రోడ్డుప్రమాదంలో యువకుడు మృతి

గీసుకొండ (వరంగల్ జిల్లా) : గీసుకొండ మండలం కొమ్మల గ్రామం వద్ద వరంగల్-నర్సంపేట రహదారిపై జరిగిన రోడ్డు ప్రమాదంలో ఓ యువకుడు మృతిచెందాడు. బైక్‌పై మచ్చాపూర్ గ్రామం నుంచి స్వగ్రామానికి వెళ్తుండగా అదుపు తప్పి చెట్టును ఢీకొట్టారు. ఈ ప్రమాదంలో భాగావత్ శివ(16) అక్కడికక్కడే మృతిచెందగా, భాగావత్ వెంకన్న(15), కొర్ర రాజు(25) లకు తీవ్రగాయాలయ్యాయి. తీవ్రంగా గాయపడిన వెంకన్నను హైదరాబాద్ తరలించారు. రాజుకు వరంగల్ ఎంజీఎం ఆసుపత్రిలో చికిత్స అందిస్తున్నారు.  సంఘటనాస్థలానికి చేరుకున్న పోలీసులు కేసు నమోదు చేసుకుని దర్యాప్తు చేస్తున్నారు.