారంలో భారీ అంకెలు, ఆకర్షణీయమైన ప్రజెంటేషన్లకు కొదవ ఉండదు. గతంలో అమరావతి రాజధాని నిర్మాణం పేరుతో విదేశీ సంస్థలతో రూపొందించిన గ్రాఫిక్స్‌ చూపించి ప్రజల్లో భారీ అంచనాలు కల్పించారు. ఇప్పుడు అదే తరహాలో పెట్టుబడులు, కంపెనీలు, ఉద్యోగాల గణాంకాలతో పారిశ్రామిక ప్రగతి వచ్చేసిందనే ప్రచారానికి సీఐఐ సదస్సును వేదికగా చేసుకుంటున్నారన్న విమర్శలున్నాయి. గత సదస్సుల పెట్టుబడుల లెక్కలు పరిశీలిస్తే ఈ సందేహాలకు మరింత బలం చేకూరుతోంది. ⇒ 2016, 2017, 2018లో నిర్వహించిన సదస్సుల్లో దాదాపు రూ.18 లక్షల కోట్ల పెట్టుబడులకు ఎంవోయూలు కుదిరినట్లు అప్పటి చంద్రబాబు ప్రభుత్వం ప్రకటించింది. అయితే కాగ్‌ నివేదికల ప్రకారం వీటిలో వాస్తవ రూపం దాల్చినవి 25 నుంచి 30 శాతం మాత్రమే. గతంలో కుదుర్చుకున్న ఒప్పందాలనే మళ్లీ లెక్కల్లో చూపినట్లు కూడా నివేదికలు స్పష్టం చేశాయి. ⇒ 2025లో నిర్వహించిన సదస్సులో ఏకంగా రూ.13,25,716 కోట్ల పెట్టుబడులు వచ్చాయని, వీటి ద్వారా 16.31 లక్షల మందికి ఉద్యోగాలు లభిస్తాయని ప్రకటించారు. అయితే పార్లమెంట్‌లో వెల్లడైన వివరాల ప్రకారం విదేశీ ప్రత్యక్ష పెట్టుబడులు కేవలం రూ.5 వేల కోట్లుగానే ఉన్నట్లు తేలింది. భారీ ప్రకటనలకు, వాస్తవ పెట్టుబడులకు మధ్య వ్యత్యాసంపై అప్పట్లోనే ప్రశ్నలు తలెత్తాయి. ⇒ జూన్‌ 2024 నుంచి ఇప్పటివరకు: రూ.22.6 లక్షల కోట్ల విలువైన 714 ఎంవోయూలు కుదుర్చుకున్నామని, వీటిలో 267 ప్రాజెక్టులు అమలు దశకు చేరుకున్నాయని ప్రభుత్వం చెబుతోంది. అయితే పెట్టుబడుల పురోగతి, ఉద్యోగాల కల్పనకు సంబంధించిన గణాంకాలు క్షేత్రస్థాయి పరిస్థితులకు సరిపోతున్నాయా అన్నది ప్రశ్నార్థకంగా మారింది. ⇒ ప్రస్తుత సదస్సు కోసం ఆరు సమావేశాలు నిర్వహించి, రూ.86,522 కోట్ల విలువైన 194 ఒప్పందాలు కుదుర్చుకున్నామని, తద్వారా 1.4 లక్షల మందికి ఉపాధి లభిస్తుందని ప్రభుత్వ వర్గాలు చెబుతున్నాయి. ఈ ఒప్పందాల అమలుపై స్పష్టత ఇవ్వాలని పలువురు కోరుతున్నారు. ⇒ ప్రతిసారీ లక్షల కోట్ల పెట్టుబడుల ప్రకటనలు చేయడం, ఆ తర్వాత వాటి కార్యాచరణపై వివరాలు వెల్లడించకపోవడంపై విమర్శలు వ్యక్తమవుతున్నాయి. ఎంవోయూలు కుదరడమే పారిశ్రామిక ప్రగతికి కొలమానం కాదని, భూముల కేటాయింపు, నిర్మాణాలు, ఉత్పత్తి ప్రారంభం, స్థానికులకు ఉద్యోగాల కల్పనతోనే పెట్టుబడుల ఫలితాలు తెలుస్తాయని పారిశ్రామిక వర్గాలు పేర్కొంటున్నాయి.ఈసారీ.. పెట్టుబడుల ప్రహసనమేనా.? సుమారు 58 దేశాల నుంచి 3,800 మంది ప్రతినిధులు, కేంద్ర, రాష్ట్ర మంత్రులు ఈ సదస్సుకు హాజరవుతున్నారు. భారత్‌ ఫోర్జ్, కియా, రెన్యూ పవర్‌ లాంటి దిగ్గజ సంస్థలు వస్తున్నప్పటికీ, ఈ సదస్సు మొత్తం సోషల్‌ మీడియా రీల్స్, ఫోటోషూట్‌ల చుట్టే తిరుగుతోందన్న విమర్శలొస్తున్నాయి. పదుల సంఖ్యలో సోషల్‌ మీడియా ఇన్‌ఫ్లుయెన్సర్లకు ప్రత్యేక పాస్‌లు ఇవ్వడం, ముఖ్యమంత్రి కార్యక్రమాలను రీల్స్, ఫొటోషూట్లతో విస్తృతంగా ప్రచారం చేసేందుకు ఏర్పాట్లు చేయడం చూస్తుంటే.. ఇది పెట్టుబడుల భాగస్వామ్య సదస్సా? లేక ప్రచార రీల్స్‌ పోటీయా? అన్న సందేహాలు వ్యక్తమవుతున్నాయి.

పల్నాడు: నరసరావుపేట మున్సిపల్‌ చైర్మన్‌ పదవిని దక్కించుకునేందుకు టీడీపీకి చెందిన కపిలవాయి విజయకుమార్, మాజీ చైర్మన్‌ నాగసరపు సుబ్బరాయ గుప్తా పోటీ పడుతున్నారు. తొలుత సుబ్బరాయ గుప్తా పేరును ఎమ్మెల్యే డాక్టర్‌ చదలవాడ అరవిందబాబు ఆర్యవైశ్య సంఘ సమావేశంలో బహిరంగంగా ప్రకటించారు. అయితే, పార్టీలోని ఇతర వర్గాల నుంచి వ్యతిరేకత వ్యక్తమవడంతో అభ్యర్థి ఎంపికపై పునరాలోచనలో పడినట్లు తెలుస్తోంది. చైర్మన్‌ అభ్యర్థి ఎంపికపై పార్టీ అధిష్ఠానం ఐవీఆర్‌ఎస్‌ కాల్స్‌ ద్వారా సర్వే నిర్వహించి నిర్ణయం తీసుకుంటుందని ప్రకటించింది. దీంతో ఎవరికి అవకాశం దక్కుతుందన్న ఉత్కంఠ కంటే, ఎవరి బలం ఎంత అన్న ఆధిపత్య పోరే ఇప్పుడు ప్రధాన చర్చగా మారింది. నీ కథ అంతా బయటపెడతా.. విజయకుమార్‌ను లక్ష్యంగా చేసుకుని గుప్తా వర్గం పలు పాత వివాదాలను తెరపైకి తీసుకొస్తోంది. చైతన్య గోదావరి గ్రామీణ బ్యాంకు దోపిడీ కేసులో దొంగ బంగారం కొనుగోలు చేశారనే ఆరోపణలు, సఖ్యత ఎలక్ట్రానిక్స్‌ నిర్వాహకులు స్కీమ్‌లు, అధిక వడ్డీల పేరుతో ప్రజల నుంచి భారీగా డబ్బులు వసూలు చేసి దివాలా తీసిన వ్యవహారంలో ఆ భవనాన్ని తక్కువ ధరకు కొనుగోలు చేశారనే విమర్శలను ప్రచారంలోకి తెస్తున్నారు. అంతేకాకుండా, గుంటూరులోని ఆయన అల్లుడి వైద్యశాలకు సంబంధించి గతంలో వెలుగుచూసిన కిడ్నీ రాకెట్‌ కేసులో విజయకుమార్‌ పేరు వచ్చిందని, ఈ వ్యవహారంలో జైలుకు కూడా వెళ్లివచ్చారంటూ ఆరోపణలు చేస్తున్నారు. ఈ అంశాలన్నీ ప్రస్తుతం సోషల్‌ మీడియాలో వైరల్‌ అవుతున్నాయి. పరువు తీయొద్దంటూ ఆవేదన.. ఒకే సామాజిక వర్గానికి చెందిన ఇద్దరు ప్రముఖులు పదవి కోసం పరస్పరం ఆరోపణలు చేసుకుంటూ బహిరంగంగా విమర్శించుకోవడంపై ఆర్యవైశ్య వర్గంలోని కొందరు ప్రముఖులు అసంతృప్తి వ్యక్తం చేస్తున్నారు. వ్యక్తిగత రాజకీయ ప్రయోజనాల కోసం సామాజిక వర్గ ప్రతిష్ఠను బహిరంగ చర్చకు ఈడ్చవద్దంటూ హితవు పలుకుతున్నారు. సామాజిక వర్గ పెద్దలు జోక్యం చేసుకుని ఇద్దరి మధ్య సఖ్యత కుదిర్చాలని కోరుతున్నారు. తెరవెనుక ప్రజాప్రతినిధులు ఈ ఆధిపత్య పోరులో స్థానిక ప్రజాప్రతినిధుల మద్దతు కూడా చర్చనీయాంశంగా మారింది. ఎమ్మెల్యే డాక్టర్‌ చదలవాడ అరవిందబాబు మద్దతు సుబ్బరాయ గుప్తాకు ఉండగా, ఎంపీ లావు శ్రీకృష్ణదేవరాయలు మాత్రం విజయకుమార్‌కు మద్దతు ఇస్తున్నారనే ప్రచారం సాగుతోంది. గుప్తా నిర్వహించిన కార్యక్రమాలకు ఎమ్మెల్యే హాజరవుతుండగా, ఎంపీ దూరంగా ఉంటున్నారనే చర్చ ఉంది. మరోవైపు, విజయకుమార్‌ నిర్వహించిన కార్యక్రమానికి ఎంపీ హాజరుకావడం ఈ ప్రచారానికి మరింత బలం చేకూర్చింది. పార్టీ పెద్దల మధ్య సమన్వయం లేకపోవడమే ఈ వివాదానికి కారణమా? లేక చైర్మన్‌ అభ్యర్థి ఎంపికలో ఆధిపత్యం కోసం జరుగుతున్న అంతర్గత రాజకీయమా? అనేది టీడీపీ శ్రేణుల్లో చర్చనీయాంశంగా మారింది. ప్రజాసేవకు ప్రతీకగా ఉండాల్సిన పదవి కోసం వ్యక్తిగత ఆరోపణలు, ప్రత్యారోపణలు సాగుతుండటంపై పట్టణ ప్రజలు విస్మయం వ్యక్తం చేస్తున్నారు. ఇలాంటి వారికి టీడీపీ సీటు ఇవ్వనుందనే ప్రచారంపై అసహనం వ్యక్తం అవుతోంది. ఒక్క కాగితం ముక్కతో నీ సంగతి తేలుస్తా.. ఒక్క కాగితం ముక్క బయటపెడితే ఎదుటివారి జీవితం తలకిందులవుతుందంటూ పరోక్షంగా గుప్తాను ఉద్దేశించి విజయకుమార్‌ చేసిన వ్యాఖ్యలు రాజకీయ వర్గాల్లో కలకలం రేపాయి. దేవాలయ ఆస్తుల అన్యాక్రాంతం, నరసరావుపేట జమీందారు సేవాదృక్పథంతో అందించిన కళాశాల ఆస్తుల విక్రయాలు, విరాళాలతో నిర్మించిన కల్యాణ మండపం నిధుల లెక్కల్లో అవకతవకలకు పాల్పడ్డారనే ఆరోపణలను ప్రచారంలోకి తెస్తున్నారు. ఆలయ ఆస్తుల అద్దెల గోల్‌మాల్‌ వంటి విమర్శలు చేస్తున్నారు. గతంలో పేకాట వ్యవహారంలో పోలీసులకు పట్టుబడ్డారంటూ విమర్శలు గుప్పిస్తున్నారు. ఈ ఆరోపణలన్నీ ఇప్పుడు పట్టణంలో చర్చనీయాంశంగా మారాయి.

సాక్షి, కాకినాడ: అర్నబ్ తుఫాన్ బాధితులకు ప్రభుత్వం అందించాల్సిన రేషన్ బియ్యం పంపిణీలో తీవ్ర ఇబ్బందులు ఎదురవుతున్నాయి. కాకినాడలోని సంజయ్ నగర్, దుమ్ములపేట, నూకలమ్మ మాన్యం ప్రాంతాల్లో టీడీపీ నేతలు రేషన్ బియ్యం కోసం కూపన్లు (స్లిప్పులు) పంపిణీ చేస్తున్నారు.అయితే అందులో టీడీపీకి అనుకూలంగా ఉన్నవారికి మాత్రమే స్లిప్పులు ఇస్తున్నారంటూ పలువురు బాధితులు అసంతృప్తి వ్యక్తం చేస్తున్నారు. స్లిప్పులు లేకుండా రేషన్ దుకాణాలకు వెళ్తే బియ్యం ఇవ్వడం లేదని, ముందుగా కూపన్లు తెచ్చుకోవాలని డీలర్లు చెబుతున్నట్లు బాధితులు వాపోతున్నారు.దీంతో తుఫాన్ బియ్యం కోసం రేషన్ దుకాణాల వద్ద బాధితులు గంటల తరబడి పడిగాపులు కాయాల్సిన పరిస్థితి నెలకొంది. ప్రభుత్వం అందించే సహాయం పొందేందుకు కూడా ఇన్ని ఇబ్బందులు ఎదుర్కోవాలా అంటూ బాధితులు ప్రశ్నిస్తున్నారు. అర్హులైన ప్రతి బాధితుడికి ఎలాంటి వివక్ష లేకుండా రేషన్ బియ్యం అందించాలని డిమాండ్ చేస్తున్నారు.ఇదీ చదవండి: జమ్మూకశ్మీర్‌లో ఉగ్రదాడి

కోనసీమ: జెడ్పీటీసీ, ఎంపీటీసీ ఎన్నికల్లో వైఎస్సార్‌ సీపీకి ఓటు వేశారనే కక్షతో ఆ పార్టీ కార్యకర్త కుటుంబంపై టీడీపీ నాయకుడు, అతడి బంధువులు దాడికి పాల్పడ్డారు. కాట్రేనికోన మండలం గెద్దనపల్లి గ్రామంలో మంగళవారం ఈ దారుణం చోటుచేసుకుంది. బాధితులు తెలిపిన వివరాల ప్రకారం.. వైఎస్సార్‌ సీపీకి చెందిన మల్లాడి శ్రీలక్ష్మి, ఆమె భర్త మల్లాడి శ్రీనుపై తెలుగుదేశం పార్టీ గ్రామ నాయకుడు మల్లాడి లోవరాజు, అతని బంధువులైన బలుసుతిప్పకు చెందిన సుమారు 30 మంది దాడికి పాల్పడ్డారు. శ్రీను ఇంటిపైకి వెళ్లి ఇనుప రాడ్లతో దాడి చేశారు. ఇంటి ఆవరణలోని మోటార్‌ సైకిళ్లను, సీసీ కెమెరాను ధ్వంసం చేశారు. ఇంట్లోకి కూడా చొరబడి టీవీ, ఫర్నిచర్, వంట సామగ్రి, బీరువా పగులగొట్టి సామగ్రి ధ్వంసం చేశారు. శ్రీలక్ష్మిని జుట్టు పట్టుకొని ఈడ్చేసి, పిడిగుద్దులు గుద్దారు. దుస్తులు పూర్తిగా చిరిగిపోయినా వదల్లేదని ఆమె ఆవేదన వ్యక్తం చేశారు. ఈ దాడి సమయంలో చుట్టుపక్కల మహిళలు అడ్డుకున్నా లెక్క చేయలేదు. కాగా.. దాడిలో తీవ్రంగా గాయపడిన మల్లాడి శ్రీనును స్థానికులు ముమ్మిడివరం ప్రభుత్వ ఆసుపత్రికి తరలించారు. ఎంపీటీసీ, జెడ్పీటీసీ ఎన్నికల పోలింగ్‌ సందర్భంగా పోలింగ్‌ కేంద్రం వద్ద తనను టీడీపీ నేతలు బెదిరించారని, వైఎస్సార్‌ సీపీకి ఓటేయడంపై ఆగ్రహం వ్యక్తం చేశారని శ్రీను చెప్పారు. ఈ క్రమంలోనే తమ ఇంటిపై దాడికి తెగబడ్డారన్నారు.

అబద్దం చెప్పడానికి చాలా ధైర్యం ఉండాలి అని అంటారు. ఎందుకంటే అబద్దం చెబుతూ దొరికిపోతే పరువు తక్కువ అవుతుందని అంతా భావిస్తారు. కాని రాజకీయనేతలలో కొందరు అబద్దం ఆడడానికి అసలు భయపడరు. ఆ కోవలో ఉండే నేతలలో చంద్రబాబు ముందు వరసలో ఉంటారేమో అన్న వ్యాఖ్యలు తరచు వింటుంటాం. వాటిని ఆయన నిజం చేస్తూ ప్రసంగాలు చేస్తుంటారు. మీడియాకు చెబుతారు. గతంలో దివంగత మాజీ ముఖ్యమంత్రి వైఎస్ రాజశేఖరరెడ్డి అసెంబ్లీలో, వెలుపల ఒక మాట పదే,పదే చెబుతుండేవారు. చంద్రబాబు కళ్లు ఆర్పకుండా అబద్దాలు చెప్పడంలో ఆరితేరారని ఎద్దేవ చేసేవారు. ఆ వ్యవహార శైలి ఇప్పటికీ కొనసాగిస్తున్నారన్న అభిప్రాయం కలుగుతుంది. స్థానిక సంస్థల ఎన్నికల ఫలితాల నేపద్యంలో చంద్రబాబు మీడియాతో ముచ్చటించారు. చంద్రబాబు చెప్పిన విషయాలు విన్నవారికెవరికైనా, వీటిలో చాలా అసత్యాలు ఉన్నాయి కదా అనిపించవచ్చు. కాని ఆ సమావేశంలో పాల్గొనే మీడియా ప్రతినిధులు వాటిని ప్రస్తావించి ప్రశ్నించే ధైర్యం చేయకపోతే, ప్రజలు ఏమి చేయగలుగుతారు!ఎక్కువ సందర్బాలలో ఆయన అబద్దాలు చెప్పడానికే అలవాటుపడ్డారన్న భావన వివిధ రాజకీయ పక్షాలలో ఏర్పడింది. చంద్రబాబు చెప్పిన కొన్ని విషయాలను చూద్దాం. రఫ్పా,రఫ్పా రాజకీయాలను తిప్పికొట్టారు.. అని చంద్రబాబు అన్నారని ఈనాడు మీడియా బ్యానర్ కధనంగా ఇచ్చింది. ఇందులో వాస్తవం ఎంత ఉందో చంద్రబాబుకు తెలుసు.ఈనాడు మీడియాకు తెలుసు. కాని ఇద్దరి మద్య ఉన్న మాచ్ ఫిక్సింగ్ కారణంగా ఈ తరహా ప్రచారానికే ప్రాధాన్యత ఇస్తుంటుంది.అది వేరే విషయం. రఫ్పా , రఫ్పా అని ఎప్పుడో ఒక వైఎస్సార్‌సీపీ అభిమాని ఒక హోర్గింగ్ పెట్టారట. దానిపై పోలీసులు కేసులు పెట్టి అరెస్టులు చేశారు.ఇది జరిగి సంవత్సరం దాటిపోయినా చంద్రబాబు మాత్రం అదే ప్రచారం చేస్తుంటారు. ఒకవైపు టీడీపీ కార్యకర్తలు కత్తుల,కటార్లతో దాడులు చేసి హత్యలు చేసిన ఘటనలు ఈ రెండున్నర ఏళ్లలో అనేకం ఉన్నాయి.అయినా అవన్ని రఫ్పా,రఫ్పా కింద రావని జనం అనుకోవాలనుకోవలన్నమాట.మున్సిపల్,జడ్పి,మండల ఎన్నికలలో ఏమి జరిగిందో అంతా చూశారు. వైఎస్సార్‌సీపీ అభ్యర్దులు నామినేషన్లు వేయకుండా టీడీపీ గూండాలు అడ్డం పడడం,నామినేషన్ పత్రాలు లాక్కోవడం వంటివి చేస్తే అది రఫ్పా,రఫ్పా కిందకు రాదన్నమాట. మహిళలని కూడా చూడకుండా కొందరు టీడీపీ వారు దాడులు చేసి ఎన్నికలలో పోటీచేయనివ్వకుండా నిరోధిస్తే, అది రఫ్పా,రఫ్పా కాదా!అంతకన్నా దారుణం.. పోలింగ్ బూత్ లలో వైఎస్సార్‌సీపీ ఏజెంట్లు లేకుండా తరిమివేసినా చంద్రబాబు స్వేచ్చగా ఎన్నికలు జరిగాయని చెబుతున్నారు. పులివెందులలో స్వయంగా మాజీ ముఖ్యమంత్రి జగన్ ఈ విషయంలో దర్నా చేయాల్సి వచ్చిందంటే ఏపీకి సూపర్ బ్రాండ్ ఉందని జనం నమ్మాలన్నమాట. పెట్రోల్ బాంబులు విసిరే దశకు ఎన్నికలు వెళ్లాయి.ఫేక్ నామినేషన్లు వేసిన కొత్త చరిత్ర కూడా టీడీపీకే దక్కింది.ఇన్ని ఘోరాలు, ఇంత హింసాకాండ జరిగినా, అసలేమీ కానట్లే చంద్రబాబు మాట్లాడుతున్నారంటే ఆయన నిజం చెబుతున్నట్లా? అసత్యం చెబుతున్నట్లా?పలు చోట్ల పోలీసు అధికారులే టీడీపీ రిగ్గింగ్ లకు దగ్గరుండి సహకరిస్తే అది సుపరిపాలన అని చంద్రబాబు చెబితే ఒప్పుకోవాలన్నమాట! గతంలో టీడీపీ ఏజెంట్ మాదిరి పనిచేసిన నిమ్మగడ్డ రమేస్ ఎన్నికల కమిషనర్ గా ఉన్నప్పుడు ఆనాటి వైఎస్సార్‌సీపీ ప్రభుత్వానికి ఆయన ఎన్ని ఆటంకాలు సృష్టించారో తెలుసు. వాటన్నిటిని తట్టుకుని అప్పట్లో వైఎస్సార్‌సీపీ గెలిచింది. ఇప్పుడు కూడా చంద్రబాబు నియమించిన వ్యక్తే కమిషనర్ గా ఉన్నారు.ఆయన ప్రజాస్వామ్యాన్ని తుంగలో తొక్కి టీడీపీ సేవలో తరించారన్న విమర్శను వైఎస్సార్‌సీపీ చేస్తోంది. రాష్ట్ర ఎన్నికల కమిషన్ పూర్తిగా టీడీపీసంస్థ మాదిరి వ్యవహరిస్తే అది గొప్ప విషయం అవుతుందా? ఇంత జరిగినా వైఎస్సార్‌సీపీకి ఈ స్దాయిలో జడ్పీటీసీ,ఎంపీటీసీ స్థానాలు లభించడం ప్రజాభిమానానికి దర్పణం పడుతుంది. పులివెందులలో ఎంత అరాచకం జరిగినా, రిగ్గింగ్ చేసుకున్నా, అంతిమంగా అన్ని ఓట్లు కలిపితే వైఎస్సార్‌సీపీకే మూడువేల పైగా ఓట్లు మెజార్టీ వచ్చిందన్న అంశం చంద్రబాబుకు చేదు వంటిదే. టీడీపీకి గట్టి పట్టు ఉన్న కృష్ణా జిల్లా గన్నవరం వంటి చోట జడ్పీటీసీని వైఎస్సార్‌సీపీ గెలుచుకోవడం కూడా గమనించవలసిన పరిణామమే. చంద్రబాబు జన్మస్థలం అయిన చంద్రగిరి నియోజకవర్గంలోని తిరుపతి రూరల్ జడ్పిటిసిని మాజీ ఎమ్మెల్యే ,వైఎస్సార్‌సీపీ నేత చెవిరెడ్డి భాస్కరరెడ్డి కుమారుడు మోహిత్ రెడ్డి గెలవడం ఒక విధంగా సంచలనం. అల్లూరి జిల్లా పరిషత్ ను వైఎస్సార్‌సీపీ కైవసం చేసుకోవడం కీలకమైన సంగతి. దీనిపై చంద్రబాబు చేసిన వ్యాఖ్యలు అనుచితంగా కనిపిస్తాయి. మత మార్పిడుల ప్రభావం అని ఆయన అంటున్నారంటే అది ముఖ్యమంత్రి స్థాయికి తగునా అన్నది ఆయన ఆలోచించుకోవాలి. మరి ఆధ్యాత్మిక కేంద్రమైన తిరుపతి రూరల్ లో ఏ మతమార్పిడులు టీడీపీని ఓడించాయి? అలాగే ఒక మహిళ వాకర్ తో డ్రామా నడిపిన సంగతి బహిర్గమైన తర్వాత కూడా ముఖ్యమంత్రిగా ఉన్న వ్యక్తి ఆమెకు మద్దతుగా మాట్లాడడం ఆశ్చర్యమే అనిపిస్తుంది. అందులో నిజం ఉన్నట్లయితే అక్కడే ఉన్న పోలీసులు ఆమెను తోసినట్లు చెబుతున్న వ్యక్తిని ఎందుకు అరెస్టు చేయలేదో తెలియదు. ఇంత జరిగిన తర్వాత ఆమె ఓటమిపాలవడం ఆసక్తికరంగా ఉంది. అసెంబ్లీ ఎన్నికల సమయంలో కూటమి ఇచ్చిన హామీలు నెరవేర్చకపోయినా జనం పాలనను మెచ్చుకున్నారని చంద్రబాబు అంటున్నారు. అది సత్యమా?అసత్యమా?అన్నది ఆయనకు తెలియకుండా పోతుందా?జగన్ టైమ్ లో పోర్టులు,మెడికల్ కాలేజీల నిర్మాణం,స్కూళ్ళు, ఆస్పత్రుల ఆదునీకరణ, సచివాలయ వ్యవస్థ వంటి ఎన్నో సంస్కరణలు తీసుకువస్తే అదేమో ఏపీ బ్రాండ్ పోయినట్లట.అలాంటివేమీ చేయకపోయినా, ఈ రెండున్నరేళ్లలో నాలుగు లక్షల కోట్ల అప్పులు చేసిన కూటమి సర్కార్ ఏపీ బ్రాండ్ ను నిలబెట్టినట్లట. ఈవిఎమ్,బాలెట్ విధానాలు రెండిటిలో గెలిచామని ఆయన చెప్పుకునే యత్నం చేస్తున్నారు. కాని అసెంబ్లీ ఎన్నికలలో ఏభై లక్షల ఓట్ల మిస్టరీపై ఎందుకు మాట్లాడరు? స్తానిక ఎన్నికలలో బాలెట్‌ రిగ్గింగ్ పై నిష్పాక్షిక విచారణకు ఒప్పుకుంటారా?ఏ తరహా ఎన్నికైనా ,రిగ్గింగ్ చేయడం ద్వారా గెలవవచ్చని చంద్రబాబు రుజువు చేశారా అని భావించాలా అన్నది వైఎస్సార్‌సీపీ ప్రశ్న?అందుకే చంద్రబాబును రిగ్గింగ్ మాస్టర్ అని జగన్ అభివర్ణించారు. ఈవీఎంలపైన, నోట్ల రద్దు వంటి అంశాలపైన చంద్రబాబు గత కొన్నేళ్లలో ఎన్నిసార్లు మాటలు మార్చింది ఆయన మనసుకు తెలియదా!23 లక్షల కోట్ల పెట్టుబడులు, లక్ష కోట్ల ఉద్యాన హబ్ వంటి వివిధ అంశాలలో వాస్తవాలు ఎంత అన్నది ప్రశ్నార్దకమే! ఈ నేపధ్యంలో చంద్రబాబు ధైర్యంగా అబద్దాలు చెబుతారన్న వ్యాఖ్యలు నిజమేనని అంగీకరించక తప్పదా! అవును! నిజాలు చెప్పడానికి నిజాయితీ కావాలి.అబద్దాలు చెప్పడానికి ధైర్యం కావాలన్న సంగతిని ఒప్పుకోవల్సిందే!.- కొమ్మినేని శ్రీనివాసరావు, సీనియర్‌ జర్నలిస్ట్‌, రాజకీయ వ్యవహారాల వ్యాఖ్యాత.

తాడేపల్లి: వైఎస్సార్‌సీపీ అధినేత, మాజీ ముఖ్యమంత్రి వైఎస్‌ జగన్‌మోహన్‌రెడ్డి గత పాలనలో పెట్టుబడులు, అభివృద్ధి, సంక్షేమం పెద్ద ఎత్తున జరిగాయని పార్టీ అధికార ప్రతినిధి పుత్తా శివశంకర్ గుర్తుచేశారు. అంతకుముందు చంద్రబాబు పాలనలో ఏఈఐ (ఆక్సెస్ ఈక్వాలిటీ ఇండెక్స్) 10వ ప్లేసులో ఉందని, ఆ తర్వాత వైఎస్‌ జగన్ ప్రభుత్వం వచ్చాక నం.3 ప్లేస్‌కు వచ్చిందని తెలిపారు.చంద్రబాబు ఇప్పుడు దాన్ని తన గొప్పతనంగా చెప్పుకుంటున్నారని పుత్తా శివశంకర్ విమర్శించారు. బాబు పాలనలో రాష్ట్ర ఆదాయాలు పూర్తిగా తగ్గిపోయాయని తెలిపారు. రోజుకు రూ.450 కోట్ల చొప్పున చంద్రబాబు అప్పు చేస్తున్నారని, ఇప్పటికే రాష్ట్రంపై రూ.11 లక్షల కోట్ల అప్పుల భారం మోపారని చెప్పారు. ఒక్కొక్కరిపై దాదాపు రూ.2.11 లక్షల చొప్పున భారం పడిందని తెలిపారు. వైఎస్‌ జగన్ పాలనలో ఈజ్ ఆఫ్ డూయింగ్ బిజినెస్‌లో నంబర్ 1 ప్లేసులో ఉందని, కానీ ఇప్పుడు 8వ ప్లేసుకు పడిపోయిందని మండిపడ్డారు. అంటే రాష్ట్రంలో పెట్టుబడి పెట్టడం శ్రేయస్కరం కాదని పారిశ్రామిక వేత్తలు భయపడుతున్నారని వివరించారు. చంద్రబాబు, లోకేశ్‌ దెబ్బకు పారిశ్రామిక వేత్తలు పారిపోతున్నారని అన్నారు. అయినప్పటికీ 20 లక్షల మందికి ఉద్యోగాలు ఇచ్చామంటూ పచ్చి అబద్దాలు చెబుతున్నారని తెలిపారు. స్థానిక ఎన్నికల ఎఫెక్టుతో డైవర్షన్ రాజకీయాలు చేస్తున్నారని చెప్పారు.

సాక్షి కడప: పులివెందుల గడ్డపై ఎన్నిక ఏదైనా... ఫలితం ఎప్పుడూ ఏకపక్షమే! అధికార మదంతో ప్రతిపక్షాన్ని అణచివేయాలని చూసినా, టీడీపీ నాయకులు రౌడీ మూకలు, ముఠా నాయకులను ప్రయోగించి భయోత్పాతం సృష్టించినా, ఆ బెదిరింపులకు పులివెందుల ప్రజానీకం ఎన్నడూ తలొగ్గలేదు. కొండంత గుండెధైర్యంతో వైఎస్సార్‌సీపీ వెంటే నిలబడ్డారు. ఒకపక్క టీడీపీ మూకలు కట్టెలు, రాడ్లు, రాళ్లతో తెగబడి పోలింగ్‌ బూత్‌ల బయట యుద్ధ వాతావరణాన్ని సృష్టించినా.. లోపలికి వెళ్లిన ఓటరు మాత్రం వైఎస్సార్‌ కుటుంబం పట్ల తమకున్న అచంచలమైన విధేయతను చాటుకుంటూ ఫ్యాన్‌ గుర్తుకే ఓటు వేసి అండగా నిలిచారు. ఇటీవల జరిగిన పులివెందుల మున్సిపాలిటీతో పాటు జెడ్పీటీసీ, ఎంపీటీసీ ఎన్నికల ఫలితాలే ఇందుకు సజీవ సాక్ష్యం. దశాబ్దాల చరిత్ర.. పెట్టని కోట! పులివెందుల నియోజకవర్గంలో ఎన్నిక ఏదైనా, ప్రతిసారి వైఎస్‌ కుటుంబం నిలబెట్టిన అభ్యర్థికి ప్రజలు బ్రహ్మరథం పడుతూనే ఉన్నారు. ఇది ఇప్పటికిప్పుడు వచ్చిన ఆదరణ కాదు.. 1978 నుంచి దశాబ్దాల సుదీర్ఘ రాజకీయ చరిత్రలో వైఎస్‌ కుటుంబానికి పులివెందుల గడ్డ పెట్టని కోట గోడగా నిలిచింది. లోక్‌సభ, అసెంబ్లీ, ఎమ్మెల్సీ ఎన్నికల నుంచి నిన్నమొన్నటి మున్సిపల్, జెడ్పీటీసీ, ఎంపీటీసీ ఎన్నికల వరకు ఏది వచ్చినా ఆ కుటుంబం పట్ల తమకున్న అచంచలమైన అభిమానాన్ని ఓటర్లు చాటుకుంటూనే ఉన్నారు. ఎన్ని రాజకీయ ముసుర్లు కమ్ముకున్నా, పులివెందుల ఎప్పటికీ వైఎస్‌ కుటుంబానికి తిరుగులేని కంచుకోట అని ప్రజలు ప్రతి ఎన్నికలోనూ నిరూపిస్తున్నారు. 70 బూత్‌లలో ఏజెంట్లు లేకున్నా.. పులివెందుల మున్సిపాలిటీ చైర్‌పర్సన్‌ స్థానానికి సంబంధించి మొత్తం 80 పోలింగ్‌ బూత్‌లు ఉండగా, అందులో ఏకంగా 70 బూత్‌లలో వైఎస్సార్‌సీపీ తరపున కనీసం ఏజెంట్లు, పార్టీ శ్రేణులు రాకుండా టీడీపీ గూండాలు, రౌడీలు అడ్డుకున్నారు. పదుల సంఖ్యలో బూతులను టీడీపీ మూకలు ముఠాగా ఏర్పడి ఆక్రమించి, దొంగ ఓట్లు, రిగ్గింగ్‌లతో చెలరేగిపోయాయి. నామినేషన్ల ఘట్టం నుంచి ఎన్నికల పోలింగ్‌ ముగిసే వరకు జరిగిన ప్రతి పరిణామాన్ని నిశితంగా గమనిస్తూ వచ్చిన విజ్ఞులైన ఓటర్లు, పోలింగ్‌ రోజున తమ విజ్ఞతతో ఆందోళనల నడుమే ఓటేశారు. కనీసం ఏజెంట్లు కూడా లేని ఆ 70 బూత్‌లలో వైఎస్సార్‌సీపీకి ఏకంగా 11,559 ఓట్లు వచ్చాయంటే అక్కడ వైఎస్సార్‌ కుటుంబంపై ప్రజలకున్న అచంచలమైన నమ్మకం ఎలాంటిదో అర్థం చేసుకోవచ్చు. అక్కడో ఇక్కడో సాధారణంగా జరిగిన ఓటింగ్‌ సరళిని పరిశీలిస్తే, ఓటర్లంతా పూర్తిగా వైఎస్సార్‌ సీపీకే ఏకపక్షంగా ఓట్లు వేసినట్లు స్పష్టమవుతోంది. లింగాల అరాచకాలను దాటుకుని.. మున్సిపల్‌ ఎన్నికల్లోనే కాకుండా, జెడ్పీటీసీ, ఎంపీటీసీ స్థానిక సంస్థల ఎన్నికల్లోనూ ఓటర్లు పూర్తి స్థాయిలో వైఎస్సార్‌ సీపీ వైపే ఉన్నట్లు స్పష్టంగా రూఢీ అయింది. వైఎస్‌ కుటుంబానికి కంచుకోట లాంటి లింగాల మండలంలోని ఇప్పట్ల, పార్నపల్లి, కోమన్నూతల, కామసముద్రం తదితర ప్రాంతాల్లో టీడీపీ రౌడీలు వైఎస్సార్‌ సీపీ ఏజెంట్లను బూత్‌ల వద్దకు రాకుండా అడ్డుకుని రిగ్గింగ్‌కు పాల్పడ్డారు. అయినప్పటికీ ఈ మండలంలో వైఎస్సార్‌ సీపీ జెడ్పీటీసీ అభ్యర్థికి 3,304 ఓట్ల ఆధిక్యత లభించింది. టీడీపీ శ్రేణులు తీవ్రస్థాయిలో రిగ్గింగ్‌కు పాల్పడి 10,147 ఓట్లు సాధించినా, ప్రజలు స్వచ్ఛందంగా వైఎస్సార్‌ సీపీకి 8,598 ఓట్లు వేసి తమ అఖండ మద్దతును చాటారు. సాధారణంగా, ప్రశాంతంగా ఓటింగ్‌ జరిగిన ప్రతిచోటా ఓటర్లు ఏకపక్షంగా వైఎస్సార్‌ సీపీకే జైకొట్టారు. వేములలో గుండాల రచ్చ.. ఇక వేముల మండలంలోనూ టీడీపీ గుండాలు ఇదే రీతిలో రచ్చ లేపారు. వైఎస్సార్‌ సీపీ ఏజెంట్లను అడ్డుకోవడం, బూత్‌ల వద్ద దౌర్జన్యాలకు తెగబడటమే కాకుండా, మండల కేంద్రమైన వేములలో పోలింగ్‌ కేంద్రం వైపు వైఎస్సార్‌ సీపీ మద్దతుదారులు రాకుండా రోడ్లపైనే అరాచకాలు సృష్టించారు. ఒక్క వేములలోనే కాకుండా కొత్తపల్లి, చాగలేరు వంటి పలు గ్రామాల్లో అరాచకాలు సాగించినా ఓటర్లు మాత్రం వైఎస్సార్‌ సీపీకి తిరుగులేని ఆధిక్యతను అందించారు. ఈ మండలంలో వైఎస్సార్‌ సీపీ జెడ్పీటీసీ అభ్యరి్థకి 9,047 ఓట్లు రాగా, టీడీపీ అభ్యర్థి దౌర్జన్యాలు, రిగ్గింగ్‌లు చేసుకున్నా కేవలం 7,478 ఓట్లకే పరిమితం కావడం ప్రత్యర్థుల నైతిక ఓటమికి నిదర్శనం. వేంపల్లెలో క్లీన్‌ స్వీప్‌.. ఎలాంటి అరాచకాలు లేకుండా సాధారణంగా, ప్రశాంత వాతావరణంలో జరిగిన వేంపల్లె ఎన్నికల్లో వైఎస్సార్‌ సీపీ అభ్యర్థికి ఓటర్లు తిరుగులేని, చరిత్రాత్మక మెజార్టీని అందించారు. ఇక్కడ జనసేన, వైఎస్సార్‌ సీపీ అభ్యర్థుల మధ్య జరిగిన పోటీని, వచ్చిన మెజార్టీలను పరిశీలిస్తే ఇరు పార్టీల బలాబలాలకు నక్కకు, నాగలోకానికి ఉన్నంత తేడా స్పష్టంగా కనిపిస్తోందని రాజకీయ విశ్లేషకులు చెప్తున్నారు. తాము స్వచ్ఛందంగా గెలవలేమనే ముందస్తు భయంతోనే టీడీపీ మూకలు ఈ స్థాయి అరాచకాలకు ఒడిగట్టాయని ఇక్కడి పరిస్థితులు స్పష్టం చేస్తున్నాయి. ఇంత దౌర్జన్యాలు చేసినా క్షేత్రస్థాయిలో ప్రజాదరణను సాధించలేకపోవడం, నైతికంగా ఓడిపోవడంపై ప్రస్తుతం టీడీపీ శ్రేణుల్లో తీవ్ర అంతర్మథనం మొదలైంది. ప్రత్యర్థుల కుట్రలు, కుతంత్రాలన్నింటినీ పులివెందుల ఓటరు మహాశయులు తమ ఓటు అనే ఆయుధంతో నిలువునా తిప్పికొట్టారు.

సాక్షి ప్రతినిధి, శ్రీకాకుళం: సానివాడ పరిషత్‌ ప్రాదేశిక స్థానం పరిధిలో ఓటర్లు తనకు ఓటేసి గెలిపించినా.. టీడీపీ నేతల ఒత్తిళ్లతో అధికారులు ఆ ఓట్లను టీడీపీ ఖాతాలో వేసి, ఆ పార్టీ అభ్యర్థిని గెలిపించారని సానివాడ ఎంపీటీసీ వైఎస్సార్‌ సీపీ అభ్యర్థి ఎచ్చెర్ల దివ్య అన్నారు. ఎమ్మెల్యే గొండు శంకర్‌ తాను గెలిచిన స్థానాన్ని టీడీపీ ఖాతాలో వేసేంతవరకు నిద్ర పోలేదని, సొంత ఎంపీటీసీ కూడా గెలినిపించుకోలేని ఎమ్మెల్యేగా మిగిలిపోతాననే భయంతో అధికారులతో అక్రమాలు చేయించారని ఆరోపించారు. తాను గెలిచిన ఎంపీటీసీ స్థానం ఎట్టి పరిస్థితుల్లో టీడీపీ పరం కా వాలని ఎమ్మెల్యే, మంత్రులు కుట్రలు పన్నారన్నారు. అధికారుల పీకపై కత్తి పెట్టి, తన విజయా న్ని హైజాక్‌ చేశారని ఆవేదన వ్యక్తం చేశారు. కష్టకాలంలో తనకు ఓటేసిన ప్రజలందరికీ ధన్యవాదాలు తెలిపారు. దౌర్జన్యాలు, దాడులు, బెదిరింపులు ఎదుర్కొని నిలబడిన తోటి ఎంపీటీసీ అభ్యర్థులు, నాయకులు, కార్యకర్తలకు కృతజ్ఞతలు తెలిపారు. ఇదీ చదవండి: సొంత పార్టీ నేతలే వెన్నుపోటు పొడిచారు!

తాడేపల్లిగూడెం: కూటమిలో తెలుగుదేశం, జనసేన పార్టీల మధ్య అంతర్గత విభేదాలతో తాడేపల్లిగూడెం మండలం వెంకట్రామన్నగూడెం ఎంపీటీసీ ఫలితం బొప్పి కట్టడంతో తమ్ముళ్ల మధ్య విభేదాలు మరోసారి బయటపడ్డాయి. సోమవారం జరిగిన నియోజకవర్గ టీడీపీ సమావేశంలో ఎంపీటీసీ అభ్యర్థిగా పోటీ చేసిన పరిమి రవికుమార్‌ కన్నీళ్లు పర్యంతరం కాగా.. ఇద్దరు కార్యకర్తలు శరీరంపై డీజిల్‌ పోసుకొని ఆత్మహత్యాయత్నం చేశారు. రెవెన్యూ, పోలీసు అధికారులపై ఆరోపణలు చేయడంతో పాటు కూటమికి వెన్నుపోటు పొడిచే వారిని ఎమ్మెల్యే పెంచి పోషిస్తున్నారని జిల్లాపరిషత్‌ మాజీ చైర్మన్‌ ముళ్లపూడి బాపిరాజు విమర్శలు చేయడం చర్చనీయాంశమైంది.సమావేశంలో మాట్లాడుతున్న వెంకట్రామన్నగూడెం ఎంపీటీసీ అభ్యర్థి పరిమి రవికుమార్‌ మండలంలోని కడియద్ద ఎంపీటీసీ స్థానంలో వైఎస్సార్‌సీపీ గెలిచినా.. జనసేనకు ఎలా ప్రకటించారో, అలాగే వెంకట్రామన్నగూడెం ఫలితాన్ని టీడీపీకి ఎందుకు ప్రకటించలేదని ప్రశ్నించారు. బాపిరాజు మాట్లాడుతూ కడియద్దలో జనసేన ఒక ఓటుతో ఓడిపోయింది.. వెంకట్రామన్నగూడెంలో టీడీపీ ఏడు ఓట్లతో గెలిచిందని, కడియద్దలో రీ కౌంటింగ్‌ పెట్టించనని, పెట్టిస్తే వెంకట్రామన్నగూడెం కూడా రీ కౌంటింగ్‌ అడుగుతారని ఎమ్మెల్యే బొలిశెట్టి తనతో అన్నారన్నారన్నారు. అయితే కడియద్దలో రీకౌంటింగ్‌ పెట్టించి ఒక ఓటుతో జనసేన అభ్యర్థిని గెలిపించారని విమర్శించారు. ఎమ్మెల్యేకు అనుంగ శిష్యులుగా ఉన్న ఇద్దరు చోటా నేతలు వెంకట్రామన్నగూడెంలో ఇండిపెండెంటుగా నామినేషన్‌ వేస్తే ఎమెల్యే బాధ్యత తీసుకోవాల్సిన అవసరం లేదా అని బాపిరాజు ప్రశ్నించారు.బాధ్యత తీసుకోకపోతే ఇది మీరే చేశారనుకుంటారు కదా అని తాను అడిగానన్నారు. అలాగే టీడీపీ నాయకుడు గంధం సతీష్‌ బంధువు కౌంటింగ్‌ హాలులో ఉన్న అధికారికి ఫోన్‌ చేసి తేడా వస్తే పీకలు కోసేస్తాం అని బెదిరించారని, డైరెక్ట్‌గా రొమ్ము విరిచి ఓడించే దమ్ము లేక, దొంగల మాదిరిగా చేతకాని దద్దమ్మలు కాబట్టి ఇలా చేస్తున్నారని బాపిరాజు మండిపడ్డారు. శనివారం అర్ధరాత్రి తాడేపల్లిగూడెం నన్నయ వర్సిటీలోని కౌంటింగ్‌ హాలు వద్ద వెంకట్రామన్నగూడెం ఫలితం ప్రకటించిన తర్వాత టీడీపీ శ్రే ణులు ఎమ్మెల్యే డౌన్‌డౌన్‌ అంటూ నినాదాలు చే శారు. దీంతో కూటమిలో చిచ్చు మరింత ఎలా రాజుకుందో సోమవారం సమావేశంతో పూర్తిగా బహిర్గతమైంది.ఇదీ చదవండి: మంత్రి పదవి ఉంటుందా.. ఊడుతుందా?

సాక్షి, పార్వతీపురం మన్యం: ప్రాదేశిక ఎన్నికల్లో ప్రతిపక్ష వైఎస్సార్‌సీపీ తన ఉనికిని చాటుకుంది. గ్రామీణ ప్రాంతాల్లో పట్టును నిలుపుకొంది. ముఖ్యంగా ఈ ఎన్నికలు అధికార పార్టీకి గొప్ప గుణపాఠం నేర్పాయి. ప్రధానంగా జిల్లాకు చెందిన రాష్ట్ర గిరిజన సంక్షేమ శాఖ మంత్రి గుమ్మిడి సంధ్యారాణికి గట్టి షాక్‌ ఇచ్చాయి. తన సొంత నియోజకవర్గంలోనే ఆమెకు కోలుకోలేని ఎదురుదెబ్బ తగిలింది. ఇప్పటికే మున్సిపల్‌ ఎన్నికల్లో.. సీట్ల సర్దుబాటు విషయంలో మంత్రిమాట చెల్లుబాటు కాలేదు. జనసేనకు కేటాయించడంపై బహిరంగంగానే ఆమె అసంతృప్తి వ్యక్తం చేశారు. తీరా ఎన్నికల సమయంలో తెలుగుదేశం పార్టీ నుంచే ఇండిపెండెంట్‌గా మంజీరా బరిలో దిగారు. ఆమె వెనుక మంత్రి సంధ్యారాణి ఉన్నారన్నది ఆ పార్టీ వర్గాల నుంచే వినిపించిన మాట. ఇంత చేసినా.. చైర్పర్సన్‌ కుర్చీ జనసేన ఎగరేసుకుపోయింది. సొంత మున్సిపాలిటీలోనే మంత్రికి ఘోర పరాభవం అనుకుంటే.. ప్రాదేశిక ఎన్నికల్లో సాలూరు మండలంతో పాటు.. ఆమె స్వప్రాంతమైన మక్కువ మండలం జెడ్పీటీసీ స్థానాన్ని వైఎస్సార్‌ సీపీ కైవసం చేసుకుంది. మక్కువ మండలం ఎంపీపీ స్థానం సైతం వైఎస్సార్‌ సీపీ ఖాతాలో పడింది. ఇది మంత్రికి కోలుకోలేని దెబ్బ. ఆమె ప్రజా, గిరిజన వ్యతిరేక పనితీరుకు నిలువెత్తు సాక్ష్యం అన్నది రాజకీయ విశ్లేషకుల మాట. ఈ ప్రాంతానికి చెందిన మంత్రి అయినా గిరిజనులకు చేసిన మేలు, ఈ ప్రాంతంలో చేసిన అభివృద్ధి శూన్యమన్న మాట అధికమంది నుంచి వినిపిస్తోంది. మంత్రి పదవి ఉంటుందా.. ఊడుతుందా? ఇప్పుడు సాలూరు నియోజకవర్గంతో పాటు.. జిల్లా రాజకీయాల్లో ఇదే చర్చ. గతంలో దివగంత ముఖ్యమంత్రి రాజశేఖరరెడ్డి హయాంలో అప్పటి ఉమ్మడి ఆంధ్రప్రదేశ్‌ ప్రాదేశిక ఎన్నికల్లో ఓ ఇద్దరు మంత్రులు ప్రాతినిధ్యం వహిస్తున్న చోట్ల రెండు జెడ్పీటీసీ స్థానాలను కోల్పోవాల్సి వచ్చింది. అధికార పార్టీలో ఉండి.. ఈ ఓటమి జీర్ణించుకోలేక, నైతిక బాధ్యత వహిస్తూ.. ఇద్దరు మంత్రులూ.. మంత్రి వర్గం నుంచి తప్పుకున్నారు. నాటి సంఘటనలను జిల్లాలోని సీనియర్‌ నాయకులు గుర్తు చేస్తున్నారు. ఇప్పటికే గిరిజన సంక్షేమం, ఆరోగ్యం, జిల్లాకు సంబంధించిన ఇతర అంశాలలో మంత్రి అపఖ్యాతి పొందారు. ఈ క్రమంలో విస్తరణ సమయానికి మంత్రి పదవి ఊడుతుందన్న ప్రచారం ఎప్పటినుంచో నడుస్తోంది. సొంత నియోజకవర్గంలో పార్టీ ఓటమికి నైతిక బాధ్యత వహించి మంత్రి పదవికి సంధ్యారాణి స్వచ్ఛందంగా తప్పుకుంటారా.. లేక అధిష్టానం చర్యలు తీసుకుంటుందా.. అన్న చర్చ జిల్లా రాజకీయాల్లో హాట్‌టాపిక్‌గా మారింది. గ్రామీణ ప్రాంతాల్లో సత్తా చూపిన వైఎస్సార్‌ సీపీ సాధారణంగా స్థానిక సంస్థల ఎన్నికలు అధికార పార్టీకి అనుకూలంగా వస్తాయి. అందునా చంద్రబాబు ప్రభుత్వం అన్ని దారులనూ ప్రతిపక్ష నాయకులకు మూసివేసింది. నామినేషన్లు వేసినప్పుడు బెదిరింపులు దగ్గర నుంచి ఎన్నికల్లో రిగ్గింగు.. లెక్కింపు సమయంలో ఆర్వోలను బెదిరించడం.. ఓటర్లను నయానో, భయానో తమ దారికి తెచ్చుకోవడం వంటి సకల కళలూ ఉపయోగించింది. ప్రాదేశిక ఎన్నికల్లో ఎన్ని జిమ్మిక్కులు చేసినా గ్రామీణ ప్రాంతాల్లో తమ ఓటు బ్యాంకు చెక్కుచెదరలేదని వైఎస్సార్‌సీపీ నిరూపించింది. అధికారం లేకపోయినప్పటికీ.. చంద్రబాబు ప్రభుత్వ కుట్రలను ఛేదించి.. 15 జెడ్పీటీసీ స్థానాల్లో ఐదు దక్కించుకుంది. 226 ఎంపీటీసీ స్థానాల్లో సింగిల్‌గా పోటీ చేస్తూ 62 దక్కించుకుంది. ఓట్ల శాతంలోనూ గతం కంటే మెరుగవ్వడం.. రెండున్నరేళ్లలోనే చంద్రబాబు ప్రభుత్వ పాలనపై ప్రజా వ్యతిరేకతకు అద్దం పడుతోంది. ఇదీ చదవండి: పరిటాల శ్రీరామ్‌కు పరాభవమేనా!

సాక్షి, పుట్టపర్తి: సార్వత్రిక ఎన్నికల్లో పోటీచేసి ఓటమి చవిచూసిన టీడీపీ యువనాయకుడు పరిటాల శ్రీరామ్‌కు ‘ప్రాదేశిక’ంలోనూ పరాభవం తప్పదా? సార్వత్రిక ఎన్నికల్లో ఓడిపోయిన ఆయన.. ప్రాదేశిక ఎన్నికల్లో గెలిచి జెడ్పీ చైర్మన్‌ పీఠం అధిరోహించాలని ఆశించినప్పటికీ అంతిమ లక్ష్యం నెరవేరడం కష్టమేనా? జెడ్పీటీసీగా గెలిచినా చైర్మన్‌ పీఠం మాత్రం దక్కే అవకాశాలు లేవా?...ఈ ప్రశ్నలకు అవుననే సమాధానం రాజకీయ వర్గాల నుంచి వినిపిస్తోంది. కూటమి పార్టీల పొత్తులో భాగంగా జనసేనకు జెడ్పీ చైర్మన్‌ స్థానం కేటాయించే అవకాశం ఉందని, ఆ పార్టీ తరఫున పుట్టపర్తి జెడ్పీటీసీగా గెలిచిన చిలకం మధుసూదన్‌రెడ్డి చైర్మన్‌ అయ్యే సూచనలు ఉన్నాయన్న చర్చ జోరుగా నడుస్తోంది. పరిటాల శ్రీరామ్‌ రాజకీయ అరంగేట్రంలోనే రాప్తాడు నియోజకవర్గం నుంచి 2019లో పోటీ చేసి ఘోరంగా ఓడిపోయారు. ఆ తర్వాత ధర్మవరం టీడీపీ ఇన్‌చార్జ్‌గా మకాం మార్చారు. 2024 ఎన్నికల్లో కూటమి పొత్తులో భాగంగా ధర్మవరం సీటును బీజేపీకి కేటాయించారు. బీజేపీ తరఫున ఎమ్మెల్యేగా గెలిచిన సత్యకుమార్‌.. మంత్రివర్గంలో చేరిన తర్వాత పరిటాల శ్రీరామ్‌కు అడుగడుగునా అవమానాలు ఎదురవుతూనే ఉన్నాయి. జెడ్పీ చైర్మన్‌ స్థానం ఆశించిన ఆయన..ధర్మవరం నియోజకవర్గ పరిధిలో రెండు జనరల్‌ సీట్లు ఉన్నా.. జెడ్పీటీసీ అభ్యర్థిగా పోటీ చేయడానికి కదిరి నియోజకవర్గం నల్లచెరువు మండలాన్ని ఎంచుకున్నారు. ధర్మవరం నియోజకవర్గ పరిధిలో పోటీ చేస్తే సత్యకుమార్‌ అనుచరుల నుంచి వ్యతిరేకత ఎదురవుతుందని పరిటాల శ్రీరామ్‌ నల్లచెరువుకు వెళ్లినట్లు తెలుస్తోంది. అక్కడి నుంచి అతికష్టమ్మీద గట్టెక్కినా ఆయన మండల స్థాయి నాయకుడి (జెడ్పీటీసీ)గానే మిగిలిపోతారని కూటమి నేతల్లో చర్చ సాగుతోంది. జనసేన పార్టీకి జెడ్పీ పీఠం? కూటమి పొత్తులో భాగంగా శ్రీ సత్యసాయి జిల్లా పరిషత్‌ చైర్మన్‌ సీటును జనసేనకు కేటాయించనున్నట్లు తెలుస్తోంది. నామినేషన్ల ఆరంభం నుంచి టీడీపీ తరఫున పరిటాల శ్రీరామ్‌ జెడ్పీ చైర్మన్‌ రేసులో ఉన్నారంటూ ప్రచారం చేశారు. అదే సమయంలో జనసేనకే చైర్మన్‌ పీఠం అప్పజెబుతారని, తనకే పట్టం కడతారని ఆ పార్టీ నేత చిలకం మధుసూదన్‌రెడ్డి జనంలోకి వెళ్లారు. నల్లచెరువు నుంచి పరిటాల శ్రీరామ్, పుట్టపర్తి నుంచి చిలకం మధుసూదన్‌రెడ్డి విజయం సాధించడంతో ఎవరికి పీఠం దక్కుతుందనే దానిపై కూటమి నేతల్లో భారీ చర్చ నడుస్తోంది. అత్యధికులు మాత్రం చిలకం పేరునే చెబుతున్నారు. జెడ్పీటీసీగానే పరిటాల శ్రీరామ్‌! కూటమి పొత్తులో భాగంగా జనసేన పార్టీకి చెందిన అభ్యర్థికి జెడ్పీచైర్మన్‌ సీటు కేటాయిస్తే.. టీడీపీ నేత పరిటాల శ్రీరామ్‌ జెడ్పీటీసీగానే మిగిలిపోతారు. పరిటాల శ్రీరామ్‌ అరాచకాలు చూడలేక సార్వత్రిక ఎన్నికల్లో అసెంబ్లీ స్థానానికి పోటీ చేసినా జనం ఘోరంగా ఓడించారు. ఆ తర్వాత టీడీపీ ఇన్‌చార్జ్‌గా ధర్మవరం మకాం మార్చినా ఆయన గ్రాఫ్‌ పెంచుకోలేకపోయారు. ప్రస్తుతం ప్రాదేశిక ఎన్నికల నోటిఫికేషన్‌ విడుదలైన తర్వాత జెడ్పీ చైర్మన్‌ పదవిపై ఆశతో నల్లచెరువుకు వెళ్లినా.. ఆ లక్ష్యం నెరవేరే సూచనలు మాత్రం కనిపించడంలేదు. ఇదీ చదవండి: విడాకులు తీసుకున్న పవన్‌ కల్యాణ్‌, ఆయన భార్య అన్నాలెజినోవా

సాక్షి, అమరావతి: స్థానిక ఎన్నికల్లో కూటమి ప్రభుత్వం ప్రజాస్వామ్యాన్ని అపహాస్యం చేసింది. స్థానిక పాలనలో దళితులు, గిరిజనులు, మహిళలకు రాజకీయ ప్రాతినిధ్యం కల్పించాలన్న రాజ్యాంగ లక్ష్యానికి తూట్లు పొడిచింది. బలహీన వర్గాలకు అండగా నిలవాల్సిన అధికార యంత్రాంగం అధికార పార్టీ నేతల అక్రమాలకు వంతపాడిందన్న ఆరోపణలు వెల్లువెత్తుతున్నాయి. ఎస్సీ కాలనీల్లో పోలింగ్‌ కేంద్రాల మార్పు నుంచి దొంగ ఓట్ల వరకు.. ఎస్టీ రిజర్వ్‌డ్‌ స్థానాల్లో ఏకగ్రీవాల నుంచి మహిళలపై లాఠీచార్జ్‌ వరకు.. స్థానిక పోరులో అడుగడుగునా బడుగు, బలహీనవర్గాల ఓటు హక్కుపైనే దాడి జరిగినట్లు పలు ఘటనలు స్పష్టం చేస్తున్నాయి. బలహీన వర్గాల ఓట్లే టార్గెట్‌ గ్రామాల్లో రాజకీయంగా, ఆర్థికంగా బలంగా ఉన్న కుటుంబాల జోలికి వెళ్లకుండా.. ఎదురు తిరిగే శక్తి, ఆర్థిక స్థోమత లేని దళితులు, గిరిజనులు, పేద మహిళల ఓట్లను లక్ష్యంగా చేసుకున్నారన్న విమర్శలు వినిపిస్తున్నాయి. కూలి పనులకు వెళ్లే కుటుంబాలు, మారుమూల తండాల్లో నివసించే గిరిజనులు, ఒంటరి మహిళలు ఓటు హక్కు కోల్పోయినా ప్రశ్నించే పరిస్థితి ఉండదన్న బలహీనతను అధికార పార్టీ నేతలు తమకు అనుకూలంగా మలుచుకున్నారనే ఆరోపణలు ఉన్నాయి. పోలీస్‌స్టేషన్, కోర్టుల చుట్టూ తిరిగే స్థోమత లేని వర్గాల ఓట్లను కొల్లగొట్టేందుకు వ్యూహాత్మకంగా వ్యవహరించారన్న విమర్శలు వ్యక్తమవుతున్నాయి. బూత్‌ మార్చి.. దొంగ ఓట్లు ప్రకాశం జిల్లా కొర్రపాటివారిపాలెంలో ఎస్సీ కాలనీ పోలింగ్‌ కేంద్రాన్ని చివరి నిమిషంలో మరో ప్రాంతానికి మార్చడం వివాదాస్పదమైంది. కాలనీ వాసులు కొత్త కేంద్రానికి చేరుకునేలోపే వారి ఓట్లను ఇతరులు వేసేశారన్న ఆరోపణలు వచ్చాయి. తమ ఓటును వేరేవారు వేసినట్లు ఎన్నికల అధికారులకు ఫిర్యాదు చేసినా స్పందన లేదని బాధితులు ఆవేదన వ్యక్తం చేశారు. మారుమూల కాలనీలు, గిరిజన తండాల్లోనూ ఇదే తరహా పరిస్థితులు నెలకొన్నట్లు ఆరోపణలున్నాయి. రవాణా సౌకర్యం లేని ప్రాంతాలకు పోలింగ్‌ కేంద్రాలను మార్చడంతో పలువురు ఓటు హక్కుకు దూరమయ్యారు. ఎస్టీలను ఊరు దాటించి.. రిజర్వ్‌డ్‌ స్థానాన్ని కైవసం నెల్లూరు జిల్లా చిల్లకూరులో ఎస్టీ మహిళకు రిజర్వ్‌ చేసిన జెడ్పీటీసీ స్థానంలో ప్రతిపక్ష అభ్యర్థి పోటీ చేయకుండా అడ్డుకున్నారన్న ఆరోపణలు కలకలం రేపాయి. పోటీకి అవకాశం లేకుండా చేసి ఆ స్థానాన్ని ఏకగ్రీవం చేసుకున్నారన్న విమర్శలు వచ్చాయి. రాజ్యాంగం కల్పించిన రిజర్వేషన్‌ ఉద్దేశం.. ఆయా వర్గాలు తమ ప్రతినిధులను స్వేచ్ఛగా ఎన్నుకోవడం. కానీ చిల్లకూరులో జరిగిన పరిణామాలు ఆ స్ఫూర్తికే విరుద్ధంగా ఉన్నాయన్న ఆందోళన వ్యక్తమవుతోంది. ఎస్టీ మహిళ పదవిలో ఉన్నప్పటికీ, ఆమెను ఎన్నుకునే అవకాశం ఆ వర్గానికి లేకుండా చేయడమంటే రిజర్వేషన్లను అధికార పార్టీ రాజకీయ ప్రయోజనాలకు వాడుకోవడమేనన్న విమర్శలు వినిపిస్తున్నాయి. మహిళలకు ఓటు హక్కు నిరాకరణ.. ప్రశ్నిస్తే లాఠీ దెబ్బలు కర్నూలు జిల్లా ఎదురుసాపురంలో మహిళలను పోలింగ్‌ కేంద్రం గేటు బయటే క్యూలో నిలబెట్టి, గేటు మూసివేసి లోపల ఓట్లు వేసుకున్నారన్న ఆరోపణలు వచ్చాయి. పల్నాడు జిల్లా అమ్ముపల్లెలో ఓటు వేయనివ్వడం లేదంటూ మహిళలు నేరుగా కలెక్టర్‌ను ఆశ్రయించారు. తమ సమస్యను పరిష్కరించాలని కోరిన మహిళలపైనే పోలీసులు లాఠీలు ఝళిపించారన్న ఆరోపణలు తీవ్ర ఆగ్రహం కలిగించాయి. ఓటు హక్కు కోసం అధికారులను ఆశ్రయించిన మహిళలకు న్యాయం చేయాల్సింది పోయి, వారిపైనే బలప్రయోగం చేయడమేంటన్న ప్రశ్నలు తలెత్తుతున్నాయి. నామినేషన్ల దశలోనూ మహిళా అభ్యర్థులపై దాడులు, చీరలు లాగడం వంటి ఘటనలు చోటుచేసుకున్నాయి. పోటీ చేసే మహిళలకే రక్షణ లేకపోతే.. ఓటు వేసేందుకు వచ్చే సామాన్య మహిళలకు భరోసా ఎక్కడన్న ప్రశ్నలు వ్యక్తమవుతున్నాయి. చంద్రబాబు సామాజిక న్యాయం.. ఆచరణలో అన్యాయంప్రసంగాల్లో సామాజిక న్యాయం, బడు­గు వర్గాల సాధికారత గురించి గొప్పగా చెప్పే ముఖ్యమంత్రి చంద్రబాబు.. క్షేత్రస్థాయిలో ఆ వర్గాల ప్రజాస్వామ్య హక్కుల పరిరక్షణలో విఫలమయ్యారన్న విమర్శలు వెల్లువెత్తుతున్నాయి. పీ4 కార్యక్రమంతో పేదరికం లేని సమాజాన్ని నిర్మిస్తామని చెబుతున్న ప్రభుత్వం.. స్థానిక ఎన్నికల్లో పేదలు, దళితులు, గిరిజనులు, మహిళల ఓటు హక్కుకే రక్షణ కల్పించలేకపోయిందన్న విమర్శలు ఎదుర్కొంటోంది. స్థానిక పాలనలో బలహీన వర్గాల­కు ప్రాతినిధ్యం కల్పించాల్సిన రిజర్వేషన్లను నిరీ్వర్యం చేస్తూ, వారి ఓటు హక్కును హరించే పరిణామాలపై ప్రభుత్వం సమాధానం చెప్పాల్సి ఉంది. ‘ప్రజాస్వామ్యంలో సామాన్యుడి చేతిలో ఉన్న \శక్తిమంతమైన ఆయుధం ఓటు. ఆ ఓటునే దూరం చేస్తే సామాజిక న్యాయం నినాదం కేవలం మాటలకే పరిమితమవుతుంది’అని తాజా పరిణామాలపై ప్రజాస్వామ్యవాదులు ఆందోళన వ్యక్తం చేస్తున్నారు.

సాక్షి ప్రతినిధి, ఒంగోలు: ప్రకాశం జిల్లా సంతనూతలపాడు నియోజకవర్గంలో పచ్చ గూండాలు రెచ్చిపోయారు. పరిషత్‌ ఎన్నికల్లో నామినేషన్లు వేయకుండా అడ్డుకోవడం, నామినేషన్‌ పత్రాలను లాక్కొని చించివేయడం వంటి చర్యలకు పాల్పడిన పచ్చదండు.. వద్దని చెబుతున్నా ఎన్నికల్లో వైఎస్సార్‌సీపీ తరఫున పోటీ చేశారన్న కోపంతో ఫలితాలు వెలువడిన తర్వాత దళిత కుటుంబంపై, అభ్యర్థికి ఓటు వేశారన్న కారణంతో ఇతర దళిత కుటుంబాలపై విచక్షణా రహితంగా దాడి చేశారు. కర్రలు, ఇనుప రాడ్లతో మహిళలను సైతం ఇళ్లలోంచి బయటకు లాగి కొట్టారు. పోలీసులు వచ్చి ప్రాణాలు రక్షిస్తారని ఎదురు చూసిన బాధితులకు.. స్వయంగా చీమకుర్తి సీఐ ప్రసాద్‌ సైతం వచ్చీ రాగానే దాడికి పాల్పడడం షాక్‌కు గురి చేసింది. దిక్కుతోచని స్థితిలో బాధితులుప్రాణాలు అర చేతిలో పెట్టుకొని ఒంగోలుకు పారిపోయారు. బాధితుల కథనం ప్రకారం ఘటన వివరాలు ఇలా ఉన్నాయి. ప్రకాశం జిల్లా చీమకుర్తి మండలం బూదవాడ గ్రామ పంచాయతీ పరిధిలోని ఎంపీటీసీ స్థానానికి వైఎస్సార్‌సీపీ అభ్యర్థిగా జండ్రాజుపల్లి ఏసేబు పోటీ చేశారు. పోటీ నుంచి తప్పుకోవాలని టీడీపీ నేతలు ఒత్తిడి చేశారు. ఏసోబు వారి మాట వినకుండా బరిలో నిలిచారు. ఈ ఎన్నికల్లో టీడీపీ అభ్యర్థి జండ్రాజుపల్లి కోటేశ్వరరావు గెలుపొందారు. తన మాట వినకుండా పోటీ చేసిన ఏసోబు మీద కక్ష పెంచుకున్నాడు. శనివారం రాత్రి 9.30 గంటలకు ఎల్లయ్యనగర్‌కు చెందిన టీడీపీ నాయకులు చాంద్‌ బాషా, గౌస్‌ బాషా, ఎస్‌.కె.బుల్లా మద్యం తాగి ద్విచక్ర వాహనంపై పూనూరి క్రాంతికుమార్‌ ఇంటి వద్దకు వచ్చి, అంతు చూస్తామని బెదిరించారు. వైఎస్సార్‌సీపీ ఏజెంట్లు పూనూరి క్రాంతికుమార్, ఎనుబర్ల ప్రభుదాసుతో వాగ్వాదానికి దిగారు.అనంతరం టీడీపీకి చెందిన లగడపాటి రామారావు, మేదరమెట్ల భీమేశ్వరరావు, ఆదినారాయణ, పరుశురాం తదితర 20 మంది గూండాలు కర్రలు, ఇనుప రాడ్లతో క్రాంతికుమార్‌ ఇంటిపై పడ్డారు. మహిళలను కూడా వదలకుండా విచక్షణా రహితంగా దాడి చేశారు. కులం పేరుతో అసభ్య పదజాలంతో దూషిస్తూ.. ‘మీకెందుకురా ఎన్నికలు.. మేము చెప్పినా వినకుండా పోటీ చేస్తారా.. ఇప్పుడు మీకు దిక్కెవరో చూద్దాం’ అంటూ భయోత్పాతం సృష్టించారు. వైఎస్సార్‌సీపీ అభ్యర్థికి ఓటు వేశారనే కారణంతో ఇతర దళిత కుటుంబాలపై కూడా దాడి చేశారు. దళితులపై విరుచుకుపడిన సీఐ ప్రసాద్‌గొడవ సమయంలో ఘటన స్థలానికి చేరుకున్న చీమకుర్తి సీఐ దాసరి ప్రసాద్‌ టీడీపీ నాయకుడు లగడపాటి రామారావు హుకుంతో దళితుల మీద పడ్డారు. ఇళ్లలోకి దూరి దొరికిన వారిని దొరికినట్లు చితకబాదారు. మహిళలపై కూడా లాఠీ ఝుళిపించారు. ఆయన దెబ్బలతో భయాందోళనకు గురైన దళితులు ప్రాణాలు అరచేతిలో పెట్టుకొని.. గాయాలు బాధ పెడుతున్నా.. పిల్లా పాపలతో ఒంగోలుకు పారిపోయారు. అనంతరం బూదవాడలోని ఎల్లయ్య నగర్‌లో వైఎస్సార్‌సీపీకి ఓటు వేసిన దళితులంతా వెళ్లిపోవాలని బెదిరించారు.పచ్చ గూండాలు, సీఐ దాడిలో పూనూరి క్రాంతి కుమార్, జండ్రాజుపల్లి ఇమ్మానియేలు, ఎనుబర్ల ప్రభుదాసు, జండ్రాజుపల్లి దానయ్య, రావినూతల లత, ఎనుబర్ల సంపూర్ణమ్మ, జండ్రాజుపల్లి కుమారి, గుంటూరు రమణ తీవ్రంగా గాయపడ్డారు. వీరు ఒంగోలు రిమ్స్‌లో చికిత్స పొందుతున్నారు. వీరితో పాటు బీ యేసుదానం, ఏ పొట్టిబాబు, మరో 15 మందికి గాయాలయ్యాయి. టీడీపీ మూకల హెచ్చరికతో సుమారు 200 మంది ఒంగోలుకు రావడంతో వైఎస్సార్‌సీపీ నేతలు స్థానిక అంబేడ్కర్‌ భవనంలో ఆశ్రయం కలి్పంచారు.సీఐని విధుల నుంచి తప్పించాలి ఎన్నికల్లో పోటీ చేయడమే నేరమైనట్లు బూదవాడ దళితుల మీద పచ్చ గూండాలు దాడి చేస్తుంటే రక్షించాల్సిన చీమకుర్తి సీఐ ప్రసాద్‌.. వారికి వంత పాడుతూ రౌడీయిజం ప్రదర్శించడం దారుణమని బాధితులు ఆవేదన వ్యక్తం చేశారు. స్వయంగా సీఐ తమ మీద దాడికి పాల్పడితే న్యాయం కోసం తామెక్కడికి పోవాలని ప్రశి్నంచారు. టీడీపీ నాయకుడి హుకుంతో తమ మీద దాడికి పాల్పడిన సీఐ ప్రసాద్‌పై కఠిన చర్యలు తీసుకోవాలని, అతడిని విధుల నుంచి తప్పించాలని బాధితులు డిమాండ్‌ చేశారు. ఈ ఘటనపై ఎస్సీ, ఎస్టీ కేసు నమోదు చేయాలని, సీఐపై చర్యలు తీసుకోవాలని దర్శి ఎమ్మెల్యే బూచేపల్లి శివ ప్రసాద్‌రెడ్డి, మాజీ మంత్రి మేరుగు నాగార్జున నేతృత్వంలో బాధితులు ఎస్పీకి ఫిర్యాదు చేశారు.వైఎస్సార్‌సీపీకి ఓట్లేయడం నేరమా?చంద్రబాబు పాలనలో దళితులకు ప్రాథమిక హక్కులు కూడా లేకుండా పోయాయని, రాష్ట్రంలోని ప్రజలు తమకు ఇష్టమొచ్చిన వారికి ఓట్లేసే స్వేచ్ఛ కూడా లేకుండా చేశారి వైఎస్సార్‌ సీపీ జిల్లా అధ్యక్షుడు, దర్శి ఎమ్మెల్యే బూచేపల్లి శివ ప్రసాద్‌రెడ్డి మండిపడ్డారు. చంద్రబాబు సామాజిక వర్గానికి చెందిన పచ్చ గూండాల దాడిలో గాయపడి ఒంగోలు రిమ్స్‌లో చికిత్స పొందుతున్న బాధిత దళితులను ఆయన పరామర్శించారు. దాడిని తీవ్రంగా ఖండించారు.పచ్చ గూండాల నుంచి దళితులను రక్షించాల్సిన పోలీసులు కూడా దాడికి పాల్పడడం దారు­ణమని ఆవేదన వ్యక్తం చేశారు. పోలీసుల అరాచకంపై న్యాయ పోరాటం చేస్తామని ప్రకటించారు. మాజీ మంత్రి మేరుగు నాగార్జున కూడా బాధితులను పరామర్శించారు. పోలీసులతో ఎన్నికలు నిర్వహించిన చంద్రబాబు.. తన పాలనలో దళితులకు రక్షణ లేకుండా చేశారని ఆగ్రహం వ్యక్తం చేశారు. ఈ ఘటనపై జాతీయ మానవ హక్కుల కమిషన్‌కు, ఎస్సీ కమిషన్‌కు ఫిర్యాదు చేయనున్నట్లు తెలిపారు.

సాక్షి, అమరావతి: స్థానిక ఎన్నికల్లో 94 శాతం స్ట్రైక్‌ రేట్‌ సాధించామని చంద్రబాబు చెప్పడం హాస్యా­స్పదంగా మారింది. అసలు ఈ రెండున్నరేళ్లలో చంద్రబాబు ఏం చేశాడని ప్రజలు ఆయనకు ఓటేస్తా­రని మేధావులు, విశ్లేషకులు ప్రశ్నిస్తున్నారు. రెండున్నరేళ్లలో ఏ ఒక్క వర్గానికైనా మేలు జరిగిందా అనే ప్రశ్న అందరి నుంచి వినిపిస్తోంది. సూపర్‌ సిక్స్‌–సూపర్‌ సెవన్‌ హామీలు ఎగ్గొట్టారు. ఆడబిడ్డ నిధి పేరుతో అక్కచెల్లెమ్మలను మోసం చేశారు. నిరుద్యోగులకు ఇస్తామన్న భృతి లేదు. రైతుకు గిట్టుబాటు ధర లేదు, తుపాను పరిహారం లేదు. ఉద్యోగులకు డీఏ లేదు, పీఆర్‌సీ లేదు. బకాయిలు 40­వేల కోట్ల రూపాయలు దాటిపోయాయి. ఆరోగ్యశ్రీ నీరుగారింది.ఆస్పత్రుల్లో మందుల్లేవు. మెడికల్‌ కాలేజీలు, పోర్టులు, భూములు పప్పుబెల్లాలకు అమ్మకానికి పెట్టారు. ఊరూరా మద్యం, గంజాయి ఏరులై పారుతున్నాయి. నిత్యావసరాల ధరలు నింగినంటాయి. ఇలా ఇంటింటినీ మోసం చేసిన చంద్రబాబు పార్టీకి ప్రజలు ఓట్లు గుమ్మరిస్తారా అనే చర్చ నడుస్తోంది. జనాగ్రహం బ్యాలెట్‌లో పడితే ఏమవుతుందో బాబుకు బాగా తెలుసు. అందుకే ఓటుకు బదులు లాఠీని నమ్ముకున్నారు. పచ్చ­మూ­కలకు కిరాయి గూండాలు, గంజాయి ముఠాలు తోడయ్యా­యి.నామినేషన్‌ పత్రాలు చింపేశారు. సంతకాలు ఫోర్జరీ చేసి దొంగ విత్‌డ్రాలు చేయించారు. అనేక చోట్ల ప్రత్యర్థులే లేకుండా చేశారు. అర్ధరాత్రి ఏజెంట్లను ఇళ్లలోంచి లాక్కెళ్లారు. పోలింగ్‌ కేంద్రా­ల దగ్గర పెట్రోల్‌ బాంబులు పేల్చారు. కెమెరాలు ఆపేసి బూత్‌లు కబ్జా చేశారు. కౌంటింగ్‌లోనూ ఓట్లను చెల్లనివిగా చూపి గెలుపు లెక్కలు రా­సుకున్నారు. ఎన్నికల సంఘం, పోలీసులు, అధికా­ర యంత్రాంగాన్ని పావులుగా వాడుకుని ప్రజాస్వామ్యాన్ని అడుగడుగునా ఖూనీ చేశారు. ఆ 94 శాతం స్ట్రైక్‌ రేట్‌ వెనుక ఉన్న అసలు రహస్యం ఇదేనని రాష్ట్రమంతటికీ అర్థమయ్యింది. చంద్రబాబు చాతుర్యాన్ని దేశమంతా నివ్వెరపోయి చూసింది. ఇలా దౌర్జన్యంతో దక్కించుకున్న గెలుపునే ప్రజల ఆదరణగా చంద్రబాబు సోమవారం మీడి­యా సమావేశంలో డబ్బా కొట్టుకున్నారు. ఎన్నిక­లు స్వేచ్ఛగా జరిగాయని, డబ్బు ప్రభావమే లేదని నిస్సిగ్గుగా చెప్పుకున్నారు. రాష్ట్రమంతా కళ్లారా చూసిన పచ్చ అరాచకాలకు పసుపు ముసుగేసి అవేవీ ఎవరికీ తెలియదన్నట్లు కళ్లార్పకుండా కమిట్‌మెంట్‌తో అబద్ధా్దలు వల్లెవేశారు. ప్రజలను పిచ్చోళ్లను చేయాలని చూశారు. బాబు చెప్పిన ఒక్కో అబద్ధానికి వాస్తవాలే సమాధానం. బాబు అబద్ధాలు.. అసలు నిజాలు అబద్ధం: ప్రజలు మా పాలనను ఆదరించారు నిజం: ఆదరించడానికి ఈ రెండున్నరేళ్లలో బాబు చేసిందేమిటి? ఎన్నికలు సజావుగా జరిగితే గెలిచే అవకాశమే లేదన్న భయంతోనే ప్రత్యరి్థని బరిలో లేకుండా చేశారు. 84 జెడ్పీటీసీ, 2 వేలకు పైగా ఎంపీటీసీ స్థానాల్లో వైఎస్సార్‌సీపీ అభ్యర్థులే లేకుండా చేశారు. ఎన్నికలు జరిగిన చోట దౌర్జన్యాలు, బాంబు దాడులు, బూత్‌ల ఆక్రమణ. ఇదా ప్రజల ఆదరణ? అబద్ధం: సంక్షేమ పథకాలు అందిస్తున్నాం నిజం: సూపర్‌ సిక్స్‌–సూపర్‌ సెవన్‌ హామీలను ఎగ్గొట్టారు. ఆడబిడ్డ నిధి పేరుతో అక్కచెల్లెమ్మలను నిలువునా మోసం చేశారు. గతంలో ఉన్న పథకాలనూ ఆపేశారు. సున్నా వడ్డీనీ ఎగ్గొట్టారు. నిరుద్యోగులకు నెలకు రూ.3 వేల భృతి హామీ గాల్లో కలిసింది. ఊరూరా మహిళలు బాబును నిలదీస్తున్నారు. మోసపోయిన ఈ వర్గాలు కూటమికి ఓటేశాయంటే నమ్మేదెవరు? అబద్ధం: రైతులకు అండగా నిలిచాం నిజం: రైతులకు ఇన్‌పుట్‌ సబ్సిడీ లేదు. సున్నా వడ్డీ లేదు. పంటలకు గిట్టుబాటు ధర లేదు. సాంకేతికతతో తుపాన్లను ముందే అంచనా వేశామని గొప్పలు చెప్పుకుంటున్నా అర్నబ్‌ తుపానులో నిండు ప్రాణాలు గాల్లో కలిశాయి. కరువుతో అల్లాడుతున్న రాయలసీమ, పల్నాడు రైతులకు దమ్మిడీ సాయం లేదు. గత ప్రభుత్వం పంటల బీమా అ­మలు చేస్తే దానికి ఎగనామం పెట్టి ఇప్పుడు బీమా ఉందా అని రైతులనే ఎదురు ప్రశ్నిస్తున్నారు. ఇలా నష్టపోయిన అన్నదాత కూటమికి జై కొట్టాడా? అబద్ధం: సుపరిపాలన అందిస్తున్నాం నిజం: సచివాలయ వ్యవస్థను నిరీ్వర్యం చేశారు. ప్రభుత్వ ఆస్పత్రుల్లో మందులు కూడా లేవు. ఉచిత వైద్యం అందించిన ఆరోగ్యశ్రీని నీరుగార్చారు. ఉద్యోగులకు ఐఆర్‌ లేదు, పీఆర్‌సీ లేదు. ఐదు డీఏలు పెండింగ్‌. వివిధ రూపాల్లో ఉద్యోగులకు రూ.40 వేల కోట్లకుపైగా బకాయిలు. బకాయిల కోసం ఎదురుచూస్తూ తరచూ ఆందోళన చేస్తున్న ఉద్యోగులే ఈ పాలనను ఆదరించారంటారా? అబద్ధం: ఏపీ బ్రాండ్‌ను సూపర్‌ బ్రాండ్‌గా మార్చాం నిజం: రాష్ట్రాన్నే అమ్మకానికి పెట్టారు. 17 మెడికల్‌ కాలేజీలను పప్పుబెల్లాలకు ప్రైవేటుకు కట్టబెడుతున్నారు. పోర్టులు, హార్బర్లలో స్కామ్‌లు. ప్రభుత్వ భూములను ఎకరా రూపాయికే బినామీలకు, కావాల్సిన వారికి ధారాదత్తం. రాజధాని పనుల్లో స్కామ్‌. మట్టి, ఇసుక, లేటరైట్‌ దోపిడీ. ఇదేనా బాబు చెబుతున్న సూపర్‌ బ్రాండ్‌? అబద్ధం: జీవన ప్రమాణాల్లో రాష్ట్రం ముందంజ నిజం: ఊరూరా, వాడవాడలా మద్యం, గంజాయి ఏరులై పారుతున్నాయి. శాంతిభద్రతలు పూర్తిగా క్షీణించాయి. బియ్యం సహా నిత్యావసరాల ధరలు ఆకాశాన్నంటుతున్నా పట్టించుకునే నాథుడు లేడు. ఒకప్పుడు గౌరవంగా చూసిన ఆంధ్రప్రదేశ్‌ను దక్షిణాది బిహార్‌గా మార్చేశారు. ఎందులో రాష్ట్రం ముందంజ? అబద్ధం: ఎన్నికలు స్వేచ్ఛగా జరిగాయి నిజం: రెండున్నరేళ్లలో ప్రజలకు ఏమీ చేయలేదు కాబట్టే స్వేచ్ఛగా ఎన్నికలు జరగనివ్వలేదు. పరిషత్‌ పోలింగ్‌ రోజే 20 జిల్లాల్లో 170కి పైగా ఘటనలు. 47కు పైగా చోట్ల ఏజెంట్లను బూత్‌ల నుంచి గెంటేశారు. 45కు పైగా చోట్ల తెల్లవారుజామున 3 గంటలకే ఏజెంట్లను ఇళ్లలోంచి లాక్కెళ్లి స్టేషన్లలో కూర్చోబెట్టారు. అనేక చోట్ల దొంగ ఓట్లు, రిగ్గింగ్‌. పులివెందుల ఎర్రిపల్లెలో పోలింగ్‌ కేంద్రం దగ్గరే పెట్రోల్‌ బాంబులు పేలాయి. సీఎం నియోజకవర్గం కుప్పంలోనే ఓటర్లను ఓటేయకుండా వెనక్కి పంపారు. కౌంటింగ్‌లోనూ అక్రమాలు ఆగలేదు. వైఎస్సార్‌సీపీ గెలిచిన చోట్ల రాత్రికి రాత్రే వందల ఓట్లను చెల్లనివిగా చూపి, చెల్లని ఓట్లను తమ ఖాతాలో వేసుకుని టీడీపీ గెలిచినట్లు లెక్కలు రాసుకున్నారు. అబద్ధం: పోలీసులు నిష్పక్షపాతంగా వ్యవహరించారు నిజం: ఈ ఎన్నికల్లో ఖాకీలు పచ్చ చొక్కాలు తొడుక్కున్నట్టు బరితెగించారు. డీజీపీ నుంచి ఎస్‌ఐ వరకూ యంత్రాంగమంతా టీడీపీని గెలిపించేందుకే పనిచేసింది. మహిళలనూ వదలకుండా వేధించారు. వేలాది మంది వైఎస్సార్‌సీపీ నేతలు, కార్యకర్తలను బైండోవర్‌ చేశారు. టీడీపీ నేతలపై ఒక్క స్టేషన్‌లోనూ ఒక్క కేసు లేదు. దీన్ని నిష్పక్షపాతం అంటారా? అబద్ధం: కడపలో రౌడీ రాజకీయం అంతమైంది నిజం: పులివెందులలో బ్యాలెట్‌ పత్రాలు లాక్కుని దొంగ ఓట్లు గుద్దిన వీడియోలు రాష్ట్రమంతా చూసింది. లింగాల మండలం కామసముద్రంలో ఎమ్మెల్సీ బీటెక్‌ రవి సోదరుడు వంద మందితో బూత్‌ ముందు తిష్ట వేసి ఓటర్లను అడ్డుకున్నారు. ఎంపీ అవినా‹Ùరెడ్డిని పోలీసులు రోడ్డుపైనే ఆపేశారు. వైఎస్సార్‌సీపీ జెడ్పీటీసీ అభ్యర్థులనే అరెస్టు చేశారు. రౌడీ రాజకీయం ఎవరిది? అబద్ధం: ఎక్కడా డబ్బు ప్రభావం లేదు నిజం: రెండున్నరేళ్లలో దోచుకున్న సొమ్మును టీడీపీ నేతలు విచ్చలవిడిగా వెదజల్లారు. ఓటర్లను ప్రలోభపెట్టేందుకు ప్రత్యేక యంత్రాంగాన్నే ఏర్పాటు చేశారు. ఓటర్‌ స్లిప్పులతో పాటే డబ్బులు పంచారు. కర్ణాటక, తమిళనాడు నుంచి రౌడీలను రప్పించి దొంగ ఓట్లు వేయించారు. చంద్రగిరిలో కాలేజీ విద్యార్థులతో దొంగ ఓట్లు గుద్దించారు. దొంగ ఓటర్లు రెడ్‌ హ్యాండెడ్‌గా పట్టుబడ్డారు. అబద్ధం: వైఎస్సార్‌సీపీ బలం తగ్గింది నిజం: ఇంత అరాచకం మధ్య కూడా వైఎస్సార్‌సీపీ శ్రేణులు వీరోచితంగా పోరాడాయి. పార్టీ 76 జెడ్పీటీసీ, 1,728 ఎంపీటీసీ స్థానాలను గెలుచుకుంది. జెడ్పీటీసీ ఎన్నికల్లో 39.7 శాతం ఓట్లు వచ్చాయని బా­బు సొంత లెక్కలే చెబుతున్నాయి. 2024లో వ­చి్చంది 40 శాతం. పార్టీ బలం ఇసుమంతైనా తగ్గ­లేదు. బూత్‌లు కబ్జా చేసినా ఈ ఓట్లు చెక్కు చెదరలేదంటే కూటమి పునాదులు కదులుతున్నట్లే. స్వేచ్ఛగా ఎన్నికలు జరిగి ఉంటే బాబు అడ్రస్‌ గల్లంతయ్యేది. అబద్ధం: ఏజెన్సీలో ప్రలోభాలు, మతమారి్పడుల ప్రభావం నిజం: గెలిస్తే ఆదరణ, ఓడితే గిరిజనులపై నింద. ఇది గిరిజనుల తీర్పును అవమానించడమే. అక్కడి ప్రజలు ఎందుకు తిరస్కరించారో ఆత్మపరిశీలన చేసుకోకుండా నిందలు వేయడం చంద్రబాబుకే చెల్లింది. అబద్ధం: ఎన్నికల ప్రక్రియ సాఫీగా సాగింది నిజం: రాజ్యాంగబద్ధంగా పనిచేయాల్సిన రాష్ట్ర ఎన్నికల సంఘం చేష్టలుడిగి చూసింది. తుపాను హెచ్చరికలున్నా తేదీ మార్చలేదు. సుప్రీం కోర్టు ఆదేశాలనూ బేఖాతర్‌ చేశారు. పోలింగ్‌ కేంద్రాలలో కెమెరాలు లేకపోయినా, వెబ్‌కాస్టింగ్‌ ఆగిపోయినా పట్టించుకున్న నాథుడే లేడు.బాబు మార్కు స్ట్రైక్‌ రేట్‌ అసలు మర్మం.. ఈ కుట్రల సాక్షిగా ప్రజాస్వామ్యం ఖూనీ1. అభ్యర్థులకు బెదిరింపులు.. బైండోవర్లు.. 2. నాయకుల గృహ నిర్బంధం. 3. కిరాయి గూండాలు, గంజాయి ముఠాలతో నామినేషన్‌ కేంద్రాల స్వా«దీనం.. 4. నామినేషన్‌ పత్రాలు లాక్కుని చించేయడం 5. పచ్చ గుంపులకు పోలీసుల దన్ను 6. దాడులకు గురైన ప్రతిపక్ష పార్టీ అభ్యర్థుల పైనే కేసులు 7. అభ్యర్థుల సంతకాలు ఫోర్జరీ.. నామినేషన్ల తిరస్కరణ. 8. బలప్రయోగంతో ఉపసంహరణలు 9. నంబర్‌ పెంచడానికి నకిలీ నామినేషన్లు.. తర్వాత ఉపసంహరణలు.. 10. అమ్ముడుపోయిన ఆర్వోలు.. పత్రాలు మాయం.. ఓటమి భయంతోనే ఖూనీ చెప్పుకోవడానికి ఒక్క మంచి పని లేదు. ఇంటింటా మోసపోయిన జనం, బకాయిల కోసం ఎదురుచూస్తున్న ఉద్యోగులు, పరిహారం అందని రైతులు, భృతి కోసం ఎదురుచూస్తున్న నిరుద్యోగులు.. ఈ ఆగ్రహం బ్యాలెట్‌లో పడితే ఫలితం ఏమవుతుందో బాబుకు బాగా తెలుసు. అందుకే ఓటర్లను బూత్‌లకు రానివ్వలేదు. ఎన్నికల సంఘాన్ని, పోలీసులను, అధికార యంత్రాంగాన్ని యథేచ్ఛగా వాడుకుని ప్రజాస్వామ్యాన్ని ఖూనీ చేశారు. ప్రజల ఓటు హక్కును, పోటీ చేసే హక్కును కాలరాశారు. ఆ వ్యవస్థలపై ప్రజల్లో పూడ్చలేని అగాధం ఏర్పడింది. ఒకనాడు సేఫ్‌ ఆంధ్రాగా ఉన్న రాష్ట్రం చంద్రబాబు సాగిస్తున్న అరాచకాల కారణంగా నేడు సేవ్‌ ఆంధ్రా అని రోధించాల్సిన దుస్థితికి చేరింది.

నామినేషన్ల సమయంలో నియోజకవర్గ స్థాయి వైఎస్సార్‌సీపీ నేతలను పోలీసుల సాయంతో గృహ నిర్బంధం చేశారు.. ఆపై ఎక్కడికక్కడ అభ్యర్థులు నామినేషన్లు వేయకుండా పచ్చ గూండాలు అడ్డుకున్నారు.. ఏకంగా చేతుల్లోంచి నామినేషన్‌ పత్రాలు లాక్కొని చింపేశారు.. ఆర్వో చేతుల్లో ఉన్న పత్రాలు సైతం లాగేసుకున్నారు.. ఈ గండాలను దాటుకుని పోటీలో నిలిచిన అభ్యర్థులను బెదిరించారు.. పోలింగ్‌ రోజున ఏజెంట్లనూ బయటకు తోసేశారు.. ఇష్టానుసారం రిగ్గింగ్‌ చేసుకున్నారు.. ఆపై కౌంటింగ్‌ రోజున చెల్లని ఓట్లనూ కలుపుకున్నారు.. అదీ సరిపోని చోట్ల ఎంచిన ఓట్లలోంచి మళ్లీ కొన్ని ఓట్లను పక్కకుతీసి కలిపేసుకున్నారు.. ఆపై విజయం సాధించామంటూ చంకలు గుద్దుకుంటున్నారు.. ఇదీ ఓ విజయమా! అని ప్రజలు వెన్నుపోటు పార్టీ కూటమిని చీదరించుకుంటుంటే తుడిచేసుకుని వెళ్తున్నారు.. ఇన్ని అక్రమాలు, దౌర్జన్యాలు, కుట్రలు, కుతంత్రాలు, హత్యాయత్నాల మధ్య.. ప్రజాస్వామ్యం మనుగడకే ముప్పు తెచ్చిన వేళ సైతం పలుచోట్ల వైఎస్సార్‌సీపీ అభ్యర్థులు ధైర్యంగా ఎదురు నిలిచి పోరాడారు.. ఫలితంగా 76 జెడ్పీటీసీ, 1,741 ఎంపీటీసీ, ఒక మేయర్, రెండు మున్సిపాలిటీలను కైవశం చేసుకోవడం పాలకులకు కంటిమీద కునుకు లేకుండా చేసింది.సాక్షి, అమరావతి : ‘నారా’సుర రాక్షస రాజ్యంలోని దుర్మార్గాలు స్థానిక సంస్థల ఎన్నికల ద్వారా వెల్లడి కాకుండా వెన్నుపోటు పార్టీ కూటమి నేతలు ఎన్ని అడ్డంకులు సృష్టించినా ప్రజా వ్యతిరేకతను మాత్రం దాచలేకపోయారు. మున్సిపాలిటీ, పరిషత్‌ ఎన్నికల నామినేషన్లు మొదలు.. ఓట్ల లెక్కింపు వరకు ప్రతి దశలోనూ టీడీపీ మూకలు ఇదివరకెన్నడూ కనీవినీ ఎరుగని రీతిలో అన్యాయాలకు, అక్రమాలకు పాల్పడ్డాయి. ప్రజా వ్యతిరేకతను ముందే గుర్తించి బెంబేలెత్తిన చంద్రబాబు.. బరితెగించి ఎన్నికల అక్రమాలకు తెగబడ్డారు. రాష్ట్ర ఎన్నికల కమిషన్, పోలీసు యంత్రాంగం, అధికార వ్యవస్థలను యథేచ్చగా దుర్వీనియోగం చేస్తూ తమ అధికారిక ‘రిగ్గింగ్‌’కు బరితెగించారు.కూటమి డజన్‌ కుట్రలను ఎదురొడ్డీ మరీ వైఎస్సార్‌సీపీ మున్సిపల్, పరిషత్‌ ఎన్నికల్లో గణనీయంగా సీట్లలో విజయకేతనం ఎగురవేసింది. 2021లో నిర్వహించిన మున్సిపల్, పరిషత్‌ ఎన్నికల్లో అప్పటి ప్రతిపక్ష పార్టీగా టీడీపీ గెలిచిన స్థానాల కంటే.. ప్రస్తుతం 2026లో ప్రతిపక్ష వైఎస్సార్‌సీపీ రెట్టింపు స్థానాల్లో విజయం సాధించడం రాజకీయంగా ప్రాధా­­న్యం సంతరించుకుంది. ఈ ఫలితాలు రాష్ట్రంలో రానున్న రోజుల్లో విప్లవాత్మకంగా మారనున్న రాజ­కీయ పరిణామాలను సూచిస్తున్నాయి. క్షేత్ర స్థాయిలో సంస్థాగతంగా పటిష్టంగా ఉన్న వైఎస్సార్‌సీపీ 2029 సాధారణ ఎన్నికల్లో సాధించబోయే ఘన విజయా­నికి ఈ ఎన్నికలు సంకేతంగా నిలుస్తున్నాయి. ఓటమి భయంతో చంద్రబాబు అధికారిక రిగ్గింగ్‌ టీడీపీ కూటమి రెండున్నరేళ్ల పాలనపై వెల్లువెత్తుతున్న ప్రజా వ్యతిరేకతతో బెంబేలెత్తిన చంద్రబాబు స్థానిక ఎన్నికల్లో అధికారిక రిగ్గింగ్‌కు పన్నాగం పన్నారు. టీడీపీ వీర విధేయ అనిల్‌ చంద్ర పునేఠా నేతృత్వంలోని రాష్ట్ర ఎన్నికల కమిషన్‌.. డీజీపీ హరీశ్‌కుమార్‌ గుప్తా నేతృత్వంలోని పచ్చ ఖాకీలతో కూడిన పోలీసు వ్యవస్థలను అడ్డం పెట్టుకుని ఎన్నికల అక్రమాలకు బరితెగించారు. నామినేషన్లు, స్రూ్కటినీ, నామినేషన్ల ఉపసంహరణ, పోలింగ్, కౌంటింగ్, ఫలితాల ప్రకటన.. ఇలా ప్రతి దశలోనూ అక్రమాలకు పాల్పడ్డారు.ఆ రాక్షస తంత్రాన్ని బరితెగించి అమలు చేసేందుకు టీడీపీ కూటమి గూండాలు, గంజాయి బ్యాచ్‌లు, ఇతర రాష్ట్రాల నుంచి రప్పించిన అసాంఘిక శక్తులను రంగంలో దించారు. వైఎస్సార్‌సీపీ అభ్యర్థులు నామినేషన్లు వేయకుండా శ్రీకాకుళం జిల్లా నుంచి శ్రీసత్యసాయి జిల్లా వరకూ రాష్ట్రమంతటా విధ్వంసం సృష్టించారు. పలుచోట్ల వైఎస్సార్‌సీపీ అభ్యర్థులు, వారి కుటుంబ సభ్యులను అపహరించారు. వైఎస్‌ కుటుంబానికి కంచుకోటగా ఉన్న, మాజీ సీఎం వైఎస్‌ జగన్‌మోహన్‌రెడ్డి ప్రాతినిధ్యం వహిస్తున్న పులివెందులతో సహా రాష్ట్రంలో వైఎస్సార్‌సీపీ అభ్యర్థులు నామినేషన్లు వేస్తున్న ప్రాంతాల్లో అడ్డుకునేందుకు విధ్వంసం సృష్టించారు.బెదిరింపులు, దాడులను ఎదురొడ్డి వైఎస్సార్‌సీపీ అభ్యర్థులు భారీ సంఖ్యలో నామినేషన్లు దాఖలు చేయడంతో రెండో దశలో అక్రమాలకు తెరతీశారు. రాష్ట్ర వ్యాప్తంగా పలు స్థానాల్లో రిటరి్నంగ్‌ అధికారులు వైఎస్సార్‌సీపీ అభ్యర్థుల నామినేషన్లను ఏకపక్షంగా తిరస్కరించారు. నామినేషన్ల ఉపసంహరణ ప్రక్రియలోనూ అదే అక్రమాలను కొనసాగించారు. అభ్యర్థుల సంతకాలను ఫోర్జరీ చేసి, వారే స్వచ్ఛందంగా నామినేషన్లు ఉపసంహరించుకున్నట్లు ప్రకటించారు. మున్సిపల్, జెడ్పీటీసీ, ఎంపీటీసీ స్థానాల పోలింగ్‌ ప్రక్రియపై టీడీపీ కూటమి కాలకేయ ముష్కర మూకలు దండెత్తి బీభత్సం సృష్టించాయి.పోలింగ్‌ కేంద్రాలపై టీడీపీ రౌడీ మూకలు దండయాత్రకు తెగబడ్డాయి. సుప్రీంకోర్టు ఆదేశాలను సైతం ఉల్లంఘిస్తూ పోలీసులు కూటమి కుట్రలకు కొమ్ముకాశారు. వైఎస్సార్‌సీపీ అభ్యర్థులు, పోలింగ్‌ ఏజెంట్లకు రక్షణ కల్పించలేదు. పోలింగ్‌ కేంద్రాల్లో సీసీ టీవీ కెమెరాలు ఏర్పాటు చేయలేదు. బూత్‌లలో ఉన్న వైఎస్సార్‌సీపీ ఏజెంట్లను బలవంతంగా బయటకు పంపి, టీడీపీ వర్గీయులు పోలింగ్‌ కేంద్రాలను తమ ఆ«దీనంలోకి తీసుకుని రిగ్గింగ్‌కు పాల్పడ్డారు. సామాన్యులు ఓటు వేయకుండా అడ్డుకున్నారు. మరో వైపు టీడీపీ గూండాలు పోలింగ్‌ కేంద్రాలను ఆ«దీనంలోకి తీసుకుని భారీగా రిగ్గింగ్‌కు పాల్పడ్డాయి. ఓట్ల లెక్కింపులోనూ రిగ్గింగే చంద్రబాబు ముఠా ఓట్ల లెక్కింపు ప్రక్రియలోనూ మరింతగా అరాచకాలకు తెగించింది. వైఎస్సార్‌సీపీ అభ్యర్థులు ఆధిక్యంలో ఉన్న స్థానాల్లో కుట్రపూరితంగా ఆటంకాలు సృష్టించారు. రీ కౌంటింగ్‌ పేరుతో పదేపదే లెక్కింపులు జరిపించి, తొలుత ఆధిక్యంలో ఉన్న వైఎస్సార్‌సీపీ అభ్యర్థులకు బదులుగా కూటమి అభ్యర్థులు గెలిచినట్లు ప్రకటించే వరకు ఒత్తిడి తెచ్చారు.అందుకోసం అవసరం లేకపోయినా రీ కౌంటింగ్‌ పేరుతో కుతంత్రం చేశారు. చెల్లని ఓట్లుగా పక్కన పెట్టేసిన ఓట్లను తెచ్చి మరీ టీడీపీకి వేసిన ఓట్లుగా లెక్క చూపారు. దీనిపై అభ్యంతరం తెలిపిన వైఎస్సార్‌సీపీ కౌంటింగ్‌ ఏజంట్లను పోలీసులు బలవంతంగా బయటకు నెట్టేశారు. అనంతరం టీడీపీ కూటమి అభ్యర్థులు గెలిచినట్టు ఏకపక్షంగా ప్రకటించేశారు. దౌర్జన్యాలను ఎదిరించి మరీ.. మున్సిపల్‌ ఎన్నికల్లోనూ వైఎస్సార్‌సీపీ అదే రీతిలో టీడీపీ కూటమి కుట్రలను ఎదురొడ్డి నిలిచింది. మొత్తం 87 మున్సిపాలిటీలలో చైర్మన్‌ పోస్టులతోపాటు వాటిలో 3,020 వార్డులు.. 13 మున్సిపల్‌ కార్పొరేషన్లలో మేయర్‌ పోస్టులతోపాటు 922 డివిజన్లలో ఎన్నికలకు నోటిఫికేషన్‌ ఇచ్చారు. కాగా టీడీపీ కూటమి బరితెగించి అరాచకాలతో వైఎస్సార్‌సీపీ నేతలు, అభ్యర్థులపై దాడులు, దౌర్జన్యాలకు తెగబడింది. ఎన్నికలను హైజాక్‌ చేసేందుకు బీభత్సం సృష్టించింది. 17 మున్సిపాలిటీలలో చైర్మన్‌ పోస్టులతోపాటు రాష్ట్రం మొత్తం మీద 637 వార్డులను బలవంతంగా ఏకగ్రీవం చేసుకుంది.అదే రీతిలో 13 మున్సిపల్‌ కార్పొరేషన్లలో 118 డివిజన్లను ఏకపక్షంగా ఏకగ్రీవంగా ప్రకటించుకుంది. ఎన్నికలు నిర్వహించిన మున్సిపాటీలు, మున్సిపల్‌ కార్పొరేషన్లలో పోలింగ్‌ రోజున దాడులు, దౌర్జన్యాలతో బీభత్సం సృష్టించింది. అయినా సరే వైఎస్సార్‌సీపీ నందికొట్కూరు, బేతంచర్ల, నాయుడుపేట మున్సిపాలిటీలను కైవసం చేసుకుంది.అనంతపురం నగర పాలక సంస్థలో మేయర్‌ పీఠాన్ని దక్కించుకుంది. 2021 ఎన్నికల్లో అప్పటి ప్రతిపక్షంలో ఉన్న టీడీపీ రెండు మున్సిపాలిటీల్లో మాత్రమే గెలిచింది. ప్రస్తుతం ఎన్నికలు నిర్వహించిన 804 మున్సిపల్‌ కార్పొరేషన్‌ డివిజన్లలో వైఎస్సార్‌సీపీ 112 డివిజన్లలో విజయం సాధించింది. 2021లో నిర్వహించిన ఎన్నికల్లో అప్పటి ప్రతిపక్షంగా టీడీపీ 82 డివిజన్లలోనే గెలిచింది. ప్రస్తుతం వైఎస్‌స్రాŠసీపీ అంతకంటే 40 శాతం డివిజన్లలో అధికంగా విజయం సాధించడం ప్రాధాన్యం సంతరించుకుంది. రాజకీయ విప్లవానికి సంకేతం రాష్ట్రంలో రానున్న రోజుల్లో రాజకీయ విప్లవానికి మున్సిపల్, పరిషత్‌ సంస్థల ఎన్నికలు నాంది పలికాయి. 2024 ఎన్నికల్లో మోస పూరిత హామీలతో అధికారంలోకి వచ్చిన చంద్రబాబుపై ప్రజా తిరుగుబాటు మొదలైందని స్పష్టం చేశాయి. రెండున్నరేళ్ల కూటమి పాలనపై ప్రజా వ్యతిరేకత వెల్లువెత్తుతోందని తేల్చి చెప్పాయి. మరోవైపు వైఎస్సార్‌సీపీ సాగిస్తున్న ప్రజా పోరాటాలకు మద్దతుగా నిలిచాయి. 2024 ఎన్నికల ఫలితాలతో నిరాశ చెందకుండా వైఎస్సార్‌సీపీ నిర్మాణాత్మక ప్రతిపక్ష పాత్రను పోషిస్తోంది. ఎన్నికల మేనిఫెస్టోను అమలు చేయకుండా చంద్రబాబు మోసపూరిత విధానాలను ప్రజల్లోకి తీసుకెళ్లింది.కూటమి ప్రభుత్వం బరితెగించి సాగిస్తున్న అవినీతికి వ్యతిరేకంగా పోరాడుతోంది. డీఎస్సీ కుంభకోణం, భూదోపిడీ, మద్యం మాఫియా, ఇసుక దందా, గనుల లూటీ.. ఇలా కూటమి ప్రభుత్వ అవినీతిని పూర్తి ఆధారాలతో సహా నిరూపిస్తూ ప్రజా క్షేత్రంలో దూసుకుపోతోంది. ప్రజా సంక్షేమాన్ని గాలికి వదిలేసిన చంద్రబాబు అమానవీయ పాలనను ఎండగడుతోంది. ఈ పరిణామాలతో ప్రజా చైతన్యం వెల్లివిరుస్తోంది. చంద్రబాబు మోసాలపట్ల ఆగ్రహావేశాలతో ఉన్న ప్రజలు మార్పును కోరుకుంటున్నామని మున్సిపల్, పరిషత్‌ ఎన్నికల ద్వారా స్పష్టమైన సంకేతం ఇచ్చారని పరిశీలకులు వ్యాఖ్యానిస్తున్నారు. క్షేత్ర స్థాయిలో వైఎస్సార్‌సీపీ సంస్థాగతంగా బలీయంగా ఉందని ఈ ఎన్నికలు స్పష్టం చేశాయని విశ్లేషకులు ఏకాభిప్రాయం వ్యక్తం చేస్తున్నారు. రాష్ట్రంలో భవిష్యత్‌ రాజకీయ విప్లవానికి సంకేతమని వ్యాఖ్యానిస్తున్నారు. రాక్షస కుట్రలకు ఎదురొడ్డి వైఎస్సార్‌సీపీ జయకేతనం ⇒ రాష్ట్రంలో చంద్రబాబు రాక్షస రాజకీయాన్ని ఎదురొడ్డీ మరీ మున్సిపల్, పరిషత్‌ ఎన్నికల్లో వైఎస్సార్‌సీపీ గణనీయమైన స్థానాల్లో విజయ కేతనం ఎగుర వేసింది. 2021లో అప్పటి ప్రతిపక్ష పార్టీ టీడీపీ కంటే ప్రస్తుతం వైఎస్సార్‌సీపీ గణనీయమైన స్థానాల్లో విజయ ఢంకా మోగించింది. ⇒ రాష్ట్రంలో మొత్తం 659 జెడ్పీటీసీలకు ఎన్నికలకు నోటిఫికేషన్‌ ఇచ్చారు. అందులో టీడీపీ కూటమి గూండాగిరీ, పోలీసు రౌడీయిజంతో బరితెగించి 77 జెడ్పీటీసీ స్థానాలను ఏకగ్రీవం చేసుకుంది. ఎన్నికలు నిర్వహించిన మిగిలిన 582 జెడ్పీటీసీ స్థానాల్లో వైఎస్సార్‌సీపీ 76 స్థానాల్లో విజయం సాధించింది. అదే 2021లో నిర్వహించిన జెడ్పీటీసీ ఎన్నికల్లో అప్పటి ప్రతిపక్ష పారీ్టగా ఉన్న టీడీపీ కేవలం 6 జెడ్పీటీసీ స్థానాల్లో మాత్రమే గెలిచింది. అంటే అప్పటి ప్రతిపక్ష పార్టీ టీడీపీ కంటే ప్రస్తుతం ప్రతిపక్షంలో ఉన్న వైఎస్సార్‌సీపీ 12 రెట్లు అధికంగా 76 జెడ్పీటీసీ స్థానాల్లో విజయం సాధించడం విశేషం. ⇒ చంద్రబాబు రాక్షస రాజకీయాన్ని ఎదురొడ్డీ మరీ వైఎస్సార్‌సీపీ అల్లూరి సీతారామరాజు జిల్లా పరిషత్‌లో విజయదుందుభి మోగించడం రాజకీయంగా సంచలనం సృష్టిస్తోంది. 2021లో ప్రతిపక్షంలో ఉన్న టీడీపీ రాష్ట్రంలో ఒక్క జిల్లా పరిషత్‌ను కూడా గెలుచుకోలేకపోయింది. ⇒ రాష్ట్రంలో మొత్తం 9,818 ఎంపీటీసీలకు ఎన్నికల నోటిఫికేషన్‌ ఇచ్చారు. ఇందులో టీడీపీ కూటమి బరితెగించి అధికార దుర్వినియోగం, గూండాగిరీతో భయోత్పాతం సృష్టించి 2,051 ఎంపీటీసీ స్థానాలను బలవంతంగా ఏకగ్రీవం చేసుకుంది. ఇక 7,767 ఎంపీటీసీ స్థానాలకు ఎన్నికలు నిర్వహిస్తే.. వెన్నుపోటు పార్టీ కుట్రలను ఎదురించి వైఎస్సార్‌సీపీ 1,741 ఎంపీటీసీ స్థానాల్లో విజయం సాధించింది. 2021లో నిర్వహించిన ఎంపీటీసీ ఎన్నికల్లో అప్పటి ప్రతిపక్ష పార్టీ టీడీపీ కేవలం 929 స్థానాల్లోనే గెలిచింది. రాజానగరంలో జనసేన పార్టీ ఎమ్మెల్యే సతీమణిని వైఎస్సార్‌సీపీ అభ్యర్థి ఓడించడం సంచలనం సృష్టించారు. గెలిచినా రెండు గంటలు డిక్లరేషన్‌ ఇవ్వలేదు నేను ప్రకాశం జిల్లా కొత్తపట్నం జెడ్పీటీసీ స్థానానికి వైఎస్సార్‌ సీపీ అభ్యర్థిగా పోటీ చేశాను. నామినేషన్‌ వేసిన దగ్గర నుంచి కౌంటింగ్‌ వరకు టీడీపీ ఎమ్మెల్యే దామచర్ల జనార్దన్‌రావు నా మీద కక్షకట్టి మానసికంగా ఎంతో ఇబ్బంది పెట్టారు. ఎప్పటికప్పుడు మా పార్టీ కార్యకర్తల సాయంతో వారి కుట్రలను ధైర్యంగా ఎదుర్కొన్నా. కౌంటింగ్‌ ముగిశాక నాకు మెజార్టీ వచ్చిందని స్పష్టమైనా రెండు గంటల పాటు డిక్లరేషన్‌ ఫాం ఇవ్వలేదు. పైగా పోలీసుల చేత బలవంతంగా బయటకు పంపించారు. కరెంటు నిలిపి వేయించారు. అయినా వెనక్కు తగ్గకుండా కౌంటింగ్‌ కేంద్రం వద్ద గట్టిగా నిలదీస్తూ ఆందోళన చేపట్టాం. విషయాన్ని జేసీ కల్పనాకుమారికి స్పష్టంగా వివరించి ఫిర్యాదు చేశాం. తుదకు గత్యంతరం లేక 710 ఓట్ల మెజార్టీతో నేను గెలిచినట్లు ప్రకటించి డిక్లరేషన్‌ ఫాం ఇచ్చారు. – రొండా అంజిరెడ్డి, జెడ్పీటీసీ, కొత్తపట్నం, ప్రకాశం జిల్లాతిరగబడటం వల్లే విజయం కౌంటింగ్‌ హాలులో సైతం అక్రమాలకు పాల్పడ్డారు. నేను గెలిచాక కూడా ఓడిపోయినట్లు నిరూపించేందుకు పన్నాగం పన్నారు. ఖాళీ డిక్లరేషన్‌ ఫారం ఇచ్చి సంతకం పెట్టమన్నారు. ఫారం నింపుకొని వస్తేనే సంతకం పెడతానని ఎదురు తిరగడంతో తప్పనిసరి పరిస్థితుల్లో ఫారం నింపుకొని వచ్చారు. ఖాళీ డిక్లరేషన్‌పై సంతకం పెట్టి ఉంటే నన్ను కూడా ఓడిపోయిన జాబితాలో చేర్చేవారు. తిరగబడటం వల్లే తప్పనిసరి పరిస్థితుల్లో గెలిచినట్లు ప్రకటించారు. – పోతుల దీపిక, వైఎస్సార్‌సీపీ 44వార్డు కౌన్సిలర్, చిలకలూరిపేట మున్సిపాలిటీ కౌంటింగ్‌లో నరకం చూపించారు ఉమ్మడి అనంతపురం జిల్లా తాడిమర్రి మండలం దాడితోట ఎంపీటీసీ స్థానానికి నేను వైఎస్సార్‌సీపీ అభ్యర్థిగా పోటీ చేశాను. ధర్మవరంలో జరిగిన కౌంటింగ్‌కు హాజరయ్యాను. ఉదయం 11 గంటలకు అభ్యర్థినైన నన్ను లోపలకు అనుమతించలేదు. అధికారులను నిలదీస్తే చివరకు లోనికి అనుమతి ఇచ్చారు. దాడితోట పరిధిలో మూడు గ్రామాల్లో కలిపి 2,410 ఓట్లు పోలయ్యాయి. నాకు 648 మెజారిటీ వచ్చింది. అయితే దురుద్దేశంతో డిక్లరేషన్‌ ఫారం ఇవ్వకుండా ముప్పుతిప్పలు పెట్టారు. ఒక దశలో నన్ను బయటకు పంపి ఫలితాలను తారుమారు చేయాలని టీడీపీ ఏజెంట్, అధికారులు విశ్వ ప్రయత్నం చేశారు. గుండె ధైర్యంతో పోరాడాను. అక్కడి నుంచి కదిలేదిలేదని కూర్చున్నాను. చివరకు రాత్రి 7 గంటలకు నేను గెలిచినట్లు ప్రకటించారు. – గద్దె రాజే‹Ùరెడ్డి, దాడితోట ఎంపీటీసీ వైఎస్సార్‌సీపీ అభ్యర్థి, తాడిమర్రి మండలం, శ్రీసత్యసాయి జిల్లాటీడీపీ దౌర్జన్యాలను ఎదుర్కొని కార్పొరేటర్‌గా గెలిచి గుంటూరు నగర పాలక సంస్థ ఎన్నికల్లో టీడీపీ సాగించిన అక్రమాలు అన్నీ ఇన్నీ కావు. గుంటూరు పశి్చమ నియోజకవర్గంలోని 38వ డివిజన్‌లో పోలింగ్‌ ముగిసేందుకు గంట వ్యవధి ఉండగా వేణుగోపాల్‌నగర్‌లోని పోలింగ్‌ బూత్‌లోకి ప్రవేశించేందుకు టీడీపీ బ్యాచ్‌ చేసిన ప్రయత్నాలను స్థానికుల సహకారంతో సమర్థవంతంగా ఎదుర్కొన్నాం. దొంగ ఓట్లు వేసేందుకు పచ్చ మూక వేసిన పాచిక పారక పోవడంతో పోలింగ్‌ బూత్‌ ఎదుట ఉన్న స్థానికులపై దాడులకు తెగబడిన టీడీపీ ముఠా ముస్లిం మహిళలను గాయాలు తేలేలా కొట్టింది.ఏఎన్‌యూలో ఓట్ల లెక్కింపు జరుగుతున్న సమయంలో కూడా ఓటమి భయంతో బ్యాలెట్‌ పత్రాలను చించేస్తుంటే అడ్డుకున్నాం. ఎలాగైనా సరే నన్ను ఓడించాలనే లక్ష్యంతో టీడీపీ చేసిన దౌర్జన్యాలు, హింసాకాండను తట్టుకుని గట్టిగా నిలబడ్డాం. వారు ఎన్ని చేసినా 1,283 ఓట్ల మెజారీ్టతో వైఎస్సార్‌సీపీ కార్పొరేటర్‌గా విజయం సాధించాను. – షేక్‌ రోషన్, 38వ డివిజన్‌ వైఎస్సార్‌సీపీ కార్పొరేటర్, గుంటూరుకుట్రలను ఛేదించి గెలిచాను వైఎస్సార్‌సీపీ పెనుమూరు జెడ్పీటీసీ అభ్యర్థిగా నామినేషన్‌ దాఖలు చేయడానికి చిత్తూరు జిల్లా పరిషత్‌ కార్యాలయానికి నా భర్తతో కలసి వెళ్లాను. ఎన్నో అడ్డంకులు దాటుకుని లోనికి వెళ్లగానే తెలుగుదేశం పార్టీ అల్లరి మూక అధికారుల ముందే నా నామినేషన్‌ పత్రాలను చించేసింది. వారి దౌర్జన్యాన్ని ఎదుర్కొంటూ మరో సెట్‌ తీసుకెళ్లి నామినేషన్‌ వేశాను. అప్పటి నుంచి టీడీపీ నాయకులు ఎన్నో అడ్డంకులు సృష్టించారు. పోలింగ్‌ వరకు అదే దౌర్జన్యం కొనసాగింది.ఓట్ల లెక్కింపు అనంతరం నాకు 222 ఓట్ల మెజారిటీ ఉందని అధికారులు ప్రకటించారు. దీంతో కుమిలిపోయిన టీడీపీ నాయకులు, వారి అభ్యర్థిని ఎలాగైనా అడ్డదారుల్లో గెలిపించాలని అప్పటికప్పుడు కుట్రలకు తెరలేపారు. రీ కౌంటింగ్‌ చేయించారు. ఎన్నో నాటకాలు ఆడారు. అయినా ప్రజా తీర్పును తలకిందులు చేయడం వారి వల్ల కాలేదు. ఎట్టకేలకు తెల్లవారుజామున 5 గంటలకు నేను 184 ఓట్ల మెజారిటీతో గెలిచినట్టు ప్రకటించారు. – నిరీషారెడ్డి, వైఎస్సార్‌సీపీ జెడ్పీటీసీ సభ్యురాలు, పెనుమూరు, చిత్తూరు జిల్లా

ఎన్టీఆర్ జిల్లా: వీరులపాడు మండలం దొడ్డదేవరపాడు గ్రామంలో టీడీపీ నేతలు బరితెంగించారు. డీజే తమ ఇంటి ముందు పెట్టొద్దన్నందుకు వైఎస్సార్‌సీపీ మహిళా కార్యకర్తలపై దాడి చేశారు టీడీపీ నేతలు. మహిళలపై జరిగిన దాడిని ప్రశ్నించిన వారి బంధువులపైనా రెచ్చిపోయారు టీడీపీ గూండాలు. కర్రలతో దాడికి దిగి విచక్షణారహితంగా ప్రవర్తించారు. ఈ ఘటనలో నలుగురికి తీవ్ర గాయాలు కాగా, వారిని ఆస్పత్రికి తరలించి చికిత్స అందిస్తున్నారు. బాధితులు ఫిర్యాదు చేసేందుకు వెళ్లినా వీరులపాడు పోలీసులు స్పందించలేదు. ఇదీ చదవండి: ఎమ్మిగనూరు కూటమిలో భగ్గుమన్న వర్గ విభేదాలు

సాక్షి,శ్రీకాకుళం: అధికార టీడీపీకి ఊహించని షాక్‌ తగిలింది. పెద్దపాడు ప్రాంతానికి చెందిన సుమారు 300 కుటుంబాలు ఆ పార్టీని వీడి వైఎస్సార్‌సీపీలో చేరాయి. మాజీ మంత్రి, వైఎస్సార్సీపీ సీనియర్ నేత ధర్మాన ప్రసాదరావు సమక్షంలో వీరంతా పార్టీ కండువా కప్పుకుని వైఎస్సార్సీపీ గూటికి చేరారు. ఈ సందర్భంగా పార్టీలో చేరిన కుటుంబాలకు ధర్మాన సాదరంగా ఆహ్వానం పలికారు.ఈ భారీ చేరికల సంధర్భంగా ఏర్పాటు చేసిన సమావేశంలో మాజీ మంత్రి ధర్మాన ప్రసాదరావు పార్టీ శ్రేణులను ఉద్దేశించి ప్రసంగించారు. రాబోయే కార్పొరేషన్ ఎన్నికలే లక్ష్యంగా పార్టీ శ్రేణులంతా ఇప్పటి నుంచే సమాయత్తం కావాలని పిలుపునిచ్చారు. పెద్దపాడు నుంచి ఒక్కసారిగా 300 కుటుంబాలు వైఎస్సార్సీపీలో చేరడం పార్టీకి శ్రీరామరక్ష లాంటిదని, ఇది కార్యకర్తల్లో కొత్త ఉత్సాహాన్ని నింపుతోందని ఆయన హర్షం వ్యక్తం చేశారు.ఈ సందర్భంగా రాష్ట్రంలో మరియు స్థానికంగా జరుగుతున్న రాజకీయ పరిణామాలపై ధర్మాన ప్రసాదరావు తీవ్రస్థాయిలో మండిపడ్డారు. స్థానిక టీడీపీ ఎమ్మెల్యే సొంత గ్రామంలో జరిగిన ఎన్నికల్లో వైఎస్సార్సీపీ అభ్యర్థే స్పష్టమైన మెజారిటీతో గెలిచినా.. అధికార బలంతో ఫలితాలను పూర్తిగా తారుమారు చేశారని ధ్వజమెత్తారు.ఎన్నికల్లో ప్రజలు వైఎస్సార్సీపీ వైపు నిలిచినా, అధికార పార్టీ నేతలు దౌర్జన్యాలకు పాల్పడ్డారు. అక్రమ పద్ధతులను ఆశ్రయించి, ఓడిపోయిన టీడీపీ అభ్యర్థే గెలిచినట్లు బలవంతంగా ధ్రువీకరణ పత్రాలు ఇప్పించుకున్నారు. ఇలాంటి అప్రజాస్వామిక చర్యలతో రాష్ట్రంలో ప్రజాస్వామ్యాన్ని అపహాస్యం చేస్తున్నారు అని ధర్మాన ఆరోపించారు.ప్రజాస్వామ్య పరిరక్షణ కోసం ఐక్య పోరాటంఅధికార పార్టీ అరాచకాలను, అక్రమాలను ప్రజలందరూ గమనించాలని, ఇలాంటి వాటిని ప్రతి ఒక్కరూ గట్టిగా ప్రశ్నించాలని ధర్మాన పిలుపునిచ్చారు. ప్రజాస్వామ్యాన్ని పరిరక్షించుకోవడం కోసం వైఎస్సార్సీపీ శ్రేణులంతా భయపడకుండా, మరింత ధైర్యంగా, కలిసికట్టుగా ముందుకు సాగాలని ఆయన దిశా నిర్దేశం చేశారు. ఈ కార్యక్రమంలో స్థానిక వైఎస్సార్సీపీ నాయకులు, కార్యకర్తలు పెద్ద సంఖ్యలో పాల్గొన్నారు.

అనంతపురం: చంద్రబాబుకు వైఎస్సార్‌సీపీ జిల్లా అధ్యక్షుడు, మాజీ ఎమ్మెల్యే అనంత వెంకటరామిరెడ్డి సవాల్ విసిరారు. అనంతపురం జిల్లాలో టీడీపీ ఎమ్మెల్యేలతో రాజీనామా చేయించి.. ఎన్నికలకు వెళ్లాలని అన్నారు. ఎక్కడైనా టీడీపీ అభ్యర్థి గెలిస్తే.. తాను రాజకీయ సన్యాసం చేస్తానని ఛాలెంజ్‌ చేశారు.నిష్పక్షపాతంగా ఎన్నికలు జరిగితే టీడీపీ ఓటమి ఖాయమని అనంత వెంకటరామిరెడ్డి చెప్పారు. స్థానిక సంస్థల ఎన్నికల్లో చంద్రబాబు ప్రజాస్వామ్యాన్ని ఖూనీ చేశారని మండిపడ్డారు. గత 40 ఏళ్లలో ఇన్ని అరాచకాలు ఏనాడూ చూడలేదని అన్నారు. అధికార పార్టీ నేతలకు ఎన్నికల అధికారులే లొంగిపోవడం... రక్షించాల్సిన పోలీసులు ప్రేక్షక పాత్ర దుర్మార్గమని ఆక్షేపించారు. నామినేషన్లు, పోలింగ్, కౌంటింగ్ సమయాల్లో రిగ్గింగ్ చేసిన ఘనత టీడీపీ కూటమి ప్రజాప్రతినిధులదేనని తెలిపారు. బౌన్సర్లను తీసుకొచ్చి దాడులు చేస్తుంటే.. పోలీసులు ఎందుకు మౌనంగా ఉన్నారని నిలదీశారు. జడ్పీటీసీ, ఎంపీటీసీ ఎన్నికల కౌంటింగ్ కేంద్రాల్లో జరిగిన దౌర్జన్యంపై సమగ్ర విచారణ జరిపించాలని డిమాండ్‌ చేశారు. అప్పటి ఎన్నికల్లో మేమూ ఇలాగే చేసుంటే గత సార్వత్రిక ఎన్నికల్లో మీరు గెలిచేవారా అని ప్రశ్నించారు.

మార్కాపురం జిల్లా: టీడీపీ గూండాలు ఐదు సార్లు దాడి చేసి నామినేషన్‌ పత్రాలు చించేసినా.. ఏ మాత్రం వెనక్కితగ్గకుండా నామినేషన్‌ వేసిన ప్రకాశం జిల్లా సూద­న­గుంట వైఎస్సార్‌సీపీ అభ్యర్థిని ఘన విజయం సాధించారు. మార్కాపురం జిల్లా పొదిలి మండలం సూదనగుంట ఎంపీటీసీ వైఎస్సార్‌సీపీ అభ్యర్థిని దొనపాటి శ్రావణి నామినేషన్‌ వేసేందుకు వెళ్లిన ప్రతి­సారీ పోలీసుల అండతో టీడీపీ గూండాలు చీర పట్టుకొనిలాగి, దాడి చేసి.. నామినేషన్‌ పత్రాలను లాక్కొని చించేశారు. టీడీపీ గూండాల దాడిలో శ్రావణి చేతికి గా­యమైంది. ఇంత జరుగుతున్నా పోలీసులు చూస్తూ ఉండి పోయారే తప్ప.. టీడీపీ రౌడీలపై చర్యలు తీసుకోలేదు. దీంతో మరింత రెచ్చిపోయిన టీడీపీ గూండాలు ఐదుసార్లు ఆమె నామినేషన్‌ పత్రాలను చించేశారు. అయి­నా పట్టువదలకుండా అతికష్టం మీద శ్రావణి నామినేషన్‌ దాఖలు చేశారు. ఎన్ని ఒత్తిళ్లు, బెదిరింపులు వచి్చనా నామినేషన్‌ ఉపసంహరించుకోలేదు. టీడీపీ గూండాలు ఎన్ని అక్రమాలకు పాల్పడినా చివరకు టీడీపీ అభ్యర్థిని బీరం ధనలక్ష్మి­పై వైఎస్సార్‌సీపీ అభ్యర్థిని శ్రావణి 44 ఓట్ల మెజార్టీతో విజయం సాధించారు. ఆమెను వైఎస్సార్‌సీపీ మాజీ ఎమ్మెల్యే, మార్కాపురం ఇన్‌చార్జ్‌ అన్నా రాంబాబు, నియోజకవర్గ పరిశీలకుడు కేవీ రమణారెడ్డి అభినందించారు.

చీమకుర్తి రూరల్‌(ఒంగోలు) : నా ఓటమి చీమకుర్తి సీఐకి అంకితమంటూ చీమకుర్తి మండలంలోని బండ్లమూడి ఎంపీటీసీ స్థానానికి పోటీచేసిన వైఎస్సార్‌ సీపీ అభ్యర్థి వేమా ఝాన్సీరాణి అన్నారు. చీమకుర్తి మండలంలో 14 ఎంపీటీసీ స్థానాలకు ఎన్నికలు జరగ్గా.. ఎక్కడా ప్రశాంతంగా ప్రజలు ఓటు హక్కు వినియోగించుకోలేదన్నారు. పోలీసులు, అధికారుల సహకారంతో అధికార టీడీపీ నాయకులు యథేచ్ఛగా రిగ్గింగ్‌ చేసుకున్నారని ఆరోపించారు. ప్రధానంగా చీమకుర్తి సీఐ దుర్గాప్రసాద్‌ ఎన్నికల్లో పూర్తిగా టీడీపీకి వారికి సహకరించి రిగ్గింగ్‌ చేసుకునేందుకు కారణమయ్యారన్నారు. తన ఓటమితో పాటు మండలంలోని 13 ఎంపీటీసీ స్థానాల్లో వైఎస్సార్‌ సీపీ అభ్యర్థుల ఓటమికి సీఐ దుర్గాప్రసాద్‌ కారణమంటూ ఝాన్సీరాణి మండిపడ్డారు. శనివారం కౌంటింగ్‌ అనంతరం మీడియాతో ఆమె మాట్లాడారు. తన భర్త అయిన చీమకుర్తి మాజీ జెడ్పీటీసీ సభ్యుడు వేమా శ్రీనివాసరావును అక్రమంగా అరెస్టు చేయడమే కాకుండా పోలింగ్‌ బూత్‌లో ఉన్న ఏజెంట్లను స్వయంగా చీమకుర్తి సీఐ బయటకు లాగి రిగ్గింగ్‌కు పూర్తి సహకారం అందించి తన ఓటమికి కారణమయ్యాడని వివరించారు. కూటమి ప్రభుత్వం పూర్తిస్థాయిలో పోలీసులను అడ్డం పెట్టుకుని ఎన్నికలు నిర్వహించిందని, అందులో చీమకుర్తి మండలంలో ప్రధాన పాత్రధారుడిగా చీమకుర్తి సీఐ పనిచేశారని ఆరోపించారు. తన భర్త వేమా శ్రీనివాసరావును అక్రమంగా అరెస్టు చేసి పోలీస్‌ స్టేషన్లో నిర్బంధించి అగ్రహారం పోలింగ్‌ బూత్‌లో చీమకుర్తి నుంచి వచ్చిన రౌడీ మూకలతో రిగ్గింగ్‌కు పాల్పడ్డారని, ఇది పోలీస్‌ వ్యవస్థకు సంబంధించిన అంశం కాదని, కేవలం చీమకుర్తి సీఐ దుర్గాప్రసాద్‌ చర్యలే కారణమని దుయ్యబట్టారు. సుమారు 200 ఓట్లపైచిలుకు మెజారిటీతో గెలవాల్సిన తనను ఓడిపోయేలా చేయడంలో సీఐ కీలకపాత్ర పోషించడం పోలీసు వ్యవస్థకే సిగ్గుచేటని అన్నారు. ఇదీ చదవండి: ఇన్‌వ్యాలీడ్‌ ఓటూ టీడీపీ ఖాతాలో..

సాక్షి, నెల్లూరు: ఆత్మకూరులో ప్రజాస్వామ్యాన్ని ఖూనీ చేశారని.. నామినేషన్ల దగ్గర నుంచి అరాచకాలు మొదలు పెట్టారంటూ మాజీ ఎమ్మెల్యే మేకపాటి విక్రమ్‌రెడ్డి మండిపడ్డారు. ఆదివారం ఆయన మీడియాతో మాట్లాడుతూ.. స్కూట్నీ, విత్ డ్రాలలో వైఎస్సార్‌సీపీ అభ్యర్థుల నామినేషన్లు అక్రమంగా తొలగించారు. ఎస్‌ఈసీ, కలెక్టర్‌కు పలువురు ఫిర్యాదు చేసిన ఫలితం లేదని ఆగ్రహం వ్యక్తం చేశారు.‘‘వీరి అక్రమాలు రికార్డ్ అవుతాయని సీసీటివీలు కూడా ఏర్పాటు చేయలేదు. ఓటమి భయంతో 37కు 30 స్థానాలు ఏకగ్రీవం చేసుకున్నారు. మునిసిపల్ ఎన్నికలలో వైఎస్సార్‌సీపీ మెజారిటీతో కొత్త వ్యూహాలకు తెరతీశారు. కేవలం మంత్రి పదవి కాపాడుకోవడం కోసం ఆనం రామనారాయణరెడ్డి ఈ దౌర్జన్యాలకు పాల్పడ్డాడు. పోలీసులను అడ్డం పెట్టుకుని నన్ను, వైఎస్సార్‌సీపీ శ్రేణులను నిర్బంధించి రిగ్గింగ్ చేసుకున్నారు’’అని విక్రమ్‌రెడ్డి తీవ్రస్థాయిలో ధ్వజమెత్తారు.ఒక ఏజెంట్‌గా పోలింగ్, కౌంటింగ్‌కు వెళ్ళే హక్కు ఉన్నా నన్ను అడ్డుకున్నారు. అనుమతి లేని మంత్రి ఆనంను మాత్రం పోలింగ్, కౌంటింగ్ కేంద్రాలకు ఎలా అనుమతించారు? మర్రిపాడు సీఐ గంగాధర్, ఎసై బలరాం రెడ్డిలే స్వయంగా రిగ్గింగ్‌కి పాల్పడ్డారు. ఇక కౌంటింగ్‌లో వైఎస్సార్‌సీపీ లీడింగ్‌లో ఉన్న స్థానాలు తారుమారు చేశారు. కొన్ని స్థానాలలో వైఎస్సార్‌సీపీ గెలుపొందినా రీ-కౌంటింగ్ పేరుతో టిడిపీ గెలుపు ప్రకటించుకున్నారు. రిజల్ట్ వన్ సైడ్ చేసుకోవడం మరీ ఇంత నీచానికి దిగుతారా..?’’ అంటూ విక్రమ్‌రెడ్డి దుయ్యబట్టారు.ఇదీ చదవండి: కూటమికి ఇదే కౌంట్‌డౌన్‌!

అల్లూరి సీతారామరాజు జిల్లా: టీడీపీ కంచుకోటలో ఈ దఫా పరిషత్‌ ఎన్నికల్లో వైఎస్సార్‌సీపీ పాగా వేసింది. మూడు దశాబ్దాల తర్వాత మత్స్యకార గ్రామాల్లో టీడీపీకి ఎదురుదెబ్బ తగిలింది. మండలంలో గత సార్వత్రిక ఎన్నికల్లో హోంమంత్రి వంగలపూడి అనితకు 1500 ఓట్ల మెజార్టీ ఇచ్చిన రాజయ్యపేటలో ఈ దఫా ఎంపీటీసీ స్థానాన్ని వైఎస్సార్‌సీపీ కైవసం చేసుకుంది. ఇక్కడ ఎంపీటీసీ అభ్యర్థిగా పిక్కి కాశీ తన ప్రత్యర్థి పిక్కి రమణ(కూటమి)పై 664 ఓట్ల మెజారీ్టతో విజయం సాధించారు. పెదతీనార్ల మత్స్యకార గ్రామంలో వైఎస్సార్‌సీపీ అభ్యర్థి మైలపల్లి సరోనా తన సమీప ప్రత్యర్థి మైలపల్లి రమాదేవిపై 85 ఓట్ల మెజార్టీతో గెలుపొందారు. మరో మత్స్యకార గ్రామం బంగారయ్యపేట సెగ్మెంట్‌లో వైఎస్సార్‌సీపీ అభ్యర్థి కొవిరి రమణ తన సమీప టీడీపీ అభ్యర్థి ఏవీఎస్‌ రాజుపై 161 ఓట్ల మెజారిటీతో విజయం సాధించారు. ఈ సెగ్మెంట్లన్నీ గతంలో టీడీపీకి కంచుకోటగా ఉన్నాయి. మత్స్యకారులంతా 40 ఏళ్లనుంచి టీడీపీకే ఓటేస్తూ వస్తున్నారు. ప్రధానంగా రాజయ్యపేటలో 6,500 పైచిలుకు ఓటర్లు ఉన్నారు. స్థానిక ఎన్నికలు, సార్వత్రిక ఎన్నికల్లో ఈ గ్రా మం నుంచి టీడీపీకి 80 శాతం ఓట్లు లభిస్తాయి. ప్రతి ఎన్నికల్లోనూ టీడీపీకి 2 నుంచి 3 వేల ఆధిక్యత లభించేది. అటువంటిది ఈ ఎన్నికల్లో రాజయ్యపేటలో ఫ్యాన్‌ గాలి బలంగా వీచింది. మత్స్యకారులంతా వైఎస్సార్‌సీపీనే ఆదరించారు. ఎక్కువ ఓట్లు కలిగిన రాజయ్యపేట, పెదతీనార్ల, బంగారయ్యపేట గ్రామాల్లో వైఎస్సార్‌సీపీని ఆదరించడం చర్చనీయాంశమైంది. రాజయ్యపేటలో వైఎస్సార్‌సీపీ అభ్యర్థికి మండలంలోనే అత్యధికంగా 664 ఓట్ల మెజార్టీ రావడాన్ని అధికార పారీ్టకి పెద్ద దెబ్బ అని పలువురు అంటున్నారు.

సాక్షి, విజయవాడ: పరిషత్ ఎన్నికల ఫలితాల్లో వైఎస్సార్‌సీపీ సత్తా చాటింది. గణనీయమైన విజయాలను నమోదు చేసింది. కూటమి సర్కార్‌ అరాచకాలను ఎదుర్కొంటూ పలు జిల్లాల్లో జడ్పీటీసీ, ఎంపీటీసీ స్థానాలను కైవసం చేసుకుంది. రాష్ట్రవ్యాప్తంగా 1,638 ఎంపీటీసీ స్థానాలు, 61 జడ్పీటీసీ స్థానాల్లో విజయం సాధించింది. నామినేషన్లు, ఎన్నికల ప్రచారం నుంచి ఓట్ల లెక్కింపు వరకు ఎదురైన సవాళ్లను అధిగమించి వైఎస్సార్‌సీపీ అభ్యర్థులు ఘన విజయాన్ని అందుకున్నారు. కౌంటింగ్ సందర్భంగా రిగ్గింగ్, అక్రమాలు, దౌర్జన్యాలకు కూటమి పార్టీలు పాల్పడినా ప్రజలు మాత్రం వైఎస్సార్‌సీపీ వైపు ఉన్నారు.అల్లూరి జిల్లా జడ్పీ పీఠం..అల్లూరి జిల్లాలో వైఎస్సార్‌సీపీ మెజారిటీ జడ్పీటీసీ స్థానాలను కైవసం చేసుకుంది. మొత్తం 11 స్థానాలకు గాను ఏడు స్థానాల్లో విజయం సాధించింది. చింతపల్లి, పెదబయలు, అనంతగిరి, జీకే వీధి, డుంబ్రిగూడ, పాడేరు, హుకుంపేట జడ్పీటీసీ స్థానాలను వైఎస్సార్‌సీపీ అభ్యర్థులు గెలుచుకున్నారు.విజయనగరం జిల్లాలో ఐదు జడ్పీటీసీ స్థానాలువిజయనగరం జిల్లాలో వైఎస్సార్‌సీపీ సత్తా చాటింది. పార్టీ అభ్యర్థులు ఐదు జడ్పీటీసీ స్థానాలను దక్కించుకున్నారు. జామిలో తులసి త్రివేణి, గజపతినగరంలో సూర్యకళ, నెల్లిమర్లలో మత్స విజయలక్ష్మి, గరివిడిలో బొత్స పూజిత, గుర్లలో సంగంరెడ్డి వెంకటలక్ష్మి విజయం సాధించారు.మన్యం జిల్లాలో విజయాలుపార్వతీపురం మన్యం జిల్లాలోనూ వైఎస్సార్‌సీపీ ఐదు జడ్పీటీసీ స్థానాలను కైవసం చేసుకుంది. సాలూరులో అనంతలక్ష్మి, మక్కువలో మర్రి పారమ్మ, గుమ్మలక్ష్మీపురంలో గౌరీ శంకరరావు, సీతంపేటలో సరస్వతి, పార్వతీపురంలో నవ్యశ్రీ విజయం సాధించారు.కృష్ణా జిల్లాలో 63 ఎంపీటీసీ స్థానాలుకృష్ణా జిల్లాలో వైఎస్సార్‌సీపీ 63 ఎంపీటీసీ స్థానాలను గెలుచుకుంది. గన్నవరం మండల జడ్పీటీసీ స్థానంలో వైఎస్సార్‌సీపీ అభ్యర్థి అనగాని రవి విజయం సాధించారు. అలాగే, అన్నమయ్య జిల్లాలో పుంగనూరు నియోజకవర్గంలో సదుం జడ్పీటీసీగా పుట్టరాజు, మదనపల్లె వైఎస్సార్‌సీపీ జడ్పీటీసీగా జన్నే కిరణ్మయ్ విజయం సాధించారు. అనంతలో వైఎస్సార్‌సీపీ మార్క్‌.. మరోవైపు.. ఉమ్మడి అనంతపురం జిల్లాలో వైఎస్సార్‌సీపీ 11 జడ్పీటీసీ స్థానాలను గెలుచుకుంది. కదిరి నియోజకవర్గంలో నాలుగు, ధర్మవరం నియోజకవర్గంలో రెండు, శింగనమల నియోజకవర్గంలో రెండు, పుట్టపర్తి నియోజకవర్గంలో మూడు స్థానాలను కైవసం చేసుకుంది. మరుట్ల ఎంపీటీసీ స్థానంలో మంత్రి పయ్యావుల కేశవ్ వర్గీయులు రిగ్గింగ్‌కు పాల్పడినప్పటికీ వైఎస్సార్‌సీపీ అభ్యర్థి విజయం సాధించారు. ముదిగుబ్బ జడ్పీటీసీ స్థానంలోనూ మంత్రి సత్యకుమార్ వర్గీయులు అక్రమాలకు పాల్పడినా విజయం మాత్రం వైఎస్సార్‌సీపీ విజయం అందుకుంది. కాగా.. అల్లూరి, విజయనగరం, పార్వతీపురం మన్యం, కృష్ణా, అనంతపురం జిల్లాల్లో వెలువడిన ఫలితాలు వైఎస్సార్‌సీపీ శ్రేణుల్లో మరింత ఉత్సాహాన్ని నింపాయి. ఇదీ చదవండి: వైఎస్సార్‌సీపీ ఘన విజయం.. తిరుపతిలో చెవిరెడ్డి విక్టరీ

అల్లూరి సీతారామరాజు జిల్లా: మునగపాకలో జరిగిన స్థానిక సంస్థల ఎన్నికల ఫలితాలు రసకందాయంలో పడ్డాయి. ప్రతిష్టాత్మకమైన ఎంపీపీ పీఠం ఎవరిని వరిస్తుందోనన్న చర్చనీయాంశమైంది. వివరాలు పరిశీలిస్తే మండలంలోని 16 ఎంపీటీసీ స్థానాలకు ఈ నెల 5వ తేదీన ఎన్నికలు జరిగిన విషయం తెలిసిందే.కౌంటింగ్‌ శనివారం నిర్వహించారు. ఈ ఫలితాలు అందరినీ ఆశ్చర్యానికి గురి చేశాయి. వైఎస్సార్‌సీపీకి 8 స్థానాలు రాగా కూటమికి మరో 8 స్థానాలు దక్కాయి. అయితే ఎంపీపీ పీఠం దక్కాలంటే కనీసం 9 ఎంపీటీసీ స్థానాలు గెలుపొందాల్సి ఉంది. ఇరు పార్టీకు చెరి సగం ఓట్లు రావడంతో అందరి దృష్టి మునగపాక మండలంపై పడింది. ఎంపీపీ పీఠం దక్కాలంటే ఏదో పార్టీకి చెందిన వ్యక్తి అవతల పార్టీలోకి వెళ్లాలి. అటువంటి పరిస్థితులు వైఎస్సార్‌సీపీలో కనిపించడం లేదు. మండలంలో వైఎస్సార్‌సీపీకి బలమైన క్యాడర్‌తో పాటు నమ్మకమైన పెద్దలు ఉండడంతో వైఎస్సార్‌సీపీ నుంచి అధికార పార్టీలోకి వెళ్లే పరిస్థితులు లేవనే చెప్పాలి. అలాగే కూటమి నాయకత్వంపై మొదటి నుంచి పెద్దగా క్యాడర్‌లో విశ్వాసం కూడా లేదు. ఇటువంటి పరిస్థితుల్లో ఎంపీపీ పీఠం ఎవరికి దక్కుతుందన్న ఉత్కంఠ అందరిలోనూ నెలకొంది. ఇదిలా ఉండగా వైఎస్సార్‌సీపీ నుంచి ఎవరూ కూడా చేజారకుండా ఉండేలా వైఎస్సార్‌సీపీ పెద్దలు తగు చర్యలు చేపడుతున్నారు. మున్ముందు మునగపాక ఎంపీపీ పీఠానికి సంబంధించి ఏం జరుగుతుందో వేచి చూడాల్సిందే. నాడు...నేడు ఒకటే ఫలితం మండలంలో స్థానిక సంస్థల ఎన్నికల ఫలితాలు 2014లో జరిగిన ఫలితాలు పునరావృతమయ్యాయి. మొత్తం 16 ఎంపీటీసీ స్థానాలకు గాను గత 2014లో జరిగిన ఎంపీటీసీ ఎన్నికల్లో వైఎస్సార్‌సీపీకి 8 స్థానాలు, అలాగే అప్పటి టీడీపీకి మరో 8 స్థానాలు వచ్చాయి. అప్పటి ఎమ్మెల్యే పంచకర్ల రమేష్‌బాబు, వైఎస్సార్‌సీపీ నేత బొడ్డేడ ప్రసాద్‌లు ఒక ఒడంబడికకు వచ్చారు. ముందు రెండున్నరేళ్ల పాటు టీడీపీకి మొదటిసారిగా ఎంపీపీ అవకాశం కల్పించారు. తరువాత రెండున్నరేళ్ల కాలం వైఎస్సార్‌సీపీకి ఎంపీపీ అవకాశం కల్పించారు. నేడు అటువంటి ఫలితమే మరోసారి పునరావృతం కావడం విశేషం. 2026లో జరిగిన స్థానిక సంస్థల ఎన్నికల్లో భాగంగా మొత్తం 16 ఎంపీటీసీ స్థానాలకు గాను వైఎస్సార్‌సీపీకి 8 స్థానాలు రాగా కూటమి ప్రభుత్వానికి 8 స్థానాలు వచ్చాయి. ఈ పర్యాయం ఎంపీపీ పీఠం ఎవరిని వరిస్తుందో మరి?

సాక్షి, కృష్ణా జిల్లా: కృష్ణా జిల్లాలో టీడీపీ ఎమ్మెల్యేలకు ఎదురు దెబ్బ తగిలింది. గన్నవరం, పామర్రు ఎమ్మెల్యేలకు టీడీపీ రెబల్స్‌ షాకిచ్చారు. పామర్రు నియోజకవర్గం మొవ్వ మండల జడ్పీటీసీగా టీడీపీ రెబల్ అభ్యర్థి నన్నపనేని వీరేంద్ర గెలుపొందారు. తనకు టికెట్ ఇవ్వకపోవడంతో మొవ్వ జడ్పీటీసీ స్థానం నుంచి ఇండిపెండెంట్‌గా టీడీపీ రెబల్ అభ్యర్థి వీరేంద్ర బరిలోకి దిగారు. 6668 ఓట్ల మెజారిటీతో వీరేంద్ర విజయం సాధించారు. వీరేంద్ర గెలుపుతో పామర్రు టీడీపీ ఎమ్మెల్యే వర్ల కుమార్ రాజా కంగుతిన్నారు.గన్నవరం నియోజవర్గంలో కూడా టీడీపీ ఎమ్మెల్యే యార్లగడ్డ వెంకట్రావుకు టీడీపీ రెబల్స్‌ షాకిచ్చారు. టికెట్లు దక్కకపోవడంతో కేసరపల్లి 1, కేసరపల్లి 2 ఎంపీటీసీ సెగ్మెంట్ల నుంచి టీడీపీ రెబల్స్ ఇండిపెండెంట్‌గా బరిలోకి దిగారు. కేసరపల్లి సెగ్మెంట్ -1 ఇండిపెండెంట్ అభ్యర్థి యారగాని రత్తయ్య 557 ఓట్లతో విజయం సాధించగా, కేసరపల్లి సెగ్మెంట్ -3 ఇండిపెండెంట్ అభ్యర్థి సొంఠి కిషోర్ బాబు 438 ఓట్లతో విజయం సాధించారు. కృష్ణాజిల్లా టీడీపీలో రెబల్స్ విజయాలు చర్చనీయాంశంగా మారాయి.ఇదీ చదవండి: కూటమికి ఇదే కౌంట్‌డౌన్‌!

సాక్షి, తిరుపతి: తిరుపతి రూరల్ జడ్పీటీసీ స్థానంలో వైఎస్సార్ కాంగ్రెస్ పార్టీని ఓడించడానికి టీడీపీ కుట్రలు చేశారని ఆరోపించారు మాజీ ఎమ్మెల్యే చెవిరెడ్డి భాస్కర్‌ రెడ్డి. రాష్ట్రంలో ప్రజలంతా వైఎస్సార్‌సీపీ పక్షాన ఉన్నారు. నీతిగా నిజాయితీ గా ఎన్నికలు జరిగితే రాష్ట్ర వ్యాప్తంగా ఇదే ఫలితాలు వస్తాయని చెప్పుకొచ్చారు. ఇది జగనన్న విజయం అంటూ వ్యాఖ్యలు చేశారు.తిరుపతి రూరల్ జడ్పీటీసీ స్థానంలో విజయం అనంతరం మాజీ ఎమ్మెల్యే చెవిరెడ్డి భాస్కర్ రెడ్డి మాట్లాడుతూ..‘చంద్రగిరి నియోజకవర్గంపై తిరుపతి టీడీపీ నాయకులతో దండయాత్ర చేశారు. తిరుపతి రూరల్ జడ్పీటీసీ స్థానంలో వైఎస్సార్‌సీపీని ఓడించడానికి కుట్రలు చేశారు. తిరుపతి రూరల్ మండలంలో లక్ష 60 వేల మంది ఓటర్లు ఉన్న జడ్పీటీసీ స్థానంలో గెలవడం సాధారణ విషయం కాదు. టీడీపీ గెలిచిన మూడు జడ్పీటీసీ స్థానాలు రిగ్గింగ్ చేశారు. చంద్రబాబు సొంత నియోజకవర్గంలో వైఎస్సార్‌సీపీ జెండా మరోసారి ఎగురవేశాం. జగనన్న మాకు ఇచ్చిన స్ఫూర్తితో మూడు జడ్పీటీసీ స్థానాలు, ఎంపీటీసీ స్థానాలు గెలిచాం. టీడీపీ రిగ్గింగ్ చేసిన మూడు జడ్పీటీసీ స్థానాలు కూడా హైకోర్టు ఆదేశాలతో మళ్ళీ రీపోలింగ్ జరుగుతుంది. 13 రౌండ్లలో వైఎస్సార్ కాంగ్రెస్ పార్టీ ఆధిపత్యం కొనసాగింది.నామినేషన్లు వేయకుండా అడ్డుకున్నారు, స్క్రూటినీలో తొలగించారు, ఎన్ని అడ్డంకులు సృష్టించినా, దాడులు చేసినా చివరికి పోటీ చేశాం. ఘన విజయం సాధించాము. ప్రజలు వైఎస్సార్‌సీపీ పక్షాన ఉన్నారు. నీతిగా నిజాయితీగా ఎన్నికలు జరిగితే రాష్ట్ర వ్యాప్తంగా ఇదే ఫలితాలు వస్తాయి. గెలిచిన తర్వాత డిక్లరేషన్ ఇవ్వకుండా ఆలస్యం చేస్తూ వచ్చారు. చంద్రగిరి నియోజకవర్గం వైఎస్సార్ కాంగ్రెస్ పార్టీ ఇంచార్జి చెవిరెడ్డి మోహిత్ రెడ్డిని అభినందిస్తున్నా’ అని వ్యాఖ్యలు చేశారు.సమస్యలు పరిష్కరిస్తా: హర్షిత్‌ రెడ్డిచెవిరెడ్డి హర్షిత్ రెడ్డి మాట్లాడుతూ..‘ఇది ప్రజా విజయం, ఇంత పెద్ద మండలానికి జడ్పీటీసీగా గెలిపించారు. ఇది జగనన్న విజయం. చంద్రగిరి నియోజకవర్గంలో మూడు జడ్పీటీసీ స్థానాలు, ఎంపీటీసీ గెలిచాం. ఇదే మండలంలో 25 ఏళ్ళ క్రితం నాన్న 27 ఏళ్ల వయసులో జడ్పీటీసీగా గెలిచారు. ఈరోజు నేను 25 ఏళ్ల వయసులో ఇదే స్థానం నుంచి జడ్పీటీసీగా విజయం సాధించాను. నాకు ఓట్లు వేసి గెలిపించిన ప్రతి ఒక్కరికీ ప్రత్యేక ధన్యవాదాలు. ప్రజా సమస్యలు పరిష్కరిస్తాను’ అని అన్నారు. రికార్డు విజయం..చంద్రగిరి నియోజకవర్గం ఇంచార్జి చెవిరెడ్డి మోహిత్ రెడ్డి మాట్లాడుతూ..‘చంద్రగిరి నియోజకవర్గంలో మూడు జడ్పీటీసీ స్థానాలు, ఎంపీటీసీ స్థానాలు గెలిపించిన ప్రతి ఒక్కరికీ కృతజ్ఞతలు. జగనన్న ఆశీర్వాదం, మా నాన్న పోరాట స్పూర్తితో ఈరోజు విజయం సాధించాం. తిరుపతి రూరల్ మండలం, చిన గొట్టిగల్లు మండలం, ఎర్రవారి పాల్యం మండలాల్లో వైఎస్సార్ కాంగ్రెస్ పార్టీ జడ్పీటీసీ స్థానాలు గెలిచాం, అత్యధికంగా ఎంపీటీసీ స్థానాలు గెలిచాం. వైఎస్సార్‌సీపీ పోరాటాల నుంచి పుట్టిన పార్టీ. కూటమి నేతలు కుట్రలు చేసి గెలవాలని చూశారు, ప్రజలు ఆశీస్సులు మాకు ఉన్నాయి. గెలిపించిన ప్రతి ఒక్కరికీ కృతజ్ఞతలు’ తెలిపారు. ఇదీ చదవండి: వైఎస్సార్‌సీపీ ఘన విజయం.. తిరుపతిలో చెవిరెడ్డి విక్టరీ

కావలి: తన భార్య ఎంపీటీసీగా గెలిచినప్పటికీ, ఓడిపోయినట్లు ప్రకటించారంటూ వైఎస్సార్‌సీపీ ఎంపీటీసీ అభ్యర్థి భర్త భవనంపై నుంచి దూకి ఆత్మహత్యాయత్నం చేశారు. శ్రీ పొట్టి శ్రీరాములు నెల్లూరు జిల్లా ఉదయగిరి నియోజకవర్గంలోని జలదంకి మండల కేంద్రం బిట్‌–2 ఎంపీటీసీ వైఎస్సార్‌సీపీ అభ్యర్థిగా సురే పద్మావతి పోటీ చేశారు. కావలిలోని పీబీఆర్‌ విశ్వోదయ ఇంజినీరింగ్‌ కళాశాలలో శనివారం ఓట్ల లెక్కింపు జరిగింది. వైఎస్సార్‌సీపీ అభ్యర్థి పద్మావతికి 1,138 ఓట్లు వచ్చాయి. టీడీపీ నుంచి ఎంపీపీ ప్రతిపాదిత అభ్యర్థి కొలకలపూడి భవానికి 1121 ఓట్లు వచ్చాయి. దీంతో పద్మావతి 17 ఓట్ల మెజార్టీతో గెలుపొందారు. వెంటనే టీడీపీ నేతలు అధికారులపై ఒత్తిడి తేవడంతో డిక్లరేషన్‌ ఇవ్వకుండా నిలిపివేశారు. టీడీపీ అభ్యర్థి గెలుపొందినట్లు డిక్లరేషన్‌ ఇచ్చేందుకు రూ.కోటి ఇస్తామంటూ బేరానికి దిగారు. దీనికి వైఎస్సార్‌సీపీ అభ్యర్థి అంగీకరించలేదు. దీంతో ఐదు గంటలపాటు పోలీసులు, టీడీపీ నాయకులు కౌంటింగ్‌ కేంద్రంలో హంగామా సృష్టించారు. వారికి అధికారులు సహకరించారు. చివరకు రీకౌంటింగ్‌ పేరుతో ఇద్దరి ఓట్లను 1123 ఓట్లుగా సమం చేశారు. ఇద్దరి ఓట్లు సమానం అయినప్పుడు టాస్‌ వేసి విజయాన్ని ప్రకటించాలి. కానీ, టీడీపీ అభ్యర్థికి మరో ఓటు కలిపేసి, ఒక్క ఓటుతో గెలుపొందినట్లు ప్రకటించారు. ఈ అన్యాయాన్ని తట్టుకోలేకపోయిన వైఎస్సార్‌సీపీ ఎంపీటీసీ భర్త వెంకట శేషారెడ్డి కౌంటింగ్‌ కేంద్రంలోనే టీడీపీ నాయకులు, అధికారుల దాష్టీకాలపై ఆగ్రహం వ్యక్తం చేశారు. మా శవాలపై గెలుపు పత్రాలు అందుకోండంటూ రెండంతస్తుల భవనంపై నుంచి కిందకు దూకే ప్రయత్నం చేశారు. పోలీసులు ఆయన్ని పట్టుకుని సముదాయించి పంపించారు.

సాక్షి, అమరావతి / సాక్షి నెట్‌వర్క్‌: స్థానిక ఎన్నికల్లో వెన్నుపోటు పార్టీ అక్రమాలు, దౌర్జన్యాలు, బరితెగింపులు పరాకాష్టకు చేరాయి. నామినేషన్ల పర్వం మొదలు కౌంటింగ్‌ వరకు యథేచ్ఛగా పచ్చ గూండాలకు పోలీసులు యథాశక్తి సహకరించారు. కొన్ని చోట్ల పోలీసులే పచ్చ మూకలను మరిపించేలా దౌర్జన్యం చేస్తూ వైఎస్సార్‌సీపీ ఏజెంట్లను తరిమేశారు. ఈ క్రమంలో శనివారం రాష్ట్ర వ్యాప్తంగా జరిగిన జెడ్పీటీసీ, ఎంపీటీసీ ఎన్నికల కౌంటింగ్‌లో అరాచకం రాజ్యమేలింది. తప్పులను, అక్రమాలను ప్రశ్నించే అవకాశం లేకుండా వైఎస్సార్‌సీపీ శ్రేణులపై ఖాకీ కట్టడి శృతిమించింది. ఓటర్లు ఇచ్చిన తీర్పును తారుమారు చేసి ఫలితాలను తమకు అనుకూలంగా మలుచుకునేందుకు పచ్చ పార్టీకి పోలీసులే రక్షణ కవచంగా మారారు. పోలింగ్‌ రోజు గురువారం వైఎస్సార్‌సీపీ నేతలను హౌస్‌ అరెస్టులు చేయడం, అధికారిక పాసులు ఉన్న ఏజెంట్లను కౌంటింగ్‌ కేంద్రాల్లోకి వెళ్లనివ్వక పోవడం, బైండోవర్‌ కేసుల పేరుతో అడ్డుకోవడం, నిరసన తెలిపిన వారిపై తప్పుడు కేసులు నమోదు చేయడం తెలిసిందే. కౌంటింగ్‌ రోజు అయితే ఒకవైపు వైఎస్సార్‌సీపీ నేతలు, ఏజెంట్లపై కఠిన ఆంక్షలు విధిస్తూ.. మరోవైపు అధికార పార్టీ ప్రజాప్రతినిధులు, వారి కుటుంబ సభ్యులు, పీఏలు, నేతలు స్వేచ్ఛగా తిరిగేలా పోలీసులు పచ్చ జెండా ఊపారు. ఫలితంగా ప్రశ్నించే గొంతులను ముందుగానే కట్టడి చేసి.. ఓట్ల లెక్కింపులో జరిగే తేడాలపై అభ్యంతరాలు వ్యక్తం కాకుండా చేయడమే లక్ష్యంగా పోలీసులు వ్యవహరించడం పట్ల విమర్శలు వెల్లువెత్తుతున్నాయి. ఆళ్లగడ్డలో టీడీపీ గూండాలు దహనం చేసిన కార్లు నగరిలో మాజీ మంత్రి రోజాపై పోలీసుల దాష్టీకం నోటా ఓట్లతో టీడీపీ గెలుపు ప్రకాశం జిల్లా కొత్తపట్నం మండలానికి చెందిన గమళ్లపాలెం ఎంపీటీసీ స్థానం నుంచి వైఎస్సార్‌సీపీ అభ్యర్థి తాతా నాగేంద్రమ్మ 11 ఓట్లతో గెలిచింది. రెండు సార్లు రీకౌంటింగ్‌ నిర్వహించినా ఆమే విజేతగా నిలిచారు. ఈ క్రమంలో కొత్తపట్నం తహశీల్దార్‌ డీ రామానాయుడు నోటా ఓట్ల లోంచి కొన్ని ఓట్లు బయటకు తీసి టీడీపీ ఖాతాలో వేశారు. తుదకు రెండు ఓట్లతో టీడీపీ గెలిచినట్టు ప్రకటించారు. బల్లికురవ మండలం మల్లాయపాలెం, వెలమవారిపాలెంలో వైఎస్సార్‌ సీపీ గెలుపు వాకిట ఉండగా.. మంత్రి గొట్టిపాటి పీఏ, ఎస్సై నాగరాజు అక్కడే తిష్టవేసి ఫలితాలను తారుమారు చేసి టీడీపీ విజయం సాధించినట్లు ప్రకటించారు. కొత్తపట్నం మండల వైఎస్సార్‌సీపీ జెడ్పీటీసీ అభ్యర్థి లంకపోతు అంజిరెడ్డి 790 మెజార్టీతో గెలిచినా డిక్లరేషన్‌ ఫారం ఇవ్వలేదు. బాధిత అభ్యర్థి, ఏజెంట్లు గేటు బయట ధర్నాకు దిగడంతో జేసీ కల్పనా కుమారి వచ్చి విచారించి.. వైఎస్సార్‌సీపీ అభ్యర్థికి డిక్లరేషన్‌ ఫాం ఇచ్చారు. అక్రమాలకు నిలువెత్తు నిదర్శనం » కర్నూలు జిల్లా ఆలూరు నియోజకవర్గంలో ఎంపీటీసీ, జెడ్పీటీసీ ఎన్నికల ఓట్ల లెక్కింపులో పోలీసుల దౌర్జన్యకాండ పరాకాష్టకు చేరింది. వైఎస్సార్‌ సీపీ ఏజెంట్లను లోపలికి పంపకుండా నిలువరించారు. ఆలూరు ఎస్‌ఐ మన్మథ విజయ్‌ పోలీసులతో కలిసి విచక్షణారహితంగా లాఠీలతో కొట్టారు. దీంతో ఆలూరు వైఎస్సార్‌సీపీ జెడ్పీటీసీ అభ్యర్థి ఏజెంట్లు మల్లికార్జున తలకు, జక్రయ్యా అనే వైఎస్సార్‌ సీపీ ఏజెంట్‌ చేతి వేళ్లకు రక్తగాయాలయ్యాయి. ఆస్పరి మాజీ జెడ్పీటీసీ దొరబాబును లోపలికి పంపించేది లేదు.. ఎవరికి చెప్పుకుంటావో చెప్పుకో అంటూ సీఐ శ్రీనివాస్‌ నాయక్‌ వార్నింగ్‌ ఇచ్చారు. పోలీసుల తీరుపై ఆలూరు ఎమ్మెల్యే విరూపాక్షి కౌంటింగ్‌ హాలు వద్ద వైఎస్సార్‌సీపీ ఏజెంట్లతో కలిసి నిరసన చేపట్టారు. » శ్రీపొట్టి శ్రీరాములు నెల్లూరు జిల్లా చిల్లకూరు మండలం తమ్మినపట్నం వైఎస్సార్‌ కాంగ్రెస్‌ పార్టీ ఎంపీటీసీ అభ్యర్థి బొమ్మి సుజాతమ్మ ఏడు ఓట్లతో గెలిచారని తొలుత ప్రకటించారు. అయితే టీడీపీ అభ్యర్థి ఒత్తిడితో రీకౌంటింగ్‌ను నిర్వహించి ఆ పార్టీ ఒక్క ఓటుతో గెలిచిందని అధికారులు ప్రకటించారు. అనంతసాగరం వైఎస్సార్‌ కాంగ్రెస్‌ పార్టీ జెడ్పీటీసీ అభ్యర్థి అమరావతి గెలుపును అడ్డుకునేందుకు టీడీపీ నేతలు కౌంటింగ్‌ను నిలిపివేశారు. ఏఎస్‌పేట జెడ్పీటీసీ అభ్యర్థి పందిళ్లపల్లి రాజేశ్వరమ్మ కౌంటింగ్‌లో ముందంజలో ఉండగా, కౌంటింగ్‌ ప్రక్రియను కొంతసేపు నిలిపేశారు. కొన్ని బ్యాలెట్‌ పత్రాలకు ఇంకు మరకలున్నాయని, వాటిని లెక్కించరాదంటూ టీడీపీ ఏజెంట్లు అడ్డుకున్నారు.నెల్లూరు జిల్లా చిల్లకూరు మండలం తమ్మినపట్నంలో వైఎస్సార్‌సీపీ అభ్యర్థిని సుజాతమ్మపై పోలీసులజులుం గూడూరు మండలం తిప్పవరప్పాడులో 60 ఓట్లతో వైఎస్సార్‌సీపీ అభ్యర్థి విజయం సాధిస్తే పట్టబట్టి రీ కౌంటింగ్‌ చేయించారు. అయినా 12 ఓట్ల మెజార్టీ వచ్చింది. దీంతో టీడీపీ మూకలు కౌంటింగ్‌ హాల్లోకి దూరి అభ్యర్థి చేతిలోని డిక్లరేషన్‌ను చించివేసి మూడు ఓట్ల మెజార్టీతో టీడీపీ గెలిచిందని ప్రకటించుకున్నారు. వెందోడు సెగ్మెంట్‌లో వైఎస్సార్‌సీపీ అభ్యర్థి 80 ఓట్లతో విజయం సాధిస్తే మళ్లీ రీకౌంటింగ్‌ పేరుతో టీడీపీ 200 ఓట్లతో విజయం సాధించినట్లు ప్రకటించుకున్నారు. కాగా, ఆత్మకూరులోని కౌంటింగ్‌ కేంద్రం వద్ద తమకు భోజనం, టిఫిన్, కనీసం నీళ్లు కూడా ఇవ్వలేదని సిబ్బంది ఆందోళనకు దిగారు. » విశాఖ జిల్లా ఆనందపురం మండలం గంభీరం ఎంపీటీసీ వైఎస్సార్‌సీపీ అభ్యర్థి అయినాపురపు లక్ష్మణకుమార్‌ (బాబ్జీ)­కు 63 ఓట్ల ఆధిక్యం వచ్చింది. ఎమ్మెల్యే గంటా శ్రీనివాసరావు మేనల్లుడు చిక్కాల విజయబాబు జోక్యంతో మూడు సార్లు రీ కౌంటింగ్‌ నిర్వహించారు. తుదకు చెల్లని ఓట్లు కలిపి టీడీపీ అభ్యర్థి 4 ఓట్ల మెజారిటీతో గెలిచినట్లు ప్రకటించారు. » మార్కాపురం జిల్లా త్రిపురాంతకం మండలంలోని గణపవరం ఎంపీటీసీ సెగ్మెంట్‌లో వైఎస్సార్‌ కాంగ్రెస్‌ పార్టీ అభ్యర్థి భవనం కుమారి 38 ఓట్ల మెజార్టీతో గెలుపొందినట్లు ఎన్నికల అధికారి ప్రకటించారు. అయితే ఆమెకు డిక్లరేషన్‌ ఫారం ఇవ్వడంలో తీవ్రజాప్యం చేసి రీ కౌంటింగ్‌ పేరుతో టీడీపీ అభ్యర్థి 4 ఓట్ల మెజార్టీతో గెలుపొందినట్లు ప్రకటించారు. ఈ అన్యాయాన్ని ప్రశ్నించడానికి వచ్చిన ఎమ్మెల్యే తాటిపర్తి చంద్రశేఖర్‌ను మార్కాపురం డీవైఎస్పీ నిమ్మగడ్డ సత్యనారాయణ, సీఐ అల్తాఫ్‌ హుసేన్‌లు అడ్డుకున్నారు. » కాకినాడు జిల్లా ప్రత్తిపాడు మండలం ధర్మవరం ఎంపీటీసీగా వైఎస్సార్‌సీపీ అభ్యర్థి గొణగాల గోపాలస్వామి 27 ఓట్ల మెజారిటీతో గెలిచారు. అయినా మూడు గంటలపాటు డిక్లరేషన్‌ ఫాం ఇవ్వలేదు. గోపాలస్వామి.. అధికారులు, సీఐ కాళ్లావేళ్లాపడి బతిమాలడం ప్రజాస్వామ్య దుర్గతికి అద్దం పట్టింది. ఆళ్లగడ్డలో అర్ధరాత్రి మంటలు కౌంటింగ్‌ వేళ నంద్యాల జిల్లా ఆళ్లగడ్డలో ఉద్రిక్తత చోటుచేసుకుంది. వైఎస్సార్‌సీపీ మున్సిపల్‌ చైర్‌పర్సన్‌ అభ్యర్థి షరీఫాబీకి చెందిన రెండు కార్లను అర్ధరాత్రి దుండగులు తగలబెట్టారు. ఏఎన్‌ఆర్‌ మహబూబ్‌ బాషా ఇంటి ఎదుట నిలిపి ఉంచిన వాహనాలు పూర్తిగా దగ్ధమయ్యాయి. రెండు రోజుల క్రితమే షరీఫాబీ కుమారుడు సాదిక్‌పై కత్తులతో దాడి జరిగిన నేపథ్యంలో, తాజాగా వాహనాలను తగలబెట్టడం ఆందోళన కలిగిస్తోంది. వరుస ఘటనల వెనుక ఉన్నది ఎవరో తెలిసినా పోలీసులు చర్యలు తీసుకోవడం లేదని వైఎస్సార్‌సీపీ వర్గాలు ఆగ్రహం వ్యక్తం చేశాయి. శ్రీకాకుళం జిల్లా టెక్కలి మండలం లింగాలవలస ఎంపీటీసీ అభ్యర్థి దువ్వాడ హైందవి విజయం సాధించినప్పటికీ, రీ కౌంటింగ్‌ పేరుతో రభస సృష్టించారు. రీ కౌంటింగ్‌లోనూ ఆమే గెలిచింది. తీరా ధ్రువీకరణ పత్రం ఇచ్చేటప్పుడు టీడీపీ అభ్యర్థి కమలాకర్‌రావు విజయం సాధించినట్లు ప్రకటించారు. ఖాకీల ఓవర్‌ యాక్షన్‌ నంద్యాల జిల్లాలో మాజీ ఎమ్మెల్యేలు శిల్పా చక్రపాణిరెడ్డి, శిల్పా రవిచంద్ర కిశోర్‌రెడ్డిలను కౌంటింగ్‌ కేంద్రాలకు వెళ్లకుండా పోలీసులు అడ్డుకున్నారు. శ్రీశైలం నియోజకవర్గం ఆత్మకూరులో పార్టీ కార్యాలయంలో సమన్వయకర్త శిల్పా భువనేశ్వర్‌రెడ్డిని పోలీసులు నిర్బంధించారు. నందికొట్కూరులో వైఎస్సార్‌సీపీ కార్యాలయానికి వెళ్తున్న బైరెడ్డి సిద్ధార్థరెడ్డిని అడ్డుకుని అరెస్టు చేశారు. అన్నమయ్య జిల్లా పీలేరు నియోజకవర్గంలో బైండోవర్‌ పేరుతో వైఎస్సార్‌సీపీ కౌంటింగ్‌ ఏజెంట్లను అడ్డుకున్నారు. అనంతపురం జిల్లాలో మాజీ మంత్రి శైలజానాథ్, మాజీ ఎంపీ తలారి రంగయ్యలను నిర్బంధించారు. మరోవైపు కూటమి ఎమ్మెల్యే కుటుంబ సభ్యులను కౌంటింగ్‌ కేంద్రంలోకి అనుమతించారు. యర్రగొండపాలెంలో ఎమ్మెల్యే తాటిపర్తితో వాగ్వాదం చేస్తున్న డీవైఎస్పీ, సీఐ శ్రీసత్యసాయి జిల్లా ధర్మవరం, చెన్నేకొత్తపల్లి, గోరంట్ల ప్రాంతాల్లో వైఎస్సార్‌సీపీ ఏజెంట్లను పోలీసులు బలవంతంగా బయటకు పంపేశారు. ధర్మవరంలో మాజీ ఎమ్మెల్యే కేతిరెడ్డి వెంకటరామిరెడ్డిని సైతం కౌంటింగ్‌ కేంద్రంలోకి అనుమతించ లేదు. ఎన్టీఆర్‌ జిల్లా జగ్గయ్యపేటలో వైఎస్సార్‌సీపీ ఏజెంట్లను కేసుల పేరుతో కౌంటింగ్‌ హాలుకు వెళ్లకుండా అడ్డుకున్నారు. ప్రకాశం జిల్లా యర్రగొండపాలెం నియోజకవర్గంలో ఎమ్మెల్యే తాటిపర్తి చంద్రశేఖర్‌ను కౌంటింగ్‌ కేంద్రం వద్ద పోలీసులు అడ్డుకోవడంపై వివాదం రేగింది. ప్రజల తీర్పుపై నమ్మకం ఉంటే ప్రతిపక్ష నేతలను ఎందుకు నిర్బంధించాల్సి వచ్చిందని, కౌంటింగ్‌ కేంద్రాల వద్ద తమను ఎందుకు అడ్డుకుంటున్నారని వైఎస్సార్‌సీపీ నేతలు పోలీసులను నిలదీశారు. ఉమ్మడి చిత్తూరు జిల్లాలో అరాచకం తిరుపతి జిల్లా సత్యవేడు నియోజకవర్గం కేవీబీ పురం వైఎస్సార్‌సీపీ జెడ్పీటీసీ అభ్యర్థి సుజాత 1,600 ఓట్ల మెజారిటీ సాధించారు. ఓటమిని జీర్ణించుకోలేని టీడీపీ నేతలు రీకౌంటింగ్‌కు డిమాండ్‌ చేశారు. అలా ఐదు పర్యాయాలు రీ కౌంటింగ్‌ జరిపించారు. ప్రతిసారీ వైఎస్సార్‌సీపీ అభ్యర్థే ఆధిక్యం చాటుకున్నారు. తుదకు అర్ధరాత్రి దాటాక అన్యాయంగా టీడీపీ అభ్యర్థి 248 ఓట్లతో గెలిచినట్లు ప్రకటించారు. » తిరుపతి జిల్లా కేవీబీ పురం మండలంలోని ఆరు ఎంపీటీసీ స్థానాల్లో వైఎస్సార్‌సీపీ అభ్యర్థులు విజయం సాధించారు. పలుమార్లు రీకౌంటింగ్‌ చేసినా.. వైఎస్సార్‌సీపీ అభ్యర్థులే గెలుపొందినట్లు ఎన్నికల అధికారులు ప్రకటించారు. అయితే డిక్లరేషన్‌ ఫారాలు ఇవ్వకుండా టీడీపీ నేతలు అడ్డుకున్నారు. » తిరుపతి రూరల్‌ వైఎస్సార్‌సీపీ జెడ్పీటీసీ అభ్యర్థి చెవిరెడ్డి హర్షిత్‌రెడ్డి ప్రతి రౌండ్‌లో ఆధిక్యం ప్రదర్శిస్తుండడంతో స్థానిక ఎమ్మెల్యే పులివర్తి నాని భార్య సుధారెడ్డి అధికారులపై ఒత్తిడి చేసి కౌంటింగ్‌ ఆపించారు. ఇదే నియోజకవర్గం పేరూరు–2 వైఎస్సార్‌సీపీ ఎంపీటీసీ అభ్యర్థి 6 ఓట్లతో గెలుపొందారు. రీకౌంటింగ్‌లోనూ అదే 6 ఓట్లు ఆధిక్యం ఉన్నట్లు ఎన్నికల అధికారులు వెల్లడించారు. అయినా డిక్లరేషన్‌ ఇవ్వకుండా టీడీపీ నేతలు అడ్డుపడ్డారు. యర్రావారిపాళెం వైఎస్సార్‌సీపీ జెడ్పీటీసీ అభ్యర్థి 604 ఓట్ల మెజారిటీతో గెలుపొందినట్లు అధికారులు ప్రకటించారు. అయితే డిక్లరేషన్‌ ఇవ్వకుండా అడ్డుకున్నారు. రేణిగుంట వైఎస్సార్‌సీపీ జడ్పీటీసీ అభ్యర్థి మొదటి రౌండ్‌ నుంచి చివరి రౌండ్‌ వరకు ఆధిక్యత చాటుకుంటూ వచ్చారు. కానీ చివరలో బీజేపీ అభ్యర్థి గెలుపొందినట్లు ప్రకటించారు. ఈ విషయంపై తిరుపతి ఎంపీ మద్దెల గురుమూర్తి కౌంటింగ్‌ ప్రక్రియ మొత్తం సీసీ పుటేజ్‌ కావాలని కలెక్టర్‌ని కోరారు. » చిత్తూరు జిల్లా నగరి ఓట్ల లెక్కింపు కేంద్రం వద్ద జరిగిన విజయపురం మండలం ఇల్లత్తూరు ఎంపీటీసీ స్థానాన్ని 15 ఓట్ల మెజారిటీతో తొలుత వైఎస్సార్‌సీపీ అభ్యర్థి దేవి గెలిచినట్లు ఆర్‌వో జయచంద్రారెడ్డి ప్రకటించారు. టీడీపీ అభ్యర్థి రీ కౌంటింగ్‌ కోరడంతో.. చెల్లని ఓట్లను టీడీపీ అభ్యర్థి ఖాతాలో చూపించి మూడు ఓట్ల వ్యత్యాసంతో అధికార పార్టీకి చెందిన ప్రభావతి గెలిచినట్లు ప్రకటించారు. మళ్లీ వైఎస్సార్‌సీపీ అభ్యర్థి రీ–కౌంటింగ్‌ అడిగినా కూడా ఆర్‌వో ఏకపక్షంగా వ్యవహరించి.. టీడీపీ అభ్యర్థి గెలిచినట్లు ధృవీకరణపత్రం ఇచ్చేశారు. దీనిపై మాజీ మంత్రి ఆర్‌కె రోజా కౌంటింగ్‌ కేంద్రం వద్ద నిరసన వ్యక్తం చేయగా.. పోలీసులు ఆమెపై దురుసుగా ప్రవర్తించి, దౌర్జన్యానికి దిగారు. రోజాను పోలీసులు బలవంతంగా ఈడ్చి పారేసి అరెస్ట్‌ చేశారు. » కుప్పం నియోజకవర్గంలోని శాంతిపురం మండలం రాళ్లబూదుగూరులో వైఎస్సార్‌సీపీ ఎంపీటీసీ అభ్యర్థి 17 ఓట్ల తేడాతో గెలిచినట్లు ప్రకటించిన అధికారులు డిక్లరేషన్‌ ఇవ్వకుండా.. టీడీపీ అభ్యర్థికి 3 సార్లు రీ–కౌంటింగ్‌ అవకాశం ఇచ్చారు. తీరా చెల్లని ఓట్లను టీడీపీ అభ్యర్థికి చెల్లుబాటు అయ్యేలా చేసి, మూడు ఓట్లతో గెలిచినట్లు డిక్లరేషన్‌ ఇచ్చారు. అదే మండలం 121–పెద్దూరులో 120 ఓట్ల ఆధిక్యంలో ఉన్న వైఎస్సార్‌సీపీ అభ్యర్థిని బయటకు పంపించేసిన అధికారులు.. టీడీపీ అభ్యర్థి గెలిచినట్లు ప్రకటించారు. ముల్లూరు కృష్ణాపురంలో 110 ఓట్లతో వైఎస్సార్‌సీపీ అభ్యర్థి ఆధిక్యంలో ఉంటే, ఇక్కడ కూడా అభ్యర్థులను, ఏజెంట్లను బయటకు పంపించేసి.. టీడీపీ అభ్యర్థి గెలిచినట్లు ప్రకటించారు. పూతలపట్టులోని ఐరాలలో 442 ఓట్లు పోలైనట్లు లెక్కిస్తే.. టీడీపీ అభ్యర్థికి 468 ఓట్లు వచ్చాయి. అంటే 26 ఓట్లు దొంగ ఓట్లుగా తేలిపోయింది. పలమనేరులోని మొరం ఎంపీటీసీ స్థానంలో వైఎస్సార్‌సీపీ అభ్యర్థి గెలిచినట్లు ప్రకటించిన అధికారులు.. చెల్లని ఓట్లను చెల్లుబాటయ్యేలా చేసి, రీ–కౌంటింగ్‌లో టీడీపీ అభ్యర్థి గెలిచినట్లు ప్రకటించారు. తొట్టంబేడు మండలం సింగమాలకు చెందిన టీడీపీ ఏజెంట్‌.. కట్టలు కట్టిన ఓట్లను బయటకు విసిరేశాడు. ఏజెంట్‌కు పాస్‌ ఉన్నా.. లోపలికి నో ఎంట్రీపలు కౌంటింగ్‌ కేంద్రాల్లో అధికారికంగా ఏజెంట్‌ పాసులు జారీ అయినప్పటికీ నో ఎంట్రీ అంటూ పక్కా పథకం ప్రకారం వైఎస్సార్‌సీపీ ప్రతినిధులను పోలీసులు అడ్డుకున్నారు. పీలేరు నియోజకవర్గంలో ఆరు మండలాలకు చెందిన వైఎస్సార్‌సీపీ ఏజెంట్లను బైండోవర్‌ సాకుతో కౌంటింగ్‌ కేంద్రాల్లోకి అనుమతించలేదు. పాసులు ఉన్నప్పటికీ బయటే నిలిపివేసి, కొందరిని బలవంతంగా బయటకు పంపించారని వైఎస్సార్‌సీపీ నేతలు ఆగ్రహం వ్యక్తం చేశారు. జగ్గయ్యపేట నియోజకవర్గంలో కేసులు ఉన్నాయంటూ వైఎస్సార్‌సీపీ ఏజెంట్లను కౌంటింగ్‌ హాల్‌లోకి అనుమతించలేదు. హిందూపురంలో వైఎస్సార్‌సీపీ నేత వేణురెడ్డి కాలర్‌ పట్టుకొని దాడి చేస్తున్న కానిస్టేబుల్‌ నరేష్‌ హిందూపురం ఎమ్మెల్యే బాలకృష్ణ పీఏ కౌంటింగ్‌ కేంద్రంలో హల్‌చల్‌ చేసినా పట్టించుకోలేదు. మీడియాకు ప్రవేశం నిరాకరించారు. నందికొట్కూరు ఎమ్మెల్యే జయసూర్య పీఏ కౌంటింగ్‌ కేంద్రంలో అధికారులు, ఏజెంట్లతో మాట్లాడుతూ ఆదేశాలు ఇచ్చినా పోలీసులు చూసీచూడనట్టు వ్యవహరించారు. పుట్టపర్తి టీడీపీ నేత పల్లె రఘునాథరెడ్డి కౌంటింగ్‌ కేంద్రంలోనే తిష్ట వేసినా పోలీసులు పట్టించుకోలేదు. కొత్తపేటలో కూటమి ఎమ్మెల్యేను లోపలికి అనుమతించిన పోలీసులు.. వైఎస్సార్‌సీపీ నేతలను అడ్డుకున్నారు. ఎన్టీఆర్‌ జిల్లా తిరువూరు కౌంటింగ్‌ హాల్‌లో కరెంట్‌ ఆపేశారు. నందికొట్కూరు కౌంటింగ్‌ కేంద్రం వద్ద మీడియా ప్రతినిధులను ప్రధాన గేటు వద్దే నిలిపి వేశారు. ఉమ్మడి గుంటూరు జిల్లాలో పచ్చ దాష్టీకం » గుంటూరు జిల్లా మంగళగిరి నియోజకవర్గం చింతలపూడి వైఎస్సార్‌సీపీ ఎంపీటీసీ వైఎస్సార్‌సీపీ అభ్యర్థి కర్ర రమ్య 27 ఓట్ల మెజార్టీతో విజయం సాధించారు. రీ కౌంటింగ్‌లోనే ఈమే నెగ్గింది. అయినా మంత్రి లోకేశ్‌ ఒత్తిడితో ఆమెకు డిక్లరేషన్‌ ఫారమ్‌ ఇవ్వకుండా పోలీసులు నేరుగా జోక్యం చేసుకుని బెదిరించి కౌంటింగ్‌ కేంద్రంలో నుంచి బయటకు నెట్టేశారు. అనంతరం 23 ఓట్లతో టీడీపీ అభ్యర్థి గెలిచినట్లుగా ప్రకటించేశారు. మోరంపూడి వైఎస్సార్‌ సీపీ ఎంపీటీసీ అభ్యర్థి శృంగారపాటి అక్షయరాణి గెలుపు వాకిట ఉండగా.. పోలీసులు ఆమెను, ఆమె ఏజెంట్లను తీవ్రంగా బెదిరించారు. బయటకు వెళ్లకపోతే హత్యాయత్నం కేసు నమోదు చేస్తామంటూ భయ­బ్రాంతులకు గురిచేసి బయటకు నెట్టి వేశారు. ఆ తర్వాత 92 ఓట్లతో టీడీపీ అభ్యర్థి గెలిచినట్లుగా డిక్లర్‌ చేశారు. దుగ్గిరాల మండల రేవేంద్రపాడు వైఎస్సార్‌సీపీ ఎంపీటీసీ అభ్యర్థి జమ్ముగాని మంగమ్మ వంద ఓట్ల మెజార్టీతో విజయం సాధించగా, అధికార పార్టీ నేతలు, పోలీసులు అభ్యర్థితోపాటు, కౌంటింగ్‌ ఏజెంట్లను బయటకు నెట్టివేసి 71 ఓట్లతో టీడీపీ అభ్యర్థి గెలిచినట్లుగా ప్రకటించారు. » బాపట్ల నియోజకవర్గం కర్లపాలెం–1 వైఎస్సార్‌సీపీ ఎంపీటీసీ అభ్యర్థిగా అట్ల వెంకటేశ్వరమ్మ (వైఎస్సార్‌ సీపీ ఎంపీపీ అభ్యర్థి) మూడు ఓట్లతో విజయం సాధించింది. అయితే రీకౌంటింగ్‌ పేరుతో టీడీపీ అభ్యర్థి పిట్టు పావని రెడ్డి విజయం సాధించినట్లు ప్రకటించారు. పిట్టలవానిపాలెం మండలం అల్లూరు వైఎస్సార్‌ సీపీ ఎంపీటీసీ అభ్యర్థి ఉప్పు రాణి (ఎస్టీ మహిళ) ఒక్క ఓటు మెజార్టీతో విజయం సాధించింది. దీనిని జీర్ణించుకోలేని టీడీపీ నేతలు రీకౌంటింగ్‌ పేరుతో గందరగోళం సృష్టించారు. మూడు పోస్టల్‌ బ్యాలెట్‌ ఓట్లు మరిచిపోయామని, అవి కలిపి రెండు ఓట్లు తేడాతో టీడీపీ అభ్యర్థి గున్నం సముద్రాలు గెలిచినట్లు ప్రకటించారు. బాపట్ల మండలం గుడిపూడి వైఎస్సార్‌ సీపీ ఎంపీటీసీ అభ్యర్థి బోయిన వసంత నాలుగు ఓట్ల మెజార్టీతో విజయం సాధించగా మూడు సార్లు రీ కౌంటింగ్‌ పెట్టారు. తుదకు ఆమె వారి బెదిరింపులకు లొంగక పోవడంతో ఒక్క ఓటు మెజార్టీతో గెలిచినట్లు డిక్లర్‌ చేశారు. పోతురాజుపాలెం వైఎస్సార్‌సీపీ ఎంపీటీసీ అభ్యర్థి మధుప్రోలు తిరుపతిరెడ్డి విషయంలోనూ ఇదే జరిగింది. తుదకు నాలుగు ఓట్ల మెజార్టీతో గెలుపొందారు. » గుంటూరు రూరల్‌ వెంగళాయపాలెం–1 ఎంపీటీసీ వైఎస్సార్‌సీపీ అభ్యర్థి ఇందిర కళ్యాణి ఎన్నికల రోజు నుంచి అధికార పార్టీ నేతల దౌర్జన్యాలు, పోలీసుల అరాచకాలు ఎదుర్కొంటూ ముందుకు సాగింది. గురువారం రాత్రి ఎన్నికలు ముగిశాక పోలింగ్‌ బాక్సులు తరలిస్తున్న తరుణంలో మార్గం మధ్యలో బ్యాలెట్‌ బాక్సులు మార్చేందుకు యత్నిస్తున్న అధికారులను పట్టుకుని నిలదీశారు. ఈ సందర్భంగా జరిగిన గొడవలు, అక్రమ కేసులు తెలిసిందే. ఈ క్రమంలో 40 ఓట్లతో ఆమె విజయం సాధించారు. అయితే డిక్లర్‌ చేయకుండా మూడు గంటల పాటు హైడ్రామా నడిపారు. టీడీపీ మూకల బెదిరింపులకు ఆమె లొంగక పోవడంతో ఎట్టకేలకు ఆమెను విజేతగా ప్రకటించక తప్పలేదు. ఇదే రీతిలో చల్లావారిపాలెం వై ఎస్సార్‌సీపీ ఎంపీటీసీ అభ్యర్థి లక్కిరెడ్డి రేణుక ఐదు ఓట్ల మెజార్టీతో విజయం సాధించారు. అమిలినేని గ్యాంగ్‌ బీభత్సం అనంతపురం జిల్లా కుందుర్పి మండలం అపిలేపల్లిలో వైఎస్సార్‌సీపీ అభ్యర్థి చాకలి లక్ష్మి 31 ఓట్ల మెజార్టీతో గెలుపొందారు. టీడీపీ ఒత్తిడి మేరకు రీ కౌంటింగ్‌ చేపట్టారు. రీకౌంటింగ్‌లోనూ 21 ఓట్ల మెజార్టీ వచ్చింది. దీంతో ఎమ్మెల్యే అనుచరులు అభ్యర్థి, ఏజెంట్‌పై దాడికి దిగారు. అనంతరం బౌన్సర్లు లోపలికి వెళ్లి లెక్కించిన ఓట్లను మళ్లీ కలిపేశారు. శెట్టూరు మండలంలోని శెట్టూరు–1 ఎంపీటీసీ స్థానం నుంచి వైఎస్సార్‌సీపీ అభ్యర్థి పాలబండ్ల భారతి వందకు పైగా ఓట్ల మెజార్టీతో, చెర్లోపల్లి స్థానం నుంచి వీరేష్‌ 150 ఓట్ల మెజార్టీతో గెలిచారు. వీరికి డిక్లరేషన్‌ ఇవ్వకుండా అధికారులను ఎమ్మెల్యే అమిలినేని అనుచరులు అడ్డుకున్నారు. కళ్యాణదుర్గం కౌంటింగ్‌ కేంద్రం వద్ద గొడవ చేస్తున్న టీడీపీ ఎమ్మెల్యే అమిలినేని అల్లుడు ధర్మతేజ (వృత్తంలో) ఏకపక్షంగా సాగుతున్న కౌంటింగ్‌ను నిరసిస్తూ పది ఎంపీటీసీ స్థానాల అభ్యర్థులు, ఏజెంట్లు బ్యాలెట్‌ బాక్సులకు సీళ్లు కూడా తీయకుండానే ఓట్ల లెక్కింపును బహిష్కరించి కౌంటింగ్‌ కేంద్రాల నుంచి బయటకు వచ్చేశారు. కౌంటింగ్‌ కేంద్రం బయట ఆందోళనకు దిగారు. ‘సీఎం డౌన్‌ డౌన్‌.. ఎమ్మెల్యే డౌన్‌ డౌన్‌ అంటూ నినాదాలతో హోరెత్తించారు. అక్రమాలను అడ్డుకోవాల్సిన పోలీసులు మాత్రం అధికార పార్టీకి కొమ్ము కాస్తూ నిరసన తెలుపుతున్న వైఎస్సార్‌సీపీ అభ్యర్థులపైనే లాఠీచార్జ్‌ చేశారు. ఏజెంట్లను లోపలకు అనుమతించక పోవడాన్ని ప్రశ్నించిన వారిపై కళ్యాణదుర్గం పట్టణ సీఐ హరినాథ్‌ ఆగ్రహంతో ఊగిపోయారు. ‘ఈ పాస్‌లతో ఏం పీకుతారు’ అంటూ మండిపడ్డారు. కంబదూరు మండల పరిధిలో జెడ్పీటీసీ, ఎంపీటీసీ స్థానాల్లో వైఎస్సార్‌సీపీకి స్పష్టమైన మెజార్టీ వస్తుండడంతో ఎమ్మెల్యే అమిలినేని అనుచరులు మరింతగా రెచ్చిపోయారు. అమిలినేని అల్లుళ్లు ధర్మతేజ, అవినాష్‌ సూచనలతో సుమారు 50 మంది గూండాలు రాడ్లు, కర్రలు, ఇతర వస్తువులతో వైఎస్సార్‌సీపీ అభ్యర్థులు, ఏజెంట్లపై మూకుమ్మడిగా దాడి చేసి గాయపరిచి..భయానక వాతావరణం సృష్టించారు. కంబదూరు మండలం గొల్లపల్లి ఎంపీటీసీ అభ్యర్థి కౌంటింగ్‌ ఏజెంట్‌ శివను రక్తం వచ్చేలా కొట్టారు. దీంతో వైఎస్సార్‌సీపీ అభ్యర్థులు, ఏజెంట్లు ప్రాణభయంతో బయటకు పరుగెత్తుకొచ్చారు.

శ్రీ సత్యసాయి/కాకినాడ/అనంతపురం/ కృష్ణా జిల్లాలు: జడ్పీటీసీ, ఎంపీటీసీ ఫలితాల్లోనూ టీడీపీ నేతలు అక్రమాలకు పాల్పడ్డారు. మంత్రి సవిత ప్రాతినిధ్యం వహిస్తున్న పెనుకొండ నియోజకవర్గంలో టీడీపీ నేతలు జడ్పీటీసీ, ఎంపీటీసీ ఎన్నికల లెక్కింపు వేళ బరితెగించారు. గోరంట్ల మండలం బూదిలి ఎంపీటీసీ స్థానంలో వైఎస్సార్‌సీపీ అభ్యర్థి 55 ఓట్లతో గెలుపొందగా, రీ కౌంటింగ్ జరపాలని మంత్రి సవిత వర్గీయులు గొడవ చేశారు. అయినప్పటికీ పోలీసులు పట్టించుకోలేదు. పిఠాపురం రూరల్ నర్సింగపురం-జమ్ముల ఎంపీటీసీ ఎన్నికల లెక్కింపుల్లోనూ అవకతవకలు జరిగాయి. కౌంటింగ్ అధికారుల తీరుపై ఆవేదన వ్యక్తం చేశారు వైఎస్సార్‌సీపీ అభ్యర్థి రాయుడు చాందినీ దేవి. నాలుగు కౌంటింగ్ బాక్సుల్లో ఒక బాక్స్‌కు కూడా సీల్‌ సరిగ్గా లేదు. చాందినీ దేవి అనుమానం వ్యక్తం చేసినా బాక్స్ తెరిచి అధికారులు ఓట్లు లెక్కించారు. దిక్కున చోట చెప్పుకో అంటూ తన పట్ల అధికారులు దురుసుగా వ్యవహరించారని చాందినీ దేవి ఆరోపించారు.కల్యాణదుర్గంలో ఉద్రిక్తత చోటుచేసుకుంది. వైఎస్సార్‌సీపీ అభ్యర్థులు గెలిచినా అధికారులు డిక్లరేషన్ ఇవ్వలేదు. రీ కౌంటింగ్ పేరుతో ఫలితాలు తారుమారు చేస్తున్నారు టీడీపీ నేతలు. టీడీపీ ఎమ్మెల్యే అమిలినేని సురేంద్ర బాబు కుటుంబ సభ్యులు దౌర్జన్యానికి దిగారు. వారికి పోలీసులు వత్తాసు పలుకుతున్నారు. కల్యాణదుర్గం కౌంటింగ్ కేంద్రం వద్ద వైఎస్సార్‌సీపీ శ్రేణులు నిరసన తెలిపారు. శెట్టూరు, కుందుర్పి, కంబదూరు మండలాల్లో వైఎస్సార్‌సీపీ గెలిచిన ఎంపీటీసీ స్థానాల్లో డిక్లరేషన్ ఇవ్వలేదని ఆందోళన చేపట్టారు. పోలీసుల ప్రేక్షక పాత్ర పోషించారు.మాడుగుల ఎమ్మెల్యే, టీడీపీ సీనియర్ నేత బండారు సత్యనారాయణమూర్తికి ఎదురుదెబ్బ తగిలింది. ఎమ్మెల్యే స్వగ్రామం వెన్నెలపాలెంలో వైఎస్సార్‌సీపీ అభ్యర్థి పైల సత్యనారాయణ విజయం సాధించారు. సమీప కూటమి అభ్యర్థిపై 73 ఓట్ల మెజారిటీతో గెలుపొందారు.నంద్యాలలో ఉద్రిక్తత చోటుచేసుకుంది. మహానంది మండలం అబ్బిపురం ఎంపీటీసీ అభ్యర్థిగా వైఎస్సార్‌సీపీ అభ్యర్థి నూర్ బాష గెలుపొందినా కూడా ఉదయం నుంచి డిక్లరేషన్ ఫామ్ ఇవ్వకుండా ఆటంకం కలిగించటంపై శిల్పా చక్రపాణి రెడ్డి ఫైర్ అయ్యారు. కౌంటింగ్ సెంటర్ వద్దకు వెళ్లడానికి బయలు దేరిన శిల్పచక్రపాణి రెడ్డిని పోలీసులు అడ్డుకున్నారు.తిరుపతి రూరల్ మండలం జడ్పీటీసీ వైఎస్సార్‌సీపీ ఆధిక్యంలో ఉండటంతో టీడీపీ కుట్రలు చేసింది. తిరుపతి రూరల్ జడ్పీటీసీ కౌంటింగ్ గంటపాటు నిలిపివేశారు. వైఎస్సార్‌సీపీకి ఆధిక్యత వస్తుండటంతో పోలింగ్ అధికారులపై ఒత్తిళ్లు తెచ్చారు టీడీపీ నాయకులు. జిల్లా కలెక్టర్ వెంకటేశ్వర్లు ఎస్.జీ.ఎస్ ఆర్ట్స్ కాలేజీకు వచ్చి పోలింగ్ అధికారులతో మాట్లాడారు.ఇదీ చదవండి: అందుకే నా జీవిత కథను నేనే చెప్పాలనిపించింది: సోనియా గాంధీకృష్ణా జిల్లాలోనూ ఓటమి భయంతో కూటమి కుట్రలు చేసింది. గన్నవరం జడ్పీటీసీ వైఎస్సార్‌సీపీ అభ్యర్థి అనగాని రవికి ఆధిక్యం వచ్చి, 31 ఓట్ల స్పష్టమైన మెజార్టీ ఉన్నా అధికారులు తాత్సారం చేశారు. ఫలితం ప్రకటించకుండా జాప్యం చేశారు.

సాక్షి, గుంటూరు: వైఎస్సార్‌సీపీ ఎమ్మెల్సీ అప్పిరెడ్డిపై అక్రమ కేసు దుర్మార్గమైన చర్య అంటూ మాజీ మం‍త్రి, వైఎస్సార్‌సీపీ నేత అంబటి రాంబాబు తీవ్రస్థాయిలో మండిపడ్డారు. శనివారం ఆయన మీడియా సమావేశంలో మాట్లాడుతూ.. వెంగళాయపాలెం బ్యాలెట్‌ బాక్స్‌ మాయం చేయాలని అధికారులు చూశారు. అధికారులు బ్యాలెట్‌ బాక్స్‌లు మాయం చేయడాన్ని వైఎస్సార్‌సీపీ నేతలు అడ్డుకున్నారు. న్యాయం కోసం ధర్నా చేస్తున్న అప్పిరెడ్డి సహా వైఎస్సార్‌సీపీ నేతలపై లాఠీచార్జ్‌ చేశారు’’ అని అంబటి రాంబాబు ధ్వజమెత్తారు.‘‘బ్యాలెట్‌ బాక్స్‌లు తీసుకెళ్లే అధికారి డెకాయిట్టా..? ధర్నా చేసినవారా?. పోలీసులు రక్షణలో టీడీపీ నేతలు, అధికారులు దౌర్జన్యం చేస్తున్నారు. లేళ్ల అప్పిరెడ్డి మీద టీడీపీ నేతలు చాలా కక్షపెట్టుకున్నారు. అన్యాయాలను అడ్డుకుంటే అక్రమ కేసులు పెడుతున్నారు. లేళ్ల అప్పిరెడ్డి అక్రమ అరెస్ట్‌ను ప్రజాస్వామ్యవాదులు ఖండించాలి. దోపిడీ చేస్తున్నవారికి రక్షణ, దోపిడీ అడ్డకుంటే శిక్షా?. రక్షించాల్సిన పోలీసులే.. భక్షిస్తుంటే ఏం చేయాలి?. రాష్ట్రంలో ప్రజలే ఆయుధాలు పట్టుకోవాల్సిన పరిస్థితి వస్తుంది.’’ అని అంబటి వ్యాఖ్యానించారు.పెట్రోలు బాంబులు వేస్తున్నా పోలీసులు అడ్డుకోవడం లేదు. టీడీపీ నేతలు, అధికారులు, పోలీసులు కలిసిపోయారు. న్యాయబద్ధంగా పోలింగ్‌ జరగడం లేదని.. ప్రజలు కూడా ఓటు వేయడానికి రావడం లేదు. ఏలేశ్వరంలో సైకిల్‌ గుర్తు మీద గుద్దిన బ్యాలెట్‌లను అధికారులే కలిపేశారు. బ్యాలెట్‌ బాక్స్‌ ఏమైనా కూరగాయల బుట్ట అనుకుంటున్నారా?. బ్యాలెట్‌ బాక్స్‌తీసుకెళ్లడానికి పీవో ఎవరు?. బ్యాలెట్‌ బాక్స్‌ దొంగతనం చేసిన పీవోను సస్పెండ్‌ చేయాలి’’ అని లేళ్ల అప్పిరెడ్డి డిమాండ్‌ చేశారు.ఇదీ చదవండి: బ్యాలెట్‌ బాక్స్‌లో ఓట్లు మాయం

సాక్షి, నంద్యాల/అనంతపురం: ఏపీ పరిషత్‌ ఎన్నికల కౌంటింగ్‌లోనూ చంద్రబాబు సర్కార్‌ దౌర్జన్యాలకు తెరలేపింది. పలు జిల్లాల్లో వైఎస్సార్‌సీపీ నేతలను పోలీసులు హౌస్‌ అరెస్ట్‌లు చేస్తున్నారు. కౌంటింగ్‌ కేంద్రాలకు వెళ్లకుండా వైఎస్సార్‌సీపీ నేతలను గృహ నిర్బంధం చేశారు. అనంతపురంలో మాజీ మంత్రి శైలజానాథ్‌, మాజీ ఎంపీ తలారీ రంగయ్యలను హౌస్‌ అరెస్ట్‌ చేసిన పోలీసులు.. కౌంటింగ్‌ కేంద్రానికి వెళ్లకుండా అడ్డుకున్నారు.నంద్యాల జిల్లాలో వైఎస్సార్‌సీపీ నేతలను హౌస్‌ అరెస్ట్‌లు చేసిన పోలీసులు.. శిల్పా చక్రపాణి, శిల్పారవిని పోలీసులు అడ్డుకున్నారు. కర్నూలులో బైరెడ్డి సిద్ధారెడ్డిని హౌస్‌ అరెస్ట్‌ చేశారు. నందికొట్కూరు వెళ్లకుండా బైరెడ్డిని పోలీసులు అడ్డుకున్నారు. ఆత్మకూరులో శిల్పా భువనేశ్వర్‌రెడ్డిని గృహ నిర్బంధం చేశారు. జడ్పీటీసీ కౌంటింగ్‌కు వెళ్లకుండా కూటమి కుట్రలకు తెరలేపింది. కౌంటింగ్‌ కేంద్రాలకు వెళ్లకుండా నేతలను అడ్డగించడంతో వైఎస్సార్‌సీపీ నేతలు ఆగ్రహం వ్యక్తం చేస్తున్నారు. కౌంటింగ్‌లో కుట్రలు చేసేందుకే హౌస్‌ అరెస్ట్‌లంటూ వైఎస్సార్‌సీపీ మండిపడుతోంది.నంద్యాల జిల్లా నందికొట్కూరు కౌంటింగ్ కేంద్రం వద్ద మీడియాకు పోలీసులు అనుమతి నిరాకరించారు. ఎంపీటీసీ, జడ్పీటీసీ ఎన్నికల కౌంటింగ్ కేంద్రం ప్రధాన గేటు వద్దనే మీడియా ప్రతినిధులను పోలీసులు నిలిపివేశారు. పోలింగ్ కేంద్రం దగ్గరకు మీడియాను అనుమతించకపోవడంతో పోలీసుల తీరుపై పలు అనుమానాలకు తావిస్తోంది.ఇదీ చదవండి: ఓటుకు పోటు!

సాక్షి, అమరావతి : రాష్ట్ర ముఖ్యమంత్రి చంద్రబాబు అధికార దాహానికి అధికారులు, ఉద్యోగులు సమిధలవుతున్నారు. ప్రజాబలం లేకుండా స్థానిక ఎన్నికల్లో గెలుపు కోసం అధికార పార్టీ చేస్తున్న దాష్టీకాలతో ఒకవైపు అధికారులు, మరో వైపు సామాన్య ఉద్యోగులు బెంబేలెత్తుతున్నారు. ఇప్పటి వరకు జరిగిన మున్సిపల్, పరిషత్‌ ఎన్నికల్లో ఇది ప్రస్ఫుటమవుతోంది. ప్రతిదశలోనూ, ప్రతి అంకంలోనూ అధికారగణం చంద్రబాబు ఆదేశాలకు దాసోహమై విధులు నిర్వర్తించాల్సివస్తోంది. అధికారులు, ఉద్యోగుల బలహీనతలను ఆసరా చేసుకున్న రాష్ట్ర ప్రభుత్వం వారిని భయపెట్టి పెత్తనం చెలాయిస్తోంది. ఎన్నికల్లో తమకు అనుకూలంగా పనిచేయని ఉద్యోగులు, అధికారులపై బదిలీ వేటు, కేసులు నమోదు తప్పదనే ముందస్తు హెచ్చరికలు చేసినట్టు తెలుస్తోంది. ఎన్నికల ఉద్యోగుల ప్రైవేట్‌ సంభాషణల్లో ఇది స్పష్టంగా వినవస్తోంది.చివరకు రిటర్నింగ్ అధికారులను ప్రభుత్వం తమ చెప్పుచేతల్లో ఉంచుకుని చెప్పినట్టు పని చేయించుకుంటోంది. వారికున్న అధికారాలను సైతం లాక్కుని కట్టుబానిసల్లా మార్చేసింది. చిత్తూరు జిల్లాలో ఓ రిటర్నింగ్ అధికారి తనపై ఉన్న పైస్థాయి ఒత్తిడి కారణంగా ప్రతిపక్ష పార్టీ అభ్యర్థుల నామినేషన్లు తీసుకోలేనని తన నిస్సహాయతను వ్యక్తం చేయడమే ఇందుకు నిదర్శనం. తమ కళ్లెదుటే ప్రతిపక్ష పార్టీ అభ్యర్థుల నామినేషన్‌ పత్రాలను అధికార పార్టీ నాయకులు చింపేసినా చర్యలు తీసుకోవడం కాదుకదా కనీసం నోరు మెదపలేని దుస్థితిలో ఎన్నికల అధికారులు ఉండడం చంద్రబాబు దాషీ్టకాలకు మరో ప్రబల ఉదాహరణగా నిలుస్తోంది. అనంతపురం జిల్లా చిత్రచేడులో ఎన్నికల సిబ్బందిని బెదిరించి 984 బ్యాలెట్ల పేపర్లపై ముద్రలు వేసుకున్నారని ఎన్నికల కమిషన్‌ తన ఉత్తర్వుల్లో పేర్కొంది. ప్రాణం తీసిన ఒత్తిడి ఎన్నికల సిబ్బందిపై చంద్రబాబు ప్రభుత్వం మోపుతున్న ఒత్తిడి ఓ ఉద్యోగిని బలి తీసుకుంది. అనంతపురం జిల్లా డి.హీరేహాళ్‌ మండలానికి చెందిన ఉపాధ్యాయురాలు హరిత గౌడ్‌ (57) గురువారం కూడేరు మండలం కడదరకుంట పోలింగ్‌ కేంద్రంలో ఏపీవోగా విధుల్లో ఉన్నారు. పోలింగ్‌ జరుగుతుండగానే ఆమె గుండెపోటుతో కుప్పకూలి మృతి చెందారు. ఉద్రిక్తతకు కేంద్రంగా మారిన మండలం అది. మరుట్లలో పట్టపగలే బ్యాలెట్‌ బాక్స్‌ ఎత్తుకెళ్లడం వంటి సంఘటనలు చోటుచేసుకున్నాయి. అలాంటి ఉద్రిక్త పరిస్థితుల్లో విధులు నిర్వహించాల్సి రావడంతో ఆమె తీవ్ర ఒత్తిడికి లోనై మృతి చెందినట్టు తెలుస్తోంది. తుఫాన్‌ హెచ్చరికలు ఉన్నా ఎన్నికల తేదీ మార్చకపోవడంతో యాదవోలులో సిబ్బంది నీళ్లలో నిలబడి విధులు నిర్వహించాల్సి వచ్చింది. అన్నిచోట్లా పోలింగ్‌ విధులు నిర్వహించడం ఉద్యోగులకు కత్తిమీద సాములా మారింది. ఎన్నికల విధిని ఒకప్పుడు బాధ్యతగా భావించిన ఉద్యోగులు, ఇప్పుడు ఆ డ్యూటీ అంటేనే వణికిపోయే పరిస్థితి వచ్చింది. కోర్టు బోనులో నిలబడాల్సిందే.. అసలు సమస్య ఎన్నికల తర్వాతే మొదలవుతుంది. నామినేషన్ల తిరస్కరణలు, ఉపసంహరణలు, ఏకగ్రీవాలపై పలువురు అభ్యర్థులు ఇప్పటికే న్యాయస్థానం తలుపు తట్టారు. ఆ కేసుల్లో బోనులో నిలబడేది ఎన్నికల విధుల్లో సంతకాలు చేసిన ఉద్యోగులే. ఆదేశాలిచి్చన మంత్రులు, ఎమ్మెల్యేలు కాదనే విషయం వారికి తెలిసినా నోరు విప్పలేని పరిస్థితి.. చంద్రబాబు సార్వత్రిక ఎన్నికల ప్రచారంలో ఉద్యోగులకు పీఆర్సీ, డీఏలు, ఐఆర్‌ సహా అన్నీ ఇచ్చేస్తామని చెప్పి అధికారం చేజిక్కించుకున్న తరువాత అవేమీ నెరవేర్చకపోగా, వారిని రాజకీయ చదరంగంలో పావులుగా మార్చేశారు. ఈ ఎన్నికల్లో అవకతవకలపై కోర్టు మెట్లు ఎక్కే సమయంలో తమకు అండగా నిలిచేదెవరనే ప్రశ్న ఇప్పుడు ఉద్యోగ వర్గాలను కలవరపాటుకు గురిచేస్తోంది.

చేజర్ల: శ్రీ పొట్టి శ్రీరాములు నెల్లూరు జిల్లా చేజర్ల మండలం తూర్పుపల్లె పోలింగ్‌ కేంద్రం 25లో టీడీపీ నేతలు బరితెగించి చేసిన రిగ్గింగ్‌ బట్టబయలు కావడంతో తలలు పట్టుకున్న అధికార యంత్రాంగం దిద్దుబాటు చర్యల్లో భాగంగా ఓట్లే కాదు.. రికార్డులు కూడా తారుమారు చేసింది. పోలింగ్‌ ముగిసిన తర్వాత ఈ బూత్‌లో 104.27 శాతం పోలింగ్‌ నమోదైనట్లు వెల్లడించడం తెలిసిందే. బూత్‌ వారీగా వెల్లడించిన జాబితాలో స్పష్టంగా 586వ ఓటరు నుంచి 1,171 ఓటరు వరకు మొత్తం 586 మంది ఓటర్లు ఉండగా 611 ఓట్లు పోల్‌ అయినట్లు 104.27 శాతం పోలింగ్‌ జరిగినట్లు పేర్కొన్నారు. మంత్రి ఆనం రామనారాయణరెడ్డి ఆదేశాలతో కూటమి నేతలు, పోలింగ్‌ అధికారులు చరిత్ర సృష్టించడంపై ‘సాక్షి’ పత్రికలో శుక్రవారం ‘వారెవ్వా.. 104.27 శాతం పోలింగ్‌’ శీర్షికన కథనం ప్రచురితమైంది. దీంతో ఖంగుతిన్న టీడీపీ పెద్దలు.. అధికారులపై చిందులు తొక్కినట్లు సమాచారం. దీంతో ఆ తప్పిదాన్ని సరిదిద్దేందుకు మరోసారి తప్పిదానికి పాల్పడ్డారు. ఈ బూత్‌లో 104.27 శాతం కాదు.. 86.91 శాతమే పోలింగ్‌ జరిగినట్లు రిటర్నింగ్, అసిస్టెంట్‌ రిటర్నింగ్‌ అధికారులు ప్రకటన విడుదల చేశారు. 64.10 నుంచి 80.13 శాతానికి పెరిగిన ఓటింగ్‌ వాస్తవానికి తూర్పుపల్లె పంచాయతీలో మొత్తం 1,171 ఓట్లు ఉండగా తూర్పుపల్లి, పుల్లనీళ్లపల్లెలో పోలింగ్‌ బూత్‌లు ఏర్పాటు చేశారు. పుల్లనీళ్లపల్లెలో 1వ ఓటరు నుంచి 585 ఓటరు వరకు ఓట్లే వేసే విధంగా, 586 నుంచి 1,171 వరకు ఓటర్లు తూర్పుపల్లిలో ఓట్లు వేసే విధంగా పోలింగ్‌ కేంద్రాలు ఏర్పాటు చేశారు. గురువారం సాయంత్రం వెల్లడించిన పోలింగ్‌ నమోదు శాతాల్లో పుల్లనీళ్లపల్లెలో 64.10 శాతం, తూర్పుపల్లెలో 104.27 పోలింగ్‌ జరిగినట్లు ప్రకటించారు. అయితే రిగ్గింగ్‌ అక్రమాలు వెలుగులోకి రావడంతో పుల్లనీళ్లపల్లెలో 1 నుంచి 468 వరకు ఓటర్లు ఉన్నారని.. అక్కడ 80.13 శాతం పోలింగ్‌ జరిగినట్లు వెల్లడిస్తూ శుక్రవారం ఓ ప్రకటన విడుదల చేశారు. అంటే ఇక్కడ ఏకంగా 16.03 శాతం పోలింగ్‌ శాతాన్ని పెంచారు. తూర్పుపల్లెలో 469 నుంచి 1,171 ఓటరు వరకు ఓటర్లు ఉన్నారని... ఇక్కడ పోల్‌ అయిన ఓట్ల లెక్క ప్రకారం 86.91 శాతంగా మార్చేశారు. పుల్లనీళ్లపల్లిలోని ఓటర్లను తెచ్చి తూర్పుపల్లి బూత్‌లో కలిసి.. రికార్డులను కూడా తారుమారు చేశారు.

సాక్షి,చిత్తూరు: కార్పొరేషన్ పరిధిలో పచ్చమూకలు పేట్రేగిపోయారు. రాజకీయ హింసకు పాల్పడ్డారు. ప్రజాస్వామ్య బద్ధంగా పోలింగ్ ఏజెంట్‌గా బాధ్యతలు నిర్వర్తించిన వైఎస్సార్‌సీపీ కార్యకర్తపై అత్యంత పాశవికంగా దాడికి పాల్పడ్డారు. ఈ ఘటనలో తీవ్రంగా గాయపడిన వైఎస్సార్‌సీపీ పోలింగ్ ఏజెంట్ మునిరత్నం పరిస్థితి విషమంగా ఉన్నట్లు వైద్యులు తెలిపారు.నవంబర్‌ 1న చిత్తూరు కార్పొరేషన్ పరిధిలోని తోటపాల్యం ప్రాంతంలో జరిగిన పోలింగ్‌లో మునిరత్నం వైఎస్సార్‌సీపీ తరఫున పోలింగ్ ఏజెంట్‌గా వ్యవహరించారు. ఎన్నికల విధుల్లో ఆయన వ్యూహాత్మకంగా వ్యవహరించారనే కక్షతో స్థానిక అధికార పార్టీ టీడీపీ నేతలు ఆయనపై కక్ష గట్టారు.ఈ క్రమంలో పోలింగ్ విధులను ముగించుకుని రాత్రి సమయంలో ఇంటికి వెళుతున్న మునిరత్నాన్ని లక్ష్యంగా చేసుకుని దుండగులు అదను చూసి దాడికి తెగబడ్డారు. స్థానిక టీడీపీ నేత షణ్ముగం ఆదేశాల మేరకే ఈ పచ్చ గ్యాంగ్ రంగంలోకి దిగింది. షణ్ముగం కుమారుడు చందు, ఆయన అనుచరుడు గణేష్‌లు ఈ దాడికి ప్రత్యక్షంగా నాయకత్వం వహించారు. చీకటిని ఆసరాగా చేసుకుని ఏజెంట్‌గా కూర్చున్న షణ్ముగంపై విచక్షణారహితంగా పిడిగుద్దులు కురిపించి, బలమైన ఆయుధాలతో దాడి చేయడంతో మునిరత్నం అక్కడికక్కడే స్పృహ కోల్పోయి కుప్పకూలిపోయారు.విషమంగా మారిన ఆరోగ్య పరిస్థితి..దాడి జరిగిన వెంటనే కుటుంబ సభ్యులు స్పందించి ఆయన్ను హుటాహుటిన చిత్తూరు ప్రభుత్వ ఆసుపత్రికి తరలించారు. అయితే అప్పటికే ఆయన పరిస్థితి ఆందోళనకరంగా మారడంతో పాటు, తీవ్రమైన తలగాయాల కారణంగా మెదడులో రక్తం గడ్డకట్టినట్లు వైద్యులు గుర్తించారు. మెరుగైన వైద్యం కోసం అక్కడి నుంచి అత్యవసరంగా తమిళనాడులోని రాణిపేట సీఎంసీ ఆసుపత్రికి తరలించారు. ప్రస్తుతం అక్కడ ప్రముఖ వైద్యుల పర్యవేక్షణలో మునిరత్నంకు అత్యవసర శస్త్రచికిత్స నిర్వహించగా.. మెదడు వాపు, రక్తం గడ్డకట్టడం తీవ్రమవడంతో ఆయన పరిస్థితి అత్యంత విషమంగా ఉందని, వైద్యులు నిరంతరం పర్యవేక్షిస్తున్నారని కుటుంబ సభ్యులు కన్నీటి పర్యంతమవుతున్నారు.పోలీసుల మౌనంపై విమర్శలు..పాలక పార్టీ నేతల కనుసన్నల్లోనే ఈ కిరాతక దాడి జరిగిందని వైఎస్సార్‌సీపీ నాయకులు తీవ్ర ఆగ్రహం వ్యక్తం చేస్తున్నారు. ప్రజాస్వామ్యాన్ని కాపాడాల్సిన ఏజెంట్లపైనే భౌతిక దాడికి దిగడం హేయమైన చర్య అని మండిపడ్డారు. నిందితులను తక్షణమే అరెస్ట్ చేసి కఠినంగా శిక్షించాలని డిమాండ్ చేస్తున్నారు.

ఉలవపాడు(ఒంగోలు): అతను ప్రభుత్వ ఉపాధ్యాయుడు.. కానీ అన్నీ తానై ఎన్నికల ఓటింగ్‌లో కీలక పాత్ర పోషించాడు. అతనే కొల్లూరుపాడు గ్రామానికి చెందిన ఉపాధ్యాయుడు ›రాయపాటి రాజశేఖర్‌. పేరుకు ఉపాధ్యాయుడైనా తెలుగుదేశం పార్టీకి అన్నీతానై నడిపిస్తున్నాడు. ప్రభుత్వ శాఖలో ఉద్యోగం చేస్తూ ఎన్నికల ప్రచారం నిర్వహించకూడదని తెలిసినా అధికార పార్టీ వ్యక్తిని అనే ఉద్దేశంతో గురువారం ఉలవపాడు ప్రభుత్వ ఉన్నత పాఠశాల వద్ద తిష్ట వేశారు. టీడీపీ నాయకులతో ముచ్చటిస్తూ, సలహాలిస్తూ, ఓటర్లను ప్రలోభపెడుతూ హల్‌చల్‌ చేశాడు. పోస్టల్‌ బ్యాలెట్ల కోసం పలువురిని బెదిరించేందుకు కూడా వెనుకాడలేదు. ఇదిలా ఉండగా సదరు గురువుగారికి ఎన్నికల విధులు అప్పగించలేదు. ఆయన ఓటు ఆ బూత్‌లో లేదు. అతను పనిచేసే స్కూల్‌ కూడా కాదు. కానీ పోలింగ్‌ బూత్‌ వద్దకు వచ్చి ప్రచారం చేస్తుండటాన్ని చూసిన వారంతా ఔరా అని ముక్కున వేలేసుకున్నారు. ఇదీ చదవండి: వారెవ్వా.. 104.27 శాతం పోలింగ్‌

శ్రీ పొట్టి శ్రీరాములు నెల్లూరు: తమకు అడ్డొచ్చిన పోలీసులపై గూడూరు ఎమ్మెల్యే సునీల్‌కుమార్‌ ఊగి పోయారు. ఖాకీ చొక్కాలిప్పి వస్తే కొట్టుకుందామని కవ్వింపు చర్యలకు పాల్పడ్డాడు. టీడీపీ నాయకులు, కార్యకర్తలు కేకలు వేస్తూ మరింత రెచ్చగొట్టేలా వ్యవహరించిన ఘటన వాకాడు మండలంలోని ఎస్‌ఏఎల్‌సీ పాఠశాల వద్ద గురువారం జరిగింది. ఈ వీడియో సోషల్‌ మీడియాలో హల్‌చల్‌ చేస్తోంది. దీంతో పోలీసులు తాము ఎంత చేసినా చివరికి ఇలా మాటలు పడాల్సి రావడంపై ఏమిటని మదన పడుతున్నారు. పరిషత్‌ ఎన్నికల సందర్భంగా పాఠశాలలో ఏర్పాటు చేసిన పోలింగ్‌ కేంద్రంలోకి అదికార పార్టీ నాయకులు వెళ్లేందుకు ప్రయత్నించగా పోలీసులు అడ్డుకున్నారు. దీంతో విషయం తెలుసుకున్న ఎమ్మెల్యే స్థానిక నాయకులతో కలిసి కేంద్రం వద్దకు చేరుకుని పోలీసులపై ఊగి పోయారు. దీంతో అక్కడికి చేరుకున్న సీఐతో ఎమ్మెల్యే వాగ్వాదానికి దిగి ఓటర్లు, అభ్యర్థులు, కేంద్రంలోకి వెళ్లకుండా ఎలా అడ్డుకుంటారని ప్రశ్నించారు. రౌడీయిజం చేస్తున్నారా? నాయకులను ఎస్సై ఎలా అడ్డుకుంటారు.. రమ్మనండి తేల్చుకుందాం. చొక్కాలు విప్పి వస్తే కొట్టుకుందాం అంటూ సవాల్‌ విసిరారు. మీ ఇష్టమా, మేము కూలీలమా అంటూ రచ్చ చేశారు. ఇదీ చదవం​డి: వారెవ్వా.. 104.27 శాతం పోలింగ్‌

సాక్షి, అమరావతి/సాక్షి నెట్‌వర్క్‌: సుప్రీంకోర్టు ఆదేశాలను సైతం లెక్క చేయక చంద్రబాబు మార్కు రాక్షస రాజకీయం రాష్ట్రంలో మరోసారి కరాళ నృత్యం చేసింది. టీడీపీ కూటమి కాలకేయులు ప్రజాస్వామ్యానికి పాతరేస్తూ వికటాట్టహాసం చేశారు. వెల్లువెత్తుతున్న తీవ్ర ప్రజా వ్యతిరేకతతో బెంబేలెత్తుతున్న చంద్రబాబు స్థానిక ఎన్నికలపై పచ్చమూకతో దండయాత్ర చేయించారు. స్థానిక ఎన్నికల ప్రక్రియ సాక్షిగా రాష్ట్రంలో ఆటవిక నీతి రాజ్యమేలింది. దాడులు, దౌర్జన్యాలతో టీడీపీ కూటమి గూండాలు బీభత్సం సృష్టించారు. ఓటర్లపై దాడులు.. వైఎస్సార్‌సీపీ అభ్యర్థులు, ఏజంట్లపై దాడులు.. కిడ్నాపులు.. ఓటర్లపై దౌర్జన్యాలు.. పోలింగ్‌ బూత్‌ల ఆక్రమణలు.. దొంగ ఓట్లు వేస్తూ యథేచ్చగా రిగ్గింగ్‌.. కూటమి ఎమ్మెల్యేలు, వారి కుటుంబ సభ్యులు, నేతలే గూండాగిరీతో బరితెగింపు... ఇలా జెడ్పీటీసీ, ఎంపీటీసీ స్థానాల కోసం గురువారం నిర్వహించిన స్థానిక ఎన్నికల పోలింగ్‌లో ఎక్కడికక్కడ దౌర్జన్యానిదే పైచేయి అయ్యింది. పట్టపగలు ప్రజాస్వామ్యాన్ని ఖూనీ చేస్తూ సాగిన ఈ అరాచక కాండకు యావత్‌ అధికార యంత్రాంగం వత్తాసు పలికింది. పచ్చ చొక్కాలు, కండువాలు ధరించలేదు తప్ప ఖాకీలు టీడీపీ కార్యకర్తలను మించి ఊడిగం చేశారు. ఎన్నికల అక్రమాలకు పహారా కాశారు. యావత్‌ అధికార యంత్రాంగం కూటమి అక్రమాలకు వత్తాసు పలికింది. వైఎస్సార్‌ కడప జిల్లా కాశినాయన మండలం వంకమర్రిలో దొంగ ఓట్లు వేస్తున్న టీడీపీ నేత పక్కాగా పచ్చ కుతంత్రం అమలుచంద్రబాబు శకుని పన్నాగాన్ని రాష్ట్ర ఎన్నికల కమిషన్, డీజీపీతోపాటు యావత్‌ పోలీసు, అధికార యంత్రాంగం నిస్సిగ్గుగా అమలు చేశాయి. అందుకోసం ముందస్తుగానే కుట్రకు సిద్ధపడ్డాయి. 7,762 ఎంపీటీసీ, 582 జెడ్పీటీసీ స్థానాల్లో టీడీపీ గూండాలు, రౌడీ మూకలు, గంజాయి బ్యాచ్‌లు, ఇతర రాష్ట్రాల నుంచి రప్పించిన అసాంఘిక శక్తులను బుధవారం సాయంత్రానికే మోహరించారు. గురువారం తెల్లవారుజాము నుంచే పచ్చ కుతంత్రాన్ని పక్కాగా అమలు చేశారు. వైఎస్సార్‌సీపీ అభ్యర్థులను అసలు పోలింగ్‌ కేంద్రాలకే వెళ్లనివ్వకుండా పోలీసులే ఆటంకాలు సృష్టించారు. తెల్లవారుజామునే వైఎస్సార్‌సీపీ పోలింగ్‌ ఏజంట్లను పోలీసులు బలవంతంగా అదుపులోకి తీసుకుని పోలీస్‌ స్టేషన్లకు తరలించారు. దాంతో రాష్ట్రంలో మెజార్టీ పోలింగ్‌ బూత్‌లలో వైఎస్సార్‌సీపీ ఏజంట్లు లేకుండానే పోలింగ్‌ మొదలైంది. శ్రీకాకుళం జిల్లా నుంచి శ్రీసత్యసాయి జిల్లా వరకు ఇదే దుస్థితి నెలకొంది. రాష్ట్ర చరిత్రలో ఇటువంటి పరిస్థితి ఇదే మొదటిసారని పరిశీలకులు వ్యాఖ్యానించారు. మరోవైపు టీడీపీ కూటమి అక్రమాలను ప్రశ్నించిన, ప్రశ్నిస్తారని భావించిన వైఎస్సార్‌సీపీ కీలక నేతలు, ఎంపీలు, ఎమ్మెల్యేలు, మాజీ ఎంపీలు, మాజీ ఎమ్మెల్యేలు, నియోజకవర్గ ఇన్‌చార్జ్‌లు, జిల్లా, మండల స్థాయి నేతలు.. అందర్నీ ముందుగానే హౌస్‌ అరెస్టు చేశారు.పోలీసుల షాడో పార్టీలతో వారిని కట్టడి చేశారు. పెద్ద సంఖ్యలో నేతలను బలవంతంగా ఈడ్చుకుపోయారు. వైఎస్సార్‌సీపీ ఓటర్లతోపాటు తటస్థ ఓటర్లు కూడా పోలింగ్‌కు రాకుండా భయభ్రాంతులకు గురి చేశారు. ఓటర్ల చేతుల్లోని స్లిప్పులను బలవంతంగా తీసుకుని చింపి వేసి వెనక్కి పంపించి వేశారు. టీడీపీ కూటమి రౌడీ మూకలు గ్రామాల్లో బరితెగించి దాడులు, దౌర్జన్యాలకు తెగబడ్డాయి. ప్రజాతీర్పునకు ప్రతీక అయిన బ్యాలెట్‌ పేపర్‌ సాక్షిగా ప్రజాస్వామ్యాన్ని కాలరాశారు. కోర్టు ఆదేశాలంటే కూడా లెక్కలేనితనంస్థానిక సంస్థల ఎన్నికల్లో అభ్యర్థులకు రక్షణ కల్పించాలని, ఎన్నికల ప్రక్రియ స్వేచ్ఛగా, నిష్పక్షపాతంగా జరిగేలా చూడాలని సుప్రీంకోర్టు స్పష్టమైన ఆదేశాలు జారీ చేసినప్పటికీ క్షేత్ర స్థాయిలో పరిస్థితులు అందుకు పూర్తి భిన్నంగా కనిపించాయి. నామినేషన్ల దశ నుంచి ప్రచారం, పోలింగ్‌ వరకు వైఎస్సార్‌సీపీ అభ్యర్థులు, నాయకులు, కార్యకర్తలు, ఓటర్లను లక్ష్యంగా చేసుకుని దాడులు, దౌర్జన్యాలు సాగాయి. ప్రజాస్వామ్య బద్ధంగా ఎన్నికలు జరగాల్సిన చోట అధికార పార్టీకి చెందిన మూకల బల ప్రదర్శన, పోలీసుల పక్షపాత వైఖరి ప్రజాస్వామ్యానికే సవాలుగా మారాయి. నామినేషన్లు దాఖలు చేయకుండా అడ్డుకోవడం, అభ్యర్థులను బెదిరించడం, వైఎస్సార్‌సీపీ నాయకులు, కార్యకర్తలను హౌస్‌ అరెస్టులు, అక్రమ అరెస్టులతో నిర్బంధించడం వంటి చర్యలతో ఎన్నికల ప్రక్రియను మొదటి నుంచే ప్రభావితం చేశారు. నామినేషన్‌ కేంద్రాల నుంచి పోలింగ్‌ వరకు పటిష్ట భద్రత, సీసీటీవీ పర్యవేక్షణ ఉండాలన్న సుప్రీంకోర్టు ఆదేశాలను సైతం పట్టించుకోలేదు. దాడులు, దౌర్జన్యాలు జరిగిన చోట్ల కేంద్ర బలగాల పర్యవేక్షణలో రీపోలింగ్‌ నిర్వహించాలని వైఎస్సార్‌సీపీ రాష్ట్ర ఎన్నికల సంఘాన్ని డిమాండ్‌ చేసింది. వైఎస్సార్‌ కడప జిల్లాలో దౌర్జన్యకాండ» వైఎస్సార్‌ కడప జిల్లా పులివెందుల నియోజకవర్గంలోని టీడీపీ శ్రేణులు బయటి నుంచి వచ్చిన అల్లరిమూకలతో వేముల, పులివెందుల, లింగాల మండలాలల్లో ఏకపక్ష పోలింగ్‌ చేయించుకున్నారు. పోలింగ్‌ ఏజెంట్లను అడ్డగించారని కడప ఎంపీ వైఎస్‌ అవినాష్‌రెడ్డి వెళ్తే, డీఎస్పీ మురళీనాయక్‌ అడ్డుకున్నారు. పోలీసుల తీరును నిరసిస్తూ దువ్వూరు మండలం పుల్లారెడ్డిపేట, సంజీవరెడ్డిపల్లె గ్రామాల ఓటర్లు ఎంపీటీసీ ఎన్నికలు బహిష్కరించారు. » పులివెందుల నియోజకవర్గంలో టీడీపీ కూటమి అరాచకం అడ్డూ అదుపూ లేకుండా సాగింది. టీడీపీ గూండాలు ఏకంగా పెట్రోల్‌ బాంబులతో బీభత్సం సృష్టించడం విభ్రాంతి కలిగించింది. పులివెందుల మండలం ఎర్రిపల్లెలో వైఎస్సార్‌సీపీ నేతలను లక్ష్యంగా చేసుకుని టీడీపీ నేతలు పెట్రోల్‌ బాంబులు వేశారు. ఈ దాడిలో సామాన్య ప్రజలు కూడా గాయపడ్డారు. పోలీసుల సాక్షిగా దాడులు, రిగ్గింగ్‌ » టెక్కలిలో టీడీపీ గూండాలు చెలరేగిపోయారు. వైఎస్సార్‌సీపీ పోలింగ్‌ బూత్‌ ఏజంట్లపై దాడి చేసి బయటకు పంపి వేశారు. అనంతరం రిగ్గింగ్‌కు పాల్పడ్డారు. టెక్కలి ఎంపీటీసీ–4లో వైఎస్సార్‌సీపీ అభ్యర్థి మామిడి జ్యోతి భర్త కృష్ణను పోలీసులు అక్రమంగా అరెస్టు చేశారు. » శ్రీకాకుళం టీడీపీ ఎమ్మెల్యే గొండు శంకర్‌ స్వయంగా రౌడీయిజం చేయడం విస్మయపరిచింది. కృష్ణప్పపేటలో ఎమ్మెల్యే కుటుంబ సభ్యులు రిగ్గింగ్‌కు పాల్పడ్డారు. దీన్ని ప్రశ్నించిన వైఎస్సార్‌సీపీ నేత బాన్న నరసింగరావుపై టీడీపీ ఎమ్మెల్యే శంకర్‌ దాడికి పాల్పడ్డారు. వైఎస్సార్‌సీపీ ఎంపీటీసీ అభ్యర్థి దుప్ప దివ్యపట్ల దురుసుగా ప్రవర్తించారు. పోలింగ్‌ బూత్‌ దాటి బయటకు రాలేవని బెదిరించారు. వైఎస్సార్‌సీపీ కార్యకర్తలపై టీడీపీ గుండాలు రాళ్లతో దాడి చేశారు. పోలాకి మండలంలో టీడీపీ తరఫున రంగంలోకి దిగిన గంజాయి బ్యాచ్‌లకు పోలీసులు దన్నుగా నిలిచారు. మబగాంలో ఇప్పిలి సాయి అనే వ్యక్తికి పోలీసులు తమ లాఠీ ఇచ్చి మరీ పోలింగ్‌ కేంద్రంలోకి పంపించడం విస్మయ పరిచింది. » పిఠాపురం నియోజకవర్గంలో కూటమి అరాచకం యథేచ్ఛగా సాగింది. క్యూలైన్లలో ఉన్న ఓటర్లనే జనసేన నేతలు బెదిరించి బెంబేలెత్తించారు. గ్లాస్‌ గుర్తుకు ఓటు వేయకపోతే అంతు చూస్తామని పిఠాపురం మండలం మంగితుర్తిలో బహిరంగంగానే బెదిరించారు. » నెల్లూరు జిల్లాలో టీడీపీ అరాచకాలకు పోలీసులు నిస్సిగ్గుగా వత్తాసు పలికారు. పోలింగ్‌ కేంద్రానికి వెళ్తున్న మాజీ ఎమ్మెల్యే మేకపాటి విక్రమ్‌ రెడ్డిని సీఐ గంగాధర్‌ అడ్డుకోవడం విస్మయ పరిచింది. విక్రమ్‌ రెడ్డి వాహనానికి తన వాహనం అడ్డుపెట్టి మరీ అడ్డుకోవడం గమనార్హం. నెల్లూరు జిల్లా ఉదయగిరి, బండగానిపల్లిలో టీడీపీ గూండాలు వైఎస్సార్‌సీపీ నేతలపై దాడులకు పాల్పడ్డారు. పోలీసులు మాత్రం వైఎస్సార్‌సీపీ నేతలు, కార్యకర్తలపై లాఠీ చార్జ్‌ చేయడం గమనార్హం. » పార్వతీపురం మన్యం జిల్లా వీరఘట్టం మండలంలోని కత్తులకవిటి పోలింగ్‌ కేంద్రం వద్ద పాలకొండ ఎమ్మెల్యే నిమ్మక జయకృష్ణ గురువారం ఓ వీధి రౌడీలా వ్యవహరించారు. పోలింగ్‌ స్టేషన్‌ 39లో ఏజెంట్లుగా ఉన్న గొల్ల రమేష్, పక్కి కిరణ్‌కుమార్, గేదెల సుదర్శనరావుపై దౌర్జన్యానికి దిగి చేయి చేసుకున్నారు. సీసీ కెమెరాలు ఆపేసి, చంపేస్తానని బెదిరించారని వైఎస్సార్‌సీపీ పోలింగ్‌ ఏజంట్లు, అభ్యర్థి రిటర్నింగ్‌ అధికారికి ఫిర్యాదు చేశారు.» మంత్రి సత్య కుమార్‌ ప్రాతినిధ్యం వహిస్తున్న ధర్మవరంలో కూటమి నేతలు బరితెగించారు. ఆయన ప్రధాన అనుచరుడు ఆదినారాయణ యాదవ్‌ ముదిగుబ్బ పోలింగ్‌ కేంద్రంలో రిగ్గింగ్‌కు పాల్పడ్డారు. » రాప్తాడు నియోజకవర్గం తగరకుంటలో టీడీపీ రిగ్గింగ్‌ను అడ్డుకునేందుకు బయలుదేరిన వైఎస్సార్‌సీపీ మాజీ ఎమ్మెల్యే తోపుదుర్తి ప్రకాశ్‌ రెడ్డిని పోలీసులు అరెస్టు చేసి అడ్డుకున్నారు. తద్వారా టీడీపీ రిగ్గింగ్‌కు పోలీసులు కొమ్ము కాశారు. » గుంటూరు జిల్లా సత్తెనపల్లి నియోజకవర్గంలో టీడీపీ రిగ్గింగ్‌ను అడ్డుకునేందుకు బయలుదేరిన వైఎస్సార్‌సీపీ నేతలను పోలీసులు అడ్డుకున్నారు. పార్టీ నియోజకవర్గ సమన్వయకర్త గజ్జల సుధీర్‌ భార్గవ్‌ రెడ్డిని హౌస్‌ అరెస్టు చేశారు. » బీఆర్‌ అంబేడ్కర్‌ కోనసీమ జిల్లా కాట్రేనికోన మండలం పల్లం, చిర్రయాణంలో పోలింగ్‌ కేంద్రాల్లో ఉన్న వైఎస్సార్‌సీపీ ఏజంట్లపై టీడీపీ గూండాలు దాడి చేసి బయటకు తరిమేశారు. అనంతరం ఏకపక్షంగా రిగ్గింగ్‌కు పాల్పడ్డారు. » కర్నూలు జిల్లాలో టీడీపీ గూండాల దాడులతో ఏకంగా పోలింగ్‌ నిలిచిపోయింది. కోసిగి మండలం ఆర్లబండలో టీడీపీ నేతలు రిగ్గింగ్‌తో తీవ్ర ఉద్రిక్త పరిస్థితి ఏర్పడి రెండున్నర గంటలపాటు పోలింగ్‌ నిలిపివేయాల్సి వచ్చింది. అనంతరం మళ్లీ పోలింగ్‌ పునఃప్రారంభించారు. » ప్రకాశం జిల్లాలో టీడీపీ గూండాలు చెలరేగిపోయారు. సంతనూతలపాడు నియోజకవర్గంలో వైఎస్సార్‌సీపీ పోలింగ్‌ ఏజంట్లను పోలింగ్‌ కేంద్రాల్లోకి వెళ్లనీయకుండా దాడులకు పాల్పడ్డారు. అయినా సరే పోలీసులు మాత్రం టీడీపీ గుండాగిరికే వత్తాసు పలికారు. దాంతో వైఎస్సార్‌సీపీ నియోజకవర్గ ఇన్‌చార్జ్, మాజీ మంత్రి మేరుగ నాగార్జున, ఇతర నేతలు అంబేడ్కర్‌ విగ్రహం వద్ద ధర్నా చేశారు. » కల్యాణదుర్గం నియోజకవర్గంలో టీడీపీ ఎమ్మెల్యే అమిలినేని సురేంద్రబాబు కుమారుడు యశ్వంత్‌ గుండాగిరితో హల్‌చల్‌ చేశారు. కొందరు రౌడీలతో కలసి వైఎస్సార్‌సీపీ నేతలు, కార్యకర్తలపై దాడికి పాల్పడ్డారు. » ఉరవకొండలో పోలీసులే స్వయంగా టీడీపీకి అనుకూలంగా రిగ్గింగ్‌ చేయడం విస్మయ పరిచింది. మరుట్లలో సీఐ రాజు దగ్గరుండీ రిగ్గింగ్‌ చేయించడాన్ని ప్రజలు ప్రశ్నించడంతో ఉద్రిక్తత ఏర్పడింది. హైకోర్టు ఉత్తర్వులను ఉల్లంఘిస్తూ పోలీసులు వైఎస్సార్‌సీపీ నేతలను అక్రమంగా అరెస్టు చేశారు. దీనిపై మాజీ ఎమ్మెల్యే వై.విశ్వేశ్వర్‌ రెడ్డి ఎస్పీ జగదీశ్‌కు ఫిర్యాదు చేశారు. » చిత్తూరు టీడీపీ ఎమ్మెల్యే గురజాల జగన్‌మోహన్‌ పీఏ కుమార స్వామి హల్‌చల్‌ చేశారు. వైఎస్సార్‌సీపీ తరపున ఏజంట్లుగా కూర్చుంటే చంపి తీరుతామని బెదిరించారు. వందల మంది రౌడీలను దించి అంతుచూస్తానన్నారు.» నెల్లూరు జిల్లా మర్రిపాడు మండలం తిక్కవరం పోలింగ్‌ బూత్‌లో ఎస్‌ఐ బలరామరెడ్డి స్వయంగా వైఎస్సార్‌ కాంగ్రెస్‌ పార్టీ ఏజెంట్‌ చొక్కా పట్టుకొని లాక్కొచ్చి బయటకు నెట్టేశారు. దీంతో అక్కడ రిగ్గింగ్‌కు నేరుగా సహకరించారు. మర్రిపాడులో ఆత్మకూరు మాజీ ఎమ్మెల్యే మేకపాటి విక్రమ్‌రెడ్డిని సీఐ గంగాధర్‌ అడ్డుకున్నారు. » తూర్పుగోదావరి జిల్లా కపిలేశ్వరపురం మండలం వల్లూరులో జనసేన, టీడీపీ నాయకులు కలిసి రిగ్గింగ్‌కు పాల్పడ్డారు. ప్రకాశం జిల్లా దర్శి, కనిగిరి, కందుకూరు, సంతనూతలపాడు, యర్రగొండపాలెం, మార్కాపురం నియోజకవర్గాల్లో టీడీపీ రౌడీలు వీరంగం సృష్టించారు. ఉదయం నుంచే పోలింగ్‌ బూత్‌లను ఆక్రమించి, నానా బీభత్సం సృష్టించారు. వీరికి పోలీసులు తోడుగా నిలిచారు. » శ్రీ సత్యసాయి జిల్లా వ్యాప్తంగా కూటమి నేతలు దౌర్జన్యాలకు దిగుతూ రిగ్గింగ్‌కు పాల్పడ్డారు. హిందూపురం ప్రాంతంలో బాలకృష్ణ అనుచరులు, పెనుకొండ ప్రాంతంలో మంత్రి సవిత అనుచరులు, రాప్తాడు ప్రాంతంలో పరిటాల సునీత అనుచరులు, ధర్మవరం ప్రాంతంలో మంత్రి సత్యకుమార్‌ వర్గీయులు దౌర్జన్యం చేసి దొంగ ఓట్లు వేసుకున్నారు. చిలమత్తూరులో టీడీపీ గూండాల అరాచకాలను వీడియో తీస్తుండగా సాక్షి విలేకరిని హిందూపురం డీఎస్పీ రవిబాబు బెదిరించాడు. » తాడిపత్రి నియోజకవర్గ టీడీపీ నేత జేసీ ప్రభాకర్‌రెడ్డి ప్రధాన అనుచరుడు పొట్టి రవి భారీ సంఖ్యలో వాహనాల్లో రౌడీలతో వెళ్లి పెద్దవడుగూరు, యాడికి మండలాల్లోని పోలింగ్‌ బూత్‌లలో రిగ్గింగ్‌ చేయించాడు. ఫ్యాన్‌ గుర్తుకు ఓటేస్తానన్నందుకు హత్యాయత్నం అనకాపల్లి జిల్లా రమణయ్యపేటకు చెందిన కూనిశెట్టి అనిల్‌ గురువారం ఉదయం రమణయ్యపేటలో పోలింగ్‌ బూత్‌కు సమీపంలో కూర్చొన్నాడు. గ్రామానికి చెందిన టీడీపీ కార్యకర్త కర్రి స్వామి వచ్చి నువ్వు ఏ పార్టీకి ఓటు వేస్తావని ప్రశ్నించాడు. తాను ఫ్యాన్‌ గుర్తుకు ఓటు వేస్తానని అనిల్‌ చెప్పాడు. వెంటనే మాంసం విక్రయించే ఓ వ్యక్తి వద్ద ఉన్న కత్తి లాక్కొని అనిల్‌ను చంపడానికి ప్రయత్నించాడు. బాధితుడు చెయ్యి అడ్డం పెట్టడంతో అతని చేతివేళ్లు తెగిపోవడంతోపాటు, తలపై గాయమయింది. విలేకరులపై దాడులుపూతలపట్టు నియోజకవర్గం తవణంపల్లె మండలం పట్నం పంచాయతీలో టీడీపీ ఎమ్మెల్యే మురళిమోహన్‌ అనుచరులు దొంగ ఓట్లు వేస్తుంటే సాక్షి విలేకరి జగన్నాధం తన మొబైల్‌ ద్వారా ఫోటోలు తీశారు. దీనిపై ఆగ్రహించిన టీడీపీ మూకలు ఆయనపై పిడిగుద్దులుతో దాడి చేశారు. ఫోన్‌ను ధ్వంసం చేశారు. వైఎస్సార్‌ జిల్లా లింగాల మండలం ఇప్పెంట పోలింగ్‌ కేంద్రం వద్ద సాక్షి విలేకరి పుల్లారెడ్డిపై టీడీపీ మూకలు దాడి చేశాయి. ఆయన సెల్‌ఫోన్‌ ధ్వంసం చేశాయి. శ్రీకాకుళం జిల్లా ఆకాశలక్కవరంలో బూత్‌లో జరుగుతున్న దౌర్జన్యాన్ని చిత్రీకరిస్తున్న విలేకరుల ఫోన్లు లాక్కుని దాడికి ప్రయత్నించారు.బ్యాలెట్‌ బాక్స్‌ ఎత్తుకెళ్లిన టీడీపీ గూండాలుమార్కాపురం జిల్లా పుల్లలచెరువు మండలంలోని గంగవరం పోలింగ్‌ బూత్‌–5లో మొత్తం ఓటర్లు 879 మంది ఉండగా, సాయంత్రం 5 గంటలకు 536 ఓట్లు పోల్‌ అయ్యాయి. బాక్స్‌కు సీల్‌ వేసే సమయంలో 30 మంది టీడీపీ గూండాలు బూత్‌లోకి చొరబడి బ్యాలెట్‌ బాక్స్‌ను ఎత్తుకెళ్లారు. సిబ్బంది దగ్గర ఉన్న సంతకం చేసిన బ్యాలెట్‌ పేపర్లు 50కి పైగా లాక్కొని.. వాటి మీదున్న గ్లాసు గుర్తుపై ఓటు వేసి.. వాటిని బ్యాలెట్‌ బ్యాక్స్‌లో వేశాక తిరిగి తెచ్చిచ్చారు. చంద్రగిరిలో ఎల్లో గ్యాంగ్‌ బీభత్సంచంద్రగిరిలోని ఓటేరు, సాయినగర్, లింగేశ్వర్‌ నగర్, తిరుచానూరు, మంగళం పరిధిలోని పోలింగ్‌ కేంద్రాల పరిధిలో తిష్టవేసి ఉన్న వందలాది మంది దొంగ ఓటర్లు ఉన్న ప్రాంతాలకు మాజీ ఎమ్మెల్యే చెవిరెడ్డి భాస్కర్‌రెడ్డి, నియోజక వర్గ సమన్వయకర్త మోహిత్‌రెడ్డి చేరుకుని గుంపులు గుంపులుగా ఉన్న యువకులు, మహిళలను ప్రశ్నించారు. వారి వివరాలు అడుగుతూ.. వీడియోలు, ఫోటోలు తీస్తుండటంతో వారు పరుగులు తీశారు.

వైఎస్సార్ జిల్లా: పులివెందులలో మొత్తం పోలింగ్ బూత్ లను టీడీపీ మూకలు ఆక్రమించాయి. నేడు (గురువారం) పులివెందుల, వేముల, వేంపల్లి, లింగాల జడ్పీటీసీ స్థానాల్లో ఎన్నికలు జరుగుతున్నాయి. ఉదయం నుంచి టీడీపీ గూండాలు అరాచకం సృష్టించాయి. బీటెక్ రవి, అతని బంధువులు, టీడీపీ మూకలు కలిసి అరాచకానికి పాల్పడ్డారు.ప్రతి బూత్ నుంచీ వైఎస్సార్సీపీ ఏజెంటును టీడీపీ మూకలు బయటకు తరిమికొట్టాయి. ఇదంతా పూర్తిగా పోలీసుల సహకారంతో జరిగింది. వారు ఏజెంట్లను కూడా అడ్డుకున్నారు. ఓటర్లు రాకుండా పోలింగ్ కేంద్రాలకు టీడీపీ గూండాలు తాళం వేశాయి. పెట్రోల్ బాంబులతో టీడీపీ మూకలు స్వైర విహారం చేశాయి. కాగా ఉదయం 11 గంటలకే దాదాపు 50 శాతం పోలింగ్ నమోదైంది. ఉదయం 5 గంటలకే బూత్‌లల్లోకి దూరి టీడీనీ మూకలు రిగ్గింగ్‌కు పాల్పడ్డాయి. టీడీపీ దాడుల్లో విలేకరులు, ఓటర్లకు గాయాలయ్యాయి. పోలీసులు, టీడీపీ నేతలు, కార్యకర్తలు కలిసి పులివెందులలో అరాచక పర్వం కొనసాగిస్తున్నారు.

చంద్రగిరి: చంద్రగిరిలో రిగ్గింగ్ చేయడానికి ఎమ్మెల్యే పులివర్తి నాని కుట్ర పన్నారు. మంగళ ప్రాంతంలో ఉన్న పోలింగ్ బూతుల్లో భారీ ఎత్తున టీడీపీ గుండాలను మోహరించారు. చంద్రగిరి ఎమ్మెల్యే పులివర్తి నాని సతీమణి సుధ రెడ్డి దౌర్జన్యాలు, గొడవలు సృష్టించడానికి ప్రయత్నం చేశారు. దీంతో పోలింగ్ బూతుల వద్ద ఓటర్లు భయభభ్రాంతులకు గురయ్యారు.చంద్రగిరి మండలం తిమ్మి నాయుడుపాలెం జీవకోన మంగళం ప్రాంతాల్లో భారీ రెగ్గింగ్ చేయడానికి తెలుగుదేశం గుండాలు భారీగా జనాలను మోహరించారు. బూతు దగ్గరకు 100 నుంచి 200 మంది తీసుకువచ్చారు. పోలీసులు తెలుగుదేశం పార్టీకి ఏజెంట్టుగా మారుతున్నారు. అలజడి సృష్టించి ఓటర్లను భయభ్రాంతులకు గురిచేస్తున్నారు. మంగళంలో మాజీ ఎమ్మెల్యే చెవిరెడ్డి భాస్కర్ రెడ్డిని బూత్‌లలోకి వెళ్ళనీయకుండా ఎమ్మెల్యే నాని అనుచరులు అడ్డుకున్నారు.

ఎన్టీఆర్ జిల్లా: వత్సవాయి మండలంలో పోలీసులు ఓవరాక్షన్ చేస్తున్నారు. దబ్బాకుపల్లి, పోలంపల్లి, వత్సవాయి పోలింగ్ కేంద్రాల వద్ద ఉన్న ఎన్నికల ఏజెంట్లను బలవంతంగా పోలీస్ స్టేషన్‌కు తరలించారు. పోలీసుల తీరుపై పోలీస్ స్టేషన్ వద్ద సమన్వయకర్త తన్నీరు నాగేశ్వరావు, వైసీపీ శ్రేణులు నిరసన వ్యక్తం చేశాయి. మండలంలో వైఎస్‌ఆర్సీపీ అనుకూలంగా ఓటింగ్ జరుగుతూ ఉండటంతో, పోలీసులను అడ్డుపెట్టుకొని కూటమి శ్రేణులు అరాచకాలకు దిగుతున్నాయి.ఇబ్రహీంపట్నం మండలం గుంటుపల్లి పోలింగ్ స్టేషన్ వద్ద పోలీసులతో టీడీపీ నేతలు వాగ్వాదినికి దిగారు. పోలింగ్ బూత్‌లోకి కారును అనుమతివ్వాలని పోలీసులతో గొడవపడ్డారు. ఐదు నిమిషాల్లో నీ ఉద్యోగం తీసేపిస్తా అంటూ టీడీపీ నేతలు పోలీసులకు వార్నింగ్‌ ఇచ్చారు. విస్సన్నపేట మండలం కలగరలో ఎన్నికల వేళ ఉద్రిక్తత చోటుచేసుకుంది. జడ్పీ హైస్కూల్ పోలింగ్ కేంద్రంలో ఏజెంట్‌ను టీడీపీ నేత నెట్టేశాడు. వైసీపీ నాయకులతో టీడీపీ శ్రేణుల వాగ్వాదానికి దిగాయి. పోలింగ్ కేంద్రం వద్ద ఒక్కసారిగా ఉద్రిక్త పరిస్థితులు నెలకొన్నాయి. టీడీపీ నాయకుల తీరుతో పోలింగ్ కేంద్రం వద్ద గందరగోళం ఏర్పడింది. దీంతో పరిస్థితిని అదుపులోకి తెచ్చేందుకు పోలీసుల ప్రయత్నించారు.

సాక్షి, పులివెందుల‌: ఏపీలో ఎంపీటీసీ, జడ్పీటీసీ ఎన్నికల నేపథ్యంలో టీడీపీ నేతలు రెచ్చిపోతున్నారు. వైఎస్సార్‌సీపీ నేతలు, ఏజెంట్లపై దాడులు చేస్తున్నారు. పోలింగ్‌ వద్ద పెట్రోల్‌ బాంబులు విసురుతూ అరాచకం సృష్టించారు. మరికొన్ని చోట్ల టీడీపీ నేతలు దొంగ ఓట్లు వేయడంతో అసలైన ఓటర్లు పోలింగ్‌ కేంద్రాల వద్ద ఖంగుతిన్నారు. దీనికి సంబంధించిన వీడియోలు బయటకు వచ్చాయి.పులివెందుల మండలం ఎర్రిపల్లిలో తీవ్ర ఉద్రిక్తత చోటుచేసుకుంది. టీడీపీ రౌడీలు పెట్రోల్‌ బాంబులతో రెచ్చిపోయారు. పోలింగ్ బూత్‌ల దగ్గర పెట్రోల్ బాంబులు వేయడంతో భారీ మంటలు ఎగిసిపడుతున్నాయి. సమాచారం అందుకున్న వెంటనే ఘటనా స్థలానికి చేరుకున్న అగ్నిమాపక సిబ్బంది మంటలను అదుపులోకి తెచ్చారు.అలాగే, పులివెందుల మండలం కణంపల్లిలో మీ ఓట్లు అయిపోయాయి అని పోలింగ్‌ కేంద్రానికి వచ్చిన ఓటర్లకు పోలింగ్‌ సిబ్బంది చెప్పడంతో వారంతా ఖంగుతున్నారు. ఈ నేపథ్యంలో మా ఓట్లు ఎవ‌రు వేస్తారంటూ ఓట‌ర్లు తిరగబడ్డారు. దీంతో పోలింగ్‌ కేంద్రంలో ఉద్రిక్తత చోటుచేసుకుంది. ఓటర్లు ఆవేదన వ్యక్తం చేశారు.పులివెందుల‌ : పులివెందుల మండలం కణంపల్లి లో మీ ఓట్లు అయిపోయాయి అని చెప్తున్న పోలింగ్ సిబ్బంది. మా ఓట్లు ఎవ‌రు వేస్తారంటూ తిర‌గ‌బ‌డిన ఓట‌ర్లు #TDPGoons #CBNTurnedAPIntoBihar #SaveDemocracyInAP #SadistChandraBabu https://t.co/mToakh5hfr— YSR Congress Party (@YSRCParty) November 5, 2026సీసీ కెమెరాలు ఆఫ్‌.. ఇదిలా ఉండగా.. పులివెందుల మండల పరిధిలో 19 సీసీ కెమెరాలు ఉన్నప్పటికీ వాటిలో 5 మాత్రమే ఆన్‌లైన్‌లో ఉన్నాయి. మిగిలినవి ఆఫ్‌లైన్‌లో ఉండటం గమనార్హం. ఇక, ఎన్నికలు జరుగుతున్న సమయంలో రాష్ట్రవ్యాప్తంగా 1200 సీసీ కెమెరాలు ఆఫ్‌లైన్‌లో ఉండటం పలు అనుమానాలకు తావిస్తోంది. ఎందుకంటే ఆఫ్‌లైన్‌లో రికార్డు అయితే ఎడిట్‌ చేసుకునే వెసులుబాటు ఉంటుంది. ఆన్‌లైన్‌లో రికార్డు అయితే ఎడిటింగ్‌కు అవకాశం ఉండదు. ఈ కారణంగా సీసీ కెమెరాలు ఆఫ్‌లైన్‌లో ఉంటే రిగ్గింగ్‌ చేసుకునేందుకు వీలుగా ఉంటుంది. రైల్వేకోడూరు, పెనగలూరు మండలం నల్లపురెడ్డిపల్లిలో టీడీపీ రౌడీలు పెట్రోల్‌ బాంబులు వేసి విధ్వంసం సృష్టించారు. పోలీసుల సమక్షంలోనే పెట్రోలో బాంబులతో టీడీపీ రౌడీలు దాడులను తెగబడ్డారు. నాటు బాంబులు, పెట్రోల్‌ బాంబులు విసురుతూ రెచ్చిపోయారు. దీంతో, టీడీపీ గూండాల దాడిలో వైఎస్సార్‌సీపీ కార్యకర్తలు పలువురు గాయపడ్డారు.పులివెందులలో పెట్రోల్ బాంబుల‌తో టీడీపీ దాడులు ఎర్రిపల్లిలో తీవ్ర ఉద్రిక్తత పోలింగ్ బూత్‌ల దగ్గర పెట్రోల్ బాంబులు వేయడంతో భారీ మంటలు https://t.co/oT4L5tUWnM— Telugu Feed (@Telugufeedsite) November 5, 2026ఇదీ చదవండి: డీఎస్పీ మురళీ నాయక్‌ ఓవరాక్షన్‌.. అవినాష్‌ రెడ్డి సీరియస్‌! తంబళ్లపల్లె నియోజకవర్గంలోని అంగళ్లలో దొంగ ఓట్లు వేయిస్తూ అడ్డంగా దొరికిపోయిన టీడీపీ! క్యూ లైన్లలో ఉన్న అనుమానాస్పద వ్యక్తులను ప్రశ్నించిన వైయస్‌ఆర్‌సీపీ నేతలు. దాంతో తమను టీడీపీ వాళ్లే ఓట్లు వేయించేందుకు పిలిచారని చెప్పి అక్కడి నుంచి వెళ్లిపోయిన యువకులు. వారిని కనీసం అదుపులోకి తీసుకోకుండా విచారణ చేస్తున్నట్లు నాటకమాడి అక్కడి నుంచి పంపించేసిన పోలీసులు! #TDPGoons #CBNTurnedAPIntoBihar #SaveDemocracyInAP #SadistChandraBabu— YSR Congress Party (@YSRCParty) November 5, 2026

శ్రీకాకుళం: టెక్కలిలో వైఎస్సార్సీపీ కార్యకర్తలే టార్గెట్‌గా పోలీసులు చర్యలు చర్యలు చేపడుతున్నారు. సీఐ విజయ్ కుమార్ అత్యుత్సాహంపై వైఎస్సార్సీపీ శ్రేణుల ఆగ్రహం వ్యక్తం చేస్తున్నాయి. వైఎస్సార్సీపీ అభ్యర్థి ఉషారాణి కుమారుడు పృథ్వీని పోలీసులు అదుపులోకి తీసుకున్నారు. అతనిని బలవంతంగా పోలీస్ స్టేషన్‌కు తరలిస్తున్నారంటూ వైఎస్సార్సీపీ శ్రేణుల ఆందోళన వ్యక్తం చేస్తున్నాయి. టెక్కలిలో మాజీ ఎంపీటీసీ శ్రీధర్ రెడ్డిని కూడా పోలీసులు అదుపులోనికి తీసుకున్నారు. వరుసగా వైఎస్సార్సీపీ నేతలు, కార్యకర్తలను పోలీసులు అదుపులోకి తీసుకుంటున్నారు. పలుచోట్ల వైస్సార్సీపీ ఏజెంట్ల ఫామ్‌లను టీడీపీ గుండాలు చింపివేస్తున్నారు.

పల్నాడు జిల్లా: పల్నాడు జిల్లాలో యథేచ్ఛగా రిగ్గింగ్ కొనసాగుతున్నది. గురజాల నియోజకవర్గంలోని పిడుగురాళ్ల మండలం గుత్తికొండ గ్రామంలో వైఎస్ఆర్ కాంగ్రెస్ పార్టీ ఏజెంట్‌ను ఎస్సై మోహన్ అడ్డుకున్నారు. 8 వ నంబర్‌ పోలింగ్ బూత్‌లో వైఎస్ఆర్ కాంగ్రెస్ పార్టీ ఏజెంట్లను ఎస్సై మోహన్‌తో పాటు తెలుగుదేశం గుండాలు బయటకు పంపిస్తున్నారు. పోలీసులు సహాయంతో తెలుగుదేశం గూండాలు రిగ్గింగ్‌కి పాల్పడుతున్నారు. సత్తెనపల్లి మండలం ధూళ్ళిపాళ్ల పోలింగ్ పోలింగ్ బూత్‌లో తెలుగుదేశం నాయకులు హల్చల్ చేస్తున్నారు. బూత్‌లు క్యాప్చర్ చేయడానికి తెలుగుదేశం నేతలు ప్రయత్నిస్తున్నారు. దీంతో ఏజెంట్లకు తెలుగుదేశం నేతలకు మధ్య వాగ్వాదం చోటుచేసుకుంది.

కుప్పం: చంద్రబాబు నియోజకవర్గం కుప్పంలో టీడీపీ గూండాలు బీభత్సం సృష్టిస్తున్నారు. పోలింగ్‌ బూత్‌లకు కబ్జా చేసి, దౌర్జన్యాలకు దిగుతున్నారు. చిత్తూరు జిల్లా కుప్పం నియోజకవర్గంలో ప్రజాస్వామ్యం ఖూనీ అవుతున్నది. శాంతిపురం మండలంలోని శివరామపురం గ్రామంలో మాజీ వైస్ ఎంపిపి రమేష్‌ను పోలీసులు అదుపులోకి తీసుకున్నట్లు సమాచారం. ఎన్నికల రోజు వైసీపీ నేత రమేష్ ను అదుపులోకి తీసుకోవడంపై వైఎస్‌ఆర్సీపీ నేతలు మండిపడుతున్నారు. వైఎస్‌ఆర్సీపీ నేతలు, అభ్యర్థులను, ఏజెంట్లను అదుపులోకి తీసుకొని పోలీసులు భయబ్రాంతులకు గురి చేస్తున్నారు. రామకుప్ప మండలం బందార్లపల్లి పంచాయతీ బూత్ నెంబర్ 14, 15 కంచి దాసనపల్లి,లింగాపురం, వైసీపీ తరఫున ఏజెంట్లుగా వెళ్లిన మహేష్, సోమశేఖర్ ఇద్దరినీ ఈ టీడీపీ గూండాలు అడ్డుకోవడంతో వాగ్వాదం చోటుచేసుకుంది. బలవంతంగా వారిని పోలింగ్ బూత్ నుండి టీడీపీ గుండాలు బయటకు పంపించారు.

రైల్వే కోడూరు: రైల్వే కోడూరులో పెట్రోల్‌ బాంబులతో టీడీపీ గూండాలు చెలరేగిపోతున్నారు. పోలీసుల సమక్షంలోనే వారు తమ ప్రతాపం చూపిస్తున్నారు. పెనగలూరు మండలంల నల్లపురెడ్డి పల్లిలో టీడీపీ గూండాలు రెచ్చిపోతున్నారు. ఈ దాడుల్లో వైఎస్‌ఆర్సీపీ కార్యకర్తకు గాయాలయ్యాయి. చంద్రబాబు నియోజకవర్గం కుప్పంలో టీడీపీ గూండాలు బీభత్సం సృష్టిస్తున్నారు. పోలింగ్‌ బూత్‌లకు కబ్జా చేసి, దౌర్జన్యాలకు దిగుతున్నారు.

పులివెందుల: వైఎస్ఆర్ జిల్లా పులివెందులలో జరుగుతున్న ఎన్నికల్లో టీడీపీ నేతల గూండాగిరి కొనసాగుతోంది. వీరికి పోలీసులు కొమ్ముకాస్తున్నారు. లింగాల మండలం పార్న పల్లి వద్ద ఎంపీ అవినాష్ రెడ్డిని పోలీసులు అడ్డుకున్నారు. అలాగే వైఎస్‌ఆర్సీపీ ఏజెంట్లను టీడీపీ గుండాలు అడ్డుకుంటున్నారు. దీనికితోడు ఏజెంట్ల పత్రాలను చించేస్తున్నా, పోలీసులు చోద్యం చూస్తున్నారు. టీడీపీ నేతలు బయటి వ్యక్తులను భారీగా మోహరించినప్పటికీ పోలీసులు పట్టించుకోవడం లేదు. కడప జిల్లా పెద్దముడియం మండలం జై. కొట్టాలపల్లిలో ఎంపీపీ స్కూల్‌లో పోలింగ్ కేంద్రం చుట్టూ టీడీపీ నేతలు మోహరించారు. ఓటు హక్కు వినియోగించుకునేందుకు వచ్చిన ఓటర్లు వెనక్కి పంపుతున్నారు. అలాగే వైఎస్‌ఆర్సీపీ ఏజెంట్స్ బయటకు పంపివేసిస్తూ, పచ్చ మూకలు వారిపై దాడికి యత్నిస్తున్నాయ. తమ ఓటు హక్కు వినియోగించుకోకుండా అడ్డుకోవడంపై ఓటర్లు ఆగ్రహం వ్యక్తం చేస్తున్నారు. బయట ఊరి నుంచి వచ్చిన టిడిపి గుండాలు ఓటర్లను అడ్డుకుంటున పరిస్థితి ఏర్పడింది. ఇంత జరుగుతున్నా పోలీసులు తమకేమీ పట్టనట్లు చోద్యం చూస్తున్నారు. అధికారాన్ని అడ్డంపెట్టుకొని పోలీసులు సమక్షంలో కూటమి నేతలు ఓట్లు వేసుకుంటున్నారు. పల్నాడు జిల్లా గురజాల మండలంలో పల్లెగుంట, గంగవరం, పులిపాడు, దైద ,తేలుకుట్ల, గొట్టిముక్కల,సమాధానం పేట కొత్త అంబాపురం, గోగులపాడు,బోదవాడ, గ్రామాలలో వైఎస్ఆర్సీపీ ఏజెంట్లను పోలీసులు, తెలుగుదేశం నేతలు బయటకు పంపించేస్తున్నారు. గ్రామాల్లోని వైఎస్ఆర్సీపీ కీలక నేతలను అదుపులోనికి తీసుకుని పోలీస్ స్టేషన్లో అక్రమంగా గురజాల సీఐ మురళి నిర్బంధిస్తున్నారు.

శ్రీసత్యసాయి జిల్లా: రాప్తాడు నియోజకవర్గంలో జరుగుతున్న వరుస సంఘటనలు పచ్చ గూండాల వికృత చేష్టలకు ఉదాహరణగా నిలుస్తున్నాయి. తమకెవరూ పోటీ ఉండకూడదు.. తమకెవరూ పోటీరాకూడదు.. తమకెవరూ పోటీ కాదు అనే దృఢ నిశ్చయంతో పరిటాల అండ చూసుకొని పచ్చ నేతలు రెచ్చిపోతున్నారు. ప్రజాస్వామ్యంలో ఉన్నామా లేక నియంతృత్వ పాలనలో ఉన్నామా అనే భావనను కలిగించే విధంగా ప్రజలను భయభ్రాంతులకు గురిచేస్తున్నారు. రాష్ట్రంలో చంద్రబాబు ప్రభుత్వం కొలువుదీరిన మరుక్షణం నుంచి రాప్తాడు రక్తమోడుతూనే ఉంది. నియోజకవర్గ వ్యాప్తంగా ఏదో ఒక ప్రాంతంలో వైఎస్సార్‌సీపీ వర్గీయులపై భౌతిక దాడులు, ఇళ్లు, వాహనాలపై రాళ్ల దాడులు, పొలాలను లాక్కోవడం వంటి పరిణామాలను చూస్తుంటే ఇక్కడ ఎప్పుడు ఏం జరుగుతుందో తెలియక ప్రజలు ఆందోళన చెందుతున్నారు. ఉమ్మడిజిల్లాలో ఎక్కడాలేని విధంగా ఒక్క రాప్తాడులో వరుస సంఘటనలు జరుగుతున్నా కేసులు మాత్రం నామమాత్రంగా ఉండడంతో పోలీస్‌ అధికారులు ఏం చేస్తున్నారనే విమర్శలున్నాయి. ఈ క్రమంలో స్థానిక సంస్థల ఎన్నికలు సజావుగా జరుగుతాయా అనే అనుమానాలు వ్యక్తమవుతున్నాయి. ఓటింగ్‌ సక్రమంగా జరిగేనా? పరిషత్‌ ఎన్నికల్లో భాగంగా గురువారం జరిగే ఎంపీటీసీ, జెడ్పీటీసీల ఓటింగ్‌ ప్రక్రియ సజావుగా జరిగేనా అన్న అనుమానాలు వ్యక్తమవుతున్నాయి. ప్రజాస్వామ్యంలో ఎవరి పారీ్టకి వారు మద్దతు పలుకుతూ, ఓటు వేసుకోవచ్చని అయితే గురువారం జరిగే ఈ ప్రక్రియలో ఎలాంటి అవాంఛనీయ సంఘటనలు జరగకుండా చూడాలని ప్రజలు దేవున్ని ప్రారి్థస్తున్నారు.నామినేషన్లలో అరాచకం.. ఎంపీటీసీ, జెడ్పీటీసీ ఎన్నికల వేళ నామినేషన్లు వేయడానికి వస్తున్న వైఎస్సార్‌సీపీ వర్గీయులను రెండు రోజులు నామినేషన్లు వేయనీకుండా రాప్తాడు, రామగిరి, కనగానపల్లి, ఆత్మకూరు, చెన్నేకొత్తపల్లి, అనంతపురం రూరల్‌ మండలాల్లో పచ్చనేతలు అడ్డుకొన్న సంగతి తెలిసిందే. నామినేషన్‌ వేయడానికి వస్తున్న అభ్యర్థులపై రాళ్ల దాడులు చేయడం, అలాగే మహిళలు అని కూడా చూడకుండా నామినేషన్‌ పత్రాలను వారి వద్ద నుంచి బలవంతంగా లాక్కోవడం వంటి సంఘటనలు చోటు చేసుకున్నాయి. నియోజకవర్గ వ్యాప్తంగా ఒక్క నామినేషన్‌ పడకూడదనే పరిటాల ఆదేశాలతో అన్ని స్థానాలను ఏకగ్రీవం చేయాలని పచ్చనేతలు కుట్రలు పన్నారు. చివరకు ఎన్నికల కమిషన్‌ దృష్టికి వైఎస్సార్‌సీపీ నేతలు తీసుకెళ్లడంతో మూడోరోజున పోలీసుల భద్రతతో వైఎస్సార్‌సీపీ నేతలు అడపాదడపా నామినేషన్‌ పత్రాలను దాఖలు చేయాల్సి వచ్చింది. గతంలో రామగిరిలో పది ఎంపీటీసీ స్థానాలకు గాను తొమ్మిది స్థానాలను వైఎస్సార్‌సీపీ కైవసం చేసుకుంది. కానీ రాష్ట్రంలో చంద్రబాబు ప్రభుత్వం అధికారంలోకి వచ్చాక ఎంపీటీసీలను కిడ్నాప్‌ చేసి చివరకు వారిని ప్రలోభాలు, భయభ్రాంతులకు గురిచేస్తూ ఒక్క ఎంపీటీసీతోనే ఎంపీపీ పీఠాన్ని టీడీపీ కైవసం చేసుకుంది. ప్రస్తుతం గ్రామాల్లో ప్రజలు తీవ్ర ఇబ్బందులు పడుతూ చివరకు సొంత గ్రామాలను సైతం వదలి ఇతర ప్రాంతాలకు వలసలు వెళ్తున్నారు. రక్తపాతం వదలి నియోజకవర్గంలోని అన్ని చెరువులకు సాగు నీరందిస్తే తాము పంటలను సాగుచేసుకుంటూ కుటుంబపోషణ చేసుకుంటామని ప్రజలు కోరుతున్నారు. కానీ పరిటాల అరాచకాలతో ఆ పరిస్థితులు మచ్చుకైనా కనిపించడం లేదు.

సాక్షి, వైఎస్సార్‌ జిల్లా: ఏపీలో మున్సిపల్‌ ఎన్ని­­కల మాదిరిగానే పరిషత్‌ ఎన్నికల్లోనూ టీడీపీ గూండాలు, పోలీసులు పేట్రేగిపోతున్నారు. ప్రజలు స్వే­చ్ఛ­గా ఓటెయ్యకుండా మళ్లీ ఉక్కుపా­దం మోపుతున్నా­రు. ఎన్నికలు ప్రశాంతంగా, స్వే­చ్ఛగా జరిపించి ప్రజాస్వామ్యాన్ని పరిరక్షించాల్సి­న పోలీసులే వెన్నుపోటు పార్టీకి అండగా నిలిచి వైఎస్సార్‌సీపీ నేతలను అరెస్ట్‌ చేస్తూ, పోలింగ్‌ బూత్‌ల వద్ద ఏజెంట్లను అడ్డుకుంటున్నారు. వైఎస్సార్‌సీపీ నేతలపై దాడులు జరుగుతున్నా పోలీసులు ప్రేక్షక పాత్ర పోషిస్తున్నారు.వైఎస్సార్ జిల్లాలో మరోసారి పచ్చ బ్యాచ్‌ రెచ్చిపోయింది. పరిషత్‌ ఎన్నికల సందర్భంగా మళ్లీ అరాచకాలకు పాల్పడింది. పరిషత్‌ ఎన్నికల సందర్భంగా టీడీపీ నేత బీటెక్‌ రవి చిన్నాన్న గూండాగిరి దిగారు. పార్లప్లలి బూత్‌ వద్ద రఘునాథ్‌ రెడ్డి రెచ్చిపోయారు. వైఎస్సార్‌సీపీ ఏజెంట్లను బూత్‌ల్లోకి వెళ్లకుండా అడ్డగించారు. ఏజెంట్లపై దాడి చేసి పత్రాలను చించేశారు. ఇదే సమయంలో పార్లపల్లికి వస్తున్న వైఎస్సార్‌సీపీ ఎంపీ అవినాష్‌ రెడ్డిని పోలీసులు అడ్డుకున్నారు. అలాగే, పులివెందులలోని లింగాల మండలం కామసముద్రం పోలింగ్ బూతుల వద్ద బీటెక్ రవి సోదరుడు భరత్ ఓవరాక్షన్‌కు దిగారు. పోలింగ్ సెంటర్లోకి ఓటర్లో వెళ్లకుండా అడ్డుపడుతున్నారు. గ్రామంలో ఇంటింటికీ వెళ్లి ఓటు వేయడానికి రావద్దు అంటూ హెచ్చరికలు జారీ చేస్తున్నారుపోలింగ్‌కు ముందే పెద్దముడియం మండలంలో కూటమి నేతల దాడులు మొదలయ్యాయి. భూతపురం గ్రామం వద్ద వైఎస్సార్‌సీపీకి చెందిన నేత కారుపై దాడి చేసి అద్దం పగులగొట్టారు. గుండ్లకుంట గ్రామం వద్ద ఎమ్మెల్సీ రామసుబ్బారెడ్డి ఇంటిని పోలీసులు చుట్టుముట్టారు. బీజేపీ ఎమ్మెల్యే ఆదినారాయణ రెడ్డి, టీడీపీ జిల్లా అధ్యక్షుడు భూపేష్ ఆధ్వర్యంలో దాడులు కొనసాగుతుండటం గమనార్హం. మొన్న జమ్మలమడుగు మున్సిపాలిటీ ఎన్నికల్లో చేసిన రిగ్గింగ్, ఇప్పుడు పెద్దముడియం మండలంలో అదే తరహాలో చేసేందుకు రంగం సిద్ధం చేసుకున్న కూటమి నాయకులు. నేడు పెద్దముడియం మండలంలో 9 ఎంపీటీసీ స్థానాలకు ఒక జడ్పీటీసీకి ఎన్నికలు జరుగుతున్నాయి.పోలింగ్‌ సందర్బంగా టీడీపీకి పోలీసులు పూర్తిగా సహకరిస్తున్నారు. గ్రామాల్లో వైఎస్సార్‌సీపీ నాయకులే టార్గెట్‌గా అరెస్టులు చేస్తున్నారు. పులివెందుల మండలం ఆర్ తుమ్మలపల్లి సర్పంచ్ మహేశ్వర్ రెడ్డి, సుబ్బారెడ్డిని, నల్లపురెడ్డిపల్లిలో వైఎస్సార్‌సీపీ నాయకుడు ఉమ్మారెడ్డిని పోలీసులు అరెస్ట్ చేశారు. మరోవైపు.. వేములలో పోలింగ్ బూత్‌ల వద్ద రాళ్లు సిద్ధం చేసుకున్నారు టీడీపీ నేతలు. పులివెందుల, వేముల, వేంపల్లి, లింగాల మండలంలో అరాచకానికి స్కెచ్ వేశారు. పోలింగ్ బూత్‌ల వద్ద కిరాయి మూకలును ఉంచారు. ఏజెంట్లు, ఓటర్లను అడ్డుకునేందుకు కుట్రకు తెర లేపారు. వేముల మండలంలో పోలింగ్ కేంద్రాల వద్ద టీడీపీ నేతలు రాళ్లను సిద్ధం చేసుకున్నారు. అన్ని మండలాల్లో అదే దాష్టీకానికి టీడీపీ సిద్ధమైంది. ఇదీ చదవండి:

జడ్పీటీసీ, ఎంపీటీసీ ఎన్నికల పోలింగ్‌ అప్‌డేట్స్..గుంటూరు:నల్లపాడులో తీవ్ర ఉద్రిక్తతబ్యాలెట్‌ బాక్సులు మార్చేందుకు టీడీపీ కుట్రలువెంగాయళపాలెం బ్యాలెట్‌ బాక్సులను స్ట్రాంగ్‌ రూమ్‌కు తీసుకెళ్లకుండా నల్లపాడులో దించిన వైనంరెడ్‌ హ్యాండెడ్‌గా పట్టుకున్న వైఎస్సార్‌సీపీ నేతలునిరసన తెలుపుతున్న వైఎస్సార్‌సీపీ కార్యకర్తలపై పోలీసుల లాఠీచార్జ్‌లేళ్ల అప్పిరెడ్డి సహా పలువురు మహిళా నేతలపై లాఠీచార్జ్‌ వైఎస్సార్‌ జిల్లాగోపవరం మండలంలో జడ్పీటీసీ, ఎంపీటీసీ ఎన్నికల కోసం బ్రాహ్మణ పల్లెకు చేరుకున్న బద్వేల్ ఎమ్మెల్యే డాక్టర్ దాసరి సుధారామాపురం పోలింగ్ బూత్‌లో ఇంకు బాటిల్ పోశారంటూ ప్రచారం రావడంతో ఎమ్మెల్యే సుధా, ఎమ్మెల్సీ డిసి గోవింద్ రెడ్డి కుమారుని పై దాడి చేసేందుకు భారీగా చేరుకున్న టీడీపీ గూండాలు బ్రాహ్మణ పల్లెలోనే ఎమ్మెల్యే డాక్టర్ దాసరి సుధా.. ఎమ్మెల్సీ డిసి గోవింద్ రెడ్డి కుమారుడు ఆదిత్య రెడ్డితమకు పోలీసులు సహకరించాలని ఎమ్మెల్యే డాక్టర్ దాసరి సుధాశ్రీ సత్యసాయి జిల్లాధర్మవరం నియోజకవర్గం వెంకటగారిపల్లిలో టీడీపీ నేతల బరితెగింపువైఎస్సార్‌సీపీ నేతలపై విచక్షణా రహితంగా దాడులుఐదుగురికి గాయాలు, ఒకరి పరిస్థితి విషమంవైఎస్సార్‌సీపీ మద్దతు ఇచ్చారన్న కారణంతో దాడులు చేసిన టీడీపీ నేతలుజిల్లాలోని మడకశిర నియోజకవర్గం గుడిబండ మండలం రామాయణహట్టి గ్రామంలో టీడీపీ నేతల దొంగ ఓట్లుబయట నుంచి బ్యాలెట్ పేపర్లు తీసుకొచ్చి పోలింగ్ కేంద్రంలోని బ్యాలెట్ బాక్సులో వేస్తున్న వైనంఒక టీడీపీ నేతను రెడ్ హ్యాండెడ్‌గా పట్టుకున్న వైఎస్సార్‌సీపీ నేతలువైరల్‌గా మారిన టీడీపీ నేతల బాగోతం వీడియోలుశ్రీ సత్యసాయి జిల్లాధర్మవరం నియోజకవర్గంలో ఉద్రిక్తతజెడ్పీటీసీ ఎంపీటీసీ ఎన్నికల సందర్భంగా టీడీపీ కూటమి నేతల దొంగ ఓట్లువిషయం తెలిసి గ్రామానికి వెళ్లిన వైఎస్సార్‌సీపీ నేతల కార్లపై రాళ్ల దాడులువైఎస్సార్‌సీపీ నేత ప్రతాప్ రెడ్డికి చెందిన వాహనం ధ్వంసంపోలీసు జీపు అద్దాలు ధ్వంసం, కానిస్టేబుల్‌కు తీవ్ర గాయాలుడాక్టర్ బి.ఆర్ అంబేద్కర్ కోనసీమ జిల్లా అమలాపురం రూరల్ మండలం ఈదరపల్లి పోలింగ్ కేంద్రం వద్ద ఉద్రిక్తతకూటమి పార్టీ నాయకులు రిగ్గింగ్‌కు పాల్పడుతున్నారని సమాచారం రావడంతో పోలింగ్ కేంద్రం వద్దకు వెళ్లిన వైఎస్సార్‌సీపీ కోఆర్డినేటర్ పినిపే శ్రీకాంత్శ్రీకాంత్‌ను అడ్డుకున్న కూటమి నాయకులు కార్యకర్తలుఇరు వర్గాల మద్య వాగ్వాదంశ్రీకాంత్ కామెంట్స్...అధికార పార్టీ యధేచ్చగా రిగ్గింగ్‌కు పాల్పడుతుందిఈదరపల్లి వంటి కేంద్రాలను సమస్యాత్మక గ్రామాలుగా ముందుగానే గుర్తించినా పూర్తిలో పోలీసులు భద్రత కల్పించలేకపోయారుపోలీసులు అధికార పార్టీకి అనుకూలంగా వ్యవహరిన్నారు ఏలూరు జిల్లాద్వారకా తిరుమల మండలం తూర్ల లక్ష్మీపురంలో ఉద్రిక్తతవైఎస్సార్‌సీపీ నాయకులు ఓటు వేసేందుకు వెళ్లగా వారికి ఇచ్చిన బ్యాలెట్ పేపర్ పై అప్పటికే బీజేపీ సింబల్ పై సిరా ముద్ర ఉండడంతో అవాక్కయ్యారుఇదేంటని పోలింగ్ ఆఫీసర్‌ను ప్రశ్నించగా స్లిప్పు మడత పెట్టేటప్పుడు పొరపాటున కమలం గుర్తుపై ఇంకు అంటుకుందన్నఅధికారులుమిగిలిన స్లిప్పులపై కూడా కమలం గుర్తుపైనే ముద్రలు ఉన్నట్టు గుర్తింపుఆందోళన వ్యక్తం చేసిన వైఎస్సార్‌సీపీ నాయకులుఇలా రిగ్గింగ్ చేసుకునేటప్పుడు అసలు ఎన్నికలు ఎందుకు నిర్వహించడం అని ప్రశ్నించిన వైఎస్సార్‌సీపీ నాయకులుఓటమి భయంతో కూటమి నేతలు ఇలా చేస్తున్నారని ఆగ్రహం వ్యక్తం చేసిన వైఎస్సార్‌సీపీ నాయకులుఅనకాపల్లిబుచ్చయ్యపేట మండలం తురకలపూడిలో బరితెగించిన కూటమి నేతలుదొంగ ఓట్లు వేస్తున్న కూటమి నేతలుఅడ్డుకున్న వైఎస్సార్‌సీపీ ఏజెంట్లు రాజారావు, లోవరాజు, రమేష్, నానివైఎస్సార్‌సీపీ ఏజెంట్‌లపై కూటమి కార్యకర్తలు దాడివిజయవాడఎంపీటీసీ, జెడ్పిటిసి ఎన్నికల్లో భారీగా రిగ్గింగ్ అనుమానాలుఎస్ఈసి ప్రకటనతో బట్టబయలైన బండారంమధ్యాహ్నం 1 గంటకు 30.50 శాతం పోలింగ్6 గంటల్లో 30.50 శాతం పోలింగ్ నమోదుమధ్యాహ్నం 1 గంట తర్వాత భారీగా అసాధారణంగా పెరిగిన పోలింగ్మధ్యాహ్నం 3 గంటలకు 58.55 శాతం నమోదు2 గంటల్లోనే 28 శాతం నమోదు పై అనుమానాలుమొదటి 6 గంటల్లో 30 శాతం తర్వాత రెండు గంటల్లోనే 28 శాతం పోలింగ్అనేక జిల్లాల్లో దౌర్జన్యంగా టీడీపీ రిగ్గింగ్కర్నూలు జిల్లాచిప్పగిరి మండలం గుమ్మనూరులో ఉద్రిక్తతకూటమి నాయకులపై పోలీసులు లాఠీఛార్జ్కూటమి నాయకులు బీజేపీ , టీడీపీ నాయకుల మధ్య చెలరేగిన వివాదంఇరువర్గాలు కర్రలతో, రాళ్ళతో పరస్పర దాడులు, పలువురికి గాయాలుదాడులకి పాల్పడిన కొందరిని పోలీసులు అరెస్టు చేసినట్లు సమాచారంకాకినాడ జిల్లాకాకినాడతుని మండలం అటకువాని పాలెం పోలింగ్ బూత్ లో ఓటర్లపై దౌర్జన్యం చేస్తున్న టీడీపీ నాయకులుటీడీపీ నేతల దౌర్జన్యానికి ఓటర్ల భయబ్రాంతులు నెల్లూరు జిల్లానెల్లూరు జిల్లా మర్రిపాడులో ఆత్మకూరు సీఐ గంగాధర్ ఓవర్ యాక్షన్పోలింగ్ కేంద్రానికి వెళ్తున్న మాజీ ఎమ్మెల్యే మేకపాటి విక్రమ్ రెడ్డిని అడ్డుకొని రహదారికి పోలీసు వాహనం అడ్డుపెట్టిన సీఐమండలంలో పర్యటించడానికి వీల్లేదంటూ నానా యాగితిరుపతి జిల్లా, చంద్రగిరిసప్తగిరి కాలనీ, 115,116,117 బూతులలో రీపోలింగ్ నిర్వహించాలని డిమాండ్ చేసిన చెవిరెడ్డి భాస్కర్ రెడ్డిఅన్నా రామచంద్రయ్య, అన్న రామకృష్ణ, సప్తగిరి నగర్ ఓటర్లు కాకపోయినా ఇక్కడ ఓటు వేశారుసీసీ కెమెరాలలో ఇవన్నీ కూడా రికార్డ్ అయ్యాయిదీనికి సహకరించిన పోలీసులు, అధికారుల మీద చర్యలు చేపట్టాలిజిల్లా ఎస్పీ సుబ్బారాయుడు అధికార పార్టీకి దాసోహమయ్యారుప్రజల పక్షాన కాకుండా టీడీపీ పక్కా నా పని చేస్తున్నారు ఎస్బిఐ సుబ్బారాయుడుదీనికి సంబంధించి ఎలక్షన్ కమిషనర్‌కు ఫిర్యాదు చేసి, న్యాయపరంగా పోరాడుతామన్న చెవిరెడ్డి భాస్కర్ రెడ్డినెల్లూరు జిల్లాఉదయగిరి, బండగానిపల్లిలో ఉద్రిక్తతబిజ్జంపల్లి పోలింగ్ కేంద్రంలో రిగ్గింగ్‌కు పాల్పడ్డ టీడీపీ గూండాలుఅడ్డుకున్న వైఎస్సార్‌సీపీ శ్రేణులపై దాడిఇరు వర్గాల మద్య ఘర్షణ జరగడంతో లాఠీచార్జ్ చేసిన పోలీసులుమర్రిపాడు మండలంలో వైఎస్సార్‌సీపీ ఏజెంట్స్ ను బయటకు నెట్టి రిగ్గింగ్27, 28 బూత్‌లలో టీడీపీ శ్రేణులతో దగ్గర వుండి రిగ్గింగ్ వేయిస్తున్న ఎసై బలరాం రెడ్డిప్రకాశం జిల్లాచీమకుర్తి మండలం బల్లమూడి గ్రామం ఎంపీటీసీ ఎన్నికలలో ఏకపక్షంగా వ్యవహరిస్తున్న పోలీసులుఏజెంట్లను, అభ్యర్థి భర్తను పోలీస్ స్టేషన్లో నిర్బంధించి దొంగ ఓట్లు వేసుకుంటున్నారుతక్షణమే సంతనూతలపాడు నియోజకవర్గ నాలుగు మండలాలు రీపోలింగ్ జరపాలని డిమాండ్ చేసిన మాజీమంత్రి మెరుగు నాగార్జునతిరుపతి జిల్లామంగళం కోర్టు జడ్పీ హైస్కూల్ దగ్గర మాజీ ఎమ్మెల్యే చెవిరెడ్డి భాస్కర్ రెడ్డి నిరసనపోలింగ్ బూత్ దగ్గర ఇతర ప్రాంతాల నుంచి రౌడీ ముఖాలను పిలిపించిన ఎమ్మెల్యే పులివర్తి నానిరిగ్గింగ్‌కు పాల్పడుతున్న టీడీపీ గుండాలుటీడీపీ రౌడీ ముఖాలకు తొత్తులుగా పోలీసులు పని చేస్తున్నారంటూ పోలింగ్ బూత్ ముందు చెవిరెడ్డి భాస్కర్ రెడ్డి నిరసనశివ రెడ్డితో పాటు మంగళం వైఎస్సార్‌సీపీ శ్రేణులు నిరసనపోలీసులే టీడీపీకి ఏజెంట్లుగా పనిచేస్తున్నారు.. చెవిరెడ్డి భాస్కర్ రెడ్డిఇతర ప్రాంతాల నుంచి వందలాదిమంది పోలింగ్ బూతులు దగ్గర ఉన్న పట్టించుకోవడం లేదుఇతర ప్రాంతాల నుంచి వచ్చిన టీడీపీ రౌడీలను ఇక్కడ నుంచి పంపకుంటే ఎలక్షన్ కమిషన్కు ఫిర్యాదు చేస్తామన్న చెవిరెడ్డి భాస్కర్ రెడ్డిచిత్తూరు జిల్లాకుప్పం నియోజకవర్గంలో కొనసాగుతున్న టీడీపీ గూండాల దౌర్జన్యంశాంతిపురం మండలం కడపల్లి పంచాయతీ బూత్‌లో రిగ్గింగ్ చేస్తున్న టీడీపీసాక్షాత్తు సీఎం చంద్రబాబు నాయుడు నివాసం పక్కనే ఉన్న కడపల్లి పంచాయతీలో గెలిచే ధైర్యం లేక రిగ్గింగ్ చేస్తున్న టీడీపీ శ్రేణులుటీడీపీ నాయకుల అరాచకాలపై వైఎస్సార్‌సీపీ నాయకులు, కార్యకర్తలు రోడ్డు పై బైఠాయించి నిరసనభారీ ఎత్తున కుప్పం పట్టణం నుంచి దొంగ ఓటర్లను తీసుకువచ్చి రిగ్గింగ్‌కు పాల్పడుతున్న టీడీపీ నాయకులుతవణంపల్లి మండలం పట్నం ఎంపీటీసీ సెగ్మెంట్ పోలింగ్ బూత్ వద్ద ఉద్రిక్తతగొడవలను చిత్రీకరిస్తున్న మండల సాక్షి రిపోర్టర్ జగన్నాథంపై దాడి చేసిన టీడీపీ మూకలుఏలూరు జిల్లానూజివీడు నియోజకవర్గంలో మధ్యాహ్నం 3 గంటల వరకు మొత్తం 60.70 శాతం పోలింగ్ నమోదునాలుగు మండలాల్లో కలిపి ఇప్పటివరకు 1,18,085 మంది ఓటు హక్కు వినియోగంఆగిరిపల్లి మండలంలో 59.39 శాతం పోలింగ్చాట్రాయి మండలంలో 63.69 శాతం పోలింగ్ముసునూరు మండలంలో 63.94 శాతం పోలింగ్నూజివీడు మండలంలో 54.31 శాతం పోలింగ్నాలుగు మండలాల్లో మొత్తం ఓటర్లు – 1,97,103ఇప్పటివరకు పోలైన ఓట్లు – 1,18,085ఏలూరు జిల్లాకైకలూరు నియోజకవర్గంలో నాలుగు మండలాలలో మూడు గంటల వరకు నమోదైన పోలింగ్ శాతం 1) కలిదిండి 60.862) ముదినేపల్లి 69.6% 3) మండవల్లి 63.2%4) కైకలూరు 60%పార్వతీపురం మన్యం జిల్లావీరఘట్టం మండలం, కత్తులకవిటి పోలింగ్ బూత్ వద్ద ఉద్రిక్తతవైఎస్సార్‌సీపీ ఏజెంట్లపై పాలకొండ జనసేన ఎమ్మెల్యే నిమ్మక జయకృష్ణ దాడికూటమికి ఓట్లు వేయాలని ఓటర్లకు ఎమ్మెల్యే బెదిరింపులు వైఎస్సార్‌ జిల్లాపులివెందుల మండలం నల్లపురెడ్డిపల్లిలో వైఎస్సార్‌సీపీ కార్యకర్తలపై పోలీసుల లాఠీ ఛార్జ్టీడీపీ గూండాలు బూత్‌ల వద్ద ఎందుకు ఉన్నారని ప్రశ్నించినందుకు లాఠీ ఛార్జ్పోలింగ్ బూత్ ఆక్రమించుకున్న బీటెక్ అనుచరులురిగ్గింగ్ చేసుకుంటున్నారని ప్రశ్నించినందుకు లాఠీ ఛార్జ్కర్నూలు జిల్లాకర్నూలు జిల్లాలో ఓటర్లను ప్రభావితం చేస్తున్న ఎన్నికల అధికారులుకోసిగి 1 పోలింగ్ కేంద్రంలో టీడీపీకి అనుకూలంగా వ్యవహరిస్తున్న అధికారులు.సైకిల్ గుర్తుకు ఓటు వేయాలని సూచిస్తున్న పీవోశ్రీకాకుళం జిల్లా టెక్కలి నియోజకవర్గంలోని టెక్కలి ఎంపీటీసీ 4 ప్రాదేశికం వైఎస్సార్‌సీపీ అభ్యర్థిని మామిడి జ్యోతి భర్త మామిడి కృష్ణని అన్యాయంగా అరెస్ట్ చేస్తున్న పోలీసులను అడ్డుకున్న ఎంపీటీసీ అభ్యర్థి , వైఎస్సార్‌సీపీ నాయకులుకోసిగి మండలం ఆర్లబండలో ఉద్రిక్తతటీడీపీ నాయకులు రిగ్గింగ్ చేస్తున్నారని అడ్డుకున్న వైఎస్సార్‌సీపీ ఏజెంట్లుపోలింగ్ బూత్ వద్ద కు చేరుకున్న అధికారులునిలిచిపోయిన ఎన్నికల ప్రక్రియతూర్పుగోదావరి జిల్లాఅనపర్తిలో టీడీపీ, వైఎస్సార్‌సీపీ వర్గీయుల మధ్య వివాదంవైఎస్సార్‌సీపీ ఎంపీటీసీ అభ్యర్థి కుమారుడిపై టీడీపీ నేత దాడికి దిగడంతో ఒకరినొకరు తోసుకున్న ఇరు వర్గాలుదీంతో కొద్దిసేపు ఉద్రిక్త వాతావరణంసమాచారం అందుకుని ఇరు వర్గాలను చెదరగొట్టిన పోలీసులుతిరుపతి జిల్లానాయుడు పేట పెళ్లకూరు మండలంలో టీడీపీ అరాచకవాదులు రిగ్గింగ్పునబాక గ్రామం 26వ బూత్‌లో వైఎస్సార్‌సీపీ ఏజెంట్‌ను బయటకు నెట్టి యధేశ్చగా రిగ్గింగ్ఎన్టీఆర్ జిల్లాఎన్టీఆర్ జిల్లాలో మధ్యాహ్నం 2 గంటలకు జడ్పీటీసీ , ఎంపీటీసీ ఎన్నికల పోలింగ్ - 55.24 శాతంనెల్లూరు జిల్లావైఎస్సార్‌సీపీ మాజీ ఎమ్మెల్యే మేకపాటి విక్రమ్ రెడ్డిపై మంత్రి ఆనం రామనారాయణరెడ్డి దురుసు ప్రవర్తనఉదయం నుండి ఆత్మకూరు నియోజకవర్గంలో వైఎస్సార్‌సీపీ ఏజెంట‍్లను తరమికొట్టి మంత్రి అనుచరులు రిగ్గింగ్పోలింగ్ కేంద్రంలోని వైఎస్సార్‌సీపీ జెడ్పీటిసీ అభ్యర్థిని బయటకు వెళ్ళగొట్టి దుర్భసలాడిన మంత్రిఎదురుపడ్డ మంత్రి ఆనంను ఇది ఎక్కడి కల్చర్ అని ప్రశ్నించిన మాజీ ఎమ్మెల్యే విక్రమ్ రెడ్డిఆగ్రహంతో ఊగిపోయిన‌ మంత్రి మాజీ ఎమ్మెల్యే విక్రమ్ రెడ్డిపైకి దూసుకెళ్ళిన వైనంపల్నాడు జిల్లాసత్తెనపల్లి నియోజకవర్గం చాగంటి వారి పాలెం పోలీసుల దౌర్జన్యంవైఎస్సార్‌సీపీ అభ్యర్థిని, ఓటర్లను పంపిణీ సీఐ ప్రభాకర్ రావు, సీఐ సుబ్బారావుపోలీసుల వైఖరి పై ఓటర్లు తీవ్ర ఆగ్రహంవైఎస్సార్‌సీపీ నాయకుల్ని ఆపివేసి టీడీపీ నాయకులను అనుమతిస్తున్న పోలీసులుసీఐ ప్రభాకర్ రావు సీఐ సుబ్బారావులు తెలుగుదేశం నాయకుల చేస్తున్న రిగ్గింగ్‌కు సహకరిస్తున్నారంటూ ఆగ్రహిస్తున్న ఓటర్లుపశ్చిమగోదావరి జిల్లాజడ్పీటీసీ, ఎంపీటీసీ ఎన్నికలను బహిష్కరించిన భీమవరం మండలం కోమటి తిప్పనార్త్ గ్రామ పంచాయతీ వెంకటతిప్ప గ్రామ ప్రజలు40 ఏళ్లుగా తమ గ్రామం లో ఉన్న పోలింగ్ బూత్ ను కోమటి తిప్ప కు మార్చారని, అందుకే ఎన్నికలను బహిష్కరించామని గ్రామస్తులు వెల్లడిపోలింగ్ బూత్‌ను యాదవిధిగా తమ గ్రామంలో తిరిగి ఏర్పాటు చేసేవరకు ప్రతి ఎన్నికలను బహిష్కరిస్తామని గ్రామస్థుల నిరసనపోలింగ్ బూత్‌ను పక్క గ్రామానికి ఎందుకు మార్చారు అంటూ జనసేన ఎమ్మెల్యే పులపర్తి రామాంజనేయులును నిలదీసిన గ్రామస్తులుచేసేదేమీ లేక వెనదిరిగిన జనసేన ఎమ్మెల్యేఅన్నమయ్య జిల్లా.. పీలేరులో టీడీపీ నాయకులు రిగ్గింగ్పీలేరు నియోజకవర్గంలో టీడీపీ నాయకులు రిగ్గింగ్కె.వి.పల్లి మండలం లక్ష్మిరెడ్డిగారిపల్లెలో జడ్పీటీసీ ఎన్నికల పోలింగ్ కేంద్రం వద్ద బ్యాలెట్ బాక్స్‌ను బయట వేసేందుకు టీడీపీ నాయకులు యత్నంఒక్కసారిగా బయటకు పడేయడంతో పరిస్థితి ఉద్రిక్తంపోలీసులు అదుపులోకి తెచ్చేందుకు యత్నంబయట ప్రాంతాలకు చెందిన వ్యక్తులు పోలింగ్ కేంద్రంలో దౌర్జన్యంపశ్చిమగోదావరి జిల్లా• మొత్తం పశ్చిమగోదావరి జిల్లా సమగ్ర పోలింగ్ (1:00 PM సమయానికి): 47.72%• పెంటపాడు మండలంలో అత్యధికంగా 53.44% పోలింగ్ నమోదు• మొగల్తూరు మండలంలో అత్యల్పంగా 42.61% పోలింగ్ నమోదు• ఆచంట మండలంలో 43.80% పోలింగ్ నమోదు• ఆకివీడు మండలంలో 47.32% పోలింగ్ నమోదు• అత్తిలి మండలంలో 51.19% పోలింగ్ నమోదు• భీమవరంమండలంలో 46.08 % పోలింగ్ నమోదు• యలమంచిలి మండలంలో 47.84% పోలింగ్ నమోదు• గణపవరం మండలంలో 48.20% పోలింగ్ నమోదు• ఇరగవరం మండలంలో 47.64 % పోలింగ్ నమోదు• కాళ్ళ మండలంలో 48.29% పోలింగ్ నమోదు• నరసాపురం మండలంలో 46.76% పోలింగ్ నమోదు• పాలకొల్లు మండలంలో 47.24 % పోలింగ్• పాలకోడేరు మండలంలో 45.25% పోలింగ్ నమోదు• పెనుగొండ మండలంలో 44.83% పోలింగ్ నమోదు• పెనుమంట్ర మండలంలో 48.09 % పోలింగ్ నమోదు• పోడూరు మండలంలో 50.61% పోలింగ్ నమోదు• తాడేపల్లి గూడెం మండలంలో 49.86% పోలింగ్ నమోదు• తణుకు మండలంలో 49.34% పోలింగ్ నమోదు• ఉండి మండలంలో 49.72% పోలింగ్ నమోదు• వీరవాసరం మండలంలో 46.64% పోలింగ్ నమోదుగుంటూరుగుంటూరు రూరల్ మండలం వెంగళయపాలెంలో ఉద్రిక్తతవెంగళాయపాలెంలో భారీగా పోలింగ్ బూత్ వద్దకు చేరుకున్న తెలుగుదేశం నాయకులుఅభ్యంతరం వ్యక్తం చేసిన వైఎస్సార్‌సీపీ నాయకులువైఎస్సార్‌సీపీ అభ్యర్థితో పాటు నాయకులను పంపించి వేస్తున్న పోలీసులుతెలుగుదేశం అభ్యర్థితో పాటు నాయకులని పోలింగ్ కేంద్రంలోకి అనుమతిస్తున్న సీఐ పొన్నూరు భాస్కర్తెలుగుదేశం నాయకులు రిగ్గింగ్ చేయడానికి ప్రయత్నిస్తున్నారని చెప్పిన వినిపించుకొని సీఐ పొన్నూరు భాస్కర్వైఎస్సార్‌సీపీ అభ్యర్థితో పాటు కార్యకర్తలని తరిమేస్తున్న పోలీసులుపోలీసులు తెలుగుదేశం నాయకులకు తొత్తులుగా మారారని నిప్పులు చెరుగుతున్న ఓటర్లుచిత్తూరుగుడిపాల మండలంలో దొంగ ఓట్లు వేసేందుకు అధిక సంఖ్యలో మొహరించిన టీడీపీ నాయకులుచిత్తూరు టీడీపీ నాయకుడు కాజూరు బాలాజీ ఆధ్వర్యంలో మొహరించిన టీడీపీ గూండాలుమండలంలోని పోలింగ్ కేంద్రాల వద్ద ఓటర్లను భయాందోళనకు గురి చేస్తున్న టీడీపీ అల్లరి మూకలుగుడిపాల మండలంలో అదుపుతప్పిన శాంతిభద్రతలుఏమాత్రం పట్టించుకోని ఎన్నికల అధికారులుబయట ప్రాంతాల వ్యక్తులతో పోలింగ్ కేంద్రాల్లో రిగ్గింగ్కాకినాడ జిల్లాకాకినాడజగ్గంపేటలో ఎన్నిక కోడ్ ఉల్లఘించిన టీడీపీఎన్నికల వేళ టీడీపీ టీష్టరులు, ప్లకార్డులతో బహిరంగ ప్రచారంటీడీపీకి ఓటు వెయ్యాలంటూ కార్యకర్తల ప్రచారంసెక్షన్ 144 అమలులో ఉన్నా... టీడీపీ ప్రచారంపై పోలీసుల ప్రేక్షక పాత్రకళ్యాణదుర్గంకళ్యాణదుర్గం నియోజకవర్గం సెట్టూరు మండల కేంద్రం, చింతర్ల పల్లి, కనుకూరు గ్రామాలలో ఎమ్మెల్యే అమిలినేని సురేంద్రబాబు తనయుడు యశ్వంత్ హల్ చల్వైఎస్సార్‌సీపీ ఏజెంట్లను బెదిరించేందుకు యత్నం తిరగబడిన వైఎస్సార్‌సీపీ ఏజెంట్లపై అనుచరులతో దాడివైఎస్సార్‌సీపీ ఏజెంట్లు, టీడీపీ ఏజెంట్ల మధ్య వాగ్వాదం తోపులాటఆయా గ్రామాలలో గంటలపాటు ఉద్రిక్తతప్రశాంతంగా ఉన్న పల్లెల్లో ప్రజల మధ్య చిచ్చు పెడుతున్న ఎమ్మెల్యే కుటుంబ సభ్యులుఎన్నికలు ఏకపక్షం చేసుకునేందుకు అనుచరులతో భౌతిక దాడులకు యత్నంసమస్యాత్మక గ్రామాలలో సైతం కూడా ఇద్దరు పోలీసులను నియమించిన పోలీసు ఉన్నతాధికారులుపలుచోట్ల సీసీ కెమెరాలు కూడా ఏర్పాటు చేయని వైనంఏలూరు జిల్లా• మొత్తం ఏలూరు జిల్లా సమగ్ర పోలింగ్ (1:00 PM సమయానికి): 43.74%• పెదవేగి మండలంలో అత్యధికంగా 54.77% పోలింగ్ నమోదు• భీమడోలు మండలంలో అత్యల్పంగా 27.33% పోలింగ్ నమోదు• లింగపాలెం మండలంలో 53.94% రికార్డు స్థాయి పోలింగ్• నిడమర్రు మండలంలో 49.84% పోలింగ్ నమోదు• మండవల్లి మండలంలో 49.39% పోలింగ్ నమోదు• అగిరిపల్లి మండలంలో 48.97% పోలింగ్ నమోదు• చింతలపూడి మండలంలో 48.91% పోలింగ్ నమోదు• దెందులూరు మండలంలో 48.71% పోలింగ్ నమోదు• ముదినేపల్లి మండలంలో 48.64% పోలింగ్ నమోదు• ముసునూరు మండలంలో 47.59% పోలింగ్ నమోదు• ఉంగుటూరు మండలంలో 46.51% పోలింగ్ నమోదు• కలిదిండి మండలంలో 46.24% పోలింగ్ నమోదు• ఏలూరు మండలంలో 46.35% పోలింగ్ నమోదు• జంగారెడ్డిగూడెం మండలంలో 45.17% పోలింగ్ నమోదు• ద్వారకా తిరుమల మండలంలో 42.19% పోలింగ్ నమోదు• పెదపాడు మండలంలో 41.08% పోలింగ్ నమోదు• కొయ్యలగూడెం మండలంలో 40.70% పోలింగ్ నమోదు• నూజివీడు మండలంలో 39.97% పోలింగ్ నమోదు• కుక్కునూరు మండలంలో 38.49% పోలింగ్ నమోదు• కైకలూరు మండలంలో 38.35% పోలింగ్ నమోదు• టి.నరసాపురం మండలంలో 36.81% పోలింగ్ నమోదు• చాట్రాయి మండలంలో 34.71% పోలింగ్ నమోదు• కామవరపుకోట మండలంలో 32.07% పోలింగ్ నమోదు• మొత్తం ఓటర్లు: 11,62,523 1:00 PM నాటికి ఓటేసినవారు: 5,08,545 (పురుషులు: 2,53,289 | మహిళలు: 2,55,256)ప్రకాశం జిల్లాప్రకాశం జిల్లా కొండేపి నియోజకవర్గం కొలిజేడు పోలింగ్ కేంద్రం వద్ద ఉద్రిక్తతపోలింగ్ కేంద్రంలోకి రాకుండా వైఎస్సార్‌సీపీ ఏజెంట్లను అడ్డుకున్న టీడీపీ నేతలుపోలింగ్ కేంద్రం దగ్గరకు వెళ్లిన వైఎస్సార్‌సీపీ మాజీ ఎమ్మెల్యే ఆదిమూలపు సురేష్కృష్ణాజిల్లాకృత్తివెన్ను మండలంలో ఎన్నికల పోలింగ్‌కు వర్షం ఆటంకంమాట్లం పోలింగ్ బూత్‌లో గొడుగు వేసుకుని వర్షంలో కూడా క్యూ లైన్‌లో నుంచుని ఓట్లు వేయడానికి వెళుతున్న ఓటర్లునెల్లూరు జిల్లానెల్లూరు జిల్లా వెంకటాచలం మండల కేంద్రంలో వైఎస్సార్‌సీపీ సానుభూతిపరులపై దాడిఓటు వేసేందుకు వెళ్లిన మస్తాన్‌పై దాడికి యత్నించిన టీడీపీ వర్గీయులుదాడి నుంచి తప్పించుకునేందుకు పోలీస్ స్టేషన్‌లోకి పరుగులు తీసిన మస్తాన్అదే సమయంలో అటుగా వస్తున్న వైఎస్సార్‌సీపీ సానుభూతిపరుడు మందల పెంచలరావుపై మూకుమ్మడి దాడిటీడీపీ వర్గీయుల దాడిలో గాయపడిన మందల పెంచలరావుఈ ఘటనతో వెంకటాచలం మండల కేంద్రంలో కొద్దిసేపు ఉద్రిక్త వాతావరణంగాయపడిన పెంచలరావును, మస్తాన్‌ను పోలీస్ స్టేషన్‌కి తరలిపువిజయవాడస్టేట్ ఎలక్షన్ కమిషనర్ కార్యాలయం వద్దకు వైఎస్సార్‌సీపీ నేతలుజడ్పీటీసీ, ఎంపీటీసీ ఎన్నికల్లో కూటమినేతల ఆగడాలు అఘాయిత్యాలు, పోలీసులు వ్యవహరించిన తీరుపై ఫిర్యాదు చేయనున్న వైఎస్సార్‌సీపీ నేతలుఎస్‌ఈసీకి వచ్చిన ఎమ్మెల్సీ అప్పిరెడ్డి, మాజీ ఎమ్మెల్యే సుధాకర్ బాబు, వైఎస్సార్‌సీపీ నేతలు నారాయణమూర్తి, చంద్రశేఖర్ రెడ్డికర్నూలు జిల్లా... పోలీస్ వాహనాన్ని అడ్డుకున్న గ్రామస్తులు..పత్తికొండ మండలం హోసూరులో ఉద్రిక్తతస్థానిక ప్రజలపై లాఠీఛార్జి చేసిన సీఐ జయన్న వైఎస్సార్‌సీపీ నేత బనగాని శ్రీనివాసులను బలవంతంగా పోలీస్ స్టేషన్ తరలించేందుకు ప్రయత్నంపోలీస్ వాహనాన్ని అడ్డుకున్న గ్రామస్తులు..కారణం లేకుండా ఎందుకు అరెస్టు చేస్తారని పోలీసులతో వాగ్వాదానికి దిగిన గ్రామస్తులువైఎస్సార్‌సీపీ కార్యకర్తలు, గ్రామస్తులపై పోలీసుల లాఠీచార్జ్ ప్రజలు తిరగబడ్డంతో వైఎస్సార్‌సీపీ నేత శ్రీనును వదిలిపెట్టిన పోలీసులుచిత్తూరు..వీ.కోట పట్టణంలోని పోలింగ్ కేంద్రంలో ఉద్రిక్తత..వీ.కోటలో ఓటు వేయడానికి వెళ్లిన ఎన్టీవీ రిపోర్టర్‌పై సీఐ సోమశేఖర్ రెడ్డి దౌర్జన్యం.. ఆపై దాడికి యత్నం!ఓటు వేయడానికి వేచి ఉన్న సమయంలో కుప్పం రిపోర్టర్ అక్రమ్‌పై దౌర్జన్యంఓటు వేయడానికి వచ్చానని చెబుతున్న వినకుండా రెచ్చిపోయిన వీ.కోట సీఐ..పోలీసులు, టీడీపీ కలిసి పులివెందులలో అరాచక పర్వంవైఎస్సార్ జిల్లా.. పులివెందులలో మొత్తం పోలింగ్ బూత్‌లను ఆక్రమించిన టీడీపీ మూకలుపులివెందుల, వేముల, వేంపల్లి, లింగాల జడ్పీటీసీ స్థానాల్లో ఎన్నికలుఉదయం నుంచి అరాచకం సృష్టించిన టీడీపీ గూండాలుబీటెక్ బంధువులు, టీడీపీ మూకలు కలిసి అరాచకం!ప్రతి బూత్ నుంచీ వైఎస్సార్‌సీపీ ఏజెంటును లాగేసిన టీడీపీ మూకలుపూర్తిగా పోలీసుల సహకారంతో ఏజెంట్లను అడ్డుకున్న వైనంఓటర్లు రాకుండా పోలింగ్ కేంద్రాలకు తాళం వేసిన టీడీపీ గూండాలుపెట్రోల్ బాంబులతో స్వైర విహారం చేసిన టీడీపీ మూకలుఉదయం 11 గంటలకే దాదాపు 50 శాతం పోలింగ్ఉదయం 5 గంటలకే బూత్‌ ల్లోకి దూరి రిగ్గింగ్ చేసుకుంటున్న మూకలుటీడీపీ దాడుల్లో విలేకరులు, ఓటర్లకు గాయాలుఅనంతపురం: రిగ్గింగ్ చేయిస్తూ పట్టుబడ్డ కూడేరు సీఐ రాజునిలదీసిన మరుట్ల గ్రామస్తులుసమాధానం చెప్పలేక నీళ్లు నమిలిన సీఐ రాజుమంత్రి పయ్యావుల కేశవ్‌కు తొత్తులుగా పనిచేస్తున్నారని ఆగ్రహంపక్క ఊరి నుంచి వచ్చిన టీడీపీ గూండాల అరాచకాం..పెద్దముడియంలోని బూత్ నంబర్ 32,33 వద్ద ఉద్రిక్తతవైఎస్సార్‌సీపీ ఎంపీటీసీ అభ్యర్థి అరవ భాస్కర్ బాబు, జెడ్పీటీసీ అభ్యర్థి అరవ శ్రీకళపై దాడి..మహిళ అని కూడా చూడకుండా దాడికి తెగబడిన టీడీపీ గూండాలు మమల్ని చంపేయండి.. పోలీసులపై వైఎస్సార్‌సీపీ నాయకుడు జంపాని రాఘవులు ఆగ్రహం!నెల్లూరు జిల్లా, కావలిరాజ్యాంగాన్ని కూని చేస్తున్న చెంచుగానిపాలెం టీడీపీ నేతలు..చెంచుగానిపాలెం ఎంపీటీసీ, జడ్పీటీసీ ఎన్నికల్లో రిగ్గింగ్ కలకలంఅడ్డుకున్న జంపాని రాఘవులు..పోలీస్ సహకారాలతో రిగ్గింగ్‌కు పాల్పడుతున్న కూటమి నేతలు..ప్రశ్నించిన రాఘవులు మీద కేసులు పెడతామంటూ బెదిరింపులు.. నంద్యాల జిల్లా...ప్రాతకోట పోలింగ్ కేంద్రం వద్ద ఉద్రిక్తత..వైఎస్సార్‌సీపీ ఏజంట్లకు టీడీపీ నేతల మధ్య వాగ్వాదంరిలీవర్ ఏజంట్లను లోపలికి పంపకుండ అడ్డుకుంటున్న పోలీసులు.కర్నూలు జిల్లా ....కర్నూలు మండలం టిడిపి పార్టీ నేతలు ప్రలోభాలుమండలంలోని నందనపల్లె ఎంపిటిసి అభ్యర్థి నాగరాజు డబ్బుల పంపిణీఓటు వేసేందుకు వచ్చిన ఓటర్లు కు డబ్బులు అందిస్తున్న టిడిపి నేతలుదొంగ ఓట్లు వేసేందుకు ఎన్నికల సిరా ను హైపో ద్రవం తో తుడిచి ఓట్లు వేస్తున్న టిడిపి నేతలు .. తాడేపల్లి : సీఎం సీట్లో కూర్చున్న చంద్రబాబు వ్యవస్థలను దిగజార్చారు..టీజేఆర్ సుధాకర్ బాబు, మాజీ ఎమ్మెల్యే కామెంట్స్..పరిషత్ ఎన్నికలలో టీడీపీ గూండాలు రెచ్చిపోయారుపోలీసు వ్యవస్థ చోద్యం చూస్తూ కూర్చుందిసమస్యాత్మక, అత్యంత సమస్యాత్మక కేంద్రాల్లోనూ సరైన ఏర్పాటు చేయలేదుగతంలో ఎప్పుడూ గొడవలు జరగని చోట కూడా ఘర్షణలు జరుగుతున్నాయిఇతర రాష్ట్రాల నుండి రప్పించిన గూండాలతో దాడులు చేయిస్తున్నారుపార్నపల్లెలో ఎంపీ అవినాష్‌రెడ్డిని డీఎస్పీ మురళినాయక్ ఎలా అడ్డుకుంటారు?టీడీపీ ఎమ్మెల్సీ బీటెక్ రవి పోలింగ్ కేంద్రాల్లో కూర్చుని రిగ్గింగ్ చేశారువైఎస్సార్, అనంతపురం, కర్నూలు, తిరుపతి జిల్లాల్లో మంత్రులు, ఎమ్మెల్యేలే పోలింగ్ కేంద్రాలను ఆక్రమించారుఅలాంటప్పుడు ఇక ఎన్నికలను జరపటం ఎందుకు?గ్రామాలలో పెట్రోలు బాంబుల సంస్కృతిని తెచ్చారు..అసలు రాష్ట్రంలో ప్రజాస్వామ్యం బతికుందా?పోలీసులు టీడీపీ కార్యకర్తల కంటే దారుణంగా వ్యవహరిస్తున్నారు!పోస్టింగులు, ట్రాన్సఫర్ల కోసం టీడీపీ నేతలు చెప్పినట్టు ఆడుతున్నారు..సీఎం సీట్లో కూర్చున్న చంద్రబాబు వ్యవస్థలను దిగజార్చారు..ఇక తనకు అధికారం రాదని తెలిసి ఇలా రెచ్చిపోతున్నారుఅన్ని ఆటంకాలను ఎదుర్కొని మా పార్టీ కార్యకర్తలు వీరోచితంగా పోరాడుతున్నారు..మహిళలు సైతం కొంగు బిగించి పోరాటం చేస్తున్నారు..ప్రశాంతంగా ఎన్నికలు జరిపించే దమ్ము చంద్రబాబుకు లేదు.ఎస్ఈసీ, పోలీసు వ్యవస్థను అడ్డం పెట్టి దౌర్జన్యాలు, దాడులతో ఎన్నికల్లో గెలవాలని చూస్తున్నారు.. ఎంపీటీసీ, జడ్పీటీసీ ఎన్నికల వేళ పోలీసుల దూకుడు..పెనుకొండ నియోజకవర్గం గోరంట్ల మండలంమంత్రి సవిత ఇలాకాలో వైఎస్సార్‌సీపీ నాయకుల ఇళ్లపై గోరంట్ల సీఐ శేఖర్ దాడులు..మహిళలను సైతం బూతులు తిడుతూ మానసికంగా వేధించిన సీఐ శేఖర్..రైల్వే కోడూరులో దొంగ ఓట‌ర్లు..రెడ్‌హ్యాండెడ్‌గా ప‌ట్టుకున్న వైఎస్సార్‌సీపీ శ్రేణులుజెడ్పీటీసీ, ఎంపీటీసీ ఎన్నికల సందర్భంగా సిటీలు, టౌన్ల నుంచి దొంగ ఓట‌ర్ల‌ను త‌ర‌లిస్తున్న టీడీపీదొంగ ఓట‌ర్ల‌ను త‌ర‌లిస్తున్న వ్యాన్‌ల‌ను మార్గ‌మ‌ధ్య‌లోనే గుర్తించిన వైఎస్సార్‌సీపీ శ్రేణులు..కృష్ణాజిల్లా...మచిలీపట్నం సౌత్ మండలం కోన గ్రామం..ఎన్నికల బూత్ వద్ద బరితెగించిన టీడీపీ నేతలుఓట్లు వేయడానికి వెళుతున్న ప్రజలను అడ్డుకుంటున్న వైఖరి..పసుపు కండువాలు, చొక్కాలు ధరించి ప్రలోభాలకు గురి చేస్తున్న తీరుచోద్యం చూస్తున్న అధికారులుశ్రీకాకుళం: టీడీపీ ఎమ్మెల్యే శంకర్ బరితెగింపు..కిష్టప్పపేట పోలింగ్ బూత్ దగ్గర ఎమ్మెల్యే హల్‌చల్వైఎస్సార్‌సీపీ నేత నరసింగరావుపై దాడిఅడ్డుకోబోయిన మరో వ్యక్తిపైనా దాడిచేసిన ఎమ్మెల్యే శంకర్వైఎస్సార్‌సీపీ కార్యకర్తలపై టీడీపీ గూండాల రాళ్ల దాడి పల్నాడు జిల్లా గురజాల నియోజకవర్గం మాచవరం మండలం..పిల్లుట్ల గ్రామం నందు 10.30 నిమిషాలకే ఓటింగ్ పర్సంటేజ్ లేదంటూ టీడీపీ నాయకుల దౌర్జన్యం..ఓట్లు వేయటానికి అవకాశం లేదంటూ ఓటర్లను వెళ్లిపోవాలని బెదిరిస్తున్న వైనం అనంతపురం: ఉరవకొండ నియోజకవర్గంలో తీవ్ర ఉద్రిక్తతకూడేరు మండలం మరుట్లలో టీడీపీ నేతల రిగ్గింగ్ఆగ్రహంతో బ్యాలెట్ బాక్సు ఎత్తుకెళ్లిన స్థానికులుబ్యాలెట్ పేపర్లు చించేసిన ఓటర్లుకూడేరు సీఐ రాజు స్వయంగా రిగ్గింగ్ చేయించారని ఆరోపణలు పోలీసుల సమక్షంలో రిగ్గింగ్ జరగటం దారుణం..తిరుపతి జిల్లా.. పెనగలూరు మండలం ఓబిలి బూత్వైఎస్సార్‌సీపీ ఏజెంట్లను బయటికి లాగేసి రిగ్గించేస్తున్న కూటమి నాయకులువైఎస్సార్‌సీపీ ఏజెంట్లను అనుమతించని ఎన్నికల అధికారులు, పోలీసులు వైఎస్సార్‌సీపీ ఎంపీటీసీ అభ్యర్థి రుప్ప దివ్యపై దురుసుగా ప్రవర్తించిన ఎమ్మెల్యే గొండు శంకర్క్యూ లైన్‌లో ఓటర్లను ఎమ్మెల్యే ప్రలోభ పెడుతుండడంపై ప్రశ్నించిన దివ్యపోలింగ్ బూత్ దాటి బయటకు రాలేవంటూ ఎమ్మెల్యే వార్నింగ్శంకర్ దురుసు ప్రవర్తనపై ముక్కును వేలేసుకుంటున్న సొంత గ్రామం మహిళలుకిష్టప్ప పేటలో గొడవలు రేపేందుకు ప్రయత్నిస్తున్న ఎమ్మెల్యే కుటుంబందీటుగా ఎదుర్కొంటున్న ప్రతిపక్ష వైఎస్సార్‌సీపీ శ్రేణులుటీడీపీ ఎమ్మెల్యే అమిలినేని సురేంద్రబాబు తనయుడు యశ్వంత్ హల్‌చల్..అనంతపురం : కళ్యాణదుర్గం నియోజకవర్గం సెట్టూరు మండల కేంద్రం..వైఎస్సార్‌సీపీ ఏజెంట్లను బెదిరించేందుకు యత్నంతిరగబడిన వైఎస్సార్‌సీపీ ఏజెంట్లపై అనుచరులతో దాడి..వైఎస్సార్‌సీపీ ఏజెంట్లు, టీడీపీ ఏజెంట్ల మధ్య వాగ్వాదం తోపులాటఆయా గ్రామాలలో గంటలపాటు ఉద్రిక్తతప్రశాంతంగా ఉన్న పల్లెల్లో ప్రజల మధ్య చిచ్చు పెడుతున్న టీడీపీ ఎమ్మెల్యే కుటుంబ సభ్యులుఎన్నికలు ఏకపక్షం చేసుకునేందుకు అనుచరులతో భౌతిక దాడులకు యత్నంసమస్యాత్మక గ్రామాలలో కూడా ఇద్దరు పోలీసులను మాత్రమే నియమించిన పోలీసు ఉన్నతాధికారులుపలుచోట్ల సీసీ కెమెరాలు కూడా ఏర్పాటుచేయని వైనంఏలూరు జిల్లా.. నూజివీడు నియోజకవర్గంలో ఉద్రిక్తతఆగిరిపల్లి నరసింహారావుపాలెం గ్రామంలో ఓటు విషయంలో ఘర్షణవృద్ధురాలు ఓటు వేసే క్రమంలో ఇరువర్గాల మధ్య వాగ్వాదంపోలింగ్ కేంద్రం వద్ద కొద్దిసేపు నెలకొన్న ఉద్రిక్త వాతావరణంఘర్షణతో అప్రమత్తమైన పోలింగ్ సిబ్బంది, అధికారులు ఎన్టీఆర్ జిల్లా:విస్సన్నపేట మండలం కలగరలో ఎన్నికల వేళ ఉద్రిక్తతజడ్పీ హైస్కూల్ పోలింగ్ కేంద్రంలో ఏజెంటును నెట్టేసిన టీడీపీ నాయకడువైఎస్సార్‌సీపీ నాయకులతో టీడీపీ శ్రేణుల వాగ్వాదం..పోలింగ్ కేంద్రం వద్ద ఒక్కసారిగా నెలకొన్న ఉద్రిక్త పరిస్థితులుటీడీపీ నాయకుల తీరుతో పోలింగ్ కేంద్రం వద్ద గందరగోళంపరిస్థితిని అదుపులోకి తెచ్చేందుకు పోలీసుల యత్నం..శైలజానాథ్‌ను అడ్డుకున్న పోలీసులుఅనంతపురం:మాజీ మంత్రి శైలజానాథ్‌ను అడ్డుకున్న పోలీసులుశింగనమల నియోజకవర్గంలో జరుగుతున్న టీడీపీ నేతల అరాచకాలుపోలింగ్ ఏజెంట్లను బయటకు పంపి రిగ్గింగ్ చేస్తున్న టీడీపీ నేతలుఫిర్యాదు చేసేందుకు ఎస్పీ ఆఫీసుకు బయలుదేరిన శైలజానాత్‌ను అడ్డుకున్న పోలీసులుపోలీసులతో మాజీ మంత్రి శైలజానాథ్ వాగ్వాదంఅనంతపురం ఎస్పీ కార్యాలయంలో బైఠాయించిన శైలజానాథ్టీడీపీ గూండాగిరి..ఏలూరు జిల్లాలో టీడీపీ గూండాగిరివైఎస్సార్‌సీపీ ఏజెంట్లను అడ్డుకున్న టీడీపీ గూండాలు.ఆర్వో అనుమతించినా కుదరదన్న టీడీపీ రౌడీలు.టీడీపీ ఏజెంట్లతోనే పోలింగ్‌ నిర్వహిస్తున్న అధికారులు.టీడీపీ గూండాల హల్‌చల్‌..ధూళిపాళ్ల పోలింగ్‌ బూత్‌లో టీడీపీ గూండాల హల్‌చల్‌.బూత్‌ క్యాప్చర్‌ చేయడానికి ప్రయత్నిస్తున్న టీడీపీ గూండాలు.ఏజెంట్లకు, టీడీపీ గూండాలకు మధ్య పెద్ద ఎత్తున వాగ్వాదం. శ్రీ సత్యసాయి జిల్లా.. కదిరిలో టీడీపీ నేతల దౌర్జన్యం!దొంగ ఓట్లు వేస్తున్న టీడీపీ నేతలుపోలీసులతో వైఎస్సార్‌సీపీ పార్టీ జెడ్పీటీసీ అభ్యర్థి వజ్రా భాస్కర్ రెడ్డి వాగ్వాదంటీడీపీ స్థానికేతరులను ఎలా అనుమతిస్తారని ధ్వజంకర్నూలు జిల్లా..పోలింగ్ స్టేషన్లలో ఉండాల్సిన ఏజెంట్లు పోలీసుల అదుపులో ఉన్నారు..పోలింగ్ ముందు రోజు నుండే వైఎస్సార్‌సీపీ ఏజెంట్లను అదుపులోకి తీసుకున్న పోలీసులుపోలింగ్ స్టేషన్‌కు వెళితే పీడీ యాక్ట్ పెడతామంటూ బెదిరింపులువైఎస్సార్‌సీపీ ఏజెంట్లను పోలీస్ స్టేషన్‌కు పిలిపించి ఎక్కడికి వెళ్ళకుండా ఆంక్షలు..క్రిష్ణగిరిలో జరుగుతున్న ఎన్నికల తీరుపై విస్మయం వ్యక్తం చేస్తున్న ఓటర్లు .. నంద్యాలలో వైఎస్సార్‌సీపీ మాజీ ఎమ్మెల్యేలు శిల్పా చక్రపాణి రెడ్డి , శిల్పా రవిచంద్ర కిశోర్ రెడ్డి హౌస్ అరెస్ట్టీడీపీ నేతలు యథేచ్ఛగా పోలింగ్ కేంద్రాల వద్ద మంది మార్బలంతో హల్‌చల్!నియోజకవర్గంలో కాన్వాయ్‌లతో హల్‌చల్ చేస్తున్న ఆళ్లగడ్డ టీడీపీ నాయకుడు భూమ విఖ్యాత్ రెడ్డివైఎస్సార్‌సీపీ మండల నాయకులపై అక్రమ కేసులు పెట్టి పోలీస్ స్టేషన్‌లలో పెట్టిన వైనం..తారతమ్యం చూపుతున్న పోలీసులపై మండిపడుతున్న వైఎస్సార్‌సీపీ నేతలు.. కృష్ణాజిల్లాలో ఉదయం 9.00 గంటల వరకునమోదైన పోలింగ్ శాతం 15.75%విజయవాడ జడ్పీటీసీ, ఎంపీటీసీ ఎన్నికల్లో 7 గంటల నుండి 9 గంటలవరకు 4.8శాతం పోలైన ఓట్లు.. సీఎం చంద్రబాబు ప్రాతినిధ్యం వహిస్తున్న కుప్పం నియోజకవర్గంలో కొనసాగుతున్న దౌర్జన్యకాండ..రామకుప్ప మండలం బందార్లపల్లి పంచాయతీ బూత్ నెంబర్ 14, 15..కంచి దాసనపల్లి, లింగాపురం, వైఎస్సార్‌సీపీ తరఫున ఏజెంట్లుగా వెళ్లిన మహేష్, సోమశేఖర్..ఇద్దరినీ టీడీపీ గూండాలు అడ్డుకోవడంతో వాగ్వాదంబలవంతంగా పోలింగ్ బూత్ నుండి బయటికి పంపిన టీడీపీ గూండాలుమార్కాపురం.. కనిగిరిజడ్పీటీసీ ఎంపీటీసీ ఎన్నికల సందర్భంగా వైఎస్సార్‌సీపీ నేతల ముందస్తు అరెస్టులు..వైఎస్సార్‌సీపీ నేత మాజీ ఎమ్మెల్యే కదిరి బాబురావు హౌస్ అరెస్టు..ఎన్నికల ప్రక్రియ పూర్తయ్యే వరకు ఇంటి నుంచి బయటకు రాకూడదని సీఎస్ పురం పోలీసులు నోటీసులు..విశాఖ జిల్లా..MPTC/ZPTC ఎన్నికల్లో కొనసాగుతున్న పోలింగ్..విశాఖ జిల్లాలో రెండు గంటల్లో 14.83 శాతం పోలింగ్ నమోదు..క్యూ లైన్‌లో బారులు తీరిన ఓటర్లు..విశాఖ జిల్లా..MPTC/ZPTC ఎన్నికల్లో కొనసాగుతున్న పోలింగ్..విశాఖ జిల్లాలో రెండు గంటల్లో 14.83 శాతం పోలింగ్ నమోదు..క్యూ లైన్‌లో బారులు తీరిన ఓటర్లు..చిత్తూరు జిల్లా..కుప్పం నియోజకవర్గంలో ప్రజాస్వామ్యం ఖూనీ..శాంతిపురం మండలంలోని శివరామపురం గ్రామంలో అల్లర్లు..మాజీ వైస్ ఎంపీపీ రమేష్‌ను పోలీసులు అదుపులోకి తీసుకున్నట్లు సమాచారం..ఎన్నికల రోజు వైఎస్సార్‌సీపీ నేత రమేష్‌ను అదుపులోకి తీసుకోవడంపై మండిపడిన నేతలువైఎస్సార్‌సీపీ అభ్యర్థులను, ఏజెంట్లను అదుపులోకి తీసుకొని భయబ్రాంతులకు గురి చేస్తున్న పోలీసులు..టీడీపీ అరాచకం.. పెట్రోల్‌ బాంబుల దాడి..రైల్వేకోడూరు నియోజకవర్గంలో రణరంగం..పెట్రోల్‌ బాంబులతో విరుచుకుపడిన టీడీపీ గూండాలుపెనగలూరు మండలం నల్లపురెడ్డిపల్లిలో టీడీపీ రౌడీల బీభత్సం!పోలీసుల సమక్షంలోనే పెట్రోల్‌ బాంబులతో రౌడీల దాడులు..టీడీపీ గూండాల దాడిలో వైఎస్సార్‌సీపీ కార్యకర్తలకు గాయాలు శ్రీకాకుళం.. టెక్కలిలో వైఎస్సార్‌సీపీ కార్యకర్తలే టార్గెట్‌గా పోలీసుల చర్యలు..సీఐ విజయ్ కుమార్ అత్యుత్సాహంపై వైఎస్సార్‌సీపీ శ్రేణుల ఆగ్రహం!వైఎస్సార్‌సీపీ అభ్యర్థి ఉషారాణి కుమారుడు పృథ్వీని అదుపులోకి తీసుకుంటున్న పోలీసులు..బలవంతంగా పోలీస్ స్టేషన్‌కు తరలిస్తున్నారంటూ వైఎస్సార్‌సీపీ శ్రేణుల ఆందోళనటెక్కలిలో మాజీ ఎంపీటీసీ శ్రీధర్ రెడ్డిని అదుపులోకి తీసుకున్న పోలీసులువరుసగా వైఎస్సార్‌సీపీ నేతలు, కార్యకర్తలను అదుపులోకి తీసుకుంటున్న తీరుపలుచోట్ల వైఎస్సార్‌సీపీ ఏజెంట్ల ఫామ్ చింపి వేస్తున్న టీడీపీ గూండాలుఅన్నమయ్య జిల్లా...పుంగనూరు నియోజకవర్గంలో కొనసాగుతున్న టీడీపీ నేతలు దౌర్జన్యంచౌడేపల్లి మండలం చారాల పోలింగ్ కేంద్రంలోకి వైఎస్సార్‌సీపీ ఏజంట్లను రానివ్వడం లేదని నిరసనపోలింగ్ కేంద్రం వద్ద నిరసన తెలుపుతున్న వైఎస్సార్‌సీపీ పార్టీ ఏజెంట్లు, నాయకులు.. కుప్పం నియోజకవర్గంలో అప్రజాస్వామికంగా స్థానిక సంస్థలు ఎన్నికలు..సీఎం ఇలాకాలో రెచ్చిపోతున్న టీడీపీ గూండాలురామకుప్పం మండలం బొమ్మనపల్లి గ్రామంలో పోలీసు అధికారుల దైర్జన్యం..ఏజెంట్లను అక్రమంగా అరెస్టు చేస్తున్న వైనంఏలూరు జిల్లా ..నూజివీడు మండలం గొల్లపల్లి పీహెచ్‌సీ సమీపంలోని పాఠశాల పోలింగ్ బూత్‌లో నిలిచిపోయిన ఓటింగ్..స్టాంప్ ప్యాడ్ అందుబాటులో లేక పోలింగ్ ప్రక్రియకు అంతరాయం..ఓటు వేసేందుకు వచ్చిన ఓటర్లు నిరీక్షణతో ఇబ్బందులు..వెంటనే స్టాంప్ ప్యాడ్ ఏర్పాటు చేసి ఓటింగ్ ప్రారంభించాలని ఓటర్ల డిమాండ్.. అనకాపల్లి (మం) రోంగనివాని పాలెంలో ఎన్నికలు బహిష్కరించిన గ్రామస్తులు..రిజర్వేషన్లు మారిపోవడంతో ఓటింగ్‌కు దూరమైన ఓటర్లు..పోలింగ్ ప్రారంభించేందుకు స్థానికులతో చర్చిస్తున్న సిబ్బంది..కడప జిల్లా..అధికారాన్ని అడ్డంపెట్టుకొని, పోలీసుల సమక్షంలో.. ఓట్లు గుద్దుకుంటున్న కూటమి నాయకులు..పెద్దముడియం మండలం జై. కొట్టాలపల్లిలో టీడీపీ మూకల మోహరింపు..ఎంపీపీ స్కూల్‌లో పోలింగ్ కేంద్రాన్ని చుట్టుముట్టిన టీడీపీ నేతలుఓటు హక్కు వినియోగించుకునేందుకు వచ్చిన ఓటర్లను వెనక్కి పంపుతున్న టీడీపీ గూండాలువారిని దారుణంగా అడ్డుకుంటున్న టీడీపీ మూకలు..వైఎస్సార్‌సీపీ ఏజెంట్స్‌ను బయటకు పంపివేసిన పచ్చ మూకలు, ఆపై దాడికి యత్నం..ఓటు హక్కు వినియోగించుకోకుండా అడ్డుకోవడంపై ఓటర్ల ఆగ్రహం!బయట ఊరి నుంచి వచ్చిన టీడీపీ గూండాలు ఓటర్లను అడ్డుకుంటున పరిస్థితిపోలింగ్ కేంద్రాల వద్ద భారీగా చేరిన టీడీపీ గూండాలుచోద్యం చూస్తున్న పోలీసులు.. తిరుపతి జిల్లా... పోలింగ్ కేంద్రం నిబంధనలకు పాతర..రేణిగుంటలో ఎన్నికల నిబంధనల ఉల్లంఘన..బాలికల ఉన్నత పాఠశాల బూత్ నం. 24 ఎదురుగా టీడీపీ కార్యాలయం తెరిచి హల్‌చల్!పోలింగ్ కేంద్రం సమీపంలోనే జోరుగా టీడీపీ కార్యకలాపాలు..చూసీచూడనట్లు వ్యవహరిస్తున్న అధికారులు..బూత్ నంబర్ 24, 25 వద్ద ఓటర్ల తీవ్ర గందరగోళం..క్షేత్రస్థాయిలో ఓటర్ స్లిప్పులు అందించని బీఎల్‌వోలు​రేణిగుంట. బాలికల, బాలుర ఉన్నత పాఠశాల కేంద్రాల వద్ద ఓటర్ల ఆందోళన!'మా ఓటర్ స్లిప్పులు ఎక్కడ?' అంటూ బీఎల్‌వోలను నిలదీస్తున్న వైనం​రేణిగుంటలో ఓటర్ స్లిప్పులు చేతికందక పోలింగ్ కేంద్రాల వద్ద బారులు తీరిన ఓటర్లు..యంత్రాంగం వైఫల్యంపై ఆగ్రహం!ఎన్నికల కోడ్ ఉల్లంఘనపై అధికారుల నిర్లక్ష్యం..తక్షణమే స్పందించి చర్యలు తీసుకోవాలని స్థానికుల డిమాండ్ఓబులవారిపల్లి మండలం మంగంపేట పునర వాస కాలనీలో కూటమి నాయకులు వైనం..ఎంపీటీసీ అభ్యర్థి మౌనిక పోలింగ్ కేంద్రంలో వెళ్లకుండా అడ్డుకుంటున్న తీరువైఎస్సార్‌సీపీ ఏజెంట్లను పేపర్లు చించేసి.. బయటికి పంపివేతవైఎస్సార్‌సీపీ పార్టీ ఏజెంట్లు లేకపోవడంతో పోలింగ్ బూత్‌లో టీడీపీ గూండాల రిగ్గింగ్..చోద్యం చూస్తున్న పోలీసులు..ప్రకాశం..దర్శి మండలం తానంచింతల గ్రామంలో వైఎస్సార్‌సీపీ ఏజెంట్స్ బయటకు పంపిన తీరు..దారుణంగా రిగ్గింగ్ చేస్తున్న టీడీపీ గూండాలు..పోలింగ్ బూత్‌లలోకి చొరబడ్డ టీడీపీ మూకలు..నరసరావుపేట నుండి వచ్చినటువంటి 100 మంది గూండాలు..కృష్ణాజిల్లా.. గన్నవరం నియోజకవర్గంలో పోలీసులు అత్యుత్సాహం..బాపులపాడు తిప్పనగుంటలో వైఎస్సార్‌సీపీ నేత మూల్పూరు ప్రభుకాంత్ హౌస్ అరెస్ట్ఇంట్లో వంటలు చేస్తున్న గిన్నెల్లో వాటర్ పోసిన పోలీసులు..బైండోవర్ కేసులు పేరుతో వైఎస్సార్‌సీపీ నేత తేలప్రోలు రాముని ఆత్కూరు పోలీస్ స్టేషన్‌కి తరలింపు..నంద్యాల జిల్లా...నెహ్రూనగర్ గ్రామంలో పోలింగ్ బూత్ వద్ద ఎంపీ శబరి అనుచరుడు శ్రీనివాసులు వీరంగం..పోలింగ్ బూత్ వద్ద వైఎస్సార్‌సీపీ నేత మాజీ ఎంపీటీసీ భర్తపై దాడి.. ఏలూరు జిల్లా..నూజివీడు మండలం బోరవంచ గ్రామంలో పోలింగ్ బూత్లను ఆక్రమించే ప్రయత్నం..140, 141 పోలింగ్ బూత్‌లలో ఏజెంట్లు కాకుండా బయట వ్యక్తులు..ఏజెంట్లు కాకుండా ఎక్కువమంది లోపల ఉండటంపై వైఎస్సార్‌సీపీ అభ్యంతరం..పోలింగ్ కేంద్రాల్లోకి అనధికార వ్యక్తులు ఎలా వస్తారంటూ నిలదీసిన వైఎస్సార్‌సీపీ ఏజెంట్లువైఎస్సార్‌సీపీ ఏజెంట్లతో వాగ్వాదానికి దిగిన టీడీపీ ఏజెంట్లు తారుమారు పరిస్థితితో వెనుతిరుగుతున్న ఓటర్లునర్సీపట్నం అనకాపల్లి మాకవరపాలెంలో నిలిచిన పోలింగ్..31,32,31,34 బూత్‌లలో నిలిచిన పోలింగ్..బీఎల్‌ఓ లో పంచిన ఓటరు స్లిప్లు బూత్‌లో ఉన్న లిస్ట్ కు నో మ్యాచ్ంగ్‌విశాఖ..కూటమి ప్రభుత్వానికి షాక్ ఇచ్చిన ఓటర్లు..భీమిలి మండలం రాయానిపేటలో ఎన్నికలు బహిష్కరించిన గ్రామస్తులు.గ్రామానికి కనీస సౌకర్యాలు కల్పించలేదని ఆరోపిస్తున్న ఓటర్లు.రాయానిపేట గ్రామంలో మొత్తం 120 ఓట్లకు గాను ఓటర్లంతా ఎన్నికలకు దూరం.. ఓటు వేసేందుకు స్లిప్పుల ఆధారంగా వెళ్లిన ఓటర్లకు జలక్..అనకాపల్లి జిల్లా, మాకవారి పాలెం మండలంలో పరిస్థితి తలకిందులు..పోలింగ్ కేంద్రాల్లో ఉన్న ఓటర్ జాబితాలకు, ఓటర్లకు ఇచ్చిన స్లిప్పులకు తేడాలు..స్లిప్పుల్లో ఉన్న పోలింగ్ కేంద్రాలకు వెళితే.. లేని ఓటరు పేర్లు!పాత జాబితాల ఆధారంగా స్లిప్పులు పంపిణీ చేసిన బిల్ ఓలుఓట్లు వేసేందుకు కొత్త జాబితాల్లో స్లిప్పుల కోసం ఓటర్ల పరుగులుఎన్నికల అధికారులు పట్టించుకోవడం లేదని ఆరోపిస్తున్న ఓటర్లునంద్యాల జిల్లా..నందికొట్కూరు నియోజకవర్గంలో బరితెగిస్తున్న టీడీపీ..గ్రామాల్లో ఎక్కడికక్కడ వైఎస్సార్‌సీపీ నేతల అరెస్ట్..వారిని నందికొట్కూరు రూరల్ స్టేషన్‌లో పెట్టిన పోలీసులు..జడ్పీటీసీ,ఎంపీటీసీ ఎన్నికల్లో టీడీపీకి వన్ సైడ్ చేయాలంటూ వైఎస్సార్‌సీపీ నేతలపై పోలీసుల వేధింపులు..మిడుతూరు, జూపాడుబంగ్లా మండల వైఎస్సార్‌సీపీ నేతలు శివరామిరెడ్డి, క్రిష్ణ రెడ్డి, రామిరెడ్డి రెడ్డి, రమణ, మస్తాన్, రంగస్వామి, శివ, అన్వర్‌లను పోలీస్ స్టేషన్‌లో ఉంచిన పోలీసులు..వైయస్సార్ జిల్లా..లింగాల మండలం ఇప్పట్లలో టీడీపీ మూకల దాష్టీకం..సాక్షి విలేకరి పుల్లారెడ్డిపై దాడి.. కర్రలతో దాడికి దిగిన మూకలు..జడ్పీటీసీ వైఎస్సార్‌సీపీ అభ్యర్థి శ్రీదేవి, ఇండిపెండెంట్ అభ్యర్థి సురేఖపై కూడా దాడిమహిళా అభ్యర్థులపై దాడి చేసి వారి మెడలో బంగారం లాక్కునే ప్రయత్నంతీవ్ర గాయాలతో అభ్యర్థులు, విలేకరి..ఏ ఒక్క ఏజెంట్‌ను బూత​్‌లోకి వెళ్లకుండా అడ్డగింత...అన్నమయ్య జిల్లా..పుంగునూరు నియోజకవర్గంలో కొనసాగుతున్న టీడీపీ నేతల గూండాగిరిరొంపిచర్ల గ్రామపంచాయతీలో పోలింగ్ బూత్‌లో వైఎస్సార్‌సీపీ ఏజెంట్లను అడ్డుకుంటున్న టీడీపీ నాయకులుప్రేక్షకపాత్ర పోషిస్తున్న పోలీసులు, పోలింగ్ అధికారులు...చేజర్లలో బరితెగించిన కూటమినేతలు..కోటితీర్థంలో వైఎస్సార్‌సీపీ ఏజెంట్లను పోలింగ్ బూత్‌లోకి రానివ్వని వైనం..ప్రతిపక్ష ఏజెంట్లు లేకపోవడంతో మొదటి గంటలోనే రిగ్గింగ్‌కు పాల్పడుతున్న కూటమి నాయకులు..జిల్లా కలెక్టర్ ఎస్పీ స్పందించాలని వైఎస్సార్‌సీపీ పార్టీ డిమాండ్..వైఎస్సార్ జిల్లాజడ్పీటీసీ ఎన్నికల్లో మళ్లీ అరాచకాలకు పాల్పడుతున్న టీడీపీటీడీపీకి పూర్తిగా సహకరిస్తున్న పోలీసులుగ్రామాల్లో వైఎస్సార్‌సీపీ నాయకులే టార్గెట్‌గా అరెస్టులుపులివెందుల మండలం ఆర్ తుమ్మలపల్లి సర్పంచ్ మహేశ్వర్ రెడ్డి, సుబ్బారెడ్డిల అరెస్ట్నల్లపురెడ్డిపల్లిలో వైఎస్సార్‌సీపీ నాయకుడు ఉమ్మారెడ్డి అరెస్ట్వేములలో పోలింగ్ బూత్‌ల వద్ద రాళ్లు సిద్ధం చేసుకున్న టీడీపీ నేతలుపులివెందుల, వేముల, వేంపల్లి, లింగాల మండలంలో అరాచకానికి స్కెచ్పోలింగ్ బూత్‌ల వద్ద కిరాయి మూకలుఏజెంట్లు, ఓటర్లను అడ్డుకునేందుకు కుట్రటీడీపీ నేతల అరాచకం..అన్నమయ్య జిల్లాలో రెచ్చిపోయిన టీడీపీ నేతలుపుంగనూరు మండలం ఈడిగపల్లిలో వైఎస్సార్‌సీపీ ఏజెంట్లు ఐడీలను లాక్కొని వారిని బయటకు నెట్టివేసిన కూటమి నేతలుచౌడేపల్లి మండలం దుర్గ సముద్రంలో ఏజెంట్ల ఐడీలను లాక్కొని ఇదే తరహాలో బయటకు పంపించిన కూటమి నేతలువైఎస్సార్ జిల్లా..పెద్దముడియం మండలంలో మొదలైన కూటమి నేతల దాడులుభూతపురం గ్రామం వద్ద వైఎస్సార్‌సీపీ నేత కారుపై దాడి చేసి అద్దం పగులగొట్టిన పచ్చ గూండాలుగుండ్లకుంట గ్రామం వద్ద ఎమ్మెల్సీ రామసుబ్బారెడ్డి ఇంటిని చుట్టుముట్టిన పోలీసులునేడు పెద్దముడియం మండలంలో 9 ఎంపీటీసీలకు ఒక జడ్పీటీసీకి జరగనున్న ఎన్నికలుపోలింగ్ మొదలవకముందే దాడులకు పాల్పడుతున్న కూటమి గుండాలుబీజేపీ ఎమ్మెల్యే ఆదినారాయణ రెడ్డి, టీడీపీ జిల్లా అధ్యక్షుడు భూపేష్ ఆధ్వర్యంలో కొనసాగుతున్న దాడులుమొన్న జమ్మలమడుగు మున్సిపాలిటీ ఎన్నికల్లో చేసిన రిగ్గింగ్, ఇప్పుడు పెద్దముడియం మండలంలో అదే తరహాలో చేసేందుకు రంగం సిద్ధం చేసుకున్న కూటమి నాయకులుపెద్దఎత్తున బయటి ప్రాంతాల నుండి రౌడీ మూకలను తరలించి హింసా కాండకు రంగం సిద్ధంనంద్యాల జిల్లా...జూపాడుబంగ్లా (మ) మండ్లెం పోలింగ్ బూత్ వద్ద ఉద్రిక్తత,వైఎస్సార్‌సీపీ ఏజెంట్లను లోపలికి పోనివ్వకుండా అడ్డుకున్న పోలీసులు,ఇదేమీ న్యాయం అంటూ పోలీసుల తీరుపై తిరగబడ్డ జనం..పోలింగ్ బూత్ వద్ద బైఠాయించి నిరసన తెలిపిన ఏజెంట్లు,బలవంతంగా బయటకు పంపేందుకు ప్రయత్నిస్తున్న పోలీసులువైఎస్సార్ జిల్లా..జడ్పీటీసీ ఎన్నికల్లోనూ అరాచకానికి తెరలేపుతున్న టీడీపీవేముల మండలంలో పోలింగ్ కేంద్రాల వద్ద రాళ్లు సిద్ధం చేసిన టీడీపీ నాయకులుఉదయాన్నే పోలింగ్ బూత్‌లను ఆక్రమించుకునేందుకు కిరాయి మూకలను సిద్ధం చేస్తున్న పచ్చ బ్యాచ్‌రాళ్లు, కర్రలు సిద్ధం చేసుకుని ఏజెంట్లు, ఓట్లర్లపై దాడికి సిద్ధంపులివెందుల నియోజకవర్గంలో లింగాల, పులివెందుల, వేముల, వేంపల్లిలో జడ్పీటీసీ ఎన్నికలుఅన్ని మండలాల్లో అదే దాష్టీకానికి సిద్ధమవుతున్న టీడీపీకాసేపట్లో పరిషత్‌ ఎన్నికల పోలింగ్‌ ప్రారంభం.. 582 జడ్పీటీసీ,7,767 ఎంపీటీసీ స్థానాలకు పోలింగ్‌ పోటీలో మొత్తం 20,966 మంది అభ్యర్థులు 2.61 కోట్ల మంది ఓటర్లు.. 31,460 పోలింగ్‌ కేంద్రాలు పోలింగ్‌కు వర్షం బెడద

సాక్షి, వైఎస్సార్‌ జిల్లా: వైఎస్సార్‌ జిల్లాలో టీడీపీ కూటమి అరాచకాలు కొనసాగుతున్నాయి. జిల్లాలోని లింగాలలో వైఎస్సార్‌సీపీ నేతలను అక్రమంగా అరెస్టు చేశారు. డీఐజీ కోయ ప్రవీన్‌ ఆదేశాలతోనే వైఎస్సార్‌సీపీ నేతల ముందస్తు అరెస్టులు జరుగుతున్నట్టు సమాచారం. వైఎస్సార్‌సీపీ నాయకులే టార్గెట్‌గా బైండోవర్‌ కేసులతో పాటు ఇతర కేసులను నమోదు చేస్తున్నారు. ఈ నెల 5న (గురువారం) జరగనున్న ఎంపీటీసీ, జెడ్పీటీసీ ఎన్నికల ఎన్నికల్లోనూ పోలింగ్‌ బూత్‌లను కబ్జా చేసేందుకు కూటమి నేతలు సిద్ధమయ్యారు. పోలింగ్‌ బూత్‌లకి వైఎస్సార్‌సీపీ ఏజంట్లు రాకుండా ఎన్నికలు ఏకపక్షం చేసుకునేందుకు టీడీపీ కుట్రలు చేస్తోంది. తాజాగా జరిగిన మున్సిపాల్‌ ఎన్నికల్లో టీడీపీ కూటమి అడ్డదారులు తొక్కిన విషయం తెలిసిందే.ఇదీ చదవండి: అమెరికా సెనేటర్ అబ్దుల్ ఎల్-సయెద్ వెనుక భారతీయ వైద్యురాలు

తిరుపతి: కూటమి నాయకుల దుర్మార్గాలను నిలదీస్తున్నందుకు అక్రమ కేసులు పెట్టి వైఎస్సార్‌ కాంగ్రెస్‌ పార్టీ రాష్ట్ర కార్యదర్శి కామిరెడ్డి సత్యనారాయణరెడ్డిని నెల్లూరులోని జిల్లా కేంద్ర కారాగారంలో నిర్బంధించారు. అయినప్పటికీ ఆయన వెనక్కి తగ్గలేదు. అక్కడి నుంచే నామినేషన్‌ వేసి పెళ్లకూరు జెడ్పీటీసీ ఎన్నికల బరిలో నిలిచారు. దాంతో ఆయన భార్య కామిరెడ్డి ప్రభావతమ్మ, కుమార్తె కామిరెడ్డి రజిని స్థానిక నాయకులతో కలిసి గత మూడు రోజులుగా విస్త్రృతంగా ఎన్నికల ప్రచారం చేశారు. ఒక పక్క వర్షం, మరో పక్క కామిరెడ్డి జైల్లో ఉన్నాడనే దిగులు... ఏదిఏమైనప్పటికీ అధైర్య పడకుండా గెలుపే లక్ష్యంగా ఇంటింటికీ వెళ్లి కరపత్రాలు అందించారు. వైఎస్సార్‌ కాంగ్రెస్‌ పార్టీ తరఫున జెడ్పీటీసీగా పోటీ చేస్తున్న సత్యనారాయణరెడ్డితో పాటు పాలచ్చూరు, కలవకూరు ఎంపీటీసీ స్థానాలకు పోటీలో ఉన్న పాలూరు రత్నమ్మ, బండి బాలచంద్రను గెలిపించాలని ఓటర్లకు విజ్ఞప్తి చేశారు. గడిచిన నలభైయేళ్లు రాజకీయ ప్రస్థానంలో ఎన్నడూలేని విధంగా కూటమి ప్రభుత్వంలో నాయకులంతా రౌడీలుగా వ్యవహరిస్తున్నారని ఆరోపించారు. ప్రజాస్వామ్యంలో ఎన్నికల నిబంధనలను అమలు చేయాల్సిన పోలీసులు కూటమి రౌడీలకు వత్తాసుగా పలకడం అన్యాయమన్నారు. అధికారాన్ని అడ్డంపెట్టుకొని కూటమి నాయకులు చేస్తున్న దౌర్జన్యాలకు వైఎస్సార్‌ కాంగ్రెస్‌ పార్టీ నాయకులు, కార్యకర్తలు భయపడొద్దని పిలుపునిచ్చారు. ప్రతి ఒక్కరూ ధైర్యంగా ఓటుహక్కు సద్వినియోగం చేసుకోవాలని ఓటర్లు విజ్ఞప్తి చేశారు. ఇదీ చదవండి: ఒక్క ఓటుతో విజయం

శ్రీసత్యసాయి జిల్లా: స్థానిక సంస్థల ఎన్నికల్లో అధికారం అండతో దౌర్జన్యకాండ సాగించిన కూటమి నేతలు...చివరకు ప్రజల మద్దతుతో విజయం సాధించినా...అడ్డుకునే ప్రయత్నం చేశారు. రీకౌంటింగ్‌ పేరుతో తారుమారు చేయాలనుకున్నారు. అయినా ఒక్క ఓటుతో వైఎస్సార్‌సీపీ అభ్యర్థి విజయం సాధించారు. తొలుత 10, ఆతర్వాత 6, మూడోసారి ఒక్కఓటు స్థానిక ప్రభుత్వ మహిళా పాలిటెక్నిక్‌ కళాశాలలో ఏర్పాటు చేసిన కౌంటింగ్‌ కేంద్రంలో మంగళవారం ఉదయం ఓట్ల లెక్కింపు ప్రారంభమైంది. ఆది నుంచీ ఎమ్మెల్యే బాలకృష్ణ పీఏలు దౌర్జన్యం చేస్తూ అధికారులును గుప్పిట్లో పెట్టుకుని ఏకపక్షంగా వ్యవహరించారు. ఈ క్రమంలోనే 12వ వార్డు నుంచి వైఎస్సార్‌సీపీ అభ్యర్థిగా పోటి చేసిన బాబా 10 ఓట్లతో విజయం సాధించారు. దీన్ని జీర్ణించుకోలేని టీడీపీ నాయకులు రీకౌంటింగ్‌కు పట్టుబట్టారు. దీంతో అధికారులు మరోసారి లెక్కించగా 6 ఓట్లతో బాబా విజయం సాధించారు. అయినా మళ్లీ రీ కౌంటింగ్‌కు ‘పచ్చ’నేతలు డిమాండ్‌ చేశారు. మనస్థాపం చెందిన బాబా కౌంటింగ్‌ కేంద్రంపై నుంచి కిందకు దూకే ప్రయత్నం చేశాడు. పోలీసులు, అక్కడున్నవారు అతడికి నచ్చజెప్పి కిందికి తీసుకువచ్చారు. దీంతో బాబా రోదిస్తూ అక్కడే కూర్చుండిపోయాడు. అధికార పార్టీ నేతల ఒత్తిళ్లకు తలొగ్గిన అధికారులు ఆర్డీఓ ఆనంద్‌కుమార్, మున్సిపల్‌ కమిషనర్‌ మల్లికార్జున సమక్షంలో మరోసారి ఓట్లు లెక్కించగా బాబా ఒక్క ఓటుతో విజయం సాధించారు. దీంతో టీడీపీ నేతలు మరోసారి లెక్కించాలని పట్టుబట్టినా అధికారులు అందుకు సమ్మతించలేదు. చివరకు గెలుపొందిన బాబాకు అధికారులు డిక్లరేషన్‌ అందజేశారు. ఇదీ చదవండి: టికెట్‌ ఇచ్చి ఓడించారు.. బాబ్జీ, పంచకర్లకు కృతజ్ఞతలు!

సాక్షి, విశాఖపట్నం: జీవీఎంసీ ఎన్నికల్లో గాజువాక జోన్‌ పరిధి లోని 91వ వార్డు కౌంటింగ్‌ వివాదాస్పదంగా మారింది. గెలుపోటముల మధ్య కేవలం 5 ఓట్ల తేడాతోపాటు, పోలైన ఓట్లలో 6 ఓట్లు ఏమయ్యాయో లెక్క తేల్చకుండానే.. ఎన్నికల సిబ్బంది, రిటర్నింగ్‌ అధికారి టీడీపీ అభ్యర్థి గెలుపునకు ఏకపక్షంగా సహకరించారనే ఆరోపణలు వెల్లువెత్తాయి. రీకౌంటింగ్‌ పేరుతో వైఎస్సార్‌సీపీ అభ్యర్థిని నమ్మించి, బలవంతంగా సంతకాలు చేయించుకుని టీడీపీ అభ్యర్థిని గెలిచినట్లు హడావుడిగా డిక్లరేషన్‌ ఫారం ఇవ్వడం కలకలం రేపింది. రీకౌంటింగ్‌కు అవకాశమున్నా.. : గాజువాక జోన్‌ 91వ వార్డులో మొత్తం 8,443(8,431 ఓట్లు, పోస్టల్‌ బ్యాలెట్‌ ఓట్లు 12) పోలయ్యాయి. కౌంటింగ్‌లో వైఎస్సార్‌సీపీ అభ్యర్థి మద్దాల అప్పారావుకు 1,975 ఓట్లు, టీడీపీ అభ్యర్థికి 1980 వచ్చాయి. దీంతో టీడీపీ అభ్యర్థికి 5 ఓట్ల మెజార్టీ వచ్చినట్టయింది. వాస్తవంగా 5 లేదా అంతకంటే తక్కువ ఓట్ల మెజార్టీ ఉన్నప్పుడు సమీప ప్రత్యర్థి రీకౌంటింగ్‌కు కోరితే.. మళ్లీ లెక్కించాలి. పైపెచ్చు ఇక్కడ మొత్తం పోలైన ఓట్లకు, కౌంటింగ్‌ చేసిన ఓట్లకు మధ్య కూడా 6 ఓట్ల వ్యత్యాసం ఉంది. అయినప్పటికీ వాటిపై స్పష్టత ఇవ్వకపోగా, వైఎస్సార్‌సీపీ అభ్యర్థిని రీకౌంటింగ్‌ పేరిట నమ్మించి, మోసపూరితంగా సంతకాలు చేయించి, కూటమి అభ్యర్థి గెలుపును డిక్లేర్‌ చేయడం వివాదాస్పదంగా మారింది.ఆ 6 ఓట్లు ఏమయ్యాయి? : టీడీపీ(1,980), వైఎస్సార్‌సీపీ (1,975)కి వచ్చిన ఓట్లతోపాటు ఇండిపెండెంట్‌ అభ్యర్థుల్లో తిప్పల వంశీరెడ్డికి 1,880, రెయ్యి రత్నకు 1,319, సనపల దిల్లేశ్వరరావుకు 702, కశిరెడ్డి సత్యనారాయణకు 106, మల్లాది హేమలతకు 27, బొట్ట నరసింహారెడ్డికు 19, పెంటకోట సన్యాసిరావుకు 2 ఓట్లు వచ్చాయి. మిగిలిన ఓట్లలో 375 రిజెక్ట్‌ ఓట్లు, 52 నోటాకు వచ్చాయి. ఇవన్నీ కలిపితే 8,437 ఓట్లు. మొత్తం పోలైన ఓట్లు(8,443)తో పోలిస్తే 6 ఓట్లు తక్కువ. వైఎస్సార్‌సీపీ అభ్యర్థి మద్దాల అప్పారావు ‘ఆ 6 ఓట్లు ఏమయ్యాయి?’అని నిలదీసి రీకౌంటింగ్‌ కోరారు. టీడీపీ ప్రజాప్రతినిధుల నుంచి వచ్చిన తీవ్ర ఒత్తిళ్లతో ఆర్‌వో, ఎన్నికల సిబ్బంది తెరవెనుక నాటకానికి తెరలేపారు. రీకౌంటింగ్‌కు అంగీకరిస్తున్నట్లు సంతకం పెట్టమని చెప్పి, దాన్ని కాస్తా ‘టీడీపీ అభ్యర్థి గెలుపును అంగీకరిస్తున్నట్లు’చిత్రీకరించి సంతకం చేయించుకున్నారు. ఆ వెంటనే టీడీపీ అభ్యర్థికి డిక్లరేషన్‌ ఫారం అందజేసేశారు. ఫిర్యాదు చేసినా పట్టించుకోలేదు..: ఈ అక్రమాలపై బాధిత అభ్యర్థి స్పందించి వెంటనే జిల్లా కలెక్టర్‌ అభిషిక్త్‌ కిశోర్‌కు ఫిర్యాదు చేసినా ఎలాంటి ప్రయోజనం లేకపోయింది. చివరకు సాయంత్రం 4:49 గంటలకు రాష్ట్ర ఎన్నికల అధికారికి సైతం ఫిర్యాదు చేసినప్పటికీ, అక్కడి నుంచి కూడా ఎటువంటి స్పందన రాలేదని వైఎస్సార్‌సీపీ అభ్యర్థి ఆవేదన వ్యక్తం చేశారు. ప్రజాస్వామ్యాన్ని అపహాస్యం చేస్తూ అధికారులు వ్యవహరించిన తీరుపై సర్వత్రా విమర్శలు వ్యక్తమవుతున్నాయి. అంతేకాకుండా 19వ వార్డులో గెలిచిన వైఎస్సార్‌సీపీ అభ్యర్థి మొల్లి లక్ష్మి, 59వ వార్డులో అల్లు వెంకట సత్యశ్రీ గెలిచినా రీకౌంటింగ్‌ పేరిట ఇబ్బంది పెట్టి, అప్పటికీ కుదరకపోవడం వల్లే గెలిచినట్లు ప్రకటించారు. ఇక్కడ అవకాశమున్నా.. అధికారులు ఆ దిశగా కనీస ప్రయత్నం చేయకపోవడంపై ఆరోపణలు వెల్లువెత్తుతున్నాయి. ఇదీ చదవండి: టికెట్‌ ఇచ్చి ఓడించారు.. బాబ్జీ, పంచకర్లకు కృతజ్ఞతలు!