ఐటీ షేర్ల దెబ్బకి మార్కెట్లు...

హెచ్1బీ వీసాలపై అమెరికాకు కాబోయే అధ్యక్షుడు డొనాల్డ్ ట్రంప్ చేస్తున్న వ్యాఖ్యలకు ఐటీ షేర్లు బేజారన్నాయి. ప్రారంభ ట్రేడింగ్లో ఐటీ దిగ్గజ కంపెనీలు కుప్పకూలాయి. ఐటీ కంపెనీ షేర్ల పతనంతో సోమవారం మార్కెట్లూ బలహీనంగానే ప్రారంభమయ్యాయి. సెన్సెక్స్ దాదాపు 150 పాయింట్ల నష్టంలో 26,600 వద్ద, నిఫ్టీ 51.35 పాయింట్ల నష్టంలో 8,210 వద్ద కొనసాగుతోంది. వీసా దుర్వినియోగాలకు సంబంధించి వచ్చిన అన్ని రకాల అభియోగాలపై తాను అధికారం చేపట్టిన అనంతరం విచారణ జరిపిస్తానని ట్రంప్ వెల్లడించారు. దీంతో ట్రంప్ పాలనలో భారతీయులు సహా విదేశీయుల కార్మిక వీసాలకు సంబంధించి కఠినమైన పరిశీలనను కంపెనీలు ఎదుర్కోవాల్సిన పరిస్థితి ఏర్పడనుందని ఆందోళనలు ప్రారంభమయ్యాయి.