నటిని పెళ్లాడిన టైగర్‌ నాగేశ్వరరావు విలన్.. వీడియో వైరల్! | Malayalam Actor Sudev Nair Ties The Knot With Model Amardeep Kaur In Guruvayur - Sakshi
Sakshi News home page

ప్రియురాలిని పెళ్లాడిన విలన్.. వీడియో వైరల్!

Published Mon, Feb 19 2024 6:54 PM

Malayalm Actor Sudev Nair Knot with His Lover Video Goes Viral - Sakshi

ప్రస్తుతం ఎక్కడా చూసినా పెళ్లిళ్ల సందడే కనిపిస్తోంది. సమ్మర్‌ సీజన్‌ మొదలు కానున్న నేపథ్యంలో వచ్చే మూడు నెలలు పెళ్లిళ్లు జరగనున్నాయి. సినీ ఇండస్ట్రీలోనూ పెళ్లి కళ మొదలైంది. తాజాగా మరో నటుడు ఓ ఇంటివాడయ్యారు. ప్రముఖ మలయాళ నటుడు సుదేవ్ నాయర్ వివాహాబంధంలోకి అడుగుపెట్టారు. తన ప్రియురాలు, నటి అమర్‌దీప్‌ కౌర్‌ను పెళ్లాడారు. 

గత కొంత కాలంగా డేటింగ్‌లో ఉన్న వీరిద్దరు.. తాజాగా కేరళ సంప్రదాయం ప్రకారం ఈ జంట ఏడడుగులు వేశారు. వీరి పెళ్లికి బంధువులు, సన్నిహితులు మాత్రమే హాజరయ్యారు. పెళ్లి అనంతరం స్థానిక గురువాయూర్ ఆలయంలో ఈ జంట పూజలు చేశారు. దీనికి సంబంధించిన వీడియో సోషల్ మీడియాలో వైరలవుతోంది. ఈ విషయం తెలుసుకున్న సినీ ప్రముఖులు నూతన దంపతులకు అభినందనలు చెబుతున్నారు. 

కాగా..సుదేవ్ నాయర్ 2014లో గులాబ్‌ గ్యాంగ్‌ అనే చిత్రం ద్వారా ఇండస్ట్రీలోకి ఎంట్రీ ఇచ్చారు. ఆ తర్వాతా దక్షిణాదిలో దాదాపు 30కి పైగా సినిమాల్లో నటించారు. తెలుగులో రవితేజ టైగర్ నాగేశ్వరరావు, నితన్ ఎక్స్‌ట్రార్డీనరీ మ్యాన్‌ చిత్రాల్లో కీలక పాత్రలు పోషించారు. 

 
 

Advertisement
 
Advertisement
 
Advertisement