న్యూజిలాండ్ మాజీ ఫాస్ట్‌ బౌలర్‌ కన్నుమూత.. | Sakshi
Sakshi News home page

న్యూజిలాండ్ మాజీ ఫాస్ట్‌ బౌలర్‌ కన్నుమూత..

Published Thu, Dec 14 2023 10:20 AM

Former New Zealand pacer Derek Stirling passes away at 62 - Sakshi

న్యూజిలాండ్ మాజీ పేసర్‌ డెరెక్ స్టిర్లింగ్(62) కన్నుమూశారు. గతకొంత కాలంగా అనారోగ్యంతో బాధపడుతున్న ఆయన బుధవారం వెల్లింగ్టన్‌లోని తప సృగృహంలో తుది శ్వాస విడిచారు. ఈ విషయాన్ని న్యూజిలాండ్‌ క్రికెట్‌ సోషల్‌ మీడియా వేదికగా వెల్లడించింది. అయన మృతి పట్ల న్యూజిలాండ్‌ క్రికెట్‌ సంతాపం వ్యక్తం చేసింది.

కాగా స్టిర్లింగ్ టెస్టులు, వన్డేల్లోనూ కివీస్‌కు ప్రాతినిధ్యం వహించాడు. 1984 నుంచి 1986 మధ్య న్యూజిలాండ్‌ తరపున 6 టెస్టులు, 6 వన్డేలు ఆడిన స్టిర్లింగ్ ఓవరాల్‌గా 13 వికెట్లు పడగొట్టాడు. కాగా రిచర్డ్ హ్యాడ్లీ, ఎవెన్ చాట్‌ఫీల్డ్, లాన్స్ కెయిర్న్స్‌ వంటి దిగ్గజ కివీస్‌ పేసర్లు అద్భుతంగా రానిస్తున్న సమయంలో.. స్టిర్లింగ్ అరంగేట్రం చేయడంతో పెద్దగా అవకాశాలు పొందలేకపోయాడు.

అయితే దేశవాళీ క్రికెట్‌లో మాత్రం స్టిర్లింగ్‌కు మంచి రికార్డు ఉంది. అతడు డొమాస్టిక్‌ క్రికెట్‌లో సెంట్రల్ డిస్ట్రిక్ట్‌, వెల్లింగ్టన్‌కు ప్రాతినిధ్యం వహించారు. 84 ఫస్ట్‌ క్లాస్‌ మ్యాచ్‌లు ఆడిన స్టిర్లింగ్ 206 వికెట్లు పడగొట్టారు. అదే విధంగా లిస్ట్-ఏ క్రికెట్‌లో 65 గేమ్‌లలో 90 వికెట్లు సాధించాడు. స్టిర్లింగ్ రిటైర్మెంట్‌ తర్వాత  హాక్స్ బే క్రికెట్ అసోసియేషన్ ఛైర్మన్‌గా పనిచేశారు. కివీస్‌ యువ క్రికెటర్లను తయారు చేయడంలో స్టిర్లింగ్ తన వంతు పాత్రపోషించారు.
చదవండినేనొక భారత ముస్లింని గర్వంగా చెబుతా.. నన్ను ఎవరు ఆపుతారు: షమీ

Advertisement
 
Advertisement