మసాలా దోసెలో బొద్దింక

యశవంతపుర: బెంగళూరు నగరంలో బెస్ట్‌ హోటల్‌గా పేరుగాంచిన మల్లేశ్వరంలోని ఓ హోటల్‌లో మసాలా దోసెలో బొద్దింక వచ్చిందని ఓ కస్టమర్‌ ఆరోపించాడు. వివరాలు.. వెన్న దోసెకు పేరుగాంచిన ఈ హోటల్‌కు రోజూ వేల సంఖ్యలో వస్తుంటారు. కస్టమర్‌ కూడా దోసె ఆర్డర్‌ ఇచ్చాడు. 

దోసె తింటుండగా చచ్చిన బొద్దింక అందులో ఉంది. సిబ్బందికి చెప్పగా, వారు పెద్దగా స్పందించలేదు. మరో దోసెను ఇస్తామని తాపీగా చెప్పారని కస్టమర్‌ తన వీడియోలో తెలిపాడు. బొద్దింక పడిన దోసెకు బదులు మరో దోసెను ఇస్తే సరిపోతుందా అని అతడు తీవ్ర అసహనం వ్యక్తం చేశాడు. పేరున్న హోటళ్లలోనే పరిస్థితి ఇలా ఉంటే అధికారులు ఏం చేస్తున్నారు? అని ప్రశ్నించాడు.