చిరంజీవికి అరుదైన గౌరవం.. మెగా కోడలు తర్వాత! | Sakshi
Sakshi News home page

Megastar Chiranjeevi: చిరంజీవికి అరుదైన గౌరవం.. ఆ లిస్ట్‌లో చోటు!

Published Mon, May 27 2024 6:53 PM

Megastar Chiranjeevi Gets Awarded UAE Gloden Visa Honoured By Dubai Govt

మెగాస్టార్‌ చిరంజీవికి అరుదైన గౌరవం లభించింది. చిరుకు దుబాయ్‌ ప్రభుత్వం ఆయనకు గోల్డెన్‌ వీసాను అందించింది. ఇప్పటికే వివిధ రంగాల్లో విశేష కృషి చేసిన వారికి యూఏఈ ప్రభుత్వం గోల్డెన్ వీసాలు మంజూరు చేస్తోంది. ఈ వీసాతో దుబాయ్‌లో పదేళ్ల పాటు ఎలాంటి పరిమితులు లేకుండా నివాసం ఉండేందుకు అనమతి లభిస్తుంది. 2019 నుంచి యూఏఈ ప్రభుత్వం ఈ గోల్డెన్‌ వీసాలు అందిస్తోంది.

అయితే ఇప్పటికే ఈ వీసా అందుకున్న వారిలో తమిళ స్టార్‌ హీరోలు రజనీకాంత్‌, కమల్ హాసన్‌ లాంటి అగ్రహీరోలు కూడా ఉన్నారు. తాజాగా మెగాస్టార్‌ సైతం వారి సరసన చేరనున్నారు. అయితే మెగాస్టార్‌ కంటే ముందే మెగా ఫ్యామిలీ నుంచి ఇద్దరు ఈ గోల్డెన్‌ వీసాను అందుకున్నారు. చిరుకంటే ముందుగా రామ్ చరణ్‌ భార్య, ఆయన కోడలు ఉపాసన, ఐకాన్ స్టార్‌ అల్లు అర్జున్‌ గోల్డెన్‌ వీసాను అందుకున్నారు. తాజాగా ఈ వీసాను చిరంజీవికి ఇవ్వడంతో మెగా ఫ్యాన్స్‌ అభిమానులు సంతోషం వ్యక్తం చేస్తున్నారు. కాగా.. ప్రస్తుతం చిరంజీవి విశ్వంభర చిత్రంలో నటిస్తున్నారు. బింబిసార్ ఫేమ్, వశిష్ట డైరెక్షన్‌లో ఈ సినిమాను తెరకెక్కిస్తున్నారు. 
 

Advertisement
 
Advertisement
 
Advertisement