KKR Vs RR: రాజ‌స్తాన్‌, కేకేఆర్ మ్యాచ్ ర‌ద్దు.. ఎస్ఆర్‌హెచ్ ఫ్యాన్స్ హ్యాపీ | RR Vs KKR IPL 2024: Rain Forces Washout In Guwahati, Rajasthan Slip To Eliminator Match Against RCB | Sakshi
Sakshi News home page

IPL 2024 KKR Vs RR: రాజ‌స్తాన్‌, కేకేఆర్ మ్యాచ్ ర‌ద్దు.. ఎస్ఆర్‌హెచ్ ఫ్యాన్స్ హ్యాపీ

Published Sun, May 19 2024 11:10 PM

RR vs KKR IPL 2024: Rain forces washout in Guwahati

ఐపీఎల్‌-2024లో భాగంగా గౌహ‌తి వేదిక‌గా కోల్‌క‌తా నైట్‌రైడ‌ర్స్‌, రాజ‌స్తాన్ రాయ‌ల్స్ మ‌ధ్య జ‌రగాల్సిన చివ‌రి లీగ్ మ్యాచ్ వ‌ర్షం కార‌ణంగా ర‌ద్దు అయింది. గౌహ‌తిలో ఆదివారం సాయంత్రం నుంచి భారీ వ‌ర్షం కురిసింది. అయితే మ‌ధ్యలో వ‌ర్షం త‌గ్గుముఖం ప‌ట్ట‌డంతో మ్యాచ్‌ను 7 ఓవ‌ర్లకు కుదించారు. 

టాస్ కూడా ప‌డింది. కానీ మ‌ళ్లీ వ‌ర్షం తిరుగుముఖం ప‌ట్ట‌డంతో అంపైర్‌లు మ్యాచ్‌ను ర‌ద్దు చేశారు. దీంతో ఇరు జ‌ట్ల‌కు చెరో పాయింట్ ల‌భించింది. ఇక ఈ మ్యాచ్ ర‌ద్దు కావ‌డంతో సన్‌రైజ‌ర్స్ హైద‌రాబాద్ 17 పాయింట్ల‌తో రెండో స్ధానాన్ని సుస్ధిరం చేసుకుంది. 

అయితే రాజ‌స్తాన్ ఖాతాలో కూడా 17 పాయింట్లు ఉన్న‌ప్ప‌ట‌కి.. ఆ జ‌ట్టు కంటే ఎస్ఆర్‌హెచ్ ర‌న్‌రేట్ మెరుగ్గా ఉంది. ఈ క్ర‌మంలోనే రాజ‌స్తాన్ జ‌ట్టు ఎస్ఆర్‌హెచ్‌ను పాయింట్ల ప‌ట్టిక‌లో అధిగ‌మించ‌లేక‌పోయింది.

మ‌రోవైపు కోల్‌క‌తా నైట్‌రైడ‌ర్స్ 19 పాయింట్ల‌తో అగ్ర‌స్ధానంలో నిలిచింది. ఇక ఈ ఏడాది సీజ‌న్ ప్లే ఆఫ్స్‌కు కేకేఆర్‌, ఎస్ఆర్‌హెచ్‌, ఆర్సీబీ, రాజ‌స్తాన్ రాయ‌ల్స్ చేరాయి. 

మే 21న జ‌ర‌గ‌నున్న తొలి క్వాలిఫియ‌ర్‌లో కేకేఆర్‌, ఎస్ఆర్‌హెచ్ జ‌ట్లు త‌ల‌ప‌డునున్నాయి. మే 22న ఎలిమినేట‌ర్‌లో ఆర్సీబీ, రాజ‌స్తాన్ అమీతుమీ తెల్చుకోనున్నాయి.

Advertisement
 
Advertisement
 
Advertisement