తెలంగాణలో రెండు ఎమ్మెల్సీ స్థానాలకు షెడ్యూల్‌ విడుదల

సాక్షి, హైదరాబాద్‌: తెలంగాణలో రెండు ఎమ్మెల్సీ స్థానాలకు షెడ్యూల్‌ విడుదలైంది. ఈ నెల 11న నోటిఫికేషన్‌ విడుదల కానుంది. 29న పోలింగ్‌ జరగనుంది.

ఎమ్మెల్యేలుగా ఎన్నికయిన కడియం శ్రీహరి, పాడి కౌశిక్‌రెడ్డి ఎమ్మెల్సీలుగా రాజీనామాతో రెండు స్థానాలు ఖాళీ అయ్యాయి. వీరిద్దరూ ఎమ్మెల్యే కోటా కిందనే ఎన్నికయ్యారు. దీంతో ఈ రెండు స్థానాలకు ఈ నెల 29న పోలింగ్ నిర్వహించి అదే రోజున ఫలితాలను వెల్లడించనున్నట్లు కేంద్ర ఎన్నికల కమిషన్ పేర్కొంది.

►జనవరి 11న నోటిఫికేషన్‌
►నామినేషన్ల దాఖలుకు చివరితేదీ జనవరి 18
►జనవరి 19న నామినేషన్ల స్క్రూట్నీ
►నామినేషన్ల ఉపసంహరణకు చివరితేదీ జనవరి 22
►జనవరి 29న ఎమ్మెల్సీ ఎన్నిక పోలింగ్‌, కౌంటింగ్‌