న్యూఢిల్లీ: ఉరుకులు పరుగుల జీవితంలో నఖశిఖపర్యంతం మనిషికి ఎన్నో ఆరోగ్య సమస్యలు. అన్ని ఆరోగ్య సమస్యలు అవతలి వాళ్లకు చూడగానే కనిపించవు. కానీ జుట్టు సరిగాలేకపోయినా, జుట్టు ఊడిపోయినా ఎదుటి వాళ్లు ఇట్టే కనిపెడతారు. జుట్టు రాలిపోయే సమస్యకు ఇప్పుడు ఎంతో మంది వందల రూపాయలు ఖర్చుపెట్టి ఎన్నో రకాల ఖరీదైన షాంపూలు ఉపయోగిస్తున్నారు.అయితే ప్రత్యేకంగా ఎలాంటి ఖర్చుపెట్టకుండానే జుట్టు రాలే సమస్యను గంజితో పరిష్కరించుకోవచ్చని పలువురు నిపుణులు చెబుతున్నారు. చైనా, జపాన్‌లలో శతాబ్దాలుగా గంజిని జుట్టు పోషణ కోసం విరివిగా ఉపయోగిస్తున్నా భారత్‌లో గంజి వినియోగం అంతంతే. ఈ నేపథ్యంలో గంజిని వృథాగా పారబోయకుండా ఒత్తయిన జుట్టు కోసం సద్వినియోగం చేసుకోవాలని నిపుణులు సూచిస్తున్నారు. జుట్టు కుదుళ్లు బలంగా ఉండేందుకు జపాన్, చైనాలో గంజిని ఉపయోగిస్తారు.గంజి వాడకంతో జుట్టు ఆరోగ్యం మెరుగుపడటంతోపాటు వెంట్రుకల కొనలు పగిలిపోవడంలాంటివి బాగా తగ్గుతాయి. గంజి వినియోగంతో జుట్టు మరింతగా మెరుస్తూ, పొడవు పెరుగుతుందని నిపుణులు చెబుతున్నారు. గంజిలో బి–విటమిన్, ఇ–విటమిన్‌తోపాటు ఐనోసైటోల్, నియాసినమైడ్‌ వంటి కీలకమైన అమ్లాలు ఉంటాయి. ఇవన్నీ జుట్టు పోషణకు ఎంతో మేలుచేకూరుస్తాయి. పాడైన జుట్టును రిపేర్‌ చేయడంలో ఐనోసైటోల్, నియాసినమైడ్‌లు కీలకపాత్ర పోషిస్తాయి. శతాబ్దాలుగా వినియోగం గంజితోపాటు చాలా సేపు బియ్యాన్ని నానబెట్టడం ద్వారా వచ్చే నీరు కూడా జుట్టుకు ఎంతో మేలుచేస్తుంది. బియ్యాన్ని ఉడకబెట్టాక గిన్నెలోకి వొంపే గంజిలో అత్యావశ్యకమైన ప్రోటీన్లు, విటమిన్లు, ఖనిజ లవణాలు, కొంతమేర అమైనో ఆమ్లాలు ఉంటాయి. ఈ గంజిని జుట్టుకు పట్టిస్తే కేశనాళికలు బలంగా మారతాయి. అమైనో యాసిడ్‌లు, ప్రోటీన్ల కారణంగా జుట్టు బలంగా తయారవుతుంది. జుట్టు పట్టులాగా మృదువుగా మారుతుంది. జుట్టు రాలడం తగ్గిపోతుంది. వెంట్రుక మందం సైతం పెరుగుతుంది.గంజిలో ఉండే ఐనోసైటోల్‌ అనే కార్బోహైడ్రేడ్‌ ఇందుకు చాలా దోహదంచేస్తుంది. ఐనోసైటోల్‌ కారణంగా కేశాలు మరింత దృఢంగా మారతాయి. కేశాల మరమ్మతు, పెరుగుదలకు ఐనోసైటోల్‌ బాగా పనికొస్తుంది. గంజిలోని సిసీŠట్‌న్, మిథియోనైన్‌లు జుట్టును బలంగాచేస్తాయి. దాంతో జుట్టు అంత త్వరగా కొనలు విరిగిపోవు. చిట్లిపోవడం వంటి సమస్యలు బాగా తగ్గుతాయి. ఆరోగ్యవంతమైన, అందమైన జుట్టుకు ఈ అమైనా యాసిడ్‌లు భరోసా ఇస్తాయి. ప్రాచీన జపాన్‌లోనూ మహిళలు గంజిని విరివిగా ఉపయోగించారని తెలుస్తోంది.చైనాలోని హువాంగ్లూ గ్రామంలో యావో మహిళల జుట్టు పొడవుగా, బలంగా, అందంగా ఉంటుంది. గంజితో జుట్టును శుభ్రం చేసుకోవడం వల్లే తమ కేశాలు ఇలా ఆరోగ్యంగా ఉన్నాయని వాళ్లు చెప్పారు. గంజిలోని గొప్పదనాన్ని ఇప్పటికే కనిపెట్టిన కొన్ని బహుళజాతి సంస్థలు తమ ఉత్పత్తులను గంజి ఆధారంగా తయారుచేసి మార్కెట్లోకి తెస్తున్నాయి. హెయిర్‌ మాస్‌్కలు, కండీషనర్లు ఇలా కేశ సంబంధ ఉత్పత్తుల్లో ఇప్పుడు ప్రధాన సరుకు గంజే. గంజిని ఎలా వాడాలి? రోజూ వంటలోకి వండుకున్నట్లే బియ్యాన్ని ఏమాత్రం దుమ్ము, ధూళి, మట్టిలేకుండా చక్కగా జల్లెడ పట్టుకున్నాక నీళ్లుపోసి బియ్యాన్ని ఉడకబెట్టుకోవాలి. చిక్కని గంజిని తర్వాత గిన్నెలోకి ఒంపుకోవాలి. ఈ గంజిని వెంటనే జుట్టుకు పట్టించకూడదు. గది ఉష్ణోగ్రత వద్ద కనీసం 24 నుంచి 48 గంటలపాటు అలాగే పాత్రలోనే ఉంచాలి. పాత్రపై మూత బదులు వస్త్రంతో కప్పి కొనల వెంట రబ్బర్‌తో చుట్టాలి. ఇలా ఒకటి, రెండు రోజులు పులియబెట్టాక నేరుగా జుట్టుకు పట్టించండి. నెమ్మదిగా కుదుళ్ల వద్ద మసాజ్‌ చేయండి.దీంతో గంజి జుట్టుకు సమంగా అంటుకుంటుంది. రక్తప్రసరణ సైతం సరిగా అవుతుంది. తలస్నానం చేశాక కూడా జుట్టు ఆరిన తర్వాత ఇలా గంజి పట్టించవచ్చు. ఒక 20 లేదా 30 నిమిషాల తర్వాత సాధారణ నీటితో జుట్టు కడుక్కుంటే సరిపోతుంది. వారానికి కనీసం రెండు సార్లు ఇలా చేస్తే చక్కటి ఫలితం ఉంటుంది. అతిగా వాడితే మాత్రం దురద వంటి కొత్త సమస్యలు ఉత్పన్నమవుతాయి. అలాంటప్పుడు వైద్యుల సలహాతో ఈ చిట్కాను కొనసాగించవచ్చు.

కొన్ని రోజుల క్రితం అమెరికా అధ్యక్షుడు డోనాల్డ్‌ ట్రంప్‌... ‘మీ జుట్టు బాగుంది. అందంగా, దృఢంగా ఉంది. నేనేమీ జోక్‌ చేయడం లేదు. ఇది నిజం’ అని సునీతా విలియమ్స్‌ (Sunita Williams) జుట్టు గురించి ప్రశంసలతో ముంచెత్తాడు. జుట్టు అందం గురించి ప్రశంసలు వినడం సాధారణ విషయమే అయినా... అంతరిక్షంలో జుట్టును అందంగా, శుభ్రంగా కాపాడుకోవడం ఆషామాషీ విషయం కాదు! భూమిపై ఉన్న గురుత్వాకర్షణ శక్తి వల్ల తల స్నానం (Head Bath) చేయడం అనేది మనకసలు సమస్య కాదు. తలకు కాస్తంత షాంపు రుద్దుకొని షవర్‌ కింద నిలబడితే సరిపోతుంది.కాని అంతరిక్షంలో అలా కాదు. జుట్టు శుభ్రం చేసుకోవడం వ్యోమగాములకు కష్టమైన పని, దీనికి కారణం స్పేస్‌స్టేషన్‌లో గురుత్వాకర్షణ శక్తి లేకపోవడం.నాసాకు చెందిన ఆస్ట్రోనాట్‌ కరెన్‌ నైబర్గ్‌ అంతరిక్షంలో జుట్టు ఎలా శుభ్రం చేసుకుంటారో ఒక వీడియోలో చూపించింది. ఈ జీరో గ్రావిటీ హెయిర్‌ వాషింగ్‌ ప్రాసెస్‌ ఆసక్తికరంగా ఉంది. ‘హెయిర్‌ వాష్‌ (Hair Wash) చేసుకోవడానికి నేను వీటిని ఉపయోగిస్తాను’ అంటూ గోరు వెచ్చని నీటి పాకెట్, షాంపూ బాటిల్, దువ్వెన, అద్దం, వైట్‌ టవల్‌ చూపించింది.మొదట నీళ్లను తలపై స్ప్రే చేసుకుంది. దువ్వెనతో తల వెంట్రుకలను పైకి దువ్వడం మొదలుపెట్టింది. వెంట్రుకలు కుదురుగా ఉండకుండా వివిధ దిశలలో ఎగురుతూనే ఉన్నాయి. ఆ తరువాత షాంపూ రాసుకుంది. మళ్లీ తల వెంట్రుకలను పైకి దువ్వింది. తరువాత టవల్‌తో తల క్లీన్‌ చేసుకుంది. మళ్లీ తలపై వాటర్‌ స్ప్రే చేసి దువ్వెనతో పైకి దువ్వింది, టవల్‌తో తుడుచుకుంది. ‘శుభ్రం చేసుకునేటప్పుడు జుట్టును సరిగ్గా పట్టుకోవడం కష్టమవుతుంది’ అంటుంది నైబర్గ్‌.నైబర్గ్‌ తన జుట్టును స్థిరమైన స్థితిలో ఉంచడానికి పడుతున్న కష్టం మనకు వీడియోలో కనిపిస్తుంది. దువ్వుతున్నప్పుడు ఆమె జుట్టు వివిధ దిశలలో ఎగురుతుంటుంది. ఇంటర్నేషనల్‌ స్పేస్‌ స్టేషన్‌(ఐఎస్‌ఎస్‌) లోపల ఎయిర్‌ ఫ్లో తలపై తేమను ఆవిరి చేయడానికి ఉపయోగపడుతుంది. బ్లో డ్రైయర్‌ల అవసరం ఉండదు. చాలాసార్లు వ్యోమగాములు హెల్మెట్‌ (Helmet) లేదా హెడ్‌గేర్‌లను ధరిస్తారు. ఇది నెత్తిమీద గాలి ప్రసరణ (ఎయిర్‌ సర్క్యులేషన్‌)ను బ్లాక్‌ చేస్తుంది. జుట్టును ఫ్రీగా వదిలేయడం వల్ల చల్లగా, సౌకర్యవంతంగా ఉంటుంది.చ‌ద‌వండి: సునీత రాక‌.. బైడెన్‌పై ఎలాన్ మ‌స్క్ సంచ‌ల‌న ఆరోప‌ణ‌లునిరంతరం బ్రష్‌ చేయడం వల్ల కూడా జుట్టును ముడి వేయాల్సిన అవసరం ఉండదు. భూమిమీద తల వెంట్రుకలు బుద్ధిగా మన మాట వింటాయి. అంతరిక్షంలో మాత్రం ‘నా ఇష్టం’ అన్నట్లుగా ఉంటాయి. అయితే వాటి ఇష్టం వ్యోమగాములకు కష్టం కాదు. చాలామంది మహిళా వ్యోమగాములు తమ జుట్టును ఫ్రీగా వదిలేయడాన్ని ఎంజాయ్‌ చేస్తారు. భూమిపై మాదిరిగా తల వెంట్రుకలు (Hair) ముఖంపై పడవు కాబట్టి వారికి ఎలాంటి అసౌకర్యమూ ఉండదు.

భారత సంతతి నాసా వ్యోమగామి సునీతా విలియమ్స్, అమెరికా వ్యోమగామి బుచ్ విల్ మోర్ లు సుమారు తొమ్మిది నెలల పాటు అంతరిక్షంలో చిక్కుకుపోయిన సంగతి తెలిసిందే. వారి రాక కోసం అంతా నిరీక్షించారు. ఎట్టకేలకు ఆ ఉత్కంఠకు తెరపడేలా మరికొద్దిగంటల్లో భూమ్మీదకు రానున్నారు. వారు అన్నిరోజులు అంతరిక్షంలో ఎలా గడిపారు, వారి మానసికస్థితి వంటి వాటి గురించి తెలుసుకోవాలనే కుతుహలంతో ఉన్నారు అంతా. ఒకరకంగా ఈ పరిస్థితి వల్ల భవిష్యత్తు అంతరిక్షంలో మానువుని మనుగడ గురించి కొత్త విషయాలు తెలుసుకునే అనుభవం దొరికిందని మరికొందరు నిపుణులు అంటున్నారు. ఇదంతా ఎలా ఉన్నా.. ఆ ఇరువురు చిక్కుపోయిన సమయంలో ఎప్పటికప్పుడూ వారెలా ఉన్నారనే దాని గురించి ఫోటోల రూపంలో అప్‌డేట్‌ ఇచ్చేది. ఆ ఫోటోల్లో సునీతా ఎప్పుడు వదులుగా ఉన్న జుట్టుతోనే కనిపించేవారు. నిజానికి ఆ చిత్రాలు చాలామందిలో ఓ ఉత్సుకతను రేకెత్తించింది. అసలు ఎందుకని మహళా వ్యోమగాములు అంతరిక్షంలో జుట్టుని ముడివేసుకోరనే ప్రశ్నను లేవెనెత్తింది. మరీ దీని వెనుకున్న రీజన్‌, ఆ సైన్సు ఏంటో చూద్దామా..!.అంతర్జాతీయ అంతరిక్ష కేంద్రం (ISS) సూక్ష్మ గురుత్వాకర్షణ వాతావరణంలో వ్యోమగామి సునీతా విలియమ్స్ వదులుగా ఉన​ జుట్టుతో కనిపించేవారు. ఆమె జుట్టు అంతరిక్షంలో గాల్లో ఎగురుతున్నట్లుగా కనిపించేది. అదిగాక ఇటీవల అమెరికా అధ్యక్షుడు చిక్కుపోయిన ఈ ఇరువురు వ్యోమగాముల గురించి మాట్లాడుతూ..సునీతా విలియమ్స్ జుట్టుపై వ్యాఖ్యలు చేశారు. అడవిలా గాల్లో తేలుతున్నట్లు కనిపిస్తున్న ఆ ధృడమైన జుట్టుని చూస్తేనే తెలుస్తోంది ఆమె ఎంత ధైర్యవంతురాలేనది అని హాస్యాస్పదంగా అన్నారు.ఆ తర్వాత ట్రంప్‌ ఈ వ్యాఖ్యలకుగానూ సోషల్‌ మీడియాలో విపరీతంగా ట్రోలింగ్‌కి గురయ్యారు కూడా. ఆ నేపథ్యంలోనే వ్యోమగాములు, ముఖ్యంగా మహిళలు అంతరిక్షంలో తమ జుట్టును ఎలా నిర్వహిస్తారనే విషయం హైలెట్‌ అయ్యింది.అదీగాక సునీతా విలియమ్స్‌లాంటి వ్యోమగాములంతా కూడా తమ జుట్లుని ముడివేయడం లేదా రబ్బర్‌తో కట్టేయడం వంటివి ఎందుకు చెయ్యరు అని అంశంపై చర్చించడం ప్రారంభించారు అంతా. అందుకు సైన్సు పరంగా పలు కారణాలు ఉ‍న్నాయంటున్నారు నిపుణులు.అవేంటంటే..గురుత్వాకర్షణ శక్తి శూన్యం కాబట్టి.. జుట్టును క్రిందికి లాగదు కాబట్టి ముడివేయడం లేదా కట్టేయడం వంటివి చేయాల్సిన పనిలేదు. సులభంగా వాషింగ్‌ చేసుకోవచ్చట. ఎలాంటి షాంపులతో పనిలేకుండానే వాష్‌ చేయొచ్చట. పైగా టవల్‌తో తుడుచుకోవాల్సిన పని ఉండదట. ఇక డ్రైయర్‌లతో అస్సలు పని ఉండదట. ఎందకంటే జుట్టులోని నీరంతా ఆవిరి అయిపోతుందట . అలాగే అక్కడ ఉంటే జీరో గ్రావిటేషన్‌ కారణంగా ఇలా జుట్టు ఫ్రీగా వదిలేసినా..ముఖం మీదకి వచ్చి ఇబ్బంది పడే సమస్య ఉండదట. దీనిపై నాసా వ్యోమగామి కరెన్ నైబర్గ్ సోషల్‌ మీడియా వేదికగా తన అంతరిక్ష అనుభవాలను షేర్‌ చేసుకుంటూ..ఆ అంతరిక్షంలో తన హెయిర్ కేర్ రొటీన్ గురించి కూడా మాట్లాడారు. 2013లో ఆమె అంతర్జాతీయ అంతరిక్ష కేంద్రం (ISS)లో ఉన్నప్పుడు తన పొడవాటి జుట్టుని ఎలా వాష్‌ చేసుకుందో వివరించింది. తాము నీటిని చిమ్ముకుంటూ వాష్‌ చేసుకుంటామని తెలిపింది. తమకు షాంపుల వాడకం, అలాగే తడిచిన జుట్టుని పిండాల్సిన పని గానీ ఉండదని చెప్పింది. ఎందుకంటే తలపై ఉన్న నీరంతా అంతరిక్షంలో ఘనీభవించి త్రాగునీరుగా మారిపోతుందని చెప్పుకొచ్చింది.(చదవండి: Sunita Williams Earth Return: అంతరిక్షంలో పీరియడ్స్‌ వస్తే? ఏలా మేనేజ్‌ చేస్తారు?)

చలికాలం చర్మ ఆరోగ్యాన్నే కాదు శిరోజాల సహజత్వాన్ని కాపాడుకోవాలి. లేదంటే వెంట్రుకలు పొడిబారడం, చిట్లడం, చుండ్రు సమస్య తలెత్తడం వంటివి చూస్తుంటాం. ఈ సమస్యకు పరిష్కారంగా... అలెవెరాతో కండిషనింగ్‌షాంపులు, కాలుష్యం, గాలిలో తేమ తగ్గడం.. వంటి వాటి వల్ల ఈ కాలంలో వెంట్రుకలు త్వరగా పొడిబారడం, చిట్లడం వంటివి సహజంగా జరుగుతుంటాయి. వీటి వల్ల జుట్టు నిస్తేజంగా కనిపిస్తుంది. రసాయనాల గాఢత తక్కువగా ఉండే షాంపూ(Shampooing:)తో తలస్నానం చేసిన తర్వాత అలోవెరా జెల్‌ను జుట్టుకు పట్టించాలి. 15–20 నిమిషాల తర్వాత నీటితో కడిగేయాలి. అలోవెరా రసం జుట్టుకు కావలసినంత కండిషన్‌(Conditioning) లభించేలా చేస్తుంది. ఉసిరితో మృదుత్వంఉసిరి, మందారపువ్వులు మరిగించిన కొబ్బరినూనెతో మాడుకు, వెంట్రుక లకు రాసి, మర్దనా చేయాలి. మరుసటి రోజు ఉదయం తలస్నానం చేయాలి. ఈ విధంగా చేస్తే వెంట్రుకలు చిట్లడం(Hair Damage) సమస్య తగ్గుతుంది. కురుల మృదుత్వం పెరుగుతుంది. తప్పనిసరిగా చేయాల్సినవి..జుట్టు(Hair)ను వేడి చేసే పరికరాలను ఉపయోగించకపోవడమే శ్రేయస్కరం. ఒకవేళ హెయిర్ డ్రైయర్స్, స్ట్రెయిట్నర్స్ వంటి హీటింగ్ పరికరాలను ఉపయోగించినా.. చాలా తక్కువ హీట్ తో ఉపయోగించండి. ఒకవేళ కచ్చితంగా వినియోగించాల్సి వస్తే.. మీరు ముందుగా హీట్ ప్రొటెక్టెంట్ స్ప్రేని ఉపయోగించవచ్చుతలస్నానం(Head Bath) రోజూ చేసే అలవాటు కొందరిలో కనిపిస్తుంది. కానీ, కనీసం మూడు రోజులకోసారి చేయడం బెటర్. జుట్టును ఆరోగ్యంగా ఉంచేందుకు సహజ నూనెలు అనేవి విడుదల అవుతుంటాయి. అందుకే కనీసం మూడు రోజులు మధ్యలో విరామం ఇవ్వడం వల్ల ఆ నూనెలు శిరోజాల రక్షణకు ఉపయోపడతాయి.శిరోజాల్లో తగినంత తేమ ఎప్పుడూ ఉండడం వల్ల అవి ఆరోగ్యంగా ఉంటాయి. మంచి కండిషనర్ ను స్వయంగా మనమే చేసుకోవచ్చు. గుడ్డు సొన, పెరుగు కలిపి కురుల మొదళ్లలో పట్టించాలి. 10 నిమిషాల తర్వాత కడిగేసుకోవాలి.పొడిబారిన జుట్టు, దెబ్బతిన్న శిరోజాలకు బాదం నూనె చక్కగా పనిచేస్తుంది. ఓ పాత్రలో కొంచెం బాదం నూనె వేసుకుని, దాన్ని 40 సెకండ్ల పాటు వేడి చేయాలి. ఆ తర్వాత తల వెంట్రుకలకు రాసుకోవాలి. 30 నిమిషాల పాటు అలా ఉంచేయాలి. ఆ తర్వాత షాంపూతో తలస్నానం చేయాలి. చల్లటి నీటితోనే చేయాలి. అలాగే కండిషనర్ కుడా అప్లయ్ చేయాలి.అర కప్పు తేనె, రెండు చెంచాల ఆలివ్ ఆయిల్, రెండు చెంచాల గుడ్డులోని పచ్చసొన మిశ్రమాన్ని తల వెంట్రుకలకు పట్టించి 20 నిమిషాల పాటు అలా ఉంచేయాలి. ఆ తర్వాత వేడి నీటితో కడిగేసుకోవాలి. ఇలా చేస్తే కెరాటిన్ ప్రొటీన్ బాండ్స్ తిరిగి భర్తీ అవుతాయి.మహిళలు జుట్టుని గట్టిగా చుట్టేసి పెట్టడం చేస్తుంటారు. పెళుసుబారిన జుట్టు చిట్లిపోకుండా నివారించేందుకు జుట్టుని గట్టిగా ముడేయకుండా, ఎటువంటి బ్యాండ్లను పెట్టకుండా ఉండడమే బెటర్.వెంట్రుకల చివర్లో చిట్లకుండా ఉండేందుకు వెడల్పాటి పళ్లున్న దువ్వెనలను వాడాలి. తరచూ హెయిర్ స్టయిల్ చేయించుకోవద్దు. నైలాన్ బ్రిస్టల్స్ ఉన్న దువ్వెనలను వాడాలి. తగినంత నీరు తాగాలి. ఉల్లిగడ్డ రసం జుట్టురాలిపోయే సమస్యను నివారించడంతోపాటు, హెయిర్ ఫాలికుల్స్ కు రక్త సరఫరా జరిగేలా చూస్తుంది.పోషకాహార లోపం కారణంగా జుట్టు రాలిపోతుంటే అందుకు బీట్ రూట్ రసం చక్కని పరిష్కారంశిరోజాలు తిరిగి జీవం పోసుకోవడానికి, జుట్టు పెరుగుదల మెరుగుపడడానికి గ్రీన్ టీ మంచిగా తోడ్పడుతుంది. శరీరంలో జీవ క్రియలను గ్రీన్ టీ మెరుగు పరుస్తుంది.అరటి పండు గుజ్జుకు, కొంత తేనె, పాలు కలిపి వెంట్రుకలకు మాస్క్ లా వేసుకోవాలి. గంట తర్వాత కడిగేసుకోవాలి. మెంతులను పేస్ట్ లా చేసుకుని దాన్ని ప్యాక్ లా వేసుకోవాలి. రెండు గంటల తర్వాత కడిగేయడం వల్ల సిల్క్ గా జుట్టు కనిపిస్తుంది.చివరగా జుట్టు ఆరోగ్యం(Healthy Hair) కోసం తప్పనిసరిగా ఫోలిక్ యాసిడ్, బయోటిన్ సప్లిమెంట్లు తీసుకోవడం వల్ల మంచి ఫలితం ఉంటుంది.(చదవండి: ఏం పెట్టారబ్బా ముగ్గు..? చూస్తే దిమ్మతిరిగి పోవాల్సిందే..!)

కలబంద ఆరోగ్య ప్రయోజనాల గురించి ఇప్పటివరకూ చాలా విన్నాం. తరతరాలుగా సౌందర్య పోషణలో,చర్మ సంరక్షణలో కూడా ఇది ప్రసిద్ధి చెందింది. ఈ కోవలోకి ఇపుడు మరో కొత్త రకం కలబంద వచ్చి చేరింది. అదే రెడ్ కలబంద. ఈ రెడ్ కలబంద ఇప్పుడు చర్మ సంరక్షణ మార్కెట్లోకి వేగంగా దూసుకొస్తోంది. ముదురు ఎరుపు రంగుకు ప్రసిద్ధి చెందిన ఈ రకంలో చర్మ ఆరోగ్యానికి తోడ్పడే పోషకాలు పుష్కలంగా ఉన్నాయని నిపుణులు చెబుతున్నారు.రెడ్ కలబంద ప్రయోజనాలు:ఆకుపచ్చ కలబందతో పోలిస్తే ఎరుపు రంగు కలబంద ఎక్కువ ఔషధ గుణాలు, ప్రయోజనాలున్నాయి. అందుకే ‘కింగ్ ఆఫ్ అలోవెరా’గా పేరు తెచ్చుకుంది. రెడ్ కలబంద వల్ల కలిగే ప్రయోజనాలేంటో తెలుసుకుందాం.పోషకాలు: రెడ్ కలబందలో విటమిన్ ఎ (బీటా కెరోటిన్), విటమిన్ సి, ఇ, బి12, ఫోలిక్ యాసిడ్ వంటి యాంటీఆక్సిడెంట్లు పుష్కలంగా ఉన్నాయి. ఈ యాంటీ ఆక్సిడెంట్లు ఫ్రీ రాడికల్స్ వల్ల కలిగే నష్టం నుండి శరీరాన్ని రక్షిస్తాయి. కణాలను ఆరోగ్యంగా ఉంచడంలో సహాయపడతాయి. ఇది పెద్ద మొత్తంలో అమైనో ఆమ్లాలు, పాలిసాకరైడ్లను కలిగి ఉంటుంది. ఇది జుట్టు, చర్మం, కళ్ళకు ఒక వరంలాంటిదట.యాంటీ ఆక్సిడెంట్లు పుష్కలం: ఎరుపు కలబంద ఆంథోసైనిన్స్, శక్తివంతమైన యాంటీఆక్సిడెంట్ల కారణంగా దాని రంగు ఎర్రగా ఉంటుందని ర్మవ్యాధి నిపుణుడు డాక్టర్ జుష్యా భాటియా సారిన్ చెప్పారు. పర్యావరణ ఒత్తిడి ప్రభావాలను తగ్గించడానికి ఎరుపు కలబంద ఫేస్‌ సీరం ఉపయోగపడుతుంది. దీనిలో ఉండే కొల్లాజెన్ చర్మం యవ్వనాన్ని కాపాడుతుంది. ఈ సమ్మేళనాలు కాలుష్యం, ఒత్తిడి, వృద్ధాప్యం వల్ల కలిగే నష్టం నుండి చర్మాన్ని రక్షించడంలో సహాయపడతాయని. ఎర్ర కలబంద యాంటీఆక్సిడెంట్లు, హైడ్రేటింగ్ మూలకాల శక్తివంతమైన మిశ్రమమని ఆమె తెలిపారు.రోగనిరోధక శక్తికి: ఎర్ర కలబంద రోగనిరోధక శక్తిని బలోపేతం చేస్తుంది బాక్టీరియా, ఇన్ఫెక్షన్ల నుండి శరీరాన్ని రక్షిస్తుంది. జలుబు, దగ్గు సమస్యలనుంచి ఉపశమనం లభిస్తుంది. శ్వాసకోశ వ్యవస్థకు సంబంధించిన సమస్యల నుంచి కూడా చక్కటి పరిష్కారం లభిస్తుంది.మేనికి మెరుపు : విటమిన్లు A, C , E చర్మాన్ని ప్రకాశవంతంగా, దృఢంగా మారుస్తుంది. దీని ఆధారిత మాయిశ్చరైజర్ చర్మం యొక్క సహజ మెరుపును కాపాడుతుంది. చర్మానికి చల్లదనాన్నిస్తుంది. ముఖంపై మచ్చలు, ముడతలు తొలగిపోతాయి. రెడ్‌ కలడంద జ్యూస్‌తో శరీరంలోని మలినాలన్నీ తొలగిపోతాయి. రక్తాన్ని శుద్ధి చేస్తుంది. కాలిన గాయాలు, గాయాలు, సోరియాసిస్ నివారణలో మేలు చేస్తుంది.గుండెకు మేలు : ఎర్ర కలబంద జ్యూస్‌తో గుండె ఆరోగ్యం బలపడుతుంది. బీపీ అదుపులో ఉంటుంది. డయాబెటిస్‌ : రక్తంలో చక్కెర స్థాయిలను నియంత్రించడంలో సహాయపడుతుంది. టైప్ 2 డయాబెటిస్‌లో పరిమిత రూపంలో దీని వినియోగం ప్రయోజనకరంగా ఉంటుందని అధ్యయనాలు చెబుతున్నాయి.ఈ జ్యూస్ తాగడం వల్ల పీరియడ్స్ రెగ్యులర్‌గా మారడంతో పాటు నొప్పి కూడా తగ్గుతుంది ఎర్ర కలబందను జుట్టు మీద అప్లై చేయడం వల్ల జుట్టు సిల్కీగా, మెరిసేలా చేస్తుంది. దీంతో జుట్టు రాలే సమస్య తగ్గుతుంది.

చర్మం లాగానే జుట్టు కూడా పొడిబారుతుంది. ముఖ్యంగా చల్లని శీతాకాలంలో ఈ సమస్య ఇంకా ఎక్కువ అవుతుంది. చుండ్రు సమస్యకూడా ఎక్కువగా వేధిస్తుంది. కాబట్టి జుట్టును తేమగా ఉంచుకునేలా జాగ్రత్తలు తీసుకోవాలి. ఆయిల్‌తో మసాజ్‌ చేసుకోవడం, ఎక్కువ హైడ్రేటింగ్ షాంపూలను ఉపయోగించడం లాంటివి చెయ్యాలి. కండిషనింగ్‌ విషయంలో నువ్వుల నూనె బెస్ట్‌ ఆప్షన్‌ అని చెప్పవచ్చు. మరి జుట్టు సంరక్షణలో ఎలా వాడవచ్చో తెలుసుకుందాం!జుట్టు సంరక్షణలో నువ్వులుకప్పు నల్లనువ్వులను తీసుకుని మెత్తగా పొడిచేసి పక్కన పెట్టుకోవాలి. అరలీటరు కొబ్బరి నూనెను మందపాటి పాత్రలో పోయాలి. దీనిలో నువ్వుల పొడి, నాలుగు మందార పువ్వులు, పది కరివేపాకులు వేసి సన్నని మంటమీద మరిగించాలి. మందారపువ్వులు, కరివేపాకు వేగాక నూనెను దించేసి చల్లారనిచ్చి, ఎయిర్‌టైట్‌ కంటైనర్‌లో నిల్వ చేసుకోవాలి. రెండురోజుల కొకసారి ఈ ఆయిల్‌ను తలకు పట్టించి మర్దన చేసి నాలుగు గంటల తరువాత తలస్నానం చేయాలి. క్రమం తప్పకుండా ఇలా చేయడం వల్ల చుండ్రు తగ్గడమేగాక, బాలనెరుపు నియంత్రణలో ఉంటుంది. జుట్టుకూడా ఒత్తుగా పెరుగుతుంది. తెల్లనువ్వుల్లో పోషకాలు ఉంటే నల్ల నువ్వుల్లో ఒమేగా 3, 6 ఫ్యాటీ యాసిడ్స్‌ పుష్కలంగా ఉంటాయి. ఇవి మాడుని తేమగా ఉంచడంలో కీలకపాత్ర పోషిస్తాయి. ఇవి మాడుని పొడిబారకుండా చేసి, చుండ్రుని తగ్గిస్తాయి. యాంటీ ఫంగల్, యాంటీ ఇన్‌ఫ్లమేటరీ గుణాలు చుండ్రుని మరింత విస్తరించకుండా నియంత్రిస్తాయి.

జుట్టును సంరక్షించుకోవడం ఒక సమస్య. ఉన్న జుట్టును మరింత ఆరోగ్యంగా, వేగంగా పెంచుకోవడం మరో సమస్య. ఇందుకు హెయిర్‌ ప్యాక్‌ వేసుకోవడం, చుండ్రులేకుండా జాగ్రత్త పడటంతోపాటు, జుట్టు చివర్ల (స్ప్లిట్ ఎండ్స్‌)ను కట్‌ చేయడం లాంటివి చేయడం చాలా మంది పాటించే పద్ధతి. అయితే ఇలా చేయడం వల్ల నిజంగా జుట్టు పెరుగుతుందా? అసలు దీని వలన ఎలాంటి ప్రయోజనం ఉంటుందో తెలుసుకుందాం.నిజానికి జుట్టు చివర్లు కత్తిరించడం వల్ల అది వేగంగా పెరుగుతుందనే వాదనకు ఎలాంటి ఆధారం లేదు. ఎందుకంటు జుట్టు పెరుగుదల స్కాల్ప్ నుంచి మొదలవుతుంది. కుదుళ్లు బలంగా ఉంటే జుట్టు బలంగా ఉంటుంది. కాబట్టి చనిపోయిన చివర్లను కత్తిరించడం వల్ల అది వేగంగా పెరగదు. కానీ జుట్టు ఆరోగ్యంగా పెరిగేలా చేస్తుంది. స్ప్లిట్ చివర్లు , డ్యామేజ్ అయిన జుట్టును కత్తిరించడం వల్ల, క్రమం తప్పకుండా ట్రిమ్ చేయడం వల్ల జుట్టు, ఆరోగ్యంగా, ఒత్తుగా కనిపిస్తుంది.ఎన్ని రోజులకోసారి కట్ చేయాలి?సాధారణంగా ప్రతి 2-3 నెలలకు ఒకసారి అంగుళం మేర కత్తిరించుకోవాలి. ఎంత మేర ట్రిమ్‌ చేయాలి. ఎన్నిరోజులకు ఒకసారి చేయాలి అనేది ఇది జుట్టు పొడవు, చుండ్రు, జుట్టు చిట్లిపోవడం లాంటి సమస్య బట్టి ఉంటుంది. చాలా మందికి రోజుకు 50-100 వెంట్రుకలు రాలిపోతాయి. అయితే ఈ వెంట్రుకల స్థానంలో కొత్త వెంట్రుకలు వస్తాయి కాబట్టి పెద్దగా ఆందోళన చెందాల్సిన అవసరం లేదు. ఊడిపోయిన వాటి స్థానంలో కొత్త జుట్టు రావాలంటే సరైన పోషణ అవసరం.జుట్టుకూ ఉండాలి పోషణఅందమైన మెరిసే జుట్టు కావాలంటే పోషణ అవసరం. వారానికి ఒకసారి అయినా కుదుళ్లకు తాకేలా నూనెతో మర్దనా ఉండాలి. తద్వారా హెయిర్ ఫోలికల్స్‌కి రక్త ప్రవాహం సక్రమంగా జరుగుతుంది. జుట్టు వేగంగా పెరుగుతుంది. రసాయన రహిత షాంపూలు, కండీషనర్లకు దూరంగా ఉండాలి. బ్లో డ్రైయింగ్ చేయడం, స్ట్రెటియినింగ్ చేయడం, కర్లింగ్ చేయడం లాంటివి తరచుగా చేయకుండా ఉండాలి. ఇవి జుట్టు సహజ మెరుపును, అందాన్ని పాడుచేస్తాయి. నాణ్యమైన హెయిర్ ప్రొడక్ట్స్ మాత్రమే వాడాలి. జుట్టు ఆరోగ్యం కోసం ఆహారం ఆరోగ్యకరమైన జుట్టు కోసం విటమిన్ ఈ చాలా కీలకం. ఇది బొప్పాయి, బాదం, హాజెల్ నట్స్, అవకాడోస్, దోసకాయ బచ్చలికూర వంటి అనేక పండ్లు , కూరగాయలలో సహజంగా లభిస్తుంది. సన్‌ఫ్లవర్ ఆయిల్ వంటి నూనెలు, సాల్మన్ ట్యూనాతో సహా అనేక రకాల చేపలు విటమిన్ ఇ-రిచ్ ఫుడ్స్. ప్రొటీన్ తగ్గడం వల్ల కూడా జుట్టు రాలే సమస్య వస్తుంది. జింక్, సెలేనియం, బయోటిన్ లభించే గుడ్లు తీసుకోవాలి. విటమిన్ ఏ, విటమిన్ సీ, ఐరన్ ,ఫోలేట్లు పుష్కలంగా ఉండే పాలకూరను ఆహారంలో భాగం చేసుకోవాలి. అలాగే ఐరన్‌ లోపం లేకుండా చేసుకోవాలి. అమెరికన్ అకాడమీ ఆఫ్ డెర్మటాలజీ ప్రకారం జిడ్డుగా ఉంటే జుట్టును తరచుగా శుభ్రం చేసుకోవాలి. క్లోరిన్ హానికరమైన ప్రభావాలకు దూరంగా ఉండాలి. ఈత కొట్టే స్యంలో జుట్టును కప్పుకోవాలి. ఇంటినుంచి బయటికి వెళ్లినపుడు కాలుష్యం యూవీ కిరణాలనుంచి కాపాడుకునేందుకు స్కార్ఫ్‌ కట్టుకోవడం, గొడుగు వాడటం ఉత్తమం.

బట్టతల పురుషులను ఇబ్బందిపెట్టే సమస్య. బట్టతలపై జుట్టు మొలిపించుకోవడానికి చాలామంది పడరాని పాట్లు పడుతుంటారు. రకరకాల నూనెలు వాడుతుంటారు. అప్పటికీ ఫలితం లేకపోతే, చాలా ఖరీదైన, బాధాకరమైన హెయిర్‌ ట్రాన్స్‌ప్లాంటేషన్‌ చికిత్సలకు కూడా సిద్ధపడుతుంటారు. బట్టతలకు విరుగుడుగా అమెరికన్‌ కంపెనీ ‘హయ్యర్‌డోస్‌’ తాజాగా ఈ టోపీని మార్కెట్‌లోకి విడుదల చేసింది.ఈ టోపీని క్రమం తప్పకుండా ఆరునెలలు పెట్టుకుంటే, బట్టతల మటుమాయమవుతుందని తయారీదారులు చెబుతున్నారు. బయటి నుంచి చూడటానికి ఈ టోపీ మామూలుగానే ఉన్నా, దీని లోపలి భాగంలో ఇన్‌ఫ్రారెడ్‌ కిరణాలను ప్రసరించే చిన్న చిన్న బల్బులు ఉంటాయి. రీచార్జ్‌ బ్యాటరీ సాయంతో ఇవి పనిచేస్తాయి. ఈ బల్బుల నుంచి వెలువడే ఎర్రని కాంతి కిరణాలు జుట్టు కుదుళ్లలోని కణజాలంలో ఉండే మైటోకాండ్రియాను బలోపేతం చేస్తాయి.ఫలితంగా బట్టతలపై క్రమక్రమంగా వెంట్రుకలు మొలకలెత్తడం మొదలవుతుంది. దీని ఖరీదు 449 డాలర్లు (రూ.37,493). హెయిర్‌ ట్రాన్స్‌ప్లాంటేషన్‌ చికిత్సకయ్యే ఖర్చుతో పోల్చుకుంటే ఈ టోపీ ధర తక్కువే!ఇవి చదవండి: నయనతార 'చిన్నారి కవల'లను చూశారా!

'ఈ రోజుల్లో జుట్టు రాలడం చాలా సాధారణం అయిపోయింది. సరైన ఆహారం తీసుకోకపోవడం, కాలుష్యం, ఒత్తిడి.. ఇలా రకరకాల కారణాలతో జట్టు ఊడిపోతుంటుంది. హెయిర్‌ ఫాల్‌ను నివారించేందుకు చాలామంది మార్కెట్లో దొరికే రకరకాల క్రీములు, షాంపులు, కండీషనర్లు వాడుతుంటారు. ఇవేవీ పనిచేయకపోతే ఖర్చుతో కూడుకున్న ట్రీట్‌మెంట్ల వైపు పరుగులు పెడుతుంటారు. కానీ మన వంటింట్లో దొరికే పదార్థాలతోనే జుట్టు రాలే సమస్యకు చెక్‌ పెట్టొచ్చు.' ఇలా చేయండి.. జుట్టు కుదుళ్లు బలంగా ఉండాలంటే... ఒక పాత్రలో టీ స్పూన్ తేనె, టీ స్పూన్ ఆలివ్ ఆయిల్, ఒక టీ స్పూన్ నిమ్మరసం, కోడిగుడ్డు సొన ఒకదాని తరువాత ఒకటి వేసి బాగా కలపాలి. ఈ మిశ్రమాన్ని కుదుళ్ల దగ్గర నుండి చివరి వరకూ పట్టించి ఇరవై నిమిషాలుంచి కడిగేయాలి. వారంలో ఒక్కసారయినా టీ డికాషన్ తో జుట్టును కడిగితే సిల్కీగా అవుతుంది. తలంటుకునే ముందు షాంపూలో కొద్దిగా వెనిగర్ కలపాలి. ఈ మిశ్రమాన్ని కురులంతటికీ పట్టించి పది నిమిషాల తరువాత తలస్నానం చేస్తే జుట్టు మెరుస్తుంది. ఇవి చ‌ద‌వండి: ప్రపంచంలోనే అత్యంత వరస్ట్‌ కర్రీగా చోటు దక్కించుకున్న భారతీయ వంటకం ఏంటంటే..?

బ్యూటీ టిప్స్‌ ►ఎర్ర పప్పు మంచి ఎక్స్‌ఫోలియేటర్‌గా కూడా పనిచేస్తుంది. ఎర్రపప్పులోని పోషకాలు,విటమిన్లు చర్మ రంగుని మెరుగ్గా చేస్తాయి. ఈ ఎర్రపప్పుతో ఫేస్‌ప్యాక్‌ వల్ల మృతకణాలను పోగొట్టి చర్మాన్ని మెరుగ్గా చేస్తుంది. ►కప్పు ఎర్రకందిపప్పు (మసూర్‌దాల్‌) తీసుకుని దానిలో ముప్పావు కప్పు పచ్చిపాలు పోసి రాత్రంతా నానబెట్టుకోవాలి. ఉదయం ఈ పప్పుని పేస్టులా గ్రైండ్‌ చేయాలి. ముఖాన్ని కడిగి ఈ పేస్టుని అప్లై చేయాలి. ఇరవై నిమిషాల తరువాత ముఖంపై వలయాకారంలో మర్దనచేసి నీటితో కడిగేయాలి. ఈ ప్యాక్‌ ముఖం మీద పేరుకుపోయిన ట్యాన్‌ను తగ్గించి, ముఖం కాంతిమంతంగా కనిపించేలా చేస్తుంది.  ► మూడు టీస్పూన్ల పచ్చిశనగపప్పును రాత్రంతా నానబెట్టుకుని, ఉదయం నీళ్లు తీసేసి రెండు టేబుల్‌ స్పూన్ల పెరుగు, టీస్పూను నిమ్మరసం, తేనె వేసి పేస్టులా చేసుకోవాలి. ఈ పేస్టుని ముఖానికి అప్లై చేసి ఆరాక కడిగేయాలి. తరువాత మాయిశ్చరైజర్‌ రాసుకోవాలి. వారానికి రెండు సార్లు ఈ ప్యాక్‌ వేయడం వల్ల ముఖం మీద జిడ్డు, నల్లమచ్చలు, మొటిమలు తగ్గుముఖం పడతాయి.  ► రెండుగంటలు నానిన నాలుగు టీస్పూన్ల పొట్టు పెసరపప్పుని పేస్టు చేయాలి. ఈ పేస్టులో టీస్పూను ఆరెంజ్‌ పీల్‌ పొడి, టీస్పూను గంధం పొడి వేసి కలపాలి. ఈ పేస్టుని ముఖానికి పూతలా వేసి పదినిమిషాలు ఆరనివ్వాలి. తరవాత కొద్దిగా నీటితో తడిచేసి మర్దన చేసి కడిగేయాలి. వారానికి మూడుసార్లు ఈ ప్యాక్‌ వేసుకుంటే ముఖం కాంతిమంతంగా, అందంగా కనిపిస్తుంది.  హెయిర్‌ టిప్స్‌ ► టీస్పూను అలోవెరా జెల్, రెండు టేబుల్‌ స్పూన్ల ఉల్లి రసం, మూడు టీస్పూన్ల కొబ్బరి నూనెవేసి అన్నిటినీ చక్కగా కలపాలి. ఈ మిశ్రమాన్ని మాడుకు రాసి మర్దన చేయాలి. మరుసటిరోజు తలస్నానం చేయాలి. వారానికి రెండుసార్లు ఇలా చేయడం వల్ల పలుచబడిన మాడు ఒత్తుగా, నల్లగా నిగనిగలాడుతుంది. 

ఈ రోజుల్లో జుట్టు రాలడం చాలా సాధారణం అయిపోయింది. సరైన ఆహారం తీసుకోకపోవడం, కాలుష్యం, ఒత్తిడి.. ఇలా రకరకాల కారణాలతో జట్టు ఊడిపోతుంటుంది. హెయిర్‌ ఫాల్‌ను నివారించేందుకు చాలామంది మార్కెట్లో దొరికే రకరకాల క్రీములు, షాంపులు, కండీషనర్లు వాడుతుంటారు. ఇవేవీ పనిచేయకపోతే ఖర్చుతో కూడుకున్న ట్రీట్‌మెంట్ల వైపు పరుగులు పెడుతుంటారు. కానీ మన వంటింట్లో దొరికే పదార్థాలతోనే జుట్టు రాలే సమస్యకు చెక్‌ పెట్టొచ్చు. ఉసిరి ఇండియన్‌ గూస్‌బెర్రీగా పిలిచే ఉసిరిలో జుట్టుకు బలం చేకూర్చే పోషకాలు పుష్కలంగా ఉంటాయి. అధికమొత్తంలో విటమిన్‌  ఇ , విటమిన్‌  ఉ, ఎమినో యాసిడ్స్, యాంటీ ఆక్సిడెంట్స్‌ ఉంటాయి.ఇవి కేశాలను బలంగా దృఢంగా ఉండేందుకు తోడ్పడతాయి.ఇందుకోసం ఏం చేయాలంటే..ఉసిరికాయను ముక్కలుగా కోసి నీడలో ఆరబెట్టాలి. ముక్కలు ఆరిన తరువాత పొడిచేసుకోవాలి. ఇప్పుడు ఉసిరి పొడి 2 టేబుల్‌ స్పూన్స్‌ తీసుకుని దానిలో నిమ్మరసం వేసుకుని పేస్ట్‌లా చేసుకుని స్కాల్ప్‌పై అఫ్లై చేసుకోవాలి. ఇలా పెట్టుకుని రెండు గంటల పాటు ఉంచుకుని ఆ తరువాత షాంపు, చల్లని నీళ్లతో కడుక్కోవాలి. ఇలా వారానికి రెండు సార్లు చేయడం వల్ల జుట్లు రాలడం తగ్గుతుంది. క్యారెట్‌ క్యారెట్‌లో బీటా కెరోటిన్, యాంటీ ఆక్సిడెంట్స్, విటమిన్‌ ఎ, ఇ లు పుష్కలంగా ఉంటాయి. ఇవన్నీ రక్త ప్రసరణ బాగా జరిగేందుకు తోడ్పడమేగాక, వెంట్రుకల పెరుగుదలను ప్రేరేపిస్తాయి. క్యారెట్‌ జ్యూస్‌ తెల్ల వెంట్రుకలు రాకుండా చేస్తుంది. అందువల్ల 100 మిల్లీ లీటర్ల క్యారెట్‌ జ్యూస్‌ను రోజూ తీసుకుంటే వెంట్రుకలు ఆరోగ్యంగా, నల్లగా పెరుగుతాయి. స్వచ్ఛమైన కొబ్బరి నూనె కల్తీలేని స్వచ్ఛమైన కొబ్బరినూనెలో ఉండే లారిక్‌ యాసిడ్‌ కేశాలను ధృడంగా ఉంచడంలో సాయపడుతుంది. వెంట్రుకలు తెగిపోకుండా కుదుళ్ల నుంచి బలంగా ఉంచుతుంది. కొబ్బరినూనెతో తలమీద మర్దన చేయడం వల్ల రక్త ప్రసరణ బాగా జరిగి కుదుళ్ల నుంచి కేశాలు పెరుగుతాయి. అంతేకాకుండా 15–20 నిమిషాలపాటు కొబ్బరినూనెతో స్కాల్ప్‌ మర్దన చేసి ఒక గంటపాటు లేదా ఒక రాత్రి మొత్తం అలా వదిలేయాలి. ఆతరువాత షాంపుతో వాష్‌ చేసుకుంటే జుట్టు ఆరోగ్యంగా పెరుగుతుంది.  పోషకాహారం తీసుకోవడం ఎంత ముఖ్యమో, ఒత్తిడిని తగ్గించుకోవడం కూడా అంతే ముఖ్యం. ఒత్తిడిని వల్ల జుట్టు రాలడం ఎక్కువగా ఉంటుంది. అందుకే సరైన డైట్‌ పాటించడంతో పాటు యోగా, ధ్యానం, వర్కౌట్ చేయాలి.

ఒత్తయిన.. ఉంగరాల జుట్టు ఇచ్చే అందం అంతా ఇంతా కాదు. దానికున్న క్రేజే వేరు!  కానీ.. మేనేజ్‌ చేయడమే మహాకష్టం. అయితే చిత్రంలోని డివైస్‌ కర్లీ హెయిర్‌ సంరక్షణను మేడ్‌ ఈజీ చేస్తుంది. ఈ ఆటోమేటిక్‌ హెయిర్‌ కర్లర్‌.. 2 సెకన్ల పాటు పవర్‌ బటన్‌ను నొక్కిపడితే ఆన్‌ అవుతుంది. ఇది ఆరోగ్యకరమైన జుట్టుతో పాటు.. ఫెళుసుబారిన జుట్టునూ మృదువుగా మార్చుతూ, అందమైన గిరజాలను సృష్టిస్తుంది. 8 నుంచి 11 సెకన్స్‌లో స్లైట్‌ కర్ల్స్‌ ఏర్పడతాయి.12 సెకన్లు దాటి 15 సెకన్స్‌ వరకూ ఉంచితే సాఫ్ట్‌ కర్ల్స్‌ ఏర్పడతాయి. 16 నుంచి 18 సెకన్ల వరకూ ఉంచితే.. టైట్‌ కర్ల్స్‌ (పూర్తిస్థాయిలో ఉంగరాలు) ఏర్పడతాయి. డివైస్‌కి ఒకవైపు సన్నని కర్లర్‌ చాంబర్‌ ఉంటుంది. దానిలో పాయలు పాయలుగా జుట్టును పెడితే.. అవి ఉంగరాలుగా చుట్టుకుని అందంగా మారుతాయి. ఇందులో మూడు వందల డిగ్రీల ఫారిన్‌ హీట్‌ నుంచి మూడువందల తొంభై డిగ్రీల ఫారిన్‌ హీట్‌ వరకు ఆరు స్థాయిల్లో ఉష్ణోగ్రతను పెంచుకునే వీలుంటుంది. డిస్‌ప్లేలో బ్యాటరీ ఇండికేటర్, టైమ్‌ అండ్‌ టెంపరేచర్‌ వివరాలతో పాటు.. కర్లర్‌ ఎటువైపు తిరుగుతున్నాయో కూడా వివరంగా చూసుకోవచ్చు. లెఫ్ట్, రైట్‌ అనే ఆప్షన్స్‌తో కర్లర్‌ను సెట్‌ చేసుకోవచ్చు. ఈ మెషిన్‌ని ఎక్కడికైనా సులభంగా వెంట తీసుకెళ్లొచ్చు. దీని ధర సుమారుగా 1,249 రూపాయలు.  (చదవండి: కరీనాకపూర్‌ మేకప్‌ నేచురల్‌గా ఉండటానికి సీక్రేట్‌ ఇదే..!)

ఇంతకుముందు వృద్దాప్యంలో తెల్ల వెంట్రుకలు వచ్చేవి. కానీ ఇప్పుడు చిన్న వయసులోనే జుట్టు తెల్లబడటం చూస్తున్నాం. దీంతో దాన్ని కవర్‌ చేసేందుకు ఎడాపెడా ఎయిర్‌ డైని వాడేస్తున్నారు. మరికొందరు జుట్టు నల్లగా ఉన్నప్పటికీ దాన్ని ఫ్యాషనబుల్‌గా గ్రూమ్‌ చేసుకోవడం కోసం రంగు వేసుకుంటుంటారు. మరి హెయిర్‌ డై ఎంత వరకు సురక్షితం?హెయిర్‌ డై తరచుగా వాడితే క్యాన్సర్‌ వస్తుందా అన్నది ఇప్పుడు చూద్దాం. హెయిర్‌డైలో ఉండే కెమికల్స్‌ మీ చర్మానికి, మీ జుట్టుకు సరిపడకపోవచ్చు. దీనివల్ల అలర్జీ రావచ్చు. ఫలితంగా చర్మం ఎర్రబారడం, దురదపెట్టడం, ఎర్రటి దద్దుర్లు (ర్యాష్‌) వస్తుంటాయి. ఇలా జరిగితే వీలైనంత త్వరగా డాక్టర్‌ను సంప్రదించడం మంచిది. కొంతమంది హెయిర్‌ డై ప్యాక్‌మీద అమోనియా ఫ్రీ అనే మాట చూసి అది సురక్షితమని వాడుకుంటుంటారు. కానీ అందులో కూడా పీపీడీ అనే రసాయనం లేనిదే వాడాలి. ఎందుకంటే అమోనియా ఫ్రీ అని ఉన్నప్పటికీ ఈ పీపీడీ కూడా అమోనియా నుంచి వచ్చే రసాయనమే కాబట్టి అమోనియా ఫ్రీ అనే విషయంలోనూ జాగ్రత్తగా ఉండాలి. హెయిర్‌–డై వాడేవారు అది మనకు సరిపడుతుందా లేదా అన్నది పరీక్షించుకొని, ఆ తర్వాతే వేసుకోవాలి. అందుకోసం ముందుగానే చర్మంపై చిన్న మోతాదులో వేసుకొని పరీక్షించుకోవాలి. కొన్ని సందర్భాల్లో హెయిర్‌డైలో ఉండే  రసాయనాల వల్ల కళ్లు మండటం, గొంతులో ఇబ్బంది, వరుసగా తుమ్ములు రావడం వంటి ఇబ్బందులు రావొచ్చు. ఇది కొన్నిసార్లు ఆస్తమాకు దారితీయవచ్చు.   రంగు వేసుకునే టైంలో తప్పనిసరిగా గ్లౌవ్స్‌ ధరించాలి. హెయిర్‌ డైలో ఉండే రసాయనాలు వెంట్రుకలోకి ఇంకిపోతాయి. దీనివల్ల వెంట్రుకలు రఫ్‌గా అవుతాయి.  కొందరు హెయిర్‌ డైని తలకు మాత్రమే కాకుండా కనుబొమ్మలకు కూడా వాడుతుంటారు. ఇలా ఎట్టి పరిస్థితుల్లోనూ చేయరాదు.  తరచుగా ఈ హెయిర్ డై వాడే వారికి కాన్సర్ ముప్పు కూడా ఉండొచ్చని వైద్యులు హెచ్చరిస్తున్నారు.అందుకే ఇంట్లోనే సహజసిద్దమైన పద్దతిలో డై వేసుకోవడం మంచిది.   

శీతాకాలంలో చర్మ సమస్యలు సాధారణం. ఈ విషయం అందరికీ తెలిసిందే. అయితే ఈ కాలంలో  చర్మానికే కాదు.. జుట్టుకూ సమస్యల చిక్కులు తప్పవు. ముఖ్యంగా చలికాలంలో జుట్టు రాలిపోవడం కాస్త ఎక్కువగానే ఉంటుంది. శీతాకాలంలో శిరోజాలను సంరక్షించుకోవాలంటే ఏం చేయాలి, ఎలాంటి జాగ్రత్తలు తీసుకోవాలి... తదితర విషయాలు తెలుసుకుందాం... శీతాకాలంలో ఉండే చల్లగాలుల వల్ల శరీరంలోనే కాదు, శిరోజాల్లో కూడా తేమ శాతం తగ్గిపోతుంది. ఫలితంగా జుట్టంతా అట్టకట్టినట్లు పొడిగా తయారవుతుంది. అంతే కాదు,  కుదుళ్ళు బలహీనపడి జుట్టు రాలిపోయే సమస్య అధికం అవుతుంది కాబట్టి చలి బారి నుంచి శిరోజాలను కూడా సంరక్షించుకోవాలంటే ఏం చేయాలో చూద్దాం. తరచూ తలస్నానం   శీతాకాలంలో తలస్నానం మరీ ఎక్కువగా లేదా తక్కువగా చేయకూడదు. వారానికి రెండుసార్లు చేస్తే సరిపోతుంది. అంతకన్నా ఎక్కువసార్లు చేయడం వల్ల జుట్టు రాలిపోయే ప్రమాదం ఉంది.    వేడినీటి స్నానం శీతాకాలంలో స్నానానికి బాగా వేడిగా ఉన్న నీళ్లను ఉపయోగించకూడదు. గోరు వెచ్చని నీటిని మాత్రమే ఉపయోగించాలి. వేడి నీటి స్నానం వల్ల చర్మం, శిరోజాల్లోని సహజనూనెల శాతం తగ్గిపోయి కురులు పొడిగా... నిర్జీవంగా మారిపోతాయి.  హెయిర్‌ డ్రయ్యర్స్‌  శీతాకాలంలో జుట్టుకు ఉపయోగించే డ్రయర్స్, కర్లర్స్‌స్ట్రెయిటనర్స్‌ వంటి వాటికి దూరంగా ఉండాలి. టవల్‌తో తుడుచుకుని ఆరబెట్టుకునే విధానానికే పరిమితం కావాలి.  కండీషనింగ్‌ తలస్నానానికి ముందు జుట్టుకు కండీషనర్‌ తప్పకుండా అప్లై చేసుకోవాలి. ఇలా చేయడం వల్ల కుదుళ్లు బలంగా ఉంటాయి.   హెయిర్‌ ఆయిల్‌ చలికాలంలో శిరోజాలకు తరచు నూనె పెడితే మంచిది. ఇది జుట్టులోని తేమ శాతం ఎక్కువ సమయం నిలిచి ఉండటానికి ఉపకరిస్తుంది. అలాగే దువ్వుకోవడానికి సన్న పళ్ల దువ్వెన కాకుండా పళ్లు కాస్త దూరంగా... వెడల్పుగా ఉన్న దువ్వెన వాడటం మంచిది. అట్ట కట్టినట్టు ఉంటే : చలిగాలులకు జుట్టు అట్టకట్టినట్లుగా  కాకుండా ఉండాలంటే రోజూ రాత్రిళ్లు విటమిన్‌ ఇ ఉన్న నూనెను రాసుకోవాలి. అలాగే బయటకు వెళ్లేటప్పుడు కురులను కవర్‌ చేసేలా స్కార్ఫ్, టోపీ వంటివి ధరించాలి. కుదరని పక్షంలో బాడీలోషన్‌ కొద్దిగా తీసుకుని చేతులకు రుద్దుకోవాలి. తర్వాత ఆ చేతులతో జుట్టును మెల్లగా దువ్వుతున్నట్లు సవరించుకోవాలి. ఇలా చేయడం వల్ల పెళుసుదనం పోయి, శిరోజాలు ప్రకాశవంతంగా మారుతాయి. ఈ జాగ్రత్తలతో ఈ కాలంలోనూ కురులు నిగనిగలాడతాయి. 

తలస్నానం చేసిన మరుసటి రోజుకే జుట్టు నిర్జీవంగా మారిపోతుంటుంది. అలాంటప్పుడు కొన్ని చిట్కాలు పాటిస్తే జుట్టు పట్టుకుచ్చులా మెరుస్తుంది. అదెలాగో ఇప్పుడు చూద్దాం. ►అర టీ స్పూను అలోవెరా జెల్, ఒక టీ స్పూను నిమ్మరసం తీసుకుని రెండింటినీ బాగా కలపాలి. ఈ మిశ్రమాన్ని రెగ్యులర్‌గా ఉపయోగించే షాంపూలో కలపాలి. ఈ షాంపూ మిశ్రమాన్ని కేశాలకు పట్టించి, పది నిమిషాల తర్వాత తలస్నానం చేయాలి. ఇలా వారానికోసారి చేస్తే  పట్టు కుచ్చుల్లా మెరుస్తుంది. ►శీకాకాయ, ఉసిరిపొడి, కరివేపాకు, మందార పువ్వులను సమపాళ్లల్లో తీసుకుని రాత్రంతా నానబెట్టాలి. మరుసటిరోజు ఉదయం వీటన్నింటిని పేస్టు చేయాలి. ఈ పేస్టుని జుట్టుకి పట్టించి అరగంట తరువాత షాంపూతో కడిగేయాలి. వారానికి మూడుసార్లు ఇలా చేయడం వల్ల జుట్టు ఒత్తుగా పెరుగుతుంది. ► ఏదైనా ఆయిల్‌ను తలకు పట్టించి, మర్దనా చేసి వెచ్చని నీళ్లలో ముంచి తీసిన టర్కీ టవల్‌ని చుట్టుకోవాలి. అరగంట తర్వాత మైల్డ్‌ షాంపూతో తలస్నానం చేయాలి. Simple Home Remedies To Make Ur Hair Smooth And Shine ► ఒక గ్లాసు నీటిలో గుప్పెడు పుదీనా ఆకులు వేసి ఆ నీటిని 15 నుంచి 20 నిమిషాల పాటు మరగపెట్టుకోవాలి. ఆ నీళ్ళు చల్లారిన తర్వాత వడకట్టి, షాంపూలో వేసుకోవాలి.తలస్నానం చేసే ముందు ఈ షాంపూను కేశాల కుదుళ్ళ నుంచి, చివర్ల వరకూ అప్లై చేసుకుని పది నిమిషాల తర్వాత తలస్నానం చేయాలి.   ►  గ్లాసు నీళ్ళల్లో టేబుల్‌ స్పూను వెనిగర్, కొద్దిగా ఉప్పు కలపాలి. ఈ మిశ్రమంలోంచి రెండు టేబుల్‌స్పూన్లు తీసుకుని మాడుకు పట్టించి మసాజ్‌ చేసుకోవాలి. 45 నిమిషాల తర్వాత నీటితో కేశాలను శుభ్రం చేసుకోవాలి. ఇలా వారానికోసారి చేస్తే జుట్టులో అధికంగా ఉండే ఆయిల్‌ తగ్గి జుట్టు స్మూత్‌గా మారుతుంది. 

నోరూరించే మామిడి పళ్లు తినాలంటే వేసవి వచ్చేవరకు ఎదురు చూడక తప్పదు. అయితే మామిడి ఆకులు కోసుకోవడానికి ఎప్పుడూ ఇబ్బంది ఉండదు. అందుకే వివాహాది శుభకార్యాలు, పండుగలు, పర్వదినాలలో గుమ్మాలకు మామిడాకు తోరణాలు కట్టుకుంటూనే ఉన్నాం. ఇంతేనా? జుట్టు ఒత్తుగా, పొడవుగా పెరగడానికి, ఆరోగ్య సంరక్షణకు కూడా మామిడి ఆకులు ఉపయోగపడతాయని పరిశోధకులు చెబుతున్నారు. మామిడి ఆకులలో జుట్టు కుదుళ్లు బలంగా ఉండటానికి అవసరం అయ్యే కొల్లాజెన్‌ ఉత్పత్తిని పెంచే ఎ, ఇ, సి విటమిన్లు ఉండటం వల్ల ఇది సాధ్యం అవుతుందని పరిశోధనలు రుజువు చేస్తున్నాయి. మామిడాకులలో పైన చెప్పుకున్న విటమిన్లతో పాటు యాంటీఆక్సిడెంట్లు కూడా సమృద్ధిగా ఉండటం వల్ల వీటిని ఉపయోగించిన వారికి జుట్టు బాగా పెరుగుతుంది. అంతేకాదు... తలపై మామిడి ఆకులను ఉంచి, వాటిని కప్పుతూ ఏదైనా పలుచని క్లాత్‌ను కట్టుకోవడం ద్వారా తలనొప్పి తగ్గుతుంది. తలలో రక్తనాళాలు దెబ్బతినకుండా ఉంటాయి. రక్త ప్రసరణ పెరుగుతుంది. మామిడి ఆకుల్లో ఉండే సహజ తైలాలు జుట్టు సంరక్షణకు ఉపకరిస్తాయి. మామిడి ఆకుల్లో ఉండే యాంటీ ఆక్సిడెంట్లు జుట్టు నెరవకుండా, బలహీనంగా మారకుండా ఉంచుతాయి. మామిడి ఆకులను ఉపయోగించడం వల్ల ఎటువంటి దుష్ఫలితాలూ లేకుండా జుట్టు నల్లగా, ఒత్తుగా తయారవుతుంది. మామిడి ఆకులలో ఉండే ఫ్లేవనాయిడ్లు జుట్టును సహజంగా నల్లగా మార్చడంలో , నిగారింపు వచ్చేలా చేయడంలో సహాయపడతాయి. ఎలా ఉపయోగించాలి?  ►తాజా మామిడి ఆకులు కొన్ని తీసుకుని కాసిని నీళ్లు చేర్చి మిక్సీలో వేసుకుని లేదా రుబ్బుకుని పేస్ట్‌లా చేసుకోవాలి. దానికి పెరుగు లేదా ఆలివ్‌ నూనెను చేర్చాలి. ఈ పేస్ట్‌ను చివళ్ల నుంచి కుదుళ్ల వరకు పట్టించాలి. ఆరేదాకా ఉంచి, ఆ తరవాత మైల్డ్‌ షాంపూతో స్నానం చేయాలి. ►మామిడి ఆకులను ఎండలో ఎండబెట్టి మెత్తగా పౌడర్‌లా చేసుకోవాలి. తరువాత పేస్ట్‌ లా చేసుకుని బ్లాక్‌ టీని కలిపి మిశ్రమంలా తయారు చేసుకోవాలి. ఇలా తయారైన మిశ్రమాన్ని జుట్టు కుదుళ్ల నుంచి చివర్ల వరకు పట్టించాలి. ఇలా చేస్తే జుట్టుకు మంచి పోషణ అందటంతో పాటు నల్లగా మారుతుంది.  ►మధుమేహంతో బాధపడేవారు కొన్ని మామిడి ఆకులను శుభ్రంగా కడిగి నీళ్లలో ఉడకబెట్టి కషాయంలా కాచుకోవాలి. గోరువెచ్చగా అయ్యాక వడపోసి తాగాలి. ఇలా క్రమం తప్పకుండా కొన్ని రోజుల పాటు చేయడం వల్ల మధుమేహం అదుపులోకి వస్తుంది.

మెహందీలో ఇవి కలిపితే...  ►జుట్టుకు మెహందీ పెట్టుకునేటప్పుడు అరటిపండుని కలిపితే కురులకు మరిన్ని పోషకాలు అందుతాయి. అరటిపండులోని యాంటీ ఆక్సిడెంట్స్‌ మాడు దురదను తగ్గిస్తాయి. అరటిపండుని మెత్తగా చిదుముకుని మెహందీలో వేసి కలపాలి. ఈ మెహందీని జుట్టుకి పట్టించి గంట తరువాత కడిగేయాలి.  ► కొబ్బరిపాలను కొద్దిగా వేడి చేసి కొన్ని చుక్కలు ఆలివ్‌ ఆయిల్‌ను వేసి కలపాలి. ఈ పాలను మెహందీలో వేసి బాగా కలిపి జుట్టుకు పట్టించాలి. గంట తరువాత షాంపుతో తలస్నానం చేయాలి. వారానికి రెండుసార్లు ఈ విధంగా చేస్తే... కొబ్బరి పాలలోని లారిక్‌ ఆమ్లం మంచి యాంటీబయోటిక్‌గా పనిచేసి, మాడు సంబంధ సమస్యలను తగ్గిస్తుంది. కండీషనర్స్, షాంపులలో కొబ్బరిపాలను వాడతారు. ఇలా మెహందీలో కొబ్బరిపాలు కలపడం వల్ల మెహందీ మంచి కండీషనర్‌గా పనిచేస్తుంది.  ►టేబుల్‌ స్పూను హెన్నా, టేబుల్‌ స్పూను ముల్తానీ మట్టిని తీసుకుని నీటిలో నానబెట్టి పేస్టులా చేయాలి. ఈ పేస్టుని తలలో బాగా దురదపెడుతోన్న భాగంలో రాసి, అరగంట తరువాత కడిగేయాలి. ఇలా చేయడం వల్ల చుండ్రు సమస్య తగ్గుముఖం పడుతుంది.  హెన్నా రాసేముందు ఈ తప్పులు చేస్తున్నారా? మెహందీ అప్లై చేయడం వల్ల జుట్టు ఆరోగ్యంగా మారుతుందని అందరూ అనుకుంటారు. కానీ, ఇది ఎలా అప్లై చేయాలి? ఎంత సమయం పెట్టాలో తెలియక చాలామంది తప్పులు చేస్తుంటారు. మెహందీని అప్పటికప్పుడు కలుపుకోకుండాముందు రోజు రాత్రే కనీసం 4-5 గంటల పాటు స్టోర్‌ చేసుకోవాలి.  ఇక హెన్నాను జుట్టుపై ఎంత ఎక్కువసేపు ఉంచితే, అంత బాగా జుట్టు ఆరోగ్యంగా మారుతుందని అందరూ అనుకుంటారు.కానీ, ఇలా ఎక్కువ సేపు ఉంచితే, హెన్నా జుట్టులోని తేమను గ్రహిస్తుంది. జుట్టు విపరీతంగా పొడిగా మారుతుంది. హెన్నా వల్ల స్కాల్ప్ బ్లాక్ అయ్యే సమస్య కూడా ఉంటుంది. కాబట్టి 1-2 గంటలకు మించి పెట్టరాదు.    చాలామంది పొడి జుట్టు మీదే మెహందీని పెడుతుంటారు. ఇలా అస్సలు చేయొద్దు. దీని వల్ల జుట్టు మరింత డ్రైగా కనిపిస్తుంది. రంగు కూడా బాగా కనిపించదు. దీని కోసం, ముందుగా హెయిర్ కండీషనర్‌ని వాడండి, ఆపై మీ జుట్టుకు అప్లై చేయండి. దీనివల్ల జుట్టు పొడిగా మారదు. అలాగే, మెహందీని అప్లై చేసిన తర్వాత మీకు ఎలాంటి సమస్య ఉండదు. కొంతమందికి హెన్నా పడకపోవచ్చు. కానీ, ఇది జుట్టు రాలడం, అలెర్జీలకు దారితీయవచ్చు. అందువల్ల,జుట్టుకు రాసేముందే కాస్తంత హెన్నాను తీసుకొని చర్మంపై రాసి ప్యాచ్‌ టెస్ట్‌ చేసుకోవాలి.  మెహందీ వల్ల జుట్టు ఆరోగ్యంగా ఉంటుందని కొందరు వారం రోజులకు ఒకసారి కూడా పెడుతుంటారు. అలా అస్సలు చేయొద్దు. హెన్నాను నెలకు ఒకసారి మాత్రమే అప్లై చేయాలి. అతిగా వాడొద్దు.

బ్యూటీ టిప్స్‌ రెండు టీస్పూన్ల కొబ్బరి నూనెలో టీ స్పూను పసుపు, టేబుల్‌ స్పూను పెరుగు, టేబుల్‌ స్పూను శనగపిండి, రెండు టీస్పూన్ల టొమాటో రసం, రెండు టీస్పూన్ల నిమ్మరసం వేసి బాగా కలపాలి. ఈ మిశ్రమాన్ని ముఖం, మెడ, చేతులకు రాసి ఐదునిమిషాలు రుద్దాలి. తరువాత నీటితో కడిగితే ట్యాన్‌ మొత్తం పోతుంది. స్ట్రెయిట్‌గా... సిల్కీగా... గ్లాసు నీటిలో రెండు టీసూన్ల అవిసె గింజలు, రెండు టీ స్పూన్ల బియ్యప్పిండి వేసి పదినిమిషాలు మరిగించాలి. తరువాత వడగట్టి...పేస్టులాంటి పదార్థాన్ని తీసుకోవాలి. దీనిలో టేబుల్‌స్పూను కొబ్బరి నూనె వేసి కలపాలి. ఈ మిశ్రమాన్ని మాడు నుంచి చివర్లవరకు పట్టించాలి. గంట తరువాత కడిగేయాలి. ఈ ప్యాక్‌ జుట్టుని స్ట్రెయిట్‌గా, సిల్కీగా మారుస్తుంది.    

బ్యూటీ టిప్స్‌ ►  పండిన బొప్పాయి, పుచ్చకాయ, బంగాళాదుంప, టొమాటో, కీర దోసకాయలు ఇలా వేటినైనా పేస్ట్‌గా చేసి.. దానిని 15 నిమిషాలు ఫ్రిజ్‌లో ఉంచండి. అనంతరం పేస్ట్‌ను అప్లై చేసి.. పేస్ట్ చర్మంలో కలిసిపోయే వరకు స్క్రబ్ చేయండి. వారానికి రెండుసార్లు ఇలా చేస్తే.. టాన్ సమస్య పూర్తిగా తగ్గిపోతుంది. ► కొబ్బరి పాలలో దూదిని ఉంచి 15 నిమిషాల పాటు ముఖానికి మర్దనా చేయాలి. ఇది ట్యాన్‌ని రిమూవ్‌ చేయడంలో కీలక పాత్ర పోషిస్తుంది.  కలబంద గుజ్జును ముఖంపై అప్లై చేశాకా 15 నిమిషాల తర్వాత సాధారణ నీళ్లతో కడిగేయాలి. ఇది స్కిన్‌టోన్‌ని సాఫ్ట్‌గా చేస్తుంది. ►రెండు కర్పూరం బిళ్లలు, మూడు కప్పల వేపాకుల్లో కొద్దిగా కొబ్బరి నూనె వేసి పేస్టుచేయాలి. ఈ మిశ్రమాన్ని చుండ్రు ఉన్న ప్రాంతంలో రాసి మర్దన చేయాలి. చుండ్రు బాధ క్రమంగా తగ్గిపోతుంది. కర్పూరం పొడిని ఆలివ్‌ నూనెలో వేసి కలిపి జుట్టుకు పట్టించినా చుండ్రు తగ్గుతుంది.  ఈ రెండింటిలో ఏదైనా ఒకటి వారానికి మూడుసార్లు చేస్తే ఉపశమనం త్వరగా వస్తుంది. ► కాలివేళ్ల సందుల్లో గాలి తగలక పాచిపడుతుంటుంది. ఇలా జరగకుండా ఉండాలంటే...కాళ్లను శుభ్రంగా కడిగి, తడిలేకుండా తుడవాలి. ఇప్పుడు టూత్‌పేస్టుని వేళ్ల సందులో రాయాలి. రోజూ పడుకునేముందు ఇలా చేస్తే కాళ్లు పాయవు.   ► ఒక బౌల్‌లో హాఫ్‌ కప్‌ అవకాడో గుజ్జు తీసుకోండి. అందులో 1 టేబుల్‌ స్పూన్‌ ఆలివ్‌ ఆయిల్‌.. 2 చుక్కల తేనె వేసి బాగా కలపండి. ఆ మిక్సర్‌ని మొహానికి అప్లయ్‌ చేసి.. 15 మినట్స్‌ వరకు అలాగే ఉంచేయండి. తర్వాత కోల్డ్‌ వాటర్‌తో ఫేస్‌ వాష్‌ చేసుకోండి.  

ట్యాన్‌ తగ్గాలంటే... ► స్పూను కాఫీ పొడిలో స్పూను తేనె, స్పూను బంగాళ దుంప రసం, స్పూను గంధం పొడివేసి చక్కగా కలిపితే డీ ట్యాన్‌ ప్యాక్‌ రెడీ. ఈ ప్యాక్‌ను ముఖం, చేతులు, మెడపైన పూతలా వేసి పదిహేను నిమిషాలు ఆరనివ్వాలి. తరువాత తడి బట్టతో తుడిచేసి, నీటితో కడిగేయాలి. ► వారానికి రెండు–మూడుసార్లు ఈ ప్యాక్‌ వేసుకుంటే నలుపు పోయి, చర్మం నిగారింపు సంతరించుకుంటుంది. ప్యాక్‌ వేసుకునే సమయం లేనప్పుడు..టొమాటో రసాన్ని ముఖానికి రాసుకుంటే ట్యాన్‌ తగ్గుతుంది.  ► నిమ్మరసంలో బంగాళదుంప రసం కలిపి ముఖానికి పెట్టుకున్నా ట్యాన్‌ పోతుంది ► ఈ  ప్యాక్‌లు వేసుకున్నప్పటికీ రాత్రి పడుకునేముందు చేతులు, కాళ్లకు నైట్‌క్రీమ్‌ రాసుకుంటే ట్యాన్‌ తొలగి చర్మం కాంతిమంతంగా మెరుస్తుంది. హెయిర్‌ కేర్‌ యాపిల్‌ సైడర్‌ వెనిగర్‌లో కొద్దిగా నీళ్లు కలిపి, తలస్నానం చేసిన జుట్టుకు కుదళ్ల నుంచి చివర్ల వరకు పట్టించాలి. ఇలా చేయడం వల్ల తల స్నానం చేసిన తరువాత కూడా జుట్టుకు పట్టి ఉండే జిడ్డు  వదులుతుంది. వారానికి ఒకసారి ఇలా చేయాలి.  ఉసిరి పొడిలో నిమ్మరసం వేసి పేస్టులా కలపాలి. ఈ పేస్టుని జుట్టు కుదుళ్ల నుంచి చివర్ల వరకు పట్టించి క్యాప్‌ పెట్టుకోవాలి. గంట తరువాత మైల్డ్‌ షాంపూతో తల స్నానం చేయాలి. ఈ ప్యాక్‌లో విటమిన్‌ సి పుష్కలంగా ఉండి కురులను దృఢంగా మారుస్తుంది. జుట్టు రాలడం కూడా తగ్గుతుంది. త్వరగా తెల్లబడదు.  

హైదరాబాద్‌: గ్లోబల్‌ టెక్నాలజీ సంస్థ డైసన్‌ హెయిర్‌ కేర్‌ టెక్నాలజీస్‌ తన బ్రాండ్‌ అంబాసిడర్‌గా నటి దీపికా పదుకొనేను నియమించుకుంది. ప్రస్తుత రోజుల్లో ప్రతి ఒక్కరికి శిరోజాల సంరక్షణపై కనీస అవగాహన అవసరం. ఆరోగ్యకరమైన హెయిర్‌ స్టైల్‌ కోసం ఎప్పటికప్పుడు నూతన ఆవిష్కరణలను చేస్తున్న డైసన్‌కు బ్రాండ్‌ అంబాసిడర్‌ వ్యవహరిస్తుండటం సంతోషంగా ఉందని దీపికా అన్నారు. ‘‘మా బ్రాండ్‌కు దీపికా మరింత గుర్తింపు తీసుకొస్తుంది. అధునాతన కేశాలంకరణ పరికరాల మార్కెట్‌ను మరింత విస్తరించుకునేందుకు ఆమెకు ఉన్న ఆకర్షణ మాకు కలిసొస్తుంది’’ అని డైసన్‌ ఇండియా ఎండీ అంకిత్‌ జైన్‌ తెలిపారు. 

♦ వాతావరణంలో మార్పుల వల్ల లేదా జుట్టు స్వభావం వల్ల ఒకోసారి తలస్నానం చేసినప్పటికీ వెంట్రుకలు వాసన వస్తుంటాయి. కొంతమందిలో వాసనతోపాటు జుట్టు ఊడిపోతుంటుంది. ఈ సమస్య నివారణకు ఇంట్లోనే సులభంగా చేసుకోదగిన ఈ రెండు చిట్కాలు చక్కగా పనిచేస్తాయి.   ♦ అలోవెరా జెల్‌ లేదా అలోవెరా నూనెను వారానికి ఒకసారి తలకు పట్టించి గంట తరువాత కడిగితే వెంట్రుకల నుంచి వచ్చే వాసన పోతుంది. అలోవెరాలోని విటమిన్‌ ఎ, సి, ఇ, బీ12 లు జుట్టుకు అంది పెరుగుదలకు దోహద పడతాయి. ♦ శీకా కాయ, ఉసిరిపొడి, కరివేపాకు, మందార పువ్వులను సమపాళ్లల్లో తీసుకుని రాత్రంతా నానబెట్టాలి. మరుసటిరోజు ఉదయం వీటన్నింటిని పేస్టు చేయాలి. ఈ పేస్టుని జుట్టుకి పట్టించి అరగంట తరువాత షాంపూతో కడిగేయాలి. వారానికి మూడుసార్లు ఇలా చేయడం వల్ల కురుల నుంచి వచ్చే చెడువాసన పోవడంతోపాటు, జుట్టుకూడా పెరుగుతుంది.

‘ఝుమ్మంది నాదం’ సినిమాతో తెరంగేట్రం చేసిన మోడల్‌ తాప్సీ పన్ను. 2010లో విడుదలైన ఈ మూవీలో గ్లామర్‌తో ఆకట్టుకున్న ఈ ఢిల్లీ అందం.. 2011లో ఆడుకాలంతో కోలీవుడ్‌లో అడుగిడింది. ఇక వరుణ్‌ ధావన్‌ కామెడీ ఎంటర్టైనర్‌ ‘ఛష్మే బద్దూర్‌’తో బీ-టౌన్‌లోనూ ఎంట్రీ ఇచ్చింది. ఆరంభంలోనే కేవలం గ్లామర్‌ పాత్రలకే పరిమితమైన తాప్సీ.. థప్పడ్‌ వంటి వుమెన్‌ ఓరియంటెడ్‌ సినిమాతో సత్తా చాటింది. నటిగా రోజురోజుకూ మరింత మెరుగుపడుతున్న ఈ సోగకళ్ల సుందరి తన బ్యూటీ సీక్రెట్‌ను రివీల్‌ చేసింది. తన ఉంగరాల జుట్టు అందంగా కనిపించడానికి అమ్మే కారణమంటూ మురిసిపోయింది.   నిద్ర దగ్గర అస్సలు కాంప్రమైజ్‌ అవను. కచ్చితంగా ఎనిమిది గంటలు నిద్రపోతాను. స్కిన్‌ కేర్‌లో క్లెన్సింగ్‌..మాయిశ్చరైజింగ్‌.. హైడ్రేటింగ్‌ కంపల్సరీ. అలాగే నా జుట్టు విషయంలోనూ ప్రత్యేక శ్రద్ధ తీసుకుంటా. తెలుసు కదా.. కర్లీ హెయిర్‌ని మేనేజ్‌ చేయడం ఎంత కష్టమో! ఆ క్రెడిట్‌ మా అమ్మదే!  నా జుట్టు కోసం కొబ్బరి నూనెలో మందార ఆకులు, ఉసిరి ఎట్‌సెట్రా ఇన్‌గ్రీడియెంట్స్‌ వేసి స్పెషల్‌ ఆయిల్‌ తయారు చేస్తుంది. ఆ ఆయిల్‌ని రోజూ రాత్రి తలకు పట్టించి తెల్లవారి తలస్నానం చేస్తా! అందుకే కర్లీ హెయిర్‌ అయినా కాస్త సాఫ్ట్‌గా కనపడుతుంది’’ అని  తాప్సీ పన్ను  చెప్పుకొచ్చింది. చదవండి: ఆపకుండా గట్టిగా నవ్వితే చనిపోతారా? దీనిలో నిజమెంతంటే...

జుట్టు రాలడం తగ్గి కురులు ఒత్తుగా పెరగాలంటే ఈ చిట్కా ట్రై చేయండి. ఇంట్లోనే ఇలా మందార తైలం తయారు చేసుకుని తలకు పట్టిస్తే ప్రయోజనకరంగా ఉంటుంది. ►ఇరవై మందార పువ్వులను తీసుకుని శుభ్రంగా కడిగి నీడలో ఆరబెట్టాలి. ►పువ్వులు బాగా ఆరిన తరువాత మిక్సీజార్‌లో వేసుకుని రెండు స్పూన్ల కొబ్బరి నూనె వేసి మెత్తగా గ్రైండ్‌ చేసుకోవాలి. ►ఇప్పుడు స్టవ్‌ మీద ఒక గిన్నెపెట్టి దానిలో  అరలీటరు నువ్వుల నూనె లేదా కొబ్బరినూనె పోయాలి. మెంతులు కూడా వేసి ►అందులో గ్రైండ్‌ చేసి పెట్టుకున్న మందార పువ్వుల పేస్టు, స్పూను మెంతులు వేసి మరగనివ్వాలి. ►మరిగిన తరువాత దించేముందు కొద్దిగా పచ్చకర్పూరం వేయాలి. పచ్చకర్పూరం లేదంటే.. ►తర్వాత ఆయిల్‌ను చల్లారనిచ్చి వడకట్టి సీసాలో భద్రపరుచుకోవాలి. ►ఈ మందార తైలాన్ని వారానికి రెండుసార్లు తలకు పట్టించి మర్దనా చేస్తే.. కుదుళ్లకు పోషణ అందుతుంది. ►ఫలితంగా రాలడం తగ్గి, జుట్టు ఒత్తుగా పెరుగుతుంది. ►పచ్చకర్పూరం లేదా ముద్దకర్పూరం వేయడం వల్ల పేలు రాకుండా ఉండటమే కాక మాడుకు చల్లగా హాయిగా అనిపిస్తుంది. 

తలలో చుండ్రు సమస్య ఈ కాలం అధికంగా విసిగిస్తుంటుంది. దీనికి కారణం మాడు పై భాగం పొ డిబారడం వల్ల తెల్లటి పొ ట్టులాంటి మృతకణాలు బయటకు కనిపిస్తుంటాయి. దీనివల్ల దురద కూడా ఉంటుంది. ఈ సమస్య నివారణకు..  ♦ ఆపిల్‌ సైడర్‌ వెనిగర్‌లో అరటిపండు గుజ్జును బాగా కలపా లి. ఈ మిశ్రమాన్ని మాడుకు పట్టించి పది నిమిషాల తర్వాత వెచ్చని నీళ్లతో శుభ్రపరుచుకోవాలి. ♦ కలబంద గుజ్జును మాడుకు పట్టించి 15 నిమిషాల తర్వాత తలస్నానం చేయాలి. కలబంద చుండ్రును నివారించడమే కాకుండా మాడుపైన దురద వంటి చర్మ సమస్యలనూ నివారిస్తుంది. వెంట్రుకలకు మృదుత్వాన్ని ఇస్తుంది. ♦ చిన్న అల్లం ముక్కను సన్నగా తరగాలి. ఈ ముక్కలను నువ్వుల నూనెలో వేసి మరిగించాలి. చల్లారిన తర్వాత కుదుళ్లకు నూనె పట్టేలా మర్దనా చేయాలి. గంట సేపు ఆలాగే ఉంచి, ఆ తర్వాత తలస్నానం చేయాలి. వారంలో రెండు సార్లు ఈ విధంగా చేస్తే చుండ్రు తగ్గుతుంది. ♦ కప్పు నీళ్లలో 2–3 టేబుల్‌ స్పూన్ల ఉప్పు కలపా లి. ఈ మిశ్రమాన్ని తలకు పట్టించాలి. 10 నిమిషాల తర్వాత శుభ్రపరుచుకోవాలి. ♦వేప నూనె, ఆలివ్‌ ఆయిల్‌ సమపా ళ్లలో కలిపి వేడి చేయాలి. గోరువెచ్చని ఈ నూనెను తలకు పట్టించి వేళ్లతో మృదువుగా మర్దనా చేయాలి. 15 నిమిషాల తర్వాత రసాయనాల గాఢత తక్కువ ఉండే షాంపూతో తలస్నానం చేయాలి. ♦ బేబీ ఆయిల్‌ను తలకు పట్టించి, మర్దనా చేసి వెచ్చని నీళ్లలో ముంచి తీసిన టర్కీ టవల్‌ని చుట్టుకోవాలి. 15 నిమిషాల తర్వాత చుండ్రు నివారణకు ఉపయోగించే షాంపూతో తలస్నానం చేయాలి. చదవండి: ఆమె నిన్నటి మేటి హీరోయిన్.. కళ్ళతోనే నటించేది! ఇప్పుడేమో ఇలా.. చెబితే నమ్మరు గానీ..

చిన్నపిల్లల్లో అంటే ఐదేళ్లు మొదలుకొని... ఎనిమిది, తొమ్మిదేళ్ల పిల్లల్లో జుట్టు రాలిపోవడం కాస్తంత తక్కువే అయినా మరీ అంత అరుదేమీ కాదు. నిజానికి ఆ వయసులో క్రమంగా జుట్టు దట్టమమవుతూ ఉంటుంది. అలాంటి వయసులోనూ పిల్లల్లో జుట్టు రాలుతుండటానికి కారణాలు, వాటి నివారణ మార్గాలు తెలిపే కథనమిది.  జుట్టు రాలడం అనే కండిషన్‌ను వైద్యపరిభాషలో ‘టీలోజెన్‌ ఎఫ్లువియమ్‌’ అంటారు. పిల్లల్లో ఇలా జుట్టు రాలడం అనేది నిర్దిష్టంగా ఒక భాగంలో (లోకల్‌గా) జరగవచ్చు దీన్ని ‘అలోపేషియా ఏరేటా’ అంటారు. నిజానికి వెంట్రుకలు పాటించే సైకిల్‌ కారణంగా జుట్టులో కాస్త భాగం నిద్రాణంలోకి వెళ్లడం, మరికొంత రాలిపోవడం రోజూ సాధారణంగా జరిగే ప్రక్రియే. ఇలా పిల్లల్లో రోజూ 30 నుంచి 40 వరకు వెంట్రుకలు రాలిపోతూ ఉంటే... దాన్ని పెద్దగా పరిగణనలోకి తీసుకోవాల్సిన అవసరం లేదు. కానీ అంతకు మించి అంటే 80 – 100 వరకు వెంట్రుకలు రాలుతుంటే మాత్రం దాన్ని కాస్త సీరియస్‌గా జుట్టురాలడం (సిగ్నిఫికెంట్‌ హెయిర్‌ లాస్‌)లాగే పరిగణించాలి.  సాధారణ కారణాలు :   ►అన్నిటికంటే పిల్లల్లో జుట్టు రాలడానికి ప్రధాన కారణం పౌష్టిక ఆహార  (ప్రోటిన్‌ మాల్‌న్యూట్రిషన్, ఐరన్, జింక్‌తో పాటు ఎసెన్షియల్‌ ఫ్యాటీ యాసిడ్స్‌) లోపాల వల్ల కావచ్చు. ఇదే కారణమైతే పిల్లలకు ఐరన్, జింక్, ప్రోటీన్లు పుష్కలంగా ఉండే మంచి సమతులాహారంతో పరిస్థితి చక్కబడుతుంది. ►అలా కాకుండా కొన్ని మెకానికల్‌ సమస్యల  (అంటే... జడలు బిగుతుగా వేయడం, బిగుతైన క్లిప్పులు పెట్టడం)వంటి కారణాలతోనూ జుట్టు రాలవచ్చు. ఆ వయసు పిల్లల్లో మరీ బిగుతుగా కాకుండా కాస్త తేలిగ్గా ఉండేలా జడలల్లడం వల్ల ఈ సమస్యని చాలా తేలిగ్గా నివారించవచ్చు.  ►కొంతమంది పిల్లల్లో జ్వరాలు (డెంగీ, మలేరియా, కోవిడ్‌ వంటివి) వచ్చి తగ్గాక కూడా మూడు నుంచి నాలుగు నెలల తర్వాత జుట్టు రాలడం కూడా జరగవచ్చు. దీన్ని పోస్ట్‌ వైరల్‌ ఫీవర్‌ ఎఫెక్ట్‌గా పరిగణించాలి.  కొన్ని నిర్దిష్ట కారణాలు ►పైన పేర్కొన్న సాధారణ కారణాలు మినహాయిస్తే... చిన్న వయసు పిల్లల్లో జుట్టు రాలడానికి అనేక కారణాలు ఉంటాయి. ఉదాహరణకు పుట్టుకతోనే వచ్చే కారణాలు (కంజెనిటల్‌ కాజెస్‌), ఇన్ఫెక్షన్లు (అంటే... కొన్ని రకాల ఫంగల్‌ ఇన్ఫెక్షన్లు, పయోడెర్మా లాంటివి), తలలో పేలు పడటం, ఇతర అనారోగ్యల కారణంగా మందులు వాడుతున్నప్పుడు అవి వారికి సరిపడక కూడా జుట్టు రాలిపోవచ్చు.  ►ఇక మరికొందరు పిల్లల్లో హార్మోన్ల అసమతౌల్యత (హైపోథైరాయిడ్, పారాథైరాయిడ్, చైల్డ్‌ డయాబెటిస్‌) లాంటి సమస్య వల్ల కూడా జుట్టు రాలవచ్చు. వీటిని పక్కన పెడితే పిల్లలు కూడా కొన్ని సందర్భాల్లో ఒత్తిడికి గురవుతారు. ఇలా పిల్లల్లో మానసిక ఒత్తిడి వల్ల కూడా జట్టు రాలిపోవచ్చు.  ఏం చేయాలి? ►మంచి పౌష్టికాహారం ఇవ్వడం,  పిల్లలు బాగా ఆడుకునేలా చూస్తూ... మానసిక ఒత్తిడి నుంచి దూరంగా ఉండేలా చేయడం వంటి సాధారణ చర్యలతోనూ సమస్య చక్కబడకపోతే,  అప్పుడు డాక్టర్‌ను సంప్రదించడం అవసరం.  -డాక్టర్‌ స్వప్నప్రియ, సీనియర్‌ డర్మటాలజిస్ట్‌ చదవండి: Unwanted Hair: పై పెదవి మీద, చుబుకం కింద డార్క్‌ హెయిర్‌.. పీసీఓఎస్‌ వల్లేనా? పరిష్కారం?  రక్తనాళాల్లో రక్తం గడ్డ కట్టడం దేనికి సంకేతం? బ్లాక్‌ కాఫీ తాగుతున్నారా? ఇవి తింటే..

చర్మ, కేశ సంరక్షణకు ఉపయోగపడే సులువైన చిట్కాలు.. ఓ లుక్కేయండి మరి! ►చర్మం చిట్లి బిరుసెక్కినట్లుగా ఉంటే శరీరానికి పెరుగు రాసి, అరగంట ఆగి స్నానం చేయండి. ఆ బాధ నుంచి విముక్తి కలుగుతుంది. ►చర్మం మీది ముడతలు పోవాలంటే కొద్ది రోజులపాటు ప్రతిరోజూ ఉదయం చేమంతి పూలతో సున్నితంగా మర్దన చేయాలి. నిగనిగలాడే జుట్టు కోసం ►జుట్టు నిగనిగలాడుతూ మెరవాలంటే కోడిగుడ్డు సొనను, అరటి పండును బాగా కలిపి, ఆ పేస్టును తలకు పట్టించి పావుగంట తర్వాత మైల్ట్‌ షాంపూతో శుభ్రంగా తలస్నానం చేయాలి. ►జుట్టు బిరుసుగా ఉండి వెనకకు దువ్వడానికి వీలులేకుండా ఉంటే నీళ్ళలో కొంచం నిమ్మరసం కలిపి తలకి రాసి దువ్వండి. ►ఒక భాగం ఆపిల్‌ జ్యూస్, మూడు భాగాల నీరు కలిపి తలకి రాసి ఆరిన తరువాత తల స్నానం చేస్తే ఎరుపు రంగులోని జుట్టు నల్లగా మారడమే కాకుండా వెంట్రుకలు రాలడం తగ్గుతుంది. గులాబీ రంగు పెదాల కోసం ►పెదవులు తరచు ఎండిపోవడం లేదా పగలడం జరుగుతుంటే పాలమీగడను, కుంకుమ పువ్వును బాగా కలిపి రాత్రిపూట పడుకునేటప్పుడు పెదవులకు పూయాలి. ఈ విధంగా వారం పదిరోజులు చేస్తే మీ పెదవులు గులాబీ రంగులోకి మారి అందంగా ఉంటాయి. ►తేనె, నిమ్మరసం, గ్లిసరిన్‌లో కలిపి రాత్రిపూట పడుకోబోయే ముందు పెదాలకి రాసి మర్దన చేస్తే పెదాల నల్లదనం పోతుంది. గులాబీ రంగులోకి మారి అందంగా కనిపిస్తాయి. ►పెదాలపైన మచ్చలు పోవాలంటే గ్లిసరిన్‌ లో కొంచం రోజ్‌ వాటర్‌ కలిపి దానిని పెదాలకు మర్దన చేయాలి. పిల్లలకు ►పిల్లలకి స్నానం చేయించడానికి సబ్బుకు బదులుగా సున్నిపిండి వాడితే చర్మవ్యాధులు రాకుండా వుండడమే కాకుండా, శరీరంమీద వుండే నూగులాంటి వెంట్రుకలు కూడా పోతాయి. ►ఎండబెట్టిన పుదీనా ఆకుల్ని పొడిచేసి, తగినంత నీరు కలిపి బాగా కాచి, చల్లార్చిన కషాయాన్ని ప్రతిరోజూ పుక్కిలి బడితే నోటి దుర్వాసన, చిగుళ్ళ నుండి రక్తం కారటాన్ని నివారించవచ్చు. చదవండి: Constipation: మలబద్ధకం నివారణ... మరికొన్ని ప్రయోజనాలు!! ఇవి తరచుగా తింటే..  Health Tips In Telugu: పిల్లలు ఎత్తు పెరగాలంటే ఏం చేయాలి?

అల్లంలో యాంటీ ఫంగల్, యాంటీ బ్యాక్టీరియల్, యాంటీ వైరల్‌ యాంటీ ఇన్‌ఫ్లమేటరీ గుణాలు పుష్కలంగా ఉన్నాయి. కాబట్టి జుట్టుకు అల్లం రసాన్ని ఉపయోగించడం వల్ల అనేక జుట్టు సంబంధిత సమస్యలను పరిష్కరించుకోవచ్చు. ముఖ్యంగా తలలో దురద, తీవ్రమైన చుండ్రు సమస్యలకు చికిత్స చేయడంలో అల్లం ముఖ్యమైన పాత్ర పోషిస్తుంది.  అల్లం జుట్టు కుదుళ్లకు రక్త ప్రసరణను పెంచుతుంది. తద్వారా వెంట్రుకల కుదుళ్లు ఉత్తేజితమై జుట్టు పెరుగుదలను ప్రేరేపిస్తాయి. అల్లంలో జింజరోల్, విటమిన్లు, ఖనిజాలు, కొవ్వు ఆమ్లాలు పుష్కలంగా ఉన్నాయి. అందువల్ల జుట్టు రాలడాన్ని నివారించడంతోబాటు జుట్టు కుదుళ్ళను బలంగా చేస్తుంది. ఇందుకోసం మార్కెట్‌లో దొరికే జింజర్‌ ఆయిల్‌ను వాడవచ్చు. మీ షాంపూతో అల్లం రసం కలపవచ్చు. లేదా అల్లం ఆధారిత షాంపూని ఉపయోగించవచ్చు. నూనెతో పాటు అల్లం రసాన్ని కూడా ఉపయోగించవచ్చు. మీ హెయిర్‌ మాస్క్‌లకు అల్లం కూడా జోడించవచ్చు. (క్లిక్ చేయండి: డిజిటల్‌ అడిక్షన్‌ను గుర్తించడమెలా?)

Hair Care Tips: నల్లని నిగనిగలాడే ఒత్తైన కురులు కావాలని కోరుకోని అమ్మాయి ఉండరంటే అతిశయోక్తి కాదు. అలాంటి వాళ్లు ఈ చిన్న చిట్కాతో నల్లటి జుట్టు సొంతం చేసుకోవచ్చు. ఆవనూనె, మెంతి పొడి.. ఇంకా ►ఇనుప మూకుడు తీసుకుని దానిలో టీకప్పు ఆవనూనె, మరోకప్పు కొబ్బరి నూనె, టేబుల్‌ స్పూన్‌ మెంతి పొడి లేదా మెంతులు, టేబుల్‌ స్పూన్‌ ఉసిరి పొడి, అరకప్పు ►గోరింటాకు పొడి వేసి బాగా కలపాలి. ►ఇప్పుడు సన్నని మంట మీద ఈ మూకుడు పెట్టి పదినిమిషాల పాటు మరగనివ్వాలి. ఆయిల్‌ రంగు మారిన తరువాత స్టవ్‌ ఆపేసి దించి పక్కనపెట్టుకోవాలి. ►చల్లారిన తర్వాత దీనిని ఒక శుభ్రమైన పొడి సీసాలో పోసుకుని ఒక పూటంతా పక్కన పెట్టాలి. ►దీనిని రోజూ తలకు రాసుకోవాలి. ►ఇలా చేయడం వల్ల వెంట్రుకలు నల్లగా నిగనిగలాడతాయి. ►రోజూ వాడటం ఇష్టం లేనివాళ్లు వారానికి ఒకటి రెండుసార్లు తలకు పట్టించి రెండు మూడు గంటల తర్వాత తలస్నానం చేయాలి. ►ఈ ఆయిల్‌ను వాడటం వల్ల నల్లని ఒత్తైన కురులు మీ సొంతమవుతాయి. చదవండి: Aparna Tandale: మధ్యతరగతి కుటుంబం.. నటి కావాలనే కోరిక.. చీపురు పట్టి స్టార్‌ అయ్యింది! 

సాధారణ హెల్మెట్‌.. ప్రయాణాల్లో ప్రాణాలను కాపాడితే.. ఈ లేజర్‌ హెల్మెట్‌.. రాలిపోతున్న జుట్టును సంరక్షిస్తుంది. రాలిపోయిన జుట్టును తిరిగి రప్పిస్తుంది. ఎన్ని ప్రయత్నాలు చేసినా హెయిర్‌ గ్రోత్‌ ఆగిపోయిందని.. కారణం లేకుండానే హెయిల్‌ లాస్‌ అవుతోందని వాపోయేవారికి ఈ డివైజ్‌ ఓ వరం. ప్రసవానంతర సమస్యలతోనో.. వాతావరణ మార్పులతోనో.. ఆహారపు అలవాట్లతోనో.. కారణం ఏదైనా జుట్టు రాలిపోవడం, తిరిగి పెరగకపోవడం.. చాలామందికి ఉండే ప్రధాన సమస్యే. ఆయిల్స్, షాంపూలు, కండిషనర్స్‌ మారుస్తూ తాపత్రయపడేవారికి ఈ మెషిన్‌ చక్కటి పరిష్కారం.  ఈ డివైజ్‌ని ఆన్‌ చేసుకుని.. తలకు హెల్మెట్‌లా తగిలించుకుంటే చాలు. ఫలితం చాలా త్వరగా అందుతుంది. జుట్టు పెరుగుదల కోసం ప్రతిరోజూ 25 నిమిషాల పాటు ఈ ట్రీట్మెంట్‌ తీసుకోవాలి. ఆన్‌ – ఆఫ్, అడ్జస్ట్‌మెంట్‌ల కోసం ప్రత్యేకమైన రిమోట్‌.. హెల్మెట్‌తో పాటు లభిస్తుంది. ట్రీట్మెంట్‌ సెషన్‌లను ట్రాక్‌ చేయడానికి రిమోట్‌లో ఎల్‌ఈడీ డిస్‌ప్లే ఉంటుంది. దాంతో ప్రత్యేకంగా గడియారం ముందు కూర్చోవాల్సిన పనిలేదు.  ఈ మెషిన్‌ సమర్థవంతమైనది.. సురక్షితమైనది కూడా. అంతేకాదు తేలికగా.. సౌకర్యవంతంగానూ ఉంటుంది. ఇది ప్రతి సెషన్లో‌ ఒక డిగ్రీ సెల్సియస్‌ కంటే తక్కువ వేడిని ఉత్పత్తి చేస్తుంది. అంతర్నిర్మాణ సెన్సర్‌ను కలిగి ఉంటుంది. దాంతో ఉష్ణోగ్రత స్థాయిని పెరగనివ్వకుండా నియంత్రిస్తుంది. ఈ మోడల్‌ హెల్మెట్స్‌ ధర సుమారుగా పదిహేను వందల రూపాయల నుంచి అమ్ముడుపోతున్నాయి. ఇలాంటి డివైజ్‌లను క్వాలిటీతో పాటు వినియోగదారుల రివ్యూల ఆధారంగానే కొనుగోలు చేయాలి. చదవండి: Health: మేనరికపు పెళ్లి.. నాలుగు సార్లు అబార్షన్‌.. సమస్య ఏమిటి? పరిష్కారం ఉందా?

Hair Care Tips In Telugu: ఉంగరాల జుట్టు ఉండటం అందానికి చిహ్నంగా చెప్తారు. కొంతమంది స్టైల్‌ కోసం కూడా జుట్టును ఉంగరాలుగా మలుచుకుంటారు. అయితే ఉంగరాల జుట్టు వారు ఎదుర్కొనే అతిపెద్ద సమస్య జుట్టు చిక్కులు పడటం. ఈ జుట్టు కుదుళ్ల దగ్గర జిడ్డుగా ఉండి చివర్లు పొడిబారినట్లుగా ఉంటాయి. ఉంగరాల జుట్టు కలవారు వారానికి మూడు సార్లు తలస్నానం చేస్తే సరిపోతుంది. అలాగే జుట్టుకి పోషణను అందించే షాంపూలు, బాదం, అవకాడో గుణాలు కలిగిన షాంపూలు, సల్ఫేట్‌ రహిత షాంపూలు వాడటం ఉత్తమం. కొంచెం రింగులు తక్కువ ఉండి, అలలలాగా జుట్టు ఉండేవారికి కూడా ఇదే వర్తిస్తుంది. అయితే వీరు సల్ఫేట్‌ రహిత షాంపూ లేదా నురగతో శుభ్రపరుచుకోవడం  చేసుకుంటే ప్రయోజనాలుంటాయి.  ఒత్తైన కేశాల కోసం సోంపు ఆకులు ►సోంపు ఆకులను నీటిలో మరిగించి ఆ నీటితో తలస్నానం చేస్తే జుట్టు ఒత్తుగా పెరుగుతుంది. మృదుత్వం సంతరించుకుంటాయి. ►రెండు లీటర్ల నీటిలో రెండు గుప్పెళ్ల సోంపు ఆకులను వేసి మరిగించి దించాక కొంచెం సేపు కదిలించకుండా అలాగే ఉంచాలి. ►నీరు ఆకులలోని సుగుణాలను ఇముడ్చుకుంటుంది. ►ఈ నీటిలో ఒక టేబుల్‌ స్పూన్‌ వెనిగర్‌ను కలిపి తలస్నానం పూర్తయ్యాక జుట్టుకంతటికీ పట్టేటట్లు పోయాలి. చదవండి: Hair Care Tips: జుట్టు ఆరోగ్యంగా, సిల్కీగా ఉండాలంటే.. ఇంట్లోనే ఇలా షాంపూ తయారు చేసుకోండి! Bhagyashree: 53 ఏళ్ల వయసులోనూ అందంలో తగ్గేదేలే! నా బ్యూటీ సీక్రెట్‌ అదే!

శిరోజాలు సిల్కీగా, ఆరోగ్యంగా ఉండటానికి ఎన్నో జాగ్రత్తలు తీసుకుంటూ ఉంటాం. రెడీమేడ్‌గా దొరికే షాంపూల్లో రసాయనాల గాఢత ఎక్కువగా ఉండి వెంట్రుకలు దెబ్బతింటున్నాయని బాధపడుతుండే వారు ఇంట్లోనే షాంపూని తయారు చేసుకోవచ్చు.  కావలసినవి: ►కోడిగుడ్డు ►టేబుల్‌స్పూన్‌ నిమ్మరసం ►టేబుల్‌ స్పూన్‌ క్యాస్టిల్‌ సోప్‌ లిక్విడ్ ►టేబుల్‌ స్పూన్‌ ఆలివ్‌  ఆయిల్ ►అరకప్పు నీళ్లు లేదా హెర్బల్‌ టీ ►కొన్ని చుక్కల ఎసెన్షియల్‌ ఆయిల్‌ తయారి: ►వీటన్నింటినీ కలిపి తలకు రాసుకుని స్నానం చేయాలి. ►ఈ షాంపూని ఫ్రిజ్‌లో పెట్టుకుని రెండు వారాల వరకు వాడుకోవచ్చు. ►తాజాగా తయారు చేసుకుంటే మరింత మంచిది.   చదవండి: Overcome OCD: పదే పదే అవే చెడు ఆలోచనలు.. తల్లి, చెల్లి పట్ల కూడా! ఆఖరికి గుడికి వెళ్లినా.. ఏం చేయాలి? Cucumber Juice: రోజూ తలస్నానం చేస్తున్నారా? కీర దోస జ్యూస్‌ను ఇలా వాడితే సెబమ్‌ ఉత్పత్తి పెరిగి..

కొందరు వారంలో అన్ని రోజులూ తలస్నానం చేస్తారు, ఇంకొంత మంది వారంలో ఒకటి లేదా రెండు సార్లు చేస్తారు. అయితే వాస్తవానికి వారంలో ఎన్నిసార్లు తలస్నానం చేయాలి అనేది చాలా మందికి తెలియదు. ఇంకో విషయం, అందరి జుట్టు ఒకేలా ఉండదు. కొందరికి వెంట్రుకలు పలుచగా ఉంటే మరికొందరికి ఒత్తుగా ఉంటాయి, కొందరి జుట్టు పట్టులాగా జారిపోయేలా ఉంటే ఇంకొందరి జుట్టు రింగులు తిరిగి ఉంటుంది. కాబట్టి ముందుగా వారి జుట్టు స్వభావం ఎలాంటిదో తెలుసుకొని దానికనుగుణంగా తలస్నానం చేయాల్సి ఉంటుంది. లేకపోతే జుట్టు రాలిపోవటం, నిర్జీవంగా మారడం, చుండ్రు రావటం లాంటి సమస్యలు అనవసరంగా కొనితెచ్చుకున్నట్లు అవుతుంది.  కురుల దృఢత్వానికి కీరదోస కీర దోసకాయను తొక్కతీసి సన్నగా తురిమి జ్యూస్‌ తియ్యాలి. జ్యూస్‌ను జుట్టు కుదుళ్ల నుంచి చివర్లవరకు పట్టించి మర్ధన చేయాలి. గంట తరువాత సాధారణ షాంపుతో కడిగేయాలి. కీరా జ్యూస్‌లోని యాంటీ ఆక్సిడెంట్స్, విటమిన్‌ కే జుట్టురాలడాన్ని తగ్గించి, పెరుగుదలను ప్రోత్సహిస్తాయి. విటమిన్‌ ఏ సెబమ్‌ ఉత్పత్తిని పెంచి జుట్టుని ఆరోగ్యంగా ఉంచుతుంది. పొటాషియం, జింక్, మ్యాంగనీస్, పాంతోనిక్‌ యాసిడ్స్‌ కురులను దృఢంగా మారుస్తాయి. చదవండి: Black Sesame- Dandruff Control: నల్ల నువ్వుల ప్రయోజనాలు.. చుండ్రుకు చెక్‌! ఒత్తైన జుట్టు ఇంకా.. Amla Tea Benefits: ఉసిరి టీ తయారీ ఇలా.. ఆరోగ్య ప్రయోజనాలు తెలిస్తే అస్సలు వదలరు!

Beauty- Hair Care Tips In Telugu: జుట్టు రాలడం, చుండ్రు వంటి సమస్యలు చాలా మందిని వేధిస్తూ ఉంటాయి. అలాంటి వారు ఇంట్లోనే చక్కగా ఈ చిట్కాలు ట్రై చేస్తే ప్రయోజనకరంగా ఉంటుంది. నల్ల నువ్వుల పొడి కలిపిన కొబ్బరినూనె తలకు రాసుకుంటే చుండ్రు తగ్గడమే కాకుండా.. జుట్టు ఒత్తుగా పెరుగుతుంది. ఇలా తయారు చేసుకోవాలి.. ►కప్పు నల్లనువ్వులను తీసుకుని మెత్తగా పొడిచేసి పక్కన పెట్టుకోవాలి. ►అరలీటరు కొబ్బరి నూనెను మందపాటి పాత్రలో పోయాలి. ►దీనిలో నువ్వులపొడి, నాలుగు మందార పువ్వులు, రెండు కరివేప రెబ్బలూ వేసి సన్నని మంటమీద మరిగించాలి. ►మందారపువ్వులు, కరివేపాకు క్రిస్పీగా మారాక నూనెను దించేసి చల్లారనిచ్చి, ఎయిర్‌టైట్‌ కంటైనర్‌లో నిల్వ చేసుకోవాలి. ►రెండురోజులకొకసారి ఈ ఆయిల్‌ను తలకు పట్టించి మర్దన చేసి నాలుగు గంటల తరువాత తలస్నానం చేయాలి. ►క్రమం తప్పకుండా ఇలా చేయడం వల్ల చుండ్రు తగ్గడమేగాక, బాలనెరుపు నియంత్రణలో ఉంటుంది. జుట్టుకూడా ఒత్తుగా పెరుగుతుంది.  నల్ల నువ్వుల వల్ల కలిగే ప్రయోజనాలు ►తెల్ల నువ్వుల్లో పోషకాలు ఉంటే నల్ల నువ్వుల్లో ఒమేగా 3, 6 ఫ్యాటీ యాసిడ్స్‌ పుష్కలంగా ఉంటాయి. ఇవి మాడుని తేమగా ఉంచడంలో కీలకపాత్ర పోషిస్తాయి. ఇవి మాడుని పొడిబారకుండా చేసి, చుండ్రుని తగ్గిస్తాయి. ►యాంటీ ఫంగల్, యాంటీ ఇన్‌ఫ్లమేటరీ గుణాలు చుండ్రుని మరింత విస్తరించకుండా నియంత్రిస్తాయి.  చదవండి: Bhagyashree: 53 ఏళ్ల వయసులోనూ అందంలో తగ్గేదేలే! నా బ్యూటీ సీక్రెట్‌ అదే! Black Circles Under Eyes: పచ్చిపాలు.. కొబ్బరి నూనె! ఇలా చేస్తే కళ్ల చుట్టూ ఉన్న నల్లని వలయాలు మాయం Actress Rekha: కొబ్బరి నూనె, పెరుగు, తేనె.. కేశాల ఆరోగ్యం కోసం ఎవర్‌గ్రీన్‌ బ్యూటీ రేఖ చెప్పిన చిట్కాలివే!

Beauty Tips- Rekha: అలనాటి బాలీవుడ్‌ హీరోయిన్‌ రేఖ ఏడు పదుల వయసుకు చేరువవుతున్నా అందంతో మెరిసిపోతూ ఎవర్‌గ్రీన్‌ బ్యూటీ అనిపించుకుంటున్నారు. ఫంక్షన్‌ ఎక్కడైనా.. పార్టీ ఏదైనా తనదైన స్టైల్‌తో స్పెషల్‌ అట్రాక్షన్‌గా నిలుస్తారామె. నిండైన చీరకట్టుతో అందానికి మారుపేరులా అనిపించే రేఖ.. కురుల ఆరోగ్యం గురించి తన తల్లి చెప్పిన చిట్కాల గురించి అభిమానులతో పంచుకున్నారు. అవును.. అతివల సౌందర్యాన్ని ద్విగుణీకృతం చేయడంలో నల్లని, ఒత్తైన కురులది కూడా కీలక పాత్రే! ఆ కురులకు సంబంధించి రేఖ చెప్పిన టిప్స్‌ ఆమె మాటల్లోనే..  ‘‘అందం అంటే మేని మెరుపు ఒక్కటే కాదు కదా.. కురుల ఆరోగ్యం కూడా! దానికి నేను నమ్ముకున్నది హోమ్‌ రెమిడీస్‌నే. వారంలో రెండుమూడు సార్లు తలకు కొబ్బరి నూనెతో మసాజ్‌ చేసుకుంటాను. చాలా తరచుగా పెరుగు, తేనె, గుడ్డులోని తెల్లసొనను కలిపి జుట్టుకు ప్యాక్‌గా వేసుకుంటాను. స్ట్రెయిటెనర్స్, కర్లర్స్, హెయిర్‌ డ్రయర్లు అస్సలు వాడను. వాటివలన జుట్టు సహజత్వం దెబ్బతింటుంది’’ అని రేఖ పేర్కొన్నారు. చదవండి: Shirley Setia: బ్లూ సారీలో ధగధగ మెరిసిపోతున్న హీరోయిన్‌! చీర ధర ఎంతంటే Health Tips: రోజూ స్కిప్పింగ్‌ చేసే అలవాటుందా? ఎండార్ఫిన్ల ఉత్పత్తి పెరిగి..

జడ ఒత్తుగా, పొడవుగా ఉండాలని కోరుకోని మగువలు ఉండరంటే అతిశయోక్తి కాదు. కానీ.. ఆధునిక జీవనశైలి, విపరీతమైన కాలుష్యం, సరైన పోషణ లేకపోవడం తదితర కారణాల వల్ల జుట్టు రాలే సమస్య వేధిస్తోంది చాలా మందిని. అలా కాకుండా కేశాలు ఒత్తుగా పెరగాలంటే ఈ చిట్కాను ట్రై చేసి చూడండి. అల్లం, ఆవాలు, లవంగాలతో.. ►అల్లం తురుము టేబుల్‌ స్పును, టీస్పూను ఆవాలు, ఐదు లవంగాలను తీసుకుని ఒక కాటన్‌ వస్త్రంలో మూటకట్టాలి.   ►మీరు వాడుతోన్న హెయిర్‌ ఆయిల్‌ను గాజు సీసాలో పోసి, దానిలో ఈ మూటను మునిగేటట్లు పెట్టాలి. ►ఒకరోజంతా సీసాను ఎండలో ఉంచాలి. ►మరుసటిరోజు ఈ నూనెను తలకు పట్టించి మర్దన చేయాలి. ►ఒకరోజంతా ఉంచుకుని తరువాతిరోజు తలస్నానం చేయాలి. ►ఇలా వారానికి ఒకసారి ఈ అయిల్‌ను తలకు పట్టించడం ద్వారా జుట్టురాలడం తగ్గి, ఒత్తుగా పొడవుగా పెరుగుతుంది. ►నూనె అయిపోయిన తరువాత మొదట చెప్పుకున్నట్లుగానే తాజాగా  తయారు చేసుకుని వాడితే పదిహేను రోజుల్లోనే మార్పు కనిపిస్తుంది.  చదవండి: Madhuri Dixit: వారానికి 3 సార్లు ఇలా చేస్తా! నా బ్యూటీ సీక్రెట్‌ అదే! Ramya Krishnan: రమ్యకృష్ణ ధరించిన ఈ చీర ధర 2.75 లక్షలు! ప్రత్యేకత ఏమిటంటే! ఉల్లిపాయ రసంలో బాదం నూనె కలిపి జుట్టుకు పట్టిస్తున్నారా? కొబ్బరి నూనెలో ఆవాలు వేయించి ముఖానికి రాస్తే!

Hair Care And Beauty Tips In Telugu: జుట్టు రాలడం తగ్గాలంటే ఈ చిట్కాలు ట్రై చేసి చూడండి. బాదం నూనెతో వీటిని కలిపి కురులకు పట్టిస్తే ప్రయోజనకరంగా ఉంటుంది. ఉల్లిపాయ రసంలో.. మీడియం సైజులో ఉన్న ఉల్లిపాయను తీసుకుని సన్నగా తురిమి రసం తియ్యాలి. ఈ రసాన్ని  రెండు టేబుల్‌ స్పూన్ల బాదం నూనెలో వేసి కలిపి, కుదుళ్ల నుంచి చివర్లవరకు పట్టించి ఇరవై నిమిషాలపాటు మర్దన చేయాలి. నలభై నిమిషాల తరువాత తలస్నానం చేయాలి. వారానికి రెండు సార్లు ఈ విధంగా చేయడం వల్ల జుట్టు రాలడం తగ్గి, ఒత్తుగా పెరుగుతుంది.  ఉసిరిపొడితో..  బాదం నూనెలో ఉసిరిపొడి లేదా రెండు టీస్పూన్ల తాజా నిమ్మరసం వేసి కలిపి జుట్టుకు పట్టించాలి. మర్దనచేసి అరగంట తరువాత తలస్నానం చేయాలి. వారానికి రెండు సార్లు ఈవిధంగా చేస్తే వెంట్రుకలు రాలడం తగ్గుతుంది. కురులకు పోషణ అంది నల్లగా నిగనిగలాడుతూ పెరుగుతాయి. ఆవనూనె వల్ల.. ఆవాల నుంచి తీసిన నూనెలో విటమిన్‌ ఎ పుష్కలంగా లభిస్తుంది. ఇది జుట్టు బాగా పెరగడానికి దోహదం చేస్తుంది. అంతేకాదు, చుండ్రు నుంచి కూడా ఉపశమనం కలిగిస్తుంది. కానీ ఆవాలను మోతాదుకు మించి ఒకేసారిగా ఎక్కువగా వాడితే టాక్సిక్‌ కారణంగా ఇబ్బందులు తప్పవని ఆరోగ్య నిపుణులు హెచ్చరిస్తున్నారు. మొటిమలను తగ్గించుకోవాలంటే.. కొబ్బరి నూనెలో ఆవాలు వేయించి చల్లారనివ్వాలి. ఆ తర్వాత ఆ నూనెను వడగట్టి రాత్రి నిద్ర పోవడానికి ముందు నీటితో ఈ నూనెను కలిపి ముఖానికి పట్టించాలి. ఉదయాన్నే కడిగేస్తే మంచి ఫలితం కనిపిస్తుంది. చదవండి: Cervical Spondylosis: మెడ వెన్నుపూసలు అరిగిపోయాయా? వేపాకు, వేప పువ్వుల రసం.. ఇంకా.. Hair Care Tips: జుట్టు రాలడం.. చుండ్రు సమస్య వేధిస్తోందా? కొబ్బరి నూనె, ఆముదం కలిపి..

కురులు ఒత్తుగా ఉండాలని ప్రతి ఒక్క అమ్మాయి కోరకుంటుందనడంలో సందేహం లేదు. కానీ కాలుష్యం, ఒత్తిడి వంటి కారణాల వల్ల జుట్టు రాలడం సహా చుండ్రు సమస్య చాలా మందిని వేధిస్తోంది. అలాంటి వారు ఈ చిట్కాలు పాటిస్తే ప్రయోజనకరంగా ఉంటుంది. ►కొబ్బరి నూనె, ఆముదం సమపాళ్లల్లో తీసుకుని చక్కగా కలపాలి. ►ఈ నూనెను మాడుకు, జుట్టు కుదుళ్ల నుంచి చివర్ల వరకు పట్టించి పదినిమిషాలపాటు మర్దన చేయాలి. ►రెండు గంటల తరువాత తలస్నానం చేయాలి. ►వారానికి రెండు సార్లు ఇలా చేయడం వల్ల ఆముదంలోని యాంటీ బ్యాక్టీరియల్, యాంటీ ఫంగల్‌ గుణాలు జుట్టుకు అంది చుండ్రు రానివ్వకుండా చేస్తాయి. ►కురులలో వచ్చే కొన్ని రకాల ఇన్ఫెక్షన్స్‌ దరిచేరవు. ►పీహెచ్‌ స్థాయులు నియంత్రణలో ఉండి జుట్టురాలడం క్రమంగా తగ్గుముఖం పడుతుంది.  ఇవి తింటే ఆరోగ్యకరమైన కేశాలు ►బ్రౌన్‌ బ్రెడ్‌ తినడం వల్ల కురుల ఆరోగ్యానికి మేలు చేకూరుతుంది. ►రాగి, జొన్న, సజ్జ, బార్లీ పిండిలను కలిపి రొట్టె చేసుకుని తినాలి.  ►బ్రకోలి, పాలకూర, కాకరకాయ, బీన్స్‌ వంటివి ఆహారంలో చేర్చుకోవాలి. వీటిలో విటమిన్‌ కే, ఫోలేట్‌లు పుష్కలంగా ఉంటాయి.  ►తులసి, పుదీనా, సొరకాయల జ్యూస్‌.. బెల్లం, తులసి ఆకులతో చేసిన టీ కూడా జుట్టుకు పోషణ అందిస్తుంది.  చదవండి: Breast Cancer Screening: అవివాహిత మహిళలు, పిల్లలు కలగని స్త్రీలు! ఇంకా వీరికి

నిర్జీవంగా... ఎండుగడ్డిలా ఉండే కేశాలను సిల్కీగా, షైనింగ్‌గా మార్చుకునేందుకు ఇంట్లో దొరికే వాటితో ప్యాక్‌ను ఎలా తయారు చేసుకోవాలో చూద్దాం... ►టీస్పూను అలోవెరా జెల్, టీస్పూను కాఫీ పొడి, టీస్పూను సాధారణ షాంపు, విటమిన్‌ ఈ క్యాప్సూల్‌ను ఒక గిన్నెలో వేసి చక్కగా కలపాలి. ►ఈ మిశ్రమాన్ని జుట్టు చివర్ల వరకు కండీషనర్‌లా అప్లైచేసి గంట తరువాత నీటితో కడిగేయాలి. ►వారానికి కనీసం రెండుసార్లు ఇలా చేయడం వల్ల జుట్టు ఆరోగ్యంగా ఉండడంతోపాటు సిల్కీగా మెరిసిపోతుంది.  ►ఇక జట్టు తరచుగా చిక్కులు పడుతుంటే.. కెరాటిన్‌ ట్రీట్‌మెంట్‌ తీసుకుంటే మేలు. దీనివల్ల జుట్టు మృదువుగా మారడమేగాక మెరుపుని సంతరించుకుంటుంది.  ►అదే విధంగా.. మార్కెట్లో అనేక రకాల సీరమ్‌లు దొరుకుతున్నాయి. వాటిలో మీ జుట్టుకు నప్పే సీరమ్‌ను ఎంచుకుని వాడితే  కురులు మృదువుగా మారతాయి.  ►ఇక చర్మ సంరక్షణలో వాడే గ్లిజరిన్‌ కేశాల సమస్యలకు మంచి పరిష్కారం చూపుతుంది. గ్లిజరిన్‌ను జుట్టుకు కండీషనర్‌లా పట్టిస్తే.. కురులు పొడిబారడం తగ్గి మృదుత్వాన్ని సంతరించకుంటాయి.  చదవండి: Tara Sutaria: ఇలా చేస్తే చాలు.. ముఖం మెరిసిపోతుంది! బ్యూటీ సీక్రెట్‌ చెప్పిన హీరోయిన్‌ Hair Care Tips: ముఖం జిడ్డుకారుతుందని పదేపదే షాంపుతో తలస్నానం చేస్తే! ఈ సమస్యలు తప్పవు!

సరైన పోషణ, తగినంత శ్రద్ధ లేకపోతే జుట్టు పొడిబారి ఎండుగడ్డిలా బరకగా మారడమేగాక, చివర్లు చిట్లిపోయి మరింత నిర్జీవంగా కనిపిస్తుంటుంది. ఇలా కనిపించగానే వెంటనే చిట్లిన వెంట్రుకలను కత్తెరతో కత్తిరించేస్తుంటారు. చివర్లు తీసేసినప్పటికీ కొద్దిరోజుల్లో సమస్య మొదటికే వస్తుంది. చీటికి మాటికి జుట్టు కత్తిరించే ముందు ఈ చిట్కాలను పాటించి చూడండి జుట్టు పొడిబారడం, చిట్లడం కూడా తగ్గుతుంది. ఇలా చేయండి.. ►పదేపదే వెంట్రుకలు చిట్లిపోతుంటే గోరు వెచ్చని నూనెతో కుదుళ్ల నుంచి చివర్ల వరకు మర్దన చేయాలి. ►వారానికి కనీసం రెండు సార్లు మర్దన తప్పనిసరిగా చేయాలి. ►జుట్టుని ఆరబెట్టడానికి, స్ట్రెయిటనింగ్, రింగులుగా మార్చుకోవడానికి హెయిర్‌ డ్రయ్యర్‌ను తరచూ వినియోగించకూడదు. ►పదేపదే హెయిర్‌ డ్రయ్యర్‌ వాడడం వల్ల జుట్టు పొడిబారిపోయి, చిట్లిపోతుంది. తరచూ షాంపుతో తలస్నానం వద్దు! ►ముఖం జిడ్డుకారుతుందని పదేపదే షాంపుతో తలస్నానం చేస్తే.. మాడు నుంచి సహజసిద్ధంగా విడుదలయ్యే తైలాలు క్రమంగా తగ్గుముఖం పడతాయి. ►ఈ తైలాల విడుదల తగ్గితే వెంట్రుకలు పొడిబారి, చిట్లిపోతాయి. ►ఎప్పుడు తలస్నానం చేయాలనుకున్నా ముందుగా తలకు నూనె పట్టించి అరగంట తరువాతే తలస్నానం చేయాలి. గోరువెచ్చని నీటితోనే! ►మరీ ఎక్కువ వేడి... లేదా మరీ చల్లగా ఉన్న నీళ్లు కాకుండా గోరువెచ్చని నీటితోనే తలస్నానం చేయాలి. ►తలస్నానం చేసిన తరువాతే హెయిర్‌ కండీషనర్‌ రాసుకోవాలి. ►అప్పుడే వెంట్రుకలకు మంచి పోషణ అంది మెరుపుని సంతరించుకుంటాయి. ►కండీషనర్‌ను చివర్లకు పట్టించడం ద్వారా జుట్టుకు మంచి పోషణ అందుతుంది.   చదవండి: Hair Care Tips: ఉల్లి రసాన్ని కొబ్బరి నూనెతో కలిపి జుట్టుకు పట్టిస్తే! Beauty Tips: బీట్‌రూట్‌ అలోవెరా జెల్‌తో ముఖం మీది మచ్చలు మాయం! అయితే..

Hair Care Tips In Telugu: ఉల్లి లేని కూరలను.. ఉప్పు లేని పప్పు చారుతో పోల్చుతారు కొంతమంది. ఎందుకంటే ఉల్లి వల్ల వంట రుచికరంగా ఉండడంతోపాటు ఆరోగ్యానికీ ఎంతో మేలు. అలాగే. ఉల్లి వల్ల జుట్టుకు కూడా ఎంతో మంచిదని ఇటీవల కాలంలో ఇప్పుడిప్పుడే తెలుస్తోంది.  ►ఉల్లి రసాన్ని జుట్టుకు అప్లై చేయడం వల్ల జుట్టు ఒత్తుగా, నల్లగా పెరుగుతుంది. ముఖ్యంగా ఇది జుట్టును ఊడిపోకుండా కాపాడుతుంది. అందుకు ఏం చేయాలంటే..? ►ఉల్లిని మెత్తగా గ్రైండ్‌ చేసి.. దాన్నుంచి రసాన్ని తీసి.. ఒక గిన్నెలో నిల్వ చేసి కొబ్బరి నూనెలో కలిపి జుట్టుకు రాసుకుంటూ ఉండాలి. ►ఇలా క్రమం తప్పకుండా చేస్తే మంచి ఫలితం ఉంటుంది. ►ఈ నూనెను గోరువెచ్చగా వేడి చేసు రాసుకున్నా మంచిదే. ఈ నూనె బట్టతల సమస్యలు రాకుండా  కాపాడుతుంది.   మెరిసే జుట్టును సొంతం చేసుకునేందుకు ఇలా చేయండి తేనె, ఆలివ్‌ ఆయిల్‌.. ►టీ స్పూన్‌ తేనె, టీ స్పూన్‌ ఆలివ్‌ ఆయిల్, టీస్పూన్‌ నిమ్మరసం కలపాలి. ►ఈ మిశ్రమాన్ని కోడిగుడ్డులోని  తెల్లసొనని వేసి కలపాలి. ►దీనిని కుదుళ్ల నుంచి జుట్టుకి పట్టించాలి. ►20 నిమిషాల తరువాత తల స్నానం చేయాలి. కరివేపాకుతో.. ►కప్పు కొబ్బరినూనె, ఒక కప్పు ఆవాల నూనె కలపాలి. ►ఈ మిశ్రమంలో ఒక కప్పు  కరివేపాకుల్ని వేసి  రాత్రంతా నానబెట్టాలి.   ►మరుసటి రోజు  ఈ మిశ్రమాన్ని ఒక పాత్రలో పోసి చిన్న మంట పై వేడి చేయాలి. ►కరివేపాకు కాస్త వేగగానే నూనె మిశ్రమంలోంచి తీసేయాలి. ►ఆ తరువాత  దింపేసి మూడు కర్పూరం బిళ్లలు వేయాలి.   ►చల్లారిన తరువాత  నూనె మిశ్రమాన్ని జుట్టు కుదుళ్ల నుంచి జుట్టుకంతా పట్టించి రాత్రంతా అలాగే ఉంచి, మరుసటి రోజు తలస్నానం చేయా లి. ►ఇలా వారంలో రెండుసార్లు చేస్తే మంచి ఫలితం ఉంటుంది.  చదవండి: Health Tips: కాలీఫ్లవర్‌, క్యారెట్లు, బీట్‌రూట్‌, పుట్టగొడుగులు అతిగా తింటే అంతే సంగతులు! కాస్త..

Hair Straightening Tips Without Using Heat: రసాయనాలు ఎప్పుడూ జుట్టు సహజత్వాన్ని కోల్పోయేలా చేస్తాయి. అందుకే ఎటువంటి రసాయనాలు, స్ట్రెయిటనింగ్‌ యంత్రాలు వాడకుండా రింగులు తిరిగిన కురులను సహజసిద్ధంగా స్ట్రెయిటనింగ్‌ ఎలా చేసుకోవచ్చో చూద్దాం... ►రింగుల జుట్టుని స్ట్రెయిట్‌గా మార్చేందుకు... కొబ్బరి నీళ్లలో నిమ్మరసం కలపాలి. ►ఈ నీటిని కుదుళ్ల నుంచి చివర్ల వరకు పట్టించి నలభై నిమిషాలు ఆరనివ్వాలి. ►తరువాత చల్లటినీళ్లు, సాధారణ షాంపుతో తలస్నానం చేయాలి, వారానికి ఒకసారి ఇలా చేయాలి. ఇలా కూడా చేయొచ్చు! ►ఆలివ్‌ ఆయిల్‌ లేదా కొబ్బరి నూనెలో ఆలోవెరా జెల్‌ వేసి చక్కగా కలపాలి. ►ఈ మిశ్రమాన్ని కుదుళ్ల నుంచి చివర్ల వరకు పట్టించి నలభై నిమిషాల పాటు ఆరనివ్వాలి. ►తరువాత సల్ఫేట్‌ లేని షాంపుతో తలస్నానం చేయాలి. వీటిలో ఏ ఒక్క పద్ధతిని అయినా క్రమం తప్పకుండా అనుసరిస్తే రింగులు తిరిగిన జుట్టు స్ట్రెయిట్‌గా మారి మరింత అందంగా ఆకర్షణీయంగా కనిపిస్తుంది.   చదవండి: Hair Care Tips: వర్షాకాలంలో జుట్టు ఆరోగ్యంగా ఉండాలంటే.. ఉల్లిపాయ రసం, కొబ్బరి నూనెతో దీపిక పదుకోణ్‌ ఒత్తయిన జట్టు వెనుక రహస్యమిదే..!

నా బుగ్గల మీది డింపుల్స్‌కు ఎంత మంది ఫ్యాన్సో .. నా ఒత్తయిన జుట్టుకూ అంతే మంది ఫ్యాన్స్‌. ఎక్కడికెళ్లినా హెల్దీ హెయిర్‌ సీక్రెట్స్‌ చెప్పమంటుంటారు.  ప్రతి రోజూ పడుకునే ముందు కొబ్బరి నూనె పెట్టి .. స్కాల్ప్‌ను బాగా మసాజ్‌ చేస్తాను. తగినన్ని నీళ్లు తాగుతా. హాయిగా నిద్రపోతా. మా అమ్మ చెప్పిన  ఈ త్రీ సింపుల్‌ థింగ్స్‌ను తు.చ తప్పకుండా పాటిస్తా. పాటిస్తూ వస్తున్నా.. చిన్నప్పటి నుంచి. ఇంతకు మించిన సీక్రెట్స్‌ ఏమీ లేవు. – దీపికా పదుకోణ్‌ 

రాబోయేది వర్షాల సీజన్‌. ఈ కాలంలో కురులు ఆరోగ్యంగా ఉండాలంటే ప్రత్యేకమైన శ్రద్ద పెట్టాలి. వర్షంలో తడిచినా వెంటనే తలస్నానం చేసి జుట్టుని ఆరబెట్టాలి. జుట్టుకు ఆయిల్‌ పట్టించి గంటతరువాతే తలస్నానం చేయాలి. అదే విధంగా... వారానికి రెండు మూడు సార్లు తలస్నానం చేయాలి. నాలుగు టీస్పూన్ల ఉల్లిపాయ రసంలో మరో నాలుగు టీస్పూన్ల కొబ్బరి నూనె వేసి కలిపి జుట్టు  కుదళ్ల నుంచి చివర్లకు పట్టించాలి. అరగంట తరువాత తలస్నానం చేయాలి.  ఇవన్నీ పాటించడం ద్వారా వర్షాకాలంలోనూ జుట్టును ఆరోగ్యంగా ఉంచుకోవచ్చు. చదవండి👉🏾: Hair Care Tips: వాల్‌నట్స్‌ తింటున్నారా.. ఇందులోని ఆల్ఫాలినోలెనిక్‌ యాసిడ్‌ వల్ల

Hair Care Tips: ఇటీవల వర్కింగ్‌ ఉమన్‌ ఎక్కువగా బైక్‌ వాడుతూ, ఎండల్లో తిరుగుతుంటారు. ఇలాంటి కొందరిలో హెల్మెట్‌ బయట ఉండే వెంట్రుకల చివర్లు చిట్లుతుండటం చాలా సాధారణం. తగిన రక్షణ లేకుండా ఇలా దుమ్ముకూ, కాలుష్యానికీ, ఎండకు ఎక్స్‌పోజ్‌ కావడం వల్ల జుట్టు / వెంట్రుకల చివర్లు చిట్లే ప్రమాదం ఉంటుంది. లుక్స్‌ పరంగా  మహిళల్లో ఇది కొంత ఆవేదన కలిగిస్తుంది. దుమ్ము, కాలుష్యం, ఎండ అనే ఈ మూడు అంశాలూ ఇలా చిట్లేలా చేయడంతో పాటు నిర్జీవంగా కనిపించేలా చేయడం ద్వారా జుట్టుకు నష్టం చేస్తుంటాయి. ఇలాంటివారు కొన్ని జాగ్రత్తలతో జుట్టు చిట్లే ప్రమాదాన్నుంచి కాపాడుకోవచ్చు! ►టూవీలర్‌ మీద ప్రయాణం చేసేటప్పుడు జుట్టు మొత్తం కాలుష్యం, ఎండ, దుమ్ము బారిన పడకుండా, వెంట్రుకలన్నీ దాదాపుగా పూర్తిగా కప్పి ఉండేలా చూసుకునేందుకు స్కార్ఫ్‌ వంటివి వాడండి.  ►మరీ రోజూ తలస్నానం చేయడమూ మంచిది కాదు. వారానికి రెండు రోజులు మంచిది. అయితే జుట్టులో మరీ దురద ఎక్కువగా వచ్చేవారు రోజు మాత్రం విడిచి రోజు తల స్నానం చేయడం మేలు. రోజూ తలస్నానం చేయాలనుకున్నవారు కేవలం మైల్డ్‌ షాంపూలనే ఉపయోగించాలి. తలస్నానం తర్వాత కండిషనర్‌ వాడటం చాలావరకు మేలు చేస్తుంది.  ►డాక్టర్‌ సలహా లేకుండా ఎలాంటి మెడికేటెడ్‌ షాంపూలూగానీ, హెయిర్‌కు సంబంధించిన ఉత్పాదనలుగానీ ఉపయోగించకూడదు.  ►తలస్నానం తర్వాత జుట్టు పూర్తిగా ఆరకముందే డైమిథికోన్, ట్రైజిలోగ్జేన్, విటమిన్‌–ఈ, ఆలివ్‌ ఆయిల్, ఆల్మండ్‌ ఆయిల్, జోజోబా ఆయిల్‌... వంటి ఇన్‌గ్రేడియెంట్స్‌ ఉండే హెయిర్‌ సీరమ్‌ వాడటం జుట్టుకు జరిగే నష్టాన్ని చాలావరకు నివారించవచ్చు. ►అప్పటికీ జుట్టు చివర్లు చిట్లడం సమస్య తగ్గకపోతే డర్మటాలజిస్ట్‌/ట్రైకాలజిస్ట్‌లను సంప్రదించాలి.   చదవండి👉🏾Beauty Tips: మామిడి పండు గుజ్జు, ఓట్స్‌.. ట్యాన్‌, మృతకణాలు ఇట్టే మాయం! చదవండి👉🏾Hair Care Tips: వాల్‌నట్స్‌ తింటున్నారా.. ఇందులోని ఆల్ఫాలినోలెనిక్‌ యాసిడ్‌ వల్ల

Hair Care Tips In Telugu: జుట్టు పొడవుగా... ఒత్తుగా పెరగడంలో క్షారం ఉన్న ఆహార పదార్థాలు ప్రముఖ పాత్ర పోషిస్తాయి. ఆల్కలైన్‌ లేదా క్షారం శరీర పీహెచ్‌ స్థాయులను సమతులంగా ఉంచి జీర్ణక్రియ సవ్యంగా జరిగేలా చేసి, శరీరానికి పోషకాలను అందిస్తుంది. ఫలితంగా కురులకు పోషకాలు అంది ఆరోగ్యంగా పెరుగుతాయి.  ఈ ఆహార పదార్థాలు తింటే మేలు ►తెల్లగా ఉన్న బ్రెడ్‌ కంటే బ్రౌన్‌బ్రెడ్‌ను తినాలి. ►తెల్లగా ఉండే పిండి కాకుండా రాగి, జొన్న, సజ్జ, బార్లీ పిండిలను కలిపి రొట్టె చేసుకుని తినాలి.  ►దోసకాయ, పాలకూర, బ్రకోలి, కాకరకాయ, బీన్స్‌ను ఆహారంలో చేర్చుకోవాలి. వీటిలో విటమిన్‌ కే, ఫోలేట్‌లు పుష్కలంగా ఉంటాయి.  ►తులసి ఆకులు, బెల్లంతో చేసిన టీ, తులసి, పుదీనా, సొరకాయలను కలిపి చేసిన జ్యూస్‌ కూడా జుట్టుకు మంచి పోషణ అందిస్తుంది.  ►వాల్‌నట్స్‌లోని ఆల్ఫాలినోలెనిక్‌ యాసిడ్‌ రక్తం గడ్డకట్టకుండా చేస్తుంది. ఫలితంగా రక్తప్రసరణ చక్కగా జరిగి జుట్టు పెరుగుదలకు దోహద పడుతుంది. ►వాల్‌నట్స్‌ తినలేనివారు కనీసం వాల్‌నట్స్‌ ఆయిల్‌ను జుట్టుకు పట్టించి మసాజ్‌ చేసుకోవాలి. ►బొప్పాయి హెయిర్‌ మాస్క్‌ కూడా కేశాల ఆరోగ్యాన్ని పెంపొందిస్తుంది.   చదవండి👉🏾Mango Health Benefits: సీజన్‌ కదా అని మామిడి పండ్లు లాగించేస్తున్నారా? ఇందులోని క్వార్సెటిన్‌ వల్ల.. 

శివరాత్రికి  శివ.. శివా... అంటూ  చలి  అలా  వెళ్లిందో లేదో  ఎండలు, ఉక్కపోత ఇలా వచ్చేసాయి. రానున్న కాలంలో ఎండలు మరింత ముదిరి మండించడం ఖాయం. మరి ఈ టైమ్‌లో అందాన్ని ఎలా కాపాడుకోవాలి అనేది టీనేజర్లకు బెంగ. ముఖ్యంగా ముఖం, జుట్టు, అందమైన  చర్మం కోసం వేసవిలో కచ్చితంగా తీసుకోవాల్సిన జాగ్రత్తలేంటి. ఎండాకాలంలోనూ మన  స్కిన్‌  కోమలంగా మెరిసిపోవాలంటే  పాటించాల్సిన   సింపుల్‌ బ్యూటీ టిప్స్ గురించి తెలుసుకుందాం. పూర్తిగా ఎండాకాలం రాకముందే ఎండలు భయపెడుతున్నాయి.సాధారణంగా చర్మ రక్షణ కోసం మనం ఏడాది పొడవునా జాగ్రత్తలు తీసుకుంటాం. కానీ సమ్మర్‌లో మాత్రం ఎక్స్ ట్రా కేర్ తీసుకోవాల్సిందే. లేదంటే  వేడికి స్కిన్‌  ట్యాన్‌ అయిపోయి, కాంతి విహీనంగా మారిపోతుంది.  సమ్మర్‌ కేర్‌లో అన్నింటికంటే ముఖ్యమైంది సన్‌స్క్రీన్ క్రీమ్‌ లేదా లోషన్‌.  అందుకే సూర్యుని నుంచి వెలువడే హానికరమైన యూవి కిరణాల నుండి చర్మాన్ని కాపాడు కోవడం చాలా ముఖ్యం. అందుకే బయటకు వెళ్ళాల్సి వచ్చినప్పుడు, రెగ్యులర్‌గా ఆఫీసులకు వెళ్ళే వారు, సన్‌స్క్రీన్  ప్రతి రోజూ ఉదయం రాయాలి. దీంతోపాటు యాంటీ టానింగ్ క్రీమ్స్ వాడాలి. . తద్వారా చర్మం  టాన్ అవ్వకుండా మెరుస్తూ ఉంటుంది. యూవిఎ/యూవిబి లేబుల్, ఎస్ఎఫ్ ఫి + ఉన్న లోషన్‌ లేదా క్రీమ్‌ సెలక్ట్ చేసుకోవడం చాలా మంచిది.  డెడ్ స్కిన్ సెల్స్ తొలగిపోయేలా ఇంట్లో తయారు చేసుకున్న నలుగు పిండితో స్నానం చేయడం, లేదా  ఆర్గానిక్‌ స్క్రబ్‌ని ఉపయోగించడం అవసరం. వేసవిలో  హాలీడే ట్రిప్స్‌, పెళ్ళిళ్ళు, ఫంక్షన్లు  చాలాకామన్‌. ఈ నేపథ్యంలో మరింత జాగ్రత్త పడాలి. వేసవిలో చర్మంతో పాటు జుట్టు కూడా పాడయ్యే అవకాశం ఉంది. వేసవిలో చికాకు పెట్టే చెమటలు కురులను కూడా వేధిస్తాయి. మండేఎండలు,  చెమటకు జుట్టు కాంతి విహీనంగామారడంతోపాటు దుమ్ము,ధూళితో చుండ్రు సమస్య పీడిస్తుంది.సో..ఎండలో వెళ్లేటపుడు జుట్టును కవర్‌ చేసుకునేలా స్కార్ఫ్ లాంటివి రక్షణగా వినియోగించుకోవాలి.  ప్రతీరోజూ కాకపోయినా, ఎండకు, డస్ట్‌కు ఎక్స్‌పోజ్‌ అయ్యాం అనిపించినపుడు మంచి షాంపూతో తలస్నానం చేయడం ఉత్తమం. అలాగే తలస్నానానికి ముందుకు ఇంట్లో తయారు చేసుకున్న హెర్బల్‌ ఆయిల్‌తో మసాజ్‌ చేసుకోవడం ఇంకా మంచిది. నెలలో రెండుసార్లు  తలలోని చర్మం కూల్‌గా ఉండేలా ఏదైనా హెయిర్ మాస్క్ వేసుకోవాలి. తద్వారా జుట్టు పొడిగా, నిర్జీవంగా మారకుండా నిగనిగలాడుతుంది.  వేసవికాలంలో పెదాలు సహజ కోమలత్వాన్ని కోల్పోవడం, పగలిపోవడం మరో సమస్య. సెన్సిటివ్‌ స్కిన్‌తో  ఉండే లిప్స్‌ ఎండ వేడికిమికి త్వరగా పొడిబారతాయి. సో.. ఎండలోకి వెళ్లేముందు లిప్‌బామ్‌ అప్ల్‌ చేయాలి. అది ఇంట్లో తయారుచేసుకున్నదైతే మరీ మంచింది. అలాగే రాత్రి పడుకునే ముందు పెదాలకు నెయ్యిని రాసుకుని మృదువుగా మాసాజ్ చేసుకుంటే పెదాలు మృదుత్వాన్ని  కోల్పోకుండా ఉంటాయి. ఇక భరించలేని ఎండలకు ప్రభావితమయ్యేవి కళ్లు. కళ్లను రక్షించుకునేందుకు కూలింగ్ గ్లాసులు వాడటం అలవాటు చేసుకోవాలి..వీటన్నింటికంటే కీలకమైంది శరీరానికి ఏంతో మేలు చేసే మంచినీళ్లు తాగడం చాలా చాలా ముఖ్యం. వీటితోపాటు, పల్చటి మజ్జిగ, పళ్ల రసాలు, కొబ్బరి నీళ్లు, బార్లీ గంజి, సబ్జా గింజల నీళ్లు లాంటి ద్రవపదార్థాలు విరివిగా తీసుకోవాలి. అలాగే  ఎండలోనుంచి వచ్చిన వెంటనే కాకుండా.. ముఖాన్ని, కళ్లను చల్లటి నీటితో శుభ్రం చేసుకోవాలి.  

‘సౌందర్యానికి అసలైన అందం జుట్టే’ నన్న విషయం.. జుట్టు విపరీతంగా ఊడుతున్నవారికే బాగా తెలుస్తుంది. ఏ ఆయిల్‌ వాడితే జుట్టు బలపడుతుంది? ఏ షాంపూ యూజ్‌ చేస్తే హెయిర్‌ రాలిపోకుండా ఉంటుంది? ఎలాంటి చిట్కాలు పాటిస్తే జుట్టు పెరుగుతుంది? అంటూ సమయం కేటాయించి మరీ ఆరా తీస్తుంటారు. కానీ పరిష్కారం దొరికేలోపే తల పలచబడుతుంది. దాంతో విగ్గు పెట్టుకోవడమో, హెయిర్‌ ట్రాన్స్‌ప్లాంటేషన్‌ ట్రీట్మెంట్‌ చేయించుకోవడమో... వంటి దిద్దుబాటు చర్యలు చేపడుతుంటారు. అలాంటి వారికి ఈ ‘లేజర్‌ కూంబ్‌’ ఓ వరమే. ఈ దువ్వెనతో దువ్వుకుంటే చాలు.. కురులు ఒత్తుగా మారతాయి. 9 మెడికల్‌ గ్రేడ్‌ లేజర్స్‌ (ఎల్‌ఈడీ లైట్స్‌ కాదు) కలిగిన ఈ డివైజ్‌ హై క్వాలిటీ టీత్స్‌ (దువ్వెన పళ్లు)ను కలిగి మంచి ఫలితాన్ని అందిస్తోంది. డివైజ్‌ సామర్థ్యాన్ని బట్టి.. 8 లేదా 11 నిమిషాల చొప్పున వారానికి 3 సార్లు దీన్ని వినియోగించాల్సి ఉంటుంది. ఎలాంటి నొప్పి లేకుండా,  ఎలాంటి సైడ్‌ ఎఫెక్ట్స్‌ రాకుండా ట్రీట్మెంట్‌ అందిస్తుంది ఈ గాడ్జెట్‌. సుమారు 500 గ్రాములు కలిగిన ఈ దువ్వెనను ఉపయోగించడం చాలా సులభం. దీని లేజర్‌ లైట్‌ ఎనర్జీ తలలోని హెయిర్‌ ఫాలికల్స్‌ని(కుదుళ్లను) సున్నితంగా ప్రేరేపిస్తుంది. దీని ధర సుమారు రూ. 28 వేల వరకూ ఉంటుంది. ఇలాంటివి కొనుగోలు చేసేటప్పుడు ఇంటర్నేషనల్‌ మెడికల్‌ లైసెన్స్‌ కలిగిన డివైజ్‌ని మాత్రమే రివ్యూలు చూసి కొనుక్కోవాలి. ఇవి చార్జర్‌ సాయంతో నడుస్తాయి. భలే బాగుంది కదూ! చదవండి: Groundnuts Health Benefits: ఉడకబెట్టిన పల్లీలు తినడం ఇష్టమా? ఇవి విడుదల చేసే సెరోటోనిన్‌ వల్ల..

వ్యాధి నిరోధక శక్తి తన కణాల మీద తానే దాడి చేయడం వల్ల ఎదురవుతున్న సమస్యలలో పేనుకొరుకుడు ఒకటి. ఎంత అందమైన జుట్టు ఉంటే మాత్రం ఏం లాభం? పేను కొరుకుడుకు గురయిన వారి మనోవేదన మనం తీర్చలేము. పేనుకొరుకుడు అనగానే తలలో పేల వల్ల వచ్చే సమస్య కదా... మనకు అటువంటి ఇబ్బంది ఏమీ ఉండదులే అని అనుకోవడానికి వీలు లేదు. అది పేరుకు మాత్రమే పేను కొరుకుడు. అంటే పేల వల్ల మాత్రమే వచ్చే ఇబ్బంది కాదు. పేలు లేని వారికి కూడా వచ్చే ఆటో ఇమ్యూన్‌ వ్యాధి....  ఒకోసారి వ్యాధి నిరోధక శక్తి తన కణాలపై తానే దాడి చేస్తుంటుంది. దానివల్ల ఇటువంటి సమస్యలు ఎదురవుతాయి. దానితో బాధపడేవారికయితే దానిగురించి తెలుస్తుంది కానీ, అందరికీ అలోపేసియా లేదా పేను కొరుకుడు గురించి తెలియదు కదా.. ఇంతకీ పేనుకొరుకుడు అంటే తలలో లేదా గడ్డం మీద, చెంపల మీద, మీసాల వద్ద గుండ్రంగా పావలా బిళ్ల మేరకు వెంట్రుకలు ప్యాచ్‌లా ఊడిపోయి నున్నగా మారి చూడటానికి చాలా అంద వికారంగా తయారవుతుంది. మొదట్లోనే దానిని నివారించకపోతే కనుబొమల మీద కూడా అలా వెంట్రుకలు ఊడిపోయి నున్నగా వికారంగా ఉంటుంది. దాని నివారణకు ట్రైకాలజిస్టులు లోపలికి తీసుకునే మందులతోపాటు ఆ ప్యాచ్‌లలో ఇంజెక్షన్లు చేస్తారు. అది ఖర్చుతోపాటు బాధ కూడా కలిగిస్తుంది. దానిబదులు కొన్ని ఇంటి చిట్కాలు ప్రయత్నించి చూస్తే సరి.... ►పొగాకు కాడను బాగా నలగ్గొట్టి పొడిలా చేసి దానిని కొబ్బరినూనెలో వేసి నానబెట్టాలి. తర్వాత పొగాకును బాగా పిసికి నూనెను వడకట్టాలి. ►పేను కొరుకుడు మచ్చలు ఉన్న చోట ఆ నూనెను ప్రతిరోజూ రాస్తే అక్కడ తిరిగి వెంట్రుకలు మొలుస్తాయి. ఇలా తగ్గుతుంది... ►గురివింద గింజలను అరగ దీసి తలకు పట్టిస్తే పేలు మాయమయిపోతాయి. ►పేను కొరుకుడును నివారిస్తుంది. రోజూ రెండుసార్లు ఇలా చేస్తుంటే త్వరలోనే మంచి ఫలితం కనపడుతుంది. ►నెల రోజులపాటు రోజూ మూడుపూటలా మందార పూలను తలపై రుద్దుతూ ఉంటే పేను కొరుకుడు సమస్య తొలగిపోతుంది. ►మందార ఆకులకు సమానంగా నువ్వుల నూనె కలిపి తైలం తయారు చేసుకుని తలకు రాస్తూ ఉంటే ఇటువంటి సమస్యలు రాకుండా ఉంటాయి.  ►ఎండబెట్టిన మందార పూలచూర్ణాన్ని పాలల్లో కలిపి రెండు పూటలా తీసుకుంటే మంచి ఫలితం ఉంటుంది. ►జిల్లేడు పాలు రాసినా మంచిదే. అయితే, వెంటనే చేతులు కడుక్కోవాలి. జిల్లేడు పాలు కంటిలోకి పోతే ప్రమాదం. ►బొప్పాయి పూల రసంతో వెంట్రుకలు రాలిన చోట రెండుపూటలా రుద్దాలి.  పేల నివారణకు ఇంటి చిట్కాలు ►వెల్లుల్లిని మెత్తగా గ్రైండ్‌ చేసి పేస్ట్‌ చేయండి. దానికి నిమ్మరసం కలపండి. ►ఈ మిశ్రమాన్ని జుట్టుకు బాగా పట్టించి అరగంట తర్వాత గోరువెచ్చని నీటితో జుట్టును శుభ్రం చేయండి. ►ఆ తర్వాత దువ్వెనతో దువ్వితే పేలు వచ్చేస్తాయి. ►రాత్రి పడుకోవటానికి ముందు కొంచెం వైట్‌ వెనిగర్‌ తీసుకోని తలకు పట్టించి షవర్‌ క్యాప్‌ లేదా టవల్‌ తో మీ తలను కవర్‌ చేయాలి. ►రాత్రి అలా వదిలేసి ఉదయం తలస్నానం చేసి దువ్వెనతో దువ్వితే పేలు బయటకు వస్తాయి. చదవండి: Badam Health Benefits: రాత్రంతా నీళ్లలో నానబెట్టి బాదం పొట్టు తీసి తింటున్నారా? వేటమాంసం తిన్న తర్వాత వీటిని తిన్నారంటే..

Hair Care Tips For Women: మగువల అందాన్ని రెట్టింపుచేసేది కురులే.. నల్లని, ఒత్తైన కురుల సంరక్షణకు ఎన్నో రకాలుగా జాగ్రత్తలు తీసుకోవాల్సి ఉంటుంది. జుట్టు రాలడాన్ని నివారించి, మరింత ఆరోగ్యంగా పెరిగేందుకు తోడ్పడేందుకు ఈ చిట్కా పాటించండి.. రెండు బంగాళ దుంపలను తొక్కతీసి సన్నగా తురుముకోవాలి. ఈ తురుములో రెండు టేబుల్‌ స్పూన్ల అలొవెరా జెల్, రెండు టేబుల్‌ స్పూన్ల తేనె వేసి కలపాలి. ఈ మిశ్రమాన్ని కుదుళ్ల నుంచి చివర్ల వరకు పట్టించి పది నిమిషాలు మర్దన చేయాలి. తరువాత తలకు టవల్‌తో చుట్టి కవర్‌ చేయాలి. రెండు గంటల తరువాత గోరువెచ్చని నీటితో కడిగేయాలి. వారానికి రెండు సార్లు ఇలా చేయడం వల్ల జుట్టు రాలడం తగ్గి, పెరుగుతుంది. చదవండి: Science Facts: మోచేతికి ఏదైనా తగిలితే అందుకే షాక్‌ కొట్టినట్టు ‘జిల్‌’ మంటుంది..!

నల్లని ఒత్తైన జుట్టు అందరికీ ఇష్టమే! ఐతే రోజువారీ పనుల్లో పడి కేశ సౌందర్యానికి తగినంత శ్రద్ధ తీసుకోవడం ​కుదరట్లేదనేది ఎక్కువ మంది చెప్పే కారణం. జుట్టు ఆరోగ్యంగా పెరగాలంటే కేవలం ఆరోగ్య ఆహారం మాత్రమే తీసుకుంటే జుట్టు సంబంధిత సమస్యలు దూరం కావు. అవసరమైన నూట్రీషన్లు, ప్రొటీన్లు, ఫ్యాటీ ఆమ్లాలు కూడా అందుతున్నాయో లేదో గమనించుకోవాలి. ఇవన్నీ కేవలం​ పండ్లలో మాత్రమే దొరుకుతాయని అనుకుంటే పొరపాటే. రకరకాల విత్తనాల్లో కూడా ఈ కంటెంట్‌ పుష్కలంగా ఉంటుంది. వీటిని పచ్చిగా లేదా ఉడికించి ఎలా తిన్నా మీ జుట్టు ఒత్తుగా పెరగడానికి తోడ్పడతాయి. వెంట్రుకల ఆరోగ్యనికి మేలు చేసే విత్తనాలను నిపుణులు సూచిస్తున్నారు. అవేంటో తెలుసుకుందాం.. అవిసె గింజలు ఈ గింజల్లో ఒమేగా 3 ఫ్యాటీ ఆమ్లాలు, ఫైబర్‌ అధికంగా ఉంటాయి. జుట్టు రాలడాన్ని నివారించి, మాడు ఆరోగ్యంగా ఉండేందుకు సహాయపడుతుంది. వీటిల్లో ప్రొటీన్లు, మ్యాగ్నీషియం, పొటాషియం, జింక్‌ కూడా పుష్కలంగా ఉంటుంది. నువ్వులు నల్లని లేదా తెల్లని నువ్వుల్లో విటమిన్లు, ఖనిజాలు, ఫ్యాటీ ఆమ్లాలు వంటి పోషకాలు నిండుగా ఉంటాయి. ఇవి జుట్టు పెరగడాన్ని ప్రోత్సహించి, సహజంగా మెరిసేలా చేస్తుంది. చదవండి: Viral: సింహాన్ని పరుగులు పెట్టించిన భౌభౌ!! పొద్దు తిరిగుడు గింజలు పొద్దు తిరిగుడు గింజల్లో విటమిన్‌ ‘ఇ’తోపాటు ఇతర పోషకాలు చర్మ, జుట్టు సంబంధిత సమస్యల నివారణలో కీలకంగా వ్యవహరిస్తాయి. గుమ్మడి విత్తనాలు జుట్టు సమస్యలను ఎదుర్కొవడంలో గుమ్మడి విత్తనాల తర్వతే ఏదైనా అని చెప్పవచ్చు. గుమ్మడి విత్తనాలను పోషకాల గని అనికూడా అంటారు. దీనిలో జింక్‌, మాగ్నీషియం, కాల్షియం, ఐరన్‌.. వంటి ఎన్నోఖనిజాలు ఉంటాయి. వెంట్రుకలు చిట్లడాన్ని, ఊడటాన్ని నివారిస్తుంది కూడా. చియా విత్తనాలు వీటిల్లో ఫ్యాటీ ఆమ్లాలు, ప్రొటీన్లు, ఫైబర్‌, విటమిన్లతోపాటు ముఖ్యమైన ఖనిజాలు జుట్టు ఆరోగ్యం పెరగడానికి ఉపయోగపడతాయి. ముఖ్యంగా చియా విత్తనాలల్లోని ఐరన్‌, సెలీనియం వెంట్రుకల కుదుళ్లను బలపరచి, వేగంగా పెరిగేలా ప్రోత్సహిస్తాయి. చదవండి: Health Tips: గుండె సమస్యలను పారదోలడంలో ఇది బెస్ట్‌!

ప్రతి ఒక్కరూ ఒత్తైన, మెరిసే, సిల్కీ హెయిర్‌ కోసం ఆరాటపడుతుంటారు. కానీ జట్టు ఒత్తుగా ఉన్నప్పుడు చిక్కబడి విపరీతంగా విసిగిస్తుంటుంది. ఎక్కడికైనా అర్జంటుగా వెళ్లాల్సి వచి్చనప్పుడు తల దువ్వుకోవాలన్నా, ఏదైనా సరికొత్త హెయిర్‌ స్టైల్‌ చేసుకుందామన్నా అస్సలు కుదరదు. చిక్కులు పడే కురులను చిన్నపాటి చిట్కాల ద్వారా మృదువుగా మార్చుకోవచ్చు. అదెలాగో చూద్దాం..  ►తలస్నానం చేసిన చేసిన తరువాత సాధారణంగా మందమైన టవల్‌ లేదా బట్టతో తలను గట్టిగా తుడుచుకుంటూ ఉంటారు. దానికి బదులు పలుచటి వస్త్రంతో తలను మృదువుగా తుడుచుకోవాలి. ఇలా చేయడం వల్ల ఎక్కువ చిక్కుపడదు. ప్రతి మూడు నెలలకోసారి స్ప్లిట్‌ ఎండ్స్‌ తీసేసి, జుట్టును ట్రిమ్‌ చేయాలి. జుట్టుకు పోషకాలనందించే స్పాను తప్పనిసరిగా నెలకోసారి చేసుకోవాలి.    ►దీర్ఘకాలికంగా బాధిస్తున్న చిక్కులకు కెరాటిన్‌ ట్రీట్‌మెంట్‌ కూడా బాగా పనిచేస్తుంది. దీనివల్ల జుట్టు మృదువుగా మారడమేగాక మెరుపుని సంతరించుకుంటుంది.  ►ప్రస్తుతం మార్కెట్లో అనేక రకాల సీరమ్‌లు దొరుకుతున్నాయి. వీటిలో మీ జుట్టుకు నప్పే సీరమ్‌ను వాడడం వల్ల కూడా కురులు మృదువుగా మారతాయి.    ►సల్ఫేట్‌ తక్కువగా ఉండే షాంపు వాడడం వల్ల జుట్టు ఎక్కువ చిక్కుపడదు.  ►చర్మసంరక్షణలో వాడే గ్లిజరిన్‌ కేశాల సమస్యలకు మంచి పరిష్కారం చూపుతుంది. గ్లిజరిన్‌ను జుట్టుకు కండీషనర్‌లా పట్టిస్తే.. కురులు పొడిబారడం తగ్గి మృదుత్వాన్ని సంతరించకుంటాయి.  ►మార్కెట్లో దొరికే హెయిర్‌ మాస్క్‌లు కాకుండా ఇంట్లో తయారు చేసుకున్న మాసు్కలు జుట్టును పదిలంగా ఉంచుతాయి. తేనె, ఆలివ్‌ ఆయిల్‌లను హెయిర్‌ మాస్‌్కగా వాడితే స్ప్లింట్‌ ఎండ్స్, చిక్కులు పడడం తగ్గుతుంది. ►ఆలివ్‌ ఆయిల్, తేనెను సమపాళల్లో తీసుకుని మైక్రో వేవ్‌లో 30 సెకన్ల పాటు ఉంచాలి. తరువాత ఈ మిశ్రమాన్ని చల్లారనిచ్చి కొద్దిగా మజ్జిగ కలిపి జుట్టుకు పట్టించాలి. అరగంటపాటు ఆరనిచ్చి సాధారణ షాంపూతో కడిగేయాలి.  ►మనం పడుకునేటప్పుడు తలకింద పెట్టుకునే దిండు కూడా జుట్టు ఆరోగ్యంపై ప్రభావం చూపుతుంది. అందువల్ల దిండు కవర్‌ సిల్క్‌తో తయారైనదిగా ఉండేలా చూసుకోవాలి. ఎందుకంటే కాటన్‌ దిండు కవర్‌ వల్ల వెంట్రుకలు పొడిబారతాయి.   ►ఇవన్నీ పాటిస్తే జుట్టు చిక్కులు పడడం తగ్గుతుంది.   చదవండి: Hair Care: తెల్ల జట్టు సమస్యా.. హెన్నా పెడుతున్నారా.. ఈ జాగ్రత్తలు పాటించకపోతే!

జుట్టు రాలడం ఈ మధ్యకాలంలో సర్వసాధారణంగా మారింది. వయస్సుతో పాటు ఆడ మగ తేడా లేకుండా జుట్టు రాలుతుంది. జుట్టు రాలడం అనే సమస్యతో కనీసం 80 శాతం మంది బాధపడుతున్నారు. రోజుకు 50 నుంచి 100 వెంట్రుకలు రాలడం మామూలే. అయితే అంతకుమించి రాలుతుంటే మాత్రం కొన్ని జాగ్రత్తలు తప్పనిసరి. జుట్టు రాలడానికి ప్రధాన కారణాలు:  జీన్స్, ఒత్తిడి, కాలుష్యం, పోషకాహారలోపం, నిద్రలేమి, చెడు అలవాట్లు. వంశపారంపర్యంగా బట్టతల ఉంటే, హార్మోన్‌ తేడా జుట్టు రాలడాన్ని ఎక్కువ చేస్తుంది. అందువల్ల చిన్న వయసులోనే జుట్టు రాలడం మొదలవుతుంది.  ఇక్కడ హార్మోన్‌ కరెక్షన్స్‌ చేయాలి. ఒత్తిడి వల్ల తలపై చర్మానికి (స్కాల్ప్‌) అందవలసిన పోషకాలు అందకపోవడం వల్ల జుట్టు రాలిపోతుంది. ఒత్తిడిని తగ్గించుకోవడం, పోషకాహారం ముఖ్యం. కాలుష్యం వల్ల జుట్టు పొడిగా అవడం, పోషకాలు సరిగా అందకపోవడం, అవసరం లేని రసాయనాలు అడ్డుపడటం వల్ల జుట్టు రాలిపోతుంది. కాలుష్యం నుంచి కాపాడుకోవాలి. మంచి గాలి పీల్చడం, నార్మల్‌ వాటర్‌ తాగడం చేయాలి. ప్రధానంగా తీసుకోవాల్సిన పోషకాలు: విటమిన్‌ బి3, బి5, ఇలు తీసుకోవాలి. ఇవి చికెన్, ఫిష్, నట్స్, సోయా, ఆకుకూరల్లో లభ్యమవుతాయి.  ఐరన్, జింక్‌  గుడ్డు సొనలో ఉంటాయి.  కుంకుళ్లుతో కురులు ధృడం ఆధునికత పెరిగే కొద్దీ ఆడంబరాలకు పోతూ అలవాటుగా వస్తున్న ఆరోగ్య విధానాలను మరిచిపోతున్నాం. స్నానానికి రసాయనాలతో కూడిన ఖరీదైన షాంపూలు, సబ్బులను వాడుతూ.. ప్రకృతి ప్రసాదించిన కుంకుడుకాయలు, శీకాకాయ, సున్నిపిండి వంటివి మరచిపోతున్నాం. ఉద్యోగాలు చేసేవారికి కుంకుడుకాయలు నలగగొట్టి నానబెట్టడానికి ఖాళీ సమయమే కరువైంది. వీటిని నలగగొట్టితే మార్బుల్, సిరామిక్‌ గచ్చులు పాడైపోతాయని కుంకుడు కాయల జోలికే వెళ్లడం లేదు. అందమైన సీసాలు, ఆకట్టుకునే ప్యాకింగ్‌ల్లో లభించే షాంపూల వైపే మొగ్గు చూపుతున్నారు. కానీ సంప్రదాయ పద్దతుల్ని పాటిస్తే.. శిరోజాలకు కలిగే మేలు అంతా ఇంతాకాదు. తలంటుకి కుంకుడుకాయలను వాడటమే మంచిది. దీనివల్ల వెంట్రుకలు ఆరోగ్యంగా ఉండటమే కాక పేలు, చుండ్రులాంటి సమస్యలు రావు. కుంకుడుకాయలను బాగా ఎండబెట్టి పొడిచేసుకుని నిల్వ చేయొచ్చు. దీనివల్ల తలస్నానం చేసిన ప్రతీసారీ కుంకుడుకాయలను కొట్టుకునే శ్రమ తప్పుతుంది. ఎండబెట్టిన కమలాతొక్కలు, నిమ్మతొక్కలు, మందారాకులు, మందారపూలు, మెంతులను పొడిచేసి కుంకుడు పొడిలో కలపవచ్చు. వీటన్నిటినీ కలిపిన పొడితో తలస్నానంచేస్తే వెంట్రుకలు త్వరగా నెరవవు. జుట్టు ఊడదు. మృదువుగా ఉంటాయి. 

జుత్తు అందంగా మృదువుగా నిగనిగలాడుతూ ఉండాలనే ఆశ చాలామందికే ఉంటుంది. పండుగ రోజుల్లో ఇంకాస్త స్పెషల్‌గా కనిపించాలనుకుంటారు. అది సహజమే. అయితే ఆ ఆశ నిజం కావాలంటే హెయిర్‌కేర్‌ మీద కూడా కొంచెం శ్రద్ధ పెట్టాలి. ముఖ్యంగా మనలో చాలా మంది షాంపూ చేసుకోవడంలోనే పొరపాటు చేస్తుంటారు. షాంపూ చేసుకోవడానికీ ఓ పద్ధతుంది. చన్నీటితో తలస్నానం చేస్తే జుట్టు కుదుళ్లు మెత్తబడతాయి. కేశాలను గట్టిగా పట్టుకుంటాయి. అందరు మనుషులూ ఒకలా ఉండనట్లే, అందరి చర్మతత్వాలు ఒకలా ఉండనట్లే.. జుట్టు కూడా ఒకలా ఉండదు. జుట్టు తత్త్వాన్ని బట్టి షాంపూ ఎంపిక చేసుకోవాలి. ►పొడిబారి నిర్జీవంగా ఉండే జుట్టుకు ఎగ్‌షాంపూ వాడితే మంచిది. నార్మల్‌ హెయిర్‌ అయితే ఎక్కువ గాఢత లేని షాంపూ వాడాలి. జిడ్డుబారిన జుట్టయితే షాంపూతోపాటు నిమ్మరసం కూడా వాడాలి. ►తలస్నానానికి అరగంట ముందు నిమ్మరసం పట్టించవచ్చు లేదా తలస్నానం పూర్తయిన తర్వాత చివరగా ఒక మగ్గు నీటిలో నిమ్మరసం పిండి జుట్టంతా తడిసేలా తలమీద పోసుకుంటే చాలు. ►టీ డికాక్షన్‌ను జుట్టు కుదుళ్లకు పట్టించి అరగంట తర్వాత తలస్నానం చేస్తే కేశాలు ఆరోగ్యంగా మెరుస్తాయి. కండిషనింగ్‌ ఎలా చేయాలి? షాంపూ చేయడం పూర్తయిన తర్వాత కేశాలకున్న నీటిని పిండేయాలి. కేశాలను వేళ్లతో దువ్వి చిక్కులు విడదీయాలి. కండిషనర్‌ చేతిలోకి తీసుకుని జుట్టుకు పట్టించాలి. కండిషనర్‌ను జుట్టు కుదుళ్లకు, చర్మానికి పట్టించకూడదు. కేశాలకు మాత్రమే పట్టించి ఐదు నిమిషాల తర్వాత మెల్లగా మర్దన చేయాలి. చివరగా డ్రైయర్‌తో ఆరబెడితే జుట్టు పూల రెక్కల్లా మృదువుగా ఉంటుంది. ఏ కండిషనర్‌ మంచిది? చిట్లిపోయి జీవం కోల్పోయినట్లున్న జుట్టుకు ప్రొటీన్‌ కండిషనర్‌ వాడాలి. పొడి జుట్టుకు మాయిశ్చరైజింగ్‌ లేదా ఇన్‌టెన్సివ్‌ కండిషనర్, జిడ్డుగా ఉండే జుట్టుకు నార్మల్‌ లేదా ఆయిల్‌ ఫ్రీ కండిషనర్‌ వాడాలి. సహజసిద్ధమైన కండిషనర్‌ మార్కెట్‌లో రెడీమేడ్‌గా దొరికే కండిషనర్‌ వాడడానికి ఇష్టపడని వాళ్లు హెన్నా ట్రీట్‌మెంట్‌ తీసుకోవచ్చు. అయితే ఇది సహజసిద్ధమైన కండిషనర్‌. ఇంట్లోనే తయారు చేసుకోవచ్చు. అయితే హెన్నా కండిషనర్‌లో ఉపయోగించే వస్తువులను జుట్టు తత్వాన్ని బట్టి మార్చుకోవాలి.గోరింటాకు పొడిలో కోడిగుడ్డు, నిమ్మరసం, కాఫీ లేదా టీ డికాక్షన్, మందార ఆకుల పొడి, ఉసిరిక పొడి (కాస్మొటిక్‌ ఉత్పత్తులు దొరికే షాపుల్లోను, సూపర్‌ మార్కెట్‌లోనూ దొరుకుతాయి) ఇనుపపాత్రలో వేసి పేస్టులా కలుపుకోవాలి. ఆరుగంటల సేపు నానిన తర్వాత తలకు పట్టించాలి. ఒక గంట తర్వాత షాంపూ వాడకుండా తలస్నానం చేయాలి (హెన్నా ప్యాక్‌ని షాంపూ చేసి ఆరిన జుట్టుకు వేయాలి). హెన్నా ట్రీట్‌మెంట్‌ చేస్తే జుట్టురాలడం, చుండ్రు తగ్గడమే కాకుండా మెత్తగా పట్టుకుచ్చులా ఉంటుంది. కనీసం నెలకొకసారి హెన్నా ట్రీట్‌మెంట్‌ చేస్తే కేశ సౌందర్యం ఇనుమడిస్తుంది.

అందమే ఆనందం. ఆనందమే జీవిత మకరందం. ఆకర్షణీయంగా, సౌందర్యవంతంగా.. ఆహార్యం లావణ్యంగా కనిపించేందుకు యువతులు సహా మహిళలూ ఎంతగానో తపిస్తుంటారు. అందాలకు మెరుగులు అద్దేందుకు సరికొత్త ఉపకరణాలను ఆశ్రయిస్తుంటారు. మారుతున్న కాలానికనుగుణంగా బ్రాండెడ్‌ మెకప్‌ వైపు అడుగులు వేస్తుంటారు. ఇదిగో అటువంటి యువతులు అపురూపవతులుగా మారేందుకు ‘సెఫోరా, బెల్లావోస్టే, మన్నా కదర్, వంటి 82 అంతర్జాతీయ బ్రాండ్‌లకు చెందిన మేకప్‌ కిట్‌ను కేవలం రూ.299కే అందిస్తోంది నగరానికి చెందిన యువతి లావణ్య సుంకరి. ఆ వివరాలేమిటో మీరే చదవండి.   – హిమాయత్‌నగర్‌   సాక్షి, హైదరాబాద్‌ : గచ్చిబౌలికి చెందిన లావణ్య సుంకరి ఎంబీఏ పూర్తి చేసింది. పేరుగాంచిన రియల్‌ ఎస్టేట్‌ కంపెనీల్లో కొన్నేళ్ల పాటు మార్కెటింగ్‌ విభాగంలో సౌతిండియాకు జనరల్‌ మేనేజర్‌గా పనిచేసింది. చిన్నప్పటి నుంచి అందంగా ఉండే లావణ్యకు మేకప్‌ అంటే అమితమైన ఇష్టం. ఇదే సమయంలో తను వాడుతున్న మేకప్‌కిట్‌ లాంటిది యువతులకు అందించాలనే ఆలోచన తట్టింది. అందుకు అనుగుణంగా వ్యాపారం వైపు అడుగులు వేసింది. ఆరు నెలల పాటు ముంబై, బెంగళూరు, ఢిల్లీ తదితర ప్రాంతాల్లోని అంతర్జాతీయ మేకప్‌ బ్రాండ్‌ల ప్రతినిధులను కలిసింది. తన మనసులోని మాటను వివరించింది. ఆయా బ్రాండ్‌లన్నీ ఒప్పుకోవడంతో 2016లో ‘టీ–హబ్‌’లో ‘గ్లామ్‌ఈగో’ అనే పేరుతో కంపెనీని ప్రారంభించింది.  ఇలా లాగిన్‌ కావాలి.. మేకప్‌ కిట్‌లో ప్రముఖ అంతర్జాతీయ బ్రాండ్‌లకు చెందిన ‘మేకప్, స్కిన్‌కేర్, బాడీకేర్, హెయిర్‌ కేర్‌’ ఉత్పత్తులు ఉంటాయి. ఇది కావాల్సివారు ముందుగా ‘గ్లాబ్‌ఈగో’లో లాగిన్‌ అవ్వాలి. స్కిన్‌కు సంబంధించిన ఎనిమిది ప్రశ్నలు ఇమేజ్‌ రూపంలో ప్రత్యక్షమవుతాయి. మన స్కిన్‌ ఎటువంటింది, మనకు కావాల్సిన ప్రొడక్ట్‌ను ఎంచుకోవాలి. లాగిన్‌ అయ్యి, సబ్‌స్క్రైబ్‌ చేసుకుంటేనే మేకప్‌ కిట్‌ ఇంటికి చేరుతుంది. ఒకవేళ మీ స్కిన్‌కి నచ్చిన విధంగా మీరు ఎంచుకోకపోయినా వెబ్‌సైట్‌ మీ స్కిన్‌కు ఆధారంగా ఏ బ్రాండ్‌ అయితే సెట్‌ అవుతుందో అదే బ్రాండ్‌ని మీకు అందించే ప్రయత్నం చేస్తుంటుంది. ‘స్టార్ట్‌స్ట్రక్‌ బై సన్నీ లియోన్, పారాచూట్, కీరోస్, ట్జోరీ, క్రోనోకరే, పీసేఫ్, ఎలెన్‌బ్ల్యూ, గ్లోబల్‌ బ్యూటీ సీక్రెట్స్, లాక్మె’ వంటి అంతర్జాతీయ బ్రాండ్స్‌ని మేకప్‌కిట్‌లో అందించడం విశేషం.  ఒక్కో విభాగం నుంచి 60కిపైగా.. మేకప్‌ కిట్, స్కిన్‌ కేర్, బాడీకేర్, హెయిర్‌ కేర్‌’లకు సంబంధించిన మేకప్‌ కిట్‌లో ఒక్కో విభాగం నుంచి సుమారు 50కిపైగా ప్రొడక్ట్స్‌ అందిస్తున్నారు. మేకప్‌ కిట్‌లో 62కిపైగా ప్రొడక్ట్స్, స్కిన్‌ కేర్‌లో 42 నుంచి 50, బాడీ కేర్‌లో 30, హెయిర్‌ కేర్‌లో 50 నుంచి 80 రకాల ఉత్పత్తులు ప్రతి నెలా కొన్ని కొన్ని చొప్పున అందిస్తారు. మొదట్లో 18 బ్రాండ్‌లతో ప్రారంభించిన ప్రయాణం ఇప్పటికి 82 బ్రాండ్‌లకు చేరిందని లావణ్య తెలిపారు. ప్రతి నెలా సుమారు ఐదు కొత్త బ్రాండ్‌లకు చెందిన ప్రొడక్ట్స్‌ని ఈ మేకప్‌ కిట్‌లో చేర్చుతున్నట్లు ఆమె వివరించారు.   ప్రముఖ బ్రాండ్లు రూ.299కే.. ఒక్కో నెలకు రూ.399, మూడు నెలలకు రూ.389, ఆరు నెలలకు రూ.369, ఏడాదికి రూ.299. ఇది ఎంచుకుని అడ్రస్‌ను పూర్తి చేస్తే.. ప్రతి నెలా మొదటి వారంలో మేకప్‌ కిట్‌ ఇంటికి చేరుతుంది. సిటీలో ఇప్పటికే 10వేలకుపైగా సబ్‌స్క్రైబర్స్‌ ఉండగా.. ఢిల్లీ, బెంగళూరు, ముంబై వంటి ప్రాంతాల్లో మొత్తం కలిపి 40వేల మందికిపైగా సబ్‌స్క్రైబర్స్‌ ఉండటం విశేషం.    త్వరలో దేశవ్యాప్తంగా.. మొదట్లో హైదరాబాద్‌లో మొదలెట్టా. ఆ తర్వాత ముంబై, ఢిల్లీ, బెంగళూరు నగరాల నుంచి ఇన్‌స్ట్రాగామ్, వెబ్‌సైట్‌ ద్వారా సబ్‌స్క్రైబ్‌ వచ్చాయి. ఆయా నగరాల్లో ఇప్పటి వరకు 50వేల మందికిపైగా మా మేకప్‌ కిట్‌లు వినియోగిస్తున్నారు. త్వరలో దేశంలోని అన్ని మెట్రో సిటీల్లో విస్తరించాలనేది నా ఆలోచన.       – లావణ్య సుంకరి   

వేసవిలో శరీరానికి సంబంధించిన అన్ని జాగ్రత్తలూ తప్పనిసరిగా తీసుకోవాలి. ముఖ్యంగా తీక్షణమైన సూర్యకిరణాల (అల్ట్రా వయెలెట్‌ కిరణాల) తాకిడికి ప్రభావితమయ్యే తలపై కేశాల(జుట్టు) సంరక్షణ మరింత అవసరం. బయటకి వెళ్లేటప్పుడు గొడుగు లేదా క్యాప్‌ వినియోగించడం లాంటి తెలిసిన జాగ్రత్తలతో పాటు ఆహారపరంగానూ కొన్ని జాగ్రత్తలు తీసుకోవాలంటున్నారు నిపుణులు. నగరానికి చెందిన చర్మసంరక్షణ వైద్యులు, అడ్వాన్స్‌డ్‌ హెయిర్‌ స్టూడియోకి చెందినకేశ సంరక్షణ నిపుణులు అందిస్తున్న కొన్ని సూచనలు మీకోసం.. ♦ శరీరంలో తగినంత ద్రవాహారం లేకపోతే కేశాలు తమ మెరుపును కోల్పోతాయి. అలా కాకుండా ఉండాలంటే నీరు సమృద్ధిగా తాగాలి. తగిన తేమ శాతం ఉందేందుకు నీరు బాగా లభించే పుచ్చకాల వంటి పండ్లు ఎక్కువగా తినాలి.   ♦ కేశాల ఆరోగ్యానికి ప్రొటీన్స్‌ ఉన్న ఆహారం చాలా అవసరం. అయితే, ప్రొటీన్స్‌ అధికంగా ఉండే ఆహారంతో శరీరానికి వేడి చేసే అవకాశం కూడా ఉంది. కాబట్టి గుడ్లు, పప్పులు, కాయ ధాన్యాలు ఆహారంలో భాగం చేసుకోవాలి. ఇవి జుట్టు కుదుళ్లకు బలాన్ని అందించి వేసవి నష్టాలను తగ్గిస్తాయి.   ♦ వెంట్రుకలు ఊడిపోవడానికి ప్రధాన కారణాల్లో పోషకాల లోపం ఒకటిగా చెప్పొచ్చు. ఐరన్‌ పుష్కలంగా లభించే ఆకుపచ్చని కూరగాయలు, ఆకుకూరలను ఆహారంలో భాగం చేసుకుంటే రక్తంలో హిమోగ్లోబిన్‌ స్థాయి పెరుగుతుంది. విపరీతమైన వేడి ద్వారా దెబ్బతిన్న కణాలను మరమ్మతు చేసి వెంట్రుకలకు ఆరోగ్యాన్నిస్తుంది.    ♦ కూల్‌డ్రింక్స్‌ అధికంగా తీసుకుంటే వాటిలోని కృత్రిమ రసాయనాలు, సుగర్స్‌ కేశాలకు హాని చేయవచ్చు. దానికి బదులు సహజంగా లభించే వాటితో కొబ్బరి నీరు, చెరుకురసం, పుచ్చకాయలు, లిచీ పండ్లు వంటి వాటిలో ఉండే మినరల్స్‌ కేశాలకు రక్షణ కవచంగా పనిచేస్తాయి.   ♦ స్‌పైసీగా ఉండే ఆహార పదార్థాలు శరీర ఉష్టోగ్రతను పెంచడంతో పాటు జీర్ణక్రియపై ప్రభావం చూపుతాయి. దీనివల్ల చర్మంతో పాటు కేశాలకూ నష్టమే. దీనికి బదులుగా కార్బొహైడ్రేట్స్‌ తక్కువగా ఉండే ఆహారం తీసుకుంటే శరీరానికి తగినంత చల్లగా ఉంటుంది. స్‌పైసీ కన్నా గ్రిల్డ్‌/తందూరీ ఆహార పదార్థాలు మంచివి.     మసాజ్‌ మంచిదే.. కొబ్బరి నూనె కేశాలకు ఎంత మేలు చేస్తుందో వేరే చెప్పనక్కర్లేదు. అలాగే అలొవీరాలో ప్రొటీన్, విటమిన్స్, మినరల్స్‌ బాగా ఉంటాయి. ఇవి జుట్టు కుదుళ్లను బలంగా మారుస్తాయి. ఈ రెండూ మేళవించిన ఉత్పత్తులు మార్కెట్లో అందుబాటులో ఉన్నాయి.. వీటిని వినియోగించాలి. వేసవిలో నీటిలో ఉప్పుశాతం పెరిగే అవకాశం ఉంటుంది కాబట్టి కేశాలు రఫ్‌గా, బిరుసుగా మారతాయి. కొబ్బరి, అలోవీరా కలిసిన నూనెతో సున్నితంగా మసాజ్‌ చేయడం ద్వారా ఈ సమస్య నుంచి బయటపడవచ్చు. అంతేకాదు ఇది కేశాలు సహజంగా హైడ్రేట్‌ అయ్యే విధంగా, వాటి పీహెచ్‌ బ్యాలెన్స్‌ను సమతుల్యం చేయడంలో సహకరిస్తుంది. తలపై భాగంలోని మృతకణాలకు ఇది మరమతు చేస్తుంది. సూర్య కిరణాల ధాటికి నిర్జీవంగా మారిన కేశాలను మెరిపించి, మృదువుగా మారుస్తుంది.   

►మందారపూలను బాగా ఎండబెట్టి వాటిని కొబ్బరి నూనెలో వేసి బాగా మరిగించాలి. ఆ నూనెను ప్రతిరోజు తలకు పట్టిస్తే జుట్టు ఒత్తుగా పెరుగుతుంది. అంతేకాదు మందార పువ్వుల్ని నానబెట్టి, మెత్తగా పేస్ట్‌లా చేసి జుట్టుకు పట్టించి తల స్నానం చేస్తే జుట్టు పట్టులా మెరిసిపోతుంది.  ►మందార ఆకుతో చేసిన టీని తాగడం వల్ల రక్తపోటు తగ్గుతుంది. మందార ఆకు టీ సేవించటం వలన రోగనిరోధక శక్తి పెరిగి తద్వారా జలుబు, దగ్గు తగ్గటానికి సహాయపడుతుంది. మందార ఆకు కొలెస్ట్రాల్‌ స్థాయిలను తగ్గించడానికి ఉపయోగపడుతుంది. ►జామ పువ్వులను మెత్తగా నూరి కళ్లపై ఉంచితే కళ్లు తేటగా తయారవుతాయి. కళ్ల కలక, కళ్లు నీరు కారడం, కళ్లు ఎర్రబడటం వంటి సమస్యలకు అద్భుత ఫలితం కనిపిస్తుంది.  ►ఆయాసం ఉన్నవారు రెండు చిటికెల పసుపు, ఒక చిటికెడు మెత్తటి ఉప్పు రోజూ తీసుకోవడం మంచిది. వేడి టీలో తొమ్మిది చుక్కల నిమ్మరసం, అర చెంచా తేనె కలిపి వేడివేడిగా తాగడం చాలా మంచిది. ►గోధువు పిండిలో తాజా మీగడను కలుపుకుని ఆ మిశ్రవూన్ని వుుఖం, మెడ, చేతులకు పట్టించుకోవాలి. నలుగు పెట్టుకున్నట్టుగా చేతితో మిశ్రవూన్ని తొలగించాలి. ఇలా చేయడం వల్ల చర్మం మృదువుగా తయారవుతుంది. దీనిలో గంధం పొడి ఉపయోగిస్తే ఇంకా వుంచి ఫలితం ఉంటుంది. ►వెడల్పాటి పాత్రలో అర లీటరు శుభ్రమైన నీటిని తీసుకుని దానిలో ఒక స్పూను రాళ్ళ ఉప్పును కలుపుకోవాలి. ఆ నీటిలోకి వుుఖంపెట్టి కళ్ళు వుూస్తూ, తెరుస్తూ చేయాలి. దీనివల్ల మీ అలసిన కళ్ళు ఫ్రెష్‌ అవతాయి. ►వేప ఆకులు నీటిలో వురిగించుకుని ఆ నీటితో వుుఖాన్ని, చేతులను కడుగుతుండటం వల్ల చికెన్‌పాక్స్‌ వల్ల ఏర్పడ్డ వుచ్చలు తొలగిపోతాయి. బియ్యంపిండిలో మీగడ కలిపి ఆ పేస్ట్‌ని వుుఖానికి అప్లై చేయడం వల్ల చర్మం మృదువు  అయ్యి కాంతులీనుతుంది.  

వెంట్రుకలు రాలడం సమస్యకు ప్రధాన కారణం కుదుళ్లకు సరైన పోషణ లభించకపోవడం. వెంట్రుకల కుదుళ్లు నిగనిగలాడుతూ ఉండాలంటే..... తేనెలో ఆలివ్‌ ఆయిల్‌ను కలపాలి. ఈ మిశ్రమాన్ని తలకు పట్టించి అరగంట తర్వాత తలస్నానం చేయాలి. వారానికి ఒకసారైనా ఈ విధంగా చేస్తే వెంట్రుకలు సహజసిద్ధమైన మెరుపును కోల్పోకుండా ఉంటాయి. గాఢరసాయనాల గాఢత తగ్గి వెంట్రుకల ఆరోగ్యం మెరుగుపడుతుంది.పచ్చికొబ్బరిని మెత్తగా రుబ్బి, పాలు పిండి తీయాలి. ఈ పాలను వెంట్రుక కుదుళ్లకు పట్టేలా మాడుకు, జుట్టు మొత్తానికి పట్టించాలి. అరగంట తర్వాత మైల్డ్‌ షాంపూతో తలస్నానం చేయాలి. వారానికి ఒకసారి ఈవిధంగా చేస్తుంటే వెంట్రుకల మృదుత్వం దెబ్బతినకుండా ఉంటుంది.    కొబ్బరి నూనె – ఉసిరి నూనె సమపాళ్లలో తీసుకొని, మాడుకు పట్టేలా రాసుకోవాలి. వారంలో రెండు సార్లయినా ఈ నూనెను తలకు పట్టించి,. మరుసటి రోజు ఉదయం తలస్నానం చేయాలి. మాడు ఆరోగ్యం దెబ్బతినేలా చేసేది చుండ్రు. చుండ్రు నియంత్రణలో ఉంచుకోవడానికి ఇంటి చిక్సితలు పాటిస్తూనే చర్మవైద్యులు చెప్పే సూచనలు పాటించాలి.

మునపటి పెద్ద జుట్టు... మళ్లీ పెరగాలంటే...? నా వయసు 26 ఏళ్లు. గతంలో నాకు ఒల్తైన జుట్టు ఉండేది. అప్పట్లో నేను పెద్ద జడ వేసుకునేదాన్ని. గత మూడు నాలుగేళ్లుగా నా జట్టు పలచబడుతోంది. ఇప్పుడు నా జుట్టు ఇదివరకటిలాగే పొడుగ్గా పెరిగే అవకాశం ఉందా? ఒకవేళ పెరిగే అవకాశం లేకపోతే కనీసం ఉన్న జుట్టు రాలకుండా ఉండేందుకు మార్గం చెప్పండి. – సావిత్రి, విశాఖపట్నం జుట్టు రాలిపోవడానికి అనేక కారణాలు ఉంటాయి. మహిళల్లో ఇలా జుట్టు రాలిపోడానికి ప్రధాన కారణం పోషకాహార లోపం. ఐరన్, విటమిన్‌ బి12 లోపం వల్ల ఇలా జరగవచ్చు. దీంతోపాటు హార్మోన్ల మార్పుల వల్ల కూడా జుట్టు రాలవచ్చు. ప్రధానంగా పాలీ సిస్టిక్‌ ఓవేరియన్‌ డిజార్డర్‌ (పీసీఓడీ) వల్ల కూడా ఇలా కావచ్చు. ఈ వ్యాధి ఉన్నవారిలో రక్తంలో యాండ్రోజెన్‌ అనే హార్మోన్‌ పాళ్లు పెరగడం వల్ల జుట్టు రాలిపోతుంది. ప్రధానంగా తల పైభాగంలో ఉండే ప్రాంతంలో జుట్టు రాలడం ఎక్కువ. ఈ సమస్య ఉన్నవారిలో జుట్టు రాలడంతోపాటు మొటిమలు, స్థూలకాయం, శరీరం ఇన్సులిన్‌కు సరిగా స్పందించకపోవడం (ఇన్సులిన్‌ రెసిస్టెన్స్‌) వంటి సమస్యలూ రావచ్చు. మీరు మొదట ట్రైకోస్కాన్‌ చేయించుకోవాలి. ఆ తర్వాత కొన్ని పరీక్షలు చేయించుకోవడం అవసరం కావచ్చు. సీరమ్‌ టోటల్‌ టెస్టోస్టెరాన్, సీరమ్‌ ఇన్సులిన్, 3డీ యూఎస్‌జీ పెల్విస్‌ (అల్ట్రా సౌండ్‌ స్కాన్‌), టీ3, టీ4, టీఎస్‌హెచ్, సీరమ్‌ ఫెరిటిన్, బీ12, విటమిన్‌ డి, సీబీపీ... అనే పరీక్షలు ముందుగా చేయించి, మీ జుట్టు రాలడానికి అసలు కారణాన్ని కనుక్కోవాలి. నిర్దిష్ట కారణాన్ని కనుగొంటే ఆ లోపాన్ని సరిచేసేలా చికిత్సను ఫోకస్‌డ్‌గా చేయవచ్చు. ఒకవేళ హార్మోన్ల లోపం ఉన్నట్లు తెలిస్తే, దాన్ని అధిగమించడానికి ఎండోక్రైనాలజిస్ట్‌ లేదా గైనకాలజిస్ట్‌ ఆధ్వర్యంలో మందులు వాడాల్సి ఉంటుంది. ఒకవేళ ఐరన్‌ లేదా విటమిన్‌ బీ12, విటమిన్‌ డి లోపాలు ఉంటే... ఆ పోషకాల సప్లిమెంట్స్‌ను తీసుకోవడం వల్ల మంచి ఫలితం ఉంటుంది. ఒకవేళ మీ జుట్టు రాలడం చాలా ఎక్కువగా ఉంటే బయోటిన్, సా పాల్మెటో సప్లిమెంట్లు బాగా ఉపకరిస్తాయి. దీనితో పాటు మినాక్సిడిల్‌ 2% లోషన్‌ను రోజూ రాత్రివేళ తలపై రాసుకోవాలి. ఇక మీ నుంచి రక్తాన్ని స్వీకరించి, అందులోని ప్లేట్‌లెట్లు, ప్లాస్మా వంటివి మళ్లీ మీకే అందించే ఆటోలోగస్‌ ప్రోసిజర్స్‌ వంటి ప్రక్రియలూ ఉపయోగపడతాయి. ఇవన్నీ మీరు కోల్పోయిన పెద్ద జడను మళ్లీ వచ్చేందుకు చాలావరకు దోహదపడే అడ్వాన్స్‌డ్‌ ప్రక్రియలు. ఒకసారి మీకు దగ్గరలో ఉన్న డర్మటాలజిస్ట్‌ లేదా ట్రైకాలజిస్ట్‌ను సంప్రదించండి. - డాక్టర్‌ స్మిత ఆళ్లగడ్డ ,చీఫ్‌ ట్రైకాలజిస్ట్‌ – డర్మటాలజిస్ట్, త్వచ స్కిన్‌ క్లినిక్, గచ్చిబౌలి, హైదరాబాద్‌

హైదరాబాద్, బిజినెస్‌ బ్యూరో: కొప్పున్నవాళ్లు ఏ ముడి వేసినా అందమేనంటారు. అంటే... ఏ స్టయిల్‌ చెయ్యడానికైనా ముందు జుట్టుండాలి కదా!! బహుశా... అందుకేనేమో!! భారతీయులు తల వెంట్రుకల సంరక్షణకు (హెయిర్‌ కేర్‌) ఏటా ఏకంగా రూ.19,000 కోట్లకు పైగా ఖర్చు చేస్తున్నారు. సౌందర్య పోషణ (పర్సనల్‌ కేర్‌) ఉత్పత్తుల్లో హెయిర్‌ కేర్‌ వాటా అధికమనేది మార్కెట్‌ వర్గాల మాట. ఈ ప్రాధాన్యాన్ని చూసే... ఫార్మాస్యూటికల్‌ కంపెనీలతోపాటు ఎఫ్‌ఎంసీజీ, ఆయుర్వేద ఉత్పత్తుల తయారీ సంస్థలు సైతం ఈ రంగంలో పోటీపడుతున్నాయి. నిజానికిపుడు జుట్టు రాలిపోవడం, పలుచబారడం, కొత్త వెంట్రుకలు రాకపోవడం వంటి సమస్యలు సర్వసాధారణం. దీనికి సమతుల ఆహార లేమి, ఒత్తిడి, లైఫ్‌స్టైల్, హార్మోన్ల అసమతౌల్యం, వాతావరణ కాలుష్యం వంటి చాలా కారణాలున్నాయి. ప్రధానంగా పోషకాలతో కూడిన ఆహారం తీసుకోకపోవడం వల్లే అధిక సమస్యలు వస్తున్నాయన్నది ప్రముఖ డెర్మటాలజిస్ట్‌ డాక్టర్‌ రజిత దామిశెట్టి మాట. దేశంలో ఐదుగురు మహిళల్లో ఒకరు కేశ సంబంధ  సమస్యతో బాధపడుతున్నారని ఆమె చెప్పగా... పురుషుల్లో 11 శాతం మంది బాధితులున్నట్లు ఫార్మా సంస్థ గ్లెన్‌మార్క్‌ తెలియజేసింది. ఇదీ...హెయిర్‌ కేర్‌ మార్కెట్‌.. తల వెంట్రుకల సంరక్షణకు భారతీయులు ఏటా రూ.19,000 కోట్లు ఖర్చు చేస్తున్నారట. ఇక సాధారణ హెయిర్‌ ఆయిల్స్, షాంపూలు, క్రీమ్స్, జెల్స్‌ కోసం చేసే వ్యయం దీనికి అదనం. భారత్‌లో 100కుపైగా ప్రముఖ కంపెనీలు ఈ మార్కెట్లో పోటీపడుతున్నాయి.‘‘కేశ సంరక్షణపై ప్రజల్లో అవగాహన రావడం, మధ్యతరగతి ప్రజలు అధికమవడం కూడా ఈ మార్కెట్‌ పెరుగుదలకు దోహదం చేస్తోంది’’ అని గ్లెన్‌మార్క్‌ సీనియర్‌ వైస్‌ ప్రెసిడెంట్‌ (మార్కెటింగ్‌) రాజేశ్‌ కపూర్‌ ‘సాక్షి’ బిజినెస్‌ బ్యూరో ప్రతినిధితో చెప్పారు. కేశ సంరక్షణకు వైద్యులు సిఫార్సు చేసిన మందులు, చికిత్సలకు భారతీయులు ఏటా కనీసం రూ.600 కోట్లకుపైగా వెచ్చిస్తున్నట్లు చెప్పారాయన.   డ్రాప్‌ అయ్యేవారే ఎక్కువ.. కేశ సమస్యల పరిష్కారానికి కనీసం 6–8 నెలల పాటు సంరక్షణ ఉత్పత్తులు వాడాల్సి ఉందని రాజేశ్‌ కపూర్‌ వెల్లడించారు. ‘విద్య, డిజిటల్‌ మాధ్యమాలు, టీవీల కారణంగా అందంగా కనపడాలన్న తపన అందరిలోనూ వచ్చింది. అయితే చికిత్సను ఉత్సాహంగా మొదలు పెట్టినా.. మధ్యలోనే మానేసేవారే ఎక్కువ. వాస్తవానికి కేశ సంరక్షణ విషయంలో భారత్‌లో సరైన ఉత్పత్తులు తక్కువే ఉన్నాయి. 20 ఏళ్ల ట్రాక్‌ రికార్డును గమనించే 50 దేశాల్లో విజయవంతంగా అమ్ముడవుతున్న నూర్‌క్రిన్‌ ట్యాబ్లెట్లను మహిళల కోసం భారత్‌లో ప్రవేశపెట్టాం’ అని వివరించారు.


 బ్యూటిప్స్
 వేసవిలో జుట్టు సంరక్షణ పెద్ద సమస్యగా అనిపిస్తుంది. ఎండతాకిడి, చెమట, పదే పదే నీళ్లతో శుభ్రపరచుకోవడంతో పొడిబారడం.. వంటి సమస్యలు తలెత్తుతుంటాయి. ఈ కాలం వెంట్రుకల నిగారింపు తగ్గకూడదంటే...
 * ఎండవేళలో బయటకు వెళ్లేటప్పుడు స్కార్ఫ్ తప్పనిసరిగా ఉపయోగించాలి. లేదంటే నేరుగా సూర్యకాంతి పడి అతినీలలోహిత కిరణాల వల్ల మాడుపై ఉన్న సహజ మాయిశ్చరైజింగ్ తగ్గిపోయే అవకాశం ఉంది. దీనివల్ల వెంట్రుకలు పొడిబారి నిస్తేజంగా మారడం, రాలిపోవడం వంటి సమస్యలు తలెత్తుతాయి.
      
 * ఉక్కగా ఉంది కదా అని ముడేసి బిగుతుగా కట్టేయడం వల్ల వెంట్రుకలు దెబ్బతిని, రాలిపోయే సమస్య పెరుగుతుంది. వీలైనంత సౌకర్యంగా ఉండే వదులు కేశాలంకరణనే ఎంపిక చేసుకోవాలి.
 * ఉక్కపోతతో తరచూ తల తడపడం వల్ల మాడుపై ఉండే సహజ నూనె గ్రంథులు అద నపు నూనెను స్రవిస్తాయి. దీని వల్ల జుట్టు మరీ జిడ్డుగా మారుతుంది. అలాగని రోజూ షాంపూ వాడకుండా దానికి బదులుగా మొక్కజొన్న గంజిని ఉపయోగించి తలను శుభ్రపరచుకోవచ్చు.
 * జుట్టును ఆరబెట్టుకోవడానికి ఈ కాలం డ్రయ్యర్‌ని ఉపయోగించకపోవడమే మేలు. అలాగే జుట్టును ఫ్లాట్ ఐరన్ చేయడం, రింగులుగా మార్చడం వంటి హెయిర్ స్టైల్స్ శిరోజాలను పొడిబారేలా చేస్తాయి. దీనివల్ల జుట్టు కండిషనింగ్ దెబ్బతిని త్వరగా రాలిపోతుంది.


 బ్యూటిప్స్
 
 కేశాల నుంచి కాలి వేలు వరకూ పండగరోజున ప్రత్యేక అలంక రణతో ఎలా మెరిసిపోవచ్చో తెలుసుకుందాం...
 ►సౌందర్యపోషణలో కాలివేళ్లది కూడా ప్రధాన పాత్ర. గోళ్లను చక్కగా కత్తిరించి, చుట్టూ మురికి లేకుండా శుభ్రపరిచి, నెయిల్‌పాలిష్
 
 ►వేయాలి.శిరోజాలను శుభ్రపరిచి, ఆరబెట్టుకున్నాక సంప్రదాయ అల్లికలలో జడ లేదా ముడులలోనే ప్రత్యేక అలంకరణలు ఎంచుకోవచ్చు. 
 ►డ్రెస్ ఎంపిక పండగ కళను రెట్టింపు చేసేదై ఉండాలి. చీరలైనా, డ్రెస్సులైనా.. కాంతిమంతమైన రంగులు, డిజైనర్ వర్క్, సౌకర్యంగా ఉండేవి ఎంచుకోవాలి.
 
 ►ముఖారవిందానికి కళ తెచ్చేవి కళ్లు, కనుబొమ్మలు, పెదాలు, ఎండ, ఉక్కపోతను దృష్టిలో పెట్టుకొని ఫౌండేషన్ ఎక్కువ వాడకుండా కళ్లు, కనుబొమ్మలు, పెదాలను తీర్చిదిద్దుకోవాలి.
 
 ►ఆభరణాలు, శాండిల్స్, హ్యాండ్ బ్యాగ్... ఇలా ప్రతి అలంకరణ వస్తువు పండగను ప్రతిబింబించేలా ఉండాలి.


 ఎండకాలంలో చర్మసంరక్షణకు ఎన్ని జాగ్రత్తలు తీసుకోవాలో కేశసంరక్షణకు కూడా అంతే జాగ్రత్త తీసుకోవాలి. కొంచెం శ్రద్ధపెడితే తీవ్రమైన ఎండల్లోనూ అలల్లా ఎగిసిపడే కేశాలు సాధ్యమే.
  
 * ఎండలో బయటకు వెళ్లేటప్పుడు చర్మానికి రాసినట్లే జుట్టుకు లేదా మాడుకు కొంచెం సన్‌స్క్రీన్ లోషన్ అప్లయ్ చేయాలి. ఈ లోషన్లు రాసినప్పుడు ఇంటికి వచ్చిన తర్వాత లేదా రాత్రి పడుకునే లోపుగా తలస్నానం చేయాలి. అలా సాధ్యం కానప్పుడు లోషన్లకు బదులుగా మాడుకు కొబ్బరినూనె రాయాలి.
  
 * ఈ కాలంలో స్విమ్మింగ్‌పూల్స్ అన్నీ నిండుగా ఉంటాయి. ఈతప్రియులు ఎండవేడి నుంచి సాంత్వన పొందడానికి ఎక్కువ సేపు నీటిలో ఉండడానికి ఇష్టపడతారు. అయితే స్విమ్మింగ్‌పూల్స్‌లో ఉండే నీటిలో క్లోరిన్ కలుపుతారు, ఉప్పునీరు కూడా ఉంటుంది. కాబట్టి పూల్‌లో దిగే ముందు తలను మంచినీటితో తడపాలి. జుట్టు తగినంత నీటిని పీల్చుకున్న తర్వాత ఎంత సేపు పూల్‌లో ఉన్నా ఆ నీటిని పీల్చుకోదు. కాబట్టి అందులోని రసాయనాల ప్రభావం జుట్టుపై పడదు. స్విమ్మింగ్ పూర్తయిన తర్వాత తప్పని సరిగా తలస్నానం చేయాలి.
  
 * తలస్నానం పూర్తయిన తర్వాత కండిషనర్ వాడకాన్ని అలవాటు చేసుకుంటే మంచిది. సమ్మర్ కోసం ప్రత్యేకంగా సన్‌స్క్రీన్ ఉన్న హెయిర్ కండిషనర్‌లు మార్కెట్‌లో దొరుకుతాయి.
  
 * తలస్నానం చేసేటప్పుడు చివరగా నిమ్మరసం కలిపిన నీటితో జుట్టును తడపాలి. ఇలా చేయడం వల్ల కేశాలు దృఢంగా మారతాయి. కాని ఎండకాలంలో పొడిజుట్టుకు నిమ్మరసం వాడితే మరింత నిర్జీవంగా మారే అవకాశం ఉంటుంది. కాబట్టి పొడిజుట్టుకు కాఫీ డికాషన్ వంటి కండిషనర్‌లను వాడడం మంచిది.
  
 * మూడు కప్పుల మంచినీటిలో రెండు కప్పుల ఆపిల్‌సైడర్ వెనిగర్ కలిపి ఈ మిశ్రమాన్ని తలస్నానం పూర్తయ్యాక చివరగా జుట్టుకు పట్టించాలి. చుండ్రు ఉంటే ఈ మిశ్రమాన్ని జుట్టుకుదుళ్లకు కూడా పట్టించాలి.


 హైదరాబాద్, బిజినెస్ బ్యూరో: డాక్టర్ రెడ్డీస్ ల్యాబరేటరీస్ కేశ సంరక్షణ విభాగంలోకి ప్రవేశించింది. రాలుతున్న జుట్టును అరికట్టే ‘మిన్‌టాప్ ప్రో’ ప్రోక్యాపిల్’ హెయిర్ థెరిపీని మార్కెట్లోకి విడుదల చేసింది. 75ఎంఎల్ మిన్‌టాప్ ప్రో బాటిల్ ధరను రూ. 995గా నిర్ణయించింది. ఇది ఇలా ఉండగా అమెరికా మార్కెట్ నుంచి అమ్లోడైపిన్ బెస్‌లేట్, అటర్వాస్టాటిన్ కాల్షియం ట్యాబ్లెట్లకు సంబంధించిన 55,000 బాటిల్స్‌ను వెనక్కి తీసుకుంటున్నట్లు కంపెనీ స్టాక్ ఎక్స్ఛేంజీలకు తెలియచేసింది.


 అందం
  
 దుమ్ము, ధూళి, కాలుష్యం, పోషకాహార లోపం.. చిన్నాపెద్దల్ని బాధిస్తున్నాయి. ఈ ప్రభావం శిరోజాల మీద పడడంతో అతిగా వెంట్రుకలు రాలడం, నిర్జీవమవడం లాంటి సమస్యలు తలెత్తుతున్నాయి. ఈ సమస్యలకు ఉపశమనంగా కొన్ని జాగ్రత్తలు ఇంట్లోనే తీసుకోవచ్చు..
  
 ఆవ నూనె
 ఆవనూనెలో కొన్ని ఉసిరిముక్కలు, మెంతి గింజలు కలిపి వేడిచేయాలి. రాత్రి పడుకోబోయే ముందు ఈ నూనెను వెచ్చబరిచి కుదుళ్లకు పట్టించాలి. రసాయన గాఢత తక్కువగా ఉన్న షాంపూతో మరుసటి రోజు ఉదయం తలస్నానం చేయాలి. ఇలా 2-3 నెలలు చేస్తే జుట్టు రాలడం తగ్గడమే కాదు, ఒత్తుగా పెరుగుతుంది.
  
  2-3 నెలలకు ఒకసారి చిట్లిన వెంట్రుకల చివరలను కత్తిరించాలి. దీని వల్ల వెంట్రుక పెళుసుబారి, తెగిపోకుండా బలంగా పెరుగుతుంది.
  
  హెయిర్ కలర్, సీరమ్, కండిషనర్స్, కర్లింగ్ మెషిన్ లేదా రీ బాండింగ్ ఉత్పత్తులు వెంట్రుకలను దెబ్బతీస్తాయి. పొడిబారేలా చేసి, వెంట్రుక పెరుగుదలను నిరోధిస్తాయి. అందుకని వీటిని వీలైనంత తక్కువగా ఉపయోగించాలి. కేశాలంకరణలో తప్పనిసరి అయితే, నిపుణుల సూచనలు పాటించాలి.
  
  ప్రతిరోజూ వెంట్రుక పెరుగుదల ఉంటుంది. తాజా పండ్లు, బాదంపప్పు, గుడ్డులోని తెల్లసొన, ఉసిరిక పొడి, నీరు వెంట్రుక బలానికి, నిగనిగలాడుతూ పెరగడానికి దోహదం చేస్తాయి.
  
  -గీతాంజలి ప్రియ, బ్యూటీషియన్
  


 పండ్లతో...
  
 నిమ్మ: శరీర సంరక్షణలో నిమ్మరసం మేలైనది. ఎక్కువ ఖర్చు లేకుండానే చాలా రకాలుగా ఉపయోగించుకోవచ్చు. బయటకు వెళ్లేముందు నిమ్మరసాన్ని కొద్దిగా నీళ్లలో కలిపి, జుట్టుకు స్ప్రే చేయాలి. దీంతో సూర్యకాంతి నేరుగా శిరోజాలకు తగిలి, దెబ్బతినకుండా ఉంటాయి. తలస్నానం చేయడానికి ముందు నిమ్మరసాన్ని మాడుకు పట్టించి, రుద్దితే చుండ్రు సమస్య తగ్గుతుంది. జుట్టు ఎక్కువ జిడ్డుగా ఉంటే, నిమ్మరసం కలిపిన నీటిని తలను శుభ్రపరచడానికి వాడాలి.
  
 బొప్పాయి: బొప్పాయి గుజ్జు సహజసిద్ధమైన హెయిర్ ప్యాక్ అని చెప్పుకోవచ్చు. తలలోని దుమ్ము, జిడ్డును పోగొట్టడమే కాదు రసాయనాల గాఢతను తొలగిస్తుంది. బొప్పాయిలో ఉండే ఎ, సి విటమిన్లు పొటాషియమ్, మెగ్నిషయం గుణాల వల్ల వెంట్రుకలు నిగనిగలాడుతాయి. పావుకప్పు బొప్పాయి గుజ్జును తలకు పట్టించి, అరగంట తర్వాత నీటితో శుభ్రపరచండి. జుట్టుకు ఈ మాస్క్ మంచి కండిషనర్‌లా ఉపయోగపడుతుంది. చర్మ నిగారింపులోనూ బొప్పాయి మహత్తరంగా పనిచేస్తుంది.
  
 అవకాడో: ఈ పండ్ల గుజ్జు క్రీమీగా ఉంటుంది. దీంట్లో ఉండే ఫ్యాటీ యాసిడ్స్ చర్మానికి మాయిశ్చరైజర్‌లా పనిచేస్తాయి. బొప్పాయి లాగానే అవకాడో గుజ్జును మెత్తగా రుబ్బి, జుట్టుకు ప్యాక్ వేసుకోవాలి. అరగంట తర్వాత శుభ్రపరుచుకోవాలి. పెలుసుగా మారి జీవం కోల్పోయిన జుట్టుకు ఈ ప్యాక్ ఇన్‌స్టంట్ మాయిశ్చరైజర్‌లా పనిచేస్తుంది.
  


 ముస్తాబు
  
 కురులను అపురూపంగా చూసుకుంటారు అమ్మాయిలు. బారుగా పెరగాలని రకరకాల నూనెలు రాసుకుంటారు. హెన్నాలు వాడుతారు. కలరింగ్‌లు చేయిస్తారు. అంత ఆప్యాయంగా పెంచుకున్న శిరోజాలను కట్ చేయడమా?! ‘ససేమిరా’ అంటారు ఎవరైనా!! కానీ ఇటీవలి కాలంలో అమ్మాయిల నోట పొడవైన  జుట్టుకు ‘నో’ అనే మాటే వినపడుతోంది. అందులోనూ వేసవిలో అయితే మరింత కురచ కేశాలనే ఇష్టపడుతున్నారు. పొడవు, పొట్టి, గరుకు, వంకీలు తిరగడం... ఇలా శిరోజాల తత్త్వం ఏదైనా, ఏతరహాకు చెందినా రకరకాల హెయిర్ కట్స్‌తో, కేశాలంకరణతో కొత్త కొత్త స్టైల్స్ పోతున్నారు. అతివలు ఇష్టపడే హెయిర్‌కట్స్, హెయిర్‌స్టైల్స్‌తో పాటు హెయిర్ కేర్ పాటిస్తే ఈ వేసవిలో మరింత కూల్‌గా గడిపేయచ్చు.
  
  వేసవి హెయిర్ కట్స్...
  స్టెప్ కట్: దీన్ని ‘్ఖ’షేప్ కట్ అని కూడా అంటారు. చాలామంది భారతీయ వనితలు ఇష్టపడే హెయిర్ కట్ ఇది. అటు పొడవు, ఇటు పొట్టి కాకుండా భుజాలమీదుగా కదలాడుతుండే శిరోజాలు అందంగా కనిపిస్తాయి. చిరాకు అనిపిస్తే జుట్టును ‘రోల్’ చేసి పైకి మడిచి క్లిప్ పెట్టేయచ్చు. లేదా నడినెత్తిన బ్యాండ్‌తో బిగించేయవచ్చు. అండాకార ముఖాకృతి ఉన్నవారు, కేశాలు సాధారణ పొడవులో మందంగా ఉన్నవారు ఈ కట్‌ను ఎంచుకోవచ్చు. మృదువుగా, స్ట్రెయిట్‌గా శిరోజాలు ఉన్నవారికే ఈ తరహా కట్ బాగా నప్పుతుంది. ఇందుకోసం పర్మనెంట్ హెయిర్ స్ట్రెయిటనింగ్ చేయించుకోవచ్చు.
  
  ఫెదర్ కట్: యువతులకు అత్యంత ఇష్టమైన కట్ ఇది. స్టైల్‌గా... సులువుగా ఉపయోగించేలా,  ముఖ్యంగా ఎక్కువ శ్రమ కలిగించని విధంగా ఉంటుంది ఈ హెయిర్ కట్. పైగా వయసు తగ్గినట్టు కనిపిస్తారు కూడా! ఈ తరహా కట్ టీనేజ్ అమ్మాయిలు ఎక్కువగా ఇష్టపడతారు. పొరలు పొరలుగా కట్ చేస్తారు కాబట్టి, పొట్టిగా ఉండే ఈహెయిర్ కట్ జుట్టును మందంగా చూపిస్తుంది. ఏ తరహా ముఖాకృతికైనా ఈ హెయిర్‌కట్ బాగా నప్పుతుంది. అలాగే ఆధునికం, సంప్రదాయం ఏ తరహా దుస్తులమీదకైనా ఈ హెయిర్ స్టైల్ చక్కని ఎంపిక.
  
  లేయర్డ్‌కట్: స్టైలిష్ హెయిర్‌కట్‌గా పేరొందింది. వెంట్రుకలను లేయర్లుగా కట్ చేసే ఈ పద్ధతిలో జుట్టు మందంగా కనిపిస్తుంది. అయితే ఇది స్ట్రెయిట్ జుట్టున్నవారికి నప్పుతుంది. పొడవు, పొట్టి, ఒత్తై జుట్టుకు కూడా సూటవుతుంది.
  
  బాబ్డ్ కట్: చెవుల కిందకు, భుజాలకు పైకి ఉండే హెయిర్‌కట్ ఇది. రెండో ప్రపంచ యుద్ధకాలంలో స్త్రీలు సౌకర్యం కోసం ఈ స్టైల్‌ను ఎంచుకున్నారట. ఈ కట్‌లో ఉండే సౌలభ్యానికి ప్రపంచంలోని మహిళలంతా ఆకర్షితులయ్యారు. ఇప్పటికీ బాబ్డీ హెయిర్‌కట్ అతివల నోట అందమైన కట్‌గా ప్రశంసలు అందుకుంటోంది. బాబ్డీ హెయిర్‌కట్‌లోనే ఫ్రంట్ ఫెదర్, లేయర్ అంటూ ముఖం మీదకు పడేలా కొన్ని స్టైల్స్ తీసుకువస్తున్నారు. ఇది గుండ్రటి ముఖాకృతి గలవారికి బాగా నప్పే హెయిర్‌కట్. పొడవు జుట్టు వద్దనుకునేవారు తమ ముఖాకృతిని బట్టి ఈ హెయిర్‌కట్‌ను ఎంచుకుంటే సౌకర్యానికి సౌకర్యమూ, అందానికి అందమూ సొంతమవుతాయి.
  
  కేశసంరక్షణ...
  చలికాలంతో పోలిస్తే వేసవిలో వెంట్రుకలు ఊడడమనే సమస్య పెరుగుతుంటుంది. కారణం సూర్యకాంతి నుంచి వచ్చే అతినీలలోహిత కిరణాలు నేరుగా కేశాలను తాకడం వల్ల శిరోజాల ఆరోగ్యం ఎక్కువగా దెబ్బతింటుంది. త్వరగా పొడిబారి, తెల్లజుట్టుకు కూడా కారణమవుతుంది.
  
  అతినీలలోహిత కిరణాలు నేరుగా శిరోజాలను తాకకుండా బయటకు వెళ్లేటప్పుడు టోపీ,  స్కార్ఫ్స్ వంటివి తలకు ఉపయోగించాలి. బయటకు వెళ్లేముందు కండిషనర్‌ను లేదా సన్‌స్క్రీన్‌ను పై వెంట్రుకలకు రాయాలి. బయట నుంచి వచ్చిన వెంటనే జుట్టును శుభ్రపరుచుకోవాలి.
  
  వేసవిలో కొంతమంది స్విమ్మింగ్‌ను ఇష్టమైన అలవాటుగా ఎంచుకుంటారు. ఈత కొలనులలో ఉండే ఉప్పు వల్ల జుట్టు పొడిబారి, వెంట్రుకల చివరలు చిట్లుతుంటాయి. ఈత పూర్తయిన తర్వాత రసాయన గాఢత తక్కువగా ఉన్న షాంపూతో క్లోరిన్ లేని నీటితో తలను శుభ్రపరుచుకుంటే వెంట్రుకలు చిట్లడం, నిస్తేజంగా మారడం ఉండదు.
  
  వేసవిలో వేడి అమితం. దీంతో జుట్టు తడి పోగొట్టడానికి హెయిర్ డ్రయ్యర్, బ్లోయర్, స్ట్రెయిటనర్.. వంటివి వాడుతుంటారు. ఈ పరికరాల వల్ల వెంట్రుకలు చిట్లి, మరింత దెబ్బతింటాయి. అందుకని వేసవిలో ‘వేడి’ పరికరాలను దూరం పెట్టడం శ్రేయస్కరం.
  
  వేసవి చీకాకును పోగొట్టుకోవడానికి వారంలో ఎక్కువసార్లు తలస్నానానికి షాంపూను ఉపయోగిస్తారు. దీని వల్ల షాంపూలోనే ఉండే రసాయనాలు వెంట్రుకలపై ఉండే సహజసిద్ధమైన నూనెను తగ్గించి, వెంట్రుకలను గరుకుగా మారుస్తాయి. షాంపూతో తలంటుకున్న ప్రతీసారి ప్రొటీన్, కెరటీన్ ఉన్న కండిషనర్‌నే ఉపయోగించాలి. లేదా వారానికి రెండుసార్లు పెరుగుతో తలకు ప్యాక్ వేసుకొని, పదిహేను నిమిషాల తర్వాత శుభ్రపరుచుకోవాలి. పెరుగు జుట్టుకు మంచి కండిషనర్‌లా ఉపయోగపడుతుంది. చల్లని ప్రభావాన్ని చూపుతుంది. వెంట్రుకలు మృదుత్వాన్ని కోల్పోవు.
  
  వేడినీటితో తలస్నానం చేసేవారు వేసవిలో ఆ అలవాటును మానుకోవడం మంచిది. సహజంగానే వేడి వల్ల వెంట్రుకల కుదుళ్లు దెబ్బతింటుంటాయి. అలాంటిది వేడినీటి వల్ల వెంట్రుక కుదురు మరింతగా పొడిబారి జీవం కోల్పోతుంది. అందుకని తలస్నానానికి చన్నీటినే ఉపయోగించాలి.
  
  ఈ జాగ్రత్తలు తీసుకుంటే వేసవిలో శిరోజాల నిగనిగలను కాపాడుకున్నట్టే!
  
  పొడవాటి జుట్టున్నవారికి ఇబ్బంది కలిగించని కొన్ని వేసవి హెయిర్ స్టైల్స్
  1.    {ఫంట్ కట్ ఉన్నవారికి ఈ హెయిర్‌స్టైల్ నప్పుతుంది. ఒక్కోపాయను తల పై భాగంనుంచి తీసుకుంటూ, పిన్నులు పెడుతూ సెట్ చేయాల్సి ఉంటుంది.
  
 2.    జుట్టు అంతా కలిపి, మధ్యన హెయిర్ బ్యాండ్ పెట్టి, తర్వాత ఒక్కో పాయను రౌండ్‌గా చుట్టి, పిన్నులు పెట్టాలి. మధ్య మధ్యన సన్నని జడ అల్లి, అలంకరించాలి.
  
 3.    ముందుగా హెయిర్‌బ్యాండ్‌తో జడ వదులుగా అల్లి, పైకిమడిచి పిన్నులతో అలంకరించాలి.
  
 4.    నుదురు పై భాగాన కొంత హెయిర్ తీసి, వెనకభాగాన్ని నడినెత్తిన కొప్పులా చేసి ఈ అలంకరణ చేయాలి.
  
 5.    జడను అల్లి, పైకి మడిచి, పిన్నులతో అమర్చాలి. తర్వాత నచ్చిన కేశాలంకరణ చేయవచ్చు.
  
 6.    జుట్టును రోల్ చేసి, పైన ముడిలా చుట్టి, ముందుభాగంలో హెయిర్ క్లిప్ వాడాలి.
 
 7.    నుదురుపై భాగం నుంచి ఒక వైపు పాయలుగా జుట్టును ఎడమచెవి వైపుగా అల్లి, చిన్న క్లిప్ పెట్టేయాలి. నుదురు, వీపు భాగాలలో వెంట్రుకలు పడి, చీకాకు కలిగే అవకాశం ఉండదు.
  
 8.    రెండు జడలు అల్లి, తల మీదుగా తీసి, పిన్నులు పెట్టేయాలి.
  
 9.    పాపిట భాగం నుంచి వెంట్రుకలను పాయలుగా తీసుకుంటూ ఒక వైపుకు జడ అల్లాలి.