న్యూఢిల్లీ: సెమీకండక్టర్‌ టెక్నాలజీలో రారాజుగా వెలుగొందుతున్న సిలికాన్‌ మూలకానికి ఉన్న ప్రాభవం భవిష్యత్తులో తగ్గిపోనుందని తాజా పరిశోధన ఒకటి స్పష్టంచేస్తోంది. ఆధునిక ఎలక్ట్రానిక్, సాంకేతిక ప్రపంచానికి ప్రాణాధారంగా నిలుస్తున్న స్మార్ట్‌ఫోన్లు, కంప్యూటర్లలో సిలికాన్‌ మూలకం అత్యంత కీలకం. ఈ మూలకం లేకుండా ఎలాంటి ఎలక్ట్రానిక్‌ వస్తువు పురుడుపోసుకోదన్న వాదనను బద్దలుకొడుతూ అమెరికాలోని పెన్సిల్వేనియా స్టేట్‌ యూనివర్సిటీ పరిశోధనా బృందం ప్రపంచంలోనే తొలిసారిగా సిలికాన్‌రహిత కంప్యూటర్‌ను అభివృద్ధిచేసింది. గత అర్ధశతాబ్దకాలంతో పోలిస్తే నేటి కంప్యూటర్ల పరిమాణం తగ్గడానికి, స్మార్ట్‌ఫోన్లు, విద్యుత్‌ వాహనాల సర్క్యూట్‌లలో సిలికాన్‌ అత్యంత ప్రధానమైన మూలకం.అలాంటి సిలికాన్‌ లేకుండానే ‘కాంప్లిమెటరీ మెటల్‌ –ఆక్సైడ్‌ సెమీకండక్టర్‌’ కంప్యూటర్‌ను తయారుచేశామని వర్సిటీ శాస్త్రవేత్తలు ప్రకటించారు. ఈ పరిశోధనా తాలూకు వివరాలు ‘నేచర్‌’ జర్నల్‌లో ప్రచురితమయ్యాయి. తక్కువ పరిమాణంలో విద్యుత్‌తో వినియోగించుకుంటూ అత్యంత పల్చటి, వేగవంతమైన ఎలక్ట్రానిక్స్‌ తయారీకి ఈ ద్విమితీయ వస్తువులు బాటలు వేస్తాయని పరిశోధకులు చెప్పారు. సర్క్యూట్‌లో ట్రాన్సిస్టర్‌లు ముఖ్యమైనవి. ఈ ట్రాన్సిస్టర్‌లను అత్యంత శుద్ధమైన సిలికాన్‌తో తయారుచేస్తారు. అయితే తాజా పెన్సిల్వేనియా వర్సిటీ పరిశోధకులు సిలికాన్‌కు బదులుగా ఎన్‌–టైప్‌ ట్రాన్సిస్టర్‌ కోసం మాలిబ్డినమ్‌ డైసల్ఫైడ్, పీ–టైప్‌ టాన్సిస్టర్‌ కోసం టంగ్‌స్టన్‌ డైసెలినైడ్‌ను ఉపయోగించారు. సారథ్యం వహించిన భారతీయుడుఈ పరిశోధనకు పెన్సిల్వేనియా వర్సిటీలోని ఇంజనీరింగ్‌ సైన్స్, మెకానిక్స్‌ విభాగ ప్రొఫెసర్, భారతీయ మూలాలున్న సప్తర్షి దాస్‌ సారథ్యం వహించారు. ఈయన నేతృత్వంలోని బృందం తాజాగా ప్రాథమిక స్థాయిలో కాంప్లిమెంటరీ మెటల్‌–ఆక్సైడ్‌ సెమీకండక్టర్‌ (సీఎంఓఎస్‌)కంప్యూటర్‌ను తయారు చేసింది. ‘‘ సిలికాన్‌ పాడైతే ఆ ఎలక్ట్రానిక్‌ సర్క్యూట్‌ సామర్థ్యం కూడా దెబ్బతింటుంది. అదే ఈ ద్విమితీయ వస్తువులతో తయారైన సర్క్యూట్‌.. విద్యుత్‌ ప్రవాహాన్ని స్థిరీకరిస్తుంది. దాంతో సర్క్యూట్‌ ఎక్కువకాలం మన్నుతుంది. ఎలక్ట్రానిక్‌ సర్క్యూట్‌ రంగంలో ఇదొక మైలురాయి.భవిష్యత్తులో సిలికాన్‌రహిత సర్క్యూట్‌ల తయారీకి ఇది బాటలువేస్తుంది’’ అని సప్తర్షి దాస్‌ వివరించారు. మెటల్‌–ఆర్గానిక్‌ కెమికల్‌ వేపర్‌ డిపోజీషన్‌(ఎంఓసీవీడీ) విధానంలో అత్యంత పల్చని పొరల మీద మాలిబ్డినమ్‌ డైసల్ఫైడ్, టంగ్‌స్టన్‌ డైసెలినైడ్‌ పరుచుకునేలా చేస్తారు. తద్వారా ఈ వినూత్న ట్రాన్సిస్టర్‌లను తయారుచేశారు. రెండు అంగుళాల పొరమీద సైతం ఈ ట్రాన్సిసర్‌ను అభివృద్ధిచేయొచ్చు. ఈ కంప్యూటర్‌ అత్యంత తక్కువ కరెంట్‌ను ఉపయోగించుకుంటూ 25 కిలోహెడ్జ్‌ సామర్థ్యంతో పనిచేస్తుందని పరిశోధనలో కీలకపాత్ర పోషించిన డాక్టోరల్‌ విద్యార్థి, భారతీయ మూలాలున్న సుభీర్‌ ఘోష్‌ చెప్పారు. ఈ ప్రాథమిక స్థాయి కంప్యూటర్‌ ప్రస్తు తానికి సింపుల్‌ లాజిక్‌ ఆపరేషన్స్‌ను సమర్థవంతంగా పూర్తిచేయగలదు.భవిష్యత్తు అంతా 2డీదే‘‘మీరొక బహుళ అంతస్తుల భవనం కట్టాలంటే పటిష్టమైన ఇటుకలను వాడతారు. కానీ ఇప్పుడు అభివృద్ధి చెందుతున్న నూతన సాంకేతికతను ఉపయోగించి పటిష్టమైన పల్చటి పేపర్లతోనూ నిర్మాణం పూర్తిచేయొచ్చు. పల్చని, వేగవంతమైన ట్రాన్సిస్టర్‌లతో కంప్యూటర్‌నూ రూపొందించవచ్చు’’ అని సప్తర్షి వ్యాఖ్యానించారు. సిలికాన్‌ సాంకేతికత గత 80 ఏళ్లుగా సరైన అభివృద్ధికి నోచుకోలేదు. కానీ 2డీ టెక్నాలజీ 2010లో మొదలైనా వెనువెంటనే అభివృద్ధిచెందుతోంది. భవిష్యత్తు అంతా 2డీ టెక్నాలజీదే’’ అని పరిశోధకులు చెప్పారు. ఈ పరిశోధనకు అమెరికా నేషనల్‌ సైన్స్‌ ఫౌండేషన్, ది ఆర్మీ రీసెర్చ్‌ ఆఫీస్, నేవీ రీసెర్చ్‌ ఆఫీస్‌లు సైతం ఆర్థికసాయం అందిస్తున్నాయి.

జాతీయ కంప్యూటర్ భద్రతా దినోత్సవాన్ని ప్రతి ఏటా నవంబర్ 30న జరుపుకుంటారు. దీనిని ‘అంతర్జాతీయ సైబర్ సెక్యూరిటీ డే’ అని కూడా అంటారు. సైబర్ బెదిరింపుల నుండి తమ కంప్యూటర్‌లు, వ్యక్తిగత డేటాను రక్షించుకోవడంపై అవగాహన కల్పించడమే కంప్యూటర్ భద్రతా దినోత్సవ లక్ష్యం. కంప్యూటర్ డే ఎందుకు జరుపుకుంటారు? దీని ప్రాముఖ్యత, చరిత్రకు సంబంధించిన విషయాలు ఇప్పుడు తెలుసుకుందాం.ఇంటర్నెట్, కంప్యూటర్ నెట్‌వర్క్‌లు అత్యంత వేగంగా అభివృద్ధి చెందిన 1988లో కంప్యూటర్ సెక్యూరిటీ డే ప్రారంభమైంది. అదేసమయంలో సైబర్ దాడులు, డేటా చోరీ కేసులు వెలుగు చూశాయి. 1988, నవంబర్ 2న కార్నెల్ విశ్వవిద్యాలయంలోని పరిశోధకులు కంప్యూటర్ సిస్టమ్‌లను ప్రభావితం చేసే రహస్య వైరస్‌ను గమనించారు. ఇది నాలుగు గంటల్లోనే పలు విశ్వవిద్యాలయ కంప్యూటర్‌ వ్యవస్థలను ప్రభావితం చేసింది. దీనికి 'మోరిస్ వార్మ్' అని పేరు పెట్టారు. అదే ఏడాది నవంబర్ 14న కార్నెగీ మెల్లన్ యూనివర్సిటీకి చెందిన సాఫ్ట్‌వేర్ ఇంజనీర్స్ ఇన్‌స్టిట్యూట్ (ఎస్‌ఈఐ) కంప్యూటర్ ఎమర్జెన్సీ రెస్పాన్స్ టీమ్ (సీఈఆర్టీ)ని ఏర్పాటు చేసింది. అలాగే కంప్యూటర్ భద్రతపై ప్రజలకు అవగాహన కల్పించేందుకు నవంబర్ 30ని నేషనల్ కంప్యూటర్ సెక్యూరిటీ డేగా జరుపుకోవాలని నిర్ణయించారు.కంప్యూటర్ సెక్యూరిటీ డే మనకు సైబర్ భద్రతను సీరియస్‌గా పరిగణించాలని గుర్తు చేస్తుంది. ఆన్‌లైన్ డేటాను సురక్షితంగా ఉంచడం ప్రతి వ్యక్తి , సంస్థ బాధ్యత. కంప్యూటర్‌ సెక్యూరిటీ కోసం గుర్తుంచుకోవాల్సిన కొన్ని విషయాలుసురక్షిత పాస్‌వర్డ్‌లు: బలమైన, అసాధారణమైన పాస్‌వర్డ్‌లను ఉపయోగించాలివైరస్, మాల్వేర్ నుంచి రక్షణ: ఉత్తమ యాంటీవైరస్ సాఫ్ట్‌వేర్‌ను ఉపయోగించాలి. దానిని క్రమం తప్పకుండా నవీకరించాలి.డేటా బ్యాకప్: ముఖ్యమైన డేటాను బ్యాకప్ చేయడం తప్పనిసరి.నెట్‌వర్క్ భద్రత: సురక్షిత నెట్‌వర్క్ కనెక్షన్, ఫైర్‌వాల్‌ని ఉపయోగించాలి.సాఫ్ట్‌వేర్ అప్‌డేట్‌: తాజా భద్రతా ప్యాచ్‌లతో అన్ని సాఫ్ట్‌వేర్‌లను అప్‌డేట్‌ చేస్తుండాలి. ఇది కూడా చదవండి: మహా కుంభమేళాకు ఐఆర్‌సీటీసీ ప్రత్యేక ఏర్పాట్లు.. టిక్కెట్ల బుకింగ్‌ షురూ

ప్రపంచంలో ఏ కంపెనీ అయినా ఒక వస్తువును మార్కెట్లో లాంచ్ చేయాలంటే.. ముందుగా దాని ప్రోటోటైప్ విడుదల చేస్తుంది. ఆ ప్రోటోటైప్ ద్వారానే వస్తువు పనితీరు ఎలా ఉంది అనే విషయం తెలుస్తుంది. అయితే వస్తువుల ఉత్పత్తి ప్రారంభమైన తరువాత, ప్రోటోటైప్స్ నిరుపయోగమవుతాయి. కొన్నేళ్ల తరువాత ఇలాంటి వాటిని సంస్థలు లేదా వ్యక్తులు వేలంలో విక్రయిస్తాయి. ఆసక్తికలిగిన వారు భారీ మొత్తంలో ఖర్చు చేసి వాటిని సొంతం చేసుకుంటారు. 1983 నుంచి మనుగడలో ఉన్న అలాంటి ఒక యాపిల్ ప్రోటోటైప్ 'మాకింతోష్ #ఎమ్001' (Apple Macintosh Prototype #M0001) ఇప్పుడు వేలానికి వచ్చిందియాపిల్ మాకింతోష్ #ఎమ్001 ప్రోటోటైప్ అక్టోబర్ 23 వరకు న్యూయార్క్‌లోని బోన్‌హామ్స్‌లో వేలానికి ఉంటుంది. ఇది సుమారు 120000 డాలర్లకు (రూ. 1 కోటి కంటే ఎక్కువ) అమ్ముడయ్యే అవకాశం ఉందని భావిస్తున్నారు. ఇదే జరిగితే అత్యంత ఖరీదైన పురాతన యాపిల్ ఉత్పత్తులలో #ఎమ్001 ప్రోటోటైప్‌ కూడా ఒకటిగా మరో రికార్డ్ క్రియేట్ చేయనుంది.మాకింతోష్ #ఎమ్001 ప్రోటోటైప్ నాలుగు దశాబ్దాలుగా మనుగడలో ఉన్నప్పటికీ.. ఇది మంచి స్థితిలో ఉన్నట్లు సమాచారం. దీనికి సంబంధించిన ఫోటోలు కూడా నెట్టింట్లో వైరల్ అవుతున్నాయి. యాపిల్ ఉత్పత్తులను వేలంలో విక్రయించడం ఇదే మొదటిసారి కాదు. 2019లో ఇలాంటి ఓ ప్రోటోటైప్‌ను 150075 డాలర్లకు విక్రయించారు.ఇదీ చదవండి: కేంద్రం శుభవార్త: ఆ ఉద్యోగులకు రూ.2,029 కోట్ల బోనస్కంప్యూటర్లు మాత్రమే కాకుండా.. స్టీవ్ జాబ్స్, జెఫ్ రాస్కిన్ సంతకం చేసిన 128కే మాకింతోష్ మదర్‌బోర్డ్ 2021లో 132049 డాలర్లకు అమ్ముడైంది. ఆ తరువాత స్టీవ్ జావ్స్ ఉపయోగించిన మాకింతోష్ ఎస్ఈ కంప్యూటర్‌ను 126375 డాలర్లకు వేలంలో విక్రయించారు. దీన్ని బట్టి చూస్తే మాకింతోష్ #ఎమ్001 ప్రోటోటైప్ కూడా భారీ ధరకే అమ్ముడయ్యే అవకాశం ఉందని తెలుస్తోంది.

హైదరాబాద్, బిజినెస్‌ బ్యూరో: ట్యాబ్లెట్‌ పీసీల అమ్మకాలు భారత్‌లో జోరుగా సాగుతున్నాయి. 2024 ఏప్రిల్‌–జూన్‌లో దేశవ్యాప్తంగా 18.4 లక్షల యూనిట్లు కస్టమర్ల చేతుల్లోకి వెళ్లాయి. గతేడాది 2023 ఏప్రిల్‌–జూన్‌తో పోలిస్తే ఈ ఏడాది జూన్‌ త్రైమాసికంలో అమ్మకాలు రెండింతలకుపైగా పెరిగి 129 శాతం వృద్ధి నమోదు చేయడం విశేషం. మార్కెట్‌ రిసర్చ్‌ కంపెనీ ఇంటర్నేషనల్‌ డేటా కార్పొరేషన్‌ ప్రకారం.. క్యూ2లో ఉత్తర ప్రదేశ్‌ ప్రభుత్వం పెద్ద ఎత్తున ట్యాబ్లెట్‌ పీసీలను కొనుగోలు చేయడం, అలాగే గతేడాది ఏప్రిల్‌–జూన్‌లో అమ్మకాలు తక్కువగా ఉండడం 2024 జూన్‌ త్రైమాసికంలో అధిక వృద్ధి రేటుకు కారణం అయింది. 2023 ఏప్రిల్‌–జూన్‌లో 8 లక్షల ట్యాబ్లెట్‌ పీసీలు అమ్ముడయ్యాయి. ముందంజలో సామ్‌సంగ్‌..ట్యాబ్లెట్‌ పీసీల విపణిలో జూన్‌ క్వార్టర్‌లో 48.7 శాతం వాటాతో సామ్‌సంగ్‌ అగ్రస్థానాన్ని కైవసం చేసుకుంది. కమర్షియల్‌ సెగ్మెంట్‌లో 54.1, కంజ్యూమర్‌ విభాగంలో 38 శాతం వాటాను సామ్‌సంగ్‌ సాధించింది. ఈ కంపెనీ విక్రయాలు ఏకంగా మూడింతలై 9,01,000 యూనిట్లకు చేరుకున్నాయి. ఏసర్‌ 23.6 శాతం, యాపిల్‌ 9.5, లెనోవో 6.9, షావొమీ 4.7 శాతం వాటాతో ఆ తర్వాతి స్థానాల్లో పోటీపడుతున్నాయి. ఏసర్‌ అమ్మకాలు 27,000 నుంచి 4,37,000 యూనిట్లకు ఎగశాయి. యాపిల్‌ 12.3 శాతం వృద్ధితో 1,76,000 యూనిట్ల సేల్స్‌ సాధించింది. లెనోవో విక్రయాలు 2.8 శాతం క్షీణించగా, షావొమీ 85.8 శాతం దూసుకెళ్లింది. స్లేట్‌ ట్యాబ్లెట్‌ విభాగం గతేడాదితో పోలిస్తే 178.1 శాతం పెరిగింది. డిటాచేబుల్‌ ట్యాబ్లెట్స్‌ సెగ్మెంట్‌ 23.6 శాతం వార్షిక వృద్ధి నమోదు చేసింది.ఇదీ చదవండి: దేశీ స్టార్టప్‌ పిక్సెల్‌కు నాసా కాంట్రాక్టు ఈ ఏడాది 20 శాతం వృద్ధి..భారత ట్యాబ్లెట్స్‌ మార్కెట్‌ 2023తో పోలిస్తే ప్రస్తుత సంవత్సరం 20 శాతం వృద్ధితో 50,76,000 యూనిట్లు నమోదు చేస్తుందని గ్లోబల్‌ టెక్నాలజీ మార్కెట్‌ అనలిస్ట్‌ కంపెనీ కెనాలిస్‌ అంచనా వేస్తోంది. 2025లో వృద్ధి 8 శాతానికి పరిమితం అవుతుందని జోస్యం చెబుతోంది. వచ్చే ఏడాది దేశవ్యాప్తంగా ట్యాబ్లెట్స్‌ విక్రయాలు 54,79,000 యూనిట్లను తాకుతుందని ధీమాగా ఉంది. 2024 జనవరి–మార్చిలో 13,47,000 యూనిట్ల ట్యాబ్లెట్స్‌ అమ్ముడయ్యాయని కెనాలిస్‌ వెల్లడించింది. 2023 మార్చి త్రైమాసికంతో పోలిస్తే 37 శాతం వృద్ధి నమోదైంది. పర్సనల్‌ కంప్యూటర్స్, ట్యాబ్లెట్‌ పీసీ మార్కెట్‌ ఈ ఏడాది భారత్‌లో 11 శాతం, 2025లో 15 శాతం దూసుకెళుతుందని కెనాలిస్‌ అంచనా వేస్తోంది. డెస్క్‌టాప్స్, నోట్‌బుక్స్, ట్యాబ్లెట్‌ పీసీలు దేశవ్యాప్తంగా ఈ ఏడాది జనవరి–మార్చిలో 43 లక్షల యూనిట్లు కస్టమర్ల చేతుల్లోకి వెళ్లాయి.

చాలా ఆవిష్కరణలు మనమే కొత్తగా కనిపెట్టాం అనుకుంటాం. కానీ మన పూర్వీకులు ఆ కాలంలోనే ఎలాంటి సౌకర్యాలు లేని సమయంలోని అపార మేధాతో అద్భుత ఆవిష్కరణలు చేశారు. వాటికి సంబంధించిన ఆధారాలు లేదా ఆయా వస్తువులు బయటపడితే గానీ నమ్మం. ఆ టైంలోనే వాళ్లు ఇంత టెక్నాలజీని కనిపెట్టారా..? అని అబ్బురపడతాం. అలాంటి సంఘటన ఇక్కడ చోటు చేసుకుంది.ప్రస్తుత రోజుల్లో ఏ చిన్న పని అయిన కంప్యూటర్‌ లేకుండా నడవదు అన్నంతగా మనం దానిపై ఆధారపడిపోయాం. అలాంటి కంప్యూటర్‌ వేల ఏళ్లక్రితమే మన పూర్వీకులు కనిపెట్టారంటే నమ్ముతారా..?. కానీ ఇది నమ్మకతప్పని నిజం. శాస్త్రవేత్తలు సైతం ఆ కంప్యూటర్‌ని చూసి అబ్బురపడ్డారు. అసలేం జరిగిందంటే..మొదటి కంప్యూటర్‌గా పిలిచే 'యాంటికిథెరా' అనే రెండు వేల ఏళ్ల పరికరాన్ని గుర్తించి ఆశ్చర్యపోయారు శాస్త్రవేత్తలు. ఇది ఒక ఖగోళ క్యాలెండర్‌గా పేర్కొన్వచ్చు. దీన్ని 1901 నాటి గ్రీకు నౌక ప్రమాదంలో కనుగొన్నారు. అంటే సుమారు 120 ఏళ్ల క్రితం ఈ పరికరాన్ని కనుగొన్నారు. అప్పట్లో ఈ పరికరం ఏంటో అర్థంగాక శాస్త్రవేత్తలు గందరగోళానికి గురయ్యారు. ఇది చేతితో నడిచే పరికరం. ఈ పరికరాంలో సూర్యుడు, చంద్రుడు వంటి గ్రహాల ఖగోళ కదలికలను ట్రాక్ చేసేలా విండ్-అప్ వ్యవస్థను ఉపయోగించారు. ఒక్కమాటలో చెప్పాలంటే చంద్రుని దశలు, గ్రహాణ సమయాలు గుర్తించే క్యాలెండర్‌ మాదిరిగా పనిచేసేది. ఇది సాధారణ ప్రయోజనాలకోసం ఉపయోగించి కంప్యూటరే అయినా వెయ్యి ఏళ్ల క్రితమే ఏ ఇతర సాధనల్లో ఇంత మెకానిజం లేదు. పైగా ఇది అధునాతమైనది కూడా. ఇక ఈ కంప్యూటర్‌ మెకానిజం 82 వేర్వేరు శకలాలుగా ఉంది. అసలు నిర్మాణంలో మూడింట ఒక వంతు మాత్రమే మిగిలి ఉంది. ఇందులో 30 తుప్పుపట్టిన కాంస్య గేర్‌వీల్స్ కూడా ఉన్నాయి. అసలు ఇదేలా పనిచేస్తుందో తెలుసుకునేందుకు లండన్ పరిశోధకులు త్రీడీ కంప్యూటర్‌ మోడలింగ్‌ను ఉపయోగించారు. అప్పుడే ఇది గొప్ప మేధావి సృష్టించిన అద్భుతంగా గుర్తించారు. తాము పునర్‌నిర్మించిన ఈ త్రీడీ మోడల్‌ తమ వద్ద ఉన్న ఆధారాలకు సరిపోలుతుందని చెప్పారు.అంతేగాదు ఈ పరికరం సూర్యుడు, చంద్రుడు వంటి గ్రహాల కదలికలను కేంద్రీకృత వలయాలపై ట్రాక్ చేస్తుందని చెప్పారు. ఆ రోజుల్లేనే ఖగోళ వస్తువులు భూమి చుట్టు తిరుగుతాయని పురాతన గ్రీకులు నమ్మేవారని తెలుస్తుందన్నారు. అంతేగాదు ఈ పురాతన పరికరాన్ని బాబిలోనియన్ ఖగోళశాస్త్రం, ప్లేటోస్ అకాడమీ గణిత, పురాతన ఖగోళశాస్త్ర సిద్ధాంతాల కలియికతో ఆవిష్కరించినట్లు వెల్లడించారు శాస్త్రవేత్తలు. (చదవండి: మరణాంతరం భద్రపర్చడానికి ఏకంగా రూ. 1.8 కోట్లు..!)

ప్రపంచంలోనే తొలిసారిగా సజీవ కంప్యూటర్‌ను రూపొందించారు స్వీడిష్‌ శాస్త్రవేత్తలు. మనిషి మెదడు కణజాలాన్ని సేకరించి, లాబ్‌లో ఆ కణజాలాన్ని పదహారు చిన్న చిన్న ముద్దలుగా పెంపొందేలా చేశారు. వీటిని ‘ఆర్గనాయిడ్స్‌’ అంటున్నారు. మెదడు కణజాలం ముద్దలు వాటి నాడుల ద్వారా కంప్యూటర్‌ చిప్‌ మాదిరిగానే ఒక దాని నుంచి మరొకటి సమాచారాన్ని ఇచ్చిపుచ్చుకోగలుగుతున్నాయి. మనిషి మెదడు కణజాలం కంప్యూటర్‌ కంటే వెయ్యిరెట్ల మెమరీకి 10 నుంచి 20 వాట్ల విద్యుత్తును వినియోగించుకుంటే, కంప్యూటర్లు 21 మెగావాట్ల విద్యుత్తును వినియోగించుకుంటాయని ఈ ప్రయోగం చేపట్టిన స్వీడిష్‌ శాస్త్రవేత్తలు చెబుతున్నారు. వీరు ప్రాసెసర్‌ చిప్‌ బదులుగా మనిషి మెదడు కణజాలంతో రూపొందిన చిప్‌ను అమర్చి తొలి సజీవ కంప్యూటర్‌ను తయారు చేయడంలో విజయం సాధించారు.‘ఫైనల్‌ స్పార్క్‌’ అనే స్టార్టప్‌ కంపెనీకి చెందిన శాస్త్రవేత్తలు సైన్స్‌ ఫిక్షన్‌ను తలపించే ఈ ప్రయోగం చేశారు. జీవనాడీ వ్యవస్థలను యంత్రాల్లో ఉపయోగించడం ద్వారా ప్రపంచం ఎదుర్కొంటున్న వివిధ సమస్యల పరిష్కారానికి కృషి చేయాలనే ఉద్దేశంతోనే తమ సంస్థను ప్రారంభించినట్లు ‘ఫైనల్‌ స్పార్క్‌’ కో–సీఈవో డాక్టర్‌ ఫ్రెడ్‌ జోర్డాన్‌ ప్రకటించారు.ఫైనల్‌ స్పార్క్‌ దాదాపు పదివేల సజీవ నాడీకణాలతో 0.5 మిల్లీమీటర్ల వ్యాసం కలిగిన కంప్యూటర్‌ చిప్స్‌ను రూపొందిస్తోంది. వీటిని ‘మినీ బ్రెయిన్స్‌’గా అభివర్ణిస్తున్నారు. ఆర్గనాయిడ్స్‌తో తయారైన ఈ మినీబ్రెయిన్స్‌ ఎలక్ట్రోడ్‌ల ద్వారా వచ్చే సమాచారాన్ని నిక్షిప్తం చేసుకోగలవని శాస్త్రవేత్తలు చెబుతున్నారు.ఇవి చదవండి: త్రీ ఇన్‌ వన్‌ తందూర్‌..

సాక్షి, అమరావతి : దేశంలో కంప్యూటర్‌ నైపుణ్యం పట్టణ యువతలో 61 శాతం ఉండగా అదే గ్రామీణ యువతలో కేవలం 34 శాతమే ఉందని ఇండియా ఎంప్లాయిమెంట్‌ రిపోర్ట్‌–24 వెల్లడించింది. కంప్యూటర్‌ నైపుణ్యాల సామర్థ్యం రాష్ట్రాల మధ్య వైవిధ్యం స్పష్టంగా కనిపిస్తోందని ఆ నివేదిక తెలిపింది. కెమెరా, మోడమ్, ప్రింటర్‌ వంటి పరికరాలు ఇన్‌స్టాల్‌ చేసే సామర్థ్యం పట్టణ యువతలో ఉందని.. అయితే గ్రామీణ యువతలో అది ఎనిమిది శాతమేనని పేర్కొంది.ఇలా వివిధ రకాల కంప్యూటర్‌ నైపుణ్యాల్లో దక్షిణాది రాష్ట్రాలైన కేరళ, తమిళనాడు ఇతర రాష్ట్రాల కంటే మెరుగ్గా ఉన్నాయని వివరించింది. ఇక ఫైళ్లను బదిలీచేసే సామర్థ్యం మినహా చాలా నైపుణ్యాల్లో కర్ణాటక ఇతర రాష్ట్రాల కంటే మెరుగ్గా ఉంది. ఫైల్‌ లేదా ఫోల్డర్‌ను కాపీ చేయగల లేదా తరలించగల సామర్థ్యం ఆంధ్రప్రదేశ్‌ యువతలో 45.56 శాతం ఉంటే కేరళ యువతలో 90.28 శాతం.. తమిళనాడు యువతలో 72.28 శాతం, కర్ణాటక యువతలో 64.36 శాతం, తెలంగాణలో 53.83 శాతం ఉన్నట్లు రిపోర్ట్‌ తెలిపింది.అలాగే, డూప్లికేట్‌ లేదా టూల్స్‌ను కాపీచేసి పేస్ట్‌ చేయగల సామర్థ్యంతో పాటు సమాచారాన్ని ట్రాన్స్‌ఫర్‌ చేయగల నైపుణ్యం ఆంధ్రప్రదేశ్‌ యువతలో 43.30 శాతం ఉందని ఆ నివేదిక తెలిపింది. ఇది కేరళ యువతలో 89.30 శాతం, తమిళనాడు యువతలో 70.45 శాతం, కర్ణాటక యువతలో 60.24 శాతం, తెలంగాణలో 50.40 శాతం ఉంది.ప్రెజెంటేషన్ల సామర్థ్యం కేరళలో ఎక్కువ..ఇక జోడించిన ఫైల్‌తో ఈ–మెయిల్‌ పంపగల సామర్థ్యం ఆంధ్రప్రదేశ్‌ యువతలో 36.38 శాతం ఉంటే కేరళ యువతలో అత్యధికంగా 73.34 శాతం, తమిళనాడులో 55.33 శాతం, కర్ణాటకలో 45.04 శాతం, తెలంగాణలో 45.46 శాతం సామర్థ్యం ఉంది. ప్రెజెంటేషన్‌ సాఫ్ట్‌వేర్‌తో ఎలక్ట్రానిక్‌ ప్రెజెంటేషన్లను సృష్టించగల సామర్థ్యం ఆంధ్రప్రదేశ్‌ యువతలో 10.18 శాతం ఉండగా కేరళ యువతలో 40.33 శాతం, తమిళనాడులో 26.10 శాతం, కర్ణాటకలో 22.33 శాతం, తెలంగాణలో 14.27 శాతం ఉందని రిపోర్ట్‌ వెల్లడించింది.గ్రామీణంలో ‘నెట్‌’ వినియోగం 25 శాతమే..అలాగే, దేశంలో 15 ఏళ్ల వయస్సు నుంచి 29 ఏళ్లలోపు యువత ఇంటర్నెట్‌ వినియోగం గ్రామీణ ప్రాంతాల్లో 25.30 శాతం ఉండగా పట్టణ ప్రాంతాల్లో 57.53 శాతం ఉందని తెలిపింది. వర్గాల వారీగా ఇంటర్నెట్‌ వినియోగాన్ని పరిశీలిస్తే.. ఎస్టీ వర్గాల్లో 20.39 శాతం, ఎస్సీల్లో 24.96 శాతం, వెనుకబడిన వర్గాల్లో 34.28 శాతం, సాధారణ వర్గాల్లో 50.15 శాతం ఇంటర్నెట్‌ ఉందని రిపోర్ట్‌ తెలిపింది. మెజారిటీ యువత మాధ్యమిక లేదా ఉన్నతస్థాయి విద్యను అభ్యసిస్తున్నారని, దీంతో పాటు కంప్యూటర్లు, ఇంటర్నెట్, డిజిటల్‌ నైపుణ్యాల యాక్సెస్‌ యువత జనాభాలో కూడా పెరిగిందని.. అయితే సాంకేతిక నైపుణ్యాలను, సామర్థ్యా­న్ని పెంచేందుకు యువతకు తగిన శిక్షణ ఇ­వ్వాల్సి ఉందని ఆ నివేదిక అభిప్రాయపడింది.

ప్రముఖ కంప్యూటర్స్, ల్యాప్‌టాప్స్‌, ప్రింటర్స్ తయారీదారు హెచ్‌పీ క్వాలిటీ ప్రొడక్ట్స్‌తో ఇండియన్ యూజర్ల నమ్మకాన్ని గెలుచుకుంది. ఇప్పుడు ఈ కంపెనీ గేమింగ్ లవర్స్ కోసం చవకైన గేమింగ్ ల్యాప్‌టాప్స్‌ తీసుకురావడంపై దృష్టి సారించింది. తక్కువ ధరలో గేమింగ్ ఎక్స్‌పీరియన్స్ అందించే ల్యాప్‌టాప్స్‌ దొరకడం లేదు. దీనివల్ల బడ్జెట్ గేమింగ్ లవర్స్‌ నిరాశ పడిపోతున్నారు. ఇలాంటి సమయంలో హెచ్‌పీ భారీ డిస్కౌంట్లతో గేమింగ్ ల్యాప్‌టాప్స్‌తోపాటు ఇతర ఉపకరణాలను ఇండియన్ మార్కెట్‌కి తీసుకొస్తుంది. ‘లూట్ డ్రాప్ సేల్’ పేరుతో హెచ్‌పీ కంపెనీ ఒమెన్, విక్టస్ ల్యాప్‌టాప్‌లు, హెడ్‌సెట్‌లు, మైక్రోఫోన్‌లు, కీబోర్డ్, మౌస్, మౌస్ ప్యాడ్ వంటి గేమింగ్ ఉపకరణాలపై తగ్గింపులను ప్రకటించింది. ఈ ప్రత్యేకమైన ఆఫర్‌లు అన్ని హెచ్‌పీ స్టోర్‌లు, హెచ్‌పీ ఆన్‌లైన్ స్టోర్లు, ఈ-కామర్స్‌ ప్లాట్‌ఫామ్‌ల్లో మార్చి 3 నుంచి 15 వరకు అందుబాటులో ఉంటాయని తెలిపింది. హెచ్‌పీ ఒమెన్‌ 16 ల్యాప్‌టాప్‌లపై గరిష్టంగా 15% డిస్కౌంట్‌ ఇస్తున్నారు. రూ.1,75,930 విలువైన 14వ జనరేషన్‌ ఒమెన్‌ 16 ల్యాప్‌టాప్‌ ఇప్పుడు రూ. 1,49,999కే లభిస్తుంది. 13వ జనరేషన్‌ ఒమెన్‌ 16 ల్యాప్‌టాప్‌ రూ.1,32,645 బదులుగా రూ.1,12,999 వస్తుంది. ఇదీ చదవండి: జనరేటివ్‌ ఏఐ వల్ల ఈ ఉద్యోగాలు ఊడనున్నాయా..? ఒమెన్‌ 16 ల్యాప్‌టాప్‌ కొనుగోలుపై ప్రముఖ బ్యాంకులతో రూ.10,000 క్యాష్‌బ్యాక్ పొందే సౌకర్యం కూడా ఉంది. హెచ్‌పీ మౌస్, మౌస్ ప్యాడ్, హెడ్‌సెట్‌తో సహా హైపర్‌ ఎక్స్‌ కొనుగోలుపై రూ.2,999 తగ్గిస్తున్నారు. హైపర్‌ ఎక్స్‌ క్లచ్ గేమ్ కంట్రోలర్‌పై రూ.999 డిస్కౌంట్‌ ఇస్తున్నట్లు కంపెనీ తెలిపింది. 

‘యుగాంతం’.. ‘మహావినాశనం’ వీటి​కి సంబంధించిన చర్చలు ‍ప్రపంచంలో కొత్తేమీకాదు. ఈ ఆసక్తికర అంశాలపై పలు సినిమాలు కూడా వచ్చాయి. అయితే తాజాగా మానవాళి అంతం గురించి అంచనా వేయడానికి నిపుణులు, శాస్త్రవేత్తలు అత్యాధునిక సూపర్‌ కంప్యూటర్ను ఉపయోగించారు.   యునైటెడ్ కింగ్‌డమ్‌లోని బ్రిస్టల్ విశ్వవిద్యాలయానికి చెందిన పరిశోధకులు మానవాళి భవిష్యత్‌ గురించి కంప్యూటర్‌ రూపొందించిన నివేదికలను అధ్యయనం చేశారు. భూమిమీద మానవజాతి ఎప్పుడు అంతరించిపోతుందో తెలుసుకున్నారు. దీని ప్రకారం యుగాంతం మనకు అత్యంత సమీపంలోనే లేకపోయినప్పటికీ, 250 మిలియన్ సంవత్సరాల (ఒక మిలియన్‌ అంటే పది లక్షలు) దూరంలో ఉన్నట్లు తేలింది.  అధ్యయనంలో పాల్గొన్న బ్రిస్టల్ విశ్వవిద్యాలయ పరిశోధకులు డాక్టర్ అలెగ్జాండర్ ఫార్న్స్‌వర్త్ మాట్లాడుతూ భూమిపై పెరుగుతున్న ఉష్ణోగ్రతలు, విపరీతమైన వేడి కారణంగా మానవాళి మనుగడ దుర్భరంగా మారుతుందని అన్నారు. ఈ విధంగా మరణాలు విపరీతంగా సంభవిస్తాయని తెలిపారు. భవిష్యత్‌లో సూర్యుని నుంచి ఇప్పుడున్న దానికన్నా సుమారు 2.5 శాతం అధిక రేడియేషన్‌ విడుదల కానుంది. ఫలితంగా కార్బన్ డయాక్సైడ్ స్థాయిలు ఇప్పటి కంటే రెండు రెట్లు అధికం కాగలవని ఆయన హెచ్చరించారు. ఈ నేపధ్యంలో అగ్ని పర్వత విస్ఫోటనాలతో ఏర్పడే  సూపర్ ఖండం తేమతో కూడిన ఉష్ణమండల ప్రాంతాలను ఆక్రమిస్తుంది. ఫలితంగా భూభాగంలోని అధిక ప్రాంతాల్లో 40 నుండి 70 డిగ్రీల సెల్సియస్ వరకు ఉష్ణోగ్రతలు చేరుకునే అవకాశం ఉంది. ఈ నూతన సూపర్ ఖండం మానవాళికి మూడు రెట్ల ముప్పును కలిగిస్తుంది. మానవులు, జంతువులు, క్షీరదాలకు అననుకూలమైన వాతావరణం ఏర్పడుతుంది. పెరిగే రోజువారీ ఉష్ణోగ్రత తీవ్రతలు, అధిక తేమ స్థాయిలు కలసి మానవుల మనుగడకు అంతం పలకుతాయని ఫార్న్స్‌వర్త్ హెచ్చరించారు.  అయితే ఈ విపత్తును నివారించడానికి శిలాజ ఇంధనాల వినియోగాన్ని నిలిపివేయడం ఒక్కటే మార్గమని ఆయన తెలిపారు. లీడ్స్ విశ్వవిద్యాలయానికి చెందిన ప్రొఫెసర్ బెంజమిన్ మిల్స్ మాట్లాడుతూ శిలాజ ఇంధన వినియోగంలో పెరుగుదల భూమిపై మానవాళి అంతాన్ని వేగవంతం చేస్తుందని, ఇప్పుడున్న పరిస్థితులే కొనసాగితే ఊహించిన దానికంటే ముందుగానే మానవాళి అంతానికి చేరుకోవచ్చని అన్నారు. భవిష్యత్‌లో భూమిపై నివాసయోగ్యంకాని  సూపర్ ఖండం ఏర్పడినప్పుడు సంభవించే పరిణామాలు ఎలావుంటాయో తెలుసుకునేందుకు శాస్త్రవేత్తలు సూపర్ కంప్యూటర్లను వినియోగించి అధునాతన వాతావరణ నమూనాలను తెలుసుకునేందుకు పరిశోధనలు సాగిస్తున్నారు.  ఇది కూడా  చదవండి: రష్యా అధికారిక కార్యక్రమాల్లో పుతిన్‌ డూప్‌? క్రెమ్లిన్ ఏమంటోంది?

చూడటానికి స్పోర్ట్స్‌ షూలా కనిపిస్తుంది గాని, నిజానికి ఇది పర్సనల్‌ కంప్యూటర్‌. మామూలు కంప్యూటర్‌ సీపీయూలో ఉండే మదర్‌బోర్డ్, ప్రాసెసర్, హార్డ్‌డిస్క్, ర్యామ్‌ వంటి భాగాలన్నీ ఇందులోనూ ఉంటాయి. దీనిని మానిటర్‌కు అనుసంధానించుకుని, చక్కగా పనిచేసుకోవచ్చు. ఇందులో 2టీబీ హార్డ్‌డిస్క్, 32జీబీ ర్యామ్, ఎన్విడియా ఆర్టీఎక్స్‌ 4070 జీపీయూ, ఇంటెల్‌కోర్‌ ఐ7 ప్రాసెసర్‌తో పనిచేసే 13700 సీపీయూ, లిక్విడ్‌ కూలింగ్‌ సిస్టమ్‌ ఉంటాయి. అమెరికన్‌ కంపెనీ కూల్‌మాస్టర్‌ తన ముప్పయ్యో వార్షికోత్సవం సందర్భంగా ఇటీవల స్పోర్ట్స్‌ షూ ఆకారంలో ఉండే ఈ పీసీని ‘సీఎంఓడీఎస్‌’ బ్రాండ్‌ పేరుతో మార్కెట్‌లోకి విడుదల చేసింది. దీని ధర 6000 డాలర్లు (రూ.4.99 లక్షలు).  

జలీల్‌ఖాన్‌.. పరిచయం అవసరం లేని పేరు. బీకాంలో ఫిజిక్స్‌తో అపారమైన ఖ్యాతి సంపాదించి అంతులేని ప్రాచుర్యాన్ని పొందిన నాయకుడు. నిజానికి పార్టీ ఫిరాయించిన దాని కంటే ఎక్కువ మైలేజీని తన మాటలతో మూటగట్టుకున్నారు. చరిత్రలో ఫిజిక్స్‌తో అత్యంత ఘనత సాధించిన అల్బర్ట్‌ ఐన్‌స్టీన్‌ కంటే తననే  ఎక్కువ గుర్తుంచుకునేలా చేశారు జలీల్‌ఖాన్‌. ఆయన నోటి నుంచి వచ్చిన అణిముత్యాలు ఇవిగో.  ఇక చాన్నాళ్లకు జలీల్‌ఖాన్‌కు పెద్దన్నయ్య ఎవరో తెలిసిపోయింది. 40 ఇయర్స్‌ ఇండస్ట్రీ అంటూ తరచుగా చెప్పుకునే చంద్రబాబు .. ఇప్పుడు జలీల్‌ఖాన్‌ కంటే ఓ ఆకు ఎక్కువ చదివానని నిరూపించుకున్నారు. 2019 ఎన్నికల్లో 23 స్థానాలకు పరిమితమైన చంద్రబాబు.. పార్టీ పూర్తిగా పతనమవుతున్నా.. లేని ఢాంబికాలకు పోతున్నాడని తెలుగుదేశం పార్టీ నేతలే చెప్పుకుంటున్నారు. తన మాటలకు అంతగా క్రెడిబిలిటీ లేకపోవడంతో.. కొత్తగా విజన్‌ అంటూ మరో పాట అందుకున్నారు. విజన్‌ 2020కి బదులు ఇప్పుడు విజన్‌ 2047 పేరిట ఓ ప్రకటన చేశారు. తాజాగా విశాఖలో ‘విజన్-2047’ను ప్రకటించిన చంద్రబాబు.. అదే సభలో ఇంజనీరింగ్ చేయాలంటే బైపీసీ చదవాలంటూ మతిలేని మాటలు చెప్పారు.  ప్రపంచంలో అన్నీ తనకే తెలుసని, కంప్యూటర్‌ నుంచి మొబైల్‌ ఫోన్‌ వరకు తానే కనిపెట్టానని, ఐటీకి తాత అని చెప్పుకునే చంద్రబాబు గురించి ఇన్నాళ్లు ఎల్లో మీడియాలో వీపరీతంగా కలరింగ్‌ ఇచ్చారు. సత్య నాదెళ్లకు ట్రైనింగ్‌ ఇచ్చి అమెరికా పంపానని చెప్పుకున్నప్పుడు అవునా అనుకున్నారు కానీ.. చంద్రబాబు చాణక్యం అంతా ఒట్టి డొల్ల అని తెలిసిపోయి ఇప్పుడు నవ్వుకుంటున్నారు. 

సాక్షి, హైదరాబాద్‌: పబ్లిక్‌ సర్వీస్‌ కమిషన్‌ పరీక్షలు లక్షల మంది ఉద్యోగార్ధులకు సంబంధించిన అంశంతోపాటు ప్రభుత్వ ప్రతిష్టతోనూ ఇమిడి ఉంటాయని ఉమ్మడి ఆంధ్రప్రదేశ్‌ పబ్లిక్‌ సర్వీస్‌ కమిషన్‌కు (2005–11) చైర్మన్‌గా, యూపీఎస్సీ సభ్యుడిగా పనిచేసిన డాక్టర్‌ వై. వెంకటరామిరెడ్డి అభిప్రాయపడ్డారు. సైబర్‌ నేరగాళ్లు సులువుగా రూ. కోట్లు కొట్టేస్తున్న రోజుల్లో కీలకమైన ప్రశ్నపత్రాలను కేవలం టెక్నాలజీతో భద్రంగా ఉంచడం ఎంతవరకు సాధ్యమనే సందేహాన్ని ఆయన వెలిబుచ్చారు. సాంకేతికను కొంతవరకు నమ్ముకొని గత విధానాలను అనుసరిస్తే పేపర్‌ లీక్‌ వంటి ఘటనలకు తావుండబోదని తెలిపారు. తెలంగాణ రాష్ట్ర పబ్లిక్‌ సర్వీస్‌ కమిషన్‌ (టీఎస్‌పీఎస్సీ) ప్రశ్నపత్రాల లీకేజీ వ్యవహారం రాష్ట్రవ్యాప్తంగా దుమారం రేపుతున్న నేపథ్యంలో ఆయన ‘సాక్షి’కి ఇచ్చిన ఇంటర్వ్యూలో ప్రశ్నపత్రాల రూపకల్పన మొదలు అనేక అంశాలను వెల్లడించారు. అవి ఆయన మాటల్లోనే...  మానవసహిత భద్రతకే ప్రాధాన్యమివ్వాలి...  పాస్‌వర్డ్‌ లేదా ఓటీపీని తెలుసుకొని కేటుగాళ్లు రూ. కోట్లు కొల్లగొడుతున్న రోజులివి. కంప్యూటర్‌ యుగంలో రోజుకో సమస్య తెరపైకి వస్తోంది. అలాంటప్పుడు కేవలం సాంకేతికతపై ఆధారపడటం సరికాదేమో. టెక్నాలజీని అనుసరించడం అనివార్యమే అయినప్పటికీ లక్షల మంది జీవితాలతో ముడివడిన ఇలాంటి పరీక్షలపట్ల అప్రమత్తత అవసరం. మానవసహితమైన భద్రత కే ప్రాధాన్యం ఇవ్వడం మంచిదనేది నా అనుభవం.  అప్పట్లో ఏం చేశామంటే.. నేను ఆరేళ్లు ఏపీపీఎస్సీ చైర్మన్‌గా పనిచేశాను. నా హయాంలో ఏనాడూ పేపర్‌ లీక్‌ ఘటనలు చోటుచేసుకోలేదు. అప్పట్లో మేం అనుసరించిన విధానాలు వేరు. చాలా జాగ్రత్తలు తీసుకున్నాం. ఇలాంటి కీలక పరీక్షల ప్రశ్నపత్రాల రూపకల్పన సమయంలో అనుసరించిన విధానాలు లీక్‌లకు ఆస్కారం లేకుండా చేశాయి. ఒక్కో సబ్జెక్టుకు ఐదుగురు ఎగ్జామినర్లను పిలిచేవాళ్లం. వారిని పూర్తి భద్రత ఉన్న హాలులోకి పంపే ముందే సమగ్రంగా పరీక్షించే ఏర్పాట్లు ఉండేవి. వాళ్ల వద్ద పెన్ను, పెన్సిల్‌ ఆఖరుకు చిన్న కాగితం ముక్క కూడా లేకుండా జాగ్రత్త పడేవాళ్లం. వారు బయటకు వెళ్లేటప్పుడు కూడా ఇదే తరహా తనిఖీలు ఉండేవి. ప్రశ్నపత్రానికి సంబంధించిన అంశాలనేవీ వారు రాసుకొని వెళ్లేందుకు వీల్లేకుండా ఇలాంటి జాగ్రత్తలు తీసుకొనేవాళ్లం.  ప్రశ్నపత్రం చైర్మన్‌కు కూడా తెలిసేది కాదు...  ఒక్కో సబ్జెక్ట్‌ నిపుణుడు ఒక్కో పేపర్‌ను సెట్‌ చేశాక దాన్ని సీల్డ్‌ కవర్‌లో కమిషన్‌ సెక్రటరీకి అందజేస్తారు. సెక్రటరీ తనకు అందిన ఐదు పేపర్లనూ కమిషన్‌ చైర్మన్‌ ముందు పెట్టేవారు. అందులోంచి ఒక పేపర్‌ను చైర్మన్‌ ఎంపిక చేశాక నేరుగా ప్రింటింగ్‌ కేంద్రానికి తరలేది. ఇక్కడ కమిషన్‌ చైర్మన్‌ లేదా సెక్రటరీ ప్రశ్నపత్రాన్ని చూసే అవకాశం లేదు. అలాగే ఎంపిక చేసిన పేపర్‌ ఏమిటనేది దాన్ని సెట్‌ చేయడానికి వచ్చిన ఐదుగురికి తెలిసే అవకాశమే ఉండదు. ప్రింటింగ్‌ కేంద్రం నిర్వాహకులకు మాత్రమే ఈ పేపర్‌ ఏమిటనేది తెలిసే అవకాశం ఉంటుంది. పేపర్‌ లీక్‌ అయితే కేవలం ప్రింటర్‌ను మాత్రమే బాధ్యుడిని చేసేలా అప్పట్లో నిబంధనలుండేవి. ఒకవేళ పేపర్‌ లీక్‌ అయితే ప్రింటర్‌కు భారీ జరిమానా విధించేలా నిబంధనలు తెచ్చాం. పేపర్‌ లీక్‌ అయితే ప్రింటర్‌ ఆస్తులన్నీ జరిమానా కింద పోయేంత ప్రమాదం ఉండేది. కాబట్టి ఎట్టిపరిస్థితుల్లోనూ ఇలాంటి రిస్‌్కను ప్రింటర్‌ తీసుకొనే అవకాశం ఉండేది కాదు. ఈ విధానాన్ని అనుసరించడం వల్లే అప్పట్లో పేపర్‌ లీకేజీలు ఉండేవి కావు.  భద్రత ఎంత వరకూ?  పేపర్ల లీకేజీపై పత్రికల్లో వస్తున్న కథనాలనుబట్టి ఒక వ్యక్తి పాస్‌వర్డ్‌ తీసుకొని ఇదంతా చేసినట్లు తెలుస్తోంది. దీన్నిబట్టి ఇప్పుడున్న టెక్నాలజీపై అనేక అనుమానాలు రావడం సహజమే. ఇది ఎంతవరకు భద్రత ఇస్తుందనేది ఇందులో ప్రధానాంశం. తాత్కాలిక ఉద్యోగులు ఉండటం వల్లే ఇలాంటివి జరుగుతున్నాయనే వాదన అర్థరహితం. ఇప్పుడే కాదు... అప్పట్లోనూ తాత్కాలిక ఉద్యోగులు ఉండేవారు. కేవలం కమిషన్‌ నిర్వహణలో విశ్వసనీయతే ఇక్కడ ప్రధానం. ఏ వ్యక్తీ ప్రశ్నపత్రం చూసే అవకాశం లేకుండా చేయడమే ఇక్కడ ముఖ్యం. మళ్లీ పరీక్ష అనివార్యమే..  పేపర్‌ లీకేజీ వల్ల మళ్లీ పరీక్ష నిర్వహించడం అనివార్యమే. ఈ క్రమంలో పేద, మధ్యతరగతి వర్గాల మనో వేదన వర్ణనాతీతం. అప్పులు చేసి మరీ కోచింగ్‌ తీసుకున్న వాళ్లున్నారు. ఎన్నో ఆశలతో ఇదే జీవితమని భావించి చదివిన వాళ్లూ ఉన్నారు. మళ్లీ పరీక్ష రాయాలంటే వారికి సమస్యే. కోచింగ్‌ కోసం మళ్లీ అప్పులపాలవ్వాల్సిన పరిస్థితి వారికి ఉండొచ్చు. ఈ సమస్యకు ఎవరూ పరిష్కారం చూపలేరు. పరీక్షల విషయంలో జాగ్రత్తలు తీసుకుంటే ఇలాంటి వారి ఆవేదనకు కమిషన్‌ కారణం కాకుండా చూడొచ్చు.   

సాధారణంగా పక్షవాతంతో అవయవాలు చచ్చుబడ్డా లేదా ఇతరత్రా ఏదైనా ప్రమాదం కారణంగా అవయవాల్ని కొద్ది రోజులు పని చేయించలేకపో తే...  అవి మళ్లీ నార్మల్‌గా పని చేయడానికి ఫిజియోథెరపీ వ్యాయామాలు అవసరమవుతాయి. మునపటిలా పని చేయడానికి ఉపకరిస్తాయి కాబట్టి కొన్ని సందర్భాల్లో వీటినే రీ–హ్యాబ్‌ వ్యాయామాలని కూడా అంటారు. వ్యాయామం అనగానే ఏదో శ్రమతో కూడిన పని అనీ, ఎలాగోలా తప్పించుకుంటే బెటరని అనిపించేవాళ్ల సంఖ్యే ఎక్కువ. చాలా సందర్భాల్లో కంప్యూటర్‌ సహాయంతోనో లేదా రొబోటిక్స్‌ సహాయంతోనో వినోదాత్మకంగా తీర్చిదిద్దిన వ్యాయామాలూ ఎక్కువగానే  ఉంటాయి. ఈ కంప్యూటర్‌ లేదా రొబోటిక్‌ పద్ధతుల కంటే మనం రోజూ చేసే పనులనే ‘ఫిజియో’ వ్యాయామ పద్ధతులుగా తీర్చిదిద్దడమే మంచిదనీ, అవే ఎక్కువ మేలు చేస్తాయంటున్నారు కొందరు నిపుణులు. రోజువారీ పనులే ‘ఫిజియో’ వ్యాయామరీతులెలా అవుతాయో తెలుసుకుందాం.  ఫిజియోవ్యాయామాలు అనగానే ‘పక్షవాతం’లాంటి స్ట్రోక్‌కు గురై, కోలుకునే ఏ కొందరికి మాత్రమే పరిమితమైనవనే అభిప్రాయం  చాలామందిలో ఉంది. కానీ మన మొత్తం దేశ జనాభాలో... ఆ మాటకొస్తే ప్రపంచ జనాభాలోని 15% మందికి ఫిజియో అవసరమనేది ‘ప్రపంచ ఆరోగ్య సంస్థ’ (డబ్ల్యూహెచ్‌ఓ) అంచనా. ఒక్క పక్షవాతం వచ్చిన వారే కాదు, ప్రమాదాలకు లోనై మళ్లీ కోలుకునే క్రమంలో తమ అవయవాలను మునుపటిలా కదిలించడానికీ, కొన్ని జబ్బులతో చాలాకాలం పాటు మంచం పట్టి... ఆ తర్వాత మళ్లీ తమ పనులు యధావిధిగా చేసుకోవాలనుకుంటున్నవారికీ, మోకాళ్ల కీలు మార్పిడి చికిత్సల తర్వాత మళ్లీ మునపటిలా నడవాలనీ, జాగింగ్‌చేయాలనుకునేవారు... ఇలా ప్రపంచమంతటా కనీసం 100 కోట్ల మందికి రీ–హ్యాబ్‌ అవసరం. వీళ్లే కాదు... గుండెపో టు వచ్చాక కూడా వ్యాయామాలు అవసరం కానీ అవి గుండెపై ఏమాత్రం భారం మోపకుండా ఉండేంత సున్నితంగా ఉంటూనే... శరీరానికి తగినంత పని చెప్పేంత శ్రమతో ఉండాలి. ఈ సున్నితమైన బ్యాలెన్స్‌ పాటించేలా వ్యాయామాలు రూపొందించడం, చేయించడం ‘ఫిజియోథెరపిస్ట్‌’ ల పని. వాటిని సైంటిఫిక్‌గా రూపొందించడం ఎంతో కీలకం.   కంప్యూటర్, రొబోటిక్‌ ఆధారితమైనవి ఎన్నెన్నో...  వ్యాయామాల్ని ఉత్సాహంగా చేయడానికి వీలుగా  రూపొందించడం కోసం ‘ఫిజియో’లు ఎన్నెన్నో మార్గాలను అన్వేషిస్తుంటారు. ఉదాహరణకు కంప్యూటర్‌ స్క్రీన్‌ మీద చుక్కల్ని ఓ వరసలో కలిపి, ఓ ఆకృతి వచ్చేలా చేయడం. లేదా  ఏదో టాస్క్‌ని ఓ నిర్ణీత/నిర్దేశిత పద్ధతుల్లో పూర్తి చేయడం వంటివి. ఒక రకంగా చెప్పా లంటే చిన్నపిల్లలు కంప్యూటర్‌ గేమ్స్‌ ఆడి విజయం సాధించనప్పటి థ్రిల్‌ పొందేలా ఈ కంప్యూటర్‌ లేదా రొబోటిక్‌ ఆధారిత ఫిజియో(గేమ్స్‌) పద్ధతులు ఉంటాయి. ఇవి కూడా చాలావరకు మేలే చేస్తాయి.  కంప్యూటర్, రొబోటిక్‌ వ్యాయామాల్లో పరిమితులు  అయితే వాటిలో కొన్ని పరిమితులు ఉండేందుకు అవకాశం ఉంది. 2008లో దాదాపు 330 మందిపై జరిగిన ఓ అధ్యయనంలో ఈ సంగతి రుజువైంది. ఏ వ్యాయామ రీతిలోనైనా... భారం ఎక్కువగా పడుతూ, తక్కువ రిపిటీషన్లతో సమకూరే వ్యాయామం కంటే తక్కువ భారం పడుతూ... ఎక్కువ రిపిటీషన్లతో సమకూరే వ్యాయామంలోనే కండరానికి ఎక్కువ సామర్థ్యం అలవడుతుంది. ఇలా బరువును క్రమంగా పెంచుకుంటూ, దానికి అనుగుణంగానే రిపిటీషన్లను పెంచుతూ  పో వడం వల్లనే ప్రయోజనం ఎక్కువ అని అనేక అధ్యయనాలు నిరూపించాయి.  అధిగమించడం ఇలా...  పైన పేర్కొన్న అధ్యయనం ప్రకారం ఆ పరిమితుల్ని అధిగమించేందుకు కొన్ని దేశీయ పద్ధతులతో వ్యాయామ రీతుల్ని మన నిపుణులు అభివృద్ధి చేశారు. మనం రోజూ చేసే పాత పనుల్నే వ్యాయామ రీతులుగా సరికొత్తగా రూపొందించారు.  రొబోటిక్‌ రీ–హ్యాబ్‌ ప్రక్రియల్లో కంప్యూటర్‌ ఆధారంగా కొన్ని డిజైన్లు వచ్చేలా చుక్కల్ని కలపడం, రొబోటిక్‌ కదలికలతో కండరం బలం పెంచుకున్నా కదలికల నైపుణ్యం తగ్గడం వల్ల ఒనగూరాల్సిన ప్రయోజనం అందదు. కానీ రోజువారీ పనులతో రూపొందించిన పద్ధతులతో చచ్చుబడ్డ కండరానికి బలమూ, నైపుణ్యమూ పెరుగుతాయి.  ప్రయోజనమూ ఎక్కువే, స్వావలంబనా సహజమే  ఇలాంటి దేశీయ పద్ధతులతో ఓ ప్రయోజనమూ ఉంది. కంప్యూటర్‌పై ఆటలు చిన్నతనంలో ఆసక్తిగా ఉండవచ్చు. కానీ స్ట్రోక్‌ లాంటివి మధ్యవయసు దాటాకే వస్తుంటాయి. అందువల్ల ఆ వయసులో కంప్యూటర్‌పై రొటీన్‌ సీక్వెన్సింగ్‌ పనులు బోర్‌గా అనిపించవచ్చు. కానీ రోజువారీ పనులు చేస్తుండటం, వాటిలో రోజురోజుకూ మెరుగుదల కనిపించడంతో పేషెంట్లకు ఆత్మస్థైర్యం పెరుగుతుంది. పైగా అవి అటు తర్వాత కూడా వారి రోజువారీ జీవితంలో చేసుకోవాల్సిన పనులు కావడంతో స్వావలంబనా, ఎవరిపైనా ఆధారపడకుండా తమ పనులు తామే చేసుకోగలమన్న  ఆత్మవిశ్వాసమూ పెరుగుతాయి.  రోజువారీ పద్ధతుల్లో కొన్ని... రోటీలు చేయడం...  చచ్చుబడ్డ కండరాల సహాయంతోనే రోటీలు చేసే ప్రక్రియ కొనసాగుతుంది. రొట్టెలు చేయడంలో అప్పడాల కర్రతో రొట్టెల్ని గుండ్రంగా వచ్చేలా చేయడం. ఇందులో చేతి వేళ్లన్నింటితో పాటు ముంజేయి కండరాలు, మోచేతి కీలు వంటి వాటికి వ్యాయామం సమకూరుతుంది. కూరగాయలు తరగడం పూర్తిగా నైపుణ్యంతో కాకపో యినా... వీలైనంత మేరకు కూరగాయలు తరిగేలా చేయిస్తారు. దాంతో బొటనవేలితో పాటు, కత్తి చుట్టూ మిగతా వేళ్ల గ్రిప్‌ పెరుగుతుంది. చేయి, ముంజేయి, మోచేతి కండరాలతో పాటు మణికట్టు ఎముకల కదలికలతో చేతికి కావాల్సిన రీ–హ్యాబ్‌ వ్యాయామం సమకూరుతుంది. ఇది క్రమంగా బలమూ పెంచుతుంది. నైపుణ్యాలను సైతం పెరిగేలా చేస్తుంది. చీర కుచ్చిళ్ల కదలికలతో మహిళల్లో అయితే వారు రీ–హ్యాబ్‌ కార్యక్రమంలో ఉన్నప్పుడు నైటీ మీదే చీర కట్టుకునేలా ్రపో త్సహించడం. ఈ ప్రక్రియలో చీర కుచ్చిళ్లను అల్లుకునేలా మాటిమాటికీ చేతులు కదిలించేలా చేస్తారు. స్ట్రోక్‌తో చేతుల్లోని, వేళ్లలోని నరాల కేంద్రం దెబ్బతిన్న వారిలో ఈ వ్యాయామ రీతి వల్ల అతి సున్నితమైన వేలి కండరాలు, వేళ్లకు సప్లై అయ్యే నరాల్లో కదలికల్ని క్రమంగా నింపేలా చూస్తారు. తోట పని ప్రక్రియలు మనం తోట పని చేసేప్పుడు గడ్డపారతో తవ్వడం, పార (స్పేడ్‌) లాంటి పరికరాలతో మట్టిని నిర్దేశిత రీతిలో పో గుపడేలా చేయడం, కిందపడ్డ ఆకుల్ని కాళ్లలో ఓ పక్కకు తోయడం... ఇవన్నీ పూర్తిస్థాయిలో కాకపో యినా... ఆ పనుల్లో కాళ్లూ, చేతులతో ఎలాంటి కదలికలు అవసరమో, అవే జరిగేలా చూస్తారు. ఇక్కడ నైపుణ్యానికి తావు లేకుండా తొలుత ఆసక్తిగా తోట పనిలో పాలు పంచుకునేలా చేస్తుంటారు. క్రమక్రమంగా ఆయా అవయవాలకు బలం సమకూరడమే కాకుండా... నైపుణ్యమూ పెరుగుతుంది.  -డాక్టర్‌ విజయ్‌ బత్తిన (పీటీ) ఫిజికల్‌ మెడిసిన్‌ అండ్‌ రీహాబిలిటేషన్‌ స్పెషలిస్ట్‌  

లండన్‌: మానవ చరిత్రలో తొలిసారిగా వైరస్‌కు కంప్యూటర్‌ సాయంతో యథాతథంగా ప్రతి సృష్టి చేశారు! గతంలోనూ ఇలాంటివి జరిగినా జీవపరంగా, 3డి నిర్మాణపరంగా, జన్యుపరంగా ఓ వైరస్‌ను అచ్చుగుద్దినట్టుగా పునర్నిర్మించడం ఇదే తొలిసారట! బ్రిటన్లోని ఆస్టన్‌ యూనివర్సిటీ డిపార్ట్‌మెంట్‌ ఆఫ్‌ మ్యాథమెటిక్స్‌ ప్రొఫెసర్‌ ద్మిత్రీ నెరుక్‌ ఈ ఘనత సాధించారు! అత్యాధునిక సూపర్‌ కంప్యూటర్లు వాడినా కూడా ఈ పరిశోధనకు ఏకంగా మూడేళ్లు పట్టిందట! ప్రస్తుతం అందుబాటులో ఉన్న వైరస్‌ నిర్మాణాలను క్రయో ఎలక్ట్రాన్‌ మైక్రోస్కొపీ, కంప్యుటేషనల్‌ మోడలింగ్‌ సాయంతో పరిశీలించారు. ‘‘ఇంతకాలం పాటు వైరస్‌ల పూర్తి జన్యు నిర్మాణక్రమం అందుబాటులో లేని కారణంగా వాటి తాలూకు జీవక్రియలపై మనకు సంపూర్ణ అవగాహన లేదు. తాజా అధ్యయనం ఈ విషయంలో దారి చూపగలదు’’ అని సైంటిస్టులు చెబుతున్నారు. ‘‘అంతేగాక ఈ పరిశోధన వల్ల యాంటీబయాటిక్స్‌కు మెరుగైన, సమర్థమైన ప్రత్యామ్నాయాల దిశగా కొత్త దారి దొరుకుతుంది. యాంటీబయాటిక్స్‌కు లొంగని మొండి బ్యాక్టీరియా సమస్యకూ పరిష్కారం లభిస్తుంది’’ అని వారంటున్నారు. ఈ అధ్యయనం ఫారడే డిస్కషన్స్‌ జర్నల్‌లో పబ్లిషైంది.

విజయవాడ: నేడు డేటా వినియోగం గణనీయంగా పెరిగిపోయింది. దీంతో అధిక సామర్థ్యం కలిగిన స్మార్ట్‌ఫోన్లు, కంప్యూటర్ల (పీసీలు) అవసరం ఏర్పడింది. ఇప్పటికే ఉన్న పీసీల సామర్థ్యాన్ని పెంచుకునేందుకు ఎక్కువ మంది చూస్తున్నారు. ఇటువంటి వారి అవసరాలను దృష్టిలో పెట్టుకుని ‘వెస్టర్న్‌ డిజిటల్‌’ సంస్థ.. డబ్ల్యూడీ బ్లూ ఎస్‌ఎన్‌ 570 పేరుతో ఎస్‌ఎస్‌డీని తీసుకొచ్చింది. ఇది ఎంతో స్లిమ్‌గా చేతిలోనే పట్టే సైజుతో ఉంటుంది. 250జీబీ, 500జీబీ, 1టీబీ, 2టీబీ కెపాసీటీతో వీటిని విడుదల చేసింది. వీటి ధరలు రూ.2,750 నుంచి మొదలై రూ.20,999 వరకు ఉంటాయని కంపెనీ తెలిపింది. ఐదేళ్ల వారంటీని ఆఫర్‌ చే స్తోంది. ఈ సంస్థ శాన్‌డిస్క్, డబ్ల్యూడీ పేరుతో ఉత్పత్తులను మార్కెటింగ్‌ చేస్తుంటుంది.   

సాక్షి, విశాఖపట్నం : పాఠ్యాంశాల్లో సందేహాల నివృత్తికి నెట్‌ సౌకర్యం ఉన్న కంప్యూటర్‌ లేదా స్మార్ట్‌ఫోన్‌ ఎంతో ముఖ్యం. కానీ, వీటిల్లో అశ్లీలతకు ఆస్కారం ఎక్కువ. దీనికి పరిష్కారంగా.. భవిష్యత్‌లో ఎదురయ్యే డిజిటల్‌ సవాళ్లని ఎదుర్కొనేందుకు విశాఖపట్నం ఐటీ సెజ్‌ వేదికగా.. మొట్టమొదటి ఇండియన్‌ లాంగ్వేజ్‌ కంప్యూటర్‌ ఆవిష్కృతమైంది. తొలి భారతీయ ప్రాసెసర్‌తో డిజిటల్‌ స్కూల్‌ బ్యాగ్‌ (డీఎస్‌బీ) పేరుతో రూపొందించిన సిద్ధి డీసీబీ పీఆర్‌4ఏ కంప్యూటర్‌లోని కంటెంట్‌ని 18 భారతీయ భాషల్లోకి అనువదించే సౌలభ్యం ఉంటుంది. త్వరలోనే ఇది మార్కెట్‌లోకి రానుంది.  ప్రస్తుతమున్న కంప్యూటర్లకు భిన్నంగా కేవలం చదువు కోసం మాత్రమే వినియోగించుకునేలా సరికొత్త డివైజ్‌ని విశాఖకు చెందిన స్టార్టప్‌ సంస్థ డ్రీమ్‌చిప్‌ ఎలక్ట్రానిక్స్‌ ప్రైవేట్‌ లిమిటెడ్‌ రూపొందించింది. ఇది కేవలం భారతీయ భాషల్లో అందుబాటులో ఉన్న మొట్టమొదటి డిజిటల్‌ స్కూల్‌ బ్యాగ్‌ కంప్యూటర్‌గా చరిత్ర సృష్టించనుంది. అక్షరమాల నుంచి అన్ని రకాల అంశాలనూ ఇందులో చదువుకునేలా తీర్చిదిద్దారు. నూతన విద్యావిధానాలకు అనుగుణంగా.. పిల్లల బరువులో 10 శాతం మాత్రమే స్కూల్‌ బ్యాగ్‌ ఉండాలన్న నిబంధనల మేరకు కేవలం 1.5 కిలోల బరువుతోనే ఈ డిజిటల్‌ స్కూల్‌ బ్యాగ్‌ కంప్యూటర్‌ని తయారుచేశారు.  ఏళ్ల తరబడి ప్రయోగాల తర్వాత..  అనేక ప్రయోగాల తర్వాత డ్రీమ్‌చిప్‌ డెవలపర్‌ కంపెనీ ప్రతినిధులు గోపీకుమార్‌ బులుసు, మురళీమనోహర్, వెంకటేశ్వరరావు చివరికి విజయం సాధించారు. ఎలాంటి అశ్లీలత కంటెంట్‌కు తావులేకుండా కేవలం చదువుకు సంబంధించిన పాఠాలు మాత్రమే ఇందులో ఉండేలా ఈ కంప్యూటర్‌ని అభివృద్ధి చేశారు. ఇది ఆఫ్‌లైన్‌ మోడ్‌లో పనిచేస్తుంది. బ్లూటూత్, వైఫై సౌకర్యం కూడా ఉంది. దేశంలోనే తొలి సొంత ప్రాసెసర్‌ వినియోగించిన కంప్యూటర్‌ ఇది. సొంత ఆపరేటింగ్‌ సిస్టమ్, కోడ్‌ లాంగ్వేజ్, ఫీచర్ల పరంగా.. ఇది ప్రస్తుతం ఉన్న ట్యాబ్‌లు, స్మార్ట్‌ఫోన్, ల్యాప్‌టాప్‌లకు పూర్తి భిన్నంగా ఉంటుంది. మొత్తం ఐదువేల పేజీల్ని ఇందులో నిక్షిప్తం చేసుకునేలా అభివృద్ధి చేశారు. పైగా దీని ధర కూడా తక్కువే. కేవలం రూ.4 వేలకు ఈ కంప్యూటర్‌ని విక్రయించాలని డ్రీమ్‌చిప్‌ నిర్ణయించింది.  ఏటా 50 లక్షల యూనిట్లు తయారీ  భారతీయ భాషల్లో కంప్యూటర్‌ను తయారుచేసి.. విద్యార్థులకు కేవలం విద్యను మాత్రమే అందించాలన్న సంకల్పంతో రూపొందించాం. మేకిన్‌ ఇండియా స్ఫూర్తితో దీన్ని పూర్తిగా వైజాగ్‌లోనే తయారుచేశాం. ఇందులో 100 మల్టీ సబ్జెక్ట్స్‌ పాఠాలతో భారత బాలశిక్ష కూడా లోడ్‌ చేశాం. ఈ కంప్యూటర్లను పెద్దఎత్తున తయారుచేసేందుకు ప్రభుత్వం లేదా ఏదైనా విద్యా సంబంధిత ట్రస్ట్‌తో కలిసి ఏటా 50 లక్షల యూనిట్లు తయారుచేసేందుకు సిద్ధంగా ఉన్నాం. రాష్ట్ర ప్రభుత్వం చేపడుతున్న నూతన విద్యా విధానాలను స్ఫూర్తిగా తీసుకున్నాం.  – గోపీకుమార్‌ బులుసు, డ్రీమ్‌ చిప్‌ చీఫ్‌ టెక్నాలజిస్ట్‌  డ్రీమ్‌చిప్‌ కంప్యూటర్‌ ప్రత్యేకతలివే..  ఇది తెలుగు భాషతో ప్రారంభమయ్యే కంప్యూటర్‌.   ఇతర రాష్ట్రాల విద్యార్థులు తమ భాషలోనే మొదలు పెట్టేలా సెట్టింగ్స్‌ని మార్చుకోవచ్చు.   ఒక పాఠాన్ని తెలుగుతో పాటు అన్ని భారతీయ భాషల్లోనూ చదువుకునే వెసులుబాటు ఇందులో ఉంది.   కేవలం కంప్యూటర్‌లా మాత్రమే కాకుండా.. దీన్ని డిజిటల్‌ స్కూల్‌ బ్యాగ్‌గా కూడా వినియోగించుకోవచ్చు.  దీనికి ఒకవైపు స్క్రీన్,  మరోవైపు టెక్ట్‌ సబుక్‌ లేదా నోట్‌బుక్‌ షెల్ఫ్, రైటింగ్‌ ప్యాడ్‌ ఉంటుంది.   స్క్రీన్‌ కింద భాగంలో పెన్నులు, పెన్సిళ్లు పెట్టుకునే అర కూడా ఉంది.   స్క్రీన్‌ పైభాగంలో రాత్రిపూట చదువుకునేందుకు వీలుగా ఎల్‌ఈడీ టేబుల్‌ ల్యాంప్‌నూ అమర్చారు. 

కంప్యూటర్లు వినియోగంలోకి వచ్చాక, ప్రింటర్ల వినియోగం కూడా పెరిగింది. ఆఫీసుల్లో వాడే ప్రింటర్ల వల్ల ఎంతో కొంత కాగితం వృథా అవుతుండటం మామూలే. ప్రింటర్ల వల్ల కాగితం వృథాను అరికట్టే ఉద్దేశంతో దక్షిణ కొరియాకు చెందిన డిజైనర్‌ జిసాన్‌ చుంగ్‌ ప్రయోగాత్మకంగా ‘రోలర్‌జెట్‌ ప్రింటర్‌’కు రూపకల్పన చేశాడు.  పేపర్‌షీట్స్‌ బదులు పేపర్‌రోల్స్‌ వాడటానికి అనువుగా దీన్ని తీర్చిదిద్దాడు. ప్రింటింగ్‌ పూర్తయ్యాక, ప్రింట్‌ అయినంత మేరకు దీని నుంచి కాగితాన్ని కత్తిరించి తీసుకుంటే సరిపోతుంది. ప్రస్తుతం నమూనాగా రూపొందించిన ఈ ప్రింటర్‌ పనితీరు బాగున్నట్లు నిపుణులు చెబుతున్నారు. పెద్దస్థాయిలో దీని తయారీ చేపడితే, ఇది మార్కెట్‌లోకి వచ్చే అవకాశాలు ఉంటాయి. 

కొంతమంది పిల్లలు అత్యంత చురుకుగా అతి చిన్న వయసులోనేఅన్ని నేర్చుకుంటారు. జౌరా! అనిపించేలా పెద్దలే ఇబ్బంది పడి నేర్చుకున్న వాటిని సైతం అలవొకగా నేర్చుకుంటారు. అచ్చం అలానే ఇక్కడొక చిన్నారి అతి పిన్న వయసులోనే కంప్యూటర్‌ భాషలను నేర్చుకున్నాడు. ఒకటి రెండు కాదు ఏకంగా 17 ప్రోగామింగ్‌ లాంగ్వేజ్‌లను సునాయాసంగా నేర్చకున్నాడు. ఇంతకీ ఆ చిన్నారి ఎవరంటే?... వివరాల్లోకెళ్తే....తమిళనాడులోని కోయంబత్తూరుకు చెందిప అర్నవ్‌ శివరామ్‌ 13 ఏళ్ల వయసులోనే 17 కంప్యూటర్‌ భాషలను నేర్చుకున్నాడు. అంతేకాదు ఆ చిన్నారి అతి పిన్నవయసులో కంప్యూటర్‌ భాషలను నేర్చుకున్న వారిలో ఒకడిగా నిలిచాడు.  శివరామ్‌ 4 వతరగతి చదువుతున్నప్పుడే కంప్యూటర్‌ భాషలను నేర్చుకోవడం ప్రారంభించాడు. జావా, ఫైథాన్‌తో సహా మొత్తం 17 ప్రోగ్రామింగ్‌ లాంగ్వేజ్‌లను నేర్చుకున్నాడు. అంతేకాదు  భారత్‌లో తక్కువ పెట్టుబడితో ఆటో పైలెట్‌ కోసం ఆర్టిఫిషియల్‌ ఇంటెలిజెన్స్‌ని రూపొందించాలని యోచిస్తున్నట్లు శివరామ్‌ తెలిపాడు. ఈ విషయం నెట్టింట వైరల్‌ అవ్వడంతో పలువురు నెటిజన్లు ఆ చిన్నారికి మంచి భవిష్యత్తు ఉందంటూ ప్రశంసిస్తున్నారు. Tamil Nadu | Coimbatore's Arnav Sivram becomes one of the youngest children to have learnt 17 computer languages at the age of 13 I started learning computers when I was in 4th grade. I have learnt 17 programming languages including Java & Python, he said pic.twitter.com/FTehgFHrBt — ANI (@ANI) July 2, 2022

మరణించాక ఏమవుతుంది? మనిషి మస్తిష్కంలోని సమాచారమంతా మృతదేహంతోపాటే సమాధవుతుంది. లేదా కాలి బూడిదైపోతుంది. అలాగాక మెదడులోని జ్ఞాపకాలనూ సమాచారాన్నీ కంప్యూటర్‌లోకి లోడ్‌ చేసుకోగలిగితే? భలే ఉంటుంది కదూ! మృతుని జ్ఞాపకాలనూ, జీవితాంతం అతను నిల్వ చేసుకున్న సమాచారాన్నీ అతడి వారసులు ఎంచక్కా తెలుసుకోవచ్చు. ఈ దిశగా కొన్నేళ్లుగా ఎన్నో పరిశోధనలు జరుగుతున్నాయి. అత్యంత సంక్లిష్టమైన ఈ ప్రక్రియ ఇప్పటికిప్పుడు కాకపోయినా మున్ముందు సాధ్యపడే అవకాశాన్ని కొట్టిపారేయలేమని అంటున్నారు. వేల కోట్ల గిగాబైట్ల సమాచారం మెదడును కంప్యూటర్‌తో పోల్చడం పరిపాటి. కంప్యూటర్‌ ప్రాసిసెంట్‌ యూనిట్లలోని ఇన్‌పుట్, ఔట్‌పుట్‌ ఎలక్ట్రానిక్‌ సిగ్నళ్ల తరహాలోనే మానవ మస్తిష్కం కూడా పని చేస్తుందని చెబుతుంటారు. కానీ వాస్తవానికి కంప్యూటర్‌ కంటే మెదడు అత్యంత సంక్లిష్టమైనది. అసలు మెదడు ఎంత సమాచారాన్ని నిక్షిప్తం చేసుకుంటుందనే విషయాన్ని ఇప్పటిదాకా ఎవరూ కచ్చితంగా నిర్ధారించలేకపోయారు. అమెరికాలో సియాటెల్‌లోని అలెన్‌ ఇనిస్టిట్యూట్‌ ఆఫ్‌ బ్రెయిన్‌ సైన్స్‌ పరిశోధకుల బృందం రెండేళ్ల క్రితం ఎలుక మెదడులో ఒక క్యూబిక్‌ మిల్లీమీటర్‌ పరిధిలోని కణాల(న్యూరాన్లు) 3డీ నిర్మాణాన్ని మ్యాపింగ్‌ చేసింది. ఇసుక రేణువు కంటే తక్కువ పరిమాణంలో ఉన్న ఎలుక మెదడు భాగంలో ఏకంగా లక్షకు పైగా న్యూరాన్లున్నట్టు తేలింది. పైగా వాటి మధ్య 100 కోట్లకుపైగా కనెక్షన్లు కూడా ఉన్నట్టు గుర్తించారు. కేవలం రెండు న్యూరాన్ల మధ్య ఉన్న కనెక్షన్‌లో పట్టే సమాచారాన్ని కంప్యూటర్‌లో స్టోర్‌ చేసేందుకు ఏకంగా 2 పెటాబైట్లు, అంటే 2 మిలియన్‌ గిగాబైట్ల స్టోరేజీ అవసరమైంది. ఎలుక మెదడులో ఒక క్యూబిక్‌ మిల్లీమీటర్‌ పరిధిలోని మొత్తం న్యూరాన్లలో ఉన్న సమాచారాన్ని కంప్యూటర్‌లోకి ఎక్కించాలంటే కోట్ల కొద్ది గిగాబైట్ల స్టోరేజీ కావాల్సిందే. ఆ లెక్కన అత్యంత సంక్లిష్టమైన మనిషి మస్తిష్కాన్ని మ్యాపింగ్‌ తదితరాలన్నీ చేయడానికి, అందులో దాగుండే అపారమైన సమాచారాన్ని కంప్యూటర్లో భద్రపరచడానికి కోటాను కోట్ల గిగాబైట్ల స్టోరేజీ కావాల్సి ఉంటుంది. మనిషి మెదడులో నిక్షిప్తమై ఉన్న సమాచారాన్ని సేకరించి, కంప్యూటర్‌ స్టోర్‌ చేయడం అతిపెద్ద సవాలు అని పరిశోధకులు చెబుతున్నారు. ఇందుకోసం అత్యధిక ర్యాండమ్‌ యాక్సెస్‌ మెమరీ (ర్యామ్‌) ఉన్న కంప్యూటర్లు అవసరమని అన్నారు. సూక్ష్మమైన పొరలుగా.. ఎంత సమాచారాన్ని మనిషి మస్తిష్కంలో భద్రపర్చవచ్చనే ప్రశ్నకు స్పష్టమైన సమాధానం ఇప్పటికైతే లేదు. ఆ పని చేయాలంటే మొదట మెదడులోని సమాచారాన్ని కోడ్‌లోకి మార్చాలి. అప్పుడే కంప్యూటర్‌ దాన్ని చదివి, స్టోర్‌ చేసుకుంటుంది. మెదడులో దాగున్న మొత్తం సమాచారాన్ని స్కాన్‌ చేసి రాబట్టలేం. మెదడు కణాల మధ్య ఉన్న కనెక్షన్లలో సమాచారం నిక్షిప్తమై ఉంటుంది. మొత్తం సమాచారం రాబట్టాలంటే మెదడును వందల కోట్ల సంఖ్యలో సూక్ష్మమైన క్యూబ్‌లు, పొరలుగా కోయాల్సి ఉంటుంది. ఆ తర్వాత 3డీ మ్యాపింగ్‌ చేయాలి. అనంతరం ఆ క్యూబ్‌లు, పొరలను తిరిగి యథాతథంగా తలలో అమర్చాలి.   – సాక్షి, నేషనల్‌ డెస్క్‌  

కంప్యూటర్‌పై పనిచేస్తుండే సమయంలో కొందరు ఒకే భంగిమ (పోష్చర్‌)లో చాలాసేపు కూర్చుండిపోతారు. ఏకాగ్రతతో పనిలో మునిగిపోయినందున తమ పోష్చర్‌ విషయం పట్టించుకోరు. కేవలం కంప్యూటర్‌ మీద పనిచేసేవారే కాదు... చాలాసేపు కదలకుండా ఉండి పేషెంట్స్‌ను చూసుకునే వైద్యరంగాల్లోని వారికీ (హెల్త్‌ కేర్‌ గివర్స్‌), పోష్చర్‌ మారకుండా పనిచేసే ఇతర రంగాల్లోని వారికీ... కొద్దిసేపటి తర్వాత మెడ, ఒళ్లునొప్పులు రావడం, ఎంత జాగ్రత్తగాఉన్నా తప్పులు దొర్లడం వంటి సమస్యలు వస్తుంటాయి. దీనికి కారణం ‘స్టాటిక్‌ లోడింగ్‌’ అనే పరిస్థితి. నిజానికి ఈ పదం పూర్తిగా వైద్యరంగానిది కాదు. చాలాకాలం పాటు ఒకేచోట ఉండే వస్తువు స్థితిని తెలపడానికి భౌతిక/ఇంజనీరింగ్‌ శాస్త్రాల్లో ఉన్న పారిభాషిక పదమే... ఆ తర్వాత వైద్యశాస్త్రం వాడుకలోకి వచ్చింది.  ఒకే పోష్చర్‌లో చాలాసేపు కూర్చుని / కదలకుండా ఉండటంతో వచ్చే ఈ కండిషన్‌ చాలా రకాల అనర్థాలకు దారితీస్తుంది. దీనివల్ల  రక్తప్రసరణ వేగం 20 శాతం వరకు తగ్గుతుంది. శ్వాస ప్రక్రియ కూడా మందగిస్తుంది. అంటే ఉచ్ఛ్వాస నిశ్వాసలు 30 శాతం వరకు తగ్గుతాయి. అందుకే దేహానికి అవసరమైన ఆక్సిజన్‌ మోతాదులు సైతం 30 శాతం తగ్గిపోతాయి. ఫలితంగా కణాలన్నింటికీ అవసరమైన ప్రాణవాయువు తగ్గుతుంది. శారీరకంగా ఎలాంటి శ్రమ లేనప్పటికీ... తీవ్రమైన అలసట కలుగుతుంది. చాలాసేపు కంప్యూటర్‌పై టైపింగ్‌ వల్ల వేళ్ల సమస్యలూ, ఒకే భంగిమలో సుదీర్ఘకాలం కూర్చోవడంతో కీళ్లనొప్పులు, ఇతర ఆరోగ్య సమస్యలు వస్తాయి. అందుకే ఇటు కంప్యూటర్‌పై పనిచేసేవారూ లేదా ఇతరత్రా పనుల్లో చాలాసేపు ఒకే పోష్చర్‌లో ఉండేవారు.... కొద్ది కొద్ది సేపటి తర్వాత ఒకసారి లేచినిలబడి, కాసేపు అటు ఇటు తిరగాలి. కంప్యూటర్‌ స్క్రీన్‌ను అదేపనిగా రెప్పవాల్చకుండా చూడకూడదు. ఇది కంటికి శ్రమ కలిగించడం, కనురెప్పలు కొట్టకపోవడం (బ్లింక్‌ చేయకపోవడం)తో లాక్రిమల్‌ గ్లాండ్స్‌ నుంచి స్రవించే కన్నీరు కంటిపై సమంగా విస్తరించదు. దాంతో కన్నుపొడిబారడం, కన్ను అలసటకు గురికావడం వంటి సమస్యలు వస్తాయి. అందుకే ప్రతి గంట తర్వాత కనీసం 10 నిమిషాల బ్రేక్‌ తీసుకుంటూ ఉండాలి. ఒకేచోట కూర్చుని పనిచేసే వృత్తుల్లో ఉండేవారు రోజూ కనీసం 30 – 45 నిమిషాల పాటు వాకింగ్‌ వంటి తేలికపాటి వ్యాయామాలు చేయాలి. కంప్యూటర్‌పై పనిచేస్తున్నప్పుడు కనురెప్పలు తరచూ మూస్తుండాలి. దాంతో ‘స్టాటిక్‌ లోడింగ్‌’ అనర్థాలను చాలావరకు నివారించవచ్చు. చదవండి: మొదటిసారే గుండెపోటు తీవ్రంగా.. మరణానికి దారితీసే పరిస్థితి, ఎందుకిలా?

Paralysed Man Walks Again: ఇంతవరకు పంది గుండె, కిడ్ని వంటివి మానవుడికి అమర్చడం వంటి సరికొత్త వైద్యా విధానాలను గురించి తెలుసుకున్నాం. పైగా అవయవాల కొరతను నివారించే ప్రక్రియలో భాగంగా జరిగిన సరికొత్త వైద్యా విధానాలుగా పేర్కొనవచ్చు. అయితే ఇంతవరకు మనం వెన్నముక ఇంప్లాంటేషన్‌(మార్పిడి) గురించి వినలేదు. వెన్నముకకి గాయాలై శరీరం చచ్చుబడి పోయి మంచానికి పరిమితమైన వారికి ఈ ఇంప్లాంటేషన్‌ వరం. అసలు విషయంలోకెళ్తే...వెన్నముకకు గాయాలవ్వడంతో మంచానికి పరిమితమైన వాళ్లు మళ్లీ తాము జీవితంలో లేచి నిలబడలేమని నిరాశ​ నిస్ప్రహలకి లోనవ్వాల్సిన అవసరంలేదంటున్నారు వైద్యులు. ఎందుకంటే ఎలక్ట్రికల్‌ పల్స్‌తో కూడిన వెన్నముక సాయంతో రోగులు నిలబడటమే కాక వ్యాయమాలు కూడా చేయగలరని అంటున్నారు. వెన్నుమక గాయం కారణంగా కాళ్లు చేతులు పక్షవాతానికి గురైన వాళ్లు సైతం లేచి నిలబడగలరిని ధీమాగా చెబుతున్నారు వైద్యులు. 2017లో మిచెల్ రోకాటి మోటర్‌బైక్ ప్రమాదంలో వెన్నముకకు అయిన గాయం కారణంగా దిగువ శరీర భాగం చచ్చుబడిపోయింది. అయితే రోకాటి ఎలక్ట్రికల్‌ పల్స్‌తో కూడిన వెన్నుముక ఇంప్లాంటేషన్‌తో అడుగులు వేయగలిగారని నేచర్ మెడిసిన్ జర్నల్‌ పేర్కొంది. అంతేకాదు ఇలాంటి సమస్యతో బాధపడుతున్న ముగ్గరు రోగులు ఈ ఎక్ట్రికల్‌ పల్స్‌తో కూడిన వెన్నముక ఇంప్లాంటేషన్‌ సాయంతో తమ శరీరాన్ని కదిలించగలిగారని తెలిపారు. ఆరు సెంటీమీటర్ల ఇంప్లాంట్‌ను చొప్పించి, పల్స్‌ను చక్కగా ట్యూన్ చేసిన కొద్దిసేపటికే ముగ్గురులో కదిలికలను గుర్తించాం అని అన్నారు.   ఈ ఎలక్ట్రోడ్‌లు ఇంతకుముందు అమర్చిన వాటి కంటే పొడవుగా, పెద్దవిగా ఉంటాయని తెలిపారు. ఇవి కండరాలను యాక్సెస్‌ చేయగలవని జపాన్‌ లాసాన్ యూనివర్శిటీ హాస్పిటల్‌లోని న్యూరో సర్జన్ జోసెలిన్ బ్లాచ్ చెప్పారు. అంతేకాదు ప్రారంభ దశలో కదిలించటానికి తమ ముందు శరీర భాగాంలో కొంత బలం ఉపయోగించాల్సి ఉంటుంది. ఆ తర్వాత రోగి ప్రాక్టీస్‌ చేయడం ద్వారా నిలబడటం, నడవటం వంటివి చేయగలుగుతారన్నారు. అంతేకాదు దాదాపు కిలోమీటర్‌ దూరం వరకు నడవగలుగుతారని చెప్పారు. పక్షవాతాన్ని పరిష్కరించడానికి ఎలక్ట్రికల్ పల్స్‌లను ఉపయోగించాలనే ఆలోచన నొప్పిని నియంత్రించడానికి ఉపయోగించే సాంకేతికత నుండి ఉద్భవించిందని తెలిపారు. ఈ ఎలక్ట్రిక్‌ పల్స్‌ కంప్యూటర్‌ ద్వారా యాక్టివేట్‌ అవుతుంటాయి. వీటిని రోజు రోగి యాక్టివేట్‌ చేసుకోవాల్సి ఉంటుందన్నారు. కొంతమంది ఈ ఎలక్ట్రిక్‌ పోల్స్‌ని యాక్టివేట్‌ చేయకుండా కూడా అవయవాలను కదిలించగలిగారని కానీ పూర్తిగా మాత్రం సాధ్యం కాదని న్యూరో సర్జన్‌లు చెబుతున్నారు. ఈ ఏడాది యునైటెడ్ స్టేట్స్ యూరప్‌లో సుమారు  50 నుంచి100 మంది రోగులపై ట్రయల్స్‌ నిర్వహించనున్నట్లు వైద్యులు పేర్కొన్నారు.

సాధారణంగా ఒక డెస్క్‌టాప్‌ కంప్యూటర్‌ లేదా ల్యాప్‌టాప్‌ ధర ఎంత ఉంటుంది అంటే ఏం చెప్తాం..? సుమారు రూ. 15 వేల నుంచి 50 వేల వరకు ఉండే అవకాశం ఉంది. సదరు డెస్క్‌టాప్‌, ల్యాప్‌టాప్‌ కాన్ఫీగరేషన్‌ బట్టి ధర మారుతూ ఉంటుంది. కాగా బ్రియాన్‌ బెంచాఫ్‌ అనే ఒక డెవలపర్‌ కేవలం 15 డాలర్లకే(సుమారు రూ. 1000) (Minimum Viable Computer) కంప్యూటర్‌ను తయారు చేసి అందరితో ఔరా..! అన్పిస్తున్నాడు...అసలు ఈ కంప్యూటర్‌ ఎలా పనిచేస్తుంది..ఇతర విషయాల గురించి తెలుసుకుందాం..! స్మార్ట్‌ఫోన్‌ సైజులో..! బ్రియాన్‌ తయారుచేసిన మినీ పాకెట్‌ సైజ్‌ కంప్యూటర్‌ ఇంచుమించు స్మార్ట్‌ఫోన్‌ సైజులో ఉంటుంది. ఇది ఒక Linux ఆపరేటింగ్‌ సిస్టమ్‌.  దీనిలోని ఆల్విన్నర్ F1C100s సిస్టమ్-ఆన్-ఎ-చిప్‌తో అనుసంధానించబడిన సాధారణ రెండు-పొరల పవర్‌ కంట్రోల్‌ బోర్డ్‌ను  (పీసీబీ)ను ఉపయోగించారు. అంతేకాకుండా  సింగిల్ CPU కోర్ కేవలం 533MHz వద్ద క్లాక్ చేయబడింది. విశేషమేమిటంటే Linux కు చెందిన ఆధునిక సంస్కరణలను అమలు చేయడానికి మద్దతును కలిగి ఉంది.  ఇది స్క్రిప్ట్‌లను, పింగ్ రిమోట్ సర్వర్‌లను అమలు చేయగలదు. వివిధ రకాల USB పరికరాలతో ఆపరేట్‌ చేయవచ్చును.  ఫీచర్స్‌లో కంప్యూటర్స్‌తో సమానంగా..! బ్రియాన్‌ తయారుచేసిన ఈ లైనక్స్‌ కంప్యూటర్‌లో సాధారణ కంప్యూటర్‌లో ఉండే ఫీచర్స్‌ అన్ని ఉన్నాయి. 2.3-అంగుళాల డిస్ప్లేతో స్ప్లిట్ ఐదు-వరుసల ఆర్తోగోనల్ కీబోర్డ్‌ను కలిగి ఉంది. ఈ కంప్యూటర్‌ స్క్రీన్ 240 x 320 రిజల్యూషన్‌ను కలిగి ఉంది అంతేకాకుండా ఇది టచ్‌ను కూడా సపోర్ట్‌ చేయనుంది. దీనిలో AAA NiMH సెల్‌ను అమర్చాడు. ఇతర పెరిఫెరల్స్ కోసం ప్రామాణిక USB-A పోర్ట్ ఉంది.   Wi-Fi అడాప్టర్, కీబోర్డ్,  ఎక్స్‌టర్నల్‌ హార్డ్‌ డిస్క్‌ కోసం యుటిలిటీ మద్దతు ఇచ్చే ఏదైనా ప్లగ్ ఇన్ చేయవచ్చు. అయితే, పరికరాన్ని ఛార్జ్ చేయడానికి USB-C పోర్ట్‌ను ఉపయోగించాలి. ఈ కంప్యూటర్‌ను తయారుచేయడానికి బ్రియాన్‌ కేవలం 14.16 డాలర్లను మాత్రమే ఖర్చు చేశాడు. ఈ ప్రాజెక్టును రియాలిటీగా మార్చేందుకు సిద్ధంగా ఉన్నానని ట్విటర్‌లో పేర్కొన్నాడు. ఇతరుల సహాయంతో దీనిని మరింత తక్కువ ధరకే లభించే అవకాశం ఉంటుందని బ్రియాన్‌ ఆశాభావం వ్యక్తం చేశాడు.     I designed the 'minimum viable computer', a full Linux computer that fits in your pocket. It costs $15.https://t.co/P7F3Re1mGw If you'd like to see more of this, please like, retweet, and share the above link in whatever forum or aggregator you frequent. pic.twitter.com/XzBSULz3El — VT-69 (@ViolenceWorks) January 26, 2022 చదవండి: మాస్కున్న ఫోన్‌ అన్‌లాక్‌ చేయవచ్చు..కేవలం వారికి మాత్రమే..!

వైజ్ఞానికరంగంలో ఖ్యాతిగాంచిన ప్రొఫెసర్‌ రాధాకృష్ణ (ఆర్కే) 80 ఏళ్ళ వయసులో జనవరి 21న హైదరాబాదులో మరణించారు. ఆయనకు భార్య, ఒక కుమార్తె ఉన్నారు. విశాఖ ఆంధ్రా యూనివర్సిటీలో ఎమ్మెస్సీ న్యూక్లియర్‌ ఫిజిక్స్‌లో ఉత్తీర్ణులైన తొలితరం విద్యార్థుల్లో ఆయన ఒకరు. బీఏఆర్‌సీ (బార్క్‌)లో పరిశోధనలు చేస్తున్న క్రమంలో 1970కి ముందే కంప్యూటర్‌ రంగంలో ప్రవేశించారు. కశ్మీర్, శ్రీనగర్, చండీగఢ్‌లలో ఇంజనీరింగ్, కంప్యూటర్‌ సైన్స్‌లలో ప్రొఫెసర్‌గా పనిచేసారు.  అలహాబాద్‌ ఐఐటీలో ప్రొఫెసర్‌గా పనిచేస్తున్నప్పుడు అక్కడికి 20 మంది దాకా నోబెల్‌ బహుమతి గ్రహీతలను ఆహ్వా నించి ‘సైన్సు సదస్సు’లను ఏడెని మిదేళ్ల పాటు నిర్వహించిన బృందంలో ఆర్కే కీలక పాత్ర వహించారు. ఆ నోబెల్‌ సైంటిస్టులు వారం రోజులపాటు క్యాంపస్‌ లోనే ఉండి ఉపన్యాసాలు, చర్చల్లో పాల్గొనే వారు. దేశ మంతటి నుంచీ సైన్సులో బోధన – పరిశోధనల పట్ల అసక్తి కల వెయ్యిమంది విద్యార్థులు, టీచర్లు ఆహ్వానితులుగా ఆ వారం రోజులూ అక్కడే ఉండే వీలు కల్పిం చిన విశిష్ట కార్యక్రమం అది. అందులో 200 మంది స్కూల్‌ ఫైనల్‌ స్థాయి విద్యార్థులూ ఉండే వారు. ఈ కార్యక్రమ ప్రధాన రూపకర్త ఆర్కే. ఆయన దేశభక్తి కేవలం నినాదప్రాయం కాదు. ప్రొఫెసర్‌గా ఎందరో విద్యార్థులను సైంటిస్టులుగా తయారుచేసి దేశానికి అందించిన ఆచరణశీలి ఆయన. సైన్సు విద్యను ప్రోత్సహించటానికి జీవితాన్ని అంకితం చేశారు. దశాబ్దాల క్రితమే ఎమ్‌ఐటీ (అమెరికా)లో ఆయన చేసిన కృషి ప్రశంసలందుకున్నది. 70 దేశాల ఉన్నత విద్యాలయాల్లో సైన్సు కార్యక్రమాల నిర్వహణలో పని చేసిన రాధాకృష్ణ ప్రధాన కార్య క్షేత్రం మాత్రం మన దేశమే. ఆయా దేశాల్లో 16 అంతర్జాతీయ వైజ్ఞానిక సదస్సులు నిర్వహిం చినా, విదేశాల్లో పని చేయటానికి ఆయన ఇష్టపడలేదు. దేశంలోని ఎంటెక్, పిహెచ్‌డీ వంటి కోర్సులకు, ట్రిపుల్‌ ఐటీ స్థాయి విద్యాసంస్థలకు కావల్సిన పాఠ్యాంశాలను రూపొందించటం; రక్షణ శాఖలో, విద్యారంగంలో సాంకేతిక సలహా దారుగా పని చేయడం, విద్యా వాతావర ణాన్ని, శాస్త్రీయ çస్పృహను పెంపొందిం చడం వంటి ఎన్నో రకాలుగా దేశానికి విశిష్ట సేవలను అందించారు.  – మరింగంటి శ్రీరామ, రిటైర్డ్‌ సీజీఎం, సింగరేణి ‘ 94922 05310

Paralysed man becomes worlds first person: పక్షవాతం గురించి మనందరికి తెలిసిందే. శరీరంలో ఏ భాగానికి పక్షవాతం వస్తుందో ఆయా భాగాలు చచ్చుబడిపోవడమే కాకుండా కదిలించలేరు. ఒక్కొసారి ఆ పరిస్థితి చాలా దయనీయంగా కూడా ఉంటుంది. అయితే పక్షవాతంతో శరీరం అంతా చ్చుబడిపోయి కదలకుండా ఉన్నవ్యక్తి తన మనసుతో ట్విట్టర్‌లో ఓ పోస్ట్‌ పెట్టాడు. ఎలా ట్విట్‌ చేశాడని ఆలోచించేయకండి.! (చదవండి: నా భార్య, బిడ్డను వెతికి తీసుకువచ్చిన వారికి రూ.5000 బహుమతి!!) అసలు విషయంలోకెళ్లితే....ఆస్ట్రేలియాకు చెందిన  ఫిలిప్ ఓకీఫ్ వేళ్లతో కాకుండా మొదడును మాత్రమే ఉపయోగించి ట్వీట్‌ చేశాడు. అంటే అతను మెదడు కంప్యూటర్‌కి కనక్ట్‌ అవ్వడంతో తన ఆలోచనలకు అనుగుణంగా సందేశం కంప్యూటర్‌లో టైప్‌ అవుతుంది. నిజానికి ఫిలిప్‌ 2015 నుండి అమియోట్రోఫిక్ లాటరల్ స్క్లెరోసిస్ (ఏఎల్‌ఎస్‌)తో బాధపడుతున్నాడు. ఈ పరిస్థితి కారణంగా అతను శరీరం అంతా పక్షవాతానికి గురై కదలకుండ చచ్చుబడిపోయింది. అయితే కాలిఫోర్నియాకు చెందిన బ్రెయిన్‌-కంప్యూటర్ ఇంటర్‌ఫేస్ కంపెనీ ఇలాంటి వ్యక్తులు తమ మనసుతో కంప్యూటర్‌ని ఆపరేట్‌ చేయగలిగేలా ఒక సరికొత్త సాంకేతిక పరిజ్ఞానాన్ని  తీసుకువచ్చింది. ఈ మేరకు ఆ కంపెనీ 62 ఏళ్ల ఫిలిప్‌ మొదడుని కంప్యూటర్‌కి అనుసంధినిస్తూ  పేపర్‌క్లిప్ పరిమాణంలో ఉండే సింక్రోన్ స్టెంట్రోడ్ అనే మైక్రోచిప్‌ని అమర్చింది. దీంతో అతని మెదడుకు సంకేతాలను అందజేసే చిన్నమొదడు ఆలోచనలను ఈ ఇంప్లాంట్‌ మైక్రోచిప్‌ చదివి టెక్స్ట్‌(సందేశంగా) రూపొందిస్తుంది లేదా అనువదిస్తుంది. అయితే ఫిలిప్‌కి ఈ బ్రెయిన్ ఇంప్లాంట్‌ సాంకేతికతో ట్విట్టర్‌లో ఒక పోస్ట్‌ పెట్టాలనే ఆలోచన వచ్చింది. అనుకున్నదే తడువుగా ఫిలిప్ 'హలో వరల్డ్' అనే సందేశాన్ని ట్విట్‌ చేశాడు. ఈ ట్విట్‌ కారణంగా ఫిలిప్‌ ప్రపంచంలోనే ఆలోచన ద్వారా నేరుగా సోషల్ మీడియా సందేశాన్ని విజయవంతంగా పోస్ట్ చేసిన తొలి వ్యక్తిగా నిలిచాడు. అంతేకాదు ఇది మొదటి ప్రత్యక్ష-ఆలోచన ట్వీట్‌గా కంపెనీ పేర్కొంది. ఈ క్రమంలో ఫిలిప్‌ మాట్లాడుతూ..." ఈ సాంకేతికత గురించి మొదటిసారిగా  విన్నప్పుడు ఆశ్చర్యపోయాను. అంతేకాదు ఈ సాంకేతికతను వినియోగించాలంటే కొంత సాధన కూడా అవసరం. ఇక ఇప్పుడు నేను కంప్యూటర్‌లో ఎక్కడ క్లిక్ చేయాలనుకుంటున్నాను అనే దాని గురించి మాత్రమే ఆలోచిస్తున్నాను. అంతేకాదు ఈమెయిల్‌, షాపింగ్‌, బ్యాంకింగ్‌ వంటి పనుల్ని కంప్యూటర్‌లో చేయగలను " అని అన్నారు. (చదవండి: ప్రేమానుబంధాలు మీకేనా? మాకూ ఉంటాయి)

45 ఏళ్ల క్రితం స్టీవ్‌ జాబ్స్‌ స్వయంగా తయారుచేసిన యాపిల్‌–1 కంప్యూటర్‌ ఇది. అమెరికాలో మంగళవారం జరిగిన జాన్‌ మోరాన్‌ ఆక్షనీర్స్‌ వేలంపాటలో ఇది దాదాపు రూ.3 కోట్ల ధర పలికింది. ఎయిర్‌ బెలూన్‌ రికార్డు ఫ్రాన్స్‌లో 3,637 మీటర్ల ఎత్తులో ఎగురుతున్న హాట్‌ ఎయిర్‌ బెలూన్‌పై ఎక్కువ సేపు నిలబడి ప్రయాణించి కొత్త ప్రపంచ రికార్డును సృష్టించిన ఈయన పేరు రెమీ ఓవర్డ్‌. బుధవారం చాటెలార్ట్‌లో తీసిందీ ఫొటో.    

Steve Jobs Autograph: టెక్నాలజీ ఎరాలో యాపిల్‌ ఆవిష్కరణ ఒక కీలక పరిణామమనే చెప్పొచ్చు. అందుకే యాపిల్‌ ఫౌండర్‌ స్టీవ్‌ జాబ్స్‌ను ఓ పాథ్‌ మేకర్‌గా భావిస్తుంటారు. చనిపోయాక కూడా ఆయన లెగసీ కొనసాగుతూనే వస్తోంది. తాజాగా ఆయన సంతకంతో ఉన్న ఓ కంప్యూటర్‌ మ్యానువల్‌.. వేలంపాటలో సుమారు ఆరు కోట్ల రూపాయలను దక్కించుకుని వార్తల్లో నిలిచింది. 1977లో యాపిల్‌ II కంప్యూటర్‌ రిలీజ్‌ అయ్యింది. దాదాపు రెండేళ్లపాటు నడిచిన ఈ వెర్షన్‌.. పర్సనల్‌ కంప్యూటింగ్‌లో, కంప్యూటర్‌ల బిజినెస్‌లో విప్లవాత్మక మార్పునకు కారణమైంది. అలాంటి కంప్యూటర్‌కు చెందిన మ్యానువల్‌పై స్టీవ్‌ జాబ్స్‌, యాపిల్‌ సెకండ్‌ సీఈవో మైక్‌ మర్‌క్కులా 1980లో సంతకం చేశారు. యూకేకు చెందిన ఎంట్రప్రెన్యూర్‌ మైక్‌ బ్రివర్‌(తర్వాత యూకే యాపిల్‌ కంప్యూటర్‌కు ఎండీ అయ్యాడు) కొడుకు జులివాన్‌ కోసం దానిపై సంతకం చేశారు వాళ్లు. ‘‘జులివాన్‌.. మీ జనరేషన్‌ నడక కంప్యూటర్లతో మొదలైంది. మార్పునకు సిద్ధం కండి’ అంటూ దాని మీద స్టీవ్‌ జాబ్స్‌ చేత్తో రాసిన రాత కూడా ఉంది. మైక్‌తో స్టీవ్‌ జాబ్స్‌  బోస్టన్‌కు చెందిన ఆర్‌ఆర్‌ ఆక్షన్స్‌ కంపెనీ ఈ అటోగ్రాఫ్‌ కాపీని వేలం వేసింది. మొత్తం 46 బిడ్లు దాఖలు కాగా, విన్నింగ్‌ బిడ్‌ 7,87,484 డాలర్ల(మన కరెన్సీలో 5.8కోట్ల రూపాయలకు పైనే) బిడ్‌ ఓకే అయ్యింది. ఇండియానా పొలిస్‌ కోల్ట్స్‌కు చెందిన.. జిమ్‌ ఇర్సే దీనిని దక్కించుకున్నట్లు తెలస్తోంది. ‘‘ఆరోజు జాబ్స్‌, మర్‌క్కులా మా ఇంటికి వచ్చారు. బెడ్‌రూంలో ఉన్న నేను.. ఆ విషయం తెలిసి పరిగెత్తుకుంటూ వెళ్లా. నా ఆత్రుత చూసి దగ్గరికి తీసుకుని.. నా దగ్గర ఉన్న మ్యానువల్‌పై సంతకం చేసిచ్చారు వాళ్లు’ అని ఆనాటి సంగతిని గుర్తు చేసుకున్నాడు జులివాన్‌. ఇక 1973లో స్టీవ్‌ జాబ్స్‌ ఓ కంపెనీలో ఉద్యోగం కోసం చేసుకున్న చేతిరాత దరఖాస్తు కాపీని..  యూకేలోని ప్రముఖ సంస్థ చార్టర్‌ఫీల్డ్స్ వేలం వేయగా సుమారు రూ. కోటిన్నరకు పోయింది. చదవండి: IPO-ప్రజల నుంచి 70వేల కోట్లు!!

సూర్యచంద్రులు భూమి మీద కాకుండా ఆకాశంలో ఎందుకు ఉంటారో తెలుసా? బెడ్‌బగ్‌(నల్లి) బాధ భరించలేకే’ అంటాడు కవి చమత్కారంగా.‘బెడ్‌ బగ్‌’ సంగతి సరే, మరి ‘కంప్యూటర్‌ బగ్‌’ మాటేమిటి? అది బగ్‌ కాదు దెయ్యం అంటే కాదనేదేముంది!ఈ దెయ్యాన్ని చూసి పారిపోవాల్సిన పనిలేదు...పట్టుకుంటే చాలు డబ్బులే డబ్బులు! మనం ఒక అందమైన ఇల్లు కట్టుకున్నాం. ‘ఏ లోపం లేకుండా సకల జాగ్రత్తలు తీసుకున్నాం’ అని మురిసిపోతాం. ‘కాకి పిల్ల కాకికి ముద్దు’ అన్నట్లుగా మన ఇల్లు మనకు ముద్దుగానే కనిపించి ఏ లోపాన్ని కనిపించనివ్వదు. ‘మా ఇంటి నిర్మాణంలో లోపం కనిపెడితే డబ్బులు ఇస్తాం’ అని ఆ ఇంటియజమాని ప్రకటించాడు. అప్పుడు ఎవరో ఒకరు వచ్చి ‘ఇదిగో ఫలాన చోట లోపం ఉంది’ అని చూపించారనుకోండి, సదరు యజమాని ఆ వ్యక్తికి నజరానా ఇస్తాడు. ఇలాగే... సైబర్‌ క్రిమినల్స్‌ చొరబడకుండా ఉండేందుకు ప్రముఖ టెక్‌కంపెనీలు సెక్యూరిటీ ప్రోగ్రామ్స్‌ను అప్‌డేట్‌ చేస్తుంటాయి. అయినప్పటికీ ఎక్కడో ఒకచోట మిస్టేక్స్‌ జరుగుతూనే ఉంటాయి. ఈ లోపాలను కనిపెట్టిన వారికి కంపెనీలు నగదు బహుమతిని ఇస్తుంటాయి. ‘బగ్‌ బౌంటి’పై యూత్‌ ఆసక్తి చూపుతుంది. బహుమతుల గెలుపులో ‘యువతరం’ ముందుంటుంది. మైక్రోసాఫ్ట్,ఫేస్‌బుక్, యాహూ, మోజిల్లా కార్పోరేషన్, స్క్వైర్‌... మొదలైన దిగ్గజ సంస్థలు ‘బగ్‌బౌంటీ’లో భాగంగా కొంత మొత్తాన్ని కేటాయిస్తున్నాయి. మరోవైపు ‘యునైటెడ్‌ స్టేట్స్‌ డిపార్ట్‌మెంట్‌ ఆఫ్‌ డిఫెన్స్‌’లాంటి ఏజెన్సీలు కూడా ‘బగ్‌ బౌంటీ’లు ప్రకటిస్తున్నాయి. సింగపూర్‌ గవర్నమెంట్‌ ఇన్‌ఫర్‌మేషన్‌ అండ్‌ కమ్యూనికేషన్‌ టెక్నాలజీ(ఐసీటి)కి సంబంధించిన 13 విభాగాలలో ‘బగ్‌ బౌంటీ’ పథకం క్రింద ఆకర్షణీయమైన బహుమతులు ప్రకటించింది. టెక్‌ దిగ్గజం మైక్రోసాఫ్ట్‌ ‘బగ్‌బౌంటీ’ ప్రోగ్రాం క్రింద వందకోట్లకు పైగా కేటాయించింది. 58 దేశాల్లో 340 మంది రివార్డ్‌లను గెలుచుకున్నారు. గూగుల్‌ బగ్‌బౌంటీ రివార్డ్స్‌ కోసం 50 కోట్లకు పైగా కేటాయించింది. 62 దేశాల్లో 662 మంది రివార్డ్‌లు గెలుచుకున్నారు. బగ్‌ హంటర్స్‌ కోసం గూగుల్‌ ఇటీవలే బగ్‌హంటర్స్‌.గూగుల్‌.కామ్‌ అనే కొత్త ప్లాట్‌ఫామ్‌ను ప్రకటించింది. మన దేశం విషయానికి వస్తే...మహారాష్ట్రకు చెందిన ఇంజనీరింగ్‌ విద్యార్థి మయూర్‌ ఇన్‌స్టాగ్రామ్‌లో ‘బగ్‌’ కనిపెట్టి 22 లక్షలకు పైగా బహుమతిని గెలుచుకున్నాడు. ఇరవై సంవత్సరాల సెల్ఫ్‌–టాట్‌ సైబర్‌ సెక్యూరిటీ ఎక్స్‌పర్ట్‌ ఆదిత్‌సింగ్‌ (దిల్లీ) మైక్రోసాఫ్ట్‌ అజ్యూర్స్‌ క్లౌడ్‌ప్లాట్‌ఫామ్‌లో ఆర్‌సీయి (రిమోట్‌కోడ్‌ ఎగ్జిక్యూషన్‌) బగ్‌ను కనిపెట్టి 22 లక్షల పైచిలుకు బహుమతిని గెలుచుకుంది. చెన్నైకి చెందిన లక్ష్మణ్‌ ముత్తయ్య మైక్రోసాప్ట్‌ ‘ఐడెంటిటీ బౌంటీ ప్రోగ్రాం’లో సుమారు 22 లక్షలకు పైగా గెలుచుకున్నాడు. మధురైకి చెందిన ఇంజనీరింగ్‌ విద్యార్థి టీకే కిశోర్‌  ఫేస్‌బుక్‌లో ప్రైవసీకి భంగం కలిగించే బగ్‌ను కనిపెట్టి లక్ష రూపాయల వరకు గెలుచుకున్నాడు. 22 లక్షలు ఎక్కడా? లక్ష రూపాయలు ఎక్కడా? అని ఆశ్చర్యపోతున్నారా! విషయమేమిటంటే ‘బగ్‌’ను కనిపెట్టగానే లక్షలకు లక్షలు ఇస్తారని కాదు. ‘బగ్‌’ వల్ల ఎంత ఎక్కువ ముప్పు ఉంది? అనేదాన్ని బట్టే బహుమతి మొత్తం ఆధారపడి ఉంటుంది. టెక్నాలజీలో కొమ్ములు తిరిగిన వారు మాత్రమే బౌంటీలో బహుమతులు గెలుచుకోవడం లేదు. ఆసక్తి ఉండి, అది అధ్యయనంగా మారి, విశ్లేషణ సామర్థ్యం, సృజనతో సెల్ఫ్‌–టాట్‌ సైబర్‌ ఎక్స్‌పర్ట్‌లుగా తమను తాము మలుచుకున్న అదితిలాంటి వారు ఎందరో ఉన్నారు. ‘మాకు కాస్తో కూస్తో తెలుసు. ఇంకా తెలుసుకోవాలని ఉంది’ అని ఆశించేవారి కోసం ఆన్‌లైన్‌ బగ్‌బౌంటీ కోర్సులు అందుబాటులో ఉన్నాయి. ఇక మీదే ఆలస్యం.             

బెంగళూరు: టెక్నికల్‌ సపోర్ట్‌ పేరుతో సైబర్‌ నేరగాళ్లు రెచ్చిపోతున్నారు. మీ చింతలు తీరుస్తామంటూ  చిక్కుల్లో పడేస్తున్నారు. ముఖ్యంగా ఇండియాలో ఈ తరహా నేరాలు భారీగా జరుగుతున్నాయి. సెక్యూరిటీ రీసెర్చ్‌ సంస్థలు విడుదల చేసిన తాజా గణాంకాలు ఇదే విషయాన్ని తేటతెల్లం చేస్తున్నాయి.  వల విసురుతున్న సైబర్‌ నేరగాళ్లు ఈ ఏడాది తొలి మూడు నెలల్లోనే టెక్‌ సపోర్ట్‌ పేరుతో మెసాలకు పాల్పడుతున్న 2,00,00ల మంది సైబర్‌ నేరగాళ్లను గుర్తించామంటూ ప్రముఖ టెక్‌ సర్వీసెస్‌ సంస్థ అవాస్ట్‌ పేర్కొంది. ఇలా గుర్తించిన వారందరినీ బ్లాక్‌ చేయడం చేసినట్టు తెలిపింది.  హానికర మాల్‌వేర్‌ సైబర్‌ నేరగాళ్లు టెక్‌ సపోర్ట్‌ పేరుతో వల వేస్తున్నారు. సామాన్యుల కంప్యూటర్లతో యాక్సెస్‌ దొరకగానే ... మాల్‌వేర్‌లను చొప్పిస్తున్నారు. అనంతరం డేటాను దొంగిలిస్తున్నారు. కొన్నిసార్లు సిస్టమ్‌ మొత్తం క్రాష్‌ అయ్యేలా హానికరమైన మాల్‌వేర్‌ను సైతం పంపిస్తున్నారు. దీంతో వీరి వలలో పడినవారు తీవ్రంగా నష్టపోతున్నట్టు అసలైన టెక్‌సపోర్ట్‌ సంస్థలు వెల్లడిస్తున్నాయి.  సపోర్ట్ పేరుతో..  టెక్‌ సపోర్ట్‌ పేరుతో ఫోన్లు చేయడం, మెసేజ్‌లు పంపడం ద్వారా కంప్యూటర్‌ యూజర్లతో సైబర్‌ నేరగాళ్లు కాంటాక్ట్‌లోకి వస్తున్నారు. కంప్యూటర్‌, ల్యాప్‌టాప్‌ లేదా ట్యాబ్‌లో సమస్య ఉందని దాన్ని పరిష్కరించుకోవాలంటూ సూచిస్తారు. తమ టెక్‌ సెక్యూరిటీ సాఫ్ట్‌వేర్‌లను వాడితే సమస్య దూరమైపోతుందంటూ నమ్మిస్తున్నారు. ఆ వెంటనే తమ ప్రణాళికను అమల్లో పెడుతున్నారు. ఆర్థిక నేరాలు కంప్యూటర్లలో విలువైన సమాచారం చేతికి వచ్చిన తర్వాత కొందరు నేరగాళ్లు బ్యాంకు ఖాతాల ఆధారంగా ఆర్థిక నేరాలకు పాల్పడుతుంటే మరికొందరు వ్యక్తిగత సమాచారం ఆధారంగా బ్లాక్‌మెయిల్‌కు దిగుతున్నారు. ఆన్‌లైన్‌ టెక్‌ సపోర్ట్‌ పేరుతో సంప్రదించే నేరగాళ్ల పట్ల జాగ్రత్తగా ఉండాలంటూ సైబర్‌ సెక్యూరిటీ సంస్థలు సూచిస్తున్నాయి. 

సాక్షి, సెంట్రల్‌ డెస్క్‌: మనం ఏదో ఒక పని మీద వెబ్‌సైట్లు ఓపెన్‌ చేస్తుంటాం.. ఒక్కోసారి ఆ పేజీలు ఓపెన్‌ కావడానికి ముందు ‘క్యాప్చా (CAPTCHA)’ను కంప్లీట్‌ చేయాలని అడుగుతుంది. అడ్డంగా, పొడుగ్గా సాగదీసి, వంగి ఉన్న అక్షరాలను చూపి.. వాటిని గుర్తించి ఎంటర్‌ చేయాలని అడుగుతుంది. ఇంకొన్ని వెబ్‌ సైట్లలో ‘ఐయామ్‌ నాట్‌ రోబో (నేను రోబోను కాదు)’ అని టిక్‌ చేయాలని కోరుతుంది. మరికొన్నిటిలో చాలా బొమ్మలు పెట్టి.. ఇందులో కారు ఉన్న బొమ్మలను టిక్‌ చేయండి అని అడుగుతుంది.. అసలు ఇవన్నీ ఏమిటి? ఎందుకు? ఎప్పుడైనా ఆలోచించారా? అసలు మనం రోబోలం కాదు అని నిరూపించుకోవాల్సిన అవసరం ఏముంది? ఎందుకన్నది ఇప్పుడు తెలుసుకుందాం.. వెబ్‌సైట్లకు రక్షణ కోసం కంప్యూటర్‌ టెక్నాలజీలు పెరిగాక ఆటోమేటిక్‌ ప్రోగ్రాములు, రోబోల రూపకల్పన మొదలైంది. నిర్దేశించిన పనిని, నిర్దేశించిన సమయంలో ఆటోమేటిగ్గా చేసే ఈ ప్రోగ్రాములు, రోబోల సాయంతో వెబ్‌ సైట్లను ఓపెన్‌ చేయడంతోపాటు, పేజీలను రీడ్‌ చేయొచ్చు. ఏదైనా వెబ్‌సైట్‌ను ఒకేసారి పెద్ద సంఖ్యలో ఓపెన్‌ చేయడానికి ప్రయత్నిస్తే.. వెబ్‌సైట్లు, వాటి సర్వర్లు క్రాష్‌ అవుతాయి. దీనితో పాటు వైరస్‌ అటాక్‌లు, ఫిషింగ్, మాల్‌వేర్లను చొప్పించడం వంటివాటిని కూడా ఈ ఆటోమేటిక్‌ ప్రోగ్రాములు, రోబోలు చేయగలుగుతాయి. ఈ సమస్య నుంచి బయటపడటానికే ‘క్యాప్చా’ విధానాన్ని అభివృద్ధి చేశారు. క్యాప్చా అంటే.. ‘కంప్లీట్లీ ఆటోమేటెడ్‌ పబ్లిక్‌ ట్యూరింగ్‌ టెస్ట్‌ టు టెల్‌ కంప్యూటర్స్‌ అండ్‌ హ్యూమన్స్‌ అపార్ట్‌’. వెబ్‌సైట్లను రోబోలు, ఆటోమేటిక్‌ ప్రోగ్రాముల నుంచి రక్షించేందుకు.. 2000వ సంవత్సరంలో దీనిని రూపొందించారు. మనుషులు సులువుగానే గుర్తించగలిగి.. కంప్యూటర్లు గుర్తించలేని చిన్నపాటి పరీక్ష ఇది అని చెప్పొచ్చు. అక్షరాలను గుర్తించడంతో.. అక్షరాలను చదివి గుర్తించడంలో మనుషులకు మంచి  నైపుణ్యం ఉంటుంది. మనకు తెలిసిన అక్షరాలు వంగి ఉన్నా, సాగదీసి ఉన్నా,  వివిధ రకాల ఫాంట్లలో ఉన్నా కూడా మనం కాస్త సులువుగానే గుర్తించగలం. ఈ సామర్థ్యమే మొదట క్యాప్చా రూపకల్పనకు మార్గం చూపింది. కంప్యూటర్లు ‘ఆప్టికల్‌ క్యారెక్టర్‌ రికగ్నిషన్‌’ సాంకేతికత సాయంతో అక్షరాలను గుర్తిస్తాయి. అవి నిర్దేశించిన మేరకు మాత్రమే కచ్చితంగా అంచనా వేస్తాయి. మనుషుల తరహాలో భిన్నమైన వాటిని గుర్తించలేవు. క్యాప్చా: ఒకే పదంతో పరీక్ష మొదట్లో ఒకే పదం ఉన్న క్యాప్చాలను ఉప యోగించారు. ప్రోగ్రామర్లు కంప్యూటర్‌కు ముందే ఒక పదాన్ని ఇస్తారు. అంటే క్యాప్చా ఏమిటనేది ఈ కంప్యూటర్‌కు ముందే తె లుస్తుంది. తర్వాత ఆ పదాన్ని సాగదీసి, వంచి, అక్షరాలను కూడా వేర్వేరుగా సాగదీసి.. వాటి మధ్య దూరం పెంచి ఒక ఇమేజ్‌ను తయారు చేస్తారు. దీనిని క్యాప్చాగా పెడతారు. మను షులు ఆ పదాన్ని లేదా అక్షరాలను గుర్తించి.. పక్కనే ఇచ్చిన బాక్స్‌లో నమోదు చేస్తారు. కంప్యూటర్‌ దానిని సరైనదిగా గుర్తించి వెబ్‌పేజీని ఓపెన్‌ చేస్తుంది. ఆటోమేటిక్‌ ప్రోగ్రాములు, రోబోలు ఈ క్యాప్చాలను అర్థం చేసుకోలేకపోతాయి కాబట్టి వెబ్‌పేజీ ఓపెన్‌కాదు. ప్రతిసారి ప్రోగ్రామర్లు పదాలను ఇవ్వలేరు కాబట్టి.. ముందే వేల సంఖ్యలో పదాలను కంప్యూటర్‌కు ఇచ్చారు. కంప్యూటరే ప్రతిసారి ఆటోమేటిగ్గా వాటిల్లోంచి ఓ పదాన్ని ఎంపిక చేసి.. వంచి, సాగదీసి క్యాప్చాలుగా పెడుతుంది. రీక్యాప్చా:  రెండు పదాలతో.. సాంకేతికత పెరిగిన కొద్దీ ఈ పరీక్షను కాస్త కష్టతరం చేసేందుకు 2005లో రీక్యాప్చాను ప్రవేశపెట్టారు. ఇందులో రెండు పదాలు ఉంటాయి. ఒక పదాన్ని కంప్యూటర్‌ నేరుగా సృష్టించి ఇస్తుంది. స్కాన్‌ చేసి పెట్టిన పాత పుస్తకాలు, ఆర్టికల్స్‌ నుంచి మరో పదాన్ని ఇస్తుంది. మనం ఈ రెండు పదాలను నమోదు చేస్తే వెబ్‌పేజీ ఓపెన్‌ అవుతుంది. ఆ పదాలన్నీ  డిజిటలైజ్‌ పాత పుస్తకాలు, ఆర్టికల్స్‌ను స్కాన్‌ చేసిన ఈ పదాలను మనం రీక్యాప్చా ల్లో ఎంటర్‌ చేస్తుం టాం. మరి అవన్నీ ఏమైపోతున్నాయో తెలుసా? కంప్యూటర్‌ మళ్లీ వాటిని తీసుకెళ్లి వరు సగా అమర్చుతుంది. చివరికి అదంతా డిజిటలైజ్‌ అవుతుంది. ప్రపంచవ్యాప్తంగా కోట్ల మంది వినియోగిస్తారు కాబట్టి ఇది భారీగా ఉం టుంది. ఎంత అంటే.. అమెరికాలోని న్యూ యార్క్‌ టైమ్స్‌ పత్రికలో ఏడాది పాటు వచ్చిన ఆర్టికల్స్‌ అన్నీ నాలుగు రోజుల్లో డిజిటలైజ్‌అయిపోతాయన్నమాట. 2009లో ఈ ‘రీక్యాప్చా’ను కొనుగోలు చేసిన గూగుల్‌ సంస్థ.. పుస్తకాలను డిజిటలైజ్‌ చేయడానికి ఈ టెక్నాలజీని వినియోగిస్తోంది. కృత్రిమ మేధతో దెబ్బ! 2010–12 తర్వాత కృత్రిమ మేధ (ఆర్టిఫిషియల్‌ ఇంటెలిజెన్స్‌– ఏఐ) బాగా అభివృద్ధి చెందింది. ఎంతగా వంచడం, సాగదీయడం వంటివి చేసినా కూడా అక్షరాలను గుర్తించగల సామర్థ్యం రోబోలు, ప్రోగ్రాములకు సమకూరాయి. అవి క్యాప్చాలను సులువుగా పరిష్కరించడం మొదలుపెట్టాయి. æ2014లో గూగుల్‌ మెషీన్‌ లెర్నింగ్‌ అధ్యయనం ప్రకారం.. ఎక్కువ స్థాయిలో మార్చిన అక్షరాలను మనుషులు 33 శాతం కచ్చితత్వంతో గుర్తిస్తే.. ఏఐ ఆధారిత రోబోలు, ప్రోగ్రాములు ఏకంగా 99.8 శాతం కచ్చితత్వంతో గుర్తించగలిగాయి. రీక్యాప్చా వీ2:  చిత్రాల సాయంతో.. ఇలా జరగడంతో ఏఐ ఆధారిత ప్రోగ్రాములు, రోబోల నుంచి తప్పించు కునేందుకు వెబ్‌సైట్లకు చిత్రాలతో కూడిన ‘రీక్యాప్చా వీ2’ను రూపొందించారు. 2015–16 నుంచి ఇది అందుబాటులోకి వచ్చింది. ఇందులో కొన్ని చిత్రాలు చూపించి.. అందులో కొన్నింటిని గుర్తించే పరీక్ష పెట్టారు. ఉదాహరణకు.. చిత్రాల్లో ట్రాఫిక్‌ లైట్లు, రోడ్లు, షెడ్లు, చెట్లు, వాటి భాగాలు ఉన్న వాటిని గుర్తించాల్సి ఉంటుంది. అయితే, గూగుల్‌ తమ గూగుల్‌ మ్యాప్స్‌ను మెరుగుపర్చేందుకు ఈ డేటాను వాడుకుంటుండటం గమనార్హం. æ ఇంత చేసినా కూడా ఏఐ కంప్యూటర్‌ ప్రోగ్రాములు, రోబోలు వీటినీ సులువుగా గుర్తించడం మొదలుపెట్టాయి. రీక్యాప్చా వీ3:  జస్ట్‌ క్లిక్‌ చేస్తే చాలు అన్ని రకాల క్యాప్చా పరీక్షలను ప్రోగ్రాములు, రోబోలు పరిష్కరిస్తుండటంతో.. కొత్తగా ‘రీక్యాప్చా వీ3’ని కొంతకాలంగా వినియోగిస్తున్నారు. ఇందులో వినియోగదా రుడు నేరుగా ఎలాంటి పరీక్ష ఎదుర్కోవాల్సిన అవసరం ఉండదు. కేవలం ‘ఐయామ్‌ నాట్‌ రోబో’ అని ఉన్న డిక్లరేషన్‌ను క్లిక్‌ చేయాల్సి ఉంటుంది. అయితే ‘రీక్యాప్చా వీ3’ కూడా కృత్రిమ మేధ ఆధారంగా పనిచే స్తుంది. ఇది వెబ్‌పేజీల బ్యాక్‌గ్రౌండ్‌లో రన్‌ అవుతూ.. వినియోగిస్తున్నది మనుషులేనా, కాదా అన్నదానిపై నిఘా పెడుతుంది. ఉదాహరణకు మౌస్‌తో అత్యంత వేగంగా, అత్యంత కచ్చితంగా క్లిక్స్‌ చేయడం, వేగంగా టైపింగ్‌ చేయడం, చకచకా ఆప్షన్లు ఎంపిక చేసుకోవడం వంటి రోబోలు చేసే పనులు.. వీటి ఆధారంగా అది మనిషా, రోబోనా అని గుర్తిస్తుందన్నమాట. చూశారుగా.. మనం రోబో కాదని నిరూపించుకోవడానికి ఎన్ని ప్రయాసలు పడాల్సి వస్తోందో..  చదవండి: ఈ యాప్స్‌తో ఒత్తిడి పరార్‌..!

చాలామంది గంటలతరబడి అలాగే కంప్యూటర్‌ ముందు కూర్చుని టైపింగ్‌ వంటి పనిచేస్తుంటారు. అలా చేస్తున్న క్రమంలో ముందు కాసేపు బాగానే ఉండి... ఆ తర్వాత తప్పులు ఎక్కువగా దొర్లుతుంటాయి. దీనికో కారణం ఉంది. ఇలా సుదీర్ఘకాలం పాటు స్థిరంగా ఒకే పోష్చర్‌లో కూర్చుంటే అది ‘స్టాటిక్‌ లోడింగ్‌’  అనే పరిస్థితికి దారితీస్తుంది. కొందరిలో కేవలం అరగంటకే ఈ పరిస్థితి వస్తుంది. ఈ కండిషన్‌లో రక్తప్రసరణ 20 శాతం మందగిస్తుందని పరిశోధనల్లో తేలింది. ఇలా కూర్చుండిపోయినప్పుడు వాళ్ల ఉచ్ఛ్వాస నిశ్వాసలు సైతం 30 శాతం మందగిస్తాయి. దాంతో ఆక్సిజన్‌ పాళ్లూ 30 శాతం తగ్గుతాయి. అంటే... ఆ మేరకు శరీరానికి అవసరమైన ప్రాణవాయువు తగ్గడంతో కూర్చుని పనిచేస్తున్నా కొద్దిసేపట్లోనే అలసిపోయిన ఫీలింగ్‌ కలుగుతుంది. అలాగే వ్యాయామం తగ్గడం వల్ల కీళ్లనొప్పులు, ఇతర ఆరోగ్య సమస్యలు వస్తాయి. అందుకే దీర్ఘకాలంపాటు కంప్యూటర్‌పై పనిచేయాల్సిన వారు కొద్ది కొద్ది సేపటికోసారి లేచి కాసేపు తిరగాలి. అలాగే  కంప్యూటర్‌ స్క్రీన్‌ వైపు రెప్పవాల్చకుండా చూడకూడదు. ప్రతి పది నిమిషాలకు ఒకమారు కళ్లకు కాస్త విశ్రాంతినిస్తూ ఉండాలి. ఇలా కంప్యూటర్‌పై కూర్చుని పనిచేసేవారు రోజూ తప్పనిసరిగా వ్యాయామం చేయాలి. ఈ సూచనలను అనుసరిస్తే చాలావరకు తప్పుల సంఖ్య తగ్గుతుంది.  చదవండి: ఏసీ వాడుతున్నారా? ఇవి మీకోసమే

ఏమైనా అంటే, ‘ఇప్పుడంతా కంప్యూటర్‌మయం’ అంటుంటాం. నిజానికి రెండు వేల ఏళ్ల క్రితమే ప్రాచీన గ్రీకు శాస్త్రవేత్తలు ఖగోళ సంబంధ విషయాల శోధనకు ఉపకరించే శక్తిమంతమైన కంప్యూటర్‌ను తయారుచేశారు. దీని గురించి ఎలా తెలిసింది అంటే... 1901లో అంటికితెర తీరం(దక్షిణ గ్రీకు దీవులు)లో ఓడ శిథిలాల్లో ఒక ఆసక్తికరమైన వస్తువు అవశేషాలను కనుగొన్నారు. ఆ వస్తువుపై వందసంవత్సరాలకు పైగా పరిశోధనలు సాగాయి. ఎట్టకేలకు యూనివర్శిటీ కాలేజ్‌ లండన్‌ (యుసీఎల్‌) శాస్త్రవేత్తలు దీని మిస్టరీని ఛేదించినట్లు ప్రకటించారు. ‘విశ్వానికి కేంద్రం భూమి’ అనే భూకేంద్ర సిద్ధాంతంతో పాటు ఆ కాలంలో ఉనికిలో ఉన్న రకరకాల నమ్మకాల ఆధారంగా గ్రీకు శాస్త్రవేత్తలు ఈ కంప్యూటర్‌ను రూపొందించారు. వర్కింగ్‌ గేర్‌ సిస్టంతో అలనాటి కంప్యూటర్‌ డిజిటల్‌ నమూనాను తయారుచేసి, ఒకప్పటి ఎక్స్‌–రే డేటా, ప్రాచీన గ్రీకు గణితశాస్త్ర పద్ధతుల ఆధారం గా ఈ పరికరం పనీచేసే తీరు (యాంటిక్‌ తెర మెకానిజం), ఖగోళ విషయాలను ఎలా అంచనా వేసేవారు.... మొదలైన వాటి గురించి యుసీఎల్‌ శాస్త్రవేత్తలు తెలియజేశారు. చదవండి: భూమి వైపు దూసుకొస్తున్న ప్రమాద గ్రహశకలం!

అంటే పరోక్షంగా ఇది వారి కళ్లకు కూడా పరీక్షా కాలమే.. ముఖ్యంగా డిజిటల్‌ లెర్నింగ్‌ సర్వసాధారణంగా మారిన పరిస్థితుల్లో రాత్రి పగలూ తేడా లేకుండా కళ్లను తప్పని సరి శ్రమపెట్టాల్సిన  విద్యార్థులు కొన్ని జాగ్రత్తలు తీసుకోవాల్సిన అవసరం ఉందని అగర్వాల్స్‌ ఐ హాస్పిటల్‌కు చెందిన కన్సెల్టంట్‌ ఆప్తమాలజిస్ట్‌ డాక్టర్‌ మాధవి మాజేటి సూచిస్తున్నారు. ఆమె అందిస్తున్న సూచనలివే...   సాక్షి, సిటీబ్యూరో: సాధారణ సమయాల్లోనే గంటల కొద్దీ కంప్యూటర్‌ స్క్రీన్స్, మొబైల్‌ ఫోన్‌ స్క్రీన్స్‌కు కళ్లను అతికించేసే విద్యార్థులు కంటి ఆరోగ్యం గురించి తగినంత శ్రద్ధ పెట్టడం లేదు. మరోవైపు పరీక్షల సమయంలో వారి చదువులు కూడా ఆన్‌లైన్‌ ఆధారితం కావడం, ఇంటర్నెట్‌ నుంచి మెటీరియల్‌ తీసుకుని వారి ప్రాజెక్టులు సబ్‌మిట్‌ చేయాల్సి ఉండటం వల్ల దీర్ఘకాలం కంప్యూటర్‌ స్క్రీన్ల పైనే దృష్టి నిలపడంతో కంటి సమస్యలు ఈ సీజన్‌లో మరింత పెరుగుతున్నాయి. కంప్యూటర్స్, ట్యాబ్స్, ప్యాడ్స్, మొబైల్‌ ఫోన్స్‌.. ఇవన్నీ సమస్యల కారకాలే కాగా కంటి సమస్యల లక్షణాలు స్పష్టంగా కనపడతున్నాయి. పరీక్షల సమయం కదాని వీటిని నిర్లక్ష్యం చేస్తే అవి తీవ్రమైన దుష్పరిణామాలకు దారి తీస్తాయి.   ఐస్ట్రెయిన్‌ నుంచి కంప్యూటర్‌ విజన్‌ సిండ్రోమ్‌ దాకా.. దీర్ఘకాలం పాటు ఎలక్ట్రానిక్‌ డివైజ్‌లకు అతుక్కుపోయి ఉండటం కారణంగా ఈ సమస్య వస్తోంది. దీని వల్ల కళ్లు పొడిబారడం, దురద, ఎర్రబడటం, మంటగా ఉండటం వంటి సమస్యలు వస్తాయి. తద్వారా చూపు మసకబారుతోంది. దృష్టి నిలపడం కష్టతరమవుతోంది. నిద్రలేమి సమస్య రావచ్చు. తెలియని అలసట ఆవరిస్తుంది. దీర్ఘకాలం పాటు కంప్యూటర్‌ స్క్రీన్లపై నిలిపే దృష్టి, కళ్లను తరచూ అటూ ఇటూ తిప్పడం, వేగంగా ఇమేజెస్‌ మార్చి మార్చి చూడటం.. కంటి కండరాలను అలసటకు గురి చేస్తాయి. రెటీనా ఇబ్బందులు, కాటరాక్టస్‌ వగైరా సమస్యలకు కారణమవుతోంది. దీనినే కంప్యూటర్‌ విజన్‌ సిండ్రోమ్‌ అంటున్నారు.   మార్పులు చేర్పులు అవసరం.. కంప్యూటర్‌ స్క్రీన్‌లో బ్రైట్‌ నెస్, ఫాంట్‌ సైజ్‌ తగ్గించడం, మానిటర్‌ హైట్‌ కంటిచూపునకు తగ్గట్టు అమర్చుకోవడం, స్క్రీన్‌కు కళ్లకు మధ్య దూరం సరిచూసుకోవడం వంటి మార్పులు చేసుకోవాలి.   ఆప్తమాలజిస్ట్‌కు చూపించుకుని అవసరమైతే కంటి అద్దాలు తప్పక ఉపయోగించాలి. అలాగే నిర్విరామంగా స్క్రీన్‌ను చూడకుండా ప్రతి 20 నిమిషాలకు 20 సెకన్లు అనే 20–20–20 రూల్‌ ప్రకారం దృష్టిని మళ్లిస్తుండాలి.  తరచూ కనురెప్పలు మూస్తూ తెరుస్తూ ఉండటం అలవాటు చేసుకోవాలి. అరచేతుల్ని రుద్ది వెచ్చగా మారాక మూసిన కళ్ల మీద పెట్టుకోవడం వంటి మసాజ్‌లు కూడా సహజమైన పద్ధతిలో ఉపకరిస్తాయి. సుదీర్ఘంగా స్క్రీన్‌ను చూడకుండా ప్రతి అరగంటకూ బ్రేక్‌ తీసుకోవాలి. 

సాక్షి, హైదరాబాద్‌: కంప్యూటర్, ఇంటర్నెట్‌ వినియోగంలో గ్రామీణ, పట్టణ భారతాల మధ్య పెద్ద ఎత్తున అంతరం ఉందని నేషనల్‌ స్టాటిస్టికల్‌ ఆఫీస్‌ (ఎన్‌ఎస్‌వో) అధ్యయనంలో వెల్లడైంది. గ్రామీణ ప్రాంతాలతో పోలిస్తే పట్టణ ప్రాంతాల్లో కంప్యూటర్‌ పరిజ్ఞానం ఎక్కువగా ఉందని తేలింది. ‘హౌస్‌హోల్డ్‌ సోషల్‌ కన్జంప్షన్‌: ఎడ్యుకేషన్‌’పేరుతో 2017 జూలై నుంచి 2018 జూన్‌ వరకు 4 దశల్లో నిర్వహించిన 75వ రౌండ్‌ సర్వేను ఎన్‌ఎస్‌వో ఇటీవల విడుదల చేసింది. ఈ సర్వేలో భాగంగా దేశంలోని ప్రతి జిల్లాలో ఎన్‌ఎస్‌వో అధ్యయనం చేసింది. దేశవ్యాప్తంగా 1,13,757 కుటుంబాలను పలకరించి సమాచారం సేకరించింది. గ్రామీణ ప్రాంతాల్లో 8,097 గ్రామాలతో పాటు 6,188 పట్టణ బ్లాకుల్లో ఈ సర్వే నిర్వహించింది. ఇందులో దేశంలోని ప్రతి కుటుంబం వినియోగిస్తున్న కంప్యూటర్‌ లెక్కలతో పాటు విద్యకు సంబంధించిన పలు అంశాలపై ఆసక్తికర అంశాలు వెల్లడయ్యాయి. ఈ సర్వే ప్రకారం దేశంలో ఉన్న ప్రతి 100 గ్రామీణ కుటుంబాల్లో కేవలం నాలుగు కుటుంబాలు మాత్రమే ఇంట్లో కంప్యూటర్‌ను కలిగి ఉన్నాయి. అదే పట్టణ ప్రాంతాల్లో అయితే అది 23.4 శాతమని తేలింది. ఇక ఇంటర్నెట్‌ విషయానికి వస్తే గ్రామీణ ప్రాంతాల్లో ఇంటర్నెట్‌ను వినియోగించే వారి శాతం 14.9గా ఉంటే, పట్టణ ప్రాంతాల్లో 42 శాతంగా ఉంది.  వయసులోనూ ఆంతర్యం.. వయసు రీత్యా పరిశీలిస్తే ఐదేళ్లు అంతకన్నా ఎక్కువ వయసున్న వారిలో కేవలం 9.9 శాతం మంది మాత్రమే గ్రామీణ ప్రాంతాల్లో కంప్యూటర్‌ పరిజ్ఞానం కలిగి ఉన్నారు. అదే సమయంలో 13 శాతం ఇంటర్నెట్‌ సౌకర్యం వినియోగించే వెసులుబాటును కలిగి ఉన్నారు. గత 30 రోజుల్లో ఇంటర్నెట్‌ను క్రమం తప్పకుండా ఉపయోగించిన వారి శాతం 10.8గా నమోదైంది. అదే పట్టణ ప్రాంతాలను పరిశీలిస్తే 32.4 శాతం మందికి కంప్యూటర్‌ పరిజ్ఞానం ఉందని, 37.1 శాతం మంది ఇంటర్నెట్‌ సౌకర్యం కలిగి ఉండగా, అందులో 33.8 శాతం మంది గత 30 రోజుల్లో క్రమం తప్పకుండా ఇంటర్నెట్‌ను వినియోగించారని ఎన్‌ఎస్‌వో సర్వేలో తేలింది.  ఎన్‌ఎస్‌వో సర్వేలోని అంశాలు.. – ఏడేళ్లు అంతకన్నా ఎక్కువ వయసున్న వారిలో అక్షరాస్యతా శాతం: 77.7 – అక్షరాస్యతా శాతం: గ్రామీణ ప్రాంతాల్లో 73.5, పట్టణ ప్రాంతాల్లో 87.7 – 15 ఏళ్లు నిండిన వారిలో సెకండరీ విద్య పూర్తి చేసిన వారి శాతం: 30.6 (గ్రామీణ), 57.5 (పట్టణ) – ఇదే వయసు నిండిన వారిలో గ్రాడ్యుయేషన్‌ చదివిన వారి శాతం: 5.7 (గ్రామీణ), 21.7 (పట్టణ) – పాఠశాలల్లో అసలు పేర్లు నమోదు కాని వారి శాతం: 15.7 (గ్రామీణ), 8.3 (పట్టణ) – ప్రాథమిక స్థాయిలో పాఠశాలలకు హాజరవుతున్న వారి శాతం: 86.1 – జనరల్‌ కోర్సులు చదువుతున్న వారు: 96.1 శాతం – టెక్నికల్‌/ప్రొఫెషనల్‌ కోర్సులు చదువుతున్న వారు: 3.9 శాతం – జనరల్‌ కోర్సుల్లో చదువుతున్న వారికి సగటున ఏడాదికి అవుతున్న ఖర్చు: గ్రామీణ ప్రాంతాల్లో రూ. 5,240, పట్టణ ప్రాంతాల్లో రూ. 16,308.   

ఇప్పుడున్న టెక్నాలజీ రంగంలో మనిషి ఆలోచనలు కూడా సూపర్‌ఫాస్ట్‌ అయిపోయాయి.అయితే మన ఆలోచనలు ఆచరణ రూపం దాల్చడానికి కొంత టైం పడుతుంది.  లైట్‌ వేయాలంటే స్విచ్‌ దగ్గరకు వెళ్లాలి.. లేదంటే రిమోట్‌నైనా వాడాలి. కానీ ఇవేవీ లేకుండా మీరు మనసులో ఓ మాట అనుకోవడమే తడవు పనులు జరిగిపోతే ఎలా ఉంటుంది. అబ్బో ఊహించలేనన్ని అద్భుతాలు సాధ్యమవుతాయి! ప్రస్తుతం అమెరికా రక్షణ విభాగం పెంటగాన్‌ విభాగం డార్పా ఈ దిశగా అడుగులు వేస్తోంది. ‘నెక్ట్స్‌ జనరేషన్‌ నాన్‌ సర్జికల్‌ న్యూరో టెక్నాలజీ ప్రోగ్రాం’పేరుతో ఈ సరికొత్త ప్రాజెక్టుకు ఏడాది క్రితమే శ్రీకారం చుట్టింది. ఈ ప్రాజెక్టుకు సంబంధించిన ఎన్నో అద్భుతమైన విశేషాలు తెలియాలంటే కింది వీడియోని క్లిక్‌ చేయండి. 

రవి గాంచని చోటనూ కవి గాంచును.. అంటే మనిషి ఆలోచన సూపర్‌ఫాస్ట్‌ అన్నమాట. కానీ ఈ ఆలోచనలు ఆచరణలోకి రావాలంటే కొంత టైమ్‌ పడుతుంది. లైట్‌ వేయాలంటే స్విచ్‌ దగ్గరకు వెళ్లాలి.. లేదంటే రిమోట్‌నైనా వాడాలి. ఇవేవీ లేకుండా మీరు మనసులో ఓ మాట అనుకోవడమే తడవు పనులు జరిగిపోతే ఎలా ఉంటుంది. అబ్బో ఊహించలేనన్ని అద్భుతాలు సాధ్యమవుతాయి! ప్రస్తుతం అమెరికా రక్షణ విభాగం పెంటగాన్‌ విభాగం డార్పా ఈ దిశగా అడుగులు వేస్తోంది. ‘నెక్స్‌ జనరేషన్‌ నాన్‌ సర్జికల్‌ న్యూరో టెక్నాలజీ ప్రోగ్రాం’పేరుతో కేవలం ఆలోచనలతోనే డ్రోన్లు నడిపించేందుకు గాను ఏడాది క్రితమే ఈ కొత్త ప్రాజెక్టుకు శ్రీకారం చుట్టింది.  కంప్యూటర్‌కు మెదడు అనుసంధానం..  డ్రోన్లు లేదా డ్రోన్ల గుంపులను కూడా ఆలోచనలతోనే నియంత్రించడం.. తద్వారా యంత్రాలతో పనిచేసే అవసరాన్ని తప్పించాలన్నది ఈ కొత్త ప్రాజెక్టు ఉద్దేశం. ఈ ప్రాజెక్టులో భాగంగా మన మెదడును కంప్యూటర్‌కు అనుసంధానించే (బ్రెయిన్‌ కంప్యూటర్‌ ఇంటర్‌ఫేస్, క్లుప్తంగా బీసీఐ) ఓ పరికరాన్ని తయారు చేస్తారు. ఈ పరికరాన్ని తగిలించుకున్న సైనికులు ఎక్కడో దూరంగా ఎగురుతున్న డ్రోన్లు ఏ దిశగా వెళ్లాలి? ఎంత వేగంగా వెశ్లాలి? బాంబులు ఎప్పుడు వదలాలి? వంటి అంశాలను తమ ఆలోచనలతోనే నియంత్రిస్తుంటారు.   తరంగాలను ఒడిసిపట్టడమే లక్ష్యం..  డార్పాకు చెందిన నాడీ శాస్త్రవేత్త అల్‌ ఎమోండీ నేతృత్వంలో ఏడాది క్రితం ఈ సరికొత్త ప్రాజెక్టు మొదలైంది. అయితే ఈ ఏడాది మే నెలలో అమెరికాలోని 6 యూనివర్సిటీలు/పరిశోధన సంస్థలు కూడా వేర్వేరుగా బీసీఐ తయారీ కోసం పరిశోధనలు ప్రారంభించాయి. పెంటగాన్‌ ఈ ప్రాజెక్టు కోసం సుమారు 600 కోట్ల రూపాయల నిధులు కేటాయించింది. కార్నెగీ మెల్లన్‌ యూనివర్సిటీ శాస్త్రవేత్తలు విద్యుత్, అ్రల్టాసౌండ్‌ సంకేతాలతో బీసీఐని తయారు చేసేందుకు ప్రయతి్నస్తుండగా, పరారుణ కిరణాల సాయంతో జాన్స్‌ హాప్కిన్స్‌ యూనివర్సిటీ పరిశోధనలు చేస్తోంది. మన మెదడులోని ఆలోచనలు సూక్ష్మ విద్యుత్‌ తరంగాల రూపంలో ఉంటాయని మనకు తెలుసు. ఈ తరంగాలను కచ్చితంగా ఒడిసిపట్టి.. అందులో దాగున్న సమాచారాన్ని ఆదేశాలుగా మార్చడం బీసీఐ ప్రధాన లక్ష్యం. నరాలు చచ్చుబడిపోయిన వారిలో మళ్లీ చైతన్యం కలిగించేందుకు ఇప్పటికే బీసీఐ ఈ తరహా యంత్రాలను వాడుతున్నా.. వాటిని అమర్చేందుకు శస్త్రచికిత్స మినహా మరో మార్గం లేదు. ఈ నేపథ్యంలో అసలు శస్త్రచికిత్స అవసరం ఏమాత్రం లేని యంత్రాన్ని తయారు చేస్తే ఆలోచనలను అత్యంత వేగంగా పనులుగా మార్చవచ్చని డార్పా యోచిస్తోంది.  ఎన్నోశేష ప్రశ్నలు..  మెదడు ఆలోచనలను పనులుగా మార్చేందుకు బీసీఐ తయారైతే లాభాలు ఎన్ని ఉంటాయో ఇప్పటికైతే తెలియదుగానీ.. శాస్త్రవేత్తల్లో సందేహాలు మాత్రం బోలెడు. బీసీఐ ధరించిన సైనికుడు అనుకోకుండా తప్పుడు ఆలోచన చేస్తే పరిణామాలు ఏంటి? శత్రు సైనికులకు ఈ బీసీఐలు దొరికితే ఏమవుతుంది? వంటి ప్రశ్నలు మచ్చుకు కొన్నే. అయితే నాణేనికి మరోవైపున ఈ బీసీఐలతో ఎన్నో ఉపయోగాలూ ఉన్నాయని కొంతమంది నిపుణులు చెబుతున్నారు. మిలటరీ అవసరాలకు తయారైన టెక్నాలజీలు సాధారణ పౌర జీవితంలోనూ ఎంతో ఉపయోగకరంగా ఉంటాయని, జీపీఎస్, ఇంటర్నెట్‌ వంటివి వీటికి ఉదాహరణలని వారు గుర్తుచేస్తున్నారు. బీసీఐలు పూర్తిస్థాయిలో అందుబాటులోకి వస్తే స్మార్ట్‌ఫోన్లు మొదలుకొని ఇంటర్నెట్‌కు అనుసంధానమైన పరికరాలన్నింటినీ ఆలోచనలతోనే నియంత్రించవచ్చు. పక్షవాతం వచి్చన వారు, లేదా ప్రమాదాల కారణంగా చక్రాల కురీ్చకి మాత్రమే పరిమితమైన వారు కూడా తమ ఆలోచనల శక్తితో మళ్లీ నడిచేందుకూ అవకాశం ఏర్పడుతుంది. ఇవన్నీ సాకారమయ్యేందుకు కొంత సమయం పట్టవచ్చుగానీ.. అసాధ్యమైతే కాకపోవచ్చు.    – సాక్షి నాలెడ్జ్‌ సెంటర్‌ 

పారిస్‌: సూపర్‌ ఫాస్ట్‌ కంప్యూటర్లు 10 వేల యేళ్లలో గణించగల గణనలను కేవలం 200 సెకన్లలో సాధించిన కొత్త కంప్యూటర్‌ ‘సికామోర్‌ మెషీన్‌’ను శాస్త్రవేత్తలు పరీక్షించారు. ఇది సూపర్‌ కంప్యూటర్లకంటే కోట్ల రెట్ల వేగంతో పని చేసిందని బుధవారం తెలిపారు. ఈ తరహా వేగాన్ని ‘క్వాంటమ్‌ సుప్రిమసీ’ అంటారు. గూగుల్‌ సంస్థకు చెందిన పరిశోధనా బృందం దీన్ని తయారు చేస్తోంది. సాధారణ కంప్యూటర్లు ప్రతి విషయాన్ని బైనరీల రూపంలో (1, 0) అర్థం చేసుకుంటాయి. ఇందులోనూ అదే పద్ధతి ఉన్నా రెంటినీ ఒకేసారి తీసుకోగలదు. సాధారణ కంప్యూటర్లు సమాచారాన్ని బిట్స్‌ రూపంలో తీసుకుంటుండగా, సికామోర్‌ క్యూబిట్స్‌ రూపంలో తీసుకుంటుంది. ఇందులోని క్వాంటమ్‌ ప్రాసెసర్‌ 54 క్యూబిట్స్‌ సామర్థ్యంతో తయారైంది. తమ సంస్థకు చెందిన ఉద్యోగులు దీన్ని నిర్మించడం తమకు గర్వకారణమని గూగుల్‌ సీఈఓ సుందర్‌ పిచాయ్‌ ట్వీట్‌చేశారు.

అమీర్‌పేట: వినాయక వేడుకల్లో భాగంగా అమీర్‌పేటలో కంప్యూటర్‌ వినాయకుడు భక్తులకు దర్శనమిస్తున్నాడు. సాఫ్ట్‌వేర్‌ ఉద్యోగి రాజశేఖర్‌ కంప్యూటర్‌ పరికరాలను ఉపయోగించి గణనాథుడిని తయారు చేశారు. పాస్‌పోర్టు కార్యాలయం సమీపంలో వెలసిన ఈ వినాయకుడిని దర్శించుకునేందుకు ఆసక్తిని చూపుతున్నారు.

న్యూఢిల్లీ: టెక్‌ దిగ్గజం యాపిల్‌ తొలినాళ్లలో తయారు చేసిన కంప్యూటరు అమ్మకానికి వస్తోంది. మే 16 నుంచి 24 దాకా ఆన్‌లైన్‌లో నిర్వహించే వేలంలో క్రిస్టీస్‌ సంస్థ దీన్ని విక్రయిస్తోంది. దీని ధర 4,00,000– 6,50,000 డాలర్ల దాకా (సుమారు రూ. 2.81 కోట్ల నుంచి రూ. 4.56 కోట్ల దాకా) పలకవచ్చని అంచనా వేస్తున్నారు. 1976లో యాపిల్‌ తొలి విడతలో తయారు చేసిన 200 యాపిల్‌–1 కంప్యూటర్స్‌లో ప్రస్తుతం కొన్ని మాత్రమే మిగిలి ఉన్నాయి. వీటిల్లో ఒకటి ఇప్పుడు వేలానికొచ్చింది. యాపిల్‌ సహ వ్యవస్థాపకులు స్టీవ్‌ జాబ్స్, స్టీవ్‌ వోజ్నియాక్‌ దీన్ని రూపొందించారు. ‘అప్పట్లో సుమారు 200 యాపిల్‌–1 కంప్యూటర్స్‌ను తయారు చేశారు. 666.66 డాలర్ల ధరకు విక్రయించారు. 1977లో రేటును 475 డాలర్లకు తగ్గించారు. అదే ఏడాది ఆఖరు నాటికి యాపిల్‌– ఐఐ అందుబాటులోకి వచ్చింది. దీంతో ఆ తర్వాత నుంచి యాపిల్‌–1 అమ్మకాలను నిలిపివేశారు‘ అని క్రిస్టీస్‌ సంస్థ పేర్కొంది. 1977 అక్టోబర్‌లో యాపిల్‌–1 అమ్మకాలను నిలిపివేసిన తర్వాత వాటిని కొనుక్కున్న వారు తిరిగి ఇస్తే కొంత డిస్కౌంటుతో కొత్త కంప్యూటర్‌ను కొనుగోలు చేసే ఆఫర్లను యాపిల్‌ ప్రకటించింది. అలా తిరిగొచ్చిన వాటిలో చాలామటుకు కంప్యూటర్స్‌ ధ్వంసం కాగా.. యాపిల్‌–1 కంప్యూటర్స్‌లో సుమారు సగం మాత్రమే మిగిలాయి. వీటినే క్రిస్టీస్‌ ప్రస్తుతం అమ్మకానికి తెస్తోంది.

న్యూఢిల్లీ: దర్యాప్తు సంస్థలకు సరికొత్త అధికారాన్ని కట్టబెడుతూ కేంద్ర ప్రభుత్వం సంచలన నిర్ణయం తీసుకుంది. ఏ కంప్యూటర్‌నైనా క్షుణంగా పరిశీలించే అధికారాన్ని పలు దర్యాప్తు సంస్థలకు కల్పిస్తూ ఆదేశాలు జారీ చేసింది. పది దర్యాప్తు సంస్థలకు ఈ నిబంధనలు వర్తింపు చేస్తూ ఉత్తర్వులు జారీ చేసింది. ఇందుకు సంబంధించిన ఉత్తర్వులపై కేంద్ర హోంశాఖ కార్యదర్శి రాజీవ్‌ గౌబా గురువారం సంతకం చేశారు. వీటిలో సీబీఐ, ఇంటెలిజెన్స్‌ బ్యూరో, నార్కో కంట్రోల్‌ బ్యూరో, ఈడీ, సీబీడీటీ, డీఆర్‌ఐ, ఎన్‌ఐఏ, రా, డీఎస్‌ఐ, ఢిల్లీ పోలీసులకు ఈ కొత్త అధికారాన్ని కల్పించింది. తాజా ఉత్తర్వుల ప్రకారం కంప్యూటర్‌లోని సమాచారాన్ని, మెయిళ్లను, డేటాను పరిశీలించే అధికారం ఆయా దర్యాప్తు సంస్థలకు ఉంటుంది. అంతేకాకుండా మెయిళ్లను అడ్డుకునే, పర్యవేక్షించే అధికారం కూడా దర్యాప్తు సంస్థలకు కల్పించబడింది. గతంలో దర్యాప్తు సంస్థలకు వాడుకలో ఉన్న డేటాను మాత్రమే నియంత్రించే అధికారం ఉండేది. దర్యాప్తు సంస్థలకు కొత్త అధికారాలు కల్పిస్తూ కేంద్రం తీసుకున్న నిర్ణయం వివాదస్పదంగా మారింది. ఈ నిర్ణయంపై విపక్షాలు ఆగ్రహం వ్యక్తం చేస్తున్నాయి. కేంద్ర ప్రభుత్వం తనకున్న అధికారాలను దుర్వినియోగం చేస్తుందని మండిపడుతున్నాయి. కేంద్రం బిగ్‌ బ్రదర్‌లా అన్నింట్లో వేలు పెట్టే ప్రయత్నం చేస్తుందని పలువురు ప్రతిపక్ష నేతలు ఆరోపించారు. ఇది భారత పౌరుల ప్రాథమిక హక్కులకు భంగం కలిగించడమేనని ఆగ్రహం వ్యక్తం చేశారు. ఈ అధికారాలు దుర్వినియోగం కావని కేంద్రం చెప్పగలదా అని సూటిగా ప్రశ్నిస్తున్నారు. ఇంతకాలం అవసరం ఈ అపరమిత అధికారం ఇప్పుడెందుకని నిలదీస్తున్నారు.

కంప్యూటర్లు, ల్యాప్‌టాపలలో బోలెడంత బరువుండే హార్డ్‌ డిస్క్‌లకు ఇక కాలం చెల్లినట్లే కనిపిస్తోంది. ఎందుకంటారా? శ్యాంసంగ్‌ కంపెనీ ఏకంగా నాలుగు టెరాబైట్ల సమాచారాన్ని ఇముడ్చుకోగల మెమరీ కార్డును ఆవిష్కరించింది మరీ! అంతేకాదు.. ఈ మెమరీ డివైజ్‌లోకి ఏదైనా ఫైల్‌ను నిక్షిప్తం చేయడం కూడా చాలా వేగంగా జరిగిపోతుంది. సెకనుకు 540 మెగాబిట్ల వేగంతో ఫైళ్లను చదవడం.. 520 మెగాబిట్ల వేగంతో రాయడం చేస్తుంది ఈ మెమరీ కార్డు. ఇంకోలా చెప్పాలంటే ఒకే రెండు సెకన్లలో ఓ మోస్తరు హెచ్‌డీ సినిమా మొత్తాన్ని స్టోర్‌ చేసేసుకోవచ్చు. ఒక్కో మెమరీ సెల్‌లో తాము మూడు స్థానంలో నాలుగు బిట్ల సమాచారాన్ని నిక్షిప్తం చేయగలిగామని ఇందుకోసం మూడు బిట్ల ఎస్‌ఎస్‌డీ కంట్రోలర్, టర్బోరైట్‌ టెక్నాలజీలను వాడామని శాంసంగ్‌ ప్రతినిధి ఒకరు వివరించారు. ఈ మెమరీ కార్డులో 64 పొరలున్న వీ–ఎన్‌ఏఎన్‌డీ మైక్రోప్రాసెసర్లు 32 వాడామని ఫలితంగా ఇతర నాలుగు టెరాబైట్ల సామర్థ్యం ఉన్నా ఎలాంటి ఇబ్బంది లేకుండా పనిచేయగలదని చెప్పారు. ఇప్పటికే మార్కెట్‌లో ఉన్న 2.5 అంగుళాల సైజు డ్రైవ్‌లకు కొత్త 4 టెరాబైట్ల మెమరీకార్డు తోడవనుందని.. ఇదే టెక్నాలజీతో తాము స్మార్ట్‌ఫోన్లలోనూ మెమరీ సామర్థ్యాన్ని పెంచగలమని శాంసంగ్‌ చెబుతోంది!  

కన్సాస్‌: ఎక్కువ మార్కుల కోసం తల్లిదండ్రులు పిల్లలపై తెస్తున్న ఒత్తిడి ఎలాంటి అనర్థాలకు దారితీస్తుందో చెప్పడానికి తాజా ఉదాహరణే ఇది. భారత సంతతికి చెందిన వరుణ్‌ సార్జా(20) అనే విద్యార్థి అమెరికాలోని కాన్సాస్‌ యూనివర్సిటీలో 2016లో ఇంజనీరింగ్‌లో చేరాడు. అయితే మొదటి సంవత్సరం పరీక్షల్లో మార్కులు తక్కువగా రావడంతో ఇంట్లో తల్లిదండ్రులు తిడతారని భయపడ్డ వరుణ్‌ అడ్డదారి తొక్కాడు. కీస్ట్రోక్‌ లాగర్‌ అనే హ్యాకింగ్‌ సాఫ్ట్‌వేర్‌ను ఉపయోగించి తన గణితం ప్రొఫెసర్‌ కంప్యూటర్‌ను హ్యాక్‌ చేశాడు. అనంతరం పరీక్షల్లో తనకు వచ్చిన ‘ఎఫ్‌’ గ్రేడ్‌ను ‘ఏ’ గ్రేడ్‌గా మార్చుకున్నాడు. ఇదే తరహాలో మిగిలిన 9 సబ్జెక్టుల్లోనూ ఏ గ్రేడ్‌ వచ్చినట్లు హ్యాక్‌ చేయగలిగాడు. అయితే గణితంలో ఎన్నడూ మంచిమార్కులు తెచ్చుకోని సార్జాకు ఏకంగా ‘ఏ’ గ్రేడ్‌ రావడంపై అకడమిక్‌ అడ్వైజర్‌కు అనుమానం వచ్చి మార్కుల్ని తనిఖీ చేయడంతో అసలు వ్యవహారం వెలుగులోకి వచ్చింది. దీంతో సార్జాకు ఇక్కడి కోర్టు 18 నెలల జైలుశిక్ష విధించింది.  

వాషింగ్టన్‌: ప్రపంచంలోనే అత్యంత చిన్న కంప్యూటర్‌ను అమెరికాలోని మిషిగాన్‌ యూనివర్సిటీ పరిశోధకులు తయారుచేశారు. 0.3 మిల్లీమీటర్ల మందం ఉన్న ఇది బియ్యం గింజ కన్నా చాలా చిన్నది. ‘మిషిగాన్‌ మైక్రో మోట్‌’గా పిలుస్తున్న ఈ చిట్టి కంప్యూటర్‌ పనిచేసే విధానం కూడా కాస్త భిన్నంగా ఉంది. సంప్రదాయ కంప్యూటర్లను ఆఫ్‌ చేసిన తరువాత కూడా వాటిలోని సమాచారం అలాగే భద్రంగా ఉంటుంది. కానీ ఈ కంప్యూటర్‌ను ఒకసారి స్విచాఫ్‌ చేస్తే అంతకు ముందు చేసిన ప్రొగ్రామింగ్, డేటా అంతా అదృశ్యమవుతుంది. ఈ సూక్ష్మ కంప్యూటర్‌లో ర్యామ్, కాంతి విద్యుత్‌ ఘటాలతో పాటు ప్రాసెసర్లు, వైర్‌లెస్‌ ట్రాన్స్‌మిటర్లు, రిసీవర్లను అమర్చారు. పరిమాణంలో చిన్నవి కావడంతో వీటిలో ఆంటెనాకు బదులుగా కాంతి సాయంతో సమాచార మార్పిడి జరిగే వ్యవస్థను ఏర్పాటుచేశారు. ఈ కంప్యూటర్‌ను కేన్సర్‌ కణతుల పరిశీలన, చికిత్సలో ఉపయోగించొచ్చని పరిశోధకులు వెల్లడించారు.

తిరువనంతపురం, కేరళ : అందరికి తల్లిదండ్రులు పేరు పెడితే అతనికి మాత్రం కంప్యూటరే పేరు పెట్టింది. కేవలం నామకరణతోనే ఆగక ఆ యువకుడి జీవిత చిత్రాన్నే మార్చేసింది. సొంత ఇల్లు, ఖరీదైన బీఎండబ్ల్యూ కారుతో పాటు సంవత్సరానికి 2 కోట్ల రూపాయల ఆదాయం వచ్చే కంపెనికి యజమాని అయ్యేలా చేసింది. కంప్యూటర్‌ పట్ల ఆ యువకుడికి ఉన్న ఆసక్తి వల్లే ఇదంతా సాధ్యమయ్యింది. ఆసక్తి ఉన్న రంగాన్ని ఎన్నుకుంటే ఎలాంటి అద్భుతాలు జరుగుతాయో మరోసారి రుజువు చేసాడు కేరళ కన్నూర్‌కు చెందిన 21 ఏళ్ల జవాద్. కంప్యూటర్‌ను మంచికి వినియోగిస్తే కలిగే ప్రయోజనాలకు సజీవ ఉదాహరణగా నిలిచాడు జవాద్. ఎవరీ జాదవ్‌...ఏమిటితని కథ...? కేరళ ఉన్నార్‌కు చెందిన జవాద్‌ మధ్యతరగతి కుటుంబంలో జన్మించాడు. జవాద్‌ తండ్రి దుబాయిలో బ్యాంక్‌ ఉద్యోగం చేసేవాడు. ఈ క్రమంలో ఓ సారి ఇండియా వచ్చినప్పుడు జవాద్‌కు కంప్యూటర్‌ను బహుమతిగా ఇవ్వడమే కాక దానికి ఇంటర్నెట్‌ కనెక్షన్‌ను కూడా పెట్టించాడు. అదే జవాద్‌ జీవితంలో గొప్ప మార్పును తీసుకువచ్చింది. అనాటి నుంచి కంప్యూటర్‌తో ప్రేమలో పడిపోయాడు జవాద్‌. ఇక ఆరోజు నుంచి కంప్యూటర్‌కు బానిసయ్యాడు(మంచి వ్యసమే..). ఒక సారి తన పేరుతో జీమెయిల్‌ అకౌంట్‌ క్రియేట్‌ చేసే క్రమంలో కంప్యూటర్‌ జవాద్‌ పేరును ‘టీఎన్‌ఎమ్‌ జవాద్‌’గా సజెస్ట్‌ చేసింది. ఆ పేరే నేడు ఎన్నో ప్రభంజనాలు సృష్టిస్తోంది. జవాద్‌ పదో తరగతి చదువుతున్నప్పటి నుంచే కంప్యూటర్‌తో ప్రయోగాలు ప్రారంభించాడు. అంత చిన్న వయసులోనే వెబ్‌సైట్‌లు రూపొందించడం ప్రారంభించాడు. ఈ క్రమంలో మరో ఇద్దరు స్నేహితులతో కలిసి చిన్న కంపెనీని ప్రారంభించాడు. అలా పదో తరగతిలోనే 2,500 రూపాయల తొలి సంపాదనను అందుకున్నాడు జవాద్‌. ఒక్కసారిగా జవాద్‌ దగ్గర అంత సొమ్ము చూసిన అతని తల్లిదండ్రులకు భయమేసింది. తమ కుమారుడు ఏదైనా చెడ్డ పనులు చేస్తున్నాడేమోనని భయపడ్డారు. కానీ జవాద్‌ వారికి తాను ప్రారంభించిన వ్యాపారం గురించి వివరించాడు. ఆ తర్వాత కుటుంబ సభ్యుల మద్దతుతో వెబ్‌ డిజైనింగ్‌ను మరింత బాగా నేర్చుకోవాలనే ఉద్దేశంతో ఒక ఇన్‌స్టిట్యూట్‌లో చేరాడు. కోర్సు అయిపోయిన తర్వాత తనకు వెబ్‌డిజైనింగ్‌ పాఠాలు చెప్పిన టీచర్లను తాను ప్రారంభించబోయే కంపెనీలో ఉద్యోగులుగా చేరమని కోరాడు. అందుకు వారు అంగీకరించడంతో వారిద్దరిని ఉద్యోగులుగా నియమించుకుని ‘టీఎన్‌ఎమ్‌ ఆన్‌లైన్‌ సొల్యూషన్న్‌’అనే వెబ్‌డిజైనింగ్‌ సంస్థను స్థాపించాడు. ప్రారంభంలో కేవలం వెయ్యి రూపాయల తక్కువ ధరకే వెబ్‌సైట్లను రూపొందించేవారు. అయినా కూడా నెలకు కేవలం 2,3 ఆర్డర్‌లు మాత్రమే వచ్చేవి. ఒకానొక సమయంలో ఉద్యోగులకు జీతం ఇవ్వడానికి జవాద్‌ తన అమ్మగారి బంగారు గాజులను కూడా కుదవపెట్టాడు. క్లైంట్ల సంఖ్య క్రమంగా పెరుగుతూ..రెండేళ్ల నాటికి 100 వరకూ చిన్నా చితకా కంపెనీలు జవాద్‌ క్లయింట​ లిస్ట్‌లో చేరాయి. సరిగా ఇదే సమయంలో నూతన ఔత్సాహిక పారిశ్రామిక వేత్తలను ప్రోత్సాహించేందుకు ఏర్పాటు చేసిన యస్‌ కేరళ సమ్మిట్‌లో జవాద్‌ పాల్గొన్నాడు. ఈ సమ్మిట్‌లో పాల్గొనడం జవాద్‌కు కలిసి వచ్చింది. ఈ కార్యక్రమం వల్ల జవాద్‌ కంపెనీ గురించి చాలామందికి తెలియడమే కాక మరిన్ని ఆఫర్లు రావడం ప్రారంభమయ్యింది. కంపెనీ బాగా నడవడంతో లాభాలు కూడా ఆశించిన రీతిలోనే వచ్చాయి. దాంతో జవాద్‌ తన సొంత ఇంటి కలను నిజం చేసుకోవడమే కాక చాలా ఖరీదైన బీఎమ్‌డబ్ల్యూ కార్‌ను కూడా కొన్నాడు. మరో కీలక మలుపు... వీటన్నిటి తర్వాత వెబ్‌ ప్రపంచానికి కీలకమైన ‘సర్చ్‌ ఇంజన్‌ ఆప్టిమైజేషన్‌’(ఎస్‌ఈవో) రంగంలోకి తన సేవలను విస్తరించాడు జవాద్‌. అక్కడ కూడా తనదైన ముద్ర వేస్తూ దూసుకుపోతున్నాడు ఈ యువ కెరటం. ఇతని ప్రతిభకు గుర్తుగా యూఏఈ, బిస్టౌడ్‌ సంయుక్తంగా ప్రదానం చేసే ప్రతిష్టాత్మక ‘డా. రామ్‌ బుక్సానీ’ అవార్డును జవాద్‌కు ప్రదానం చేసారు. ప్రస్తుతం జవాద్‌ వెబ్‌ డిజైనింగ్‌‌, ఆప్‌ డెవలప్‌మెంట్‌, ఈ కామర్స్‌ రంగాల్లో దూసుకుపోతూ ప్రపంచవ్యాప్తంగా క్లైంట్‌లను ఏర్పర్చుకున్నాడు. ఇవేకాక జవాద్‌ ప్రస్తుతం ‘టీఎన్‌ఎమ్‌ అకాడమీ’ని స్థాపించి ఆసక్తి ఉన్న వారికి వయసుతో సంబంధం లేకుండా వెబ్‌డిజైనింగ్‌, డిజిటల్‌ మార్కెటింగ్‌ వంటి పలు అంశాల్లో శిక్షణ ఇస్తున్నాడు. ఆసక్తి ఉన్న రంగంలో పట్టుదలగా ప్రయత్నిస్తే ఎన్నో గొప్ప విజయాలు సాధించవచ్చనే దానికి నిదర్శనంగా నిలుస్తుంది జావేద్‌ జీవితం.

మాంచెస్టర్‌ : తీరిక సమయంలో చాలా మంది చేసే పని టీవీ చూడటం. రిలాక్స్‌ కావడానికి అయితే ఫరవాలేదు కాని అదే పనిగా టీవీకి అతుక్కుపోతే మాత్రం చావుకు దగ్గరవ్వటమే అంటున్నారు పరిశోధకులు. ఎక్కువ సమయం టీవీ తెరను అదేపనిగా చూడటం వల్ల గుండె సంబంధ వ్యాధులు, క్యాన్సర్‌ వచ్చే అవకాశాలు ఎక్కువంటున్నారు. స్కాట్‌లాండ్‌కు చెందిన ‘‘యూనివర్శిటీ ఆఫ్‌ గ్లస్గో’’ జరిపిన ఓ పరిశోధనలో ఈ విషయాలు బహిర్గతమయ్యాయి. గ్లస్గో విశ్వవిద్యాలయం దాదాపు 4 లక్షల మందితో అతిపెద్ద సర్వేని నిర్వహించింది. శారీరికంగా దృఢంగా లేని వాళ్లు, కండరాళ్ల సత్తువ లేని వాళ్లు మరింత ఎక్కువగా ప్రభావితమయ్యే అవకాశం ఉందని ఈ సర్వేలో తేలింది. ఎక్కువ సేపు అలా టీవీ తెరను చూస్తూ ఉండటం వల్ల గుండె సంబంధ, ప్రేగు క్యాన్సర్‌, డయాబెటీస్‌, ఒబిసిటీ వంటి వ్యాధులు దాడి చేసే అవకాశం ఎక్కువగా ఉంటుందని వెల్లడైంది. ఇంకో విషయం ఏంటంటే ఇది కేవలం టీవీ తెరకు మాత్రమే కాదు కంప్యూటర్‌ తెరకు కూడా వర్తిస్తుంది. అయితే ఈ ప్రభావం విషయానికి వస్తే అందరిపై ఒకే విధంగా ఉండదు. టీవీ, కంప్యూటర్‌ ను చూస్తున్నపుడు ఎంత విరామం తీసుకుంటున్నారు. శారీరకంగా వారు ఎంత బలంగా ఉన్నారు, ఆరోగ్యపు అలవాట్లు , శారీరక శ్రమ ఇలా అన్ని విషయాల మీద ఆధారపడి ఉంటుంది.    

సియాటెల్‌: ప్రపంచమంతా కంప్యూటర్‌మయం అయిపోయిందని మైక్రోసాఫ్ట్‌ సీఈవో సత్యనాదెళ్ల పేర్కొన్నారు. ఈ నేపథ్యంలో వ్యక్తిగత గోప్యత, మానవ విలువలు, ప్రజాస్వామ్యాన్ని కాపాడే నైతిక విలువలు, మౌలిక సూత్రాలను కలుపుకుని ముందుకెళ్లాల్సిన అవసరం ఉందని ఆయన తెలిపారు. మైక్రోసాఫ్ట్‌ బిల్డ్‌ 2018 కాన్ఫరెన్స్‌ ప్రసంగంలో.. భారత్‌ సహా వివిధ దేశాలకు చెందిన వేలమంది సాఫ్ట్‌వేర్‌ డెవలపర్లనుద్దేశించి ఆయన మాట్లాడుతూ.. ‘వ్యక్తిగత గోప్యత మానవ హక్కు. మైక్రోసాఫ్ట్‌లో మనమంతా ఈ హక్కులను కాపాడాలనే మూల సూత్రానికే కట్టుబడి పనిచేస్తున్నాం. మనం డేటా వినియోగించినపుడు అది వినియోగదారుడికి మేలు చేస్తుందనే భరోసాను మనం కల్పించగలగాలి. వ్యక్తిగత వివరాలన్నీ తన నియంత్రణలో ఉన్నట్లు యూజర్‌కు భరోసా కల్పించాలి. కంప్యూటర్లు ఏం చేయగలవు? ఏం చేయాలి? అనే దాన్ని మనకు మనం ప్రశ్నించుకోవాలి.అదే నైతిక కృత్రిమ మేధ’ అని అన్నారు. 

లండన్‌: ఇటీవల కన్నుమూసిన ప్రఖ్యాత ఖగోళ శాస్త్రవేత్త స్టీఫెన్‌ హాకింగ్‌కు చెందిన చక్రాల కుర్చీని, ఆయన సంభాషించేందుకు వాడిన ప్రత్యేక కంప్యూటర్‌ను ప్రజా సందర్శనకు ఉంచే అవకాశముందని బ్రిటన్‌కు చెందిన ‘ది సండే టైమ్స్‌’ పత్రిక తెలిపింది. హాకింగ్‌ స్మృతుల్ని సజీవంగా ఉంచేందుకు వీలుగా ఈ రెండింటిని ఏదైనా మ్యూజియానికి ఇచ్చే అంశాన్ని ఆయన కుటుంబ సభ్యులు పరిశీలిస్తున్నారని వెల్లడించింది. లండన్‌లోని సైన్స్‌ మ్యూజియంలో హాకింగ్‌ జీవితచరిత్ర, ఉపన్యాసాల వీడియోలతో పాటు చక్రాల కుర్చీ, కంప్యూటర్‌ను ప్రదర్శనకు ఉంచే అవకాశముందని పేర్కొంది. హాకింగ్‌ వాడిన చక్రాల కుర్చీ స్వీడన్‌లో తయారైందనీ, ఓసారి చార్జింగ్‌ పెడితే ఇది గంటకు 13 కి.మీ వేగంతో 32 కి.మీ దూరం ప్రయాణిస్తుందని వెల్లడించారు. 

న్యూఢిల్లీ: ఆధార్‌ భద్రతపై వెల్లువెత్తుతున్న అనుమానాలకు మరో రుజువు దొరికింది. ఢిల్లీలోని రాష్ట్ర ప్రభుత్వ విభాగానికి చెందిన ఓ కంప్యూటర్‌లో ఆధార్‌ కార్డు ఉన్న వారి వ్యక్తిగత సమాచారం, పేర్లు, 12 అంకెలుండే ఆధార్‌ నంబర్‌తోపాటు బ్యాంక్‌ అకౌంట్ల వివరాలు కూడా లభ్యమయ్యాయని బిజినెస్‌ టెక్నాలజీ న్యూస్‌ వెబ్‌సైట్‌ జెడ్‌డీ నెట్‌ తెలిపింది. అయితే, ఏ సంస్థ కంప్యూటర్లలో ఇలా ఆధార్‌ సమాచారం దొరుకుతోందో జెడ్‌డీ నెట్‌ వెల్లడించలేదు. అయితే, ఈ పరిణామం ఆధార్‌ భద్రతను ప్రశ్నార్ధకం చేస్తోందని నిపుణులు అంటున్నారు. ఆధార్‌ వివరాలు తెలుసుకునేందుకు ముందుగా యూనిఫాం రిసోర్స్‌ లొకేటర్‌ను గుర్తించాల్సి ఉంటుంది..దీనిని కేవలం 20 నిమిషాల్లోనే కనిపెట్టవచ్చని నిపుణులు చెబుతున్నారు. కొన్ని ప్రభుత్వ సంస్థల కంప్యూటర్లలో ఇటువంటివి జరుగుతున్నట్లు తెలిసినా వాటిని సరిదిద్దేందుకు ప్రభుత్వం ఎటువంటి చర్యలూ తీసుకోలేదన్నారు. అయితే, ఆధార్‌ సమాచారం లీకవుతోందంటూ వచ్చిన వార్తలను యూఐడీఏఐ ఖండించింది. ఆధార్‌ వివరాలకు పూర్తి భద్రత, రక్షణ ఉందని తెలిపింది. లీకేజీ వాస్తవమనుకున్నప్పటికీ వెల్లడైన సమాచారం ఆ రాష్ట్ర ప్రభుత్వ విభాగానికి చెందినదై ఉంటుందనీ, దానికి ఆధార్‌తో ఎటువంటి సంబంధం లేదని తెలిపింది. ఆధార్‌ సంఖ్య తెలిసినా∙పూర్తి వ్యక్తిగత సమాచారం లీకయినట్లు కాదని పేర్కొంది.

ఈ ఫొటోను ఓ సారి పరిశీలించండి.. ఏముంది కంప్యూటర్‌లోని చిప్స్, ట్రాన్సిస్టర్లే కదా అనుకుంటున్నారా.. కాస్త తీక్షణంగా పరిశీలిస్తే అందులో ఓ నగరం ఉంటుంది. అవును ఈ ఫొటోలో ఉన్నది మన్‌ హట్టన్‌ నగరం. అదేంటి నిజంగా ఆ నగరం అలాగే ఉంటుందా అని అనుకుంటున్నారా..? అది నిజమైన నగరం కాదు కానీ.. అమెరికాలోని న్యూయార్క్‌ పక్కనే ఉండే మన్‌హట్టన్‌ను పోలి ఉండేలా నిర్మించారు. కంప్యూటర్‌లోని పనికిరాని వస్తువులను ఉపయోగించి దీన్ని తయారు చేశాడు ఓ స్కూల్‌ పిల్లాడు. జింబాబ్వేకు చెందిన జేడ్‌ మెంక్‌ అనే 17 ఏళ్ల కుర్రాడు ఈ నగరాన్ని రూపొందించేందుకు 3 నెలల సమయం తీసుకున్నాడట. అది కూడా 0.0635:100 నిష్పత్తిలో చిన్న తేడా కూడా లేకుండా మొత్తం నగరాన్ని తీర్చిదిద్డాడు. ఇదంతా కూడా ఆ పిల్లాడి స్కూల్‌ ప్రాజెక్టు కోసం ఎంతో కష్టపడి మరీ తయారు చేశాడు. ఇందుకోసం 27 మదర్‌బోర్డులు, 11 సీపీయూలు, 10 సీఆర్‌టీ మానిటర్‌ మదర్‌బోర్డులు, 18 ర్యామ్‌ స్టిక్‌లు, 12 నోకియా ఈ–సిరీస్‌ ఫోన్లు, 4 వాచ్‌లు, 4 ఆడియో కార్డులు, 2 టెలిఫోన్లు ఇలా వాడి పాడేసిన వస్తువుల సాయంతో తయారు చేశాడు. మన్‌హట్టన్‌లోని భవంతులు, ఆకాశహర్మ్యాలు ఇలా ఒక్కటేమిటి అచ్చు ఆ నగరాన్ని పోలినట్లే ఆ పిల్లాడు తయారు చేశాడు. ఇదంతా తయారు చేయడానికి మంచి తెలివితో పాటు ఎంతో ఓపిక ఉండాలి కదా..!

నేను ఐటీ ప్రొఫెషన్‌లో ఉన్నాను. ఒకసారి ఆఫీసులోకి వచ్చాక నేను నా కంప్యూటర్‌ ముందు కూర్చున్నాననంటే మళ్లీ సాయంత్రం వరకూ లేచే పరిస్థితి ఉండదు.  అంతంత సేపు అదేపనిగా కూర్చొనే ఉండటం మంచిది కాదని ఫ్రెండ్స్‌ అంటున్నారు. వారనేది వైద్యపరంగా కరక్టేనా? నా ప్రొఫెషన్‌ను దృష్టిలోపెట్టుకొని, నా ఆరోగ్యం కాపాడుకోడానికి తగిన సలహాలు ఇవ్వండి.  – సమీర్, హైదరాబాద్‌  కూర్చొని పనిచేసే వృత్తుల్లో ఉన్నవారు అదేపనిగా కూర్చొనే ఉండటం చాలా ఆరోగ్య సమస్యలకు కారణమవుతుందని అనేక పరిశోధనల్లో వెల్లడయ్యింది. సుదీర్ఘకాలం పాటు కూర్చొనే ఉండటం అన్నది టైప్‌–2 డయాబెటిస్, ప్రాణాంతకమైన గుండెజబ్బులు, కొన్ని రకాల క్యాన్సర్లకూ కారణమవుతుంది. కూర్చునే వృత్తుల్లో ఉన్నా లేదా ప్రయాణాలు చేసే వృత్తుల్లో ఉన్నవారు అదేపనిగా సీట్లో చాలాసేపు కూర్చోవడం, లేదా టీవీని వదలకుండా చూస్తూ కూర్చోవడం, వృత్తిపరంగా బైక్‌మీద కూర్చొనే చాలాసేపు ప్రయాణం చేస్తూ ఉండటం వంటి అనేక అంశాలు ఆరోగ్యంపై దుష్ప్రభావం చూపుతాయి. పొగతాగడం వంటి దురలవాటు ఎంత దుష్ప్రభావం చూపుతుందో, ఇలా కూర్చొనే ఉండటం అన్న అంశం కూడా అంతకంటే ఎక్కువ దుష్ప్రభావమే చూపుతుందని ఎన్నో అధ్యయనాలు వెల్లడించిన వాస్తవం. ప్రతివారు రోజూ కనీసం 30 – 45 నిమిషాల పాటు వాకింగ్‌ చేయడం అవసరం.  పిల్లలు ఎక్కువగా టీవీ చూడటం, కంప్యూటర్‌ గేమ్స్‌లో నిమగ్నం కావడం అనే కారణాలతో అదేపనిగా కూర్చొనే ఉంటారు. ఇక పెద్దలు తమ ఆఫీసు పనుల్లో మునిగిపోయి కూర్చొనే ఉంటారు.  కొన్ని సూచనలు :  ∙మీ బెడ్‌రూమ్స్‌లో టీవీ / కంప్యూటర్‌ / ల్యాప్‌టాప్‌ లను ఉపయోగించకండి  ∙మీరు ఇంట్లో ఉన్నప్పుడు ఒంటికి పనిచెప్పే ఏదో పనిని ఎంచుకోండి  పిల్లలకు మీరు ఇచ్చే బహుమతుల్లో పిల్లలకు శారీరక ఆరోగ్యం చేకూర్చే బంతులు / ఆటవస్తువుల వంటివి ఉండేలా చూసుకోండి ∙మీరు ఆఫీసుకు వచ్చే ముందర లోకల్‌ బస్సుల్లో, లోకల్‌ ట్రైన్స్‌లో ప్రయాణం చేసేవారైతే ఆ టైమ్‌లో కూర్చుని ప్రయాణం చేయకండి. ∙ఎస్కలేటర్‌ వంటి సౌకర్యం ఉన్నా మెట్లెక్కండి ∙రోజూ కనీసం 30 నిమిషాలు నడవాలని నియమం పెట్టుకోండి ∙మీ పనిలో కాసేపు కాఫీ లేదా టీ బ్రేక్‌ తీసుకోండి ∙మీకు దగ్గరి కొలీగ్స్‌తో మాట్లాడాల్సి వస్తే మొబైల్‌ / మెయిల్‌ ఉపయోగించకండి. వారి వద్దకే నేరుగా వెళ్లి మాట్లాడండి  వ్యాయామంతో  నిద్రపడుతుందా...  పట్టదా?  నేను దాదాపు రోజుకు 14 గంటలు కూర్చొనే పనిచేస్తుంటాను. రాత్రిపూట సరిగా నిద్రపట్టడం లేదు. ఒళ్లు అలిసేలా వ్యాయామం చేయమనీ, దాంతో బాగా నిద్రపడుతుందని ఫ్రెండ్స్‌ చెబుతున్నారు. వ్యాయామం చేసేవాళ్లకు అంతగా నిద్రపట్టదని మరికొంతమంది ఫ్రెండ్స్‌ అంటున్నారు. నేను సందిగ్ధంలో ఉన్నాను. దయచేసి సలహా ఇవ్వండి.  – అనిల్‌కుమార్, విశాఖపట్నం  మీరు విన్న రెండు అంశాలూ నిజమే. నిద్రకు ఉపక్రమించబోయే మూడు గంటల ముందుగా వ్యాయామం అంత సరికాదు. అలా చేస్తే నిద్రపట్టడం కష్టమే. అయితే రోజూ ఉదయంగానీ లేదా ఎక్సర్‌సైజ్‌కూ, నిద్రకూ చాలా వ్యవధి ఉండేలా గానీ వ్యాయామం చేస్తే మంచి నిద్ర పడుతుంది. ఒళ్లు అలిసేలా వ్యాయామంతో ఒళ్లెరగని నిద్రపడుతుంది. ఉదయం చేసే వ్యాయామంతో ఒత్తిడి నుంచి దూరమవుతారు. అయితే ఉదయం వేళ చేసే వ్యాయామం పగటి వెలుగులో అయితే మరింత ప్రభావపూర్వకంగా ఉంటుంది.  మీరు ఉదయం వేళలో వ్యాయామం చేయలేకపోతే అది సాయంత్రం వేళ అయితే మంచిది. మీ రోజువారీ పనుల వల్ల అప్పటికి మీ శరీర ఉష్ణోగ్రత కూడా కాస్త పెరిగి ఉంటుంది. ఇక నిద్రవేళకు మన శరీర ఉష్ణోగ్రత కాస్త తగ్గుతుంటంది. కానీ వ్యాయామంతో మళ్లీ శరీరాన్ని ఉత్తేజపరచడం జరుగుతుంది. ఇక కార్డియోవాస్క్యులార్‌ వ్యాయామాల వల్ల గుండె స్పందనల వేగం, రేటు పెరుగుతాయి. శరీర ఉష్ణోగ్రత కూడా పెరుగుతుంది. వీటన్నింటి ఉమ్మడి ప్రభావాల  వల్ల నిద్ర తగ్గుతుంది. అంతేకాదు... వ్యాయామం ముగిసిన 20 నిమిషాల తర్వాతగానీ గుండె కండరాల రక్తం పంపింగ్‌ ప్రక్రియ సాధారణ స్థితికి రాదు.  అందుకే వ్యాయామానికీ, నిద్రకూ మధ్య వ్యవధి ఉండేలా చూసుకోవాలన్న మాట. ఇక స్ట్రెచింగ్‌ వ్యాయామాలు, బలాన్ని పెంచుకనే స్ట్రెంగ్త్‌ ట్రెయినింగ్‌ తరహా వ్యాయామాలూ శరీరానికి మేలు చేసినా... అవేవీ కార్డియోవాస్క్యులార్‌ వ్యాయామాలకు సాటిరావు. యోగా ప్రధానంగా తనువునూ, మనసునూ రిలాక్స్‌ చేసే ప్రక్రియ. మీ ఫ్రెండ్స్‌లో కొందరు చెప్పినట్లుగా దీర్ఘకాలిక నిద్రలేమికి వ్యాయామం విరుగుడు. అందుకే మరీ తీవ్రంగా (విగరస్‌గా) కాకుండా... మరీ చేసీచెయ్యనట్లు (మైల్డ్‌)గా కాకుండా... మాడరేట్‌ ఎక్సర్‌సైజ్‌ చేయండి. కంటినిండా నిద్రపోండి. వాకింగ్, జాగింగ్, జంపింగ్, స్విమ్మింగ్, టెన్నిస్‌ ఆడటం, డాన్స్‌ చేయడం లాంటి ఏ ప్రక్రియ అయినా వ్యాయామానికి మంచిదే. అయితే మీకు గుండెజబ్బులూ, స్థూలకాయం, ఇతరత్రా ఆరోగ్య సమస్యలు ఉంటే వ్యాయామాలు మొదలుపెట్టే ముందు ఒకసారి డాక్టర్‌ను సంప్రదించి, మీకు తగిన వ్యాయామాలు సూచించమని అడగడం మేలు.  డాక్టర్‌ సుధీంద్ర ఊటూరి లైఫ్‌స్టైల్‌ స్పెషలిస్ట్,  కిమ్స్‌ హాస్పిటల్స్, సికింద్రాబాద్‌ 

సాక్షి, హైదరాబాద్‌:నగరంలోని అబిడ్స్‌ ప్రాంతం. ఓ వ్యక్తికి హఠాత్తుగా ఆపద ఎదురైంది. వెంటనే ‘డయల్‌–100’కు కాల్‌ చేశాడు. ఆపై తను ఎక్కడ ఉన్నాడో చెప్పే పరిస్థితుల్లో అతడు లేడు. దీంతో బాధితుడు ఉన్న ప్రాంతాన్ని గుర్తించి అక్కడికి చేరుకోవడానికి పోలీసులకు కొంత సమయం పట్టింది. ఇలాంటి పరిస్థితి చాలా సందర్భాల్లో నగర పోలీసులకు ఎదురవుతోంది. దీనికి పరిష్కారంగా నగర పోలీసు విభాగం ‘డయల్‌–100’వ్యవస్థను ఆధునీకరిస్తోంది. బాధితుడు కాల్‌ చేసిన వెంటనే అతడు ఉన్న ప్రాంతాన్నీ తక్షణం గుర్తించేలా ఏర్పాట్లు చేస్తోంది. ఇప్పటికే ఇతర రాష్ట్రాల్లో అందుబాటులో ఉన్న ఈ విధానాన్ని.. మూడు నెలల్లో నగరంలోనూ అందుబాటులోకి తీసుకురావాలని యోచిస్తోంది.  రెస్పాన్స్‌ టైమ్‌ తగ్గించడమే లక్ష్యం..  బాధితుల నుంచి ఫోన్‌ వచ్చినప్పుడు ఎంత త్వరగా వారి వద్దకు చేరితే అంత ఎక్కువ మేలు జరిగే ఆస్కారం ఉంది. దీన్నే సాంకేతికంగా ‘పోలీసు రెస్పాన్స్‌ టైమ్‌’అంటారు. గస్తీ విధానంలో జవాబుదారీతనం పెంచడం, తక్కువ సమయంలో ఘటనాస్థలికి చేరడానికి నగరంలో గస్తీ విధులు నిర్వర్తించే రక్షక్, బ్లూకోల్ట్స్‌కు ‘రెస్పాన్స్‌ టైమ్‌’నిర్దేశిస్తున్నారు. దీనికోసం ఇప్పటికే గస్తీ వాహనాలను ‘డయల్‌–100’తో అనుసంధానించారు. గ్లోబల్‌ పొజిషనింగ్‌ సిస్టమ్‌(జీపీఎస్‌) ఆధారంగా పనిచేసే ఈ విధానం పూర్తిస్థాయిలో ఫలితాలు ఇవ్వాలంటే బాధితులు ఉన్న ప్రాంతాన్ని (లొకేషన్‌) పక్కాగా తెసుకోవాల్సి. ఇది సాధ్యమైతే రెస్పాన్స్‌ టైమ్‌ను గణనీయంగా తగ్గించవచ్చని ఉన్నతాధికారులు భావిస్తున్నారు.  ‘100’కాల్స్‌ను డైవర్ట్‌ చేసినప్పటికీ..  బాధితులు ‘100’కు ఫోన్‌ చేసి సహాయం కోరిన వెంటనే అక్కడి సిబ్బంది సదరు ఫిర్యాదుదారుడు ఉన్న ప్రాంతాన్ని అడిగి తెలుసుకుంటున్నారు. గస్తీ వాహనాలకు జీపీఎస్‌ పరికరాలు అమర్చడంతో ‘100’సిబ్బందికి ఏ వాహనం ఎక్కడ ఉందో కచ్చితంగా తెలుస్తోంది. బాధితునికి సమీప ప్రాంతంలో ఉన్న వాహనానికే నేరుగా ఆ కాల్‌ను డైవర్ట్‌ చేస్తున్నారు. కాల్‌ అందుకున్న గస్తీ సిబ్బంది బా«ధితుడిని సమాచారం అడిగి అతను ఉన్న ప్రదేశానికి చేరుకోవడానికి కొంత సమయం పడుతోంది. ఇలాంటి సమస్యలకు పరిష్కారంగా ఉత్తరప్రదేశ్, మహారాష్ట్ర పోలీసులు.. ‘100’కు ఎవరైనా కాల్‌ చేస్తే వారు కచ్చితంగా ఎక్కడ నుంచి చేశారనేది కంప్యూటర్‌ తెరపై కనిపించేలా ఆధునిక సాంకేతిక పరిజ్ఞానాన్ని వినియోగిస్తున్నారు. ఫలితంగా ‘రెస్పాన్స్‌ టైమ్‌’గణనీయంగా తగ్గింది.  లొకేషన్‌ తెలుసుకోవడానికి లింకేజీ ఈ సాంకేతిక పరిజ్ఞానాన్ని ఢిల్లీ కేంద్రంగా పని చేస్తున్న ఓ ప్రైవేట్‌ సంస్థ అందించింది. నగర పోలీసులు ఆ సంస్థ ప్రతినిధులతో బషీర్‌బాగ్‌లోని పోలీసు కమిషనరేట్‌లో బుధవారం సమావేశమయ్యారు. బాధితుడి లొకేషన్‌ తెలుసుకోవడానికి సెల్‌ సర్వీసు ప్రొవైడర్ల నుంచి లింకేజ్‌ తీసుకోవాలి. మొత్తం 11 సర్వీస్‌ ప్రొవైడర్ల నుంచి లింకేజ్‌కు అవసరమైన సాంకేతిక పరిజ్ఞానాన్ని ఢిల్లీకి చెందిన సంస్థ అందించనుంది. గరిష్టంగా మూడు నెలల్లో ఈ విధానాన్ని అమలులోకి తీసుకురావడానికి నగర పోలీసులు కసరత్తు చేస్తున్నారు. ఇది అమలైతే బాధితులకు సత్వర సహాయం అందడంతో పాటు బోగస్‌ కాల్స్‌కు చెక్‌ పెట్టవచ్చని చెప్తున్నారు.  

కంప్యూటర్‌ రంగంలో సరికొత్త విప్లవానికి నాందిగా ప్రముఖ అంతర్జాతీయ సంస్థ ఐబీఎం 50 క్యూబిట్లతో ఓ క్వాంటమ్‌ కంప్యూటర్‌ను సిద్ధం చేసింది. ఇప్పుడు మనం వాడుతున్న కంప్యూటర్లకు కొన్ని లక్షల రెట్లు ఎక్కువ వేగంగా పనిచేస్తాయన్నది క్వాంటమ్‌ కంప్యూటర్‌కు మనం ఇవ్వగల సాధారణ పరిచయం. కణాల తీరును ఆధారంగా చేసుకుని ఇవి పనిచేస్తాయి. సాధారణ కంప్యూటర్లలో ఒక ట్రాన్‌సిస్టర్‌ గుండా విద్యుత్తు ప్రవహిస్తే ‘1’గా, ఆగిపోతే ‘0’గా గుర్తిస్తారని.. ఈ 1, 0లతోనే మొత్తం కంప్యూటర్‌ లెక్కలు ఆధారపడి ఉంటాయన్నది మనకు తెలిసిందే. ఈ రకమైన డిజిటల్‌ కంప్యూటర్లలో వృద్ధికి అవకాశాలు తక్కువైన నేపథ్యంలో శాస్త్రవేత్తలు దశాబ్దాలుగా క్వాంటమ్‌ కంప్యూటర్ల తయారీ కోసం పరిశోధనలు చేస్తున్నారు. పదార్థపు సూక్ష్మ ప్రపంచాన్ని వివరించే క్వాంటమ్‌ మెకానిక్స్‌ ప్రకారం ఒక కణం ఏకకాలంలో భిన్న స్థితుల్లో ఉండగలుగుతుంది. దీన్నే క్యూబిట్‌ అంటారు. ఇలాంటి కొన్ని కణాలను అనుసంధానించడం ద్వారా వాటితో లెక్కలు కట్టవచ్చునని అంచనా. ఈ నేపథ్యంలో ఐబీఎం దాదాపు 50 క్యూబిట్లతో ఒక కంప్యూటర్‌ను తయారు చేసినట్లు ప్రకటించింది. క్వాంటమ్‌ కంప్యూటర్లు అత్యంత శక్తిమంతమైనవని ముందుగానే చెప్పుకున్నాం గానీ.. దీన్ని సాధారణ ప్రజలు వాడుకునేందుకు ఇంకా కొంత సమయం పడుతుంది. ఈలోపు వీటితో కొత్త కొత్త మందుల తయారీకి పరిశోధనలు నిర్వహించవచ్చు. అంతేకాకుండా వినూత్న లక్షణాలుండే పదార్థాలను ఆవిష్కరించవచ్చు. సుదూర అంతరిక్ష శోధన కూడా సులువు అవుతుంది.!

నా వయసు 39 ఏళ్లు. సాఫ్ట్‌వేర్‌ ఇంజనీర్‌గా పనిచేస్తున్నాను. ఎప్పుడూ కంప్యూటర్‌పై వర్క్‌ చేస్తుంటాను. ఈమధ్య కళ్లు విపరీతంగా పొడిగా అనిపిస్తున్నాయి. అప్పుడు నీళ్లతో కళ్లు కడుక్కుంటున్నాను. నా సమస్యకు పరిష్కారం చెప్పండి. – సంపత్‌కుమార్, హైదరాబాద్‌ కంప్యూటర్‌పై ఎప్పుడూ కనురెప్పలను ఆర్పకుండా ఏకాగ్రతతో చూసేవారికి కన్నుపొడిబారే సమస్య రావచ్చు. దీనికి వయసు పైబడటం, ఎప్పుడూ ఎయిర్‌ కండిషన్డ్‌ గదుల్లో ఉండటం, కంటికి గాయం కావడం, కంటికి వచ్చే మెబోమియన్‌ ఇన్ఫెక్షన్‌ వంటివి కారణాలు కావచ్చు. వైద్యపరిభాషలో మీ సమస్యను ‘కెరటో కంజంక్టివైటిస్‌ సిక్కా’ అంటారు. ఇందులో కంటిలోని కార్నియా, కంజంక్టివా పొరలు పొడిబారిపోతాయి. దీన్నే ‘కంప్యూటర్‌ విజన్‌ సిండ్రోమ్‌’ అని కూడా అంటారు. ఈ సమస్య నివారణ కోసం చేయాల్సినవి... ►కంటి రెప్పలను తరచూ ఆర్పుతూ ఉండాలి. ఎప్పుడూ తదేకంగా చూస్తూ ఉండకూడదు ∙కంప్యూటర్‌పై పనిచేస్తున్న గదిలో తగినంత తేమ (హ్యుమిడిటీ) ఉండేలా జాగ్రత్త తీసుకోవాలి. ఇందుకోసం రూమ్‌లో హ్యుమిడిఫైయర్‌ ఉంచుకోవాలి ∙మీ పనిలో మధ్యమధ్య కంటికి కాస్త విశ్రాంతినివ్వండి  మీరు కంప్యూటర్‌ మీద చదువుతున్నప్పుడు స్క్రీన్‌ మీకు నేరుగా ఉండాలి. స్క్రీన్‌ను వాలుగా ఉంచి చదవవద్దు. మీరు స్క్రీన్‌పై చూడాల్సి ఉన్నప్పుడు స్క్రీన్‌కూ, దాని బ్యాక్‌డ్రాప్‌కూ ఎక్కువ కాంట్రాస్ట్‌ లేకుండా చూసుకోండి  మీరు టీవీ చూసేటప్పుడు గదిలో వెలుతురు ఉండేలా చూసుకోండి. ఎప్పుడూ చీకట్లో టీవీ చూడవద్దు. టీవీ చూసే సమయంలో స్క్రీన్‌నే తదేకంగా చూడవద్దు. మధ్యమధ్యన దృష్టిని మరలుస్తూ ఉండాలి  తరచూ ఆరుబయటకు వెళ్తూ ఉండండి. ఎప్పుడూ ఏసీలో ఉండేవారు తరచూ స్వాభావికమైన సూర్యకాంతికి ఎక్స్‌పోజ్‌ అయ్యేలా జాగ్రత్త తీసుకోవాలి. ఏసీ ఇంటెన్సిటీని మరీ ఎక్కువగా పెంచుకోవద్దు. ఇది కళ్లు మరీ పొడిబారడానికి దారితీస్తుంది. డాక్టర్‌ను సంప్రదించి ఆర్టిఫిషియల్‌ టియర్స్‌ వాడాలి. యాంటీ గ్లేర్‌ గ్లాసెస్‌ కొంతవరకు మీకు ఉపయోగపడతాయి  ఆరుబయట తిరిగేప్పుడు కళ్లజోడును కాసేపు తీయండి ∙ఒత్తిడిని తగ్గించుకోండి. యోగా వంటి రిలాక్సేషన్‌ టెక్నిక్స్‌ను అవలంబించండి ∙కంటికి మురికి తగలకుండా జాగ్రత్తలు తీసుకోండి. చేతులు మురికి అయినప్పుడు వాటితోనే కళ్లు తుడుచుకోవద్దు ∙మీ కళ్లు శుభ్రం చేసుకోడానికి, ముఖం కడుక్కోడానికి శుభ్రమైన నీటిని ఉపయోగించండి. అందులో డిటర్జెంట్‌ లేకుండా చూసుకోండి ∙పొగతాగే అలవాటు తక్షణం మానివేయండి. కార్నియా చుట్టూ తెల్ల అంచు ఏమిటిది? నా వయస్సు 18 ఏళ్లు. రెండేళ్ల కిందట నాకు రెండు కళ్లలోనూ కార్నియా (నల్లగుడ్డు) చుట్టూ అంచున తెల్ల చారలా కనిపిస్తోంది. కళ్ల డాక్టర్‌గారికి చూపించాను. ‘డస్ట్‌ అలర్జీ’ అని ఐ డ్రాప్స్‌ రాసి ఇచ్చారు. అవి వేసుకున్న కొన్ని నెలలకు తగ్గినట్లే తగ్గి వుళ్లీ ఎప్పటిలాగే వస్తోంది. ఎన్నోచోట్ల చూపించాను. కానీ ఇది వూత్రం తగ్గడం లేదు. దయచేసి సలహా ఇవ్వండి. – నవీన, గూడూరు మీరు చెప్పిన లక్షణాలను బట్టి చూస్తే ఇది ‘వీకేసీ’ (వెర్నల్‌ కెరటో కంజంక్టివైటిస్‌) అనే అలర్జీతో వచ్చిన సవుస్య అని తెలుస్తోంది. బయటి కాలుష్యానికీ, పుప్పొడికీ, దువు్మూ ధూళి వంటి వాటికి ఎక్స్‌పోజ్‌ అయితే ‘హైపర్‌ సెన్సిటివిటీ ఉన్నవాళ్లకు ఇలాంటి సవుస్య వచ్చే అవకాశం ఉంది. అందుకే కాలుష్యాలకు దూరంగా ఉండాలి. ప్లెయిన్‌ ప్రొటెక్టివ్‌  గ్లాసెస్‌ వాడితే చాలావుటుకు కళ్లకు రక్షణ ఉంటుంది. ఈ సవుస్య ఉన్నవారు ఎన్నిసార్లు వీలైతే అన్నిసార్లు కంటిని స్వచ్ఛమైన నీటితో కడుగుతూ ఉండాలి. డాక్టర్‌ను సంప్రదించి యాంటీ అలర్జిక్‌ చుక్కల వుందు ఎక్కువ కాలం వాడాల్సి ఉంటుంది. ఇందులో స్టెరాయిడల్, నాన్‌ స్టెరాయిడల్‌ (స్టెరాయిడ్‌ లేనివి) అనే రెండు మందులు ఉంటాయి. స్టెరాయిడ్‌ మాత్రం దీర్ఘకాలం వాడకూడదు. దీనితో చాలా దుష్పరిణామాలు ఉంటాయి. నాన్‌స్టెరాయిడ్‌ (స్టెరాయిడ్‌ లేనివి) మాత్రం చాలా కాలం వరకు వాడవచ్చు. దీనితో తప్పకుండా అలర్జీ నియంత్రణలోకి వస్తుంది. ఈ సవుస్యను దీర్ఘకాలం ఇలాగే వదిలేస్తే చూపు వుందగించడం, కార్నియా పొర దెబ్బతినడం వంటి సవుస్యలు వస్తాయి. కాబట్టి వీలైనంత త్వరగా డాక్టర్‌కు చూపించుకొని, వుందులు వాడండి. ఇప్పుడు ఈ సమస్యకు వుంచి వుందులు అందుబాటులో ఉన్నాయి. కాబట్టి ఈ సవుస్య గురించి మీరు ఆందోళనపడాల్సిన అవసరం లేదు. కళ్లకూ వ్యాయామాలు ఉన్నాయా? దేహంలో అన్ని అవయవాలకు బలం చేకూర్చడానికి ప్రత్యేకమైన వ్యాయామాలు ఉన్నట్లే కళ్లకూ ఉంటాయా? – సుధీర్, గుంటూరు ఆరోగ్యంగా ఉండటం కోసం సాధారణంగా అందరూ చేసే వ్యాయామాలే కంటికి కూడా మేలు చేస్తాయి. అయితే మీకు ఏవైనా కంటి సమస్యలు అంటే ఉదాహరణకు మెల్లకన్ను గానీ, లేదా లేజీఐ అంటే ఒక కంటిలో చూపు మందగించడం వంటి సమస్య ఉంటే ఆ పరిస్థితిని చక్కదిద్దడానికి కొన్ని ప్రత్యేకమైన వ్యాయామాలు ఉంటాయి. అవి ఈ సమస్యలు ఉన్నవారి చూపు మెరుగుదలకు చాలా తోడ్పడతాయి. అయితే అందరూ చేసుకోడానికి మాత్రం  కంటి ఉపశమనం కోసం తాత్కాలికంగా మాత్రమే ఉపయోగపడే కొన్ని వ్యాయామాలూ ఉంటాయి. అవి... కంటిపై ఉన్న భారాన్ని తాత్కాలికంగా తొలగించి, కొద్దిపాటి ఉపశమనాన్ని మాత్రమే ఇస్తాయి. వీటి ద్వారా అప్పటికప్పుడు కనిపించే ప్రయోజనమే తప్ప దీర్ఘకాలిక లాభం ఉండదు. అవి... ∙తదేకంగా చూడకుండా కంటిని తరచూ అటు ఇటు కదలిస్తూ ఉండటం ∙రెండుకళ్లనూ అరచేతులతో మూసుకొని కళ్లకు తాత్కాలిక విశ్రాంతి ఇచ్చి, కొంతసేపు ఉపశమనం కలిగించడం (దీన్ని పామింగ్‌ అంటారు) ∙బ్లింకింగ్‌ (రెండు రెప్పలనూ ఠక్కున కొడుతూ ఉండటం, ఈ ప్రక్రియలో కారు అద్దాలపై నీరు చిమ్మి వైపర్స్‌తో శుభ్రం చేసినట్లుగానే, కంటిలోని నీటి  (లాక్రిమల్‌ సెక్రిషన్స్‌) సహాయం వల్ల బ్లింకింగ్‌ చేసినప్పుడల్లా కన్ను శుభ్రమవుతుంది ∙యానింగ్‌ (ఆవలించడం – మనం ఆవలించినప్పుడు ఒక్కోసారి కంటిలో కొద్దిగా నీళ్లు రావడం అందరికీ అనుభవంలోకి వచ్చే విషయమే. ఈ కన్నీరు (లాక్రిమల్‌ సెక్రిషన్‌) కంటిలోని పొడిదనాన్ని తొలగించి, కన్నును తేమగా ఉండేలా చేస్తుంది. కళ్లు అలసిపోయి భారంగా ఉన్నప్పుడు ఈ వ్యాయామాలు చేసి, తాత్కాలిక ఉపశమనాన్ని పొందవచ్చు. డాక్టర్‌ రవికుమార్‌ రెడ్డి కంటి వైద్య నిపుణులు, మెడివిజన్‌ ఐ హాస్పిటల్, హైదరాబాద్‌


 ‘కంప్యూటర్, స్మార్ట్‌ఫోన్ , బచ్చే’ అని చెప్పిన డింపుల్‌
 జౌన్ పూర్‌: ఉత్తరప్రదేశ్‌ శాసనసభ ఎన్నికల ప్రచారంలో సంక్షిప్త పదాలతో ప్రత్యర్థి పార్టీ లపై విరుచుకుపడుతుండటం కొనసాగుతోం ది. బీజేపీ అధ్యక్షుడు అమిత్‌ షా సంధించిన ‘కసబ్‌’ వాగ్బాణాన్ని యూపీ సీఎం అఖిలేశ్‌ యాదవ్‌ భార్య, ఎంపీ డింపుల్‌ యాదవ్‌ తిప్పికొట్టారు. ‘క అంటే కాంగ్రెస్‌ అని బీజేపీ చెబుతోంది. కానీ ‘క’ అంటే కంప్యూటర్‌ అని మీ అఖిలేశ్‌ భయ్యా చెప్పారు.
 ‘స’ అంటే స్మార్ట్‌ఫోన్ . ప్రభుత్వ విధానాలకు సంబంధించిన సమాచారాన్ని మీరు స్మార్ట్‌ ఫోన్  ద్వారా తెలుసు కోవచ్చు. ఇక ‘బ్‌’ అంటే బచ్చే (చిన్నా రులు)’ అంటూ డింపుల్‌ వివరించారు. ఎస్పీ తిరిగి అధికారంలోకి వస్తే విద్యార్థులకు ల్యాప్‌ ట్యాప్‌లు, స్మార్ట్‌ఫోన్లు ఇస్తామని సమాజ్‌వాదీ పార్టీ హామీ ఇచ్చింది. గర్భిణులకు ఇంటివద్దనే ఆహార ధాన్యాలు అందిస్తామని డింపుల్‌ యాదవ్‌æ హామీ ఇచ్చారు.


 ఐ కౌన్సెలింగ్‌
 
 నా వయసు 48 ఏళ్లు. సాఫ్ట్‌వేర్‌ ఇంజనీర్‌గా పనిచేస్తున్నాను. ఎప్పుడూ కంప్యూటర్‌పై వర్క్‌ చేస్తుంటాను. కళ్లు విపరీతంగా పొడిగా అనిపిస్తున్నాయి. అప్పుడు వెళ్లి నీళ్లతో  కళ్లు కడుక్కొని వస్తున్నాను. ఈ సమస్యకు పరిష్కారం చెప్పండి. – నసీర్‌ బాషా, హైదరాబాద్‌
 రెప్ప ఆర్పకుండా ఎప్పుడూ తదేకంగా ఏకాగ్రతతో కంప్యూటర్‌ తెరను చూసేవారికి కన్ను పొడిబారే సమస్య రావచ్చు. దీనికి వయసు పైబడటం, ఎప్పుడూ ఎయిర్‌ కండిషన్డ్‌ గదుల్లో ఉండటం, కంటికి గాయం కావడం వంటి కారణాలు కూడా ఉండవచ్చు. వైద్యపరిభాషలో ఈ సమస్యను ‘కెరటో కంజంక్టివైటిస్‌ సిక్కా’ అంటారు. ఇందులో కంటిలోని కార్నియా, కంజంక్టివా పొరలు పొడిబారిపోతాయి. దీన్నే ‘కంప్యూటర్‌ విజన్‌ సిండ్రోమ్‌’ అని కూడా అంటారు. ఈ సమస్యకు నివారణ కోసం చేయాల్సినవి...
 
 l    కనురెప్పలను తరచూ ఆర్పుతూ ఉండాలి. ఎప్పుడూ తదేకంగా కంప్యూటర్‌ చూస్తూ ఉండకూడదు.  
 
 l    మనం చదువుతున్నప్పుడు తగినంత వెలుతురు ఉండేలా జాగ్రత్త తీసుకోవాలి.
 
 l     చదువుతున్నప్పుడు మధ్య మధ్య కాసేపు కంటికి విశ్రాంతినివ్వండి. చిన్న అక్షరాలను చాలాసేపు చదవద్దు. అలా చదవాల్సి వస్తే
 మధ్యమధ్యన కాసేపు దూరంగా కూడా చూపును ప్రసరిస్తూ ఉండండి. మనం చదవాల్సినదెప్పుడూ కంటి కంటే కిందనే ఉండాలి. పై వైపు చూస్తూ చదవాల్సి వస్తే అది కేవలం కాసేపే తప్ప... ఎప్పుడూ అలా ఉండే అక్షరాలను చదువుతూ ఉండవద్దు.
 
 l    మీరు చదవాల్సినప్పుడూ నేరుగా ఉండాలి. స్క్రీన్‌ను వాలుగా ఉంచి చదవవద్దు. మీరు స్క్రీన్‌పై చూడాల్సి ఉన్నప్పుడు ఎక్కువ చూడాల్సిన స్క్రీన్‌కూ, దాని బ్యాక్‌డ్రాప్‌కూ ఎక్కువ కాంట్రాస్ట్‌ లేకుండా చూసుకోండి.
 
 l     టీవీ చూసేటప్పుడు గదిలో వెలుతురు ఉండేలా చూసుకోండి. చీకట్లో టీవీ చూడవద్దు. టీవీ చూసే సమయంలో స్క్రీన్‌నే తదేకంగా చూడవద్దు. మధ్యమధ్యన దృష్టిని మరలుస్తూ ఉండాలి.
 
 l    తరచూ ఆరుబయటకు వెళ్తూ ఉండండి. ఎప్పుడూ ఏసీలో ఉండేవారు తరచూ  స్వాభావికమైన సూర్యకాంతిలోని వెలుతురుకూ ఎక్స్‌పోజ్‌ అయ్యేలా జాగ్రత్త తీసుకోవాలి. ఏసీ ఇంటెన్సిటీని మరీ ఎక్కువగా పెంచుకోవద్దు. ఇది కళ్లు మరీ పొడిబారడానికి దారితీస్తుంది. రూమ్‌లో హ్యుమిడిఫయర్స్‌ ఉంచుకోవాలి. డాక్టర్‌ను సంప్రదించి, ఆర్టిఫిషియల్‌ టియర్స్‌ వాడాలి. యాంటీ గ్లేర్‌ గ్లాసెస్‌ కొంతవరకు మీకు ఉపయోగపడతాయి.
 
 l     శరీరం నుంచి నీటి పాళ్లు తగ్గకుండా ఉండటం కోసం తరచూ ద్రవాహారం తీసుకుంటూ ఉండాలి. ఒమెగా ఫ్యాటీ ఆసిడ్స్‌ ఉండే ఆహారం గానీ లేదా కాప్సూ్యల్‌ గానీ తీసుకోవాలి.  మీరు తీసుకునే ఆహారంలో అన్ని పోషకాలు అంటే... అన్నిరకాల విటమిన్లు (ఏ,బీ,సీ), ఖనిజాలు... ముఖ్యంగా జింక్‌ ఉండేలా చూసుకోండి.
 
 l    ఆరుబయట తిరిగేప్పుడు కళ్లజోడు కాసేపు తీయండి.
 
 l     ఒత్తిడిని తగ్గించుకోవాలి. యోగా వంటి రిలాక్సేషన్‌ టెక్నిక్స్‌ను అవలంబించాలి.
 
 l     కంటికి మురికి తగలకుండా జాగ్రత్తలు తీసుకోండి. చేతులు మురికి అయినప్పుడు వాటితోనే కళ్లు తుడుచుకోవద్దు.
 
 l    మీ కళ్లు శుభ్రం చేసుకోడానికి, ముఖం కడుక్కోడానికి శుభ్రమైన నీటిని ఉపయోగించండి. అందులో డిటర్జెంట్‌ లేకుండా చూసుకోండి.
 
 l    పొగతాగే అలవాటు, ఆల్కహాల్‌ తాగే అలవాట్లను తక్షణం మానివేయండి.
 
 డాక్టర్‌రవికుమార్‌ రెడ్డి
 కంటి వైద్య నిపుణులు,
 మెడివిజన్‌ ఐ హాస్పిటల్, హైదరాబాద్‌


  ‘‘మా ఫ్రెండ్ ఒకడు బాగా కొడుతుంటాడు రా..?’’ సెస్పెన్స్ మెయింటెయిన్ చేయడానికి నాందిగా మా రాంబాబుగాడు ఈ స్టైలు వాక్య నిర్మాణం చేస్తుంటాడు. అందుకే వాడి ధోరణి పట్ల నాకు మండింది. వాడికీ కాస్త నా మంట అంటేలా చేద్దామని నా ఉద్దేశం. అందుకే వాడికి ఘాటుగా బదులిస్తున్నట్టు...  ‘‘ఏంటి పోజులు కొట్టడమా? స్టైలు కొట్టడమా? మాంసం కొట్టడమా లేక కంప్యూటర్ మీద టైప్ కొట్టడమా?. స్పెసిఫిక్‌గా ఇదీ అని చెప్పాలిరా’’ అన్నాను. 
  
  ‘‘ఎక్కడున్నావురా బాబు నువ్వు... ఇవన్నీ ఎప్పుడో పాతబడిపోయాయి. సిక్స్ కొట్టడం కూడా సచిన్ నాటికే పాతబడిపోయింది. వాడు ఫేస్‌బుక్‌లో ‘లైక్’లు కొడుతుంటాడు. అదీ ఇప్పటి ట్రెండ్’’ అన్నాడు వాడు నా అంచనాలకు అందకుండా. ‘‘అవున్లే... చాలా మంది తెలుగు భాష మీద అభిమానం ఉన్న వాళ్లు ఫేస్‌బుక్‌ను ముఖ పుస్తకం అంటుంటారు. అవునట. అస్తమానం ఆ పుస్తకంలో గడపటం కూడా ఒక వేలం వెర్రిరా...’’ అంటూ ఉండగానే... ‘‘నో... నో... దాన్ని ముఖపుస్తకం అనడమూ తప్పే. దాంట్లో గడపటం వేలం వెర్రీ అనుకోవడమూ తప్పే’’ అంటూ నా మాటలకు అడ్డొచ్చాడు రాంబాబుగాడు. 
  
  ‘‘మరి ఒప్పు ఏమిట్రా’’ అడిగా. ‘‘దాన్ని కేవలం ముఖ పుస్తకం అనకూడదు రా. ముఖ గ్రంథం అనాలి. అయినా అది పుస్తకం లెవెల్‌కు చాలా ఎక్కువ. గ్రంథం అనడం కూడా సరైనది కాదనుకో. అదొక ఉద్గ్రంథం. ఒక వాంగ్మయం. ఒక కావ్యం... ఒక ఇతిహా...’’ అంటూ వాడు తన్మయంగా అనబోతుంటే... ‘‘ఒరేయ్... మరీ అంతగా పొగడకు. దాంతో టైమ్ వేస్ట్ తప్ప మరే ఉపయోగమూ లేదు’’ అంటూ నేను రెట్టించబోతుండగా మళ్లీ నా మాటలకు అడ్డొచ్చాడు. 
  
  ‘‘చూడు గురూ... ఎదురుగా ఉంటే నేను మాట్లాడబోతుంటే ఎందుకో అందరూ తప్పుకు తిరుగుతుంటారు. కానీ ఫేస్‌బుక్... అదే ముఖ పుస్తకంలో ముఖం చాటేయడానికి అవకాశమే లేదు. పైగా ఫేస్‌బుక్‌లో నా ముఖం చూడకుండా నా గురించి తెలియకుండా ఉన్నవాడెవడైనా నన్నే లైక్ చేస్తారు. ఎందుకంటే విచ్చలవిడిగా, ఎలాంటి అరమరికలు లేకుండా నేను ధారాళంగా లైక్‌లు కొడుతుంటా కాబట్టి...’’ అంటూ చెప్పబోతుంటే ‘‘అసలు అలా లైక్‌లు కొట్టడంలో ఏదైనా అర్థం ఉంది. నిజంగా బాగుంటే కొట్టాలిగానీ... కానీ నువ్వు కొట్టే లైక్‌ల ఆధారంగానే నీ గురించి తెలియని వాళ్లు నిన్ను నువ్వు వాళ్ల అభిమానాన్ని అనుమానించాలి’’ అన్నాను. ‘‘ఫేస్‌బుక్‌లో ఉన్నవాళ్లకు అవన్నీ ఎందుకు రా. నేను వాళ్లవి లైక్ చేస్తాను. కాబట్టి వాళ్లూ ఇతోధికంగా... బార్టర్ సిస్టమ్‌లో లాగా నన్నూ లైక్ చేస్తుంటారు. ఇంకో విషయం చెప్పనా?’’ 
  ‘‘చెప్పు’’ 
  
  ‘‘అసలు నువ్వు ఎప్పుడైనా నా పుట్టినరోజు గుర్తుపెట్టుకున్నావా? అంతెందుకు నీ సొంతపెళ్లాం పుట్టినరోజైనా గుర్తుండదు కదరా నీకు. కానీ ఫేస్ బుక్ ప్రతిరోజూ ఎవడెవడి పుట్టిన రోజునో జాగ్రత్తగా గుర్తుపెట్టుకొని నాకు గుర్తు చేస్తుంది. దాంతో వాళ్లు నాకు తెలిసిన వాళ్లూ... తెలియని వాళ్లనే తేడా లేకుండా అందరికీ నేను విషెస్ చెబుతా. దాంతో అందరూ నన్నే ఎక్కువ లైక్ చేస్తుంటారు రా. అందుకే నేను నీ కంటే ఎక్కువ అడ్వాన్స్‌డ్ అని ఘంటాపథంగా చెప్పగలను. నేనొక స్వేచ్ఛా సైబర్ లైకరిని రా. పైగా నేను త్రికరణశుద్ధిగా ఫేస్‌బుక్‌ను ఫాలో అవుతుంటాను’’ అంటూ ఇంకా గొప్పలు చెప్పుకోబోతుండగా అడ్డుతగిలాను నేను.
  
  ‘‘ఒరేయ్... అసలు నీకు త్రికరణశుద్ధి అంటే అర్థం తెలుసా?’’ అడిగా. 
  ‘‘ఓ... కానీ నువ్వు అనుకుంటున్న మనస్సు, వాక్కు, కర్మ మాత్రమే కాదు... ఫేస్‌బుక్ త్రికరణాలు వేరే ఉన్నాయి. మనస్సుకు నచ్చినదాన్ని లైక్ కొట్టడం త్రికరణాలలో మొదటిది, మనసుకు హత్తుకున్న దాన్ని గురించి మాట్లాడటం అనగా కామెంట్ చేయడం రెండోది. ఇక మూడోదీ, అతి ఉన్నతమైనదీ, గొప్పదీ అయిన కర్మ... షేర్ చేయడం. అనగా ఈ మూడింటినీ ఆచరించడమే రా ఫేస్‌బుక్ త్రికరణాలూ. ఇవే ఫేస్‌బుక్‌లోని నువ్వు పెట్టిన ఫొటో లేదా పోస్ట్ లేదా కామెంట్ కింది ఉండేవి. చూశావా నీకూ నాకూ తేడా. నువ్వు ఫేస్‌బుక్‌ను యాంత్రికంగా చూస్తావు. కానీ నేను దాన్ని ఒక సత్కర్మలా ఆచరిస్తాను. ఒక వేదాంత ధోరణితో అవలోకిస్తాను. ఇప్పుడు చెప్పు... నేనొక బుక్కర్షినా కాదా’’ అడిగాడు.  ‘‘బుక్కర్షి ఏమిట్రా’’ అయోమయంగా అడిగా. 
  
  ‘‘ఫేస్‌బుక్‌లోనే ఉంటాను కాబట్టి మహర్షి, రాజర్షి టైప్‌లో మొట్టమొదటిసారిగా ఒక పదాన్ని సృష్టిస్తూ బుక్కర్షి అని నన్ను నేను డిక్లేర్ చేసుకుంటున్నాను’’ అన్నాడు.  ‘‘బుక్కర్షి కాదు గానీ... పుస్తకపు పురుగువు రా నువ్వు’’ అన్నాను నేను వాడిని పురుగులాగే చూస్తూ.  ‘‘ఓకే నువ్వనుకున్నదే ఖాయం. కానీ ఫేస్‌బుక్‌జ్ఞానంతో వెలిగిపోయే స్వయంప్రకాశం ఉన్న ‘మిణుగురు’పురుగునే రా నేనూ’’ అంటూ మళ్లీ కంప్యూటర్‌లోని ఫేస్‌బుక్‌లో ఫేస్ దాచుకున్నాడు వాడు. 
  - యాసీన్
  


 ప్రభుత్వ పాఠశాలల్లో పునఃప్రారంభం
  250 మంది ఫ్యాకల్టీల నియామకం 
  ప్రారంభమైన తరగతులు
  ప్రత్యేక చొరవ తీసుకున్న కలెక్టర్‌ భాస్కర్‌ 
 దెందులూరు : జిల్లాలోని ఉన్నత పాఠశాలల్లో కంప్యూటర్‌ విద్యాబోధన ఇటీవల పునఃప్రారంభమైంది. రెండేళ్ల కిందట అన్ని ఉన్నత పాఠశాలల్లో కంప్యూటర్‌ విద్యాబోధనను ప్రభుత్వం నిలుపుదల చేసింది. దీంతో ఉన్నత పాఠశాలల్లో కంప్యూటర్‌ శిక్షణకు విద్యార్థులు దూరమయ్యారు. పదేళ్ల కిందట ఇన్‌ఫర్మేషన్‌ టెక్నాలజీ (ఐటీసీ) పథకంలో ఉన్నత పాఠశాలల్లో కంప్యూటర్‌ విద్యాబోధనను రాష్ట్ర ప్రభుత్వం ప్రారంభించింది.రెండేళ్ల కిందట టీడీపీ ప్రభుత్వం ఈ పథకాన్ని నిలుపుదల చేసింది. ప్రజాసంఘాలు, విద్యార్థులు, రాజకీయపార్టీల ఆందోళనకుతోడు జిల్లా కలెక్టర్‌ కె.భాస్కర్‌ ప్రత్యేక చొరవ తీసుకోవడంతో మన జిల్లాలో కంప్యూటర్‌ విద్య తిరిగి పునఃప్రారంభమైంది. జిల్లాలో 48 మండలాల్లో ఉన్న 464 పాఠశాలల్లో 250 మంది కంప్యూటర్‌ ఫ్యాకల్టీలను ఔట్‌సోర్సింగ్‌ ప్రాతిపదికన గత వారంలో ఆన్‌లైన్‌ పరీక్ష ద్వారా ఎంపిక చేశారు. దాదాపు రెండు లక్షల మంది 6 నుంచి 10వ తరగతి వరకు విద్యను అభ్యసిస్తున్న విద్యార్థిని, విద్యార్థులు ప్రస్తుతం కంప్యూటర్‌ శిక్షణ పొందుతున్నారు. ప్రతిరోజు ప్రతి తరగతికి ఒక గంట కంప్యూటర్‌ శిక్షణ ఇస్తారు. ఎంఎస్‌ ఆఫీస్, నెట్‌వర్కింగ్, టాలీ, బేసిక్‌ ఆఫ్‌ కంప్యూటర్‌ విభాగాల్లో ఫ్యాకల్టీలు విద్యార్థులకు శిక్షణ ఇస్తున్నారు. 
  
  
 విద్యార్థులకు అత్యవసరం
 కార్పొరేట్‌ విద్యాసంస్థలకు దీటుగా విద్యార్థులను తయారు చేయాలనే లక్ష ‍్యంతో పాఠశాలల్లో మళ్లీ కంప్యూటర్‌ విద్యను ప్రారంభించాం. ప్రస్తుత పరిస్థితుల్లో విద్యార్థులకు కంప్యూటర్‌ విద్య అత్యవసరం.
  సర్వేశ్వరరావు, ఏఎంవో, సర్వశిక్షాభియాన్‌
  
 కంప్యూటర్‌ విద్యాబోధన కీలకం 
 ప్రస్తుత పరిస్థితుల్లో ప్రతి ఒక్కరి అభివృద్ధి, సంక్షేమానికి కంప్యూటర్‌ పరిజ్ఞానం తప్పనిపరిస్థితి. హైస్కూల్‌ స్థాయి నుంచి విద్యార్థులకు కంప్యూటర్‌ విద్య అవసరం. ఈ నేపథ్యంలో కంప్యూటర్‌ బోధన మళ్లీ ప్రారంభించడం అభినందనీయం.
  టి కిశోర్, కంప్యూటర్‌ ఫ్యాకల్టీ, గోపన్నపాలెం 
  
 కలెక్టర్‌ కృషితో ప్రారంభం
 ప్రభుత్వ ఉన్నత పాఠశాలల్లోని విద్యార్థులను భవిష్యత్‌ను దృష్టిలో పెట్టుకుని కలెక్టర్‌ కాటంనేని భాస్కర్‌ కంప్యూటర్‌ విద్య కోసం ప్రత్యేక చొరవ తీసుకున్నారు. ప్రభుత్వం నుంచి అనుమతి మంజూరు చేయించడంతో విద్యాబోధన ప్రారంభించాం.  
  దుక్కిపాటి మధుసూదనరావు, డీఈవో
  
  
  
  
  
  
  
  
  
  
  
  
 
 ప్రభుత్వ పాఠశాలల్లో పునఃప్రారంభం
 
  250 మంది ఫ్యాకల్టీల నియామకం 
 
  ప్రారంభమైన తరగతులు
 
  ప్రత్యేక చొరవ తీసుకున్న కలెక్టర్‌ భాస్కర్‌ 
 
 దెందులూరు : జిల్లాలోని ఉన్నత పాఠశాలల్లో కంప్యూటర్‌ విద్యాబోధన ఇటీవల పునఃప్రారంభమైంది. రెండేళ్ల కిందట అన్ని ఉన్నత పాఠశాలల్లో కంప్యూటర్‌ విద్యాబోధనను ప్రభుత్వం నిలుపుదల చేసింది. దీంతో ఉన్నత పాఠశాలల్లో కంప్యూటర్‌ శిక్షణకు విద్యార్థులు దూరమయ్యారు. పదేళ్ల కిందట ఇన్‌ఫర్మేషన్‌ టెక్నాలజీ (ఐటీసీ) పథకంలో ఉన్నత పాఠశాలల్లో కంప్యూటర్‌ విద్యాబోధనను రాష్ట్ర ప్రభుత్వం ప్రారంభించింది.రెండేళ్ల కిందట టీడీపీ ప్రభుత్వం ఈ పథకాన్ని నిలుపుదల చేసింది. ప్రజాసంఘాలు, విద్యార్థులు, రాజకీయపార్టీల ఆందోళనకుతోడు జిల్లా కలెక్టర్‌ కె.భాస్కర్‌ ప్రత్యేక చొరవ తీసుకోవడంతో మన జిల్లాలో కంప్యూటర్‌ విద్య తిరిగి పునఃప్రారంభమైంది. జిల్లాలో 48 మండలాల్లో ఉన్న 464 పాఠశాలల్లో 250 మంది కంప్యూటర్‌ ఫ్యాకల్టీలను ఔట్‌సోర్సింగ్‌ ప్రాతిపదికన గత వారంలో ఆన్‌లైన్‌ పరీక్ష ద్వారా ఎంపిక చేశారు. దాదాపు రెండు లక్షల మంది 6 నుంచి 10వ తరగతి వరకు విద్యను అభ్యసిస్తున్న విద్యార్థిని, విద్యార్థులు ప్రస్తుతం కంప్యూటర్‌ శిక్షణ పొందుతున్నారు. ప్రతిరోజు ప్రతి తరగతికి ఒక గంట కంప్యూటర్‌ శిక్షణ ఇస్తారు. ఎంఎస్‌ ఆఫీస్, నెట్‌వర్కింగ్, టాలీ, బేసిక్‌ ఆఫ్‌ కంప్యూటర్‌ విభాగాల్లో ఫ్యాకల్టీలు విద్యార్థులకు శిక్షణ ఇస్తున్నారు. 
 
  
 
  
 
 విద్యార్థులకు అత్యవసరం
 
 కార్పొరేట్‌ విద్యాసంస్థలకు దీటుగా విద్యార్థులను తయారు చేయాలనే లక్ష ‍్యంతో పాఠశాలల్లో మళ్లీ కంప్యూటర్‌ విద్యను ప్రారంభించాం. ప్రస్తుత పరిస్థితుల్లో విద్యార్థులకు కంప్యూటర్‌ విద్య అత్యవసరం.
 
  సర్వేశ్వరరావు, ఏఎంవో, సర్వశిక్షాభియాన్‌
 
  
 
 కంప్యూటర్‌ విద్యాబోధన కీలకం 
 
 ప్రస్తుత పరిస్థితుల్లో ప్రతి ఒక్కరి అభివృద్ధి, సంక్షేమానికి కంప్యూటర్‌ పరిజ్ఞానం తప్పనిపరిస్థితి. హైస్కూల్‌ స్థాయి నుంచి విద్యార్థులకు కంప్యూటర్‌ విద్య అవసరం. ఈ నేపథ్యంలో కంప్యూటర్‌ బోధన మళ్లీ ప్రారంభించడం అభినందనీయం.
 
  టి కిశోర్, కంప్యూటర్‌ ఫ్యాకల్టీ, గోపన్నపాలెం 
 
  
 
 కలెక్టర్‌ కృషితో ప్రారంభం
 
 ప్రభుత్వ ఉన్నత పాఠశాలల్లోని విద్యార్థులను భవిష్యత్‌ను దృష్టిలో పెట్టుకుని కలెక్టర్‌ కాటంనేని భాస్కర్‌ కంప్యూటర్‌ విద్య కోసం ప్రత్యేక చొరవ తీసుకున్నారు. ప్రభుత్వం నుంచి అనుమతి మంజూరు చేయించడంతో విద్యాబోధన ప్రారంభించాం.  
 
  దుక్కిపాటి మధుసూదనరావు, డీఈవో
 
  
 
  
 
  
 
  
 
  
 
  
 
  
 
  
 
  
 
  
 
  
 
  
 
  
 
  
 
  
 
  
 
  
 
  
 
  
 
  
  
  
  
  
  


 విజయవాడ: విజయవాడలోని సుందరయ్యనగర్‌లో పేలుడు కలకలం సృష్టించింది. కాలనీకి చెందిన పద్మారావు ఇంట్లో పెద్ద శబ్ధంతో పేలుడు సంభవించింది. కంప్యూటర్ ఆన్ చేయడంతోటే ఒక్కసారిగా పెద్ద శబ్ధంతో పాటు పెద్ద ఎత్తున మంటలు ఎగిసిపడ్డాయి. పేలుడు ధాటికి ఇంట్లోని వస్తువులతో పాటు పార్కింగ్‌లో ఉన్న కారు, పక్కనున్న నాలుగు ఇళ్లు పాక్షికంగా ధ్వంసమయ్యాయి.
 
 ఈ ఘటనలో పద్మారావుతో పాటు పనిమనషి జ్యోష్నకు గాయాలయ్యాయి. వీరిని స్థానికులు సమీపంలోని ఆస్పత్రికి తరలించారు. భారీ పేలుడుతో స్థానికులు భయబ్రాంతులకు గురయ్యారు. విషయం తెలుసుకున్న పోలీసులు, అగ్నిమాపక సిబ్బంది సంఘటనా స్థలానికి చేరుకొని మంటలు ఆర్పడానికి యత్నిస్తున్నారు. గ్యాస్‌సిలిండర్ లీక్ అవుతున్న సమయంలో కంప్యూటర్ ఆన్ చేయడంతో.. షార్ట్ సర్క్యూట్ జరిగి మంటలు ఎగిసిపడ్డట్లు స్థానికులు భావిస్తున్నారు.


 నల్లగొండ (నల్లగొండ క్రైం): జైలు నుంచి విడుదలైన ఖైదీలు మంచి పౌరులుగా జీవించాలని హైకోర్టు న్యాయమూర్తి రాజశేఖర్‌రెడ్డి అన్నారు. ఆదివారం స్థానిక జిల్లా జైలులో నిర్వహించిన కార్యక్రమంలో ఆయన పాల్గొని మాట్లాడారు. ఖైదీలకు జైళ్లలో యోగా నేర్పించడంతో పాటు వివిధ వృత్తుల్లో శిక్షణ ఇవ్వడం ద్వారా వారిలో మార్పు తీసుకురావాలన్నారు. అనంతరం జైలులో కంప్యూటర్‌ ల్యాబ్‌ను ప్రారంభించారు. కార్యక్రమంలో జేసీ డాక్టర్‌ ఎన్‌.సత్యనారాయణ, ఎస్పీ ప్రకాశ్‌రెడ్డి, జైలు సూపరింటెండెంట్‌ శ్రీనివాస్‌ పాల్గొన్నారు. 
  


 ఏలూరు సిటీ: జిల్లాలోని ప్రభుత్వ పాఠశాలల్లో అమలు చేస్తున్న కంప్యూటర్‌ విద్యలో భాగంగా కంప్యూటర్‌ టీచర్ల నియామకాలకు శనివారం నిర్వహించిన ఆన్‌లైన్‌ కంప్యూటర్‌ పరీక్షకు మొదటి రోజు 728 మంది అభ్యర్థులు హాజరైనట్టు జిల్లా విద్యాశాఖాధికారి డి.మధుసూదనరావు శనివారం తెలిపారు. 1,200 మంది హాజరుకావాల్సి ఉండగా 68 శాతం అభ్యర్థులు పరీక్షలు రాశారని చెప్పారు. రెండో రోజు ఆదివారం మరో 1,100 మంది అభ్యర్థులు పరీక్షలకు హాజరుకానున్నారన్నారు. వట్లూరులోని రామచంద్ర ఇంజనీరింగ్‌ కాలేజీలో జరిగే ఆన్‌లైన్‌ కంప్యూటర్‌ పరీక్షను రాషీ్ట్రయ మాధ్యమిక శిక్షాభియాన్‌ (ఆర్‌ఎంఎస్‌ఎ) ఏవో పార్వతి పర్యవేక్షిస్తున్నారని తెలిపారు. 
  


 ఉండ్రాజవరం, (తణుకు టౌన్‌) : వేలివెన్ను, కానూరు శశి విద్యాసంస్థలకు చెందిన 10వ తరగతి విద్యార్థులు ప్రతిభ అవార్డులకు ఎంపికైనట్టు శశి విద్యా సంస్థల చైర్మన్‌ బూరుగుపల్లి వేణుగోపాలకష్ణ తెలిపారు. వేలివెన్ను క్యాంపస్‌కు సంబంధించి పోతుల దుర్గాప్రసాద్, గూడపాటి బాలకష్ణ, కురం రాణి, కానూరు కాంపస్‌ నుంచి బద్ది దుర్గాభవాని, ఉప్పలపాటి మౌనిక, వెంపాటి సూర్యతేజ, నంద్యాల నవ్యశ్రీ, తాడి ఆమని, యారసామి లోహితలక్ష్మి ఎంపికైనట్టు తెలిపారు. విద్యార్థులను శశి విద్యాసంస్థల ఎగ్జిక్యూటివ్‌ డైరెక్టర్లు మేకా నరేంద్ర కష్ణ, క్రాంతిసుధ అభినందించారు.  
  


 ఉండ్రాజవరం, (తణుకు టౌన్‌) : వేలివెన్ను, కానూరు శశి విద్యాసంస్థలకు చెందిన 10వ తరగతి విద్యార్థులు ప్రతిభ అవార్డులకు ఎంపికైనట్టు శశి విద్యా సంస్థల చైర్మన్‌ బూరుగుపల్లి వేణుగోపాలకష్ణ తెలిపారు. వేలివెన్ను క్యాంపస్‌కు సంబంధించి పోతుల దుర్గాప్రసాద్, గూడపాటి బాలకష్ణ, కురం రాణి, కానూరు కాంపస్‌ నుంచి బద్ది దుర్గాభవాని, ఉప్పలపాటి మౌనిక, వెంపాటి సూర్యతేజ, నంద్యాల నవ్యశ్రీ, తాడి ఆమని, యారసామి లోహితలక్ష్మి ఎంపికైనట్టు తెలిపారు. విద్యార్థులను శశి విద్యాసంస్థల ఎగ్జిక్యూటివ్‌ డైరెక్టర్లు మేకా నరేంద్ర కష్ణ, క్రాంతిసుధ అభినందించారు.  
  


 న్యూయార్క్‌: ‘అరే! అదే పనిగా టీవీ ముందు కూర్చొని చూస్తున్నావు. కళ్లు పోతాయ్‌!’ అంటూ పిల్లలను పెద్దవాళ్లు హెచ్చరించడం మనకు సర్వసాధారణంగా అనుభవమే. ఒకప్పుడు అది టీవీకి మాత్రమే వర్తించేది. ఇప్పుడు అది కంప్యూటర్లకు, లాప్‌ట్యాప్‌లకు, ట్యాబ్‌లెట్లకు, సెల్‌ఫోన్లకు అన్నింటికి వర్తిస్తుంది. వీటి వల్ల కళ్లు పూర్తిగా పోకపోయిన అనేక కంటి సమస్యలతోపాటు శారీరక సమస్యలు కూడా వస్తాయి. ఇప్పుడు వాటినే ‘డిజిటల్‌ హై స్ట్రెయిన్‌’ అని పిలుస్తున్నారు.
 చూపు మందగించడం, మసగ్గా కనిపించడం, చూపు బ్లర్‌ అవడం, కళ్లు మంటపెట్టడం, గుంజడం లాంటి సమస్యలు తలెత్తడమే కాకుండా కొన్ని సార్లు రెటీనా దెబ్బదిని చూపు పూర్తిగా పోయే ప్రమాదం కూడా ఉంది. అంతేకాకుండా కాకుండా భుజాలు, మెడ, నడుము నొప్పులతోపాటు తలనొప్పి లాంటి సమస్యలు కూడా వస్తాయి. ఈ డిజిటల్‌ స్క్రీన్లను మనం ఎంతసేపు చూస్తామనేదాన్నిబట్టి సమస్యల తీవ్రత ఆధారపడి ఉంటుంది. రేటింగ్‌ ఏజెన్సీ ‘నీల్సన్‌’ నిర్వహించిన సర్వే ప్రకారం అమెరికాలో 18 ఏళ్ల ప్రాయం యువత రోజుకు 11 గంటలపాటు ఈ డిజిటల్‌ స్క్రీన్లకు అతుక్కుపోతున్నారు.
 
 అందుకనే అక్కడి పిల్లలో సమస్యలు ఎక్కువగా ఉన్నాయి. మెడ, భుజాలు, వెన్ను నొప్పి వచ్చిందన్న వారు 36 శాతం మంది, కంటీ సమస్యలు వచ్చిందన్నవారు 35 శాతం, తలనొప్పి వచ్చిందన్న వారు 25 శాతం మంది, 30 ఏళ్ల లోపువారిని పరిగణలోకి తీసుకుంటే వారిలో 73 శాతం మంది ఈ సమస్యలతో బాధ పడుతున్నారు. అంటే కొత్త జనరేషనే ఈ డిజిటల్‌ హై స్ట్రెయిన్‌తో ఎక్కువగా బాధ పడుతోందన్న మాట. ఆఫీసు వ్యవహారాలతోపాటు వ్యక్తిగత డాక్యుమెంట్లు, ఈమెయిళ్లు, ఫేస్‌బుక్‌ అప్‌డేట్స్, నెట్‌ఫ్లిక్స్, యూట్యూబ్‌ చూడడం ఈ తరం ప్రజల్లో ఎక్కువైన విషయం తెల్సిందే.
 ఇప్పుడు మనం అఫీసుల్లో ఒకటి, రెండూ కంప్యూటింగ్‌ డివైస్‌లను ఉపయోగిస్తుంటేనే ఇన్ని సమస్యలు వస్తున్నాయి. 2020 నాటికి ప్రతి ఉద్యోగి సగటున ఆరు కంప్యూటింగ్‌ డివైస్‌లను ఉపయోగించాల్సి వస్తుందని ‘సిట్రిక్స్‌’ సంస్థ వెల్లడించింది.  మరి అప్పుడు పరిస్థితి మరెంత తీవ్రంగా ఉంటుందో. అన్నింటికన్నా కంటి సమస్యలను తీసుకొచ్చేది ఈ డిజిటల్‌ స్క్రీన్ల నుంచి వచ్చే కాంతి కిరణాలే. వాటిలో నీలి కాంతి కిరణాలు మరీ ప్రమాదకరం. కంటిలోని రెటీనాకూ నీలికాంతిని ఫిల్టర్‌ చేసే సామర్థ్యం లేకపోవడమే అందుకు కారణం. ఊదారంగు కాంతికన్నా కూడా ఈ కాంతి ప్రమాదకరమని వైద్య నిపుణులు తెలియజేస్తున్నారు.
 
 డిజిటల్‌ విప్లవం నుంచి మళ్లీ మనం ఎలాగూ వెనక్కి వెళ్లలేము గనుక తగిన జాగ్రత్తలు తీసుకోవడమే ఉత్తమమని వైద్య నిపుణులు తెలియజేస్తున్నారు. డిజిటల్‌ స్క్రీన్ల నుంచి వెలువడే కాంతిని వీలైనంత మేరకు తగ్గించుకోవాలని, వాటిని వీలైనంత దూరంగా పెట్టి పనిచేసుకోవాలని, నీలిరంగు కాంతిని ఫిల్లర్‌ చేసే కళ్ల జోళ్లు వాడాలని వారు సూచిస్తున్నారు. కొన్ని టెక్‌ కంపెనీలు తమ ఉద్యోగులకు నీలిరంగు కాంతి కిరణాలను ఫిల్టర్‌చేసే కళ్ల జోళ్లను ఇప్పటికే సరఫరా చేస్తున్నాయి.
 ఐ ఫోన్లలో రాత్రిపూట కాంతిని నియంత్రించే సౌకర్యం ఉంది. ఈ సౌకర్యం అన్ని ఫోన్లకు అందుబాటులోకి తెచ్చేందుకు యాప్స్‌ కూడా వస్తున్నాయి. ఈ దుష్ప్రభావం నుంచి తప్పించుకునేందుకు కంటి నిపుణులు ‘20–20–20’ ఫార్ములాను పాటించాలని సూచిస్తున్నారు. అంటే డిజిటల్‌ స్క్రీన్‌ చూస్తున్నప్పుడు ప్రతి 20 నిమిషాలకు ఒకసారి 20 సెకండ్ల పాటు 20 మీటర్ల దూరాన్ని చూడాలంటున్నారు.


 మోత్కూరు
 మండలంలోని పొడిచేడు జిల్లా పరిషత్‌ ఉన్నత పాఠశాలకు రూ. 40వేల విలువ గల కంప్యూటర్‌ సెట్‌ను , నాలుగు సీలింగ్‌ఫ్యాన్లు అదేగ్రామానికి చెందిన పారిశ్రామిక వేత్త పేలపూడి పిచ్చయ్యచౌదరి (పీపీచౌదరి) బహూకరించారు. ఈ సందర్భంగా దాతను మంగళవారం పాఠశాల ఉపా«ధ్యాయులు, ప్రజాప్రతినిధులు ఘనంగా సన్మానించారు. కార్యక్రమంలో వైస్‌ ఎంపీపీ వంగాల లలిత. ఉప సర్పంచ్‌ బండ రామనర్సయ్య, ప్రధానోపాధ్యాయులు మోహన్‌రెడ్డి, టీఆర్‌ఎస్‌ గ్రామశాఖ అధ్యక్షుడు పేలపూడి మధు తదితరులు పాల్గొన్నారు.
  


 కాజీపేట రూరల్‌ : జిల్లాలోని జూనియర్, డిగ్రీ కళాశాలల అధ్యాపకులకు ఈనెల 12 నుంచి 17 వరకు కంప్యూటర్‌ కోర్సుల్లో శిక్షణ ఇవ్వనున్నారు. కాజీపేటలోని నిట్‌లో భారత ప్రభుత్వం ఏర్పాటుచేసిన ఎలక్ట్రానిక్స్‌ ఐసీటీ అకడమిక్‌ ద్వారా తక్కువ ఫీజుతో ఈ శిక్షణ ఇవ్వనున్నట్లు ప్రోగ్రాం కోఆర్డినేటర్‌ డాక్టర్‌ ఎల్‌.ఆంజనేయులు తెలిపారు.
  
 మైక్రోసాఫ్ట్‌ విండోస్, ఎంఎస్‌ ఆఫీస్, టూల్స్, ఇంటర్నెట్, ఈ–మెయిల్‌ తదితర అంశాలపై శిక్షణ ఉంటుందని పేర్కొన్నారు. ఆసక్తి గలవారు ౖyð రెక్టర్, నిట్, వరంగల్‌ పేరిట తీసిన రూ.200 డీడీతో ప్రిన్సిపాల్‌ అనుమతి పత్రంతో దరఖాస్తు చేసుకోవాలని సూచించారు.    


 
 టెస్కాబ్‌ చైర్మన్‌ కొండూరి రవీందర్‌రావు
 
 కరీంనగర్‌అగ్రికల్చర్‌ :ప్రాథమిక వ్యవసాయ సహకార సంఘాల్లో కంప్యూటరీకరణతో సేవలు వేగవంతమవుతున్నాయని టెస్కాబ్‌ చైర్మన్‌ కొండూరి రవీందర్‌రావు అన్నారు. జిల్లాలో పైలట్‌ ప్రాజెక్టుగా ఎంపిక చేసిన హుస్నాబాద్, గట్టుదుద్దెనపల్లి, చొప్పదండి, గంభీరావుపేట, రాయికల్, సుల్తానాబాద్‌ సంఘాల కంప్యూటరీకరణ సేవలు, అభివృద్ధిపై శనివారం సమీక్షించారు. హైదరాబాద్‌ నుంచి టెస్కాబ్‌ ఎండీ ఎన్‌.మురళీధర్, అడిషనల్‌ రిజిస్ట్రార్‌ సురేందర్, సీఐవో ఎం.శ్రీనివాస్‌రావు, జిల్లా నుంచి డీసీవో అంబయ్య, డీఏసీవో చంద్రప్రకాశ్‌ సమీక్షించారు. త్వరలోనే మరిన్ని సంఘాలను కంప్యూటరీకరించేందుకు ప్రణాళిక రూపొందిస్తున్నట్లు తెలిపారు. అంతకుముందు మెుక్కలు నాటారు. బ్యాంకు ఉపాధ్యక్షుడు వుచ్చిడి మోహన్‌రెడ్డి, సీఈవో ఎన్‌.సత్యనారాయణ, డీజీఎంలు నారాయణ, రవీందర్‌రెడ్డి పాల్గొన్నారు. 


 నేను సగటు మనిషిని... అయితే, నా విజయగాథ సామాన్యుడికి స్ఫూర్తినిస్తుంది
  
 మన దిగ్గజాలు
 ‘నేను సగటు మనిషిని... అయితే, నా విజయగాథ సామాన్యుడికి స్ఫూర్తినిస్తుంది’ అని సగర్వంగానే కాదు, వినమ్రంగానూ చెబుతారు ఆయన. దేశంలో కంప్యూటర్ల గురించి సామాన్యులకు ఏమాత్రం అవగాహన లేని కాలంలో కంప్యూటర్లే లోకంగా పరిశోధనలు సాగించిన శాస్త్ర పరిశోధకుడు ఆయన. సొంత సంస్థను స్థాపించడమే కాకుండా, దానిని అంతర్జాతీయ స్థాయిలో అభివృద్ధి చేసిన పారిశ్రామికవేత్త ఆయన.
 
 అలాగని ఆయన పుడుతూనే నోట్లో వెండి చెంచాతో పుట్టిన వాడు కాదు. సామాన్య కుటుంబంలో పుట్టి పెరిగి, విద్యనే నమ్ముకుని విజయాలు సాధించిన అసామాన్యుడు ఆయన. పరిశోధకుడుగా, పారిశ్రామికవేత్తగా ఆయన సాధించిన విజయాలు సామాన్యులకు స్ఫూర్తినిస్తాయి.
  
 ‘ఇన్ఫోసిస్’ ఇంటిపేరు
 నారాయణమూర్తి... అంటే ఎవరైనా ఏ నారాయణమూర్తి? అని అడుగుతారు. నాగవర రామారావు నారాయణమూర్తి అంటే కన్ఫ్యూజింగ్‌గా బుర్ర గోక్కుంటారు. అదే ‘ఇన్ఫోసిస్’ నారాయణమూర్తి అంటే ఇట్టే గుర్తుపట్టేస్తారు. భారత ఐటీ రంగంలో ఎన్.ఆర్.నారాయణమూర్తి తిరుగులేని హీరో. భార్య నుంచి తీసుకున్న పదివేల రూపాయలతో మరో ఆరుగురు మిత్రులతో కలసి నారాయణమూర్తి పునాదులు వేసిన సంస్థ ‘ఇన్ఫోసిస్’.
 
 అదే ఆయన ఇంటిపేరుగా మారిందంటే, ఆ సంస్థతో ఆయన అనుబంధం ఎలాంటిదో అర్థం చేసుకోవాల్సిందే. ‘ఇన్ఫోసిస్’ సీఈవోగా ఆయన దాదాపు రెండు దశాబ్దాలకు పైగా సేవలందించారు. ఆయన సారథ్యంలో ‘ఇన్ఫోసిస్’ సాధించిన ఘన విజయాలు భారత ఐటీ చరిత్రలోనే మైలురాళ్లుగా నిలిచిపోయాయంటే అతిశయోక్తి కాదు.
  
 చురుకైన విద్యార్థి
 నారాయణమూర్తి కర్ణాటకలోని కోలార్ జిల్లా సిదియఘట్ట గ్రామంలో 1946 ఆగస్టు 20న ఒక దిగువ మధ్యతరగతి కుటుంబంలో జన్మించారు. చిన్నప్పటి నుంచి చదువులో చురుగ్గా ఉండేవారు. పాఠశాల చదువు పూర్తయ్యాక మైసూరు వర్సిటీ పరిధిలోనే నేషనల్ ఇన్‌స్టిట్యూట్ ఆఫ్ టెక్నాలజీ నుంచి ఎలక్ట్రికల్ ఇంజనీరింగ్‌లో డిగ్రీ చేశారు. ఆ తర్వాత ఐఐటీ-కాన్పూర్ నుంచి ఎం.టెక్ పూర్తి చేశారు.
 
 చదువు పూర్తయ్యాక ఐఐఎం-అహ్మదాబాద్‌లో చీఫ్ సిస్టమ్స్ ప్రోగ్రామర్‌గా కెరీర్ ప్రారంభించారు. అప్పటి నుంచి కంప్యూటర్లపై పరిశోధనలే ఆయన లోకంగా మారాయి. ఐఐఎంలో పనిచేస్తున్నప్పుడే ఆయన భారత్‌లోని తొలి షేరింగ్ కంప్యూటర్ సిస్టమ్‌ను అభివృద్ధి చేశారు. ఆ తర్వాత ఎలక్ట్రానిక్ కార్పొరేషన్ ఆఫ్ ఇండియా లిమిటెడ్ (ఈసీఐఎల్) కోసం ‘బేసిక్’ ఇంటర్‌ప్రెటర్‌ను రూపొందించారు.
  
 తొలియత్నంలో వైఫల్యం
 ఉద్యోగంలో కొనసాగితే అనుకున్న పనులు సాధించలేమని భావించి, ‘సాఫ్ట్రానిక్స్’ పేరిట నారాయణమూర్తి సొంత కంపెనీని ప్రారంభించారు. అంతకు ముందు ఆయనకు ఎలాంటి వ్యాపారానుభవం లేకపోవడంతో ఏడాదిన్నరలోగానే కంపెనీ మూతపడింది. మళ్లీ ఉద్యోగపర్వమే శరణ్యమైంది. ఈసారి పుణేలోని ‘పత్ని కంప్యూటర్ సిస్టమ్స్’లో చేరారు. పుణేలో పనిచేస్తుండగానే, సుధా కుల్కర్ణితో పరిచయమైంది. కంప్యూటర్ సైన్స్‌లో పోస్ట్‌గ్రాడ్యుయేట్ అయిన సుధ రచయిత్రి కూడా. అప్పట్లో ఆమె టాటా కంపెనీలో పనిచేసేవారు.
 
 ఇద్దరి మనసులూ కలవడంతో పెళ్లి చేసుకున్నారు. తర్వాత ఆమె సుధామూర్తిగా ప్రసిద్ధి పొందారు. మళ్లీ సొంత కంపెనీ పెట్టుకునేలా నారాయణమూర్తిని ఆమె ప్రోత్సహించడమే కాదు, మూలధనంగా పదివేల రూపాయలు కూడా ఇచ్చారు. దాంతో ఆయన నందన్ నీలేకనితో పాటు మరో ఆరుగురు మిత్రులను కలుపుకొని 1981లో ‘ఇన్ఫోసిస్’ను స్థాపించారు. అప్పటి నుంచి 2002 వరకు సీఈవోగా ఆ సంస్థను ముందుకు నడిపించారు.
 
 ఆ తర్వాత 2006 వరకు ఇన్ఫోసిస్ చైర్మన్‌గా పనిచేశారు. ఆ తర్వాత చైర్మన్, చీఫ్ మెంటర్‌గా సేవలందించి, 2011లో రిటైరయ్యారు. రెండేళ్ల తర్వాత కంపెనీ మళ్లీ ఆహ్వానించడంతో ఎగ్జిక్యూటివ్ చైర్మన్‌గా, అడిషనల్ డెరైక్టర్‌గా బాధ్యతలు చేపట్టారు. ఆ తర్వాత నాన్-ఎగ్జిక్యూటివ్ చైర్మన్‌గా సేవలందించారు. ప్రస్తుతం చైర్మన్ ఎమిరిటస్‌గా ‘ఇన్ఫోసిస్’కు దిశానిర్దేశం చేస్తున్నారు.


 విద్యార్థులతో కిటకిటలాడుతున్న శిక్షణ కేంద్రాలు
 సెలవులను సద్వినియోగం చేసుకుంటున్న చిన్నారులు
  
 పోచమ్మమైదాన్ : ఇది కంప్యూటర్ యుగం. ఉద్యోగం, వ్యాపారం ఇలా ప్రతిచోటా కంప్యూటర్లను వినియోగిస్తుండటాన్ని మనం చూస్తున్నాం. ఇటువంటి పరిస్థితుల్లో కంప్యూటర్ అక్షరాస్యత ఎంతో అవసరమని విద్యార్థుల తల్లిదండ్రులు భావిస్తున్నారు. అందుకే వేసవి సెలవుల్లో తమ పిల్లల్ని షార్ట్ టర్మ్ కంప్యూటర్ కోర్సులు నేర్చుకునేందుకు పంపిస్తున్నారు. విద్యార్థులు సైతం రోజూ ఎంతో ఉత్సాహంగా శిక్షణ కేంద్రాలకు వెళ్లి, నిపుణుల పర్యవేక్షణలో సాంకేతిక అంశాల్ని నేర్చుకుంటున్నారు. ఫలితంగా వరంగల్, హన్మకొండ, కాజీపేటలతో పాటు జిల్లాలోని ప్రధాన పట్టణాల్లో ఉన్న కంప్యూటర్ శిక్షణ కేంద్రాలు విద్యార్థులతో కిటకిటలాడుతున్నారుు. దీంతోపాటు టైప్ రైటింగ్ కోర్సులను నేర్చుకునేందుకూ ఆసక్తి కనబరుస్తున్నారు. శిక్షణ కేంద్రాల్లో తొలుత కంప్యూటర్ బేసిక్స్ నేర్పిస్తున్నారు. వాటిపై పట్టుసాధించిన విద్యార్థులకు డీసీఏ వంటి సాధారణ స్థారుు కోర్సుల్లో చేర్చుకుంటున్నారు.
 
 
 పాఠశాల దశలోనే కంప్యూటర్ పరిజ్ఞానాన్ని సంపాదించడం వల్ల భవిష్యత్తులో సాంకేతిక విద్యాపరమైన అంశాల్లో వారు ప్రతిభ కనబర్చే అవకాశాలు ఉంటాయని విద్యావేత్తలు విశ్లేషిస్తున్నారు. పాఠశాలల్లో నిర్వహించే కంప్యూటర్ క్లాస్‌లలో విద్యార్థులు మరింత రాణించడానికి ఈ షార్ట్ టర్మ్ ట్రెరుునింగ్ దోహదపడుతుందని అభిప్రాయపడుతున్నారు. శిక్షణ కేంద్రాల్లో డీసీఏ, పీజీడీసీఏ, డీటీపీ, మల్టీమీడియూ, సీ ల్యాంగ్వేజ్, జావా, సీపీపీ, డాట్‌నెట్, ఒరాకిల్, హార్డ్‌వేర్ అండ్ నెట్‌వర్కింగ్, 2డీ యూనిమేషన్, 3డీ యూనిమేషన్, మాయూ, అకౌంటింగ్ కోర్సులు నేర్పిస్తున్నారు.
  
  
 బీటెక్ విద్యార్థులకు ప్రత్యేకంగా..
 బీటెక్ విద్యార్థులు, ఇంటర్ పూర్తి చేసుకొని ఇంజినీరింగ్‌లో చేరాలనుకునే వారి కోసం కంప్యూటర్ ట్రెరుునింగ్ ఇన్‌స్టిట్యూట్‌లు ప్రత్యేక కోర్సులను అందిస్తున్నారుు. ఆయూ విద్యార్థుల భవిష్యత్ అవసరాలకు దోహదపడేలా ఈ కోర్సులను రూపొందించారు. హన్మకొండ, వరంగల్‌ల పరిధిలోని కొన్ని శిక్షణ కేంద్రాల్లో  బీటెక్ విద్యార్థులకు రాబోయే సెమిస్టర్‌కు సంబంధించిన సాంకేతిక అంశాలపై ముందస్తుగా కోర్సుల ద్వారా అవగాహన కల్పిస్తున్నారు. ఫీజుల విషయూనికొస్తే ఒక్కో లాంగ్వేజీని బట్టి దాదాపు రూ.1000 నుంచి రూ.5వేల దాకా తీసుకుంటున్నారు.


 ఆధునిక కాలంలో కంప్యూటర్లు.. వ్యక్తి జీవితంలో ప్రధాన వస్తువులుగా మారిపోయాయి. కంప్యూటర్ లేకుండా ఏ పనీ పూర్తి కావడం లేదు. ముఖ్యంగా ఉద్యోగస్తులకు కంప్యూటర్ ప్రధానవస్తువైపోయింది. అయితే కంప్యూటర్ అధిక వినియోగం ఆరోగ్యంపై అనేక దుష్ప్రభావాలను చూపిస్తుందని నిపుణులు హెచ్చరిస్తున్నారు. ఎక్కువ సమయం కంప్యూటర్ వద్ద కూర్చొని పనిచేసేవారు తప్పనిసరిగా కొన్ని జాగ్రత్తలు పాటించాలని చెప్తున్నారు.
 
 ప్రతిరోజూ కంప్యూటర్ తో పనిచేయాల్సి రావడం ఆధునిక జీవితంలో తప్పని పరిస్థితిగా మారింది. ఎన్ని జాగ్రత్తలు తీసుకున్నా కంప్యూటర్ దగ్గర ఎక్కువ సమయం కూర్చోవడం వల్ల కళ్ళకు ప్రమాదమేనంటున్నారు. కళ్ళు లాగడం, నొప్పి, కంటినుంచీ నీరు కారడం, మంటలు వంటి అనేక సమస్యలతో పాటు కొందరికి దృష్టిలోపం కూడ ఏర్పడుతుందని చెప్తున్నారు. దీర్ఘకాలం కంప్యూటర్ ముందు కూర్చొనే వారిలో ఫిజికల్ యాక్టివిటీ తగ్గడం వల్ల శరీరం బరువెక్కడం, ఉబకాయం సమస్యతోపాటు సోమరులుగా కూడ మారే అవకాశం ఉందంటున్నారు. ఎక్కువ సమయం కంప్యూటర్లను వాడటంవల్ల దీర్ఘ కాల రోగాలైన ఉబ్బసం, రక్తపోటు వంటి రోగాలు సంక్రమించడంతోపాటు కొందరిలో నిరాశ చుట్టుముట్టి మానసిక వ్యాధులకు కూడ దారి తీస్తుందని నిపుణులు హెచ్చరిస్తున్నారు. కొందరిలో ఆహారం పట్ల విముఖత ఏర్పడితే, మరి కొందరిలో అదేపనిగా తినే అలవాటుకూడ వస్తుందని, దీనివల్ల ఊబకాయ సమస్య ఏర్పడుతుందని హెచ్చరిస్తున్నారు. ఎక్కువ సమయం కంప్యూటర్ వద్ద కూర్చోవడం వల్ల ఒళ్ళు నొప్పులు, మెడనొప్పులు, స్పాండిలైటిస్ వంటివి కూడ ప్రధాన సమస్యలుగా మారతాయని వైద్య నిపుణుల పరిశీలనలో కనుగొన్నారు.
 
 కంప్యూటర్లో పనిచేసే వ్యక్తులకు దీర్ఘకాలిక తలనొప్పులు సంక్రమించే అవకాశం కూడ ఉంది. అటువంటి నొప్పి ఒక్కోసారి డిప్రెషన్ కు కూడ దారితీస్తుంది. నొప్పుల వల్ల శరీరంలో శక్తి సామర్థ్యాలు తగ్గిపోవడం, అతిగా ఆలోచించడం వంటి లక్షణాలు ఏర్పడతాయని పరిశోధకులు చెప్తున్నారు. అయితే తప్పనిసరిగా కంప్యూటర్ తో పనిచేయాల్సి వచ్చిన వారు కొన్ని జాగ్రత్తలు మాత్రం తీసుకోవాలని సూచిస్తున్నారు. ముఖ్యంగా 45 ఏళ్ళు పైబడిన వారిలో ఈ సమస్యల తీవ్రత ఎక్కువగా ఉంటుందన్నవాస్తవం బయటపడిందని పరిశోధకులు చెప్తున్నారు. తప్పనిసరిగా వ్యాయామం చేయడం, గంటకోసారైనా కాసేపు అటూఇటూ తిరగటం, వాడే సమయంలో అప్పుడప్పుడూ  నీటితో ముఖం కడుక్కోవడం, ఎక్కువసార్లు కనురెప్పలు మూసి తెరుస్తుండటం, స్క్రీన్ కు వీలైనంత దూరంగా కూర్చోవడం, వంటివి కంప్యూటర్ వినియోగదారులు తప్పనిసరిగా పాటించాలని సూచిస్తున్నారు. అంతేకాక ముఖానికి ఎదురుగా లైట్ లేకుండా చూసుకోవడం, మానిటర్ కళ్ళకు ఎదురుగా సమానమైన ఎత్తులో ఉండేలా చూస్కోవడం,  మౌస్ ప్యాడ్ వాడటం,  తక్కువ రేడియేషన్ ఇచ్చే మానిటర్స్ ను వాడటం చేయాలంటున్నారు. కంటికి ఒత్తిడి తగ్గేలా యాంటీ గ్లేర్ స్క్రీన్ల వాడకం వంటి కొన్ని కనీస జాగ్రత్తలను పాటిస్తే సమస్యలకు దూరంగా ఉండొచ్చని కొంతైనా ఉపశమనం పొందవచ్చని  వైద్యులు చెప్తున్నారు.


 పసిమొగ్గల్లో అంధత్వం!
 ♦ చిన్నారుల్లో ఏ విటమిన్ లోపం
 ♦ {పతి వంద మందిలో ఏడుగురికి సమస్య
 ♦ రోజురోజుకు పెరుగుతున్న బాధితులు
 ♦ పౌష్టికాహారలోపం, చీకటి గదుల్లో విద్యాబోధనే కారణం
 ♦ కళ్లజోళ్లు తప్పనిసరి అవుతున్న దుస్థితి
 
  జోగిపేట: గతంలో కంటి చూపు తగ్గుతుందంటే వృద్ధాప్యం దగ్గర పడుతుందని భావించే వారు. కానీ నేడు వయసుతో సంబం ధం లేకుండా కంటిచూపు మందగిస్తోంది. చీకటి గదుల్లో విద్యా బోధన, టీ వీ చూడటం, కంప్యూటర్, వీడియో గేమ్స్, సెల్‌లో చిత్రాలు వీక్షించడం తదితర కారణాలతో పిల్లల్లో కంటి చూపు తగ్గుతున్నట్లు నిపుణులు చెబుతున్నారు. బాధాకరమైన విషయం ఏమిటంటే పట్టుమని పదేళ్లు కూడా నిండని చిన్నారుల్లో దృష్టిలోపం ఏర్పడడం ఆందోళన కల్గించే అంశం. తల్లిదండ్రులు, వైద్య ఆరోగ్యశాఖ, విద్యాసంస్థలు జాగ్రత్తలు తీసుకోకపోతే రానున్న రోజుల్లో పిల్లలందరూ కళ్లజోళ్లతో పాఠశాలకు వెళ్లాల్సిన పరిస్థితులు ఏర్పడవచ్చని వైద్యులు హెచ్చరిస్తున్నారు.
  ప్రతి 100 మంది చిన్నారుల్లో ఏడుగురికి దృష్టిలోపం ఉన్నట్లు సమాచారం.
 జిల్లా అంధత్వ నియంత్రణ సంస్థ ఆధ్వర్యంలో ఈ విద్యా సంవత్సరంలో 50 వేల మందికి పైగా విద్యార్థులకు కంటి పరీక్షలు నిర్వహించారు. ఇందులో తప్పనిసరిగా 2,609 మంది విద్యార్థుల కు కంటి అద్దాలు అవసరమని గుర్తించారు. ఈ మాసంలో అద్దాలను పంపిణీ చేయనున్నారు. వేలాది మంది విద్యార్థులకు కంటిలో వేసుకునేందుకు ఐ డ్రాప్స్‌ను పంపిణీ చేశారు. వీరిలో 10 ఏళ్లలోపు వారే ఎక్కువ ఉన్నట్లు సమాచారం.
 జిల్లాలో కంటి చూపు తగ్గుతున్న పిల్లల సంఖ్య రోజు రోజుకు పెరుగుతోంది. పదేళ్లలోపు చిన్నారుల్లో ఈ సంఖ్య ఎక్కువగా కనిపిస్తుంది. పదేళ్లలోపు ఉన్న 100 మంది చిన్నారులను పరిశీలిస్తే అందులో ఏడుగురు దృష్టిలోపంతో బాధపడుతున్నారు. కంటి చూపు తగ్గకుండా వైద్య ఆరోగ్యశాఖ ప్రతి ఆరు నెలలకోసారి కంటి పరీక్షలు నిర్వహించి విటమిన్ ఏ అందిస్తున్నా ఆశించిన ఫలితం ఉండటం లేదు. కాగా.. పిల్లల చూపు తగ్గకుండా ఉండేందుకు తల్లిదండ్రులు, ఉపాధ్యాయులు జాగ్రత్తలు తీసుకోవడం  లేదని తెలుస్తోంది.
 
  చూపు తగ్గడానికి కారణాలు
 ♦ పిల్లలకు పాలు, గుడ్డు అకుకూరలు, కాయగూరలు, పప్పు దినుసులు అవసరమైనంత మేరకు తీసుకోకపోవడంతో విటమిన్ ఏ కాల్షియం స్థాయి తగ్గిపోయి కంటి చూపు మందగిస్తుంది. ఇతర ఆరోగ్య సమస్యలు వస్తాయి.
 ♦ వెలుతురు, గాలి లేని తరగతి గదుల్లో విద్యాభ్యాసం చేయడం.
 ♦ తరగతి గదుల్లో బ్లాక్ బోర్డులనే వాడాలి. బ్లాక్ బోర్డుపై చాక్‌పీస్‌తో రాసిన అక్షరాలు దూరం నుంచి కూడా కళ్లపై ఒత్తిడి లేకుండా కనిపిస్తాయి.
 ♦ తెల్లబోర్డులు, మార్కర్లు వాడడంతో కళ్లపై ఒత్తిడి పడి నరాలపై ప్రభావం చూపి కంటి చూపు తగ్గుతుంది.
 ♦ {పస్తుతం పుస్తకాలలో అక్షరాలు కూడా మరీ చిన్నగా ముద్రిస్తున్నారు. ఇది కూడా కొంతవరకు ప్రభావం  చూపుతుంది.
 ♦ టీవీ, కంప్యూటర్, వీడియో, సెల్‌లో గేమ్స్ ఆడే పిల్లల్లో కంటి చూపు సమస్య ఉత్పన్నమవుతుంది.
  
  50 వేల మంది చిన్నారులకు కంటి పరీక్షలు
  జిల్లాలోని ప్రభుత్వ పాఠశాలల్లో 6 నుంచి 10వ తరగతి చదువుతున్న విద్యార్థులకు ప్రభుత్వం తరపున కంటి పరీక్షలు నిర్వహించాం. ఇందులో 2.069 మంది విద్యార్థిని, విద్యార్థులకు తప్పనిసరిగా కంటి అద్దాలు అవసరమని గుర్తించాం. వారికి ఈనెలలో కంటి అద్దాలను ఉచితంగా అందజేస్తున్నాం. అవసరమైన వారికి ఐ డ్రాప్స్ మందులను పంపిణీ చేశాం. చిన్నారులకు కంటిని కాపాడుకోవడానికి అవసరమైన జాగ్రత్తలను ప్రతి పాఠశాలలో వివరించాం. ప్రతి సంవత్సరం కంటి పరీక్షలను పాఠశాలల్లో నిర్వహిస్తున్నాం. దృష్టిలోపంతో బాధపడుతున్న వారందరినీ గుర్తించి ప్రత్యేక చర్యలు తీసుకుంటున్నాం
  - డాక్టర్ అమర్‌సింగ్, డీఎంహెచ్‌ఓ, సంగారెడ్డి
 
  జాగ్రత్తలు తప్పనిసరి
  ఆహారంలో విటమిన్ ఏ, కెరోటినాయిడ్లు, ట్యూటిన్ అధికంగా ఉండే ఆకుకూరలు క్యారెట్, ద్రాక్ష, బొప్పా యి, చిలుగడదుంపలు తీసుకోవడం తో కంటి సమస్యల నుంచి రక్షణ పొం దవచ్చు. ఏ పనిచేస్తున్నా గంటకోసారి దూరంగా ఉన్న వస్తువును చూడాలి. ఇలా అయిదారు సార్లు చేయడంతో కళ్లపై వత్తిడి తగ్గుతుంది. పనిలో పడిపోయి కళ్లను మూ స్తూ.. తెరుస్తూ ఉండటం మరచిపోవద్దు. పిల్లలు, పెద్ద లు ఎలాంటి సమస్య లేకపోయినా క్రమం తప్పకుండా కళ్లను పరీక్ష చేయించుకోవాలి. కంటి సమస్యలు వచ్చినప్పుడు డాక్టర్‌ను సంప్రదించాలి. పిల్లలకు దృష్టిలోపం రాకుండా ఉండేదుకు పెద్దలు జాగ్రత్తలు తీసుకోవాలి.
  - డాక్టర్ ఎస్.రవీందర్‌గౌడ్, కంటి వైద్య నిపుణులు


 ఎగ్జామ్ టిప్స్
  
 మైండ్ అనేది కంప్యూటర్‌లోని హార్డ్ డిస్క్ లాంటిది. అందులో మనం ఎంత సమాచారాన్ని అయినా నిల్వచేసుకోవచ్చు. ఫలానా దానిని మీరు గుర్తుంచుకోవాలి అని మనస్ఫూర్తిగా కోరుకోకపోతే... అది మీ పరిశీలనకు అందడం గాని, గుర్తుండడం గాని కష్టం. కాబట్టి... ఆసక్తిగా, గుర్తుంచుకునేలా చదవడం ముఖ్యం.   {పాక్టీస్ వల్లే ఏ హ్యాబిట్ అయినా పర్ఫెక్ట్ అవుతుంది.  ఏ పని చేస్తుంటే దాని మీద దృష్టి కేంద్రీకరించడం అలవాటు చేసుకోవాలి. అపుడు చదువు విషయంలో కూడా అనుసరించడం తేలికవుతుంది.
 బ్రెయిన్‌కి ప్రశ్నలు వెళితే దానికి సమాధానం తెల్సుకోవాలని తీవ్రంగా ప్రయత్నిస్తుంది. అదే ఏకాగ్రత కుదరకపోవడం. ఎలాగంటే ఉదాహరణకు మీరు చదువుతున్నపుడు ఇంటి ముందుగా ఏదైనా బ్యాండ్‌మేళం శబ్దం వినపడిందనుకోండి... ‘‘అది పెళ్ళిదా లేకపోతే ఏదైనా దేవుడి ఊరేగింపా...’’ వగైరా ప్రశ్నలు మనకు తెలీకుండానే బ్రెయిన్‌కి చేరతాయి. 
 
 వాటికి సమాధానాలు తెల్సుకోవాలని తహతహలాడుతుంది. దాంతో మీ ఏకాగ్రత చెదురుతుంది. అందుకే చదివేటప్పుడు చుట్టుపక్కల వాతావరణం ప్రశాంతంగా ఉండాలి. ఇలా జరగకుండా ఉండడానికి మార్గం ఏమిటంటే... బ్రెయిన్‌ను ఎప్పటికప్పుడు  స్టడీస్‌కు, సబ్జెక్టులకు  సంబంధించిన ప్రశ్నలతో నింపేస్తూ ఉండడం{బెయిన్‌కి టార్గెట్ ఫిక్స్ చేస్తే ఆటోమేటిగ్గా దాన్ని చేరుకునేందుకు సిద్ధపడుతుంది. లక్ష్యం లేకుండా చదవవద్దు. ‘‘ఈ గంటలో నేనీ చాప్టర్ ఫినిష్ చేయాలి. ఈ అరగంటలో ఈ రివిజన్ పూర్తయిపోవాలి’’ లాంటి లక్ష్యంతోనే చదవడం ప్రారంభించాలి.
  


 ఆ సీన్ - ఈ సీన్
 ఒక రకంగా చూస్తే కంప్యూటర్‌ను కనుక్కొన్నవాడి కన్నా కాపీ పేస్ట్‌ను కనుకున్నవాడు గొప్పవాడు. అయితే సరిగ్గా పేస్ట్ చేయడం తెలీనప్పుడు కాపీ చేస్తే మాత్రం చేసిన ప్రయత్నం వృథా అయిపోతుంది. ముఖ్యంగా క్లాసిక్స్ అనదగ్గ సినిమాలను కాపీ చేసేసి, వాటిని అతి సాదాసీదాగా పేస్ట్ చేస్తే... సినిమా అభిమానుల ఫీలింగ్స్ దారుణంగా హర్ట్ అవుతాయి. అలా హర్ట్ చేసిన ఓ సినిమా... ‘మా నాన్నకు చిరంజీవి’. సూపర్ హిట్ అయిన ‘ద పర్‌స్యూట్ ఆఫ్ హ్యాపీనెస్’కి అనుకరణగా రూపొందిన ఈ సినిమా ఘోరంగా విఫలమైంది.  
  
 విల్ స్మిత్‌కు ఆస్కార్ అవార్డును, అంతకు మించిన అభిమానగణాన్ని సంపాదించి పెట్టిన సినిమా ‘ద పర్‌స్యూట్ ఆఫ్ హ్యాపీనెస్’. 2006లో వచ్చిన ఈ హాలీవుడ్ సినిమా ఒక వాస్తవ కథ. అతుకుల్లేని, అలంకారాల్లేని, పారదర్శకమైన కథ. స్మిత్ నులివెచ్చని భావవ్యక్తీకరణ సినిమాను కొత్త హైట్స్‌కు తీసుకెళ్లింది. ప్రస్తుతం అమెరికాలో ఉన్న శ్రీమంతుల్లో ఒకరు క్రిస్ గార్డ్‌నర్. ఈ వ్యాపారవేత్త తన జీవితంలోని ఒక దశలో ఎదుర్కొన్న కష్టాలు, వాటిని ఆయన అధిగమించిన తీరును ఆటోబయోగ్రఫీగా రాశారు.
 
 దాన్నే ‘ద పర్‌స్యూట్ ఆఫ్ హ్యాపీనెస్’ సినిమాగా మలిచారు. తాను పొదుపు చేసుకున్న డబ్బుతో కొన్ని ఎక్స్‌రే మిషన్లను కొని, వాటి వ్యాపారంలో తేడాలొచ్చి కట్టుబట్టలతో మిగులుతాడు క్రిస్ గార్డ్‌నర్ (విల్ స్మిత్). దీంతో కుటుంబాన్ని పోషించడం కష్టమవుతుంది. కొడుకును తన దగ్గర వదిలిపెట్టి భార్య వెళ్లిపోతుంది. ఆరేళ్ల వయసున్న కొడుకుతో కలిసి ఆ సేల్స్‌మెన్ రోడ్డున పడ తాడు. తన పరిస్థితి తనయుడికి ఏ మాత్రం అర్థం తెలియ నీకుండా జాగ్రత్తపడతాడు.
 
 బాబుకి ఎలాంటి ఇబ్బందీ రాకుండా చూసుకోవ డానికి ఆ తండ్రి పడే తపన, మరోవైపు అడుగడుగునా దురదృష్టం ఎదురవుతున్నా ఎక్కడా ఆత్మవిశ్వాసాన్ని వదలక తన లక్ష్యం దిశగా ప్రయత్నాలను కొనసాగించే అతని ప్రయాణమే ఈ చిత్రం. ఎంతో స్ఫూర్తిదాయకంగా సాగుతుందీ సినిమా. ఈ కథా నేపథ్యాన్ని ‘మా నాన్న చిరంజీవి’ సినిమాకు అన్వయించే ప్రయత్నం చేశారు. హాలీవుడ్ వెర్షన్‌లో విల్ స్మిత్, ఆయన సొంత తనయుడు జేడెన్ స్మిత్‌లు నటించిన పాత్రల్లో తెలుగు వెర్షన్‌లో జగపతిబాబు, మాస్టర్ అతులిత్‌లు కనిపిస్తారు.
 
 భార్య మాట విని తనకు తెలియని వ్యాపారంలో డబ్బులన్నీ పెట్టి నష్టపోతాడు జగపతిబాబు. ఆయన ఆర్థికంగా నష్టపోవడానికి తనే కారణం అయినా... భార్య అతడిని వదలి వెళ్లిపోతుంది. దీంతో హీరో కొడుకును తీసుకుని హైదరాబాద్ వ స్తాడు. ఈ రకంగా నేపథ్యాన్ని మార్చినా... ఇక్కడి నుంచి ఇక హీరోకి ఎదురయ్యే అనుభవాలన్నీ హాలీవుడ్ సినిమాకు అనుకరణగా రాసుకున్నవే.
  
 కొడుకుతో కలిసి ఒక రాత్రి రైల్వేస్టేషన్ బాత్‌రూమ్‌లో తల దాచుకోవాల్సి వస్తుంది హీరోకి. ఈ సీన్‌లో విల్‌స్మిత్ నటన కన్నీటిని తెప్పిస్తుంది. ఈ సన్నివేశాన్ని తెలుగు సినిమాలో కూడా యథాతథంగా వాడుకున్నారు. హాలీవుడ్ వెర్షన్‌లో హీరో తన దగ్గరే మిగిలిపోయిన ఎక్స్‌రే మిషన్‌ను అమ్మడానికి హీరో ప్రయత్నం చేస్తుంటాడు. తెలుగులో హీరో చేతిలో డిక్షనరీలు పెట్టారు. ఇలాంటి చిన్న చిన్న మార్పులు, అనుకరణలు ఎన్నో ఉన్నా... ఏ దశలోనూ తెలుగు సినిమా హాలీవుడ్ డ్రామాను రీచ్ కాలేదు.
 
 అమెరికా నేపథ్యంలో సాగే కథను లోకలైజ్ చేయబోయి... గొప్ప కాన్సెప్ట్‌ను సాధారణ స్థాయికి తీసుకొచ్చేశారు రూపకర్తలు. అందుకే ఈ సినిమా ఎప్పుడొచ్చి వెళ్లిందో కూడా చాలామందికి తెలియదు! వాస్తవానికి విల్‌స్మిత్ సినిమాలో ఉన్న గొప్పదనం... నాటకీయమైన కథలోనిది కాదు. ఆ చిత్రంలోని అందమంతా దాని నిజాయితీలో ఉంది. ప్రతి సన్నివేశం ఎంతో వాస్తవికంగా, మనసును తడిమేలా ఉంటడమే దాని సక్సెస్ సీక్రెట్. అలాంటి ఫీల్ తెలుగు సినిమాలో మిస్ అయ్యింది! అందుకే... పరాజయాల లిస్టులో చేరిపోయింది!
 - బి.జీవన్‌రెడ్డి


 లండన్: ప్రముఖ హాలీవుడ్ సుందరి, టైటానిక్ చిత్రంతో ప్రపంచ వ్యాప్తంగా కుర్రకారు మనసుల్లో శాశ్వత స్థానాన్ని దక్కించుకున్న కేట్ విన్స్లెట్.. తనకు కంప్యూటర్ కూడా లేదని చెప్పింది. సహజంగా తనకు సాంకేతిక పరిజ్ఞానం అంటే భయమని, చిరాకు అని చెప్పుకొచ్చింది. ఇప్పటి వరకు తన ఇంట్లో పిల్లలకు కూడా సోషల్ మీడియాలో అనుమతి లేదని చెప్పింది.
 
 వారికి కేవలం తన ఐఫోన్ మాత్రమే అందుబాటులో ఉంచుతున్నానని, అందులో కూడా చాలా పరిమితులు పెట్టినట్లు తెలిపింది. ప్రస్తుతం కేట్ కు ఇద్దరు పిల్లలు ఉన్నారు. అయితే, పిల్లలను ఇబ్బంది పెట్టడం తన ఉద్దేశం కాదని, వారి బాల్యాన్ని పూర్తి స్థాయిలో అనుభవించాలని, సోషల్ మీడియా వారికి సహజ సిద్ధంగా లభించే అంశాలను హరించి వేస్తుందనే భయంతోనే అలాంటి వాటికి అనుమతించబోనని చెప్పింది. ఇప్పటికే రెండు వివాహాలు చేసుకొని విడిపోయిన ఆమె సరిగ్గా రెండేళ్ల కిందటే నెడ్ రాకెన్ రోల్ అనే వ్యక్తిని పెళ్లి చేసుకుంది.


 ఇంటర్నెట్‌తో కనెక్ట్ కావాలంటే ఏముండాలి? డెస్క్‌టాప్ లేదా లాప్‌టాప్ కంప్యూటర్ ఉండాలి. తేలికగా ఉండాలంటే, కనీసం టాబ్లెట్ లేదా స్మార్ట్‌ఫోన్ ఉండాలి. ఇకపై ఇంటర్నెట్‌తో కనెక్ట్ అయ్యేందుకు ఇవేవీ అవసరం లేదు. చూడముచ్చటగా అదిరేటి డ్రెస్సు వేసుకుంటే చాలు... మీరు ఎక్కడ ఉన్నా, ‘నెట్’కొచ్చేయవచ్చు. షర్ట్ కాలర్‌ని తట్టడం ద్వారా మిత్రులకు సందేశాలు పంపుకోవచ్చు. కోటు బొత్తాన్ని ఒత్తడం ద్వారా మోగుతున్న ఫోను నోరుమూయించవచ్చు.
 
 
 షర్ట్ చేతులను మడతేయడం ద్వారా రికార్డయిన సంభాషణను మీకు అర్థమయ్యే భాషలోకి తర్జుమా చేసుకోవచ్చు. డిజిటల్లీ కనెక్టెడ్ డ్రెస్‌తో ఇలాంటివే చాలా పనులు సునాయాసంగా చేయవచ్చు. డెనిమ్ దుస్తుల సంస్థ ‘లీవైజ్’ సాయంతో సెర్చింజన్ దిగ్గజం ‘గూగుల్’ ఇలాంటి డిజిటల్లీ కనెక్టెడ్ దుస్తులకు రూపకల్పన చేస్తోంది. విద్యుత్ వాహక శక్తిగల కొత్తరకం నూలు, మల్టీటచ్ ప్యానెల్స్, సెన్సర్లతో రూపొందిస్తున్న ఈ దుస్తులు ఫ్యాషన్ రంగంలో సంచలనం కాగలవని నిపుణులు అంచనా వేస్తున్నారు.


 పాపకు పాస్‌వర్డ్ పెట్టడమేంటి? పాపేమైనా కంప్యూటరా? మొబైల్ ఫోనా? అనేకదా మీరు అడుగుతోంది. నిజమే.. కంప్యూటర్‌లో మనకు సంబంధించిన సమాచారం భద్రంగా ఉండాలంటే దానికో పాస్‌వర్డ్ పెడతాం. మరి కంటికి రెప్పలా చూసుకుంటున్న మన చిన్నారులు భద్రంగా ఉండాలంటే పాస్‌వర్డ్ అక్కరలేదా?... కాస్త కన్ఫ్యూ జింగ్‌గా ఉంది కదూ.. అయితే ఇది చదవండి...తూర్పుఢిల్లీలోని వివేకానందనగర్‌లోగల లిటిల్ ఫ్లవర్ పబ్లిక్ స్కూల్‌లో చదువుతున్న రితిక వయసు 8 ఏళ్లు. ప్రతిరోజూ సాయంత్రం 4 గంటలకు తల్లి స్వయంగా స్కూల్‌కు వచ్చి తీసుకెళ్లేది. ఒకరోజు ట్రాఫిక్‌జామ్ కావడంతో తల్లిరావడం ఆలస్యమైంది. దీంతో రితిక తల్లికోసం ఎదురుచూస్తూ స్కూల్ గేట్ దగ్గరే నిలబడింది. దీనిని గమనించిన ఓ వ్యక్తి ఆ పాపను కిడ్నాప్ చేయాలని పథకం పన్నాడు.
 
 పాపదగ్గరికి వెళ్లి.. మీ అమ్మకు ఏదో అర్జంట్ పని ఉండడంవల్ల రాలేకపోయిందని, తీసుకురమ్మని తనను పంపిందని పాపతో చెప్పాడు. వెంటనే ఆ ‘పాప పాస్‌వర్డ్ ఏంటి?’ అని అడిగింది. దీంతో బిత్తరపోయిన కిడ్నాపర్ ఏం చెప్పాలో తోచక మమ్మీ పాస్‌వర్డ్ ఏమీ చెప్పలేదన్నాడు. దీంతో ఎదుటి వ్యక్తి తనను కిడ్నాప్ చేయడానికే వచ్చాడన్న అనుమానంతో రితిక గట్టిగా అరవడం మొదలుపెట్టింది. దీంతో చుట్టుపక్కలవాళ్లు అక్కడికి చేరుకోవడం, కిడ్నాపర్‌ను పోలీసులకు పట్టివ్వడం చకచకా జరిగిపోయాయి. రితిక తల్లి చేసిన ఓ చిన్న ఆలోచన పాపను కిడ్నాప్ కాకుండా కాపాడింది. సో.. ఇప్పుడు అర్థమైంది కదా.. పాపకు పాస్‌వర్డ్ ఎందుకో?


 గాడ్జెట్ ఏదైనా మెయిల్ టైప్ చేయాలంటే కీబోర్డు తప్పనిసరి. కంప్యూటర్ ఆపరేట్ చేయాలంటే మౌస్ ఉండక తప్పదు. ఊహూ.. అక్కరలేదంటోంది జెస్ట్. కీబోర్డు ఉందనుకుని గాల్లో టైప్ చేసినా వాటిని కంప్యూటర్ తెరపై అక్షరాలుగా మార్చేస్తుందీ హైటెక్ గాడ్జెట్. ఫొటోలో చూపినట్లు నాలుగు వేళ్లకు తగిలించుకునే రింగ్‌లు, అరచేతిపై అమర్చుకునే పట్టీలతో కూడిన జెస్ట్‌లో యాక్సెలరోమీటర్లు, గైరోస్కోపులు, మాగ్నెటోమీటర్లు బోలెడు ఉంటాయి. ఇవన్నీ మన వేలి కదలికలను బట్టి అక్షరాలను అంచనావేసి స్క్రీన్‌పై చూపుతాయి.
 
 స్మార్ట్‌ఫోన్లలో మాదిరిగా ప్రిడిక్టివ్ టెక్ట్స్టెక్నాలజీని ఉపయోగించుకుంటాయి. తదనుగుణంగా మనం టైప్ చేసుకుంటూ కావాల్సిన పదాలను సెలెక్ట్ చేసుకుంటే సరి. రెండేళ్ల క్రితం జరిగిన ఓ హ్యాకథాన్‌లో రాత్రికిరాత్రి ఈ గాడ్జెట్ ప్రొటోటైప్‌ను తయారు చేసిన మైక్ ఫ్రిస్టర్ బృందం ఆ తరువాత అపోటాక్ట్ ల్యాబ్ పేరుతో ఓ కంపెనీని ఏర్పాటు చేసి జెస్ట్‌ను మరింత అభివృద్ధి చేసింది. వాణిజ్యస్థాయి తయారీకి నిధులు కావాలంటూ కిక్‌స్టార్టర్‌లో ప్రచారం చేపట్టడంతో దీని గురించి ప్రపంచానికి తెలిసింది.
 
 జెస్ట్ ఎక్స్‌బాక్స్ కైనిక్ట్ లేదా లీప్ మోషన్ మాదిరిగా పూర్తిగా వేలి కదలికలపై మాత్రమే ఆధారపడదని, మౌస్ బటన్‌ను డబుల్ క్లిక్ చేసినట్లు... లేదా కీబోర్డ్ షార్ట్‌కట్‌ల తీరులో ఒక బటన్ ప్రెస్ చేసినప్పుడు నిర్దిష్టమైన పని జరిగేట్టు కూడా పనిచేస్తుందని ఫ్రిస్టర్ అంటున్నారు. బ్లూటూత్ ఉన్న ఏ పరికరంతోనైనా జెస్ట్ పనిచేస్తుందని చెప్పారు. కిక్‌స్టార్టర్ ద్వారా అనుకున్నన్ని నిధులు సమకూరితే వచ్చే ఏడాదికల్లా జెస్ట్ మార్కెట్లోకి వచ్చే అవకాశముంది.


 సమాచార విప్లవం...
  
 కంప్యూటర్ ముందు కూర్చున్న ఒకాయన దగ్గరికి ఒక పిల్లాడు వచ్చి -‘‘మా నాన్న కనిపించడం లేదు...కాస్త గూగుల్‌లో వెదికి పెడతారా!’’ అని అడిగాడట.  ఆ పిల్లాడిది అమాయకత్వమో, అతివిశ్వాసమో, హాస్యమో తెలియదుగానీ... సారాంశంలో చెప్పుకోవాలంటే ‘గూగుల్ ఏ సమాచారాన్ని అయినా ఇవ్వగలదు’ అనే నమ్మకాన్ని ప్రపంచానికి ఇచ్చింది.
 
 కాలిఫోర్నియాలోని స్టాన్‌ఫోర్డ్ యూనివర్శిటీలో పీహెచ్‌డీ స్టూడెంట్స్‌గా లారీ పేజ్, సెర్జిబ్రిన్‌లు  ఉన్నప్పుడు జనవరి 1996లో రీసెర్చ్ ప్రాజెక్ట్‌గా గూగుల్ మొదలైంది. ఇంటర్నెట్ సంబంధిత సేవలు, ఉత్పత్తులకు సంబంధించిన గూగుల్ సంస్థ కాలిఫోర్నియాలోని మెన్లో పార్క్‌లో సెప్టెంబర్ 4, 1998న స్థాపించబడింది. ఎప్పటికప్పుడు సరికొత్త సృజనాత్మక ఆలోచనలతో ప్రముఖ మల్టీనేషనల్ టెక్నాలజీ కంపెనీగా ఎదిగింది. శక్తిమంతమైన సెర్చింజన్‌గా పేరు తెచ్చుకుంది.
  
  


 నా వయసు 45 ఏళ్లు. సాఫ్ట్‌వేర్ ఇంజనీర్‌గా పనిచేస్తున్నాను. ఇటీవల నేను ముందుకు ఒంగిపోతున్నానంటూ నా కొలీగ్స్ చెబుతున్నారు. బహుశా దానివల్లనేమో నాకు మెడ, నడుము నొప్పి కూడా వస్తున్నాయి. నా సమస్యలు తీరడానికి ఏం చేయాలో చెప్పండి.  - వంశీకృష్ణ , హైదరాబాద్
  
 ఈ రోజుల్లో కంప్యూటర్ ముందు కూర్చొని పనిచేసే వ్యవధి గణనీయంగా పెరిగిపోయింది. అంతేకాదు... అటు ల్యాప్‌టాప్ గానీ, స్మార్ట్‌ఫోన్‌గానీ, టెలివిజన్ చూసేప్పుడుగానీ, ఏదైనా బ్యాగ్ మోసేప్పుడుగానీ... ఇలా ప్రతి విషయంలోనూ ముందుకు ఒంగే పనిచేస్తున్నాం. పిల్లలు కూడా గేమ్స్ ఆడే సమయంలోనూ ఇదే భంగిమను అనుసరిస్తున్నారు. దాంతో తలనొప్పులు, తీవ్రమైన అలసట, కాళ్లచివర స్పర్శ తగ్గడం, తిమ్మిర్లు పట్టడం, మెడ దగ్గర నొప్పి (సర్వైకల్ స్పాండిలోసిస్) వంటి సమస్యలు కనిపిస్తున్నాయి.
 
 కూర్చోవడంలో గానీ, నిలబడటంలోగానీ ఈ తరహా లోపాల వల్ల కనిపించే సమస్యలన్నింటినీ కలుపుకొని ‘టెక్నో నెక్ లేదా టెక్ట్స్ నెక్ ‘ఐ’ పోశ్చర్’ అంటారు. గత కొంతకాలంగా మనం సాంకేతికంగా పురోగమిస్తుండం, ఇప్పుడు ప్రతివారూ కంప్యూటర్‌ను లేదా ముందుకు వంగి చూస్తూ సెల్‌ఫోన్‌నైనా ఉపయోగిస్తూ ఉండటం వల్ల మనం ఇదివరకులా నిటారుగా అంటే ఇంగ్లిష్ ‘ఐ’ అక్షరం ఆకృతిలో నిల్చోవడం తప్పిపోయింది. ఈ కింద పేర్కొన్న నిల్చున్న భంగిమల్లో మధ్య భంగిమ సరైనదని గుర్తించి, అలా నిల్చుంటే మన శరీరం అన్నివైపులా సమానమైన సౌష్ఠవంతో ఉంటుందని గ్రహించి ఎప్పుడూ ఇలా నిలబడటానికి ప్రయత్నించండి. కూర్చొని పనిచేసే సమయంలోనూ తలను నిటారుగా ఉంచండి. లేకపోతే తన బరువంతా మీ మెడపై పడుతుంది.
  
 మీ భంగిమ సక్రమంగా ఉందో లేదో తెలుసుకోడానికి ఈ కింది స్వీయపరీక్షలు చేసుకొని సరిదిద్దుకోండి. 1) మీరు నిల్చునప్పుడు రెండు భుజాలూ సమానంగా ఉంటున్నాయా లేక ఒకటి పైకి, మరొకటి కిందికీ ఉంటోందా? 2) మీరు నడుస్తున్నప్పుడు ఏదో ఒకవైపునకు ఒంగుతున్నారా 3) మీ రెండు భుజాల నుంచి తల సమానమైన దూరంలో ఉంటుందా? ఈ స్వీయపరీక్షలతో మిమ్మల్ని మీరు సరిదిద్దుకోండి. ఇక మీ సమస్యలను తగ్గించుకోడానికి యోగా, ఈత వంటి వ్యాయామాలు చేయండి. ఈతకు వెళ్లలేకపోతే కనీసం పడక మీదే కాసేపు ఈదుతున్నట్లుగా అనుకరించండి. దాంతో మీ సమస్యలు చాలావరకు తగ్గుతాయి.
  
 డాక్టర్ సుధీంద్ర ఊటూరి
 కన్సల్టెంట్, లైఫ్‌స్టైల్ అండ్
 రీహ్యాబిలిటేషన్,
 కిమ్స్ హాస్పిటల్స్, సికింద్రాబాద్
  
 తరచు ముక్కు నుంచి రక్తం..?
 మా బాబుకు ఆరేళ్లు. వాడికి తరచు ముక్కునుంచి రక్తం వస్తుంటుంది. వేడి చేయడం వల్ల అలా అవుతుందేమో అని ఎప్పటికప్పుడు చలువ చేసే పదార్థాలు ఇస్తూ వస్తున్నాము. అయితే ఇటీవల కొంతకాలంగా మలంలో కూడా ర క్తం పడుతోంది. డాక్టర్‌కు చూపించి, మందులు వాడుతున్నాము కానీ ప్రయోజనం లేదు. దయచేసి తగిన సలహా ఇవ్వగలరు.
 - డి. రాధిక, టంగుటూరు
 
 పిల్లలలో ముక్కు నుంచి రక్తం పడటమనేది తరచు కనిపించేదే. ఈ సమస్య ముఖ్యంగా వేసవి, చలికాలాలలో ఎక్కువగా కనిపిస్తుంది. దీనిని ఎపిస్టారిస్ అంటారు. ఇంటి వాతావరణం వేడిగా లేదా చల్లగా పొడిగా తయారైనప్పుడు ముక్కురంధ్రాలు పొడిబారి చర్మం చిట్లుతుంది. చిన్నపిల్లలు ముక్కులో వేళ్లుపెట్టి కెలుక్కుంటూ ఉంటారు. దీనివల్ల ముక్కు రంధ్రాలలో ఉన్న సున్నితమైన రక్తనాళాలు చిట్లి, రక్తస్రావం జరగవచ్చు. అయితే ఇలా ముక్కు నుంచి రక్తం రావడానికి మరికొన్న కారణాలున్నాయి. అలర్జీలు వచ్చినప్పుడు లేదా జలుబు చేసినప్పుడు గట్టిగా తుమ్మటం, ముక్కు చీదటం, ముక్కుకు బలమైన దెబ్బ తగలటం, ముక్కులో బలపాలు, పెన్సిళ్లు వంటివి పెట్టుకోవడం వల్ల కూడా ఇలా జరగవచ్చు.
 
 నివారణ: ఇటువంటప్పుడు కంగారు పడి, ముక్కులో గుడ్డలు అవీ పెట్టడం, కదలకుండా పడుకోబెట్టడం వల్ల సమస్య మరింత జటిలమయ్యే ప్రమాదం ఉంది. మాడు మీద చెయ్యి పెట్టి గట్టిగా ఒత్తిపట్టుకోవడం వల్ల కొంత ప్రయోజనం ఉంటుంది. పిల్లల్ని ముక్కులో వేళ్లు పెట్టుకోనివ్వకూడదు. గోళ్లు పెరగకుండా చూడాలి. అలాగే వాతావరణం పొడిగా ఉన్నప్పుడు కొబ్బరినూనె రాయడం మంచిది.
  
 మలంలో రక్తం పడటానికి కారణాలు మలద్వారం వద్ద చీలిక (ఫిషర్)
 ముఖ్యంగా చిన్నపిల్లల్లోనూ, పెద్దవాళ్లలోనూ ఇలా జరగడానికి కారణం మలబద్ధకం. గట్టిగా ముక్కడం వల్ల కిందిభాగంలోని పేగుల నుంచి రక్తస్రావం జరగవచ్చు. అలాగే పిండదశలో ఉన్నప్పుడు తల్లి బొడ్డునుంచి గర్భస్థ శిశువు పేగుల్లోకి వెళ్లే నాళ్ల మూసుకు పోవడం వల్ల పేగుల్లో తిత్తులు ఏర్పడవచ్చు. చిన్నపేగుల్లో అల్సర్స్, పేగు చొచ్చుకురావడం, ఒక పేగులోని కొంత భాగం మరో పేగులోకి చొచ్చుకుపోతుంది. జువైనల్ పాలిప్స్: పేగుల్లో పిలకలు; రక్తనాళాల్ల లోపాలు, పేగుల్లో వాపు.
  
 హోమియోవైద్యం
 పాజిటివ్ హోమియోపతిలో చిన్నపిల్లల్లో రక్తస్రావ సమస్యలకు అద్భుతమైన మందులున్నాయి. వ్యాధి కారణాలు, లక్షణాలు, పిల్లల మానసిక, శారీరక స్థితిగతులను పరిగణనలోకి తీసుకుని కాన్‌స్టిట్యూషనల్ విధానం ద్వారా వైద్యం చేస్తారు. దీనివల్ల ఎటువంటి దుష్ఫలితాలూ తలెత్తకుండా ఎలాంటి శస్త్రచికిత్సలూ అవసరం లేకుండా వ్యాధి సమూలంగా తగ్గిపోతుంది.
 మీరు ఆందోళన పడకుండా సమీపంలో ఉన్న మంచి అనుభవజ్ఞుడైన హోమియో వైద్యుని సంప్రదించండి.
  
 డాక్టర్ మురళి కె. అంకిరెడ్డి
 ఎండీ (హోమియో),
 స్టార్ హోమియోపతి,
 హైదరాబాద్
  
 ప్రతి వర్షాకాలంలో బాబుకు జలుబు!
 మా బాబుకు పదేళ్లు. ప్రతీ ఏడాదీ వర్షాకాలంలో తరచూ జలుబు, దగ్గు వస్తుంటాయి. మందులు వాడితే అప్పటికి తగ్గుతుంది. మా పాపకు 13 ఏళ్లు. ఎప్పుడూ ఆరోగ్యంగా ఉంటుంది. బాబుకు మాత్రమే తరచూ ఎందుకిలా అవుతోంది. వాడెందుకు ఇలా అనారోగ్యానికి గురవుతున్నాడు. మాకు తగిన సలహా ఇవ్వండి. - శ్రీలత, ఒంగోలు
  
 సాధారణంగా వర్షాకాలంలో మన పరిసరాల్లో, తినే ఆహారంలో, నీటిలో కాలుష్యాలు పెరగడానికి అవకాశం ఎక్కువ. దీనివల్ల బ్యాక్టీరియా, వైరల్, ఫంగల్ ఇన్ఫెక్షన్లు లేదా అనారోగ్య సమస్యలు రావడానికీ అవకాశాలు ఎక్కువగా ఉంటాయి. వీటితోపాటు కొంతమందిలో అలర్జీ సంబంధిత సమస్యలు (కొన్ని వాతావరణాలు, ఆహార పదార్థాలు సరిపడకపోవడం) రావడానికి కూడా అవకాశం ఎక్కువగా ఉంటుంది.
  ఇక మీ బాబు విషయంలో కూడా కేవలం వర్షాకాలంలోనే తరచూ జలుబు, దగ్గు, గొంతు సంబంధిత సమస్యలు వస్తున్నాయి అని మీరు చెబుతున్నారు.
 
 అంటే... మొదటి కారణం... మీ బాబుకు రోగనిరోధక శక్తి తక్కువగా ఉండటం వల్ల  బ్యాక్టీరియా, వైరస్‌లతో నిండిన వాతావరణం, ఆహార పదార్థాల కారణంగా ఇన్ఫెక్షన్స్ వస్తుండవచ్చు లేదా చుట్టూ ఉన్న వాతావరణం లేదా పరిసరాలు పరిశుభ్రంగా లేకపోవడం వల్ల అతడికి అలర్జీ సంబంధిత సమస్యలు వస్తుండవచ్చు లేదా అతడికి రోగనిరోధకశక్తి తక్కువగా ఉండటం వల్ల ఇతరులకు వచ్చిన వైరల్ ఇన్ఫెక్షన్ల బారిన అతడు తేలిగ్గా పడిపోతుండవచ్చు. ఇలాంటివారి విషయంలో చాలా జాగ్రత్తగా ఉండాలి. మీ బాబుకు ఈ సీజన్‌లోనే అనారోగ్యం కలగటానికి కారణాలను ముందుగా తెలుసుకోవాలి. ఇక చెవి, ముక్కు, గొంతు... ఈ మూడు భాగాల్లో ఎక్కడ ఇన్ఫెక్షన్ వచ్చినా మిగతా ప్రాంతాలకు వ్యాపించే అవకాశాలు ఎక్కువ.
 
 మీ బాబు విషయంలో ఈ కింది జాగ్రత్తలు తీసుకోండి. ఇవి మీ బాటుతో పాటు ఆరోగ్యంగా ఉండటం విషయంలో చాలామందికి ఉపయోగపడతాయి. అవి...  తాగేనీరు పరిశుభ్రంగా ఉండేలా చూసుకోవాలి. (కాచి, వడబోసిన నీటిని వాడటం మంచిది).  బయటి ఆహారం, నీరు తీసుకోకూడదు. గుంపులు గుంపులుగా ప్రజలు పోగయ్యేచోట ఆహారం, నీరు తీసుకోకపోవడం మేలు  వర్షంతో తడవకుండా జాగ్రత్తలు తీసుకోవాలి.  ఇంటినీ, పరిసరాలనూ శుభ్రంగా ఉంచుకోవాలి  నిల్వు ఉంచిన ఆహారాలను తీసుకోకూడదు  గొంతులో కాస్త ఇబ్బందిగా ఉన్నప్పుడే గోరువెచ్చని నీటిలో, కాస్త ఉప్పు వేసుకొని పుక్కిలించడం ద్వారా ఇన్ఫెక్షన్‌ను నివారించవచ్చు.  తరచూ చేతులు శుభ్రంగా కడుక్కోవాలి. (ఆహారం తీసుకోవడానికి ముందు)   జలుబుగా ఉన్నప్పుడు గోరువెచ్చని నీటిలో విక్స్ వేసి ఆవిరిపట్టడం వల్ల ఉపశమనం ఉంటుంది  ఇంట్లో ఎవరికైనా జలుబు ఉంటే మిగతా వారికి వ్యాపించకుండా జాగ్రత్తలు తీసుకోవాలి.
 ఈ జాగ్రత్తల తర్వాత కూడా మీ అబ్బాయి తరచూ అనారోగ్యానికి గురవుతుంటే మీకు దగ్గర్లోని ఈఎన్‌టీ నిపుణుడిని సంప్రదించండి.
 డాక్టర్ ఇ.సి. వినయకుమార్
 హెచ్‌ఓడి - ఈఎన్‌టి సర్జన్,
 అపోలో హాస్పిటల్స్,
 జూబ్లీ హిల్స్, హైదరాబాద్
  
 గాల్‌బ్లాడర్‌లో రాళ్లు... సర్జరీ అవసరమా?
 నేను నెల రోజుల క్రితం క్యాజువల్‌గా హెల్త్ చెకప్ చేయించుకున్నాను. పొట్ట స్కానింగ్ చేసినప్పుడు గాల్‌బ్లాడర్‌లో రాళ్లు ఉన్నాయని చెప్పారు. కానీ నాకు ఎలాంటి సమస్యా లేదు. ఇప్పటివరకు ఎప్పుడూ పొట్టనొప్పి రాలేదు. కొందరు ఆపరేషన్ చేయించుకోవాలని అంటున్నారు. మరికొందరు వద్దంటున్నారు. నేను అయోమయంలో ఉన్నా. నాకు తగిన సలహా ఇవ్వగలరు.
 - ఆర్. దొరబాబు, విశాఖపట్నం
  
 మీరు తెలిపిన వివరాలను బట్టి చూస్తే మీరు ‘ఎసింప్టమాటిక్ గాల్‌స్టోన్’ అనే కండిషన్‌తో బాధపడుతున్నారు. అంటే రాళ్లు ఉంటాయిగానీ, ఎలాంటి లక్షణాలూ కనిపించవన్నమాట. ఇలాంటి కండిషన్ ఉన్న ప్రతి వందమందిలో ఇద్దరికి మాత్రమే లక్షణాలు బయటపడే అవకాశం ఉంది. అంటే మిగతా 98% మంది నార్మల్‌గా ఉంటారు. వ్యాధి లక్షణాలు బయటకు కనిపించనంతవరకు ఎలాంటి సమస్యా ఉండదు. కాబట్టి మీకు ఆపరేషన్ చేయాల్సిన అవసరం లేదు. అయినా ఒకసారి మీ రిపోర్టులు చూశాక సలహా ఇవ్వడం మంచిది. కాబట్టి మీరు మీ దగ్గర్లోని గ్యాస్ట్రో ఎంటరాలజిస్టును ఒకసారి సంప్రదించండి.
  
 నాకు ఈమధ్య కొంతకాలంగా కడుపులో నీరు వస్తోంది. కాళ్లవాపులు వస్తున్నాయి. దగ్గర్లోని డాక్టర్‌ను సంప్రదిస్తే మందులు ఇచ్చారు. రెండు సమస్యలూ తగ్గిపోయాయి. కానీ కొన్ని రోజుల తర్వాత సమస్య మళ్లీ మొదలైంది. మందులు వాడితేనే తగ్గుతోంది. నేను దాదాపు ప్రతిరోజూ ఆల్కహాల్ తీసుకుంటాను. దానివల్ల ఈ సమస్య వస్తోందా? జీవితాంతం మందులు వాడాల్సిన అవసరం ఉంటుందా? ఏం చేయాలో తగిన సలహా ఇవ్వగలరు.
 - లక్ష్మయ్య, నిజామాబాద్
  
 సాధారణంగా కిడ్నీలో సమస్య వల్ల కాళ్లలో వాపు కనిపిస్తుంది. కడుపులో నీరు చేరడం కూడా ఉంటుంది. కాలేయం, గుండెజబ్బులు ఉన్నవారిలో కూడా ఇలాంటి లక్షణాలే కనిపిస్తాయి. మీరు దాదాపు ప్రతిరోజూ ఆల్కహాల్ తీసుకుంటున్నానని చెబుతున్నారు కాబట్టి ఇది ముమ్మాటికీ కాలేయం వల్ల వచ్చిన సమస్యే అయి ఉంటుంది. మీరు ఈ విషయమై ఏవైనా వైద్యపరీక్షలు చేయించుకున్నారా లేదా అన్న సంగతి తెలపలేదు. మీరు ఒకసారి కడుపు స్కానింగ్, లివర్ ఫంక్షన్ టెస్ట్, కిడ్నీ ఫంక్షన్ టెస్ట్, కడుపులోని నీటి పరీక్షలు చేయించుకొని, ఆ రిపోర్టులు తీసుకొని మీకు దగ్గర్లోని గ్యాస్ట్రో ఎంటరాలజిస్ట్‌ను సంప్రదించండి. వారు ఆ రిపోర్టుల ఆధారంగా మీ సమస్యను గుర్తించి, మీకు తగిన చికిత్స చేస్తారు.
  
 డాక్టర్ భవానీరాజు
 గ్యాస్ట్రో ఎంటరాలజిస్ట్,
 కేర్ హాస్పిటల్స్,
 బంజారాహిల్స్, హైదరాబాద్


 నెలాఖరు నాటికి కంప్యూటర్లు ప్రతి మద్యం దుకాణంలో తప్పనిసరిగా కంప్యూటర్, హోలోగ్రామ్ పరికరాలు ఏర్పాటు చేసుకోవాలి. ఇలా ఏర్పాట్లు చేసుకోని వారికి లెసైన్స్‌లు ఇవ్వబోమని ఇప్పటికే స్పష్టం చేశాం. తణుకు సర్కిల్ పరిధిలో అందరు వ్యాపారులు రూ.5 వేలు చొప్పున చెల్లించారు. ఈ నెలాఖరు నాటికి అన్ని మద్యం షాపుల్లో కంప్యూటర్లు, హోలోగ్రామ్ మెషీన్లు ఏర్పాటు చేస్తాం.
  - టి.సత్యనారాయణమూర్తి, ఎక్సైజ్ సీఐ, తణుకు.
  
  తణుకు : మద్యం విక్రయించే దుకాణాల్లో బార్ కోడింగ్ విధానం ప్రవేశపెట్టేందుకు అధికారులు సన్నాహాలు చేస్తున్నారు. ఇకపై ప్రతి మద్యం దుకాణంలో కంప్యూటర్ ఏర్పాటు చేసుకోవాలన్న నిబంధనను ఈ ఏడాది నుంచి ఎక్సైజ్ శాఖ తప్పనిసరి చేసింది. మార్కెట్‌లో రూ. 45 వేలకు వచ్చే కంప్యూటర్‌ను సంబంధిత కాంట్రాక్టు సంస్థ రూ. 1.20 లక్షలుగా నిర్ణయించింది. దీని నిమిత్తం నెలకు రూ. 5 వేలు చెల్లించాలని అధికారులు చెబుతున్నారు. మద్యం దుకాణదారులు కంప్యూటర్‌తోపాటు హోలోగ్రామ్ మిషన్ కొనుగోలు చేస్తేనే మద్యం లెసైన్సులు ఇస్తామని, మద్యం నిల్వలు ఇస్తామని వ్యాపారులకు అధికారులు తెగేసి చెబుతుండటం జిల్లాలో వివాదంగా మారింది.
  
  ఆంక్ష లతో వ్యాపారులకు చిక్కులు
  జిల్లాలో 397 మద్యం దుకాణాలు దాదాపు 40 బార్‌లు ఉన్నాయి. కొత్త మద్యం పాలసీ ప్రకారం బార్, మద్యం దుకాణాల్లో విక్రయించే ప్రతి మద్యం సీసాపై ఉన్న హోలోగ్రామ్‌ను స్కాన్ చేసి విక్ర యించాల్సి ఉంటుంది. దీంతో తయారీ వివరాలు, విక్రయదారుని వివరాలు కంప్యూటర్‌లో నిక్షిప్తమవుతాయి. ఇక్కడి వివరాలు మద్యం డిపోలు, డిస్టలరీస్‌లోని సాఫ్ట్‌వేర్‌లకు అనుసంధానం చేస్తే పారదర్శకంగా ఉంటుందని ప్రభుత్వం అంటోంది. మరోవైపు బహిరంగ మార్కెట్‌లో రూ. 45 వేలు విలువ చేసే కంప్యూటర్, ఇతరత్రా పరికరాలను రెండేళ్లకు రూ. 1.20 లక్షలు అద్దె చెల్లించాలని, ఒకవేళ కంప్యూటర్ పాడైతే రూ. 80 వేలు కొనుగోలు ఖరీదు చెల్లించాలని ఆంక్షలు విధించడం వ్యాపారులకు మింగుడు పడడం లేదు. ప్రభుత్వ రంగ సంస్థ అయిన అపిట్కో నిర్ధేశించిన సాఫ్ట్‌వేర్‌ను మాత్రమే వినియోగించాలని మరో మెలిక పెట్టారు. కార్వే సంస్థకు చెందిన కంప్యూటర్లు మాత్రమే ఏర్పాటు చేసుకోవాలని చెబుతున్నారు. కంప్యూటర్లు ఏర్పాటు చేసుకున్నా లేకున్నా నెలకు రూ. 5 వేలు చెల్లించాల్సిందేనని అధికారులు తేల్చి చెబుతున్నారు.
  
  గతంలో విఫలమైనా...
  మద్యం విక్రయాల్లో బార్‌కోడింగ్ విధానాన్ని గత ఏడాదే ప్రవేశపెట్టాలని అధికారులు భావించినా వ్యాపారులు సహకరించకపోవడంతో అమలు కాలేదు.  కొందరు వ్యాపారులు కంప్యూటర్లు కొనుగోలు చేసినప్పటికీ అవి అలంకారప్రాయమే అయ్యాయి తప్ప అక్కరకు రాలేదు. ఈ పరిస్థితుల్లో మరోసారి బార్‌కోడింగ్ అంటూ వ్యాపారులను పరుగులెత్తించడం ఎంతవరకు సమంజసమని ప్రశ్నిస్తున్నారు. ప్రభుత్వ దుకాణాల్లో లేని బార్‌కోడింగ్ విధానం లెసైన్సు దుకాణాల్లో తప్పనిసరి చేయడం సబబు కాదంటున్నారు. ఆన్‌లైన్ ధరలు, అమ్మకాల కోసం బార్ కోడింగ్ విధానం తీసుకురావడం అభినందనీయమే అయినా అందుకు అవసరమైన ఏర్పాట్లు చేయకుండా నెల వారీ వాయిదాలకు ఎక్సైజ్ శాఖ తెర తీయడంపై విమర్శలు వెల్లువెత్తుతున్నాయి.
  


 నల్లగొండ టూ టౌన్ : ‘ప్రభుత్వ కార్యాలయాలలో అన్నీ పారదర్శకంగా జరుగుతున్నాయి.. ఆన్‌లైన్ వ్యవస్థ అయిన తరువాత అక్రమాలకు తావులేదు ... ఆన్‌లైన్‌లో అంతా ప్రభుత్వ  నిబంధనల ప్రకారమే ఉంటుంది ... కంప్యూటర్ ఎక్కువ .. తక్కువ తీసుకోదు .. రాష్ట్ర ఉన్నతాధికారులే కంప్యూటర్‌లోఅన్నీ సెట్ చేసి ఇస్తారు.. ఇక్కడ మనం ఏ ఒక్కటీ మార్చలేం’ అని అధికారులు చెప్పే మాటలు నమ్మారో మీరు తప్పులో కాలేసినట్లే. ఆన్‌లైన్ వ్యవస్థను సైతం పక్కదారి పట్టించి కొంతమంది ఉద్యోగులు కోట్ల రూపాయల స్వాహా చేసి నీలగిరి మున్సిపాలిటీని రాష్ట్రంలోనే మార్మోగిస్తున్న చరిత్ర ఈ అక్రమార్కులకు దక్కుతుందని చెప్పొచ్చు. ప్రత్యేకాధికారుల పాలన నుంచి పాలకవర్గం ఏర్పడిన తరువాత కూడా అవినీతికి అలవాటు పడిన అక్రమార్కులు తమ స్వాహా పర్వాన్ని యథేచ్ఛగా కొనసాగించినట్లు విచారణలో ప్రస్ఫుటమవుతోంది. ఆస్తిపన్ను వసూలు చేసి మున్సిపాలిటీలో జమ చేయాల్సింది పోయి తమ జేబులు నింపుకుని చిరుద్యోగులు సైతం కోట్ల రూపాయలకు పడగలెత్తినట్లు సమాచారం. ఈ అక్రమ మార్గాన సంపాదించిన డబ్బుతోనే కొంతమంది ఉద్యోగులు హైదరాబాద్‌లో భవనాలు కొనుగోలు చేయగా, మరి కొంతమంది స్థానికంగానే అంతస్తుల మీద అంతస్తులు నిర్మించినట్లు తెలిసింది.
  
  ఆన్‌లైన్ మాటున మహామాయ ...
  నల్లగొండ మున్సిపాలిటీలో ఆన్‌లైన్ మాటున మహామాయ చేశారు. ప్రతి సంవత్సరం వాణిజ్య భనాలు, అపార్ట్‌మెంట్లు, వివిధ రకాల నివాసాల నుంచి ఆస్తిపన్ను వసూలు చేసి ఆ డబ్బులను మున్సిపాలిటీ అకౌంట్‌లో జమ చేయాలి. నివాసాల ఆస్తిపన్ను, లక్ష రూపాయల లోపు ఉన్న ఆస్తి పన్నును వసూలు చేసి జమ చేశారు. పెద్ద వాణిజ్య భవనాలు, ప్రవేటు విద్యాసంస్థల భవనాలు, వివిధ చిన్న పరిశ్రమలు, బకా యి పడ్డ వారిని ఎంచుకుని భారీ అవినీతికి తెరలేపారు. ప్రతి పనికి తీసుకునే చేతివాటంతో పాటు కోట్లకు పడగలెత్తాలనే ఆశతో ఆన్‌లైన్ మాటున గుట్టు చప్పుడు కాకుండా కోట్ల రూపాయలు పక్కదారి పట్టించారు. తమ ఆస్తులను పెంచుకున్నారు. ఏ ఒక్క మున్సిపల్ శాఖ ఉన్నతాధికారికి అనుమానం రాకుండా ఆన్‌లైన్ ద్వారానే స్వాహాకార్యానికి తెరలేపారంటే వీరు అవినీతి అక్రమాలలో ఏ స్థాయికి వెళ్లి పోయారో ఇట్టే అర్థం చేసుకోవచ్చు.
  
  వెలుగు చూసిన అక్రమాలు ...
  నల్లగొండ పట్టణంలోని కొన్ని వాణిజ్య భవనాల ఆస్తి పన్ను వివరాలు చూస్తే మైండ్ బ్లాక్ కావాల్సిందే. ప్రకాశం బజారులో రోగులకు ‘ఆయుష్’ పోసే ఓ ఆసుపత్రి.. ఆస్తిపన్ను రూ.3 లక్షలు చెల్లించాల్సి ఉంది. ఇక్కడ వీరు కేవలం రూ.లక్ష  మాత్రమే ఆస్తిపన్ను కింద చెల్లించినట్లు తెలిసింది. మిగతా రూ.2 లక్షల బకాయి చూపకుండా సదరు సిబ్బంది ఆన్‌లైన్‌లో అంతా చెల్లించినట్లు చూపారు. ‘అన్సారీ’ కాలనీలో మరో ఆసుపత్రిది రూ.4.21లక్షల ఆస్తిపన్ను ఉంది. వీరు మూడుసార్లు రూ.50వేల చొప్పున రూ.1.50లక్షలు చెల్లించారు. ఇంకా రూ. 2.70లక్షలు చెల్లించాల్సి ఉన్నా కేవలం రూ.70 వేలు మాత్రమే బకాయి చూపించారు. వివేకానంద నగర్‌లోని ఓ ప్రైవేటు జూనియర్ కళాశాల భవనాలు, హైదరాబాద్ రోడ్డులోని ప్రసాద్ ఉడిపి హోటల్ సమీపంలో ప్రభుత్వ బ్యాంకు ఉన్న భవనం, నెహ్రూగంజ్‌లోని ఓ అయిల్ మిల్లు తదితర భారీ వాణిజ్య భవనాల ఆస్తి పన్నులు వసూల్‌లో కూడా అక్రమాలు చోటు చేసుకున్నట్లు తెలిసింది.
  
  వినియోగదారులు ఎన్ని డబ్బులు చెల్లించినా మొత్తం చెల్లించినట్లు ఆన్‌లైన్‌లో చూపించి అక్రమాలకు పాల్పడుతున్నట్లు సమాచారం. సంబంధిత భవనాల వారు ఆస్తిపన్ను తక్కువ చెల్లించిన రశీదు నంబరు మీద ఆన్‌లైన్‌లో అంతా చెల్లించినట్లు చూపెడుతున్నారనే ఆరోపణలున్నాయి. ఈ ఘటనలు మున్సిపల్ అధికారుల తనిఖీలో కూడా వెలుగు చూసినట్లు తెలిసింది. ఇలా పెద్ద భవంతులు, బకాయిదారులను చూసి అక్రమాల తంతు యథేచ్ఛగా కొనసాగించినట్లు తెలుస్తుంది. లక్షల రూపాయల పాత బకాయిలు వసూలు అయినట్లు చెప్పినవన్ని ఉత్తవేనా అనే అనుమానాలు వ్యక్తమవుతున్నాయి.
  
  2010 నుంచే ...
  2010 సంవత్సరం నుంచి ఈ తరహా అవినీతికి తెరలేపినట్లు విశ్వసనీయ వర్గాల ద్వారా తెలిసింది. కొంతమంది ఉద్యోగులు రచించిన వ్యూహంతో సిబ్బంది కోట్లు కొల్లగొట్టినట్లు సమాచారం. పట్టణంలోని భారీగా బకాయిలు ఉన్న విద్యా సంస్థలు, ఇతర చిన్న పరిశ్రమలు, పలు దుకాణాలను ఎంచుకొని ఈ తతంగం నడిపినట్లు తెలుస్తోంది. ఏటా బకాయిలు ఎంతమంది చెల్లించారు.. ఎన్నిసార్లు చెల్లించారు.. ఎప్పటినుంచి బకాయి పడ్డారో అనే వివరాలు పరిశీలన జరపాల్సిన అవసరం ఉందన్న అభిప్రాయాలు వ్యక్తమవుతున్నాయి. 2010 నుంచి పెద్ద పెద్ద ( లక్షల రూపాయలు) బకాయిలు చెల్లించిన వారి వివరాలు సేకరించి విచారణ జరిపితే మరో భారీ కుంభకోణం బయటపడే అవకాశం ఉంది.
  


  ఉద్యోగ నియామకాలకు కీలకమవుతున్న కంప్యూటర్ పరిజ్ఞానం
   కంప్యూటర్, ఇంటర్నెట్ లిటరసీతో విజయాలకు చేరువగా...
  
  మానవ జాతి పయనాన్ని ఎన్నో ఆవిష్కరణలు అద్భుతమైన మలుపులు తిప్పాయి. నిప్పు నుంచి మొదలు కరెంటు, ఆవిరియంత్రం, రైలు, విమానం, ముద్రణాయంత్రం, టీవీ ఇలా ఎన్నో వస్తువులు మనిషి జీవితాన్ని విలువైనదిగా మార్చేశాయి. ఇవన్నీ ఒక ఎత్తయితే కంప్యూటర్ ఒక ఎత్తు. ఆన్‌లైన్లో ఆరటి పండ్లు కొనడానికైనా, అంతరిక్షంలోకి సుదూర యాత్రలకైనా కంప్యూటర్ అవసరం పెరిగిపోయింది. అందుకే నేడు ‘కంప్యూటర్ అక్షరాస్యత  ప్రాధాన్యం ఏర్పడింది. కొత్తగా ప్రభుత్వ ఉద్యోగాలకూ కంప్యూటర్ పరిజ్ఞానాన్ని పరీక్షించనున్నారనే వార్తల నేపథ్యంలో అభ్యర్థులకు అవసరమైన కంప్యూటర్ నైపుణ్యాలపై ఫోకస్...
  
  
  కంప్యూటర్ పరిజ్ఞానం ఎందుకు?
  ప్రస్తుతం ప్రతి రంగంలో కంప్యూటర్ ప్రాధాన్యం పెరిగింది.
  ప్రభుత్వ విభాగాల్లో కంప్యూటరీకరణ, ఆన్‌లైన్ సేవల విస్తరణలో వేగం పుంజుకుంది.
  ఈ-పాలనను సుసంపన్నం చేసే దిశగా ప్రభుత్వం చర్యలు చేపడుతోంది.
  ప్రభుత్వ ఉద్యోగ నియామకాల్లో కంప్యూటర్ పరిజ్ఞానాన్ని పరీక్షించే అవకాశం ఉంది.
  ప్రభుత్వ, ప్రైవేటు కొలువులకు కంప్యూటర్ పరిజ్ఞానం తప్పనిసరి అర్హతగా మారుతోంది.
  ఇప్పటికే బ్యాంకు ఉద్యోగ నియామక పరీక్షల్లో కంప్యూటర్ పరిజ్ఞానాన్ని పరీక్షించేందుకు ప్రాధాన్యమిస్తున్నారు.
  
  అవసరమైన కంప్యూటర్ నైపుణ్యాలు
  రోజువారీ కార్యకలాపాలకు అవసరమయ్యే కంప్యూటర్ ప్రాథమిక నైపుణ్యాలను సొంతం చేసుకోవాలి.
  కంప్యూటర్ ఇన్‌పుట్, అవుట్ పరికరాల పనితీరు, ఉపయోగాలపై అవగాహన అవసరం.
  ఎంఎస్ ఆఫీస్, ఇంటర్నెట్ బేసిక్స్‌ను నేర్చుకోవాలి.
  ఓ అంచనా ప్రకారం దేశంలో ఇంటర్నెట్ ఆధారిత ఆర్థిక వ్యవస్థ 2020 నాటికి 200 బిలియన్ డాలర్లకు చేరుకోనుంది. దేశంలో ఇంటర్నెట్ విస్తృతిని దీన్నిబట్టి అర్థంచేసుకోవచ్చు.
  అందుకే ఇంటర్నెట్ ప్రయోజనాలు ఏమిటి? వాటిని ఎలా పొందవచ్చో తెలుసుకోవాలి. ఈ-మెయిలింగ్ నైపుణ్యాలు, వేగంగా అక్షరాలను టైప్ చేయగల నైపుణ్యాలను సొంతం చేసుకోవాలి.
  
  ఏ అంశాలను నేర్చుకోవాలి?
   విండోస్ ఎక్స్‌పీ/7/8: ఇందులో ఇంట్రడక్షన్ టు విండోస్, డెస్క్‌టాప్, బేసిక్ మౌస్ ఆపరేషన్స్, మై కంప్యూటర్, డెస్క్‌టాప్ సెట్టింగ్స్, ఫోల్డర్, నోట్‌ప్యాడ్ తదితర అంశాలుంటాయి. ఎంఎస్ వర్డ్: డాక్యుమెంట్; లే అవుట్, టూల్‌బార్, టాస్క్ ప్యాన్; హెడర్ అండ్ ఫుటర్; కామెంట్స్, ఆబ్జెక్ట్స్; సింబల్స్ అండ్ ఈక్వేషన్స్; పిక్చర్స్, స్మార్ట్ ఆర్ట్ అండ్ చార్ట్స్, టేబుల్స్; ఫార్మేటింగ్ ఫండమెంటల్స్; పేజ్ సెటప్, ప్రింట్ వ్యూ, ప్రింట్ వంటి అంశాలుంటాయి.: కంటెంట్స్ ఆఫ్ ఏ వర్క్‌షీట్, వర్క్‌బుక్, ఎడిటింగ్ డేటా, ఎడిటింగ్ ది వర్క్‌షీట్, ఫార్మేటింగ్ ది ఉ్ఠఛ్ఛి షీట్స్, టేబుల్, సెల్ స్టయిల్స్, ఫిల్ ది సెల్స్, ఇలుస్ట్రేషన్స్, చార్ట్స్, ఫార్ములాస్, ఇంపోర్ట్ ది డేటా, డేటా టూల్స్, పేజ్ సెటప్-ప్రివ్యూ-ప్రింట్ వంటివి ఉంటాయి.
 
  పవర్ పాయింట్: ప్రెజెంటేషన్, ఎంటరింగ్-ఎడిటింగ్ టెక్స్ట్, డ్రాయింగ్ ఆబ్జెక్ట్స్ ఇన్ పవర్ పాయింట్, పవర్ పాయింట్ ఆబ్జెక్ట్స్, ఇలుస్ట్రేషన్స్, గ్రాఫ్స్, యానిమేషన్ అండ్ ట్రాన్సిషన్స్, స్లయిడ్ షో వంటి అంశాలను నేర్చుకోవాలి. మైక్రోసాఫ్ట్ యాక్సెస్: క్రియేటింగ్ న్యూ డేటాబేస్, ఓపినింగ్ ఎక్సిస్టింగ్ డేటాబేస్, క్రియేట్ టేబుల్, క్రియేటింగ్ క్వెరీ, క్రియేటింగ్ ఫాం, క్రియేటింగ్ రిపోర్ట్స్, క్రియేటింగ్ పేజెస్, ఇంపోర్టింగ్ అండ్ ఎక్స్‌పోర్టింగ్. ఇంటర్నెట్‌కు సంబంధించి నేర్చుకోవాల్సినవి: బ్రౌజర్, సైబర్ స్పేస్, డొమైన్ నేమ్, డౌన్‌లోడ్, ఈ-మెయిల్, హోంపేజ్, హెచ్‌టీఎంఎల్, హెచ్‌టీటీపీ, హైపర్ టెక్స్ట్, లింక్, సెర్చ్ ఇంజన్, యూఆర్‌ఎల్, వెబ్‌సైట్, వెబ్‌పేజ్ తదితరాలకు సంబంధించి అవగాహన అవసరం.
  
  ఎక్కడ నేర్చుకోవాలి?
  మార్కెట్లో దీనికి సంబంధించి సర్టిఫికెట్, డిప్లొమా స్థాయి కోర్సులు అందుబాటులో ఉన్నాయి. రోజుకు రెండు గంటలు (గంట థియరీ, గంట ప్రాక్టికల్) చొప్పున నెల రోజుల్లో శిక్షణ పూర్తిచేసే అవకాశం కూడా కొన్ని సంస్థలు కల్పిస్తున్నాయి. గరిష్టంగా రూ.2 వేలుతో శిక్షణ పూర్తిచేయొచ్చు. కేంద్ర ప్రభుత్వ మైక్రో, స్మాల్ అండ్ మీడియం ఎంటర్‌ప్రైజెస్ (ఎంఎస్‌ఎంఈ) మంత్రిత్వ శాఖ ఆధ్వర్యంలో ఎప్పటికప్పుడు స్కిల్ డెవలప్‌మెంట్ కార్యక్రమంలో భాగంగా ఉచితంగా కంప్యూటర్ శిక్షణ ఇస్తుంటారు. వీటిని ఉపయోగించుకోవచ్చు.
  
  ఎవరు నేర్చుకోవచ్చు?
  పదో తరగతి ఉత్తీర్ణుల నుంచి చదువు పూర్తయి ఉద్యోగ వేటలో ఉన్న ప్రతి ఒక్కరూ అవసరాల మేరకు కంప్యూటర్ స్కిల్స్‌ను పెంపొందించుకోవచ్చు. ఎంఎస్‌ఎంఈ అయితే ఇంటర్ ఉత్తీర్ణులకు శిక్షణ ఇస్తోంది. ఎస్సీ, ఎస్టీ అభ్యర్థులకు ప్రాధాన్యమిస్తున్నారు.
  
  ఇప్పుడే కంప్యూటర్ లిటరసీ దిశగా అడుగేయండి...
  కొత్తగా ప్రభుత్వ, ప్రైవేటు ఉద్యోగాల కోసం ప్రయత్నిస్తున్న వారైనా, ఇప్పటికే ఉద్యోగాల్లో ఉన్నవారు ఉన్నత స్థానాలకు ఎదగాలన్నా కంప్యూటర్ లిటరసీ ప్రధానం. నియామక పరీక్షల్లో వివిధ దశల్లో విజయం సాధించి, ఉద్యోగాల్లో చేరాక కంప్యూటర్ ప్రాథమిక పరిజ్ఞానం లేక పనిచేసే చోట ఎదిగే అవకాశాలను కోల్పోయిన వారు చాలా మంది ఉన్నారు. అందుకే కంప్యూటర్‌కు సంబంధించి బేసిక్స్‌పై థియరీ, ప్రాక్టికల్స్ పరంగా పట్టు సాధించడం ఈ రోజుల్లో ముఖ్యమన్నది గుర్తించాలి. ఎంఎస్ ఆఫీస్, ఇంటర్నెట్ బేసిక్స్ పరిజ్ఞానం సంపాదించేందుకు ప్రయత్నించాలి. కొద్ది పాటి ఖర్చుతోనే మార్కెట్లో ఈ నైపుణ్యాలు అందించే ఇన్‌స్టిట్యూట్‌లు చాలానే ఉన్నాయి. ఎప్పుడో అవసరమైనప్పుడు చూద్దాంలే అని అనుకోకుండా ప్రస్తుతం అందుబాటులో ఉన్న సమయంలోనే కంప్యూటర్, ఇంటర్నెట్ అక్షరాస్యులుగా మారడం వల్ల జాబ్ మార్కెట్లో ముందు వరుసలో
  నిలవచ్చు.
  - ఎన్.రామకోటేశ్వరరావు,
  పీర్స్ టెక్నాలజీస్.
  


 - హైకోర్టు జడ్జి రామలింగేశ్వర్‌రావు
 మహేశ్వరం: విద్యార్థులు కష్టపడి చదివి ఉన్నత శిఖరాలను అధిరోహించాలని హైకోర్టు జడ్జి రామలింగేశ్వర్‌రావు అన్నారు.  ఇంజినీరింగ్ విద్యార్థులు శాస్త్ర, సాంకేతిక, కంప్యూటర్ రంగాలపై దృష్టి సారించాలని సూచించారు. మండలంలోని మంఖాల్ హర్షిత్ ఇంజినీరింగ్ కాలేజీలో శుక్రవారం సాయంత్రం జరిగిన వార్షికోత్సవం, సైన్స్‌ఫెస్ట్‌లో మాట్లాడుతూ విద్యార్థులు కష్టపడి చదవాలని సూచించారు.
 
 తెలుగు మీడియం విద్యార్థులు ఆంగ్లంపై పట్టు సాధించాలన్నారు. నైపుణ్యతతో కూడిన విద్య నేర్చుకుంటే ఉపాధి అవకాశాలు వస్తాయన్నారు. జేఎన్‌టీయూ వైన్స్ చాన్స్‌లర్ డా.రమణరావు మాట్లాడుతూ విద్యార్థులు సాంకేతిక పరిజ్ఞానం పెంపొందించుకోవాలని కోరారు. కార్యక్రమంలో హర్షిత్ గ్రూప్ విద్యాసంస్థల చైర్మన్ బుస్సు చెన్న కృష్ణారెడ్డి, కళాశాల ప్రిన్సిపాల్ డా.సుభాష్, అధ్యాపకులు, గ్రామసర్పంచ్ కౌసల్య, ఎంపీటీసీ సభ్యుడు మధు తదితరులు పాల్గొన్నారు.


 - హైకోర్టు జడ్జి రామలింగేశ్వర్‌రావు
 మహేశ్వరం: విద్యార్థులు కష్టపడి చదివి ఉన్నత శిఖరాలను అధిరోహించాలని హైకోర్టు జడ్జి రామలింగేశ్వర్‌రావు అన్నారు.  ఇంజినీరింగ్ విద్యార్థులు శాస్త్ర, సాంకేతిక, కంప్యూటర్ రంగాల పై దృష్టి సారించాలని సూచించారు. మండలంలోని మంఖాల్ హర్షిత్ ఇంజినీరింగ్ కాలేజీలో శుక్రవారం సాయంత్రం జరిగిన వార్షికోత్సవం, సైన్స్‌ఫెస్ట్‌లో మాట్లాడుతూ విద్యార్థులు కష్టపడి చదవాలని సూచించారు.
 
 తెలుగు మీడియం విద్యార్థులు ఆంగ్లంపై పట్టు సాధించాలన్నారు. నైపుణ్యతతో కూడిన విద్య నేర్చుకుంటే ఉపాధి అవకాశాలు వస్తాయన్నారు. జేఎన్‌టీయూ వైన్స్ చాన్స్‌లర్ డా.రమణరావు మాట్లాడుతూ విద్యార్థులు సాంకేతిక పరిజ్ఞానం పెంపొందించుకోవాలని కోరారు. కార్యక్రమంలో హర్షిత్ గ్రూప్ విద్యాసంస్థల చైర్మన్ బుస్సు చెన్న కృష్ణారెడ్డి, కళాశాల ప్రిన్సిపాల్ డా.సుభాష్, అధ్యాపకులు, గ్రామసర్పంచ్ కౌసల్య, ఎంపీటీసీ సభ్యుడు మధు తదితరులు పాల్గొన్నారు.


 మంజులారెడ్డి, సాక్షి ఫీచర్స్ ప్రతినిధి
 
 హైదరాబాద్‌లోని కెఎఫ్‌సి కౌంటర్‌లో మాటలు రాని కుర్రాడు మౌనంగా పనిచేసుకుపోతున్నాడు. గుజరాత్‌లోని సిల్వాసా పట్టణంలో పదో తరగతి చదివిన అమ్మాయి చురుగ్గా కంప్యూటర్‌తో పనిచేస్తోంది. కర్నాటకలో ఓ రైతు ఎప్పటికంటే పదివేలు ఎక్కువ మిగులు వచ్చిందని సంతోషిస్తున్నాడు. ఇలా దేశవ్యాప్తంగా లక్షలామందిలోని నైపుణ్యాన్ని వెలికి తీసి ప్రోత్సాహం అందిస్తున్నది ఒకటే సంస్థ. అది డాక్టర్ రెడ్డీస్ ఫౌండేషన్.
 
  డాక్టర్ రెడ్డీస్ ల్యాబొరేటరీస్ వ్యవస్థాపకులు డాక్టర్ కె. అంజిరెడ్డి ఆలోచనల ప్రతిరూపమైన ఈ ఫౌండేషన సమాజంలో నిరాదరణకు లోనయిన అనేక మందిలో జీవితేచ్ఛను నింపుతోంది. 1996 నుంచి దేశంలోని ఇరవై రాష్ట్రాల్లో పేదరిక నిర్మూలన, జీవనప్రమాణాల పెరుగుదల, విద్యాభివృద్ధి, నైపుణ్యాల పెంపు, వ్యవసాయరంగాలలో రెడ్డీస్ ఫౌండేషన్ సేలవందిస్తోంది. 45 రోజులు, 60 రోజుల శిక్షణ తరగతుల్లో ఇక్కడ శిక్షణ పొంది వృత్తి నైపుణ్యం సాధించి ప్రయోజనం పొందిన వారు మూడు లక్షలకు పైగా ఉన్నారు.
 
 బహుళ జాతి కంపెనీల్లో ‘ప్రత్యేక’ ఉద్యోగాలు
 
 జెపి మోర్గాన్, యాక్చెంచర్, డెల్ వంటి బహుళజాతి కంపెనీల సమన్వయంతో రెడ్డీస్ ఫౌండేషన్ ద్వారా శిక్షణ పొందిన వారు తర్వాత ఆ కంపెనీల్లో ఉద్యోగులుగా స్థిరపడుతున్నారు. ప్రత్యేకమైన సామర్థ్యం (స్పెషల్లీ ఏబుల్డ్) కలిగిన వారికి శిక్షణను ఇక్కడ ప్రత్యేకంగా ఇస్తారు. వివిధ కెఎఫ్‌సి సెంటర్లలో కనిపించే బదిరులు కూడా ఇక్కడ శిక్షణ పొందిన వారే. నిపుణులు వారికి సంజ్ఞల ఆధారంగా శిక్షణనిస్తారు. వారు ఏ ఉద్యోగంలో చేరబోతారో ఆ ఉద్యోగంలో చేయాల్సిన పనులను ప్రత్యేకంగా నేర్పిస్తారు. అలాగే ఉద్యోగంలో చేరిన తర్వాత వారితో పనిచేయించుకోవాల్సిన సహోద్యోగికి కూడా (ప్రత్యేక సామర్థ్యం కలిగిన వారికి ఎలా పనిచెప్పాలనే విషయంలో) తగిన శిక్షణనిస్తారు. కార్పొరేట్ కంపెనీలు, బహుళజాతి కంపెనీలను తరగతి గదికి ఆహ్వానించి ప్రత్యేక సామర్థ్యం ఉన్న వారిలోని నైపుణ్యాన్ని ప్రదర్శింపజేస్తారు. ఇలాంటి వారు నెలకు ఐదారువేల జీతంతో ఉద్యోగంలో చేరి, ఐదారేళ్లలో మంచి వేతనం అందుకుంటున్నారు.
  ఫొటోలు: జి.రాజేష్
  
 సేవలు విస్తృతం!
  
 కెఎఫ్‌సి, ఐమ్యాక్స్, ఎయిర్‌టెల్, ఐడియా, కార్వి, కాఫీ డే, పిజ్లా కార్నర్‌లలో పని చేస్తున్న ఫిజికల్లీ చాలెంజ్‌డ్  పీపుల్ మా దగ్గర శిక్షణ పొందిన వారే. అలాగే రైతులకు 9 రాష్ట్రాల్లో 27 ప్రదేశాల్లో శిక్షణనిస్తున్నాం. మా శిక్షకులు నేలసారాన్ని పరిశీలించి సూచనలివ్వడం వల్ల రైతులు పంటకు వేసే ఎరువుల ఖర్చు తగ్గడం, దిగుబడి పెరగడం వంటి ప్రయోజనాలు సాధిస్తున్నారు. నైపుణ్యం పెంచే శిక్షణ తరగతులు ఏడాది పొడవునా జరుగుతుంటాయి. మా సేవలు ఇంత మందికే అనే పరిమితులేవీ ఉండవు. ఎంతమంది వచ్చినా శిక్షణనిస్తాం.
  - ప్రణవ్ కుమార్ చౌదరి,
  డెరైక్టర్ (ఆపరేషన్స్), డాక్టర్ రెడ్డీస్ ఫౌండేషన్
  
 మనదేశంలో కార్పొరేట్ సోషల్ రెస్పాన్స్‌బిలిటీ చట్టం 2013లో రూపొందింది. కిందటి ఏడాది అమలులోకి వచ్చింది. ఈ చట్టం ప్రకారం వెయ్యికోట్ల లావాదేవీలు నిర్వహించే సంస్థలు వారి లాభాల్లో రెండు శాతాన్ని సమాజశ్రేయస్సు కోసం ఖర్చు చేయాలి. ఆకలి, దారిద్య్రం, పోషకాహారలోపం, ఆరోగ్యం, విద్యాభివృద్ధి,  నైపుణ్యాభివృద్ధి, లింగవివక్ష నిర్మూలన, ఉపాధికల్పన, పర్యావరణ పరిరక్షణ, జంతుసంరక్షణ, జాతీయ వారసత్వ సంపద, కళలు, సంస్కృతి, క్రీడలు వంటి అంశాల్లో పనిచేయాల్సి ఉంటుంది. ఇలాంటి చట్టం రాకముందే తన సంస్థ ద్వారా ఆ పనులన్నీ చేసి చూపించిన దార్శనికుడు డాక్టర్ కల్లం అంజిరెడ్డి. దేశవ్యాప్తంగా రెడ్డీస్ ఫౌండేషన్ శిక్షణ కేంద్రాలు 99 ఉన్నాయి.
  టోల్ ఫ్రీ నంబరు... 1800 425 1545


 టెక్నాలజీతో దోస్తీ కట్టిన ప్రపంచంలో కంప్యూటర్ కామన్ నీడ్‌గా మారిపోయింది. ఆధునికతను అందిపుచ్చుకోవడంలో కాస్త అటుఇటుగా ఉన్నవాళ్లూ ఇప్పుడు కంప్యూటర్‌తో కుస్తీ పడుతున్నారు. డే టు డే లైఫ్‌లో కంప్యూటర్‌తో ఇంత రిలేషన్ ఉన్నా... దాన్ని సరిగా మెయింటెయిన్ చేయరు. అందుకే ఏడాదికి ఒక్కసారైనా కంప్యూటర్ శుభ్రపరచాలనే ఉద్దేశంతో ఏటా ఫిబ్రవరి రెండో సోమవారాన్ని ‘క్లీన్ అవుట్ యువర్ కంప్యూటర్ డే’గా వ్యవహరిస్తున్నారు. లెట్స్ క్లీనప్ యువర్ సిస్టమ్...  
 - త్రిగుళ్ల నాగరాజు
  
 కంప్యూటర్‌ను క్లీన్ చేయడమంటే తడిబట్టతో తెగ తుడిచేయడం కాదు. మన సిస్టమ్ ఫేస్ చేస్తున్న సమస్యలను పరిష్కరించడం. కంప్యూటర్‌లో పాడైపోయిన డివైజ్‌లను మార్చుకోవడం లేదంటే అప్‌గ్రేడ్ చేయడం. ఆపరేటింగ్ సిస్టమ్‌లో ఉన్న సమస్యలను క్లియర్ చేసుకోవాలి. డేటా మెయింటెనెన్స్ పక్కాగా ఉండాలి. అనవసరమైన ఫైల్స్, డేటాతో హార్డ్ డిస్క్‌పై భారం వేయకుండా.. ఎప్పటికప్పుడు వాటిని సెలెక్ట్ చేసి డిలీట్ చేయాలి. ఆ సమాచారం మీకు ఇంకెప్పుడైనా అవసరం అవుతుందని అనిపిస్తే.. డేటా బ్యాకప్ తీసుకోండి. అంతేకానీ.. హార్డ్‌డిస్క్‌లో పార్టిషన్స్ అన్నీ నింపేసి పరేషాన్ కాకండి. ఇవన్నీ క్లీనింగ్‌లో భాగమే. ఇలా సిస్టమ్ క్లీనప్ చేయడం ద్వారా.. కంప్యూటర్ వేగం పెరగడం మాత్రమే కాదు, లైఫ్‌టైమ్ కూడా పెరుగుతుంది.  
  
 చేయి తగలకుండా...
 
 టెక్నికల్‌గా సిస్టమ్ మెయింటెయిన్ చేయడం ఎంత ఇంపార్టెంటో.. ఫిజికల్‌గా నిర్వహించడమూ అంతే ముఖ్యం. మూడు నెలలకోసారైనా...సిస్టమ్ సీపీయూ ఓపెన్ చేసి లోపల పేరుకుపోయిన దుమ్మును బ్రష్‌తో శుభ్రం చేయండి. బ్లోయర్ ఉంటే మరీ మంచిది. టేబుల్ ఫ్యాన్ ముందు సీపీయూ టాప్ ఓపెన్ చేసి పెట్టండి.. ఐదు నిమిషాల్లో.. మూలమూలలో ఉన్న దుమ్మంతా కొట్టుకుపోతుంది. సీపీయూ క్లీన్ చేసే టైమ్‌లో అందులోని ఏ భాగానికీ తడి తగలకుండా జాగ్రత్త తీసుకోవాలి. ఇన్నర్ క్లీనింగ్ పూర్తయ్యాక.. సీపీయూ బాడీ, మౌస్, కీబోర్డ్, మానిటర్.. పొడిబట్టతో శుభ్రం చేస్తే సరిపోతుంది.
  
 డిలీట్.. అప్‌గ్రేడ్
  
 ఓ రెండు గంటలు కష్టపడి సిస్టమ్‌ను క్లీన్ చేసుకుంటే.. నాలుగైదు నెలల వరకూ మళ్లీ ఏ ప్రాబ్లమ్ ఉండదు. ముందుగా సీ డ్రైవ్‌లో నుంచి TMP, CHK.. ఫైల్స్‌ను డిలీట్ చేయాలి. తర్వాత సిస్టమ్‌లో అవసరం లేదనుకున్న డేటాను డిలీట్ చేసేయండి. మిగిలిన డేటాను సిస్టమాటిక్‌గా అమర్చుకోండి. ఇప్పుడు ఇంటెర్నెట్ ద్వారా యాంటీవైరస్‌ను అప్‌డేట్ చేసుకుని సిస్టమ్ స్కాన్ చేయండి. పూర్తయ్యాక రీస్టార్ట్ చేయండి. తర్వాత సీ డ్రైవ్‌ను డీఫ్రాగ్‌మెంట్ (Start> programs Files> Accessories > System Tool> Disk Defragmentation) చేయండి. మీరు ఉపయోగించే అన్ని సాఫ్ట్‌వేర్లను ఇంటర్నెట్ సాయంతో అప్‌గ్రేడ్ చేసుకోండి. ఇవన్నీ చేసుకుంటే.. మీ కంప్యూటర్‌కు కొత్త లైఫ్ ఇచ్చినట్టే.
  
  - సురేశ్ వెలుగూరి, గ్రీన్ కంప్యూటింగ్ యాక్టివిస్ట్
  computergreen@gmail.com


 కనీసం గ్రామ కార్యదర్శికి సమస్య విన్నవించాలంటేనే గంటల తరబడి వేచి ఉండాల్సిన పరిస్థితులు నెలకొన్న రోజులివి. వినతి పత్రం ఇవ్వడానికి పనులు మానుకొని, అనేక వ్యయప్రయాసలకోర్చి గ్రామాల నుంచి పట్టణాలకు వెళ్లి, అక్కడ అమాత్యులు, అధికారులు కనిపించకపోతే పడిగాపులు కాయాల్సిన దుస్థితి.
 
 ఇటువంటి కష్టాలకు ఆధునిక సాంకేతిక పరిజ్ఞానంతో చెక్ పడనుంది. ముఖ్య నేతలకు ప్రజలు తమ గోడు వినిపించుకోడానికి వారధిగా నిలుస్తోంది ఆన్‌లైన్. కాస్త సాంకేతిక పరిజ్ఞానం ఉండి.. ఒక కంప్యూటర్, ఇంటర్‌నెట్ కనెక్షన్ ఉంటే చాలు.. ఇంట్లో నుంచి కాలు కదపకుండానే రాష్ట్రపతి, ప్రధాని, గవర్నర్, ముఖ్యమంత్రి తదితరులకు ఒక్క క్లిక్‌తో తమ సమస్యపై విన్నపం పంపుకోవచ్చు.
  - సాక్షి, రంగారెడ్డి జిల్లా
  
 గవర్నర్‌కు ఇలా పంపాలి...
 aprajbhavan@gmail.com మెయిల్‌కు ఫిర్యాదుదారుడు తమ పూర్తి చిరునామాతో సమస్యను సంక్షిప్తంగా నేరుగా పంపవచ్చు.
  
 ⇒ఇంటర్నెట్ ఉంటే చాలు..
 ⇒ఆఫీసుల చుట్టూ తిరగాల్సిన పనిలేదు
 ⇒సీఎం, గవర్నర్, ప్రధాని, రాష్ట్రపతికీ చిటికెలో విన్నపం
  
 రాష్ట్రపతికి పంపాలంటే...
 రాష్ట్రపతికి వినతిపత్రం పంపాలంటే www.presidentofindia.nic.in వెబ్‌సైట్‌లోకి వెళ్లాలి. పేజీ తెరుచుకోగానే అడుగుభాగంలో కుడిపైపు హెల్ప్‌లైన్ పోర్టల్ కనిపిస్తుంది. దీన్ని క్లిక్ చేస్తే ప్రెసిడెంట్ సెక్రటేరియట్ అనే పేజీ తెరుచుకుంటుంది. అక్కడ కనిపించే ‘లోడేజ్ ఏ రిక్వెస్ట్’మీద క్లిక్ చేస్తే రిజిస్ట్రేషన్ ఫారం వస్తుంది. దాన్ని నింపి గ్రీవెన్స్ డిస్క్రిప్షన్ అనే బాక్సులో 4000 పదాలకు మించకుండా సమస్య వివరించి పీడీఎఫ్ రూపంలో అప్‌లోడ్ చేయాలి. ఈ క్రమంలో మన ఫిర్యాదుకు సంబంధించి ఒక రిజిస్ట్రేషన్ నంబర్ కనిపిస్తుంది. దాన్ని మనం గుర్తుంచుకోవాలి. మన సమస్య పరిష్కారం అయిందో కాలేదో తెలుసుకోవడానికి రిజిస్ట్రేషన్ సంఖ్య ఉపయోగపడుతుంది.
  
 ప్రధానికి ఫిర్యాదు చేయాలంటే..
 దేశ ప్రధానమంత్రికి ఫిర్యాదు చేయాలంటే www.pmindia. gov.in వెబ్‌సైట్‌లోకి వెళ్లి సమస్యలను విన్నవించవచ్చు. పేజీ ఓపెన్ చేయగానే ‘ఇంటరాక్ట్ విత్ హానరబుల్ పీఎం’ వస్తుంది. క్లిక్ చేస్తే ‘టు రైట్ టు ది ప్రైమినిస్టర్ క్లిక్ హియర్’ అనివస్తుంది. దాన్ని క్లిక్ చేస్తే చిరునామాతోపాటు ఈ మెయిల్ ఐడీ లింక్ ఉంటుంది. ‘క్లిక్ హియర్’అన్న చోట క్లిక్ చేస్తే ‘కామెంట్స్’ అనే పేజీ తెరుచుకుంటుంది. ఫిర్యాదు దారుడి వివరాలు, ఈ-మెయిల్, ఫోన్ నంబర్‌ను అందులో నమోదు చేయాల్సి ఉంటుంది. సంబంధిత పేజీలో 1000 అక్షరాలలోపు సమస్యను వివరించి దిగువ భాగాన ఉన్న కోడ్‌ను నమోదు చేయాలి.
  
 ముఖ్యమంత్రికి సమస్య విన్నవించాలంటే ..
 ముఖ్యమంత్రికి ఫిర్యాదు చేయాలంటే www.telangana.gov.in అనే వెబ్‌సైట్‌లోకి వెళ్లాలి. పేజీ తెరుచుకోగానే ఎడమవైపు దిగువ భాగంలో సిటిజన్ ఇంటర్ ఫేస్ అనే పోర్టల్ కనిపిస్తుంది. దాన్ని క్లిక్ చేసి ఈ మెయిల్ ఐడీని నమోదుచేసి సంబంధిత విషయాన్ని క్లుప్తంగా వివరించాలి.


 
 8 నుంచి పదో తరగతి వరకు అమలుకు విద్యా శాఖ ప్రతిపాదనలు
 
 సాక్షి, హైదరాబాద్: వచ్చే విద్యా సంవత్సరం నుంచి ఉన్నత పాఠశాల విద్యార్థులకు(8 , 9, 10 తరగతులు) ప్రత్యేక సబ్జెక్టుగా కంప్యూటర్ విద్యను అందించాలని విద్యా శాఖ భావిస్తోంది. ఇందులోభాగంగా రాష్ట్రంలోని 5 వేల ఉన్నత పాఠశాలల్లో దీన్ని అమలు చేసేందుకు కంప్యూటర్ టీచర్ పోస్టులను భర్తీ చేయనున్నారు.
 
 ఈ మేరకు రాష్ట్ర ప్రభుత్వానికి విద్యా శాఖ ప్రతిపాదనలు పంపించింది. 8, 9 వ తరగతులకు 7వ పేపరుగా, పదో తరగతిలో 12వ పేపరుగా దీని పరీక్ష కూడా నిర్వహిస్తారు. మరోవైపు విద్యార్థుల స్కాలర్‌షిప్పులు కాజేసిన ఇంజనీరింగ్ కాలేజీల తీరుపై ప్రభుత్వం ఆగ్రహంగా ఉంది. మరిన్ని కాలేజీలపై కేసులు నమోదు చేస్తోంది. విద్యార్థుల డూప్లికేషన్ , ఒకే ఫ్యాక ల్టీ వివిధ కాలేజీల్లో పనిచేయడం వంటి అక్రమాలపై ఈ కేసులు నమోదవుతున్నాయి.
  


 Banks Special
 Computer Knowledge
  
 Computer Fundamentals
  
  Computer is an advanced electronic device that takes raw data as input from the user and processes these data under the control of set of instructions (called program) and gives the result (output) and saves output for the future use. It can process both numerical and non-numerical (arithmetic and logical) calculations.
 
  A computer has four functions:
      a) Accepts data - Input
      b) Processes data - Processing
      c) Produces output - Out put
      d) Stores results - Storage
  
  Input (Data): Input is the raw information entered into a computer from the input devices. It is the collection of letters, numbers, images etc.
  
 Process: Process is the operation of data as per given instruction. It is totally internal process of the computer system.
  
 Output: Output is the processed data given by computer after data processing. Output is also called as Result. We can save these results in the storage devices for the future use.
  
 Computer System
 All of the components of a computer system can be summarized with the simple equations.
  
 COMPUTER SYSTEM = HARDWARE + SOFTWARE+ USER
 ⇒Hardware = Internal Devices + Peripheral Devices All physical parts of the computer (or everything that we can touch) are known as Hardware.
 ⇒Software = Programs Software gives "intelligence" to the computer.
 ⇒USER = Person, who operates computer.
  
  Major parts of the Computer:-
  
  Input Devices:
      1. Mouse    2. Keyboard
      3. Scanner    4. Digital Camera
      5. Web Camera    6. Joysticks    7. Track Ball
      8. Touch Pad/ Screen
      9. Light Pen   10. Bar Code Reader
      11. Microphone
      12. Graphics Tablets
      13. Magnetic Ink Character Reader (Used in Bank)
      14. Optical Mark Reader (Used for Answer- Sheet Marking Purpose)
      15. Magnetic Card Reader (Used in Shops, Colleges, Stations etc)
      16. Biometric Devices
      17. Bluetooth
  
 Central Processing Unit (CPU):
 The main unit inside the computer is the CPU. This unit is responsible for all events inside the computer. It controls all internal and external devices, performs arithmetic and logic operations. The CPU (Central Processing Unit) is the device that interprets and executes instructions.
  
 Output Devices:
      1. Monitor     2. Printer (Dot Matrix)
      3. Projector Ink Jet
      4. Plotter Laser          5. Speaker
  
  Storage Devices:
  
 1.    Primary memory (Main memory)
      A. RAM (Random Access Memory / Read-Write Memory)
      B. ROM (Read-Only-Memory)
  
 2.    Secondary memory (Storage devices)
 ⇒Hard Disk (Local Disk)
 ⇒Optical Disks: CD-R, CD-RW, DVD-R, DVD-RW
 ⇒Pen Drive    v Zip Drive
 ⇒Floppy Disks    v Memory Cards
 ⇒External Hard Disk
  
 Peripheral Devices:
 ⇒The Modem/ Internet Adapter
 ⇒Switches/ Hub
 ⇒Router
 ⇒TV Tuner Card
  
  
 Internal Components:
 ⇒The Mother Board
 ⇒Expansion Slots
 ⇒CMOS Battery
 ⇒Cooling Fan
 ⇒Network Card
 ⇒Graphics Card
 ⇒Power Supply Unit (SMPS)
 ⇒ Memory Slots
  
  
  1.    UNIVAC stands for?
      A) Universal Automatic Computer
      B) Universal Array Computer
      C) Unique Automatic Computer                  
      D) Unvalued Automatic Computer
      E) None of these
  
  2.    The brain of any computer
      system is ___
      A) ALU    B) Memory                  
      C) CPU    D) Control unit
      E) Keyboard
  
  3.    The two major types of computer chips are:
      A) External memory chip
      B) Primary memory chip
      C) Microprocessor chip
      D) Both b and c    E) Both a and b
  
  4.    Microprocessors as switching devices are for which generation computers?
      A) First Generation
      B) Second Generation
      C) Third Generation
      D) Fourth Generation
      E) None of the above
  
  5.    What is the main difference between a mainframe and a super computer?
      A) Super computer is much larger than mainframe computers
      B) Super computers are much smaller than mainframe computers
      C) Super computers are focused to execute few programs as fast as possible while mainframe uses its power to execute as many programs concurrently
      D) Super computers are focused to execute as many programs as possible while mainframe uses its power to execute few programs as fast as possible
      E) None of the above
  
  
      Key
  
      1) A    2) C    3) D    4) D    5) C


 కంప్యూటర్ పరికరాల తయారీ సంస్థ ఇంటెక్స్ తాజాగా తన ఇంటెక్స్ ఆక్వా శ్రేణిలో శక్తిమంతమైన స్మార్ట్‌ఫోన్ ఒకదాన్ని విడుదల చేసింది. ఏకంగా 4000 ఎంఏహెచ్ సామర్థ్యమున్న ఈ ఆక్వా పవర్ స్మార్ట్‌ఫోన్ ప్రాసెసర్ కూడా పవర్‌ఫుల్లే. దీంట్లో 1.4 గిగాహెర్ట్జ్ అక్టాకోర్ ప్రాసెసర్‌ను వాడారు. స్క్రీన్ సైజు 5 అంగుళాలు కాగా, ర్యామ్ ఒక గిగాబైట్ వరకూ ఉంది.
 
 ప్రధాన కెమెరా ఆటోఫోకస్ సౌకర్యంతోపాటు 8 మెగాపిక్సెళ్ల సామర్థ్యంతో లభిస్తుంది. సెల్ఫీల కోసం ఉద్దేశించిన ఫ్రంట్ కెమెరా సామర్థ్యం రెండు మెగాపిక్సెళ్లు. ఫోన్ మెమరీ 8 గిగాబైట్లు ఉన్నప్పటికీ ఎస్‌డీ కార్డు ద్వారా దీన్ని 32 జీబీల వరకూ పెంచుకోవచ్చు. ధర రూ.8499.
  


 కంప్యూటర్ అంటే... డిజిటల్ సమాచారాన్ని ప్రాసెసింగ్ చేసే యంత్రమే కాదు.. ఆటోమేటిక్‌గా లెక్కలు చేసి పెట్టేది కూడా. ఆ లెక్కన చూస్తే.. ఇది ప్రపంచంలోనే అతి పురాతన కంప్యూటర్. క్రీస్తుపూర్వం 205లో దీనిని నిర్మించారట. క్రీటే, గ్రీస్‌ల మధ్య సముద్రంలో మునిగిపోయిన నౌక శిథిలాల్లో ఇది 1901లో దొరికింది.
 
 13 అంగుళాల పొడవు, 7 అంగుళాల వెడల్పు ఉన్న పెట్టెలో ఇది ముక్కలుగా కనిపించింది. తర్వాత పరిశోధన మొదలుపెట్టిన శాస్త్రవేత్తలు.. ఇది గ్రహాల స్థానాలు, సూర్య, చంద్రగ్రహణాల తేదీలు, సమయాలను చెప్పే కంప్యూటర్‌గా తేల్చారు. దీనికి ‘యాంటికెథైరా మెకానిజమ్’గా పేరు పెట్టి వయసును క్రీ.పూ. 125గా నిర్ణయించారు.
 
 అయితే తాజాగా మళ్లీ పరిశోధన చేపట్టిన అర్జెంటినాలోని నేషనల్ యూనివర్సిటీ ఆఫ్ క్విల్మెస్, యూనివర్సిటీ ఆఫ్ పుగెట్ శాస్త్రవేత్తలు ఇది క్రీస్తుపూర్వం 205 లోనే నిర్మించి ఉంటారని వెల్లడించారు. ఇది బాబిలోనియన్ల కాలం నాటిదని అంచనా వేశారు.
  


  లండన్: ఇంద్రజాలికులు చేసే మ్యాజిక్ ట్రిక్కులను తొలిసారిగా ఓ కంప్యూటరూ చేసి చూపింది. కృత్రిమ తెలివి(ఆర్టిఫిషియ ల్ ఇంటెలిజెన్స్)పై పరిశోధనలు చేస్తున్న యూనివర్సిటీ ఆఫ్ క్వీన్ మేరీ లండన్ పరిశోధకులు ఈ మేరకు ఓ కంప్యూటర్‌తో మ్యాజిక్ జిగ్సా పజిళ్లు, మైండ్ రీడింగ్ కార్డ్ ట్రిక్కులను చేసి చూపించారు.
 బాగా ప్రాచుర్యంలో ఉన్న ట్రిక్కులనే కాకుండా కొత్త ట్రిక్కులను కూడా ఈ కంప్యూటర్ చేసిం దని పరిశోధకులు వెల్లడించారు. పెద్ద మొత్తంలో సమాచారాన్ని అన్ని కోణాల్లో విశ్లేషించడం ద్వారా కంప్యూటర్ ఇంటెలిజెన్స్ ఈ కొత్త ట్రిక్కులను చేసిందని తెలిపారు.


 కంప్యూటర్‌తో చేతులు కలిపి కొత్త ప్రపంచానికి కిటికీలు(విండోస్) తెరిచాం. మీటల(కీబోర్డ్)తో ఆటలు నేర్చిన వేళ్లు శోధన యంత్రం(సెర్చింజన్)లో పయనిస్తున్నాం. అంతర్జాలానికి(ఇంటర్నెట్) మంత్రం వేసి అవాహనం చేసుకున్నాం. నవయుగానికి దారులు వేస్తూ భూమికి అవతలి వైపునకు చూస్తూ పిచ్చాపాటి (ఛాటింగ్) మొదలుపెట్టాం. అందరితోనూ మాటలు(సోషల్ నెట్‌వర్కింగ్) కలిపి కొత్త ప్రపంచాన్ని సృష్టించాం.
 
 అంతటితో ఆగామా..! నేటి కాలం నిత్యావసరం..చేతిలో అమరిపోయే బుల్లి పరికరంతో(మొబైల్) ఖండాంతరాలు దాటి మాటలు కలుపుతున్నాం. ప్రపంచ విజ్ఞానాన్ని, సుదూరంలో ఉన్న సన్నిహితుల యోగక్షేమాలను తెలుసుకోడానికి రోజుకో కొత్త పేజీ(యాప్)ని సృష్టించుకుంటున్నాం. ‘ఈ-ప్రపంచంలో(నెట్‌వరల్డ్)లో మేలెంతుందో కీడూ అంతే వుంది.        
             
 విశాఖ రూరల్ : ఛాటింగ్.. నేటి ఆధునిక తరంలో వచ్చిన అద్భుతం. దేశ విదాశాల్లోని వ్యక్తులందరితోనూ సంభాషిస్తూ, వారి మనోభావాలను, విజ్ఞానాన్ని పంచుకోడానికి ఇదో అద్వితీయమైన సాధనం. ప్రపంచ వ్యాప్తంగా క్షణాల్లో సందేహాలు తీర్చుకునే వెసులుబాటు కల్పించడంతో పాటు ఉచితంగా మాట్లాడుకునే అవకాశం ఉండడం వల్ల లైవ్ ఛాటింగ్‌లకు రోజురోజుకు క్రేజ్ విపరీతంగా పెరిగిపోతోంది. ఈ మధ్యకాలంలో ఛాటింగ్ ఒక ఫ్యాషన్‌గా మారిపోయింది.
 
 ప్రపంచంలో ఎక్కడివారినైనా పరిచయం చేసుకునే అవకాశం ఉండడంతో కంప్యూటర్, సెల్‌ఫోన్ కోసం తెలిసిన ప్రతి ఒక్కరికీ ఛాటింగ్ ఒక అలవాటైపోయింది. దాంతో అనేక బహుళజాతి కంపెనీలు ఆన్‌లైన్ ఛాటింగ్‌లతో పాటు సోషల్‌నెట్‌వర్కింగ్ సైట్లను ప్రవేశపెట్టాయి. గతంలో ఒక వెలుగువెలిగిన ఆర్‌కుట్ ప్రస్తుతం కాలగర్భంలో కలిసిపోగా.. ప్రస్తుతం ఫేస్‌బుక్, ట్విట్టర్, హాయ్5, ఇండియా రాక్స్, పికాసా ఇలా వందల సంఖ్యలో సోషల్ నెట్‌వర్కింగ్  సైట్లు ప్రస్తుతం హల్‌చల్ చేస్తున్నాయి.
 
 వీటి రాకతో నెట్ ఛాటింగ్ కాస్త వెనుకబడ్డా వినియోగం మాత్రం తగ్గలేదు. అయితే మెసెంజర్లలో వ్యక్తిగత వివరాలు ఇతరులకు తెలిసే అవకాశం లేదు. సోషల్ నెట్‌వర్క్‌లలో మాత్రం వ్యక్తిగత సమాచారంతో పాటు స్నేహితులతో చేసిన సంభాషణలు కూడా ప్రతి ఒక్కరికీ పూర్తిగా తెలిసిపోతుంది. వీటిలో కొన్ని సెక్యూరిటీ మెళకువలు ఉన్నా అవి పూర్తి స్థాయిలో మేలును కలిగించేవి కావని నిపుణుల భావన.
  
 ఛాటింగ్ మత్తులో యువత..
 ఛాటింగ్ వల్ల ఎన్ని ఉపయోగాలు ఉన్నాయో అన్నే నష్టాలు కూడా ఉన్నాయి. ప్రస్తుతం ఛాటింగ్ ఒక అవసరంలా కాకుండా యువతకు ఒక నిషాగా మారిపోయింది. ఆ మత్తులో కెరీర్‌ను నాశనం చేసుకున్న వారిలో యువతీ, యువకులు కోకొల్లలు. ఈ ఛాట్ రూమ్‌లు కొంత మందికి తమ కెరీర్ మలుచుకోడానికి పనికివస్తుంటే మరికొంత మందికి చేదు అనుభవాలను మిగుల్చుతున్నాయి. ఛాటింగ్‌లతో సమయాన్ని వృథా చేసిన వాళ్లు నూటికి 90 శాతం యువతరమే. జీవితాన్ని నిర్ణయించుకునే ప్రధానమైన దశలో ఎక్కువ సమయం ఛాటింగ్‌ల మూలంగా వ్యర్థమైపోతోంది.
  
 ఛాటింగ్ ఉపయోగాలు..
 * విజ్ఞానం దినదినాభివృద్ధి చెందుతూ గొప్ప ఆశయాలతో ముందడుగు వేస్తున్నా ఉపయోగించుకునే వారిని బట్టి అది అందించే ఫలితాలు ఆధారపడి ఉంటాయి. కత్తి ఒకటే అయినా దాన్ని ఉపయోగించిన వారిని బట్టి ప్రయోజనం మారినట్టే చక్కగా ఉపయోగించుకుంటే ఛాటింగ్ మన అభివృద్ధికి రాచబాట వేస్తుంది.
 * తెలివైన వారు, విభిన్న రంగాల్లో నిపుణులతో ఛాటింగ్ మనకి ఎన్నో కొత్త కొత్త విషయాలను నేర్పిస్తుంది.
 * అనుకోకుండా వచ్చే సందేహాలను అప్పటికప్పుడు వెంటనే నివృత్తి చేసుకోడానికి చాలా రెట్లు బాగా ఉపకరిస్తాయి.
 * పరిస్థితుల ప్రభావం వల్ల కలిగే ఒత్తిడిల నుంచి చక్కని పరిష్కారాన్ని మిత్రుల ద్వారా పొందవచ్చు.
 * ముఖాముఖి సంభాషణ చేయవచ్చు.
 * పరీక్షా సమయంలో విద్యార్థులు సందేహాలు నివృత్తి చేసుకోడానికి అనుకూలం.
 * కాలేజీల్లో, సంస్థల్లో కార్యక్రమాలు జరిపే బృందాల మధ్య సమాచారం పంచుకునేందుకు ఇంటర్నెట్ ఛాటింగ్ ఉపయోగపడుతుంది.
 * సోషల్ నెట్‌వర్కింగ్ సైట్‌ల గురించి ఎంత చెప్పుకున్నా తక్కువే. డేటా, ఫొటోలు, వీడియోలు, సాఫ్ట్‌వేర్ ఇలా ప్రతీది ఒక గ్రూప్‌లో ఉన్నవారితో ఒకేసారి పంచుకోవచ్చు.
 * మిగతా సమాచార వ్యవస్థలతో పోలిస్తే తక్కువ ఖర్చుతో ప్రపంచంలో ఎక్కడ ఉన్నవారితోనైనా మాట్లాడవచ్చు.
  
 తీసుకోవాల్సిన జాగ్రత్తలు..
 * ఛాటింగ్.. సోషల్ నెట్‌వర్కింగ్ సైట్లతో ఎన్ని ఉపయోగాలు ఉన్నాయో అనర్ధాలు ఎక్కువే ఉన్నాయి. అందువల్ల కొన్ని జాగ్రత్తలు తప్పనిసరి.
 * పొఫైల్‌లో మీ వ్యక్తిగత సమాచారాన్ని ఉంచకూడదు. అలాగే ప్రొఫైల్ ఆధారంగా ఎదుట వ్యక్తిని అంచనా వేయకూడదు.
 * ఛాట్‌చేసిన ప్రతీ వ్యక్తిని ఫ్రెండ్స్ లిస్టులో చేర్చుకోకండి. దాని వల్ల ఇష్టం లేని వ్యక్తుల నుంచి తప్పించుకోవడం కష్టమవుతుంది. వారి బారిన పడకుండా ఉండడానికి లాగిన్ అయిన ప్రతీసారి ఇన్‌విజిబుల్ మోడ్‌లోనే లాగిన్ అవ్వాల్సి ఉంటుంది. ఇలా అయితే మిమ్మల్ని కలుసుకోవాలనుకుంటున్న ఫ్రెండ్స్‌కు మీరు దూరమైపోతారు.
 * అపరిచితుల నుంచి వచ్చిన ఇమేజ్‌లు, లింక్‌లు, మెసేజ్‌లను తొందరపడి ఓపెన్ చేయకండి. వాటిలో వైరస్ ఉండే అవకాశం ఉంటుంది.
 * ఛాటింగ్‌లో కలిసిన ఫ్రెండ్స్‌ను అక్కడే పరిమితం చేయాలి. ముక్కూమొహం తెలియని వారికి నేరుగా కలుసుకోడానికి ప్రయత్నించకూడదు.
 * చిన్న పిల్లలు ఛాటింగ్‌లో కూర్చొని ఉన్నప్పుడు దగ్గర ఉండి పరిశీలించాలి.
 * సైబర్ కేఫ్‌లలోని కంప్యూటర్ల ద్వారా మీరు ఛాటింగ్ చేస్తున్నట్లైతే ‘లాగ్ ఆన్ ఆటోమేటికల్లీ’ ఆప్షన్‌ను సెలక్ట్ చేయకండి. మీ తరువాత ఆ సిస్టంపై కూర్చున్న వారు మీ ఐడీతో ఛాట్ చేసే ప్రమాదం ఉంది. మెసెంజర్ నుంచి పూర్తిగా లాగ్‌అవుట్ చేసిన తరువాతే సైబర్‌కేఫ్ నుంచి బయటకు రండి.
 * ‘వన్నా ఛాట్ విత్ మీ’ అంటూ అడగకుండానే ముందుకు వచ్చి పదే పదే బజ్ చేస్తూ విసిగించే వారిని ఎక్కువగా ఎంటర్‌టైన్ చేయకండి. ఛాట్ రూముల్లో జరిగే చర్చల్లో నథింగ్‌లు, నాన్సెన్స్‌లే ఎక్కువ. మీ కెరీర్‌కి ఉపయోగపడే ఛాట్ రూమ్‌ను ఎంపిక చేసుకోవడంలో శ్రద్ధ వహించాలి. అన్నింటినీ మించి ఆఫీసులో ఛాటింగ్ చేయకండి. ఆఫీస్‌లో మీరు ఎవరితో ఛాట్ చేస్తున్నారో మీ బాస్ కనిపెట్టే అవకాశం ఉంటుంది.
 * ఛాటింగ్, సోషల్ నెట్‌వర్కింగ్ సైట్ లో అపరిచితులతో మాట్లాడడం మంచిది కాదు. ఛాటింగ్ ద్వారా ఛీటింగ్ చేసిన కేసులు లెక్కకందనన్ని నమోదయ్యాయి.
 * ఇంట్లో టీ నేజ్ పిల్లలు ఇంటర్నెట్‌లో ఏం చేస్తున్నారో పరిశీలించాలి.
 * ముఖ పరిచయం లేనివారితో ఛాటింగ్ ఆసక్తిగా ఉన్నా అంత సేఫ్ కాదన్న విషయాన్ని గుర్తించాలి.
 * కాబట్టి యువతీయువకులు ఛాటింగ్, సోషల్‌నెట్‌వర్క్‌లతో బీ కేర్‌ఫుల్.
  
 మొబైల్ అప్లికేషన్ల హవా
 నిన్న మొన్నటి వరకు కంప్యూటర్లలో చాటింగ్ కొనసాగితే.. స్మార్ట్‌ఫోన్లు ఆ పరిస్థితులను మార్చివేశాయి. కంప్యూటర్ల అవసరం లేకుండా స్మార్ట్‌ఫోన్లలో ఛాటింగ్ అప్లికేషన్‌లు వెల్లువెత్తుతున్నాయి. వాట్సాప్, వీఛాట్, ఛాటాన్, హైక్, ఫెస్‌బుక్ మెసెంజర్ ఇలా రోజుకో కొత్త అప్లికేషన్లు పుట్టుకొస్తున్నాయి.
 
 విదేశీ కంపెనీల నిర్వహణలో ఉన్న ఈ లైవ్‌ఛాట్ అప్లికేషన్లకు మంచి డిమాండ్ ఏర్పడడంతో దేశీయ కంపెనీలు సైతం ఈ ఛాట్ యాప్‌లపై దృష్టి సారించాయి. విదేశీ యాప్‌లకు ధీటుగా స్మార్ట్‌ఫోన్ వినియోగదారులకు అందుబాటులోకి తీసుకువస్తున్నాయి. దేశీయ ఐటీ కంపెనీలు రూపొందించే యాప్‌లను వినియోగించి తద్వారా దేశాభివృద్ధికి, ఇక్కడ ఐటీ పురోగతికి సహకారం అందించాలని సాక్షాత్తు దేశ ప్రధాన మంత్రి నరేంద్రమోదీ ఇటీవలే పిలుపునిచ్చారు. దీన్ని బట్టే ఛాటింగ్ అప్లికేషన్ల హవా ఎంత మేర ఉందో, వాటి ద్వారా ఎంత ఆదాయం వస్తుందో అర్థం చేసుకోవచ్చు.


 కంప్యూటర్‌లో సమాచారం వెతుక్కోవడం మనమందరం చేసే పనే. అయితే కావాల్సిన సమాచారం ఎక్కడుందో తెలుసుకోవాలంటే మాత్రం కొంచెం శ్రమకోర్చాల్సి ఉంటుంది. కీవర్డ్‌లు గూగుల్ సెర్చింజిన్‌లో టైప్ చేయాలి, వచ్చే రిజల్ట్స్ చదివి తెలుసుకోవాలి. ఈ బాదరబందీలేవీ లేకుండా నేరుగా మీక్కావలసిన విషయాన్ని తెలుసు కోవాలనుకుంటున్నారా? అయితే ఫొటోలో కనిపిస్తున్న ‘ఉబి’ మీ కోసమే. కెనడాకు చెందిన ఓ కంపెనీ తయారు చేసిన ఈ పరికరం మానీటర్, కీబోర్డుల్లేని మాట్లాడే కంప్యూటర్. మీరు ప్రశ్న అడగడమే ఆలస్యం... నెట్‌మొత్తాన్ని జల్లెడ పట్టి... సమాధానాలు వెతికి వినిపిస్తుంది.


 అధ్వానంగా ఆదర్శ పాఠశాలలు
 80 శాతం సిబ్బంది కొరత
 కంప్యూటర్లూ కరువే
 పునాదులకే పరిమితమైన హాస్టళ్లు
 తాగునీటి సౌకర్యం అంతంతమాత్రమే
 మరుగుదొడ్లు లేక ఇబ్బందులు
  
 చిత్తూరు: విద్యార్థులకు నాణ్యమైన విద్యనందిస్తామంటూ ప్రభుత్వం ఆర్భాటంగా ప్రారంభించిన ఆదర్శ పాఠశాలలు అధ్వానంగా మారాయి. పాఠశాలలు ప్రారంభమై నాలుగేళ్లు గడుస్తున్నా పలు పాఠశాలలకు సొంత భవనాలు లేవు. హాస్టల్ భవనాలు పునాదులకే పరిమితమయ్యాయి. మంచినీరు కూడా అందని పరిస్థితి, పాఠశాలలకు వెళ్లేందుకు సరైన దారి లేదు. ఆటస్థలాలు అసలే లేవు. మరుగుదొడ్ల వసతి కల్పించిన పాపానపోలేదు. ఇప్పటికీ 80 శాతం అధ్యాపక పోస్టులు ఖాళీగా ఉన్నాయి. ఒక్కొక్క పాఠశాలలకు 40 కంప్యూటర్లను కేటాయించి విద్యార్థులకు సాంకేతిక విద్యనందిస్తామని అధికారులు గొప్పలు చెప్పినా నామమాత్రంగా కూడా కంప్యూటర్లు అందించలేదు. ఏ ఒక్క ఆదర్శ పాఠశాలలోనూ కంప్యూటర్ శిక్షకుడు లేరంటే మోడల్ స్కూళ్ల పరిస్థితి ఏమిటో అర్థమవుతుంది.
  జిల్లాలో 2009- 10 సంవత్సరానికిగాను ప్రభుత్వం ఫేస్-1 కింద 18, ఫేస్ -2 కింద మరో  రెండు.. మొత్తం కలిపి 20 ఆదర్శ పాఠశాలలను మంజూరు చేసింది. జిల్లాలోని రామకుప్పం, గంగవరం, నిమ్మనపల్లె, రొంపిచెర్ల పాఠశాలలకు ఇంతవరకు సొంత భవనాలను నిర్మించలేదు. దీంతో అధ్వానపు వసతుల మధ్య ఆ పాఠశాలలు ప్రైవేటు భవనాల్లో నడుస్తున్నాయి.
 
 కొద్దిపాటి చినుకులు రాలినా గదులు ఉరుస్తుండడంతో విద్యార్థులు ఇబ్బందులు ఎదుర్కొంటున్నారు. ఇక అన్ని ఆదర్శ పాఠశాలల్లోనూ హాస్టల్ భవనాలు పూర్తి కాకపోవడంతో ఆరుబయటే వంట చేసుకోవాల్సిన పరిస్థితి. కొన్ని పాఠశాలల ఆవరణలు ముళ్లచెట్లతో నిండిపోయాయి. సరైన రహదారి సౌకర్యం లేదు. హాస్టల్ లేకపోవడంతో బాలికలు సక్రమంగా పాఠశాలలకు రావడంలేదు. పలు పాఠశాలలు గ్రామాలకు దూరంగా నిర్మించడంతో విద్యార్థులు రాలేక పాఠశాలలకు ఎగనామం పెడుతున్నారు. మొత్తంగా ప్రభుత్వం నిర్మించిన ఆదర్శ పాఠశాలల్లో విద్యతోపాటు మౌలికవసతులు కరువయ్యాయి.
 
 ముఖ్యమంత్రి చంద్రబాబు సొంత నియోజకవర్గం కుప్పంలో నాలుగు మోడల్ స్కూళ్లు ఉన్నాయి. దాదాపు 1300 మంది విద్యార్థులు విద్యనభ్యసిస్తున్నారు. కుప్పం, శాంతిపురం, రామకుప్పం పాఠశాలల్లో హాస్టల్ భవనాలు పునాదులకే పరిమితమయ్యాయి. వంటగదులు లేవు. పై మూడు పాఠశాలల్లో తాగునీటి సమస్య అధికంగా ఉంది. సగానికి పైగా అధ్యాపకుల పోస్టులు ఖాళీగా ఉన్నాయి.  తంబళ్లపల్లె నియోజకవర్గంలో ఆరు మోడల్ స్కూళ్లు ఉన్నాయి. 44 అధ్యాపకుల పోస్టులు ఖాళీగా ఉన్నాయి. 7 కంప్యూటర్లు మాత్రమే ఇచ్చారు. ఐదు మండలాలకు సంబంధించి హాస్టల్ భవనాలు పూర్తి కాలేదు.
 
      పలమనేరు నియోజకవర్గంలో బెరైడ్డిపల్లె మండలంలో మాత్రమే మోడల్ స్కూల్ ఉంది. అధ్యాపకుల కొరత వల్ల పాఠశాలలో చురుకైన విద్యార్థులే మిగిలిన విద్యార్థులకు పాఠాలు చెబుతుండడం విశేషం.     పుంగనూరు నియోజకవర్గంలో అడవినాచనగుంటలో వంటగది లేదు. ప్రహారీగోడ లేదు. ఇంటర్‌లో 140 మంది విద్యార్థులుండగా ముగ్గురు లెక్చరర్లు మాత్రమే ఉన్నారు. హాస్టల్ భవనం లేదు. పీలేరు నియోజకవర్గంలో కలకడ, కేవీపల్లెలో రెండు మోడల్ స్కూళ్లు మాత్రమే ఉన్నాయి. రెండు పాఠశాలల్లో పది మంది ఉపాధ్యాయుల కొరత ఉంది. కలకడ స్కూల్‌కు సరైన దారి లేదు.  సత్యవేడు నియోజకవర్గంలో కన్నవరం, కేవీబీ పురం పాఠశాలల్లో వంట గదులు లేవు. కంప్యూటర్ ఆపరేటర్, పీఈటీ పోస్టులు ఖాళీగా ఉన్నాయి. హాస్టల్ వసతి లేరు.
  
 చంద్రగిరి నియోజకవర్గంలో ఎర్రావారిపాళెం పాఠశాలలో ఉపాధ్యాయుల కొరత ఉంది. పిల్లల తల్లిదండ్రులే చందాలేసుకుని కొంత మంది ఉపాధ్యాయులను నియమించుకున్నారు.  జీడీ నెల్లూరు నియోజకవర్గంలోని వెదురుకుప్పం, కా ర్వేటినగరం పాఠశాలల్లో సి బ్బంది కొరత ఉంది. మరుగుదొడ్ల సౌకర్యం లేదు. కంప్యూట ర్లు నామమాత్రంగా ఇచ్చారు.
  


 ఒంటిచేత్తో.. వంద కిలోల బరువు ఎత్తగలరా..? ఆగకుండా.. అలసిపోకుండా
  20 కిలోమీటర్లు పరుగెత్తగలరా..? నిండు ఆరోగ్యంతో.. 150 ఏళ్లు బతకగలరా..?
  మరణం తర్వాతా.. జీవితాన్ని కొనసాగించగలరా..? అమ్మో... ఇవన్నీ శక్తికి మించిన పనులే కదూ! ఊహూ... కానేకాదేమో!
  టెక్నాలజీ సాయంతో ఈ రోజు కాకపోతే రేపైనా మనిషి... శక్తికి మించిన పనులూ.. చకచకా చేసేయొచ్చు! కుదిరితే
 అమరత్వమూ పొందొచ్చు!!
  
 కొత్త కొత్త టెక్నాలజీలు మనిషి చేసే ప్రతి పనినీ సమూలంగా  మార్చివేస్తున్నాయి. అయితే మనిషి పనులను మాత్రమే కాదు.. ఏకంగా మనిషినే టెక్నాలజీలు నిలువెల్లా మార్చేస్తాయని అంటున్నారు శాస్త్రవేత్తలు! పరిమితమైన మనిషి శక్తి సామర్థ్యాలను అపరిమితంగా మార్చివేయడమే కాదు.. మనిషిని అమరుడిని చేసేలా.. శరీరంలో సైతం భాగం అయిపోతాయని చెబుతున్నారు. మొత్తం మీద మనిషి.. తన పరిణామ చరిత్రను తాను సృష్టించుకుంటున్న టెక్నాలజీలతోనే మలుపు తిప్పుకుంటాడని.. నిలువెల్లా రూపాంతరం చెంది.. ‘నరయంత్రుడు’ అయిపోతాడనీ అంటున్నారు.  ‘ట్రాన్స్‌హ్యూమనిజం (మానవ రూపాంతరత)’ భావన వీటన్నింటినీ సాధ్యం చేస్తుందని చెబుతున్నారు విశ్లేషకులు.
  
 ఏమిటీ ట్రాన్స్‌హ్యూమనిజం..?
 
 పరిమితంగా ఉన్న శక్తి, సామర్థ్యాలను పెంచుకోవాలన్న మనిషి తపన ఈనాటిది కాదు. జైలు జీవితం నుంచి తప్పించుకుని పక్షిలా ఆకాశంలో స్వేచ్ఛగా విహరిస్తూ దూరతీరాలకు వెళ్లిపోవాలని ఆశపడిన ఇకారస్, డియోడలస్‌లు పక్షి ఈకలతో రెక్కలు కట్టుకొని ఎగిరేందుకు ప్రయత్నించిన గాథ గ్రీకు పురాణాల్లో కనిపిస్తుంది. ఇక హిందూ పురాణాల్లోనైతే.. సాధారణ మనిషికి సైతం అపరిమిత శక్తులు అబ్బినట్లు చెప్పే గాథలు ఎన్నో ఉన్నాయి. అయితే... ఆధునికయుగంలో సాంకేతికతల ద్వారా మనిషి శక్తి, సామర్థ్యాలను అనూహ్యంగా పెంచుకోవడానికి 1960ల నుంచి మొదలైన ఉద్యమాన్నే ‘ట్రాన్స్‌హ్యూమనిజం’గా చెప్పుకోవచ్చు. ఇలా టెక్నాలజీల సాయంతో అపరిమిత శక్తులు పొందే మనిషిని ‘ట్రాన్స్‌హ్యూమన్ (రూపాంతర మానవుడు)’గా పిలుస్తున్నారు. ఇప్పటిదాకా సైన్స్ కాల్పనిక సాహిత్యంలో, సైన్స్ ఫిక్షన్ సినిమాల్లో మాత్రమే సాధ్యమైన ఇలాంటి రూపాంతర మనుషులు మనిషి, యంత్రాలు కలగలిసిపోయినట్లుగా ఉంటారు కాబట్టి.. వారిని మనం ‘నరయంత్రులు’గానూ పిలుచుకోవచ్చు! ఇందుకోసం ఉపయోగపడే సాంకేతికతలన్నింటికీ కలిపి ‘మానవ శక్తులను పెంచే సాంకేతికతలు (హ్యూమన్ ఎన్‌హ్యాన్సింగ్ టెక్నాలజీస్)’ అనే పేరునూ ట్రాన్స్‌హ్యూమనిజం కోసం ప్రయత్నిస్తున్నవారు ఉపయోగిస్తున్నారు.   
  
 బాహ్య అస్థిపంజరంతో కొండంత బలం..!
 
 వీపుపై 90 కిలోల బరువు వేసుకుని.. గంటకు 16 కిలోమీటర్ల వేగంతో పరుగెత్తగలరా..? అమెరికా పరిశోధకులు రూపొందిస్తున్న బాహ్య అస్థిపంజరం (ఎక్సో స్కెలిటన్)ను ధరిస్తే.. మీరు వంద కిలోల బరువునూ అవలీలగా మోయగలరు. మనిషిపై దాదాపుగా బరువే పడకుండా చూసే ఈ  ‘హ్యూమన్ యూనివర్సల్ లోడ్ క్యారియర్-హెచ్‌యూఎల్‌సీ’ని లాఖీడ్ మార్టిన్స్ కంపెనీ, యూనివర్సిటీ ఆఫ్ కాలిఫోర్నియా ఇంజనీర్లు సంయుక్తంగా రూపొందిస్తున్నారు. దీనిని గనక సైనికులకు అందుబాటులోకి తెస్తే.. ఇక యుద్ధరంగం రూపురేఖలే మారిపోతాయని నిపుణులు అంటున్నారు.  మామూలు పౌరులకు సైతం ఇది అనేక రకాలుగా ఉపయోగపడుతుందని చెబుతున్నారు.
  
 కళ్లజోడు కంప్యూటర్‌తో చిటికెలో పనులు!
  
 ఇంతకుముందు మాదిరిగా మన మానసిక శక్తి ఇంతే.. అని ఇకపై సరిపెట్టుకోనవసరం లేదు. మన శక్తుల పరిమితులను దాటి అనేక విషయాలను సాధ్యం చేసిపెట్టే టెక్నాలజీలు ఇప్పుడిప్పుడే పురుడు పోసుకుంటున్నాయి. ఉదాహరణకు.. కళ్లజోడు కంప్యూటర్‌గా పేరుపొందిన గూగుల్ గ్లాస్‌నే తీసుకుంటే.. దీన్ని పెట్టుకుని ప్రపంచంలో ఏ దేశానికి వెళ్లినా.. అక్కడి భాష తెలియకున్నా.. మనం చకచకా మాట్లాడేయొచ్చు! మనం మన భాషలో మాట్లాడితే చాలు.. ఇది వారి భాషలో చెప్పి.. వారి మాటలను తిరిగి మన భాషలో మనకు చెబుతుంది. అలాగే మన పరిసరాల గురించి పెద్దగా పట్టించుకోవాల్సిన అవసరమూ లేకుండా దీనికి పురమాయిస్తే.. ముఖ్యమైన సమాచారాన్ని ఇది భద్రం చేసి.. అవసరమైనప్పుడు తిరిగి గుర్తు చేస్తుంది. ప్రస్తుతానికి ఇది ఇంకా అభివృద్ధి దశలోనే ఉన్నా.. భవిష్యత్తులో మాత్రం ఇది చాలా పనులను చేసిపెట్టనుంది.
  
 జన్యుచికిత్సతో దీర్ఘాయుష్షు!
 
 మానవ రూపాంతరతను సాధ్యం చేసే టెక్నాలజీల్లో హ్యూమన్ జెనిటిక్ ఇంజనీరింగ్ కూడా ఒకటి. మన దేహంలో జరిగే అన్ని పనుల వెనకా.. జన్యువులు కీలక పాత్ర పోషిస్తాయన్నది తెలిసిందే. ఆ జన్యువులను నియంత్రించడం ద్వారా అవసరమైన ఫలితాలు రాబట్టుకునే పద్ధతినే మానవ జన్యు ఇంజనీరింగ్‌గా చెప్పుకోవచ్చు. దీనిద్వారా జీవశాస్త్రపరంగా ఉన్న ఎన్నో పరిమితులను మనిషి అధిగమించవచ్చు. ఔషధాల ద్వారా లేదా ఇతర పద్ధతుల ద్వారా జన్యువులను నియంత్రిస్తూ.. లేదా కత్తిరిస్తూ.. లేదా జతచేస్తూ.. మనిషి ఆరోగ్యాన్ని పెంపొందించి దీర్ఘాయుష్షును ప్రసాదించొచ్చు. ఉదాహరణకు.. స్విట్జర్లాండ్ శాస్త్రవేత్తలు ఇటీవలే జంతువుల్లో ఎన్‌కోఆర్1 అనే జన్యువును అణచేయడం ద్వారా.. వాటి శరీరాల్లో కండరాల పెరుగుదలను గణనీయంగా పెంచగలిగారు. అంతేకాదు.. కండరాలు దట్టంగా పెరగడమే కాకుండా వాటి కణాల్లో మైటోకాండ్రియాలు కూడా పెద్ద సంఖ్యలో పెరిగాయట. మైటోకాండ్రియాలంటే కణశక్తి భాండాగారాలు. వాటి సంఖ్య పెరగడం అంటే.. పరోక్షంగా.. మన శరీరం శక్తి పెరగడమే! ఈ జన్యుచికిత్సలు మనుషుల్లో ఇప్పుడప్పుడే అయ్యే పని కాకపోవ చ్చు. కానీ.. ఏదోరోజు జరిగినా ఆశ్చర్యపోవాల్సిన పనిలేదు.
  
 సైబోర్గ్..  మనిషి సహజం అవయవాలు కృత్రిమం
 
 చూడటానికి అందరు మనుషుల్లా మామూలుగానే ఉంటారు. కానీ ఎదలో కొట్టుకునే గుండె మాత్రం కృత్రిమం. చక్కగా వినగలుగుతారు. కానీ వారి చెవిలో ఉన్న కాక్లియా మాత్రం పరికరం. ఇంకా.. ఎముకలు, కండరాలు, మెదడుకు అమర్చే కంప్యూటర్ చిప్‌లు.. పైకి కనిపించని ఎన్నో ఇంప్లాంట్లు, పరికరాలు వారిలో ఉంటాయి. ఇలా.. లోలోపల అవయవాల స్థానంలో కత్రిమ పరికరాలతో జీవిస్తూ.. పైపైకి మామూలుగానే కనిపించే ‘సైబోర్గ్స్’ సినిమాల్లోనే కాదు.. నిజజీవితంలోనూ వస్తున్నారు. మానవ రూపాంతరత సాధించే దిశగా సైబోర్గ్ టెక్నాలజీ కూడా కీలక పాత్ర పోషిస్తోంది.
  
 కంప్యూటర్‌లోకి మెదడు ఎక్కిస్తే.. అమరత్వం!
 
 మనిషి చనిపోతాడు. కానీ.. అతడి జీవితం అక్కడితోనే ముగిసిపోదు. అతడి దేహం మట్టిలో కలిసిపోతుంది. కానీ.. మెదడు మాత్రం కంప్యూటర్‌లో భద్రంగా ఉంటుంది. కంప్యూటర్ తలకు.. రోబో శరీరం తోడవుతుంది. మరణించిన తర్వాత కూడా మనిషి జ్ఞాపకాలు పదిలంగా ఉంటాయి. బంధాలు, బంధుత్వాలు అన్నీ ఉంటాయి. జీవితం తిరిగి కొనసాగుతుంది. ‘మైండ్ అప్‌లోడింగ్’ టెక్నాలజీతో ఇది సాధ్యం అవుతుందని అంటున్నారు. 2045 నాటికి కంప్యూటర్‌లోకి మెదడును ఎక్కించడం దాదాపుగా సాధ్యం అవుతుందని, ఆ తర్వాత మరో 90 ఏళ్లలో మనిషి శరీరాల స్థానంలో రోబో శరీరాలు రావడం ఖాయమని అంటున్నారు గూగుల్ కంపెనీ నిపుణులు. ఒకవేళ ఇదే గనక వాస్తవరూపం దాల్చితే మనిషి కొంత మేరకైనా అమరుడు అయినట్లే!
  
 - హన్మిరెడ్డి యెద్దుల
  


 కంప్యూటర్.. నేటి ఆధునిక యుగంలో అన్ని రంగాల్లో కార్యకలాపాలు సజావుగా సాగడానికి కావాల్సిన ప్రధాన సాధనం. ప్రపంచవ్యాప్తంగా సమాచారం ఇచ్చిపుచ్చుకోవడం, అన్ని రకాల కమ్యూనికేషన్ దీనిద్వారానే సాగుతున్నాయి. కంప్యూటర్లు ఒకదానికొకటి అనుసంధానమై ఉంటాయి. దీన్నే నెట్‌వర్క్ అంటారు. ఇందులో లోపాలు తలెత్తితే అపారమైన నష్టం జరుగుతుంది. లక్షలాది మంది జీవితాలు ప్రభావితమవుతాయి. కాబట్టి అవి సమర్థంగా పనిచేసేలా చర్యలు తీసుకోవాలి. నెట్‌వర్క్‌లో లోపాలు ఏర్పడి కంప్యూటర్లు మొరాయిస్తే సరిచేసే నిపుణులే.. కంప్యూటర్ నెట్‌వర్క్ ఎక్స్‌పర్ట్స్. ప్రస్తుతం దేశవిదేశాల్లో అత్యధికంగా ఉద్యోగావకాశాలు లభిస్తున్న రంగం ఇదే. కంప్యూటర్లు కనిపించని కార్యాలయమే లేదనడం అతిశయోక్తి కాదు. అందుకనుగుణంగా నిపుణులకు గిరాకీ పెరుగుతోంది.  వీరికి రూ.లక్షల్లో వేతన ప్యాకేజీలు స్వాగతం పలుకుతున్నాయి.
  
  అవకాశాలు.. కోకొల్లలు
  నెట్‌వర్క్ నిపుణులు కంప్యూటర్ అప్లికేషన్లను రూపొందించాల్సి ఉంటుంది. అంతేకాకుండా సొంతంగా నెట్‌వర్క్‌ను డిజైన్ చేయాలి. అవసరాన్ని బట్టి హార్డ్‌వేర్, సాఫ్ట్‌వేర్ సిస్టమ్స్‌ను సృష్టించాలి. బ్యాంక్‌లు, మ్యానుఫ్యాక్చరింగ్, మీడియా సంస్థల్లో భారీసంఖ్యలో కంప్యూటర్లుంటాయి. వీటి నెట్‌వర్క్ సక్రమంగా ఉండేలా చూడడానికి నిపుణులను నియమిస్తున్నారు. నెట్‌వర్క్ ఎక్స్‌పర్ట్స్‌కు హెచ్‌సీఎల్, విప్రో వంటి ఔట్‌సోర్సింగ్ కంపెనీల్లో కొలువులున్నాయి. ఇంటర్నెట్ సర్వీస్ ప్రొవైడర్లు, టెలికామ్ సర్వీస్ ప్రొవైడర్లలోనూ భారీ సంఖ్యలో ఉద్యోగావకాశాలు లభిస్తున్నాయి. నెట్‌వర్క్ సిస్టమ్ సాఫ్ట్‌వేర్ డెవలపర్, నెట్‌వర్క్ అడ్మినిస్ట్రేటర్‌గా పనిచేయొచ్చు. క్వాలిటీ అస్యూరెన్స్/టెస్టింగ్ ఆఫ్ నెట్‌వర్క్ ప్రోటోకాల్స్, రీసెర్చ్ ఇన్ నెట్‌వర్కింగ్‌లో సేవలందించొచ్చు. దేశంలోని ప్రధాన నగరాలతోపాటు ద్వితీయ శ్రేణి నగరాల్లోనూ వీరి అవసరం అధికంగా ఉంది. 100 కంప్యూటర్లు ప్రతి ఉన్న కార్యాలయంలో నెట్‌వర్క్ నిపుణులు ఉండడం తప్పనిసరి.
  
  కావాల్సిన స్కిల్స్: కంప్యూటర్ నెట్‌వర్క్ నిపుణులకు శాస్త్రీయ దృక్పథం ఉండాలి. విశ్లేషణాత్మక ఆలోచనా ధోరణి అవసరం. సాంకేతిక సమస్యలను పరిష్కరించే నేర్పు తప్పనిసరి. తమ రంగానికి సంబంధించిన కొత్త విషయాలను నేర్చుకోవాలన్న తపన ఉండాలి. ఎప్పటికప్పుడు వృత్తి నైపుణ్యాలను మెరుగుపర్చుకోవాలి.
  
  అర్హతలు: కంప్యూటర్ నెట్‌వర్క్ నిపుణులుగా మారాలంటే.. సైన్స్ సబ్జెక్టులతో ఇంటర్మీడియెట్ పూర్తిచేసిన  బీఈ/బీటెక్(కంప్యూటర్ సైన్స్) కోర్సు చదవాలి. కంప్యూటర్ అప్లికేషన్స్/ఇన్ఫర్మేషన్ టెక్నాలజీ(ఐటీ)లో బ్యాచిలర్స్ డిగ్రీ పూర్తిచేసిన వారు కూడా కంప్యూటర్ నెట్‌వర్క్ నిపుణుడిగా మారొచ్చు. దీర్ఘకాలంలో ఉద్యోగావకాశాలను మెరుగుపర్చుకోవాలంటే ఎంటెక్ వంటి కోర్సులు పూర్తిచేయడం మంచిది. కంప్యూటర్ సైన్స్‌లో డిప్లొమా, సర్టిఫికేషన్ కోర్సులు కూడా ఉన్నాయి.  
  
  వేతనాలు: ఐఐటీలో విద్యాభ్యాసం పూర్తిచేసిన నెట్‌వర్క్ ప్రొఫెషనల్‌కు ప్రారంభంలో నెలకు రూ.40 వేల వేతనం అందుతుంది. బీసీఏ/బీఎస్సీ చదివి ఏడాదిపాటు నెట్‌వర్క్ ఓరియెంటెడ్ ట్రైనింగ్ పొందితే ప్రారంభంలో నెలకు రూ.10 వేల వేతనం అందుకోవచ్చు. సర్టిఫైడ్ కోర్సులు చదివితే రూ.20 వేల నుంచి రూ.25 వేల వేతనం లభిస్తుంది. రెండు మూడేళ్ల పని అనుభవం ఉన్న నెట్‌వర్క్ నిపుణులకు బహుళజాతి సంస్థల్లో ఏడాదికి రూ.5 లక్షల నుంచి రూ.6 లక్షల వేతన ప్యాకేజీ దక్కుతుంది. ఈ రంగంలో సీనియారిటీ, పనితీరును బట్టి జీతభత్యాలుంటాయి.
  
  కోర్సులను ఆఫర్ చేస్తున్న సంస్థలు:
  ఏ ఉస్మానియా యూనివర్సిటీ; వెబ్‌సైట్: www.osmania.ac.in
  ఏ జేఎన్‌టీయూ-హైదరాబాద్; వెబ్‌సైట్: www.jntuh.ac.in
  ఏ నేషనల్ ఇన్‌స్టిట్యూట్ ఆఫ్ టెక్నాలజీ(ఎన్‌ఐటీ)-వరంగల్
  వెబ్‌సైట్: www.nitw.ac.in
  ఏ బిట్స్-పిలానీ; వెబ్‌సైట్: www.bitspilani.ac.in
  ఏ ఇండియన్ ఇన్‌స్టిట్యూట్ ఆఫ్ టెక్నాలజీ(ఐఐటీ)-బాంబే, ఢిల్లీ, మద్రాస్, కాన్పూర్  
  వెబ్‌సైట్స్: www.iitb.ac.in, www.iitd.ac.in,
  www.iitm.ac.in, www.iitk.ac.in
  
  కాంపిటీటివ్ కౌన్సెలింగ్
  డీఎస్సీ పరీక్షలో ‘మూలకాల వర్గీకరణ’ పాఠ్యాంశం నుంచి ఎన్ని ప్రశ్నలు వచ్చే
  అవకాశం ఉంది?    
  - ఎ.సంయుక్త, అవంతినగర్
  గత ప్రశ్న పత్రాలను పరిశీలిస్తే ‘మూలకాల వర్గీకరణ’ పాఠ్యాంశం నుంచి సగటున 2 బిట్లు అడిగారు. ఈసారి కూడా కనీసం రెండు ప్రశ్నలు రావొచ్చు. ఈ పాఠ్యాంశంలో ముఖ్యంగా పరమాణు ధర్మాలు - వాటి క్రమం పీరియడ్‌లలో, గ్రూపుల్లో ఏ విధంగా ఉంటుందనే విషయాన్ని పరిశీలించాలి. విస్తృత ఆవర్తన పట్టికను ఏయే ధర్మం ఆధారంగా వర్గీకరించారో తెలుసుకోవాలి.
  
  జడవాయువులు, ప్రాతినిధ్య మూలకాలు, పరివర్తన మూలకాలు, అంతర పరివర్తన మూలకాలు, వాటి సాధారణ ఎలక్ట్రాన్ విన్యాసాలపై పట్టు సాధించాలి. పరమాణు పరిమాణం, అయనీకరణ శక్మం, ఎలక్ట్రాన్ అఫినిటీల ప్రమాణాలు, అత్యధిక, అత్యల్ప పరమాణు పరిమాణం, రుణ విద్యుదాత్మకతల మూలకాలను గుర్తుంచుకోవాలి. ఆవర్తన పట్టికను ఏయే శాస్త్రవేత్తలు అభివృద్ధి చేశారో తెలుసుకోవాలి. లాంథనైడ్‌‌స, ఆక్టినైడ్‌‌సపై దృష్టి సారించాలి.
  ఇన్‌పుట్స్: ఎ.వి.సుధాకర్, సీనియర్ ఫ్యాకల్టీ
  
  పోటీ పరీక్షల్లో ‘భారతదేశ పర్వతాలు, కనుమలు’ అంశం నుంచి ఎలాంటి ప్రశ్నలు వస్తాయి?                           
                         -  ముత్యాల నవనీత, కంచన్ బాగ్
  గత ప్రశ్నపత్రాలను పరిశీలిస్తే.. ప్రధానంగా వింధ్య, సాత్పురా, ఆరావళి పర్వతాలు, వీటిలో ఎత్తయిన శిఖరాలు; పశ్చిమ కనుమలు, తూర్పు కనుమలు, ఇవి కలిసే ప్రదేశం, వీటిలోని శిలలు; మాల్వా పీఠభూమి; ద్వీపకల్ప పీఠభూమిలో జీవజాలం... తదితరాలపై ఎక్కువగా ప్రశ్నలు అడిగినట్లు గమనించవచ్చు. ఉదాహరణకు ‘తూర్పు కనుమలు, పశ్చిమ కనుమలు ఎక్కడ కలుస్తాయి?’ అని అడిగారు. ఈ ప్రశ్న సులభమైందే అయినా చాలామంది తప్పులు చేశారు. దీనికి కారణం క్షుణ్నంగా అవగాహన పెంపొందించుకోకపోవడమే. ఈ టాపిక్‌లో అనేక అంశాల మధ్య దగ్గరి సంబంధం ఉంటుంది. కాబట్టి అభ్యర్థులు వీటిని చదివేటప్పుడు భారతదేశ నైసర్గిక స్వరూపం పటాన్ని ముందుంచుకొని, ఒక అంశానికి, మరొక అంశానికి సంబంధాన్ని గుర్తుంచుకుంటూ పరిశీలనాత్మకంగా అధ్యయనం చేయాలి. పోటీ తీవ్రత పెరుగుతుండడంతో ఇవే అంశాలపై కఠినమైన ప్రశ్నలు కూడా అడిగే అవకాశం ఉంది.
  ఉదా: 1) పశ్చిమ కనుమలు ఏయే ప్రాంతాల్లో వ్యాపించి ఉన్నాయి?
         2) వింధ్య పర్వతాల సరిహద్దులు ఏవి?  
  గంగా- సింధూ మైదానంలో ఉన్న భూస్వరూపాల్లోని ఉపరితల వ్యత్యాసాలైన భాబర్, టెరాయ్, భంగర్, ఖాదర్ మొదలైన వాటిపై కూడా ప్రశ్నలు అడుగుతారు. కాబట్టి వీటన్నింటినీ ప్రత్యేక దృష్టితో చదవాలి.
      ఇన్‌పుట్స్: ముల్కల రమేశ్, సీనియర్ ఫ్యాకల్టీ  
  
   త్వరలో కేంబ్రిడ్జి-ఇండియా సీనియర్ ఫెలోషిప్
  నూతన రంగాల్లో భారత విద్యార్థుల భాగస్వామ్యంతో పరిశోధనలు కొనసా గిస్తామని యునెటైడ్ కింగ్‌డమ్(యూకే)లోని ప్రఖ్యాత కేంబ్రిడ్జి విశ్వవిద్యాలయ వైస్ చాన్సలర్ ప్రొఫెసర్ లెస్‌జెక్ బోరిసీవిజ్ తెలిపారు. ప్రతిభావంతులను ప్రోత్సహిం చేందుకు త్వరలో కేంబ్రిడ్జి-ఇండియా సీనియర్ ఫెలోషిప్‌ను ప్రకటించనున్నట్లు వెల్లడించారు. ఇది వచ్చే ఏడాది నుంచి అమల్లోకి వచ్చే అవకాశం ఉందని ఆశాభా వం వ్యక్తం చేశారు. ఈ ఫెలోషిప్ పొందడా నికి పోస్ట్ డాక్టోరల్ లెవల్ కంటే పైస్థాయి లోని స్కాలర్స్ అర్హులని పేర్కొన్నారు. ఎంపికైనవారు కేంబ్రిడ్జి యూనివర్సిటీలో పరిశోధనలు చేయొచ్చన్నారు. ప్రస్తుతం భారత్‌తో కలిసి 270 ప్రాజెక్ట్‌లు చేపట్టామని అన్నారు. ప్లాంట్ సైన్స్, ఫుడ్ సెక్యూరిటీ, నానో సైన్స్, ఆర్ట్స్ అండ్ హ్యుమానిటీస్ వంటి కొత్త రంగాల్లో భారత్‌తో కలిసి పనిచేసేందుకు ప్రణాళికలు రూపొందిస్తున్నా మన్నారు. తమ వర్సిటీలో ప్రస్తుతం 250 మందికిపైగా భారత విద్యార్థులు వివిధ కోర్సులను అభ్యసిస్తున్నారని, కొన్నేళ్లుగా ఈ సంఖ్య స్థిరంగా కొనసాగుతోందని స్పష్టం చేశారు. భారత్‌లో కేంబ్రిడ్జి వర్సిటీ క్యాంపస్‌ను ఏర్పాటు చేయబోతున్నారనే వార్తలను బోరిసీవిజ్ తోసిపుచ్చారు.
  
   నేషనల్ జియోఫిజికల్
  రీసెర్చ్ ఇన్‌స్టిట్యూట్
  హైదరాబాద్‌లోని నేషనల్ జియోఫిజికల్ రీసెర్చ్ ఇన్‌స్టిట్యూట్(ఎన్‌జీఆర్‌ఐ) కింది పోస్టుల భర్తీకి దరఖాస్తులను కోరుతోంది.
   సీనియర్ టెక్నికల్ ఆఫీసర్
  అర్హతలు: మ్యాథమెటిక్స్/అప్లయిడ్ మ్యాథమెటిక్స్/ఫిజిక్స్‌లో మాస్టర్స్ డిగ్రీ ఉండాలి. రీసెర్చ్‌లో కనీసం రెండేళ్ల అనుభవం అవసరం.
  వయోపరిమితి: 35 ఏళ్లకు మించకూడదు
   టెక్నికల్ అసిస్టెంట్
  అర్హతలు: బీఎస్సీ(మ్యాథమెటిక్స్, ఫిజిక్స్, కెమిస్ట్రీ/జియాలజీ)తోపాటు సంబంధిత విభాగంలో ఏడాది అనుభవం ఉండాలి.
  వయోపరిమితి: 28 ఏళ్లకు మించకూడదు
  ఎంపిక: ఇంటర్వ్యూ ద్వారా..
  దరఖాస్తు: ఆన్‌లైన్‌లో పూర్తిచేసిన దరఖాస్తులను ప్రింట్ తీసి, పోస్టు ద్వారా పంపించాలి.
  రిజిస్ట్రేషన్‌కు చివరి తేది: అక్టోబర్ 17
  హార్డ్‌కాపీలను పంపడానికి చివరి తేది: అక్టోబర్ 24
  వెబ్‌సైట్: www.ngri.org.in
  బెనారస్ హిందూ యూనివర్సిటీలో ఎంబీఏ
  బెనారస్ హిందూ యూనివర్సిటీకి చెందిన ఫ్యాకల్టీ ఆఫ్ మేనేజ్‌మెంట్ స్టడీస్ ఎంబీఏ కోర్సులో ప్రవేశానికి దరఖాస్తులు కోరుతోంది.
   ఎంబీఏ (జనరల్)
  స్పెషలైజేషన్: హెచ్‌ఆర్, ఫైనాన్స్, మార్కెటింగ్, ఆపరేషన్స్, ఇన్ఫర్మేషన్ టెక్నాలజీ మేనేజ్‌మెంట్
  సీట్ల సంఖ్య: 46
   ఎంబీఏ (ఇంటర్నేషనల్ బిజినెస్)
  సీట్ల సంఖ్య: 46
  ఎంపిక: అకడమిక్ మెరిట్, క్యాట్ స్కోర్ ఆధారంగా ఎంపిక చేసి గ్రూప్ డిస్కషన్, వ్యక్తిగత ఇంటర్వ్యూ నిర్వహిస్తారు.
  దరఖాస్తులకు చివరి తేది: డిసెంబర్ 31
  వెబ్‌సైట్: http://bhu.ac.in/
  హిందూస్థాన్ ఏరోనాటిక్స్ లిమిటెడ్
  హిందూస్థాన్ ఏరోనాటిక్స్ లిమిటెడ్ గ్రాడ్యుయేట్, టెక్నీషియన్ అప్రెంటీస్‌లో ప్రవేశానికి దరఖాస్తులు కోరుతోంది.
  గ్రాడ్యుయేట్ అప్రెంటీస్‌షిప్
  సీట్ల సంఖ్య: 103
  విభాగాలు: ఏరోనాటికల్, ఎయిర్ క్రాప్ట్ మెయింటెనెన్స్, కంప్యూటర్, సివిల్, ఎలక్ట్రికల్, ఎలక్ట్రికల్ అండ్ ఎలక్ట్రానిక్స్, ఎలక్ట్రానిక్స్ అండ్ టెలీకమ్యూనికేషన్, ఇండస్ట్రియల్, మెకానికల్, ప్రొడక్షన్ ఇంజనీరింగ్, మెటలర్జీ, కంప్యూటర్ సైన్స్ అండ్ అప్లికేషన్స్ ఇంజనీరింగ్.
  కాలపరిమితి: ఏడాది
  వయసు: 25 ఏళ్లకు మించకూడదు.
   టెక్నీషియన్ (వొకేషనల్) అప్రెంటీస్‌షిప్
  సీట్ల సంఖ్య: 35
  విభాగాలు: అకౌంట్స్ అండ్ ఆడిటింగ్, బిల్డింగ్ మెయింటెనెన్స్, కంప్యూటర్ టెక్నిక్స్, మెడికల్ ల్యాబ్ టెక్నీషియన్, ఆఫీస్ మేనేజ్‌మెంట్, ఆఫీస్ స్టెనోగ్రఫీ, పర్చేజింగ్ అండ్ స్టోర్ కీపింగ్.
  కాలపరిమితి: ఏడాది
  అర్హతలు: ఇంటర్ (వొకేషనల్ గ్రూప్) లేదా తత్సమానం.
  వయసు: 23 ఏళ్లకు మించకూడదు.
  దరఖాస్తులకు చివరి తేది: అక్టోబర్ 16
  వెబ్‌సైట్: www.hal-india.com


 చక్రం తిప్పుతున్న రిటైర్డ్ అధికారి
 
 వరంగల్ బిజినెస్ :  విలువ ఆధారిత పన్ను (వ్యాట్) చట్టంలోని లొసుగులు, వ్యాపారుల ధనదాహం, వాణిజ్య శాఖ అధికారుల అవినీతి వెరసి.. ప్రభుత్వ ఖజానాకు భారీగా గండిపడుతోంది. జిల్లాలోని వ్యాపార సంస్థలు ప్రతి వస్తువుపై ప్రజల నుంచి ముక్కుపిండి మరీ పన్ను వసూలు చేస్తున్నప్పటికీ... అవి ప్రభుత్వ ఖజానాకు చేరడం లేదు.
  
 మామూళ్ల మత్తులో అధికారులు చూసీచూడనట్లు వ్యవహరిస్తుండడంతో వ్యాపారులు తప్పుడు లెక్కలతో పన్ను మినహారుుంపు పొందుతున్నారు. వ్యాట్ ద్వారా ఏటా ప్రభుత్వానికి భారీగా ఆదాయం సమకూరుతోంది. చట్టంలోని సెక్షన్ 16(3-ఎఫ్) ప్రకారం వ్యాపారులు తమ ఉత్పత్తులను తక్కువ  ధరకు అమ్మితే... మొదట చెల్లించిన పన్నును తిరిగిపొందే అవకాశం ఉంది. దీన్ని ఆసరాగా చేసుకున్న సిమెంట్,ఎలక్ట్రికల్, ఎలక్ట్రానిక్స్, మొబైల్ ఫోన్స్, మందులు,
  
 కన్జ్యూమర్ వస్తువులు, కంప్యూటర్, ఇనుము, యంత్రములు, సౌందర్య వస్తువుల వంటి వ్యాపారాలను నిర్వహిస్తున్న బడా వ్యాపారులు తక్కువ ధరకు విక్రయించినట్లు లెక్కలు చూపి ఆదాయం మిగుల్చుకుంటున్నారు. అరుుతే... ప్రభుత్వ ఖజానాను భర్తీ చేసే వాటిల్లో వాణిజ్య పన్నుల శాఖది కీలకపాత్ర. ఎప్పటికప్పుడు తనిఖీలు చేసి, వ్యాపారులు సక్రమంగా పన్ను కట్టేలా చూడాల్సిన బాధ్యత ఆ శాఖ అధికారులపై ఉంది. కానీ.. వారు ఏమీపట్టనట్లు వ్యవహరిస్తుండడం అనుమానాలకు తావిస్తోంది.
  
 చక్రం తిప్పుతున్న రిటైర్డ్ అధికారి
 జిల్లాలో వ్యాట్ చెల్లింపుల్లో అక్రమాలకు సంబంధించి వాణిజ్య పన్నుల శాఖ కార్యాలయంలో పనిచేసి కొన్నాళ్ల క్రితం ఉద్యోగ విరమణ పొందిన ఓ అధికారి దందా నడిపిస్తున్నట్లు సమాచారం. వ్యాపారులకు మేలు చేయడంతోపాటు అధికారులు, సిబ్బంది జేబులు నింపి.. తానూ లాభపడుతున్నాడు. తప్పుడు లెక్కలతో పన్ను మినహారుుంపు పొందుతున్న వ్యాపారుల నుంచి డిప్యూటీ కమిషనర్ కార్యాలయంలో పనిచేస్తున్న ఓ అధికారి ద్వారా అతడు ప్రతి నెలా మామూళ్లు వసూలు చేస్తుంటాడు. వచ్చిన సొమ్మును వాటాల వారీగా పంచుకుంటున్నారు. ఈ దందాను అడ్డుకునేందుకు ప్రయత్నించిన కొందరు ఉద్యోగులపై ఉన్నతాధికారులు కక్షసాధింపు చర్యలకు దిగినట్లు ఆ శాఖ ఉద్యోగవర్గాల ద్వారా తెలిసింది.
  
 వ్యాపారులకే మేలు
 వరంగల్ పరిధిలోని ఫోర్ట్ రోడ్, బీట్‌బజార్, రామన్నపేట్, బట్టల బజార్, జనగాం. నర్సంపేట, మహబూబాబాద్ వ్యాపార డివిజన్లు ఉన్నారుు. 2012-13 ఆర్థిక సంవత్సరంలో వ్యాట్ ద్వారా ప్రభుత్వానికి రూ.432.61 కోట్లు సమకూరింది. 2013-2014 లో రూ.483.25 కోట్లు వసూలైంది. వాస్తవానికి ఇంకా రూ.100 కోట్ల మేర వ్యాట్ వసూలు కావాల్సి ఉంది. నిజారుుతీగా వ్యవహరించిన కొందరు అధికారులు పలు వ్యాపార సంస్థలపై పన్నులు వేశారు. అయితే దానిని అప్పీలు అధికారులు నిర్ధారించకపోవడంతో వ్యాపారులకే మేలు జరిగింది.


 నేనో ప్రైవేట్ సంస్థలో చిరుద్యోగిని. కొన్నాళ్ల క్రితం మా అమ్మాయికి కంప్యూటర్ కొనడం కోసం నేను అమలు చేసిన వ్యూహం.. నాలాంటి మరికొందరికి కొంతైనా ఉపయోగపడగలదన్న ఉద్దేశంతో ఈ లేఖ రాస్తున్నాను. కొన్నాళ్ల క్రితమే కాస్త పై చదువుల స్థాయికి వచ్చిన మా అమ్మాయికి ప్రాజెక్టు వర్కుల కోసం కంప్యూటర్ తప్పనిసరైంది. ఇంట్లో లేకపోవడంతో  ఫ్రెండ్స్ ల్యాప్‌టాప్‌లపై ఆధారపడాల్సి వచ్చేది.
 
 తను ఇబ్బందిపడుతుండటాన్ని చూడలేక ఎలాగైనా కంప్యూటర్ కొనివ్వాలనుకున్నాను. దీంతో ఒక మార్గం ఆలోచించాను. నాకు బడ్జెట్ మరీ ఎక్కువ కాకుండా, అలాగే తన అవసరాలకు ఉపయోగపడేలా ఉండే ల్యాప్‌టాప్ తీసుకోవాలని నిర్ణయించుకున్నాను. ముందుగా రేట్ల గురించి వాకబు చేశాను. దాదాపు రూ. 25,000 స్థాయిలో ఉన్నట్లు తెలిసింది. నా ఫ్రెండు ఒకరి దగ్గర క్రెడిట్ కార్డు ఉంది. దాని మీద ఈఎంఐలపై తీసుకోవాలనుకున్నాను.
 
 అయితే, నెల నెలా కొంత మొత్తం తీసి పక్కన పెట్టగలిగే పరిస్థితి ఉంటుందా లేక తీసుకున్న తర్వాత మాట పోగొట్టుకోవాల్సి వస్తుందా అని సందేహం వచ్చింది. దీంతో ముందు ఒక మూడు, నాలుగు నెలల పాటు నేను ఎంత ఈఎంఐ అనుకుంటున్నానో అంత పక్కకు తీసి ఉంచాలనుకున్నాను. వెంటనే అమల్లో పెట్టాను. మిగతా ఖర్చులు కొంత తగ్గించుకోగా.. నిజంగానే అంత ఈఎంఐ మొత్తాన్ని మూడు నెలల పాటు పక్కకు ఉంచగలిగాను. ఫలితంగా మిగతాది కూడా కట్టేయగలనన్న భరోసా వచ్చింది.
 
 ఈ మధ్యలో రేటు కూడా కాస్త తగ్గింది. నేను దాచిపెట్టిన మొత్తాన్ని కట్టేసి.. మిగతా మొత్తానికి ఫ్రెండు కార్డును ఉపయోగించి మొత్తానికి ల్యాప్‌టాప్ తీసుకున్నాను.  మా అమ్మాయికి దాన్ని గిఫ్ట్ ఇచ్చినప్పుడు తను ఎంతగా ఆనందపడిందో. సరే ఇక, ఈఎంఐల విషయానికొస్తే.. అప్పటిదాకా ఒక రకరమైన బడ్జెట్‌కు పొదుపు అలవాటు పడటంతో మిగతా మొత్తాన్ని కట్టేయడం పెద్ద కష్టం అనిపించలేదు. సులువుగానే కట్టేయగలిగాను.    
 
 - రామసుబ్రహ్మణ్యం, విజయవాడ
  


 
      రూ.58.44 కోట్లతో 487 పంచాయతీలకు సొంత భవనాలు
 
      రూ.25 లక్షలతో మండలానికో ఎమ్మార్సీ భవనం
 
      రూ.2 కోట్లతో జిల్లా కేంద్రంలో డీఆర్సీ భవనం
 
      రూ.3.76 కోట్లతో 376 పంచాయతీల్లో కంప్యూటరీకరణ
 
      142 పంచాయతీల్లో ఇంటర్నెట్ సౌకర్యం
 
 చిత్తూరు(టౌన్) : కేంద్ర ప్రభుత్వం ప్రవేశపెట్టిన ‘ఆర్‌జీపీఎస్‌ఏ’ (రాజీవ్ గాంధీ పంచాయతీ స్వశక్తీకరణ్ అభియాన్) పథకంతో జిల్లాలోని అన్ని పంచాయతీ కార్యాలయాలకు మహర్దశ కలగనుంది. గ్రామ పంచాయతీలను బలోపేతం చేయాలనే సదుద్దేశంతోనే కేంద్ర ప్రభుత్వం ఈ నిర్ణయం తీసుకుంది.
  
 487 పంచాయతీలకు సొంత భవనాలు
  
 జిల్లాలో మొత్తం 1,363 పంచాయతీలున్నాయి. వాటిలో 487 పంచాయతీలకుసొంత భవనాలు లేవు. వాటన్నిటికీ రూ.58.44 కోట్లతో సొంత భవనాలను నిర్మించేందుకు కేంద్రం నిధులు మంజూరు చేసింది. ఐదు వేల మంది జనాభాకులోగా ఉండే పంచాయతీకి రూ.12 లక్షలు, దానికన్నా ఎక్కువగా ఉండే పంచాయతీలకు రూ.13.50 లక్షల చొప్పున మంజూరు చేసింది.మరమ్మతుల కోసం ఒక్కోదానికి రూ.3 లక్షలను మంజూరు చేసింది. వీటిని అంచెలంచెలుగా కంప్యూటరీకరణ చేపట్టనుంది. కంప్యూటర్ ఆపరేటర్లను కూడా ప్రభుత్వమే నియమించి వారికి జీతాలను చెల్లించనుంది. గ్రామ పంచాయతీ పరిధిలోని రికార్డులను కంప్యూటరైజేషన్ చేయడం, గ్రామసభల నిర్వహణకు సంబంధించిన ఫొటోలు, మినిట్స్‌బుక్కులను స్కాన్‌చేసి నెట్‌లో పెట్టడం తదితర కార్యక్రమాలకు వీటిని ఉపయోగించుకునే వీలుకల్పిస్తోంది. ఫోన్‌బిల్లులనూ కేంద్ర ప్రభుత్వమే చెల్లించనుంది.
  
 రూ.18.25 కోట్లతో ఎమ్మార్సీ, డీఆర్సీ భవనాలు
  
 స్థానిక సంస్థల ప్రతినిధులకు ప్రభుత్వ పథకాలపై ఆవగాహన కల్పించేందుకు అనువుగా ప్రతి మండలంలోనూ ఒక ఎమ్మార్సీ భవనాన్ని నిర్మించనుంది. దీనికోసం ఒక్కోదానికి రూ.25 లక్షలు, జిల్లా కేంద్రంలో నిర్మించే డీఆర్‌సీ భవనానికి రూ.2 కోట్లు మంజూరు చేసింది. జిల్లాలోని 65 మండలాల్లో నిర్మించే ఎమ్మార్సీ, జిల్లా కేంద్రంలో నిర్మించే డీఆర్‌సీ భవనానికి గాను మొత్తం రూ.18.25 కోట్లు ఖర్చు చేయనుంది.
  
 కంప్యూటరీకరణలో మనమే ఫస్ట్
  
 జిల్లాలోని 1,363 గ్రామ పంచాయతీల్లో తొలిదశగా 448 కంప్యూటర్లను ప్రభుత్వం మంజూరు చేసింది. వీటిలో మండలానికొకటి చొప్పున 65 మండలాలకు 65 కంప్యూటర్లు, 2 జెడ్పీకి, మరో 2 డీపీవో కార్యాలయానికి, 3 డీఎల్‌పీవో కార్యాలయానికి, 376 పంచాయతీలకు మంజూరు చేసింది. ప్రతి పంచాయతీకి ఒక కంప్యూటర్, స్కానర్, ప్రింటర్ అవి పనిచేయడానికి బ్యాటరీతో పాటు అవసరమైన అన్ని ఏర్పాట్లును చేపడుతున్నారు. వీటికోసం ప్రతి పంచాయతీకి ఇంచుమించు లక్ష రూపాయల వరకు ఖర్చు పెట్టింది. భవనాలు ఉన్న పంచాయతీల్లో కంప్యూటరీకరణ కోసం రూ.3.76 కోట్లను ఇప్పటికే ఖర్చు పెట్టింది. అయితే ఫోన్ కనెక్షన్ అందుబాటులో ఉండే 142 గ్రామ పంచాయతీలకు బీఎస్‌ఎన్‌ఎల్ ద్వారా ఇంటర్నెట్ కనెక్షన్ కల్పించింది. పంచాయతీల కంప్యూటరీకరణలో చిత్తూరు జిల్లా రాష్ట్రంలోనే ప్రథమ స్థానాన్ని కైవసం చేసుకుంది.
  
 135 పంచాయతీలకు డంపింగ్ యార్డులు
  
 జిల్లాలోని 135 పంచాయతీలకు డంపిం గ్ యార్డుల కోసం ప్రభుత్వం స్థలాన్ని కేటాయించింది. దీనికోసం ప్రతేకంగా నిధులను మంజూరు చేసింది.  చెత్తను సేకరించడానికి ట్రైసైకిళ్లు, యార్డు చుట్టూ ప్రహరీగోడ నిర్మాణం, బోరుబావి తవ్వకం, చెత్తను కత్తిరించే యంత్రాలు, సెగ్రిగేషన్  షెడ్ల నిర్మాణం తదితరాల కోసం నిధులను విడుదల చేసింది.
  


 గుడ్లవల్లేరు : వినూత్న యాప్స్ ధనార్జ దోహదపడేలా చేసుకోవచ్చునని ఎ.ఎ.ఎన్.ఎం అండ్ వి.వి.ఆర్.ఎస్.ఆర్ పాలిటెక్నిక్ కాలేజీ ప్రిన్సిపాల్ ఎన్.ఎస్.ఎస్.వి.రామాంజనేయులు తెలిపారు. స్థానిక కాలేజీలో  మైక్రోసాఫ్ట్‌చే ధృవీకరించబడిన కంప్యూటర్ విద్యా నిపుణుల బృందం ‘కాంపసిఫై’వారు విండోస్-8 యాప్ డెవలప్‌మెంట్‌పై రెండు రోజుల వర్క్‌షాపును మంగళ, బుధవారాలు నిర్వహించారు. పాలిటెక్నిక్ చివరి సంవత్సరం కంప్యూటర్, ఐటీ కోర్సులు చదువుతున్న 76మంది విద్యార్థులు ఈ వర్క్‌షాప్‌లో పాల్గొన్నారు.
 
 తొలి రోజు యాప్స్‌కు సంబంధించిన విండోస్-8ఓఎస్, విండోస్-8 స్టోర్ యాప్స్, విండోస్-8అప్లికేషన్స్, విజువల్ స్టూడియో వంటి అంశాల్ని విద్యార్థులు ఆసక్తిగా నేర్చుకున్నారు. రెండో రోజు టూల్ బాక్స్‌ను ఉపయోగించి మైక్రోసాఫ్ట్ బ్లెండ్‌తో యానిమేషన్ ఎఫెక్ట్‌ను జత చేయడం, యాప్స్‌ను విండోస్ స్టోర్‌కు అప్‌లోడ్ చేయడం వంటి విషయాలపై ప్రయోగాలను నిర్వహించారు.
 
 ఈ విద్యార్థులందరూ ఈనెల 30న జిల్లాలోని వివిధ ఇంజినీరింగ్ కాలేజీల విద్యార్థులతో పాటు ఏకబిగిన 24గంటల పాటు సాగే నూతన యాప్స్ ఆవిష్కర పోటీల్లో పాల్గొంటారని ప్రిన్సిపాల్ తెలిపారు. రెండు రోజుల వర్క్‌షాప్‌లో శిక్షణ పొందిన విద్యార్థులందరికీ ధ్రువపత్రాల్ని ముగింపు సభలో జీఈసీ అకడమిక్ డీన్ డాక్టర్ ప్రసాద్ అందజేశారు. కాంపసిఫై నిపుణుడు జంపని చైతన్య, రాజశేఖరరెడ్డి, శ్రావణ్‌కుమార్, రూపేష్ గుప్తా శిక్షణ ఇచ్చారు. వర్క్‌షాప్‌ను కంప్యూటర్, ఐటీ శాఖాధిపతులు జి.వి.వి.సత్యనారాయణ, ఎన్.రాజశేఖర్ పర్యవేక్షించారు.
  


 1.    The physical parts of a computer are known as:
     a) Software    b) Hardware    c) Shareware    d) Fixed - ware    e) Digital - ware
 
 2.    Which type of the following software is used by a person for preparation of text documents? a) Data processor
     b) Word processor
     c) Complier    d) Multimedia
     e) b and c
 
 3.    The complete picture of data stored in database is known as:     a) Record    b) Schema
     c) System flow chart
     d) DBMS    e) None of these
 
 4.    Most of the errors blamed on co-mputers are actually due to ____
     a) programming errors
     b) hardware figure
     c) defects of floppy disks
     d) data entry errors
     e) None of these
 
 5.    Information retrieval is fastest from ____
     a) floppy disks
     b) magnetic tapes    c) hard disk
     d) All of the above
     e) None of the above
 
 6.    In addition to keying data directly into a database, data entry can also be done from a/ an ____
     a) field    b) table
     c) data dictionary
     d) input form    e) None of these
 
 7.    Assembly instructions are in the form of ____
     a) binary digits
     b) digits and numbers
     c) general English
     d)    a new format different from all of the above
     e) None of the above
 
 8.    You must install a ____ on a network if you want to share an internet connection.
     a) Router    b) Modem
     c) Node    d) Cable
     e) None of these
 
 9.    The ___ software contains lists of commands and options.
     a) menu bar    b) tool bar
     c) title bar    d) formula bar
     e) None of these
 
 10.    A computer program which could infect the other programs or data is called:
     a) System software
     b) Application software
     c) Cybercrime    d) Virus
     e) Computer fraud
 
 11.    Which of the following parts of the computer makes use of primary memory?
     a) Storage unit
     b) Central Processing Unit
     c) Output devices
     d) All of the above
     e) None of the above
 
 12.    The term ATM stands for:
     a) Automatic Teller Mechanism
     b) Automated Teller Mechanism
     c) Automated Teller Machine
     d) Atomic Teller Machine
     e)    Automated Telephone Machine
 
 13.    The device that is a kind of computer which does not have its own CPU or storage:
     a) Standby computer
     b) Terminal
     c) Mainframe computer
     d) Personal computer
     e) None of the above
 
 14.    ___ is called as a supervisor of computer activities.
     a) Memory    b) OS
     c) I/O devices    d) CU
     e) ALU
 
 15.    Master files contain data of ___ nature.
     a) temporary    b) local
     c) permanent    d) global
     e) None of these
 
 16.    Which of the following temporarily stores the data?
     a) RAM    b) ROM
     c) Floppy disk    d) Hard disk
     e) None of these
 
 17.    Data division is the third division of a ____ program.
     a) LISP    b) FORTH
     c) COBOL    d) BASIC
     e) PASCAL
 
 18.    In Windows XP, which shortcut key is used to cycle through opened items in taskbar?
     a) Ctrl + Tab    b) Alt + Tab
     c) Ctrl + Esc    d) Alt + Esc
     e) None of these
 
 19.    A/An___ is a program that ma-kes the computer easier to use.
     a) Operating system
     b) Application    c) Utility
     d) Network    e) None of these
 
 20.    Allocator and manager of memory in an operating system is:
     a) Keyboard    b) Key punch
     c) Kernel    d) Kludge
     e) None of these
 
 21.    Which of the following is a type of memory chip whose contents cannot be altered by writing data?
     a) RAM    b) PROM
     c) ROM    d) EPROM
     e) None of these
 
 22.    Which computer has been designed to be as compact as possible?
     a) Mini    b) Super computer
     c) Micro computer
     d) Mainframe
     e) None of the above
 
 23.    Which part is interprets program that converts assembly language to machine language?
     a) Input    b) Storage unit
     c) Logic unit    d) Control unit
     e) None these
 
 24.    A memory that does not change it's contents without external causes is known as:
     a) Dynamic memory
     b) Static memory
     c) RAM     d) EEPROM
     e) None of these
 
 25.    The computer program that ensure interface between the user and the computer hardware: a) Application software
     b) Operating software
     c) Processing software
     d) Complier    e) Interpreter
 
 26.    Which of the following better describes the term internet?
     a)    A network of standard alone computers
     b)    A network servers
     c)    A network of networks
     d)    A network of world - wide computers
     e)    All of the above
 27.    What is the name of the windows software that is used for managing data base format?
     a) MS Word
     b) MS Power Point
     c) MS Access    d) MS Excel
     e) b and d
 28.    The computer related storage device used for the purpose of making permanent record:
     a) CD -ROM    b) Floppy disk
     c) Hard Disk    d) WORM Drive
     e) All of the above
 29.    Which of the following takes care of processing of the information in a computer system?    a) ALU    b) CPU
     c) Storage unit    d) Control unit
     e) Processors
 30.    Devices that let the computer communicate with you are called ____ devices.
     a) input    b) output
     c) type    d) print
     e) None of these
 31.    To move down a page in a document we use
     a) Task bar    b) My computer
     c) Recycle bin
     d) Only (b) and (c)
     e) None of these
 32.    To find a saved document in the computer's memory and bring it on the screen to view is called ___
     a) reserve    b) rerun
     c) retrieve    d) return
     e) None of these
 33.    ____ servers store and manage files for network users.
     a) Authentication
     b) Main    c) Web    d) File    e) None of these
 34.    The ____ manual tells you how to use a software program.
     a) documentation
     b) programming
     c) technical    d) user
     e) None of these
 35.    Which of the following can be another word for program?
     a) Software    b) Disk
     c) Floppy    d) Hardware
     e) None of these
 36.    ____ is the process of finding errors in software code.
     a) Debugging    b) Compiling
     c) Testing    d) Running
     e) None of these
 37.    A name applied by Intel corp. to high speed MOS technology is ___
     a) HDLC    b) LAP
     c) HMOS    d) SDLC
     e) None of the above
 
 KEY
 1) b    2) b    3) b    4) d    5) c
 6) d    7) e    8) a    9) a    10) d
 11) b    12) c    13) b    14) b    15) c
 16) a    17) c    18) b    19) c    20) c
 21) c    22) c    23) d    24) b    25) b
 26) c    27) c    28) e    29) b    30) b
 31) e    32) c    33) d    34) d    35) a
 36) c    37) c


  హైస్కూల్ స్థాయి విద్యార్థి సైతం ఫేస్‌బుక్ వినియోగిస్తున్నాడంటే యూజర్లు ఏ సంఖ్యలో ఉన్నా రో అర్థమవుతుంది. చదువుకంటే ముందు దీనికి బాని సగా మారు తూ ఫేస్‌బుక్ అకౌంట్ లేకుంటే చిన్నతనంగా భావించే వారున్నారంటే అతిశయోక్తి కాదు. తీరిక దొరికినప్పుడల్లా కంప్యూటర్, సెల్‌ఫోన్‌లలో ఫేస్‌బుక్ చాటిం గ్‌లు చేస్తూ గంటల తరబడి వాటికే అతుక్కుపోతున్నారు యువతీ యువకులు. ఈ తరహ లోకంలో ఎందరో అపరిచిత వ్యక్తులు తారసపడుతున్నారు. వారితో చాటింగ్, పోస్టు లు, లైకులు చేస్తూ స్నేహం పెంచుకుంటున్నారు. ఇలాంటి పరిచయాలు కొందరి జీవి తాలను చీకట్లోకి నెట్టేస్తున్నాయి. తీయటి పలుకుతో వచ్చే సందేశాలకు యువతీ యువకులు వారి మాయలోపడి అనవసరంగా ఇబ్బందుల్లో పడుతున్నారు. దీనికితోడు బినా మీ అకౌంట్‌లతో ఫేస్‌బుక్ క్రియేట్ చేసి అశ్లీల చిత్రాలు, సెలబ్రేటీలు, ప్రముఖల ఫొటోలను మార్ఫింగ్ చేసి అపలోడ్ చెయ్యడంతో కొందరికి తెలియని కష్టాలు వచ్చిపడుతున్నాయి. పైశాచిక ఆనందంతో అలా చేసేవారెవరో తెలి యకపోగా అమాయకులు అడ్డంగా బుక్ అవుతున్నారు.
  
  న్యూఢిల్లీ : మారిన సాంకేతిక విప్లవంలో వింత ప్రపంచం లాంటి ఇంటర్‌నెట్, ఫేస్‌బుక్ అకౌంట్‌లతో మునిగి తేలుతున్న వారికి వయస్సుతో పనిలేదనిపిస్తుంది. చిన్నా పెద్దా తేడా లేకుండా ఫేస్‌బుక్ అకౌం ట్ కలి గి ఉండడమే ఇందుకు నిదర్శనం. ప్రస్తుత పరిస్థితుల్లో విరివిగా విస్తరించిన సోషల్ నెట్‌వర్క్‌గా ఫేస్‌బుక్ ప్రాచుర్యం పొందింది. తమకు నచ్చిన అంశాన్ని స్నేహితులతో పంచుకోవడం, నచ్చిన చిత్రాలను, సందేశాలను పోస్ట్ చేయడం. ఆ తరువాత వాటికి ఎన్ని లైక్‌లు, షేర్ లు, కామెంట్‌లు వచ్చాయో చూసుకోవడం పరిపాటయింది. కళాశాలల, పాఠశాలల విద్యార్థులే కాదు. ప్రభుత్వ, ప్రైవేట్ ఉద్యోగులు ఫేస్ బుక్‌తో నిత్యం బిజీ బిజీగా గడుపుతున్నారు.
  
  ఎక్కడ చూసినా, సందర్భమేదైనా ఫేస్‌బుక్ చర్చలే కనిపిస్తున్నాయి. సోషల్ నెట్‌వర్క్ ఎంత ఫేమస్ అంటే చాలామంది మొబైల్‌ఫోన్లనో ఫేస్‌బుక్ అకౌంట్‌లు ఉంటున్నాయి. ప్రపంచవ్యాప్తంగా జరిగే సంఘటన క్షణాల్లో నేడు సోషల్ మీడియా ద్వారా తెలిసిపోతోంది. ఏమూల ఏం జరుగుతోందో తెలుసుకోవాలన్న ఆత్రుత అందరినీ ఫేస్‌బుక్ వైపు మళ్ళిస్తోంది. ఇటీవల జరిగిన సాధారణ ఎన్నికల్లో యువత ఫేస్‌బుక్ ద్వారా చేసుకున్న చాటింగ్‌లు ఘర్షణలకు దారితీయడం, ఒకరి పార్టీని ఒకరు విమర్శించుకుంటూ తగవులు పెట్టుకోవడం మనకు తెలిసిందే. ఇంటర్ విద్యార్థినితో ఓ ఆకతాయి చేసిన చాటింగ్ ఆ యువతి ఇల్లు విడిచి వచ్చేలా చేసింది. దీంతో కుటుంబ తగాదాలు చోటు చేసుకున్నాయి.
  
  తల్లిదండ్రులు దృష్టి సారించాలి
  సమాచార సేకరణకు, విజ్ఞానాన్ని పెంచుకునేందుకు ఫేస్‌బుక్ ఉపయోగిస్తే ఆదో విజ్ఞాన గని అవుతుంది. అలాకాకుండా టైంపాస్‌కు వాడుకుంటే పలు అనర్థాలకు దారి తీస్తుందని పలువురు విద్యావేత్తలు అభిప్రాయపడుతున్నారు. తల్లిదండ్రులు ఈ విషయాన్ని గమనించా లి. తమ పిల్లలు కంప్యూటర్, ల్యాప్‌టాప్, సెల్‌ఫోన్‌లతో ఏంచేస్తున్నా రు. వాటిని ఏవిధంగా వాడుతున్నారనే దానిపై దృష్టిసారించాలి. అడగ్గానే ఇంటర్ విద్యార్థికి కూడా తల్లిదండ్రులు స్మార్ట్ ఫోన్ కొని చేతి లో పెడుతున్నారు. ఫోన్‌లలో గేమ్‌లాడుతున్నామని చెప్పి ఎక్కువ సమ యం ఫేస్‌బుక్ చాటింగ్‌లు చేస్తుంటారు.. వాటిని గమనించాలి. పిల్లల స్నేహాలు, పరిచయాలు, ప్రవర్తనలపై ఎప్పటికప్పుడు గమనించాలి. లేదంటే చెడు వ్యసనాలకు బానిసలయ్యే ప్రమాదం ఉంది.
  
  ఆఫర్‌లతో హోరెత్తిస్తున్న ఆపరేటర్‌లు
  వినియోగదారుల వాడకాన్ని దృష్టిలో పెటుకుని వివిధ కంపెనీలకు చెందిన సెల్‌ఫోన్ ఆపరేటర్‌లు ఇంటర్‌నెట్, ఫేస్‌బుక్‌ల అకౌంట్‌ల కోసం ప్రత్యేక ఆఫర్‌లు అందిస్తున్నారు. ఆఫర్‌లు కూడా ఎక్కువగా రాత్రి సమయంలో వినియోగించుకునే విధంగా ఉంటున్నాయి. కొన్ని నెట్‌వర్‌‌కలు ఒక్క రూపాయితో రాత్రి ఫేస్‌బుక్, రూ.12 లతో అర్ధరాత్రి దాటిన తరువాత అన్‌లిమిటెడ్ ఇంటర్‌నెట్ సదుపాయాలు కల్పిస్తున్నాయి. ఇవన్నీ యువతకోసమేనంటూ ప్రచారం చేస్తున్నాయి.
  
  బినామీపేర్లతో అకౌంట్లు ఎన్నో...
  కొందరు బినామీ పేర్లతో అకౌంట్‌లు తెరుస్తున్నారు. వీటిలో అమ్మా యిల పేర్లు, ఫొటోలతో అకౌంట్‌లు ఎక్కువగా ఉంటున్నాయి. రిక్వెస్ట్ లతో ఫ్రెండ్‌షిప్‌లు పెంచుకుని వారితో చాటింగ్ చేస్తారు. ఒకరికి ఒక రు తెలియక పోయినా రిక్వెస్ట్‌లతో వేలసంఖ్యలో ఫేస్‌బుక్ ఫ్రెండ్స్ పెరి గిపోతారు. ఈ క్రమంలోనే అశ్లీల చిత్రాలు అప్‌లోడ్ చెయ్యడం దగ్గర నుంచి వ్యక్తిగత కామెంట్‌లతో మెసేజ్‌లు పెడుతున్నారు. ముఖ్యంగా సెలబ్రేటీలు, ప్రజాప్రతినిధుల గురించి అసభ్యకర వ్యాఖ్యలు చేయ డం, ఫొటోలను మార్ఫింగ్ చేసి ఫేస్‌బుక్ ఫ్రెండ్స్ అందరికీ మెసేజ్‌ను ఫార్వర్డ్ చేయడం వంటి చర్యలతో పైశాచిక ఆనందం పొందు తున్నా రు. ఒక ఫేస్‌బుక్ అకౌంట్‌కు ఫ్రెండ్స్‌గా ఉన్న వారందరికి ఈ మెసేజ్ లేదా చిత్రాలు అప్‌లోడ్ అవుతాయి. వీటన్నింటినీ బినామీ అకౌంట్‌ల నుంచి పంపుతున్నారు.
  
  వీటివల్ల వచ్చే సమస్యల్లో చిక్కు కుని అమా యకులు కేసుల్లో ఇరు క్కుని చట్టానికి చిక్కుతున్నారు. సైబర్ నేరాల గురించి తెలియని అమాయకులు ఫేస్‌బుక్‌లో ఫొటోలు పెట్టు కుంటే వాటిని డౌన్‌లోడ్ చేసి కామెంట్‌లతో అప్‌లోడ్ చేస్తున్నారు. ఇటువంటి సంఘటనలు నిత్యం ఏదో ఒకచోట చోటుచేసుకోవడం చూస్తున్నాం. ఈ సంఘట నలు వెలుగులోకి వచ్చి కేసుల వరకూ వెళితే గాని బినా మీల సంగతి బయటకు రావడంలేదు. పోలీస్‌ల దర్యాప్తుల్లో నేరాలకు పాల్పడ్డవారిని గుర్తించి ఫేస్‌బుక్ అకౌంట్ గురించి ఆరాతీస్తే అసలు ఫేస్‌బుక్ అంటే తెలియని అమాయకుల వివరాలు బయటపడుతున్నాయి. ఎక్కువగా నెట్ సెంటర్‌కు వెళ్లి చాటింగ్ చేసేవారు బినామీ అకౌంట్‌లు క్రియేట్ చేసి అమాయకులను ఇరికిస్తున్నారు.
  


 చిన్నారి ఏడిస్తే.. తల్లిని పాలుపట్టమంటారు..తల్లి అందుబాటులో లేకపోతే డబ్బాలో పోసిన పాలు తాగిస్తారు. దాదాపు ప్రతి ఇంట్లో కనిపించే దృశ్యమిది. అయితే ఈ పాలను కూడా కల్తీ చేస్తున్నారు కొందరు పాపాత్ములు. ఇది చిన్నారుల ఆరోగ్యంపై తీవ్ర ప్రభావం చూపుతుందని తెలిసీ ఈ దారుణానికి తెగబడుతున్నారు. తూప్రాన్ కేంద్రంగా వరుసగా బయటపడుతున్న ఈ కల్తీ పాల కేసులు ప్రజలను భయపెడుతున్నాయి. దీంతో ఏవి స్వచ్ఛమైన పాలో.. ఏవి కల్తీవో తెలియక జనం తల్లడిల్లిపోతున్నారు.
  
  సంగారెడ్డి క్రైం: తెల్లనివన్నీ పాలు కావు....నల్లనివన్నీ నీళ్లు కావు....అన్నట్లుగానే...ప్రస్తుతం మనం చూసే పాలన్నీ స్వచ్ఛమైనవి కావు. ప్రతిరోజు పాలు తాగితే సంపూర్ణ ఆరోగ్యం లభిస్తుందన్నది ఇపుడు పాత మాటగా మారిపోయింది. ఎందుకంటే పసిపాపలకు తాగించే పాలను సైతం కొందరు కల్తీ చేస్తున్నారు. ఈ వ్యాపారం జిల్లాలో గుట్టుచప్పుడు కాకుండా సాగుతోంది.
  కంప్యూటర్ యుగంలో కాసిన్ని పాలిచ్చే గేదెలు కరువయ్యాయి. కానీ క్షీరానికి మాత్రం రోజురోజుకూ డిమాండ్ పెరుగుతోంది. దీంతో ఇన్నాళ్లూ పాలలో నీళ్లు కలిపి సొమ్ము చేసుకునే వ్యాపారులు రూటు మార్చేశారు. డిమాండ్ మేరకు పాలు లభించకపోవడంతో ఏకంగా పాలనే కృత్రిమంగా తయారు చేసి ఇంటింటికీ సరఫరా చేస్తున్నారు. దీంతో వీటిని తాగుతున్న చిన్నారులకు సంపూర్ణ ఆరోగ్యం లభించకపోగా రోగాలు వస్తున్నాయి.
  
  తూప్రాన్ కేంద్రంగా...
  జిల్లాలోని ప్రధాన పట్టణాలు, జిల్లాకు ఆనుకుని ఉన్న రాజధానికి కూడా మన గ్రామాల నుంచే పాలు సరఫరా అవుతాయి. కానీ కాలానుగుణంగా వచ్చిన మార్పులతో గ్రామాల్లో పాడిపరిశ్రమకు ముందుకు వచ్చేవారే కరువయ్యారు. మరోవైపు పాలకు డిమాండ్ పెరుగుతూ వస్తోంది. దీంతో కొందరు వ్యాపారులు కాసిన్ని సొమ్ములకు ఆశపడి కృత్రిమంగా పాలు తయారు చేస్తూ ప్రజల జీవితాలతో చెలగాటం ఆడుతున్నారు. డబ్బులు తీసుకుని మరీ ఇంటింటికీ రోగాలను అంటగడుతున్నారు.
  
  యూరియాతో కృత్రిమ పాలు!
  లీటరు గేదె పాలుంటే చాలు 40 లీటర్ల పాలను కృత్రిమంగా తయారు చేయవచ్చు. లీటరు పాలు, అరలీటరు మంచినూనెను మిక్సీలో కలిపి 40 లీటర్ల నీటిలో కలుపుతారు. దీనికి చక్కెరతో పాటు యూరియాను కలిపితే ఈ ద్రావణం స్వచ్ఛమైన పాలుగా కనిపిస్తుంది. చూడడానికి పాలలానే కనిపించే ఈ ద్రావణం తాగినా కూడా ఎలాంటి తేడా కనిపించదు. దీంతో జనం ఏ మాత్రం ఆలోచించకుండా ఈ పాలు తాగేస్తున్నారు.
  
  నమోదైన కేసులివే...
  కొన్నిరోజులుగా జిల్లా గుట్టుగా సాగుతున్న కల్తీపాల వ్యాపారంపై ఇప్పుడిప్పుడే పోలీసులు దృష్టి సారించారు. ఈ క్రమంలోనే మే నెల 14న తూప్రాన్ పట్టణ ంలోని అభ్యాస స్కూల్ సమీపంలో ఉంటున్న పాల వ్యాపారి శ్రీశైలం ఇంటిపై దాడి చేసి కల్తీపాలను, కల్తీపాలు తయారు చేసేందుకు ఉపయోగించే ముడిపదార్థాలు  పాల పౌడర్, సోయానూనె, యూరియాను స్వాధీనం చేసుకున్నారు. అనంతరం శ్రీశైలంను విచారించగా, కేవలం లీటర్ పాలతో యూరియా ఉపయోగించి 10 లీటర్ల పాలు తయారు చేస్తున్నట్లు అతను చెప్పడంతో పోలీసులు షాక్ తిన్నారు. అలాగే తూప్రాన్ మండలం రావెల్లి గ్రామంలో బొల్లబోయిన మహేష్ కృత్రిమ పాలను తయారు చేసి పోతరాజుపల్లిలోని డెయిరీలో విక్రయించేందుకు తరలిస్తుండగా అక్కడి పోలీసులు బుధవారం దాడి చేసి కేసు నమోదు చేశారు. ఇవి కేవలం బయటకు తెలిసిన రెండు కేసులు మాత్రమే..పాల వ్యాపారంపై పెద్దగా నిఘా లేకపోవడంతో జిల్లాలో కృత్రిమ పాల దందా బాగానే సాగుతున్నట్లు తెలుస్తోంది.
  
  పిల్లల్లో ఎదుగుదల ఆగిపోతుంది
  కల్తీ పాలు తాగడం వల్ల పిల్లలో ఎదుగుదల ఆగిపోతుంది. అలాగే పెద్దలకు కూడా అనేక వ్యాధులు వచ్చే ప్రమాదముంది. ముఖ్యంగా కిడ్నీ, గుండె సంబంధిత వ్యాధులతో పాటు కీళ్ల నొప్పులు వస్తాయి. ఎముకలు కూడా దెబ్బతిని ఆరోగ్యం క్షీణిస్తుంది. కల్తీ పాలు సేవించడం వల్ల వాంతులు, విరేచనాలవుతాయి. కల్తీ పాలు ఏవో, స్వచ్ఛమైన పాలు ఏవో గుర్తించి తీసుకోవడం మంచిది.
  - డాక్టర్ జి.శ్రీహరి, సంగారెడ్డి
  


  ప్రేరణ
  
 మీరు ఒక ఊరికి వెళ్లొద్దామని అనుకుంటున్నారు.
 కానీ, అక్కడికి వెళ్లడానికి దారి తెలియదు. ఏం చేస్తారు?
 కంప్యూటర్ ఆన్ చేసి, వెబ్‌సైట్‌ను క్లిక్ చేయండి. చాలా మ్యాప్‌లు కనిపిస్తాయి. వీటి ద్వారా ఆ ఊరికి ఎలా వెళ్లాలో దారి తెలుసుకొని, ప్రయాణం  ప్రారంభించొచ్చు. జీవితంలో మాత్రం కోరుకున్న లక్ష్యాన్ని చేరుకొనేందుకు ఈ వెసులుబాటు లేదు. టార్గెట్‌ను రీచ్ అయ్యేందుకు రోడ్‌మ్యాప్ అందజేసే వెబ్‌సైట్లు మనకు అందుబాటులో లేవు.
  
 దగ్గరి దారులొద్దు
  
 నేటి ఆధునిక సమాజంలో యువతకు చాలా లక్ష్యాలున్నాయి. స్థిర, చరాస్తులు సమకూర్చుకోవాలి. డబ్బు, పేరు, మంచి హోదా రావాలి. కుటుంబంతో ఆరోగ్యంగా, ఆనందంగా జీవించాలి. ఇలాంటి లక్ష్యాలు ఇంకా ఎన్నో ఉన్నాయి. లక్ష్యం దిశగా ప్రయాణం ప్రారంభించినప్పుడు ఎదురుగా రెండు మార్గాలు కనిపిస్తాయి. ఒకటేమో.. సులభమైన దగ్గరి దారి. గతుకుల్లేని చక్కటి దారి. మరొకటి.. కఠినమైన దూర మార్గం. ఆ దారిలో చాలా ఎత్తుపల్లాలు, అడ్డంకులు ఉంటాయి. మనం దేన్ని ఎంచుకుంటాం? కచ్చితంగా దగ్గరి దారినే.
  
 అసలైన అంతర్గత శక్తిని వెలికితీయాలి
  
 దగ్గరి దారుల్లోనే ప్రయాణించడం ఇప్పుడు మనకు ఒక అలవాటుగా మారిపోయింది. షార్ట్‌కట్స్ కోసం వెతుక్కుంటున్నాం. రాజీ పడిపోతున్నాం. విజయం సాధించేందుకు మనల్ని మనం కష్టపెట్టుకోలేకపోతున్నాం. శ్రమకు వెనుకాడుతున్నాం. సక్సెస్ రాకున్నా ఫర్వాలేదు.. ఫెయిల్యూర్ మాత్రం రాకూడదు అనే దృక్పథం మనుషుల్లో పెరిగిపోయింది. విజయం కోసం కృషి చేయడం లేదు. కానీ, పరాజయం రావొద్దని అనుకుంటున్నాం. ఫలానా సబ్జెక్టులో మూడు చాప్టర్లు చదువుకుంటే చాలు 35 మార్కులు వస్తాయి. పరీక్షల్లో గట్టెక్కుతాం. వారానికి నాలుగుసార్లు క్లాస్‌కు వెళ్తే చాలు బ్లాక్‌లిస్టులో మన పేరు ఉండదు.. ఇలాంటి టిప్స్ పాటించేవారి సంఖ్య పెరుగుతోంది. ఇలాంటివి మన జీవితాల్లో భాగంగా మారుతున్నాయి. నిజానికి మనలోని శక్తిసామర్థ్యాలతో ఎంతో సాధించొచ్చు. కానీ, సాధించలేకపోతున్నాం. కారణం.. షార్ట్‌కట్స్‌ను, టిప్స్‌ను నమ్ముకోవడమే. మనలోని అసలైన శక్తిని వెలికితీయడం లేదు. ‘చల్తా హై..’ అనేది ఆలోచనా విధానంగా మారింది. అది చెల్లదని తెలుసుకోవాలి.
  
 కచ్చితత్వం.. లోపలి నుంచి వస్తుంది
  
 ఓ చిన్నపట్టణంలో గొప్ప శిల్పకారుడు ఉండేవాడు. స్థానికంగా ఉన్న ఆలయంలో ప్రతిష్టించేందుకు దేవత విగ్రహాన్ని చెక్కడం ప్రారంభించాడు. ఓ రోజు ఓ యువకుడు అటువైపు వచ్చాడు. శిల్పి ప్రతిభను చూసి ఆశ్చర్యపోయాడు. శిల్పి చెక్కుతున్న విగ్రహం పక్కనే అలాంటిదే మరొకటి పడి ఉండడం గమనించాడు. ఆలయానికి రెండు విగ్రహాలు అవసరమా? అని ప్రశ్నించాడు. కాదు ఒకటేనని శిల్పి బదులిచ్చాడు. మరి రెండు ఎందుకు చెక్కుతున్నారని సందేహం వ్యక్తం చేయగా.. ఆ విగ్రహం చెక్కుతుండగా చిన్న పొరపాటు వల్ల దెబ్బతిన్నదని అందుకే మరొకటి చెక్కుతున్నానని వివరించాడు.
 
 కిందపడి ఉన్న విగ్రహాన్ని యువకుడు నిశితంగా పరిశీలించాడు. అంతా సక్రమంగానే ఉంది, ఎక్కడా దెబ్బతిన్నట్లు కనిపించలేదు. విగ్రహం బాగుందని, ఎలాంటి లోపం కనిపించడం లేదని అన్నాడు. జాగ్రత్తగా చూడు, ఎడమ కంటి కింద చిన్న పగులు ఉంది అని శిల్పి చెప్పాడు. విగ్రహాన్ని ఎక్కడ ప్రతిష్టిస్తారని యువకుడు అడగ్గా.. ఆలయం లోపల ఎత్తయిన వేదికపై ప్రతిష్టిస్తామని శిల్పి వివరించాడు.
 
 అంత ఎత్తులో ఉండే విగ్రహంలో సూక్ష్మమైన పగులు ఎవరికి కనిపిస్తుందని యువకుడు ప్రశ్నించాడు. నాకు కనిపిస్తుంది అంటూ.. ఆ శిల్పి చిరునవ్వుతో బదులిచ్చాడు. పనిలో పరిపూర్ణత సాధించడం అంటే ఇదే. కచ్చితత్వం అనేది బయటినుంచి రాదు, మనిషి లోపలి నుంచే వస్తుంది. పనిలో పరిపూర్ణత కోసం సాధన చేయాలి. కచ్చితత్వాన్ని అలవర్చుకోవాలి.
  
 శీల నిర్ణయం ఇలా
  
 శ్రమించే విషయంలో రాజీపడొద్దు. శరీరంలోని 100 శాతం శక్తిని వెలికితీసి, ఆచరణలో పెట్టాలి. చేసే పని ఏదైనా 100 శాతం పరిపూర్ణంగా, ఉత్తమంగా పూర్తి చేసేందుకు కృషి చేయాలి. ఎవరో ఆదేశించారని ఇష్టం లేని పనులు బలవంతంగా చేయొద్దు. దానివల్ల పరిపూర్ణత రాదు. మీరు ప్రేమించే, కోరుకొనే పనులను ఇష్టంతో చేయండి. వాటిలో పరిపూర్ణత సాధించండి. చేసే పనులను ఎల్లప్పుడూ సరైన విధంగానే చేయాలి. దగ్గరి దారులు, అడ్డ దారులు, దొంగ దారుల ద్వారా వెళ్లొద్దు.
 
 కష్టమైనా సరే సరైన మార్గంలోనే పయనించాలి. నన్ను ఎవరూ చూడటం లేదు కదా! నేను చేస్తుందే కరెక్టు.. అని భావిస్తూ మిమ్మల్ని మీరు మోసం చేసుకోవద్దు. మీరు చేస్తున్న పనులను ఎవరూ చూడటం లేదని అనుకోవద్దు. ఒకరు మాత్రం కచ్చితంగా చూస్తున్నారని గుర్తుపెట్టుకోండి. అదెవరో కాదు.. మీరే. ఇతరులు చూస్తున్నప్పుడు మీరెలా ప్రవర్తిస్తున్నారు అని కాకుండా.. ఎవరూ చూడనప్పుడు ఎలా ప్రవర్తిస్తున్నారు అనే దాన్ని బట్టే మీ శీలాన్ని (క్యారెక్టర్) నిర్ణయించవచ్చు. ఎవరూ కనిపెట్టలేరు లే! అనే ఆలోచనతో విగ్రహాన్ని చెక్కుతుంటే.. అందులో చాలా తప్పులు దొర్లుతాయి.
 
 ఆ పనిలో లోపాలుంటాయి. చివరకు వాటిని సరిచేసేందుకు ఎక్కువ సమయం, శ్రమను వెచ్చించాల్సి వస్తుంది. మంచి శిల్పకారుడిగా మారాల్సిన మీరు కేవలం ప్యాచ్-అప్ ఆర్టిస్టుగా మిగిలిపోతారు. ఆశించిన ఎదుగుదల లేక జీవితం నిస్సారంగా మారిపోతుంది. మనిషి ప్రగతికి అతడిలోని స్కిల్ కాదు, ఆలోచనా దృక్పథమే ప్రధానం. శిల్పకారుడి దృక్పథాన్ని అలవర్చుకోవాలి. పనిలో పరిపూర్ణత సాధించాలి. లైఫ్‌ను ఒక మాస్టర్‌పీస్‌గా మార్చుకోవాలి.
  
 -‘కెరీర్స్ 360’ సౌజన్యంతో...
  


 మాటెత్తితే ప్రపంచమంతా డిజిటల్ మయమైందని అంటుంటాం.. జనాలు ఆఫ్‌లైన్‌లో కనపడటం లేదు, ఆన్‌లైన్‌కే పరిమితమయ్యారు అని తిట్టుకొంటాం... పిల్లలు మైదానాల్లో ఆడుకోవడం మానేసి కంప్యూటర్‌గేమ్స్‌కు పరిమితమయ్యారన్న అభిప్రాయాలు వ్యక్తం చేస్తాం...యువత సోషల్‌నెట్‌వర్కింగ్‌కు బానిస అయ్యిందని ఆందోళన వ్యక్తం చేస్తాం... అయితే ప్రభుత్వ అధికార గణాంకాల ప్రకారం చూసుకొన్నా ఇప్పటికీ మన దేశంలో ప్రతి పది ఇళ్లకూ ఒకే కంప్యూటర్ ఉంది!  మరి ఈ పరిస్థితిలో మార్పు తీసుకురావడానికి, పీసీని సామాన్యుల దరి చేర్చడానికి ప్రయత్నిస్తున్నారు... ముకుంద్, రాఘవలు.
  
 విద్యా, వైజ్ఞానిక, సంఘ జీవనంలో ఇప్పుడు కంప్యూటర్ ఒక తప్పనిసరి అవసరం. మరి అందుకోసం ‘మా వల్లనే ఐటీ సెక్టార్ అభివృద్ధి జరిగిందని, సెల్‌ఫోన్ కూడా తమ వల్లనే సామాన్యులకు దగ్గరైంది...’ అని డబ్బా కొట్టుకొనే నేతలు ఏం చేస్తున్నారో కానీ... ఇద్దరు యువకులు మాత్రం ఆరేళ్లుగా ఒక అద్వితీయ ప్రయత్నం చేస్తున్నారు. భారతీయ మధ్యతరగతి కుటుంబాలకు పీసీని అందుబాటులోకి తీసుకొస్తున్నారు. తక్కువ ధరలోనే పీసీలను అందుబాటులో ఉంచి.. చాలా మంది ముచ్చట తీరుస్తున్నారు. మరి అదెలా సాధ్యం అవుతోందంటే...
  
 మన మెట్రో నగరాల్లో పెద్ద పెద్ద ఐటీ కంపెనీలు ఉన్నాయి... వాటిల్లో వందల, వేలాది ఉద్యోగులు పనిచేస్తున్నారు. మరోవైపు పీసీల్లో అధునాతన వెర్షన్‌లు ఒకదాని తర్వాత ఒకటిగా వస్తున్నాయి. ఆపరేటింగ్ సిస్టమ్‌ను అప్‌డేట్ చేసుకోవాల్సిన రీతిలోనే చాలా సార్లు పీసీలను కూడా మార్చేస్తూ ఉంటాయి ఐటీ కంపెనీలు. మరి అలా మార్చేయాల్సి వచ్చినప్పుడు పాత కంప్యూటర్‌లను ఏం చేస్తారు?! దాదాపు ఆరేళ్ల క్రితం ఈ సందేహం వచ్చిందట ముకుంద్‌కు.
  
 చెన్నైకి చెందిన ఈ యువకుడు అప్పటికే గ్రాడ్యుయేషన్‌ను మధ్యలోవదిలి కంప్యూటర్ విడిభాగాలను అమ్మే తన స్నేహితుడితో కలిసి పనిచేస్తున్నాడు. ఈ సందేహం వచ్చిన వెంటనే కొన్ని ఐటీ కంపెనీ ఆఫీసులను సందర్శించి అక్కడి పనితీరు గమనించాడు. చాలా చోట్ల పనితీరు బాగానే ఉన్నా..పాత డెస్క్‌టాప్ పీసీలను స్టోర్‌రూమ్‌లలోనూ, పార్కింగ్ ప్లేస్‌లలోనూ పెట్టి ఉంచడాన్ని గమనించాడు. ‘ఇ-వేస్ట్’ అంటూ కంపెనీలు పక్కన పెట్టేసిన ఆ పీసీలను సేకరించడం మొదలు పెట్టాడు ముకుంద్.
 
  ఈ విషయంలో ముకుంద్‌కు అతడి సమీప బంధువు రాఘవ తోడయ్యాడు. రూ.4,500  ధర నుంచే దొరుకుతాయట ఐటీ కంపెనీల వద్ద సెకండ్ హ్యాండ్ కంప్యూటర్‌లు. వాటి కాన్ఫిగరేషన్‌ను బట్టి..  తక్కువ ధర, తగిన ధరను చెల్లిస్తూ వాటిని కొనడం మొదలు పెట్టారు వీళ్లిద్దరూ. అలా సేకరించిన కంప్యూటర్‌లతో 2009లో బెంగళూరు ఎలక్ట్రానిక్ సిటీ సమీపంలో ‘రెన్యూ ఐటీ’ పేరుతో ఒక షాప్‌ను నెలకొల్పి వాటిని అమ్మడం మొదలు పెట్టారు.
  
 మొదట కొందరు ఎన్జీవోలకు తక్కువ ధరకే ఈ కంప్యూటర్‌లను అమ్మారట. ఎటువంటి ప్రచార అవసరాలూ లేకుండా ఒకరికి మరొకరు చెప్పడం ద్వారా వీళ్ల గురించి అనేక మందికి తెలిసింది. సెకండ్ హ్యాండ్ కంప్యూటర్‌లు కొనడానికి అందరూ ఎగబడ్డారు. విద్యాసంస్థల వాళ్లు, విద్యార్థులు, గ్రాఫిక్ డిజైనర్‌లు, ఆర్‌జేలు, డాక్టర్లు, టీచర్ల దగ్గర నుంచి కారు డ్రైవర్ల వరకూ అన్ని వర్గాల ప్రజలూ తమ వద్దకు వచ్చి కంప్యూటర్‌లను కొనుగోలు చేయడం మొదలు పెట్టారని ముకుంద్, రాఘవలు చెబుతారు.
  
 అయితే ఇలా సెకండ్ హ్యాండ్ కంప్యూటర్‌లు అమ్ముతున్న వీళ్ల అనుమతి లేదంటూ ప్రభుత్వాధికారులు వెంటపడ్డారు. లంచం ఇస్తే అనుమతి ఇస్తామని ఆఫర్ కూడా ఇచ్చారు. అలా డిమాండ్ చేసిన ఒక అధికారికి తమ వద్ద అమ్మకానికి ఉన్న ల్యాప్‌టాప్‌ను ఇచ్చి వదిలించుకొన్నారీ యువకులు.
  
 2011లో భారత ప్రభుత్వం తీసుకొచ్చిన ‘ఇ-వేస్ట్ మేనేజ్‌మెంట్ చట్టం’ వీళ్లకు వరంగా మారింది. అ చట్టం ప్రకారం అన్ని ఐటీ కంపెనీలూ.. తమ వద్ద ఉన్న ఎలక్ట్రానిక్ వేస్ట్‌ను గుర్తింపు పొందిన అమ్మకం దారులకు అమ్మాల్సి ఉంటుంది. అప్పటికే ఆ వ్యాపారంలో గుర్తింపు పొందిన ‘రెన్యూ ఐటీ’కి తిరుగులేకుండా పోయింది.
  
 ప్రస్తుతం వీళ్లిద్దరి వ్యాపారం ఏడాదికి ఆరు కోట్ల రూపాయల టర్నోవర్‌కు చేరుకొంది. బెంగళూరు, హైదరాబాద్, చెన్నై నగరాల్లోని అనేక ఐటీ కంపెనీల దగ్గర నుంచి వృథాగా ఉన్న పీసీలను, ల్యాప్‌టాప్‌లను వీళ్లు కొనుగోలు చేస్తున్నారు.
  
 కంపెనీలు అతి తక్కువ ధరకు అయినా వాటిని వదిలించుకోవాలని భావిస్తుండటం వీళ్లకు కలిసొస్తోంది. ‘రెన్యూ ఐటీ’కి కూడా పెద్దగా లాభాపేక్ష లేదని, తాము గ్రామీణ భారతీయులకు, పేద, మధ్య తరగతి కుటుంబాలకు కంప్యూటర్‌లను అందుబాటులో ఉంచాలనే ఉద్దేశంతోనే ఈ ప్రయత్నం చేస్తున్నామని ముకుంద్, రాఘవలు చెబుతున్నారు.
  
 కంప్యూటర్ కొనడం అనేది భారతీయ కుటుంబాలకు ఇప్పుడు ఒక సంబరం. కానీ ధరల విషయంలో మాత్రం చాలా కుటుంబాలకి అందడం లేదవి. ఇటువంటి నేపథ్యంలో తమకు తోచిన పరిష్కార మార్గం ద్వారా చాలా మంది కంప్యూటర్ కోరికను తీరుస్తున్నారు ఈ యువకులు. అనేక భారతీయ కుటుంబాలను డిజిటల్ బూమ్‌లో భాగం చేస్తున్న ఈ యువకులను ప్రత్యేకంగా అభినందించవచ్చు.
  
 కంప్యూటర్ కొనడం అనేది భారతీయ కుటుంబాలకు ఇప్పుడు ఒక సంబరం. కానీ ధరల విషయంలో మాత్రం చాలా కుటుంబాలకు అందడం లేదవి. ఇటువంటి నేపథ్యంలో తమకు తోచిన పరిష్కార మార్గం ద్వారా చాలామంది కంప్యూటర్ కోరికను తీర్చుతున్నారు ఈ యువకులు.
  


 వాషింగ్టన్ : 1960 నుంచీ కంప్యూటర్ కు అట్టిపెట్టుకుని ఇప్పటికీ మన చేతుల్లో ఆడుతూ వస్తున్న మౌస్‌కు ఇక కాలం చెల్లినట్లే. ఎందుకంటే.. చేతివేలికి తొడుగులా ఉండే పరికరం ఇకపై మౌస్ చేసే పనులన్నీ చేయనుంది. ఇప్పటిదాకా మనం వాడుతున్న మౌస్ కంప్యూటర్ తెరపై రెండు కోణాల్లో మాత్రమే కర్సర్‌ను కదిలిస్తుంది.  అదే ఈ కొత్త పరికరం మూడు కోణాల్లోనూ కర్సర్‌ను కదిలిస్తుందట. అందుకే దీనికి ‘3డీ టచ్’ అని పేరు పెట్టారు. త్రీడీ యాక్సిలెరోమీటర్, త్రీడీ మాగ్నెటోమీటర్, త్రీడీ గైరోస్కోప్, ఆప్టికల్ సెన్సర్లను పొందుపర్చి అమెరికాలోని యూనివర్సిటీ ఆఫ్ వ్యోమింగ్ పరిశోధకులు దీనిని తయారు చేశారు.
  
 దీనిని పెట్టుకుని వేలును కంప్యూటర్ తెరముందు కదిలిస్తే చాలు.. వేలు కదిలినట్టల్లా.. కర్సర్ కదులుతుంది. అలాగే మౌస్ ప్యాడ్‌పై వేలును తట్టి క్లిక్ చేయడంతో పాటు తెరపై వస్తువులను డ్రాగ్ చేయొచ్చు కూడా. ప్రస్తుతం తీగలు తగిలించినా.. భవిష్యత్తులో వైర్‌లెస్‌గా పనిచేసేలా మారుస్తారట.


  ఆదిలాబాద్ : నిన్నా మొన్నటి వరకు సూపర్‌బజార్లు.. ఏదేని పెద్ద పెద్ద షాపుల్లో వస్తువులు కొనుగోలు చేస్తే బార్‌కోడ్ సాయంతో ధర ప్రింట్ అయ్యేది. హోలోగ్రామ్‌పై కంప్యూటర్ స్కానర్‌తో పరిశీలించగానే ఆ వస్తువు ధర కంప్యూటర్‌లో ప్రత్యక్షమయ్యేది. ఇప్పుడు ఆ విధా నం ఇక వైన్‌షాపుల్లోనూ రానుంది. కొత్త ఎక్సైజ్ పాలసీలో ఈ విధానాన్ని అమలుపర్చారు. బాటిల్ హోలోగ్రామ్‌లో కొత్తగా 2డీ బార్‌కోడ్‌ను రూపొందిస్తున్నారు. అయితే.. దీన్ని కొత్త వైన్‌షాప్ హోల్డర్లు వ్యతిరేకిస్తున్నారు.
 
  బాటిల్ వివరాలు ప్రత్యక్షం..
  పాత ఎక్సైజ్ పాలసీలో మద్యం బాటిళ్లపై ఎక్సైజ్ అడిహసీవ్ లేబుల్ బార్‌కోడ్ ఉండేది. ప్రస్తుతం హోలోగ్రామ్ 2డీ బార్‌కోడ్‌ను తెలంగాణ రాష్ట్ర ప్రభుత్వం అమలుపరుస్తోంది. దీనికి సంబంధించి హెడానిక్ పాత్ ఫైన్డర్ సిస్టమ్ (హెచ్‌పీఎఫ్‌ఎస్) అనే సాఫ్ట్‌వేర్‌ను రూపొందిస్తోంది. డిస్టిలరీ నుంచి మొదలుకుని మద్యం డిపోలు వైన్‌షాపులను అనుసంధానం చేసే ప్రక్రియ చేపట్టింది.
 
 మద్యం బాటిల్‌పై స్కాన్ చేయగానే బాటిల్ తయారైన డిస్టిలరీ, డిస్టిలరీ నుంచి డిపో, డిపో నుంచి వైన్స్, ఏ రకం బ్రాండ్, దాని రేటు తదితర వివరాలు వస్తాయి. తద్వారా బాటిల్‌పై ఉన్న ఎమ్మార్పీ కంటే షాపులో ఎక్కువ ధరకు అమ్మే పరిస్థితి ఉండదు. గతంలో జిల్లాలో ఎమ్మార్పీ కంటే రూ.10 నుంచి రూ.20 అదనంగా వసూలు చేస్తుండేవారు. దీంతో మందుబాబుల జేబులకు చిల్లు పడేది. ఇక బార్‌కోడ్ విధానం అమలైతే అధిక వసూలుకు బ్రేక్ పడనుంది. జిల్లాలో నాన్‌డ్యూటీపేడ్ (ఎన్‌డీపీ) లిక్కర్‌తోపాటు కల్తీ లిక్కర్‌ను విస్తృతంగా విక్రయిస్తున్నారనే ఆరోపణలు ఉన్నాయి.
 
  బార్‌కోడ్ అమలైన పక్షంలో నాన్‌డ్యూటీపేడ్ లిక్కర్‌కు కూడా చెక్‌పడే ఆస్కారం ఉంది. అయితే బార్‌కోడ్ విధానం వైన్‌షాపు యజమానులకు లాభం చేకూరుస్తుందని అధికారులు అంటున్నారు. ప్రధానంగా ఓనర్ కౌంటర్ మీద ఉన్నా లేకున్నా కంప్యూటర్ నుంచి సెల్‌కు అనుసంధానం చేస్తే సంక్షిప్త సమాచారం వస్తుంది. సరుకు కొనుగోలుకు సంబంధించి ఇదే ఆన్‌లైన్‌లో సేల్ ఆర్డర్ పెట్టుకోవచ్చు. అంతేకాకుండా ప్రతిరోజూ అకౌంట్ వివరాలు తెలుసుకునేందుకు సులువవుతుంది. ఎన్ని బాటిళ్లు అమ్ముడుపోయాయి.. ఏ బ్రాండ్ లిక్కర్ విక్రయాలు అమ్ముడుపోతున్నాయనే వివరాలు కంప్యూటర్‌లో తెలుసుకోవచ్చు.
 
 అదే సమయంలో తనిఖీల కోసం వెళ్లే అధికారులకు స్కానింగ్ ఆప్లికేషన్ ఉన్న ఆండ్రాయిడ్ ఫోన్‌లను ఇవ్వనున్నట్లు ఉన్నతాధికారులు చెబుతున్నారు. ఈ ఫోన్‌ల ద్వారా మద్యం బాటిల్‌ను స్కాన్ చేసినప్పుడు పూర్తి వివరాలు సెల్‌లో వస్తాయని, తద్వారా అది నాన్‌డ్యూటీపేడ్ లిక్కరా లేదా డ్యూటీపేడ్ లిక్కరా అని తేలిపోతుంది. ఇదిలా ఉంటే.. మంగళవారం వైన్‌షాపులను ప్రారంభించిన వైన్ షాపు యజమానులు ఈ స్కానింగ్ విధానాన్ని రద్దు చేయాలని కోరుతున్నారు.
 
 ప్రధానంగా కంప్యూటర్, స్కానర్, ప్రింటర్ ఏర్పాటు చేసుకోవాలంటే రూ.50 వేల పైన ఖర్చవుతుందని, దాన్ని ఆపరేట్ చేసేందుకు జీతం ఇచ్చే వ్యక్తిని నియమించుకోవాల్సి వస్తుందని వాపోతున్నారు. ఇప్పటికే పర్మిట్ రూమ్ పేరిట రూ.2 లక్షలు, ప్రివిలేజ్ పేరిట ఏడు రెట్లు మద్యం అమ్మిన తర్వాత 13 శాతం ట్యాక్స్ విధిస్తున్నారని, ఈ విధానం అమలుచేస్తే నష్టపోవాల్సి వస్తుందని అంటున్నారు. ఈ నేపథ్యంలో 2డీ బార్‌కోడ్ విధానం అమలవుతుందా లేదా అనేదానిపై సందేహాలు వ్యక్తమవుతున్నాయి.
 
 ఈ విషయంపై ఎక్సైజ్ డిప్యూటీ కమిషనర్ శివరాజ్‌ను వివరణ కోరగా ప్రతి వైన్‌షాప్‌లో విధిగా కంప్యూటర్, స్కానర్, ప్రింటర్ ఏర్పాటు చేసుకోవాలని, వినియోగదారుడికి బిల్లు జారీ చేయాలని చెప్పారు. సోమవారమే కొత్త పాలసీ ప్రారంభమైనందున వైన్‌షాప్ యజమానులు తొందరగా ఈ విషయంపై దృష్టి సారించాలని, తప్పనిసరిగా బార్‌కోడ్ విధానం అమలుచేసి తీరుతామని పేర్కొన్నారు.


 ప్రేమలో విఫలమైన చాలామంది తమ మాజీ ప్రేయసీ, ప్రియులను మరవలేక వారి పేర్లను పిల్లలకు పెట్టుకోవడమో, కంప్యూటర్, ఫోన్లు, తదితర వాటికి పాస్‌వర్డ్‌లుగా పెట్టుకోవడమో చేస్తారట. అయితే మనకు బాగా ఇష్టమైన, మనకు మాత్రమే బాగా తెలిసినవారి ముఖాలను కూడా ఇకపై సంకేతపదాలుగా పెట్టుకోవచ్చంటున్నారు బ్రిటన్‌లోని యూనివర్సిటీ ఆఫ్ యార్క్ మనస్తత్వ శాస్త్రవేత్తలు. అనేకమంది ఫొటోల మధ్య బాగా పరిచయం ఉన్నవారి ఫొటోలను అస్పష్టంగా ఉన్నా మనుషులు ఇట్టే గుర్తుపట్టగలరని, అదే అంతగా పరిచయం లేనివారైతే అస్సలు గుర్తుపట్టలేరని పలు పరిశోధనల్లో తేలింది. దీని ఆధారంగా రూపొందించే ‘ఫేస్‌లాక్’ వ్యవస్థతో బలమైన పాస్‌వర్డ్‌లను పెట్టుకోవచ్చని పరిశోధకులు చెబుతున్నారు.
 
 ఈ ఫేస్‌లాక్ వ్యవస్థలో మనకు మాత్రమే బాగా తెలిసినవారి ఫొటోలను అప్‌లోడ్ చేస్తే.. కొన్ని సిరీస్‌లతో ఫొటో గ్రిడ్స్ తయారవుతాయని, ఒక్కో గ్రిడ్‌లో తెలిసినవారి ఫొటోను గుర్తిస్తూ పోతే అదే పాస్‌వర్డ్ అవుతుందని అంటున్నారు. ఈ పాస్‌వర్డ్ సిరీస్‌లుగా ఉంటుంది కాబట్టి.. అన్ని గ్రిడ్లలో అన్ని ఫొటోలను గుర్తించడం ఇతరులెవ రికీ సాధ్యం కాదంటున్నారు. మనకు ఇష్టమైనవారి ముఖాలే సంకేతపదాలు కాబట్టి.. అంకెలు, అక్షరాల మాదిరిగా వీటిని ప్రత్యేకంగా గుర్తుపెట్టుకోవాల్సిన అవసరమూ ఉండదన్నమాట. వీరి పరిశోధన వివరాలు ‘పీర్‌జే’ జర్నల్‌లో ప్రచురితమయ్యాయి.
  


 మన కోసం...
 
 ఈ సాంకేతిక యుగంలో యువత పెన్ను పట్టుకోవడం అనేది అరుదైన విషయంగా మారింది. సాంకేతికంగా ఎంత ముందంజలో ఉన్నా... కొన్ని అలవాట్లను మాత్రం అందులో నుంచి మినహాయించుకోవాలి.కాగితం మీద కలంతో రాయడం అనేది అందులో ఒకటి. మీ మనసులో రకరకాల భావాలు ఉండవచ్చు. అభిప్రాయాలు ఉండవచ్చు. వాటిని కాగితం మీద రాస్తూ ఉండండి. కంప్యూటర్ మీద టైప్ చేయడం కన్నా కలంతో రాయడంలోని మజాను అనుభవించండి.
  - హృతిక్ రోషన్, హీరో
  
  


 మనిషి మెదడు గొప్పా? కంప్యూటర్ గొప్పా? అంటే ఇప్పటికి మాత్రం మెదడే పవర్‌ఫుల్. అందుకే మెదడును మోడల్‌గా తీసుకుని అమెరికాలోని స్టాన్‌ఫర్డ్ యూనివర్సిటీ శాస్త్రవేత్తలు ‘న్యూరోగ్రిడ్’ అనే ఈ సర్క్యూట్ బోర్డును తయారు చేశారు. ఐపాడ్ సైజులో ఉన్న ఈ బోర్డులో 16 న్యూరోకోర్ చిప్‌లు ఉన్నాయి. మెదడులో 10 లక్షల నాడీకణాలు, వందల కోట్ల సర్క్యూట్ల అంత వేగంగా ఈ చిప్‌లు పనిచేస్తాయట. అందువల్ల.. ఈ బోర్డు కంప్యూటర్ కన్నా 40 వేల రెట్లు తక్కువ విద్యుత్‌తోనే, ఏకంగా 9 వేల రెట్లు వేగంగా పనిచేస్తుందట. ప్రస్తుతానికి దీని ధర 40 వేల డాలర్లు. కానీ పెద్ద ఎత్తున తయారు చేస్తే 400 డాలర్లకే అందించవచ్చని చెబుతున్నారు.
  
 రోబోటిక్స్, కంప్యూటింగ్ రంగాల్లో కీలక మార్పులకు ఇది నాంది పలకనుందట. పక్షవాత రోగుల మెదడులో ఈ చిప్‌లను అమరిస్తే కృత్రిమ అవయవాలకు తగిన ఆదేశాలు ఇస్తూ.. అవి సహజ అవయవాలంత చురుకుగా పనిచేసేలా చేస్తాయట.
 
  


 సాప్ట్వేర్ దిగ్గజం, మైక్రోసాప్ట్ కంపెనీ అధినేత బిల్ గేట్స్కు కంప్యూటర్ గురించి చెప్పింది ఎవరో తెలుసా? మన దేశంలో కంప్యూటర్ విద్యను ప్రమోట్ చేసింది ఎవరో తెలుసా? అంతెందుకు కంప్యూటర్ను కనుగొన్నది ఎవరో తెలుసా?  మన మాజీ ముఖ్యమంత్రి, టిడిపి అధ్యక్షుడు చంద్రబాబు నాయుడు ఎన్నికల ప్రసంగాలు వింటే ఈ ప్రశ్నలకు సమాధానాలు తెలిసిపోతాయి.  వీటన్నింటికీ తానే ఆధ్యుడినని అన్నట్లు చంద్రబాబు ప్రసంగాలు ఉంటాయి. ఆయన స్వగతాల తీరు అలా సాగిపోతోంది. ఇంతటితో ఆగలేదు హైదరాబాద్లో హైటెక్ సిటీని కట్టింది తానే అంటారు. సాప్ట్వేర్ రంగాన్ని ముందుకు నడిపించిందీ కూడా తానే అంటూ ఆయన ఇప్పటికీ  గొప్పలు  చెప్పుకుంటూనే ఉన్నారు. ఆయనకు మైకు దొరికితే "చూడండి తమ్ముళ్లూ హైటెక్ సిటీని కట్టింది నేను. ఐటీ రంగాన్ని గుర్తించింది నేను.యువతను ఐటీ రంగం వైపు నడిపించింది నేను. ఐటీ ఎగుమతులను  రికార్డు స్థాయిలో పెంచింది నేను. నా హయాంలో ఐటీ రంగం అభివృద్ధిని చూసి బిల్ గేట్సే  మెచ్చుకున్నాడు" అని చెబుతుంటారు. వాస్తవానికి చంద్రబాబు నాయుడి పాలనలో  ఐటీ రంగం దేశంలో ఏ రాష్ట్రంతో పోల్చినా తీసికట్టుగానే ఉంది.
 
 చంద్రబాబు పాలనలో ఐటీ రంగం ఎలా ఉంది? ఐటీ ఎగుమతులు ఏ విధంగా ఉన్నాయి?  హైటెక్ సిటీ నిర్మాణం ఎవరికోసం జరిగింది? ఎవరికి మేలు జరిగింది? ఎవరి జేబులు నింపింది? చంద్రబాబు నాయుడి   హయాంలో ఐటి ఎగుమతులు దేశం మొత్తంతో పోలిస్తే  6 శాతం ఉన్నాయి. చంద్రబాబు నాయుడి తర్వాత 2004 లో అధికారంలోకి వచ్చిన  దివంగత మహానేత డాక్టర్ వైఎస్ రాజశేఖర రెడ్డి  పాలనలో  అవే ఐటీ ఎగుమతులు  15  శాతానికి పెరిగాయి. అంటే  రెండున్నర రెట్లు పెరిగాయి. చంద్రబాబు చెప్పుకునే ఐటీ జమానా కన్నా  250 శాతం ఎక్కువ. మరో ముఖ్య విషయం ఏమిటంటే చంద్రబాబుకు ముందు మన రాష్ట్రం ఐటి ఎగుమతులలో మూడవ స్థానంలో ఉండేది. ఆయన హయాం వచ్చేసరికి 4వ స్థానానికి దిగజారింది. వాస్తవాలు ఇలా ఉంటే ఐటి రంగాన్ని అభివృద్ధి చేసింది తానేనన్న భ్రమలో ఆయన ఉంటారు.  ఐటీ ఛాంపియన్ని తానేనని చెప్పుకుంటుంటారు. ప్రజలను నమ్మించడానికి,  వారి చెవిలో క్యాబేజీ పువ్వు పెట్టడానికి ప్రయత్నిస్తుంటారు.  చీటికీ మాటికీ హైటెక్ సిటీ తానే కట్టించానని  అరిగిపోయిన గ్రామ్ ఫోన్ రికార్డులా చెబుతూనే ఉంటారు.
 
 హైటెక్  సిటీ నిర్మాణం వెనుక మతలబు: హైటెక్ సిటీ నిర్మాణం వల్ల చంద్రబాబు సామాజిక వర్గానికి చెందిన ప్రముఖులు లబ్దిపొందినట్లు ఒక పరిశోధనలో తేలింది. ఆ విషయాన్ని మాత్రం చంద్రబాబు ఎక్కడా బయటపెట్టారు. లండన్ ఎకనామిక్ స్కూల్కు చెందిన ప్రొఫెసర్ దలేల్ బెన్బాబాలి అనే విదేశీ మహిళ తన పిహెచ్డి కోసం ఈ హైటెక్ సిటీ నిర్మాణంపై  పరిశోధన చేశారు. చంద్రబాబు నాయుడు తన సామాజిక వర్గానికి చెందిన వారు ఎక్కువగా ఉండే  జూబిలీ హిల్స్, కెపిహెచ్బి ప్రాంతాలకు  దగ్గరలోనే  హైటెక్ సిటీ కట్టించారని తెలిపారు. తన సామాజిక వర్గానికి చెందిన ఆస్తుల విలువలు ఆమాంతం పెరిగేందుకు చంద్రబాబు దోహద పడ్డారని   పేర్కొంది.
 
 హైటెక్ సిటీలో రాష్ట్ర వాటా కేవలం 18 శాతమే. స్థలం మనదే అయినా అంత తక్కువ వాటా ఉండడానికి కారణాలు వేరే ఉన్నాయి. హై టెక్ సిటీ నిర్మాణాన్ని చంద్రబాబు నాయుడు ఎల్ అండ్ టి కంపెనీకి అప్పగించారు.  వారితో జరిగిన ఒప్పందంలో భాగంగా 40 నుంచి 50 శాతం వరకు ఉండవలసిన  మన వాటాను 18 శాతానికే తగ్గించారు. దానికి ప్రతిఫలంగా ఎల్ అండ్ టి సంస్థ  తెలుగుదేశం పార్టీ రాష్ట్ర కార్యాలయమైన ఎన్టీఆర్ ట్రస్ట్ భవన్ను ఉచితంగా నిర్మించి ఇచ్చిందన్న  ఆరోపణలు ఉన్నాయి.   హై టెక్ సిటీ  నిర్మాణంలో బోలెడు అవకతవకలు జరిగాయని  అప్పట్లో శాసనసభలో  విపక్షాలు విరుచుకు పడ్డాయి. లెక్కకు మించి అవినీతి జరిగిందని విమర్శలు వెల్లువెత్తాయి.
 
 అలాగే హై టెక్ సిటీ చుట్టూ పక్కల భూములను చంద్రబాబు సూచన మేరకే సినీనటుడు  మురళీ మోహన్ ముందుగానే  కొని కోట్లకు పడగలెత్తారన్న ఆరోపణలు కూడా ఉన్నాయి. మురళీ మోహన్  రియల్ ఎస్టేట్ వ్యాపారంలో చంద్రబాబు కూడా వాటాదారుడని అప్పట్లో అసెంబ్లీలోనే అన్ని ప్రతిపక్షాలు  ఆరోపించాయి. అయితే పుంఖాను పుంఖాలుగా వెల్లువెత్తిన ఈ ఆరోపణలను చంద్రబాబు నాయుడు  కానీ, ఆయన అనుచరులు కానీ, ఆయన హయాం నాటి అధికారులు కానీ ఏనాడూ ఖండించ లేదు. హై టెక్ సిటీ  నిర్మాణంలో జరిగిన గోల్ మాల్ ఆరోపణలకు వివరణ కూడా ఇవ్వలేదు. సొంత లాభం కొంత చూసుకుని హై టెక్ సిటీ నిర్మించిన చంద్రబాబు అదేదో జాతి ప్రయోజనాల కోసమే కంకణం కట్టుకున్నట్లు చెప్పడం విడ్డూరంగా ఉందని ఐటీ రంగ నిపుణులు ముక్కున వేలేసుకుంటున్నారు.
 
 పిలిచి పిల్లనిచ్చి పెళ్లి చేసి, పార్టీలో పదవి నిచ్చి ప్రోత్సహించిన ఎన్టీఆర్ నుంచి పదవినీ, పార్టీనీ లాక్కున్న చంద్రబాబు నాయుడు అడ్డగోలు విధానాలతో  పార్టీ పేరును చెడగొడుతున్నారని తెలుగు తమ్ముళ్లు మనస్తాపం చెందుతున్నారు. ఇంత చేసిన చంద్రబాబుకు మళ్లీ అధికారం అప్పగిస్తే ఏం చేస్తారో తమకు తెలుసని పలువురు అంటున్నారు.


 కంప్యూటర్‌పై బిజీగా పనిచేస్తూ మధ్యమధ్యలో వేరే పనిమీద పక్కకు వెళ్లటం సర్వసాధారణం. కానీ, అదే సమయంలో అదనుచూసి కొందరు మన కంప్యూటర్‌ను దుర్వినియోగం చేస్తుం టారు. అలాంటి వారికి చెక్ పెట్టేదే ఈ కొత్తరకం ‘నియోఫేస్ మానిటర్’. మనం పక్కకు వెళ్లగానే ఆటోమేటిక్‌గా కంప్యూటర్ లాక్ అయిపోతుంది. మళ్లీ కంప్యూటర్ మానిటర్ ఎదురుగా మన ముఖం ఉన్నపుడు మాత్రమే అన్‌లాక్ అవుతుంది. ఈ కొత్త తరహా బయోమెట్రిక్ సెక్యూరిటీ సిస్టమ్‌ను జపాన్‌కు చెందిన ఎలక్ట్రానిక్ సంస్థ ‘నెక్’ తయారు చేసింది. మంగళవారం టోక్యోలో కంపెనీ ఈ వినూత్న టెక్నాలజీని ఆవిష్కరించింది.


 మారుమూల ప్రాంతాలకు వెళ్లనక్కర్లేదు
 పక్క పంచాయతీ లేదా  నియోజకవర్గంలో విధులు
 
  విశాఖ రూరల్, న్యూస్‌లైన్ : వరుస ఎన్నికలతో కలవరపడుతున్న మహిళా ప్రభుత్వ ఉద్యోగులకు స్వల్ప ఊరట. ఈ సారి ఎన్నికల్లో మహిళా ఉద్యోగులు మారుమూల ప్రాంతాలకు వెళ్లే అవకాశం ఉండవని అధికారులు చెబుతున్నారు. మే నెల వరకు వరుసగా మున్సిపల్, జెడ్పీటీసీ, సాధారణ ఎన్నికలు జరగనున్నాయి. మున్సిపల్ ఎన్నికలకు సుమారు 5 వేల మంది, జెడ్పీటీసీ, ఎంపీటీసీలకు 13 వేల మంది, సాధారణ ఎన్నికలకు 25 వేల మంది వరకు ఉద్యోగులను ఎన్నికల విధులకు వినియోగించనున్నారు. ఇప్పటికే ఉద్యోగుల వివరాలను అధికారులు సేకరించి కంప్యూటర్‌లో నిక్షిప్తం చేశారు.
 
  ప్రస్తుత ఎన్నికల్లో మహిళలకు మాన్యువల్ పద్ధతిలోనే విధులను అప్పగించే అవకాశాలు ఉన్నాయి. దీనిపై ఎన్నికల సంఘం కూడా కొన్ని మార్గదర్శకాలు చేసింది. దాని ప్రకారం మహిళ ఉద్యోగులకు కొంత ఉపశమనం కలగనుంది. నగర పరిధిలో ఉద్యోగం చేస్తున్న మహిళలు సొంత నియోజకవర్గానికి కాకుండా పక్క నియోజకవర్గాలకు, జిల్లాలో ఉద్యోగం చేస్తున్న మహిళలు సొంత గ్రామం కాకుండా చుట్టుపక్కల ప్రాంతాల్లో విధులను అప్పగించనున్నారు.
 మాన్యువల్ పద్ధతిన ఈ ప్రక్రియను పూర్తి చేయాలా లేదా సాఫ్ట్‌వేర్ ద్వారా చేయాలన్న విషయంపై అధికారులు ఆలోచనలు చేస్తున్నారు. ఈ ప్రక్రియకు సంబంధించిన సాఫ్ట్‌వేర్ సిద్ధంకాని పక్షంలో మాన్యువల్ పద్ధతిలోనే మహిళా ఉద్యోగులకు విధులను అప్పగించనున్నారు. అనంతరం వీరికి శిక్షణ కార్యక్రమాలు నిర్వహించనున్నారు.


 ఈ ఫొటోల్లో మహిళ హావభావాలు చూస్తున్నారు కదా. ఇంతకూ ఏ ఫొటోలో ఆమె నిజంగా నొప్పితో బాధపడుతోందో చెప్పగలరా? మొదటి చిత్రం మీ సమాధానమైతే తప్పులో కాలేసినట్లే. ఎందుకంటే ఈమె నిజంగా నొప్పితో బాధపడుతున్న చిత్రం రెండోది. అందుకే.. నొప్పి ఉన్నట్లు నటించేవారిని 85% కచ్చితత్వంతో గుర్తుపట్టే ఓ కంప్యూటర్ వ్యవస్థను టొరాంటో, కాలిఫోర్నియా వర్సిటీల శాస్త్రవేత్తలు రూపొందించారు. నొప్పితో బాధపడుతున్నవారి కనుబొమ్మలు ఎలా ముడుచుకున్నాయి? కళ్లకింద కండరాలు ఎలా బిగుసుకున్నాయి? పెదాలు, దవడలు, బుగ్గల ఆకారాలు ఎలా మారాయి? వంటి అంశాలను పసిగట్టి అది నిజమైన నొప్పా? నటనా? అన్నది ఈ కంప్యూటర్ తేలుస్తుందట.


 మునుగోడు, న్యూస్‌లైన్ : మారుతున్న కాలానికి అనుగుణంగా అవసరమైన కంప్యూటర్ పరిజ్ఞానాన్ని తమ సంస్థ ద్వారా నిరుపేదలకు అందించేందుకు శిక్షణ కేంద్రాలను ఏర్పాటు చేశామని వీటిని సద్వినియోగం చేసుకొవాలని సాయి ఓరల్ హెల్త్ ఫౌండేషన్ వ్యవస్థాపకుడు ఏఎస్ నారాయణ కోరారు.
  
  పది రోజుల క్రితం స్థానిక ప్రాథమిక పాఠశాలలో సంస్థ ద్వారా ఏర్పాటుచేసిన కంప్యూటర్ శిక్షణ కేంద్రాన్ని శనివారం ఆయన పరిశీలించారు. కేంద్రంలో శిక్షణ పొందుతున్న వారిని పలు విషయాలు అడిగి తెలుసుకున్నారు. అనంతరం  ఆయన మాట్లాడుతూ పేదకుటుంబాలకు చెందిన యువతకు తమ సంస్థ ద్వారా సాయం అందిస్తామన్నారు. ఆయన వెంట శిక్షణ శిబిరం నిర్వాహకుడు హరిప్రసాద్, ఇన్‌స్ట్రక్టర్ వనజ తదితరులు ఉన్నారు.
  


 15 ఏళ్ల కుర్రాడి ఆవిష్కరణ
  
 ఎంతో కష్టపడి కంప్యూటర్‌పై దాచుకున్న వీడియోలు, ఫొటోలు, సమాచారం ఉన్నట్టుండి పోతే ఎలా ఉంటుంది? మహా ఇబ్బంది పడిపోతాం. బాధపడతాం కూడా. కారణమేదైనా పీసీ తరచూ క్రాష్ అవుతున్నా మనది ఇదే పరిస్థితి. ఇలాంటి ఇబ్బందులేవీ లేకుండా పోతే భలే ఉంటుంది కదూ..! అచ్చంగా ఇదే ఆలోచన చేశాడు అసోంలోని హాథీగావ్‌కు చెందిన 15 ఏళ్ల అఫ్రీద్ ఇస్లాం అంతేకాదు... ఈ చిక్కుముడులన్నింటినీ తొలగించే సరికొత్త పీసీ ‘రెవోబుక్’ను తయారు చేసి చూపించాడు కూడా.
  
 కంప్యూటర్ క్రాష్ అయ్యేందుకు లేదా సమాచారం నష్టపోయేందుకు అనేక కారణాలు ఉంటాయి. కదిలే భాగాలున్న హార్డ్‌డిస్క్ కూడా ఈ కారణాల్లో ఒకటి. ఎలక్ట్రానిక్ పద్ధతిలో సమాచారాన్ని స్టోర్ చేసుకునే ఎస్‌డీ కార్డులతోనూ ఈ సమస్య ఉంటుంది. ఈ విషయాన్ని గుర్తించిన ఇస్లాం హార్డ్‌డిస్క్ అన్నదే లేకుండా సరికొత్త కంప్యూటర్ వ్యవస్థను తయారు చేశాడు.
 
 కంప్యూటర్‌ను నడిపించేందుకు అవసరమైన మైక్రోప్రాసెసర్‌లోనే ఆపరేటింగ్ సిస్టమ్‌తోపాటు మెమరీకి కూడా ఏర్పాట్లు చేయడం ద్వారా ఇది సాధ్యమైంది. సంప్రదాయ మెమరీ పరికరాలు షాక్‌కు, అయస్కాంత క్షేత్ర ప్రభావానికి లోనైనా అందులోని సమాచారం ఎగిరి పోయే అవకాశముంటుందని, మైక్రోచిప్‌లో కదిలే భాగాలేవీ లేకపోవడం, అయస్కాంత క్షేత్ర ప్రభావానికి అందకపోవడం వల్ల తన కొత్త పీసీ వ్యవస్థలో సమాచార నష్టమన్నది దాదాపుగా ఉండదని అఫ్రీద్ అంటున్నాడు.
 
 హైబ్రిడ్ ఆపరేటింగ్ సిస్టమ్..
  
 మనం సాధారణంగా విండోస్, మ్యాకింతోష్, లినక్స్ ఆపరేటింగ్ సిస్టమ్‌లను ఉపయోగిస్తూంటాం. వేటికవి ప్రత్యేకం. అఫ్రీద్ మాత్రం ఈ మూడు ఆపరేటింగ్ సిస్టమ్స్‌లోని మంచి లక్షణాలను ఒకచోటకు చేర్చి ‘రి వో 9’ పేరుతో సరికొత్త ఆపరేటింగ్ సిస్టమ్‌ను అభివృద్ధి చేశాడు. మిగిలిన వాటితో పోలిస్తే ఈ ఆపరేటింగ్ సిస్టమ్ వేగం చాలా ఎక్కువగా ఉంటుందని, ఫైర్‌వాల్ కూడా ఇందులోనే ఉండటం వల్ల మరింత సమర్థంగా పనిచేస్తుందని తెలుస్తోంది. మూడేళ్ల క్రితమే తాను ఈ కొత్త కంప్యూటర్ వ్యవస్థ రూపకల్పనకు ప్రయత్నాలు మొదలుపెట్టానని అఫ్రీద్ తెలిపారు. పేటెంట్ కోసం దాఖలు చేసిన సమాచారాన్ని చూసిన ఓ జర్మన్ కంపెనీ తన పద్ధతులతో కంప్యూటర్ తయారీకి ముందుకొచ్చిందని తెలిపారు. తగిన ఆర్థిక వనరులు సమకూరిస్తే రివోబుక్‌ను అందరికీ అందుబాటులోకి తెచ్చేందుకు ప్రయత్నిస్తానన్నాడు.
  


 ఆఫీసుకెళితే కంప్యూటర్...
  ఆఫీసు పనులే
  ఇంట్లో చేసుకోవాలనుకుంటే...
  ల్యాప్‌టాప్. లేదంటే టాబ్లెట్.
  బంధు మిత్రులతో మాట్లాడుకోవాలంటే...
  స్మార్ట్ ఫోన్.
  ఆధునిక యుగంలో ఇదీ టెక్నాలజీ ట్రెండ్.
  ఇవేవీ లేకుండా...
  మీ చేతిలో ఇమిడిపోయే ఓ చిన్న గాడ్జెట్
  అవసరాన్నిబట్టి తన రూపాన్ని,
  పనితీరును మార్చుకుంటే...?
  ఐసీఈ ఎక్స్‌పీసీ చేసేది కూడా అచ్చంగా ఇదే!
  
 సామర్థ్యం విషయంలో స్మార్ట్‌ఫోన్లకు, కంప్యూటర్లకు మధ్య అంతరం గణనీయంగా తగ్గిపోతోంది. ఏకంగా 2.3 గిగాహెర్ట్జ్ క్లాక్‌స్పీడ్‌తో పనిచేసే ప్రాసెసర్లతో కూడిన స్మార్ట్‌ఫోన్లు ఇప్పుడు అందుబాటులోకి వచ్చేశాయి. గిగాబైట్ల మెమరీ కూడా సిమ్‌కార్డు సైజుకు పడిపోయింది. ఈ నేపథ్యంలో ఒక ఆల్ ఇన్ వన్ మాడ్యులర్ పీసీ ఉంటే ఎలా ఉంటుందన్న ఆలోచనకు రూపమే ఈ ఐస్ ఎక్స్‌పీసీ. చూసేందుకు ఇది స్మార్ట్‌ఫోన్ సైజులోనే ఉంటుందిగానీ... కంప్యూటింగ్ సామర్థ్యం విషయంలో ల్యాప్‌టాప్, డెస్క్‌టాప్‌లకు ఏమాత్రం తీసిపోదు.
  
 ఏముంటాయి?
 
 ఎక్స్‌పీసీలో అత్యాధునిక ఎక్స్86 సీపీయూ ఉంటుంది. దీంతోపాటు రెండు నుంచి నాలుగు గిగాబైట్ల ర్యామ్, వైఫై, బ్లూటూత్ కనెక్టివిటీ, కెమెరా, ఆక్సిలరోమీటర్, గైరో సెన్సర్ ఉంటాయి. అవసరాన్ని బట్టి 32 గిగాబైట్ల నుంచి 128 గిగాబైట్ల వరకూ మెమరీని పెంచుకోవచ్చు.  వంద గ్రాముల బరువు కూడా చేయని ఈ మాడ్యులర్ పీసీని చిన్నచిన్న పరికరాల సాయంతో ఎక్కడైనా వాడుకోవచ్చు.
  
 డెస్క్‌టాప్ పీసీగా...
 
 ఎక్స్‌ప్యాడ్ అనే పరికరంలోకి దీన్ని జొప్పించాల్సి ఉంటుంది. ఎక్స్‌ప్యాడ్‌కు టీవీ మానిటర్‌ను, కీబోర్డును కలుపుకుని పీసీలా, లేదంటే ఆధునిక గేమింగ్ కన్సోల్‌గా మార్చుకోవచ్చు.
  
  టాబ్లెట్‌గా...
 
  చాలా సింపుల్. ఎక్స్‌ప్యాడ్ పేరుతో ఐసీఈ కంపెనీ ప్రత్యేకంగా అభివృద్ధి చేసిన ఎక్స్‌ప్యాడ్‌ను వాడాలి. 10.1 అంగుళాల డిస్‌ప్లే ఉన్న ఈ టాబ్లెట్ మానిటర్ వెనుకభాగంలో ఎక్స్‌పీసిని జొప్పించేందుకు ఒక ఏర్పాటు ఉంటుంది. ఎక్స్‌పీసిని ఈ స్లాట్‌లోకి జొప్పిస్తే చాలు. టచ్‌స్క్రీన్ టెక్నాలజీతో పనిచేసే టాబ్లెట్ రెడీ!
  
  ఎక్స్‌పీసీ కీబోర్డు, స్టాండ్
 
  ఐసీఈ కంపెనీ అభివృద్ధి చేసిన మరో పరికరం కీబోర్డు. పీసీకైనా, టాబ్లెట్‌కైనా ఈ కీబోర్డు పనికొస్తుంది. కీబోర్డునే టాబ్లెట్ కోసం స్టాండ్‌గానూ వాడుకోవచ్చు.
  


 కొండపాక /నర్సాపూర్ రూరల్, న్యూస్‌లైన్ : విద్యుత్ షార్ట్ సర్క్యూట్ కారణంగా జిల్లాలో ఆదివారం రెండు చోట్ల విలువైన వస్తువులు దగ్ధమయ్యాయి. వివరాల్లోకి వెళితే.. కొండపాక మండలం  కుకునూర్‌పల్లిలో ఆదివారం ఉదయం 10 గంటల ప్రాంతంలో గ్రామంలోని ఒక ట్రాన్స్‌ఫార్మర్ మీదగా వెళ్లిన వైర్లు కాలి ఒకదానికి ఒకటి అతుక్కుపోయి షార్ట్ సర్క్యూట్ ఏర్పడింది. దీనికి కారణంగా  స్థానిక ఏపీజీవీబీ (ఆంధ్రప్రదేశ్ గ్రామీణ వికాస్ బ్యాంక్)లో కంప్యూటర్, ప్రింటర్, కౌంటింగ్ మిషన్ల తగలబడుతుండడంతో బయటికి పెద్ద ఎత్తున పొగలు వచ్చాయి.
 
 ఆదివారం సెలవు కావడంతో ఇరుగురు పొరుగువారు గమనించి బ్యాంక్ వాచ్‌మన్ జలీల్‌ను సమాచారం అందించారు. ఆయన వచ్చి తాళాలు తీసి స్థానికుల సాయంతో మంటలను ఆర్పేశారు. గ్రామస్తుల సమాచారం మేరకు బ్యాంక్ మేనేజర్ ఉదయ్, ఫీల్డ్ ఆఫీసర్ శ్రీనివాస్‌లు బ్యాంక్‌కు చేరుకుని జరిగిన సంఘటనపై ఆరా తీశారు. విషయాన్ని ఉన్నతాధికారులకు తెలియజేస్తామని ఈ సందర్భంగా వారు తెలిపారు.
 
 అదేవిధంగా కుకునూర్‌పల్లి పీహెచ్‌సీతో సహా కొన్ని ఇళ్లల్లో మీటర్‌తో పాటు వైర్లు కాలి బూడిదయ్యాయి.  గ్రామంలో మొత్తం 20 టీవీల వరకు కాలిపోయినట్లు సర్పంచ్ ఐలంయాదవ్ తెలిపారు. ఈ సంఘటనపై బ్యాంక్ అధికారులు కుకునూర్‌పల్లి స్టేషన్‌కు ఫిర్యాదు చేశారు. కేసు నమోదు చేసి విచారణ చేయనున్నట్టు ఎస్‌ఐ యాదిరెడ్డి తెలిపారు.
 
  రాంచంద్రాపూర్‌లో.. షార్ట్ సర్క్యూట్ కారణంగా నర్సాపూర్ మండలం రామచంద్రాపూర్‌కు చెందిన కుమార్ ఇంట్లో ఆదివారం టీవీ, సెల్‌ఫోన్‌కు సంబంధించిన చార్జీలు కాలిపోయాయి. ఈ సందర్భంగా బాధితులు మాట్లాడుతూ ఏడాది కాలంగా గ్రామంలో తరుచూ షార్ట్ సర్క్యూట్ కారణంగా ఫ్యాన్లు, టీవీలు, ఇతర ఎలక్ట్రానిక్ వస్తువులు కాలిపోతున్నట్లు తెలిపారు. ఇళ్లలో స్విచ్ ఆఫ్ చేసినా కరెంట్ సరఫరా అవుతోందన్నారు. దీని కారణంగా నష్టం వాటిళ్లుతున్నటుల బాధితుడు తెలిపారు.


 గూడూరు, న్యూస్‌లైన్: విద్యార్థులకు సులభంగా పాఠాలు అర్థమయ్యేలా బోధించేందుకు ప్రభుత్వం కంప్యూటర్ ఆధారిత విద్యను ప్రవేశ పెట్టింది. ఈ పథకం అమలుకు లక్షలాది రూపాయలు వెచ్చించి ప్రాథమికోన్నత పాఠశాలల ఉపాధ్యాయులకు శిక్షణ ఇచ్చారు. కొన్ని పాఠశాలల్లో కంప్యూటర్ల ప్యాకింగ్‌లను తీసిన దాఖలాలు కూడా లేవు. కొన్ని పాఠశాలల్లో వాడిన కొంత కాలానికే కంప్యూటర్లు మరమ్మతులకు వచ్చాయి. వీటిని పట్టించుకునేవారే కరువయ్యారు. దీంతో కంప్యూటర్ ఆధారిత విద్య మిథ్యగా మిగిలిపోతోంది. 2009లో జిల్లాలో 131 ప్రాథమికోన్నత పాఠశాలల్లో క్యాల్ ప్రోగ్రామ్ (కంప్యూటర్ ఆధారిత విద్య)ను ప్రవేశపెట్టారు. విద్యార్థులకు బోధించాల్సిన పాఠ్యాంశాలను కంప్యూటర్‌లో పొందుపరచి ఉంటారు.
  
  ఆ తరగతి ఉపాధ్యాయుడు చెప్పిన పాఠాన్ని కంప్యూటర్ ద్వారా మళ్లీ విశదీకరించడం, ఆ పాఠ్యాంశంలో ఉన్న ప్రశ్నలకు సమాధానం చెప్పడం తదితర విషయాలను కంప్యూటర్ ద్వారా నేర్పడమే ఈ కంప్యూటర్ ఆధారిత విద్య లక్ష్యం. ప్రాథమికోన్నత పాఠశాలల్లో పనిచేసే ప్రతి ఒక్కరికీ 12 రోజులపాటు లక్షలు వెచ్చించి శిక్షణ ఇచ్చారు. గూడూరు రూరల్ మండలంలోని తిరువెంగలాయపల్లిలో కంప్యూటర్ల ప్యాకింగ్‌లను తెరిచిన పాపానపోలేదు. కొన్ని స్కూళ్లలో మరమ్మతులకు వచ్చిన కంప్యూటర్ల గురించి పట్టించుకునే వారు లేకపోవడంతో లక్ష్యం నెరవేరడం లేదు.
  
  మరమ్మతులకు వచ్చి ఏడాదైంది :
  మా పాఠశాలకు ఇచ్చిన కంప్యూటర్లు మరమ్మతులకు గురై ఏడాది పైనే అయింది. వాటిని రిపేరు చేసే వారే లేరు. దీంతో విద్యార్థులకు కంప్యూటర్ ఆధారిత విద్యను అందించలేకున్నాం.
  - బాబు, ఉపాధ్యాయుడు, చవటపాళెం
  
  సులభంగా అర్థమయ్యేవి :
  చెప్పిన పాఠాలను కంప్యూటర్ ద్వారా తిరిగి తెలుసుకోవడం ద్వారా సులభంగా అర్థమయ్యేవి. ప్రస్తుతం అవి రిపేరు కావడంతో మాకు కంప్యూటర్ ద్వారా పాఠాలు వినలేకున్నాం.            
 - మహేశ్వరి, భార్గవి
  
  వెంటనే మరమ్మతులు చేయించాలి :
  మరమ్మతులకు గురైన కంప్యూటర్లను వెంటనే తయారు చేయించాలి. గతంలో కంప్యూటర్లు ద్వారా పాఠాలు సులభంగా అర్థమవుతుండేవి. ప్రస్తుతం కంప్యూటర్ ద్వారా పాఠాలు నేర్చుకోలేకున్నాం. అధికారులు స్పందించి వెంటనే మరమ్మతులు చేయించాలి.
  - వినోద్, శ్రీను
  
  2నాలుగు పంచాయతీలు ఏకగ్రీవం
  నెల్లూరు(టౌన్), న్యూస్‌లైన్: జిల్లాలో గత ఎన్నికలలో జరుగకుండా ఆగిన సర్పంచ్ పదవులకు ప్రస్తుతం ఎన్నికలు జరుగబోతున్నాయి. 7 పంచాయతీలకు, 63 వార్డులకు జిల్లాలో ఎన్నికలు జరగాల్సి ఉండగా శుక్రవారం నామినేషన్‌ల ఉపసంహరణ అనంతరం పెనుబల్లి, ఆర్వీటీ కిస్తీపురం, రామచంద్రాపురం, కొత్తపల్లి పంచాయతీలు ఏక గ్రీవం అయినట్టు పంచాయతీ అధికారులు ప్రకటించారు.
  
  ఏఎస్‌పేట మండలంలోని పెద్దబ్బీపురం గ్రామంలో మాత్రం పోటీ నెలకొంది. మరో రెండుగ్రామాలైన రంగనాధపురం, ముంగలదొరువు పంచాయతీలలో రిజర్వు చేసిన ఓటర్లు లేకపోవడంతో ఒక్క నామినేషన్ కూడా దాఖలు కాలేదు. ఇక్కడ ఉప సర్పంచ్ పంచాయతీ సర్పంచ్‌గా వ్యవహరిస్తున్నారు. ఇక 63 వార్డుసభ్యులకు గాను 48 వార్డులు ఏకగ్రీవమయ్యాయి. రెండు వార్డులకు నామినేషన్‌లు దాఖలు కాలేదు. మిగిలిన 13 వార్డులకు ఎన్నికలు జరుగనున్నాయి.
  


 మనం నిటారుగా నిలబడి ఉండటానికి కారణమైన ప్రధాన అవయవం ‘వెన్ను’. అందుకే మన జాతీయాల్లోనూ, నుడికారాల్లోనూ ఒకరిపై ఆధారపడకుండా మనకై మనమే జీవించడానికి ప్రతీకగా ‘వెన్నెముక’ను పేర్కొంటుంటారు. అందుకే స్వతంత్రంగా వ్యవహరించని వాళ్లకు ‘వెన్నెముక’ లేదంటుంటారు. ప్రధానమైన వ్యవసాయ వృత్తిలో ఉన్న రైతును దేశానికి వెన్నెముకగా అభివర్ణిస్తారు. అంత ప్రధానమైన ఈ వెన్నుకు వచ్చే బాధలను తెలుసుకుందాం...
  
 మన కాళ్లపై మనం  ఉండటానికి దోహదపడే ఈ వెన్నెముక పుర్రె చివర నుంచి మొదలై, నడుం కింది వరకు ఉంటుంది. మెదడు చివరి భాగం (మెడుల్లా అబ్లాంగేటా) నుంచి నడుం వరకు ఉండే వెన్నుపాముకు రక్షణకవచంలా ఒకదానినొకటి లింకుల్లా ఏర్పడి 32 నుంచి 34 వెన్నుపూసలు ఒక వెన్నెముకగా ఉంటాయి. దీన్నే స్పైన్ అంటారు. ఇందులో మెడ భాగంలో ఏడు (సర్వైకల్), ఛాతి, కడుపు భాగంలో పన్నెండు (థోరాసిక్), నడుం భాగంలో ఉండేవి ఐదు (లంబార్), మిగతావి ఒకదాంతో మరోటి కలిసిపోయి ఉండే శాక్రల్ ఎముకలు. కాక్సిక్ అనేది చివరన తోకలా ఉండే ఎముక. వీటిల్లో ఏ భాగానికి నొప్పి వచ్చినా దాన్ని వెన్నునొప్పిగానే పేర్కొంటారు. ఇక వెన్నెముకలోని 32-34 ఎముకల్లో... ప్రతి దాని మధ్య నుంచి ఒక్కోనరం చొప్పున మొత్తం 31 నరాలు బయటకు వస్తాయి. వెన్నుపూసల అరుగుదల వల్ల ఈ నరాలపై ఏమాత్రం ఒత్తిడి పడ్డా నొప్పి వస్తుంది. వెన్నెముక నొప్పుల్లో రకాలను చూద్దాం.
  
  మెడనొప్పి: మెడ భాగంలో ఉండే వెన్నెముకలను సర్వైకల్ పూసలు అంటాం కదా, అవి అరగడం వల్ల వచ్చే నొప్పిని ‘సర్వైకల్ స్పాండిలోసిస్’ అంటారు. మెడనొప్పికి ముఖ్యకారణం ఇదే. తలపై బరువులు మోసేవారికి, కంప్యూటర్ దగ్గర ఎక్కువ సమయం పనిచేసే వారికి, డ్రైవింగ్ చేసేవారికి ఎక్కువగా వస్తుంది. స్త్రీలలో ఎక్కువగా కనిపిస్తుంది. ముఖ్యంగా కంప్యూటర్‌పై పనిచేసే వారిలో, రాతపని, కుట్లు, అల్లికలు చేసే వారిలో ఈ సమస్య ఎక్కువగా కనిపిస్తుంది. వెన్నెముకలోని ఎముక భాగాలు అరిగిపోవడం దీనికి ప్రధాన కారణం. వయసు పైబడటం వల్ల ఎముక భాగాలు అరిగిపోతుంటాయి. స్త్రీలలో మెనోపాజ్ దశ వచ్చేసరికి కాల్షియం గ్రహించడం తగ్గిపోతుంది. దీనికితోడు కాల్షియం లభించే ఆహార పదార్థాలను తీసుకోకపోవడం వల్ల సమస్య తలెత్తుతుంది.
  
  ఈ సమస్య ఉన్నవారిలో నొప్పి మెడ నుంచి భుజం వరకు లేదా ఛాతి వరకు పాకుతుంది. ఈ నొప్పి కరెంట్ షాక్‌లా లేదా మంటపుట్టినట్టుగా ఉంటుంది. ఈ సమస్య ఉన్నప్పుడు తలతిరగడం, మెడ నొప్పి ఉంటుంది.
  
  నడుమునొప్పి: నడుం భాగంలోని వెన్నుపూసల్లో అరుగుదల వల్ల ఈ నొప్పి వస్తుంది. నొప్పి వచ్చే భాగాన్ని బట్టి పేర్లుంటాయి. వాటిలో స్పాండిలైటిస్, టెయిల్ పెయిన్, సయాటికా నొప్పి ముఖ్యమైనవి. లాంబార్ స్పాండిలైటిస్ కూర్చుని పనిచేసే వారికి, బరువులెత్తే వారిలో, నడుముకి దెబ్బలు తగిలిన వారిలో, మహిళల్లో కాన్పు తర్వాత వస్తుంటుంది. ఈ నొప్పి సూదులతో గుచ్చినట్టుగా, మంటగా ఉంటుంది.
 
  టెయిల్ పెయిన్: వెన్నుపూసల కిందిభాగంలో ఈ నొప్పి వస్తుంది. కూర్చున్నా, నిల్చున్నా నొప్పి ఎక్కువగా వస్తుంది. ఇది స్త్రీలలో ఎక్కువ.
  
  సయాటికా: సయాటికా అనేది కాలి భాగాన్ని బాధపెట్టే నాడీ సంబంధ నొప్పి. ఈ సమస్య ఎడమ లేదా కుడివైపు ఎక్కడైనా రావచ్చు. ఇది కూడా స్త్రీలలోనే ఎక్కువ. సయాటికా అనేది కాలిలోకి వెళ్ళే అతి పెద్ద నాడి. వెన్నెముకలోని వెన్నుపూసలు అరగడం వల్ల వాటి మధ్య ఉన్న కార్టిలేజ్ మీద ఒత్తిడి పడుతుంది. కార్టిలేజ్ మధ్యలో ఉండే సయాటికా నాడి ఒత్తిడికి లోనవుతుంది. దాంతో సయాటికా నాడి ఏయే భాగాలతో అనుసంధానించి ఉంటుందో ఆయా భాగాలలో నొప్పి  మొదలవుతుంది. ఆ బాధ కరెంట్ షాక్‌లా ఉండి నడవలేక, నిలబడలేక, కూర్చోలేక వర్ణనాతీతంగా ఉంటుంది.
  
  సయాటికా లక్షణాలు: సయాటికా సమస్యకు కొన్ని ప్రధాన లక్షణాలున్నాయి. ఇవి అన్ని సందర్భాలలోనూ అందరిలోనూ ఒకేసారి ఒకేలా కనిపించకపోవచ్చు. ముందుగా నొప్పి నడుములో ప్రారంభమై పిరుదులలోకి, అక్కడి నుంచి తొడల్లోకి, అక్కడి నుంచి పిక్కల్లోకి వ్యాపిస్తుంది, దగ్గినా, తుమ్మినా, ఎక్కువసేపు కూర్చున్నా సమస్య అధికం అవుతుంది.
  
  రెండు కాళ్ళలోనూ, ఒకే స్థాయిలో కాకుండా, ఏదో ఒక కాలిలో ఈ సమస్య తీవ్రంగా ఉంటుంది. తిమ్మిర్లు కూడా ఉండవచ్చు. సయాటికా నాడి ప్రయాణించే మార్గంలో అంటే కాలిలోనూ పాదంలోనూ ఉంటుంది. సూదులు గుచ్చినట్లుగా నొప్పి ఉంటుంది. కాలు, నడుము బిగుసుకుపోయినట్టు ఉంటుంది. కూర్చున్నా, నిలబడినా నొప్పిగానే ఉంటుంది.
  
  కారణాలు: అధిక బరువులు ఎత్తడం  కాళ్ళకు ఎత్తుమడమల చెప్పులు వాడడం  గతుకుల రోడ్లమీద తరచుగా ప్రయాణం చెయ్యాల్సిరావడం పోషకాహార లోపం, ముఖ్యంగా కాల్షియం లోపం దీర్ఘకాలిక దగ్గు, తుమ్ముల వల్ల నొప్పి తీవ్రం అవుతుంది. ఇవి గాక మరిన్ని వెన్ను సంబంధమైన నొప్పిలు కనిపిస్తాయి...
  
 హెర్నియేటెడ్ డిస్క్: ఎక్కువగా డ్రైవింగ్, కంప్యూటర్ వర్క్‌చేసే వారిలో ఈ సమస్య ఉంటుంది.
  
  స్టెనోసిస్, ఆస్టియో ఆర్థరైటిస్: ప్రాథమిక దశలో గురిస్తే ఈ సమస్యను త్వరగా అరికట్టవచ్చు.
  
  మెకానికల్ ఇంజ్యురీ:  సాధారణ అరుగుదలతో కాకుండా, ఏదైనా దెబ్బ తగలడం వల్ల వెన్నెముకకు భౌతికంగా గాయం అయి వచ్చే నొప్పిని మెకానికల్ ఇంజ్యూటరీ వల్ల వచ్చే నొప్పిగా పేర్కొంటారు.
  
  వెన్నునొప్పి నివారణా మార్గాలు: ఎక్కువసేపు కూర్చోవలసిన పరిస్థితి వచ్చినప్పుడు ఒకసారయినా లేచి ఐదు నిమిషాల పాటు అటూ ఇటూ తిరగాలి. బరువయిన వస్తువులను వంగి ఎత్తకూడదు. ఆహారపు అలవాట్లు, జీవనశైలిని మార్చుకోవాలి.
  
  హోమియోపతి చికిత్స: వెన్నునొప్పి, నడుము నొప్పికి హోమియో మందులో అద్భుతమైన ఔషధాలున్నాయి. నొప్పి నివారణ మాత్రల మాదిరిగా తాత్కాలిక ఉపశమనాన్ని అందించకుండా మూలకారణాన్ని తొలగించి నడుము నొప్పి నుంచి శాశ్వత విముక్తిని అందిస్తాయి. శరీరంలో సమసతుల్యతను కాపాడే విధంగా హోమియోపతి వైద్యం పనిచేస్తుంది. దీనితో డిస్క్ సమస్య, కార్టిలేజ్ సమస్యను శాశ్వతంగా నివారించవచ్చు. స్పాండిలైటిస్, స్టెనోసిన్, సయాటికా సమస్యలు ఇట్టే తొలగిపోతాయి. బ్రయోనియా, రస్టాక్స్, లెడంపాల్, హైపరికం వంటి మందులు వ్యాధి తీవ్రతను తగ్గించడంలోనూ, శాశ్వత పరిష్కారాన్ని చూపించడంలో ఉపయోగపడతాయి. దీనితో పాటు కొలోసింథ్, పల్సటిలా అన్న మందులు కూడా ఈ నొప్పుల విషయంలో ఆలోచించాల్సినవే.  నిపుణులైన వైద్యుల పర్యవేక్షణలో వైద్యం చేయించుకుంటూ పోషకాహారం, ఫిజియోథెరపి, యోగా క్రమబద్ధంగా చేయడం ద్వారా సయాటికా మొదలుకొని, అన్ని వెన్నునొప్పులనూ శాశ్వతంగా దూరం చేయవచ్చు.
  
  డాక్టర్ రవికిరణ్, ఎం.డి.
  (చికిత్సరత్న అవార్డు గ్రహీత)
  ప్రముఖ హోమియో వైద్యనిపుణులు
  మాస్టర్స్ హోమియోపతి,
  హైదరాబాద్‌లో దిల్‌సుఖ్‌నగర్, అమీర్‌పేట్, కూకట్‌పల్లి; విజయవాడ, కరీంనగర్,
  ph: 7842 106 106 / 9032 106 106
  


 నా వయసు 35. సాఫ్ట్‌వేర్ ఉద్యోగం చేస్తూ ఉంటాను. కంప్యూటర్ ముందు కూర్చున్నప్పుడు టెన్షన్ తెలియకుండా, చాక్లెట్లు, చ్యూయింగ్ గమ్‌లు నములుతుండటం అలవాటయింది. ఈ మధ్య నా స్నేహితులు నా నోటినుంచి దుర్వాసన వస్తోందని చెబుతున్నారు. ఏం చేయమంటారో సలహా ఇవ్వండి.
  - కృష్ణకౌశిక్, సికిందరాబాద్
  
 ఇది మీ ఒక్కరి సమస్యే కాదు. చాలామంది ఉద్యోగులకు ఎదురవుతున్న ఇబ్బందే. పని చేస్తున్నప్పుడు కొందరు చాక్లెట్లు, పిప్పరమెంట్లు, చ్యూయింగ్ గమ్ వంటివి నములుతూ ఉంటారు. వీటిలో ఉండే చక్కెర పదార్థాలు నోటి ఆరోగ్యంపై తీవ్రమైన ప్రభావాన్ని చూపిస్తాయి. సహజంగానే నోటిలో ఉండే బ్యాక్టీరియా ప్రమాద స్థాయిలో పెరిగిపోతుంది. దాంతో లాలాజలం పీహెచ్ వాల్యూలో ఆమ్లస్వభావం పెరిగిపోయి, సులభంగా పంటిజబ్బులు వస్తాయి. వీటిలో పళ్లు పుచ్చిపోవడం ఎక్కువగా జరుగుతుంది. పంటికి అతుక్కుపోయే ఆహార పదార్థాల వల్ల పళ్లసందుల్లో పాచి పేరుకుపోయి, చిగుళ్ల జబ్బులూ వస్తాయి. అందుకే బ్రష్ చేసినప్పుడు చిగుళ్ల నుంచి రక్తం కారడం వంటి సమస్యలు వస్తాయి.
  
 ఇటువంటి సమస్యలతో బాధపడేవారు చాలామంది అవగాహన లేకపోవడం వల్ల మార్కెట్‌లో దొరికే ఖరీదైన టూత్‌పేస్ట్‌లు వాడితే నోటి దుర్వాసన పోతుందనుకుంటారు. అలాగే మంచి బ్రష్‌లు వాడటం లేదా నోరు పుక్కిలించే మౌత్ వాష్‌లు, నోటిస్ప్రేలు వాడటం, మరికొందరయితే ఆయిల్ పుల్లింగ్ లాంటి సొంతవైద్యాలూ చేస్తూ ఉంటారు. అందరూ తెలుసుకోవలసింది ఒకటే... పైన చెప్పినటువంటి ఏ ప్రయత్నాల వల్లా నోటి దుర్వాసనను శాశ్వతంగా పోగొట్టలేరు.
 
 నోటి దుర్వాసన అనేది పళ్లు లేదా చిగుళ్ల జబ్బులకు సంబంధించిన ఒక లక్షణంగా చెప్పుకోవచ్చు. దీనికి సరైన చికిత్స జరగాలే తప్ప మరే ప్రయత్నాలూ ఫలించవు. అదే సమయంలో ఎక్కువ కాలం నిర్లక్ష్యం మంచిది కాదు. ఒకవేళ చిగుళ్ల జబ్బులు ఉండి ఉంటే నిర్లక్ష్యం వల్ల జబ్బు మరింత పెరిగి, చిన్న వయసులోనే పళ్లు వదులయ్యే పరిస్థితి ఏర్పడుతుంది. మీరు వెంటనే స్పెషలిస్టును కలిసి, వారి సలహా మేరకు చికిత్స చేయించుకోవడం మంచిది.
  
  డాక్టర్ పార్థసారథి
  కాస్మటిక్ డెంటల్ సర్జన్,  పార్థా డెంటల్, హైదరాబాద్
  


 కొత్త సంవత్సరం శుభాకాంక్షలు తెలుపుకోవాలంటే ఒకప్పుడు.. దూర ప్రాంతాల్లో ఉన్న వారికి వారం రోజుల ముందే గ్రీటింగ్‌కార్డులు కొనుగోలు చేసి పోస్ట్‌లో పంపేవారం. దగ్గరి ప్రాంతాల్లో ఉన్న వారికి స్వయంగా వెళ్లి గ్రీటింగ్ కార్డు అందజేసి శుభాకాంక్షలు చెప్పేవారం. కానీ.. ఇప్పుడు ట్రెండ్ మారింది.
  
  ఆధునికత కొత్త పుంతలు తొక్కుతోంది. అందుబాటులోకి వచ్చిన సాంకేతిక విప్లవాన్ని జిల్లావాసులు అందిపుచ్చుకుంటున్నారు. ఇంకేముంది క్షణాల్లో విషెష్ వారి దరి చేరుతున్నారుు. గ్రామం, మండలం, జిల్లా, రాష్ట్రం దాటి ఇతర దేశాలకూ తమ సందేశాలను పంపిస్తున్నారు. లాప్‌టాప్ నుంచి కంప్యూటర్.. కంప్యూటర్ నుంచి అరచేతిలో ప్రపంచాన్ని చూపే ఆన్‌డ్రారుుడ్ ఫోన్ల వరకూ అందుబాటులోకి వచ్చారుు. ఇంకేముంది యువత మాత్రమే కాదు.. వయో పరిమితి లేకుండా ఎవరుపడితే వారు ఈ సాంకేతికతను సద్వినియోగం చేసుకుంటున్నారు.
  - న్యూస్‌లైన్, భువనగిరి
  
  ఎస్‌ఎంఎస్ ద్వారా న్యూ ఇయర్ గ్రీటింగ్స్..
  బడికి వెళ్లే పిల్లవాడితోపాటు పండు ముదుసలి వరకు నేడు సెల్‌ఫోన్లు వినియోగిస్తున్నారు. జిల్లాలో నూటికి 90 శాతం మంది మొబైల్స్ వాడుతున్నారనడంలో అతిశయోక్తి లేదు. అరుుతే.. నెట్‌వర్క్ కంపెనీల్లో పెరిగిన పోటీ సెల్‌పోన్ల విని యోగదారులకు వరంగా మారింది. వినియోగదారులను ఆకట్టుకోవడానికి ఒక్కో కంపెనీ ఒక్కో ఆఫర్ ప్రకటిస్తోంది. సెక న్, నిమిషాల ప్రకారం కాల్ చార్జీలే కాకుండా ఎస్‌ఎంఎస్‌లకూ అనేక రారుుతీలు ఇస్తున్నారుు. అందుకే ఇప్పుడు ఉత్తరాల ద్వారా, కంప్యూటర్ల ద్వారా కన్నా.. సెల్‌ఫోన్ల ద్వారా సందేశాలు పంపుకోవడం ఎక్కువ అరుు్యందంటే నమ్మాల్సిందే.
  
  ఇంటర్‌నెట్‌లో శుభాకాంక్షలు..
  పెరుగుతున్న సాంకేతిక పరిజ్ఞానం పట్టణాలకే పరిమితం కాలేదు కదా నేడు అది పల్లెల నుంచి గల్లీ వరకు చేరుకుంది. విద్యార్థులు, వ్యాపారులు, వివిధ రంగాల్లో పనిచేస్తున్న వారు కంప్యూటర్, ల్యాప్‌టాప్‌లు వాడుతున్నారు. వీటికి ఇంటర్నెట్ సౌకర్యం అందుబాటులోకి ఉండడంతో ప్రపంచాన్ని పది నిమిషాల్లో చుట్టి వచ్చే పరిస్థితులు వచ్చాయి. నేటి పోటీ ప్రపంచంలో కంప్యూటర్ పరిజ్ఞానం అందరికీ తెలిసిపోవడంతో ఫేస్‌బుక్, ట్విట్టర్, వాట్సప్, ఇలా వివిధ రకాల అప్లికేషన్లు ఇంటర్‌నెట్లో కదలాడుతూనే ఉన్నారుు. సాంకేతికతను వీలైనంతగా వినియోగించుకుంటున్న పలువురు విద్యార్థులు ల్యాప్‌టాప్‌ల ద్వారా ఎక్కడికక్కడే గ్రీటింగ్స్ కోసం సందేశాలతో కూడిన చిత్రాలను అప్‌లోడ్ చేస్తున్నారు.
  
  అనేక వెబ్‌సైట్లు..
  ఇంటర్‌నెట్ ఓపెన్ చేస్తే అనేక రకాల వెబ్‌సైట్లు దర్శనమిస్తాయి. గూగుల్‌తోపాటు యాహూ, జీ మెయిల్, రెడిఫ్ మెయిల్, వేటు ఎస్‌ఎంఎస్, ఫుల్‌ఆన్ ఎస్‌ఎంఎస్, 160బై2, సైట్2 ఎస్‌ఎంఎస్, ఆల్‌టూ, ఎస్‌ఎంఎస్ ఏబీసీ, యూమింట్, ఫేస్‌బుక్, ఆర్‌కుట్, ట్విట్టర్‌తోపాటు అనేక రకాల వెబ్‌సైట్లు ఉన్నాయి. వీటి ద్వారా స్నేహితులకు, కుటుంబ సభ్యులకు ఎక్కుడ ఉన్న వారికైనా వారి మొయిల్స్‌కు న్యూ ఇయర్ గ్రీటింగ్ కార్డులతో సహా పంపించడానికి అవకాశం ఉంది. ఇక స్కైప్, త్రీజీ సేవల ద్వారా నేరుగా చూస్తూ కూడా ఒకరికొకరు గ్రీటింగ్స్ చెప్పుకుంటున్నారు.
  
  అరచేతిలో ఆన్‌డ్రాయిడ్ ఫోన్స్..
  సెల్‌ఫోన్ల ద్వారా ఎస్‌ఎంఎస్‌లే కాదు.. ఆన్‌డ్రాయిడ్ ఫోన్స్‌తో కూడా వివిధ రకాల్లో శుభాకాంక్షలు పంపుకునేలా అవకాశాలు వచ్చాయి. మెస్సేజ్‌లే కాదు వాట్సప్, వీచాట్, వైపర్‌లాంటి అ ప్లికేషన్లు అందుబాటులో ఉన్నారుు. నేడు యువతీయువకులు విద్యార్థులు వీటినే ఎక్కువగా వినియోగిస్తున్నారు. వీటితో అద్భుత రకాల్లో శుభాకాంక్షలు తెలుపుకోవచ్చు అలాగే కొం గొత్త ఆలోచనలతో అనేక అప్లికేషన్ల ద్వారా.. మనస్సును దోచే చిత్రాలతో విషెష్ తెలుపుకోవచ్చు.
  
  తగ్గిన గ్రీటింగ్ కార్డుల హవా..
  నూతన సంవత్సరం వచ్చిందంటే రంగు రంగుల గ్రీటింగ్ కార్డులు హల్‌చల్ చేసేవి. వారం రోజుల ముందు నుంచి ఎక్కడ చూసినా అందమైన స్టాల్స్ ఏర్పాటు చేసి గ్రీటింగ్‌కార్డు లు విక్రరుుంచే వారు. రూపారుు నుంచి మొదలు పెడితే రూ.1000 వరకు ధరల్లో గ్రీటింగ్ కార్డులు అందుబాటులో ఉండేవి. నిత్యం ఆ స్టాల్స్ వినియోగదారులతో కళకళలాడుతుండేవి. విద్యార్థినీ విద్యార్థులు, యువతీ యువకులు, స్నేహితులు, బంధువులు అంతా నూతన సంవత్సర శుభాకాంక్షలు ఈ అందమైన గ్రీటింగ్ కార్డుల ద్వారానే తెలియజేసేవారు. ఈ గ్రీటింగ్ కార్డులకు 180 ఏళ్ల చరిత్ర ఉంది. అయితే ఇన్నేళ్ల చరిత్ర కలిగిన ఈ గ్రీటింగ్‌లు ప్రస్తుతం ప్రాభవం కోల్పోయూరుు. క్రమక్రమంగా అవి కనుమరుగయ్యూరుు. ఇంటర్‌నెట్, సెల్‌ఫోన్ లు అందుబాటులోకి రావడంతో వాటిని కొనుగోలు చేసేవారు కరువయ్యూరు.  
  
  200 గ్రీటింగ్‌కార్డులు కూడా అమ్మలేదు
  ఈ సీజన్‌లో ఇప్పటి దాకా 200 గ్రీటిం గ్‌కార్డులు కూడా అమ్మలేదు. నాలుగైదేళ్ల క్రితం కొత్త సంవత్సరం వచ్చిం దంటే చాలు గ్రీటిం గ్ కార్డులకోసం చాలామంది వచ్చేవా రు. ప్రస్తుతం ఆ పరిస్థితి లేదు.                           
  -భార్గవి, భువనగిరి
  


  ‘‘భవిష్యత్తు అవసరాలను సరైన సమయంలో అంచనా వేయడం వ్యాపారంలో ఒక విజయ రహస్యం. ఇలాంటి నిపుణత చదువులో కూడా ఉంటుంది. కొంచెం ఆలోచించి వ్యవహరిస్తే ఇండస్ట్రీలో మంచి అవకాశాలను సంపాదించిపెట్టే చదువులు చదవొచ్చు, ఇండస్ట్రీకి మన అవసరం ఏర్పడేలా చేసుకోవచ్చు...’’ అంటున్నాడు జార్ఖండ్‌కు చెందిన వినీత్ కుమార్. ఒక విజేత హోదాలో ఈ మాటలు చెప్పాడు.
  
  ఇంటర్నెట్ వాడకం ఇప్పుడు విస్తృతం అయ్యింది.  ఇదే సమయంలో ఎంతో సౌలభ్యంగా ఉన్న ఈ సేవ వల్ల అనేక ఇబ్బందులు మొదలయ్యాయి. అలాంటి సమస్యల్లో ప్రధానమైనది ‘హ్యాకింగ్’ కంప్యూటర్, ఇంటర్నెట్ టెక్నాలజీల మీద పట్టు సంపాదించి కొంతమంది తమ తెలివితేటలను దుర్వినియోగం చేస్తూ వెబ్ వినియోగదారులను ముప్పుతిప్పలు పెడుతున్నారు. మరి దీన్ని ఎదుర్కోవడం పెద్ద పెద్ద సంస్థలకే భారమవుతోంది. ఈ నేపథ్యంలో హ్యాకర్‌ల ఎత్తులను తిప్పికొట్టడానికి అవి ఎథికల్ హ్యాకర్లను నియమించుకొంటున్నాయి. దీంతో చాలామంది ఇప్పుడు నెట్‌వర్కింగ్, ఎథికల్ హ్యాకింగ్స్‌లో ఉద్యోగావకాశాల గురించి స్టడీ చేస్తున్నారు. అయితే ఇలాంటి పరిస్థితిని ఆరేళ్ల కిందటే అంచనా వేసిన వారిలో ఒకడు వినీత్ కుమార్. ఎథికల్ హ్యాకింగ్‌పై పట్టు సంపాదించి ప్రస్తుతం జార్ఖండ్ పోలీస్ డిపార్ట్‌మెంట్‌లో స్పెషల్ ఆఫీసర్‌గా ఉన్నాడు ఈ  ఇరవెరైండేళ్ల యువకుడు.
  
 పదహారేళ్ల వయసులో సొంతంగా కంపెనీ!
  
 పదహారేళ్ల వయసులోనే ఎథికల్ హ్యాకర్‌గా ప్రస్థానాన్ని మొదలుపెట్టాడు వినీత్‌కుమార్. ఇంటర్నెట్ ఇంకా ఇప్పటిలా విస్తృతం కాని సమయంలోనే ‘నేషనల్‌యాంటీ హ్యాకింగ్ గ్రూప్’ను స్థాపించాడు. హ్యాకింగ్‌ను నిరోధించడానికి ప్రోగ్రామ్స్‌ను డిజైన్ చేశాడు. గత ఐదారేళ్లలో సైబర్ క్రైమ్స్ సంఖ్య పెరుగుతూ వచ్చింది. ఈ నేపథ్యంలో వినీత్‌కు ప్రాధాన్యత పెరిగింది.
  
 వినీత్ గురించి తెలుసుకొన్న జార్ఖండ్ పోలీసు శాఖ ‘సైబర్ సెక్యూరిటీస్’కు సహకారం అందించాల్సిందిగా కోరింది. అదే సమయంలో దేశంలో తొలిసారి ఆ రాష్ట్రంలోనే ‘సైబర్  డిఫెన్స్ రీసెర్చ్ సెల్’ ను ఏర్పాటు చేశారు. ఈ విభాగాన్ని ఏర్పరుస్తూనే వినీత్‌కు స్పెషల్ ఆఫీసర్ హోదా ఇచ్చారు.
  
 ఏటీఎం క్లోన్స్, ఫేస్‌బుక్ ప్రొఫైల్ హ్యాకింగ్, వెబ్‌సైట్స్ హ్యాకింగ్, సాఫ్ట్‌వేర్ ఇన్ఫర్మేషన్‌ను కాపాడటం...మొదలైన కార్యక్రమాల ద్వారా వినీత్ ఇన్వెస్టిగేషన్ కేసుల్లో పోలీసులకు సహాయపడుతున్నాడు.
  
 అంతర్జాతీయ స్థాయి గుర్తింపు!
 
 కేవలం దేశంలోనే గాక దేశం ఆవల కూడా వినీత్‌కు మంచి గుర్తింపు వచ్చింది. వరల్డ్స్ యంగెస్ట్ మైక్రోసాఫ్ట్ సర్టిఫైడ్ సిస్టమ్ ఇంజనీర్‌గా అవార్డు తీసుకొన్నాడు. 2008 సంవత్సరంలో యూఎన్ యూత్ అసెంబ్లీ తరపున గోల్డ్‌మెడల్ గెలుచుకొన్నాడు.
  
 తండ్రే స్ఫూర్తి...
 
  ‘నా విజయాలకు స్ఫూర్తి మా నాన్న. కలలను సాకారం చేసుకోవడానికి ఆయన ఎంతో సహకారం అందించాడు. ఎథికల్ హ్యాకింగ్ నా జీవితాన్ని మార్చేసింది. దీంట్లో ఎన్నో అవకాశాలున్నాయి. యువత దీనిపై దృష్టిసారించవచ్చు...’అంటున్నాడు వినీత్‌కుమార్.
  
 వినీత్ గురించి తెలుసుకొన్న జార్ఖండ్ పోలీసు శాఖ ‘సైబర్ సెక్యూరిటీస్’కు సహకారం అందించాల్సిందిగా కోరింది. అదే సమయంలో దేశంలో తొలిసారి ఆ రాష్ట్రంలోనే ‘సైబర్  డిఫెన్స్ రీసెర్చ్ సెల్’ ను ఏర్పాటు చేశారు. ఈ విభాగాన్ని ఏర్పరుస్తూనే వినీత్‌కు స్పెషల్ ఆఫీసర్ హోదా ఇచ్చారు.
  


 సృజనం
  సాయి బ్రహ్మానందం గొర్తి
   యూసెమెటీలో నాలుగు రోజుల కాంపింగ్ తరువాత మధ్యాహ్నమే తిరిగొచ్చాం. మా ఆవిడా పిల్లలూ మధ్యాహ్నం బయల్దేరుదామన్నా వినకుండా ఉదయాన్నే ప్రయాణం కట్టించాను. మా పెద్దాడయితే నిద్రకళ్లతోనే కారెక్కాడు. రెండోవాడు మాత్రం నా ప్లాను పసిగట్టాడు. ‘‘డాడ్‌కి టెన్నిస్ ఉండుంటుంది!’’ అని ముక్తాయించే సరికి, అనిత ఒంటికాలిపై లేచింది. టెన్నిస్ శాపనార్థ స్తోత్రం చదివి అక్షింతలు వేసేసింది. ఏం చెయ్యను? టెన్నిస్ ఆట నా బలహీనత. వారానికి కనీసం అయిదు రోజులైనా ఆడి తీరాలి. లేకపోతే ఒంట్లో తేళ్లు, జైలు పాకినట్లుంటుంది.
  
  ఇంటికి చేరుకున్న వెంటనే ఈమెయిల్ కోసం కంప్యూటర్ ఆన్ చేశాను. రోజూ క్లబ్బు నుండి కనీసం పాతికకు పైగా టెన్నిస్ మెయిళ్లే ఉంటాయి. నాలాంటి టెన్నిస్ పిచ్చోళ్లు మా క్లబ్బుల్లో చాలామందే ఉన్నారు. మా ఇంటి దగ్గర్లోనే కుపర్టినో టెన్నిస్ క్లబ్బుంది. కాంపింగులో నా ఐఫోను బ్యాటరీ చచ్చింది. అందువల్ల ఈమెయిల్ చూసుకోవడం కుదర్లేదు. తీరా మెయిల్ ఓపెన్ చేస్తే, ఒక్క టెన్నిస్ మెయిల్ కూడా లేదు. ఆశ్చర్యం వేసింది. పనికిరాని మెయిల్స్ చాలా వచ్చాయి. ఏమయ్యిందని క్లబ్బుకి కాల్ చేశాను. క్లబ్బు తెరిచే ఉందని, ఆడుతున్నారని తెలిసింది. వెంటనే జాన్‌కి కాల్ చేశాను. అతను ఎత్తలేదు. ఇంకో చైనీస్ మిత్రుడు మింగ్‌కి కాల్ చేశాను. వెంటనే మరో ఫ్రెండ్ గౌతమ్‌కి కాల్ చేశాను. ఫలితం శూన్యం. వెంటనే కాల్ చెయ్యమని మెసేజ్ పెట్టాను. స్నానం చేసి క్లబ్బుకి బయల్దేరుతూండగా గౌతమ్ కాల్ చేశాడు.
  
  ‘‘ఏమయ్యిందిరా? మన టెన్నిస్ లీగ్ నుండి ఒక్క మెయిలూ లేదు?’’ నా ట్రిప్ విశేషాలు గౌతమ్ అడిగినా, దాని దాటేస్తూ అడిగాను. అవతలివైపు నుండి సమాధానం లేదు. మరోసారి గట్టిగా రెట్టించేసరికి మెల్లగా చెప్పాడు.
  
  ‘‘క్లబ్బులో ఇటుపైన నీతో ఎవరూ టెన్నిస్ ఆడరు. మన లీగ్‌లో అందరూ ఏకగ్రీవంగా తీర్మానించారు. నువ్వు కెప్టెన్సీ చేస్తున్న టీమ్‌లో కూడా ఎవరూ ఆడరు!’’ఒక్కసారి అవాక్కయ్యాను. నాకేమీ అర్థం కాలేదు. గౌతమ్ మీద చికాకూ కోపం వచ్చాయి. ఒకటికి పదిసార్లు అవే మాటలు చెబుతున్నాడు కానీ, ఎందుకు నన్ను బహిష్కరించారో చెప్పడానికి జంకుతున్నాడు. గట్టిగా గదమాయిస్తే, అసలు విషయం చెప్పాడు.
  ‘‘నీ వల్ల జాన్ ఆసుపత్రిపాలయ్యాడు. అతని పక్కటెముకలు విరిగాయి. కనీసం ఎలా ఉందో తెలుసుకునే ప్రయత్నం కూడా నువ్వు చెయ్యలేదు,’’ ఈసారి గౌతమ్ గొంతు మారింది.
  
  ‘‘యూసెమెటీ వెళ్లగానే నా ఐఫోన్ పాడయ్యింది. ట్రెక్కింగులో ఉండగా మా బ్యాగొకటి పోయింది. అందులో మా ఆవిడ ఫోన్, మా అబ్బాయి ఫోన్ ఉన్నాయి. వచ్చీరాగానే ఫోన్ చేశాను. నిజంగా నాకు జాన్ గురించి తెలీదు,’’ మెల్లగా చెప్పాను.
  
  నేను యూసెమెటీ వెళ్లడానికి ఒకరోజు ముందు జాన్, నేను టెన్నిస్ ఆడుతుండగా జాన్ నేను కొట్టిన ఒక షాట్ తీయబోయి కిందపడిపోయాడు. కాస్త భారీ కాయం కావడం వల్ల, పక్కకు ఒరిగిపోయాడు. మోచేయి కొట్టుకుపోయి రక్తం వచ్చింది. నాతో ఆడే ఇంకో ఇద్దరూ వాపు తగ్గుతుందని ఐస్ చేతిమీద పెట్టారు. చెయ్యి కొద్దిగా వాచింది. నేను వెంటనే సారీ చెప్పాను. మా వాళ్లందరూ నామీద విరుచుకుపడ్డారు. ‘‘ఆడుతూంటే నీకు ఒళ్లు తెలీదు. నువ్వేమైనా రోజర్ ఫెడరెర్‌వా? మనం ఆడే ఆట కాలక్షేపానికి. ఎవరూ ఒక్క పైసా కూడా ఇవ్వరు,’’ అంటూ నామీద కోప్పడ్డారు.
  
  నేను ఆట ఆడుతూంటే అందులో పూర్తిగా నిమగ్నమైపోతాను. అది నా బలహీనత. ఆటయ్యాకే నేను మామూలు ప్రపంచంలోకి వస్తాను. మొదట్లో అందరూ నాకు ఆటలో ఆవేశం ఎక్కువా అంటే గత మూడేళ్లుగా అంతా తగ్గించుకున్నాను. నిజానికి ఆ రోజు నేను అంత గట్టిగా కొట్టలేదు. యాంగిల్ ఎక్కువగా ఉండటం వల్ల, జాన్ ఆ బంతి అందుకోబోయి కిందపడ్డాడు. నేను వెంటనే క్షమాపణలు చెప్పాను. అతను బాగానే ఉన్నాడు అప్పుడు. పక్కటెముకలు విరగడం అన్నది ఆశ్చర్యం కలిగించింది నాకు.
  ఇంటికెళ్లాక రాత్రికి రాత్రి ఎమర్జెన్సీకి తీసుకెళ్లారనీ, హాస్పిటల్లో పరీక్షలు చేశాక పక్కటెముకలు రెండు చిన్నగా విరిగాయనీ గౌతమ్ చెప్పాడు. దీనిక్కారణం నేనేనని మా క్లబ్బు మెంబర్లందరూ నామీద కోప్పడ్డారనీ చెప్పాడు.
  
  ఫోన్ పెట్టేసే ముందు- ‘‘అయినా, నీకు జాన్ గురించి తెలిసీ నువ్వు అంత తీవ్రంగా ఆడటం ఏమిట్రా? యూ ఆర్ యాన్ ఈడియట్!’’ అంటూ గట్టిగా తిట్టాడు. నేనేమీ మాట్లాడలేదు. ఏం మాట్లాడాలో తెలియక మౌనంగా ఉండిపోయాను. నిజమే. నా పొరపాటే! కాస్త మెల్లగా ఆడుండాల్సింది.
  టెన్నిస్‌కి వెళ్లబోయిన నేను వెనక్కి రావడంతో అనిత ఆశ్చర్యపోతూ వెటకారంగా అంది, ‘‘ఏం టెన్నిస్‌వాళ్లు రావద్దన్నారా?’’
  
  నేనేమీ సమాధానం ఇవ్వకుండా లోపలికి వెళ్లడంతో, అనితకి అనుమానం వచ్చి మళ్లీ అడిగింది. అయిదు రోజుల క్రితం టెన్నిస్ ఆటలో జాన్ గాయం గురించి చెప్పాను. గౌతమ్ చెప్పిన వివరాలూ చెప్పాను.
  ఎప్పుడూ టెన్నిస్ గురించి నన్ను తిట్టే అనిత, ఈసారి వాళ్లమీద మండిపడింది.
  ‘‘అతను పడిపోతే మీరేం చేస్తారు? ఆటన్నాక జాగ్రత్తగా ఉండాలి!’’ అంటూ కోపంగా అంది.
  ‘‘జాన్ అందరిలాంటివాడు కాదు,’’ మెల్లగా అన్నాను. ఆశ్చర్యంగా నాకేసి చూసింది.
  ‘‘అతనికి ఒక కాలు లేదు. మోకాలి కింద భాగం ఆర్టిఫీషియల్ మెటాలిక్ లెగ్!’’
  
  గౌతమ్ చెప్పిన తరువాత హాస్పిటల్‌కి వెళ్లి జాన్‌ని పరామర్శిద్దామనుకున్నాను. కానీ ఎందుకో మనసొప్పలేదు. ఆ సాయంత్రం క్లబ్బుకి వెళ్లాను, కనీసం ఎక్సర్‌సైజయినా చేద్దామని. ఒకళ్లిద్దరు పరిచయస్తులు కనిపించి విష్ చేశారు కానీ ఎవరూ మాట్లాడలేదు. నాకూ మనసు బాగోలేదు. తిరిగి వచ్చేస్తూండగా, మింగ్ కనిపించాడు. విష్ చేసి, జాన్ గురించి అడిగాను. జాన్ ఇంకా హాస్పిటల్లోనే ఉన్నాడనీ, ఇంకో నాలుగు రోజుల్లో ఇంటికి పంపిస్తారనీ చెప్పాడు. వెళ్లబోతూ - రేపు మా క్లబ్బు మెంబర్లందరూ చూడ్డానికి వెళుతున్నారనీ, నన్ను మాత్రం పిలవద్దన్నారనీ చెప్పాడు.
  
  ‘‘యూ ఆర్ ఏ వియర్డ్ ప్లేయర్! జాన్‌కి ఒక కాలు లేదని తెలిసీ నువ్వు అంత దుర్మార్గంగా ఆడటం అన్యాయం. అందుకే నీతో ఎవరూ ఆడ్డానికి ఇష్టపడటం లేదు,’’ అంటూ తీవ్ర పదజాలంతో తిట్టాడు.
  ఏం చెప్పాలో తెలియలేదు. వాళ్ల దృష్టిలో ప్రస్తుతం నేనొక విలన్ని. ఏం చెప్పినా వినే పరిస్థితిలో వాళ్లు లేరు.
  ‘‘మింగ్! నేను కావాలని కొట్టలేదు. ఆడుతుంటే అతనికి కాలుందా లేదన్నది నాకు స్ఫురించదు. అయినా మీ అందరి దృష్టిలో అతనికి కాలు లేదు. నాకైతే అలా అనిపించదు,’’ నా మనసుకనిపించింది చెప్పాను.
  ‘‘యూర్ ఆర్ యే జెర్క్!’’ అనేసి విసురుగా వెళ్లిపోయాడు.
  
  జాన్‌కి ఒక కాలు ఆర్టిఫీషియల్ లెగ్ అన్నది మా క్లబ్బంతటికీ తెలుసు. మొదట్లో ఫుల్ టెన్నిస్ ప్యాంట్ వేసుకుని ఆడినప్పుడు నాకు తెలియలేదు. తరువాత అతన్ని చిన్న నిక్కరులో చూసినప్పుడు తెలిసి ఆశ్చర్యపోయాను. ఎందుకంటే అతను మా అందరిలాగే పరిగెడతాడు. జాన్‌ని ఇంటికొచ్చాక కలుద్దాములే అనుకున్నాను. కానీ వీళ్లే ఇలా ఉంటే, అసలు గాయపడ్డ జాన్ నా గురించి ఏమనుకుంటాడో ఊహించగలను. నేను జాన్‌ని చూడ్డానికి వెళ్లాలనిపించినా, వెళ్లలేదు.
  
  ఆ తరువాత మా టెన్నిస్ ఫ్రెండ్స్ నన్ను ఆటకి పిలవటం మానేశారు. కొంతమంది కలిసినప్పుడు విష్ చేసి పక్కకి వెళ్లిపోయేవారు. నా టెన్నిస్ ఆటకి గండి పడింది.
  జాన్ గాయపడి ఆడలేకపోయాడు. నేను ఆడగలిగీ గాయపడ్డాను.
  
  ఆ తరువాత నేను టెన్నిస్ ఆడటం మానేశాను. నాకు తెలీకుండానే, నాకు లేని గిల్టీని అందరూ నాపై రుద్దేశారనిపించింది.
  ఓ నెల రోజుల తరువాత, ఊహించని ఒక సంఘటన ఎదురయ్యింది. జాన్ నుండి ఫోన్ కాల్ వచ్చింది!
  ‘‘హాయ్- రావీ! ఎలా ఉన్నావు?’’ అంటూ పలకరించాడు. నేను నా తరఫున మరోసారి క్షమాపణలు కోరుతూ- ‘‘జాన్! యిట్ ఈజ్ మై ఫాల్ట్! అపాలజీస్!’’ అని చెప్పాను.
  
  ‘‘నో! నో! నీ తప్పేమీ లేదు. అదలా జరగాల్సింది. జరిగింది. అంతే!’’ అంటూ నా గురించి అడిగాడు.
  ‘‘రావీ! మన ఫ్రెండ్స్ అందరూ చూడ్డానికి వచ్చారు. నువ్వూ వస్తావనుకున్నాను. ఎందుకు రాలేదోననుకున్నాను. తరువాత మింగ్ భార్యతో వచ్చినప్పుడు తెల్సింది,’’ అని ఆగిపోయాడు.
  ‘‘ఏం తెల్సింది?’’ అని అడిగితే, ‘‘వాళ్లందరూ నిన్ను పిలవకూడదనుకున్నారని చెప్పాడు. నాకెందుకో అది స్టుపిడ్‌గా అనిపించింది,’’ అన్నాడు.
  
  జాన్ ప్రస్తుతం పూర్తిగా కోలుకున్నాడనీ, టెన్నిస్ ఆటకి రెడీ అని చెప్పాడు. నేను ఆడటం మానేశానని చెప్పాను.
  ‘‘ఆ రోజు మింగ్ నాతో ఒక మాట చెప్పాడు. అది విన్నాక నువ్వంటే నా అభిప్రాయం మారిపోయింది. నాకు ఆర్మీలో కాలు పోయాక, బయట నన్నెవరైనా ఆర్టిఫీషియల్ లెగ్‌తో కనిపించినప్పుడు నాకేసి జాలిగా చూసేవారు.  కాలు లేదన్న బాధ కన్నా ఆ జాలి చూపులు నన్ను దహించేవి. అందుకే కసిగా ఆర్టిఫీషియల్ లెగ్‌తో పరిగెత్తడం అలవాటు చేసుకున్నాను. అదే నా టెన్నిస్ ఆటకి ఆలంబన అయ్యింది. నాతో ఆడినప్పుడు నన్ను కాలు లేనివాడిగా అనుకునే అందరూ ఆడుతారన్నది నాకు తెలుసు. నువ్వు మాత్రం అలా అనుకోవనీ, అందుకే అంత తీవ్రంగా ఆడావనీ చెప్పినప్పుడు నాకెంతో సంతోషం కలిగింది. నన్ను, అందరిలాగే చూశావు, థాంక్యూ!’’ అన్నాడు. చివరి మాటలు పలికేటప్పుడు అతని గద్గద స్వరాన్ని గమనించాను.
  జాన్ మాటలు విన్నాక మనసు తేలికపడింది. నా ఆటా, ఆలోచనా గాడి తప్పలేదన్న నమ్మకం కలిగింది.
  
  టెన్నిస్‌కి వెళ్లబోయిన నేను వెనక్కి రావడంతో అనిత ఆశ్చర్యపోతూ
  వెటకారంగా అంది,
  ‘‘ఏం టెన్నిస్‌వాళ్లు రావద్దన్నారా?’’
  
  


 టోక్యో: పనిలో బిజీగా ఉండి లేదా కంప్యూటర్ ముందు కూర్చున్నప్పుడు మనం తరచూ కళ్లు ఆర్పడం మరిచిపోతుంటాం. దీనివల్ల కళ్లలో తేమ తగ్గిపోయి డ్రై ఐస్ సిండ్రోమ్ సమస్య తలెత్తుతుంటుంది. అయితే ఈ సమస్యను నివారించేందుకు ఉపయోగపడే ‘వింక్ గ్లాసెస్’ను జపాన్‌లోని ‘మసునగ ఆప్టికల్’ వారు రూపొం దించారు. చిన్న బ్యాటరీ సాయంతో పనిచేసే ఈ కళ్లద్దాలపై లిక్విడ్ క్రిస్టల్ షీట్లు ఉంటాయి. జస్ట్ ఓ స్విచ్‌ను నొక్కి ఆన్‌చేసి పెట్టుకుంటే చాలు.. ప్రతి 10 సెకన్లకు ఓసారి 0.2 సెకన్లపాటు ఆటోమేటిక్‌గా కళ్లద్దాలపై క్రిస్టల్ షీట్లు మసకబారిపోతాయి. దీంతో మనం కూడా ఆటోమేటిక్‌గా కళ్లు ఆర్పేస్తామన్నమాట.ఈ కళ్లజోడు ఖరీదు రూ. 15,750  మాత్రమే!
  


 జరగాలనుకున్నవి జరగకపోయినా, జరిగినవి జరగకూడదనుకున్నా దుఃఖం తప్పదు. అదే కోరిక. మన తలలోని మెదడు కంప్యూటర్‌లోని హార్డ్‌వేర్‌లాంటిదైతే మనసనేది జరుగుతున్న ప్రోగ్రామ్- సాఫ్ట్‌వేర్ లాంటిది. మనసు మనం చేసే ప్రోగ్రామ్‌ను బట్టే నడుచుకుంటుంది. కంప్యూటర్‌లో తప్పుడు ప్రోగ్రామింగ్ వల్ల తప్పుడు ఫలితాలు వచ్చినట్టే మనసులో ప్రోగ్రామింగ్‌లో లోపం ఉంటే తప్పుడు రిజల్టే వస్తుంది. అదే మన ఎదుగుదలకు అవరోధంగా తయారవుతుంది.
  
 పుట్టుకతో మెదడు ఉంటుంది కాని మనసు ఉండదు. సమాజం, తల్లిదండ్రులు, పెద్దలు, చదువు- ఇవి మైండ్ ఏర్పడటానికి బాధ్యులు. ఈ మైండ్‌లో నమ్మకాలు, ఆచారాలు, దేశకాల పరిస్థితులు అంతర్లీనంగా దాగి ఉంటాయి. భౌతికంగా ఏ ఉనికిలేని నీ మనసు నీవు ఊహించలేనంత శక్తిమంతంగా తయారవుతుంది. నీవు మాయలో చిక్కుకునేట్లు చేస్తుంది. నీవు ఏది కావాలో అనే నీవు అనుకునే భ్రమలో పడేస్తుంది. అసలు మైండ్ అంటేనే ఆలోచనల ప్రవాహం.
 
 గతానికిగాని, భవిష్యత్తుకిగాని సంబంధించిన విషయాలు మైండ్‌లో ఆలోచనలుగా చోటు చేసుకుని నిన్ను నిన్నుగా ఉండనీయవు. శూన్యం, స్వచ్ఛత, శాంతి, ఆనందం అనేవి నీ నిజతత్వమైతే, ఆలోచనలు నిన్ను ఆవిహ ంచి నీ ఆనందాన్ని, శాంతినీ హరించి వేస్తాయి. గతంలో నీవు అనుభవించనిదే కోరిక. కలల రూపంలో, కోరికల రూపంలో ఆలోచనలు నిన్ను ఎప్పుడూ వెంటాడుతుంటాయి. నీవు అన్‌కాన్షియస్‌గా ఉంటే అప్పుడు వాటి విజృంభణ మొదలవుతుంది. నీ కాన్షియస్‌నెస్, స్వచ్ఛత, శూన్యతకు భంగం కలిగిస్తాయి. మైండ్ స్వచ్ఛం అయ్యేంతవరకు నీకు విజయం చేకూరదు.
  
 ప్రతికూలమైన ఆలోచనలు, నెగటివ్ భావాలు మనస్సుపై ఎక్కువగా ప్రభావం చూపిస్తున్నప్పుడు ఆధ్యాత్మికపరమైన మంచి పుస్తకాల పఠనం, ధ్యానం, జపం, ప్రార్థనలపైన కూడా ఆధారపడాలి. ఎల్లప్పుడూ వేకువతో, చేతనతో, ప్రజ్ఞలో ఉండాలి. కొన్నిసార్లు బద్దకంగా కానీ, నిద్రాస్థలో ఉన్నప్పుడు కానీ కొన్ని ప్రాణాయామాలు, ప్రణవ మంత్రోచ్చారణ చేస్తుండాలి. రక్తానికి అలవాటు పడిపోయిన పులిని ఎలా అడ్డుకోలేమో అలాగే మైండ్ కూడా. ఏదైనా వ్యామోహానికి గురయినప్పుడు మనసు ఈ ఒక్కసారికే కదా! ఏమీ కాలేదులే అని అనుకుంటుంది. ఒక్కసారి అనుకున్నది అల వాటుగా మారి ఇక కోరికలను చంపుకోలేని స్థితికి తీసుకు వస్తుంది.
  
 మనసుకి చెడు అలవాటు చేస్తే విముక్తి లభించడం అసాధ్యం. చెడు ఆలోచనలను ఆపేయాలి. టీవీలు, సినిమాలలో చూపించే సీరియల్స్, కథలలోని పాత్రలు ప్రదర్శించే కోపం, ద్వేషం, పగలాంటి నెగటివ్ ఆలోచనలు మనలో లేకపోయినా అవి మనలో కూడా కలిగే అవకాశం ఉంది. వాటిలో చూపించే పగ, ద్వేషం, కోపం లాంటి లక్షణాలు నిజంగా లేకపోయినా ఆ ప్రోగ్రాములు చూసేవారి మనసులో కూడా అవి నాటుకుంటాయి. దానివల్ల మనలో సంస్కారాలు పెరుగుతాయి. అవి ప్రక్షాళన చేసుకోవడానికి ఎన్నో జన్మలు ఎత్తవలసిన అవసరం ఏర్పడుతుంది. కాబట్టి వ్యామోహాలకు తావివ్వకుండా చెడు విషయాలు మీ చుట్టూ లేకుండా బహిష్కరించండి. ఈ సందడిలో పడి అసలు విషయమైన మోక్షసాధనను మరువకూడదు.
 
 మనసులో పేరుకుపోయిన సంస్కారాలను, కోరికలను తొలగించుకుని మనసును అదుపులో ఉంచుకోవాలి. మనసు మనల్ని ఏదో ఒక మాయలో పడేస్తూనే ఉంటుంది. మనసులో మలినాలు పెరగడం వలన నేను ఆత్మను అనే విషయం మరచిపోవడం జరుగుతుంది. మన నిజతత్వాన్ని మరచిపోయి ఒక రకమైన అవిశ్రాంత స్థితిలో కొట్టుమిట్టాడుతూ ఉంటాం. ప్రేమ, కరుణ, శాంతి, సచ్చిదానందానికి దూరంగా ఉంటుంటాం.  అందుకే ఆలోచనలలో స్వచ్ఛత ఉండాలి. ఒక ఆలోచనే కార్యాచరణకు నాంది కాబట్టి మంచి ఆలోచనలు చేయడం ఎంతో ముఖ్యం.
  
 మైండ్ రకరకాలుగా మనల్ని లోబరచుకుని అహంకారం కలిగిస్తుందని గమనించాలి. సేవ, జపం, భగవన్నామ స్మరణ, దైవచింతన మనల్ని కోపం, దుఃఖం, అహంకారం, ద్వేషంలాంటి భావాలనుంచి బయటపడేస్తాయి. శాంతి, ధైర్యం, సంతోషం కలిగిస్తాయి.
  
 -స్వామి మైత్రేయ, ఆధ్యాత్మిక గురువు
  
  బుద్ధబోధ
  ఓమారు పెనుతుపానుకు ఒక బుద్ధవిహారం కూలిపోయింది. అక్కడి బుద్ధవిగ్రహాన్ని ఎవరూ పట్టించుకోలేదు. ఎండకు ఎండుతూ, వానకు తడుస్తూ నిరాదరణకు గురైంది. దీనిని చూసిన ఓ జెన్ గురువు మనసు కకావికలమైంది. ఆలయాన్ని పునర్నిర్మించి బుద్ధ విగ్రహాన్ని అందులో పునఃప్రతిష్టించాలనుకుని విరాళాల సేకరణకు శ్రీకారం చుట్టాడు. మొదటి రోజు కొంత డబ్బు సేకరించిన తర్వాత ఆయన నిద్రపోయాడు. అప్పుడు కలలోకి బుద్ధుడి విగ్రహం ప్రత్యక్షమై అతనిని చూసి ఇలా అంటుంది....
  ‘‘పుత్రా, ఆ ఆలయం నాకొక చెరసాల. ఎగుడుదిగుళ్ళ మధ్య గడపనిదే జీవితమెందుకు? నన్ను నాలుగు గోడల మధ్య బంధించకు. నన్ను ఇలానే వదిలేసెయ్యి’’ అని. అప్పటికి గానీ ఆ గురువుకి బుద్ధతత్వం బోధపడలేదు.
  


 
  రూపు మార్చుకుంటున్న కంప్యూటర్లు
 
      ఇంటెల్ ప్రాసెసర్‌తో విస్తృత శ్రేణి..
 
      త్వరలో మరిన్ని ట్యాబ్లెట్లు, స్మార్ట్‌ఫోన్లలో
 
      పీసీలకు తరగని డిమాండ్
 
      సాక్షితో ఇంటెల్ దక్షిణాసియా సేల్స్ ఎండీ దేవయాని ఘోష్
 
 హైదరాబాద్, బిజినెస్ బ్యూరో: ‘డెస్క్‌టాప్ కంప్యూటర్, ల్యాప్‌టాప్‌లకు గిరాకీ పడిపోయిందని అంటున్నారు. వాస్తవానికి చూస్తే రోజురోజుకూ విభిన్న మోడళ్లు దేశంలో వచ్చిపడుతూనే ఉన్నాయి. అల్ట్రాబుక్, నెట్‌బుక్, ట్యాబ్లెట్ పీసీ, ఫ్యాబ్లెట్.. ఇలా కొత్త రూపం సంతరించుకుంటున్నాయి. దేశ జనాభాలో 10-12 శాతం మంది మాత్రమే కంప్యూటర్ వాడుతున్నారు. ఈ లెక్కన ఇక్కడ అవకాశాలు అపారమని ప్రాసెసర్ల తయారీ దిగ్గజం ఇంటెల్ దక్షిణాసియా సేల్స్, మార్కెటింగ్ గ్రూప్ ఎండీ దేవయాని ఘోష్ గురువారం తెలిపారు. హైదరాబాద్ ఖైరతాబాద్‌లోని ఐటీ మాల్‌ను సందర్శించేందుకు వచ్చిన ఆమె సాక్షి బిజినెస్ బ్యూరోతో మాట్లాడారు. కంప్యూటర్లకు ప్రపంచంలో ఉత్తమ మార్కెట్‌గా భారత్ అవతరిస్తుందని ఆమె ఆశాభావం వ్యక్తం చేశారు. ఇంకా ఆమె ఏమన్నారంటే..
  
  మార్కెట్‌కు అనుగుణంగా..
  భారత్ వంటి దేశాల్లో డెస్క్‌టాప్, ల్యాప్‌టాప్‌లకు గిరాకీ ఎప్పటికీ తరగదు. అయితే వీటిని వినియోగిస్తున్న కస్టమర్లు ఇప్పుడిప్పుడే ట్యాబ్లెట్ పీసీ, ఫ్యాబ్లెట్‌ల వైపు మొగ్గు చూపుతున్నారు. ఎలాగూ స్మార్ట్‌ఫోన్ల అమ్మకాలు పెరుగుతున్నాయి. ఈ ఉపకరణాల మూలంగా మార్కెట్ కొత్త పుంతలు తొక్కుతోంది. మార్కెట్‌కు అనుగుణంగా ప్రాసెసర్లను రూపొందిస్తున్నాం. ఇంటెల్ ప్రాసెసర్‌తో ఇప్పటికే కొన్ని ట్యాబ్లెట్ పీసీ, స్మార్ట్‌ఫోన్లు మార్కెట్లో ఉన్నాయి. ఈ ఉత్పత్తులకు అపూర్వ స్పందన వస్తోంది. 2014 డిసెంబరుకల్లా మరిన్ని కంపెనీల ఉత్పత్తుల్లో ఇంటెల్ దర్శనమీయనుంది.
  
  కంప్యూటర్ అంటే..
  సోషల్ వెబ్‌సైట్లు, ఎంటర్‌టైన్‌మెంట్ మాత్రమే కాదు కంప్యూటర్ అంటే. ఇంటర్నెట్ ఆధారంగా జీవితాన్ని అభివృద్ధి పథంవైపు నడిపించుకోవడానికి అదో సాధనం. 2020 నాటికి దేశంలో ప్రతీ కుటుంబంలో ఒకరికి కంప్యూటర్ పరిజ్ఞానం ఉండాలన్న కేంద్ర ప్రభుత్వ ప్రణాళికలో భాగంగా నాస్కామ్‌తో కలిసి నేషనల్ డిజిటల్ లిటరసీ మిషన్‌ను 2012 ఆగ స్టులో ప్రారంభించాం. విద్యార్థులు, రైతులు, గృహిణులు, చిన్న వ్యాపారస్తులకు కంప్యూటర్ వినియోగం, ప్రయోజనాలపై శిక్షణ ఇస్తున్నాం. ఈ ఏడాది ఆగస్టు నాటికి దేశవ్యాప్తంగా 17 లక్షల మందికి శిక్షణ ఇచ్చాం. డిసెంబరుకల్లా ఈ సంఖ్య 20 లక్షలకు చేరుకోనుంది. ఇంటెల్ లెర్న్ ఈజీ స్టెప్స్ పేరుతో ఆన్‌డ్రాయిడ్ అప్లికేషన్ అభివృద్ధి చేశాం. చిన్న చిన్న చిట్కాలతో వ్యక్తులు తమ నైపుణ్యం, సామర్థ్యం ఎలా పెంచుకోవాలో ఈ అప్లికేషన్ తెలియజేస్తుంది.


 మోర్తాడ్, న్యూస్‌లైన్ : కస్తూర్బా పాఠశాలల్లో చదువుకుంటున్న విద్యార్థులకు కంప్యూటర్ శిక్షణ ఇవ్వడానికి గతంలో నియమించిన ఇన్‌స్ట్రక్టర్‌లను జిల్లా అధికార యంత్రాంగం తొలగించింది. బడి మానివేసిన విద్యార్థినులు, బాల కార్మికులుగా మారిన ఆడపిల్లలకు మళ్లీ మంచి చదువును అందించడం కోసం కేంద్ర ప్రభుత్వం ప్రతి మండలానికి ఒక కస్తూర్బా పాఠశాలను ప్రారంభించింది. రెగ్యులర్ విద్యార్థుల మాది రిగానే కస్తూర్బా విద్యార్థినులకు వసతితో కూడిన విద్యను అందిస్తున్నారు. చదువుతో పాటు కుట్లు, అల్లికలు, టైలరింగ్, కంప్యూటర్ రంగాలలో విద్యార్థినులకు శిక్షణ ఇవ్వడానికి ఇన్‌స్ట్రక్టర్‌లను నియమిం చారు. ఇన్‌స్ట్రక్టర్‌లకు నెలకు రూ 4500 వేతనాన్ని రాజీవ్ విద్యా మిషన్ అధికారులు చెల్లించేవారు.
  
  కస్తూర్బా పాఠశాలల్లో ఆరవతరగతి నుంచి తొమ్మిదవ తరగతి వరకు చదువుతున్న విద్యార్థులకు కంప్యూటర్ శిక్షణ ఇచ్చేవారు. విద్యార్థులకు కం ప్యూటర్ పరిజ్ఞానంలో ఒక రోజు థియరీ క్లాసులు, మరో రోజు ప్రాక్టికల్స్‌ను నిర్వహించేవారు. కస్తూ ర్బా పాఠశాలల్లో కంప్యూటర్ ల్యాబ్‌లను ఏర్పాటు చేసినా ఇన్‌స్ట్రక్టర్‌ల నియామకం ఎక్కడా జరగలేదు. గతంలో జిల్లా కలెక్టర్‌గా పని చేసిన క్రిస్టీనా ప్రత్యేక చొరవ చూపి కంప్యూటర్ శిక్షణకు ప్రత్యేకంగా ఇన్‌స్ట్రక్టర్‌లను నియమించడానికి చర్యలు తీసుకున్నారు. రాజీవ్ విద్యా మిషన్ పథకానికి కంప్యూటర్ ఇన్‌స్ట్రక్టర్‌ల వేతనం భారం అవుతుం దని గమనించిన ప్రస్తుత అధికార యంత్రాంగం కంప్యూటర్ ఇన్‌స్ట్రక్టర్‌లను తొలగించాలని నిర్ణయించింది. దీంతో ఈ నెల ఆరంభం నుంచి ఇన్‌స్ట్రక్టర్‌లు పాఠశాలలకు రావడం మాని వేశారు.
 కస్తూర్బా పాఠశాలల్లో వివిధ సబ్జెక్టులను బోధిస్తు న్న ఉపాధ్యాయులే కంప్యూటర్ శిక్షణను విద్యార్థులకు అందించాలని అధికారులు ఆదేశించారు. కా గా ఉపాధ్యాయులలో కంప్యూటర్ పరిజ్ఞానం ఉన్నవారు లేక పోవడంతో ల్యాబ్‌లను మూసి ఉం చుతున్నారు. కంప్యూటర్ ఇన్‌స్ట్రక్టర్‌ల నియామకం వల్ల విద్యార్థులకు మెరుగైన శిక్షణ అందగా, అనేక మంది నిరుద్యోగులకు ఉపాధి లభించింది. ఇప్పుడు అధికారులు తీసుకున్న నిర్ణయం వల్ల ఇన్‌స్ట్రక్టర్‌లు వీధిన పడగా, విద్యార్థులకు శిక్షణ అందకుండా పోయింది. ఇప్పటికైనా అధికారులు స్పందించి కంప్యూటర్ శిక్షకుల పునర్నియామకం పట్ల చొరవ చూపాలని పలువురు కోరుతున్నారు.
  
  ఉపాధ్యాయులతోనే శిక్షణ ఇప్పించే ఏర్పాట్లు చేస్తున్నాం
  - రుక్మయ్య స్పెషల్ ఆఫీసర్, కస్తూర్బా పాఠశాల మోర్తాడ్
  కంప్యూటర్ ఇన్‌స్ట్రకర్‌లను తొలగించాలని ఉన్నతాధికారులు ఆదేశించడంతో ఉన్న ఉపాధ్యాయులతోనే శిక్షణ ఇప్పించడానికి ప్రయత్నిస్తున్నాం. ఇప్పటి వరకు విద్యార్థులు నేర్చుకున్న విషయాన్ని కంప్యూటర్ ల్యాబ్‌లో ప్రాక్టికల్స్ చేసుకునే అవకాశం ఉంది. ఇన్‌స్ట్రక్టర్‌లు ఉంటే బాగుండేది.


  
 =మిత్రుడి ఇంట్లో విందు ఉందని ఒకరు..
  =కంప్యూటర్ బాగుచేయడానికి వెళుతున్నానని మరొకరు
  =ఇంట్లో నుంచి బయటికి వెళ్లి తిరిగిరాని లోకాలకు..
  =మత్యువులోనూ వీడని స్నేహం
  
 ఎన్జీవోస్ కాలనీ, న్యూస్‌లైన్ :  మిత్రుడి ఇంట్లో విందు ఉందని వెళ్లి ఒకరు... కంప్యూటర్ బాగు చేసి వస్తానని చెప్పి మరొకరు ఇంటి బయటికి వెళ్లి తిరిగిరాని లోకానికి చేరుకున్నారు. హన్మకొండ సుబేదారిలో గురువారం అర్ధరాత్రి  జరిగిన రోడ్డుప్రమాదంలో ఇద్దరు మిత్రులు దుర్మరణం చెందారు. దీంతో మతులు అజయ్‌రెడ్డి, ప్రేంచందర్ కుటుంబ సభ్యుల్లో విషాద ఛాయలు అలుముకున్నాయి. వివరాలిలా ఉన్నాయి. మద్దూరు మండలం లద్నూరు గ్రామానికి చెందిన చిమ్ముల శ్రీనివాస్‌రెడ్డి, పద్మజ దంపతులు హన్మకొండలోని ఎకై సజ్ కాలనీలో స్థిరపడ్డారు.
 
 వారికి కుమారుడు అజయ్‌రెడ్డి(26) బీకాం పూర్తిచేసి రెండేళ్ల క్రితం ఆస్ట్రియూ దేశానికి వెళ్లాచ్చాడు. ఆ తర్వాత అమెరికా వెళ్లేందుకు ప్రయత్నించగా వీలుకాలేదు. దీంతో కొద్దిరోజులుగా హైదరాబాద్‌లో ఉంటూ వ్యాపారం మొదలు పెట్టే పనిలో నిమగ్నమయ్యాడు. దసరా పండుగకు కుటుంబ సభ్యులతో గడిపేందుకు హన్మకొండకు వచ్చాడు. గురువారం హైదరాబాద్ వెళ్లాలని భావించినప్పటికీ అదేరోజు సాయంత్రం మిత్రుడి ఎంగేజ్‌మెంట్ ఉండడంతో ఆగిపోయూడు. సాయంత్రం 5 గంటలకు మిత్రుడి ఇంట్లో ఎంగేజ్‌మెంట్ ఉందని వెళ్లాడు.
  
 ఈ క్రమంలోనే ఆయన హన్మకొండ భవానీనగర్‌కు చెందిన పిండి వెంకటేశ్వర్లు, ప్రభావతి దంపతుల కుమారుడు ప్రేంచందర్(26)ను కలుసుకున్నాడు. బాల్యస్నేహితులైన వీరిద్దరూ తరచూ కలుస్తుండేవారు. హార్డ్‌వేర్ నేర్చుకున్న ప్రేంచంద్ గురువారం రాత్రి 7.15 గంటలకు కంప్యూటర్ బాగుచేయడానికని ఇంట్లో నుంచి బయల్దేరాడు. రాత్రి బయట కలుసుకున్న వీరిద్దరు హన్మకొండలో హీరో గ్లామర్ వాహనంపై వెళుతుండగా సుబేదారిలో గుర్తుతెలియని వాహనం ఢీకొం ది. ఈ ఘటనలో ఇద్దరు దుర్మరణం చెందారు. వారి పైనుంచి వాహనం వెళ్లడంతో అక్కడికక్కడే ప్రాణాలు కోల్పోవడంతోపాటు మతదేహాలు చిధ్రమయ్యూయి.
 
 సమాచారం అందుకున్న కాజీపేట ట్రాఫిక్ సీఐ జయరాం, ఎసై స విజయలక్ష్మి సంఘటన స్థలానికి చేరుకుని పంచనామ చేసి, అదేరాత్రి మతదేహాలను పోస్టుమార్టరం నిమిత్తం ఎంజీఎం ఆస్పత్రికి తరలించారు. పోస్టుమార్టం అనంతరం మతదేహాన్ని కుటుంబ సభ్యులకు అందజేశారు. మతుడు అజయ్‌రెడ్డికి తమ్ముడు ఉండ గా, ప్రేంచందర్‌కు అక్క, తమ్ముడు ఉన్నారు. ప్రేంచందర్ తండ్రి  వెంకటేశ్వర్లు ఆర్టీసీలో మెకానిక్‌గా ఉద్యోగం చేసి రిటైర్డ్ కాగా, అజయ్ తండ్రి శ్రీనివాస్‌రెడ్డి ఏపీ గ్రామీణ వికాస్ బ్యాంక్‌లో ధర్మసాగర్ బ్రాంచ్ మేనేజర్‌గా పనిచేస్తున్నారు.
  
  మిన్నంటిన రోదనలు..
 
  రాత్రి కంప్యూటర్ బాగుచేసేందుకు వెళుతున్నట్లు చెప్పిన తమ కుమారుడు తిరిగి ఇంటికి రాలేదని ప్రేంచందర్ తల్లిదండ్రులు బోరున విలపించారు.  శుక్రవారం తెల్లవారుజామున ప్రేంచందర్ మిత్రుడు ఒకరు ఫోన్ చేసి ఆస్పత్రిలో ఉన్నాడని చెప్పేవరకు తమకు యాక్సిడెంట్ తెలియదని విలపించారు.
 
  హైదరాబాద్ వెళ్లినా బతికేటోడు..
 
  హైదరాబాద్ వెళతానని చెప్పిన తమ కుమారుడు ప్రయూణం వాయిదా వేసుకుని స్నేహితుడి ఎంగేజ్‌మెంట్ వెళ్లాడని, హైదరాబాద్‌కు వెళ్లిన బతికేటోడని అజయ్‌రెడ్డి తండ్రి శ్రీనివాస్‌రెడ్డి రోదించారు. తొందరగానే వస్తానని వెళ్లి శవమై వచ్చాడని వారు కన్నీరుమున్నీరయ్యారు.  అజయ్ మిత్రులు రోది స్తున్న తీరు అందరిని కంటతడి పెట్టించింది.
  


 ఉద్యోగం పురుష లక్షణం అన్నది ఒకప్పటిమాట. ఉద్యోగం మనుష్య లక్షణం అన్నది నేటి బాట. మనం నడిపే బండి మనకి సరిపోతుందా? లేదా? సౌకర్యంగా ఉంటుందా? లేదా? కొన్నాక ప్రాబ్లమ్స్ రాకుండా ఉంటుందా? లేదా? అని చూడడానికి టెస్ట్‌డ్రైవ్స్ ఉంటాయి. కానీ మన జీవితాన్ని ఉంచాలా? ముంచాలా? అని నిర్ణయించే ఉద్యోగానికి టెస్ట్ డ్రైవ్ ఉందా అంటే... ఉంది. ఆ టెస్ట్ డ్రైవ్ పేరే ఇంటర్న్‌షిప్.
 
 విద్యార్థుల టెంపరరీ వర్కింగ్ ఎక్స్‌పీరియన్స్ కంపెనీలు టెంపరరీ ఎంప్లాయీ రిక్వైర్‌మెంట్, ఈ రెంటినీ కలిపితే ఇంటర్న్‌షిప్ సెలవుల్లో ఖాళీయే. ఎలాగో 20 ఏళ్ళుగా నేర్చుకుంటూనే ఉన్నాం కదా! దాన్ని ఈసారి ఎక్కడైనా అప్లై చేయాలి ‘ఏ కంపెనీలో ఇంటర్న్‌షిప్ ఉందో ఎవరికి తెలుసు’ ఒక విద్యార్థి అయోమయం. ‘ఉన్న పనికి సరిపడా ఇంటర్న్ ఎవరైనా ఉన్నారా’ ఓ కంపెనీ అనుమానం. ఈ రెంటినీ పటాపంచలు చేసి కంపెనీలకి  విద్యార్థులకు మధ్య వారధిలా నిలిచింది ఇంటర్న్ ఫీవర్.కామ్
 
  ముగ్గురు స్నేహితురాళ్ళ సరదా పార్టీ సంభాషణల నుండి పుట్టిందే ఈ ఇంటర్న్ ఫీవర్.కామ్. ఆ ముగ్గురే ఈ వెబ్ పోర్టల్ ఫౌండర్స్ అయిన స్నేహప్రియ, కృష్ణప్రియ, అర్పిత (హైదరాబాద్) ‘యూఎస్‌లో స్టూడెంట్స్‌కి  కంపెనీలకి మధ్య ఇంటర్న్‌షిప్ కోసం వెబ్‌సైట్స్ చాలానే ఉన్నాయి. ఇక్కడ కూడా అలాంటి వెబ్‌ని ఒకటి స్టార్ట్ చేస్తే ఎలా ఉంటుంది?’ అనుకున్నారు ఆ ముగ్గురూ. ఆ సంవత్సరం మొత్తం బ్రెయిన్ స్టార్మింగ్ చేశారు. సర్వేలు నిర్వహించారు. అభిప్రాయాలు సేకరించారు.
 
 జనవరి 2010లో పుట్టిన ఆ ఆలోచన, నవంబర్ 2010కి ఆచరణలోకి వచ్చింది. దేశంలోని వివిధ సంస్థలు, కంపెనీలని సంప్రదించి వాళ్ళకి ఉన్న ఇంటర్న్ రిక్వైర్‌మెంట్ గురించి తెలుసుకుంటారు. ఇంటర్న్‌షిప్‌కి ఉండవలసిన అర్హతలు, ఇంటర్న్‌షిప్ ఎన్ని రోజులు ఉంటుంది... తదితర వివరాలను జోడించి పొందుపరుస్తారు. విద్యార్థులు అవసరమైనప్పుడు, తమకు తగ్గ ఇంటర్న్‌షిప్‌ని వెతుక్కుని అప్లయ్ చేసుకోవచ్చు. ఆర్ట్స్, కంప్యూటర్ సైన్స్, ఐటీ, సివిల్ తదితర రంగాలకు సంబంధించిన ఇంటర్న్‌షిప్ వివరాలు ఈ వెబ్‌సైట్‌లో కోకొల్లలు.
  
 ‘‘మీకు మా వెబ్‌సైట్‌లో రెండురోజుల నుండి మూడు నెలల వరకు డ్యూరేషన్ ఉన్న ఇంటర్న్‌షిప్ దొరుకుతాయి. వీలును బట్టి అప్లయ్ చేసుకోవచ్చు. డబ్బులు తీసుకొని ఇంటర్న్‌షిప్ ఇచ్చే వాళ్ళకోసం, సర్టిఫికేట్స్ కోసం ఇంటర్న్‌షిప్ చేసే వాళ్ళకోసం మేము పనిచేయం. ఒక కంపెనీ రిక్వైర్‌మెంట్‌కి వచ్చిన అప్లికేషన్స్ నుండి మేము, మా హెచ్‌ఆర్ టీమ్ కలిసి ఒక ఇంటర్న్‌షిప్‌కి 10-20 అభ్యర్థులని ఆయా కంపెనీలకు పంపిస్తాం. దానితో కంపెనీలకు ఎంచుకోవడం సులభం అవుతుంది.
 
 మేము ఈ ఇంటర్న్‌షిప్‌తో పాటు వ్యక్తిత్వ వికాసానికి సంబంధించి వర్క్‌షాప్స్ కూడా నిర్వహిస్తాం. కేర్, కోవీ లాంటి సంస్థలతో కలిసి ఎంట్‌‌‌రరపెన్యూర్ స్టార్టప్స్‌ని వృద్ధి చేసుకోవడానికి గెడైన్స్ కూడా ఇస్తాం. ‘ౌ్ట ఛిట్ఛ్చ్ట్ఛ 21ట్ట ఛ్ఛ్టిఠటడ ఛిజ్టీజ్డ్ఛీ’ అనేది మా కంపెనీ మోటో. అందుకు తగ్గట్టుగానే వేల మంది విద్యార్థులకి, అలాగే చాలా కంపెనీలకు మధ్య వారధిగా నిలిచాం’’ అంటారు కంపెనీ ఫౌండర్లలో ఒకరైన స్నేహప్రియ. వీళ్ళు చెప్పటమే కాక ఆచరిస్తారు. వారి మీద వారే ప్రయోగాలు చేస్తారు. 50 మంది దాకా ఉన్న స్టాఫ్‌లో సగానికి పైగా పనిచేసే వాళ్ళు కూడా ఇంటర్న్‌అవడం ఇందుకు నిదర్శనం. ఇంక ఆలస్యమెందుకు? వెంటనే మీ రెజ్యూమ్‌ని పంపండి, తినే ముందే రుచి చూసేయండి.
 
  http://www.internfever.com  
  - జాయ్
  


 ‘‘ఖాళీ సమయంలో కంప్యూటర్ ముందు కూర్చొని ఏం చేస్తారు?’’ అని అడిగితే-
  ‘‘నచ్చిన పుస్తకం చదువుతాం’’
  ‘‘నచ్చిన సినిమా చూస్తాం’’
  ‘‘నచ్చిన సంగీతం వింటాం’’ ఇలా రకరకాల ‘నచ్చిన’లు వినిపిస్తాయి.
  యమౌక(జపాన్)కు మాత్రం సకల ఇష్టాలు ‘చిత్రకళ’లోనే దర్శనమిస్తాయి. ఆయన వినియోగించే ఐపాడ్ మినీ ‘ఆర్ట్ స్టూడియో’గా మారింది మరి!  ఒసాక యూనివర్శిటీ ఆఫ్ ఆర్ట్స్‌లో చదువుకున్న యమౌక తన ఐఫోన్, ఐప్యాడ్ మినీల  ద్వారా  అద్బుతమైన ఫింగర్ పెయింటింగ్ పోర్ట్రేట్స్‌ను సృష్టించడంలో నైపుణ్యం సాధించాడు. యాప్ ‘ఆర్ట్ స్టూడియో’ దీనికి ఉపయోగపడింది.
  
  చిత్రమేమిటంటే ఆ చిత్రాలు ఆయిల్, ఆక్రిలిక్‌లో చిత్రించినట్లుగా ఉంటాయి.
  జపాన్‌లోని సకైలో నివసించే యమౌక తన వీడియోల ద్వారా ‘ఇంటర్నెట్ సెన్సేషన్’ అనిపించుకున్నాడు. ఫైన్ ఆర్ట్స్‌లో డిగ్రీ తీసుకున్న యమౌక ‘ఆర్ట్’ను కెరీర్‌గా మలుచుకోలేదు. వేరే ఏదో ఉద్యోగంలో చేరిపోయాడు. ఇంట్లో బొమ్మలు వేయడానికి టైం ఉండేది కాదు. ఆఫీసులో వేయడం కుదరదు కదా! అందుకే లంచ్ టైంలో తన ఐపాడ్ మీద బొమ్మలను సృష్టించేవాడు. సొంతంగా చిత్రించినవే కాకుండా... ప్రసిద్ధ చిత్రాలకు ‘నకలు’ సృష్టించడం ద్వారా ‘భేష్’ అనిపించుకున్నాడు.
  
  ప్రయాణంలో ఉన్నప్పుడు ఐపాడ్ మినీ లేదా ఐపాడ్ టచ్ ద్వారా చిత్రాలు రూపొందిస్తాడు. తరచుగా బయటి ప్రాంతాలకు ప్రయాణించే యమౌక తన అనుభవంలోకి వచ్చిన వివిధ దృశ్యాలను అందమైన డిజిటల్ పెయింటింగ్స్‌గా చిత్రిస్తాడు. దీనికి సుమారు మూడు నుంచి నాలుగు గంటల సమయం పడుతుంది. మరి యమౌక సహజసిద్ధమైన కాన్వాస్‌కు ముఖం ఎందుకు చాటేస్తున్నాడు?
  అదేమీ కాదు. వాటర్ కలర్ పోర్ట్రేట్స్ అద్భుతంగా వేస్తాడు. దీనికి ఫేస్‌బుక్ పేజీ, యూట్యూబ్ ఛానలే సాక్ష్యం!
  


 మహిళలతో పోలిస్తే పురుషులే ఇంటర్నెట్ను ఎక్కువగా వినియోగిస్తున్నారు. ప్రపంచ వ్యాప్తంగా మహిళల కంటే 20 కోట్ల మంది పురుషులు ఎక్కువగా నెట్ను వాడుతున్నారు. ఐక్యరాజ్య సమితి (యూఎన్) తాజా నివేదికలో ఈ విషయం తేలింది. ప్రపంచంలో మొత్తం 280 కోట్ల మంది నెటిజెన్లు ఉన్నట్టు తెలియజేసింది. వీరిలో 150 కోట్ల మంది పురుషులు, 130 కోట్ల మంది మహిళలు ఉన్నట్టు వెల్లడించింది.
 
 నెట్ వాడకంలో మహిళలు, పురుషుల మధ్య అంతరం వచ్చే మూడేళ్లలో మరింత (35 కోట్లు) పెరగనుందని యూఎన్ బ్రాడ్బాండ్ కమిషన్ నివేదికలో పేర్కొంది. మహిళలతో పోలిస్తే పురుషులే ఎక్కువగా కంప్యూటర్ను ఉపయోగిస్తున్నారని తెలిపింది. సంపన్న వర్గంలోనూ పురుషులదే పైచేయని తెలియజేసింది.


 మీ పీసీలో వాడుతున్న వెబ్‌బ్రౌజర్‌ను చూసి, మీ కంప్యూటర్‌లో ఓఎస్‌ను బట్టి... మీ మనస్తత్వాన్ని అంచనా వేసే ప్రపంచమిది. అందుబాటులోకి వస్తున్న నూతన టెక్నాలజీని అందిపుచ్చుకోవడంలో, దాన్ని ఉపయోగించుకోవడంలో ఏ మాత్రం ఆలస్యం అయినా.. అప్ టు డేట్‌గా లేరు... అనే అభిప్రాయం ఏర్పరుచుకొంటున్నారు. అధునాతన టెక్నాలజీని ఉపయోగించడం కొత్త కాన్ఫిడెన్స్‌ను ఇస్తోంది. ప్రత్యేకమైన గుర్తింపును ఇస్తోంది. ఈ నేపథ్యంలో.. పర్సనల్ కంప్యూటర్ ఆపరేటింగ్ సిస్టమ్స్ విషయంలో... అందులోనూ అప్లికేషన్‌ల విషయంలో అప్ టు డేట్ గా ఉండటం మంచిది. దీనివల్ల సౌకర్యానికి సౌకర్యం, ట్రెండీ అనే ఇమేజ్... రెండూ వస్తాయి. మరి కంప్యూటర్‌ల ఓఎస్ విషయంలో... ఇప్పుడు విండోస్ 8 వాడేవాళ్లు తాము ట్రెండీ  అనుకుంటున్నారు. ఐఓఎస్‌తో నడిచే ఖరీదైన పీసీలను పక్కనపెడితే... మిగతా లాప్‌టాప్‌ల విషయంలో, డెస్క్‌టాప్‌ల విషయంలో విండోస్ 8 స్పెషల్ అట్రాక్షన్‌గా మారింది. ప్రత్యేకించి విండోస్8 లోని అప్లికేషన్‌లు ‘వావ్’ అనిపిస్తున్నాయి. మరి అంతలా ఆకట్టుకుంటున్న ఆ అప్లికేషన్‌లు ఏవంటే...
  
  క్లౌడ్ స్టోరేజ్ కోసం...
 
  5 జీబీ ఫ్రీస్టోరేజ్‌కు అవకాశం ఇస్తోంది బాక్స్ అనే అప్లికేషన్. పర్సనల్, బిజినెస్ డాటా స్టోరేజ్‌కు బాక్స్ ఉత్తమ పరిష్కారం అంటారు. ఇంకా మైక్రోసాఫ్ట్‌కు చెందిన స్కై డ్రైవ్, ఫైల్ షేరింగ్ కు, క్లౌడ్‌లోని డాటా ఎడిటింగ్‌కు అవకాశమిచ్చే డ్రాప్‌బాక్స్, అంతులేని డాటా స్టోరేజ్‌కు అవకాశమిచ్చే బిట్‌కాసా ఇన్‌ఫెనైట్ స్టోరేజ్ అప్లికేషన్‌లు విండోస్ 8 పై అందుబాటులో ఉన్నాయి. వీటిలో తగినది ఎంపిక చేసుకునే ఛాయిస్ మీదే!
  
  వంటల విషయంలో పోటీ...
 
  నలభై వేల రెసిపీల ఐడియాలతో ఉన్న ఆల్ రెసిపీస్, కుకింగ్ ట్యుటోరియల్‌గా ఉండే యుమ్‌వైకుకింగ్ కంపానియన్, కొత్త కుకింగ్ బుక్ క్రియేట్ చేయడానికి అవకాశమిచ్చే రెసిపీ హౌస్ అప్లికేషన్‌లున్నాయి. టైమ్డ్ 2 పర్ఫెక్షన్, ఫుడ్‌మ్యాగ్ లు కూడా వంట విషయంలో గైడ్‌గా ఉండే అప్లికేషన్‌లు.
  
  గేమ్ అప్లికేషన్‌లు కూడా...
 
  విండోస్ 8 పై ఆకట్టుకునే గేమ్ అప్లికేషన్‌లు ఎన్నో అందుబాటులో ఉన్నాయి. స్మార్‌‌టఫోన్‌లో ఉండే గేమ్ అప్లికేషన్‌లకు ధీటుగా ఉంటాయివి. టచ్ స్క్రీన్‌పై ఈ అప్లికేషన్‌లు అదుర్‌‌స అనిపిస్తాయి. గ్రావిటీ గయ్, గేమ్ దేవ్ టైకూన్, రేడియంట్, ర్యాట్ ఆన్ స్నోబోర్డ్, మంకీ ఫ్లైట్, ఎక్స్‌బాక్స్ గేమ్స్, ఫిన్‌బాల్ ఎఫ్‌ఎక్స్ 2, రేడియంట్ డిఫెన్స్, యాంగ్రీ బర్డ్స్ స్పేస్, యాంగ్రీ బర్డ్స్ స్టార్ వార్స్ వంటి గేమ్ అప్లికేషన్‌లు ఉన్నాయి.
  
  ఫొటో ఎడిటింగ్ కోసం...
 
  విండోస్ ఫోన్‌లో అందుబాటులో ఉన్న ఫొటో ఎడిటర్‌లను పీసీకి మైగ్రేట్ చేశారు. 70 స్టైల్ ఫ్రేమ్స్‌తో ఉండే ఫోటోరూమ్, కిడ్స్ డ్రాయింగ్ ప్రాక్టీస్‌కు ఉపయోగకరంగా ఉండే ఫ్రెష్ పెయింట్, ఫొటో లుక్ మార్చేయగల పర్ఫెక్ట్ 365, ఇంకా గ్యాలరీ హెచ్‌డీ, ఫోటొర్, పికాసా ఆల్బమ్ పెయిడ్ వెర్షన్, స్కెచ్ టచ్.. వంటి ఫొటో ఎడిటింగ్ అప్లికేషన్‌లూ ఉన్నాయి.
  
  మ్యూజిక్ లవర్స్ కోసం...
 
  విండోస్ 8 మ్యూజిక్ లవర్స్‌ను అలరించడానికి కూడా ఎన్నో అప్లికేషన్‌లను అందుబాటులో ఉంచింది. ఇంటర్నెట్‌లో అనుసంధానమైన ఆప్స్‌తో ఆకట్టుకుంటోంది. వీటిలో ఏడు లక్షల ప్లేలిస్ట్స్‌తో ఉండే 8 ట్రాక్ రేడియో, ఇంకా నోకియా మ్యూజిక్, ఫ్రీ ఇంటర్నెట్ రేడియో అయిన ట్యూనెలన్ రేడియో, రెండు కోట్లకుపైగా ట్రాక్స్ ఉండే 7 డిజిట్ మ్యూజిక్ స్టోర్, పాపులర్ మ్యూజిక్ డిస్కవరీ సర్వీస్ షాజమ్, మ్యూజిక్ ట్యూబ్ వంటి అప్లికేషన్లుఉన్నాయి.
  
  ప్రొడక్టివిటీ కోసం కూడా...
 
  కేవలం వినోదం కోసమే కాక... విద్య, వృత్తి, వ్యాపార రంగాలకు ఉపయోగపడే అప్లికేషన్‌లను కూడా అందుబాటులో ఉంచింది విండోస్ 8. వీటిలో స్కై డ్రైవ్‌తో సింక్ అయ్యే వన్‌నోట్, డిజిటల్ నోట్ మేకింగ్‌లో బెస్ట్‌గా గుర్తింపు తెచ్చుకున్న ఎవర్ నోట్‌టచ్, టీమ్ వ్యూయర్ టచ్, పీడీఎఫ్ ఫైల్స్‌ను చ దవడంలో కొత్త ఎక్స్‌పీరియన్స్ ఇచ్చే పీడీఎఫ్ టచ్ తదితరాలున్నాయి.
  
  రీడింగ్ కోసం..
 
  చదువరుల కోసం ఆన్‌లైన్‌లో అందుబాటులో ఉన్న సైట్‌లలో బెస్ట్ అయిన వాటిని అప్లికేషన్‌లుగా అందుబాటులో ఉంచారు. వీటిలో దాదాపు పదిలక్షల బుక్స్‌తో ఉండే కిండ్లేస్టోర్, మ్యాగజీన్లు, న్యూస్‌పేపర్లను అందుబాటులో ఉంచుతూ... దాదాపు పదిలక్షల పుస్తకాలను ఉచితంగా చదువుకోవడానికి అవకాశమిచ్చే నూక్ తో పాటు పల్స్ న్యూస్, ఫర్ లేటర్, కామిక్స్, న్యూస్‌బెంటో, బుక్‌బజార్ రీడర్, అడోబ్ రీడర్ టచ్, మాగ్నా ఫ్లో వంటి అప్లికేషన్‌లు పుస్తకాల పురుగులకు దివిటీలుగా ఉన్నాయి. అంతేగాక... విజ్ఞానసర్వస్వం వికీపీడియాను ఒక బుక్ రూపంలో అప్లికేషన్‌గా అందుబాటులో ఉంచారు.
  
  ఆన్‌లైన్ షాపింగ్ కోసం...
 
  ఆన్‌లైన్ షాపింగ్ కోసం చక్కటి సైట్లుగా ఉన్న వాటిని అప్లికేషన్‌ల రూపంలో అందుబాటులో ఉంచారు. ఈ బే, అమజాన్, క్రెయిగ్ లిస్ట్‌ప్లస్ లు అప్లికేషన్‌లుగా ఉన్నాయి. వెబ్‌సైట్‌గా వీటిని బ్రౌజ్ చేయడం కంటే అప్లికేషన్‌లుగా వాడుకోవడం వల్ల సర్ఫింగ్ వేగవంతంగా ఉంటుంది.
  
  సోషల్ నెట్‌వర్కింగ్ కొంచెం కొత్తగా...
 
  విండోస్ 8 లో ఫేస్‌బుక్ అప్లికేషన్ లేదు. ఈ సోషల్ నెట్‌వర్కింగ్ సైట్‌ను వెబ్ బ్రౌజర్ ద్వారా ఓపెన్ చేసుకోవచ్చు. మిగతావాటిలో రెడిట్ ఆన్ రెడ్ హబ్, ట్విటర్, స్కైప్, మెట్రో ట్విట్, స్టంబుల్ అపాన్, ఐఎమ్ ప్లస్.. వంటి సైట్లు అప్లికేషన్‌లుగా అందుబాటులో ఉన్నాయి.
  
  - జీవన్‌రెడ్డి .బి
  
  స్మార్ట్‌ఫోన్ మార్కెటింగ్‌లో విండోస్ 8 ఓఎస్‌కు అప్లికేషన్‌ల లేమి ఉందనే విశ్లేషణలు వినిపిస్తున్నా, మిడిల్ రేంజ్ పీసీ ప్రపంచంలో మాత్రం అప్లికేషన్‌లో విషయంలో ఈ ఆపరేటింగ్ సిస్టమ్ బెస్ట్‌గా నిలుస్తోంది. టచ్ పీసీలకు, సాధారణ టాబ్లెట్‌ల విషయంలో విండోస్ 8 వినూత్నమైన అనుభవంగా నిలుస్తోంది.
  
  ఒక్కో అప్లికేషన్ గురించి ఒక్కో పదంతో తేల్చేసినా  టచ్ పీసీలో వీటిని వాడటంలో ఉండే ఎక్స్‌పీరియన్స్ గురించి చెప్పాలంటే ఎంతో ఉంటుంది.
  


  నేను నిత్యం కంప్యూటర్‌ను ఉపయోగించి పనిచేస్తుంటాను. కానీ నేను గమనించిన అంశం ఏమిటంటే దాదాపు రెండు, మూడు గంటల తర్వాత అంతే ఏకాగ్రతతో పనిచేస్తున్నా కొన్ని తప్పులు వస్తున్నాయి. నాకు ఆత్మవిశ్వాసం పాళ్లు ఎక్కువే. అయినా నా విషయంలో కంప్యూటర్ ఉపయోగంలో తరచూ తప్పులెందుకు దొర్లుతున్నాయో అర్థంకావడం లేదు. ఈ సమస్యను అధిగమించడానికి మార్గాలు చెప్పండి.
  - సునీల్, బెంగళూరు
  
  మీలా చాలామంది గంటలతరబడి కంప్యూటర్ ముందు కూర్చుని పనిచేస్తుంటారు. ఇలా సుదీర్ఘకాలం పాటు స్థిరంగా ఒకే పోశ్చర్‌లో కూర్చుంటే అది స్టాటిక్ లోడింగ్ అనే పరిస్థితికి దారితీస్తుంది. అంతెందుకు కేవలం అరగంటకే ఈ పరిస్థితి వస్తుంది. ఈ కండిషన్‌లో రక్తప్రసరణ 20 శాతం మందగిస్తుందని పరిశోధనల్లో తేలింది.
 
 ఇలా కూర్చుండిపోయినప్పుడు వాళ్ల ఉచ్ఛాస్వ నిశ్వాస లు సైతం 30 శాతం మందగిస్తాయి. దాంతో ఆక్సిజన్ పాళ్లూ 30 శాతం తగ్గుతాయి కదా. అంటే... ఆ మేరకు శరీరానికి అవసరమైన ప్రాణవాయువు తగ్గడంతో కూర్చుని పనిచేస్తున్న కొద్దిసేపటికే అలసిపోయిన ఫీలింగ్ కలుగుతుంది. అలాగే వ్యాయామం తగ్గడం వల్ల కీళ్లనొప్పులు, ఇతర ఆరోగ్య సమస్యలు వస్తాయి.
 
 అందుకే దీర్ఘకాలంపాటు అదేపనిగా కంప్యూటర్‌పై పనిచేయాల్సిన వారు కొద్ది కొద్ది సేపటి తర్వాత ఒకసారి లేచి కాసేపు పక్కన తిరగాలి. అలాగే నేరుగా అదేపనిగా కంప్యూటర్ స్క్రీన్ వైపు రెప్పవాల్చకుండా చూడకూడదు. ప్రతి పది నిమిషాలకు ఒకమారు కళ్లకు కాస్త విశ్రాంతినిస్తూ ఉండాలి. ఇలా కంప్యూటర్‌పై కూర్చుని పనిచేసేవారు రోజూ తప్పనిసరిగా వ్యాయామం చేయాలి. ఈ సూచనలను అనుసరిస్తే చాలావరకు మీరు చేసే తప్పుల సంఖ్య తగ్గుతుంది.
  
  డాక్టర్ భక్తియార్ చౌదరి
  స్పోర్ట్స్ మెడిసిన్ & ఫిట్‌నెస్ నిపుణుడు,
  హైదరాబాద్
  


 సాక్షి, సిటీబ్యూరో: రోజంతా కంప్యూటర్లకు అతుక్కపోవడం, గంటల తరబడి టీవీల ముందు కూర్చోవడం, రెప్పవాల్చకుండా అదేపనిగా పనిచేయడం, కనీస విరామం లేకపోవడం వల్ల ఐటీ దాని అనుబంధ రంగాల్లో పని చేస్తున్న ఉద్యోగుల్లో నూటికి 40 శాతం మంది ‘కంప్యూటర్ విజన్ సిండ్రోమ్’ వ్యాధితో బాధపడుతున్నారు. వైద్యుల పరిశోధనలో ఈ విషయం వెల్లడైంది. కళ్లు ఎరుపెక్కడం, కంట్లో నలుసు ఏర్పడటం, మంట, దురుద, తడారి పోవడం, నీరు కారడం, వంటి సమస్యలు కంటి చూపుపై తీవ్ర ప్రభావాన్ని చూపుతున్నాయి. నగరంలోని వాసన్, అగర్వాల్, ఎల్వీప్రసాద్, సరోజినీదేవి, మ్యాక్స్‌విజన్ తదితర కంటి ఆస్పత్రుల్లో ప్రతి రోజూ 400కు పైగా కేసు లు నమోదు అవుతుండటంపై ఆందోళన వ్యక్తమవుతోంది. జీవనశైలిని మార్చుకోకపోతే భవిష్యత్తులో కంటి చూపు దెబ్బతినే అవకాశమూ లేకపోలేదని వైద్యులు హెచ్చరిస్తున్నారు.
  
  రెప్పవాల్చకపోవడం వల్లే...
  నగరంలో ఐటీ, దాని అనుబంధ రంగాల్లో మూడు లక్షల మందికి పైనే పనిచేస్తున్నట్లు ఓ అంచనా. ప్రభుత్వ, ప్రైవేటు కార్యాలయాల్లోనూ కంప్యూటర్ల వినియోగం తప్పనిసరిగా మారింది. కనురెప్ప వాల్చకుండా గంటల తరబడి కంప్యూటర్ స్క్రీన్‌పై పనిచేస్తుండటం వల్ల కళ్లు దెబ్బతింటున్నాయి. ఐటీ అనుబంధ రంగాల్లో పనిచేస్తున్న ప్రతి వంద మందిలో 40 శాతం ఏదో ఒక కంటి సమస్యతో బాధపడుతున్నారని ప్రముఖ కంటి వైద్యుడు సుధాకర్‌రెడ్డి తెలిపారు. కంటిపై పెరుగుతున్న ఒత్తిడివల్ల తీవ్రమైన ఇరిటేషన్‌కు గురవుతున్నారు. ప్రతి చిన్న అంశానికి చిరాకు పడుతున్నారు. ఇక పిల్లలు గేమ్స్ అంటూ కంప్యూర్లకు అతుక్కపోతున్నారు. గంటల తరబడి టీవీలను వీక్షిస్తుండంతో చూపు మందగించి పుస్తకంలోని అక్షరాలను కూడా చదువలేకపోతున్నారు.