గుంతల్లో పల్లె ప్రయాణం

● ధ్వంసమైన రహదారులు ● ఊరికి బస్సు వచ్చినా రోడ్లు అధ్వానం ● బస్సు డ్యామేజీకి సిబ్బంది వేతనాల్లో కోత ● జిల్లాలోని కొన్ని కొన్ని దారులు అధ్వానంగా మారి బస్సులు రద్దు చేయాల్సి వస్తోంది. ● మంచిర్యాల నుంచి ర్యాలీగడ్‌పూర్‌కు వెళ్లే ఏసీసీ స మీపంలో రాళ్లవాగుపై వంతెన దెబ్బతినడంతో బస్సులు వెళ్లే మార్గం లేక రద్దు చేశారు. వంతెన పూర్తి చేస్తే గానీ బస్సు నడిచే పరిస్థితి లేదు. గ్రామం నుంచి కూరగాయలు, పాల విక్రయదారులతోపాటు ఇతర పనుల నిమిత్తం వచ్చే వారు ప్రతామ్నాయ వాహనాలు ఎంచుకోవాల్సి వస్తోంది. ● రాజీవ్‌నగర్‌ మోడల్‌స్కూల్‌ వద్ద మట్టి ఉండడం వల్ల బస్సు టైర్లు కూరుకుపోతున్నాయి. ● దహెగాం, మెట్‌పల్లికి వెళ్లే మార్గమధ్యంలో కల్వడ వద్ద రోడ్డు డ్యామేజీ ఎక్కువగా ఉంది. గుంతల రోడ్లు కావడంతో బస్సుల బంపర్‌ నేలకు తగులుతుండడంతో డ్రైవర్లు అష్టకష్టాలు పడాల్సి వస్తోంది. ● బొప్పారం రోడ్డు కొంతమేర మట్టి కావడంతో ఇ బ్బందులున్నాయి. పంగిడి సోమారం వెళ్లే బస్సులు సాఫీగా రాకపోకలు సాగించాలంటే దారికి ఇరువైపుల చెట్ల పొదలు తొలగించాల్సి ఉంది. ● దౌడపల్లి, కొమ్ముగూడేంకు వెళ్లే రహదారి దాదా పు 5కిలోమీటర్ల మేర పూర్తిగా ఆధ్వానంగా మారింది. ● వర్షం కురిస్తే బలరావుపేట్‌కు బస్సుల రాకపోకలకు ఇబ్బందిగా మారింది.