టీడీపీలో అసమ్మతి.. జనసేనలో పొలిటికల్‌ ట్విస్టులు.. | AP ZP Elections And Political Updates On 20th Nov | Sakshi
Sakshi News home page

టీడీపీలో అసమ్మతి.. జనసేనలో పొలిటికల్‌ ట్విస్టులు..

Nov 20 2026 9:12 AM | Updated on Nov 20 2026 9:22 AM

AP ZP Elections And Political Updates On 20th Nov

స్థానిక సంస్థల ఎన్నికలు.. తాజా పరిణామాలు

చిత్తూరు జిల్లా

  • టీడీపీలో అసమ్మతి సెగలు
  • జిల్లా జెడ్పీ చైర్‌పర్సన్‌గా పూతలపట్టు జెడ్పీటీసీ శైలజ పేరును ఖరారు చేసిన టీడీపీ.
  • వైస్‌ చైర్‌పర్సన్‌గా గుడుపల్లి జెడ్పీటీసీ మంజుశ్రీ ఎంపిక.
  • జెడ్పీ చైర్‌పర్సన్‌ పదవిని ఆశించి భంగపడిన బంగారుపాళ్యం జెడ్పీటీసీ సుచిత్ర, పాలసముద్రం జెడ్పీటీసీ జాహ్నవి, గుడిపాల జెడ్పీటీసీ మమతశ్రీ.
  • మంత్రి నారా లోకేష్‌ అండదండలు ఉన్నవారికే, పార్టీకి ఆర్థికంగా ఫండ్‌ ఇచ్చిన వారికే పదవులు కట్టబెడుతున్నారంటూ అసంతృప్తి నేతల ఆగ్రహం.
  • పార్టీ కోసం కష్టపడిన వారికి గుర్తింపు లేదంటూ అసమ్మతి నేతల మండిపాటు.

టీడీపీలో రగడ..

  • అనకాపల్లి..
  • అనకాపల్లి జెడ్పీ పీఠం జనసేనకు కేటాయించడంపై టీడీపీ నేతల్లో అసంతృప్తి.
  • అనకాపల్లి జెడ్పీ చైర్ పర్సన్‌గా మోటూరు నాగమణి ఎంపిక.
  • జెడ్పీ పీఠాన్ని ఆశించిన దేవరపల్లి జెడ్పీటీసీ కిలపర్తి రాజేశ్వరి, నర్సీపట్నం జెడ్పీటీసీ సుకల రమణమ్మ..
  • ఎంపీ సీఎం రమేష్‌పై అనకాపల్లి జిల్లా బీజేపీ నేతలు ఆగ్రహం..
  • జెడ్పీ వైస్ చైర్మన్ పదవిని కూడా బీజేపీకి ఇప్పించలేకపోయారని మండిపాటు

తిరుపతి జిల్లా

  • పనబాక లక్ష్మి కుమార్తెకు నిరాశ
  • జెడ్పీ చైర్‌పర్సన్‌ పదవికి మాజీ ఎమ్మెల్యే, నాగలాపురం జెడ్పీటీసీ హేమలత పేరును ప్రకటించిన టీడీపీ.
  • జెడ్పీ వైస్‌ చైర్మన్‌ పదవిని బీజేపీకి కేటాయింపు.
  • జెడ్పీ చైర్‌పర్సన్‌ పదవిని ఆశించిన మాజీ కేంద్రమంత్రి పనబాక లక్ష్మి కుమార్తె పనబాక చేతన్‌కు నిరాశ.

నంద్యాల జిల్లా

  • ఎంపీటీసీ కిడ్నాప్‌ కలకలం
  • ఉయ్యాలవాడ మండల ఎంపీపీ ఎన్నిక నేపథ్యంలో టీడీపీలో హైడ్రామా.
  • పెద్ద ఎమ్మానూరు ఎంపీటీసీ వెంకట రాముడు కిడ్నాప్‌ అయి 24 గంటలు గడుస్తున్నా ఆచూకీ లేదని ఆరోపణ
  • ఈరోజు ఉదయం 11 గంటలకు స్థానిక ఎంపీడీవో కార్యాలయంలో ఎంపీపీ, వైస్‌ ఎంపీపీ ఎన్నికలు జరగాల్సి ఉంది.
  • వైఎస్సార్‌సీపీ ఎంపీటీసీ ఆచూకీ తెలియకపోవడంతో ఆందోళనలో రాముడు కుటుంబ సభ్యులు.
  • స్థానిక ఎన్నికల్లో గెలిచేందుకు కుట్రలు చేస్తున్నారంటూ వైఎస్సార్‌సీపీ వర్గాల ఆరోపణ.


కాకినాడ జిల్లా

  • యు.కొత్తపల్లిలో జనసేనలో విభేదాలు
  • నేడు యు.కొత్తపల్లి ఎంపీపీ ఎన్నిక జరగనుంది.
  • నిన్న ఎంపీపీ ఎన్నిక నేపథ్యంలో ఎంపీడీవో కార్యాలయానికి వెళ్లిన కాకినాడ రూరల్ ఎమ్మెల్యే పంతం నానాజీకి చేదు అనుభవం.
  • ఎమ్మెల్యే నానాజీని దుర్భాషలాడుతూ అక్కడి నుంచి వెళ్లగొట్టిన జనసేనకు చెందిన మత్స్యకార మహిళలు.
  • మహిళల ఆగ్రహంతో ఎమ్మెల్యే మరో ప్రాంతానికి వెళ్లినట్లు సమాచారం.
  • జనసేన రెబల్‌ ఎంపీపీ అభ్యర్థి ధనబాబుకు మద్దతుగా జనసేన శ్రేణులు ఎంపీడీవో కార్యాలయం వద్ద ధర్నా.
  • ధనబాబుకు కోరం ఉన్నప్పటికీ ఎన్నిక వాయిదా వేయడంపై జనసేన నేతల ఆగ్రహం.

విజయనగరం జిల్లా

  • జనసేన ఎమ్మెల్యేకు టీడీపీ షాక్‌
  • నెల్లిమర్ల జనసేన ఎమ్మెల్యే లోకం నాగ మాధవికి పూసపాటిరేగ ఎంపీపీ ఎన్నికలో ఎదురుదెబ్బ.
  • బీఫామ్‌ లేకుండానే టీడీపీ నేతకు ఎంపీపీ పదవి కట్టబెట్టారంటూ జనసేన అభ్యంతరం.
  • పొత్తు ధర్మాన్ని పట్టించుకోకుండా టీడీపీ నేతకు పదవి ఇచ్చారంటూ జనసేన వర్గాల అసంతృప్తి.
  • బీఫామ్‌ లేకుండా ఎంపీపీ పదవి ఎలా ఇస్తారని ఎమ్మెల్యే లోకం నాగ మాధవి ప్రశ్న.
  • ఈ వ్యవహారంపై రిటర్నింగ్‌ అధికారితో ఎమ్మెల్యే వాగ్వాదం.


పశ్చిమగోదావరి జిల్లా

  • తాడేపల్లిగూడెంలో అభ్యర్థి ఇంటికి నిప్పు
  • తాడేపల్లిగూడెంలో రాజకీయ కక్ష సాధింపులు పరాకాష్ఠకు చేరాయంటూ ఆరోపణలు.
  • మున్సిపల్ ఎన్నికల నేపథ్యంలో నామినేషన్‌ ఉపసంహరించుకోవాలని ఒత్తిడి చేసినా వెనక్కి తగ్గకపోవడంతో వైఎస్సార్‌సీపీ అభ్యర్థి ఇంటికి నిప్పు
  • 38వ వార్డు కౌన్సిలర్‌ అభ్యర్థిగా వైఎస్సార్‌సీపీ తరఫున ఎస్టీ సామాజిక వర్గానికి చెందిన నల్లగొండ స్వప్న నామినేషన్‌ దాఖలు.
  • జనసేన తరఫున పోటీ చేయాలని, లేదంటే నామినేషన్‌ ఉపసంహరించుకోవాలని తనపై తీవ్ర ఒత్తిడి తెచ్చినట్లు తెలిపిన స్వప్న.
  • అర్ధరాత్రి ఒంటిగంట సమయంలో కుటుంబ సభ్యులంతా నిద్రిస్తున్న వేళ ఇంటికి నిప్పంటించిన దుండగులు.
  • స్థానికులు గుర్తించి అప్రమత్తం చేయడంతో ప్రాణాలతో బయటపడిన స్వప్న కుటుంబ సభ్యులు.
  • అగ్నిప్రమాదంతో కట్టుబట్టలతో రోడ్డుపైకి వచ్చిన బాధిత కుటుంబం.
  • ఎన్ని ఇబ్బందులు ఎదురైనా ఎన్నికల బరిలో కొనసాగుతానని స్వప్న స్పష్టం.
  • ఇంటికి నిప్పంటించిన దుండగులను గుర్తించి కఠినంగా శిక్షించాలని బాధిత కుటుంబం డిమాండ్.
     

Advertisement

Related News By Category

Related News By Tags

Advertisement
 
Advertisement
Advertisement