ఏపీలో ‘కాంతార: చాప్టర్‌ 1’ టికెట్‌ ధరలు పెంపు.. ఎంతంటే?

కన్నడ నటుడు రిషబ్‌ శెట్టి హీరోగా నటించిన ‘కాంతారా ఛాప్టర్‌-1’(Kantara : Chapter 1) సినిమా టికెట్‌ ధరలు పెంపునకు ఆంధ్రప్రదేశ్‌ ప్రభుత్వం అనుమతి ఇచ్చింది. రాష్ట్రంలోని స్క్రీన్ థియేటర్లలో రూ.75, మల్టీప్లెక్స్ లలో రూ.100 పెంపునకు అనుమతి ఇస్తూ ఉతర్వ్యూలు జారీ చేసింది. దీంతో పాటు ప్రీమియర్స్‌కి కూడా అనుమతి ఇచ్చింది. 

అక్టోబర్‌ 1న రాత్రి 10 గంటలకు ప్రీమియర్స్‌ షో పడనుంది. దీనికి కూడా ఈ పెంపు వర్తిస్తుంది. అలాగే అక్టోబర్‌  2 నుంచి 11 వరకు సింగిల్‌ స్క్రీన్లలో రూ. 75, మల్లిప్లెక్స్‌లలో రూ. 100 పెంచుకునే వెలుసుబాటుని కల్పించింది.

కాంతార: చాప్టర్ 1 విషయానికొస్తే.. పాన్‌ ఇండియా బ్లాక్‌ బస్టర్‌ ‘కాంతార’ చిత్రానికి ప్రీక్వెల్‌ ఇది. ఈ చిత్రాన్ని రిషబ్‌ శెట్టి స్వయంగా దర్శకత్వం వహించి, నటించారు. ఇటీవల విడుదలైన థియేట్రికల్ ట్రైలర్ అన్ని భాషలలో హ్యుజ్ బజ్‌ క్రియేట్ అంచనాలను భారీగా పెంచింది. ప్రముఖ నిర్మాణ సంస్థ హోంబలే ఫిల్మ్స్ నిర్మించిన ఈ చిత్రం అక్టోబర్ 2న దసరాకు విడుదల కానుంది.