నక్షత్రం కడుపులో రాక్షస బ్లాక్‌హోల్‌.. ఇదేం వింత!

మన విశ్వం ఎప్పుడూ వింతల పుట్టే. తాజాగా జేమ్స్‌ వెబ్‌ స్పేస్‌ టెలిస్కోప్‌ సాయంతో శాస్త్రవేత్తలు అంతరిక్షంలో ఒక ఊహించని సరికొత్త వింత వస్తువును కనుగొన్నారు. దానికి వాళ్లు ‘బ్లాక్‌ హోల్‌ స్టార్‌’ అని పేరు పెట్టారు.

సాధారణంగా నక్షత్రం వేరు, బ్లాక్‌ హోల్‌ వేరు. కానీ ఈ వింత వస్తువు మాత్రం నక్షత్రంలా కనిపిస్తూ... మన సూర్యుడి కంటే లక్ష రెట్లు పెద్దదైన ఒక రాక్షస బ్లాక్‌ హోల్‌ను తన కడుపులో దాచుకుంది! దీని చుట్టూ మన సౌరవ్యవస్థ అంత పెద్ద పరిమాణంలో దట్టమైన హైడ్రోజన్‌ వాయువు ఒక రక్షణ కవచంలా అల్లుకుపోయింది.

మన విశ్వం పుట్టిన కొత్తలో అంటే  బిగ్‌ బాంగ్‌ జరిగిన కేవలం 66 కోట్ల సంవత్సరాల తర్వాత ఇది ఏర్పడి ఉంటుందని అంచనా వేస్తున్నారు. ఇది విశ్వంలో ఉండే ఏ సాధారణ నక్షత్రం విడుదల చేయలేనంతగా దాదాపు 10,000 కోట్ల రెట్లు ఎక్కువ శక్తిని ఇది కాంతి రూపంలో బయటకు వదులుతోంది! అందుకే ఇది టెలిస్కోప్‌కు ఒక పెద్ద ‘ఎర్రటి చుక్క’(Mysterious Red Dot) లా కనిపించింది. మన విశ్వం ఎలా పుట్టిందో తెలుసుకోవడానికి ఈ ‘బ్లాక్‌ హోల్‌ స్టార్‌’ ఒక పెద్ద తాళంచెవిలా మారబోతోంది!

ఇవి చదవండి: రోజూ విమానం కోసం ఎదురుచూసే బాలుడు! చివరికి..