కంభం: ఆస్తి కోసం తొమ్మిదేళ్లు పెంచుకున్న బాలికను పెంపుడు తల్లి అతి కిరాతకంగా గొంతు కోసి హత్య చేసింది. ఈ నెల 6న ప్రకాశం జిల్లా అర్థవీడులో చోటుచేసుకున్న ఈ ఘటనపై నమోదైన కేసును పోలీసులు ఛేదించారు. శనివారం మార్కాపురం డీఎస్పీ బాలసుందరరావు మీడియాకు కేసు వివరాలను వెల్లడించారు. రాచర్ల మండలం అనుమలవీడుకు చెందిన పుచ్చకాయల వెంకట రమణ, పుచ్చకాయల లక్ష్మీపద్మావతికి పిల్లలు లేకపోవడంతో అతని సోదరుడు వెంకట రంగారెడ్డి కుమార్తె పుచ్చకాయల శాన్విరెడ్డిని ఆరునెలల వయసు ఉన్నప్పుడే.. అనగా 9 ఏళ్ల నాడు దత్తత తీసుకున్నారు.ప్రస్తుతం ఆ బాలిక 3వ తరగతి చదువుతోంది. ఇటీవల శాన్విరెడ్డి కన్నతల్లిదండ్రులకు, పెంచిన తల్లిదండ్రులకు ఆస్తుల విషయంలో గొడవలు జరుగుతున్నాయి. కన్నతల్లిదండ్రులు శాన్విరెడ్డిపై ఎక్కువ ప్రేమ చూపిస్తుండటాన్ని గమనించిన పెంపుడు తల్లి..ఎంతబాగా పెంచినా కన్నతల్లిదండ్రులం కాలేమని భావించింది. బాలికను చంపేస్తే తమ ఆస్తి ఎవరికీ ఇవ్వాల్సిన అవసరం ఉండదని, తామే అనుభవించుకోవచ్చని ఆలోచించింది. ఈ నెల 6న శాన్విరెడ్డి ఒంటరిగా బెడ్‌రూంలో ఫోన్‌ చూసుకుంటున్న సమయంలో పెంపుడు తల్లి అయిన లక్ష్మీపద్మావతి బాలిక వద్దకు వెళ్లి మొహంపై దిండు వేసి గట్టిగా నొక్కిపట్టి గొంతుకోసి హత్య చేసింది. ఆ సమయంలో ఆమె భర్త గేటు వద్ద నిలబడి ఎవరూ రాకుండా చూసినట్లు పోలీసుల దర్యాప్తులో తేలింది. ఆ తర్వాత ఓ పథకం ప్రకారం వారిద్దరూ ఎవరో గుర్తు తెలియని వ్యక్తులు శాన్విరెడ్డిని హత్య చేశారని చుట్టుపక్కల వారిని, బంధువులను నమ్మించారు. బాలికను అర్థవీడులోని ఓ ఆర్‌ఎంపీ వద్దకు తీసుకెళ్లగా, అప్పటికే మరణించినట్లు చెప్పడంతో తిరిగి ఇంటికి తీసుకొచ్చారు. విషయం తెలుసుకున్న పాప సొంత తల్లిదండ్రులు పోలీస్‌స్టేషన్‌లో ఫిర్యాదు చేశారు. కన్న తండ్రి ఫిర్యాదు మేరకు అర్థవీడు ఎస్‌ఐ అనిత కేసు నమోదు చేశారు. మార్కాపురం డీఎస్పీ బాలసుందర్‌రావు ఆదేశాల మేరకు సీఐ జె.రామకోటయ్య ఆధ్వర్యంలో కంభం, బేస్తవారిపేట, అర్థవీడు ఎస్‌ఐలు 3 బృందాలుగా ఏర్పడి దర్యాప్తు చేపట్టారు. అనుమానాస్పదంగా ఉన్న పెంపుడు తల్లిదండ్రులను పోలీసులు తమదైన శైలిలో విచారించగా, తామే నేరం చేసినట్లు వారు అంగీకరించారు.

‘ఈ రోజులను చూస్తుంటే మా రోజుల్లోనే అమ్మాయిలకు తగినంత స్వేచ్చ,అనుకున్నవి సాధించే ధైర్యం, సమాజాన్ని అర్ధం చేసుకునే పరిణతిని పొందారు’ అనిపిస్తుంటుంది అన్నారు రిటైర్డ్‌ ప్రిన్సిపల్‌ కమలా మీనన్‌. తిరుపతి పద్మావతి మహిళా కళాశాల మూడవ ప్రిన్సిపల్‌గా బాధ్యతలు నిర్వహించిన కమలా మీనన్‌ సికింద్రాబాద్‌ బోయినపల్లిలో ఉంటున్నారు. భర్త డగ్లస్‌ ఎమ్‌ కాక్రన్‌ జ్ఞాపకాలతో పాటు, 86 ఏళ్ల జీవితంలో ధైర్యంగా తీసుకున్న నిర్ణయాలు తనను ఎలా నిలబెట్టాయో వివరించారు. ‘‘చదువు అమ్మాయిలను శక్తిమంతులను చేస్తుంది. ఈ విషయాన్ని ఆ రోజుల్లోనే మా అమ్మ గుర్తించారు..’ అంటూ గతకాలపు విషయాలను మన ముందుంచారు.  చదువు వేసిన మార్గం.. ‘‘పుట్టి పెరిగింది చెన్నైలో. నాన్నగారు బ్రిటిష్‌ గవర్నమెంట్‌లో ఉద్యోగం చేసేవారు.అమ్మానాన్నలకు ఎనిమిది మంది సంతానం. అక్కతోపాటు ఆరుగురు అన్నలు నాకు. ఆడ, మగ అనే వివక్ష ఏ మాత్రం లేదు. అందరికీ మంచి చదువులు చదువుకునే అవకాశం ఇచ్చారు. మద్రాస్‌ ప్రెసిడెన్సీ కాలేజీ నుంచి ఆనర్స్‌ పూర్తయ్యాక బెంగుళూరు మౌంట్‌ కార్మెల్‌ కాలేజీలో లెక్చరర్‌గా ఐదేళ్లు పని చేశాను. ఆ ఎక్స్‌పీరియెన్స్‌ నాకు చాలా హెల్ప్‌ అయ్యింది. అప్పుడు చదువుకునే అమ్మాయిల శాతం కూడా బాగానే ఉంది. ఆ తర్వాత మార్పు కోసం తిరిగి మద్రాస్‌కు వచ్చేశాను. తిరుపతిలోని పద్మావతి మహిళా కళాశాలలో పొలిటికల్‌ విభాగంలో టెంపరరీ జాబ్‌ గురించి పేపర్‌లో ప్రకటన చూసి, అప్లై చేసి, సెలక్ట్‌ అయ్యాను. ఆరు నెలల తర్వాత పర్మినెంట్‌ అయ్యింది. సవాళ్లను తట్టుకుని ఎదుగుతూ.. జీవితంలో సవాళ్లు, బాధలు ఎక్కడి నుంచైనా ఎదురు కావచ్చు. నన్ను విపరీతంగా బాధపెట్టే సంఘటన నుంచి కోలుకోవడానికి సమయం పట్టింది. మా అక్క ఢిల్లీలో ఉండేవారు. జబ్బు పడి అక్క, నాన్న ఇద్దరూ ఒకే రోజు చనిపోయారు. ఈ  సంఘటన నన్ను బాగా కదిలించాయి. ఆ టైమ్‌లో డా.రాజేశ్వరి మూర్తి కాలేజీ ప్రిన్సిపల్‌గా ఉండేవారు. ఆవిడ ఉన్నత విద్య కోసం విదేశాలకు వెళ్లినప్పుడు సెలక్షన్‌ కమిటీ నన్ను ఇన్‌ఛార్జిగా ఎంపిక చేసింది. నా మైండ్‌ కూడా ఛేంజ్‌ కావాలనుకొని, 1975లో ఆ బాధ్యత తీసుకున్నాను. ఇంటర్వ్యూ ద్వారా టెంపరరీ జాబ్‌ వచ్చింది. తర్వాత పర్మినెంట్‌ అయ్యింది. ఆ తర్వాత ఇన్‌ఛార్జి ప్రిన్సిపల్‌గా అవకాశం వచ్చింది. నాకు అపాయింట్‌మెంట్‌ ఇచ్చారు. అదే సమయంలో విదేశాలకు వెళ్లిన మరో సీనియర్‌ మహిళా లెక్చరర్‌ తిరిగి వచ్చారు. అప్పుడు మేనేజ్‌మెంట్‌ సీనియర్‌ కాబట్టి ఆవిడను నా ప్లేస్‌లో రీ ప్లేస్‌ చేశారు. అప్పటికే నన్ను సెలక్షన్‌ కమిటీ ఎంపిక చేసింది, ఆ తర్వాత మరొకరికి ఇచ్చింది. దీంతో నా పొజిషన్‌ కోసం కోర్టుకు వెళ్లాల్సి వచ్చింది. అక్కడ నేను గెలిచాను. అలా యూనివర్శిటీకి 3వ మహిళా ప్రిన్సిపల్‌గా బాధ్యతలు తీసుకున్నాను. ఆ తర్వాత 1993లో రిటైర్‌ అయ్యేవరకు ప్రిన్సిపల్‌గా చేశాను. 1997 వరకు దేవస్థానం ఎడ్యుకేషన్‌ ఆఫీసర్‌గా వర్క్‌ చేశాను.  లెక్చరర్‌గా ఎంతో మంది విద్యార్థులను చూశాను. ఎంతోమంది విద్యార్థులతో నాకు ప్రత్యేకమైన అనుబంధం ఉంది. ఇప్పటికీ కలిసేవారు, ఫోన్లు చేసి మాట్లాడేవారున్నారు. ఆత్మీయులుగా మారినవారు ఉన్నారు. గ్రామీణ ప్రాంతాల నుంచి వచ్చిన, మొదటి తరం అమ్మాయిలే అక్కడంతా. వారిలో భవిష్యత్తుని చక్కగా మార్చుకోవాలనే పరిణతి బాగా కనిపించేది. వారి భవిష్యత్తుకు ప్రత్యేక క్లాసులు, ఎక్స్‌ట్రా కరిక్యులర్‌ యాక్టివిటీస్‌ చేర్చాం. లెక్చరర్లు ఎంతో సపోర్ట్‌గా నిలిచేవారు. నాటి ఆ విద్యార్థుల్లో నేడు ఎంతోమంది పెద్ద పెద్ద పొజిషన్లలో, దేశ విదేశాల్లో ఉన్నారు. జీవితంలో ముఖ్యమైన మలుపు 1979–80లో నాటి మద్రాస్‌లో సౌత్‌ ఇండియా అమెరికా రాయబార కార్యాలయానికి డగ్లస్‌ ఎమ్‌ కాక్రన్‌ కాన్సులేట్‌గా విధులు నిర్వర్తిస్తున్నారు. కాలేజీ సెమినార్‌ సందర్భంగా మద్రాస్‌ నుంచి తిరుపతికి సెమినార్‌కు వచ్చారు. అక్కడ డిస్కషన్స్‌ అన్నీ పూర్తయి, వెళ్లిపోయారు. ఆ సమయంలో యునైటెడ్‌ స్టేట్స్‌ ఇరాన్‌ పొలిటికల్‌ ఇష్యూస్‌ జరుగుతున్నాయి. చెన్నైలోని అమెరికన్‌ ఎంబసీ ఎదుట నిరసనలు జరుగుతున్న నేపథ్యంలో సేఫ్‌గా ఉండమని రాసిన నోట్‌ తిరిగి మమ్మల్ని కలిపింది. ఆ తర్వాత జరిగిన డిస్కషన్స్‌ మమ్మల్ని మంచి స్నేహితులుగా మార్చాయి. 1985లో మేం పెళ్లి చేసుకున్నాం. ఆ విధంగా శ్రీమతి డగ్లస్‌ ఎమ్‌ కాక్రన్‌ అయ్యాను. జీవితంలో ఒక అద్భుతమైన వ్యక్తిని కలిసాను అనిపించేది. మా అమ్మను ఆమె సొంత కొడుకుల కన్నా డగ్లస్‌ గొప్పగా చూసుకున్నారు. ఇన్నేళ్ల మా జీవనంలో ఎన్నో అందమైన జ్ఞాపకాలు ఉన్నాయి. ఇటీవల డగ్లస్‌ అనారోగ్యంతో భౌతికంగా దూరమయ్యారు. అయితేనేం.... ఆ జ్ఞాపకాలు ఎంతో పదిలంగా ఉన్నాయి. అవే నన్ను శక్తిమంతురాలిని చేస్తున్నాయి.  విశ్రాంత జీవనంలో.. రిటైర్‌ అయినా కొన్ని విదేశీ కంపెనీలు, సూపర్‌మార్కెట్స్‌ ఏర్పాటులో  కీలకపాత్ర పోషించేవారు డగ్లస్‌. నేను రిటైర్‌ అయిన తర్వాత ఎక్కడ ఉండాలో ఇద్దరమూ ఆలోచించుకున్నాం. అందుకు, సికింద్రాబాద్‌లోని బోయినపల్లి మాకు అనువైనదిగా అనిపించింది. అప్పటి నుంచి ఇక్కడే ఉంటున్నాం. మా ఇంట్లోనే కాదు మా చుట్టుపక్కల ఇళ్లలో పనులు చేసే వారి పిల్లలకు మంచి చదువు చెప్పించాలనే ఉద్దేశ్యంతో వారిని ఒక చోట చేర్చి చదువులు చెప్పేవాళ్లం. కాలనీలోని చదువుకున్న మహిళల చేత ట్యూషన్స్‌ చెప్పించేవాళ్లం. వారి పిల్లలను కాన్వెంట్‌ స్కూల్‌లో చేర్పించి, మంచి భవిష్యత్తు ఇవ్వాలనుకునేవాళ్లం. అలా, ఆ పిల్లలు కూడా ఇప్పుడు మంచి ఉద్యోగాల్లో స్థిరపడ్డారు.  అమ్మానాన్నల పెంపకంలోనూ, చదువులోనూ, సమాజంలో మనకు లభించే స్వేచ్ఛ దుర్వినియోగం చేసుకోకూడదు. ఆ స్వేచ్ఛను మనకు అనుకూలంగా మలచుకోవాలి. అదే మనల్ని శక్తిమంతులుగా నిలుపుతుంది అది ఏ దేశమైనా అని నేనూ కాక్రన్‌ అనుకునేవాళ్లం’’ అంటూ నేటి తరంలో వస్తున్న మార్పులను అన్వయించుకుంటూ తెలియజేశారు’’ కమలా మీనన్‌. – నిర్మలారెడ్డి

అంతర్జాతీయ సంబంధాల కేంద్రం, శ్రీ పద్మావతి మహిళా విశ్వవిద్యాలయం,తిరుపతి వారు తానా పూర్వాధ్యక్షులు డా ప్రసాద్ తోటకూర గారితో విద్యార్థినుల ముఖాముఖి కార్యక్రమాన్ని సావేరి సెమినార్ హాల్ లో 2023 సెప్టెంబర్ 4న నిర్వహించారు. ఈ కార్యక్రమానికి ముఖ్యఅతిథిగా పద్మావతి మహిళా విశ్వవిద్యాలయం ఉపాధ్యక్షులు ఆచార్య దేపూరు భారతిగారు విచ్చేశారు. ఆమె మాట్లాడుతూ తానా సంస్థ ముఖ్య లక్ష్యాన్ని, వారు నిర్వహిస్తున్న కార్యకలాపాలను కొనియాడారు. అమెరికాలో నివసిస్తున్న భారతీయులకోసం పద్మావతి మహిళా విశ్వవిద్యాలయంలోని సంగీత, నృత్య విభాగం వాళ్ళు అధునాతన డిప్లొమా కోర్సులను నడుపుతున్నారని తెలియజేశారు. పదుల సంఖ్యల్లో నుంచి వందల సంఖ్యల్లోకి అడ్మిషన్లు పెరిగాయని తెలుపుతూ భవిష్యత్ కార్యాచరణను డా ప్రసాద్ తోటకూర గారి ముందుంచారు. గౌరవ అతిథి పద్మావతి మహిళా విశ్వవిద్యాలయం రిజిస్ట్రార్ ఆచార్య నల్లనాగుల రజినీగారు మాట్లాడుతూ అమెరికా నుంచి డా ప్రసాద్ గారు మన విశ్వవిద్యాలయానికి రావడం సంతోషదాయకం అన్నారు. కార్యనిర్వాహకులు అంతర్జాతీయ సంబంధాల కేంద్రం డీన్ ఆచార్య పి విజయలక్ష్మి గారు మాట్లాడుతూ కార్యక్రమ ముఖ్య ఉద్దేశాన్ని, కోర్సులు ప్రారంభంకావడానికి నాంది పలికిన వారు పూర్వ ఉపాధ్యక్షులు ఆచార్య వీరమాచినేని దుర్గాభవాని గారు, డా తోటకూర ప్రసాద్ గారని తెలిపారు. ఈ కార్యక్రమానికి విశిష్ట అతిథిగా విచ్చేసిన డా ప్రసాద్ తోటకూర గారు మాట్లాడుతూ.. అగ్రరాజ్యం అమెరికాలో ఉండే ఉద్యోగ అవకాశాల్ని, అక్కడి జీవన విధానాన్ని వివరించారు. అమెరికా గురించి చాలామంది విద్యార్థినులు అడిగిన ప్రశ్నలకు సమాధానాలు ఇచ్చారు. తెలుగు భాషకు అక్కడున్న స్థాయిని, స్థానాన్ని తానా సంస్థ ముఖ్య ఉద్దేశాన్ని తెలియజేశారు. సత్య నాదెండ్ల, సుందర్ పిచాయ్, ఇంద్రనూయి కార్పోరేట్ దిగ్గజాలుగా ఎదిగిన ప్రస్తానాన్ని, పారిశ్రామిక దిగ్గజాలు వారెన్ బఫెట్, బిల్ గేట్స్ లాంటివారు చేస్తున్న ధార్మిక కార్యక్రమాలను సోదాహరణంగా వివరించారు. సిరివెన్నెల కుటుంబ సభ్యులతో కలిసి తానా ప్రపంచ సాహిత్య వేదిక "సిరివెన్నెల సీతారామశాస్త్రి" గారు సృష్టించిన సాహిత్యం మొత్తాన్ని ఆరు సంపుటాల్లో ముద్రించిన గ్రంథాలను శ్రీ పద్మావతి మహిళా విశ్వవిద్యాలయం గ్రంథాలయనికి ప్రసాద్ గారు బహూకరించారు. ఈ కార్యక్రమానికి డా. హిమబిందు ఆహ్వానం పలుకగా, డా. యువశ్రీ వందన సమర్పణ చేశారు. డా శిరీష ప్రార్థనా గీతాన్ని ఆలపించారు. అంతర్జాతీయ సంబంధాల కేంద్రం ఆచార్యులు, వివిధ విభాగాల ఆచార్యులు, విద్యార్థినులు, బోధనేతర సిబ్బంది ఈ కార్యక్రమంలో పాల్గొని విజయవంతం చేశారు. కార్యక్రమానంతరం డా ప్రసాద్ తోటకూర గారు పద్మావతి మహిళా విశ్వవిద్యాలయానికి 2016వ సంవత్సరంలో కానుకగా బహూకరించిన మహాత్మా గాంధీ విగ్రహానికి ఆచార్యదేపూరు భారతి గారు, ఆచార్య వీరమాచినేని దుర్గాభవాని గారు, డా ప్రసాద్ తోటకూర గారు, ఆచార్య పి విజయలక్ష్మి గారు పుష్పాంజలి ఘటించారు. (చదవండి: అమెరికాలోని ఓ రహదారికి భారత సంతతి పోలీస్‌ పేరు!)

సాక్షి, హైదరాబాద్‌: తాము కాంగ్రెస్‌ను వీడి బీఆర్‌ఎస్‌లో చేరుతున్నామంటూ వస్తున్న కథనాలను టీపీసీసీ మాజీ అధ్యక్షుడు, ఎంపీ ఉత్తమ్‌కుమార్‌రెడ్డి దంపతులు తీవ్రంగా ఖండించారు. కాంగ్రెస్‌లో పనిచేయడం, ప్రజలకు సేవ చేయ డాన్ని తాము గర్వంగా భావిస్తామని, అయితే పార్టీలో కీలక హోదాలో ఉన్న ఓ నాయకుడే తమపై దుష్ప్రచారం చేస్తున్నా రని ఆరోపించారు. ఈ మేరకు శనివారం ఉత్తమ్‌కుమార్‌రెడ్డి, పద్మావతి సంయుక్తంగా ఓ ప్రకటన విడుదల చేశారు. తమకు పిల్లలు కూడా లేరని, తమ జీవితాన్ని ప్రజాసేవకే అంకితం చేశామన్న ఉత్తమ్‌ దంపతులు తమకు ఎలాంటి వ్యాపారాలు, కాంట్రాక్టులు, భూలావాదేవీలు లేవని చెప్పారు. ప్రజాజీవితంలో తప్ప వ్యక్తిగతంగా సీఎం కేసీఆర్‌ను ఎప్పుడూ కలవలేదని, మాట్లాడలేదని స్పష్టం చేశారు.  ప్రకటనలో ఏముందంటే...: ‘నేను కాంగ్రెస్‌ను వీడి బీఆర్‌ఎస్‌లో చేరుతున్నట్టు వస్తున్న కథనాలు అసత్యాలు. ప్రజల్లో నా ప్రతిష్టను దిగజార్చేందుకు, పార్టీలో నా స్థానాన్ని తగ్గించేందుకు పార్టీలో కీలక స్థానంలో ఉన్న ఒక నాయకుడే ఇలాంటి వదంతులు వ్యాప్తి చేస్తున్నాడు. కాంగ్రెస్‌కు 30 ఏళ్లుగా సేవ చేస్తున్నందుకు గర్వపడుతున్నా. నా సతీమణి, మాజీ ఎమ్మెల్యే పద్మావతిరెడ్డి 2018 అసెంబ్లీ ఎన్నికల్లో వందల ఓట్ల తేడాతో ఓడినప్పటికీ కోదాడలోనే నివాసముంటూ అక్కడి ప్రజలకు సేవలందిస్తున్నారు. టీపీసీసీ ఉపాధ్యక్షురాలిగా తన వంతు బాధ్యత నిర్వర్తిస్తున్నారు. కానీ, రెండేళ్ల నుంచి మమ్మల్ని టార్గెట్‌ చేసి పరువు నష్టం కలిగించే కథనాలు రావడం తీవ్రంగా బాధిస్తోంది. పార్టీలో జరుగుతున్న కొన్ని పరిణామాల పట్ల నాకు అసంతృప్తి ఉన్నప్పటికీ ఎక్కడా ఈ విషయాలను పంచుకోలేదు. ఐదుసార్లు ఎమ్మెల్యేగా ఉన్నప్పుడు అసెంబ్లీలో, స్వాతంత్య్ర దినోత్సవాల సందర్భంగా రాజ్‌భవన్‌లో, తెలంగాణ ఏర్పాటు విషయంలో చిదంబరం నేతృత్వంలో జరిగిన అఖిలపక్ష సమావేశంలో తప్ప నేనెప్పుడూ సీఎం కేసీఆర్‌ను కలవలేదు. ఎప్పుడూ మాట్లాడలేదు. చైనా, పాకిస్తాన్‌ సరిహద్దుల్లో యుద్ధ విమాన పైలట్‌గా ఇండియన్‌ ఎయిర్‌ఫోర్స్‌లో ప్రాణాలను పణంగా పెట్టి పనిచేయడం గర్వంగా భావిస్తాను. రాష్ట్రపతి భవన్‌లోనూ సీనియర్‌ ఆఫీసర్‌గా వెంకట్రామన్, శంకర్‌దయాళ్‌శర్మ వద్ద పనిచేశాను. ఉన్నత స్థాయి ఉద్యోగానికి స్వచ్ఛందంగా రాజీనామా చేసి ప్రజాసేవ కోసం కాంగ్రెస్‌లో చేరాను. కాంగ్రెస్‌ నాయకుడికి సన్నిహితంగా ఉండే రెండు యూట్యూబ్‌ చానళ్లు, కొన్ని మీడియా సంస్థలు నాపై తప్పుడు కథనాలు ప్రసారం చేస్తున్నాయి’ అని ఉత్తమ్‌తోపాటు ఆయన సతీమణి పద్మావతి ఆ ప్రకటనలో పేర్కొన్నారు.   

సత్యభామ.. శ్రీ కృష్ణుడు..  వేంకటేశ్వరుడు.. పద్మావతి.. దివ్యమైన పాత్రలన్నింటినీ ఆమె ఆహార్యంతో అందంగా రూపుకడుతుంది.వైకల్యం ఆమె అభిలాషను అడ్డుకోలేకపో యింది. అడుగు కదపలేదు అనుకున్నవారి అంచనాలను ఆవలకు నెట్టి పట్టుదలతో అవరోధాల మెట్లను అధిరోహించింది. రంగస్థల నటిగా గుర్తింపుతో పాటు స్వరమాధురిగానూ పేరొందింది. కళారంగంలో రాణిస్తూనే దివ్యాంగులకు ఉపాధి అవకాశాలు కల్పిస్తూ సేవా పెన్నిధిగానూ ప్రశంసలు అందుకుంటోంది.ఆమెప్రతిభకు గుర్తింపుగా మూడుసార్లు రాష్ట్రపతి పురస్కారం వరించింది.ఖమ్మం జిల్లావాసి అయిన డాక్టర్‌ పొట్టబత్తిని పద్మావతి కృషి  ఎంతోమందికి స్ఫూర్తిదాయకంగా నిలుస్తుంది. హైదరాబాద్‌లోని తుర్కయాంజాల్‌ మున్సిపాలిటీలోని మునుగనూరులో ఉంటున్నారు డాక్టర్‌ పద్మావతి. ఆమెకు ఏడాది వయస్సులో పో లియో సోకడంతో రెండు కాళ్ళు చచ్చుబడి పో యాయి. తన పరిస్థితిని చూసి కుటుంబ సభ్యులు ఆమె భవిష్యత్తుపై ఆందోళనకు గురయ్యేవారు. అయితే పద్మావతి ఐదేళ్ల వయస్సులో సెయింట్‌ మేరీస్‌ పో లియో పునరావాసం పర్యవేక్షకురాలు ఆస్ట్రేలియాకు చెందిన క్లారా హీటన్ కు పరిచయం అయ్యారు. క్లారా దత్తత తీసుకోవడంతో పద్మావతి జీవితం కొత్త మలుపు తిరిగింది. క్లారా పర్యవేక్షణలో పద్మావతికి పలు మార్లు శస్త్ర చికిత్స జరిగింది. పాదాలు, నడుము.. భాగాలు శస్త్ర చికిత్సతో సరి చేశారు. అప్పటి వరకు మంచానికే పరిమితమైన ఆమె క్యాలిపర్సు, కర్రలు సహాయంతో క్రమంగా అడుగులు వేయడం మొదలు పెట్టింది. కాలు కదల్చలేని స్థితిలో మంచం మీద ఉండి చదువులో ప్రతిభ కనబరుస్తూ ఎదిగిన తీరు పద్మావతి మాటల్లో మన కళ్ల ముందు కదలాడుతుంది. సేవాభిలాష గానం, నాటక రంగంలో ఉన్న ఆసక్తితో పద్మావతి క్యాలిపర్సు సహాయంతోనే ప్రతిభ కనబరుస్తూ వచ్చారు. సత్యభామ, శ్రీకృష్ణుడు, వేంకటేశ్వరుడు తదితర పాత్రలను సమర్ధంగా పో షించి దేశ వ్యాప్తంగా ప్రదర్శనలు ఇచ్చి, ఎన్నో అవార్డులను పొందారు. వేగేశ్న ఫౌండేషన్‌ ద్వారా సంగీతంలో శిక్షణపొందడంతో పాటు, డిగ్రీ పూర్తి చేసి, ఆ సంస్థలోనే సంగీత ఉపాధ్యాయురాలుగా  దివ్యాంగులకు శిక్షణ ఇస్తున్నారు. దివ్యాంగులకు సాయపడాలనే సంకల్పంతో మునుగనూరులో పద్మావతి ఇ న్ స్టిట్యూట్‌ ఫర్‌ ద (డిజ్‌) ఏబుల్డ్‌ సంస్థను స్థాపించారు. ఈ సంస్థ ద్వారా దివ్యాంగులకు కంప్యూటర్, నృత్యం, సంగీతం, టైలరింగ్‌.. వంటి వృత్తి విద్యా కోర్స్‌లలో శిక్షణ ఇప్పించి, ఉపాధి కల్పిస్తున్నారు.   ప్రశంసలు.. పురస్కారాలు  పద్మావతి ప్రతిభకు ఎన్నో పురస్కారాలు ఆమెను వరించాయి. మూడుసార్లు రాష్ట్రపతి అవార్డులు అందుకున్నారు. ఓ వైపు కళలు, మరోవైపు సామాజిక సేవారంగంలో ప్రతిభ చూపుతున్న ఆమెను రాష్ట్ర ప్రభుత్వం గౌరవ డాక్టరేట్‌తో సత్కరించింది. సెన్సార్‌ బోర్డు సభ్యురాలుగా, నంది అవార్డు జ్యూరీ కమిటీ మెంబర్‌గా సేవలందించిన పద్మావతి 2017లో రాష్ట్ర ప్రభుత్వం రోల్‌ మోడల్‌ అవార్డును అందుకున్నారు.. కళాకారిణిగా ప్రతిభ చూపినందుకు 2009లో రాష్ట్రపతి అవార్డు లభించింది. వైకల్యంతో బాధపడుతున్నా పలు రంగాలలో రాణించినందుకు గాను 2011లో రాష్ట్రపతి చేతులు మీదుగా స్త్రీ శక్తి పురస్కారాన్ని అందుకున్నారు ఆమె. దివ్యాంగులకు చేస్తున్న సేవను గుర్తించి 2022లో రాష్ట్రపతి సర్వశ్రేష్ట దివ్యాంగ న్  అవార్డుతో సత్కరించారు.  దివ్యాంగులకు సేవచేయాలనే సదాశయంతో నడుపుతున్న ఇన్‌స్టిట్యూట్‌కు చేయూతనందిస్తే మరిన్నో ప్రయోజన కరమైన పనులను చేయగలననే ఆశాభావాన్ని పద్మావతి వ్యక్తపరుస్తు న్నారు. తన గమనమే ప్రశ్నార్ధకం అవుతుందనుకున్నవారి మాటలను పక్కనపెట్టి, పట్టదలతో ప్రయత్నించి, గెలుస్తున్న ఆమె జీవితం ఎందరికో ఆదర్శమవుతుంది. – శ్రీరాం యాదయ్య, హయత్‌నగర్, హైదరాబాద్, సాక్షి

సాక్షి, తిరుపతి: శ్రీ పద్మావతి చిల్డ్రన్‌ మల్టీ సూపర్‌ స్పెషాలిటీ ఆసుపత్రికి ముఖ్యమంత్రి వైఎస్‌ జగన్‌మోహన్‌రెడ్డి గురువారం భూమి పూజ చేశారు. అనంతరం శ్రీ పద్మావతి కార్డియాక్‌ ఆస్పత్రిలో చికిత్స పొందిన చిన్నారులు, వారి తల్లిదండ్రులతో ముఖ్యమంత్రి ముచ్చటించారు. ఓ పసికందును చేతిల్లోకి తీసుకుని ఆప్యాయంగా లాలించారు.  చదవండి: చంద్రబాబు, ఎల్లోమీడియాపై సీఎం జగన్‌ అదిరిపోయే సెటైర్లు..  అనంతరం టాటా ట్రస్ట్‌ సహకారంతో శ్రీవెంకటేశ్వర ఇన్‌స్టిట్యూట్‌ ఆఫ్‌ క్యాన్సర్‌ కేర్‌ రీసెర్చ్‌ ఇన్‌స్టిట్యూట్‌ను సీఎం ప్రారంభించారు. టాటా ట్రస్ట్‌ ఆధ్వర్యంలో రూ.190 కోట్లతో 92 పడకల క్యాన్సర్ ఆసుపత్రి నిర్మాణం జరిగింది. రాష్ట్ర ప్రభుత్వం, టీటీడీ సంపూర్ణ సహకారం అందించింది. ఆస్పత్రి నిర్మాణానికి టీటీడీ అలిపిరి వద్ద 25 ఎకరాలు ఇచ్చింది. ఆస్పత్రి ప్రారంభంతో రాష్ట్రంలో క్యాన్సర్‌ రోగులకు తక్కువ ఖర్చుతో అత్యాధునిక వైద్యం అందుబాటులోకి వచ్చింది. రాష్ట్ర ప్రభుత్వ సూచనలతో టాటా ట్రస్టు సౌజన్యంతో అలమేలు చారిటబుల్‌ ఫౌండేషన్‌ ద్వారా శ్రీవేంకటేశ్వర ఇన్‌స్టిట్యూట్‌ ఆఫ్‌ క్యాన్సర్‌ కేర్‌ అండ్‌ అడ్వాన్స్‌డ్‌ రీసెర్చ్‌ ఆసుపత్రిని శరవేగంగా నిర్మించారు.

శ్రీ పద్మావతి విశ్వవిద్యాలయం (మహిళా విశ్వవిద్యాలయం) విద్య సంగీతం అకాడమీ (సింగపూర్) లు సంయుక్తంగా సింగ‌పూర్ విద్యార్ధుల‌కు నృత్య కోర్సులను అందిస్తున్న‌ట్లు నిర్వాహ‌కులు తెలిపారు.   వైస్ ఛాన్సలర్, శ్రీ పద్మావతి మహిళా విశ్వవిద్యాలయం (ఎస్పీఎంవీవీ) అధ్యక్షతన, ఎస్పీఎంవీవీ అంతర్జాతీయ సంబంధాల విభాగానికి చెందిన యూనివ‌ర్సిటీ అధికారులు, సింగపూర్లోని తెలుగు, భారతీయ సంగీత ప్రియులు రాగవిహారి పేరుతో విద్యార్థుల ప్రదర్శనల‌ కార్యక్రమం ఘనంగా నిర్వ‌హించారు. 2గంట‌ల పాటు నిర్వ‌హించిన ఈ కార్యక్రమాన్ని భార‌త్‌, సింగపూర్ సంగీత ఔత్సాహికులు యూట్యూబ్‌, సోష‌ల్ మీడియాలో వీక్షించారు.     ఈ కార్యక్రమంలో భాగంగా ప‌ద్మావ‌తి యూనివ‌ర్సిటీ వైస్ ఛాన్సలర్ డాక్టర్ జమున దువ్వూరు మాట్లాడుతూ..మ‌హిళా యూనివ‌ర్సిటీ త‌రుపున ప్రపంచవ్యాప్తంగా ఉన్న విద్యార్థులకు అత్యున్నత ప్రమాణాలతో కూడిన విద్యను అందించడానికి కట్టుబడి ఉన్నామ‌ని అన్నారు. ఈ కార్య‌క్ర‌మం గురించి మాట్లాడుతూ..ఎస్పీ ఎంవీవీ  ఇంటర్నేషనల్ రిలేషన్స్ డీన్ డాక్టర్ పి విజయలక్ష్మి, ఎస్పీఎం ఇంటర్నేషనల్ రిలేషన్స్ అసోసియేట్ డీన్ డాక్టర్ ద్వారం వీజేలక్ష్మి ఈ కొలాబరేషన్ ప్రత్యేకమైన సింగపూర్ శైలిలో జరుగుతోందని, దీన్ని వ్యాప్తి చేసేందుకు విద్యా సంగీతం అకాడమీకి వారి సహకారం పూర్తిగా ఉంటుందని పేర్కొన్నారు. .   ఈ కార్యక్రమంలో విద్యా సంగీతం అకాడమీ (వీఎస్ఏ) వ్యవస్థాపకురాలు, శ్రీమతి కాపవరపు విద్యాధరి మాట్లాడుతూ, “పలు సంగీత నృత్య కార్యక్రమాలను అందించడానికి సుప్రసిద్ధ శ్రీ పద్మావతి మహిళా విశ్వవిద్యాలయం (ఎస్‌పీ ఎంవీవీ)తో ఒప్పందం కుదుర్చుకున్నట్లు ప్రకటించడానికి మేము సంతోషిస్తున్నాము. సంగీతం (గాత్రం / వాయిద్యం) మరియు నృత్యం (కూచిపూడి / భరతనాట్యం) అలాగే అన్నమయ్య కీర్తనలు మరియు వాగ్గేయకార వైభవం కోసం సర్టిఫికేట్ కోర్సులు కూడా ఈ ఒప్పందం ద్వారా సింగపూర్ లో పిల్లలకు అందిస్తాము. సింగపూర్‌లో మన సంస్కృతిని ప్రచారం చేసేందుకు వీఎస్ఏ చేస్తున్న ప్రయత్నాల్లో ఇది మరో అడుగు. ఎస్ఫీ ఎంవీవీ  అధికారులు వారి మద్దతు, సౌలభ్యం మరియు అనేక నెలలపాటు పని చేయడం ద్వారా దీనికి రూపకల్పన చేసినందుకు నేను వారిని అభినందించారు.     ఈ కార్యక్రమానికి శ్రీ సాంస్కృతిక కళాసారథి సింగపూర్, కాకతీయ కల్చరల్ అసోసియేషన్ ఆఫ్ సింగపూర్, తెలంగాణ అసోసియేషన్ ఆఫ్ సింగపూర్, చిరకాల సింగపూర్ తెలుగు సమాజం ప్రతినిధులు హాజరై నిర్వాహకులకు శుభాకాంక్షలు తెలిపారు.   శ్రీ సాంస్కృతిక కళాసారథి ప్రెసిడెంట్ రత్నకుమార్ కవుటూరు  ఎస్పీ ఎం వీవీ , వీఎస్ఏ బృందాల ప్రయత్నాలను ప్రశంసించారు. ఈ సహకారాన్ని "సింగపూర్‌లోని ఎన్ఆర్ఐ విద్యార్థులు సంగీతం నేర్చుకునేందుకు, ఎస్పీ ఎంవీవీ వంటి ప్రఖ్యాత విశ్వవిద్యాలయం నుండి గుర్తింపు పొందేందుకు ఒక గొప్ప అవకాశం" అని అభివర్ణించారు.   మన సంస్కృతి, సంగీతం యొక్క ప్రభావాలను యోగాతో పోల్చుతూ, సింగపూర్ తెలుగు సమాజం వైస్ ప్రెసిడెంట్ జ్యోతేశ్వర్ రెడ్డి కురిచేటి ఈ సహకారాన్ని సంగీతాన్ని ఇష్టపడే పిల్లలందరూ ఆదరించడానికి ఒక ముఖ్యమైన, సంతోషకరమ‌ని పేర్కొన్నారు.భారతదేశం నుండి ప్రముఖ వక్త, రంగస్వామి కృష్ణన్  ఇలాంటి సహకారాలు మన దైనందిన జీవితంలో పెరగాలని, సంస్కృతిని వ్యక్తపరచాలని అన్నారు. ఇలాంటి కార్యక్రమాలు మరిన్ని జరగాల్సిన అవసరాన్ని గుర్తు చేస్తూ కాకతీయ కల్చరల్ అసోసియేషన్ ఆఫ్ సింగపూర్ వైస్ ప్రెసిడెంట్ సుబ్బు వి పాలకుర్తి కూడా నిర్వాహకుల కృషిని అభినందించారు.   విద్యా సంగీతం అకాడమీ విద్యార్థుల ప్రకటనలు, సందేశాలు, ప్రదర్శనలతో ఒక ప్రత్యేకమైన మిక్స్‌గా  జరిగిన ఈ రెండు గంటల కార్యక్రమం ప్రపంచవ్యాప్తంగా ఎందరో వీక్షకులచే ప్రశంసించబడింది. సింగపూర్‌లోని విద్యార్థుల కోసం ఎన్‌రోల్‌మెంట్‌లు తెరిచామని  వీఎస్ఏ టీం  ధృవీకరించింది. కోర్సు వివరాల,రిజిస్ట్రేషన్‌ల కోసం ఆసక్తిగల అభ్యర్థులు vidyasangeetam.academy ద్వారా సంప్రదించాల‌ని వీఎస్ఏ  ప్రతినిధి విద్యాధరి పేర్కొన్నారు.

వేల మందికి ఆరోగ్యవంతమైన పుట్టినరోజులను ప్రసాదించిన మదురై కార్పొరేషన్‌ తొలి మహిళా డాక్టర్‌ పద్మావతి నేడు తన నూరవ యేటను పూర్తి చేసుకుంటున్నారు. ఆడపిల్లేంటి, మెడిసిన్‌ చదవడమేంటి అనే ఆ కాలపు అభ్యంతరాలను ఎదుర్కొని, ప్రభుత్వ డాక్టర్‌ అయి, ప్రసూతి మరణాలను తగ్గించడానికి గర్భిణుల ఇళ్లకే డాక్టర్‌లు వెళ్లి డెలివరీ చేసే వ్యవస్థను ఏర్పాటు చేశారు పద్మావతి. మెడికల్‌ ఆఫీసర్‌ గా కూడా మహిళల ఆరోగ్యం కోసం వైద్యచికిత్సల వ్యవస్థలో ఇంకా అనేక విప్లవాత్మకమైన మార్పులు తెచ్చిన ఈ ఆబ్‌స్టెట్రీషియన్‌ వృత్తిగత, వ్యక్తిగత జీవిత విశేషాలివి. గత ఎనిమిదేళ్లుగా కీళ్లవాతం, గత ఏడాదిన్నరగా కరోనా వైరస్‌ డాక్టర్‌ పద్మావతిని అడుగు తీసి అడుగు వేయకుండా చేస్తున్నాయి కానీ.. నూరేళ్లన్నది ఆమెను ఏమాత్రం నిరుత్సాహ పరిచే వయసు కాదు. ఏప్రిల్‌ 27న ఆమె 100వ పుట్టిన రోజును జరిపేందుకు ఇంటిల్లిపాదీ ఏర్పాట్లు మొదలుపెట్టారు. అయితే అది కేవలం ఆ ఇంటి వేడుక మాత్రమే కాదు. మదురై కార్పోరేషన్‌లోని ప్రతి ఇంటికి సంతోషాన్నిచ్చే సందర్భం. డాక్టర్‌ పద్మావతి ఆబ్‌స్టెట్రీషియన్‌. నార్మల్‌ డెలివరీలు చేయడంలో నిపుణురాలు. మదురై తొలి మహిళా డాక్టర్‌! తమిళనాడులోని మదురై 1950 లో మున్సిపాలిటీ అయింది. 1971లో కార్పోరేషన్‌ అయింది. 1949లో ఆమె మదురైలోని ‘గవర్నమెంట్‌ ఎర్‌స్కైన్‌ హాస్పిటల్‌’లో హౌస్‌ సర్జన్‌గా చేరారు. మద్రాస్‌ మెడికల్‌ కాలేజ్‌లో ఎంబీబీఎస్‌ పూర్తి చేసీ చేయగానే అక్కడ ఉద్యోగం వచ్చేసింది. అయితే పద్మావతి ఏనాడూ అదొక ఉద్యోగంలా చేయలేదు. యజ్ఞంలా నిర్వహించారు. సుఖ సాధారణ ప్రసవాలు, మాతాశిశు ఆరోగ్యమే ఆ యజ్ఞఫలాలు. ఆమె చేరేటప్పటికే అక్కడ ఆమె తండ్రి సీనియర్‌ సివిల్‌ సర్జన్‌. ఆయన ఎంత గొప్ప వైద్యుడైనా గానీ, కూతుర్ని మెడిసిన్‌ చదివించడమే గొప్పతనంగా ఆనాడు ఆయన గుర్తింపు పొందారు! పద్మావతి ఆస్టిన్‌ కారును తనే డ్రైవ్‌ చేసుకుంటూ ఆసుపత్రికి రావడం కూడా అప్పట్లో పెద్ద విశేషం అయింది. తండ్రి ఎంత స్వేచ్ఛ ఇచ్చాడో కదా అన్నారంతా.  పెద్ద కుమారుడు గురుసుందర్‌ పెళ్లిలో పద్మావతి (కుడి చివర) యూఎస్‌లో కొందరు, చెన్నైలో కొందరుగా ఉన్న ముగ్గురు కొడుకులు, కూతురు, వాళ్ల జీవిత భాగస్వాములు, ఎనిమిది మంది మనవలు, నలుగురు మునిమనవలు పద్మావతి నూరవ పుట్టిన రోజు వేడుకలు చేయాలని ఉత్సాహ పడుతున్నారు. అయితే అందుకు ఆమె ఒప్పకోవడం లేదు.‘‘ఒక కేట్‌ కట్‌ చేయించి ఆ వీడియోను అందరికీ పంపిస్తే సరిపోతుంది’’ అని నిరంతరం తననే కనిపెట్టుకుని ఉండే పెద్ద కొడుకు డాక్టర్‌ గురుసుందర్‌కు ఆమె ఇప్పటికే ఆదేశాలు ఇచ్చేశారు. కరోనా గురించే ఆమె ఆందోళన. 1921 ఏప్రిల్‌ ఇరవై ఏడున ఆమె పుట్టగానే ఆమె తండ్రి డాక్టర్‌ ఆర్‌. సుందరరాజన్‌ ఆమెను కారణ జన్మురాలు అనేశారు! తొలి బిడ్డ ఆమె. ఆపై అప్పటికప్పుడు చిన్న పాట కూడా రాశారు. ఆ పాటలో ఆమె పేరు ముని ప్రేమ. పద్మావతి తల్లి మునియమ్మాళ్‌ పేరు మీద ముని అని ముద్దుగా పిలుచుకున్నారు.‘‘పెరిగి పెద్దయి స్త్రీల ఆరోగ్యానికి సంరక్షకురాలివి కావాలి’’ అని దీవించారు. ఆయన దీవెనలు ఫలించాయి. వేల పురుళ్లు పోశారు పద్మావతి. ఆసుపత్రికి రాలేని గర్భిణులు ఉంటే వారి కోసం ఆసుపత్రి సిబ్బందినే వారి ఇళ్లకు పంపించారు. ప్రభుత్వ డాక్టర్‌ అయి ఉండి కూడా కాన్పు చేయడానికి తనకై తను ఇళ్లకు వెళ్లిన సందర్భాలు కూడా ఎన్నో ఉన్నాయి. 1900 లలో మహిళలు ఎలా ఉండేవారో తెలిసే కూతుర్ని డాక్టర్‌ని చేశారు పద్మావతి తండ్రి. బాధ పడనన్నా పడతాం కానీ, మగ డాక్టరుకు మాత్రం చెప్పుకోము అన్నట్లుండేవారు. అప్పటికి ఆయన మదురైలో పేరున్న ‘లైసెన్స్‌›్డ మెడికల్‌ ప్రాక్టీషనర్‌’. తొమ్మిది మంది సంతానంలో పద్మావతితో పాటు ఐదుగురు ఆడపిల్లల్నీ ఆయన డాక్టర్‌లను చేశారు. మిగతా పిల్లల్లో ఇద్దరు మగపిల్లలు కూడా వైద్య వృత్తినే ఎంచుకున్నారు. ∙∙ పద్మావతి ఇంట్లో పెద్ద పిల్ల. ఆమె స్కూలుకు వెళుతున్నప్పుడు చూడాలి.. ‘‘మన ఇంటా ఒంటా ఉందా.. ఆడపిల్ల చదువుకోవడం’’ అని బంధువులంతా ముక్కుమీద వేలేసుకున్నారు. ఆమె పుస్తకాల సంచిని భుజంపై నుంచి లాగేసి విసిరికొట్టేసేవారు. తండ్రి వెంటనే ఆమెకు కొత్త పుస్తకాల సెట్‌ కొని తెచ్చేవారు. ఆయనొక్కరే పద్మావతికి మద్దతు. అలాగే పదిహేనేళ్లు దాటితే ఆడపిల్లలకు పెళ్లి చేసేయాలనే సంప్రదాయం బలంగా ఉండేది. దాన్ని కూడా కూతుర్ని వైద్యురాలిని చేయడం కోసం పక్కన పెట్టేశారాయన. ముదురైలోని అమెరికన్‌ కాలేజ్‌ లో ఇంటర్‌లో చేర్చారు! తర్వాత మెడిసిన్‌. గవర్నమెంట్‌ డాక్టర్‌ అయిన కొన్నాళ్లకే మదురైలోని ‘మున్సిపల్‌ మెటర్నిటీ హోమ్స్‌’ అన్నిటికీ పద్మావతి సూరింటిండెంట్‌ అయ్యారు. ప్రసవాలు సురక్షితంగా జరగడమూ మొదలైంది. ‘‘ఆమె చేతుల్లో పడితే చాలు’’ అనేంతగా మదురై అంతటా ఆమె పేరు తెలిసింది. 1969 లో ఆమె ప్రపంచ ఆరోగ్య సంస్థ ఆధ్వర్యంలో పోలెండ్‌లో జరిగిన గర్భిణి, శిశు ఆరోగ్య వైద్య శిక్షణా సదస్సులకు హాజరయ్యారు. ఆ శిక్షణకు భారతదేశం నుంచి ఎంపికైన ముగ్గురు డాక్టర్‌లలో పద్మావతి ఒకరు. ఆమె సూచనలపై భారత ప్రభుత్వం కూడా ఆ తర్వాత కొన్ని మాతా శిశు సంరక్షణ విధానాలను అమలు పరిచింది. పద్మావతి పెళ్లి ఆమె 30వ యేట జరిగింది. భర్త రామస్వామి స్కూల్‌ హెడ్‌మాస్టర్‌. కొన్నాళ్లకే భర్త సహకారంతో మదురై పెరుమాళ్‌ కోయిల్‌ వీధిలో పది పడకల ఆసుపత్రి నిర్మించుకున్నారు. అదే వారి నివాసం కూడా. పద్మాలయ హెల్త్‌ క్లినిక్‌ అని ఆ వైద్య నివాసానికి పేరు పెట్టుకున్నారు. సిజేరియన్‌ సరంజామా లేని ప్రసూతి ఆసుపత్రి మదురై మొత్తంలో అదొక్కటే! కొడుకు, కూతురు చేత కూడా ఆమె ఒక ఆసుపత్రి పెట్టించారు. కొడుకు జనరల్‌ సర్జన్‌. కోడలు గైనకాలజిస్ట్‌. ‘‘మా అత్తగారు తన 90 వ యేట వరకూ కూడా నన్ను గైడ్‌ చేస్తూ వచ్చారు’’ అని కోడలు సుందరి చెబుతుంటారు. అంత ఉత్సాహం, అంత శక్తి ఆమెలో ఉండేవని. కోడలిగా ఆమె ఆ ఇంట్లోకి అడుగు పెట్టినప్పుడే చెప్పారట పద్మావతి.. ‘ఆడమనిషి యజమానిగా ఉండే ఇంట్లో ఆరోగ్యం ఉంటుంది’ అని. ఈ నూరేళ్ల వయసులోనూ పద్మావతి ఉదయాన్నే లేస్తారు. పూజ చేస్తారు. భక్తి గీతాలు పాడతారు. వార్తా పత్రికలు చదువుతారు. టీవీ చూస్తారు. ఫిజియో థెరపీ చేస్తారు. వేళకు భోంచేస్తారు. కరోనా వెళ్లిపోతే, వీల్‌ ఛెయిర్‌లో కాస్త బయటి తిరగాలని ఆమె ఆశపడుతున్నారు.

శత చిత్ర పద్మం అంటే... వంద చిత్రాల్లో నటించారని కాదు. శత వసంతాలు పూర్తి చేసుకున్నారామె. ఊరికే వందేళ్లు నిండితే కూడా ఇంత పెద్ద సెలబ్రేషన్‌ ఉండేది కాదేమో! ఆమెలో ఒక చిత్రకారిణి ఉన్నారు. ఒక వ్యాపారవేత్త ఉన్నారు. అంతకు మించి జీవితానికి సుపథం వేయగలిగిన గొప్ప తాత్వికవేత్త ఉన్నారు.  చీర మీద చెట్టు పద్మావతి నాయర్‌ (పద్మమ్‌) 1920లో కేరళ రాష్ట్రం, త్రిశూర్‌లో పుట్టారు. ఈ నెలతో వందేళ్లు నిండాయి. ఉదయం ఆరు గంటలకు నిద్ర లేస్తారు. టీ తాగడం, న్యూస్‌ పేపర్‌ చదవడం పూర్తయిన తర్వాత తన స్నానపానాదులు, ఉపాహారం ముగించుకుని పదిన్నరకు ఉద్యోగానికి వెళ్లినంత కచ్చితంగా రోజూ తన డెస్క్‌కు చేరుతారు. ఒంటి గంట వరకు తన ప్రపంచంలో మునిగిపోతారామె. ఆమె ప్రపంచంలో చిలుకలుంటాయి, చెట్టు కొమ్మ మీద వాలిన జంట పక్షులుంటాయి. ఆకాశంలో రెక్కలు విచ్చుకుని విహరిస్తున్న కొంగలుంటాయి. పురి విప్పిన నెమళ్లుంటాయి. రేకులు విచ్చుకున్న పువ్వులుంటాయి. ఇవన్నీ చీర మీద రంగుల బొమ్మలుగా ఉండవచ్చు, వాల్‌ హ్యాంగింగ్స్‌గానూ ఉండవచ్చు. రోజూ పెయింటింగ్‌ కోసం మూడు గంటల సమయాన్ని కేటాయిస్తారామె. వందేళ్ల వయసులో చేతి వేళ్లు పట్టు దొరకడం కష్టమే. బ్రష్‌ను కదలకుండా పట్టుకుని డిజైన్‌కు తగినట్లు స్ట్రోక్స్‌ ఇవ్వడం చాలా నైపుణ్యంతో కూడిన పని. అదే మాట అన్నప్పుడు ఆమె నవ్వుతూ ‘‘నేను పెయింటింగ్స్‌ మొదలు పెట్టిందే అరవై దాటిన తర్వాత. అప్పటి నుంచి రోజూ వేస్తూనే ఉన్నాను. అలా వేస్తూ ఉండడమే వేళ్లకు శక్తి. అయితే టస్సర్‌ మీద పెయింటింగ్‌ చేయడం కొంచెం కష్టమే’’ అన్నారు. పెయింటింగ్‌ చేసిన చీరకు ఆమె పదకొండు వేల రూపాయలు చార్జ్‌ చేస్తారు. పద్మమ్‌ బామ్మ వేసిన పెయింటింగ్‌ దుపట్టా మూడు వేలు. ‘‘నేనింత వరకు నా ఖర్చులకు పిల్లల దగ్గర చేయి చాచలేదు. నేను మనుమలు, మనుమరాళ్ల పుట్టిన రోజులకు నా డబ్బుతోనే బహుమతులిస్తాను కూడా’’ అంటారామె ఒకింత గర్వంగా. ఎవరికి వారే ఆధారం పద్మావతి నాయర్‌ బాల్యం కేరళలోని త్రిశూర్‌ జిల్లాలోని వడకంచెర్రిలోనే గడిచింది. పదిమందిలో తొమ్మిదో సంతానం. ఫోర్డ్‌ మోటార్స్‌ ఉద్యోగి కేకే నాయర్‌ను పెళ్లి చేసుకుని 1945లో ముంబయికి వెళ్లారామె. వారికి ఐదుగురు పిల్లలు. ఆ పిల్లలందరి దుస్తులూ తానే మెషీన్‌ మీద కుట్టేవారు. ఆడపిల్లల దుస్తుల మీద ఎంబ్రాయిడరీ, పెయింటింగ్‌ కూడా చేసేవారు. పిల్లల బాధ్యతలు పూర్తయ్యేటప్పటికి అరవై దాటాయి. అప్పటి వరకు హాబీగా చేసిన పెయింటింగ్‌ కోసం పూర్తి సమయం కేటాయించారామె. తన సొంత సంపాదన మొదలు పెట్టింది కూడా అప్పుడే. మూడు దశాబ్దాలుగా విజయవంతంగా సాగుతోంది ఆమె పెయింటింగ్‌ కుటీర పరిశ్రమ. వందేళ్ల వయసులో కూడా డబ్బు సంపాదిస్తున్నాను. అవును, ఎందుకు సంపాదించకూడదు? అని ప్రశ్నిస్తారు పద్మమ్‌. ఆడపిల్లలనే కాదు ఎవరూ మరొకరి మీద ఆధారపడకూడదు. తమ మీద తాము ఆధారపడి జీవించాలి... అని ఆమె పేరెంటింగ్‌ ఫిలాసఫీ చెప్పారు. పద్మమ్‌కి ఏడుగురు మనుమలు– మనుమరాళ్లు, నలుగురు ముని మనుమళ్లు–మనుమరాళ్లు. ఆమెకు రోజూ ఒంటి గంట వరకు పెయింటింగ్స్‌తో గడిచిపోతుంది. మధ్యాహ్నం కొంత విశ్రాంతి. సాయత్రం కొంత సేపు టీవీ చూసిన తర్వాత మనుమలు– మనుమరాళ్ల నుంచి వచ్చిన వాట్సప్‌ మెసేజ్‌లు చూసుకోవడం, వాటికి బదులివ్వడం ఆమె వ్యాపకం. పిల్లల సెలవు రోజుల్లో వాళ్లకు వీడియో కాల్‌ చేసి మాట్లాడుతుంది. ప్రపంచ దేశాల్లో విస్తరించిన బంధువులందరినీ సోషల్‌ మీడియా వేదికగా పలకరిస్తుంది. స్నేహితులకు ఈ మెయిల్స్‌ చేస్తుంది. జీవితంలో ఏమున్నాయి? ఏమి లేవు? అని బేరీజు వేసుకుంటూ ఉంటే సంతోషాల కంటే కష్టనష్టాల తక్కెడ బరువెక్కుతుంది. ‘నా జీవితంలో నేనున్నాను’ అనుకుంటే ఆత్మవిశ్వాసం రెట్టింపవుతుంది. అదే ఆయుష్షును పెంచే ఔషధం. ఆనందంగా జీవించడానికి సాధనం. – మంజీర

సాక్షి, హైదరాబాద్‌: ప్రతిష్టాత్మకంగా మారిన హుజూర్‌ నగర్‌ ఉప ఎన్నికల్లో అధికార టీఆర్‌ఎస్‌ పార్టీ భారీ విజయం దిశగా దూసుకుపోతోంది. ఇప్పటివరకు అందుతున్న కౌంటింగ్‌ సరళిని బట్టి చూస్తే 20వేలకు పైచిలుకు మెజారిటీతో గులాబీ అభ్యర్థి శైనంపూడి సైదిరెడ్డి ముందంజలో ఉన్నారు. కాంగ్రెస్‌ పార్టీకి కంచుకోట అయిన హుజూర్‌నగర్‌లో టీఆర్‌ఎస్‌ జెండా పాతడంతో రాష్ట్రవ్యాప్తంగా గులాబీ శ్రేణుల్లో హర్షాతిరేకాలు వ్యక్తమవుతున్నాయి. తెలంగాణ భవన్‌లో సంబరాలు జరుగుతున్నాయి. హుజూర్‌నగర్‌లో గులాబీ శ్రేణులు గులాల్‌ చల్లుకుంటూ ఆనందోత్సాహల్లో మునిగితేలారు. తీవ్ర ఉత్కంఠను రేపిన హుజూర్‌.. హుజూర్‌నగర్‌ ఉప ఎన్నికను రాష్ట్రవ్యాప్తంగా తీవ్ర ఉత్కంఠను రేపింది. టీపీసీసీ చీఫ్‌ ఉత్తమ్‌కుమార్‌రెడ్డి లోక్‌సభ ఎన్నికల్లో నల్గొండ నుంచి పోటీచేసి గెలుపొందడంతో ఇక్కడ ఉప ఎన్నికలు అనివార్యమయ్యాయి. తనకు కంచుకోట అయిన ఈ నియోజకవర్గంలో మరోసారి గెలుపు ఖాయమన్న ధీమాతో ఉత్తమ్‌.. తన సతీమణి పద్మావతిని బరిలోకి దింపారు. గత ఎన్నికల్లో స్వల్ప మెజారిటీతో ఓడిపోయిన సైదిరెడ్డిని మరోసారి టీఆర్‌ఎస్‌ బరిలోకి దింపింది. బీజేపీ, టీడీపీ వంటి పార్టీలు బరిలో నిలిచినా.. పెద్దగా ప్రభావం చూపలేదు. టీఆర్‌ఎస్‌-కాంగ్రెస్‌ మధ్య పోటీ నువ్వా-నేనా అన్నట్టుగా సాగింది. ఇరుపార్టీల అగ్రనేతలు పెద్దసంఖ్యలో మోహరించి.. భారీ ఎత్తున ప్రచారం నిర్వహించారు. ఈ క్రమంలోనే ఆర్టీసీ సమ్మె జరగడం, ప్రభుత్వానికి కొంత ఇబ్బందికర వాతావరణం ఉండటంతో ఆ ప్రభావం హుజూర్‌నగర్‌ ఉప ఎన్నికపై పడుతుందేమోనన్న ఆందోళన గులాబీ శ్రేణుల్లో కనిపించింది. అయితే, ఈసారి హుజూర్‌ నగర్‌ ప్రజలు గులాబీ అభివృద్ధి మంత్రానికి ఓటేశారు. మూడుసార్లు గెలిపించినప్పటికీ ఉత్తమ్‌ నియోజకవర్గాన్ని అభివృద్ధి చేయలేకపోయారని, గులాబీ గెలుపుతోనే ఇక్కడ అభివృద్ధి సాధ్యమంటూ సైదిరెడ్డి, టీఆర్‌ఎస్‌ నేతలు ప్రచారాన్ని హోరెత్తించారు. ఈ ప్రచారం ఫలించినట్టు ఉప ఎన్నిక ఫలితాల్లో స్పష్టమవుతోంది. ఇక్కడ అంచనాలకు మించి కారు జోరుగా దూసుకుపోతుండటంతో ప్రతిపక్ష పార్టీలు బొక్కాబోర్లా పడ్డాయి. తెలంగాణలో తామే ప్రధాన ప్రతిపక్షమంటూ గొప్పలు చెప్పుకుంటున్న బీజేపీకి డిపాజిట్‌ దక్కని పరిస్థితి కనిపిస్తోంది. అటు, తెలంగాణలో తుడిచిపెట్టుకుపోయిన టీడీపీ ఉనికి కోసం హుజూర్‌నగర్‌లో పోటీచేసినా ఘోరమైన భంగపాటు తప్పలేదు. కాంగ్రెస్‌ పార్టీకి కంచుకోట.. టీపీసీసీ చీఫ్‌ నియోజకవర్గం అయిన హుజూర్‌నగర్‌ పూర్తిస్థాయిలో టీఆర్‌ఎస్‌కు పట్టం కట్టినట్టు కనిపిస్తోంది. హస్తం పార్టీకి గట్టి పట్టున్న మండలాల్లోనూ గులాబీకి ఆధిక్యం దక్కడం ఇక్కడ టీఆర్‌ఎస్‌ జోరును చాటుతోంది. బెట్టింగ్‌రాయుళ్ల జోరు రాష్ట్ర రాజకీయాల్లో ఉత్కంఠ రేపిన హుజూర్‌నగర్‌ ఉప ఎన్నిక ఫలితంపై జోరుగా బెట్టింగులు జరిగాయి. ఈ ఉప ఎన్నిక ఫలితం ఎటువైపు మొగ్గు చూపుతుందన్న దానిపై రెండు తెలుగు రాష్ట్రాల్లోనూ పెద్ద ఎత్తున పందాలు కాశారు.  వేయి నుంచి లక్షల రూపాయల వరకు పందాలు సాగాయి. ఎగ్జిట్‌పోల్‌ ఫలితాలతోపాటు పోలింగ్‌ సరళిలోనూ టీఆర్‌ఎస్‌కు సానుకూలత ఉండటంతో ఆ పార్టీకి వ్యతిరేకంగా పందాలు కాసిన వారికి భారీ ఆఫర్లు ఊరించాయి. ఏ పార్టీ గెలుస్తుందనే దానితోపాటు ఆయా పార్టీలకు వచ్చే మెజార్టీల మీద కూడా బెట్టింగులు నడిచాయి. ముఖ్యంగా టీఆర్‌ఎస్‌కు ఎంత మెజార్టీ వస్తుందనే దానిపైనే పెద్ద ఎత్తున పందాలు సాగాయి. టీఆర్‌ఎస్‌ గెలుస్తుందని 100 రూపాయలు బెట్టింగ్‌ చేస్తే 75 రూపాయలే ఇస్తామని, టీఆర్‌ఎస్‌కు 10వేల మెజార్టీ వస్తుందంటే రూపాయికి రూపాయిన్నర, 20వేల మెజార్టీ వస్తుందని పందెం కాస్తే రూపాయికి రెండు రూపాయలు ఇస్తామనే స్థాయిలో బుకీలు, స్థానిక బెట్టింగ్‌ రాయుళ్లు ఆఫర్లు ఇచ్చినట్టు తెలిసింది. ఈక్రమంలో టీఆర్‌ఎస్‌కు వ్యతిరేకంగా బెట్టింగ్‌చేసిన వాళ్లు పెద్ద ఎత్తున నష్టపోయినట్టు సమాచారం అందుతోంది. ఇక, టీఆర్‌ఎస్‌ గెలుపు, మెజారిటీలపై బెట్టింగ్‌ కాసినవాళ్లు లాభపడినట్టు తెలుస్తోంది. ముఖ్యంగా హుజూర్‌నగర్‌ నియోజకవర్గంలోనూ, ఆ నియోజకవర్గానికి సరిహద్దుగా ఉన్న జిల్లాల్లోనూ బెట్టింగులు సాగాయి. ఉమ్మడి నల్లగొండ, ఖమ్మం, రంగారెడ్డి, హైదరాబాద్‌ జిల్లాలతోపాటు ఆంధ్రప్రదేశ్‌ రాష్ట్రంలోని కృష్ణా, గుంటూరు, పశ్చిమగోదావరి జిల్లాల్లోనూ హుజూర్‌నగర్‌ ఫలితంపై పందాలు జోరుగా సాగాయి.

సాక్షి, తిరుపతి :  కల్కి భగవాన్‌ ఆశ్రమాలు, ప్రధాన కార్యాలయాల్లో ఐటీ దాడులు కొనసాగుతున్నాయి. ఆంధ్రప్రదేశ్‌, తెలంగాణ,తమిళనాడు రాష్ట్రాల్లో ఏకకాలంలో విస్తృతంగా తనిఖీలు జరుగుతున్నాయి. కల్కి భగవాన్‌ ప్రధాన ఆశ్రమం తమిళనాడు పోలీసుల పహారాలో ఉంది. కాగా దాడులు సమయంలో కల్కి భగవాన్‌, ఆయన సతీమణి పద్మావతి కానీ అందుబాటులో లేరు. చెన్నై నుంగంబాకం ప్రధాన కార్యాలయంలో కల్కి భగవాన్‌ కుమారుడు కృష్ణ, కోడలు ప్రీతిని ఐటీ అధికారులు విచారణ చేస్తున్నారు.  మరోవైపు చిత్తూరు జిల్లాలోని వరదయ్యపాలెం, బీ ఎన్‌. కండ్రిగ మండలాల్లో ఉన్న ఆశ్రమాల ట్రస్ట్‌  నిర్వహాకుడు లోకేష్‌ దాసాజీతో పాటు మరికొంతమంది సిబ్బందిని రహస్యంగా విచారిస్తున్నారు. ఈ సోదాల్లో వందల కోట్ల విలువైన అక్రమ ఆస్తులను గుర్తించారు. అలాగే బినామీల పేరుతో వేల ఎకరాల భూముల క్రయ విక్రయాలు జరిపినట్లు అధికారులు గుర్తించారు. ఇక కల్కి ఆశ్రమాల్లోకి మీడియా ప్రతినిధులకు అనుమతి నిరాకరించారు. కాగా గతంలో కూడా కల్కి భగవాన్‌ ఆశ్రమంలో జరుగుతున్న వ్యవహారాలపై అనేక ఆరోపణలు వచ్చాయి. ఆశ్రమంలో భక్తులకు మత్తు పదార్థాలు ఇచ్చి వారిని మత్తులో ఉండేలా చేయడంతో పాటు, లైంగిక వేధింపులకు గురి చేసినట్లు ఆరోపణలు వెల్లువెత్తాయి. విజయ్‌ కుమార్‌ నాయుడు అలియాస్‌ కల్కి భగవాన్‌ తొలినాళ్లలో ఎల్‌ఐసీలో క్లర్క్‌గా జీవితాన్ని ప్రారంభించి ఆ తర్వాత ఉద్యోగాన్ని వదిలేసి ఓ విద్యాసంస్థను నెలకొల్పారు. అది కాస్తా దివాళా తీయడంతో అజ్ఞాతంలోకి వెళ్లిపోయారు. విష్ణుమూర్తి పదో అవతారం కల్కి భగవాన్‌గా చెప్పుకుంటూ విజయ్‌ కుమార్‌ 1989లో చిత్తూరు జిల్లాలో ప్రత్యక్షమయ్యారు.  స్పెషల్‌ దర్శనానికి రూ.25వేలు ఆ తర్వాత తన ఆశ్రమ కార్యాకలాపాలను ఏపీతో పాటు తమిళనాడుకు విస్తరించారు. కల‍్కి భగవాన్‌ తనతో పాటు భార్య పద్మావతిని దైవాంశ స్వరూపులుగా చెప్పుకునేవారు. వీరి ఆశ్రమానికి దేశంలోని ధనవంతులే కాకుండా విదేశీయులు, ఎన్నారైలు క్యూ కట్టేవారు. కల్కి భగవాన్‌ సాధారణ దర్శనానికి రూ.5వేలు, ఇక​ ప్రత్యేక దర్శనం కావాలంటే రూ.25 వేలు చెల్లించుకోవాల్సిందే. ఇక కల్కి భగవాన్‌పై అనేక ఆరోపణలు ఉన్నాయి. అలాగే ఆయనతో పాటు కల్కి కుమారుడు కృష్ణాజీ కూడా పెద్ద ఎత్తున భూములు ఆక్రమించి రియల్‌ ఎస్టేట్‌ వ్యాపారం చేస్తున్నట్లు ఫిర్యాదుతో 2010లో ఆంధ్రప్రదేశ్‌ హైకోర్టు విచారణకు ఆదేశించిన విషయం తెలిసిందే. అలాగే 2008లో చిత్తూరు జిల్లాలోని కల్కి ఆశ్రమంలో జరిగిన తొక్కిసలాటలో అయిదుగురు మృతి చెందగా, అనేకమంది గాయపడ్డారు. దీంతో కొద్దిరోజులు ఆశ్రమం మూతపడింది. చదవండి: ‘కల్కి భగవాన్‌’ పై ఐటీ దాడులు

తెలుగువారింట గోరంత దీపమై, పున్నాగగా పరిమళించి బంగారు గాజులు ధరించిన పద్మావతి అసలు పేరు అంజనా శ్రీనివాస్‌. సీరియల్‌ నటిగా తెలుగువారి మనసులను ఆకట్టుకుంటున్న పద్మావతి ఉరఫ్‌ అంజన సాక్షితో పంచుకున్న ముచ్చట్లు. అమ్మనాన్నలకు ముగ్గురు ఆడపిల్లలం. ఇంట్లో నేనే పెద్ద కూతురిని. మా అమ్మవాళ్ల నాన్నగారు నాటకాలు వేసేవారట. అలాగే నాకు సాంస్కృతిక వ్యవహారాలపై ఇష్టం ఏర్పడి ఉంటుందని అమ్మానాన్నా అంటుంటారు. పుట్టి పెరిగింది అంతా బెంగుళూరులోనే. డిగ్రీ వరకు చదువుకున్నాను. ఒక తెలిసిన మేకప్‌మేన్‌ సీరియల్‌కి ఆడిషన్స్‌ జరుగుతున్నాయంటే వెళ్లాను. అక్కడ నూట ఇరవైమందిలో నేను సెలక్ట్‌ అయ్యాను. అలా కన్నడలో ‘కృష్ణా రుక్మిణి’ సీరియల్‌లో నటించాను. తమిళంలో కూడా ఓ సీరియల్‌ చేస్తున్నాను. తెలుగులో గోరంతదీపం, పున్నాగ తర్వాత ఇప్పుడు బంగారు గాజులు సీరియల్‌లో నటిస్తున్నాను.  చెల్లెళ్లకు అన్నలా!  నాన్న శ్రీనివాస్‌ సెంట్రల్‌ గవర్నమెంట్‌ ఎంప్లాయ్‌. అమ్మ రాధ హౌజ్‌వైఫ్‌. మేం ముగ్గురు ఆడపిల్లలమే అని అమ్మనాన్న ఎప్పుడూ భయపడలేదు. అలాగే మా ఇష్టాలకు ఆంక్షలు ఎప్పుడూ పెట్టలేదు. ఏది నచ్చితే అది చేయమన్నారు. అయితే, ఏం చేసినా చాలా జాగ్రత్తగా ఉండాలని, ఇబ్బందులు పడకూడదని, ఫ్యామిలీకీ ఇబ్బంది రాకూడదని చెబుతారు. నన్నయితే చిన్నప్పటి నుంచి ఒక అబ్బాయిలాగే పెంచారు. అందుకే మా చెల్లెళ్లకు అన్నలా ఉంటాను. కాని, మా సిస్టర్సే నాకన్నా మెచ్యూర్డ్‌. నేనే వాళ్లతో బాగా అల్లరి చేస్తాను. ఒక్కోసారి వాళ్లకే చెల్లెలిగా మారిపోతాను. నాకేదైనా అడ్వైజ్‌ అవసరమైతే వాళ్లే చెబుతారు.  ఇంటికి పెద్ద కొడుకులా!  నేనీ ఇండస్ట్రీకి వచ్చి ఎనిమిదేళ్లయ్యింది. ఐదేళ్ల వరకు అమ్మ నాతోపాటు షూటింగ్స్‌కి వచ్చేవారు. ఇప్పుడు వద్దని చెప్పాను. నా పనులు నేను చూసుకోగల ధైర్యం వచ్చింది, నువ్వు చెల్లెళ్లను చూసుకో’ అని చెప్పాను. ఇంకా మంచి మంచి సీరియల్స్‌ చేస్తూ నా ప్రొఫెషన్‌లో ఎదగాలని ఉంది. ఫ్యూచర్‌లో కూడా అమ్మానాన్నలని బాగా చూసుకోవాలి. పెళ్లయినా వాళ్లని వదిలి ఉండలేను. ‘అమ్మనాన్నలతో నేను ఉంటాను, నేను ఉంటాను’ అంటూ ముగ్గురం అక్కచెల్లెళ్లం గొడవ పడుతుంటాం.  డ్యాన్స్‌ అంటే పిచ్చి నే చేసిన సీరియల్స్‌ అన్నీ చాలా నేచురల్‌గా, భిన్నమైన పాత్రలు రావడం బాగా నచ్చింది. ఈ ఫీల్డ్‌కి రాకముందు మొదట్లో మా అమ్మతో అనేదాన్ని‘ ఇలాంటి సీరియల్స్‌ ఎలా చూస్తున్నావ్‌?’ అని. కానీ, అలా అనే నేను కూడా సీరియల్స్‌ చూసేదాన్ని. సీరియల్‌లో తర్వాత కథ ఏమవుతుందనే ఆసక్తి ఉంటుంది. ఆ ఆసక్తి వల్లే ఇలా ఈ ఇండస్ట్రీకి వచ్చాననిపిస్తుంది. డ్యాన్స్‌ అంటే విపరీతమైన పిచ్చి. ఏ కాస్త ఖాళీ దొరికినా స్ప్రింగ్‌లా ఊగిపోతుంటాను.  వరించిన పాత్రలు నేను ఈ ఇండస్ట్రీకి రాకముందు ఏమేం అనుకున్నానో అలాంటి పాత్రలన్నీ ఇప్పుడు సీరియల్స్‌లో చేస్తున్నాను. తమిళ్‌ ‘శివగామి’ సీరియల్‌లో ఐపిఎస్‌ ఆఫీసర్‌గా చేస్తున్నాను. ఈ సీరియల్‌ ఒప్పుకోవడానికి ముందు కొంచెం భయపడ్డాను. హీరోయిన్‌ అనగానే ఏడ్వాలి.. అనే కాన్సెప్ట్‌ ఉంటుంది. కానీ, ఇందులో ధైర్యవంతురాలిగా ఉంటుంది నా పాత్ర. తండ్రిని చంపిన వారిని శిక్షించాలని అనుకుంటుంది. అలాగని పగ పెంచుకోదు. న్యాయపరంగా ఉంటుంది. నిజంగా పోలీస్‌ జాబ్‌లో ఉన్న అమ్మాయిలు ఎంత కష్టపడుతున్నారు అని ఆ పాత్ర చేస్తున్నప్పుడల్లా అనిపిస్తుంది. బంగారు గాజులు సీరియల్‌ పాత్ర సింగింగ్‌ బేస్డ్‌గా ఉంటుంది. చదువుకునే రోజుల్లో మంచి సింగర్‌ని కావాలని సింగింగ్‌ క్లాసులకు కూడా వెళ్లాను. ఇప్పుడు ఈ సీరియల్‌ ద్వారా ఆ ముచ్చట తీరుతోంది. ఈ సీరియల్‌లో పద్మావతిగా నా పాత్ర చాలా సంప్రదాయ బద్ధంగా, తల్లీ–కూతురు మధ్య ఉండే బంధం గొప్పగా ఉంటుంది. అల్లరిపిల్లగా కూడా కనిపిస్తుంది. గోరంత దీపంలోనూ నా పాత్ర పేరు పద్మావతే. ఈ పేరు సెంట్‌మెంట్‌గా వర్కవుట్‌ అయిందన్నారు యూనిట్‌. ఇప్పుడు నా అసలు పేరు మర్చిపోయి యూనిట్‌లో అంతా పద్దు అని, బాపు బొమ్మ అని పిలుస్తుంటారు. – నిర్మలారెడ్డి

‘మాతృదేవోభవ అని తల్లిని పూజించిన భారతదేశంలో ఆడపిల్ల నేడు ఎందుకు ఆక్రోశిస్తోంది? యత్రనార్యస్తు  పూజ్యంతే రమంతే తత్ర దేవతాః... అని నమ్మిన నేల మీద ఆడపిల్లలకు రక్షణ కరువవుతోంది ఎందుకు?  సమాజం ఎక్కడో బ్యాలెన్స్‌ తప్పుతోంది. యువత ప్రాధాన్యాలు మారిపోతున్నాయి. తల్లిదండ్రుల దారిలో డబ్బునే చూస్తున్నారు పిల్లలు. డాలర్ల రేసులో పడి మోరల్స్‌ మర్చిపోతున్నారు. సిలబస్‌లో మోరల్‌ ఎడ్యుకేషన్‌ కోసం పేజీలు ఉండటం లేదు. మనిషికి దైవభక్తి ఉన్నా, పాపభీతి ఉన్నా నాడు నిర్భయ ఘటన నిన్న ఆసిఫా ఘాతుకమూ జరిగేది కాదు. పాప మార్గాన్ని నిరోధించే దైవభక్తిపగలు– ప్రతీకారాలు తీర్చుకోవడానికి కాదు, మమత–సమత పెంచడానికే’  అంటారు దేవిరెడ్డి పద్మావతి.సమాజంలో నైతిక విలువలను నిలబెట్టడం ఒక తక్షణ అవసరం అని నమ్ముతున్నారు ఆమె. అందుకు అన్నమయ్యను ఒక సాధనంగా చేసుకున్నారు. ‘ఈ సమాజాన్ని తిరిగి సంస్కారవంతం చేయడం కష్టం కాదు. ప్రయత్నించాలి అంతే’ అని విశ్వాసం వ్యక్తం చేస్తారామె. తిరుపతిలో ఆమె చేస్తున్న ప్రయత్నమే ఈ కథనం. అన్నమయ్య దారిలో... ‘పొరుగువాడిని ప్రేమించలేని జీవితం జీవితమే కాదు. ఆకలి బాధ పేదవాడికైనా సంపన్నుడికైనా ఒకటే. సమాజంలో పాతుకుపోతున్న పేద–ధనిక, కులమతాల అడ్డుగోడల్ని కూలగొట్టాలి. అన్నమయ్య చెప్పిన సమ సమాజాన్ని స్థాపించాలి. అందుకే నేను కోరుకుంటున్న సమాజ నిర్మాణానికి అన్నమయ్య సంకీర్తనలతోనే దారులు వేస్తున్నాను’ అంటారు దేవిరెడ్డి పద్మావతి. ‘లైవ్‌ తిరుపతి డాట్‌కామ్‌’ పేరుతో ఆధ్యాత్మిక వెబ్‌సైట్‌ నిర్వహిస్తున్నారామె. రోజుకో మంచిమాట చెబుతూ, రోజుకో అన్నమాచార్య కీర్తనను పరిచయం చేస్తుంటారు. భగవద్గీత శ్లోకాలను సామాన్యులకు అర్థమయ్యే తేలిక పదాలతో వివరిస్తారు.  జనం బాటలోనే మంచిమాట ‘జనం మనదారిలోకి రావాలని కోరుకోకూడదు, మనమే జనం దారిలో వెళ్లి చెప్పదలుచుకున్న మంచి మాట చెప్పాలి. వాళ్ల చెవికెక్కేటట్లు చెప్పాలంటే వాళ్లను నచ్చిన మాధ్యమంలోనే వాళ్లను చేరాలి. చదువులేని రోజుల్లో జనానికి మంచి చెడులను హరికథలు, బుర్రకథలు, ఒగ్గు కథలు, తోలుబొమ్మలాటలతో చెప్పేవాళ్లు. అప్పుడవే ప్రసారమాధ్యమాలు. ఇప్పుడు నూటికి అరవై మంది చేతిలో స్మార్ట్‌ఫోన్‌ ఉంటోంది. క్లాస్‌ బుక్కులను కూడా ఫేస్‌బుక్కులోనే చదవాలన్నంతగా విస్తరించింది సోషల్‌ మీడియా. డ్రాయింగ్‌ రూమ్‌లో ఉన్న భర్త ‘టీ ఇస్తావా’ అని భార్యను వాట్సాప్‌లో అడగాల్సిన స్థితి. సమాజంలో సమన్వయం తప్పుతోన్న మానవసంబంధాలను క్రమబద్ధం చేయడానికి కూడా వాట్సాప్, ఫేస్‌బుక్‌లే మంచి మార్గాలనుకున్నాను’ అంటారు పద్మావతి.  జరిగే పనేనా! ‘మంచిచెడుల గురించి చెప్పేవాళ్లు చెబుతుంటారు, వినాలనుకున్నవాళ్లు వింటుంటారు. వినగానే మనిషిలో గూడుకట్టుకుని ఉండే కరడుగట్టిన కర్కశత్వం సమూలంగా తుడిచిపెట్టుకుపోవడం జరిగేపనేనా? జరగవచ్చు, జరగకపోవచ్చు. రెండింటికీ చాన్సెస్‌ ఫిఫ్టీ ఫిఫ్టీ. అయితే నా నమ్మకం ఒక్కటే... మనిషిలో స్వతహాగా మానవత్వం ఉంటుంది. దానిని జాగృతం చేస్తే మంచి ఫలితాలు వస్తాయి. సత్వరజతమోగుణాలను అదుపు చేసుకోలేకపోయినప్పుడు అవి మానవత్వం మీద దాడి చేస్తాయి. వాటిని అదుపు చేసుకోవాలనే క్రమశిక్షణ ఎవరో ఒకరు నేర్పాలి. పిల్లలకు స్కూలుకి టైమ్‌కి వెళ్లడం, హోమ్‌వర్క్‌ చేయడం, పెద్దలను గౌరవించడం నేర్పించినట్లే ఇది కూడా. ట్రాఫిక్‌రూల్స్‌ని పాటించడం నేర్పించినట్లే, సివిక్‌సెన్స్‌ నేర్పించినట్లే ధార్మిక క్రమశిక్షణను కూడా నేర్పించాలి. ట్రాఫిక్‌ రూల్‌ పాటించకపోతే ఫైన్‌ కట్టాల్సి వస్తుందని బుద్ధి మనిషిని హెచ్చరిస్తుంది. అలాగే తాత్కాలిక వ్యామోహంలోనో, క్షణికావేశంలోనో నేరాలకు పాల్పడేటప్పుడు కూడా ఇది పాపం, దేవుడు ఒప్పుకోడు అనే భక్తి గుర్తొస్తుంది. భక్తిగా కాకపోయినా దేవుడు ఏదో ఒక రూపంలో శిక్షిస్తాడు అనే భయం అయినా గుర్తొస్తుంది. విన్నది, కన్నది మెదడులో నిక్షిప్తమవుతుంది. అవసరం వచ్చినప్పుడు విచక్షణ దానిని వెలికి తీస్తుంది. అందుకే మంచిమాటటను పలుమార్లు చెప్పే ప్రయత్నం చేస్తున్నాను’ అంటారు పద్మావతి. ఆ సేవ కోసమే తన జీవితం అంటోందామె. దేవుడు కోరిన సమాజం కోసం నేను వేంకటేశ్వరస్వామి భక్తురాలిని. ఆ స్వామి తాను చెప్పదలుచుకున్న మంచిమాటలను అన్నమయ్య చేత చెప్పించుకున్నాడని నమ్ముతాను. ఆ స్వామి కోరుకున్న సమాజం అన్నమయ్య పదాల్లో కనిపిస్తుంది. అలాంటి సమాజం తిరిగి రావాలన్నదే నా కోరిక. నేను అన్నమయ్యలాగా సంకీర్తనలు రాయలేను.  ఆ సంకీర్తనాచార్యుడు చెప్పిన మంచిని మంది దగ్గరకు చేర్చడమే నా పని. ఈ పనిని చక్కగా చేస్తే దైవభక్తి, పాపభీతి నిండిన ధార్మిక సమాజం రూపొందుతుంది. అప్పుడు నేరాలు వాటంతట అవే తగ్గిపోతాయి.  – దేవిరెడ్డి పద్మావతి, సి.ఇ.ఓ, లైవ్‌ తిరుపతి వెబ్‌సైట్‌  – వాకా మంజులారెడ్డి

ఉద్యోగం చేస్తే ఒకరు చెప్పినట్టుగా చేయాలి.స్వయం ఉపాధి అయితే మనకు నచ్చినట్టుగా చేసుకోవచ్చు. చదవిన చదువుకు ప్రయత్నం తోడైతే ఏమవుతుందో పద్మావతిని చూస్తే అర్థమవుతుంది. ఆమె ఇప్పుడు పుట్టగొడుగుల రైతు. ఇంటి వద్దే ఉంటూ మంచి సంపాదన పొందుతున్న గృహిణి. యూట్యూబ్‌ చూడటం ఆమెకు లాభించింది.ఒక వీడియో ఆమెను ఆకర్షించింది. హైదరాబాద్‌ నగరంలోని నాగోలు లక్ష్మీనరసింహ స్వామి కాలనీ(రోడ్‌ నెం:9) నివాసి ద్రోణంరాజు పద్మావతి జీవశాస్త్రంలో పట్టభద్రురాలు. స్వస్థలమైన పశ్చిమగోదావరి జిల్లాలో కొంతకాలం అధ్యాపకురాలిగా పనిచేసి నగరానికి వచ్చి స్థిరనివాసం ఏర్పరచుకున్నారు. ఈ దశలో మరో ఉద్యోగం వెతుక్కోవడం కన్నా స్వయం ఉపాధి కోసం సొంతంగా ఏదైనా చేయాలని సంకల్పించారు. ఆ సమయంలోనే పుట్టగొడుగుల పెంపకంపై యూట్యూబ్‌లో తారసపడిన వీడియో ఆమెను ఆకర్షించింది. మనమెందుకు పుట్టగొడుగులు పెంచకూడదు అనిపించింది. జీవశాస్త్రంలో లోతైన అవగాహన కలిగిన పద్మావతికి తర్వాత ఏం చేయాలో పెద్దగా చెప్పాల్సిన పని లేకపోయింది. 40 రోజులకు తొలి దిగుబడి తన ఇంటి వద్ద 300 చదరపు అడుగులలో రేకుల షెడ్డు నిర్మించి 3 నెలల క్రితం పుట్టగొడుగుల పెంపకాన్ని పద్మావతి ప్రారంభించారు. 4 ఇనుప స్టాండ్లను ఏర్పాటు చేసి 350 బెడ్స్‌లో పుట్టగొడుగులు పెంచుతున్నారు. వాట్సప్, ఫోన్‌ ద్వారా ఈ రంగంలో నిష్ణాతులైన వారి దగ్గర సందేహాలను తీర్చుకుంటూ పుట్టగొడుగుల దిగుబడి మొదలెట్టారు. బెడ్‌ తయారు చేసి విత్తనం (స్పాన్‌) వేసిన 40 రోజులకు పుట్టగొడుగు చేతికి వస్తుంది. నెలన్నర కాలం పాటు ఆ బెడ్స్‌ నుంచి పుట్టగొడుగుల దిగుబడి వస్తుందని ఆమె అన్నారు. రోజుకు 5–10 కిలోల మిల్కీ పుట్టగొడుగులను విక్రయిస్తున్నానన్నారు. టోకుగా కిలో రూ. 200కు, రిటైల్‌గా రూ. 300 వరకు ధర పలుకుతున్నదని, లాభసాటిగా ఉందన్నారు. పుట్టగొడుగులలో చాలా రకాలు ఉన్నాయని అంటూ.. మిల్కీ పుట్టగొడుగులు హైదరాబాద్‌ వాతావరణంలో బాగా పెరుగుతున్నాయన్నారు. తొలి సీజన్‌లో గడించిన అనుభవంతో పుట్టగొడుగుల సాగును త్వరలో మరో రెండు గదులకు విస్తరింపజేయనున్నట్లు తెలిపారు. ‘చాలా చేయాలని ఉంది. బ్యాంకులు లోన్‌ ఇస్తే బాగుండు’ అన్నారామె.  అతి జాగ్రత్త పాటించాలి వరిగడ్డిని ఉడకబెట్టి బెడ్‌ తయారు చేయడం దగ్గర నుంచి, కొద్దిరోజుల పాటు చీకటి గదిలో నిల్వచేయడం, కలుషితం కాకుండా చూసుకోవడం, గాలిలో తేమ, గది ఉష్ణోగ్రత వంటివన్నీ జాగ్రత్తగా చేయడం ద్వారా పుట్టగొడుగుల పెంపకాన్ని నేర్చుకోగలిగానని ఆమె తెలిపారు. ఐసీయూలో ఉన్న రోగి మాదిరిగా అతి జాగ్రత్తగా చూసుకోవాల్సి ఉంటుందని అంటూ.. అప్పుడే చక్కని దిగుబడి పొందగలుగుతామని పద్మావతి అన్నారు. సాధారణంగా మార్చి–నవంబర్‌ మధ్య కాలం పుట్టగొడుగుల సాగుకు అనువైన కాలమని.. అయితే, తాను చలికాలంలో ప్రారంభించడం వల్ల గది ఉష్ణోగ్రత, గాలిలో తేమ సరిచూసుకోవడానికి యంత్రాలను సమకూర్చుకోవలసి వచ్చిందని ఆమె అన్నారు. తొలి దశలో మౌలిక సదుపాయాలకు కొంత పెట్టుబడి అవసరమవుతుందని, తదనంతరం అంత పెద్దగా ఖర్చు ఉండదని ఆమె తెలిపారు.  – చిత్రం సైదులు, సాక్షి, నాగోలు, హైదరాబాద్‌ రసాయనాలు వాడటం లేదు ఎటువంటి రసాయన ఎరువులు కలపకుండా ఆరోగ్యకరమైన మిల్కీ పుట్టగొడుగులను పెంచుతున్నాను. పుట్టగొడుగులు వారానికి రెండు సార్లు తినొచ్చు. శరీరంలోని చెడు కొవ్వు కరుగుతుంది. మెదడు చురుకుగా పనిచేస్తుంది. విటమిన్‌ బీ, సీ తోపాటు కాల్షియం, మినరల్స్‌ అందుతాయి. గ్యాస్ట్రిక్‌ సమస్యలు కూడా పోతాయి. ప్రస్తుతం నగరంలో వీటికి మంచి డిమాండ్‌ ఉంది. అడిగిన వారికి ఊరగాయ కూడా పెట్టి ఇస్తున్నా.  – ద్రోణంరాజు పద్మావతి (94907 55366),  లక్ష్మీనరసింహస్వామి కాలనీ, నాగోలు, హైదరాబాద్‌ 

ఆశ్చర్యపోకండి! ‘ఆమీ’ అనే మలయాళీ సినిమా ఇది! దీన్ని బ్యాన్‌ చెయ్యాలని కేరళలో ఇప్పుడు ప్రదర్శనలు జరుగుతున్నాయి. కేరళ హైకోర్టులో పిటిషన్‌ కూడా దాఖలయింది. ‘పద్మావతి’ స్టోరీ, ‘ఆమీ’ స్టోరీ వేర్వేరు. అయినప్పటికీ, పద్మావతికి ఎన్ని అడ్డంకులు ఎదురయ్యాయో, అన్ని అడ్డంకులూ ‘ఆమీ’కీ ఎదురవుతున్నాయి.  ఇస్లాం మతం స్వీకరించిన కమలాసురయ్య (కమలాదాస్‌) అనే కేరళ రచయిత్రి బయోగ్రఫీ ‘ఆమీ’. 75 ఏళ్ల వయసులో 2009లో ఆమె మరణించారు. కేరళలో ‘లవ్‌ జిహాద్‌’ ధోరణి మొదలైందే కమలాదాస్‌ వల్ల కాబట్టి, ఇప్పుడు ఆమె జీవిత చరిత్రపై వస్తున్న సినిమాను విడుదల కాకుండా సెన్సార్‌ బోర్డును ఆదేశించాలని కేరళ సంప్రదాయవాదులు కోరుతున్నారు. మతాంతర వివాహాలకు ఈ సినిమా ప్రేరణ కలిగించి, సమాజాన్ని దారి తప్పించే ప్రమాదం ఉందని వారి ఆందోళన. పిటిషన్‌ వేసింది కె.పి.రామచంద్రన్‌ అనే లాయర్‌. కమలాదాస్‌ బయోగ్రఫీ ఇప్పటికే ‘లవ్‌ క్వీన్‌ ఆఫ్‌ మలబార్‌’ అనే పుస్తకంగా కూడా తర్జుమా అయింది. దాన్నుంచి కొన్ని ముఖ్యమైన భాగాలను తీసుకుని దర్శకులు కమల్‌ ‘ఆమీ’ని చిత్రీకరించారు. పుస్తకం రాసింది కెనడా రచయిత్రి మెర్రీలీ వైస్‌బోర్డ్‌. కమల తను స్వీకరించిన మతంపై తర్వాత్తర్వాత విశ్వాసం కోల్పోయిందని మెర్రీలీ ఆ పుస్తకంలో రాసినట్లు కూడా రామచంద్రన్‌ తన పిటిషన్‌లో ప్రస్తావించారు.  

సాక్షి, న్యూఢిల్లీ : సంజయ్‌ లీలా భన్సాలీ ‘పద్మావత్‌’ సినిమాకు అత్యున్నత న్యాయస్థానంలో మరోసారి మద్దలు లభించింది. సినిమా విడుదలకు సంబంధించి గతంలో ఇచ్చిన ఉత్తర్వులను ఎట్టిపరిస్థితుల్లోనూ మార్చబోనని సుప్రీంకోర్టు స్పష్టం చేసింది. సినిమా విడుదలను నిలిపేయాలంటూ రాజస్థాన్‌, మధ్యప్రదేశ్‌ ప్రభుత్వాలు దాఖలు చేసిన పిటిషన్లను న్యాయమూర్తులు మంగళవారం కొట్టివేశారు. దీంతో జనవరి 25న ‘పద్మావత్‌’ యధావిధిగా విడుదలకానుంది. రాష్ట్రాలదే బాధ్యత : పద్మావత్‌ ప్రదర్శించలేమంటూ పిటిషన్‌ వేసిన రాజస్థాన్‌, మధ్యప్రదేశ్‌ ప్రభుత్వాలకు సుప్రీంకోర్టు చివాట్లు పెట్టింది. ‘శాంతిభద్రత పరిరక్షణ రాష్ట్రాల బాధ్యత. ఆ బాధ్యతను నిర్వర్తించలేమని చేతులెత్తేయడం సరికాదు. జనవరి 25న సినిమా విడుదలవుతుందన్న గత ఆదేశాల్లో మార్పుల్లేవు’’ అని న్యాయమూర్తులు పేర్కొన్నారు. వెనక్కి తగ్గిన కర్ణిసేన? : అత్యున్నత న్యాయస్థానంలో పద్మావత్‌కు అనుకూలంగా తీర్పులు వస్తుండటంతో ఇరకాటంలోపడ్డ కర్ణిసేన పునరాలోచనలోపడ్డట్లు సమాచారం. సినిమాకు వ్యతిరేకంగా జరుగుతోన్న ఆందోళనలకు నేతృత్వం వహిస్తోన్న కర్ణిసేనకు పద్మావత్‌ దర్శకుడు భన్సాలీ సైతం ప్రత్యేక లేఖ రాసిన సంగతి తెలిసిందే. ‘ముందు మీరంతా సినిమా చూడండి. ఆ తర్వాత మీ ఇష్టం..’ అని భన్సాలీ కోరారు. సోమవారం కూడా ఉధృతంగా సాగిన ఆందోళనలు.. మంగళవారం నాటికి కాస్త తగ్గుముఖం పట్టడాన్ని బట్టిచూస్తే భన్సాలీ లేఖకు సానుకూలఫలితం వచ్చినట్లేనని సినీవర్గాలు భావిస్తున్నాయి. అయితే ఆందోళన విరమించే విశయమై కర్ణిసేన ఎలాంటి అధికారిక ప్రకటనా చేయలేదు. రక్షణ కల్పిస్తాం : ముంబై, హరియాణా పోలీసులు ‘పద్మావత్‌’ విడుదలకు సంబంధించి సుప్రీం కోర్టు తాజా ఉత్తర్వుల నేపథ్యంలో ఆ సినిమాను ప్రదర్శించబోయే థియేటర్లకు రక్షణ కల్పిస్తామని ముంబై పోలీసు శాఖ ప్రకటించింది. అటు హరియాణా ప్రభుత్వం కూడా సినిమా హాళ్ల వద్ద పహారాకు హామీ ఇచ్చింది. థియేటర్‌ యాజమాన్యాలు ఆందోళనకు గురికావాల్సిన పనిలేదని పోలీసులు పేర్కొన్నారు. 

జైపూర్‌/అహ్మదాబాద్‌ : దేశ చరిత్రలోనే ఊహించని మలుపు. ఒక సినిమాకు వ్యతిరేకంగా ఏకంగా 2వేల మంది మహిళలు ఆత్మార్పణకు సిద్ధమైన అరుదైన ఘట్టం. ‘‘మా మాట కాదని సినిమాను ప్రదర్శిస్తే థియేటర్ల ముందు చితిపేర్చుకుని ఆ మంటల్లో దూకి చస్తాం..’’ అని రాజ్‌పుత్‌ మహిళలు శపథంపూనారు. మహిళలకు తోడు పురుషులు కూడా పెద్ద ఎత్తున నిరసనల్లో పాలుపంచుకుంటున్నారు. మరికొద్ది గంటల్లో ‘పద్మావత్‌’ విడుదలకానున్న నేపథ్యంలో గుజరాత్‌, రాజస్థాన్‌ రాష్ట్రాల్లో పరిస్థితి నివురుగప్పిన నిప్పులా ఉంది. మరో ఐదు రాష్ట్రాల్లో ఉద్రిక్తతలు తలెత్తే అవకాశం ఉంది. ముందు జాగ్రత్త చర్యల్లో భాగంగా గుజరాత్‌ ప్రభుత్వం బస్సు సర్వీసులను రద్దు చేసింది. దీంతో సామాన్యులు తీవ్ర ఇబ్బందులు పడుతున్నారు. ఆత్మాహుతికి పేర్లు నమోదు చేసుకున్న 2వేల మంది మహిళలు : రాజ్‌పుత్‌ కులానికి చెందిన రాణి పద్మావతిది గొప్ప చరిత్ర అని, సినిమాలతో ఆమె పరువును మంటగలుపుతుంటే చూస్తూ ఊరుకోబోమని ఆ కులానికి చెందిన మహిళలు నినదించారు. ఆదివారం రాజస్థాన్‌లోని చిత్తోర్‌ఘర్‌ పట్టణంలో నిర్వహించిన భారీ ర్యాలీలో సుమారు 3వేల మంది రాజ్‌పుత్‌ మహిళలు పాల్గొన్నారు. సినిమాను ప్రవర్శిస్తే తామంతా మంటల్లోకి దూకి ఆత్మార్పణ(జౌహార్‌) చేసుకుంటామని జిల్లా కలెక్టర్‌కు అల్టిమేటం ఇచ్చారు. జౌహార్‌కు సిద్ధమంటూ ఇప్పటికే 2వేల మంది మహిళలు తమ పేర్లను రిజిస్టర్‌ చేయించుకున్నారు. ఆ జాబితాను కూడా కలెక్టర్‌కు అందించారు. బస్సులు బంద్‌.. మంత్రి అనూహ్య వ్యఖ్యలు : గుజరాత్‌లో రాజ్‌పుత్‌ల ప్రాబల్యం ఎక్కువగా ఉన్న హెహసానా రీజియన్‌లో కొద్ది గంటలుగా ఉద్రిక్తతలు కొనసాగుతూనేఉన్నాయి. పలుచోట్ల గుజరాత్‌ ఆర్టీసీకి చెందిన బస్సులను నిరసనకారులు ధ్వంసం చేశారు. దీంతో సోమవారం నుంచి బస్సు సర్వీసుల్ని రద్దు చేస్తున్నట్లు అధికారులు ప్రకటించారు. ఇదిలా ఉంటే, రాష్ట్రంలో పరిస్థితులపై మంత్రి భూపేంద్రసింహ్‌  మాట్లాడుతూ.. ‘ఇలాంటివి చాలా సహజం’ అని అన్నారు. సినిమా విడుదలను అడ్డుకోరాదంటూ సుప్రీంకోర్టు ఇచ్చిన ఆదేశాలను అమలుచేయడంపైనే తాము దృష్టిపెట్టినట్లు చెప్పుకొచ్చారు. 25న దేశవ్యాప్త ఆందోళన : పద్మావత్‌ సినిమాను మొదటి నుంచీ వ్యతిరేకిస్తోన్న కర్ణిసేన.. సినిమా విడుదలయ్యేరోజు దేశవ్యాప్తంగా నిరసనలకు పిలుపునిచ్చింది. ‘‘ఇప్పటికే థియేటర్‌ యాజామాన్యాలతో మాట్లాడాం. పద్మావతిని ప్రదర్శించొద్దన్న మా డిమాండ్‌కు చాలా మంది ఒప్పుకున్నారు. ఒకవేళ ఎవరైనా సినిమాను ప్రదర్శిస్తే జరగబోయే పరిణామాలకు వారిదే బాధ్యత. పద్మావతి విడుదలయ్యే జనవరి 25న దేశవ్యాప్తంగా ఆందోళనలు చేస్తాం’’ శ్రీరాజ్‌పుత్‌ కర్ణిసేన అధికార ప్రతినిధి విజేంద్ర సింగ్‌ మీడియాతో అన్నారు.

నందితాదాస్‌ విలక్షణమైన నటి, దర్శకురాలు. పది భాషల్లో 40 సినిమాల్లో నటించారు. దీపామెహ్‌తా తీసిన ‘ఫైర్‌’ (1996) చిత్రంలో యాక్ట్‌ చేసినందుకు ఎన్నో మాటలు పడ్డారు. భారతీయ సంస్కృతిని మంటకలిపేసిందని సంప్రదాయవాదులు ఆమెను దూషించారు. హోమోసెక్సువల్‌ రిలేషన్స్‌ని అందులో చూపారు. అదీ కోపం. అయితే ‘‘అప్పుడే నయం. ఇప్పటి మనుషుల్లో ఆ మాత్రం సహనమైనా లేకుండా పోయింది’’ అని ఇటీవల ముంబై ఐ.ఐ.టి.లో జరిగిన ‘సౌత్‌ ఏషియన్‌ కాన్ఫరెన్స్‌ ఆన్‌ జెండర్‌ అండ్‌ సెక్సువాలిటీ’ సదస్సులో నందిత అన్నారు. ఆమె మాటలు నిజమేననిపిస్తోంది.. ఇప్పటికింకా చల్లారని ‘పద్మావతి’ వివాదాన్ని చూస్తుంటే. ‘‘ఎందుకనో మనుషుల్లో భయం పెరిగిపోయింది. మౌనంగా ఉండిపోతున్నారు. మనసులో ఉన్నది చెప్పడమే నేరమౌతున్న రోజులు వచ్చిపడ్డాయి. పడుతుందో లేదో తెలియని దెబ్బ నుంచి ముందే తప్పించుకునే ప్రయత్నం చేస్తున్నారు’’ అని నందిత ఆవేదన వ్యక్తం చేశారు. ‘‘ఈ భయం సమాజానికి మంచిది కాదు’’ అన్నారు. నిజమే. భయం నాగరిక లక్షణం కూడా కాదు.

ఇటీవల కాలంలో అత్యంత వివాదాస్పదమైన బాలీవుడ్ సినిమా పద్మావతి. చారిత్రక కథగా తెరకెక్కిన ఈ సినిమాలో మహారాణి పద్మావతి పాత్రను అభ్యంతరకరంగా చూపించారని కర్ణిసేన సభ్యులు ఆరోపిస్తున్నారు. షూటింగ్ సమయంలో దాడి దిగిన కర్ణిసేన రిలీజ్ ను అడ్డుకుంటామని హెచ్చరించింది. దీంతో వివాదం మరింత ముదిరింది. అదే సమయంలో సెన్సార్ బోర్డ్ నుంచి కూడా క్లియరెన్స్ రాకపోవటంతో డిసెంబర్ 1న రిలీజ్ కావాల్సిన సినిమా వాయిదా పడింది. అయితే ఇటీవల సెన్సార్ బోర్డ్ సినిమాకు కొన్ని మార్పులతో సెన్సార్ సర్టిఫికేట్ ను జారీ చేసేందుకు అంగీకరించింది. చిత్రయూనిట్ కూడా సెన్సార్ సభ్యులు సూచించిన మార్పులు చేసేందుకు సుముఖంగానే ఉన్నారన్న టాక్ వినిపిస్తోంది. ముఖ్యంగా టైటిల్ ను పద్మావత్‌ గా మార్చాలన్న సూచనకు దర్శకుడు సంజయ్ లీలా భన్సాలీ అంగీకరించినట్టుగా సమాచారం.  దీంతో  సినిమా రిలీజ్ కు లైన్ క్లియర్ అయినట్టుగానే భావిస్తున్నారు. ఈ రోజు పద్మావతిగా నటించిన దీపికా పదుకొణే పుట్టిన రోజు కావటంతో సినిమా రిలీజ్ కు సం‍బంధించిన వార్తలు సోషల్ మీడియాలో ట్రెండ్ అవుతున్నాయి. అన్ని ఫార్మాలిటీస్ పూర్తి చేసి పద్మావత్‌ సినిమాను ఫిబ్రవరి 9న ప్రేక్షకుల ముందుకు తీసుకొచ్చేందుకు చిత్రయూనిట్ ప్లాన్ చేస్తున్నారట.

పద్మావతి రిలీజ్‌ కాబోతోంది! ఎప్పుడు అనేది తర్వాత. ఇప్పుడైతే సెన్సార్‌బోర్డు ఓకే చేసింది. యు.ఎ. సర్టిఫికెట్‌ ఇచ్చేసింది. పెద్దలు చూడొచ్చు. పిల్లలూ చూడొచ్చు. మరి ఇప్పటి వరకు గొడవ గొడవ చేసినవాళ్లు చూడొద్దా? చూడొచ్చు. వాళ్ల కోసమే బోర్టు కొన్ని సీన్స్‌ని కట్‌ చేయిస్తోంది. కొన్ని అంటే ఓ 26. పేరును కూడా మార్చాలట! ‘పద్మావత్‌’ అని! అంతేకాదు, సినిమా స్టార్ట్‌ అయ్యే ముందు, మధ్యలో కొన్ని సీన్లు వచ్చినచోట ‘డిస్‌క్లెయిమర్‌’ పెట్టమంది. అంటే.. ఇవి మా బుద్ధికి పుట్టినవి కావు. అక్కణ్ణుంచి, ఇక్కణ్ణుంచి తీసుకున్నవి మాత్రమే అని. ఇవన్నీ చేశాక, మళ్లీ సెన్సార్‌ టీమ్‌ అంతా ఒకసారి కలిసి సినిమాను చూస్తుందట. ఆ తర్వాత మాత్రమే భన్సాలీని పిలిచి, ‘ఇదిగో బాబూ.. సర్టిఫికెట్‌. ఇక నీ సినిమా ఆడించుకో’ అని చెప్తుందట. భన్సాలీ ఇవన్నీ చేస్తాడా? లేక లీగల్‌గా ఫైట్‌ చేసి తన ‘పద్మావతి’ని చెక్కుచెదరకుండా ప్రదర్శించుకుంటాడా? అదేం తెలియడం లేదు. నిర్మాతలు కూడా కారాలు మిరియాలు నూరుతున్నారు. రిలీజ్‌కు ఓకే చెప్పి, కొన్ని షరతులు పెట్టిన సెన్సార్‌బోర్డు రోజుకో న్యాయ నిర్ణేతల టీమ్‌ని రప్పించి ‘పద్మావతి’ షో వేస్తోంది. అందరూ న్యాయ నిర్ణేతలే అయితే సినిమా చూసేదెవరు అని ప్రొడ్యూజర్లు పొగిలి పొగిలి దుఃఖిస్తున్నారు. 

సాక్షి, మేవార్‌ : సంజయ్‌ లీలా భన్సాలీ వివాదాస్పద చిత్రం.. పద్మావతి విడుదలకు అనుమతివ్వడంపై మేవార్‌ రాజకుటుంబ సభ్యులు ఆగ్రహం వ్యక్తం చేశారు. పద్మావతి చిత్ర విడుదలకు సెంట్రల్‌ బోర్డ్‌ ఆఫ్‌ ఫిలిమ్‌ సర్టిఫికేషన్‌ గ్రీన్‌ సిగ్నల్‌ ఇవ్వడంపై రాజవంశీకులు అసహనం వ్యక్తం చేశారు. సీబీఎఫ్‌సీ బృందం.. మేవార్‌ రాజవంశీయుల సూచనలను పరిగణలోకి తీసుకోలేదని మేవార్‌ వంశస్థుడు విశ్వరాజ్‌ సింగ్‌ అ‍న్నారు.  ‘పద్మావతి’ నుంచి ‘పద్మావత్‌’గా చిత్రం పేరును మార్చినంత మాత్రాన అందులో చూపించిన విషయాల్లో మార్పులు రావని అన్నారు. పద్మావతి చిత్రంలోని వివాదాస్పద సన్నివేశాలను తొలగించకుండా.. యూఏ సర్టిఫికెట్‌ ఇచ్చి విడుదలకు అనుమతించడం దారుణమని ఆయన వ్యాఖ్యానించారు. సెన్సార్‌ బోర్డు తీసుకున్ని ఈ నిర్ణయం అనైతికమని, బాధ్యతారాహిత్యానికి నిదర్శనం అని ఆయన అన్నారు. 

సాక్షి, న్యూఢిల్లీ : సంజయ్‌ లీలా బన్సాలీ భారీ సెట్టింగ్‌లతో తీసిన వివాదాస్పద బాలీవుడ్‌ చిత్రం ‘పద్మావతి’ సినిమాకు కేంద్ర సినిమా సెన్సార్‌ బోర్డు యూ/ఏ సర్టిఫికెట్‌ ఇచ్చినట్లు తెల్సింది. అలాగే సినిమా పేరును కూడా ‘పద్మావత్‌’గా మార్చాలని సెన్సార్‌ బోర్డు ఆదేశించినట్లు సమాచారం. ఈ నెల 28వ తేదీన ఈ సినిమాను సెన్సార్‌ బోర్డు సభ్యులకు చూపించారు. ఉదయ్‌పూర్‌కు చెందిన అర్వింద్‌ సింగ్, జైపూర్‌ యూనివర్శిటీకి చెందిన చంద్రమణి సింగ్, కేకే సింగ్‌లతో కలిసి సెన్సార్‌ బోర్డు ప్యానెల్‌ ఈ చిత్రాన్ని తిలకించి కొన్ని కత్తిరింపులతో యూ/ఏ సర్టిఫికెట్‌ ఇవ్వాలని నిర్ణయించినట్లు తెల్సింది.   దీపికా పదుకొనే, రణ్‌వీర్‌ సింగ్, షాహిద్‌ కపూర్‌ నటించిన ఈ చిత్రానికి 26 కట్‌లను సెన్సార్‌ బోర్డు సూచించినట్లు ‘న్యూస్‌ 18’ ఛానెల్‌ వెల్లడించింది. జైపూర్‌ నుంచి వచ్చిన ప్రతినిధులు కూడా సినిమాలోని కొన్ని సన్నివేశాలకు అభ్యంతరాలు వ్యక్తం చేసినట్లు తెల్సింది. సెన్సార్‌ బోర్డు సభ్యుల సూచనలను పాటిస్తామని సినిమా నిర్మాతలు హామీ ఇచ్చినట్లయితేనే సినిమా విడుదలకు సెన్సార్‌ సర్టిఫికేట్‌ మంజూరు చేస్తారు. సర్టిఫికేట్‌ ఇచ్చేముందు ప్యానెల్‌ మరోసారి సమావేశమై చర్చిస్తుందని సెన్సార్‌ బోర్డు వర్గాలు వెల్లడించగా, సినిమా నిర్మాతలు మీడియాతోని మాట్లాడేందుకు నిరాకరించారు.

దేశ వ్యాప్తంగా ఏడుగురు సెన్సార్‌ అధికారులను బదిలీ చేస్తూ కేంద్ర ప్రభుత్వం గురువారం ప్రకటనను వెల్లడించింది. ఇటీవల సెన్సార్‌ విషయంలో పలు ఆరోపణలు ఎదురవుతున్న విషయం తెలిసిందే. ముఖ్యంగా ఏకపక్షంగా వ్యవహరిస్తున్నారని దర్శక నిర్మాతలు సెన్సార్‌ బోర్డు సభ్యులపై తీవ్ర అసంతృప్తి వ్యక్తం చేస్తున్నారు. ఈ నేపథ్యంలో ఓకేసారి దేశ వ్యాప్తంగా ఏడుగురు సెన్సార్‌ అధికారులను బదిలీ చేయడం చర్చనీయాంశంగా మారింది. చెన్నై సెన్సార్‌బోర్డు అధికారిగా ఉన్న అన్భుళగన్‌ స్థానంలో షీలా మీనాక్షిని నియమించారు. ఇంతకు ముందు ఈమె ఢిల్లీ దూరదర్శన్‌లో పని చేశారు. ఇదే విధంగా కోల్‌కతా సెన్సార్‌ అధికారిగా సామ్రాట్‌బందోపాధ్యాయ, బెంగళూర్‌ సెన్సార్‌ అధికారిగా గురుప్రసాద్, ముంబై అధికారిగా రాయ్‌ పూర్‌కు చెందిన కర్మార్‌కర్‌ తుషార్‌ అరుణ్, తిరువనంతపురం అధికారిగా గౌహతికి చెందిన ఎల్‌.పార్వతి, కటక్‌కు ఢిల్లీకి చెందిన శుభశ్రీ మహాపత్రా, హైదరాబాద్‌కు చెందిన రకుల్‌ గౌలికర్‌ హైదరాబాద్‌ సెన్సార్‌ అధికారిగా నియమితులయ్యారు.

వివాదాలు చుట్టుముట్టి వాయిదా పడిన సంజయ్‌ లీలా భన్సాలి చారిత్రక దృశ్యకావ్యం పద్మావతి విడుదలపై షాహిద్ క‌పూర్ క్లారిటీ ఇచ్చాడు. దీపికా పదుకోన్‌, రణ్‌వీర్‌సింగ్‌, షాహిద్‌ కపూర్‌లు నటించిన పద్మావతి డిసెంబర్‌ 1న విడుదల కావాల్సి ఉన్నా నిరసనకారుల ఆందోళనల నేపథ్యంలో వాయిదా వేస్తున్నట్టు నిర్మాతలు ప్రకటించిన విషయం తెలిసిందే. అయితే అప్పటి నుంచి ఈ సినిమా ఎపుడు రిలీజ్‌ అవుతుందో క్లారిటీ లేదు. తాజాగా షాహిద్‌ కపూర్‌ ఈ విషయంపై స్పందించాడు. 'పద్మావతి కోసం అందరూ ఆసక్తిగా ఎదురు చూస్తున్నారని తెలుసు. ఈ సినిమా విడుదలపై డిసెంబర్‌ నెలాఖరులో తప్పకుండా క్లారిటీ వస్తుంది. సాధ్యమైనంత త్వరగా ఈ సినిమాను రిలీజ్‌ చేసేందుకు ప్రయత్రిస్తున్నాం' అని తెలిపారు. కాగా, ప‌ద్మావ‌తి చిత్రంలో దీపిక రాణి ప‌ద్మావ‌తిగా, రావల్‌ రతన్‌ సింగ్‌గా షాహిద్‌ కపూర్‌ పాత్రలు పోషించగా, అల్లావుద్దీ ఖిల్జీగా రణ్‌వీర్‌ సింగ్‌ నటిస్తున్నాడు.

త్వరలో పద్మావతి సినిమాతో ప్రేక్షకుల ముందుకు రానున్న బాలీవుడ్ యంగ్ హీరో షాహిద్ కపూర్ ఈ ఏటి సెక్సియెస్ట్ మ్యాన్ గా ఎంపికయ్యాడు. ఈస్టర్న్ ఐ సంస్థ ప్రతీ ఏటా చేసే సర్వేలో ఆసియాలో టాప్ 50 సెక్సియెస్ట్ మ్యాన్ లను ప్రకటిస్తారు. ఈ ఏడు ఈ లిస్ట్ లో షాహిద్ టాప్ లో నిలిచాడు. గత సంవత్సరం నెంబర్ వన్ గా నిలిచిన పాప్ స్టార్ జేన్ మాలిక్ ను మూడో స్థానంతో సరిపెట్టుకున్నాడు. రెండో స్థానంలో బాలీవుడ్ మ్యాన్లీ హీరో హృతిక్ రోషన్ నిలువగా, బుల్లితెర నటుడు వివియన్ డీసేన, ఆశిష్ శర్మలు వరుసగా నాలుగు, ఐదు స్థానాలు సాధించారు. పూర్తి లిస్ట్ ను డిసెంబర్ 15న ప్రకటించనున్నట్టు ఈస్టర్న్ ఐ ప్రకటించింది. ఈ ఎంపిక పై స్పందించిన షాహిద్.. అభిమానుల ప్రేమాభిమానల వల్లే ఇది సాధ్యమైందని ట్వీట్ చేశారు. తనకు మద్ధతు తెలిపిన వారికి తనను ఎంపిక చేసిన ఈస్టర్న్ ఐ సంస్థకు కృతజ్ఞతలు తెలిపాడు. The Eastern Eye 50 Sexiest Asian Men 2017 TOP SIX. Thanks to all those who voted. Full list out in newspaper on Friday December 15. 1. Shahid Kapoor 2. Hrithik Roshan 3. Zayn Malik 4. Vivian Dsena 5. Ashish Sharma 6. Fawad Khan#EasternEye #ShahidKapoor @shahidkapoor — Eastern Eye (@EasternEye) 13 December 2017 Sexiest Man Alive, 2017!!! WOW!! Thank you guys!! It’s all made possible because of your love & support. Love you all!! Thanks @EasternEye & @AsjadNazir #AsjadNazirSexyList2017 https://t.co/cvftzRoma2 — Shahid Kapoor (@shahidkapoor) 13 December 2017

ముంబయి : షూటింగ్‌ సమయంలో పలు అడ్డంకులు ఎదుర్కొని తీరా చిత్రీకరణ పూర్తయ్యాక విడుదలకు ముందు వివాదంలో చిక్కుకున్న బాలీవుడ్‌ చిత్రం పద్మావతికి మావోయిస్టుల మద్దతు లభించింది. సంజయ్‌లీలా బన్సాలీ దర్శకత్వం వహించిన ఈ చిత్రాన్ని వెంటనే విడుదల చేయాలంటూ వారు డిమాండ్‌ చేస్తున్నారు. భావ వ్యక్తీకరణ స్వేచ్ఛను అడ్డుకోవడం సరికాదని, సినిమా విడుదలను ఎవరూ అడ్డుకోవద్దని తెలిపారు. ఈ మేరకు చత్తీస్‌ఘడ్‌లోని దంతెవాడ, బస్తర్‌ జిల్లాలో పోస్టర్లు అంటించారు. కరపత్రాలు ముద్రించారు. ప్రభుత్వం వెంటనే ఈ సినిమా విషయంలో జోక్యం చేసుకొని విడుదల చేయాలని, స్వేచ్ఛను అడ్డుకునే ప్రయత్నం చేయొద్దని అందులో డిమాండ్‌ చేశారు. ఈ విషయాన్ని ఆ ప్రాంతాల్లోని పోలీసులు కూడా ధ్రువీకరించారు.   

సాక్షి, న్యూఢిల్లీ : ఉత్తర ప్రదేశ్‌ స్థానిక సంస్థల ఫలితాలు భారతీయ జనతాపార్టీలో కొత్త జోష్‌ని నింపాయి. ఈ ఫలితాలపై కేంద్ర ఆర్థికమంత్రి అరుణ్‌ జైట్లీ మాట్లాడుతూ.. ప్రజల ఆకాంక్షలకు, విశ్వాసానికి ఇవే నిదర్శనమని పేర్కొన్నారు. మొత్తం 16 మేయర్‌ సీట్లలో 14 బీజేపీ విజయం సాధించడమే ఇందుకు తార్కాణం అని చెప్పారు. ప్రజల విశ్వాసానికి బీజేపీ దగ్గరగా ఉందని చెప్పడానికి ఇదే సాక్ష్యమని ఆయన అన్నారు. ప్రజల విశ్వాసాన్ని కోల్పోయిన కాంగ్రెస్‌ పార్టీ.. ఒక్కసీటు కూడా సాధించలేదని ఆయన అన్నారు. గుజరాత్‌ విజయం సాధించడం భారతీయ జనతాపార్టీకి ఎప్పడూ ముఖ్యమేనని చెప్పిన ఆయన... ఈ ఎన్నికల్లో తప్పకుండా విజయం సాధిస్తామని చెప్పారు. దాదాపు రెండు దశాబ్దాలుగా బీజేపీ గుజరాత్‌ అభివృద్ధికి కృషి చేస్తోందని ఆయన తెలిపారు. మన్మోహన్‌పై విసుర్లు ప్రధానమంత్రి నరేంద్ర మోదీతో మాజీ ప్రధాని మన్మోహన్‌సింగ్‌ను పోల్చుతూ తీవ్ర విమర్శలు చేశారు. మన్మోహన్‌ సింగ్‌ పీఎం కార్యాలయంలో మాత్రమే ప్రధాని అని.. బయట ఆయనకు  ఎటువంటి అధికారాలు లేవని ఆయన వ్యాఖ్యానించారు. మన్మోహన్‌ పాలన అత్యంత అవినీతి మయమని ఆయన చెప్పారు. బీజేపీ హిందుత్వ పార్టీ బారతీయ జనతాపార్టీ ఆవిర్భావం నుంచి హిందూ అనుకూల పార్టీగా నిలిచిందని అరుణ్‌ జైట్లీ స్పష్టం చేశారు. ఇన్నేళ్ల తరువాత ఇప్పుడు కొత్తగా హిందుత్వ పార్టీగా నిరూపించుకోవాల్సిన అవసరం లేదని ఆయన చెప్పారు. కాంగ్రెస్‌ ఉపాధ్యక్షుడు రాహుల్‌ గాంధీ.. హిందువుల ఓట్ల కోసమే గుజరాత్‌లోని ఆలయాలను సందర్శిస్తున్నారని విమర్శించారు. ఇప్పటికే గుజరాత్‌లో ఆలయాల చుట్టూ రాజకీయాలు చెలరేగుతున్న సమయం‍లో జైట్లీ చేసిన వ్యాఖ్యలు  మరింత ఆసక్తిని పెంచేలా ఉన్నాయి. పద్మావతిపై..! సంజయ్‌ లీలా భన్సాలీ రూపొందించిన ‘పద్మావతి’ చిత్రంపై అర్థిక మంత్రి అరుణ్‌ జైట్లీ స్పందించారు. పద్మావతి చిత్రం ప్రస్తుతం​ సెన్సార్‌ బోర్డు పరిధిలో ఉందని.. దానిపై సెన్సార్‌ బోర్డే నిర్ణయం తీసుకుంటుందని ఆయన చెప్పారు.

సాక్షి, చండీఘఢ్‌ : సంజయ్‌లీలా భన్సాలీ రూపొందించిన చిత్రం ‘పద్మావతి’పై వివాదాల పరంపర కొనసాగుతూనే ఉంది. తాజాగా కోవలోకి ప్రమఖ సామాజిక వేత్త స్వామి అగ్నివేష్‌ చేరారు. అయితే స్వామి అగ్నివేష్‌ పద్మావతి చిత్రానికి అనుకూలంగా వ్యాఖ్యలు చేయడం విశేషం. దేశంలో సినిమా,  సమాచార ప్రసార సాధనాలు, సోషల్‌ మీడియాపై పరిమిలు విధించాల్సిన అవసరం లేదని ఆయన చెప్పారు. ప్రస్తుతం పద్మావతిపై జరగుతున్న వివాదాన్ని.. గుజరాత్‌ ఎన్నికల నేపథ్యంలోనే చూడాల్సిన అవసరం లేదని ఆయన చెప్పారు. పద్మావతి చిత్ర వివాదం.. నిషేధం, వివాదాలన్నీ బీజేపీ పాలిత రాష్ట్రాల్లో జరుగుతున్నాయని.. వీటికి గుజరాత్‌ ఎన్నికల దృష్టిలో చూడాల్సిన పరిస్థితులు ఏర్పడతాయని స్వామి అగ్నివేష్‌ చెప్పారు. ఇటేవంటి చర్యల వల్ల బీజేపీ వ్యతిరేక శక్తులన్నీ ఒకేచోటకు చేరే అవకాశం ఏర్పడుతుందని.. అందుకు ‘పద్మావతి’ చిత్రం సహకరించేలా ఉందని ఆయన చెప్పారు. పద్మావతి చిత్రాన్ని ఆయా రాష్ట్రాల్లో నిషేధించిన గుజరాత్‌ సీఎం విజయ్‌ రూపానీ, మధ్యప్రదేశ్‌ సీఎం శివరాజ్‌ సింగ్‌ చౌహాన్‌, రాజస్తాన్‌ ముఖ్యంత్రి వసుంధర రాజే సింధియా, ఉత్తర ప్రదేశ్‌ సీఎం యోగి ఆదిత్యనాథ్‌లు.. ముందు సినిమా చూడాలని ఆయన హితవు పలికారు.

సాక్షి, న్యూఢిల్లీ : సంజయ్‌లీలా భన్సాలీ తెరకెక్కించిన ‘పద్మావతి’ చిత్రంపై రాష్ట్రీయ స్వయక్‌ సేవక్‌ (ఆర్‌ఎస్‌ఎస్‌)  అనుబంధ సంస్థ అఖిల భారతీయ ఇతిహాస్‌ సంకలన్‌ యోజన (ఏబీఐఎస్‌వై) అత్యంత తీవ్రంగా వ్యాఖ్యానించింది. ఈ చిత్రం భారతీయ మహిళలను కించపరిచేలా ఉందని వ్యాఖ్యానించింది. అంతేకాక ఆత్మగౌరవానికి ప్రతీకలా నిలిచే భారతీయ మహిళల వ్యక్తిత్వాన్ని ఈ చిత్రం హత్యచేసేలా ఉందని ఏబీఐఎస్‌వై అత్యంత తీవ్ర వ్యాఖ్యలు చేసింది. ప్రస్తుతం సినిమాలు తీసేవారు.. డబ్బును సంపాదించడమే ధ్యేయంగా పనిచేస్తున్నారని ఏబీఐఎస్‌వై వ్యాఖ్యానించింది. డబ్బు సముపార్జనలో చరిత్రను సైతం వక్రీకరించేందుకు ఏ మాత్రం వెనుకాడ్డంలేదని ఏబీఐఎస్‌వై జాతీయ ప్రధాన కార్యదర్శి బాలముకుంద్‌ పాండే పేర్కొన్నారు.   భారతీయ, రాజపుత్రలు చరిత్రలో రాణీ పద్మావతికి అత్యంత గౌరవనీయ స్థానం ఉందని ఆయన చెప్పారు. ఈ చిత్రం ద్వారా రాణీ పద్మావతిని మాత్రమేకాక.. యావత్‌ భారతీయ మహిళలను కించపరిచారని ఆయన అన్నారు. భారతీయ మహిళల గౌరవాన్ని అధఃపాతాళానికి తొక్కొలా ఈ చిత్రం ఉందని బాలముకుంద్‌ పాండే తీవ్రంగా విమర్శించారు. ఈ చిత్రం విడుదలను తప్పకుండా అడ్డుకుని తీరతామని స్పష్టం చేశారు.

సాక్షి, లక్నో: దర్శకుడు సంజయ్ లీలా భన్సాలీ తెరకెక్కించిన చారిత్రాత్మక చిత్రం పద్మావతిపై పలు రాష్ట్రాల్లో వివాదం కొనసాగుతుంటే యూపీ మాజీ సీఎం కోడలు మూవీలోని ఓ పాటకు ఓ ఫంక్షన్‌ల్ డ్యాన్స్ చేశారు. ఈ వీడియో సోషల్ మీడియాలో వైరల్ గా మారింది. ఆ మూవీ పాటకు ఆమె ఎందుకు డ్యాన్స్ చేసిందంటూ కర్ణిసేన ప్రశ్నించింది. ఆ వివరాలిలా ఉన్నాయి.. ఉత్తరప్రదేశ్ మాజీ ముఖ్యమంత్రి ములాయంసింగ్ యాదవ్ చిన్న కోడలు అపర్ణా యాదవ్ అపర్ణా యాదవ్ సోదరుడి నిశ్చితార్థం లక్నోలో జరిగింది. ఆ వేడుకలో అపర్ణా యాదవ్ మస్త్ మస్త్ స్టెప్పులేసి అదర గొట్టేశారు. వివాదాస్పద పద్మావతి మూవీలోని ఘుమర్ పాటకు ఆమె చక్కటి డ్యాన్స్ చేశారు. తన డ్యాన్స్ పర్ఫార్మెన్స్‌తో అక్కడున్న వారిని ఆకట్టుకున్నారు. అపర్ణ స్టెప్పులకు ఫంక్షన్‌కు హాజరైనవారంతా ఫిదా ఐపోయారు. ఉత్తరప్రదేశ్ అసెంబ్లీ ఎన్నికల్లో సమాజ్ వాదీ పార్టీ తరఫున లక్నో కంటోన్మెంట్ నుంచి పోటీ చేసి అపర్ణా యాదవ్ ఓటమి పాలయ్యారు. రాణి పద్మావతికి సంబంధించిన కొన్ని సీన్లు తొలగించాలన్న రాజ్‌పుత్ వర్గానికి చెందిన కర్ణిసేన.. దర్శకుడు భన్సాలీ చరిత్రను వక్రీకరించాడంటూ పెద్ద ఎత్తున ఆందోళన చేపట్టగా కొన్ని రాష్ట్రాల్లో పద్మావతి మూవీపై ఆంక్షలు విధించారు. ఇదివరకే పంజాబ్, మధ్యప్రదేశ్, ఉత్తర ప్రదేశ్, రాజస్థాన్‌, గుజరాత్‌ రాష్ట్రాలు పద్మావతి మూవీపై నిషేధం విధించగా.. ఈ చిత్రాన్ని బిహార్‌లోనూ ప్రదర్శించొద్దని సీఎం నితీశ్‌ కుమార్‌ నిన్న (మంగళవారం) అధికారులను ఆదేశించిన విషయం తెలిసిందే.

సాక్షి, న్యూఢిల్లీ : భారతీయ జనతాపార్టీ సీనియర్‌ లీడర్‌ సుబ్రమణ్యస్వామి మరోసారి బాలీవుడ్‌ చిత్రాలపై సంచలన వ్యాఖ్యలు చేశారు. హిందీ చిత్రపరిశ్రమలో.. ప్రధానంగా ’బాంబే మూవీస్‌‘కు దుబాయ్‌నుంచే ఆర్థిక సహకారం అందుతోందని ఆయన పేర్కొన్నారు. దేశవ్యాప్తంగా సంచలనం రేకెత్తించిన సంజయ్‌లీలా భన్సాలీ ‘పద్మావతి’ కేంద్రంగా స్వామి విమర్శల జడివాన కురిపించారు. రాణీ పద్మావతి తన ఆదర్శ వ్యక్తిత్వం, ప్రాణత్యాగంతో ఎందరికో స్ఫూర్తి ప్రదాయకంగా నిలిచారు. అటువంటి రాణీ పద్మావతిని ఈ చిత్రంలో కేవలం ఒక నృత్య కళాకారిణిగా చూపించడంపై ఆయన ఆగ్రహం వ్యక్తం చేశారు. ఒక నరహంతకుడు, కర్కోటకుడు అయిన అల్లావుద్దీన్‌ ఖిల్జీని.. ఈ చిత్రంలో గొప్పవ్యక్తిగా చూపించడంపై ఆయన విమర్శించారు. పద్మావతి చిత్రం చుట్టూ అల్లుకున్న ఇటువంటి అనేక అనుమానాల వల్ల.. బాంబే చిత్రాలన్నింటికీ.. దుబాయ్‌ నుంచి ఆర్థిక సహకారం లభింస్తోందన్న నమ్మకం కలుగుతోందని చెప్పారు. బాలీవుడ్‌ చిత్ర పరిశ్రమ ఆర్థిక లావాదేవీలపై సుప్రీంకోర్టు పరిశీలన చేయాలని ఆయన చెప్పారు. బాలీవుడ్‌ చిత్రాలన్నీ.. భారతీయుల కొరకు, భారతీయుల కోసం నిర్మించాలని ఆయన అన్నారు. ఇదిలాఉండగా.. పద్మావతి చిత్రానికి దుబాయ్‌ కేంద్రంగా ఆర్థిక సహకారం ఉందన్న స్వామి వ్యాఖ్యలపై సీబీఎఫ్‌సీ సభ్యుడు అర్జున్‌ గుప్తా స్పందించారు. స్వామి వ్యాఖ్యలపై ఆయన ప్రధానమంత్రి మోదీకి లేఖ రాస్తూ.. పద్మావతి చిత్ర ఆర్థిక సహకారంలపై ఎన్‌ఫోర్స్‌మెంట్‌ డైరెక్టరేట్‌ (ఈడీ)తో విచారణ జరిపించాలని ఆయన కోరారు.

పాట్నా: ప్రముఖ దర్శకుడు సంజయ్‌లీలా భన్సాలీ తెరకెక్కించిన పద్మావతి సినిమా విడుదలపై స్టే విధించాలంటూ దాఖలైన పిటిషన్‌ను సుప్రీంకోర్టు మంగళవారం కొట్టివేయడంతో ఊరట లభించిందని భావించిన పద్మావతి యూనిట్‌కు మరో రాష్ట్రం ఝలక్ ఇచ్చింది. ఆ మూవీ దర్శక, నిర్మాతలపై క్రిమినల్‌ చర్యలు తీసుకోవాలంటూ దాఖలైన పిటిషన్‌ను సైతం న్యాయస్థానం కొట్టివేసిన రోజే పద్మావతి ప్రదర్శనను అడ్డుకుంటూ బిహార్‌ రాష్ట్రం నిషేధం విధించింది. పంజాబ్, మధ్యప్రదేశ్, ఉత్తర ప్రదేశ్, రాజస్థాన్‌, గుజరాత్‌ రాష్ట్రాలు ఇదివరకే పద్మావతి మూవీపై నిషేధం విధించగా.. ఈ చిత్రాన్ని బిహార్‌లోనూ ప్రదర్శించొద్దని సీఎం నితీశ్‌ కుమార్‌ అధికారులను ఆదేశించారు. రాణి పద్మావతికి సంబంధించిన అంశాలను తప్పుగా చిత్రీకరించారంటూ కర్ణిసేన గత కొన్నిరోజులుగా సినిమా విడుదలను అడ్డుకోవాలంటూ ధర్నాలు, నిరసనలు చేస్తున్న విషయం తెలిసిందే. రాజ్‌పుత్‌కు చెందిన కొన్ని వర్గాలు దీపికా పదుకొణె, దర్శకుడు భన్సాలీల తలలు తెస్తే రూ. 10 కోట్లు ఇస్తామంటూ ఆఫర్ చేశారు. ఈ నేపథ్యంలో రాజ్‌పుత్‌ వర్గానికి చెందిన బీజేపీ ఎమ్మెల్యే నీరజ్‌ కుమార్‌ బబ్లూ లేఖ రాయడంతో సీఎం నితీశ్ సంబంధిత అధికారులకు ఈ ఆదేశాలు జారీచేశారు. పద్మావతి దర్శకుడు భన్సాలీ మూవీ వివాదంపై వివరణ ఇచ్చుకుని, వివాదం సద్దుమణిగేలా చేసే వరకు బిహార్‌లో మూవీపై నిషేధం కొనసాగుతుందని పేర్కొన్నారు. మరోవైపు పద్మావతి మూవీ డిసెంబర్‌ 1న విడుదలకు సిద్ధంగా ఉంది.

సాక్షి, న్యూఢిల్లీ: రాజ్‌పుత్‌ వర్గీయుల వ్యతిరేకతతో తీవ్ర వివాదాల్లో చిక్కుకున్న ‘పద్మావతి’  సినిమాకు ఊరట లభించింది. ఈ సినిమా విడుదలపై స్టే విధించాలంటూ దాఖలైన పిటిషన్‌ను సుప్రీంకోర్టు మంగళవారం కొట్టివేసింది. ‘పద్మావతి’ సినిమా విడుదలపై సెన్సార్‌ బోర్డు నిర్ణయం తీసుకోవాలని సుప్రీంకోర్టు సూచించింది. ‘పద్మావతి’ సినిమాను తెరకెక్కించినందుకు దర్శక, నిర్మాతలపై క్రిమినల్‌ చర్యలు తీసుకోవాలంటూ దాఖలైన పిటిషన్‌ను సైతం న్యాయస్థానం కొట్టివేసింది. ఈమేరకు అర్థంలేని వ్యాజ్యం వేసినందుకు పిటిషనర్‌పై ఆగ్రహం వ్యక్తంచేసింది. ‘పద్మావతి’ సినిమాపై తీవ్ర వ్యాఖ్యలు చేసిన పలు రాష్ట్రాల ముఖ్యమంత్రులను సైతం సుప్రీంకోర్టు మందలించింది. బాధ్యతాయుతమైన పదవుల్లో ఉండి.. సెన్సార్‌ బోర్డు (సీబీఎఫ్‌సీ) సర్టిఫై చేయకముందే ఒక సినిమాపై ఎలా వ్యాఖ్యలు చేస్తారని తప్పుబట్టింది. సినిమా విడుదల కాకముందే ఎలా తీర్పు చెప్తారని నేతలను సుప్రీంకోర్టు నిలదీసింది. ఇలా తీర్పు చెప్పడం వల్ల సీబీఎఫ్‌సీ బోర్డు నిర్ణయం ఇది ప్రభావం చూపే అవకాశముందని, ఈ విషయంలో నేతలు చట్టాలు, నిబంధనలకు కట్టుబడి వ్యవహరించాలని సూచించింది. ప్రముఖ దర్శకుడు సంజయ్‌లీలా భన్సాలీ తెరకెక్కించిన ‘పద్మావతి’ సినిమాను ఇప్పటికే మధ్యప్రదేశ్‌, గుజరాత్‌ రాష్ట్రాలు నిషేధించాయి. ఈ సినిమాపై ఇప్పటికే ఉత్తరప్రదేశ్‌, మధ్యప్రదేశ్‌, పంజాబ్‌, గుజరాత్‌ రాష్ట్రాల ముఖ్యమంత్రులు స్పందించారు. ఈ సినిమాకు వ్యతిరేకంగా వ్యాఖ్యలు చేశారు. రాణి పద్మావతి కథ ఆధారంగా తెరకెక్కిన ’పద్మావతి’ సినిమాలో చరిత్రను వక్రీకరించారని, ఈ సినిమాను నిషేధించాలంటూ జోరుగా రాజ్‌పుత్‌లు ఆందోళన చేస్తున్న సంగతి తెలిసిందే. ఈ చిత్రంలో రాణీ పద్మిని, అల్లావుద్దీన్‌ ఖిల్జీల మధ్య ఓ ప్రేమగీతాన్ని చిత్రీకరించారని ఆరోపిస్తూ కర్ణిసేన నేతృత్వంలో రాజ్‌పుత్‌లు ఆరోపిస్తున్నారు. ఈ చిత్ర దర్శకుడు భన్సాలీ, టైటిల్‌ రోల్‌ పోషించిన దీపికా పదుకోన్‌లను చంపేస్తామని, వారి తలలు నరికితే.. నజరానాలు ఇస్తామని బెదిరింపులకు దిగారు. అయితే, తమ సినిమా ఎవరి మనోభావాలను దెబ్బతీసేవిధంగా ఈ సినిమాను తెరకెక్కించలేదని, ఈ సినిమాతో రాజ్‌పుత్‌ల పట్ల గౌరవం పెంపొందుతుందే కానీ, భంగం వాటిల్లబోదని భన్సాలీ ఇప్పటికే ఓ వీడియో ద్వారా వివరణ ఇచ్చారు. ఈ చిత్రం లో రాణీ పద్మినిగా దీపికా పదుకొనే, ఆమె భర్త రతన్‌సింగ్‌గా షాహీద్‌ కపూర్, అల్లా వుద్దీన్‌ ఖిల్జీగా రణ్‌వీర్‌సింగ్‌ నటిస్తున్న సంగతి తెలిసిందే.

అమాయకమైన మొహం, ఎర్ర నిక్కర్‌లో చేయిపెట్టుకుని బుట్టబొమ్మలా కనిపిస్తున్నా ఈ చిన్నారిని మీరు గుర్తు పట్టగలరా? ఈ చిన్నారి ఎవరోనని ఊహించే ప్రయత్నం చేసి విఫలమయ్యారా? ‘పద్మావతి’ చిత్రంతో దేశవ్యాప్తంగా గుర్తింపు తెచ్చుకున్న నటి దీపికా పదుకునే చిన్ననాటి చిత్రం ఇది. రాణీ పద్మావతిగా నటించిన దీపిక.. తన చిన్ననాటి ఫొటోలను ఇన్‌స్టాగ్రామ్‌లో పోస్ట్‌ చేసింది.  అంతేకాక ఈ ఫొటోలో దీపిక పక్కన నిలుచున్న కుర్రాడి పేరు ఆదిత్య నారాయణ్‌. అతనికి సైతం ఈ ఫొటోను దీపిక ట్యాగ్‌ చేసింది. చిన్ననాటి ఫొటోతో పాటు ఈమధ్య పెళ్లి చేసుకున్న ఒక స్నేహితుడి ఫొటోను సైతం దీపిక ఇన్‌స్టాగ్రామ్‌లో పోస్ట్‌ చేసింది. అందులో ఎర్ర చీర కట్టుకుని, పెద్ద ఇయర్‌రింగ్స్‌తో అప్సరసలా దీపిక కనిపిస్తోంది. దీపిక పోస్ట్‌ చేసిన ఈ రెండు ఫొటోలు.. సోషల్‌ మీడియాలో విపరీతంగా వైరల్‌ అవుతున్నాయి. forever friends...❤️ @aditya__narayan A post shared by Deepika Padukone (@deepikapadukone) on Nov 23, 2017 at 11:57pm PST then,now & forever...❤️ @aditya__narayan @divya4488 A post shared by Deepika Padukone (@deepikapadukone) on Nov 24, 2017 at 7:55am PST

కోల్‌కతా: తీవ్ర వివాదాలతో ఉక్కిరిబిక్కిరి అవుతున్న ‘పద్మావతి’ చిత్ర యూనిట్‌కు పశ్చిమ బెంగాల్‌ ముఖ్యమంత్రి మమతా బెనర్జీ అండగా నిలిచారు. పద్మావతి దర్శకుడు సంజయ్‌లీలా భన్సాలీ, ఆ చిత్ర యూనిట్‌ను బెంగాల్‌క ఆహ్వానించారు. పద్మావతి సినిమాను పలు రాష్ట్రాలు నిషేధిస్తున్నా నేపథ్యంలో ఈ సినిమాను సాదరంగా స్వాగతిస్తామని, తమ రాష్ట్రంలో ఈ సినిమా విడుదలకు ప్రత్యేక ఏర్పాట్లు చేస్తామని ఆమె ప్రకటించారు. ‘వాళ్లు వేరే ఏ రాష్ట్రంలో సినిమాను విడుదల చేయలేకపోతే.. మా రాష్ట్రానికి రండి. మేం ప్రత్యేక ఏర్పాట్లు చేస్తాం. ఇందుకు బెంగాల్‌ గర్వపడుతుంది. సంతోషిస్తుంది’ అని మమత ఇండియా టుడే ఈస్ట్‌ సదస్సులో పేర్కొన్నారు. రాజ్‌పుత్‌ వర్గీయుల ఆందోళనలు, బెదిరింపులతో ‘పద్మావతి’ సినిమా విడుదల నిలిచిపోయిన సంగతి తెలిసిందే.  మోదీ ఒక తుగ్లక్‌..! ప్రధానమంత్రి నరేంద్రమోదీపై తృణమూల్‌ కాంగ్రెస్‌ అధినేత్రి మమతా బెనర్జీ మరోసారి విరుచుకుపడ్డారు. మోదీని తుగ్లక్‌గా ఆమె అభివర్ణించారు. బెంగాల్‌లో పెట్టుబడులు పెట్టనివ్వకుండా వ్యాపారవేత్తలను మోదీ ప్రభుత్వం భయపెడుతుందని ఆరోపించారు. దేశంలో సహకార సమాఖ్యవాదం లేదని, సూపర్‌ ఎమర్జెన్సీ నడుస్తున్నదని మండిపడ్డారు. మీడియాను సైతం మోదీ ప్రభుత్వం నియంత్రిస్తున్నదని, దేశంలో భావప్రకటన స్వేచ్ఛ లేకుండా పోయిందని ఆమె విమర్శించారు.

మహారాజులు, మహారాణులు, గుర్రం సవారీలు, రణరంగాలు, లవ్‌ స్టోరీలు, కత్తులు, కటార్లు... వీటన్నిట్లో ఒక రిస్క్‌ ఉంటుంది. తలలు తెగిపడుతూ ఉంటాయి. ఒకడేమో ‘తల తెగినా పర్వాలేదు, తల దించను’ అంటాడు. ‘రేయ్‌ దించరా.. లేకపోతే తెగ్గొడతాను’ అని ఇంకోడు అంటాడు. సినిమా హాల్లో, డీటీఎస్‌లో ఇలాంటి డైలాగ్స్‌ వింటుంటే రోమాలు నిక్కబొడుస్తాయి. కుర్చీలోంచి లేచి ఈల వేయబుద్దేస్తుంది. కానీ ఇలాంటి డైలాగ్‌లు రోడ్ల మీద కొడితే ఏసేది ఈలలు కాదు, సంకెళ్లే! సూరజ్‌పాల్‌ అనే ఓ బీజేపీ సారు టంగు స్లిప్‌ అయ్యాడు. డెమోక్రసీలో ఇలాంటి స్లిప్పులకి ‘స్లాప్‌’లు తప్పవు. ‘పద్మావతి’ సినిమా చేసి, రాజపుత్‌ గౌరవానికి తలవంపులు తెచ్చారని, అలా తలవంపులు తెచ్చిన వాళ్ల తలలు.. అంటే డ్రామా హెడ్‌ అయిన డైరెక్టరు భన్సాలీ, పద్మావతి పాత్ర వేసిన అందాల హెడ్డు అయిన దీపికా పడుకోన్‌ల తలలు తెగ్గొట్టుకొని తెస్తే టెన్‌ క్రోర్స్‌.. తెలుగులో చెప్పాలంటే అక్షరాలా పది కోట్ల రూపాయలు లెండి.. నజరానా ఇస్తానన్నాడు. ఆ మాటకే నజర్‌ తగిలింది. బిడ్డ బుక్‌ అయ్యాడు. ముందే చెప్పాం కదా.. తెగేదాకా లాగొద్దు బిడ్డా అని. 

సాక్షి, ముంబై: ’పద్మావతి’ సినిమా వివాదం దేశాన్ని కుదిపేస్తూనే ఉంది. ఈ సినిమాకు వ్యతిరేకంగా ఒకవైపు తీవ్ర ఆందోళనలు వెల్లువెత్తుకుండా.. మరోవైపు సినిమాను తెరకెక్కించిన దర్శకుడు సంజయ్‌లీలా భన్సాలీ, ఈ సినిమాలో టైటిల్‌ రోల్‌ పోషించిన దీపికా పదుకోన్‌లను చంపేస్తామని, వారి తలలు నరికితే.. నజరానాలు ఇస్తామని రాజ్‌పుత్‌ వర్గీయులు తీవ్ర హెచ్చరికలు చేస్తున్నారు. పలు రాష్ట్రాలు ఈ సినిమాను నిషేధించాయి.  ఈ నేపథ్యంలో దేశాన్ని కుదిపేస్తున్న ఈ వివాదంపై ప్రధానమంత్రి నరేంద్రమోదీ, బిగ్‌ బీ అమితాబ్‌ బచ్చన్‌ స్పందించకపోవడాన్ని ప్రముఖ నటుడు, బీజేపీ ఎంపీ శత్రుఘ్న సిన్హా తప్పుబట్టారు. ఈ విషయంలో ప్రధాని మోదీ, బిగ్‌ ఎందుకు మౌనంగా ఉన్నారని ప్రశ్నించారు. ‘’పద్మావతి’ సినిమా వివాదం తీవ్రరూపం దాల్చింది. ఈ సినిమాపై అమితాబ్‌ బచ్చన్‌, ఆమిర్‌ ఖాన్‌, షారుఖ్‌ ఖాన్‌ ఎందుకు స్పందించడం లేదని ప్రజలు అడుగుతున్నారు. అదేవిధంగా కేంద్ర సమాచార ప్రసార మంత్రి, మోస్ట్‌ పాపులర్‌ అయిన ప్రధానమంత్రి నరేంద్రమోదీ కూడా ఎందుకు గంభీరమైన మౌనాన్ని పాటిస్తున్నారు. ఇప్పటికే చాలా సమయమైంది’ అని శత్రుఘ్న ట్విట్టర్‌లో పేర్కొన్నారు. ఈ వివాదంపై తాను కూడా మాట్లాడుతానని, అయితే, ఈ చిత్ర దర్శకుడు భన్సాలీ స్పందించిన తర్వాత తాను మాట్లాడుతానని, ఒకవైపు సినిమా ప్రయోజనాలు, మరోవైపు రాజ్‌పుత్‌ల గౌరవం, మనోభావాలు దృష్టిలో పెట్టుకొని తాను మాట్లాడుతానని పేర్కొన్నారు.  . 

సాక్షి, హైదరాబాద్‌: కొందరి మనోభావాలను కించపరిచేవిధంగా తెరకెక్కిన ‘పద్మావతి’ సినిమాను తెలంగాణలో విడుదల కాకుండా నిలిపేయాలని కోరుతూ ముఖ్యమంత్రి కేసీఆర్‌కు బీజేపీ ఎమ్మెల్యే రాజాసింగ్‌ మంగళవారం లేఖను రాశారు. రాణి పద్మావతి వ్యక్తిత్వానికి మచ్చ తెచ్చేవిధంగా ఈ సినిమాలో పాత్రను దర్శకుడు మలిచారని ఆరోపించారు. ఈ సినిమా ద్వారా కొందరి మనోభావాలు తీవ్రంగా గాయపడుతున్నాయన్నారు. ఈ సినిమాను విడుదల కాకుండా చూడాలని రాజాసింగ్‌ తెలంగాణ ప్రభుత్వాన్ని కోరారు. సంజయ్‌ లీలా భన్సాలీ తెరకెక్కించిన ‘పద్మావతి’ సినిమాపై దేశవ్యాప్తంగా వివాదం కొనసాగుతున్న సంగతి తెలిసిందే. రాజ్‌పుత్‌ వర్గీయుల మనోభావాలు దెబ్బతీసేవిధంగా ఉందంటూ ఇప్పటికే ఈ సినిమాను పంజాబ్‌, ఉత్తరప్రదేశ్‌, మధ్యప్రదేశ్‌ రాష్ట్రాలు నిషేధించగా.. తాజాగా మహారాష్ట్ర సర్కారు కూడా ఇదే దారిలో సాగుతున్నట్టు కనిపిస్తోంది. 

సాక్షి, బెంగళూరు:  అసెంబ్లీ సమావేశాలు ప్రారంభమైన ఐదు రోజులకు బెళగావిలోని సువర్ణసౌధకు వచ్చిన రెబల్‌ స్టార్‌ అంబరీష్‌ బాలీవుడ్‌ సినిమా పద్మావతికి మద్దతు ప్రకటించారు. సువర్ణసౌధ వద్ద విలేకరులతో మాట్లాడుతూ...పద్మావతి చిత్రాన్ని విడుదల చేయడంలో ఎలాంటి తప్పు లేదు. పద్మావతి చిత్ర దర్శకుడు సంజయ్‌ లీలా భన్సాలీ, నటి దీపికా పదుకొణేలను కొందరు బెదిరించడం ఎంత మాత్రం సరికాదని పేర్కొన్నారు. భారీ బడ్జెట్ తో చారిత్రాత్మక చిత్రంగా తెరకెక్కిన పద్మావతి సినిమాను డిసెంబర్ 1న రిలీజ్ చేసేందుకు ప్లాన్ చేశారు. అయితే పలు సంఘాల నుంచి విమర్శలు వస్తుండటంతో పాటు సెన్సార్ కార్యక్రమాలు కూడ ఆపూర్తి కాకపోవటంతో సినిమా వాయిదా పడనుందన్న ప్రచారం జరుగుతోంది. ప్రస్తుతానికి సినిమా రిలీజ్ ఎప్పుడన్న విషయంలో క్లారిటీ లేకపోయినా.. రోజుకో వివాదంతో పద్మావతి వార్తల్లో వినబడుతూనే ఉంది.

దేశవ్యాప్తంగా అత్యంత తీవ్రస్థాయిలో వివాదాలు రేపుతున్న సంజయ్‌లీలా భన్సాలీ చిత్రం ‘పద్మావతి’పై దీపికా పదుకునే స్పందించారు. ఈ చిత్రం కోసం తన జీవితంలో అత్యంత విలువైన రెండేళ్ల కాలాన్ని కేటాయించానని దీపిక అన్నారు. పద్మావతి చిత్రంపై జరుగుతులన్న అల్లర్లు, వివాదాలు, గొడవల ఆమె తీవ్రంగా ఖండించారు. ఇది సిగ్గుపడాల్సిన విషయమని అమె చెప్పారు. ఒక చిత్రంపై ఇంత రాద్దాంతం చేయాల్సిన అవసరం లేదని ఆమె చెప్పారు. భారత న్యాయవ్యవస్థపై పూర్తి నమ్మకముందని చెప్పిన దీపిక.. తమకు న్యాయం జరుగుతుందనే నమ్మకాన్ని వ్యక్తం చేశారు. తన ముక్కు కోస్తామనే హెచ్చరికలు, చంపితే రూ. 5కోట్లు ఇస్తామన్న మాటలను దీపిక కొట్టిపారేశారు. పద్మావతి చిత్రంలో నటించినందుకు చాలా గర్వపడుతున్నట్లు దీపిక స్పష్టం చేశారు.

బాలీవుడ్ సినిమా పద్మావతి వివాదం రోజుకో మలుపు తిరుగుతోంది. సినిమాను విడుదలను ఎట్టి పరిస్థితుల్లో అడ్డుకుంటాం అంటూ రాజ్ పుత్ కర్ణిసేన ప్రకటిస్తుంటే, మా సినిమాను ఎవరూ అడ్డుకోలేరంటూ చిత్రయూనిట్ సవాల్ చేస్తున్నారు. ఇప్పటికే సినిమాపై పలువురు వివాదాస్పద వ్యాఖ్యలు చేయగా.. సెన్సార్ బోర్డ్ కూడా సినిమాను సర్టిఫై చేసే విషయంలో ఆలస్యం చేస్తోంది. రివ్యూకు పంపిన ప్రింట్ లో సాంకేతిక లోపాలు ఉన్న కారణంగా దర్శకుడు సంజయ్ లీలా బన్సాలీ పిటీషన్ ను వెనక్కి పంపినట్టుగా తెలుస్తోంది. ఇప్పటికే సినిమాను డిసెంబర్ 1న రిలీజ్ చేస్తున్నట్టుగా ప్రకటించిన చిత్రయూనిట్, ప్రచార కార్యక్రమాలను కూడా పెద్ద ఎత్తున నిర్వహిస్తోంది. కానీ ఇంత వరకు సెన్సార్ కార్యక్రమాలు పూర్తి కాకపోవటంతో సినిమా ఆలస్యమయ్యే అవకాశం ఉందన్న ప్రచారం జరుగుతోంది. ముందుగా ప్రకటించినట్టుగా డిసెంబర్ 1న కాకుండా సినిమాను జనవరి 12న రిలీజ్ చేస్తారన్న టాక్ కూడా గట్టిగా వినిపిస్తోంది. ఈ వివాదం కొనసాగుతుండగానే రాజ్ పుత్ కర్ణిసేన అధ్యక్షుడు లోకేంద్ర సింగ్ కల్వీ  పద్మావతి సినిమా రిలీజ్ రోజైన డిసెంబర్ 1న భారత్ బంద్ కు పిలుపునిచ్చారు.

తమిళసినిమా: బాలీవుడ్‌ భారీ చారిత్రాత్మక చిత్రం పద్మావతిపై ఉత్తరాదిలో రచ్చరచ్చ జరుగుతున్న  విషయం తెలిసిందే. దీపికాపడుకొనే పద్మావతిగా టైటిల్‌ పాత్రను పోషించిన ఈ చిత్రం డిసెంబర్‌ ఒకటవ తేదీన ప్రపంచ వ్యాప్తంగా విడుదలకు సిద్ధం అవుతోంది.అయితే చరిత్రను తప్పుగా చిత్రీకరించినట్లు ఆరోపణలు వెల్లువెత్తుతున్న ఈ చిత్ర విడుదలను అడ్డుకుంటామంటూ ఉత్తరాదిలో ఆందోళనలు ఇప్పటికే మిన్నంటుతున్నాయి. అందులో నటించిన నటి దీపికాపడుకొనేను చంపుతామంటూ బెదిరింపులు కూడా వస్తున్న నేపథ్యంలో ఆ సెగలిప్పుడు తమిళనాడును తాకుతున్నాయి. ఈ చిత్ర విడుదలను హిందూ సంఘాలు తీవ్రంగా వ్యతిరేకిస్తున్నాయి. విశ్వ హిందు పరిషత్‌ కోవై జిల్లా అధ్యక్షుడు శివలింగం,రాష్ట్రీయ రాజపుత్ర కర్ణి సేన అఖిల భారత అధ్యక్షుడు సుబ్‌దేవ్‌గిల్‌ శుక్రవారం సంయుక్తంగా విడుదల చేసిన ఒక ప్రకటనలో పద్మావతి చిత్రంలో రాజస్థాన్‌ రాణి గురించి అవాస్తవ సన్నివేశాలను పొందుపరచారన్నారు.ఇది చరిత్రను తప్పుగా చిత్రీకరించడమే అవుతుందన్నారు. అలాంటి దృశ్యాలతో హిందూ సమాజాన్ని కించపరచడమేనన్నారు. ఈ చిత్ర విడుదలను తమిళ ప్రభుత్వం నిషేధించాలని, లేని పక్షంలో పద్మావతి చిత్ర ప్రదర్శనల థియేటర్ల ముందు ఆందోళనలు వంటి పలు రకాల పోరాటాలకు దిగుతామని హెచ్చరించారు.

సంజయ్‌లీలా భన్సాలీ రూపొందించిన ’పద్మావతి‘  చిత్రం విడుదల తేదీ దగ్గర పడేకొద్దీ వివాదాలు, విమర్శలు తీవ్రమవుతున్నయి. పద్మావతి చిత్రంలో ప్రధాన పాత్ర పోషించిన దీపికా పదుకునే ముక్కు కోస్తామని కొందరు అంటుంటే.. ఆమెను చంపితే రూ. 5 కోట్లు ఇస్తామని మరో సంస్థ ప్రకటించింది. పద్మావతి చిత్రంపై ఎవరూ ఊహించని స్థాయిలో కర్ణిసేన ప్రతిస్పందిస్తోంది. సినిమా విడుదలను ఎట్టి పరిస్థితుల్లో అంగీకరించమని సంస్థ తేల్చి చెప్పింది. సంజయ్‌లీలా భన్సాలీ హిందువుల మనోభావాలను దెబ్బతీశారని కర్ణిసేన ఆరోపించింది. సినిమా విడుదల ఆపకపోతే దీపిక ముక్కు కత్తిరిస్తామని కర్ణిసేన బహిరంగంగా ప్రకటించింది. థియేటర్లను ధ్వంసం చేస్తామని స్పష్టం చేసింది. మరికొందరు మాత్రం దీపికను చంపితే రూ. 5 కోట్లు బహుమతిగా ఇస్తామని ప్రకటించారు. ఆదిత్యనాథ్‌ లేఖ ప్రజల మనోభావాలను దెబ్బతీసేలా ఉన్న పద్మావతి చిత్రాన్ని నిలపాలని ఉత్తర్‌ ప్రదేశ్‌ ముఖ్యమంత్రి ఆదిత్యనాథ్‌ ప్రభుత్వం కేంద్రానికి లేఖ రాసింది. ఈ చిత్రం విడుదలను ఆపకపోతే.. రాష్ట్రంలో శాంతిభద్రతల సమస్య తలెత్తే ప్రమాదముందని ఆదిత్యనాథ్‌ కేంద్రానికి తెలిపారు. ప్రజల మనోభావాలను పరిగణలోకి తీసుకుని సెన్సార్‌ బోర్డు వ్యహరించాలని యూపీ ప్రభుత్వం కోరింది. ఇదిలా ఉండగా.. పద్మావతి చిత్ర వివాదంపై జోక్యం చేసుకోలేమని కేంద్రం స్పష్టం చేసింది. అదే సమయంలో శాంతి భద్రతల విషయాన్ని రాష్ట్రాలే చూసుకోవాలని కేంద్రం తెలిపింది. దర్శకుడు సంజయ్‌లీలా భన్సాలీకి, నాయిక దీపికా పదుకునేకు తగినంత భద్రత కల్పిస్తామని మహారాష్ట్ర ప్రభుత్వం ప్రకటించింది. దీపికకు ఉమాభారతి అండ పద్మావతి చిత్ర దర్శకుడు సంజయ్‌లీలా భన్సాలీపై కేంద్ర మంత్రి ఉమాభారతి మండిపడ్డారు. భన్సాలీ హిందువుల ఆత్మస్థైర్యాన్ని రాజపుత్రుల సెంటిమెంట్లను అవమానిస్తున్నారని అన్నారు. అదే సమయంలో దీపికపై వస్తున్న అనుచిత వ్యాఖ్యలను ఆమె తప్పుపట్టారు. భావప్రకటన స్వేచ్ఛను అడ్డుకోలేం : సుప్రీం కోర్టు పద్మావతి చిత్రంపై సుప్రీంకోర్టు కీలక వ్యాఖ్యలు చేసింది. ఆర్టిస్టులకు తమ అభిప్రాయాలు వెల్లడించే హక్కు ఉందని సర్వోన్నత న్యాయస్థానం తెలిపింది. భావ ప్రకటనా స్వేచ్ఛను అడ్డుకోవడం సరికాదని సుప్రీంకోర్టు పేర్కొంది. ఇదిలా ఉండగా.. సినిమా పరిశ్రమను భయపెట్టడం, బెదిరించడం, దాడులకు పాల్పడడం కల్చరల్‌ టెర్రరిజం కిందకు వస్తుందని ఐఎఫ్‌టీడీ అధ్యక్షుడు అశోక్‌ పండిట్‌ వ్యాఖ్యానించారు. 4. The director and his associate as the scriptwriter of #Padmavati are responsible for its story. They should have taken care of the sentiments and the historical facts. — Uma Bharti (@umasribharti) November 16, 2017

దేశవ్యాప్తంగా సంచలనం సృష్టిస్తున్న పద్మావతి సినిమా వివాదం మరింత ముదురుతోంది. ఇప్పటికే పలు సంఘాలు సినిమా విడుదల ఆపాలంటూ ఆందోళనలు చేస్తుండగా.. చిత్రయూనిట్ మాత్రం వెనక్కి తగ్గేది లేదని చెపుతోంది. ఎట్టి పరిస్థితుల్లో సినిమా విడుదలను అడ్డుకుంటాం అంటూ కర్ణిసేన హెచ్చరికలు చేస్తున్న నేపథ్యంలో దీపిక సినిమా విడుదలపై స్పందించిన తీరు వివాదాన్ని మరింత పెంచింది. సినిమా ప్రచార కార్యక్రమాల్లో భాగంగా దీపిక, పద్మావతి రిలీజ్ ను ఎవరు ఆపలేరని, తాము కేవలం సెన్సార్ బోర్డ్ కు మాత్రమే జవాబు దారి అనటం నిరసనకారులకు మరింత కోపాన్ని తెప్పించింది. తాజాగా కర్ణిసేన పద్మావతి సినిమాపై ఘాటైన వ్యాఖ్యలు చేసింది. 'సినిమా విడుదలకు ఎట్టి పరిస్థితుల్లోనూ అంగీకరించం, హిందువుల మనోభావాలను దర్శకుడు బన్సాలీ దెబ్బతీశారు. సినిమా విడుదల చేస్తే థియేటర్లను ధ్వంసం చేస్తాం' అంటూ హెచ్చరికలు చేశారు.

సాక్షి, న్యూఢిల్లీ: ప్రముఖ దర్శకుడు సంజయ్‌ లీలా భన్సాలీ తెరకెక్కించిన ‘పద్మావతి’  సినిమా విడుదల తేదీ దగ్గరపడుతున్నకొద్దీ.. ఈ సినిమా వివాదం మరింత ముదురుతోంది. ఈ సినిమాకు వత్యిరేకంగా రాజ్‌పుత్‌ వర్గీయుల ఆధ్వర్యంలోని కర్ణిసేన ఆందోళనలు రోజురోజుకు తీవ్రమవుతున్నాయి. డిసెంబర్‌ 1న పద్మావతి సినిమా విడుదల కావాల్సి ఉండగా.. సినిమా విడుదలకు వ్యతిరేకంగా 'భారత్‌ బంద్‌'కు కర్ణిసేన పిలుపునిచ్చింది. ఈ సినిమాను విడుదలను ఆపాల్సిందేనని, ఒకవేళ సినిమాను విడుదల చేస్తే.. తీవ్ర పరిణామాలు తప్పవని కర్ణిసేనకు చెందిన లోకేంద్ర సింగ్‌ కల్వి హెచ్చరించారు. ఒకవేళ 'పద్మావతి' సినిమా విడుదలైతే.. నిరసన జ్వాలలతో దేశం తగలబడుతుందని, దీనిని అడ్డుకుంటే అడ్డుకోండి అని ఆయన సవాల్‌ విసిరారు. మరోవైపు బెంగళూరులో సినిమాకు వ్యతిరేకంగా కర్ణిసేన పెద్ద ఎత్తున నిరసన ప్రదర్శన నిర్వహించింది. రాణి పద్మావతి కథ ఆధారంగా తెరకెక్కిన ’పద్మావతి’ సినిమాను వివాదాలు విడిచిపెట్టడం లేదు.  ఈ సినిమాలో చరిత్రను వక్రీకరించారని, ఈ సినిమాను నిషేధించాలంటూ జోరుగా రాజ్‌పుత్‌లు ఆందోళన చేస్తున్న సంగతి తెలిసిందే. ఈ సినిమా విడుదల కాకుండా నిషేధించాలంటూ హర్యానా మంత్రి విపుల్‌ గోయెల్‌ ఇప్పటికే కేంద్ర సమాచార ప్రసారశాఖ మంత్రి స్మృతి ఇరానీకి లేఖ రాశారు. డిసెంబర్‌ 1న  విడుదల కానున్న ఈ చిత్రాన్ని నిలిపి వేయాలని డిమాండ్‌ చేస్తూ మరోవైపు జోరుగా ఆందోళనలు జరుగుతున్నాయి. ఈ చిత్రం లో రాణీ పద్మినిగా దీపికా పదుకొనే, ఆమె భర్త రతన్‌సింగ్‌గా షాహీద్‌ కపూర్, అల్లా వుద్దీన్‌ ఖిల్జీగా రణ్‌వీర్‌సింగ్‌ నటిస్తున్న సంగతి తెలిసిందే. ఈ చిత్రంలో రాణీ పద్మిని, అల్లావుద్దీన్‌ ఖిల్జీల మధ్య ఓ ప్రేమగీతాన్ని చిత్రీకరించారని ఆరోపిస్తూ కర్ణిసేన నేతృత్వంలో రాజ్‌పుత్‌లు ఆరోపిస్తున్నారు. అయితే, తమ సినిమా ఎవరి మనోభావాలను దెబ్బతీసేవిధంగా ఈ సినిమాను తెరకెక్కించలేదని, ఈ సినిమాతో రాజ్‌పుత్‌ల పట్ల గౌరవం పెంపొందుతుందే కానీ, భంగం వాటిల్లబోదని దర్శకుడు సంజయ్‌ లీలా భన్సాలీ ఇప్పటికే ఓ వీడియో ద్వారా వివరణ ఇచ్చారు.

సాక్షి, న్యూఢిల్లీ: ప్రముఖ దర్శకుడు సంజయ్‌ లీలా భన్సాలీ తెరకెక్కించిన ‘పద్మావతి’  సినిమాక వ్యతిరేకంగా జరుగుతున్న ఆందోళనలు హింసాత్మకంగా మారుతున్నాయి. రాజస్థాన్‌లోని కోటా పట్టణంలో ఈ సినిమాకు వ్యతిరేకంగా కర్ణిసేన ఓ థియేటర్‌పై దాడి చేసింది. కర్ణిసేన కార్యకర్తలు ఆకాశ్‌ థియేటర్‌పై దాడి చేసి కౌంటర్‌ అద్దాలను, కిటికిలను ధ్వంసం చేశారు. ఆకాశ్‌ థియేటర్‌లో తాజాగా ‘పద్మావతి’ సినిమా ట్రైలర్‌ను ప్రదర్శించారు. ఈ విషయంలో తెలుసుకున్న రాజ్‌పుత్‌ వర్గీయులు కర్ణిసేన ఆధ్వర్యంలో థియేటర్‌పై దాడులకు దిగారు. ఈ ఘటనలో ఎనిమిది మందిని పోలీసులు అదుపులోకి తీసుకున్నారు. ఈ ఘటనపై రాజస్థాన్‌ హోంమంత్రి గులాబ్‌ చంద్‌ కటారియా స్పందించారు. ప్రజాస్వామికంగా ఎవరైనా నిరసన తెలుపవచ్చునని, కానీ ఎవరైనా చట్టాన్ని చేతుల్లోకి తీసుకుంటే.. చట్టప్రకారం చర్యలు తప్పవని కర్ణిసేనను ఆయన హెచ్చరించారు. రాణి పద్మావతి కథ ఆధారంగా తెరకెక్కిన ’పద్మావతి’ సినిమాను వివాదాలు విడిచిపెట్టడం లేదు.  ఈ సినిమాలో చరిత్రను వక్రీకరించారని, ఈ సినిమాను నిషేధించాలంటూ జోరుగా రాజ్‌పుత్‌లు ఆందోళన చేస్తున్న సంగతి తెలిసిందే. ఈ సినిమా విడుదల కాకుండా నిషేధించాలంటూ హర్యానా మంత్రి విపుల్‌ గోయెల్‌ ఇప్పటికే కేంద్ర సమాచార ప్రసారశాఖ మంత్రి స్మృతి ఇరానీకి లేఖ రాశారు. డిసెంబర్‌ 1న  విడుదల కానున్న ఈ చిత్రాన్ని నిలిపి వేయాలని డిమాండ్‌ చేస్తూ మరోవైపు జోరుగా ఆందోళనలు జరుగుతున్న సంగతి తెలిసిందే. గత ఆదివారం గుజరాత్‌లోని గాంధీనగర్‌లో కర్ణిసేన ఆధ్వర్యంలో ఈ సినిమాకు వ్యతిరేకంగా ఆందోళన నిర్వహించారు. ఈ ఆందోళన సభలో దాదాపు లక్ష మంది రాజ్‌పుత్‌ వర్గీయులు హాజరయ్యారు. ఈ చిత్రం లో రాణీ పద్మినిగా దీపికా పదుకొనే, ఆమె భర్త రతన్‌సింగ్‌గా షాహీద్‌ కపూర్, అల్లా వుద్దీన్‌ ఖిల్జీగా రణ్‌వీర్‌సింగ్‌ నటిస్తున్న సంగతి తెలిసిందే. ఈ చిత్రంలో రాణీ పద్మిని, అల్లావుద్దీన్‌ ఖిల్జీల మధ్య ఓ ప్రేమగీతాన్ని చిత్రీకరించారని ఆరోపిస్తూ కర్ణిసేన నేతృత్వంలో రాజ్‌పుత్‌లు ఆరోపిస్తున్నారు. అయితే, తమ సినిమా ఎవరి మనోభావాలను దెబ్బతీసేవిధంగా ఈ సినిమాను తెరకెక్కించలేదని, ఈ సినిమాతో రాజ్‌పుత్‌ల పట్ల గౌరవం పెంపొందుతుందే కానీ, భంగం వాటిల్లబోదని దర్శకుడు సంజయ్‌ లీలా భన్సాలీ ఇప్పటికే ఓ వీడియో ద్వారా వివరణ ఇచ్చారు.

డిసెంబర్‌ 1న ప్రేక్షకుల ముందుకు వచ్చేందుకు రెడీ అవుతున్న  పద్మావతి సినిమాపై ఇంకా వివాదాలు కొనసాగుతూనే ఉన్నాయి. ముఖ్యంగా పద్మావతి, అల్లావుద్ధీన్‌ ఖిల్జీ మధ్య చరిత్రను వక్రీకరిస్తూ కొన్ని సన్నివేశాలను చిత్రీకరించారని పలు రాజ్‌పుత్‌ సంఘాలు ఈ చిత్రయూనిట్‌పై ఆరోపణలు చేస్తున్నాయి. దర్శకుడు సంజయ్‌ లీలా బన్సాలీ.., అలాంటి సన్నివేశాలేవి లేవని, చరిత్రను ఏమాత్రం వక్రీకరించలేదని చెపుతున్నా నిరసనలు మాత్రం సద్దుమనగటం లేదు. తాజాగా ఈ వివాదంపై పద్మావతి పాత్రలోనటించిన  దీపిక పదుకొణే స్పందించారు. ‘ఒక స్త్రీగా ఈ సినిమాలో భాగమైనందుకు, ఈ చరిత్రను చెప్పే అవకాశం వచ్చినందుకు నేను గర్వపడుతున్నా. మేము కేవలం సెన్సార్‌బోర్డ్‌కు మాత్రమే సమాధానం చెప్పుకోవాలి.. అంతేకాదు ఏదీ పద్మావతి సినిమా రిలీజ్‌ ను అడ్డుకోలేదని నేను నమ్ముతున్నా’ నన్నారు. గతంలో ఇదే వివాదం పై స్పందించిన హీరో షాహిద్‌ కపూర్‌, తమకు ఒక్క అవకాశం ఇవ్వాలని.. సినిమా చూసిన తరువాత తమకు అభ్యంతరాలు ఉంటే తెలపాలిగానీ ముందుగానే ఊహగానాలతో సినిమాను అడ్డుకోవటం సరికాదని విజ్ఞప్తి చేశారు.

సంజయ్‌ లీలా భన్సాలీ దర్శకత్వంలో రూపొందించిన ’పద్మావతి‘  చిత్ర వివాదాలు అనూహ్య మలుపులు తిరిగుతున్నాయి. తాజాగా ఈ చిత్రంలో చరిత్రలను వక్రీకరించారని ఉదయ్‌పూర్‌ మేవార్‌ రాజవంశస్థులు ఆరోపిస్తున్నారు. తమ రాజపుత్రలు చరిత్రలను వక్రీకరించిన.. ఈ చిత్ర విడుదలను నిలిపివేయాలంటూ.. ప్రధాని నరేంద్ర మోదీకి, సెంట్రల్‌ బోర్డ్‌ ఆఫ్‌ ఫిలిమ్‌ సర్టిఫికేషన్‌ (సీబీఎఫ్‌సీ) ఛైర్మన్‌ ప్రసూన్‌ జోషికి మేవార్‌ రాజవంశస్థుడు ఎంకే విశ్వరాజ్‌ సింగ్‌ లేఖ రాశారు. వారితో పాటు సమాచార ప్రసారశాఖ మంత్రి స్మృతి ఇరానీ, మానవ వనరులు అభివృద్ధి శాఖ మంత్రి ప్రకాశ్‌ జవదేకర్‌, రాజస్థాన్‌ ముఖ్యమంత్రి వసుంధర రాజే సింధియాలకు కూడా లేఖ రాశారు. పద్మావతి చిత్రంలో రాజపుత్రలు చరిత్రను పూర్తిగా వక్రీకరించారని విశ్వరాజ్‌ సింగ్‌ ఆరోపించారు. హిందువుల చరిత్రను, భారతదేశ చరిత్రను కాపాడాల్సిన బాధ్యత భారత ప్రభుత్వానికి ఉందని సింగ్‌లేఖలో పేర్కొన్నారు. రాణీ పద్మావతి చరిత్రకు గురించి పరిశోధనలు చేసి చిత్రాన్ని రూపొందించానన్న భన్సాలీ వ్యాఖ్యలపై ఆయన తీవ్రంగా మండిపడ్డారు. రాణీ పద్మావతి గురించి భన్సాలీ.. నన్ను కానీ, మా రాజపుత్రులను కానీ సంప్రదించలేదని సింగ్‌ స్పష్టం చేశారు. చరిత్రను వక్రీకరించే ఇటువంటి చిత్రాలతో దేశానికి ప్రమాదమని ఆయన తెలిపారు.

సంజయ్‌ లీలా భన్సాలీ తాజాగా రూపొందించిన పద్మావతి చిత్రం.. విడుదలకు ముందే అనేక వివాదాల్లో చిక్కుకుంది. దీనిపై హిందూవాదులు, రాజపుత్రులు ఇప్పటికే అనేక విమర్శలు చేశారు. రాజకీయ నాయకులు, సమాజంలోని కొందరు ప్రముఖ వ్యక్తులు ఈ చిత్రంపై తమ వ్యక్తిగత అభిప్రాయాలను వెల్లడించారు. తాజాగా ఈ చిత్రంలో అల్లావుద్దీన్‌ ఖిల్జీ పాత్ర పోషించిన రణ్‌వీర్‌ సింగ్‌.. ట్విటర్‌లో మరో వివాదాస్పద వ్యాఖ్య చేశారు. అల్లావుద్దీన్‌ ఖిల్జీ హెయిర్‌ స్టయిల్‌తో ఉన్నఫొటోను పెట్టి.. ’’నేను నా మతాన్ని కోల్పోతున్నాను‘‘ అంటూ రణ్‌వీర్‌ చేసిన ట్వీట్‌ పెద్ద దుమారాన్నే రేపుతోంది. కొందరైతే.. అదీ మంచిదేలే అంటూ  కామెంట్‌ చేయగా.. కొందరు మాత్రం కళాకారులకు మతం అంటూ ఏదీ ఉండదు అంటూ రీ ట్వీట్‌ చేశారు. ఏది ఏమైనా సోషల్‌ మీడియాలో రణ్‌వీర్‌ చేసిన ట్వీట్‌పై మాటల యుద్ధం కొనసాగుతోంది. Losing my religion A post shared by Ranveer Singh (@ranveersingh) on Nov 9, 2017 at 9:06pm PST Losing my religion pic.twitter.com/vYM68pz5nr — Ranveer Singh (@RanveerOfficial) November 10, 2017

సాక్షి, న్యూఢిల్లీ : బాలీవుడ్‌ దర్శకుడు సంజయ్‌ లీలా భన్సాలీ తాజాగా రూపొందించిన పద్మావతి చిత్ర వివాదాలు రోజుకో కొత్త మలుపు తీసుకుంటున్నాయి. ఈ చిత్రంపై భారతీయ జనతా పార్టీ సీనియర్‌ నేత సుబ్రమణ్య స్వామి స్పందించారు. హిందువుల చరిత్రపై అంతర్జాతీయ స్థాయిలో కుట్ర జరుగుతోందని ఆయన తీవ్రంగా ఆరోపించారు. అందులో భాగంగానే ఇటువంటి చిత్రాలు వస్తున్నాయని ఆయన అన్నారు. ముస్లిం రాజులను హీరోలు చూపించే ప్రయత్నంలో చరిత్రను వక్రీకరిస్తున్నారని.. ఈ క్రమంలో అంతర్జాతీయ కుట్ర జరుగుతోందని సుబ్రమణ్యస్వామి చెప్పారు. ముస్లింలను హీరోలుగా చూపించేందుకు దుబాయ్‌ వాసులు కలలు కంటున్నారని ఆయన అన్నారు. అమీర్‌ఖాన్‌ తీసిన పీకే చిత్రం కూడా ఈ కోవలోకే వస్తుందని.. ఈ చిత్రం పాకిస్తాన్‌ను ప్రోత్సహించేలా ఉందని ఆయన ఆరోపించారు. డిసంబర్‌ 1న విడుదల కానున్న పద్మావతి చిత్రంపై ఇప్పటికే అనే వివాదాలు చుట్టుముట్టాయి. రాజపుత్ర వర్గాలు, కర్నీసేన, ఇతర సంఘాల నుంచి తీవ్ర విమర్శలు వస్తున్నాయి. ఇదిలా ఉండగా ఈ చిత్రం విడుదలపై స్టే ఇవ్వాలంటూ పేసిన పిల్‌ను సుప్రీంకోర్టు తోసిపుచ్చింది. ఈ చిత్రంపై ఏమైనా అభ్యంతరాలు ఉంటే.. సెన్సార్‌ బోర్డును సంప్రదించాలని పిల్‌ దాఖలు చేసిన వారికి సుప్రీం కోర్టు సూచించింది.

న్యూఢిల్లీ/ లక్నో : బాలీవుడ్‌​ చిత్రం పద్మావతి మేకర్లకు పెద్ద ఊరట లభించింది. చిత్ర విడుదలను నిలుపుదల చేయాలంటూ దాఖలైన రెండు వేర్వేరు పిటిషన్‌లను సుప్రీం కోర్టు, అలహాబాద్‌ హైకోర్టులు కొట్టివేశాయి.  దర్శకుడు బన్సాలీ చరిత్రను వక్రీకరించారని.. కాబట్టి విడుదలను అడ్డుకోవాలంటూ సిద్దారాజ్‌సిన్హ్‌ ఎం ఛుదాసామ, మరో 11 మంది సుప్రీంకోర్టులో పిటిషన్‌ దాఖలు చేశారు. చీఫ్‌​ జస్టిస్‌ దీపక్‌ మిశ్రా, ఏఎం ఖన్విల్‌కర్‌, డీవై చంద్రచూడ్‌ నేతృత్వంలోని ధర్మాసనం విచారణ చేపట్టింది.  ఈ విషయంలో సెన్సార్‌ బోర్డు అన్ని కోణాలను పరిశీలించాకే సర్టిఫికెట్‌ ఇస్తుందన్న నమ్మకం వ్యక్తం చేస్తున్నట్లు బెంచ్‌​ ప్రకటించింది. ఇక చిత్రం విడుదల కాకముందే అందులో అభ్యంతరకర సన్నివేశాలు ఉన్నాయేమోనన్న అనుమానంతో కొందరు అలహాబాద్‌ కోర్టులో పిటిషన్‌ దాఖలు చేశారు. అయితే అందులోని వాదనలను తోసిపుచ్చిన కోర్టు.. ఈ వివాదాన్ని సంబంధించి విభాగం వద్దే తేల్చుకోవాలంటూ పిటిషనర్‌కు సూచించింది.  కాగా, రాణి పద్మిణి-అల్లావుద్దీన్‌ ఖిల్జీల మధ్య రొమాంటిక్‌ ఎపిసోడ్‌ చిత్రీకరించాడంటూ ఈ చిత్ర దర్శకుడు సంజయ్‌ లీలా బన్సాలీపై శ్రీ రాజ్‌పుత్‌ కర్ణి సేన మొదటి నుంచి తీవ్ర ఆగ్రహాం వ్యక్తం చేస్తున్న విషయం తెలిసిందే. చిత్రాన్ని ముందు తమకు ప్రదర్శించాలంటూ డిమాండ్‌ చేస్తున్నారు.  ఈ విషయంలో పలువురు రాజకీయ ప్రముఖులు కూడా ఆందోళనకారులకు మద్దతు ప్రకటిస్తూ వస్తున్నారు. రాజస్థాన్‌ ప్రభుత్వం ఈ వివాదంపై ఏకంగా ఓ కమిటీని ఏర్పాటు చేసేందుకు సిద్ధమైపోయింది. బన్సాలీకి నిధులెక్కడివి? : స్వామి కాగా, పద్మావతి చిత్ర వివాదంపై బీజేపీ ఎంపీ సుబ్రమణియన్‌ స్వామి తనదైన శైలిలో స్పందించారు. ఈ చిత్ర దర్శకుడు సంజయ్ లీలా బన్సాలీకి నిధులు ఎక్కడి నుంచి వస్తున్నాయో దర్యాప్తు చేయాలంటూ ఆయన డిమాండ్‌​ చేశారు. దుబాయ్ నుంచి నిధులతో హిందూ మహిళలను అవమానించేలా బన్సాలీ చిత్రాలు తీస్తున్నారంటూ స్వామి తీవ్ర ఆరోపణలు చేశారు. దుబాయ్‌ ప్రజలు వాళ్ల మతానికి చెందిన రాజులను గొప్పగా చూడాలని అనుకుంటున్నారని.. అందుకే ఇక్కడి మేకర్లకు నిధులు సమకూరుస్తూ సినిమాలు తీయించుకుంటున్నారంటూ విమర్శించారు.

తన తాజా సినిమా ’పద్మావతి’పై తీవ్ర విమర్శలు వెల్లువెత్తుతున్న నేపథ్యంలో చిత్ర దర్శకుడు సంజయ్‌ లీలా భన్సాలీ ఓ వీడియో ద్వారా వివరణ ఇచ్చారు. ఎవరి మనోభావాలను దెబ్బతీసేవిధంగా ఈ సినిమాను తెరకెక్కించలేదని, ఈ సినిమాతో రాజ్‌పుత్‌ల పట్ల గౌరవం పెంపొందుతుందే కానీ, భంగం వాటిల్లబోదని ఆయన భరోసా ఇచ్చారు. ’ ఎంతో నిజాయితీతో, బాధ్యతతో, అకుంఠిత దీక్షతో ఈ సినిమాను తెరకెక్కించాను. రాణి పద్మావతి కథ నాలో ఎల్లప్పుడూ స్ఫూర్తి నింపుతూ ఉంటుంది. ఆమె వీరోచిత పోరాటం, త్యాగానికి ఘననివాళిగా ఈ చిత్రాన్ని రూపొందించాను. కొన్ని వందతుల వల్ల ఈ సినిమాపై వివాదం తలెత్తింది’ అని భన్సాలీ పేర్కొన్నారు. ’రాణి పద్మావతి, అల్లావుద్దీన్‌ ఖిల్జీ మధ్య డ్రీమ్‌సీక్వెన్స్‌ సినిమాలో ఉన్నట్టు వచ్చిన వదంతులను నేను ఇప్పటికే ఖండించాను. వారిద్దరి మధ్య అలాంటి సన్నివేశాలు ఉండవని రాతపూర్వకంగా హామీ ఇచ్చాను. ఈ వీడియో ద్వారా నేను మరోసారి స్పష్టం చేస్తున్నా..  ఎవరి మనోభావాలు దెబ్బతీసేవిధంగా రాణి పద్మావతి, ఖిల్జీ మధ్య సన్నివేశాలు ఉండబోవు’ అని భన్సాలీ తెలిపారు. ఈ మేరకు పద్మావతి సినిమా అధికారిక ట్విట్టర్‌ పేజీలో ఆయన ఒక వీడియోను పోస్టు చేశారు. రాణి పద్మావతి చరిత్రను వక్రీకరించేలా భన్సాలీ ఈ సినిమా తీశారంటూ రాజ్‌పుత్‌లు ఆందోళన చేస్తున్న సంగతి తెలిసిందే. రాజస్థాన్‌, గుజరాత్‌ ఎన్నికల నేపథ్యంలో బీజేపీ సైతం ఈ సినిమాకు వ్యతిరేకంగా గొంతెత్తుతోంది. ఈ సినిమాకు వ్యతిరేకంగా కేంద్ర ఎన్నికల సంఘం, కేంద్ర సెన్సార్‌ బోర్డు (సీబీఎఫ్‌సీ)కి లేఖ రాయాలని బీజేపీ భావిస్తున్న సంగతి తెలిసిందే. క్షత్రియ సామాజికవర్గం మనోభావాలను దెబ్బతీసేలా ఈ సినిమా ఉందని ఆరోపణలు వస్తున్నాయని, రాణి పద్మావతికి, దురాక్రమణకు దిగిన సుల్తాన్‌ అల్లావుద్దీన్‌ ఖిల్జీకి మధ్య లింక్స్‌ ఉన్నట్టు ఈ సినిమాలో చరిత్ర వక్రీకరించారని ఆరోపణలు వినిపిస్తుండటంతో వివాదం ముదురుతోంది. ఇప్పటికే బీజేపీ నేతలతోపాటు రాజ్‌పుత్‌ వర్గంవారు ఈ సినిమాపై తీవ్ర వ్యాఖ్యలు చేశారు.

ఇండోర్‌ : బాలీవుడ్‌ చిత్రం పద్మావతి విడుదలకు ముందే వివాదాలకు దారి తీస్తోంది. తాజాగా ఈ చిత్రంపై ఉజ్జయిని బీజేపీ ఎంపీ చింతమని మణివీయ ఘాటు వ్యాఖ్యలు చేశారు. కథాంశాలన్ని ఇష్టారీతిగా మారుస్తున్న బాలీవుడ్‌ దర్శకులు.. తమ భార్యలను కూడా ఇలాగే మార్చుకుంటారా? అంటూ అత్యంత తీవ్ర పదజాలంతో ఆయన విమర్శలకు దిగారు. నాకు ఇప్పటికీ ‘జుహార్‌’ అంటే అర్థం తెలియడం లేదని ఆయన చెప్పారు. పద్మావతి చిత్రాన్ని బహిష్కరిస్తున్నట్లు ఆయన స్పష్టం చేశారు. సినిమా పరిభాషలోనే మాట్లాడాలంటే.. ఒకరి భార్య.. మరొకరితో సినిమాకు వెళితో ఎంత దారుణంగా ఉంటుందో.. జుహార్‌కు అర్థం వెతకడం అంతే దారుణంగా ఉంటుందని ఆయన చెప్పారు. మా చరిత్రను ఎవరైనా తప్పుదోవ పట్టిస్తే.. వారికి చేతులతోనే సమాధానం చెబుతామని చిత్ర దర్శకుడు సంజయ్‌ లీలా భన్సాలీకి పరోక్షంగా హెచ్చరికలు జారీ చేశారు.

సంజయ్‌లీలా భన్సాలీ తాజా దృశ్యకావ్యం 'పద్మావతి' సినిమా విడుదలకు సిద్ధమవుతుండగా.. ఈ సినిమాలో ప్రధాన పాత్రలు పోషించిన ప్రేమజంట రణ్‌వీర్‌ సింగ్‌, దీపికా పదుకోన్‌ మధ్య ఏదో విభేదాలు పొడసూపాయన్న వార్తలు బాలీవుడ్‌ను కుదిపేస్తున్నాయి. బాలీవుడ్‌లో చక్కర్లు కొడుతున్న కథనాల ప్రకారం.. బాలీవుడ్‌ లవ్‌బర్డ్స్‌గా ముద్రపడిన రణ్‌వీర్‌-దీపిక మధ్య అంత సవ్యంగా లేదట. తన లవ్‌లేడీ దీపిక తీరుతో రణ్‌వీర్‌ తీవ్రంగా నోచ్చుకున్నాడని తెలుస్తోంది. 2013లో ఈ జంట భన్సాలీ 'గోలియోంకీ రాస్‌లీలా రామ్‌లీలా' సినిమాతో అలరించారు. అప్పటినుంచి వీరు డేటింగ్‌ చేస్తున్నట్టు కథనాలు గుప్పుమన్నాయి. తాము ప్రేమలో ఉన్నామని ఈ జంట ఏనాడూ మీడియాముఖంగా చెప్పిందీ లేదు. కానీ, జంటగా కనిపిస్తూ.. సినీ వేడుకలకు హాజరవుతూ.. సన్నిహితంగా పార్టీలకు వెళుతూ.. తమ ప్రేమను అనేకసార్లు వీరు చాటుకున్నారు. వీరి మధ్య ఉన్న ఈ కెమిస్ట్రీయే భన్సాలీ తీసిన 'బాజీరావు మస్తానీ' సినిమాలోనూ వ్యక్తమైంది. ప్రేమలో మునిగిపోతున్నట్టు భావిస్తున్న ఈ జంట మధ్య తాజాగా విభేదాలు రావడానికి కారణం.. 'పద్మావతి' త్రీడీ ట్రైలర్‌ ఆవిష్కరణ వేడుక. రెండురోజుల కిందట జరిగిన ఈ వేడుకకు దీపిక కళ్లుచెదిరేరీతిలో జిగేల్‌ మనేలా హాజరైంది. ఆమె హాజరు ఈ వేడుకకు వచ్చిన వారిని ఆశ్చర్యపరిచింది. కారణం ఈ వేడుక అతిథుల జాబితాలో ఆమె పేరు లేకపోవడమే. అయినా అనూహ్యంగా ఆమె రావడం.. అదే సమయంలో ఈ చిత్రంలో ఇతర ప్రధాన నటులైన రణ్‌వీర్‌, షాహిద్‌ కపూర్‌ రాకపోవడం పలు ఊహాగానాలకు తావిచ్చింది. 3డీ ట్రైలర్‌ లాంచ్‌ వేడుకకు దీపిక ఒంటరిగా హాజరుకావడం.. ఆమె సహ నటులు రణ్‌వీర్‌, షాహిద్‌లకు కోపం తెప్పించినట్టు తెలుస్తోంది. తాము తీరికతోనే ఉన్నా.. తమకు సమాచారం ఇవ్వకుండా దీపిక ఒంటరిగా వెళ్లడంతో వారికి పుండు మీద కారం చల్లినట్టు అయిందని సన్నిహిత వర్గాలు అంటున్నాయి. అంతేకాకుండా 'పద్మావతి' ట్రైలర్‌ విడుదలైన నాటినుంచి అల్లావుద్దీన్‌ ఖిల్జీగా నటించిన రణ్‌వీర్‌కు విశేషమైన ప్రశంసలు దక్కుతున్నాయి. ఇది కూడా దీపికలో అభద్రతాభావాన్ని నింపిందని, అందుకే ఆమె సహ నటులకు మాటమాత్రమైన చెప్పకుండా ఒంటరిగా 3డీలాంచ్‌ వేడుకకు వెళ్లి హల్‌చల్‌ చేసిందని ఆ వర్గాలు అంటున్నాయి. 'పద్మావతి'లో దీపిక టైటిల్‌ రోల్‌ పోషించినా.. రణ్‌వీర్‌, షాహిద్‌లకు వచ్చినంత పేరుప్రఖ్యాతలు, ప్రశంసలు దీపికకు రాలేదని అంటున్నారు. ఈ క్రమంలో బాయ్‌ఫ్రెండ్‌ అయిన తనకే టోకరా ఇచ్చి దీపిక ఒంటరిగా వెళ్లడం రణ్‌వీర్‌కు షాక్‌కు గురిచేసిందట. దీంతో కోపోద్రిక్తుడైన రణ్‌వీర్‌.. తన పర్సనల్‌ టీమ్‌ను తీసిపారేయడమేకాకుండా.. అప్పటినుంచి దీపికతో మాట్లాడటం లేదని సన్నిహిత వర్గాలు చెప్తున్నాయి. ఈ వేడుక తర్వాత రణ్‌వీర్‌ పెట్టిన నిగూఢమైన ట్వీట్స్‌ సైతం ఇదే విషయాన్ని చాటుతుండటం గమనార్హం. మొదటి ట్వీట్‌లో పద్మావతి 3డీ ట్రైలర్‌ తనకు బాగా నచ్చిందని, 3డీలో తనను తాను చూసుకోవడం అద్భుతంగా ఉందని పేర్కొన్న రణ్‌వీర్‌.. అనంతరం తొలిసారి తనను ఒక తేనేటీగ కుట్టిందని, ఆ ఫొటో పెడితే.. ఆ తేనేటీగ ఫేమస్‌ అవుతుందని పెట్టడం లేదని ట్వీట్‌ చేశాడు. ఇక మిగిలిన తన జీవితంలో ఇదే తొలిరోజు అని, ఇప్పటివరకు జరిగినదానితో విసిగిపోయానని రణ్‌వీర్‌ పేర్కొన్నాడు. దీపికపై కోపంతోనే.. ఆమెను పరోక్షంగా ఉద్దేశిస్తూ ఈ ట్వీట్లు చేశాడని బాలీవుడ్‌ వర్గాలు అంటున్నాయి.   Saw #Padmavati 3D trailer last night! Holy smokes! It was jaw-dropping! Also 1st time I'm seeing myself in 3D so..! Hahaa! Pretty badass 😂🤙🏾 — Ranveer Singh (@RanveerOfficial) October 31, 2017 Also stung by a Bee 4 the 1st time earlier today🐝thought Id post a picture but then I was like I dont wanna make that Bee famoussss haha😂🤙🏾 — Ranveer Singh (@RanveerOfficial) October 31, 2017 In other firsts, it's also the first day of the rest of my Life. Ok, now I'm done. — Ranveer Singh (@RanveerOfficial) October 31, 2017

బాలీవుడ్‌ సినీ ప్రేమికులు.. ఎప్పుడెప్పుడా అని ఎదురుచూస్తున్న సినిమా ’పద్మావతి’... ప్రముఖ దర్శకుడు సంజయ్‌ లీలా భన్సాలీ తెరకెక్కించిన ఈ సినిమాకు కష్టాలు తప్పడం లేదు. ఇప్పటికే రాణి పద్మావతి చరిత్రను వక్రీకరించేలా సినిమా తీశారంటూ రాజ్‌పుత్‌లు చిత్రయూనిట్‌ దాడులు చేసిన సంగతి తెలిసిందే. తాజాగా బీజేపీ సైతం ఈ సినిమాకు వ్యతిరేకంగా కేంద్ర ఎన్నికల సంఘం, కేంద్ర సెన్సార్‌ బోర్డు (సీబీఎఫ్‌సీ)కి లేఖ రాసేందుకు సిద్ధమవుతోంది. భన్సాలీ తెరకెక్కించిన ఈ చారిత్రక సినిమా విడుదలను వాయిదా వేయాలని కోరుతూ లేఖ రాయాలని నిర్ణయించినట్టు ఆ పార్టీ అధికారి ప్రతినిధి ఐకే జడ్డేజా తెలిపారు.  క్షత్రియ సామాజికవర్గం మనోభావాలను దెబ్బతీసేలా ఈ సినిమా ఉందని ఆరోపణలు వస్తున్నాయని, రాణి పద్మావతికి, దురాక్రమణకు దిగిన సుల్తాన్‌ అల్లావుద్దీన్‌ ఖిల్జీకి మధ్య లింక్స్‌ ఉన్నట్టు ఈ సినిమాలో చరిత్ర వక్రీకరించారని ఆరోపణలు వినిపిస్తున్నాయని, ఈ వివాదం పరిష్కారం అయ్యేవరకు సినిమా విడుదలను తాత్కాలికంగా నిలిపివేయాలని ఎన్నికల సంఘాన్ని, సెన్సార్‌ బోర్డును కోరనున్నామని ఆయన చెప్పారు. భన్సాలీ కళాత్మకంగా తెరకెక్కించిన ఈ సినిమా ట్రైలర్‌కు ఇప్పటికే విశేషమైన ఆదరణ లభించింది. డిసెంబర్‌ 1న విడుదల కానున్న ఈ సినిమాపై భారీ అంచనాలు ఉన్నాయి. 

ఇటీవల ఆన్‌లైన్‌లో విడుదలైన 'పద్మావతి' మొదటి ట్రైలర్‌కు విశేష స్పందన లభిస్తున్న సంగతి తెలిసిందే. ఈ సినిమాలో కీలక పాత్రలు పోషించిన రణ్‌వీర్‌ సింగ్‌, దీపికా పదుకోన్‌లపై సర్వత్రా ప్రశంసల జల్లు కురుస్తోంది. సంజయ్‌ లీలా భన్సాలీ తెరకెక్కించిన ఈ ఎపిక్‌ హిస్టోరికల్‌ డ్రామాలో దీపిక, రణ్‌వీర్‌ సింగ్‌లతోపాటు షాహిద్‌ కపూర్‌ కూడా కీలక పాత్ర పోషించారు. సుల్తాన్‌ అల్లావుద్దీన్‌ ఖిల్జీపై పోరాటం జరిపే రాజ్‌పుత్‌ పాలకుడు రావల్‌ రతన్‌ సింగ్‌గా షాహిద్‌ నటించాడు.  అతని భార్య రాణి పద్మావతిగా దీపిక టైటిల్‌ రోల్‌ పోషించగా.. విలన్ ఖిల్జీగా రణ్‌వీర్‌ దర్శనమిచ్చాడు. ట్రైలర్‌ విడుదలైన నాటినుంచి ఈ సినిమాలో ఖిల్జీగా భయానక రౌద్రరూపులో కనిపించిన రణ్‌వీర్‌ సింగ్‌పై ప్రశంసల జల్లు కురుస్తోంది. వీరోచిత అభినయం కనబర్చిన దీపికనూ నెటిజన్లు కొనియాడుతున్నారు. ఈ నేపథ్యంలో షాహిద్‌ తాజాగా ఇన్‌స్టాగ్రామ్‌లో పెట్టిన ఓ పోస్టు ఆసక్తి రేపుతోంది. తన పాత్ర రతన్‌ సింగ్‌ పోస్టర్‌ను పోస్టు చేసి.. 'నీరు చాలా లోతుగా ప్రవహిస్తుంది. అతని రాక కొరకు డిసెంబర్‌ 1వ వరకు ఆగండి' అంటూ చాలా సంక్షిప్తంగా షాహిద్‌ కపూర్‌ తన అభిమానులను ఉద్దేశించి పోస్టు చేశారు. ఈ మిస్టరీ పోస్టు వెనుక కారణాలు ఏమిటన్నది తెలియకపోయినా.. 'పద్మావతి'లో తన పాత్రకు ఉన్న ప్రాధాన్యం, తన కనబర్చిన నటన గురించి నిగూఢంగా షాహిద్‌ సందేశమిచ్చినట్టు భావిస్తున్నారు. షాహిద్‌ పాత్ర కూడా ఈ సినిమాలో వీరోచితంగా చాలా కీలకంగా ఉండబోతున్నదని తెలుస్తోంది. Still waters run deep. He will rise on the 1st of December. Wait for it. #rajputpride A post shared by Shahid Kapoor (@shahidkapoor) on Oct 10, 2017 at 10:22am PDT

సాక్షి, ముంబై: అందరూ అత్యంత ఆసక్తిగా ఎదురుచూస్తున్న బాలీవుడ్‌ చిత్రం ’పద్మావతి’ . చారిత్రక నేపథ్యంతో ప్రముఖ దర్శకుడు సంజయ్‌ లీలా భన్సాలీ తెరకెక్కించిన ఈ సినిమాపై భారీ అంచనాలు ఉన్నాయి. డిసెంబర్‌ 1న ఈ సినిమా ప్రపంచవ్యాప్తంగా విడుదల కానుంది. ఈ సినిమాతో పోటీపడటానికి ఇతర బాలీవుడ్‌ చిత్రాలేవీ ఇష్టపడటం లేదు. డిసెంబర్‌ 1 నాడే విద్యాబాలన్‌ తాజా సినిమా 'తుమ్హారి సూలు' విడుదల కావాల్సి ఉంది. డిసెంబర్‌ 1న ఈ సినిమాను విడుదల చేస్తామని చిత్రయూనిట్‌ గతంలో సంకేతాలు ఇచ్చింది. కానీ, ఆ తర్వాత ఈ చిత్ర దర్శక నిర్మాతలు తమ మనస్సు మార్చుకున్నారు. 'పద్మావతి'తో పోటీని నివారించేందుకు ఒక వారం ముందుగానే నవంబర్‌ 24న ఈ సినిమాను విడుదల చేయాలని భావించారు. ఇప్పుడు ఆ తేదీ కూడా మరింత ముందుకు జరిగింది. నవంబర్‌ 24న కాదు 17నే ఈ సినిమాను ప్రేక్షకుల ముందుకు తేవాలని దర్శకనిర్మాతలు భావిస్తున్నట్టు 'డీఎన్‌ఏ' వెబ్‌సైట్‌ ఓ కథనంలో పేర్కొంది. పద్మావతి సినిమాకు ఒక వారం ముందు విడుదలైనా.. వారం రోజుల తర్వాత థియేటర్లలో తమ సినిమా ఉండే పరిస్థితి ఉండదని, కాబట్టి కనీసం రెండు వారాలు ముందుకు జరిగితే.. ఎక్కువకాలం థియేటర్లలో ఉండే అవకాశముంటుందని దర్శకనిర్మాతలు.. 'తుమ్హారీ సూలు' సినిమా విడుదల తేదీని ముందుకు జరిపినట్టు తెలుస్తోంది.  'తుమ్హారి సూలు' కామెడీ ఎంటర్‌టైనర్‌. విద్యా బాలన్‌ ఈ సినిమాలో లేట్‌ రేడియో షో నిర్వహించే ఆర్జేగా నటించారు. మధ్యతరగతి గృహిణిగా, హస్కీ వాయిస్‌తో శ్రోతలకు మత్తెక్కించే రేడియో జాకీగా ఆమె నటన.. ట్రైలర్‌లో ఆకట్టుకుంది. ఇక, ప్రతిష్టాత్మకంగా తెరకెక్కిన ’పద్మావతి’ సినిమాలో దీపికా పదుకోన్‌ టైటిల్‌ రోల్‌ పోషిస్తుండగా.. ఆమె భర్త, చిత్తోర్‌గఢ్‌ రాజ రతన్‌ సింగ్‌గా షాహిద్‌ కపూర్‌, విలన్‌ సుల్తాన్‌ అల్లావుద్దీ ఖిల్జీగా రణ్‌వీర్‌ సింగ్‌ నటిస్తున్నాడు. భన్సాలీ మార్క్‌ గ్రాండ్‌ విజువలైజేషన్‌.. ఉన్నతమైన సాంకేతిక విలువలతో ఆనాటి రాచరిక వైభవానికి ప్రతిరూపంగా మలిచిన ఈ సినిమా ట్రైలర్‌కు విశేషమైన స్పందన లభిస్తోంది. ఈ ట్రైలర్‌లో ఖిల్జీగా రణ్‌వీర్‌ సింగ్‌ భయానక రౌద్రరూపంతో ఆకట్టుకోగా.. అతనితో వీరోచితంగా పోరాడే పాత్రల్లో షాహిద్‌, దీపిక అభినయం కనబర్చారు.

అందరూ అత్యంత ఆసక్తిగా ఎదురుచూస్తున్న బాలీవుడ్‌ చిత్రం ’పద్మావతి’ . చారిత్రక నేపథ్యంతో ప్రముఖ దర్శకుడు సంజయ్‌ లీలా భన్సాలీ తెరకెక్కిస్తున్న ఈ సినిమాలో ’పద్మావతి’గా దీపికా పదుకోన్‌ నటిస్తుండగా.. ఆమె భర్త, చిత్తోర్‌గఢ్‌ రాజ రతన్‌ సింగ్‌గా షాహిద్‌ కపూర్‌, విలన్‌ సుల్తాన్‌ అల్లావుద్దీ ఖిల్జీగా రణ్‌వీర్‌ సింగ్‌ నటిస్తున్నాడు. ఎంతో ఆసక్తి రేపుతున్న ఈ సినిమా ట్రైలర్‌ సోమవారం మధ్యాహ్నం సరిగ్గా.. 13.03 గంటలకు విడుదల చేశారు. భన్సాలీ మార్క్‌ గ్రాండ్‌ విజువలైజేషన్‌.. ఉన్నతమైన సాంకేతిక విలువలతో ఆనాటి రాచరిక వైభవానికి ప్రతిరూపంగా సినిమా మలిచినట్టు ట్రైలర్‌ను బట్టి అర్థమవుతోంది. ఈ ట్రైలర్‌లో ఖిల్జీగా రణ్‌వీర్‌ సింగ్‌ భయానక రౌద్రరూపంతో ఆకట్టుకోగా.. అతనితో వీరోచితంగా పోరాడే పాత్రల్లో షాహిద్‌, దీపిక అభినయం ట్రైలర్‌లో చూడొచ్చు. ఈ సినిమా ట్రైలర్‌ను సరిగ్గా 13.03 గంటలకు విడుదల చేయడం వెనుక ఒక కారణముంది. చారిత్రకంగా సరిగ్గా 1303లోనే చిత్తోర్‌గఢ్‌పై అల్లావుద్దీన్‌ ఖిల్జీ దండయాత్ర విజయవంతమైంది.  గుహిలాసింగ్‌ రత్నసింహా (లేదా రతన్‌సింగ్‌) ఆధ్వర్యంలో రాజ్‌పుత్‌ సేనతో ఎనిమిది నెలలు యుద్ధంచేసిన ఖిల్జీ.. చివరకు 1303లో ఈ రాజ్యాన్ని తన సామ్రాజ్యంలో కలిపేసుకసున్నాడు. ఆ చారిత్రక ఘట్టానికి గుర్తుగా 13.03 గంటలకు ఈ సినిమా ట్రైలర్‌ను విడుదల చేశారు.

భుజాలపైకి జారిన జుత్తు, ఎడమ కంటి కింద రెండు కత్తి గాట్లు, భయపెట్టే ముఖ తేజస్సుతో విలన్‌కి చిరునామా అనేలా రణవీర్‌ సింగ్‌ లుక్‌ రిలీజైంది. దీపికా పదుకొనె, షాహిద్‌ కపూర్, రణవీర్‌ సింగ్‌ ముఖ్య తారలుగా సంజయ్‌ లీలా బన్సాలీ దర్శకత్వంలో రూపొందుతున్న చిత్రం ‘పద్మావతి’. రాణి పద్మావతి జీవిత కథ ఆధారంగా ఈ చిత్రాన్ని తెరకెక్కిస్తున్నారు. రణవీర్‌ ఇందులో సుల్తాన్‌ అల్లావుద్దీన్‌ ఖిల్జీ పాత్ర పోషిస్తున్నారు. ఈ రోల్‌కు సంబంధించిన రెండు లుక్స్‌ను చిత్రబృందం విడుదల చేసింది. ఈ లుక్స్‌ను చూసిన అభిమానులు ఖిల్జీకి ఫిదా అయ్యారు. ఈ  చిత్రాన్ని డిసెంబర్‌ 1న విడుదల చేయాలనుకుంటున్నారు.

సాక్షి, హైదరాబాద్‌: అందరూ ఎంతో ఆసక్తిగా ఎదురుచూస్తున్న 'సుల్తాన్‌ అల్లావుద్దీన్‌ ఖిల్జీ' ఫస్ట్‌లుక్‌ రిలీజైంది. బాలీవుడ్‌ నటుడు రణ్‌వీర్‌ సింగ్‌ అల్లావుద్దీన్‌ ఖిల్జీగా భయానక డెడ్లీలుక్‌తో అదరగొట్టాడు. పొడవైన శిరోజాలు, భీకరమైన కంటిచూపు, ముఖంపై కత్తిగాటుతో ఖిల్జీ ఫస్ట్‌లుక్‌ నెటిజన్లను ఆకట్టుకుంటోంది. ప్రముఖ దర్శకుడు సంజయ్‌ లీలా బన్సాలీ  చారిత్రక నేపథ్యంతో తెరకెక్కిస్తున్న 'పద్మావతి'లో సినిమాలో అల్లావుద్దీన్‌ ఖిల్జీగా రణ్‌వీర్‌ సింగ్‌ నటిస్తుండగా.. పద్మావతిగా దీపికా పదుకొనే, మహారాజ రావల్‌ రతన్‌సింగ్‌గా షాహిద్‌ కపూర్‌ నటిస్తున్నారు. ఇప్పటికే విడుదలైన పద్మావతి, రతన్‌సింగ్‌ ఫస్ట్‌లుక్స్‌కు ఆన్‌లైన్‌లో విశేషమైన స్పందన లభించింది. బన్సాలీ మార్క్‌ పర్ఫెక్షన్‌, గ్రాండ్‌నెస్‌.. ఈ చిత్రాల్లో స్పష్టంగా కనిపిస్తుండటంతో సినిమాపై అంచనాలు పెరిగిపోయాయి. డిసెంబర్‌ 1న ఈ సినిమా ప్రేక్షకుల ముందుకు రానుంది. తాజాగా విడుదలైన ఖిల్జీ ఫస్ట్‌లుక్‌పై నెటిజన్లు సంభ్రమాశ్చర్యాలు వ్యక్తం చేశారు. ఖతర్నాక్‌గా ఉందని కామెంట్లు పెడుతున్నారు. SULTAN ALAUDDIN KHILJI #Khilji pic.twitter.com/Ls2IznAq1c — Ranveer Singh (@RanveerOfficial) 2 October 2017 SULTAN ALAUDDIN KHILJI #Khilji pic.twitter.com/DNtht5bHcQ — Ranveer Singh (@RanveerOfficial) 2 October 2017

ప్రస్తుత పరిస్థితుల్లో సినిమా నిర్మాణమే కాదు ఆ సినిమాను ప్రమోట్ చేయటం కూడా చాలా ముఖ్యం. అందుకే నిర్మాతలు నిర్మాణ ఖర్చులతో పాటు ప్రచార కార్యక్రమాలకు కూడా ప్రత్యేకం గా బడ్జెట్ కేటాయిస్తున్నారు. అయితే భారీ బడ్జెట్ చిత్రాల విషయంలో ఈ ఖర్చు మరింత భారీగా ఉంటోంది. తాజాగా అలాంటి వార్త ఒకటి బాలీవుడ్ సర్కిల్స్ లో ప్రముఖం వినిపిస్తోంది. శరన్నవరాత్రుల తొలి రోజు, బాలీవుడ్ ప్రస్టీజీయస్ ఫిలిం పద్మావతి సినిమా ఫస్ట్ లుక్ పోస్టర్ ను రిలీజ్ చేశారు. దీపికా పదుకొనే పద్మావతి గా నటించిన ఈ సినిమాలో ఆమె లుక్ తో పాటు టైటిల్ లోగోను కూడా ఈ పోస్టర్ లో రివీల్ చేశారు. అయితే లుక్ ను ఒక్కసారిగా దేశవ్యాప్తంగా పాపులర్ చేసేందుకు చిత్రయూనిట్ భారీగానే ఖర్చుపెట్టిందట. వెబ్ మీడియా ప్రమోషన్ తో పాటు ప్రింట్ మీడియాలో యాడ్స్ కోసం మూడున్నన కోట్లు కేటాయించిందన్న టాక్ వినిపిస్తోంది. భారీ బడ్జెట్ తో తెరకెక్కుతున్న పద్మావతి సినిమా ప్రమోషన్ కోసం కూడా అదే స్థాయిలో ఖర్చు చేస్తున్నారు చిత్రయూనిట్. ఫస్ట్ లుక్ ప్రమోషన్ కే కోట్లల్లో ఖర్చు చేశారంటే ముందు ముందు పద్మావతి ప్రమోషన్ కోసం నిర్మాతలు ఏ స్థాయిలో ఖర్చుపెడతారో చూడాలి.


 ప్రఖ్యాత దర్శకుడు సంజయ్‌ లీలా బన్సాలీ దర్శకత్వంలో తెరకెక్కిన మరో చారిత్రక సినిమా 'రాణి పద్మావతి'. మేవాడ రాణి పద్మావతి జీవితకథ ఆధారంగా తెరకెక్కిన ఈ సినిమాలో టైటిల్‌ రోల్‌లో దీపికా పదుకొనే నటించింది. ఈ సినిమా ఫస్ట్‌లుక్‌ను గురువారం ఉదయం విడుదల చేశారు. ఫస్ట్‌లుక్‌లో రాణిపద్మావతిగా దీపికా పదుకొనే అదరగొట్టింది. రాజస్థానీ రాచరిక ఆహార్యంతో.. రాజసం, ధీరత్వం, దృఢనిశ్చయం గల రాణిగా దీపిక ఈ ఫస్ట్‌లుక్‌లో ఆకట్టుకుంటోంది.
 
 బన్సాలీ ప్రతిష్టాత్మకంగా తలపెట్టిన ఈ సినిమా చుట్టూ పలు వివాదాలు చుట్టుముట్టిన సంగతి తెలిసిందే. రాజ్‌పుత్‌ వంశానికి చెందిన పద్మావతిని తప్పుగా చిత్రీకరిస్తున్నారంటూ కొన్ని గ్రూపులు  షూటింగ్‌ జరుగుతున్నప్పుడు సినిమా యూనిట్‌పై దాడి చేశాయి. ఎన్ని వివాదాలు ఎదురైనా వెనుకకు తగ్గని బన్సాలీ తాను అనుకున్న రీతిలో సినిమాను తెరకెక్కించారు. దుర్గానవరాత్రి ఉత్సవాల ప్రారంభం సందర్భంగా దీపికా పదుకొనే 'రాణి పద్మావతి' ఫస్ట్‌లుక్‌ ఫొటోలను తన ట్విట్టర్‌ పేజీలో పోస్టుచేశారు. ఈ సినిమాలో అల్లావుద్దీన్‌ ఖిల్జీగా రణ్‌వీర్‌ సింగ్‌ నటిస్తుండగా.. పద్మావతి భర్త రాజా రతన్‌సింగ్‌గా షాహిద్‌ కపూర్‌ నటిస్తున్నాడు. డిసెంబర్‌ 1న ఈ సినిమా విడుదల కానుంది.
 
 #Padmavati @FilmPadmavati pic.twitter.com/MenI9N7qFz
 — Deepika Padukone (@deepikapadukone) September 21, 2017
 
 देवी स्थापना के शुभ अवसर पर मिलिए रानी पद्मावती से #Padmavati @FilmPadmavati pic.twitter.com/hYJonZCEEH
 — Deepika Padukone (@deepikapadukone) September 21, 2017


 అనంతపురం మెడికల్‌ :జిల్లా క్షయ నియంత్రణ అధికారి (డీటీసీఓ)గా డాక్టర్‌ పద్మావతికి ఇన్‌చార్జ్‌ బాధ్యతలు అప్పగించారు. ప్రస్తుతం ఈమె అదనపు డీఎంహెచ్‌ఓగా ఉన్నారు. డీటీసీఓగా ఉన్న రావెల సుధీర్‌బాబు కొద్దికాలంగా అనారోగ్యంతో బాధపడుతూ రెండు నెలలు సెలవులో వెళ్లారు. దీంతో ఇన్‌చార్జ్‌ బాధ్యతలను డాక్టర్‌ పద్మావతికి అప్పగిస్తూ డీఎంహెచ్‌ఓ డాక్టర్‌ వెంకటరమణ ఉత్తర్వులు జారీ చేశారు. 


 ముంబై: బాలీవుడ్‌ ప్రముఖ దర్శకుడు సంజయ్‌ లీలా భన్సాలీకి కష్టాలు కొనసాగుతూనే ఉన్నాయి. ఆయన తాజాగా తెరకెక్కిస్తున్న చారిత్రక చిత్రం 'పద్మావతి' విషయంలో ఆందోళనలు తగ్గుముఖం పట్టడం లేదు. ఇప్పటికే ఆందోళనకారులు జైపూర్‌లో 'పద్మావతి' షూటింగ్‌పై దాడి చేసి.. దర్శకుడిని కొట్టిన సంగతి తెలిసిందే. అంతేకాకుండా మహారాష్ట్ర కొల్హాపూర్‌లో 'పద్మావతి' చిత్రం కోసం భారీస్థాయిలో వేసిన సెట్టింగ్స్‌ను తగలబెట్టారు.
 
 జైపూర్‌లో భన్సాలీపై దాడి చేసిన రాజ్‌పుత్‌లకు చెందిన కర్ణిసేన తాజాగా శనివారం రాత్రి ముంబై సమీపంలోని నల్లసోపరా వద్ద ఆందోళన నిర్వహించింది. ఈ సందర్భంగా కర్ణిసేన కార్యకర్తలు దర్శకుడు భన్సాలీ దిష్టిబొమ్మను తగలబెట్టారు. దర్శకుడికి, పద్మావతి చిత్రానికి వ్యతిరేకంగా నినాదాలు చేశారు. రాజ్‌పుత్‌ రాకుమారి అయిన 'పద్మావతి' జీవితకథను వక్రీకరించి సినిమాగా తెరకెక్కిస్తున్నారని ఆరోపిస్తూ కర్ణిసేన భన్సాలీకి వ్యతిరేకంగా ఆందోళనలు చేపడుతున్న సంగతి తెలిసిందే.
 
  


 దీపిక పదుకొనే, రణవీర్ సింగ్, షాహిద్ కపూర్ లీడ్ రోల్స్లో తెరకెక్కుతున్న పద్మావతి సినిమా యూనిట్ పై మరోసారి దాడి జరిగింది. ప్రస్తుతం కొల్హాపూర్ పరిసర ప్రాంతాల్లో వేసిన సెట్ లో పద్మావతి చిత్ర షూటింగ్ జరుగుతోంది. మంగళవారం అర్థరాత్రి  ఒంటిగంట సమయంలో కొంత మంది వ్యక్తులు దాడి చేసి సెట్ ను తగలబెట్టారు. అదే సమయంలో లొకేషన్ లోఉన్న వాహనాలు ఇతర సామాగ్రిని ధ్వంసం చేశారు. అయితే ఈ దాడి అర్ధరాత్రి సమయంలో జరగటంతో యూనిట్ సభ్యులెవరు అక్కడ లేరు. దీంతో ఎవరికీ ఎలాంటి ప్రమాదం జరగలేదు.
 
 గతంలో జైపూర్లో షూటింగ్ జరుపుకుంటుండగా ఈ చిత్రయూనిట్పై రాజ్పుత్ కర్నిసేన సభ్యులు దాడి చేశారు. పద్మావతి చరిత్రను వక్రీకరించారంటూ డైరెక్టర్తో పాటు యూనిట్ సభ్యులపై దాడికి దిగారు. దీంతో ఆ ప్రాంతాల్లో షూటింగ్ అర్ధాంతరంగా ముగించుకోవాల్సి వచ్చింది. ప్రస్తుతం జరిగిన దాడికి కారకులెవరన్న విషయం ఇంత వరకు తెలియరాలేదు. ఈ సంఘటనపై స్పందించిన మహారాష్ట్ర మంత్రి దీపక్ కేసర్కార్ యూనిట్ సభ్యులు కంప్లైయిట్ ఇస్తే రాత్రి సమయం కూడా సెక్యూరిటీ ఇస్తామని తెలిపారు.


 లేదంటే లేదంతే... రాణీ పద్మావతి, అల్లావుద్దీన్‌ ఖిల్జీ మధ్య ఒక్కటంటే ఒక్క సీన్‌ కూడా లేదు. సీనేంటి? పాటేసుకునే ప్లేస్‌ గానీ, డ్రీమ్స్‌లో రొమాన్స్‌ చేసే స్కోప్‌గానీ మా సినిమాలో లేవంటే లేవని ‘పద్మావతి’ చిత్రబృందం స్పష్టం చేసింది. ప్రముఖ దర్శకుడు సంజయ్‌లీలా భన్సాలీ తెరకెక్కిస్తున్న ‘పద్మావతి’ సినిమాలో చరిత్రను వక్రీకరిస్తున్నాంటూ ఆయనపై దాడి చేసిన సంగతి తెలిసిందే. ‘స్వాభిమానాన్ని కాపాడుకోవడానికి ఖిల్జీకి దక్కకుండా పద్మావతి ఆత్మహత్య చేసుకున్నారు’ అని మాలిక్‌ మహ్మద్‌ జయసీ అనే కవి చరిత్రలో పేర్కొంటే... ఖిల్జీతో పద్మావతి ప్రేమలో పడినట్టు భన్సాలీ చూపించబోతున్నారని ఆయనపై దాడి చేసిన రాజస్థాన్‌ హిందూసేనలు ఆరోపించాయి.
 ఈ దాడి తర్వాత ‘పద్మావతి’ షూటింగ్‌కి బ్రేక్‌ పడింది. త్వరలో మొదలు పెట్టాలనుకుంటున్నారు. మళ్లీ ఎవరైనా దాడి చేస్తే? భన్సాలీ చిత్ర బృందానికి ఇదే సందేహం వచ్చినట్టుంది. అందుకే  ‘‘చాలామంది ఊహిస్తున్నట్లు పద్మావతి, అల్లావుద్దీన్‌ ఖిల్జీ మధ్య ముద్దు సీన్లు లేవు. అసలు వాళ్ల మధ్య సీన్సే ఉండవు. రాజ్‌పుత్‌ల మనోభావాల్ని కించపరిచేలా భన్సాలీ ఎప్పుడూ ప్రవర్తించరు’’ అని యూనిట్‌ సభ్యులు స్పష్టం చేశారు. పద్మావతిగా దీపికా పదుకొనె, ఆమె భర్త రావల్‌రతన్‌ సింగ్‌గా షాహిద్‌ కపూర్, అల్లావుద్దీన్‌ ఖిల్జీగా రణవీర్‌ సింగ్‌ నటిస్తున్నారు.


 ప్రజెంట్ బాలీవుడ్ ఇండస్ట్రీలో నెంబర్ వన్ హీరోయిన్గా హవా చూపిస్తోంది హాట్ బ్యూటి దీపికా పదుకొనే. బాలీవుడ్తో పాటు హాలీవుడ్ ఎంట్రీతోనూ ఆకట్టుకుంటున్న ఈ బ్యూటి పారితోషికం విషయంలో నిర్మాతలకు చుక్కలు చూపిస్తోంది. మేల్ డామినేటెడ్ ఇండస్ట్రీగా పేరున్న బాలీవుడ్లో కూడా తన హవాను ఆదిపత్యాన్ని చూపిస్తోంది దీపిక.
 
 ఇప్పటికే హాలీవుడ్ సినిమా ట్రిపులెక్స్తో ప్రేక్షకుల ముందుకు వచ్చిన దీపిక ప్రస్తుతం వివాదాస్పద చిత్రం పద్మావతిలో టైటిల్ రోల్లో నటిస్తోంది. ఈ భారీ చిత్రంలో నటించేందుకు అదే స్ధాయిలో భారీ పారితోషికం అందుకుంటోంది ఈ బ్యూటి. రణవీర్ సింగ్, షాహిద్ కపూర్లు కీలక పాత్రల్లో నటిస్తున్న ఈ సినిమాకు దీపిక హీరోల కన్నా ఎక్కువ రెమ్యూనరేషన్ అందుకుంటుందట.
 
 సంజయ్ లీలా బన్సాలీ దర్శకత్వంలో తెరకెక్కుతున్న పద్మావతి సినిమా కోసం దీపిక ఏకంగా 12 కోట్ల రూపాయల రెమ్యూనరేషన్ అందుకుంటుదన్న టాక్ వినిపిస్తోంది. ఈ మొత్తం హీరోయిన్ల రెమ్యూనరేషన్లతో పాటు బాలీవుడ్లో చాలా మంది యంగ్ హీరోల రెమ్యూనరేషన్ల కన్నా చాలా ఎక్కువట. అంతేకాదు పద్మావతి సినిమాలో నటిస్తున్న రణవీర్, షాహిద్ల రెమ్యూనరేషన్ కన్నా దీపికకే ఎక్కువ మొత్తం అందుతుందన్న ప్రచారం జరుగుతోంది.


 ముంబై: ప్రఖ్యాత దర్శకుడు సంజయ్‌ లీలా భన్సాలీపై రాజ్‌పుత్‌ కర్ణిసేన దాడి చేయడంపై బాలీవుడ్‌ చిత్రసీమ తీవ్ర ఆగ్రహం వ్యక్తం చేస్తున్నది. మేవార్‌ రాణి పద్మావతి విషయంలో చరిత్రను వక్రీకరిస్తూ.. ఆయన 'పద్మావతి' సినిమాను తెరకెక్కిస్తున్నారంటూ కర్ణిసేన ఆయనపై, చిత్రయూనిట్‌పై దాడికి దిగిన సంగతి తెలిసిందే. ఈ విషయంలో బాలీవుడ్‌ అంతా భన్సాలీకి మద్దతుగా నిలిచింది. దాడిని తీవ్రంగా ఖండించింది.
 
 తాజాగా భన్సాలీకి బాలీవుడ్‌ నటుడు, 'ధోనీ' సినిమా హీరో సుశాంత్‌ సింగ్‌ రాజ్‌పుత్‌ మద్దతుగా నిలిచాడు. భన్సాలీపై రాజ్‌పుత్‌ల దాడిని ఖండిస్తూ ఆయన తనదైన శైలిలో నిరసన తెలిపాడు. ట్విట్టర్‌లో ప్రొఫైల్‌ పేరులో తన కులాన్ని సూచించే ఇంటిపేరును తొలగించాడు. భన్సాలీకి సంఘీభావంగా ఆయన తన పేరులోని 'సింగ్‌ రాజ్‌పుత్‌'ను తొలగించి.. ట్విట్టర్‌లో సుశాంత్‌ అని మాత్రమే ఉంచారు. 'ఇంటిపేర్లపై మమకారం పెంచుకున్నంతకాలంతో మనం ఇలా బాధపడకతప్పదు. మీకు ధైర్యముంటే 'పద్మావతి'కి మద్దతుగా ఇంటిపేరును మాకు ఇచ్చేయండి' అంటూ ఆయన ట్వీట్‌ చేశారు.
 
 


 ఎవరి సెంటిమెంట్లను దెబ్బతీయను
 మేవార్‌ వర్గం గర్వించేలా తెరకెక్కిస్తాను
 స్పష్టం చేసిన భన్సాలీ
 
 తాను రూపొందిస్తున్న 'పద్మావతి' సినిమా రాజస్థాన్‌లోని మేవార్‌ వర్గం గర్వించేలా ఉంటుందని చిత్ర దర్శకుడు సంజయ్‌ లీలా భన్సాలీ స్పష్టం చేశారు. ఎవరి మనోభావాలు దెబ్బతీసేలా సినిమాను తెరకెక్కించాలని భావించడం లేదని ఆయన తెలిపారు. మేవార్‌ రాణి 'పద్మావతి' చరిత్ర ఆధారంగా భన్సాలీ తాజాగా ఈ సినిమాను తెరకెక్కిస్తున్నారు. అయితే, ఈ సినిమాలో చరిత్రను వక్రీకరించి అభ్యంతరకరంగా తెరకెక్కిస్తున్నారని రాజ్‌పుత్‌ కర్ణిసేన చిత్రయూనిట్‌పై దాడికి దిగిన సంగతి తెలిసిందే. ఏకంగా దర్శకుడు భన్సాలీపై కర్ణిసేన కార్యకర్తలు చేయి చేసుకొని కొట్టడం కలకలం రేపింది.
 
 ఈ నేపథ్యంలో మీడియాతో మాట్లాడిన భన్సాలీ.. రాణి పద్మావతి, అల్లావుద్దీన్‌ ఖిల్జీ మధ్య ఎలాంటి అభ్యంతరకరమైన సీన్లుగానీ, డ్రీమ్‌ సీక్వెన్స్‌గానీ ఉండవని ఆయన స్పష్టం చేశారు. రాజస్థాన్‌ అంటే తనకు ఎంతో ఇష్టమని, అయినా చిత్రయూనిట్‌ భద్రతను దృష్టిలో పెట్టుకొని షూటింగ్‌ నిలిపివేయాలని నిర్ణయించినట్టు తెలిపారు. ఎంతో పరిశోధన చేసి ఈ సినిమాను తెరకెక్కిస్తున్నామని, స్థానికులు ఇందుకు సహకరించి ఉంటే బాగుండేదని ఆయన తెలిపారు. దాడి ఘటన నేపథ్యంలో జైపూర్‌ నుంచి ముంబైకి పద్మావతి చిత్ర యూనిట్‌ తిరుగుప్రయాణమైన సంగతి తెలిసిందే.


 దీపిక పదుకొనే, రణవీర్ సింగ్, షాహిద్ కపూర్ లీడ్ రోల్స్లో తెరకెక్కుతున్న పద్మావతి సినిమా టీం, షూటింగ్ను క్యాన్సిల్ చేసుకొని ముంబైకి తిరుగుప్రయాణమయ్యారు. కొద్ది రోజులుగా జైపూర్లో షూటింగ్ జరుపుకుంటున్న ఈ చిత్రయూనిట్పై రాజ్పుత్ కర్నిసేన దాడికి దిగింది. పద్వావతి చరిత్రను వక్రీకరించారంటూ డైరెక్టర్తో పాటు యూనిట్ సభ్యులపై దాడి చేసింది. దీంతో ఆ ప్రాంతాల్లో షూటింగ్కు ప్యాక్ అప్ చెప్పేసిన యూనిట్ తిరుగు పయనమయ్యారు.
 
 మరోవైపు పద్మావతి టీం పై జరిగిన దాడిని బాలీవుడ్ నటులు నిర్మాతలు ఖండించారు. అయితే కర్నిసేన సభ్యులు మాత్రం తమ తప్పేం లేదని చెపుతున్నారు. తమ ప్రాంతంలో షూటింగ్ చేస్తూ... తమ చరిత్రను వక్రీకరిస్తే సహించేది లేదంటూ హెచ్చరిస్తున్నారు. అదే సమయంలో దర్శకుడు సంజయ్ లీలా బన్సాలీతో చర్చలకు సిద్ధమన్నకర్నిసేన, దర్శకుడు చరిత్రను వక్రీకరించటం లేదని లిఖితపూర్వక హమీ ఇవ్వాలని డిమాండ్ చేస్తున్నారు. జైపూర్లో మరికొద్ది రోజులు షూటింగ్ చేయాల్సి ఉన్నా.., దర్శకుడు సంజయ్ లీలా బన్సాలీ షూట్ క్యాన్సిల్ చేయటంతో తదుపరి షెడ్యూల్ ఎప్పుడు, ఎక్కడ ఉంటుందో అన్న ఆలోచనలో పడ్డారు.
  
 ఈ సినిమాలో పద్మావతిగా నటించిన దీపిక శుక్రవారం జరిగిన సంఘటనతో షాక్ కు గురైంది. 'నిన్న జరిగిన సంఘటన షాక్ లోనే ఉన్నాను. ఈ సినిమాలో పద్మావతి పాత్రధారిగా నేను ఖచ్చితంగా చెప్పగలను సినిమాలో చరిత్రను ఏ మాత్రం వక్రీకరించలేదు. మా ఉద్దేశం మన చరిత్రలోని మహిళల ధైర్యసాహసాలను ప్రపంచానికి పరిచయం చేయటమే' అని ట్వీట్ చేసింది.
 
 


 ముంబై : హిట్ చిత్రాల దర్శకుడు సంజయ్ లీలా బన్సాలీ నిర్మిస్తున్న పద్మావతి సినిమా షూటింగ్ సెట్లో మరణించిన వర్కర్ కుటుంబానికి ఆయన అందిస్తున్న నష్టపరిహారాన్ని మరింత పెంచారు. నష్టపరిహారం కింద రూ.20 లక్షలను అతని కుటుంబానికి అందించనున్నట్టు తెలిపారు.  దీపికా పదుకొణే, షాహిద్ కపూర్, రణవీర్ సింగ్ నటీనటులుగా నిర్మితమవుతున్న పద్మావతి సినిమా వచ్చే ఏడాది దీపావళికి తెరపైకి రానుంది. ఈ మూవీ సెట్స్లో పెయింటర్గా పనిచేస్తున్న ముఖేష్ డాకియా ప్రమాదవశాత్తు కిందపడి చనిపోయాడు. ముఖేష్ కుటుంబాన్ని పరామర్శించిన బన్సాలీ ప్రొడక్షన్స్, ఆ కుటుంబానికి ఆర్థిక సహాయం అందిస్తున్నట్టు తెలిపింది.
  
 అనుకోని పరిస్థితుల్లో ఈ ప్రమాదం జరిగిందని, ప్రొడక్షన్ హౌజ్ నుంచి రూ.20,80,000 చెక్ను జారీచేస్తున్నట్టు బన్సాలీ ప్రొడక్షన్ హౌజ్ తెలిపింది. మరో రూ.2,20,000 చెక్ను ముఖేష్ వేతనంగా ఇస్తున్నట్టు అతని ప్రొడక్షన్ హౌజ్ చెప్పింది. మొత్తంగా బన్సాలీ ప్రొడక్షన్ నుంచి ఆ వ్యక్తి కుటుంబానికి రూ.23 లక్షల పరిహారం అందినట్టు ఫిల్మ్ స్టూడియోస్ సెట్టింగ్ అండ్ అలైడ్ మజ్దూర్ యూనియన్ అడ్వయిజర్ అశోక్ దుబే ఓ ప్రకటనలో తెలిపారు.  సబర్బన్ గూర్గాన్ ఫిల్మ్ సిటీలో నిర్మిస్తున్న సెట్లో ముఖేష్ పెయింటర్గా పనిచేస్తున్నాడు. లంచ్ బ్రేక్లో కిందకి దిగేటప్పుడు అదుపుతప్పి కిందకి పడిపోయాడు. కోకిలాబెన్ ఆసుపత్రికి తరలించే లోపలే మార్గం మధ్యలో అతను మృతిచెందాడు. 
  


 ‘మన సెట్‌లోకి ఐశ్వర్యారాయ్‌ బచ్చన్‌ రానున్నారోచ్‌!’ అంటూ దర్శకుడు సంజయ్‌లీలా భన్సాలీ బృందంలో సభ్యులు యమా సంతోషంగా ఉన్నారు. సెట్స్‌కి ఆమె వస్తే అంత సంతోషం ఎందుకు అనుకుంటున్నారా? ఆమె చుట్టపు చూపుగా సెట్‌కి వెళ్లడం లేదు. షాహిద్‌ కపూర్, రణవీర్‌ సింగ్, దీపికా పదుకొనే ముఖ్య తారలుగా భన్సాలీ దర్శకత్వంలో రూపొందుతోన్న ‘పద్మావతి’లో ఐశ్వర్య స్పెషల్‌ సాంగ్‌ చేయనున్నారట! ఇటీవల దర్శకుడు ఐశ్వర్యను కలసి సాంగ్‌ కాన్సెప్ట్‌ చెప్పగా, ఆమె హ్యాపీగా యాక్సెప్ట్‌ చేశారట! ఈ ఒక్క పాట రిహార్సల్స్, షూటింగ్‌.. అన్నిటికీ భన్సాలీ 20 రోజుల కాల్షీట్స్‌ అడిగారని సమాచారం.
 
 అంతే మరి, ఈ దర్శకుడు తన సినిమాల్లో పాటలన్నిటినీ భారీగానే చిత్రీకరిస్తారు. ‘దేవదాస్‌’లోని ‘డోలారే డోలారే..’ అయినా, తాజా ‘బాజీరావ్‌ మస్తానీ’లో ‘పింగా గ పోరి పింగా..’ అయినా కన్నుల పండువగా ఉంటాయి. ఇప్పుడీ ‘పద్మావతి’ లోనూ ఐశ్వర్యారాయ్‌ ప్రత్యేక గీతం భారీ స్థాయిలో ఉంటుందట. ‘మునుపెన్న డూ భారతీయ తెరపై చూడని రీతిలో భన్సాలీ ఈ పాటను తీయను న్నారు’ అని చిత్ర బృందం పేర్కొంది. గతంలో భన్సాలీ దర్శకత్వం వహించిన ‘దేవదాస్‌’, ‘గుజారిష్‌’ చిత్రాలలానే ఈ ‘పద్మావతి’ కూడా ఐశ్వర్యకు మంచి పేరు తెచ్చేలా ఉంది.


 సంజయ్‌లీలా భన్సాలీ ‘పద్మావతి’లో దీపికా పదుకొనే లుక్ ఎలా ఉంటుందంటే.. పక్కనున్న స్కెచ్‌లో మీరు చూస్తున్నట్టు ఉంటుంది. ఇందులో ముక్కుపుడక, నగలు చూస్తుంటే ‘బాజీరావ్ మస్తానీ’లో దీపిక లుక్ గుర్తొస్తుందా! అందులోనూ రాణి పాత్రే కదా. ఈ రెండు సినిమాలకూ దర్శకుడు ఒక్కరే. మస్తానీ ముస్లిమ్ అయితే.. పద్మావతి హిందూ. లుక్, క్యారెక్టర్ పరంగా చాలా మార్పు ఉంటుందట. ఈ సినిమాలో పద్మావతి భర్త రాజా రావల్‌సింగ్ పాత్రలో షాహిద్ కపూర్, విలన్ అల్లావుద్దీన్ ఖిల్జీ పాత్రలో రణవీర్ సింగ్ నటిస్తున్నారు.
  


 ముంబయి: తాను బాలీవుడ్‌లోకి అడుగుపెట్టి తొమ్మిదేళ్లయినా.. తనకు ఇప్పుడే వచ్చినట్లు అనిపిస్తుందని ప్రముఖ బాలీవుడ్ స్టార్‌​ దీపికా పదుకునే చెప్పింది. 'పద్మావతి'లాంటి సాహసోపేతమైన చిత్రాల్లో నటించేందుకు తాను ఎప్పటికీ సిద్ధమేనని చెప్పారు.
 
 'తొమ్మిదేళ్లు పూర్తయినట్లుగా నాకు ఇప్పటికీ అనిపించడం లేదు. ఇప్పుడే కెరీర్ ప్రారంభించినట్లుంది. నేను ఇంకా ఇవ్వాల్సింది చాలా ఉంది. మరిన్ని చిత్రాల్లో మరింత సాహసోపేతమైన పాత్రలు చేసేందుకు నేను సిద్దం. పద్మావతి చాలా కష్టమైన పాత్ర. కానీ నేను ఆ పాత్ర చేసేందుకు ఎంతో ఆసక్తితో ఉన్నాను. ఆ చిత్ర ప్రయాణం మొదలుపెట్టేందుకు ఆ అనుభవం ఆస్వాధించేందుకు సిద్దంగా ఉన్నాను' అని దీపికా చెప్పింది.
  


 రామ్ లీలా, బాజీరావ్ మస్తానీ లాంటి సినిమాలతో అదరగొట్టిన సంజయ్ లీలా బన్సాలీ, దీపికా పదుకొనే, రణవీర్ సింగ్ల కాంబినేషన్ మరోసారి రిపీట్ అవుతోంది. చారిత్రక కథతో తెరకెక్కుతున్న పద్మావతి సినిమాతో మరోసారి ప్రేక్షకులను అలరించేందుకు రెడీ అవుతున్నారు. ప్రస్తుతం ఈ సినిమాకు సంబందించిన షూటింగ్ శరవేగంగా జరుగుతున్నా ఎలాంటి ఫోటోలు బయటకి రాకుండా జాగ్రత్తలు తీసుకుంటున్నారు.
 
 అయితే తాజాగా ఈ సినిమాకు సంబందించిన ఓ ఫోటోను తన సోషల్ మీడియా పేజ్లో పోస్ట్ చేశాడు రణవీర్ సింగ్. ఈ సినిమాలో విలన్ అల్లావుద్దీన్ ఖిల్జీ పాత్రలో నటిస్తున్న రణవీర్, కేవలం తన కళ్లు మాత్రమే కనిపించేలా ఓ ఫోటోను పోస్ట్ చేశాడు. కోపంగా చూస్తున్న రణవీర్ కళ్లు సినిమాలో అతని క్యారెక్టర్ ఎలా ఉండబోతోందో తెలిపేలా ఉంది. ఈ ఫోటోతో పాటు 17.11.17 అనే రోమన్ నెంబర్స్తను పోస్ట్ చేసిన రణవీర్ సినిమా రిలీజ్ డేట్పై కూడా హిట్ ఇచ్చేశాడు.
 
 సంజయ్ లీలా బన్సాలీ మరో విజువల్ వండర్గా తెరకెక్కిస్తున్న  పద్మావతి సినిమాలో దీపికా పదుకొనే, పద్మావతిగా టైటిల్ రోల్లో కనిపిస్తోంది. బాలీవుడ్ యంగ్ హీరో షాహిద్ కపూర్, పద్మావతి భర్త రాజా రావల్ సింగ్ పాత్రలో కనిపించనున్నాడు.


 రణ్‌వీర్ సింగ్.. షాహిద్ కపూర్.. హిందీలో ఈ యంగ్ హీరోలిద్దరికీ మంచి పేరు, ఫాలోయింగ్ ఉన్నాయి. కానీ, మేము హీరోలు కాదంటున్నారు షాహిద్. హీరోలు కాకపోతే ఎవరంటారా? ముఖ్య తారలు మాత్రమేనట. చారిత్రక కథతో దర్శకుడు సంజయ్ లీలా భన్సాలీ తీయనున్న ‘పద్మావతి’ సినిమాలో దీపికా పదుకొనే టైటిల్ రోల్‌లో.. పద్మావతి భర్తగా షాహిద్, విలన్‌గా రణ్‌వీర్ నటించనున్నారు.
 
 ఎవరి పాత్రకు ఎక్కువ ప్రాముఖ్యత ఇస్తున్నారనే విషయంలో ఈ హీరోలిద్దరూ దర్శకుడిపై అలిగారని వచ్చిన వార్తలను షాహిద్ ఖండించారు. ‘‘ఇది ఇద్దరు హీరోల కథ కాదు, మూడు పాత్రల చుట్టూ నడిచే సినిమా. అందుకే ఈ సినిమాకి సంబంధించినంత వరకూ నేను, రణ్‌వీర్ హీరోలం కాదు. ఐదేళ్ల క్రితమే నా దగ్గరకు ఈ కథ వస్తే బాగుండేది. భన్సాలీ సినిమాలో నటించడం నా అదృష్టం’’ అని షాహిద్ చెప్పారు.


 హైదరాబాద్: మాజీ మంత్రి కొణతాల రామకృష్ణ భార్య పద్మావతి మృతికి వైఎస్సార్‌ కాంగ్రెస్‌ పార్టీ అధ్యక్షడు వైఎస్ జగన్మోహన్ రెడ్డి, ఆయన తల్లి వైఎస్‌ విజయమ్మ ప్రగాఢ సంతాపాన్ని తెలిపారు. కొణతాల రామకృష్ణకు మంగళవారం ఫోన్ చేసి వైఎస్ జగన్, వైఎస్ విజయమ్మ పరామర్శించారు. గత కొంతకాలంగా అనారోగ్యంతో బాధపడుతున్న కొణతాల రామకృష్ణ భార్య సోమవారం ఆస్పత్రిలో చికిత్స పొందుతూ మరణించిన విషయం తెలిసిందే.
  


 విశాఖ : మాజీమంత్రి కొణతాల రామకృష్ణ సతీమణి పద్మావతి మరణించారు. కేర్ ఆస్పత్రిలో చికిత్స పొందుతూ ఆమె సోమవారం మృతి చెందారు. కాగా పద్మావతి గత కొంతకాలంగా అనారోగ్యంతో బాధపడుతున్నారు. కాగా కొణతాలకు పలువురు సంతాపం తెలిపారు. ఇందుకు సంబంధించి పూర్తి వివరాలు తెలియాల్సి ఉంది.
 
 
  


 బాజీరావ్ మస్తానీ సినిమాతో ఆకట్టుకున్న సంజయ్ లీలా బన్సాలీ మరో విజువల్ వండర్ను తెరకెక్కించేందుకు రెడీ అవుతున్నాడు. పద్మావతి పేరుతో తెరకెక్కుతున్న ఈ లేడీ ఓరియంటెడ్ హిస్టారిక్ సినిమాలో బన్సాలీ లక్కీ హీరోయిన్ దీపికా పదుకొనే హీరోయిన్గా నటిస్తోంది. అయితే సినిమా ఎనౌన్స్ చేసి చాలా కాలం అవుతున్నా.. హీరో పాత్రల ఎంపికలో మాత్రం ఇంత వరకు క్లారిటీ రాలేదు.
 
 ఇద్దరు హీరోలు నటించనున్న ఈ సినిమాలో ఒక పాత్రకు రణవీర్ సింగ్ను తీసుకునే ఆలోచనలో ఉన్నాడు దర్శకుడు. పద్మావతి భర్తగా కనిపించనున్న మరో కీలకపాత్రను బాలీవుడ్ బాద్షా షారూఖ్తో చేయించాలని భావించినా.. అది వర్క్ అవుట్ కాకపోవటంతో యంగ్ హీరో షాహిద్ కపూర్తో సరిపెట్టుకుంటున్నాడట. ప్రస్తుతానికి చర్చల దశలోనే ఉన్నా ఇదే ఫైనల్ కాస్ట్ అన్న టాక్ వినిపిస్తోంది. త్వరలోనే సినిమాకు సంబందించిన మరిన్ని విశేషాలను ప్రకటించనున్నారు.


 సంజయ్ లీలా బన్సాలీ తెరకెక్కించనున్న తాజా చిత్రం 'పద్మావతి'లో ముఖ్య పాత్రల ఎంపిక పూర్తయినట్లు సమాచారం. మేవాడ రాణి పద్మావతి జీవితకథ ఆధారంగా చారిత్రక ఇతివృత్తంతో ప్రతిష్టాత్మకంగా ఈ చిత్రం రూపొందనున్న విషయం తెలిసిందే. పద్మావతి పాత్రకు దీపిక న్యాయం చేయనుండగా.. ఆమె భర్తగా అలరించే నటుడు ఎవరనేదానిపైన చాలా కసరత్తే జరిగింది.
 ఎంతోమంది పేర్లు పరిశీలించిన తరువాత ఆ పాత్ర 'ఉడ్తా పంజాబ్' స్టార్ షాహిద్ కపూర్ను వరించినట్లు బీ టౌన్ టాక్. తొలిసారి సంజయ్ లీలా భన్సాలీ దర్శకత్వంలో నటించే అవకాశం రావడంతో షాహిద్ వెంటనే ఒప్పేసుకున్నాడట. ధైర్య సాహసాలను ప్రదర్శించే పద్మావతి భర్త రాజా రావల్ రతన్‌సింగ్‌ పాత్రలో షాహిద్ కనిపించనున్నాడు.
 
 రామ్ లీలా, బాజీరావు మస్తానీలలో దీపికకు జంటగా నటించిన రణ్ వీర్ సింగ్ కూడా ఈ చిత్రంలో ఓ కీలక పాత్రలో నటిస్తున్నాడు. సుల్తాన్ అల్లా ఉద్దీన్ ఖిల్జీగా నెగెటివ్ షేడ్స్ ఉన్న పాత్రలో రణ్ వీర్ తొలిసారి కనిపించనున్నాడు. ఈ సినిమా షూటింగ్ ఈ ఏడాది చివరలో ప్రారంభం కానుంది.  షాహిద్, రణ్ వీర్లిద్దరూ 13 వ శతాబ్ధానికి చెందిన రాజపుత్రులుగా కనిపించనున్నారు. ప్రస్తుతం ఆ పాత్రలకు తగ్గట్టు తమ ఆహార్యాన్ని మలచుకునే పనిలో ఉన్నారట ఈ యువ హీరోలు. భన్సాలీ ముందు సినిమాల మాదిరిగానే పద్మావతి సెన్సేషన్ సృష్టించడం ఖాయం అంటున్నారు అభిమానులు.


 ఆర్థిక శాఖలో ముదిరిన వివాదం
 
 హైదరాబాద్: రాష్ట్ర ఆర్థిక శాఖ కార్యదర్శి నవీన్ మిట్టల్ వ్యక్తిగత కార్యదర్శి(పీఎస్) పద్మావతిపై బదిలీ వేటు పడింది. ప్రభుత్వ సలహాదారులు జీఆర్ రెడ్డి పేషీకి ఆమెను బదిలీ చేస్తూ ఆర్థిక శాఖ బుధవారం ఉత్తర్వులు జారీ చేసింది. పద్మావతి తెలంగాణ ఉద్యోగులంటేనే చీదరింపుగా వ్యవహరిస్తున్నారని, వేధిస్తున్నారని తెలంగాణ సచివాలయ ఉద్యోగుల సంఘం ఇటీవల ఆందోళనకు దిగింది. సంఘం నాయకులు ఆర్థిక శాఖ ముఖ్య కార్యదర్శి రామకృష్ణారావుకు ఫిర్యాదు చేశారు. బుధవారం ఉదయం ఆర్థిక శాఖలో మరోసారి వివాదం చెలరేగింది. ఆర్థికశాఖ చాంబర్ నుంచి సీఎం బ్లాక్ వరకు ఉద్యోగులు ర్యాలీ నిర్వహించారు. పద్మావతి గో బ్యాక్ అంటూ పేషీలో ఆమె కూచోకుండా అడ్డుకున్నారు. ఆమె కుర్చీని బయట పడేశారు. పద్మావతిని వెయిటింగ్‌లో పెట్టాలని, ఏపీకి చెందిన పద్మావతిని ఇక్కణ్నుంచి తొలగించాలని సంఘం ఉపాధ్యక్షులు నేతి మంగమ్మ డిమాండ్ చేశారు.
 
 పదోన్నతి విషయంలో తెలంగాణ ఉద్యోగులు తనను ఏమీ చేయలేరని, తనకు పదోన్నతి ఖాయమని ప్రచారం చేసుకుంటున్నారని విమర్శించారు. పదోన్నతుల రివ్యూ డీపీసీ వద్దని, ఒరిజినల్ డీపీసీనే పెట్టాలని మంగమ్మ కోరారు. తనకు రావాల్సిన ప్రమోషన్‌ను అడ్డుకునేందుకే ఆందోళన చేస్తున్నారని, తన తప్పేమీ లేదని పద్మావతి వివరణ ఇచ్చారు. తన విధులకు ఆటంకం కల్పించటంతోపాటు కుర్చీ బయటకు విసిరేసిన సంఘటనపై ఏపీ సీఎస్ ఠక్కర్‌కు, తెలంగాణ సీఎస్‌కు రాజీవ్‌శర్మను కలసి ఫిర్యాదు చేశారు.


 ⇒ పద్మావతిని వెయిటింగ్‌లో పెట్టాలి
 ⇒ తెలంగాణ సెక్రటేరియట్ ఉద్యోగుల సంఘం డిమాండ్
 ⇒ సీఎం బ్లాక్ వరకు ర్యాలీ
 
 హైదరాబాద్: ఆర్థికశాఖ కార్యదర్శి నవీన్‌మిట్టల్ వ్యక్తిగత కార్యదర్శి (పీఎస్) పద్మావతిని వెయిటింగ్‌లో పెట్టాలని తెలంగాణ సచివాలయ ఉద్యోగుల సంఘం ఉపాధ్యక్షులు నేతి మంగమ్మ డిమాండ్ చేశారు. ఈ మేరకు ఉద్యోగులు బుధవారం సచివాలయంలోని ఆర్థికశాఖ ఛాంబర్ నుంచి సీఎం బ్లాక్ వరకు ర్యాలీగా వచ్చారు. ఈ సందర్భంగా మంగమ్మ విలేకరులతో మాట్లాడారు.
 
 
 ఏపీకి చెందిన పద్మావతిని నవీన్‌మిట్టల్ పీఎస్‌గా నియమించారని తెలిపారు. తనకు పదోన్నతులు కావాలంటూ ప్రభుత్వానికి వినతులు పెట్టుకున్నారని చెప్పారు. తెలంగాణ ఉద్యోగులు ఏమీ చేయలేరని... తనకు పదోన్నతి ఖాయమని పద్మావతి ప్రచారం చేస్తున్నారని మంగమ్మ విమర్శించారు. ఉద్యోగులను వేధింపులకు గురి చేస్తూ పద్మావతి ఇబ్బంది పెడుతున్నారని పేర్కొన్నారు. ఆర్థికశాఖలో ఆమె ఉంటే అనేక రహస్యాలు బయటకు వెళ్తాయని మంగమ్మ అనుమానం వ్యక్తంచేశారు. రివ్యూ డీపీసీ వద్దని... ఒరిజినల్ డీపీసీనే పెట్టాలని డిమాండ్ చేశారు.


 దర్శకుడు సంజయ్ లీలా బన్సాలీ తాజా చిత్రం 'పద్మావతి'తో నిజజీవిత ప్రేమపక్షులైన దీపికా పదుకొనే, రణ్‌వీర్ సింగ్ మళ్లీ తెరపై  కనిపిస్తారని అందరూ భావించారు. బన్సాలీ దర్శకత్వంలో ఇప్పటికే ఈ జోడీ 'రామ్‌లీలా', 'బాజీరావు మస్తానీ' సినిమాల్లో నటించింది. ముచ్చటగా మూడోసారి వీరి కాంబినేషన్ మ్యాజిక్ చేస్తుందని అంతా భావించారు. అయితే, తాజా అప్‌డేట్‌ ప్రకారం ఈ ప్రతిష్టాత్మక ప్రాజెక్టు నుంచి రణ్‌వీర్‌ సింగ్‌ తప్పుకున్నాడంట. రణ్‌వీర్‌ సింగ్‌ స్థానంలో కింగ్‌ ఖాన్‌ షారుఖ్‌ ఖాన్‌ నటించే అవకాశముందని తాజాగా బాలీవుడ్‌ వర్గాలు చెప్తున్నాయి. 
  
 మేవాడ రాణి పద్మావతి జీవితకథ ఆధారంగా చారిత్రక ఇతివృత్తంతో తెరకెక్కుతున్న ఈ సినిమాలో పద్మావతిపై మనస్సుపడిన అల్లావుద్దీన్ ఖిల్జీ పాత్ర కీలకమైనది. ఈ పాత్రలో నటించేందుకు ముందే తనకు స్ర్కిప్ట్ కాపీ ఇవ్వాలని దర్శకుడిని రణ్‌వీర్ కోరాడట. దీంతో నొచ్చుకున్న బన్సాలీ అతనిని తప్పించి మరొకరిని తీసుకోవాలని భావిస్తున్నట్టు తెలుస్తోంది. ఈ రేసులో షారుఖ్‌ ఖాన్‌ ముందంజలో ఉన్నారని, ఆయన ఒప్పుకొంటే దీపిక సరసన ఈ ప్రతిష్టాత్మక సినిమాలో కింగ్‌ ఖాన్‌ కనిపిస్తారని చిత్ర వర్గాలు చెప్తున్నాయి.   
 
 ఇక పద్మావతి భర్తగా దీపిక సరసన షాహిద్ కపూర్ నటించనున్నారని సమాచారం.  పద్మావతి రాజా రావల్ రతన్‌సింగ్‌ పాత్రకు షాహిద్ సరిగ్గా సరిపోతారని దర్శకుడు బన్సాలీ భావించినట్టు బాలీవుడ్ వర్గాలు కథనం.


 దర్శకుడు సంజయ్ లీలా బన్సాలీ తెరకెక్కించనున్న తాజా చిత్రం 'పద్మావతి' చుట్టూ అనేక వదంతులూ వస్తూనే ఉన్నాయి. నిజజీవిత ప్రేమపక్షులైన దీపికా పదుకొనే, రణ్‌వీర్ సింగ్ ప్రధాన పాత్రలు పోషించనున్న ఈ సినిమాలో 'పద్మావతి' భర్త పాత్ర అత్యంత కీలకమైనది. మేవాడ రాణి పద్మావతి జీవితకథ ఆధారంగా చారిత్రక ఇతివృత్తంతో ప్రతిష్టాత్మకంగా ఈ చిత్రం రూపొందనుంది.
 
 ఈ సినిమాలో కీలకమైన పద్మావతి భర్త పాత్ర చుట్టూ అనేక ఊహాగానాలు వినిపిస్తున్న సంగతి తెలిసిందే. ఈ సినిమాలో పద్మావతి భర్త రాజా రావల్ రతన్‌సింగ్‌ పాత్రలో మొదట 'మసాన్' నటుడు విక్కీ కౌశల్‌ను తీసుకుంటారని వినిపించింది. అయితే, ఆయనకు దీపిక పదుకొనే నో చెప్పారని కథనాలు వచ్చాయి. ఈ నేపథ్యంలో పద్మావతి భర్త పాత్రకు కొత్త పేరు తెరపైకి వచ్చింది.
 
 పద్మావతి భర్తగా దీపిక సరసన షాహిద్ కపూర్ నటించనున్నారని సమాచారం. రాజా రావల్ రతన్‌సింగ్‌ పాత్రకు షాహిద్ సరిగ్గా సరిపోతారని దర్శకుడు బన్సాలీ భావించినట్టు బాలీవుడ్ వర్గాలు కథనం. తొలిసారి బన్సాలీ సినిమాలో నటించే అవకాశం రావడంతో షాహిద్ కూడా ఎగిరి గంతేసి ఈ ఆఫర్ ను ఒప్పుకున్నట్టు చెప్తున్నారు. ఈ సినిమా షూటింగ్ సెప్టెంబర్‌లో ప్రారంభం కానుంది. దర్శకుడు బన్సాలీ అధికారికంగా ప్రకటిస్తేగానీ పద్మావతి భర్త పాత్రలో ఎవరు నటిస్తున్నారనేది కచ్చితంగా తెలిసే అవకాశముంది.


 భారీ కళాత్మక చిత్రాల దర్శకుడు సంజయ్ లీలా బన్సాలీ తాజా చిత్రం 'పద్మావతి' షూటింగ్ ఈ సెప్టెంబర్‌లో పట్టాలెక్కబోతున్నది. ఈ సినిమాలో నిజజీవిత ప్రేమపక్షులైన దీపికా పదుకొనే, రణ్‌వీర్ సింగ్ మరోసారి కలిసి నటించనున్నారు. మేవాడ రాణి పద్మావతి జీవితకథ ఆధారంగా చారిత్రక ఇతివృత్తంతో తెరకెక్కుతున్న ఈ సినిమాలో పద్మావతి భర్త రాజా రావల్ రతన్‌సింగ్‌ పాత్ర చాలా కీలకమైనది.
 
 పద్మావతిగా దీపిక నటిస్తుండగా ఆమె భర్తగా యువ నటుడు విక్కీ కౌశల్‌ను తీసుకోవాలని చిత్రయూనిట్ భావించినట్టు కథనాలు వచ్చాయి. 'మసాన్', 'రమణ్‌రాఘవ్' సినిమాలతో నటుడిగా నిరూపించుకున్న ఆయన ఈ పాత్ర కోసం ఆడిషన్‌లో కూడా పాల్గొన్నట్టు వార్తలు వచ్చాయి. అయితే, విక్కీని తీసుకునేందుకు చిత్రయూనిట్ నిర్ణయించినా.. చివరినిమిషంలో దీపిక మోకాలడ్డినట్టు తెలుస్తోంది. ఈ సినిమాలో పద్మావతి, ఆమె భర్త మధ్య కొన్ని ఘాటైన రొమాంటిక్ సీన్లు ఉంటాయని, కాబట్టి పెద్ద హీరోను తన భర్త పాత్రకు తీసుకుంటే బాగుంటుందని దీపిక పేర్కొన్నట్టు వినిపిస్తోంది. సినిమాలో కీలకమైన ఈ పాత్రకు అంతగా గుర్తింపులేని నటుడిని తీసుకుంటే ఫలితం ఉండదని, కాబట్టి మంచి పేరున్న హీరోని ఈ పాత్ర కోసం తీసుకోవాలని ఆమె దర్శకుడికి చెప్పినట్టు ఓ బాలీవుడ్ వెబ్‌సైట్ తెలిపింది.      
  


 అత్యున్నత సాంకేతిక ప్రమాణాలతో భారీ బడ్జెట్ సినిమాలు తీసే దర్శకుడు సంజయ్ లీలా బన్సాలీ.. ’బ్లాక్’, ’రామ్ లీలా’,, ‘బాజీరావు మస్తానీ’  వంటి భారీ చిత్రాల తర్వాత ఆయన తెరకెక్కించిన బోతున్న అప్‌కమింగ్ మూవీ పద్మావతి. మేవాడ రాణి పద్మావతి జీవిత ఆధారంగా తెరకెక్కబోతున్న ఈ సినిమాలో పద్మావతిగా మరోసారి దీపికా పదుకొణే నటిస్తుండగా.. ఆమె భర్తగా బాలీవుడ్ నటుడు విక్కీ కౌశల్ నటించే అవకాశముందని తెలుస్తోంది.
 
 
 ‘రామన్ రాఘవ్‌ 2.0’ సినిమాతో నటుడిగా ప్రశంసలు అందుకున్న విక్కీ కౌశల్‌ ఈ పాత్ర కోసం నిర్వహిస్తున్న ఆడిషన్స్‌లో పాల్గొన్నట్టు తెలిసింది. అతను ఆడిషన్‌లో పాల్గొన్నప్పటికీ.. భర్త పాత్రకు అతన్ని ఇంకా ఫైనలైజ్ చేయలేదని చిత్రవర్గాలు పీటీఐకి తెలిపాయి.
 
 బాలీవుడ్‌లో ఇప్పటివరకు రెండు సినిమాల్లో నటించిన విక్కీ నటుడిగా తానెంటో నిరూపించుకున్నాడు. మసాన్ సినిమాలో మంచి మనస్సున్న వారణాసి యువకుడిగా అతని నటనకు ఉత్తమ తొలి సినిమా నటుడిగా ఐఫా అవార్డు లభించింది. ‘రమన్ రాఘవ’లో డ్రగ్ అడిక్ట్ పోలీసుగా మెప్పించాడు. బన్సాలీ సినిమాలో అతనికి చాన్స్ వస్తే విక్కీ కెరీర్ మరింత దూసుకుపోయే అవకాశముంది. బన్సాలీ ‘పద్మావతి’ సినిమాలో ప్రేమికులుగా మరోసారి దీపికా పదుకొనే, రణ్‌బీర్ సింగ్ నటించబోతున్నారు. వీరిద్దరు బన్సాలీ గత సినిమాలైన ’రామ్ లీలా’, ’బాజీరావు మస్తానీ’ సినిమాలోనూ కలిసి నటించిన సంగతి తెలిసిందే.


 రెగ్యులర్ కమర్షియల్ ఫార్ములాకు దూరంగా విషాదాంత ప్రేమకథలను భారీగా తెరకెక్కించే దర్శకుడు సంజయ్ లీలా బన్సాలీ. దేవదాస్, రామ్ లీలా లాంటి ప్రేమకథలను తెరకెక్కించిన బన్సాలీ తన తాజా చిత్రం  బాజీరావ్ మస్థానీతో జాతీయ అవార్డును సైతం సాధించాడు. తన ప్రతీ సినిమాను భారీ బడ్జెట్ తో ప్రతిష్టాత్మకంగా తెరకెక్కించే బన్సాలీ మరో చారిత్రక ప్రేమకథకు వెండితెర రూపం ఇవ్వడానికి రెడీ అవుతున్నాడు.
 
 అల్లావుద్దీన్ ఖిల్జీ జీవితం ఆధారంగా ఓ సినిమాను తెరకెక్కించే పనిలో ఉన్నాడు బన్సాలీ. 1296 నుంచి 1316 మధ్య కాలంలో ఢిల్లీని పరిపాలించిన అల్లావుద్దీన్ ఖిల్జీ, మేవార్ రాణి పద్మావతిని ప్రేమించాడు. ఈ ప్రేమకథనే నెక్ట్స్ సినిమాకు కథగా తీసుకున్నాడు బన్సాలీ. ఇప్పటికే ప్రీ ప్రొడక్షన్ పనులు కూడా ప్రారంభమయ్యాయి. 2017 డిసెంబర్ 15న ఈ సినిమాను రిలీజ్ చేయడనికి ప్లాన్ చేస్తున్నారు. త్వరలోనే నటీనటుల ఎంపిక జరగనుంది.


 కుటుంబంలో తలెత్తిన సమస్యలు ఓ వృద్ధ దంపతులను ఆత్మహత్యకు పురిగొల్పాయి. ఈ ఘటనలో ఒకరు మృతి చెందగా మరొకరి పరిస్థితి విషమంగా మారింది. ప్రకాశం జిల్లా కనిగిరిలో చోటుచేసుకుంది. పట్టణంలోని నీలకంఠంవారి వీధిలో ఉంటున్న శివరామయ్య, పద్మావతి దంపతులు మంగళవారం ఉదయం పురుగు మందు తాగారు. గమనించిన కుటుంబసభ్యులు వెంటనే ఆస్పత్రికి తరలించారు. చికిత్సపొందుతూ శివరామయ్య చనిపోగా పద్మావతి పరిస్థితి విషమంగా ఉందని చెబుతున్నారు. మరిన్ని వివరాలు తెలియాల్సి ఉంది.
 
  


 ముద్రగడ! ఇప్పుడు మార్మోగుతున్న పేరు!
 కాపులు, రిజర్వేషన్లు, ఉద్యమాలు అంటూ క్షణం తీరిక లేకుండా ఊపిరి సలపని కార్యాచరణలో ఉన్నారు ముద్రగడ పద్మనాభం! ఆయనతో పాటే ఆయన జీవన సహచరి పద్మావతి. తన పద్దెనిమిదో ఏట పద్మనాభంతో కలసి ఏడు అడుగులు వేసిన ఆమె... నాలుగు దశాబ్దాలుగా ఆయన ప్రతి అడుగులోనూ తోడుగా ఉన్నారు. సహధర్మచారిణిగా పేరులోనే కాదు, ఆయన చేపట్టిన ఉద్యమాల్లోనూ భాగస్వామ్యం స్వీకరించారు. కాపులకు రిజర్వేషన్ల సాధనే లక్ష్యంగా రేపు భర్తతో కలసి నిరాహార దీక్షకూ దిగనున్నారు. ఇలా ఆమె దీక్ష చేయడం ఇది రెండోసారి. ఈ సందర్భంగా సాక్షి ‘ఫ్యామిలీ’ పద్మావతిని పలకరించింది.
  
 ప్రతిదీ నాకు చెబుతారు
 ‘ఆయన ప్రజల మనిషి. సహాయం కోసం ఇంటికి వచ్చేవారెవరైనా సరే అసంతృప్తితో వెళ్లకూడదు. అదే ఆయన అభిమతం. నమ్ముకున్నవారికి అండగా ఉండడమే ఆయనకు తెలిసిన రాజకీయం. వేళకు వండి పెట్టడం, ఆయన కోసం వచ్చినవాళ్ల మంచీచెడ్డ కనుక్కోవడం వరకే నాకు తెలుసు. రాజకీయాలపై నాకు పెద్దగా అవగాహన లేదు. కానీ ఆయన చేసే ప్రతి పనీ నాకు చెబుతారు. ఒక్కోసారి చెప్పకున్నా నా సమ్మతం ఉన్నట్లే. ఎందుకంటే ఆయన ఏ పని చేసినా అందులో మంచి ఉంటుంది’ అని చెప్పారు ముద్రగడ పద్మావతి.
 
 పద్మావతి స్వగ్రామం తూర్పు గోదావరి జిల్లా ఏలేశ్వరం మండలంలోని పెద్దలాపల్లి. ఆమె తల్లిదండ్రులు గొల్లపల్లి చెల్లారావు, రామయ్యమ్మ. సాధారణ రైతు కుటుంబం. అప్పటికే ముద్రగడ పద్మనాభం తండ్రి వీరరాఘవరావు ప్రత్తిపాడు ఎమ్మెల్యే. ‘పద్మనాభం గారితో పెళ్లి సంబంధం (1974లో) అనగానే  మాకు చాలా గొప్ప అయింది. ఆయన మాటతీరు, నడత అన్నీ మా వాళ్లకు బాగా నచ్చాయి’ అంటూ చిరునవ్వుతో గుర్తు చేసుకున్నారు పద్మావతి.
  
 వంటలు... ఒత్తిళ్లు...
 ‘పద్మనాభం గారు చిన్నప్పటి నుంచి మంచి భోజనప్రియులు. ఎక్కడైనా ఏదైనా కొత్త వంటకం రుచి చూస్తే చాలు... ఇంటికొచ్చి చెబుతారు. రెండుమూడు సార్లు ప్రయత్నించైనా సరే వంటకం రుచిగా వచ్చే వరకూ వదిలిపెట్టనివ్వరు. ఒకసారి ఢిల్లీలో ప్రధానమంత్రి విందులో బాదం సూప్ ఇచ్చారట. అదెలా తయారుచేయాలో చెఫ్‌తో మాట్లాడి మరీ తెలుసుకొని వచ్చారు. హైదరాబాద్‌లో దొరికే కుబానీ స్వీట్ తయారీ గురించి కూడా అలాగే తెలుసుకొని ఇంట్లో చేయించారు. నేను కూడా ఆయన అభిరుచికి తగ్గట్లుగానే వంటలు చేస్తుంటాను. అంతేకాదు, ఇంటికొచ్చే అతిథులకు ఏ మెనూ తయారు చేయాలో చెప్పేస్తారు. ఆయనకు నచ్చే స్వీట్ సగ్గుబియ్యం హల్వా కూడా తరచుగా చేస్తుంటాను’ అని భర్త భోజన ప్రియత్వం గురించి చెప్పారు పద్మావతి. అయితే  ఇలా హోటళ్లలో వంటకాల గురించి చెప్పినా రాజకీయాల్లో ఎదురయ్యే ఒత్తిళ్ల గురించి ఏనాడూ ఇంట్లో తన వద్ద ప్రస్తావించరని ఆమె అన్నారు.
  
 సివిల్స్‌కి అనుకున్నాం
 ‘మాకు ముగ్గురు పిల్లలు. పెద్దవాడు బాలుకి మా మామ వీరరాఘవరావు పేరు, రెండో అబ్బాయి గిరికి మా నాన్న చెల్లారావు పేరు పెట్టాం. అమ్మాయి క్రాంతి అసలు పేరు సత్యవతి. అంటే మా అత్తగారి పేరు. పద్మనాభంగారు కుటుంబాన్ని ఎంతగా ప్రేమిస్తారో ప్రజల కోసం అంతకన్నా ఎక్కువ తపనతో ఉంటారు’ అని పద్మావతి చెప్పారు. పక్కనే ఉన్న ముద్రగడ మాట్లాడుతూ... ‘మా పిల్లల్ని రాజకీయాల్లో కాకుండా సివిల్ సర్వీసు అధికారులుగా చూడాలని తపించేవాళ్లం. కానీ బాలు బాల్‌బాడ్మింటన్ ఆడుతూ ప్రమాదానికి గురై ఫిజికల్లీ చాలెంజ్డ్ అయ్యాడు. అప్పటికే ఇంగ్లండ్‌లో ఎంఎస్ చేసి వచ్చిన గిరి ఢిల్లీలో సివిల్స్ కోచింగ్ తీసుకుంటున్నాడు. అన్నకు అలా జరగడంతో ఇంటికి వచ్చేశాడు. అలా ఇద్దరి సివిల్స్ లక్ష్యం నెరవేరలేదు’ అని భావోద్వేగంతో చెప్పారు. ఇక మనవరాలు (గిరి కుమార్తె) భాగ్యశ్రీ. ఇప్పుడు ప్రీస్కూల్ చదువుతోంది. ముద్రగడ దంపతులకు ఈ చిన్నారి అంటే ప్రాణం.
  
 మామ చెప్పినట్లే...
 ‘మా మామగారు 1977 జూలైలో గుండెపోటుతో తీవ్ర అస్వస్థతకు గురయ్యారు. ఆసుపత్రిలో బెడ్‌పై ఉండి ఆయన చెప్పిన చివరి మాటలే నా భర్త మనసులో చెరగని ముద్ర వేశాయి. వీలైనంత వరకూ తోటివారికి సాయం చేయాలనేది ఆయన ఆశయం. ఆ స్ఫూర్తితోనే పద్మనాభం గారు కూడా పనిచేస్తున్నారు. రాజకీయాల కోసం ఉద్యమాలు చేస్తున్నారని ఎవరెన్ని ఆరోపణలు చేసినా ఆయన మనసు ఏమిటో నాకు తెలుసు’ అని చెప్పారు పద్మావతి.
 
 తండ్రి వీరరాఘవరావు ఆకస్మిక మరణంతో 1977లో రాజకీయాల్లో అడుగుపెట్టిన పద్మనాభం 1978లో జనతాపార్టీ తరఫున ప్రత్తిపాడు నుంచి పోటీ చేసి విజయం సాధించారు. తర్వాత 1983లో ఆవిర్భవించిన టీడీపీకి అభ్యర్థిగా మరోసారి ఎమ్మెల్యే అయ్యారు. తర్వాత 1985 ఉప ఎన్నికలోనూ విజయం సాధించారు. 1988లో టీడీపీకి రాజీనామా చేసి కాంగ్రెస్‌లో చేరారు. 1989లో ఎమ్మెల్యే అయ్యారు. రవాణా, జౌళి శాఖలను మంత్రిగా పర్యవేక్షించినా, ఎక్సైజ్ మంత్రిగానే ఆ శాఖతో అనుబంధాన్ని పెనవేసుకున్నానని చెప్పారు ముద్రగడ పద్మనాభం. ‘ఏ పదవిలో ఉన్నా, తర్వాత కాలంలో రాజకీయాలకు దూరంగా ఉన్నా ప్రజాసేవలో మాత్రం ఎప్పుడూ ముందుంటారు. మా మామగారు చెప్పిన మాటలను తు.చ. తప్పకుండా పాటిస్తున్నారు’ అని పద్మావతి చెప్పారు.
  
 ఉద్యమంలోనూ వెంటే
 ‘1997లో పద్మనాభం గారు కాపునాడు ఉద్యమం చేశారు. ఆయనతో పాటే నేనూ దీక్షకు దిగాను. రాజకీయాల గురించి నాకు పెద్దగా తెలియదు. కానీ ఆయన నిరాహార దీక్షకు దిగారంటే అందులో న్యాయం ఉండే ఉంటుంది. అయినా ఆయన భోజనం చేయకుండా నేను ఎప్పుడూ చేయలేదు. అందులోనూ ఒక మంచి పని కోసం దీక్ష చేస్తున్నప్పుడు నా వంతు చేసే సహాయం తోడు ఉండటమే’ అని చెప్పారు పద్మావతి. రేపటి నుంచి స్వగ్రామం కిర్లంపూడిలో ముద్రగడ తలపెట్టిన నిరాహార దీక్షలోనూ పాల్గొనడానికి ఆమె సిద్ధంగా ఉన్నారు. వయసు రీత్యా కొన్ని ఆరోగ్య సమస్యలు ఉన్నా దీక్షలో ఆయన వెంటే ఉంటానని చెప్పారు పద్మావతి.
  
 మీ పాత దీక్ష అనుభవాలు?
  గతంలో దీక్ష చేసినప్పుడూ మా ఆరోగ్యంపై ఎలాంటి భయం పెట్టుకోలేదు. నా భర్త వెంట నడవటమే నా ధర్మం. ఆయన మాటే నాకు శిరోధార్యం.
 
 భవిష్యత్తులో మీరు రాజకీయాల్లోకి వచ్చే అవకాశం ఉందా?
 అలాంటి ఆలోచనే లేదు.
  
 ఆశయం కోసం పోరాటం
  
 మీ భర్తపై ఇన్ని కేసులు పెట్టారు కదా? అందోళనగా లేదా?
 ఎన్ని కేసులు పెట్టినా భయపడేది లేదు.
 
 ఆయనకు ఏమైనా అవుతుందన్న భయం ఉందా?
 నా భర్తకు దీక్షకు దిగడం కొత్తకాదు. ఆయన ఒక ఆశయం కోసం పోరాడుతున్నారు. అలాంటప్పుడు భయపడాల్సిందేముంటుంది?
  
 - అల్లు సూరిబాబు, సాక్షి ప్రతినిధి, కాకినాడ
 ఫొటోలు: గరగ ప్రసాద్
  


 రోడ్డు ప్రమాదంలో ఓ మహిళ దుర్మరణం చెందింది. కర్నూలు జిల్లా నంద్యాల టౌన్‌లో శనివారం బైక్‌పై వెళుతున్న మహిళలను ఎదురుగా వస్తున్న లారీ ఢీకొట్టింది. దీంతో మహిళ అక్కడికక్కడే మృతి చెందింది. మృతురాలు పట్టణానికి చెందిన పద్మావతిగా పోలీసులు గుర్తించారు. ప్రమాదానికి సంబంధించి మరిన్ని వివరాలు తెలియాల్సి ఉంది.
  


 గుంటూరు : గుంటూరు జిల్లాలో సోమవారం ఘోర రోడ్డు ప్రమాదం జరిగింది. ఈ ప్రమాదంలో మాజీ ఎమ్మెల్యే చిట్టినేని వెంకటేశ్వర్లు కూతురు పద్మావతి(52) మృతి చెందగా.. ఆమె భర్త దేవేందర్‌నాథ్‌కు తీవ్రగాయాలయ్యాయి. ఈ సంఘటన జిల్లా పొన్నూరు మండలంలో బ్రాహ్మణకోడూరు అడ్డరోడ్డు సమీపంలో సోమవారం చోటుచేసుకుంది. ఏలూరు నుంచి పొన్నూరు వస్తున్న పద్మావతి కారు బ్రాహ్మణకోడూరు అడ్డరోడ్డు సమీపంలో రేపల్లె నుంచి గుంటూరు వెళ్తున్న ఆర్టీసీ బస్సును ఢీకొట్టింది.
 దీంతో కారు రోడ్డుపై పల్టీలు కొట్టింది. ఈ ప్రమాదంలో పద్మావతి అక్కడికక్కడే మృతిచెందగా.. ఆమె భర్తకు తీవ్రగాయాలయ్యాయి. ఆయనను స్థానిక ఆస్పత్రికి తరలించారు. సమాచారం అందుకున్న పోలీసులు సంఘటనా స్థలికి చేరుకుని సహాయక చర్యలు చేపట్టారు. కేసు నమోదు చేసి దర్యాప్తు ప్రారంభించారు.
 (పొన్నూరు)


 లబ్బీపేట : నగరంలోని బృందావన్ కాలనీలో నివసించే పద్మావతి గత ఏడాది జనవరిలో రక్తపోటు కారణంగా ఆకస్మికంగా బ్రెయిన్‌డెత్‌కు గురయ్యారు.  చికిత్స కోసం నగరంలోని ఓ కార్పొరేట్ ఆస్పత్రికి తరలించగా అక్కడి వైద్యులు ఆరోగ్య పరిస్థితిని వివరించి  ప్రాణాలు కాపాడే అవకాశాలు నూరుశాతం లేవని తేల్చి చెప్పారు. దీంతో స్వచ్ఛంద సంస్థల కృషితో ఆమె భర్త తేజోమూర్తి అవయవాలు దానం చేసేందుకు ముందుకు వచ్చారు.   పద్మావతిని వెంటిలేటర్‌పైనే ఉంచి ఎన్‌ఆర్‌ఐ ఆస్పత్రికి తరలించి అవయవాలు సేకరించారు.
 
 ఆమె నుంచి సేకరించిన గుండె, లివర్, ఊపిరితిత్తులను హైదరాబాద్‌లోని వేర్వేరు ఆస్పత్రులకు పంపించగా, ఒక కిడ్నీని జిల్లాలోని వణుకూరు గ్రామానికి చెందిన 17 ఏళ్ల బాలుడికి అమర్చారు. అదే విధంగా మరో కిడ్నీని గుంటూరు జిల్లాలోని 18 ఏళ్ల యువతికి అమర్చారు. తన భార్య ఇక లేదన్న బాధతో ఉండి కూడా ఎంతో భవిష్యత్తు ఉన్న ఇద్దరికి పునర్జన్మ ఇచ్చేందుకు ముందకొచ్చిన  తేజోమూర్తి ఎందరికో ఆదర్శంగా నిలిచారు.
  


  తిరుచానూరు: తిరుచానూరు పద్మావతి అమ్మవారికి పాదుకలతో కూడిన శఠారిని పేరు వెల్లడించడానికి ఇష్టపడని ఓ భక్తుడు కానుకగా మంగళవారం అందజేశారు. అమ్మవారి దర్శనానంతరం ఆశీర్వదించే శఠారిని 300 గ్రాముల బంగారంతో తయారు చేశారు. 
 ఈ శఠారిని దాదాపు రూ. 8 లక్షలు వెచ్చించి తయారుచేయించినట్లు అధికారులు తెలిపారు.


  పద్మావతి అమ్మవారి లక్ష కుంకుమార్చన సేవతో ఉత్సవాలు ప్రారంభం
 
  తిరుచానూరు: పద్మావతి అమ్మవారి కార్తీక బ్రహ్మోత్సవాల ప్రారంభ సూచికగా మంగళవారం సాయంత్రం ఆలయంలో ఘనంగా అంకురార్పణ నిర్వహించారు. 9 రోజుల పాటు బ్రహ్మోత్సవాలు సవ్యంగా జరగాలని ప్రార్థిస్తూ పాంచరాత్ర ఆగమ శాస్త్రోక్తంగా ఆలయ అర్చకులు అంకురార్పణ నిర్వహించారు. ఇందులో భాగంగా ఉదయం 7నుంచి మధ్యాహ్నం 12.30 గంటల వరకు లక్ష కుంకుమార్చన సేవ జరిపారు. సాయంత్రం 6.30 గంటలకు అమ్మవారి సన్నిధి ముఖమండపంలో సర్వసేనాధిపతి విష్వక్సేనుని కొలువుదీర్చారు.
 పాంచరాత్ర ఆగమ పండితుల ఆధ్వర్యంలో ఆలయ అర్చకులు పుణ్యాహవచనం, రక్షాబంధనం వంటి పూజాది కార్యక్రమాలు నిర్వహించారు. అనంతరం స్వామిని ఆలయం నుంచి వేంచేపుగా ఉద్యానవనంలోకి తీసుకొచ్చి, స్వామి సమక్షంలో పుట్టమన్ను సేకరించారు. తరువాత విష్వక్సేనుల వారిని, పుట్టమన్నును తిరువీధుల్లో ఊరేగింపుగా ఆలయంలోని యాగశాలకు తీసుకొచ్చారు.  పుట్టమన్నును నవపాలికలలో నింపి అందులో నవధాన్యాలు వేసి అంకురార్పణకు శ్రీకారం చుట్టారు. కార్యక్రమంలో టీటీడీ ఈవో ఎంజీ. గోపాల్, జేఈవో భాస్కర్, ఆలయ డిప్యూటీ ఈవో చెంచులక్ష్మి, ఇతర అధికారులు పాల్గొన్నారు.


 సోమల: సోమల మండలం కందూరులోని ఒక రైస్ మిల్లులో అనుమతి లేకుండా నిల్వ ఉంచిన 500 బస్తాల బియ్యాన్ని తహశీల్దార్ నరసింహులు శనివారం స్వాధీనం చేసుకున్నారు. ఒక వ్యక్తి ఉద యం తొమ్మిది గంటల సమయంలో కందూరులోని ఓ రైస్ మిల్లులో రేషన్ బియ్యం నిల్వ ఉంచుతున్నట్లు ఎస్‌ఐ చిన్నరెడ్డెప్పకు సమాచారం అందింది. వివరాలు సేకరించిన ఆయన తహశీల్దార్ నరసింహులు, సివిల్ సప్లై డీటీ పద్మావతి, డీటీ కోటిరెడ్డి, ఆర్‌ఐ కోదండరామయ్యను అక్కడికి పంపారు.
 
 తనిఖీలు నిర్వహించగా అనుమతి లేకుండా ఉంచిన 500 (25 కేజీలు బరువుగల) బస్తాలు బియ్యం, 50 బస్తాల వడ్లు స్వాధీ నం చేసుకున్నారు. రికార్డులు పరిశీలించగా రైస్ మిల్లుకు 2011వరకే  బియ్యం విక్రయానికి అనుమతులున్నాయని, ఆపై రెన్యువల్ చేసుకోలేదని తేలింది. రైస్ మిల్లు యజమానిపై చర్యలకు సిఫారసు చేస్తూ తహశీల్దార్ నివేదిక పంపారు. స్వాధీ నం చేసుకున్న బియ్యాన్ని ప్రభుత్వ గోడౌన్‌కు తరలించారు.
 
 మూడు నెలల క్రితం కందూరు గ్రామ సమీపంలో 245 బస్తాల బియ్యం స్వాధీనం చేసుకున్నారు. దీనిపై అప్పట్లో కేసు నమోదైంది. నిమ్మనపల్లె, కలికిరి, కలకడ, రాయచోటి, వాల్మీకిపురం, పీలేరు మండలాల నుంచి వ్యాపారులు రేషన్ బియ్యం కొనుగోలు చేసి, కందూరు, సోమల, పెద్ద ఉప్పరపల్లె ప్రాంతాల్లో పాలిష్ చేసి అమ్ముతున్నట్లు సమాచారం. ఆ దిశగా దర్యాప్తు చేస్తున్నామని, నిందితులు ఎంతటి వారైనా వదిలే ప్రసక్తే లేదని అన్నారు.
  


 పొందూరు:    పింఛన్ల తనిఖీ ప్రక్రియ చాలామంది అర్హులకు అన్యాయం చేసింది. అదే సమయంలో అనర్హు లకు, ఉద్యోగస్తుల కుటుంబ సభ్యులకు పెద్దపీఠ వేసింది. చాలా ఏళ్లుగా సామాజిక పింఛన్లు అందుకుంటున్న వారు పేర్లను జాబితా నుంచి తీసేయడంతో వారు ఆవేదన చెందుతున్నారు. అర్హత ఉన్న ప్రతి ఒక్కరికీ పింఛన్లు అందిస్తామని, అనర్హులకు పింఛన్‌లు నిలుపుదల చేస్తామని తెలుగుదేశం ప్రభుత్వం చెప్పిన మాటలు పొందూరు మండలంలో అమలు కావడం లేదు. చాలామంది అర్హుల పేర్లను పింఛన్ల జాబితా నుంచి తొలగించగా అనర్హుల పేర్లు మాత్రం కొనసాగుతున్నాయి.  దీనికి సింగూరు గ్రామాన్ని ఉదాహరణగా చెప్పుకోవచ్చు. ఆధార్ కార్డు, తెలుపు రేషన్ కార్డు, సదరం ధ్రువీకరణ పత్రం ఉన్నప్పటికీ జాబితాలో తమ పేర్లు లేవని ఇప్పటివరకూ పింఛన్ తీసుకుంటున్న టేకు పద్మావతి, సింగూరు లక్ష్మి, గుంట కోటేశ్వరరావు, తమ్మినేని పోలయ్య ఆవేదన వ్యక్తం చేశారు. కూలి పని చేసుకొంటూ బతుకుతున్న తమ పేర్లు పింఛన్ల జాబితాలో లేకపోవడం ఏమిటని ప్రశ్నిస్తున్నారు.
  
  అర్హత ఉన్నా..పింఛన్ సున్నా..
   సింగూరు గ్రామానికి చెందిన టేకు పద్మావతి (విడో), తమ్మినేని పోలయ్య(వృద్ధాప్య)కు పింఛన్ ఈ నెల వరకు రూ. 200 అందాయి. భర్త చనిపోయినట్లు పద్మావతి వద్ద ధ్రువీకరణ పత్రం ఉంది. ఆమె అంత్యోదయ రేషన్ కార్డు నంబర్ వైఏపీ 101904200110, ఆధార్ కార్డు నంబర్ 201441335299. అలాగే తమ్మినేని పోలయ్య రేషన్ కార్డు నంబర్ డబ్ల్యూఏపీ 010904200033, ఆధార్ కార్డు నంబర్ 339587837790. సింగూరు లక్ష్మి (వికలాంగురాలు), గుంట కోటేశ్వరరావు(వికలాంగుడు)లకు ఈ నెల వరకు రూ.500 పింఛన్‌లు అందాయి. అరుుతే కొత్త పింఛన్ల జాబితాలో వీరి పేర్లు లేవు. 73 శాతంతో సదరం ధ్రువీకరణపత్రం వీరికి ఉంది. లక్ష్మీ రే షన్ కార్డు నంబర్ డబ్ల్యుఏపీ 010904200260, ఆధార్ కార్డు నంబర్ 615978999764. కోటేశ్వరరావు రేషన్ కార్డు నెంబర్ డబ్ల్యూఏపీ 010904200052. ఆధార్ కార్డు నంబర్ 210036084987. వీరికి అక్టోబర్ నుంచి పింఛన్‌లు రావనే విషయం తెలుసుకోవడంతో కన్నీరు మున్నీరవుతున్నారు. ఎలా బతికేదని ఆందోళన చెందుతున్నారు.
  
  ఉద్యోగుల కుటుంబీకులకు పింఛన్లు !
   అదే గ్రామంలో కొందరు ఉద్యోగాలు చేస్తున్నప్పటికీ వారి తల్లిదండ్రులకు కొత్త పింఛన్‌ల జాబితాలో స్థానం దక్కింది. తాండ్ర రవణమ్మ కుమారుడు రాము మిలటరీలో ఉద్యోగం చేస్తున్నారు. వారిద్దరిదీ ఒకే రేషన్ కార్డు(డబ్ల్యూఏపీ  010904200077) ఉన్నప్పటికీ పింఛన్‌ను తొలగించలేదు. పైగా కొత్త పింఛన్ల జాబితాలో కమిటీ సభ్యులు, అధికారులు చోటు కల్పించారు. అలాగే దుప్పల సరస్వతి కుమారుడు శేఖర్ బీఎస్‌ఎఫ్‌లో ఉద్యోగం. వారి రేషన్ కార్డు నంబర్ డబ్ల్యూఏపీ  010904200204. బాడాన పెంటమ్మ కుమారుడు వెంకటేష్ సీఐఎస్‌ఎఫ్‌లో ఉద్యోగం. వారి రేషన్ కార్డు నంబర్ 010904200233. సింగూరు భూచక్రం కుమారుడు హరికృష్ణ ఎస్‌బీఐలో ఉద్యోగం. రేషన్ కార్డు నంబర్ 010904200021. పైడి వరలక్ష్మి కుమారుడు శివకుమార్ సీఆర్‌పీఎఫ్‌లో ఉద్యోగం. రేషన్ కార్డు నంబర్ 010904200090. తమ్మినేని సరస్వతమ్మ కుమారుడు ప్రసాదరావు ఏఆర్‌లో ఉద్యోగం. రేషన్ కార్డు నంబర్ 010904200202. వీరి పేర్లను జాబితా నుంచి తొలగించకుండా కొత్తజాబితాలో చేర్చారు.
  
  రేషన్ కార్డు లేకపోయినా పింఛన్ జాబితాలో పేరు..
  వావిలపల్లి గౌరమ్మ. ఈమెకు సింగూరులో రేషన్ కార్డే లేదు. ఆమె  గ్రామంలో ఉండటం లేదని స్థానికులు తెలిపారు. అయినప్పటికీ ఆమెకు కొత్త పింఛన్ జాబితాలో అధికారులు పేరు నమోదు చేశారు. ప్రభుత్వం ప్రతిష్టాత్మకంగా పింఛన్ల తనిఖీలు చేపట్టాలని అధికారులకు, కమిటీ సభ్యులకు చెప్పిన ప్పటికీ వారంతా తూతూ మంత్రంగా ఈ ప్రక్రియ చేశారనేందుకు ఇదో మచ్చుతునక.
 
  


 స్ఫూర్తి
  
 ప్రేమను పంచడానికి మనిషితో సంబంధం లేదు. పంచే హృదయముంటే చాలు.
 మంచి చేయడానికి వయసుతో సంబంధం లేదు. చేసే మనసుంటే చాలు.
 అవి ఉన్నాయి కాబట్టే జాస్పర్ పాల్ తక్షణం స్పందించాడు. ఏ సంబంధమూ లేని ఓ వృద్ధురాలి కోసం ఊరంతా పరుగులు తీశాడు. కనీసం పరిచయమైనా లేని ఆమెను కాపాడేందుకు అంతగా తపనపడ్డాడు. మంచితనానికి, మానవత్వానికి నిలువెత్తు నిర్వచనంగా నిలిచాడు!బీటెక్ చదువుతున్న ఓ కుర్రాడి స్ఫూర్తిదాయక కథనమిది...
  
 రెండు రోజుల క్రితం... సికింద్రాబాద్ రైల్వేస్టేషన్ దగ్గర నడచుకుంటూ వెళ్తున్నాడు జాస్పర్ పాల్ (19). చుట్టూ చూసుకుంటూ చురుగ్గా అడుగులు వేస్తున్నాడు. ఉన్నట్టుండి అతడి కాళ్లకు బ్రేక్ పడింది. వెళ్తోన్నవాడల్లా ఆగి చూశాడు. రోడ్డు పక్కన.. ఫుట్‌పాత్ మీద.. ఓ వృద్ధురాలు పడుకుని ఉంది. డెబ్భై యేళ్ల వరకూ ఉంటుంది వయసు. తల నెరిసిపోయింది. చర్మం ముడతలు పడింది. లేచి కూర్చునే సత్తువ కూడా లేదు. అందరూ ఆమెను చూసీ చూడనట్టే వెళ్లిపోతున్నారు తప్ప కనీసం పలకరించట్లేదు. చాలా బాధేసింది జాస్పర్‌కి. తానైనా ఆమెకోసం ఏదైనా చేయాలనుకున్నాడు. దగ్గరికెళ్లి ఏం కావాలని అడిగాడు. అప్పుడు తెలిసిన విషయం అతడి మనసును చలింపజేసింది.
  
 ఆమె పేరు పద్మావతి. ముగ్గురు పిల్లలను కని, పెంచింది కానీ వాళ్ల ప్రేమను పంచుకోలేకపోయింది. అనాదరణకు గురై రోడ్డున పడింది. అప్పటికి ఐదు రోజుల క్రితం ఆమెను ఓ వాహనం గుద్దేసింది. ఆ క్షణం నుంచీ... రాత్రనకా పగలనకా... ఎండలోను, వానలోను అలానే పడివుంది.  కుడిచేతికి పెద్ద గాయముంది. సెప్టిక్ అయ్యిందనడానికి గుర్తుగా ఆ గాయం నిండా పురుగులు! చూడగానే అదోలా అయిపోయింది జాస్పర్ మనసు. కానీ అది ఒక్క క్షణమే. మరుక్షణమే అతడు దృఢంగా నిశ్చయించుకున్నాడు... ఆమెను కాపాడి తీరాలని! చుట్టూ చాలామంది మూగారు. కానీ ఎవ్వరిలోనూ చలనం లేదు. కోపం ముంచుకొచ్చింది జాస్పర్‌కి. ‘అయితే సాయం చేయండి, లేదంటే ఇక్కడ్నుంచి వెళ్లిపోండి’ అంటూ అరిచాడు. అప్పుడైనా వాళ్లు ముందుకు రాలేదు... ఒక్క కుర్రాడు తప్ప. అతడి పేరు రాహుల్ పసుపాల. ఎంఎల్‌ఆర్‌ఐటీ కాలేజీ విద్యార్థి. అతడొక్కడే జాస్పర్‌కి తోడుగా నిలిచాడు. ఇద్దరూ అంబులెన్స్‌కు ఫోన్ చేశారు. కాఫీ తెచ్చి ఆమెకు తాగించారు. అంతలో అంబులెన్స్ వచ్చింది.
  
 అడుగడుగునా నిర్లక్ష్యమే...
 
 ఈ అస్తవ్యస్త వ్యవస్థలో మనుషులు యంత్రాల్లా పని చేస్తారు తప్ప, మనసుతో పని చేయరని తెలుసుకునే సమయం వచ్చింది జాస్పర్‌కి. పద్మావతిని ఆసుపత్రికి తీసుకెళ్లడానికి నిరాకరించారు అంబులెన్స్‌వారు. ఆమె ఎవరో తెలియకుండా ఎలా తీసుకెళ్తాం అన్నారు. కష్టాల్లో ఉన్న మనిషికి సాయపడటానికి వివరాలు కావాల్సి వచ్చాయి వారికి. విధిలేక గోపాలపురం పోలీస్ స్టేషన్‌కి ఫోన్ చేశాడు జాస్పర్. ప్రాణాల కంటే ప్రొటోకాల్ ముఖ్యమన్నట్టు... ముందు జాస్పర్‌ని పోలీస్ స్టేషన్‌కి రమ్మన్నారు వాళ్లు. దాంతో అక్కడికి పరుగు తీశాడు. ఎలాగైతేనేం... కానిస్టేబుల్ రామకృష్ణారెడ్డి, రాహుల్‌ల సాయంతో పద్మావతిని గాంధీ ఆసుపత్రికి చేర్చాడు. కానీ ఆమెను లోనికి తీసుకెళ్లడానికి వార్డ్‌బోయ్స్ కూడా లేకపోవడంతో వాళ్లే స్ట్రెచర్ మీద వేసి తీసుకెళ్లారు. డాక్టర్లు వచ్చి పరీక్ష చేశారు కానీ వైద్యం చేయడానికి ఉపక్రమించలేదు. మాకిలాంటి కేసులు రోజూ వందల్లో వస్తాయి, అందరికీ సేవ చేస్తూ కూర్చునే సమయం లేదన్నారు. గాయాన్ని శుభ్రం చేయమని వాళ్లకే చెప్పారు. దాంతో ఆ ఇద్దరూ అందుకు పూనుకున్నారు. టర్పైంటైన్ ఆయిల్ వేస్తుంటే గాయంలోని పురుగులు పైకి రాసాగాయి. అయినా అసహ్యించుకోలేదు. ఇయర్ బడ్స్‌ను ఉపయోగించి దాదాపు ముప్ఫై పురుగులను తీశారు. అప్పటికి కానీ వైద్యులు చికిత్స చేయలేదు.
  
 నీడ కూడా కల్పించి....
 
 పద్మావతి చేతికి కట్టిన కట్టును చూసి ఊపిరి పీల్చుకున్నాడు జాస్పర్. కానీ మరో సమస్య తలెత్తింది. చీకటి పడుతోంది. తిరిగి వెళ్లాలి. కానీ పద్మావతిని ఎక్కడ ఉంచాలి? ఆసుపత్రి యాజమాన్యం దగ్గరకు వెళ్లారు. ఆ ఒక్కరాత్రికీ ఆమెను అక్కడ ఉండనివ్వమన్నారు. కానీ తమ హృదయ కాఠిన్యాన్ని మరోసారి చాటుకున్నారు ఆసుపత్రివారు. ముక్కూముఖం తెలియనివాళ్లకు చోటివ్వలేం, ఆమె తరఫువాళ్లెవరైనా ఉండాలన్నారు. ‘మీరే తీసుకొచ్చారుగా, మీరే చూసుకోవచ్చుగా’ అంటూ ఎగతాళి చేశారు. అంత నిర్దయగా ప్రవర్తిస్తున్న వాళ్లను చూసి కడుపు మండిపోయింది జాస్పర్‌కి. కానీ తప్పని పరిస్థితి. మూడు గంటల పాటు తంటాలు పడి, చివరకు పోలీసులతో చెప్పించి అనుమతి సంపాదించాడు. ఓ దుప్పటి, కొన్ని మంచినీళ్ల బాటిళ్లు పద్మావతికి ఇచ్చి, రాహుల్‌ని తీసుకుని వెళ్లిపోయాడు. ఆ రాత్రంతా పద్మావతి గురించే ఆలోచించాడు. అంతలో అతడికి జార్జ్ రాకేష్‌బాబు గురించి తెలిసింది. జీడిమెట్లలో వృద్ధుల కోసం ‘గుడ్ సమారిటన్ హోమ్’ను నడుపుతున్నారు జార్జ్. ఆయ నను కాంటాక్ట్ చేసి, పద్మావతి విషయం చెప్పాడు. జార్జ్ ఆమెకు సాయపడేందుకు ముందుకు రావడంతో పద్మావతిని ఆ సంస్థలో చేర్పించాడు.
  
 ఈ అనుభవం గురించి అడిగితే ‘‘నేనేదో గొప్ప పని చేశానని అనుకోవడం లేదు’’ అంటాడు జాస్పర్. ‘‘పద్మావతిగారు కోలుకోవడం చాలా ఆనందంగా ఉంది. ‘నాకెవ్వరూ వద్దు, నువ్వుంటే చాలు. నన్ను నీతో తీసుకెళ్లిపో, నీ దగ్గరే ఉంటాను’ అని ఆవిడ అంటుంటే నా కళ్లలో నీళ్లు తిరిగాయి’’ అంటాడు చెమ్మగిల్లిన కళ్లతో. వయసు చిన్నదే అయినా అతడి మనసు ఎంత గొప్పదో చెప్పడానికి... ఆ కంటిచెమ్మ చాలు!
 - సమీర నేలపూడి
  
 ‘‘పద్మావతిగారి పరిస్థితి చూసి ఎంత బాధ కలిగిందో... ఆవిడ విషయంలో అంబులెన్స్‌వారు, హాస్పిటల్ వాళ్లు ప్రవర్తించిన తీరు అంతకంటే ఎక్కువ బాధ కలిగించింది. వాళ్లు అలా ప్రవర్తిస్తారని అస్సలు ఊహించలేదు. దేవుడి దయవల్ల ఆవిడకు ఏమీ కాలేదు. ఇప్పుడు ఆరోగ్యంగా,  సంతోషంగా ఉన్నారు. నాకు సహకరించిన రాహుల్‌కి, జార్జ్ గారికి థ్యాంక్స్.’’
  


  కైకలూరు, న్యూస్‌లైన్ : అధికారుల అలసత్యం చిరుద్యోగుల  పాలిట శాపంగా మారింది. రెండు నెలలుగా జీతాలందక ఆర్థిక ఇబ్బందులతో అల్లాడిపోతున్నారు.  కేంద్రం ఎస్‌ఎస్‌ఏ ఔట్‌సోర్పింగ్ సిబ్బందికి బడ్జెట్ కేటాయించిన జీతాల చెల్లింపు బిల్లులపై స్పష్టత రాకపోవడంతో దిగాలు చెందుతున్నారు.  జిల్లాలో రాజీవ్ విద్యామిషన్ సర్వశిక్షాభియాన్ (ఎస్‌ఎస్‌ఏ) పరిధిలోని క్లస్టర్ రిసోర్స్‌పర్సన్ (సీఆర్‌పీ), ఇన్‌క్లూజీవ్ ఎడ్యూకేషన్ రిసోర్స్ పర్సన్స్ (ఐఈఆర్‌టీ), మేనేజ్‌మెంట్ ఇన్ఫరేషన్ సిస్టమ్ కో-ఆర్డనేటర్స్ (ఎంఐఎస్), డేటా ఎంట్రీ ఆపరేటర్స్ (డీఈవో), మేసెంజర్స్, పార్ట్‌టైమ్ ఇన్‌స్టక్చర్స్  తదితర కేటగిరీలకు సంబంధించి 738 మంది విధులు నిర్వహిస్తున్నారు.
  
 వీరందరికీ గత విద్యాసంవత్సరానికి ఏప్రిల్ 23తో కాంట్రాక్టు గడువు ముగిసింది. దీంతో 2014-15 విద్యాసంవత్సరానికి వీరు తిరిగి అదే నెల 28 నుంచి విధులు నిర్వహిస్తున్నారు. ఏప్రిల్ నెల జీతాలు ఇప్పటికీ అందలేదు. అదే విధంగా మే ముగుస్తున్నా జీతాలపై అయా అధికారుల నుంచి ఎటువంటి సమాచారం అందడం లేదని సిబ్బంది వాపోతున్నారు. సమీప పశ్చిమగోదావరి జిల్లా, గుంటూరు జిల్లాలతో పాటు నెల్లూరు, ప్రకాశం జిల్లాల్లో ఏప్రిల్, మే నెల జీతాలు సిబ్బందికి అందాయని, ఇక్కడ కూడా ఆ విధంగా అందించాలని సిబ్బంది కోరుతున్నారు.
  
 ఆలస్యమవుతున్న క్రమబద్ధీకరణ దస్త్రాం..
 రాజీవ్ విద్యామిషన్ (ఎస్‌ఎస్‌ఏ)  పరిధిలోని వివిధ విభాగాల ఔట్ సోర్సింగ్ సిబ్బందిని ఏప్రిల్ 28 నుంచి తిరిగి రెన్యూవల్‌గా గుర్తించి విధులు అప్పగించాలని రాష్ట్ర అధికారుల నుంచి అదేశాలు వచ్చాయని సిబ్బంది చెబుతున్నారు. అయితే అధికారులు మాత్రం నోటిమాటగా వీరిని తిరిగి విధులు నిర్వహించమన్నారు. రెన్యూవల్‌కు సంబంధించి పత్రాలు ఇప్పటికీ రాలేదని చెబుతున్నారు.
  
 ఇన్‌క్లూజీవ్ ఎడ్యూకేషన్ రిసోర్స్ పర్సన్స్ (ఐఈఆర్‌టీ)లు మాత్రం రెన్యూవల్‌కు సంబంధించి బాండు పేపర్లు అధికారులకు అందించారు. మిగిలిన వివిధ కేటగిరిల సిబ్బందిని ఆయా మండల విద్యాశాఖాధికారులకు అందించాలని చెప్పారు. అయితే వీరినుంచి బాండు పేపర్లు  తీసుకోకుండా కొంతమంది ఎంఈవోలు కావాలనే  ఆలస్యం చే స్తున్నారనే విమర్శలు జిల్లాలో వినిపిస్తున్నాయి.   అన్ని జిల్లాలకు భిన్నంగా ఇక్కడ జరగడంపై సిబ్బంది అసహానికి గురవుతున్నారు.
  
  భారంగా మారుతున్న విధులు....
  ఔట్ సోర్సింగ్ ద్వారా పనిచేస్తున్న అనేక మంది ఇతర ప్రాంతాల నుంచి ఆయా మండలాల్లో విధులు నిర్వహిస్తున్నారు. రోజూ రైలు, బస్సుల ద్వారా కేంద్రాలకు వెళుతున్నారు. ఇప్పటి వరకు జీతాలందకపోవడంతో ఆర్థిక ఇబ్బందులను ఎదుర్కొంటున్నారు. ప్రధానంగా బడులు తెరిచే వేళకు ఆయా గ్రామాల్లో విద్యార్థులను గుర్తించడం, అదే విధంగా ప్రత్యేక అవసరాలు కలిగిన బాలబాలికలను గుర్తించే పనిలో సిబ్బంది ఉన్నారు. ఇప్పటివరకూ జీతాలు చెల్లింపు లేకపోవడం వల్ల కుటుంబపోషణ కష్టమవుతుందని, అధికారులు జీతాలను చెల్లించాలని పలువురు సిబ్బంది కోరుతున్నారు.
  
 కలెక్టర్ పరిశీలనలో ఉంది...
 రాజీవ్ విద్యామిషన్ (ఎస్‌ఎస్‌ఏ) ఔట్‌సోర్సింగ్ బిల్లును కలెక్టర్ నోటీసుకు పంపించామని ప్రాజెక్ట్ ఆఫీసర్ పద్మావతి చెప్పారు. ఆయనకు మరోసారి సిబ్బంది బిల్లు అవశ్యకతను వివరిస్తానన్నారు. అన్ని మండలాల నుంచి జీతాలకు సంబంధించి బిల్లులు చేరలేదన్నారు. త్వరలో జీతాలు వచ్చే ఏర్పాటు చేస్తామని ఆమె చెప్పారు.


 - అశ్వవాహనంపై శ్రీవారు
 - దంతపల్లకిపై ఉభయ దేవేరులు
 - మాడవీధుల్లో విహారం
  
  సాక్షి, తిరుమల: తిరుమలలో పద్మావతి, శ్రీనివాస పరిణయోత్సవం రెండో రోజు శుక్రవారం కోలాహలంగా సాగింది. అశ్వవాహనంపై స్వామివారు, దంతపల్లకిపై ఉభయదేవేరులు నాలుగుమాడ వీధుల నుంచి ప్రదర్శనగా నారాయణగిరి ఉద్యానవనానికి చేరుకున్నారు. శోభాయమానంగా నిర్మించిన కల్యాణవేదికలో స్వామి, అమ్మవార్లకు ఎదుర్కోలు, పూల బంతాట, నూతన వస్త్రాలు సమర్పించారు. తర్వాత ఉత్సవర్ల ఎదుట ఆస్థానం నిర్వహించి, వేదాలు, పురాణాలు పఠించి, కీర్తన లు ఆలపించి, నృత్యాలు ప్రదర్శించి కార్యక్రమాన్ని కనుల పండువగా నిర్వహించారు. చిరుజల్లులు కురవడంతో వాతావరణం ఆహ్లాదకరంగా మారింది. రాత్రి 7.30 గంటల తర్వాత కల్యాణమహోత్సవానికి చిహ్నంగా రంగురంగుల బాణసంచా పేల్చుతూ స్వామివారికి నీరాజనం సమర్పించారు.
  
  శ్రీవారి దర్శనానికి 20 గంటలు: తిరుమలలో శుక్రవారం భక్తుల రద్దీ పెరిగింది. వేకువజామున 3 గంటల నుంచి సాయంత్రం 6 గంటల వరకు 31,448 మంది భక్తులు శ్రీవారిని దర్శించుకున్నారు. ఇదే సమయానికి సర్వదర్శనం కోసం మొత్తం 28 కంపార్ట్‌మెంట్లలో వేచి ఉన్న భక్తులకు 20 గంటలు, కాలిబాట మార్గాల్లో నడచి వచ్చిన భక్తులకు 6 గంటల తర్వాత శ్రీవారి దర్శనం లభించనుంది. రద్దీ పెరగటంతో రూ. 300 టికెట్ల దర్శనం మధ్యాహ్నం 2 గంటలకే నిలిపివేశారు. గదులు, లాకర్ల వద్ద కొంత రద్దీ కనిపించింది. కల్యాణకట్టల వద్ద భక్తులు తలనీలాలు సమర్పించుకునేందుకు రెండు గంటల సమయం పట్టింది.


 
 వీడని వర్గపోరు
 
   బోడే ప్రసాద్‌కు చుక్కెదురు
 
   ప్రచారానికి వైవీబీ, పద్మావతి వర్గాలు దూరం
 
   మూడు గ్రూపులు, ఆరు వర్గాలుగా టీడీపీ సతమతం
 
   సమన్వయంతో వైఎస్సార్‌సీపీకి పెరిగిన గాలి
 
  సాక్షి, మచిలీపట్నం : జిల్లాలోని పెనమలూరు నియోజకవర్గ తెలుగుదేశం పార్టీ పరిస్థితి పెనం నుంచి పొయ్యిలో పడ్డట్టు అయ్యింది. టీడీపీ అధ్యక్షుడు చంద్రబాబు దెబ్బకు స్థానికంగా పార్టీ విలవిల్లాడుతోంది. సీటు సిగపట్టులో కోట్లు కుమ్మరించిన వ్యక్తికే ప్రాధాన్యత ఇచ్చారన్నా ప్రచారం గుప్పుమనడంతో పార్టీలోని వర్గపోరు కత్తులు నూరుతోంది.
 
 నియోజకవర్గంలో తీవ్రరూపం దాల్చిన మూడు గుళ్లాట ఆ పార్టీని ముప్పుతిప్పలు పెడుతోంది. ఇంతకీ పెనమలూరు టీడీపీలో మూడు గ్రూపులు, ఆరు వర్గాలుగా మారిపోవడానికి కారణం ఏమిటంటే అందరి వేళ్లు చంద్రబాబు వైపే చూపిస్తున్నాయి. ప్రజల్లో పలుచనై పార్టీ కేడర్‌కు దూరమౌతున్న పెనమలూరు టీడీపీ దుస్థితికి కారణాలనేకం ఉన్నాయని రాజకీయ విశ్లేషకులు భావిస్తున్నారు.
  
 పెనమలూరు నియోజకవర్గంపై తొలి నుంచి తెలుగుదేశం పార్టీ భారీ అంచనాలు పెట్టుకుంది. ఈ నేపథ్యంలోనే ఇక్కడ నుంచి నందమూరి బాలకృష్ణ, హరికృష్ణ, నారా లోకేష్, దేవినేని ఉమామహేశ్వరరావు తదితరులు పోటీకి దిగుతారన్న ప్రచారం ముమ్మరంగా జరిగింది. రాజ్యసభ సభ్యుడు సుజనా చౌదరి మంత్రాంగం, చంద్రబాబు నిర్ణయం వెరసి పెనమలూరులో టీడీపీకి గడ్డుకాలం దాపురించేలా చేశాయి.
 
 పెనమలూరు సీటు కోసం తొలి నుంచి మాజీ ఎమ్మెల్సీ యలమంచిలి బాబూ రాజేంద్రప్రసాద్, చలసాని వెంకటేశ్వరరావు(పండు) సతీమణి పద్మావతి, బోడే ప్రసాద్ ఆశించారు. అనేక సందర్భాల్లో  సీటు కోసం పోటాపోటీ సమీకరణలు, పైరవీలు సాగాయి. ఓ సందర్భంలో హైదరాబాద్‌లో చంద్రబాబు సమక్షంలో పెనమలూరు తెలుగు తమ్ముళ్లు గ్రూపులుగా విడిపోయి కొట్లాటకు  దిగారు. నేతలు సీటు కోసం కుస్తీపడితే తమ్ముళ్లకు మాత్రం తలలు పగిలాయి.
 
 మొదట్నుంచి పండును తీవ్రంగా వ్యతిరేకించిన వైవీబీ రాజేంద్రప్రసాద్ సీటు కోసం రాజీపడ్డారు. చివరకు వైవీబీ,  చలసాని పండు సతీమణి పద్మావతి రాజీఫార్మూలాకు వచ్చారు. దీంతో గతం నుంచి వైరీవర్గాలుగా ఉండే వైవీబీ, పద్మావతి ఇద్దరూ చంద్రబాబును కలిసి తామిద్దరిలో ఎవరో ఒకరికి టికెట్ ఇస్తే సహకరిస్తామని, బోడే ప్రసాద్‌కు ఇవ్వొద్దని అల్టిమేటం ఇచ్చారు.
 
 తీరా ఎంపీ సుజనా చౌదరి రాయబేరంతో బోడే ప్రసాద్‌కే పెనమలూరు టికెట్‌ను ఖరారు చేయడంతో తెలుగు తమ్ముళ్లు మండిపడుతున్నారు. రూ.5కోట్లు ఇస్తే పెనమలూరు టీడీపీ టికెట్ ఇచ్చారని ఆ పార్టీ వారే ఆవేదన చెందుతున్నారు. హైటెక్ సీఎం అంటూ గొప్పలు చెప్పుకునే చంద్రబాబు సెల్ మెస్సేజ్‌లు, సెల్ ఫోన్‌ల ద్వారా సమాచారం తీసుకుని వాటిని పరిగణలోకి తీసుకోకుండా సీటు కేటాయించిన తీరు పెనమలూరు టీడీపీ పుట్టి ముంచుతుందని ఆ పార్టీ శ్రేణులు వాపోతున్నారు.  
  
 ప్రచారానికి వైవీబీ, పద్మావతి దూరం..
  
 పెనమలూరు నియోజకవర్గంలో ఒక పర్యాయం స్వతంత్ర అభ్యర్థిగా, రెండు పర్యాయాలు టీడీపీ అభ్యర్థిగా పోటీ చేసిన చలసాని వెంకటేశ్వరరావు(పండు)కి బోడే అనుచరుడిగా ఉండే వారు. అటువంటి బోడే ప్రసాద్ ఇప్పుడు టికెట్ తెచ్చుకుని పండు వర్గాన్ని టార్గెట్ చేయడంతో వర్గపోరు రాజుకుంది. దీంతో పండు అనుచర వర్గం అంతా బోడేను ఓడించేందుకు కంకణం కట్టుకుంది.
 
 పండు భార్య పద్మావతి, అల్లుడు దేవినేని గౌతమ్‌తోపాటు, మాజీ ఎమ్మెల్సీ వైవీబీ రాజేంద్రప్రసాద్ సైతం బోడే ఎన్నికల ప్రచారానికి దూరంగా ఉన్నారు. మామను వెన్నుపోటు పొడిచి అధికారం చేపట్టిన చంద్రబాబు... సీటు విషయంలో పెనమలూరు టీడీపీనీ దెబ్బతీశారని తెలుగు తమ్ముళ్లు వాపోతున్నారు. దీంతో పలువురు టీడీపీ శ్రేణులు ఆ పార్టీని వీడే యోచనలో ఉన్నట్టు సమాచారం. త్వరలోనే పలువురు నేతలు వైఎస్సార్‌సీపీలో చేరనున్నట్లు సమాచారం.
  
 ప్రచారంలో వైఎస్సార్‌సీపీ ‘గాలి’..
  
 తెలుగుదేశం పార్టీలో వర్గపోరు ముప్పుతిప్పలు పెడుతుంటే మరోవైపు వైఎస్సార్ కాంగ్రెస్ పార్టీలో మాత్రం కీలక నేతలు సమన్వయంతో ప్రచారంలో ముందుకు దూసుకుపోతున్నారు. తొలి నుంచి ఇక్కడ వైఎస్సార్‌సీపీ నియోజకవర్గ సమన్వయకర్తగా పడమటి సురేష్‌బాబు పార్టీ కోసం పనిచేశారు. సామాజిక సమీకరణల నేపథ్యంలో ఇక్కడ వైఎస్సార్‌సీపీ ఎమ్మెల్యే అభ్యర్థిత్వాన్ని జెడ్పీ మాజీ చైర్మన్ కుక్కల నాగేశ్వరరావు తనయుడు డాక్టర్ కేవీఆర్ విద్యాసాగర్‌కు కేటాయించారు.
 
 సీటు రాలేదని పడమటి సురేష్‌బాబు ఏ మాత్రం నిరూత్సాహ పడకుండా వైఎస్.జగన్‌మోహనరెడ్డి సీఎం కావాలనే లక్ష్యంతో విద్యాసాగర్‌తో సమన్వయంతో పనిచేస్తున్నారు. రోజువారీగా పార్టీ ఎమ్మెల్యే అభ్యర్థి సాగర్, పడమటి సురేష్‌బాబు నియోజకవర్గంలో ప్రచారం నిర్వహిస్తూ పార్టీ గెలుపు కోసం శ్రేణుల్ని సమన్వయంతో ముందుకు నడిపిస్తున్నారు. కొత్తగా ఈ నియోజకవర్గానికి వచ్చిన సాగర్‌ను సైతం ప్రజలు నిండు మనస్సుతో ఆదరిస్తుండటం విశేషం.
 
 దీనికితోడు ఇప్పటి వరకు పెనమలూరు నియోజకవర్గానికి ప్రాతినిధ్యం వహించిన తాజామాజీ మంత్రి కొలుసు పార్థసారథి వైఎస్సార్‌సీపీలో చేరి మంచిలీపట్నం లోక్‌సభ నియోజకవర్గ అభ్యర్థిగా పోటీచేస్తున్న సంగతి తెల్సిందే. దీంతో సారథి ఎంపీ అభ్యర్థి కావడంతో పెనమలూరు నియోజకవర్గ వైఎస్సార్‌సీపీకి అదనపు బలం చేకూర్చినట్టు అయ్యింది. వైఎస్సార్‌సీపీ నేతలు సమన్వయంతో ముందుకు సాగడంతో ఆ పార్టీ శ్రేణుల్లో సర్వత్రా  ఉత్సాహం ఉప్పొంగుతోంది.
  


 = స్వామి నగలు భద్రం
  = అర్చకునికి చెందిన 9 కాసుల బంగారం, రూ.10 వేల నగదు మాయం
  = రూ. 2.45 లక్షల విలువైన సొమ్ము అపహరణ
  
 పామర్రు, న్యూస్‌లైన్ : మండలంలోని కాపవరం శివారు పెరిశేపల్లిలో పద్మావతి, భూదేవి సమేత వెంకటేశ్వరస్వామి ఆలయంలో సోమవారం రాత్రి చోరీ జరి గింది. అయితో స్వామి నగలు భద్రంగా ఉండగా, అర్చకుడికి చెందిన రూ.2.45 లక్షల విలువైన సొత్తు అపహరణకు గురైంది. గ్రామస్తులు, పోలీసుల కథనం మేరకు... వెంకటేశ్వరస్వామి ఆలయ అర్చకుడు చలమచర్ల శ్రీమన్నారాయణాచార్యులు సోమవారం రాత్రి పూజలు ముగించుకుని 8 గంటల సమయంలో గుడికి తాళం వేసి ఇంటికి వెళ్లి పోయారు.
 
 ధనుర్మాసం కావడంతో మంగళవారం తెల్లవారుజామునే ఆల యానికి వచ్చిచూసేసరికి తలుపులకు ఉన్న ఏడు తాళాలను బద్దలుగొట్టి, గొళ్లాలు విరగగొట్టి ఉన్నాయి. దక్షిణంవైపు తలుపు తీసి ఉండటంతో ఆయన వెంటనే ఆలయ ధర్మకర్త చెరుకూరి వెంకటరత్న గిరిబాబుకి విషయం తెలిపారు. దీంతో గిరిబాబు, గ్రామస్తులు ఆలయం వద్దకుచేరుకున్నారు.
 
 సుమారు రూ.15 లక్షల విలువైన బంగారు, వెండి వస్తువులు పోయివుంటాయని భావించిన వారు తలుపులను తాకకుండా, పోలీసులకు సమాచారం ఇచ్చారు. పోలీసులు వచ్చి ఆలయంలోనికి వెళ్లి చూడగా స్వామివారి ఆభరణాలు యథాతథంగా ఉన్నాయి. స్వామి లాకర్ కూడా భద్రంగానే ఉంది. గర్భగుడిలోని బీరువాలో భద్రపరిచిన అర్చకులకు చెందిన 6 కాసుల గొలుసు, 3 కాసుల మరో గొలుసు సహా రూ.2.25 లక్షల విలువైన వస్తువులు, రూ.10 వేల నగదు కనిపించలేదు.
  
 డాగ్ స్క్యాడ్, క్లూస్‌టీమ్ పరిశీలన
  
 ఘటనాస్థలాన్ని డాగ్‌స్క్వాడ్, క్లూస్ టీమ్ పరిశీలించాయి. పోలీసు జాగిలం ఆలయంలోని దక్షిణ పక్కన ఉన్న గోడ వెంబడి గ్రామంలోని పసుమర్రు డొంక రోడ్డు వద్దకు వెళ్లి అక్కడ ఉన్న పాత కోళ్ల ఫారం వద్ద ఆగిపోయింది. ఆ ప్రాంతంలో రెండు వారాలుగా వలస కూలీలు ఉంటున్నారు. సోమవారం రాత్రే వారు తమ ఖాళీ చేసి వెళ్లి పోయారు. వారే చోరీచేసి ఉంటారని భావిస్తున్నారు. పామర్రు సీఐ శ్రీనివాసయాదవ్ ఘటనా స్థలానికి చేరుకుని వివరాలు సేకరించి కేసు నమోదు చేశారు. ఏఎస్‌ఐ ఏసుపాదం, హెచ్‌సీ అయ్యన్న, మాజీ ఎంపీపీ జి.లక్ష్మీదాసు ఘటనాస్థలాన్ని సందర్శించారు.
  


 తూ.గో: మంత్రి తోట నరసింహ అనుచరులు వీరంగ సృష్టించారు. జిల్లాకు చెందిన ఓ వైద్యాధికారిణిపై మంత్రి అనుచరులు బుధవారం దాడికి దిగడంతో స్థానికంగా కలకలం రేగింది. సమైక్యాంధ్రకు మద్దతుగా దీక్ష చేస్తున్న మంత్రి సతీమణి వాణికి వైద్య పరీక్షలు నిర్వహించేందుకు వచ్చిన వైద్యాధికారిణి పద్మావతిపై మంత్రి అనుచరులు దాడికి పాల్పడ్డారు. పద్మావతిపై పేడ, వాటర్‌ ప్యాకెట్‌లతో  దాడి చేయడంతో షాక్ గురైన ఆమె పోలీసుల సహాయంతో అక్కడి నుంచి వెనుదిరిగారు. ఐదు రోజులుగా దీక్ష చేస్తుంటే ఇప్పుడా వచ్చేది అని నిలదీసిన మంత్రి అనుచరులు ఆమెను నిర్భందించేందుకు యత్నించారు. దీంతో చేసేది లేక వైద్యాధికారిణి వెళ్లిపోయారు.
  
  అంతకుముందుమంత్రి సతీమణి దీక్షను భగ్నం చేసేందుకు పోలీసులు విఫలయత్నం చేశారు. సమైక్యవాదులు పోలీసులను అడ్డుకోవడంతో ఆమె దీక్ష యథావిధిగా కొనసాగిస్తున్నారు.