ఢిల్లీ హైకోర్టులో ఎలోన్‌ మస్క్‌ పిటిషన్‌.. ఎందుకంటే | Sakshi
Sakshi News home page

ఢిల్లీ హైకోర్టులో ఎలోన్‌ మస్క్‌ పిటిషన్‌.. ఎందుకంటే

Published Tue, May 28 2024 8:07 PM

Tesla Vs Tesla: Court Asks Tesla Power India To Furnish Dealer And Product Details

టెస్లా పవర్‌ ఇండియా కంపెనీకి ఢిల్లీ హైకోర్టు కీలక ఆదేశాలు జారీ చేసింది. సంస్థ పేరు మీద ఎన్ని  ఎలక్ట్రిక్‌ స్కూటర్లు ఉన్నాయి. ఉంటే వాటి అమ్మకాలతో సహా ఇతర వివరాలతో కూడిన అఫిడవిట్‌ దాఖలు చేయాలని సూచించింది.  

గురుగావ్‌ కేంద్రంగా సేవలందిస్తున్న టెస్లా పవర్ ఇండియాపై అపరకుబేరుడు, టెస్లా సీఈవో ఎలోన్‌ మస్క్‌ ట్రేడ్‌మార్క్ ఉల్లంఘన దావాపై పిటిషన్‌ దాఖలు చేశారు. ఆ పిటిషన్‌కు ప్రతిస్పందనగా ఢిల్లీ హై కోర్టు ఆదేశాలు ఇచ్చింది. టెస్లా పవర్‌పై కేసును హైకోర్టు గురువారం విచారించనుంది.

టెస్లా కంపెనీ ట్రేడ్‌ మార్క్‌తో భారత్‌లోని స్థానిక సంస్థ టెస్లా పవర్‌ ఇండియా వినియోగిస్తోందని, దీనిపై గందరగోళం నెలకొందని.. వ్యాపార ప్రయోజనాలకు హాని కలిగిస్తోందని వాదించింది. అంతేకాదు టెస్లా పవర్ బ్యాటరీలపై తమకు (టెస్లా-యూఎస్‌) ఫిర్యాదులు అందుతున్నాయని ఢిల్లీ హైకోర్టులో దాఖలు చేసిన పిటిషన్‌లో టెస్లా వెల్లడించింది.  

టెస్లా పవర్ బ్యాటరీలు ఎలోన్ మస్క్ టెస్లా కంపెనీవేనని ప్రచారం చేయడం, లోగోను వినియోగించుకున్నట్లు హైలెట్‌ చేసింది. దీనిపై వెంటనే చర్యలు తీసుకోవాలని మస్క్‌ తరుపు న్యాయవాది కోర్టుకు విజ్ఞప్తి చేసింది. 
 

Advertisement
 
Advertisement
 
Advertisement