TV
తిరువనంతపురం: సస్పెన్షన్‌కు గురైన కాంగ్రెస్‌ ఎమ్మెల్యే రాహుల్ మమ్‌కూట్టతిల్‌పై శుక్రవారం లైంగిక దాడి కేసు నమోదైంది. పలుమార్లు లైంగిక దాడికి పాల్పడటంతోపాటు బలవంతంగా గర్భస్రావంచేయించారంటూ ఆయనపై గురువారం రాత్రి ఓ మహిళ ఫిర్యాదు చేశారు.
ఆమె వాంగ్మూలాన్ని నమోదు చేసిన పోలీసులు శుక్రవారం ఉదయం వలియమల పోలీస్‌ స్టేషన్‌లో కేసు నమోదు చేశారు. బాధితురాలు గురువారం సీఎం విజయన్‌కు ఫిర్యాదు చేయడం, ఆడియో క్లిప్పులు, ఛాట్‌ వివరాలు బయటపెట్టడం సంచలనం రేపింది. ఈ కేసుపై ప్రభుత్వం సిట్‌ను ఏర్పాటు చేసింది.
