తెలంగాణలో అద్భుతమైన అడ్వెంచర్ స్పాట్స్ ఎక్కడో తెలుసా? (ఫోటోలు)

తెలంగాణలోని పెద్దపల్లి జిల్లా రామగిరి మండలంలో రామగిరి ఖిల్లా (చారిత్రక రామగిరి కోట) ఒక ప్రముఖ పర్యాటక మరియు చారిత్రక ప్రదేశం.

ఇది అద్భుత కళా సంపదకు నిలువెత్తు నిదర్శనం. నాటి శిల్పుల నైపుణ్యతకు తార్కాణం. రామగిరి కోట గురిజాల కమ్మవంశీయులు ఈ కోటను పరిపాలించారు.

ఇక్కడ శ్రీరామచంద్ర స్వామి ఆలయం, శివాలయం ఉన్నాయి.

శ్రీరాముడు వనవాస సమయంలో ఇక్కడ సంచరించినట్లు స్థానిక నమ్మకం.

ఈ కొండపై 200లకు పైగా అరుదైన వనమూలికలు లభిస్తాయి.

సాలుకోట, సింహల కోట, సీతమ్మ కొలను వంటి విశేష ప్రదేశాలు ఉన్నాయి.

ఖిల్లా పైకి చేరుకోవడానికి ఏడు గేట్లు, రెండు సరస్సులను దాటాల్సి ఉంటుంది.

రామగిరి ఖిల్లా పర్యాటక అభివృద్ధిలో భాగంగా ఇక్కడ 2.1 కిలోమీటర్ల మేర రోప్‌వే ఏర్పాటుకు మరియు ప్రపంచస్థాయి గుర్తింపు తీసుకురావడానికి ప్రయత్నాలు జరుగుతున్నాయి.

ఈ రామగిరి ఖిల్లా ప్రాంతం చూడాలంటే కనీ సం 16 కిలోమీటర్లు కొండపైన నడవాల్సి ఉంటుంది.

రైలు మార్గం ద్వారా వచ్చే పర్యాటకులు కాజీపేట - బల్లార్షా మార్గంలోని పెద్దపల్లి రైల్వేస్టేషన్‌లో దిగి బస్సు ద్వారా మంథని మార్గంలో బేగంపేటకు చేరుకోవచ్చు.