సాక్షి ప్రతినిధి, బాపట్ల: ‘పనిలేని మం..లోడు అదేదో బొచ్చు పీకినట్లు’ అంటూ బాపట్ల టీడీపీ ఎమ్మెల్యే వేగేశన నరేంద్రవర్మ చేసిన వ్యాఖ్యలు తీవ్ర దుమారం రేపాయి. సోషల్‌ మీడియాలోనూ, నాయీ బ్రాహ్మణులు, బీసీ వర్గాల నుంచి పెద్దఎత్తున నిరసన వెల్లువెత్తింది. ఫోన్లు చేసి మరీ ఆయనపై విరుచుకుపడ్డారు. వివరాలివీ.. వైఎస్సార్‌ కాంగ్రెస్‌ పార్టీ శుక్రవారం నిర్వహించిన చలో మెడికల్‌ కళాశాల నిరసన కార్యక్రమానికి కౌంటర్‌గా శనివారం బాపట్ల శివారులోని మెడికల్‌ కళాశాల వద్ద ఎమ్మెల్యే నరేంద్ర వర్మ హడావుడి చేశారు. అనంతరం మీడియా సమక్షంలోనే ఆయన ‘పనిలేని మం...లోడు అదేదో బొచ్చు పీకినట్లు’ అంటూ వైఎస్సార్‌సీపీ నేతలను ఉద్దేశించి వ్యాఖ్యానించారు. అయితే, ఎమ్మెల్యే చేసిన ఈ వ్యాఖ్యలు బూమరాంగ్‌ అయి తీవ్ర వివాదాస్పదమయ్యాయి. సోషల్‌ మీడియా­లో ఇది బాగా వైరల్‌గా మారింది. ఎమ్మెల్యే మాటలు నాయీ బ్రాహ్మణులను కించపరిచేలా ఉన్నాయని సోషల్‌ మీడియాలో నెటిజన్లు ఆయన్ను తీవ్రస్థాయిలో దుమ్మెత్తి పోశారు. ఒక్కసారిగా రాష్ట్రవ్యాప్తంగా నాయీ బ్రాహ్మణులతోపాటు బీసీలు కూడా ఆగ్రహంతో ఊగిపోయారు. ఎమ్మెల్యే నరేంద్రవర్మపై విరుచుకుపడి నానా చీవాట్లు పెట్టారు. బీసీ సంఘాలు ఆయన వ్యాఖ్యలను తీవ్రంగా ఖండించాయి. అధికార గర్వం తలకెక్కి మాట్లాడారని, తక్షణం ఆయనపై చర్యలు తీసుకోవాలంటూ నాయీ బ్రాహ్మణులతోపాటు బీసీలు డిమాండ్‌ చేశారు. ఫోన్లు చేసి మరీ ఎమ్మెల్యేకు చీవాట్లు!? ఇదిలా ఉంటే.. రాష్ట్ర, జాతీయస్థాయి నాయీ బ్రాహ్మణ, బీసీ సంఘాల నేతలైతే ఎమ్మెల్యేకు నేరుగా ఫోన్‌చేసి చీవాట్లు పెట్టినట్లు సమాచారం. నాయీ బ్రాహ్మణ సేవా సంఘం స్టేట్‌ జాయింట్‌ సెక్రటరీ పెనుబాల వెంకటేశ్వర్లు ఎమ్మెల్యే వేగేశనకు నేరుగా ఫోన్‌చేసి నిలదీసిన ఆడియో సోషల్‌ మీడియాలో వైరల్‌గా మారింది. నాయీ బ్రాహ్మణులను తిట్టకూడదన్న విషయం తెలియని నువ్వు ఎమ్మెల్యే ఎలా అయ్యావంటూ ఆయన మండిపడ్డారు. బీసీలతో కలిసి వారు ఓట్లేస్తేనే ఎమ్మెల్యే అయ్యావన్నది గుర్తులేకపోతే ఎలాగంటూ నిలదీశారు. మీ కులాన్ని సామెతలతో తిట్టిపోస్తే ఊరుకుంటారా? అంటూ ప్రశ్నించారు. మనిషి పుట్టుక నుంచి చావుదాకా నాయీ బ్రాహ్మణులు ఉండాలన్న విషయం తెలుసుకోవాలన్నారు. ఇలా అన్ని వైపుల నుంచి పెద్దఎత్తున నిరసన వెల్లువెత్తడంతో ఎమ్మెల్యే ఉక్కిరిబిక్కిరయ్యారు. చివరికి.. నాయీ బ్రాహ్మణులు, బీసీ కులాల ముప్పేట దాడిని తట్టుకోలేక ఎమ్మెల్యే వర్మ దిగొచ్చి వారికి క్షమాపణలు చెబుతూ సాయంత్రం వీడియో విడుదల చేశారు.

న్యూఢిల్లీ: నగదు కట్టల వివాదంపై జస్టిస్‌ యశ్వంత్‌ వర్మపై ఎఫ్‌ఐఆర్‌ నమోదు చేయాలని కోరుతూ వేసిన పిటిషన్‌పై తక్షణ విచారణకు సుప్రీంకోర్టు నిరాకరించింది. దీనిపై తగు సమయంలో విచారణ చేపడతామని స్పష్టం చేసింది. సోమవారం న్యాయవాది, పిటిషనర్‌ అయిన మాథ్యూస్‌ నెడుంపర తీరుపై ప్రధాన న్యాయమూర్తి జస్టిస్‌ బీఆర్‌ గవాయ్, జస్టిస్‌ కేవీ చంద్రన్‌ల ధర్మాసనం అసహనం వ్యక్తం చేసింది. జస్టిస్‌ యశ్వంత్‌ వర్మను కేవలం వర్మ అంటూ సంబోధించడమేంటని ప్రశ్నించింది. ఆయనేమైనా మీకు స్నేహితుడా? ఆయన ఇప్పటికీ జస్టిస్‌ వర్మనే. ఓ కోర్టులో న్యాయమూర్తిగా ఉన్నారు. ఎంతో సీనియర్‌ అయిన ఆయన్ను అలా ఎలా సంబోధిస్తారు? కాస్త మర్యాదగా వ్యవహరించండి’అంటూ హితవు పలికింది. ‘ఆయనకు అంత గౌరవం అవసరం లేదు. పిటిషన్‌పై విచారణ చేపట్టండి’అని నెడుంపర పేర్కొనగా మీరు మాకు ఆదేశాలివ్వక్కర్లేదంటూ ఆగ్రహం వ్యక్తం చేసింది. జస్టిస్‌ వర్మకు సంబంధించిన వివాదానికి సంబంధించి ఆయన ఏకంగా మూడు పిటిషన్లు వేయడంపై అసంతృప్తి వ్యక్తం చేసింది. విచారణ కోసం నెడుంపర పట్టుబట్టగా..పిటిషన్‌ను ఇప్పుడే కొట్టేయమంటారా?అని ప్రశ్నించింది. ‘కొట్టి వేయడం అసాధ్యం. ఎఫ్‌ఐఆర్‌ నమోద వ్వాల్సిందే. వర్మ కూడా అదొక్కటే కోరుతార నిపిస్తోంది. ఎఫ్‌ఐఆర్, దర్యాప్తు జరగాలి’అని సీజేఐ గవాయ్‌ పేర్కొన్నారు. సుప్రీంకోర్టు నియమించిన కమిటీ నివేదికను పక్కనబెట్టాలంటూ జస్టిస్‌ వర్మ ఇటీవల సుప్రీంకోర్టులో పిటిషన్‌ వేయడం తెల్సిందే.

ఢిల్లీ : హోలీ పండుగ రోజు రాత్రి ఢిల్లీ హైకోర్టు న్యాయమూర్తి యశ్వంత్‌ వర్మ ఇంట్లో అగ్నిప్రమాదం జరిగింది. ఆ సమయంలో కోట్లు విలువ చేసే కాలిన కరెన్సీ నోట్లు వెలుగులోకి వచ్చాయనే వార్త దేశవ్యాప్తంగా సర్వత్రా సంచలనం సృష్టించింది. ఈ ఘటనపై విచారణ చేపట్టేందుకు సుప్రీం కోర్టు ఉపక్రమించింది. భారత ప్రధాన న్యాయమూర్తి జస్టిస్‌ సంజీవ్‌ ఖన్నా నేతృత్వంలోని కొలీజియం ఆయనను అలహాబాద్‌ హైకోర్టుకు బదిలీ చేసింది. నోట్ల కట్టల విషయంపై విచారణ చేపట్టేందుకు ముగ్గురు హైకోర్టు ప్రధాన న్యాయమూర్తులతో కమిటీని ఏర్పాటు చేసింది. పంజాబ్ హర్యానా హైకోర్టు ప్రధాన న్యాయమూర్తి షీల్ నాగు, హిమాచల్ ప్రదేశ్ హైకోర్టు ప్రధాన న్యాయమూర్తి జీఎస్ సందవాలియా, కర్ణాటక హైకోర్టు న్యాయమూర్తి అను శివరామన్‌లను సభ్యులుగా చేర్చింది. సుప్రీం కోర్టు ఏర్పాటు చేసిన కమిటీ రెండురోజుల కిందట ఘటన జరిగిన జస్టిస్‌ యశ్వంత్‌ వర్మ నివాసానికి వెళ్లింది.అయితే, సుప్రీం కోర్టు కొలీజియం జస్టిస్‌ వర్మను అలహాబాద్‌ హైకోర్టుకు బదిలీ చేయడంపై విమర్శలు వెల్లువెత్తాయి. అలహాబాద్‌ హైకోర్టు బార్‌ అసోసియేషన్‌తో పాటు దేశంలో పలు రాష్ట్రాల హైకోర్టు బార్‌ అసోసియేషన్‌లు సుప్రీం కోర్టు నిర్ణయాన్ని వ్యతిరేకించాయి. దీంతో ఈ నెల 21న సీజేఐ జస్టిస్‌ సంజీవ్‌ ఖన్నా నేతృత్వంలోని కొలీజియం ఆయనను బదిలీ చేయాలని కేంద్రానికి సిఫారసు చేసింది.ఈ క్రమంలో శుక్రవారం ఢిల్లీ హైకోర్టు న్యాయమూర్తి యశ్వంత్ వర్మను అలహాబాద్ హైకోర్టుకు బదిలీ చేయడానికి కేంద్రం ప్రభుత్వం ఆమోదం తెలిపింది. ఆయన తన పదవిని చేపట్టి ఉత్తరప్రదేశ్ హైకోర్టులో బాధ్యతలు స్వీకరించాలని ఆదేశించారు. కాగా, జస్టిస్ వర్మ విషయాన్ని సమీక్షిస్తున్నామని,ఒకటి లేదా రెండు రోజుల్లో ఆయన బదిలీపై నిర్ణయం తీసుకుంటామని ప్రకటించిన ఒక రోజు తర్వాత కేంద్రం ఈ నిర్ణయం తీసుకుంది.

సాక్షి, అమరావతి: అందరికీ నిత్యం ఉదయాన్నే నీతులు చెప్పే ఈనాడు (ఉషోదయ ఎంటర్‌ప్రైజెస్‌) దౌర్జన్యం కొనసాగుతోంది. తమ పత్రిక ద్వారా జనాలకు నీతులు మాత్రమే చెబుతామని, వాటిని తాము మాత్రం ఆచరించమని ఈనాడు మరోమారు నిరూపించింది. గతంలో విశాఖపట్నం ఈనాడు కార్యాలయం స్థలం విషయంలో దాని యజమాని ఆదిత్య వర్మను ముప్పుతిప్పలు పెట్టిన ఈనాడు యాజమాన్యం, ఇప్పుడు విజయవాడలో ఉన్న కార్యాలయ స్థలం విషయంలో కూడా దాని యజమాని ముసునూరు అప్పారావును సైతం అలాగే ముప్పుతిప్పలు పెడుతోంది. ఈనాడు పత్రిక కోసం తీసుకున్న స్థలం లీజు గడువు ముగిసినా.. దాన్ని అప్పారావుకు అప్పగించకుండా చుక్కలు చూపిస్తోంది. చివరకు అప్పారావు కోర్టుకెళ్లి న్యాయపోరాటం చేయాల్సిన పరిస్థితి తెచ్చింది. అక్కడ కూడా అప్పారావుకు అడుగడుగునా ఇబ్బందులు సృష్టించే ప్రయత్నం చేసింది. కోర్టుకెళ్లి అప్పారావు విజయం సాధించినా.. న్యాయస్థానం ఆదేశాలను సైతం ఈనాడు బేఖాతరు చేసింది. దీంతో కోర్టు ఈనాడు తీరును తీవ్రంగా ఆక్షేపించింది. స్థల యజమానిని వేధించడానికే ఆ స్థలాన్ని ఖాళీ చేయడం లేదని కూడా ఘాటుగా వ్యాఖ్యానించింది. కాగా.. బాధితుడు అప్పారావుకు రూ.5.20 కోట్లను 6 శాతం వార్షిక వడ్డీతో పరిహారం చెల్లించాలంటూ కోర్టు ఇచ్చిన ఆదేశాలను సైతం ఈనాడు యాజమాన్యం పట్టించుకోలేదు. ఈ నేపథ్యంలో ఈనాడు ఆస్తుల జప్తునకు న్యాయస్థానం తాజాగా ఆదేశాలు ఇచ్చింది. విజయవాడ గ్రామీణ మండలం గూడవల్లిలో ఉన్న ఈనాడు ఆస్తులను బదలాయించడం, తాకట్టు పెట్టడం, అమ్మడం, బహుమతిగా ఇవ్వడం చేయరాదని ఈనాడు యాజమాన్యాన్ని ఆదేశించింది. ఈ ఆస్తులను ఎవరూ కొనడం, బహుమతిగా తీసుకోవడం చేయరాదంది. తదుపరి ఆదేశాలు ఇచ్చేంతవరకు ఈ ఉత్తర్వులు అమల్లో ఉంటాయని స్పష్టం చేసింది. విచారణను ఈ నెల 20వ తేదీకి వాయిదా వేసింది. ఆ రోజు విచారణకు వ్యక్తిగతంగా హాజరు కావాలని ఈనాడు సీఎండీ కిరణ్‌ను ఆదేశించింది. అసలు కథ ఏమిటంటే.. ఈనాడు యజమాని రామోజీరావు 1975లో విజయవాడ పటమటలంకలో ముసునూరి అప్పారావుకు చెందిన 92 సెంట్ల స్థలాన్ని 33 ఏళ్లపాటు లీజుకు తీసుకున్నారు. నెలకు రూ.725 అద్దె చెల్లించేలా ఒప్పందం కుదుర్చుకున్నారు. ఆ పక్కనే అప్పారావు సమీప బంధువైన వల్లూరు వెంకటేశ్వరరావుకు చెందిన ఎకరా 47 సెంట్ల భూమిని కూడా రామోజీరావు లీజుకు తీసుకున్నారు. లీజు గడువు 30.04.2008న ముగిసింది. దీంతో మరో 33 ఏళ్ల పాటు లీజు పొడిగించాలని స్థల యజమాని అప్పారావును రామోజీరావు కోరారు. రామోజీ సంగతి బాగా తెలిసిన అప్పారావు లీజు పొడిగింపునకు నిరాకరించారు. 6 నెలల్లో స్థలాన్ని ఖాళీ చేసి ఇవ్వాలని రామోజీరావుకు తేల్చిచెప్పారు. 6 నెలల గడువు 2008 అక్టోబర్‌తో ముగిసింది. అయినా రామోజీరావు ఆ స్థలాన్ని ఖాళీ చేయలేదు. ఇదే సమయంలో మరో 33 ఏళ్లపాటు లీజు పొడిగించేలా అప్పారావును ఆదేశించాలంటూ విజయవాడ జిల్లా కోర్టులో రామోజీరావు సూట్‌ దాఖలు చేశారు. దానిని సీనియర్‌ సివిల్‌ జడ్జి కోర్టు 2013లో కొట్టేసింది. అప్పారావుకు చెందిన స్థలంపై ఈనాడుకు ఎలాంటి హక్కు లేదని తేల్చిoది. అంతేకాక ఈనాడు ఆ స్థలంలో ఉండటం అక్రమమేనని స్పష్టం చేసింది. దీనిపై ఈనాడు అప్పీల్‌ దాఖలు చేసింది. ఈ అప్పీల్‌ను సైతం కోర్టు కొట్టేసింది. సీనియర్‌ సివిల్‌ కోర్టు ఇచ్చిన ఉత్తర్వులు సరైనవేనని స్పష్టం చేసింది. అప్పారావును వేధించడానికి ఈ అప్పీల్‌ను ఆయుధంగా ఉపయోగించుకోవడానికి అనుమతించబోమని జిల్లా కోర్టు 2017లో తీర్పునిచ్చింది. పరిహారంగా రూ.5.20 కోట్లు చెల్లించాలని కోర్టు ఆదేశించినా..2015లో ముసునూరి అప్పారావు తన స్థలం నుంచి ఈనాడును ఖాళీ చేయించాలని కోరుతూ విజయవాడ కోర్టులో సూట్‌ దా3ఖలు చేశారు. దీనిపై విచారణ జరిపిన కోర్టు అప్పారావుకు అనుకూలంగా తీర్పునిచ్చింది. దాదాపు 60 పేజీల తీర్పు వెలువరించింది. 2012–15 వరకు అప్పారావుకు రూ.5.20 కోట్లను 6శాతం వార్షిక వడ్డీతో పరిహారంగా చెల్లించాలని ఈనాడు యాజమాన్యాన్ని ఆదేశించింది. మిగిలిన కాలానికి పరిహారం కోసం పిటిషన్‌ దాఖలు చేసుకునే వెసులుబాటును అప్పారావుకు ఇస్తూ 2024 అక్టోబర్‌ 3న తీర్పునిచ్చింది. అయితే.. ఈ తీర్పును ఈనాడు బేఖాతరు చేసింది. దీంతో తీర్పు అమలుకు అప్పారావు కింది కోర్టులో ఈపీ దాఖలు చేశారు. విజయవాడ గ్రామీణ మండలం గూడవల్లిలో ఉన్న ఈనాడు కార్యాలయాన్ని జప్తు చేయాలని అందులో కోరారు. దానిపై విచారణ జరిపిన కోర్టు తాము ఇచ్చిన ఆదేశాల మేరకు రూ.5.20 కోట్ల పరిహారం చెల్లించడంలో ఈనాడు విఫలమైందని తేల్చింది. ఇందుకు గాను ఈనాడు ఆస్తుల జప్తునకు ఆదేశిస్తున్నట్టు ఈ నెల 7న ఉత్తర్వులు జారీ చేసింది. ఉషోదయ ఎంటర్‌ప్రైజెస్‌ ఎండీ కిరణ్‌ వ్యక్తిగత హాజరుకు ఆదేశాలిస్తూ విచారణను ఈ నెల 20వ తేదీకి వాయిదా వేసింది. గతంలో ఆదిత్య వర్మను వేధించిన ఈనాడు రామోజీరావు ఈనాడు పత్రిక కోసం విశాఖపట్నం సీతమ్మధారలో మంతెన ఆదిత్య వర్మకు చెందిన 2.7 ఎకరాల భూమిని 1974లో 33 ఏళ్ల గడువుతో లీజుకు తీసుకున్నారు. నెలకు రూ.2,500 అద్దె చెల్లించేలా ఒప్పందం చేసుకున్నారు. అయితే వర్మ నుంచి లీజుకు తీసుకున్న భూమిని రామోజీరావు సొంత భూమిగా చూపుకుని ప్రభుత్వం నుంచి పరిహారం పొందారు. రామోజీరావు లీజుకు తీసుకున్న 2.7 ఎకరాల భూమిలో ప్రభుత్వం రోడ్డు వెడల్పు నిమిత్తం 618 గజాల భూమిని తీసుకుంది. ఇందుకు గాను సీతమ్మధారలో 872 గజాల స్థలాన్ని ప్రభుత్వం ఇచ్చింది. వాస్తవానికి ఈ స్థలం ఆదిత్య వర్మకు చెందాలి. కానీ.. రామోజీరావు మోసపూరితంగా ఆ భూమిని తన కుమారుడి పేరిట రిజిస్టర్‌ చేయించారు. ఇందుకు ఫోర్జరీ డాక్యుమెంట్లు సృష్టించారు. ఈ మోసాన్ని ఆలస్యంగా తెలుసుకున్న ఆదిత్యవర్మ పోలీసులకు ఫిర్యాదు చేశారు. అయితే, రామోజీ పలుకుబడి ముందు పోలీసులు ఏం చేయలేకపోయారు. దీంతో వర్మ న్యాయపోరాటం చేపట్టారు. కోర్టు ఆదేశాలతో పోలీసులు చర్యలకు దిగగా.. ఆ భూమికి సంబంధించి 2007లో 33 ఏళ్ల లీజు ముగిసింది. అయినా రామోజీ ఆ స్థలాన్ని ఖాళీ చేయలేదు. లీజును మరో 33 ఏళ్ల పాటు పొడిగించాలని కోరారు. రామోజీ దుర్బుద్ధి తెలిసిన వర్మ అందుకు అంగీకరించలేదు. దీంతో తనది కాని స్థలం విషయంలో రామోజీరావు కోర్టును ఆశ్రయించారు. వర్మ కూడా రామోజీరావును దీటుగా ఎదుర్కొన్నారు. చివరకు వ్యవహారం సుప్రీంకోర్టు వరకు వెళ్లింది. ఎక్కడా పప్పులు ఉడకకపోవడంతో రామోజీరావు చివరకు వర్మ స్థలాన్ని ఖాళీ చేశారు. వర్మకు చెల్లించాల్సిన పరిహారాన్ని కూడా పూర్తిగా చెల్లించకుండా కొంత చెల్లించి రామోజీ రాజీ చేసుకున్నారు.

సాక్షి,కాకినాడజిల్లా: లోకేష్‌ను డిప్యూటీ సీఎం చేయాలని పిఠాపురం మాజీ ఎమ్మెల్యే వర్మ టీడీపీ అధిష్టానాన్ని కోరారు. ఈ మేరకు వర్మ ఆదివారం(జనవరి 19) మీడియాతో మాట్లాడారు.‘నారా లోకేష్‌కు డిప్యూటీ సీఎం ఇవ్వాల్సిందే. కోటి సభ్యత్వాలు చేసిన ఘనత లోకేష్‌కే దక్కుతుంది. పార్టీ పూర్తిగా పోయిందని,టీడీపీకి భవిష్యత్తు లేదన్న వారందరికీ లోకేష్ యువ గళంతో సమాధానం చెప్పారు.ఎవరి పార్టీ కార్యకర్తల మనోభావాలు వారికి ఉంటాయి.లోకేష్ కష్టాన్ని గుర్తించాలని క్యాడర్ కోరుకోవడంలో తప్పేముంది.డిప్యూటీ సీఎం పవన్ కళ్యాణ్‌ను జనసేన కార్యకర్తలు సీఎం సీఎం అని పిలుస్తున్నారు.అలాంటిది పార్టీని బలోపేతం చేసి, టీడీపీ కార్యకర్తల్లో ధైర్యం నింపిన లోకేష్‌ను డిప్యూటీ సీఎం అంటే తప్పేంటి?కరుడుగట్టిన టీడీపీ కార్యకర్తగా లోకేష్‌ను డిప్యూటీ సీఎం కావాలని కోరుకుంటున్నా.ఇది నా ఒక్కడి అభిప్రాయం కాదు.టీడీపీ కార్యకర్తల మనసులో మాట.ఏదేమైనా అధినేత చంద్రబాబు తీసుకునే నిర్ణయమే కార్యకర్తలందరికీ శిరోధార్యం’అని వర్మ అన్నారు. కాగా, లోకేష్‌ను ఎలాగైనా డిప్యూటీ సీఎంగా చూడాలని టీడీపీ అనుకూల మీడియా ఆరాటపడుతోందని ఏలూరు దెందులూరు జనసేన నేతలు ఎద్దేవా చేస్తున్నారు. ఈ క్రమంలో.. లోకేష్‌ను డీసీఎంను చేస్తే.. పవన్‌ను సీఎం చేయాలనే వాదనను వాళ్లూ వినిపిస్తున్నారు. ఈ క్రమంలో చంద్రబాబుకి వయసైపోయిందని, ఆయనకు రిటైర్మెంట్‌ ఇచ్చి పవన్‌కు ఆ బాధ్యతలు అప్పజెప్పాలని చురకలంటిస్తున్నారు.మరోవైపు ఏపీ డిప్యూటీ సీఎం పదవిని నారా లోకేష్‌కు ఇవ్వాలనే డిమాండ్ టీడీపీలో బలంగా వినిపిస్తోంది. ఏపీ అసెంబ్లీ డిప్యూటీ స్పీకర్, ఉండి ఎమ్మెల్యే రఘురామరాజు ఈ విషయాన్ని ప్రస్తావించగా.. తాజాగా సర్వేపల్లి ఎమ్మెల్యే సోమిరెడ్డి చంద్రమోహన్ రెడ్డి కూడా ఈ డిమాండ్‌నే వినిపిస్తూ ఎక్స్‌లో ఓ పోస్ట్‌ ఉంచారు. ఈ నేతల జాబితాలో పవన్‌కల్యాణ్‌ ఎమ్మెల్యేగా ఉన్న పిఠాపురం నియోజకవర్గ టీడీపీ నేత, మాజీ ఎమ్మెల్యే వర్మ కూడా చేరడం పొటికల్‌గా హాట్‌టాపిక్‌గా మారింది. టీడీపీ, జనసేన మధ్య సంబంధాలపైనా ఈ వ్యవహారం ప్రభావం చూపే అవకాశాలు లేకపోలేదని రాజకీయ పరిశీలకులు వ్యాఖ్యానిస్తున్నారు.

పనివాడు పందిరి వేస్తె పిచ్చుకలొచ్చి పడగొట్టాయి అన్నట్లుగా పవన్ కల్యాణ్ ఎక్కడ అడుగుపెడితే అక్కడ బుగ్గైపోతోంది. గతంలో జగన్‌ను సీఎం కానివ్వను.. ఇది శాసనం.. అని భారీ డైలాగులు కొట్టిన పవన్ కట్ చేస్తే గాజువాక, భీమవరం రెండుచోట్లా ఓడిపోయారు. ఇటు జగన్ రాజాలాగా సీఎంగా అసెంబ్లీకి వెళ్లారు. ఈసారి కూడా పవన్ గట్టిగానే మాట్లాడారు. హే జగన్ నిన్ను అదః పాతాళానికి తొక్కేస్తా అన్నారు... డైలాగ్ ఐతే ఎవరో రాసింది సులువుగా చెప్పేశారు కానీ ఇప్పుడు వైఎస్‌ జగన్‌మోహన్‌రెడ్డిని తొక్కడం సంగతి అటుంచి ఈ భారీ డైలాగ్స్ పవన్ పాలిట సంకటంలా మారాయి. ఈసారి టార్గెట్ మిస్సవ్వకూడదని గట్టిగా డిసైడైన పవన్ భూతవైద్యులు, కోయదొరలను, ఎరుకలసాని, గవ్వలు రాళ్లతో భవిష్యత్ చెప్పేవాళ్ళు, కొండదొరలను సైతం సంప్రదించి..చంద్రబాబు సలహాతో కాపు సామాజికవర్గం ఓట్లు ఎక్కువగా ఉండేచోట పిఠాపురంలో పోటీ చేయాలనీ డిసైడయ్యారు.  ఎంసెట్‌లో రెండుసార్లు మూడేసి లక్షల ర్యాంకులతో కుదేలైపోయి ఏందీ.. ఈసారీ ఎంసెట్ రాలేదా.. అదేంటి.. బాగా చదవాలమ్మా అని చుట్టాలు ఇచ్చే బోడి సలహాలతో విసిగిపోయి...సిగ్గుతో చచ్చిపోయిన పిల్లాడిమాదిరి పరువుపోగొట్టుకున్న పవన్ లాంగ్ టర్మ్ కోచింగ్ లో అయినా ఎంసెట్ కొట్టాలన్న స్టూడెంట్ లెక్క ఈపాలి ఎలాగైనా అసెంబ్లీలో అధ్యక్షా అనాలన్న కసిమీద ఉన్నారు. అందుకే పిఠాపురంలో గెలుపుకోసం గతంలో తాను పేకాట క్లబ్బుల ఓనర్ అని విమర్శించిన వర్మ ఇంటికే వెళ్లి కాళ్ళు చేతులు పట్టుకోవాల్సి వచ్చింది. నా గెలుపు నీ చేతిలో ఉందంటూ పవన్ మోకరిల్లారు.. సరే వర్మ పని చేస్తాడు అనుకుంటున్న తరుణంలో ఈయన పిఠాపురం వెళ్లేసరికి అక్కడ ఇంకో పవన్ కళ్యాణ్ రెడీగా ఉన్నాడు.. ఆయనకూడా అచ్చం ఈయన మాదిరిగానే మెడ మీద చెయ్యివేసి రుద్దుకుంటూ... సరిగ్గా నిలబడకుండా ఊగిపోతూహ..హ..అంటుంటే ఎవుడ్రా నువ్వూ అంటూ కొందరు ఆయన్ను ప్రశ్నించారట.. ఏయ్ నేను పవన్ కళ్యాణ్.. ఎస్..నేనే పవన్ కళ్యాణ్ అంటున్నారాయన..ఇంతకూ ఎవరా అని చూస్తే అయన నవరంగ్ నేషనల్ పార్టీ అభ్యర్థి అని, అయన పేరుకూడా కె. పవన్ కళ్యాణ్ అని, తాను పిఠాపురంలో బకెట్ గుర్తు మీద పోటీ చేస్తున్నట్లు తెలిపారు. ఈసారి పిఠాపురంలో తానే గెలుస్తానని అయన అంటున్నారు. ఆ బకెట్ గుర్తు చూడడానికి గాజు గ్లాసు గుర్తు మాదిరిగానే ఉండడంతో నిరక్షరాస్యులు ఓటేసేటపుడు గందరగోళానికి గురై గాజు గ్లాసును బదులుగా ఈ  బకెట్ గుర్తుమీద నొక్కేస్తే ఎలా అని జనసేనాని ఆందోళన చెందుతున్నారు. ఇలా ఓ రెండు మూడు వేల ఓట్లు ఆ బకెట్ గుర్తు పాలైనా తనకు ఓటమి తప్పదని జనసేనాని టెన్షన్ పడుతున్నారు. అందుకే దరిద్రుడు రామేశ్వరం వెళ్లినా శనీశ్వరం వదలడం లేదని పెద్దలు అంటారు. -సిమ్మాదిరప్పన్న.

సాక్షి, కాకినాడ: జనసేన చీఫ్‌ పవన్ కల్యాణ్ పరిస్థితి అగమ్య గోచరంగా ఉంది. టీడీపీతో పొత్తుకు బీజేపీని ఒప్పించడానికి బీజేపీ నేతలతో తిట్లు తిన్న పవన్ కల్యాణ్‌కు తాను పోటీ చేస్తున్న పిఠాపురంలో టీడీపీ శ్రేణులు కలిసి రావడం లేదు. పార్టీ అధ్యక్షుడిగా పవన్ కల్యాణ్ తమ పార్టీ అభ్యర్ధుల నియోజక వర్గాల వైపు కన్నెత్తి కూడా చూడటం లేదు. తన సొంత నియోజక వర్గంపైనే దృష్టి సారించారు. తాను ఎమ్మెల్యే అవ్వడమే ముఖ్యమని ఆయన భావిస్తున్నట్లున్నారు. ఓ పార్టీకి అధ్యక్షుడు అయి ఉండి పిఠాపురంలో నా గెలుపు బాధ్యత మీ చేతిలో పెడుతున్నా అంటూ టీడీపీ నేతను ఉద్దేశించి పవన్ వ్యాఖ్యానించడం పై ట్రోలింగ్ జరుగుతోంది. పవన్‌ ఏం చేస్తున్నారు..? పవన్‌ తన సొంత నియోజకవర్గం పిఠాపురంలో తిరుగుతున్నారు. ఎలాగో ఒకలా ఈ ఎన్నికల్లో అయినా తనని ఎమ్మెల్యేని చేయమని అడుగుతున్నారు. ఆయన వారాహి యాత్ర మొదలు పెట్టింది లగాయితు పిఠాపురంపైనే ఫోకస్ పెట్టారు. పార్టీ అధ్యక్షుడిగా ఆయన తమ అభ్యర్ధులు పోటీ చేస్తోన్న మిగతా 20 నియోజక వర్గాల్లోనూ ప్రచారం చేయాలి. పొత్తు పెట్టుకున్నారు కాబట్టి మిత్రపక్షాలైన టీడీపీ-బీజేపీ అభ్యర్ధుల నియోజక వర్గాల్లోనూ  ప్రచారం చేసి పెట్టాలి. కానీ పవన్ కల్యాణ్ మాత్రం  ఒక వైపే చూస్తున్నారు. రెండో వైపు చూడ్డానికి భయపడుతున్నారు. కాపుల ఓట్లే కారణమా.. పిఠాపురం సీటును ఆయన ఎంచుకోడానికి కారణం  ఆ నియోజక వర్గంలో చెప్పుకోదగ్గ సంఖ్యలో  కాపు సామాజిక వర్గ ఓటర్లు ఉండడమే. కులాలు లేవు మతాలు లేవు..నేను విశ్వమానవున్ని అని చెప్పుకునే పవన్ కల్యాణ్ ఎన్నికల దగ్గరకు వచ్చేసరికి తమ కులం ఓట్లకోసమే పిఠాపురం ఎంచుకున్నారని టీడీపీ సీనియర్లే అంటున్నారు. పిఠాపురంలో   పవన్ కల్యాణ్‌కు  ఏదీ కలిసి రావడం లేదు. ఎవరూ  కదలి రావడం లేదు. పిఠాపురం లో టీడీపీ రెబల్‌  వర్మను చంద్రబాబు బుజ్జగించడంతో ఆయన అయిష్టంగా పవన్ కు మద్దతుగా ఉంటానని అన్నారు. అయితే మాటలు చెప్పినంత జోరుగా వర్మ ప్రచారంలో పాల్గొనడం లేదు. దూసుకుపోతున్న వంగా గీత.. పిఠాపురం నియోజకవర్గంలో  పాలకపక్ష అభ్యర్ధి  వంగాగీత దూసుకుపోతున్నారు. ఆమెకు అన్ని వర్గాల ప్రజల్లోనూ మంచి పేరు ఉండడమే కాకుండా అన్ని వర్గాలూ ఆమెకు అండగా ఉన్నాయి. వాటిని మించి ప్రభుత్వం అయిదేళ్లుగా అమలు చేసిన సంక్షేమ పథకాలు..అభివృద్ధి ఫలాలు ప్రతీ ఒక్కరికీ అందాయి. అవే తనని గెలిపిస్తాయని గీత ధీమాగా ఉన్నారు. ఓటమిని ఒప్పుకున్నట్లే..   పిఠాపురం గెలుపు భారం వర్మపై వేసిన పవన్ ఓటమిని ఆయన ముందుగానే ఒప్పుకున్నారంటున్నారు రాజకీయ పరిశీలకులు. ఒక పార్టీకి అధ్యక్షుడు అయి ఉండి.. ఆ పార్టీ తరపున మిగతా అభ్యర్ధుల నియోజక వర్గాలు పట్టించుకోకుండా కేవలం తన సొంత నియోజక వర్గానికే పరిమితం అయిన పవన్ కల్యాణ్ కనీసం తనని తాను గెలిపించుకునే పరిస్థితిలో లేనందునే వర్మలాంటి ఊత కర్రలకోసం వెతుక్కుంటున్నారని ప్రచారం జరుగుతోంది. ఇదీ చదవండి.. గతంలో చంద్రబాబు కాపులను రౌడీలు అనలేదా..?

జనసేన అధినేత పవన్‌కల్యాణ్‌ పిఠాపురంలో నిజంగానే రిస్కులో పడ్డట్టే ఉన్నారు. ఆయన వ్యక్తం చేస్తున్న భావాలు కాని, పిఠాపురంలో తెలుగుదేశం నేత వర్మ చేస్తున్న ప్రకటనలు కాని గమనిస్తే ఆ నియోజకవర్గంలో పవన్‌కల్యాణ్‌కు తలనొప్పి తప్పదేమోనన్న అనుమానం వస్తోంది. ఇది ఆయన చేజేతులా చేసుకున్నట్లే అనిపిస్తుంది. తను రాజకీయ అజ్ఞానంతో మాట్లాడుతున్న వైనమే ఆయనను గందరగోళంలోకి నెడుతోంది. నటనలో ఆయనకు మంచిపేరే ఉండవచ్చు. రాజకీయాలలో ఆయన ఇంకా ఓనమాలు నేర్చుకోలేదనిపిస్తుంది. పేరుకు పదిహేనేళ్ల నుంచి రాజకీయాలలో ఉన్నట్లు కనిపిస్తున్నా, ఆయనకు అలవాటైంది.. ఎవరో ఒకరికి భజన చేయడం, లేదా ఎవరో ఒకరిని నోటికి వచ్చినట్లు దూషించడం తప్ప ఒక ప్రణాళికబద్దంగా రాజకీయం నడపడం ఆయనకు చేతకాదని పదే-పదే రుజువు చేసుకుంటున్నారు. తాను పిఠాపురంలో పోటీ చేయదలచినప్పుడు స్థానికంగా అక్కడ ఉండే తన పార్టీ నేతలతో, అలాగే మిత్రపక్షంగా ఉన్న తెలుగుదేశం నేతలతోను సత్సంబంధాలు పెట్టుకుని సంప్రదింపులు జరిపి ఉండాలి. నియోజకవర్గంలో గత ఐదేళ్లుగా పర్యటనలు చేయడం, స్థానిక సమస్యలపై అవగాహన పెంచుకోవడం చేయాలి. అదేమి చేయలేదు.. అసలు నియోజకవర్గంలో ఎన్ని మండలాలు ఉన్నాయో, ఎన్ని గ్రామాలు ఉన్నాయో, ప్రజల ఆర్ధిక స్థితిగతులు ఏమిటో తెలుసుకోకుండా, కేవలం ఒక సామాజికవర్గం వారు అధికంగా ఉన్నారన్న భావనతో, తాను అక్కడికి వెళ్లగానే అంతా ఎగబడతారని ఆయన అనుకుని ఉండాలి. పవన్‌ తనను ఎమ్మెల్యే అభ్యర్ధిగా ప్రకటించుకోగానే పిఠాపురంలో టీడీపీ నేత వర్మ అనుచరులు రచ్చ-రచ్చ చేసి ఆయన గాలి తీసేశారు. చంద్రబాబును, పవన్‌ను కలిపి బండబూతులు తిట్టారు. తదుపరి రెండు రోజులకు వర్మను చంద్రబాబు నాయుడు పిలిచి ఏదో సర్దిచెప్పి పంపించారు. దాంతో అంతా చల్లారిందనుకుంటే, మరో వివాదం తెచ్చిపెట్టుకున్నారు. తాను పార్లమెంటుకు వెళితే పిఠాపురం సీటును జనసేన స్థానిక నేత ఉదయ్ శ్రీనివాస్‌కు ఇస్తానని, అసెంబ్లీకే వెళితే ఉదయ్‌ లోక్ సభకు పోటీ చేస్తారని అన్నారు. ఇక్కడే వర్మకు మళ్లీ మండింది. పవన్‌కల్యాణ్‌ లోక్ సభకు పోటీచేస్తే పిఠాపురం సీటు తనకే ఇస్తానని చంద్రబాబు చెప్పారని ఆయన వెల్లడించారు. పవన్‌ అయినా చంద్రబాబు చెప్పినట్లు వినాల్సిందేనని అన్నారు.. దీనిని బట్టి ఏమి తెలుస్తుంది! చంద్రబాబు డబుల్ గేమ్ ఆడుతున్నారనే కదా! ఒకసారి పిఠాపురం జనసేనకు కేటాయించాక మళ్లీ వర్మకు ఆశ చూపించడం ఏమిటి? పైకి ఎమ్మెల్సీ ఇస్తానని చెప్పి, అంతర్గతంగా పవన్‌ అక్కడ ఉండడులే అన్న సంకేతం ఇవ్వడం ఏమిటి? పవన్‌ చేసిన మరో తప్పిదం ఏమిటి? టీడీపీతో పొత్తు పదేళ్లు ఉంటుందని ప్రకటించడం. అంటే దీనిని బట్టి పొత్తులో ఉన్న సీట్లలో రెండో పార్టీకి, ఇప్పుడే కాకుండా వచ్చేఉపదేళ్లలో జరిగే రెండు ఎన్నికలు కూడా అవకాశం ఉండదన్నమాటే కదా! ఉదాహరణకు పిఠాపురం సీటును తీసుకోండి. పవన్‌కల్యాణ్‌‌ లేదా ఉదయ్ ఇక్కడ నుంచి ఈసారి పోటీచేస్తారనుకుందాం. పవన్‌ చెప్పినదాని ప్రకారం 2029, 2034 లలో కూడా అదే ప్రకారం జనసేనే తీసుకుంటుందని కదా? అప్పుడు వర్మ వంటి నేతల పరిస్థితి ఏమిటి? రాజకీయంగా అవకాశాలు ఉండవనే కదా? ఆయన అనుచరులు ఇందుకు అంగీకరిస్తారా? ఇప్పుడే పవన్‌ లేదా, జనసేన అభ్యర్ధి ఎవరైతే వారిని ఓడిస్తే వచ్చే ఎన్నికలకు తమకు ఇబ్బంది ఉండదని అనుకోరా! అసలు ఐదేళ్ల తర్వాత ఏమి జరుగుతుందో ఇప్పుడే ఎవరైనా చెబుతారా? ఆ మాటకు వస్తే 2014లో టీడీపీ, బీజేపీలకు మద్దతు ఇచ్చిన పవన్‌కల్యాణ్‌ 2019లో ఆ రెండిటికి దూరం అయి బీఎస్పీ, వామపక్షాలతో పొత్తు పెట్టుకుని పోటీచేశారు కదా. అది చంద్రబాబుకు ఉపయోగపడాలన్న లక్ష్యమే కావచ్చు. కాని అధికారికంగా అయితే పొత్తు లేదు కదా! మళ్లీ 2024కి టీడీపీ, బీజేపీలతో అవగాహన పెట్టుకున్నారు. ఈ పరిస్థితిలో వచ్చే పదేళ్లు తాను పిఠాపురంలోనే ఉంటానని చెబితే వేరే పార్టీవారు అంగీకరిస్తారా? ఈ మాత్రం ఆలోచన పవన్‌కు లేకపోయింది. మరో సంగతి చూద్దాం... తనకు లక్ష మెజార్టీ వస్తుందని ఒకసారి అంటారు. తనను ఓడించడానికి ఇంటికి లక్ష ఇవ్వబోతున్నారని మరోసారి అంటారు. వైసీపీ అభ్యర్ధి 2009లో ప్రజారాజ్యం ద్వారానే రాజకీయాలలోకి వచ్చారని, అందువల్ల ఆమె జనసేనలో చేరాలని ఆయన అన్నారు. ఇది ఎంత తెలివితక్కువతనం. నిజానికి వంగా గీత 1994 నుంచి టీడీపీలో ఉన్నారు. ఆ పార్టీ పక్షాన తూర్పుగోదావరి జడ్పి చైర్ పర్సన్‌గా ఉన్నారు. ఆ తర్వాత రాజ్యసభకు వెళ్లారు. తదుపరి ఆమె ప్రజారాజ్యంలో చేరి పిఠాపురంలో పోటీ చేసి గెలిచారు. ఈ చరిత్ర తెలుసుకోకుండానే ఆయన మాట్లాడేసరికి వంగా గీత ఘాటుగా రిప్లై ఇచ్చారు. తాను పవన్‌ను వైసీపీలోకి రమ్మంటే బాగుంటుందా? అన్న ప్రశ్న వేశారు. తాను గెలవడం ఖాయమని, మెజార్టీ ఎంతన్నదే ప్రశ్న అని ఆమె అన్నారు. పవన్‌కు తన గెలుపుపై ఏదో భయం రాబట్టే ప్రత్యర్ధి పార్టీ అభ్యర్ధిని తన పార్టీలోకి రావాలని బతిమలాడుతున్నట్లు మాట్లాడారు. నిజంగా గెలుపు ధైర్యం ఉంటే ఎవరినైనా ఎదుర్కుంటానని చెప్పాలి. పైగా ఎంపీగా పోటీ చేయాలని అమిత్-షా చెబితే అలాగే చేస్తారట. అంటే పిఠాపురంలో పోటీలో ఉంటానో, లేదో అని సస్పెన్స్‌లో పెట్టినట్లే కదా! ఆ మాత్రం తెలివి లేకపోతే ఎలా? నిజానికి తన పార్టీలో ఎవరు ఎక్కడ పోటీచేయాలో వేరే పార్టీవారు చెప్పడం ఏమిటి? అసెంబ్లీ టిక్కెట్లు ఏమో చంద్రబాబు సలహా మేరకు ఇస్తారా? ఎంపీ సీట్లు అమిత్-షా సూచన ప్రకారం చేస్తారా? జనసేనకు సొంత ఆలోచన ఉండదా? టీడీపీ, వైసీపీ నుంచి వచ్చిన వారికి జనసేన టిక్కట్లు ఇస్తుంటే అసలు పార్టీ నేతలు నెత్తి, నోరు మొత్తుకుంటున్నారు. పిఠాపురంలోనే ఉంటానని ఇప్పుడు చెబుతున్నారు. దానిని ఎలా నమ్మాలి? ఆయన సినిమా షూటింగ్‌లు మానుకుని పిఠాపురంలో ఉంటానని చెబితే ఎవరైనా విశ్వసిస్తారా? అసలు ఐదేళ్లుగా తాను మళ్లీ పోటీ చేయాలని భావిస్తున్నప్పుడు ఒక నియోజకవర్గం ఎంపిక చేసుకుని అక్కడ కేంద్రీకరించి తగు ఏర్పాట్లు చేసుకోవాలి కదా! అదేమి చేయలేదు. ఇప్పుడు సడన్‌గా వచ్చి ప్రజలంతా తన వెంట ఉండాలని అంటే, ప్రత్యేకించి ఒక కులం వారంతా తనకు మద్దతు ఇవ్వాలంటే ఇవ్వడానికి వాళ్లేమేనా పిచ్చోళ్లా? నిజమే. కొంతకాలం క్రితం వరకు ఆ వర్గంలో పవన్‌పై ఒక ఆశ ఉండేది. ఈయన తమకు ఇష్టం లేకపోయినా, టీడీపీతో పొత్తు పెట్టుకుని ఒక అరవై సీట్లు తెచ్చుకుని, సీఎం సీటులో వాటా కోరతారు అనుకుంటే, పూర్తిగా దిగజారిపోయి జనసేనను చంద్రబాబు కాళ్లదగ్గర పడేశారే అన్న బాధ వారిలో ఏర్పడింది. దాంతో ఆ వర్గంలో కూడా పవన్‌ పట్లవిముఖత ఏర్పడింది. ఇరవైనాలుగు సీట్లకు ఒప్పుకుని, తర్వాత దానిని 21 సీట్లకు తగ్గించడం, తనను ఎవరూప్రశ్నించరాదని అనడం, కాపు ఉద్యమ నేత ముద్రగడ పద్మనాభంను కలుస్తానని చెప్పి కలవకుండా అవమానించడం వంటి ఘట్టాలతో ఈయనపై పూర్తిగా అపనమ్మకం ఏర్పడింది. గతంలో కాపు ఉద్యమం జరిగితే కనీసం ఇటువైపు తొంగిచూడని పవన్‌కల్యాణ్‌ ఇప్పుడు తమను ఏమి ఉద్దరిస్తారన్న అభిప్రాయం ఏర్పడింది. ఈ నేపధ్యంలోనే పవన్‌కల్యాణ్‌ భయపడుతున్నట్లుగా అర్ధం అవుతుంది. పిఠాపురంలో పవన్‌ను ఓడించడానికి వైసీపీ నేతలు మొహరిస్తున్నారని వాపోతున్నారు. ఇందులో తప్పేమి ఉంటుంది. ప్రత్యర్ది పార్టీవారిని ఓడించడానికి ఎవరి ప్రయత్నాలు వారు చేసుకుంటారు. ఆయన కూడా రాష్ట్రం అంతా తిరిగి వైసీపీని పాతాళానికి తొక్కేస్తా అంటూ ఎలా చెప్పారు? అంటే రాజకీయంగా కనీస అవగాహన లేకుండా పవన్‌కల్యాణ్‌ వ్యవహరిస్తున్నారని తేలిపోతుంది. పవన్‌కల్యాణ్‌ ముఖ్యమంత్రి అభ్యర్ధి కానప్పుడు తాము ఎందుకు ఆయనకు మద్దతు ఇవ్వాలని పిఠాపురం ప్రజలలో ఆలోచన వచ్చింది. అలాగే టీడీపీ నేతలు చేస్తున్న ప్రకటనలు మరింత గందరగోళంలోకి నెట్టాయి. ఈ నేపధ్యంలో పవన్‌కల్యాణ్‌ పిఠాపురం నుంచి పోటీచేస్తారా? లేదా? అన్నది మళ్లీ అనుమానంగా మారింది. దానికి కారణం ఎక్కడ పోటీచేసినా గెలుస్తానో, లేదో అన్న సందేహం వపన్‌ను వెంటాడుతుండడమే అని వేరే చెప్పనవసరం లేదు. - కొమ్మినేని శ్రీనివాసరావు సీనియర్‌ జర్నలిస్టు

సాక్షి,హైదరాబాద్‌: తల నరుకుతా అన్నవాడు.. తల ఎక్కడ దాచుకున్నాడు? అని సినీ దర్శకుడు రాంగోపాల్‌వర్మ ప్రశ్నించారు. తన తల నరికి తెస్తే కోటి రూపాయల బహుమతి ఇస్తానన్న కొలికపూడి శ్రీనివాసరావుపై రెండు రోజుల  క్రితం ఆర్‌జీవీ ఆంధ్రప్రదేశ్‌ డీజీపికి ఫిర్యాదు చేసిన విషయం తెలిసిందే. ఈ ఫిర్యాదు ఆధారంగా పోలీసులు కొలికిపూడిపై కేసు నమోదు చేశారు.   ఈ కేసు విచారణలో భాగంగా ఏపీ సీఐడీ పోలీసులు కొలికిపూడిని అరెస్ట్‌ చేసేందుకు హైదరాబాద్‌కు వచ్చారు. హైదరాబాద్ మాదాపూర్‌లోని కొలికిపూడి ఇంటికి సీఐడీ అధికారులు వెళ్లారు. కొలికపూడి ఇంట్లో లేకపోవడంతో అయన ఇంటి దగ్గరే పోలీసులు ఎదురు చూస్తున్నారు.కేసు గురించి కొలికపూడి భార్యకు సీఐడీ అధికారులు సమాచారం ఇచ్చారు.  వ్యూహం సినిమా విషయంలో కొలికిపూడి వర్మపై వివాదస్పద వ్యాఖ్యలు చేశాడు. ఇదీచదవండి..జగన్‌ పదునైన ప్రశ్నలు

బాలీవుడ్‌తో పాటు టాలీవుడ్‌లో విజయ్‌ వర్మ పేరు ఎక్కడికెళ్లినా వినిపిస్తోంది. తను నటించిన దహాద్, డార్లింగ్స్, మీర్జాపూర్, గల్లీబాయ్, లస్ట్‌ స్టోరీస్‌-2 సినిమాలతో గుర్తింపు తెచ్చుకున్నాడు. కానీ తమన్నాతోనే అతనికి మరింత గుర్తింపు దక్కింది. తాజాగా విజయ్‌ వర్మని ఇష్టపడుతున్నట్లు తమన్నా ఓపెన్‌ అయింది. దీంతో అతను మరింత పాపులర్‌ అయ్యాడు.   విజయ్ ఏ ఇంట్లో ఉంటాడో అనే ఆసక్తి చాలా మందికి ఉంటుంది. సినీ పరిశ్రమలో స్థిరపడిన అతనికి ఇప్పటికీ ముంబయిలో సొంత ఇల్లు లేదు. ప్రస్తుతం అక్కడ సముద్రానికి ఎదురుగా ఉన్న ఓ అపార్ట్‌మెంట్‌లో అద్దెకు ఉంటున్నాడు. గత 10 సంవత్సరాలలో, అతను వివిధ కారణాల వల్ల 14 అద్దె ఇళ్లకు మారాల్సి వచ్చింది. ఇదే విషయాన్ని అతని ఇంట్లో ఒక మీడియా ప్రతినిధితో పంచుకున్నాడు. (ఇదీ చదవండి: Adipurush: ఫస్ట్‌ డే కలెక్షన్స్ తుఫాన్.. పక్కాగా ఆ సినిమాలను దాటేస్తుంది) అలియా భట్‌తో విజయ్ వర్మ పెళ్లి ఫోటో స్టోరీ ఇదే  విజయ్‌ వర్మ ఇంటి హాలులో కొన్ని ఫోటో ఫ్రేమ్‌లు ఉన్నాయి. వాటిలో ఒక ఫోటో ఆసక్తగా కనిపిస్తోంది. అదేమిటంటే, స్టార్‌ హీరోయిన్‌ అలియా భట్, విజయ్‌ వర్మ కలిసి ఒకే ఫోటోలో ఉన్నారు. అది కూడా పెళ్లి బట్టలతో.. ఇదేమిటని ప్రశ్నించగా.. 'ఇది డార్లింగ్ సినిమా కోసం ఫోటోషాప్ చేసిన ఫోటో.. అందులో అలియా  నా భార్యగా నటించారు. ఆ సమయంలోనే మేకర్స్‌ ఈ ఫోటో తీశారు.. మా అమ్మ కూడా ఈ ఫోటోను చూసినప్పుడు, షాక్ కావడమే కాకుండా ఎప్పుడు  పెళ్లి చేసుకున్నావ్‌'? అని అడిగిందంటూ చెప్పుకొచ్చాడు. చివరగా కిచెన్‌ రూమ్‌ను మాత్రం చూపించలేనని తెలిపాడు. ఎందుకంటే?  'నువ్వు ఇక్కడ వీడియో షూట్ చేయబోతున్నావు కాబట్టి నా దగ్గరకు వచ్చిన వారిని వంటింట్లో ఉంచాను' అంటూ నవ్వుతూ మరో రూమ్‌ వద్దకు మీడియా ప్రతినిధిని తీసుకెళ్లాడు.   (ఇదీ చదవండి: Adipurush: ప్రభాస్‌ ఎక్కడ అంటూ ఫ్యాన్స్‌ కామెంట్లు)

సాక్షి ప్రతినిధి, ఖమ్మం: టీఆర్‌ఎస్‌ పాలనలో రాష్ట్ర ప్రజలు విసిగిపోయారని, ఇక ఇక్కడ బీజేపీ ఆధ్వర్యంలో డబుల్‌ ఇంజిన్‌ సర్కారే వస్తుందని ఈశాన్య రాష్ట్రాల అభివృద్ధి, కేంద్ర సహకార శాఖల మంత్రి బీఎల్‌ వర్మ అన్నారు. సోమవారం ఖమ్మం జిల్లా పర్యటనకు వచ్చిన ఆయన నేలకొండపల్లిలో కొనసాగుతున్న ఖమ్మం– కోదాడ జాతీయ రహదారి పనులను పరిశీలించారు. అనంతరం ఖమ్మంలో మీడియాతో మాట్లాడుతూ దళితులకు మూడెకరాలు ఇస్తామని సీఎం కేసీఆర్‌ ఇచ్చిన హామీని ఆయన మరిచిపోయారని ఎద్దేవా చేశారు. ఖమ్మంలో బీజేపీని బలోపేతం చేసే దిశగా పార్టీ ముఖ్యనేతలతో సమావేశాలు నిర్వహిస్తున్నట్లు చెప్పారు. తర్వాత తెల్దార్‌పల్లికి వెళ్లి, ఇటీవల హత్యకు గురైన టీఆర్‌ఎస్‌ నేత తమ్మినేని కృష్ణయ్య కుటుంబసభ్యులను పరామర్శించారు. ఏ1గా ఉన్న నిందితుడి పేరును ఏ9గా మార్చారని, తమ ప్రాణాలకు కూడా రక్షణ లేదని మృతుడి కుటుంబీకులు కేంద్రమంత్రి దృష్టికి తీసుకొచ్చారు. ప్రత్యేక బృందాలను ఏర్పాటు చేసి, పరారీలో ఉన్న నిందితులను అరెస్టు చేయాలని పోలీసులకు సూచించారు. ఎఫ్‌ఐఆర్‌ కాపీని కృష్ణయ్య కుమారుడు నవీన్‌ ద్వారా తీసుకున్నారు. బీజేపీ రాష్ట్ర ప్రధానకార్యదర్శి గుజ్జుల ప్రేమేందర్‌రెడ్డి మాట్లాడుతూ టీఆర్‌ఎస్‌ పార్టీ నాయకుడిని హత్య చేసినా ఆ ప్రభుత్వం ఎలాంటి చర్య తీసుకోలేదన్నారు. మునుగోడులో రాజకీయం కోసం తహతహలాడుతున్న కేసీఆర్‌ ఈ హత్యను గాలికి వదిలేశారని విమర్శించారు. సమావేశంలో బీజేపీ తమిళనాడు రాష్ట్ర సహ ఇన్‌చార్జి పొంగులేటి సుధాకర్‌రెడ్డి, కిసాన్‌ మోర్చా రాష్ట్ర అధ్యక్షుడు కొండపల్లి శ్రీధర్‌రెడ్డి, ఖమ్మం, కొత్తగూడెం జిల్లాల బీజేపీ అధ్యక్షులు గల్లా సత్యనారాయణ, కోనేరు చిన్ని పాల్గొన్నారు.  

నట్టి కుమార్‌ దర్శకత్వంలో నట్టి క్రాంతి హీరోగా నటించిన చిత్రం ‘వర్మ’. ‘వీడు తేడా’ అనేది ఉపశీర్షిక. నట్టి లక్ష్మి, శ్రీధర్‌ పొత్తూరి సమర్పణలో నట్టి కరుణ నిర్మించారు. తెలుగుతో పాటు హిందీ, కన్నడ, మలయాళ భాషల్లో ఈ చిత్రం ఈ నెల 21న విడుదలవుతోంది. నట్టి క్రాంతి విలేకరులతో మాట్లాడుతూ– ‘‘హీరోగా నా తొలి సినిమాకి మా నాన్నే (నట్టి కుమార్‌) దర్శకుడు కావడం నా అదృష్టం. టైటిల్‌ ‘వర్మ’ కాబట్టి రామ్‌గోపాల్‌ వర్మ గురించి అనుకుంటారు. కానీ వర్మకు సంబంధమే లేదు. సినిమాలో హీరో పేరు వర్మ. సైకోలాంటి వ్యక్తి ప్రేమలో పడితే ఎలా ఉంటుంది?  అనేది కథ. థ్రిల్లర్‌ మూవీ. చివరి అరగంటపాటు భావోద్వేగాలు ప్రేక్షకులను కట్టిపడేస్తాయి. ‘చట్టం, టెంపర్‌’ సినిమాల క్లైమాక్స్‌కు ప్రేక్షకులు ఎలా చప్పట్లు కొట్టారో ‘వర్మ’కి కూడా అలా చప్పట్లు కొడతారనే నమ్మకం ఉంది. హీరోగానే కాదు.. మంచి పాత్రలొస్తే బయటి చిత్రాల్లోనూ నటిస్తాను. అన్నీ కలిసి వస్తే దర్శకత్వం కూడా చేస్తాను. నేను నిర్మించిన ‘డియర్‌ జాను’ (డి.జె.) సినిమా కూడా ఈ నెల 28న రిలీజ్‌ కానుంది’’ అన్నారు. 

సాక్షి, అమరావతి: కొందరు న్యాయమూర్తుల వ్యవహార శైలిపై ఫిర్యాదు చేస్తూ సుప్రీంకోర్టు ప్రధాన న్యాయమూర్తికి ముఖ్యమంత్రి జగన్‌ లేఖ రాయడం ఏమాత్రం తప్పు కాదని ఉమ్మడి ఆంధ్రప్రదేశ్, అలహాబాద్‌ హైకోర్టుల విశ్రాంత న్యాయమూర్తి జస్టిస్‌ దంతులూరి శ్రీనివాస రంగనాథవర్మ స్పష్టం చేశారు. ఇంట్లో వాళ్లు తప్పు చేసినప్పుడు ఇంటి పెద్దకే ఫిర్యాదు చేస్తారని, ఇది తప్పు ఎలా అవుతుందని ప్రశ్నించారు. తమపై ఫిర్యాదులు చేయడానికి వీల్లేదనేందుకు న్యాయమూర్తులేమీ చట్టాలకు అతీతులు కారన్నారు. రాష్ట్ర హైకోర్టుపై ఓ వ్యక్తికి ఉన్న పట్టు గురించి విదేశీ పరిశోధకులే తమ పరిశోధన పత్రాల్లో స్పష్టంగా పేర్కొన్నారని, ఆ తరువాత ఈ విషయాన్ని రిటైర్డ్‌ న్యాయమూర్తి జస్టిస్‌ చలమేశ్వర్‌ ఆధారాలతో సహా బయట పెట్టారని చెప్పారు. ప్రశ్నిస్తే కోర్టు ధిక్కారమంటే అది గొంతు నొక్కేయడమేనన్నారు. తాజా పరిణామాల నేపథ్యంలో పలు అంశాలపై ఆయన ‘సాక్షి’తో ప్రత్యేకంగా మాట్లాడారు. ప్రజల విజ్ఞతకు వదిలేద్దాం.. ఓ ముఖ్యమంత్రి సుప్రీంకోర్టు ప్రధాన న్యాయమూర్తికి ఫిర్యాదు చేయకూడదని గానీ, లేఖ రాయకూడదని గానీ ఎక్కడా లేదు. గతంలోనూ చాలా మంది రాశారు. ప్రభుత్వాలు న్యాయమూర్తులపై ఫిర్యాదు చేసిన సందర్భాలు చాలానే ఉన్నాయి. ముఖ్యమంత్రి జగన్‌ వ్యక్తిగత హోదాలో కాకుండా ప్రభుత్వం తరఫున ఫిర్యాదు చేశారనే విషయాన్ని గుర్తు పెట్టుకోవాలి. లేఖను బహిర్గతం చేయడంలో మంచి చెడులను ప్రజల విజ్ఞతకే వదిలేద్దాం. గతంలో సుప్రీంకోర్టు సీనియర్‌ న్యాయమూర్తులు జస్టిస్‌ జాస్తి చలమేశ్వర్, రంజన్‌ గొగోయ్, జోసెఫ్‌ మరొకరు మీడియా ముందుకు వచ్చి రోస్టర్‌ విషయంలో నాటి ప్రధాన న్యాయమూర్తి  పారదర్శకంగా వ్యవహరించడం లేదని బహిరంగంగా తమ ఆవేదనను గొంతెత్తి చెప్పారు.  ఆయన ఎవరో అందరికీ తెలుసు.. 2004–05లో ఇంగ్లాడ్‌ బర్మింగ్‌హాం యూనివర్సిటీకి చెందిన ఓ వ్యక్తి భారతీయ న్యాయవ్యవస్థపై పరిశోధన చేశారు. 2004లో అప్పటి ముఖ్యమంత్రి రాష్ట్ర న్యాయవ్యవస్థపై గట్టి పట్టుకలిగి ఉన్నారని పరిశోధన పత్రంలో పేర్కొన్నారు. ఆ ముఖ్యమంత్రి పేరును కూడా ఉదహరించారు. ఆయన ఎవరో అందరికీ తెలుసు. విదేశీ స్కాలర్స్‌ కూడా భారత న్యాయవ్యస్థ గురించి ముఖ్యంగా ఆంధ్రప్రదేశ్‌ న్యాయవ్యవస్థ గురించి అలా మాట్లాడారంటే పరిస్థితి ఎలా ఉందో అర్థం చేసుకోవచ్చు.   ఫిర్యాదు చేయకూడదంటే ఎలా..? ముఖ్యమంత్రి ఫిర్యాదుపై సుప్రీంకోర్టు సీజే ఓ కమిటీ ద్వారా అంతర్గత విచారణ జరుపుతారు.  హైకోర్టు న్యాయమూర్తుల విషయంలో ఆరోపణలు రుజువైతే సాధారణంగా బదిలీ చేస్తారు. లేదా రకరకాల కారణాలతో చర్యలు తీసుకుండానే వదిలేస్తారు. అత్యున్నత స్థానంలో ఉన్న వ్యక్తులు తప్పులు చేశారనుకున్నప్పుడు రాష్ట్ర ప్రభుత్వాలు ఫిర్యాదు చేయకూడదంటే ఎలా?  ఆధారాలున్నప్పుడు కూడా ఫిర్యాదు చేయకూడదంటే ఎలా? బాధతోనే సీఎం స్పందించారు.. ప్రభుత్వానికి నష్టం కలిగించేలా, అభద్రతా భావం కలిగించేలా న్యాయవ్యవస్థ వ్యవహరించరాదు. వ్యవస్థలను అభద్రతా భావంలోకి నెట్టడం న్యాయవ్యవస్థ పని కాదు. అలా అభద్రతా భావం కలిగించినప్పుడు బాధతోనే ముఖ్యమంత్రి స్పందించి సీజేఐకి లేఖ రాశారు. అందులో తప్పేమీ లేదు. కోర్టు ధిక్కార చట్టాన్ని ఇష్టమొచ్చినట్లు వాడరాదు. అలా చేస్తే ప్రశ్నించే వ్యక్తులు, ప్రభుత్వాల గొంతు నొక్కేయడమే అవుతుంది. లోతుగా విచారణ జరిపి ఆరోపణలకు ఆస్కారం రాకుండా సంస్కరణలకు శ్రీకారం చుట్టాలి.   హైకోర్టు గ్యాగ్‌ ఆర్డర్‌ చాలా తప్పు... ఏపీ హైకోర్టు ఇచ్చిన గ్యాగ్‌ ఆర్డర్‌ చాలా తప్పు. అది సుప్రీంకోర్టు తీర్పులకు విరుద్ధం. ఎఫ్‌ఐఆర్‌ నమోదు చేసిన తరువాత దర్యాప్తు పూర్తి చేయాలి. అది ఆపడానికి వీల్లేదు. హైకోర్టు దర్యాప్తును ఆపేయడమే కాకుండా గ్యాగ్‌ ఉత్తర్వులిచ్చింది. అలా చేసి ఉండాల్సింది కాదు.  నియామకాల్లో పారదర్శకత ఉండాలి.. న్యాయవ్యవస్థలో చాలా వరకు రాజకీయ నియామకాలేనన్న ఆరోపణలున్నాయి. అందులో ఎలాంటి సందేహం లేదు. అందుకే న్యాయవ్యవస్థలో సంస్కరణలు రావాలని పెద్ద ఎత్తున చర్చ జరుగుతోంది. న్యాయమూర్తుల నియామకాల్లో పారదర్శకత ఉండాలి. అభిప్రాయ సేకరణ జరగాలి. సమర్థతకు పట్టం కట్టాలి. ఇష్టానుసారంగా నిందలు సరికాదు... న్యాయమూర్తుల బెంచ్‌ మీద నుంచి ప్రభుత్వంపై ఇష్టమొచ్చినట్లు వ్యాఖ్యలు చేయడం సబబు కాదన్నది నా అభిప్రాయం. నేను జడ్జిగా ఉన్నప్పుడు ఉమ్మడి ఆంధ్రప్రదేశ్‌ హైకోర్టులో సీనియర్‌ న్యాయమూర్తి ఒకరు ఓ కేసు విచారణ సందర్భంగా ప్రభుత్వమే పెద్ద భూ కబ్జాదారని వ్యాఖ్యానించడంపై సీజేకు ఫిర్యాదు వెళ్లింది. ప్రభుత్వమే భూ కబ్జాదారంటే ఎలా? అది ఎంత పెద్ద మాట? కోర్టులు, న్యాయమూర్తులు ఇలా మాట్లాడుతుంటే ముఖ్యమంత్రి ఇక సుప్రీంకోర్టు సీజేకు కాకపోతే ఎవరికి చెప్పుకుంటారు?  ఆ లేఖలు..  మక్కీకి మక్కీ జస్టిస్‌ చలమేశ్వర్‌ సుప్రీంకోర్టు న్యాయమూర్తిగా ఉన్నప్పుడు.. ఓ న్యాయమూర్తికి, నాటి ప్రభుత్వాధినేతకు మధ్య ఉన్న సాన్నిహిత్యాన్ని బహిర్గతం చేయడం సంచలనం రేకెత్తించింది. న్యాయమూర్తుల నియామకం విషయంలో సుప్రీంకోర్టు సీనియర్‌ న్యాయమూర్తి ఒకరు లేఖ రాశారు. ఇదే అంశానికి సంబంధించి నాటి ప్రభుత్వాధినేత నుంచి కూడా సుప్రీంకోర్టుకు లేఖ వచ్చింది. రెండు లేఖలు మక్కీకి మక్కీగా ఉన్నాయి. దీన్ని ఎలా భావించాలి? ఇలాంటి వాటికి అవకాశం ఇవ్వకుండా న్యాయవ్యవస్థ స్వతంత్రంగా పనిచేయాలన్నదే ప్రజల ఆకాంక్ష.

సినిమా : సినిమా అతనికో కల. ఎలాగైనా నటుడు అవ్వాలనే పట్టుదలతో రంగంలోకి దిగాడు. అయితే ఎలాంటి సినీ నేపథ్యం లేకపోవడంతో ఒక్క సారిగా హీరో అవ్వడం సాధ్యం కాదు కాబట్టి, వచ్చిన అవకాశాలను సద్వినియోగం చేసుకుని నటుడుగా ఎదగాలకున్నాడు. అంతే చిన్న పాత్రనైనా కాదకుండా నటించేశాడు. అలా మొత్తం మీద గుర్తింపు తెచ్చుకున్నాడు. ఇప్పుడు హీరోగా అవతారమెత్తాడు. అతని పేరే వర్మ. సినిమా మీద ఆసక్తితో ప్రముఖ నటనా స్కూల్‌లో శిక్షణ పొందాడు. అలా రెండేళ్లు శిక్షణ పొందిన వర్మ ఎవరి ప్రోత్సాహం లేకపోవడంతో తీవ్ర ప్రయత్రం చేసి ప్రముఖ దర్శకుల చిత్రాల్లో వచ్చిన పాత్రల్లో నటించాడు. అలా ధీరన్, కాళీ, తడం, ఇరుంబుతిరై, తమిళ్‌పడం 2 చిత్రాల్లో నటించాడు. అలా ఇటీవల విడుదలయిన కరుప్పు దురై, హీరో, పంచాక్షరం వంటి చిత్రాల్లో ప్రాధాన్యత కలిగిన పాత్రల్లో నటించి గుర్తింపు పొందాడు. నటుడిగా నిరూపించుకున్నాడు. అలా అంచెలంచెలుగా ఎదిగి ఇప్పుడు హీరో స్థాయికి చేరుకున్నాడు. కృషి, పట్టుదల ఉంటే కలలను నెరవేర్చుకోవచ్చు అని వర్మ విషయంలోనూ నిజమైంది. చివరకు దీనదయాళన్‌ అనే నవ దర్శకుడు తెరకెక్కిస్తున్న చిత్రంలో హీరోగా నటిస్తున్నాడు. ఈ చిత్రం నిర్మాణంలో ఉంది. వర్మ భవిష్యత్‌ను నిర్ణయించే చిత్రం ఇది. ఇంకా పేరు నిర్ణయించని ఈ చిత్రంతో నటుడు వర్మ తన అదృష్టాన్ని పరిక్షించుకుంటున్నాడు. నటుడిగా తానేమిటో నిరూపించుకుంటానని అంటున్నాడు. మొత్తం మీద కోలీవుడ్‌లో మరో హీరో పరిచయం అవుతున్నాడన్న మాట.

బంజారాహిల్స్‌:  పుట్టింది మధ్య తరగతి కుటుంబంలో... స్నేహితులు బడా బాబుల కుమారులు కావడంతో వారిలాగే దర్జాగా ఉండాలని, స్టార్‌ హోటళ్లలో మందు, విందులో జల్సాలు చేయాలని, ప్రేమించిన యువతితో షికార్లు చేయాలనుకున్నాడు. తనకు అంత ఆర్థిక స్తోమత లేకపోవడంతో చోరీల బాటపట్టాడు. తాను పని చేస్తున్న సంస్థలోనే యజమాని కళ్లుగప్పి డబ్బులు తస్కరించి పోలీసులకు చిక్కాడు. సోమవారం జూబ్లీహిల్స్‌ పోలీస్‌ స్టేషన్‌లో ఇన్‌స్పెక్టర్‌ కె.బాలకృష్ణారెడ్డి, డీఐ రమేష్‌తో కలిసి ఏసీపీ కేఎస్‌ రావు తెలిపిన వివరాల ప్రకారం... తూర్పుగోదావరి జిల్లా ముమ్మడివరం మండలం చిన్న కొత్తలంక గ్రామానికి చెందిన పోతూరి గౌతంవర్మ అలియాస్‌ గౌతం (28) ఐటీఐ చదివాడు. జీవనోపాధి కోసం నగరానికి వచ్చి వెంకటగిరిలోని హైలం కాలనీలో అద్దెకుంటూ జూబ్లీహిల్స్‌లోని వెజ్‌ టోకిరి రెస్టారెంట్‌లో ఆరు నెలల క్రితం కెప్టెన్‌గా కుదిరాడు. నమ్మకంగా పని చేస్తున్నట్లు నటిస్తూ మే 20న జీతాల కోసం యజమాని తీసుకొచ్చిన రూ. 3 లక్షలు దొంగిలించి పరారయ్యాడు. అదే రోజు బాధితుడు పోలీసులకు ఫిర్యాదు చేయగా రంగంలోకి దిగిన పోలీసులు సాంకేతిక అం శాల ఆధారంగా నిందితుడిని అరెస్ట్‌ చేశా రు. గతంలో ఇతగాడు గాంధీనగర్‌ పోలీస్‌ స్టేషన్‌ పరిధిలో దొంగతనం కేసులో పట్టుబడి 5 నెల లు జైలుకెళ్లి వచ్చాడు. అయినా.. తీరు మార్చుకోకపోగా జల్సాలకు అలవాటు పడి మళ్లీ చోరీల బాటపట్టాడు. దొంగిలించిన రూ. 3 లక్షల్లో రూ. 2 లక్షలు వైజాగ్, కాకినాడ, విజయవాడ, బెంగళూరు, తిరుపతి తదితర ప్రాం తాల్లోని స్టార్‌హోటళ్లలో ఉంటూ ఖర్చు చేశారు. నిందితుడి నుంచి రూ.లక్ష రికవరీ చేశారు. గౌతమ్‌ను అరెస్ట్‌చేసి రిమాండ్‌కు తరలించారు.

ఉపాధ్యాయ ఎమ్మెల్సీ ఎన్నికల్లో వర్మకు విజయం వరించింది. రెండు పర్యాయాలు ఎమ్మెల్సీగా చక్రం తిప్పిన గాదె ఉపాధ్యాయుల సమస్యలు పరిష్కరించడంలో విఫలం కావడంతో.. కొత్తగా పోటీ చేసిన రఘువర్మకు ఉపాధ్యాయులు పట్టం కట్టారు. రెండో ప్రాధాన్యత ఓట్లతో గెలుపొందిన వర్మ ఉపాధ్యాయుల సమస్యలు పరిష్కరించేందుకు శాసనమండలిలో గళం విప్పుతానన్నారు. విశాఖసిటీ: ఉత్తరాంధ్ర ఉపాధ్యాయ ఎమ్మెల్సీ ఎన్నికల సంరంభంలో పాకలపాటి రఘువర్మ ఘన విజయం సాధించారు. వరుసగా రెండుసార్లు ఎమ్మెల్సీగా పనిచేసిన గాదె శ్రీనివాసుల నాయుడిపై తొలిసారిగా ఎమ్మెల్సీ ఎన్నికల్లో పోటీ చేసిన రఘువర్మ గెలుపొందారు. ఈ నెల 22న నిర్వహించిన ఎమ్మెల్సీ పోలింగ్‌కు సంబంధించిన ఓట్ల లెక్కింపు మంగళవారం ఉదయం 8 గంటల నుంచి స్వర్ణభారతి ఇండోర్‌ స్టేడియంలో ప్రారంభమైంది. మూడు జిల్లాలకు సంబంధించి మొత్తం 19,593 ఓట్లుండగా.. 17,293 ఓట్లు పోలయ్యాయి. ఇందులో 550 చెల్లని ఓట్లుగా లెక్కింపు అధికారులు పరిగణించారు. మిగిలిన 16,743 ఓట్లకు గాను.. 8,372 ఓట్లను గెలుపు కోటా ఓట్లుగా నిర్ధారించారు. ఎనిమిది మంది అభ్యర్థులు బరిలో ఉన్నారు. మొదటి ప్రాధాన్యత ఓట్లకు సంబంధించిన మొదటి రౌండ్‌లో పాకలపాటి రఘువర్మకు 6165 ఓట్లు, గాదె శ్రీనివాసుల నాయుడికి 4659, అడారి కిశోర్‌కుమార్‌కు 2,173, జన్నెల బాలకృష్ణకు 299, నూకల సూర్యప్రకాష్‌కు 122, డా.పాలవలస శ్రీనివాసరావుకు 60, గాది బాలగంగాధర్‌తిలక్‌కు 44, ఉప్పాడ నీలం 24 ఓట్లతో నిలిచారు. రెండు రౌండ్లు ముగిసేసరికి పాకలపాటి రఘువర్మ 7,834 ఓట్లు, గాదె శ్రీనివాసుల నాయుడు 5,632, అడారి కిశోర్‌కుమార్‌ 2,548, జన్నెల బాలకృష్ణకు 444, నూకల సూర్యప్రకాష్‌కు 135, డా.పాలవలస శ్రీనివాసరా>వుకు 66, గాది బాలగంగాధర్‌తిలక్‌కు 50, ఉప్పాడ నీలం 34 ఓట్లు సాధించారు. అయితే..  మొదటి ప్రాధాన్యత ఓట్లలో ఏ అభ్యర్థీ కోటా ఓట్లయిన 8,372 ఓట్లకు చేరుకోకపోవడంతో రెండో ప్రాధాన్యత ఓట్లని లెక్కించారు. ఊరించిన విజయం: కోటా ఓట్లకు ఇంకా 538 ఓట్ల దూరంలో రఘువర్మ నిలిచిపోవడంతో రెండో ప్రాధాన్యత ఓట్ల గణన ప్రారంభమైంది. అతి తక్కువ ఓట్లు వచ్చిన వారి నుంచి లెక్కింపు మొదలుపెట్టారు. రౌండ్లు పూర్తవుతున్నా.. మ్యాజిక్‌ ఫిగర్‌కు చేరువ కాకపోవడంతో వర్మ విజయం కాసేపు ఊరించింది. ఉప్పాడ నీలం అనే అభ్యర్థికి సంబంధించిన ఓట్లలో రెండో ప్రాధాన్యత ఓట్లను లెక్కించగా వర్మకు 12 ఓట్లు వచ్చాయి, ఆ తర్వాత గాది బాలగంగాధర్‌ ఓట్లలో 15, పాలవలస శ్రీనివాసరావు ఓట్లలో 9, నూకల సూర్యప్రకాష్‌ ఓట్లలో 45, బాలకృష్ణ ఓట్లలో 147 ఓట్లు వచ్చాయి. ఆరు రౌండ్లు ముగిసేసరికి 8062 ఓట్లతో రఘువర్మ నిలిచారు. దీంతో.. విజయానికి ఇంకా 310 ఓట్ల దూరంలో నిలిచారు. ఏడో రౌండ్‌లో అడారి కిశోర్‌కుమార్‌కు సంబంధించి 2,709 ఓట్లు లెక్కించాల్సి ఉంది. ఇవన్నీ లెక్కించినా.. గాదె విజయం సాధించే అవకాశం లేకపోవడంతో ఎన్నికల అధికారుల సూచన మేరకు రఘువర్మ కోటా ఓట్లను చేరుకునేంత వరకూ లెక్కించి విజేతను ప్రకటించాలని నిర్ణయించారు. అడారి ఓట్లలో 922 ఓట్లు లెక్కించే సరికి రఘువర్మ విజయం ఖరారైనట్లు అధికారులు ప్రకటించారు. రఘువర్మకు 8,372 ఓట్లు రాగా, గాదె శ్రీనివాసుల నాయుడు 6,044 ఓట్లతోనే సరిపెట్టుకున్నారు. ఓట్ల లెక్కింపు ప్రక్రియను కలెక్టర్‌ కాటంనేని భాస్కర్, జాయింట్‌ కలెక్టర్‌ సృజన పర్యవేక్షించారు. విజయం ఖరారు చేసిన అనంతరం రఘువర్మకు ధ్రువపత్రాన్ని కలెక్టర్‌ భాస్కర్‌ అందించారు. సమస్యలపరిష్కారానికి కృషి ఉపాధ్యాయుల సమస్యలు పరిష్కరించేందుకు తన గళాన్ని మండలిలో వినిపిస్తానని విజయం సాధించిన అనంతరం పాకలపాటి రఘువర్మ ప్రకటించారు. తన విజయం ఉపాధ్యాయులందరిదీ అని వ్యాఖ్యానించారు. గెలుపునకు కృషి చేసిన ప్రతి ఒక్కరికీ ధన్యవాదాలు తెలిపారు. పాకలపాటి రఘువర్మకు ఉద్యమ సంఘాలైన యూటీఎఫ్, ఎస్‌టీయూ, గిరిజన ఉపాధ్యాయ సంఘాలు, కాంట్రాక్ట్‌ లెక్చరర్లు, కేజీబీవీ, మోడల్‌ స్కూల్‌ ఉపాధ్యాయులతో పాటు 20 వరకూ సంఘాలు మద్దతు ఇచ్చాయి. మరోవైపు... ఎమ్మెల్సీగా రెండు దఫాలుగా చేసిన గాదెపై ఉన్న వ్యతిరేకత ఓటింగ్‌లో తీవ్ర ప్రభావం చూపింది. ఉపాధ్యాయ సమస్యలు పరిష్కరించడంలో గాదె పూర్తిగా విఫలమయ్యారన్న విమర్శలూ గెలుపుపై ప్రభావం చూపాయి. రఘువర్మకు అభినందనలు మురళీనగర్‌(విశాఖ ఉత్తర): ఉత్తరాంధ్ర ఉపాధ్యాయ ఎమ్మెల్సీగా ఎన్నికైన పాకలపాటి రఘువర్మను రామాటాకీస్‌ సమీపంలోని ఓ హోటల్‌లో నిర్వహించిన సమావేÔశంలో ఏపీటీఎఫ్, యూటీఎఫ్, ఎస్‌టీయూ సంఘాల ప్రధాన నాయకులు, కార్యకర్తలు అభినందించారు. ఉపాధ్యాయ సంఘాల ఉమ్మడి కృషి వల్లే తాను గెలుపొందానని రఘువర్మ తెలిపారు. ఉపాధ్యాయుల సమస్యల పరిష్కారానికి నిరంతరం పనిచేస్తానని చెప్పారు. అందరిని స్వయంగా కలుసుకుని కృతజ్ఞతలు తెలుపుతానని అన్నారు. కార్యక్రమంలో ఏపీటీఎఫ్‌ జిల్లా అధ్యక్ష, కార్యదర్శులు తమరాన త్రినా«థ్, బి.వెంకటపతిరాజు, యూటీఎఫ్‌ నాయకులు జాజులు, ఎస్టీయూ అధ్యక్షుడు పైడిరాజు పాల్గొన్నారు.

‘‘డిసెంబర్‌ 31’ సినిమా మోషన్‌ పోస్టర్‌ చాలా క్రియేటివ్‌గా ఉంది. స్టోరీ లైన్‌ విన్నాను. సస్పెన్స్‌తో కూడిన కామెడీ థ్రిల్లర్‌. ఏసీపీ రవీంద్ర పాత్ర పవర్‌ఫుల్‌గానే కాకుండా  సినిమాకే హైలైట్‌గా నిలవనుంది. ఈ చిత్రం మంచి విజయం సాధించాలి’’ అని దర్శకుడు వీవీ వినాయక్‌ అన్నారు. జి. కొండలరావు, నవకాంత్, షకలక శంకర్, పోసాని కృష్ణమురళి, గౌతంరాజు, నరేష్, గిరీష్, హర్ష, శ్రావణి, మధురెడ్డి, అమీషా ముఖ్యతారలుగా జి. కొండలరావు దర్శకత్వం వహిస్తున్న చిత్రం ‘డిసెంబర్‌ 31’. ‘వర్మగారి బంగ్లా’ అనేది ట్యాగ్‌ లైన్‌. గణగళ్ల మానస సమర్పణలో శ్రీ గౌతం క్రియేషన్స్‌ పతాకంపై జి.లక్ష్మణరావు నిర్మిస్తున్న ఈ సినిమా మోషన్‌ పోస్టర్‌ని వీవీ వినాయక్‌ విడుదల చేశారు. జి. కొండలరావు మాట్లాడుతూ– ‘‘ప్రతి డిసెంబర్‌ 31న ఎంతోమంది అమ్మాయిలు పార్టీ పేరుతో ఆత్మహత్యలు చేసుకుంటున్నారు.. హత్యలు చేయబడుతున్నారు. అసలు ఇది ఎలా జరుగుతుంది? వీటిని ఏ విధంగా ఆపవచ్చు? ఈ హత్యలు చేస్తోంది ఎవరు? వంటి వాటిని గుర్తించడం కోసం స్పెషల్‌ ఆఫీసర్, ఎన్‌కౌంటర్‌ స్పెషలిష్ట్‌ ఏసీపీ రవీంద్ర రంగంలోకి దిగి హంతకులను ఎలా పట్టుకున్నారు... అన్నదే ఈ చిత్ర కథాంశం’’ అన్నారు. ఈ చిత్రానికి సహనిర్మాతలు: అంబటి రాఘవేంద్రరెడ్డి, రాయితి రమణమూర్తి, జి.అప్పారావు, సంగీతం:బోలె, కెమెరా: వెంకట్‌. 

తెలుగు హిట్‌ ‘అర్జున్‌రెడ్డి’ తమిళ రీమేక్‌ ‘వర్మ’తో హీరో విక్రమ్‌ తనయుడు ధృవ్‌ హీరోగా పరిచయం కానున్న సంగతి తెలిసిందే. బాలా దర్శకత్వంలో రూపొందిన ఈ చిత్రం ఇక విడుదల కావడమే ఆలస్యం అనుకుంటున్న సమయంలో ‘తూచ్‌.. అవుట్‌పుట్‌ నచ్చలేదు’ అంటూ నిర్మాతలు మళ్లీ తీయడానికి రెడీ అయిపోయారు. ధృవ్‌నే హీరోగా ఈ సినిమా మొత్తాన్ని రీ–షూట్‌ చేయనున్నట్లు ఓ ప్రకటన విడుదల చేసిన విషయం గుర్తుండే ఉంటుంది. దర్శకుడు, హీరోయిన్‌ ఇతర తారాగణం స్థానంలో కొత్తవారు ఉంటారు. ఈ కొత్త వెర్షన్‌కు గౌతమ్‌ మీనన్‌ దర్శకత్వం వహించనున్నారనే ప్రచారం జరుగుతోంది. అయితే పాత వెర్షన్‌లో హీరోయిన్‌గా నటించిన మేఘా చౌదరి స్థానంలో బన్నితా సాంధును ఎంపిక చేశారు టీమ్‌. ఈ విషయాన్ని నిర్మాతలు ధృవీకరించారు. ఇంతకుముందు వరుణ్‌ ధావన్‌ హీరోగా వచ్చిన బాలీవుడ్‌ చిత్రం ‘అక్టోబర్‌’లో హీరోయిన్‌గా నటించారు బన్నిత. ఇప్పుడు కోలీవుడ్‌ ఎంట్రీ ఇస్తున్నారు. ‘అక్టోబర్‌’ చిత్రంలో నటించడానికి ముందు వాణిజ్య ప్రకటనల్లో కనిపించారామె. 2016లో గాయకుడు కిశోర్‌ కుమార్‌ ‘ఏక్‌ అజ్‌నబీ హసీనా’ అనే పాటను రీ–క్రియేట్‌ చేసిన మ్యూజిక్‌ వీడియోతో ఫేమస్‌ అయ్యారు బన్నిత.

‘‘దర్శకుడు బాలా రూపొందించిన ‘వర్మ’ చిత్రం మాకు సంతృప్తికరంగా లేదు. సినిమాను మళ్లీ మొదటి నుంచి చిత్రీకరించాలనుకుంటున్నాం’’ అని ‘అర్జున్‌ రెడ్డి’ తమిళంలో రీమేక్‌ చేస్తున్న ఈ4 ఎంటర్‌టైన్స్‌మెంట్స్‌ సంస్థ పేర్కొంది. అయితే బాలా లాంటి దర్శకుడుని  తప్పించడమేంటి? అనే కామెంట్స్‌ వినిపించాయి. ఈ విషయంపై బాలా అధికారిక ప్రకటన విడుదల చేశారు. ‘‘నిర్మాతలు ఇచ్చిన అబద్ధపు స్టేట్‌మెంట్ల వల్ల నేను వివరణ ఇవ్వాల్సివస్తోంది. ఈ ప్రాజెక్ట్‌ నుంచి తప్పుకోవాలన్నది నా సొంత నిర్ణయమే. ధృవ్‌ విక్రమ్‌ భవిష్యత్తుని దృష్టిలో పెట్టుకొని ఈ విషయాన్ని ఇక్కడితో ఆపేద్దామని అనుకుంటున్నాను’’ అని పేర్కొన్నారు. ‘వర్మ’ కొత్త ప్రాజెక్ట్‌ను దర్శకుడు గౌతమ్‌ మీనన్‌ టేకప్‌ చేస్తారని టాక్‌.  

టాలీవుడ్‌ సెన్సేషనల్‌ హిట్ ‘అర్జున్‌ రెడ్డి’ సినిమాను తమిళంలో వర్మ పేరుతో రీమేక్‌ చేస్తున్న సంగతి తెలిసిందే. ఈ సినిమాతో విక్రమ్‌ వారసుడు ధృవ్‌ హీరోగా పరిచయం అవుతున్నాడు. ఇప్పటికే షూటింగ్ పూర్తి చేసుకున్న ఈ సినిమా అవుట్‌పుట్‌ ఆశించిన స్థాయిలో లేకపోవటంతో నిర్మాతలు సినిమాను రీషూట్ చేస్తున్నట్టుగా ప్రకటించారు. బాలా ఇచ్చిన ఫస్ట్‌ కాపీ సంతృప్తిగా లేకపోవటంతో మరో దర్శకుడితో సినిమాను రీ షూట్ చేస్తున్నామని వెల్లడించారు. అయితే ఈ విషయంపై దర్శకుడు బాలా స్పందించారు. ప్రాజెక్ట్‌ నుంచి తనను ఎవరూ తప్పించలేదని. తానే ప్రాజెక్ట్‌ ను వదిలి బయటకు వచ్చేశానని తెలిపారు. ఈ మేరకు ఒక ప్రకటన విడుదల చేసిన బాలా అందుకు సాక్ష్యాలుగా నిర్మాణ సంస్థతో చేసుకున్న అగ్రిమెంట్‌ కాపీలను కూడా విడుదల చేశారు. ధృవ్‌ విక్రమ్‌ భవిష్యత్తును దృష్టిలో పెట్టుకొని ఈ వివాదాన్ని ఇక్కడితో ముగించాలనుకుంటున్నాను అంటూ ఓ ప్రకటన విడుదల చేశారు.

వివాదాస్పద చిత్రంలో నాయకిగా అతిలోకసుందరి శ్రీదేవి వారుసురాలు జాన్వీకపూర్‌ నటించనుందా? జాన్వీ కోలీవుడ్‌ ఎంట్రీ గురించి ఇటీవల చాలానే చర్చ జరుగుతోంది. ఆమె తండ్రి, బాలీవుడ్‌ నిర్మాత బోనీకపూర్‌ హిందీ చిత్రం పింకూను తమిళంలో రీమేక్‌ చేయబోతున్న విషయం తెలిసిందే. అజిత్‌ కథానాయకుడిగా నటించబోతున్న ఈ చిత్రంలో ఒక అతిథి పాత్ర ద్వారా జాన్వీ కోలీవుడ్‌కు పరిచయం కానుందనే ప్రచారం సామాజిక మాధ్యమాల్లో వైరల్‌ అవుతోంది. ఇలాంటి పరిస్థితుల్లో జాన్వీ గురించి మరో సంచలన వార్త ప్రచారంలోకి వచ్చింది. వర్మ చిత్ర వ్యవహారం తెలిసిందే. తెలుగు సంచలన విజయాన్ని సాధించిన అర్జున్‌రెడ్డికి రీమేక్‌గా తమిళంలో బాలా దర్శకత్వంలో రూపొందిన ఈ చిత్రాన్ని విడుదల చేయడం లేదని, మళ్లీ పూర్తిగా రీషూట్‌ చేయనున్నట్లు ఆ చిత్ర నిర్మాత ఇటీవల వెల్లడించిన విషయం తెలిసిందే. నటుడు విక్రమ్‌ వారసుడు ధ్రువ్‌ కథానాయకుడిగా పరిచయం అవుతున్న చిత్రం ఇది. అతని తొలి చిత్రమే ఇలా అవడం సినీ వర్గాల్లో చర్చనీయాంశంగా మారింది. వర్మ చిత్రాన్ని తెరకెక్కించింది సాధారణ దర్శకుడు కాదు. తమిళ సినీ చరిత్రలో గుర్తుండిపోయే చిత్రాలను అందించిన జాతీయ అవార్డులను తమిళ సినిమాకు అందించిన దర్శకుడు బాలా. అలాంటి దర్శకుడిని ఇది అవమానించే చర్చగా భావిస్తూ పలువురు దర్శకులు ఆయనకు మద్దతుగా గొంతు విప్పుతున్నారు. ఈ వివాదం ఎటు దారి తీస్తుందో తెలియదు. వర్మ చిత్ర నిర్మాత మాత్రం ఆ చిత్రాన్ని రీషూట్‌ చేయడానికి ప్రయత్నాలు చేసేస్తున్నారు. ఈ చిత్రానికి దర్శకత్వం వహించడానికి దర్శకుడు గౌతమ్‌మీనన్, 96 చిత్రం ఫేమ్‌ సీ ప్రేమ్‌కుమార్, మలయాళ సినీ దర్శకుడు అల్ఫోన్స్‌ పుత్రన్, బిజాయ్‌ నంబియార్‌లతో చర్చలు జరుగుతున్నట్లు సమాచారం. మరి వీరిలో ఎవరిని ఎంచుకుంటారో చూడాలి. ఇకపోతే వర్మ చిత్రంలో ధృవ్‌నే మళ్లీ నటిస్తాడని నిర్మాతలు పేర్కొన్నారు. అతనికి జంటగా నటించిన బెంగాలీ బ్యూటీ మేఘా చౌదరి పరిస్థితినే అర్థం కావడం లేదు. ఆమె పాత్రలో ఇప్పుడు శ్రీదేవి వారసురాలు జాన్వీని నటింపజేసే ప్రయత్నాలు జరుగుతున్నట్లు తాజా సమాచారం. మరి ఆ ప్రయత్నాలు ఫలిస్తాయా? జాన్వీ వివాదాస్పదంగా మారిన అర్జున్‌రెడ్డి రీమేక్‌లో నటించడానికి అంగీకరిస్తుందా? అన్నది వేచి చూడాలి.

తమిళసినిమా: వర్మకేమైంది? కోలీవుడ్‌లో ఇప్పుడిదే చర్చనీయాంశంగా మారిన షాకింగ్‌ న్యూస్‌. దర్శకుడు బాలా సృష్టి వర్మ. దీన్ని ఆయన సృష్టి అనవచ్చో కాదో. ఎందుకంటే వర్మ బాలా ముద్దుబిడ్డ కాదు. అద్దె బిడ్డ అనవచ్చు. ఆయన రాసుకున్న కథా చిత్రం కాదు. తెలుగులో సంచలన విజయాన్ని అందుకున్న అర్జున్‌రెడ్డి చిత్రానికి రీమేక్‌ వర్మ. నటుడు విక్రమ్‌ వారసుడు ధృవ్‌ను కథానాయకుడిగా పరిచయం చేస్తున్న చిత్రం ఇది. ఈ 4 ఎంటర్‌టెయిన్‌మెంట్‌ సంస్థకు ఫస్ట్‌ కాపీ విధానంలో  బాలా నిర్మాణ సంస్థ బీ స్టూడియోస్‌ రూపొందిస్తున్న చిత్రం వర్మ. చిత్ర నిర్మాణం పూర్తి అయ్యింది. ఫిబ్రవరిలో ప్రేమికుల రోజు సందర్భంగా చిత్రాన్ని విడుదల చేయనున్నట్లు ప్రచారం జరిగింది. శుక్రవారం సాయంత్రం అనూహ్యంగా ఈ4 ఎంటర్‌టెయిన్‌మెంట్‌ సంస్థ నిర్వాహకులు వర్మ చిత్రాన్ని విడుదల చేయడం లేదని వెల్లడిస్తూ మీడియాకు ఇక ప్రకటనను విడుదల చేశారు. అర్జున్‌రెడ్డికి రీమేక్‌లా లేదు అందులో వారు పేర్కొంటూ తెలుగు చిత్రం అర్జున్‌రెడ్డి చిత్రాన్ని వర్మ పేరుతో రీమేక్‌ చేసి ఫస్ట్‌కాపీ బేస్డ్‌లో బాలా బి.స్టూడియోస్‌ సంస్థ తమకు అందించే విధంగా ఒప్పందం చేసుకున్నామన్నారు. అయితే బాలా తెరకెక్కించిన వర్మ చిత్రం ఫస్ట్‌కాపీ చూసిన తరువాత తమకు సంతృప్తి అనిపించలేదన్నారు. చిత్రంలో కొన్ని సన్నివేశాలు ఒరిజినల్‌ చిత్రానికి పూర్తి భిన్నంగా ఉన్నాయన్నారు. దీంతో వర్మ చిత్రాన్ని విడుదల చేయరాదని నిర్ణయించుకున్నట్లు పేర్కొన్నారు. అర్జున్‌రెడ్డి చిత్రాన్ని మళ్లీ వేరే దర్శకుడితో రీమేక్‌ చేయనున్నట్లు తెలిపారు. హీరోగా ధృవే నటిస్తారని, ఇతర నటినటులు, సాంకేతిక వర్గం వివరాలను త్వరలోనే వెల్లడిస్తామని అన్నారు. జూన్‌ 29న విడుదల చేస్తామని ఈ 4 ఎంటర్‌టెయిన్‌మెంట్‌ సంస్థ నిర్వాహకులు తెలిపారు. ఇలా పూర్తిగా అదీ ఒక జాతీయ అవార్డు గ్రహీత, పలు వైవిధ్యభరిత చిత్రాల సృష్టికర్త తెరకెక్కించిన చిత్రాన్ని విడుదల సంతృప్తిగా లేదని పక్కన పడేయనున్నట్లు చెప్పడం కోలీవుడ్‌లో చర్చనీయాంశంగా మారింది. నా చిత్రం రిలీజ్‌ కావడం లేదా? వర్మ చిత్రంలో ధృవ్‌కు జంటగా నవ నటి మేఘాచౌదరి నటించింది. మోడలింగ్‌ రంగంలో పాపులర్‌ అయిన ఈ బెంగాలీ బ్యూటీ హీరోయిన్‌గా ఇదే తొలి చిత్రం. వర్మ చిత్రం విడుదల కావడం లేదు తెలుసా అన్న ప్రశ్నకు మేఘాచౌదరి షాక్‌ అయ్యింది. కొత్తగా రూపొందించనున్న చిత్రంలో ధృవ్‌ నటించనున్నాడు. మరి ఈ చిన్నది ఉంటుందా? అన్నది ఆసక్తిగా మారింది. విక్రమ్‌ కూడానా? వర్మ చిత్ర విడుదలను నిలిపేస్తున్నట్లు నిర్మాతలు వెల్లడించడంతో ఆ చిత్ర దర్శకుడు బాలా చాలా హర్ట్‌ అయ్యారు. ఈయనకు దర్శకుడిగా ప్రత్యేక బ్రాండ్‌ ఉంది. ఆయన చిత్రాలకు ఆయనే కథలను రాసుకుంటారు. అలాంటి దర్శకుడు అర్జున్‌రెడ్డి చిత్ర రీమేక్‌కు ముందు వ్యతిరేకించారట. అయితే సేతు చిత్రంతో తనకు సినీ జీవితాన్ని చ్చిన నటుడు విక్రమ్‌ తన కొడుకును హీరోగా పరిచయం చేయమని కోరడంతో ఆయన కోసమే అర్జున్‌రెడ్డి చిత్ర రీమేక్‌కు బాలా సమ్మతించినట్లు సమాచారం. అయినా రీమేక్‌ను అలానే కాపీ కొట్టి చేయనని బాలా ముందే చెప్పారట. తీరా వర్మ చిత్రం పూర్తయిన తరువాత నటుడు విక్రమ్‌ కూడా నిర్మాతల తరఫున మాట్లాడటం బాధేసిందని ఆవేదన వ్యక్తం చేశారు. 

తమిళనాట డైరెక్టర్‌ బాలాకు ఉండే క్రేజ్‌ ఎలాంటిదో తెలిసిందే. భిన్నంగా సినిమాలు తీస్తూ.. మంచి అభిరుచి ఉన్న దర్శకుడిగా పేరు సంపాదించిన బాలాకు ఎదురుదెబ్బ తగిలింది. టాలీవుడ్‌ సెన్సేషనల్‌ హిట్‌ అర్జున్‌ రెడ్డికి రీమేక్‌గా తెరకెక్కుతున్న వర్మ సినిమాను బాలా డైరెక్ట్‌ చేస్తున్న సంగతి తెలిసిందే.  అయితే అవుట్‌పుట్‌ చూసిన నిర్మాతలు దానితో సంతృప్తి చెందలేదని, పూర్తి సినిమాను మళ్లీ రీషూట్‌ చేస్తామని ప్రకటించారు. హీరో ధృవ్‌ తప్పా మిగిలిన క్యాస్టింగ్‌ మొత్తాన్ని మార్చనున్నట్లు తెలిపారు. డైరెక్టర్‌ బాలాను కూడా తప్పించడం తమిళ నాట హాట్‌ టాపిక్‌ అయింది. విక్రమ్‌ సూచన మేరకే నిర్మాతలు ఈ నిర్ణయాన్ని తీసుకున్నట్లు తెలుస్తోంది. మార్చిలో మళ్లీ రీషూట్‌ చేయబోతున్నట్లు సమాచారం. మిగతా వివరాలను త్వరలోనే ప్రకటిస్తామని తెలిపారు. 

తూర్పుగోదావరి, గొల్లప్రోలు : మొదటి చిత్రంలో ఉత్త చేతులతో మురుగు కాలువలోని పూడిక తీస్తున్న మహిళ ఎవరో తెలుసా... శానిటరీ ఇన్‌స్పెక్టర్‌...ఆ పక్కన నిలబడి పెత్తనం చెలాయిస్తున్నది పిఠాపురం ఎమ్మెల్యే ఎస్వీఎస్‌ఎన్‌ వర్మ. పూడిక పేరుకుపోతే పారిశుద్ధ్య కార్మికులను పిలిపించి ఆ పనులు చేపట్టించాలి గానీ ఇదేమి దౌర్జన్యం...అందరూ చూస్తుండగానే మురుగులో చేతులు పెట్టించి తీయించడం... అదీ ఓ మహిళా ఉద్యోగిపట్ల ఇంత అమానుషమా అని అక్కడున్నవారు ముక్కునవేలేసుకున్నారు. రెండో చిత్రం చూశారు కదా...మురుగు కాలువలో దిగి పారిశుద్ధ్య కార్మికులతో కలిసి పని చేస్తున్నది ఎవరో తెలుసా... ఆ ఇంకెవరు మున్సిపల్‌ కార్మికుడై ఉంటారనుకుంటే బురదలో కాలేసినట్టే...మన పక్క రాష్ట్రమైన పుదుచ్చేరి రాష్ట్ర విద్యాశాఖామంత్రి కమలకన్నన్‌. నిరసనగా ఇలా చేశారంటే కానేకాదు ... పారిశుద్ధ్య కార్మికుల కష్టాన్ని గుర్తించి ‘నేను సైతం’ అంటూ శ్రమదానంగా ఇలా పనిలోకి దిగారు. ఆ మంత్రి పనిలో పెత్తనం లేదు...అహంకారం అంతకన్నా లేదు...ఆత్మీయత కనిపిస్తోంది. మరి ఇక్కడ ఇంత అరాచకమేమిటని పంచాయతీ సిబ్బంది ప్రశ్నిస్తున్నారు. గొల్లప్రోలు పట్టణం 9, 10 వార్డుల్లో టీడీపీ గ్రామదర్శిని కార్యక్రమం గురువారం నిర్వహించారు. ఈ సందర్భంగా ఎమ్మెల్యే పర్యటిస్తున్న సమయంలో పదో వార్డులో పాత పోలీస్‌ స్టేషన్‌ వీధిలోని మహిళలు పారిశుద్ధ్యం అధ్వానంగా ఉందంటూ ఫిర్యాదు చేశారు. ఆ పక్కనే ఉన్న శానిటరీ ఇన్‌స్పెక్టరు శివలక్ష్మిపై ఎమ్మెల్యే మండిపడ్డారు. సత్వరమే శుభ్ర పరచాలని ఆదేశించడంలోనూ తప్పులేదు. కానీ అక్కడున్న జనం మెప్పు కోసం మహిళా అధికారి అని కూడా చూడకుండా చేతులతో మురికిని తీయాలని ఒత్తిడి చేశారు. దీంతో ఆమె చేసేది లేక టీడీపీ కార్యకర్తలు, స్థానిక ప్రజలు చూస్తుండగా అవమాన భారంతో కాలువలో మురికిని చేతులతో తొలగించారు. ఎమ్మెల్యే వైఖరిపై పంచాయతీ కార్మికులు, ఉద్యోగులు ఆగ్రహం వ్యక్తం చేశారు.

పెరంబూరు: నవ నటుడు ధృవ్‌ తన తొలి పారితోషికాన్ని కేరళ వరద బాధితుల సహాయార్థం అందించారు. నటుడు విక్రమ్‌ వారసుడు ధృవ్‌ అమెరికాలో నటనలో శిక్షణ పొందుతున్నారు. ప్రస్తుతం ధృవ్‌ తెలుగులో  సంచలన విజయం సాధించిన చిత్రం అర్జున్‌రెడ్డి తమిళ రీమేక్‌ ద్వారా హీరోగా పరిచయం అవుతున్నారు. తండ్రి విక్రమ్‌కు సేతు చిత్రం ద్వారా నటుడిగా లైఫ్‌ ఇచ్చిన దర్శకుడు బాలానే ధృవ్‌ తొలి చిత్రాన్ని తెరకెక్కించడం విశేషం. ఇటీవల వరద బీభత్సంతో కేరళ అతలాకుతలం అయిన విషయం తెలిసిందే. ఆ రాష్ట్ర ముఖ్యమంత్రి విజ్ఞప్తి మేరకు తమిళ చిత్ర పరిశ్రమకు చెందిన పలువురు ఆర్థికంగా, ఇతరత్రా సాయం చేశారు. తాజాగా ధృవ్‌ వర్మ చిత్ర హీరోగా అందుకున్న పారితోషికాన్ని వరద బాధితుల సహాయార్థం అందజేసి దాతృత్వం చాటుకున్నాడు. ఆయన కేరళ సీఎం పినరాయి విజయన్‌ను సోమవారం కలిసి తన తొలి చిత్ర పారితోషికాన్ని చెక్కు రూపంలో అందజేశారు. ఆయనతో పాటు వర్మ చిత్ర నిర్మాత ముఖేశ్‌ ఆర్‌.మెహతా, ఏవీ.అనూప్‌ ఉన్నారు. ఇప్పటికే ధృవ్‌ తండ్రి, నటుడు విక్రమ్‌ కేరళ వరద బాధితులకు సహాయంగా రూ.35లక్షలను అందించిన విషయం తెలిసిందే.  

తెలుగులో ‘అర్జున్‌ రెడ్డి’ చిత్రం ఎంతటి ఘన విజయాన్ని సాధించిందో ప్రత్యేకించి చెప్పక్కర్లేదు. ఈ సినిమా తమిళం, హిందీ భాషల్లో రీమేక్‌ అవుతున్న సంగతి తెలిసిందే. తమిళ రీమేక్‌ ‘వర్మ’లో విక్రమ్‌ తనయుడు ధృవ్‌ హీరోగా నటించారు. ఈ చిత్రానికి బాల దర్శకత్వం వహించారు. ఇందులో బెంగాలీ మోడల్‌ మేఘా చౌదరి కథానాయికగా నటించారు. ఈశ్వరీరావ్, రైజా విల్సన్, ఆకాశ్‌ కీలక పాత్రలు చేసిన ఈ చిత్రానికి రధన్‌ స్వరకర్త. ఆదివారం ధృవ్‌ పుట్టినరోజు సందర్భంగా ఈ సినిమా ఫస్ట్‌ లుక్, టీజర్‌లను విడుదల చేశారు. అలాగే ‘వర్మ’ తెలుగు పోస్టర్‌ను కూడా రిలీజ్‌ చేశారు టీమ్‌. సో... ‘వర్మ’ చిత్రం తెలుగులో కూడా ఏమైనా డబ్‌ అవుతుందా? అనే ఊహాగానాలు మొదలయ్యాయి. అలాగే హిందీ ‘అర్జున్‌రెడ్డి’లో షాహిద్‌ కపూర్‌ హీరోగా నటిస్తున్నారు. తెలుగు వెర్షన్‌ని తెరకెక్కించిన సందీప్‌రెడ్డి వంగానే హిందీ రీమేక్‌కి దర్శకుడు. ఈ చిత్రానికి ముందుగా తారా సుతారియాను హీరోయిన్‌గా అనుకున్నారు. కానీ డేట్స్‌ కుదరక వీలు పడలేదట. ఇప్పుడీ పాత్రను కియారా అద్వానీ చేయబోతున్నారని బాలీవుడ్‌ లేటెస్ట్‌ టాక్‌.

టాలీవుడ్‌లో సంచలనం సృష్టించిన ‘అర్జున్‌ రెడ్డి’ పలు భాషల్లోకి రీమేక్‌ అవుతున్న సంగతి తెలిసిందే. ఇప్పటికే కోలీవుడ్‌లో అర్జున్‌ రెడ్డి రీమేక్‌ రిలీజ్‌కు రెడీ అవుతోంది. బాలీవుడ్‌లో సందీప్‌ వంగా డైరెక్షన్‌లో షాహిద్‌ కపూర్‌ హీరోగా తెరకెక్కుతోంది. తమిళ్‌లో విక్రమ్‌ తనయుడు ధృవ్‌ విక్రమ్‌ హీరోగా అర్జున్‌ రెడ్డిని ‘వర్మ’ పేరుతో రీమేక్‌ చేస్తున్న సంగతి తెలిసిందే. తాజాగా ఈ సినిమాకు సంబంధించిన టీజర్‌ను విడుదల చేశారు. క్రియేటివ్‌ డైరెక్టర్‌ బాలా.. ఈ రీమేక్‌ను తమిళ నేటీవిటికి తగ్గట్టుగా తెరకెక్కించినట్టు కనిపిస్తోంది. మరి ఈ రీమేక్‌ కోలీవుడ్‌లో సంచలనం సృష్టించి..ధృవ్‌ని కూడా ఓవర్‌నైట్‌ స్టార్‌ చేస్తుందో లేదో చూడాలి.  Teaser of #Varma Introducing #DhruvVikram#Bala Film#E4Entertainment Mukesh R Mehta #VarmaTeaser #HBDDhruvVikram https://t.co/o2cAyAGWQS@e4echennai @filmmakerbala @iammegha_c @raizawilson@radhanmusic @onlynikil pic.twitter.com/MZrdJG6f7u — BARaju (@baraju_SuperHit) 23 September 2018

విజయ్‌ దేవరకొండ హీరోగా సందీప్‌ రెడ్డి వంగాని దర్శకుడిగా పరిచయం చేస్తూ తెరకెక్కించిన  సినిమా అర్జున్‌ రెడ్డి. ఈ సినిమా టాలీవుడ్‌లో ఎంతటి సంచలన సృష్టించిందో అందరికి తెలిసిందే. ఎన్నో వివాదాల మధ్య ప్రేక్షకుల ముందుకు వచ్చిన అర్జున్‌ రెడ్డి తరువాత ఘన విజయం సాధించటంతో అర్జున్‌ రెడ్డి రీమేక్‌ కోసం భారీ ఆఫర్‌లు వచ్చాయి. ఈ సినిమా తమిళ రీమేక్‌తో విక్రమ్‌ తనయుడు ధ్రువ్‌ వెండితెరకు పరిచయం అవుతున్నాడు. వర్మ పేరుతో తెరకెక్కుతున్న ఈ సినిమాకు బాల దర్శకుడు. చెన్నై తో పాటు నేపాల్‌లో షూటింగ్ జరుపుకున్న ఈ సినిమాను నవంబర్‌లో రిలీజ్ చేసేందుకు ప్లాన్‌ చేస్తున్నారు. ప్రస్తుతం నిర్మాణానంత కార్యక్రమాలు జరుపుకుంటున్న వర్మ టీం త్వరలో ఆడియో రిలీజ్‌ ఈవెంట్‌ను భారీగా నిర్వహించేందుకు ప్లాన్‌ చేస్తున్నారు. అర్జున్‌ రెడ్డి హిందీ రీమేక్‌కు సందీప్‌ రెడ్డి వంగానే దర్శకత్వం వహిస్తుండగా షాహిద్‌ కపూర్‌ గా హీరోగా నటించనున్నాడు.

తమిళసినిమా: కొన్ని చిత్రాలకు కథానాయికలు త్వరగా దొరకరు. కారణం దర్శక నిర్మాతలకు నచ్చకపోవడం కావచ్చు. కథానాయకులకు సెట్‌ కాకపోవచ్చు. ఆయా పాత్రలకు నప్పకపోవచ్చు. ఇంకేదైనా కావచ్చు. అలా నవ నటుడు ధ్రువ విక్రమ్‌కు జంటగా నటించే హీరోయిన్‌ కోసం కొన్ని నెలలుగా అన్వేషణ జరుగుతోంది. ధ్రువ విక్రమ్‌ అనగానే అతను హీరో విక్రమ్‌ వారసుడని ఇట్టే అర్థమవుతుంది. ప్రముఖ దర్శకుడు బాలా దర్శకత్వంలో ఈ యువ నటుడు హీరోగా ఎంట్రీ ఇస్తున్న విషయం తెలిసిందే. ఇకపోతే తెలుగులో సంచలన విజయాన్ని సాధించిన అర్జున్‌రెడ్డి చిత్రానికి ఈ చిత్రం రీమేక్‌. విజయ్‌ దేవరకొండ నటించిన పాత్రను తమిళంలో ధ్రువ విక్రమ్‌ పోషిస్తున్నారు. తమిళంలో ‘వర్మ’ అనే టైటిల్‌తో నిర్మిస్తున్నారు. విశేషం ఏంటంటే హీరోయిన్‌ ఎంపిక కాకుండానే ఈ చిత్ర షూటింగ్‌ తొలి షెడ్యూల్‌ను పూర్తి చేసేశారు దర్శకుడు బాలా. తెలుగులో శాలినీపాండే నటించిన పాత్రను తమిళంలో పోషించే నటి కోసం చిత్ర యూనిట్‌ తెగ వెతికింది. పలువురు నటీమణులను పరిశీలించారు. చాలామంది పేర్లు ప్రచారమయ్యాయి కూడా. చివరికి బెంగాలీ బ్యూటీకి ఆ అదృష్టం దక్కింది. బెంగాలీలో పలు టీవీ, మూవీ చిత్రాల్లో నటించిన మేఘాచౌదరి వర్మ చిత్రంలో ధ్రువ్‌తో రొమాన్స్‌ చేయనుంది. ఈ బ్యూటీ హిందీ సీరియల్స్‌లోనూ నటించింది. మోడల్‌గా రాణించిన మేఘా చౌదరి తమిళంలో సూర్య హీరోగా నటించిన ‘చిల్లన్ను ఒరు కాదల్‌’ చిత్రంలో ఆయన కూతురిగా నటించిందన్నది గమనార్హం. తాజాగా వర్మ చిత్రం ద్వారా హీరోయిన్‌గా ఎంట్రీ ఇస్తోంది. మరి ఇక్కడ కథానాయకిగా ఏ పాటిగా నిలదొక్కుకుంటుందో చూడాలి. త్వరలో ప్రారంభం కానున్న వర్మ చిత్ర షూటింగ్‌ రెండవ షెడ్యూల్‌లో మేఘా చౌదరి పాల్గొననుందన్నది తాజా సమాచారం. ఇ4 ఎంటర్‌టెయిన్‌మెంట్‌ సంస్థ నిర్మిస్తున్న ఈ చిత్రానికి దర్శకుడు రాజుమురుగన్‌ సంభాషణలను రాస్తున్నారు.

సాక్షి, హైదరాబాద్‌ : ఏఎమ్‌డీ(అటామిక్‌ మినరల్స్‌ డైరెక్టరేట్‌ ఫర్‌ ఎక్స్‌ప్లోరేషన్‌ అండ్‌ రిసెర్చ్‌) సంస్థకు నూతన డైరెక్టర్‌గా సైంటిఫిక్‌ ఆఫీసర్‌ ఎమ్‌.బి.వర్మ మంగళవారం పదవీ బాధ్యతలను స్వీకరించారు. ఏఎమ్‌డీ సంస్థ డీఏఈ (డిపార్ట్‌మెంట్‌ ఆఫ్‌ అటామిక్‌ ఎనర్జీ) పరిధిలో పని చేస్తుంది. గతంలో ఎమ్‌.బి. వర్మ ఇదే సంస్థలో అడిషనల్‌ డైరెక్టర్‌గా పని చేశారు. వర్మ సైంటిఫిక్‌ ఆఫీసర్‌ హెచ్‌ ఫ్లస్‌ హోదాలో ఉన్నారు. ఆయన ఉత్తర ప్రదేశ్‌లోని అలీఘడ్‌ ముస్లిమ్‌ యూనివర్సిటీ నుంచి భూవిజ్ఞాన శాస్త్రంలో మాస్టర్స్‌ డిగ్రీని, ఎమ్‌.ఫిల్‌ డిగ్రీని పొందారు. 1982లో ఏఎమ్‌డీలో చేరారు. అటామిక్‌ మినరల్స్‌ అన్వేషణలో వర్మకు విశేష అనుభవం ఉంది. ఆంధ్రప్రదేశ్‌లోని తుమ్మల పల్లి, కొప్పునూరు, తెలంగాణలోని పెద్దగట్టు, చిట్యాల్‌లో యూనిరేయం వనరులను వృద్థి చేయడంలో వర్మ కీలక పాత్ర పోషించారు. జార్ఖండ్‌ రాష్ట్రంలో యూనేరియం నిక్షేపాలు వెలికితీయడంలో కూడా వర్మ విశేష కృషి చేశారు. తెలంగాణలోని నల్గొండ జిల్లా చిట్యాల యూరేనియం వనరుల కోసం చేసిన కృషికిగాను ఆయనకు భారత గనుల మంత్రిత్వ శాఖ అందించే భూ విజ్ఞాన శాస్త్ర పురస్కారం లభించింది.

తమిళ సినిమా: దర్శకుడు బాలా శైలి భిన్నంగా ఉంటుందన్నది ప్రత్యేకంగా చెప్పనక్కర్లేదు. సేతు, నందా, పితామగన్‌ లాంటి చిత్రాలే అందుకు నిదర్శనాలు. నాన్‌కడవుల్, పరదేశీ, తారైతప్పట్టై వంటి చిత్రాలు ప్రేక్షకులను పెద్దగా మెప్పించలేకపోయాయి. బాలా స్వీయ దర్శకత్వంలో చిత్రాలు నిర్మించడంతో పాటు ఇతర దర్శకులకు తన బ్యానర్‌లో అవకాశాలు ఇస్తుంటారు. కొద్ది కాలంగా విజయాలకు దురంగా ఉన్న ఈ సంచలన దర్శకుడు ‘నాచియార్‌’చిత్రంతో ప్రైమ్‌ టైమ్‌లోకి వచ్చారు. ఈ చిత్ర సక్సెస్‌కు చిత్ర పరిశ్రమ తోడవడంతో అర్ధ శతోత్సం దాటి ప్రదర్శితమవుతూ డిస్ట్రిబ్యూటర్లకు కాసుల వర్షం కురిపిస్తోంది.  ప్రస్తుతం బాలా నటుడు విక్రమ్‌ వారసుడు ధృవ్‌ను హీరోగా పరిచయం చేస్తూ ‘వర్మ’అనే చిత్రాన్ని తెరకెక్కిస్తున్నారు. ఇది తెలుగులో సంచలన విజయం సాధించిన అర్జున్‌రెడ్డి చిత్రానికి రీమేక్‌. ఈ విషయాన్ని పక్కన పెడితే బాలా తన బి.స్టూడియోస్‌ పతాకంపై చిత్రాన్ని నిర్మించడానికి సన్నాహాలు చేస్తున్నారు. ఈ చిత్రం ద్వారా లెన్స్‌ చిత్ర దర్శకుడు జయప్రకాశ్‌ రాధాకృష్ణన్‌కు అవకాశం ఇస్తున్నారు. లెన్స్‌ చిత్రం ఆంగ్లం, మలయాళం, తెలుగు భాషల్లో విడుదలైంది. తమిళంలో లెన్స్‌ చిత్రాన్ని దర్శకుడు వెట్ట్రిమారన్‌ విడుదల చేశారు.  ఈ చిత్రానికి గానూ జయప్రకాశ్‌ రాధాకృష్ణన్‌ గత ఏడాది గొల్లపూడి శ్రీనివాస్‌ జాతీయ అవార్డును అందుకున్నారు. ఆయన తాజాగా ఒక మంచి కథను రెడీ చేశారట. దీన్ని దర్శకుడు బాలాకు వినిపించగా ఆయనకు బాగా నచ్చడంతో తనే ఈ చిత్రాన్ని నిర్మిస్తానని మాట కూడా ఇచ్చారట. బాలా తన బి.స్టూడియోస్‌ పతాకంపై నిర్మించనున్న ఈ చిత్రం త్వరలోనే సెట్‌పైకి వెళ్లనుంది. అయితే ఈ చిత్రానికి సంబంధించిన పూర్తి వివరాలు అధికారికంగా వెలువడాల్సి ఉంది.

గత ఏడాది సంచలన విజయం సాధించిన తెలుగు సినిమా అర్జున్‌ రెడ్డి. విజయ్‌ దేవరకొండ హీరోగా సందీప్‌ రెడ్డి వంగా దర్శకత్వంలో తెరకెక్కిన ఈ సినిమా ఘన విజయం సాధించటంతో ఇతర భాషల్లో ఈ సినిమా రీమేక్‌ కోసం ప్రయత్నాలు ప్రారంభమయ్యాయి. కోలీవుడ్ ఈ సినిమాను విక్రమ్‌ తనయుడు ధృవ్‌ మీరోగా తెరకెక్కిస్తున్నారు. అంతేకాదు ఈ సినిమాను విలక్షణ దర్శకుడు బాలా డైరెక్ట్ చేస్తుండటంతో సినిమా మీద మరింత ఆసక్తి నెలకొంది. వర్మ పేరుతో తెరకెక్కుతున్న ఈ సినిమా ప్రీ లుక్‌ ను చాలా కాలం క్రితమే రిలీజ్ చేశారు. అయితే కథలోని క్యారెక్టర్‌కు తగ్గ లుక్‌ కోసం ధృవ్‌ ఆరు నెలలుగా కష్టపడుతున్నాడు. తాజాగా సినిమాకు తగ్గ మేకోవర్‌తో రెడీ అయిన ధృవ్‌ లుక్‌ ఇప్పుడు సోషల్‌ మీడియాలో హల్‌ చేస్తోంది. బాగా పెరిగిన గెడ్డం, మీసంతో ధృవ్ రఫ్‌ లుక్‌లో అదరగొడుతున్నాడు. త్వరలోనే ఈ ప్రాజెక్ట్‌ సెట్స్‌ మీదకు వెళ్లనుంది. పూర్తి వివరాలు త్వరలోనే వెల్లడించనున్నారు. Stargazing. #dhruvfinallyanatchathiram😋 A post shared by Vikram (@the_real_chiyaan) on Mar 3, 2018 at 11:55pm PST

దక్షిణాదిలో ప్రయోగాలకు కేరాఫ్ అడ్రస్‌ గా మారిన స్టార్ హీరో విక్రమ్‌. శివపుత్రుడు, అపరిచతుడు, ఐ లాంటి సినిమాలతో ఆకట్టుకున్న విక్రమ్‌ త్వరలో తన నటవారసుడిని తెరకు పరిచయం చేస్తున్న సంగతి తెలిసిందే. తెలుగులో సంచలన విజయం సాధించిన అర్జున్‌ రెడ్డి సినిమాను కోలీవుడ్‌ లో ధృవ్‌ హీరోగా రీమేక్‌ చేస్తున్నారు. వర్మ పేరుతో తెరకెక్కుతున్న ఈ సినిమాకు బాల దర్శకత్వం వహిస్తున్నారు. తాజాగా ధృవ్‌ ఎంట్రీపై మాట్లాడిన విక్రమ్‌, ఆసక్తికర విషయాలు వెల్లడించారు. ధృవ్‌... అర్జున్‌ రెడ్డి రీమేక్‌ తరువాత లాంగ్ గ్యాప్‌ తీసుకోనున్నాడట. ‘వర్మ’ సినిమా రిలీజ్ తరువాత ధృవ్‌ చదువు మీద దృష్టి పెట్టనున్నట్టుగా వెల్లడించాడు. తిరిగి ఉన్నత చదువులు పూర్తయిన తరువాతే ధృవ్ తదుపరి చిత్రం మొదలువుతుందని వెల్లడించాడు విక్రమ్‌.

తెలుగులో సంచలనం సృష్టించిన అర్జున్‌ రెడ్డి సినిమాను తమిళ్‌లో వర్మ పేరుతో రీమేక్‌ చేస్తున్న సంగతి తెలిసిందే. బాల దర్శకత్వంలో తెరకెక్కుతున్న ఈ సినిమాతో చియాన్‌ విక్రమ్‌ తనయుడు ధృవ్‌ హీరోగా పరిచయం అవుతున్నాడు. ప్రస్తుతం ప్రీ ప్రొడక్షన్‌ కార్యక్రమాలు జరుపుకుంటున్న ఈ సినిమాకు నటీనటుల ఎంపిక జరుగుతోంది. తాజాగా ఈ సినిమా హీరోయిన్‌ కోసం ఓ ఆసక్తికరమైన వీడియోను రిలీజ్‌ చేశారు చిత్రయూనిట్‌. ఓ అమ్మాయి ముఖం కనిపించకుండా షూట్‌ చేసిన వీడియోను తన సోషల్‌ మీడియా పేజ్‌లో పోస్ట్‌ చేసిన హీరో విక్రమ్‌, ‘ఈమె కనబడటం లేదు. ఒకవేళ ఈమె మీరే అయినా..లేక మీరు ఈమెలాగే ఉన్నా.. మీ ఫొటోలను వీడియోలను మాకు పంపించండి. నిన్ను కలిసేందుకు ఎదురుచూస్తున్న. సమయం తీసుకోండి. కానీ త్వరపడండి’అంటూ కామెంట్‌ చేశాడు. హీరోయిన్‌ ఎంపిక కోసం వర్మ టీం రిలీజ్‌ చేసిన ఈ వీడియో ఇప్పుడు సోషల్‌ మీడియాలో హాట్‌ టాపిక్‌గా మారింది. And.. SHE IS MISSING. If you are her or anyone who looks like her, send your pics or videos to varmathemovie@gmail.com. Can't wait to meet you. Take your time, but hurry. #heroinesearch #castingcall #vermas❤️#whostheluckygirl #thesearchbegins # varmathemovie #dirbala #dhruvvikram #E4entertainment. Thank you Shruti for your enchanting voice. Thanks ms AB. 🎥 Sukumar ✂️ Pradeep Jenifer 🎨 Kiran 👗Sathyasuku @shrutzhaasan @dhruv.vikram @mukeshe4e @pradeepjenifer A post shared by Vikram (@the_real_chiyaan) on Nov 11, 2017 at 10:31pm PST

అదెలా కుదురుంది? ఎక్కడైనా ఒక్కటే పేరు ఉంటుంది కదా! మరి, ‘అర్జున్‌రెడ్డి’ వర్మగా ఎలా మారాడు? అనుకోవద్దు! రీమేక్‌ సినిమాల్లో హీరోలు మారినప్పుడు, టైటిల్స్‌ కూడా మారతాయి కదా! విజయ్‌ దేవరకొండ ‘అర్జున్‌రెడ్డి’ తెలుగులో ట్రెండ్‌ సెట్టింగ్‌ హిట్‌. ఆ టైటిలే ఓ ట్రేడ్‌ మార్క్‌ సింబల్‌గా మారింది. ఈ సినిమాను తమిళంలో ప్రముఖ హీరో విక్రమ్‌ కుమారుడు ధృవ్‌ విక్రమ్‌ హీరోగా విలక్షణ చిత్రాల దర్శకుడు బాల దర్శకత్వంలో రీమేక్‌ చేస్తున్న సంగతి తెలిసిందే. ఆ రీమేక్‌కి ‘వర్మ’ అనే టైటిల్‌ కన్ఫర్మ్‌ చేశారు. ప్రస్తుతం ధృవ్‌ క్యారెక్టర్‌కి తగ్గట్టు లుక్‌ని మార్చుకునే పనిలో ఉన్నారట! వన్స్‌... లుక్‌ ఫైనలైజ్‌ చేసిన తర్వాత షూటింగ్‌ స్టార్ట్‌ చేస్తారట! విక్రమ్‌ని ‘సేతు’తో స్టార్‌ చేసిన దర్శకుడు బాలాయే. ఆయన ధృవ్‌కి ఎలాంటి హిట్‌ ఇస్తారోనని విక్రమ్‌ అభిమానులు ఎదురు చూస్తున్నారు.

తమిళ సినిమా : అర్జున్‌రెడ్డి అనూహ్య విజయాన్ని సాధించిన ఈ చిత్రం ఇంతకు ముందు టాలీవుడ్‌లో మారుమోగింది. ఇప్పుడు కోలీవుడ్‌లో చర్చనీయాంశంగా మారింది. తెలుగులో యువ నటుడు విజయ్‌ దేవరకొండ కథానాయకుడిగా నటించిన ఈ చిత్రం ఇప్పుడు కోలీవుడ్‌లో తెరకెక్కడానికి సిద్ధం అవుతోంది. ఇదేమంత విశేషం కాదు. అయితే, ఇందులో విజయ్‌ దేవరకొండ పాత్రను నటుడు విక్రమ్‌ వారసుడు ధృవ పోషించనుండటం కచ్చితంగా విశేషమే అవుతుంది. ఎందుకంటే ధృవ పరిచయ చిత్రం ఇదే అవుతుంది.  ఇక అంతకంటే సంచలనం ఏమిటంటే వైవిధ్య కథా చిత్రాల దర్శకుడు బాలా హ్యాండిల్‌ చేయనుండటం. విక్రమ్‌కు సేతు చిత్రంతో సినీ జీవితానిచ్చిన ఈయన తన కొడుకు నట జీవితానికి శ్రీకారం చుట్టనున్నారు. ప్రస్తుతం అధర్వ, జ్యోతికలతో నాచ్చియార్‌ చిత్రాన్ని తెరకెక్కిస్తున్న బాలా ధృవ హీరోగా రూపొందించనున్న చిత్ర షూటింగ్‌ను డిసెంబర్‌లో ప్రారంభించనున్నారు.  కాగా ఈ చిత్రానికి వర్మ అనే పేరును ఖరారు చేశారు. టైటిల్‌ ఫస్ట్‌లుక్‌ను నటుడు విక్రమ్‌ శుక్రవారం విడుదల చేశారు. వర్మ చిత్ర ఫస్ట్‌లుక్‌కు సినీ వర్గాల నుంచి మంచి స్పందన వస్తోంది. ఈ టైటిల్‌పై దర్శకుడు వర్మ వ్యంగ్యాస్త్రాలను సంధించారు. చాలా విషయాలపై ట్విట్టర్‌ ద్వారా స్పందించే దర్శకుడు వర్మ ఈ ధృవ చిత్ర టైటిల్‌పై కూడా తనదైన బాణీలో పరిహాసం చేశారు. ఆయనేమన్నారంటే..వర్మ ఆ పేరు ఎక్కడో విన్నట్టు గుర్తున్నట్టు అనిపిస్తున్నట్టు ఉంది అంటూ ట్విట్టర్‌లో పేర్కొన్నారు. వర్మ టైటిల్‌పై దర్శకుడు వర్మ చేసి వ్యాఖ్యలిప్పుడు సోషల్‌ మీడియాలో వైరల్‌ అవుతున్నాయి.

ట్విట్టర్‌కు గుడ్‌ బై చెప్పినా వర్మ మాటల దాడి మాత్రం ఆగటంలేదు. తాను వేదించాలనుకున్న వ్యక్తులు తనకు బోర్‌ కొట్టేశారంటూ ట్విట్టర్‌ ఎకౌంట్‌ క్లోజ్‌ చేసిన వివాదాస్పద దర్శకుడు రామ్‌ గోపాల్‌ వర్మ కొత్తగా ఫేస్‌బుక్‌ ఇన్‌స్టాగ్రామ్‌ల ద్వారా తన మాటల దాడి కొనసాగిస్తున్నాడు. ఇటీవల సంచలనం సృష్టించిన అర్జున్‌ రెడ్డి సినిమాకు విపరీతమైన ప్రచారం చేసిన పెట్టిన వర్మ ఇప్పుడు ఆ సినిమా తమిళ రీమేక్‌​ మీద పడ్డాడు. అర్జున్‌ రెడ్డి సినిమాతో తమిళ స్టార్‌ హీరో విక్రమ్‌ తనయుడు ధృవ్‌ హీరోగా పరిచయం అవుతున్న సంగతి తెలిసిందే. బాల దర్శకత్వంలో తెరకెక్కుతున్న ఈ సినిమాకు వర్మ అనే టైటిల్‌ను ఎనౌన్స్‌ చేశారు. ఈ టైటిల్‌పై స్పందించిన వర్మ సినిమా టైటిల్‌ లోగో పోస్టర్‌తో పాటు ‘అర్జున్‌ రెడ్డి తమిళ వర్షన్‌ పేరు వర్మ అంట, ఆ పేరు ఎక్కడో విన్నట్టు గుర్తున్నట్టు అనిపిస్తున్నట్టు ఉంది’ అంటూ కామెంట్‌ చేశాడు. ప్రస్తుతం వర్మ నాగార్జున హీరోగా తెరకెక్కబోయే సినిమా ప్రీ ప్రొడక్షన్‌ పనులతో పాటు వివాదాస్పద లక్ష్మీస్‌ ఎన్టీఆర్‌ సినిమా పనుల్లో బిజీగా ఉన్నాడు. Arjun Reddy Tamil version peru VARMA anta..Aa peru yekkado vinnattu gurthunnattu anipisthunnattu vundhi🙄 A post shared by RGV (@rgvzoomin) on Nov 10, 2017 at 7:00am PST


 ► పిఠాపురంలో మూడేళ్లలో మించి పోయింది : రాజా
 గొల్లప్రోలు (పిఠాపురం) : తునిలో 30 ఏళ్లుగా సాగుతున్న అరాచక పాలనను.. పిఠాపురంలో గత మూడేళ్లుగా పాలన మించిపోయిందని తుని ఎమ్మెల్యే దాడిశెట్టి రాజా అన్నారు. గొల్లప్రోలులో గురువారం నిర్వహించిన వైఎస్సార్‌ సీపీ పిఠాపురం నియోజకవర్గ ప్లీనరీలో ఆయన ఈ వ్యాఖ్యలు చేశారు. తునిలో గురువును తలదన్నేలా పిఠాపురంలో శిష్యుడు అకృత్యాలకు పాల్పడి...రాచరిక పాలన సాగిస్తున్నారని ఎమ్మెల్యే వర్మను ఉద్దేశించి అన్నారు. మట్టి, ఇసుకను అమ్ముకుని నియోజకవర్గాన్ని దోచుకు తింటున్నారన్నారు.
 
 మట్టిని తవ్వుకోడానికి చెరువులను ఎండగట్టిన ఘనత ఆయనకే దక్కిందన్నారు. మొసలి కన్నీరు కార్చి ఓట్లు వేయించుకుని.. ఇప్పుడు ఓట్లు వేసిన ప్రజల ను భయభ్రాంతులకు గురి చేస్తున్నారని విమర్శించారు. ప్రజలు తిరగబడే రోజులు వస్తున్నాయన్నారు. ప్రతిపక్ష నేతను విమర్శించాను.. మంత్రి పదవి ఇవ్వండని అధినేత ముందు మోకరిల్లుతున్న ఆయన.. స్థాయిని మరచి విమర్శలు చేస్తే సహించేదిలేదని ఎమ్మెల్యే రాజా హెచ్చరించారు.


 పిఠాపురం : ప్రజాస్వామ్యాన్ని ఖూనీ చేస్తు మీరు సాగిస్తున్న అప్రజాస్వామిక పాలనకు చరమగీతం పాడడమే లక్ష్యంగా వైఎస్సార్‌ సీపీ తరుఫున ప్రజల్లోకి వస్తున్నాం కాసుకో.. అంటు మాజీ మంత్రి వైఎస్సార్‌ సీపీ నేత కొప్పన మోహనరావు ఎమ్మెల్యే ఎస్వీఎస్‌ఎన్‌ వర్మకు సవాల్‌ విసిరారు.
 
 వైఎస్సార్‌ సీపీలో చేరి తొలిసారిగా పిఠాపురం విచ్చేసిన సందర్భంగా ఆయన స్వగృహంలో శనివారం రాత్రి ఏర్పాటు చేసిన విలేకర్ల సమావేశంలో వర్మపై నిప్పులు చెరిగారు. వర్మ అరాచక పాలనపై ఒంటరి పోరాటం చేసిన పిఠాపురం నియోజకవర్గ వైఎస్సార్‌ సీపీ కో ఆర్డినేటర్‌ పెండెం దొరబాబుకు కొండంత అండగా ఉండి ప్రజలు ఎదుర్కొంటున్న సమస్యలపై పోరాటం చేయడానికి నేటి నుంచి కంకణం కట్టుకున్నట్లు ఆయన ప్రకటించారు.
 
 వితంతవుల పింఛన్లు సైతం కాజేయడానికి కార్యకర్తలను, నాయకులను బతికుండగానే చంపుకుంటూ నీచాతినీచంగా దిగజారిపోయిన వర్మకు పిఠాపురం నియోజకవర్గంలో పుట్టగతులు లేకుండా పోతాయన్నారు. టీడీపీ అధినేత చంద్రబాబు అరాచకపాలనకు చరమగీతం పాడే రోజులు దగ్గర పడ్డాయని, ఆయన చేయించుకున్న సర్వేలే అందుకు నిదర్శనమన్నారు. 
 ప్రజలనేత వైఎస్‌ జగన్‌
 తండ్రి ఆశయ సాధనకు ప్రజల పక్షాన అవిరళ కృషి చేస్తున్న ప్రతిపక్ష నాయకుడిగా వైఎస్‌ జగన్‌మోహన్‌రెడ్డి చేస్తున్న పోరాటం తనను పార్టీ వైపు వచ్చేలా చేసిందని కొప్పన మోహనరావు తెలిపారు. జగన్‌ నేతృత్వంలో పెండెం దొరబాబుకు అండగా పిఠాపురం నియోజకవర్గంలో వైఎస్సార్‌ సీపీని తిరుగులేని పార్టీగా నిలబెట్టడానికి తనవంతు కృషి చేస్తానని ఆయన చెప్పారు. కొప్పన రాకతో పార్టీకి నూతనోత్సాహం వచ్చిందని ఆయన సహకారంతో జగన్‌ ఆశయాలకు అనుగుణంగా పని చేసి పార్టీ తరుఫున ప్రజలకు అండగా ఉంటామని పెండెం దొరబాబు అన్నారు. పార్టీ రాష్ట్ర కార్యదర్శి రావు చిన్నారావు, జిల్లా ఆర్గనైజింగ్‌ సెక్రటరీ కురుమళ్ల రాంబాబు, అబ్బిరెడ్డి వెంకటరెడ్డి, మున్సిపల్‌ కౌన్సిల్‌ ఫ్లోర్‌లీడర్‌ గండేపల్లి బాబీ, పట్టణ పార్టీ అధ్యక్షుడు బొజ్జా రామయ్య తదితరులు పాల్గొన్నారు. 
 
 కొప్పనకు ఘన స్వాగతం
 హైదరాబాద్‌ నుంచి పిఠాపురం వచ్చిన కొప్పనకు పెండెం దొరబాబు ఆధ్వర్యంలో నాయకులు, కార్యకర్తలు ఘనంగా స్వాగతం పలికారు. బాణాసంచా కాల్పులతో భారీ ర్యాలీగా ఆయనను పిఠాపురం మండలం జల్లురు నుంచి తీసుకువచ్చారు. 


 ఎమ్మెల్యేను నిలదీసిన మహిళపై సహనం కోల్పోయిన వర్మ
 కొత్తపల్లి : ప్రజా ప్రతినిధిని సమస్యలపై నిలదీసే హక్కు ప్రజలకు ఉంది. సహనంగా సమాధానం చెప్పాల్సిన ప్రజాప్రతినిధే సహనం కోల్పోతే. అదే జరిగింది కొత్తపల్లి మండలంలో. తన సమస్యలను చెప్పుకుంటున్న ఓ మహిళపై పిఠాపురం ఎమ్మెల్యే ఎస్‌వీఎస్‌ఎన్‌ వర్మ ‘నేను అసలే పిచ్చోడిని...నన్ను రెచ్చగొట్టొ’’ద్దంటూ సభలోనే చిర్రెత్తిపోవడంతో అక్కడున్నవారంతా ముక్కున వేలేసుకున్నారు. కొత్తపల్లి మండల పరిషత్‌ కార్యాలయం వద్ద బుధవారం నిర్వహించింన ఎన్టీఆర్‌ భరోసా కొత్త పింఛన్ల పంపిణీ కార్యక్రమానికి స్థానిక ఎమ్మెల్యే ఎస్‌వీఎస్‌ఎన్‌ వర్మ హాజరయ్యారు. ఈ సందర్భంగా ప్రసంగిస్తూ గ్రామాల అభివృద్ధికి కోట్ల రూపాయలతో రోడ్ల నిర్మాణం చేపడుతున్నామని, అర్హులైన వారందరికీ పింఛన్లు అందిస్తున్నామంటూ చెప్పుకొచ్చారు. దీంతో కొత్తపల్లి ఎస్సీపేటకు చెందిన ఒక  మహిళ నిలబడి సమస్యలపై ఎమ్మెల్యే వర్మను నిలదీసింది. రోడ్లు సామాన్య ప్రజల ఇళ్ళ వద్ద కాకుండా తమ పార్టీ నాయకులు ఇళ్ళ వద్దే వేసుకుంటున్నారని, వర్షం వస్తే మా వీధిలో అడుగుతీసి అడుగు వేయలేని పరిస్థితి ఏర్పడుతుందని, తన కుమారుడు చనిపోయి సుమారు రెండు సంవత్సరాలు గడుస్తున్నా తన కోడలకు పింఛను మంజూరు చేయలేదని నిలదీయడంతో సర్దిచప్పాల్సిందిపోయి ‘నేను అసలే పిచ్చోడిని నన్ను రెచ్చగొట్టొ‘ందంటూ పలుమార్లు కూర్చో కూర్చోమంటూ ఆగ్రహం వ్యక్తం చేశారు. ఇసుకపల్లికి చెందిన టి.మంగకు పింఛను మంజూరైందని చెప్పి సభకు రప్పించారు. కొత్త పింఛను వస్తుందని ఆశగా వచ్చిన ఆమెకు పింఛనును మంజూరు కాలేదని చెప్పడంతో ఆమె సభలోనే కన్నీళ్ళపర్యంతమైంది.


 నోరు జారిన పిఠాపురం ఎమ్మెల్యే వర్మ
 కాకినాడ : టీడీపీ జాతీయ ప్రధాన కార్యదర్శి, సీఎం చంద్రబాబు తనయుడు లోకేశ్‌పై టీడీపీ ఎమ్మెల్యే వర్మ చేసిన కామెంట్స్ వివాదస్పదంగా మారాయి. నారా లోకేశ్‌ని పిఠాపురం ఎమ్మెల్యే వర్మ ‘వైట్‌ ఎలిఫెంట్‌’తో పోల్చారు. స్థానిక టీడీపీ కార్యాలయంలో ఆదివారం ఏర్పాటు చేసిన ప్రెస్‌మీట్‌లో వైఎస్సార్‌ కాంగ్రెస్‌ పార్టీపైనా, ఆ పార్టీ అధ్యక్షుడు జగన్‌మోహన్‌రెడ్డిపైనా దూకుడుగా మాట్లాడిన వర్మ.... అదే ఊపులో తమ యువ నాయకుడు నారా లోకేష్‌ ఒక్కోమెట్టు ఎక్కుతూ ఎదుగుతున్నారని, ఆయనపై అనవసరంగా బురదజల్లుతున్నారంటూ ఆరోపించారు. ‘ఒక ఏనుగు మీద... తెల్ల ఏనుగు మీద’ బురద జల్లేందుకు ఎవరెన్ని ప్రయత్నాలు చేసినా ఏనుగు తనపని తాను చేసుకుపోతుందని లోకేష్‌నుద్దేశించి ఆయన చేసిన వ్యాఖ్యలతో మీడియా ప్రతినిధులు, పార్టీ నేతలు నివ్వెరపోయారు.
  
 ఎమ్మెల్యే వర్మ కామెంట్స్‌పై టీడీపీ నేతలే విస్తుపోయారు. వైఎస్సార్‌ సీపీని విమర్శించడమే లక్ష్యంగా ప్రెస్‌మీట్‌ పెట్టి పనిలో పనిగా తమ యువనేతపై నోరుజారిన సదరు ఎమ్మెల్యే తీరు పార్టీ నేతల్లో చర్చనీయాంశమైంది. లోకేష్‌కు, రాజప్పకు జగన్‌ క్షమాపణ చెప్పాలని ఎమ్మెల్యే వర్మ డిమాండ్‌ చేశారు. పార్టీ సమావేశంలో జరిగిన సంభాషణకు వక్రభాష్యం చెప్పారంటూ ఆయన ఆరోపించారు.


 సోషల్ మీడియాలో వివాదాస్పద కామెంట్లతో ఎప్పుడూ కనిపించే దర్శకుడు రాంగోపాల్ వర్మ కన్ను...  ఈసారి మరాఠీ అందాల భామ రాధికా అప్టేపై పడింది. తాజాగా సూపర్ స్టార్ రజనీకాంత్ సరసన కబాలీ సినిమాలో నటిస్తున్న రాధికా ఆప్టే అందాన్ని వర్ణిస్తూ రాం చేసిన ట్వీట్.. రాధికా అభిమానులను మరింత పెంచేట్టుగా ఉంది.
 
 రాధికాను చూడగానే తాను డైరెక్ట్ చేసిన సినిమా గోవిందా గోవిందా సినిమాలోని పాట గుర్తుకు వచ్చిందని, ఇంతటి హాటెస్ట్ అమ్మాయిని ఇటీవల ఎక్కడా చూడలేదంటూ వర్మ తనదైన శైలిలో వర్ణిస్తూ ట్వీట్ చేశాడు. ఆ మరాఠీ బ్యూటీకి కొంతకాలం క్రితం విడుదలైన రక్త చరిత్ర సినిమాలో వర్మ...అవకాశం కూడ కల్పించాడు. అయితే ఇన్నాళ్ళ తర్వాత ఆమె మళ్ళీ తెరపైకి వస్తున్న నేపథ్యంలో తన మనసులోని భావాలను  ''ఆహ్హాఆఆఆ! ది హాటెస్ట్  ఐ సా మై లాస్ట్ త్రీ బర్త్స్'' అంటూ ట్విట్టర్ లో పోస్టు చేశాడు.Ahhhhhhhhh!- The hottest I saw in my last 3 births 😍 pic.twitter.com/KQ0wIWC2ZJ— Ram Gopal Varma (@RGVzoomin) May 5, 2016


 వివాదాస్పద వ్యాఖ్యలతో నిత్యం సోషల్ మీడియాలో హల్‌చల్ చేసే దర్శకుడు రామ్ గోపాల్ వర్మ రంగుల పండుగ హోలీని కూడా వదల్లేదు. హిరణ్య కశ్యపుడి చెల్లెలు హోలిక నుంచి ప్రహ్లాదుడు ప్రాణాలతో బయటపడినందుకు మీరంతా హోలీని సంతోషంగా జరుపుకొంటారని, తనకు మాత్రం ఈ పండుగ నాడు భంగ్ తినడం, శృంగారం ఒలికించే అమ్మాయిలను చూడటం, పాఠశాలను ఎగ్గొట్టడం వంటివే సంతోషం కలిగించేవని ట్వీట్ చేశాడు.
 
 హోలీ సందర్భంగా లభించే ఏకైక ఆనందం.. యువతులను తడిసిన దుస్తుల్లో ఒరకంట చూడటమేనని, దీనికి పెద్దల ఆమోదం కూడా ఉంటుందని, వారిని అలా చూస్తూ ఫీలైన చెంపదెబ్బ తినకుండా తప్పించుకోవచ్చునని తనదైన శైలిలో వ్యాఖ్యానించాడు. హోలీ రోజు ఎవరు ఎవరిని చంపారు? ఎందుకు చంపారు అన్న కారణాలు ఏమీ తెలియకుండానే చాలామంది పండుగను జరుపుకొంటున్నారని, కొందరు భంగ్ వంటివి ఆస్వాదించడం కోసం  పండుగ జరుపుకుంటారని పేర్కొన్నాడు.
 
  


 తాడేపల్లిగూడెం : పాఠశాలకు సెలవు దినం కావడంతో సరదాగా మిత్రులతో కలిసి కాలువలోకి స్నానానికి వెళ్లి, ప్రమాదవశాత్తు మునిగిపోతున్న మిత్రుని రక్షించే క్రమంలో అదే కాలువలో మునిగి విద్యార్థి ప్రాణాలు కోల్పోయిన సంఘటన మంగళవారం తాడేపల్లిగూడెంలో జరిగింది. స్థానిక శివాలయం వీధిలో రామాలయం రేవు వద్ద నివాసం ఉంటున్న వర్మ తన ముగ్గురు మిత్రులతో కలిసి చిన్న బలుసులమ్మ ఆలయం వద్ద ఉన్న కాలువలో ఈత కొట్డడానికి దిగాడు. సరదాగా ఈత కొడుతుండగా ముగ్గురు మిత్రులలో ఒకరికి ఈత రాకపోవడంతో కాలువలో మునిగిపోతూ రక్షించమంటూ చేతులు పెకైత్తి కేకలు వేశాడు. మిత్రుడిని రక్షించేందుకు ఈత వచ్చిన వర్మ వెళ్లాడు. మిత్రుడిని రక్షించి గట్టు పైకి తీసుకువచ్చే క్రమంలో వర్మ మునిగిపోయినట్టు ప్రత్యక్ష సాక్షులు చెబుతున్నారు.
  
  వర్మ కాపాడిన మిత్రుడు, మిగిలిన ఇద్దరూ సంఘటనా స్థలం నుంచి ఉడాయించారు. కాలువలో వర్మ మునిగిపోయిన విషయం బయటకు రావడంతో అదే ప్రాంతానికి చెందిన 20 మంది యువకులు జట్టుగా శివాలయం దగ్గర నుంచి జువ్వలపాలెం కాలిబాట వంతెన వరకు కాలువలో గాలింపు చర్యలు చేపట్టారు. ఈ సమాచారం తెలుసుకున్న అగ్నిమాపకదళాధికారి వి.సుబ్బారావు తన సిబ్బందితో కలిసి ఘటనా స్థలానికి చేరుకున్నారు. వర్మ మునిగిపోయిన ప్రాంతంగా చెబుతున్న ఏరియాలో సిబ్బంది వై.ఉమామహేశ్వరరావు, వి.భాస్కరరాజు ద్వారా యువకుల సాయంతో గాలించారు. అదే ప్రాంతంలో వర్మ దొరికాడు.
  
  అతనికి ప్రాణం ఉందని భావించిన యువకులు వర్మ సపర్యలు చేశారు. కొన వూపిరితో వర్మ ఉన్నట్టు భావించి పట్టణంలోని ఓ ప్రైవేటు ఆసుపత్రికి తీసుకెళ్లారు. అప్పటికే వర్మ మృతి చెందినట్టు వైద్యులు తెలిపారు. సుమారు మూడు గంటలకు పైగా వర్మ కాలువలో ఉండిపోయి ఊపిరి అందక మరణించి ఉంటాడని చెబుతున్నారు. యువకులు మూడు గంటలకు గాలింపు చేపట్టి వర్మను రక్షించామని అనుకున్నారు. వర్మ తల్లితండ్రులు తమ బిడ్డకు జీవం ఉందనుకున్నారు. తీరా ఆసుపత్రికి వెళ్లాక వైద్యులు చెప్పిన విషయం విని వారు ఒక్కసారిగా కుప్పకూలిపోయారు.
  
  చిన్నోడా వెళ్లిపోయావా..
  ఆటో నడుపుకుంటూ జీవనం సాగించే పాలెపు నర్సింహమూర్తి, ధనావతి దంపతులకు ముగ్గురు కుమారులు ఒక కుమార్తె ఉన్నారు. వీరిలో  చిన్న కుమారుడు ధనుంజయవర్మ (15) పట్టణంలోని ఒక ప్రయివేటు పాఠశాలలో పదో తరగతి చదువుతున్నాడు. మంగళవారం ప్రత్యేక హోదా కోసం బంద్ పాటించడంతో పాఠశాలకు సెలవు ప్రకటించారు. ఈ క్రమంలో మిత్రులతో కలిసి కాలువకు స్నానానికి వెళ్లాడు. మిత్రుడిని రక్షించబోయి ప్రాణాలు కోల్పోయాడు. చిన్నోడా వెళ్లిపోయావా అంటూ అతని తల్లి ఆక్రందనలు చూపరులను కలిచివేశాయి.
  
  ఇదే కుటుంబంలో వర్మ సోదరునికి ఇటీవల రోడ్డు ప్రమాదంలో గాయాలయ్యాడు. ఇటీవలే అతను కోలుకున్నాడు. బిడ్డ బాగున్నాడని ఆ కుటుంబం సంతోషించే లోగా మరో బిడ్డ మృత్యువాతపడటం ఆ కుటుంబం జీర్ణించుకోలేకపోతోంది. 13 వ వార్డు  కౌన్సిలర్ దొడ్డిగర్ల కృష్ణ  బాధిత కుటుంబానికి సంతాపం తెలిపారు .
  


 సాక్షి ప్రతినిధి, కాకినాడ :రాష్ట్రంలో తెలుగుదేశం అధికారంలోకి వచ్చింది. పిఠాపురం నియోజకవర్గంలో ఆ పార్టీ రెబెల్‌గా బరిలో దిగి ఘన విజయం సాధించిన ఎస్‌వీఎస్‌ఎన్ వర్మ తిరిగి ఆ పార్టీ గూటికే చేరిపోయారు. అయితే.. అటు అధిష్టానమూ బాగానే ఉంది, ఇటు తిరిగి పార్టీ పంచకు వచ్చిన వర్మా బాగానే ఉన్నారు.. ‘ఎన్నికల్లో పార్టీ నిర్ణయించిన అభ్యర్థి కోసం ఒళ్లొంచి కష్టించిన’ తమకే కష్టకాలం వచ్చిపడిందని తెలుగుతమ్ముళ్లు వాపోతున్నారు. నాడు తనకు కాక పార్టీ అభ్యర్థి కోసం పని చేసినందున ఎమ్మెల్యే వర్మ తమను వేధింపులకు గురి చేస్తున్నారని ఆక్రోశిస్తున్నారు. పిఠాపురం నియోజకవర్గంలో రాష్ట్రమంతటా ఉన్న తెలుగుదేశం పార్టీ ఉందా లేక ఎమ్మెల్యే వర్మ మార్కు టీడీపీయే ఉందా అని పార్టీ శ్రేణులు గుర్రుగా ఉన్నాయి.  పార్టీని అధికారంలోకి తెచ్చిన కార్యకర్తలకు పెద్దపీట వేయాలని అధినేత చంద్రబాబు పార్టీ వేదికలపై గంభీరోపన్యాసాలు ఇస్తున్నారు.
  
  కానీ పిఠాపురం టీడీపీలో ఇందుకు భిన్నమైన  వాతావరణం కనిపిస్తోంది. పిఠాపురంలో ‘రెబెల్’ వర్మకు వ్యతిరేకంగా టీడీపీ అభ్యర్థి పోతుల విశ్వం కోసం పని చేయడమే అక్కడి కార్యకర్తలు, నాయకులు చేసిన తప్పు అన్నట్టు వర్మ, ఆయన అనుచర వర్గం వ్యవహరిస్తున్నారని పార్టీ శ్రేణులు ఆగ్రహం వ్యక్తం చేస్తున్నాయి. వర్మకు టిక్కెట్టు ఇవ్వనందుకు పలువురు టీడీపీ కార్యాలయం సాక్షిగా బాబు దిష్టిబొమ్మను దహనం చేసి, పార్టీ జెండాలను కూడా తగలబెట్టారు. పార్టీ ఎన్నికల కార్యాలయాన్ని ఏర్పాటు చేయకుండా అడ్డుకున్నారు.ఈ నిరసన కార్యక్రమాలకు వెన్నంటి నిలిచిన వారే ఇప్పుడు అంతా తామే అన్నట్టు పార్టీలో హవా కొనసాగిస్తున్నారు. పార్టీ కోసం పని చేసి ఇప్పుడు ఇబ్బందులు ఎదుర్కొంటున్న నేతలు ఈ పరిణామాన్ని జీర్ణించుకోలేకపోతున్నారు.
  
  ఎన్నికల్లో టీడీపీకి వ్యతిరేకంగా జరిగిన నిరసన కార్యక్రమాల్లో కీలకంగా వ్యవహరించిన పిఠాపురం టౌన్ టీడీపీ ప్రెసిడెంట్, కౌన్సిలర్ రెడ్నం భాస్కరరావు, యు.కొత్తపల్లి వైస్ ఎంపీపీ అనిశెట్టి సత్యానందరెడ్డి, గొల్లప్రోలు రూరల్ పార్టీ అధ్యక్షుడు బవిరిశెట్టి రాంబాబులు పార్టీలో పెత్తనం చలాయిస్తుండటంపై నిప్పులు చెరుగుతున్నారు. నాడు అధిష్టానం ఆదేశాల మేరకు పార్టీ అభ్యర్థి విశ్వం కోసం పనిచేసిన నాయకులను శంకరగిరి మాన్యాలు పట్టిస్తామని వర్మ అనుచరవర్గం బహిరంగంగానే చెబుతోంది. చెప్పడమే కాదు ఆచరణలో చేసి చూపిస్తున్నారని పార్టీ జిల్లా అధ్యక్షుడు,  ఉపముఖ్యమంత్రి చినరాజప్ప, ఆర్థిక మంత్రి యనమల రామకృష్ణుడుల దృష్టికి తీసుకువెళ్లారని పార్టీ వర్గాలు చెబుతున్నాయి. అయితే పెద్దల మాట కూడా పట్టించుకోకుండా వర్మ తన వర్గాన్ని ఎగదోస్తున్నారని వ్యతిరేక వర్గం కారాలు మిరియాలు నూరుతోంది.
  
  అల్లుమల్లుపై అవిశ్వాసానికి రంగం సిద్ధం..
  కాగా పార్టీ కోసం పనిచేసినందుకు ఇబ్బందులు ఎదుర్కొంటున్న వారి మొర ఆలకించే వారు లేరని కేడర్ ఆవేదన చెందుతోంది. పోతుల విశ్వంకు వరుసకు సోదరుడైన రాంబాబు అదే రకంగా వర్మ వర్గం నుంచి ఇబ్బందులు ఎదుర్కొన్నారు. పిఠాపురం టౌన్‌షిప్‌లో విశ్వం ఎన్నికల క్యాంప్ నిర్వహణకు ఆశ్రయం ఇవ్వడమే ఆయన నేరమైంది. లే అవుట్ పక్కన స్థానికుల కోరిక మేరకు పుంత రోడ్డును ఆధునికీకరించడంతో రాంబాబు ఎన్నికల అనంతరం నోటీసు అందుకోవాల్సి వచ్చింది.
  
  అలాగే జల్లూరు ఎంపీపీ యూపీ స్కూల్ మధ్యాహ్న భోజన పథకం ఏజెన్సీ నిర్వాహకురాలు ఎస్.వరలక్ష్మి కుమారుడు టీడీపీలో క్రియాశీలకంగా పనిచేశారు. అదే ఇప్పుడు వరలక్ష్మి ఇంప్లిమెంటింగ్ ఏజెన్సీ పోవడానికి కారణమైందని తెలుగుతమ్ముళ్లు ఆవేదన చెందుతున్నారు. విశ్వం కోసం క్రియాశీలకంగా పనిచేసిన పి.రాయవరం సొసైటీ ప్రెసిడెంట్ అల్లుమల్లు విజయకుమార్‌పై వర్మ కక్ష సాధింపు చర్యలకు పాల్పడుతున్నారని నాయకులు మండిపడుతున్నారు. సొసైటీ ప్రెసిడెంట్‌గా ఆయనపై అవిశ్వాస తీర్మానానికి రంగం సిద్ధం చేశారు.
  
  11 మంది సొసైటీ డెరైక్టర్‌లు కాకినాడలో జిల్లా సహకార అధికారికి అవిశ్వాసం తీర్మానం కోసం సోమవారం లేఖ ఇవ్వడం, ఈ నెల 30న ప్రత్యేక సమావేశం ఏర్పాటు చేయడంతో వివాదం ముదురుతోంది.  ఎమ్మెల్యే హస్తం లేకుండా ఇదంతా జరగదని, ఎన్నికల్లో టీడీపీకి పనిచేసి ఇప్పుడు వేధింపులు ఎదుర్కొంటున్న నాయకులు జిల్లా ముఖ్య నేతలకు ఫిర్యాదు చేశారు. ఇండిపెండెంట్‌గా గెలుపొంది తిరిగి సొంత గూటికి చేరిన వర్మ మరింత హుందాగా వ్యవహరించాల్సింది పోయి కక్ష సాధింపు చర్యలను ప్రోత్సహిస్తే పార్టీకి చేటని పార్టీశ్రేణులు అంటున్నారు. పార్టీ పెద్దలుగా చలామణీ అయ్యే జిల్లా నేతలు ఇప్పటికైనా జోక్యం చేసుకోవాలని కోరుతున్నారు.
  


 సింహాచలం, న్యూస్‌లైన్: అడవివరం దగ్గర భైరవవాక వద్ద మంగళవారం జరి గిన రోడ్డు ప్రమాదంలో అక్కడికక్కడే ఇద్దరు మృతి చెందగా మరొకరు ఆస్పత్రి లో కన్నుమూశారు. ప్రమాదంలో తీవ్రం గా గాయపడిన బాలుడు ప్రాణాపాయ స్థితిలో కొట్టుమిట్టాడుతున్నాడు. వివరాల్లోకి వెళ్తే.. ఆనందపురం మండలంలోని ప్రసాదునిపాలెంకు చెందిన ప్రసాదుని అప్పలరాజు (33) కుమారుడు గణేష్ (12)తో కలసి పల్సర్ వాహనంపై సిం హాచలం శ్రీవరాహ లక్ష్మీ నృసింహస్వా మి దర్శనం చేసుకుని తిరిగి స్వగ్రామానికి వస్తున్నాడు.
 
 ఆనందపురం మండలానికే చెందిన ముచ్చర్ల గ్రామవాసి గం డ్రెడ్డి గౌరి (22)తన మేనల్లుడు యామవలస సూరి (15)తో కలిసి హీరో హోండా ప్యాషన్ వాహనంపై శ్రీవరాహ లక్ష్మీ నృసింహస్వామిని దర్శించుకునేందుకు వస్తున్నాడు. సరిగ్గా భైరవవాక దగ్గరకు వచ్చేసరికి ఉదయం 9.30 గంటల సమయంలో వీరి ద్విచక్ర వాహనాలు ఎదురెదురుగా బలంగా ఢీకొన్నాయి. దీంతో వాహనాలు నడుపుతున్న అప్పలరాజు, గౌరి తలకు బలమైన గాయాలై అక్కడికక్కడే మృతి చెందారు.
 
  తీవ్ర గాయాలపాలైన గణేష్, సూరిలను ఆటోలో హుటాహుటిన కేజీహెచ్ తరలించారు. సంఘటన స్థలానికి చేరుకున్న గోపాలపట్నం ట్రాఫిక్ ఏసీపీ అర్జున్, ఎస్‌ఐ వర్మ ్రపమాద స్థలాన్ని సందర్శించారు. మృతదేహాలను పోస్టుమార్టం నిమిత్తం కేజీహెచ్‌కు తరలించారు. ఆస్పత్రిలో చికిత్స పొందుతూ రాత్రి గణేష్ కూడా మృతి చెందాడు. సంఘటన స్థలానికి చేరుకు న్న అప్పలరాజు బంధువులు కన్నీరు మున్నీరుగా విలపించారు.
 
  అతి వేగమే ప్రమాదానికి కారణమని, దీనికి తోడు హెల్మెట్‌లు ధరించకపోవడంతోనే వీరు మృతి చెందారని ఏసీపీ అర్జున్ అభిప్రాయపడ్డారు. హెల్మెట్‌లు ధరించాలని, వేగంగా వెళ్లకూడదని తాము ఎంత ప్రచారం చేస్తున్నా వాహనదారులు పట్టించుకోవడం లేదన్నారు. తగిన జాగ్రత్తలు పాటిస్తే ఇలాంటి దారుణాలు చోటుచేసుకోవని ఆయన అన్నారు.


  ‘‘పోటీకి వెళ్లేటప్పుడు ఎవరైనా గెలవాలనే వెళతాం. కాకపోతే, సినిమా పరిశ్రమలో ప్రతిభతో పాటు అదృష్టం కూడా తోడవ్వాలి. అప్పుడే కష్టానికి తగ్గ ప్రతిఫలం లభిస్తుంది’’ అంటున్నారు విష్ణు. నేడు ఆయన పుట్టినరోజు. మూడు పదుల వయసులో ఉన్న విష్ణు తనకు మాత్రం ఇది రెండో పుట్టినరోజు అంటున్నారు. దానికి కారణం చెబుతూ - ‘‘నా జీవితం ఇప్పుడే ప్రారంభమైనట్లుగా ఉంది. దానికి కారణం నా ఇద్దరు కూతుళ్లు ఆరియానా, వివియానా నా లైఫ్‌లోకి వచ్చిన ఈ రెండేళ్లల్లో ఎన్నో మంచి మార్పులు రావడమే. ఇప్పుడిప్పుడే వాళ్లకి మాటలొస్తున్నాయి.
  
   అందుకని, ‘హ్యాపీ బర్త్‌డే నాన్నా’ అంటారని ఎక్స్‌పెక్ట్ చేస్తున్నాను. ఇక, నా జీవితంలోకి వినీ (విరానికా) వచ్చిన తర్వాత చాలా మంచి మలుపులు వచ్చాయి. ఢీ, దేనికైనా రెడీ, దూసుకెళ్తా అంటూ వరుసగా నా సినిమాలు విజయాలు సాధిస్తున్నాయి. గత ఏడాదితో పోల్చితే నా మార్కెట్ బాగా పెరిగింది. కాబట్టి చాలా ఆనందంగా ఉంది’’ అని చెప్పారు విష్ణు. ప్రస్తుతం చేస్తున్న ‘పాండవులు పాండవులు తుమ్మెదా’ గురించి చెబుతూ -‘‘నాన్నగారు, నేను, మనోజ్, వరుణ్ సందేశ్, తనీష్ చేస్తున్న పక్కా మల్టీస్టారర్ మూవీ. అందరూ అనుకుంటున్నట్లు ఇందులో నాన్న, నేను, తమ్ముడు  అన్నదమ్ములుగా యాక్ట్ చేయడంలేదు. ఆ ఇద్దరికీ నేను యాంటీగా ఉంటాను. సంక్రాంతికి ఈ సినిమాని విడుదల చేయాలనుకుంటున్నాం’’ అని తెలిపారు. రామ్‌గోపాల్‌వర్మ దర్శకత్వంలో సినిమా చేయబోతున్నారట? అనే ప్రశ్నకు -‘‘అవును. ‘నీలో మంచి కామెడీ టింజ్ ఉంది.
  
   ఒక మాస్ హీరోలో కామెడీ టింజ్ ఉండటం గొప్ప విషయం. నేను దాన్ని కాప్చర్ చేయాలనుకుంటున్నాను’ అని చెప్పారు వర్మగారు. సో... ఓ డిఫరెంట్ మూవీ చేయబోతున్నాం. అలాగే పూరీ జగన్నాథ్‌గారి దర్శకత్వంలో చేయబోతున్న సినిమా కూడా చాలా డిఫరెంట్‌గా ఉంటుంది’’ అని చెప్పారు. మొదట్లో బొద్దుగా ఉండేవారు కదా...  మరి ఎలా స్లిమ్ అయ్యారు? అనడిగితే -‘‘చాలామంది అమెరికా నుంచి కోచ్‌లను తెప్పించుకుంటారు. కానీ, దిల్‌సుఖ్‌నగర్‌లో సంపత్ అని నాలుగు జిమ్‌లున్న కోచ్ ఉన్నారు. ఈరోజు నా ఫిజిక్ ఇలా ఉందంటే దానికి కారణం ఆయనే. ఇది 30 శాతమే. ఇంకా మార్పు చూస్తారు’’ అన్నారు.