కువైట్‌ నుంచి మృతదేహాలు.. కొచ్చిన్‌ చేరుకున్న ప్రత్యేక విమానం | Air Force Aircraft Taken Off From Kuwait Carrying Bodies Of 45 Indians Updates | Sakshi
Sakshi News home page

కువైట్‌ నుంచి మృతదేహాలు.. కొచ్చిన్‌ చేరుకున్న ప్రత్యేక విమానం

Published Fri, Jun 14 2024 9:03 AM | Last Updated on Fri, Jun 14 2024 12:15 PM

Air Force Aircraft Taken Off From Kuwait Carrying Bodies Of 45 Indians Updates

 Updates..

👉కువైట్‌ అగ్ని ప్రమాదంలో చనిపోయిన వారికి సీఎం విజయన్‌, కేంద్ర మంత్రి కృతివర్ధన్‌ సింగ్‌, ఇతర మంత్రులు నివాళులు అర్పించారు. కొచ్చిన్‌ విమానాశ్రయంలో సంతాపం తెలిపారు. 

 

 

👉 కువైట్‌లో మరణించిన వాళ్ల మృతదేహాలను కొచ్చిన్‌ ఎయిర్‌పోర్టు నుంచి స్వస్థలాలకు తరలిస్తామని విదేశాంగ శాఖ ప్రకటించింది.

 

 

 

 

కువైట్‌ మృతుల్లో తెలుగు వాళ్లు వీళ్లే 

  • శ్రీకాకుళం జిల్లా సోంపేట మండలం జింకిభద్ర గ్రామానికి చెందిన తామాడ లోకనాథం (31), 
  • తూర్పుగోదావరి జిల్లా పెరవలి మండలం ఖండవల్లికి చెందిన సత్యనారాయణ, 
  • అన్నవరప్పాడుకు చెందిన మీసాల ఈశ్వరుడు 

👉 కువైట్‌ నుంచి 45 మంది భారతీయుల మృతదేహాలు కొచ్చిన్‌ చేరుకున్నాయి. మృతుల్లో ఏపీకి చెందిన వారు ముగ్గురు ఉన్నారు. కాగా, మృతదేహాలకు ప్రభుత్వం డీఎన్‌ఏ టెస్టులు నిర్వహించనుంది. 

 

👉 కొచ్చిన్‌ విమానాశ్రయానికి చేరుకున్న కేరళ సీఎం పినరయి విజయన్‌, కేంద్రమంత్రి సురేష్‌ గోపి. మృతదేహాలను బంధువులకు అప్పగించేందకు అన్ని ఏర్పాట్లు చేసిన ప్రభుత్వం. అంబులెన్స్‌లు సిద్ధం చేసిన కేరళ ప్రభుత్వం. 

 

 

👉ఇటీవల కువైట్‌లో జరిగిన అ‍గ్ని ప్రమాదంలో భారత్‌కు చెందిన 45 మంది కార్మికులు మరణించారు. కాగా, వారి మృతదేహాలను భారత్‌కు తరలిస్తున్నారు. భారత వైమానిక దళానికి చెందిన ప్రత్యేక విమానం C-130J శుక్రవారం ఉదయం కువైట్‌ నుంచి కేరళకు బయలుదేరింది.

👉కాగా, కువైట్‌లోని మంగాఫ్‌లో జరిగిన ఘోర అగ్ని ప్రమాదంలో 45 మంది భారతీయులు మృతిచెందారు. ఈ నేపథ్యంలో వారి మృతదేహాలను భారత్‌కు తరలించేందుకు విదేశాంగశాఖ తీవ్ర ప్రయత్నాలు చేస్తోంది. శుక్రవారం ఉదయం విదేశాంగ శాఖ సహాయ మంత్రి కీర్తి వర్ధన్ సింగ్ కువైట్‌ చేరుకున్నారు. ఈ సందర్భంగా ఆయన కువైట్‌ అధికారులతో మాట్లాడి మృతదేహాలను వెంటనే భారత్‌కు తరలించేలా కృషి చేశారు. ఇక, భారతీయుల మృతదేహాలతో ప్రత్యేక విమానం C-130J కువైట్‌ నుంచి శుక్రవారం ఉదయం బయలుదేరింది.

 

 

అయితే, దక్షిణ కువైట్‌లోని విదేశీ కార్మికులు నివసిస్తున్న భవనంలో జరిగిన భారీ అగ్నిప్రమాదంలో దాదాపు 50 మంది మృతిచెందగా వారిలో 45 మంది భారతీయులు ఉన్నారు. ఈ ప్రమాదంలో మరో 50 మంది గాయపడ్డారు. మృతుల్లో ఎక్కువ మంది కేరళకు చెందినవారు ఉన్నారు. 24 మంది మలయాళీలు చనిపోయినట్టు సమాచారం. ఈ మేరకు ఓ అధికారి అనధికారికంగా ఓ ప్రకటన చేశారు. ప్రత్యేక విమానం కొచ్చి విమానాశ్రయానికి వస్తున్న నేపథ్యంలో అక్కడ భారీ భద్రతను ఏర్పాటు చేశారు. అలాగే, మృతదేహాలను వారి స్వస్థలాలకు తరలించేందుకు అన్ని ఏర్పాట్లు చేసినట్టు అధికారులు చెబుతున్నారు. 

 

 

No comments yet. Be the first to comment!
Add a comment
Advertisement
 
Advertisement
 
Advertisement