‘భూతం ప్రేతం’ పెద్ద హిట్‌ కావాలి: అనిల్‌ రావిపూడి

‘జబర్దస్త్‌’ ఫేమ్‌ యాదమ్మ రాజు, గల్లీబాయ్‌ భాస్కర్, ఇమ్మాన్యుయేల్, బల్వీర్‌ సింగ్, గడ్డం నవీన్, పవన్‌ శెట్టి, రాజేష్‌ ధృవ, రాధిక అచ్యుత్‌ రావు ప్రధాన పాత్రల్లో నటించిన చిత్రం ‘భూతం ప్రేతం’. రాజేష్‌ ధృవ దర్శకత్వంలో బి. వెంకటేశ్వర రావు నిర్మించారు. ఈ సినిమా టైటిల్, ఫస్ట్‌ లుక్, గ్లింప్స్‌ను డైరెక్టర్‌ అనిల్‌ రావిపూడి విడుదల చేసి, మాట్లాడుతూ– ‘‘భూతం ప్రేతం’ టైటిల్, ఫస్ట్‌ లుక్‌ చాలా బాగున్నాయి. సినిమా పెద్ద హిట్‌ అవ్వాలని కోరుకుంటున్నాను’’ అన్నారు. 

 ‘‘హారర్‌ కామెడీ నేపథ్యంలో రూ΄÷ందిన చిత్రం ‘భూతం ప్రేతం’. ఐదుగురు కుర్రాళ్లు అనుకోకుండా భూతానికి చిక్కుకుంటారు. ఆ తర్వాత ఆ భూతం నుంచి వారు ఎలా బయటపడ్డారు? అన్నది కథ. మా చిత్రం ప్రేక్షకులను నవ్విస్తుంది... భయపెడుతుంది. ఈ ఏడాదిలోనే మా సినిమాని విడుదల చేయాలనుకుంటున్నాం’’ అని చిత్రయూనిట్‌ తెలిపింది. ఈ చిత్రానికి సంగీతం: గిరీష్‌ హోతుర్, కెమెరా: యోగేష్‌ గౌడ.