TV
న్యూఢిల్లీ: భద్రతా వైఫల్యంపై ప్రభుత్వాన్ని నిలదీస్తూ ప్లకార్డులు ప్రదర్శించడం, నినాదాలు చేయడంతో బుధవారం లోక్‌సభలో ఇద్దరు విపక్ష ఎంపీలపై సస్పెన్షన్‌ వేటు పడింది. కేరళ కాంగ్రెస్‌(మణి) సభ్యుడు థామస్‌ చెళికాదన్, సీపీఎం సభ్యుడు ఎ.ఎం.అరీఫ్‌ను సభ నుంచి ఈ సెషన్‌లో మిగిలిన కాలమంతా సస్పెండ్‌ చేస్తున్నట్లు స్పీకర్‌ ప్రకటించారు.
దీంతో ప్రస్తుత శీతాకాల సమావేశాల్లో పార్లమెంట్‌ నుంచి సస్పెండైన విపక్ష ఎంపీల సంఖ్య 143కు చేరుకుంది. లోక్‌సభ నుంచి 97 మంది, రాజ్యసభ నుంచి 46 మంది సస్పెండయ్యారు.
