Virat Kohli grooves with Norway’s dance group Quick Style, wife Anushka Sharma reacts - Sakshi
Sakshi News home page

డ్యాన్స్‌ ఇరగదీసిన విరాట్ కోహ్లి.. అనుష్క శర్మ రియాక్షన్ వైరల్‌

Published Wed, Mar 15 2023 12:15 PM | Last Updated on Wed, Mar 15 2023 12:29 PM

Virat Kohli Grooves With Norway Dance Group, Wife Anushka Reacts - Sakshi

టీమిండియా స్టార్‌ క్రికెటర్‌ విరాట్‌ కోహ్లి మూడేళ్ల సుదీర్ఘ విరామం తర్వాత కొద్ది రోజుల కిందటే టెస్ట్‌ల్లో 27వ శతకాన్ని నమోదు చేసిన విషయం తెలిసిందే. BGT-2023లో భాగంగా అహ్మదాబాద్‌ వేదికగా ఆస్ట్రేలియాతో జరిగిన నాలుగో టెస్ట్‌లో కోహ్లి ఈ ఫీట్‌ను సాధించి, అన్ని ఫార్మాట్లలో కింగ్‌ ఈజ్‌ బ్యాక్‌ అని సంకేతాలు పంపాడు.

పరుగులు సాధించడంలో, రికార్డులు బద్దలు కొట్టడంలో, సెంచరీల మీద సెంచరీలు సాధించడంలో కసిగా వ్యవహరించే కింగ్‌ కోహ్లి.. తరుచూ మైదానంలో స్టెప్పులు వేసి అలరిస్తుంటాడు. అప్పుడప్పుడు ఆఫ్‌ ద ఫీల్డ్‌ కూడా తనలోని నాట్య ప్రావిణ్యానికి పని చెబుతూ ఫ్యాన్స్‌ మనసులు దోచుకుంటుంటాడు.

ఆసీస్‌తో నాలుగో టెస్ట్‌ ముగిసాక కూడా కోహ్లి ఇలాంటి ఓ అదిరిపోయే నృత్య ప్రదర్శనే చేశాడు. ఇటీవలి కాలంలో బాగా ప్రాచుర్యం పొందిన నార్వే డ్యాన్స్‌ గ్రూప్‌ 'క్విక్‌ స్టయిల్‌'తో కలిసి కోహ్లి డ్యాన్స్‌ ఇరగదీశాడు. క్విక్‌ స్టయిల్‌ కొన్ని షోలు చేసేందుకు ముంబైకి రాగా కోహ్లి ఆ బ్యాండ్‌ను కలిసి ఓ అదరిపోయే డ్యాన్స్‌ వీడియో చేశాడు.

ఇందులో కోహ్లి బ్యాక్‌గ్రౌండ్‌ మ్యూజిక్‌కు (Stereo Nation's Ishq) తగ్గట్టుగా బ్యాట్‌ పట్టుకుని క్విక్‌ స్టయిల్‌ సభ్యులతో కలిసి ముందుకు కదులుతూ డ్యాన్స్‌ వేశాడు. ఈ వీడియోను క్విక్‌ స్టయిల్‌ తమ అఫీషియల్‌ ఇన్‌స్టా ఖాతాలో పోస్ట్‌ చేయగా, నిమిషాల వ్యవధిలోనే లక్షల సంఖ్యలో వ్యూస్‌, లైక్స్‌ వచ్చాయి.

క్విక్‌ స్టయిల్‌ బ్యాండ్‌తో కలిసి దిగిన ఫోటోను కోహ్లి సోషల్‌మీడియాలో పోస్ట్‌ చేయగా క్షణాల్లో వైరలైంది. ఈ పోస్ట్‌కు కోహ్లి.. ముంబైలో ఎవరిని కలిసానో గెస్‌ చేయండి అంటూ క్యాప్షన్‌ పెట్టగా.. కోహ్లి సతీమణి అనుష్క శర్మ ఫైర్‌ ఏమోజీలతో రిప్లై ఇచ్చింది. మిలియన్ల కొద్ది లైకులు, వ్యూస్‌ వస్తున్న ఈ వీడియో నెటిజన్లను విపరీతంగా ఆకట్టుకుంటోంది.

కాగా, నార్వే డ్యాన్స్‌ బ్యాండ్‌ క్విక్‌ స్టయిల్‌ ఇటీవలకాలంలో ప్రముఖ బాలీవుడ్‌ చిత్రాల్లోని సాడి గల్లీ, కాలా చష్మా పాటలతో విపరీతంగా పాపులరైన విషయం తెలిసిందే. ఈ పాటలకు క్విక్‌ స్టయిల్‌ అదిరిపోయే స్టెప్పులేసి ప్రపంచవ్యాప్తంగా అభిమానులను సంపాదించుకుంది. 

No comments yet. Be the first to comment!
Add a comment
Advertisement
Advertisement
Advertisement