చరిత్ర సృష్టించిన మనిక బాత్రా.. తొలిసారి ఇలా! | Sakshi
Sakshi News home page

చరిత్ర సృష్టించిన మనిక బాత్రా.. తొలిసారి ఇలా!

Published Wed, May 15 2024 9:30 AM

Indian TT Player Manika Batra Achieve Career Best World No24 Rank

ప్రపంచ టీటీ ర్యాంకింగ్స్‌లో టాప్‌–25లో నిలిచిన భారతీయ క్రీడాకారిణిగా ఘనత  

న్యూఢిల్లీ: భారత టేబుల్‌ టెన్నిస్‌ (టీటీ) మహిళా స్టార్‌ క్రీడాకారిణి మనిక బత్రా కెరీర్‌ బెస్ట్‌ ర్యాంక్‌ను అందుకుంది. మంగళవారం విడుదల చేసిన ప్రపంచ టీటీ ర్యాంకింగ్స్‌ మహిళల సింగిల్స్‌ విభాగంలో మనిక 24వ ర్యాంక్‌లో నిలిచింది. 

గతవారం సౌదీ స్మాష్‌ టోర్నీలో క్వార్టర్‌ ఫైనల్‌ చేరిన మనిక ఏకంగా 14 స్థానాలు ఎగబాకి 39వ ర్యాంక్‌ నుంచి 24వ ర్యాంక్‌కు చేరుకుంది. తద్వారా ప్రపంచ ర్యాంకింగ్స్‌లో టాప్‌–25లో నిలిచిన తొలి భారతీయ టీటీ క్రీడాకారిణిగా మనిక గుర్తింపు పొందింది. 

మిగతా క్రీడాకారుల ర్యాంకులు ఇలా
గతవారం 38వ ర్యాంక్‌లో నిలిచి భారత నంబర్‌వన్‌గా ఉన్న తెలంగాణ అమ్మాయి ఆకుల శ్రీజ మూడు స్థానాలు పడిపోయి 41వ ర్యాంక్‌కు చేరుకోగా... యశస్విని రెండు స్థానాలు పడిపోయి 99వ ర్యాంక్‌లో నిలిచింది.

పురుషుల సింగిల్స్‌ ర్యాంకింగ్స్‌లో భారత ప్లేయర్లు ఆచంట శరత్‌ కమల్‌ 40వ ర్యాంక్‌లో, మానవ్‌ ఠక్కర్‌ 62వ ర్యాంక్‌లో, హర్మీత్‌ దేశాయ్‌ 63వ ర్యాంక్‌లో, సత్యన్‌ 68వ ర్యాంక్‌లో ఉన్నారు 

Advertisement
 
Advertisement