SL Vs Afg: శతక్కొట్టిన యువ బ్యాటర్‌.. క్లీన్‌స్వీప్‌ చేసిన లంక | SL Vs Afg 3rd ODI: Nissanka's Century Helps Sri Lanka Clean Sweep Over Afghanistan - Sakshi
Sakshi News home page

SL Vs Afg: శతక్కొట్టిన యువ బ్యాటర్‌.. క్లీన్‌స్వీప్‌ చేసిన లంక

Published Thu, Feb 15 2024 10:56 AM

SL Vs Afg 3rd ODI Nissanka Century Helps Sri Lanka Clean Sweep Series - Sakshi

Sri Lanka vs Afghanistan, 3rd ODI- పల్లెకెలె: అఫ్గానిస్తాన్‌లో జరిగిన మూడు వన్డేల సిరీస్‌ను ఆతిథ్య శ్రీలంక 3–0తో క్లీన్‌స్వీప్‌ చేసింది. బుధవారం జరిగిన ఆఖరి వన్డేలో లంక 7 వికెట్ల తేడాతో అఫ్గాన్‌పై ఘన విజయం సాధించింది. అఫ్గాన్‌ 48.2 ఓవర్లలో 266 పరుగుల వద్ద ఆలౌటైంది.

రహ్మత్‌ షా (65; 7 ఫోర్లు, 1 సిక్స్‌), అజ్మతుల్లా ఒమర్జాయ్‌ (54; 4 ఫోర్లు) రాణించారు. శ్రీలంక 35.2 ఓవర్లలో 3 వికెట్లు కోల్పోయి 267 పరుగులు చేసి గెలిచింది. 25 ఏళ్ల పాతుమ్‌ నిసాంక (101 బంతుల్లో 118; 16 ఫోర్లు, 2 సిక్స్‌లు) సెంచరీతో చెలరేగా...అవిష్క ఫెర్నాండో (91; 10 ఫోర్లు, 5సిక్స్‌లు) శతకం చేజార్చుకున్నాడు.  

నంబర్‌వన్‌ ఆల్‌రౌండర్‌గా నబీ... 
ఐసీసీ వన్డే ఆల్‌రౌండర్స్‌ కొత్త ర్యాంకింగ్స్‌లో అఫ్గాన్‌ ఆటగాడు మొహమ్మద్‌ నబీ నంబర్‌వన్‌ స్థానాన్ని అందుకున్నాడు. అతి పెద్ద వయసులో (39 ఏళ్ల ఒక నెల) ఈ ఘనత సాధించిన ఆటగాడిగా నబీ నిలిచాడు. 1739 రోజులు (మే 7, 2019నుంచి) నంబర్‌వన్‌ ఆల్‌రౌండర్‌ ర్యాంక్‌లో కొనసాగిన షకీబ్‌ అల్‌ హసన్‌ ఎట్టకేలకు రెండో స్థానానికి పడిపోయాడు.    

Advertisement
 
Advertisement