saurav das

ఢిల్లీ: జంతర్‌ మంతర్‌ వద్ద నిరసనకు సంబంధించిన కేసులో కాక్రోచ్‌ జనతా పార్టీ కీలక నేతలు సౌరవ్‌ దాస్‌, ఆశుతోష్‌ రంకాలకు ఢిల్లీ పోలీసుల క్రైమ్‌ బ్రాంచ్‌ సమన్లు జారీ చేసింది. అక్టోబర్‌ 22 గురువారం విచారణకు హాజరుకావాలని ఆదేశించింది. మరో నేత అజింక్య షిండేను కూడా విచారణకు పిలిచింది.గురువారం మధ్యాహ్నం 12 గంటలకు రాజౌరీ గార్డెన్‌లోని క్రైమ్‌ బ్రాంచ్‌ కార్యాలయంలో హాజరుకావాలని నేతలను పోలీసులు ఆదేశించారు. వారం రోజుల పాటు జ్యుడీషియల్‌ కస్టడీలో ఉండి బుధవారం తీహార్‌ జైలు నుంచి విడుదలైన మరుసటి రోజే ఈ సమన్లు జారీ కావడం గమనార్హం. జంతర్‌ మంతర్‌ వద్ద నిరసనకు సంబంధించి సీజేపీ నేతలపై నమోదైన రెండు కేసులను ఈ వారంలో ఢిల్లీ పోలీసులు క్రైమ్‌ బ్రాంచ్‌కు బదిలీ చేశారు. ఆ సమయంలో సౌరవ్‌ దాస్‌, ఆశుతోష్‌ రంకా జ్యుడీషియల్‌ కస్టడీలో ఉన్నారు.అక్టోబర్‌ 13న సౌరవ్‌ దాస్‌, ఆశుతోష్‌ రంకా, అజింక్య షిండేతో పాటు సీజేపీకి చెందిన మరో 11 మంది జంతర్‌ మంతర్‌ వద్దకు చేరుకున్నారు. అయితే, జంతర్‌ మంతర్‌ను నిరసనల కోసం నిర్దేశించిన ప్రదేశాల జాబితా నుంచి తొలగించిన నేపథ్యంలో వారు ప్రైవేటు స్థలంలోకి చొరబడి అక్కడి నుంచి నిరసన ప్రదేశానికి చేరుకున్నారని పోలీసులు పేర్కొన్నారు. ఈ ఘటనకు సంబంధించి కేసులు నమోదు చేశారు.ఇదీ చదవండి: బీజేపీపై అన్నామలై సంచలన వ్యాఖ్యలు..

సాక్షి, న్యూఢిల్లీ: కాక్రోచ్ జనతా పార్టీ (CJP) నాయకులు సౌరవ్ దాస్ (Saurav Das) , అశుతోష్ రాంకా (Ashutosh Ranka)కు భారీ ఊరట లభించింది. ఏడు రోజుల పాటు జైల్లో గడిపిన ఇరువురికీ జ్యుడిషియల్ రిమాండ్‌పై ఒక ప్రత్యేక కార్యనిర్వాహక మేజిస్ట్రేట్ (SEM) విడుదల చేయాలని బుధవారం ఆదేశించారు. జంతర్ మంతర్‌లోకి ప్రవేశించి, జాతీయ జెండాలను ఎగురవేశారన్న ఆరోపణలతో సౌరవ్ దాస్, అశుతోష్ రాంకా అక్టోబర్ 14 నుంచి జ్యుడీషియల్ కస్టడీలో ఉన్నారు. శాంతి ఒప్పందాలను ఉల్లంఘించి, తాళం వేసిన గేటును దాటి జంతర్ మంతర్‌లోకి ప్రవేశించారనే ఆరోపణలపై అక్టోబర్ 13న దాస్, రాంకాలను అదుపులోకి తీసుకున్నారు. అంతకుముందు ఈ ప్రదేశాన్ని నియమిత నిరసన ప్రదేశంగా ప్రకటించారు.వారిద్దరినీ తొలుత అక్టోబర్ 14న ఐదు రోజుల జ్యుడిషియల్ కస్టడీకి రిమాండ్ చేశారు. అక్టోబర్ 19న వారి కస్టడీని మరో రెండు రోజులు పొడిగించగా, అది బుధవారంతో ముగియాల్సి ఉంది.వారిద్దరినీ SEM ఎదుట హాజరుపరచగా, విచారణ సమయంలో వారి పూచీకత్తు పత్రాలను కూడా సమర్పించారు. అయితే వారి జైలు కస్టడీని మూడు రోజులు పొడిగించాలని ఢిల్లీ పోలీసులు కోరారు. వీరి జ్యుడిషియల్ కస్టడీ విషయంలో జోక్యం చేసుకోవడానికి ఢిల్లీ హైకోర్టు నిరాకరించింది. ఎస్ఈఎం (SEM) ముందు జరగనున్న విచారణ ఫలితం కోసం వేచి ఉండాలని, వారి ఫిర్యాదు కొనసాగితే అప్పీలేట్ కోర్టును ఆశ్రయించాలని వారిని కోరింది.ఇదీ చదవండి: మాజీ భర్తను, అతని ప్రియరాల్ని హత్య చేసిన 76 ఏళ్ల మహిళ

న్యూఢిల్లీ: కాక్రోచ్‌ జనతా పార్టీ(సీజేపీ)నేతలు సౌరవ్‌ దాస్, అశుతోష్‌ రాంకాలకు విధించిన జ్యుడీషియల్‌ కస్టడీని కోర్టు మరో రెండు రోజులు పొడిగించింది. మందిర్‌ మార్గ్‌ పోలీస్‌స్టేషన్‌లో కొత్తగా నియమితులైన స్పెషల్‌ ఎగ్జిక్యూటివ్‌ మేజిస్ట్రేట్‌ ఈ మేరకు ఆదేశాలు జారీ చేశారు. ఈ నెల 13వ తేదీన జంతర్‌మంతర్‌ వద్ద ఆంక్షలను ఉల్లంఘించిన ఆరోపణలపై వీరిద్దరినీ కోర్టు ఐదు రోజుల జ్యుడీíÙయల్‌ కస్టడీకి పంపించింది.ఆదివారం వీరి బెయిల్‌ పిటిషన్లపై స్పెషల్‌ ఎగ్జిక్యూటివ్‌ మేజిస్ట్రేట్‌ విచారణ జరిపారు. అయితే, తనకు గుర్తు తెలియని వ్యక్తుల నుంచి బెదిరింపులు వస్తున్నాయని ఫిర్యాదు చేయడంతో పోలీసులు కేసు నమోదు చేశారు. మరింత విచారణ జరపాల్సి ఉన్నందున, వీరి కస్టడీని రెండు రోజులు పొడిగించాలంటూ సోమవారం పోలీసులు మేజిస్ట్రేట్‌ను కోరగా, ఈ మేరకు ఆయన ఆదేశాలు జారీ చేశారు. సౌరవ్, అశుతో‹Ùలను తిరిగి బుధవారం మేజిస్ట్రేట్‌ ఎదుట హాజరుపర్చాల్సి ఉందని అధికారులు తెలిపారు.హత్య కేసులో దోషికి అలా..సీజేపీ నేతలకు ఇలా: దీప్కేఒక హత్య కేసులో దోషిగా ఉన్న బీజేపీ నేతకు ఎన్నికల్లో పోటీ చేసేందుకు వీలుగా అలహాబాద్‌ హైకోర్టు అతడికి విధించిన శిక్షతోపాటు, దోషిగా తేల్చడాన్ని నిలిపివేయాలంటూ స్టే ఇచ్చిందని, ఎలాంటి నేర ఘటనలతో సంబంధం లేని తమ పార్టీ కో కనీ్వనర్లు అశుతోష్‌ రాంకా, సౌరవ్‌ దాస్‌లకు మాత్రం కోర్టు జ్యుడీíÙయల్‌ కస్టడీని మరో రెండు రోజులు పొడిగించిందని సీజేపీ వ్యవస్థాపకుడు అభిజీత్‌ దీప్కే ధ్వజమెత్తారు.అలహాబాద్‌ హైకోర్టు హత్య దోషి శిక్షను నిలిపివేసిందనే వార్తా కథనం హెడ్‌లైన్‌ను, అశుతోష్, సౌరవ్‌ల కస్టడీ పొడిగింపు గురించిన మరో వార్తా కథనం స్క్రీన్‌షాట్‌లను దీప్కే ఎక్స్‌లో షేర్‌ చేశారు. తమ నేతలను నిర్బంధంలోనే ఉంచేందుకుగాను బెయిల్‌ పిటిషన్లపై విచారణను ఉద్దేశపూర్వకంగానే అధికారులు ఆలస్యం చేస్తున్నారని దీప్కే ఆరోపించారు. ఎలాంటి సహేతుక కారణాలు చూపకుండానే ఆదివారం కోర్టు వారి బెయిల్‌ ష్యూరిటీలను తిరస్కరించిందని ఆరోపించారు. ఉన్నత చదువులు చదువుకుని, ఉన్నతోద్యోగాల్లో ఉంటున్న వీరిద్దరూ దేశం కోసమే తమ కెరీర్‌ను త్యాగం చేశారని చెప్పారు.కోర్టులో సర్కస్‌ ఫీట్లు : రత్నా సింగ్‌తన జీవితంలో ఎన్నడూ ఇలాంటి అసంబద్ధ వ్యవహారాలను చూడలేదని సీజేపీ న్యాయ విభాగం హెచ్‌ రత్నా సింగ్‌ వ్యాఖ్యానించారు. స్పెషల్‌ ఎగ్జిక్యూటివ్‌ మేజిస్ట్రేట్‌ కోర్టులో జరుగుతున్న పరిణామాలు సర్కస్‌ను తలపిస్తున్నాయని అభివర్ణించారు. అశుతో‹Ù, సౌరవ్‌లను కస్టడీలోనే ఉంచేందుకు చట్టాన్ని దుర్వినియోగం చేస్తున్నారని, ఆ కోర్టును రద్దు చేయాలని డిమాండ్‌ చేశారు. వారిద్దరి విడుదలకు సమర్పించిన పూచీకత్తులను తిరస్కరించడాన్ని ఆమె ప్రశ్నించారు. వారి విడుదలతో శాంతిభద్రతల ఉల్లంఘనకు ఎలాంటి అవకాశం ఉన్నట్లు నిరూపించలేకపోయారని చెప్పారు.విచారణ సందర్భంగా మేజిస్ట్రేట్‌ ప్రవర్తనను కూడా ఆమె ప్రశ్నించారు. కోర్టు హాల్‌లో ఆ అధికారి ఫోన్‌లో మాట్లాడారని ఆరోపించారు. ఈ విచారణలు వ్యక్తిగత స్వేచ్ఛపై తీవ్రమైన ఆందోళనలను కలిగిస్తున్నాయని పేర్కొన్నారు. ఈ వ్యవస్థ మొత్తం తమను అణచివేసేందుకు చేస్తున్న ప్రయత్నాలు ఏమాత్రం సఫలం కాబోవని ఆమె అన్నారు. ‘దేశ యువత ఇదంతా గమనిస్తోంది. అధికారాన్ని ఎలా దుర్వినియోగిస్తున్నారో వారు చూస్తున్నారు. ప్రశ్నించే గొంతులను నొక్కి వేసేందుకు అధికారులు చట్టాన్ని దుర్వినియోగం చేస్తున్నారు. చివరికి సమాధానం చెప్పక తప్పదు’అని ఆమె అన్నారు.ఇదీ చదవండి: తుది దశలో భారత్‌తో వాణిజ్య ఒప్పందం

న్యూఢిల్లీ: నిరసనలకు అనుమతి లేని జంతర్‌మంతర్‌కు చేరుకునేందుకు ఒక ప్రైవేట్‌ ఇంటి ఆవరణలోకి చొరబడడం, శాంతిని కాపాడాలన్న నిబంధనలను ఉల్లంఘించడం వంటి ఆరోపణలపై కాక్రోచ్‌ జనతా పార్టీ(సీజేపీ) నాయకులు సౌరవ్‌ దాస్, అశుతోష్‌ రాంకాకు కోర్టు ఐదు రోజులపాటు జ్యుడీషియల్‌ కస్టడీ విధించినట్లు పోలీసులు తెలిపారు. మరో నాయకుడు అజింక్య షిండేను రూ.5,000 పూచీకత్తు(ష్యూరిటీ)పై విడుదల చేసినట్లు చెప్పారు. ఆరు నెలల పాటు శాంతియుతంగా, సత్ప్రవర్తనతో నడుచుకోవాలని షరతు విధించినట్లు వెల్లడించారు. బుధవారం ఉదయం నిందితులను ఢిల్లీ స్పెషల్‌ ఎగ్జిక్యూటివ్‌ మేజిస్ట్రేట్‌ ముందు పోలీసులు హాజరుపరిచారు. నిబంధనలను పదేపదే ఉల్లంఘించడాన్ని, బెయిల్‌పై విడుదల చేస్తే మళ్లీ చట్టాన్ని ఉల్లంఘించి ఇతరులను రెచ్చగొడతారన్న పోలీసుల వాదనను స్పెషల్‌ ఎగ్జిక్యూటివ్‌ మేజిస్ట్రేట్‌ పరిగణనలోకి తీసుకున్నారు. సౌరవ్‌ దాస్, రాంకాలకు ఐదు రో జుల జ్యుడీషియల్‌ కస్టడీ విధించారు. పోలీ సులు వీరిని తీహార్‌ జైలుకు తరలించారు.విధులకు ఆటంకం కలిగించారు: పోలీసులుఢిల్లీలో మంగళవారం తెల్లవారుజామున జంతర్‌మంతర్‌ ప్రాంతంలోకి ప్రవేశించి, సీఈసీ జ్ఞానేశ్‌ కుమార్‌కు వ్యతిరేకంగా నినాదాలు చేసినందుకు సీజేపీ నాయకులను పోలీసులు అదుపులోకి తీసుకున్న సంగతి తెలిసిందే. సౌరవ్‌ దాస్, అశుతోష్‌ రాంకా అంతకుముందు శనివారమే అరెస్టయ్యి విడుదలయ్యారు. ఒక సంవత్సరం పాటు శాంతిని కాపాడతామని అంగీకరిస్తూ బాండ్లపై వారు సంతకాలు చేశారని, అయినప్పటికీ శాంతిని భగ్నం చేస్తూ జంతర్‌మంతర్‌లోకి ప్రవేశించారని పోలీసులు తెలిపారు. అందుకే నిబంధనల ప్రకారం మేజిస్ట్రేట్‌ ముందు ప్రవేశపెట్టినట్లు పేర్కొన్నారు. శనివారం జంతర్‌మంతర్‌లో నిరసనల సందర్భంగా మొత్తం 14 మందిని అదుపులోకి తీసుకొని, వేర్వేరు సెక్షన్ల కింద కేసు నమోదు చేసినట్లు తెలియజేశారు. నిందితులకు బెయిల్‌ లభించని బీఎన్‌ఎస్‌ సెక్షన్లు 332, 132, 121(1) కూడా ఇందులో ఉన్నాయి. నిరసనకారులు తమ విధులకు ఆటంకం కలిగించారని పోలీసులు ఒక ప్రకటనలో వెల్లడించారు. ప్రజా శాంతికి భంగం కలిగించడానికి, చట్టాన్ని ఉల్లంఘించడానికి వారు ప్రయత్నించారని స్పష్టంచేశారు. సోషల్‌ మీడియా ద్వారా ఇతరులను చట్టవిరుద్ధమైన కార్యకలాపాలకు ప్రేరేపించేందుకు వారు ప్రయత్నాలు సాగించినట్లు ఆరోపణలు సైతం ఉన్నాయని వెల్లడించారు అరెస్టు హాస్యాస్పదం: కేజ్రీవాల్‌ సొంత దేశంలో జాతీయ జెండాను ఎగురవేయడం నేరమా? అని ఆమ్‌ ఆద్మీ పార్టీ జాతీయ కనీ్వనర్‌ అరవింద్‌ కేజ్రీవాల్‌ ప్రశ్నించారు. సీజేపీ నాయకులను అరెస్టు చేసి, జ్యుడీషియల్‌ కస్టడీకి తరలించడం పూర్తిగా హాస్యాస్పదం అని బుధవారం ‘ఎక్స్‌’లో పేర్కొన్నారు. సీజేపీ నాయకులను అరెస్టు చేయడం సిగ్గుచేటు అని ఆప్‌ ఢిల్లీ విభాగం చీఫ్‌ సౌరభ్‌ భరద్వాజ్‌ విమర్శించారు. నిరసనకారుల డిమాండ్లకు తమ పార్టీ మద్దతు ఇస్తోందని తెలిపారు. అణచివేతను సహించొద్దు: మమత కాక్రోచ్‌ జనతా పార్టీ నేతల అరెస్టును పశి్చమ బెంగాల్‌ మాజీ సీఎం, తృణమూల్‌ కాంగ్రెస్‌ పార్టీ చీఫ్‌ మమతా బెనర్జీ బుధవారం తీవ్రంగా ఖండించారు. తాను ఎప్పటికీ యువతకు అండగా ఉంటానని భరోసా ఇచ్చారు. ప్రజాస్వామ్య హక్కుల కోసం పోరాటం కొనసాగించాలని పిలుపునిచ్చారు. మన ప్రజాస్వామ్యాన్ని కాపాడుకొనేందుకు ఐక్యంగా పోరాడాలని చెప్పారు. మనమంతా దృఢంగా నిలబడాల్సిన సమయం వచ్చిందని పేర్కొన్నారు. ఒక తరం మొత్తాన్ని భయపెట్టి, వారి గొంతు నొక్కే ప్రయత్నం జరుగుతోందని మండిపడ్డారు. అణచివేతను సహించడానికి వీల్లేదన్నారు. మన రాజ్యాంగపరమైన హక్కులను ఎప్పటికీ వదులుకోకూడదని తేల్చిచెప్పారు. దేశంలో అనేక ప్రాంతాల్లో ప్రజాస్వామ్య హత్య జరుగుతోందని మమత ఆందోళన వ్యక్తంచేశారు. ఖండించిన విపక్ష నేతలు సౌరవ్‌ దాస్, అశుతోష్‌ రాంకాను పోలీసులు అరెస్టు చేయడాన్ని పలువురు ప్రతిపక్ష నాయకులు ఖండించారు. పోలీసుల చర్యను సీపీఐ(ఎంఎల్‌) లిబిరేషన్‌ ప్రధాన కార్యదర్శి దీపాంకర్‌ భట్టాచార్య, సీపీఐ ప్రధాన కార్యదర్శి డి.రాజా, ఆర్జేడీ ఎంపీ మనోజ్‌ ఝా, తృణమూల్‌ కాంగ్రెస్‌ పార్టీ ఎంపీ మహువా మొయిత్రా తదితరులు తప్పుపట్టారు. ప్రజాస్వామ్య వ్యవస్థలో నిరసన తెలిపే హక్కు ప్రజలకు లేదా? అని ధ్వజమెత్తారు.

న్యూఢిల్లీ: జంతర్ మంతర్ వద్ద నిరసన తెలిపిన వ్యవహారంలో అరెస్టయిన కాక్రోచ్ జనతా పార్టీ (సీజేపీ) నేతలు సౌరవ్ దాస్, అశుతోష్ రాంకాలను కోర్టు ఐదు రోజుల జ్యుడీషియల్ కస్టడీకి పంపడంతో తీహార్ జైలుకు తరలించారు. భద్రతా కారణాలు, విచారణ నిబంధనల దృష్ట్యా వీరిద్దరినీ ఒకే చోట కాకుండా వేర్వేరు జైళ్లలో ఉంచారు. సౌరవ్ దాస్‌ను జైలు నంబర్ 2లో ఉంచగా, అశుతోష్ రాంకాను తీహార్‌లోని జైలు నంబర్ 4లో ఉంచారు.ఇటీవల నిరసన ప్రదేశాల జాబితా నుంచి తొలగించిన జంతర్ మంతర్ పరిసరాల్లో చట్టవిరుద్ధంగా వ్యవహరించారనే ఆరోపణలతో వీరిని పోలీసులు అదుపులోకి తీసుకున్నారు. గతంలో ఇచ్చిన హామీలను అతిక్రమించి శాంతిభద్రతలకు విఘాతం కలిగించేలా వ్యవహరించారని, రిపీట్ అఫెండర్లుగా భావిస్తూ వీరిపై బీన్‌ఎస్‌ఎస్‌ సెక్షన్ల కింద చర్యలు చేపట్టి జైలుకు పంపారు. ఇదే వ్యవహారంలో మరో సభ్యుడు అజింక్యా షిండేకు షరతులతో కూడిన బెయిల్ లభించగా, ఈ ఇద్దరు కీలక నేతలు మాత్రం తీహార్ జైలు పాలయ్యారు.ప్రస్తుతం తీహార్ జైలులో రిమాండ్ ఖైదీలుగా ఉన్న సౌరవ్ దాస్, అశుతోష్ రాంకాలను వెంటనే విడుదల చేయాలని కోరుతూ వారి తరఫు న్యాయవాదులు పాటియాలా హౌస్ కోర్టులో రెగ్యులర్ బెయిల్ పిటిషన్ దాఖలు చేశారు. వీరి నిర్బంధం, జైలుకు తరలించిన విధానంపై రాజకీయ వర్గాల్లోనూ తీవ్ర చర్చ మొదలైంది. వీరి బెయిల్ పిటిషన్‌పై కోర్టు నిర్ణయం వెలువడే వరకు ఇద్దరూ తీహార్‌లోని నిర్దేశిత జైలు గదుల్లోనే న్యాయపరమైన కస్టడీలో ఉండనున్నారు.ఇదీ చదవండి: పాత పేపర్లతో కలకత్తా ​కాళి.. తెగ ఆశ్చర్యపోతున్న భక్తులు!

సాక్షి, న్యూఢిల్లీ: జంతర్ మంతర్ వద్ద శాంతియుత నిరసన చేపట్టేందుకు తేదీని కోరుతూ 'కాక్రోచ్ జనతా పార్టీ' (CJP) నేతలు అశుతోష్ రంకా, సౌరవ్ దాస్ సోమవారం ఢిల్లీలోని పార్లమెంట్ స్ట్రీట్ పోలీస్ స్టేషన్‌కు వెళ్లారు. పోలీస్ స్టేషన్ బయట విలేకరులతో మాట్లాడుతూ.. తాము పోలీసులకు 24 గంటల సమయం ఇస్తున్నామని, ఒకవేళ వారు స్పందించకపోతే మరో నిరసన కార్యక్రమానికి పిలుపునిస్తామని సీజేపీ నేతలు తెలిపారు."జంతర్ మంతర్ వద్ద నిరసన తెలిపేందుకు మేము ఢిల్లీ పోలీసులను తేదీని కోరుతున్నాము. పోలీసులు మాకు తేదీని కేటాయిస్తారని ఆశిస్తున్నాము. ఒకవేళ వారు అలా చేయకపోతే 24 గంటల్లోపు మేము మరో నిర్ణయం తీసుకుంటాము," అని రంకా అన్నారు."ఈ ప్రాంతంలో భద్రతను కట్టుదిట్టం చేశారు. భద్రతా ఆంక్షలు, నిషేధాజ్ఞలను పాటించాలని, శాంతిని కాపాడాలని, అనధికారిక గుంపులుగా చేరవద్దని కోరుతూ పోలీస్ స్టేషన్ బయట ప్రజలకు ప్రకటన చేశారు. రాజధానిలో విధించిన భద్రతా ఆంక్షలను కూడా రంకా విమర్శించారు. పండుగలు సమీపిస్తున్న తరుణంలో ఈ ఏర్పాట్లు స్థానిక నివాసితులు, వ్యాపారాలపై ప్రభావం చూపుతున్నాయని" ఆయన అన్నారు."ప్రజలు ఇబ్బందులు పడుతున్నారు, వ్యాపారాలు మూతపడ్డాయి... పండుగలు కూడా వస్తున్నాయి. నిరసన తెలిపేందుకు మాకు ఒక నిర్దిష్ట స్థలాన్ని ఢిల్లీ పోలీసులు ఎందుకు కేటాయించరు?" అని రంకా ప్రశ్నించారు.శాంతియుత నిరసన అనేది రాజ్యాంగబద్ధమైన హక్కు అని CJP నేత సౌరవ్ దాస్ పేర్కొన్నారు. నిరసన ప్రదర్శన కోసం తేదీ, సమయాన్ని ఖరారు చేయాలని పోలీసులను కోరారు."శాంతియుత నిరసన అనేది ఒక హక్కు, అది రాజ్యాంగబద్ధమైన హక్కు. ప్రజలు ఇప్పటికే ఆ హక్కును వినియోగించుకుంటున్నారు. ప్రజలు శాంతియుతంగా నిరసన తెలుపుతారు. తాము అనుమతి కోసం 10 రోజుల ముందే సంప్రదించాలని పోలీసులు ఎప్పుడూ ఫిర్యాదు చేస్తుంటారు. ఇప్పుడు ఆ నిర్ణయాన్ని వారికే వదిలేస్తున్నాం. తేదీ, సమయాన్ని వారే చెప్పాలని కోరుతున్నాం. అయితే ఈ విషయాన్ని వారు పెండింగ్‌లో ఉంచేలా మేము అనుమతించము. వారికి 24 గంటల గడువు ఇస్తున్నాము. చూద్దాం ఏం జరుగుతుందో," అని దాస్ అన్నారు. అయితే సోమవారం జంతర్ మంతర్‌ను నిరసన ప్రదర్శనల కోసం కేటాయించిన ప్రదేశం జాబితా నుండి తొలగించారు. పౌరులు నిరసనలు నిర్వహించుకోవడానికి వీలుగా ఢిల్లీ పోలీసులు మూడు కొత్త ప్రదేశాలను ప్రకటించారు. అక్టోబర్ 11న జారీ చేసిన ఒక ఉత్తర్వులో ఢిల్లీ పోలీస్ కమిషనర్ అనురాగ్ కుమార్ తూర్పు ఢిల్లీలోని రామ్‌లీలా గ్రౌండ్, బురారీ గ్రౌండ్, సీబీడీ గ్రౌండ్‌లను నిరసనలు, ప్రదర్శనల కోసం కొత్త వేదికలుగా నిర్దేశించారు.ఇదీ చదవండి: ఇది శివ తాండవం.. ప్లానింగ్ అవసరం లేదు : రాహుల్‌ గాంధీ

న్యూఢిల్లీ: ఢిల్లీలోని జంతర్‌ మంతర్‌ వద్ద ధర్నాలు, ఆందోళనలు నిర్వహించడానికి వీల్లేకుండా కేంద్ర హోం మంత్రిత్వ శాఖ ఆ ప్రదేశాన్ని నిరసన వేదికల జాబితా నుంచి తొలగించిన విషయం తెలిసిందే. దీనిపై కాక్రోచ్ జనతా పార్టీ (సీజేపీ) మండిపడింది. జంతర్ మంతర్‌ను నిరసనల వేదిక జాబితా నుంచి తొలగించడంపై ఆగ్రహం వ్యక్తం చేసింది.సీజేపీ సహ కన్వీనర్ సౌరవ్ దాస్ ఎక్స్‌లో స్పందిస్తూ... ‘కేంద్ర ప్రభుత్వ నిర్ణయం ఆమోదయోగ్యం కాదని, ఏకపక్షంగా తీసుకున్న ఈ నిర్ణయాన్ని తాము అంగీకరించబోమని స్పష్టం చేశారు. “ఆమోదయోగ్యం కాదు.. జంతర్ మంతర్‌ను చూసి నరేంద్ర మోదీ ఎందుకు భయపడుతున్నారు?” అని ఆయన ప్రశ్నించారు.జంతర్ మంతర్ భారత ప్రజలకు చెందినదని పేర్కొన్న దాస్.. ఈ నిర్ణయం తీసుకునే ముందు కేంద్ర హోం మంత్రిత్వ శాఖ ప్రజలను సంప్రదించిందా అని నిలదీశారు. సంబంధిత వర్గాలు, సంస్థల అభిప్రాయాలను తీసుకున్నారా అని ప్రశ్నించారు. ప్రభుత్వ నిర్ణయంపై విమర్శలు గుప్పిస్తూ, ప్రజలకు చెందిన జంతర్ మంతర్‌ను నిరసనల వేదికగా తొలగిస్తున్నట్లుగానే, త్వరలో ప్రధానమంత్రి భారతదేశాన్ని ప్రజాస్వామ్య దేశంగా కూడా లేకుండా చేసే పరిస్థితి వస్తుందని వ్యాఖ్యానించారు. ఈ చర్య ఆ దిశగా వేసిన అడుగుగా అభివర్ణించారు.నిరసన తెలిపే హక్కుపై దాడిప్రభుత్వ నిర్ణయం ఏకపక్షమని, దీనిని తాము అంగీకరించబోమని సౌరవ్ దాస్ స్పష్టం చేశారు. నిరసన తెలిపే ప్రాథమిక హక్కుతో పాటు శాంతియుతంగా సమావేశమయ్యే హక్కుపై ఇది దాడి అని ఆరోపించారు. ప్రస్తుతం దేశమంతా జంతర్ మంతర్‌గా మారుతోందని వ్యాఖ్యానించారు. సీజేపీ కన‍్వీనర్‌ దీప్కే కూడా ఇదే అభిప్రాయాన్ని వ్యక్తం చేశారు.ఢిల్లీ పోలీస్ కమిషనర్ అనురాగ్ కుమార్ అక్టోబర్ 11న జారీ చేసిన ఉత్తర్వుల ప్రకారం.. నిరసనలు, ఆందోళనల కోసం రామ్‌లీలా మైదాన్, బురారీ మైదాన్, తూర్పు ఢిల్లీలోని సీబీడీ మైదాన్‌ను కొత్త వేదికలుగా గుర్తించారు. జంతర్ మంతర్ వద్ద నిరసనలు నిర్వహించేందుకు పిలుపులు రావడంతో దేశ రాజధానిలో భద్రతా ఏర్పాట్లను మరింత కట్టుదిట్టం చేసిన నేపథ్యంలో ఈ నిర్ణయం తీసుకున్నారు. జంతర్ మంతర్‌ను నిరసనల వేదికగా తొలగించడంపై సీజేపీ అభ్యంతరాలు వ్యక్తం చేయడంతో, ఈ అంశంపై ప్రభుత్వ స్పందన ఎలా ఉంటుందో, నిరసనల నిర్వహణపై తదుపరి ఎలాంటి పరిణామాలు చోటుచేసుకుంటాయో చూడాలి.ఇదీ చదవండి: ఆర్థిక శాస్త్రంలో ఈ ఏడాది ఇద్దరికి నోబెల్

సాక్షి, న్యూఢిల్లీ: ప్రధాన ఎన్నికల కమిషనర్ జ్ఞానేశ్ కుమార్‌ను కాపాడేందుకే కేంద్ర ప్రభుత్వం నిరసనకారులపై అణచివేతకు పాల్పడుతోందని కాక్రోచ్ జనతా పార్టీ (సీజేపీ) నేత సౌరవ్ దాస్ ఆరోపించారు. ఢిల్లీ పోలీసులు తమకు నిర్బంధ నోటీసు ఇవ్వకుండా, ఫోన్లు స్వాధీనం చేసుకున్నారని, న్యాయవాదిని సంప్రదించేందుకు కూడా అనుమతించలేదని ఆయన పేర్కొన్నారు."జెన్‌జీ ఉద్యమాన్ని కవర్ చేస్తున్న స్వతంత్ర జర్నలిస్టులపై వేధింపులు జరుగుతున్నాయి. నిరసనకారులను అదుపులోకి తీసుకునేందుకు పోలీసులు బంగ్లా సాహిబ్ గురుద్వారాలోకి బలవంతంగా ప్రవేశించారు. యువత శాంతియుతంగా నిరసనలు చేపట్టాలని పిలుపునిచ్చిన సౌరవ్ దాస్.. 2024 ఎన్నికలకు సంబంధించి జ్ఞానేశ్ కుమార్ వద్ద ఏదైనా కీలక సమాచారం ఉందా? అందుకే ప్రభుత్వం ఆయనను కాపాడుతోందా?" అని ప్రశ్నించారు."ఎమర్జెన్సీలో కూడా ఇలా ప్రవర్తించలేదు. శాంతియుతంగా నిరసన చేస్తున్న యువతను అరెస్టు చేశారు. జ్ఞానేశ్ కుమార్ రాజీనామా చేసే వరకు మా పోరాటం ఆగదు. శాంతియుతంగా నిరసన చేస్తున్న మాపై దాష్టీకంగా ప్రవర్తించారు. వేలాదిమంది యువతపై దాడులు చేశారు. ఎమర్జెన్సీ సమయంలో కూడా రైళ్లు నిలిపివేయలేదు. ఆందోళనకారులపై కేంద్ర ప్రభుత్వం నిరంకువంగా ప్రవర్తిస్తోంది. గతంలో ఎమర్జెన్సీ గురించి మాత్రమే విన్నాం.. కానీ ఇప్పుడు మోదీ పాలనలో ప్రత్యక్షంగా చూస్తున్నాం. శాంతియుతంగా నిరసన చేసే హక్కు పౌరులకు లేదా..?" అంటూ సీజేపీ ప్రతినిధి సౌరభ్‌ దాస్‌ మోదీ ప్రభుత్వాన్ని ప్రశ్నించారు.ఇదీ చదవండి: జ్ఞానేశ్‌ కుమార్‌ను తొలగించే వరకు వెనక్కి తగ్గేది లేదు: సీజేపీ

న్యూఢిల్లీ: ఢిల్లీలో కాక్రోచ్ జనతా పార్టీ (సీజేపీ) నేడు (శనివారం) ప్రతిపాదించిన నిరసన ప్రదర్శనకు ముందు ఆ పార్టీ సహ సమన్వయకర్త సౌరవ్ దాస్ సంచలన ఆరోపణలు చేశారు. ఢిల్లీ పోలీసులు తన ఫోన్ నంబర్‌ను బహిర్గతం చేశారని, దీంతో వరుసగా ఫోన్ కాల్స్, వాట్సాప్ సందేశాలు వస్తున్నాయని పేర్కొన్నారు. కేవలం గంట వ్యవధిలోనే 300కు పైగా ఫోన్ కాల్స్ వచ్చాయని శుక్రవారం అర్ధరాత్రి సామాజిక మాధ్యమం వేదికగా వెల్లడించారు. తన ఫోన్ నంబర్‌ను ఎవరు, ఏ ఉద్దేశంతో బహిర్గతం చేశారన్నది నిర్ధారణ కాలేదన్నారు.పోలీసుల పత్రాల్లో నంబర్ బయటపడిందని..ఢిల్లీ పోలీసులు విడుదల చేసిన పత్రాల్లో తన ఫోన్ నంబర్ కనిపించిందని సౌరవ్ దాస్ ఆరోపించారు. గతంలో నిర్వహించిన నిరసనకు సంబంధించిన హామీ పత్రాలు, తాజాగా ప్రదర్శనకు అనుమతి నిరాకరిస్తూ పోలీసులు పంపిన లేఖలో ఈ వివరాలు ఉన్నట్లు పేర్కొన్నారు. ఆ పత్రాలు బహిరంగంగా ప్రచారంలోకి రావడంతో తన వ్యక్తిగత ఫోన్ నంబర్ ఇతరులకు చేరిందని ఆయన అభిప్రాయపడ్డారు.గంటలో 300కు పైగా కాల్స్.. ఫోన్ నంబర్ బయటపడిన తర్వాత తనకు పెద్ద సంఖ్యలో కాల్స్, వాట్సాప్ సందేశాలు వస్తున్నాయని దాస్ తెలిపారు. గంటలోనే 300కు పైగా ఫోన్ కాల్స్ వచ్చాయని పేర్కొన్నారు. తన ఫోన్ నంబర్‌ను తొలగించకుండానే సంబంధిత పత్రాలను సామాజిక మాధ్యమాల్లో పంచుకున్న మీడియా సంస్థల తీరుపైనా సౌరవ్ దాస్ విమర్శలు గుప్పించారు. అవి ఏదో అత్యంత రహస్యమైన పత్రాలు తమ చేతికి చిక్కినట్లుగా ప్రచారం చేశాయని వ్యాఖ్యానించారు. అయితే, ఈ వ్యవహారంలో ఏ మీడియా సంస్థల పాత్ర ఎంత ఉందన్నదిస్పష్టంగా తెలియడం లేదు.జంతర్ మంతర్ వద్ద సీజేపీ నిరసనకు పిలుపుప్రధాన ఎన్నికల కమిషనర్ జ్ఞానేశ్ కుమార్‌పై చర్యలు తీసుకోవాలని, ఆయన పదవికి రాజీనామా చేయాలని డిమాండ్ చేస్తూ సీజేపీ అక్టోబర్ 10న ఢిల్లీలోని జంతర్ మంతర్ వద్ద నిరసనకు పిలుపునిచ్చింది. ఓటర్ల జాబితాల ప్రత్యేక సమగ్ర సవరణ (ఎస్‌ఐఆర్‌) ప్రక్రియపైనా ఆ సంస్థ ప్రశ్నలు లేవనెత్తింది. ఈ నేపథ్యంలోనే సౌరవ్ దాస్ ఫోన్ నంబర్ బహిర్గతమైందన్న ఆరోపణలు తెరపైకి వచ్చాయి. కాగా ప్రతిపాదిత నిరసనకు అనుమతి ఇవ్వడానికి ఢిల్లీ పోలీసులు నిరాకరించారు. నిరసన నిర్వహణకు చాలా తక్కువ సమయం ఉందనగా సమాచారం ఇచ్చారని పోలీసులు పేర్కొన్నారు. గత నిరసన సందర్భంగా నిబంధనలు, ఆదేశాలు ఉల్లంఘించినట్లు ఆరోపణలు రావడంతోపాటు శాంతిభద్రతలు, ట్రాఫిక్ నిర్వహణకు సంబంధించిన సమస్యలను కూడా కారణాలుగా చూపించారు. As part of what appears to be a coordinated campaign, my phone number has been leaked, and I have been bombarded with relentless phone calls (300+ and counting) and WhatsApp messages over the past hour alone. The number was leaked by the Delhi Police while circulating the undertaking form from our previous protest and its latest letter rejecting permission. Special thanks to the ever-compliant media organisations, specifically an infamous agency I’m told, that couldn’t be bothered to redact my number before breathlessly circulating these documents on social media, as though they laid their hands on the Pentagon Papers! 😂— Saurav Das (@SauravDassss) October 9, 2026

లక్నో: ఉత్తరప్రదేశ్‌లోని నోయిడాలో పాఠశాలల పరిస్థితులను పరిశీలించేందుకు కాక్రోచ్ జనతా పార్టీకి చెందిన సౌరభ్ దాస్ నేతృత్వంలో ‘స్కూల్ ఠీక్ కరో’ కార్యక్రమం ప్రారంభమైంది. పాఠశాలల్లో పిల్లలు ఎలాంటి పరిస్థితుల్లో చదువుతున్నారో పరిశీలించి, వాటిని నమోదు చేయనున్నట్లు దాస్ తెలిపారు.మంగళవారం నోయిడాకు వచ్చిన దాస్ మాట్లాడుతూ.. నగరంలోని కొన్ని పాఠశాలలను బృందం పరిశీలించనుందని చెప్పారు. ఉత్తరప్రదేశ్‌లో నోయిడాను మెరుగైన జిల్లాల్లో ఒకటిగా పరిగణిస్తారని, అక్కడి పాఠశాలల పరిస్థితి కూడా అందుకు తగ్గట్టుగానే ఉందో లేదో తమ పరిశీలనలో తేలుతుందని అన్నారు. “ఈరోజు మేం నోయిడాకు వచ్చాం. ‘స్కూల్ ఠీక్ కరో’ కార్యక్రమంలో భాగంగా కొన్ని పాఠశాలలను తనిఖీ చేయబోతున్నాం. పిల్లలు చదువుతున్న పరిస్థితులను చూస్తాం. పరిస్థితి ఏదైనా ఉంటే దాన్ని మీకు చూపిస్తాం” అని ఆయన పేర్కొన్నారు.రాష్ట్రంలోని యువత వారి వారి ప్రాంతాల్లోని పాఠశాలలను కూడా పరిశీలించాలని దాస్ కోరారు. పాఠశాలల్లో మౌలిక వసతులు ఎలా ఉన్నాయి, పిల్లలకు ఎలాంటి విద్య అందుతోంది? అన్న విషయాలను స్వయంగా పరిశీలించి నమోదు చేయాలని పిలుపునిచ్చారు.సీజేపీ ‘స్కూల్ ఠీక్ కరో’ కార్యక్రమాన్ని ఆగస్టులో దేశవ్యాప్తంగా సామాజిక తనిఖీ కార్యక్రమంగా ప్రారంభించింది. ప్రభుత్వ పాఠశాలల్లో మౌలిక వసతులు, ప్రాథమిక సదుపాయాలను పరిశీలించడమే దీని ఉద్దేశమని పార్టీ తెలిపింది. మహారాష్ట్రలోని హింగోలి జిల్లా సంతుక్ పింప్రీ గ్రామంలోని ప్రభుత్వ పాఠశాలలో తొలి తనిఖీ జరిగింది. అక్కడ తాగునీరు, బెంచీలు, మరుగుదొడ్ల పరిశుభ్రత, పగిలిన కిటికీలు, నీటి సరఫరా వంటి సమస్యలను సీజేపీ వ్యవస్థాపకుడు అభిజీత్ దీప్కే ప్రస్తావించారు.తదుపరి తనిఖీల్లో తరగతి గదులు, తాగునీరు, మరుగుదొడ్లు, బెంచీలు, మధ్యాహ్న భోజనం తయారీకి ఉపయోగించే సామగ్రి వంటి అంశాలను కూడా పరిశీలిస్తున్నారు. నోయిడా తనిఖీల ఫలితాలు, ఇతర ప్రాంతాల్లో యువత చేపట్టే పరిశీలనలు ఈ కార్యక్రమానికి తదుపరి దిశను నిర్ణయించనున్నాయి.This is a primary school in Noida, a city supposed to be one of the most prosperous in entire UP.Sincere appeal to our UP politicians—stop the Hindu-Muslim politics. FIX OUR GOVT SCHOOLS!@Cockroachisback pic.twitter.com/f4vBwr5aqC— Saurav Das (@SauravDassss) September 15, 2026🚨After just ONE school inspection, UP government ordered all government schools in Gautam Buddha Nagar to be CLOSED today. Watch this video.As you can see, classes were going on. Children were inside. Teachers were very kind with us. However, the Noida administration called… pic.twitter.com/gsXc3OO7M5— Saurav Das (@SauravDassss) September 15, 2026

న్యూఢిల్లీ: తన అనుమతి లేకుండా నివాస చిరునామా, ఇతర వ్యక్తిగత వివరాలను సామాజిక మాధ్యమాల్లో పోస్ట్‌ చేశారని ఆరోపిస్తూ కాక్రోచ్ జనతా పార్టీ (సీజేపీ) నేత సౌరవ్ దాస్ ఢిల్లీ హైకోర్టులో వ్యాజ్యం దాఖలు చేశారు. దీంతో యాంకర్‌ అభిజిత్ అయ్యర్-మిత్రతో పాటు పలు మీడియా ప్లాట్‌ఫాంలకు ఢిల్లీ హైకోర్టు సోమవారం సమన్లు జారీ చేసింది.వ్యక్తిగత సమాచారం బయటపెట్టారన్న ఆరోపణలపై మధ్యంతర రక్షణ కోరుతూ దాస్ దాఖలు చేసిన పిటిషన్ విచారణ సందర్భంగా ఈ పరిణామం చోటుచేసుకుంది. దాస్ నివాస చిరునామా ఉన్న పోస్టులను ఎక్స్ తొలగించినట్లు కోర్టుకు తెలియజేశారు. న్యాయమూర్తి సచిన్ దత్తా నోటీసులు జారీ చేసి, ప్రతివాదులు తమ సమాధానాలు దాఖలు చేయాలని ఆదేశించారు. ఈ వ్యవహారంపై తదుపరి విచారణ సెప్టెంబర్ 14న జరగనుంది.దాస్ తరఫున సీనియర్ న్యాయవాది అఖిల్ సిబల్ వాదిస్తూ.. ‘ది పాంఫ్లెట్’కు చెందిన సిబ్బంది అనుమతి లేకుండా తన క్లయింట్ నివాస ప్రాంగణంలోకి ప్రవేశించి ఒక వీడియో చిత్రీకరించారని తెలిపారు. అయ్యర్-మిత్ర ఆ వీడియోకు మరిన్ని దృశ్యాలను జత చేసి సామాజిక మాధ్యమాల్లో పంచుకున్నారని సిబల్ ఆరోపించారు. ఎక్స్‌లోని కొన్ని పోస్టుల్లో దాస్ నివాస చిరునామాను ప్రత్యేకంగా పేర్కొన్నారని కూడా ఆయన తెలిపారు.ఎక్స్‌లో ఇంకా ఉన్నాయా? తన క్లయింట్‌కు రక్షణ కల్పించాలని కోరుతూ, ఎక్స్ తన విధానం ప్రకారం ఇప్పటికే తొలగించిన పోస్టులను తిరిగి అందుబాటులోకి తీసుకురాకుండా చూడాలని సిబల్ కోర్టును కోరారు. ఎక్స్ తరఫున హాజరైన న్యాయవాది, సంబంధిత లింకులు "ఇకపై అందుబాటులో లేవు" అని కోర్టుకు తెలిపారు. ఈ వాదనను కోర్టు నమోదు చేసింది.‘ది పాంఫ్లెట్’ తరఫు న్యాయవాది కూడా పోస్టులు ఎక్స్‌లో ఇక అందుబాటులో లేవని తెలిపారు. ఆరోపణలపై పూర్తి వివరాలతో సమాధానం ఇవ్వడానికి సమయం కోరారు. 3 రోజుల్లో ప్రతివాదుల వివరాల పత్రం, వ్యాజ్య పత్రాన్ని సవరించుకునేందుకు అనుమతించింది.అయ్యర్-మిత్ర, ‘ది పాంఫ్లెట్’తో పాటు లాబీట్, ‘ది జైపూర్ డైలాగ్స్’, ‘ది సండే గార్డియన్’, గూగుల్ ఎల్‌ఎల్‌సీ, ఎక్స్ కార్ప్‌లను ఈ వ్యాజ్యంలో ప్రతివాదులుగా పేర్కొన్నారు. తన గోప్యత, గౌరవం, భద్రతకు భంగం కలిగిందని ఆరోపిస్తూ, ప్రతివాదులపై శాశ్వత, తప్పనిసరి నిషేధాజ్ఞలతో పాటు నష్టపరిహారం చెల్లించాలని దాస్ కోరారు.తన అనుమతి లేకుండా తన నివాస చిరునామా, ఇతర వ్యక్తిగత వివరాలను నమోదు చేసి ప్రచారం చేశారని దాస్ తన పిటిషన్‌లో ఆరోపించారు. తన కచ్చితమైన చిరునామా బయటపడటం వల్ల తనకు, తన నివాసంలో ఉండే ఇతరులకు భద్రతాపరమైన ముప్పు ఏర్పడే అవకాశం ఉందని ఆయన పేర్కొన్నారు.తాను నివసించే నివాస ప్రాంగణంలోకి ‘ది పాంఫ్లెట్’ ప్రతినిధులు ప్రవేశించి, ఇంటి లోపలి భాగాలతో సహా ఆస్తికి సంబంధించిన దృశ్యాలను చిత్రీకరించారని దాస్ ఆరోపించారు. ఆ దృశ్యాలను తర్వాత ఎక్స్‌లో పోస్టు చేశారని తెలిపారు.

న్యూఢిల్లీ: దేశంలోని జెన్‌ జీకి చేరువయ్యేందుకు బీజేపీ మొదలు పెట్టిన కార్యక్రమం, అందుకోసం ఎంపిక చేసిన నేతలపై కాక్రోచ్‌ జనతా పార్టీ (సీజేపీ) ఆదివారం విమర్శలు చేసింది. “అద్భుతమైన జెన్‌ జెడ్‌ ముఖాలను ఎంపిక చేసిన బీజేపీకి మూడు చప్పట్లు” అంటూ ఎక్స్‌లో కాక్రోచ్‌ జనతా పార్టీ ప్రధాన అధికార ప్రతినిధి సౌరవ్‌ దాస్‌ సెటైర్లు వేశారు. దేశ యువతను గతంలో “వైరస్‌, కాక్‌రోచ్‌” అని, వారిని “టుక్డే టుక్డే గ్యాంగ్‌”తో పోల్చిన బీజేపీ జాతీయ అధ్యక్షుడు నితిన్‌ నబిన్‌ వ్యాఖ్యలను ఆయన ప్రస్తావించారు.“జెన్‌ జీను ‘చేరువ చేసుకునేందుకు’ బీజేపీ అద్భుతమైన నిర్ణయం తీసుకుంది. నితిన్‌ నబిన్‌ ఇటీవల యువతరాన్ని ‘వైరస్‌, కాక్రోచ్‌’ అని, నిరసనకారులను ‘టుక్డే టుక్డే గ్యాంగ్‌’లో భాగమని అన్నారు” అని దాస్‌ పేర్కొన్నారు. దేశవ్యాప్తంగా యువతతో సంబంధాలను బలోపేతం చేసేందుకు బీజేపీ కొత్తకార్యక్రమాన్ని నిర్వహించేందుకు ప్రత్యేక బృందాన్ని శనివారం ఏర్పాటు చేయడంతో దాస్‌ ఈ వ్యాఖ్యలు చేశారు.“బీజేపీ జాతీయ అధ్యక్షుడు నితిన్‌ నబిన్‌, జాతీయ ప్రధాన కార్యదర్శులు స్మృతి ఇరానీ, వినోద్‌ తావ్డే, గుజరాత్‌ మంత్రి హర్ష్‌ సంఘవి, ఛత్తీస్‌గఢ్‌ మంత్రి ఓపీ చౌదరి సహా పలువురు నేతలను ఈ కార్యక్రమం కోసం ఏర్పాటు చేసిన బృందంలో చేర్చారు” అని ఏఎన్‌ఐ తెలిపింది.స్మృతి ఇరానీపై కూడా దాస్‌ విమర్శలు చేశారు. ఆమెను రెండేళ్లలోనే విద్యా మంత్రిత్వ శాఖ నుంచి ఎందుకు తప్పించారో “గూగుల్‌లో వెతకాలని” అన్నారు. “యేల్‌ యూనివర్సిటీ”గా ఆయన పేర్కొన్న సంస్థ నుంచి ఆమె పొందిన డిగ్రీపైనా ప్రశ్నలు లేవనెత్తారు.“ఇక స్మృతి ఇరానీ... సరే సరే... 2016లో రెండేళ్లలోనే ఆమెను విద్యా మంత్రిత్వ శాఖ నుంచి ఎందుకు తప్పించారో గూగుల్‌లో వెతకండి. రోహిత్‌ వేముల ఆత్మహత్య కేసును ఆమె నిర్వహించిన తీరు, ప్రభుత్వ విశ్వవిద్యాలయాలను నిర్వీర్యం చేయడం, ‘యేల్‌ యూనివర్సిటీ’ నుంచి ఆమె పొందిన డిగ్రీపై ఉన్న సందేహాలు.. ఇవన్నీ యువతకు ఉపన్యాసాలు ఇచ్చే గొప్ప నైతిక అధికారం ఆమెకు కల్పిస్తున్నాయి” అని దాస్‌ చురకలంటించారు.బీజేపీ జెన్‌ జీ కార్యక్రమంశనివారం నబిన్‌ కొత్తగా ఏర్పాటు చేసిన బీజేపీ జాతీయ బృందం తొలి పరిచయ సమావేశానికి అధ్యక్షత వహించారు. పార్టీ కార్యాలయ బాధ్యతలు చేపట్టిన కొత్త టీమ్‌ పనికి ఈ సమావేశంతో అధికారికంగా శ్రీకారం చుట్టారు. దేశవ్యాప్తంగా యువ ఓటర్లతో మరింత ప్రత్యక్షంగా, నిరంతరంగా సంబంధాలు పెంచుకునే ప్రయత్నాల్లో భాగంగా బీజేపీ త్వరలో జెన్‌ జీ చేరువ కార్యక్రమాన్ని ప్రారంభించనున‍్నారుజెన్‌ జీ ఆకాంక్షలు, ఆందోళనలు, అంచనాలను అర్థం చేసుకోవడంపై ఈ కార్యక్రమం దృష్టి పెట్టే అవకాశం ఉంది. యువతకు బీజేపీ నేతలతో నేరుగా మాట్లాడే అవకాశం కల్పించడంతో పాటు, తమను ప్రభావితం చేసే అంశాలపై అభిప్రాయాలను వెల్లడించే అవకాశం ఇవ్వనున్నారు. చర్చలు, పరస్పర సమావేశాలు, ఇతర కార్యక్రమాల ద్వారా యువ ఓటర్లతో సంబంధాలను బలోపేతం చేసి, యువ తరంలో పార్టీ చేరువను విస్తరించడమే లక్ష్యంగా బీజేపీ భావిస్తోంది. సమావేశంలో కొత్తగా నియమితులైన పార్టీ బాధ్యులు “యువ సంవాద్‌”కు, అంటే యువతతో నిరంతర సంభాషణకు ప్రాధాన్యం ఇవ్వాలని నబిన్‌ సూచించారు.ఇదీ చదవండి: ప్రపంచం ముందు భారత్‌ తలెత్తుకు నిలబడేలా.. 4 నెలల్లో..

పుదుచ్చేరిలో రాజకీయ వాతావరణం ఒక్కసారిగా వేడెక్కింది. కాక్రోచ్‌ జనతా పార్టీ(CJP) అధికార ప్రతినిధి సౌరవ్ దాస్ కుటుంబ సభ్యుల ఇంటికి పోలీసులు వెళ్లడం వివాదానికి దారితీసింది. పోలీసులు తమ కుటుంబాన్ని ప్రశ్నల పేరుతో భయబ్రాంతులకు గురిచేశారని దాస్ ఆరోపించగా.. పోలీసు శాఖ మాత్రం ఆ ఆరోపణలను ఖండించింది. స్వాతంత్ర్య దినోత్సవం నేపథ్యంలో చేపట్టే సాధారణ భద్రతా చర్యల్లో భాగంగానే ఇంటికి వెళ్లామని స్పష్టం చేసింది.పోలీసులు తమ కుటుంబం వద్దకు వచ్చి రకరకాల ప్రశ్నలు అడిగారని దాస్ సోషల్ మీడియా వేదికగా ఆరోపించారు. ఇది కేవలం సాధారణ విచారణ కాదని, తనను మౌనం చేయించేందుకు కుటుంబాన్ని లక్ష్యంగా చేసుకున్న చర్యగా ఆయన అభివర్ణించారు. పుదుచ్చేరిలో బీజేపీ ప్రభుత్వం తన కుటుంబాన్ని ఎందుకు భయపెడుతోందని దాస్ ప్రశ్నించారు. ఈ చర్య వెనుక కేంద్ర ప్రభుత్వ ఆదేశాలు ఉన్నాయా? అసలు ఇలాంటి విచారణకు చట్టపరమైన ఆధారం ఏమిటని నిలదీశారు. తనను బెదిరించి మౌనం చేయించాలని చూస్తే అది సాధ్యం కాదని, ఇలాంటి చర్యలు తమ పోరాట సంకల్పాన్ని మరింత బలపరుస్తాయని అన్నారు.అంతేకాదు, రెండు రోజుల క్రితం కేంద్ర హోంమంత్రి అమిత్ షా పుదుచ్చేరికి వచ్చి అక్కడి హోంమంత్రి, లెఫ్టినెంట్ గవర్నర్‌తో సమావేశమైన విషయాన్ని కూడా దాస్ ప్రస్తావించారు. ఆ సమావేశంలోనే తన కుటుంబాన్ని సందర్శించే నిర్ణయం తీసుకున్నారా అంటూ ప్రశ్నించారు. అయితే, పోలీసుల వాదన పూర్తిగా భిన్నంగా ఉంది. దాస్ బంధువుల ఇంటికి పోలీసులు వెళ్లిన విషయం నిజమేనని సీనియర్ పోలీసు అధికారి తెలిపారు. కానీ ఇందులో ఎలాంటి వేధింపులు, బెదిరింపులు లేవని స్పష్టం చేశారు. స్వాతంత్ర్య దినోత్సవం వంటి ముఖ్యమైన రోజులకు ముందు భద్రతా చర్యల్లో భాగంగా కీలక మార్గాల సమీపంలో నివసించే ప్రజల ఇళ్లను పోలీసులు సందర్శించడం సాధారణమేనని చెప్పారు.#Alert🚨Two hours ago, the Pondicherry Police showed up at my family’s home and subjected them to all kinds of questioning. Why this harassment, @PuducheryPolice? Who ordered this and for what purpose? Is this the legal procedure? Why is the BJP government in Pondicherry…— Saurav Das (@SauravDassss) August 12, 2026ముఖ్యమైన రూట్లకు సమీపంలో నివసించే ప్రజలను కలిసి కొన్ని వివరాలు తెలుసుకోవడం, భద్రతకు సంబంధించిన సాధారణ ప్రశ్నలు అడగడం పోలీసుల రొటీన్ ప్రక్రియలో భాగమని అధికారి వివరించారు. దీంతో ఒకే ఘటనపై రెండు భిన్నమైన వాదనలు తెరపైకి వచ్చాయి. దాస్ మాత్రం దీన్ని రాజకీయ బెదిరింపుగా చూస్తుండగా.. పోలీసులు మాత్రం స్వాతంత్ర్య దినోత్సవానికి ముందు చేపట్టే సాధారణ భద్రతా తనిఖీల్లో భాగమని చెబుతున్నారు. ఇక దాస్ చేసిన వ్యాఖ్యలు పుదుచ్చేరి రాజకీయాల్లో మరింత చర్చకు దారితీసే అవకాశం కనిపిస్తోంది. ముఖ్యంగా అమిత్ షా పర్యటనను ఈ ఘటనతో ముడిపెడుతూ ఆయన ప్రశ్నలు లేవనెత్తడంతో రాజకీయ కోణం కూడా తెరపైకి వచ్చింది. ఈ విషయం ఇప్పుడు పుదుచ్చేరిలో హాట్ టాపిక్‌గా మారింది.

న్యూఢిల్లీ: తృణమూల్ కాంగ్రెస్ ఎంపీ మహువా మొయిత్రాపై జస్టిస్ దీపాంకర్ దత్తా నేతృత్వంలోని సుప్రీంకోర్టు ధర్మాసనం చేసిన వ్యాఖ్య‌ల‌ను కాక్రోజ్ జ‌న‌తా పార్టీ ముఖ్య అధికార ప్ర‌తినిధి సౌర‌వ్ దాస్ త‌ప్పుబ‌ట్టారు. మహువా మొయిత్రాపై స‌ర్వోన్న‌త న్యాయ‌స్థానం న్యాయ‌మూర్తులు చేసిన వ్యాఖ్య‌లు త‌ల‌దించుకునేలా ఉన్నాయ‌ని విమ‌ర్శించారు. పశ్చిమ బెంగాల్‌లో ఆమెకు ఏదైనా ముప్పు వాటిల్లితే ఇదే న్యాయ‌మూర్తులు బాధ్యత వహించాల్సి ఉంటుంద‌ని పేర్కొన్నారు. ఇలాంటి న్యాయమూర్తులు రాజీనామా చేయాల‌ని, లేదంటే వారిని తొల‌గించాల‌ని అభిప్రాయం వ్య‌క్తం చేశారు.గుడ్లు విసురుతారని భయపడితే ఎలా?వివాదాస్పద ఫేస్‌బుక్ పోస్టుల కేసులో పోలీసుల విచారణకు వీడియో కాన్ఫరెన్సింగ్ ద్వారా హాజరయ్యేందుకు అనుమతించాలని మహువా మొయిత్రా సుప్రీంకోర్టును ఆశ్రయించారు. తన సొంత నియోజకవర్గంలోని పోలీస్‌ స్టేషన్‌కు వెళ్లే సమయంలో తనపై గుడ్లు విసిరే అవకాశం ఉందని, గతంలోనూ ఇలాంటి ఘటనలు చోటుచేసుకున్నాయని ఆమె తరఫు న్యాయవాది కోర్టుకు తెలిపారు. మహువా మొయిత్రా దాఖలు చేసిన పిటిషన్‌ను జస్టిస్ దీపాంకర్ దత్తా, జస్టిస్ షీల్ నాగు నేతృత్వంలోని ధర్మాసనం.. శుక్రవారం తిరస్కరించింది. దర్యాప్తు అధికారుల ఎదుట‌ వ్యక్తిగతంగా హాజరై విచారణకు సహకరించాలని కలకత్తా హైకోర్టు ఇచ్చిన ఆదేశాల్లో జోక్యం చేసుకోబోమ‌ని తేల్చిచెప్పింది.“మీరు పార్లమెంట్ సభ్యురాలు కదా? రాజకీయాల్లోకి వచ్చిన తర్వాత కోడిగుడ్ల దాడుల‌కు భయపడుతున్నారా? మన స్వాతంత్ర్య సమరయోధులు తూటాల‌కు ఛాతీలను ఎదురొడ్డారు. ఇలాంటి దరఖాస్తులు ఈ కోర్టు ముందుకు రావాల్సిన అవసరమే లేదు” అని ధర్మాసనం వ్యాఖ్యానించింది. కాగా, మహువా మొయిత్రాపై నమోదైన కేసులో ఆమెకు ఎలాంటి వేధింపులు జరగకుండా భద్రత కల్పించాలని కలకత్తా హైకోర్టు పోలీసులను ఇప్పటికే ఆదేశించింది.న్యాయ‌మూర్తుల వ్యాఖ్యలు ఆందోళనకరంమహువా మొయిత్రాపై జస్టిస్ దీపాంకర్ దత్తా, జస్టిస్ షీల్ నాగు నేతృత్వంలోని ధర్మాసనం చేసిన వ్యాఖ్య‌ల‌పై ఎక్స్‌లో సౌర‌వ్ దాస్ స్పందించారు. “అయితే సుప్రీంకోర్టు న్యాయమూర్తి మహువా మొయిత్రా బుల్లెట్లను ఎదుర్కొవాల‌ని కోరుకుంటున్నారా? న్యాయమూర్తులుగా ఇలా బాధ్యతారహితంగా మాట్లాడే వ్యక్తులను నియమించుకున్నాం? న్యాయమూర్తుల నుంచి మనం ఆశించే న్యాయపరమైన ఔన్నత్యం ఇదేనా?, ఈ వ్యాఖ్యలు తీవ్రంగా ఖండించదగినవి. ముఖ్యంగా పశ్చిమ బెంగాల్‌లో నెలకొన్న దుస్థితి గురించి తెలిసిన నేపథ్యంలో ఇలాంటి వ్యాఖ్యలు చేయడం మరింత ఆందోళనకరం. తన ప్రవర్తనకు న్యాయమూర్తి సిగ్గుపడాలి. భవిష్యత్తులో మహువా మొయిత్రాకు ఏదైనా హాని జరిగితే అందుకు జస్టిస్ దీపాంకర్ దత్తా నేతృత్వంలోని ధర్మాసనం బాధ్యత వహించాల్సి ఉంటుంది. ప్రజాస్వామ్యం సక్రమంగా పనిచేసే వ్యవస్థలో ఇలాంటి న్యాయమూర్తులు రాజీనామా చేయాల్సి వచ్చేది లేదా అభిశంసనను ఎదుర్కోవాల్సి వచ్చేద''ని వ్యాఖ్యానించారు. So does this Supreme Court judge want @MahuaMoitra to take bullets? What kind of motormouth persons have we appointed as judges? Is this the judicial temperament we expect of constitutional court judges? This is why we need to fix judicial accountability. The statement is… pic.twitter.com/O2w8KQoGQL— Saurav Das (@SauravDassss) August 7, 2026చ‌ద‌వండి: పాపం! డాక్ట‌ర్ ప్రియాంక‌.. ఇంత దారుణ‌మా?మొయిత్రాపై కేసు ఏమిటి?పశ్చిమ బెంగాల్‌లోని నదియా జిల్లా హోగల్‌బరియా పోలీస్‌ స్టేషన్‌లో జూన్‌లో బీజేపీ నేత హీరక్ భట్టాచార్య ఇచ్చిన ఫిర్యాదు ఆధారంగా మహువా మొయిత్రాపై ఎఫ్‌ఐఆర్ నమోదైంది. మతపరమైన భావోద్వేగాలను దెబ్బతీసేలా, సామాజిక- మతపరమైన విద్వేషాలను రెచ్చగొట్టేలా, మత విశ్వాసాలను అవమానించేలా, ప్రజల్లో అశాంతికి దారితీసేలా ఆమె వ్యాఖ్యలు చేశారని ఫిర్యాదులో ఆరోపించారు.కృష్ణనగర్ జిల్లా సెషన్స్ కోర్టు వెలుపల కొందరు బీజేపీ మహిళా కార్యకర్తలు గుమిగూడిన ఘటన నేపథ్యంలో ఈ వివాదం మొదలైంది. గతంలో నమోదైన మరో కేసులో మహువా మొయిత్రా కోర్టుకు హాజరయ్యే సమయంలో ఆమెపై గుడ్లు, టమాటాలు విసురుతామని వారు హెచ్చరించినట్లు ఆరోపణలు వచ్చాయి.ఈ ఘటన అనంతరం మొయిత్రా ఫేస్‌బుక్‌లో రెండు వీడియోలు పోస్టు చేశారు. మొదటి వీడియోలో కోర్టు వెలుపల గుడ్లతో కనిపించిన మహిళలపై పోలీసులకు ఫిర్యాదు చేస్తానని, పోలీసులు కేసు నమోదు చేయకపోతే కోర్టులను, అవసరమైతే సుప్రీంకోర్టును ఆశ్రయిస్తానని ఆమె పేర్కొన్నారు.మరుసటి రోజు పోస్టు చేసిన మరో వీడియోలో ఆ మహిళలందరి పేర్లను ఎఫ్‌ఐఆర్‌లో నమోదు చేస్తానని ఆమె చెప్పినట్లు ఆరోపణలు ఉన్నాయి. అయితే, గుడ్లు బహిరంగంగా విసరకుండా బుర్ఖా ధరించి గుర్తుపట్టకుండా విసరాలని ఆమె సూచించినట్లు ఫిర్యాదుదారు ఆరోపించారు. ఈ వీడియోలు సోషల్ మీడియాలో వైరల్ కావడంతో ఆమె వ్యాఖ్యలు మతపరమైన ఉద్రిక్తతలను రెచ్చగొట్టే ఉద్దేశంతో ఉన్నాయని బీజేపీ నేత పోలీసులకు ఫిర్యాదు చేశారు.

కాక్రోచ్ జనతా పార్టీ (సీజేపీ) ప్రధాన అధికార ప్రతినిధి సౌరవ్ దాస్‌కు సంబంధించిన 2015 నాటి ఓ పాత సోషల్ మీడియా పోస్ట్ మళ్లీ వైరల్‌గా మారింది. అప్పట్లో ఆమ్ ఆద్మీ పార్టీ (ఆప్)పై విమర్శలు చేస్తూ, ప్రధాని నరేంద్ర మోదీని ప్రశంసించిన ఆయన వ్యాఖ్యలు ఇప్పుడు సోషల్ మీడియాలో విస్తృతంగా చర్చకు దారితీశాయి. ప్రస్తుతం సీజేపీ కేంద్ర ప్రభుత్వ విధానాలపై విమర్శలు చేస్తుండటంతో, సౌరవ్ దాస్ గత వ్యాఖ్యలను నెటిజన్లు మళ్లీ ప్రస్తావిస్తున్నారు.2015లో అప్పటి ఢిల్లీ ముఖ్యమంత్రి అరవింద్ కేజ్రీవాల్‌ను ఉద్దేశించి సౌరవ్ దాస్ చేసిన పోస్టులో, "ఆప్‌కు ఏమైంది? పూర్తిగా మారిపోయింది. ద్వంద్వ వైఖరి అవలంబిస్తోంది. మీరు కూడా కాంగ్రెస్‌లాగే మారిపోయారు. మోదీజీ చాలా మెరుగైన నాయకుడు... ఆయనే బెస్ట్" అని పేర్కొన్నారు. ఆ పోస్టు స్క్రీన్‌షాట్లు ప్రస్తుతం పలు సోషల్ మీడియా వేదికల్లో వైరల్ అవుతున్నాయి. ఈ పాత పోస్టును ఆధారంగా చేసుకుని నెటిజన్లు భిన్నంగా స్పందిస్తున్నారు. కొందరు గతంలో మోదీకి మద్దతు తెలిపిన వ్యక్తి ఇప్పుడు కేంద్ర ప్రభుత్వాన్ని విమర్శించే పార్టీకి అధికార ప్రతినిధిగా ఉండడాన్ని ప్రస్తావిస్తుండగా, మరికొందరు రాజకీయ నాయకుల అభిప్రాయాలు కాలక్రమేణా మారవచ్చని వ్యాఖ్యానిస్తున్నారు.Whats wrong with AAP?completely changed. Double standards. U too are like congress. modiji is far better.. the best one. @ArvindKejriwal— Saurav Das (@SauravDassss) December 19, 2015సౌరవ్ దాస్ ప్రస్తుతం అభిజీత్ దిప్కే స్థాపించిన కాక్రోచ్ జనతా పార్టీ (సీజేపీ) ప్రధాన అధికార ప్రతినిధిగా వ్యవహరిస్తున్నారు. విద్యార్థుల ఉద్యమాలు, విద్యా సంస్కరణలు తదితర అంశాలపై పార్టీ తరఫున తరచూ మీడియాతో మాట్లాడుతున్నారు. ఇటీవల సీజేపీ కార్యకలాపాలు, కేంద్ర ప్రభుత్వంపై పార్టీ వైఖరి చర్చనీయాంశంగా మారిన నేపథ్యంలో ఆయన పాత సోషల్ మీడియా పోస్టులు కూడా మళ్లీ వెలుగులోకి వచ్చాయి. అయితే వైరల్ అవుతున్న ఈ పాత పోస్టుపై సౌరవ్ దాస్ గానీ, సీజేపీ గానీ ఇప్పటివరకు అధికారికంగా స్పందించలేదు. అలాగే, 2015లో చేసిన ఆ వ్యాఖ్యలపై ఆయన ప్రస్తుత వైఖరి ఏమిటన్న విషయంపైనా ఎలాంటి స్పష్టీకరణ వెలువడలేదు.