భారతీయ దుస్తుల్లో ఎందుకొచ్చారు?.. జంటకు రెస్టారెంట్‌లోకి నో ఎంట్రీ!

ఢిల్లీ: దేశ రాజధాని ఢిల్లీలో షాకింగ్‌ ఘటన చోటుచేసుకుంది. భారతీయ వస్త్రధారణతో రెస్టారెంట్‌కు వెళ్లిన ఓ జంటకు చేదు అనుభవం ఎదురైంది. భారతీయ వస్త్రధారణతో వెళ్లిన కారణంగా వారిని రెస్టారెంట్‌లోకి అనుమతించ లేదు. దీనికి సంబంధించిన వీడియో సోషల్‌ మీడియాలో చక్కర్లు కొడుతోంది. ఇక, ఈ ఘటనపై రెస్టారెంట్‌ యాజమాన్యం స్పందిస్తూ.. వింత సమాధానం ఇవ్వడం గమనార్హం.

వివరాల ప్రకారం.. ఢిల్లీలో పితాంపురలో ఉన్న రెస్టారెంట్‌కి ఓ జంట డిన్నర్‌కు వెళ్లారు. భారతీయ వస్త్రధారణతో వారిద్దరూ వెళ్లడంతో సదరు రెస్టారెంట్‌ జంటకు లోపలికి అనుమతించలేదు. సిబ్బంది అనుమతి నిరాకరించారు. రెస్టారెంట్‌లోకి ఇతరులను అనుమతించగా.. తమతో మాత్రం మేనేజర్‌ అసభ్యంగా ప్రవర్తించాడని ఆ జంట ఆరోపించింది. దీంతో, వారికి ఎదురైన అనుభవాన్ని సోషల్‌ మీడియాలో షేర్‌ చేశారు. అనంతరం, ఈ వీడియో వైరల్‌గా మారింది. దీనిపై స్పందించిన ఢిల్లీ మంత్రి కపిల్‌ మిశ్రా ఈ అంశాన్ని సీఎం రేఖా గుప్తా దృష్టికి తీసుకెళ్లినట్లు పేర్కొన్నారు. ఈ సందర్భంగా సీఎం రేఖా గుప్తా ఈ ఘటనను తీవ్రంగా పరిగణించారని, దీనిపై దర్యాప్తు చేసి తక్షణ చర్యలకు అధికారులను ఆదేశించారని మంత్రి కపిల్‌ మిశ్రా ట్విట్టర్‌లో వెల్లడించారు. అంతేకాకుండా ఇకపై రెస్టారెంట్‌ యజమానులు కస్టమర్స్‌కు ఎలాంటి నిషేధాజ్ఞలు విధించరని పేర్కొన్నారు.

How can a restaurant in India 
stop entry in India 
for wearing an Indian wear…

Dear @KapilMishra_IND ji,

Please look into the matter. 

pic.twitter.com/f1ueFvPIco

— MANOGYA LOIWAL मनोज्ञा लोईवाल (@manogyaloiwal) August 8, 2025

ఇదిలా ఉండగా.. ఈ వ్యవహారంపై రెస్టారెంట్‌ యజమాని నీరజ్‌ అగర్వాల్ స్పందించారు. తమ రెస్టారెంట్‌పై వచ్చిన ఆరోపణలు అవాస్తవంటూ తోసిపుచ్చారు. ఆ జంట టేబుల్‌ బుక్‌ చేసుకోలేదని, అందుకే వారిని లోపలికి అనుమతించలేదని చెప్పుకొచ్చారు. రెస్టారెంట్‌లో ఎలాంటి వస్త్రధారణ విధానం లేదన్నారు. కస్టమర్స్‌ అందరికీ ఆహ్వానం ఉంటుందని వెల్లడించారు. మరోవైపు, ఈ వీడియో చూసిన నెటిజన్లు రెస్టారెంట్‌ యాజమాన్యం తీరుపై మండిపడుతున్నారు. ఇలా ప్రవర్తించే రెస్టారెంట్‌లను మూసివేయాలని డిమాండ్‌ చేస్తూ పోస్టులు పెడుతున్నారు.

This is unacceptable in Delhi 

पीतमपुरा के एक रेस्टोरेंट में भारतीय परिधानों पर रोक का वीडियो सामने आया है 

ये अस्वीकार्य है 

CM @gupta_rekha जी ने घटना का गंभीरता से संज्ञान लिया है 

अधिकारियों को इस घटना की जांच व तुरंत कार्यवाही के निर्देश दिए गए हैं https://t.co/ZUkTkAZmAT

— Kapil Mishra (@KapilMishra_IND) August 8, 2025