technical glitch

ప్రముఖ విమాన తయారీ సంస్థ బోయింగ్‌.. తన విమానాల్లో ఓ సాఫ్ట్‌వేర్‌ సమస్యను గుర్తించింది. ల్యాండింగ్‌కు ముందు విమానం అనుకున్న మార్గాన్ని మార్చాల్సిన ప్రత్యేక పరిస్థితిలో.. ఆటోమేటెడ్‌ ఫ్లైట్‌ గైడెన్స్‌ వ్యవస్థ పనిచేయడం ఆగిపోయే అవకాశం ఉన్నట్లు వెల్లడించింది. ఈ సమస్య భారత్‌లో నడుస్తున్న 96 విమానాలకు వర్తించనుంది. మరి ఈ సాఫ్ట్‌వేర్‌ లోపం నిజంగా అంత ఆందోళన చెందాల్సిన విషయమేనా?ఈ సమస్యపై గత నెలలోనే ప్రపంచవ్యాప్తంగా 737 విమానాలు నడుపుతున్న అన్ని ఎయిర్‌లైన్స్‌కు సమాచారం ఇచ్చినట్లు బోయింగ్‌ తెలిపింది. సమస్యను శాశ్వతంగా పరిష్కరించేందుకు సాఫ్ట్‌వేర్‌ అప్‌డేట్‌పై పనిచేస్తున్నట్లు వెల్లడించింది. అయితే దీనివల్ల విమానాన్ని మాన్యువల్‌గా నడపలేని పరిస్థితి మాత్రం ఉండదని బోయింగ్‌ స్పష్టం చేసింది. భారత్‌లో ఎయిర్‌ ఇండియా ఎక్స్‌ప్రెస్‌ వద్ద సుమారు 53, ఆకాశ ఎయిర్‌ వద్ద 43 బోయింగ్‌ 737 మ్యాక్స్‌(MAX) విమానాలు ఉన్నాయి. సమస్య ఏంటంటే.. ఈ సమస్య కాక్‌పిట్‌ సాఫ్ట్‌వేర్‌లోని ఓ అప్‌డేట్‌ కారణంగా తలెత్తినట్లు సమాచారం. సాధారణంగా విమానం ఒక నిర్దిష్ట మార్గంలో ల్యాండింగ్‌కు సిద్ధమవుతుంది. అయితే ఏదైనా కారణంతో ల్యాండింగ్‌ సాధ్యం కాక మిస్డ్‌ అప్రోచ్‌ తీసుకోవాల్సి వస్తే.. ఆ తర్వాతి ప్రయత్నంలో మొదట అనుకున్న మార్గానికి భిన్నంగా విమానాన్ని తీసుకెళ్లాల్సి రావొచ్చు. అలాంటి పరిస్థితిలో ఆటోమేటెడ్‌ ఫ్లైట్‌ గైడెన్స్‌ వ్యవస్థ డిసెంగేజ్‌ అయ్యే అవకాశం ఉన్నట్లు బోయింగ్‌ గుర్తించింది. అంటే ఆటోమేషన్‌ సహాయం తగ్గిపోతుంది. అయితే దీనివల్ల విమానానికి వచ్చిన ప్రమాదం ఏం ఉండని.. గాలిలో అదుపు తప్పడం లేదంటే పైలట్లు విమానాన్ని నడపలేని పరిస్థితి ఎదురుకాదని బోయింగ్‌ చెబుతోంది.ఈ పరిస్థితిని పైలట్లు సురక్షితంగా ఎదుర్కొనేందుకు ఇప్పటికే ఉన్న విధానాలను పాటించాలని సూచించింది. మిస్డ్‌ అప్రోచ్‌ తర్వాత సిస్టమ్‌ను రీసెట్‌ చేయాలని కూడా బోయింగ్‌ సూచించినట్లు సమాచారం. సమస్యను పూర్తిగా తొలగించేందుకు కొత్త సాఫ్ట్‌వేర్‌ అప్‌డేట్‌ సిద్ధం చేస్తోంది.భారత విమానాలపై ప్రభావంబోయింగ్‌ 737 మ్యాక్స్‌ విమానాలను నడుపుతున్న భారత విమానయాన సంస్థల్లో ఆకాశ ఎయిర్‌, ఎయిర్‌ ఇండియా ఎక్స్‌ప్రెస్‌ ఉన్నాయి. తాజా పరిణామంపై సదరు ఎయిర్‌లైన్స్‌ స్పందించింది. ఆకాశ ఎయిర్‌ ఈ సమస్యపై బోయింగ్‌తో కలిసి పనిచేస్తున్నామని తెలిపింది. తమ విమానాల కార్యకలాపాల భద్రతపై ఎలాంటి ప్రభావం లేదని స్పష్టం చేసింది. ఇప్పటికే ఉన్న విధానాలు, నియంత్రణ సంస్థల నిబంధనల ప్రకారమే విమానాలను సురక్షితంగా నడుపుతున్నామని పేర్కొంది. అయితే తమ విమానాల్లో ఏదైనా ఈ సమస్యను ఎదుర్కొందా అనే విషయాన్ని ఆకాశ ఎయిర్‌ వెల్లడించలేదు.ఎయిర్‌ ఇండియా ఎక్స్‌ప్రెస్‌ నుంచి వెంటనే స్పందన రాలేదు. ఈ సమస్యపై భారత విమానయాన నియంత్రణ సంస్థ డీజీసీఏ పరిశీలన చేపట్టిందా? విమానయాన సంస్థలకు ఏదైనా ప్రత్యేక సూచన జారీ చేసిందా? అనేది మరికొద్ది గంటల్లో తేలిపోనుంది. బోయింగ్‌పై ఇప్పటికే నిఘాకిందటి ఏడాది జూన్‌లో అహ్మదాబాద్‌ నుంచి టేకాఫ్‌ అయిన ఎయిర్‌ ఇండియా బోయింగ్‌ 787-8 డ్రీమ్‌లైనర్‌ ప్రమాదంలో 260 మంది ప్రాణాలు కోల్పోయారు. ఆ ఘటన తర్వాత భారత విమానయాన రంగంలో బోయింగ్‌ విమానాల భద్రతపై మరింత దృష్టి పెరిగింది. ఈ ఏడాది ఫిబ్రవరిలోనూ లండన్‌–బెంగళూరు మార్గంలో ప్రయాణిస్తున్న ఎయిర్‌ ఇండియా బోయింగ్‌ 787-8 విమానాన్ని పైలట్‌ నివేదించిన ఫ్యూయల్‌ కంట్రోల్‌ స్విచ్‌ సమస్య కారణంగా గ్రౌండ్‌ చేశారు. అయితే బోయింగ్‌ తర్వాత చేసిన పరీక్షల్లో ఎలాంటి అసాధారణత కనిపించలేదని ప్రభుత్వం తెలిపింది.అయితే ఆ రెండు ఘటనలు బోయింగ్‌ 787 డ్రీమ్‌లైనర్‌కు సంబంధించినవి కాగా.. ఇప్పుడు బయటపడిన సాఫ్ట్‌వేర్‌ సమస్య 737 మ్యాక్స్‌ విమానాలకు సంబంధించినది. అయితే భారత్‌లో బోయింగ్‌ విమానాలపై భద్రతా పరిశీలన కొనసాగుతున్న సమయంలోనే ఈ కొత్త సాఫ్ట్‌వేర్‌ సమస్య వెలుగు చూడడం గమనార్హం.ఎందుకు అంత ప్రాధాన్యం?ప్రపంచవ్యాప్తంగా ఇప్పటికే 2,400కు పైగా 737 MAX విమానాలను బోయింగ్‌ డెలివరీ చేసింది. అయితే ఈ విమానాలు గతంలో రెండు ఘోర ప్రమాదాల కారణంగా వార్తల్లోకి ఎక్కాయి. 2018లో ఇండోనేషియాలో లయన్‌ ఎయిర్‌ 737 MAX 8 ప్రమాదంలో 189 మంది, 2019లో ఇథియోపియన్‌ ఎయిర్‌లైన్స్‌ 737 MAX 8 ప్రమాదంలో 157 మంది మరణించారు. ఈ రెండు ప్రమాదాల తర్వాత ఈ మోడల్‌ విమానాల సేవల్ని ప్రపంచవ్యాప్తంగా కొంతకాలం నిలిపివేశారు. తిరిగి ప్రారంభం అయ్యాక కూడా.. అప్పుడప్పుడు సాంకేతిక సమస్యలతో వార్తల్లోకి ఎక్కాయి. 2024 జనవరిలో అలాస్కా ఎయిర్‌లైన్స్‌కు చెందిన 737 మ్యాక్స్‌ 9 విమానంలో గాల్లో ఉండగానే డోర్‌ ప్లగ్‌ ఊడిపోవడంతో మరోసారి ఈ మోడల్‌ తయారీ, నాణ్యత నియంత్రణపై ప్రశ్నలు తలెత్తాయి. ఇప్పుడు వెలుగులోకి వచ్చిన సమస్య మాత్రం ప్రత్యేక ల్యాండింగ్‌ పరిస్థితిలో ఆటోమేషన్‌ తగ్గిపోయే సాఫ్ట్‌వేర్‌ లోపం. దీన్ని శాశ్వతంగా పరిష్కరించేందుకు బోయింగ్‌ సాఫ్ట్‌వేర్‌ అప్‌డేట్‌ సిద్ధం చేస్తోంది. ఇదీ చదవండి: ఇరాన్‌ వార్నింగ్‌.. వారంలో ఏదైనా జరగొచ్చన్న ట్రంప్‌

అమెరికాలో విమాన రాకపోకలు ఒక్కసారిగా స్తంభించాయి. న్యూయార్క్‌ ప్రాంతంలోని కీలక విమానాశ్రయాల్లో వందలాది విమానాలు రద్దుకాగా.. వేలాది ఫ్లైట్లు ఆలస్యమయ్యాయి. న్యూయార్క్‌లో ఐక్యరాజ్యసమితి జనరల్‌ అసెంబ్లీ సమావేశాలకు ప్రపంచ దేశాల అధినేతలు, ప్రతినిధులు చేరుకుంటున్న సమయంలోనే ఈ అంతరాయం కలగడం ఒక్కసారిగా కలకలం రేపింది.ఈశాన్య ప్రాంతంలో ఫిలడెల్ఫియాలోని ఫెడరల్‌ ఏవియేషన్‌ అడ్మినిస్ట్రేషన్‌ (FAA) ఎయిర్‌ ట్రాఫిక్‌ కంట్రోల్‌ కేంద్రంలో కీలక కమ్యూనికేషన్‌ సర్క్యూట్‌ విఫలమవడంతో ఈ సమస్య మొదలైంది. విమానాల రాకపోకలను సమన్వయం చేయడంలో కీలకమైన ఈ కమ్యూనికేషన్‌ వ్యవస్థలో అంతరాయం ఏర్పడటంతో ఎయిర్‌ ట్రాఫిక్‌ నిర్వహణపై ప్రభావం పడింది. దీంతో న్యూయార్క్‌ పరిసరాల్లోని ప్రధాన విమానాశ్రయాల్లో విమానాల రాకపోకలు నెమ్మదించాయి. ఇదే సమయంలో ప్రత్యామ్నాయంగా ఉపయోగించాల్సిన బ్యాకప్‌ ఫైబర్‌ ఆప్టిక్‌ లైన్‌ కూడా నిర్మాణ పనుల కారణంగా దెబ్బతిన్నట్లు అధికారులు గుర్తించారు. ప్రధాన కమ్యూనికేషన్‌ సర్క్యూట్‌ విఫలమైన సమయంలో బ్యాకప్‌ లైన్‌ అందుబాటులో లేకపోవడంతో పరిస్థితి మరింత క్లిష్టంగా మారింది.ఒకదాని తర్వాత ఒకటి..ఫిలడెల్ఫియాలోని ఎఫ్‌ఏఏ కేంద్రంలో సోమవారం ఉదయం కీలక కమ్యూనికేషన్‌ సర్క్యూట్‌ పనిచేయడం ఆగిపోయింది. సాధారణంగా ఇలాంటి సందర్భాల్లో బ్యాకప్‌ వ్యవస్థ పనిచేయాలి. కానీ అధికారులు దానిని ఉపయోగించేందుకు ప్రయత్నించగా.. న్యూజెర్సీలోని న్యూ బ్రన్స్‌విక్‌–నెవార్క్‌ మధ్య ఉన్న బ్యాకప్‌ ఫైబర్‌ ఆప్టిక్‌ లైన్‌ కూడా నిర్మాణ పనుల సమయంలో కట్‌ అయినట్లు గుర్తించారు. దీంతో ఎయిర్‌ ట్రాఫిక్‌ కంట్రోల్‌ కమ్యూనికేషన్‌కు ప్రత్యామ్నాయ మార్గం లేకుండా పోయింది.ఎఫ్‌ఏఏ అడ్మినిస్ట్రేటర్‌ బ్రయాన్‌ బెడ్‌ఫోర్డ్‌ ప్రకారం.. ఫైబర్‌ లైన్‌ను మరమ్మతు చేయడానికి సుమారు 13 గంటలు పట్టింది. మరోవైపు ప్రధాన సర్క్యూట్‌కు కొత్త లైన్‌ను ఏర్పాటు చేసే పనులు కూడా చేపట్టారు.వేలాది విమానాలు రద్దు!ఈ సాంకేతిక సమస్య ప్రభావం న్యూయార్క్‌లోని మూడు ప్రధాన విమానాశ్రయాలపై పడింది. జాన్‌ ఎఫ్‌. కెన్నడీ (JFK), లాగార్డియా, నెవార్క్ విమానాశ్రయాల్లో రాకపోకలకు తీవ్ర అంతరాయం ఏర్పడింది. ఫిలడెల్ఫియా విమానాశ్రయం కూడా ప్రభావితమైంది. కొన్ని విమానాలను దారి మళ్లించగా.. మరికొన్నింటిని నిలిపివేశారు.ఈ అంతరాయం కారణంగా అమెరికా వ్యాప్తంగా సుమారు 7,000 విమానాలు ఆలస్యంగా నడవగా.. వాటిల్లో కొన్ని రద్దు అయ్యాయి. న్యూయార్క్‌ ప్రాంతంలోని ప్రధాన విమానాశ్రయాల్లోనే 1,400కుపైగా విమానాలపై ప్రభావం పడింది.మళ్లీ సాధారణ స్థితికి..ఫైబర్‌ లైన్‌, టెలికాం కనెక్షన్ల మరమ్మతు పూర్తయ్యాక ఈశాన్య అమెరికాలో విమాన కార్యకలాపాలు తిరిగి సాధారణ స్థితికి వచ్చినట్లు అమెరికా రవాణా శాఖ తెలిపింది. అయితే అప్పటికే ఏర్పడిన రద్దులు, ఆలస్యాల ప్రభావం రోజంతా కొనసాగింది. కొన్ని విమానయాన సంస్థలు ప్రయాణికులకు అదనపు ఛార్జీలు లేకుండా టికెట్లను మార్చుకునే అవకాశం కల్పించాయి.ఇదే సమయంలో ఎఫ్‌ఏఏ వాషింగ్టన్‌ డీసీ ప్రాంతంలో విమాన షెడ్యూల్‌ సమస్యలు, వాతావరణ పరిస్థితులను ముందుగానే అంచనా వేసి ఎయిర్‌ ట్రాఫిక్‌ను మళ్లించేందుకు ఏఐ ఆధారిత కొత్త కంప్యూటర్‌ వ్యవస్థను పరీక్షించడం ప్రారంభించింది. అయితే ఈ ఏఐ వ్యవస్థకు తాజా విమాన అంతరాయంతో సంబంధం లేదని అధికారులు తెలిపారు.యూఎన్‌ సమావేశాల వేళ.. మరింత టెన్షన్‌న్యూయార్క్‌లో యూఎన్‌ జనరల్‌ అసెంబ్లీ ఉన్నతస్థాయి సమావేశాలు జరుగుతున్న సమయంలో ఈ సమస్య తలెత్తింది. దాదాపు 130 మంది ప్రపంచ నేతలు, పలువురు మంత్రులు న్యూయార్క్‌కు చేరుకుంటున్న సమయంలో విమానాల రాకపోకలకు అంతరాయం ఏర్పడింది. అయితే అమెరికా అధ్యక్షుడు డొనాల్డ్‌ ట్రంప్‌ వాషింగ్టన్‌ నుంచి న్యూయార్క్‌కు వెళ్లే విమానం మాత్రం షెడ్యూల్‌ ప్రకారమే బయలుదేరింది.గతంలోనూ ఇదే కేంద్రం నుంచి..ఇదే ఫిలడెల్ఫియాలోని ఎఫ్‌ఏఏ కేంద్రం కారణంగా 2025 వసంతకాలంలో కూడా నెవార్క్‌ విమానాశ్రయంలో పలుమార్లు అంతరాయాలు ఏర్పడ్డాయి. దీంతో అమెరికా ఎయిర్‌ ట్రాఫిక్‌ కంట్రోల్‌ వ్యవస్థలోని పాత కమ్యూనికేషన్‌ మౌలిక వసతులపై మరోసారి ప్రశ్నలు తలెత్తాయి. తాజా ఘటనలో మాత్రం ప్రధాన సర్క్యూట్‌ విఫలమవడంతో పాటు బ్యాకప్‌ లైన్‌ కూడా అందుబాటులో లేకపోవడం సమస్యను మరింత తీవ్రం చేసింది.ఇదీ చదవండి: హౌతీలంటే ట్రంప్‌కు ఎందుకంత భయం?

న్యూఢిల్లీ: అత్యంత ప్రతిష్టాత్మకమైన నీట్‌– యూజీ పరీక్ష ప్రశ్నపత్రాల లీకేజీ, సీబీఎస్‌ఈ పునర్‌మూల్యాంకనంలో లోపాలు, పరీక్షఫీజు చెల్లింపుల్లో సాంకేతిక సమస్యలో పరువు పోగొట్టుకున్న నేషనల్‌ టెస్టింగ్‌ ఏజెన్సీ(ఎన్‌టీఏ) మరోసారి తన అసమర్థతను బయటపెట్టుకుంది. కేంద్ర, రాష్ట్ర ప్రభుత్వ, పలు ప్రైవేట్‌ విశ్వవిద్యాలయాల్లో అండర్‌ గ్రాడ్యుయేషన్‌ కోర్సుల్లో ప్రవేశాలకు ఉద్ధేశించిన కామన్‌ యూనివర్సిటీ ఎంట్రన్స్‌ టెస్ట్‌–అండర్‌ గ్రాడ్యుయేట్‌(క్యూట్‌–యూజీ) పరీక్ష రాసేందుకు శనివారం సిద్ధమైన వేలాది మంది విద్యార్థులు అవస్థలుపడ్డారు. సాంకేతిక సమస్యతో పరీక్ష రాయలేక చివరకు వెనుతిరిగారు. మధ్యాహ్నం సెషన్‌లో 2.30 గంటలకు పరీక్షహాల్‌లోకి అనుమతించారు. మూడు గంటలకు పరీక్ష మొదలుకావాల్సి ఉండగా గంటపాటు అభ్యర్థులు లాగిన్‌కాలేకపోయారు. 4 గంటలకు పరీక్ష మొదలుపెట్టారు. సాంకేతిక సమస్యతో దేశవ్యాప్తంగా 3,765 మంది అభ్యర్థులు పరీక్షరాయలేక చివరకు వెనుతిరిగారు. ఉదయం సెషన్‌లోనూ ఇలాంటి సమస్య తలెత్తగా ఆలస్యంగా పరీక్ష మొదలైంది. వాళ్లకు మాత్రం కోల్పోయిన కాలం మేరకు అదనపు సమయాన్ని కేటాయించారు. మ«ధ్యాహ్నం సెషన్‌లో మాత్రం వేలాది మంది పరీక్షరాయలేకపోయారని వాళ్లకు మాత్రం వేరేరోజు ఎగ్జామ్‌ నిర్వహిస్తామని ఎన్‌టీఏ తర్వాత ఒక ప్రకటనలో పేర్కొంది. క్యూట్‌–యూజీ పరీక్షకు టెక్నికల్‌ సరీ్వస్‌ ప్రొవైడర్‌గా ఉన్న ‘టీసీఎస్‌ ఐఆన్‌’సంస్థ నుంచి వివరణ కోరామని ఎన్‌టీఏ తన ‘ఎక్స్‌’ఖాతాలో వెల్లడించింది. అభ్యర్థుల్లో పరీక్షపై ఏమైనా సందేహాలు ఉంటే +91–11–40759000 హెల్ప్‌లైన్‌ నంబర్‌కు ఫోన్‌చేసి లేదా cuet-ug@nta. ac.in ఈమెయిల్‌ ఐడీకి మెయిల్‌చేసి సందేహాలు నివృత్తిచేసుకోవచ్చని ఎన్‌టీఏ స్పష్టంచేసింది. సాంకేతిక సమస్య కారణంగా ఉదయం సెషన్‌ రెండు గంటలు ఆలస్యంగా చేపట్టామని టీఎస్‌ఎస్‌ సంస్థ సీఈఓ, ఎండీ కె.కృతివాసన్‌ తెలిపారు.వెల్లువెత్తిన విమర్శలు పరీక్ష కోసం లోపలికి వెళ్లిన అభ్యర్థులు ఎంతకీ బయటకురాకపోవడంతో మండుటెండలో వేచిచూసిన విద్యార్థుల బంధువులు, తల్లిదండ్రులు తీవ్ర ఆందోళనకు గురయ్యారు. ‘‘మూడు, నాలుగు గంటలు బయట ఎండలో వేచిచూసి అలసిపోయాం. తీరా బయటికొచ్చి పరీక్ష రాయలేదు అని వాళ్లు చెప్పడంతో ఒళ్లు మండింది. జాతీయస్థాయి పరీక్షలను ఇలాగేనా నిర్వహించేది? వాళ్లు లోపల పరీక్ష రాయట్లేదనే విషయం బయట ఉన్న మాలో ఒక్కరికీ చెప్పలేదు’’అని ఒక పరీక్షార్థి తల్లి ఆగ్రహం వ్యక్తంచేసింది. ‘‘సుదూరం నుంచి ఉదయం ఆరు గంటలకే పరీక్ష కేంద్రానికి వచ్చాం. తీరాచూస్తే 11 గంటలకైనా ఎగ్జామ్‌ మొదలెట్టలేదు. మా వాళ్లు ఎదురుచూసి అలసిపోయి వెనుతిరిగారు’’ అని మరో నెటిజన్‌ ‘ఎక్స్‌’ వేదికగా అసహనం వ్యక్తంచేశారు.ఇది ప్రధాన్‌ మంత్రి–మంత్రి ప్రధాన్‌ జుగల్బందీ: కాంగ్రెస్‌ క్యూట్‌–యూజీ ఉదయం సెషన్‌ ఆలస్యం, వేలాది మంది మధ్యాహ్నం పరీక్ష రాయలేకపోవడంపై విపక్ష కాంగ్రెస్‌ తీవ్ర ఆగ్రహం వ్యక్తంచేసింది. ఎన్‌టీఏ వైఫల్యాలకు విద్యాశాఖ మంత్రి ధర్మేంద్ర ప్రధాన్‌ను బాధ్యుడిని చేయకుండా ఆయనను ప్రధాని మోదీ వెనకేసుకొస్తున్నారని కాంగ్రెస్‌ ఆరోపించింది. తాజా క్యూట్‌–యూజీ ఘటనను ‘ప్రధాన్‌ మంత్రి–మంత్రి ప్రధాన్‌ జుగల్బందీ’గా అభివరి్ణంచింది.‘విశ్వగురువు’ ఒక్క పరీక్షా సవ్యంగా నిర్వహించట్లేరు: రాహుల్‌ న్యూఢిల్లీ: కేంద్ర ప్రభుత్వ అజమాయిషిలోని సంస్థ క్యూట్‌–యూజీ పరీక్ష సవ్యంగా నిర్వహించలేకపోవడంతో లోక్‌సభలో విపక్షనేత రాహుల్‌గాంధీ మరోసారి మోదీ సర్కార్‌పై విమర్శలు ఎక్కుపెట్టారు. ‘‘భారత్‌ విశ్వగురువే. కానీ ప్రధాని నరేంద్ర మోదీ సారథ్యంలో మాత్రం అది సాధ్యపడట్లేదు. కనీసం ఒక్క పరీక్షను సవ్యంగా, సమర్థవంతంగా నిర్వహించలేకపోతున్నారు. మొన్న నీట్, నిన్న సీబీఎస్‌ఈ, ఎస్‌ఎస్‌సీ, నేడు క్యూట్‌’’ అంటూ విమర్శించారు.

శ్రీనగర్‌: జమ్మూకశ్మీర్‌లోని ప్రముఖ పర్యాటక ప్రాంతం గుల్మార్గ్‌లో సోమవారం సాయంత్రం తీవ్ర ఉత్కంఠ పరిస్థితులు నెలకొన్నాయి. గొండోలా అని పిలిచే కేబుల్‌ కార్‌ వ్యవస్థలో సాంకేతిక లోపం తలెత్తడంతో 65 క్యాబిన్లు ఎక్కడివక్కడే నిలిచిపోయాయి. అందులోని సుమారు 300 మంది ప్రయాణికులు బిక్కుబిక్కుమంటూ గాల్లోనే ఉండిపోయారు. కొన్ని క్యాబిన్లు 500 అడుగుల ఎత్తులో ఆగిపోగా పర్యాటకులు భయంతో హాహాకారాలు చేశారు. దీనికి తోడు భారీ వర్షం కురియడంతో రక్షణ చర్యలకు విఘాతం ఏర్పడింది. సోమవారం మధ్యాహ్నం ఘటన చోటుచేసుకుంది. దాదాపు ఐదు గంటలపాటు శ్రమించి మొదటి విడతగా క్యాబిన్లలో ఉండిపోయిన 179 మంది పర్యాటకులను సురక్షితంగా కిందికి దించారు. తాళ్లు, నిచ్చెనల సాయంతో మరో రెండు గంటల అనంతరం మిగతా వారినీ రక్షించారు. పోలీసులు, ఆర్మీతోపాటు రాష్ట్ర విపత్తు ప్రతిస్పందన దళం(ఎన్‌డీఆర్‌ఎఫ్‌), జాతీయ విపత్తు ప్రతిస్పందన దళం(ఎన్‌డీఆర్‌ఎఫ్‌) సభ్యులు సహాయక కార్యక్రమాల్లో పాల్గొన్నారు. 500 అడుగుల ఎత్తులో నిలిచిపోయిన క్యాబిన్లలో వారిని కిందికి దించడం అత్యంత క్లిష్టమైన వ్యవహారంగా మారిందని అధికారులు చెప్పారు.

విమానం ప్రయాణం ఎంత సౌకర్యవంతమో, ఎంత విలాసవంతమో అంత భయానకం కూడా. విమానం టేక్‌ ఆఫ్‌ అయింది మొదలు ల్యాండ్‌ అయ్యేదాకా మన ప్రాణాలు గాల్లోనే. ఏదైనా తేడా వచ్చిందా అంతే సంగతులు. సరిగ్గా ఇలాంటి అనుభవమే ఫ్లై91 ప్రయాణీకులకు ఎదురైంది. ప్రాణాలు అరచేతిలో పట్టుకుని, వేయి దేవుళ్లకు మొక్కుకుంటూ గాలిలో 4 గంటల పాటు గడపాల్సి వచ్చింది.ఆదివారం మధ్యాహ్నం 3 గంటల ప్రాంతంలో హైదరాబాద్‌లోని రాజీవ్ గాంధీ అంతర్జాతీయ విమానాశ్రయం నుండి బయలుదేరిన ఫ్లై91 ఎయిర్‌లైన్స్ విమానం IC3401 (ATR టర్బోప్రాప్ AT7), సాయంత్రం 4:30 గంటలకు హుబ్బళ్లిలో ల్యాండ్ కావాల్సి ఉంది. అయితే, విమానం హుబ్బళ్లిని సమీపిస్తుండగా, అకస్మాత్తుగా సాంకేతిక సమస్య తలెత్తింది. దీంతో పైలట్లు ల్యాండింగ్‌ను నిలిపి వేసి నాలుగు గంటలపాటు గాల్లోనే చక్కర్లు కొట్టారు. దీంతో ప్రయాణికులు తీవ్ర భయాందోళనలకు గురయ్యారు. View this post on Instagram A post shared by NEWS9 (@news9live)సాంకేతిక లోపం కారణంగా విమానం అదుపు తప్పడంతో, ప్రయాణికులు భయంతో వణికిపోయారు, చాలామంది ఇష్టదైవాలకు ప్రార్థిస్తూ కన్నీళ్లు పెట్టుకున్నారు. దేవుడా, కాపాడు దేవుడా అంటూ వేయి దేవుళ్లకు మొక్కుకున్నారు. రెండు చేతులు జోడించి, నిశ్శబ్దంగా వెక్కి వెక్కి ఏడుస్తూ ఒక మహిళ తీవ్ర ఆవేదన చెందింది. కంటి ధారగా కన్నీరు కారుస్తూ మౌనంగా ప్రార్థించిన ఘటన ఎవ్వరి హృదయాన్నైనా కరిగించకమానదు. ఇంకా, భయంతోవణికిపోతూ, "ఓరి దేవుడా...ఇతను ఎందుకిలా చేస్తున్నాడు," అని ఒకరు, "ఏడవకు, ఏడవకు-ఏమీ కాదు. ఆగు," అని మరొకరు ఓదార్చడం ఈ వీడియోలో గమించనవచ్చు. గాలిలో ఊహించని పరిణామంతో గందరగోళానికి గురైన దృశ్యాల వీడియో నెట్టింట వైరల్‌గా మారింది. అయితే పరిస్థితిని అదుపులోకి తీసుకువచ్చి, సురక్షితంగా ల్యాండ్ చేసేందుకు ప్రయత్నాల్లో భాగంగా ఆ విమానం ముండ్‌గోడ్, దావణగెరె, శివమొగ్గ వంటి ప్రాంతాలపై దాదాపు నాలుగు గంటల పాటు గాలిలోనే చక్కర్లు కొట్టింది.మరోవైపు ‘‘పరిస్థితిని అదుపులోనే ఉంచుతున్నాం. మీకు ఎప్పటికప్పుడు సమాచారం అందిస్తాము. ఓపికగా ఉండండి, దయచేసి సూచనలను పాటించండి," అని పైలట్ ప్రయాణికులకు సూచిస్తున్నట్లు వినిపిస్తోంది. ఇదిలా ఉండగా, ప్రయాణికుల కుటుంబ సభ్యులు ఫ్లై91 ఎయిర్‌లైన్స్‌పై ఆగ్రహం వ్యక్తం చేశారు. సరైన సమాచారం ఇవ్వలేదని, నిర్లక్ష్యం వహించారని వారు ఆరోపించారు. ఉద్రిక్త క్షణాలు, పలు ప్రయత్నాల తర్వాత, విమానాన్ని చివరికి దారి మళ్లించి, రాత్రి 7:30 గంటల ప్రాంతంలో బెంగళూరులోని కెంపెగౌడ అంతర్జాతీయ విమానాశ్రయంలో సురక్షితంగా ల్యాండ్ చేశారు.

సాక్షి, హైదరాబాద్‌: మరోసారి హైదరాబాద్‌ మెట్రో ట్రైన్‌లో సాంకేతిక సమస్య ఏర్పడింది. అమీర్‌పేట్‌-రాయదుర్గం మార్గంలో అంతరాయం ఏర్పడింది. జూబ్లీచెక్‌ పోస్టు దగ్గర మెట్రో ట్రైన్‌ నిలిచిపోయింది. దీంతో రెండు వైపులా కూడా మెట్రో రైళ్లు నిలిచిపోయాయి.కార్యాలయాలకు వెళ్లే సమయంలో ఈ అంతరాయం కలగడంతో ఐటీ ఉద్యోగులతో పాటు విద్యార్థులు కూడా ఇబ్బందులు పడుతున్నారు. రంగంలోకి దిగిన టెక్నికల్ బృందం సమస్యను పరిష్కరించే పనిలో ఉందని.. కొద్దిసేపట్లో సేవల పునరుద్ధరణ జరుగుతుందని మెట్రో అధికారులు తెలిపారు.

అమెరికా అధ్యక్షుడు డొనాల్డ్‌ ట్రంప్‌ ప్రయాణిస్తున్న విమానంలో సాంకేతిక సమస్య తలెత్తింది. దీంతో విమానం అలాగే వెనక్కి మళ్లింది. చిన్నపాటి విద్యుత్‌ సమస్య వల్లే ఇలా జరిగిందని.. విమానం సురక్షితంగానే దిగిందని వైట్‌హౌజ్‌ వర్గాలు ప్రకటించాయి. అమెరికా అధ్యక్షుడు డొనాల్డ్‌ ట్రంప్‌ స్విట్జర్లాండ్‌ దావోస్‌లో జరుగుతున్న వరల్డ్‌ ఎకనామిక్‌ ఫోరమ్‌కు హాజరు కావాల్సి ఉంది. ఈ క్రమంలో ఎయిర్‌ఫోర్స్‌ విమానంలో ఆయన బయల్దేరారు. అయితే కాసేపటికే విద్యుత్‌ సమస్య తలెత్తడంతో.. ప్రెస్‌ కేబిన్‌లోని లైట్లు ఆరిపోయాయి. దీంతో సిబ్బంది సేఫ్టీ ప్రొటోకాల్‌ ప్రకారం విమానాన్ని తిరిగి యూఎస్‌ బేస్‌కు మళ్లించారు. #AirForce one is returning back to Washington DC because the crew detected a minor electrical issue. @POTUS Trump and staff are safe. pic.twitter.com/4EBPfEMw8w— @BeeNewsDailyB (@BeenewsdailyB) January 21, 2026వాషింగ్టన్‌ సమీపంలోని జాయింట్‌ బేస్‌ ఆండ్రూస్‌ వద్ద సురక్షితంగా ల్యాండ్ కావడంతో అంతా ఊపిరి పీల్చుకున్నారు. అయితే ట్రంప్‌ మరో విమానంలో(బ్యాకప్‌ ఎయిర్‌ఫోర్స్‌ వన్‌) దావోస్‌కు వెళ్లినట్లు ప్రెస్‌ సెక్రటరీ కరోలీనా లెవిటీ స్పష్టం చేశారు. ఇలాంటి సందర్భాల్లో ఎటువంటి ప్రమాదం జరగకుండా ముందస్తు జాగ్రత్తలు తీసుకోవడం సాధారణమని తెలిపారామె. ట్రంప్‌ రెండో దఫా అధ్యక్ష పదవి చేపట్టాక.. భారీ ఖర్చుతో బోయింగ్‌ 747-200 మోడల్‌ విమానాలు రెండింటికీ మార్పులు(ఒకటి బ్యాకప్‌) చేయించారు. ట్రంప్‌ ప్రయాణించే విమానాలు ఎయిర్‌ఫోర్స్‌ వన్‌(Air Force One) నిర్వహణ ఖర్చు చాలా ఎక్కువ. ఒక్క గంట ప్రయాణానికి సుమారు 2,00,000–2,50,000 డాలర్లు (రూ.16–20 కోట్లు) వరకు ఖర్చు అవుతుంది(ఇంధనం, సిబ్బంది, భద్రతా, నిర్వహణ.. అన్నీ కలిపి). ఈ భారం పన్నుల రూపంలో మోసేది అమెరికన్లే. అయితే.. అధికారిక పర్యటనలే కాదు తన వ్యక్తిగత పర్యటనలకూ ఆయన ఈ విమానాన్ని వినియోగిస్తుండడం విమర్శలకు తావిస్తోంది.

ఢిల్లీ: ఢిల్లీ ఎయిర్‌పోర్టులో విమాన కార్యకలాపాలకు అంతరాయం కలిగింది. ఎయిర్‌పోర్టు ఏటీసీ సిస్టమ్‌లో సాంకేతిక లోపం కారణంగా 500పైగా విమానాలు ఆలస్యంగా నడుస్తున్నాయి. విమానాల ఆలస్యంతో ఢిల్లీ ఎయిర్‌పోర్టులో రద్దీ పెరిగింది. సాంకేతిక సమస్యను పునరుద్ధరించేందుకు అధికారులు ప్రయత్నిస్తున్నారు. ఇప్పటికే షెడ్యూల్‌ చేసిన విమానాలు రద్దు చేశారు.ఆటోమేటిక్‌ మెసేజ్‌ స్విచ్చింగ్‌ సిస్టం పనిచేయడం లేదు. మాన్యువల్‌ డేటాతో విమాన రాకపోకలు ఆలస్యమవుతున్నాయి. ఢిల్లీ నుంచి ప్రతిరోజూ 1500 విమానాల రాకపోకలు సాగిస్తుంటాయి. సైబర్‌ దాడి జరిగిందనే అనుమానాలు వ్యక్తమవుతున్నాయి. అయితే, సైబర్‌ అటాక్‌ వార్తలను ఎయిర్‌పోర్ట్స్‌ అథారిటీ ఆఫ్‌ ఇండియా ధ్రువీకరించలేదు.

ముంబై: మల్టీ కమోడిటీ ఎక్స్ఛేంజ్‌ ‌ (ఎంసీఎక్స్‌)ను సాంకేతిక సమస్యలు వెన్నాడుతున్నాయి. ఇదే కారణంతో తాజాగా మంగళవారం ట్రేడింగ్‌ 4 గంటలకు పైగా నిలిచిపోయింది. పసిడి, వెండి రేట్లు భారీగా హెచ్చుతగ్గులకు లోనవుతున్న తరుణంలో ఈ పరిణామం చోటు చేసుకోవడం ట్రేడర్లలో తీవ్ర ఆందోళనకు దారి తీసింది. చివరికి డిజాస్టర్‌ రికవరీ సైట్‌ దన్నుతో మధ్యాహ్నం 1.25 గం.లకు కార్యకలాపాలు ప్రారంభమయ్యాయి. దీనిపై విచారణ జరుపుతున్నట్లు ఎక్స్ఛేంజ్‌ వెల్లడించింది. వివరాల్లోకి వెళ్తే.. ఎంసీఎక్స్‌లో ఉదయం 9 గం.లకు ప్రారంభం కావాల్సిన ట్రేడింగ్, సాంకేతిక సమస్య కారణంగా ముందు 9.30 గం.లకు వాయిదా పడింది.ఆ తర్వాత 10 గం.లకు, అటుపైన 10.30 గం.లకు, 11.49, 12.35 గం.లకు వాయిదాల పర్వం కొనసాగింది. చివరికి మధ్యాహ్నం 1.20 –1.24 గం.ల మధ్య స్పెషల్‌ సెషన్‌ నిర్వహించి, 1.25 గం.లకు సాధారణ ట్రేడింగ్‌ ప్రారంభించారు. సాంకేతిక సమస్య వల్ల పసిడి, వెండి, క్రూడాయిల్‌తో పాటు కాపర్, జింక్, అల్యూమినియంలాంటి బేస్‌ మెటల్స్‌ ట్రేడింగ్‌పైనా తీవ్ర ప్రభావం పడింది.టెక్నికల్‌ సమస్యల వల్ల ఎంసీఎక్స్‌లో ఈ ఏడాది జూలైలో కూడా గంట ఆలస్యంగా ట్రేడింగ్‌ ప్రారంభమైంది. అంతకు ముందు గతేడాది ఫిబ్రవరిలో కొత్త ట్రేడింగ్‌ ప్లాట్‌ఫాంలో సమస్యలు తలెత్తడంతో కార్యకలాపాలను ఏకంగా నాలుగు గంటల పాటు నిలిపివేయాల్సి వచ్చింది. బీఎస్‌ఈలో మంగళవారం ఎంసీఎక్స్‌ షేరు 2% క్షీణించి రూ. 9,118 వద్ద క్లోజయ్యింది.

అహ్మదాబాద్‌ ఘటన తర్వాత.. విమానాల్లో, అందునా ఎయిరిండియా సంస్థ విమానాల్లోనే ఎక్కువగా సాంకేతిక సమస్యలూ బయటపడున్నాయి. ఈ క్రమంలో విమానాల ఆలస్యం, రద్దు, దారి మళ్లింపు, వెనక్కి రావడం లాంటి ఘటనలూ నమోదు అవుతున్నాయి. తాజాగా..జైపూర్‌ నుంచి ముంబై బయల్దేరిన ఎయిరిండియా విమానం.. పావు గంటకే సాంకేతిక సమస్యతో వెనక్కి వచ్చేసింది. శుక్రవారం మధ్యాహ్నం 1.35గం.కు బయల్దేరిన విమానం.. 18 నిమిషాల తర్వాత తిరిగి జైపూర్‌ ఎయిర్‌పోర్టుకే వచ్చేసింది. సాంకేతిక సమస్య తలెత్తడంతోనే విమానాన్ని పైలట్‌ వెనక్కి తీసుకురావాల్సి వచ్చిందని అధికారులు తెలిపారు. అందులో ఎంతమంది ప్రయాణికులు ఉన్నారన్నది తెలియాల్సి ఉంది. ప్రత్యామ్నాయ ఏర్పాట్లపై స్పష్టత రావాల్సి ఉంది. బుధవారం(జులై 23వ తేదీ) సైతం ఇలాంటి ఘటనలు రెండు జరిగాయి. ఢిల్లీ ఎయిర్‌పోర్టు నుంచి ముంబైకి 160 మంది ప్రయాణికులతో బయల్దేరాల్సిన ఎయిరిండియా విమానం.. సాంకేతిక సమస్యతో రద్దయ్యింది. ప్రయాణికుల భద్రతే తమకు ముఖ్యమంటూ ఆ సమయంలో ఎయిరిండియా ప్రకటించింది. అదే రోజు.. కేరళ కాలికట్‌(కోజికోడ్‌) నుంచి దోహాకు 188 మందితో(సిబ్బంది సహా) బయల్దేరిన ఎయిరిండియా విమానం.. రెండు గంటల తర్వాత తిరిగి కాలికట్‌ ఎయిర్‌పోర్టుకే చేరుకుంది. ఇది కూడా సాంకేతిక సమస్యతోనే వెనక్కి వచ్చినట్లు విమానయాన సంస్థ ప్రకటించింది.

సాక్షి, న్యూఢిల్లీ: మరో ఎయిరిండియా విమానంలో సాంకేతిక లోపం తలెత్తడం తీవ్ర చర్చనీయాంశంగా మారింది!. మార్గం మధ్యలో ఈ విషయాన్ని పసిగట్టిన పైలట్‌.. వెంటనే అప్రమత్తం అయ్యారు. విమానాన్ని గమ్యస్థానానికి తీసుకురాకుండానే వెనక్కి తీసుకెళ్లి హాంకాంగ్‌లోనే ల్యాండ్‌ చేశారు. దీంతో పెను ప్రమాదమే తప్పింది. ఢిల్లీకి చెందిన ఎయిరిండియా విమానం ఏఐ 315 బోయింగ్‌ 787-8 డ్రీమ్‌లైనర్‌ ప్రయాణికులతో(ఎంత మంది అనేది తెలియాల్సి ఉంది) ఈ ఉదయం హాంకాంగ్‌ ఇంటర్నేషనల్‌ ఎయిర్‌ పోర్టు నుంచి బయల్దేరింది. అయితే 90 నిమిషాల ప్రయాణం తర్వాత.. విమానంలో సాంకేతిక లోపం తలెత్తినట్లు పైలట్‌ గుర్తించారు. 🇮🇳🇭🇰🛫🛬🇭🇰Air India 315 requested to stay closer to Hong Kong citing technical reasons before deciding to return to HKIA."We don't want to continue further". 🔊 via https://t.co/E8ftHE3i9y📽️ via @flightradar24 https://t.co/XJjqSO9Lll pic.twitter.com/qWq3iXuVRW— Aaron Busch (@tripperhead) June 16, 2025ఇంకా ముందుకు వెళ్లడం కుదరదు అని చెబుతూ.. వెంటనే విమానాన్ని వెనక్కి మళ్లించారు. చివరకు అక్కడే(హాంకాంగ్‌ ఎయిర్‌పోర్టులో) ల్యాండ్‌ చేశారు. విమానంలో హాంకాంగ్‌ నుంచి ఢిల్లీకి సుమారు 6గంటల ప్రయాణం పడుతుంది. పైలట్‌ మాటలకు సంబంధించిన ఆడియో ఒకటి వైరల్‌ అవుతోంది. 🇮🇳 🇭🇰 🛫 🛬 🇭🇰 Air India 315 from Hong Kong to Delhi diverted back to Hong Kong after takeoff on Monday.The plane departed 3hrs and 26 minutes delayed, then returned to Hong Kong roughly an hour after takeoff. The flight was on a 7 year old Boeing 787-8 Dreamliner. pic.twitter.com/kTNvlcfMFV— Aaron Busch (@tripperhead) June 16, 2025ఈ ఘటనలో ప్రయాణికులంతా సురక్షితంగానే ఉన్నట్లు సమాచారం. ప్రస్తుతం టెక్నికల్‌ టీం సమస్యను గుర్తించే పనిలో ఉంది. ఈ ఘటనపైగానీ, విమానాన్ని రీషెడ్యూల్‌ చేయడంపైనగానీ ఎయిరిండియా ఇప్పటిదాకా ఎలాంటి ప్రకటన చేయలేదు. ప్రస్తుతం భారత్‌లో ఎయిరిండియాతో పాటు ఇండిగో విమానయాన సంస్థ బోయింగ్‌ 787 విమానాలను ఉపయోగిస్తోంది. 2025 గణాంకాల ప్రకారం.. ఎయిరిండియా 33 డ్రీమ్‌లైనర్‌ విమానాల్ని ఉపయోగిస్తోంది. అయితే జూన్‌ 12న జరిగిన అహ్మదాబాద్‌ విమాన ప్రమాదం తర్వాత ఎయిరిండియా విమానయాన సంస్థ వరుస ఘటనలతో వార్తల్లో నిలుస్తోంది. ఆ కంపెనీ బోయింగ్‌ డ్రీమ్‌లైనర్‌ విమానాల్లో వరుసగా సాంకేతిక లోపాలు బయటపడుతున్నాయి. అలాగే బాంబు బూచీ నేపథ్యంలోనే పలు విమానాల రాకపోకల్లో అంతరాయం కలుగుతోంది. ఈ నేపథ్యాలతో.. అన్ని బోయింగ్‌ విమానాలను క్షుణ్ణంగా తనిఖీలు చేయాలని డైరెక్టర్‌ జనరల్‌ ఆఫ్‌ సివిల్‌ ఏవియేషన్‌ నిర్ణయించింది.

క్రిస్మస్ పండుగ సెలబ్రేషన్స్ మొదలైపోయాయి. ఈ తరుణంలో యూఎస్‌లో.. అమెరికన్ ఎయిర్‌లైన్స్ (American Airlines) తన అన్ని విమానాలను నిలిపివేసింది. దీంతో ప్రయాణికులు తీవ్ర ఇబ్బందులను ఎదుర్కొంటున్నారు.విమాన సేవలను నిలిపివేయడానికి సాంకేతిక సమస్యలే కారణమని అమెరికన్ ఎయిర్‌లైన్స్ చెబుతోంది. అయితే కొందరు సైబర్ దాడి వల్ల ఈ పరిస్థితి నెలకొని ఉండవచ్చని చెబుతున్నారు.క్రిస్మస్ (Christmas) పండుగకు ముందు ఇలా జరగడంతో.. పలువురు నెటిజన్లు సోషల్ మీడియా వేదికగా కామెంట్స్ చేస్తున్నారు. ఇందులో ఒకరు 'మేము ఇంటికి వెళ్లాలా వద్దా చెప్పండి. విమానాశ్రయంలో గంటల తరబడి వేచి ఉండేలా చేయకండి' అని అన్నారు.మీరు మీ ఇళ్లకు సురక్షితంగా వెళ్లేందుకు మా బృందం పనిచేస్తోంది. మీ సహనానికి ధన్యవాదాలు అంటూ.. అమెరికన్ ఎయిర్‌లైన్స్ నెటిజన్ ప్రశ్నకు రిప్లై ఇచ్చింది.Our team is working to get this rectified so that you can be safely on your way to your family. Your continued patience is appreciated.— americanair (@AmericanAir) December 24, 2024

పాపులర్ స్టాక్ బ్రోకరేజ్ ప్లాట్​ఫామ్ 'జెరోధా'లో మళ్ళీ సాంకేతిక సమస్య తలెత్తింది. దీంతో యూజర్లు ఆగ్రహం వ్యక్తం చేశారు. చేసిన ఆర్డర్‌లకు సంబంధించిన సాంకేతిక లోపాల గురించి సోమవారం బహుళ జెరోధా వినియోగదారులు సోషల్ మీడియాలో ఫిర్యాదు చేశారు.''జెరోధా వల్ల 10 లక్షలు నష్టపోయాం. ఇది కష్టపడి సంపాదించిన డబ్బు. నేను నా డబ్బును తిరిగి పొందాలనుకుంటున్నాను. దీనికోసం కోర్టును ఆశ్రయిస్తాను'' అని ఒక వినియోగదారు చెప్పారు. జెరోధాలో సమస్య తలెత్తినట్లు బ్రోకర్ కూడా అంగీకరించారు.ఈ సమస్య ఇప్పుడు పూర్తిగా పరిష్కరించాము. కొత్త ఆర్డర్‌ల స్థితి ఇప్పుడు అప్‌డేట్ చేయబడుతోంది. మేము పాత ఆర్డర్‌ల స్థితిని అప్డేట్ చేయడానికి పని చేస్తున్నాము. మీకు కలిగిన అసౌకర్యానికి జెరోధా క్షమాపణలు చెప్పింది.జీరోధాలో ఇలాంటి సమస్య తలెత్తడం ఇదే మొదటిసారి కాదు. ఇప్పటికి ఆరు సార్లు ఇలాంటి సమస్యను యూజర్లు ఎదుర్కొన్నారు. ఈ ఏడాది జూన్‌లో ఆర్డర్ ప్లేస్‌మెంట్‌కు సంబంధించి సాంకేతిక లోపం ఏర్పడింది. 2023లోనే, Zerodha కైట్ యాప్‌లో లాగిన్ చేయడం , ఆర్డర్‌లు మరియు పొజిషన్‌ల ప్రదర్శన అలాగే ఆర్డర్ ప్లేస్‌మెంట్‌లకు సంబంధించిన సమస్యలలో సాంకేతిక లోపాలను సంస్థ అంగీకరించింది.#zerodha stuck. My orders not getting executed. Will take you to court if I lose any single penny pic.twitter.com/oSy17lg32H— Rashshad Rasheed (@rashshadrasheed) July 8, 2024

పండుగల సందర్భంగా చాలా విమానయాన సంస్థలు తక్కువ ధరల్లో విమాన టికెట్లను అందుబాటులో  ఉంచుతాయి. ఈ క్రమంలోనే ఒక డాలరు కంటే (రూ. 83) తక్కువకే  దిగి రావడం వైరల్‌గా మారింది. అదీ  కొన్ని ఖరీదైన  రూట్లలో కూడా కేవలం  రూ. 114లకే విమాన టికెట్లు అందుబాటులోకి రావడంతో  జనం ఎగబడ్డారు. తొలుత ఫేక్‌ వెబ్‌సైట్‌ అని కొంత తటపటాయించారు. కానీ అది ప్రముఖ  వెబ్‌సైట్‌ అని ధృవీకరించుకున్న తరువాత టికెట్లను భారీగా కొనుగోలు చేసేందుకు ఏమాత్రం వెనుకాడలేదు. అంతేకాదు డాలరు  కంటే తక్కువ ధరకే విమాన టికెట్లు అంటూ బుకింగ్‌  స్క్రీన్ షాట్‌లతో  సోషల్ మీడియాలో హోరెత్తించారు. దీంతో  విషయం తెలిసిన సంస్థ రంగంలోకి  దిగింది.   ఈ ఘటన చైనాలో చోటు చేసుకుంది. చైనాలోని సదరన్ ఎయిర్‌లైన్స్ వెబ్‌సైట్‌లో విమాన ఛార్జీలు ఉన్నదానికంటే తక్కువకే దర్శనమిచ్చాయి. గాంగ్జూ ప్రావిన్స్‌ కేంద్రంగా పనిచేసే చైనా సదరన్‌ ఎయిర్‌లైన్స్‌‌కు చెందిన వెబ్‌సైట్‌లో దాదాపు 2 గంటలపాటు టెక్నికల్ సమస్య ఏర్పడింది. ఈ లోపం కారణంగా చెంగ్డూ నుండి షాంఘై వంటి కొన్ని రూట్‌లు 1.37 డాలర్లకంటే (రూ. 114) తక్కువ ధరల్ని ప్రదర్శించాయి. ఎయిర్‌లైన్ యాప్, వివిధ ఆన్‌లైన్ టికెటింగ్ ప్లాట్‌ఫారమ్‌లలోకూడాఇలానే కనిపించింది. చైనాలో అత్యంత రద్దీగా ఉండే ఆన్‌లైన్ షాపింగ్ కాలం కావడంతో కొనుగోలు దారులు క్యూ కట్టారు.  అయినా చెల్లుతాయి అసాధారణ రద్దీతోపాటు ఈ వార్త సోషల్‌మీడియాలో వైరల్‌ కావడంతో రంగంలోకి దిగిన సంస్థ  టెక్నికల్‌ సమస్యను ఆలస్యంగా గుర్తించింది. ట్విస్ట్‌ ఏంటంటే ధరలతో సంబంధం లేకుండా, సాంకేతిక లోపం సమయంలో కొనుగోలు చేసిన అన్ని టిక్కెట్‌లూ చెల్లుతాయని ప్రయాణికులకు హామీ ఇవ్వడం విశేషంగా నిలిచింది. ఈ మేరకు  చైనా సదరన్ ఎయిర్‌లైన్స్  అధికారిక  వీబో సోషల్ మీడియా ఖాతాలో స్పందించింది. అయితే  గతంలో జపాన్‌కు చెందిన ఆల్ నిప్పన్ ఎయిర్‌వేస్‌లో కూడా  ఇలాంటి సంఘటనే చోటు చేసుకుంది. కానీ తప్పుగా ప్రాసెస్‌ అయిన టికెట్లు చెల్లవని, సంబంధిత టికెట్ల సొమ్మును వాపసు ఇస్తామని  ప్రకటించింది. 

ముంబై: శంషాబాద్‌ విమానాశ్రయం నుంచి దుబాయ్‌ బయలుదేరిన ఎయిరిండియా విమానానికి ప్రమాదం తప్పింది. సాంకేతిక లోపం తలెత్తటంతో విమానాన్ని అత్యవసరంగా ముంబైలో ల్యాండింగ్‌ చేశారు అధికారులు. విమానంలోని యెల్లో హైడ్రాలిక్‌ సిస్టమ్‌ పని చేయకపోవడంతో ముంబైకి మళ్లించినట్లు పౌర విమానయాన శాఖ డైరెక్టరేట్‌(డీజీసీఏ) అంధికారులు తెలిపారు. హైదరాబాద్‌ నుంచి దుబాయికి శనివారం సాయంత్రం 143 మంది ప్రయాణికులతో బయలుదేరింది ఎయిరిండియా ఏ320 వీటీ-ఈఎక్స్‌వీ విమానం. సాంకేతిక సమస్యను గుర్తించి ముంబైకి మళ్లించారు. ముంబై విమానాశ్రయంలో సుపరక్షితంగా ల్యాండ్‌ అయినట్లు డీజీసీఏ అధికారులు తెలిపారు. విమానంలో ఏర్పడిన సమస్యను సంబంధిత సిబ్బంది పరిశీలిస్తున్నట్లు చెప్పారు. ప్రయాణికులంతా సురక్షితంగా ఉన్నారని వెల్లడించారు. అయితే, సాంకేతిక సమస్యల కారణంగా విమానాలు దారి మళ్లించడం కొత్తేమీ కాదు. డిసెంబర్‌ 2వ తేదీన కన్నూర్‌ నుంచి దోహా వెళ్తున్న ఇండో విమానం 6ఈ-1715ని ముంబైకి మళ్లించారు. ప్రయాణికులను మరో విమానంలో గమ్యం చేర్చినట్లు అధికారులు తెలిపారు.  ఇదీ చదవండి: మధుమేహం పెరుగుదలలో చైనా, భారత్‌ పోటాపోటీ 

సాక్షి,హైదరాబాద్‌: వరుస సాంకేతిక లోపాల సంఘటనలతో రెగ్యులేటరీ చర్యలను ఎదుర్కొంటున్న స్పైస్‌జెట్‌కు సంబంధించి మరో ఘటన ఆలస్యంగా వెలుగులోకి వచ్చింది. విమానం గాల్లో ఉండగానే క్యాబిన్‌లో పొగలు కమ్ముకోవడంతో ప్రయాణీకులు వణికిపోయారు. చివరికి హైదరాబాద్‌ విమానాశ్రయంలో అత్యవసర ల్యాండ్‌ కావడంతో ప్రయాణీకులు  ఊపిరి పీల్చుకున్నారు.  (అమెజాన్‌ దివాలీ సేల్‌: శాంసంగ్‌ 5జీ ఫోన్‌పై 40 వేల తగ్గింపు) గోవా-హైదరాబాద్ SG 3735 విమానంలో అక్టోబర్ 12న బుధవారం ఈ ఉదంతం చోటు చేసుకుంది. అయితే ఇంత జరిగినా  ఏమీ జరగలేదన్నట్టుగా వివరాలను గోప్యంగా ఉంచడం వివాదం రేపింది. “Q400 విమానం సురకక్షితంగా ల్యాండ్‌ అయింది.. ప్రయాణికులు సురక్షితంగా దిగిపోయారు” అని స్పైస్‌జెట్‌ సెలవిచ్చింది. అయితే ఈ ఘటనపై ప్రయాణీకుల అనుభవాలు మాత్రం భయంకరంగా ఉన్నాయి. దీంతో ఏవియేషన్‌ రెగ్యులేటరీ డీజీసీఏ విచారణకు అదేశించింది. ఈ ఘటనలో ఒక ప్రయాణికురాలికి గాయాలు కాగా,  రాజీవ్ గాంధీ అంతర్జాతీయ విమానాశ్రయంలోని వైద్య కేంద్రానికి తరలించినట్లు విమానాశ్రయ వర్గాలు తెలిపాయి. ఊపిరి ఆడడం లేదని ఫిర్యాదు చేయడంతో జూబ్లీహిల్స్‌లోని ఆమెను ఒక ప్రైవేట్ ఆసుపత్రికి తరలించి, చికిత్స అనంతరం డిశ్చార్జ్‌ చేసినట్టు వెల్లడించాయి. హైదరాబాద్‌బాద్‌కు ఐటీ ఉద్యోగి శ్రీకాంత్‌ తనకెదురైన అనుభవాలను సోషల్‌ మీడియాలో పంచుకున్నారు.తన ఫ్రెండ్స్‌తో కలిసి ఫస్ట్‌టైం విమానం ట్రిప్‌కు బయలుదేరారు శ్రీకాంత్‌. ఇంతలోఅకస్మాత్తుగా ముందు క్యాబిన్‌లోనూ,ఆ తరువాత విమానంలోనూ పొగలు వ్యాపించాయి. దేవుడికి మొక్కుకోమని చెప్పడం చాలా బాధకలిగించిందని చెప్పారు. తనతోపాటు ప్రయాణీకులంతా ఒక్కసారిగా దిగ్గ్ర్భాంతికి లోనయ్యామని,  చాలామంది  ప్రాణ భయంతో కేకలు పెట్టారని వెల్లడించారు.  “వాష్‌రూమ్‌లో ఏదో జరిగింది. సిబ్బంది హడావిడిగా, చిన్నగా మాట్లాడుకుంటూ కనిపించారు. మరో 20 నిమిషాల్లో మా చుట్టూ పొగలు అలుముకున్నాయి. ఇంతలో లైట్లు వేశారు. మాట్లాడొద్దని చెప్పారంటూ” మరొక ప్రయాణీకుడు అనిల్ తన అనుభవాన్ని షేర్‌ చేశారు. ఎమర్జెన్సీ డోర్‌ తెరుచుకున్నాక "జంప్ అండ్ రన్" అంటూ అరిచారని మరొకరు పేర్కొన్నారు. అంతేకాదు ఈ ఘటనకు సంబంధించిన వీడియోలు ఫోటోలను తొలగించమని ఎయిర్‌లైన్ సిబ్బంది బలవంతం చేసారట. దీనికి నిరాకరించడంతో తన ఫోన్ కూడా లాక్కున్నారని శ్రీకాంత్ వాపోయారు. కాగా ఈ ఏడాది ఇప్పటికే ఎనిమిది వరుస సాంకేతిక లోపాలకు సంబంధించిన ఘటనలతో స్పైస్‌జెట్ విమానాలపై డీజీసీఏ ఆంక్షలు విధించింది.  50 శాతం విమానాలు మాత్రమే నడపాలన్న ఆదేశాలను ఇటీవల మరో నెలపాటు  పొడిగించింది.  @narendramodi @PMOIndia @flyspicejet @PilotSpicejet @SpiceJetRBLX @JM_Scindia Respected sir or to whomsoever it may concern. Night we were returning to hyd from goa within the ✈️ (Spicejet),suddenly there was smoke all around inside the plane starting from nagpur to hyderabad... pic.twitter.com/zZa9OUmJib — Srikanth Mulupala (@SrikanthMulupal) October 13, 2022

న్యూఢిల్లీ: మెటా సీఈవో, సోషల్ మీడియా దిగ్గజం ఫేస్‌బుక్‌ పౌండర్‌ మార్క్ జుకర్ బర్గ్‌కు భారీ షాక్‌ తగిలింది. ఆయన సొంత ప్లాట్‌ఫాంలోనే ఊహించని ఝలక్ తగిలింది. ఒక్కసారిగా 118 లక్షల ఫాలోవర్లను కోల్సోయారు. అయితే ప్రపంచ వ్యాప్తంగా వినియోగదారులను ప్రభావితం చేసే బగ్ కారణంగా కొన్ని సెకన్లలో ఈ పరిణామం చోటు చేసుకుంది. ఫేస్‌బుక్‌లో జుకర్‌బర్గ్‌కు 119 మిలియన్ల (11.9 కోట్ల)మంది ఫాలోవర్లు ఉండగా అకస్మాత్తుగా అది కాస్తా 10వేల కిందికి (9920) పడి పోవడం సంచలనం రేపింది.  మరోవైపు జుకర్‌బర్గ్‌తో పాటు పలువురు సెలబ్రిటీల పాలోవర్ల సంఖ్య కూడా  లక్షల్లో తగ్గిపోవడం కలకలం రేపింది. ముఖ్యంగా ప్రముఖ రచయత్రి తస్లిమా నస్రీన్ ట్వీట్ చేశారు.ఫేస్‌బుక్ సునామీతో తన ఫాలోవర్లు కూడా ఒక్కమారుగా 9లక్షల నుంచి 9వేలకు పడిపోయారంటూ మీడియా కథనాన్ని షేర్‌ చేశారు.  అంతేకాదు తనకు ఫేస్‌బుక్ కామెడీ అంటే చాలా ఇష్టం అంటూ ఆమె ట్వీట్‌ చేయడం విశేషం. తర్వాత కొన్ని గంటల్లో ఈ లోపాన్ని కంపెనీ సరిచేయడంతో యథాతథంగా ఆయా సెలబ్రిటీల ఫాలోవర్లు కనిపించారు. దీనిపై ఫిర్యాదులు వెల్లువెత్తడంతో  లోపాన్ని త్వరగా గుర్తించి మెటా పరిస్థితిని సరిదిద్దే పనిలో ఉన్నామని, సాంకేతికత లోపాలే కారణమని మెటా తెలిపింది. అసౌకర్యానికి క్షమాపణలు  తెలిపింది. అయితే, పొరపాటు  ఎలా జరిగిందనే దానిపై ఎలాంటి వివరణ ఇవ్వలేదు. కాగా మెటా వర్స్‌ సక్సెస్‌లో ఇబ్బందులు పడుతున్న మోటాకు ‌తాజాగా ఫాలోవర్ల కౌంట్ తగ్గిపోవడంతో మరో ఎదురు దెబ్బ తగిలింది. ఇది ఇలా ఉంటే ఉక్రెయిన్‌లో రష్యన్ మిలిటరీకి వ్యతిరేకంగా హింసకు పిలుపునిచ్చే పోస్ట్‌లను మెటా అనుమతిస్తోందని రష్యా ఆరోపించింది. ఈ నేపథ్యంలో ఫేస్‌బుక్‌ను ఉగ్రవాదులు, తీవ్రవాదుల జాబితాలో చేరుస్తూ  ఆర్థిక పర్యవేక్షణ ఏజెన్సీ రోస్ఫిన్‌మోనిటరింగ్ ఈ నిర్ణయం తీసుకున్న సంగతి  తెలిసిందే.  అలాగే అమెరికా వైస్ ప్రెసిడెంట్ కమలా హారిస్, లింక్డ్‌ఇన్  సీఈవొ ర్యాన్ రోస్లాన్స్కీతో సహా అనేక మంది అమెరికన్ పౌరులపై క్రెమ్లిన్ విధించిన ఆంక్షలలో భాగంగా జుకర్‌బర్గ్  రష్యాలోకి ప్రవేశించకుండా నిషేధం  ఇప్పటికే అమల్లో ఉంది.  .@facebook created a tsunami that wiped away my almost 900,000 followers and left only 9000 something on the shore: @taslimanasreen. Several users of @Meta's #facebook are complaining losing majority of their #followers. read more here. #MarkZuckerberghttps://t.co/QbxBSgMvId — The Telegraph (@ttindia) October 12, 2022

సాక్షి, హైదరాబాద్: మెట్రో రైళ్లలో ప్రయాణికుల సంఖ్య రోజురోజుకూ పెరుగుతూనే ఉంది. ఇటీవల గణేష్‌ నిమజ్జనం సందర్భంగా రైళ్లలో రద్దీ నాలుగు లక్షల మార్కును దాటి.. ప్రస్తుతం దాదాపు అదే స్థాయిలో కొనసాగుతోంది. కానీ.. మెట్రో రైళ్లు తరచూ మందగిస్తున్నాయి. కమ్యూనికేషన్‌ బేస్డ్‌ ట్రైన్‌ కంట్రోల్‌ వ్యవస్థలో సాంకేతిక లోపాలు ప్రయాణికులకు చుక్కలు చూపిస్తున్నాయి. తాజాగా నాంపల్లి– లక్డీకాపూల్‌ మార్గంలో ట్రాక్‌కు సంబంధించి సాధారణ నిర్వహణ, మరమ్మతులో భాగంగా గ్రౌటింగ్‌ పనులు జరుగుతుండడంతో రైళ్ల వేగం అకస్మాత్తుగా 15 కేఎంపీహెచ్‌కు పడిపోవడం గమనార్హం. మరో నాలుగు రోజుల పాటు ఇదే పరిస్థితి ఉంటుందని హెచ్‌ఎంఆర్‌ ఎండీ ఎన్వీఎస్‌రెడ్డి తెలిపారు.  సాంకేతిక చిక్కులు..  ► సాధారణంగా మెట్రో రైళ్ల వేగం 50–60 కేఎంపీహెచ్‌ మధ్యన ఉంటుంది. ఒక్కసారిగా రైళ్ల మందగమనంతో సమయానికి గమ్యస్థానానికి చేరుకుందామన్న ప్రయాణికుల అంచనాలు తప్పుతున్నాయి. రైళ్లు కిక్కిరిసి ఉంటున్న నేపథ్యంలో అకస్మాత్తుగా రైళ్ల వేగం పడిపోయిన ప్రతిసారీ ఏం జరిగిందోనని ప్రయాణికుల్లో ఆందోళన, గందరగోళం నెలకొంటోంది.  ► నగర మెట్రో రైళ్లలో డ్రైవర్‌ అవసరం అంతగా లేని కమ్యూనికేషన్‌ బేస్డ్‌ ట్రైన్‌ కంట్రోల్‌ వ్యవస్థను వినియోగిస్తున్నారు. వాతావరణ మార్పులు, ఒక్కసారిగా వాయు కాలుష్యం పెరిగిన సమయంలో ఈ టెక్నాలజీలో తరచూ లోపాలు తలెత్తుతున్నాయి. ఉన్నపళంగా రైళ్లు పట్టాలపై నిలిచిపోవడం, వేగం తగ్గడం తదితర సమస్యలు చుట్టుముడుతున్నాయి. ఈ నేపథ్యంలో ఈ సాంకేతికతను మన నగర పరిస్థితులకు అనుగుణంగా మార్పులు చేర్పులు చేపట్టాలని నిపుణులు స్పష్టం చేస్తున్నారు.   రద్దీ పెరుగుతోంది..  ప్రస్తుతం నగరంలో అన్నిరకాల వృత్తి, ఉద్యోగ, వ్యాపారాలు పుంజుకోవడంతో రైళ్లలో రద్దీ కోవిడ్‌కు ముందున్న స్థాయిలో నాలుగు లక్షలకు చేరువైంది. అత్యధికంగా ఎల్బీనగర్‌– మియాపూర్‌ రూట్లో నిత్యం రెండు లక్షల మంది జర్నీ చేస్తున్నారు. ఐటీ కంపెనీల్లో కార్యకలాపాలు ప్రారంభం కావడంతో నాగోల్‌– రాయదుర్గం రూట్లోనూ రద్దీ 1.75 లక్షల మేర ఉంది. జేబీఎస్‌– ఎంజీబీఎస్‌ రూట్లో రద్దీ నిత్యం సరాసరిన 25 వేల మేర ఉంది. పండగలు, సెలవురోజుల్లో మూడు మార్గాల్లో కలిపి ప్రయాణికుల రద్దీ అదనంగా మరో 30 వేల 50 వేల వరకు ఉంటుందని మెట్రో వర్గాలు తెలిపాయి. (క్లిక్ చేయండి: ఫార్ములా–  ఈ పనులు రయ్‌..రయ్‌)

సాక్షి, ఢిల్లీ: గో ఫస్ట్‌ విమానానికి పెను ముప్పు తప్పింది. బుధవారం.. ఢిల్లీ నుంచి గౌహతి వెళ్తుండగా విమానం విండ్‌ షీల్డ్‌ పగిలింది. దీంతో విమానాన్ని జైపూర్‌కు మళ్లించినట్లు డీజీసీఏ అధికారులు తెలిపారు. రెండు రోజుల్లో గో ఫస్ట్ విమానంలో సాంకేతిక లోపం సంభవించడం ఇది మూడోసారి. చదవండి: సైకో భర్త చిత్రహింసలు.. భార్యకు అశ్లీల వీడియోలు చూపిస్తూ.. ఇటీవలి కాలంలో విమానాల్లో సాంకేతిక లోపాలు వరుసగా తలెత్తుతున్నాయి. మంగళవారం కూడా విమానయాన సంస్థ  గోఫస్ట్‌కు  చెందిన రెండు విమానాల్లో ఒకేసారి  ఇంజన్‌  సమస్యలు కలకలం రేపింది. శ్రీనగర్-ఢిల్లీ, ముంబై-లేహ్  గోఫస్ట్‌ విమానాల్లో ఇంజన్లలో సమస్య ఏర్పడ్డాయి దీంతో రెండు విమానాలను అత్యవసరంగా ల్యాండ్‌ చేశారు. దీనిపై సివిల్‌ ఏవియేషన్‌ రెగ్యులేటరీ డీజీసీఏ విచారణ చేపట్టింది.  

న్యూఢిల్లీ:  ఇటీవలి కాలంలో విమానాల్లో సాంకేతిక లోపాలు వరుసగా తలెత్తుతున్నాయి. తాజాగా  విమానయాన సంస్థ  గోఫస్ట్‌కు  చెందిన రెండు విమానాల్లో ఒకేసారి  ఇంజన్‌  సమస్యలు కలకలం రేపింది. శ్రీనగర్-ఢిల్లీ, ముంబై-లేహ్  గోఫస్ట్‌ విమానాల్లో ఇంజన్లలో సమస్య ఏర్పడిన ఉదంతం మంగళవారం చోటుచేసుకుంది. దీంతో రెండు విమానాలను అత్యవసరంగా ల్యాండ్‌ చేశారు. దీనిపై సివిల్‌ ఏవియేషన్‌ రెగ్యులేటరీ డీజీసీఏ విచారణ చేపట్టింది. తొలుత  గోఫస్ట్ ముంబై-లేహ్ విమానంలో ఇంజన్ నంబర్ 2లో లోపం కనిపించడంతో గమనించిన సిబ్బంది ఢిల్లీకి మళ్లించారని  డీజీసీఏ అధికారులు తెలిపారు. ఆ తరువాత  మరో విమానం గాల్లో ఉండగానే  సమస్య ఏర్పడింది. శ్రీనగర్-ఢిల్లీ విమానం  నంబర్- 2 ఇంజన్‌లో   లోపాన్ని గుర్తించడంతో దీన్ని తిరిగి శ్రీనగర్‌కు మళ్లించారు.  రెండు ఘటనల్లోనూ ప్రయాణీకులు,న సిబ్బంది క్షేమంగా ఉండటం భారీ ఉపశమనం కలిగించింది.  దీనిపై విచారణ జరుగుతోందని, డీజీసీఏ క్లియరెన్స్‌ వచ్చిన తరువాతే విమానాలు తిరిగి సేవలను ప్రారంభిస్తాయని అధికారులు తెలిపారు. కాగా దేశీయ విమానాల్లో వరుస లోపాల నేపథ్యంలో విమానయాన మంత్రి జ్యోతిరాదిత్య సింధియా భద్రతా పర్యవేక్షణ  నిమిత్తం విమానయాన సంస్థలు, ఇతర మంత్రిత్వ శాఖ, డీజీసీఏ అధికారులతో పలు సమావేశాలు నిర్వహిస్తున్న సంగతి తెలిసిందే.

న్యూఢిల్లీ: ట్యాక్స్‌ రిటర్న్‌లకు సంబంధించిన ఆదాయ పన్ను విభాగం  కొత్త పోర్టల్‌లో మళ్లీ సమస్యలు మొదలయ్యాయి. కొత్త వెబ్‌సైట్‌ అందుబాటులోకి వచ్చి మంగళవారానికి ఏడాది పూర్తయ్యింది. సరిగ్గా అదే సమయానికి మళ్లీ సమస్యలు తలెత్తడం గమనార్హం. పోర్టల్‌లోకి లాగిన్‌ కాలేకపోతున్నామని, సెర్చ్‌ ఆప్షన్‌ సరిగ్గా పని చేయడం లేదని ఫిర్యాదులు వెల్లువెత్తాయి. వెబ్‌సైట్‌ హ్యాకింగ్‌కు గురై ఉంటుందనే సందేహాలు వ్యక్తమయ్యాయి. దీంతో సమస్యలను సత్వరం పరిష్కరించాలంటూ పోర్టల్‌ను రూపొందించిన ఐటీ దిగ్గజం ఇన్ఫోసిస్‌కు సూచించినట్లు ఐటీ విభాగం పేర్కొంది. హ్యాక్‌ కాలేదు ‘ఈ–ఫైలింగ్‌ వెబ్‌సైట్‌లో సెర్చ్‌ ఆప్షన్‌ పనితీరుకి సంబంధించిన సమస్యలు మా దృష్టికి వచ్చాయి. పరిష్కరించాలంటూ ఇన్ఫోసిస్‌కు సూచించాము. సమస్య సత్వర పరిష్కారానికి ప్రయత్నిస్తున్నట్లు ఇన్ఫీ కూడా తెలిపింది‘ అని ఐటీ విభాగం మైక్రో బ్లాగింగ్‌ సైట్‌ ట్విటర్‌లో ట్వీట్‌ చేసింది. వెబ్‌సైట్‌ హ్యాకింగ్‌కు గురికాలేదని, డేటా చౌర్యమేమీ జరగలేదని ఆర్థిక శాఖ వర్గాలు స్పష్టం చేశాయి. ట్యాక్స్‌ పోర్టల్‌లో సమస్యలు తలెత్తడం ఇదే మొదటిసారి కాదు. సరిగ్గా ఏడాది పన్ను రిటర్నుల ఫైలింగ్‌ను సులభతరం చేసే ఉద్దేశ్యంతో కొత్త పోర్టల్‌ను రూపొందించే కాంట్రాక్టును ఇన్ఫోసిస్‌ 2019లో దక్కించుకుంది. దీన్ని 2021 జూన్‌ 7న ఆవిష్కరించారు. కానీ అందుబాటులోకి వచ్చిన రోజు నుంచీ అనేక సందర్భాల్లో సమస్యలు వస్తూనే ఉన్నాయి. దీంతో ట్యాక్స్‌ రిటర్నుల దాఖలు గడువును కూడా ప్రభుత్వం పొడగించాల్సి వచ్చింది. చదవండి: తగ్గేదేలే అంటున్న ఇన్ఫోసిస్‌.. ఏం జరగబోతోంది?

ఇన్‌కం ట్యాక్స్‌ రిటర్న్స్‌ దాఖలు విషయంలో డిసెంబరు 30న రికార్డు చోటు చేసుకుంది. ఐటీ రిటర్న్స్‌కి చివరి తేదీ సమీపించడంతో భారీ స్పందన వచ్చింది. డిసెంబరు 30వ తేదిన ఒక్క రోజులేనే దేశవ్యాప్తంగా 24.39 లక్షల మంది ఐటీ రిటర్న్‌ దాఖలు చేశారు. ఇందులో చివరి గంటలో ఏకంగా అయితే 2.79 లక్షల ఫైళ్లు దాఖలయినట్టు ఆదాయపు పన్ను శాఖ వెల్లడించింది. 2021 డిసెంబరు 30 ఇప్పటి వరకు మొత్తం 5.34 కోట్ల మంది ఐటీ రిటర్న్స్‌ సమర్పించారు. కాగా డిసెంబరు 31తో ఐటీ దాఖలకు గడువు ముగిసిపోతుంది. More than 5.34 crore Income Tax Returns for AY 2021-22 filed till 8pm today. This includes 24.39 lakh #ITRs filed today itself with 2.79 lakh #ITRs filed in the last one hour. Hope you have filed yours too! If not, please file by the due date ie 31st December, 2021. — Income Tax India (@IncomeTaxIndia) December 30, 2021 కేంద్ర ఆర్థిక మంత్రి నిర్మలా సీతారామన్‌ ఎన్ని హామీలు ఇచ్చినా.. హెచ్చరికలు జారీ చేసినా ఐటీ రిటర్న్స్‌ ఈ ఫైలింగ్‌లో సమస్యలు తొలగిపోవడం లేదు. పదే పదే సాంకేతిక సమస్యలు (ఎర్రర్స్‌) ఎదురవుతున్నాయి. చివరి తేది సమీపించడంతో భారీ సంఖ్యలో ఐటీ రిటర్న్స్‌ కోసం ఈ ఫైలింగ్‌ పోర్టల్‌కి లాగిన్‌ అయ్యారు. వీరిలో చాలా మంది టెక్నికల్‌ గ్లిచెస్‌తో తాము విసిగిపోయామంటూ ట్వీట్లు చేశారు.  Tax filing deadline and #CAs erupting in anger about @Infosys and #TaxPortal. Most are great devotees of @narendramodi Is @FinMinIndia @nsitharaman listening?? A tax portal that doesn't work despite public admonishment @NandanNilekani https://t.co/5MvAo2qetG — Sucheta Dalal (@suchetadalal) December 30, 2021 చదవండి:జీఎస్‌టీ పరిహారం మరో ఐదేళ్లు పొడిగించండి

Google Warns 2 Billion Users Of Update That Could Break Websites Worldwide: ప్రపంచవ్యాప్తంగా సుమారు 200 కోట్ల క్రోమ్‌ యూజర్లకు పెనుప్రమాదం వాటిల్లే అవకాశం ఉందని గూగుల్‌ హెచ్చరించింది. రాబోయే  క్రోమ్‌ బ్రౌజర్‌ అప్‌డేట్‌ ప్రపంచవ్యాప్తంగా అనేక వెబ్‌సైట్‌లను విచ్ఛిన్నం చేసే అవకాశం ఉందని గూగుల్‌ యూజర్లకు హెచ్చరిక జారీ చేసింది.  అంతుచక్కని సమస్య.! పరిష్కారమే లేదు..! టెక్ దిగ్గజం గూగుల్‌ తన క్రోమియంబగ్ ట్రాకర్ బ్లాగ్‌లో ఈ విషయాన్ని వెల్లడించింది. రాబోయే అనిశ్చితికి ఇప్పటివరకు ఎలాంటి పరిష్కారమే లేకపోవచ్చునని  గూగుల్‌ అభిప్రాయపడింది. కాగా తన వంతుగా సమస్యను పరిష్కరించేందుకు గూగుల్‌ ప్రయత్నాలను చేస్తోనట్లు తెలుస్తోంది. అయితే ఇప్పటివరకు ఏ వెబ్‌సైట్లకు ఎలాంటి సమస్యలు ఉత్పన్నమవుతాయనే విషయం అస్పష్టంగా ఉంది.  అలర్ట్‌గా ఉండడమే..! సమస్య పరిష్కారమయ్యేంత వరకు క్రోమ్ యూజర్లు ఇతర బ్రౌజర్స్‌ను వాడాలని ఫోర్బ్స్‌ తన నివేదికలో పేర్కొంది. క్రోమ్‌ యూజర్లు అలర్ట్‌గా ఉండడమే మంచిదని తెలిపింది. వచ్చే నెలలో క్రోమ్‌ యూజర్లకు సమస్యలు ఎదురయ్యే అవకాశం ఉన్నట్లు తెలుస్తోంది.  వెర్షన్స్‌తో సమస్య..! ఫోర్భ్స్‌ ప్రకారం...గూగుల్‌ క్రోమ్‌ వెర్షన్స్‌లో సమస్య ఉన్నట్లు తెలుస్తోంది. ప్రస్తుతం క్రోమ్‌ బ్రౌజర్‌ 96 వెర్షన్‌లో ఉంది.  అయితే గూగుల్‌ మరిన్ని ఫీచర్స్‌ను యూజర్లకు అందుబాటులోకి తెచ్చేందుకు ‘క్రోమ్‌ కానరీ’ బ్రౌజర్‌ను గూగుల్‌ టెస్ట్‌ చేస్తోంది. ఇది ప్రారంభ యాక్సెస్ డెవలపర్ బిల్డ్. ఇప్పుడు ఇది వెర్షన్ 99లో ఉంది. ఎప్పుడైతే బ్రౌజర్‌ వెర్షన్‌ 100కి చేరుకుంటే ప్రమాదం వాటిల్లే అవకాశం ఉందని తెలుస్తోంది. ఈ గ్లిచ్‌తో ప్రభావితమైన వెబ్‌సైట్‌లు స్పష్టంగా లోడ్ అవడం ఆగిపోతాయని ఫోర్బ్స్‌ పేర్కొంది. దీనికి కారణం ఈ వెబ్‌సైట్‌లు యూజర్లు సైట్‌ను సందర్శించే సమయంలో క్రోమ్ వెర్షన్‌ను తనిఖీ చేస్తాయి.  అయితే ప్రోఫెషనల్‌ వెబ్‌సైట్‌ డిజైనర్‌ డూడా వంటి డిజైన్ సాఫ్ట్‌వేర్ మొదటి రెండు అంకెలను మాత్రమే తనిఖీ చేస్తుంది. ఈ సమయంలో క్రోమ్‌ బ్రౌజర్‌ వెర్షన్‌ 100కు యాక్సెస్‌ ఉండే అవకాశాలు తక్కువగా ఉండనున్నాయి.  గూగుల్‌ ప్రయత్నాలు..! ఈ గ్లిచ్ ప్రభావాలను నివారించడానికి హ్యాకింగ్‌ వంటి ప్రక్రియలతో ఈ సమస్యకు చెక్‌ పెట్టేందుకు  గూగుల్‌ ప్రయత్నాలను చేస్తోన్నట్లు తెలుస్తోంది. ఆయా వెబ్‌సైట్‌లను సందర్శించేటప్పడు వెర్షన్‌ 100 స్థానంలో రెండంకెల వెర్షన్‌ పొందేలా గూగుల్‌ ప్రయోగాలు చేస్తోంది.  చదవండి: అమెరికా టెక్‌ దిగ్గజాలకు చుక్కలు చూపిస్తున్న రష్యా..!

ఎలక్ట్రిక్‌ కార్ల మార్కెట్‌లో ప్రపంచ రారాజుగా ఉన్న టెస్లాకు కొత్త చిక్కులు వచ్చి పడ్డాయి. సాంకేతిక సమస్యల కారణంగా టెస్లా కారు ఓనర్లు చిక్కులు ఎదుర్కొంటున్నారు. దీంతో తమ సమస్యలకు పరిష్కారం చూపాలంటూ కారు యజమానులు టెస్లా యజమాని ఎలన్‌మస్క్‌ని డిమాండ్‌ చేస్తున్నారు. పని చేయని యాప్‌ టెస్లా కంపెనీ నుంచి మార్కెట్‌లో మోడల్‌ 3 వై, మోడల్‌ ఎస్‌, ఎస్‌ ప్లెయిడ్‌ కార్లు మార్కెట్‌లో విపరీతంగా అమ్ముడయ్యాయి. యూరప్‌, అమెరికా మార్కెట్‌లో టెస్లా కార్ల అమ్మకాలు జోరుమీదున్నాయి. ఆధునిక సాంకేతిక పరిజ్ఞానం అందించే ప్రయత్నంలో భాగంగా టెస్లా కార్లకు మొబైల్‌యాప్‌ రూపంలో డిజిటల్‌ కీస్‌ని అమర్చారు. అంటే టెస్లా యాప్‌ ద్వారా కారును డోర్స్‌ ఓపెన్‌ చేయడం, కారును స్టార్‌ చేయడం తదితర కంట్రోల్స్‌ అన్నీ ఈ మొబైల్‌ యాప్‌ ద్వారానే కంట్రోల్‌ చేయోచ్చు. ఇబ్బందులు గత కొంత కాలంగా ఈ యాప్‌లో సాంకేతిక సమస్యలు తలెత్తున్నాయి. తరచుగా యాప్‌ మోరాయిస్తోంది. దీంతో యూజర్లు టెస్లా కారును వినియోగించుకునేందుకు నానా అవస్థలు పడుతున్నారు. కారు పక్కనే ఉండి గంటల తరబడి డోర్‌ ఓపెన్‌ చేసేందుకు ఆపసోపాలు పడుతున్నారు. ట్రాఫిక్‌ వల్లే మొదట ఈ సమస్య కెనడాలో ఎక్కువగా కనిపించగా ఆ తర్వాత అమెరికాలోనూ ఈ సమస్య వెలుగు చూసింది. ఇటీవల మొబైల్‌యాప్‌కి అప్‌డేట్‌ని టెస్లా రిలీజ్‌ చేసింది. అప్పటి నుంచి ఈ సమస్య ఉత్పన్నమైనట్టు యూజర్లు అంటున్నారు. మరోవైపు నెట్‌వర్క్‌ ట్రాఫిక్‌ ఒక్కసారిగా పెరిగిపోవడంతో ఈ సమస్య వచ్చిందని త్వరలో పరిష్కరిస్తామని టెస్లా తరఫున ఎలన్‌మస్క్‌ బదులిచ్చారు. చదవండి:ఇక టెస్లా పని అయిపోయినట్లే.. రంగంలోకి మెర్సిడెస్ బెంజ్!

Infosys-Income Tax Portal: కేంద్రం కొత్తగా ప్రవేశపెట్టిన ఇన్‌కంట్యాక్స్‌ పోర్టల్‌లో తలెత్తిన సాంకేతిక సమస్యలు ఇన్ఫోసిస్‌కి కొత్త చిక్కులు తెచ్చి పెట్టాయి. సామాన్య ట్యాక్స్‌ పేయర్ల నుంచి ఆర్థిక మంత్రి వరకు ప్రతీ ఒక్కరు పోర్టల్‌లో ఇబ్బందులపై ఆగ్రహం ప్రదర్శిస్తున్నారు. దీంతో ఇన్ఫోసిస్‌పై ఒత్తిడి పెరిగింది. నేడే ఆఖరు ఆన్‌లైన్‌లో ఇన్‌కం ట్యాక్స్‌ చెల్లింపులు చేయవచ్చంటూ కేంద్రం గొప్పగా ప్రకటించింది. అందుకు తగ్గట్టే పోర్టల్‌ని 2021 జూన్‌ 7న  ప్రారంభించింది. అయితే తొలి రోజు నుంచే ఇ ఫైలింగ్‌ పోర్టల్‌ ద్వారా పన్ను చెల్లింపులు చేయడం కత్తి మీద సాములా మారింది. చీటికి మాటికి సాంకేతిక ఇబ్బందులు ఎదురయ్యాయి. త్వరలో సమస్యలు పరిష్కరిస్తామటూ ఆర్థిక మంత్రి పలు మార్లు ప్రకటించారు. కానీ రెండు నెలలు గడిచినా పరిస్థితిలో మార్పు రాకపోవడంతో ఆగస్టు 19న ఇన్పోసిస్‌ సీఈవో సలీల్‌ పరేఖ్‌ని ఢిల్లీకి పిలిపించారు మంత్రి నిర్మలా సీతారామన్‌. సెప్టెంబరు 15వ తేదీలోగా ఎటువంటి సమస్యలు లేకుండా చూడాలంటూ గట్టిగా చెప్పారు. 750 మంది నిపుణులు ఐటీ పోర్టల్‌లో తలెత్తుతున్న సాంకేతిక సమస్యలను పరిష్కరించేందుకు 750 మంది నిపుణులు మూడు వారాలుగా అహర్నిషలు పని చేస్తున్నారు. ఇన్ఫోసిస్‌ సీనియర్‌ అధికారి ప్రవీణ్‌రావు దగ్గకరుండి ఈ పనులు పర్యవేక్షిస్తున్నారు. సెప్టెంబరు 15తో అయినా ఐటీ పోర్టల్‌లో సమస్యలు పరిష్కారం అవుతాయా ? లేద మరోసారి పాత కథనే పునరావృతం అవుతుందా అనే ఉత్కంఠ నెలకొంది. ప్రతిష్టాత్మక ప్రాజెక్టులో సాంకేతిక లోపాలు తరచుగా రావడం, అది దేశ ప్రజల దృష్టిని ఆకర్షించడం ఇన్ఫోసిస్‌కి ఇబ్బందిగా మారింది.  2019లో ప్రారంభం గతంలో ఆధార్‌ కార్డుకు సంబంధించిన టెక్నికల్ వర్క్‌ ఇన్ఫోసిస్‌ ఆధ్వర్యంలోనే జరిగింది. దీంతో ఇ ఫైలింగ్‌ పోర్టల్‌ రూపొందించే బాధ్యతలను కేంద్రం ఇన్ఫోసిస్‌కి 2019లో అప్పగించింది. ప్రస్తుతం ఇ ఫైలింగ్‌ పోర్టల్‌లో చాలా సమస్యలు కొలిక్కి వచ్చాయని ఇన్ఫోసిస్‌ అంటోంది. చదవండి: ఐటీ పోర్టల్‌ను వీడని సమస్యలు

ముంబై: స్టాక్‌ ఎక్సేంజీల్లో సాంకేతిక సమస్యలు తలెత్తడంపై సెక్యూరిటీస్‌ అండ్‌ ఎక్సేంజ్‌ బోర్డ్‌ ఆఫ్‌ ఇండియా (సెబీ) కన్నెర్ర చేసింది. ట్రేడింగ్‌ విషయంలో సాంకేతిక ఇబ్బందుల పేరుతో ఇన్వెస్టర్లను ఇబ్బందులు పెడితే చూస్తూ ఊరుకోబోమని హెచ్చరించింది. నాలుగు గంటలకు మించి టెక్నికల్‌ గ్లిచెస్‌ కొనసాగితే భారీగా జరిమానాలు విధిస్తామని తేల్చి చెప్పింది. ఈ మేరకు స్టాండర్డ్‌ ఆపరేటింగ్‌ ప్రొసీజర్‌ను జారీ చేసింది.   రంగంలోకి సెబీ నేషనల్‌ స్టాక్‌ ఎక్సేంజీలో 2021 ఫిబ్రవరి 24న టెక్నికల్‌ ఇష్యూస్‌తో 4 గంటల పాటు ట్రేడింగ్‌ నిలిచి పోయింది. దీంతో చాలా మంది ఇన్వెస్టర్లు ఇబ్బందులు పడ్డారు. దీంతో స్టాక్‌ ఎక్స్ఛేంజీలు, క్లియరింగ్‌ కార్పొరేషన్స్‌, డిపాజిటరీలులకు కీలక ఆదేశాలు సెబీ జారీ చేసింది. టెక్నికల్‌ సమస్యలు తలెత్తితే  రోజుకు కనిష్టంగా లక్ష రూపాయల నుంచి గరిష్టంగా రూ.2 కోట్ల వరకు జరిమానా విధిస్తామంది. అంతేకాదు ఎమ్‌ఐఐల మేనేజింగ్‌ డైరెక్టర్‌, చీఫ్‌ టెక్నాలజీ ఆఫీసరు(సీటీఓ)ల వార్షిక వేతనంలో 10 శాతం వరకు కోత పెడతామని తేల్చి చెప్పింది.  టెక్నికల్‌ ఇష్యూస్‌పై సెబీ రూపొందించిన స్టాండర్డ్‌ ఆపరేటింగ్‌ ప్రోసీజర్స్‌ - ఒకటి లేదా ఎక్కువ కీలక వ్యవస్థల్లో టెక్నికల్‌ గ్లిచెస్‌ వస్తే 30 నిమిషాల్లోగా పరిష్కరించాలి. లేదంటే గంటలోగా దానిని ‘డిజాస్టర్‌’గా ప్రకటించాలి. - డిజాస్టర్‌  ప్రకటనను వెల్లడించడంలో ఆలస్యమైతే రెండు ఆర్థిక సంవత్సరాల స్టాండలోన్‌ నికర లాభంలో సగటున 10 శాతం లేదా రూ.2 కోట్లు, ఇందులో ఏది ఎక్కువైతే దాని  ప్రాతిపదికన అపరాధ రుసుము కట్టాల్సి ఉంటుంది. ఉన్నతాధికారులూ తమ వార్షిక వేతనంలో 10 శాతం చొప్పున చెల్లించాలి.  - సంఘటన జరిగిన తర్వాత 75 నిమిషాల నుంచి 3 గంటల్లోపు సాధారణ పరిస్థితులను నెలకొల్పాలి. లేదంటే ఎమ్‌ఐఐలు రూ.50 లక్షలు జరిమాన చెల్లించాలి. మూడు గంటలకు మించి టెక్నికల్‌  అవాంతరాలు కొనసాగితే కోటి రూపాయల జరిమాన కట్టాలి.  - సాంకేతిక సమస్యలను సరైన సమయంలో పరిష్కరించకపోతే రోజుకు రూ.2 లక్షల నుంచి 25 లక్షల వరకు జరిమాన. -  24 గంటల్లోగా జరిగిన ఘటనలపై  ప్రాథమిక నివేదిక సమర్పించాలి. - సాంకేతిక అవాంతరానికి కారణాలను వెల్లడించే కాంప్రహెన్సివ్‌ రూట్‌కాజ్‌ అనాలసిస్‌(ఆర్‌సీఏ) నివేదికను  21 రోజుల్లోగా సమర్పించాల్సి ఉంటుంది. ఆలసమ్యమైతే జరిమాన. -  నిర్దేశించిన గడువులోగా నివేదికలు ఇ‍వ్వకపోతే... ఆ తర్వాత వచ్చే ఒక్కో వర్కింగ్‌డేకు లక్ష రూపాయల వంతున అపరాధ రుసుము చెల్లించాలి.  

సాక్షి, ముంబై: దేశీయస్టాక్‌ మార్కెట్లో ఒక్కసారిగా ట్రేడింగ్‌ నిలిచిపోవడం కలకలం రేపింది. సాంకేతిక లోపాల కారణంగా స్టాక్‌ మార్కెట్లో (ఎన్‌ఎస్‌ఈ) ట్రేడింగ్‌ నిలిచిపోయింది. ఎన్‌ఎస్‌ఈ ఎఫ్‌అండ్‌ఓలో ఉదయం 11:40 నిమిషాల నుంచి ట్రేడింగ్‌ ఆగిపోయింది. దీంతో క్యాష్‌ మార్కెట్లోనూ ఎన్‌ఎస్‌ఈ ట్రేడింగ్‌ ఆపివేసింది. దీనిపై స్పందించిన ఎన్‌ఎస్‌ఈ ప్రస్తుతం సర్వర్‌ను రీస్టార్ట్ చేశామని, ట్రేడింగ్‌ మళ్ళీ ఎప్పుడు ప్రారంభమయ్యేది తెలియజేస్తామని  వెల్లడించింది. ఈ పరిణామాల నేపథ్యంలో ట్రేడర్లలో తీవ్ర గందరగోళం నెలకొంది. మరోవైపు అప్‌డేట్‌ కోసం ఎదురుచూస్తున్న ట్రేడర్లలో తీవ్ర ఒత్తిడి నెలకొంది. ఈ నేపథ్యంలో మీమ్స్‌ హల్‌చల్‌ చేస్తున్నాయి. అటు ఆయా ట్రేడింగ్‌ ఏజెన్సీలు కూడా ఇన్వెస్టర్లను అప్రమత‍్తం చేశాయి. అయితే బీఎస్‌ఇ అన్ని విభాగాలలో సాధారణ ట్రేడింగ్ కొనసాగుతోంది. ఎన్‌ఎస్‌ఇ ప్రీ-ఓపెనింగ్ సెషన్ మధ్యాహ్నం 1 గంటలకు, మధ్యాహ్నం 1:15 నుండి సాధారణ ట్రేడింగ్ ప్రారంభమవుతుందని తాజాగా ప్రకటించింది. Trading is halted on NSE across brokers. We are waiting for it to come back online. For equity orders, you can use BSE. https://t.co/j0o1SKr7sp — Zerodha (@zerodhaonline) February 24, 2021 People waiting for #Nifty tick to update #StockMarket #nse pic.twitter.com/wp4HhCSGcY — The Wolverine (@KEEP_IT_UPER) February 24, 2021

సాక్షి, లక్నో:  సౌదీ ఎయిర్‌లైన్స్ విమానం రన్‌వే పై నిలిచిపోవడం కలకలం రేపింది.  లక్నో నుంచి రియాద్ వెళ్లాల్సిన సౌదీ ఎయిర్‌లైన్స్ విమానం రన్‌వే పై నిలిచిపోయింది. సాంకేతిక సమస్య తలెత్తడంతో విమానం అర్థాంతరంగా రన్‌వే పైనే నిలిచిపోయింది. ఈ సంఘటనతో కొన్ని విమానాలను  దారి మళ్లించడం తోపాటు, మరికొన్ని సర్వీసులను నిలిపివేశారు. దీంతో   సిబ్బంది, ప్రయాణీకులు  ఆందోళనకు గురయ్యారు. వివరాల్లోకి వెళితే.. లక్నో-రియాద్‌ విమానం  గాల్లోకి  ఎగిరే  క్రమంలో రన్‌వేపైనే నిలిచిపోయింది.  ఈ సంఘటనతో విమానాశ్రాయానికి వచ్చి వెళ్లే పలు విమాన సర్వీసులకు అంతరాయం ఏర్పడింది. ఈ నేపథ్యంలో అధికారులు ఆరు విమానాలను ఢిల్లీకి మళ్లించారు. టేకాఫ్ తీసుకోవడానికి సిద్ధంగా ఉన్న మరో మూడు విమాన సర్వీసులు నిలిచిపోయాయి.  అయితే విమాన సిబ్బంది, ప్రయాణికులంతా సురక్షితంగా ఉండడంతో అంతా ఊపిరి పీల్చుకున్నారు.  


 ముంబై:  దలాల్‌స్ట్రీట్‌లో  గందరగోళం నెలకొంది. ముఖ్యంగా సోమవారం ఉదయం ట్రేడింగ్‌ ఆరంభంలోనే ఎన్‌ఎస్‌ఈ  రేట్లు అప్‌గ్రేడ్‌ కావడంలేదని  మార్కెట్‌ వర్గాలు గుర్తించాయి. దీంతో అటు ట్రేడర్లు, ఇటు బ్రోకరేజ్‌ సంస్థల్లో కలవరం మొదలైంది. నేషనల్ స్టాక్ ఎక్స్ఛేంజ్ లో  భారీ సాంకేతిక లోపం తలెత్తిందని సంబంధిత వర్గాలు ప్రకటించాయి. దీంతో రికార్డు లాభాలతో  స్టాక్‌మార్కెట్ల మొదలైందన్న  ఇన్వెస్టర్ల  ఆనందంతో క్షణాల్లో  మాయమైపోయింది.
 మరోవైపు దీనిపై  స్పందించిన ఎన్‌ఎస్‌ఈ సాంకేతిక సమస్య తలెత్తిందని, పరస్థితిని సమీక్షిస్తున్నామని పేర్కొంది.  త్వరలోనే  ఈ  సమస్యను పరిష్కరించి ట్రేడింగ్‌నుకొనసాగించనున్నామని  ప్రకటించింది. సాఫ్ట్‌వేర్‌కు సంబంధించి డేటా గ్లిచ్ కారణంగానే ఎన్ఎస్ఇ బిజినెస్‌లో ఆటంకం ఏర్పడిందని  ఆర్థిక మంత్రిత్వ శాఖకు సమాచారం అందించింది.    
 ఒక ఎక్సంజ్‌లో నిలిపివేత, మరో ఎక్సేంజ్‌లో ట్రేడింగ్‌ కొనసాగే పరిస్థితిని ఇకముందెన్నడూ చూడలేదని ఎనలిస్టులు భావిస్తున్నారు. దాదాపురెండున్నర గంటలు పాటు ట్రేడింగ్‌ నిలిచి పోవడాన్ని ప్రత్యేకంగా ప్రస్తావిస్తున్నారు.  
 అయితే ఇప్పటికే రెండు సార్లు మార్కెట్లను పున: ప్రారంభించినప్పటికీ ఎలాంటి ఫలితం కనిపించలేదు.  మళ్లీ అదే సమస్య ఉత‍్పన్న కావడంతో ఎన్‌ఎస్‌టీ ట్రేడింగ్‌ను నిలిపిశారు. తిరిగి 12.30 తిరిగి ప్రారంభించనున్నామని ఎన్‌ఎస్‌ఈ  వర్గాలు ప్రకటించాయి. శాయశక్తులా ప్రయత్నిస్తున్నామని చెప్పారు.  ఈ సారైనా ఎన్‌ఎస్‌ఈ ట్రేడింగ్‌ ప్రారంభం అవుతుందా? అయితే.. ట్రేడంగ్‌ సమయాన్ని పొడిగిస్తారా? హెడ్జింగ్‌ పాల్పడిన ట్రేడర్ల పరిస్థితి ఏమిటి? వారికి స్పెషల్‌ విండో సదుపాయం ఏమైనా కల్పిస్తారా అనేది  ప్రస్తుతానికి అస్పష్టం.
 మరోవైపు  ఈ వాల్టికి ఎన్‌ఎస్‌ఈ   ట్రేడింగ్‌ నిలివేయనుందని నీట్‌ ప్రకటించింది.  దీంతో ట్రేడర్లలో మరింత  కన్‌ఫ్యూజన్‌ నెలకొంది. అయితే అలాంటిదేమీ లేదని, త్వరలోనే  ప్రారంభమవుతుందని వివరణ ఇచ్చింది. అటు ఎన్‌ఎస్‌ఈ నెలకొన‍్న గందరగోళ పరిస్థితిపై  మార్కెట్‌ రెగ్యులేటర్‌ సెబికూడా పరిశీలిస్తోంది. అత్యున్నత అధికారులతో పరిస్థితిని అంచనా వేయిస్తోంది.  అంతేకాదు ఈ   వ్యవహారాన్నికూడా కేంద్ర ఆర్థికమంత్రి అరుణ్‌ జైట్లీ దృష్టికి కూడా సెబీ తీసుకెళ్లింది.   దీంతో దీనిపై   ఒక నివేదిక సమర్పించాలని సెబీని, ఎన్‌ఎస్‌ఈని ఆర్థికమంత్రిత్వ శాఖ ఆదేశించింది.
 
 అటు తాము ట్రేడింగ్‌ కొనసాగిస్తామని బీఎస్‌ఈ చెప్పింది. దీంతో బీఎస్‌ఈలో ట్రేడింగ్‌ కొనసాగుతోంది.  2010లో ఇలాంటి పరిస్థితి బీఎస్‌ఈలో ఏర్పడింది. దీంతో 12గం.నుంచి- 2.30 బీఎస్‌ఈలో ట్రేడింగ్‌ను నిలిపివేశారు  టెక్నికల్‌ 2011లో ఎల్‌ఎస్‌ఈ 4 నాలుగు గంటలపాటు నిలిపివేశారు. 2012లో కేవలం కొద్దినిమిషాలు పాటు ఎన్‌ఎస్‌ఈలో  సమస్య ఏర్పడినట్టు సమాచారం.