TV
ఘనంగా సామూహిక వివాహ వేడుకలు
● ఏకమైన నాలుగు జంటలు
ఇంద్రవెల్లి: మండలంలోని అంజీ గ్రామపంచాయతీ పరిధి మామిడిగూడలో గురువారం ఆంద్‌ సమాజ్‌ ఆధ్వర్యంలో పరమాహంస సద్గురు పూలాజీబాబా సంస్థాన్‌ వద్ద సామూహిక వివాహ వేడుకలు ఘనంగా నిర్వహించారు. ఈ వివాహ వేడుకల్లో అదే గ్రామానికి చెందిన నాలుగు జంటలు ఏకమయ్యాయి. రాష్ట్ర మహిళా కమిషన్‌ సభ్యురాలు కుమ్ర ఈశ్వరీబాయి, పట్నాపూర్‌ శ్రీ సద్గురు పరమాహంస పూలాజీబాబా ధ్యాన్‌ మందిర్‌ వ్యవస్థాపకుడు కేశవ్‌ ఇంగ్లేతో పాటు ఆయా గ్రామాల ప్రజలు, బంధువులు హాజరై నూతన వధూవరులను ఆశీర్వదించారు. ఐటీడీఏ పీవీటీసీ ఏపీవో మెస్రం మనోహర్‌, ఆదివాసీ పెద్దలు డాకురే రాందాస్‌, కరాడే మారుతి, మెస్రం శేఖర్‌బాబు తదితరులు ఉన్నారు.
