రాతివనం.. అపురూపం

దూరం నుంచి చూస్తే ఎంతో నైపుణ్యం ఉన్న శిల్పి చెక్కినట్లుగా కొన్ని.. రాయిపై రాయి ఎవరో పేర్చినట్లుగా మరి కొన్ని కనిపిస్తాయి.

సహజసిద్ధంగా ఏర్పడిన రాతి గుట్టల నిండా అద్భుతమైన అందాలు మనస్సు దోచుకుంటున్నాయి.

వందల ఎకరాల్లో విస్తరించిన రాతి వనంలో ఎటు చూసినా ప్రకృతి చెక్కిన శిల్పాలు ఉన్నాయి.

నిశితంగా పరిశీలిస్తే ఏదో రూపం అందులో దాగి ఉన్నట్లుగా అనిపిస్తుంది.

కర్నూలు - చిత్తూరు జాతీయ రహదారి పక్కన, ఓర్వకల్లు సమీపంలోని రాతి వనం పర్యాటకులను ఆకట్టుకుంటోంది.

టూరిజం ఆధ్వర్యంలో నిర్వహిస్తున్న రాక్ గార్డెన్ను నిత్యం పర్యాటకులు సందర్శిస్తూ కి'ర్రాక్' అంటున్నారు.